Wednesday, August 4, 2010

4 August 2010 ဒိုင်ယာရီ

4 August 2010 yeyintnge's Diary.docx file here
4 August 2010 Yeyintnge's Diary

မိုးကြိုးသတင်းစဉ် (အမှတ် ၁၁၁၊ သြဂုတ်လ၊ ၂၀၁၀ ခုနှစ်)

MOJO_111

အကြောက်တရားနွံထဲက



အကြောက်တရားနွံထဲက

အရှင်ဇဝန
Wednesday, August 04, 2010



အကြောက်တရားကိုပဲ အရသာလို့သုံးနေတဲ့ အလင်္ကာဆရာတို့ရဲ့ ဘယာနကရသ က တိုင်းပြည်ကို တော်တော်ဒုက္ခပေးနေတာပါ လား။ ဒါကြောင့်ကိုပဲ ဒေါ်စုက အကြောက်တရားမှ ကင်းဝေးခြင်းကို စာတစောင်ပေတဖွဲ့လုပ်ရေးရတာလေ။ ဒီအကြောက်တရားကို လက် ကိုင်ပြုပြီး တတိုင်းပြည်လုံး ငြိမ်နေအောင် ဝပ်နေအောင် ပိနေအောင် ပြားနေအောင် အာဏာရှင်ကြီး ဦးနေဝင်းက ထင်တိုင်း ကြဲခဲ့တာ မဟုတ်လား။ ဘယ်လောက်ပဲအကြောက်တရားတွေနဲ့ နှိပ်ကွပ် နှိပ်ကွပ် ဖိရာကကြွရ ဒါလဲ အရသာတခုဆိုတာ သမိုင်းသက်သေ တ ခုရခဲ့ပါပြီ။ ဒါကပဲ အကြောက်တရားနွဲထဲက ပေါက်လာတဲ့ ကြာပန်းလို့ ဆိုလိုက်ချင်တယ်။

ယခု နှစ်ပေါင်း နှစ်ဆယ့်နှစ် ကြာလာပေမယ့်စိတ်ပိတ်ကားထဲက ရုပ်ပုံကားချပ်တွေက တုန်ခြင်းမှုံခြင်းကင်းစွာ ခလုတ်နှိပ်လဲပေါ်။ ခ လုတ်မနှိပ်လဲပေါ်နေဆဲပါ။ နှလုံးသားကျောက်ပြားးထက်မှာ ကိုယ်တိုင်ရေးစာတန်းတွေ ကိုယ်တိုင်လှုပ်ရှားမှု မြင်ကွင်းတွေကတော့ လူ တိုင်းကိုယ်စီ ရှိကြတယ်လေ။ အဲ့ဒီတုန်းက အခုလို ပီပီပြင်ပြင်အတိုက်အခံဆိုတာ ရှိခဲ့တာမှ မဟုတ်ပဲ။ လူတိုင်းကိုယ်စီမှာရှိနေတဲ့ မ ကျေနပ်စိတ်ကပဲ တိုက်ပွဲကြီးတခုလုံးကို ဦးဆောင်သွားကြတာ။ ဒီအဖြစ်အပျက်တွေကို တယောက်စီက တတ်နိုင်သမျှရေးကြ။ မှတ် တမ်းပြုကြမယ်ဆိုရင် နှောင်းလူတွေကိုမရှုပ်ထွေးစေမှာ အမှန်ပါပဲ။ ခုတောင် တင်သန်းဦးတို့လိုလူတွေက သမိုင်းကိုရုပ်ပျက်ဆင်းပျက် လုပ်နေပြီ။ သူလိုရာ သူရေးနေတာကို ဖြတ်သန်းခဲ့ဘူးသူတွေက ဘာမှပြန်မပြောဘဲနေမယ်ဆိုရင် မသိလိုက်ကြတဲ့သူတွေက အ ဟုတ် ထင်နေကြမယ်။ သူတို့မှန်မကန်လုပ်နေတာကို သိသူတွေက ငြိမ်ပြီးခွင့်ပြုပေးရာရောက်နေပါတယ်။ ဦးဇင်းတို့ကတော့ သိပ်ကြီး ကြီးကျယ်ကျယ် ခေါင်းဆောင်ခဲ့တာ မဟုတ်ပါဘူး။ ဒါပေမယ့် ကိုယ်ဖြတ်သန်းခဲ့တာလေးတွေကိုတော့ နိုင်သမျှပြောပြထားမယ်။

မဆလ ကို မကျေမနပ်ဖြစ်နေတာကတော့ တောရောမြို့ပါမကျန် ဖြစ်နေတဲ့အချိန်လို့ ဆိုရမယ်။ ဦးဇင်းတို့မြို့ကနေ စာဝါပိတ်ချိန်ပြန် ပြီဆို မိဘဆွေမျိုးတွေရဲ့ ညည်းညူသံတွေက ပထမတော့နားမခံနိုင်စရာပါ။ နောက်တော့ ရင်ပါမခံနိုင် ဖြစ်လာရတယ်။ လယ်သမား မိ သားစုတွေရဲ့ဘဝဟာ တော်တော်ရင်နာစရာပါလားဆိုတာ တွေ့လိုက်ရတယ်။

ကိုယ့်လယ်ကိုယ်စိုက်ပြီး ကိုယ့်စပါးကိုယ်ပြန်ခိုးစားနေရတယ်လေ။ တာဝန်မကျေလို့ သွပ်ခွါရောင်းပေးရတယ်။ ဒါတွေကိုမြင်တော့ ဇာတ်ထဲက ချစ်တီးတွေ ကိုပြေးမြင်မိခဲ့တယ်။ အင်္ဂလိပ်တပည့် ချစ်တီးတွေသာ ဒီလိုလုပ်တယ်ထင်ခဲ့ တာခုတော့။ မင်းကို ရန်သူမျိုးငါး ပါးထဲမှာ ဘာလို့ထည့်ထားတာလဲဆိုတာကိုပါ သဘောပေါက်လာတယ်။ ၁၉၈၇ ခုနှစ်မှာလုပ်လိုက်တဲ့ အစိုးရရဲ့လုပ်ရပ်ကတော့ အစိုးရ အပေါ်တိုင်းပြည်ကဘယ်လိုမှ ခွင့်မလွတ်ချင်အောင် ဖြစ်ခဲ့တော့တာပါပဲ။ ငွေစက္ကူတွေကို တရားမဝင်ကြောင်း ကြေငြာလိုက်တဲ့ ကိစ္စ ဟာ မဆလ ကိုယ့်သေတွင်းကိုယ်တူးလိုက်ပြီဆိုတာ အဲ့ဒီအချိန်က သူတို့ သဘောမပေါက်ခဲ့ကြပါဘူး။ ငါတို့လုပ်သမျှလူအတွေ လူ ကြောက်တွေက ဘာပြန်ပြောရဲတာမှတ်လို့ ဆိုတဲ့အသိက သူတို့ခေါင်းထဲ စွဲနေကြတာလေ။

တကယ်လဲ တလျှောက်လုံးကြောက်ခဲ့ကြတာမဟုတ်လား။ ပြည်သူဆိုတာ နလပိန်းတုန်းတွေဆိုတဲ့အထင်ကလဲ သူတို့ကို ထင်ရာစိုင်း ခွင့်ပေးလိုက်သလို ပါပဲ။ ဒါကတော့ ရှစ်လေးလုံးမတိုင်ခင် တောရွာတွေမှာဖြစ်နေတဲ့ နောက်ခံမြင်ကွင်းပုံကြမ်းလေ ပါပဲ။ တကယ်ကို တောသားတွေမှာ ကျားလဲကြောက်ရ။ ကျားချေးလဲကြောက်ရ ဆိုတဲ့ကိန်းလေ။ ခုနောက်ပိုင်း ကြက်ကြောက်အိတ်လို့ခေါ်တဲ့ အိတ်ဆွဲ လာသူတိုင်းဟာ လယ်သမားတွေရဲ့ ကြောက်ရမည့်သူတွေပါ။ ကျန်တဲ့အကြောင်းအရာတွေကတော့ လူတိုင်းပြောနေကြမို့ မပြော တော့ပါဘူး။ ရှစ်လေးလုံးမတိုင်ခင် လပိုင်းရက်ပိုင်းအတွင်းတွေက ဖြစ်ပျက်နေတဲ့ အခင်းအကျင်းလေးတွေက အစီအရီပေါ်လာတယ် ဖုန်းမော်ကိစ္စဖြစ်လာတာ နောက် တံတားနီအရေးအခင်း ဒါတွေအပြီး ဇွန်လမှာဖြစ်တဲ့ ကျောင်းထဲကကျောင်းသားတွေ မြို့ထဲအထွက် မြေနီကုန်းမှာဖြစ်သွားတဲ့ကိစ္စတွေက တခုပြီးတခု ဆက်တိုက်လိုဖြစ်လာတာပါ။

အဲ့ဒီရက်တွေတုန်းက ဦးအောင်ကြီးရဲ့ လေးဆယ့်နှစ်မျက်နှာအိပ်ဖွင့်ပေးစာက လူတိုင်းတီးတိုးပြောစရာတခု ဖြစ်နေတာပါ။ ဘာပဲပြော ပြော ဦးအောင်ကြီး ဘာဆိုတာသေချာမသိပေမယ့် (ဘယ်သူတွေဘာဆိုတာ မသိအောင် သမိုင်းမျက်ချေဖြတ်ထားမှုရဲ့ အကျိုးဆက် ပေါ့) အစိုးရဘာလုပ်လုပ် ပြန်မပြောရဲ့တဲ့ခေတ်ကြီးမှာ သူကိုလူတွေတော်တော်များများက သတိထားရမည့်သူ ဖြစ်လာပါတယ်။ စာ ရွက်စာတန်းတွေ ဝေနေမှုကလည်း ဟိုနားသည်နား မှာပေါ်လာနေပါပြီ။ ခုအချိန်မှာ ရသမျှ စာရွက်စာတန်းတွေစုဆောင်း ပြီးပြန်လည် လက်ဆင့်ကမ်းတဲ့အလုပ်က ကိုယ့်ဘာသာကိုယ်တာဝန်ကိုယ်ပေးပြီး နေ့စဉ်လုပ်နေတဲ့ အလုပ်ပါ။ နေ့တိုင်း ထူးခြားမှုတွေကိုသိရဖို့ ည ၈ နာရီ ၁၅ ကို စောင့်ဆိုင်းနေသူတွေကတော့ မြန်မာပြည်အနှံ့လို့တောင် ပြောလို့ရမယ်။ ဒါကတော့ သတင်းတွေကို မှောင်ချထားမှုရဲ့ အကျိုးဆက်လို့ထင်ပါတယ်။ လူတိုင်းငတ်နေတဲ့ စားစရာကို ရသမျှဝေငှပေးနေတဲ့ ဘီဘီစီဟာ တနိုင်ငံလုံး သတင်းငတ်နေသူတွေအ တွက် အားကိုးရာသတင်းဌာနကြီးပါပဲ။ ကောလာဟာလမျိုးစုံကိုလဲ လူတွေကပြောနေကြပြီ။ သတင်းတွေကို လူတွေနဲ့အဆက်ဖြတ်တဲ့ အကျိုးကို မဆလ ခံစားနေရတာပါ။ လူတွေက အစိုးရသတင်းဌာနကို လုံးဝကိုမယုံကြည်တော့ပါဘူး။ ပိုစတာတိုက်ပွဲမှာ ခေတ်စားနေ တာကတော့ ဘီဘီစီ ဟီးရိုး ဘီဘီအက်စ် ဇီးရိုးတဲ့။ နောက် ၈ နာရီ မြန်မာအသံက သတင်းကြေငြာတဲ့ ကာတွန်းမှာ…

“မြန်မာစံတော်ချိန် ည ၈ နာရီ ရှိပါပြီ သတင်းများကိုကြေငြာပါတော့မယ်ရှင်” တဆက်တည်း စံတော်ချိန်တီးလုံးကို ကာတွန်းက… “တူနှယ် တူနှယ် ဗြောင်လိမ် ဗြောင်လိမ်”

အခုပြောတဲ့ဟာက အဲ့ဒီအချိန်ကခေတ်စားတောတွေထဲက တခုလောက်ပါ။ မှတ်မိတာတခုက မဆလပါတီကလဲ သူမဟန်တော့တာ ကို သဘောမပေါက်နိုင်တာပါ။ ဒါပေမယ့် သဘောပေါက်သူတဦးကတော့ရှိတယ်။ ဒါကတော့ လူလည်ကြီး ဦးနေဝင်း ပါပဲ။

အရေးပေါ်ပါတီညီလာခံခေါ်။ သူနှုတ်ထွက်။ ဒါကတော့ တိုင်းပြည်ရဲ့ဖြစ်ပျက်နေတဲ့ကိစ္စတွေကိုတာဝန်မဲ့စွာမျက်နှာလွှဲခဲပစ်လုပ်လိုက် တာပါပဲ။ ကမ္ဘာ့အဆင်းရဲဆုံးတိုင်းပြည်ဖြစ်အောင် သူကြိုးစားအားထုတ်ခဲ့တဲ့ အကြိုးဆက်ကို လူထုကြီးခံစားပေရော့လို့ ပြောလိုက်သ လိုပါပဲ။

ဒီရက်တွေအတွင်းမှာ ဘီဘီစီကလည်း စစ်ကြောရေးစခန်းတွေမှာ အမျိုးသမီးငယ်တွေကို လုံထိန်းတွေက အဓမ္မပြုကျင့်သည့် အ ကြောင်းကို ထုတ်လွှင့်ပေးလိုက်တယ်။ နောက် ၈ ရက် ၈ လ ၈၈ နေ့မှာ လူထုကြီးတရပ်လုံး မဆလအစိုးရကို ဆန့်ကျင်ကြဖို့ လမ်းပေါ် ထွက်ကြဖို့ နေ့သတ်မှတ်ပေးလိုက်တယ်။ လူအများ မျှော်လင့်နေတဲ့ ၈ ရက်နေ့က မြင်ကွင်းလေးကိုတော့ ဘယ်တော့မှ မမေ့ပျောက် နိုင်တော့ဘူး။ မနက်ခင်းထဲက ဘာဖြစ်မလဲလို့ တယောက်ကို တယောက်တွေ့တာနဲ့ မေးခွန်းထုတ်တဲ့အကြည့်တွေနဲ့ …

ဦးဇင်းတို့နေတဲ့ ရန်ကင်း ကန်ဘဲ့ဘူတာရုံလမ်းက ပဉ္စနိကာယ သာသနာ့ဗိမာန်မှာ သံဃာတွေအချင်းချင်း တခုခုတော့ဖြစ်ကြတော့ မယ်ဆိုတာ ပြောဆိုနေကြတယ်။ တနေရာရာကပဲ ဒို့အရေးလို့ အော်နေသလို အသံမျိုးဝင်လာတယ်လို့ စိတ်ကိုတပ်လှန့်နေတယ်။ ဒါပေမယ့် မနက်ခင်းမှာတော့ ဘာမှမဖြစ်ပါဘူး။ ရန်ကုန်မြို့ထဲတွေမှာ စာတွေကပ်တယ်။ စာတွေဝေတယ်ဆိုတဲ့သတင်းကတော့ မြို့ ထဲကပြန်လာသူတွေဆီက ကြားနေရတယ်။ ဦးဇင်းတို့လိုချင်တာ ဖြစ်စေချင်တာက စာရွက်ဝေတာ စာရွက်ကပ်တာလောက် မဟုတ် ဘူးလေ။

လမ်းပေါ်လူတွေထွက်စေချင်တာ။ နေ့လည် ၁၂ နာရီထိုးလောက်မှာ တောင်ဥက္ကလာဘက်က လူတွေထွက်လာပြီဆိုတဲ့ ကျောင်း အောက်က အော်သံတစ်ခုကြားလိုက်ရတယ်။ ချက်ချင်းပဲ မိုးကောင်းလမ်းဆုံရောက်အောင် အလျင်အမြန် ပြေးထွက်လိုက်တယ်။ ကိုယ့်လိုပဲ အိမ်တိုင်းအိမ်တိုင်းကလူတွေ လမ်းမကြီးဆီ ပြေးထွက်လာတာကို တွေ့လိုက်ရတယ်။ မိုးကောင်းဘုရားနားရောက်တော့ တောင်ဥက္ကလာဘက်ကို ကြည့်နေတဲ့ လူအုပ်ကြီးက ဟိုဘက်ဒီဘက် မနည်းဘူး။ လမ်းဘေးအပြည့်လို့တောင် ဆိုနိုင်တယ်။ ဦးဇင်း လှမ်းကြည့်တော့ ဘာမှ မတွေ့ရသေးဘူး။ ဘယ်မှာလဲလို့ မေးလိုက်တော့ လာနေပြီလို့ တယောက်ကပြောတယ်။ ဦးဇင်းလည်း လှမ်း ကြည့်နေတယ်။ သံလမ်းဘက်ကနေ အလံတခုကိုင်ပြီးထွက်လာတဲ့ လူတစ်စုကိုတွေ့ရတယ်။ စိတ်ထဲမှာ အလံကိုင်ထားတဲ့ လူတွေနဲ့ ပူးပေါင်းချင်စိတ်က တအားကို ဖြစ်ပေါ်လာတယ်။ ဘယ်စိတ်ကနှိုးဆော်လိုက်တယ်မသိဘူး။ ဦးဇင်းလမ်းမအလယ်ခေါင် ရောက်နေ တယ်။ ဟိုဘက်ဒီဘက် ညွှတ်နေအောင်ရှိတဲ့ လူအုပ်ကြီးကို အသံကုန်ဟစ်ပြီးတော့ အော်လိုက်တယ်။

“ဘာရပ်ကြည့်နေကြတာလဲ ငါတို့ လွတ်မြောက်ဖို့အတွက် ငါတို့ကိုယ်တိုင်လုပ်ရမယ် အခုဟိုကလာနေတဲ့ လူတွေကို ရပ်ကြည့်နေရုံနဲ့ မရဘူး အတူပူးပေါင်းပြီးတော့ ကိုယ့်အရေးကိုယ်လုပ်ရမယ် အားလုံးပါဝင်ကြပါ”

လမ်းလယ်ခေါင်က ရပ်ပြီး ဦးဇင်းအော်လိုက်တော့ လူရော ဘုန်းကြီးပါ အယောက် ၂၀ ခန့်က ဟုတ်တယ် ဟိုလူတွေသွားကြိုကြမယ် ဆိုပြီး ထွက်ချလာတယ်။ အလံကိုင်တဲ့ လူတွေနားရောက်တော့ သူ့နောက်မှာ လူအယောက် ၃၀ ခန့်လောက်ပဲ ရှိတယ်။ ဦးဇင်းတို့ သွားကြိုတဲ့ လူအုပ်နဲ့ပေါင်းပြီး မြို့ထဲဘက်ကို ထွက်လာခဲ့ကြတယ်။ ဦးဇင်းလည်း အလံကိုင်တဲ့ဘေးကနေ လမ်းဘေးကလူတွေကို အော်တယ်။

“ခင်ဗျားတို့ ဘာရပ်နေကြတာလဲ ကိုယ့်အခွင့်အရေးအတွက် ကိုယ့်အရေး ကိုယ်ကိုတိုင်လုပ်ရမယ် ထွက်ခဲ့ကြ”

ပထမတော့ ကိုယ်ကကြိုသူ၊ အခုတော့ အလံကိုင်ဘေးမှာ ဆော်သြသူဖြစ်နေတာကို သတိတောင်မထားမိဘူး။ ဦးဇင်းတို့ လူအုပ်ကြီး ဆရာအတတ်သင် ကျောင်းရှေ့ရောက်တော့ရပ်လိုက်ကြတယ်။ နောက်ကိုပြန်ကြည့်တော့ ဘေးကရပ်ကြည့်နေသူတွေဟာ ဦးဇင်းတို့နဲ့ အတူပါလာတာကို သိလိုက်ရတယ်။ လူလည်း အယောက် ငါးရာကျော်လောက်ရှိနေတယ်။ နောက်ကလည်း …

“ဘုန်းဘုန်း ဘယ်လမ်းကသွားမလဲ စီစဉ်ပါဘုရား” လို့ ၀ိုင်းပြီး ဦးဇင်းကို စီစဉ်ခိုင်းတယ်။ ဦးဇင်းလည်း ချက်ချင်းစဉ်းစားရတယ်။ လမ်း နီလေးဘက်ထွက်ရင် အစိုးရရုံးတွေချည်းပဲ။ နောက်ကနေ လိုက်ထွက်လာမယ့်လူ မရှိဘူး။ ငါတို့ ဆယ့်နှစ်လုံးတန်းဘက်က သွားမယ် လို့ ဦးဇင်းအော်ပြောလိုက်တယ်။ လူအုပ်ကြီးလည်း ဘာကြွေးကြော်သံတိုင်လို့ တိုင်ရမှန်းမသိဘူး။ ပါးစပ်ထဲပေါ်တာတွေ ကောက် အော်နေကြတယ်။ ကြွေးကြော်သံတွေကလည်း အခု ပြန်ကြည့်ရင် ရယ်စရာ …

“ဆန်တပြည် နှစ်ကျပ်ခွဲ စိန်လွင့်ခေါင်းကိုခွဲ”

“ဆန်တပြည် ဆယ်ပြား အောင်ကြီးလာမှစား”

“အရေးတော်ပုံအောင်ရမယ်”

“ဒီမိုကရေစီ ရရှိရေး ဒို့အရေး” ဆိုတာရဲ့ နောက်ကနေ အော်တဲ့အသံတွေက ခေါင်းခွဲတာတွေရော စုံနေတာပဲ။

ဘာပဲပြောပြော လူအုပ်ကြီးကတော့ များသထက်များလာတယ်။ ဂွတ်တလစ်နားကိုရောက်တော့ အနောက်ကလူအုပ်ကို မတွေ့ရ တော့ဘူး။ ဒါနဲ့ ဆက်ထွက်လာတာ ရွှေဂုံတိုင်အရောက်မှာ လူပင်လယ်ကြီးထဲ ဦးဇင်းတို့ ရန်ကင်းတောင်ဥက္ကလာ အုပ်စုက ရောပါ သွားကြတယ်။ တာမွေကနေ သိမ်ဖြူလမ်းအတိုင်းမြို့ထဲကို လူအုပ်ကြီးက စီးမျောနေတယ်။ ကြွေးကြော်သံပေါင်းစုံကလည်း ဆူညံနေ တယ်။ လမ်းပေါ်မှာကားတွေကလည်း တစ်စီးမှ မရှိတော့ဘူး။ ဒါနဲ့ ဦးဇင်းတို့ ဆူးလေဘုရားရောက်တော့ ညနေစောင်းနေပြီ။ လူလည်း ပင်ပန်းနေပြီ။ ကျောင်းကို ပြန်ချင်နေတယ်။ မြောက်ဥက္ကလာဘက်သွားမယ့် ကြပ်ညပ်နေတဲ့ ကားတစီးပေါ်အတင်းတိုးတက်ပြီး ရန် ကင်းကိုပြန်ခဲ့တယ်။ လမ်းနီလေးကနေ ကုန်းကြောင်းလျှောက်ပြန်ရတာ လမ်းမှာတွေ့တဲ့ စစ်သားတွေက …

“ဦးဇင်းမြို့ထဲက ပြန်လာတာလား” လို့မေးတယ် …
ဦးဇင်းက ခေါင်းညိတ်ပြတော့ သူတို့လည်း ဦးဇင်းတို့နဲ့ တသဘောတည်းရှိကြောင်း အမူအရာနဲ့ပြတယ်။ ကျောင်းကိုပြန်ရောက်တော့ ကျောင်းမှာကျန်နေခဲ့တဲ့ သံဃာတွေကဝိုင်းပြီး ဦးဇင်းကိုမေးကြတယ်။ သူတို့လည်း အားတွေတက်လာကြတယ်။ ညနေခင်းကြီးကို မြို့ ထဲဆက်ထွက်နေသူတွေ ရှိတုန်းပဲ ထိုသူတွေနဲ့အတူ ကျောင်းတိုက်က ဘုန်းကြီးတွေတော်တော်များများ ထွက်သွားကြတယ်။ ဒါက တော့ ၈ ရက်နေ့မြင်ကွင်း တစိတ်တပိုင်းလေးပါ။ ဒီနောက် အဖြစ်အပျက်တွေဟာ တနေ့အကြောင်းအရာကို စာတပုဒ် ရေးရင်တောင် လောက်ငှမှာမဟုတ်ဘူး။ သိတဲ့သူတွေက ကိုယ်ဖြတ်သန်းခဲ့တာတွေကို ဖော်ထုတ်ကြမယ်ဆိုရင် ရှစ်လေးလုံးအရေးတော်ပုံကြီးဟာ ကိုယ်လိုရာဆွဲ ရေးသူတွေရဲ့ လက်ခုပ်ထဲကရေအဖြစ်မှ သက်သာရာရလိမ့်မယ်။ အကြောက်တရားတွေ ဘယ်လောက်ရှိရှိ ထိုအ ကြောက်တရားတွေကို တွန်းလှန်ရခြင်းဟာ ကိုယ့်လွတ်မြောက်ရေး ကိုယ်လုပ်တယ်ဆိုတာ သက်သေပြခဲ့ပါပြီ။

အကြောက်တရားနွံထဲက ရဲရင့်ခြင်းကြာပန်းများ ဖူးပွင့်နိုင်ကြပါစေ။

အရှင်ဇဝန
http://www.naytthit.com/articals/2010/aug10/zwn-aug3.html

မြန်မာ့ဒီမိုကရက်များ စစ်အာဏာရှင်ထံ ဒူးထောက်အညံ့ခံမည်မဟုတ်


မြန်မာ့ဒီမိုကရက်များ စစ်အာဏာရှင်ထံ ဒူးထောက်အညံ့ခံမည်မဟုတ်

ဦးဝင်းတင် / ၀၄ သြဂုတ် ၂၀၁၀


ပြီးခဲ့တဲ့လက မြန်မာနိုင်ငံအတွင်းအပြင်က ဒီမိုကရေစီဘက်တော်သား အများအပြားတို့ဟာ ကျနော်တို့ရဲ့ ခေါင်းဆောင် ဒေါ်အောင်ဆန်းစုကြည်ရဲ့ (၆၅) နှစ်မြောက် မွေးနေ့အထိမ်းအမှတ်ပွဲများကို ကျင်းပခဲ့ကြပါတယ်။ ၁၉၉၀ ခုနှစ်မှာ ကျင်းပခဲ့တဲ့ အမျိုးသားလွှတ်တော်ရွေးကောက်ပွဲများမှာ အနိုင်ရရှိအောင် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ကို သူမဦးဆောင်ခဲ့ချိန်ကစလို့ ပေါ်ပေါက်ခဲ့တဲ့ ဒီမိုကရေစီရေး လှုပ်ရှားဆောင်ရွက်မှုဖြစ်စဉ်အပေါ် ရက်စက်ကြမ်းကြုပ်စွာ ဖြိုခွဲခံခဲ့ရပုံအကြောင်း လူအတော်များများက အဲဒီမွေးနေ့မှာ ပြန်ပြောင်းတွေးတော ဆင်ခြင်မိကြမှာပါ။

အခုတော့ မြန်မာနိုင်ငံရဲ့ အဓိကနိုင်ငံရေးအတိုက်အခံပါတီဟာ စစ်ခေါင်းဆောင်တွေက ရေးဆွဲ အတည်ပြု ထုတ်ပြန်ခဲ့တဲ့ အတုအယောင်အလိမ်အညာ ရွေးကောက်ပွဲတခုနဲ့ ပတ်သက်ဆက်နွှယ်မယ့်လမ်းအစား ပါတီအဖျက်သိမ်းခံရဖွယ်ရှိတဲ့လမ်းကို ရွေးချယ်လျှောက်လှမ်းခဲ့ပြီးဖြစ်ပါတယ်။ အဲဒီဆုံးဖြတ်ချက်ဟာ အာဏာရှင်တွေရဲ့ နည်းပရိယာယ်တွေကို နက်နက်ရှိုင်းရှိုင်း နားလည်သဘောပေါက်ထားတယ်ဆိုတဲ့ အချက်ပေါ်မှာ အခြေပြုပါတယ်။

ကျနော်တို့အပေါ် ထောက်ခံသူတချို့က ကျနော်တို့ရဲ့ဆုံးဖြတ်ချက်ကို နားမလည်ကြပါဘူး။ ဘယ်လိုပဲဖြစ်ဖြစ် ကျနော်တို့ဟာ ဒီမိုကရေစီကို သက်ဝင်ယုံကြည်သူတွေ ဖြစ်ကြတဲ့အလျောက် အမြင်သဘောထား မတူသူများအနေနဲ့ သူတို့ရဲ့အမြင်ကို လွတ်လပ်စွာ ကိုင်စွဲခွင့်ရှိတယ်ဆိုတဲ့ အချက်ကို အလေးထားပါတယ်။ တချိန်တည်းမှာ ကျနော်တို့ကို ဝေဖန်နေကြသူတွေ အနေနဲ့ အခုကျနော်တို့ ကြုံတွေ့ရင်ဆိုင်နေကြရတဲ့ အရေးကိစ္စနဲ့ပတ်သက်ပြီး နှိုင်းနှိုင်းချိန်ချိန် သုခမိန်ဆိုတဲ့ စကားပမာ စေ့စေ့စပ်စပ်သေသေချာချာ ဆန်းစစ်သုံးသပ်နိုင်ကြလိမ့်မယ်လို့ ကျနော်တို့ မျှော်လင့်ပါတယ်။ အများအပြားဟာ အဲသလို မဆန်းစစ် မသုံးသပ်ကြဘူးဆိုတာ ရှင်းပါတယ်။

ဒီနှစ်အတွင်း မြန်မာပြည်မှာ ကျင်းပဖို့စီစဉ်ထားတဲ့ ရွေးကောက်ပွဲကို ပိုင်းခြားစိတ်ဖြာ သုံးသပ်နေကြသူ အားလုံးအတွက် ပထမဆုံး ထည့်သွင်းစဉ်စားရမယ့်အချက်က အဲဒီရွေးကောက်ပွဲကို မွေးဖွားပေးလိုက်တဲ့ အခြေခံဥပဒေပဲဖြစ်ပါတယ်။ ၂၀၀၈ ခု နှစ်မှာ အတည်ပြုခဲ့တဲ့ အဲဒီအခြေခံဥပဒေဟာ ဒီမိုကရေစီလုပ်ငန်းစဉ်အတွက် ၀န်ထုပ်ဝန်ပိုးတပုံကြီးကို တည်ထောင်ဖန်တီးဖို့ ကြိုးပမ်းထားပြီး သစ်ပုပ်သစ်ဆွေးကို ဒီမိုကရေစီနဲ့ ဖွံ့ဖြိုးတိုးတက်မှုဆိုတဲ့ အပေါ်ယံရွှေမှုန့်ကြဲပြီး ပါလစ်သုတ်အရောင်တင်ဖို့ ကြိုးပမ်းတဲ့ အရုပ်ဆိုးအကျည်းတန်တဲ့ လုပ်ရပ်တခုဆိုတာထက် ပိုပြီး ကောင်းတဲ့အရာအဖြစ် ယူဆလို့ ဘယ်လိုမှမဖြစ်နိုင်တဲ့ အခြေခံဥပဒေဖြစ်ပါတယ်။

အပေါ်လွင်အထင်ရှား အမြင်သာဆုံးအချက်ကတော့ အဲဒီအခြေခံဥပဒေက လွှတ်တော်တိုင်းရဲ့ ကိုယ်စားလှယ်နေရာ လေးပုံတပုံကို စစ်တပ်က အလိုအလျောက်ရရှိနေစေဖို့ အာမခံထားတဲ့ အချက်ပါပဲ။ ဒါ့အပြင် စစ်ဘက်ဟာ ရွေးကောက်ပွဲမှာ အခြား မျက်နှာဖုံးတခုခု စွပ်ထားတဲ့ စစ်တပ်ပိုင်နိုင်ငံရေးပါတီတခုကို ပါဝင်ယှဉ်ပြိုင်စေခြင်းဖြင့် လွှတ်တော်တိုင်းမှာ အများစုအနေအထားကို ထပ်တိုးရရှိအောင်လည်း ကြိုးပမ်းထားပါသေးတယ်။

ဒါကြောင့် အကောင်းဆုံးဆိုတဲ့ ရှုထောင့်ကကြည့်ပြီး ပြောမယ်ဆိုရင်တောင်မှ စစ်ဘက်က မြန်မာပြည်သူတွေကို ဒီမိုကရေစီ လေးပုံသုံးပုံ ဒါမှမဟုတ် ဒါ့ထက်ပိုနည်းတဲ့ ဒီမိုကရေစီကို ကမ်းလှမ်းနေတာဖြစ်တယ်လို့ ဆိုရပါလိမ့်မယ်။

ဒီနှစ်ထဲမှာ ကျင်းပမယ်လို့ ကြေညာထားတဲ့ ရွေးကောက်ပွဲဟာ အဲဒီ ၂၀၀၈ အခြေခံဥပဒေအောက်မှာ ကျင်းပမှာဖြစ်ပါတယ်။ အဲဒီအခြေခံဥပဒေက ဒီမိုကရေစီအပေါ် ထိုးနှက်တိုက်ခိုက်မှုတပုံတပင်ကြီးကို သယ်ဆောင်လာမှာ ဖြစ်ပါတယ်။

ဥပမာတခုပြောရရင် အဲဒီရွေးကောက်ပွဲက အစိုးရတရပ်ကို ရွေးချယ်တင်မြှောက်ပေးရမှာ မဟုတ်ဘဲ ဥပဒေ ပြုမယ့်သူများကိုသာ ရွေးချယ်မှာဖြစ်ပြီး ရွေးကောက်ခံရသူများဟာ အစိုးရအဖွဲ့အကြီးအကဲများကို ရွေးချယ်ပေးဖို့ တာဝန်ရှိသူများသာ ဖြစ်လာမှာ ဖြစ်ပါတယ်။

အဲဒီလုပ်ငန်းစဉ်အသေးစိတ် ဘယ်လိုသွားမယ်ဆိုတာနဲ့ ပတ်သက်ပြီးတော့လည်း အဲဒီ အခြေခံဥပဒေမှာ ရှင်းရှင်းလင်းလင်းဖော်ပြမထားပါဘူး။ သမ္မတရွေးချယ်ရေးအဖွဲ့ (စစ်တပ်ပါဝင်နေတဲ့ ပါလီမန်) က သမ္မတသစ်တဦး ရွေးချယ်ရေးကိစ္စကို ဆုံးဖြတ်လိမ့်မယ် ဆိုတဲ့အချက်ကိုသာ မျှော်မှန်းကြည့်လို့ရပါတယ်။ သမ္မတရွေးချယ်ရေးမှာ ပါလီမန်အမတ်အများစုရဲ့ သဘောတူညီမှုလိုအပ်တယ်လို့ ယူဆနိုင်တယ်ဆိုရင် လွှတ်တော်မှာ အမတ်နေရာ ( ၂၅) ရာခိုင်နှုန်း ရရှိထားတဲ့ စစ်တပ်အဖို့ သမ္မတသစ်တဦး ရွေးချယ်နိုင်ဖို့အတွက် နောက်ထပ်အမတ် (၂၆) ရာခိုင်နှုန်းကိုပဲ ဆွဲဆောင်နိုင်ဖို့ လိုအပ်တဲ့သဘောရှိနေတာကြောင့် သမ္မတဟာ စစ်တပ်ကျောထောက်နောက်ခံပြု သမ္မတသစ်ဖြစ်မယ်ဆိုတာ သိပ်ကို သေချာနေပါတယ်။ တခါ အဲဒီသမ္မတမှာ အစိုးရအဖွဲ့ကို ဖွဲ့စည်းနိုင်တဲ့ အာဏာရှိတာမို့ သူဖွဲ့တဲ့အစိုးရအဖွဲ့ဟာ စစ်တပ်ကဖွဲ့တဲ့ အစိုးရအဖွဲ့ ဖြစ်လာမှာပဲဖြစ်ပါတယ်။

ဒါကြောင့် အဲဒီရွေးကောက်ပွဲဟာ လက်တွေ့မှာ အခက်အလက် အရွက်အကိုင်း အပွင့်အသီး ဘာတခုမှမရှိတဲ့ သစ်ငုတ်တိုလို ပါလီမန်တခု ပေါ်ထွက်လာစေဖို့ ဖော်နည်းကားတခုသာ ဖြစ်ပါတယ်။

ရွေးကောက်ပွဲလုပ်ငန်းစဉ်ရဲ့ အရေးပါတဲ့ အစိတ်အပိုင်းတခုဟာ သိသိသာသာ ရှင်းရှင်းလင်းလင်းကြီး ဒီမိုကရေစီနည်းလမ်းမကျ ဖြစ်နေတာဟာ ယုတ္တိမတန်ပါဘူး။ ဒီအခြေအနေက ရွေးကောက်ပွဲ လုပ်ငန်းစဉ်တခုလုံးအတွက် ဥပဒေသကို ပြဋ္ဌာန်းထားပြီး ဒီမိုကရေစီလိုလားတဲ့ပါတီတွေနဲ့ လူပုဂ္ဂိုလ်တွေ အဲဒီရွေးကောက်ပွဲမှာ ပါဝင်ယှဉ်ပြိုင်ခြင်းဟာ ဒီမိုကရေစီဆိုလို့ မူးလို့တောင် ရှူစရာမရှိတဲ့ အခြေအနေမျိုးထိ ဆိုက်ရောက်သွားစေနိုင်တယ် ဆိုတဲ့အချက်ကို သေချာခိုင်မာစေပါတယ်။

အခြားသော အခြေခံဥပဒေဆိုင်ရာ ပြဿနာတွေကလည်း တပုံတပင်ပါပဲ။ အဲဒါတွေထဲက တခုက ရွေးကောက်ပွဲမှာ ပါဝင်ယှဉ်ပြိုင်မယ့် ကိုယ်စားလှယ်လောင်းတွေအတွက် မှတ်ပုံတင်တဲ့ကိစ္စနဲ့ မဲဆွယ်လှုပ်ရှားတဲ့ကိစ္စတွေ လုပ်ဆောင်ရာမှာ ကြုံတွေ့ရမယ့်အခက်အခဲနဲ့ ကိုးရိုးကားရားနိုင်လှတဲ့ ငွေကြေးသုံးစွဲမှု အခြေအနေပါပဲ။ ဥပမာပြရရင် ရွေးကောက်ပွဲမှာ ပါဝင်ယှဉ်ပြိုင်လိုတဲ့ ကိုယ်စားလှယ်လောင်းတဦးဟာ မှတ်ပုံတင်ကြေး အမေရိကန်ဒေါ်လာ (၅၀၀) နဲ့ ညီမျှတဲ့မြန်မာငွေကို ပေးဆောင်ရမှာဖြစ်ပါတယ်။ တကယ်လို့သာ ပါတီတခုဟာ မိမိရဲ့ ကိုယ်စားလှယ်လောင်းတွေကို တနိုင်ငံလုံးက မဲဆန္ဒနယ်မြေအားလုံးမှာ ပါဝင်ယှဉ်ပြိုင်စေမယ်ဆိုရင် ကိုယ်စားလှယ်လောင်း (၄၉၈) ဦးကို မှတ်ပုံတင်ရမှာ ဖြစ်ပါတယ်။ (၄၉၈) ဦးကို ဒေါ်လာ (၅၀၀) နဲ့ မြှောက်ကြည့်လိုက်ရင် ဒေါ်လာသိန်းသောင်း ချီပြီးကုန်ရမှာ ဖြစ်ပါတယ်။ ဒါဟာ မြန်မာနိုင်ငံလို ကမ္ဘာ့အဆင်းရဲဆုံးနိုင်ငံတခုမှာ နည်းနည်းနောနော ငွေပမာဏ မဟုတ်ပါဘူး။ ရွေးကောက်ပွဲပြီးရင်လည်း အဲဒီငွေတွေကို အစိုးရက ပြန်ပေးမှာမဟုတ်ဘဲ နိုင်ငံတော်ဘဏ္ဍာအဖြစ် သိမ်းယူမှာဖြစ်ပါတယ်။

ဒါ့အပြင် ပါတီတခုဟာ မှတ်ပုံတင်ခွင့်ရရှိဖို့အတွက် အနည်းဆုံးပါတီဝင် (၁,၀၀၀) ရှိရမှာဖြစ်ပြီး အဲဒီပါတီဝင်တွေရဲ့ ကိုယ်ရေးအချက်အလက်များကို ကော်မရှင်ထံတင်ပြရမယ်လို့ ဥပဒေက တောင်းဆိုထားပါသေးတယ်။ ဒါဟာ အစိုးရနဲ့ သဘောထားကွဲလွဲသူတွေဟာ ဘယ်သူတွေဖြစ်တယ်၊ သူတို့ ဘယ်မှာရှိတယ်ဆိုတာကို အစိုးရက အလွယ်ကူဆုံးသိရှိနိုင်တဲ့ နည်းလမ်းဖြစ်ပြီး ရွေးကောက်ပွဲပြီးသွားတဲ့အခါ အဲဒီလူတွေဟာ ဖြုတ်ထုတ်ဖယ်ရှား ဒုက္ခပေးတာ ခံရနိုင်တဲ့ အန္တရာယ်ရှိနေတယ်လို့ တချို့က စောဒကတက်ထားကြပါတယ်။

နောက်ဆုံးတခုက မြန်မာနိုင်ငံမှာ ထင်ရှားအရေးပါတဲ့ လူမျိုးစုတွေဟာ နိုင်ငံရေးဖြစ်စဉ်အတွင်း ၀င်ရောက် လှုပ်ရှားဆောင်ရွက်ခွင့် ငြင်းပယ်ခြင်းခံထားကြရတာဖြစ်ပါတယ်။ ဒီအချက်ကြောင့် မြန်မာပြည်သူ မဲဆန္ဒရှင်အားလုံးရဲ့ ကြီးမားတဲ့ အချိုးအစားတရပ်ဟာ သူတို့ရဲ့ဒီမိုကရေစီအခွင့်အရေးတွေကို အသုံးပြုခွင့်မရှိတဲ့ အနေအထားမျိုး ဆိုက်ရောက်သွားပါလိမ့်မယ်။

ကျနော်တို့ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဟာ လွတ်လပ်မှုနဲ့ ညီမျှမှုဆိုင်ရာ အမြင့်ဆုံးသော အခြေခံမူ များအပေါ် အခြေပြုထူထောင်ထားတဲ့၊ ဒီမိုကရေစီကို သက်ဝင်ယုံကြည်သူများရဲ့ ပါတီတရပ်ဖြစ်နေတာကြောင့် ကျနော်တို့ရဲ့ ရသင့်ရထိုက်တဲ့ အခွင့်အရေးများ (ဥပမာ ကျနော်တို့ပါတီဟာ ၁၉၉၀ ရွေးကောက်ပွဲများမှာ တခဲနက် အနိုင်ရထားတဲ့ ပါတီဖြစ်တယ်ဆိုတဲ့အချက်) ကိုသာမက ကျနော်တို့နဲ့ ဘ၀တူ မြန်မာ့နိုင်ငံရေးအင်အားစုတွေကို နိုင်ငံရေးလုပ်ငန်းစဉ်အတွင်းမှာ သင့်မြတ်လျော်ကန်စွာ ပါဝင်ဆောင်ရွက်ခွင့် အခွင့်အရေးတွေကိုပါ ငြင်းပယ်ထားတဲ့ စနစ်တခုအတွင်းမှာ ၀င်ရောက်ဆောင်ရွက်ခြင်း မပြုနိုင်ပါဘူး။

ဒီလိုမျိုးအာဏာရှင် အင်အားစုတွေရှေ့မှောက် ဒူးထောက်အညံ့ခံမယ့် အလုပ်မျိုးကို ကိုယ့်သိက္ခာကိုယ် ရိုသေတဲ့ ဘယ်ဒီမိုကရေစီနိုင်ငံရေးသမားမှ လက်ခံနိုင်မှာမဟုတ်တာ သိပ်ကိုသေချာပါတယ်။

အဆုံးစွန်ပြောရရင်တော့ အန်အယ်လ်ဒီဟာ နိုင်ငံရေးပါတီတခု ဖြစ်တာနဲ့အမျှ လူမှုရေးလုပ်ငန်းတွေကိုလည်း တပါတည်းလှုပ်ရှားဆောင်ရွက်သွားမယ့် အဖွဲ့တခုဖြစ်ပါတယ်။ ကျနော်တို့ရဲ့ရည်မှန်းချက်က သူတို့ဖြစ်စေချင်သလိုမျိုး ကျနော်တို့ပါတီကို ရောင်းစားလိုက်စေဖို့နဲ့ သူတို့ရဲ့ ယိုယွင်းပျက်စီးနေတဲ့ အာဏာရှင်အုပ်ချုပ်ရေးအတွင်း ဒူးထောက် ခေါင်းငုံ့နေရမယ့်ပါတီအဖြစ် အသွင်ပြောင်းပစ်လိုက်စေဖို့ ချော့လုံးခြောက်လုံးတွေနဲ့ ဆွယ်တရားဟောနေတာကို နားမယောင်ဘဲ ကျနော်တို့ပါတီရဲ့ နိုင်ငံရေးပါတီတရပ်အဖြစ်ကိုရော ကျနော်တို့ရဲ့ လူမှုရေးလှုပ်ရှားဆောင်ရွက်မှု အခန်းကဏ္ဍကိုပါ ကြံ့ကြံ့ခံပြီး ဆက်လက်ထိန်းသိမ်း စောင့်ရှောက်ကာကွယ်သွားဖို့ဖြစ်ပါတယ်။

ဘယ်လိုရွေးကောက်ပွဲလုပ်ငန်းစဉ်မှာမဆို ကျနော်တို့ရဲ့ ပါဝင်ဆောင်ရွက်မှုဟာ ၂၀၀၉ ခုနှစ် ဧပြီလအတွင်း ကျနော်တို့ပါတီက ထုတ်ပြန်ခဲ့တဲ့ ရွှေဂုံတိုင်ကြေညာချက်မှာပါဝင်တဲ့ အခြေခံမူလေးချက်အပေါ် မူတည်နေဆဲဖြစ်ပါတယ်။ အဲဒီအခြေခံမူလေးချက်တွေကတော့ နိုင်ငံရေးအကျဉ်းသားအားလုံးကို လွှတ်ပေးရေး၊ ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေး၊ ၁၉၉၀ ရွေးကောက်ပွဲရလဒ်ကို အသိအမှတ်ပြုရေး၊ ၂၀၀၈ အခြေခံဥပဒေကို ပြန်လည်သုံးသပ်ပြင်ဆင်ရေး ဆိုတာတွေပဲဖြစ်ပါတယ်။

အဲဒီအခြေအနေတွေနဲ့ ပြည့်စုံမှုရှိမှသာလျှင် မြန်မာနိုင်ငံမှာ ဒီမိုကရေစီဟာ ရှင်သန်စည်ပင် ဖွံ့ဖြိုးတိုးတက်လာနိုင်မှာ ဖြစ်ပါတယ်။ ။

မှတ်ချက်
ဇူလိုင်လ (၉) ရက်နေ့ထုတ် Sydney Morning Herald သတင်းစာပါ အန်အယ်လ်ဒီ ဗဟိုအလုပ်အမှုဆောင်အဖွဲ့ဝင် ဦးဝင်းတင်၏ ‘ Burma’s Democrats will not cave in to dictatorship’ ကို ဖိုးဇော် ဘာသာပြန်ဆိုပါသည်။
http://www.khitpyaing.org/index.php?route=detail&id=3355

မြန်မာ (၁၀) ဦးတွင် (၁) ဦးနှုန်း အငတ်ဘေး ကြုံနေဟု ကမ္ဘာ့စားနပ်ရိက္ခာအဖွဲ့ဆို

ဝီရ / ၀၄ သြဂုတ် ၂၀၁၀

စိုက်ပျိုးချိန် မိုးတွင်းကာလတွင် ရာသီဥတု ဖောက်ပြန်မှုများကြောင့် မြန်မာနိုင်ငံသား (၁၀) ဦးတွင် (၁) ဦးနှုန်း အစားအစာ ပြတ်လပ်သည့်ဘေးနှင့် နေ့စဉ်ရင်ဆိုင်နေရကြောင်း ကမ္ဘာ့စားနပ်ရိက္ခာအဖွဲ့ကြီးက ပြောကြားလိုက်သည်။

ပြီးခဲ့သည့် (၃) နှစ်မှစ၍ မြန်မာနိုင်ငံအလယ်ပိုင်း၊ အပူပိုင်းခြောက်သွေ့ဒေသတွင် မိုးရွာသွန်းမှု နည်းပါးလာခြင်းကြောင့် ယင်းဒေသရှိ တောင်သူလယ်သမားတို့သည် ငတ်မွတ်မှုဘေးနှင့် ပိုမိုကြုံတွေ့လာရခြင်းဖြစ်ကြောင်း ကမ္ဘာ့စားနပ်ရိက္ခာအဖွဲ့ (WFP) မှ မြန်မာနိုင်ငံဆိုင်ရာအကြီးအကဲ မစ္စတာ ခရစ်ကာရီက ပြောကြားသည်။

မြန်မာနိုင်ငံ ဧရိယာအကျယ်အဝန်း (၁၀) ပုံ (၁) ပုံကျော်ရှိသော နိုင်ငံအလယ်ပိုင်းဒေသနှင့် ပတ်သက်၍ မစ္စတာ ခရစ်ကာရီက “အဲဒီဒေသမှာ ဖြည်းဖြည်းချင်း ဖြစ်လာတဲ့ ပြဿနာ ဆိုပေမယ့် အခုအခြေအနေဟာ အရမ်းဆိုးရွားလာပြီဆိုတာ သက်သေပြနေပါပြီ” ဟု ဆိုသည်။

မြန်မာနိုင်ငံသား (၁၀) ဦးတွင် (၁) ဦးနှုန်း အငတ်ဘေးကြုံနေသည့်အတွက် တနည်းအားဖြင့် လူဦးရေ (၅) သန်းခန့်သည် နေ့စဉ် အငတ်ဘေးနှင့် ရင်ဆိုင်နေရခြင်းဖြစ်သည်ဟု ဆိုသည်။

မစ္စတာ ခရစ်က “ဒီနှစ် မိုးနှောင်းနေတယ်။ ပြီးတော့ မိုးစလို့ စိုက်ပျိုးမယ်လုပ်တာနဲ့ ပြဿနာတွေ့နေရပြီ။ စိုက်ပျိုးရေးအတွက် ပထမဆုံးလုပ်ဆောင်ချက်ဖြစ်တဲ့ မျိုးစေ့ချတဲ့အချိန်မှာတောင် မျိုးစေ့မပေါက်တာတို့၊ ညှိုးတာတို့နဲ့ ကြုံနေရတယ်” ဟု ပြောသည်။

မြန်မာနိုင်ငံ အလယ်ပိုင်းဒေသရှိ မိုးစပါးစိုက်ဧက သောင်းချီရှိနေသည့် တောင်တွင်းကြီး၊ နတ်မောက်၊ မြို့သစ် စသည့် မကွေးတိုင်း မြို့နယ်တို့တွင် မိုးခေါင်နေပြီး ဆည်ရေများကိုလည်း အာဏာပိုင်တို့က လွှတ်ပေးခြင်း မရှိသဖြင့် ဇူလိုင်လကုန်ပိုင်းအထိ တောင်သူများ စိုက်ပျိုးရေ မရရှိဘဲ စပါးမစိုက်နိုင် ဖြစ်နေကြကြောင်း နတ်မောက်မြို့ ဒေသခံတို့က ပြောဆိုကြသည်။

နအဖစစ်အစိုးရ၏ ကန့်သတ်တားမြစ်မှုများကြောင့် WFP အနေဖြင့် အချက်အလက် ကောက်ခံရာ၌လည်းကောင်း၊ တောင်သူတို့၏ လိုငွေပြမှု၊ အကူအညီလိုအပ်မှုတို့၌လည်းကောင်း အတိအကျ လုပ်ဆောင်နိုင်ရန် ခက်ခဲနေဆဲဖြစ်ကြောင်း သိရသည်။

ပဲခူးတိုင်း အနောက်ခြမ်း သာယာဝတီ၊ လက်ပံတန်းမှ ပြည်မြို့အထိ လယ်မြေအများစုတို့သည် နှစ်စဉ် မေလလယ်တွင် ပျိုးခင်းထောင်၍ စိုက်ပျိုးလေ့ရှိသော်လည်း ယခုနှစ်အတွက် ရေမလုံလောက်၍ ဇူလိုင်လအထိ မစိုက်ပျိုးနိုင်သေးကြောင်း သိရသည်။

“ဒေသခံတွေ ဒီ့ထက် အကူအညီရဖို့ စစ်အစိုးရကလည်း လိုလားမှာပဲလို့ ကျနော်တို့ ယုံကြည်တယ်။ ဒါပေမယ့် အခုဟာက တနိုင်ငံလုံးအတိုင်းအတာနဲ့ မြို့နယ်တိုင်းဆီကို ကျနော်တို့ဘက်က ကွင်းဆင်းနိုင်တဲ့ အခွင့်အလမ်း မရသေးတော့ အကူအညီပေးရေးမှာ ကန့်သတ်ခံထားရတယ်လို့ ကျနော်တို့ ယူဆတယ်” ဟု WFP အကြီးအကဲက ပြောသည်။

ကမ္ဘာ့စားနပ်ရိက္ခာအဖွဲ့ကြီးသည် ယခုနှစ်အတွင်း ချင်းပြည်နယ်နှင့် ရခိုင်ပြည်နယ်မြောက်ပိုင်း ဒေသများသို့ အကူအညီပေးရေးလုပ်ငန်းများ ချဲ့ထွင်နိုင်ခဲ့ပြီး ထိုဒေသရှိ လူဦးရေ (၂) သန်းမှာ နောင်လာမည့် (၃) နှစ်အထိ အစားအစာအကူအညီ လိုအပ်နေဦးမည်ဖြစ်ကြောင်း၊ ယင်း (၃) နှစ်စီမံကိန်းအတွက် သုံးစွဲရန် ဒေါ်လာ (၁၂၂) သန်း ဆက်လက်လိုအပ်မည်ဖြစ်ကြောင်း လေ့လာတွေ့ရှိခဲ့သည်။

WFP ၏ ၂၀၀၇ ခုနှစ် စာရင်းများအရ နိုင်ငံရပ်ခြား အကူအညီပေးရေးအဖွဲ့အစည်းများမှ ဖွံ့ဖြိုးရေးဆိုင်ရာ အကူအညီများအတွက် ကမ္ဘောဒီးယားနိုင်ငံသားတဦးလျှင် (၄၇) ဒေါ်လာ၊ လာအိုနိုင်ငံသားတဦးလျှင် (၆၈) ဒေါ်လာ ရရှိချိန်တွင် မြန်မာနိုင်ငံသားတဦးလျှင် (၄) ဒေါ်လာသာ ရရှိခဲ့ကြောင်း သိရသည်။
http://www.khitpyaing.org/index.php?route=detail&id=3360

မြန်မာနိုင်ငံတွင်း နေထိုင်သော လူဦးရေစာရင်း


မြန်မာနိုင်ငံတွင်း နေထိုင်သော လူဦးရေစာရင်း

Burma-Population-Data_Burmese

ဒီမိုကရေစီဖျက်မည့် ခြွင်းချက်များ


ဒီမိုကရေစီဖျက်မည့် ခြွင်းချက်များ

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

မူရင်း ဥပဒေ၊ အထူးဥပဒေ နှင့် နည်းဥပဒေများ တွင် တွေ့ရတတ်သည့် ခြွင်းချက်များကို အဓိက ဆန်းစစ်ကြည့်ရန် လိုအပ်ပါသည်။ ဘာကြောင့် ခြွင်းချက် ထည့်ရသနည်း။ ဘယ်အခါ ထည့်ရသနည်း။ ခြွင်းချက် နှင့် ကင်းလွတ်ရမြဲ အချက် ဘာကွာခြားသနည်း။ မေးခွန်း ရှိလျှင် အဖြေတော့ရှိရပါမည်။

မူရင်း ဥပဒေဖြစ်သည့် ရာဇသတ်ကြီး အခန်း -၄ တွင် ကင်းလွတ်ရမြဲ အချက်များကို ပုဒ်မ-၇၆ မှသည် ပုဒ်မ-၉၅ အထိပြဋ္ဌာန်းထားပါသည်။ ဤကင်းလွတ်ချက်များ၏ အကျိုးကျေးဇူးကို တရားခံအား ခံစားခွင့် ပေးရပါသည်။ ခြွင်းချက်များ မဟုတ်ပေ။ ပေးကို ပေးရမည့် ခံစားခွင့်ကို ဥပဒေအရ သတ် သတ်မှတ်မှတ် ကင်းလွတ်ခွင့်ပေးထားပါသည်။
ခြွင်းချက်ကို အကာအကွယ်ယူပြီး ဒီမိုကရေစီ ရွေးကောက်ပွဲဆိုင်ရာ မူများကို ချိုးဖောက်၍ မရ

ကျင့်ထုံးဥပဒေများတွင်ကား ကင်းလွတ်ချက်များ။ ခြွင်းချက်များကို မတွေ့ရှိရပေ။ အထူးဥပဒေများ တွင်တခါတရံ ကန့်သတ်ချက်ကို ဖော်ပြရန် အတွက် ခြွင်းချက်များ ထည့်တတ်သည်ကို တွေ့ရပါသည်။ ဥပမာ- ၁၉၆၁ ခုနှစ်၊ ပြစ်မှုကျူးလွန်တတ်သူများ ခြေချုပ်နှင့် ခံဝန် အက်ဥပဒေ ပုဒ်မ ၁၁-တွင် - အထက်တွင်ဆိုခဲ့သည့် အတိုင်း ရာဇဝတ်တရားသူကြီးက တစ်ဦးတစ်ယောက်သောသူ နှင့် စပ်လျဉ်း၍ စုံစမ်းစစ်ဆေးမှု ပြုလုပ်ပြီးနောက် ထိုသူအပေါ်တွင် ခြေချုပ်အမိန့် ချမှတ်သင့်သည်ဟု ယူဆလျှင် ရာဇဝတ်တရားသူကြီးသည် ထိုသို့ ယူဆသည့် အတိုင်း အမိန့်ချမှတ်ရမည်။

ခြွင်းချက်။ ။ သို့ရာတွင်-

(က) ရာဇဝတ်တရားသူကြီးသည် ပုဒ်မ-၁၂ အရ တဦးတယောက်သူအပေါ်တွင် ကောင်းမွန်စွာ ကျင့်ကြံနေထိုင်ရေးအတွက် ခံဝန်ချုပ် ချုပ်ဆိုစေဟူသော အမိန့်ချမှတ်ခဲ့လျှင် ထိုသူအပေါ်တွင် ခြေချုပ်အမိန့် ကိုချမှတ်ခြင်း မပြုစေရဟုပြဋ္ဌာန်းထားသည်ကိုတွေ့ရသည်။

ခံဝန်ချုပ် အမိန့်ချမှတ်လျှင် ဤပုဒ်မ ၁၁ အရ ခြေချုပ်အမိန့် မချမှတ်ရဟု တိတိကျကျ ကန့်သတ်လိုသည့် အခါမျိုးတွင် မရောထွေးစေရန် ခြွင်းချက် ကိုသီးသန့်ပြဋ္ဌာန်းရပါသည်။ ဤသည်မှာ ကင်းလွတ်ချက် လုံးဝမဟုတ်ပါ။ ခြွင်းချက် နှင့် ကင်းလွတ်ချက် ကို ခွဲခြားကြည့်မြင် နိုင်ပါသည်။

ဤသို့ဆိုလျှင် ခြွင်းချက်ထည့်ရခြင်း၏ ရည်ရွယ်ချက်မှာ ပါဝင်သည့် ပုဒ်မကို ပိုမိုတိကျ ခိုင်မာစေရန် ကန့်သတ်ချက်ဖြင့် ဖော်ပြစေလို၍ ဥပဒေတွင် ခြွင်းချက်ထည့် ရခြင်းဖြစ်ကြောင်းကို တွေ့မြင် နိုင်ပါသည်။မူရင်းပင်မ ဥပဒေများတွင်ဆိုလျှင် ပိုမိုတိကျသေချာရန်လိုအပ်ပါသည်။

ကင်းလွတ်ချက် လိုချင်၍ အခွင့်ထူး ခံစားလို၍ ပြဋ္ဌာန်းထားချက်များ တစုံတရာ မပါရှိသည်ကို တွေ့ရပါသည်။

ဤသို့ဆိုလျှင် လတ်တလော တွေ့ကြုံနေရသည့် ခြွင်းချက် များကို ခြွင်းချန်ထား၍ ရကောင်းသည့် အရာမဟုတ်ပါ။ မုချဖြေရှင်းကြရပါမည်။

၂ဝဝ၈ ခုနှစ် ဖွဲ့စည်းပုံ အခြေခံ ဥပဒေ ပုဒ်မ- ၁၂၁ ။ ။ အောက်ပါ ပုဂ္ဂိုလ်များသည် ပြည်သူ့လွှတ်တော် ကိုယ်စားလှယ်အဖြစ် ရွေးကောက်တင်မြှောက် ခံပိုင်ခွင့် မရှိစေရ-
(ည) နိုင်ငံ့ ဝန်ထမ်း၊
ခြွင်းချက်။ ။ ယင်းစကားရပ်သည် -
ဖွဲ့စည်းပုံ အခြေခံ ဥပဒေအရ ဖွဲ့စည်းသော လွှတ်တော်များနှင့် အဖွဲ့အစည်းများတွင် ရွေးချယ် ခန့်အပ်ခြင်း ခံရသည့် တပ်မတော်သားများ အပါအဝင် နိုင်ငံ့ဝန်ထမ်းများနှင့် မသက်ဆိုင်စေရ။
ဟု ခြွင်းချက်တွင် ဖော်ပြထားသည်ကို အထင်အရှားတွေ့ရသည်။

ဤပုဒ်မ၏ ခြွင်းချက်ကို အကာအကွယ်ယူပြီး ဒီမိုကရေစီ ရွေးကောက်ပွဲဆိုင်ရာ မူများကို ချိုးဖောက်၍ မရပါ။ နိုင်ငံ့ ဝန်ထမ်း ၊ ပြည်သူ့ဝန်ထမ်း ၏ အဓိပ္ပါယ် ဖော်ပြချက်ကို ပြစ်မှုဆိုင်ရာဥပဒေ ရာဇသတ်ကြီး ပုဒ်မ ၂၁ တွင် အတိ အကျ ဖော်ပြထားပါသည်။

ပုဒ်မ -၂၁။ ။ ပြည်သူ့ ဝန်ထမ်းဆိုသည်မှာ အောက်ဖော်ပြပါ သူတမျိုးမျိုးကို ဆိုလိုသည်။
ပဌမ။ ။ အစိုးရ ပဋိညာဉ်ခံ အမှုထမ်း။
ဒုတိယ။ ။ နိုင်ငံတော် ကြည်း၊ ရေ ၊ လေ တပ်ဆိုင်ရာ ရေးရာပိုင် အရာရှိ။
တတိယ။ ။ တရားသူကြီး။
--------
---------
ဧကဒဿမ ။ ။ -----------
စသည်ဖြင့် အတိအကျဖော်ပြထားသည်။

ထို့ကြောင့် ကြည်း၊ ရေ ၊ လေ တပ်မတော်သား အားလုံးသည် ဝန်ထမ်းဖြစ်ကြပါသည်။ တပ်မတော်သား အားလုံးသည် အခြားဝန်ထမ်းများနည်းတူ ပြည်သူ့လွှတ်တော် ကိုယ်စားလှယ်အဖြစ် ရွေးကောက် တင်မြှောက်ခံပိုင် ခွင့်မရှိစေရပါ။
တပ်မတော်သား အားလုံးသည် အခြား ဝန်ထမ်းများ နည်းတူ ပြည်သူ့လွှတ်တော် ကိုယ်စားလှယ်အဖြစ် ရွေးကောက် တင်မြှောက်ခံပိုင်ခွင့် မရှိစေရပါ။ ဤသည်မှာ တရားမျှတမှုကို ဖော်ပြသည့် မူရင်း ဥပဒေ အရ ဖြစ်သည်။

ဤသည်မှာ တရားမျှတမှုကို ဖော်ပြသည့် မူရင်း ဥပဒေအရ ဖြစ်သည်။ မဲပေးခွင့် ရှိသူများ၊ ရွေးကောက် တင်မြှောက်ခံပိုင်ခွင့် ရှိသူများ၏ အခွင့်အရေးကို တန်းတူညီမျှ ပြဋ္ဌာန်းထားရမည့်မူကို ချိုးဖောက်၍ မရပါ။ ခြွင်းချက် ပြဌာန်းချက် ဆိုသည်မှာ မူရင်းပုဒ်မကို တိုက်ရိုက်ချိုးဖောက်ရန် ပြဋ္ဌာန်း၍ မဖော်ပြအပ်ပါ။

ဥပဒေ လုပ်ထုံး။ လုပ်နည်း နှင့် ဆန့်ကျင်နေသည့်ပြင် မြန်မာစာပေ အရေးအသား ထုံးဓလေ့ကိုပါ များစွာ ထိခိုက်နစ်နာ စေပါသည်။စာပေ ယဉ်ကျေးမှု ဇာတိဂုဏ်ကို ထိန်းသိမ်းရမည့် အစား ဖောက်ဖျက် ကျူးလွန်နေသည် ဆိုလျှင် တရားလက်မဲ့ တိုင်းပြည်ဘဝ ရောက်သွားပေမည်။

တရားဥပဒေ စိုးမိုးရေးကို ပြည်သူတွေက လိုလားပြီး စစ်အုပ်စု စစ်အစိုးရက မလိုလားဘူးဆိုလျှင် ပြည်သူလူထု၏ ဒဏ်ခတ်မှုကို မုချခံရပါလိမ့်မည်။

စစ်အာဏာရှင် ဥပဒေစနစ်၏ တချိုးတည်းချိုး တကျောတည်းသွားသည့် အစဉ်အလာအတိုင်း အကျင့်ပါနေသည့် ခြွင်းချက်များကိုလည်း မျက်ခြည်မပြတ် သုံးသပ်ရန်လိုပါသည်။

ပြည်သူ့လွှတ်တော် ရွေးကောက်ပွဲဥပဒေ (၃/ ၂ဝ၁ဝ) ပုဒ်မ-၁ဝ။ ။ အောက်ပါပုဂ္ဂိုလ်များသည် ရွေးကောက်ပွဲတွင် ရွေးကောက်တင်မြှောက်ခံ ပိုင်ခွင့်မရှိစေရ-
(ဌ) နိုင်ငံတော်ပိုင် ငွေကြေး၊ မြေ၊ အိမ်၊ အဆောက်အအုံ၊ယာဉ်၊ ပစ္စည်း စသည်တို့ကို တိုက်ရိုက်ဖြစ်စေ၊ သွယ်ဝိုက်သောနည်းဖြင့် ဖြစ်စေ ရယူသုံးစွဲ သို့မဟုတ် ယင်းသို့ ရယူသုံးစွဲ သည့် အဖွဲ့အစည်းဝင်ဖြစ်သူ။

ခြွင်းချက်။ ။ (၁) နိုင်ငံတော်ပိုင် ငွေကြေးဟူသော စကားရပ်တွင် အငြိမ်းစားလစာ၊ စရိတ်၊ ငွေကြေး သော်လည်းကောင်း၊နိုင်ငံတော် အကျိုးအတွက် ဆောင်ရွက်သဖြင့် နိုင်ငံတော်က တရားဝင် ထောက်ပံ့ချီးမြှင့် ထားသော လစာ၊ စရိတ်၊ ငွေကြေးသော်လည်းကောင်း မပါဝင်။

(၂) နိုင်ငံတော်ပိုင် မြေ၊ အိမ်၊ အဆောက်အအုံ၊ ယာဉ်၊ ပစ္စည်း ဟူသော စကားရပ်တွင် ဥပဒေ တရပ်ရပ် အရသော်လည်းကောင်း၊ တာဝန်အရ သော်လည်းကောင်း၊ နိုင်ငံတော်က သုံးစွဲခွင့်ပြုထားသော သို့မဟုတ် နိုင်ငံတော်ထံမှ အခကြေးငွေဖြင့် ငှားရမ်းသုံးစွဲသော နိုင်ငံတော်ပိုင်မြေ၊ အိမ်၊ အဆောက်အအုံနှင့် အခန်းများ အခြားအဆောက်အအုံနှင့် အခန်းများ နိုင်ငံတော်ပိုင် လေယာဉ်၊ ရထား၊ သင်္ဘော၊ မော်တော်ယာဉ်၊ ပစ္စည်း စသည်တို့ မပါဝင်။ ဟူ၍ ခြွင်းချက်ကို ပြဋ္ဌာန်းလာပါသည်။

ဤအတိုင်း ခြွင်းချက်ကို နိုင်ငံရေးပါတီများ မှတ်ပုံတင်ခြင်းဥပဒေ (၂/၂ဝ၁ဝ) ပုဒ်မ-၁၂ (က) (၅) တွင်- နိုင်ငံတော်ပိုင် ငွေကြေး၊ မြေ၊ အိမ်၊ အဆောက်အအုံ၊ယာဉ်၊ ပစ္စည်း တို့ကို ရယူသုံးစွဲသည့် အဖွဲ့အစည်းသည် နိုင်ငံရေးပါတီ အဖြစ် ဆက်လက်ရပ်တည်ပိုင်ခွင့် မရှိစေရဟုဖော်ပြထားပြီး ခြွင်းချက် (၁) နှင့် (၂) ကိုလည်း အထက်ကဖော်ပြခဲ့သည့်အတိုင်း ဖော်ပြထားပြန်သည်။

ထို့ပြင် အမျိုးသားလွှတ်တော်ရွေးကောက်ပွဲ ဥပဒေ ပုဒ်မ- ၁ဝ (ဌ) တွင်-နိုင်ငံတော်ပိုင်ကို ရယူသုံးစွဲသူ သို့မဟုတ် ယင်းသို့ ရယူသုံးစွဲသည့် အဖွဲ့အစည်းဝင်ဖြစ်သူကို ရွေးကောက်တင်မြှောက် ခံပိုင်ခွင့် မရှိစေရဟုဖော်ပြကာ ခြွင်းချက် (၁)နှင့်(၂) တွင် နိုင်ငံတော်က ခွင့်ပြုထားသော လစာ၊ စရိတ်၊ ငွေကြေး၊ မြေ၊ အဆောက်အအုံ နှင့် အခန်းများ၊ ယာဉ်၊ ရထား၊ သင်္ဘော၊ မော်တော်၊ ပစ္စည်း တို့မပါဝင်ဟု ခြွင်းချက်အဖြစ် ဖော်ပြထားပြန်သည်။

အထက်ပါခြွင်းချက်များကို ဆန်းစစ်ကြည့်လျှင် ခြွင်းချက် ဆိုသည်မှာ မူရင်းပုဒ်မပါ ဆိုလိုရင်းကို ဖောက်ဖျက်ကျူးလွန်၍ ရသော သီးသန့်ပြဋ္ဌာန်းချက်ဖြစ်နေပါသည်။ လိုအပ်ချက်ကို ဖြည့်ဆည်းပေးသည့် ပိုမို တိကျ ခိုင်မာစေရန် ထပ်ဆောင်းပြဋ္ဌာန်းပေးသည့် ပြဌာန်းချက်များ မဟုတ်တော့ဘဲ ကိုယ်ကျိုးစီးပွား ရယူနိုင်ရန် ဥပဒေကို တဖက်သတ်ချိုးဖောက် အရယူ၍ရသော၊ ကိုယ်လုပ်ပိုင်ခွင့် နယ်ပယ်ကို ကိုယ်ကြိုက်သလို သတ်မှတ်၍ ရသော ပြဋ္ဌာန်းချက်တမျိုးအဖြစ် တွေ့ရှိနေရပေသည်။

အထက်ပါခြွင်းချက်များသည် တပ်မတော်သား လွှတ်တော်ကိုယ်စားလှယ်များကို အလွဲသုံးစားမှုအား ကျူးလွန်ခိုင်းသလို ဖြစ်နေပါသည်။လက်ရှိကြံ့ဖွံ့ ကောင်စီဝင်များက ကြံ့ဖွံ့ပါတီထောင်စေပြီး နိုင်ငံပိုင်များကို အလွဲသုံးစားပြုရန် အတွက် ကြိုတင်ပြဋ္ဌာန်းထားချက်များ ဖြစ်သည်။ဤပြဋ္ဌာန်းချက်သည် ပြစ်မှုကျူးလွန်လိုစိတ်ကို ပေါ်လွင်စွာ ဖော်ထုတ်ပြသည့် သက်သေခံချက်ကြီး တရပ်လည်း ဖြစ်နေပါသည်။
ခြွင်းချက်ပါ နိုင်ငံတော်က ခွင့်ပြုထားသော ဆိုသည့်စကားရပ်သည် နအဖဥက္ကဌ ဗိုလ်သန်းရွှေက ခွင့်ပြုထားသော ဆိုသည့် အဓိပ္ပာယ်ပင် ဖြစ်သည်။နိုင်ငံတော်သည် ဥပဒေအရ ဗိုလ်သန်းရွှေ မဖြစ်ရပါ။

ဤအတိုင်းလည်း ကြံ့ဖွံ့ပါတီဝင်များ မတရားပြုလုပ်မှုပြစ်မှုကို ကျူးလွန်နေကြသည်များကို နေ့စဉ်မြင်တွေ့နေရပါသည်။ နိုင်ငံရေး ပါတီတိုင်း၏ တန်းတူရေး တရားမျှတရေး ဒီမိုကရေစီမူကို ဖျက်ဆီးပစ်လိုက်သည်။

ခြွင်းချက်ပါ နိုင်ငံတော်က ခွင့်ပြုထားသော ဆိုသည့်စကားရပ်သည် နအဖဥက္ကဌ ဗိုလ်သန်းရွှေ က ခွင့်ပြုထားသော ဆိုသည့် အဓိပ္ပာယ်ပင်ဖြစ်သည်။နိုင်ငံတော် သည် ဥပဒေအရ ဗိုလ်သန်းရွှေ မဖြစ်ရပါ။ ယခုမူ ဗိုလ်သန်းရွှေသည် ဥပဒေအားလုံး၏ အရှင်သခင်ဖြစ်နေသည်။ နိုင်ငံတော်အား အလွဲသုံးစားပြုရန် ခွင့်ပြုသူမှာလည်း ဗိုလ်သန်းရွှေပင်ဖြစ်သည်။တရားခံ ဘယ်သူလဲဟေ့ ။ ပြည်သူ့ခုံရုံးက တောင်းခေါ်သံကို ကြားနေရသည်။
http://www.mizzimaburmese.com/edop/songpa/5807-2010-08-04-12-25-43.html

မုံရွာသတ္တုမိုင်းရှိ အိုင်ဗင်ဟိုးကုမ္ပဏီ စင်္ကာပူဘဏ်မှတဆင့် အခွန်ရှောင်


ချင်းမိုင် (မဇ္ဈိမ) ။ ။ မြန်မာနိုင်ငံတွင် အကြီးဆုံးဖြစ်သော သတ္တုမိုင်းကို လုပ်ကိုင်နေသည့် အနောက်နိုင်ငံများက နာမည်ပျက် စာရင်းသွင်းပြီး ပိတ်ဆို့အရေးယူမှုများ ပြုလုပ်ထားသော မြန်မာအိုင်ဗင်ဟိုး ကြေးနီကုမ္ပဏီသည် စင်္ကာပူဘဏ်များကို အသုံးပြုကာ အဆိုပါ ပိတ်ဆို့အရေးယူမှုကို တိမ်းရှောင်နေသည်။ အငြင်းပွားဖွယ် အဆိုပါ မုံရွာသတ္တုတွင်းမှ ကြေးနီများ ရောင်းချရငွေကို ထိုသို့ လက်ခံရယူခဲ့ကြောင်း ကြေးနီအရောင်းစာချုပ် မိတ္တူတစောင်အရ သိရှိရသည်။

မုံရွာမြို့သည် မြန်မာနိုင်ငံ စစ်ကိုင်းတိုင်း အနောက်မြောက်ဘက်၊ မန္တလေးမှ ကီလိုမီတာ ၁၄ဝ အကွာ ချင်းတွင်းမြစ်ကမ်းပေါ်တွင် တည်ရှိသည်။

မဇ္ဈိမက ရရှိထားသော မုံရွာသတ္တုတွင်းမှ ထွက်ရှိသည့် ကြေးနီများကို ရောင်းချထားသည့် ၂ဝ၁ဝ ခုနှစ် ဧပြီလ နေ့စွဲပါ အရောင်းစာချုပ်အရ မြန်မာနိုင်ငံရှိ အကြီးဆုံးသတ္တုမိုင်းကို လုပ်ကိုင်နေသည့် မြန်မာအိုင်ဗင်ဟိုး ကုမ္ပဏီလီမိတက် (MICCL) သည် သတ္တုရောင်းရငွေများကို လက်ခံရန်အတွက် စင်္ကာပူဘဏ် စာရင်းတခုကို အသုံးပြုကာ အနောက်နိုင်ငံများက မြန်မာနိုင်ငံအပေါ် ပိတ်ဆို့ အရေးယူထားမှုများကို ရှောင်တိမ်းခဲ့ကြောင်း တွေ့ရှိရသည်။

Ivanhoe_Copper_Company

အိုင်ဗင်ဟိုး ကုမ္ပဏီက စွန့်ပစ်လိုက်သော မြေစာခဲများမှ ကြေးနီကို အနီးနားရှိ ဒေသခံများက ပြန်လည်စစ်ထုတ် ချက်ယူကြသည်။

ယင်းအရောင်းစာချုပ်အရ ကြေးနီရောင်းရငွေများကို စင်္ကာပူရှိ တရုတ်ဘဏ် ကော်ပိုရေးရှင်းမှတဆင့် မြန်မာရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် (MICB) သို့ ပေးသွင်းရသည်။ အဆိုပါ ပင်လယ်ရပ်ခြား တရုတ်ဘဏ်ကော်ပိုရေးရှင်း (OCBC) သည် (MICCL) ၏ MICB ရှိ ငွေစာရင်းတခု ဖြစ်သည်။ MICCL ကဲ့သို့ပင် MICB သည်လည်း အမေရိကန် အစိုးရက မြန်မာစစ်အစိုးရနှင့် ဆက်စပ်မှု ရှိသည်ဟု ဆိုကာ ပိတ်ဆို့အရေးယူထားသော ဘဏ်တခု ဖြစ်သည်။

လျှို့ဝှက် သတင်းရပ်ကွက်များကို ကိုးကားပြီး ဥပဒေရေးရာ အခွင့်အရေးကာကွယ်ရေး အန်ဂျီအိုတခု ဖြစ်သော Earth Rights International (ERI) က ယမန်နှစ်က အစီရင်ခံစာ တစောင် ပြုစု တင်ပြခဲ့ရာတွင် အဆိုပါ OCBC ဘဏ်သည် ပြင်သစ်နိုင်ငံမှ တိုတယ်လ်၊ အမေရိကန်ကုမ္ပဏီကြီးဖြစ်သော ရှယ်ဗရွန်၊ ထိုင်းနိုင်ငံ အစိုးရပိုင် PTTEP ရေနံကုမ္ပဏီများ ပါဝင်ပတ်သက်နေသည့် အမြတ်အစွန်း များလှသော ရတနာ ဓာတ်ငွေ့သိုက်မှ ရေနံနှင့် ဓာတ်ငွေ့ ရောင်းချရငွေများကို အပ်နှံ သိမ်းဆည်ထားသည့် စင်္ကာပူဘဏ် ၂ ခု အနက်မှ တခုဖြစ်ကြောင်း ရေးသားထားသည်။

မကြာမီက ပြည်ပသို့ ထွက်ပြေး ခိုလှုံလာခဲ့သော စစ်တပ် သိပ္ပံပညာရှင် တဦးဖြစ်သူ စိုင်းသိန်းဝင်း၏ အစစ်ခံ ပြောကြားချက်ကို ကိုးကား ရေးသားထားသော ERI ၏ နောက်ဆက်တွဲ အစီရင်ခံစာတွင်လည်း စစ်အစိုးရသည် တိုင်းပြည်၏ ငွေမာ ရငွေများကို စင်္ကာပူဘဏ်တွင် သိမ်းဆည်း သိုလှောင်ထားပြီး တိုင်းပြည်တွင် အပူတပြင်း လိုအပ်နေသည့် ကျန်းမာရေးနှင့် ပညာရေးတို့တွင် အသုံးမပြုဘဲ စစ်အစိုးရ အာဏာခိုင်မြဲစေမည့် ကုန်ကျစရိတ် များပြားလှသော နျူကလီးယား လက်နက် အစီအစဉ်များတွင်သာ အသုံးပြုနေပြီး မြောက်ကိုရီးယားနှင့် တရားမဝင် လက်နက်ကုန်သွယ်ရေးများလည်း ပြုလုပ်နေကာ ပြည်တွင်းနှင့် ဒေသတွင်း လုံခြုံရေး ချိန်ခွင်လျှာကို ခြိမ်းခြောက်နေသည်ဟု ရေးသားထားသည်။

ဆစ်ဒနီ မက်ကွိုင်းယားတက္ကသိုလ် စီးပွားရေးပညာရှင်နှင့် မြန်မာ့စီးပွားရေး စောင့်ကြည့်ရေးအဖွဲ့ (BEW) ၏ အယ်ဒီတာဖြစ်သော ရှောင်တားနဲလ် (Sean Turnell) ကလည်း နိုင်ငံတကာက အသိအမှတ်ပြု လက်ခံထားသော သူ့သုတေသန စာတမ်းတွင် သဘာဝဓာတ်ငွေ့ ရောင်းရငွေများ၊ အစိုးရပိုင်နှင့် ဖက်စပ်ပိုင် သတ္တုတွင်း စီမံကိန်းများမှ ရငွေများကို မြန်မာနိုင်ငံ အမျိုးသား ရသုံးခန့်မှန်းခြေ ငွေစာရင်းတွင် တမင်တကာ ပုံဖျက်ထားသော ငွေလဲနှုန်းကို အသုံးပြုကာ မပြည့်မစုံ မတိမကျ စာရင်းတင်ထားကြောင်း တွေ့ရှိရသည်ဟု ရေးသားထားသည်။

’’မြန်မာနိုင်ငံရှိ နိုင်ငံပိုင် စီးပွားရေးလုပ်ငန်းများမှ ရရှိရန် ငွေအားလုံးကို အလွန်အကျူး တန်ဖိုးမြှင့်ထားသော မြန်မာကျပ်ငွေ ငွေလဲနှုန်းဖြင့် တွက်ချက်ကာ စာရင်းတင်ထားတယ်။ ဒီလိုလုပ်ခြင်းရဲ့ အကျိုးရလဒ်အဖြစ် ဝင်ငွေအများစု (၉ဝ % ကျော်) ကို ပြည်သူ့ငွေစာရင်းတွေထဲမှာ မပေါ်အောင် ဖျောက်ဖျက်ထားနိုင်တယ်။
ဒီလိုနဲ့ ဒီနိုင်ငံခြားငွေတွေကို စစ်အစိုးရ ကိုယ်ပိုင်သုံးအတွက် နိုင်ငံခြားဘဏ်တွေမှာ လျှို့ဝှက်စွာ ရွှေ့ပြောင်း ကဲ့ဝှက်ထားနိုင်ခဲ့တယ်။ ခံရတာတော့ သူတို့ မတရာအုပ်ချုပ် အနိုင်ကျင့်နေတဲ့ မြန်မာပြည်သူတွေပါဘဲ။ ဒါကမ္ဘာတဝှမ်းလုံးမှာ အကြီးဆုံး နိုင်ငံတော် ခိုးဝှက်မှုကြီးရဲ့ ဥပမာတရပ်ဖြစ်ပြီး နားလည်ဖို့လည်း အလွန်ခက်ပါတယ်’’ ဟု ရှောင်တားနဲလ်က ပြောသည်။

အိုင်ဗင်ဟိုးကုမ္ပဏီ၏ လုပ်ဆောင်မှုများကို ကြာမြင့်စွာကတည်းကပင် ဝေဖန်ပြောကြားနေသူ တဦးဖြစ်သည့် ကနေဒါ မြန်မာ့မိတ်ဆွေများအဖွဲ့ (CFOB) မှ အမှုဆောင်ဒါရိုက်တာ ဦးတင်မောင်ထူးကလည်း ရှောင်တားနဲလ်၏ ထိုသို့အကဲဖြတ်ချက်အပေါ်တွင် သဘောတူညီသည်။ သူကြာမြင့်စွာကတည်းက သံသယဖြစ်ခဲ့သည့် အဆိုပါ အချက်အပေါ်တွင် သူ့အနေဖြင့် အံအားမသင့်မိကြောင်းဖြင့် ပြည်ပရောက် အတိုက်အခံ တက်ကြွလှုပ်ရှားသူနှင့် ၁၉၈၈ ခုနှစ် အစိုးရဆန့်ကျင်ရေး ဆန္ဒပြပွဲများတွင် အသက်မသေ လွတ်မြောက်လာသူ ဦးတင်မောင်ထူးက ပြောသည်။

’’အခုတော့ မြန်မာနိုင်ငံမှာ လုပ်ကိုင်နေတဲ့ လုပ်ငန်းတွေကနေ အိုင်ဗင်ဟိုးကုမ္ပဏီက ဒေါ်လာ သန်းပေါင်းများစွာ နိုင်ငံရပ်ခြားမှာ စစ်အစိုးရထိန်းချုပ်ထားတဲ့ ရန်ပုံငွေထဲကို ရောက်သွားတယ်ဆိုတာကို အခိုင်အမာ သက်သေပြနိုင်ပါပြီ’’ ဟု ဦးတင်မောင်ထူးက ပြောသည်။ ’’ဒီငွေတွေကို အပူတပြင်းလိုအပ်နေတဲ့ လူမှုရေးလုပ်ငန်းများမှာ အသုံးမပြုခဲ့ဘူးဆိုတာ ကျနော်တို့ သေချာပေါက် ပြောနိုင်ပါတယ်။ ဒါတွေ သုံးမယ့်အစား ဗိုလ်ချုပ်ကြီးတွေရဲ့ ကိုယ်ပိုင်အသုံးစရိတ်တွေ၊ စစ်လက်နက်ပစ္စည်း အမြောက်အမြား အလျှံပယ် ဝယ်ယူမှုတွေ၊ လျှို့ဝှက်ဒုံးကျည်နဲ့ နျူကလီးယားလက်နက် အစီအစဉ်တွေမှာ အသုံးပြုခဲ့တာ ဖြစ်ပါတယ်’’ ဟု သူက ပြောဆိုသွားသည်။

အိုင်ဗင်ဟိုးနှင့် မြန်မာစစ်အစိုးရတို့ ကြေးနီသတ္တု တူးဖော်ရေးလုပ်ငန်းကို ဖက်စပ်လုပ်ငန်းအဖြစ် စတင် လုပ်ကိုင်ခဲ့သည့် ၁၉၉၈ ခုနှစ်ကတည်းက စတင်၍ မုံရွာသတ္တုတွင်းမှ ရငွေရန်ပုံငွေများကို နိုင်ငံခြားတွင် မှတ်ပုံတင်ထားသော စင်္ကာပူဘဏ်စာရင်းများထဲသို့ လွှဲပြောင်းပေးပို့ခဲ့ကြောင်း ဦးတင်မောင်ထူး ယုံကြည်နေသည့် အချက်ကို ထောက်ခံသည့် အခြား သက်သေ အထောက်အထားများကို မဇ္ဈိမက ရရှိထားသည်။

ထိုအချိန်က အင်ဒိုချိုင်းနား ဂိုးလ်ဖီးလ်ဒ် (Indochina Goldfields) အဖြစ် တည်ရှိခဲ့သော အိုင်ဗင်ဟိုး ကုမ္ပဏီ၏ ဥက္ကဋ္ဌ Daniel Kunz ၏ ၁၉၉၉ ခုနှစ်ထဲတွင် ပြုစုရေးသားတင်ပြခဲ့သည့် အစီရင်ခံစာတွင် သူက မုံရွာမိုင်းမှ တူးဖော်ရရှိသော ကြေးနီများကို ရောင်းချရာတွင် လွယ်ကူစေရန်အတွက် MICCL သည် စင်္ကာပူဘဏ် တခုကို အသုံးပြုခဲ့ကြောင်း ရေးသားထားသည်။

စင်္ကာပူရှိ အဆိုပါ MICCL ၏ ဘဏ်စာရင်းကို အမည်ဖော်ပြထားခြင်း မရှိသော အုပ်ထိန်းရေး အဖွဲ့တခုဖြင့် ကြီးကြပ်စောင့်ရှောက်ခဲ့ကြောင်း သူက ရေးသား တင်ပြထားသည်။ ကော်လိုရာဒို သတ္တုလုပ်ငန်း ညီလာခံတွင် ၂ဝဝ၁ ခုနှစ်က တင်သွင်းခဲ့သော အစီရင်ခံစာတွင်လည်း ထိုအချက်ကိုပင် အလားတူ ထည့်သွင်း ဖော်ပြထားခဲ့သည်။

အနောက်နိုင်ငံများ၏ ပိတ်ဆို့ဒဏ်ခတ်မှုများကို ရှောင်လွှဲရန်အတွက် MICCL က စင်္ကာပူဘဏ်များကို အသုံးပြုနေသည့် အထောက်အထားကြောင့် ကနေဒါအစိုးရအနေဖြင့် အိုင်ဗင်ဟိုး သတ္တုကုမ္ပဏီ၏ မြန်မာနိုင်ငံတွင်းမှ လုပ်ငန်းများနှင့် မြန်မာနိုင်ငံတွင်းမှ အငြင်းပွားဖွယ် ထွက်ခွာသွားခဲ့ပုံများကို စုံစမ်းစစ်ဆေးသင့်သည်ဟု ဦးတင်မောင်ထူးက ပြောသည်။

သူက ’’ဒီလိုဂုဏ်သိက္ခာမရှိတဲ့ လုပ်ဆောင်မှုတွေကို အိုင်ဗင်ဟိုးသတ္တုကုမ္ပဏီက နှစ်ပေါင်းများစွာ ပြုလုပ်ခဲ့တာ ဖြစ်ပါတယ်။ အိုင်ဗင်ဟိုးက အကြီးတန်းအမှုဆောင်အရာရှိတွေ၊ ဒီလူတွေထဲက တော်တော်များများဟာ MICCL ရဲ့ ဘုတ်အဖွဲ့ထဲမှာ ပါနေတဲ့သူတွေလည်း ဖြစ်တာကြောင့် အခုလို သူတို့ရဲ့ ဖက်စပ်လုပ်ငန်းဟာ ပိတ်ဆို့ဒဏ်ခတ်မှုတွေကို ရှောင်တိမ်းနေခဲ့တယ်ဆိုတာ သေချာပေါက် သိကြမှာဖြစ်ပါတယ်။ အိုင်ဗင်ဟိုးကုမ္ပဏီက ဒီလိုပြုမှုဆောင်ရွက်ခဲ့တာတွေကို စုံစမ်းစစ်ဆေးရမှာ ဖြစ်ပါတယ်။ သူတို့ ထိန်းချုပ်ထားတဲ့ လုပ်ငန်းတွေ၊ စီးပွားရေးအဖွဲ့အစည်းတွေရဲ့ ဥပဒေချိုးဖောက်မှုတွေကိုလည်း စုံးစမ်းစစ်ဆေး အရေးယူအပြစ်ပေးရမှာပါ’’ ဟု ပြောသည်။

ကနေဒါအစိုးရသည် မြန်မာပြည်သူများကို ထောက်ခံနေသည့်အတွက် အိုင်ဗင်ဟိုးကို စေ့စေ့စပ်စပ် စုံစမ်းစစ်ဆေးလိမ့်မည်ဟု မျှော်လင့်ကြောင်းလည်း အဆိုပါ တက်ကြွလှုပ်ရှားသူက ပြောသည်။ ထို့ပြင် သူက ’’ယခုကိစ္စကို နိုင်ငံခြားရေးဝန်ကြီး လောရင့်စ်ကင်နွန်နှင့် သူ၏ လုပ်ဖော်ကိုင်ဘက်တဦးဖြစ်သူ ကုန်သွယ်ရေးဝန်ကြီး ပီတာဗန်လုံး (Peter Van Loan) တို့က အမြန်ဆုံး စေ့စေ့စပ်စပ် စုံစမ်းစစ်ဆေးမှုများ ပြုလုပ်လိမ့်မည်ဟု ကျနော်တို့ မျှော်လင့်ပါသည်’’ ဟုလည်း ဆက်လက်ပြောဆိုခဲ့သည်။

အိုင်ဗင်ဟိုး၏ `လူ့အခွင့်အရေးအပေါ် လုံးဝ အရေးမစိုက်ပုံ´ ကို ဖော်ပြသည့် သက်သေသာဓကတရပ်အနေနှင့် ထိုအချိန်က အိုင်ဗင်ဟိုးကုမ္ပဏီ ဥက္ကဋ္ဌဖြစ်သူ ပြောကြားခဲ့သည်ကို သူက ’’စက်ဆုပ်ဖွယ်ကောင်းသော စစ်အစိုးရ လိုလားသည့် သဘောထားမှတ်ချက်ဟု ခေါ်ဆိုသော မှတ်ချက်တွင် `တိုင်းပြည်ထဲမှာ မတူကွဲပြားတဲ့ တိုင်းရင်းသား လူမျိုးပေါင်း ၁၄၆ မျိုး ရှိတယ်။ ဒီတိုင်းရင်းသားတွေ ပြည်တွင်းစစ်ဖြစ်နေတာ ဆယ်စုနှစ်တခုပြီးတခု နှစ်ပေါင်းများစွာ ဖြစ်နေတာ။ ကံဆိုးတာက ဒီလိုခက်ခဲပွေလီတဲ့ ပြဿနာကို ကိုင်တွယ်နိုင်မယ့် အစိုးရမျိုးဆိုတာ စစ်အစိုးရပဲ ရှိတယ်’’ ဟု ပြောဆိုခဲ့သည်။

MICCL မှာ အိုင်ဗင်ဟိုးရဲ့ ၅ဝ % အစုရှယ်ယာပိုင်ဆိုင်မှုဟာလည်း အငြင်းပွားဖွယ် ဖြစ်နေဆဲ

MICCL ၏ အစုရှယ်ယာ ၅ဝ % ကို အိုင်ဗင်ဟိုးမိုင်းနှင့် ယင်း၏ အငြင်းပွားဖွယ် ဥက္ကဋ္ဌ ရောဘတ် ဖရိုက်ဒ်လင်း (Robert Friedland) တို့က တရုတ်လက်နက်ကုမ္ပဏီကြီး နိုရင်ကို (Norinco) နှင့် တရုတ်သတ္တုကုမ္ပဏီကြီး တခုဖြစ်သော ချိုင်းနားကိုးလ် (Chinacol) တို့နှင့် ပတ်သက်ဆက်နွယ်မှုရှိသည့် မြန်မာစစ်အစိုးရ၏ လက်ရင်းလူယုံများကို လျှို့ဝှက်စွာ ရောင်းချခဲ့ကြောင်း CFOB က စွပ်စွဲထားသည်။ မြန်မာနိုင်ငံတွင် လတ်တလော ပြုလုပ်ခဲ့သည့် ပုဂ္ဂလိကပိုင် ပြုလုပ်ရေး လုပ်ငန်းများအကြောင်း အတွင်းသတင်းသိရှိသူဟု ယုံကြည်စိတ်ချရသည့် သတင်းရပ်ကွက်တခုကလည်း ဤကိစ္စ ယမန်နှစ်နှောင်းပိုင်းက အမှန်တကယ် ဖြစ်ပေါ်ခဲ့ကြောင်း မဇ္ဈိမကို အတည်ပြုပြောကြားခဲ့သည်။

မုံရွာသတ္တုမိုင်းမှ ထွက်ရှိသော ကြေးနီများနှင့် လဲလှယ်သည့်အနေဖြင့် နိုရင်ကိုက စစ်အစိုးရကို ယာဉ်ဆွဲ ဟောင်ဝစ်ဇာအမြောက်များ ပေးအပ်လိမ့်မည်ဟု ပြည်ပအခြေစိုက် ဒီမိုကရက်တစ် မြန်မာ့အသံ (DVB) က ပြီးခဲ့သော လက အသံလွှင့်သွားခဲ့သည်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် အကြီးတန်းအဖွဲ့ဝင် တဦးဖြစ်သော ဦးခွန်မြင့်ထွန်းကလည်း `အလွန်စိတ်ပျက်စရာကောင်းသော´ အဖြစ်အပျက်ဟု ထုတ်ဖော်ပြောဆိုခဲ့သည်။ မုံရွာမြို့မှ အိုင်ဗင်ဟိုးကုမ္ပဏီ ထွက်ခွာသွားသည့် ကိစ္စကို စုံစမ်းစစ်ဆေးမှုများ ပြုလုပ်ပါရန် ဦးခွန်မြင့်ထွန်းနှင့် အမျိုးသားဒီမိုကရေစီအဖွဲ့ချုပ်တို့က ကနေဒါအစိုးရကို တောင်းဆိုထားသည်။

အိုင်ဗင်ဟိုးကုမ္ပဏီက ပိုင်ဆိုင်သော MICCL ၏ အစုရှယ်ယာ ၅ဝ % ကို တကယ်တမ်း စစ်အစိုးရ၏ လူရင်းလူယုံများကို ရောင်းချခဲ့ခြင်းသော်၎င်း၊ ပေးအပ်ခဲ့ခြင်းသော်၎င်း ပြုလုပ်ခဲ့ပါက ယင်းသည် ကနေဒါအစိုးရက မြန်မာနိုင်ငံအပေါ် ဒဏ်ခတ်ပိတ်ဆို့ထားမှုများကို ဖောက်ဖျက်လိုက်ခြင်းသာ ဖြစ်သည်။ မြန်မာသံဃာတော်များ ဦးဆောင်သည့် ၂ဝဝ၇ ခုနှစ် ဆန္ဒပြပွဲများကို အကြမ်းဖက်နှိမ်နင်းခဲ့ပြီးနောက် ဗိုလ်ချုပ်မှူးကြီးသန်းရွှေ၏ စစ်အစိုးရကို ပစ်မှတ်ထား ပိတ်ဆို့ဒဏ်ခတ်သည့် ဘဏ္ဍာရေးနှင့် ရင်းနှီးမြှုပ်နှံမှု ကန့်သတ်ချက်များကို အထူးတလည် တင်းကျပ်ထားခဲ့သည်။

MICCL ၏ ၅ဝ % အစုရှယ်ယာများကို အိုင်ဗင်ဟိုးကုမ္ပဏီက အပြင်ပန်းအားဖြင့် `လွတ်လပ်သော အုပ်ထိန်းမှုအဖွဲ့´ ၏ ထိန်းချုပ်လမ်းညွှန်မှုအောက်တွင် ၂ဝဝ၇ ခုနှစ် ဖေဖော်ဝါရီလက ထားရှိခဲ့သည်။ ဤအုပ်ထိန်းမှုအဖွဲ့ကို မြန်မာနိုင်ငံရှိ အိုင်ဗင်ဟိုးကုမ္ပဏီ၏ ရရန်ပိုင်ခွင့်များကို ရောင်းချရန် တာဝန်ပေးအပ်ထားသည်။ မီဒီယာနှင့် လူ့အခွင့်အရေးအဖွဲ့များက ကြိမ်ဖန်များစွာ မေတ္တာရပ်ခံနေခဲ့သော်လည်း ဤအုပ်ထိန်းမှုအဖွဲ့ကို ကြီးကြပ်လုပ်ကိုင်နေသော လူပုဂ္ဂိုလ်များ၊ စီးပွားရေးအဖွဲ့အစည်းများ၏ အမည်ကို ထုတ်ဖော်ပြောကြားရန် အိုင်ဗင်ဟိုးက ငြင်းဆိုခဲ့သည်။

MICCL ၏ အိုင်ဗင်ဟိုးကုမ္ပဏီပိုင် အစုရှယ်ယာများကို အဆိုပါ အုပ်ထိန်းမှုအဖွဲ့က ရောင်းချခဲ့သည်ဆိုသည့် သတင်းကို အိုင်ဗင်ဟိုးကုမ္ပဏီက ယင်း၏ ဝဘ်ဆိုဒ်တွင် ဇွန်လ ၃ဝ ရက်နေ့က ကြေညာချက်တရပ် ထုတ်ပြန်ကာ ငြင်းဆိုခဲ့သည်။ သို့သော် အဆိုပါ အစုရှယ်ယာများ ရောင်းချခြင်း မပြုရသေးကြောင်း သက်သေပြရန်ကိုလည်း ကုမ္ပဏီက ငြင်းဆိုခဲ့သည်။

’’ဒါကိုကြည့်ရင် အိုင်ဗင်ဟိုးဟာ ကနေဒါပြည်သူလူထုကို လိမ်လည်လှည့်ဖျားနေတယ်ဆိုတာ ထင်ရှားပါတယ်။ မြန်မာပြည်မှာရှိတဲ့ အကြီးဆုံးသတ္တုတွင်းကြီးမှာ သူတို့ရဲ့ ပို်င်ဆိုင်မှု အစုရှယ်ယာတွေဘယ်လို ဖြစ်ကုန်တယ်ဆိုတာ ရိုးရိုးသားသား ဖွင့်မပြောဘူး’’ ဟု ဦးတင်မောင်ထူးက မဇ္ဈိမကို ပြောသည်။

အိုင်ဗင်ဟိုး၏ မြန်မာနိုင်ငံတွင်းရှိ လုပ်ငန်းများကို စုံစမ်းစစ်ဆေးပါရန် ဒီချုပ်က ကွိဗက်ပင်စင် ရန်ပုံငွေအဖွဲ့ကို တိုက်တွန်း

အိုင်ဗင်ဟိုးကုမ္ပဏီတွင် အစုရှယ်ယာ ၇ % ပိုင်ဆိုင်ထားကာ အကြီးဆုံး အစုရှယ်ယာရှင် ၅ ဖွဲ့အနက် တခုဖြစ်သော ကွိဗက်ပင်စင် ရန်ပုံငွေအဖွဲ့ Caisse De depot ကို မြန်မာနိုင်ငံရှိ ယင်းတို့၏ ရရန်ပိုင်ခွင့်များ မည်သို့မည်ပုံ ဖြစ်ပျက်ကုန်သည်ကို အပြည့်အစုံ ထုတ်ဖော်ပြောကြားရန်အတွက် မိမိတို့၏ အစုရှယ်ယာ အများအပြား ပိုင်ဆိုင်ထားမှုကို အသုံးချကာ အိုင်ဗင်ဟိုးကုမ္ပဏီကို ဖိအားပေးပါရန် ပြည်ပရောက် ဒီချုပ်၏ ရွေးကောက်ခံအမတ်တဦးဖြစ်ပြီး ဒေါ်အောင်ဆန်းစုကြည်၏ အနီးကပ် မဟာမိတ်တဦးဖြစ်သည့် ဦးခွန်မြင့်ထွန်းက ယခုနောက်ဆုံး အိုင်ဗင်ဟိုးကုမ္ပဏီနှင့် ပတ်သက်သည့် အချက်အလက်၊ အထောက်အထားများ ထွက်ပေါ်လာအပြီးတွင် သူ၏ သဘောထားမှတ်ချက်ကို ထုတ်ဖော်ပြောကြားခဲ့သည်။

အိုင်ဗင်ဟိုး၏ မြန်မာလူမျိုး ယာဉ်မောင်းတဦးဖြစ်သူ ၂ဝဝ၃ ခုနှစ် ဒီဇင်ဘာလအတွင်းက ဖမ်းဆီးခံခဲ့ရမှုနှင့် ပတ်သက်သည့် ကိစ္စကို စုံစမ်းစစ်ဆေးပါရန်လည်း သူက Caisse ကို တိုက်တွန်းခဲ့သည်။

ယာဉ်မောင်း ကိုသက်လွင်သည် သူ၏ အထက်အရာရှိဖြစ်သော အိုင်ဗင်ဟိုး၏ အကြီးတန်း ဘူမိဗေဒအရာရှိ အင်ဒရူးမစ်ချဲလ်က ခိုင်းသည့်အတိုင်း ဒေါ်အောင်ဆန်းစုကြည်နေအိမ်ကို မောင်းပို့အပြီး အဖမ်းခံရကာ နှစ်ရှည်ထောင်ဒဏ် ချမှတ်ခြင်းခံခဲ့ရသည်။

ဒေါ်အောင်ဆန်းစုကြည်၏ ရေကန်နံဘေးအိမ်သို့ရောက်လျှင် အိမ်ကိုစောင့်ကြပ်နေသော စစ်သားများက ကိုသက်လွင်နှင့် မစ်ချဲလ်တို့ကို ဖမ်းဆီးထိန်းသိမ်းခဲ့သည်။ ဗြိတိသျှလူမျိုးဖြစ်သော မစ်ချဲလ်ကို အမြန်ပြန်လွှတ်ပေးခဲ့ပြီး ကိုသက်လွင်မှာမူ သူ့အထက်အရာရှိက ရူးသွပ်စွာ ခိုင်းစေခဲ့မှုကြောင့် ထောင်ဒဏ်အပြစ်ပေးခံခဲ့ရသည်ဟု သူ့ဆွေမျိုးများ၏ အပြောအရ သိရသည်။

နောက်ပိုင်းတွင် အစိုးရထုတ် မြန်မာ့အလင်းသတင်းစာက ကိုသက်လွင်သည် မူးယစ်ဆေးဝါးများ သုံးစွဲထားပြီး သူ့အထက်အရာရှိကို ပြန်ပေးဆွဲလာခဲ့သည်ဟု ရေးသားဖော်ပြခဲ့သည်။ ဤသတင်းသည် `လုံးလုံး လုပ်ကြံထားသော သတင်း´ သာ ဖြစ်သည်ဟု ဦးခွန်မြင့်ထွန်းက ပြောဆိုသည်။

ကိုသက်လွင်ကို ၂ဝဝ၇ နှစ်ဆန်းက အင်းစိန်ထောင်တွင် ချုပ်နှောင်ထားသည်ဟု နောက်ဆုံးသိရှိခဲ့ရသည်။ သူကိုယ်တိုင် နိုင်ငံရေးအကျဉ်းသားဖြစ်ခဲ့သူ ဦးခွန်မြင့်ထွန်းနှင့် အခြား လူ့အခွင့်အရေးတိုက်ပွဲဝင်သူများက ကိုသက်လွင်သည် ၂ဝဝ၇ ခုနှစ် မေလအတွင်း ဖြစ်ပွားခဲ့သော ထောင်တွင်း အစုလိုက်အပြုံလိုက် သတ်ဖြတ်မှုတွင် သေဆုံးသွားခဲ့ဖွယ်ရှိသည်ဟု စိုးရိမ်ပူပန်နေကြသည်။

နာဂစ်ဆိုင်ကလုံးမုန်တိုင်း တိုက်ခတ်အပြီး ထောင်အမိုးများ ပွင့်ထွက်သွားသည့်အခါ ထောင်လက်နက်ကိုင် အစောင့်များက ပစ်ခတ်ခဲ့သည့်အတွက် အကျဉ်းသား တဒါဇင်ကျော် အစုလိုက် အပြုံလိုက် သေဆုံးခဲ့ရသည်။

’’ဒီအိုင်ဗင်ဟိုးကုမ္ပဏီမှာ သူတို့ အစုရှယ်ယာ အများအပြား ပိုင်ဆိုင်ထားတာကို အသုံးချပြီး ကိုသက်လွင် အဖမ်းခံခဲ့ရစေတဲ့ အဖြစ်အပျက်တွေ၊ နောက်ပိုင်း သူဘာဖြစ်သွားခဲ့တယ် ဆိုတာတွေကို အိုင်ဗင်ဟိုးကုမ္ပဏီက သူတို့သိသမျှ အပြည့်အစုံ ထုတ်ဖော်ပြောကြားစေဖို့ အတင်းအကျပ် ဖိအားပေးကြပါလို့ ကွိဗက်ပြည်နယ် ဝန်ကြီးချုပ် Jean Charest၊ Caisse ၊ အမှုဆောင်အရာရှိချုပ် Michael Sabia၊ Caisse de depot မှ အခြားအုပ်ထိန်းမှုအဖွဲ့ဝင်များ (Trustees) ကို ကျနော် တိုက်တွန်းပါတယ်’’ ဟု ဦးခွန်မြင့်ထွန်းက မဇ္ဈိမကို ပြောကြားခဲ့သည်။

’’အမည်ဆိုးနဲ့ ကျော်ကြားတဲ့ ရောဘတ်ဖရိုက်ဒ်လင်း ဦးဆောင်ကွပ်ကဲလုပ်ကိုင်နေတဲ့ ရက်စက်ကြမ်းကြုတ်ပြီး မူမဲ့တဲ့ အိုင်ဗင်ဟိုးကုမ္ပဏီမှာ သူတို့ ပင်ပင်ပန်းပန်း ရှာဖွေထားရတဲ့ လုပ်ခလစာတွေကို မြှုပ်နှံရင်းနှီးထားတယ်ဆိုတာသာ ကွိဗက်ပြည်သူတွေ သိသွားခဲ့ရင် အလွန်အံ့အားသင့်သွားကြမယ်ဆိုတာ ကျနော် သေချာပေါက် ပြောရဲပါတယ်’’ ဟု သူက ပြောဆိုသွားသည်။
http://www.mizzimaburmese.com/news/inside-burma/5810-2010-08-04-13-58-41.html

ဝိညာဉ်များနဲ့ အတူ



ရှစ်ဆယ့်ရှစ်ည
ကျမကလေးဘ၀ပါ--
အကျီ င်္အဖြူ စကက်အစိမ်းနဲ့ 
ကျမလည်း စွာရဲခဲ့သူပဲပေါ့
ထ(၁) အင်းစိန် စုရပ် က
ရှစ်ဆယ့်ရှစ် ညအတွက်
ထင်ရှားတဲ့မှတ်တိုင်ပေါ့
အင်းစိန် ဆူးလေထိ လမ်းလျောက်
ကျမအဲဒီည အိမ်ကပျောက်ခဲ့တယ်

ပူလောင်စပ်ဖျင်း မောပမ်းခြင်းနဲ့ အတူ
အာခေါင်ကွဲအက်အသံတွေမထွက်တော့တဲ့ညပေါ့
ဒါပေမဲ့ဘေးဝဲယာက ပြည်သူ့ အသံ
ပင်ပမ်းရဒဏ်ပြေပြီပဲလေ

ဆားသံပရာခွံ့ ကျွေးလာတဲ့ပြည်သူ
ဖြူဖြူမဲမဲ ကျမနုတ်ခမ်း ဟပေးမြဲပေါ့
ဘယ်သူဦးဆောင်ဦးဆောင်
အားလုံးဟာတစ်သံတည်းပါ
အရေးတော်ပုံအောင်ရမည်

တဖြောင်းဖြောင်းလက်ခုတ်သံတွေရဲ့ကြား
မြို့ တော်ခမ်းမရှေ့ကိုရောက်သွားကြပြီ
ကျမကိုချီမရဲဘော်တစ်ဦးက
ငါ့ညီမငယ် ဒါဟောကွယ်တဲ့
ဘယ်သူဘယ်ဝါမသိ
ကျမစာရွက်ကိုင်ပြီးအသံကုန်ဟစ်တော့
လက်ခုတ်သံတွေမဆဲ
ဟုတ်တယ်ဟုတ်တယ်သြဘာပေး
ကျမ နထင်သွေးကြွ
အဲဒါကျမရဲ့တော်လှန်ရေးအစပါ
တက်နိုင်သူကလက်ကိုင်ပ၀ပလေးတွေဝေငှ
မျက်ရည်ယိုဗုံးသတင်းပျံ့လွင့်
အားလုံးဟာကြောက်ရွံ့ခြင်းအလျဉ်းမဲ့ညပေါ့
ခွန် ခွန် (၇၇) လာတယ်ဟေ့
ပစ် ခိုင်းလို့ ပြန်သွားတယ်တဲ့
ဟော -- ခုလာတာ နှစ်နှစ် (၂၂)
ချင်းတပ် အသစ်ဆိုပဲ
ပစ် ပစ် ကွာ ဒို့ ဆန္ဒကမ္ဘာသိစေရမယ်
ကျောင်းသားတစ်ဦးရဲ့အသံ

အဲဒီ့နောက် ဒိုင်း ဒိုင်း ဒိုင်း
ကျမကိုလူတစ်ယောက်ဆွဲပြေး
ဗန္ဓုလပန်းခြံဘေးကလက်မှတ်ရုံလေးကြားမှာ
ကျမတုန်ရီစွာနဲ့

ပစ်တယ်ဟပစ်တယ်ဟအသံကြားရာလှည့်ကြည့်
ကျမမျက်စိမမှားခဲ့ပါဘူး
ဖြူစိမ်း ရင်ဖုန်းနဲ့ကျောင်းဆရာမတစ်ဦး
သူနဲ့အတူကျောင်းသားနှစ်ဦးဝမ်းလျားမှောက်ကျ
သွေးအိုင်ထဲမှာ အဲဒီ့ညပေါ့

ကျမဒူးတုန်လို့ ရှေ့ဦးတည်ရာပြေး
လသာကပြည်သူဖေးမကူလို
အသက်ရှင်သန်ခွင့် ရခဲ့သေးပေမဲ့
ရှစ်ဆယ့်ရှစ်ညရဲ့ဝိညာဉ်များဟာ
ကျမတို့ နဲ့ အတူခုချိန်ထိ
တိုက်ပွဲဝင်နေဦးမှာအသေအချာပါ--
ခုလိုလ ရဲ့ ရှစ်ရှစ်(၈၈)ညတွေဟာ
အသစ်အသစ်သောဝေဒနာကိုရစေတာမို့ 
အာဏာရှင်မကျမချင်းအံကြိတ်အားခဲရင်းနဲ့ 
အမြဲထာဝရ သင်တို့ ဝိညာဉ်များ နဲ့ အတူတကွ--

မေအိခင်(လယ်ဝေး)

မိမိသည်ရှစ်လေးလုံးည တွင်မြို့ တော်ခန်းမရှေ့အထိပါဝင်ခဲ့ပြီးစစ်အာဏာသိမ်းပြီးချိန်ထိ ဆက်လက်
ဆန္ဒပြသည့်အတွက် ၁၉၈၉မတ်လတွင်(၅)လနီးပါးထောင်သွင်းအကျဉ်းချခံခဲ့ရပြီးနောက် ၁၉၉၆ တွင်
ဒီဇင်ဘာ ကျောင်းသားလှုပ်ရှားမှု နှင့်ပတ်သတ်ပြီး(အမျိုးသားီးမိုကရေစီအဖွဲ့ ချုပ် လူငယ်တာဝန် ယူ
စဉ်) ထောင် (ရ ) နှစ် ကျခံခဲ့ရသည်။။ ဤ ကိုယ်တွေ့ ဖြစ်ပျက် ခဲ့သည့် ကဗျာအား နှစ်စဉ် မိမိရောက်
ရှိသော နေရာများတွင်ဖြန့် ဝေခဲ့သည်။မျိူးဆက်သစ်များခံစားနားလည်နိုင်ရန်တော်လှန်ရေး သတိ
အမြဲ ရှိနေစေဖို့ ရည်ရွယ်ပါသည်။

မေအိခင်(လယ်ဝေး)
www.laminkhinkhin.blogspot.com

အလွမ်း ဖန်စီမက် (သို့) ဂျော်နီ တိုက်ဒေါင်း သူရဲကောင်း


အလွမ်း ဖန်စီမက် (သို့) ဂျော်နီ တိုက်ဒေါင်း သူရဲကောင်း

၁။

အောင်ဆန်းသူရိယဘွဲ့ရတဲ့ ဗိုလ်ကြီးတိုက်ချွန်းတယောက် ဗိုလ်ချုပ်အောင်ဆန်းနဲ့တွေ့ မှဘဲ ကိုယ်ကျိုးနည်းရတဲ့ အဖြစ်ကြုံရပါတော့တယ်။

၁၉၄၀ မှာ ချင်းအမျိုးသား ဗိုလ်တိုက်ချွန်းတယောက်စစ်တပ်ထဲစ၀င်ခဲ့ပါတယ်။ ရဲဘော် သုံးကျိပ် ဂျပန်နဲ့ပေါင်းပြီး ဗြိတိသျှတပ်တွေကိုတိုက်တော့ ဗိုလ်တိုက်ချွန်းက ဗြိတိသျှတပ်တွေနဲ့ အတူအိနွိုယကိုပါသွားပါတယ်။ နောက်တော့ ဖက်ဆစ်ဂျပန်တော်လှန်ရေးကြီးမှာ စစ်မြေပြင် ထောက်လှမ်းရေး၊ လေထီးတပ်သား၊ တိုက်ခိုက်ရေး စသဖြင့် ကျရတာဝန်တွေမှာရွပ်ရွပ်ချွန် ချွန်ကျေပွန်ခဲ့သူတဦးပါ။

အဖြစ်ကတော့ဒီလိုပါ . .

ချင်းသနက(၁) တပ်ရင်းတရင်းလုံး ထောက်ကြံ့နားက ပေါက်ကုန်းရွာမှာ ယာယီတပ် ရင်းစိုက်စဉ်ကဖြစ်ပါတယ်။ ဒုရင်းမှုး ဗိုလ်မှုးကပ်ကျောင်းက ဒီနေ့တပ်ရင်းကို ဗိုလ်ချုပ်အောင် ဆန်းလာမှာဖြစ်ကြောင်း၊ ဗိုလ်တိုက်ချွန်းရဲ့ ကင်းတပ်ဖွဲ့တွေက ဗိုလ်ချုပ်ကိုကြိုဆိုတန်းစီ အလေးပြုရမှာဖြစ်ကြောင်းတာဝန်ပေးပါတယ်။ ဗိုလ်တိုက်ချွန်းဟာ ဗိုလ်ချုပ်အောင်ဆန်းကို မမြင်ဘူးပေမဲ့လဲ အတော့်ကိုဘဲ လေးစားကြည်ညိုရင်းစွဲစိတ်တာကြောင့်၊ တပ်းရင်း သန့်ရှင်ရေးက အစသူကိုယ်တိုင် အပင်ပန်းခံပြုလုပ်ကာ အမှိုက်တစမကျန်ဂရုတစိုက်လုပ်ကာ၊ တန်းစီအလေးပြုမည့် သူ့ကင်းတပ်ကိုလဲ ခါးပါတ်၊သေနပ်၊ဖိနပ်ကအစ အသေအချာ တိုက်ချွတ် စေပြီး အကောင်းဆုံး စည်းကမ်းအကျဆုံး အလေးပြုရန် အကျအနစီစဉ်ထားပါတယ်။

ဗိုလ်ချုပ်တို့ဘယ်အချိန်လာမှာကို အတိအကျပြောမထားတာကြောင့် တမျှော်မျှော်နဲ့ စိတ်စောနေကြပါတယ်။ ဗိုလ်တိုက်ချွန်းကတော့ ကိုယ့်ယူနီဖောင်း ကိုယ်ပြန်ကြည့်ကာ ပြောင် လက်နေသော ခါးပါတ်ခေါင်းနဲ့ စစ်ဖိနပ်တို့တွင် အရိပ်ပေါ်နေပြီး ယူနီဖောင်းမှာ တောင့်တင်းပြီး လွန်စွာသပ်ရပ်နေသည်ကိုပီတိဖြာလျှက် ဗိုလ်ချုပ်ကိုသာ မျှော်နေမိပါတော့တယ်။

ဒါပသိ နေ့လည် (၁၂)နာရီလောက်မှာတော့ ပြသနာတခုဝင်လာပါတယ်။

ဖျင်နီတိုက်ပုံ ခပ်နွမ်းနွမ်း၊ ပုဆိုး အကွက်ကြီးဝတ်ကာ ဖော့ဦးထုပ်ဆောင်းထားတဲ့ လူတယောက်ဟာ လက်ထဲမလဲတုတ်ကောက်ကိုင်လျှက် တပ်ရင်းထဲအတင်းဝင်မယ်လုပ်နေ လို့ ဂိတ်စောင့် ကင်းရဲဘော်ဆီ အမြန်ပြေးသွားပြီး ထိုလူကိုဟန့်တားရပါတယ်။

ထိုလူက " ရဲဘော် . . ရဲဘော် . .ကျုပ်ဝင်ခဲ့ချင်တယ်"

ကျနော် အတော်ပင် စိတ်ခုသွားပါတယ်၊ ဘယ်နဲ့ဗျာ၊ မြေကြီးမှာဘာအရာမှမထင်စေအောင် အသေအချာလှဲကျင်းထားတဲ့ ဂိတ်အ၀င်ဝအလယ်တည့်တည့်မှာရပ်လို့၊ တုတ်ကောက်ကလဲ မြေမှာထောက်ထားလိုက်သေး၊ ဒါကြောင့် ကျနော်က

" ခင်ဗျားဝင်ခွင့်မရှိဘူး၊ ဒီနေ့ ကျနော်တို့ လူကြီး တယောက်လာဖို့ရှိတယ်။ "

" ဒီလမ်းအလယ်မှာ မရပ်ပါနဲ့၊ လမ်းဘေးကို သွားပါ"

" မလာနဲ့ . . မလာနဲ့ . . လမ်းဘေးမှာနေပါ"

ထိုသူကခပ်အေးအေးပင်ပြုံးကြည့်နေပြီးလျင်၊

" မဟုတ်ဘူးအထဲကိုဝင်ချင်လို့ပါ " ပြောကာရှေသို့တိုးလာလေသည်။

ကျနော်လည်း အရေးကြီးသောနေ့မို့ အတင်းတားနေ၏

" ဟေ့လူ . . ဘယ်လိုလဲ၊ ပြောတာမရဘူးလား၊ ကျုပ်တို့လူကြီးတယောက်လာမယ်၊ ဘေးမှာရပ်နေပါ "

" မေဂျာ ကပ်ကျောင်းရှ်ိလား၊ ရှိရင်တွေ့ချင်တယ်၊ မေဂျာကပ်ကျောင်းကို သွားခေါ်ပေးပါ၊ သူ့မိတ်ဆွေကတွေ့ချင်တယ်လို့ ပြောပါ "

" မြတ်စွာဘုရား၊ ဘယ်လိုလူနဲ့လာတွေနေပါလိမ့် " ဟု ညီးတွားရင်း၊ ဇွတ်ပါလား၊ မေဂျာကပ်ကျောင်းရဲ့ အသိမိတ်ဆွေ ဖြစ်မှာပဲ လို့ ကျနော်တွေးမိပြီး။

" ကောင်းပြီ၊ ဗိုလ်မှုးခေါ်ခဲ့မယ်၊ ခင်ဗျား ဒီမှာ ခဏနေခဲ့ပါ "

ဗိုလ်မှုးကပ်ကျောင်းထံ သတင်းပို့ရန် ထွက်သွားသော်လည်းစိတ်မချဖြစ်ကာ ခပ်လှမ်းလှမ်း ရောက်မှသူ့ကိုပြန်လှည့်ကြည့်ရာ၊ ထိုသူမှာ မရယ်မပြုံးလှမ်းကြည့်နေ၏ ။ ဗိုလ်မှုးကပ်ကျောင်း ထံသတင်းပို့၊ ဗိုလ်မှုးကပ်ကျောင်း တပ်ရင်းရုံးခန်းကအထွက် လှမ်းကြည့်လိုက်သည်နှင့် မျက်လုံးပြူး မျက်ဆံပြူးဖြစ်နေလေ၏၊

ပြီးတော့ ကျနော့်ကိုချက်ချင်းအမိန့်ပေးလိုက်ပါတယ်။

" ဟေ့ . . အဲဒါ ဗိုလ်ချုပ်အောင်ဆန်းပဲ တိုက်ချွန်း၊ ကင်းတပ်ဖွဲ့ တန်းစီ . . အလေးပြုပါ "

ကျနော့်ငယ်ထိပ်ကို မြွေပေါက်ရင်တောင်မှ သည်လောက်ထိတ်လန့်မိမည်မထင်ပါ။ ကျနော့် ကင်းတပ်ဖွဲ့ နေရာယူတန်းစီပြီးသောအခါ၊ ဗိုလ်ချုပ်အောင်ဆန်း နှင့် ဗိုလ်မှုးကပ်ကျောင်းတို့ တပ်ရင်းဝမှ လမ်းလျှောက်ဝင်လာကြရာ၊ တပ်ဖွဲ့က သေနပ်မြှောက် အလေးပြုခြင်းကို ခံယူပြီး ဗိုလ်ချုပ်ကပြုံးနေပြီး ခေါင်းတဆတ်ဆတ်ညိတ်ကာ ကျနော့်အားနုတ်ဆက်ပါတယ်။

" ကောင်းတယ်ရဲဘော် . . ၊ မင်းတာဝန်ကျေတယ်၊ ရဲဘော်ဆိုတာဒီလိုမှပေါ့ကွ "

ဟု ဗိုလ်ချုပ်ကပြောသွားသော်လည်ှး ဗိုလ်တိုက်ချွန်းတယောက်မှာ ဇောချွေးများပျံ လျှက်။

အော် . . ဗိုလ်ချုပ်တယောက်ဆိုတော့ အဆောင်အယောင်တွေနဲ့ ရှေ့ကားနောက်ကား ကိုယ်ရံတော်ရဲဘော်တွေ ခြံရံပြီး ကားတန်းကြီးဖြင့် တပ်ရင်းအတွင်းဝင်လာ ကြလိမ့်မည်ဟု တွေးထင်နေသော ဗိုလ်တိုက်ချွန်းတယောက် တက်တက်စင်အောင်လွဲခဲ့ရတဲ့ အဖြစ်ပါကလား၊

(တကသိုလ်စိန်တင်၏ ဗိုလ်ကြီးအောင်ဆန်းသူရိယတိုက်ချွန်း စာအုပ်မှ)

ဗိုလ်သန်းရွှေတို့နဲ့တော့ကွာပါ့၊ ဟိုတနေ့က သူများနိုင်ငံကိုသွားပြီး သံခင်းတမာန်ခင်း ယတြာသွားချေတာတောင် သက်တော်စောင့်တွေ အခြွေအရံတွေ လေယျာဉ်ပျံ နှစ်စီးအပြည့် တင်ပြီး မျက်နှာကရှစ်ခေါက်ချိုးနဲ့ အိနွိုယနိုင်ငံရဲ့ လုံခြုံရေးအစီအမံတွေကို စော်ကားလှောင် ပြောင်လိုက်သလို မြန်နိုင်ငံပြည်သူအများရဲ့ငွေတွေ အလဟသပ်ဖြုန်းပစ်နေခြင်းဖြစ်ပါတယ်။

တကယ်တော့ ကျနော်အနေနဲ့ ဒီအာဏာရူးတွေအကြောင်း ဒီစာပိုဒ်မှာ ထည့်မရေးချင် သော်လည်း ဒီစာရေးလက်စနဲ့ ဒင်းတို့ရဲ့အိနွိုယခရီးစဉ်သတင်းတွေဖတ်ရင်း အတော့်ကို မျက်စိစူးလို့ထည့်ရေးလိုက်မိခြင်းသာတည်း။

၂။

ဖန်း . .ဖန်း . .ဖန်း . . တပ်ရင်းရုံး မြောက်ဘက် ခွဲ(၁) ဘားက သေနပ်သံကြားလို့ ပြေး

ကြည့်မလို့လုပ်တုန်း ကျော်ဦး တယောက်အမောတကောရုံးပေါ် ပြေးတက်လာပါတယ်။

ကျနော်က " ဟေ့ကောင်ဘာဖြစ်လာတာလဲ " လို့ ဆီးမေးတော့။

ကျော်ဦးက " သရဲ . .သရဲ တွေ့လို့ သာတီအိတ် နဲ့ပစ်ပြီးပြေးလာခဲ့တာ " သူကဆိုပါတယ်။

"ခွီး တိုက်မယ်ခိုက်မယ်နဲ့တလျှောက်လုံး တိုက်ပွဲဆာနေတဲ့ကောင်က သူရဲကြောက်ရလားကွ" ဟု ကျနော်ကမာန်တော့ သူက ရယ်ကျဲကျဲနဲ့ ၊

" တခွဲလုံး ဗွီဒီယို သွားကြည့်နေကြတာ ကျနော်တယောက်ထဲ ဘားစောင့်ကျန်ခဲ့တာဗျ "

ဟု ပြန်ပြောလေ၏။

သြော် တကယ်တိုက်ရဲ၊ သေရဲသော သူရဲကောင်းတယောက် သရဲတော့ကြောက်တတ်လေ၏၊ ဟုသတိရကာ သူ့ကိုအလေးအနက် ဦးညွှတ်အလေးပြုလိုက်ပါတယ်။

ရှစ်လေးလုံးပြည့်သူအရေးတော်ပုံကြီးမစခင်မှာ သူ့အကို ထွန်းထွန်းဦး ရှိရာ အာအိုင်တီ မှာ ခဏရောက်နေရင်း ကျော်ဦးတယောက် အဆွဲခံထိခဲ့ပါတယ်။ သူ့အကိုဖြစ်သူအာအိုင်တီ ကျောင်းသားကအဖမ်းခံမထိဘဲ၊ ဒီကောင်ကအဖမ်းခံရတယ်ဆိုတာကို ကျနော်တို့က " မင်းက အူတူတူနဲ့ လုံထိမ်းမျက်စိနောက်အောင်ဘာသွားလုပ်မှန်းမှမသိတာ " ဟုဆီးပြောကြရာ ရယ်ကျဲကျဲမျက်နှာဖြင့်သာခပ်မဆိတ်နေလေ၏။ အဲဒါပြန်လွတ်လာပြီး နယ်ကိုပြန်ရောက်လာတော့ အရေးတော်ပုံကြီးစနေပါပြီ၊ ဒါကြောင့် သူ့ကိုစင်ပေါ်တက်ပြီး ရန်ကုန်မှာ ထောင်ထဲ ရောက်ခဲ့ရတဲ့ အတွေအကြုံ ပြောပြခိုင်းတာကို လုံးဝမပြောပါဘူး။ စင်ပေါ်မှာစကားပြောဘို့ ၀ါသနာမပါဘူးဆိုပြီး ဘူးငြင်းပါတယ်။ သူက ဒီကောင်တွေကို တိုက်မှရမှာ ကျနော့်ကို လုံခြုံရေး တိုက်ခိုက်ရေးတာဝန်ပဲပေးပါ လို့သာတွင်တွင်ပြောခဲ့သူပါ။ နောက်တော့ သူနဲ့အတူ ကျောင်းသား၊လူငယ်(၅၀)ဟာ မြရာပင်အနီး တောင်ပေါ် ယာခင်းတခုမှာ အခြေခံစစ်သင်တန်း တက်ရောက်နေပါတော့တယ်။ မြို့နယ်အတွင်း ဆနွုပြပွဲတွေမှာ သူလုံးဝမပါနိုင်ခဲ့ပ၊ဲ ညပိုင်းမှာတော့ ရပ်ရွာလုံခြုံရေးတာဝန်ကို စိတ်ပါလက်ပါ ဆောင်ရွက်ပါတော့တယ်။ စစ်အာဏာသိမ်းပြီးနောက် တောခိုလာပြီးတော့လဲ၊ တိုက်ခိုက်ရေးပဲ အားသန်လို့ တပ်ခွဲမှုး တာဝန်ကို သူကျေပွန်စွာ ထမ်းဆောင်ခဲ့ပါတယ်။

သူ့ကို ရဲဘော်တွေအားလုံးက ကျော်ဦးကနေ "ဖန်စီမက်" လို့နာမည်ပြောင်းပေးထားပါ တယ်။ သူငှက်ဖျားထလာရင် သူ့ရင်ဘတ်ပေါ် လက်တင်ကာလက်ချောင်းကလေးများကို စနွုယားတီးသလို လှုပ်နေရင်း " အမေ . . အမေ . . အမေရေ . ." ဟုညည်းတွားနေတတ်ပြီး၊ သူ့ကို ကွီနီးတိုက်ရင်သူမသောက်ပါ၊ အဲဒီတုန်းက ငှက်ဖျားအတွက် ဖန်စီမက်ဆေးပြားကိုလဲ သုံးလေ့ရှိခဲ့ပါတယ်။ အဲဒီ့ ဖန်စီမက် ရယ်၊ သဘောင်္သီးထောင်းငြုပ်းသီးစပ်စပ် ရယ်စားပြီးတာနဲ့ ချက်ချင်း လုံးဝအဖျားမရှိတော့ဘဲ ထထိုင်ကာအကောင်းပကတိပြန်ဖြစ်လို့သွားပါတယ်။ ဒါကို အစွဲပြုလို့ သူ့ကို ဖန်စီမက် လို့ခေါ်ခြင်းဖြစ်ပါတယ်။

နောက်ထပ်နာမည်တခုကိုတော့ သူကိုယ်တိုင်ပေးလိုက်ခြင်းဖြစ်ပါတယ်။ ဘန်ကောက် မှာ ယူအန်ကို ရဖြူဂျီလျှောက်တော့။ ဒီရုံးကလူတွေလည်း သိတ်စိတ်ချယုံလို့မဖြစ်သေးပါဘူး နာမည်လွဲပြီးလျောက်မှဟုဆိုကာ သူ့နာမည်ကို ကျော်နီ ဆိုပြီးရေးထည့်လိုက်ရာကနေ နာမည်အသစ်နောက်တခုရလို့လာပါတယ်။ ဂျော်နီဆိုတဲ့ တိုက်ဒေါင်း သူရဲကောင်းကို သတိတရရှိရင်းက သူနာမည်ပြောင်းတဲ့ကိစွုဆက်ရရင် သူဘယ်လောက်ရိုးသားတယ်ဆိုတာ တွေ့ရပါတယ်။ ခပ်တည်တည်နဲ့ အမည်ဆိုတဲ့အကွက်မှာ ကျော်နီ လို့နာမည်ပြောင်း ထားပြီးကာမှ အခြားအမည်ဆိုတဲ့အကွက်မှာ သူနာမည်ရင်း ကျော်ဦး ကိုထပ်ဖြည့်ရေး လိုက်ပါတယ်။ ဒါကြောင့် အားလုံးက၀ိုင်းပြောကြသောအခါ သူထုံစံအတိုင်း ရယ်ကျဲကျဖြင့် " ဟုတ်သားဘဲ ကျနော်လဲ မလိမ်ချင်တာနဲ့ " ဟုဆိုလေ၏်။ အဲဒီ့ ကျော်ဦး (သိုမဟုတ်) ဖန်စီမက် (သို့မဟုတ်) ကျော်နီ ကနေပြီးတော့ နောက်ဆုံး ဂျော်နီ လို့နာမည်တွင် လာရခြင်းဖြစ်ပါတယ်။

ကိုယ်ပိုင်နယ်မြေတခု တောင်ပိုင်းတွင်စိုက်ထူအခြေချပြီး လက်နက်ကိုင်တော်လှန်ရေး ကိုထိထိရောက်ရောက် အရှိန်အဟုန်မြှင့်တင် ခရီးဆက်သွားနိုင်မှာဖြစ်တယ်ဆိုတာကို အခိုင် အမာတွေ့မြင်လာခဲ့ပါတယ်။ ဒါကြောင့် အလယ်ပိုင်း မယ်နာပလော တော်လှန်စစ်ဒေသကနေ တောင်ပိုင်းကိုယ်ပိုင်နယ်မြေ ထူထောင်ရေးအတွက် ကျနော်တိုတပ်းရင်က ရဲဘော်အချို့ကိုဘန် ကောက်မှာ စုထားချိန် ဂျော်နီလည်းတယောက်အပါအ၀င်ဖြစ်ပါတယ်။ အခြား ရဲဘော်တဦးကို လည်း သင်တန်းမှုး၊ တိုက်ခိုက်ရေးမှုး စတဲ့တာဝန်တွေနဲ့ တောင်ပိုင်းတပ်တခုမှာ စတင် ခြေကုတ်ယူပြီးဖြစ်ပါတယ်။ ဒါပေမဲ့လည်း ဌာနချုပ်က ခေါင်းဆောင်ကြီးက သူထင်ရာတွေစွတ် လုပ်နေခဲ့တာကြောင့် ခါးပြတ်ပြီး ကိုယ်ပိုင်နယ်မြေထူထောင်ရေး အိမ်မက်တခု ပျက်ခဲ့ရပါ တယ်။ အဲဒီ့နောက် အိနွိယမှာ မြန်မာနိုင်ငံလုံးဆိုင်ရာကျောင်းသားမျာအဖွဲ့ချုပ် (ABSL) ဖွဲ့လိုက်တဲ့ ပြီးအခါ်၊ ထိုင်းမှာ လည်း ABSL ထိုင်းဖွဲ့စည်းတည်ထောင်ကြတော့ ဂျော်နီ ဟာ ဗဟိုအလုပ်အမှုဆောင် ကော်မီတီဝင်အဖြစ်ဆောင်ရွက်ခဲ့ပါတယ်။

၃။

မှတ်မှတ်ရရ မယ်နာပလော တိုက်ဒေါင်းနဲ့ ဘုရားသုံးဆူ တိုက်ဒေါင်း တို့ထိပ်တိုက်တွေ့ ခဲ့ ကြပုံကလေးကို ပြောပြချင်ပါသေးတယ်။

ကျနော်တို့ ABSL ထိုင်းလန်းမှာ အဖွဲ့ချုပ်ခေါင်းစီးကို ထိုင်းမှာရှိနေပြီး ကျောင်းသား အဖွဲ့တွေက အမြင်မရှင်းဖြစ်ကြပါတယ်။ အဖွဲ့ချုပ်ဆိုတော့က သူတို့အားလုံး အဖွဲ့ချုပ်အောက်ကိုဝင်ရမလိုလို နဲ့ ၀ိဝါဒ ဖြစ်စရာကြုံ နေကြပါတယ်။ ဒါကြောင့် ဘန်ကောက်မြို့ သမာဆတ်ယူနီဗာစီတီမှာ ABSL ထိုင်းရဲ့ ညီလာခံမှာ ONSOB နဲ့ အခြားကျောင်းသားအဖွဲ့အစည်းအာလုံးက ခေါင်းဆောင်များကိုဖိတ်ကာ အကျေအလည် ဆွေးနွေးကြပါတယ်။ သို့သော် ညီလာခံခန်းမအ တွင်းမှာ တယောက်တပေါက်နဲ့ လိုရင်းညီညွတ်ရေးကို ခရီးမရောက်ဖြစ်နေပါတာကြောင့်၊ ညီလာခံကို ခဏနားစေလိုက်ပြီး အဖွဲ့လိုက်ကိုယ်စားလှယ်ရွေးချယ်ကါ သီးသန့် ဆေွးနွေး ကြပါတယ်။ ဒီတော့ ဂျော်နီ တယောက်စိတ်မရှည်ဖြစ်ကာ . .

" ဟေ့ ဒီမှာ ငါ့တို့လက်တွေက သေနပ်ကိုင်လာတဲ့လက်တွေကွ ကျောင်းသားအချင်းချင်း ညီညွတ်ရေး ဆွေးနွေးတာသိတ် အရစ်ရှည်မနေကြနဲ့ "

ဟုအသံမာမာနဲ့ ရာဇသံလိုလို အမိန့်လိုလို ပြောလိုက်ပါတယ်။

ဒီတော့ဘယ်ရမလဲ ဘုရားသုံးဆူတိုက်ဒေါင်း အရပ်ရှည်ပြီးစိတ်တိုတတ်သော ONSOB ကိုယ်စားလှယ် ကိုကျော်သက်(ညောင်တုန်း) ကလည်း . .

" အေး ငါတို့ကလက်တွေလည်း . . ကိုင်လာတာမဟုတ်ဘူးကွ၊ မင်းလိုဘဲသေနပ်ကိုင် တိုက်လာတဲ့ကောင်တွေဘဲ " " ငါတို့လည်းညီညွတ်ချင်လို့မင်းတို့နဲ့လာညှိနေတာပေါ့ " လို့ပြန်အော်လိုက်ပါတယ်။

အဲဒါ သူတိုနှစ်ယောက်ကို ဖြန်ဖြေပေးပြီးတော့ ဘုရားသုံးဆူနယ်မြေကတိုက်ဒေါင်း နဲ့ မယ်နာပလောနယ်မြေကတိုက်ဒေါင်း ချစ်ကြည်ရေးမှတဆင့် ကျောင်းသားညီညွတ်ရေး

" သမာဆတ်စာချုပ် " ကိုအောင်မြင်စွာ ချုပ်ဆိုနိုင်ပြီး ဘန်ကောက်ကျောင်းသား ညီညွတ်ရေး တည်ဆောက်ခဲ့ကြဘူးပါတယ်။

၎။

ကိုးလေးလုံး(၉၉၉၉) အောက်တိုဘာစိန်ခေါ်မှုကြီးဟာ နိုင်ငံတကာအစိုးရအားလုံးနဲ့ ပြည်သူအားလုံးက ထောက်ခံအားပေခဲ့ကြသလို၊ မြန်မာကျောင်သားများဟာအကြမ်းဖက် သမားတွေမဟုတ်ဘူးဆိုတာသက်သေပြခဲ့တာဘဲဖြစ်ပါတယ်။ ပြည်သူတရပ်လုံးရဲ့ဂရုဏာ တွေကို သိမ်းကြုံးရယူခဲ့ကြပါတယ်။ ကိုးလေးလုံးလှုပ်ရှားမှု ဘန်ကောက် မြန်မာစစ်အုပ်စု သံရုံးကို ရှစ်လေးလုံးကျောင်းသားများ သိမ်းပိုက်လိုက်ခြင်း တော်လှန်ရေးတရပ်လုံးရဲအကျိုး၊ အောင်မြင်မှုကြီးတရပ်ပါဘဲ။

ဂျော်နီ ကသူဆုတ်ကိုင်ထားတဲ့ ရပ်တည်ချက်ကို အခိုင်အမာယုံကြည်စွာစွဲကိုင် တိုက်ပွဲဝင် သွားခဲ့တာဘဲဖြစ်ပါတယ်။ နိုင်ငံတကာမှာ တခါမှမဖြစ်နိုင်သေးတဲ့ လုပ်ရပ် ဗျူဟာမြောက် သေသပ်ပိယိစွာ ဦးဆောင်စီးနင်းနိုင်ခဲ့ပြီး သွေစွန်းဘို့ကိုမဆိုနဲ့ သံရုံးဝန်ထမ်း တွေအပါအ၀င်၊ ဧည့်သည်များပါ မည်သူတဦးတယောက်မှ ထိခိုက်အနာတရ မရှိခဲ့လေအောင် နှလုံးရည်ရော လက်ရုံးရည်ပါ ပြည့်စုံတဲ့ သူရဲကောင်းတယောက်အဖြစ် ဦးညွှတ်အလေးပြုပါ၏။

လွမ်းစရာကောင်းတဲ့ ဖန်စီမက်၊ (ပူသူ . . အအေးကွက်လိုက်ရှာ) အစရှိတဲ့ သန်းနိုင်ရဲ့သီချင်းကို ဂစ်တာတီးတဲ့အခါတိုင်း သီဆိုတီးခတ်လေ့ရှိသူ . . အခုတော့ . . သူရဲကောင်း ဂျော်နီ တယောက် (သူဆိုနေကြသီချင်းစာသားထဲကလို) အမှောင်လမ်းကလေးထက်မှာ . . ငွေလမင်းကလေး . . မလင်းဘဲ . .ဲဖြစ်နေလေရော့မလား . . ။

ကျဆုံးသွားကြလေသော ရှစ်လေးလုံးသူရဲကောင်း အပေါင်းကိုဂုဏ်ပြုကြပါ၊

ကျဆုံးသွားကြလေသောရှစ်လေးလုံးသူရဲကောင်းအပေါင်း၏သစွုာကိုစောင့်သိထိမ်းသိမ်းကြပါ၊

၂၀၁၀ ရွေးကောက်ပွဲ ဆန့်ကျင်တိုက်ဖျက်ရေး ဆိုတဲ့ထိပ်တိုက်ရင်ဆိုင်တိုက်ပွဲကို . .

အရှိန်အဟုန်မြှင့်တင်ကြပါ၊

မျောက်ကို မျောက်မြီးနဲ့ ပြန်ချီဖမ်းတဲ့နည်းသုံးပြီး စစ်ခေါင်းဆောင်တွေကျူးလွန်ခဲ့တဲ့ပစ်မှုတွေနဲ့

ဒင်းတို့ကိုတရားပြန်စွဲပြီး နိုင်ငံတကာရာဇ၀တ်ခုံရုံးတော်မှာ အပစ်ပေးအရေးယူကြပါ၊ . . ။

ရှစ်လေးလုံးစိတ်ဓာတ် ထာဝစဉ်ရှင်သန်နိုင်ကြပါစေ။

မောင်မောင်စိုး

၁ -၂၆၀- ၄၂၆၄၁၂၁

စကားချပ်။

ဂျော်နီ ကိုအမှတ်တရနဲ့ မှတ်တမ်းတင်ဂုဏ်ပြုနိုင်ရန် သူ့အကြောင်းကိုစာအုပ် တအုပ်ထုတ်ဝေဘို့ သူနဲ့ထိတွေ့ဆက်ဆံဘူးသူတွေကို အင်တာဗျူးတွေလုပ်နေပါတယ်။ ရှစ်လေးလုံးမျိုးဆက်များဟာ နေရာဒေသအမျိုးမျိုးမှာ တိုက်ပွဲပုံစံအမျိုးမျိုးနဲ့ အသက်ပေး တိုက်ပွဲဝင်သွားကြပါတယ်၊ တိုက်ပွဲဝင်နေကြဆဲပါ။ သူရဲကောင်းအားလုံးကို စာအုပ်မှတ်တမ်း တင်ဂုဏ်ပြုရန် အခက်အခဲများစွာရှိသော်လည်း၊ မိမိတို့နှင့်နီးစပ်ရာ ကျဆုံး သူရဲကောင်းများကို တဆင့်တဆင့်မေးမြန်း ပြုစုရေးသားလျင်ကား အားလုံး၏ဂုဏ်ပြု မှတ်တမ်းများထွက်ပေါ်လာ ရမည်မှာမလွဲပါ၊ ဒါကြောင့် ကျနော်တို့ဒေသ၊တပ်ရင်းများမှ အသက်ပေးကျဆုံး၊ပျောက်ဆုံး တိုက်ပွဲဝင်သွား ကြကုန်သောသူရဲကောင်း(၆၅)ဦး၏ မှတ်တမ်းမျာကိုပြုစုလျက်ရှိပြီး စောထ ဖောင်ဒေးရှင်း အနေနဲ့စာအုပ်ထုတ်ဝေသွားမှာဖြစ်ပါတယ်။

No-12NDFBulletinJuly2010

No 12NDFBulletinJuly2010

စာရေးဆရာမဂျူးရဲ့ ကျွန်မတော်တော်ညံ့ခဲ့ပါတယ်

စာရေးဆရာမဂျူးရဲ့ ကျွန်မတော်တော်ညံ့ခဲ့ပါတယ်

ကြွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)


ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)

ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။

ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။

ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံများတွင် တတိယမြောက် လိုက်ပါသည်တဲ့'။ (အော်ဟစ်သံများ၊ လက်ခုပ်သံများ)

အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။

အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။

ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။

အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)

"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။

"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)

အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။

ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)

ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။

ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။

ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။ နောက် ပဉ္စမအကွက်ကို ရောက်တော့ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)

အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။

အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။

ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။

ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ့က ကျင်းပပေးတဲ့ စာမေးပွဲတွေပါ။ အဲ့ဒီ စာမေးပွဲတွေက ဖြေပြီးအောင်မှသာ ကျမတို့ဟာ တိုင်းပြည်တာဝန်ကို ထမ်းဆောင်ခွင့် ရှိပါတယ်။ ကျမဟာ ဘွဲ့ရရခြင်း တိုင်းပြည်ကို အင်မတန် အကျိုးပြုချင်ပါတယ်။ တိုင်းပြည်တာဝန်ကိုလဲ အင်မတန် ထမ်းဆောင်ချင်ပါတယ်။ အဲ့ဒါနဲ့ပဲ ကျမ စာမေးပွဲတွေ ဖြေပါတယ်။ ဖြေတိုင်း ဖြေတိုင်း ကျပါတယ်။ နောက်ဆုံးတကြိမ်မှာတော့ ရေးဖြေစာမေးပွဲ အောင်သွားတယ်။ အောင်သွားတော့ ကျမတို့ ကျက်ရတဲ့ စာတွေကလဲ နိုင်ငံရေးသိပ္ပံ ပါပါတယ်။ မြန်မာစာ ပါပါတယ်။ ဗဟုသုတ ပါပါတယ်။ ဆေးပညာတော့ မပါပါဘူး။ (ရီသံများ) အဲ့ဒီတော့ ကျမတို့ ရေးဖြေအောင်သွားတဲ့အခါ ကျမ ရန်ကုန်ကို လာပြီး နှုတ်ဖြေ ဖြေရပါတယ်။ နှုတ်ဖြေဖြေတော့ ကျမတို့ သူငယ်ချင်း သုံးလေးယောက် စုပြီး တအိမ်မှာ တည်းတယ်။ တည်းပြီးတော့ နောက်ဆုံးပေါ် ဂျာနယ်တွေ၊ ဆေးပညာနဲ့ ပတ်သက်တာတွေ ကျမတို့ အကုန်ဖတ်ပါတယ်။ အဲ့ဒီအချိန်တုန်းက (အိတ်စ်) ရောဂါ ကမ္ဘာမှာ လူသိခါစ၊ ရော့ဟဒ်ဆန်ကြောင့် အဲ့ဒီရောဂါကို လူတော်တော်များများက သိကုန်ကြပါပြီ။ ကျမတို့ ကျောင်းတုန်းက ဒီရောဂါဟာ မထင်ရှားသေးတဲ့အတွက် ကျမတို့ သိပ်စာမကျက်ရပါဘူး။ အဲ့ဒီအချိန်မှာ အိတ်စ်ရောဂါနဲ့ပတ်သက်တဲ့ နောက်ဆုံးပေါ်နည်းတွေ၊ ဖြစ်ပွါးတဲ့ အကြောင်းရင်းတွေ၊ ဆက်သွယ်မှုတွေ အားလုံးကို ကျမတို့ တညလုံး ဖတ်ရတယ်။ ဖတ်ပြီးတော့ နောက်တနေ့ ကျမတို့ အဆင်သင့်ပဲပေါ့။ ဆေးပညာနဲ့ ပတ်သက်လို့ ဘာမေးမေး အားလုံးရပြီလို့ ဆိုပြီး ရင်ကော့ပြီး စာမေးပွဲခန်းထဲ ၀င်သွားပါတယ်။ ၀င်သွားတော့ ကျမတို့ကို မေးလိုက်တဲ့ မေးခွန်းတွေက ကျမထင်ထားတဲ့ မေးခွန်းတွေ ဘာတခုမှ မမေးပါဘူး။ ကျမ မထင်မှတ်တဲ့ မေးခွန်းတွေပဲ မေးပါတယ်။ အဲ့ဒီ မေးခွန်းတွေဟာလဲ ကျမတခါမှ မကြားဘူးတဲ့ မေးခွန်းတွေပါ။ ဘာမေးခွန်းတွေလဲ ဆိုတာတော့ ကျမ မပြောတော့ပါဘူး။ မမှတ်မိလို့ပါ။ အဲ့ဒီမေးခွန်းတွေကို မေးပြီးတော့ ကျမကလဲ မဖြေနိုင်ပါဘူး။ ကျမကို ဆေးပညာနဲ့ ပတ်သက်တဲ့တာ မေးပါ။ ကျမ အကုန်ရပါတယ် ပြောတော့ အဲ့ဒါတွေ မမေးဘူးတဲ့၊ ငါတို့ မေးတဲ့ မေးခွန်းကိုပဲ ဖြေရမယ်တဲ့။ ကျမ စာမေးပွဲ ကျခဲ့ပါတယ်။ ကျမ အင်မတန် ထမ်းဆောင်ချင်တဲ့ တိုင်းပြည်တာဝန်ကို မထမ်းဆောင်ခဲ့ရပါ။ အဲ့ဒါ ကျမတို့ ဘွဲ့ရခါစ လွန်ခဲ့တဲ့ (၁၀) နှစ်ကပေါ့။ အခုအချိန်မှာတော့ အခြေအနေ တမျိုးပြောင်းသွားပါပြီ။

တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။

ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။

ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။

ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။

မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။

မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။

အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေါ်


email ကနေ ရလို့ ပြန် share တာပါ ..