Thursday, May 6, 2010

6 May 2010 ဒိုင်ယာရီ

http://ifile.it/3018xo6

NLD နောက်ဆုံး အခမ်းအနား

တနှစ်ခွဲ အရွယ် သားငယ်လေးကို ရင်ခွင်မှာ အပ်ပြီး ပွေ့ချီ၊ အဖြူအစိမ်း ၀တ်ထားသော ၉ နှစ်သမီးလေးကို လက်ဆွဲကာ နှုတ်ခမ်း တင်းတင်း စေ့လျက်၊ အမျိုးသား ဒီမိုကရေစီအဖွဲ့ချုပ် (NLD) ရုံးသို့ လာရာလမ်းတလျှောက်လုံး ခေါင်းမော့ရင်ကော့ပြီး မျက်နှာကိုချီ၍ လမ်းလျှောက်လာသူ မသင်းက ယခုနှစ် ပညာသင်ထောက် ပံ့ကြေး ပေးအပ်ပွဲမှာ ဘ၀တူ နိုင်ငံရေးသမား ဇနီးသည်များကို စုံစုံညီညီတွေ့မြင်ရကြောင်း ပြောပြသည်။

ယမန်နေ့က NLD ရုံးချုပ်၌ ကျင်းပသည့် အကျဉ်းကျနိုင်ငံရေးသမား မိသားစုဝင်များ ပညာသင်စရိတ် ထောက်ပံ့ကြေး ပေးအပ်ပွဲ (ဓာတ်ပုံ - ဧရာဝတီ)

“ကျမ အရင်နှစ်တွေ တုန်းကလည်း တက်ပါတယ်၊ ဒီနှစ်လောက်တော့ အကျဉ်းကျ နိုင်ငံရေးသမား မိသားစုဝင်တွေ လူမစုံခဲ့ဘူး၊ အခု ဒီနေ့က အဖွဲ့ချုပ်ရဲ့ နောက်ဆုံး အခမ်းအနား မို့လား မသိဘူး၊ လူတော်တော် စုံတာတော့ တွေ့ရတယ်” ဟု မသင်းက ပြောသည်။

ယမန်နေ့က NLD ရုံးချုပ် ခန်းမထဲ၌ သူလို ဘ၀တူ နိုင်ငံရေးသမား ဇနီးများစွာ စကားတွတ်ထိုး ပြောဆိုနေကြသော်လည်း အားလုံး၏ မျက်နှာများမှာ မကောင်းကြောင်း၊ ကိုယ်တိုင်လည်း တခုခုကို ၀မ်းနည်းနေသလို ခံစားနေရကြောင်း သူက ဆိုသည်။

မသင်းက ၂၀၀၇ ခုနှစ် ရွှေဝါရောင်တော်လှန်ရေးတွင် ပါဝင်ခဲ့သောကြောင့် ထောင်ဒဏ် ၁၆ နှစ် ပြစ်ဒဏ်ကျခံခဲ့ရသော လှိုင် သာယာမြို့နယ်မှ ကိုမျိုး၏ ဇနီးဖြစ်သည်။

“ရုံးက မကြာခင်ပိတ်တော့မှာလို့ ကြားလိုက်ရတော့ ခံစားရတယ်၊ ကိုထွေးသိန်းရဲ့ အမျိုးသမီးကလည်း မျက်ရည်ဝဲပြီး နောက်ဆို ငါတို့ဒီကို လာရတော့မှာ မဟုတ်ဘူး လို့ ပြောလိုက်တော့ စိတ်ထဲပိုပြီး မကောင်းဖြစ်သွားတယ်”ဟု မသင်းက နှီးယပ်တောင် တဖျပ် ဖျပ်နှင့် ၃ နှစ် အရွယ် သားငယ်ကို ခတ်ပေးရင်း ပြောပြသည်။

ကလေးငယ်သည် ခန်းမထဲတွင် လူများလာသဖြင့် အိုက်ကလည်း အိုက်၊ မိတ်တွေကလည်း ယားသဖြင့် ဂျီကျနေဟန်တူသည်။ မသင်းက လက်တဘက်က ကလေးကို ကုတ်ရင်း၊ လက်တဘက်ကလည်း ချွေးစေးများနှင့် စိုနေသော ကလေးငယ်၏ ဆံပင်များကို ဖွလျက် ယပ်ခတ်ပေးနေခြင်းဖြစ်သည်။

အနားတွင် ထိုင်နေသော ပခုက္ကူထောင်၌ အကျဉ်းကျနေသည့် ကိုကြင်လှိုင်၏ ဇနီးကလည်း မသင်း၏ ဂျီကျနေသော သားကို မြှူရင်း ကလေးပျော်စေရန် နည်းမျိုးစုံဖြင့် ကြိုးစားနေသည်။ ဦးကြင်လှိုင်ဇနီးမှာလည်း သားသမီး ၄ ဦးရှိကြောင်း သိရသည်။

သားအကြီး ကိုကိုအောင်က တက္ကသိုလ်ကျောင်းသား၊ ဒုတိယသားက၁၀ တန်းကျောင်းသား၊ နောက် ၅ တန်း ကျောင်းသား နှင့် အငယ်ဆုံးက ၃ တန်းကျောင်းသားဖြစ်ပြီး ယခုလို အခမ်းအနားနှင့် ပညာသင် ထောက်ပံ့ကြေး ရသည်မှာ ၃ ကြိမ်ရှိပြီ ဖြစ်ကြောင်း၊ ခင်ပွန်းသည် ထောင်ဒဏ်ကျခံနေရသည်မှာလည်း ၃ နှစ်ကျော်ရှိပြီ ဖြစ်ကြောင်း ဦးကြင်လှိုင်၏ ဇနီးက ပြောသည်။

အခမ်းအနား တက်ရောက်လာသည့် အကျဉ်းကျနိုင်ငံရေးသမား မိသားစုဝင်များ (ဓာတ်ပုံ - ဧရာဝတီ)

ရန်ကုန်တိုင်းအတွင်းရှိ မြို့နယ် ၂၀ ၀န်းကျင်မှ နိုင်ငံရေး အကျဉ်းသားများ၏ ဇနီးများနှင့် မိသားစုဝင်များ စုံရပ် ပွဲတပွဲလည်း
ဖြစ်သည့်အတွက် အခမ်းအနား မစတင်မီ ခန်းမတခုလုံး စကားသံများဖြင့်ပွက်ပွက်ညံလျက်ရှိသည်။

အိမ်ရှင်မ ဇနီးသည်များ အနေဖြင့် ဒီမိုကရေစီတိုက်ပွဲဝင်နေသော ခင်ပွန်းသည်များအတွက် ကြံ့ကြံ့ခံလျက်ရှိသော်လည်း ယခုကဲ့သို့ တဦးနှင့် တဦးတွေ့ဆုံကြချိန်တွင် အခက်အခဲများကို ရင်ဖွင့်ပြောဆိုကြ၊ အတွေ့အကြုံခြင်း ဖလှယ်ကြ၊ တဦးနှင့်တဦးဖေးမကြခြင်း ဖြစ်ကြောင်းလည်း နိုင်ငံရေးအကျဉ်းသား ဇနီးသည်များက ပြောဆိုကြသည်။

NLD အနေဖြင့် တရားဝင်မှတ်ပုံတင်ရက် မကုန်ဆုံးခင် တရက်အလို၌ အကျဉ်းကျနေသော နိုင်ငံရေးသမားများနှင့် မိသားစုဝင် ကျောင်းနေအရွယ် သားသမီးများအား ပညာသင်ထောက်ပံ့ကြေးပေးအပ်ပွဲ အခမ်းအနားကို ဒေါ်အောင်ဆန်းစုကြည်၏ ညွှန်ကြား ချက်နှင့် ရွှေဂုံတိုင် ရုံးချုပ်၌ မေလ ၅ ရက် နေ့လယ်ပိုင်းတွင် ၉ ကြိမ်မြောက် ပြုလုပ်ကျင်းပခဲ့ပြီး ရန်ကုန်တိုင်းအတွင်းမှ ကျောင်း သားပေါင်း ၁၂၅ ဦးကို တဦးလျှင် ငွေကျပ် ၂ သောင်း ၃ ထောင်နှုန်းဖြင့် ထောက်ပံ့ပေးကြောင်း သိရှိရသည်။

ပုံမှန်အားဖြင့် ယခုကဲ့သို့ ပညာသင်ထောက်ပံ့ကြေး ပေးအပ်ပွဲ အခမ်းအနားကို ဒေါ်အောင်ဆန်းစုကြည်၏ မွေးနေ့ပွဲနှင့် အမြဲတွဲဖက် ၍ ပြုလုပ်နေကြဖြစ်သည်။

ယခုနှစ်တွင် ပါတီဆက်လက် မှတ်ပုံမတင်တော့သည့်အတွက် မွေးနေ့မတိုင်မီ ကြိုတင်ကျင်းပရခြင်းဖြစ်ကြောင်း NLD ဗဟိုလူမှု ထောက်ကူပြုအဖွဲ့မှ ပြောရေးဆိုခွင့်ရှိသူ ဒေါက်တာ မျိုးအောင်က ပြောသည်။

“ပုံမှန်ကတော့ ဒေါ်အောင်ဆန်းစုကြည်ရဲ့မွေးနေ့မှာ ပေးနေကြပါ၊ အခုတော့ ဒေါ်အောင်ဆန်းစုကြည်ရဲ့မွေးနေ့ အကြို အနေနဲ့ ပေးခြင်းဖြစ်ပါတယ်၊ ရန်ကုန်တိုင်း လူမူအထောက်အကူရဲ့ပညာရေး အထောက်အပံ့တွေ၊ဗဟိုလူမူအထောက်အကူတို့ ဗဟိုအဖွဲ့တို့ ကနေပြီးတော့ ပံ့ပိုးကူညီ နေတယ်၊ စုပေါင်းပြီးတော့ ကလေးတွေရဲ့ပညာရေးကိုဖြည့်ဆည်းပေးခြင်းဖြစ်တယ်၊ ဒေါ်အောင်ဆန်း စုကြည် ရဲ့(၆၅) နှစ်မြောက် မွေးနေ့မှာ ဒေါ်မေနှင်းကြည် အိမ်မှာလည်း ဒေါ်အောင်ဆန်းစုကြည်ရဲ့ဆန္ဒအရ ကလေးတွေရဲ့ပညာ သင် ထောက်ပံ့စရိတ်ပေးဦးမယ်”ဟု ၎င်းက ပြောဆိုသည်။

ယင်း အခမ်းအနားသို့ နိုင်ငံရေး အကျဉ်းသား မိသားစုဝင်များ အပါအ၀င် ရန်ကုန်တိုင်းမှ အဖွဲ့ချုပ်အဖွဲ့ဝင် အများစုကလည်း တက်ရောက် လာခဲ့ကြောင်း တွေ့ရပြီး စုစုပေါင်း လူဦးရေ ၅၀၀ ၀န်းကျင်ခန့် တက်ရောက်ကြောင်း သိရသည်။

“နောက်ဆို ကျမတို့ ဒီလို လူစုံတက်စုံတွေ့ဖို့ ဆုံဖို့ ဆိုတာ သိပ်မလွယ်တော့ဘူး ထင်တယ်၊ အရင်က အဖွဲ့ချုပ်မှာ အန်တီ့ မွေးနေ့ တိုင်း တနှစ် တခါတော့ ပုံမှန်ဆုံဖြစ်တာပေါ့နော်”ဟု ကိုကြင်လှိုင်၏ ဇနီးက ပြောပြသည်။

ဒီမိုကရေစီအရေးလှုပ်ရှားမှုကြောင့် ထောင်ဒဏ်ကျခံနေရသည့် နိုင်ငံရေးအကျဉ်းသားများ၏ မိသားစုဝင်အများစုသည် နွမ်းပါးသူ များ ဖြစ်ကြ၍ အဆိုပါ ပညာသင်ထောက်ပံ့ ကြေးသည် ၎င်းတို့အတွက် များစွာ အထောက်အကူဖြစ်သည်ဟု နိုင်ငံရေး အကျဉ်း သား မိသားစုဝင်များက ပြောသည်။

အခမ်းအနား တက်ရောက်လာသည့် အကျဉ်းကျနိုင်ငံရေးသမား မိသားစုဝင်များ (ဓာတ်ပုံ - ဧရာဝတီ)

ယင်း နိုင်ငံရေး အကျဉ်းသားများ ရှိနေသည့် အကျဉ်းထောင်များဆီ ထောင်ဝင်စာ သွားရောက် တွေ့ရန်က အစ သားသမီးများ၏ စားဝတ်နေရေး ၊ လူမှုရေး ၊ ပညာရေးစရိတ်များ ကြီးမြင့်သည့်အတွက် အခက်အခဲဖြစ်ကြောင်း၊ ထိုကြောင့် နောင်နှစ်များတွင်လည်း ရှိစေချင်ကြောင်း မိသားစုဝင်များက ပြောဆိုကြသည်။

“ကလေးတွေနဲ့ ဆိုတော့နည်းနည်းတော့ ခက်တာပေါ့၊ အမျိုးသားမရှိလည်း ကိုယ့်ဘာသာကိုယ် ရုန်းကန်ရတာပေါ့၊ အခုလို အဖွဲ့ချုပ် က ပညာသင် ထောက်ပံ့ကြေးရတာ တောာ်တော်ကို ကျမတို့တွေအတွက် အထောက်အကူဖြစ်ပါတယ်၊ ကျေးဇူးလည်း တင်ပါတယ်”ဟု နိုင်ငံရေးအကျဉ်းသား ကိုထွေးသိန်း၏ ဇနီးက ပြောဆိုသည်။

၎င်းတွင် ကလေး ၄ ယောက်ရှိပြီး အကြီးဆုံးကလေးမှာ ၁၀ တန်း၊ ဒုတိယ ကလေးမှာ ၅ တန်းနှင့် တတိယကလေးမှာ ၃တန်းဖြစ် ကာ အငယ်ဆုံးလေးမှာ အသက် ၃ နှစ်သာ ရှိသေးကြောင်း သိရသည်။

ကိုထွေးသိန်းသည် ရန်ကုန်တိုင်း ရွှေပြည်သာမြို့နယ် လူငယ်အကူအညီပေးအဖွဲ့မှဖြစ်ပြီး ဒေါ်အောင်ဆန်းစုကြည်အား အမေရိကန် နိုင်ငံသား ဂျွန် ၀ီလျံ ယက်ထော အမှုဖြင့် အင်းစိန်ထောင်တရားရုံးတွင် အမှုရင်ဆိုင်နေရစဉ်က ထောင်ရှေ့တွင် ဖဲကြိုးနီများ ဝေမှုဖြင့် ဖမ်းဆီးထောင်ချ ခံရသူဖြစ်သည်။

“မကြာခင် ရုံးပိတ်တော့မယ်ဆိုတော့ စိတ်ထဲကတော့ မကောင်းဘူးပေါ့နော်၊ ကိုယ်လာနေကြရုံးကြီး မရှိတော့ဘူးဆိုတော့လေ။ တွေးလိုက်တိုင်း ရင်ထဲမှာ ဟာလာဟင်းလင်းဖြစ်သွားတယ်”ဟု ကိုထွေးသိန်း၏ ဇနီးက ပြောပြသည်။

အကျဉ်းကျ နိုင်ငံရေးသမားများ၏ ကလေးငယ်များ (ဓာတ်ပုံ - ဧရာဝတီ)

ကိုမျိုး၏ ဇနီးသည် ကလေးနှစ်ယောက်မိခင်ကလည်း ယခင်နှစ်တုန်းကလို ခံစားမှုမျိုးဖြင့် မဟုတ်ကြောင်း၊ နောင်နှစ်များကိုလည်း
ပညာသင်ထောက်ပံ့ကြေးဆက်ပေးဦးမည်ဟု သိရသော်လည်း စုံစုံညီညီ တွေ့ချင်သေးကြောင်း သူက ပြောသည်။

“နှစ်တိုင်း အန်တီ့မွေးနေ့မှာ အထိမ်းအမှတ် ပညာသင်ထောက်ပံ့ကြေးပေးပွဲ လုပ်တာလေ၊ အခုတော့ စိတ်ထဲမှာလည်း မကောင်းတော့ဘူး၊ ဒီအခမ်းအနားက အဖွဲ့ချုပ်ရဲ့ နောက်ဆုံး အခမ်းအနားဖြစ်တော့မှာလား၊ နောက်နှစ်မှာကော အခုလို အခမ်းအနားနဲ့ မလုပ်နိုင်တော့ဘူးလားလို့ တွေးမိပြန်တော့လည်း ရင်ထဲပိုနာကျင်သွားရတယ်”ဟု မသင်းက မျက်ရည်ဝဲ၀ဲဖြင့် စကားဆိုသည်။

အဆိုပါ ပွဲသို့ အကျဉ်းကျခံနိုင်ငံရေးသမား မိသားစုဝင်များ အပါအ၀င် ရန်ကုန်တိုင်းမှ အဖွဲ့ချုပ်အဖွဲ့ဝင်အများစုကလည်း တက်ရောက်လာခဲ့ကြောင်း တွေ့ရပြီး စုစုပေါင်း လူ ဦးရေ ၅၀၀ ၀န်းကျင်ခန့်တက်ရောက်ကြောင်း သိရသည်။

“ရုံးကတော့ ဆိုင်းဘုတ်မဖြုတ်ဘူး၊ အလံမချဘူးလို့ ပြောတယ်၊ ဒါပေမယ့် နိုင်ငံရေးလှုပ်ရှားမှုတွေ မရှိတော့ လူအ၀င်အထွက်နည်း သွားမှာပဲ၊ နယ်ကလူတွေအတွက်တော့ ဘယ်လို စီမံမလဲ မသိရသေးဘူး”ဟု NLD အဖွဲ့ဝင် လူငယ်တဦးက ပြောသည်။


http://www.irrawaddy.org/bur/

မြန်မာနျူကလီယားအရေးအိမ်နီးချင်းနိုင်ငံများစိုးရိမ်

http://ifile.it/pmq4tz9904

အခြေခံပညာကျောင်းသားများသမဂ္ဂ ကြေညာချက်

BESU Statement (1-2010)