Friday, January 8, 2010

8 Jan 2010 ဒိုင်ယာရီ

http://ifile.it/dph8v2q8JAN2010 Diary

အာဏာရှင်ဆန့်ကျင်ရေးလှုပ်ရှားမှုနှင့် တိုက်ပွဲဝင်ပန်းတိုင် သတ်မှတ်ချက်


ခင်မမမျိုး
Friday, January 08, 2010


ကမ္ဘာတဝှမ်းမှာ အာဏာရှင်ဆန့်ကျင်ရေး လှုပ်ရှားမှုတွေ အများအပြား ပေါ်ပေါက်ခဲ့ပါတယ်။ အောင်မြင်သွားတဲ့ လှုပ်ရှားမှုတွေ ရှိသလို မအောင်မြင်သေးပဲ နိုင်ငံရေး အကျပ်အတည်းဆိုက်မှု ပြဿနာနဲ့ ကြုံတွေ့နေရတဲ့ လှုပ်ရှားမှုတွေလဲ အများကြီးပါပဲ။ အောင်မြင်တဲ့ လှုပ်ရှားမှုတွေဆီကနေ လိုက်နာကျင့်သုံးဖွယ်ရာ သင်ခန်းစာတွေ ရရှိနိုင်သလို၊ မအောင်မြင်သေးတဲ့ လှုပ်ရှားမှုတွေဆီကနေလဲ ရှောင် ရှားသတိထားဖွယ်ရာ သင်ခန်းစာတွေ ရရှိနိုင်ပါတယ်။ အာဏာရှင်ဆန့်ကျင်ရေး လှုပ်ရှားမှုတွေမှာ လှုပ်ရှားမှုအဆင့်ဆင့်ကို စနစ်တ ကျ အကောင်အထည်ဖော်မှု၊ တိကျတဲ့ တိုက်ပွဲဝင်ပန်းတိုင် သတ်မှတ်နိုင်မှုနဲ့ လှုပ်ရှားမှု အဂါင်္ရပ်တွေ ပြည့်ဝစေရေးက အရေးကြီးပါ တယ်။

လှုပ်ရှားမှု အဆင့်ဆင့်
အာဏာရှင်ဆန့်ကျင်ရေး လှုပ်ရှားမှုတွေမှာ သမဂ္ဂတွေ၊ အသင်းအဖွဲ့တွေ ဖော်ဆောင်ရေးကို ပထမအဆင့်၊ ကွန်ယက်ချိတ်ဆက်ပြီး တပ်ပေါင်းစုသဏ္ဌာန်ချိတ်ဆက်ရေးက ဒုတိယအဆင့်၊ ကျစ်လျစ် ခိုင်မာအောင် တည်ဆောက်ရေးက တတိယအဆင့်၊ အခြေအနေနဲ့ အချိန်ကာလပေါ် မူတည်ပြီး ချိန်ကိုက်လှုပ်ရှားမှုက စတုတ္ထအဆင့် စပြီး အဆင့်ဆင့် လှုပ်ရှားအကောင်အထည်ဖော်ဆောင်တဲ့ လှုပ်ရှား မှုတွေက ပိုပြီး အောင်မြင်တတ်လေ့ရှိတယ်လို့ နိုင်ငံရေး ပညာရှင်များက လေ့လာဖော်ပြခဲ့ကြပါတယ်။

ပထမအဆင့်ဖြစ်တဲ့ အသင်းအဖွဲ့တွေ၊ အာဏာရှင်ဆန့်ကျင်ရေး အုပ်စုတွေ ဖော်ဆောင်ရေးမှာလဲ ပျောက်ကျားတိုက်ပွဲဖော်ဆောင်ရေး အုပ်စုငယ်လေးတွေကို သီးခြားစီ ဖွဲ့စည်းထားသင့်ပါတယ်။ ဒုတိယအဆင့်ကို တက်လှမ်းပြီး တပ်ပေါင်းစုထဲမှာ ပါဝင်လာရမယ့် အုပ်စု တွေကို ပျောက်ကျားတိုက်ပွဲ ဖော်ဆောင်ရေးမှာ တာဝန်ပေးမိရင် တပ်ကျွံသွားတတ်ပါတယ်။ သတင်းလုံခြုံရေးကို ထိခိုက်မှု ရှိလာနိုင် တာကြောင့် တပ်ပေါင်းစုသဏ္ဌာန် ချိတ်ဆက်ရေးမှာ အခက်အခဲ ဖြစ်စေတတ်ပါတယ်။ တပ်ပေါင်းစု သဏ္ဌာန်ချိတ်ဆက်ရေးမှာလဲ သ တင်းလုံခြုံမှုရှိရေးနဲ့ လျှို့ဝှက်ရေးက အဓိကအရေးကြီး ပါတယ်။ ဒီနှစ်ချက်ကို မထိန်းနိုင်ရင် တတိယအဆင့်ဖြစ်တဲ့ ကျစ်လျစ်ခိုင်မာ အောင် စည်းရုံးရေးနဲ့ တည်ဆောက်ရေးကို ထိခိုက်စေနိုင်ပါတယ်။

တတိယအဆင့်မှာ ဟာကွက်တွေ၊ လိုအပ်ချက်တွေ ရှိနေရင်လဲ စတုတ္ထအဆင့်ကို တက်လှမ်းနိုင်ခဲ့ရင်တောင်မှ မအောင်မြင်တဲ့အခါ နိုင်ငံရေး ခါးဆက်ပြတ်သွားတတ်ပါတယ်။ တတိယအဆင့်ကို ပြန်ဆင်းပြီး နောက်တကြိမ် ထိုးစစ်ကို ပြန်မဖော်ဆောင်နိုင်ပဲ ပထမ အ ဆင့်ကနေ ပြန်စရတာကြောင့် အချိန်နှောင့်နှေးသွားပါတယ်။ စဉ်ဆက်မပြတ် လှုပ်ရှားမှုကို မဖော်ဆောင်နိုင်တော့တာကြောင့် လူထုရဲ့ နိုင်ငံရေး ရေချိန် ပြန်ကျသွားတတ်ပါတယ်။ ရန်သူ စစ်အာဏာရှင်တွေဘက်က ထိုးစစ်၊ ခံစစ် ဆင်ဖို့ အချိန်တွေ ပိုရသွားပါတယ်။ နောက်တကြိမ် ထပ်ပြီး လူထုရဲ့ နိုင်ငံရေး ရေချိန်နဲ့ ချိန်ကိုက်လှုပ်ရှားဖို့ ပြန်စောင့်ရတဲ့အတွက် အချိန်တွေ ပိုကြာသွားတတ်ပါတယ်။

တိုက်ပွဲဝင် ပန်းတိုင်သတ်မှတ်ချက်
တိုက်ပွဲဝင် ရည်မှန်းချက်ပန်းတိုင်နဲ့ ပတ်သက်ပြီး အာဏာရှင်ဆန့်ကျင်ရေး လှုပ်ရှားမှုကို အကောင်အထည်ဖော်တဲ့ အဖွဲ့အစည်းတွေမှာ အယူအဆက နှစ်မျိုးကွဲပြားပါတယ်။ တချို့ အဖွဲ့အစည်းတွေက အာဏာရှင်ဆန့်ကျင်ရေးလှုပ်ရှားမှုတွေဟာ စစ်အာဏာရှင်စနစ်ကို ဖြုတ်ချပြီး၊ ဒီမိုကရေစီ အသွင်ကူးပြောင်းရေးအတွက် အာဏာရှင်တွေဘက်က ညှိနှိုင်းလာအောင် တွန်းအားပေးတာလို့ ယူဆကြပါ တယ်။ တချို့အဖွဲ့အစည်းတွေကကျတော့ အာဏာရှင်ဆန့်ကျင်ရေး လှုပ်ရှားမှုတွေဟာ စစ်အာဏာရှင်တွေရဲ့ အုပ်ချုပ်ရေး ယန္တရားကို ရပ်တန့်စေပြီး၊ ကြားဖြတ်အစိုးရ အနေနဲ့ အာဏာလွှဲပြောင်း ရယူပြီးမှ ညှိနှိုင်းဆွေးနွေးပွဲတွေ ပြုလုပ်တာလို့ ယူဆကြပါတယ်။ ဒီယူ ဆ ချက် နှစ်မျိုးမှာ ပထမအယူအဆနဲ့ အောင်မြင်သွားတဲ့ ဒီမိုကရေစီ အသွင်ကူးပြောင်းမှုတွေလဲ ရှိသလို၊ ဒုတိယအယူအဆနဲ့ အောင်မြင် သွားတဲ့ ဒီမိုကရေစီ အသွင်ကူးပြောင်းမှုတွေလဲ ရှိပါတယ်။ ဘယ်လိုပဲ ဖြစ်ဖြစ် အယူအဆ နှစ်မျိုးလုံးမှာ အားနည်းချက်တွေ ရှိပါတယ်။

ပထမအယူအဆမှာ အာဏာရှင်ဘက်ကနေ ဆွေးနွေးပွဲလုပ်မယောင် ဟန်ပြပြ၊ အင်အားကို ပြန်စုစည်းယူပြီးမှ အာဏာရှင် အုပ်ချုပ် ရေး ယန္တရားကို အသက်ပြန်သွင်းသွားနိုင်တဲ့ အားနည်းချက် ရှိပါတယ်။ အဲဒီအခြေအနေမျိုးဖြစ်လာခဲ့ရင် အာဏာရှင်ဆန့်ကျင်ရေး လှုပ်ရှားသူတွေဘက်က ဆွေးနွေးပွဲဖြစ်လာမလားလို့ မျှော်လင့်စောင့်စားနေကြရင်းနဲ့ အချိန်တွေကြာလာပြီး လှုပ်ရှားမှုအရှိန် ပြုတ်ကျ သွားပါတယ်။

ဒုတိယ အယူအဆမှာကျတော့ ပြင်ဆင်မှုအားနည်းချက်တွေ ရှိတာကြောင့် အောင်မြင်မှုမရတာမျိုးတွေ ရှိနိုင်ပါတယ်။ နိုင်ငံတနိုင်ငံမှာ အစိုးရအုပ်ချုပ်ရေးယန္တရား အသက်ဝင်မှုဟာ အရေးကြီးပါတယ်။ ယန္တရားတခုကို ရပ်စဲပြီးတဲ့အခါ နောက်ထပ်ယန္တရားတခုက အချိန်မ ဆိုင်းပဲ အသက်ဝင်လာရမှာ ဖြစ်ပါတယ်။ မဟုတ်ရင် အာဏာရှင်စနစ် အသက်ပြန်ဝင်လာဖို့ လမ်းဖွင့်ပေးလိုက်သလို ဖြစ်တတ်ပါတယ်။ သို့ပေမယ့် လူတွေဆိုတာက လူအမျိုးမျိုး၊ စိတ်အထွေထွေရှိပါတယ်။ မင်းသားကြီးလုပ်ချင်သူတွေ၊ မလုပ်ရလို့ ပတ်မကြီး ထိုးဖောက် ချင်သူတွေ၊ အရေးပေါ်အခြေအနေကျမှ တွေဝေနေသူတွေ၊ အတိတ်က နာကျည်းချက်တွေပြန်ဖော်ပြီး ရန်ဖြစ်ငြင်းခုံနေချင်သူတွေက နိုင်ငံရေး အခြေအနေ ပြောင်းလဲမှု ကာလတွေမှာ ထွက်ပေါ်လာတတ်ပါတယ်။

ပမာဆိုရရင် ရွာထဲကို ကျားဆိုးဝင်လာတဲ့အခါ တချို့က ကျားဆိုးကို သူနှိမ်နင်းလိုက်တယ်ဆိုတာ နာမည်ကြီးချင်လို့ သူများတွေကို နှိမ်နင်းမှာကို ရှေ့ကနေ ပိတ်ပင်တားဆီးမှုတွေ လုပ်တာမျိုး၊ တချို့ကျတော့လဲ ကိုယ့်ကို ရွာရဲ့ သူရဲကောင်းလို့ သတ်မှတ်ခံထားရတာ မို့ သူရဲကောင်းဂုဏ်ကို ကိုင်တွယ်ပြီး သူပဲ နှိမ်နင်းမယ်လို့ ရှေ့ကနေ ဆိုတာမျိုး၊ တချို့က ကျတော့လဲ ဓားနဲ့ခုတ်ရင်ကောင်းမလား၊ လှံ နဲ့ ထိုးသတ်ရင် ကောင်းမလားဆိုတာ အရင် ညှိနှိုင်းဆွေးနွေးကြရအောင်လို့ ဆိုနေတာမျိုး ဖြစ်နေတာနဲ့ တူပါတယ်။ ဘယ်သူသတ် သတ်၊ မသတ်သတ် ကျားဆိုးကြီး သေသွားဖို့က အရေးကြီးပါတယ်။ ဘယ်သူချောက်ချောက်၊ မချောက်ချောက် ကျားဆိုးကြီး ကြောက်ပြီး ပြေးဖို့က အရေးကြီးပါတယ်။ မဟုတ်ရင် ကျားဆိုးက လူတွေကို ကိုက်သတ်သွားတာပဲ အဖတ်တင် ကျန်ခဲ့ပါလိမ့်မယ်။

နိုင်ငံရေးအကူးအပြောင်း ကာလတခုမှာ ဒီလို အရေးမပါတဲ့ ကိစ္စတွေနဲ့ အချိန်မကုန်ဖို့ အရေးကြီးပါတယ်။ ကြားဖြတ်အစိုးရတခု လို အပ်ချက်အရပေါ်ထွက်လာခဲ့ရင်လဲ ဒီကြားဖြတ်အစိုးရဟာ အုပ်ချုပ်ရေးယန္တရားကို ယာယီဝင်ရောက်ထိန်းသိမ်းမှု ဆိုတာကို သဘော ပေါက်နေဖို့ လိုအပ်ပါတယ်။ လိုအပ်တဲ့ ပံ့ပိုးမှုတွေ ပြုလုပ်ပြီး ဝန်းရံဖို့ လိုအပ်ပါတယ်။ ကြားဖြတ်အစိုးရကာလအတွက် လိုအပ်မယ့် လုပ်ငန်းဆောင်တာတွေကို ကြိုတင်ပြင်ဆင်ထားဖို့လဲ လိုအပ်ပါတယ်။ တိုက်ပွဲအတွက် ကြိုတင်ပြင်ဆင် တည်ဆောက်ရေးဆိုတာမှာ လူထုတိုက်ပွဲတွင်းကာလအတွက် ပြင်ဆင်မှုတွေသာမက၊ ကြားဖြတ်အစိုးရ ကာလအတွက် လိုအပ်မယ့် လုပ်ငန်းဆောင်တာတွေမှာ ကြိုတင်ပြင်ဆင် တည်ဆောက်ရေးတွေပါ ပြုလုပ်ရမှာ ဖြစ်ပါတယ်။ ဒီအချက်တွေမှာ အားနည်းချက်ရှိရင် လူထုတိုက်ပွဲထွက်ပေါ်လာ ပြီးမှ အရှိန်သေပြီး ရှေ့ဆက်မတိုးနိုင်ပဲ ဖြစ်သွားတတ်ပါတယ်။

အမှန်တကယ် လူထုတိုက်ပွဲတွေ ထွက်ပေါ်လာတဲ့အခါမှာ ပထမအယူအဆဖြစ်တဲ့ ဒိုင်ယာလော့ခ် ဆွေးနွေးပွဲတွေအတွက် တွန်းအား ပေးသလို ဖြစ်သွားမလား၊ အာဏာရှင်ယန္တရားပြိုကျတဲ့အထိ တိုက်ပွဲဝင်ပြီး ကြားဖြတ်အစိုးရအထိ တက်လှမ်းသွားမလား ဆိုတာက တော့ တဘက်ရန်သူ စစ်အာဏာရှင်တွေအပေါ်မှာ ဘယ်လောက်အထိ ယုံကြည်မှု ပေးမှာလဲ ဆိုတာပေါ်မှာပဲ မူတည်ပါလိမ့်မယ်။ အာဏာရှင်တွေရဲ့ စိတ်နေသဘောထားတွေ၊ ကမ္ဘာ့နိုင်ငံရေးအခြေအနေ အခင်းအကျင်းတွေ၊ လူထုရဲ့ နိုင်ငံရေး ရေချိန် အတက်အ ကျတွေ၊ ရေရှည်တောင့်ခံနိုင်မှု စတာတွေကို ထည့်သွင်းစဉ်းစားရမှာ ဖြစ်တဲ့အတွက် အချိန်အခါနဲ့ ကိုက်ညီပြီး လက်တွေ့ကျတဲ့ ဆုံး ဖြတ်ချက်ကို ချမှတ်နိုင်ဖို့ လိုအပ်ပါလိမ့်မယ်။ သို့ပေမယ့် ကြိုတင်ပြင်ဆင်မှုကတော့ ရည်မှန်းချက် ပန်းတိုင် နှစ်မျိုးလုံးအတွက် ပြင် ဆင်ထားသင့်ပြီး၊ အယူအဆမတူတဲ့ အဖွဲ့အစည်းတွေက ငါ့အယူအဆ ကောင်းတယ်၊ သူ့အယူအဆကောင်းတယ်လို့ မျက်စိမှတ် ဇွတ် မငြင်းပဲ ညှိယူနိုင်ဖို့ အရေးကြီးဆုံးပါပဲ။ ငါ့စကားနွားရဆိုပြီး စွတ်ငြင်းနေရင်တော့ ဘာအကျိုးကျေးဇူးမှ မရှိပဲ စစ်အာဏာရှင်စနစ် သက် ဆိုးရှည်ရေးကို အကောင်အထည် ဖော်ပေးလိုက်သလိုပဲ ဖြစ်ပါလိမ့်မယ်။

ဒိုင်ယာလော့တကယ် ဖြစ်သွားနိုင်တဲ့ အခြေအနေ၊ အချိန်အခါမှာ ကြားဖြတ်အစိုးရဖွဲ့ရေးကိုပဲ အားသန်နေရင်လဲ ယုံကြည်မှု တည် ဆောက်ရေး ပျက်တတ်ပါတယ်။ ကြားဖြတ်အစိုးရဖွဲ့ပြီး လုပ်ရမယ့် အချိန်မှာ ရန်သူအယောင်ပြတဲ့ ရွှေသမင် ဒိုင်ယာလော့ခ်နောက် အ လိုက်မှားပြန်လာရင် ဒဿဂီရိဘီလူးလက်ထဲ မယ်သီတာရောက်ကိန်းကို ဆိုက်ပါလိမ့်မယ်။ အခြေအနေရဲ့ တောင်းဆိုမှုကို ချိန်ကိုက် လှုပ်ရှားနိုင်မှုက အရေးကြီးဆုံးပါ။

အာဏာရှင်ဆန့်ကျင်ရေးလှုပ်ရှားမှု အင်္ဂါရပ်များ
အာဏာရှင်တွေဟာ လူထုလှုပ်ရှားမှုတွေကို အလွန်ကြောက်ပါတယ်။ ဒါကြောင့်လဲ လူ့အဖွဲ့အစည်းအတွင်းမှာ လူတွေ စုဝေးလို့ မရ အောင် နည်းမျိုးစုံနဲ့ အကောင်အထည်ဖော်တတ်လေ့ ရှိပါတယ်။ ကျောင်းသားတွေ စုဝေးလို့ မရအောင်၊ လူငယ်တွေ စုဝေးလို့ မရ အောင်၊ လူထုနဲ့ နိုင်ငံရေး ဆက်စပ်လို့ မရအောင် နည်းမျိုးစုံနဲ့ အကောင်အထည်ဖော်လေ့ ရှိကြပါတယ်။ ရှိနေပြီးသား အဖွဲ့အစည်း၊ အသင်းအပင်းတွေကို ရေရှည်ရပ်တည်လို့ မရအောင်၊ အဖွဲ့အစည်းသစ်တွေ မပေါ်ထွက်လာအောင် ဘက်ပေါင်းစုံကနေ နှိပ်ကွပ်တား ဆီးမှုတွေ ပြုလုပ်လေ့ ရှိပါတယ်။

ဒီလို အခြေအနေမျိုးတွေမှာ အဖွဲ့အစည်းအသင်းအဖွဲ့တွေကို ပုံသဏ္ဍာန်အမျိုးမျိုးနဲ့ ပေါ်ထွက်နိုင်အောင် မြေအောက်လှုပ်ရှားမှု သဏ္ဌာန်နဲ့ အကောင်အထည်ဖော်ဖို့ လိုအပ်ပါတယ်။ အဲဒီအဖွဲ့တွေထဲမှာ ရေရှည်မြှုပ်နှံပြီး အချိန်အခါကို စောင့်ခိုင်းတဲ့ အဖွဲ့တွေ၊ လေ့ လာရေးအုပ်စုတွေရှိဖို့ လိုသလို ပြောက်ကျားလှုပ်ရှားတဲ့ အဖွဲ့ငယ်လေးတွေလဲ ရှိနေဖို့ လိုအပ်ပါတယ်။ ဒါပေမယ့် ရေရှည်မြှုပ်နှံရေး အုပ်စုတွေ၊ လေ့လာရေးအုပ်စုတွေနဲ့ လှုပ်ရှားရေး အဖွဲ့တွေကို လိုင်းမပူးသွားစေဖို့ အထူးသတိထားရပါမယ်။ ပျောက်ကျားလှုပ်ရှားမှု တွေ အကောင်အထည်ဖော်ရာမှာလဲ လုံခြုံရေးသာ ပထမ၊ လုံခြုံရေးသာ ဒုတိယ၊ လုံခြုံရေးသာ တတိယ ဆိုတာကို သတိပေးထားပြီး မှ တိုက်ပွဲဖော်သင့်ပါတယ်။

အာဏာရှင်တွေဟာ ပြည်သူလူထုကို အကြောက်တရားနဲ့ ထိန်းချုပ်ဖို့ ကြိုးစားနေချိန်မှာ ဆန့်ကျင်ရေး ပျောက်ကျားလှုပ်ရှားမှုတွေ ဟို တစ၊ ဒီတစ ပေါ်ထွက်နေမှုဟာ အဆုံးသတ်အောင်ပွဲကို ရရှိစေတာ မဟုတ်ပေမယ့် အာဏာရှင်တွေရဲ့ အလုံးစုံဖိနှိပ်မှုဟာ အရာမ ရောက်ပဲ တက်ကြွလှုပ်ရှားသူတွေကတော့ ပေါ်ထွက်နေဆဲပဲဆိုတာကို လူထုကို တပ်လှန့်ပေးလိုက်နိုင်ပါတယ်။ ဒါကြောင့် အာဏာရှင် ဆန့်ကျင်ရေး လှုပ်ရှားမှုမှာ စဉ်ဆက်မပြတ် ပျောက်ကျားတိုက်ပွဲများ ပေါ်ထွက်နေခြင်းဟာ အင်္ဂါရပ် တခုပါ။

ဒုတိယအင်္ဂါရပ်တခုကတော့ အာဏာရှင်ဆန့်ကျင်ရေး လှုပ်ရှားမှုတွေရဲ့ ဖြစ်နိုင်ချေနဲ့ သဘောသဘာဝ ဖြစ်ပါတယ်။ အစုအဖွဲ့၊ အသင်း အပင်းတွေ ဖွဲ့စည်းတဲ့အဆင့်၊ ချိတ်ဆက်လှုပ်ရှားမှု အဆင့်၊ ကျစ်လျစ်အောင် တည်ဆောက်ရေး အဆင့်တွေကို အဆင့်ဆင့် ဖော် ဆောင်ပြီး တိုက်ပွဲဝင်အဆင့်ကို စတင် အကောင်အထည်ဖော်တဲ့အချိန်မှာ တည်ဆောက်ထားတဲ့ အင်အားစုအားလုံးကို ထုတ်နှုတ် သုံးဖို့ မလိုအပ်ပါဘူး။ တိုက်ပွဲဝင်စစ်ကြောင်း၊ အကူစစ်ကြောင်း၊ ခြေကုပ်ယူပြီး အင်အားပြန်ဖြည့်ရမယ့် စစ်ကြောင်းတွေကို ခွဲထားဖို့ လို အပ်ပါတယ်။ ပထမဦးဆုံး လူထုလှုပ်ရှားမှု တိုက်ပွဲမှာ အလုံးစုံ ချေမှုန်းမခံရအောင် သတိထားရပါမယ်။ ပွဲဦးထွက် လှုပ်ရှားမှု တခု တည်းနဲ့ အာဏာရှင်စနစ်ကို ချက်ချင်း မဖြုတ်ချနိုင်ပါဘူး။ ရေရှည်တောင့်ခံနိုင်ဖို့အတွက် အလှည့်ကျ တာဝန်ယူစနစ်တွေ ရှိဖို့ လိုအပ် ပါတယ်။

အာဏာရှင်စနစ်ကို ဖြုတ်ချပြီး၊ ဒီမိုကရေစီ အသွင်ကူးပြောင်းမှု ဖြစ်လာနိုင်ဖို့မှာ နိုင်ငံရေးဦးဆောင်မှုနဲ့ စည်းရုံးလှုပ်ရှားနိုင်မှုက အရေး ကြီးဆုံးပါ။ နိုင်ငံရေးဦးဆောင်မှုဟာ အဲဒီအချိန်မှာ ဘယ်လောက်အထိ အောင်မြင်မှုရနိုင်မလဲ ဆိုတာကတော့ လှုပ်ရှားမှု အကောင်အ ထည်ဖော်တဲ့ အခါတွေမှာတုန်းက ချိတ်ဆက်မှုကွန်ယက်ကို ဘယ်လောက်အထိ နက်နက်နဲနဲ ဖော်ဆောင်ထားတယ် ဆိုတာပေါ်မှာ မူတည်ပါတယ်။ ပွဲဦးထွက် လှုပ်ရှားမှု စတင်ပြီးတာနဲ့ နိုင်ငံရေးဦးဆောင်မှုတရပ် ထွက်ပေါ်လာဖို့ လိုအပ်ပါတယ်။ အာဏာရှင်ကို ဆန့် ကျင်တဲ့ အင်အားစုတွေအားလုံး လမ်းကြောင်းတခုပေါ်မှာ လာပြီးဆုံနိုင်စေဖို့ ကြိုးပမ်းမှုက အရေးကြီးပါတယ်။ လူထုနဲ့ ဆက်ဆံလှုပ် ရှားနေတဲ့ ခေါင်းဆောင်တွေ ရှေ့မှာရှိနေဖို့ လိုအပ်သလို နောက်ကွယ်ကနေ အင်အားစုတွေအားလုံး လမ်းကြောင်းတခုပေါ် လာဆုံ စေဖို့ ကြိုးပမ်းနေတဲ့ ခေါင်းဆောင်တွေလဲ ရှိရပါမယ်။

ဒီနေရာမှာ အင်အားစုတွေအကြားက ကြားခံ ဆက်သွယ်ရေး တာဝန်ယူရသူတွေရဲ့ ကဏ္ဍဟာ အရေးကြီးပါတယ်။ ဒီလိုဆက်သွယ် ရေး တာဝန်ယူမယ့် သူတွေကို ပျောက်ကျားတိုက်ပွဲတွေ၊ ပွဲဦးထွက် လူထု တိုက်ပွဲတွေမှာ ဘာတာဝန်မှ မပေးသင့်ပါဘူး။ ရန်သူက လုံးဝ မသိထားတဲ့ လူတွေ ဖြစ်သင့်ပါတယ်။ ကွင်းဆက်ကို ရန်သူက သိနေရင် ကွင်းဆက်ဖြတ်ဖို့ လွယ်ပါတယ်။ ဒီအချက်ကို အထူး ဂရုစိုက်သင့်ပါတယ်။ အာဏာရှင်ဆန့်ကျင်ရေး လူထုတိုက်ပွဲတွေမှာ မိုက်ရူးရဲဆန်တာတွေ၊ စိတ်ခံစားမှုကို ဦးစားပေးဆုံးဖြတ်တာတွေ ကိုလဲ အထူးရှောင်ကြဉ်သင့်ပါတယ်။

တတိယအင်္ဂါရပ်တခုကတော့ အာဏာရှင်ဆန့်ကျင်ရေးလှုပ်ရှားမှုတွေမှာ တိကျပြတ်သားတဲ့ နိုင်ငံရေး ကြွေးကြော်သံ ရှိဖို့ပဲ ဖြစ်ပါ တယ်။ ဥပမာ- ဒီမိုကရေစီ ရရှိရေး ဆိုရုံနဲ့ မပြီးပါ။ စစ်အစိုးရ ပြုတ်ကျရေး၊ ကြားဖြတ်အစိုးရ ပေါ်ပေါက်ရေး စသဖြင့် တိကျတဲ့ နိုင်ငံရေး ကြွေးကြော်သံ ရှိဖို့ လိုအပ်ပါတယ်။ လူထုတိုက်ပွဲကြီး ရေချိန်တက်နေတုန်းမှာ နိုင်ငံရေး အင်အားစုတွေအကြားက ကြွေးကြော်သံတွေ မညီရင် အခက်အခဲတွေ ဖြစ်တတ်ပါတယ်။ လူထုတရပ်လုံး ပါဝင်နေတဲ့ တော်လှန်ရေးတိုက်ပွဲကြီး မပြီးခင်ကာလမှာ အင်အားစုတွေ အကြား ပြိုကွဲစေနိုင်တဲ့ ကိစ္စရေးရာတွေကို အာရုံစိုက်ဖော်ဆောင်မှု မလုပ်မိစေဖို့ကလဲ အရေးကြီးပါသေးတယ်။ တအိမ်လုံးကို ဓားပြ ဝင်စီးပြီး၊ ကြိုးတုပ် အငတ်ထားနေတဲ့ အချိန်မှာ တရုတ်စာ စားချင်တယ်၊ ကုလားစာ စားချင်တယ်၊ ပြင်သစ်စာ စားချင်တယ်၊ ဘိုစာ စားချင်တယ်ပြောပြီး ရန်ဖြစ်နေလို့လဲ ဘာမှ မထူးပါ။ ငတ်ပြီး သေမှာက သေမှာပါပဲ။ ငတ်ပြီး မသေချင်ရင် ပထမဆုံး ဓားပြကို မောင်း ထုတ်ရပါမယ်။ ပြီးမှ ဘယ်လိုအစာ စားမယ်ဆိုတာ ညှိနှိုင်းသင့်ပါတယ်။

နောက်ဆုံးတချက်ကတော့ အာဏာရှင်ဆန့်ကျင်ရေး လှုပ်ရှားမှုဆိုတာမှာ ရည်မှန်းချက် ပန်းတိုင် ရှိရပါမယ်။ တတိုင်းပြည်လုံးက လူ တွေ လမ်းမပေါ် ထွက်လာရုံနဲ့လဲ ပြီးတာ မဟုတ်ပါ။ အာဏာရှင်တွေ တယောက်ပြီးတယောက် နှုတ်ထွက်ပြီး နာမည်ပြောင်းသွား ရုံ နဲ့လဲ အောင်မြင်တယ် မဆိုနိုင်ပါ။ အာဏာရှင်တွေဘက်မှာ ယုံကြည်ဖွယ်ရာ တစုံတရာမှ မရှိဘူးဆိုရင် အစိုးရအုပ်ချုပ်ရေးယန္တရားကို ဖြိုချပြီး ကြားဖြတ်အစိုးရနဲ့ အစားထိုးရပါမယ်။ ဒီလိုကြားဖြတ်အစိုးရမှာ အတိုက်အခံနဲ့ အာဏာရှင်ဘက်ကနေ လူထုနဲ့ ပူးပေါင်းလာတဲ့ ခေါင်းဆောင်တချို့ ပူးတွဲပါဝင်ရင် နိုင်ငံရေးတည်ငြိမ်မှုကို အမြန်ဆုံး ပြန်ပြီး ဆောင်ကျဉ်းပေးနိုင်ပါတယ်။ ဒီအတွက် ကြိုတင် လမ်းခင်း ပေးထားမှုတွေ လိုပါတယ်။ ဒီလိုလမ်းခင်းမှုတွေမှာလဲ လျှို့ဝှက်မှုက အရေးကြီးပါတယ်။ အချိန်မတန်ခင်မှာ သတင်းထုတ်လိုက်ရင် ကောင်းကျိုးထက် ဆိုးကျိုးက ပိုများစေနိုင်ပါတယ်။

ဒီလိုမဟုတ်ပဲ လူထုတိုက်ပွဲတွေ ဖော်ဆောင်ပြီးမှ အဆုံးသတ်မှာ လူထုခေါင်းဆောင်နဲ့ အာဏာရှင်တွေ တွေ့ဆုံဆွေးနွေးမှုကို ဦးတည် သွားစေလိုတဲ့ ပန်းတိုင်ဆိုရင်တော့ တော်လှန်ရေးသမားတွေဘက်မှာ အမှန်တကယ် ဖိအားပေးနိုင်မယ့် နိုင်ငံတကာ ကူညီပံ့ပိုးမှု လို အပ်ပါတယ်။ မထိရောက်တဲ့ ယောင်ပြ ဖိအားကို ဆိုလိုတာ မဟုတ်ပါဘူး။ အာဏာရှင်တွေဘက်က အမှန်တကယ် ကမ်းလှမ်းမှုလား၊ အချိန်ဆွဲကမ်းလှမ်းမှုလား ဆိုတာကို ခွဲခြားနိုင်မယ့် သတ်မှတ်ချက်တွေလဲ ရှိဖို့ လိုပါတယ်။

လူမှုဗေဒ ပရော်ဖက်ဆာ Manuel Antonio Garretón ကတော့ ကမ္ဘာတဝှမ်းက တော်လှန်ရေး လှုပ်ရှားမှုတွေမှာ စိတ်ကူးယဉ် မိုက် ရူးရဲတော်လှန်ရေးတွေလဲ ရှိနိုင်ကြောင်းကို ထောက်ပြခဲ့ပါတယ်။ လူထုလှုပ်ရှားမှုတွေကို ဖော်ဆောင်ပြီး အဆုံးသတ်ပန်းတိုင်အတွက် ပြင်ဆင်မှု အားနည်းချက်ရှိတဲ့ တော်လှန်ရေးတွေကို ဆိုလိုတာ ဖြစ်ပါတယ်။ လူထုခေါင်းဆောင်တွေနဲ့ အာဏာရှင်တွေအကြား တွေ့ဆုံ ဆွေးနွေးမှု ဖြစ်မြောက်သွားစေဖို့ ဆိုတာမှာ အာဏာရှင်တွေဘက်က မတွေ့ဆုံရင် မဖြစ်တော့ဘူးဆိုတဲ့ အခြေအနေကို သိလာတော့မှ အကောင်အထည်ပေါ်ပါတယ်။ တွေ့ပါလို့ ထိုင်ပြောနေရုံနဲ့ ပြီးတဲ့အရာ မဟုတ်ပါ။ ဒီလိုသိလာစေဖို့မှာကလဲ မြင်သာထင်သာတဲ့ ဖိအား လိုပါတယ်။ လူထုလှုပ်ရှားမှုတွေကို ဒီလိုဖိအားအဖြစ် အသုံးပြု ဖော်ဆောင်တဲ့အခါ ဘယ်အချိန်မှာ တိုက်စစ်တိုးမြှင့်ရမယ်၊ ဘယ်အချိန် မှာ ဆုတ်ပေးရမယ် ဆိုတာတွေကို စနစ်တကျ ဖော်ဆောင်နိုင်မယ့် စီမံချက် လိုအပ်ပါတယ်။ တော်လှန်ရေးအင်အားစုတွေက ဒီလို အချက်တွေမှာ အားနည်းနေရင် အာဏာရှင်တွေဘက်က တွေ့ဆုံဆွေးနွေးပွဲကို ဟန်ပြ အကောင်အထည်ဖော်ပြပြီး၊ နောက်ဆုံးမှာ အာဏာရှင်လက်ထဲကိုပဲ ပြန်ပြီး အာဏာရောက် သွားနိုင်ကြောင်း ပညာရှင်တွေက ဆိုထားကြပါတယ်။ ဒါကြောင့် အာဏာရှင် ဆန့် ကျင်ရေး လှုပ်ရှားမှုတွေမှာ အဆုံးသတ် ရည်မှန်းချက် ပန်းတိုင်အတွက် ကြိုတင်ပြင်ဆင် ထားမှုတွေဟာ အင်္ဂါရပ် တခုအနေနဲ့ လိုအပ် တာ ဖြစ်ပါတယ်။

နိဂုံး
နိဂုံးချုပ်ဆိုရရင် အာဏာရှင်တွေဆိုတာ အာဏာကို တပ်မက်ရူးသွပ် ခုံမင်လွန်းတာအတွက်ကြောင့် လူ့အရိုးပုံမှာ အားရပါးရထိုင်ရင်း အာဏာရှင်ဘဝကို ခံယူထားသူတွေ ဖြစ်ပါတယ်။ အာဏာရှင်စနစ် အဆောက်အအုံ တည်တံ့ခိုင်မြဲရေးကို ရှေးရှုပြီး ဘက်စုံ ထောင့်စုံမှာ ဒေါက်တိုင်တွေ ဖန်တီးပြီး၊ အုပ်ချုပ်ရေးယန္တရားကို ထောက်မထားသူတွေ ဖြစ်ပါတယ်။ ဒါကြောင့် ဒီယန္တရားကြီးတခုလုံး ပြိုလဲဖို့အတွက် အာဏာရှင်ဆန့်ကျင်ရေးလှုပ်ရှားမှု အဆင့်ဆင့်ကို စနစ်တကျ ဖော်ဆောင်မှုတွေနဲ့ တိကျတဲ့ ရည်မှန်းချက် ပန်းတိုင် တွေကို သတ်မှတ်နိုင်မှု၊ အာဏာရှင်ဆန့်ကျင်ရေး လှုပ်ရှားမှုမှာ လိုအပ်တဲ့ အင်္ဂါရပ်တွေ ပြည့်စုံမှုတွေက အလွန်ပဲ အရေးကြီးလှပါ ကြောင်း တင်ပြလိုက်ရပါတယ်။

ခင်မမမျိုး
(၇၊ ၁၊ ၂ဝ၁ဝ)


photo by: http://www.iarc.org/~4x1mk/nonfig1.htm
http://www.naytthit.com/articals/2010/jan10/kmmm-jan8.html


မြန်မာနဲ့တရုတ် မဟာဗျူဟာ


http://www.khitpyaing.org/articles/2010/January/8110b.php

ဦးအောင်ခင် (ဝေဖန်သုံးသပ်ချက်)

၈ ဇန်န၀ါရီ ၂၀၁၀

နှစ်အနည်းငယ်အတွင်း သမ္မတဖြစ်လာလိမ့်မယ်လို့ မျှော်လင့်နေကြတဲ့ တရုတ်ဒု-သမ္မတ ရှီကျင့်ဖျင်ရဲ့ (၄) နိုင်ငံ ချစ်ကြည်ရေး ခရီးဟာ ငြိမ်းချမ်းစွာတိုးတက်ရေးလမ်းစဉ် ‘ဟားပင်ဂျူးချီ’ ကို ရောင်ပြန်ဟပ်နေသည်။ ဒီဇင်ဘာ (၁၄) ရက်က (၂၂) ရက်အထိ ဂျပန်၊ တောင်ကိုရီးယား၊ မြန်မာနဲ့ ကမ္ဘောဒီးယားကို သွားခဲ့တယ်။ တရုတ်အစိုးရ အသားပေးနေတဲ့ နိုင်ငံခြားရေးရာ အယူအဆအချို့ဖြစ်တဲ့ သဟဇာတဖြစ်မှု၊ ပူးတွဲတိုးတက်ဖွံ့ဖြိုးမှု၊ ပူးတွဲတာဝန်ယူမှု၊ ကမ္ဘာ့အရေးမှာ တက်ကြွစွာပါဝင်မှု စတာတွေကို ကျင့်သုံးနေပုံရတယ်။

စစ်ရေးနဲ့ အခြားပဋိပက္ခမရှိအောင် ကြိုးစားတာဟာ သဟဇာတဖြစ်ရေးပါပဲ။ ပူးတွဲတိုးတက်မှုဆိုတာကတော့ အိမ်နီးချင်း အာရှနိုင်ငံတွေနဲ့ တရုတ်ပြည်အကြားမှာ ရှိနိုင်တဲ့ ပြဿနာတွေကို ဖြေရှင်းတာဖြစ်တယ်။ ပူးတွဲတာဝန်ယူမှုနဲ့ တက်ကြွစွာပါဝင်မှု သဘောတရားကတော့ တက်သစ်စ အင်အားကြီးနိုင်ငံရဲ့ အခန်းကဏ္ဍသစ်ကို ဖော်ပြတာဖြစ်ပုံရတယ်။ ၂၀၀၉ မှာ တရုတ်အစိုးရဟာ အပြည်ပြည်ဆိုင်ရာ ညီလာခံတွေမှာ ဦးဆောင်မှုပေးတဲ့ အခန်းက ပါဝင်လာတာ တွေ့ရတယ်။ တရုတ်ရဲ့ အကျိုးစီးပွားကိုသာ အဓိကမထားဘဲ တရုတ်ရဲ့အပြည်ပြည်ဆိုင်ရာ တာဝန်ဝတ္တရားကိုပါ ထမ်းဆောင်ဖို့ ဦးတည်လာတာဖြစ်တယ်။

တရုတ်-မြန်မာဆက်ဆံရေး မြှင့်တင်ရာမှာလည်း ပူးတွဲတာဝန်ယူရေးနဲ့ ပူးတွဲတိုးတက်ရေး အယူအဆဟာ အဓိကကျပုံရတယ်။ မြန်မာစစ်အစိုးရရဲ့ အချုပ်အခြာအာဏာနဲ့ နယ်နိမိတ်ကို ရိုသေလေးစားကြောင်း၊ တိုင်းပြည်စည်းလုံးရေးနဲ့ အမျိုးသား ညီညွတ်ရေးအတွက် မြန်မာအစိုးရကြိုးစားတာကို ထောက်ခံကြောင်း၊ တရုတ်ဒု-သမ္မတက ပြောသွားတယ်။ ဒါပေမယ့် တရုတ်-မြန်မာနယ်စပ် ဒေသတည်ငြိမ်ရေးကို အာမခံနိုင်ဖို့အတွက် တွေ့ဆုံဆွေးနွေးညှိနှိုင်းတိုင်ပင်ပြီး ပြဿနာကို ငြိမ်းချမ်းစွာ ဖြေရှင်းသင့်ကြောင်း၊ မြန်မာအစိုးရအနေနဲ့ နိုင်ငံရေးတည်ငြိမ်ပြီး တိုးတက်အောင် အမျိုးသားပြန်လည်သင့်မြတ်ရေး လုပ်နိုင်လိမ့်မယ်လို့ မျှော်လင့်ကြောင်းလည်း ပြောသွားတယ်။

တရုတ်-မြန်မာနယ်စပ်တည်ငြိမ်ရေးဟာ တရုတ်အတွက် အလွန်အရေးကြီးတယ်။ မကြာမီက ဖြစ်ပွားတဲ့ ကိုးကန့်တိုက်ပွဲမျိုးဟာ နယ်စပ်ဒေသကို စစ်မြေပြင်အဖြစ် အသွင်ပြောင်းနိုင်တယ်။ ကချင် နဲ့ ‘၀’ တိုင်းရင်းသားတွေဟာ ယူနန်ပြည်နယ်မှာရော၊ မြန်မာပြည်မှာရော နေထိုင်တဲ့အတွက် တရုတ်အစိုးရကို အကူအညီတောင်းထားတယ်။ ဒီဇင်ဘာအစောပိုင်းက တရုတ်ဗိုလ်ချုပ်ကြီးတဦး ကြပ်ပြေးနေပြည်တော် ရောက်သွားတာကိုကြည့်ရင် နယ်စပ်အရေးမှာ ရတက်မအေးဖြစ်နေတာ သိသာတယ်။ ဗိုလ်ချုပ်ကြီးအိုင်ဟုရှန် မြန်မာပြည်မှာ (၅) ရက်လှည့်လည်ပြီး အပစ်ရပ်အဖွဲ့တွေရဲ့ ပြဿနာကို ဖြေရှင်းဖို့ ကြိုးစားခဲ့ပေမယ့် အောင်မြင်ပုံမရပါဘူး။ ဒီအချက်ကိုကြည့်ရင် မြန်မာ့ပြဿနာမှာ တရုတ်အစိုးရပါဝင်နိုင်တဲ့ကဏ္ဍဟာ အကန့်အသတ်တွေ အများကြီး ရှိနေတာတွေ့ရတယ်။ အများထင်သလို မြန်မာအပေါ် တရုတ်က သြဇာမညောင်းဘူးလို့လည်း မြင်ကြတယ်။

ယူနန်ပြည်နယ် တိုးတက်ဖွံ့ဖြိုးရေးမှာ မြန်မာပြည်ဟာ အရေးကြီးတဲ့အခန်းက ပါဝင်နေတာဟာလည်း တရုတ်-မြန်မာ ချစ်ကြည်ရေးကို အမြဲတမ်းမြှင့်တင်ရတဲ့ အကြောင်းရင်းတခုပါပဲ။ တရုတ်တွေဟာ မြန်မာပြည်ကိုဖြတ်ပြီး အိန္ဒိယသမုဒ္ဒရာနဲ့ ဆက်သွယ်နိုင်တယ်။ အာရှတောင်ပိုင်းနဲ့ရော၊ အရှေ့တောင်အာရှနဲ့ရော ဆက်သွယ်နိုင်တယ်။ ဒါကြောင့် တရုတ်ပြည် အနောက်တောင်ဒေသ တိုးတက်ကြီးပွားရေးမဟာဗျူဟာမှာ မြန်မာပြည်ပါဝင်နေတာဖြစ်တယ်။ မြန်မာပြည်ကို စီးပွားရေး ကိုလိုနီလုပ်ဖို့ တရုတ်က စိတ်မကူးပါဘူးတဲ့။ တရုတ်-မြန်မာဆက်ဆံရေးမြှင့်တင်လို့ အာဆီယံ-မြန်မာ ဆက်ဆံရေး ထိခိုက်မှာမဟုတ်ဘူးလို့ ယူနန်တက္ကသိုလ် အရှေ့တောင်အာရှလေ့လာရေးဌာန ပါမောက္ခ ချန်ယန်းလီက ယူဆတယ်။

တရုတ်-မြန်မာနယ်စပ်ဟာ ပြဿနာပေါင်းစုံ ပေါ်ထွက်ရာဒေသ ဖြစ်နေတုန်းပါပဲ။ လက်နက်ကိုင် တိုင်းရင်းသားပြဿနာတင် မကသေးပါဘူး။ မူးယစ်ဆေးနဲ့ အိပ်ခ်ျအိုင်ဗွီ/အေအိုင်ဒီအက်စ်ပြဿနာအပြင် ဒုက္ခသည်ပြဿနာလည်း ရှိနေတယ်။ နယ်စပ်ဒေသဟာ စီးပွားရေးအရ တရုတ်ကို မှီခိုရတာ များတဲ့အတွက် မြန်မာစစ်အစိုးရရဲ့ သြဇာအရှိန်အ၀ါနည်းပါးတဲ့ နေရာလည်းဖြစ်တယ်။ တရုတ်နဲ့ အရင်းနှီးဆုံးလက်နက်ကိုင်တပ်ဖွဲ့ဟာ ‘၀’ ပြည်နယ်သွေးစည်းညီညွတ်ရေးတပ်ဖွဲ့ဖြစ်တယ်။ ‘၀’ တိုင်းရင်းသားဦးရေတ၀က်ဟာ တရုတ်ပြည်မှာရှိပြီး ကျန်တ၀က်က မြန်မာပြည်မှာရှိပါတယ်။ ‘၀’ တပ်ဖွဲ့မှာ အင်အား (၃)သောင်း ကျော်ရှိပြီး တရုတ်လုပ်လက်နက်ကြီးတွေနဲ့ လေယာဉ်ပစ်အမြောက်တွေပါရှိတယ်။

မြန်မာစစ်အစိုးရစီစဉ်တာကို ‘၀’ တပ်ဖွဲ့ မလိုက်လျောနိုင်တာဟာ တရုတ်အားကိုးရှိနေလို့ပဲဟု မြန်မာဘက်က မြင်ပုံရပါတယ်။ အပစ်ရပ်တိုင်းရင်းသားအဖွဲ့တွေ လက်နက်စွန့်လွှတ်အောင် ဖျောင်းဖျပြောဆိုဖို့ မြန်မာစစ်ခေါင်းဆောင်တွေက တရုတ်ကို ပန်ကြားထားပေမယ့် ဒီကိစ္စမှာ တရုတ်လည်း တတ်နိုင်ပုံမရပါဘူး။ ဒါပေမယ့် နယ်စပ်ဒေသမှာ အကြမ်းဖက်ပြီး ပြဿနာဖြေရှင်း တာကို တရုတ်က မလိုပါဘူး။ ဒါကြောင့် မြန်မာ-တရုတ်နယ်စပ် တည်ငြိမ်ရေးဟာ ရေရှည်ပြဿနာအဖြစ် ဆက်လက်တည်ရှိ နေဦးမှာဖြစ်တယ်။

တရုတ်သဘောတရားရေးဆရာတချို့နဲ့ သဘောထားမာကျောတဲ့ စစ်ဗိုလ်တွေကတော့ ငြိမ်းချမ်းစွာရှင်သန်တိုးတက်ရေးမူတခု တည်း တရားသေကျင့်သုံးတာမျိုးကို မလိုလားပါဘူး။ တရုတ်စစ်တပ်ဟာ တိုင်းပြည်ကာကွယ်ရေးသာမကဘဲ အကျိုးစီးပွား ကာကွယ်ရေးအတွက်ပါ တာဝန်ရှိကြောင်း ဗိုလ်ချုပ်ကြီး ဂျန်ဂျောင်ယင်နဲ့ သဘောတရားရေးဆရာတချို့တင်ပြတာကို ဂျပန်ပြည် အကီတ အပြည်ပြည်ဆိုင်ရာတက္ကသိုလ်က တရုတ်ရေးရာ ပါမောက္ခ ၀ီလီလမ်က ၂၀၀၉ ခုနှစ် စက်တင်ဘာထုတ် China’s Quasi-Superpower Diplomacy ဆိုတဲ့ စာတမ်းမှာ ရေးထားတယ်။

တရုတ်စစ်အင်အားကို ကျယ်ကျယ်ပြန့်ပြန့်အသုံးပြုဖို့ အမျိုးသားကာကွယ်ရေးတက္ကသိုလ် မဟာဗျူဟာ ကထိက ဂျင်ယီနန်နဲ့ ဝေဖန်ရေးဆရာ ဟွမ်ကွန်လွန်းတို့က လိုလားတယ်။ တရုတ်ရဲ့ အကျိုးစီးပွားတွေဟာ ပြည်တွင်းမှာသာမကဘဲ ပြည်ပမှာပါ ရှိနေတဲ့အတွက် တရုတ်အကျိုးစီးပွားရှိရာနေရာကို တရုတ်စစ်တပ်က လိုက်ရလိမ့်မယ်လို့ ဟွမ်ကွန်လွန်းက ယူဆတယ်။ ဥပမာ တရုတ်ရေနံတင်သင်္ဘောသွားတဲ့ ပင်လယ်ရေကြောင်းကို ကာကွယ်ဖို့ တရုတ်ရေတပ်မှာ တာဝန်ရှိတယ်လို့ ဆိုပါတယ်။

တရုတ်ပြည်ဟာ အခက်အခဲနဲ့ ဆူးငြောင့်တွေကို ဖြတ်သန်းပြီး ကြီးထွားရှင်သန်လာရမှာဖြစ်ကြောင်း သာယာတဲ့တေးသံကိုချည်း နားထောင်နေရင် ကြီးထွားဖို့မလွယ်ဘူးလို့ ဂျင်ယီနန်က ဆိုပါတယ်။ ဂျင်ယီနန်ရဲ့ မဟာဗျူဟာအမြင်ကို ၂၀၀၉ ဇူလိုင် (၂၄) ရက်မှာ ကွန်မြူနစ်ပါတီပေါ်လစ်ဗျူရိုက ကြားနာတယ်။ အိမ်နီးချင်းနိုင်ငံတွေနဲ့ အမြဲတမ်းပူးတွဲလုပ်ကိုင်ရမယ်ဆိုတဲ့ မူဝါဒကို လက်မခံတဲ့ စစ်ဗိုလ်တွေလည်း ရှိပါတယ်။ ငြိမ်းချမ်းစွာ တိုးတက်ဖွံ့ဖြိုးပြီး အပြည်ပြည်ဆိုင်ရာမှာ သိက္ခာတက်ချင်တာနဲ့ စစ်အင်အားမသုံးဘူးဆိုတဲ့အမြင်ဟာ မှားယွင်းတယ်လို့ အမျိုးသားကာကွယ်ရေးတက္ကသိုလ်ပါမောက္ခ ရေတပ်ဗိုလ်ချုပ်ကြီး ယန်ယီက ဆိုပါတယ်။ တရုတ်ရဲ့ အကျိုးစီးပွားကို အခြားနိုင်ငံတွေက အန္တရာယ်မပေးနိုင်အောင် အင်အားကောင်းတဲ့စစ်တပ် ရှိရမယ်လို့ ဆိုပါတယ်။ စစ်အင်အားကိုသုံးမှသာ တရုတ်ပြည်ရဲ့ အင်အားကြီးနိုင်ငံအဆင့်အတန်းကို ထိန်းသိမ်းထားနိုင်မယ်လို့ ယုံကြည်တဲ့ စစ်ဗိုလ်တွေလည်း ရှိပါတယ်။

တရုတ်ပြည်ရဲ့ အစီကအကျိုးစီးပွားတွေကို မျဉ်းနီတားထားရမယ်လို့ တရုတ်ကွန်မြူနစ်ပါတီက ၂၀၀၈ မှာ ဆုံးဖြတ်တယ်။ အဓိပ္ပာယ်ကတော့ ပါတီက မျဉ်းနီတားထားတဲ့ကိစ္စတွေမှာ နိုင်ငံခြားက ၀င်ရောက်စွက်ဖက်လာရင် ချက်ချင်းလက်တုံ့ပြန်ရမယ် ဆိုတဲ့ အယူအဆပါပဲ။ ထိုင်ဝမ်လွတ်လပ်ရေးတောင်းဆိုမှုကို ကမ္ဘာက အသိအမှတ်မပြုအောင် တရုတ်ကွန်မြူနစ်က လုပ်နိုင်တယ်။ တိဗက်ဘုန်းတော်ကြီး ဒလိုင်လားမားနဲ့ ပြည်ပရောက် ရှင်ဂျန်လှုပ်ရှားမှုခေါင်းဆောင် အူဝီဂါအမျိုးသမီး Rebiya Kadder ဟာ မျဉ်းနီတားခံရသူတွေပါပဲ။ ဒီပုဂ္ဂိုလ်တွေ နိုင်ငံခြားမှာ လှုပ်ရှားလို့မရအောင် တရုတ်အစိုးရက အစွမ်းကုန် ကြိုးစားတယ်။ အောင်မြင်တာရှိသလို မအောင်မြင်တာလည်းရှိတယ်။

ဒေါ်လာငွေသန်းပေါင်းနဲ့ချီပြီး လက်ကိုင်ထားတဲ့ တရုတ်အစိုးရဟာ စစ်အင်အားကောင်းအောင် တဘက်က ကြိုးပမ်းသလို တဘက်ကလည်း လူချစ်လူခင်ပေါများလာအောင် ပျော့ပျောင်းစွာ စည်းရုံးတယ်။ ပြည်ပမှာ ၀ါဒဖြန့်ဖို့အတွက် ဒေါ်လာငွေသန်းပေါင်း (၆,၆၀၀) သုံးဖို့ တရုတ်အစိုးရက သတ်မှတ်ထားတယ်။ ရုပ်မြင်သံကြားနဲ့ ဆင်ဟွာသတင်းကို နိုင်ငံခြားဘာသာစုံနဲ့ ဖြန့်ဝေဖို့ ရည်ရွယ်တဲ့ စီမံကိန်းပါပဲ။ တရုတ်ယဉ်ကျေးမှုနဲ့ တရုတ်အစိုးရရဲ့ မူဝါဒတွေကို အများလက်ခံအောင် ၀ါဒဖြန့်ဖို့ရည်ရွယ်ပြီး ကမ္ဘာပေါ်မှာ ကွန်ဖြူးရှပ်စ်ဌာန (၃၅၀) တည်ထောင်လိုက်တယ်။ လောလောဆယ်တော့ တရုတ်ရဲ့မဟာဗျူဟာ ဘယ်လောက်အောင်မြင်သလဲဆိုတာကို စောင့်ကြည့်ဖို့သာရှိပါတယ်။

မြန်မာနိုင်ငံအလုပ်သမားသမဂ္ဂများအဖွဲ့ချုပ် (FTUB) ၏ ထုတ်ပြန်ကြေညာချက်

http://ifile.it/8bhftiw 2010 Jan 7 FTUB Statement on Increasing of Salary-1

ဘယ်လမ်းလိုက်ကြမလဲနှင့် လက်တွေ့နိုင်ငံရေး (၆)


ဘယ်လမ်းလိုက်ကြမလဲနှင့် လက်တွေ့နိုင်ငံရေး (၆)

(Choosing Right Path and Real Politics)

တရားမျှတခြင်းကို အချိန်ဆွဲလို့ ရကောင်းရနိုင်သော်လဲ ငြင်းပယ်လို့ မရဘူး (Justic can be delayed but can’t be denied)ဆိုတဲ့ အနောက်တိုင်း စကားပုံရှိပါတယ်။

ပြည်တွင်းစစ်၊ တိုင်းရင်းသားအရေး၊ လူ့အခွင့်အရေး ပြသနာပေါင်းစုံနှင့် ရာစုနှစ်တစ်ဝက်ကျော် ရှည်ကြာနေတဲ့ ကျုပ်တို့နိုင်ငံမျိုးမှာ အမျိုးသား ပြန်လည်ရင်ကြားစေ့ရေး(NR)ဆိုတဲ့ အဆင့်ကို အချိန်ဆွဲထားလို့ ရကောင်း ရနိုင်ပေမဲ့ ငြင်းပယ်လို့ မရပါဘူး။ NRကို မဖြတ်ကျော်ဘဲ တည်ငြိမ်၊ တိုးတက်၊ ငြိမ်းချမ်း၊ မျှတတဲ့ ပြည်ထောင်စုနိုင်ငံတော်ကို ဘယ်လိုမှ မတည်ဆောက်နိုင်ပါဘူး။ NRမရှိရင် ကျုပ်တို့နိုင်ငံမှာ အနာဂတ်မရှိပါဘူး။

နိုင်ငံရေးမှာ အချိန်အခါကျရောက်ခြင်း(Timing)က နိုင်ငံရေး လှုပ်ယှားမှုကဲ့သို့ဘဲ အရေးပါတယ်လို့ ယုံကြည်ပါတယ်။ အင်္ဂလိပ်နယ်ချဲ့ဆန့်ကျင်ရေးကို ဗိုလ်ချုပ်အောင်ဆန်း မတိုင်မီကလည်း ကြိုးစားခဲ့ကြတာဘဲ။ တစ်ကယ်တန်းကျတော့ ဗြိတိသျှနယ်ချဲ့တွေ အင်အားချိနဲ့တဲ့ကာလနှင့် မှန်ကန်သော ခေါင်းဆောင်မှု၊ လှုပ်ယှားမှုတွေ ပေါင်းစုံလာမှသာ အင်္ဂလိပ်ကို တွန်းလှန်နိုင်ခဲ့ပါတယ်။ ဂျပန်ဖက်ဆစ်လည်း စ၀င်ကတည်းက ဘီလူးစွယ်ပြနေခဲ့ပေမဲ့ အချိန်မကျသေးသမျှတော့ တစ်နိုင်ငံလုံး စကောထဲ ဆီးဖြူလှိမ့်သလို လှိမ့်ခံနေခဲ့ရပါတယ်။ နောက် ဖက်ဆစ်တွေ ပြိုလဲလာချိန်နှင့်ကိုက်ပြီး မှန်ကန်သော လှုပ်ယှားမှုတွေ၊ ခေါင်းဆောင်မှုတွေ ပေါင်းစပ်နိုင်တဲ့အခါ ဖက်ဆစ်ကို တွန်းလှန်နိုင်ခဲ့တာ ဖြစ်ပါတယ်။

နအဖက NRကို ဘာလို့လက်မခံသလဲလို့ မေးလာရင် လက်မခံဘဲ နေလို့ရသေးလို့၊ တစ်နည်းအားဖြင့်ဆိုရင် လက်မခံဘဲ နေလို့မရအောင် အကြပ်အတည်းဖြစ်နေတဲ့အချိန်(Timing) မရောက်သေးလို့လို့ တစ်ကြောင်းထဲနှင့် ဖြေချင်ပါတယ်။ နအဖအားကောင်းနေတဲ့ အချိန်အခါမှာ NRအတွက် ခွေးကတက်က နေရ နေရလို့ ဆိုလာသူများဟာ ခွေးကတက်မှာ နေလိုက်ရတာဘဲ အဖတ်တင်သွားကြမှာ ဖြစ်ပါတယ်။

နအဖက အနေအထား ခိုင်ခန့်နေသရွေ့ NRကို လက်ခံလိမ့်မယ် မဟုတ်ပေမဲ့၊ ဒီမိုကရေစီအင်အားစုတွေအတွက်ကတော့ NRကို အချိန်မရွေး လက်ကမ်း လမ်းဖွင့်ပေးထားဖို့ လိုပါတယ်။ မဟောသဓဇတ်တော်ထဲက ဘီလူးနှင့် လူ သားလုသလို ဖြစ်ပါတယ်။ နိုင်ငံရေးအမျှော်အမြင် ကျဉ်းမြောင်းသူတွေက အဆင်ခြင်မဲ့နေတိုင်း နိုင်ငံရေး အမျှော်အမြင် ကြီးမားသူတွေက လိုက်မိုက်မဲပြီး NRကို မပစ်ချလိုက် နိုင်ပါဘူး။ NRကို ဒီနေ့ မဖြတ်ရင် မနက်ဖန် ဖြတ်ရမှာ အသေအချာဖြစ်ပါတယ်။

နောက်အရေးကြီးတဲ့ အချက်တစ်ခုကို ကြုံတုန်းဆွေးနွေးချင်တာက NRကို အလုပ်ဖြစ်စေချင်ရင်၊ NRဟာ ထောင်ချောက်နှင့် မတူစေဖို့၊ ထောင်ချောက်ဖြစ်မနေစေဖို့ကို သတိကြီးကြီးထားရန် ဖြစ်ပါတယ်။ ဒီနေ့ NRကို လက်ခံတဲ့ စစ်ဗိုလ်ချုပ်တွေကို မနက်ဖန် အာဏာလက်လွှတ်ပြီးတဲ့နောက် တရားရုံးတင်ခံရမယ်ဆိုတဲ့ ပုံစံမျိုးနှင့် NRကို ကမ္ဘာ့ မည်သည့်နိုင်ငံတွင်မှ လက်တွေ့ ကျင့်သုံးလို့ မရပါဘူး။ ထောင်ချောက်ပုံသဏ္ဍာန်ဖြစ်နေသရွေ့၊ စိတ်စေတနာမှန်ကန်မှု(Sincerity)ကို အထင်အရှား မပြနိုင်သရွေ့ NRကို အကောင်အထည် မဖေါ်နိုင်ပါဘူး။ NRမှာ ရှုံးသူ၊ နိုင်သူ မရှိရပါဘူး။ NRမှာ နိုင်သူချည်း(Everybody is a winner)ဖြစ်ရပါမယ်။ လူထုတစ်ရပ်လုံး ပါဝင်ပတ်သက်မှု၊ တိုင်းရင်းသားပေါင်းစုံတို့၏ ဓလေ့ထုံးတမ်းများနှင့် ကိုက်ညီမှု၊ သံဃာတော်များအပါအ၀င် ဘာသာရေးဦးဆောင်သူများ၏ ရှေ့တန်းမှ ပါဝင်ဆောင်ရွက်မှုတွေကလဲ မရှိမဖြစ် လိုအပ်ပါတယ်။ အင်မတန် အသေးစိပ်ကျပြီး ပညာရှင်များရဲ့ အခန်းကဏ္ဍကလည်း အရေးပါလှတာမို့ NR Processကို တစ်ဦးတစ်ယောက်ကောင်း၊ တစ်ဖွဲ့ကောင်းနှင့် မရေးဆွဲနိုင်ပါဘူး။

အခုဆောင်းပါးကို ရေးနေတုန်း ဇန္န၀ါရီလ (၆)ရက်၊ RFA ညပိုင်းအစီအစဉ် ဦးစိန်ကျော်လှိုင် မေးမြန်းခဏ်းမှာ ဗမာပြည် ကွန်မြူနစ်ပါတီ ပြောရေးဆိုခွင့်ရှိသူ ဦးဖိုးသံချောင်းက “တစ်ဖက်က လက်ကမ်းနေပေမဲ့၊ တစ်ဖက်က ခါးထောက် မဖြုတ်လို့” လို့ ပြောလိုက်တာ ကြားမိပါတယ်။ နအဖ ခါးထောက် မဖြုတ်သရွေ့ NR မရှိပါဘူး။

နအဖက အင်အားချိနဲ့လာမှသာ ခါးထောက်ဖြုတ်မှာ ဖြစ်ပါတယ်။ တဖန် နအဖ ချိနဲ့လာအောင်က ပြည်သူ့စွမ်းအားနှင့်သာ စွမ်းဆောင်နိုင်မှာ ဖြစ်ပြန်ပါတယ်။ လူထုစွမ်းအား အစစ်အမှန်ကို ပြည်သူတရပ်လုံး ညီညွတ်မှသာ ရနိုင်ပါတယ်။ အမျိုးသားညီညွတ်ရေးကို အမျိုးသားနိုင်ငံရေး ခေါင်းစဉ်အောက်မှာသာ တည်ဆောက်နိုင်ပါတယ်။ အမျိုးသားအင်အားစုတွေ၏ လိုလားချက်(Aspirations)တွေကို အမျှော်အမြင်ကြီးကြီးနှင့် သင့်တင့်မျှတစွာ နေရာပေး(Accommodate)နိုင်မှ၊ အမျိုးသားနိုင်ငံရေးဆိုတာက ဖြစ်လာတတ်တာမျိုးပါ။

“ကမ္ဘာ့နေရာအနှံ့အပြားမှာ ရောက်ရှိနေကြသော တော်လှန်ရေး ရဲဘော်အပေါင်းတို့

ရဲဘော်တို့

လက်ထဲမှာ ဆုပ်ကိုင်ထားတဲ့အာဏာကို သဘောထားကြီးစွာနှင့် အလိုအလျောက် စွန့်လွှတ်သွားတဲ့ အာဏာရှင်မျိုး ကမ္ဘာ့သမိုင်းမှာ ဘယ်ခေတ် ဘယ်အခါမှ မရှိခဲ့ဘူးပါဘူး။ - - - - - - မြန်မာပြည်သူတွေရဲ့ သူရဲကောင်း စိတ်ဓါတ်ကို ယုံကြည်ကြ။ People Powerကို ယုံကြည်ကြ။ အာဏာရှင်စနစ်ကို People Powerနှင့် ချေမှုန်းကြ။

၂၀၀၈ခု၊ မတ်လ (၈)ရက်နေ့က လူထုဦးစိန်ဝင်းက ပြောကြားခဲ့တာပါ။ ပြည်တွင်း ပြည်ပ ဒီမိုကရေစီအင်အားစုများအကြား ကြီးမားစွာ ဂယက်ရိုက်စေခဲ့ပါတယ်။ ဇာဘုရင့် နန်းတော်ကို ချီတက်သိမ်းပိုက်တဲ့ ဘော်လ်ရှီဗစ်တွေကဲ့သို့ ကြပ်ပြေးနန်းတော်သို့ လူထုတပ်ကြီးနှင့်အတူ ချီတက်သိမ်းပိုက်လိုစိတ်များပင် တဖွါးဖွါး ပေါ်ပေါက်လာခဲ့မိပါတယ်။

မှန်ပါတယ်။ အာဏာကို အလိုအလျောက်စွန့်တဲ့ အာဏာရှင်ဆိုတာ မရှိခဲ့ပါဘူး။ အာဏာရှင်များဟာ မတတ်သာလို့ အာဏာစွန့်ဖို့ဖြစ်လာရင်တောင် နည်းမျိုးစုံနှင့် ကော်ကပ်နေတတ်တာမျိုး၊ နောက်ဆုံးထွက်သက်အထိ၊ ကြောက်ကန်ကန်နေတတ်တာမျိုးပါ။ သို့သော် အင်္ဂလိပ်ခေတ် ရေနံချောင်း သပိတ်ကြီးလို၊ သာယာဝတီ တောင်သူလယ်သမား ချီတက်ပွဲကြီးလို လူထုတပ်ကြီး ဖွဲ့ပြီး၊ တစ်မြို့ဝင် တစ်မြို့ထွက်၊ တစ်လမ်းဝင် တစ်လမ်းထွက် ချီတက်မှသာ၊ အမြို့မြို့အနယ်နယ်က တစ်ပြိုင်နက် အုံကြွမှသာ People Powerဖြစ်တယ်လို့ ဆရာဦးစိန်ဝင်းက literally ပြောသွားတယ်လို့ မယူဆပါဘူး။ ဆရာလူထုဦးစိန်ဝင်းက သက်ရှိထင်ရှားရှိနေဆဲ သူရဲကောင်း(Living Legend)တစ်ဦး ဖြစ်တာမို့ ဆရာ့ထံ မေးမြန်းအတည်ပြုနိုင်ကြပါတယ်။ People Powerကို ရယူပုံ၊ ကျင့်သုံးပုံ နည်းလမ်းတွေဟာ အခြေအနေတွေအရ ကွဲပြားခြားနားမှုတွေ ရှိနိုင်ပါတယ်။ အခြေခံအရ လူထု ပါဝင်ပတ်သက်နေသရွေ့၊ လူထု ပါဝင်လှုပ်ယှားနေသရွေ့၊ လူထုဘက်ကို မျက်နှာမူသရွေ့ People Power ဖြစ်ပါတယ်။

ဆောင်းပါး အမှတ်စဉ် (၅) နိဂုဏ်းချုပ်ပိုင်းမှာ ယနေ့ မြန်မာ့နိုင်ငံရေးအကြပ်အတည်း ရှည်ကြာ ကြမ်းတမ်းနေခြင်းသည် တပ်မတော်က နိုင်ငံရေးအင်အားစုတွေနှင့် ပူးပေါင်းဆောင်ရွက်ခြင်း မရှိသေး၍ ဖြစ်သည်ဟု ယုံကြည်သည်ဆိုပါက အထက်ပါမေးခွန်းသည် ပြည်သူသန်း(၅၀)ကျော်၏ ဘ၀တွေနှင့် တန်ဖိုးညီတဲ့ မေးခွန်းဖြစ်ပါတယ်။ လို့ ရေးခဲ့ပါတယ်။

NRကို လက်မခံဘဲ၊ စစ်ကျွန်ဇတ်သွင်းမဲ့ ရွေးကောက်ပွဲတစ်လမ်းသာ ဖွင့်ထားပေးနေတဲ့ နအဖနှင့် ပူးပေါင်းဆောင်ရွက် သင့်ပါသလား။ ပူးပေါင်းဆောင်ရွက်နိုင်တဲ့ နည်းလမ်းများကော ရှိပါသလားကို ဆွေးနွေးချင်ပါတယ်။

ပူးပေါင်းဆောင်ရွက် သင့် မသင့်နှင့် ပူးပေါင်းဆောင်ရွက်နိုင်သော နည်းလမ်း ရှိ မရှိကို မသွားခင် ဘယ်လို ပူးပေါင်းဆောင်ရွက်ခြင်းမျိုးကို ဆိုတာလဲနှင့် ဘယ်လိုသူတွေ၊ အဖွဲ့အစည်းတွေကသာ ပူးပေါင်းဆောင်ရွက်ခြင်းကို ဦးဆောင်လုပ်ကိုင်နိုင်သလဲဆိုတာကို အရင်တင်ပြလိုပါတယ်။ နအဖနှင့် ပူးပေါင်းဆောင်ရွက်ခြင်းလို့ ဆိုလိုက်တာနဲ့ အပေါ်ယံကြောက အလွယ်ရှပ်တွေးပြီး အပစ်တင်မစောခင် နက်နက်နဲနဲ စဉ်းစားဆင်ခြင်ခြင်း(Critical Thinking)ကို ကျုပ်တို့အတူတကွ လုပ်ကြည့်ကြရအောင်ပါ။

ကျုပ်တို့ လက်ခံကျင့်သုံးသင့်တဲ့ ပူးပေါင်းဆောင်ရွက်ခြင်းဆိုသည်မှာ ၀ပ်တွားရေး(Submission)မဟုတ်။ အညံ့ခံရေး(Surrender)မဟုတ်။ ယနေ့ကာလ ယုန်နဲ့အတူပြေး၊ ခွေးနှင့်အတူလိုက်နေတဲ့ အချောင်သမားတွေလို နအဖဆိုးသမျှ တစ်ခွန်းမှ မဟရဲရုံသာမက နအဖရဲ့ ဘုန်းတော်ဘွဲ့တွေကို တယ်လီဖုန်းတွေ၊ ကားပါမစ်တွေနှင့် ရောင်းစားဖို့ အကြံယုတ်မဟုတ်။ နအဖနှိပ်စက်သမျှ ကြောကော့ခံ၊ ထမင်းရက်ချန်၊ ရေရက်မှန်နဲ့ ဖြူပြာကျနေတဲ့ ပြည်သူတွေကို ပုတီးစိပ်၊ ဥပုသ်စောင့်ခိုင်းပြီး နောင်ဘ၀ကျမှ နတ်စည်းစိမ်ခံကြဆိုသလို၊ ရွေးကောက်ပွဲပြီးမှ ကျုပ်လာကယ်မယ်ဆိုနေတဲ့ အချောင်သမား လမ်းစဉ်မဟုတ်။ ပူးပေါင်းဆောင်ရွက်ခြင်းနှင့် ငြင်းဆိုကန့်ကွက်ခြင်းတို့ကို ကိစ္စတစ်ခုချင်း(Case By Case)အရ ခွဲခြားဆောင်ရွက်နိုင်ဖို့လိုပါတယ်။ နေ့စဉ်နှင့်အမျှ အဘက်ဘက်က နိမ့်ကျယိုယွင်းလာနေတဲ့ လူထု၏ ပကတိအခြေအနေတွေကလဲ တောင်းဆိုနေပြီ ဖြစ်ပါတယ်။

နောက်မေးခွန်းတစ်ခုဖြစ်တဲ့ ဘယ်သူတွေ၊ ဘယ်အဖွဲ့အစည်းတွေက ပူးပေါင်းဆောင်ရွက်ခြင်းကို ဦးဆောင်နိုင်သလဲဆိုတဲ့ မေးခွန်းသည် ဘယ်ကဲ့သို့ ပူးပေါင်းဆောင်ရွက်သင့်သလဲ မေးခွန်းကဲ့သို့ ထပ်တူ အရေးကြီးပါတယ်။ လူထုက ယုံကြည်ကိုးစားမှုရှိသူများကသာ လုပ်ဆောင်နိုင်တဲ့ ကိစ္စဖြစ်ပါတယ်။ အချောင်သမားတွေက ၀င်ပြီး ပွဲလှန့်ဖျာခင်းလို့ရတဲ့ ဂွင်မဟုတ်ပါဘူး။ ဒီနေရာမှာ ယုံကြည်ကိုးစားမှု(Credibility)ကို လျော့တွက်လို့ မရဘူး။ မြန်မာ့နိုင်ငံရေးသမိုင်းစဉ်ဆက်မှာ အစမ်းသပ်ခံမှု၊ ပေးဆပ်မှု၊ ကိုယ်ကျိုးမဖက်မှု၊ အရည်အချင်း၊ အမျှော်အမြင်တို့ မရှိဘဲ လူထုရဲ့ ယုံကြည်ကိုးစားမှုကို ဘယ်သူမှ အချောင်မရဘူးပါဘူး။

နအဖနှင့် ပူးပေါင်းဆောင်ရွက်သင့်တဲ့နေရာတွေမှာ ပူးပေါင်းဆောင်ရွက်ဖို့လိုတယ်ဆိုတော့၊ ခါးတောင်းကြိုက်ပြီး ကျုပ်ကို တစ်ချီတစ်မောင်း ကြိတ်လိုက်ချင်သူများ၊ အကြိတ်အနယ် ဆွေးနွေးလိုသူများ ရှိကောင်း ရှိနိုင်ပါတယ်။ နောက်ကျသွားပါပြီ။ အကြိတ်အနယ် ဆွေးနွေးစရာ မလိုအပ်တော့ပါဘူးလို့ ပြောပါရစေ။

ဒေါ်အောင်ဆန်းစုကြည်၊ အင်အယ်လ်ဒီ၊ စီအာပီပီ၊ ဦးဝင်းတင်၊ ဦးခွန်ထွန်းဦး၊ ကျောင်းသားခေါင်းဆောင်များဖြစ်တဲ့ ကိုမင်းကိုနိုင်၊ ကိုကိုကြီးတို့ကို နအဖနှင့် ပူးပေါင်းဆောင်ရွက်ဖို့ ကျုပ်က တိုက်တွန်းနေတာလားလို့လဲ မေးနိုင်ပါတယ်။ မှားပြန်ပါတယ်။ ကျုပ်တိုက်တွန်းနေစရာ မလိုပါဘူး။ အဲဒီခေါင်းဆောင်များက နအဖနှင့် ပူးပေါင်းဆောင်ရွက်လိုကြောင်း လူသိရှင်ကြား အစဉ်တစိုက် တောင်းဆိုနေကြတာ ယနေ့ထိအောင်ပါ။ ကြည့်သောသူ မြင်၏။ မမြင်လျှင် မကြည့်၍သာ ဖြစ်ပါ၏။

တစ်နိုင်ငံလုံး ရင်ဆိုင်ကြုံတွေ့နေရတဲ့ နိုင်ငံရေးပြသနာတွေကို ဖြေရှင်းနိုင်ဖို့ ကြိုတင်စည်းကမ်းချက် မထားရှိဘဲ၊ တွေ့ဆုံဆွေးနွေးရေးကို အစဉ်တစိုက် တောင်းဆိုနေတဲ့ ဒေါ်အောင်ဆန်းစုကြည်က စီးပွါးရေးပိတ်ဆို့မှုဆိုတဲ့ကိစ္စ တစ်ခုတည်းအတွက် နအဖနှင့် စတင်ပူးပေါင်းဆောင်ရွက်လိုကြောင်း အဆိုပြုကမ်းလှမ်းခြင်းကို နအဖနှင့် ပူးပေါင်းဆောင်ရွက်နေပါတယ်ဆိုတဲ့ ကိုအေးလွင်နှင့် သဘောသဘာဝချင်းတူတယ်လို့ တတန်းတည်းထား စဉ်းစားလိုသူများ ရှိပါက ၄င်းတို့ကို နိုင်ငံရေးက အနားယူလိုက်ကြဖို့ အကြံပြုလိုပါတယ်။

နအဖနှင့် ပူးပေါင်းဆောင်ရွက်သင့်တဲ့နေရာတွေမှာ ပူးပေါင်းဆောင်ရွက်ရေးကို လက်မခံသူများရှိရင်လည်း လေးစားစွာနှင့် ပြောကြားလိုတာက ၄င်းတို့အမြင်နှင့် ထပ်တူတဲ့ လူထုကိုယ်စားပြု ဒီမိုကရေစီ အင်အားစု ပြည်တွင်းမှာ မရှိဘူးဆိုတာဘဲ ဖြစ်ပါတယ်။ ရှိတယ်ဆိုရင် ထောက်ပြပါ။ ကျုပ်မှားရင် ပြင်ပါ့မယ်။

ကျုပ်တို့ ပြည်ပရောက် အင်အားစုတွေက နိုင်ငံတကာ အစိုးရများ၊ နိုင်ငံတကာ အဖွဲ့အစည်းများနှင့် ပူးပေါင်းပြီး နအဖကို ဖိအားပေးဖို့ အဓိက မဟုတ်လားလို့ ထောက်ပြစရာရှိပါတယ်။ မှန်ပါတယ်။ လက်ခံပါတယ်။ သို့သော် ယခင် ဆယ်စုနှစ် နှစ်စုကာလနှင့် ယနေ့ကာလ ကွာခြားမှုကို ဦးဆောင်ဦးရွက်ပြုနေကြသော ပြည်ပရောက် ရှေ့တန်း ခေါင်းဆောင်များ ပိုသိကြပါလိမ့်မယ်။ ကာလ၊ ဒေသနှင့် ကိုက်ညီသော ပြုပြင်ပြောင်းလဲမှု(Adaptation) မလုပ်နိုင်ရင် ဒိုင်နိုဆောလို ဧရာမသတ္တ၀ါကြီးများပင်လျှင် ပျောက်ကွယ်သွားတတ်ပါတယ်။

ဒီလိုဆို၊ ရွေးကောက်ပွဲကိုလဲ ဆန့်ကျင်စရာ မလိုတော့ဘူးပေါ့။ နအဖနှင့် ပူးပေါင်းပြီး ရွေးကောက်ပွဲကို ခေါင်းလျှိုဝင်လိုက်ဖို့ ခင်ဗျားက တိုက်တွန်းနေတာလားလို့ သံသယ ရှိနိုင်ပါတယ်။ ထပ်မှားပြန်ပါတယ်။ အင်အယ်လ်ဒီ၊ ဒေါ်အောင်ဆန်းစုကြည်၊ ဦးဝင်းတင်၊ စီအာပီပီ အပါအ၀င် တစ်နိုင်ငံလုံးရှိ တက်ကြွသော နိုင်ငံရေးအင်အားစုများက ရွေးကောက်ပွဲကို လက်မခံကြပါဘူး။ စစ်ကျွန်ဇတ်သွင်းမဲ့ ရွေးကောက်ပွဲ မဖြစ်လာအောင် ကြိုးစားနေကြပါတယ်။ လက်ခံလို့မရတဲ့ ရွေးကောက်ပွဲကို လက်မခံတာနဲ့ ပူးပေါင်းဆောင်ရွက်သင့်တဲ့ နေရာတွေမှာ ပူးပေါင်းဆောင်ရွက်ခြင်းဟာ တစ်ခြားစီ ဖြစ်ပါတယ်။ တစ်ကြောင်းတည်းသွား၊ တစ်လမ်းတည်းမြင်တတ်တဲ့ အဆင့်ကိုကျော်ပြီး ဖြစ်စဉ်ပေါင်းစုံ၊ လမ်းကြောင်းပေါင်းစုံကို တစ်ပြိုင်တည်း ထဲ့သွင်း တွက်ချက် ကိုင်တွယ်နိုင်စွမ်းရှိဖို့ လိုပါတယ်။

တပ်မတော်တွင်းမှာ ထိပ်တန်းဗိုလ်ချုပ်ချင်း အုပ်စုဖွဲ့အားပြိုင်နေမှု၊ စစ်တိုင်မှူးများက စစ်ဘုရင်(War Lords)များသဖွယ် ဥပဒေမဲ့ ထင်တိုင်းကြဲနေမှု၊ လူထုဘက်က ရပ်တည်လိုသော အရာရှိ၊ အရာခံ၊ တပ်မတော်သားများ ခေါင်းမထောင်နိုင်မှု၊ စစ်ခုံရုံးတင် အသတ်ခံရမှုတွေနှင့် ရှုပ်ထွေးနေသလို၊ တိုင်းရင်းသား ငြိမ်းအဖွဲ့တွေထဲမှာလဲ၊ ထင်တိုင်းမပေါက်ဘဲ၊ တိုင်းရင်းသားတွေရဲ့ အခြေခံရပိုင်ခွင့်များ ဆက်လက်ပိတ်ဆို့ခံနေရမှု (မနောပွဲနှင့် မနောတိုင်ပင်လျှင် လွတ်လွတ်လပ်လပ် မကျင်းပနိုင်၊ မထောင်နိုင်မှုမျိုးက အစ)၊ ဘာသာရေး ဖိနှိပ်မှု၊ လူ့အခွင့်အရေး ချိုးဖေါက်မှု၊ ခေါင်းဆောင်များအကြား သပ်လျှိုသွေးခွဲခံရမှု၊ မူးယစ်ဆေးဝါးပြသနာ စသဖြင့်တို့နှင့် လုံးခြာလည်လိုက်နေဆဲ ဖြစ်ပါတယ်။

ပြည်သူလူထုဘက် ကြည့်ပြန်တော့ တရားဥပဒေ စိုးမိုးမှုမရှိ။ လုံခြုံမှု မရှိ။ တနေ့တခြား ဆင်းရဲတွင်း နက်သည်ထက် နက်လာရုံမက ကျန်းမာရေး၊ ပညာရေး၊ အကျင့်စာရိတ္တစတဲ့ တိုင်းပြည်ရဲ့ အနာဂတ် အရင်းအမြစ်တွေဟာ ကြောက်စရာကောင်းတဲ့ အရှိန်အဟုန်နှင့် ရေစီးကမ်းပြိုလိုက်နေပါပြီ။

ယနေ့မြန်မာ့နိုင်ငံရေးအခြေအနေတွေကို လေးလေးနက်နက် စဉ်းစားဆင်ခြင်(Critical Thinking)တဲ့အခါမှာ လုပ်ရိုးလုပ်စဉ် Critical Thinkingနှင့်တင် မလုံလောက်တော့ပါဘူး။ အကျိုးစီးပွါးတွေ၊ ဦးတည်ချက်တွေ မတူညီတဲ့ များပြားလှသော လက္ခဏာစုံ အင်အားစုတွေရဲ့ အားပြိုင်မှုတွေကို အသေးစိတ်ကျကျ ထဲ့သွင်းတွက်ချက်နိုင်တဲ့ စဉ်းစားဆင်ခြင်မှုမျိုး(Sophisticated Critical Thinking)က ကျုပ်တို့ကို စိန်ခေါ်နေပါတယ်။

အောင်ထီ ဇန္န၀ါရီလ (ဂ)၊ ၂၀၁၀

စာပေစီစစ်ရေးက ပယ်လိုက်လို့ True News ဂျာနယ်မှာ ဖော်ပြခွင့်မရခဲ့တဲ့ ဆရာမောင်ဝံသရဲ့ အာဘော်လေးတစ်ခု

http://ifile.it/405c6g8True is What...