Tuesday, May 11, 2010

11 May 2010 ဒိုင်ယာရီ

11 may 2010 yeyintnge Diary.doc 3.433 MB
11 may 2010 yeyintnge Diary.xps 3.642 MB
11 may 2010 yeyintnge Diary.pdf 1.230 MB

11 May 2010 Yeyintnge Diary

“ခေါင်းဆောင်ကောင်း၏ ဦးဆောင်မှုနှင့် ပြည်သူလူထု၏ အခန်းကဏ္ဍ”

စိုးနေလင်း
Tuesday, May 11, 2010


လူထုခေါင်းဆောင် ဒေါ်အောင်းဆန်းစုကြည်ကတော့ သူမရဲ့ ယုံကြည်တွေးမြင်မှုတခုကို ပြည်သူလူထုနဲ့ ဒီမိုကရေစီရေး လှုပ်ရှား ဆောင်ရွက်သူတွေကို ဖော်ထုတ်ပြောဆိုလိုက်ပြန်ပါပြီ။” ၂ဝဝ၈ ခုနှစ် ဖွဲ့စည်းပုံအခြေခံဥပဒေကို ပြည်သူလူထုက ဘာမှသိမြင်နားလည် မှုမရှိဘဲ ၂ဝ၁ဝ ခုနှစ် ရွေးကောက်ပွဲမှာ မဲပေးဖို့ဆိုတာ ဘာမှအဓိပါယ်ရှိမှာမဟုတ်ဘူး” ဆိုတဲ့ မှန်ကန်တဲ့ တွေးမြင်ယူဆချက်တခုကို အ ချိန်ကိုက်ပြောဆိုလိုက်တာပဲ ဖြစ်ပါတယ်။ သူမရဲ့ဖခင်လည်းဖြစ် မြန်မာနိုင်ငံရဲ့ လွတ်လပ်ရေး ဖခင်လည်းဖြစ်တဲ့ ဗိုလ်ချုပ်အောင်ဆန်း က “ခေါင်းဆောင်လုပ်တဲ့သူတွေဟာ ယုံကြည်တဲ့ကိစ္စကို တိုင်းသူပြည်သားတွေကို ပြောရဲရမယ်။” လို့ တခါက ပြောခဲ့ဖူးပါတယ်။ အ လွန်မှန်ကန်တဲ့ ပြောဆိုလမ်းညွှန်မှုပါပဲ။ ပြည်သူလူထုကိုဦးဆောင်တဲ့ ခေါင်းဆောင်တယောက်ဟာ သူ့ရဲ့ တွေးမြင်ယုံကြည်မှုကို တိုင်း ပြည်ကို တိုင်းသူပြည်သားတွေကို ရဲရဲတင်းတင်းချပြရဲ ပြောရဲရပါမယ်။ အကြောင်းအရာတရပ်ပေါ်မှာ ဒါကိုမှန်တယ်လို့ ယုံကြည်တယ်။ ဒါကိုတော့မှားတယ်လို့ ယုံကြည်တယ်ဆိုပြီး ပြတ်သားတဲ့ သူရဲ့သဘောထားအယူအဆကို ခိုင်ခိုင်မာမာနဲ့ ရဲရဲတင်းတင်း ပြောဆိုရဲရပါ မယ်။

ပြည်သူလူထုအနေနဲ့ သိမြင်နားလည်ဖို့ အခက်အခဲရှိတဲ့ အသေအချာဝေဖန်သုံးသပ်ဖို့ မလွယ်ကူတဲ့ အကြောင်းအရာ အဖြစ်အပျက် တွေမှာ ရှင်းရှင်းလင်းလင်း ပီပီပြင်ပြင်ရှိတဲ့ သုံးသပ်ဝေဖန်မှု၊ အကြံပြုမှု ဆုံးဖြတ်ပေးမှုတွေ လိုအပ်ပါလိမ့်မယ်။ လူတဦးချင်းစီအနေနဲ့ ကိုယ်ကိုယ်တိုင်က ရေရေရာရာ သိမြင်နားလည်မှု မရှိတဲ့အကြောင်းအရာတခုကို ကိုင်တွယ်ဆောင်ရွက်ဖို့ သူတို့ရဲ့ရပ်တည်ချက်ကို ပြတ်ပြတ်သားသားဖော်ထုတ် ပြောဆိုဖို့မဖြစ်နိုင်သလောက်ပါပဲ။အမှန်အမှားကို ကောင်းကျိုးဆိုးပြစ်ကို ရှင်းရှင်းလင်းလင်းသိမြင်တော့ မှ ဒါဆို ဘယ်ဘက်ကရပ်တည်မယ်ဆိုတာကို အဆုံးအဖြတ်ပြုနိုင်မှာ ဖြစ်ပါတယ်။ ခုဖြစ်ရပ်မှာ စဉ်းစားရမှာက စစ်အစိုးရရဲ့ ၂ဝဝ၈ ဖွဲ့ စည်းပုံအခြေခံဥပဒေနဲ့ ၂ဝ၁ဝ မှာကျင်းပပေးမယ်ဆိုတဲ့ ရွေးကောက်ပွဲပါ။

စစ်အစိုးရဟာ သူတို့စစ်အာဏာရှင်စနစ်နဲ့ တိုင်းပြည်ကို ခိုင်အမာအုပ်ချုပ်နိုင်ဖို့၊ စစ်အာဏာရှင်စနစ် ရေရှည်တည်တန့်ပြီး သူတို့ရဲ့ အာ ဏာနဲ့ စည်းစိမ်ဥစ္စာ တည်မြဲရေးအတွက် ၁၉၉၃ ခုနှစ်ကတည်းကစပြီး အမျိုးသားညီလာခံလို့ခေါ်တဲ့ ညီလာခံအတုအယောင်ကြီးကို ကျင်းပပြီး ဟန်ပြဆွေးနွေး ဟန်ပြအချက်အလက် ရယူပြခဲ့ကြပါတယ်။ ဒီညီလာခံကတော့ ဒီမိုကရေစီ အခြေခံမကျတော့ဘူး မှားယွင်း ဖောက်ပြန်နေပြီလို့ သိလာတဲ့အတွက် အမျိုးသားဒီမိုကရေစီအဖွဲ့ချုပ်က ပြုပြင်ပြောင်းလဲပေးဖို့ တောင်းဆိုလာတာကိုလည်းလုံးဝ အ လေးမထားဘဲ ပြန်မပြောနားမထောင် လုပ်နေခဲ့တဲ့အတွက် အမျိုးသားဒီမိုကရေစီအဖွဲ့ဟာ ညီလာခံက နှုတ်ထွက်ခဲ့ရပါတယ်။ တခြား ညီလာခံ ကိုယ်စလှယ်တွေရဲ့ ပြောဆိုတင်ပြမှုတွေ၊ တိုင်းရင်းသားလူမျိုးစု အဖွဲ့အစည်းတွေ ပါတီတွေရဲ့ ကိုယ်စလှယ်တွေရဲ့ တင်ပြ တောင်းဆိုမှုတွေကိုလည်း ဂရုမစိုက်ခဲ့ဘဲ သူတို့ထည့်သွင်းချင်တဲ့ အချက်အလက်တွေကို သူတို့စိတ်ကြိုက် ရွေးချယ်ထားတဲ့ လက်ကိုင် တုတ်ကိုယ်စလှယ်တွေ အင်အားကိုအသုံးပြုပြီး စစ်အာဏာရှင်စနစ် အခြေပြု ဖွဲ့စည်းပုံအခြေခံဥပဒေကို ရေးဆွဲခဲ့ပါတယ်။ ဒါပေမယ့် အဲဒီ ဖွဲ့စည်းပုံအခြေခံဥပဒေကို ပြည်သူလူထုတွေ လေ့လာဖတ်ရှုလို့မရနိုင်အောင် ရည်ရွယ်ချက်ရှိရှိ လုပ်ထားခဲ့ပါတယ်။ ဒါကြောင့် သာမန်အခြေခံ ပြည်သူလူထုကြီးတရပ်လုံးဟာ၂ဝဝ၈ ဖွဲ့စည်းပုံအခြေခံဥပဒေကို ပြည်လုံးကျွတ်ဆန္ဒခံယူပွဲဆိုပြီး အတုအယောင် ဆန္ဒခံ ယူပွဲကျင်းပခဲ့တဲ့အချိန်အထိ ဒီဥပဒေဟာ ဘယ်လိုဥပဒေဆိုတာကို မသိခဲ့ကြပါဘူး။ စစ်အစိုးရက ပြည်လုံးကျွတ်ဆန္ဒခံယူပွဲကျင်းပခဲ့တဲ့ အချိန်ကလည်း ပြည်သူလူထုအများစုကြီး နာဂစ်ဆိုင်ကလုံးမုန်တိုင်းကြီးရဲ့ ဒဏ်ကြောင့်အတိဒုက္ခ အကြီးအကျယ်ခံစားနေရတဲ့ အချိန်၊ စားဝတ်နေရေးကလွဲလို့ ဘာမှထည့်မစဉ်းစားနိုင်လောက်အောင် စိတ်ရောကိုယ်ပါ ဆင်းရဲပင်ပမ်းနေတဲ့ အချိန်ပါ။ အဲဒီအချိန်ကို စစ်အ စိုးရက တမင်ရည်ရွယ်ချက်ရှိရှိ ရွေးချယ်လိုက်တာပါ။ ပြည်သူလူထုကိုရော နိုင်ငံတကာကိုပါ ရောကြောင်ပေါကြောင် လုပ်ပြီး ၂ဝဝ၈ အခြေခံဥပဒေကို ပြဋ္ဌာန်းပစ်လိုက်တာပဲဖြစ်ပါတယ်။၂ဝဝ၈ ခုနှစ်အခြေခံဥပဒေနဲ့ပတ်သက်လို့ ဘာမှမသိသလောက်ဖြစ်နေတဲ့ ပြည်သူ လူထုကြီးဟာ အဲဒီအခြေခံဥပဒေကို အခြေခံဥပဒေကို အခြေခံကျင်းပမယ့် ၂ဝ၁ဝ ခုနှစ်ရွေးကောက်ပွဲမှာ ဘယ်လိုမဲပေးကြရမှာပါလဲ။ ဘာကိုမဲပေးကြရမှာပါလဲ။ ရှင်းပါတယ် ဘာမှအဓိပါယ်မရှိပါဘူး။

၂ဝ၁ဝ ခုနှစ် ရွေးကောက်ပွဲနဲ့ပတ်သက်ပြီးပြောရရင်တော့ အဲဒီရွေးကောက်ပွဲဟာ ပြည်သူလူထုကြီးတရပ်လုံးရဲ့ ဆန့်ကျင်အုံကြွတောင်း ဆိုမှုကြောင့် ဖြစ်ပေါ်လာတဲ့ ၁၉၉ဝ ခုနှစ် ရွေးကောက်ပွဲရဲ့ ရလဒ်တွေကို၊ ၁၉၈၈ ခုနှစ် လူထုဒီမိုကရေစီ အရေးတော်ပုံကြီးရဲ့ အောင် သီးအောင်ပွင့်တွေကို အပြီးသတ်ဖယ်ရှားရှင်းလင်းပစ်ဖို့၊ စစ်အာဏာရှင်စနစ်နဲ့ တရားဝင်ပြည်သူလူထုကို တသက်လုံးကျွန်ပြုအုပ်ချုပ် သွားနိုင်ဖို့ကျင်းပမယ့် ရွေးကောက်ပွဲဖြစ်ပါတယ်။ မြန်မာနိုင်ငံစစ်အစိုးရအကြောင်းနဲ့ စစ်အစိုးရရဲ့ဇာတိရုပ်ကို သိပ်မသိကြသေးတဲ့ နိုင်ငံ တကာကပါ စစ်အစိုးရထုတ်ပြန်လိုက်တဲ့ရွေးကောက်ပွဲဆိုင်ရာ ဥပဒေတွေအရ ဒါဟာတော့ အမျိုးသားပြန်လည်သင့်မြတ်ရေးနဲ့ ဒီမိုက ရေစီ နိုင်ငံတခု တည်ဆောက်ရေးကို ဖြစ်စေနိုင်တဲ့ ရွေးကောက်ပွဲမဖြစ်နိုင်ဘူးလို့ ဝေဖန်ထောက်ပြပြောဆို နေကြပါပြီ။ ဒါပေမယ့် စစ် အစိုးရကတော့ သူတို့ရဲ့ အာဏာကုလားထိုင်ကို ထိပါးယိမ်းယိုင်သွားအောင် မလုပ်နိုင်တဲ့ ဘယ်လိုဝေဖန်ပြစ်တင်မှု တောင်းဆို တိုက် တွန်းမှုကိုမှ အလေးထားတုန့်ပြန်ဆောင်ရွက်ပေးခဲ့တာမျိုး ဘယ်တုံးကမှ မရှိခဲ့ပါဘူး။

ကျနော်တို့ မြန်မာနိုင်ငံက ပြည်သူလူထုကို ဒီမိုကရေစီပန်းတိုင်ဆီ ဦးဆောင်ခေါ်ယူသွားဖို့ ၁၉၉ဝ ခုနှစ် ရွေးကောက်ပွဲမှာ ပြည်သူ လူထုက ယုံကြည်အပ်နှံရွေးချယ်လို့ အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားပါတီတွေမှာ တာဝန်ရှိပါတယ်။ ပြည်သူ လူထုကိုအောင်ပွဲရှိရာ ရဲရဲရင့်ရင့် ဦးဆောင်လမ်းပြပေးရမှာဖြစ်ပါတယ်။ ပြည်သူလူထုရဲ့ နောက်လိုက်လုပ်နေဖို့ မဟုတ်ပါဘူး။ မှန်ကန် တိကျ၊ ရဲရင့်ပြတ်သားတဲ့ဆုံးဖြတ်ချက်တွေနဲ့ ပြည်သူလူထုရှေ့က မားမားမတ်မတ်ရပ်တည်ပြီး စစ်အာဏာရှင်စနစ် ရဲ့ဖိနှိပ်ညှင်းပမ်းမှု တွေကို ဆန့်ကျင်ချေဖျက် တန်ပြန်ထိုးနှက်တိုက်ခိုက်ကြရမှာ ဖြစ်ပါတယ်။ ပြည်သူလူထုအနေနဲ့ကလည်း အင်အားကြီးမား ရက်စက် ယုတ်မာတဲ့ စစ်အစိုးရကို တိုက်ခိုက်ခြေမှုန်းနိုင်ဖို့ မိမိတို့ရဲ့စည်းလုံးညီညွတ်မှု တခဲနက် ပူးပေါင်းပါဝင်ဆောင်ရွက်မှုတွေကို ခေါင်း ဆောင်ကောင်း အဖွဲ့အစည်းကောင်းတွေကို တာဝန်သိသိပေးအပ်ပြီး ဦးဆောင်မှုနောက်မှာ ရဲရဲတင်းတင်းလိုက်ပါပြီး ကျရာတာဝန်တွေ ကို အကောင်းဆုံး ထမ်းဆောင်သွားကြရမှာ ဖြစ်ပါတယ်။

၂ဝဝ၈ ဖွဲ့စည်းပုံ အခြေခံဥပဒေဟာ တိုင်းပြည် ကိုတိုင်းပြည်ကို စစ်အာဏာရှင်တွေ စဉ်ဆက်အုပ်ချုပ်သွားဖို့ ရည်ရွယ်ရေးဆွဲထားတဲ့ ဥပဒေဖြစ်တယ်။ ၂ဝ၁ဝ ခုနှစ် ရွေးကောက်ပွဲဆိုတာဟာ ၁၉၉ဝ ခုနှစ် ရွေးကောက်ပွဲရလဒ်ကို အပြီးသတ်ဖယ်ရှားပစ်ပြီး စစ်အာဏာရှင်စနစ်နဲ့ ပြည်သူ လူထုကို တရားဝင်အုပ်ချုပ်သွားဖို့ ရည်ရွယ်ကျင်းပမှာဖြစ်တယ်ဆိုတာကို ပြည်သူလူထုကြီးတရပ်လုံး နားလည်သဘောပေါက်သွား အောင် ကြိုးစားအားထုတ်ပေးဖို့ ကျနော်တို့မှာ တာဝန်ရှိပါတယ်။

၂ဝဝ၈ စစ်ဖွဲ့စည်းပုံအခြေခံဥပဒေနဲ့ ၂ဝ၁ဝ ခုနှစ်ရွေးကောက်ပွဲကို ပြည်သူလူထုကြီးတရပ်လုံး ဝိုင်းဝန်းဆန့်ကျင် တိုက်ဖျက်ကြ။ ။

စိုးနေလင်း


http://www.naytthit.com/articals/2010/may10/snl-may11.html

ငြိမ်းချမ်းမှုကို ဖိနှိပ်ချေမှုန်းရေးဖြင့် မရယူနိုင်

တူမောင်ညို | အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၅ နာရီ ၀၅ မိနစ်


“ယခုအခါ ပြည်ထောင်စု နိုင်ငံတော်ကြီးတွင် ဘယ်ခေတ်အခါကနှင့်မျှ မတူသော တိုင်းရင်းသား စည်းလုံးညီညွတ်ရေးကို ရရှိနေပြီ ဖြစ်ပါသည်”

ဒီဝါကျက (နအဖ) စစ်အစိုးရတာဝန်ရှိသူတွေ၊ သတင်းစာဆောင်းပါးရှင်တွေ ပြောလေ့ရေးလေ့ရှိတဲ့ ဖြီးလုံးလှိမ့်လုံးတခုပါပဲ။

ဘယ်လိုပဲ ရေးပါစေ ပြောပါစေ၊ စစ်အုပ်စုအနေနဲ့ ပိုင်နိုင်စွာ ကိုင်တွယ်နိုင်တဲ့ ကိစ္စနဲ့ မကိုင်တွယ်နိုင်တဲ့ ကိစ္စတွေတော့ ရှိနေတာပါပဲ။

ဗိုလ်ချုပ်ကြီးသိန်းစိန်ပါ ၂၇ ဦးကို “ဗိုလ်” ကနေ “ဦး” ပြောင်းပြီး၊ “ပြည်ထောင်စု ကြံ့ခိုင်ဖွံ့ဖြိုးရေးအသင်း” ကို “ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ” လို့ အလွယ်တကူ ပြောင်းလဲပစ်ခဲ့ပါတယ်။ သူတို့လက်ခုပ်ထဲက ရေမို့ မှောက်လိုက မှောက်၊ လှန်လိုက လှန်ပါပဲ။ ငှက်ပျောသီး အခွံနွှာစားရတာကမှ ခက်ကောင်း ခက်နေမလားပါပဲ။

ဒါပေမဲ့ အပစ်ရပ် တိုင်းရင်းသား ၁၇ ဖွဲ့ကို နယ်ခြားစောင့်တပ် BGF အဖြစ် ပြောင်းလဲရာမှာ ဗိုလ်ချုပ်ကြီးသိန်းစိန်တို့ အုပ်စုကို ''ဦး'' ပြောင်းရသလို၊ ကြံ့ဖွံ့ကို လူမှုရေး “အသင်း” အဖြစ်ကနေ နိုင်ငံရေး “ပါတီ” အဖြစ် အသွင်ပြောင်းရသလိုမျိုးတော့ မလွယ်ကူလှပါဘူး။

စစ်ဖက်ဆိုင်ရာ လုံခြုံရေးအကြီးအကဲ ဒုဗိုလ်ချုပ်ကြီးရဲမြင့်ဟာ အပစ်ရပ်အဖွဲ့တွေကို BGF အဖြစ် ပြောင်းလဲဖွဲ့စည်းဖို့ ရက်စွဲတွေ သတ်မှတ်ပြီး ရာဇသံတွေ ဆင့်ကာဆက်ကာ ပေးခဲ့တာပါ။ ဒါပေမဲ့ သူ့ရာဇသံတွေဟာ သင်္ကြန်အမြောက်ပဲ ဖြစ်တယ်ဆိုတာ အားလုံးက ကြားခဲ့ကြပါတယ်။

အဓိကကျတဲ့ အင်အားကောင်း အပစ်ရပ်အဖွဲ့ “ဝ” ပြည် အမျိုးသား သွေးစည်းညီညွတ်ရေးပါတီ UWSP ၊ ကချင်လွတ်မြောက်ရေးအဖွဲ့ KIO နဲ့ မွန်ပြည်သစ်ပါတီ NMSP တို့ကို နယ်ခြားစောင့်တပ် BGF အဖြစ် ပြောင်းလဲမပစ်နိုင်ခဲ့ပါဘူး။

စစ်အစိုးရအနေနဲ့ ဘယ်လောက်ပဲ လေလုံးထွားပါစေ၊ အပစ်ရပ် ၁၇ ဖွဲ့မှာ အဖွဲ့ငယ် ၃ ဖွဲ့ကိုပဲ BGF အဖြစ် ပြောင်းလဲနိုင်ခဲ့တာပါ။ အဲဒီအဖွဲ့တွေက ကချင်ပြည်နယ် အထူးဒေသ (၁) (NDA-K) ၊ ကယားပြည်နယ် အထူးဒေသ (၁) (ကလလတ) နဲ့ ရှမ်းပြည်နယ် (မြောက်ပိုင်း) အထူးဒေသ (၁) (ကိုးကန့်အဖွဲ့) တို့ပဲ ဖြစ်ပါတယ်။ (တိုင်းရင်းသားအဖွဲ့ကြီး ၁၇ ဖွဲ့နဲ့ ငြိမ်းချမ်းရေး တည်ဆောက်နိုင်ခဲ့တယ်လို့ စစ်အစိုးရက ဝါဒဖြန့်နေပေမယ့်၊ အဲဒီအထဲမှာ အပစ်ရပ်ပြီး လအနည်းငယ်မှာ အပစ်ရပ်ပျက်ပြားသွားတဲ့ ကရင်နီတိုးတက်ရေးပါတီ KNPP နဲ့ ဘိန်းဘုရင် ခွန်ဆာရဲ့ MTA အဖွဲ့ကိုပါ ထည့်သွင်းဖော်ပြထားတာပါ။)

ချုပ်လိုက်တော့ အင်အားကောင်းပြီး အဓိကကျတဲ့ အပစ်ရပ်အဖွဲ့တွေနဲ့ ပြေလည်မှုမရဘူးဆိုတာ ထင်ရှားပါတယ်။ ဆောင်းပါးအစမှာ ဖော်ပြခဲ့သလို “ဘယ်ခေတ်အခါကနှင့်မျှ မတူသော တိုင်းရင်းသား စည်းလုံးညီညွတ်ရေးကို ရရှိနေပြီ” ဆိုတာ ဖြီးလုံးလှိမ့်လုံးတခုပဲ ဖြစ်တယ်ဆိုတာ ပေါ်လွင်လှပါတယ်။

ဒီလ ၈-၉ ရက်နေ့ထုတ် စစ်အစိုးရ မြန်မာ့အလင်းသတင်းစာထဲက ''ချစ်ခြင်းမေတ္တာကို အကြမ်းမဖက်ပါနနဲ့'' ဆောင်းပါးမှာ အပစ်ရပ်အဖွဲ့တွေရဲ့ အနာဂတ်နဲ့ပတ်သက်ပြီး စစ်အစိုးရရဲ့ သဘောထားအနှစ်ချုပ်ကို ဆောင်းပါးရှင် ငါးမင်းဆွေက “တိုင်းရင်းသား လက်နက်ကိုင် အဖွဲ့တို့အနေဖြင့် အပြီးအပိုင် လက်နက်စွန့်လွှတ်ပြီး မိမိအကျိုး၊ နိုင်ငံနှင့် လူမျိုးအကျိုးအတွက် စီးပွားရေး လုပ်ငန်းများ လုပ်ချင်လုပ်ကြပါ။ ဒါမှမဟုတ် အများအကျိုးသက်သက်ဖြစ်သော လူမှုရေးလုပ်ငန်းများ လုပ်ချင်လျှင်လည်း လုပ်ကြပါ။ ဒါမှမဟုတ် မိမိတို့ ကိုင်စွဲထားသော လက်နက်များဖြင့် နိုင်ငံတော်ကြီးကို ကာကွယ်စောင့်ရှောက်နိုင်ရန် နယ်ခြားစောင့်တပ် ဖွဲ့စည်းကြပါ” ဆိုပြီး ထင်ဟပ်ဖော်ပြထားပါတယ်။

ဆောင်းပါးအာဘော်က ဝေ့လည်ကြောင်ပတ် ဖြစ်နေပေမယ့် အပစ်ရပ်တိုင်းရင်းသားတွေအပေါ် စစ်အစိုးရက ထားရှိတဲ့ သဘောထားအမှန်ကတော့ …

- အကြွင်းမဲ့ လက်နက်ချရမယ်။
- စီးပွားရေးလုပ်ချင်ရင် လုပ်နိုင်တယ်၊ လူမှုရေးလုပ်ချင်ရင် လုပ်နိုင်တယ်။ ဒါမှမဟုတ်ရင်
- နယ်ခြားစောင့်တပ်ဖွဲ့အဖြစ် ပြောင်းလဲရမယ် .. ဆိုတာတွေပါပဲ။

ပြည်ထောင်စု ရွေးကောက်ပွဲကော်မရှင်မှာ နိုင်ငံရေးပါတီအဖြစ် မှတ်ပုံတင်လျှောက်ထားပြီး နိုင်ငံရေးလုပ်ဖုိ့တော့ တလုံးတပါဒမျှ တိုက်တွန်းထားတာမျိုး မရှိပါဘူး။

ဒါတွေကြောင့်လည်း တိုင်းရင်းသား စည်းလုံးညီညွတ်ရေး၊ ပြည်တွင်းငြိမ်းချမ်းရေးအတွက် စစ်အစိုးရ အလိုကျ လိုက်ပါကရတဲ့ အခြေအနေမျိုး မရှိသေးပါ။ တိုင်းရင်းသားလူမျိုးများ တန်းတူအခွင့်အရေး ရရှိရေးအတွက် တောက်လောင်ခဲ့ကြတဲ့ ပြည်တွင်းစစ်မီးကို ငြှိမ်းသတ်နိုင်ဖို့ တွေ့ဆုံဆွေးနွေး အဖြေရှာရေး အစီအစဉ်တွေကလည်း ယောင်ယောင်လေးမျှ မတွေ့ရသေးပါ။

၁၉၄၈-၁၉၆ဝ (ဖဆပလ/အိမ်စောင့်/ပထစ) ခေတ်၊ ၁၉၆၂ - ၁၉၈၈ (တော်လှန်ရေးကောင်စီ/မဆလ) ခေတ်၊ ၁၉၈၈ မှ ကနေ့အထိ (နဝတ-နအဖ) ခေတ် စတဲ့ ခေတ်အဆက်ဆက်မှာ ပြည်တွင်းစစ် ရပ်စဲပြီး ပြည်တွင်းငြိမ်းချမ်းရေး မတည်ဆောက်နိုင်ခဲ့ပါဘူး။ စစ်တပ်ချုပ်ကိုင်ဦးမယ့် ၂ဝ၁ဝ ရွေးကောက်ပွဲ နောက်ပိုင်းကာလမှာလည်း မျှော်လင့်ချက်ရောင်ခြည် မမြင်ရပါဘူး။ တိုင်းရင်းသားလူမျိုးတွေ လိုလားတောင့်တချက်တွေကို ဖြည့်ဆည်းမပေးနိုင်တဲ့ ၂ဝဝ၈ ဖွဲ့စည်းပုံ အခြေခံဥပဒေနဲ့ အရိပ်မည်းထိုးထားမယ့် ခရီးကြမ်းကြီးကိုပဲ တွေ့နေပါတယ်။

အုပ်စိုးသူအစိုးရအဆက်ဆက်ရဲ့ လှည့်စားမှုအောက်မှာ တိုင်းရင်းသား အဖွဲ့အစည်းအချို့ ပြိုကွဲသွားတာ၊ ပျက်စီးသွားတာ၊ လက်နက်ချသွားကြတာတွေ ရှိခဲ့ဖူးပါတယ်။ အခုလည်း ရှိနေဆဲပါပဲ။ ဒါတွေဟာ တိုင်းရင်းသား ပြည်သူတွေအတွက် တကယ့်ညီညွတ်ရေး၊ တကယ့်တန်းတူရေး၊ တကယ့်ပြည်တွင်းငြိမ်းချမ်ရေးတွေ မဟုတ်ဘဲ၊ ကောက်ကျစ်လှည့်ဖျားမှုနဲ့ ဖျက်ဆီးချေမှုန်းမှုတွေသာ ဖြစ်ပါတယ်။

ပြည်တွင်းစစ်ရပ်စဲပြီး ပြည်တွင်းငြိမ်းချမ်းရေး တည်ဆောက်တယ်ဆိုတာ (နအဖ) စစ်အစိုးရက ဆည်မြောင်းတာတမံဆောက်သလို အခု ဘူဒိုဇာနဲ့ထိုး၊ အခု ကွန်ကရစ်ဖျော်ပြီး လောင်းလို့ရတဲ့ကိစ္စမျိုး မဟုတ်ပါဘူး။ နှစ်ဦးနှစ်ဖက် သဘောထားမှန်မှန်၊ တန်းတူရည်တူ ဒီမိုကရေစီရှိရှိ၊ အပေးအယူရှိရှိ၊ ယုံကြည်မှုရှိရှိ ဆွေးနွေးညှိနှိုင်း အဖြေရှာကြရမယ့် တိုင်းပြုပြည်ပြုကိစ္စကြီး ဖြစ်ပါတယ်။ တန်းတူရည်တူရှိပြီး ဒီမိုကရေစီရှိမှ ညီညွတ်ငြိမ်းချမ်းနိုင်မှာ ဖြစ်ပါတယ်။ ညီညွတ်ငြိမ်းချမ်းမှလည်း အန္တရာယ်အသွယ်သွယ်ကို ကျော်ဖြတ်နိုင်ပြီး၊ ခေတ်မီဖွံ့ဖြိုးတိုးတက်တဲ့ နိုင်ငံတော်သစ်ကို တည်ဆောက်နိုင်မှာ ဖြစ်ပါတယ်။

အခုတော့ စစ်အစိုးရက တရားမျှတမှုမရှိတဲ့ ၂ဝဝ၈ ဖွဲ့စည်းပုံအခြေခံဥပဒေ၊ ရွေးကောက်ပွဲဆိုင်ရာ ဥပဒေတွေ ထုတ်သုံးပြီး နိုင်ငံရေးပါတီတွေနဲ့ အင်အားစုတွေကို ဖိနှိပ်အကျပ်ကိုင်ဖို့ လုပ်နေသလို၊ အပစ်ရပ်တွေကိုလည်း “၁၉၉၄ ခုနှစ် မတိုင်ခင် အခြေအနေ ပြန်ရောက်သွားမယ်” (စစ်ပြန်တိုက်မယ်) ဆိုတဲ့ ခြောက်လုံးလှန့်လုံးတွေနဲ့ ဖိအားပေးနေပါတယ်။

နိုင်ငံရေးပါတီတွေ၊ နိုင်ငံရေးသမားတွေ၊ အပစ်ရပ်တွေဆိုတာ စစ်အုပ်စုက သေဆိုသေ၊ ရှင်ဆိုရှင်ကြရတဲ့ ဗိုလ်ချုပ်ကြီးသိန်းစိန် (ဝန်ကြီးချုပ်) တို့၊ ဗိုလ်ချုပ်ဋ္ဌေးဦး (လယ်/ဆည်ဝန်ကြီး) တို့၊ ဗိုလ်မှူးချုပ်ကျော်ဆန်း (ပြန်ကြားရေးဝန်ကြီး) တို့လို လူစားတွေ၊ ကြံ့ဖွံ့လို ဗုံမဟုတ် ပတ်မဟုတ် အဖွဲ့အစည်းတွေ မဟုတ်ဘူးဆိုတာ စစ်အစိုးရ သဘောပေါက်သင့်ပါပြီ။

သတင်းစာပေါ်မှာ ရေးကောင်းရုံရေးတဲ့ ငြိမ်းချမ်းရေး၊ စက္ကူပေါ်က တိုင်းရင်းသား စည်းလုံးညီညွတ်ရေးမျိုး မဟုတ်ဘဲ လူမျိုးပေါင်းစုံ ပြည်သူတွေအကြားမှာ တကယ့်တန်းတူရေးနဲ့ တကယ့်သွေးစည်းရေးကို တည်ဆောက်နိုင်မယ့် အခြေခံကောင်းတွေကို သဘောထားမှန်မှန်နဲ့ ညှိနှိုင်းဆောင်ရွက်ရင်း တည်ဆောက်သွားဖို့ လိုအပ်နေကြောင်း သိသင့်ပါပြီ။

ဒီမိုကရေစီအခွင့်အရေးနဲ့ တိုင်းရင်းသား တန်းတူအခွင့်အရေး ပြဿနာ ၂ ရပ်ကို ပြေလည်အောင် မဖြေရှင်းဘူးဆိုရင် အုပ်စိုးသူအစိုးရအဆက်ဆက် မဖြေရှင်းနိုင်ခဲ့တဲ့ ဖွဲမီးလို တငွေငွေ့ လောင်ကျွမ်းနေတဲ့ ပြည်တွင်းစစ်မီးဟာ တကျော့ပြန်ပြီး အရှိန်ကောင်းကောင်းနဲ့ တောက်လောင်လာစရာ ရှိပါတယ်။ ဒီစစ်မီးကို မေတ္တာရေစင် သဘောထားနဲ့ပဲ ငြှိမ်းသတ်နိုင်ပါလိမ့်မယ်။ လူမျိုးစုံပြည်သူတွေရဲ့ ငြိမ်းချမ်းအေးမြတဲ့ မေတ္တာရေစင်ကိုလည်း လှည့်စားကောက်ကျစ်တဲ့ ဖိနှိပ်ချေမှုန်းရေး နည်းနာနဲ့ အရမယူနိုင်ပါဘူး။

ကချင်လွတ်မြောက်ရေးအဖွဲ့ KIO နဲ့ ပြေလည်မှု မရသလို၊ ကချင်ပြည်နယ် တိုးတက်ရေးပါတီ KSPP ကို မှတ်ပုံတင်ခွင့် ချမပေးဝံ့တဲ့ သဘောထားမျိုးနဲ့တော့ မြင့်မြတ်တဲ့ ငြိမ်းချမ်းရေး ပန်းမြတ်တော်ဝင်ကို လှမ်းချူရယူချင်လို့ မရပါဘူး။

“ယခုအခါ ပြည်ထောင်စု နိုင်ငံတော်ကြီးတွင် ဘယ်ခေတ်အခါကနှင့်မျှ မတူသော တိုင်းရင်းသား စည်းလုံးညီညွတ်ရေးကို ရရှိနေပြီ ဖြစ်ပါသည်” ဆိုတဲ့ စကားကတော့ စစ်အစိုးရက ကိုယ့်ဘာသာကိုယ် လှည့်စားပြီး သာယာနေတာပဲ ဖြစ်ပါတယ်။ တိုင်းရင်းသား လူမျိုးစုံကတော့ လက်တွေ့ဘဝမှာ အမှန်တကယ် ထင်ဟပ်တဲ့၊ ငြိမ်းချမ်းအေးမြတဲ့ မေတ္တာရေစင်ကိုပဲ တောင့်တနေတာ ဖြစ်ပါတယ်။ အကြမ်းဖက်နည်းနာနဲ့တော့ ပြည်တွင်းငြိမ်းချမ်းရေး မတည်ဆောက်နိုင်မှန်း ကောင်းကောင်းကြီး သိနေနှင့်ပြီးသား ဖြစ်ပါကြောင်း …။ ။
http://www.mizzimaburmese.com/edop/songpa/5354-2010-05-11-08-48-48.html

မတရားမှု/မမျှတမှုတွေအတွက် တောင်းသံ/ဆိုသံတွေ

သုတေသနနှင့်လေ့လာရေးဌာန
ဝေဖန်သုံးသပ်ချက် အမှတ်စဉ် (၆/၂၀၁၀)

(၂၀၁၀ ခုနှစ်၊ မေလ ၉ ရက်)

ကျနော်တို့၏ ဝေဖန်သုံးသပ်ချက် အမှတ်စဉ် (၅/၂၀၁၀) တွင် “ပြည်ထောင်စုရွေးကောက်ပွဲကော်မရှင်”၊ “ပြည်ထောင်စုရွေးကောက်ပွဲကော်မရှင် ဥပဒေ”၊ “နိုင်ငံရေးပါတီများ မှတ်ပုံတင်ခြင်းဥပဒေ” တို့တွင် ဖေါ်ပြထားသည့် ပြဌာန်းထားချက်များ၏ မတရားမှုများကို ဝေဖန်သုံးသပ် ဖေါ်ထုတ်ဖွင့်ချခဲ့ပါသည်။

ဝေဖန်သုံးသပ်ချက်၏ နိဂုံးပိုင်းတွင်လည်း “(နအဖ)စစ်အစိုးရ ပေးသည့် စပေ့ (ဝါ) ဒီမိုကရေစီအခွင့်အရေးဆိုသည်မှာ အပ်နဖားပေါက်ထဲ ကုလားအုပ်ဝင်ရမည့်ကိန်း ဖြစ်နေပြီ” ဟု ရေးသားဖေါ်ပြခဲ့ပါသည်။

သိပ်ကြာကြာမစောင့်လိုက်ရပါ။

ရွေးကောက်ပွဲဆိုင်ရာ ဥပဒေ (၅) ခု ထုတ်ပြန်ပြီး (၂) လတင်းတင်း ပြည့်ပြီးသောအခါ အသံတွေ စီစီညံညံ ကြားလာရပါသည်။

မတရားမှု/မမျှတမှုတွေအတွက် တောင်းသံ/ဆိုသံတွေ ထွက်လာသည်။

ပြည်ပက အသံတွေကိုတော့ ခဏထားကြပါဦးစို့။ ယခုထွက်လာသည့် အသံတွေမှာ ပြည်တွင်းက အသံတွေဖြစ်ပါသည်။ ပြည်တွင်းက အသံတွေထဲတွင် မှတ်ပုံတင်လျှောက်ထားသူများထံက အသံတွေ ဖြစ်နေသည်။

အချို့ကဆိုလျှင် ပြည်ထောင်စုရွေးကောက်ပွဲကော်မရှင်ထံ စာရေးတောင်းဆိုနေကြသည်။ အချို့ကတော့ မီဒီယာများတွင် ရင်ဖွင့်နေကြသည်။

(နအဖ) စစ်အုပ်စု၏ စည်းကမ်းပြည့်ဝသော ဒီမိုကရေစီကား နိဒါန်းအစမှာပင် ရင်ခံနေကြရပြီ၊ ရင်ဖွင့်နေကြရပြီ။

အမတ်လောင်းတစ်ဦးအတွက် ရွေးကောက်ပွဲမှတ်ပုံတင်ကြေး ကျပ် ၅ သိန်း သတ်မှတ်ထားချက်ကို လျှော့ပေါ့ပေးရန်နှင့် အမတ်လောင်းတစ်ဦးဟာ မဲပေးသူရဲ့ အနည်းဆုံး ၁၀% ထောက်ခံမဲရခဲ့ရင် မှတ်ပုံတင်ကြေး ပြန်လည်ထုတ်ယူခွင့်ပေးဖို့ တောင်းဆိုထားပါသည်။

“လူတစ်ယောက်ကို ကျနော်တို့ကိုက ဝင်ကြေးငွေ ငါးသိန်းတင်ရမယ်ဆိုလျှင် လွှတ်တော်နှစ်ရပ်ပေါင်းမှာ ကျနော်တို့ဝင်ရွေးရမယ့် အမတ်ပေါင်း ၄၉၈ ယောက်ရှိတယ်။ ၅၀၀ မှာ ၂ ယောက်ပဲ လျှော့တယ်ဆိုတော့ အဲဒီ ၅၀၀ နဲ့တွက်ရင် ဝင်ကြေးတင် ကျနော်တို့က သိန်းပေါင်း ၂၅၀၀ လိုနေတယ်” တဲ့။

“အမတ်လောင်းတစ်ဦးအတွက် မှတ်ပုံတင်ကြေး ငါးသိန်းက များတယ်။ တစ်နိုင်ငံလုံးအတိုင်းအတာနဲ့ ဝင်ရမယ့် ပါတီအတွက် ဆိုလို့ရှိရင် လွှတ်တော်သုံးခုမှာ စုစုပေါင်း ၁၁၄၈ ဦးရှိတယ်၊ တစ်ယောက်ကို ငါးသိန်းဆိုလျှင် သိန်း ၅၀၀၀ ကျော်၊ ဒါတော့ ဘယ်ပါတီမှ တတ်နိုင်မှာမဟုတ်ဘူး” တဲ့။

“မဲဆွယ်တဲ့ စရိတ်တွေ ရှိသေးတယ်။ ရွေးကောတ်ပွဲပြင်ဆင်ဖို့ စရိတ်က သိန်း ၅၀၀၀၊ ရွေးကောတ်ပွဲဝင်ဖို့ မှတ်ပုံတင်ကြေးက သိန်း ၂၅၀၀၊ အနည်းဆုံး ပါတီတစ်ခုက ငွေကျပ်သိန်းပေါင်း ၇၅၀၀ လိုတယ်” တဲ့ ။

ဒီလိုဖြစ်နေရင် ရွေးကောက်ပွဲမှာ နိုင်ငံရေးပါတီတိုင်းက သူတို့ဆန္ဒရှိသလောက် ဝင်ရောက်ယှဉ်ပြိုင်နိုင်ကြပါမည်လော။ တရားမျှတတဲ့ ရွေးကောက်ပွဲရော ဖြစ်ပါ့မလားဟု ဖွင့်ဟတောင်းဆိုနေကြပါသည်။

သူတို့ တွက်ချက်ပြထားမှုတွေအရ ပါတီတစ်ခုဟာ ရွေးကောက်ပွဲဝင်နိုင်ရေးအတွက် အစုစု ကုန်ကျစရိတ်ဟာ ကျပ်သိန်းပေါင်း ၇၅၀၀ လောက် လိုအပ်နေပါသည်။ သို့အတွက် ပါတီတိုင်း ရွေးကောက်ပွဲမှာ ပါဝင်ယှဉ်ပြိုင်ဖို့ဆိုရာမှာ ဒီအဆင့်မှာတင်ပဲ အခက်အခဲဖြစ်နေပါပြီ။

ဒါပေမယ့် ဒီလို အခက်အခဲကို မမှုတဲ့၊ ဘာကိုမျှ ဂရုမစိုက်သည့် ပါတီရှိသည်။

ဝန်ကြီးချုပ် ဦးသိန်းစိန်ပါ (၂၇) ဦး ခေါင်းဆောင်တဲ့ “ကြံ့ဖွံ့ပါတီ” ဖြစ်ပါသည်။

ကြံဖွံ့ပါတီကြီးရဲ့ အနေအထားနဲ့ပတ်သက်ပြီး မှတ်ပုံတင်ဘက် ပါတီအချို့ထံက အသနားခံသလိုလို၊ ဝေဖန်သလိုလို အသံတွေ သဲ့သဲ့ သဲ့သဲ့ ကြားလာနေရသည်။

“ပါတီခေါင်းဆောင်ဆိုသူတွေကအစ အရှင်မွေး နေ့ချင်းကြီးဆိုသလို နိုင်ငံတော်ဝန်ကြီးချုပ်နဲ့ ဝန်ကြီးတွေဖြစ်နေတာ၊ အဖွဲ့ဝင်အများစုကလည်း နိုင်ငံ့ဝန်ထမ်းတွေ ဖြစ်နေတာ၊ ဒါ့အပြင် နိုင်ငံတော်ပိုင် ငွေကြေးတွေနဲ့ အဆောက်အဦးပိုင်ဆိုင်မှုတွေ ရှိနေတာ” စတဲ့ အချက်တွေနဲ့ပတ်သက်ပြီး ရှင်းရှင်းလင်းလင်းရှိအောင်၊ ပြည်သူတွေသိအောင် အခြားမှတ်ပုံတင်ဘက်ပါတီတွေက သင်္ကာရှင်းသွားအောင် “ပြည်ထောင်စု ရွေးကောက်ပွဲကော်မရှင်” က ကော်မရှင်ဥပဒေနဲ့အညီ ဆောင်ရွက်ပေးဖို့ ပြောသံဆိုတာတွေ ကြားနေရသည်။

ငွေကြေးအခက်အခဲကြောင့် (တစည) လို ပါတီကတောင် နေရာစေ့ ဝင်ရောက်ယှဉ်ပြိုင်ဖို့ မဖြစ်နိုင်ကြောင်း ပြည်ပမီဒီယာတစ်ခုသို့ ပြောသံကြားရပါသည်။

(တစည) ကတော့ ညီတော်(ကြံ့ဖွံ့ပါတီ)ရဲ့ (ငွေကြေး/ရုပ်ဝတ္တု/စည်းရုံးဖွဲ့စည်းထားမှု) အဖက်ဖက်က အသာစီးယူထားမှုများကို ဝေဖန်ဝံ့လိမ့်မည်မထင်ပါ။ ညောင်မြစ်တူးလျှင် ပုတ်သင်ဥတွေ တစ်ထမ်းကြီး ပေါ်လာလိမ့်မည်။ (တစည)ကိုယ့်ရှူးကိုယ်ပတ်သလို ဖြစ်ပြီး (တစည) သည် “ခွေးကိုက်ခံရသော သူခိုး” ကဲ့သို့ ဖြစ်နေပါလိမ့်မည်။ လက်ရှိစစ်အုပ်စုကလည်း (တစည) ကို လိုအပ်မှသာ သုံးတော့မည်။ ယခုတော့ စွန့်ပစ်ထားလိုက်ပြီ။

ထို့အပြင် ထူးခြားချက်က (တစည) ခေါင်းဆောင်စုသည် လက်ရှိ (နဝတ-နအဖ) စစ်အုပ်စုထက် ဝါရင့်သူတွေ ဖြစ်သည်။ (န၀တ-နအဖ) စစ်အုပ်စု၏ ရှေ့က ဆရာသမားများဖြစ်သည်။ (ကြံ့ဖွံပါတီ) ကတော့ (တစည)နှင့်မတူ၊ (န၀တ-နအဖ)၏ လောလောဆယ် မီးသေနေသေးသည့် လက်ရင်း လက်မရွံ့တပည့်ကျော်များဖြစ်သည်။

ယင်းအချက်ကြောင့်ပင် (နအဖ) စစ်အုပ်စုသည် ကော်မရှင်ဥပဒေကို ပမာမထားဘဲ ဝန်ကြီးချုပ်လုပ်နေဆဲ (နိုင်ငံ့ဝန်ထမ်းအဖြစ် တာဝန်ထမ်းဆောင်ဆဲ) မှာပဲ ကော်မရှင်သို့ နိုင်ငံရေးပါတီအဖြစ် မှတ်ပုံတင်ခိုင်းသည်။ ဘယ်သူတွေ ဘာပြောရဲသလဲ။ မိုက်ရင်ထွက်ခဲ့ဆိုသည့် လူမိုက်လုပ်ဟန်အပြည့်ဖြင့် လုပ်ပြနေခြင်းဖြစ်သည်။

မှတ်ပုံတင်ထားသည့် ပါတီများအနေဖြင့် မတရားမှုတွေကို ရဲရဲဝံ့ဝံ့ ကျယ်ကျယ်လောင်လောင် ထုတ်ပြောတာ ကြားချင်ပါသည်။

အရင်းစစ် အမြစ်မြေက ဆိုသလိုပင် ယင်းမတရားမှု/မမျှတမှုများသည် (နအဖ) စစ်အုပ်စုက ဖန်တီးပေးလိုက်သည့် “ဖွဲ့စည်းပုံအခြေခံ ဥပဒေ (၂၀၀၈) နှင့် ရွေးကောက်ပွဲဆိုင်ရာ ဥပဒေ (၅) ရပ်” မှ ပေါက်ပွားလာခြင်းဖြစ်သည်ကို မှတ်ပုံတင်လျှောက်ထားကြသည့် ပါတီများ အထူးသတိပြုစေလိုပါသည်။

ပြည်တွင်းပြည်ပရှိ “စပေ့”ရှာကျွမ်းကျင်ဆရာများနှင့် မြေညီကွင်းတွင် လယ်ဗယ်ညှိကြမည့် ဆရာများထံမှ ဒီဘိတ်များကို ကြားချင်ပါသေးသည်။

x x x x x

http://www.dpnsburmese.org/?p=1306#more-1306


ဗိုလ်မှူးချုပ်အောင်သိန်းလင်း သမီးစုမျိုးသွယ် အကြောင်း ဂျပန်အစိုးရနှင့် NGO များကို ဂျပန်ဘာသာဖြင့် စာပို့

ဂျပန်အစိုးရ ၀န်ကြီးချုပ် နှင့် နိုင်ငံခြားရေးဝန်ကြီး Mr. Katsuya OKADA နှင့် ပြည်ထဲရေးဝန်ကြီး ဌာန(MEXT) သို့ ဂျပန်လိုေ၇းသားထားသော စာကိုပေးပို့ခဲ့ပါသည်။
ရေးသားထားသောစာ၏မြန်မာလို ဘာသာပြန်အဓိပ္ပါယ်အား ဖေါ်ပြလိုက်ပါသည်။

လေးစားအပ်ပါသော
ဂျပန်အစိုးရအာဏါပိုင်များနှင့် မြန်မာ့ဒီမိုကရေစီရေးကို အားပေးသော NGO အသီးသီးမှ ပုဂ္ဂိုလ်များရှင့်

မြန်မာနိုင်ငံကို မတရားအာဏါသိမ်းထားသော စစ်အစိုးရ နအဖ မှ ဗိုလ်မှူးချုပ်အောင်သိန်းလင်းသည် ရန်ကုန်မြို့တော်ဝန်အဖြစ် ရန်ကုန်မြို့တော်သူမြို့သားများကို နှိပ်စက်နေသော နအဖ ထိပ်တန်းခေါင်းဆောင် တဦးဖြစ်ပါသည်။ စက်တင်ဘာ ၂၀၀၇ ခုနှစ်တွင် သံယာတော်များအား အကြမ်းဖတ်နှိမ်နင်းသတ်ဖြတ်မှု၊ သည့် ၂၀၀၈ ခုနှစ် နာဂစ်လေမုန်တိုင်း ဘေးခံရသည့် ဒုက္ခသည်များအပေါ် စောင့်ရှာက်ပေးမှု ပေါ့လျော့ခြင်း၊ အမျိုးသားဒီမိုကရေစီအဖွဲ့ချုပ် အတွင်းရေးမှူး ဒေါ်အောင်ဆန်းစုကြည်အား နေအိမ်အကျယ်ချုပ် သက်တမ်းတိုးမြှင့်မှု နှင့် ၂၀၁၀ ရွေးကောက်ပွဲကို မတရားကျင်းပမှုတို့အား ဂျပန်အစိုးရမှ သိရှိပြီးသည့်အပြင် နိုင်ငံရေးအကျဉ်းသားများနှင့်ဒေါ်အောင်ဆန်းစုကြည်ကို လွှတ်ပေးရန် ဂျပန်အစိုးရ၏ မေတ္တာရပ်ခံချက်ကိုလည်း ဂရုမပြုသော စစ်အစိုးရလည်းဖြစ်သည်၊ ထိုအချက်ကိုလည်း ဂျပန်အစိုးရမှ စိတ်ပျက်မိကြောင်း သတင်းများမှာ ဖတ်ကြားမိပါသည် မြန်မာနိုင်ငံသူနိုင်ငံသားများ အပေါ် စေတနာထားသော ဂျပန်အစိုးရ၏ သဘောထားကိုလည်း လွန်စွာ ၀မ်းသာအားရမိပါသည်။

သို့သော်လည်း မြန်မာစစ်အစိုးရလို ဆိုးသွမ်းသောအစိုးရ အဖွဲ့မှ ထိပ်တန်းခေါင်းဆောင် တဦးဖြစ်သည့် ဗိုလ်မှူးချုပ်အောင်သိန်းလင်း၏ သမီး စုမျိုးသွယ်သည် ၂၀၀၅ ခုနှစ်မှစတင်ပြီး ဂျပန်အစိုးရ ပညာတော်သင်စရိတ်ဖြင့် ဂျပန်နိုင်ငံရောက်ရှိနေကြောင်း မြန်မာ့ ဒီမိုကရေစီရေးလှုပ်ရှားမှု့ မြေအောက်သတင်းများမှ ဓါတ်ပုံများဖြင့် ခိုင်လုံစွာ သတင်းများထွက်သိရှိရသဖြင့် လွန်စွာအံ့သြ တုန်လှုပ်မိပါသည်။
စုမျိုးသွယ်သည် Tokyo Kaiyo တက္ကသိုလ်မှာ Marine Bio ဘာသာရပ်ဖြင့် ၂၀၀၈ ခုနှစ်တွင် MSC အောင်မြင်ခဲ့ပြီး ယ္ခုအခါ PHD ဆက်လက် တက်ရောက်နေကြောင်း လည်း ထိုသတင်းများမှာ ရေးသားထားပါသည်။

လေးစားအပ်သော လူကြီးမင်းများရှင့်
ကျမအနေဖြင့် ထိုသတင်းအရ ဂျပန်အစိုးရအား မေတ္တာရပ်ခံလိုပါသည် မြန်မာစစ်အစိုးရ ဗိုလ်မှူးချုပ်အောင်သိန်းလင်း၏ သမီးစုမျိုးသွယ်ကို ဂျပန်အစိုးရ ပညာတော်သင်အဖြစ်လက်ခံထားခြင်းမှာ မတရားသည့်စစ်အစိုးရကို အားပေးကူညီသည် သဘောသက်ရောက်သည့် အပြင် စုမျိုးသွယ်သည် ပညာသင်ကြားပြီး မြန်မာနိုင်ငံရောက်သည့်အခါ အစိုးရ အရာရှိကြီးတဦးဘ၀ဖြင့် စစ်အစိုရအာဏါတည်မြဲရေး ဆောင်ရွတ်သွာမည့် သူဖြစ်ပါသည် ဒါကြောင့် ဂျပန်အစိုးရ တာဝန်ရှိသူများမှ စီစစ်ဖေါ်ထုက်ပြီး မြန်မာနိုင်ငံသူ နိုင်ငံသားများအတွက် ငဲ့ညှာသောအားဖြင့် စုမျိုးသွယ်အားထောက်ပံ့နေမှုကို ရပ်ဆိုင်းသင့်ပါသည်။ မြန်မာစစ်အစိုးရသည် ဂျပန်အစိုးရ၏ ရိုးသားသောကူညီမှုနှင့် လူသားအခြင်းခြင်း စာနာထောက်ထားမှုများကို အလွဲသုံးစားလုပ်ကာ စစ်ဘက်ဆိုင်ရာအရာရှိများကိုလည်း အရပ်သားဆရာဝန်အဖြစ် လိမ်လည်ပြီး ပညာတော်သင်လွှတ်နေကြောင်းလည်း ကြားသိရပါသည် ထိုကြောင့် ဂျပန်အစိုးရတာဝန်ရှိသူများမှ ဖေါ်ထုက်စစ်ဆေးပြီး မရိုးသားသော အရပ်သားအယောင်ဆောင် စစ်တပ်မှအရာ၇ှိ ပညာတော်သင်များကို ထောက်ပံ့နေမှု ရပ်ဆိုင်းပေးပါရန် ပန်ကြားအပ်ပါသည်။ ထို့မှသာ ဂျပန်အစိုးရ၏ စေတနာနှင့်ထောက်ပံ့မှုများကို မြန်မာနိုင်ငံမှ အရပ်သားများခံစားခွင့် ရရှိနိုင်ပါမည်။
ကျမ၏ မေတ္တာရပ်ခံချက်များသည် ကျမပုဂ္ဂိုလ်ရေးခံစားမှုလုံးဝပါရှိခြင်း မရှိဘဲ၊ မြန်မာနိုင်ငံသူ နိုင်ငံသားများအကျိူးအတွက် လည်းကောင်းတို့ ကိုယ်စားပြောကြားခြင်းသာ ဖြစ်ပါသည်။ ဂျပန်အစိုးရ၏ မေတ္တာစေတနာအမှန်ကို မြန်မာနိုင်ငံသူ နိုင်ငံသားများနှင့် ဒီမိုကရေစီရေးလှုပ်ရှားသူများ သိရှိအောင် ပြသမည်ဟုလည်း ကျမယုံကြည်ပါသည်။

လေးစားစွာဖြင့်
အေးနန္ဒာအောင်
မြန်မာ့ဒီမိုကရေစီရေးလှုပ်ရှားသူ
http://www.lanpyakye.org/2010/05/ngo.html
ဂျပန်လိုရေးထားသည်ကို ဖတ်လိုပါက ဒီမှာပါ