Wednesday, July 7, 2010

JULY7TH-1962-2010
by

ko myoe

7 July 2010 ဒိုင်ယာရီ

/7 July 2010 yeyintnge Diary.doc file here
7 July 2010 Yeyintnge Diary

အိုးဝေဂျာနယ်အမှတ်(၇)

Oway No.7 Pcversion
Oway No.7 Print Version

ဗကသများအဖွဲ့ချူပ်မှကြေငြာချက်ထုတ်ပြန်..

July 7 Statement No.2-2010 of ABFSU.pdf
July 7 Statement No.2-2010 of ABFSU 7 July Pamphlet_2010

ပေါင်းစပ်ခြင်းလား...စစ်ထုတ်ခြင်းလား

“ပေါင်းစပ်ခြင်းလား...စစ်ထုတ်ခြင်းလား”

ယခုအခါ အသံအားဖြင့်လည်း ပေါင်းစပ်နေသည်။ အမြင်အားဖြင့်လည်း ပေါင်းစပ်နေသည်။ ကမ္ဘာကြီးသည် ပေါင်းစပ်နေ သည်။ ခေတ်ပေါ်သိပ္ပံဖြစ်သော အီလက်ထရွန်နစ်နည်းပညာဖြင့် ရုပ်မြင်သံကြားကြည့်ကာ ရင်နှီးနေကြပေပြီ။ ယင်းသည် ပေါင်းစပ်ခြင်းဖြစ်သည်။ အသံချင်း ပေါင်းစပ်ကြသည်။ ရုပ်အမြင်ချင်းပေါင်းစပ် ကြသည်။ မပေါင်းစပ်ချင်သူများလည်း ရှိနိုင် သည်။ ပေါင်းစပ်သည်ဆိုရာဝယ် အနုနှင့် အရင်း၊ လူငယ်နှင့် လူကြီး ၊နှလုံးရည်နှင့် လက်ရုံးရည်တို့ ပေါင်းစပ်ကြရမည်။ ပေါင်း စပ်ချင်သူများကိုလည်း ပေါင်းစပ်ဖြစ်အောင် နည်းမျိုးမျိုး ဖြင့် ပြုလုပ်ကြရပေမည်။ ယင်းသည် နိုင်ငံရေးယဉ်ကျေးမှု ဖြစ်သည်ဟု ထင်မိပေသည်။

ဆရာကြီး ဒဂုန်တာရာ
(နိုင်ငံရေးယဉ်ကျေးမှု အစာအုပ်အမှာစာ-နှား ၁၃)
၀၆. ၀၅. ၂၀၀၉

အခုအခါမှာ သတင်းမီဒီယာတွေရဲ့အသံများတွင် ပါတီတည်ထောင်ခွင့်တင်ခြင်း၊ မဲဆွယ်စည်းရုံးခွင့် ငြင်းခုန်နေခြင်း၊ ခေါင်း ပေါင်းစတလူလူလုပ် လူလုံးပြနေခြင်းများ ခေတ်ထနေသည်။ ထိုအခြင်းအရာသည် ဒီမိုကရေစီသမုဒ္ဒရာကြီးထဲမှ ဒီမိုကရေ စီဖြစ်စဉ် အက်တမ်လေးတစ်ခုမျှ စစ်စစ်ကြည်ကြည်ဖြစ်ပေါ်လာခြင်းဖြစ်သည်ဟု ယုံကြည်ချင်စရာဖြစ်နေ သော် လည်း ပြော စရှည်စရာတွေက အများသားဖြင့် ရင်ကိုစို့ကျပ်စေသည်။

ရွေးကောက်ပွဲကိစ္စသည် ကမ္ဘာ့ဖလားပွဲတစ်ပွဲလောက်ပင် ပြည်သူတွေ၏ စိတ်ကိုမစိုးမိုးနိုင်။ လူစိတ်ဝင်စားခြင်း မခံရခြင်း သည် ဘာကြောင့်များလဲလို့တွေးမိလျှင် ရှင်းပြစရာ၊ မသန့်မရှင်းနှင့် အစထွက်နေတာတွေများနေသည်။ ပြောစရာလူကျွံ ဘောတွေက ထင်းနေသည်။

အထက်ကဖော်ပြခဲ့သော ဆရာကြီးဒဂုန်တာရာ၏ စာလေးလိုပင် နိုင်ငံရေးယဉ်ကျေးမှုသည် ပေါင်းစပ်ခြင်းဖြစ်သည်။ အ လွန်လှသော၊ အလွန်လေးနက်သော စကားလေးဖြစ်ပေသည်။ အထူးသဖြင့် ကျွန်တော်တို့နိုင်ငံ၏ ဒီမိုကရေစီအပြောင်းအ လဲသည် ပေါင်းစပ်ခြင်းဖြင့် ပွင့်ဖူးလှပလာမည့်ပုံလိုဖြစ်နေသည်။ ဟောနေပုံ၊ ပြောနေပုံအရသုံးသပ်လျှင်ထိုသို့ မြင်သာ လှပ ချစ်ချင်စဖွယ်ဖြစ်နေ သော်လည်း...ရွေ့နေပုံမှာတော့ လွန်ခဲ့သောနှစ်ပေါင်းများစွာက သစ်ခွေ၊ သံဂွေတပ် နွားလှည်းကို ကား တာယာဘီးများ ပြောင်းတပ်မောင်းနှင်လိုက်သည့်ပုံစံဖြင့် အရှိန်ပြောင်းသွားသော်လည်း နွားသည်ဒီနွား၊ လှည်းမောင်း သူသည်လည်း ဒီလှည်းသမား လှည်းပုံစံသည်လည်း ဒီလှည်းဖြစ်ပြီး သွားတိုက်မှာလည်း အရင်ကသယ်နေကျ ကောက်ရိုး များကိုပင်ဖြစ် နေသကဲ့သို့ဖြစ်နေသည်မှာတော့ တော်တော်ပင် နာကျင်ဝမ်းနည်းဖွယ်ဖြစ်နေပါသေးသည်။

သည်းကွဲသေချာစေချင်သည်မှာ နိုင်ငံရေးပါတီများ တည်ထောင်ခွင့်ပြုလိုက်ခြင်းသည် ပေါင်းစပ်ခြင်းလား သို့တည်းမဟုတ် ကိုယ့်ဘက်သားမဟုတ်သူများဟု မြင်ထား၊ ခံယူထားသူများထဲမှ ကိုယ်နှင့်တူရာကို ထပ်မံစစ်ထုတ်ဆွဲယူလိုက်ခြင်းလားဆို တာ သေချာစေချင်ပါသည်။

ကျွန်တော်သိပ်မသိပါ။ သို့သော်ယုံကြည်သလောက်ပြောကြဆိုကြကြေးဆိုလျှင် ဘယ်သူဦးဆောင်သည့် ရွေးကောက်ပွဲ၊ မည်သူပါဝင် သည့်နိုင်ငံရေးပါတီ၊ မည်မျှနောက်ခံကောင်းနေသည့် လူပုဂ္ဂိုလ်ဆိုတာတွေသည် ကျွန်တော်တို့နိုင်ငံအတွက် လက်တလောတွင်အရေးမကြီးပါ။ ဒီမိုကရေစီအရွေ့ကို အမှန်အကန်ဦးတည်နေချင်သည်ဆိုလျှင် ပြည်သူကိုဒီမိုကရေစီ အနှစ်သာရအားမျက်စိနားဖွင့်ပေးရမည်။ ကိုယ်နဲ့မတူရန်သူ စိတ်ထားတွေကို လုပ်ပိုင်ခွင့်ရှိနေသူများ ရှင်းရှင်းလင်းလင်း ပြောရလျှင် လက်ရှိအာဏာရနေသူများက အထူးသတိထားရှောင်ရှားပြီး အကောင်ထည်ဖော်နေသင့်သည်။

ပြည်သူများကိုယ်စား ပြည်သူတစ်ယောက်အနေနှင့် ရိုးရိုးသားသားဝန်ခံ ယခုအခါရေပန်းစားလှသော နိုင်ငံရေးသမားများ သုံးနေသည့် စကားတစ်လုံးဖြစ်သော “ပြည်သူ့အကျိုးအတွက်လုပ်တာပါ”ဆိုသည့်စကားကို အင်တာဗျူးတိုင်းတွင်တွင်တွင် သုံးနေသော နိုင်ငံရေးသမားကြီး၊ ငယ်များကို ယခင်နှစ်၂၀လုံးလုံးဘယ်မှာ ဖုန်းမောင်ဘယ်မှာသွားပုန်းနေသလဲဆိုပြီး ငို ချင်းလေးနဲ့သာ အော်အော်မေးလိုက်ချင်သည်..။

ကျွန်မြူနစ်မူဖြင့် ဒီမိုကရေစီထူလို့မရပေ။ ကွန်မြူနစ်စကားဖြင့် ဒီမိုကရေစီကိုသွားလို့မရပေ။ ကွန်မြူနစ်အတောလေးတွေ နှင့် ဒီမိုကရေစီတရားဟောလို့မရပေ။ ခင်ဗျားတို့လုပ်နေပုံသည် ဒိုင်လိုလို၊ ဖထွေးလိုလို၊ ဝှက်ဖဲခိုးဖဲကိုင်ရိုက်နေသော ဖဲသ မားလိုလိုလုပ်နေသော လူတစ်စု၏ အဖြည့်ခံဇာတ်ဝင်ကနေပုံသာ ပေါ်လွင်နေသည်…။

တဖက်မှာလည်း ဦးစီးဦးဆောင်လုပ်နေသည်ဟုဆိုသော..ဆိုသော………………………………………………………………
လက်ရှိအစိုးရ သို့မဟုတ် လက်ရှိအာဏာရယူထားသူများ သို့မဟုတ် မလွှဲမရှောင်သာအုပ်ချုပ်ထားသူများ စသည့် မည် သည့် စကားလုံးကိုပင်သုံးပါစေ..အဓိပ္ပာယ်သည် လာမည့်ရွေးကောက်ပွဲတွင် ဝင်ရောက် အရွေးခံနိုင်ခွင့်၊ သေချာပေါက်အ နိုင်အခွင့်အလမ်းများ ကိုယ့်ကိုယ်ကိုအတွက် ဖန်တီးခွင့်ရှိနေသည့် လူတန်းစားတစ်ရပ်၊ အဖွဲ့စည်းတစ်ခု မဟုတ်ဆိုတာကို ဂုဏ်သိက္ခာရှိရှိ လက်ခံ ကျင့်သုံးရမည်။ ဒါမှ လူကြီးလူကောင်းပီသမည်။

ထပ်ပြောခွင့်ပြုပါ သေချာပေါက်ငါတို့ပြန်နိုင်ရေး အခွင့်များကို ငါတကော ဖန်တီးနေသောထိုအပြုမူများကို ရှောင်ရှားခြင်း သည် လူကြီးလူကောင်းမည်ပါသည်။

သို့မဟုတ်ပါက အသက်၁၈နှစ်ကျော်လောက်တည်းက ပစ်စတိုခါးထိုးပြီး ပြည်သူကိုအာဏာမိုးခဲ့သောသူများက ခေါင်း ပေါင်းစတ လူလူ၊ ချိတ်ပုဆိုးတရွှန်းရွှန်းလုပ်ပြခြင်းသည် ဒီမိုကရေစီဖြစ်ပါသည်ဟု ဆိုလျှင် ၄င်းဒီမိုကရေစီကို ကျွန်တော်တို့ မလိုချင်ပါ။

ထိုအပြင့် လူထုအတွက်ဆိုသောစိတ်ထက် ရသလောက်အခွင့်အရေး၊ ဆံ့သလောက်ခုံကွက်လပ်လေးမှာ ဝင်က စားမည် ဆိုသော တတိယအုပ်စု စိတ်ကူးမျိုးတွေးတောပြီး ကိုယ်လုပ်ချင်ရာဝင်လုပ်ဖို့တာဆူနေသူများ၏… ဒီအချင်းအရာသည်သာ ဒီရေဒီမြေ၏ ဒီမိုကရေစီဖြစ်သည်ဆိုတာကိုလည်း လုံးဝအော့နှလုံးနာမိပါသည်။

နို့သက်ခံဆို့မည့်အစား နို့အငတ်ခံကာ သေလိုကသေ။ စိတ်ညွှန့် ဘဝညွှန့်ကျိုးမည့်အစား…ခံစစ်နဲ့သာ ကစားသွားပါရစေ တော့…။

လူထုအတွက်လုပ်ရမည့် လုပ်ရန်တာဝန်ရှိသည်ဆိုသည့် ယုံကြည်မှုတစ်ခု၊ ခံယူချက်တစ်ခုသည် ပညာတတ်ယုံ၊ လုပ် တတ်ယုံ၊ ကစားတတ်ယုံဖြင့်မရဘူးဆိုတာကို သိတတ်ရမည်။ လက်ခံရဲရမည်။ ပြည်သူဆိုတာ နားမလည်ခင်၊ လုပ်ခွင့်မ ရခင်၊ ပြန်ပြောခွင့်မရခင်အချိန်တွင်တော့ ကိုယ်ကြိုးဆွဲရာက သလိုလိုရှိတတ်သော်လည်း အခါအခွင့်သင့်လာလျှင် မည် သည့်ခေတ်တွင်မှ အပြစ်ပေးခြင်းမတွန့်ဆုတ်ခဲ့ပါ။ ခပ်ရှင်းရှင်းပြောရလျှင် အပြစ်ပေးခွင့်မရသေးချိန်တွင် ကိုယ်လုပ်သမျှ ဟုတ်သလိုလိုရှိနေတတ်သော်လည်း ပြည်သူတွေဘက်မှ အပြစ်ပေးအချိန်အခွင့်ရောက်လာလျှင် ဆော်ရီးလုပ်ခွင့်မရပါ။ ဘွာခတ်လို့မရပါ။

ပြည်သူသည့် မည်သည့်ခေတ်တွင်မှ မိမိအပေါ်ကောင်းသော၊ သစ္စာရှိသော ခေါင်းဆောင်မျိုး၊ အစိုးရမျိုးကို မစော်ကား၊ မတော်လှန်ခဲ့ပါ။ မည်သည့်နိုင်ငံ၏ နိုင်ငံရေးအပြောင်းအလဲသမိုင်းကိုကြည့်ကြည့် ထိုအတိုင်းပင် အတိပြီးပါသည်။

ပြည်သူချဉ်လျှင် သင့်ကိုယ်သင်ဘာထင်ထင် အလကားနှင်နှင်ပင် မထိုက်မတန်ဖြစ်မည်ဖြစ်သည်ဆိုတာ ပြည်သူအတွက် ရေဆန် မလှော်ဘဲ၊ ရေစုံမျှော အခွင့်မျှော်နိုင်ငံရေးပါတီများ မြဲမြဲထင်ထင် နားလည်သဘောပေါက်ထားရမည်၊ ဆင်ခြင် စဉ်း စား သုံးသတ်နေရမည်။ ဘာမှနားမလည်တဲ့ပြည်သူဟု အထင်သေးထားလျှင် ပြည်သူက သင့်ထံပြန်တုံပြန်မှုသည် ချောက် ကမ်းပါးမှ ကန်ချခံရသူနှယ်ဖြစ်လိမ့်မည်။

ပြည်သူကို နင်းဖိတက်မည်ဆိုလျှင်လည်း ပြည်သူသည့် သင့်အတွက်ဆူးညှောင့်ခလုတ်တစ်ခုအဖြစ်သင့်ခြေကို ပြန်လည် ထိုး ဆွအပြစ်ပေးလိမ့်..။ ထိုအခါသင်လျောက်သည့်လမ်းသည် သွေးတစက်စက်နှင့် သွေးခြေရာထပ်နေလိမ့်မည်။ ပြည်သူ ကို မေတ္တာဖြင့်နမ်းပါ ပြည်သူ့သည် သင့်အတွက် ခွန်အားအဖန်ဖန်ပြန်သစ်စေသော နတ်ပန်းတစ်ပွင့်ဖြစ်လာပါမည်။

မြဲမြဲမှတ်သားစေချင်သည်မှာ ဒီမိုကရေစီနိုင်ငံရေးတွင် ပြည်သူသည် ပန်းတိုင်၊ ပြည်သူသည် နတ်ဘုရား၊ ပြည်သူသည် အခ ရာဖြစ်သည်။ ဂုဏ်သိက္ခာရှိပြီးအောင်မြင်သော နိုင်ငံရေးပါတီဆိုသည်မှာ မည်သို့ကစားမည်ဆိုသည်ထက် ပြည်သူ့ဘဝကို မည်မျှမြှင့်တင်ကာကွယ်ပေး နိုင်မည်နည်းနှင့်သာ မိမိဂုဏ်သိက္ခာနှင့် အောင်မြင်မှုကိုတိုင်းတာနိုင်သည်ဆိုတာ ကမ္ဘာမှာအ ထင်အရှားပင်ဖြစ်ပေသည်။

ကျွန်တော်တို့၏ လူကိုရွေးချယ်ခွင့်မရသော နိုင်ငံရေးတွင် ကျွန်တော်တို့၏မူမည်မျှ ခိုင်မာပြီး ပြည်သူအပေါ်အကျိုးထင်ရှား စေမည်ဆိုတာနှင့် တိုင်းတာလုပ်ကိုင်ကြမည်ဆိုလျှင် မနိုင်ခဲ့လျှင်တောင် ဂုဏ်သိက္ခာရှိစွာ ကြောင်ကျကျနိုင်ခွင့်ပိုင်မည်ဟု ထင်ထင်ရှားရှားယုံကြည် သတိပေးလိုက်ပါသည်။

သီဟငယ်
(အင်္ဂါ) ၀၆.၀၇.၂၀၁၀
ရန်ကုန်။

၇ ဇူလိုင် သမိုင်းဝင်ဖြစ်ရပ်ဓာတ်ပုံများ

7th_July_1962.pdf-2[1] 7 July-Photos at Thaton Hall by ABFSU

ပညာမတတ်ရင်စစ်ထဲဝင်မှာပေါ့


“ပညာမတတ်ရင်စစ်ထဲဝင်မှာပေါ့”

မောင်ချင့်ချိန်

၁၉၉၀ ခုနှစ် စက်တင်ဘာလက မန္တလေးမှာတကယ်ဖြစ်ခဲ့တဲ့အဖြစ်အပျက်တခုပါ ။ နှစ်၂၀ ဆိုတဲ့ ကာလကြောင့် ဘယ်မြို့နယ်ဘယ်ကျောင်းဘယ်ရက်လို့တော့ အတိအကျမမှတ်မိတော့ပါဘူး ၊ ဖြစ်ပုံကဒီလိုပါ ။

ကျွန်တော် မန္တလေးထောင်(နန်းတွင်း)ရဲ့ ၂တိုက်ထဲမှာရှိနေချိန်တစ်ညနေမှာ တိုက်ထဲကို လူသွင်းတဲ့အသံ ဆူညံ ဆူညံတွေကြားတာကြောင့် ထုံးစံအတိုင်းတိုက်ရှေ့ ရေမြောင်းပေါက် သေးသေးလေးကနေ စပ်စုလိုက်ပါတယ် ။

(မန္တလေးထောင်ကတိုက်တွေက ၂၄ပေအရှည် ၁၀ ပေအကျယ်ကို တံခါးနှစ်ထပ်နဲ့ဖြစ်ပါတယ် ၊ အတွင်း၁၂ ပေ ၁၀ပေကို ကွန်ကရိအမိုးနဲ့ သံတိုင်တံခါးနဲ့ဖြစ်ပြီး ထောင်ပိုင်လှည့်တဲ့နေ့မျိုး ၊ ပြစ်ဒါဏ်ပေးထားတဲ့နေ့မျိုးတွေနဲ့ ညတိုင်းမှာ အဲဒီအထဲမှာပဲနေရပါတယ် ၊ ပုံမှန်တော့မနက်ခြောက်နာရီထောင်ဖွင့်လူစစ်ပြီးတာနဲ့ အတွင်းသံ တံခါးလာဖွင့်ပေးပြီး အပြင် သစ်သားတံခါးပိတ်သွားတာကြောင့် ရှေ့ကောင်းကင်မြင်ရတဲ့ အမိုးမဲ့အခန်းလေးထိ နေရပါတယ် ၊ တခန်းနဲ့တခန်းကို ၈ပေအမြင့် အုတ်ရိုးတွေကာထားပြီး ရှေ့ဘယ်ညာမှာ၆လက္မလောက်ကျယ်တဲ့ အပေါက်နဲ့ အခန်းချင်းဆက်လျက်ရေမြောင်းရှိပါတယ် ၊ ပစ္စည်းပေးပစ္စည်းယူ စကားပြော အဲဒီအပေါက် ကလေး ကနေပဲလုပ်ကြပြီး လူသစ်ရောက်လို့မျက်နှာမြင်ဘူးချင်ကြရင်တော့ ထောင်ဝါဒါနဲ့တန်းစီးလစ်တဲ့အချိန် ၈ပေအုတ်ရိုးပေါ်ခုန်တက် အုတ်ရိုးပေါ်ဗိုက်မှောက်စကားပြော ၊ တခါတခါတော့ လဲအခန်းပါရဲရဲကူးလုပ်ကြတာပါပဲ ။)

ချက်ချင်းကို ၀ုန်းကနဲဒေါသထွက် တောက်ခေါက်ရတဲ့ခံစားမှုဖြစ်သွားလောက်အောင် သိလိုက်ရတာက ၊ ရောက်လာတာ အသက်ဆယ့်သုံးနှစ်ကနေ ဆယ့်ငါးနှစ် အတွင်း ခုနှစ်တန်း နဲ့ရှစ်တန်းကျောင်းသားလေးတွေပါ ၊ ကိုယ်မှ၁၇နှစ်ဆိုတဲ့အချိန် ငယ်လှပြီထင်နေတာ ကိုယ့်ထက်ငယ်တဲ့လူမမယ်လေးတွေကို ထောင်ထဲ (တိုက်ထဲ) မှာတွေ့လိုက်ရတော့ စိတ်မကောင်း ဖြစ်တာနဲ့ဒေါသဖြစ်တာ တပြိုင်ထဲခံစားမိတာပါ ။

ဘယ်လိုဖြစ်လာကြတာလဲ သေချာမေးကြည့်တော့ ကျောင်းမှာအဆောင်သစ်ဖွင့်ပွဲလုပ်တာ ၊ ဗိုလ်ချုပ်ခင်ညွန့် လာဖွင့်ပေးပြီးမိန့်ခွန်းပြောတော့ မိန့်ခွန်းမှာ --“သားတို့ပညာတတ်တွေဖြစ်ဘို့လိုတယ်၊ပညာမတတ်ရင်ဘာလုပ်မလဲ”လို့ ပြောတဲ့အချိန် ကျောင်းသားအုပ်ထဲကနေ “ပညာမတတ်ရင်စစ်ထဲဝင်မှာပေါ့” လို့ တစ်ယောက်ကအော်လိုက်တော့ “ဟေး” ဆိုပြီး လက်ခုတ်တွေဝိုင်း တီးကြတာ ကြောင့် ဗိုလ်ချုပ်ခင်ညွန့်ရှက်ပြီး အသံကြားရာတ၀ိုက်ကကျောင်းသားမှန်သမျှ ဖမ်းစစ်ခိုင်း လို့ ပါလာကြတာပါတဲ့ ။

စစ်တပ်ကအာဏာသိမ်းပြီးတာ၂နှစ်ပြည့်ပြီဖြစ်တဲ့အဲဒီအချိန်ထိ မန္တလေးကိုနိုင်နင်းအောင် မအုပ်ချုပ်နိုင်သေးပါဘူး၊ သံဃာတော်တွေရဲ့ဦးဆောင်မှုနဲ့ မစိုးရိမ်တိုက် ဟောင်းတိုက်သစ် ၊ ဘုရားကြီးတိုက်စတဲ့ဘုန်းကြီးကျောင်းတွေမှာ ကျောင်းသား တွေစုရုံး ၊ သမဂ္ဂရုံးတွေဖွင့်နဲ့ သပိတ်စခန်းလိုနေနိုင်နေကြပြီး ရှစ်လေးလုံး အရေးတော်ပုံ၂နှစ်ပြည့်နေ့ မှာတောင် မန္တလေး တစ်မြို့လုံးကို သံဃာနဲ့ကျောင်းသားတွေ စီတန်းလမ်းလျောက်လှည့်နိုင်ခဲ့တာပါ ၊ မန္တလေး ကျောင်းသားထုရဲ့ အဲဒီအချိန် နိုင်ငံရေးနိုးကြားမှုက အခြေခံပညာကျောင်းသားလေးတွေတောင် ဗိုလ်ချုပ်ခင်ညွန့်လို အဆင့်ကို ထပြောင်ရဲလောက် အောင် အံ့မခန်းရှိခဲ့တာပါပဲ ။

တက်ကြွစိတ်ကြောင့်နဲ့ ဗိုလ်ချုပ်ခင်ညွန့်တဘက်စောင်းနင်းပြောနေမှုတွေကိုမခံချင်လို့ ဦးဆောင် ထအော်သူ နောက်က ညာသံပေးလိုက်သာအော်ခဲ့ကြတာ တကယ်တမ်းက ခလေးတွေသာ ဖြစ်ကြတဲ့အလျောက် ထောင်ရဲ့ဒုက္ခဆိုတာတွေနဲ့ နဘူးတွေ့ဒူးတွေ့ လဲတွေ့ လာရရော ငိုတဲ့သူငို ၊ ညည်းတဲ့သူညည်းပေါ့ ၊ အဲဒီတော့ ရှစ်လေးလုံးအရေးတော်ပုံ ၂နှစ်ပြည့်နေ့ စီတန်းလှည့် လည်မှု ကနေ အဖမ်းခံရပြီးရောက်လာတဲ့ မန္တလေး ခရိုင် အခြေခံပညာ ကျောင်းသား သမဂ္ဂရဲ့အတွင်းရေးမှုး မိုးကျော်လေး(သူလဲအသက်၁၇နှစ်)နဲ့တိုင်ပင်ပြီး ခလေးတွေ

(ပြောသာပြောရတယ် ကိုယ်တွေကလဲခလေးကြီးတွေသာပါ) စိတ်ဓါတ်မြှင့်တင်ရေး လုပ်ကြတာပေါ့ ၊ နိုင်ငံရေးသီိချင်းတွေဆိုပြတာ ၊မိန့်ခွန်းပြောတာတွေ လုပ်ကြတာပေါ့ ၊ကျောင်းသားသမဂ္ဂ ကိုအသိမှတ်ပြုစိတ် ၊ သူတို့ခေါင်းဆောင်ကိုအသိမှတ်ပြုစိတ် ကလေးတွေ ဆီိမှာရှိတယ်ဆိုတာ မိုးကျော်လေးလဲ မိန့်ခွန်းပြောပြီးရော အားလုံးလက်ခုတ်ဝိုင်းတီးပြီး ကျောင်းသားသမဂ္ဂ သီချင်း ၀ိုင်းဆိုကြတာ ၊ နောက်နေ့တိုက်ပိတ်ခံကြရတဲ့ အထိပါပဲ ။

မိုးကျော်လေးရဲ့မိန့်ခွန်းကိုမှတ်မိသလောက်ပြန်ပြောရရင် “ရဲဘော်တို့…..။ ဒီနေ့စစ်တပ်က ပြည်သူကိုမတရား အနိုင်ကျင့် ဖိနှိပ်နေမှုတွေကြောင့် လူတွေက ရွံမုန်းပြီး စစ်ထဲဝင် မဲ့သူ မရှိဖြစ်နေတာ ၊ အိမ်ပြေးတွေ ၊ အခြေအနေမဲ့တွေ ၊ အမှုအခင်း ကျူးလွန်မိသူတွေ ၊ရီးစားနဲ့ အဆင်မပြေဖြစ်အသဲကွဲသူတွေ၊ စာမေးပွဲကျလို့ ဘာကြောင့်ညာကြောင့်စိတ်ညစ်နေသူတွေသာ စစ်တပ်ထဲရောက်နေကြတာ ၊ ခင်ညွန့်ကို ပညာမတတ်ရင် စစ်ထဲဝင်မှာပေါ့လို့လှောင်ပြောင်ခဲ့တာ မင်းတို့အမှန်ပဲ ၊ ကိုယ်မှန်တယ်ထင်ရာကိုလုပ်ပြီး ဒီိထောင်ဆိုတဲ့ အခြေနေဆိုးကြီးတွေ့ရတာ ငါတို့ဘာမှဝမ်းနည်းနေစရာမလိုဘူး ၊ မင်းတို့ ငါတို့လို လူမမယ်ခလေး တွေကို ၊ လက်နက်မဲ့ ကျောင်းသားတွေကို ခင်ညွန့်လိုစစ်ဗိုလ်ချုပ်တွေက ရန်သူကြီးတွေလို ကြောက်ပြီး ထောင်ထဲပို့ လိုက်တာ ငါတို့မင်းတို့အတွက် ဂုဏ်ယူစရာ တောင်ကောင်းသေးတယ် ၊ ငါတို့ အခြေခံပညာ ကျောင်း သားတွေရဲ့သမိုင်းသစ်ကို ဖွင့်လိုက်ပြီ ၊ စိတ်ဓါတ်မကျကြနဲ့ မင်းတို့ငါတို့နောက်မှာ ငါတို့ပြည်သူတွေ ရှိတယ်”တဲ့။

အဲဒီကလေးတွေရဲ့ အင်မတန်ချီးကျူးစရာအကောင်းဆုံးကိစ္စကတော့ သူတို့ကို MI1 စစ်ထောက်လှမ်းရေးတစ်ကနေ ဘယ်သူစအော်တာလဲ ၊ ဘယ်သူတွေက မြှောက်ပေးနေ တာမျိုးရှိလဲဆိုတာ နေ့တိုင်းလို ခြောက်လိုက်ချော့လိုက်နဲ့ လာလာစစ်နေတာ ၊ တစ်လကျော် လောက်နေတော့ မိဘတွေပါခန်ဝံလုပ်ပြီး လွတ်သာ သွားကြတယ် ၊ လုံးဝမဖေါ် သွားပါဘူး ။

ကြာခဲ့ပြီ ၊ နှစ်၂၀ ပင်ပြည့်တော့မည် ။ “ပညာမတတ်ရင်စစ်ထဲဝင်မှာပေါ့” ဆိုတဲ့ကလေးတွေ ပညာတတ်ကြီးတွေဖြစ်ပြီး စစ်တပ်နဲ့ကင်းကင်းနေရင်း လုပ်ငန်းခွင် တွေမှာဝင်နေလောက်ပြီ ၊ အဲဒီခလေးတွေရဲ့ အဲဒီကာလကစိတ်ဓါတ်မျိုး ၊ အမြင်မျိုး ခုအခြေခံပညာကျောင်းသားတွေရော တက္ကသိုလ်ကျောင်းသားတွေမှာပါ ဘယ်လောက်ရှိနိုင်မလဲ တွေးရင်း…,

မျှော်လင့်ရင်း…… ။

ကြီးကြီးငယ်ငယ်သော ကျောင်းသားထုအားဦးညွတ်အလေးပြုလျက်

၄၈ နှစ်မြောက7JULY နေ့အမှတ်တရ ။

မောင်ချင့်ချိန်

ပြည်တွင်း No Vote Poster Campaign

No Vote Election Campaign News.pdfNo Vote Election Campaign News

ABMA ဂျာနယ် အတွဲ (၁) အမှတ် (၁၁)

ABMA Journal Volume 1 No 11