Wednesday, October 27, 2010

မြို့တော်ဝန်၏စီမံဆောင်ရွက်မှုကြောင့်မင်္ဂလာဈေးကြီးမီးလောင်သွားခဲ့ရာမှ......


ပင်းပက်တောင်မှမြေတူးစက်များ

Pinpet - Burmese (for Web)

အန်အယ်ဒီလှုပ်ရှားမှုများ









ရခိုင်လေဘေး ဒုက္ခသည်များအတွက်

သို့ 
လေးစားအပ်ပါသော လူကြီးမင်းများခင်ဗျား။ ။
ရခိုင်ပြည်နယ်မှာ ဂီရိမုန်တိုင်းဝင်ရောက်သွားခဲ့ လို့  ပြည်သူတွေ လေဘေးဒုက္ခသည်အဖြစ် ရောက်ရှိသွားရပါတယ်။ ဒီလိုအသက်ဘေးဆုံးရှုံးပြီး အတိဒုက္ခရောက်ကြတာကို အမေရိကန်နိုင်ငံ အခြေစိုက် ကမ္ဘာ့ရခိုင်ဖေါင်ဒေးရှင်းအဖွဲ့ ကြီးမှ လေဘေးရံပုံငွေအဖြစ် ရံပုံငွေကောက်ခံပြီး လှူဒန်းမှာဖြစ်ပါတယ်။ ကောက်ခံပြီးသား ဒေါ်လာငွေများကို လေဘေးဒုက္ခသည်များထံ လက်ထဲအမှန်တကယ်ရောက်ရှိသွားအောင် နည်းမျိုးစုံနဲ့  ကူညီဆောင်ရွက်သွားမည်ဖြစ်ပါတယ်။ ကမ္ဘာ့ရခိုင်ဖေါင်ဒေးရှင်းအဖွဲ့ ကြီးဟာ စစ်အာဏာရှင်စနစ်ကျဆုံးစေရေးနှင့် မြန်မာနိုင်ငံဒီမိုကရေစီရရှိရေးအတွက် တိုက်ပွဲဝင်နေတဲ့  ဒီမိုကရေစီအဖွဲ့ တွေနဲ့  မဟာမိတ်အဖြစ်လက်တွဲပြီး ဆောင်ရွက်နေတဲ့ အဖွဲ့ ဖြစ်ပါတယ်။ ဒါကြောင့် ကမ္ဘာ့ရခိုင်ဖေါင်ဒေးရှင်းအဖွဲ့ ကြီးအနေနဲ့  ရခိုင်လေဘေးဒုက္ခသည်များဆီကို အလှူငွေထောက်ပံ့ပေးတဲ့အခါမှာ မည်သည့်အဖွဲ့ အစည်း သို့ မဟုတ် လူပုဂ္ဂိုလ် ကို ပေးအပ်လှူဒါန်းကြောင်း အမည်နာမ မဖေါ်ပြနိုင်တဲ့ အခြေအနေမှာရှိနေပါတယ်။ ဘာဖြစ်လို့ လဲဆိုရင် ကမ္ဘာ့ရခိုင်ဖေါင်ဒေးရှင်းအဖွဲ့ ကြီးဟာ ရခိုင်လူမျိုးများရဲ့  ဆုံးရှုံးသွားသောဒီမိုကရေစီအခွင့်အရေးများကို ပြန်လည်ရရှိရေးအတွက် တိုက်ပွဲဝင်နေတဲ့  အင်အားစုအဖွဲ့ ကြီးဖြစ်တယ်။ အမေရိကန်နိုင်ငံ အခြေစိုက် အဖွဲ့ အနေနဲ့  ရခိုင်လေဘေးဒုက္ခသည်များကို အထူးဂရုဏာသက်စွာ ခံစားရပြီး အကူအညီပေးလိုချင်သော်လည်း မိမိတို့ ၏အကူအညီထောက်ပံ့မူကြောင့် အလှူလက်ခံသူများက လေဘေးဒုက္ခသည်များဆီ သွားနေစဉ်မှာဘဲ မတရားသဖြင့် ဖမ်းဆီးပြီး ကိုဇါဂနာလို နှစ်ရှည်ထောင်ဒဏ် ကျခံသွားရမှာကို နားလည်တဲ့ အတွက် သတိထားပြီး လှူဒါန်းသွားမည်ဖြစ်တယ်။ ဒီလိုလှူဒါန်းခြင်းမှာ ကမ္ဘာ့ရခိုင်ဖေါင်ဒေးရှင်းအဖွဲ့ ဝင်များကသာ ပထမဆုံးကောက်ခံပြီး လှူဒါန်းမည့်ဒေါ်လာငွေကြေးများသာဖြစ်ပါတယ်။ အကယ်၍ အမေရိကန်နိုင်ငံမှ ကမ္ဘာ့ရခိုင်ဖေါင်ဒေးရှင်းအဖွဲ့ ဝင်များ မဟုတ်သူ မိဘပြည်သူများမှ အလှူငွေများကိုတော့ အဖွဲ့ နာမည်ကို အခွင့်ကောင်းယူကာ အဖွဲ့ မှ လှူဒါန်းခြင်းမျိုး ဆိုပြီး မဖေါ်ပြဘဲ လှူဒါန်းသူအလှူရှင်များ စိတ်ချမ်းသာရအောင် နအဖစစ်အစိုးရနှင့် ထိတွေ့ ပါတ်သက်မူမရှိစေရဘဲ အလှူရှင်နာမည်များကို ထုတ်ဖေါ်ကြေညာသွားမည်ဖြစ်ပါတယ်။
အခုဆိုရင် ရခိုင်လေဘေးဒုက္ခသည်တွေဆီ အလှူငွေကို ပထမအသုတ်အနေနဲ့  ပို့ ပေးတော့မှာဖြစ်ပါတယ်။ ဒါဟာရေတို စီမံကိန်းကိစ္စမဟုတ်ဘဲ လေဘေးဒုက္ခသည်များရဲ့  နဂိုရ်မူလဘ၀များအတိုင်း ပြန်လည်နေရာချထားရေးနဲ့  သက်မွေးဝမ်းကြောင်းနိုင်ရေးအပြင် နောင်ကိုယခုလို မုန်တိုင်းဝင်ရောက်ခြင်း ၊ ရေကြီးခြင်း စတဲ့  သဘာဝဘေးအန္တရာယ်များကျရောက်ခြင်းမှ လွတ်ကင်းစေရေးအထိ နေထိုင်ရပ်တည်နိုင်ရေးအတွက်ကိုပါ စဉ်းစားဆောင်ရွက်သွားမဲ့  ရေရည်စီမံကိန်းများဖြစ်ပါတယ်။ ဒါကြောင့် ရေရှည်စီမံကိန်းအတွက် ရခိုင်လေဘေးဒုက္ခသည်များကို အထူးကူညီထောက်ပံ့နိုင်ကြဖို့ အတွက် ကမ္ဘာ့ရခိုင်ဖေါင်ဒေးရှင်းအဖွဲ့ ကြီးအနေဖြင့် ဆောင်ရွှက်နေပြီဖြစ်ကြောင်း သတင်းကောင်းပါးလိုက်ပါတယ်။

ဆက်သွယ်နိုင်တဲ့ ပုဂ္ဂိုလ်များစာရင်းကို ထုတ်ပြန်ပေးလိုက်ပါတယ်။

ဦးခိုင်အောင်ကျော် --နာယာကကြီး----------------ဖုံး --၀၀၁-၃၄၇-၃၂၉-၀၆၁၇
ဦးမြင့်မောင်ဌေး -- နာယာကကြီး ----------------ဖုံး ---၀၀၁--၈၅၉-၆၅၂-၂၅၈၁
ဦးခိုင်လင်းဇံ--ဥက္ကဌ -ကမ္ဘာ့ရခိုင်ဖေါင်ဒေးရှင်း ---- ဖုံး -၀၀၁-၂၆၉-၈၄၁-၆၉၉၃
ဦးစိုးမင်းအောင် - ဒုဥက္ကဌ ----------------------- ဖုံး--၀၀၁-၃၁၈- ၂၄၅ - ၅၄၆၃
ဦးအောင်ဇေါ်မိုး - ----- အတွင်းရေးမှူး--- --ဖုံး- ၀၀၁-၅၈၅-၂၈၅-၁၅၆၂
ဦးတင်အောင် - အတွင်းရေမှူး ( ၂ ) ------------- ဖုံး ---၀၀၁--ရ၁၆- ၈ရ၃- ၄၃၅၁
စိုးပိုင်စံရွှေ ---ဘဏ္ဍာရေးမှူး--- ဗဟိုကော်မီတီ - ဖုံး- ၀၀၁-၇၁၆-၈၇၃-၂၁၈၂
ရန်အောင်ရန် ပြန်ကြားရေးတာဝန်ခံ-ဗဟိုကော်မီတီ-ဖုံး--၀၀၁-၂၁၆-၈၇၇-၃၁၂၄

အစည်းအဝေး သဘောတူဆုံးဖြတ်ချက်အရ ထုတ်ပြန်ကြေညာခြင်း
ခိုင်အောင်ကျော် (နယူးယောက် )

27 Oct 2010 ဒိုင်ယာရီ

http://www.mediafire.com/?1k1za1i2p2c2adj
http://www.mediafire.com/file/uei5sbm155pb3cz/27%20%20October%202010%20yeyintnge%27s%20Diary.doc
27 October 2010 Yeyintnge's Diary

`ရွေးကောက်ပွဲဆိုင်ရာ အခွင့်အရေး ဆိုသည်မှာ မဲပေးခြင်း မပြုဘဲ နေနိုင်သော အခွင့်အရေးကို ဆိုလိုသည်´
`အတင်းအကြပ် ခြိမ်းခြောက် မဲပေးခိုင်းသူသည်သာ ရွေးကောက်ပွဲဆိုင်ရာ ပြစ်မှု ကျူးလွန်သူ ဖြစ်သည်´
`ခြိမ်းခြောက်ပြီး မဲပေးခိုင်းခြင်းသည် ရဲ အရေးယူပိုင်ခွင့်ရှိသော ပြစ်မှုဖြစ်သည်´

`ကြိုတင်မဲကို အတင်းပေးခိုင်း၍ မရ၊ လျှိူ့ဝှက်စွာ ပေးရမည်၊ မပေးဘဲလည်း နေနိုင်သည်´

လဒ်ပေး(ရန်မလို)


စစ်အာဏာရှင်တို့ ညူကလီးယားပိုင်ဆိုင်ရေးအတွက် တိုးမြင့်လုပ်ဆောင်


အေအက်ပီ၊ ၂၇ အောက်တိုဘာ ၂၀၁၀

အောင်မြင်။ ။မြန်မာစစ်အာဏာရှင်တို့ဟာ အဆင့်မြင့်ညူကလီးယားလက်နက်ပိုင်ဆိုင်နိုင်ရေးအတွက် မြောက်ကိုရီးယား အဆင်မြင့်သိပညာရှင်များအကူအညီဖြင့် အရှိန်မြင့်ဆောင်ရွက်နေကြောင်းသတင်းများထွက်ပေါ်နေသည်။
နော်ဝေးနိုင်ငံအခြေစိုက်ဒီမိုကရက်တစ်မြန်မာ့အသံမှမြန်မာ့စစ်အာဏာရှင်တို့ညူကလီယားပိုင်ဆိုင်မှုကြိုးပမ်းချက်လျို့ဝှက်မှတ်တမ်းများကိုပြီးခဲ့သည့်ဂျွန်လကနိုင်ငံတကာကိုထုတ်လွှင့်တင်ပြခဲ့သည်။ထိုထုတ်လွှင့်ခဲ့သော မှတ်တမ်းဓါတ်ပုံများ၊စာတမ်းများအရ နိုင်ငံတကာညူကလီးယားစွမ်းအင်အေဂျင်စီမှဒါရိုက်တာဟောင်းရောဘတ်ကယ်လီကညူကလီယားထုတ်လုပ်မှုကြိုးပမ်းနေသည်မှာမှန်ကန်ကြောင်းအတည်ပြုပြောဆိုခဲ့သည်။

မြန်မာစစ်အဏာရှင်တို့ဟာ မြေအောက်ဥမင်များအတွင်းတွင် မြောက်ကိုရီးယားနည်းပညာဖြင့် ထုတ်လုပ်နိုင်ဖို့ကြိုးစားနေကြောင်း၊ မြန်မာစစ်အစိုးရ ကြိူးစားနေမှုများသည် တိုးတက်ကောင်းမွန်သည့် အဆင့်ကိုတော့မရောက်သေးကြောင်း ထိုင်းနိုင်ငံသတင်းထောက်များအသင်းတွင် အင်္ဂါံနေ့ကပြောဆိုလိုက်သည်။

ကယ်လီကဆက်လက်ပြီး မြန်မာ့ ညူကလီယားထုတ်လုပ်နိုင်ဖို့အစီအစဉ်ကို အတွေ့အကြုံရှိပြီးသောနိုင်ငံတခုက နည်းပညာ၊ကျွမ်းကျင်ပညာ၇ှင်၊လိုအပ်သောပစ္စည်းများကိုကူညီပံပိုးပေးရင်တော့မြန်မြန်ဆန်ဆန်ဘဲညူကလီးယားလက်နက်ပိုင်ဆိုင်သွားကြောင်း၊ ထိုသို့ ကူညီပံ့ပိုးမယ့် နိုင်ငံဟာလည်း မြောက်ကိုရီးယားနိုင်ငံဖြစ်တယ်လို့ သူယုံကြည်ကြောင်း ဆက်လက်ပြောဆိုခဲ့သည်။

နိုဝင်ဘာ ( ၇ ) ရက်နေ့ မှာနှစ်၂၀အတွင်းပထမဆုံးအကြိမ်ကျင်းပတော့မယ် ရွေးကောက်ပွဲကြောင့် မြန်မာစစ်အာဏာပိုင်တို့ရဲ့ မြောက်ကိုရီးယားနဲ့ ပူးပေါင်းဆောင်ရွက်နေတဲ့ ညူကလီးယားလက်နက် ထုတ်လုပ်မှုကြိုးမှုကို အနောက်နိုင်ငံတွေရဲ့စိုးရိမ်မှုတွေကို ဖယ်ရှားနိုင်မယ်လို့ ယူဆထားသည်။

ဒီမိုကရက်တစ်မြန်မာ့အသံရဲ့မှတ်တမ်းသတင်းထဲမှာပါတဲ့ထောင်ပေါင်းများစွာသောဓါတ်ပုံတွေနည်းပညာအချက်အလက်အချို့နဲ့ပစ္စည်းတွေ၊စမ်းသပ်ချက်တွေ၊မြေအောက်ဥမင်တွေလျို့ဝှက်စွာဆောက်လုပ်နေမှုတွေဟာမြောက်ကိုရီးယားနည်းပညာအဖွဲ့ကကူညီပေးတယ်ဆိုတာထင်ရှားသောသက်သေများဖြစ်သည်ဟု ပြောဆိုခဲ့သည်။

အမေရိကန်အစိုးရမှ မြန်မာစစ်အာဏာရှင် နှင့် မြောက်ကိုရီးယား ပူပေါင်းပြီး စွမ်းအားမြင့်ညူကလီးယားလက်နက်ထုတ်လုပ်နိုင် ကြိုးပမ်းဆောင်ရွက်မှုများကို အလွန်စိုးရိမ်ကြောင်းထုတ်ဖေါ်ပြောဆိုခဲ့ပြီးဖြစ်သည်။

အရှေ့တောင်အာရှနိုင်ငံများမှလာမည့်ရွေးကောက်ပွဲကိုမျော်လင့်နေကြမယ့်အနောက်နိုင်ငံအစိုးရများကတော့ရွေးကောက်ပွဲပြီးတက်လာမယ့် အရပ်ဝတ်အစိုးရသစ်ရဲ့နောက်ကနေ စစ်တပ်က အာဏာဆက်ကိုင်ထားမယ်လို့ ခိုင်ခိုင်မာမာယုံကြည်နေကြကြောင်းပြော
ဆိုခဲ့သည်။

ကယ်လီကဆက်လက်ပြီး မြန်မာ့စစ်အစိုးရရဲ့ ညူကလီးယားပိုင်ဆိုင်မှုကြိုးပမ်းချက်အစီအစဉ်မှာ ပြည်ပအကူအညီမပါဘဲ ပိုင်ဆိုင်ဖို့ ကို သံသယဖြစ်စရာမလိုကြောင်း၊ ထိုင်းပြည်သူတွေရဲ့လုံခြုံမှုကိုပြောရရင်တော့ နှစ်အနည်းငယ်အတွင်းလုံခြုံမှုရှိမှာဖြစ်ပြီး၊ မကြာခင်နည်းအနည်းငယ်အတွင်းမှာတော့ မြန်မာအစိုးရပိုင်ဆိုင်လာနိုင်ကြောင်းပြောဆိုခဲ့သည်။
http://freedomnewsgroup.com/

ရွေးကောက်ပွဲတရားမျှတမှုရှိမရှိ ဆန်းစစ်ကြည့်ကြစို့


ပြည်တွင်းဂျာနယ် အယ်ဒီတာတဦး ဗုဒ္ဓဟူး, 27 အောက်တိုဘာ 2010

ရွေးကောက်ပွဲလို့ ဆိုလိုက်တိုင်း ဒီမိုကရေစီအတွက်လို့ ယုံရမှာလား။ ဒီမိုကရေစီ တရပ် ကို ပြောင်းဖို့ဆိုတိုင်းလည်း ရွေးကောက်ပွဲကျင်းပပြီးမှ ပြီးပြည့်စုံမှာတဲ့လား။ ဒီမိုကရေစီ နိုင်ငံတော်သစ်ဆီကို ဦးတည်တာနဲ့ပဲ ရွေးကောက်ပွဲဆိုတိုင်း မျက်စိစုံမှိတ် ယုံစရာမလို ပါဘူး။ ကျင်းပပေးမယ့် ရွေးကောက်ပွဲဟာ တရားမျှတရဲ့လား၊ လွတ်လပ်သန့်ရှင်းမှု ရှိရဲ့ လား။ ဆန်းစစ်ကြည့်သင့်တာပေါ့။

အောက်တိုဘာ ၈ ရက်၊ ညပိုင်း ရုပ်မြင်သံကြားအစီအစဉ်ကနေ ကြံ့ဖွံ့ပါတီရဲ့ မဲဆွယ်ဟောပြောမှုမှာ ၎င်းတို့ပါတီရဲ့ အထွေထွေအတွင်းရေးမှူး ဗိုလ်ချုပ်ဟောင်း ဌေးဦးကိုယ်တိုင် ပြောသွားတာလေး ကြည့်ကြရအောင်ဗျာ။

ကျနော်တို့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီဟာ ၁၇ နှစ်နီးပါး၊ ပြည်သူများရဲ့ အကျိုးကို ပြည်သူများနဲ့အတူ ၀ိုင်းဝန်းဆောင်ရွက်ခဲ့ကြတဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးအသင်းကြီးကို အမွေခံ၊ အခြေပြုပြီး ဖွဲ့စည်းထားခြင်းဖြစ်ပါတယ်လို့ ဆိုထားပါတယ်။ ဒီအခြေအနေကိုကြည့်ရင် ကြိုတင်ကြံစည်ပြီး ရည်ရွယ်ချက်ရှိရှိ ရွေးကောက်ပွဲတခုကို ဦးတည်ပြီး ဖြတ်သန်းလာခဲ့တဲ့ မဟာမဲဆွယ်ကာလရှည်ကြီးပါ။

ဒါဟာ တွေးကြည့်စရာတောင် မလိုဘဲ ရှင်းနေပါတယ်။ ငါတို့ကတော့ အေးအေး ဆေးဆေးပဲ၊ လုပ်စရာရှိတာတွေကို ဥပဒေနဲ့ညီတာ မညီတာ အရေးမစိုက်ဘူး။ တရားတာ၊ မတရားတာအပထား၊ နိုင်ငံတော်အာဏာ၊ ငွေ၊ ယာဉ်၊ အဆောက်အဦး၊ လုပ်ပိုင်ခွင့်တွေ ပုံအောသုံးပြီး လုပ်ခဲ့ပြီးပြီဟေ့။ လာထား- ၂၀၁၀ နိုဝင်ဘာလ ၇ ရက်နေ့။ မင်းတို့တွေကတော့ ကြိုးစားကြည့်ကြအုံးပေါ့ကွာ…လို့ ဒီမိုကရက်တစ်အင်အားစုတွေကို လှောင်ပြောင်သရော်မှုမျိုးနဲ့ပေါ့။

ဟုတ်ပါတယ်။ ကြံ့ဖွံ့တွေ ဘာတွေလုပ်ထားပြီးပြီလဲ၊ ကြည့်ကြရအောင်။

၁။ နှစ်ပေါင်းများစွာ အဖွဲ့ဝင်အင်အားတွေကို အဓမ္မနည်းတွေနဲ့ သိမ်းသွင်းပြီးသွားပါပြီ။

၂။ အဖွဲ့ဝင်တွေကိုလည်း အဖွဲ့အပေါ်၊ ပါတီအပေါ် သစ္စာမဖောက်၊ ပြန်ပြီးမလှန်ရဲအောင် နည်းမျိုးစုံသုံးပြီး အပိုင်ချုပ်၊ ကတိက၀တ်တွေနဲ့ ချည်နှောင်တုပ်ထားပြီးပါပြီ။ ဥပမာ- အတိုးနည်းနည်းနဲ့ငွေချေးတာတွေ၊ တယ်လီဖုံး၊ မြေကွက်၊ စီးပွားရေးလုပ်ပိုင်ခွင့်…စတာတွေပေါ့။

၃။ ကြိုတင်မဲတွေကိုလည်း သန်းနဲ့ချီပြီး ယူပြီးသွားပါပြီ။ ဥပမာ- ၀န်ထမ်း၊ ပါတီဝင်၊ အမှုအခင်းဖြစ်နေသူများ၊ တရားမ၀င်စီးပွားရေးသမားများ၊ ၎င်းတို့ရဲ့ အလုပ်သမားများ၊ စစ်အစိုးရနဲ့ နှစ်ရှည်စီးပွားရေးစီမံကိန်းများနဲ့အတူတကွလုပ်နေကြတဲ့ ကုမ္ပဏီကြီးများ၊ ၎င်းကုမ္ပဏီကြီးတွေရဲ့ ၀န်ထမ်းများ၊ ရပ်ကွက်အာဏာပိုင်အဖွဲ့ဝင်များ၊ ရာအိမ်မှူး၊ ဆယ်အိမ်မှူးများ၊ ၎င်းတို့နဲ့မကင်းနိုင်တဲ့တရားမ၀င်လုပ်ငန်းရှင်များ၊ အရက်ပုန်းဆိုင်၊ ချဲဒိုင်၊ ချဲအရောင်းသမားများ၊ ဇယ်ခုံများ၊ မြို့ပေါ်ရပ်ကွက်များရှိ နေ့စဉ်ဒိုင်ခံကစားနေကြ သော တရားမ၀င်ဖဲဝိုင်းရှိအိမ်များ၊ အခုပြည်တွင်းမှာပြန့်နှံ့နေတဲ့ နောက်ဆုံးသတင်းတွေ အရ စစ်တပ်တခုလုံးကိုတောင် ကြံ့ခိုင်ရေးပါတီကို မဲပေးဖို့ လျှို့ဝှက်အမိန့်ထုတ် ညွှန်ကြားပြီးသွားပါပြီဗျာ။ မယုံမရှိကြပါနဲ့။

၎။ ပြည်သူတွေက တခဲနက်ထောက်ခံခဲ့တဲ့ ထောက်ခံနေဆဲဖြစ်တဲ့ အဲန်အယ်လ်ဒီကိုလည်း ရွေးကောက်ပွဲမ၀င်နိုင်အောင် ကလိန်စေ့ငြမ်းဆင်ပြီးပါပြီ။

၅။ အနာဂတ်နိုင်ငံရေးဖြစ်စဉ်မှာလည်း စစ်အာဏာရှင်သက်ဆိ်ုးရှည်ဖို့ ရေးဆွဲပြဌာန်း ထားတဲ့ အခြေခံဥပဒေကို ဆန့်ကျင်ပြီး ဒီမိုကရေစီနဲ့ လူ့အခွင့်အရေးတွေပြည့်ပြည့်၀၀ ရှိမယ့် အရပ်ဘက်လူ့အဖွဲ့အစည်းတရပ်ကို ဖော်ဆောင်နိုင်တဲ့ ပြည်သူချစ်တဲ့ နိုင်ငံရေးသမားများ၊ ကျောင်းသားခေါင်းဆောင်များကိုလည်း ထောင်သွင်းအကျဉ်းချထားပြီးပါပြီ။

၆။ ယှဉ်ပြိုင်ဘက်ပါတီတွေကိုလည်း အရေအတွက်နည်းနိုင်သမျှနည်းအောင် မဲဆွယ်စည်းရုံးရေးခွင်တခုလုံးမှာလည်း အကြပ်အတည်းပေါင်းစုံနဲ့ ရင်ဆိုင်ကြုံတွေ့စေအောင် ကော်မရှင်ဥပဒေတွေနဲ့ အစီအစဉ်တကျ ကန့်သတ်ထားခဲ့ပြီး ပါပြီ။

၇။ တိုင်းရင်းသားဒေသတွေမှာ သူတို့ကို နိုင်သွားမယ့် ပါတီတွေ၊ လူပုဂ္ဂိုလ်တွေကိုလည်း ဖွဲ့စည်းခွင့်၊ ပါဝင်ခွင့်မရအောင် ကန့်သတ်ပိတ်ပင်ခဲ့ပြီးပါပြီ။ ဥပမာ- ကချင်တိုးတက်ရေးပါတီ၊ ဒေါက်တာတူးဂျာ။

ဒီအချက်တွေအပြင် ကျန်တောင်ကျန်နိုင်ပါသေးတယ်။ ကိုင်း- ဒီအခြေအနေတွေဟာ ဒီကနေ့ ရွေးကောက်ပွဲဖြစ်စဉ်ရဲ့ ပကတိအရှိတရားတွေပါ။ ဒီအခြေအနေတွေကို ဘယ်သူတွေက ခင်းကျင်းစီမံခဲ့ပါသလဲ။ ရှင်းနေပါပြီ။ ဘယ်အဖွဲ့ကို၊ ဘယ်ပါတီကို အနာဂတ်အစိုးရအဖြစ် ပုံဖော်နေသလဲဆိုတာ မြင်လောက်ပါပြီ။ အဲဒီတော့ ဒီရွေးကောက်ပွဲဟာ လွတ်လပ်ပြီး တရားမျှတပါရဲ့လား၊ သန့်ရှင်းပါရဲ့လား။ ဒီမေးခွန်းကို ဖြေမယ်ဆိုရင် လူတိုင်းရဲ့ဦးနှောက်နဲ့ စဉ်းစားဆင်ခြင်နိုင်စွမ်း အရကြည့်မယ်ဆိုရင်တော့ ဒီရွေးကောက်ပွဲကို အသိအမှတ်ပြုစရာ၊ လက်ခံစရာ မလိုတော့ဘူးလို့ ဆိုရပါလိမ့်မယ်။
http://www.voanews.com/burmese/news/

၂၀၁၀ ရွေးကောက်ပွဲဆိုင်ရာ ပါမောက္ခ David Williams သုံးသပ်ဆွေးနွေး

By ဦးကျော်ဇံသာ တနင်္လာ, 27 စက်တင်ဘာ 2010

ဒီတပတ် မျက်မှောက်ရေးရာ ဆွေးနွေးခန်းမှာ ဦးကျော်ဇံသာ က မြန်မာပြည်သူတွေကြား မြန်မာ့အရေး စိတ်ဝင်စားသူတွေကြား ဝိဝါဒ ကွဲပြားမှုဖြစ်နေတဲ့ နိုဝင်ဘာလ (၇) ရက်နေ့ ရွေးကောက်ပွဲနဲ့ ပတ်သက်ပြီး အမေရိကန်ပြည်ထောင်စု အင်ဒီးယားနား တက္ကသိုလ်၊ ဥပဒေ ပါမောက္ခ နဲ့ ဒီမိုကရေစီ အခြေခံဥပဒေဆိုင်ရာဌာန ညွှန်ကြားရေးမှုး Dr. David Williams ကို ဆက်သွယ်မေးမြန်း ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ ပါမောက္ခ David Williams ခင်များ ၂၀၀၈ ဖွဲ့စည်းပုံအခြေခံဥပဒေဟာ ဒီမိုကရေစီ မဆန်ဘူးလို့ ဆိုကြပါတယ်။ မြန်မာနိုင်ငံလို စစ်အစိုးရလက်အောက် နိုင်ငံတခုမှာ စစ်အစိုးရ ရေးဆွဲတဲ့ ဖွဲ့စည်းပုံတခုဟာ ဘယ်အတိုင်းအတာအထိ ဒီမိုကရေစီဆန်ဖို့ မျှော်လင့်နိုင်ပါသလဲ။

Prof David Williams ။ ။ ရွေးကောက်ပွဲပြီးရင် မြန်မာနိုင်ငံမှာ စစ်မှန်တဲ့ ဒီမိုကရေစိကို တွေ့မြင်ရလိမ့်မယ်လို့ ကျနော်မထင်ပါဘူး။ ဖွဲ့စည်းပုံ ဥပဒေဟာ စစ်အစိုးရ အာဏာတည်မြဲရေးကို ဦးတည်ရေးဆွဲထားတဲ့ ဥပဒေဖြစ်ပါတယ်။ ဒါပေမဲ့ အဲဒီအချက်ကို ဖုံးကွယ်ဖို့ အားထုတ်ထားပါတယ်။ နိုင်ငံတကာ ဆန့်ကျင်ကန့်ကွက်မှုကို ရှောင်လွှဲနိုင်ဖို့အတွက် ဖြစ်ပါတယ်။ ဖွဲ့စည်းပုံကတော့ စစ်တပ်အနေနဲ့ ထင်ရာကိုလုပ်နိုင်ဖို့ ခွင့်ပြုထားတာပါ။ ဆိုတော့ အရပ်သားအစိုးရက စစ်တပ်ရဲ့  ဆန္ဒအတိုင်း လုပ်နိုင်သ၍ အဆင်ပြေနေမှာဖြစ်ပြီး စစ်တပ်ကိုဆန့်ကျင်ရင်တော့ အိမ်ပြန်ပို့ခံရမှာ သေချာပါတယ်။ ဒါကို ဖွဲ့စည်းပုံနဲ့အညီ လုပ်ပိုင်ခွင့် ရထားပါတယ်။

ဦးကျော်ဇံသာ ။ ။ ဒါကတော့ ၂၀၀၈ ဖွဲ့စည်းပုံကို ပါမောက္ခ Williams သုံးသပ်တာပေါ့။ ကျနော်မေးတာက မြန်မာပြည်က လက်ရှိအခြေအနေမျိုးမှာ စစ်တပ်ရဲ့  လက်အောက်နေရချိန်မှာ ဘယ်လောက်အထိ ဒီမိုကရေစီဆန်တဲ့ ဖွဲ့စည်းပုံ မျှော်လင့်နိုင်သလဲဆိုတာ ဖြစ်ပါတယ်။

Prof David Williams ။ ။ မြန်မာပြည်ဟာ ဒီမိုကရေစီဖွဲ့စည်းပုံတရပ် ရရှိသင့်တယ်လို့ ကျနော်ထင်ပါတယ်။ တကယ်တော့ မြန်မာပြည်မှာ ဒီမိုကရေစီ ဖွဲ့စည်းပုံရေးဆွဲနိုင်တဲ့ အစဉ်အလာ ရှိခဲ့ဘူးပါတယ်။ ဒီမိုကရေစီ ဖွဲ့စည်းပုံအတွက် အာဏာဟာ တနေရာထဲမှာ ဗဟိုပြု စုစည်းမနေဖို့ လွန်စွာ အရေးကြီးပါတယ်။ အဲဒီလို တနေရာရာက အားလုံးကို ထိန်းချုပ်ထားမယ်ဆိုရင် ကျန်ဒေသတွေမှာလို ပဋိပက္ခတွေ ဖြစ်နေတော့မှာ။

ဦးကျော်ဇံသာ ။ ။ ဒါပေမဲ့ စစ်တပ်က အာဏာထိန်းချုပ်ထားတဲ့ ကာလမှာ အဲဒီလို ဒီမိုကရေစီဖွဲ့စည်းပုံမျိုး ရေးဆွဲနိုင်ဖို့ ဖြစ်နိုင်မလား။

Prof David Williams ။ ။ ကျနော် မထင်ပါဘူး။

ဦးကျော်ဇံသာ ။ ။ ဆိုရင် စစ်အစိုးရကို ဖယ်ရှားပြစ်ရမယ်ဆိုတဲ့ သဘောပေါ့။

Prof David Williams ။ ။ အလားအလာ နှစ်မျိုးရှိပါတယ်။ ပထမတခုက စစ်တပ်ကို ဖယ်ထုတ်ပြစ်ရမယ်။ ပြီးမှ ဒီမိုကရေစီ ဖော်ထွန်းလာပါမယ်။ နောက်တမျိုးကတော့ တဖြည်းဖြည်း ချဉ်းကပ်ရမယ့် သဘောဖြစ်ပါတယ်။ စစ်တပ်ကတော့ ဆက်လက်ချုပ်ကိုင်သွားဖို့ ရည်ရွယ်ပါတယ်။ ဒါပေမဲ့ တခါတရံ အပြောင်းအလဲတွေ ဖြစ်လာနိုင်ပါတယ်။ အဲဒီအခါမှာ အာဏာရှင် အစိုးရတွေဟာ အဲဒီ အပြောင်းအလဲတွေကို ကြံကြံမခိုင်နိုင်ပါဘူး။ ဒီလိုပဲ နောက်နှစ်အနည်းငယ်အကြာမှာ အပြောင်းအလဲတွေဟာ တဖြည်းဖြည်း စုစည်းလာပြီး စစ်တပ်ဟာ ချုပ်ကိုင်မှုကို စွန့်လွတ်လာရပါလိမ့်မယ်။ နောက်ဆုံးတနေ့မှာတော့ စစ်တပ်ဟာ တန်းလျားပြန်သွားရမယ်ဆိုတာကို ကျနော် သံသယ မရှိပါဘူး။

ဦးကျော်ဇံသာ ။ ။ အခုလောလောဆယ်မှာတော့ နိုင်ငံရေးသမားတချို့ ကတော့ ရွေးကောက်ပွဲ ဝင်ပြိုင်မယ်။ ဒါက တခုတည်းသော လမ်းစဖြစ်တယ်။ လောလောဆယ်မှာ ရွေးကောက်ပွဲပြီးရင် ဒီမိုကရေစီအတွက် နေရာ သေးသေးလေးတကွက်ဖြစ်ဖြစ် ရကောင်းရလာနိုင်လိမ့်မယ်။ အဲဒီကတဆင့် ဒီမိုကရေစီဘောင်ကို ကျယ်ပြန့်အောင် ချဲ့ ထွင်သွားရမယ်ဆိုတဲ့ အစွဲသဘော ရှိနေကြပါတယ်။ ဆိုတော့ ဒီလူတွေရဲ့  လုပ်ရပ်ဟာ လက်ခံသင့်တဲ့လုပ်ရပ်လို့ ဆိုလိုတဲ့သဘောလား။

Prof David Williams ။ ။ ကျနော်ကတော့ စစ်တပ်ဟာ ဒီမိုကရေစီသမားတွေအတွက် ဘယ်လိုနေရာကလေးအတွက်မှ ပေးလိမ့်မယ်လို့ မထင်ပါဘူး။ ဒီလို ဆိုလိုက်တဲ့အတွက် ဒီမိုကရေစီသမားတွေအတွက် လုပ်ပိုင်ခွင့်ဘောင် လုံးဝမရှိဘဲ ဖြစ်နေလိမ့်မယ်ဆိုတဲ့ သဘောတော့ မဟုတ်ပါဘူး။ စစ်တပ်ဟာ အရာရာကို ချုပ်ကိုင်နိုင်စွမ်း မရှိတဲ့သဘောကိုလည်း ကျနော်တို့ မျှော်လင့်နိုင်သလို အရာရာကို အာရုံမစူးစိုက်နိုင်တဲ့သဘောကိုလည်း တွေ့ရနိုင်ပါတယ်။ ပြီးတော့ ဒီမိုကရေစီ လိုလားသူ လွှတ်တော်အမတ်တွေဟာ နိုင်ငံတကာ အသိုင်းအဝိုင်းရဲ့  ထောက်ခံမှုတွေလည်း ရရှိဖို့ ကျနော်မျှော်လင့်ထားပါသေးတယ်။ အရေးကြီးတာက နိုင်ငံတကာ အသိုင်းအဝိုင်းတွေအနေနဲ့ တကယ့် ဒီမိုကရေစီ ပြုပြင်ရေးသမားစစ်စစ်တွေကိုသာ လက်တွဲမိဖို့ ဖြစ်ပါတယ်။ စစ်တပ်လက်ကိုင်တုတ်တွေနဲ့ မပူးပေါင်းမိကြဖို့။ အချုပ်ပြောရရင် အပြောင်းအလဲရှိနိုင်တဲ့ အလားအလာတချို့ ကို ကျနော် တွေ့မြင်မိပါတယ်။ ဒါကြောင့် ရွေးကောက်ပွဲမှာ ဝင်ရောက်ယှဉ်ပြိုင်ကြမယ့် လူတွေကို ကျနော်အနေနဲ့ မဝေဖန်လိုပါဘူး။ သူတို့အနေနဲ့ အာဏာတွေ လုပ်ပိုင်ခွင့်တွေ အများကြီး ရလာလိမ့်မယ်လို့ သိပ်မျှော်လင့်ချက် မထားကြဖို့ လိုအပ်ပါတယ်။

ဦးကျော်ဇံသာ ။ ။ အမေရိကန် ပညာရှင်တွေ အပါအဝင် တချို့  မြန်မာ့အရေးကျွမ်းကျင်တဲ့ ပညာရှင်တွေက နိုဝင်ဘာ (၇) ရက်နေ့ ရွေးကောက်ပွဲအပြီးမှာ အာဏာချုပ်ကိုင်သူတွေ အပြောင်းအလွှဲရှိလာမယ်။ အခြေခံ အဆောက်အအုံလည်း တချို့  အပြောင်းအလဲ ရှိလာလိမ့်မယ်။ အဲဒီအခါမှာ အနောက်နိုင်ငံတွေဟာ အဲဒီ အစိုးရသစ်နဲ့ ဆွေးနွေးပြောဆိုခွင့် ရလာနိုင်တယ်လို့ တွက်နေကြပါတယ်။

Prof David Williams ။ ။ ရေတိုမှာတော့ အခြေခံ အဆောက်အအုံ ပြောင်းလဲမှုတွေ သိပ်ဖြစ်လာလိမ့်မယ်လို့ ကျနော် မထင်ပါဘူး။ နိုင်ငံရေး အခင်းအကျင်းမှာ ပိုမိုရှုပ်ထွေးလာလိမ့်မယ်လို့ပဲ ကျနော်ထင်ပါတယ်။ ဘာကြောင့်လည်းဆိုလို့ရှိရင် လွှတ်တော်ဆိုတာ ပေါ်လာမယ်။ အဲဒီအထဲက အရပ်သားတွေဟာ စစ်တပ်ကို ဖယ်ရှားချင်တဲ့ သဘောရှိမယ်။ စစ်တပ်က သူတို့အတွက် နေရာဖယ်ပေးမှာ မဟုတ်ပါဘူး။ ဒါပေမှာတော့ ရေရှည်မှာတော့ လွှတ်တော်ဟာ စစ်တပ်နဲ့ သီးခြား ဖြစ်လာပါလိမ့်မယ်။ အဲဒီလူတွေနဲ့ပဲ အနောက်နိုင်ငံ အစိုးရတွေ အလုပ်တွဲလုပ်လာနိုင်မှာပါ။ ထပ်ပြောရရင် လွှတ်တော်ဟာ စစ်တပ်နဲ့ သီးခြားဖြစ်လာမှ အနောက်နိုင်ငံတွေနဲ့ ညှိနှိုင်းဆောင်ရွက်နိုင်မှာ ဖြစ်ပါတယ်။

ဦးကျော်ဇံသာ ။ ။ ဆိုတော့ ဒီ ရွေးကောက်ပွဲပြီးပြီချင်း နိုင်ငံရေးအချိန်ကို လွှမ်းခြုံသုံးသပ်မယ်ဆိုရင်။

Prof David Williams ။ ။ ရွေးကောက်ပွဲပြီးပြီချင်း နေပြည်တော်မှာ လွှတ်တော်အမတ်တွေ အများကြီး ရှိလာပါလိမ့်မယ်။ လုပ်ပိုင်ခွင့်က မဆိုသလောက်ဘဲ ရှိမယ်။ စစ်တပ်က အခြေအနေသစ်မှာ လေ့လာသင်ယူမှုတွေ အများကြီးလုပ်ရပါလိမ့်မယ်။ လွှတ်တော်အမတ်တွေ ဘောင်ကျော်မိလို့ စစ်ဆေးခံရတွေ၊ အရေးယူ အပြစ်ပေးခံရတာတွေလည်း ရှိလာနိုင်ပါတယ်။ ဒီအတွက် လွှတ်တော်အမတ်တွေ မခံမရပ်နိုင် ဖြစ်လာမယ်။ ဒီနေရာမှာ ပြတ်ပြတ်သားသား ပြောမယ့်ဆိုမယ့် ထင်ရှားတဲ့ ပုဂ္ဂိုလ်တွေလည်း ပေါ်ထွက်လာနိုင်ပါတယ်။ ရေတိုမှာတော့ အပြောင်းအလဲအများ ရှိလာမယ်မထင်ပါဘူး။

ဦးကျော်ဇံသာ ။ ။ ဒီလာမယ့် ရွေးကောက်ပွဲနဲ့ ပတ်သက်ပြီး တချို့ သောမြန်မာတွေကြားမှာ အတော်လေး သဘောကွဲနေကြတာ ရှိပါတယ်။ တချို့ က ဒီ ရွေးကောက်ပွဲကို အပြတ်အသတ် သပိတ်မှောက်ရမယ်လို့ ဆိုကြပါတယ်။ တချို့ ကလည်း ဝင်ရောက်ယှဉ်ပြိုင်ကြရမယ်။ မဲပေးရမယ်ဆိုပြီး ဖြစ်နေကြပါတယ်။ ဒီကိစ္စအပေါ် ပါမောက္ခရဲ့  သဘောထားကိုလည်း သိချင်ပါတယ်။

Prof David Williams ။ ။ ဒါကတော့ မြန်မာပြည်သူတိုင်း သူတို့ ယုံကြည်ချက်အတိုင်း အဖြေပေးကြရမယ့် ကိစ္စဖြစ်ပါတယ်။ ကျနော်အနေနဲ့ သူတို့ ဘာလုပ်ပါလို့ မပြောလိုပါဘူး။ ကျနော် ပြောချင်တာက ရွေးကောက်ပွဲသည် အတုအယောင်ဖြစ်တယ်။ ဒီရွေးကောက်ပွဲကြောင့် အာဏာအပြောင်းအလဲ ဖြစ်မယ်ထင်နေရင် ဒါဟာ မမှန်ပါဘူး။ အာဏာကို ခွဲဝေပေးမှာ မဟုတ်ပါဘူး။ ဒါပေမဲ့ အခုခြေကုတ်ဝင်ယူထားမယ် နောင် ငါးနှစ်ဆယ်နှစ်လောက်မှာ ပြောင်းလဲလာနိုင်မယ်လို့ မျှော်လင့်တယ်ဆိုရင်တော့ ဒါကို ကျနော်နားလည်းနိုင်ပါတယ်။ နောက် ကျနော် အလေးအနက်ပြောချင်တာ တခုကတော့ ရွေးကောက်ပွဲ ဝင်သူတွေ နိုင်သူတွေအနေနဲ့ ဒါကို ရွေးကောက်ပွဲကို ထောက်ခံလို့ ဝင်ပြိုင်ရတာ မဟုတ်ဘူးဆိုတာ နိုင်ငံတကာကို ပြသဖို့ သိပ်ကို အရေးကြီးတယ်ဆိုတဲ့ အချက်ပါ။ ဒီရွေးကောက်ပွဲဟာ အတုအယောင် မဟုတ်ဘဲ အဓိပ္ပါယ်ပြည့်ဝတဲ့ စစ်မှန်တဲ့ ရွေးကောက်ပွဲဖြစ်တယ်လို့ အထင်မရောက်စေဖို့ ဖြစ်ပါတယ်။

ဦးကျော်ဇံသာ ။ ။ တချို့ ကတော့ ရွေးကောက်ပွဲကို အမျိုးသားဒီမိုကရေစီအဖွဲ့ချုပ် သပိတ်မှောက်တာဟာ လုံးဝမှားယွင်းတယ်။ တကယ်လို့ အန်အယ်လ်ဒီ သာ ဝင်ပြိုင်မယ်ဆိုရင် အပြတ်အသတ် အနိုင်ရမယ်။ ဒါဆိုရင် စစ်တပ်ရဲ့  အခန်းကဏ္ဍကို လျှော့ချနိုင်ဖို့ အခွင့်အလမ်း ပိုရလာနိုင်မယ်လို့ တွက်ကြပါတယ်။ အန်အယ်လ်ဒီ ရွေးကောက်ပွဲ မဝင်လို့ အားမလို အားမရ ဖြစ်သူတွေ၊ စိတ်ပျက်လက်ပျက်ဖြစ်သူတွေ အများကြီးကြားနေရပါတယ်။

Prof David Williams ။ ။ ဒါမဟုတ်ဘူးလို့ ထင်ပါတယ်။ ၁၉၉၀ ရွေးကောက်ပွဲမှာ စစ်တပ်က သင်ခန်းစာ ရလိုက်တယ်ဆိုတာ သိပ်ထင်ရှားပါတယ်။ အဲဒီတုန်းက စစ်တပ်အရေးနှိမ့်ခဲ့ပါတယ်။ ဒီတကြိမ်မှာ အလားတူ အရေးနှိမ့်ရမယ့် အဖြစ်ကို မလိုလားပါဘူး။ အဲဒီလိုဆိုတော့ အာဏာကို ဆက်လက်ချုပ်ကိုင်နိုင်ဖို့အတွက် ဘာဘဲလုပ်ရလုပ်ရ လုပ်မှာဖြစ်ပါတယ်။ ဆိုတော့ ဘယ်သူပဲနိုင်နိုင် စစ်တပ်ပဲ အနိုင်ယူမှာပါ။ ဒါကြောင့် အန်အယ်လ်ဒီ ဝင်ပြိုင်လည်း ဘာမှမထူးဘူးလို့ ထင်ပါတယ်။

ဦးကျော်ဇံသာ ။ ။ အခုဆက်လက်ပြီး တိုင်းရင်းသားလူမျိုးတွေအကြောင်း ဆွေးနွေးချင်ပါတယ်။ ၂၀၀၈ ဖွဲ့စည်းပုံ အခြေခံဥပဒေဟာ ၁၉၄၇ ဖွဲ့စည်းပုံဥပဒေတွေ၊ ၁၉၇၄ အခြေခံဖွဲ့စည်းပုံဥပဒေတွေထက် တိုင်းရင်းသား အခွင့်အရေးတွေကို ပိုပေးထားတယ်လို့ တချို့ က ယူဆနေကြပါတယ်။ ဒါမှန်တယ် ထင်ပါသလား။

Prof David Williams ။ ။ စာရွက်ပေါ်မှာတော့ တိုင်းရင်းသားလူနည်းစုတွေအတွက် အကာအကွယ်တချို့  ရေးထားပါတယ်။ တိုင်းရင်းသားတွေ တကယ်လိုချင်တဲ့ အခွင့်အရေးတွေကိုတော့ မပေးပါဘူး။ Federalism လို့ခေါ်တဲ့ ပြည်ထောင်စုစစ်စစ် သဘောလည်း လုံးဝမပါသလောက်ပါ။ ဒါတောင် စာရွက်ပေါ်မှာ ရေးထားတာကို ပြောတာပါ။ ဒီမဆိုသလောက်လေးကိုပဲ လက်တွေ့ အကောင်အထည် ဖော်ထုတ်ဖို့ဆိုတာတောင် တိုင်းရင်းသားတွေကိုယ်တိုင် အာဏာကို ချုပ်ကိုင်နိုင်မှ ဖြစ်မှာပါ။ အခုတော့ စစ်တပ်ကသာ အာဏာကို ချုပ်ကိုင်မှာဖြစ်မှာမို့ ဒါဟာ အကောင်အထည် မဖော်နိုင်ပါဘူး။ သူတို့အပေါ် တိုင်းရင်းသား အစည်းအလုံး ညီညွှတ်ရေးကို ထိခိုက်စေတယ်လို့ သူတို့ထင်လို့ရှိရင်တော့ စစ်တပ်က အာဏာသိမ်းခွင့်ကိုလည်း ဖွဲ့စည်းပုံက ပြဌာန်းပေးထားပါတယ်။ တိုင်းရင်းသားတွေက ပြည်ထောင်စုက ခွဲထွက်ချင်တယ်လို့ စစ်တပ်က ယူဆထားပါတယ်။ ဒါဟာ မမှန်ပါဘူး။ စစ်တပ်ဟာ တိုင်းရင်းသားတွေကို အချိန်မရွေး စစ်ဆင်နိုင်တယ်။ ဒါဟာ လုံးဝတရားဝင်တယ်ဆိုတဲ့သဘော ပြဌာန်းထားတာကိုလည်း ကျနော်တို့ တွေ့ရပါတယ်။

ဦးကျော်ဇံသာ ။ ။ ကျနော် နောက်ဆုံးမေးချင်တဲ့ မေးခွန်းတခုကတော့ အခုလောလောဆယ်မှာ တိုင်းရင်းသားအဖွဲ့အစည်းတွေက လက်နက်မစွန့်ချင်ဘူး။ စစ်အစိုးရက လက်နက်စွန့်ခိုင်းပါတယ်။ ဒီနေရာမှာ ပြည်ထောင်စု စစ်စစ်ဖြစ်ဖို့အတွက်ဆိုရင် တိုင်းရင်းသားတွေ လက်နက်စွန့်ဖို့ မလိုအပ်ဘူးလား။ အမေရိကန်ပြည်ထောင်စုတို့လို Federal ပြည်ထောင်စုစစ်စစ်မှာလည်း ပြည်နယ်တွေမှာ ကိုယ်ပိုင်စစ်တပ်ဆိုတာ မရှိကြဘူး မဟုတ်လား။

Prof David Williams ။ ။ တကယ်လို့ မြန်မာနိုင်ငံသာ ဒီမိုကရေစီနိုင်ငံဖြစ်ခဲ့ရင် ဒီ မေးခွန်းက စိတ်ဝင်စားစရာကောင်းတဲ့ မေးခွန်းတခုပါ။ အခုတော့ မြန်မာနိုင်ငံ ဒီမိုကရေစီနိုင်ငံ မဟုတ်သလို၊ မကြာခင်ကာလမှာလည်း အဲဒီလို ဖြစ်လာအုန်းမှာ မဟုတ်ပါဘူး။ တိုင်းရင်းသားတွေဟာ စစ်တပ်ရဲ့  တိုက်ခိုက်မှုကို မခံချင်လို့ စစ်တပ်က လာမတိုက်ရလေအောင်လို့ လက်နက်ကိုင်ချင်နေကြတာပါ။ တနည်းအားဖြင့် သူတို့ကိုသူတို့ ကာကွယ်ဖို့ ဖြစ်ပါတယ်။ ရွေးကောက်ပွဲပြီးရင်လည်း ဒီအတိုင်းပဲ ဖြစ်နေအုန်းမှာပါ။ စစ်တပ်က သူတို့ကို တိုက်ခိုက်ပိုင်ခွင့် ရှိနေအုန်းမှာပါ။ ဒါကြောင့် မြန်မာနိုင်ငံကို အမေရိကန်ပြည်ထောင်စုနဲ့ နှိုင်းယှဉ်လို့ မရနိုင်ပါဘူး။ မြန်မာနိုင်ငံဟာ အမေရိကန်လို ဒီမိုကရေစီနိုင်ငံတခု မဟုတ်ပါဘူး။ မြန်မာနိုင်ငံဟာ ဒီမိုကရေစီနိုင်ငံတခု ဖြစ်လာအုန်းတော့ အစောပိုင်းမှာ တိုင်းရင်းသားတွေ လက်နက်ကိုင်ကြရပါအုန်းမယ်။ အမေရိကန်ပြည်ထောင်စုရဲ့  အစောပိုင်းနှစ်တွေမှာလည်း ပြည်နယ်တွေမှာ သူတို့ရဲ့  လက်နက်ကိုင်တွေ ရှိခဲ့ကြပါတယ်။ နောက်ပိုင်းကြမှ ပြည်ထောင်စုအစိုးရပေါ်မှာ တဖြည်းဖြည်း အယုံအကြည်ရှိလာတာနဲ့အမျှ လက်နက်စွန့်လာကြတာ ဖြစ်ပါတယ်။ မြန်မာပြည်မှာလည်း တိုင်းရင်းသားတွေဟာ ယုံကြည်စိတ်ချရမှ လက်နက်ကို စွန့်ကြမှာပါ။ သြဇာအာဏာကို သုံးပြီးတော့ လက်နက်စွန့်ခိုင်းနေလို့ကတော့ စွန့်ကြမှာ မဟုတ်ပါဘူး။
http://www.voanews.com/burmese/news/

အမေရိကန်နဲ့ ဗြိတိန် သံတမန်တွေ NLD နဲ့တွေ့ဆုံ

မသင်းသီရိ ဗုဒ္ဓဟူး, 27 အောက်တိုဘာ 2010

ဗြိတိန်အစိုးရသစ် အနေနဲ့ မြန်မာနိုင်ငံမှာ စစ်မှန်တဲ့ ဒီမိုကရေစီ ရရှိရေးအတွက် သူတို့ရဲ့ မူဝါဒတွေဟာ အရင်ကအတိုင်း ရှိနေမှာဖြစ်ပြီး ပြောင်းလဲသွားမှာ မဟုတ်ဘူးလို့ ပြောပါတယ်။ ဒီနေ့ မြန်မာနိုင်ငံဆိုင်ရာ ဗြိတိန်သံအမတ်ကြီးနဲ့ NLD ပါတီ ခေါင်းဆောင်တွေ တွေ့ဆုံချိန် အခုလို ဗြိတိန်အစိုးရရဲ့ သဘောထားကို ပြောပြခဲ့တာ ဖြစ်သလို NLD ရဲ့ ရွေးကောက်ပွဲ ဆန့်ကျင်ရေး လှုပ်ရှားမှုတွေနဲ့ ပတ်သက်လို့လည်း အမေရိကန် ယာယီ သံရုံးတာဝန်ခံနဲ့ NLD ခေါင်းဆောင်တို့ ဒီနေ့ တွေ့ဆုံခဲ့ကြပါသေးတယ်။ ရခိုင်ဒေသက ဂီရိမုန်တိုင်း ဒုက္ခသည်တွေအတွက် အမေရိကန် အစိုးရရဲ့ ၀မ်းနည်းကြောင်း သ၀ဏ်လွှာကို လာပို့ရင်း အခုလို မြန်မာ့အရေး ဆွေးနွေးခဲ့ကြတာ ဖြစ်ပါတယ်။ အပြည့်အစုံကို မသင်းသီရိက တင်ပြပေးထားပါတယ်။

ဒီနေ့ညနေ ၄ နာရီလောက် NLD ဒုတိယဥက္ကဋ္ဌ ဦးတင်ဦးရဲ့ နေအိမ်မှာ ဗြိတိသျှ သံအမတ်ကြီး အင်ဒရူးဟိန်းနဲ့အတူ NLD ပါတီ ခေါင်းဆောင်တွေ တွေ့ဆုံစဉ် အတွင်းမှာ ဗြိတိသျှ အစိုးရရဲ့ မြန်မာနိုင်ငံအပေါ် သဘောထားကို ပြောပြခဲ့တာပါ။ စစ်မှန်တဲ့ ဒီမိုကရေစီစနစ်တရပ် မြန်မာနိုင်ငံ အတွင်းမှာ ဖြစ်ထွန်းလာရေးအတွက် ဗြိတိသျှ အစိုးရက သူတို့ရဲ့ မူဝါဒတွေ မပြောင်းမလဲ ဆက်လက် ရပ်တည်သွားမှာ ဖြစ်သလို EU နိုင်ငံတွေထဲမှာ မြန်မာနိုင်ငံကို ချဉ်းကပ်ပုံခြင်း မတူကြပေမဲ့လည်း ဗြိတိသျှကတော့ အရင်အတိုင်းပဲ ထောက်ခံ အားပေးသွားမယ် ဆိုတာကို သံအမတ်ကြီးက ရှင်းပြခဲ့တာ ဖြစ်တယ်လို့ ဒီဆွေးနွေးပွဲကို ကိုယ်တိုင် တက်ရောက်ခဲ့တဲ့ NLD ဗဟိုအလုပ်အမှုဆောင် အဖွဲ့ဝင် ဦးနိုင်းနိုင်းက ပြောပါတယ်။

“ဗြိတိသျှ အစိုးရရဲ့ မူဝါဒကတော့ သူပြောတဲ့အတိုင်းဆိုရင် အရင်က ထုတ်ပြန်ပြီးပါပြီတဲ့၊ အားလုံး ဒီအတိုင်းပါပဲတဲ့။ မြန်မာနိုင်ငံနဲ့ ပတ်သက်ပြီး ထားရှိမယ့် မူဝါဒ မပြောင်းဘူးဆိုတဲ့ အကြောင်း ပြောသွားတာပါ။ EU ရဲ့ မူဝါဒကိစ္စနဲ့ ပတ်သက်ပြီး မြန်မာနိုင်ငံ အပေါ်မှာ ထားရှိချင်တဲ့ ဆန္ဒတွေကတော့ ပြောဆိုကြတဲ့ နေရာမှာ အားလုံး ညီညွတ်တယ်လို့ မဟုတ်သည့်တိုင်အောင် ထားရှိတဲ့ တူညီတဲ့ဟာတွေက များပါတယ်တဲ့။

“သို့သော်လည်း အားလုံးကတော့ တူညီမယ်လို့ ကျနော်တို့ကတော့ ပုံသေမယူပါဘူးတဲ့။ ခြားနားနိုင်ခွင့်လည်း ရှိပါတယ်တဲ့။ သို့သော်လည်း EU ရဲ့ ထုတ်ပြန်ချက် ရှိသလို ဗြိတိသျှ အစိုးရရဲ့ ထုတ်ပြန်ချက်ကလည်း ပွင့်ပွင့်လင်းလင်း ပြောထားပြီးသားပါပဲတဲ့။ NLD ကို ယခင်က ထားရှိတဲ့ သဘောထား မပြောင်းဘူး ဆိုတာကို ခိုင်ခိုင်မာမာ ပြောသွားတာပါပဲ။”

လာမယ့် နိုဝင်ဘာလ ၁၃ ရက်နေ့မှာ ဒေါ်အောင်ဆန်းစုကြည် လွတ်လာနိုင်မယ့် အခြေအနေတွေနဲ့ ပတ်သက်ပြီးတော့လည်း ဆွေးနွေးခဲ့ကြတယ်လို့ ဦးနိုင်းနိုင်းက ဆက်ပြောပါတယ်။

“ဒေါ်အောင်ဆန်းစုကြည်က ၁၃ ရက်နေ့မှာ တကယ်ပဲ လွတ်မှာလား ဆိုတာကို သိချင်တဲ့အကြောင်းပေါ့။ အန်ကယ်တို့ ဖြေတာကတော့ သူတို့ သတ်မှတ်ထားတဲ့ ဥပဒေအရတော့ ၁၃ ရက်နေ့မှာ လွတ်ကို လွတ်ရမယ်လို့ ယုံကြည်တဲ့အကြောင်း၊ ဒေါ်အောင်ဆန်းစုကြည် လွတ်ရင်လည်း နိုင်ငံရေးကိစ္စကို ဒေါ်အောင်ဆန်းစုကြည်က အမြဲတမ်း ဆက်လက် ဆောင်ရွက်သွားမယ် ဆိုတဲ့အကြောင်း၊ လက်ရှိ အမျိုးသား ဒီမိုကရေစီ အဖွဲ့ချုပ် အနေနဲ့ လူမှုရေး၊ နိုင်ငံရေးတွေကိုလည်း လုပ်နေတဲ့အကြောင်း၊ ဒါကို ပြောပြတာပါ။”

NLD ဗဟိုအလုပ်အမှုဆောင် အဖွဲ့ဝင် ဦးနိုင်းနိုင်း ပြောပြသွားတာ ဖြစ်ပါတယ်။

အခုလို ဗြိတိသျှ သံအမတ်ကြီးနဲ့ NLD အဖွဲ့ဝင်တွေ တွေ့ဆုံခဲ့ကြသလို အမေရိကန်သံရုံး ယာယီတာဝန်ခံ လယ်ရီ ဒင်းဂါးနဲ့ အဖွဲ့ဟာလည်း ဒီနေ့ NLD ထိပ်ပိုင်း ခေါင်းဆောင်တွေနဲ့ ဦးတင်ဦး နေအိမ်မှာပဲ တွေ့ဆုံခဲ့ပါတယ်။ အဓိကကတော့ ဂီရိမုန်တိုင်းဒဏ် ခံခဲ့ရတဲ့ ဒုက္ခသည်တွေအတွက် အမေရိကန် အစိုးရရဲ့ ၀မ်းနည်းကြောင်း သ၀ဏ်လွှာကို လာရောက်ပေးခဲ့တာ ဖြစ်တယ်လို့ NLD ပါတီရဲ့ ဒုတိယဥက္ကဋ္ဌ ဦးတင်ဦးက ပြောပါတယ်။

“ရခိုင်ပြည်နယ်မှာ ရှိကြတဲ့ ဒဏ်ခံရတဲ့၊ သေဆုံးသွားသော ပြည်သူများနဲ့တကွ ဆုံးရှုံးနစ်နာမှုကို လည်းကောင်း၊ သူတို့မိသားစုနဲ့ ပတ်သက်ပြီး ကြေကွဲ ၀မ်းနည်းရတဲ့အကြောင်း၊ လောလောဆယ်လည်း အိုးအိမ်တွေ စွန့်ခွာပြီး သွားနေရတဲ့ ပုဂ္ဂိုလ်တွေအကြောင်း၊ အဲဒါတွေကို အထူးပဲ စာနာထောက်ထားပြီး ၀မ်းနည်းကြေကွဲပါတယ် ဆိုပြီးတော့ အင်္ဂလိပ်လိုရော၊ ဗမာလိုရော၊ တခုကတော့ အိုဘားမားက ပေးတဲ့ဟာ၊ တခုကတော့ Federal of the State ကတဆင့် ဒီသံရုံးကို ပို့ခိုင်းလိုက်တဲ့ဟာ၊ အဲဒီဟာ မြန်မာလို ဘာသာပြန်ပြီး လာပေးတာပါ။

“အမေရိကန် အစိုးရ အနေနဲ့ လောလောဆယ်မှာ ဒေါ်လာ ၁၀၀,၀၀၀ တန် လူသုံးပစ္စည်းများ အမြန်ဆုံး ရောက်အောင် ပို့ပေးဖို့ စီမံတဲ့အကြောင်းကို ဒါတွေကို အကြောင်းပြပြီး အသေးစိတ် လာရှင်းပြတာပါ။”

ဒီလို တွေ့ဆုံဆွေးနွေးစဉ် အတွင်းမှာ ရွေးကောက်ပွဲ ဆန့်ကျင်ရေးနဲ့ ပတ်သက်တဲ့ NLD ရဲ့ လှုပ်ရှားမှုတွေ၊ ရွေးကောက်ပွဲ ရက်အတွင်းမှာ NLD အဖွဲ့က လှုပ်ရှားမယ့် အစီအစဉ်တွေနဲ့ ပတ်သက်ပြီးတော့လည်း အမေရိကန်သံရုံး ယာယီတာဝန်ခံကို ရှင်းပြခဲ့တယ်လို့ ဦးတင်ဦးက ပြောပါတယ်။

“ရွေးကောက်ပွဲ သပိတ်မှောက်တဲ့ကိစ္စ အပေါ်မှာ ကျနော်တို့ရဲ့ Boycott စာတမ်းအပေါ်မှာ ပြင်းပြင်းထန်ထန် ကန့်ကွက်တယ် ဆိုတဲ့ဟာ ပါသွားတော့ အဲဒါကို သူတို့က သဘောထား မေးတာပါ။ ကျနော်တို့က Boycott လုပ်တယ် ဆိုတာကတော့ ပြတ်ပြတ်သားသားပဲ ကျနော်တို့က လုပ်ရပါတယ် ဆိုတဲ့အကြောင်းပေါ့လေ။

“ဒါတင်မကသေးဘူး၊ သူတို့လုပ်တဲ့ မတော်မတရားကိစ္စက သူတို့ ထုတ်ပြန်ထားတဲ့ ဥပဒေကိုပင်လျှင် သူတို့ လိုက်နာဆောင်ရွက်ခြင်း မရှိတာကြောင့် ဒီဟာတွေကို မှတ်မှတ်သားသား ဖြစ်ရအောင် ကျနော်တို့က ရဲအဖွဲ့ကို တိုင်တာ ပြုတာ၊ မှတ်တမ်းမှတ်ရာ အနေနဲ့ ဒါတွေကို ကျနော်တို့က သက်သေသက္ကာယနဲ့ ပြောနိုင်အောင် လုပ်မယ်ဆိုတဲ့ဟာအတွက် အစီအစဉ်ကိုပါ ထပ်ချတာပါ။ အဲဒီဟာကို ပြောတာပါ။”

NLD ပါတီ ဒု-ဥက္ကဋ္ဌ ဦးတင်ဦး ပြောပြခဲ့တာ ဖြစ်ပါတယ်။

အမေရိကန်သံရုံး တာဝန်ခံတွေကတော့ အမေရိကန်ဘက်က အခု ရွေးကောက်ပွဲနဲ့ ပတ်သက်လို့ လှုပ်ရှားနေတဲ့ အပေါ်မှာ အဆိုးအကောင်း တစုံတရာ မှတ်ချက်ပေး ပြောဆိုခြင်း မရှိဘဲ NLD ရဲ့ လုပ်ဆောင်ချက်တွေကို သူတို့ နားလည်ကြောင်းနဲ့ အသိအမှတ်ပြုကြောင်း ပြောခဲ့တယ်လို့ ဦးတင်ဦးက ပြောပါတယ်။
http://www.voanews.com/burmese/news/nld-us-uk-105880758.html

လူ့အခွင့်အရေးတိုက်ပွဲသမိုင်းမှတ်တိုင် ၂၀၁၀ ငြိမ်းချမ်းရေးနိုဘယ်လ်ဆု

ဇင်လင်း   /   ၂၇ အောက်တိုဘာ ၂၀၁၀

တရုတ်နိုင်ငံက လူ့ခွင့်အရေးလှုပ်ရှားသူ လျူရှောင်ဘိုကို ယခု ၂၀၁၀ ခုနှစ်အတွက် ‘ငြိမ်းချမ်းရေးနိုဘယ်လ်ဆု’ ချီးမြှင့်လိုက်ပါတယ်။ ကမ္ဘာ့ဂုဏ်သတင်းအကြီးမြင့်ဆုံး နိုဘယ်လ်ဆုကို ဒီနှစ်မှာ ထိုက်တန်သူကို ထိုက်ထိုက်တန်တန် ချီးမြှင့်လိုက်တာပဲလို့ ထင်ရှားတဲ့ နိုင်ငံတကာသတင်းစာတချို့ရဲ့ သတင်းခေါင်းကြီးတွေက မှတ်ချက်ပြုကြပါတယ်။ နှစ်ကာလရှည်လျားစွာ အကြမ်းမဖက် ငြိမ်းချမ်းတဲ့နည်းနဲ့ သူ့နိုင်ငံမှာ အခြေခံလူ့အခွင့်အရေး ထွန်းကားအောင် ဆောင်ရွက်နေမှုကို ဂုဏ်ပြုတဲ့အနေနဲ့ ‘နော်ဝေငြိမ်းချမ်းရေး နိုဘယ်လ်ဆုကော်မတီ’ က ‘လျူရှောင်ဘို’ ကို ဒီနှစ် နိုဘယ်လ်ဆု ချီးမြှင့်ခဲ့တာဖြစ်ပါတယ်။ နော်ဝေပါလီမန်က ခန့်အပ်တဲ့ အဖွဲ့ဝင် (၅) ဦးပါ ဆုရွေးချယ်ရေးအဖွဲ့ဟာ တရုတ်နိုင်ငံက ကန့်ကွက်နေတဲ့ကြားက ‘လျူရှောင်ဘို’ ကို ဆုချီးမြှင့်လိုက်ပါတယ်။

 ‘လျူရှောင်ဘို’ အကြောင်းကို တရုတ်ပြည်အတွင်းမှာ သတင်းမှောင်ချထားမှုကြောင့် သိရှိသူနည်းတယ်လို့ ဆိုပါတယ်။ ‘လျူရှောင်ဘို’ ကို ၁၉၅၅ ခုနှစ် ဒီဇင်ဘာ (၂၈) ရက်နေ့မှာ ဖွားမြင်ခဲ့ပြီး ဒီ ၂၀၁၀ ဒီဇင်ဘာမှာ (၅၅) နှစ် ပြည့်မှာဖြစ်ပါတယ်။ သူဟာ ကျီလင်းပြည်နယ်၊ ချန်ချွန်မြို့ဇာတိဖြစ်တယ်။ ပညာတတ်မိသားစုက ဖွားမြင်ခဲ့တဲ့ ‘လျူရှောင်ဘို’ ဟာ ၁၉၇၆ မှာ ကျီလင်းတက္ကသိုလ်မှာ စတင်တက်ရောက်ခဲ့ပြီး ၁၉၈၂ မှာ စာပေပညာရပ်နဲ့ ၀ိဇ္ဇာဘွဲ့ရပါ တယ်။ ၁၉၈၄ မှာ မဟာဝိဇ္ဇာဘွဲ့၊ ၁၉၈၈ မှာ စာပေပါရဂူဘွဲ့များကို ပီကင်းတက္ကသိုလ်က ရရှိခဲ့ပါတယ်။ ၁၉၈၈-၈၉ ခုနှစ်များမှာ ‘လျူရှောင်ဘို’ ဟာ အမေရိကန်ပြည်ထောင်စု ကိုလံဘီယာတက္ကသိုလ်၊ ဟာဝိုင်ယီတက္ကသိုလ်နဲ့ နော်ဝေနိုင်ငံ အော်စလိုတက္ကသိုလ်တို့မှာ ဧည့်ပညာရှင်အဖြစ် ဆောင်ရွက်ခဲ့တယ်။ ၁၉၈၉ ဇွန်လ (၄) ရက် တိန်ယန်မင် ဒီမိုကရေစီလှုပ်ရှားမှုကြီးဖြစ်ပေါ်ချိန်မှာ ‘လျူရှောင်ဘို’ ဟာ အမေရိကန်မှာ ရောက်နေခဲ့တယ်။ သူဟာ လှုပ်ရှားမှုမှာ ပါဝင်ဖို့ ဆုံးဖြတ်ပြီး ပီကင်းကို ပြန်လာခဲ့တယ်။ သူဟာ တိန်ယန်မင် ဒီမိုကရေစီအရေးတော်ပုံကို ဦးဆောင်ဦးရွက်ပြုခဲ့တဲ့ စံပြဂုဏ်ထူးဆောင် ခေါင်းဆောင် (၄) ဦးအနက် တဦးအဖြစ် အသိအမှတ်ပြုခံခဲ့ရတယ်။

တိန်ယန်မင် ဒီမိုကရေစီအရေးတော်ပုံ ဖြိုခွဲခံရပြီး ၁၉၈၉ ဇွန်လမှာ  ‘လျူရှောင်ဘို’ ဟာ တန်ပြန်တော်လှန်ရေး ဖြစ်ပေါ်အောင် လှုံ့ဆော်ခဲ့တယ်ဆိုတဲ့ စွဲချက်နဲ့ နာမည်ကျော် ကျင်ချင်းအကျဉ်းထောင်မှာ ဖမ်းဆီးထိန်းသိမ်းခံခဲ့ရတယ်။ ၁၉၉၁ ဇန်န၀ါရီလမှာ ခံဝန်ချက်နဲ့ ထောင်က ပြန်လွတ်တယ်။ ၁၉၉၅ မေလမှာ ဒီမိုကရေစီနဲ့ လူ့အခွင့်အရေးလှုပ်ရှားမှုမှာ ‘လျူရှောင်ဘို’ ပါဝင်ပြီး ၁၉၈၉ ကျောင်းသားများရဲ့ တိန်ယန်မင် ဒီမိုကရေစီလှုပ်ရှားမှုအတောအတွင်း အစိုးရရဲ့ လွဲမှားတဲ့ အရေးယူဆောင်ရွက်ချက်များကို လူထုအကြားမှာ ဖော်ထုတ်ဝေဖန်မှု လုပ်ခဲ့ပြန်ပါတယ်။ ဒါကြောင့် ထောင်ဒဏ် (၆) လ ကျခံရပြီး ၁၉၉၆ ဇန်န၀ါရီလမှာ ထောင်က လွတ်ပါတယ်။ ၁၉၉၆ အောက်တိုဘာမှာ တရုတ်ကွန်မြူနစ်ပါတီကို ဝေဖန်မှုကြောင့် လူထုဆူပူအောင် လှုံ့ဆော်တယ်ဆိုတဲ့ စွဲချက်နဲ့ ‘လျူရှောင်ဘို’ ကို ထောင်ဒဏ် (၃) နှစ် ချပြန်ပါတယ်။ ၁၉၉၉ အောက်တိုဘာမှာ ထောင်က ပြန်လွတ်ပါတယ်။

ဒီတခါ သူ့နေအိမ်အနီးမှာ အစိုးရက အစောင့်ကင်းရုံတခု ဆောက်ပြီး စောင့်ကြည့်စေပါတယ်။ သူ့တယ်လီဖုန်းနဲ့ အင်တာနက်တွေ ကြားဖြတ်စောင့်ကြည့်တာလည်း ခံခဲ့ရတယ်။ ၂၀၀၃ ခုနှစ်မှာ သူဟာ ‘တရုတ်နိုင်ငံ လွတ်လပ်တဲ့ ကလောင်ရှင်များအသင်း’ ရဲ့ ဥက္ကဋ္ဌ ဖြစ်လာပါတယ်။၂၀၀၄ မှာ တရုတ်နိုင်ငံ လူ့အခွင့်အရေးအခြေအနေအစီရင်ခံစာ ပြုစုနေခိုက် ‘လျူရှောင်ဘို’ ရဲ့ ကွန်ပျူတာ၊ မှတ်စုမှတ်တမ်း စာရွက်စာတမ်းတွေကို တရုတ်အစိုးရက သိမ်းယူခဲ့ပါတယ်။ ဒါပေမယ့် လျူရှောင်ဘိုရဲ့ လူ့အခွင့်အရေးဆိုင်ရာ ဆောင်ရွက်ချက်တွေကို ပြင်သစ်နိုင်ငံအခြေစိုက် နယ်စည်းမခြား သတင်းထောက်များအဖွဲ့ (Reporters Without Borders)  က ၂၀၀၄ ခုနှစ်မှာ Fondation de France Prize ဆု ချီးမြှင့် အသိအမှတ်ပြုခဲ့ပါတယ်။ ၂၀၀၇ ခုနှစ်မှာ တရုတ်နိုင်ငံပြင်ပ အင်တာနက်စာမျက်နှာတွေပေါ်မှာ သူရေးသားခဲ့တဲ့ စာတမ်းတွေနဲ့ ပတ်သက်လို့ အာဏာပိုင်တွေရဲ့ ခေါ်ယူစစ်ဆေးမှု ခံခဲ့ရပါသေးတယ်။

၂၀၀၈ ခုနှစ် ဒီဇင်ဘာ (၁၀) မှာ ‘အပြည်ပြည်ဆိုင်ရာ လူ့အခွင့်အရေးကြေညာစာတမ်း’ နှစ် (၆၀) ပြည့်အထိမ်းအမှတ် ‘ချာတာ ၀၈’ (Charter 08) လို့ ထင်ရှားတဲ့ ကြေညာစာတမ်းတစောင်ကို ‘လျူရှောင်ဘို’ နဲ့ တရုတ်နိုင်ငံသား လူ့အခွင့်အရေးလှုပ်ရှားသူ (၃၀၃) ဦး လက်မှတ်ရေးထိုး ထုတ်ပြန်ခဲ့ပါတယ်။ ဒီအပြင် ‘ချာတာ ၀၈’ ကြေညာချက် ထုတ်ပြန်ချိန်ဟာ တရုတ်နိုင်ငံ ဖွဲ့စည်းပုံအခြေခံဥပဒေ နှစ် (၁၀၀) ပြည့်ချိန်၊ တရုတ်ဒီမိုကရေစီတံတိုင်းလှုပ်ရှားမှု နှစ် (၃၀) ပြည့်ချိန်၊ နိုင်ငံတကာ ‘လူမှုအခွင့်အရေး နိုင်ငံရေးအခွင့်အရေးဆိုင်ရာ သဘောတူစာချုပ်’  (International Covenant on Civil and Political Rights) မှာ တရုတ် ပါဝင်လက်မှတ်ရေးထိုးခြင်း (၁၀) နှစ်ပြည့်ချိန်များနဲ့လည်း တိုက်ဆိုင်နေပါတယ်။ ‘ချာတာ ၀၈’ ကြေညာစာတမ်းဟာ ၁၉၇၇ ခုနှစ် ချက်ကိုစလိုဗက် လူ့အခွင့်အရေးလှုပ်ရှားသူများရဲ့ ‘ချာတာ ၇၇’ ကြေညာစာတမ်းကို စံနမူနာယူခဲ့ကြတာ ဖြစ်ပါတယ်။ ‘ချာတာ ၇၇’ ကြေညာစာတမ်းမှာ လက်မှတ်ရေးထိုးခဲ့သူတွေက လွတ်လပ်စွာ သဘောထားထုတ်ဖော် ပြောဆိုရေးသားခွင့်ရရှိရေး၊ လူ့အခွင့်အရေးများကို လေးစားလိုက်နာရေး၊ လွတ်လပ်တရားမျှတတဲ့ ရွေးကောက်ပွဲတွေ ကျင်းပပေးရေး … စတဲ့အချက်တွေ တောင်းဆိုခဲ့ကြတာဖြစ်ပါတယ်။

‘ချာတာ ၀၈’ (Charter 08) မှာ ကနဦး ပါဝင်လက်မှတ်ရေးထိုးသူတွေဟာ တရုတ်နိုင်ငံမှာ တနည်းနည်းနဲ့ နာမည်ဂုဏ်သတင်းကောင်းသူတွေ ဖြစ်ပါတယ်။ ‘ချာတာ ၀၈’ ကြေညာစာတမ်းက ဖွဲ့စည်းပုံအခြေခံဥပဒေပြင်ဆင်ရေး၊ လူ့အခွင့်အရေး တိုးတက်ကောင်းမွန်ရေး၊ လွတ်လပ်စွာ တရားစီရင်ခွင့်ရရှိရေး၊ ဒီမိုကရေစီနည်းကျ ဥပဒေပြုရေး။ လွတ်လပ်စွာ အသင်းအပင်းဖွဲ့စည်းခွင့်ရရှိရေး၊ လွတ်လပ်စွာ စုရုံးခွင့်ရရှိရေး၊ လွတ်လပ်စွာ သဘောထားထုတ်ဖော် ပြောဆိုရေးသားခွင့်ရရှိရေး၊ လွတ်လပ်စွာ ယုံကြည်ကိုးကွယ်ခွင့်ရရှိရေး၊ ပုဂ္ဂလိက ပစ္စည်းဥစ္စာပိုင်ဆိုင်ခွင့်ကို အကာအကွယ်ပေးရေး၊ သဘာဝပတ်ဝန်းကျင် ကာကွယ်စောင့်ရှောက်မှုပေးရေး၊ ငွေကြေးနဲ့ အခွန်အကောက်စနစ်များ ပြုပြင်ပြောင်းလဲရေး၊ လူမှုဘ၀လုံခြုံရေး အာမခံရေး၊ ပြည်ထောင်စုသမ္မတနိုင်ငံထူထောင်ရေး၊ တပါတီအုပ်ချုပ်ရေးစနစ် ဖျက်သိမ်းရေးနဲ့ ပြန်လည်သင့်မြတ်ပေါင်းစည်းရေးအတွက် အမှန်တရား ရှာဖွေဖော်ထုတ်ရေး … စတာတွေ အပါအ၀င် တောင်းဆိုချက် (၁၉) ချက် ပါဝင်ပါတယ်။

‘ချာတာ ၀၈’ ကြေညာစာတမ်းကို ထုတ်ပြန်ဖို့ (၂) ရက်အလို ဒီဇင်ဘာ (၈) ရက်နေ့မှာ ‘လျူရှောင်ဘို’ အဖမ်းခံရပါတယ်။ ၂၀၀၉ ဇွန်လ (၂၃) မှာ နိုင်ငံတော်အာဏာကို ထိခိုက်ပျက်ပြားအောင်လုပ်မှုနဲ့ တရားစွဲတင်ခံရပါတယ်။ ၂၀၀၉ ဒီဇင်ဘာလ (၂၃) မှာ ထောင်ဒဏ် (၁၁) နှစ် ချမှတ်ခံရပါတယ်။ ‘ချာတာ ၀၈’ ကြေညာစာတမ်းကိစ္စနဲ့ ပတ်သက်ပြီး ကနဦး လက်မှတ်ရေးထိုးသူ (၃၀၃) အနက်က (၇၀) ဦးထက်မနည်း တရုတ်အစိုးရ အထူးရဲအဖွဲ့ရဲ့ ခေါ်ယူစစ်ဆေးမှုခံရတယ်။ ပြည်တွင်းသတင်းမီဒီယာတွေကို ‘ချာတာ ၀၈’ အကြောင်း ရေးသားဖော်ပြခွင့်မပြုခဲ့ဘူး။

‘ချာတာ ၀၈’ မှာ ပါဝင်လက်မှတ်ထိုးခဲ့သူတွေကို အင်တာဗျူး လုံးဝလုပ်ခွင့်မပြုဘူး။ ‘ချာတာ ၀၈’ အကြောင်း ဖော်ပြတဲ့ ဘလော့တွေကိုလည်း ပိတ်ပစ်ခဲ့တယ်။ ‘လျူရှောင်ဘို’ ကတော့ သူ့အပေါ် စွဲဆိုထားတဲ့ အချက်အလက်တွေ မမှန်ကန်ကြောင်း ငြင်းဆိုခဲ့တယ်။ အစိုးရကို ပုန်ကန်ဖို့ ရည်ရွယ်ချက်နဲ့ ကောလဟလသတင်းတွေ ဖြန့်ခြင်း၊ အစိုးရ အသရေညှိုးနွမ်းအောင်ပြုခြင်း၊ ဆိုရှယ်လစ်စနစ်ကို ဖျက်လိုဖျက်ဆီးလုပ်ခြင်း … အစရှိတဲ့ စွဲချက်တွေဟာ မှားယွင်းကြောင်း ‘လျူရှောင်ဘို’ က South China Morning Post မှာ ဆောင်းပါးတစောင် ရေးပြီး ချေပပါတယ်။ သူ့အနေနဲ့ ဘယ်သူတဦးတယောက်ကိုမှ အသရေပျက်အောင် မမှန်မကန် ပြောဆိုရေးသားခဲ့တာမျိုးမရှိ၊ အရေးကြီး သတင်းအချက်အလက် တွေ့ရှိချက်တွေကိုသာ ဖော်ထုတ်ခဲ့တာဖြစ်တယ်။ ဒါကြောင့် သူ့အပေါ် ချမှတ်တဲ့ ပြစ်ဒဏ်စီရင်ချက်ဟာ တရုတ်နိုင်ငံ ဖွဲ့စည်းပုံအခြေခံဥပဒေနဲ့ အပြည်ပြည်ဆိုင်ရာ လူ့အခွင့်အရေးကြေညာစာတမ်းပါ သဘောတူညီချက်တွေကို ချိုးဖောက်တာဖြစ်တယ်လို့ ‘လျူရှောင်ဘို’ က ဆိုပါတယ်။

အမေရိကန်ပြည်ထောင်စု၊ ဂျာမဏီ၊ ထိုင်ဝမ် … စတဲ့ အစိုးရအဖွဲ့တွေက ‘ချာတာ ၀၈’ ကို ထောက်ခံခဲ့ပြီး တရုတ်အစိုးရရဲ့ ‘ချာတာ ၀၈’ အဖွဲ့အပေါ် အရေးယူမှုတွေကို ရှုတ်ချခဲ့တာတွေ့ရတယ်။ နိုင်ငံတကာအစိုးရမဟုတ်တဲ့ အဖွဲတွေကလည်း ‘ချာတာ ၀၈’ ကြေညာစာတမ်းကို အကောင်းမြင် လက်ခံခဲ့ကြတယ်။ နိုင်ငံတကာသတင်းစာ မီဒီယာတွေကလည်း ‘ချာတာ ၀၈’ သတင်းကို မျက်နှာဖုံးသတင်းအဖြစ် ဖော်ပြခဲ့ကြတယ်။ ‘လျူရှောင်ဘို’ ကို ဖမ်းဆီးထားရာက ပြန်လွှတ်ပေးဖို့ အမေရိကန်ပြည်ထောင်စု နိုင်ငံခြားရေးဝန်ကြီးဌာနက တိုက်တွန်းခဲ့တယ်။ ကမ္ဘာတ၀ှမ်းက ပညာရှင်များ၊ စာရေးဆရာများ၊ ဥပဒေပညာရှင်များ၊ လူ့အခွင့်အရေး ကာကွယ်စောင့်ရှောက်သူများကလည်း စုပေါင်းလက်မှတ်ရေးထိုး တောင်းဆိုခဲ့ကြပါတယ်။

နိုင်ငံတကာကလောင်ရှင်များအဖွဲ့ (PEN) ကလည်း ကြေညာချက်ထုတ်ပြန်ပြီး ‘လျူရှောင်ဘို’ လွတ်မြောက်ရေး ဆော်သြတောင်းဆိုခဲ့ပါတယ်။ ၂၀၀၉ မတ်လမှာ ချက်နိုင်ငံအခြေစိုက် People in Need foundation (PIN)  က ‘လျူရှောင်ဘို’ ကို Homo Homini Award  ချီးမြှင့်ခဲ့တယ်။ ဒီဆုက ဒီမိုကရေစီရေး၊ လူ့အခွင့်အရေးနဲ့ နိုင်ငံရေးသဘောကွဲလွဲမှုများကို ငြိမ်းချမ်းတဲ့နည်းနဲ့ အဖြေရှာသူများကို ချီးမြှင့်တာဖြစ်ပါတယ်။ ‘ချာတာ ၀၈’ မှာ ကနဦး ပါဝင်ခဲ့သူ၊ တရုတ်နိုင်ငံမှာ လွတ်လပ်စွာ ပြောဆိုရေးသားခွင့်ရရှိဖို့ အန္တရာယ်ကြားမှ ကြိုးပမ်းသူအဖြစ် ‘လျူရှောင်ဘို’ ကို ‘ဟိုမိုဟိုမီနီဆု’ ချီးမြှင့်တာဖြစ်တယ်လို့ သိရပါတယ်။ ဒါ့အပြင် ၂၀၀၉ မှာ လွတ်လပ်စွာ စာပေရေးသားခွင့် တိုက်ပွဲဆင်ခြင်းအတွက် နိုင်ငံတကာကလောင်ရှင်အဖွဲ့က ‘လျူရှောင်ဘို’ ကို PEN/Barbara Goldsmith Freedom to Write Award ချီးမြှင့်ခဲ့တယ်။ ဒီ ၂၀၁၀ နှစ်ထဲမှာပဲ ဂျာမန်ပြည်ထောင်စုသမ္မတနိုင်ငံ ကလောင်ရှင်အဖွဲ့က ချီးမြှင့်တဲ့ The Hermann Kesten Medal ဆုကိုလည်း လျူရှောင်ဘို ရရှိခဲ့ပါတယ်။

၂၀၁၀ ဇန်န၀ါရီ (၁၈) မှာ ‘လျူရှောင်ဘို’ ကို ဒီနှစ် နိုဘယ်လ်ဆုအတွက် အမည်စာရင်းတင်သွင်းခံရပါတယ်။ သူ့ကို အမည်စာရင်း တင်သွင်းကြသူများကတော့  ချက်နိုင်ငံ သမ္မတဟောင်း ဗက်စလက် ဟာဗယ်လ် (Václav Havel), ၁၉၈၉ ငြိမ်းချမ်းရေး နိုဘယ်လ်ဆုရှင် တိဘက်ဘုန်းတော်ကြီး ဒလိုင်းလားမား (the 14th Dalai Lama), ပြင်သစ်ဒဿနပညာရှင် အန်ဒရေ ဂလပ်ကမန်း (André Glucksmann), နယူးယော့ ကာနက်ဂီကော်ပိုရေးရှင်း ဥက္ကဋ္ဌ သုတေသနပညာရှင် ဗာတန် ဂျော်ဂျီယန် (Vartan Gregorian), နယူဇီလန် ၀န်ကြီးချုပ်ဟောင်း (Mike Moore), လက်ရှိ ချက်နိုင်ငံ နိုင်ငံခြားရေးဝန်ကြီး (Karel Schwarzenberg), ၁၉၈၄ ငြိမ်းချမ်းရေး နိုဘယ်လ်ဆုရှင် တောင်အာဖရိက ခရစ်ယာန်ဘုန်းတော်ကြီး (Desmond Tutu) နှင့် ရုရှားစီးပွားရေးနဲ့ နိုင်ငံရေးပညာရှင် ဂရီဂိုရီ ယက်ဗလင်စကီ (Grigory Yavlinsky) စသူများ ဖြစ်ပါတယ်။

၂၀၁၀ စက်တင်ဘာမှာ ဗက်စလက်ဟာဗယ်လ်နဲ့ ချက်ကိုစလိုဗက်ကီး ကတ္တီပါတော်လှန်ရေးခေါင်ဆောင်တချို့က ‘လျူရှောင်ဘို’ ကို ဒီနှစ် နိုဘယ်လ်ဆု ချီးမြှင့်ဖို့ အိတ်ဖွင့်ပေးစာတစောင် အင်တာနေရှင်နယ် ဟာရယ်ထရီဗျုန်း (The International Herald Tribune) သတင်းစာမှာ ရေးသားခဲ့ကြပါတယ်။ အဲဒီစာကို ထောက်ခံပါဝင် လက်မှတ်ရေးထိုးသူတွေ တနေ့တခြား တိုးများလာခဲ့တယ်လို့ ဆိုပါတယ်။ ၂၀၁၀ အောက်တိုဘာ (၆) မှာ (Freedom Now) လူအခွင့်အရေးလှုပ်ရှားမှုအဖွဲ့ရဲ့ ကမကထပြုမှုနဲ့ အမေရိကန်ကွန်ဂရက်လွှတ်တော်အမတ် (၃၀) လက်မှတ်ရေးထိုးတဲ့စာတစောင် သမ္မတ အိုဘားမားထံ တင်သွင်းခဲ့တယ်။ လာမယ့် နိုဝင်ဘာ G-20 ကမ္ဘာ့ခေါင်းဆောင်များ တွေ့ဆုံချိန်မှာ အိုဘားမားအနေနဲ့ ‘လျူရှောင်ဘို’ နဲ့ သူ့ရဲဘော် ‘ဂေါင်ကျီရှန်း’ တို့ လွတ်မြောက်ရေးအတွက် တရုတ်သမ္မတ ‘ဟူကျင်းတောင်’ ထံမှာ တောင်းဆိုပေးဖို့ဖြစ်ပါတယ်။

တရုတ်အစိုးရ နိုင်ငံခြားရေးဌာန ပြောခွင့်ရပုဂ္ဂိုလ် ‘မာကျောင်ဇ’ူ ကတော့ ‘လျူရှောင်ဘို’ ဟာ ရာဇ၀တ်သားတဦးဖြစ်လို့ ဆုနဲ့ ထိုက်တန်သူမဟုတ်လို့ ဆိုပါ တယ်။ သူ့ကို ဆုမြှင့်ခြင်းကြောင့် နိုဘယ်လ်ဆုရဲ့ မူလရည်ရွယ်ချက်တွေကို ပျက်ယွင်းစေရုံမက ဆုရဲ့ဂုဏ်သိက္ခာပါ ကျဆင်းစေလိမ့်မယ်လို့ တုံ့ပြန်ပြောဆိုထားပါတယ်။ ‘နိုဘယ်လ်ဆု ရွေးချယ်ရေးအဖွဲ့’ ကတော့ ငြိမ်းချမ်းရေးနဲ့ လူ့အခွင့်အရေးကို တဆက်တစပ်ထဲအဖြစ် အစဉ်တစိုက် လက်ခံထားတယ်လို့ ဆိုပါတယ်။ ‘နိုင်ငံအချင်းချင်း ချစ်ကြည်ရေး’ အတွက် ‘အခြေခံ လူ့အခွင့်အရေးများ’ ဟာ မရှိမဖြစ် လိုအပ်ချက်ဖြစ်တယ်ဆိုတဲ့ ‘အဲလ်ဖရက်နိုဘယ်လ်’ ရဲ့ မှာကြားချက်ဆန္ဒနဲ့လည်း ကိုက်ညီတယ်လို့ ဆိုပါတယ်။ နိုဘယ်ဆုရွေးချယ်ရေးအဖွဲ့ ဥက္ကဋ္ဌ Thorbjoern Jagland က “တရုတ်နိုင်ငံဟာ စီးပွားရေး၊ နိုင်ငံရေးအရ မဟာအင်အားကြီးနိုင်ငံအဖြစ် ပြောင်းလဲနေပါပြီ။ အင်အားကြီးနိုင်ငံဖြစ်လာရင် ဝေဖန်စရာရှိလို့ ဝေဖန်ရင် လက်ခံရမှာ ဓမ္မတာပါပဲ” လို့ ဆိုပါတယ်။

ကမ္ဘာတ၀ှမ်းက ကောင်းချီးပေးခြင်းခံရတဲ့ ဒီနှစ် နိုဘယ်ဆုသတင်းကို ဘီဘီစီ၊ စီအင်န်အင်န် အပါအ၀င် နိုင်ငံတကာသတင်းတွေမှာ ၀မ်းမြောက်ဝမ်းသာ ဖော်ပြနေချိန်မှာ တရုတ်အစိုးရက တရုတ်ပြည်မှာ ဒီသတင်းကို အမှောင်ချထားခဲ့တယ်။ နိုင်ငံတကာ ရုပ်သံလွှင့်ချက်တွေကို ဟန့်တားတိုက်ဖျက်မှုတွေ လုပ်ခဲ့တယ်။ ဒီလုပ်ရပ်ဟာ ဂုဏ်သိက္ခာရှိတဲ့ နိုင်ငံအစိုးရတရပ် လုပ်အပ်တဲ့ အလုပ်မဟုတ်တာ သေချာပါတယ်။ လွန်ခဲ့တဲ့ ဆယ်စုနှစ်များအတွင်း သမိုင်းမှာ ဘယ်တုန်းကနဲ့မှ မတူအောင် တရုတ်နိုင်ငံရဲ့စီးပွားရေး တဟုန်ထိုး တိုးတက်အောင်မြင်လာခဲ့တယ်။ အခုဆိုရင် ကမ္ဘာ့ဒုတိယ စီးပွားရေးအင်အားအကြီးဆုံးနိုင်ငံ ဖြစ်လာခဲ့ပြီ။ လူဦးရေ သန်းပေါင်းများစွာကိုလည်း ဆင်းရဲမွဲတေမှုက လွတ်မြောက်အောင် လုပ်နိုင်ခဲ့ပြီ။ ကုလသမဂ္ဂလုံခြုံရေးကောင်စီရဲ့ အမြဲတမ်းကိုယ်စားလှယ် ငါးနိုင်ငံမှာ တနိုင်ငံ အပါအ၀င်ဖြစ်တဲ့ တရုတ်နိုင်ငံဟာ ဗီတိုအာဏာပိုင် နိုင်ငံကြီးလည်း ဖြစ်ပါတယ်။

ဒီလို အဆင့်အတန်းကို ရောက်ရှိနေတဲ့ တရုတ်နိုင်ငံဟာ နိုင်ငံတကာ လူသားအကျိုးပြုအရေးအရာတွေနဲ့ စပ်လျဉ်းလို့ ဆုံးဖြတ်ချက်တွေ ပေးတဲ့အခါ ကျဉ်းမြောင်းသေးသိမ်တဲ့ အမြင်၊ ပုဂ္ဂလဓိဋ္ဌာန်သဘော ဆန္ဒစွဲသဘောဆောင်တဲ့ အယူဝါဒတွေကို အခြေခံဆုံးဖြတ်ဖို့ မသင့်ပါဘူး။ လူ့အခွင့်အရေး ကာကွယ်စောင့်ရှောက်သူများကို တရုတ်အစိုးရအနေနဲ့ ကူညီအားပေးရမှာဖြစ်ပြီး ဖိနှိပ်ရမှာမဟုတ်ပါ။ လူ့အခွင့်အရေးကြေညာစာတမ်းအရ နိုင်ငံသားတဦးချင်းစီကို နိုင်ငံ့အရေးအရာကိစ္စတွေမှာ လွတ်လပ်စွာ ပါဝင်ခွင့်ပြုရမှာပါ။ အခုလို စာပေပညာရှင်လည်းဖြစ်၊ လူ့အခွင့်အရေး ကာကွယ်မြှင့်တင်သူလည်းဖြစ်၊ အကြမ်းမဖက်တဲ့နည်းနဲ့ နိုင်ငံ့အရေးအရာ ပါဝင်ဆောင်ရွက်သူဖြစ်တဲ့  ‘လျူရှောင်ဘို’ ကို အကြိမ်ကြိမ် ဖမ်းဆီးချုပ်နှောင် ထောင်ချထားခြင်းဟာ လက်ရှိ တရုတ်နိုင်ငံရဲ့အဆင့်အတန်းနဲ့ မဆီလျော်ဘူးလို့ ဆိုရမှာဖြစ်ပါတယ်။

ဒါအပြင် လူ့အခွင့်အရေး ကာကွယ်မြှင့်တင်သူတဦးကို ဖိနှိပ်ခြင်းအားဖြင့် လူ့အခွင့်အရေးဆိုင်ရာ သဘောတူစာချုပ်စာတမ်းများကို ဆန့်ကျင်တဲ့သဘောဖြစ်ရုံမက အာဏာရှင်စရိုက်သဘာဝကိုလည်း ဖော်ပြလိုက်ရာကျပါတယ်။ လူ့အခွင့်အရေးချိုးဖောက်မှုတွေ ဆိုးဆိုးရွားရွား ကျူးလွန်နေကြတဲ့ ဆူဒန်နိုင်ငံ၊ ဇင်ဘာဘွေနိုင်ငံ၊ အီရန်နိုင်ငံ၊ မြောက်ကိုးရီးယားနိုင်ငံနဲ့ မြန်မာနိုင်ငံ … အစရှိတဲ့ အာဏာရှင်နိုင်ငံတွေကို လုံခြုံရေးကောင်စီက အရေးမယူနိုင်အောင် တရုတ်က ဗီတိုအာဏာနဲ့ အမြဲအကာအကွယ်ပေးနေခြင်းဟာလည်း အလွန်အရုပ်ဆိုးအကျည်းတန်တဲ့ ကိစ္စလို့ ပြောနိုင်ပါတယ်။ သက်ဆိုင်ရာ နိုင်ငံက ပြည်သူလူထုရဲ့ ဆင်းရဲဒုက္ခတွေကို မစာနာဘဲ အာဏာရှင်တွေကို အားပေးထောက်ခံနေတဲ့ တရုတ်နိုင်ငံအဖို့ အခုလို တရုတ်နိုင်ငံသား ‘လျူရှောင်ဘို’ နိုဘယ်လ်ဆု ချီးမြှင့်ခံရခြင်းဟာ သူ့ရဲ့အာဏာရှင်စရိုက်ကို ဖွင့်ချဖော်ပြသလိုဖြစ်နေပါတယ်။

တနည်းအားဖြင့် တရုတ်နိုင်ငံရဲ့ ကိုယ်တိုင်လူ့အခွင့်အရေးချိုးဖောက်နေမှု၊ လူ့အခွင့်အရေး ချိုးဖောက်နေတဲ့ နိုင်ငံတွေကို အကာအကွယ်ပေးနေမှုများနဲ့ ပတ်သက်လို့လည်း ပြင်းထန်တဲ့ ဝေဖန်ချက်လို့ ဆိုနိုင်ပါတယ်။ ဒီနှစ်နိုဘယ်ဆုဟာ အမှန်တကယ် ထိုက်တန်သူကို ချီးမြှင့်နိုင်ခဲ့တဲ့အတွက် တကမ္ဘာလုံးက ၀မ်းသာကျေနပ်ဖြစ်နေကြပါတယ်။ နောင်မှာလည်း အခုလို ထိုက်တန်သူတွေကိုပဲ နိုဘယ်လ်ဆုရွေးချယ်ရေးအဖွဲ့က ရွေးချယ်စေချင်တဲ့ အသံတွေ ထွက်ပေါ်နေပါတယ်။ အာဏာရှင်တွေကို အန်တုပြီး ဒီမိုကရေစီရေးနဲ့ လူ့အခွင့်အရေးဘက်က ရပ်တည်ခဲ့ကြတဲ့ မြန်မာ့ဒီမိုကရေစီခေါင်းဆောင် ‘ဒေါ်အောင်ဆန်းစုကြည်’ (၁၉၉၁ ငြိမ်းချမ်းရေးနိုဘယ်လ်ဆုရှင်)၊ ကိုရီးယားသမ္မတဟောင်း ‘ကင်ဒေးယုန်’ (၂၀၀၀ ပြည့်နှစ် ငြိမ်းချမ်းရေးနိုဘယ်လ်ဆုရှင်)၊ ဒီမိုကရေစီရေး အမျိုးသမီးအခွင့်အရေးအတွက် တိုက်ပွဲဝင်ခဲ့တဲ့ အီရန်အမျိုးသမီး ‘ရှီရင် အီဘာဒီ’ (၂၀၀၃ ငြိမ်းချမ်းရေးနိုဘယ်လ်ဆုရှင်) စသူတွေနဲ့ အလားတူ ‘လျူရှောင်ဘို’ ဟာ ၂၀၁၀ နိုဘယ်လ်ဆုအတွက် အမှန်ပင် ထိုက်တန်သူဖြစ်ပါတယ်။

‘လျူရှောင်ဘို’ နိုဘယ်လ်ဆုချီးမြှင့်ခံရတဲ့အတွက် တရုတ်ပြည်သူလူထုအတွင်းမှာလည်း ဒီမိုကရေစီရေးနဲ့ လူ့အခွင့်အရေးဘက်က ထောက်ခံသူတွေ အားတက်ဝမ်းမြောက်ဖြစ်နေကြပါတယ်။ ဒါကြောင့် ဒါဟာ အာရှတိုက်အတွင်း လူ့အခွင့်အရေးတိုက်ပွဲဆင်သူတွေအတွက် အောင်ပွဲတခုလည်းဖြစ်တယ်။ မြန်မာနိုင်ငံ ပါဝင်နေတဲ့ အရှေ့တောင်အာရှဒေသအတွင်းမှာ အာဏာရှင်တွေရဲ့ လူ့အခွင့်အရေးချိုးဖောက်နေမှုတွေကိုလည်း ရပ်တန်းကရပ်ဖို့ အချက်ပေးလိုက်တဲ့ လက္ခဏာပါပဲ။ အထူးသဖြင့် မြန်မာစစ်အာဏာရှင်တို့ရဲ့ လူ့အခွင့်အရေးချိုးဖောက်မှုတွေကို ထောက်ခံအားပေးနေတဲ့ တရုတ်အစိုးရအတွက်လည်း ကိုယ့်မှားယွင်းတဲ့ ခြေလှမ်းတွေ ပြန်ရုပ်သိမ်းဖို့ သတိပေးလိုက်ရာလည်းကျပါတယ်။

ကုလသမဂ္ဂ လူ့အခွင့်အရေးဆိုင်ရာကော်မရှင် တာဝန်ခံ မစ္စနာဗီ ပီလ်လေး (UN High Commissioner for Human Rights Navi Pillay) က “တရုတ်ပြည်နဲ့တကွ နိုင်ငံများစွာမှာ လူ့အခွင့်အရေး ကာကွယ်မြှင့်တင်နေကြသူများဟာ စိန်ခေါ်မှုအများအပြားနဲ့ ရင်ဆိုင်နေကြရပါတယ်။ ဒီနှစ် နိုဘယ်လ်ဆုက တရုတ်ပြည်နဲ့တကွ နိုင်ငံများစွာမှာ လူ့အခွင့်အရေး ကာကွယ်မြှင့်တင်နေကြသူများရဲ့ အလွန်တရာအရေးပါတဲ့ အခန်းကဏ္ဍကို အသိအမှတ်ပြုလိုက်တာဖြစ်လို့ ဒီချီးမြှင့်မှုကို ကြိုဆိုပါတယ်။ တရုတ်နိုင်ငံဖွံ့ဖြိုးတိုးတက်ရေးအတွက် ‘လျူရှောင်ဘို’ လို လူ့အခွင့်အရေးကာကွယ်စောင့်ရှောက်သူ အကျိုးတော်ဆောင်များရဲ့ စွမ်းဆောင်ချက်များဟာ အလွန်တရာမှ အရေးပါတယ်လို့ ပြောချင်ပါတယ်” လို့ မှတ်ချက်ပေးပါတယ်။

မြန်မာနိုင်ငံအတွင်းက လူ့အခွင့်အရေးကာကွယ်မြှင့်တင် တိုက်ပွဲဆင်နေကြသူများအတွက်လည်း ဒီနှစ် နိုဘယ်လ်ဆုရှင် ‘လျူရှောင်ဘို’ ဟာ စံနမူနာထားရမယ့် ပုဂ္ဂိုလ်ပါပဲ။ နိုဘယ်ဆုရွေးချယ်ရေးအဖွဲ့အနေနဲ့ တရုတ်အစိုးရရဲ့ ခြိမ်းခြောက်စိန်ခေါ်မှုတွေကို အန်တုပြီး လူ့အခွင့်အရေး ကာကွယ်မြှင့်တင် တိုက်ပွဲဆင်နေကြသူများဘက်က ရပ်တည်ပြသလိုက်ခြင်းဖြစ်လို့ ဒီနှစ် နိုဘယ်လ်ဆုကို ထူးခြားတဲ့ သမိုင်းမှတ်တိုင်တခုလို့ သတ်မှတ်ရမှာဖြစ်ပါတယ်။

ကိုးကား
(1)    Chinese Dissident Liu Xiaobo Wins Nobel Peace Prize (TIME MAGAZINE) By Austin Ramzy / Beijing   Friday, Oct. 08, 2010.
(2)    http://en.wikipedia.org/wiki/Liu_Xiaobo 
(3)    China's Liu Xiaobo wins Nobel Peace Prize – Bangkok Post  * Published: 8/10/2010 at 06:50 PM
http://www.khitpyaing.org/index.php?route=detail&id=5117