Friday, October 15, 2010

အလွမ်းများနှင့် ဧရာဝတီ ရုပ်ရှင်ဇာတ်ကား

 place password...    irrawaddy

(နာဂစ်နှင့် ရွေးကောက်ပွဲ ဇာတ်လမ်းရုပ်ရှင်ဇာတ်ကားကြီး) ၁နာရီ၄၀မိနစ်ကြာပါသည်။

http://www.mediafire.com/?v1s6v10f7haw4  တွင်ဖိုင်၂၀ရှိပါသည်။

                                                                            လေးစားလျှက်      
                           
                                                                          ဒါရိုက်တာသစ်သား    09085435644
                                                                          ဦးထွန်းဝေ            08030991503


15 Oct 2010 ဒိုင်ယာရီ

http://www.mediafire.com/file/r1icx5068t0s176/15%20Oct%20Yeyintnge%27s%20Diary.pdf

http://www.mediafire.com/file/wivgo13y7gsllxy/15%20Oct%20Yeyintnge%27s%20Diary.doc

15 Oct Yeyintnge's Diary

“ဒေါ်အောင်ဆန်းစုကြည်က တောင်းဆိုလာရင် NDF ကို ဖျက်သိမ်းပေးမှာပါ”

ဦးခင်မောင်ဆွေသည် ဖျက်သိမ်းခံထားရသည့် အမျိုးသားဒီမိုကရေစီ အဖွဲ့ချုပ် (NLD) ၏ ခေါင်းဆောင်ဟောင်း တဦးဖြစ်ပြီး လာမည့် နိုဝင်ဘာ ရွေးကောက်ပွဲ၌ ဝင်ရောက် ယှဉ်ပြိုင်အရွေးခံမည့် အမျိုးသား ဒီမိုကရေစီ အင်အားစု (NDF) အား ဦးစီးခေါင်းဆောင်နေသူလည်း ဖြစ်သည်။ အမတ်နေရာ ၁၆၁ နေရာအတွက် ဝင်ရောက် ယှဉ်ပြိုင်မည့် NDF ပါတီသည် စစ်အစိုးရ ကျောထောက်နောက်ခံပြု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) နှင့် တိုင်းရင်းသား စည်းလုံး ညီညွတ်ရေးပါတီ (တစည) တို့ပြီးလျှင် တတိယ အင်အားအကြီးဆုံး ပါတီဖြစ်သည်။

Khin-Maung-Swe-Interview
NDF ပါတီခေါင်းဆောင် ဦးခင်မောင်ဆွေကို ၎င်းပါတီ ရုံးချုပ်တွင် အမေရိကန် လက်ထောက် နိုင်ငံခြားရေးဝန်ကြီး မစ္စတာ ကာ့တ်ကမ်းဘဲလ်နှင့် တွေ့ဆုံအပြီးတွင်တွေ့ရစဉ်
ဒေါ်အောင်ဆန်းစုကြည် လွတ်မြောက်လာလျှင် NDF ပါတီအနေနှင့် ၎င်းနှင့် ပူးပေါင်းဆောင်ရွက်လိုမှု ရှိမရှိ၊ NDF ပါတီကို စစ်အစိုးရနှင့် နီးစပ်မှု ရှိသည်ဟု လူအများ ယူဆနေသော Myanmar Egress NGO အဖွဲ့က ငွေလှူဒါန်းသည်ဆိုသော သတင်းထွက်ပေါ်မှုများမှန်၊ မမှန် စသည့် ကိစ္စရပ်များနှင့် ပတ်သက်၍ ဧရာဝတီသတင်းထောက် ဘကောင်းက မေးမြန်းထားပါသည်။

မေး။     ။ ဒေါ်အောင်ဆန်းစုကြည် လွတ်လာရင် တကယ်လို့ သူက NDF ပါတီကို ဖျက်သိမ်းခိုင်းရင် ဖျက်ပေးမယ်လို့ ကြားတယ်။ အဲဒါဟုတ်ပါသလား။

ဖြေ။     ။ NDF တောင်မှ ဖျက်သိမ်းနိုင်တဲ့ အနေအထားမှာ ရှိတယ်လို့ပြောတာ ဟုတ်ပါတယ်။ ဒါကို သဘောမတူလည်း သူ့သဘောပေါ့လေ။ သူ့အနေနဲ့ ထွက်လာလာချင်းတော့ နားလည်မှာ မဟုတ်ဘူး။ ဒါပေမယ့် NLD က လူကြီးတွေဖြစ်တဲ့ ဦးအောင်ရွှေတို့၊ ဦးလွင်တို့ မသေသေးဘူး။ ကိုယ်တို့ မှန်ကန်တဲ့ လမ်းကြောင်းပေါ်မှာ ရှိတယ်ဆိုတာ သူတို့ ရှင်းပြနိုင်ပါလိမ့်မယ်။ တကယ်လို့များ ဒေါ်စုက ပေါင်းချင်တယ် ဆိုရင်လည်း ကျနော်တို့ ငြင်းစရာမရှိပါဘူးလို့၊ ဒါကိုပြောတာပါ။

မေး။     ။ ဒေါ်အောင်ဆန်းစုကြည်ကို NDF ထဲ ဝင်ပါစေချင်တဲ့ သဘောမျိုးလား။ ဒါမှမဟုတ်၊ ဒီရွေးကောက်ပွဲ မတိုင်ခင်မှာ မတူညီတာတွေ ဖြေရှင်းချင်တဲ့ သဘောလား။

ဖြေ။     ။ ဆိုလိုချင်တာက ချဉ်းကပ်တဲ့လမ်းကြောင်း မတူလည်း နိုင်ငံရေးအရ ပူးပေါင်းဆောင်ရွက်လို့ ရတယ်လို့ ပြောချင်တာပါ။  ရွေးကောက်ပွဲ သဘောထားကတော့ သဘောထားပေါ့။ ဒါကို ညှိလို့မရဘူးလေ။ ရွေးကောက်ပွဲ ပြီးတဲ့နောက် သူက သဘောတူမယ်၊ ညှိနှိုင်းလို့ အဆင်ပြေမယ်ဆိုရင် NDF ကို ဖျက်ပေးနိုင်တယ်၊ ဒီမိုကရေစီနဲ့ လူ့အခွင့်ရေး လမ်းကြောင်းပေါ်ကိုသွားမယ်ဆိုရင် ကျနော်တို့က သူ့အောက်ကို ပြန်ဝင်ဖို့ အဆင်သင့်ပဲလေ။

ဒါပေမယ့် ခေါင်းဆောင်နောက်မှာ ဘာမှ စဉ်းစားဆင်ခြင်တုံတရား မရှိဘဲနဲ့ ခေါင်းဆောင်ပြောသမျှကို ခေါင်းညိတ်တာ နောက်လိုက်မဟုတ်ဘူး။ ဘာဖြစ်လို့လဲဆိုတော့ ကျနော်တို့ ပုဂ္ဂိုလ်ရေး မကိုးကွယ်ဘူး။ နိုင်ငံရေးအရ ကိုးကွယ်တာ၊ သူ့ရဲ့ ထက်မြက်မှုကို ကိုးကွယ်တာ။

ဒါပေမယ့် ကျနော်တို့က ပြောချင်လှပြီဟဲ့လို့ သွားအော်ရင်လည်း ဘယ်ရမလဲ။ သူကကျနော်တို့ကို ကိုယ့်လူဟောင်းတွေ ကိုယ့်လုပ်ဖော်ကိုင်ဖက် ဟောင်းတွေဆိုပြီး တွေ့ချင်တယ် စကားပြောကြည့်ချင်တယ်ဆိုရင် ကျနော်တို့က အချိန်မရွေး ကြိုဆိုမှာပဲ။ မြန်မာ့ ဒီမိုကရေစီ ခေါင်းဆောင်နေရာမှာ သူ့ကို ထားတုန်းပဲ။ တွေ့တွေ့ မတွေ့တွေ့ ခေါင်းဆောင်ဟာ ခေါင်းဆောင်ပဲလေ။ သဘောထားတူလို့ လက်ခံတာ၊ လက်မခံတာဘဲ ကွာတယ်။

မေး။     ။ NDF အပေါ် NLD ပါတီဝင်တချို့က တော်တော်မုန်းတီးမှုတွေ ရှိတယ်၊ မကျေနပ်မှုတွေ ရှိတယ်လို့ ကြားတယ်။ ဒီတော့ NLD နဲ့ ပြန်လည်လက်တွဲပြီး လုပ်ဖို့ဆိုတာ ဖြစ်နိုင်ပါ့မလား။

ဖြေ။     ။ သူတို့ကတော့ ပုဂ္ဂိုလ်ကို ကိုးကွယ်ပြီး နိုင်ငံရေးလမ်းကြောင်းလျှောက်နေတာကိုး။ ပုဂ္ဂိုလ်က အိုကေတယ်ဆို သူတို့က အိုကေမှာပေါ့။

မေး။     ။ ဒေါ်အောင်ဆန်းစုကြည်ကလည်း အဲဒီလိုမျိုး ပြန်ပူးပေါင်းဖို့အတွက် ဦးခင်မောင်ဆွေတို့ မျှော်လင့်လို့ရလား။

ဖြေ။     ။ အခုနေခါမှာတော့ မသိဘူးလေ။ ထွက်လာတဲ့အခါမှာ လက်ရှိ နိုင်ငံရေးအခင်းအကျင်းကို သူသိသွားတဲ့ အခါမှာတော့ အောက်ထစ် စကားပြောတာတော့ လုပ်မယ်ထင်တာပဲလေ။ ပေါင်းမယ်၊ မပေါင်းဘူးတော့ သူ့ ဆုံးဖြတ်ချက်ပေါ့။ ကျနော်တို့ကတော့ အမြဲတမ်း ခေါင်းဆောင်အဖြစ် သတ်မှတ် ထားတာပဲလေ။ အမြဲတမ်း ခေါင်းဆောင်ဆိုတာ ဒီမိုကရေစီခေါင်းဆောင်၊ လူထုခေါင်းဆောင်ကို ပြောတာနော်။ ပါတီ ခေါင်းဆောင် ပြောနေတာ မဟုတ်ဘူး။ သူ့ကို ပါတီတခုရဲ့ ခပ်ကျဉ်းကျဉ်း ခေါင်းဆောင်မျိုး သဘောထားရင် မှားပြီပေါ့။

မေး။     ။ NDF ပါတီထဲမှာလဲ ဒေါ်အောင်ဆန်းစုကြည်ရဲ့ ရွေးကောက်ပွဲ မဝင်ဖို့ဆိုတဲ့ ဆုံးဖြတ်ချက်နဲ့ ပတ်သက်လို့ မကျေနပ်တာတွေ ရှိခဲ့တာဆိုတော့ အဲဒီလူတွေကကော ဒေါ်အောင်ဆန်းစုကြည်နဲ့ ပြန်ပြီး ပူးပေါင်းချင်တဲ့ သဘောထားမျိုး ရှိရဲ့လား။

ဖြေ။     ။ ဒေါ်စုနဲ့ ပူးပေါင်းမယ်ဆိုလို့ရင် ဘယ်သူမှ ငြင်းမယ့်လူ တယောက်မှ မရှိဘူး။ ဒေါ်စုကလည်း ရွေးကောက်ပွဲမှာ မဲပေးရမယ်ဆိုပြီး အတင်းအကျပ်ခိုင်းရင် ဥပဒေအရ ချိုးဖောက်တာလို့ ပြောတာပဲရှိတယ်။ ၂၀၁၀ ရွေးကောက်ပွဲကို မဲမထည့်ပါနဲ့ ဆိုတဲ့ စကားလုံး ထွက်မလာသေးဘူး။

မေး။     ။ NDF အနေနဲ့ ဒေါ်အောင်ဆန်းစုကြည် နာမည်ကို ထုတ်ထုတ်သုံးတဲ့အခါမျိုးမှာ တချို့တွေက ဒေါ်အောင်ဆန်း စုကြည်ရဲ့ အရှိန်အဝါကို NDF အတွက် အသုံးချချင်လို့ဆိုတဲ့ စွပ်စွဲချက်တွေ ရှိခဲ့တယ်။ အဲဒါနဲ့ ပတ်သက်ပြီးတော့ ဘာပြောချင်ပါသလဲ။

ဖြေ။     ။ ဒေါ်အောင်ဆန်းစုကြည်ဆိုတာ အများနဲ့ဆိုင်တာပါ။ သန်း ၅၀ သော ပြည်သူများရဲ့ ခေါင်းဆောင် ဆိုတဲ့အခါ ကျတော့ NLD member တွေ မောင်ပိုင်စီးချင်ရင် သူ့ပါတီအတွင်းက စီးပေါ့။ ဒီမိုကရေစီ ခေါင်းဆောင်၊ မြန်မာ့ ဒီမိုကရေစီ ခေါင်းဆောင်၊ မြန်မာလူထု ခေါင်းဆောင်ဆိုတဲ့ ဟာကိုတော့ ဘယ်သူမှ ထည့်ရောလို့မရဘူး။ အဲဒါမှ မကျေနပ်ရင်တော့၊ လက်မခံဘူး ဆိုရင်တော့၊ NLD ခေါင်းဆောင်တွေရဲ့ ခွင်ကျဉ်းကျဉ်းလေး ထဲကနေ စဉ်းစားတာမျိုး ဆိုရင်တော့ မှားသွားမှာပေါ့။

မေး။     ။ အခု ရွေးကောက်ပွဲလုပ်ဖို့ ဆိုတာကလည်း ရက်ပိုင်းပဲ ကျန်တော့တာဆိုတော့ ငွေအင်အားတွေ၊ လူအင်အားတွေနဲ့ NDF ပါတီရဲ့ နောက်ဆုံးအခြေအနေ ဘယ်လိုရှိပါသလဲ။

ဖြေ။     ။ ငွေအင်အားတော့ သုညပဲ။ ဌာနချုပ်မှာ ပိုက်ဆံမရှိပါဘူး။ မဲဆွယ်စည်းရုံးဖို့ အတွက်တောင် ဘာမှ လုပ်ပေးနိုင်မယ့် အနေအထားမရှိပါဘူး။ လူအင်အားကတော့ သူ့နယ်အလိုက်တော့ ရှိနေတယ်လေ။ မြို့နယ်အလိုက် ရပ်ကွက်တွေထဲ အင်အားစုပြီးတော့ စိတ်ဝင်စားတဲ့လူများနဲ့ ၁၅ ယောက်၊ ၂၀ ပေါ့။ ရက်ကွက်တွေထဲကို၊ ကျေးရွာတွေ ထဲကို သွားနေကြပါပြီ။

မေး။     ။ ငွေအင်အားဆိုလို့ Myanmar Egress ကနေပြီးတော့ ငွေတွေထောက်ပံ့နေတယ် ကြားတယ်။ ဒီအဖွဲ့နဲ့ နီးစပ်တဲ့ သူတွေကို ဦးခင်မောင်ဆွေတို့ ပါတီကိုယ်စားပြုပြီး ရွေးကောက်ပွဲဝင်ပြိုင်ဖို့ ဘာဖြစ်လို့လက်ခံတာလဲ။

ဖြေ။     ။ Myanmar Egress က ကျနော်တို့ကို ကုမ္ပဏီအနေနဲ့ လှူတာမရှိပါဘူး။ သို့သော်လည်း ဦးလှမောင်ရွှေဆီက ၄၊ ၅၊ ၆ ယောက် အစရှိသဖြင့် သူ့ဟာသူ လှူတာတော့ ကြားနေရတယ်။ အဲဒီလို လှူတဲ့ အထဲမှာတော့ တယောက် ကျပ် ၅ သိန်းပေးတာတော့ လာပြောလို့သိရတယ်။

နောက်ပြီး Egress ကလည်း ပြည်သူထဲက ပြည်သူတယောက်ပဲလေ။  Egress က ဘာလုပ်နေလို့တုန်း။ ဘိန်းကုန်ကူး နေလို့လား။ Egress က ဘိန်းမှောင်ခို ကုန်ကူးရင် မယူဘူးပေါ့။ တိုင်းပြည်ထဲမှာ တရားဝင်ထောင်ထားတဲ့ လုပ်ငန်း တခုကနေ ပါတီကိုလှူတဲ့ငွေ ရှိလို့ ရှိရင် ယူမှာပဲလေ။ တခြားသော၊ တခြားသော လုပ်ငန်းရှင်ကြီးတွေက လာလှူမယ်ဆိုရင် ယူမှာပဲလေ။ နောက်ပြီး ဝင်ပြိုင်မယ့် အမတ်လောင်း ဆိုတာကလည်း အချိန်အတိုင်းအတာ အားဖြင့် ၁၅ ရက်အတွင်းမှာ အတင်းစုရတာကိုး။ ဆိုတော့ Egress က ဒီပါတီကတော့ ကောင်းတယ်၊ ဒီပါတီကတော့ ဒီမိုကရေစီ စစ်မှန်တယ် ဆိုပြီး Egress ညွှန်ကြားချက်နဲ့ ရောက်လာတဲ့လူတွေ ၂ ယောက်၊ ၃ ယောက်လောက်တော့ ရှိတာပေါ့။

မေး။      ။ ဦးခင်မောင်ဆွေတို့ ပြောတဲ့ Egress ကိစ္စ၊ ဘယ်ကနေပြီးတော့ ရန်ပုံငွေရရှိတယ် ဆိုတာကိုလည်း မီဒီယာတွေ၊ နောက်ပြီး ပြည်သူတွေကော မသိသင့်ဘူးလား။

ဖြေ။      ။ ပြောပြီးပြီလေ။ ကျနော်တို့ Egress ကုမ္ပဏီက ပိုက်ဆံတပြားမှ မယူပါဘူးလို့ ကျနော် ရှင်းလိုက်ပြီလေ။ ကျနော်တို့ အဖွဲ့ကို ကျပ် သိန်း ၂၀၊ သိန်း ၃၀၊ ၂၅ သိန်း လာလှူတာတွေကို ကျနော်တို့က ဘယ်သူ့ကို သွားရှင်းရမှာလဲ။ဘာဖြစ်လို့လဲ ဆိုတော့ ရွေးကောက်ပွဲမှာ လှူတဲ့လူတွေက ကြောက်ရွံ့မှုတွေ ရှိတယ်။ စိုးရိမ်မှုတွေရှိတယ်။

စီးပွားရေးလုပ်တဲ့လူဟာ ဒီပါတီကို သွားလှူရင် သူတို့ စီးပွားရေးမှာ အနှောင့်အယှက် ဖြစ်မလားဆိုပြီး မပြောပါနဲ့ဦးလို့ ပြောထားတဲ့ အပိုင်းလည်း ရှိတာကို စည်းစောင့်ဖို့တော့ လိုတယ်လေ။ ကိုယ့်ဆီကို လာတိုင်း Egress နဲ့ ပတ်သက်ပါတယ် ပြောပြီးမှ မဟုတ်ပါဘူးလို့ ပြချင်တာနဲ့ သူများ သွားနစ်နာအောင် လုပ်လို့မရဘူးလေ။

Theory ချထားပြီးတော့ မောင်ဖြူက ဒီလောက်လှူပါတယ်၊ မောင်နီက ဒီလောက်လှူပါတယ်ဆိုပြီး ဘယ်ပါတီကကော ရှင်းတာရှိလို့လဲ။  နိုင်ငံရေး အဖွဲ့အစည်းတွေက ငွေဖြူဆိုပြီး အလှူခံလို့ရပါတယ်။ နောက်ပြီးတော့ အာဏာပိုင် အပိုင်းနဲ့ ပတ်သက်နေတဲ့ ပါတီတွေ ရှိတဲ့အခါမှာ အဲဒီပါတီတွေဟာ အာဏာပိုင် အဝန်းအဝိုင်းက နေပြီးတော့၊ မြန်မာနိုင်ငံ ကုန်သည်ကြီးများ အသင်းကနေ ပိုက်ဆံရတဲ့ ပါတီလည်း ရှိနေတာပဲ။ အဲဒါကျတော့ မီဒီယာက မထောက်ဘဲနဲ့ ကျနော်တို့ကို သာမန်ပြည်သူတွေရဲ့ ပုဂ္ဂလိက ငွေဖြူတွေလှူတာကို ဘာလို့ လာထောက်နေရတာလဲ။ အဲဒါတွေ ဖော်ထုတ် ရမယ်လေ။

မေး။     ။ မကြာသေးမီက Myanmar Egress ခေါင်းဆောင်တဦးဖြစ်တဲ့ ဒေါက်တာ နေဝင်းမောင်တို့က ဒီ ၂၀၀၈ ဖွဲ့စည်းပုံ အခြေခံ ဥပဒေဟာ လူအမြောက်အများ ထောက်ခံမှု ရရှိခဲ့တယ် ဆိုပြီးတော့ ထုတ်ပြောတာတွေ ရှိတယ်။ အဲဒါတွေ သဘောတူညီမှုရှိလား။

ဖြေ။     ။ သဘောတူညီလား၊ မညီဘူးလားဆိုတာ ကျနော်တို့ကို မေးစရာမလိုဘူးလေ။ ဒီအခြေခံ ဥပဒေဟာ အတင်းအကျပ် လုပ်ထားတယ်၊လိမ်လည်မှုတွေ ရှိနိုင်တယ် ဆိုတာကို NLD မှာ ရှိစဉ်ကတည်းက မထောက်ခံပါဘူးလို့ ပြောပြီးပြီလေ။ ကျနော်တို့က အခြေခံဥပဒေကို မကြိုက်သော်လည်းပဲ၊ လက်ခံပြီး လုပ်ရမယ်ဆိုတဲ့ အနေအထားကို ယူထားတာပဲ ရှိတယ်။ အဲဒီတော့ ကိုနေဝင်းမောင်ပြောတာက သူ့သဘောသူ ပြောတာလေ။ အဲဒါ ကျနော်တို့နဲ့ မဆိုင်ဘူးလေ။ သူပြောတာ သူ့တာဝန်နဲ့သူပဲပေါ့။ သူ ဘာစစ်တမ်း ကောက်ယူပြီးပြောတယ်ဆိုတာ ကျနော်တို့ မသိဘူးပေါ့။

Egress ရဲ့မူဝါဒတွေ၊ good governance လို့ အော်နေတာ ကြားတာပဲလေ။ ကျနော်တို့ မူဝါဒက နိုင်ငံရေးမှာ  လူမှုအခြေပြု လွတ်လပ်ဝါဒ၊ စီးပွားရေးမှာ ဈေးကွက်အခြေခံ စီးပွားရေးစနစ်။ အဲဒါက ဒီမိုကရေစီ စနစ်ကို သွားမယ့်၊ လွတ်လပ်တဲ့ ဈေးကွက် စီးပွားရေးစနစ်ကို သွားမယ့်၊ အားလုံးပြိုင်ဆိုင်ခွင့် အပြည့်အဝရမယ့် ပုဂ္ဂလိက လွတ်လပ်ခွင့်၊ ပိုင်ဆိုင်ခွင့်တွေကို အာမခံချက်ပေးမယ့် စနစ်နဲ့သွားမယ့် မူဝါဒတွေပဲ။

မေး။     ။ အဲဒီလိုမျိုး စီးပွားရေးမူဝါဒတွေ၊ ပညာရေးမူဝါဒတွေ ရွေးကောက်ပွဲ ပြီးတဲ့နောက်ပိုင်းမှာ၊ အစိုးရသစ် လက်ထက်မှာ ဘယ်လောက်အထိများ အကောင်အထည် ဖော်နိုင်မယ်လို့ ယုံကြည်မှု ရှိပါသလဲ။

ဖြေ။     ။ အဲဒါ ပွင့်လင်း မြင်သာမှုအပေါ် မူတည်တာပဲ။ အဲဒါကတော့ ကောက်ခံရရှိတဲ့ အခွန်တွေ၊ သယံဇာတက ရတဲ့ ငွေကြေးတွေ၊ ဒါတွေကို ပွင့်လင်းမြင်သာ ဖြစ်ရမယ်။ Budget System ပေါ့လေ။ ဒီ ခန့်မှန်းခြေ ငွေစာရင်းထဲမှာ ဖော်ပြပေးရင် အခုရှိနေတဲ့ ပညာရေးအတွက်သုံးတဲ့ ၃ ရာခိုင်နှုန်း ဆိုတာတွေကို ၁၀ ရာခိုင်နှုန်းလောက် တက်လာအောင်၊ လွှတ်တော်ထဲမှာ ကြိုတင်ပြီးတော့ တိုးတက်အောင် လုပ်ယူရမှာပဲလေ။ ပညာရေးနဲ့ ကျန်းမာရေးက အခြေခံပဲလေ။ ဒီ အခြေခံရရင် ဒီမိုကရေစီ သွားဖို့အတွက် အခြေခံကောင်းတွေကို ထူထောင်မိပြီလို့ ပြောလို့ရမှာပေါ့။

မေး။     ။ အခုအနေထားက ကြံ့ဖွံ့တို့၊ တစည တို့ အကြီးအကျယ် နေရာအနှံ့မှာ ဝင်ရောက်ယှဉ်ပြိုင်ပြီး နိုင်မယ့် သဘောလည်း ရှိနေတယ်၊ အစိုးရသစ်မှာ သူတို့က လွှမ်းမိုးမယ့် သဘောလည်း ရှိနေတော့ ဦးခင်မောင်ဆွေတို့ အနေနဲ့ ဘယ်လောက်ထိ တိုက်တိုက်တွန်းတွန်း ပြောဆိုခွင့် ရှိမယ်လို့ ထင်ပါသလဲ။

ဖြေ။     ။ ပြင်ပက ပုဂ္ဂိုလ်တွေ ခန့်အပ်နိုင်တဲ့ အမေရိကန်သမ္မတ ပုံစံမျိုး သွားမယ်ဆိုတော့ ကြံ့ဖွံ့က ချည်းပဲ လွှတ်တော် ထဲမှာ အကုန်ပါမယ်၊ တစည ချည်းပဲ အကုန်ပါမယ် ဆိုတာမျိုးတော့ တွက်လို့မရဘူးလေ။ သမ္မတအဖြစ် ရွေးကောက် တင်မြှောက်လိုက်တဲ့ ပုဂ္ဂိုလ်အပေါ်မှာ မူတည်မှာပဲလေ။ ဒါက တပိုင်းပေါ့။ အစိုးရပိုင်း တပိုင်း၊ ကျနော်တို့ အုပ်ချုပ်မှုပိုင်းမှာ၊ ဥပဒေပြု ပိုင်းမှာကျတော့ တလောက မဟာမိတ်ပြုထားတဲ့၊ ဝင်ပြိုင်မယ့် ၅ ပါတီနဲ့ NDF က စုစုပေါင်းနေရာ ၂၅၀ လောက် အထက်လွှတ်တော်၊ အောက်လွှတ်တော် ဝင်ပြိုင်မယ်ဆိုတာ ရှိတယ်။ အထက်အောက် လွှတ်တော် ၂ ရပ်မှာ ၂၅၀ ရမယ်ဆိုရင် ကျနော်တို့ လိုချင်တဲ့ ဥပဒေပြု အာဏာကို အကုန်လုံး မဖြန့်နိုင်တောင်မှ လေးစားလောက်တဲ့ အနေအထားမှာ ရှိနေတော့ ဖြည်းဖြည်းချင်းတော့ ရသွားမယ်လေ။

လွှတ်တော်ထဲ ရောက်တဲ့အခါမှာလည်း အခုလို ပူးတွဲ လုပ်တဲ့ အခါကျတော့ ကိစ္စတခုခြင်းအလိုက် ပြည်သူလူထုကို အကျိုးပြုမယ့်ဟာ ဆိုလို့ရင် ဆက်ထောက်ခံသွားမယ်။ ပြည်သူတွေကို အကျိုးမပြုမယ့် ဟာတွေကို ဘယ်သူမဆို ကန့်ကွက်မယ်ဆိုတဲ့ မူနဲ့ အဲဒီလိုသွားမယ် (ယခုအင်တာဗျူးသည် မဟာမိတ် ၆ ပါတီဖွဲ့ခဲ့ပြီး NDF ပါတီ၏ ငွေကြေး ကိစ္စ မရှင်းလင်းမှုကြောင့် ဒီမိုကရေစီနှင့် ငြိမ်းချမ်းရေးပါတီ မနုတ်ထွက်ခင်က ဖြစ်သည်။ ယခုအခါ မဟာမိတ်ပါတီ ၅ ပါတီသာ ကျန်တော့သည်)

မေး။     ။ NLD ထိပ်တန်းခေါင်းဆောင်တွေနဲ့ ဆက်ဆံရေးကကော ဘယ်လိုရှိလဲ။ ဘာ တူညီချက်တွေ ရှိသေးလဲ။

ဖြေ။     ။ သူတို့က ရွေးကောက်ပွဲကို ဆန့်ကျင်တဲ့သူတွေ၊ ကျနော်တို့က ရွေးကောက်ပွဲကို တက်မယ့်သူတွေ။ ဘယ်လို အခြေခံနဲ့ စကားပြောရမှာလဲ။ တူတာကတော့ လူအခွင့်အရေးနဲ့ စစ်မှန်တဲ့ ဒီမိုကရေစီ ရရှိရေးပဲ။ သူတို့က အဲဒါအော်ပြီး ရပ်နေတယ်။ ကျနော်တို့က အခြေခံကျကျ လှုပ်ရှားပြီး သွားနေတယ်။

ဒီမိုကရေစီက ဘယ်သူပဲလုပ်လုပ်၊ နိုင်ငံရေး ဒီမိုကရေစီ၊ စီးပွားရေး ဒီမိုကရေစီ၊ လူမှုရေးဒီမိုကရေစီ သုံးပါးစလုံး စုံမှ ဒီမိုကရေစီ ရတယ်လို့ ခေါ်တာကိုး။ အဲဒီ သုံးခုစလုံးက တချက်တည်းနဲ့ မရနိုင်ဘူး။ ရွေးကောက်ပွဲ ပြီးသွားရင် စစ်အုပ်ချုပ်ရေး ပျောက်သွားရုံနဲ့လည်း ဒီမိုကရေစီ ချက်ချင်း မရနိုင်ဘူး။ ထူထောင်ရဦးမှာ။ လူတွေဟာ ဆင်းရဲမွဲတေ ပညာမတတ်ဘူး၊ ဆွံ့နားမကြားဖြစ်နေတယ်၊ ခြေထောက်တွေ ပျက်နေတယ်။ အလုပ်ကိုင်မရှိဘူး။ နောက်ပြီးတော့ ငွေးကြေးအခွင့်အလမ်း မရှိဘူးဆိုတော့ ဒီမိုကရေစီပေးလို့ အော်ရုံနဲ့ ဒီမိုကရေစီ မရနိုင်ဘူး။ အဲဒီ လူတွေကို လူမှုရေး နာကျင်မှုတွေ၊ စီးပွားရေးနာကျင်မှုတွေကို ဖြည့်ဆည်းပေးမှ စီးပွားရေး ဒီမိုကရေစီ၊ စီးပွားရေး လွတ်လပ်ခွင့်ကို ရမှာ။ တန်းတူညီမျှခွင့်တွေ ရမှ၊ လူလတ်တန်းစားတွေ ပေါ်လာမှ ဒီမိုကရေစီရဲ့ အခြေခံက ခိုင်မာမှာ။ အဲဒီတော့ ဒီမိုကရေစီဟာ နံပတ် ၁ ရွေးကောက်ပွဲ ပြီးရုံနဲ့ ချက်ချင်း လက်ငင်း မရနိုင်သလို၊ စစ်အစိုးရ ကွယ်ပျောက်သွားရုံနဲ့လည်း ဒီမိုကရေစီ မရနိုင်ပါဘူး။ အဲဒီတော့ ဒီမိုကရေစီကို သွားမယ်ဆိုရင် နံပတ် ၁ စီးပွားရေး ဒီမိုကရေစီကို အရင်ထူထောင်ရမယ်။

ဒါတွေဟာ ၅ နှစ်တာအတွင်းမှာ ရလိမ့်မယ်လို့ ကျနော် တွက်ထားတယ်။ ပြီးရင် လူမှုရေးဒီမိုကရေစီ ရမှာပဲ။ အဲဒါ ပြီးရင်တော့ နိုင်ငံရေး ဒီမိုကရေစီကို နိုင်ငံရေး ယုံကြည်ချက်တွေ၊ အမျိုးသား ပြန်လည် ရင်ကြားစေ့ရေး အခြေခံ ပေါ်ကနေ လုပ်သွားမယ်ဆိုလို့ရှိရင် ဆယ်စုနှစ် တခု အတွင်းမှာတော့ ပြည်ထောင်စု ဒီမိုကရေစီ မြန်မာနိုင်ငံတော်ကြီးကို နောင်လာ နောက်သားတွေ လက်ထဲကို ကျနော်တို့ ပေးနိုင်လိမ့်မယ်လို့  အပြည့်အဝ အလေးအနက် ယုံကြည်တယ်လို့ပဲ ပြောချင် ပါတယ်။

မေး။     ။ NDF ပါတီအနေနဲ့ ဒီရွေးကောက်ပွဲမှာ နိုင်မယ်လို့ ယုံကြည်မှု ရှိပါသလား။

ဖြေ။     ။ ပြည်သူတွေကို စောင့်ကြည့်တော့ နိုင်မယ်ဆိုတဲ့ သင်္ကေတတွေတော့ တွေ့ရတာပဲလေ။ မှန်မှန်ကန်ကန်နဲ့ မဲလိမ်မှုမရှိဘူး၊ လွတ်လပ်စွာ မဲပေးခွင့်ရှိမယ်၊ လွတ်လပ်စွာ မဲ ရေတွက်ခွင့် ရှိမယ်ဆိုရင် နိုင်ချေ များပါတယ်။http://www.irrawaddy.org/bur/index.php/interview/4-interview/4314---ndf--

NLD နှင့် တိုင်းရင်းသား ခေါင်းဆောင်များ ရွေးကောက်ပွဲ သဘောထား ဆွေးနွေး


  အမျိုးသား ဒီမိုကရေစီ အဖွဲ့ချုပ် (NLD) ဗဟိုအလုပ်အမှုဆောင် အဖွဲ့နှင့် ပြည်သူ့လွှတ်တော် ကိုယ်စားပြုကော်မတီ အတွင်းရေးမှူး ဦးအေးသာအောင်တို့ ဦးဆောင်၍ ရွေးကောက်ပွဲအပေါ် NLDပါတီနှင့် တိုင်းရင်းသားများ၏ သဘောထားကို ယနေ့ ကချင်ပြည်နယ် မြစ်ကြီးနားမြို့တွင် ဆွေးနွေးကြကြောင်း သတင်းရရှိသည်။

“မနေ့ညက မိုးညှင်းမြို့နယ်က ဦးဖေစိန်အိမ်မှာ အင်းတော်၊ ကသာ၊ ဗန်းမော်စတဲ့ ၄ မြို့နယ်က အဖွဲ့ဝင် ၁၀၀ လောက်နဲ့ ဆွေးနွေးတယ်။ နောက် ကချင်ပြည်နယ် စည်းရုံးရေးမှူး ဦးတင်ဝယ် နေအိမ်မှာလည်း ဆွေးနွေးပွဲ ထပ်လုပ်တယ်။ အဲဒီမှာ အဖွဲ့ဝင် ၄၀၀ လောက်အထိ တက်တယ်” ဟု NLD ဗဟိုအလုပ်အမှုဆောင် ဦးအုံးကြိုင်က ဧရာဝတီသို့ ပြောသည်။

မိုးညှင်းမြို့နယ်တွင် ဦးအုံးကြိုင်က “NLD ပိုမိုကျစ်လျစ်ခိုင်မာရေးနှင့် ရွေးကောက်ပွဲသပိတ်”၊ ဦးအေးသာအောင်က “အဖွဲ့ချုပ် ရှေ့လုပ်ငန်းစဉ်များနှင့် တိုင်းရင်းသားများ ပိုမိုသွေးစည်းညီညွတ်ရေး”၊ ဗဟိုအမျိုးသမီးအဖွဲ့ဝင် ဒေါ်အေးအေးမာက “ဒေါ်အောင်ဆန်းစုကြည်၏ လူထုသို့ မှာကြားချက်များ”၊ ဗဟိုဦးစီးကော်မတီဝင် ဒေါက်တာဇော်မြင့်မောင်က “ရွေးကောက်ပွဲနှင့် NDF အကြောင်း”၊ ဗဟိုလူငယ်တာဝန်ခံ ကိုမျိုးညွန့်က “ရွေးကောက်ပွဲသပိတ်နှင့် လူငယ်တာဝန်” စသည့် ခေါင်းစဉ်များဖြင့် ဟောပြော ဆွေးနွေးခဲ့ကြောင်း သိရသည်။

ဦးအုံးကြိုင်က “ဦးတင်ဝယ်အိမ်မှာ ပါတီဝင်မဟုတ်တဲ့ ကချင်လူငယ်တွေလည်း လာရောက်နားထောင် ဆွေးနွေးကြတယ်။ ရွေးကောက်ပွဲသပိတ်နဲ့ ပါတီ ပိုမိုကျစ်လျစ် ခိုင်မာရေးဆိုတဲ့ အပေါ်ကို ဒေသခံပါတီဝင်တွေ တက်တက်ကြွကြွ ပြန်လှန် ဆွေးနွေးကြတယ်” ဟု ပြောသည်။

ယနေ့ မွန်းလွဲပိုင်းတွင် NLD ဗဟိုအဖွဲ့ဝင်များ မြစ်ကြီးနားမြို့နယ်သို့ ရောက်ရှိကြပြီး NLD အဖွဲ့ဝင် ဒေါ်ငွေကြိုင်အိမ်တွင် ဒေသခံပါတီဝင်များနှင့် ဆွေးနွေးနေကြကြောင်း၊ ကချင်တိုင်းရင်းသား ခေါင်းဆောင်များနှင့် တွေ့ဆုံနိုင်ခြင်း ရှိ မရှိကိုမူ မသိနိုင်သေးကြောင်း ဦးအုံးကြိုင်က ဆက်လက်ပြောသည်။

၁၉၉၀ ရွေးကောက်ပွဲ အနိုင်ရ NLD သည် ၂၀၁၀ ရွေးကောက်ပွဲအတွက် ပါတီထပ်မံ မှတ်ပုံမတင်ရန် မတ်လ ၂၉ ရက်နေ့က ဆုံးဖြတ်ချက်ချခဲ့သည်။

ထို့နောက် ပြည်ထောင်စု ရွေးကောက်ပွဲ ကော်မရှင်က NLD အပါအဝင် နိုင်ငံရေးပါတီ ၁၀ ပါတီကို တရားဝင် ရပ်တည်ခွင့် မရှိတော့ကြောင်း စက်တင်ဘာ ၁၄ ရက်တွင် စစ်အစိုးရပိုင် မီဒီယာများမှတဆင့် ကြေညာခဲ့သည်။

သို့သော် NLD ပါတီက ယင်းသို့ ပယ်ဖျက်ခြင်းသည် ဥပဒေနှင့် မညီကြောင်း တုံ့ပြန်ခဲ့ပြီး တရားရုံးချုပ် (ရန်ကုန်) သို့ ပါတီ ဆက်လက်ရပ်တည်ခွင့်အတွက် တင်ပြခဲ့ရာ ယခုလ ၅ ရက်နေ့တွင် တရားရုံးချုပ်က လက်ခံခဲ့သည်။

ပါတီဆက်လက်ရပ်တည်ခွင့်အတွက် ဥပဒေကြောင်းအရ ဆောင်ရွက်နေစဉ်အတွင်း ပါတီသည် တရားဝင် ဆက်လက် ရပ်တည်ခွင့်ရှိဆဲဖြစ်ကြောင်း ပါတီပြောခွင့်ရ ရှေ့နေကြီး ဦးဉာဏ်ဝင်းက သတင်းဌာနများသို့ ယမန်နေ့က ပြောဆိုခဲ့သည်။
http://www.irrawaddy.org/bur/index.php/news/1-news/4310-nld------

ဧရာဝတီ ရွေးကောက်ပွဲ ကာတွန်းများ ကျေးရွာများတွင် ဖြန့်

ဧရာဝတီ ရွေးကောက်ပွဲ ကာတွန်းများ ကျေးရွာများတွင် ဖြန့်

  ရန်ကုန်တိုင်း အတွင်းရှိ ကျေးရွာများတွင် ဧရာဝတီ သတင်းဌာန ကာတွန်းဆရာ ဟန်လေး၏ ဆေးရောင်စုံ ကာတွန်းများ ကို ဖြန့်ဝေ၍ ရွေးကောက်ပွဲ ဆန့်ကျင်ရေး လှုပ်ရှားမှုတခု ယခုရက်ပိုင်းတွင် ပြုလုပ်ခဲ့ကြောင်း သတင်း ရရှိသည်။

harn-lay-cartoon
ကျေးလက်ရောက် ကာတွန်းဟန်လေး၏ လက်ရာတချို့ (ဓာတ်ပုံ - ဧရာဝတီ)
ယခု ဖြန့်ဝေသော ကာတွန်းများသည် ဧရာဝတီ အင်တာနက် စာမျက်နှာတွင် ဖော်ပြထားသည့် ကာတွန်း အများစုဖြစ်ပြီး တခြားသော ပြည်ပ မီဒီယာများတွင် ဖော်ပြထားသည့် ကာတွန်းများလည်း ပါဝင်ကြောင်း သိရသည်။

ကျေးလက်ပြည်သူများ အနေဖြင့် စားဝတ်နေရေး အခက်အခဲနှင့် လယ်ယာများတွင်သာ အချိန်ပေး ရုန်းကန်နေကြရသည့် အတွက် တခြားသော ရွေးကောက်ပွဲဆိုင်ရာ လှုပ်ရှားမှုများမှာ ထိရောက်မှုနည်းပါးသောကြောင့် ယခုကဲ့သို့ ပြုလုပ်ခြင်းဖြစ် သည်ဟု လှုပ်ရှားမှု ဦးဆောင်သူတဦးက ဧရာဝတီသို့ ပြောပြသည်။

“ကြောက်ကြတာလည်း ပါတာပေါ့။ ဒီတော့ သူတို့ စိတ်ဝင်စားအောင် ကာတွန်းဟန်လေးရဲ့ နိုင်ငံရေး အဖြစ်အပျက်တွေ၊ ရွေးကောက်ပွဲက တရားမျှတမှာ မဟုတ်ဘူး ဆိုတာတွေကို ဖော်ပြထားတဲ့ ကာတွန်းလေးတွေကို ဖြန့်ဝေတာပါ”ဟု ၎င်းက ပြောသည်။

အဆိုပါ ကာတွန်းဟန်လေး၏ ကာတွန်းများကို တက်ကြွလှုပ်ရှားသူ လူငယ်တစုက ပြည်တွင်း၌ပင် အင်တာနက်ပေါ်မှ ဒေါင်းလုပ် ဆွဲယူ၍ ကာလာ ပရင်တာဖြင့် ထုတ်ပြီး ရန်ကုန်တိုင်း ကွမ်းခြံကုန်း၊ ဘုရားကုန်း၊ အောင်ချမ်းသာ၊ ကညင်ပင်၊ လက်ယက်စမ်း၊ အေးမေတ္တာ၊ အေးသာယာ၊ တားမလုံ၊ ရုံးသပြေကန် နှင့် မင်းဂလွန်း စသော ကျေးရွာ အုပ်စု များတွင် ဖြန့်ဝေခဲ့ခြင်း ဖြစ်ကြောင်း သိရသည်။

လှုပ်ရှားမှု ဦးဆောင်သူက ဆက်လက်ပြီး“ရွာက ရေအိုးစင်တွေ၊ ဓာတ်တိုင်တွေနဲ့ ဗီဒီယိုရုံတွေမှာ ကပ်တယ်။ အသွားအလာ များတဲ့ နေရာတွေမှာတော့ ဒီအတိုင်း ဖြန့်ချခဲ့တယ်။ ကလေးတွေကိုလည်း အဖေ၊ အမေကို ပေးလိုက်နော်ဆိုပြီး ပေးလိုက် တာ။ ကလေးတွေကလည်း ကာတွန်း ဆိုတော့ စိတ်ဝင်စားကြတယ်။ တော်တော်များများကလည်း စိတ်ဝင်တစား တောင်းယူ ကြ၊ ဖတ်ကြ၊ ရယ်မောကြတာ တွေ့ရတယ်”ဟု ပြောဆိုသည်။

လှုပ်ရှားမှုတွင်ပါဝင်သည့် တခြားသော လူငယ်တဦးကလည်း“မြို့ပေါ်မှာတော့ တော်တော်များများ လုပ်ပြီးပြီ။ အခုကတော့ ကျေးရွာလူထုကို ပစ်မှတ် ထားတာ။ ဟန်လေးရဲ့ကာတွန်းတွေက ထိမိတယ်။ အရင်ကလို စာတွေချည်း ဖြန့်တာထက် စာရင် ရယ်စရာ ကာတွန်းလေးနဲ့ ဆိုတော့ ပိုပြီးထိရောက်တာ၊ ပိုစိတ်ဝင်စားကြတာ တွေ့ရတယ်”ဟု ပြောသည်။

တခြားသော တိုင်းနှင့်ပြည်နယ်များတွင်လည်း အခြေခံ လူတန်းစားများနှင့် ကျေးရွာလူထုကို အဓိကထား၍ ကာတွန်း ဟန်လေး ၏ ကာတွန်းများကို ရွေးကောက်ပွဲ ဆန့်ကျင်ရေး လှုပ်ရှားမှုအနေဖြင့် ဆက်လက်ဖြန့်ဝေဦးမည်ဟု သိရသည်။

ဧရာဝတီ သတင်းဌာန မန်နေးဂျင်း အယ်ဒီတာ ကိုကျော်စွာမိုးကလည်း ယခု ကာတွန်းများကို မဲဆန္ဒရှင်ပြည်သူများ ရွေးကောက်ပွဲနှင့် ပတ်သက်ပြီး ပိုမိုနားလည်ရန် ရည်ရွယ်၍ ဧရာဝတီတွင် ဖော်ပြထားခြင်းဖြစ်ကြောင်း ပြောပြသည်။

“အဲဒါက ကျနော်တို့ ရည်မှန်းချက်ရဲ့ တစိတ်တပိုင်းပါပဲ၊ အဲဒီ ကာတွန်းတွေကို ကြည့်ပြီး မြန်မာ ပြည်သူတွေ လာမယ့် ရွေးကောက်ပွဲကို ပိုမို နားလည်သွားလိမ့်မယ်၊ ဒီ ကာတွန်းတွေအပြင် ကျနော်တို့ အင်တာနက် စာမျက်နှာပေါ်က သတင်းနဲ့ ဆောင်းပါးတွေကလည်း မဲဆန္ဒရှင်တွေကို ရွေးကောက်ပွဲနဲ့ပတ်သက်ပြီး အသိပညာတွေ ပိုမို ရရှိစေလိမ့်မယ်လို့လည်း ယုံကြည်ပါတယ်”ဟု ကိုကျော်စွာမိုးက ပြောသည်။

ကာတွန်း ဟန်လေးသည် ထိုင်းနိုင်ငံ အခြေစိုက် ဧရာဝတီ မဂ္ဂဇင်း ၏ ပင်တိုင် ကာတွန်း နုပညာရှင်တဦး ဖြစ်ပြီး မြန်မာပြည် နှင့် ပတ်သက်သည့် နိုင်ငံရေး ကာတွန်းများကို အစဉ်တစိုက် ရေးဆွဲနေသူဖြစ်သည်။ ၎င်းသည် တခြားသော ပြည်ပ အခြေ စိုက် မြန်မာ သတင်း မီဒီယာ များကိုလည်း ကာတွန်းများ ရေးဆွဲပေးလျက်ရှိသည်။

written by thiri, October 16, 2010
အားပေးပါတယ်။ မှုတ်ဆေးနဲ့ စာရေးတာတွေထက် ပိုပြီး ထိရောက်တဲ့ လုပ်ဆောင်မှုပါ။ ဟန်လေး ရဲ့ ကာတွန်းတွေက ဘယ်လို လူတန်းစားမဆို နားလည်ခံစားနိုင်တယ်လေ။ ရန်ကုန် နဲ့ မန်းတ လေးလို မြို့ကြီးတွေ နဲ့ ရုံးဝန် ထမ်းတွေဆီ ကိုပါ
အဲဒီကာ တွန်းတွေ ဖြန့်သ င့်ပါတယ်။ စာတ စ်ပိုဒ်ထက် ကာတွန်း တစ်ကွက်က ပို ထိရောက် လို့ပါ။

http://www.irrawaddy.org/bur/index.php/news/1-news/4303-2010-10-15-08-34-06

Artist Pe Nyunt Way' solo show at Suvannabhumi Gallery

Mar Mar
Suvannabhumi Art Gallery
Mobile : 66 810315309
116, Chareonrat Road T. Watgate, A. Muang Chiang Mai 50000, Thailand.
www.suvannabhumiartgallery.com

မန္တလေးရေဘေးဒီမှာလှုဒါန်းနိုင်...

၂၀၁၀ ရွေးကောက်ပွဲ မှတ်စုများ (၁)

Let Me Say What I See 87

ကနေဒါတိုရန်တိုမှာရွှေဝါရောင်ဆရာတော်ဦးပညာဇောတနှင့်ဦးအဂ္ဂညာဏတရားပွဲဖိတ်ကြား

Invitation Dama Talk