Wednesday, June 2, 2010

2 June 2010 ဒိုင်ယာရီ

2 June 2010 yeyintnge Diary.doc 5.585 MB
bit-rfa.zip 0.060 MB
2 June 2010 Yeyintnge Diary

မဟာမဆန်တဲ့ စည်းလုံးမှု


Submitted by Karen Information Center on Tuesday, 1 June 2010

လူမျိုးတစ်မျိုးအတွင်း၊ လူမျိုးစုတစ်ခုနှင့် တစ်ခုကြား၊ ပါတီ အဖွဲ့အစည်းများအတွင်း စည်းလုံးမှုကို ဖြိုခွင်းသည့်အရာသည် မဟာဝါဒ ကြီးစိုးမှုပင် ဖြစ်သည်။ ဗမာပြည်တွင် ခေတ်အဆက်ဆက် အုပ်ချုပ်လာသူများ၏ နိုင်ငံရေးအရ အာဏာလုမှု၊ လူမျိုး ရေး ဘာသာရေး ခွဲခြားမှုများကြောင့် လက်နက်ကိုင် တော်လှန်ပုန်ကန်မှုများ ဖြစ်ပွားလာခြင်း၏ အဓိက အကြောင်းတရားထဲ တွင် မဟာဗမာလူမျိုး ကြီးစိုးရေးလည်း အရေးကြီးသည့် အခန်းကဏ္ဍတွင် ပါဝင်နေပေသည်။

နိုင်ငံရေးကို နိုင်ငံရေးနည်းဖြင့် ဆွေးနွေးအဖြေမရှာဘဲ အကြမ်းဖက် ဖြေရှင်းခဲ့ကြသည့် အုပ်ချုပ်သူများကြောင့် ကရင် အပါအ ၀င် တိုင်းရင်းသားများမှာ မိမိကိုယ်ကို ကာကွယ်ရန် ရရာလက်နက်ကို မဖြစ်မနေ စွဲကိုင်ကာ မဟာဝါဒီသမားများနှင့် စစ်အာ ဏာရှင်စနစ်ကို ယခုအချိန်ထိ တော်လှန်ပုန်ကန်ခဲ့ကြသည်။

မဟာဝါဒီသမားများသည် လူထုကိုယ်စားပြု နိုင်ငံရေးသမားများ၏ ဦးမော့လှုပ်ရှားမှုများကို ဖိနှိပ်ထားပြီး နယ်စပ်တိုင်းရင်းသား ဒေသများတွင် ထိုးစစ်ဆင်မှုများဖြင့် တိုင်းပြည်တစ်ခုလုံး ကမောက်ကမဖြစ်အောင် လုပ်ဆောင်လာခဲ့ကြသည်။ ၎င်းအပြင် ရာစု နှစ်ဝက်ကျော်ကြာ တော်လှန်ရေးအဖွဲ့များအတွင်း မတူကွဲပြားသည့် အတွေးအခေါ်များ၊ နိုင်ငံရေးခံယူချက် မပြည့်ဝသူများကို သပ်လျှိုဖဲ့ထုတ် စည်းရုံးကာ ဖြိုခွဲဖျောက်ဖျက်ပစ်သည့်စနစ်ကို အသုံးပြုခဲ့ကြသည်။

ယင်းသို့ အုပ်ချုပ်သူများ၏ မတရားသဖြင့် နည်းလမ်းပေါင်းများစွာနှင့် ဖြိုခွဲသမျှ ခံလိုက်ရခြင်းမှာ မိမိတို့အဖွဲ့၊ မိမိတို့ပါတီအ အတွင်း၌လည်း မဟာဝါဒ လွှမ်းမိုးမှုများ ရှိနေခြင်းကြောင့်ပင် ဖြစ်သည်။ ဘာသာရေးအရ မဟာဆန်မှု၊ မျိုးနွယ်စုအရ မဟာ ဆန်မှု၊ တတ်သိပညာရှင်များ၏ မဟာဆန်မှုများကြောင့် အဖွဲ့အစည်းအတွင်း စည်းလုံးမှု ပြိုကွဲကာ အင်အားချိနဲ့ခဲ့ရသည်။ ဤ အချက်များမှာ အာဏာရှင် စစ်အုပ်စု၏ အလိုလားဆုံးအချက်ပင်။

စည်းလုံးမှု၊ သင့်မြတ်မှု ဟူသည် အပြောလွယ်ပြီး အကောင်အထည်ဖော်ရခက်သည်ဟု ဆိုနေကြသော်လည်း မိမိတစ်ဦးချင်းစီ ၏ စိတ်သန္ဓေအတွင်းမှ လိုလိုလားလား ဖြစ်လို၊ မြင်လိုသည်ဆိုပါက လုပ်ဆောင်ရန် မခဲယဉ်းပေ။ အချို့ကလည်း စည်းလုံးမှု ဟူသောစကားကို ပြောဆိုရခြင်းမှာ ခွဲခြားမှု ရှိနေသည့်အတွက်ကြောင့်ပင် ဖြစ်သည်ဟု ဆိုကြပြန်သည်။

လူတစ်ဦးနှင့်တစ်ဦး ဖြတ်သန်းကြုံတွေ့ ခံစားရမှုချင်း မတူညီကြသော်လည်း ဖြစ်တည်လာခဲ့သည့် ကွဲပြားမှုမှာ ကောက်ခါငင်ခါ ဖြစ်ပျက်လာခဲ့ခြင်း မဟုတ်။ အချိန်အခါတစ်ခုကို ကျော်လွန်ဖြတ်သန်းပြီး ဖြစ်လာရခြင်းဖြစ်၍ ပြန်လည်သင့်မြတ်မှု၊ စည်းလုံးမှု ကိုလည်း အချိန်ယူကာ ပြန်လည်တည်ဆောက်သွားကြရမည် ဖြစ်သည်။ ထို့ကြောင့် တိုင်းရင်းသားများအတွင်း စည်းလုံးညီ ညွှတ်မှုကို ပြန်လည်တည်ဆောက်လိုသူတိုင်း စည်းလုံးမှုကို အန္တရာယ်ဖြစ်စေမည့် လူမျိုးရေး၊ ဘာသာရေးနှင့် နိုင်ငံရေး အစွန်း ရောက် မဟာဝါဒီကြီးစိုးလိုစိတ်ကို ဖျောက်ဖျက်ပစ်ရမည်။

တစ်ဦးတစ်ယောက်မှ အစုအဖွဲ့တစ်ခု၊ အစုအဖွဲ့တစ်ခုမှ လူမျိုးတစ်မျိုး၊ လူမျိုးတစ်မျိုးမှ လူမျိုးပေါင်းစုံ ညီညွှတ်သင့်မြတ်ရေးနှင့် တစ်မြေတည်းနေ တစ်ရေတည်းသောက်ကြသူ ညီနောင်ဘွားများ၏ လွတ်လပ်သာယာသည့် ပြည်နယ်၊ တိုင်းပြည်တစ်ခု ပေါ် ထွန်းလာရန်အတွက် မဟာဝါဒီမဆန်သော စည်းလုံးညီညွှတ်မှုကို ပြန်လည်တည်ဆောက်သင့်ပြီဖြစ်ကြောင်း ရှုမြင်သုံးသပ်မိပါ သည်။

အယ်ဒီတာ့အာဘော်
http://www.kicnews.org

ကမ္ဘာနှစ်ခု ကြားက ရတနာနတ်မယ်

ကမ္ဘာနှစ်ခု ကြားက ရတနာနတ်မယ်
ကေသွယ်
ဇွန် ၂၊ ၂ဝ၁ဝ

ကနောင်မင်းရဲ့ မြစ်တော် ရတနာနတ်မယ် (LIFE မဂ္ဂဇင်းက ၁၉၅ဝ တွင် ရိုက်ကူးထားသောပုံ)

(ကေသွယ်၏ ဘလော့ kthwe.blogspot.com တွင် ဖော်ပြထားသော ဆောင်းပါးကို ကူးယူဖော်ပြပါသည်။)

မကြာသေးခင်က ထွက်တဲ့ သြစတြေးလျ အရှေ့ပိုင်း Griffith University ရဲ့ Review journal အမှတ်စဉ် 27 မှာ ရေးထားတဲ့ Between Two Worlds ဆိုတဲ့ စာတပုဒ်ကို ဆရာမ ဒေါ်ကြည်မေကောင်း ဘလော့မှာပေးတဲ့ လင့်တွေက တဆင့် ဖတ်လိုက်မိတယ်။

အဲဒီ ဂျာနယ်လေးက တခါထုတ်ရင် ခေါင်းစဉ် Theme တခု အောက်မှာ ဝိုင်းရေး ကြတာမျိုးလေးပါ။ အဲဒီ အမှတ်စဉ် ၂၇ ကလည်း food အစားအစာ အကြောင်းပါ။ တော်ရုံဆိုလည်း အဲဒီ ခေါင်းစဉ် အောက်မှာ ကိုယ်တို့လို လူတွေ အတွက် ဒီလောက် စိတ်ဝင်စားစရာ ကောင်းမယ့် စာမျိုး ပါလာမယ်လို့ ထင်စရာ အကြောင်း သိပ်မရှိဘူးလေ။ တွေ့မယ့် တွေ့လိုက်တော့ ဗမာလူမျိုးတွေ အတော် စိတ်ဝင်စားတဲ့ အမျိုးသမီး တယောက် အကြောင်း ဖြစ်နေတယ်။

မင်းဆွေ မင်းမျိုး ကုန်းဘောင်ဆက်လည်းဖြစ်၊ ပုံပြင် ဆန်ဆန် လျှို့ဝှက် သည်းဖို ဆန်ဆန်၊ နားစွန် နားဖျား ကြားခဲ့ရဖူးတဲ့ အာဏာရှင်ဟောင်း ဦးနေဝင်းကြီးရဲ့ ဇနီးဟောင်း တယောက်လည်း ဖြစ်ခဲ့ဖူးတဲ့ ရတနာနတ်မယ်ရဲ့ တပိုင်း တစ ပုံရိပ် တချို့ကို သူမရဲ့ အီတာလျံ တက်စကန်နီ တောစာ ပုံစံ ကျွေးမွေး တည်ခင်းတဲ့ နေ့လည်စာ ဝိုင်းလေး တခုမှာ နောက်ခံထားပြီး ရေးထားတာပါ။

Griffith Review ဂျာနယ် ဆောင်းပါးကို

http://www.griffithreview.com/current-edition/240-reportage/821.html

တွင် ဖတ်နိုင်သည်။

အဲဒီ စာလေးကို စိတ်ဝင်တစား ဖတ်ရင်း တချို့ အချက်လေးတွေကို ရွေးပြီး ဝေမျှချင်စိတ် ဖြစ်လာ မိတယ်။ ဝေမျှချင်တယ် ဆိုတာလည်း ဘာ အကျိုးပြု၊ ဘာဝါဒ ဖြန့်မှ မဟုတ်ဘူး ဆိုတာ ရှင်းပါတယ်။ လူ့သဘာဝ ဒီလို အကြောင်းလေးတွေကို သိချင် စိတ်ဝင်စားတာ မဆန်းလို့မို့ ဗမာပြည်က စာအုပ်တွေမှာ မောင်သန်းဆွေ (ထားဝယ်) ရေးတဲ့ မင်းဆွေ မင်းမျိုးတွေ အကြောင်း စိတ်ဝင်တစား လိုက်ဖတ်ရသလိုမျိုးပဲ ဆိုပါတော့လေ။

ဒီ ဆောင်းပါး အရတော့ ဆောင်းပါးရှင် ကိုယ်တိုင်က ရောမကနေ တဆင့် အီတလီရဲ့ နာမည်ကျော် Tuscany ပြည်နယ် မြို့တော် ဖြစ်တဲ့ Florence မှာ နေထိုင်တဲ့ Ms June Rose Bellamy ခေါ် ရတနာနတ်မယ် ရဲ့ Associazione Culturale Arte e Gastronomia Orientale လို့ ဆိုင်းဘုတ် ချိတ်ဆွဲထားတဲ့ အိမ်လေးကို အလည်အပတ် ရောက်သွားပုံနဲ့ စ ထားပါတယ်။ သူ့ ဆောင်းပါးလေးက အီတာလျံ အစားအသောက် အကြောင်းလေးတွေ သူမ ချက်ပုံ ပြုတ်ပုံလေးတွေ တပိုဒ်၊ သူမရဲ့ နောက်ခံ ဇာတ်ကြောင်းလေးတွေ တပိုဒ်နဲ့ တကယ့် ပြဇာတ်ဆန်ဆန်လေး ရေးထားတာပါ။ အဲဒီ အထဲမှာမှ သူမ ကိုယ်တိုင် ဖွင့်ဟ ပြောပြတဲ့ တချို့ စကားလေးတွေဟာ တော်တော် စိတ်ဝင်စားစရာ ကောင်းပါတယ်။

တကယ်တော့ ဗမာ့သမိုင်းမှာ ခေတ်မီသူ၊ ပြုပြင်ပြောင်းလဲလိုသူလို့ လူသိများ ထင်ရှားတဲ့ ကနောင်မင်းသားကြီးရဲ့ မြစ်တော် တယောက် အနေနဲ့တင် သူမဘဝက စိတ်ဝင်စားစရာ ကောင်းနေခဲ့ပါပြီ။ အင်ဂလို ကပြား ဖြစ်တာ၊ ချောတာ လှတာ ခေတ်ဆန်တာ နောက်ဆုံး ဗမာပြည်က နာမယ်ကျော် အာဏာရှင်ကြီးနဲ့ လက်ထပ် လိုက်တာ ဆိုတဲ့ အချက်တွေ ကတော့ ထပ်ဆင့် ပိုကဲပြီး ပြောမဆုံးပေါင် တောသုံးထောင် ဖြစ်သွားရတော့တာပါပဲ။

သူတို့ မိသားစုရဲ့ အရွယ် အပိုင်းအခြား ပုံရိပ်တွေကို တွက်ချက် ခန့်မှန်းကြည့်တော့ သူမရဲ့ မိခင် လင်းပင် မင်းသားကြီးရဲ့ သမီးတော် ထိပ်တင် မလတ်က အသက် ၃၄ နှစ်မှာ သူမထက် ၁၆ နှစ် ကြီးတဲ့ သြစတြေးလျ နိုင်ငံသား အင်္ဂလိပ် လူမျိုး ဘွက်ကီ မြင်းပွဲဒိုင် Mr Herbert Bellamy နဲ့ လက်ထပ်တယ်။ လေးနှစ်ကြာမှ သူမကို မွေးတယ်။ သူမ ကိုယ်တိုင်ကတော့ အသက် ၂၂ နှစ်မှာ ပထမ အိမ်ထောင် ဖြစ်တဲ့ အီတာလျံ လူမျိုး၊ WHO က ဗမာပြည်မှာ တာဝန်ကျတဲ့ ဆရာဝန်တယောက်နဲ့ လက်ထပ်တယ်၊ သားလေး ၂ယောက် ရတယ် စသဖြင့် အရွယ်တွေ အရိပ်တွေကို အရင် ပုံဖော်ကြည့်မိတယ်။

ဧည့်သည်အတွက် ချက်ပြုတ်၊ စကားလက်ဆုံကြရင်း နံရံမှာ ချိတ်ဆွဲထားတဲ့ နန်းဆန်ဆန် ဝတ်စုံတွေနဲ့ အဘိုးအဘွား မိသားစုပုံတွေကနေ သူမရဲ့ နောက်ခံ ဘဝတွေ၊ သူမ အဖေအကြောင်းတွေကို စိတ်ပါ လက်ပါ ပြောပြနေတဲ့ ရတနာနတ်မယ်ဟာ သူမ အတွက် အိမ်မက်ဆိုး ဖြစ်ခဲ့တဲ့ ဦးနေဝင်းနဲ့ ပတ်သက်တဲ့ အကြောင်းတွေကိုတော့ သိပ်အများကြီး ပြောချင်ပုံ မရဘူးလို့ ဆိုထားတယ်။

အဲဒီ အချက်တွေထဲမှာမှ သူမ ရဲ့ အမေထိပ်တင်မလတ်ဟာ ဖခင် ဖြစ်သူ လင်းပင် မင်းသားကြီး ပြည်ပြေးဘဝနဲ့ အိန္ဒိယမှာ နေထိုင်ခဲ့ကြတဲ့အခိုက် အထက်တန်းလွှာ အသိုင်းအဝိုင်းနဲ့ ဝင်ဆံ့ခဲ့ပြီး ဂျာမဏီက (အရှေ့တိုင်း တိဗက် တောင်တန်း နိုင်ငံ တခုဆီက) အိမ်ရှေ့ မင်းသားတပါးနဲ့ စေ့စပ် ကြောင်းလမ်းတဲ့ အထိ ဖြစ်ခဲ့တယ်လို့ ဆိုတယ်။ လက်ထပ်ပွဲ မတိုင်ခင် ရက်အနည်းငယ် အလိုလေးမှာ မင်းသား အဆိပ်ခတ် ခံခဲ့ရလို့ လွဲခဲ့ရတဲ့ အကြောင်းလေးကလည်း လွမ်း သလိုလို ဆန်း သလိုလို။

ဖတ်နေရင်း မျက်လုံး ကျယ်သွားပြန်တာက သူမရဲ့အဖေ ငယ်စဉ်က ကြီးပွားရာ ကြီးပွားကြောင်း သြစတြေးလျတိုက်တကြော ခြေဆန့်ရင်း Kalgoorlie ရွှေတောအထိ ရောက်ခဲ့ ငွေရှာခဲ့တယ် ဆိုတဲ့ စာကြောင်းလေးပါ ။

( စကားချပ် ---- Kalgoorlie ဆိုတာ မြို့တော်နဲ့ အတော်လှမ်းတဲ့ လက်ရှိ ကိုယ်နေထိုင်နေတဲ့ ရွှေတွင်း မြို့ကလေးတခုမို့ပါ။ လွန်ခဲ့တဲ့နှစ် ၁ဝဝ ကျော်လောက်က ရွှေကြောကြီးတွေ အကြီးအကျယ် ပေါ်လို့ တကမ္ဘာလုံးက လူတွေ ရွှေလာရှာခဲ့တဲ့ နေရာ တခု ဖြစ်ခဲ့ဖူးတယ်။ အခုလည်း ကမ္ဘာ့တောင်ခြမ်းမှာ အကြီးဆုံး ရွှေတွင်းကြီး ရှိနေလေရဲ့)

အဲဒီမှာ မစ္စတာ ဘယ်လာမီ တယောက် အသက်ကြီးမှ ရတဲ့ သမီးလေးကို သူ ငယ်ငယ်က ကြီးပြင်းခဲ့တဲ့ သြစတြေးလျ တိုက်ကြီးရဲ့ ရေမြေ သဘာဝတွေအကြောင်း ကာဂူးလီ ဆိုတဲ့ ရွှေတွင်းမြို့လေးက ထူးဆန်းလှတဲ့ အဖြူရောင် သတ္တဝါကြီးတွေ အကြောင်း၊ မြန်မာပြည်က ကြက်တူရွေး အစိမ်းလေးတွေနဲ့ ယှဉ်ပြီး ပြောပြနေတဲ့ ပုံကိုလည်း မြင်ယောင် ကြည့်မိတယ်။

နောက်တော့ ဒုတိယ ကမ္ဘာစစ်ဖြစ် ဂျပန် ဝင်လာတဲ့အခါ သူတို့မိသားစု အိန္ဒိယကို စစ်ပြေးတဲ့ အကြောင်းတွေ သာသနာပြုကျောင်း ဆရာမတွေက သွေးနှော ကလေးမလေးကို နှိမ်ပုံ၊ အရက်ခွဲ ပုံတွေ၊ ပြန်ရွဲ့လို့ ကျောင်းက အထုတ်ခံရပုံတွေ။ ဂျပန်တွေ ပြန်ထွက်သွားတော့ ၁၄ နှစ် သမီး မှာ မိသားစုလိုက် ဗမာပြည် ပြန်လာကြပြီး မေမြို့မှာ အခြေချ နေထိုင်တာတွေ စတဲ့ အကြောင်းတွေကို တခြား စာအုပ်တွေထဲက အချက်အလက်တွေနဲ့ အစီစဉ်တကျ တွဲစပ်ပြီး တင်ပြထားပုံက စာရေးသူဟာ June Rose တည်ခင်းတဲ့ အထူး စပါယ်ရှယ် ယုန်သဲချေ အစာသွပ်ဟင်းထက် သူမ အကြောင်းတွေကိုသာ စိတ်ဝင်စားနေခဲ့လို့သာပေါ့။

သူမရဲ့ ယောက်ျားဆန်ပုံ သွက်လက်ချက်ခြာပုံ အကြောင်း မိသားစုပိုင် ကားစုတ်ကလေးကို ကိုယ်တိုင် အင်ဂျင်နှိုးပုံကို မြင်ခဲ့ရတဲ့ မိသားစု မိတ်ဆွေ တယောက်ရဲ့ မှတ်တမ်း အပိုင်းအစလေး ကိုလည်း ထည့်ရေးထားသေးတယ်။ နောက်တခါ ဗမာပြည်မှာ စစ်ပြီးခေတ်က ဟိုးလေး တကြော် စိတ်ဝင်စားခဲ့ကြတဲ့ Purple Plain ရုပ်ရှင်မှာ ဟောလိဝုဒ် မင်းသား ဂရေဂရီပတ်နဲ့ တွဲဖက် သရုပ်ဆောင်ဖို့ ဦးစွာ သဘောတူခဲ့သူ ဖြစ်ကြောင်းလည်း သိလိုက်ရတယ်။ အဲဒီ မှာ ဗမာ့ ယဉ်ကျေးမှုနဲ့ မလျော်တဲ့ ထုတ်လုပ်သူဘက်က တောင်းဆိုချက်တွေကြောင့် သူမဘက်က ဖျက်သိမ်းခဲ့တယ်လို့ ဆိုတယ်။ အဲဒီ နောက်မှသာ ဝင်းမင်းသန်းနဲ့ သဘောတူပြီး ရုပ်ရှင်ကို ဆက်လက် ရိုက်ကူးခဲ့တာ ဖြစ်ပါလိမ့်မယ်။

နောက်တော့ အီတာလျံ လူမျိုး WHO ဝန်ထမ်း ဆရာဝန်နဲ့ အိမ်ထောင်ကျရင်း လွတ်လပ်ရေး ရခါစ မြန်မာ့ နိုင်ငံရေး မငြိမ်မသက် လှိုင်းတွေကြား ကွန်မြူနစ်တွေက သူ့ အမျိုးသားကို ပြန်ပေး ဆွဲသွားပုံကိုလည်း ပြန်ပြောင်း ပြောပြထားသေးတယ်။ ပြန်ပေးသမား ကွန်မြူနစ်တွေဟာ ခေတ်ပညာတက် ကျောင်းသားဟောင်းတွေ ဖြစ်တာ၊ သူတို့ မိသားစုကို ကောင်းကောင်း မွန်မွန် ရှင်းပြ ဆက်ဆံခဲ့တာ၊ နောက်တော့ သူ့ အမျိုးသား ပြန်လွတ်လာတဲ့နောက် မြန်မာ အစိုးရကလည်း သူတို့ကို နိုင်ငံက ခွာဖို့ အကြံပေးတာကြောင့် သူ့အမျိုးသား တာဝန်ကျရာ နိုင်ငံရပ်ခြားတွေမှာ လိုက်ပါ နေထိုင်ရင်း အီတလီမှာ အခြေချခဲ့ကြတယ်။

ဦးနေဝင်းနဲ့ ဇာတ်လမ်း စခဲ့ပုံကိုတော့ ခပ်ပါးပါးလေးပဲ ပြောပြထားတယ်။ သူ့ အမျိုးသားနဲ့ ကွာရှင်း ပြတ်စဲလိုက်ပြီး သားလေး ၂ ယောက် နဲ့ အတူ အီတလီမှာပဲ နေထိုင်နေတဲ့ တလျှောက် ၁၉၆၂ ခုနှစ် နောက်ပိုင်း ဦးနေဝင်း လက်ထက်မှာ မြန်မာပြည်ဟာ အထီးကျန် ဆန်လာတာ ဆင်းရဲလာတာ တွေကို မျက်ခြေမပြတ် သိမြင်နေခဲ့ပြီး သူ့ဖခင် မေမြို့မှာ ဆုံးတော့လည်း ခဏတဖြုတ် ပြန်လာနိုင်ခဲ့တယ်။ ဒါပေမဲ့ နောက်တခေါက် သူ့ မိခင် နာမကျန်း ဖြစ်တဲ့ အချိန်မှာတော့ မြန်မာသံရုံးက ဗီဇာ ထုတ်မပေးတော့ဘူး။ အဲဒီမှာ ကွယ်လွန်သွားပြီ ဖြစ်တဲ့ ဦးနေဝင်းရဲ့ဇနီး ကစ်တီ ဘသန်းနဲ့ အထက်တန်းလွှာ အသိုင်းအဝိုင်း တကြော ရင်းနှီးခဲ့ဖူးတဲ့ အလျောက် ဦးနေဝင်းဆီကို သံကြိုးရိုက် အကူအညီ တောင်းရာကနေ အဆက်အသွယ် ရခဲ့ပြီး သိပ်မကြာခင် ၁၉၇၆ မှာ လက်ထပ်လိုက်ကြတယ်။ အဲဒီ လက်ထပ်ပွဲက ခပ်ရိုးရိုးသာ ဖြစ်ခဲ့ကြောင်းကိုလည်း ‘It was not one of those lavish things’ လို့ သူမက ဆိုတယ်။

၁၉၇၆ ဒီဇင်ဘာ ၂၅ ရက်နေ့ထုတ် ကြေးမုံ မျက်နှာဖုံးသတင်း

ဦးနေဝင်းက ဘာကြောင့် ရတနာ နတ်မယ်ကို လက်ထပ်ခဲ့သလဲ၊ ရတနာနတ်မယ်လို့ အသိများတဲ့ June Rose ကလည်း ဘာကြောင့် ဦးနေဝင်း ရဲ့ လက်ထပ်ခွင့်ကို လွယ်လွယ် ကူကူ လက်ခံခဲ့သလဲ ဆိုတာ ကာယကံရှင်များသာ အကြောင်းမှန်ကို သိနိုင်မယ် ဖြစ်ပေမယ့် ဒီဆောင်းပါးလေးထဲက သူမရဲ့ စကား တချို့ကတော့ စိတ်ဝင်စားစရာ ကောင်းနေခဲ့တာ အမှန်ပါပဲ။

ဘယ်သူ့ကိုမှ တိုင်တည်ခြင်း မရှိတဲ့ မေးခွန်း ဆန်ဆန် အဖြေ မပါတဲ့ စကားတချို့က ရည်မှန်းထားတာတွေကို ကျမ ဆောင်ရွက်နိုင်ခဲ့သလား၊ တခုခု ပြီးမြောက်ခဲ့သလား တဲ့။

အဲဒီအကြောင်းတွေ ရောက်လာတဲ့ အခါမှာတော့ စိတ်လှုပ်ရှားနေဟန် ရှိတဲ့ June Rose ဟာ နေ့လယ်စာ တည်ခင်းခဲ့တဲ့ ပန်းကန်တွေကို ပန်းကန်ဆေးကန်ထဲ အသံ မြည်အောင် ထည့်လိုက်တယ်။ ဝိုင် အစား ဘီယာတလုံးကို ဆွဲယူလိုက်ရင်း “ဗမာလူမျိုးတွေ ပါးစပ်ဖျားမှာ ချိုချဉ် တခုလို တမြုံ့မြုံ့နဲ့ ပြောကောင်းနေခဲ့မယ့် သူ့ ဇာတ်လမ်း” ကို ရယ်သွမ်းသွေးလိုက်သေးတယ်။

လူတိုင်းလို ကြားဖူးခဲ့တဲ့ အနောက်နိုင်ငံရဲ့ စပိုင်လုပ်လို့ ဦးနေဝင်းက မောင်းထုတ်ခဲ့တယ် ဆိုတဲ့ ကောလာဟလကို မေးတော့ သူမက ရယ်နေခဲ့တယ်။ ဒါပေမဲ့ သူမကို ဦးနေဝင်းက ဆေးလိပ်ပြာခွက်နဲ့ ပစ်ပေါက်ခဲ့တယ် ဆိုတဲ့ မနှစ်မြို့စရာ ဖြစ်ရပ်ကိုတော့ သူမက နာနာကျင်ကျင် ဝန်ခံပါတယ်။

နောက်တနေ့ ချက်ခြင်းပဲ သူမဟာ စင်းလုံးလေယာဉ် တစင်း နဲ့ မြန်မာပြည်က ထွက်ခွာလာနိုင်ခဲ့တယ်။ လက်ထပ်အပြီး ၅ လ ဆိုတဲ့ အချိန်တိုလေး အတွင်းမှာပဲ လျင်လျင် မြန်မြန် ဖြစ်ပျက်သွားခဲ့တဲ့ အဲဒီ အကြောင်းတွေကို သူမက Sin of Pride လို့ ဆိုခဲ့ပြီး သူမကို မျှော်လင့်ခဲ့တဲ့ လူတွေအတွက် ဘာမှ မဆောင်ရွက်နိုင်ဘဲ အရှုံးနဲ့ သက်သက် ထွက်ခွာခဲ့ရတာ ဖြစ်တယ်လို့ ပြန်ပြောင်း ဖွင့်ဟခဲ့တယ်။

၅ လတာ ကြုံဆုံ ခဲ့ရတဲ့ ဦးနေဝင်းကိုတော့ တကယ့် ဉာဏ်နီ ဉာဏ်နက်နဲ့ အရာရာကို ကြိုးကိုင် ခြယ်လှယ်နိုင်သူကြီး တယောက် လို့သာ မှတ်ချက် ပြုထားတယ်။

“ဦးနေဝင်း နဲ့ ရက် ၁ဝဝ” ဆိုတဲ့ စာအုပ်ဟာ အဲဒီခေတ် သံတမန် လောကမှာ တီးတိုး ရေပန်းစားခဲ့ပေမယ့် အဲဒီ နေ့လယ်မှာတော့ မိဘ ဘိုးဘွားတွေနဲ့ ကြီးပြင်းခဲ့တဲ့ အကြောင်းတွေက လွဲရင် အာဏာရှင်ကြီးနဲ့ ပတ်သက်တဲ့ အကြောင်းတွေကို ရေးဖို့ စိတ်ကူး မရှိပါဘူးလို့ သူမက ငြင်းဆို ခဲ့တယ်။

အီတလီမှာ အချက်အပြုတ် သင်တန်းကျောင်း ဖွင့်ထားတဲ့ ရတနာနတ်မယ် သို့မဟုတ် June Rose Bellamy(ဓာတ်ပုံ - http://www.studiojunebellamy.it/about.html)

လတ်တလောမှာ အီတာလျံနဲ့ အရှေ့တိုင်း အစားအစာ အချက်အပြုတ် သင်တန်းကျောင်းကို ဖွင့်လှစ် ထားပြီး မကြာသေးခင် နှစ်တွေကတော့ သူမရဲ့ အသက်အစိတ် ရှိပြီ ဖြစ်တဲ့ မြေးလေးနဲ့အတူ မြန်မာပြည်ကို ပြန် အလည် ရောက်ခဲ့သေးတယ်လို့ ဆိုတယ်။ မြန်မာပြည်တွင်းက ဆရာဝန်တွေနဲ့ လူမူရေးလုပ်ငန်း တချို့ တွဲဖက် လုပ်ကိုင်နေသလို နာဂစ် မုန်တိုင်း ကယ်ဆယ်ရေး လုပ်ငန်းမှာလည်း ပါဝင် ဆောင်ရွက်နေတဲ့ အကြောင်း သူမရဲ့ ဧည့်ခန်းမှာ တခမ်းတနား ချိတ်ဆွဲထားတဲ့ အဖြူ အမည်း မိသားစုပုံတွေရဲ့ ဘေးက မြန်မာပြည်ကျေးရွာ တခုက ပြန်လည် တည်ဆောက်ရေး လုပ်ငန်းတခုရဲ့ ရောင်စုံ ဓာတ်ပုံနဲ့ ဆက်စပ် ကြည့်ရင်း တချိန်က ရတနာနတ်မယ် ဆိုတဲ့ ကနောင်မင်းရဲ့ မြစ်တော် အသက် ၇၇ နှစ် အရွယ် အမျိုးသမီးကြီး အကြောင်း တွေးနေမိပါတယ်။

http://moemaka.com/index.php?option=com_content&task=view&id=6528&Itemid=1

ခြိမ်းခြောက်မှု မျိုးစုံအောက်က သတင်းသမားဆု မြန်မာရရှိ

By ဒေါ်ခင်မျိုးသက် အင်္ဂါ, 01 ဇွန် 2010

ဗြိတိန်နိုင်ငံ အခြေစိုက် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက မြန်မာနိုင်ငံက အလွတ်သတင်းထောက် သတင်းသမားတွေ အားလုံးအတွက် ရည်ရွယ်ပြီး Journalism under threat ခြိမ်းခြောက်မှုမျိုးစုံ အောက်က သတင်းသမားများဆုကို ချီးမြှင့်လိုက်ပါတယ်။ သတင်းလွတ်လပ်ခွင့် မရှိဆုံးနဲ့ သတင်း အမှောင်ချလေ့ရှိတဲ့ မြန်မာနိုင်ငံမှာ ရွေးကောက်ပွဲ ကျင်းပဖို့ စိုင်းပြင်းနေချိန် ဒီလို အရေးကြီးတဲ့ ကာလမှာ နိုင်ငံတကာ သတင်းလောကသားတွေ အားလုံး မြန်မာသတင်းသမားတွေရဲ့ အရေးကို အာရုံစိုက်လာစေဖို့ ရည်ရွယ်ပြီး အခုလို ဆုချီးမြှင့်တာလို့ Amnesty International နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက ပြောဆိုလိုက်ပါတယ်။ အပြည့်အစုံကို ဆက်သွယ်မေးမြန်းပြီး ဒေါ်ခင်မျိုးသက်က တင်ပြပေးထားပါတယ်။

နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးဟာ မြန်မာနိုင်ငံတွင်းက သတင်းသမားတွေရဲ့ အခြေအနေကို မပြတ် လေ့လာနေတာမို့ သူတို့ဟာ နည်းမျိုးစုံနဲ့ ဖိနှိပ်မှုကို ကြံ့ကြံ့ခံနိုင်ပြီး အန္တရာယ်ကို မမှုဘဲ သတ္တိရှိရှိနဲ့ ပြည်တွင်းက သတင်းမှန်တွေ ကမ္ဘာကသိအောင် ပြောပြနိုင်တဲ့သူတွေမို့ အခုလို ဂုဏ်ပြုတာလို့ ဗြိတိန်အခြေစိုက် AI အဖွဲ့ရဲ့ မြန်မာ့အရေး တာဝန်ခံ ဘာရက်တီကွာက ပြောပါတယ်။

“မြန်မာနိုင်ငံထဲက သတင်းသမားတွေဟာ နေ့တိုင်းလိုလိုပဲ ခြိမ်းခြောက်မှု အမျိုးမျိုးကို ရင်တမမနဲ့ စိုးရိမ်ကြောက်လန့်နေရတဲ့ ကြားကပဲ ပြည်တွင်းမှာ ဘာတွေဖြစ်နေတယ် ဆိုတာကို ပြောပြဖို့ သတ္တိရှိရှိ ကြိုးစားနေကြတာကို ကျမတို့က ဂုဏ်ပြုတဲ့ အနေနဲ့ ဒီဆုကို ချီးမြှင့်တာပါ။”

သတင်းမှန် ထုတ်ဖော် ရေးသားမိသူတွေဟာ ထောင်ဒဏ်နှစ်ရှည် ကျခံရတာမျိုး ရှိသလို ပုံစံမျိုးစုံနဲ့ ဖိနှိပ်မှုတွေ ခံနေရပြီး မြန်မာနိုင်ငံဟာ သတင်းလွတ်လပ်ခွင့် ဆုံးပါးနေတဲ့ နိုင်ငံတနိုင်ငံ ဖြစ်နေတာကို အားလုံးက သတိပြုလာစေချင်တယ်လို့လည်း ပြောပါတယ်။

“မြန်မာနိုင်ငံထဲမှာ နိုင်ငံရေးအကျဉ်းသား ၂,၂၀၀ ရှိနေပြီး အဲဒီထဲမှာ သတင်းသမားက ၄၀ ရှိနေပါတယ်။ သူတို့ဟာ သတင်းထုတ်ပြန်မှုကြောင့် ငြိုးတေးတာ ခံရပြီး လွတ်မယ့်ရက်ကိုလည်း အာမခံနိုင်တဲ့ အခြေအနေမှာ မရှိပါဘူး။ ဒါဟာ မြန်မာနိုင်ငံထဲမှာ လွတ်လပ်စွာ ထုတ်ဖော်ပြောဆိုခွင့် မရှိဘဲ ထုတ်ပြောခဲ့ရင် အပြစ်ပေးတာ ခံရတဲ့ အခြေအနေပါ။”

ဒီအခြေအနေမျိုး ရှိနေတဲ့ သတင်းအမှောင်ချလေ့ရှိတဲ့ နိုင်ငံမှာ ဒီနှစ်အတွင်း ရွေးကောက်ပွဲ ကျင်းပဖို့ ပြင်နေတာမို့ ၂၀၀၇ ခုနှစ် ရွှေဝါရောင် တော်လှန်ရေးတုန်းကလို၊ နာဂစ် ဆိုင်ကလုန်းဒဏ် ခံခဲ့ရတဲ့ အချိန်တုန်းကလို သတင်းသမားတွေအတွက် အန္တရာယ်ကြီးတဲ့ အခြေအနေမှာ ကြုံနေရတာကို ကမ္ဘာက သိစေချင်တာမို့ မြန်မာသတင်းသမားတွေကို အခုလို ဆုချီးမြှင့် ဂုဏ်ပြုတာလို့လည်း ပြောပါတယ်။

“ဒါဟာ အန္တရာယ်ကြားက သတင်းသမားတွေရဲ့ သတ္တိရှိမှုကို ပုံစံအသစ်နဲ့ Amnesty International က ဂုဏ်ပြုတာမျိုးပါ။ ဒီအချိန်ဟာ မြန်မာနိုင်ငံထဲမှာ ရွေးကောက်ပွဲ ကျင်းပဖို့ လုပ်နေတဲ့ အချိန်မို့လည်း သိပ်ကို အရေးကြီးတဲ့ အချိန်ပါ။ ဒါကြောင့် ဒီနေ့ ဆုပေးပွဲကို တက်ရောက်လာသူတွေနဲ့တကွ သတင်းသမားတွေ အားလုံး မြန်မာနိုင်ငံတွင်းက သတင်းသမားတွေကို အာရုံစိုက်လာစေဖို့အတွက် အချိန်တန်ပြီလို့ ကျမတို့ ယူဆပါတယ်။ မြန်မာနိုင်ငံတွင်းက လူထုအနေနဲ့လည်း ကျမတို့ သူတို့နဲ့အတူ ရပ်တည်နေပါတယ် ဆိုတာကို သိစေချင်ပါတယ်။”

ခြိမ်းခြောက်မှုမျိုးစုံအောက်က သတင်းသမားများဆု ချီးမြှင့်ပွဲကို ဗြိတိန်နိုင်ငံ လန်ဒန်မြို့မှာ ဇွန်လ ၁ ရက်နေ့ညက ကျင်းပခဲ့ပြီး ဗြိတိန်နိုင်ငံ နိုင်ငံခြားရေး ၀န်ကြီးဌာန ကိုယ်စားလှယ် အပါအ၀င် ဧည့်သည်တော် ၄၅၀ ကျော် တက်ရောက်ခဲ့ပါတယ်။ မြန်မာနိုင်ငံအတွက် သတင်းသမားများ ကိုယ်စား ဆုတက်ရောက်ယူခဲ့တဲ့ ဘီဘီစီ မြန်မာပိုင်းဌာနက ဒေါ်နီတာမေကို ဆက်သွယ်မေးမြန်းရာမှာ သူက အခုလို ပြောပါတယ်။

“သတင်းသမားတွေ အနေနဲ့ သူတို့ သတင်းပို့ပေးတာတွေ၊ သူတို့ သတင်း ဖြန့်နေတာတွေကို အစိုးရ အာဏာပိုင်တွေ သိရင် သူတို့ကို ဖမ်းချုပ်တာတွေ၊ နှိပ်စက် ညှဉ်းပန်းတာတွေ၊ နှစ်ရှည်ထောင်ဒဏ်တွေကို ချပစ်တယ်။ ဒီလောက် အန္တရာယ်တွေ များတဲ့ ကြားထဲကနေ သတင်းကို ဖြန့်ဖြူးရမယ်၊ သတင်း အမှောင်ချထားတာတွေကို တွန်းလှန်ရမယ်ဆိုတာ သတင်းသမားတွေရဲ့ ခံယူချက်ပဲ။

“ဒါတွေကို ဖြန့်ဖြူးပေးနိုင်အောင် သူတို့က သူတို့ဘ၀တွေကို အနစ်နာခံတယ်၊ သူတို့မိသားစုတွေကို အဆုံးရှုံးခံပြီးတော့ သတင်းတွေ ပေးပို့ကြတယ်၊ သတင်းတွေ ဖြန့်ကြတယ်။ အဲဒီလူတွေကို အခုလို Amnesty International အဖွဲ့ကြီးကနေ အသိအမှတ်ပြုတယ်ဆိုတာ ကျမ အရမ်းကို ဂုဏ်ယူပါတယ်။ နောက်ထပ် သတင်းသမား အသစ်တွေ အများကြီး ပေါ်လာနိုင်မယ်လို့လည်း မျှော်လင့်တယ်။ ဒီဆုကိုလည်း မြန်မာနိုင်ငံက သတင်းထောက်တွေ ကိုယ်စား တက်ယူခွင့် ရတဲ့အတွက်လည်း ကျမ ဂုဏ်ယူလို့ မဆုံးပါဘူးရှင်။”

မြန်မာနိုင်ငံက သတင်းထောက်တွေလို့ ပြောတော့ ဘယ်လို သတင်းထောက်မျိုးကို သူတို့ ရည်ရွယ်ပြီးတော့ ဒီဆုကို ပေးတာပါလဲ။

“တချို့သတင်းသမားတွေကျတော့ ပြည်တွင်းမှာ တကယ် ဖြစ်ပျက်နေတဲ့ သတင်းတွေ၊ ဥပမာ ဗုံးပေါက်တာတွေ၊ မီးလောင်တဲ့ ကိစ္စတွေ၊ အခု ရေရှားပါးတဲ့ ကိစ္စတွေ၊ ဒီသတင်းကို လိုက်ပြီးတော့ သူတို့က ပြင်ပ သတင်းဌာနတွေကို ပေးပို့ကြတယ်။ တချို့သတင်းထောက်တွေဆိုရင် သတင်းထောက်နာမည် မခံပါဘူး။ ဗွီအိုအေကို ပို့တယ်၊ အာအက်ဖ်အေကို ပို့တယ်၊ ဘီဘီစီကို ပို့တယ်၊ ဒီဗွီဘီကို ပို့တယ်။ ဒီသတင်းထောက်တွေက သူတို့ဟာ သူတို့ သတင်းသမား ဖြစ်လို့ဖြစ်မှန်းတောင် မသိကြဘူး။ ဒီကြားထဲကနေ သူတို့ဘ၀တွေကို အနစ်နာခံပြီးတော့ ကမ္ဘာက သိပါစေ၊ ပြည်သူတွေ သိကြပါစေဆိုပြီး၊ ဘာဖြစ်လို့လဲဆိုတော့ ပြင်ပ သတင်းဌာနတွေကလည်း ဒီသတင်းတွေကို မြန်မာနိုင်ငံတွင်းကိုပဲ ပြန်ပြီး လွှင့်ထုတ်ပေးတာလေ။

“အဲဒီအခါမှာ အော် ငါတို့တိုင်းပြည်မှာ ဒါတွေ ဖြစ်နေပါလား၊ သတင်းစာထဲမှာ မပါပါလား၊ သူတို့ သိခွင့်တွေ ရသွားပါတယ်။ အဲဒီ အလွတ် သတင်းထောက်တွေ၊ သတင်းသမားမှန်း မသိတဲ့ သတင်းသမားတွေကိုလည်း ဂုဏ်ပြုတဲ့ စာရင်းထဲမှာ ထည့်ထားပါတယ်။ အဲဒါကြောင့် Amnesty International အနေနဲ့ တဦးချင်းရယ်လို့ မသတ်မှတ်တော့ဘဲနဲ့ မြန်မာနိုင်ငံက သတင်းသမားတွေ၊ သတင်းထောက်တွေ ဆိုပြီးတော့ အားပေးတဲ့ အနေနဲ့၊ အသိအမှတ်ပြုတဲ့ အနေနဲ့ ဒီဆုကို ချီးမြှင့်တာပါ။”

ဒေါ်နီတာမေ ပြောပြသွားတာ ဖြစ်ပါတယ်။
http://www1.voanews.com/burmese/news/

သူခိုးက နွားကောင်းရွေးသော နိုင်ငံရေးစနစ်

အယ်ဒီတာ့အာဘော် / ၀၂ ဇွန် ၂၀၁၀

နိုင်ငံရေးပါတီအများအပြား ပေါ်ထွက်လာပြီး စည်းမဲ့ကမ်းမဲ့ တာဝန်မဲ့ ပြုလုပ်မည်စိုးသဖြင့် လိုက်နာရမည့် စည်းကမ်းဥပဒေကို အစိုးရက ပြဋ္ဌာန်းလေ့ရှိ၏။ အထူးသဖြင့် ပါတီစုံဒီမိုကရေစီစနစ်ကို စတင်ကျင့်သုံးသောနိုင်ငံများ၌ နိုင်ငံရေးပါတီများဆိုင်ရာ ဥပဒေကို ပြဋ္ဌာန်းကြသည်။ တင်းကျပ်သည့်ဥပဒေကို ပြဋ္ဌာန်းသောနိုင်ငံတွင် နိုင်ငံရေးပါတီအနေဖြင့် ပြည်သူ့အကျိုး ဆေင်ရွက်နိုင်မည့်အလားအလာ နည်းပါးသွားသည်ကို တွေ့ရ၏။ ဥပဒေမရှိပါက နိုင်ငံရေးပါတီများ တာဝန်မဲ့ပြုမူနိုင်မည့် အခွင့်အလမ်းရှိသဖြင့် မှန်ကန်သော နိုင်ငံရေးပါတီများဆိုင်ရာဥပဒေကို ပြဋ္ဌာန်းရန် အလွန်အရေးကြီးသည်။

ဤနေရာတွင် “နိုင်ငံရေးပါတီများဆိုင်ရာဥပဒေ” နှင့် “နိုင်ငံရေးပါတီဥပဒေ” ကို ပြတ်သားစွာ ခွဲခြားသိမြင်နိုင်ရန်လိုသည်။ နိုင်ငံရေးပါတီဥပဒေဆိုသည်မှာ ပါတီအတွင်း၌ လိုက်နာကျင့်သုံးရမည့် ဥပဒေများပင်ဖြစ်သည်။ ဥပမာ ပါတီ၏ ဖွဲ့စည်းပုံအခြေခံဥပဒေနှင့် ပါတီဝင်များ လိုက်နာရမည့်စည်းကမ်းသည် ပါတီဥပဒေဖြစ်သည်။ “နိုင်ငံရေးပါတီများဆိုင်ရာ ဥပဒေ” ဟူသည်မှာ နိုင်ငံရေးပါတီများအနေဖြင့် လိုက်နာရမည့် စည်းမျဉ်းဖြစ်သည်။ ဥပမာ ပါတီအချင်းချင်းဆက်ဆံရာ၌ လိုက်နာရမည့် စည်းကမ်းသည် နိုင်ငံရေးပါတီများ လိုက်နာရမည့်စည်းကမ်းဖြစ်သည်။ ဂျာမနီတွင် Law on Political Parties (နိုင်ငံရေးပါတီများဆိုင်ရာ ဥပဒေ) ဟု ခေါ်၍ တောင်ကိုရီုးယားတွင် Political Parties Act (နိုင်ငံရေးပါတီများအက်ဥပဒေ) ဟု အမည်တွင်သည်။

နိုင်ငံရေးပါတီများဆိုင်ရာ ဥပဒေကိုလိုက်၍ နိုင်ငံရေပါတီပုံစံအမျိုးမျိုးပေါ်လာသည်။ သို့သော်လည်း အမေရိကန်နှင့် အနောက်ဥပဒေ၌မူ နိုင်ငံရေးပါတီမပေါ်မီကတည်းက ဖွဲ့စည်းပုံအခြေခံဥပဒေရှိနေကြသဖြင့် နိုင်ငံရေးပါတီကိစ္စကို အခြေခံဥပဒေ၌ ဖော်ပြခြင်းမရှိပါ။ ဖွံ့ဖြိုးစနိုင်ငံအတော်များများတွင် အခြေခံဥပဒေအရ နိုင်ငံရေးပါတီဥပဒေ ရေးဆွဲကြ၏။ သို့သော်လည်း ပေါ်ထွက်လာသော နိုင်ငံရေးပါတီများတွင် လူပုဂ္ဂိုလ်များကသာ လွှမ်းမိုးသည်ကို တွေ့ရ၏။ အခြေခံဥပဒေ၌ ပြဋ္ဌာန်းခြင်းသည် ပြင်ဆင်ရန်ခက်ခဲသဖြင့် နိုင်ငံရေးပါတီများ ဖွံ့ဖြိုးတိုးတက်ရန် ခက်ခဲသည်ဟုဆိုသည်။ လွှတ်တော်၌ ဥပဒေပြု၍ နိုင်ငံရေးပါတီများဆိုင်ရာ ဥပဒေကို ပြဋ္ဌာန်းခြင်းသည် ပြင်ဆင်ရန် လွယ်ကူသဖြင့် လုပ်ကိုင်ရသည်မှာ ပို၍ အဆင်ပြေသည်ကို တွေ့ရသည်။

၂၀၀၈ နအဖအခြေခံဥပဒေ အခန်း (၁၀) သည် နိုင်ငံရေးပါတီများနှင့်သက်ဆိုင်၏။ အခန်း (၁၀) ကိုအသုံးပြု၍ နိုင်ငံရေးပါတီများ၏ ရပ်တည်ခွင့်ကို အစိုးရက အချိန်မရွေးပိတ်ပင်နိုင်သည်။ အားကောင်းသောနိုင်ငံရေးပါတီကို အခန်း (၁၀) က ရိုက်ချိုးပစ်နိုင်၏။ အစိုးရကို ဆန့်ကျင်သော ပုဂ္ဂိုလ် (သို့မဟုတ်) အဖွဲ့အစည်းနှင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ဆက်သွယ်သည် (သို့မဟုတ်) အားပေးကူညီသည်ဆိုပါက နိုင်ငံရေးပါတီအဖြစ် ရပ်တည်ပိုင်ခွင့်မရှိဟု အခန်း (၁၀) ၌ ဖော်ပြထားသည်။ နိုင်ငံခြားအစိုးရ (သို့မဟုတ်) နိုင်ငံခြားအဖွဲ့အစည်း (သို့မဟုတ်) နိုင်ငံခြားပုဂ္ဂိုလ်တဦးဦးထံမှ ငွေကြေး၊ ပစ္စည်းနှင့်အခြားအထောက်အပံ့ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ရယူသုံးစွဲပါက နိုင်ငံရေးပါတီအဖြစ်မှ ရပ်တည်ခွင့် ဆုံးရှုံးသည်ဟုဆိုသည်။ ဘာသာရေးကို နိုင်ငံရေးအတွက် အသုံးပြုသောအခါတွင်လည်း ပါတီအဖြစ် ဆုံးရှုံးသည်ဟုဆိုသည်။

နိုင်ငံခြားနှင့် ဆက်သွယ်မှုများပြားနေသော ယခုခေတ်တွင် အလွယ်တကူအကြောင်းရှာ၍ နိုင်ငံရေးပါတီကို ပယ်ဖျက်နိုင်သော နည်းပင်ဖြစ်သည်။ အမျိုးသားဒီမိုကရေစီအဖွဲ့ချုပ် ရွေးကောက်ပွဲဝင်၍ နိုင်ရန် အလားအလာရှိပါက အခန်း (၁၀) နှင့် ထိပ်တိုက် တွေ့ဖွယ်ရှိတယ်။ အခြေခံဥပဒေအရ နိုင်ငံရေးပါတီကို ပယ်ဖျက်နိုင်စွမ်းရှိသည့်အပြင် ပြည်ထောင်စုလွှတ်တော်ကလည်း နိုင်ငံရေးပါတီများနှင့် စပ်လျဉ်းသည့် ဥပဒေများကို လိုအပ်သလို ပြဋ္ဌာန်းနိုင်သည်ဟု ပုဒ်မ (၄၀၉) ကဆိုသည်။ စည်းကမ်းဥပဒေ စိတ်ကြိုက်သတ်မှတ်ပြီး နိုင်ငံရေးပါတီများ၏လည်ပင်းတွင် ကြိုးကွင်းစွပ်ထားသည့် အခြေခံဥပဒေပင်ဖြစ်၏။

နအဖဖန်တီးလိုက်သော နိုင်ငံရေးလောကသည် နအဖစီးပွားရေးလောကနှင့် အတူတူပင်ဖြစ်၏။ နအဖနှင့် ပုလင်းတူဘူးဆို့ ကျိတ်ဝိုင်းလုပ်သော စီးပွားရေးသမားများ ချမ်းသာလာသကဲ့သို့ နအဖနှင့် ကျိတ်ဝိုင်းလုပ်နိုင်သော နိုင်ငံရေးပါတီများ ကြီးပွားချမ်းသာကြမည်ဖြစ်သည်။ နအဖအခြေခံဥပဒေပုဒ်မ (၄၀၅) တွင် ဖော်ပြထားသော “စစ်မှန်၍ စည်းကမ်းပြည့်ဝသော ပါတီစုံဒီမိုကရေစီ” ဟူသည်မှာ ခြေသုတ်ပုဆိုး မြွေစွယ်ကျိုးဘ၀တွင် နအဖအာဏာပိုင်တို့၏ ညွှန်ကြားချက်ကို နာခံခြင်းပင်ဖြစ်သည်။ နိုင်ငံရေးပါတီကို အလွယ်တကူအပြစ်ပေး၍ ပယ်ဖျက်နိုင်သော နအဖအခြေခံဥပဒေကြောင့် လွတ်လပ်သော နိုင်ငံရေးပါတီထွက်လာရန် ခက်ခဲမည်ဖြစ်သည်။ ကန့်သတ်ချုပ်ချယ်မှုနည်းလေလေ နိုင်ငံရေးပါတီအနေဖြင့် တာဝန်သိစွာ ရှင်သန်ကြီးထွားရန် အခွင့်အလမ်းများလေလေဖြစ်သည်။

နအဖပြဋ္ဌာန်းသော နိုင်ငံရေးစနစ်သည် အနှစ်သာရအားဖြင့် တရုတ်ကွန်မြူနစ်အစိုးရ၏ နိုင်ငံရေးပါတီစနစ်နှင့်တူသည်။ ကွန်မြူနစ်ပါတီ၏ ဦးဆောင်မှုအောက်၌ နိုင်ငံရေးပါတီများ ဆွေးနွေးတိုင်ပင်၍ ပူးပေါင်းဆောင်ရွက်ခြင်းသည် တရုတ်ပြည်၌ ကျင့်သုံးသော ပါတီစုံစနစ်ဟုဆိုသည်။ ပါတီချင်း ပြိုင်ဆိုင်ကြသော အနောက်တိုင်းစနစ်နှင့် ကွဲပြားခြားနားသကဲ့သို့ တပါတီစနစ်နှင့်လည်း ကွဲပြားသည်ဟု တရုတ်စာတမ်းတွင် ဖော်ပြသည်။ ပါတီစုံတိုင်ပင်ဆွေးနွေး၍ ပူးပေါင်းဆောင်ရွက်သည့် နည်းသည် တရုတ်ပြည်နှင့် အသင့်တော်ဆုံးဖြစ်သည်ဟုဆို၏။ တရုတ်ပြည်တွင် ကွန်မြူနစ်ပါတီအပြင် အခြားပါတီ (၈) ပါတီ ရှိသေး၏။ ယဉ်ကျေးမှုတော်လှန်ရေးကာလ (၁၉၆၆-၁၉၇၆) ၌သာ ပါတီစုံစနစ် ရပ်ဆိုင်းခဲ့ပြီး ၁၉၇၈ တွင် ပြန်လည်ကျင့်သုံးသည်ဟု ဆို၏။ ၁၉၉၃ ၌ ကျင်းပသော (၈) ကြိမ်မြောက် အမျိုးသားပြည်သူ့ကွန်ဂရက်၌ ပါတီစုံပူးပေါင်း ဆောင်ရွက်ရေးနှင့် နိုင်ငံရေးဆွေးနွေးရေးမူဝါဒကို ဖွဲ့စည်းပုံအခြေခံဥပဒေ၌ ထည့်သွင်းလိုက်သည်ဟု ဆို၏။

ဗမာစစ်တပ်သည် တရုတ်ကွန်မြူနစ်ပါတီ၏ နေရာမျိုးကို ရယူထားခြင်းဖြစ်သည်။ တရုတ်ကွန်မြူနစ်ကဲ့သို့ပင် ဗမာစစ်တပ်သည် ရာသက်ပန်အာဏာရှင်ဖြစ်နေ၏။ ဥပဒေပြုလွှတ်တော်တွင် စစ်ဗိုလ် (၂၅) ရာခိုင်နှုန်းယူ၍ ကျန် (၇၅) ရာခိုင်နှုန်းကို စစ်ဗိုလ်ဟောင်းနှင့် အရပ်သားများ ပြိုင်ဆိုင်ရမည်ဖြစ်သည်။ စစ်တပ်က ဦးဆောင်သည်ကို အရပ်သားများက ပူးပေါင်းဆောင်ရွက်ရသည့် နိုင်ငံရေးစနစ်ပင်ဖြစ်သည်။ နအဖ မကျေနပ်သော နိုင်ငံရေးပါတီများ ဆက်လက်ရပ်တည်ရန် အလွန်ခက်ခဲမည်ဖြစ်သည်။ ကြပ်ပြေးသန်းရွှေ စီစဉ်သော နိုင်ငံရေးစနစ်ပင်ဖြစ်၏။ ရွေးကောက်ပွဲသည် တဖက်သတ်အနိုင်ကျင့်သော လုပ်ရပ်ဖြစ်သဖြင့် နိုင်ငံခြားလေ့လာသူများကို ၀င်ခွင့်မပေးခြင်းပင်ဖြစ်သည်။

တရုတ်ဒီမိုကရေစီ စက္ကူဖြူစာတမ်းကို ၂၀၀၅ အောက်တိုဘာလ၌ ထုတ်ပြန်သည်။ အနှစ်သာရမှာ ကွန်မြူနစ်ပါတီ ဦးဆောင်မှုအောက်၌ ပူးပေါင်းဆောင်ရွက်ရန်ဖြစ်၏။ ကွန်မြူပါတီ၏ အောင်မြင်မှုကို မှတ်တမ်းတင်သည့် စာတမ်းဖြစ်သဖြင့် ပြည်သူများ သိန်းချီသေဆုံးရသော အမှားမျိုးကို ကွယ်ဝှက်ထားသည်။ ဒီမိုကရေစီစနစ်မျိုးစုံတွင် တရုတ်ဒီမိုကရေစီသည် တရုတ်လူမျိုးနှင့် အသင့်တော်ဆုံးဟုဆိုသည်။ ဒီမိုကရေစီကိစ္စတွင် အတုယူစရာမလိုဟု တရုတ်ကွန်မြူနစ်က ယူဆသည်။ ဤပုံစံအတိုင်း နအဖကလည်း စစ်ဗိုလ်ဦးဆောင်မှုအောက်တွင် အားလုံးပူးပေါင်းဆောင်ရွက်သည်ကို ဒီမိုကရေစီအစစ်အမှန် ဖြစ်သည်ဟု အခြေခံဥပဒေ၌ ၀ါဒဖြန့်ထား၏။ တရုတ်ပြည်၏ ချို့ယွင်းချက်နှင့် အားနည်းချက်ကို ပါတီကေဒါများ သိကြသော်လည်း ကြားကာလပြဿနာအဖြစ် သဘောထားပြီး တိုးတက်ဖွံ့ဖြိုးလာပါက ဤပြဿနာများ ပျောက်သွားလိမ့်မယ်လို့ ယူဆကြ၏။ ခေါင်းဆောင်ကို အမှားကင်းသော ပုဂ္ဂိုလ်အဖြစ် သတ်မှတ်သည့် ပါတီကေဒါနှင့် ၀န်ထမ်းသည် ဆွေးနွေးမှုကို နားမလည်ပါ။ ဤနေရာ၌လည်း တရုတ်ပါတီကေဒါနှင့် ဗမာစစ်ဗိုလ်သည် အသွင်တူကြပေသည်။

အဂတိလိုက်စား၍ အာဏာအလွဲသုံးစားလုပ်ရာ၌လည်း တရုတ်ကေဒါနှင့် ဗမာစစ်ဗိုလ်အသွင်တူကြသည်။ တရုတ်ပြည်နှင့် မြန်မာပြည်တွင် စီးပွားရေးလုပ်ပါက ကေဒါနှင့် စစ်ဗိုလ်ကို လာဘ်ထိုးရသည်မှာ ထုံးစံဖြစ်၏။ ဗမာစစ်ဗိုလ်နှင့် ဆွေမျိုးသားချင်းများ စီးပွားရေးသောင်းကျန်းသည့်ကိစ္စ၌ စာရင်းအင်းမရှိပါ။ တရုတ်ပြည်၌ စာရင်းလုပ်ထားသည်။ ၂၀၀၃ မှ ၂၀၀၈ အထိ အဂတိလိုက်စားမှုပေါင်း (၈၅၂,၀၀၀) ရှိပြီး ပါတီနဲ့အစိုးရ၀န်ထမ်း (၈၈၁,၀၀၀) အပြစ်ဒဏ်ခံရ၏။ နိုင်ငံပိုင်လုပ်ငန်းကို ပုဂ္ဂလိကပိုင်အဖြစ် ပြောင်းလဲရာ၌လည်း ပါတီဝင်နှင့် စစ်ဗိုလ်အသိုင်းအ၀ိုင်းသာ အမြတ်ထွက်ကြသည်။ ဤသို့သော သူခိုးများဖြင့် တည်ဆောက်ထားသော နိုင်ငံရေးလောကို သူခိုးက နွားကောင်းရွေးသော နိုင်ငံရေးစနစ်ဟု ခေါ်ရပေမည်။
http://www.khitpyaing.org/

NLD news bulletin-May-2010

NLD News Bulletin May 2010 Final

အိမ်ဖြူတော်ရှေ့အစာငတ်ခံဆန္ဒပြကြသူများ

၂၀၁၀ ရွေးကောက်ပွဲမှ ဒီမိုကရေစီသစ္စာဖေါက်ကြသည့်သူများ


သေသေချာချာ တွက်ချက်ကြည့်သောအခါ ၂၀၁၀ ရွေးကောက်ပွဲအတွက် အသံများထဲမှာ စိတ်ပျက်စရာကောင်းလောက်အောင် ကြားနေရသည်။ မှတ်ပုံတင်သည့်သတင်းများနှင့် ၀င်ကြမည့်သတင်းများကို ကြားလာရသည်။ အထူးသဖြင့် မီဒီယာအသံလွှင့်များမှ၎င်း ပြည်ပအခြေစိုက်များမှ၎င်း ဖေါ်ပြနေခြင်းများက လွန်လွန်းလှသည်။ စင်စစ် ၂၀၁၀ ရွေးကောက်ပွဲ သပိတ်မှောက်သောသူများ သတင်းများကို ရေးကြချွတ်ကြစေချင်သည်။ တနေ့က စာပေလောကမှ နိုင်ငံရေးလောကသို့ဝင်လာသော ဝေမှူးသွင် သတင်းကို တွေ့ရသည်။ လူငယ်စာရေးဆရာတဦးဖြစ်သော ဝေမှူးသွင်က နိုင်ငံရေးလောကကို ၀င်ရောက်လာခြင်းမှာ အထူးပြောစရာ မဟုတ်။ သို့သော် သတင်းစာဆရာများနှင့် စာရေးဆရာများ ကဗျာဆရာများကို မတရားဖမ်းဆီးထားသော စစ်အစိုးရအား ယုံကြည်စွာဖြင့် ရွေးကောက်ပွဲဝင်လာမူမှာတော့ လက်ခံနိုင်စရာ အကြောင်းမရှိ။ သည်နေရာမှာ ယုံကြည်စွာဖြင့်ဆိုသော စကားလုံးကို သုံးခြင်းအား နားလည်စေချင်သည်။
၁၉၉၀ ခုနှစ်က ရွေးကောက်ပွဲကို ပြုလုပ်ခဲ့သော စစ်အစိုးရသည် ယခုတဖန် ဒုတိယအကြိမ်ရွေးကောက်ပွဲကို ပြုလုပ်ခြင်းဖြစ်သည်။ ရှင်းပါမည်။ ၂၀၁၀ ရွေးကောက်ပွဲကို ၀င်မည်ဟု တကဲကဲပြောကြသောသူများက ရွေးကောက်ပွဲမှာ တကြိမ်သာဖြစ်သည်။ ရွေးကောက်ပွဲသည် အဆုံးအဖြတ်ပေးသည်။ လွှတ်တော်အတွင်းတွင် ဖွဲ့စည်းအုပ်ချုပ်ပုံအခြေခံ ဥပဒေကို ပြန်လည်ရေးဆွဲ အတည်ပြုကြမည်။ယင်းမှာ ၂၀၁၀ ရွေးကောက်ပွဲကို ၀င်မည့်သူများက ပြောသောလက်သုံးစကားများဖြစ်သည်။ ဤစကားများမှာ လုံးဝလက်တွေ့မကျသော လ်ိမ်ညာဝါဒဖြန့်သော စကားလုံးများဖြစ်သည်။
စစ်အစိုးရသည် ၁၉၉၀ ခုနှစ်က တကြိမ်ပြုလုပ်ခဲ့ပြီးပြီ။ ထို့ကြောင့် ယခုအကြိမ်သည် ပထမအကြိမ် မဟုတ်။ ရွေးကောက်ပွဲသည် အဆုံးအဖြတ်ပေးသော ပွဲမဟုတ်။ အကြောင်းမှာ ၁၉၉၀ ခုနှစ်က ရွေးကောက်ပွဲ ပြုလုပ်ခဲ့သော ရလဒ်မှာမည်သည့်နေရာတွင် ရောက်ရှိနေသည်ကို လူတိုင်းသိသည်။ ယုံကြည်နိုင်စရာ တကွက်မျ မရှိသော စစ်အစိုးရသည် ဘယ်သောအခါမျှ အဆုံးအဖြတ်ဆိုသော လက္ခဏာကို အကောင်အထည်မဖေါ်ပေး။ လွှတ်တော်အတွင်းတွင် ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကို ဆွေးနွေးကြမည်ဟု ပြောဆိုကြခြင်းမှာ လက်ခံနိုင်စရာ မရှိ။ အကြောင်းမှာ နိုင်ငံရေးပါတီ အဖြစ်မှတ်ပုံတင်ပြီးသည်နှင့် ၂၀၀၈ ဥပဒေကို လက်ခံပါပြီဟု ပြောဆိုလက်မှတ်ထိုးပြီးပါပြီ။ သည်တော့ ယင်းရွေးကောက်ပွဲကို ဘာလုပ်ရမှာနည်း။
သည့်ထက်ကောင်းသော ဆင်ခြေဆင်လက်များကို ကျွန်တော်တို့ ပေးတတ်ပါသည်။ သို့သော် မပေးတော့ပါ။ မည်သူမဆိုနားလည်ကြပါသည်။ အထူးသဖြင့် အနုပညာအသိုင်းအ၀ိုင်းလောကမှ ဆိုလျင် ပို၍နားလည်ခန့်မှန်းတတ်ကြသေးသည်။ ဟာသသရုပ်ဆောင် ကိုဇါဂနာဆိုလျင် လူတွေသောက်သောက်လဲ သေကြေနေသော နာဂါစ်မုန်းတိုင်းမှ လူတွေကို အလှူတွေလုပ်နေယင်း အကျဉ်းထောင်ထဲ ရောက်သွားရသည်။ ကဗျာဆရာကိုစောဝေမှာ ကဗျာရေးမိလို့ ထောင်ကျရာမှ ပူပူနွေးနွေး လွပ်ကာခရှိသေးသည်။ ဘလော့ဂါနေဘုန်းမှာ ဘလော့မှာသတင်းများကို ရေးလို့ ထောင်ကျနေသည်။ သို့သော် ကမ္ဘာကြီးက သူတို့ကို မမေ့။ ကမ္ဘာကြီးမှ သူတို့အား စစ်အစိုးရကို အံတုနေကြသော စာပေအနုပညာသမားအဖြစ် ဂုဏ်ပြုဆုများ ချီးမြှင့်လျှက်ရှိပါသည်။ ဝေမှူးသွင်ကို ထောင်မကျဘဲ ကမ္ဘာမှချီးမြှင့်သော ဒီမိုကရေစီ စာပေသမားဆုကို ရစေချင်ပါသည်။
အကယ်၍စစ်အစိုးရကို တနည်းတဖုံအားဖြင့် လူငယ်စာပေသမားများက ဝေဖန်ကြသည်ဆိုလျှင် ယင်းလူငယ်စာရေးဆရာများကို ပြည်သူတွေကော ကမ္ဘာကပါ ချီးကျူးထောပနာ ပြုကြမည်ဖြစ်သည်။ နိုင်ငံရေးစိတ်ရှိသော နိုင်ငံရေးလုပ်ချင်၍ စစ်အစိုးရ၏ ရွေးကောက်ပွဲကို ၀င်ရောက်လာသည်ဟု ဆိုရုံနှင့်မျှတော့ နိုင်ငံရေးစာပေသမားဟုတော့ ကမ္ဘာကအသိအမှတ်မပြု။ နိုင်ငံရေးစာရေးဆရာဟု ဂုဏ်ပြုချီးမွှမ်းမည်မထင်။ အကြောင်းမှာ စစ်အစိုးရသည် ကမ္ဘာ့အလယ်တွင် နာမည်ဆိုးနှင့် ကျော်ကြားနေသောကြောင့်ဖြစ်သည်။ ကွယ်လွန်သွားကုန်သော လူထုဒေါ်အမာမှာ စစ်အစိုးရကို တစက်မျ အယုံအကြည်မရှိခဲ့သော စာရေးဆရာမကြီးတဦးဖြစ်သည်။ တမလွန်ဘ၀မှနေပြီး ဒီမိုကရေစီအရေးအတွက် တိုက်ပွဲဝင်နေသော စာပေသမားများကို အားပေးနေအုံးမှာ မြေကြီးလက်ခတ်မလွှဲ ယုံသည်။
လူထုစိန်ဝင်းမှာ စစ်အစိုးရရွေးကောက်ပွဲနှင့် ပါတ်သက်၍ ဝေဖန်ထားသည်။ ရှင်းပါသည်။ စာရေးဆရာကြီးများသည် နိုင်ငံကောင်းကျိုးကိုကြည့်၍ ဝေဖန်လေ့လာဆန်းစစ် နေကြခြင်းဖြစ်ပါသည်။ စာရေးဆရာကြီး လူကြီးသူမတို့၏ သွန်သင်ဆုံးမသြ၀ါဒတို့မှာ အတိတ်ဟောင်းများကို သင်င်္ခမ်းစာယူပြီး ပြောဆိုထားကြခြင်းဖြစ်သည်။ ကဗျာဆရာကြီး ဒဂုန်တာရာမှာ စစ်အစိုးရ၏ လက်ရှိအုပ်ချုပ်နေသော စနစ်ဆိုးများကို ငြိမ်းချမ်းစွာဖြင့် ရှိစေရန် ပြောဆိုတိုက်တွန်းနေသည်။ အကျဉ်းထောင်ထဲတွင် စာနယ်ဇင်းသမား ၄၀ ကျော်ခန့် မတရားဖမ်းဆီးခံနေကြရသည်။ သူတို့မှာ တချို့ က အမျိုးသားဒီမိုကရေစီအဖွဲ့ချုပ်မှ ဖြစ်သလို တချို့ မှာ အမျိုးသားဒီမိုကရေစီအဖွဲ့ချုပ်ကို ယုံကြည်ထောက်ခံကြသူများဖြစ်သည်။ သူတို့လိုချင်သည်မှာ ၁၉၉၀ ခုနှစ် ရွေးကောက်ပွဲရလဒ်ကို ဖြစ်သည်။ ယင်းယုံကြည်ချက်ကို မစွန့်လွှတ်၍ အကျဉ်းထောင်ထဲတွင် ဆင်းရဲပင်ပမ်းကြီးစွာဖြင့် ဒုက္ခငရဲကို ခံစားနေကြပါသည်။ ယင်းမှာမြန်မာနိုင်ငံဒီမိုကရေစီ ရရှိရေးအတွက် ယုံကြည်ချက်ကြောင့် အကျဉ်းခံနေကြခြင်းဖြစ်သည်။
တလှေထဲစီးသူများ အနေဖြင့် ခရီးအတူတူလျောက်ဖြစ်ကြလျှင် သစ္စာရှိကြရသည်ဟု ဆိုကြပါသည်။ သစ္စာရှိကြရအောင် ကျွန်တော်တို့က ပြောဆိုသတိပေးရတော့မည်ဖြစ်သည်။ စာနယ်ဇင်းသမားတို့အနေဖြင့် စာရေးဆရာ ကဗျာဆရာတို့အနေဖြင့် ဝေမှူးသွင်ကဲ့သို့ ရွေးကောက်ပွဲကို ၀င်ရောက်လာကြပြီဆိုလျင် တနိုင်ငံလုံးတွင် ယှဉ်ပြိုင် အနိုင်ရမည်လား ဆိုသည်ကို စဉ်းစားရန်လိုပါသည်။ နိုင်ငံရေးဆိုသည်မှာ တို့ကနန်းဆိတ်ကနန်းလုပ်၍တော့ မရ။ တနိုင်ငံလုံးမှာ ယှဉ်ပြှို်နိုင်မည်မထင် ဆိုလျှင် ၀င်ပြိုင်သည့်နေရာမှာကော အနိုင်ရမည်ဟု ထင်မိသည်လား စဉ်းစားရန်လိုပါသည်။ မိမယှဉ်ပြိုင်မည့် နေရာတွင် စစ်အစိုးရကြောထောက်နောက်ခံ ကျားကန်ပေးထားသည့် ကြံ့ဇွံ့တို့ ရှိနေပါသည်။ တစညတို့ ရှိနေပါသည်။
မဲဆွယ်စည်းရုံးရာ၌ သူတို့နှင့်အတူ အခွင့်အရေးများ ရရှိမည်ဟု မထင်လျှင် ရွေးကောက်ပွဲမှာ တရားမျှတမှူ မရှိကြောင်း ပြောရဲစရာလိုလာပါသည်။ အကယ်၍ ရွေးကောက်ပွဲတွင် အနိုင်ရရှိသည်ထားဦး။ လွှတ်တော်တွင် ပြေဆိုနိုင်ဖို့ မိမိနှင့် အတူအနိုင်ရရှိသောသူတို့နှင့် အတိုက်အခံပါတီအဖြစ် လွှတ်တော်တွင် လှုပ်ရှားပြောဆိုနိုင်ရဲမည်လား ဆိုသည်ကို လေ့လာမိပါသလားဟု ဆန်းစစ်ကြည့်ရန်လိုပါသည်။ ကြံ့ဇွံ့သည်၎င်း၊ တစညသည်၎င်း ရွေးကောက်ပွဲတွင် မဲအများဆုံးရရှီအောင် ကြိုးစားနေပြီး အကယ်၍မဲအများဆုံးအနိုင်ရရှိသွားလျင် အစိုးရဖွဲ့မည်မှာ သေချာပါသည်။ သူတို့အနေဖြင့် ပါတီငယ်များမှ မဲအနိုင်ရရှိသော လွှတ်တော်ကိုယ်စားလှယ်လောင်း တဦးစနှစ်ဦးစကို မည်သည့်နည်းနှင့်မျှ အစိုးရအဖွဲ့အစည်းတွင်း လက်ခံထည့်ပေးရိုးမရှိ။ အကြောင်းမှာ သူတို့ကိုယ်တိုင် အစိုးရဖွဲ့နိုင်လောက်အောင် လွှတ်တော်ကိုယ်စားလှယ်များက ရှိနှင့်နေပြီးဖြစ်နေသောကြောင့်ဖြစ်ပါသည်။
စစ်အစိုးရသည် ပါတီစုံရွေးကောက်ပွဲကို ပြုလုပ်ပေးပါသည်။ ထို့ကြောင့် တစညနှင့် ကြံ့ဇွံ့ပါတီတို့ပါဝင်သော လွှတ်တော်ကိုယ်စားလှယ်များဖြင့် အရပ်သားအစိုးရဖွဲ့စည်းရန် ကြိုတင်ပြင်ဆင်ထားပြီးဖြစ်ပါသည်။ ထို့ကြောင့် ရွေးကောက်ပွဲတွင် အနိုင်ရရှိသော လွှတ်တော်ကိုယ်စားလှယ်များမှာ အာဏာမပြောနှင့် နေရာတောင်မျ ရရှိလိမ့်မည် မဟုတ်ကြောင်း သိသာနိုင်ပါသည်။ စစ်ယူနီဖေါင်းနှင့် ၀န်ကြီးများ၊ ယူနီဖေါင်းချွတ်ထားသော ပူပူနွေးနွေးဝန်ကြီးများနှင့် ယခင်ကယူနီိဖေါင်းချွတ်ပြီးထားသော စစ်ဗိုလ်ချုပ်ကြီးငယ်များ။ တို့သည် ၂၀၁၀ ရွေးကောက်ပွဲတွင် တဖန်ပြန်လည် တိုက်ပုံအကျီင်္ဖြင့် နေရာယူကြပါတော့မည်။ ယင်းပုဂ္ဂိုလ်တို့ကြားတွင် မည်ကဲ့သို့ ၂၀၀၈ ဖွဲ့စည်းအုပ်ချုပ်ပုံအခြေခံဥပဒေကို ပြန်လည်ပြင်ဆင်ရန် တိုက်တွန်းပါမည်နည်း။
တိုက်တွန်းစရာရရှိလျှင် ယခုကပင် တိုက်တွန်း၍ရပါသည်။ လွှတ်တော်ကိုယ်စားလှယ်ဖြစ်မှ တိုက်တွန်းစရာမလို။ သို့သော် စစ်အစိုးရက လက်ခံနိုင်စရာ အကြောင်းမရှိ။ လွှတ်တော်ထဲမှာဆိ်ုလျင် လက်ခံနိုင်မည်ဟု ဆိုလျင်တော့ ငါးပါးမက သင်္ဃာစင်ပါမှောက်ပြီဟုသာ ပြောရပါတော့မည်။ ကျွန်တော်တို့သည် စစ်အစိုးရ၏ ဂတိမတည်မူများနှင့် လိမ်ညာကောက်ကျစ်မူများကို ခါးစည်းအောင် ခံထားကြရသူများဖြစ်သည်။ သယံဇတ ချမ်းသာကြွယ်ဝသော နိုင်ငံဖြစ်ပါလျက် ကုန်းကောက်စရာမရှိသော နိုင်ငံဖြစ်ခြင်းမှာ စစ်အစိုးရ၏ အုပ်ချုပ်ရေးစနစ်ယန္တယား မကောင်းခြင်းကြောင့်ဖြစ်သည်။ ထို့ကြောင့်ကမ္ဘာတွင် ဆင်းရဲဆုံးသောနိုင်ငံဖြစ်ခြင်းကြောင့် ပညာရေးတွင် အထူးချွတ်ချုံကျနေရရာ ဖွံ့ဖြိုးတိုးတက်မူမှာ ဇီးရိုးဖြစ်နေရသည်။ ယင်းမှာအဓိကတရားခံ စစ်အစိုးရဖြစ်၍ သားကောင်များမှာ မြန်မာနိုင်သားဖြစ်သည်။ ဤစနစ်ဆိုးကို ပပျောက်အောင် ကျွန်တော်တို့ ကြိုးစားရန်လိုပါသည်။
အမျိုးသားဒီမိုကရေစီအဖွဲ့ချုပ်မှာ ၂၀၁၀ ရွေးကောက်ပွဲကို မှတ်ပုံမတင်ဟု ကြေညာလိုက်ပါသည်။ သို့သော် သပိတ်မှောက်သည် ဆိုသောစကားကို ပြောရာ၌ နောက်ကျနေလွန်းပါသည်။ ယခုအချိန်တွင် အမျိုးသားဒီမိုကရေစီအဖွဲ့ချုပ်မှာ ရွေးကောက်ပွဲကို သပိတ်မှောက်သည်ဟု ကြေညာထားပါသည်။ သို့ဖြစ်၍ ပြည်သူတရပ်လုံးကလည်း အမျိုးသားဒီမိုကရေစီအဖွဲ့ချုပ်ကို ထောက်ခံလျင် အဖွဲ့ချုပ်၏ ချမှတ်ထားသော စဉ်းမျှဉ်းစဉ်းကမ်းအတိုင်း ကြေညာချက်အတိုင်း လိုက်နာရန်လိုပါသည်ဟု သပိတ်မှောက်ကြပါဆိုသောစကားကို သွယ်ဝှိုက်ပြောဆိုစည်းရုံးရန်လိုပါသည်။ ပြည်တွင်းမှာရှိနေခြင်းကြောင့် စကားများကို တိုက်ရိုက်ပြောဆို၍ မရသော်လည်း မည်သည့်သူများကိုမျှ မတိုက်တွန်းပါ ဆိုသော စကားတို့သည် နိုင်ငံရေးပါတီတရပ်အနေနှင့် မပြောသင့်သောစကားဖြစ်ပါသည်။ သို့အတူ ရွေးကောက်ပွဲကိုဝင်သည့်သူများကိုလည်း ပြတ်သားစွာ ပြောဆိုလိုက်ရုံနှင့် မည်သို့မျ ပြသနာ တက်စရာ အကြောင်းမရှိဟု ထင်ပါသည်။
အမျိုးသားဒီမိုကရေစီအဖွဲ့ချုပ်အနေဖြင့် ၂၀၁၀ ရွေးကောက်ပွဲသည် ဒီမိုကရေစီအသွင်ကူးပြောင်းရေးအတွက် အထောက်အကူပြုနိုင်လိမ့်မည်မထင်။ ထို့ကြောင့် ယင်းရွေးကောက်ပွဲတွင် ၀င်ပြိုင်မည့်သူများသည် ဒီမိုကရေစီိကို သစ္စာဖေါက်သူများအဖြစ် သတ်မှတ်သည်ဟု ဆိုလိုက်ရုံနှင့် မည်သူမျ စောဒကတက်စရာ မရှိနိုင်။အကြောင်းမှာ ရွေးကောက်ပွဲကာလအလွန်တွင် ယင်းကဲ့သို့ ဖြစ်လာနိုင်ကြမည်ဖြစ်ရာ ယခုကတည်းကပင် သမုတ်ထားလိုက်ခြင်းက အကောင်းဆုံးဖြစ်ပါသည်။ အဘယ့်ကြောင့် ဆိုသော် အမျိုးသားဒီမိုကရေစီအဖွဲ့ချုပ်မှ ကြေညာချက်များ ဆောင်ရွက်ချက်များသည် တခါတရံတွင် အထူးနောက်ကျနေတတ်ပါသည်။ ထို့ကြောင့် ထိမ်းမနိုင်သိမ်းမရ ဖြစ်သွားတတ်ပါသည်။
လူငယ်စာရေးဆရာဝေမှူးသွင်သည် ယခုအချိန်တွင် စာပေလောကမှ စစ်အစိုးရအကြိုက် ၀င်ရောက်လာသော စာပေသမားဖြစ်သည်။ သူ့လိုအခြားစာရေးဆရာကဗျာဆရာများ နိုင်ငံရေးပါတီ ထောင်ပြီး ရွေးကောက်ပွဲတွင်း ၀င်ရောက်လာမည်ဆိုလျှင် ယင်းမှာ အမျိုးသားဒီမိုကရေစီအဖွဲ့ချုပ်၏ အရှုံးလက္ခဏာဖြစ်ပါသည်။ တနေ့က ဒုဥက္ကဌ ဦးတင်ဦးပြောသောစကားထဲတွင် ဒီမိုကရေစီအနံ့နံသော သူများကို မဲပေးရန်လိုအပ်သည်ဟု ပြောသောစကားများကို ကြားလိုက်ရပါသည်။ ယင်းမှာသပိတ်မှောက်ထားသော နိုင်ငံရေးပါတီမှ ပုဂ္ဂိုလ်တဦးအနေဖြင့် မပြောသင့်သော စကားဖြစ်ပါသည်။ အဘယ့်ကြောင့်ဆိုသော် မိမိတို့ကိုယ်တိုင်ကေ၇ွးကောက်ပွဲကို အသိအမှတ်မပြုခြင်းကြောင့် မည်သူဘဲနိုင်နိုင် မည်သူဘဲ၇ှုံးရှုံး ဂရုစိုက်စရာမရှိ။ ပြီးတော့ ကျွန်တော်တို့က ရွေးကောက်ပွဲကို ပျက်အောင်ဖျက်အောင် ပြုလုပ်ရန် အထူးကြိုးစားနေကြပါသည်။
အဓိကအနေဖြင့် ကျွန်တော်တို့အနေနှင့် ၂၀၁၀ ရွေးကောက်ပွဲကို အသိအမှတ်မပြု။ နိုင်ငံတကာမှလည်း အသိအမှတ်မပြုရန် တိုက်တွန်းနေပါသည်။ နိုင်ငံတကာမှ ၂၀၁၀ ရွေးကောက်ပွဲကို ပါတီပေါင်းစုံ လူပေါင်းစုံ ပါဝင်ရန် တိုက်တွန်းနေပါသည်။ လူပေါင်းစုံဆိုသည်မှာ ဒေါ်အောင်ဆန်းစုကြည်ပါဝင်ရေးကို ဖြစ်ပါသည်။ ခက်နေသည်မှာ ဒေါ်အောင်ဆန်းစုကြည်ပါဝင်ရေးသည် အဓိကမဟုတ်မှန်း နိုင်ငံတကာမှ မသိရှိကြ။ ၁၉၉၀ ခုနှစ် ရွေေးကာက်ပွဲရလဒ်ကို တောင်းဆိုနေကြသည်ကို နိုင်ငံတကာအစိုးရမှ မျက်ကွယ်ပြုနေကြပါသည်။ အမေရိကန်အစိုးရပင်လျင် စစ်အစိုးရ၏ ရွေးကောက်ပွဲကို ကျွန်တော်တို့၏ အမြင်နှင့် တသားတည်းမကျ။ ဥရောပနိုင်ငံများမှလည်း သို့အတူ။
ထို့ကြောင့် အမျိုးသားဒီမိုကရေစီအဖွဲ့ချုပ်အနေဖြင့် နိုင်ငံတကာအစိုးရမှ သံတမန်များ လာရောက် တွေ့ဆုံသည့်အခါ အရေးကြီးဆုံးစကားများကို ပြောကြားရန်လိုပါသည်။ ပြင်ပသို့ပေါက်ရောက်ရန်မသင့်သော စကားများကို လှို့ ဝှက်ထားပြီး ပြောဆိုပေးရန်လိုပါသည်။ သံတမန်နှင့်သာ လှို့ ဝှက်ပြောဆိုလိုက်ခြင်းကို မီဒီယာများတွင် ထုတ်ဖေါ်ပြောစရာမလို။ သို့သော် ပြည်သူများကို ယင်းသို့ပြောဆိုလိုက်သည်ဟု ဆိုလိုက်လျင်ပင် ချက်ဆိုနားခွက်က မီးတောက်သည့်သူတွေမှာ ရိပ်မိကြပါသည်။ အထူးသဖြင့် နိုင်ငံတကာ သံခင်းတမန်ခင်းများ နှင့် တွေ့ဆုံဆွေးနွေးကြခြင်းသည် ပြည်ပရှိဒီမိုကရေစီအင်အားစုများနှင့် တွေ့ဆုံဆွေးနွေးရန် လမ်းစများ ဖြစ်ပေါ်စေနိုင်ပါသည်။ ယင်းဆွေးနွေးချက်များကို ပြည်တွင်းတွင် ဆွေးနွေးရုံလောက်နှင့် ရပ်တန့်မသွာေးစဘဲ ပြည်ပနှင့်လည်း ဆွေးနွေးပေးရန် အမျိုးသားဒီမိုကရေစီအဖွဲ့ချုပ်မှ မေတ္တာရပ်ခံသင့်သည်။ အကြောင်းမှာ ပြည်တွင်းမှ အသံနှင့် ပြည်ပမှ အသံတို့ကို ပေါင်းစပ်ပေးနိုင်မူမှာ ယင်းအထဲကဖြစ်ပေါ်နိုင်ကောင်းပါသည်။
နိုင်ငံတကာမှာရှိနေကြသော ဒီမိုကရေစီအတိုက်အခံများမှာ နိုင်ငံတကာအစိုးရများမှ တာဝန်ရှိသူများနှင့် တွေ့ဆုံရန် အခက်အခဲမရှိကြောင်း လူတိုင်းသိရှိကြပြီးဖြစ်ပါသည်။ သို့သော် ယခုအချိန်တွင် အမျိုးသားဒီမိုကရေစီအဖွဲ့ချုပ်နှင့် တွေ့ဆုံခဲ့သော နိုင်ငံတကာသံတမန်များကို ပြည်ပမှနေပြီး ထပ်မံတွေ့ဆုံခြင်းသည် အကျိုးရှိမည်မှာ သေချာပါသည်။ ထို့ကြောင့် ပြည်တွင်းရှိပုဂ္ဂိုလ်များက ဤအချက်ကို အထူးသတိပြုကြရန်လိုပါသည်။ အဘယ့်ကြောင့်ဆိုသော် ရွေးကောက်ပွဲကို အသိအမှတ်မပြုကြောင်း ပြောဆိုသောသူမှာ ပြည်ပမှ ပုဂ္ဂိုလ်များဖြစ်ပါသည်။ သို့အတူ ရွေးကောက်ပွဲတွင် ၀င်ရောက်ယှဉ်ပြိုင်မည့်သူများကိုလည်း သစ္စာဖေါက်ဟု ကြေညာမည့်သူများမှလည်း ပြည်ပမှ ဒီမိုကရေစီအင်အားစုများဖြစ်ပါသည်။
အကယ်၍ ယင်းသို့သာ မပြောမဆို မကြေညာနိုင်ခဲ့ပါက နောက်ထပ် ဝေမှူးသွင်ကဲ့သို့ လူငယ်စာရေးဆရာများ မပေါ်ပေါက်လာနိုင်ဟု မည်သူမျှ မပြောနိုင်။ ထို့ကြောင့် နောက်ထပ်ယင်းရေစီးကြောင်းကို စီးမျောလာမည့် လူတိုင်းကို သစ္စာဖေါက်ဆိုသော စကားပြောဖို့ ကျွန်တော်တို့ ပြင်းပြင်းထန်ထန် အလုပ်လုပ်ကြရန်လိုပါသည်။ သို့မှသာ ၂၀၁၀ ရွေးကောက်ပွဲ ပျက်စီးသွားမည်ဖြစ်ဖြစ်ပါသည်။ ယခုတောင်မှ မီဒီယာများ ၊ ဂျာနယ်များတွင် ကြည့်လိုက်နားထောင်လိုက်လျင်ေ၇ွးကောက်ပွဲသတင်းနှင့် ပါတ်သက်၍ မည်သည့်အသံများ ထွက်နေသလဲ လေ့လာကြည့်က စိတ်ပျက်စရာ ကောင်းလှနေပါပြီ။
သည်တော့ ၂၀၁၀ ရွေးကောက်ပွဲကိုလည်း အလိုမရှိ ၊ အသိအမှတ်မပြု။ နိုင်ငံတကာမှလည်း အသိအမှတ်ပြုစရာမလို ။
ရွေးကောက်ပွဲဝင်သည့်သူများကိုလည်း သစ္စာဖေါက်လို့ ပြောကြပါစို့။

ခိုင်အောင်ကျော် ( နယူးယောက် )