Monday, February 15, 2010

သုခအလင်း မွေးဖွားခြင်း

http://ifile.it/94iwbxaThukha Alinn-kyaw Thu

15 Feb ဒိုင်ယာရီ

http://ifile.it/bzw1a4915 Feb Yeyintnge's Diary

အမေရိကန်ကူလျှင် အပစ်ရပ်တပ်ဖွဲ့အားလုံးကိုရှင်းနိုင်မည်ဟု သျှမ်းပြည်တိုင်းချုပ်ပြော

အမေရိကန်ကူလျှင် အပစ်ရပ်တပ်ဖွဲ့အားလုံးကိုရှင်းနိုင်မည်ဟု သျှမ်းပြည်တိုင်းချုပ်ပြော

ဖေဖေါ်ဝါရီ ၁၄ ရက် တြိဂံစစ်တိုင်းရုံး တပ်တွင်းအရာရှိအစည်းအဝေး၌ ဒုတိယ ဗိုလ်ချုပ်မင်းအောင်လှိုင် က‘အမေရိကန် ကူလျှင် အပစ်ရပ်များအား ချက်ချင်းရှင်းပစ်နိုင်သည်’ - ဟု ပြောကြောင်း စုံစမ်းသိရှိရပါသည်။

သျှမ်းပြည် စစ်တိုင်းချုပ် ဒုဗိုလ်ချုပ်ကြီးမင်းအောင်လှိုင်

“မနေ့တုန်းက ရဟတ်ယာဉ်နဲ့ ကျိုင်းတုံကို ရောက်လာတယ်။ မနက် ၁၀ နာရီကနေ ၁၁ နာရီကျော် အထိအစည်းအဝေး လုပ်တယ်။ တိုင်းချုပ်ကြီးက‘ ဗမာ့တပ်မတော်ကို အာခံနေတာ ၀ ၊ ကေအိုင်အို နဲ့ မိုင်းလား။ သူတို့က တရုတ်အတွက် ခြံစည်းရိုးဖြစ်နေတော့ အမေရိကန်ကူမှရမယ်’ လို့ပြောသွားတယ်” - ဟု ကျိုင်းတုံ တပ်တွင်း အရာရှိနှင့် ရင်းနှီးသူတဦးက ပြောပါသည်။

အစည်းအဝေးတွင် တိုင်းချုပ်ကြီးက-
၁။ အပစ်ရပ် ၀ ၊ ကေအိုင်အို၊ မိုင်းလား တပ်ဖွဲ့တို့သည် တပ်မတော်ကိုအာခံနေကြောင်း၊ မူးယစ်ဆေးဝါး ထုတ်လုပ်ရောင်း ၀ယ်မှုကြောင့် သူတို့ကို အမေရိကန်က အလိုရှိနေကြောင်း၊ အမေရိကန်သာကူညီပါက ၎င်းတို့အားလွယ်လွယ် နှင့် ရှင်းလင်းသုတ်သင်နိုင်ကြောင်း၊

(၂) တရုတ်ပြည်က အဆိုပါအပစ်ရပ်များအား နယ်ခြားခြံစည်းရိုးအဖြစ်အသုံးပြုနေသဖြင့် ဗမာ့တပ်မတော်၏စေတနာ ကိုနားလည်ပြီး ဥပဒေဘောင်အတွင်း ၀င်ရောက်လာစေရန် နိုင်ငံတော်အကြီးအကဲများက အနုနည်းနှင့်စည်းရုံးသိမ်း သွင်းနေကြောင်း၊

(၃) လာမည့်ရွေးကောက်ပွဲတွင်လည်း နိုင်ငံတော်ဖွံ့ဖြိုးရေး၌ ကူညီသည့်အဖွဲ့အစည်းများအား ထောက်ခံမဲထည့် ပေးရန် အလွန်ပင်အရေးကြီးကြောင်း၊ တိုင်းပြည်နေ့စဉ်နှင့် ဿအမျှဖွံ့ဖြိုးလာသောကြောင့် နေရာဒေသမရွေး နေ့ချင်း ပေါက်သွားရောက်နိုင်ကြောင်း စသဖြင့်ထည့်သွင်းပြောကြားသွားသည်ဟု အဆိုပါပုဂ္ဂိုလ်က ဆက်ရှင်း ပြပါသည်။

“ဒု ဗိုလ်ချုပ်ကြီးမင်းအောင်လှိုင်က အဆင့်ပိုမြင့်လာတယ်ထင်တယ်။ အရင်က သူတယောက်ထဲ ရယာဉ်နဲ့ ခရီး မသွားစဖူး- အခုရွေးကောက်ပွဲအတွက်၊ အပစ်ရပ်တွေကိုရှင်းပစ်ဖို့၊ အခွင့်အာဏာပိုရလာပြီးတော့ သြ၀ါဒပေးဖို့ သက်သက်နေ့ချင်း ပြန်လာသွားတယ်” - ဟု တိုင်းရုံးအရာရှိတဦးက ဆိုကြောင်းအဆိုပါပုဂ္ဂိုလ်က ပြန်လည် ပြောပြ၏။

ဒုတိယ ဗိုလ်ချုပ်ကြီးမင်းအောင်လှိုင်သည် သျှမ်းပြည် စစ်တိုင်းချုပ် - အရှေ့ပိုင်းတိုင်းစစ်ဌာနချုပ် (ရပခ)၊ အရှေ့မြောက် ပိုင်းတိုင်းစစ်ဌာနချုပ် (ရမခ) နှင့် ကျိုင်းတုံအခြေစိုက် တြိဂံတိုင်းစစ်ဌာနချုပ် အပြင် ရပခ တိုင်း လက်အောက်ခံကရင်နီ ပြည်(ကယား) ကိုပါ ပူးတွဲတာဝန်ယူသူ ယခင်တြိဂံတိုင်းမှူးဖြစ်သည်။
http://www.mongloi.org/burmese/2008-08-01-03-22-02/85-2008-08-01-03-14-40/693-2010-02-15-11-55-52.html

ဘန်ဒုံယန်း(သို့မဟုတ်)ကွန်းခိုရာလှောင်အိမ်


ဘန်ဒုံယန်း(သို့မဟုတ်)ကွန်းခိုရာလှောင်အိမ်

နော်ချို
ဖေဖေါ်ဝါရီ ၁၄၊၂၀၁၀။

ထိုင်းမြန်မာနယ်စပ် စံခလပူရီမြို့နဲ့(၃ဝ)ကီလိုမီတာကွာဝေးတဲ့နေရာမှာ ဘန်ဒုံယန်းဒုက္ခသည်စခန်းတစ်ခုရှိ ပါတယ်။ တောရိပ်တောင်ရိပ်တွေအုပ်ဆိုင်းနေပြီးတော့ အချမ်းဓါတ်တွေလွှမ်းခြုံထားတဲ့နေရာလေးတစ်ခုပေါ့။ စံခလ ပူရီကနေ မော်တော်ကားနဲ့သွားရင် ဝိဇ္ဇာဓိုရ်၊ ဝေ့မလိုင်၊ အစရှိတဲ့မွန်၊ကရင်ရွာတွေကိုဖြတ်သန်းပြီး ခလောက်ခနီ မွန်ဒုက္ခသည်စခန်းရဲ့အနီးမှာ တည်ရှိနေပါတယ်။ အဲဒီဘန်ဒုံယန်းဒုက္ခသည်စခန်းဟာဆိုရင် စစ်ဘေးဒါဏ်ကြောင့် တိမ်းရှောင်လာတဲ့ဒုက္ခသည်တွေကို လက်ခံစောင့် ရှောက်ထားတဲ့ စခမ်းလေးတခုပါ။

ကမ္ဘာကြီးကကျယ်သလောက် နေစရာနေရာကလည်းရှားပါလေရဲ့။ စစ်အာဏာရှင်စနစ်အောက်မှာ နေရတဲ့ သူတွေအတွက်တော့ ပိုပြီးနေရာရှားပါတယ်။ အာဏာရှင်တွေကိုကြောက်ရတာကတစ်မျိုး နိုင်ငံရေးကမတည်ငြိမ်၊ စီးပွားရေး ကလည်းကြပ်တည်း ဒီပြသာနာအမျိုးမျိုးအဖုံဖုံကို ရင်ဆိုင်နေကြရတဲ့သူတွေအနေနဲ့ ဒုက္ခသည်စခန်းထဲကို ရောက်လာကြတဲ့ သူတွေတပုံတပင်ကြီးပါ။ တော်ရာမှာနေရ ပျော်ရာမှာမနေရ ဆိုတဲ့ဆိုရိုးစကားအတိုင်းပါပဲ။

ဒါကြောင့်လည်း ဒုက္ခသည်စခန်းထဲမှာ တစ်နေ့တစ်ခြားလူတွေ လာရောက်နေထိုင်ကြတာ များလာခဲ့ရတာဟာ အကြောင်းအမျိုးမျိုးကြောင့်လို့ဆိုရမှာပါ။ လူတွေဟာနေစရာတစ်ခုရဖို့အတွက် အလွန်ခက်ခဲပါတယ်။ ဒုက္ခသည်စခန်း ထဲကို ဝင်ရောက်နေထိုင်တာတောင်မှ လွယ်လွယ်နဲ့ဝင်ရောက်နေထိုင်လို့ရတာမဟုတ်ပါဘူး။ ထိုင်းနယ်စပ်မှာရှိတဲ့ ဘန်ဒုံယန်းစခန်းဟာ ကရင်ဒုက္ခသည်စခန်းဆိုပေမဲ့ တခြားတိုင်းရင်းသားများဖြစ်တဲ့ မွန်၊ ရခိုင်၊ ဗမာ၊ ကုလား တွေလည်း နေထိုင်ကြပါတယ်။ သို့သော်လည်းအနည်းစုသာနေထိုင်ကြပါတယ်။ အများစုကတော့ ကရင်လူမျိုးတွေပါ။

ဘန်ဒုံယန်းဖြစ်ပေါ်လာရတဲ့အကြောင်းကတော့ (၁၉၉၇) ခုနှစ်တုန်းက နအဖ တပ်မ (၄၄)လက်အောက်ခံ တပ်ရင်းတွေက KNUတပ်မဟာ(၆)နယ်မြေအတွင်းထိုးစစ်ဆင်ဖို့ စစ်ကြောင်းများဖြန့်ကြဲပြီး ကျေးရွာတွေကို ဝင်ရောက်မွှေနှောက်မှု အပါအဝင် ထီးထဘောင်(ပြည်တွင်းဒုက္ခသည်စခန်း) ထဲကိုလည်း ဝင်ရောက်လှုပ်ရှားခဲ့ပြီး ထီးထဘောင်ကပြည်သူတွေက နေမရဲတော့တဲ့အတွက် ထိုင်းနယ်စပ်ဖြစ်တဲ့ သောပတ်(ကရင်အခေါ်) စခန်းထဲကို ထွက်ပြေးဝင်ရောက်လာခဲ့ကြပါတယ်။


အဲဒီအတောအတွင်းမှာပဲ တပ်မဟာ(၄)ဘိတ်.ထားဝယ်ခရိုင်မှာရှိတဲ့ သုခစန်းဟာဆိုရင် ထိုင်းနယ်စပ်မှာရှိ နေတဲ့အတွက် စခန်းထဲကလူတွေဟာ စခန်းပြင်ထွက်ပြီး သစ်ခုတ်ဝါးခုတ်လုပ်နေခဲ့လို့ ထိုင်းသစ်တောကို ထိခိုက် ခဲ့တဲ့အတွက် ထိုင်းအာဏာပိုင်တွေက သုခစခန်းကလူတွေကို သောပတ်စခန်းထဲကိုအကုန်လုံးပို့လိုက်ပါတယ်။ ထီးထဘောင်အဖွဲ့နဲ့ သုခအဖွဲ့ကြောင့် သောပတ်စခန်းကမဆံ့တော့တဲ့အတွက် ၄င်းတို့အဖွဲ့နှစ်ဖွဲ့ကို သောပတ်နဲ့ မနီးမဝေးတစ်နေရာမှာ စခန်းကိုရွှေ့လိုက်ပြီး (၁၉၉၇) ခုနှစ်အတွင်းမှာပဲ ဘန်ဒုံယန်းစခန်းဖြစ်ပေါ်လာခဲ့ရပါတယ်။ အဲဒီအချိန်ကဆိုရင် ဒုက္ခသည်တို့ရဲ့အိမ်တွေကို ပလပ်စတစ်နဲ့ သာ မိုးထားရပါတယ်။ အခုလက်ရှိမှာတော့ အိမ်တွေကို သင့်လျော်သလို အင်ဖက်မိုးတွေနဲ့မိုးထားကြတာများလာပါတယ်။ အရင်ကထက်စာရင်တော့အများကြီးအဆင်ပြေ လာပါတယ်။

(၂ဝဝ၉) ခုနှစ်အတွင်းမှာဆိုရင် တိုးတက်သောကရင်ဗုဒဘာသာတပ်မတော် (ခေါ်) (DKBA) လှုပ်ရှားသောင်း ကျန်းမူကြောင့် ဘန်ဒုံယန်းစခန်းထဲကို ဒုက္ခသည်တွေ (၁ဝဝ)ကျော်ဝင်ဝင်ရောက်လာခဲ့ကြတယ်။ ဝင်ရောက်လာကြတဲ့ သူတွေဟာ မိသားစုတခု လုံးလည်းရှိသလို တစ်ယောက်ထဲ လည်းရှိပါတယ်။
အခုလက်ရှိစခန်းထဲမှာလူဦးရေ(၄ဝဝဝ) ကျော်လောက်ရှိနေပါတယ်။ (၃ဝဝဝ)ကျော်လောက်သာ အသိ အမှတ်ပြု မှတ်ပုံတင်ရှိနေပါတယ်။ အသိအမှတ်ပြုမှတ်ပုံတင်မရှိတဲ့သူတွေအနေနဲ့တော့ စားနပ်ရိက္ခာလုံးဝ မရရှိကြပါဘူး။ စခန်းထဲကလူတွေဟာ စခန်းအပြင်မှာလည်း အလုပ်ထွက်လုပ်ခွင့်မရှိပါဘူး။ စခန်းဟာထိုင်းနယ်စပ်မှာ ရှိတယ်တော့ ထိုင်းအာဏာပိုင် ကြောက်ရတဲ့အတွက်ကြောင့် အလုပ်ထွက်မလုပ်ရဲကြတာပါ။ ဘန်ဒုံယန်းစခန်းဟာ မြို့နယ်နဲ့ဆိုရင် (၃၁) ကီလိုအကွာအ ဝေးရှိပါတယ်။

ဘန်ဒုံယန်းစခန်းကော်မတီတစ်ဦးဖြစ်တဲ့ ဆရာမနော်ပစော်ကတော့ (၁၉၉၉)ခုနှစ်ကစပြီး သူမရဲ့မိသားစု တွေနဲ့အတူ ဘန်ဒုံယန်းစခန်းထဲမှာ လာရောက်ပြောင်းရွှေ့နေထိုင်ကြပါတယ်။ သူမက ကရင်ပြည်နယ် ဝင်းရေးမြို့နယ်ရှိ ကမ်းနီကျေးရွာသူပါ။ သူမလည်းပဲ နိုင်ငံရေးမတည်ငြိမ်မူကြောင့် ဘန်ဒုံယန်းစခန်းထဲကို ရောက်လာခဲ့ရတာပါ။ ၂ဝဝ၇ ခုနှစ်ကစပြီး ၂ဝဝ၉ခုနှစ်အထိ လူမူရေးစခန်း ကော်မတီအနေနဲ့ သူမတာဝန်ယူထားပါတယ်။ သူမကစခန်းထဲကို လူအသစ်တွေဝင်ရောက်လာတဲ့ စာရင်းတွေကို လည်းပြုစုရပါတယ်။ စခန်းထဲကလူတွေရဲ့ စားဝတ်နေရေး၊ ပညာရေး၊ ကျန်းမာရေးနဲ့ပတ်သက်တာတွေကိုလည်း သူမက အခုလိုမျိုးရှင်းပြထားပါတယ်။

“Thailand Burma Border Consortium(TBBC) ကစခန်းမှာနေတဲ့သူတွေရဲ့ စားဝတ်နေရေးတွေကို ကြည့်ရူစောင့်ရှောက်ပေးတာဖြစ်ပါတယ်။ ဒုက္ခသည်တွေကို တစ်လစာစားနပ်ရိက္ခာအတွက်(၅) နှစ်အထက် လူကြီးတွေကို ဆန် (၁၅) ကီလို၊ (၆)လသားနဲ့ (၅) နှစ်ကြားကလေး တွေဆိုရင် ဆန် (၇) ကီလိုခွဲ၊ စားသုံးဆီ တစ်ယောက်ကို (၁)လစ်၊ ပဲ ကလေးတစ်ယောက်ကို ၁ ကီလို လူကြီးတစ်ယောက် ကီလိုဝက်၊ ငါးဆိုရင် လူကြီးရော ကလေးပါ တစ်ယောက်ကိုတစ်ခစ်၊ ငါးပိ တစ်ယောက်ကို ကီလိုဝက်၊ ဆား တစ်ယောက်တစ်ထုပ်၊ ဂျုံမုန့်နဲ့သကြား ကတော့ကလေးအတွက် ၁ ကီလိုနဲ့ လူကြီးက ကီလိုဝက်ရပါတယ်။ မိသားစုတစ်စုမှာ ၂ ယောက်ရှိရင် ချက်ပြုတ်ဖို့ အတွက် မီးသွေး ၂ ယောက်ကို ၁ထုတ် ပေးပါတယ်။ တခြား အချိုမုန့်၊ ကြက်သွန်တွေကို ဝယ်စားကြရပါတယ်။”


ထို့အပြင် ဟင်းသီးဟင်းရွက်တွေစိုက်ဖို့အတွက် (TBBC) ကပေးတဲ့ မျိုးစေ့(၁၂) မျိုးဖြစ်တဲ့ ပဲထောက်စေ့၊ မုန်ညှင်းစေ့၊ ဆတ်လပ်၊ မုန်ညှင်းခါး၊ မုန်လာ၊ ကစွန်ရွက်၊ နံနံပင်၊ ပြောင်းဖူး၊ ရုံးပတီသီး၊ ဖရဲ၊ ရွှေဖရုံစေ့တွေကို ရာသီအလိုက်စိုက်ပြီးစားသောက်နေကြရပါတယ်။ စခန်းထဲမှာသာစိုက်ခင်းတွေကိုစိုက်ရင်း အသက်မွေးဝမ်းကြောင်း ပြုလုပ်နေကြရပါတယ်။ အဝတ်အစားကိုတော့တစ်နှစ်တခါရရှိကြပါတယ်။ အကျီင်္တစ်ယောက်တစ်ထည်၊ စောင်လည်း တစ်ယောက်တစ်ထည်ပါ။ စပ်စောင်ဆိုရင်သုံးနှစ်တခါ၊ ပြီးတော့တစ်ယောက်တစ်ထည်နူန်းရတာမဟုတ်။၊ နှစ်ယောက် ကိုတစ်ထည်၊ သုံးယောက်တစ်ထည်၊ လေးယောက် (၂) ထည်ကျရကြပါတယ်။ တခြားအသုံးအဆောင်များဖြစ်တဲ့ ထီး၊ ဖိနပ်တွေကိုကျတော့ မိဘနဲ့အနေဝေး တဲ့ကလေး၊ မုဆိုးမ၊ တစ်ကောင်ကြွက်တွေကိုသာပေးပါတယ်။

ကလေးအနေနဲ့ပညားရေးပိုင်းမှာကတော့ ကောင်းတယ်ဆိုပေမဲ့ပြည့်စုံမူမရှိပါဘူး။ ဒါပေမဲ့ ဘာသာစုံ သင်ကြား ကြရပါတယ်။ အင်္ဂလိပ်စာ၊ ထိုင်းစာ၊ မြန်မာစာ၊ ကရင်စာ၊ သင်္ချာ၊ ပထဝီ တွေသင် ကြားရပါတယ်။ (၁၂) တန်းထိရှိ ပေမဲ့ (၁၂) တန်းအောင်ပြီးရင် တက္ကသိုလ်တက်ဖို့ကျောင်းမရှိပါဘူး။ သို့သော်လည်း(၂ဝ၁ဝ)ခုနှစ်အတွင်းမှာတော့ ကလေးအတွက် တက္ကသိုလ်ပုံစံကျောင်းတစ်လုံးဖွင့်ပေးဖို့အစီအစဉ်ရှိနေတယ်လို့ ဘန်ဒုံယန်းစခန်းက ကျောင်းအုပ် ဆရာမကြီး တစ်ဦးက အခုလိုမျိုးပြောပါတယ်။

“တက္ကသိုလ်ကျောင်းပုံစံလိုမျိုးဖွင့်ဖို့ အစီစဉ်ရှိနေပေမဲ့ သင်ကြားပေးမည့် ဆရာ၊ဆရာမက မရှိတော့ခက်တယ်။ ဒုက္ခသည်တွေအနေနဲ့ ဆရာ၊ ဆရာမ တွေကိုငှားနိုင်ဖို့ကအလွန်ဝေးပါတယ်။ တက္ကသိုလ်ကျောင်းဖွင့်ဖို့ အစီအစဉ်ရှိနေပေမဲ့ သင်ကြားပေမဲ့၊ ဆရာ၊ ဆရာမတွေမရှိသရွှေ့တော့ ဖွင့်နိုင်ဖို့အလားလာက မဖြစ်နိုင်သလောက်ပါပဲလို့”
ကျောင်းအုပ်ဆရာမကြီး တစ်ဦးပြောပြသွားတာဖြစ် ပါတယ်။
စခန်းမှာရှိတဲ့ ကျောင်းသူလေးတစ်ဦးကတော့ အခုလိုမျိုးပြောပြပါတယ်။
“ကျမက အခုဆို (၁ဝ)ပါ။ (၁၂) တန်းပြီးရင်တော့ ကျမက ဆေးဘက်ဆိုင်ရာ အလုပ်လုပ်ချင်တယ်။ ပြီးတော့ ကျမက တက္ကသိုလ်တက် ချင်တယ်။ ဒါပေမဲ့ ကျမတို့စခန်းမှာက တက္ကသိုလ်ကျောင်းမရှိသေးဘူး။ (၁၂) တန်းအောင်ပြီးတဲ့ သူတချို့ကျတော့ တစ်ခြား ဒုက္ခသည်စခန်း(မယ်လစခန်း) တွေမှာ တက္ကသိုလ်သွားရောက် တက်ကြပါတယ်။ ကျမက ငယ်ငယ်လေးကတည်း ဒီစခန်းလေးထဲကို ရောက်လာတာ။ ၁ဝ ကျော် လောက်ရှိပြီပေါ့။ တက္ကသိုလ်ကျောင်းမရှိတော့ ကျမအနေနဲ့ စခန်းထဲမှာရှိတဲ့ ဆေးရုံမှာပဲအလုပ် လျှောက်ဖို့ ရွည်ရွယ်ထားပါတယ်။”
နွေရာသီကျောင်း ပိတ်ရက်တွေမှာတော့ ကလေးတွေ အင်္ဂလိပ်သင်တန်းတက်ရပါတယ်။ လူတွေကများတော့ တစ်သုတ် ပြီးတစ်သုတ်တက်နေရပါတယ်။ ခရစ်ယာန်ကျမ်းစာသင်ကျောင်းလည်းတစ်လုံးရှိပါတယ်။ အသက်မွေးဝမ်း ကျောင်းသင်တန်းကျတော့ မုန့်လုပ်နည်းသင်တန်း၊ စက်ချုပ်သင် တန်း၊ စက်ပြုပြင်ရေး၊ အလှပြင်သင်တန်း၊ ငါးမွေးမြူရေးသင် တန်းတွေရှိပါတယ်။

American Refugee Committee(ARC)
ကတော့ စခန်းကလူတွေအတွက် ကျန်းမာရေး ကိုစောင့်ရှောက်ပေးတာဖြစ်ပါတယ်။ စခန်းထဲမှာဆေးရုံတစ်လုံးရှိပါတယ်။ လိုအပ်တဲ့ဆေးဝါးတွေအပြည့်အစုံရှိပေမဲ့ ဓာတ်မှန်တွေ ရိုက်ဖို့တော့မရှိပါဘူး။ ခွဲစိတ်ခန်းလည်းမရှိပါဘူး။ လူနာ တွေအရေးပေါ်လိုအပ်လာရင် တော့ Sangkhlaburi မြို့နယ်မှာရှိတဲ့ ချောင်းလို့ကျေးရွာဆေးရုံမှာ လာရောက်ကုသရပါတယ်။ ကုန်ကျတဲ့စရိတ်တွေ ကိုတော့ စခန်းကော်မတီက ကရင်ဒုက္ခသည်ကော် မတီ Karen Refugee Committee (KRC) ကိုတင်ပြရပါတယ်။ (KRC) မှတဆင့် သက်ဆိုင်ရာကိုတင်ပြပြီးမှ ကူညီထောက်ပံ့ မူတွေရရှိပါတယ်။

ဒုက္ခသည်အတွက်ကူညီထောက်ပံ့မူက အထူးသဖြင့်လုံလောက်တယ်လို့ဆိုကြပါတယ်။ စခန်းမှာနေတဲ့ အမျိုးသား တစ်ဦး ကတော့ အခုလိုမျိုးပြောပြပါတယ်။
“ကျနော်တို့ကို ထောက်ပံ့ ပေးတဲ့ စားနပ်ရိက္ခာတွေကျတော့ မလောက်ဘူးဆိုတာတော့ မရှိခဲ့ပါဘူး။ ဒါပေမဲ့ ထောက်ပံ့ပေးသမျှပဲ စားနေရတဲ့ဘဝပါ။ အပြင်မှာ အလုပ်ထွက်လုပ်ချင်ပေမဲ့ ထွက်လုပ်ခွင့်မရှိပါဘူး။ ထိုင်းအာဏာပိုင်တွေ ကိုကြောက်နေရပါတယ်။ ကိုယ့်စိုက်ခင်းထဲမှာ စိုက်ခင်းတွေစိုက်ပြီး ဝင်ငွေရှာစားသောက်နေရ တာပေါ့။ ဘာပဲဖြစ်ဖြစ် ကျနော်အနေနဲ့တော့ နေထိုင်လာတာကြာတော့လည်း နေသားတကျဖြစ်သွားပါပြီ။”

တချို့အပျိုလေးပေါက်စလေးတွေအနေနဲ့တော့ တစ်လစားနပ်ရိက္ခာလာဝေပေးတဲ့အခါမှာ သွားရောက်စုရုံးပြီး တန်းစီနေရပါတယ်။ သူတို့လေးတွေအတွက်တော့ ရှက်စရာဖြစ်နေတယ်လို့ပြောရှာကြပါတယ်။ လူတွေလည်း တစ်နေ့တစ်ခြား ဒုက္ခသည်စခန်းထဲကိုရောက်လာကြတာများလာသလို စခန်းကလူတွေကလည်း တတိယနိုင်ငံကို ထွက်ကြတာပိုများလာတယ်။ စခန်းကပေးတဲ့ပညာတွေကိုတတ်မြောက်မယ်ဆိုရင်လည်း စခန်းထဲမှာ မရှိတဲ့သူ အချင်းချင်းကြားက သူတို့အနေနဲ့ အသုံးချလို့မရရှာဘူး။ ဒါကြောင့်လည်း နိုင်ငံခြားထွက်တဲ့လူကထွက်ကြတာပေါ့။ သူတို့ရဲ့အနာဂတ်ကတော့မှုန်ဝါးစွာနဲ့ လှောင်အိမ် ထဲကငှက်ကလေးသဖွယ်ပါပဲ။

နော်ချို
http://www.kaowao.org/b/art010-feb14.php

ဦးနု ကွယ်လွန်ခြင်း ၁၅ နှစ်ပြည့် ဆွမ်းကျွေးတရားနာ

http://ifile.it/i92xtj6
U nu 15yrs ann.
http://moemaka.com/index.php?option=com_content&task=view&id=5876&Itemid=1

၂၀၀၈ ဖွဲ့စည်းပုံ ဘယ်လောက် ကြာကြာခံမလဲ

Monday, 15 February 2010 18:11 အာနိုး ကော်စို
မြန်မာ စစ်ဗိုလ်ချုပ်ကြီး တွေဟာ နက္ခတ် ဗေဒင်ကို အရူးအမူး ဖြစ်ကြတာမို့ ၂၀၀၈ ဖွဲ့စည်း အုပ်ချုပ်ပုံ အခြေခံ ဥပဒေကို မူကြမ်း ဘယ်လို ရေးဆွဲမယ်၊ ရွေးကောက်ပွဲ ဘယ်အချိန်မှာ ကျင်းပရမယ် ဆိုတာတွေနဲ့ ပတ်သက်ပြီး သူတို့ရဲ့ နက္ခတ် ဆရာတွေနဲ့ တိုင်ပင်မယ် ဆိုတာ သေချာပါတယ်။

ဒါပေမဲ့ နက္ခတ်ပညာ တခုတည်းနဲ့တော့ အနာဂတ်ကို ကြိုတင် ဟောကိန်းထုတ်နိုင်တာ မဟုတ်ပါဘူး။ ဖွဲ့စည်းအုပ်ချုပ်ပုံ အခြေခံဥပဒေ ဆိုင်ရာ ရှေ့နေတွေနဲ့ နိုင်ငံရေးသိပ္ပံ ပညာရှင်တွေက ဖွဲ့စည်းအုပ်ချုပ်ပုံ အခြေခံဥပဒေသစ်တခု ရေရှည် တည်တံ့နိုင်မယ့် နည်းနာတွေကို ဖော်ထုတ်ခဲ့ကြပြီး ဖြစ်ပါတယ်။

အောင်မြင်မှုလမ်းစနဲ့ ပတ်သက်ပြီး နိုင်ငံရေးသိပ္ပံပညာရှင်တွေ ဖြစ်ကြတဲ့ ဇာချရီအဲလ်ကင်းစ်၊ တွန်မ်ဂင်းစ်ဘာ့ဂ် နဲ့ ဂျိမ်းစ်မယ်လ်တင်တို့က “နိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေများ၏ ခံနိုင်ရည်” ဆိုတဲ့ စာအုပ်ထဲမှာ ဖော်ပြခဲ့ကြပါတယ်။ သူတို့က အခြေခံဥပဒေတွေရဲ့ ပျမ်းမျှသက်တမ်းဟာ ၁၉ နှစ်ပဲ ရှိတယ်လို့ ခန့်မှန်းပါတယ်။

တကယ်လို့ အခြေခံဥပဒေ မူကြမ်းရေးဆွဲတဲ့နေရာမှာ လူထုနဲ့ အခြား ရည်မှန်းချက်တူအစုအဖွဲ့တွေ ပါဝင်ခွင့်ရပြီး ကိုယ်တိုင် ဆန္ဒခံယူပွဲမှာ မဲပေးခဲ့တယ်ဆိုရင်တော့ သူတို့ဟာ အခက်အခဲ အကျပ်အတည်းနဲ့ ကြုံတိုင်းမှာ အဲ့ဒီဥပဒေကို ထိန်းသိမ်း ကာကွယ် သွားနိုင်ပါတယ်။ ပညာသင်ကြားခွင့်လိုမျိုး သီးသန့် လုပ်ထုံး လုပ်နည်းနဲ့ အခွင့်အရေး ဆိုင်ရာ ကိစ္စတွေကို အခြေခံဥပဒေမှာ အသေးစိတ် ထည့်သွင်းထားတာဟာလည်း အဲ့ဒီ ဖွဲ့စည်းပုံက လူ့အဖွဲ့အစည်းမှာရှိတဲ့ လူတိုင်းနဲ့ သက်ဆိုင်တယ် ဆိုတာကို ထင်ရှားစေပါတယ်။ ဒါ့အပြင် စကားလုံးတွေရဲ့ အဓိပ္ပာယ်နဲ့ပတ်သက်ပြီး အငြင်းအခုံဖြစ်တာတွေကို အကာအကွယ်ဖြစ်စေပါတယ်။ နောက်ဆုံးအချက်အနေနဲ့ အတော်အတန် ပြောင်းလွယ် ပြင်လွယ်ရှိတဲ့ ပြင်ဆင်ဖြည့်စွက်ခြင်း ဆိုင်ရာ လုပ်ထုံးလုပ်နည်းတွေ ရှိနေမယ်ဆိုရင် သက်ဆိုင်ရာ အစိုးရက ပြောင်းလဲနေတဲ့ အခြေအနေနဲ့ လိုက်လျောညီထွေ ဖြစ်အောင် အခြေခံဥပဒေကို ပြင်ဆင်နိုင်ပါလိမ့်မယ်။ ဒီလို အင်္ဂါရပ်တွေ အားလုံးနဲ့ပြည့်စုံတဲ့ အခြေခံဥပဒေတွေဟာ နှစ်ပေါင်း ၂၀၀ ကျော် သက်တမ်း ရှည်ကြာခဲ့တယ်၊ ဒီလို အင်္ဂါရပ်တွေနဲ့ မပြည့်စုံတဲ့ အခြေခံဥပဒေတွေကတော့ ဆယ်စုနှစ် တခုတောင် မခံဘူး ဆိုတာကို သမိုင်းက သက်သေ ပြခဲ့ပြီးပါပြီ။

မြန်မာနိုင်ငံမှာ ရှိခဲ့ဖူးတဲ့ အခြေခံဥပဒေ နှစ်ရပ်စလုံးဟာ ၁၄ နှစ်လောက်ပဲ သက်တမ်း ရှိခဲ့ပါတယ်၊ ဒါဟာ ပျမ်းမျှ သက်တမ်းထက် နည်းပါတယ်။ ၁၉၄၇ အခြေခံဥပဒေအရ မြန်မာပြည်မှာ ပါလီမန် ဒီမိုကရေစီစနစ်ကို ထူထောင်ခဲ့တယ် ဆိုပေမယ့် အဲ့ဒီ အခြေခံဥပဒေဟာ တနိုင်ငံလုံး ပျံ့နှံ့နေတဲ့ နိုင်ငံရေးဂိုဏ်းဂဏ ကွဲပြားမှုနဲ့ ၁၉၆၀ အစောပိုင်းကာလက တိုင်းရင်းသား သူပုန်ထမှုတွေကို မဖြေရှင်းနိုင်ခဲ့ပါဘူး။ ဗိုလ်ချုပ်ကြီး နေ၀င်းရဲ့ အာဏာသိမ်းမှုကလည်း နောက်ဆုံး တိုင်းပြည်ကို ပျက်သုံးမှုထဲကို အလွယ်တကူ ပို့ဆောင်ခဲ့တာ ဖြစ်ပါတယ်။ သူက မြန်မာ့ဆိုရှယ်လစ် လမ်းစဉ်ပါတီရဲ့ အာဏာ ခိုင်ခိုင်မာမာ အမြစ် တွယ်နေစေဖို့ ၁၉၇၄ ခုနှစ်မှာ အခြေခံဥပဒေသစ်ကို ပြဌာန်းခဲ့တာပါ။ ၁၉၈၈ခုနှစ် ဆန္ဒပြပွဲတွေ အပြီးမှာတော့ စစ်အစိုးရက အခြေခံဥပဒေကို ဘေးဖယ်ထားလိုက်ပါတော့တယ်။

အရင် အခြေခံဥပဒေတွေရဲ့သက်တမ်းက ၁၄ နှစ်လောက်ပဲ ကြာခဲ့ပေမဲ့ အဲ့ဒါနဲ့ မတူတာကတော့ ၂၀၀၈ အခြေခံဥပဒေ ရေးဆွဲဖို့ ကျင်းပတဲ့ ပြီးခဲ့တဲ့ အမျိုးသားညီလာခံဟာ ၁၇ နှစ်တာ ကြာရှည်ခဲ့ခြင်းပါပဲ၊ ဒါဟာ သမိုင်းမှာ အရှည်ကြာဆုံး အခြေခံဥပဒေ မူကြမ်း ရေးဆွဲတဲ့ ဖြစ်စဉ်ပါပဲ။ ဗိုလ်ချုပ်ကြီးသန်းရွှေရဲ့ နက္ခပညာရှင်တွေက ဘာတွေပဲ ဟောကိန်းထုတ်ကောင်း ထုတ်ပါစေ အခြေခံဥပဒေ အသစ်ဟာ အတော်အတန် တိုတောင်းတဲ့ ကာလတခုပဲ သက်တမ်းရှည်မယ် ဆိုတာကို မျက်ဝါးထင်ထင် တွေ့မြင်နေရပါတယ်။

အဓိကအားဖြင့် အခြေခံဥပဒေမူကြမ်း ရေးဆွဲမှုဖြစ်စဉ်မှာ ပါဝင်ခွင့်မရခဲ့တဲ့ ပြည်သူလူထု အနေနဲ့ အခြေခံဥပဒေရဲ့ ရည်ရွယ်ချက်နဲ့ တိုင်းပြည် ပြဿနာတွေကို ဖြေရှင်းတဲ့ နေရာမှာ ဖွဲ့စည်းပုံရဲ့ အကျိုး သက်ရောက်မှုတွေကို သံသယ ရှိနေကြပြီး ဖြစ်ပါတယ်။ အမျိုးသားညီလာခံရဲ့ အစီအစဉ်တွေကို လျှို့ဝှက်မှုတွေနဲ့ ဖုံးကွယ်ထားပြီး စစ်အစိုးရရဲ့ အမြင်တွေကို ဖီလာ ဆန့်ကျင်လုပ်တဲ့ ကိုယ်စားလှယ်တွေဟာလည်း ညီလာခံက ထုတ်ပယ်ခံရတာတွေ ဒါမှမဟုတ် မိမိတို့အမြင်ကို တင်ပြခွင့် မရတာတွေ ရှိခဲ့တယ်လို့ ကြားသိရပါတယ်။ ပြည်သူလူထုအနေနဲ့ ဆန္ဒခံယူပွဲ မတိုင်ခင် ရက်သတ္တပတ် အတော်ကြာအထိ အခြေခံဥပဒေ မူကြမ်းကို မတွေ့ခဲ့ရပါဘူး၊ ဒါကြောင့် ဖွဲ့စည်းပုံနဲ့ ပတ်သက်ပြီး သူတို့ရဲ့ ထင်မြင်ချက်တွေကို တင်ပြနိုင်တဲ့ အခွင့်အရေး အတော် နည်းခဲ့ပါတယ်။

ပြည်သူတွေကို ပိုပြီး အမှန်အတိုင်း မြင်လာစေတာကတော့ စစ်အစိုးရက ၂၀၀၈ ခုနှစ် မေလ ဆန္ဒခံယူပွဲရလဒ်နဲ့ ပတ်သက်ပြီး ထုတ်ပြန် ကြေညာတဲ့အချိန်မှာ ဖြစ်ပါတယ်။ မဲပေးခွင့်ရှိသူဦးရေရဲ့ ၉၈ ရာခိုင်နှုန်းက ဆန္ဒမဲထည့်ခဲ့ကြပြီး ၉၂ ရာခိုင်နှုန်းက ထောက်ခံမဲ ပေးခဲ့ကြတယ်လို့ စစ်အစိုးရက အခိုင်အမာ ဆိုပါတယ်။ ဧရာဝတီ မြစ်ဝကျွန်းပေါ် ဒေသကို နာဂစ်မုန်တိုင်း ၀င်ရောက် ဖျက်ဆီးခဲ့လို့ လူပေါင်း ၁၃၈၀၀၀ ကျော် သေဆုံးခဲ့ပြီး သိပ်မကြာခင်မှာ အခြေခံ ဥပဒေ ဆန္ဒခံယူပွဲ ကျင်းပတာမို့ ဒီရလဒ်က အံ့သြ တုန်လှုပ်စရာ၊ မဖြစ်နိုင်စရာ ရလဒ်တခုပါပဲ။ ပြည်သူအများစုက ဒီလို ယုံရခက်ခက် ကမောက်ကမ ဖြစ်စဉ် အပေါ် ယုံကြည်မှု ကင်းမဲ့ခဲ့ကြပါတယ်။

အခြေခံဥပဒေထဲမှာ အသေးစိတ် အချက်အလက်တွေ အတော်များများ ပါရှိပြီး အများနဲ့ မတူတဲ့ အကြောင်း အရာတွေကို ကျယ်ကျယ် ပြန့်ပြန့် ထည့်သွင်းထားတာလည်း တွေ့ရပါတယ်။ အခြေခံဥပဒေ အများစုက စာလုံးရေ ၁၄၀၀၀ လောက်ပဲ ရှိကြတာပါ၊ ဒါပေမဲ့ အင်္ဂလိပ်ဘာသာနဲ့ ၂၀၀၈ ဖွဲ့စည်းပုံ နောက်ဆုံးမူကြမ်းကတော့ စာလုံးရေ ၄၀၀၀၀ ရှိပါတယ်။ တချို့ အကြောင်း အရာတွေ အထူးသဖြင့် အရေးပေါ် အခြေအနေနဲ့ ပတ်သက်တဲ့ လုပ်ထုံးလုပ်နည်းတွေ ဆိုရင် စဉ်းစားစရာ ကောင်းပါတယ်။ ဒါပေမယ့် အုပ်ချုပ်ရေး နဲ့ ဥပဒေပြုရေး ဆိုင်ရာ အရာရှိတွေနဲ့ ပတ်သက်တဲ့ အခန်းတွေမှာတော့ သူတို့မှာ ရှိရမယ့် အရည် အချင်းတွေနဲ့ သူတို့ကို ဘယ်လို ခန့်အပ်ရမယ် ဆိုတဲ့ လုပ်ထုံးလုပ်နည်းတွေကို အသေးအမွှားက အစ ဖော်ပြထားတာမို့ မလိုအပ်ဘဲ ထပ်ခါတလဲလဲ ပြောသလို ဖြစ်နေပါတယ်။ အရေးကြီးဆုံးကတော့ အခြေခံဥပဒေက မြန်မာနိုင်ငံသားတွေရဲ့ အခြေခံအခွင့်အရေး တွေနဲ့ ပတ်သက်ပြီး မည်ကာမတ္တ ရှင်းပြထားတာပါပဲ။ ဥပမာအနေနဲ့ တပ်မတော်ထဲမှာ အမျိုးသမီး အမျိုးသား ခွဲခြား ဆက်ဆံမှုကို အခြေခံဥပဒေအရ တားမြစ်ထားမှု ရှိမရှိ မသေချာပါဘူး။ ၂၀၀၈ အခြေခံဥပဒေဟာ ၁၇ နှစ်တိုင်တိုင် ရေးဆွဲခဲ့ပေမယ့် အရေးကြီးတဲ့ ကိစ္စ အတော်များများကို မဖြေရှင်းနိုင်ဘဲ ရှိပါသေးတယ်။

မြန်မာ့အရေး စောင့်ကြည့်လေ့လာသူတွေ ပြောခဲ့ပြီးသလိုပဲ ၂၀၀၈ အခြေခံဥပဒေဟာ ပြင်ဆင်ဖို့ ခက်ခဲအောင် ပုံမှန်ထက် လွန်ကဲတဲ့ အတားအဆီးတွေကို ထည့်သွင်း ပြဌာန်းထားတာ ဖြစ်ပါတယ်။ အဲလ်ကင်းစ်၊ ဂင်းစ်ဘာ့ဂ် နဲ့ မယ်လ်တင်တို့ကတော့ အခြေခံဥပဒေတွေ ပြင်ဆင်မှုကို လွှတ်တော်ရဲ့ သုံးပုံနှစ်ပုံ အတည်ပြုချက်နဲ့ နိုင်ငံတော် အကြီးအကဲက လက်မှတ် ထိုးပြီး လုပ်နိုင်မယ် ဆိုရင် အကောင်းဆုံး ဖြစ်မယ်လို့ အိန္ဒိယနိုင်ငံရဲ့ ဥပမာကို ယူပြီး အခိုင်အမာ ပြောဆိုကြပါတယ်။

ဒါပေမယ့် မြန်မာပြည်ရဲ့ ၂၀၀၈ အခြေခံဥပဒေကို ပြင်ဆင်နိုင်ဖို့ကတော့ လွှတ်တော်ရဲ့ ၇၅ ရာခိုင်နှုန်းကျော် သဘောတူဖို့ လိုအပ်တာပါ။ စစ်အစိုးရက လွှတ်တော်နေရာ ၂၅ ရာခိုင်နှုန်းကို သိမ်းပိုက်မှာမို့ ဒီအခွင့်အရေးဟာ တပ်မတော်အတွက် အခြေခံဥပဒေ ပြင်ဆင်မှုမှာ ထိထိရောက်ရောက် ဗီတိုအာဏာသုံးနိုင်အောင် လမ်းဖွင့်ပေးရာ ရောက်ပါတယ်။

ဒါ့ပြင် အခြေခံဥပဒေပါ ကာကွယ်ရေးဌာနနဲ့ ပတ်သက်တဲ့ ကဏ္ဍ အပါအ၀င် တချို့ကဏ္ဍတွေကို ပြင်ဆင်ဖို့ အတွက် မဲဆန္ဒပေးနိုင်တဲ့ လူဦးရေရဲ့ တ၀က်ကျော်က ဆန္ဒခံယူပွဲမှာ မဲပေးမှသာ အတည်ဖြစ်တယ် လို့လည်း ပြဌာန်းထားပါသေးတယ်။ ဒီလိုပြဌာန်းချက်မျိုးတွေနဲ့ ဆိုရင်တော့ လူမှုရေးနဲ့ နိုင်ငံရေး အခြေအနေတွေကို အပြောင်းအလဲ လုပ်ဖို့ အတွက် လိုအပ်သလို ပြင်ဆင်နိုင်ဖို့ မလွယ်ကူတဲ့ အခြေခံဥပဒေအဖြစ်နဲ့ပဲ ရှိနေပါတော့မယ်။

မြန်မာနိုင်ငံရဲ့ အခြေခံဥပဒေသစ်ဟာ ဘယ်လောက်ပဲ သက်တမ်း ကြာပါစေ ဒီအခြေခံဥပဒေက မြန်မာ့နိုင်ငံရေးကိုတော့ အခြေခံကျကျ ပြောင်းလဲစေမှာ ဖြစ်ပါတယ်။ ဒါပေမဲ့ ဗုဒ္ဓဘာသာရဲ့ မတည်မြဲမှု အယူအဆအရ ဆိုရင်တော့ ၂၀၀၈ အခြေခံဥပဒေဟာလည်း ထာဝရ တည်မြဲနေမယ့်အရာ မဟုတ်ပါဘူး။

အစိုးရအရာရှိတွေနဲ့ ပတ်သက်ပြီး အသေးစိတ် အချက်အလက် တချို့ ပါဝင်ပေမယ့် တိုင်းပြည် ကြုံတွေ့နေရတဲ့ အရေးကြီးကိစ္စ အတော်များများကို အခြေခံဥပဒေက မသိကျိုးကျွံ ပြုထားပါတယ်။ ဒါ့အပြင် ပြင်ဆင် ဖြည့်စွက်ခြင်းနဲ့ ဆိုင်တဲ့ လုပ်ထုံးလုပ်နည်းတွေကလည်း သိပ်ကို ရှုပ်ထွေး နက်နဲတာမို့ အနာဂတ် မြန်မာပြည်မှာ ဒီမိုကရေစီနည်းကျ ရွေးကောက်ခံရတဲ့ ဘယ်အစိုးရမဆို ဒီအခြေခံဥပဒေကို ပြင်ဆင်ဖို့ ကြိုးစား အားထုတ်တာထက် စာရင် လွယ်လွယ်ကူကူ ပစ်ပယ်လိုက်ဖို့ အလားအလာ ရှိပါတယ်။

မြန်မာလူမျိုး အနည်းငယ်ကသာ ၂၀၀၈ အခြေခံဥပဒေကို စွဲစွဲမြဲမြဲ ငြိတွယ်နေကြတာပါ၊ လူအများကတော့ အဲ့ဒီ အခြေခံဥပဒေရဲ့ ကျဆုံးခန်းကို ကောင်းချီးသြဘာ ပေးကြပါလိမ့်မယ်။ ဒီလို ခန့်မှန်းလို့ရတဲ့ အခြေခံဥပဒေရဲ့ ချို့ယွင်းချက်၊ အားနည်းချက်တွေပေါ် မူတည်ပြီး ပြောရမယ် ဆိုရင် မြန်မာပြည်ဟာ နောက်ထပ် အခြေခံဥပဒေ ဆိုင်ရာ ညီလာခံတခုကို မျိုးဆက် တခုအတွင်းမှာ ကျင်းပရမယ့် အလားအလာ အလွန် ရှိနေတယ်လို့ ဆိုရပါတော့မယ်။

အာနိုး ကော်စို ရေးသားသည့် How Long will Burma's New Constitution Last ကို ဆီလျော်အောင် ဘာသာပြန် ဆိုထားခြင်း ဖြစ်သည်။ အာနိုး ကော်စိုသည် ဥပဒေရေးရာကျွမ်းကျင်သူတဦး ဖြစ်ပြီး အရှေ့တောင်အာရှဒေသ လူ့အခွင့်အရေး အဖွဲ့ များနှင့် ပူးပေါင်းဆောင်ရွက်ခဲ့ဖူးသူ ဖြစ်သည်။
http://www.irrawaddy.org/bur/index.php/special/2009-10-12-04-13-58/2605-2010-02-15-11-13-44

ဗိုလ်ချုပ်ကို သတိရပါ



“ဖေဖော်ဝါရီ ၁၃ ဟာ ဗိုလ်ချုပ် မွေးနေ့ပါ” ဆိုသည့် ဘယ်သူရေးမှန်း မသိသော ကဗျာကို တတိယတန်းတွင် ကျက်ခဲ့ရ သော်လည်း ထိုနေ့သည် ကလေးများနေ့ဟု ထူးတထွေ ကျင်းပသည်ကို ငယ်စဉ် တောင်ကျေးက ဘာမှ မတွေ့ခဲ့ဘူး၊ မကြားဘူးခဲ့ရိုး အမှန်ပါ။

အိုးဝေမဂ္ဂဇင်းအယ်ဒီတာအဖြစ် ဗိုလ်ချုပ်အောင်ဆန်းကို ဤသို့တွေ့ရသည်

အရာရာတွင် အကြီးအမှူးကို ဦးညွှတ်ရသည့် လူကြီးဝါဒ တိုင်းပြည်တွင် ကလေးများ၊ မိန်းမများ၊ တိုင်းရင်းသားများ နိုင်ငံခြားသား စသည့် ဝေါဟာရများမှာ အလုပ်သမား၊ လယ်သမားနှင့် တပ်မတော် စသည့် ဆိုရှယ်လစ် ဒီမိုကရေစီ၏ အဓိက မဏ္ဍိုင် များလောက် ဂုဏ်မမြောက် သလို အောက်မေ့ ခဲ့မိသည်။

ကလေးတွေကို ဗိုလ်ချုပ်လို အာဇာနည် သူရဲကောင်းတွေကို အားကျ တတ်စေရန် ထိုနေ့ကို ကလေးများနေ့ဟု ရွေးချယ် ခဲ့သော်လည်း အာဇာနည် ဆိုလျှင် ဒုက္ခနိဂုံးနှင့်သာ အဆုံးသတ်သည့် တိုင်းပြည် ကြမ္မာက ကလေးတွေကို အကြောက်တရား ရိုက်သွင်းပေးနေ သလို ရှိလှသည်။

သခင်အောင်ဆန်း၊ ဗိုလ်ချုပ်အောင်ဆန်း၊ ဦးအောင်ဆန်း သုံးမည်ရ ပုဂ္ဂိုလ်ကြီးကို မျိုးဆက်သစ်တွေ မေ့ကုန်ပြီဟု နိုင်ငံရေး စိတ်သန်သူများက မချင့်မရဲ ဖြစ်တတ်ကြသည်။ အမှန်တော့ ဗိုလ်ချုပ်ကို မေ့ကြသည်မှာ ယခုကာလမှ မဟုတ်၊ လွတ်လပ်ရေးရစ နိုင်ငံရေးခေတ် ကတည်းကဟု ဆိုရလိမ့်မည်။

ဗိုလ်ချုပ် … ဗိုလ်ချုပ် … ဒေါ်စု … ဒေါ်စု ... ဆိုသည့် အသံတွေကို ကြားရတိုင်း ၁၉၆၀ ကျော် ရှုမဝ မဂ္ဂဇင်းဟောင်း တအုပ်ထဲက သခင်ဘသောင်း လက်ရာ ပြဇာတ်တိုကလေးတပုဒ်ကို သတိရမိပြီး ပြုံးရတတ်သည်။ စားပွဲပေါ်တွင် “ဗိုလ်ချုပ်ကို သတိရပါ” ဆိုသည့် စာကိုတွေ့ပြီး လုပ်ကြံခံရမှာစိုး၍ အကြောက်လွန်သွားသည့် ဝန်ကြီးတယောက် အကြောင်း ဖြစ်ပါသည်။

တို့ဗမာအစည်းအရုံးကို တည်ထောင်ခဲ့သဖြင့် သခင်တို့ကို ဖန်ဆင်းသည့် ဘုရားသခင်ဟု ဆရာကြီးမှိုင်းက ကျီစယ်ခဲ့သည့် သခင်ဘသောင်းမှာ လက်ယာအစွန်းရောက် အမျိုးသားရေးဝါဒီပီပီ နု၊ အောင်ဆန်း၊ စိုး၊ သန်းထွန်းစသည့် နဂါးနီ စာပေကလပ်၏ ပင်မ ဝိုင်းတော်သားများနှင့် တယ်ပြီး အလွမ်းမသင့်လှပါ။ ထို့ကြောင့် တိုင်းပြည်ဖခင် အာဇာနည် အဖြစ် ဖဆပလ၊ ပထစ စသည့် နိုင်ငံရေး သမားများနှင့် စစ်တပ်ကပါ ပလ္လင်ဆောက်ကာ ဂုဏ်မြောက်ပြီး နိုင်ငံရေး အမြတ်ထုတ်ကြသည်ကို သရော်လိုဟန် ရှိပါသည်။

ထို့ကြောင့် ဗိုလ်ချုပ်က တိုင်းပြည်အတွက် ဘာတွေ ချန်ခဲ့ပြီး မြန်မာပြည်သူတွေက သူ့ကို ဘယ်လိုအမှတ်ရကြသလဲ ဆိုသည်ကို သူ အနှစ်တရာ မပြည့်ခင် ခုကတည်းက ဝေဖန်သော စိတ်ဖြင့် ကြိုစဉ်းစားသင့်လှသည်။ သို့မဟုတ်ပါက မြန်မာထုံးစံ ချစ်လျှင် အကျိုး မြတ်နိုးသဒ္ဓါဆိုသလို အလွန်အကျွံ ချစ်ပြနေကြသဖြင့် နတ်ကိုးကွယ်သည့်နှယ် မျက်စိမှိတ်ယုံကြည်မှုမျိုး ပေါ်လာသလို တဘက်တွင်လည်း စတာလင်ပုံစံ ယုတ္တိမဲ့ဝါဒဖြန့်မှုမျိုးကို အယုံအကြည်မဲ့ပြီး စိတ်ဝင်စားမှု ကုန်ခမ်းသွားသည့် အစွန်းက ရှိနေသည်။

(၂)

ဗိုလ်ချုပ်ထားခဲ့သည့် အမွေထဲတွင် အခိုင်မာဆုံး သက်သေက ပြည်ထောင်စုမြန်မာနိုင်ငံ (ဝါ) ဘားမား ဆိုသည့် တိုင်းပြည် ဖြစ်ပါသည်။ ထို့ပြင် ကျောင်းသားနှင့် စစ်ဗိုလ်ဆိုသည့် ကမ္ဘာမကြေ၊ ငါမကြေ နိုင်ငံရေးသမား နှစ်မျိုးကိုလည်း ထားရစ်ခဲ့ ပါသေးသည်။ ဗိုလ်ချုပ်သမီး စုစုခေါ် ဒေါ်အောင်ဆန်းစုကြည်မှာ တွမ်နှင့် ဂျယ်ရီရန်ပွဲကို ဝင်ဖျဉ်ရင်း (ဝါ) လှေကွဲကြီးကို ဆယ်ရင်းနစ်သည့် မေခလာ ဖြစ်နေတော့သည်။

မဏ္ဍလအုပ်ချုပ်ရေးခေါ် မင်းနေပြည်မှ ဝေးရာတွင် အာဏာစက် လျော့သွားတတ်သည့် ပဒေသရာဇ် တိုင်းပြည်တခုနှင့် နီးပါး ဝန်းကျင်က တောင်ပေါ် လူမျိုးစုတို့ကို စီးပွားရေးအမြတ်အတွက် အကြောင်းရှာ ကျွန်ပြုရာတွင် ဘားမားခေါ် အိန္ဒိယနှင့် ဗြိတိသျှ အင်ပါယာဝင် ဆန်နှင့်သစ် တင်ပို့ရာ ကိုလိုနီတခုပေါ်လာပါသည်။ ၎င်းကိုလည်း တိုက်ရိုက်အုပ်ချုပ်ရေး ကျင့်သုံးရာ ပြည်မနှင့် စော်ဘွားဒူးဝါး၊ တောင်အုပ်တို့မှတဆင့် အခွန်ကောက်စရာ နယ်ခြားဒေသဟု ခွဲခြားထားလိုက်ရာ နှစ် ၆၀ ကျော် ထိုအကွဲကြီးကို လပိုင်းအတွင်း ရအောင်စေ့စပ်ပြီး ပြည်ထောင်စု အုပ်ချုပ်ရေးကို ထူထောင်ရန် ငန်းသတ်ပေးခဲ့သူကို ပြည်ထောင်စု ဗိသုကာ ခေါ်သည်ထက် ပန္နက်ချသူဟုသာ သုံးစွဲသင့်ပါသည်။

အကြောင်းမတော့ ထိုဘလူးပရင့်ကောင်းသည့် ပြည်ထောင်စု တိုက်အိမ်ကြီးမှာ မဆောက်တတ်သည့် တောပန်းရံတို့ လက်ထဲဝယ် စစ်ဘားတိုက်ကြီး ဖြစ်သွားခဲ့ပါ၏။ သို့တစေ၊ အမျိုးသားရေး မာန်တက်နေကြသည့် စစ်ပြီးစ လက်နက်အလျှံအပယ်နှင့် လူမျိုး အစုံကို သူ့သြဇာ၊ စေတနာနှင့် စကားနည်း၊ ရန်စဲ လွတ်လပ်ရေးမြန်မြန်နှင့် အတူတူရကြအောင် စည်းရုံးသွားခဲ့သည့် ကျေးဇူးကား ကြီးပါသည်။

ဦးအောင်ဆန်း၏ နိုင်ငံရေးကဏ္ဍတွင် ၁၉၃၆ သပိတ်မှောက်ခေါင်းဆောင်၊ ကောလိပ်ကျောင်းထွက် ဒို့ဗမာ အစည်းအရုံး ခေါင်းဆောင် ဆိုသည့် ဂုဏ်ပုဒ်နှင့် ရဲဘော်သုံးကျိပ် ခေါင်းဆောင် တပ်မတော်ဖခင် ဗိုလ်ချုပ်အောင်ဆန်း ဆိုသည့် ဝိသေသနှစ်ခုက လက်လက်ပနေ၏။

ဥပဒေတွင်း တိုက်ပွဲနှင့် လက်နက်ကို အချိန်အခါအလိုက် အသုံးချခဲ့သော်လည်း သူ့ကို ဆက်ခံသည့် နိုင်ငံရေး မျိုးဆက်များ လက်ထက်တွင် ဤအင်အားစု နှစ်ခုမှာ ပတ်တုပ်မရအောင် အကွဲကြီးကွဲပြီး လွဲချက်ကနာလှပေသည်။ ပြည်တွင်းစစ်ဖြစ်စ တပ်မတော်မချဲ့ထွင် ရသေးခင်က စစ်ဘက်နှင့် အာဏာရနိုင်ငံရေးလောကမှာ တပူးတွဲတွဲ ရှိလှသော်လည်း နောက် ဆယ်နှစ် အတွင်းမှာပင် ထိုနိုင်ငံရေးသမား အများစု ထောင်ထဲရောက်သွားခဲ့သည်။

ဆဲဗင်းဂျူလိုင်ခေတ်မှစ၍ အဆက်ဆက်သော ကျောင်းသား မျိုးဆက်များမှာ တပ်မတော်၏ တိုင်းပြည်သစ်ကို အဖျက်အမှောင့် လုပ်မည့် နိုင်ငံရေး အလှေးအမွှားများအဖြစ် အငြိုးကြီးနှင့် ချေမှုန်းခံရလေသည်။ ကွန်မြူနစ်တစ္ဆေနှင့် တရုတ်နီခြောက်အိပ်မက်၊ ပြီးတော့ နယ်ချဲ့လက်သစ် အန္တရာယ်စသဖြင့် ခေါင်းတပ်စရာ အကြောင်းပြများက ကောင်းလှသည် မဟုတ်ပါလား။

ဖိနှိပ်သူရော အဖိနှိပ်ခံကပါ ဗိုလ်ချုပ်အမွေခံ မြန်မာပြည်ကို ကယ်တင်မည့် မျိုးချစ်များအဖြစ် ကိုယ့်ကိုယ်ကိုယ် ရှုမြင် သိဒ္ဓိတင်ကာ အပြန်အလှန် အခဲမကျေဘဲ လောင်စာရန်ငြိုး မီးဆက်ကာ ပျိုးကြတော့သည်။ တဖန် ၁၉၈၈ အရေးအခင်းတွင် တပ်မတော် ဖခင်ကြီး၏သား ဗိုလ်ချုပ်ကြီးများ၏ အဓမ္မ အင်အားသုံးဖိနှိပ်မှုကို ဖခင်ကြီးသမီးက ဝေဖန်ရှုတ်ချကာ လက်နက်မဲ့ ကျောင်းသား ပြည်သူများဘက်က ရပ်တည်သည့်အခါ အနှစ် လေးဆယ်ကြာ ဖန်တီးထားရသည့် “ဆိုရှယ်လစ် မုခ်ဦးဆီသို့ ချီနေသော အောင်ဆန်း တိုင်းပြည်” ဆိုသည့် ဝါဒဖြန့် ပူစီပေါင်းများ တဖောင်းဖောင်း ပေါက်ကွဲပြီး လူမျိုးရေးမုန်းတီးမှုပေါ် အခြေပြုသည့် စစ်ဝါဒီနိုင်ငံတော်ပုံရိပ်က မလှမပပေါ်လာခဲ့သည်။

စင်စစ် ဗိုလ်ချုပ်၏ ဆိုရှယ်လစ်လမ်းစဉ်ကို ချီတက်မည်ဟု ဖဆပလရော မဆလပါ ကြွေးကြော်ခဲ့သော်ငြား တဖွဲ့မှ အပြောနှင့်အလုပ် မညီလှပါ။ တတိယကမ္ဘာထုံးစံ မြန်မာအစိုးရအဆက်ဆက်မှာ ဒိုင်အာခီမှသည် နေပြည်တော်ခေတ်အထိ အကျင့်ပျက်ခြစား၊ ကိုယ်ကျိုးငဲ့ လူယုံမွေးသည့် ပဒေသရာဇ်ပုံစံမှ မထွက်နိုင်သေး။

ပြည်တွင်းစစ် အပြုတ်တိုက်ရေးဘက် မဲနေရသဖြင့် တိုင်းပြည် မဖွံ့ဖြိုးနိုင်ခြင်းအတွက် လူထုထောက်ခံမှု မလျော့စေရေးအလို့ငှာ ဗိုလ်ချုပ်လမ်းစဉ်ကို လိုက်နာနေပါသည်ဟု တွင်တွင်ကြီးပြောပေး၊ ဗိုလ်ချုပ်အောင်ဆန်းနှင့် ဗိုလ်ချုပ်ကြီးနေဝင်း ပျဉ်းမနား လမ်း တနေရာတွင် ရိုက်ထားသောပုံကို ထုတ်ထုတ်ပြပေး ရသည်ကို မဆလခေတ်မီသူများ မှတ်မိပါလိမ့်မည်။

တခါတခါလည်း အနှစ် ၆၀ ကျော် နိုင်ငံရေးမတည်ငြိမ်မှုနှင့် နောက်ဆက်တွဲ လူမှုစီးပွား နိမ့်ကျမှုအစ ပယောဂအဖြစ် ဘယ်အခါမှ မညီခဲ့သော လက်ဝဲအုပ်စုများနှင့်တကွ တိုင်းပြည်ပြုလွှတ်တော်တွင် ဖွဲ့စည်းအုပ်ချုပ်ပုံအခြေခံဥပဒေ အတည်ပြုဖို့ လက်ညှိုး ထောင်တတ်သူပဲ လိုချင်တယ်ဆိုပြီး အသက် ၂၀ ကျော် စစ်ပြန် ရဲဘော် အမတ်ကလေးများ (အများစု တောခိုသွား) ကို ဆွဲသွင်းခဲ့သော ဗိုလ်ချုပ်ဟောင်း ဦးအောင်ဆန်းကိုပဲ အပြစ်ဆိုရမလား၊ သူနှင့်လက်တွဲလုပ်ဖို့ ဆန္ဒမရှိကြသည့် ကိုလိုနီ သခင်ကြီးများကို သံယောဇဉ်မပြတ်နိုင်သော စစ်မတိုင်ခင်က အာဏာရ ဘိလပ်ပြန် လက်ယာ ပညာတတ်နိုင်ငံရေးသမားများကိုပဲ လက်ညှိုးထိုးရမည်လား မသိတော့ပါ။

အနိုင်နိုင်ငံမှ သူနှင့်ခေတ်ပြိုင် ဆိုရှယ်လစ် ခေါင်းဆောင်ဗိုလ်ချုပ်များနှင့် နှိုင်းယှဉ်ကြည့်ပြီး သူသာမကျဆုံးခဲ့ပါက ယခုလောက် ဂန္ထဝင် တွင်ပါ့မလားဟု သံသယ ပွားမိပြန်သေးသည်။ ဦးနုနှင့် ဗိုလ်ချုပ်ကြီးနေဝင်းမှာ သူ့လောက် အရည်အချင်းမရှိ ပေါ်ပြူလာ မဖြစ်ခဲ့သော်ငြား ဗိုလ်ချုပ်အောင်ဆန်း ဆိုလျှင်ကော စစ်အေးအရှိန်တက်ချိန် ဝဲ၊ ယာအင်အားကြီးများ ဝိုင်းဘေးတီးပေးကြသော ကွန်မြူနစ်နှင့် လူမျိုးစုလက်နက်ကိုင် လှုပ်ရှားမှုတွေ ပေါ်မလာအောင် နိုင်ငံရေးနည်းနှင့် တားဆီးနိုင်ပါမည်လား။

သူ့လိုပင် အမျိုးသားခေါင်းဆောင်ဖြစ်သော အင်ဒိုနီးရှားဖခင် ဆူကာနိုမှာ ကွန်မြူနစ်နှင့် စစ်တပ်ဆိုသည့် ဗာလီနှင့် သုကျိပ် တို့အကြား (တရုတ်နီနှင့် အမေရိကန်သြဇာခံ အင်အားစုများအလယ်) ဟန်ချက်ပျက်ပြီး နန်းကျခဲ့ရသည်။ စစ်ကြီးအတွင်းက နာမည်ကျော် ပြောက်ကျားခေါင်းဆောင် မာရှယ်တီးတိုး မရှိသည့်နောက် မြန်မာစစ်တပ်၏ စံနမူ ယူဂိုတို့ပြည် မည်သို့ ပြိုလဲ ခဲ့သည်ကို ဋီကာချဲ့စရာမလိုတော့။

အာရပ် ဆိုရှယ်လစ်ဝါဒီ နာဆာ၏ အီဂျစ်ပြည်တွင်လည်း ၁၉၆၇ က ထုတ်ထားသည့် အရေးပေါ်ဥပဒေကို ဆက်ကာ ဆက်ကာ သက်တမ်းတိုး နေဆဲ၊ သက်တော်ရှည် မူဘာရက်၏ ရွေးကောက်ခံ အာဏာရှင်စနစ်က သူ့သားလက် အာဏာလွှဲမသွားအောင် တိုက်ပွဲဝင်နေရဆဲ။

ဘက်မလိုက် ဆိုရှယ်လစ် ဗိုလ်ချုပ်ကြီးများသည် ရင့်ကျက်သော နိုင်ငံရေး ယဉ်ကျေးမှုဖော်ဆောင်ရေး၊ တိုင်းပြည်ဖွံ့ဖြိုးရေးတို့တွင် အမေရိကန်ဒေါ်လာတွေ ဖောဖောသုံးနိုင်သော ထိုင်း၊ တောင်ကိုရီးယား၊ ထိုင်ဝမ်တို့က အာဏာရှင်များလောက် အစွမ်းအစမရှိဟု ပြောလျှင် ခံရမည်မှာ မလွဲ။

(၃)

မြန်မာတို့၏ တော်လှန်ရေး အသွင်ဆောင်သည့် အမျိုးသားလှုပ်ရှားမှု လက္ခဏာမှာ ကိုလိုနီခေတ်မှ ယနေ့တိုင်အောင် အဓွန့်ရှည်ခဲ့ပြီး အုပ်ချုပ်သူလူတန်းစားနှင့် ပြည်သူလူထုမှာ ဘယ်အခါမှ စေ့စပ်ပြေငြိမ်းမှုကို မရခဲ့သေးပါ။ အမှန်တော့ စစ်ဖြစ်စကနေ လွတ်လပ်ရေးရခါနီး ၆ နှစ်အတွင်း ဗိုလ်ချုပ်အောင်ဆန်း၏ အောင်မြင်သော နိုင်ငံရေးဦးဆောင်မှု ကဏ္ဍကို လွတ်လပ်ရေးအလွန် ပြိုကွဲကျဆုံးမှုများ၏ လက်သည် အစိုးရအဆက်ဆက်နှင့် ယှဉ်ပြီး လူထုက လွမ်းမပြေဖြစ်ကြသည်။

ထို့နောက် အနှစ် ၂၀ ကြန့်ကြာနေသော ဗိုလ်ချုပ်သမီး၏ နိုင်ငံရေး စီမံပိုင်ခွင့်ကို မင်းလောင်းမျှော် မျှော်ကြသည်ဟု အောက်မေ့ပါသည်။ ဤအညှာကို နောကျေသည့် အတိုက်အခံ ရေနည်းငါးများက ဗိုလ်ချုပ်နှင့်ဒေါ်စု အရေးတော်ပုံနိပါတ်စုံကို အခါခါကျော့ပြရုံသာပြပြီး လူထုနှင့် တိုက်ရိုက်သက်ဆိုင်သော နိုင်ငံရေး လမ်းကြောင်းကို ချမပြနိုင်သည့်အခါမှ စ၍ “ဗိုလ်ချုပ်ကိုတော့ မေ့ပါပြီ” ဆိုသော အမြင်များ ပေါ်လာသည်ဟု မြင်ပါ၏။

တကယ်တမ်းသာဖြင့် ဘားမားရွှေပြည်တွင် လူမွဲတွေ ထမင်းငတ်နေသေးသရွေ့ ညီမျှလွတ်လပ်သော နိုင်ငံရေး၊ စီးပွားရေး စပေ့စ် ဆိုသည်များ လူတိုင်းအတွက် ပေါ်မလာသေးသရွေ့၊ နယ်ပယ်စုံတွင် ဗိုလ်ချုပ်လုို လူမျိုးတွေ များများကြီး ထပ်ထွက်လာဖို့ ပြည်သူတွေက ဆုတောင်းနေကြရပါဦးမည်။

ဗိုလ်ချုပ်၏ သားဦး တပ်မတော်ကလည်း တပ်နှင့်နိုင်ငံရေးခွဲခြားခဲ့သည့် ဗိုလ်ချုပ်စံနမူကို လိုက်နာနိုင်ပြီး ဗိုလ်ချုပ်ကိုယ်ပွား လူငယ်မျိုးဆက်များကလည်း နိုင်ငံ့အရေး ကိုယ့်အရေးမှတ်သည့် ပညာတတ် လူ့အဖိုးတန်များအဖြစ် တိုင်းပြည်ကို လမ်းကြောင်း မှန်ပေါ် ပြန်တည့်မတ်ပေးခြင်းဖြင့် ဗိုလ်ချုပ်ကို တကယ်ချစ်ကြောင်း ပြနိုင်ကြပါစေ။

စာရေးသူသည် ဧရာဝတီတွင် ပုံမှန်ရေးသားနေသော ပြင်ပဆောင်းပါးရှင် တဦးဖြစ်သည်။
http://www.irrawaddy.org/bur/index.php/articles/2-articles/2609-2010-02-15-12-36-05

ဦးတင်ဦး လွတ်မြောက်မှုအပေါ် သူတို့ သဘောထား


နယူးဒေလီ (မဇ္ဈိမ)။ ။ အကျယ်ချုပ် သက်တမ်း ၆ နှစ်ပြည့်ပြီးနောက် ယမန်နေ့ ညပိုင်းတွင် အမျိုးသား ဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦး ပြန်လည် လွတ်မြောက်လာခဲ့သည်။

ဦးတင်ဦးသည် ၂ဝဝ၃ ခုနှစ် မေလ ၃ဝ ရက်နေ့တွင် အန်အယ်ဒီ အထွေထွေအတွင်းရေးမှူး ဒေါ်အောင်ဆန်းစုကြည်နှင့်အတူ စည်းရုံးရေးခရီးထွက်နေစဉ် စစ်ကိုင်းတိုင်း ဒီပဲယင်းအရပ်တွင် စစ်အစိုးရ နောက်ခံပြုထားသည့် လူအုပ်စုကြီး၏ အကြမ်းဖက်တိုက်ခိုက်ခံရပြီးနောက် ဖမ်းဆီးခံခဲ့ရသည်။ ထို့နောက် ၂ဝဝ၄ ခုနှစ် ဖေဖော်ဝါရီလ ၁၃ ရက်နေ့တွင် နေအိမ်အကျယ်ချုပ်အဖြစ် ပြောင်းရွှေ့ချထားခံခဲ့ရသည်။

၁၉၉ဝ ခုနှစ် ရွေးကောက်ပွဲအနိုင်ရ အန်အယ်ဒီပါတီ ခေါင်းဆောင်နှင့် တပ်မတော် အကြီးအကဲဟောင်း ဦးတင်ဦး ပြန်လွတ်လာသည့်အပေါ် ပြည်တွင်းရှိ ဒီမိုကရေစီရေး လှုပ်ရှားနေသူများ၏ သဘောထား၊ ခံစားချက်၊ ၎င်းအပေါ် ရှုမြင်ချက်၊ မျှော်လင့်ချက်များကို သိရှိနိုင်ရန် ဆက်သွယ်မေးမြန်းထားသည်ကို တင်ပြလိုက်ပါသည်။

ဦးဝင်းတင်
CEC အဖွဲ့ဝင်
အမျိုးသား ဒီမိုကရေစီအဖွဲ့ချုပ်

မေး။ ။ အန်ကယ်ဦးတင်ဦး ပြန်လွတ်လာတော့ အန်ကယ်တို့ ဘယ်လိုခံစားရလဲ။

သူ လွတ်လာတော့ ကျနော်တို့ ဝမ်းသာတာပေါ့ဗျာ။ နောက်ပြီးတော့ အားလည်း တက်တာပေါ့။ ဘာဖြစ်လို့လဲဆိုတော့ သူက ရိုးလည်း ရိုးသားတဲ့သူ၊ နိုင်ငံရေး ယုံကြည်ချက်လည်း ပြင်းပြတဲ့သူ၊ နောက်ပြီးတော့ သူက ဘာလုပ်လုပ် ထက်ထက်သန်သန်နဲ့ လုပ်တဲ့သူဆိုတော့ ကျနော်တို့ အားတက်တာပေါ့။

နောက်တခု အားတက်တာကတော့ သူက ရွှေဂုံတိုင် ကြေညာစာတမ်းကို စွဲစွဲမြဲမြဲ ကိုင်စွဲရမယ်၊ ဒီလမ်းစဉ်အတိုင်းပဲ ရပ်ပြီးတော့ လုပ်သွားရမှာပေါ့ဆိုတဲ့ စကားတွေကို ပြောတယ်ဗျ။ အဲဒါ ကျနော်တို့က အများကြီး အားရတယ်။ ဘာ့လို့လဲဆိုတော့ ဒီရွှေဂုံတိုင် ကြေညာစာတမ်းဆိုတာက ခေါင်းဆောင်တွေ၊ ပြည်သူ့လွှတ်တော် ကိုယ်စားလှယ်တွေ၊ အောက်ခြေ-အထက်ဆိုတဲ့ ခေါင်းဆောင်တွေအားလုံး ပါဝင်တဲ့ ညီလာခံလို သဘောဆောင်တဲ့ အစည်းအဝေးကြီးကနေ ဆုံးဖြတ်ထားတဲ့ အချက်တွေကိုး။ ဒီအချက်တွေနဲ့ ပတ်သက်ပြီး လိုက်နာဆောင်ရွက်မယ်လို့ ပြောလိုက်တာက အလွန်ကို ကောင်းပါတယ်။ ဘာ့လို့လဲဆိုတော့ ရွှေဂုံတိုင်နဲ့သာ မြန်မာပြည်ရဲ့ နိုင်ငံရေးကို ဖြေရှင်းနိုင်မယ်၊ ရွှေဂုံတိုင်နဲ့သာ ဒီစစ်အစိုးရကို ရင်ဆိုင်နိုင်မယ်လို့ ယုံကြည်တဲ့အတွက် ဖြစ်ပါတယ်။

နောက်တချက်ကတော့ ရွှေဂုံတိုင်မှာပါတဲ့ တောင်းဆိုချက်တွေဖြစ်တဲ့ နိုင်ငံရေးအကျဉ်းသားများ လွှတ်ပေးရေးဆိုတဲ့ ကိစ္စမျိုးတွေ၊ အခြေခံဥပဒေ ပြင်ဆင်ရေးဆိုတဲ့ တောင်းဆိုချက်တွေ၊ နောက်ပြီးတော့ တွေ့ဆုံဆွေးနွေးရေးဆိုတဲ့ တောင်းဆိုချက်တွေက မှန်ကန်တဲ့ တောင်းဆိုချက်တွေ ဖြစ်တယ်။ ဒီတောင်းဆိုချက်တွေနဲ့အတူ ကျနော်တို့ လှုပ်ရှားသွားလို့ရှိရင် စစ်အစိုးရအနေနဲ့ တစုံတရာ ဖြေရှင်းဖို့ ပြောရမယ်၊ ပြောရမယ်လို့ ကျနော်တို့ ယူဆနေတဲ့အချိန်မှာ ဦးတင်ဦးလို ပုဂ္ဂိုလ်မျိုးကနေ ရွှေဂုံတိုင်နဲ့ ရပ်တည်မယ်လို့ ပြောတာဟာ ကျနော်တို့အတွက် အလွန်အရေးကြီးတဲ့ ကိစ္စလို့ ကျနော် ပြောချင်ပါတယ်။

အဓိကကတော့ သူ့ရဲ့ ပွင့်လင်းမှု၊ ရိုးသားမှု၊ နိုင်ငံရေးလေ့လာမှုတွေက မြင့်မားတဲ့အတွက် သူ ရောက်လာတဲ့အတွက် ကျနော်တို့ အားတက်တယ်။ နောက်တခုက နိုင်ငံရေးအားဖြင့်လည်း ပိုပြီးတော့ အားတက်တဲ့အကြောင်းက ဘာလဲဆိုတော့ သူက ကျနော်တို့ အဖွဲ့အစည်းကနေ ရပ်တည်နေတဲ့ မူဝါဒသဘောတရားတွေ၊ ကျနော်တို့ နှစ်ပေါင်း ၂ဝ လုံးလုံး ကိုင်စွဲခဲ့တဲ့ မူလဘူတ မူဝါဒတွေကို ထင်ဟပ်တဲ့ ရွှေဂုံတိုင် တောင်းဆိုချက်တွေ၊ ရပ်တည်ချက်တွေဘက်က ရပ်တည်တဲ့အတွက် အားတက်တယ်။

ကျနော် နောက်ထပ် ပြောချင်တာတွေ ရှိပါသေးတယ်။ ကျနော် သူနဲ့တွေ့တာက ညပိုင်းမှာ သွားတွေ့တာကိုး။ သူလွတ်ပြီဆိုတာကို ဘီဘီစီမှာ သတင်းလေး စထွက်လာတော့ သူ့ဆီကို ကျနော် ည သွားတယ်ပေါ့ဗျာ။ ဟိုရောက်တော့ ၁ဝ နာရီလောက် ရှိပြီ။ သူနဲ့ကျနော် နာရီဝက်လောက် ပြောခဲ့တယ်။ အဲဒီအထဲမှာ ဘာပါလဲဆိုတော့ သူ့စကားထဲကနေ ကျနော် ပြောချင်တာကတော့ တစ်ကတော့ ဒီပဲယင်းနဲ့ပတ်သက်ပြီးတော့ ဒီဟာဟာ နိုင်ငံရေး လုပ်ကြံမှုပဲ၊ အကြမ်းဖက်မှုပဲ ဆိုတာကို သူ လက်ခံတယ်။ ဘာဖြစ်လို့လဲဆိုတော့ ဒီ ဒီပဲယင်းမဖြစ်ခင် ကာလဖြစ်တဲ့ မိုးကုတ်တို့၊ မန္တလေးတို့၊ မုံရွာတို့ကို သူ ဖြတ်သန်းရတဲ့အခါမှာ လူထုကနေပြီးတော့၊ သူတို့ရဲ့ ကြံ့ဖွံ့တို့ဘာတို့ဆိုတဲ့ အင်အားတွေပေါ့ဗျာ၊ ဒေါ်အောင်ဆန်းစုကြည်ကို တိုက်ခိုက်တဲ့ စကားတွေကို အကုန်လုံးကို ကျောခိုင်းပြီးတော့ ဒေါ်အောင်ဆန်းစုကြည်ဘက်ကနေ ရပ်တည်ကြတယ်။

အဲဒီအချိန်မှာ သူ့ရဲ့ခံစားချက်က ဘာလဲဆိုရင် ဒီကြံ့ဖွံ့တို့ဘာတို့ဆိုတာ ပြိုပြီပေါ့ဗျာ။ နောက်ခံတွေ၊ ကျောရိုးတွေပေါ့ဗျာ၊ ကွန်မြူနစ်စကားနဲ့ ပြောရမယ်ဆိုရင် ဒေါက်တိုင်ကျောရိုးတွေပေါ့ဗျာ၊ ပြိုပြီပေါ့ဗျာ။ လူထုက သူတို့ကို လှည့်မကြည့်ဘူး၊ ကျောခိုင်းတယ်၊ ဒေါ်အောင်ဆန်းစုကြည်ဘက်ကို စုရုံးကြတယ်။ နောက် ကြံ့ဖွံ့ထဲမှာပါတဲ့ လူငယ်တွေသည်ပင်လျှင် ဒေါ်စုဘက်ကိုလာပြီးတော့ ဒေါ်စုကို အမေလို့ ခေါ်တယ်၊ ဝန်းရံတယ်ဆိုတာတွေ ရှိခဲ့တယ်ဆိုတဲ့ အခါကျတော့ ဒီလိုဟာတွေ ပြိုသွားတဲ့အတွက်ကြောင့် နိုင်ငံရေးလုပ်ကြံမှု၊ အကြမ်းဖက်မှုတွေလို့ စစ်အစိုးရ စီစဉ်တာပဲဆိုတဲ့ သဘောထား သူ ရှိတယ်။ ဒါလည်း အရေးကြီးတဲ့ သူ့ရဲ့ သုံးသပ်ချက်လို့ ကျနော် ယူဆတယ်။

နောက်တခုကတော့ ဒေါ်အောင်ဆန်းစုကြည်နဲ့ ပတ်သက်တဲ့ သူ့ရဲ့ ပြောကြားချက်ပေါ့။ ဒါကတော့ မီဒီယာမှာလည်း ခင်ဗျားတို့ ကြားလိုက်မှာပေါ့။ ဒေါ်အောင်ဆန်းစုကြည်ရဲ့ အရိပ်ကို ခိုပြီးတော့ လုပ်နေတာလို့ ပြောလိုက်တာက၊ ဒေါ်အောင်ဆန်းစုကြည်လို ခေါင်းဆောင်မျိုးကို ပိုပြီးတော့ ယုံတယ်လို့ ပြောလိုက်တာဟာ အလွန်ကို အရေးကြီးတဲ့ ကိစ္စပဲ။ ဒီအချိန် ဒီအခါမှာ ဒေါ်အောင်ဆန်းစုကြည်ဟာ ခေါင်းဆောင်ဖြစ်နေတယ်။ ဒါကြောင့်မို့ ဒေါ်အောင်ဆန်းစုကြည်ကို နိုင်ငံရေးအားဖြင့်ရော၊ လူမှုရေးအားဖြင့်ရော၊ ယဉ်ကျေးမှုအားဖြင့်ရော ဝန်းရံရမယ်လို့ ကြွေးကြော်နေတဲ့အချိန်မှာ ဗိုလ်ချုပ်ကြီးဦးတင်ဦးလို ပုဂ္ဂိုလ်၊ နိုင်ငံရေးအားဖြင့်လည်း ဝါရင့်တယ်၊ နိုင်ငံရေးအတွေ့အကြုံတွေလည်း အများကြီး ရှိတယ်၊ အုပ်ချုပ်ရေးပိုင်းနဲ့ ပတ်သက်ပြီးတော့လည်း တပ်မတော်မှာ အကြီးအကဲအဖြစ်နဲ့လည်း ဆောင်ရွက်ခဲ့တယ်၊ ကာကွယ်ရေးဝန်ကြီးအဖြစ် တာဝန်တွေ ထမ်းဆောင်ခဲ့တဲ့ ဒီလိုပုဂ္ဂိုလ်အနေနဲ့ ဒေါ်အောင်ဆန်းစုကြည်ဘက်ကနေ မားမားရပ်လိုက်တာဟာ နိုင်ငံရေးအားဖြင့်လည်း အရေးကြီးတယ်လို့ ကျနော် သုံးသပ်ပါတယ်။

နောက်တခုက ဒီမိုကရေစီနဲ့ ပတ်သက်ပြီး ရပ်တည်ချက်။ ရှစ်လေးလုံးဆိုတာ ဒီမိုကရေစီတောင်းဆိုတဲ့ အရေးတော်ပုံကြီးပဲ၊ မင်းကိုနိုင်တို့ ကိုကိုကြီးတို့ ခေါင်းဆောင်ပြီး လုပ်ခဲ့တာ။ ဒီလိုလူငယ်တွေ အကျဉ်းထောင်တွေထဲ ရောက်နေတဲ့အခါကျတော့ တိုင်းပြည်မှာ အတော်နစ်နာနေတယ်။ သို့သော် ဒီ ဒီမိုကရေစီအရေးတော်ပုံနဲ့ပဲ ဆက်ပြီးတော့ စခန်းသွားရမှာပဲ။ ဒီမိုကရေစီအရေးတော်ပုံရဲ့ စိတ်ဓာတ်တွေ၊ အားမာန်တွေ၊ ဦးတည်ချက်တွေ၊ ရည်မှန်းချက်တွေနဲ့ပဲ ရှေ့ဆက်ပြီး စခန်းသွားရမှာပဲ။ သူဟာ အိမ်မှာ အငြိမ်းစားယူနေချိန်မှာ ဒီအရေးတော်ပုံကြီးကနေ သူ့ကို ဝန်းရံပြီးတော့ နိုင်ငံရေးစင်မြင့်ပေါ် တင်သွားတယ်၊ နိုင်ငံရေး တပ်ဦးထဲကို ပို့လိုက်တယ် ဆိုတဲ့အခါကျတော့ ဒါကို သူ မမေ့ဘူး။ ဒီနေ့ ဒီလူငယ်တွေရဲ့ လွတ်မြောက်မှုကို သူ လုပ်ပေးရမယ်၊ နောက်တခုက ဒီလူငယ်တွေရဲ့ ဦးတည်ချက်၊ ရည်မှန်းချက်၊ မျှော်မှန်းချက်တွေထားတဲ့ ဒီမိုကရေစီရေး လုပ်ငန်းတွေကို ဆက်ပြီး လုပ်သွားမယ်လို့ ပြောပါတယ်။

နောက်တချက် ပြောလိုက်သေးတယ်ဗျ။ ကျနော်သွားတဲ့အချိန်မှာ ဖြူဖြူသင်းလည်း ပါတယ်။ သူက ဖြူဖြူသင်းရဲ့ HIV အရေး လုပ်ငန်းတွေကို ထင်ထင်ရှားရှား ကြားနေတယ်။ ဒီလုပ်ငန်းတွေကို ထောက်ခံတယ်။ လူငယ်တွေဟာ လူမှုရေးလုပ်ငန်းတွေမှာလည်း ကျယ်ကျယ်ပြန့်ပြန့် လုပ်ကြရမှာ၊ ထိထိရောက်ရောက် လုပ်ကြရမှာပဲလို့ သူ ပြောသွားတယ်။

နောက်တချက်က သူ့ရဲ့ သားချင်းထဲမှာကို HIV ပိုး စွဲကပ်ဖူးတဲ့ ပုဂ္ဂိုလ်တွေ ရှိခဲ့ဖူးတယ်၊ သေဆုံးတဲ့ ပုဂ္ဂိုလ်တွေ ရှိခဲ့ဖူးတယ်။ ဆိုတော့ ဖြူဖြူသင်းတို့လုပ်တဲ့ လုပ်ငန်းတွေကို နောက်ကိုလည်း အားပေးပါ့မယ်၊ စုပေါင်းဆောင်ရွက်ပါ့မယ်လို့ ပြောပါတယ်။ အဲဒါဟာလည်း အလွန်အရေးကြီးတဲ့ စကားဖြစ်ပါတယ်။

မေး။ ။ အန်အယ်ဒီ စည်းရုံးရေးလုပ်ငန်းတွေ၊ လူထုထဲ ဆင်းရတဲ့ လုပ်ငန်းတွေအတွက်ရော ဘယ်လောက်အထိ အားတက်စေမလဲဗျ။

နိုင်ငံရေးအားဖြင့် မှန်တဲ့ပုဂ္ဂိုလ်၊ စိတ်ထားအားဖြင့် သဘောထားအမြင်အားဖြင့် ကောင်းတဲ့ ပုဂ္ဂိုလ်၊ နိုင်ငံရေးအမြင်ကလည်း ရှိတယ်၊ ဒီပဲယင်းလိုအပေါ် သုံးသပ်ချက်၊ ထူးခြားတဲ့ နိုင်ငံရေးအမြင် သုံးသပ်ချက်တွေ ရှိတယ်။ စိတ်ဓာတ်အားဖြင့် ရှစ်လေးလုံးတုန်းက လူငယ်တွေအပေါ်မှာ၊ HIV လုပ်ငန်း လူမှုရေးလုပ်ငန်း လုပ်နေတဲ့ ဖြူဖြူသင်းတို့ လူငယ်တွေအပေါ်မှာ ပေါင်းစည်းချင်တယ်ဆိုတဲ့ တန်ဖိုးထားတဲ့ သဘောထားတွေ၊ ဒေါ်အောင်ဆန်းစုကြည်လို ခေါင်းဆောင်မှုကို ခြေစုံပစ်ပြီးတော့ လိုက်တတ်တဲ့ သဘောထားတွေ ရှိတာကို ကြားရတဲ့အခါကျတော့ ကျနော်တို့မှာ နိုင်ငံရေးအားတွေ အများကြီး ရှိတာပေါ့ဗျ။ ဒါက တချက်ပေါ့။

နောက်တချက်က ဦးတင်ဦးက စကားပြောရင် ထက်ထက်သန်သန် ရှိတယ်၊ ပွင့်ပွင့်လင်းလင်း ရှိတယ်၊ ရိုးသားမှုတွေ အပြည့်ရှိတယ်။ နောက်ပြီးတော့ ယုံကြည်မှုကို စွဲစွဲမြဲမြဲ ကိုင်နိုင်တယ်။ ဆိုတော့ ကျနော်တို့ ဒီနေ့ အန်အယ်ဒီရဲ့ အနေအထားက လူထုနဲ့ ကင်းပြတ်နေတယ်၊ ကင်းကွာနေတယ်ပေါ့ဗျာ၊ အဆက်အစပ်ရှိတဲ့ အနေအထား မဟုတ်တဲ့အခါကျတော့ ဒီအနေအထားတခုလုံးကို ဖောက်ခွဲကျော်နင်းနိုင်မယ် ကျော်လွှားနိုင်မယ်လို့ ကျနော်က ယူဆတယ်။ ဘာကြောင့်လဲဆိုတော့ ဦးတင်ဦးလို စိတ်ဓာတ်မျိုးနဲ့သာလျှင် ကျနော်တို့ လူထုနဲ့ တသားထဲ ဖြစ်လာမယ်။

ကျနော်တို့ဆိုရင် လူထုကြားထဲကို ထွက်ချင်တဲ့ ဆန္ဒရှိပေမယ့် မလုပ်နိုင်ဘူး။ ထိထိရောက်ရောက်၊ များများစားစား မလုပ်နိုင်ဘူး။ ဦးတင်ဦးလို ပုဂ္ဂိုလ်မျိုးကတော့ ဒီလိုကိစ္စမျိုးတွေမှာလည်း ဦးဆောင်မှုတွေ ပေးသွားနိုင်တယ်။ ဦးဆောင်မှု ပေးသွားခြင်းအားဖြင့် အန်အယ်ဒီရဲ့ အင်အား၊ အထူးသဖြင့် အန်အယ်ဒီနဲ့ လူထု တသားထဲဖြစ်တဲ့အထိ ရောက်အောင် ဆောင်ရွက်နိုင်မယ်လို့ ကျနော် မျှော်လင့်တယ်။

မေး။ ။ ဖြည့်စွက်ပြောချင်တာများရှိရင် ပြောပါအုံးခင်ဗျ။

သူနဲ့ ကျနော်နဲ့က မွေးနေ့ တရက်ထဲကျတယ်။ သူက ကျနော့်ထက် ၃ နှစ်တိတိ ကြီးတယ်။ ကျနော်က ဒီနှစ် မတ်လ ၁၂ ရက်နေ့မှာဆိုရင် အသက် ၈ဝ ပြည့်မယ်၊ သူကလည်း လာမယ့် ရှေ့လ ၁၂ ရက်နေ့ဆိုရင် ၈၃ နှစ်ပြည့်မယ်။ ဒါပေမဲ့ ကျနော့်ထက်တောင်မှ သူက ကျန်းကျန်းမာမာ၊ ဖြတ်ဖြတ်လတ်လတ်ရှိတာကို တွေ့ရတဲ့အတွက် ကျနော် အများကြီး ဝမ်းသာတယ်။ ဘာဖြစ်လို့လဲဆိုတော့ အလုပ်လုပ်မယ့် ပုဂ္ဂိုလ်များ၊ တိုင်းပြည်ကို ရှေ့ဆက်ပြီး ခေါင်းဆောင်မယ့် ပုဂ္ဂိုလ်များ ကျန်းကျန်းမာမာ ရှိတာကို ဝမ်းသာတယ်။

မေး။ ။ အပေါ်ယံမြင်ရတဲ့ အရင်တုန်းက ကျန်းမာရေး အနေအထားနဲ့ အခုအနေအထားရော ဘာတွေများ ကွာခြားတာမျိုး မြင်ရလဲခင်ဗျ။

တော်တော်တော့ ပိန်သွားပါတယ်။ အဲဒါကတော့ strike တွေ ဘာတွေ လုပ်နေလားတော့ မသိဘူးဗျ။ ပိန်တာကတော့ ပိန်တယ်။ သူ့ကို မေးကြည့်တော့ သူ့မှာ တခြားရောဂါတော့ ထူးထူးခြားခြား မရှိဘူး။ မကြာခင်တုန်းက မျက်စိကို ခွဲတယ်၊ ခွဲတယ်ဆိုရာမှာလည်း လေဆာနဲ့ပေါ့ဗျာ။ လေဆာပစ်တယ်လို့ ပြောကြတာပေါ့ဗျာ။ အမေရိကန် ဗီးရှင်းမှာပါ။ ကျနော်ထင်တယ် ဒီလ ၄ ရက်၊ ၅ ရက်လောက်မှာ သွားလုပ်ခဲ့တာ။ အဲဒီလောက်ပါပဲ။ ကျန်းမာရေး အခြေအနေက ကောင်းတယ်လို့ပဲ ပြောချင်ပါတယ်။ စောစောက ပြောသလို သူ့ကျန်းမာရေး အနေအထားက ကျနော့်ထက်တောင် ကောင်းတဲ့ အနေအထားရှိတာကိုးဗျ။


ဦးအုန်းကြိုင်
(CEC အဖွဲ့ဝင်)
အမျိုးသား ဒီမိုကရေစီအဖွဲ့ချုပ်

မေး။ ။ အန်ကယ် ဦးတင်ဦး လွတ်လာတဲ့အပေါ်မှာ အန်ကယ့်အနေနဲ့ ဘယ်လိုခံစားရပါသလဲ။

ဒီအချိန်က မြန်မာပြည်ရဲ့ နိုင်ငံရေးမှာ အလွန်အရေးကြီးနေတဲ့ အချိန်ဖြစ်တယ်။ ၂ဝ၁ဝ ရွေးကောက်ပွဲလုပ်မယ်လို့ နအဖက ကြေညာထားတယ်။ အမျိုးသားဒီမိုကရေစီအဖွဲ့ချုပ်က ၂ဝဝ၈ ခုနှစ် ဖွဲ့စည်းပုံ အခြေခံဥပဒေ ပြင်ဆင်ပေးမှ ရွေးကောက်ပွဲဝင်မယ်လို့ ပြောထားတယ်။ အဲဒီတော့ အမျိုးသား ပြန်လည်သင့်မြတ်ရေးအတွက်က အလွန်အရေးကြီးနေတဲ့အချိန်၊ ကမ္ဘာကလည်း အမျိုးသားပြန်လည်သင့်မြတ်ရေးအတွက် လုပ်ဆောင်ပေးပါလို့ ပြောထားတယ်။ ဒေါ်အောင်ဆန်းစုကြည်နဲ့ တွေ့ဆုံဆွေးနွေးဖို့ ဗိုလ်ချုပ်မှူးကြီးသန်းရွှေကို တောင်းဆိုထားတယ်။ တကယ့်ကို အမျိုးသားပြန်လည်သင့်မြတ်ရေးအတွက် အလွန်အရေးကြီးတဲ့ အချိန်ဖြစ်ပါတယ်။ အဲဒီအချိန်မှာ အခုလို အဖွဲ့ချုပ်ခေါင်းဆောင်ဖြစ်တဲ့ ဦးတင်ဦးလို ပုဂ္ဂိုလ်လွတ်လာတဲ့အတွက်ကြောင့် အဖွဲ့ချုပ်အတွက်ရော မြန်မာနိုင်ငံ အမျိုးသား ပြန်လည်သင့်မြတ်ရေးအတွက်ရော အလွန်အားတက်စရာကောင်းတဲ့ ဖြစ်ရပ်တခုလို့ ကျနော်တို့ မှတ်ယူပါတယ်။

မေး။ ။ အန်ကယ်ဦးတင်ဦးအနေနဲ့ အဖွဲ့ချုပ်လုပ်ငန်းမှာ ဘယ်လောက်အထိ လုပ်နိုင်မယ်လို့ ယူဆပါသလဲ။

မနေ့က မီဒီယာတွေနဲ့ သူတွေ့ပါတယ်။ CEC လုပ်ဆောင်နေတဲ့ မူတွေကို သူ့အနေနဲ့ သဘောတူတယ်။ CEC က ဆုံးဖြတ်ထားတဲ့ လမ်းစဉ်အတိုင်း သူဆက်လက်လုပ်ဆောင်မယ်။ ရွှေဂုံတိုင် ကြေညာစာတမ်းကို ဆက်လက် ချုပ်ကိုင်ထားရမယ်။ ရွေးကောက်ပွဲ ဝင်ဖို့မဝင်ဖို့ဆိုတာ တဖက်က တိတိကျကျ မကြေညာသေးတဲ့အတွက်ကြောင့် ဘာမှ ဆုံးဖြတ်ဖို့ မလိုသေးဘူး။ ဘာမှလည်း ပြောဖို့ မလိုသေးဘူး။ ဒေါ်အောင်ဆန်းစုကြည် ပြောတဲ့ အတိုင်းပဲ။ တဖက်က ရွှေဂုံတိုင် ကြေညာစာတမ်းကို မတုံ့ပြန်ရင်တော့ ရွေးကောက်ပွဲဝင်ဖို့ အခြေအနေ မရှိဘူးလို့ ပြောတယ်။


ဒေါ်ချိုချိုကျော်ငြိမ်း
အထွေထွေအတွင်းရေးမှူး
(UDP ခေါ် ဒီမိုကရက်တစ်ပါတီ)

မေး။ ။ အန်အယ်ဒီ ဒုဥက္ကဋ္ဌ ဦးတင်ဦး ပြန်လွတ်လာတော့ ဘယ်လိုခံစားရပါသလဲ။

အန်ကယ်ဦးတင်ဦး နိုင်ငံရေး စဝင်လာတဲ့ အချိန်မှာ ကျမတို့နဲ့ အတူတူလုပ်ခဲ့ပါတယ်။ ဦးလေးလိုလည်း ဖြစ်တယ်၊ အင်မတန်လည်း တော်တယ်၊ အရမ်းလည်း လေးစားရတယ်၊ စစ်တပ်ထဲက အင်မတန်လေးစားရတဲ့ ပုဂ္ဂိုလ်ဖြစ်တဲ့အတွက် အရမ်းဝမ်းသာပါတယ်။ နိုင်ရေးသမားတယောက်အနေနဲ့လည်း အန်ကယ်အတွက်၊ လူကြီးတယောက် အန်အယ်ဒီထဲ ဝင်ရောက်လာတဲ့အတွက် အားလုံးက သူ့ကို တိုင်တိုင်ပင်ပင် ညှိညှိနှိုင်းနှိုင်းနဲ့ NLD က ပိုပြီးတော့ ဖွံ့ဖြိုးလာလိမ့်မယ်။ ရွေးကောက်ပွဲကိုလည်း ပိုပြီးတော့ အားရောက်လာလိမ့်မယ်လို့ ထင်ပြီးတော့ အန်တီက ဝမ်းသာတာပါ။

မေး။ ။ လွတ်လာပြီဆိုတော့ အန်ကယ်ဦးတင်ဦးအပေါ် ဘာတွေများ မျှော်လင့်ထားပါသလဲ။

အန်ကယ်က အရမ်းလည်း တော်တယ်။ လုပ်ဆောင်ချက်တွေလည်း ရှိတယ်။ တိုင်းပြည်အတွက် အကျိုးရှိမယ်လို့ အန်တီက ယူဆပါတယ်။ တယောက်လွတ်လာရင် တအားပေါ့။ မင်းကိုနိုင်တို့ လွတ်လာရင်လည်း တအားပေါ့။ မစုကတော့ ထိပ်ပေါ့။ မစု လွတ်လာရင် အကောင်းဆုံးပဲလို့ ပြောစရာ မလိုတဲ့ သဘောပါ။ အန်ကယ် လွှတ်လာတဲ့အပေါ်မှာ တိုင်းပြည်အတွက် အကောင်းဆုံးဖြစ်လာမယ်လို့ အန်တီက ယုံကြည်ပါတယ်။

စစ်တပ်ကလာတဲ့ လူကြီးလေ။ ဗိုလ်ချုပ်ဆိုတော့ လက်ရှိစစ်တပ်ထဲမှာ ရှိတဲ့လူတွေက သူခတ်သူ့အခါတုန်းက အင်မတန် လူကြိုက်တဲ့၊ လူလေးစားတဲ့ ပုဂ္ဂိုလ်တယောက်လည်း ဖြစ်တယ်။ အန်ကယ့်အနေနဲ့ အခု လောလောဆယ် အခြေအနေအရ နိုင်ငံရေးသမားတွေနဲ့ စစ်တပ်အကြားထဲမှာ နားလည်မှုရှိအောင် စွမ်းဆောင်နိုင်လိမ့်မယ်လို့ အန်တီက ယူဆပါတယ်။


သခင်ချန်ထွန်း

မေး။ ။ အန်ကယ်ဦးတင်ဦး လွတ်လာပြီဆိုတော့ ဘာတွေများ မျှော်လင့်ထားပါသလဲ။

ဒါက အတိတ်ကောင်း နိမိတ်ကောင်း၊ ဒါနဲ့ပတ်သက်ပြီးတော့ ကြိုဆိုတယ်၊ ထောက်ခံတယ်။ ကျန်တဲ့ ဒေါ်အောင်ဆန်းစုကြည် အမှူးပြုတဲ့ အကျဉ်းသမားအားလုံးကိုလည်း လွှတ်ပေးဖို့ နိုင်ငံတော်အစိုးရကိုလည်း မေတ္တာရပ်ခံချင်တယ်၊ တောင်းပန်ချင်ပါတယ်။ တိုင်းပြည်ကြီး သာယာချောမွေ့ပြီးတော့ ကြီးပွားချမ်းသာဖို့ ဆိုရင်တော့ ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသမား အားလုံးကို လွှတ်ပေးပါ။ နိုင်ငံရဲ့ စီးပွားရေး၊ ကြီးပွားရေးတို့အတွက် တွေ့ဆုံဆွေးနွေးဖို့ဟာက အရေးကြီးပါတယ်။ တွေ့ဆုံဆွေးနွေးကြဖို့လည်း တပ်မတော် ခေါင်းဆောင်ကြီးတွေကို ကျနော့်အနေနဲ့ မေတ္တာရပ်ခံချင်ပါတယ်။

ကျနော်တို့ တိုင်းပြည်ကြီးဟာ နစ်နာသထက် နစ်နာနေပါတယ်။ ည မီးမလာဘူးဆိုရင် စိတ်ညစ်လိုက်ရတာ။ နေ့ဆိုလည်း တခုခုလုပ်မယ်ဆို မီးက မလာဘူးနဲ့။ မီးတောင်မှ မှန်အောင်ပေးနိုင်တဲ့၊ အချိန်ပြည့်ပေးနိုင်တဲ့ အခြေအနေမှာကို မရှိဘူး။ ရန်ကုန်မြို့ကြီးလို နေရာမှာတောင်မှ လျှပ်စစ်မီးကို အချိန်ပြည့် မပေးနိုင်ဘူးဆိုတော့။

ဒီအခြေအနေကို တပ်မတော် ခေါင်းဆောင်များအနေနဲ့ ၂၄ နာရီလုံး အချိန်ပြည့် ရနေရတယ်ဆိုတော့ လူထုမှာ ခံစားနေရတဲ့ ခံစားချက်တွေကို သိမှာ မဟုတ်ပါဘူး။ မီးလာတယ်ဆို ဝမ်းသာလိုက်ရ၊ မီးမလာဘူးဆိုရင် အမှောင်ထဲမှာ ဟိုစမ်းရ ဒီစမ်းရ။ ဖယောင်းတိုင်မီး ထွန်းကြရင်လည်း မတော်တဆများ ဖြစ်မလားဆိုပြီး စိုးရိမ်ရနဲ့ပါ။ စိုးရိမ်မှုတွေ၊ သောကဖြစ်မှုတွေပဲ တွေ့နေရပါတယ်။

ဒါကြောင့်မို့ ဗိုလ်ချုပ်တင်ဦးကို လွှတ်ပေးသကဲ့သို့ ဒေါ်အောင်ဆန်းစုကြည်ကိုလည်း လွှတ်ပေး၊ ကျောင်းသား ခေါင်းဆောင် မင်းကိုနိုင်တို့ ကိုကိုကြီးတို့၊ ဦးခွန်ထွန်းဦးတို့လို တိုင်းရင်းသား ခေါင်းဆောင်ကြီးတွေကိုရော လွှတ်ပေးပြီးတော့၊ တွေ့ဆုံဆွေးနွေးပြီးတော့ တိုင်းပြည်ကြီး တိုးတက်ရာတိုးတက်ကြောင်းအတွက် ပူးပေါင်းဆောင်ရွက်ကြပါလို့ တပ်မတော် ခေါင်းဆောင်ကြီးတွေကို ကျနော့်အနေနဲ့ တိုက်တွန်းလိုပါတယ်။

(ရဲရင့်အောင် တည်းဖြတ်သည်။)
http://www.mizzimaburmese.com/interview/4808-2010-02-14-11-23-54.html

ဒုက္ခသည်များ ဒုက္ခသစ်မရှာကြပါနဲ့


Dr. တင့်ဆွေ | တနင်္လာနေ့၊ ဖေဖေါ်ဝါရီလ ၁၅ ရက် ၂၀၁၀ ခုနှစ် ၁၃ နာရီ ၁၆ မိနစ်
လိင်ကတဆင့် ကူးစက်တဲ့ရောဂါတွေကို ဆေးပညာမှာ Sexually Transmitted Diseases (STDs) လို့ အခုခေါ်ပါတယ်။ အရင်ကတော့ Venereal Diseases (VD) လို့ ခေါ်ခဲ့တယ်။ ကျနော်တို့ဆီမှာလည်း အရင်က “ကာလသားရောဂါ” လို့ ခေါ်ခဲ့ပြီး၊ ရောဂါတိုက်ဖျက်ရေးဌာနတောင် ဒီနာမည်နဲ့ လုပ်ခဲ့ပါသေးတာ။ “ကာလသား” ဆိုတာ လူပျိုပေါက်ထက် ကြီးပြီး၊ များသောအားဖြင့် အိမ်ထောင်လည်း မကျသေးတဲ့ ယောက်ျားသား လူရွယ်တွေကို ခေါ်တာပါ။ တောရွာတွေမှာ “ကာလသားခေါင်း” ဆိုတာ ရပ်ရေးရွာရေး၊ လူမှုရေးကိစ္စတွေမှာ စေတနာနဲ့ (ဗော်လန်တီယာ) လုပ်နေသူတွေရဲ့ ခေါင်းဆောင်ကို ခေါ်တယ်။ အမိန့်နာခံသူကို ရွေးတာ၊ အထက်လူကြီးကို လာဘ်ထိုးနိုင်လို့ ခန့်တာမျိုး မဟုတ်ဘူး။ ရွာသားတွေက နှစ်လိုသဘောကျသူကိုသာ ရွေးတာ။ အင်မတန် ချစ်ဖို့ကောင်းတဲ့ ယဉ်ကျေးမှုပေါ့။

ကာလသားတွေသာ မဟုတ်ဘူး၊ STDs တွေက အရွယ်မရွေး ဖြစ်နိုင်တယ်။ မွေးစကလေးတွေတောင် ကူးတာ။ အမျိုးသားတွေရော၊ အမျိုးသမီးများတွေမှာပါ ဖြစ်တယ်။ ဖြစ်မှာပေါ့၊ လိင်ဆက်ဆံကြရာမှာ မဆင်ခြင်ကြလို့ တယောက်ကနေ နောက်တယောက်ကို ကူးတာကိုး။ ဒါ့ကြောင့် STIs လို့ ပြောတာက ပိုမှန်တယ်။ “I” ဆိုတာ Infection “ကူးစက်ရောဂါ” လို့ ကွက်ကွက်ကွင်းကွင်း ခေါ်လိုက်တာပါဘဲ။

Venereal လို့ ခေါ်တာကလဲ Venus ဗီးနပ်စ်ကနေ လာတာပါ။ ကျောင်းသားတွေက သောကြာဂြိုဟ်လို့ သင်ကြရမယ်။ စာဖတ်သူများကတော့ ဗီးနပ်စ်ကို အချစ်နဲ့ အလှကို ကိုယ်စားပြုတဲ့ ရောမနတ်သမီးလို့ သိကြမယ်။ ရောမ သာမကပါ၊ ဂရိနတ်သမီး (အဖရိုဒိုက်) နဲ့ပါ ဆက်စပ်မှု ရှိသေးတယ်။ လှလွန်းတယ်လို့ နာမည်ကြီးတဲ့ လက်နှစ်ဖက်ပြတ် ကျောက်ဆစ်ရုပ်ထု Aphrodite of Milos ကို Venus de Milo လို့ ပိုသိကြတယ် မဟုတ်လား။ “လှတာမက်တော့ ညစာခက်” ဆိုသလို ရောဂါက အတော်ကို ကြောက်ဖို့ ကောင်းတယ်။

ဆေးတွေ မပေါ်ခင်ကဆို ကုရာနတ္ထိရောဂါတွေလို့ ထင်မှတ်ခဲ့ရသေးတယ်။ ဒီလိုရောဂါတွေကုဖို့ ပဋ္ဌမဆုံးဆေးရုံကို ၁၇၄၆ ကျမှ လန်ဒန်မှာ စဖွင့်တယ်။ စပိန်ပြည်တွင်းစစ် (၁၈၂ဝ-၂၃) ခေတ်ကတောင် “ရန်သူ့ကျည်ဆံလို ကြောက်ဖို့ ကောင်းတယ်” လို့ ပိုစတာတွေ ကပ်ခဲ့ကြသေးတယ်။

လိင်ဆက်ဆံရာ နေရာမှန်သမျှမှာ ရောဂါရတယ်။ လိင်အင်္ဂါ၊ ပါးစပ်၊ စအို။ နောက်ပြီး မအေကနေ ကလေး။ မူးယစ်ဆေး သွေးပြန်ကြော ထိုးနည်းတွေကနေလည်း ကူးနိုင်တယ်။ လိင်အင်္ဂါတွေမှာသာ မဟုတ်ဘဲ တခြားတခြား နေရာတွေမှာပါ ရောဂါရတတ်တယ်။ အဲလိုဖြစ်တာတွေက ပိုဆိုးတယ်။ Systemic STDs လို့ခေါ်တာတွေက HIV, Hepatitis B, Hepatitis C နဲ့ Human Herpes Virus တွေ ဖြစ်တယ်။

ရောဂါပိုးတွေကလည်း အမျိုးမျိုး။ ဗက်တီးရီးယား၊ ဗိုင်းရပ်စ်၊ ဖန်းဂတ်စ်၊ ပရိုဇိုးဝါးနဲ့ ပါရာဆိုက်၊ အကောင်စုံပါပဲ။ ဆစ်ဖလစ်ကို VD ခေါ်ကတည်းက ရောဂါ ရှိ-မရှိစမ်းတာကို Venereal Disease Research Laboratory (VDRL) tests လို့ ခေါ်တာ အခုအထိပဲ။ ဒီစမ်းသပ်နည်းက ရာနှုန်းပြည့် ဒီရောဂါရှိတယ်လို့ ပြောနိုင်တာတော့ မဟုတ်ပါ။

Chlamydia trachomatis ပိုးတွေကြောင့်က အဖြစ်အများဆုံးလို့ ပြောနိုင်တယ်။ ကျား-မ လိင်အင်္ဂါတွေမှာ အနာဖြစ်တာပါ။ အနာ ဆိုပေမယ့် မနာဘူး။ ပေါင်ခြံမှာ တက်စေ့တွေ ရောင်လာမယ်။ တက်စေ့ကနေ အနာလည်း ဖြစ်လာတတ်တယ်။ အမျိုးသမီးများ သားအိမ်အဝမှာ အဖြစ်များတယ်။ အဖြူဆင်းတယ်။ ဆင်းတာက ပြည်လိုနေတယ်။ နည်းနည်းဝါမယ်။ မီးခိုးရောင်၊ ခပ်စိမ်းစိမ်းအရောင်လည်း ဖြစ်နိုင်တယ်။ အမြှုပ်လိုလည်း ရှိတတ်တယ်။ အနံ့ဆိုးတယ်။ ယားမယ်။ သွေးနည်းနည်းလည်း စွန်းနိုင်တယ်။ ဆီး ခဏခဏ သွားချင်ပြီး ဆီးအောင့်တယ်။ အတွင်းအင်္ဂါတွေအထိ ရောက်နိုင်တယ်။ ဒီအချိန်မှာ လိင်ဆက်ဆံရင် နာမယ်။ စအိုလိင်ဆက်ဆံသူများဆိုရင် အစာဟောင်းအိမ်ကို ရောဂါရလို့ ဝမ်းသွားရင် နာမယ်။

ဒုတိယအများဆုံးဖြစ်တာက Gonorrhea ဂနိုရီးယား။ လွန်ခဲ့တဲ့ နှစ် ၅ဝဝဝ က တရုတ်မှာ ဖြစ်ခဲ့တယ်လို့ သမိုင်းဆရာတွေက ပြောတယ်။ ပိုးရှိပေမယ့် ဘာမှမဖြစ်သလိုလည်း နေတတ်တယ်။ ပိုးရှိနေသူနဲ့ ဆက်ဆံပြီး၊ ၄-၅ ရက်မှာ စတယ်။ ယောက်ျားတွေမှာ ဆီးအောင့်တာ၊ ဆီးလမ်းကနေ အဖြူရည်၊ အဝါရည် ကျတာ။ ဆက်ဖြစ်ရင် အကြောနာ၊ အစေ့နာတာ ဖြစ်မယ်။ ဗမာတွေက “ဆီးပူး-ညောင်းကျ” လို့ အရပ်ထဲမှာ ပြောတာပေါ့။ ပုဆိုးကို မ-ပင့်ပြီး လမ်းသွားရတယ်။ (ဂေး) တွေမှာ စအို ရောင်နိုင်မယ်။ လမ်းလျှောက်ပုံ တမျိုးပေါ့။ အမျိုးသမီးဆိုရင် အဖြူဆင်းမယ်။ ဆီးက ပန်းထွက်သလို သွားတယ်။ ကြားရက် သွေးဆင်းတာ ဖြစ်တတ်သေးတယ်။ ဆက်ဆံရင်လည်း နာမယ်။ အထဲကို ရောဂါပြန့်ရင် သားအိမ်ဘေးက အင်္ဂါမှန်သမျှ ရောင်နိုင်တယ်။ သေသေချာချာ ဆေးမကုရင် ယောက်ျားရော၊ မိန်းမပါ ကလေးမရတာ ဖြစ်သွားတတ်တယ်။

Chancroid (ရှန်ကာ) ဆိုတာဖြစ်ရင် လိင်အင်္ဂါမှာ အနာ၊ အကြိတ် ပေါ်လာမယ်။ ပေါင်ခြံက အကြိတ်တွေ ရောင်လာတယ်။ ရေယုံဆိုတာ ကိုယ်ခန္ဓာမှာ ဖြစ်တာတမျိုး၊ ပါးစပ်တဝိုက် ဖြစ်တာတမျိုး။ လိင်လမ်းမှာလည်း ဖြစ်သေးတယ်။ Genital Herpes ခေါ်တယ်။ (HSV-2) ဗိုင်းရပ်စ် ကနေဖြစ်တာ။ အရည်ကြည်ဖုတွေ ဖြစ်တယ်၊ နာတယ်၊ ယားတယ်။ မွေးလာမယ့် ကလေးကို ကူးနိုင်တယ်။

Human Papillomavirus (HPV) လိင်လမ်းကြောင်း ကြွက်နို့ကလည်း ဒီအုပ်စုဝင်ရောဂါ ဖြစ်တယ်။ Lymphogranuloma Venereum (LGV) ဆိုတာက တက်စေ့တွေ ရောင်တာပါ။ လိင်အင်္ဂါမယ် မနာတဲ့ အနာဖြစ်လို့ ဆစ်ဖလစ်နဲ့ မှားတတ်တယ်။

ဆစ်ဖလစ် ရောဂါသမိုင်းက ၁၅ ရာစုကတည်းကတဲ့။ ကွန်မြူနစ်ကမ္ဘာရဲ့ ဆရာကြီး နှစ်ဆူဖြစ်ကြတဲ့ လီနင်နဲ့ တော်လ်စထွိုင်းတို့လည်း ဒီရောဂါနဲ့ မကင်းဘူးတဲ့။ အာဏာရှင်ကမ္ဘာကဆိုရင် ဂျာမဏီက ဟစ်တလာ၊ အီတလီက မူဆိုလီနီ၊ ရုရှားက လူဆိုးဘုရင် အိုင်ဗင် စသူတွေ ပါတယ်။ “နာမည်ဆိုးရှိသူများ သတိထားကြပါ။”

ဆေးစာတွေကို ဗမာလိုပြန်ရင် အတော့်ကို အဆီအငေါ်မတည့်တာ ဒီရောဂါပဲ။ ဗမာတွေက Chickenpox ကို ရေကျောက် ခေါ်ပြီး၊ ခုခေတ်မှာ မျိုးတုံးသွားပြီဖြစ်တဲ့ Smallpox ကို “ကျောက်ကြီး” လို့ ခေါ်ကြတယ်။ အင်္ဂလိပ်လို The Great Pox ဆိုတာကို တိတိကျကျ ဘာသာပြန်ရင် “မဟာကျောက်ရောဂါ” ပေါ့။ အဲဒါ Syphilis “ဆစ်ဖလစ်” ကို ခေါ်တာပါ။

အာလူးအချောင်းကြော်ကို French fries လို့ခေါ်မှ ခေတ်မီတယ်။ French kiss ဆိုတာလည်း လုပ်တတ်ကြတယ်။ French disease ဆိုတာကိုပါ သိဖို့လိုတယ်။ ဆစ်ဖလစ်ကို အီတာလျန် နဲ့ ဂျာမန်တွေက အဲလို ခေါ်တာ။ ဒတ်ခ်ျတွေကတော့ စပိန်ကို လွှဲချတယ်၊ ရုရှားတွေက ပိုလန်ကို လက်ညှိုးထိုးပြီး၊ တူရကီတွေက နည်းနည်းပိုဆိုးတယ်။ "Christian disease" တဲ့။ အမှန်က သူတို့ဆီကို ဒီလူတွေဆီကနေ ကူးလာတာလို့ ပြောချင်ကြတာပါ။

ဆစ်ဖလစ်ကို အဆင့်တွေခွဲ လေ့လာရတယ်။ ၁၊ ၂၊ ၃၊ ၄။ Treponema pallidum ဗက်တီးရီးယား ပိုးဝင်ပြီး၊ ၂၁ ရက်အကြာ၊ လိင်ဆက်ဆံရာနေရာ မှန်သမျှမယ် မနာတဲ့ အနာလေးတွေ စဖြစ်တယ်။ ၁ လ၊ ၁ လခွဲနေရင် ပျောက်သွားမယ်။ နောက်အဆင့် ဖြစ်လာရင် မယားတဲ့ အနီပြင်တွေ ခြေသလုံး၊ လက်၊ ကျောတို့မှာ ပေါ်မယ်။ ဒီအဆင့်က ပိုပြီး ကူးစက်စေနိုင်တယ်။ ကိုယ်ပူတာ၊ လည်ချောင်းနာ၊ အစားပျက်၊ အလေးချိန်လျော့၊ တက်စေ့ရောင်တာတွေ ဖြစ်မယ်။ နောက်ပြီး ဘယ်အင်္ဂါအစိတ်အပိုင်းမဆို ရောဂါပြန့်မယ်။ အဆစ်၊ အသည်း၊ ကျောက်ကပ်။

မပျောက်သေးတဲ့ သူတွေ ၂ % လောက်က တတိယ အဆင့် ရောက်သွားမယ်။ သွေးကြောကြီးတွေ ဖောင်းမယ်၊ Gummas တက်စေ့တွေ ရောင်မယ်၊ Neuro-syphilis ဦးနှောက်ဆစ်ဖလစ်ဖြစ်မယ်၊ မျက်စိ၊ နားကို ကူးစက်တော့မယ်။ ၂ နှစ် ကြာရင် တတိယအဆင့်ဆိုတာ ဖြစ်လာတယ်။

နောက်ဆုံးအဆင့်ဆိုတာ ရောဂါကူးချိန်ကနေ ၁ နှစ်ကနေ ၁ဝ နှစ်အတွင်းဖြစ်တယ်။ ဒီထက်လည်း ကြာနိုင်သေးတယ်။ အရိုး၊ အဆစ်နဲ့ အာရုံကြောတွေမှာ Gummas (ဂါမာ) ဆိုတာတွေ ဖြစ်လာမယ်။ အာရုံကြော ဆစ်ဖလစ်ဖြစ်ရင် ရောဂါလက္ခဏာ မပေါ်တဲ့အဆင့်ကနေ စိတ်မကောင်းသူလို ဖြစ်သွားတဲ့အဆင့်ထိ ဖြစ်နိုင်တယ်။ နှလုံးကနေထွက်တဲ့ အကြီးဆုံး သွေးလွှတ်ကြောကြီးမှာ ရောဂါရလာတတ်တယ်။ သိပ်တော့ အစိုးရိမ်မကြီးပါနဲ့ ပဋိဇီဝဆေးတွေ မပေါ်ခင်ကသာ ၂၅-၃၅ % ဖြစ်တာပါ။ အဲ့့ ခုခေတ်မှာတော့ Neurosyphilis ဟာ HIV ရှိသူတွေမှာသာ များနေပါတယ်။

ဒီလို လက္ခဏာတွေရှိတိုင်း နာခေါင်းမရှုံ့ပါနဲ့။ အမျိုးသမီးများမှာဖြစ်တဲ့ Vaginal Infections မွေးလမ်းကြောင်း ရောင်တာက သန့်ရှင်းရေး နည်းလို့လည်း ဖြစ်တတ်တယ်။ Trichomoniasis ပိုးက လိင်နဲ့မဆိုင်တဲ့ အဝတ်စိုလိုမျိုးမှာ ၁ နာရီလောက် ရှင်နေနိုင်လို့ အတူသုံးမိရင် ကူးနိုင်တယ်။ ဒါ့အပြင် ဖိုဆိုရင် ယင်ဖိုတောင် မသန်းဖူးတဲ့ အမျိုးသမီးများမှာတောင်မှ ဗက်တီးရီးယား အရေအတွက် အပြောင်းအလဲကြောင့် ဖြစ်ရတတ်တယ်။ သန့်ရှင်းရေး လုပ်တဲ့အခါ ရှေ့ကနေ နောက်ဖက်ဆီ လုပ်ရတာကို မှတ်ပါ၊ လုပ်ပါ။ ပဋိဇီဝဆေးတွေကြောင့်လည်း ဖန်းဂတ်စ် (ရိစ်) ပိုးဝင်နိုင်တယ်။

ဒီရောဂါတွေကို ကာကွယ်ဘို့ တချို့က လိင်ကိစ္စမှန်သမျှ ဝေရမဏိ လုပ်ခိုင်းတယ်။ သီလမစောင့်နိုင်ရင်တော့ “ကွန်ဒွန်” က အလွန်မတန် အသုံးဝင်ပါတယ်။ ကိုယ်ခန္ဓာ ရင်းနှီးရသူတွေကို ပညာပေးတာ ထိရောက်အောင်လုပ်ဖို့ အလွန့်အလွန်ကို အရေးကြီးပါတယ်။ ကိုယ့်အိမ်ထောင်ဘက်၊ ကိုယ့်အဖော်ကို လူစိတ်ထားပြီး ဆက်ဆံသင့်တယ်။ ဖြစ်လာရင် HIV နဲ့ B, C ပိုးတွေကလွဲရင် ဆေးတွေက အတော်ကို နိုင်ပါတယ်။ တချို့ဆို တခါသောက်နဲ့ ပျောက်တယ်။ ဆေးပါတ် လည်အောင်တော့ ကုဖို့လိုတယ်။ အတူနေဖော် နှစ်ယောက်လုံး တပြိုင်တည်း ဆေးကုရပါမယ်။

ဆစ်ဖလစ်ဟာ အမေရိကားကို ကိုလန်ဘတ်စ် မတွေ့ခင်ကတည်းက ရှိတယ်လို့ နောက်မှရောက်တဲ့ ဥရောပသားတွေက ပြောတယ်။ ဒီနောက် ရောက်လာကြမယ့် ဗမာတွေ အပါအဝင် အာဖရိကနဲ့ အာရှက လူမှန်သမျှကို မလာခင် ဆေးစစ်တဲ့အခါ ဒီရောဂါကိုပါ စစ်တယ်။ ပိုးတွေ့ရင်လည်း ၁ ပတ် ၁လုံး၊ ၃ ပတ် ဆေးထိုးခိုင်းပြီး၊ ဆေးအောင် လုပ်ပေးလိုက်ပါမယ်။ ဒါပေမဲ့ သူတို့ဆီမယ် ၁ နှစ်မှာ လူ ၁၇ သန်းလောက် ဒီရောဂါသည် အသစ်တွေ ရှိနေတယ်။ ဆေးစစ်အောင်လို့ ရောက်သွားကြမယ့် ဒုက္ခသည်များ၊ ဟိုရောက်ရင် ဒုက္ခသစ်မရှာကြဖို့ သတိပေးပါတယ်ခင်ဗျား။
http://www.mizzimaburmese.com/edop/songpa/4813-sexually-transmitted-diseases.html

အမိန့်နာခံမှုနှင့် တရားဥပဒေလေးစားမှု


NEJ /၁၅ ဖေဖော်ဝါရီ ၂၀၁၀
ရာထူးကြီးစဉ်ငယ်လိုက် ဖွဲ့စည်းထားသော စစ်တပ်၌ အမိန့်နာခံမှုသည် အရေးအကြီးဆုံးဖြစ်သည်ဟု ယူဆကြ၏။ လူသတ်လက်နက် ကိုင်ဆောင်၍ အကြမ်းဖက်ရန် လေ့ကျင့်ထားသော လက်နက်ကိုင်များသည် အမိန့်ကို မနာခံဘဲ တယောက်တမျိုး ဖြစ်နေပါက တရားဥပဒေထိန်းသိမ်းရေးတွင် အခက်အခဲရှိနိုင်သည်ဟု ယူဆကြသည်။ သို့သော်လည်း တရားဥပဒေ ချိုးဖောက်ထားသည့်အမိန့်ကို နာခံသင့်သလောဆိုသည်ကို အရေးတကြီးစဉ်းစားရန် လိုအပ်လာပါသည်။ အထက်ကလာသည့်အမိန့်ကို နာခံသည့်အတွက် အပြစ်မရှိဟု စစ်မှုထမ်းအများစုက ယူဆကြသည်။ အမိန့်နာခံပါက လိပ်ပြာမသန့် ဖြစ်စရာမလိုဟု စစ်မှုထမ်းတို့က ယူဆကြသည်။

စစ်တပ်၏ တာဝန်များထဲတွင် အမိန့်နာခံမှုသည် အလွန်အရေးကြီးကြောင်း စစ်ပညာစာပေ၌ မကြာခဏတွေ့နိုင်သော်လည်း မည်သို့သောအမိန့်မျိုးကို နာခံမည်နည်း၊ အမိန့်ဟူသမျှ မှားမှားမှန်မှန် နာခံမည်လားဆိုသည်ကို ဆန်းစစ်ဖို့ လိုပေသည်။ နာဇီဖက်ဆစ်အာဏာရူးများ၏ အမိန့်ကို နာခံခဲ့သဖြင့် ဂျပန်နှင့်ဂျာမဏီ ပြာပုံဖြစ်သွားခဲ့ပုံကို သမိုင်းသင်ခန်းစာအဖြစ် ထောက်ပြကြသူများ ရှိ၏။ အမိန့်ပေးသူသည် စစ်စည်းကမ်းဥပဒေအရ တရားဝင်အမိန့်ပေးပိုင်ခွင့်ရှိသလော၊ တရားဥပဒေနဲ့အညီ ဖွဲ့စည်းသည့်အစိုးရ ဖြစ်သလော ဆိုသည်ကို စစ်မှုထမ်းက စဉ်းစားဖို့လိုကြောင်း ထောက်ပြကြသူများလည်းရှိသည်။ မှားသည်၊ မှန်သည်ကို မစဉ်းစာဘဲ ခိုင်းသမျှလုပ်သော စနစ်ကြောင့် မြန်မာပြည်ပျက်စီးပြီး စစ်အာဏာရှင်စနစ် သက်ဆိုးရှည်ရသည်ဟု ဝေဖန်ကြသည့်အတွက် ဤကိစ္စကို ဆွေးနွေးသင့်ပေသည်။

ထို့ကြောင့် မည်သည့်အတိုင်းအတာအထိ အမိန့်နာခံသင့်သနည်း ဆိုသည်ကို ဆွေးနွေးရန် လိုအပ်လာသည်။ ဒီကိစ္စသည် အရာရှိ၏ ကိုယ်ကျင့်တရား၊ အသိဉာဏ်ပညာ၊ အမျိုးသားစိတ်ဓာတ် စသည်များနှင့် ပတ်သက်နေသည်။ စစ်ရေးနဲ့မဆိုင်သောကိစ္စ၌ အထက်က အမိန့်ပေးသည့်အတိုင်း အမှားအမှန်ကို ဝေဖန်ပိုင်းခြားခြင်းမပြုဘဲ မျက်စိမှိတ်၍ နာခံသင့် မသင့်ဟူသော မေးခွန်းသည် စစ်မှုထမ်းများအတွက် အလွန်အရေးကြီးပါသည်။ တနည်းဆိုပါမူ အထက်ကခိုင်း၍ လုပ်သဖြင့် မိမိ၌ အပြစ်မရှိဟု ခံယူထားခြင်းသည် စစ်မှုထမ်းဝတ္တရားကို ထိခိုက်ပြီး လူ့အဖွဲ့အစည်းတခုလုံးကို အန္တရာယ်ဖြစ်စေ၏။

တရားဥပဒေကို ဂရုမစိုက်ဘဲ ထင်သလိုလုပ်သောအမှုများကို စစ်ဆေးအပြစ်ပေးရန် ၁၉၉၈ ခုနှစ် ဇူလိုင်လ (၁၇) ရက်နေ့၌ အိုင်စီစီ (ခေါ်) အပြည်ပြည်ဆိုင်ရာ ရာဇ၀တ်ခုံရုံးဖွဲ့စည်းပြီး ရာဇ၀တ်ဥပဒေကို ၂၀၀၂ ခုနှစ် ဇူလိုင် (၁) ရက်နေ့၌ စတင်ကျင့်သုံးနေသည်။ (၇၇) မျက်နှာ အပိုဒ် (၁၂၈) ပိုဒ်ရှိသော ဥပဒေဖြစ်သည်။ အပိုဒ် (၇) စာမျက်နှာ (၉) ၌ Crimes against humanity ကို ဖော်ပြသည်။ လူသားမျိုးနွယ်အပေါ်၌ ကျူးလွန်သော ရာဇ၀တ်မှုဟု ဘာသာပြန်ရမလို ဖြစ်နေသည်။ သို့သော် attack directed against any civilian population ဟု ရေးထားသည့်အတွက် အရပ်သားထုအပေါ် ကျူးလွန်သော ရာဇ၀တ်မှုကို ဆိုလိုသည်မှာ ထင်ရှားသည်။ စစ်သားအချင်းချင်း ခွက်စောင်းခုတ်၍ သတ်ဖြတ်မှု ဤဥပေဒ၌ အကျုံးမ၀င်ပါ။

လူသတ်မှု၊ အပျောက်ရှင်းမှု၊ ကျွန်ပြုမှု၊ အဓမ္မပြောင်းရွှေ့မှု၊ နှိပ်စက်ညှဉ်းပန်းမှု၊ မုဒိမ်းမှု၊ ပြည့်တန်ဆာလုပ်ခိုင်းမှု၊ ကိုယ်စိတ်နှစ်ပါး အလွန်အမင်း ဆင်းရဲဒုက္ခရောက်အောင်လုပ်မှု စသည့်အမှုများကို အရပ်သားအပေါ်၌ ကျူးလွန်ပါက အရေးယူနိုင်သည်ဟု အိုင်စီစီ အပြည်ပြည်ဆိုင်ရာ ရာဇ၀တ်ဥပဒေက ဆိုသည်။ ဤပြစ်မှုအားလုံးကို ကျူးလွန်နေသော မြန်မာစစ်အစိုးရကို အရေးယူရန် ဗြိတိသျှအစိုးရကို အတိုက်အခံ Conservative အမတ် John Bercow က ၂၀၀၅ ခုနှစ်တွင် တိုက်တွန်းခဲ့ဖူးသည်။ သို့သော်လည်း မြန်မာစစ်အစိုးရသည် အိုင်စီစီစာချုပ်ကို လက်မှတ်မထိုးသေးသဖြင့် အရေးယူနိုင်ရန် အခက်အခဲရှိ၏။

အမိန့်နာခံပါက အပြစ်မရှိဟု မြန်မာပြည်၌ ယူဆသော်လည်း အပြည်ပြည်ဆိုင်ရာဥပဒေက ယင်းသို့မမြင်ပါ။ အမိန့်နာခံပြီး အရပ်သားကို နှိပ်စက်ညှဉ်းပန်းပါက နှိပ်စက်သူ၌ တာဝန်ရှိသည်ဟု ဆိုသည်။ ဒုတိယကမ္ဘာစစ်ပြီး၍ ဟစ်တလာ သေသွားသော်လည်း သူ့အမိန့်နာခံ၍ မတရားလုပ်ခဲ့သော ဂျာမန်အရာရှိများကို Nuremberg စစ်ခုံရုံးမှာ စစ်ဆေး၏။ တဖြည်းဖြည်း စစ်ဆေးအပြစ်ပေးသည့်အတွက် ၁၉၄၈ ခုနှစ်ရောက်မှ ဂျာမန်အရာရှိ (၃,၅၀၀) နဲ့ ဂျပန်ဖက်ဆစ် (၂,၈၀၀) ကျော်ကို အပြစ်ပေးနိုင်၏။

စစ်ဗိုလ်များ၏ မတရားလုပ်မှုကို အရေးယူသည့် Nuremberg စီရင်ထုံးများသည် အပြည်ပြည်ဆိုင်ရာဥပဒေဖြစ်လာသည်။ အမေရိကန်စစ်ဥပဒေ၌လည်း ဒီစီရင်ထုံးများကို အသုံးပြု၏။ အရပ်သားကို သတ်ခိုင်းသော အာဏာရှင်၏ တရားမ၀င်သောအမိန့်ကို တရားဝင်စစ်မိန့်အဖြစ် အသွင်ပြောင်းပေးသော ဦးစီးအရာရှိ (staff officer) သည်လည်း အပြစ်ရှိ၏။ တရားမ၀င်သော အမိန့်ကို လက်အောက်ငယ်သားဆီ မရောက်အောင် ထိန်ချန်ထားသော ဦးစီးအရာရှိကိုမူ အပြစ်မရှိဟု Nuremberg စီရင်ထုံးကဆို၏။

စစ်တိုက်သောအခါ အရပ်သားကို ဒုက္ခမပေးရဟု ဒုတိယကမ္ဘာစစ်မတိုင်မီကတည်းက နားလည်ခဲ့ကြသည်။ အရပ်သားကို မြန်မာစစ်တပ်က အနိုင်ကျင့်ပုံမျိုးကို ၁၉၄၉ ဂျနီဗာသဘောတူချက်က ပိတ်ပင်ထား၏။ တချိန်က အလွန်အာဏာရှိပြီး မောက်မာခဲ့ကြသော နာဇီနှင့်ဖက်ဆစ်အရာရှိများသည် အမိန့်နာခံမှုကြောင့် တနေ့တွင် စစ်ဆေးအပြစ်ပေးခံရလိမ့်မည်ဆိုသည်ကို ကြိုတင်သိရှိခဲ့ပါက အမိန့်နာခံဖို့သာ စဉ်းစားမည်မဟုတ်ပါ။ ယခုအခါတွင် တရားဥပဒေမလေးစားဘဲ ထင်ရာလုပ်သော စစ်မှုထမ်းကို အခွင့်အခါသင့်သည်နှင့် စစ်ဆေးအပြစ်ပေးခြင်းသည် ကမ္ဘာ့ထုံးတမ်းစဉ်လာ ဖြစ်လာပါသည်။

တရားမ၀င်သောအမိန့်နှင့် စစ်စည်းကမ်းနှင့်မကိုက်ညီသောအမိန့်ကို နာခံခြင်းသည် တိုင်းပြည်ကိုရော၊ စစ်တပ်ကိုပါ ပျက်စီးစေသည်။ တရားဥပဒေ ရိုသေလေးစားသောနိုင်ငံ၌ ဥပဒေနှင့်မကိုက်ညီသော အမိန့်ကို နာခံစရာမလိုဟု ယုံကြည်ကြသည်။ ယဉ်ကျေးသော လူ့အဖွဲ့အစည်း၌ စစ်ဗိုလ်သည် စာတတ် ပေတတ် ပညာတတ်ဖြစ်ပြီး ဥပဒေနဲ့ ကိုယ်ကျင့်တရားကို လေးစားသူဖြစ်သည်။ ခေတ်ပညာတတ် စစ်ဗိုလ်များ တရားဥပဒေကို ရိုသေလေးစားပြီး မတရားသောအမိန့်နှင့် ဥပဒေချိုးဖျက်သောအမိန့်ကို မနာခံပါက တိုင်းပြည်အတွက်ရော၊ စစ်တပ်အတွက်ရော အလားအလာကောင်းဖွယ်ရာရှိသည်ဟု သုံးသပ်ကြသည်။

အစိုးရအမိန့်ကြောင့် တိုင်းပြည်၌ ထိခိုက်နစ်နာဆုံးရှုံးမည်ကို အရာရှိများကောင်းစွာသိရှိပါက ယင်းအမိန့်ကို နာခံသင့်သလော သို့မဟုတ် တရားဥပဒေကို ချိုးဖောက်ပြီး ထုတ်ပြန်ထားတဲ့ အထက်အမိန့်ကို နာခံမည်လော သို့မဟုတ် အများလက်ခံထားသော ကိုယ်ကျင့်တရားကို ဖောက်ဖျက်ကျူးလွန်သည့် အမိန့်ကို နာခံသင့်သလော စသည့်မေးခွန်းများကို စစ်ဗိုလ်များ ဖြေရှင်းရပါလိမ့်မည်။ စစ်နိုင်ရာဒေသ၌ တိုင်းရင်းသားများ မျိုးပြုတ်အောင် အစုလိုက်အပြုံလိုက်သတ်ပစ်ရန် အထက်က အမိန့်ပေးပါက စစ်မှုထမ်းအရာရှိက နာခံမည်လောဆိုသော ကိစ္စသည် မြန်မာနိုင်ငံ၌ ယနေ့ရင်ဆိုင်နေရသော ပြဿနာတခုပင်ဖြစ်၏။

တိုင်းပြည်အကျိုးစီးပွားနှင့် ဆန့်ကျင်သောအမိန့်ကို စစ်မှုထမ်းများက မှားမှန်းသိသော်လည်း မျက်စိမှိတ်နာခံသည့်အတွက် တိုင်းပြည်ပျက်စီးရသည့် သာဓကများ ကမ္ဘာ့သမိုင်း၌ အများကြီးရှိသည်။ ဥပမာ အာဏာရှင်ဟစ်တလာ၏ လမ်းစဉ်သည် ဂျာမဏီကို ပျက်စီးစေလိမ့်မည်ဟု ဗိုလ်ချုပ်များက ယုံကြည်သော်လည်း အမိန့်နာခံသူက အများစု၊ တိုင်းပြည်အကျိုးကိုကြည့်ပြီး ဟစ်တလာကို ဆန့်ကျင်ဖို့ ကြိုးပမ်းသူက လူနည်းစုဖြစ်နေသောကြောင့် အမိန့်နာခံရင်း နောက်ဆုံး ဂျာမဏီတပြည်လုံး ပြာပုံဖြစ်သွားရပါသည်။ ဂျာမန်စစ်တပ်သည် စစ်မှုထမ်းစိတ်ပြင်းထန်သော တပ်ဖြစ်သော်လည်း ဆင်ခြင်တုံတရား ရှေ့မထားဘဲ မျက်စိမှိတ်ပြီး အမိန့်နာခံသည့်အတွက် တန်ဖိုးရှိသော စစ်မှုထမ်းဘ၀ ဆုံးရှုံးသွားပေသည်။
http://www.khitpyaing.org/editorial/February%202010/15210.php

ဦးတင်ဦးလွတ်မြောက်လာခြင်းနှင့်ပတ်သက်၍ ဗမာပြည်ကွန်မြူနစ်ပါတီပြောရေးဆိုခွင့်ရှိသူ၏ ထုတ်ပြန်ချက် (၁/၂၀၁၀)

http://ifile.it/u9z2mrqpr1-2010
http://cpburma.org

(နာဂိုယာ)မှ(၆၃)နှစ်မြောက်ပြည်ထောင်စုနေ့ အခမ်းအနား


မြန်မာ့ဒီမိုကရေစီအဖွဲ့ ချုပ်(နာဂိုယာ)နယ်မြေမှဦးစီး၍(၆၃)နှစ်မြောက်ပြည်ထောင်စုနေ့ အခမ်းအနားအား
အမျိုးသားဒီမိုကရေစီအဖွဲ့ ချုပ်(လွတ်မြောက်နယ်မြေ)နာဂိုယာစည်းရုံးရေးဒေသမှတာဝန်ခံနှင့်အဖွဲ့ ဝင်များ ဂျပန်နိုင်ငံရောက်မြန်မာ့ဒီမိုကရေစီအရေးလှုပ်ရှားသူများ ၊ ဂျပန်နိုင်ငံရောက်မြန်မာနိုင်ငံသားများ ၊ မြန်မာ့
ဒီမိုကရေစီအရေးအားစိတ်ဝင်စားသော ဂျပန် နှင့် ဘရာဇီးလူမျိုးများ တို့ မှ တက်ရောက်ပါဝင်၍
အောင်မြင်စွာကျင်းပခဲ့ကြပါသည်..။