Tuesday, August 17, 2010

မြန်မာကနေပို့တော့မယ်ဆိုရင်..


ဒီလိုပါ...
ကနေဒါမှာခိုလှုံသူတဦးနိုင်ငံရေးအထောက်အထားပြဖို့မြန်မာနိုင်ငံကနေမှာပါတယ်..မိသားစုကDHLနဲ့ ပို့တယ်ပြောပါတယ်..
မရောက်လာပါဖူး..နောက်တမျိုးနဲ့ပြောင်းပို့တယ်ရောက်တော့ရောက်လာတယ်ဒါပေမဲ့ဖွင့်ထားတယ်လို့ပြောပါတယ်..
ရောက်လာရင်ပြီးတာပဲလို့သဘောထားလိုက်ပေမဲ့ဟိုမှာကမပြီးပါဖူး..သတင်းတပ်ဖွဲ့ကလို့ထင်ရသူတွေကအိမ်ေ၇ာက်လာပါတယ်တဲ့
ဟုတ်သည်ဖြစ်စေ..မဟုတ်သည်ဖြစ်စေနောက်တခါဒါမျိုးထပ်ပို့ရင်..သတိပေးခြင်းမရှိတော့ပဲဖမ်းမယ်ဆိုပါတယ်..
ဒီဖက်နိုင်ငံတွေရောက်ပြီးဒီကိစ္စမျိုးကြုံလာရင်..လူကြုံနဲ့BKKကိုပို့ပြီးမှဒီဖက်တွေကိုပို့တာစိတ်ချရပါတယ်..
နောက်တနည်းကScanဆွဲပြီးEMAILကတဆင့်ပို့ပါ။။မူရင်းမဟုတ်ပေမဲ့နိုင်ငံရေးအထောက်အထားဖြစ်တဲ့အတွက်
ဓါတ်ပုံကအစတရားရုံးကနားလည်ပေးတတ်ပါပါတယ်။
နောက်တခုကပတ်စပို့စာအုပ်လိုလို့ဒီဖက်ကိုပို့ရင်သတိထားပါ..ဒီဖက်ကအကြောင်းကြားခြင်းမရှိပဲသိမ်းထားလိုက်တတ်လို့ပါ။
ရောင်ပြန်ပြားပတ်လွှတ်လိုက်တာတောင်မလွတ်ပါဖူး..လွတ်တဲ့နည်းလေးတွေတော့ရှိတတ်ကြပါတယ်..
မနေခြင်တော့လို့ပြန်တဲ့သူတွေအများဆုံးမှာတတ်ကြပါတယ်..

17 August 2010 ဒိုင်ယာရီ

http://www.mediafire.com/file/gk7v60nqw09gx9b/17%20August%202010%20yeyintnge%27s%20Diary.pdf

http://www.mediafire.com/file/ahxvn3vasvd6nh7/17%20August%202010%20yeyintnge%27s%20Diary.doc

17 August 2010 yeyintnge's Diary

စစ်အစိုးရ၏ရွေးကောက်ပွဲအခြေအနေ ကနေဒါစိုးရိမ်



2010-08-17

မြန်မာ စစ်အစိုးရရဲ့ ၂၀၁၀ ရွေးကောက်ပွဲဟာ ဖိနှိပ်ထားတဲ့ အခြေအနေအောက်မှာ ကျင်းပပြုလုပ်မဲ့ ရွေးကောက်ပွဲ ဖြစ်သွားမှာကို အထူးစိုးရိမ်မိကြောင်း ကနေဒါ နိုင်ငံခြားရေးဝန်ကြီး မစ္စတာ လောရင့်စ် ကဲင်နွန်က ပြောကြားလိုက်ပါတယ်။

(Photo: AFP)

၁၉၉၀ အထွေထွေ ရွေးကောက်ပွဲကို အမျိုးသား ဒီမိုကရေစီအဖွဲ့ချုပ်က အပြတ်အသတ် အနိုင်ရရှိသော နှစ် ၂၀ မြောက် အထိမ်းအမှတ်အဖြစ် မေလ ၂၇ ရက်နေ့က အိန္ဒိယနိုင်ငံ နယူးဒေလီမြို့တွင် စစ်အစိုးရ၏ ၂၀၁၀ ရွေးကောက်ပွဲကို ကန့်ကွက်ဆန္ဒပြနေပုံ ဖြစ်ပါသည်။ (Photo: AFP)

မြန်မာစစ်အစိုးရဟာ ကတိပြုထားတဲ့အတိုင်း ရွေးကောက်ပွဲ ကျင်းပဖို့ စီစဉ်နေတာကို ကြိုဆိုပေမဲ့ နိုင်ငံတကာ စံနှုန်းတွေအတိုင်း မဟုတ်ပဲ ဖိနှိပ်ခြိမ်းခြောက်မှုတွေအောက်မှာ ကျင်းပသွားမှာကို အထူးစိုးရိမ်ကြောင်း၊ မြန်မာပြည်သူတွေဟာ အကြမ်းဖက် ခြိမ်းခြောက်မှုတွေကို ကြောက်လန့်မနေရပဲ သူတို့ရဲ့ ကိုယ်ပိုင် ဆန္ဒကို ထုတ်ဖော်ခွင့် ရထိုက်ကြောင်း၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားတွေကို ခြွင်းချက်မရှိ လွှတ်ပေးပြီးတော့ တိုင်းရင်းသားလူမျိုးစုတွေ အပါအဝင် ဒီမိုကရေစီအင်အားစုတွေနဲ့ စစ်မှန်တဲ့ တွေ့ဆုံ ဆွေးနွေးမှုကို ဖော်ဆောင်ဖို့၊ လွတ်လပ်မျှတတဲ့ ရွေးကောက်ပွဲကို ကတိပြုထားတဲ့အတိုင်း ကျင်းပဖို့ စစ်အစိုးရကို တိုက်တွန်းကြောင်း ကနေဒါ နိုင်ငံခြားရေးဝန်ကြီးက ပြောကြားသွားပါတယ်။
http://www.rfa.org/burmese/news/canada_concerns_over_junta_election-08172010102425.html

မြန်မာ စစ်တပ် အတွင်း ကလော အုပ်စု ဟူ ၍ ပေါ်ပေါက်လာ ပြန်


မြန်မာ စစ်တပ် အတွင်း ကလော အုပ်စု ဟူ ၍ ပေါ်ပေါက်လာ ပြန်

August 17, 2010 Freedom News Group

ကလောမြို့ ရှိ ဗိုလ်မှုးချုပ် မောင်မောင် အေး ၏ အိမ်

မြန်မာ စစ်တပ် အတွင်း ရှမ်းပြည် နယ် တွင် တာဝန် ထမ်းဆောင် ဖူးသည့် ဗိုလ်ချုပ် များ ဂိုဏ်းကို
ကလော အုပ်စု ဟု ခေါ် ကြသည် ဟု နေပြည်တော် ဟိုတယ်ဇုန် မှ မန်နေဂျာ တစ်ဦး က ပြောသည်။
ကလော အုပ်စု ဆိုတာ ကလောမှ မြေရှိ အိမ် ရှိ တဲ့ သူ တွေ ကို ခေါ်တာ ဟု သူက Freedom News Group
သို့ ပြောသည်။

ရာသီဥတု သာယာ ကောင်းမွန်ပြီး လုံခြုံ စိတ်ချရသည့် နယ်မြေဖြစ်သည့် ပြင် စစ်ဗိုလ်ချုပ်များ အတွက်
နေပြည်တော် မှ ဆိုလျှင် သွား လာရ လွယ်ကူ သောကြောင့် တောင် ပေါ်မြို့ ဖြစ်သည့် ကလော မြို့ ဉ်
လာရောက်အပန်း ဖြေကြ သည် ဟု သိရသည်။ ကလော မြို့ တွင် မြေဈေး များ တက်လာပြီး ဗိုလ်ချုပ်
များ အိမ် နှင့် မလွတ်ကင်း သည့် ခြံများ ဆိုလျှင် မြို့ ပြင် သို့ ပြောင်းရွှေ့ ပေးရသည် ဟု သိရသည်။

လက်ရှိ ကလော အုပ်စု တွင် နိုင်ငံခြားရေး ၀န်ကြီး ဦးဥာဏ်ဝင်း ၊ သီဟသူရ တင်အောင်မြင့်ဦး ၊ဗိုလ်ချုပ် ခင်ဇော် ၊
ဗိုလ်ချုပ် ကျော်ဖြိုး ၊ဒု – ဗိုလ်ချုပ်မှုးကြီး မောင် အေး နှင့် ဗိုလ်မှုး ချုပ် မောင်မောင် အေး တို့ က ဟောနန်း ကြီး
များ သဖွယ် ဆောက် လုပ် ထား သည် ဟု သတင်းရရှိသည်။

ဗိုလ်ချုပ်မှုးကြီး သန်းရွှေ သည် ရန်ကုန် ၊ပုသိမ် (ချောင်းသာ) ၊နေပြည် တော် အပါအ၀င် ရတနာပုံ မြို့ သစ်
ဉ် ခမ်းနားသော အိမ်များ ဆောက် လုပ် ထားသည်

ရှမ်းပြည်နယ် တောင် ပိုင်း ကလော တွင် အိမ်ရှိ သည့် ဗိုလ်ချုပ် များ သည် ရံဖန် ရံခါ ထို အိမ်များ သို့  သွား
ရောက် အပန်းဖြေတတ် သည် ။ ထိုသို့  အပန်းဖြေရာ တွင် မိသား စု နှင့် အပန်းဖြေသူများ ရှိ သကဲ့ သို့ ရန်ကုန်
မှာ မော်ဒယ် တစ်ချို့  နှင့် အပန်းဖြေသူ များ လည်း ရှိသည် ဟု အလှဖန်တီးရှင် တစ်ဦး က ပြောသည်။

ဗိုလ်ချုပ် တစ်ဦး ၏ အိမ်တွင် အိမ်စောင့် လုပ်သည့် အောင်ပန်း မြို့ သား တစ်ဦးက မင်းသမီး တွေ လား မသိဘူး
လာတယ် တစ်ခါတစ်လေ ဗိုလ်ချုပ် —— က ပြောတယ် ။သူတို့ လာတည်း မယ် လိုလေးသေး မရှိ ပြင်ဆင်ထား
ဆိုရင် အရက်က အစ သွားတိုက် ဆေး အဆုံး အကုန် လုပ်ပေး ထားရတယ် ဟု ဆိုသည်။

အချို့ ဗိုလ်ချုပ် များ က ၎င်းတို့ ၏ ဇနီးများ မသိအောင် က မူ ကလော တွင် အိမ်ဆောက် လုပ်ထား ပြီး
စစ်ဆင်ရေး အတွက် သွား ဖို့ ရှိ သည် ၊ ကျောင်းဆင်း ဟောင်း များ မိတ်ဆုံ ပွဲ ရှိ သည် ဟု အကြောင်းပြ
ကာ မော်ဒယ်(လ) များ နှင့် ချိန်း ဆို ပျော်ပါးသည် ။

http://freedomnewsgroup.com

ကုလညီလာခံကြီးမှာ မြန်မာနိုင်ငံဆိုင်ရာ ဆုံးဖြတ်ချက် တင်သွင်းဖို့ EU နိုင်ငံများ ပြင်ဆင်

ဒေါ်ခင်မျိုးသက် တနင်္လာ, 16 သြဂုတ် 2010

မကြာခင်မှာ ကျင်းပဖို့ရှိတဲ့ ၆၅ ကြိမ်မြောက် ကုလသမဂ္ဂ အထွေထွေ ညီလာခံကြီးမှာ တင်သွင်းမယ့် မြန်မာနိုင်ငံဆိုင်ရာ ဆုံးဖြတ်ချက် အမှတ် ၂၀ အတွက် မူကြမ်းကို EU ဥရောပ သမဂ္ဂအဖွဲ့ဝင် နိုင်ငံကြီးတွေက ရေးဆွဲနေချိန်မှာပဲ ကုလသမဂ္ဂ အထွေထွေ ညီလာခံက မြန်မာနိုင်ငံမှာ စစ်ခေါင်းဆောင်တွေ ကျူးလွန်ခဲ့တဲ့ ရာဇ၀တ် ပြစ်မှုတွေ၊ လူမဆန်တဲ့ ရာဇ၀တ်မှုတွေကို စုံစမ်းစစ်ဆေးဖို့ ကော်မရှင်တရပ် ထူထောင်ဖို့အတွက် ဗြိတိန်အခြေစိုက် မြန်မာ့အရေး လှုပ်ရှားတဲ့ အဖွဲ့ကြီးက တောင်းဆိုလိုက်ပါတယ်။

နိုဝင်ဘာလမှာ ကျင်းပမယ့် ရွေးကောက်ပွဲကနေ စစ်ခေါင်းဆောင်တွေ ကျူးလွန်ခဲ့သမျှ လွတ်ငြိမ်းချမ်းသာခွင့် ပေးနိုင်တဲ့ ဖွဲ့စည်းပုံ အခြေခံဥပဒေကို အတည်ဖြစ်စေမှာမို့ ကုလသမဂ္ဂက ပါဝင်ဆောင်ရွက်ဖို့ အရေးတကြီး လိုအပ်နေပြီလို့လည်း ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

ကုလသမဂ္ဂ အထွေထွေ ညီလာခံကြီးကို စက်တင်ဘာလထဲမှာ ကျင်းပတော့မှာမို့ ကမ္ဘာ့ခေါင်းဆောင်တွေ တွေ့ဆုံကြချိန်မှာ ဆွေးနွေးကြမယ့် မြန်မာ့အရေး ကိစ္စနဲ့ ပတ်သက်ပြီး တင်သွင်းမယ့် ဆုံးဖြတ်ချက် မူကြမ်းကို အခု EU ဥရောပနိုင်ငံတွေ ရေးဆွဲနေကြပြီလို့ ဗြိတိန်အခြေစိုက် မြန်မာ့အရေး လှုပ်ရှားနေတဲ့ Burma Campaign UK က တာဝန်ခံ မာ့ခ် ဖာမနာ (Mark Farminer) က ပြောပါတယ်။

“အခုချိန်မှာ EU ဥရောပ သမဂ္ဂကနေ လာမယ့် အထွေထွေ ညီလာခံမှာ မြန်မာနိုင်ငံဆိုင်ရာ တင်သွင်းမယ့် ဆုံးဖြတ်ချက်အတွက် မူကြမ်းတွေ ရေးဆွဲနေပါတယ်။ အဲဒီမှာ ကမ္ဘာ့ခေါင်းဆောင်တွေဟာ မြန်မာနိုင်ငံအတွက် ဆုံးဖြတ်ချက်တွေ ထုတ်ပြန်ပြီး လူ့အခွင့်အရေး ချိုးဖောက်တဲ့အတွက် ပြစ်တင် ရှုတ်ချကြမှာပါ။ များသောအားဖြင့် မြန်မာနိုင်ငံ စစ်အစိုးရကို လူ့အခွင့်အရေး မချိုးဖောက်ဖို့၊ ဒေါ်အောင်ဆန်းစုကြည်နဲ့ တိုင်းရင်းသား အဖွဲ့အစည်းတွေနဲ့ တွေ့ဆုံ ဆွေးနွေးဖို့ကိုပဲ တိုက်တွန်းကြပါတယ်။ ဒါပေမဲ့ ၁၉၉၁ ခုနှစ်တုန်းက ထုတ်ပြန်တဲ့ မြန်မာနိုင်ငံဆိုင်ရာ ဆုံးဖြတ်ချက်မှာ စာပိုဒ် နှစ်ပိုဒ် သုံးပိုဒ်ပဲ ပါပေမဲ့ အခုနောက်ပိုင်းမှာ စာမျက်နှာတွေ အများကြီး ဖြစ်လာတာကို တွေ့ရပါတယ်။”

မြန်မာနိုင်ငံအတွက် ထုတ်ပြန်ခဲ့တဲ့ ဆုံးဖြတ်ချက်ဟာ ၁၉ ခု ရှိခဲ့ပြီ ဖြစ်ပေမဲ့ ဒါတွေဟာ Non Binding လို့ခေါ်တဲ့ မလိုက်နာရင်လည်း ရတဲ့ ဆုံးဖြတ်ချက်တွေ ဖြစ်နေတာမို့ ထိရောက်မှု မရှိဘူးလို့လည်း ဆိုပါတယ်။ ကုလသမဂ္ဂရဲ့ တောင်းဆိုမှုတွေကို မြန်မာစစ်အစိုးရက လိုက်နာ ဆောင်ရွက်မှု မရှိခဲ့တဲ့အတွက် အခုနောက်ဆုံး ထုတ်ပြန်မယ့် အမှတ် ၂၀ မှာ အရေးယူ ဆောင်ရွက်မှုတွေ ရှိလာဖို့အတွက် Burma Campaign UK က တောင်းဆိုလိုက်ပါတယ်။

“မနှစ်က ဆုံးဖြတ်ချက် အမှတ် ၁၉ ကိုလည်း ဗိုလ်ချုပ်ကြီးတွေက ဂရုမစိုက်ဘဲ ထားတာကြောင့် အခု အမှတ် ၂၀ မှာတော့ တောင်းဆိုတာတွေ မလုပ်ဘဲ အရေးယူ ဆောင်ရွက်ကြဖို့ လိုပါပြီ။ ကုလသမဂ္ဂ အထွေထွေ ညီလာခံကြီးကနေ မြန်မာနိုင်ငံထဲက စစ်ဗိုလ်ချုပ်ကြီးတွေ ကျူးလွန်ခဲ့တဲ့ စစ်ရာဇ၀တ်မှုတွေ၊ လူမဆန်တဲ့ ရာဇ၀တ်မှုတွေနဲ့ ပတ်သက်ပြီး စုံစမ်းစစ်ဆေးဖို့ ကော်မရှင်တရပ် ဖွဲ့စည်းပေးဖို့ တောင်းဆိုပါတယ်။”

ကုလသမဂ္ဂ အထွေထွေ ညီလာခံရဲ့ ဆုံးဖြတ်ချက်တွေထဲမှာ မြန်မာစစ်ခေါင်းတွေအပေါ် စစ်ရာဇ၀တ်မှုနဲ့ လူမဆန်တဲ့ ရာဇ၀တ်မှုတွေနဲ့ စွဲချက်တင်နိုင်မယ့် အချက် အမြောက်အမြား ပါနေတာ တွေ့ရပေမဲ့ အခုထိ အရေးယူ ဆောင်ရွက်တာမျိုး မတွေ့ရသေးဘူးလို့လည်း ပြောပါတယ်။ ဒီလို ကော်မရှင်တရပ် ဖွဲ့စည်းပေးဖို့ မြန်မာနိုင်ငံ လူ့အခွင့်အရေးဆိုင်ရာ အထူးကိုယ်စားလှယ်ကလည်း မတ်လတုန်းက တောင်းဆိုခဲ့တာမို့ အခု ကုလသမဂ္ဂ အထွေထွေ ညီလာခံကြီးကနေ လက်တွေ့ အကောင်အထည်ဖော်ဖို့ အခွင့်ကောင်းတရပ် ဖြစ်တယ်လို့လည်း ပြောပါတယ်။

မြန်မာနိုင်ငံမှာ နိုဝင်ဘာလ ၇ ရက်နေ့ ကျင်းပမယ့် ရွေးကောက်ပွဲဟာ ၂၀၀၈ ခုနှစ် ဖွဲ့စည်းပုံ အခြေခံဥပဒေကို အတည်ပြုနိုင်ဖို့အတွက် ရေးဆွဲထားတာဖြစ်ပြီး ဒီဥပဒေ အတည်ပြုသွားရင် ဒီရာဇ၀တ် ပြစ်မှုတွေကို မြန်မာနိုင်ငံတွင်းက ဥပဒေနဲ့ အရေးယူနိုင်တော့မှာ မဟုတ်တဲ့အတွက် နိုင်ငံတကာ ဥပဒေနဲ့ အရေးယူနိုင်ဖို့ ကုလသမဂ္ဂက ပါဝင် ဆောင်ရွက်သင့်တယ်လို့လည်း ပြောပါတယ်။

အာရှ လူ့အခွင့်အရေးကောင်စီ (AHRC) ကလည်း မြန်မာနိုင်ငံရဲ့ ဖွဲ့စည်းပုံ အခြေခံဥပဒေသစ်ဟာ မြန်မာစစ်ဗိုလ်ချုပ်ကြီးတွေ ကျူးလွန်ခဲ့တဲ့ ရာဇ၀တ်မှုတွေကို လွတ်ငြိမ်းချမ်းသာခွင့် ပေးထားတာမို့ ကုလသမဂ္ဂကပါ ပါဝင်ဆောင်ရွက်လာဖို့ တိုက်တွန်းတယ်လို့ AHRC ပြောခွင့်ရ ဦးမင်းလွင်ဦးက ပြောပါတယ်။

“၂၀၁၀ ရွေးကောက်ပွဲအရ ပေါ်ပေါက်လာတဲ့ အစိုးရတရပ်က နအဖလက်ထက်က လုပ်ဆောင်ခဲ့တဲ့ မူဝါဒ လမ်းညွှန်ချက်တွေ၊ ဆောင်ရွက်ချက်တွေ၊ တာဝန်နဲ့ ရပိုင်ခွင့် အားလုံးကို ဆက်ခံတယ်လို့ ၂၀၀၈ ခုနှစ် ဖွဲ့စည်းပုံ အခြေခံဥပဒေ ပုဒ်မ ၄၄၅ မှာ ပြဋ္ဌာန်းထားတယ်။ အစိုးရအဖွဲ့ဝင် တဦးဦးရဲ့ တာဝန်အရ ဆောင်ရွက်ချက်များပေါ်မှာ အကြောင်းပြုပြီး ယင်းတို့အား တရားစွဲဆိုခြင်း၊ အရေးယူခြင်း မပြုရ ဆိုပြီးတော့ တားမြစ်ထားတာကို တွေ့ရတယ်။

“ဒါကြောင့် နောင် တက်လာတဲ့ အစိုးရ အနေနဲ့ နအဖလက်ထက်က လုပ်ဆောင်ခဲ့တဲ့ ကိစ္စရပ်တွေ အပေါ်မှာ အရေးယူဖို့အတွက် ဘာမှ ဆောင်ရွက်နိုင်ခြင်း မရှိဘူး။ ပြည်တွင်းဥပဒေအရ ဆောင်ရွက်လာမယ် ဆိုရင်လည်း ဖွဲ့စည်းပုံ အခြေခံဥပဒေက အပြီးသတ် ပိတ်ပင်ထားတဲ့ သဘောမျိုး ဖြစ်နေတယ်။ စစ်အစိုးရကနေပြီး ကျူးလွန်ခဲ့တဲ့ တချို့ကိစ္စရပ်တွေက ရွာလုံးကျွတ် မီးရှို့တဲ့ ကိစ္စရပ်တွေ၊ အစုအပြုံလိုက် သတ်တဲ့ကိစ္စတွေ၊ ဒီဥစ္စာတွေက လူသားမျိုးနွယ်စု အပေါ်မှာ ကျူးလွန်တဲ့ ကိစ္စရပ်တွေ၊ ဒါကြောင့်လည်း နိုင်ငံတကာကနေ၊ ကုလသမဂ္ဂ လုံခြုံရေးကောင်စီက နေပြီးတော့ မြန်မာနိုင်ငံအတွင်းမှာ ကျူးလွန်ခဲ့တဲ့ လူသားမဆန်တဲ့ ကျူးလွန်မှုတွေနဲ့ ပတ်သက်ပြီးတော့ နအဖစစ်အစိုးရကို အရေးယူနိုင်ဖို့အတွက် ဆုံးဖြတ်ချက်တရပ် ချမှတ်ဖို့လည်း လိုအပ်တယ်။

“ကျူးလွန်ခဲ့တဲ့ ပြစ်မှုတွေကိုလည်း စုံစမ်း စစ်ဆေးဖို့အတွက် ကော်မရှင် သော်လည်းကောင်း၊ အထူးကိုယ်စားလှယ် သော်လည်းကောင်း ခန့်အပ်ပြီး တာဝန်ပေးဖို့ လိုတယ်။ ဒါကိုလည်း ထိထိရောက်ရောက်နဲ့ အမြန်ဆုံး ဆောင်ရွက်နိုင်ဖို့ လိုတယ်ဆိုတာကို ကျနော်တို့ အနေနဲ့ ပြောချင်ပါတယ်။”

AHRC အဖွဲ့ ပြောခွင့်ရ ဦးမင်းလွင်ဦး ပြောသွားတာ ဖြစ်ပါတယ်။
http://www1.voanews.com/burmese/news/un-myanmar-eu-100814449.html

ခွင့်တူညီမျှ ရှိရမည့် မြန်မာ့ စီးပွားရေး ပေါ်လစီ





အနာဂတ် မြန်မာနိုင်ငံမှာ ဘယ်လို စီးပွားရေး ပေါ်လစီတွေကို ချမှတ်ကျင့်သုံးသင့်သလဲလို့ မေးလာခဲ့ရင် ကျနော့် အနေနဲ့ စီးပွားရေးပညာရှင် မဟုတ်တော့ လိပ်ပတ်လည်အောင် ပြောနိုင်လိမ့်မည်မထင်ပါ။ သို့သော် ကျနော် နားလည်ထားတာ တခုကတော့ ဘယ်လိုစီးပွားရေး ပေါ်လစီမျိုးကိုပဲ ကျင့်သုံးကျင့်သုံး လူများစုပြည်သူတွေ နိုင်ငံသားတွေ အကျိုးရှိရမယ့် ပေါ်လစီ ဖြစ်ဖို့လိုတာကိုတော့ ထောက်ပြလိုသည်။ နိုင်ငံသား အများစုကြီးအတွက် အကျိုးမဲ့တဲ့ စီးပွားရေးပေါ်လစီမျိုး ဖြစ်နေရင်တော့ ကျနော့်အနေဖြင့် ထောက်ခံလိမ့်မည် မဟုတ်ပါ။ လုပ်ပိုင်ခွင့်ရှိသူ လူနည်းစုသာ အကျိုးရှိသထက် ရှိလာမယ့် စီးပွားရေး ပေါ်လစီမျိုးဟာ တခါတရံ အချို့နိုင်ငံများမှာ နှစ်ရှည်လများ သက်ဆိုးရှည်နေတာကိုလည်း လေ့လာမှတ်သားဖူးသည်။ အဲသလို နိုင်ငံမျိုးတွေဟာ များသောအားဖြင့် စစ်အာဏာရှင် (သို့) စစ်ဘုရင် အသေးစားတွေ (သို့) အရပ်သား အာဏာရှင်တွေ (သို့) အာဏာ တကယ်မရှိတဲ့ ရုပ်သေးအစိုးရ (သို့) အရပ်သားအစိုးရကဲ့သို့ ပုံဖျက်ထားတဲ့သူတွေ အုပ်ချုပ်နေတဲ့ တိုင်းပြည်တွေမှာ အဖြစ်များလေ့ရှိသည်။

နေရာအများဆုံး နိုင်လိမ့်မည်ဟု ပထမ ပြေးနေသော ကြံ့ဖွံ့ပါတီက “လယ်လုပ်သူသာလယ်လုပ်ပိုင်ခွင့်ရှိသည်” ဆိုသော ပေါ်လစီကို ပြောထားသည်။ “လယ်လုပ်သူ လယ်ပိုင်ဆိုင်ခွင့်ရှိသည်
ဟု ပြောမထား
မြန်မာပြည်မှာလည်း ကနေ့အခြေအနေကိုပြန်ကြည့်ရင် စီးပွားရေးနဲ့ပတ်သက်တဲ့ အခွင့်အရေးတွေ၊ လုပ်ပိုင်ခွင့် တွေဟာ ဈေးကွက်စီးပွားရေးဆိုတဲ့ အမည်အောက်မှာ စစ်အာဏာရှင်တွေနဲ့ သူတို့ရဲ့စီးပွားဖက်တွေကသာ ချုပ်ကိုင်ထားတာကို တွေ့နေရသည်။ နိုင်ငံသား အများစုကတော့ စားဝတ်နေရေး၊ ပညာရေး၊ လူမှုရေး၊ ကျန်းမာရေးစတဲ့ ကဏ္ဍတွေမှာ ကြောက်မက်ဖွယ်ကောင်းအောင် နိမ့်ကျလာနေတာကလည်း ငြင်းလို့မရတဲ့ အချက်ပါ။

မြန်မာစစ်အစိုးရက ဒီမိုကရေစီထွန်းကားဖို့ လမ်းခင်းပေးနေတယ်လို့ပြောနေသည်။ သို့သော် တဘက်တွင်လည်း စည်းကမ်းပြည့်ဝသော ဒီမိုကရေစီဖြစ်ဖို့လိုတယ်ဟု ပြောသေးသည်။ ဘယ်လို စည်းကမ်းတွေနဲ့ ပြည့်ဝနေရမလဲဆိုတာကိုတော့ သူတို့ကိုယ်တိုင်လည်း နိုင်ငံသားတွေကို သေသေချာချာ ချပြထားခြင်း မရှိသေးပါ၊ ထားပါတော့။ ယခုလာမည့် ၂ဝ၁ဝ ခုနှစ် နိုဝင်ဘာလ ၇ ရက်နေ့မှာ ရွေးကောက်ပွဲတခု ကျင်းပပေးမယ်လို့လည်း စစ်အစိုးရက ကြေညာထားသည်။ နိုင်ငံခြားသားတွေကတော့ ပေါ်လာမယ့်အစိုးရသစ်ကို ဘယ်လိုမြင်မလဲမသိ။ ကျနော်ကတော့ ထိုရွေးကောက်ပွဲကနေပေါ်လာမယ့် အစိုးရသစ်ဟာ ဒီမိုကရေစီ အစိုးရမဟုတ်ဘဲ ရုပ်သေးအစိုးရဖြစ်မှာကိုလည်းကြိုပြီး မြင်ယောင်မိသေးသည်။ ရုပ်သေးမှာမှ ရိုးရိုး ရုပ်သေး မဟုတ်၊ ကြိုးတချောင်း နှစ်ချောင်းသာပါသော ကြိုးနည်းနည်းနှင့် ရုပ်သေးရုပ်သာဖြစ်လိမ့်မည်။ ကြိုးများများနှင့် ဆိုပါက နောင်တွင် ကြိုးရှုပ်နိုင်သည်မဟုတ်လော။

ရုပ်သေးအစိုးရသစ်ပဲ အုပ်ချုပ်အုပ်ချုပ်၊ ကာရံမသင့်လို့ တိုင်းပြည်ကြီး ချောက်ထဲကျဖို့ လက်တလုံးသာ လိုတော့၍ စစ်တပ်ကပဲ အာဏာပြန်သိမ်းပြီး အုပ်ချုပ်အုပ်ချုပ်၊ စီးပွားရေးဆိုတာကတော့ တိုင်းပြည်အတွက် အရေးကြီးသည်။ ထို့ကြောင့် မြန်မာနိုင်ငံသား တဦးအနေဖြင့် စီးပွားရေးနှင့် ဆက်စပ်လာမည့် ကိစ္စများအတွက် ကျနော်ဆန္ဒရှိသည့်အတိုင်း၊ အာသီသ ရှိသည့်အတိုင်း ကျနော်၏ အမြင်ကို ရေးသားလိုက်ခြင်းသာဖြစ်သည်။ (စကားချပ် - ထိုင်းနိုင်ငံတွင် စစ်အာဏာ အကြိမ်ကြိမ် သိမ်းခဲ့သည့် သာဓကရှိသည်။ သို့သော် စစ်အာဏာသိမ်းခြင်းကြောင့် စီးပွားရေးကို အထိခိုက်မခံခဲ့။ GDP-Gross Domestic Product ဟုခေါ်သော ပြည်တွင်း အသားတင် ထုတ်ကုန် တိုးတက်နှုန်းသည် နှစ်တိုင်းနှစ်တိုင်း ၇ ရာခိုင်နှုန်း မှန်မှန်ကြီး တိုးတက်နေခဲ့သည်ဟု စီးပွားရေးပညာရှင်များက ထောက်ပြထားသည်။)

ဒါ့ကြောင့် အနာဂတ် စီးပွားရေးပေါ်လစီများကို မပြောကြခင် ကျနော်၏အမြင်ဟု ခေါင်းစဉ်တပ်လိုက်ခြင်း ဖြစ်သည်။

ယနေ့ခေတ်တွင် ယေဘုယျအားဖြင့် နိုင်ငံတခု၏ စီးပွားရေးစနစ်ထဲတွင် မိုက်ခရိုဟုခေါ်သော အသေးစား စီးပွားရေး Micro economy နှင့် မက်ခရိုဟု ခေါ်သော အကြီးစား စီးပွားရေး Macro economy ဖြစ်စဉ် နှစ်ခုစလုံး ပါဝင်ရောယှက်နေသည်။ အသေးစား မိုက်ခရိုအဆင့် စီးပွားရေးကိုမျက်ကွယ်ပြု၍ အကြီးစား မက်ခရိုစီးပွားရေးစနစ် တခုတည်းကိုသာ ဇောင်းပေးလုပ်ကိုင်ခြင်းသည် ယနေ့မြန်မာနိုင်ငံ အခြေအနေနှင့် ကိုက်ညီမှုရှိရန် အလွန် ခက်ခဲသည်ဟုယူဆသည်။ (စကားချပ် - ဘူတန်နိုင်ငံ၏ စီးပွားရေးစနစ်သည် မိုက်ခရိုဟုခေါ်သော အသေးစား စီးပွားရေးစနစ် ထဲတွင်သာရှိနေသေးသည်။ အရင်းရှင်များ (သို့) စီးပွားရေးသမားများ အမြင်နှင့်ကြည့်ပါက ဘာမှမတိုးတက်သေးသည့် တောင်ပေါ်ဒေသက နိုင်ငံငယ်လေး တခုသာဖြစ်သည်။)

စီးပွားရေးပေါ်လစီများအကြောင်း မဆွေးနွေးခင် ပေါ်လစီများ မချမှတ်မီတွင် အောက်ပါအချက်များကို လေ့လာ ဆန်းစစ်ဖို့တော့ လိုသည်ဟုထင်မြင်ယူဆသည်။ ထိုအချက်အလက်များကို အကောင်အထည် မဖေါ်နိုင်ပါက၊ မျက်ကွယ်ပြုထားပါက အနာဂတ်တွင် အလွန်ကောင်းပါသည်ဟုဆိုသော စီးပွားရေးပေါ်လစီများ စာရွက်ပေါ်တွင် ရေးသားချမှတ်သည့်တိုင် ဒေသခံပြည်သူများအပေါ် အမြတ်ထုတ်နိုင်သည့် အခြေအနေများကို ရင်ဆိုင်ရမည်ဖြစ်သည်။ နိုင်ငံသားအများစု ဆင်းရဲတွင်းမှလွတ်ကင်းဖို့ ခက်ခဲပေလိမ့်မည်။ (စကားချပ်-သို့သော် လူနည်းစုကတော့ တိုးပြီးချမ်းသာလာလိမ့်မည်။)

၁။ မြန်မာနိုင်ငံသည် ယခုအထိ လယ်ယာမြေကိုအားကိုး အခြေခံထားသော လူ့အဖွဲ့အစည်းဖြစ်သည်။ တချိန်တည်းမှာလည်း ခေတ်မီသော လယ်ယာမြေစနစ် အဆင့်အထိ မရောက်ရှိသေးပါ။ ခေတ်နောက်ကျနေဆဲ လယ်ယာမြေအခြေခံ လူ့အဖွဲ့အစည်း Backward agrarian society လည်း ဖြစ်သည်။ လယ်ယာ ထွက်ကုန်များအပေါ်မှ လယ်သမား၊ ယာသမား၊ ခြံသမားများ အကျိုးအမြတ် ဘာမှမရသလို ရေလုပ်ငန်းနှင့် တိရစ္ဆာန်မွေးမြူသူများလည်း ထူး၍အကျိုးအမြတ်မရရှိသေး။ ဆင်းရဲနိမ့်ကျနေဆဲ ဖြစ်သည်။ အထူးသဖြင့် မြေယာပိုင်ဆိုင်ခွင့်သည်ကြီးမားသော ပြဿနာတခုအဖြစ် တည်ရှိနေဆဲဖြစ်သည်။ မြေယာပိုင်ဆိုင်မှုနှင့် ပတ်သက်၍ တိကျသောဥပဒေများမရှိပါက နောင်တွင်အင်အားကြီးမားသော ဒေသတွင်းနှင့် နိုင်ငံခြား ရင်းနှီးမြှုပ်နှံမှုများ၏ အမြတ်ထုတ်မှုများကို ဒေသခံပြည်သူများ လှိမ့်နေအောင်ခံကြရမည်။

ထို့ကြောင့် မြေယာပိုင်ဆိုင်မှု၊ လယ်ယာမြေပိုင်ဆိုင်မှု အခွင့်အရေးနှင့်ပတ်သက်၍ တိကျသော၊တရားမျှတသော ပြဌာန်းမှုဥပဒေများရှိရမည်။ မြေယာပေါ်တွင် အသက်မွေးသူများအတွက် အကာအကွယ်ပေးမှုများ မရှိမဖြစ် ရှိရမည်။ (စကားချပ် - လာမည့် နိုဝင်ဘာ ရွေးကောက်ပွဲတွင် နေရာအများဆုံး နိုင်လိမ့်မည်ဟု ပထမ ပြေးနေသော ကြံ့ဖွံ့ပါတီက “လယ်လုပ်သူသာ လယ်လုပ်ပိုင်ခွင့်ရှိသည်” ဆိုသော ပေါ်လစီကို ပြောထားသည်။ “လယ်လုပ်သူ လယ်ပိုင်ဆိုင်ခွင့်ရှိသည်”ဟု ပြောမထား။)

၂။ နိုင်ငံတကာတွင် Market economy ဟုခေါ်သော ဈေးကွက်စီးပွားရေးစနစ် ကျင့်သုံးနေသောကြောင့် မြန်မာနိုင်ငံသည်လည်း ထိုစနစ်အတွင်းမှ သီးခြားခွဲထွက်၍ ဆောင်ရွက်ရန်မဖြစ်နိုင်ပေ။ သို့သော Free market economy ဟုခေါ်သော လွတ်လပ်သော ဈေးကွက်စီးပွားရေးစနစ်အဆင့်အထိ လုပ်ကိုင်ဆောင်ရွက်ရန် အဆင့်သင့် မဖြစ်သေးဟု ယူဆသည်။

ထိုင်းနိုင်ငံသည် လွတ်လပ်သော ဈေးကွက်စီးပွားရေးစနစ်ကို သဘောတူလက်မှတ်ရေးထိုး ဆောင်ရွက် နေသည်။ တချိန်တည်းမှာလည်း ဒေသခံ ထိုင်းလယ်သမားများ၏ နစ်နာချက်များကို ကာကွယ်ပေးရန် အားနည်းမှုများ ရှိနေသည်။ ထို့ကြောင့် ဥပမာအားဖြင့် လွန်ခဲ့သော နှစ်အနည်းက တရုတ်ပြည်မှ ကြက်သွန်နီများ အလုံးအရင်း ထိုင်းနိုင်ငံအတွင်းသို့ ဈေးပေါပေါဖြင့် ဝင်ရောက်လာသောကြောင့် ဒေသခံ ကြက်သွန်တောင်သူများ အရှုံးဖြင့်ရင်ဆိုင်ရသည်။ ယင်းအပြင် နိုင်ငံခြားရင်းနှီး မြှုပ်နှံမှုများဖြစ်သော ဆူပါကုန်တိုက်ကြီးများကြောင့် ဒေသခံအသေးစား လယ်သမားများထံမှထွက်ရှိသည့် ကုန်ပစ္စည်းများ ဝယ်လိုအား ကျဆင်းသွားသည့် သင်ခန်းစာများရှိထားသည်။ သို့အတွက် ဒေသခံများ၏ ဘဝရပ်တည်မှု ပျက်သုဉ်းခြင်းကို ရင်ဆိုင်ရသည်။ အကျိုးဆက်အဖြစ် မြို့ပြသို့ ကျေးလက်မှလူငယ်များ အလုံးအရင်းဖြင့် ရွှေ့ပြောင်း၍ အလုပ်အကိုင်ရှာကြသည်။ (စကားချပ် - အရွယ်ကောင်း၍ ပညာမတတ်သော မိန်းကလေးအချို့ မြို့ကြီးပြကြီးများတွင် ပြည့်တန်ဆာဘဝသို့ ရောက်ကြရသည်။) ထို့အတွက် ဒေသခံ မှီတင်းနေထိုင် သူများ၏ တနိုင်တပိုင် စီးပွါးရေးလုပ်ငန်းများ (အသေးစား လယ်ယာပိုင်ဆိုင်ခြင်း အပါအဝင်) ကို ကာကွယ်ပေးဖို့ လိုအပ်သည်။

ထို့ကြောင့် ဈေးကွက် market အတွင်း အသေးစား တောင်သူလယ်သမားများ၏ ထွန်ယက်ခြင်း၊ ထွက်ကုန်၊ ရောင်းကုန်များကို အစိုးရမှ အကူအညီနှင့် အကာကွယ်ပေးရသည့်စနစ် မရှိမဖြစ်ရှိရမည်။ ဈေးကွက်အတွင်း အကာကွယ်ပေးမှု Protectionism within market ဟု အကြမ်းဖျင်းသဘော ပြောနိုင်သည်။

ကျနော်တို့ တိုင်းပြည်က မတူကွဲပြားသော လူမျိုးများ နေထိုင်ရာ နိုင်ငံဖြစ်လို့ လူမျိုးတခု ကြီးပွားကောင်းစားဖို့ နောက်လူမျိုး တစုစုကို နစ်နာထိခိုက်မှု မရှိအောင် သတိထားဆောင်ရွက်ရ
၃။ မြန်မာပြည်သည် မတူကွဲပြားသော ဌာနေတိုင်းရင်းသားများ မှီတင်းနေထိုင်သော နိုင်ငံဖြစ်သည်။ ထို့ကြောင့် တိုင်းရင်းသားဒေသများအတွင်း (ဒေသခံ အရင်းရှိသူများနှင့် နိုင်ငံခြားရင်းနှီးမြှုပ်နှံသူများ ပူးတွဲ မြှုပ်နှံခြင်း၊ တိုက်ရိုက် နိုင်ငံခြား ရင်းနှီး မြှုပ်နှံသူများ) အစရှိသူများ၏ အကျိုးအမြတ် တိုးပွားလာရေး တခုတည်းကိုသာ ဦးတည်သော လုပ်ငန်းကြီးများကို စည်းမျဉ်း ဥပဒေများနှင့် အညီ ထိန်းချုပ်ရန် အထူးလိုအပ်သည်။ ထို့ကြောင့် ဒေသခံတိုင်းရင်းသားများမှ ယင်းတို့ဒေသအတွင်း ရေရှည်တွင် အကျိုးမပြုသောလုပ်ငန်းများ လာရောက်လုပ်ကိုင် မြှုပ်နှံခြင်းကို သဘောမတူကန့်ကွက်ပါက ထိုကဲ့သို့ လုပ်ငန်းများအတွက် လာရောက် ရင်းနှီး မြှုပ်နှံခြင်းကို တားဆီးခြင်း (သို့) ထိန်းညှိခြင်း (သို့) လျှော့ချခြင်း အစရှိသည်တို့ကို ဆောင်ရွက်ရန် လိုအပ်သည်။ ဤသည်မှာ တိုင်းရင်းသား ဒေသ၏ သဘာဝအရင်းအမြစ်နှင့် လူမှုနေထိုင်မှုဘဝကို အကာကွယ်ပေးခြင်းဟုလည်း ဆိုနိုင်သည်။ လတ်တလောအားဖြင့် ဥပမာ တခုကို တင်ပြရလျှင် ရှမ်းပြည်နယ်အတွင်း တေဇပိုင် ထူးကုမ္ပဏီကို သစ်တန်တသိန်း ခုတ်ခွင့်ပြုသည့် ကိစ္စမျိုးကိုမြင်နိုင်သည်။ နောက်တချက်ကတော့ တရုတ်ကုမ္ပဏီများနှင့်ပေါင်း၍ သံလွင်မြစ်ကိုဖြတ်ကာ ဆည်ကြီးများ တည်ဆောက်ခြင်းဖြစ်သည်။ ဧရာဝတီမြစ်ကို ပိတ်၍ ဆည်ကြီး ၇ ခု တည်ဆောက်မည် ဆိုသည်များလည်း အကျုံးဝင်သည်။

ထို့ကြောင့် တိုင်းရင်းသား ဒေသခံတို့၏ သဘာဝအရင်းအမြစ်များ (သစ်တော၊ မြစ်ချောင်းအင်းအိုင်၊ သတ္တု တူးဖေါ်ခြင်းနှင့် အခြားအရင်းအမြစ်များ)ကို အကာအကွယ်ပေးသည့် ဥပဒေများစနစ်များ မရှိမဖြစ် လိုအပ်သည်။

၎။ အထက်တွင် တင်ပြခဲ့သည်အတိုင်း မြန်မာပြည်သည် လယ်ယာမြေကို အခြေခံနေဆဲဖြစ်သည့် လူ့အဖွဲ့အစည်း ဖြစ်သည်။ နောင်တွင် လယ်ယာစိုက်ပျိုးရေး ကဏ္ဍအတွင်း အင်အားကြီးသော နိုင်ငံတကာ ကော်ပိုရေးရှင်းများ ပါဝင်လာနိုင်သည်။ သို့မဟုတ် ဒေသခံအရင်းအနှီးကြီးသူများ အုပ်စီးသော ကန်ထရိုက် လယ်ယာစိုက်ပျိုးရေး Contract farming အခြေအနေများ ဖြစ်ပေါ်လာနိုင်သည်။ လတ်တလောတွင် ထိုသို့ဖြစ်နေသည်များရှိသည်။ (ဥပမာ တနင်္သာရီတိုင်းအတွင်း ထိုင်း ကုမ္ပဏီများအား ဆီအုန်းစိုက်ပျိုးရန် မြေဧက ၇ သိန်း အသုံးပြုခွင့်ပေးလိုက်ခြင်းမျိုး။ ရခိုင်ပြည်နယ် အတွင်းရှိ စပါးစိုက်မြေဧက ငါးသောင်းအား ဘင်္ဂလားဒေ့ရှ် ကုမ္ပဏီသို့ အငှား ချထားခြင်းမျိုး။) ထို့အတွက် မူလက အသေးစား လယ်သမားများ တသီးပုဂ္ဂလ လယ်သမားများအဖြစ် ဆက်လက်မရပ်တည်နိုင်တော့ဘဲ ဆီအုန်းခြံများနှင့် မိမိတို့ မူလလုပ်ကိုင်ခဲ့သော မြေပေါ်တွင် လခစားဘဝသို့ ရောက်ရှိကြကုန်သည်။ ထိုဆီအုန်းခြံများနှင့် ကန်ထရိုက်လယ်များသည် အသေးစားလယ်သမား တဖြစ်လဲ ဆီအုန်းခြံ လခစားသမားများနှင့် လခစား လယ်သမားများအတွက် ရေရှည်အလုပ် အာမခံချက် ပေးနိုင်၊မပေးနိုင်ဆိုသည်မှာ မသေချာပါ။

ထို့ကြောင့် မူလရှိထားပြီးသော အသေးစားလယ်သမား၏ ဘဝနေထိုင်မှုပုံစံ ပျက်ယွင်းခြင်းမှ ကာကွယ်ပေးရန် လိုအပ်သည်။ ထို့ကြောင့် အသေးစားလယ်သမားများကို ကူညီပံ့ပိုး ကာကွယ်ပေးရန် ဥပဒေများစနစ်များ မရှိမဖြစ် လိုအပ်သည်။

၅။ မြန်မာနိုင်ငံ၏ ရေမြေသဘာဝအရ စိုက်ပျိုးမြေများစွာရှိသလို တိရစ္ဆာန် မွေးမြူရေးအတွက်လည်း ကောင်းမွန်သော စားကျက်မြေများရှိသည်။ ထိုစားကျက်မြေများကို ကာကွယ်ပေးရန်လည်း လိုအပ်သည်။ သို့မဟုတ်ပါက နောင်တွင် ထိုစားကျက်မြေကြီးကို စိုက်ပျိုးမြေအဖြစ် အသွင်ပြောင်းလဲလိုက်ခြင်း၊ ထိုစားကျက်မြေပေါ်တွင် စက်ရုံများ၊ ကုန်တိုက်ကြီးများ၊ ဟော်တယ်နှင့် အပန်းဖြေစန်းများ၊ cash crops ဟုခေါ်သော ငွေဖြစ်လွယ်သော ကာလပေါ်စိုက်ပျိုးခင်းများ ပေါ်ပေါက်လာနိုင်သည်။ ဤသို့ဖြစ်လာပါက တိရစ္ဆာန် မွေးမြူခြင်းဖြင့် အသက်မွေးသူများ၏ လူနေမှုဘဝပုံစံ ပျက်ယွင်းသွားနိုင်သည်။ (စကားချပ်- ငွေဖြစ်လွယ်သော ကာလပေါ် စိုက်ပျိုးခင်း ဆိုသည်မှာ ကမ္ဘာ့ဈေးကွက်အတွင်း ပြောင်းဈေး ကောင်းနေပါက ပြောင်းဖူးများ စိုက်ပျိုးပြီး ကြံဈေးကောင်းသောအခါ ကြံများစိုက်ပျိုးခြင်းကို ဆိုလိုသည်။ ထို့အတွက် မူလက စပါးခင်းများမှာ ပြောင်းခင်းဖြစ်လိုက် ကြံခင်းဖြစ်လိုက် အဖြစ်မျိုးနှင့် ကြုံရနိုင်သည်။)

ဥပမာအားဖြင့် အီသီယိုပီးယားနိုင်ငံတွင် စားကျက်မြေများကို ဝါဂွမ်းပြောင်းစိုက်ခြင်း၊ ကမ္ဘာလှည့် ခရီးသည်များ လည်ပတ်ရန် စီမံလုပ်ဆောင်သောကြောင့် တိရစ္ဆာန်မွေး၍ အသက်မွေးဝမ်းကျောင်းပြုသော လူမျိုးအုပ်စုများ ဒုက္ခတွေ့ရသည်။ ထိုသတ်မှတ်ထားသော စားကျက်နေရာများသို့ မူလကကဲ့သို့ တိရစ္ဆာန်ကျောင်းခြင်း မပြုလုပ်နိုင်တော့။ နောက်ဆက်တွဲအဖြစ် စီးပွားရေးသာမက လူမှုရေး၊ ယဉ်ကျေးမှုနှင့် အုပ်စုအခွင့်အရေးများပါ ဆုံးရှုံးခြင်းကို ရင်ဆိုင်ရသည်။ တချိန်တည်းမှာလည်း ဝါဂွမ်းစိုက်ခင်းများနှင့် တိုးရစ်များ လည်ပတ်ခြင်းမှ ထင်သလောက် ဝင်ငွေမရသောကြောင့် နောက်ပိုင်းတွင် အစိုးရကိုယ်၌လည်း အရှုံးနှင့် ရင်ဆိုင်ရသည်။

ထို့ကြောင့် လယ်မြေ၊ ခြံမြေ၊ စားကျက်မြေနှင့် အခြားတည်ရှိနေသာ မြေများကို အမျိုးအစားကိုလိုက်၍ ဥပဒေများ နည်းစနစ်များဖြင့် တိတိကျကျ သတ်မှတ် ကာကွယ်ပေးရန် အထူးလိုအပ်သည်။ မြေယာပိုင်ဆိုင်မှုနှင့် မြေယာပိုင်ဆိုင်ခြင်း အခွင့်အရေးများကိုပြောနေသည့် တချိန်တည်းတွင်လည်း ရေလုပ်ငန်းနှင့် ပတ်သက်၍ တိကျသောခိုင်မာသော ဥပဒေများ နည်းစနစ်များလိုအပ်သည်။ အဘယ်ကြောင့်ဆိုသော် မြန်မာနိုင်ငံသည် ရှည်လျားသော ပင်လယ်ကမ်းရိုးတန်းရှိသော နိုင်ငံဖြစ်သောကြောင့်ပင်။ ယခုအခါ ရေလုပ်ငန်း ကုမ္ပဏီများ ကြီးပွားနေသော်လည်း သာမန်ရေလုပ်သားများသည် လယ်သမားများကဲ့သို့ပင် ယခုအထိ ဆင်းရဲတွင်းမှ မတက်နိုင်သေးပါ။

အခြားတည်ရှိနေသော မြေများဆိုသည်မှာ ဘိုး၊ဘွား၊ဘီ၊ဘင် တလျှောက်လုံး နေထိုင်လာခဲ့သော အိမ်မြေများလည်း အပါအဝင်ဖြစ်သည်။ အိမ်ဆောက်ထား၍ နေထိုင်နေသော မြေများကို အကြောင်းအမျိုးမျိုးကြောင့် တရားလက်လွတ် သိမ်းယူခြင်း မပြုနိုင်ရန်လည်း ဥပဒေများ အခိုင်အခန့် ရှိနေရမည်။ ထို့အပြင် နိုင်ငံတော်က ပိုင်ဆိုင်သောမြေ၊ ပြည်သူအများက ပိုင်ဆိုင်သောမြေ၊ ရိုးရာအရ တိုင်းရင်းသား အုပ်စုများ ပိုင်ဆိုင်သောမြေနှင့် တသီးပုဂ္ဂလိက ပိုင်ဆိုင်သောမြေများ ကွဲကွဲပြားပြား ရှိဖို့လိုသည်။ ဥပဒေအရ အကာအကွယ် ပေးမှုရှိရမည်။

နောက်ဆက်တွဲအနေဖြင့် တင်ပြလိုသည်ကတော့ အောက်ပါအတိုင်းဖြစ်သည်။

နှေးချင်နှေးပါစေ လူ့အဖွဲ့အစည်းအတွင်း တတ်နိုင်သမျှ တတ်စွမ်းသမျှ တရားမျှမျှတတ နည်းလည်းကျကျနဲ့ သွားနိုင်မယ့် စီးပွားရေး ပေါ်လစီမျိုးကို ပိုပြီးနှစ်သက်
ဂျပန် ကိုရီးယားနှင့် ထိုင်ဝမ် နိုင်ငံတို့သည် အာရှတိုက်တွင် ယခုအခါ ချမ်းသာ၍ စက်မှုဖွံ့ဖြိုးတိုးတက်နေသော နိုင်ငံများဖြစ်သည်။ ထိုနိုင်ငံများ၏ နောက်ခံသမိုင်းသည်လည်း မူလက လယ်ယာမြေကို အခြေခံခဲ့သော လူ့အဖွဲ့အစည်းဖြစ်သည်။ ထိုနိုင်ငံများ စက်မှုထွန်းကားလာဖို့ ဆောင်ရွက်သည့် ကြားကာလများတွင် လယ်ယာမြေ ကဏ္ဍကိုပစ်မထားဘဲ ဦးမော့လာအောင် ဆောင်ရွက်ရင်းမှ စက်မှုထွန်းကားခြင်းသို့ တက်လှမ်းလာခဲ့ခြင်းဖြစ်သည်။ ထို့ကြောင့် မြန်မာပြည်တွင်လည်း စီးပွားရေးကဏ္ဍတွင် အခြားကဏ္ဍများကို တိုးတက်အောင် ဆောင်ရွက်နေသည့် တချိန်တည်း၌ နိုင်ငံသားအများစု မှီခိုအားထားနေရသော လယ်ယာမြေကဏ္ဍကို လျစ်လျှူရှု၍ မထားသင့်ဟု ဆိုလိုခြင်းဖြစ်သည်။

ကျနော်အခု တင်ပြဆွေးနွေးတဲ့ အချက်များကို သဘောတူနိုင်သည့် သူများရှိသလို သဘောမတူနိုင်သည့် သူများလည်းရှိမှာ သေချာသည်။ ဥပမာအားဖြင့် အရှေ့တောင်အာရှ ဒေသအတွင်းတွင် စင်္ကာပူပုံစံကို ကြိုက်သည့်သူများနှင့် စင်္ကာပူပုံစံကို နမူနာယူလိုသည့် ပညာရှင်များက သဘောတူလိမ့်မည် မဟုတ်ပါ။ စင်္ကာပူနိုင်ငံ၏ သဘာဝသည် မိုက်ခရိုထက် မက်ခရိုစီးပွားရေးကို ပို၍အားသန်သောကြောင့် ဖြစ်နိုင်သလို စင်္ကာပူနိုင်ငံ၏ တိုးတက်ဖြစ်ထွန်းမှု သမိုင်းနှင့် နှိုင်းယှဉ်ပါက ကျနော်၏တင်ပြချက်များက သီးခြားစီ ဖြစ်နေတာလည်း ဖြစ်ကောင်း ဖြစ်နိုင်ပါသည်၊ ဆက်ရှင်းပါမည်။

မြန်မာနိုင်ငံဟာ တဘက်မှာလည်း မတူကွဲပြားသောလူမျိုးများ စုပေါင်းနေထိုင်ရာ ဖြစ်တာကြောင့် အရေးကြီးသည်။ တိုင်းရင်းသား လူမျိုးတမျိုးဟာ နိုင်ငံရဲ့ စီးပွားရေးပေါ်လစီမှ ပေါ်ထွက်လာသော အကျိုးဆက်ကြောင့် ဆုံးရှုံးနစ်နာမှုများမဖြစ်ရအောင် စဉ်းစားတွက်ချက်ရတာ ဖြစ်သောကြောင့် စင်္ကာပူနှင့် တူနိုင်ဖို့ခက်ခဲသည်။ ယုတ်စွအဆုံး ဂျပန်၊ ကိုရီးယား၊ ထိုင်ဝမ်တို့နှင့် စံပြနှိုင်းယှဉ်တာတောင် ကြီးမားသော ကွဲလွဲချက်များ ရှိနေသေးသည်။

ဘာကြောင့်လည်းဆိုတော့ ဂျပန်၊ တောင်ကိုရီးယားနှင့် ထိုင်ဝမ်နိုင်ငံများ အားလုံးဟာ Strong government လို့သတ်မှတ်ထားတဲ့ အားအင်ကောင်းသော အစိုးရတရပ်အောက်မှာ တက်ညီလက်ညီ အလုပ်,လုပ်ခဲ့တဲ့ Homogeneous society လူမျိုးတမျိုးသာရှိတဲ့ (ရှိလျှင်လည်း လူမျိုးကွဲ အလွန့်အလွန် နည်းပါးသည့်) လူ့အဖွဲ့အစည်းများ ဖြစ်နေလို့ပါ။ ကျနော်တို့ တိုင်းပြည်ကတော့ Heterogeneous society မတူကွဲပြားသော လူမျိုးများနေထိုင်ရာနိုင်ငံဖြစ်လို့ လူမျိုးတခု ကြီးပွားကောင်းစားဖို့ နောက်လူမျိုးတစုစုကို နစ်နာထိခိုက်မှု မရှိအောင် သတိထားဆောင်ရွက်ရမှာ ဖြစ်လို့ပါပဲ။ (စကားချပ် - မြန်မာစစ်အစိုးရသည် အားအင်ကောင်းသော အစိုးရအမျိုးအစားအထဲတွင် မပါဝင်သလို အုပ်ချုပ်နေသူများကလည်း အာဏာရှင်လုံးလုံး၊ တပိုင်းတစ အာဏာရှင်တောင်မဟုတ်) ဖြစ်နေသောကြောင့် တိုင်းရင်းသားအုပ်စုများသောနိုင်ငံတွင် ပြဿနာများဖြင့် ချာလည်လိုက်နေ၍ မည်သို့သော တိုးတက်မှုကိုမှ မဆောင်ရွက်နိုင်ပါ။)

တချို့ကတော့ ဆိုပါလိမ့်မည်။ ခင်ဗျားပြောသလို အားလုံးကို ငဲ့နေရင် စီးပွားရေးတိုးတက်မှု နှေးကွေးမယ်လို့ ဆိုကောင်း ဆိုပါလိမ့်မည်။ ကျနော်ရဲ့ ကိုယ်ပိုင်အယူအဆကတော့ စီးပွားရေးတော့ မြန်မြန်တိုးတက်မယ် သို့သော် အင်အားကြီးတဲ့ အင်အားကောင်းတဲ့ တိုင်းရင်းသား လူမျိုးကသာ ခံစား၊စံစားရမယ်၊ အင်အားနည်းတဲ့ အုပ်စုကတော့ မခံစားရဘူးဆိုတဲ့လမ်းကို မနှစ်သက်ပါ။ အင်အားကြီးတဲ့ တိုင်းရင်းသား လူမျိုးတမျိုးသာ ကောင်းစားတယ် ဆိုတဲ့နေရာမှာ မြန်မာတွေက လူများစုဖြစ်နေလို့ မြန်မာတွေအားလုံး ကောင်းစားလိမ့်မယ်လို့ မထင်ပါ။ မြန်မာလူမျိုးထဲက စစ်တပ်နဲ့ အလွမ်းသင့်သူ မြန်မာလူနည်းစု စီးပွားရေးအုပ်စုများသာ ကောင်းစား ပါလိမ့်မယ်။ ဒါ့ကြောင့် နှေးချင်နှေးပါစေ လူ့အဖွဲ့အစည်းအတွင်း တတ်နိုင်သမျှ တတ်စွမ်းသမျှ တရားမျှမျှတတ နည်းလည်းကျကျနဲ့ သွားနိုင်မယ့် စီးပွားရေးပေါ်လစီမျိုးကို ပိုပြီးနှစ်သက်သည်။

တိုင်းပြည်အတွင်းက လူ့အဖွဲ့အစည်းတခုလုံးတိုးတက်ဖို့ ဆောင်ရွက်တဲ့ကိစ္စကလည်း မြန်ချင်တိုင်း မြန်လို့ရသည့် အလုပ်မဟုတ်ပါ။ မြန်မြန် ကြီးပွားလိုတာကြောင့် အကြီးစား မက်ခရို စီးပွားရေးပုံစံကိုပဲ ဇောင်းပေးမယ်ဆိုရင် ဖားခုန်သလို ခုံပျံကျော်လွှားတိုးတက်မှု leap-frog development ဖြစ်နေတာမို့ လူနည်းစုချမ်းသာဖို့သာဖြစ်ပြီး အခန့်မသင့်ရင် မြန်မာနိုင်ငံလို လူမျိုးပေါင်းစုံတည်ရှိနေတဲ့ လူ့အဖွဲ့အစည်းမှာ ချက်ချင်းပြန်ပြီး ပြိုကျနိုင်တယ်လို့ သုံးသပ်သည်။ (စကားချပ် - ဒီနေရာမှာ ဘူတန်နိုင်ငံ အကြောင်းကို ပြန်ကောက်ပါမည် ဘူတန်နိုင်ငံရဲ့ စီးပွားရေးဖွံ့ဖြိုးတိုးတက်မှုဟာ ချီးကျူးရလောက်အောင် (သို့) အိမ်နီးချင်း နိုင်ငံများအကြား ဝင်ပြိုင် ရလောက်အောင် မတိုးတက် သေးပါ။ GDP လည်းနိမ့်ကျနေဆဲ နိုင်ငံဖြစ်သည်။ သို့သော် GHP (Gross Happiness Product) ပြည်တွင်းအသားတင် ပျော်ရွှင်မှုထုတ်ကုန်ကတော့ ကမ္ဘာပေါ်မှာ အမြင့်ဆုံးဖြစ်သည်ဟု နိုင်ငံတကာက ဖွံ့ဖြိုးတိုးတက်ရေး ဆရာကြီးများကဆိုထားသည်။ ဘူတန်နိုင်ငံသားတို့ ဆင်းရဲသော်လည်း ပျော်ရွှင်ကြသည်။ ဘာကြောင့်ဆိုတာ ဆန်းစစ်ဖို့ မလိုပြီလော။)

တချိန်တည်းမှာလည်း ကျနော်တို့ဝန်ခံရမှာတော့ အနာဂတ်မြန်မာနိုင်ငံရဲ့ စီးပွားရေးပေါ်လစီကို အသေးစား မိုက်ခရိုစီးပွားရေး တခုတည်အပေါ်မှာ အခြေပြုလို့မရသလို အကြီးစား မက်ခရိုစီးပွားရေး တခုတည်းကိုသာ ဇောင်းပေးရင်လည်း အများစုဖြစ်နေတဲ့ ဆင်းရဲသား နိုင်ငံသားများအတွက် အကျိုးမရှိဘူးလို့ သုံးသပ်မိသည်။ အပြန်အလှန် ထိန်းညှိနိုင်မည့်လမ်းကိုသာ ရွေးရမည်ဖြစ်သည်။ ထိုသို့ အပြန်အလှန် ထိန်းညှိရန်အတွက် နိုင်ငံသားများ၏ ပူးပေါင်းဆောင်ရွက်မှုက မဖြစ်မနေအထူးလိုအပ်သည်။ သူတို့၏ ပူးပေါင်းဆောင်ရွက်မှုကို ခွင့်ပြုရမည်။ အထက်ကချည်းပဲ ချပေးသော ပေါ်လစီကိုလိုက်၍ အကောင်အထည် ဖော်ရခြင်းမျိုးက ရေရှည်အတွက် အကျိုးမရှိ။ နိုင်ငံသားတို့ နစ်နာနေခြင်း ရှိမရှိသိရှိရန် နိုင်ငံသားတို့၏ အသံကိုလည်း နားထောင်ရန်လိုအပ်သည်ဟု ဆိုလိုရင်းဖြစ်သည်။ နိုင်ငံသားတို့ နစ်နာနေသမျှ ဝေဖန်ရေး အမျိုးမျိုးတို့သည်လည်း ကြိုက်သည်ရှိ၊မကြိုက်သည်ရှိ ထောင့်ပေါင်းစုံမှ လာနေဦးမှာဖြစ်သည်။ ထို့အတူ နိုင်ငံသားအများစု နစ်နာနေသော တိုင်းပြည်သည် ဘယ်တော့မှ ငြိမ်းချမ်းသာယာဝပြောသည့် နိုင်ငံတော် ဖြစ်မလာပါ။
http://www.mizzimaburmese.com/edop/songpa/5874-2010-08-17-04-07-22.html

Transocean နှင့် မြန်မာဘိန်းဘုရင် ဆက်နွယ်မှု အမေရိကန်စစ်ပြီ





`မြန်မာနိုင်ငံတွင် လုပ်ဆောင်နေသော လုပ်ငန်းများအတွက် အမေရိကန် ဘဏ္ဍာရေးဌာန၏ စုံစမ်းစစ်ဆေးမှုကို ခံနေရပါသည်ဟု ထရန်စ်အိုးရှင်း (Transocean) အမေရိကန် ဆွစ်ဇာလန် ဖက်စပ် ရေနံတွင်းတူး လုပ်ငန်းက ထုတ်ဖော်ဝန်ခံလိုက်သည်။ မက္ကဆီကိုပင်လယ်ကွေ့ တွင် ရေနံတွင်း တူးစင် ပေါက်ကွဲခဲ့သည့်အတွက် ပြည်သူလုထုက အသေအချာ စောင့်ကြည့်နေကြချိန်တွင် ထိုသို့ စုံစမ်းစစ်ဆေးသည့် သတင်းပေါ်ထွက်လာခြင်း ဖြစ်သည်။

အမေရိကန် သမိုင်းတွင် အဆိုးဝါးဆုံး ရေနံယိုစိမ့်မှုကြီးဖြစ်သော ဧပြီလအတွင်း ပေါက်ကွဲမှု ကြီး ဖြစ်ပေါ်ခဲ့ပြီးနောက် ဘီပီ ကုမ္ပဏီက ငှားရမ်းထားသော အဆိုပါ ထရန်စ်အိုးရှင်း ကုမ္ပဏီသည် စတော့ဈေးကွက် ကော်မရှင်ရုံး (SEC) သို့ နောက်ဆုံးတင်သွင်းခဲ့သည့် 10-Q ပုံစံစာရွက်တွင် ထိုသို့ အမေရိကန် ဘဏ္ဍာရေးဌာန နိုင်ငံခြားပိုင်ဆိုင်မှုများ ထိန်းချုပ်ရေးရုံး (OFAC) ၏ဆင့်စာကို `မြန်မာနိုင်ငံတွင် ဆောက်ရွက်လျက်ရှိသော လုပ်ငန်းများအတွက်´ မကြာခင်က လက်ခံရရှိကြောင်း ရေးသား ဖော်ပြထားသည်။ ဤပုံစံစာရွက်ကို သြဂုတ်လ ၄ ရက်နေ့ကတင်သွင်းခဲ့ခြင်း ဖြစ်သည်။
Actinia

ထရန်စ်အိုးရှင်း အတ္တလန္တိတ် ကုမ္ပဏီ၏ တဝက်တပျက် ရေတွင်နစ်မြုပ်ရေနံတူးစင် Actinia။ လွန်ခဲ့သော ဆောင်းဦးပေါက်က အဆိုပါရေနံတူးစင်ကို မြန်မာ့ပင်လယ်ပြင်တွင် ရေနံ တူးဖော်ရန် တရုတ်နိုင်ငံ CNOCC နှင့် စင်္ကာပူတွင်မှတ်ပုံတင်ထားသော China Focus Development ကုမ္ပဏီတို့ စုပေါင်းပိုင်ဆိုင်သည့် ကုမ္ပဏီလုပ်ငန်းစုသို့ ငှားရမ်းခဲ့သည်။ အဆိုပါ စင်္ကာပူမှတ်ပုံတင်ကုမ္ပဏီကို စစ်အစိုးရ၏လက်ရင်းလူယုံတဦးဖြစ်ပြီး ငွေမည်းခဝါချသူ တဦးဟု နာမည်ကြီးနေသည့် စတီဗင်လော ခေါ် ထွန်းမြင့်နိုင်က ပိုင်ဆိုင်သည်။ (ဓါတ်ပုံ - မဇ္ဈိမ)


10-Q ပုံစံသည် ၃ လတခါ SEC ရုံးသို့ တင်သွင်းရခြင်း ဖြစ်ပြီး နှစ်စဉ်တင်သွင်းရသော 10-K ပုံစံ တွင်ပါသော အချက်အလက်များကို ပင်ဖော်ပြထားခြင်း ဖြစ်သည်။ သို့သော် ယေဘုယျအားဖြင့် အဆိုပါ ၃ လပတ် အစီရင်ခံစာတွင် ပါသော အချက်အလက်များသည် သာမန်အားဖြင့် အသေးစိတ် ဖော်ပြထားခြင်းမျိုး မရှိဘဲ ဘဏ္ဍာရေး အစီရင်ခံစာများမှာလည်း သာမန်အားဖြင့် စာရင်းစစ်ဆေးပြီးသား မဟုတ်ပါ။

အမေရိကန်အစိုးရ၏ ဒဏ်ခတ်ပိတ်ဆို့မှုကို အရေးယူအကောင်အထည်ဖော်ရသည့် ဌာန၏ ဆင့်ခေါ်စာမှာ မဇ္ဈိမ သတင်းဌာနက မေလတွင် ဤအကြောင်း ပထမဆုံး သတင်းရေးသား ဖော်ထုတ် တင်ပြခဲ့ပြီးနောက် ပေါ်ထွက်လာခြင်း ဖြစ်သည်။ ထရန်စ်အိုးရှင်းက အမေရိကန် ဘဏ္ဍာရေးဌာနသို့ တင်ပြသည့် အဆိုပါ အစီရင်ခံချက်တွင် သူတို့ကုမ္ပဏီကို ရေနံတွင်းတူးရန် အတွက် စတီဗင်လောက ဖက်စပ်ပိုင်ဆိုင်သည့် ကုမ္ပဏီတခုက လွန်ခဲ့သောနှစ်ကငှားရမ်း ခဲ့ကြောင်းရေးသားတင်ပြထားသည်။

စတီဗင်လောသည် စစ်အစိုးရ၏လက်ရင်း လူယုံစီးပွားရေးသမားတဦးဖြစ်ပြီး အမေရိကန်အစိုးရနှင့် လေ့လာသုံးသပ်သူများက မြန်မာနိုင်ငံ၏ အကြီးဆုံးငွေမည်းခဝါချသူတဦး ဖြစ်သည်ဟု စွပ်စွဲထားခံရသူဖြစ်သည်။

အမေရိကန်ဘဏ္ဍာရေးဌာနဝက်ဆိုက်တွင်ဖော်ပြထားချက်အရ `OFAC ရုံးဆင့်စာစီမံခန့်ခွဲရေး အာဏာပိုင်အဖွဲ့သည်´ ဒဏ်ခတ်ပိတ်ဆို့မှုကိုအရေးယူအကောင်အထည်ဖော်ရာတွင် `အဆိုပါ ဒဏ်ခတ်မှုကိုဖောက်ဖျက်ခဲ့ဖွယ်ရှိသည်ဟုယူဆပါက လိုအပ်သည့် မည်သည့်သတင်းအချက်အလက်ကိုမဆို တောင်းယူပိုင်ခွင့်ရှိကြောင်း´ ရေးသားဖော်ပြထားသည်။ ဆင့်စာကိုအကြောင်းပြန်ရန်မှာ မလုပ်မနေရ မဟုတ်သော်လည်း ဆင့်စာစီမံခန့်ခွဲရေးအဖွဲ့၏ အမိန့်စာချွန်ကို လိုက်နာ ရန်ပျက်ကွက်ခြင်းသည် အလွန်ကြီးလေးသော ဖောက်ဖျက်မှုတခုဖြစ်သည်။

နာမည်ပျက် စာရင်းသွင်းထားခြင်းခံရသော မြန်မာ့ မူးယစ်မှောင်ခိုဂိုဏ်း မိသားစုကြီးတခုနှင့် ထရန်စ်အိုးရှင်း ကုမ္ပဏီတို့ ပါဝင်ပတ်သက်နေသည့် အကြောင်းရေးသားထားသည့် မဇ္ဈိမ သတင်းကို နယူးရောက်တိုင်း သတင်းစာကြီး၏ မျက်နှာဖုံးသတင်းအဖြစ် ရေးသားဖော်ပြခဲ့သည်။ ထို့ပြင် အီရန်၊ နော်ဝေ နှင့် ဆီးရီးယားနိုင်ငံတို့မှ ထိုကုမ္ပဏီ၏အလားတူ သင်္ကာယနံ့မကင်းစရာ လုပ်ငန်းများကိုလည်း အသေးစိတ် ရေးသားထားသည်။

ဤသို့ ထရန်စ်အိုးရှင်း၏ မြန်မာနိုင်ငံတွင်း တိတ်တဆိတ်လုပ်ဆောင်နေသည့် လုပ်ငန်းများအကြောင်း ဖော်ပြတိုင်တန်းသည်ကို အမေရိကန်အစိုးရက အရေးတယူကိုင်တွင်ဆောင်ရွက်ခဲ့ သည့်အတွက် ကျေနပ်အားရကြောင်း ရွှေဂက်စ်လှုပ်ရှားမှုအဖွဲ့၏ နိုင်ငံတကာ ညှိနှိုင်းဆက်သွယ်ရေးမှူး နှင့် မြန်မာ့သဘာဝ သယံဇာတ ကဏ္ဍစောင့်ကြည့်လေ့လာသူတဦးဖြစ်သူ ဦးဝမ်းအောင်က ပြောဆိုလိုက်သည်။

ရွှေဂက်စ်အဖွဲ့သည် မြန်မာ့ကမ်းရိုးတန်း ဒေသများ၏ ဂေဟစနစ်ကို ပျက်ပြားစေသော ကမ်းလွန် ရေနံတွင်းတူး လုပ်ငန်းများအား ဆန့်ကျင်ကန့်ကွက်နေသည့် မြန်မာ့အတိုက်အခံ အဖွဲ့များ၏ ညွန့်ပေါင်းအဖွဲ့ ဖြစ်သည်။

သူတို့တူးဖော်နေသော မြန်မာ့ပင်လယ်ပြင်ရှိ ရေနံနှင့် သဘာဝဓာတ်ငွေ့ ထုတ်ယူပိုင်ဆိုင်ခွင့် အခွင့်အရေးများကို မြန်မာနိုင်ငံမှ နာမည်ပျက်နှင့် လော မိသားစုက ပိုင်ဆိုင်သည်ကို `ထရန်စ်အိုးရှင်း ကမသိပါဟု ပြောဆိုသည်ကိုလက်မခံနိုင်ဖွယ်မရှိ´ ကြောင်း သူက ယုံကြည် သည်။ စတီဗင်လော ခေါ် ထွန်းမြင့်နိုင်၊ သူ၏စင်္ကာပူသူ ဇနီး၊ သူ့ဖခင် ဘိန်းဘုရင်လော်စစ်ဟန်တို့အားလုံး သည် OFAC မှ နာမည်ပျက်စာရင်း သွင်းထားခံရသူများ ဖြစ်သည်။ ဤစာရင်းကိုတရားဝင်အား ဖြင့် `အထူး သတ်မှတ်ဖော်ပြခြင်း ခံရသောနိုင်ငံသားများ´ (SDN) ဟု ခေါ်သည်။

အဆိုပါ သုံး ယောက်စလုံးသည် ဥရောပသမဂ္ဂ က ခရီးသွားလာခွင့်ပိတ်ပင်ခြင်းနှင့် ဒဏ်ခတ်ပိတ်ဆို့အရေး ယူခံရသော စာရင်းတွင် ပါဝင်သူများလည်း ဖြစ်သည်။

ထရန်စ်အိုးရှင်းအင်တာနေရှင်နယ်ကုမ္ပဏီ က SEC သို့ နိုဝင်ဘာလ ၂ ရက်နေ့က တင်သွင်းခဲ့ သော 8-K ပုံစံတွင် ရေတွင်တဝက်တပျက်နစ်မြုပ်တူးဖော်ရသော သူတို့ပိုင် ပနားမားမှတ်ပုံတင် Actinia ရေနံတွင်း တူးစင်ကို မြန်မာ့ရေပိုင်နက်တွင်း အောက်တိုဘာမှ ဒီဇင်ဘာ ကာလအတွင်း တူးဖော် လုပ်ကိုင်လုပ်ရန် အတွက် တရုတ်အစိုးရပိုင်စွမ်းအင်ကုမ္ပဏီဖြစ်သော CNOCC က ငှားရမ်းခဲ့ကြောင်း ရေးသား တင်ပြထားသည်။

CNOCC ဝက်ဆိုက်တွင် ဖော်ပြထားချက်အရ ကုမ္ပဏီပိုင် မြန်မာ့ဓာတ်ငွေ့လုပ်ငန်းအစုရှယ်ယာ အားလုံးကို (ယခင်က Golden Aaron ဟု သိရှိကြသည့်) China Focus Development နှင့် China Global Construction တို့နှင့်အတူပူးတွဲပိုင်ဆိုင်ကြောင်း၊ CNOCC မှာ လုပ်ငန်း အကောင်အထည် ဖော်သူ အဖြစ်သာ ပါဝင်ကြောင်း ဖော်ပြထားသည်။ China Focus Development ကုမ္ပဏီမှာ စင်္ကာပူ မှတ်ပုံတင် ပုဂ္ဂလိကပိုင် ကုမ္ပဏီတခုဖြစ်ပြီး တဦးတည်းသော အစုရှယ်ယာရှင်များမှာ စတီဗင်လော နှင့် သူ့ဇနီး Ng Sor Hong ခေါ် Cynthia Ng တို့ဖြစ်သည်။

အမေရိကန်နှင့်ဥရောပသမဂ္ဂတို့၏ ပိတ်ဆို့ဒဏ်ခတ်မှုစာရင်းတွင် Ng Sor Hong ကို အဆိုပါကုမ္ပဏီ၏ အမှုဆောင်အရာရှိချုပ် (CEO) အဖြစ်ဖော်ပြထားပြီး OFAC စာရင်းပါ မြန်မာ နိုင်ငံနှင့် ဆက်စပ် ပတ်သက် နေသည့် ကုမ္ပဏီများစာရင်းတွင် လော မိသားစုထိန်းချုပ်ထားသည့် ကုမ္ပဏီတဒါဇင်ကျော်အနက် ဤကုမ္ပဏီလည်း တခုအပါအဝင်လည်း ဖြစ်သည်။

လော ၏ ဖခင် မြန်မာတရုတ်ကပြား လော်စစ်ဟန် ခေါ် လော်ရှင်းဟန်မှာ ၁၉၇ဝ စုနှစ်များအတွင်း အရှေ့တောင်အာရှတွင် အကောင်းဆုံး လက်နက်တပ်ဆင်ထားသည့် ဘိန်းမှောင်ခို ဂိုဏ်းကြီးတဂိုဏ်းအဖြစ် အမေရိကန် မူးယစ်ဆေးဝါး မှောင်ခိုတိုက်ဖျက်ရေး လေ့လာဆန်းစစ်သူများက ယုံကြည်နေသည့် ဂိုဏ်းကြီးကို ထိန်းချုပ်ထားခဲ့သူ ဖြစ်သည်။

မြန်မာစစ်အစိုးရနှင့် နားလည်မှုရပြီးနောက် လော်စစ်ဟန်သည် ရန်ကုန်မြို့သို့ ပြောင်းရွှေ့သွားခဲ့ကာ သူရရှိထားခဲ့သော မူးယစ်ဆေးဝါးလုပ်ငန်းမှ အမြတ်ငွေများဖြင့် အခြားစီးပွားရေး နယ်ပယ်များကို ချဲ့ထွင်လုပ် ကိုင်ခဲ့သည်။ ထိုလုပ်ငန်းများကို အမေရိကန်အစိုးရက ဒဏ်ခတ်ပိတ်ဆို့ထားပြီး လော်စစ်ဟန် ဥက္ကဋ္ဌအဖြစ် ဆောင်ရွက်နေသည့် မိသားစုပိုင် အေးရှားဝေါလ်ဒ် ကုမ္ပဏီ၏ ဆိပ်ကမ်းလုပ်ငန်းများလည်း ပါဝင်သည်။

စတီဗင်လောသည် အေးရှားဝေါလ်ဒ် ကုမ္ပဏီ၏ မန်နေဂျင်း ဒါရိုက်တာဖြစ်ပြီး မြန်မာပြည်၏ အကြီးမားဆုံး ကုမ္ပဏီစုကြီးတခုကို အဓိကမောင်းနှင် လည်ပတ်နေသူ တဦးဖြစ်သည်ဟုလည်း ယုံကြည် ယူဆရသူ ဖြစ်သည်။ မြန်မာနိုင်ငံ၏အကြီးမားဆုံး ရေနက်ဆိပ်ကမ်းတခုကို လည်ပတ် လုပ်ကိုင်နေသည့်အပြင် စီးပွားရေးအရအကျိုးအမြတ်များလှသည့် အဝေးပြေးလမ်းမကြီး လမ်းအသုံးပြုခ ကောက်ခံရေး လုပ်ငန်းများ၊ ဟိုတယ်လုပ်ငန်းများနှင့် ရန်ကုန်ကုန်သည်ကြီးများ ဟိုတယ် တည်ဆောက်ခြင်း အပါအဝင် ရန်ကုန်လေဆိပ် ပြုပြင်မွမ်းမံခြင်းကဲ့သို့ တည်ဆောက်ရေး လုပ်ငန်းကြီး အများအပြားကိုလည်း လုပ်ကိုင်ခဲ့သည်။

အမေရိကန် ဘဏ္ဍာရေးဌာနက ၂ဝဝ၈ ခုနှစ် ဖေဖော်ဝါရီလက ထုတ်ပြန်ခဲ့သော ကြေငြာချက်အရ `စတီဗင်လောနှင့် လော်ရှင်းဟန် တို့သည် မြန်မာနိုင်ငံစစ်အစိုးရကို ထောက်ခံအားပေးခဲ့ သည်သာမက တရားမဝင် လုပ်ငန်းများတွင်လည်း ပါဝင်ပတ်သက်ခဲ့သည့် ရာဇဝင်မှတ်တမ်းရှိသည်´ ဟု ဆိုသည်။

`ဘိန်းဖြူလုပ်ငန်း၏ ခေါင်းကိုင်ဖခင်ကြီး´ သိရှိကြသော လော်ရှင်းဟန် သည် ၁၉၇ဝ စုနှစ်များ အစောပိုင်းတွင် ကမ္ဘာ့အဓိက ဘိန်းဖြူရာဇာကြီးများအနက် တဦး ဖြစ်သည်။ စတီဗင်လောသည် သူ့ဖခင်၏ မူးယစ်ဆေးဝါး အင်ပါယာတွင် ၁၉၉ဝ စုနှစ်များအတွင်းက ပါဝင်လာခဲ့ပြီး မြန်မာနိုင်ငံ၏ အချမ်းသာဆုံး ပုဂ္ဂိုလ်များအနက် တဦးဖြစ်လာခဲ့သည်´ ဟု ဘဏ္ဍာရေးဌာန၏ ထုတ်ပြန် ကြေညာချက်တွင် ရေးသားထားသည်။

ဒဏ်ငွေ အကန့်အသတ်သာ ချမှတ်မည်ဟု ထရန်စ်အိုးရှင်းက ခန့်မှန်း

မြန်မာနိုင်ငံရှိ လုပ်ငန်းများနှင့် အီရန်တွင်ရှိသော အလားတူလုပ်ငန်းများနှင့် စပ်လျဉ်း၍ OFAC ၏ စုံစမ်းစစ်ဆေးမှုများနှင့် ပတ်သက်၍ ထရန်စ်အိုးရှင်းက သူ SEC သို့တင်ပြသောပုံစံတွင် `ငွေကြေးစီးဆင်းမှုများ၊ လုပ်ငန်း အကျိုးအမြတ်များ တို့ကို ဖော်ပြထားသော ကျွန်ုပ်တို့၏တစုတစည်း တည်းသော ဘဏ္ဍာရေး အခြေအနေ ကြေညာလွှာအပေါ် စုံစမ်းစစ်ဆေးမှုများမှ တာဝန်ရှိသည်ဟု တွေ့ရှိခဲ့လျှင်ပင် ကြီးမားသော ထိခိုက်နိုင်လောက်သည့် အကျိုးသက်ရောက်မှုများ မရှိနိုင်ဟု ၎င်း၊ ပေးရန်တာဝန်များ ပေါ်ပေါက်မည် မဟုတ်ဟု၎င်း ထင်မြင်ယူဆပါသည်´ ဟု ရေးသားထားသည်။

မြန်မာနိုင်ငံအပေါ် ချမှတ်ထားသော ပိတ်ဆို့ဒဏ်ခတ်မှုများနှင့် လောမိသားစု မူးယစ်ဂိုဏ်းအပေါ် ချမှတ်ထားသော ဒဏ်ခတ်မှုများကို ဖောက်ဖျက်ခဲ့ဖွယ် ရှိသည့်အတွက် ထရန်စ်အိုးရှင်း ကုမ္ပဏီကို ထိုက်ထိုက်တန်တန် အပြစ်ပေးလိမ့်မည်ဟု မျှော်လင့်ကြောင်း ဦးဝမ်းအောင်က ပြောသည်။

`ထရန်စ်အိုးရှင်းက ဒီအန္တရာယ်က မရမက ရုန်းထွက်မှာဘဲဆိုတာတော့ ကျနော်သေချာပေါက် ပြောရဲတယ်။ ဒါပေမဲ့ လက်ကောက်ဝတ်လေးကို တချက်လောက် ရိုက်တာ မဟုတ်ဘဲ မြန်မာစစ်အစိုးရနဲ့ အာရှတိုက်ရဲ့ နာမည်အပျက်ဆုံး မူးယစ်ဆေး မှောင်ခိုမှုကရတဲ့ ငွေမည်းခဝါချသူ မိသားစုတွေနဲ့ ပူးပေါင်းပြီး စီးပွားရေးလုပ်တဲ့ နိုင်ငံစုံ ကော်ပိုရေးရှင်းကြီးတွေကို အသေအချာ သတိပေးနိုင်လောက်တဲ့ ပြင်းထန် အဓိပ္ပာယ်ပြည့်ဝတဲ့ ပြစ်ဒဏ်မျိုး ချမှတ်လိမ့်မယ်လို့မျှော်လင့်ပါတယ်´ ဟု သူက မဇ္ဈိမ ကိုပြောသည်။

`ထရန်စ်အိုးရှင်းကုမ္ပဏီကို စုံစမ်းစစ်ဆေးမှုတွေပြုလုပ်တာဟာ မြန်မာနိုင်ငံမှာ ဘယ်ကုမ္ပဏီ တွေဝင်ရောက်လုပ်ကိုင်နေကြတယ်ဆိုတာကို အသေအချာစောင့်ကြည့်လေ့လာဘို့ အမေရိကန်အစိုးရကို သတိပေးလိုက်သလိုဖြစ်သွားစေသင့်တယ်။ သူတို့ရဲ့ ပင်လယ်ရပ်ခြားစီးပွားရေး လုပ်ငန်းတွေ ဆောင်ရွက်ရာမှာ ပိုပြီးပွင့်လင်းမြင်သာအောင်လုပ်ဘို့ ဘဏ္ဍာရေးဌာနနဲ့ SEC နှစ် ခုစလုံးက နိုင်ငံစုံ ကော်ပိုရေးရှင်းကြီးတွေကိုဖိအားပေးသင့်တယ်။ နိုင်ငံခြားကုမ္ပဏီခွဲတွေနဲ့ လျှို့ ဝှက်စာချုပ်တွေကိုသုံးပြီး အနောက်နိုင်ငံကုမ္ပဏီကြီးတွေက ဒဏ်ခတ်အရေးယူမှုကို မသိကျိုး ကျင်ပြုတာကို မကြာခဏ ခွင့်ပြုထားကြတယ်။ မြန်မာနိုင်ငံမှာ ဒီကုမ္ပဏီကြီးတွေ တကယ်တမ်း ဘာလုပ်နေတယ်ဆိုတာကို သူတို့ရဲ့ အစုရှယ်ယာရှင်အဖွဲ့အစည်းကြီးတွေက မသိကြဘူး´ ဟု သူက ပြောသည်။

ဤသတင်းဆောင်းပါးရေးသားပြီးချိန်တွင် မဇ္ဈိမ က ထရန်စ်အိုးရှင်းကို၎င်း၊ OFAC ကို၎င်း၊ ဆက်သွယ်ခဲ့ရာ ဆက်သွယ်၍မရခဲ့ပါ။

ရေနံတူး ကုမ္ပဏီ၏ မရေမရာ ငြင်းဆိုချက်ကို စိန်ခေါ်ခြင်း

နယူးရောက်တိုင်းသတင်းစာက ဂျူလိုင်လ ၇ ရက်နေ့က ရေးသားဖော်ပြရာတွင် သူတို့နှင့် CNOCC တို့ချုပ်ဆိုသောစာချုပ်တွင် စတီဗင်လောနှင့် သူ့ဖခင်တို့၏နာမည်ကို ဖော်ပြထားခြင်း မရှိသည့်အတွက် အမေရိကန်က မြန်မာနိုင်ငံအပေါ် ချမှတ်ထားသော ဒဏ်ခတ်ပိတ်ဆို့မှုများကို ဖောက်ဖျက်ခြင်း မရှိခဲ့ကြောင်းဖြင့် ထရန်စ်အိုးရှင်းက သတင်းစာတိုက်သို့ ပေးပို့သော စာတွင်ရေးသားထားကြောင်း ဖော်ပြသည်။

သို့သော် စတီဗင်လော၏ဇနီး Ng Sor Hong နှင့် သူဦးဆောင်နေသည့် China Focus ကုမ္ပဏီ အမည်ကို ထရန်စ်အိုးရှင်းနှင့် ချုပ်ဆိုသောစာချုပ်တွင် ရေးသားဖော်ပြထားခြင်း ရှိမရှိကို အဆိုပါ စာတွင် ငြင်းဆိုခြင်း အတည်ပြုခြင်းမရှိပါ။

ထရန်စ်အိုးရှင်း၏ အဆိုပါစာသည် လိမ်လည် လှည့်စားထားကြောင်း အခွင့်အရေး လှုပ်ရှားသူ ဦးဝမ်းအောင်က ပြောသည်။ `နယူးရောက်တိုင်း သတင်းစာမှာ ရေးထားတာ CNOCC နဲ့ချုပ်တဲ့ မြန်မာနိုင်ငံဆိုင်ရာ စာချုပ်မှာ စတီဗင်လောနဲ့ သူ့အဖေနာမည်တို့ မပါဘူးလို့ဘဲ ထရန်စ်အိုးရှင်း ကငြင်းတဲ့အကြောင်း ရေးထားတာ။ ဒီစာချုပ်မှာ လောရဲ့ဇနီး Ng Sor Hong နဲ့ မြန်မာနိုင်ငံက ဓာတ်ငွေ့ လုပ်ကွက်ကိုလုပ်ကိုင်ရာမှာ CNOCC နဲ့အတူပူးတွဲပိုင်ဆိုင်လုပ်ကိုင်ခွင့်ရှိတဲ့ သူ့ ကုမ္ပဏီနာမည်တို့ ပါမပါကိုတော့ ဖော်ပြမထားဘူး´ ဟု သူကပြောသည်။

`ရေနံတွင်းတူးတဲ့နေရာက ဓာတ်ငွေ့ထုတ်လုပ်ခွင့်ကို ဘယ်သူတွေအတူပူးတွဲပိုင်ဆိုင်တာ စာ ချုပ်မှာ ဖော်ပြထားတာမရှိဘူးဆိုတာ လုံးဝဖြစ်နိုင်ခြေမရှိပါဘူး။ ဒီစာချုပ်မှာပါတဲ့ စာသား အတိ အကျကိုထုတ်ဖော်ပြောဆိုဘို့ အမေရိကန်နဲ့ ဆွစ်ဇာလန်အစိုးရတို့က ထရန်စ်အိုးရှင်းကိုဖိအား ပေးသင့်ပါတယ်´ ဟု ဦးဝမ်းအောင် ကပြောသည်။

နယူးရောက်တိုင်းသတင်းစာသို့ ကုမ္ပဏီကပေးပို့သော စာတွင် နားလည်ရခက်သော အချက်တခုလည်းပါသည်။ `အမေရိကန်၏ဒဏ်ခတ်အရေးယူထားမှုကို လိုက်နာရန်တာဝန်ရှိသည့် မည့်သည့် ထရန်စ်အိုးရှင်းကုမ္ပဏီခွဲမျှ မြန်မာနိုင်ငံတွင် လုပ်ငန်းလုပ်ကိုင်နေခြင်းမရှိပါ´ ဟုရေးသားထားသည်။ ယခင်က အမေရိကန်နိုင်ငံတွင်အခြေစိုက်သော ထရန်စ်အိုးရှင်းသည် ယခုအခါ ကုန်းတွင်းပိတ်နိုင်ငံဖြစ်သော ဆွစ်ဇာလန်နိုင်ငံတွင် ဌာနချုပ်ပြုလုပ်ထားသည်။

(အဆိုပါ ဌာနချုပ်တွင် ဝန်ထမ်း ၁၂ ဦးသာရှိသည်။) ထို့ပြင် Actinia ရေနံတွင်းတူးစင်ကို လည်း ပနားမားနိုင်ငံတွင်မှတ်ပုံတင်ထားပြီး သူတို့အနေဖြင့် အမေရိကန်၏ပိတ်ဆို့အရေးယူမှု ကိုလိုက်နာရန်မလိုဟု ငြင်းဆိုလိုပုံရသည်။ သို့သော် OFAC ကစုံစမ်းစစ်ဆေးမှုများပြုလုပ်လိုက်ခြင်းက အမေရိကန်အစိုးရအနေဖြင့် ထိုသို့စဉ်းစားသုံးသပ်ခြင်းမရှိကြောင်း ပြသနေသည်။

မြန်မာနှင့်အီရန်တို့အပေါ်ချမှတ်ထားသည့် အမေရိကန်၏ ပိတ်ဆို့ဒဏ်ခတ်မှုကို ဖောက်ဖျက်သည့် အတွက် အခြားဆွစ်ဇာလန်ကုမ္ပဏီတခု ဒဏ်တပ်ခံရခြင်း

အီရန်၊ မြန်မာ၊ လစ်ဗျား၊ ဆူဒန်၊ ကျူးဘား နှင့် ယခင်ချားလ်စ်တေလာ၏လိုင်ဘေးရီးယား အစိုးရဟောင်းတို့အပေါ် ချမှတ်ထားသည့် အမေရိကန် နိုင်ငံ၏ဘဏ္ဍာရေး ဒဏ်ခတ်ပိတ်ဆို့မှုကို ဖောက်ဖျက်ခဲ့သည်ဟု OFAC ရုံးမှ ပိတ်ဆို့အရေးယူမှုကို အကောင်အထည်ဖော်သူများက ဆုံးဖြတ်ခဲ့သည့်အတွက် အမေရိကန်နိုင်ငံတွင် အတော်အတန် ကြီးမားသောလုပ်ငန်းပမာဏ ရှိသည့် အဓိကဆွစ်ဇာလန်ဘဏ်ကြီးတခုဖြစ်သော Credit Suisse သည် မကြုံဖူးလောက် အောင်များပြားသည့် ဒဏ်ငွေဖြစ်သော အမေရိကန်ဒေါ်လာ ၅၃၆ သန်းကိုပေးပါမည်ဟု လွန်ခဲ့ သောဒီဇင်ဘာလက သဘောတူခဲ့ရသည်။

ထိုသို့သဘောတူညီချက်ရရှိကြောင်းကြေငြာရာ တွင် အမေရိကန်ရှေ့နေချုပ် အဲရစ်ဟိုလ်ဒါ (Eric Holder) က ဒဏ်ခတ်ပိတ်ဆို့အရေးယူခံ ထားရသော နိုင်ငံများကို `အဆိုပါလူဆိုးနိုင်ငံများ အမေရိကန် ဒေါ်လာ ရရှိစေရေးအတွက် စီးပွား ရေးလုပ်ငန်းပုံစံတခုကို အသုံးပြုကာ´ ဒဏ်ခတ်မှုများကျော်လွှားနိုင်ရေးအတွက် တရားမဝင် လုပ်ကိုင်ဆောင်ရွက်ပေးခဲ့သည်´ ဟု ပြောဆိုခဲ့သည်။

အဆိုပါဖောက်ဖျက်မှုအများစုကို Credit Suisse ကကျူးလွန်ရာတွင် အီရန်နိုင်ငံနှင့်လုပ်ဆောင် သောစီးပွားရေးလုပ်ငန်းများတွင်သာ ကျူးလွန်ဖောက်ဖျက်ခဲ့ခြင်းဖြစ်သည်ဟု အမေရိကန်အစိုး ရ စုံစမ်းစစ်ဆေးသူများက ပြောဆိုသော်လည်း မြန်မာနိုင်ငံသို့လည်း အလားတူ ငွေများ တရား မဝင် အကြိမ် ၃ဝ မျှ ပို့ပေးခဲ့ကြောင်းဖြင့် ဘဏ်က အစိုးရနှင့်ညှိနှိုင်းသဘောတူညီချက်တွင် ဖော်ထုတ်ဝန်ခံထားသည်။

လွန်ခဲ့သော အနှစ် ၂ဝ ကျော်အတွင်း ဒဏ်ခတ်ပိတ်ဆို့ခံထားရ သောနိုင်ငံများသို့ ရံပုံငွေစုစုပေါင်း အမေရိကန်ဒေါ်လာ ၁.၆ ဘီလျံမျှ တရားမဝင်ပို့ပေးခဲ့သည် ဟုလည်း Credit Suisse ဘဏ်ကြီးက ဝန်ခံထားသည်။
http://www.mizzimaburmese.com/news/regional/5876-transocean----.html

ကြံ့ဖွံ့က အတင်းအကျပ် စည်းရုံးသော်လည်း ထင်သလောက် မပေါက်


တာမွေသား Tuesday, August 17, 2010 မြန်မာပြည်မှပေးစာ

ရန်ကုန်တိုင်း၊ တာမွေ မြို့နယ်တွင် စစ်အစိုးရက ကျောထောက် နောက်ခံ ပြုထားသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) က ရပ်ကွက်များ အတွင်း လမ်းများ ခင်းပေးမည်၊ ရေပိုက်လိုင်းများ သွယ်တန်းပေးမည်၊ ကျူးကျော် အ်ိမ်များ မဖျက်သိမ်းပါဟုဆိုကာ ပါတီဝင်အရေအတွက် တိုးပွားရေးနှင့် ပါတီဝင်အင်အား ရရှိရေးအတွက် ဆောင်ရွက်နေပါသည်။

အမှန်တွင် လမ်းခင်းပေးခြင်း၊ ရေပိုက်လမ်းများ သွယ်တန်းပေးခြင်းစသော လုပ်ငန်းများမှာ ကြံ့ဖွံ့ပါတီက အမည်ခံခြင်းဖြစ်ပြီး မြို့တော်စည်ပင်သာယာရေး ကော်မတီက တာဝန်ယူ ဆောင်ရွက်ပေးရခြင်းဖြစ်ကြောင်း၊ ရန်ကုန်မြို့တော်ဝန်က စည်ပင် သာယာမှ ကောက်ခံရရှိသောငွေများကို ကြံ့ဖွံ့အမည်ခံ၍ လမ်းခင်းခြင်း၊ အဝီစိတွင်းများ တူးပေးခြင်း၊ အခမဲ့ဆေးခန်းများ ဖွင့်ပေးခြင်းတို့ကို လုပ်ဆောင်နေခြင်းဖြစ်ကြောင်း မြို့တော်ဝန်နှင့် နီးစပ်သူ တာမွေအုပ်ချုပ်ရေးမှူးရုံးမှ တာဝန်ရှိသူတဦးက ပြောကြားသည်။

မိမိတို့မြို့နယ်ရှိ ရပ်ကွက်အသီးသီးတွင် ရပ်ကွက် (ရယက) အာဏာပိုင်များနှင့် ကြံ့ဖွံ့စည်းရုံးရေးမှူးများ ပူးပေါင်း၍ ပါတီဝင် အင်အားများ ရရှိရေးအတွက် တအိမ်တက်ဆင်း ပါတီဝင်လျှောက်လွှာများတွင် လက်မှတ်များ ရေးထိုးစေခြင်း၊ ဓာတ်ပုံများ ရိုက်ယူခြင်းဖြင့် ပါတီဝင် အင်အားတိုးပွားစေရန် အတင်းအဓမ္မ လုပ်ဆောင် စုဆောင်းနေသည်။

ထိုသို့ လုပ်ဆောင်ပေးရန် မြို့နယ် ကြံ့ဖွံ့အတွင်းရေးမှူးမှ တာဝန်ပေးထားကြောင်း၊ တရပ်ကွက် ပါတီဝင် အင်အား ၅၀၀ ကို မဖြစ်မနေ စုဆောင်းပေးပို့ရန်၊ ရယက ရုံးများတွင် ရုံးထိုင်၍ ရယက နှင့် ကြံ့ဖွံ့ ပူးပေါင်းလုပ်ဆောင်ပေးရန် မှာကြားထားကြောင်း ရယက ဥက္ကဋ္ဌနှင့် စည်းရုံးရေးမှူးတာဝန်များ ပူးတွဲရယူထားသူ တဦးက ပြောသည်။

ရပ်ကွက်စည်းရုံးရေး ဆင်းသူများကလည်း ကြံ့ဖွံ့ပါတီအနိုင်ရရေး ဆောင်ရွက်ပေးကြရန် ဆွေးနွေးမှာကြားနေပါသည်။ မယက အစည်းဝေးတွင် ဥက္ကဋ္ဌက ရပ်ကွက် ရယက ဥက္ကဋ္ဌများအား မည်သည့်ပါတီမှ မဝင်ကြရန်၊ မကူညီကြရန် မှာကြားထားသော် လည်း မြို့နယ် ကြံ့ဖွံ့အတွင်းရေးမှူးမှ အတင်းကြပ် ခိုင်းနေသည့်အတွက် စိတ်ပျက်မိကြောင်း၊ ကြံ့ဖွံ့ပါတီကို ကူညီပါက တခြား ပါတီများမှ အကူအညီ တောင်းလာနိုင်ကြောင်း၊ ထင်သလောက် ပါတီဝင်အင်အားလည်း မရကြောင်း၊ ရပ်ကွက်ပြည်သူများ လည်း ပါတီမဝင်ကြ၍ ပါတီစည်းရုံးရေးမှူးများလည်း အခက်တွေ့နေကြကြောင်း အဆိုပါဥက္ကဋ္ဌက ဆက်လက်ပြောပြသည်။

တာမွေမြို့နယ်တွင် ပါတီဝင်အင်အား ၅၀၀၀ ခန့် ရရှိပြီးဖြစ်သည်ဟု စုံစမ်းသိရှိရသည်။ ကြံ့ဖွံ့ပါတီ ရန်ကုန်တိုင်း တာဝန်ခံအဖြစ် မြို့တော်ဝန် ဦးအောင်သိန်းလင်းက တာဝန်ယူဆောင်ရွက်နေသည်ဟု သိရသည်။
http://www.irrawaddy.org/bur/index.php/special/letter-from-burma/3848-2010-08-17-09-24-23

ရှင်သန်နေမယ့် ၈.၈.၈၈ စိတ်ဓာတ်

၂၂ နှစ် ကြာခဲ့ပေမယ့် ၈.၈.၈၈ သမိုင်းဝင်နေ့ရဲ့ အမှတ်တရနဲ့ ဝိညာဉ်တွေက ကျမရဲ့ နှလုံးသားထဲမှာရော ပြည်တွင်း ပြည်ပမှာ ရှိနေကြတဲ့ မြန်မာ့အရေး လှုပ်ရှားသူတွေရဲ့ အသည်းနှလုံး ထဲမှာပါ သက်ဝင်ရှင်သန်နေဆဲပါ။

မြန်မာ့သမိုင်းမှာ အထင်အရှားဆုံး လူထုဆန္ဒပြပွဲကြီးတခု ဖြစ်လာလိမ့်မယ်ဆိုတဲ့ မျှော်လင့်ချက်နဲ့ ကျမတို့တတွေ စိတ်လှုပ်ရှားခဲ့ကြတာကို အခုထိ အမှတ်ရနေဆဲပါ။

အထက်တန်းကျောင်းသားတွေ၊ လယ်သမား၊ အစိုးရ၀န်ထမ်း၊ အလုပ်သမား၊ အမျိုးသား၊ အမျိုးသမီးပါမကျန် လူထု လူတန်းစား အလွှာစုံကို မြေအောက်စည်းရုံးရေး လုပ်ငန်းတွေကတဆင့် စုစည်းနိုင်ဖို့ ကျမတို့တတွေ စီစဉ်ခဲ့ကြပါတယ်။ ကျမတို့မှာ ကိုယ်ပိုင်ခံယူချက်၊ တရားမျှတမှုနဲ့ အမှန်တရားကို မရရအောင် ဖေါ်ထုတ်မယ်ဆိုတဲ့ သန္နိဋ္ဌာန်ကလွဲလို့ ဘာမှမရှိခဲ့ပါဘူး။ ကွန်ပျူတာ၊ အင်တာနက်၊ မိုဘိုင်းဖုန်းဆိုတာ ဝေလာဝေးပေါ့။

ကံတရားရဲ့ မျက်နှာသာပေးမှုကြောင့်လို့ပဲ ဆိုရမှာပါ။ ဘီဘီစီ သတင်းထောက် ခရစ္စတိုဖာ ဂန်းနက်စ်နဲ့ တွေ့ဆုံ မေးမြန်းခန်းတခု လုပ်ခွင့်ရလိုက်တဲ့အတွက် သြဂုတ်လ ၈ ရက်နေ့မှာ အထွေထွေသပိတ် ဆင်နွှဲမယ့်အကြောင်း မြန်မာတပြည်လုံးမှာရှိတဲ့ ပြည်သူတွေကို ကျမတို့ အသိပေးနိုင်ခဲ့ပါတယ်။

အထွေထွေသပိတ်ကြီးဆီ ဦးတည်ခဲ့တဲ့ ဖြစ်ရပ်ကတော့ မတ်လ ၁၃ ရက်နေ့ ရန်ကုန် စက်မှု တက္ကသိုလ် (အာအိုင်တီ) ကျောင်းသား ကိုဖုန်းမော် ကျဆုံးမှုပါပဲ။ အဲဒီနေ့က အာအိုင်တီ ဆန္ဒပြပွဲမှာ ကိုဖုန်းမော်လည်း ပါဝင်ခဲ့ပါတယ်။ လုံထိန်းရဲတွေက ဆန္ဒပြပွဲကို စီးနင်းဖြိုခွဲပြီး မည်းမည်းမြင်သမျှ သေနတ်နဲ့ ပစ်တာမို့ ကိုဖုန်းမော် ကျဆုံးခဲ့ရတာပါ။ အာဏာပိုင်တွေက ကိုဖုန်းမော်ရဲ့ မိဘတွေကို သူတို့သား ဘာကြောင့် သေရတယ်ဆိုတာနဲ့ ပတ်သက်ပြီး အမှန်အတိုင်း ပြောခွင့် မပေးခဲ့ပါဘူး။ သားဆုံးရှုံးရလို့ ကြေကွဲဝမ်းနည်းနေတဲ့ မိဘနှစ်ပါးဟာ သူတို့သားရဲ့ ဈာပနတောင် ချခွင့်မရရှာခဲ့ပါဘူး။

ကျမတို့ အားလုံး ဒေါသအကြီးအကျယ် ထွက်ခဲ့ကြပြီး အာဏာပိုင်တွေကို သူတို့လုပ်ရပ်နဲ့ ပတ်သက်လို့ အမှန်အတိုင်း ဖော်ထုတ်ပေးဖို့ တောင်းဆိုခဲ့ကြပါတယ်။ ယိုယွင်းပျက်စီးနေတဲ့ စီးပွားရေးအခြေအနေကြောင့် နိုင်ငံအနှံ့ ဒုက္ခရောက်နေကြတဲ့ ပြည်သူလူထုကလည်း ကျောင်းသားတွေလှုပ်ရှားမှုရဲ့ အားမာန်နဲ့အတူ အဲဒီအချိန်မှာ အပြောင်းအလဲအတွက် တောင်းဆိုလှုပ်ရှားဖို့ အဆင်သင့် ဖြစ်နေကြပါပြီ။

သြဂုတ်လ ၇ ရက်နေ့ ၈.၈.၈၈ ဆန္ဒပြပွဲကြီးအတွက် အပြီးသတ်ပြင်ဆင်မှု အစည်းအဝေးအပြီးမှာ လွတ်လပ်မှုနဲ့ အပြောင်းအလဲအတွက် စုပေါင်းညီညာစွာ လမ်းမပေါ်ထွက် ဆန္ဒပြကြမယ့် ပြည်သူလူထုကြီးရယ်၊ လူထုဆန္ဒပြပွဲကြီး အကြောင်းရယ် စိတ်ကူးထဲမှာ ပုံဖော်ရင်း ကျမအိမ်ပြန်ခဲ့ပါတယ်။

အိမ်ထဲကို ကျမ၀င်လိုက်တယ်ဆိုရင်ပဲ မေမေ့ရဲ့ ငိုကြွေးသံကို ကြားရပါတယ်။ ပြီးတော့ စိုးရိမ်စိတ်နဲ့ ဗျာများနေတဲ့ အစ်မနှစ်ယောက်နဲ့ အစ်ကိုတို့ ကျမကို စောင့်နေတာ တွေ့လိုက်ရပါတယ်။

ကျောင်းသားတွေ ရက်ရက်စက်စက် အရိုက်ခံ၊ အဖမ်းခံခဲ့ရတဲ့ မတ်လ ၁၆ ရက်နေ့ တံတားနီအရေးအခင်းမှာ ပထမဦးဆုံးအကြိမ် ကျမ ပါခဲ့ကတည်းက ကျမရဲ့ လုံခြုံရေးကို မိသားစုက စိုးရိမ်ပြီး နိုင်ငံရေးထဲ ကျမ ပါနေတာကို သဘောမကျခဲ့ပါဘူး။

ဒီလိုနဲ့ ၈.၈.၈၈ ဆန္ဒပြပွဲမဖြစ်ခင် တရက်အလိုမှာ ကျမ မိသားစုက နိုင်ငံရေးထဲမပါဖို့ ကျမကို ဟန့်တားပါတော့တယ်။ မေမေ့ စိုးရိမ်ချက်ကို စဉ်းစားပြီး ဆန္ဒပြပွဲမှာ မပါဖို့ မိသားစုက ကျမကို ပြောလာပါတယ်။ လမ်းမပေါ်မှာ ကျမ သေနတ်နဲ့ အပစ်ခံရမလား၊ အသက်ဆုံးရှုံးသွားမလားဆိုတဲ့ စိုးရိမ်စိတ်နဲ့ မေမေသေမှာကို မြင်ချင်သလားလို့လည်း ကျမကို မေးခဲ့ပါတယ်။ မေမေ စိတ်မပူရအောင် လိမ်ညာပြောပြီး မနက်မိုးလင်းမှ ခိုးထွက်သွားဖို့လည်း ကျမ အစ်မတွေက ကျမကို ပြောခဲ့ပါသေးတယ်။ ဒါပေမယ့် အမိနိုင်ငံမှာ တရားမျှတမှုရှိဖို့နဲ့ အပြောင်းအလဲတွေဖြစ်ဖို့ ကျမ မှန်ကန်တဲ့ လုပ်ရပ်ကို လုပ်နေမှန်း ကျမသိနေတယ်လေ။ ဒါကြောင့်လည်း ကျမရဲ့ တန်ဖိုးထားမှုကို သေးသိမ်သွားစေမယ့် လုပ်ရပ်မျိုးတွေကို လုပ်ဖို့နဲ့ မိသားစုကို လိမ်ပြောဖို့ ကျမ ငြင်းဆန်ခဲ့ပါတယ်။

ဒါပေမယ့် မိသားစု ဆန္ဒအတိုင်း မလိုက်နိုင်ဘူးလို့ ကျမ ပြောလိုက်ပြီး မကြာခင်မှာပဲ အစ်ကြိုဖစ်သူရဲ့ ရုတ်တရက် ဖြေရှင်းတာကို ခံလိုက်ရပါတယ်။ ကျမ အစ်ကိုက ကြင်နာတတ်တဲ့ အစ်ကိုပါ။ ဒါပေမယ့် မောင်ရင်းနှမစိတ်ကြောင့် ကျမအပေါ် အစိုးရိမ်ကဲခဲ့ပါတယ်။ ဆန္ဒပြပွဲမှာ ကျမပါမှာစိုးတဲ့အတွက် ကျမကို ရိုက်ပါတယ်။ ပြီးတော့ သူ့ကားပေါ်ကို ဆွဲတင်သွားပြီး ရန်ကုန်မြို့လယ်က သူ့တိုက်ခန်းကို ခေါ်သွားပါတယ်။ သူ့တိုက်ခန်းက ဆန္ဒပြပွဲတွေအားလုံးရဲ့ အဓိကဆုံချက်ဖြစ်တဲ့ ဆူးလေဘုရားရယ်၊ မြို့တော်ခန်းမရယ်နဲ့ဆိုရင် နှစ်လမ်းပဲ ခြားပါတယ်။

အဲဒီညက ကျမ အိပ်လို့မပျော်ခဲ့ပါဘူး။ သမိုင်းဝင်ဖြစ်ရပ်တခုမှာ ကျမ မပါဝင်လိုက်နိုင်တော့တဲ့အတွက် ကျမရင်ထဲမှာ စိတ်ပျက်မှုတွေ၊ နောင်တတွေနဲ့သာ ပြည့်နှက်နေပါတော့တယ်။ အဲဒီသမိုင်းဝင် ဖြစ်ရပ်ကြီးဖြစ်လာစေဖို့ ကျမရဲ့ ၈၈ မောင်နှစ်မတွေဖြစ်ကြတဲ့ ကိုမင်းဇေယျာ၊ ကိုဌေးကြွယ်၊ ကိုအံ့ဘွယ်ကျော်၊ ကိုလှမျိုးနောင်တို့နဲ့အတူ ကျမလည်း တတပ်တအား စည်းရုံးလှုပ်ရှားခဲ့တာကိုး။ သူတို့တွေအားလုံးကတော့ ၁၉၈၈ နောက်ပိုင်းမှာ ထောင်ချခံခဲ့ရပါတယ်။ ထောင်က ထွက်လာတော့လည်း ၈.၈.၈၈ စိတ်ဓာတ်ကို ကိုင်စွဲပြီး အမျိုးသားပြန်လည် သင့်မြတ်ရေး၊ ဒီမိုကရေစီရေးတွေ အတွက် စဉ်ဆက်မပြတ် အားထုတ်ခဲ့ကြတာမို့ ရွှေဝါရောင် တော်လှန်ရေးအပြီး ဒုတိယအကြိမ် ပြန်အဖမ်းခံရစဉ်မှာ သူတို့အားလုံး ထောင်ဒဏ် ၆၅ နှစ် ချမှတ်ခံခဲ့ရပါတယ်။

နောက်ဆုံးတော့ ၈.၈.၈၈ နေ့ မနက်ခင်းကို ရောက်လာခဲ့ပါပြီ။ အစ်ကို့ တိုက်ခန်းဝရန်တာကနေ ကျမ အောက်ကို ကြည့်နေရင်းက စိတ်ထဲမှာ ချီတုံချတုံ ဖြစ်လာခဲ့ပါတယ်။ ပြည်သူတွေက ကျမတို့ တောင်းဆိုထားတဲ့ အထွေထွေ သပိတ်ကြီးကို ထောက်ခံကြမှာလား၊ ပြည်သူလူထုကြီးက လမ်းပေါ်ထွက်လာပြီး အာဏာရှင်ကို ဆန့်ကျင်ကန့်ကွက် ဆန္ဒပြကြမှာလား။

မနက် ၉ နာရီအထိ လမ်းတွေပေါ်မှာ ငြိမ်သက်ဆဲပါပဲ။ ဒီလိုနဲ့ မနက် ၁၀ နာရီခန့်ကစလို့ လမ်းမပေါ်တွေမှာ လူတွေ ဟိုတစ ဒီတစ စတင်စုစည်းလာတာကို ကျမ တွေ့ခဲ့ရပါတယ်။ အဲဒီနေ့တနေ့လုံး လူထုဆန္ဒပြပွဲကြီး တစစ ကြီးမားလာတာကို ကျမစောင့်ကြည့်နေခဲ့ပါတယ်။ အစုအဖွဲ့ငယ်လေးတွေကနေ အုပ်စုတွေဖြစ်၊ အုပ်စုတွေကတဆင့် လူလှိုင်းကြီး ဖြစ်လာတာပေါ့။

ဆန္ဒပြသူတွေရဲ့ မျက်နှာပေါ်မှာ မျှော်လင့်ချက်တွေ၊ ကြောက်ရွံ့စိုးရိမ်မှုတွေက အထင်းသားပါ။ မမြင်နိုင်တဲ့အရာအတွက် ကြောက်ရွံ့မှုတွေ၊ ဖြိုခွင်းခံရမယ့် အရေးအပေါ် စိုးရိမ်ချက်တွေက လွတ်လပ်မှုကို လိုလားတဲ့ အာသီသတွေနဲ့ ရောထွေး နေခဲ့ကြပါတယ်။ လမ်းမတွေက ဆိုင်းဘုတ်နဲ့ တိုက်ပွဲဝင် ခွပ်ဒေါင်းအလံတွေကို ဆုပ်ကိုင်ဝှေ့ယမ်းရင်း “တပါတီစနစ် ကျဆုံးပါစေ”၊ “စစ်အာဏာရှင်စနစ် ကျဆုံးပါစေ” ဆိုတဲ့ ကြွေးကြော်သံကို ခွန်အားအပြည့်နဲ့ တသံတည်း ဟစ်ကြွေး တောင်းဆိုကြတဲ့ လူလှိုင်းတွေနဲ့ ပြည့်နှက်သွားပါတော့တယ်။ အဲဒီမြင်ကွင်းကို ပြန်ပြောင်းအမှတ်ရတိုင်း ကျမ ကြက်သီးတဖြန်းဖြန်း ထဆဲပါ။

ညနေစောင်းရောက်တဲ့အခါ ဆန္ဒပြသူတွေက ကြွေးကြော်သံတွေကို ဆက်လက်ကြွေးကြော်ရင်း မြို့တော်ခန်းမရှေ့မှာ စုရုံးကြပါတယ်။ အဲဒီအချိန်မှာ အာဏာပိုင်တွေက ဆန္ဒပြသူတွေကို လူစုခွဲဖို့ လော်စပီကာနဲ့ အော်ပြောနေပါတယ်။

အခြေအနေက စိတ်ဓာတ်တက်ကြွဖွယ် အလားအလာကောင်းတဲ့ အခြေအနေ ဖြစ်ပေမယ့်လည်း စစ်တပ်က ဆန္ဒပြသူတွေကို ရက်ရက်စက်စက် ဖြိုခွင်းလိမ့်မယ်လို့ ကျမ စိတ်ထဲမှာ ထင်မှတ်နေခဲ့မိပါတယ်။ မျက်ရည်ကျရင်း ဒီနေ့တနေတာအတွက် အရာအားလုံး ငြိမ်းငြိမ်းချမ်းချမ်းနဲ့ အပြီးသတ်စေဖို့ ဘုရားရှေ့မှာ ကျမ ထပ်ခါတလဲလဲ ဆုတောင်းနေမိခဲ့ပါတယ်။

ကျမရဲ့ဆန္ဒ မပြည့်ခဲ့ပါဘူး။ သန်းခေါင်ရောက်ခါနီး ၁၅ မိနစ်ခန့် အလိုမှာ ကျမအစ်ကို တိုက်ခန်းနောက်မှာရှိတဲ့ ကျောက်တံတားရဲစခန်းက လက်နက်ကိုင်ရဲတွေ လမ်းမတွေပေါ် ချီတက်လာတာကို တွေ့လိုက်ရပါတယ်။ အဲဒီနောက် မိနစ်ပိုင်းအတွင်းမှာပဲ ကြောက်စရာကောင်းတဲ့ သေနတ်သံတွေ၊ ဆန္ဒပြသူတွေရဲ့ အော်ဟစ်သံတွေ၊ ထွက်ပြေးတဲ့ ခြေသံတွေကို ကျမအတိုင်းသား ကြားလိုက်ရပါတော့တယ်။ သေနတ်သံတွေ အော်ဟစ်သံတွေ ငြိမ်သက်သွားတဲ့အချိန်မှာတော့ အဖမ်းခံရတဲ့ ဆန္ဒပြသူတွေ အပြည့်တင်ဆောင်သွားတဲ့ ကားသံတွေကြားရပါတယ်။ အဲဒီနောက် ဆန္ဒပြတဲ့နေရာကို တက်ရှင်းနေတဲ့ အာဏာပိုင်တွေရဲ့ အမိန့်ပေးသံနဲ့ အင်အားပြ ခြိမ်းခြောက်သံတွေကလွဲလို့ ဘာမှမကြားရတော့ပါဘူး။ စစ်တပ်က ပစ်လိမ့်မယ်လို့ တချို့က ကြိုတင်တွက်ဆထားကြပါတယ်။ ဗိုလ်ချုပ်ကြီး နေ၀င်း ရာထူးက နုတ်မထွက်ခင် “စစ်တပ်ဆိုတာ ပစ်ရင် မိုးပေါ်ထောင် မပစ်ဘူး” လို့ ပြောခဲ့ဖူးပါတယ်။ ဗိုလ်ချုပ်ကြီး နေ၀င်းရော သူ့နောက်လိုက် ဗိုလ်မှူးချုပ် စိန်လွင် ပါ ပြောတဲ့အတိုင်း တကယ်လုပ်ခဲ့ကြပါပေတယ်။ အဲဒီညက ကျမ မျက်ရည်မိုး ရွာတဲ့ညပေါ့။

သြဂုတ်လ ၈ ရက်နေ့ဟာ သေဆုံးမှုတွေ၊ သွေးထွက်သံယိုမှုတွေနဲ့ အဆုံးသတ်ခဲ့ပေမယ့် လူထုအုံကြွမှုရဲ့ အရှိန်အဟုန်ကတော့ တိုးလာခဲ့ပါတယ်။ ကျမလည်း လုပ်ဖော်ကိုင်ဖက်တွေနဲ့ ဒီမိုကရေစီရေးအတွက် ဆက်လက် ဆောင်ရွက်ခဲ့ပါတယ်။

၁၉၉၀ နောက်ပိုင်းကာလ မြန်မာ့ဒီမိုကရေစီရေးအတွက် စည်းရုံးရေးခရီးစဉ်တွေမှာ ရာနဲ့ချီတဲ့ နိုင်ငံတကာက မြန်မာ့အရေး ထောက်ခံသူတွေကို ကျမရဲ့ ၈.၈.၈၈ အရေးတော်ပုံ အတွေ့အကြုံတွေ မျှဝေခဲ့ပါတယ်။ ဒါပေမယ့် နှစ်ပေါင်း တော်တော်ကြာ အဲဒီအတွေ့အကြုံတွေကို ကျမ ထပ်ပြီး မပြောဖြစ်တော့ပါဘူး။ လမ်းမတွေပေါ်မှာ၊ တောထဲတောင်ထဲမှာ၊ အကျဉ်းထောင်တွေထဲမှာ အသက်တွေ အမြောက်အမြား စတေးခဲ့ပြီးပေမယ့်လည်း ကျမတို့ ပြည်သူတွေ တောင့်တနေတဲ့ ဒီမိုကရေစီနဲ့ လွတ်လပ်မှုကို အပြီးသတ် မဆောင်ကျဉ်းပေးနိုင်တဲ့အပေါ် အပြစ်ရှိတယ်လို့ ခံစားရတာမို့ မပြောဖြစ်တော့ တာပါ။

ဒါပေမယ့် ဒီမိုကရေစီရေးအတွက် ကျမ နောက်ဆုတ်သွားမှာ မဟုတ်ပါဘူး။ ရှေ့ကို ဆက်လျှောက်မှာပါ။ ဒီမိုကရေစီ ပန်းတိုင်ကို အရောက်လှမ်းနိုင်သည်အထိ ကျမတို့ ရှေ့ဆက်လျှောက်ဖို့ လိုပါတယ်။ အတိတ်ကာလ ဖြစ်ရပ်တွေကနေ ကျမတို့ သင်ခန်းစာယူရပါမယ်။ ပြီးတော့ ၈.၈.၈၈ စိတ်ဓာတ်ကို ဆက်လက်ရှင်သန်အောင်လည်း ကြိုးပမ်းသွားရမှာ ဖြစ်ပါတယ်။ ၈.၈.၈၈ စိတ်ဓာတ်ဆိုတာ ညီညွတ်ခြင်း၊ စွန့်လွှတ် အနစ်နာခံခြင်း၊ မတူကွဲပြားတဲ့ နိုင်ငံရေး ယုံကြည်ချက်တွေ၊ အမြင်တွေအပေါ်မှာ သဘောထားကြီးစွာ လက်ခံခြင်းဆိုတဲ့ စိတ်ဓာတ်ပါ။ နိုင်ငံရေးယုံကြည်ချက် အရ၊ အယူဝါဒအရ၊ လူမျိုးရေးအရ၊ ဘာသာရေး ဒါမှမဟုတ် လိင်အရ ကွဲပြားမှုတွေကို အသိအမှတ်ပြုပြီး အတူတကွ ပူးပေါင်းဆောင်ရွက်တဲ့ စိတ်ဓာတ်ဆိုလည်း မမှားပါဘူး။

၈.၈.၈၈ လူထုအုံကြွမှုကြီးကနေ ၂၆ နှစ်တာ အုပ်စိုးခဲ့တဲ့ အာဏာရှင်အစိုးရကို ကျမတို့ ဖြုတ်ချနိုင်ခဲ့ပါတယ်။ ဘာကြောင့် ဖြုတ်ချနိုင်ခဲ့သလဲဆိုတော့ ကျမတို့ တတိုင်းပြည်လုံး ညီညွတ်ခဲ့လို့ပါ။ ကျမတို့ အားလုံးမှာ ရှိနေကြတဲ့ မတူခြားနားမှုတွေကို ပြည်သူအားလုံးအတွက် တရားမျှတမှုနဲ့ ဒီမိုကရေစီ ဖော်ဆောင်ပေးရေးဆိုတဲ့ ဘုံရည်မှန်းချက်အဖြစ် ကျမတို့ ပြောင်းလဲနိုင် ခဲ့လို့ပါ။ ၁၉၈၈ ခုနှစ်မှာ ကျောင်းသားနဲ့ ပြည်သူတွေက တိုင်းပြည်ပြောင်းလဲရေးဆိုတဲ့ အလံတော်ကို တစုတစည်းတည်း သယ်ဆောင်နိုင်ခဲ့ကြပါတယ်။ လူထုက အဲဒီအလံတော်ကို နိုင်ငံရေးခေါင်းဆောင်တွေလက်ထဲ ထည့်ပေးလိုက်တဲ့ အခါမှာတော့ ပုဂ္ဂိုလ်ရေး မာန်မာနတွေ၊ မတူကွဲပြားတဲ့ ယုံကြည်ချက်တွေကို မကျော်လွှားနိုင်ကြတဲ့ နိုင်ငံရေး ခေါင်းဆောင်တချို့က အလံတော်ကို ဆက်လက် မလွှင့်နိုင်ခဲ့ကြပါဘူး။ ညီညွတ်မှု မရှိခြင်းနဲ့ သဘောထား ကွဲလွဲမှုတွေကြောင့် ဒီမိုကရေစီ လက်ဆင့်ကမ်း သယ်ယူမှုဟာ ခရီးအစမှာပဲ အဆုံးသတ်ခဲ့ရပါတော့တယ်။

၈.၈.၈၈ လူထုအုံကြွမှုကြီးက မြန်မာပြည်သူ သန်းပေါင်းများစွာရဲ့ နှလုံးသည်းပွတ်ထဲမှာ အပြောင်းအလဲဆိုတဲ့ မျိုးစေ့ကို ကြဲချနိုင်ခဲ့ပါတယ်။ ပြီးတော့ လာမယ့် မျိုးဆက်တိုင်းမှာလည်း ဒီမျိုးစေ့က ဆက်လက်ရှင်သန်နေမှာ ဖြစ်ပါတယ်။ ကျမရဲ့ အတောင့်တဆုံး ဆန္ဒကတော့ လွန်ခဲ့တဲ့ ၂၂ နှစ်ကျော်က တိုင်းပြည်တပြည်လုံးကို ဖမ်းစားနိုင်ခဲ့တဲ့ ညီညွတ်ရေး စိတ်ဓာတ်ကို ပြန်လိုချင်တာပါ။ ဘာဖြစ်လို့လဲဆိုတော့ အဲဒီလိုမျိုး စုစည်းမှုက မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ ဒီမိုကရေစီ ရရှိရေးတွေအတွက် တခုတည်းသော နည်းလမ်းဖြစ်နေလို့ပါပဲ။

ဒီမိုကရေစီရေးနဲ့ တန်းတူရေးအတွက် တိုက်ပွဲဝင်နေတဲ့ ကျမတို့ လှုပ်ရှားမှုကြီးဟာ အင်အားရှိတဲ့၊ မတူကွဲပြားမှုတွေရှိတဲ့၊ ကျယ်ပြန့်တဲ့ လှုပ်ရှားမှုကြီးတခုပါ။ ကျမတို့ကြားမှာ ရှိနေတဲ့ မတူကွဲပြားမှုတွေကို ကျမတို့ လေးစား အသိအမှတ် ပြုရပါလိမ့်မယ်။ ဒါပေမယ့် အပြောင်းအလဲအတွက် ကျမတို့ အားတွေ မညီညွတ်ဘူးဆိုရင်၊ ကိုယ့်ရဲ့ ပုဂ္ဂလပြဌာန်းချက်၊ ရပ်တည်ချက်တွေကိုပဲ ဆုပ်ကိုင်ထားနေမယ်ဆိုရင် ဒါမှမဟုတ် ငါမှ ငါလို့ ထင်နေကြရင်တော့ ကျမတို့အချင်းချင်းကြား သွေးကွဲနေပြီးသား ဖြစ်နေတာမို့ ကျမတို့ကို သွေးခွဲဖို့ စစ်အစိုးရကတောင် ဘာမှ လုပ်စရာ မလိုတော့ပါဘူး။

ဒေါ်အောင်ဆန်းစုကြည် ပြောခဲ့ဖူးပါတယ်။ “ကျမတို့ရဲ့ မတူခြားနားချက်တွေက ကျမတို့ရဲ့ အားနည်းချက်တွေ မဖြစ်သင့်ဘူး။ အားသာချက်တွေသာ ဖြစ်သင့်ပါတယ်” တဲ့။ သူ့ရဲ့ မျှော်မှန်းချက်ကို ကျမတို့ လိုက်နာခံယူရင်း ၈.၈.၈၈ စိတ်ဓာတ်ဖြစ်တဲ့ ညီညွတ်ရေးကို လက်နက်သဖွယ် အသုံးပြုပြီးတော့ စစ်အာဏာရှင်ကို အဆုံးသတ်တိုက်ပွဲဝင် နိုင်ကြလိမ့်မယ်လို့ ကျမ မျှော်လင့်နေမိပါတော့တယ်။

A Day of Unity they Must Live On by Khin Ohmar ကို ဆီလျော်အောင် ပြန်ဆို ဖော်ပြပါတယ်။
http://www.irrawaddy.org/bur/index.php/editorial/2009-02-27-05-56-44/3846-2010-08-17-06-30-27

ဩဂုတ်လ ၂၁ ရက်နေ့တွင် သီတဂူ တရားပွဲ အင်းစိန် (ဗဟို) ထောင်တွင် ကျင်းပမည်


သီတဂူ ဆရာတော် ဒေါက်တာ အရှင် ဉာဏိဿရ (Ph.D,D.Litt) သည် ဩဂုတ်လ ၂၁ ရက်နေ့တွင် အင်းစိန် (ဗဟို) ထောင် အတွင်း တရား ဟောပြောမည် ဖြစ်ကြောင်း သီတဂူ အပြည်ပြည် ဆိုင်ရာ သာသနာပြု အဖွဲ့မှ အတွင်းရေးမှူး ဦးဟန်က ပြည်တွင်းထုတ် မြန်မာတိုင်း(မ်) ဂျာနယ်သို့ ပြောကြား ကြောင်း သတင်း ရရှိ ပါသည်။"ဓမ္မ ကုသိုလ် အဖြစ် ဆရာတော်ကြီးက ဦးဆောင် လုပ်တာပါ၊ အကျဉ်း ဦးစီး ကလည်း ခွင့်ပြုတယ်။ မနက်ပိုင်းမှာ အကျဉ်းထောင်က ထောင်သား အားလုံးကို ၉,၀၀၀ လို့တော့ စာရင်း ရထားတယ်၊ ထမင်းကျွေးမယ်၊ အင်္ဂလိပ် ဆေးဝါး၊ မြန်မာ ဆေးဝါး၊ ဘာလချောင်ကြော်၊ သရက်သီးသနပ်၊ မုန့်ထုပ်တွေ၊ နောက် မျက်နှာသုတ်ပ၀ါ စတဲ့ သူတို့ လိုအပ်တဲ့ အသုံး အဆောင် ပစ္စည်း လေးတွေ ဝေမယ်။ သီတဂူရဲ့ ရန်ပုံ ငွေနဲ့ လှူမှာပါ၊ နောက် ဒါကို သိလို့ သီးသန့် လှူကြတဲ့ အလှူရှင် တွေလည်း ပါတယ်။ သိန်း ၅၀၀ ဖိုးလောက် ရှိမယ်၊ နေ့လယ် မှာ ဆရာတော်ကြီးက တရားဟောပြီး ညနေစာလည်း တစ်ခါ ထပ်ကျွေးဦးမယ်"ဟု ဦးဟန်က ပြောကြားကြောင်း သိရှိရ ပါသည်။

၁၆ . ၈ . ၂၀၁၀

http://www.htwd.info/2010/08/16082010_8634.html