Wednesday, April 21, 2010

21 April 2010 ဒိုင်ယာရီ

http://ifile.it/bpg3raw21 April 2010 Yeyintnge Diary

ကောက်ရိုးနဲ့ လဲရင်တော့ အိုးကွဲပဲရလိမ့်မယ်


ဘွဲ့ဖြူ

၂၁/ ဧပြီ ၂၀၁၀


အန်အယ်လ်ဒီပါတီ ခေါင်းဆောင်များကတော့ သူတို့ဟာ ပြည်သူ့အရေးတော်ပုံကြီးထဲက မွေးဖွားပေါ်ပေါက်လာတဲ့ အရေးတော်ပုံပါတီတရပ်ရဲ့ စစ်မှန်တဲ့ ခေါင်းဆောင်တွေဖြစ်ကြောင်း အခိုင်အမာ သက်သေပြလိုက်ကြပြီဖြစ်တယ်။ အမေရိကန် လွတ်လပ်ရေးကြေညာစာတမ်းကြီးမှာ ပါဝင်လက်မှတ် ရေးထိုးခဲ့ကြတဲ့ ခေါင်းဆောင်ကြီးများကို အမေရိကန်ပြည်ထောင်စုကို ထူထောင်ခဲ့ကြတဲ့ ဖခင်ကြီးများ (Founding fathers) ဆိုပြီး အမေရိကန်ပြည်သူတွေက ကမ္ဘာတည်သရွေ့ ကျေးဇူးတင်အမှတ်ရနေကြသလို ၂၀၁၀ ခုနှစ် မတ်လ (၂၉) ရက်နေ့မှာ ချမှတ်လိုက်တဲ့ ဂုဏ်ပြောင်တဲ့ သမိုင်းဝင် ဆုံးဖြတ်ချက်ကြောင့် အန်အယ်လ်ဒီခေါင်းဆောင်များကိုလည်း မြန်မာ့ဒီမိုကရေစီရေး ရုန်းကန်မှုအစဉ်ကြီးထဲက အလွန်အရေးပါတဲ့ အကွေ့တကွေ့မှာ စစ်အာဏာရှင်တွေရဲ့ ခြိမ်းခြောက်ဟိန်းဟောက်မှုကို မကြောက်မရွံ့ နောက်မတွန့်ဘဲ အညံ့မခံ မလံမလှဲခဲ့သူများအဖြစ် မြန်မာပြည်သူတွေက ကမ္ဘာတည်သရွေ့ ကျေးဇူးတင် အမှတ်ရနေကြတော့မှာဖြစ်တယ်။

နအဖရဲ့ စိန်ခေါ်သံကို အန်အယ်လ်ဒီက ရဲရဲဝံ့ဝံ့ ပြန် ‘ထူး’ လိုက်ပြီဖြစ်တဲ့အတွက် မြန်မာပြည်ရဲ့ နီးကပ်တဲ့ အနာဂတ်ကာလမှာ ရုန်းရင်းဆန်ခတ် ရုတ်ရုတ်သဲသဲ ဖြစ်ရပ်တွေကို တဖန်ပြန်လည်မြင်တွေ့လာကြရမှာကတော့ သေချာနေတယ်။ နအဖဟာ အန်အယ်လ်ဒီဆီက အခုလို တုံ့ပြန်မှုမျိုးလည်း ပေါ်ထွက်လာနိုင်တယ်ဆိုတာကို တွက်ထားပြီးဖြစ်မှာ သေချာနေတာမို့ သူ့မှာ ရှေ့လုပ်ငန်းစဉ်တွေ ရှိမှာအသေအချာပဲ။ တနည်းပြောရရင် နအဖဟာ လူထုခေါင်းဆောင် ဒေါ်အောင်ဆန်းစုကြည် တလျှောက်လုံး စိုးရိမ်တကြီး တဖွဖွ သတိပေးခဲ့တဲ့ ‘အလုံးစုံပျက်သုဉ်းရေးလမ်း’ ကို ရွေးချယ်လျှောက်လှမ်းဖို့ ဆုံးဖြတ်ထားသူဖြစ်တာမို့ အခုလို အန်အယ်လ်ဒီက သူ့ကို ပြတ်ပြတ်သားသား တုံ့ပြန်လိုက်တဲ့အခါ ‘ဘယ်သူသေသေ ငတေမာရင်ပြီးရော’ လမ်းစဉ်ကို ဒီဂရီအမြင့်ဆုံး ကိုင်စွဲလုပ်ဆောင်သွားတော့မှာ သေချာနေတယ်။

ဖိနှိပ်ချေမှုန်းတဲ့ နည်းလမ်းအသုံးပြုပြီး ပြည်သူတွေရဲ့ တရားဥပဒေနဲ့ လျော်ညီတဲ့ ဆန္ဒတွေကို နှိပ်ကွပ်တဲ့နေရာမှာ လက်လည်းယဉ်၊ အတွေ့အကြုံလည်း ရင့်နေပြီဖြစ်တဲ့ မြန်မာစစ်အာဏာရှင်တွေဟာ သူတို့ရဲ့ စစ်အာဏာရှင်စနစ် ရာသက်ပန် တည်တံ့ခိုင်မြဲရေး လမ်းကြောင်းမှာ အဓိက ဆူးငြောင့်ခလုတ်ဖြစ်နေတဲ့ ဒေါ်အောင်ဆန်းစုကြည်နဲ့ အန်အယ်လ်ဒီကို အပြီးသတ် ဖယ်ရှားရှင်းလင်းနိုင်ဖို့ အစွမ်းကုန်ကြိုးပမ်းကြတော့မှာ ဖြစ်တယ်။

အခုအချိန်မှာ အဆုံးအဖြတ်ပေးမယ့် အခန်းကဏ္ဍကို ရောက်ရှိလာတာက မြန်မာပြည်သူတွေဖြစ်တယ်။ ဒီကနေ့ မြန်မာပြည်သူတွေ စဉ်းစားကြရမယ့် တခုတည်းသောအရာက ပြည်သူတရပ်လုံးရဲ့ အခွင့်အာဏာ (Mandate) ကို တရားဝင်ရရှိထားတဲ့ အန်အယ်လ်ဒီ မပါဝင်တဲ့၊ တရားမ၀င်တဲ့ ရွေးကောက်ပွဲမှာ ဘယ်ပါတီကို မဲထည့်မလဲဆိုတဲ့ အရည်မရ အဖတ်မရ ကိစ္စမဟုတ်ဘူး (ဘယ်ပါတီကိုပဲ မဲထည့်ထည့် အဲဒီရွေးကောက်ပွဲမှာ အနိုင်ရမှာက နအဖဖြစ်တယ်ဆိုတာ ထင်ရှားပေါ်လွင်နေနှင့်ပြီးသားဖြစ်တာကြောင့်ဖြစ်တယ်)။ မှန်ကန်တဲ့ ဆုံးဖြတ်ချက်ကို ချမှတ်လိုက်ပြီဖြစ်တဲ့ အန်အယ်လ်ဒီ ပါတီကို ဘယ်လိုနည်းနဲ့ အကောင်းဆုံးဖြစ်အောင် ၀န်းရံကာကွယ် စောင့်ရှောက်ကြမလဲဆိုတဲ့ ကိစ္စဖြစ်တယ်။ လူတယောက်ဟာ သူ အရာဝတ္ထုတွေကို ပကတိအရှိအတိုင်း မြင်နိုင်အောင် စွမ်းဆောင်ပေးနေတဲ့ မိမိရဲ့မျက်လုံးကို ကာကွယ်စောင့်ရှောက်သလိုမျိုး မြန်မာပြည်သူတွေဟာလည်း မိမိတို့ အမှန်တရားကို ရှင်းရှင်းလင်းလင်း မြင်နိုင်အောင် ရဲရဲဝံ့ဝံ့ ပြတ်ပြတ်သားသား လမ်းညွှန်ဦးဆောင်မှုပေးခဲ့တဲ့ အန်အယ်လ်ဒီကို အခိုင်အမာ ၀န်းရံကာကွယ် စောင့်ရှောက်ကြရမှာဖြစ်တယ်။

အမေရိကန်နိုင်ငံရဲ့ ဒုတိယသမ္မတ သောမတ်ဂျက်ဖာဆင်က ဒီလိုပြောခဲ့ဖူးတယ်။ “အစိုးရမရှိတဲ့ သတင်းစာနဲ့ သတင်းစာမရှိတဲ့ အစိုးရ ဘာကိုရွေးမလဲဆိုရင် ကျနော်ကတော့ အစိုးရမရှိတဲ့ သတင်းစာကို ရွေးမယ်” တဲ့။ အခုလည်း အန်အယ်လ်ဒီဟာ နိုင်ငံရေးမရှိတဲ့ ပါတီနဲ့ ပါတီမရှိတဲ့ နိုင်ငံရေးဆိုတဲ့ ရွေးစရာနှစ်ခုမှာ ဒုတိယတခုကို ရွေးလိုက်တာဖြစ်တယ်။ နိုင်ငံရေးဆိုတာ အနှစ်သာရအရ ပြည်သူလူထုရဲ့ ထောက်ခံမှုပဲဖြစ်တယ်။ ဒါကြောင့် အန်အယ်လ်ဒီရဲ့ ဆုံးဖြတ်ချက်ဟာ သူ ရရှိထားတဲ့ ပြည်သူလူထုရဲ့ ထောက်ခံမှု၊ သူ့အပေါ်ထားရှိတဲ့ ပြည်သူလူထုရဲ့ ယုံကြည်ကိုးစားမှုကို အဆုံးစွန် အလေးအနက်ထားကြောင်း ပြသလိုက်တာပဲဖြစ်တယ်။ “ကျနော်တို့ တပ်ဦးက ချီတက်မယ်။ ပြည်သူတွေ ကျနော်တို့နောက်က ဖ၀ါးခြေထပ် ထက်ကြပ်မကွာ လိုက်ခဲ့ကြပါ” လို့ တောင်းဆိုလိုက်တာဖြစ်တယ်။

တနည်းပြောရရင် ဒီနှစ်ထဲမှာလုပ်မယ့် ပါတီစုံဒီမိုကရေစီရွေးကောက်ပွဲဆိုတဲ့ ‘ဟာသ မဟာစင်တော်ကြီးပေါ်မှာ’ နအဖနဲ့ သူ့လူတသိုက် ‘အတည်ပေါက်’ ကပြအသုံးတော်ခံနေကြတဲ့အချိန်မှာ အန်အယ်လ်ဒီ ပါတီဆိုင်းဘုတ်နဲ့ ပါတီအလံတွေ အများပြည်သူမြင်ကွင်းကနေ တဒင်္ဂ ပျောက်ကွယ်ကောင်းပျောက်ကွယ်နေနိုင်တယ်။ ဒါပေမယ့် နအဖရဲ့ အဲဒီကမ္ဘာကျော် မျက်လှည့်ပွဲကြီးမှာ ပါဝင်ပူးပေါင်းမှုမလုပ်ခြင်းဖြင့် သူတို့ရင်ထဲမှာ အန်အယ်လ်ဒီ ရှိနေကြာင်း ရဲရဲဝံ့ဝံ့ ပြသတဲ့ ပြည်သူအရေအတွက် သိန်းသန်းချီရှိနေလိမ့်မယ်လို့ မျှော်လင့်ကြောင်း အန်အယ်လ်ဒီက သတင်းစကားပါးလိုက်တာဖြစ်တယ်။

အန်အယ်လ်ဒီ ရွေးကောက်ပွဲမ၀င်ရင် ဘာလုပ်မှာလဲလို့ မြန်မာ့နိုင်ငံရေးသမားဆိုသူအချို့က မေးလေ့ရှိကြတယ်။ အဲဒီလိုလူမျိုးတွေကို ဆန်းစစ်လေ့လာကြည့်လိုက်တဲ့အခါ သူတို့ဟာ သမိုင်းကို ဖန်တီးနိုင်တဲ့ လူထုရဲ့ စွမ်းပကားကို ဘယ်တုန်းကမှ မယုံကြည်သူတွေဖြစ်တာကို တွေ့ရတယ်။ ဒါပေမယ့် ရယ်စရာတခုကတော့ လူထုလှုပ်ရှားမှု ဒီရေမြင့်တက်လာပြီး (သူတို့အထင်) နိုင်တော့မယ့်ပုံပေါက်လာပြီဆိုရင် အဲဒီလှုပ်ရှားမှုရဲ့ ရှေ့တန်းတနေရာမှာ သူတို့ကို တွေ့ရလေ့ရှိပြန်တဲ့အချက်ပဲ။ သူတို့ဟာ များသောအားဖြင့် သူတို့ကိုယ်သူတို့ လူထုက လိုက်မမီလောက်အောင် နိုင်ငံရေးအသိရေချိန်မြင့်တဲ့ ပညာတတ်များအဖြစ် မြင်လေ့ရှိသူများဖြစ်တယ်။

သူတို့ဟာ နိုင်ငံရေးကျမ်းကြီးကျမ်းခိုင်များကို လေ့လာလိုက်စားလေ့ရှိကြသူများဖြစ်ပေမယ့် လူထုနိုင်ငံရေးကိုတော့ မျက်ကွယ်ပြုလေ့ရှိကြသူများဖြစ်တယ်။ ‘နိုင်ငံရေးသိပ္ပံ’ ဆိုတဲ့ စကားလုံးကို တွင်တွင်သုံးလေ့ရှိကြပေမယ့် နိုင်ငံရေးမှာ မသိကိန်း သီအိုရီရှိတယ်ဆိုတဲ့ အချက်ကိုတော့ သူတို့ မျက်စိလျှမ်းလေ့ရှိကြတယ်။ ဒါမှမဟုတ် သူတို့ရဲ့ လူတန်းစားသဘာဝအရ အဲဒီသီအိုရီကို လက်ခံဖို့ ငြင်းဆန်လေ့ရှိကြတယ်။ လူ့သမိုင်းဆိုတာ အကောင်းအဆိုး ဒွန်တွဲတည်ရှိနေတဲ့ လူသားတွေရဲ့ လှုပ်ရှားမှုအစဉ်ကြီးဖြစ်တာနဲ့အညီ အဲဒီလူသားရဲ့ ကံသုံးပါးအမူအရာလေးတခုက သမိုင်းတခုလုံးကို လှည့်ပြောင်းကွေ့ချိုးသွားစေနိုင်တယ်ဆိုတာကို အဲဒီလူတွေ မျက်စိမှောက်တတ်ကြတယ်။ ဒါမှမဟုတ် သူတို့လေ့လာထားတဲ့ သဘောတရားနဲ့ မကိုက်ညီလို့ဆိုပြီး အဖြစ်မှန်ကို လက်ခံဖို့ ငြင်းဆန်တတ်ကြတယ်။

ဒါကြောင့်ပဲ ရွေးကောက်ပွဲမ၀င်ရင် အန်အယ်လ်ဒီ ဘာလုပ်မှာလဲလို့ သူတို့က တွင်တွင်မေးနေကြတာဖြစ်တယ်။ သူတို့မသိတာက သူတို့ရဲ့ အဲဒီမေးခွန်းကို အန်အယ်လ်ဒီ ကိုယ်တိုင်ကရော အန်အယ်လ်ဒီရဲ့ လမ်းစဉ်ကို ထောက်ခံနေကြသူတွေကပါ ဖြေဆိုမှာမဟုတ်တဲ့အချက်ပဲ။ ရည်ရွယ်သည်ဖြစ်စေ၊ မရည်ရွယ်သည်ဖြစ်စေ နအဖကိုယ်စား မေးပေးရာရောက်နေတဲ့ မသိသားဆိုးရွားလှတဲ့ အဲဒီမေးခွန်းကို လူထုနိုင်ငံရေးကို ယုံကြည်သူ ဘယ်သူကမှ ဖြေဆိုမှာမဟုတ်ဘူး။

နောက်တချက်ကလည်း နိုင်ငံရေးသဘောတရားတခုအရ ရုပ်ပိုင်းဆိုင်ရာ အင်အားကြီးမားသူနဲ့ သေးငယ်သူအကြားဖြစ်နေတဲ့ ပဋိပက္ခတခုမှာ တိုက်ပွဲပုံသဏ္ဍာန်ကို ဆုံးဖြတ်သူဟာ ရုပ်အင်အားကြီးမားသူသာဖြစ်တယ်။ ရုပ်အင်အားသေးငယ်သူမှာ ရွေးချယ်ပိုင်ခွင့်မရှိဘဲ ရုပ်အင်အားကြီးမားသူ ရွေးချယ်တဲ့ တိုက်ပွဲပုံသဏ္ဌာန်ကိုပဲ လက်ခံရစမြဲဖြစ်တယ်။ နယ်စပ်ဒေသက တိုင်းရင်းသားတွေရဲ့ လက်နက်ကိုင်တော်လှန်ရေးတွေဟာ အဲဒီအချက်ကို အခိုင်အမာ မီးမောင်းထိုးပြနေတဲ့ သက်သေတွေဖြစ်တယ်။ ရုပ်အင်အားသေးငယ်သူ ရွေးချယ်နိုင်တာတခုပဲရှိတယ်။ အဲဒါကတော့ မိမိရဲ့အခြေခံမူကို စွန့်လွှတ်ပြီး ရန်သူ့ရှေ့မှောက်မှာ ဒူးထောက်အရှုံးပေးမှာလား၊ မပေးဘူးလားဆိုတာပဲဖြစ်တယ်။

“ကျမတို့ရဲ့ ဦးခေါင်းကတော့ ပျော့ပျောင်းပါတယ် ... ဒါပေမယ့် ကျမတို့ရဲ့ ဒူးခေါင်းကတော့ မပျော့ပျောင်းဘူး” လို့ လူထုခေါင်းဆောင် ဒေါ်အောင်ဆန်းစုကြည်က ပြောခဲ့ဖူးတယ်။ ဒါဟာ မိမိကိုယ်ကို ရိုသေလေးစားသူမှန်သမျှအတွက် လမ်းညွှန်သဘောတရားတခုဖြစ်တယ်။ အခု အဲဒီလမ်းညွှန်မှုကို ပြတ်ပြတ်သားသား ခံယူကျင့်သုံးခြင်းဖြင့် အန်အယ်လ်ဒီ ခေါင်းဆောင်များက သူတို့ပါတီဟာ စစ်မှန်တဲ့ အရေးတော်ပုံပါတီတရပ်ဖြစ်ကြောင်း အခိုင်အမာ သက်သေပြလိုက်ပြီဖြစ်တယ်။

ဒီတော့ လက်ရှိအချိန်မှာ ဒီမိုကရေစီလိုလားတဲ့ မြန်မာပြည်သူလူထုကြီးရဲ့ လက်ငင်းတာဝန်က ဘာလဲ။ မိမိတို့ရဲ့ တပ်ဦးမှာရှိနေတဲ့ အရေးတော်ပုံပါတီကြီးက ဆေးဖော်ကြောဖက်မလုပ်ဖို့ ဆုံးဖြတ်ထားတဲ့ နအဖရဲ့ ရွေးကောက်ပွဲဆိုတဲ့ (ဘယ်သူ့မျက်စိကိုမှ မလှည့်နိုင်တဲ့) မျက်လှည့်ပွဲကို မိမိတို့ကလည်း ဆေးဖော်ကြောဖက် မလုပ်ကြဖို့ဘဲဖြစ်တယ်။ ဒီနေရာမှာ မိမိတို့ကိုယ်မိမိတို့ နိုင်ငံတနိုင်ငံရဲ့ စတုတ္ထမဏ္ဍိုင်အဖြစ် ထင်မြင်ယူဆနေကြသူ မီဒီယာလောကသားတွေအနေနဲ့လည်း အများယောင်လို့ယောင် အမောင်တောင်မှန်းမြောက်မှန်းမသိ လိုက်လုပ်ပြီး နအဖရဲ့ မျက်လှည့်ပွဲမှာ ‘ဝေလေလေ’ ၀င်မလုပ်မိကြဖို့ အရေးကြီးတယ်။

စာနယ်ဇင်းလွတ်လပ်ခွင့်နဲ့ ပတ်သက်ပြီး ကမ္ဘာ့အဆိုးဆုံး စာရင်းဝင် နိုင်ငံတခုက စာနယ်ဇင်းတွေဟာ ပြည်သူလူထုဘက်က ဘယ်လိုမှ ပြတ်ပြတ်သားသား မရပ်တည်နိုင်ဘူးဆိုတာကို နားလည်နိုင်တယ်။ ဒါပေမယ့် မိမိရဲ့ ပုဂ္ဂလိကအကျိုးစီးပွားကို ငဲ့ရင်းငဲ့ရင်း စစ်အာဏာရှင်တွေရဲ့ အသုံးချခံဖြစ်မသွားဖို့ သိပ်ကိုအရေးကြီးတယ်။ လာမယ့် ရွေးကောက်ပွဲဟာ မြန်မာပြည်သူအားလုံး ပျော်ပျော်ပါးပါး တက်တက်ကြွကြွ ပါဝင်ဆင်နွှဲကြမယ့် ရွေးကောက်ပွဲမျိုးမဟုတ်ဘူးဆိုတာ ဒီလောက်တောင် ပေါ်ပေါ်လွင်လွင် ထင်ထင်ရှားရှား မြင်သာနေတဲ့အချိန်မျိုးမှာ ပြည်တွင်းက မြန်မာ့မီဒီယာတွေ (အထူးသဖြင့် ပုဂ္ဂလိကစာနယ်ဇင်းတွေ) အနေနဲ့ ဒီရွေးကောက်ပွဲနဲ့ဆိုင်တဲ့ သတင်းတွေကို ဘာမှ တခုတ်တရ လိုက်ရှာ၊ လိုက်တွေ့ဆုံမေးမြန်းပြီး ထည့်ပေးစရာမလိုဘူး။ မတတ်သာလို့ ဖော်ပြရတဲ့ ပုံစံမျိုးထက်မပိုသင့်ဘူး။ အဲသလိုမှ မဟုတ်ဘဲ တကယ့်အစစ်အမှန် ရွေးကောက်ပွဲကြီးလို သဘောထားပြီး ပြည်သူတွေ မျက်စိနောက်လောက်အောင် လုပ်နေမယ်ဆိုရင်တော့ သမိုင်းရဲ့ဒဏ်ခတ်မှုကို ခံကြရမှာပဲဖြစ်တယ်။ မုသားပြောတာနဲ့စာရင် ဘာမှမပြောတာကမှ ပိုကောင်းသေးတယ်ဆိုတဲ့ အယူအဆကို ပြည်သူ့မီဒီယာဘက်တော်သားတွေ လက်ကိုင်ထားသင့်တယ်လို့ ယုံကြည်တယ်။

ထောင်ထဲမှာ နှစ်ပေါင်းများစွာ နေခဲ့ရဖူးသူတွေ အများအပြား ပါဝင်တဲ့ အန်အယ်လ်ဒီခေါင်းဆောင်ပိုင်းကတော့ ထောင်ထဲဝင်ရမယ့် အန္တရာယ်အပါအ၀င် အန္တရာယ်များစွာကို မကြောက်မရွံ့ နောက်မတွန့်ဘဲ တရားဓမ္မနဲ့ လျော်ညီတဲ့ လမ်းမှန်ကို ဦးဆောင်လျှောက်လှမ်းနေကြပြီဖြစ်တယ်။ ဒီအချိန်မှာ မီဒီယာတွေအပါအ၀င် မြန်မာပြည်သူတွေဟာလည်း ‘ကြောက်ရင်လွဲ ရဲရင်မင်းဖြစ်’ ထုံး နှလုံးမူပြီး အန်အယ်လ်ဒီရဲ့ ဦးဆောင်မှုနောက်ကို ရဲရဲဝံ့ဝံ့ လိုက်ပါလျှောက်လှမ်းကြရမှာပဲ ဖြစ်တယ်။ ဒီမိုကရေစီနဲ့ လူ့အခွင့်အရေးဆိုတဲ့ ခြင်္သေ့ဆီဟာ ရဲရင့်ညီညွတ်သော ပြည်သူဆိုတဲ့ သိင်္ဂီရွှေခွက်မှာသာ တည်ရှိနိုင်တာဖြစ်တယ်။

အဲသလိုမှမဟုတ်ဘဲ ခေါင်းဆောင်တွေက ခေါင်းဆောင်ပီသစွာ တပ်ဦးက လျှောက်လှမ်းနေတာတောင်မှ မိမိတို့က အကြောက်တရား လွှမ်းမိုးတာခံပြီး ဖရိုဖရဲ တကွဲတပြား ဖြစ်နေကြဦးမယ်ဆိုရင်တော့ ဒီမိုကရေစီဟာ ဝေးနေဦးမှာပဲဖြစ်တယ်။ ဒူးခေါင်းပျော့သူများဟာ ခဲမူးစေ့ ဒီမိုကရေစီနဲ့ပဲ ထိုက်တန်မှာဖြစ်တယ်။ ကောက်ရိုးနဲ့ လဲရင်တော့ အိုးကွဲပဲရလိမ့်မယ်။ ။

http://www.khitpyaing.org/articles/2010/April/21410.php

ရင်ခွဲရုံမှ အဖြစ်အပျက် (နောက်ဆက်တွဲ)

ရင်ခွဲရုံမှ အဖြစ်အပျက်


သန်လျင်ဆေးရုံဝင်းထဲက ရင်ခွဲရုံမှာ ထားတဲ့ အလောင်းတွေရဲ့ ကိုယ်အင်္ဂါတွေ ပျောက်ဆုံးနေတဲ့ သတင်းတစ်ခု ဒီရက်ပိုင်းမှာ forward mail အဖြစ်နဲ့ အွန်လိုင်းမှာ ပျံ့နှံ့နေခဲ့ပါတယ်။ ဒီသတင်းထွက်ပြီး နောက်ပိုင်းမှာ နောက်ထပ် forward mail အဖြစ်နဲ့ ထပ်ရောက်လာတဲ့ သတင်းကတော့ ပျောက်ဆုံးသွားတဲ့ အသားစတွေကို အဘွားကြီး တစ်ယောက်က ဟင်းလျာ အဖြစ်စားသောက်နေတာပါ ဆိုတဲ့ သတင်းပါပဲ။

ဒါနဲ့ပဲ ဒီနေ့ အိမ်ကို ဖုန်းဆက်ဖြစ်တော့ အဲဒီ အကြောင်းကို အဓိက မေးဖြစ်လိုက်တယ်။ ကိုယ့်မြို့ကအကြောင်း ဖြစ်တာကြောင့် စိတ်ဝင်စားပြီး မေးဖြစ်ခဲ့တာပါ။ ဖြစ်ရပ်ရဲ့ တရားခံ အစစ်ကို အတိအကျ မဖော်ထုတ် နိင်သေးပေမယ့် စိတ်ဝင်စားစရာ အချက်အလက်လေးတွေ သိလာရပါတယ်။ ပို့စ်အဖြစ်ရေးဖို့ မရည်ရွယ် ထားပေမယ့် ကျွန်တော် ဘာမှ မလုပ်ဘဲ ပို့စ်တက်တယ် ဆိုတာ ထပ်ဖြစ်ပြန်တော့ စာလာဖတ်သူတွေကို အားနာပြီး ဒီအကြောင်းအရာလေးကို မြန်မြန်ရေးပြီး တင်လိုက်တာပါ။ သိမ်းထားတဲ့ ပို့စ်အဟောင်းတွေလည်း မတင်ချင်တာရယ် ဒီအကြောင်းက အနည်းငယ်တော့ စိတ်ဝင်စားဖို့ ကောင်းမယ် ထင်တာရယ်ကြောင့် တင်ဖြစ် လိုက်တာပါ။

အဲဒီအကြောင်းအရာကို ကျွန်တော် အဓိက မေးဖြစ်တာကတော့ ကျွန်တော့်အစ်မကိုပါပဲ။ သူပြောပြတဲ့ ပုံစံအရဆို ရင်ခွဲရုံက အဘွားကြီးက မသင်္ကာစရာ ဖြစ်နေပါတယ်။ ဒုတိယ forward mail ထဲက လူသားစားတယ်လို့ ရည်ညွှန်း ထားတဲ့ အဘွားကြီးပါ။ အဲဒီ အဘွားကြီး အကြောင်းက စိတ်ဝင်စားစရာတွေ ရှိနေပါတယ်။ ကျွန်တော့် အကိုရဲ့ ဇနီး သန်လျင်ဆေးရုံမှာ မီးဖွားတော့ ကျွန်တော့်အစ်မက လူနာစောင့် လုပ်ပေးခဲ့တယ်။ အဲဒီတော့ အထက်က ရည်ညွှန်းထားတဲ့ အဘွားကြီးနဲ့ တွေ့ဆုံခဲ့ပါတယ်။

အဲဒီအဘွားကြီးက အသက် ၆၀ လောက် ရှိပြီး ထောင်ထောင်မောင်းမောင်း ပါပဲ။ ညစဉ် အရက်သောက်တတ် သလို စရိုက်ကြမ်းတယ်လို့ သတ်မှတ်ထားကြတယ်။ ဆေးရုံတက်တဲ့ မီးဖွားလူနာတွေရဲ့ အဝတ်အစားတွေ အဓိကကတော့ ထမိန်တွေကို အတင်းကို ယူလျှော် တတ်တယ်။ အဓိကက ငွေရဖို့ ဆိုပါတော့။ ဆေးရုံမှာ ခရမ်းရောင် ဝတ်တဲ့ သန့်ရှင်းရေး လုပ်သလို ဆေးရုံမှာလည်း သူ့အသံ အဆူညံဆုံးပါတဲ့လေ။ စရိုက်ကြမ်းတော့ အော်ကျယ်အော်ကျယ် ပြောတတ်တယ်လို့ ဆိုလိုချင်တာပါ။ သူက ဆေးရုံသန့်ရှင်းရေး လုပ်တဲ့ အပြင် သူ့ရဲ့ အဓိက ဝင်ငွေရတဲ့အလုပ်က လူသေတွေကို ရင်ခွဲတဲ့ အလုပ်ပါပဲ။

လွန်ခဲ့တဲ့ ၄ ၊ ၅ နှစ်ရဲ့ လူသေတစ်လောင်း ရင်ခွဲနှုန်းက ၂သောင်းပါ။ သူက လူသေတစ်လောင်း ရင်ခွဲပေးတိုင်း ငွေ ၂ သောင်းရပါတယ်။ အရင်က လူသေရင်ခွဲ တဲ့အလုပ်ကို သူ့ယောကျာ်း လုပ်ခဲ့တာပါ။ သူ့ယောကျာ်းဆုံး သွားတော့ သူကဆက်ပြီး လုပ်ကိုင်တယ်ပေါ့။ အဲဒီအချိန်က ဆေးရုံမှာ လူသေရင်ခွဲတဲ့သူက နှစ်ယောက်ရှိပါတယ်။ အဲဒီအဘွားကြီးရယ် နောက်ထပ် ကုလားတစ်ယောက်ရယ် ရှိတယ်။ လူသေတစ်လောင်း ခွဲတိုင်း နှစ်သောင်းရတော့ သူတို့ နှစ်ယောက်က လုပြီးတောင် ခွဲရတယ်ဆိုပဲ။ အစ်မကိုပြောရင်း ကုလားထက်ဦးအောင် သော့ဖွက်ထားရတယ်လို့ ပြောပြီးသူ့ရင်ဘတ်ထဲမှာ ဖွက်ထားတဲ့ ရင်ခွဲရုံသော့ ကိုပါ ထုတ်ပြခဲ့သေးတယ်တဲ့။ ဈေးကွက်လုရတဲ့ သဘောနဲ့ တူပါတယ်။

သူ့လိုပဲ ကုလားကလည်း သူဦးတဲ့အခါ ရင်ခွဲရုံ သော့ကို ဖွက်ထားတတ်တယ်။ တစ်ခါတော့ လူသေတစ်လောင်းကို မနက်မှ ရင်ခွဲမယ် ဆိုပြီး ကုလားက သော့ဖွက်ထားတယ်တဲ့လေ။ ဒီတော့ အဲဒီအဘွားကြီးက ည ၁၂ နာရီလောက် ရင်ခွဲရုံ ပြတင်းပေါက်ဖျက်ဝင်ပြီး လူသေကိုရင်ခွဲတယ်တဲ့။ ဒါတွေက အဲဒီ အဖွားကြီး ကိုယ်တိုင် လူနာစောင့်တဲ့ ကျွန်တော့်အမကို ပြောပြခဲ့တာပါ။ (မနက်ရောက်တော့ ကုလားလည်း ငွေ ၂သောင်းပျောက်သွားတော့ ရင်နာမှာပါပဲ။) သူနဲ့ ကျွန်တော့်အစ်မ စကားတွေ ပြောရင်း အစ်မက ထုံစံ အတိုင်း အဒေါ် မကြောက်ဘူးလား မေးတာပေါ့။ ငါ့ကိုသူတို့ကတောင် ပြန်ကြောက်ရမှာပါတဲ့ဆိုပြီး ပြန်ဖြေပါတယ်။

လူသေတွေကို ရင်ခွဲတဲ့အခါ အတွင်းကလီစာတွေ ဘယ်မှာ သွားထားလဲ မေးတော့ ရင်ခွဲရုံ ပါတ်ဝန်းကျင် တစ်ဝိုက်မှာ မြုပ်ထားတယ် လို့ပြန်ဖြေပါတယ်။ ဒါနဲ့ အစ်မလည်း ဆက်မေးတယ်တဲ့။ အဒေါ့်ကို သရဲ မခြောက်ဘူးလား မေးတော့ အဘွားကြီး ပြန်ဖြေတာက တစ်ခါကတော့ အိမ်မက်ပေးတယ်တဲ့။ ဘယ်လိုအိမ်မက် လည်းဆိုတော့ အဘွားကြီးက လူသေတွေ ရင်ခွဲတိုင်း လူအဆီ တွေကို အိမ်ယူလာတတ်တယ်။ တစ်ခါတော့ လူဆီကို အိမ်ယူလာပြီး အုန်းမှုတ်ခွက်နဲ့ ထည့်ချက်တယ်တဲ့ လူဆီကဆေးဖက်ဝင်တယ်တဲ့လေ။ ညရောက်တော့ ကာယကံရှင်က သူ့အဆီတွေ လာပြန်ထား ဆိုပြီး ရက်ဆက် အိမ်မက် မက်တာနဲ့ သွားပြန်ထားပေး လိုက်ရတယ်ဆိုပဲ။

ဘယ်မှာ ဘယ်လိုပြန်ထား ထားလည်းတော့ မသိပါဘူး။ ထင်တာတော့ ကလီစာတွေနဲ့ အတူ ပြန်ထည့်မြုပ်တာနဲ့ တူပါရဲ့။ ဒီလောက်ဆို သူ့စရိုက်ခပ်ကြမ်းကြမ်းကို မှန်းလို့ ရနိင်ပါတယ်။ ဒါတွေက အဘွားကြီး ကိုယ်တိုင် ပြောပြတာကို ကျွန်တော့် အစ်မက ပြန်ပြောပြတာပါ။ အခုဖြစ်နေတဲ့ လူသေအလောင်းတွေ က အစိတ်အပိုင်းတွေ ပျောက်ပုံကို ဆက်မေးဖြစ်တော့ တိရိစ္ဆာန်ကိုက်သလို သွားရာ တွေ မရှိဘဲ ဓါး ဒါမှမဟုတ် ထက်မြတဲ့ အရာဝတ္ထုနဲ့ လှီးသလို တိတိရိရိ ပြတ်တာတွေတဲ့။ (သူတို့ကိုယ်တိုင် သွားကြည့်ထားတာမဟုတ်ဘဲ အနီးစပ်ဆုံး ပြန်ကြားတာကို ပြောတာဖြစ်လို့ ဓါးနဲ့လှီးဖြတ်တယ် ဆိုတာလည်း သတင်းအမှား ဖြစ်နိင်ပါတယ်)။ နောက်ဆုံး ဖြစ်ခဲ့တာက ရေနစ်သေတဲ့ အလောင်းမှာ အသားတစ်ချို့ မရှိတာတဲ့လေ။ ဟိုထင်ဒီထင်နဲ့ မြို့နေလူထုလည်း ထိတ်လန့်ရတယ်လို့ ပြောပါတယ်။ စီစီတီဗီကင်မရာတွေ တပ်တယ်လို့ ပြောပေမယ့် အခုထိ မတပ်ရသေးဘူးလို့လည်း ပြောကြပါတယ်။

အဘွားကြီးကို ပိုပြီး မသင်္ကာဖွယ်ရာ ဖြစ်ရတဲ့ အကြောင်းကလည်း ရှိပါတယ်။ အဲဒါကတော့ အဘွားကြီး ကိုယ်တိုင်က အိမ်နီးနားချင်းတွေကို လူသားစားကောင်းတယ်လို့ ပြောဖူးတယ်တဲ့လေ။ ဒီတော့ အဘွားကြီးကို ရဲစခန်းခေါ်စစ်တယ်လို့ ပြောကြပါတယ်။ မြို့ကလူတစ်ချို့ကတော့ ဒီအဘွားကြီးကိုပဲ မသင်္ကာ ဖြစ်နေကြတာပါပဲ။ တစ်ခြားသတင်းတွေ အရတော့ အဘွားကြီးကို သရဲဝင်ပူးပြီး ဒီလိုတွေ လုပ်တယ်လို့လည်း ပြောကြပါတယ်။ တစ်နေရာ တစ်မျိုးနဲ့ သတင်းတော့ စုံနေတာပါပဲ။ အခုချိန်မှာ ဘယ်သတင်း အမှန်ရယ်လို့တော့ ကောက်ချက်ဆွဲဖို့ မလွယ်သေးပါဘူး

မနေ့က ကျွန်တော့်အကို ဇနီးကိုယ်တိုင် အိမ်ပြန်လာရင်း မြင်ခဲ့တာတော့ ရင်ခွဲရုံနားမှာ ကားနောက်ခန်းကို ဖွင့်ပြီး အဲဒီအဘွားကြီးနဲ့ လူတစ်ချို့ကို ကားပေါ်ခေါ်တင်နေတယ်တဲ့။ ကားပေါ်တင်တဲ့သူက သန်လျင်က နတ်စင်တစ်ရာ ဆရာတော်ပါ။ နတ်စင်တစ်ရာ ဆရာတော်က ပရောဂ တွေလည်း နိင်နင်းတယ်လို့ နာမည်ကြီးပါတယ်။ ဒီတော့ သရဲဝင်ပူးတယ်ဆိုတဲ့ သတင်းကလည်း ဖြစ်နိင်ချေ ရှိနေပါတယ်။ စကားတို့ရဲ့ ထုံးစံအရ ကားတတ်တဲ့ သဘောလည်း ရှိနေတော့ ဘာကိုမှ ကောက်ချက်ဆွဲလို့လည်း မရပါဘူး။ ထင်တာတွေ အားလုံး မှားယွင်းတာလည်း ဖြစ်နိင်ပါသေးတယ်။

ကျွန်တော့် အစ်ကိုတစ်ယောက် ကိုတော့ ခိုင်မာတဲ့ သတင်းစုံစမ်းပေးဖို့ မှာထားပါတယ်။ တိကျသေချာတာ သိလာခဲ့ရင် ဒီပို့စ်လေးကိုပဲ ထပ်ဖြည့်ပြီး တင်ပါ့မယ်။

ရင်ခွဲရုံမှ အဖြစ်အပျက် (နောက်ဆက်တွဲ)

ဒီပို့စ်ကို အရှေ့ပို့စ်မှာ ဆက်မရေးဘဲ အသစ်သက်သက် အနေနဲ့ ရေးဖြစ်တာ အကြောင်းရှိပါတယ်။ ပထမပို့စ် တင်ပြီးထဲက အိမ်ကို ညတိုင်းဖုန်းထပ်ဆက်ဖြစ်တယ်။ ပိုတိကျတဲ့ သတင်းသိချင်သလို ကိုယ်ရေးထားတဲ့ စာအတွက်လည်း ခိုင်လုံမှု ရှိမရှိ သိချင်တာ အဓိကပါပဲ။ မြစ်ကျိုးအင်းက ကောလဟာလ ရေးတယ်ဆိုပြီး မထင်မြင်စေချင်တာလည်း ပါ ပါတယ်။ ကျွန်တော်ကိုယ်တိုင်လည်း ဒီသတင်းတွေ အားလုံး မှားယွင်းနေတာ ဖြစ်ချင်ခဲ့ပါတယ်။ ဟိုဟာကြောက်ရ ဒီဟာကြောက်ရ အချိန်မှာ ထပ်ပြီး မထိတ်လန့်စေချင်တာ အမှန်ပါပဲ။ လူသားစားတယ်ဆိုတဲ့ အကျင့်ဆိုးကြီးလည်း တကယ်ကို မရှိစေချင်ပါဘူး။ ဒါကြောင့် ပိုတိကျတဲ့ အဖြေရဖို့ ညတိုင်းဖုန်းဆက်ဖြစ်ပါတယ်။

အရင်ညတွေမှာ ဖုန်းဆက်တော့ ကျွန်တော့်အစ်ကိုနဲ့ မဆုံတွေ့ဖြစ်ခဲ့ဘူး။ သူက အိမ်ပြန်လာတာ နောက်ကျတတ်တော့ စကားမပြောဖြစ်တာပါ။ ဒီတော့ အစ်မဖြစ်သူနဲ့ ပြောရင်း သူသိသလောက်တွေ ပြောပြတာကို ရေးခဲ့မိတယ်။ လူသေရင်ခွဲတဲ့ အဖွားကြီး ပြန်ပြောခဲ့တာတွေကိုလည်း ရေးဖြစ်ခဲ့တယ်။ မနေ့ညကတော့ အိမ်ကို ဖုန်းထပ်ဆက်ပြီး ပိုတိကျတာသိရအောင် ကျွန်တော့် အစ်ကိုကို ဒီနေ့ စုံစမ်းခိုင်းဖြစ်တယ်။ ဒါနဲ့ အစ်ကိုဖြစ်သူလည်း ထပ်စုံစမ်းပေးတယ်။ ဒီညထပ်ဆက်တော့ အစ်ကိုဖြစ်သူက သူသိသလောက် ပြောပြဖို့ စောင့်နေရှာတယ်။ သူပြောပြတဲ့ အကြောင်းအရာတွေ မရေးပြခင် အစ်ကိုဖြစ်သူရဲ့ စရိုက်ကို နည်းနည်း ရေးပြဖို့ လိုပါတယ်။

ကျွန်တော်နဲ့ ဆန့်ကျင်ဘက် စရိုက်ရှိတဲ့ အစ်ကို ဖြစ်သူက အကြောက်အရွံ့လည်း နည်းပါတယ်။ ရပ်ကွက်ထဲမှာ လူသေလို့ ကျွန်တော် အိမ်ပြင်မထွက်ရဲတဲ့ အချိန် သူက အဲဒီလူသေကို ရေချိုးပေးတာ အခေါင်းဝိုင်းသယ် ပေးတာက အစ လုပ်ပါတယ်။ လိုအပ်ရင် အသုဘ အစအဆုံး ကူညီပေးတယ်။ အိမ်ကတော့ သူ့ကို ရွာဆော်ကြီး လို့ ရွဲ့ခေါ်ကြတယ်။ အပေါင်းအသင်းလည်း စုံပါတယ်။ ဆေးသမားနဲ့ သိသလို ရဲစခန်းနဲ့လည်း ရင်းနှီးပါတယ်။ ဒါကြောင့် ရင်ခွဲရုံထဲအထိ လိုက်ကြည့်နိင်တာပါ။ ဒါတွေကို ရေးပြနေရတာက သူ့ရဲ့ အကြောက်အရွံ့ကင်းတဲ့ စရိုက်ကို သိစေချင်တာပါ။

အဲဒီစရိုက်ကြောင့်ပဲ သန်လျင်မှာ အလောင်းတွေ ပျက်တဲ့ ကိစ္စဖြစ်တော့ သူကိုယ်တိုင် ရင်ခွဲရုံထဲထိ သွားကြည့်ခဲ့တယ်။ ရင်ခွဲရုံထဲ အပြင်လူဝင်ဖို့မလွယ်ပေမယ့် သူဝင်ကြည့်တဲ့ပုံစံက သူ့သူငယ်ချင်း တစ်ယောက်နဲ့ ကပ်လိုက်သွားတာပါ။ သူ့သူငယ်ချင်းက တာဝန်ရှိသူ တစ်ယောက် ဆိုပါတော့။ အစ်ကိုဖြစ်သူ ပြောပြတဲ့အတိုင်း အစီအစဉ်တကျ ရေးရင် ဒီလိုပါ...

သန်လျင်မှာ ဒီကိစ္စ စဖြစ်တာက လွန်ခဲ့တဲ့ တစ်လကျော်လောက်ကပါ။ အခုဆိုရင် ၁၄ လောင်း ၁၅ လောင်း ရှိလာပါပြီ။ ဒါပေမယ့် ၇ လောင်းမြောက် အလောင်းတွေ ပျက်စီးသွားချိန်ရောက်မှ မြို့နေလူထုထဲမှာ သတင်းပြန့် စပြုလာတယ်။ ဒါပေမယ့် တော်တော်များများ ကတော့ ကောလဟာလ အဖြစ်ထင်ခဲ့ကြတယ်။ ထိခိုက်မှု တစ်ခုခုကြောင့် သေတဲ့ သူတွေမှာပဲ ကိုယ်အင်္ဂါ အစိတ်အပိုင်းတွေ ပျက်တာပါ။ ပုံမှန် နာမကျန်းဖြစ်ပြီး သေဆုံးသူတွေမှာတော့ မဖြစ်ပါဘူး။ ရှင်းအောင်ပြောရရင် လတ်လတ်ဆတ်ဆတ် အလောင်းတွေမှာပဲ ဖြစ်တယ်လို့ ဆိုပါတယ်။ ဆေးရုံဘက်ကလည်း သတင်းမပြန့်အောင် ကြိုးစားတာကြောင့် တော်တော်နဲ့ မြို့နေလူထုတွေ မသိရသေးပါဘူး။

ကလေးအလောင်းတခုမှာ အရေပြားတစ်ချို့ ပျက်စီးသွားလို့ ဂျုံနဲ့ အရေပြား အတုလုပ်ပြီး အသုဘ ချပေးခဲ့ရပါတယ်လို့ ဆိုပါတယ်။ အလောင်းတွေရဲ့ ကိုယ်အင်္ဂါ ပျက်စီးနေတဲ့ ဓါတ်ပုံတွေကို ကိုယ်တိုင် မြင်ခဲ့ရပေမယ့် သူ့အနေနဲ့ ရယူဖို့တော့ မလွယ်ဘူးလို့ ပြောပါတယ်။ ခင်မင်မှုအရ ကြည့်ခွင့်ရပေမယ့် သူရယူဖို့တော့ အဆင်မပြေပါဘူး။ သူ့အတွက်လည်း ရှော့ ရှိနိင်တယ်လေ။

ဒီလိုနဲ့ မြို့နေလူထု ပိုသတိထားမိသွားတဲ့ အချိန်က ဗိုလ်ချုပ်ကျေးရွာက ဆိုက်ကားသမား ကားတိုက်ပြီး သေဆုံးသွားချိန်မှာပါ။ နောက်တစ်နေ့ အသုဘချတော့ အလောင်းက တစ်ချို့နေရာတွေ ပျက်စီးနေပါတယ်။ ဗိုလ်ချုပ်ရွာ ဆိုတာက သန်လျင်မှာ နာမည်ကြီးပါတယ်။ ရန်ပွဲအဖြစ်အများဆုံး နေရာလို့ဆိုရမယ်။ သွေးကြွသူများပြီး စရိုက်ကြမ်းတဲ့သူတွေလည်း ရှိတော့ သူတို့ အရပ်က အလောင်း ဒီလိုဖြစ်တာကို လက်မခံဘဲနဲ့ ပြောကြဆိုကြရင်း မြို့နေလူထုတွေ ပိုသိသွားရတယ်။ ဒါပေမယ့် သိပ်ကြောက်ဖို့ မကောင်းသေးဘူးလို့ပဲ ထင်မှတ်ထားကြတုန်း အားလုံး ထိတ်လန့်ရတဲ့ အဖြစ်တစ်ခု ထပ်ဖြစ်ပါတယ်။

ဆေးရုံအုပ်ကြီး အပါအဝင် တာဝန်ရှိသူတွေက ဒါဟာ တိရိစ္ဆာန် တစ်ကောင်ကောင်ကိုက်တာ ထင်ကြပါတယ်။ အဲဒီအချိန်မှာ ၂ လောင်းပြိုင် ထိခိုက်သေဆုံးမှု တစ်ခုဖြစ်လာခဲ့တယ်။ မိန်မနဲ့ ယောကျာ်း အလောင်းပါ။ ဒီတော့ တရားခံ သိရအောင်ဆိုပြီး သန်လျင် နာရေးကူညီမှုအသင်းထံက အလူမီနီယံ အခေါင်းငှားပြီး သေဆုံးတဲ့ အလောင်းတွေကို အခေါင်းထဲထည့်ထားခဲ့တယ်။ ကြွက် သို့မဟုတ် မြွေပါ ကြောင့်ဆိုရင် အလူမီနီယံ အခေါင်းကို ဖောက်ဝင်လို့ မရတာကြောင့် မနက်မိုးလင်းလည်း အကောင်းပကတိ ရှိမယ်လို့ ထင်မှတ်ထားကြပါတယ်။ ဒါနဲ့ အခေါင်းကို ပိတ်၊ ရင်ခွဲရုံရဲ့ အပေါက်ကိုပါ သော့ခတ်ပြီး တစ်ညတာ ထားထားလိုက်တယ်။

နောက်တစ်နေ့ အခေါင်းဖွင့်လိုက်ပြီး အုပ်ထားတဲ့ အဝတ်ဖြူဖယ်လိုက်တဲ့ အချိန်မှာ မိန်းမအလောင်းရဲ့ပေါင်နဲ့ ခြေသလုံး နေရာမှာ ဓါး(သို့) ထက်မြတဲ့အရာနဲ့ ပါးပါးလှီး(မွှန်း)ထားသလို တွေ့ရပြီး ယောကျာ်းအလောင်း မှာတော့ ဇက်နေရာ ဂုတ်ပိုးက အသားတွေလည်း ပွန်းပဲ့နေတာကို တွေ့လိုက်ရပါတယ်။ ဒီအလောင်း တွေကိုတော့ အစ်ကို ဖြစ်သူကိုယ်တိုင် မြင်ခဲ့ရပါတယ်။ သူဝင်ကြည့်ခဲ့တယ် ဆိုတာ အဲဒီအလောင်း တွေပါပဲ။

မကြာခင် သတင်းက ပြန့်သွားတော့ အားလုံး ထိတ်လန့် သွားကြရတယ်။ သူမြင်ခဲ့တဲ့ တခြား အလောင်းတွေရဲ့ ဓါတ်ပုံတွေမှာ တစ်ချို့အလောင်းတွေက အသီးအမှည့်ကို ကျီးထိုးထားသလို ဒဏ်ရာတွေ ဖွာနေပြီး တစ်ချို့အလောင်းတွေ မှာတော့ ထက်မြတဲ့ အရာနဲ့ လှီးဖြတ်ထားသလို ဖြစ်နေတာတွေ တွေ့ရပါတယ်။ များများစားစား ပြတ်ရှတာမျိုးလည်း မဟုတ်ဘူးတဲ့လေ။ နားရွက်အဖျားလေးတွေ ပဲ့တဲ့ အလောင်းလည်း ရှိပါတယ်တဲ့။

ဒါပေမယ့် အလောင်းတိုင်းမှာ ပဲ့တာတွေက အနည်းငယ်စီသာ ဖြစ်လို့ လူသားစားတယ် ဆိုတာတော့ ဖြစ်ဖို့မလွယ်တော့ပါဘူး။ ဒါကြောင့် လူသားစားအဘွားကြီး သတင်းက ဖြစ်ဖို့မလွယ်ပါဘူး။ ဒါပေမယ့် အဘွားကြီးကိုတော့ ရဲက ခဏခဏ ခေါ်စစ်တယ်လို့ ပြောပါတယ်။ ဒါ့အပြင် သက်ဆိုင်ရာ ဆရာဝန်တွေ မပါဘဲ သူ့သဘောနဲ့ခွဲစိတ်လို့ မရနိင်တာ ထပ်သိရတော့ ဒါဟာလည်း အဘွားကြီးကိုယ်တိုင် အကြောင်းတစ်ခုခုကြောင့် ပြောခဲ့တယ်လို့ ထင်ရမှာပါပဲ။ လူသေတွေကို သူရင်ခွဲပေးရတာတော့ အမှန်ပါလို့ ပြောပါတယ်။ သူ့သဘောနဲ့သူ ကြိုက်တဲ့အချိန်ခွဲတာတော့ မဟုတ်ပါဘူး။

ရေခဲတိုက်ရဲ့ ပြတင်းပေါက်တွေက အရင်တုန်းကတော့ မှန်ပြတင်းပေါက်တွေပါပဲ။ အခုလို ပြဿနာတွေ ဖြစ်လာပြီးနောက်ပိုင်း သစ်သားတွေနဲ့ အသေရိုက်ထားလိုက်ပါတယ်။ ဒီနေ့လည်း ဘိလပ်မြေတွေ ထပ်လောင်းတယ်လို့ သိရပါတယ်။ အပေါက်မှန်သမျှ ပိတ်ထားပေမယ့် စီစီတီဗီ ကင်မရာ မတပ်ထားသေးပါဘူး။ ဘာကြောင့်ဖြစ်တယ်ဆိုတဲ့ တရားခံကိုလည်း ရှာမတွေ့သေးပါဘူး။ နောက်ထပ် မတော်တဆ ထိခိုက်မှုကြောင့်သေတဲ့သူ ပေါ်လာမှ ကင်မရာတပ်မယ် ပြောပါတယ်။ အင်းဆက်ပိုးမွှားကြောင့် ဖြစ်တာလား ဆိုတာလည်း စစ်ဆေးနေဆဲပါပဲ။ ဒါပေမယ့် မကြာခင်မှာတော့ ဂျာနယ် တစ်ခုခုမှာ ကြွက်ကြောင့်ဆိုပြီး သတင်းထည့်ဖို့ ရှိတယ်လို့ ကြားရပါသေးတယ်။

ရင်ခွဲရုံထဲအထိ ဝင်ကြည့်ဖူးတယ်ဆိုလို့ ကြွက်သို့မဟုတ် မြွေပါ လိုအကောင်မျိုးကြောင့်လားဆိုပြီး ကျွန်တော် ဆက်မေးကြည့်တော့ လူသေအလောင်းတွေတင်တဲ့ ကျောက်ခုံက နှစ်ကာလကြာမြင့်မှုကြောင့် လူဆီတွေ အထပ်ထပ်ဝပြီး ပြောင်ချော နေတယ်တဲ့ ဒီတော့ အကောင်တစ်ကောင်ကောင် တက်ဖို့မလွယ်နိင်ဘူးလို့ ထင်မြင်ချက်ပေးပါတယ်။ သူ့ထင်မြင်ချက်သက်သက်ပါ (မှားနိင်ပါတယ်) ။

နောက်ထပ်ထူးဆန်းတာ တစ်ခုက အလောင်းတွေကို ပိတ်ဖြူအုပ်ထားတဲ့အတိုင်းပဲ နောက်တစ်နေ့တွေမှာ တွေ့ရပါတယ်။ ဒါပေမယ့် ပိတ်ဖြူကို ဖယ်ရှားလိုက်တဲ့အခါမှာ လူခန္ဓာက အစိတ်အပိုင်းတွေ ထိရှမှုတွေ ဖြစ်ရတာကို တွေ့ရတယ် ဆိုတော့ အင်မတန် ထူးဆန်းနေတာ အမှန်ပါပဲ။ ပိတ်ဖြူဖယ်ထားတာ မတွေ့ရဘဲ ဒဏ်ရာတွေ တွေ့ရတယ်ဆိုတာတော့ စဉ်းစားရခက်ပါတယ်။

လူသေတင်တဲ့ ကျောက်ခုံကို ခွဲပစ်လိုက်ဖို့ နတ်စင်တစ်ရာ ဆရာတော်ကြီးက ပြောပေမယ့် ဆေးရုံရဲ့ တာဝန်ရှိသူက မခွဲသေးဘူးလို့လည်း ဆိုပါတယ်။ အခု ပိုဆိုးလာတာကတော့ နောက်ဆုံး ဖြစ်တဲ့ အလောင်းမှာပါပဲ။ သင်္ကြန်ကာလအတွင်းက ထမလုံရွာမှာ ဓါးထိုးမှုကြောင့် သေသွားရတဲ့ အလောင်းမှာ ပျက်စီးမှုက ယခင်ကထက် ပိုများလာတယ်လို့ ဆိုပါတယ်။ ဒါတွေက ဓါတ်ပုံတွေ ကြည့်ခဲ့ရသူက ပြန်ပြောပြတာပါ။

အခုသိရသလောက် အတိုချုပ်ရရင် ဒီပြဿနာရဲ့ အကြောင်းရင်းကို သေသေချာချာ မသိရသေးပါဘူး။ ပျက်စီးသွားတဲ့ ခန္ဓာကိုယ် အစိတ်အပိုင်းတွေက အနည်းငယ်မျှသာ ပျက်စီးတယ် (လူတစ်ယောက် စားလောက်ရုံလောက်အထိ မရှိပါ) ဆိုတဲ့အတွက် လူသားကို ဟင်းလျာ အဖြစ်စားသောက်တယ် ဆိုတာတော့ ဖြစ်ဖို့မလွယ်ပါဘူး။ သတင်းတွေထွက်နေသလို ပရလောကသားရဲ့ ဝင်ရောက်ပူးကပ်မှု ကြောင့် ဖဲ့တာ လှီးတာမျိုး ဖြစ်မဖြစ်လည်း စုံစမ်းနေပါသေးတယ်။ နောက်ထပ် တစ်လောင်းမှာတော့ ကင်မရာတွေ တပ်မယ်ဆိုလို့ တစ်ခုခု သိလာရမလားလို့ ထင်မိပါတယ်။

ပထမပို့စ် တင်ခဲ့ရာမှာ သတင်းအမှားတွေ ဖြစ်မှာစိုးစိတ်နဲ့ ညစဉ်ဖုန်းဆက်မေးဖြစ်နေတာပါ။ ကျွန်တော်က လတ်တလော လူစိတ်ဝင်စားတာမျိုး ရေးလေ့မရှိပါဘူး။ လူအများရေးတဲ့ စာ လိုက်မရေးချင်လို့ Tag Post တွေတောင် ရေးခဲပါတယ်။ ဒီစာကို ရေးဖြစ်တာ ကိုယ့်မြို့က အကြောင်းအရာ ဖြစ်နေတာရယ် ၊ ကြားရ သလောက်က စိတ်ဝင်စားဖွယ်ရာလေးတွေ ရှိနေတာရယ်ကြောင့် ပထမပို့စ်ကို ရေးဖြစ်ခဲ့တယ်။ အငြင်းပွားဖွယ်ရာတွေ ဖြစ်စေချင်လို့ တင်တာမဟုတ်ပါဘူး။

ပထမပို့စ်တင်ပြီးမှ ကိုယ်တင်တဲ့စာက သတင်းအမှားကြီး ဖြစ်နေမှာ စိုးရိမ်လာမိတာနဲ့ ထပ်စုံစမ်းပြီး ပိုတိကျတာ ရေးဖြစ်တာပါ။ လူအများသာ ထိတ်လန့်ဖွယ် မဖြစ်ဘူးရဆိုရင် ကျွန်တော်တင်တဲ့ ပို့စ်တွေ မှားနေရင်တောင် ကျေနပ်မှာပါ။ ပထမပို့စ်နဲ့ ကွဲလွဲတာတွေ ရှိနေလို့ ဒီပို့စ်ကို သပ်သပ် ထပ်ရေးပြီး တင်လိုက်ပါတယ်။ ရင်ခွဲရုံထဲအထိ ရောက်ပြီး အလောင်းတွေကို တပ်အပ်မြင်ခဲ့သူ တခြားအလောင်းတွေရဲ့ ဓါတ်ပုံတွေကိုပါ မြင်ခဲ့သူဆီက ပြန်ကြားရတာမို့လို့ ဒီပို့စ်က အကြောင်းအရာ တွေကတော့ မှန်ဖို့များပါတယ်။

ပိုတိကျတာ ထပ်သိလာခဲ့ရင်တော့ တင်ပေးပါ့မယ်။
http://www.myitkyoeinn.com/

ပြည်သူတွေစိတ်ဝင်စားနေကြတဲ့ကန်တော်ကြီးဗုံးပေါက်ကွဲမှု

http://ifile.it/9do2v71bomb con..

၆-ကြိမ်မြောက် ABMA ဂျာနယ်

http://ifile.it/0t7k35gABMA Journal Volume 1 No 6.