Monday, May 10, 2010

10 April 2010 ဒိုင်ယာရီ

MSWord File ရယူရန် (ပုံများပါဝင်)
10 May 2010 Yeyintnge Diary

သိန်းစိုးကော်မရှင်၏ ဗြောင်ကျသော ညစ်ပတ်မှုတစ်ခု

Thursday, 06 May 2010 12:39 တူမောင်ညို

မေလ (၅) ရက်နေ့သတင်းစာတွင်ဖေါ်ပြချက်အရ -

မေလ (၅) ရက်အထိ နိုင်ငံရေးပါတီ တည်ထောင်ခွင့် လျှောက်ထားသည့် အဖွဲ့ စုစုပေါင်း (၃၀) ရှိသည့်အနက် (၂၄) ဖွဲ့ကို နိုင်ငံရေးပါတီ တည်ထောင်ခွင့်ပြုပြီးဖြစ်ကြောင်း ဖေါ်ပြထားပါသည်။

သို့ပါ၍ စိစစ်နေဆဲ အဖွဲ့ (၆) ဖွဲ့ ကျန်ရှိနေပါသည်။ ယင်းအဖွဲ့များမှာ -

၁။ ကချင်ပြည်နယ်တိုးတက်ရေးပါတီ (၅ ဧပြီ)
၂။ ရှမ်းပြည်နယ်မြောက်ပိုင်းတိုးတက်ရေးပါတီ (Northern Shan State Progressive Party) (၂၃ ဧပြီ)
၃။ ညီညွတ်သောဒီမိုကရေစီပါတီ (ကချင်ပြည်နယ်) United Democracy Party (Kachin State) (၃၀ ဧပြီ)
၎။ ညီညွတ်သော ဒီမိုကရက်တစ်ပါတီ (UDP) (၃ မေ)
၅။ ရခိုင်တိုင်းရင်းသားများတိုးတက်ရေးပါတီ ( ၄ မေ )
၆။ ဒီမိုကရေစီနှင့် ငြိမ်းချမ်းရေးပါတီ ( ၄ မေ)


တို့ဖြစ်ပါသည်။ ပူးတွဲပါ ကွင်းစကွင်းပိတ်ထဲတွင် ပါရှိသည့် ရက်စွဲများမှာ မှတ်ပုံတင်လျှောက်ထားသည့် နေ့ရက်များဖြစ်ပါသည်။



tu mg nyo articleကချင်ပြည်နယ် တိုးတက်ရေးပါတီမှာ ယခင်(KIO)ခေါင်းဆောင် ဒေါက်တာမနမ်တူးဂျာပါ (၁၅) ဦးက မှတ်ပုံတင်လျှောက်ထားသည့် အဖွဲ့အစည်းဖြစ်ပါသည်။

ကော်မရှင်က မှတ်ပုံတင်နိုင်ပြီဖြစ်ကြောင်း ကြေညာပြီးသည့်နောက် မှတ်ပုံတင် အစောဆုံး လျှောက်ထားကြသည့် အဖွဲ့ (၁၀) ဖွဲ့အနက် တစ်ဖွဲ့အပါအဝင် ဖြစ်ပါသည်။ အစောဆုံး (၁၀) ဖွဲ့အနက် ကျန် (၉) ဖွဲ့ကို မှတ်ပုံတင်ခွင့်ပြုခဲ့ပြီးဖြစ်သော်လည်း “ကချင်ပြည်နယ် တိုးတက်ရေးပါတီ” ကိုမူ မှတ်ပုံတင်ခွင့် ပေးခြင်းမရှိသေးဘဲ ယခုအချိန်အထိ စိစစ်နေဆဲ ဖြစ်ပါသည်။

ယခုဆိုလျှင် အဆိုပါအဖွဲ့ကို ကော်မရှင်က စိစစ်နေသည့်ကာလမှာ တစ်လတိတိ ပြည့်မြောက်ခဲ့ပြီလည်း ဖြစ်ပါသည်။

ဤမျှကြာမြင့်စွာ စိစစ်နေသည်မှာ (နအဖ) စစ်အစိုးရ၏ (BGF) ပြောင်းလဲရေးကို တင်းခံနေသော (KIO) ၏ ပေါ်လစီသဘောထား ဆုံးဖြတ်ချက်နှင့် တနည်းမဟုတ် တနည်းဆိုသလို သက်ဆိုင်နေပါလိမ့်မည်။

ကော်မရှင်၏ လုပ်ပုံလုပ်နည်းမှာ သင်းလှသည်။

ကော်မရှင်က နိုင်ငံရေးပါတီအဖြစ် ချက်ချင်း မှတ်ပုံတင်ပေးသည်မဟုတ်။

ပထမဦးစွာ နိုင်ငံရေးပါတီအဖြစ် တည်ထောင်လိုသူများက ပေါ်လစီနှင့် မူဝါဒများ ဖေါ်ပြပြီး ကော်မရှင်ထံ တည်ထောင်ခွင့်ကို စတင်လျှောက်ထားရသည်။ ယင်းသို့ တည်ထောင်ခွင့်ရရှိပြီးမှသာလျှင် နိုင်ငံရေးပါတီအဖြစ် ဆက်လက်လျှောက်ထားနိုင်မည်ဖြစ်သည်။

ယခု “ကချင်အမျိုးသားတိုးတက်ရေးပါတီ” ရင်ဆိုင်နေရသည်မှာ ကော်မရှင်၏ ပထမဆုံး အတားအဆီးဖြစ်သည့် တည်ထောင်ခွင့် စတင်လျှောက်ထားရသည့် အဆင့်တွင် တစ်ဆို့ကြီး ဖြစ်နေရခြင်းဖြစ်သည်။

ထိုသို့ တည်ထောင်ခွင့်ရမှသာလျှင် ရရှိသည့်နေ့ရက်မှ ရက်ပေါင်း (၃၀) အတွင်း နိုင်ငံရေးပါတီအဖြစ် မှတ်ပုံတင်နိုင်မည်ဖြစ်သည်။

“ကချင်အမျိုးသားတိုးတက်ရေးပါတီ” သည် ကော်မရှင်ထံမှ တည်ထောင်ခွင့်ပင် ရရှိနိုင်ပါမည်လော။

ပို၍သိသာသည်မှာ “ကချင်” အမည် ပါဝင်သော အဖွဲ့များကို စိစစ်နေခြင်းပင်ဖြစ်သည်။ မှတ်ပုံတင်ခွင့် ပြုထားပြီးဖြစ်သည့် (၂၄) ဖွဲ့တွင် ပအိုဝ်း၊ တအောင်း(ပလောင်)၊ “ဝ”၊ ကရင်၊ ဖလုံ - စဝေါ်၊ ချင်း၊ ရှမ်း၊ လားဟူ၊ ကယန်း၊ ရခိုင်၊ အင်းသား၊ မွန် စသဖြင့် တိုင်းရင်းသားအဖွဲ့များ ပါဝင်နေသော်လည်း ကယား (ကရင်နီ) နှင့် ကချင်အဖွဲ့အစည်း တစ်ခုမျှ ပါဝင်ခြင်းမရှိသေးပါ။

ကော်မရှင်က စိစစ်ဆဲ အဖွဲ့ (၆) ဖွဲ့တွင် “ကချင်ပြည်နယ် တိုးတက်ရေးပါတီ“ နှင့် “ညီညွတ်သော ဒီမိုကရေစီပါတီ (ကချင်ပြည်နယ်) United Democracy Party (Kachin State)” တို့ ပါဝင်နေသည်မှာ သာမန်တိုက်ဆိုင်မှုတစ်ခု မဟုတ်နိုင်ပါ။

(နအဖ) စစ်အစိုးရ စိတ်ကြိုက်ရွေးချယ် ခန့်အပ်ခဲ့သော ကော်မရှင်သည် “ကချင်အမျိုးသား တိုးတက်ရေးပါတီ” ယင်းသို့ ကော်ဖီစစ်နှင့် စစ်ချသကဲ့သို့ စိစစ်နေသော်လည်း ဧပြီလ (၂၉) ရက်နေ့က မှတ်ပုံတင်ခွင့်လျှောက်ထားခဲ့သည့် “ဦးသိန်းစိန်ပါ (၂၇) ဦး” က ဖွဲ့စည်းမည့် ကြံ့ဖွံ့တဖြစ်လည်း “ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ” ကိုတော့ မေလ (၄) ရက်နေ့တွင် (ရက်သတ္တပတ်မျှကာလအတွင်း) ချောမောလွယ်ကူ ပြေပြစ်စွာ မှတ်ပုံတင်ခွင့် ချပေးခဲ့ပြီဖြစ်ပါသည်။

ထို့အပြင်“ ဦးသိန်းစိန်ပါ (၂၇) ဦး” သည် လက်ရှိ တာဝန်ထမ်းဆောင်ဆဲ နိုင်ငံ့ဝန်ထမ်းများ ဖြစ်နေပါသည်။ ကြံ့ဖွံ့သည် ယခင်က ပြည်ထဲရေးဝန်ကြီးဌာနတွင် မှတ်ပုံတင်ထားသည့် “အစိုးရမဟုတ်သော အဖွဲ့အစည်း” (NGO) ဟု (နအဖ) စစ်အစိုးရက ပြောလေ့ရှိသည်။ ထိုအဖွဲ့၏ အဖွဲ့ဝင်အများစုသည် ဝန်ကြီးဌာနအသီးသီး၊ ဦးစီးဌာနအသီးသီးတို့မှ အတင်းအဓမ္မ၊ မဝင်မနေရ ဆွဲခေါ်ထားသည့် ဝန်ထမ်းများဖြစ်သည်။ သို့ပါ၍ အဆိုပါဝန်ထမ်းများသည် ပါတီနိုင်ငံရေးနှင့် ကင်းရှင်းစေဖို့ လိုသည်။ ယခုဖွဲ့စည်းလိုက်သည့် ကြံ့ဖွံ့ပါတီထဲကနေ တရားဝင် နှုတ်ထွက်စေရမည်။

(ဗိုလ်)ကနေ (ဦး)သိန်းစိန်ဖြစ်သွားသူ အပါအဝင် (၂၇) ဦးသည်လည်း အစိုးရတာဝန်များမှ နှုတ်ထွက်ပေးဖို့ လိုသည်။ သို့သော်လည်း (နအဖ) စစ်အစိုးရသည် ဘာကိုမျှ ဂရုမစိုက်တော့ချေ။ သူတို့ရေးသော ဥပဒေကိုပင် သူတို့ လေးစားနိုင်ခြင်း မရှိတော့ချေ။

ယင်းကပင်“သိန်းစိုးကော်မရှင်”၏ ထင်ရှားသော ဗြောင်ကျသော ညစ်ပတ်မှုတစ်ခုဖြစ်သည်။

“စပေ့” ရှိဖို့လိုသည်ဟုဆိုသူများ၊ “အစိုးရစပွန်ဆာ” ကို လက်ခံရမည်ဟု လေလုံးထွားကြသူများ၊ (၂၀၀၈) အခြေခံဥပဒေဘောင်ထဲက ပြုပြင်ကြမည်ဟု ဆိုသူများ မည်သို့ မှတ်ချက်ပေးကြမည်နည်း။ ယခုအဆင့်သည် ပဏာမအဆင့်မျှသာ ဖြစ်ပါသည်။ ယင်းပဏာမအဆင့်တွင်မူ “သိန်းစိုးကော်မရှင်” ပညာပြနေတာကို ကော့နေအောင် ခံနေကြရပါပြီ။

စစ်အာဏာရှင်စနစ်သည် အခြေခံဥပဒေရေးဆွဲထားလည်း စစ်အာဏာရှင်စနစ်ပဲ ဖြစ်ပါသည်။

စစ်အာဏာရှင်စနစ်ကို ဖျက်သိမ်းပစ်ရမည်။

http://www.yoma3.org/

အတိုက်အခံခေါင်းဆောင် ဦးဝင်းတင်နှင့် မေးခွန်းများ

အတိုက်အခံခေါင်းဆောင် ဦးဝင်းတင်နှင့် မေးခွန်းများ
မိုးမခ

မေ ၁၀၊ ၂၀၁၀

လူထုကို သစ္စာမဖောက်တဲ့ ပါတီသည် ရုပ်ဖျက်လှည့်ဖြားပြီးလည်း ရွေးကောက်ပွဲဝင်မည် မဟုတ်
ယမန်နေ့က ဆရာဦးဝင်တင်နဲ့ တွေ့ဆုံစဉ်မှာ ပထမဦးဆုံးမေးသည့် မေးခွန်းက မေ ၇ ရက်နေ့မှာ ဘာတွေ ဖြစ်သလဲ ဆိုတာဖြစ်ပါတယ်။ မေ ၆ ရက်မှာ ၂၀၁၀ ရွေးကောက်ပွဲဥပဒေကြောင့် တရားဝင်ပါတီ မဖြစ်တော့ဘူးလို့ ဆိုနိုင်တာကြောင့် ပါတီဝင်များက ပါတီဌာနချုပ်မှာ စုဝေးခဲ့ကြပြီး ဖြစ်ပါတယ်။ နောက်တရက်မှာ ဘာဖြစ်သေးသလဲ၊ စစ်အုပ်စုက ပါတီကို မည်သို့ အနှောက်အယှက်ပေးရန် ကြိုးစားသေးသလဲ ဆိုတဲ့ မေးခွန်း ဖြစ်ပါတယ်။
“အခုအချိန်ထိကတော့ ပုံမှန်ပါပဲ။ ၄ ရက်နေ့မှာ ပါတီနဲ့ မဟာမိတ် စီအာရ်ပီပီတို့ နောက်ဆုံး အစည်းအဝေးသဘောမျိုး လုပ်ကြတယ်။ ၆ ရက်နေ့မှာ နောက်ဆုံးနေ့တခုအဖြစ် ပါတီမှာ ပါတီဝင်တွေ စုဝေးကြတယ်။ ၇ ရက်နေ့မှာ နယ်မြေလုံခြုံရေးတွေက ပါတီရုံးတ၀ိုက်က ဆိုင်တွေ၊ လဘက်ရည်ဆိုင်တွေ၊ လမ်းဘေးဆိုင်တွေကို မဖွင့်ရဘူးလို့ တားမြစ်ထားတယ်။ သောကြာနေ့မှာ ပါတီရုံးခန်းက ပုံမှန်ပဲ ရှိနေပါတယ်။ နောက် အမေရိကန်သံတမန်တွေ ဘာတွေက လာမယ် တွေ့မယ် စသည်ဖြင့် ပြောနေသံတွေ ကြားနေတော့ လောလောဆယ် ဘာမှ မဖြစ်သေးဘူးလို့ ပြောရမှာပေ့ါ”
ဒါပေမယ့် စစ်အစိုးရက သူတို့ရဲ့ ရွေးကောက်ပွဲကို အဆုံးစွန် ဆောင်ရွက်ရန် ဆုံးဖြတ်ထားပြီး ဖြစ်တဲ့အတွက် ယခုနောက်ဆုံးရွေးကောက်ပွဲ မှတ်ပုံတင်ခြေလှမ်းအနေနဲ့ လက်ရှိ တိုင်းပြည်အာဏာကို ချုပ်ကိုင်ထားတဲ့ စစ်ကောင်စီရဲ့ အစိုးရအဖွဲ့ကို နိုင်ငံရေးပါတီအဖြစ် မှတ်ပုံတင်လိုက်ပြီ ဖြစ်ပါတယ်။ အဲသည် ရွေးကောက်ပွဲ ဖြစ်မြောက်စေဖို့အတွက် အတိုက်အခံများကို နည်းလမ်းမျိုးစုံနဲ့ ပယ်ရှား ဖြေရှင်းပစ်မယ်ဆိုတာက သူတို့စစ်အုပ်စုသမိုင်းတလျောက်မှာ ထင်ရှားတဲ့ သာဓကတွေ ရှိခဲ့ပြီး ဖြစ်တယ်လို့ ဆွေးနွေးဖြစ်ပါတယ်။
“ ငါတို့ကတော့ အားလုံးကို ရင်ဆိုင်လို့ ပြင်ဆင်ထားပြီးသားပဲ။ ဒီအတွက်လည်း အားလုံးက တညီတညွတ်တည်း ပါတီရဲ့ ရပ်တည်ချက်အပေါ်မှာ ခိုင်ခိုင်မာမာ ရပ်တည်နေကြတာပဲ။ ငါကတော့ ဒီလိုပဲ ပြောချင်တယ်။”
အဲသည်မှာ ဆရာ့ကို မေးတဲ့ အချက်ကတော့ ၂၀၁၀ ရွေးကောက်ပွဲ မှတ်ပုံတင်ရန် နောက်ဆုံးရက်နဲ့ အမီမှာ အင်န်အယ်ဒီပါတီက ခေါင်းဆောင်ဟု ဆိုသူ ၄ ဦး ဖြစ်တဲ့ ဦးခင်မောင်ဆွေ၊ ဦးသိန်းညွန့်၊ ဦးစိန်လှဦးနဲ့ ဦးသန်းငြိမ်းတို့က အမျိုးသားဒီမိုကရေစီ အင်အားစု အမည်နဲ့ ပါတီ မှတ်ပုံတင်လိုက်ကြတဲ့ ကိစ္စဖြစ်ပါတယ်။ မိခင်ပါတီရဲ့ အားလုံး တစုတဝေးတည်း ဆုံးဖြတ်ချက်ဖြစ်တဲ့ ၂၀၁၀ ရွေးကောက်ပွဲဥပဒေမှာ ထပ်မံမှတ်ပုံမတင် - ဆိုတဲ့ ဆုံးဖြတ်ချက်ကို ၎င်းတို့ကိုယ်တိုင် လက်ခံထားခဲ့ပြီးမှာမှ မိခင်ပါတီမှ စွန့်ခွာတဲ့ လုပ်ရပ် ဖြစ်ပါတယ်။ ဒီကိစ္စကို ဘယ်လို သဘောထားသလဲ ဆိုတဲ့ မေးခွန်းဖြစ်ပါတယ်။
“ကျနော့်အနေနဲ့ကတော့ ဒါဟာ ပါတီတွင်း ကိစ္စပဲလို့ သဘောထားပြီး၊ ဘာမှ ပြောမနေဘူးလို့ အစက သဘောထားတယ်။ နောက်ပိုင်းမှာ အခုလို သူတို့က အဖွဲ့ချုပ်ကို စွန့်ခွာပြီး ပါတီထောင်တယ်။ ပြီးတော့ သူတို့တွေ ပါတီတွင်းမှာကော၊ ပါတီပြင်ပမှာကော ပြောဆိုမှုတွေ၊ လှုပ်ရှားမှုတွေ လုပ်လာတယ်။ အဲသည်တော့ ကျနော့်အနေနဲ့ ခုလိုမျိုး စောစောစီးစီး ရှင်းထားနိုင်မှ တော်မယ်လို့ ထင်ပါတယ်။
ပထမသဘောထားကတော့ ဦးခင်မောင်ဆွေတို့အုပ်စုက ကျနော်တို့နဲ့အတူ ဒီမိုကရေစီရေးအတွက် လုပ်ခဲ့ကြသူတွေကပဲ။ အကျဉ်းထောင်ဒဏ်တွေ ကျခဲ့တယ်။ အဲသည်လိုမျိုးနဲ့ တွေးပြီးတော့ အခုချိန်မှာ သူတို့ ယုံကြည်ချက်၊ ဆုံးဖြတ်ချက်တွေနဲ့ ပါတီကနေ စွန့်ခွာသွားတာကို ဘာမှ ပြောမနေတော့ပါဘူးလို့ သဘောထားပါတယ်။ သူတို့နဲ့ သဘောချင်းတူတဲ့သူတွေလည်း သွားချင်သွားကြပါစေ၊ ပါတီရဲ့ ရပ်တည်ချက်ကို လက်မခံနိုင်လို့ သူတို့ဖာသာ ရပ်တည်ချင်လို့ သွားကြတာပဲလို့ တွေးပေးထားသေးတယ်။
သို့သော် သူတို့လုပ်ခဲ့တာတွေကို ပြန်ကြည့်တဲ့အခါကျတော့ သူတို့က ပါတီတွင်းမှာလည်း ဟိုးတုံးကတည်းက ပါတီကို သူတို့ရဲ့လူနည်းစုသဘောထားနဲ့ စည်းရုံးလှုံဆော်ဖို့ ကြိုးစားခဲ့တယ်။ ပြီးတော့ အများစုရဲ့ တညီတညွတ်တည်း သဘောထားနဲ့ သူတို့သဘောထား မကိုက်ညီပြန်တော့လည်း ပါတီရဲ့ အားလုံးဆုံးဖြတ်ချက်ကို လိုက်နာမယ်လို့ ပြောဆိုပြီးကာမှ တဖက်မှာ ဒါကို ဆန့်ကျင်တဲ့ အယုံအကြည် မရှိတာမျိုး ပြောတယ်။ နောက်ဆုံးတော့ ၂၀၁၀ ရွေးကောက်ပွဲဥပဒေကို လက်ခံပြီး ပါတီ သွားထောင်တယ်။ ဒါမျိုးကိုတော့ ကျနော်တိ်ု့က မြင်တဲ့အတိုင်း၊ တွေ့တဲ့အတိုင်း ပြောရတော့မယ်”
အဲသည်မှာ ဦးခင်မောင်ဆွေတို့ အုပ်စုရဲ့ ပါတီတွင်း ပါတီပြင်ပက လှုပ်ရှားမှုတွေ၊ ပြောဆို စည်းရုံးမှုတွေက ဘယ်လိုမျိုး အကြောင်းအရာတွေ ဖြစ်နေသလဲ။ ဘယ်လိုမျိုး လှုပ်ရှားလာတာမျိုးတွေ မြင်လာရသလဲ ဆိုတဲ့ မေးခွန်းဖြစ်ပါတယ်။
“ဥပမာအားဖြင့် ပါတီခေါင်းဆောင်တဦးဖြစ်တဲ့ ဦးအောင်ရွှေကို ကြည့်ကြမယ်။ အခုအချိန်မှာ ဦးအောင်ရွှေက အများရဲ့ ဆုံးဖြတ်ချက်ကို လိုက်နာတယ်။ ရပ်တည်တယ် လို့ ပြောလို့ရတယ်။ မတ်လ အစည်းအဝေးတွေမှာ နောက်ဆုံးအချိန်အထိ ဦးအောင်ရွှေဖက်က ရွေးကောက်ပွဲဝင်ကြဖို့ အဆိုတင်သွင်းခဲ့သူ တဦး ဖြစ်တယ်။ အဆိုပြုတယ်၊ ရှုံးတယ် ဒါပေမယ့် ဦင်္းအောင်ရွှေက ပါတီရဲ့ ဆုံးဖြတ်ချက်ကို လိုက်နာတယ်။ အခုအချိန်ထိ် ပါတီထဲမှာ ရှိနေတယ်။
သို့သော်လည်း ဦးခင်မောင်ဆွေတို့ အုပ်စုကတော့ နောက်ဆုံးအချိန်အထ်ိ ပါတီတွင်းမှာ နေပြီးတော့ ပါတီဝင်တွေကို ခွဲထုတ်တယ်။ ဒေါ်အောင်ဆန်းစုကြည်နဲ့ ပါတီကို သစ္စာရှိပါတယ်။ ပါတီ ပျက်စီးသွားတာကို မလိုလားပါဘူး ဆိုပြီး စကားလုံးတွေ သုံးစွဲပြီးတော့ တဖက်ကလည်း သူတို့က ဥပဒေတွင်းက လုပ်ကြမှာလို့ ပြောတော့ ပါတီရဲ့ ရပ်တည်ချက်ဟာ ဥပဒေပြင်ပရောက်အောင် တွန်းပို့လိုက်သလို ဖြစ်သွားတယ်။ ဥပဒေမလိုက်နာဘူးဆိုတဲ့စကားနဲ့အတူ အကြမ်းဖက်သမားတွေ လိုလို၊ ယူဂျီတွေလိုလို ပါတီကို ထိခိုက်နစ်နာအောင် လုပ်နေသလို ဖြစ်နေတယ်။
နောက်ပြီးတော့ ဦင်္းဉာဏ်ဝင်း ထောက်ပြခဲ့သလိုမျိုး - ပါတီရဲ့ ဆုံးဖြတ်ချက်၊ အားလုံးဆုံးဖြတ်ချက်နဲ့ ပါတီက ၂၀၁၀ ရွေးကောက်ပွဲဥပဒေကို ကန့်ကွက်တယ်။ ဒါကို လိုက်နာမယ်လို့ ပြောထားပြီးသားကနေ သူတို့က ချိုးဖောက်လိုက်တာ ဖြစ်တယ်။ ဆိုတော့ သူတို့က ပါတီကို သစ္စာရှိတာ မဟုတ်ဘူး ဆိုတာ ထင်ရှားတယ်။
ဒေါ်အောင်ဆန်းစုကြည်ကို သစ္စာစောင့်သိတယ်လို့ ဆိုရအောင်ကလည်း ဒေါ်အောင်ဆန်းစုကြည်ကိုယ်တိုင်က သူ့သဘောထား ပြောခဲ့ပြီးပြီ။ ပါတီကို ထပ်ပြီး မှတ်ပုံမတင်ဘူး။ ဒါကို အားလုံးက ကြားသိပြီး ဖြစ်တယ်။ ဒါပေမယ့် သူတို့က တဖက်က အင်တာဗျုးတွေမှာ ဒေါ်စု ဆုံးဖြတ်ချက်တွေ သဘောထားတွေနဲ့ ပတ်သက်ပြီး ထိခိုက်တဲ့ သဘောထားတွေ ပြောလာပြန်တယ်။ ပြောကြတဲ့အထဲမှာ ဒေါ်စုကို ခေါင်းဆောင်နေရာက နေရာပေးထားမယ်တို့၊ ခေါင်းဆောင်အဖြစ်ကို ကြိုဆိုပါတယ်တို့ ပြောလာပြန်တော့ ဒေါ်အောင်ဆန်းစုကြည် နဲ့ ပါတီရဲ့ ရပ်တည်ချက်ကို ဘယ်လိုမျိုး ဆက်လက်သယ်ဆောင်မှာမို့လို့ သူတို့တွေက ၂၀၁၀ ရွေးကောက်ပွဲဥပဒေအောက်မှာ သွားပြီး မှတ်ပုံတင်ကြရတာလဲ။ ဘယ်လိုမျိုး ဒေါ်အောင်ဆန်းစုကြည်က ၂၀၁၀ ရွေးကောက်ပွဲ မှတ်ပုံတင်ထားတဲ့ ပါတီနဲ့ သက်ဆိုင်မှာလဲ - လို့ အငြင်းပွားစရာ ဖြစ်လာတယ်။”
အဲသည်မှာ မိုးမခက ဆွေးနွေးတာကတော့ - ဦးခင်မောင်ဆွေတို့ အုပ်စုက တဖက်က အင်န်အယ်ဒီပါတီနဲ့ ဒေါ်စုကို သစ္စာမဖောက်ဘူးလို့ လည်း ပြောတယ်။ ပြီးတော့လည်း ပါတီနဲ့ ဒေါ်စုအပါအ၀င် အားလုံးရဲ့ ဆုံးဖြတ်ချက်ကို လက်မခံနိုင်လို့ သူတို့ စွန့်ခွာ လာကြတယ် ပြောပြန်တယ်။ ဒါ့အပြင် အင်န်အယ်ဒီရဲ့ လမ်းစဉ်ကို မစွန့်ချင်လို့၊ ပါတီရဲ့ မပြီးဆုံသေးတဲ့ လုပ်ငန်းစဉ်တွေကို ဆက်လုပ်ဖို့ ၂၀၁၀ ရွေးကောက်ပွဲကို မှတ်ပုံတင်ကြတယ်လို့ ဆိုပြန်ပါတယ်။ သည်လိုမျိုး ရှေ့နောက်မညီတဲ့ စကားတွေ ထုတ်ပြန်ချက်တွေက လူထုကို မျက်စိလည်သွားအောင်၊ သူုတို့ကို အင်န်အယ်ဒီပါတီကိုယ်စားပြုသူတွေလို့ လူထုက ထင်ယောင်ထင်မှားဖြစ်သွားအောင် လှည့်စားသလိုမျိုး ဖြစ်နေသလား ဆိုတဲ့ မေးခွန်း ဖြစ်ပါတယ်။
“၁၉၉၀ ရွေးကောက်ပွဲကာလမှာတုံးက အင်န်အယ်ဒီကို ၀န်းရံဖို့ ကိုယ်ပွားပါတီတွေ ရှိဖူးတယ်။ အခုကိစ္စက ဒါမျိုးလုံးဝ မဟုတ်ဘူး ဆိုတာ ပြောချင်တယ်။ သူတို့ ထူထောင်လိုက်တဲ့ပါတီဟာ မူလအင်န်အယ်ဒီနဲ့ လုံးဝ သက်ဆိုင်ခြင်း မရှိဘူး။ အင်န်အယ်ဒီပါတီရဲ့ လမ်းစဉ်တွေ၊ သဘောထားတွေကို ဆက်လုပ်ဖို့ဆိုပြီး ထူထောင်တဲ့ ပါတီလည်း မဟုတ်ဘူး။ အင်န်အယ်ဒီအရေခြုံ တာမျိုးကို လက်မခံနိုင်ပါဘူး။
တလောက ကျနော့်အင်တာဗျူးမှာ အင်န်အယ်ဒီက ခေါင်းပြတ်မခံနိုင်ဘူး၊ ခြေပြတ် လက်ပြတ် ဖြစ်သွားရင်တောင် ခြေတု လက်တုနဲ့ ဆက်လုပ်မယ်လို့ ပြောလိုက်တော့ - အရှေ့ဖက်က နိုင်ငံကြီးတနိုင်ငံက (တရုတ်နိုင်ငံဟု မိမိတို့ ယူဆ - မိုးမခ) တဆင့်စကားနဲ့ မေးတယ် ဆိုတယ်။ အင်န်အယ်ဒီက ၂၀၁၀ ရွေးကောက်ပွဲကို ကိုယ်ပွားပါတီထောင်ပြီး ၀င်မှာလားဆိုပြီးတော့။ ဒီလိုမျိုး တချို့လူတွေက အထင်အမြင်တွေ ကောက်ချက်ဆွဲတာတွေ မှားကုန်တယ်။ ဒါကို ခုထဲက ရှင်းကာမှ တော်ရုံကြမယ်။
ပြီးတော့လည်း ဆန်းဒေးစကားဝိုင်းတခုမှာ ပြည်ပက ဒေါက်တာဆိုသူ တဦးက အခုလိုမျိုး အင်န်အယ်ဒီပါတီခွဲထောင်တာကို ထောက်ခံသလိုမျိုး သူတို့က ဘာညာ ပြောသွားတယ်။ ကြားရတဲ့သူတွေကို တွေဝေသွားအောင်၊ နားလည်မှုတွေ လွဲကုန်အောင် လုပ်သမျိုး ဖြစ်နေတယ်။
အင်န်အယ်ဒီက ပါတီခွဲထောင်တာလည်း မရှိဘူး။ ပါတီက ဆုံးဖြတ်ထားတဲ့အတိုင်း ရွေးကောက်ပွဲလည်း မ၀င်ဘူး၊ မှတ်ပုံလည်း ထပ်မတင်ဘူး။ ဒါမျိုး ရပ်တည်ထားပြီး ဖြစ်တယ်။
အခုဟာက ဒီလိုမျိုး ရှင်း ရှင်း ရပ်တည်နေတာကို အပြင်ကနေပြီး ရှုပ်လာတယ်။ ကျနော်က အခုလို ပြောနေတာက တဖက်သားကို ဝေဖန်တိုက်ခိုက်နေတာ မဟုတ်ဘူး။ ပါတီရပ်တည်ချက်နဲ့ သဘောထားကို ထိခိုက်လာတာတွေ၊ ရှုပ်ထွေးအောင် လုပ်လာတာတွေကို လက်မခံနိုင်လို့၊ ပြီးတော့ ပြည်သူလူထုကို နားလည်မှုလွဲမှားကုန်အောင် ပြောဆိုမှုတွေ ပေါ်မလာအောင်လို့ ကျနော်က ကာကွယ် ပြောဆိုနေရတာ ဖြစ်ပါတယ်။”
အဲသည်မှာ မိုးမခက ဆွေးနွေးတဲ့အချက်က လွန်ခဲ့တဲ့ နှစ်ဆန်းဝန်းကျင်မှာ ထိုင်းနိုင်ငံ ပြည်ပရောက်စာနယ်ဇင်းသမားတွေ ဦးစီးကျင်းပတဲ့ စာနယ်ဇင်းညီလာခံတခုမှာ ယခင်အကျဉ်းသားဟောင်းတဦးဖြစ်ခဲ့သူ ဒေါက်တာခင်ဇော်ဝင်းက ၂၀၁၀ ရွေးကောက်ပွဲနဲ့ ပတ်သက်ပြီး သဘောထားတွေ ပြောလာတယ်။ ဧပြီ ၆ ရက်နေ့မှာ အင်္ဂလိပ်ဘာသာ စာတန်းတခုကို ပြည်ပမှာ ထုတ်ဝေခဲ့တယ်။ ဒေါ်အောင်ဆန်းစုကြည်နဲ့ ခေါင်းဆောင်ဟောင်းများ (ဦးဝင်းတင်၊ ဦးဉာဏ်ဝင်း) များက ပါတီကို နအဖ စစ်အုပ်စု စိတ်တိုင်းကျ ဖျက်ဆီးပစ်နေကြတယ်။ ဦးဝင်းတင်ဆီမှာ များပြားလှတဲ့ နိုင်ငံခြားအလှူငွေတွေ ရှိနေတယ်။ ပါတီကို အပ်နှံခြင်း မရှိ်ဘူး။ အဲသည်မှာ ဦးခင်မောင်ဆွေတို့အဖွဲ့ရဲ့ “ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် အလွန်” နိုင်ငံရေးပါတီသစ်တခု ကို အားလုံးက ကြိုဆိုကြရမယ် ဆိုတဲ့သဘောမျိုး ရေးသားထားတာ၊ သူကိုယ်တိုင်ကပဲ မြန်မာပြည်နိုင်ငံရေးကို ၀င်ရောက် ရှင်းလင်းပေးနေရသူ ဆိုတဲ့ အတိုင်းအတာအထိ ပြောဆိုလာတာ ဖြစ်ပါတယ်။ ဒါတွေက ပြည်တွင်း ပြည်ပက မြန်မာနိုင်ငံရေးစိတ်ဝင်စားသူများ၊ လှုပ်ရှားနေသူများ အသိုင်းအ၀ိုင်းကြားမှာ အင်န်အယ်ဒီအမည်ကို ခုတုံးလုပ်ပြီး သူတို့ရဲ့ အာဘောတွေကို ဖြန့်ချိလာတဲ့ သဘောလို့ ရှုမြင်ကြောင်း၊ အဲသည်အတွက်ကော စောစောစီးစီး သဘောထားပြောထားချင်ပါသလား ဆိုတာ ဖြစ်ပါတယ်။
“ကျနော် တဆင့်စကား ကြားနေရတာတွေ ရှိတယ်။ ခင်ဇော်ဝင်းက စာတန်းတွေ လျောက်ဖြန့်တယ်။ စသည်ဖြင့်။ ကျနော့်ကိုလည်း ပိုက်ဆံတွေ ပါတီကို မအပ်ဘူး ဘာညာပြောထားတယ်လို့ ဆိုတယ်။ ဒါတွေကို ကျနော် ဖြေရှင်းနိုင်ပါတယ်။ ကျနော့်ကိစ္စက အရေးမကြီးပါဘူး။ အဓိကကတော့ ပါတီရဲ့ ရပ်တည်ချက်နဲ့ မူဝါဒတွေ၊ ခေါင်းဆောင်မှုတွေကို သေးသိမ်အောင် ပြောဆိုလုပ်ကြံတာတွေကို ပြောမှ ဖြစ်မယ်လို့ ထင်ပါတယ်။
ပါတီက တခဲနက်ဆုံးဖြတ်ထားတာကို မတ်လ ၂၉ အစည်းအဝေးမှာ လက်ခံပြီးတော့မှ မေလ ၆ ရက်နေ့အထိ ပါတီတွင်းမှာ ရပ်တည်နေခဲ့ရာကနေ အနည်းစုဆန္ဒကို ပြန်လည် ဖော်ဆောင်ပြီး ပါတီတခု သွားထောင်တယ် ဆိုတာက ပါတီကို ပစ်ပယ်တာ ဖြစ်ပါတယ်။
ဟိုးရှေ့မှကတည်းက ကျနော်တို့ ပါတီဗဟိုခေါင်းဆောင် လက်ရှိ လှုပ်ရှားနေသူ ၁၆ ဦးမှာ အဲသည် ၄ ဦးက “အနည်းစုသဘောထား” ကို အမြဲတင်ပြ ဆွေးနွေးတယ်။ ကျနော်တို့ကလည်း အများသဘောနဲ့ ဖယ်ချတာမျိုး မဟုတ်ဘဲ အစည်းအဝေးမှာ လက်ခံ ဆွေးနွေးခဲ့ကြတာပဲ ဖြစ်တယ်။ မတ်လ ၂၉ ကြေညာချက်မှာတောင် ကျနော်တို့ “တညီတညွတ်တည်း ဆုံးဖြတ်တယ်” ဆိုတာကို ကန့်ကွက်ခဲ့ကြတယ်။ “အများသဘောတူ” ဆိုတဲ့ စကားလုံး သုံးပါလို့ ပြောလို့ ကျနော်တို့က ပြောင်းပေးခဲ့တယ်။ အဲသည်တော့ ကျနော်တို့က အဆိုတခုထပ်တင်ရတယ်၊ “အများသဘောတူ” ဆုံးဖြတ်တယ်။ “ကန့်ကွက်မည့်သူ မရှိ” လို့ ထည့်သွင်းချင်တယ်၊ သဘောတူသလားဆိုတော့ သူတို့က လက်ခံခဲ့ကြတယ်။
အခုလိုမျိုး ပါတီသဘောထားတွေကို ဆုံးဖြတ်ချက်ချစဉ်က သဘောတူခဲ့ပြီးတော့ နောက်ပိုင်းမှာ ပါတီတွင်း ပါတီပြင်ပ သွေဖီပြီး ပြောဆိုတာဟာ ပါတီပေါ်မှာ သစ္စာစောင့်သိတဲ့ သဘောမဟုတ်ဘူးလို့ ပြောချင်တယ်။ ပါတီရဲ့ မူဝါဒကို ပါတီဝင်တွေက ရပ်တည်ပေးကြတာဟာ လူပုဂ္ဂိုလ် တဦးတယောက်နောက် ကိုးကွယ်တာလဲ မဟုတ်ဘူး။ နောက်ပြီးတော့ လက်ရှိခေါင်းဆောင်မှုနောက်ကို မျက်စိပိတ် နားပိတ် လိုက်နေကြရတာလဲ မဟုတ်ဘူး။
ဒါပေမယ့် အခုကိစ္စမှာက ဒေါ်အောင်ဆန်းစုကြည်ကို သစ္စာရှိတာတို့၊ ပါတီအပေါ် သစ္စာရှိတာတို့ထက် အရေးကြီးတဲ့ အချက်ကတော့ ၁၉၉၀ ရွေးကောက်ပွဲမှာ တခဲနက် မဲပေးခဲ့ကြတဲ့ မဲဆန္ဒရှင်ပြည်သူတွေပေးအပ်ခဲ့တဲ့ Mandate အပေါ်မှာ သစ္စာစောင့်သိခြင်း မရှိတာက အဓိက ဖြစ်သွားပြီ။
အင်န်အယ်ဒီပါတီကိုယ်တိုင်က ၉၀ ရွေးကောက်ပွဲမှ ပြည်သူလူထုရဲ့ အပ်နှံမှု၊လွှဲအပ်မှု (Mandate) နဲ့ တိုင်းပြည်ဒီမိုကရေစီရေးကို အကောင်အထည် မဖော်နိုင်ခဲ့တာကို အနှစ် ၂၀ လုံးလုံး အတွက် လူသိရှင်ကြား တောင်းပန်ခဲ့တယ်။ အနှစ် ၂၀ လုံးလုံးတောင် ပြည်သူ့ရဲ့ မဲင်းဒိတ်နဲ့ မဆောင်ရွက်နိုင်ခဲ့တာကို အမှန်အတိုင်း မ၀န်ခံလိုဘဲ၊ လက်မခံဘဲနဲ့ နောက်ရွေးကောက်ပွဲကို ဆက်သွားတာ၊ ပြည်သူတွေအပေါ်မှာ သစ္စာမရှိတာပဲလို့ ပြောချင်တယ်။
အင်န်အယ်ဒီပါတီက တောင်းပန်တယ်။ ၉၀ ရွေးကောက်ပွဲရဲ့ Mandate နဲ့ အောင်မြင်အောင် မဆောင်ရွက်နိုင်ခဲ့ဘူး။ သို့သော် ပါတီက ၂၀၁၀ ရွေးကောက်ပွဲဥပဒေကို လက်မခံဘူး၊ ကန့်ကွက်တယ်။ အင်န်အယ်ဒီဟာ ပြည်သူနဲ့ လက်တွဲပြီး ဆက်လက် ရပ်တည်သွားမယ်။ ဆက်လက် လှုပ်ရှားသွားမယ်ဆိုတာကို ပြောခဲ့ပြီး ဖြစ်ပါတယ်။
နောက်ပြီးတော့ ဒေါ်အောင်ဆန်းစုကြည်ကိုယ်တိုင်က ထုတ်ဖော်ပြောဆိုတာကို သက်သေမထင်ရှားဘဲနဲ့ ဦးဉာဏ်ဝင်းစကားနဲ့ပဲ လက်ခံနေရတယ် ဘာညာစသည်ဖြင့် ပြောနေတာကလည်း ပါတီတွင်း ပါတီပြင်ပမှာ လူတွေကို နားလည်မှုလွဲအောင်၊ အထင်မှား အမြင်မှားအောင် ပြောတဲ့သဘောပဲလို့ ပြောချင်ပါတယ်။ ဒေါ်စုကို သစ္စာရှိမယ်လို့လဲ ပြောခဲ့တယ်။ ပြီးတော့ ဒေါ်စုစကားကို လက်မခံနိုင်ဘူး၊ သံသယရှိတယ်။ ဦးဉာဏ်ဝင်းတို့ ကျနော်တို့ကပဲ လုပ်ကြံနေသလိုပြောတယ် ဆိုတာက - ဒေါ်စုကိုကော၊ ပါတီကိုပါ ပျက်စီးအောင် လုပ်သလို ဖြစ်နေတယ်။ ဘယ်လိုလုပ်ပြီးတော့ အကျယ်ချုပ်ကျနေသူဆီက သက်သေတွေ တောင်းချင်ရတာတုံး။ ပြီးတော့ ဦးဉာဏ်ဝင်း ရှိတယ်၊ ဒေါက်တာတင်မျိုးဝင်း ရှိတယ်။ ဒေါ်အောင်ဆန်းစုကြည်သဘောထားတွေကို ကျနော်တို့က အလွဲသုံးတယ်ဆိုရင် ဒါမျိုးကို ဒီလောက် အရေးကြီးတဲ့ ဆုံးဖြတ်ချက်ကာလမှာ ဒေါ်အောင်ဆန်းစုကြည်က ပြန်ပြီး တုန့်ပြန်မှာပဲ ဆိုတာ သိထားသင့်တယ်။
ဒီတော့ ဒီလိုမျိုးအသံတွေဆိုတာ - ပါတီက အပဲ့အစင်တွေရဲ့ သဘောထားတွေဖြစ်တယ်လို့ ရှင်းရှင်းလင်းလင်း သိကြစေချင်တယ်။ အင်္ဂလိပ်လိုဆိုရင်တော့ - Splinter Group လို့ပဲ သုံးရမယ်။ အပဲ့အစင်ကလေးတွေ ပေါ့ဗျာ။ Split Group ဟုတ်လား - ပါတီအကွဲအပြဲ မဟုတ်ဘူး။ ပါတီက အပဲ့အစင်တွေရဲ့ သဘောထားတွေ ဖြစ်တယ်။ အဲသည်လိုမျိုး ပြောချင်ပါတယ်။”
အဲသည်မှာ မေးတဲ့ မေးခွန်းကတော့ အနှစ် ၂၀ လုံးလုံး အင်န်အယ်ဒီပါတီက ပြည်သူလူထုရဲ့ Mandate နဲ့ အတူ ဆောင်ရွက်နိုင်ခြင်း မရှိခဲ့ဘူးဆိုတာက ဘာမှ မလုပ်ဘဲနဲ့ ဒီအတိုင်း ထိုင်နေလို့လား။ စစ်အစိုးရကို ဒီမိုကရေစီရေးလမ်းကြောင်းပေါ်ရောက်လာအောင် အင်န်အယ်ဒီက အခက်အခဲမျိုးစုံကြားက ဆောင်ရွက်ခဲ့တာတွေ ရှိခဲ့တယ် မဟုတ်ဘူးလား။ ယခု ၂၀၁၀ ရွေးကောက်ပွဲလမ်းကြောင်းက မြန်မာပြည်ဒီမိုကရေစီရေးကို မဦးတည်နိုင်ဘူးလား ဆိုတဲ့ မေးခွန်းတွေ ဖြစ်ပါတယ်။
“ခုချိန်မှာ အဓိကကတော့ အခြေခံဥပဒေအပေါ်မှာ အခြေပြုတဲ့ လှုပ်ရှားမှုတွေကို ပြန်ပြီး ကောက်နုတ်ပြပါ့မယ်။ ၁၉၈၈၊ ၁၉၈၉ စစ်အစိုးရ ကြေညာချက်များအရ အင်န်အယ်ဒီက ၁၉၉၀ ရွေးကောက်ပွဲကို ၀င်ရောက်ခဲ့တာ ဖြစ်တယ်။ ၁/၉၀ စစ်အစိုးရကြေညာချက်အရ ၉၀ ရွေးကောက်ပွဲအနိုင်ရ ပါတီ အင်န်အယ်ဒိဦးဆောင်ပြီးတော့ အခြေခံဥပဒေရေးဆွဲဖို့ ကျြိးစားခဲ့တယ်။ အဲသည်မှာ စစ်အစိုးရက ၅/၉၀ နဲ့ သူတို့ဦးဆောင်ပြီး အမျိုးသားညီလာခံနဲ့ အခြေခံဥပဒေဆွဲမယ်လို့ ပြောင်းပြီး ပြောပြန်တယ်။
နောက် ၉၀ နောက်ပိုင်း အမျိုးသားညီလာခံမှာ အင်န်အယ်ဒီ တက်ရောက်လာတော့လည်း နည်းမျိုးစုံနဲ့ ကန့်သတ်ခြင်း၊ ပိတ်ဆို့ခြင်းခံရတယ်။ ဒါကြောင့် ၁၉၉၅ နောက်ပိုင်းမှာ ပါတီက အမျိုးသားညီလာခံက သပ်ိတ်မှောက်ခဲ့ရတယ်။
အဲသည်မှာ အဓိကအချက်ကတော့ တပ်မတော်က နိုင်ငံရေးမှာ ဦးဆောင်မှုအခန်းကဏ္ဍကနေ မဆင်းနိုင်ဘူးဆိုတဲ့ အချက်ကြောင့် အင်န်အယ်ဒီပါတီက လက်မခံနိုင်တဲ့အကြောင်း ပြောကြားခဲ့ပြီးဖြစ်တယ်။
ဒီနောက်မှာ သူတို့ရဲ့သဘောထားနဲ့ သူတို့ Road Map တွေ ချမှတ်တယ်။ ၂၀၀၈ မှာ သူတို့ စိတ်တိုင်းကျ အခြေခံဥပဒေကို ထုတ်ပြန်တယ်။ ဒီမိုကရေစီလမ်းကြောင်းကို ဦးတည်တဲ့ အခြေခံဥပဒေမဟုတ်တဲ့အတွက် အင်န်အယ်ဒီက ကန့်ကွက်ခဲ့တယ်။
အခု အဲသည် အခြေခံဥပဒေနဲ့ ၂၀၁၀ ရွေးကောက်ပွဲဥပဒေတို့၊ ရွေးကောက်ပွဲတို့ လုပ်လာပြန်တဲ့အတွက် အင်န်အယ်ဒီပါတီက ကန့်ကွက်တဲ့ အနေနဲ့ မိမိတို့ ရပ်တည်ချက်ကို ဆောင်ရွက်ရတာ ဖြစ်တယ်။ ဒီလိုမျိုး အင်န်ယ်ဒီက တလျောက်လုံးမှာ တိုင်းပြည်ရဲ့ အခြေခံဥပဒေနဲ့ ပတ်သက်ရင် ပြည်သူလူထုနဲ့ ဒီမိုကရေစီရေးအတွက် ရပ်တည်ခဲ့တယ်။
ပြည်သူလူထုတွေကော၊ ကျောင်းသားလူငယ်တွေ အားလုံးက သိကြပါတယ်။ အခုလာမယ့် ရွေးကောက်ပွဲဆိုတာ ဘယ်လိုမျုိးလဲဆိုတာ သူတို့ သိကြပါတယ်။ ဒါပေမယ့် အင်န်အယ်ဒီနဲ့ ပတ်သက်ပြီးတော့ အားလုံးက ရှင်းရှင်းလင်းလင်း သိထားကြစေချင်ပါတယ်။ အင်န်အယ်ဒီဟာ လူထုကို လှည့်ဖြားပြီးတော့ ဘာမှ မလုပ်ဘူး။ အင်န်အယ်ဒီနံမယ်နဲ့လည်း ရွေးကောက်ပွဲ မ၀င်ဘူး။ အင်န်အယ်ဒီက ကိုယ်ပွားတွေ ကိုယ်ခွဲတွေနဲ့လည်း ရွေးကောက်ပွဲမ၀င်ဘူး။ ပါတီပြိုကွဲအောင် ပျက်စီးအောင်လည်း မလုပ်ဘူး။ ပြည်သူတွေကိုလည်း သစ္စာမဖောက်ဘူး။ ဒါမျိုး ပြောလိုက်ချင်ပါတယ်။”
မိုးမခနဲ့ ဆရာဦးဝင်းတင် မေလ ၉ ရက် နေ့ နံနက်ခင်းပိုင်းက ပြောဆိုခဲ့သမျှထဲက ကောက်နုတ်ဖော်ပြတာ ဖြစ်ပါတယ်။

http://www.moemaka.com/

နအဖ ဆွဲဖြုတ်လို့မရတဲ့ ဆိုင်းဘုတ်

ကျော်ဗလ / ၁၀ မေလ ၂၀၁၀

မြန်မာပြည်မှာ ကြော်ငြာဆိုင်းဘုတ်အများဆုံး အသင်းအဖွဲ့ကို လက်ညှိုးထိုးပြပါဆိုရင် ကြံ့ဖွံ့အသင်းကိုပဲ ဆွဲထုတ်ပြရပါလိမ့်မယ်။ ဘာဖြစ်လို့လဲဆိုတော့ နအဖ အဖွဲ့အစည်းအဆင့်ဆင့်ရှိတဲ့ တိုင်း၊ ခရိုင်၊ မြို့နယ်၊ ရပ်ကျေးမှန်သမျှမှာ ကြံ့ဖွံ့ဆိုင်းဘုတ်တွေ ရှိနေလို့ပါပဲ။ ကြံ့ဖွံ့အဖွဲ့အစည်းဆိုတာ စစ်တပ်ရဲ့ လက်ကိုင်တုတ်အဖွဲ့အစည်း ပီသစွာ ကြံ့ဖွံ့ဆိုင်းဘုတ်ဟာလည်း စစ်ယူနီဖောင်းရောင် စိမ်းမှောင်နေလေ့ရှိပါတယ်။ ဗေဒင်၊ ယတြာတွေ ယုံကြည်အားကိုးလေ့ရှိတဲ့ ဗိုလ်ချုပ်တွေဟာ ကြံ့ဖွံ့အဖွဲ့ရဲ့တံဆိပ်မှာ အမျိုးသားနိမိတ် ဒေါင်းတံဆိပ်ကို မသုံးရဲဘဲ ခြင်္သေ့ရုပ်ကိုသာ သုံးထားကြပါတယ်။ ဆိုင်းဘုတ်တွေ၊ လိုဂိုတွေမှာ ခြင်္သေ့ရုပ်ပဲ သုံးသုံး၊ ဆင်ရုပ်ပဲ ထည့်ထည့် ကြံ့ဖွံ့အဖွဲ့ဆိုတာ အခွင့်အရေးတွေ၊ ငွေတွေ၊ အာဏာတွေ ဖိသိပ်ထိုးထည့်ထားတဲ့ လေပူဖောင်းတလုံးသာဖြစ်ပါတယ်။ နည်းနည်းလေး ခလုတ်ထိ၊ ဆူးငြိလိုက်တာနဲ့ ‘ဖောင်း’ ကနဲ ကွဲသွားမှာပါ။ ဘာကြောင့်လဲဆိုတော့ ကြံ့ဖွံ့အဖွဲ့ဆိုတာ ယုံကြည်ချက် အခြေခံအပေါ်မှာ တည်ဆောက်ထားတဲ့ အဖွဲ့အစည်းမဟုတ်ဘဲ အာဏာ၊ အခွင့်အရေးနဲ့ အသပြာတွေပြပြီး ဆွဲစုထားတဲ့ အချောင်နှိုက်အုပ်စုတွေ ဖြစ်နေလို့ပါပဲ။

ကြံ့ဖွံ့အဖွဲ့ဆိုတာ အရေအတွက်သာရှိပြီး အရည်အချင်းက နတ္တိပါ။ ကြံ့ဖွံ့အဖွဲ့ဝင်အင်အား သန်း (၃၀) ကျော်ဆိုတာ စစ်ဗိုလ်၊ စစ်သား၊ ပုလိပ်၊ ၀န်ထမ်းနဲ့ ကျောင်းသူကျောင်းသားမှန်သမျှ အားလုံး စုပြုံသိမ်းကျုံးထည့်ထားလို့ ဖောင်းကားနေတဲ့ သန်းခေါင်စာရင်းမျိုးပါ။ အများစုကြီးက ကိုယ့်ဟာကိုယ် အဖွဲ့ဝင်ဖြစ်မှန်းတောင် သိကြတာမဟုတ်ပါဘူး။ ဒါကြောင့် အရေးအကြောင်း၊ ရေထဲမိုးထဲဆိုရင် မြေလျှိုးမိုးပျံသွားတတ်ကြလို့ လူ (၂၀) တောင် စုဖို့လွယ်တဲ့ အဖွဲ့မဟုတ်ပါဘူး။

တကယ်တော့ ကြံ့ဖွံ့အဖွဲ့ဆိုတာ နိုင်ငံရေးအဖွဲ့အစည်းမဟုတ်၊ လူမှုရေးအဖွဲ့အစည်းသာဖြစ်တယ်လို့ နအဖက ကြေညာထားတဲ့ အဖွဲ့အစည်းပါ။

ဒါပေမယ့် နိုင်ငံရေးအာဏာ၊ နိုင်ငံတော်အသပြာများနဲ့ ကျားကန်ထားလို့ အခုလို အရေအတွက် ဖောင်းပွနေတာပါ။ ဘယ်လိုပဲဖြစ်ဖြစ် ကြံ့ဖွံ့အဖွဲ့ရဲ့ နောင်တော် နိုင်ငံရေးအင်အားစုကြီးဖြစ်တဲ့ မဆလပါတီရဲ့ အဖြစ်ဆိုးမျိုး မကြုံရအောင် သင်ခန်းစာယူတတ်ဖို့တော့ လိုပါလိမ့်မယ်။ တချိန်က နိုင်ငံတော်ရဲ့ အရှိန်အ၀ါ၊ အသပြာ၊ အခွင့်အာဏာတွေနဲ့ ကျားကန်တည်ဆောက် ပေးထားတဲ့ တခုတည်းသော နိုင်ငံရေးပါတီကြီးဖြစ်တဲ့ မဆလပါတီမှာလည်း ပါတီဝင်အင်အား သန်း (၂၀) ကျော် ရှိတယ်လို့ ဆိုခဲ့ဖူးပါတယ်။ ဒီလို သဘောတရားအယူအဆတွေ ရိုက်သွင်း၊ စည်းရုံးရေးသင်တန်းတွေ ဆင်းပြီး သိမ်းသွင်းတည်ဆောက်ထားတဲ့ မဆလ ပါတီကြီးတောင်မှ ရှစ်လေးလုံးအရေးအခင်းကြီး ကြုံလိုက်တာနဲ့ တခါတည်း ဘုံးဘုံးလဲ ပုံကျသွားတော့တာပါပဲ။

အဲဒီခေတ်ကာလတုန်းကလည်း မြန်မာပြည်မှာ ဆိုင်းဘုတ်အများဆုံး၊ ပါတီဝင်အရေအတွက် အဖောင်းပွဆုံးဟာ မဆလပါတီပါပဲ။ ဒါပေမယ့် ရှစ်လေးလုံးအရေးအခင်းကြီးအတွင်း တပြည်လုံးမှာရှိတဲ့ မဆလဆိုင်းဘုတ်တွေကို ပြည်သူတွေ တ၀ုန်းဝုန်း ဖြတ်ချခဲ့ကြတုန်းက ဘယ်မဆလပါတီဝင် ခွေးတကောင်၊ ကြောင်တမြီးမှ ထွက်ပြီး မတားဆီးခဲ့ကြပါဘူး။ ဒီလိုအနေအထားမျိုးတွေ ကြုံလာရင် ကြံ့ဖွဲ့ဆိုင်းဘုတ်တွေလည်း ဒီလိုကြမ္မာဆိုးတွေနဲ့ မုချကြုံကြရဦးမှာပါပဲ။ အာဏာ၊ အသပြာနဲ့ အခွင့်အရေးသာမပါရင် ကြံ့ဖွဲ့ဆိုင်းဘုတ်ကို ဘယ်သူကမှ အရေးလုပ်ပြီး ကာကွယ်နေကြမှာ မဟုတ်ပါဘူး။ ဒီလိုဖြစ်ရတာ အဓိကအားဖြင့် ကြံ့ဖွံ့အဖွဲ့မှာ အာဏာ၊ အသပြာနဲ့ အခွင့်အရေးသာရှိပြီး နိုင်ငံရေးမရှိကြလို့ပါပဲ။

နအဖအဖွဲ့ရဲ့ တရားမျှတမှုမရှိတဲ့ ၂၀၁၀ ရွေးကောက်ပွဲဥပဒေနဲ့ နိုင်ငံရေးပါတီများ မှတ်ပုံတင်ဥပဒေကို ဆန့်ကျင်ကန့်ကွက်ဖို့ ဆုံးဖြတ်တဲ့ အန်အယ်လ်ဒီပါတီအနေဖြင့် မှတ်ပုံမတင်တဲ့အတွက် တနိုင်ငံလုံးမှာရှိတဲ့ ပါတီဆိုင်းဘုတ်တွေ အားလုံးကို မေလဆန်းမတိုင်မီ ဖြုတ်ပေးကြရပါလိမ့်မယ်။ အန်အယ်လ်ဒီပါတီက မဖြုတ်လည်း နအဖ အာဏာပိုင်အဖွဲ့အစည်းတွေ၊ ဒေါက်တိုင် လက်မရွံ့တွေက အဓမ္မဆွဲဖြုတ်ကြဦးမှာပါပဲ။ နအဖအဖွဲ့အစည်းတွေ ဒေါက်တိုင်လက်မရွံ့တွေ လာပြီးမဖြုတ်ခင် ကိုယ့်အသိနှင့်ကိုယ် ဆိုင်းဘုတ်တွေ ကြိုတင်ဖြုတ်လိုက်တာ ပိုပြီးကောင်းပါလိမ့်မယ်။ ဒီလို ကိုယ့်ဆိုင်းဘုတ် ကိုယ်ဖြုတ်သိမ်းတာဟာ ရှစ်လေးလုံးကာလက မဆလဆိုင်းဘုတ်တွေကို လူထုက ၀ိုင်းဝန်းဆွဲဖြုတ်ချခံရတာနဲ့ နိုင်ငံရေးအရ သဘောအဓိပ္ပာယ် အလွန်ခြားနားပါတယ်။ အန်အယ်လ်ဒီပါတီဆိုင်းဘုတ်ကို မဆလဆိုင်းဘုတ်လို စက်ဆုပ်ရွံရွာစွာ လူထုက ဆွဲဆုတ်ဖြုတ်ချတာ မဟုတ်ပါဘူး။ နအဖက အန်အယ်လ်ဒီပါတီကို နိုင်ငံရေးပါတီတရပ်အဖြစ် ရပ်တည်ခွင့်မရအောင် မတရားတဲ့ ဥပဒေအမိန့်တွေထုတ်ပြီး နိုင်ငံရေးအရ ကောက်ကျစ်စဉ်းလဲစွာ လုပ်ကြံလိုက်တာပါ။ တနည်းပြောရရင် အန်အယ်လ်ဒီဆိုင်းဘုတ်တွေကို နအဖက မတရားတဲ့ ဥပဒေအမိန့်ထုတ်ပြီး ဖြုတ်ချခိုင်းလိုက်တာသာဖြစ်ပါတယ်။

တကယ်တော့ ပါတီဆိုင်းဘုတ်ဖြုတ်ခံရတယ်ဆိုတာ စစ်အာဏာရှင်တွေရဲ့ ဓားမိုးအုပ်စိုးမှုအောက်မှာ ကျရောက်နေတဲ့ မြန်မာပြည်အဖို့ ဘာမှမထူးဆန်းသလို အရေးလည်း သိပ်ကြီးလှတာမဟုတ်ပါဘူး။ အရေးကြီးတာက အန်အယ်လ်ဒီ ပါတီအနေနဲ့ နိုင်ငံရေးအရ ဖြုတ်ချမခံရဖို့ တနည်းပြောရရင် နိုင်ငံရေးအရ ပြုတ်ကျမသွားဖို့က ပိုလို့အရေးကြီးလှပါတယ်။ အန်အယ်လ်ဒီမှာ နိုင်ငံရေးရှိနေသမျှ၊ ပါတီဝင်တွေမှာ နိုင်ငံရေးစိတ်ဓာတ် ရှင်သန်အသက်ဝင်နေသမျှ ဆိုင်းဘုတ်တွေမရှိလည်း ပြည်သူလူထုရင်ထဲမှာ အန်အယ်လ်ဒီဆိုတာ ရှိနေမှာပါပဲ။ ဒီလို အန်အယ်လ်ဒီပါတီဝင်တွေရဲ့ ဦးနှောက်ထဲ၊ ပြည်သူလူထုရဲ့ ရင်ထဲမှာ စွဲမြဲစူးဝင်နေတဲ့ နိုင်ငံရေးဆိုင်းဘုတ်ကို နအဖရဲ့ အာဏာ၊ အသပြာ၊ အခွင့်အရေးတွေနဲ့ ဘယ်လိုမှ ဆွဲဆုတ်ဖြုတ်ပစ်လို့ မရနိုင်ပါဘူး။ ရှစ်လေးလုံးအရေးတော်ပုံကြီးက လက်ဆင့်ကမ်းပေးလိုက်တဲ့ စစ်အာဏာရှင်စနစ် ဆန့်ကျင်ရေး ဒီမိုကရေစီနဲ့ လူ့အခွင့်အရေးအတွက် တိုက်ပွဲဝင်မယ်ဆိုတဲ့ စိတ်ဓာတ်နိုင်ငံရေးကို အန်အယ်လ်ဒီ ဆုပ်ကိုင်ထားသမျှ ကြော်ငြာ၊ မီဒီယာ၊ Bill Board နှင့် ဆိုင်းဘုတ်တွေမပါလည်း အန်အယ်လ်ဒီရဲ့ အနီရောင်ခွပ်ဒေါင်းနဲ့ တော်လှန်ရေး ကြယ်ပွင့်တံဆိပ် ပုံရိပ်ဟာ ပြည်သူတွေရဲ့ ရင်ထဲမှာ ထာဝရ စွဲထင်နေပါလိမ့်မယ်။

သမိုင်းကို ပြန်ကြည့်ကြမယ်ဆိုရင်လည်း ဖက်ဆစ်ဆန့်ကျင်ရေး ပြည်သူ့လွတ်လပ်ရေးအတွက် ဗိုလ်ချုပ်အောင်ဆန်း၊ သခင်စိုး၊ သခင်သန်းထွန်းတို့ ဖတပလ တပ်ပေါင်းစုကြီးကို ဖွဲ့စည်းစဉ်ကလည်း ဆိုင်းဘုတ်တွေ မရှိခဲ့သလို ကြော်ငြာခွင့်လည်း ရခဲ့ကြတာ မဟုတ်ပါဘူး။ ခန်းမတွေ၊ ရုံးခန်းတွေ၊ ဌာနချုပ်တွေရယ်လို့လည်း မရှိခဲ့ကြပါဘူး။ ပဲခူးစံပြတပ်ရင်းထဲမှာ၊ ဒေးဒရဲမြို့နယ်ထဲက ရွာတွေမှာ၊ ဗိုလ်ချုပ်အောင်ဆန်းရဲ့ တာဝါလိမ်းအိမ်ပေါ်မှာ ကြုံသလို ကျသလို ဆွေးနွေးညှိနှိုင်းကြရင်းနဲ့ပဲ ကွန်မြူနစ်ပါတီ၊ ပြည်သူ့အရေးတော်ပုံ (နောင်ဆိုရှယ်လစ်) ပါတီနဲ့ တပ်မတော်တို့ ပူးပေါင်းပါဝင်တဲ့ ဖတပလ အဖွဲ့ချုပ်ကြီးကို ဖွဲ့စည်းပြီး ဂျပန်တော်လှန်ရေးကို အောင်မြင်စွာ ဆင်နွှဲနိုင်ခဲ့တာ ဖြစ်ပါတယ်။ ၁၉၄၆ ခုနှစ်မှာ မဟာမိတ်တွေ ပြန်ဝင်လာပြီးမှ မြန်မာပြည် တပြည်လုံးမှာ ဖဆပလအဖွဲ့ ဆိုင်းဘုတ်တွေ ချိတ်ခွင့်ရလာခဲ့ကြတာဖြစ်ပါတယ်။ ဒါကြောင့် ဆိုင်းဘုတ်ဆိုတာ နိုင်ငံရေးပါတီတရပ်ရဲ့ Logo သာဖြစ်ပါတယ်။ ပါတီဆိုတာက အင်အားစုအသီးသီးကို သင့်လျော်စွာ ဖွဲ့စည်းတည်ဆောက်ပေးထားတဲ့ ခန္ဓာအိမ်မျှသာဖြစ်ပါတယ်။ နိုင်ငံရေးဆိုတာကတော့ ပါတီတရပ် အသက်ဝင်ရှင်သန် လှုပ်ရှားရေးအတွက် အရေးပါဆုံး ဦးနှောက်ဝိညာဉ်ဖြစ်ပါတယ်။

ဒီနေ့ အန်အယ်လ်ဒီပါတီရဲ့ နိုင်ငံရေးဝိညာဉ်ဟာ ‘ရွှေဂုံတိုင်ကြေညာစာတမ်း’ သာဖြစ်ပါတယ်။ ဒီကြေညာစာတမ်းပါ နိုင်ငံရေးရဲ့ သဘောထားတွေကို စွန့်လွှတ်ရင် အန်အယ်လ်ဒီပါတီဟာ ကိုယ့်ပါတီကို သေဒဏ်ချမှတ် ကြိုးပေးသတ်လိုက်သလို ဖြစ်သွားပါလိမ့်မယ်။ ဒီကြေညာစာတမ်းကို စွန့်လွှတ်တာဟာ ၉၀ ပြည့်နှစ် ရလဒ်ကို စွန့်လွှတ်တာဖြစ်လို့ ပြည်သူလူထုကို သစ္စာဖောက်သလို ဖြစ်သွားပါလိမ့်မယ်။ စစ်အာဏာရှင်စနစ် ရာသက်ပန် တည်တံ့ရေးအတွက် တရားဝင် အသိအမှတ်ပြုပေးမယ့် ၂၀၀၈ အခြေခံဥပဒေကို အတည်ပြုပေးသလို ဖြစ်သွားပါလိမ့်မယ်။ ဒေါ်အောင်ဆန်းစုကြည်အပါအ၀င် ဒီမိုကရေစီနဲ့ လူ့အခွင့်အရေးအတွက် ကိုယ်ကျိုးစွန့် တိုက်ပွဲဝင်နေကြတဲ့ အကျဉ်းခံ နိုင်ငံရေးသမား အန်အယ်လ်ဒီပါတီဝင်များ အားလုံးကို စော်ကား၊ ကျောခိုင်းပစ်ရာ ရောက်ပါလိမ့်မယ်။ ရွှေဂုံတိုင်ကြေညာစာတမ်းပါ နိုင်ငံရေးစိတ်ဓာတ် ရှင်သန်နေသမျှ ဆိုင်းဘုတ်ရှိသည်ဖြစ်စေ၊ မရှိသည်ဖြစ်စေ အန်အယ်လ်ဒီပါတီ ဆက်လက်ရှင်သန်နေပါလိမ့်မယ်။ ဆိုင်းဘုတ်ထက် ပါတီက အရေးကြီးသလို ပါတီထက် နိုင်ငံရေးက ပိုအရေးကြီးပါတယ်။ ‘ရွှေဂုံတိုင်ကြေညာစာတမ်း’ ပါ နိုင်ငံရေးစိတ်ဓာတ် ရှင်သန်နေသမျှ ပြည်သူလူထုရင်ထဲက အန်အယ်လ်ဒီဆိုင်းဘုတ်ကို နအဖအနေနဲ့ ဘယ်လိုမှ ဆွဲဖြုတ်ပစ်လို့ ရနိုင်စရာ အကြောင်းမရှိပါဘူး။
http://www.khitpyaing.org/index.php?route=detail&id=594

Irrawaddy-E-Journal vol2.no9

Political Prisoners in Burma - April 2010

Chronology of Political Prisoner in Burma for Apr 2010 Eng

ပိုမိုဖိအားပေးရန်လိုသည်(ဦးဝင်းတင်)

http://burmatoday.net/news2005/2010/201005/100510_bty_bur_U_S_trip.swfNeed More Pressure

ဦးခင်မောင်ဆွေ နှင့်ပတ်သက်သောNLDသဘောထား

http://burmatoday.net/news2005/2010/201005/100510_bty_bur_U_Khin_Mg_Swe.swfukms

အောင်သိန်းလင်းရဲ့ သမီးအကြောင်း တစေ့တစောင်း..

ဂျပန်နိုင်ငံမှာ ပညာတော်သင်ရောက်ရှိနေတဲ့ ရန်ကုန်မြိုတော်ဝန် ဗိုလ်မှုးချုပ်အောင်သိန်းလင်းရဲ့ သမီးအကြောင်း တစေ့တစောင်း..



စစ်အာဏာရှင်နှင့် အဆက်အနွယ်များအား စောင့်ကြည့်ဖော်ထုတ်ရေးအဖွဲ့ မှပေးပို့လာတဲ့ ဂျပန်နိုင်ငံမှာ ပညာတော်သင်ရောက်ရှိနေတဲ့ ရန်ကုန်မြိုတော်ဝန် ဗိုလ်မှုးချုပ်အောင်သိန်းလင်းရဲ့ သမီးအကြောင်း တစေ့တစောင်း.. ကိုရေးသားတင်ပြလိုက်ရပါတယ်။


ပြည်တွင်းမှာ မကြာမှီက ဖွဲ့စည်းခဲ့တဲ့ ပြညိတွင်းက
စစ်အာဏာရှင်နှင့် အဆက်အနွယ်များအား စောင့်ကြည့်ဖော်ထုတ်ရေးအဖွဲ့ မှပေးပို့လာတာကတော့ ရန်ကုန်မြိုတော်ဝန် ဗိုလ်မှုးချုပ်အောင်သိန်းလင်းရဲ့ သမီးမစုမျိုးသွယ်ဟာ ၂၀၀၅ခုနှစ် ကတည်းက မွေးမြူရေးနဲ့ရေလုပ်ငန်းဝန်ကြီးဋ္ဌာန ဝန်ကြီးဗိုလ်ချုပ်မောင်မောင်သိန်း လက်မှတ်နဲ့ ပညာတော်သင် အဖြစ်ရွေးချယ် လွတ်လိုက်ပါတယ်။ တခြားလွတ်သင့် လွှတ်သင့်လွှတ်ထိုက် သွားသင့် သွားထိုက်တဲ့ သူတွေရှိပေမယ့်လည်း... အဖေဖြစ်သူ ရန်ကုန်မြိုတော်ဝန် ဗိုလ်မှုးချုပ်အောင်သိန်းလင်းရဲ့ အရှိန်အဝါနဲ့ မည်သည့်စာမေးပွဲမှ မဖြေရပဲ ဗိုလ်ချုပ်မောင်မောင်သိန်းရဲ့ ထောက်ခံချက်နဲ့ ရောက်ရှိလာပါတယ်။ ဂျပန်နိုင်ငံမှ Asia Youth Fellow ship အဖွဲ့အစည်းအစီအစဉ်နဲ့ ရောက်ရှိလာတာဖြစ်ပြီး... monbu gakagusyuu schlorship အစီအစဉ်နဲ့ပါ။ လစဉ် ဂျပန်ငွေ ယန်း၁၈သောင်း(ဒေါ်လာ၁၉၀၀) ခန့်ထောက်ပံ့ကြေးရရှိပြီး Marine Bioကို အဓိက ဘာသာရပ်အဖြစ်သင်ကြားခဲ့ပါတယ် ။ ဂျပန်နိုင်ငံ တိုကျိုမြို့ ရှိနဂါဝမြို့နယ်ရှိ Tokyo Kaiyo တက္ကသိုလ်မှာ တက်ရောက် ပညာသင်ကြားနေကြောင်း သိရှိရပါတယ်။

၂၀၀၈ခုနှစ်မှာ MSC အောင်မြင်ခဲ့ပါတယ် ယခုလက်ရှိ PHD တက်ရောက်နေပြီး ယခုနှစ်အတွင်းမှာ ကျောင်းပြီးမှာ ဖြစ်ပြီး လက်ရှိလုပ်ကိုင်နေတဲ့ မွေးမြူရေးနဲ့ရေလုပ်ငန်းဝန်ကြီးဋ္ဌာနမှ ပြန်လည်ခေါ်ယူခဲ့တဲ့အတွက် မကြာခင်မှာ ဂျပန်နိုင်ငံက ပြန်လာတော့မှာ ဖြစ်ကြောင်း ပေးပို့လာပါတယ်။ နောက်ထပ် စစ်အစ်ုးရမှ စစ်ဆရာဝန်များအား ရိုးရိုးဆရာဝန် အဖြစ်လိမ်လည် စေလွှတ်တဲ့ ဆရာဝန်များ၊ ကြံ့ခိုင်ဖွံ့ဖြိုးရေး အဖွဲ့မှလူလည်း ပညာတော်သင် အဖြစ်ဂျပန်နိုင်ငံသို့ ရောက်ရှိနေပြီး တစ်ချို့မှာ ပညာသင်ယူပြီး မြန်မာနိုင်ငံသို့ ပြန်လည်ရောက်ရှိနေသူ အများအပြားရှိကြောင်း.... စစ်အာဏာရှင်နှင့် အဆက်အနွယ်များအား စောင့်ကြည့်ဖော်ထုတ်ရေးအဖွဲ့မှ တာဝန်ခံ ကိုမင်းဇိနကဆိုပါတယ်။ ဂျပန်အစိုးရမှ စစ်အာဏာရှင်များ နှင့် ဆက်နွယ်နေသူများ ကြံ့ဖွံ့အဖွဲဝင်များအား တမင်သိလျှက်နဲ့ ခေါ်ယူနေတာလား ဒါမှမဟုတ် စစ်တပ်အသိုင်းအဝိုင်းမှ စေလွှတ်သူများအား မသိ၍ ခေါ်ယူနေတာလားဆိုတာ စုံစမ်းဖော်ထုတ် ပေးစေလိုကြောင်း ကိုမင်းဇိနမှ ရေးသားပေးပို့လာပါတယ်။ ဂျပန်နိုင်ငံမှ ဒီမိုကရေစီ လှုပ်ရှားသူများမှလည်း ဂျပန်အစိုးရသိရှိအောင် ဆောင်ရွက်ပေးစေလိုကြောင်း ရေးသားပေးပို့လာပါတယ်။

ဂျပန်နိုင်ငံမှာ စစ်အာဏာရှင်များနဲ့ နီးစပ်သူများ ပတ်သက် ဆက်နွယ်နေသူများဟာ မကြာခဏ ရောက်ရှိနေပြီး ပညာသင်ကြားလျှက်ရှိပါတယ်။ တကယ့်သာမာန် ပြည်သူဝန်ထမ်းတွေဟာ ပညာတော်သင်ရရှိရေးအတွက် အဆင့်အဆင့်သော စာမေးပွဲများကို ခက်ခက်ခဲခဲ ဖြေဆိုခဲ့ရပြီး အဆုံးမှာတော့ အနည်းငယ်သော သာမာန် အရပ်သားဝန်ထမ်းများမှ အပ အများစုမှာ စစ်အာဏာရှင်တွေနဲ့ နီးစပ်သူများ ကြံ့ဖွတ်အဖွဲ့ဝင်များသာ ရောက်ရှိလာပါတယ်။ တကယ့်အရည်အချင်းရှိတဲ့ သာမာန်ကျောထောက်နောက်ခံ မရှိတဲ့ ဝန်ထမ်းများဟာ မျှော်လင့်ချက် ကင်းမယ့်ရပြီး ရည်မှန်းချက်တွေ ပျောက်ဆုံးနေကြပါတယ်။ စစ်အာဏာရှင်တွေ မတရားအုပ်ချုပ်နေတဲ့ သက်တမ်းမှာ နိုင်ငံရေး၊ စီးပွားရေး ၊လူမှုရေး ၊ အားကစား၊ ပညာရေးတွေ စသည့်တို့ အဘက်ဘက်မှ နိမ့်ကျနေပါတယ်။ အလုံးစုံသော နေရာဋ္ဌာနတွေမှာ လက်ဝါးကြီးအုပ်ထားပြီး အခွင့်အရေးဟူသမျှကို အာဏာရှင်နဲ့ နီးစပ်သူများ ဆွေမျိုးအသိုင်းအဝိုင်းများသာ ရရှိခံစားခွင့်ရကြပါတယ်။

ပေးပို့လာသူ ကိုမင်းဇိနအား ကျေးဇူးတင်ပါသည်။
Generals and their relatives watchers GRW စစ်အာဏာရှင်နှင့် အဆက်အနွယ်များအား စောင့်ကြည့်ဖော်ထုတ်ရေးအဖွဲ့ကို ဆက်သွယ်လိုရင် grwwatchers@gmail.com ကိုဆက်သွယ် နိုင်ကြောင်းရေးသား ပေးပို့လာပါတယ်။

အောက်ဖက်မှာ GRW ကပေးပို့လာတဲ့ ရန်ကုန်မြိုတော်ဝန် ဗိုလ်မှုးချုပ်အောင်သိန်းလင်းရဲ့ သမီးတက်ရောက်နေတဲ့ ကျောင်းနဲ့ ဓာတ်ပုံများထဲမှ တစ်ချို့ကို ကြည့်ရူနိုင်ပါသည်။


http://www.demowaiyan.co.cc/2010/05/blog-post_3485.html

မြိုတော်ဝန် ဗိုလ်မှုးချုပ်အောင်သိန်းလင်းရဲ့ စည်ပင်သာယာဝန်ထမ်းတွေကို ပြောခဲ့တဲ့ သမိုင်းဝင် မိန့်ခွန်းတခု

ခြင်္သေ့နှင့် မနှိုင်းလောက်တဲ့ ကျဖင်ချုပ်အောင်သိန်းလင်း

20/03/2010
Photobucket
၂၀၁၀ ခုနှစ် ရွေးကောက်ပွဲအတွက် စည်ပင်သာယာရေး အရာရှိကြီးများနှင့် ၀န်ထမ်းများအား မဲဆွယ်စည်းရုံးဟောပြောမှုကို ရန်ကုန်မြို့တော်ဝန် ဗိုလ်မှူးချုပ်အောင်သိန်းလင်းမှ ရန်ကုန်မြို့တော်ခန်းမ စည်ပင်သာယာရေးကော်မတီ ရုံးတွင်းတွင် ကျင်းပပြုလုပ်ခဲ့သည်။ ၄င်းမဲဆွယ် စည်းရုံးဟောပြောပွဲတွင် ပြောကြားသွားသော ရန်ကုန်မြို့တော်ဝန် ဗိုလ်မှူးချုပ်အောင်သိန်းလင်း၏ စကားများမှာ အောက်ပါအတိုင်းဖြစ်သည်။

`` ဒီနေ့ စည်ပင်ရုံးမှာ ရှိကြတဲ့ အရာရှိတွေနဲ့ ၀န်ထမ်းအားလုံးကို ကျုပ်ပြောမယ်။ အခုလာမယ့် ရွေးကောက်ပွဲမှာ ဘယ်သူ့ကို မဲထည့်ရမယ်ဆိုတာ သိကြလား´´ (မည်သူမှ မဖြေဆိုပါ) `` ခင်ဗျားတို့ သိကြလား။ ခင်ဗျားတို့အားလုံး ခြင်္သေ့ကို မဲထည့်ရမယ်။ ခြင်္သေ့ကို မဲထည့်မှ ခင်ဗျားတို့၊ ခင်ဗျားတို့ရဲ့ မိန်းမတွေ၊ သားသမီးဆွေမျိုးတွေ ကောင်းစားမယ်။ ဘယ်သူ့ကို ထည့်မှာလဲ ခြင်္သေ့နဲ့ ခွပ်ဒေါင်း ဘယ်သူ့ကို ထည့်မှာလဲ´´ (မည်သူမှ မဖြေဆိုပါ) `` ခင်ဗျားတို့ ခြင်္သေ့နဲ့ ဒေါင်းမှာ ခြင်္သေ့ကိုပဲ မဲထည့်ရမယ်။ မသေမချင်း မှတ်ထားကြပါ။ ဒီရွေးကောက်ပွဲမှာ ခင်ဗျားတို့ ခြင်္သေ့ကို မဲမထည့်လို့ ဟိုကောင်မ နိုင်သွားရင် ခင်ဗျားတို့ ဘာဖြစ်သွားမလဲ သိလား´´ ( ၄င်းမှ အမျိုးသမီးဝန်ထမ်းများကို အစည်းအဝေးခန်းပြင်သို့ ထွက်ခိုင်းသည်။) ထို့နောက် `` ဒေါင်းနိုင်သွားရင် ဒီကို အမေရိကန်ကောင်တွေ ရောက်လာလိမ့်မယ်။ ပြီးရင် ဒီကောင်တွေက အလကားနေကြမှာ မဟုတ်ဘူး။ ခင်ဗျားတို့ မအေတွေ၊ မိန်းမတွေ၊ နှမတွေ၊ သမီးတွေ တက်လုပ်ကြမှာ ခင်ဗျားတို့ အလုပ်ခံချင်ရင် ဒေါင်းကို မဲပေးကြ ကျုပ် တစ်ခုထပ်ပြောမယ်။ ခင်ဗျားတို့ စည်ပင်ကလူတွေအားလုံး ခြင်္သေ့ကို မဲမထည့်ရင် ဘယ်လိုအရေးယူမလဲဆိုတာ တွေ့ရမယ်။ ခင်ဗျားတို့အားလုံး ကျုပ်တို့ကိုပဲ မဲထည့်ကို ထည့်ရမယ်။´´
ဒါကတော့ ရန်ကုန်မြို့တော်ဝန် ဗိုလ်မှူးချုပ်အောင်သိန်းလင်း၏ ၀န်ထမ်းများအား ခြိမ်းခြောက် အကျပ်ကိုင်သော စစ်အာဏာရှင် စကားပင်ဖြစ်ပါသည်။ ၄င်းမှ ထိုသို့စကားပြောကြားနေစဉ်အတွင်း မည်သူတစ်ဦး တစ်ယောက်ကမှ ပြန်လည်ဖြေကြားသံ၊ ရှင်းလင်းတင်ပြသံတို့ကို လုံးဝမကြားရခဲ့ပါဟု အဆိုပါ အစည်းအဝေးကို တတ်ရောက်ခဲ့သော စည်ပင်ဝန်ထမ်းတစ်ဦးမှ ပြောပြခဲ့ပါသည်။ (၄င်း ဗိုလ်မှူးချုပ်အောင်သိန်းလင်း၏ အစည်းအဝေးအတွင်း စကားပြောသံများကို အသံဖမ်းယူပေးခဲ့သော စည်ပင်သာယာအဆောက်အဦးဌာနမှ ၀န်ထမ်းအား အထူးပင်ကျေးဇူးတင်ရှိပါသည်။)
နအဖ အာဏာရှင်လက်အောက်ခံ ဗိုလ်မှူးချုပ်အောင်သိန်းလင်း ပြောဆိုသွားသော စကားများတွင် ( အမေရိကန်များ ၀င်ရောက်လာမည်) ဆိုသောစကားတစ်ခွန်းကြောင့် လွန်ခဲ့သော နှစ်ပေါင်း ၂၅ နှစ်ခန့်က ဖြစ်ရပ်တစ်ခုကို ပြန်လည်သတိရမိပါသည်။ ထိုဖြစ်ရပ်၏ အဓိကဇာတ်ကောင်မှာ အခြားသူမဟုတ်ပါ။ ကျွန်တော်တို့ မြန်မာပြည်ကြီး လွတ်လပ်ရေးရအောင် ကိုယ်ကျိုးစွန့် ဆောင်ရွက်ပေးခဲ့သော လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ သားကြီး ဦးအောင်ဆန်းဦး၏ ဇနီး ဒေါ်လဲ့လဲ့နွယ်သိန်း ဖြစ်ပါသည်။ ဒေါ်လဲ့လဲ့နွယ်သိန်းသည် လွန်ခဲ့သော ၂၅ နှစ်ခန့်က အမေရိကန်နိုင်ငံသို့ အလွန်သွားရောက်ချင်သဖြင့် နည်းအမျိုးမျိုးဖြင့် ကြိုးစားခဲ့သူတစ်ယောက် ဖြစ်သည်။ ဒေါ်လဲ့လဲ့နွယ်သိန်းသည် အမေရိကန်နိုင်ငံသို့ သွားရောက်နေထိုင်နိုင်ရန်အတွက် နည်းမျိုးစုံ ဖြင့် ကြိုးပမ်းခဲ့သည်။
နောက်ဆုံးတွင် ရန်ကုန်၊ တက္ကသိုလ်ရိပ်သာလမ်း ရုပ်ရှင်သရုပ်ဆောင် ဒေါ်ဝါ၀ါဝင်းရွှေ၏ အိမ်အနီးနားတွင် နေထိုင်သော အသက် (၅၀) ခန့် အမေရိကန်လူမျိုး မုဆိုးဖိုကြီးအား သိမ်းသွင်း စည်းရုံးပြီး လက်ထပ်စာချုပ်တွင် တရားဝင်လက်မှတ်ရေးထိုး ပေါင်းသင်းခဲ့သည်။ ထိုလက်ထပ်စာချုပ် အားကိုးဖြင့် အမေရိကန်နိုင်ငံသို့ သွားရောက်နေထိုင်နိုင်ရန်အတွက် အသုံးချခဲ့ပါသည်။ ၄င်းအကြောင်း အရာများသည် ဦးအောင်ဆန်းဦးနှင့် မပေါင်းသင်းမီ အချိန်ကဖြစ်ပါသည်။ ယခုအခါမှာ ဒေါ်လဲ့လဲ့နွယ်သိန်းသည် လက်ရှိမြန်မာ့နိုင်ငံရေး လောက၏ မိခင်ဟု အသိအမှတ် ပြုခံထားရသော ၄င်း၏ ယောက်မတော်စပ်သူ ဒေါ်အောင်ဆန်းစုကြည်အား နအဖ စစ်အစိုးရ၏ အားကိုးဖြင့် နည်းမျိုးစုံ နှောက်ယှက်၊ တိုက်ခိုက်နေသည်မှာ ယနေ့အထိပင် ဖြစ်ပါသည်။ နအဖ စစ်အစိုးရနှင့် စစ်အစိုးရ၏ လက်ကိုင်တုတ်ဖြစ် အသုံးချနေကြသောသူများမှာ တကယ့် တကယ်တမ်းတွင် နိုင်ငံခြားသား အမေရိကန်လူမျိုးများအား အထင်တကြီး အားကိုးယုံကြည် အောက်ကျို့နေကြသော လူ့ပြိတ္တာ၊ လူ့ငရဲသားများသာလျှင် ဖြစ်တော့သည်။
နအဖ စစ်အစိုးရ၏ လက်ကိုင်တုတ်တစ်ချောင်းဖြစ်သော ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်း ပြောဆိုခဲ့သော စကားများမှာ တကယ့် တကယ်တမ်းလက်တွေ့တွင် ဇာတိဂုဏ် မျိုးချစ်စိတ်ဓါတ် ရှိသယောင်ဖြင့် နအဖ စစ်အစိုးရ ဆက်လက်အာဏာရရှိရေးအတွက် ခြိမ်းခြောက် ပြောဆိုစည်းရုံးနေခြင်းပင် ဖြစ်ပါတော့သည်။

(ယခု သတင်းအားရရှိအောင် ၀ိုင်းဝန်းပံ့ပိုးပေးကြသော ရန်ကုန်မြို့တော် စည်ပင်သာယာရေးမှ ၀န်ထမ်းများနှင့် ရန်ကုန်သတင်း အသိုင်းအ၀ိုင်းအား အထူးကျေးဇူးတင်ရှိပါသည်။)
http://www.wanna23.com/2010/03/blog-post_8617.html

(မဒတ)နှစ်ပတ်လည်နေ့ ထုတ်ပြန်ကြေညာချက်

NDF 34 Anny St _Bur_

လူထုလှုပ်ရှားမှု

5.5.10 နေ့ ကအဘဦးဝင်းတင်နဲ့  other sideအပါအ၀င်အင်အားစုတော်တော်များများအစည်းအဝေးလုပ်ဖြစ်တယ်။အဲဒီအစည်

းအဝေးမှာအဘဦးဝင်းတင်ပြောတဲ့ လူထုကိုအခြေပြုတဲ့ နိုင်ငံရေးရဲ့ ပထမခြေလှမ်းအဖြစ်လက်မှတ်ထိုးတဲ လှုပ်ရှားမှု စတင်ဖို့ အတွက်ဆွေးနွေးကြပါတယ်။အဲဒီကန်ပိန်းကိုအဘဦးဝင်းတင်ကဦးဆောင်ပြီးတော ရန်ကုန်အပါအ၀င်နယ် 7 နယ်ကအင်အားစုများကပါဝင်ဆောင်ရွက်ပေးမှာဖြစ်ပါတယ်။လှုပ်ရှားမှုကာလကို 7.5.10 ကနေစပြီး 7.7.10 (7 ဇူလိုင်နေ့ )အထိသုံးလတာသတ်မှတ်ထားပါတယ်။လှုပ်ရှားမှုစတင်တဲ့  7.5.10 နေ့ မှာပဲလက်မှတ်ပေါင်းသုံးရာကျော်ရရှိခဲ့ ပါတယ်။လှုပ်ရှားမှုရဲ့ ရည်ရွယ်ချက်ကအချက်ခြောက်ချက်ရှိပါတယ်။
၁။ဒေါ်အောင်ဆန်းစုကြည်၊ဦးခွန်ထွန်းဦးနဲ့ မတရားဖမ်းဆီးခံထားရသောကျောင်းသားများအပါအ၀င်နိုင်ငံရေးအကျဉ်းသားများချွင်းချက်မရှိအမြန်ဆုံးပြန်လည်လွှတ်ပေးရန်
၂။2008 ဖွဲ့ စည်းပုံအခြေခံဥပဒေကိုပြန်လည်ပြင်ဆင်ပေးရန်
၃။2010ရွေးကောက်ပွဲဥပဒေကိုပြန်
လည်ပြင်ဆင်ပေးရန်
၎။1990 ရွေးကောက်ပွဲရလဒ်ကိုအသိအမှတ်ပြု
ပေးရန်
၅။1990ရွေးကောက်ပွဲရလဒ်အရပေါ်ထွ
န်းလာသောပြည်သူ့ လွှတ်တော်များအားလုပ်ပိုင်ခွင့် များအပ်နှင်းရန် ၆။NLD ပါတီကိုတရားဝင်ရပ်တည်ခွင့် ပေးရန်
တို့ ပဲဖြစ်ပါတယ်။
ရရှိလာတဲ့ လက်မှတ်များကိုဘယ်ကိုမှတင်ပြမှာမဟုတ်ပဲလှုပ်ရှားမှုကိုဦးဆောင်တဲ့ အဘဦးဝင်းတင်အပါအ၀င်အဖွဲ့ ဝင်များကသိမ်းထားမှာဖြစ်ပြီးတော့ မကြာခဏအနေနဲ့ မီဒီယာကနေတဆင်းဘယ်ရွေ့ ဘယ်မျှရရှိကြောင်းကြေငြာပြီးနအဖ ကိုမပြတ်သတိပေးသွားမှာဖြစ်ပါတယ်။ဒီလှုပ်ရှားမှုကိုဦးဆောင်ပါဝင်တဲ့ အဖွဲ့ များကတော့  NLD လူငယ်များ၊youth 109 ၊2007မျိုးဆက်ကျောင်းသားများ(ရန်ကုန်)နဲ့ အခြားဒီမိုကရေစီရေးဆောင်ရွက်နေသူပြည်သူအများပါဝင်ပါတယ်။အဖွဲ့ နာမည်ကိုတော့ ရွှေဝါရောင်မျိုးဆက်ဒီမိုကရေစီလိုလားသူများလို့ ပေးထားပါတယ်။

ရွှေနန္ဒ

Press Release by Kurt Campbell/Yangon Trip Record/with DASSK

ရန်ကုန်မေ ၁၀။
အမေရိကန် လက်ထောက်နိုင်ငံခြားရေးဝန်ကြီး ကာ့တ် ကမ့်ပ်ဘဲလ်က သူ၏ နှစ်ရက်ကြာ ခရီးစဉ်အပြီး ရန်ကုန်မြို့မှ မထွက်ခွာခင် ထုတ်ပြန်ခဲ့သော ကြေငြာချက်တွင် အဓိကကျသောအတိုက်အခံ ခေါင်းဆောင် များနှင့် ညှိနှိုင်းမှု မရှိပဲ တရားမျှတမှုမရှိသော ရွေးကောက်ပွဲကို ကျင်းပရန် ဦးတည်ခဲ့မှုအတွက် ပြစ်တင် ဝေဖန် သွားခဲ့ပါသည်။


http://ifile.it/hy3ogn0