Monday, October 4, 2010

4 Oct 2010 ဒိုင်ယာရီ

http://www.mediafire.com/?t649gtfn9zczw7t
http://www.mediafire.com/file/8qznrl1ihj7rx56/4%20October%202010%20yeyintnge%27s%20Diary.doc

4 October 2010 Yeyintnge's Diary

ဒေါ်အောင်ဆန်းစုကြည်၏နှလုံးသားပုံရိပ်များ

အပိုင်း ( ၁ )

ကျနော် ဒေါ်အောင်ဆန်းစုကြည်ကို အန်တီစုလို့ပဲခေါ်ပါတယ်။ သူ့ကိုသတိစထားမိတာ ၁၉၈၀ကျော် ကာလ၀န်းကျင်လောက်ဖြစ်မယ်ထင်ပါရဲ့၊ ဦးအောင်ကြီးက ပေဖူးလွှာမဂ္ဂဇင်းကနေ အခန်းဆက်တွေကိုရေးနေတော့ အန်တီအကြောင်းကိုစသိခဲ့ဘူးပါတယ်။ ဒီလိုနဲ့ ၁၉၈၈ လူထုအရေးတော်ပုံကြီးပေါ်ပေါက်လာတော့ အန်တီလူထုရှေ့ကိုစထွက်လာတာ အားလုံးလည်းအသိပါပဲ။ အဲဒီအချိန်က ကျနော် သူ့ကိုသတိထားမိတာ ဗိုလ်ချုပ်အောင်ဆန်းရဲ့ သမီးတစ်ယောက်အဖြစ်နဲ့ပဲသတိထားခဲ့မိတာပါ။ နောက် ပါတီခေါင်းဆောင်တစ်ယောက်ဖြစ်ခဲ့ပါတယ်။ အဲဒီအထိလည်း ကျနော့်ရင်ထဲမှာ သိပ်အလေးနက်ကြီးတော့မရှိလှသေးပါဘူး ၊ ဒါပေမဲ့ ဘယ်အချိန်ကစပြီး သတိထားမိလာသလည်းဆိုတော့ ကျနော့် ဇာတိမြို့ ရေနံချောင်းကို စည်းရုံးရေးခရီးစဉ် အဖြစ်ရောက်ရှိလာတဲ့ ၁၉၈၈( နိုဝင်ဘာလများဖြစ်မလားမသိဘူး) အဲဒီကစပြီး အန်တီရဲ့ နှလုံးသားပုံရိပ်တွေဟာ ကျနော့် ရင်ထဲထိုးဖောက်ဝင်ရောက်လာခဲ့တာပါ။ ကျနော် တင်ပြခြင်တဲ့ အကြောင်းအရာက အန်တီစုရဲ့စိတ်နေစိတ်ထား တနည်းအားဖြင့် နှလုံးသားပုံရိပ်တွေ အကြောင်းပါ၊အမှန်ပြောရရင် အန်တီစုနဲ့ကျနော် ထိတွေ့ဖူးတဲ့ကာလက တော်တော်တိုတောင်းခဲ့ပါတယ်။ ဒါပေမဲ့ အဲဒီတိုတောင်းတဲ့ကာလလေးတစ်ခုအတွင်းမှာ ကျနော် အန်တီစုနဲ့ ကြိမ်ဖန်များစွာကြုံခဲ့ဘူးပါတယ်။ စကားတွေ အများကြီးပြောဖြစ်ခဲ့ဘူးတယ်၊ အလုပ်တွေ ပူးပေါင်းလုပ်ဆောင်ခဲ့ဘူးပါတယ်။ အဲဒီအချိန်ကာလများက ကျနော်ဟာ အလယ်ပိုင်းမြန်မာပြည် ( မြေလတ် ဒေသက ကျောင်းသားခေါင်းဆောင် တစ်ယောက်ပါ )။ NLD ပါတီဝင်တစ်ယောက်မဟုတ်ပါဘူး။ အန်တီစုနဲ့ပါတ်သက်လို့ ထိတွေ့ဆက်ဆံဘူးတဲ့ အချိန်တွေကစလို့ အန်တီရဲ့ နှလုံးသားကိုထိုးဖောက်ဝင်ရောက်လေ့လာနေတာ အခုထိပဲဆိုပါတော့ တနည်းအားဖြင့် စိတ်နေစိတ်ထားပေါ့။ ကိုယ့်နိုင်ငံ၊ကိုယ့်လူမျိုးကိုဦးဆောင်မဲ့သူရဲ့စိတ်နေစိတ်ထား၊ စရိုက်သွင်ပြင်လက္ခဏာ။အရည်အချင်းဆိုတာတွေဟာ သိထားသင့်တဲ့ အချက်တွေလို့ ကျနော်ခံယူပါတယ်။ ဒီနေရာမှာ လက်ခံနိုင်တာတွေရှိသလို၊လက်မခံနိုင်တာတွေလည်းရှိခဲ့ပါတယ်။ ကြိုက်တာတွေ၊မကြိုက်တာတွေ၊သဘောတူတာတွေမတူတာတွေ စသဖြင့် ကြုံတွေ့ခဲ့ဘူးပါတယ်။ သို့သော်လည်းကျနော့် အနေနဲ့ အန်တီစုကိုလက်ခံနိုင်တဲ့အချက်ထဲမှာ ဗိုလ်ချုပ်အောင်ဆန်း သမီးတစ်ယောက်၊ ပါတီခေါင်းဆောင်တစ်ယောက် ထက်ကျော်လွန်တဲ့ မှတ်ချက်တစ်ခုက ကျနော့်ရင်ထဲမှာရှိနေလို့ပါ။ ကျနော်လက်ခံထားတာက အန်တီစုဟာ ဒီနေ့အချိန်မှာ “ လူထုခေါင်းဆောင်တစ်ယောက်” ဒီလိုပဲလက်ခံထားတယ်။ လူထုခေါင်းဆောင်တစ်ယောက်ဆိုတာ လူထုအတွက်အလုပ်လုပ်နေရတော့ အမှန်တွေရှိသလို အမှားဆိုတာလည်းကြုံတွေ့နိုင်တာပါပဲ၊ ဒါသဘာဝတစ်ခုပါ ။ဒါကိုလည်း အန်တီကိုယ်တိုင်က ၀န်ခံပြောဆိုခဲ့တာတွေရှိပါတယ်။ ဒီနေရာမှာ ကျနော်အနေနဲ့ကတော့ တင်ပြချက်များကိုဘာမှတ်ချက်တစ်စုံတစ်ရာပေးဘို့မှ အရည်အသွေးမရှိပါဘူး၊ အန်တီစုရဲ့နှလုံးသားပုံရိပ် ( တနည်းအားဖြင့် ကျနော်နဲ့ဆုံတွေ့ခဲ့ရတဲ့ကာလများမှ တစ်စိတ်တဒေသ ကိုကောက်နှုတ်တင်ပြခြင်းမျှသာဖြစ်ပါတယ်။ ။ ကျနော့်ရဲ့အတွေ့အကြုံများကိုတင်ပြရာမှာ ဖြစ်ရပ်မှန်တွေဖြစ်တယ်ဆိုတာကိုတော့ ရဲရဲကြီးအာမခံပြောနိုင်ပါတယ်။ အန်တီစုအပါဝင် ဘယ်တစ်စုံတစ်ယောက်ကိုမှ ဖော်လံဖားရေးသွားမှာမဟုတ်ဘူးဆိုတာ ကိုလည်းကြိုပြောခြင်ပါတယ်။ ဒေါ်အောင်ဆန်းစုကြည်ဟာ မြန်မာပြည်သူလူထုကို ဦးဆောင်မှု့ပေးနိုင်သူလား၊ မပေးနိုင်သူလားဆိုတာကို သူ့ရဲ့နှလုံးသားကိုဝင်ရောက်ကြည့်ရအောင်ပါ။ အပြည့်အစုံမဟုတ်ရင်တောင်မှ တစ်စိတ်တစ်ဒေသလောက်ပဲဖြစ်ဖြစ်ပေါ့ ။

နှလုံးသားပုံရိပ်ဒိုင်ယာရီ ( ၁ )



အန်တီစုမြေလတ်ခရီးစဉ် ထွက်လာခဲ့တဲ့ ၁၉၈၈ နိုဝင်ဘာလလောက်ထဲမှာပါ။ ၈၈လူထုအရေးတော်ပုံကြီးကလည်းပြီးခါစဆိုတော့ နိုင်ငံရေးဒီရေအဟုန်ကလည်း တစ်အုံနွေးနွေး၊ ဒေသခံလူထုက အန်တီစုလာမှာကိုအတော်လေးကိုမျှော်လင့်နေကြတယ်။ သူ့မှာ ပါရမီပါလာလို့လားမသိဘူး တိုတောင်းလှတဲ့ နိုင်ငံရေးဖြတ်သန်းမှု့ ခနလေးမှာ တစ်နိုင်ငံလုံး လူထုရင်ထဲ ထိုးဖောက်နေရာယူနိုင်ခဲ့တယ်။ ဗိုလ်ချုပ်အောင်ဆန်းရဲ့ရင်သွေးမို့ လူထုကကြိုဆိုမိတယ်ဆိုရင် သားဖြစ်သူ ဦးအောင်ဆန်းဦး လာခဲ့ရင်ရော ဒီလိုမျှော်လင့်ကြိုဆိုနိုင်မလားဆိုတဲ့မေးခွန်းကမေးစရာပါ။ အဲဒီအချိန်ကာလက အညာဒေသမှာကလည်း ဆောင်းရနံ့သင်းတဲ့ အချိန်ဆိုတော့ အတော်လေးကိုနေလို့ထိုင်လို့ကောင်းတဲ့အနေအထားပါ။ ရေနံချောင်းမြို့နယ် အမျိုးသားဒီမိုကရေစီအဖွဲ့ချုပ်ရဲ့ အလုပ်အမှု့ဆောင်လူကြီးအချို့နဲ့အတူ ကျနော်တို့ ကျောင်းသားအဖွဲ့က အန်တီစုလာမဲ့ လမ်းခရီးမှာ သွားရောက်ကြိုဆိုပေးရပါတယ်။ အန်တီက နတ်မောက်ကနေ ရေနံချောင်းကိုကူးလာမှာပါ။ အန်တီစုကားတန်းဆိုက်လာတယ်ဆိုရင်ပဲ ခနလေး ရပ်ခိုင်းပြီး နှုတ်ဆက်ကြလုပ်နေတဲ့အချိန်မှာ ကျနော်က ကျောင်းသားတစ်ဖွဲ့ကို အန်တီလာပြီဆိုတဲ့ အကြောင်းလမ်းခရီးမှာရှိနေတဲ့ လူထုကိုအကြောင်းကြားဘို့လွှတ်လိုက်ပါတယ်။ အန်တီတို့ကားတန်းမြို့ထဲကိုဝင်ရောက်လာတယ်ဆိုရင်ပဲ လမ်းဘေးဝဲယာ တစ်ဘက်တစ်ချက်မှာ လူထုတွေဟာထွက်လာကြ အော်ဟစ်နှုတ်ဆက်ကြနဲ့ အတော်ကိုဝမ်းမြောက်စရာပါ။ ဒီလိုနဲ့ အန်တီစကားပြောမဲ့ မြို့လယ်က ခန်းမတစ်ခုအရောက်မှာတော့ လူထုကြီးဟာ တစ်ယောက်နဲ့တစ်ယောက်လမ်းလျှောက်လို့မရနိုင်လောက်အောင်များပြားလွန်းလှပါတယ်။ ပါလာတဲ့ သုံးရောင်ချယ်ကျောင်းသားလူငယ်အဖွဲ့နဲ့ ဒေသခံကျောင်းသားသမဂ္ဂ က ကျောင်းသားတွေ၊ မြို့နယ်ပါတီက တာဝန်ရှိသူတွေ ၀န်းရံပြီး အန်တီစုကို ကားထဲကခေါ်လာခဲ့တယ်ဆိုရင်ပဲ “ ဒေါ်အောင်ဆန်းစုကြည် ----ကျန်းမာပါစေ ” ဒေါ်အောင်ဆန်းစုကြည်----ကျန်းမာပါစေ ”ဆိုတဲဆိုတောင်းထောပနာပြူတဲ့ အသံတွေမြည်ဟီးထွက်လာလိုက်တာ မိုးယံပွင့်သွားမတတ်ပါပဲ။ နောက် အန်တီစု ဟာခန်းမထဲမှာ ပထမစကားပြောပါတယ် ။ပြီးတော့ ခန်းမ ပြတင်းပေါက်ကနေ ရပ်ပြီး လူထုကိုမိန့်ခွန်းခြွေပါတယ်။ လက်ခုပ်သံတွေ တစ်ဖြောင်းဖြောင်း ၊ ဆုတောင်းသံတွေ အလီလီနဲ့ ဟောပြောပွဲပြီးဆုံးသွားပါတယ်။ ဟောပြောပွဲပြီးလို့ ခန်းမပေါ်ကနေ အောက်ကိုဆင်းလာတယ်ဆိုရင်ပဲ အန်တီစု ထွက်လို့မရအောင်လူထုကြီးက ပိတ်စို့ ပြွတ်သိပ်နေပါတယ်။ သူ့ကိုမြင်ဘူးခြင်လို့ တွေ့ဘူးခြင်လို့ စသည် စသည်ဖြင့်ပေါ့ ကျနော်တို့က အန်တီစုကို ၀န်းရံပြီး ကားရှိရာကိုခေါ်ဆောင်လာတဲ့ အချိန်မှာ-----------

“ အမေစု----အမေစု ကျနော် အမေ့ကိုတွေ့ပြီးလက်ဆောင်ပေးခြင်လို့ ရွာကနေ အပြေးလာတာပါ -----ဒီလက်ဆောင်လေးလည်းပေးပရစေ --ပြီးတော့ ကန်တော့လည်းကန်တော့ပရစေ ” ဆိုပြီး လူတစ်ယောက်ဆီက အသံပြာကြီးနဲ့အော်ဟစ်သံဟာ ရုတ်တရက် စူးထွက်လာပါတယ်။ ကျနော်တို့တစ်တွေသတိထားကြည့်လိုက်တော့ သူ့ပုံက ကျေးလက်ဟန်အပြည့်၊ အသက်က ၂၀ကျော်အရွယ် ပုဆိုးဝတ်ထားပုံကလည်း ပိုသီပတ်သီနဲ့ အန်တီစုရုတ်တရက်ရပ်ပြီးလှမ်းကြည့်လိုက်ပါတယ်၊ အဲဒီလူငယ်ကလူတွေကြားကနေ ဇွတ်ရှေ့ကိုရုန်းထွက်လာပြီး အထုတ်တစ်ထုတ်ကို အန်တီစုဆီလှမ်းကမ်းလိုက်ပါတယ်။ အန်တီက လှမ်းယူလိုက်တယ်ဆိုရင်ပဲ ကျနော်က သူ့ဆီကနေတစ်ဆင့် ချက်ခြင်းလွဲပြောင်းယူလိုက်တယ် သေသေချာချာကြည့်လိုက်တော့ ကျွတ်ကျွတ်အိတ်အကြည်ရောင်လေးနဲ့ထုတ်ထားတဲ့ ထန်းလျှက် ( တစ်ပိသာလောက်တော့ရှိမလားမသိဘူး ) ၊ ပြီးတော့ အဲဒီလူငယ်က အန်တီရဲ့ခြေအစုံနားမှာထိုင်တဲ့ပြီး ၃ကြိမ်တိုင် ဦးချရှိခိုးခဲ့တယ်။ မတ်တပ်ထရပ်တော့ သူ့ရဲ့မျက်ဝန်းအစုံမှာ မျက်ရည်တွေနဲ့ရွှဲနစ်နေပြီး ငိုချလိုက်တယ် ။ ငိုသံပါအသံကြီးနဲ့

“ အမေ---ကျုပ်တို့ကို ကယ်ပါ ---ကျုပ်တို့ငတ်နေပြီ ” ဆိုပြီး ချုံးပွဲချငိုပါတော့တယ်။ လူထုကြီး ခမျာ ရုတ်တရက်အံ့အားသင့်သွားတယ်ထင်ပါတယ်။ အသံတွေဟာချက်ခြင်းဆိုသလို ခေတ္တ ငြိမ်သက်သွားတယ်။ ကျနော် အန်တီကိုကြည့်လိုက်တော့ အန်တီရဲ့မျက်ဝန်းအစုံမှာ ကြေကွဲနမိတ်ပုံအချို့ကိုတွေ့လိုက်ရသလိုပဲ။ အန်တီစုက လူထုဆီကိုလှည့်ပြီး စကားပြောလိုက်တယ်

“ ပြည်သူလူထုကြီးကို ကျမ တစ်ခုပြောခြင်ပါတယ် ----- ဒီလူငယ်လေးလို ဒုက္ခတွေဝေနေတဲ့သူတွေဟာ မြန်မာနိုင်ငံမှာ သန်းပေါင်းများစွာရှိနေပါတယ် -------ဒါဟာ ဘာဖြစ်လို့ ဒီလိုဖြစ်ရသလည်းဆိုရင် ---စနစ်မကောင်းလို့ပါ ( လက်ခုပ်သံများ )------------------ဒီစနစ်ကို ကျမတို့ပြူပြင်ဘို့လိုပါတယ်------ပြည်သူလူထုကြီးက - ကျမတို့ကိုဝိုင်းဝန်းကူညီထောက်ပံ့ပေးကြပါ------( ပေးမယ်----ပေးမယ် ) လူထုဆီက အသံကြီးက ဆောင့်ထွက်လာပါတယ်။

“ ကျမ အသက်နဲ့ခန္ဒာရှိနေသရွှေ့ မြန်မာ နိုင်ငံရဲ့ နိုင်ငံရေးတာဝန်တွေ ထမ်းဆောင်သွားမယ်ဆိုတာ ------- ကတိပေးပါတယ် ( လက်ခုပ်သံများ )

နောက်ပိုင်းကျနော်သိတာကတော့ အဲဒီလူငယ်ဟာ မြို့နဲ့ သိပ်မဝေးလှတဲ့ ကျေးရွာတစ်ရွာကဖြစ်ပြီး ၊ ယာလုပ်ကိုင်စားနေတဲ့ ဆင်းရဲလှတဲ့ လူတစ်ဦးဖြစ်ကြောင်းနဲ့ အန်တီပြန်အသွားပြီးမှာတော့ ရဲစခမ်းကနေ ခေါ်ယူစစ်ဆေးမေးမြန်းကြောင်းသိရပါတယ်။ ဒါပေမဲ့ ထောင်ကျသံတော့ မကြားမိပါဘူး။

ဒီလိုနဲ့ အန်တီစု ဟာ ချောက်မြို့ကိုဆက်လက် ခရီးနှင်ခဲ့ပါတယ်၊ ချောက်ကကျောင်းသားအဖွဲ့တစ်ဖွဲ့က ရေနံချောင်းမှာ လာကြိုပါတယ်။ ချောက်က ကျောင်းသားတွေက ကျနော်ကိုပြောလာပါတယ် ။ ချောက်မှာတော့ ပြသနာရှိကြောင်း အုပ်စုနှစ်အုပ်စုနဲ့ အမျိုးသားဒီမိုကရေစီအဖွဲ့ချုပ် ဆိုင်းဘုတ် နှစ်ခုကွဲနေကြောင်း ၊ တစ်ခုက ကျောင်းသားလုငယ်များအပါဝင် မြို့မိမြို့ဖ လူထုအများဆုံးပါဝင်တဲ့ ( ၈၈ လူထုအရေးတော်ပုံက အုပ်စု ) နဲ့ နောက်တစ်အုပ်စုက ရှေ့နေမ ဒေါ်မြင့်မြင့်ကြွေ ဦးဆောင်တဲ့ အုပ်စုဆိုပြီး ကွဲနေကြောင်း ပြသနာကြီးကြောင်း စသဖြင့်ပြောလာတော့ ကျနော်လည်းခေါင်းတော်တော်စားသွားပါတယ်။ အဲဒီသတင်းစကားကို ကျနော်က မသီင်္ဂ ( အဲဒီကာလက အန်တီစု အနီးနားမှာနေသူ ) ကိုအကြမ်းပြောပြပြီး ကားပေါ်မှာ အန်တီစုကိုပြောပေးဘို့ အကြောင်းကြားခဲ့ပါတယ်။ ဖြစ်ခြင်တော့ ချောက်မြို့ရောက်တယ်ဆိုရင်ပဲ ညနေ ၆နာရီကျော်လောက်ရှိပြီ အုပ်စုနှစ်အုပ်စုမှာ လူနည်းစုအုပ်စုဖြစ်တဲ့ ဒေါ်မြင့်မြင့်ကြွေတို့ အဖွဲ့ကြိုဆိုတဲ့နေရာက အများစုကြိုဆိုမဲ့နေရာရဲ့ ထိပ်မှာရှိနေတော့ အန်တီစီးနင်းလိုက်ပါလာတဲ့ကားတန်းကြီးက ဒေါ်မြင့်မြင့်ကြွေ တို့ကြိုဆိုတဲ့နေရာမှာပဲ ရပ်ပြီး ကားပေါ်ကလူတွေဆင်း စတင်နားတော့မယ့် အရိပ်အရောင်တွေတွေ့နေရတော့ ကျနော် ခေါင်းတွေကြီးလာတယ် ။ ပြသနာက စတော့မယ် ။ အန်တီကတော့ ဒေါ်မြင့်မြင့်ကြွေတို့ အိမ်အပေါ်ထပ်တက်သွားပြီး အေးအေးလူလူရှိနေပြီ ၊ ကျနော့်စိတ်ထဲမတော့ မသီင်္ဂ မပြောလို့သာဖြစ်မယ်ဆိုပြီး သူ့ကို မေးကြည့်တော့ သူလည်း အန်တီကိုပြောထားတာပဲတဲ့ အန်တီကဘယ်လိုစဉ်းစားထားသလဲ သူလည်းမသိဘူးဆိုပြောတော့ ကျနော်လည်း ဘာလုပ်ရမှန်းမသိတော့ဘူး ---- အဲဒီအချိန်မှာ ကျောင်းသားတစ်ယောက်က ကျနော်ကိုလာပြောတယ် ကျောင်းသားလူငယ်တွေ အယောက် ၁၀၀လောက် ဒီကိုချီတက်လာနေပြီတဲ့----------

အပိုင်း ( ၂ ) ကိုမကြာခင်ဆက်တင်ပြပေးပါ့မယ်၊

မောင်မောင်ဝမ်း

ရောင်နီဦးဆီသို့ ...

ခေတ်မီသောနိုင်ငံတော်၏ အဓိပ္ပာယ်

ခေတ်မီသောနိုင်ငံတော်၏ အဓိပ္ပာယ်

NEJ   /   ၀၄ အောက်တိုဘာ ၂၀၁၀

တိုင်းပြည်တိုင်း ခေတ်မီလိုကြသည်။ ထိုကြောင့် ခေတ်မီအောင်လုပ်မည့် လမ်းစဉ်များကို နိုင်ငံ့ခေါင်းဆောင်များ ထောက်ခံအားပေးကြသည်။ လွတ်လပ်ရေးရစ နိုင်ငံသစ်အဖို့ ခေတ်မီသည်ဆိုသည်မှာ တက်ကြွမှု၊ ပြည်သူနဲ့ပတ်သက်မှု၊ ဒီမိုကရေစီကျမှု၊ မျှမျှတတရှိမှု၊ သိပ္ပံနည်းကျမှု၊ စီးပွားရေးတိုးတက်ဖွံ့ဖြိုးမှု၊ အချုပ်အခြာအာဏာပိုင်မှုနှင့် သြဇာတိက္ကမရှိမှုများပင် ဖြစ်သည်။ ခေတ်မီလိုသူများသည် ရှေးဟောင်းစနစ်၏ အကြွင်းအကျန် (မြေရှင်ပဒေသရာဇ်၊ စော်ဘွား၊ ဘုရင်စနစ်) စသည်များကို ဆန့်ကျင်၏။

ခေတ်မီသော အသွင်လက္ခဏာရပ်များတွင် ဒီမိုကရေစီရှိရန်လည်း ပါဝင်သည်။ ထို့ကြောင့် ပြည်သူ့ကိုယ်စားလှယ်အစိုးရ မဖွဲ့နိုင်ပါက မျှမျှတတဖြစ်ရန် egalitarian လိုအပ်သည်။ ခေတ်မီအောင် လုပ်ရာတွင် အစဉ်အလာအခွင့်ထူးခံ လူတန်းစားနှင့် သူဌေးလူတန်းစားတို့၏ ရပိုင်ခွင့်နှင့် အာဏာကို ဖျက်သိမ်းရန်လိုသည်။ အရွယ်ရောက်သူတိုင်း ဆန္ဒမဲပေးပိုင်ခွင့် ရှိရပါလိမ့်မည်။ ခေတ်မီသောနိုင်ငံ၌ အုပ်ချုပ်သူသည် ပြည်သူ့တာဝန်ကို ထမ်းဆောင်ရသည်။ တိုင်းသူပြည်သားတိုင်း ပညာသင့်ခွင့်ရ၍ ကြိုးစားလျှင် ကြိုးစားသလို အကြိုးခံစားခွင့်ရှိခြင်းသည်လည်း ခေတ်မီသော လက္ခဏာတရပ်ဖြစ်သည်။

စီးပွားရေးတိုးတက်ဖွံ့ဖြိုးမှုသည် ခေတ်မီသောလက္ခဏာတရပ်ဖြစ်၏။ စက်မှုအသွင်ပြောင်းလာပြီး လူနေမှုအဆင့်မြင့်လာသည့် တိုးတက်မှုမျိုးကို ဆိုလိုသည်။ စီးပွားရေး ဖွံ့ဖြိုးတိုးတက်အောင် မလုပ်နိုင်ပါက ခေတ်မီသည်ဟု မပြောနိုင်ပါ။ သမိုင်းကိုပြန်ကြည့်က ချမ်းသာကြွယ်ဝမှုနှင့် ဒီမိုကရေစီရေရှည်ခံမှု ဆက်စပ်နေသည်ကို တွေ့ရ၏။ ယင်းသို့ဆိုပါက ချမ်းသာကြွယ်ဝမှ လွတ်လပ်မည်လားဟု မေးရပေမည်။ ပထမလိုအပ်ချက်မှာ သီးခြားလွတ်လပ်သော လုပ်ငန်းရှင်လူတန်းစား သြာဇာအာဏာရှိလာရန်ဖြစ်သည်။ အာဏာပိုင်များ၏ မတရားအနိုင်ကျင့်မှုမှ ကင်းလွတ်သော လုပ်ငန်းရှင်လူတန်းစား ရှင်သန်ရန် အရေးကြီးသည်။ ဒုတိယလိုအပ်ချက်မှာ ဤလူတန်းစားသစ်နှင့် အစိုးရတို့ ပြိုင်ဆိုင်လာသည့်အခါတွင် အစိုးရဘက်၌ လောဘကြီးမှု၊ ဖောက်ပြန်မှုနည်းပါးလာပြီး လူ့အဖွဲ့အစည်း၏လိုအပ်ချက်ကို နားလည်လာဖို့လိုသည်ဟူ၏။ စီးပွားရေးလွတ်လပ်မှု economic liberalization များလေလေ လုပ်ငန်းရှင် လူတန်းစား အားကောင်းလေလေ အရပ်သားအဖွဲ့အစည်း civil society များလေလေမို့ နောက်ဆုံး၌ ဒီမိုကရေစီလမ်းပေါ် ရောက်သွားသည်ဟု ယူဆကြသည်။

သို့သော်လည်း လွတ်လပ်သောအရင်းရှင်စနစ် ရှင်သန်တိုးတက်မှုနှင့် ငွေရှိမှုသည် အလွန်ခြားနားသည်။ ရေနံထွက်သော အာရပ်နိုင်ငံများတွင် ရေနံရောင်း၍ ရထားသည့် ဒေါ်လာငွေအများကြီး ရှိသော်လည်း စာမတတ်သူများပြီး လုပ်ငန်းရှင်လူတန်းစား နည်းပါးသည့်အတွက် လွတ်လပ်သော အရင်းရှင်စနစ် မရှင်သန်ဟု သုံးသပ်ကြ၏။ ထို့ကြောင့် ဤနိုင်ငံများတွင် ငွေရှိသော်လည်း ဒီမိုကရေစီနှင့် လွတ်လပ်မှု ဆိတ်သုဉ်းနေ၏။ ထိုနည်းလည်းကောင်းပင် သဘာဝသယံဇာတ ကြွယ်ဝလေလေ တိုးတက်မှုနည်းပါးလေလေ ဖြစ်နေသည်ကို တွေ့ရသည်။ ၁၉၇၀ မှ ၁၉၉၀ အထိ အနှစ် (၂၀) ကာလ ဖွံ့ဖြိုးစနိုင်ငံ (၉၇) နိုင်ငံကို စစ်တမ်းကောက်ယူကြည့်သောအခါတွင် အများစုသည် သဘာဝသယံဇာတကြွယ်ဝပြီး စီးပွားရေး၊ နိုင်ငံရေး တိုးတက်မှု နည်းပါးသည်ကို တွေ့ရ၏။ သဘာဝသယံဇာတပစ္စည်း ရောင်းစားသော အစိုးရသည် တိုင်းသူပြည်သားကို အခွန်စည်းကြပ်စရာ မလိုသည့်အတွက် တိုင်းပြည် ခေတ်မီတိုးတက်အောင် လုပ်ပေးရန်လည်း တာဝန်မယူပါ။ ဥပမာ ဆော်ဒီအစိုးရ၊ မြန်မာစစ်အစိုးရကို လေ့လာသင့်သည်။

ခေတ်မီသော အချက်များထဲတွင် အမျိုးသားအချုပ်အခြာအာဏာပိုင်ဆိုင်မှုလည်း ပါဝင်သည်။ အချုပ်အခြာ အာဏာပိုင်နိုင်ငံသည် ကိုယ်ပိုင်လွတ်လပ်မှု ရှိရုံတင်မကဘဲ ကမ္ဘာတွင် ရိုသေလေးစားခံရပြီး သြဇာတိက္ကမရှိသည်ဟုလည်း ဆို၏။ အာရှလူ့အဖွဲ့အစည်းသည် ရှေးဟောင်းဖြစ်ပြီး အုပ်ချုပ်သောအစိုးရသည်သာ ပုံစံသစ်ဖြစ်နေသည်။ အာရှ-အာဖရိက နိုင်ငံရေးဓလေ့ထုံးစံတွင် အခြေခံဥပဒေအရ ပြည်သူ့ကိုယ်စားအုပ်စိုးသော ဒီမိုကရေစီစနစ်မျိုး မရှိခဲ့ဖူးပါ။ ခေတ်မီသည်ဆိုသည်မှာ အနောက်တိုင်းကို အားမကိုးဘဲ အနောက်နိုင်ငံကဲ့သို့ ကျင့်ကြံခြင်းဖြစ်၏။ အနောက်တိုင်းအတတ်ပညာကို လက်ခံသော်လည်း နိုင်ငံရေးလမ်းစဉ် ချမှတ်ရာတွင်သာ အနောက်တိုင်းကို ဆန့်ကျင်နေကြသော နိုင်ငံများလည်းရှိသည်။ နိုင်ငံသစ်၌ ကျင့်သုံးသော အစိုးရစနစ်နှင့် ယခင်ကရှိခဲ့သော ရှေးဟောင်းအဖွဲ့အစည်းသည် သဟဇာတ မဖြစ်သည်ကများသည်။

စစ်တပ်ဆိုသည်မှာ ကန့်သတ်မှုကျဉ်းမြောင်းသည့်ဇာတ်စနစ် (သို့မဟုတ်) ကျေးလက်ဆွေမျိုး အသိုင်းအ၀ိုင်းနှင့်ဆင်သည်ဟု ဆိုရိုးရှိသည်။ ဇာတ်စနစ်နှင့် ကျေးလက်အစဉ်အလာ၏ ဘောင်ခတ်မှုကို ခံရသူတဦးသည် နိုင်ငံရေးစိတ်ဓာတ်အပြည့်ရှိသော ခေတ်မီနိုင်ငံသား Modern Citizen ဖြစ်လာရန် အခက်အခဲရှိသည်ဟု သုံးသပ်ကြ၏။ မည်သည့်အတွက်ကြောင့်ဆိုသော ဤကျဉ်းမြောင်းသောစနစ်အတွင်းရှိ လူသားသည် နီးစပ်ရာဆွေမျိုးလောက်ကိုသာ သစ္စာရှိနေ၍ပင်ဖြစ်၏။ ဤသို့သော ပုဂ္ဂိုလ်များသည် ၎င်းတို့၏ ကျဉ်းမြောင်းသော ကိုယ်ကျိုးစီးပွားကို မြှင့်တင်ပေးမည့် ခေါင်းဆောင်ကိုသာ လိုလားကြသည်။ ဤသည်ကြောင့် မိမိကိုယ်ကျိုးစီးပွားကိုသာ သစ္စာရှိသော အကျင့်ဓလေ့သည် တရားဥပဒေစိုးမိုးရေးကို ထိခိုက်စေသည်။ တရားဥပဒေကို ဂရုမစိုက်ဘဲ မိမိအုပ်စု၏ အကျိုးစီးပွားကိုသာ ဦးစားပေးသော အစိုးရကို အဂတိလိုက်စားသည်ဟု လူထုကမြင်သည်။

အုပ်ချုပ်သူနှင့် အုပ်ချုပ်ခံရသူ လူတန်းစားအကြား နိုင်ငံရေးကွာဟမှု ကြီးမားလာလေလေ ခေတ်မီနိုင်ငံတော် (polity) တည်ထောင်ရာတွင် အခက်အခဲ ကြီးမားလေလေဖြစ်နေသည်။ စစ်မှုထမ်းလောက၏ ကျဉ်းမြောင်းလှသော ဇာတ်အမြင်ကြောင့် စစ်တပ်အဖို့ အမျိုးသားနိုင်ငံရေးပါတီကို တည်ဆောက်ရန်မှာ မဖြစ်နိုင်သလောက်ပင်ဖြစ်၏။ အရာရှိအဆင့်အတန်းကိုလိုက်၍ ပါတီ၌ နေရာပေးခြင်းသည် ပါတီမဟုတ်ဘဲ ဗျူရိုကရေစီသာဖြစ်၏။ အချို့တိုင်းပြည်များတွင် နိုင်ငံရေးပါတီများသည် ခေါင်းဆောင်များ၏ ခါးပိုက်ဆောင်အဖွဲ့လို ဖြစ်နေသည်။ ဒီမိုကရေစီအခြေခံဥပဒေအရ အုပ်ချုပ်သော တိုင်းပြည်များ၌ပင် အမျိုးသားပါတီ မကြီးစိုးနိုင်ပါက အုပ်စုနှင့် ဂိုဏ်း မဟာမိတ်လုပ်၍ အစိုးရဖွဲ့ရသည်။

မြန်မာစစ်တပ်သည် စစ်ဗိုလ်လူတန်းစား၏ ကိုယ်ကျိုးစီးပွားကို အဓိကထားသည့် အလွန်ကျဉ်းမြောင်းသောအမြင်ဖြင့် မဆလပါတီကို တည်ထောင်သောကြောင့် တပြည်လုံးကို ကိုယ်စားပြုသော ပါတီဖြစ်မလာပါ။ လက်ရှိကြံ့ဖွံ့ပါတီသည်လည်း မဆလပါတီ သွားရာလမ်းအတိုင်း လျှောက်နေသည်။ ယုံကြည်ချက်မရှိသော အချောင်သမားများ တည်ထောင်သော ပါတီဖြစ်နေ၏။ အုပ်ချုပ်သူနဲ့ အုပ်ချုပ်ခံရသူအကြား ကွာဟချက်ကြီးမားလွန်းသဖြင့် ခေတ်မီနိုင်ငံတော် modern polity ကို ဖွဲ့စည်းရာတွင် အခက်အခဲများစွာ ရှိသည်။

ဆင်းရဲချမ်းသာ မညီမျှမှုကြောင့် ဖြစ်ပေါ်လာရသော မကျေနပ်ချက်များကို ထုတ်ဖော်ပြောဆိုရန် အခွင့်အလမ်းမရှိ ဖြစ်နေပါက မြိုသိပ်ထားသော မကျေနပ်မှုများ ပိုမိုများပြားလာဖွယ်ရှိ၏။ လူတန်းစားစိတ်ဓာတ်သည်လည်း ပိုပြီးပီပြင်လာသည်။ မညီမျှသော လူတန်းစားများကြားတွင် ပဋိပက္ခဖြစ်ပေါ်လာနိုင်သည်။ စီးပွားရေး တိုးတက်မှုနှေးကွေးသော တိုင်းပြည်များတွင် တက္ကသိုလ်ပညာသင်ရန် အခွင့်အရေးနည်းသောကြောင့် အလုပ်အကိုင်ပြောင်းလဲဖို့ အခွင့်အလမ်းသည် နည်းသွားသည်။ ထိုအခါ၌ ကျေးလက်လူငယ်အများအပြား စစ်ထဲဝင်ကြသည်။ ကုန်သည်၊ လယ်သမားနှင့် လက်လုပ်လက်စားက ဆင်းသက်လာသော စစ်ဗိုလ်များလာသည်။

၎င်းတို့သည် ပညာမတောက်တခေါက်နှင့် စစ်ဗိုလ်ဘ၀ ရောက်လာကြသော်လည်း စစ်တပ်နှင့် စီးပွားရေးလုပ်ငန်းရှင်၊ အရပ်သားနိုင်ငံရေးသမားများ အကျိုးစီးပွား ကွာခြားသည်ကို သဘောပေါက်ကြသည်။ စီးပွားရေး မတိုးတက်လေလေ ထွက်ပေါက်နည်းပြီး စစ်ထဲရောက်သူ များလေလေ ဖြစ်လာနိုင်သည်။ ဤစစ်ဗိုလ်လူတန်းစားသည် စီးပွားရှာရန် တပ်ထဲဝင်သည်ဖြစ်၍ နိုင်ငံတော်ခေတ်မီသည် မမီသည် စဉ်းစားတွေးတောနေမည်မဟုတ်ပါ။ တပ်ထဲရှိစဉ် ရသမျှ ခိုးဝှက်ပြီး အခွင့်သာသည်နှင့် တပ်မှ ထွက်ကြမည်ဖြစ်သဖြစ် စစ်ဗိုလ်နိုင်ငံရေးလုပ်စားနေသမျှ ခေတ်မီနိုင်ငံတော် တည်ဆောက်နိုင်မည်မဟုတ်ပါ။
http://www.khitpyaing.org/index.php?route=detail&id=4916

နိုင်ငံတော်ဘဏ္ဍာသုံး၍ ကြံ့ဖွံ့ မဲဆွယ်

နိုင်ငံတော်ဘဏ္ဍာသုံး၍ ကြံ့ဖွံ့ မဲဆွယ်

E-mail Print
Share/Save/Bookmark ရန်ကုန်တိုင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ဖွံ့) သည် နိုင်ငံတော် ဘဏ္ဍာအသုံးပြု၍ လမ်းခင်းခြင်း၊ ငွေချေးခြင်း၊ စာသင်ကျောင်း ဆောက်ခြင်း၊ ဆေးရုံ၊ ဆေးခန်း ဖွင့်လှစ် ပေးခြင်းများဖြင့် မဲဆွယ်လျက်ရှိကြောင်း သိရသည်။

IMG_1841
- ရန်ကုန်မြို့ ကမာရွတ်မြို့နယ်အတွင်းရှိ လမ်းတလမ်းတွင် ကြံ့ဖွံ့နာမည်ခံ၍ လမ်းခင်းပေးပြီး ကမ္ဗည်းမှတ်တိုင် စိုက်ထူထားစဉ်။ (ဓာတ်ပုံ - ဧရာဝတီ)
ရန်ကုန်မြို့တော်ခန်းမတွင် စက်တင်ဘာလနှောင်းပိုင်းက ပြည်တွင်း သတင်း မီဒီယာတချို့ကို ခေါ်ယူတွေ့ဆုံစဉ် ရန်ကုန်တိုင်း ကြံ့ဖွံ့ပါတီ တာဝန်ခံ ဦးအောင်သိန်းလင်းက ရန်ကုန်မြို့တွင် ဆင်ခြေဖုံးမြို့နယ်များ အပါအ၀င် မြို့နယ်များတွင် လမ်းပေါင်း ၄၀၀၀ ခန့်ရှိကြောင်း၊ ကြံ့ဖွံ့ပါတီသည် ထိုလမ်းများကို စီမံချက်ဖြင့် ခင်းပေးနေပြီး အဆိုပါ လမ်းခင်းခြင်းကို ရန်ကုန်မြို့တော် စည်ပင်သာယာရေးကော်မတီက ဆောင်ရွက် ပေးခြင်းဖြစ်ကြောင်း၊ ဘိလပ်မြေကို စည်ပင်ပိုင် ဘိလပ်မြေစက်ရုံက ထုတ်လုပ်ပေးကာ လမ်းခင်းစက်များ သည်လည်း စည်ပင်သာယာရေးပိုင်များသာ ဖြစ်ကြောင်း မြို့တော်ဝန်က ဆိုသည်။

“လမ်းခင်းဖို့ ဘိလပ်မြေက တရက်ကို အိတ် ၆၀၀၀၊ ၇၀၀၀ လောက်ထွက်တယ်” ဟု မြို့တော်ဝန်က ရှင်းပြသည်။

ကြံ့ဖွံ့ပါတီသည် ပြည်သူလူထုဖွံ့ဖြိုးရေး လုပ်ငန်းများကို ကြံ့ဖွံ့အသင်း အနေဖြင့် ရပ်တည်စဉ်ကတည်းက လုပ်ဆောင်ခဲ့ပြီး ဆက်လက်လည်း လုပ်ဆောင်သွားမည်ဟု သူက ဆိုသည်။

“လမ်းတွေခင်းပေးတယ်၊ ရေရအောင်လည်း ရေတွင်းတွေ တူးပေးတယ်၊ ပြည်သူလူထု ကျန်းမာရေး အတွက်လည်း ဖြိုးစေတနာ ဆေးခန်းတွေ အခမဲ့ ဖွင့်လှစ်ပေးထားတယ်၊ ပညာရေး စောင့်ရှောက်မှုအနေနဲ့ စာသင်ကျောင်းတွေလည်း အများကြီးဆောက်ပေး ထားတယ်။ စီးပွားရေး စောင့်ရှောက်မှုအနေနဲ့ ဆင်းရဲတဲ့လူတွေကို သက်သာတဲ့ အတိုးနှုန်းနဲ့ ငွေချေးပေးတယ်” ဟု ဦးအောင်သိန်းလင်းက မီဒီယာများကို ရှင်းပြခဲ့သည်။

ကြံ့ဖွံ့ပါတီအနေဖြင့် အစိုးရ အသုံးစရိတ်ဖြင့် မဲဆွယ်လှုပ်ရှားမှုများ ဆောင်ရွက်နေခြင်းမှာ လက်ခံနိုင်ဖွယ်မရှိကြောင်း၊ နိုင်ငံရေးပါတီ အများစုကလည်း ထိုသို့ အစိုးရစရိတ်သုံးကာ မဲဆွယ်မှုများကို ရွေးကောက်ပွဲ ကော်မရှင်မှတဆင့် ကန့်ကွက် သင့်ကြောင်း၊ ရွေးကောက်ပွဲဥပဒေကို ချိုးဖောက်သည့် ကြံ့ဖွံ့ပါတီကို တရားဥပဒေကြောင်းအရ ဖျက်သိမ်းရန် ပြည်ထောင်စုရွေး ကောက်ပွဲကော်မရှင်သို့ တရားဝင်တိုင်ကြားခြင်း၊ တရားစွဲဆိုခြင်းများလည်း ပြုလုပ်သင့်ကြောင်း
ဝါရင့် သတင်းစာဆရာတဦးက ပြောသည်။

“ဗိုလ်ချုပ်မှူးကြီး သန်းရွှေ ပြဋ္ဌာန်းထားတဲ့ ဥပဒေကို ကြံ့ဖွံ့ပါတီက ချိုးဖောက်နေတာတွေကို နိုင်ငံရေးပါတီတွေက ကန့်ကွက်ရမယ်။ ရွေးကောက်ပွဲ ကော်မရှင်မှာ ဥပဒေချိုးဖောက်တဲ့ ကြံ့ဖွံ့ပါတီ ဖျက်သိမ်းပေးဖို့ တရားဝင်တောင်းဆိုရမယ်။ ကြောက်နေရင်တော့ ကြံ့ဖွံ့ပါတီရဲ့ မတရားနည်းလမ်းသုံး မဲဆွယ်တာတွေကို ထိုင်ကြည့်နေကြပေါ့” ဟု ၎င်းက ဆိုသည်။

နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၁၂ (က/ ၅) တွင် နိုင်ငံတော်ပိုင်ငွေကြေး၊ မြေ၊ အိမ်၊ အဆောက်အအုံ၊ ယာဉ်၊ ပစ္စည်းတို့ကို တိုက်ရိုက် ဖြစ်စေ၊ သွယ်ဝိုက်သောနည်းဖြင့် ဖြစ်စေ ရယူသုံးစွဲသည့် ပါတီအဖွဲ့အစည်း ဖြစ်လျှင် နိုင်ငံရေး ပါတီအဖြစ် ဆက်လက် ရပ်တည်ပိုင်ခွင့် မရှိစေရဟု တရားဝင်ပြဋ္ဌာန်းထားသည်။

ကြံ့ဖွံ့ပါတီသည် လမ်းများခင်းရာတွင် ငွေကြေးမကောက်ခံဟု မြို့တော်ဝန်ကပြော ဆိုသော်လည်း အမှန်တကယ် လက်တွေ့တွင်မူ ရပ်ကွက်လူထုထံမှ ငွေကြေး ကောက်ခံမှုများရှိကြောင်း စုံစမ်းသိရှိရသည်။

“ပေ ၃၀၀ ရှိတဲ့ လမ်းခင်းဖို့ ကျပ် ၃ သိန်း ၆ သောင်း ရပ်ကွက်က ပေးလိုက်ရတယ်။ ပါတီဝင်လည်း စုပေးရတယ်” ဟု ကမာရွတ်မြို့နယ်မှ ရယက အဖွဲ့ဝင်တဦးက ပြောသည်။

ပါတီစုံဒီမိုကရေစီ ရွေးကောက်ပွဲကို နိုဝင်ဘာလ ၇ ရက်နေ့တွင် ကျင်းပမည်ဖြစ်ပြီး လူဦးရေ သန်း ၆၀ နီးပါးရှိသော မြန်မာနိုင်ငံတွင် မဲပေးနိုင်သည့် အသက်ပြည့်ပြီးသူ လူဦးရေ သန်း ၃၀ ကျော်ရှိကြောင်း သိရှိရသည်။

နေပြည်တော်ခရိုင်တွင် မဲပေးနိုင်သော လူဦးရေ ၆ သိန်းကျော်ရှိပြီး ရန်ကုန်တိုင်းတွင်မူ မဲပေးနိုင်သော လူဦးရေ ၄၄၁၈၉၈၉ ရှိကြောင်း ပြည်ထောင်စု ရွေးကောက်ပွဲကော်မရှင်က တရားဝင် ထုတ်ပြန်ထားသည်။
http://www.irrawaddy.org/bur/index.php/news/1-news/4205-2010-10-04-06-54-35

နိုင်ငံကျော် အနုပညာရှင်များကို ဗန်းပြ၍ ကြံ့ဖွံ့မဲဆွယ်


နိုင်ငံကျော် အနုပညာရှင်များကို ဗန်းပြ၍ ကြံ့ဖွံ့မဲဆွယ်

E-mail Print
Share/Save/Bookmark ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) မှ ပါဝင် ယှဉ်ပြိုင်ရန် ပြင်ဆင်နေသော ဇေကမ္ဘာ ဦးခင်ရွှေသည် ၎င်း၏ စည်းရုံးရေး ခရီးစဉ်များတွင် နိုင်ငံကျော် အနုပညာရှင်များကို ခေါ်သွားကြောင်း သိရသည်။


KOT
မင်းသားလွင်မိုး၊ မင်းသမီး နန္ဒာလှိုင်မိသားစု (ဓာတ်ပုံ - myanmarcelebrity.com)
“ကျနော်က အတင်းခေါ်တာ မဟုတ်ပါဘူး။ ကိုလွင်မိုးက လေ့လာရေးအနေနဲ့ လိုက်ချင်တယ်ပြောလို့ ခေါ်သွားဖြစ်တာပါ။ ဒီနေ့ ခရီးစဉ်မှာ ဦးမိုးဒီလည်း ပါလာတယ်” ဟု ဦးခင်ရွှေက ဧရာဝတီသို့ ပြောသည်။

၎င်း၏ ခရီးစဉ်တွင် နာမည်ကြီး အနုပညာရှင်များ ပါဝင်ခြင်းကြောင့် ဒေသခံများ၏ အာရုံစိုက်မှု၊ အားပေးမှုများကို အထူးရရှိ ကြောင်းလည်း ဦးခင်ရွှေက ဆက်ပြောသည်။

ဦးခင်ရွှေသည် ရန်ကုန်တိုင်း တွံတေးမြို့နယ်၊ ကော့မှူး၊ ကွမ်းခြံကုန်း မြို့နယ်များ ကိုယ်စားပြု၍ အမျိုးသားလွှတ်တော်မှ ဝင်ရောက် ယှဉ်ပြိုင်မည် ဖြစ်သည်။

၎င်း၏ စည်းရုံးရေး ခရီးစဉ်တွင် နိုင်ငံကျော်အနုပညာ ရှင်များဖြစ်သော မင်းသားလွင်မိုး၊ မင်းသမီးနန္ဒာလှိုင်၊ ဟာသသရုပ် ဆောင် ဦးမိုးဒီ တို့ပါဝင်ကြောင်း သိရသည်။

မင်းသမီးနန္ဒာလှိုင်သည် ဦးခင်ရွှေ၏ သားဖြစ်သူ ဦးဇေသီဟ၏ ဇနီးဖြစ်သည်။

“ကျနော်က ကြံ့ခိုင်ရေးပါတီ ကိုယ်စားပြုပြီး လိုက်လာတာ မဟုတ်ပါဘူး။ အန်ကယ်လ် ဦးခင်ရွှေနဲ့ ရင်နှီးတဲ့အတွက် အဖော်လိုက်လာ ပေးတာပါ။ နိုင်ငံတော်က ပထမဆုံးအကြိမ် ပြုပြင်ပြောင်းလဲမှု တွေလုပ်နေပြီလေ။ ဒီတော့ ပြည်သူတွေက နိုင်ငံရေးအပေါ် ဘယ်လိုသဘောထားလဲ ဆိုတာ လေ့လာတဲ့သဘောပါ။ လူတိုင်းက နိုင်ငံရေး လုပ်ပိုင်ခွင့် ရှိတယ်လေ” ဟု မင်းသား လွင်မိုးက ဧရာဝတီကို ပြောသည်။

“ဒီခရီးစဉ်တွေကို လိုက်ပါတဲ့အတွက် ကျနော့်အနုပညာအပေါ်မှာ စိုးရိမ်တာ မရှိပါဘူး။ ကိုယ့်ဘာသာ လုပ်ပိုင်ခွင့်ရှိတယ်။

အခုအချိန်မှာ လွင်မိုး ဆိုပြီးလည်း နိုင်ငံရေးပါတီ ထောင်ခွင့်ရှိတယ်။ နောင် ၅ နှစ်ကြာရင် လွင်မိုးလည်း အမတ်ဖြစ်ရင် ဖြစ်လာနိုင်တာပေါ့လေ” ဟုလည်း မင်းသား လွင်မိုးက ဆက်ပြောသည်။

ဦးခင်ရွှေ၏ စည်းရုံးရေး ခရီးတွင် လိုက်ပါလာသည့် အနုပညာရှင်များက နိုင်ငံရေးစည်းရုံးရန် မဟုတ်ဟုဆိုသော်လည်း ဒေသခံများကမူ အနုပညာရှင်များကို နိုင်ငံရေးအတွက် အသုံးချနေခြင်းသာ ဖြစ်သည်ဟု ပြောဆိုကြသည်။

“ကျမတို့ ချစ်တဲ့အနုပညာရှင်တွေနဲ့ တွေ့ရလို့တော့ ၀မ်းသားပါတယ်။ ဒါပေမယ့် ကြံ့ဖွံ့ပါတီ အတွက်စည်းရုံးရေးမှာ ပါလာတော့စိတ်ထဲက မကောင်းဘူး။ ပြည်သူတွေနဲ့ တွေ့တာ ကြံ့ဖွံ့မပါလည်း တွေ့လို့ရတာပဲ” ဟု ကော့မှူး ဒေသခံ တဦးက ပြောသည်။

ဦးခင်ရွှေသည် ၎င်းအားမဲပေးပါက  ကော့မှူးမြို့ပေါ်မှ ငှက်အော်စမ်း ကျေးရွာအထိ ၁၆ မိုင်ဝန်းကျင်ရှည်သော လမ်းကို ခင်းပေးမည့် အပြင် လမ်းတလျှောက်ရှိ လျှပ်စစ်မီးတိုင်များကို ပြုပြင်၍ မီးလင်းစေရန် ဆောင်ရွက်ပေးမည်ဟု ငှက်အော်စမ်း
ကျေးရွာ ဒေသခံများကို ပြောဆိုသွားကြောင်း သိရသည်။

“ဒီနေ့လည်း ကော့မှူးမြို့ပေါ်မှာ လာစည်းရုံးမယ်ဆိုပြီး ဒေသခံတွေကို ခေါ်တယ်။ လာတဲ့လူကို ပိုက်ဆံ ၅၀၀၀ စီပေးတယ်။ နောက်လည်း ဘာပေးဦးမယ်၊ ညာပေးဦးမယ် ပြောတယ်” ဟု ကော့မှူး ဒေသခံ တဦးကဆိုသည်။

ဦးခင်ရွှေ နှင့်အတူ နိုင်ငံကျော် ဟာသသရုပ်ဆောင် ဦးမိုးဒီလည်း ပါလာ၍ ဒေသခံများက သွားရောက် နားထောင်ကြသည်ဟု လည်း၎င်းက ပြောသည်။

နိုင်ငံရေးပါတီများသည်  မိမိတို့စည်းရုံးဟောပြောလိုသော အကြောင်းအရာ၊ ဟောပြောမည့် သူများနှင့်ပတ်သက်၍ သက်ဆိုင်ရာသို့ တပတ်ခန့် ကြိုတင် အကြောင်းကြားရမည်ဟု ရွေးကောက်ပွဲ ဥပဒေတွင် ပြဌာန်းထားသော် လည်း ကြံ့ဖွံ့ပါတီ နှင့် ပတ်သက်သည့် အရာများကိုမူ အကြောင်းကြားရန် မလိုကြောင်း သိရသည်။

သရုပ်ဆောင်ဦးမိုးဒီက ယခုလိုက်ပါသည့် ခရီးစဉ်အတွက် ရုပ်ရှင်အစည်းအရုံး အပါအ၀င် မည်သည့် အဖွဲ့ကိုမှ အကြောင်း မကြားခဲ့ရကြောင်းပြောသည်။ ၎င်းသည် ကြံ့ခိုင်ရေးပါတီ အတွက်စည်းရုံးပေးရန်အတွက် လိုက်ပါလာခြင်း မဟုတ်သော်လည်း
ပြည်သူများက နိုင်ငံရေးနှင့် ရောထွေးမြင်မည်ကို စိုးရိမ်ကြောင်း ဧရာဝတီကိုပြောသည်။

“ကျနော်က နိုင်ငံသား တယောက် အနေနဲ့ လိုက်လာပြီးတော့ လူတွေက နိုင်ငံရေးအပေါ်မှာ စိတ်ဝင်စားဖို့၊ မဲပေးတဲ့အခါ မဲရွေး မမှားကြဖို့၊ ကိုယ့်လက်ထဲက အခွင့်အရေးကို မှန်မှန်ကန်ကန် အသုံးချဖို့၊ ကိုယ်မှားရင် ကိုယ်ပဲခံရမှာဖြစ်လို့ သေချာစဉ်းစားပြီး
မှ မဲပေးကြဖို့၊ နိုင်ငံရေးကို ပေါ့ပေါ့တန်တန် မလုပ်ကြဖို့ ဆိုတာတွေကို အနုပညာရှင် တယောက်အနေနဲ့ လိုက်ပြီးရှင်းပြတာ ပါ” ဟု ဦးမိုးဒီက ဆိုသည်။

ဦးခင်ရွှေသည် ၎င်းအရွေးခံမည့် ဒေသရှိ ပြည်သူများအား စည်းရုံးပြောဆိုရာတွင် ၎င်း၏ ချမ်းသာကြွယ်ဝမှုကို ရှေ့တန်းတင် ပြောဆိုပြီး ၎င်းတို့ကြံ့ဖွံ့ပါတီကသာ ဒေသဖွံ့ဖြိုးရေးကို လုပ်ဆောင်ပေးနိုင်မည်ဖြစ်၍ ကြံ့ဖွံ့ကိုသာ မဲပေးကြရန် စည်းရုံး နေကြောင်း သိရသည်။

“သူတို့လုပ်ပေးချင်ရင် နှစ် ၂၀ လုံးလုံး ဘာလုပ်နေကြလဲ။ အခု မဲလိုချင်တဲ့ အခါမှ စေတနာတွေပိုပြနေတယ်။ တစည ကတော့ပြောတယ်၊ ကြံ့ဖွံ့ ပြောတာကို ယုံရင် အလိမ်ခံရမယ် ဆိုပြီး ရွာတွေမှာ လိုက်စည်းရုံးနေတယ်” ဟု ကော့မှူး မြို့နယ် ထန်းမနိုင် ရွာသား တဦးက ပြောသည်။

“ကျနော်တို့ဒေသခံတွေ ကတော့ ပေးတာယူမယ်၊ ကျွေးတာစားမယ်၊ မဲထည့်ရင် စဉ်းစားမယ်လို့ ခံယူထားကြတယ်” ဟု  လည်း အဆိုပါ ထန်းမနိုင်ရွာသားက ဆိုသည်။

နိုဝင်ဘာလ ၇ ရက်နေ့တွင် စစ်အစိုးရ ဦးဆောင်ကျင်းပမည့် ရွေးကောက်ပွဲ၌ ကြံ့ဖွံ့ပါတီကသာ အနိုင်ရပြီး အစိုးရဖွဲ့နိုင်မည် ဖြစ်၍ တခြားသော နိုင်ငံရေးပါတီများ အနေဖြင့် နောင် ၅ နှစ်အတွက်သာ ကြိုးစားသင့်ကြောင်း ဦးခင်ရွှေက ပြောသည်။
http://www.irrawaddy.org/bur/index.php/news/1-news/4210-2010-10-04-10-25-39