Tuesday, September 21, 2010

21 September 2010 ဒိုင်ယာရီ

http://www.mediafire.com/file/esj44q6nd02mu70/21%20September%202010%20yeyintnge%27s%20Diary.pdf

http://www.mediafire.com/file/w9lq1f3nk47v2re/21%20September%202010%20yeyintnge%27s%20Diary.doc

21 September 2010 Yeyintnge's Diary

NLD ရွေးကောက်ပွဲသပိတ် စည်းရုံးရေး ကွင်းဆင်းကြပြီ


NLD ရွေးကောက်ပွဲသပိတ် စည်းရုံးရေး ကွင်းဆင်းကြပြီ

မဲပေးပိုင်ခွင့်ရှိသူစာရင်း ကြည့်ရှုနေသည့် ရန်ကုန်မြို့ခံအချို့။
ဓာတ်ပုံ ASSOCIATED PRESS

မဲပေးပိုင်ခွင့်ရှိသူစာရင်း ကြည့်ရှုနေသည့် ရန်ကုန်မြို့ခံအချို့။ စက်တင်ဘာ ၂၁၊ ၂၀၁၀။


မြန်မာစစ်အစိုးရ ကျင်းပမယ့် ရွေးကောက်ပွဲရက် နီးကပ်လာတာနဲ့အမျှ လူထုအနေနဲ့ ရွေးကောက်ပွဲမှာ မိမိတို့ နှစ်သက်ရာပါတီ မပါဘူးဆိုရင် မဲမပေးဘဲ နေလိုက နေနိုင်ကြောင်း ရှင်းလင်း ဆွေးနွေးတာတွေကို အမျိုးသား ဒီမိုကရေစီ အဖွဲ့ချုပ်က တိုးမြှင့် ဆောင်ရွက်လာနေပါတယ်။ အမျိုးသား ဒီမိုကရေစီ အဖွဲ့ချုပ်က ဗဟိုကော်မတီဝင်တွေဟာ မကွေးတိုင်းနဲ့ ရခိုင်ပြည်နယ်တွေဘက်ကို သွားရောက် ဆွေးနွေးနေကြသလို ချင်းပြည်နယ်ဘက်မှာလည်း သက်ဆိုင်ရာ ပါတီခေါင်းဆောင်တွေက လူထုအကြားမှာ ဆွေးနွေးတာတွေ ဆောင်ရွက်နေပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

အမျိုးသား ဒီမိုကရေစီ အဖွဲ့ချုပ်ဟာ လာမယ့် ရွေးကောက်ပွဲကို သပိတ်မှောက်ဖို့ သြဂုတ်လ ၁၉ ရက်နေ့က ဆုံးဖြတ်ခဲ့ပြီးတဲ့နောက် ဒီလပိုင်းတွေ အတွင်းမှာတော့ ပါတီဝင်တွေနဲ့ လူထုအကြားမှာ ရှင်းလင်း ဆွေးနွေးတာတွေကို တိုးမြှင့် လုပ်ဆောင်လာပါတယ်။

ဒီရက်ပိုင်းမှာတော့ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေဟာ မကွေးတိုင်းနဲ့ ရခိုင်ပြည်နယ် ဘက်တွေကို သွားရောက် ဆွေးနွေးနေကြပါတယ်။

လောလောဆယ် မကွေးတိုင်း ပခုက္ကူဒေသဘက်ကို ရောက်ရှိနေတဲ့ ဦးဟံသာမြင့်က သူတို့ရဲ့ လက်ရှိ ရှင်းလင်းဆွေးနွေးတဲ့ အချက်တွေကို အခုလို ပြောပြပါတယ်။

“အဖွဲ့ချုပ်က နေပြီးတော့ ရွေးကောက်ပွဲ သပိတ်မှောက်တဲ့ ကိစ္စတွေကို လိုက်ဆွေးနွေးတာပါ။ ကျနော်တို့ အဖွဲ့ဝင်တွေနဲ့ရော၊ စိတ်ဝင်စားတဲ့ သူတွေနဲ့ရော ဆွေးနွေးခဲ့ပါတယ်။ သူတို့ ဥပဒေအရ ပြည်သူလူထုက ပိုင်ခွင့်တွေ ရှိပါတယ်။ အဲဒီပိုင်ခွင့်တွေကိုပဲ ရှင်းပြတာပါ။ နောက် ပြည်သူလူထု အနေနဲ့က ကိုယ်ကြိုက်တဲ့လူ မပါဘူးဆိုရင်၊ ကိုယ်ကြိုက်တဲ့ပါတီ မပါဘူးဆိုရင် မဲမပေးဖို့ဆိုတဲ့ ကိစ္စကို ပြောတာပါ။ အဲလောက်ပဲ လုပ်ပါတယ်။”

မကွေးတိုင်း ခရီးစဉ်မှာ မနေ့က ရေနံချောင်းမြို့မှာ ရှင်းလင်း ဆွေးနွေးရာမှာတော့ လူ ၁၀၀ ကျော်လောက် တက်ရောက်ခဲ့တယ်လို့ ရေနံချောင်းက အမျိုးသား ဒီမိုကရေစီ အဖွဲ့ချုပ်ဝင် တယောက်က ပြောပါတယ်။

“ကျနော်တို့ မနေ့က လူ ၁၀၀ လောက် တက်ရောက်တယ်ဗျ၊ ရေနံချောင်းမြို့နယ်မှာပေါ့။ ရွာကလူတွေလည်း များတယ်။ ကျေးလက်က များတယ်။ ကျနော်တို့ ရဲဘော်တွေ များတယ်ပေါ့။ မဲမပေးရေးကိစ္စပါပဲ။ အဲဒီကိစ္စကို ရှင်းတာပါ။ လူထုရဲ့ သဘောထားက အရင်ထက်စာရင်တော့ မဲမပေးရေးကိစ္စကို အာရုံ နည်းနည်းများလာပြီပေါ့နော်။ ကိုယ့်အိမ်မှာပဲ ကိုယ်နေလိုက်တော့မယ်ဆို ပြောလာကြပြီ၊ သူတို့ သဘောပေါက်လာပြီပေါ့။ အရင်ထက်စာရင်ပေါ့နော။ သဘောပေါက်လာကြပြီ။”

အမျိုးသမီးခေါင်းဆောင် ဒေါ်မေ၀င်းမြင့်နဲ့ ဒေါ်နန်းခင်ထွေးမြင့်တို့ ဦးဆောင်တဲ့ အဖွဲ့ကတော့ ရခိုင်ပြည်နယ်ဘက်ကို သွားရောက်ပြီး ဆွေးနွေးနေပါတယ်။

ဒီလို ဗဟိုခေါင်းဆောင်တွေက တိုင်းနဲ့ပြည်နယ်တွေကို သွားရောက်ပြီး ဆွေးနွေးတာတွေ ရှိနေချိန်မှာ ချင်းပြည်နယ် အတွင်းမှာလည်း သက်ဆိုင်ရာ ခေါင်းဆောင်တွေက မဲမပေးဘဲ နေပိုင်ခွင့်ရှိတယ် ဆိုတာကို လူထုကြားမှာ ဆွေးနွေးတာတွေ လုပ်ဆောင်နေပါတယ်။

“ကျနော်တို့ NLD ဌာနချုပ်က သပိတ်မှောက်တယ် ဆိုပြီးတော့ ဆုံးဖြတ်ပြီးမှ ကျနော်တို့က ဒေါ်အောင်ဆန်းစုကြည် ပြောတဲ့အတိုင်းပဲ ရွေးကောက်ပွဲမှာ မဲပေးခွင့် ရှိသလို မပေးပိုင်ခွင့်လည်း ရှိတယ်။ အဲဒါပဲ ပြည်သူကြားမှာ NLD အဖွဲ့ဝင်တွေက လက်ဆင့်ကမ်းတယ်။ ရွေးကောက်ပွဲကို ကျနော်တို့ ဆန့်ကျင်တာ မဟုတ်ဘူး။ ဒေါ်အောင်ဆန်းစုကြည်ပြောတဲ့ စကားကိုပဲ လက်ဆင့်ကမ်းနေတာပါ။

“ကြားသလောက် လူတွေကတော့ မပေးဖို့ ဆုံးဖြတ်ထားတဲ့ လူတွေလည်း ရှိသလိုပေါ့လေ၊ ပေးမှ ဖြစ်မယ်ဆိုပြီး ဆုံးဖြတ်ထားတဲ့ သူတွေလည်း ရှိတယ်။ ဒါလည်း သူတို့ ကိုယ်ပိုင်ဆုံးဖြတ်ချက် ပေါ်မှာပဲ မူတည်ပါတယ်။ ဒေါ်အောင်ဆန်းစုကြည် ပြောတဲ့ဟာကို ကြားတဲ့သူတွေကတော့ ထောက်ခံတဲ့သူတွေ များပါတယ်။”

ချင်းပြည်နယ် အမျိုးသား ဒီမိုကရေစီ အဖွဲ့ချုပ် ခေါင်းဆောင် ဦးဘန်လျန်း ပြောသွားတာ ဖြစ်ပါတယ်။

ဒီလ ၉ ရက်နေ့ကလည်း ဗဟိုအလုပ်အမှုဆောင် ဦးအုန်းကြိုင် ခေါင်းဆောင်တဲ့ အဖွဲ့ဟာ မန္တလေးတိုင်း၊ စစ်ကိုင်းတိုင်းနဲ့ ရှမ်းပြည်နယ် မြောက်ပိုင်း ဒေသတွေကို သွားရောက် ရှင်းလင်း ဆွေးနွေးခဲ့ပါတယ်။

အမျိုးသား ဒီမိုကရေစီ အဖွဲ့ချုပ်က အခုလို ဆွေးနွေးတာတွေ ရှိနေချိန်မှာ မြန်မာစစ်အစိုးရပိုင် သတင်းစာတွေမှာတော့ ရွေးကောက်ပွဲမှာ မဲမပေးဘဲ သပိတ်မှောက်ဖို့ စည်းရုံး လှုံ့ဆော်တာဟာ လက်ရှိ ရွေးကောက်ပွဲ ဥပဒေအရ ပြစ်မှုမြောက်ပြီး ထောင်ဒဏ်၊ ငွေဒဏ် နှစ်ရပ်စလုံးနဲ့ အရေးယူ အပြစ်ပေးလို့ ရတယ်လို့ ဖော်ပြပါတယ်။ အမျိုးသား ဒီမိုကရေစီ အဖွဲ့ချုပ်က တာဝန်ရှိသူတွေကတော့ ရွေးကောက်ပွဲကို သပိတ်မှောက်တာဟာ ဥပဒေကို ချိုးဖောက်တာ မဟုတ်ဘူး၊ ပြည်သူတွေရဲ့ ရပိုင်ခွင့်ကို ကျင့်သုံးတာသာ ဖြစ်တယ်လို့ အစဉ်တစိုက် ပြောဆိုခဲ့ပါတယ်။

ရွေးကောက်ပွဲ ကျင်းပဖို့ နီးကပ်လာချိန်မှာ ဒေသဆိုင်ရာ ရွေးကောက်ပွဲ ကော်မရှင်တွေက ရွေးကောက်ပွဲဆိုင်ရာ လုပ်ငန်းသင်တန်းတွေကို မြန်မာပြည်အနှံ့မှာ ပို့ချနေပါတယ်။

ပြည်သူအများစုကတော့ မဲပေးပိုင်ခွင့်ရှိသူ စာရင်းတွေ ထုတ်ပြန်နေပေမဲ့ ထူးထူးခြားခြား စိတ်ဝင်စားသူ သိပ်မရှိဘူးလို့ သိရပါတယ်။


http://www.voanews.com/burmese/news/

၂၀၁၀ ရွေးကောက်ပွဲမှာ စစ်အုပ်စုက မတရားမှုတွေကို ဘယ်လိုကျူးလွန်ကျင့်သုံးခဲ့သလဲ


၂၀၁၀ ရွေးကောက်ပွဲမှာ

စစ်အုပ်စုက မတရားမှုတွေကို ဘယ်လိုကျူးလွန်ကျင့်သုံးခဲ့သလဲ

(တူမောင်ညို )

(၂၀၁၀ စက်တင်ဘာ ၂၁ )

ဆင်ကောင်ကြီးတွေ့နေတာတောင် မင်းက ဆင်ခြေရာရှာဦးမလို့လားလို့ မေးချင်စရာပါ။

အခြေခံဥပဒေ (၂၀၀၈)

ရွေးကောက်ပွဲကော်မရှင်

ပြည်ထောင်စု ရွေးကောက်ပွဲ ကော်မရှင် ဥပဒေ

နိုင်ငံရေးပါတီများ မှတ်ပုံတင်ခြင်း ဥပဒေ

နိုင်ငံရေးပါတီများ မှတ်ပုံတင်ခြင်း နည်းဥပဒေများ

ပြည်သူ့လွှတ်တော်ရွေးကောက်ပွဲဥပဒေ၊

ပြည်သူ့လွှတ်တော်ရွေးကောက်ပွဲနည်းဥပဒေ၊

အမျိုးသားလွှတ်တော် ရွေးကောက်ပွဲဥပဒေ

အမျိုးသားလွှတ်တော် ရွေးကောက်ပွဲနည်းဥပဒေ

တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ရွေးကောက်ပွဲဥပဒေ

တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ရွေးကောက်ပွဲနည်းဥပဒေ

ရာဇသတ်ကြီးဥပဒေနှင့်အခြားတည်ဆဲဥပဒေများ/ အမိန့်ကြေညာချက်များ /ညွန်ကြားချက်များ

အုပ်ချုပ်ရေးယန္တရားအဆင့်ဆင့် (ရဲ/ထောက်လှမ်းရေး အပါအဝင် )

ငွေကြေးနှင့် စည်းရုံးဖွဲ့စည်းမှု

စတဲ့ -- စတဲ့ လက်ဦးမှုမျိုးစုံကို တစ်ဖက်သတ်ယူပြီး အပိုင်ကျင်းပတဲ့ ၂၀၁၀ ရွေးကောက်ပွဲမှာ တရားမျှတမှု ဆိုတာကို ဘယ်မှာ ရှာတွေ့နိုင်မှာလဲ။

ကြံ့ဖွံ့ပါတီက ပါတီရုံးတွေဖွင့်ပွဲမှာကြွေးကြော်သံက “နိုင်ရမယ်” တဲ့။ အရှုံးဆိုတာမရှိရဘူးလို့ကို သူတို့အပိုင်တွက်ထား တာ ဘယ် လောက်ပေါ်လွင်လိုက်ပါသလဲ။ သန့်ရှင်း- တည်မြဲပြိုင်ကြတဲ့ခေတ်ကလို “နိုင်ရင်လည်းနိုင်- ရှုံးရင်လည်းနိုင်ရမယ်” ဆိုတာ ထက်ပိုပြတ်သား တယ်။ ဟိုတုန်းက စစ်တပ်က တည်မြဲဘက်ပင်းခဲ့တာပဲ။ “ ဗိုလ်ထွန်းကြည် ရဲ့ နှစ် (၅၀) ကျော်ကိုယ်တွေ့များ” ထဲမှာ ဝန်ခံထားတယ်။

ဒီတစ်ခါ ရွေးကောက်ပွဲက “သန့်ရှင်း- တည်မြဲ” ရွေးကောက်ပွဲမှာလို ကာကွယ်ရေးဦးစီးချုပ်က (၁၉၄၇ အခြေခံဥပဒေအရ အိမ်စောင့်အစိုးရ ဝန်ကြီးချုပ် လုပ်နေရတဲ့အချိန်ဖြစ်တယ်) ဘက်မလိုက်နဲ့လို့ အမိန့်ပေးထားတာမဟုတ်ဘူး။

၁၉၉၀ ရွေးကောက်ပွဲမှာ (တစည) ရှုံးသလိုရှုံးလို့မဖြစ်ဘူးဆိုတဲ့ အတွေ့အကြုံကို (နအဖ) စစ်အုပ်စုက သဘောပေါက်ထားတယ်။

ကြံ့ဖွံ့ပါတီဆိုတာ ကာကွယ်ရေးဦးစီးချုပ် နာယက လုပ်ခဲ့တဲ့ ကြံ့ဖွံ့အသင်းကို အမွေခံအခြေပြုထားတဲ့ပါတီဖြစ်တယ်။ ပြီးတော့ ကြံ့ဖွံ့ ပါတီခေါင်းဆောင်အားလုံးက ဗိုလ်ဟောင်းတွေချည်းဖြစ်တယ်။ “ဗိုလ်”ကနေ “ဦး”သို့ လိုလိုလားလား ပြောင်းကြတာမျိုးလည်းမဟုတ်ဘူး။ အမိန့်ပေးလို့ပြောင်းကြရတာပဲ။ ဒီအမိန့်ကို ကာကွယ်ရေးဦးစီးချုပ်ကပေးတာဖြစ်တယ်။ ဒီတော့ တပ်ထဲမှာပဲဖြစ်ဖြစ်။ ဝန်ထမ်းထဲမှာပဲဖြစ်ဖြစ် ကြံ့ဖွံ့ပါတီကိုသာမဲထည့်ကြလို့ အမိန့်ပေးထားမှာသေချာတယ်။ ကာကွယ်ရေးဦးစီးချုပ်ကပေးတဲ့အမိန့်ကို ဘယ်သူက လွန်ဆန်ဝံ့မလဲ။

(၁၈ စက်တင်ဘာ)သတင်းစာဆောင်းပါးမှာပဲ မဲမပေးတဲ့သူကို ဖမ်းမယ်ဆီးမယ်၊ ဒဏ်တပ်မယ်လို့ဗြောင်ခြိမ်းချောက်ထားတာပဲ။ ဒီတော့ကြံ့ဖွံ့ပါတီက “နိုင်ရမယ်” လို့ကြွေးကြော်တာ ပိုင်လို့၊ သေချာလို့ ကြွေးကြော်တာပဲ။

(တစည) က ဦးချစ်လှိုင်ကလည်း မြေညီကွင်းမှာပြိုင်တာမျိုးဖြစ်ဖို့လိုတယ်လို့ ပြောဖူးတယ်မဟုတ်လား။

ကောက်ရိုးပုံထဲကအပ်ကိုသာရှာတွေ့ချင်တွေ့လိမ့်မယ်။ တရားမျှတမှုဆိုတာကိုတော့ ၂၀၁၀ ရွေးကောက်ပွဲမှာရှာလို့တွေ့မှာ မဟုတ် ဘူး။

အဘက်ဘက်ကအနိုင်ကျင့်ထားတဲ့အခြေခံအောက်မှာ၊ လက်ဦးမှုမျိုးစုံယူထားတဲ့အောက်မှာကျင်းပတာဖြစ်ပါတယ်။ သူတို့နိုင်မယ် မထင်တဲ့/လက်ဦးမှုမရှိနိုင်ဘူးလို့ယူဆတဲ့ (ချင်း/ကချင်/ကရင်/မွန်/ရှမ်း) ပြည်နယ် (၅) ခုထဲက မြို့နယ်ပေါင်း (၃၂) ခု၊ ကျေးရွာအုပ်စုပေါင်း (၃၀၀)ကိုတော့ “ရွေးကောက်ပွဲကျင်းပခြင်းမပြုမည့်နယ်မြေများ ” အဖြစ်ကြေညာခဲ့ပါတယ်။

အခြေခံဥပဒေ(၂၀၀၈) ကို လူထုဆန္ဒခံယူ ပွဲ ကျင်းပ စဉ်တုန်းကတော့ နာဂစ်မုန်းတိုင်းဒဏ်ခံရတဲ့ ပြည်သူတွေကို စာနာ ထောက် ထားခြင်းမပြုဘဲ။ တစ်ပြည်လုံးမှာ ၂ သုတ်ခွဲပြီး ကျင်းပခဲ့ပါတယ်။

ဒီတော့ ကျနော်မြင်တာကတော့ရှင်းရှင်းပဲ။

၂၀၁၀ ရွေးကောက်ပွဲဟာ တရားမျှတမှုရှိမှာမဟုတ်ဘူး။

တရားမျှတမှုရှိပါတယ်လို့ဆိုလာခဲ့ရင်လည်း ဒီလိုပြောဆိုတာဟာမတရားသဖြင့်ကြံ့ဖွံ့ပါတီအနိုင်ရခဲ့တာကို ဖုံးကွယ်ဖို့အတွက်ပဲဖြစ် ပါလိမ့်မယ်။

ရွေးကောက်ပွဲဝင်ကြမယ့်အခြားသောပါတီတွေကတော့သူတို့ကြုံတွေ့ရတဲ့တရားမျှတမှုမရှိတာတွေကိုဖေါ်ထုတ်ဖို့လုပ်သင့်ပါတယ်။ လုပ်ရပါမယ်။

တရားမျှတမှုမရှိတဲ့ဖြစ်စဉ်ဖြစ်ရပ်နဲ့ အချက်အလက်တွေကို စုဆောင်းဖို့နဲ့ အဲဒီလိုမတရားတဲ့၊မမျှတတဲ့ အခြေအနေအချက်အလက် တွေကို တိုင်းပြည်လူထုနဲ့နိုင်ငံတကာကသိဖို့ ဖေါ်ထုတ်ရပါလိမ့်မယ်။ ဖေါ်ထုတ်ဖို့လိုပါတယ်။

အပိုင်း (၂) ပိုင်းခွဲပြီး လုပ်နိုင်လိမ့်မယ်လို့ယူဆပါတယ်။

ပထမပိုင်းအနေနဲ့ ရွေးကောက်ပွဲမတိုင်မီကာမှာရှိတဲ့မတရားမှုနဲ့မမျှတမှုတွေကိုစုဆောင်းဖို့လိုပါတယ်။ ဥပမာ - ပါတီ တွေစည်းရုံး ရေးဆင်းတဲ့အခါ/မဲဆွယ်တဲ့အခါ အခွင့်အရေးတန်းတူမှုရှိရဲ့လား/ ဘယ်လိုအတားအဆီးညစ်ပတ်မှုတွေကြုံရသလဲ။ ပါတီမူဝါဒ သဘော တရားတွေကို မီဒီယာများ (ရေဒီယို/ရုပ်သံ/စာနယ်ဇင်း)မှာ လွတ်လပ်စွာဖေါ်ထုတ်ရေးသာတင်ပြနိုင်ခွင့်ရှိသလား။ ဘယ်လိုအတားအဆီး ညစ်ပတ်မှုတွေကြံရသလဲ စတဲ့အချက်အလက်တွေကိုတိတိကျကျစုဆောင်းရပါမယ်။

ဒုတိယပိုင်းအနေနဲ့ ရွေးကောက်ပွဲကျင်းပစဉ်ကာလမှာ ဘယ်လိုအတားအဆီးနဲ့ညစ်ပတ်မှုတွေကြုံရသလဲ၊ ဥပမာ - မဲပေးနိုင် သူစာရင်း/အတင်း အကြပ်မဲပေးစေခိုင်းမှုတွေရှိသလား။ မဲရုံတိုင်းမှာ သက်ဆိုင်ရာပါတီကိုယ်စားလှယ်လောင်းတွေ စောင့်ကြပ်ကြည့်ရှုနိုင်ခွင့် ရှိသလား။ မဲရေတွက်ခြင်း/ ကြိုတင်မဲပေးမှုဆိုင်ရာကိစ္စများ/ ကိုယ်စားလှယ်လောင်းများနှင့်သက်ဆိုင်သည့်ကိစ္စများ စသဖြင့် အတား အဆီးနဲ့ ညစ်ပတ်မှု တွေကို လေ့လာစောင့်ကြည်ရမယ်လို့ ယူဆပါတယ်။

၁၉၉၀ ရွေးကောက်ပွဲ အတွေ့အကြုံနဲ့သင်ခန်းစာအရဆိုရင် ရွေးကောက်ပွဲဟာတရားမျှတရုံ/ မိမိပါတီအနိုင်ရရုံနဲ့တင်မလုံလောက် ပါဘူး။ အနိုင်ရပါတီကို အစိုးရဖွဲ့ခွင့်/လွှတ်တော်ခေါ်ခွင့်/ အာဏာလွှဲပြောင်းပေးခွင့်ရှိမရှိအချက်တွေနဲ့ပါ ဆန်းစစ်ကြည့်ရပါလိမ့်မယ်။

အထက်မှာတင်ပြခဲ့တဲ့ အချက်အလက်တွေဟာ ရွေးကောက်ပွဲကိုတရားမျှတမှုရှိ/မရှိ တိုင်းတာတဲ့စံတွေတော့ဖြင့်မဟုတ်ပါဘူး။ ၂၀၁၀ ရွေးကောက်ပွဲမှာ (နအဖ) စစ်အုပ်စုဟာ ဘယ်လိုစံကျတဲ့ညစ်ပတ်မှုတွေကို ကျူးလွန်ခဲ့သလဲဆိုတာကို တိုင်းပြည်လူထုနဲ့ နိုင်ငံတကာ က မျက်မြင်ကိုယ်တွေ့သိရှိ နားလည်းစေရန် အတွက်ဖေါ်ထုတ်ဖွင့်ချဖို့သာလျှင်ဖြစ်ပါကြောင်း။



TMN_

Voice of Burma Information Group Issue No.780, September 19, 2010

http://xa.yimg.com/kq/groups/20354587/1524479376/name/VOB780KK.pdf
VOB780KK

အပြည်ပြည်ဆိုင်ရာကမ္ဘာ့ငြိမ်းချမ်းရေးနေ့အထိမ်းအမှတ်အခမ်းအနား


၂၀၁၀ခုနှစ်စက်တင်ဘာလ၂၁ရက်အပြည်ပြည်ဆိုင်ရာကမ္ဘာ့ငြိမ်းချမ်းရေးနေ့အထ်ိမ်းအမှတ်အခမ်းအနားကိုအလုံ
မြို့နယ် NLD လူငယ်ခေါင်းဆောင် ကိုလူမော်လတ် နေအိမ်တွင်ကျင်းပရာ NLD ပါတီ ဥက္ကဌကြီး ဘဘဦးတင်ဦး ကြွရောက်ချီးမြှင့်အားပေး

ယနေ့စက်တင်ဘာလ၂၁ရက်အပြည်ပြည်ဆိုင်ရာကမ္ဘာ့ငြိမ်းချမ်းရေးနေ့အထိမ်းအမှတ်အခမ်းအနားကိုအမှတ်(၁၄)နွယ်နီလမ်းစောရန်ပိုင်တောင်
ရပ်ကွက်ရှိအလုံမြို့နယ်အမျိုးသားဒီမိုကရေစီအဖွဲ့ချုပ်လူငယ်ခေါင်းဆောင်ကိုလူမော်လတ်နေအိမ်တွင်ဒီမိုကရေစီအင်အားစုများစွာဖြင့်ကျင်းပခဲ့
ပါသည်။နံနက်(၁၀)နာရီအချိန်တွင်ပင့်ဖိတ်ထားသောဆရာတော်သံဃာတော်အရှင်သူမြတ်(၅)ပါးမှ(၅)ပါးသီလပေးပြီး၊မေတ္တာသုတ်နှင့်ဗောဇ္ဈင်
သုတ်ပရိတ်တရားတော်များကိုရွတ်ဖတ်သရဇ္ဈာယ်ချီးမြှင့်တော်မူခဲ့ကြပါသည်။၊ထို့နောက်ဆရာတော်အရှင်သူမြတ်များကိုကိုလူမော်လတ်၊မ၀င်း
မော်ဦး(၈၈ကျဆုံး)၏အဖွားဒေါ်နီနှင့်NLDပါတီဝင်များကလှုဖွယ်ဝတ္ထုနှင့်သင်္ကန်းများကိုဆက်ကပ်လှုဒါန်းခဲ့ပါသည်။ဒီမိုကရေစီတိုက်ပွဲအတွင်းကျ
ဆုံးသွားကြကုန်သောရဟန်းရှင်လူ၊ကျောင်းသား/သူအပေါင်းကိုအမျှပေးဝေပြီး၊မြန်မာနိုင်ငံတ၀ှမ်းရှိအကျဉ်းထောင်များ၌မတရားဖမ်းဆီးအကျဉ်း
ချထားခြင်းခံနေရသောရဟန်းသံဃာတော်များ၊နိုင်ငံရေးသမားများနှင့်ကျောင်းသားလူငယ်မျိုးဆက်သစ်များကိုအမြန်လွတ်ငြိမ်းချမ်းသာရပါစေ
ခြင်းငှာဆုတောင်းမေတ္တာပို့သခဲ့ကြပါသည်။အဲ့ဒီနောက်မှာတော့သံဃာတော်အရှင်သူမြတ်များကိုနေ့ဆွမ်းဆက်ကပ်လှုဒါန်းခဲ့ကြပါသည်။
ကြွရောက်လာကြသောဒီမိုကရေစီအင်အားစုဧည့်ပရိတ်သတ်ကိုကြက်သား၊၀က်သား၊ငါးဟင်း၊အသီးအရွက်အစိမ်းကြော်များ၊ငါးပိကြော်၊တို့စရာ
မျိုးစုံတို့ဖြင့်တည်ခင်းဧည့်ခံကျွေးမွေးခဲ့ပါသည်။
အဆိုပါကမ္ဘာ့ငြိမ်းချမ်းရေးနေ့အထိမ်းအမှတ်ဆွမ်းကျွေးကပ်လှုပွဲအခမ်းအနားသိုို့အမျိုးသားဒီမိုကရေစီအဖွဲ့ချုပ်ဥက္ကဌကြီးဘဘဦးတင်ဦး၊
ဒေါက်တာမျိုးအောင်(NLDရန်ကုန်တိုင်းစည်းရုံးရေးမှုး)၊ရဲရဲတောက်ဦးသိန်းအောင်(ရွှေပြည်သာ)၊ဦးအေး၊ကဗျာဆရာဦးသူရဇ္ဈာန်၊ကဗျာဆရာ
ဦးဘုန်းကျော်နှင့်NLDပါတီ(အင်္ဂါဝတ်ပြုဆုတောင်းအဖွဲ့ဝင်)များ၊မ၀င်းမော်ဦး(၈၈ကျဆုံး)၏အဖွားဒေါ်နီနှင့်သူမ၏မိသားစုဝင်များ၊လှိုင်သာယာ
မြို့နယ်NLDပါတီဝင်များ၊ရှေ့နေကြီးဘဘဦးအုန်းမောင်၊မမာမာဦးNLDပါတီဝင်(ဗန်းမော်အကျဉ်းထောင်၌ထောင်ကျနေသူ)၏ဖခင်ဦးသိန်းမောင်၊
ဒေါ်ရှုNLD၊ကျောက်တန်းမြို့နယ်NLDပါတီဥက္ကဌနှင့်ပါတီဝင်များ၊စမ်းချောင်းမြို့နယ်NLDပါတီဥက္ကဌဦးသက်ဝေနှင့်ပါတီဝင်များ၊ရှေ့နေလေး
ကိုဖိုးဖြူ(အလုပ်သမားအကျိုးဆောင်)၊ကြည့်မြင်တိုင်မြို့နယ်NLDပါတီဝင်များ၊ကုန်ဈေးနှုန်းကျဆင်းရေးလှုပ်ရှားမှုအဖွဲ့ဝင်များ၊ရန်ကုန်တိုင်း
NLDအမျိုးသမီးအဖွဲ့များနှင့်အခြားသောဒီမိုက ရေစီအင်အားစုများကတက်ရောက်ချီးမြှင့်အားပေးခဲ့ကြပါသည်။
ထို့နောက်အလုံမြို့နယ်NLDလူငယ်ခေါင်းဆောင်ကိုလူမော်လတ်မှတစ်ကမ္ဘာလုံး၊မြန်မာတစ်နိုင်ငံလုံးငြိမ်းချမ်းပါစေခြင်းအတွက်ဂျိုးငှက်လေးများ
ကိုအဆုံးအဆမဲ့ကောင်းကင်ထက်သို့လွှတ်ပေးခဲ့ပါသည်။ယင်းအပြည်အပြည်ဆိုင်ရာကမ္ဘာ့ငြိမ်းချမ်းရေးနေ့အထိမ်းအမှတ်ပွဲတွင်ရဲရဲတောက်ဦး
သိန်းအောင်(ရွှေပြည်သာ)က(ငြိမ်းချမ်းတေးနဲ့ရွှေဂျိုးဖြူကူပါမှလေး)အမည်ရှိကဗျာကိုလည်းကောင်း၊ကဗျာဆရာဦးသူရဇ္ဈာန်က
(ငြိမ်းချမ်းရေးတမန်တော်)အမည်ရကဗျာကိုလည်းကောင်း၊ကဗျာဆရာဘုန်းကျော်မှ(ပြည်သူတွေကိုညှာတာပါ)အမည်ရကဗျာ(၃)ပုဒ်ရွတ်ဖတ်
ပြီးဂုဏ်ပြုခဲ့ပါသည်။
အပြည်ပြည်ဆိုင်ရာကမ္ဘာ့ငြိမ်းချမ်းရေးနေ့အထိမ်းအမှတ်ကျင်းပရခြင်းအကြောင်းနှင့်ပတ်သက်ပြီး၎င်းပွဲကိုဦးစီး ကျင်းပပြုလုပ်သူကိုလူမော်လတ်ကိုအနည်းငယ်မေးမြန်းခဲ့ပါတယ်။
BP။။ကိုလူမော်လတ်ခင်ဗျား၊စက်တင်ဘာလ၂၁ရက်အပြည်ပြည်ဆိုင်ရာကမ္ဘာ့ငြိမ်းချမ်းနေ့အထိမ်း
အမှတ်ပွဲကိုဘယ်လိုရည်ရွယ် ချက်နဲ့ကျင်းပပြုလုပ်ခဲ့တယ်ဆိုတာလေးသိပါရစေ။
ကိုလူမော်။။ဟုတ်ကဲ့ကျွန်တော်ဒီငြိမ်းချမ်းရေးပွဲလေးကိုအကြောင်းမဲ့၊ရည်ရွယ်ချက်မရှိပဲလုပ်တာမဟုတ်ပါဘူး။
တစ်ကမ္ဘာလုံးမှာရှိတဲ့လူတွေ၊ မြန်မာပြည်အတွင်းမှာရှိနေကြတဲ့ပြည်သူပြည်သားတွေ၊နောက်ပြီးတော့ ဒီမိုကရေစီတိုက်ပွဲအတွင်းမှာကျဆုံးသွားခဲ့ကြတဲ့ညီအစ်ကိုမောင်နှမတွေ၊နောက်ကျွန်တော်တို့အားလုံးရဲ့အမေလို့သတ်မှတ်ပြီး၊ဒီမိုကရေစီလမ်းပြကြယ်လို့နှလုံးသားထဲမှာစွဲမြဲနေတဲ့အန်တီဒေါ်အောင်ဆန်းစုကြည်နှင့်တကွ၊မြန်မာနိုင်ငံတစ်နိုင်ငံလုံးမှာရှိတဲ့အကျဉ်းထောင်တွေမှာဒီမိုကရေစီအတွက်တိုက်ပွဲဝင်ရင်းအကျဉ်းချခံထားရတဲ့နိုင်ငံ ရေးအကျဉ်းသားတွေကိုအမြန်ဆုံးလွတ်မြောက်ငြိမ်းချမ်းစေချင်တဲ့ဆန္ဒနဲ့သံဃာတော်တွေကိုပင့်ဖိတ်ဆွမ်းကပ်လှု
ပြီးမေတ္တာပို့သ၊အမျှပေးဝေချင်လို့ပါ။ကျွန်တော့်အဖေလည်းခုဗန်းမော်ထောင်မှာအနှစ်(၂၀)အကျဉ်းချခံထားရပါတယ်။ကျွန်တော့်အဖေကအလုံမြို့နယ်အမျိုးသားဒီမိုကရေစီဥက္ကဌဦးဘမြင့်ပါ။ခုဒီပွဲကိုကျွန်တော်မဖြစ်ဖြစ်အောင်လုပ်မယ်လို့ဆုံးဖြတ်ခဲ့တယ်။အဲ့အတွက်ကျွန်တော့်အဖေဆီတောင်၊ထောင်ဝင်စာသွားမတွေ့ရသေးပါဘူး။
ကျွန်တော်ပြောချင်တာကခုလက်ရှိအုပ်ချုပ်နေတဲ့နိုင်ငံတော်လူကြီးများကိုအန်တီဒေါ်အောင်ဆန်းစုကြည်နှင့်တကွနိုင်ငံရေးအကျဉ်းသားများကိုအမြန်ဆုံးလွှတ်ပေးပါလို့တောင်းဆိုပါတယ်။သူတို့တွေကအကြမ်းဖက်သမားတွေလည်းမဟုတ်၊နိုင်ငံတော်ကိုလုပ်ကြံကြတဲ့သူတွေလည်းမဟုတ်ဘူး၊သူပုန်သူကန်တွေလည်းမဟုတ်ပါဘူး။ ကျွန်တော့်ဆန္ဒကထောင်ချထားခံရတဲ့သူတွေအမြန်ဆုံးပြန်လွတ်ပြီးမိသားစုတွေနဲ့နွေးထွေးစွာပြန်လည်တွေ့ဆုံ စေဆန္ဒပါ။ကျွန်တော်တို့မိသားစုလည်းတကွဲတပြားဖြစ်နေတော့ ကျွန်တော်ကိုယ်တိုင်ခံစားနေရတာကိုစာနာပြီး သူတို့တွေအတွက်၊အားလုံးအတွက်ရည်ရွယ် ပြီးကျင်းပခဲ့တာပါဗျာ။

(ကိုလူမော်လတ်ဟာသူရေစက်ချနေစဉ်၊ဘဘဦးတင်ဦးရောက်လာချိန်မှာမျက်ရည်တွေ၊တွေတွေကျခဲ့သလို၊ကျွန်တော်အင်တာဗျူးနေစဉ်မှာလည်း
မျက်ရည်များကျခဲ့ပါတယ်။မြန်မာနိုင်ငံသူနိုင်ငံသားအားလုံးအမြန်ငြိမ်းချမ်းမှုရပါစေလို့ကျွန်တော်ဒီနေရာကပဲဆုတောင်းမေတ္တာပို့သလိုက်ပါတယ်။)

လေးစားဦးညွှတ်လျှက်
Burma Paparazi










တရုတ်ပြည်သူ့သမ္မတမြန်မာနိုင်ငံတော်


၁၆-ကြိမ်မြောက် A.B.M.Aဂျာနယ်

ABMA Journal Volume 1 No 16