Monday, November 8, 2010

နေပြည်တော် အထူးအစည်းအဝေး ၏ ဆုံးဖြတ်ချက်အရ လွှတ်တော် ခေါ်ယူခြင်း နှင့် အစိုးရ ဖွဲ့ ခြင်း ကို အကန့် အသတ် မရှိ ရွှေ့ ဆိုင်းမည်

November 9, 2010 freedom news group

လွှတ်တော် ကို ခေါ်ချင်လည်း ခေါ်မယ်၊ ခေါ်ချင်မှ လည်း ခေါ်မယ် ၊မခေါ်ချင် လည်း မခေါ်ဘူး ဆို သည့် ဗိုလ်ချုပ်မှုးကြီး သန်းရွှေ နိုဝင်ဘာ ၇ ရက်နေ့ က နေပြည်တော် ပုဗ္ဗသီရိ မဲဆန္ဓ နယ် ၁ တွင် မဲပေး နေစဉ် ဓာတ်ပုံ-ရိုက်တာ
တင်ကျော်ကျော်စိုး ၊                   ၊လက်ရှိ နိုင်ငံတွင်း ပြည်တွင်းစစ် အခြေအနေကြောင့် ရွေးကောက်ပွဲ ရလာဒ် ပေါ်ထွက် လာသော် လည်းလွှတ်တော် ခေါ်ယူခြင်း  နှင့် အစိုးရ ဖွဲ့ ခြင်း ကို အကန့် အသတ် မရှိ ရွှေ့ ဆိုင်းမည် ဟု နေပြည်တော် သတင်း ရပ်ကွက် က FNG သို့ ပြောသည်။
ရွေးကောက် ပွဲ တွင် လက်ရှိ စစ်အစိုးရက ကျောထောက် နောက်ခံ ပေးသည့် ကြံ့ဖွံ့ ပါတီ အနိုင်ရရှိသော် လည်း နိုင်ငံ အေးချမ်းသာ ယာပြီး ခြေခင်း လက်ခင်း သာသော နေ့ တွင် မှ လွှတ်တော် ခေါ်ယူခြင်း ၊အစိုး ရဖွဲ့ ခြင်း နှင့် အာဏာ လွှဲပြောင်း ခြင်းတို့ ကို ဆောင်ရွက်တော့ မည်ဖြစ်ကြောင်း ယမန် နေ့ ညက နေပြည် တော်တွင် ပြုလုပ် ခဲသည့် ဗိုလ်ချုပ်မှုးကြီး သန်းရွှေ အပါအ၀င် စစ်ခေါင်းဆောင် များ အထူးအရေးပေါ် အစည်း အဝေးက ထိုကဲ့ သို့ ဆုံးဖြတ် လိုက်သည် ဟု သတင်းရရှိသည်။

စစ်ဘေး တိမ်းရှောင် လာသည့် မြ၀တီ မြို့ မှ အသက် ၈၅ နှစ် အရွယ်အမေအိုကြီး တစ်ဦး Photo-Reuters
ထိုအစည်း အဝေး သတင်း နှင့် ပတ်သက်၍ နေပြည်တော် ကာကွယ်ရေး ၀န်ကြီးဌာန မှ အကြီးတန်း အရာရှိ တစ်ဦးက FNG သို့ ပြောရာ “တပ်ချုပ်ကြီးက သူနယ်စပ် ပြဿနာ တွေ ကို အရပ်သား အစိုးရ မပေါ်ပေါက်ခင် အကုန် ရှင်းသွားမယ်တဲ့ ၊ အရပ်သား တွေ အနေနဲ့ ဒါတွေ ဖြေရှင်းပေါ့ ခက်တယ်ပေါ့။ သူဒီကိစ္စတွေ ပြီးမှ လွှတ်တော် ခေါ်တာ လုပ်မယ် ဆိုတော့ ဘယ်လောက်ကြမယ် မပြောတတ်ဘူး။အခု DKBA အတွက် War Plan ပြီးသွားရင် ရှမ်း နဲ့ ကချင် ကြာမယ် ဆိုတော့  နှစ်နှစ် လောက်ဖြစ်မယ်ထင် တယ် ဟု ပြောသည်။
တနင်္ဂနွေ နေ့ ကကျင်းပခဲ့သည့် စစ်အစိုးရ၏ ရွေးကောက် ပွဲ သည် မဲ မသမာ မှု များ၊မဲလိမ်မှုများ ရှိသည် ဟု သိရသည်။ထိုသို့ ဖြစ်ခဲ့သည့် အတွက် ၀င်ရောက် ယှဉ်ပြိုင် သည့် နိုင်ငံရေး ပါတီ များ ကလည်းမကျေ နပ်ကာ ရွေးကောက်ပွဲ ရလာဒ် ကို အသိအမှတ် မပြု ဟု သိရသည်။
၁၉၉၀ ပြည့် နှစ် ရွေးကောက်ပွဲ အနိုင်ရပါတီ တစ်ခု ဖြစ်သည့် အမျိုးသားဒီမိုကရေစီ အဖွဲ့ ချုပ် (NLD) ကမူ ထို ရွေးကောက် ပွဲ ကို တရားမျှတ မှု ရှိ မှာ မဟုတ် ဆိုကာ ၀င်ရောက် ယှဉ်ပြိုင် ခြင်း မပြုဘဲ သပိတ် မှောက်ထားပြီး ဖြစ်သည်။
စစ်အစိုးရ က ထိုကဲ့သို့ လွှတ်တော် ခေါ်ယူရန် ရွှေ့ ဆိုင်း လိုက်ခြင်းသည် နိုင်ငံရေး အရ အကျဉ်းအကျပ် ဖြစ်နေသည် အစိုးရိမ် လွန်ခြင် ဖြစ်သည် ဟု မန္တလေး မြို့ မှ နိုင်ငံရေး အကျဉ်းသား ဟောင်း တစ်ဦး က သုံးသပ်သည်။
စစ်အစိုးရ ကိုယ်တိုင် လည်း လွှတ်တော် သုံးရပ် ကို မည်သည့် နေ့ ရက်တွင် စတင်မည် ဟု အတိအကျ ကြေငြာ ပြောဆို ထားခြင်း မရှိချေ။
ရွေးကောက်ပွဲ ကျင်းပ နေစဉ် အတွင်း DKBA တပ်မှာ ထိုင်း-မြန်မာ နယ်စပ် ကုန် သွယ်ရေးမြို့များဖြစ် သည့် ဘုရားသုံး ဆူ နှင့် မြ၀တီ ကို DKBA တပ်များ ၀င်ရောက်စီးနင်း မှု ကြောင့် ဌာနေ နှစ်သောင်း ကျော် ထိုင်း နိုင်ငံ မဲ ဆောက် မြို့ ထဲ သို့ လာရောက် ခိုလှုံနေရသည် ဟု သတင်းရရှိသည်။
ယနေ့ ၉ ရက်နေ့ နံနက် နောက်ဆုံးရရှိသည့် သတင်းများ အရ မြ၀တီ မြို့ ၏ အစိုးရ အဆောက်အဦ များ မီးရှို့ ခံရကာ မြို့ ၏ ထက်ဝက်ကျောက်ကို ဗိုလ်မှုးချုပ် စောလား ပွယ် တပ်များ က သိမ်းပိုက် ထားပြီး ၊ ဘုရားသုံး ဆူ တွင် မူ DKBA နှင့် KNU အထူးတပ် များ က တစ်မြို့ လုံး နီးပါးသိမ်းပိုက် ထားသည်။

8 Nov 2010 ဒိုင်ယာရီ

http://www.mediafire.com/file/94zd2s4pl671tdx/Nov%208%20%2C%202010%20yeyintnge%27s%20Diary.pdf
http://www.mediafire.com/?hdtwkv4pdr8w4ld
Nov 8 , 2010 Yeyintnge's Diary

လူထု တိုက်ပွဲ ကို သစ္စာ လက်နက်များ တပ်ဆင်ခြင်း





ပြည်သူလူထု အပေါင်းတို့ ခင်ဗျာ ၊ ကျွန်ူပ်တို့မှာ ရွေးချယ်စရာ လမ်းမရှိတော့ လို့ လူထုတိုက်ပွဲ ၀င်ဖို့ သက်ဆိုင်ရာ နိူင်ငံရေး ပညာရှင်များသာမက ပြည်သူလူထု အပေါင်းတို့ကပါ တညီတညွတ်တည်း ဆုံးဖြတ်ခဲ့ကြပါတယ် ။ တကယ်တော့ လူထုတိုက်ပွဲ ဆိုတာ ပြည်သူလူထုတွေရဲ့လိုလားတောင့်တချက်ကို အာဏာရှင်တွေ ဆီက ပြည်သူလူထု ရဲ့ စည်းလုံးညီညွှတ်မှု ကို ခွန်အား အဖြစ် အသုံးချပြီး တောင်းဆိုတာပါ ။ဒီလမ်းစဉ်ဟာ လက်ရှိ အနေအထား မှာ လုပ်သင့်လုပ်ထိုက်တဲ့ လမ်းစဉ်တစ်ခုပါ ။ တရားမျှတမှု မရှိတဲ့ အခြေခံ ဥပဒေ နဲ့ အာဏာရှင်တွေနှစ်ပေါင်းများစွာ ဆက်လက်အုပ်စိုး မင်းမူသောင်းကျန်းမှု တွေကို ရပ်တန့်သွားဖို့ ကျင်းပတဲ့ ဒီရွေးကောက်ပွဲကို ဆန့်ကျင်တာဟာမဟုတ်လျှင် မခံ ၊ မတရားလျှင် တွန်းလှန်ရမည် ဆိုတဲ့ ဆောင်ပုဒ်ကို စွဲမြဲစွာ လက်ကိုင်ထားပြီး ကျွန်ူပ်တို့ ရဲရဲကြီး ချီတက်ကြမှ သမိုင်းအစဉ်အလာ တရပ်ကို ထိန်းသိမ်း တာဖြစ်တယ် ။ ပြည်သူလူထု ဟာ အာဏာရှင်တွေ ပုံသွင်းသမျှ လိုက်လုပ်နေကြရင် ယခုဘ၀ နောင်သံသရာ နှစ်ဖြာသော အကျိုးယုတ်တယ်လို့ ပညာရှင်များက လိုက်လံ သတိပေး နေကြပါတယ်။ သူတို့တွေ ဒီလို ဘာဖြစ်လို့ သတိပေးကြတာလည်း ဆိုတာ ရှင်းရှင်းလေးပါ ။ ယခုချိန်မှာတောင် ကမ္ဘာ့အလယ်မှာ မြန်မာပြည်ကြီး အောက်ကျနောက်ကျ ဖြစ်နေတာ နောင်ဆို ပိုဆိုးကုန်မှာပေါ့ ။

ကျွန်ူပ်တို့ တိုင်းပြည်က သယံဇာတတွေ ပေါကြွယ်ဝပါတယ် ။ ဒါပေမယ့် တိုင်းပြည် အုပ်ချုပ် တဲ့ လူတွေက ညံ့ဖျင်းတော့ တိုင်းပြည်က ဆင်းရဲလာတယ် ။ တိုင်းပြည်က ဆင်းရဲတော့ ပြည်သူလူထု က စားဝတ်နေရေး အရမ်းကြပ်တည်းတယ် ၊ ၀န်ထမ်းတွေက လစာ မလုံလောက်ဘူး ။ မလုံလောက် တော့ တောင်းစား တယ် ၊ ခြိမ်းခြောက်တယ် ၊ လုယက်တယ် ၊ လိမ်တယ် ၊ ခိုးတယ် ။ ကိုယ်ကျင့်တ၇ားကို ငွေနဲ့ လဲစားတယ် ။ သိက္ခာကို ငွေနဲ့ ရောင်းစားတယ် ။ အဲဒီ အကျိုးဆက် မြန်မာနိူင်ငံ ၀န်ထမ်းမှန်သမျှ အထက်ပါ အရည်အချင်းနှင့် ပြည့်စုံရမည် ဆိုတဲ့ သတ်မှတ်ချက်ကို တရားဝင် ဥပဒေ ထုတ်ထားသလို ဖြစ်နေပြီ ။ အဲဒါ တိုင်းပြည်ကို အုပ်ချုပ် တဲ့ လူတွေရဲ့ ညဏ်အမြော် အမြင် နည်းပါးမှု ကြောင့်ပါ ။ကိုယ်ကျင့်တရားတွေ ပျက်စီးလာတော့ သဘာဝ ဘေးအန္တာရယ်တွေ ကျရောက်လာတယ် တို့ တရားတော်တွေမှာ အထင်အရှားပါရှိပါတယ် ။ လက်တွေ့ကျကျ သုံးသပ် ကြည့်လိုက်ရင်လည်း မျက်မြင်ကိုယ်တွေ့ မြင်နေရတာပါဘဲ ။ ဒီလိုအဖြစ်ဆိုးတွေက ရုန်းထွက်ဖို့ အာဏာရှင် စနစ်ဆိုးကို အမြန်ဆုံး ဖြုတ်ချ နိူင်အောင် ကြိုးစားကြရမယ် ။

ငွေကြေးဥစ္စာ မပြည့်စုံတဲ့ လူဟာ သီလကို ထိန်းသိမ်းစောင့်ရှောက် ဖို့ ခက်ခဲတယ် ။ မသတ်ချင်လည်း သတ်ရတယ် ၊ မခိုးချင်လည်း ခိုးရတယ် ၊ မလိမ်ချင်လဲ လည်း လိမ်နေရတယ် ။ အဲဒီလို အလုပ်တွေ လုပ်တဲ့ လူတွေ က စိတ်တည်ငြိမ်ပါ အုံးမလား ။ စိတ်မတည်ငြိမ်တော့ အတွေးအခေါ်တွေ ညစ်ညမ်းလာတယ် ၊ အမှန်နဲ့ အမှားကို မခွဲခြား နိူင်ကြတော့ဘူး ။ အဲဒီတော့ တရားမျှတမှု ကိုလည်း သူမသိတော့ဘူး ၊ အများကောင်းစားရေးထက် ကိုယ်ကျိုးအတ္တကို ပိုပြီး လုပ်ဆောင်တယ် ၊ ဒီလိုအလုပ်တွေဟာ ကောင်းသည် ဆိုးသည်ကို ဝေဖန်ပိုင်းခြား နိူင်တဲ့ ညဏ်မရှိတော့ဘူး ။ အဲဒီတော့ သူတို့လုပ်သမျှ အမှန်ထင် မှတော့ သူတို့ လုပ်ရပ်ကို ဘယ်သောအခါမှ ရပ်တန့်တော့မှာ မဟုတ်ဘူး ။ ဒီလို မှားယွင်းစွာ လုပ်ဆောင်နေတာကို အမှန်ပါလို့ ထင်နေတော့ တကယ့်စစ်မှန်တဲ့ တရားမျှတမှု ကို သူတို့ မသိမြင်ကြတော့ဘူး ။ အဲဒီတော့ ဘာဖြစ်လည်း သူတို့လိုဘဲ အများကိုလည်း လုပ်စေချင်တယ် ၊ ပုံသွင်းထားတယ် ၊ အချန်ကြာ လာတော့ ရင်းနှီးလာတယ် ၊ စွဲစွဲမြဲမြဲ လုပ်ဆောင် လာတော အချိန်ကြတော့ အကျင့်ဖြစ်သွားတယ် ။ အဲဒီ အကျိုးဆက်ကို လက်ရှိ မြန်မာနိူင်ငံရဲ့ နေရာတိုင်းမှာ မတွေ့ချင် အဆုံး မြင်နေရပါတယ် ။ ကိုယ်တိုင် ပြန်စမ်းသပ်လို့ ရတယ် ။ သူတို့ စိတ်တွေထဲမှာ သူတို့ လုပ်သမျှ အမှန်လို့ ထင်နေသလို ဘေးကလည်း မြှောက်ပေးတဲ့ လူတွေ ရှိတော့ ထင်တိုင်းကြဲနေကြတာ အားလုံးအသိဘဲ ။ အာဏာ အတွက် ဆို ၊ သံဃာ လည်း ရိုက်လိုက် ၊ ကျောင်းသားလည်း သတ်ကွာ ၊ လူတွေလည်း သတ် ၊ အမှန်ပြောတဲ့ လူဆို ထောင်ထဲထည့် ။ သူတို့သိတာ တစ်ခုဘဲ ရှိတယ် သူတို့လုပ်သမျှ မှန်ကန်တယ်လို့ ထင်ထားတဲ့ စိတ်ဘဲ ရှိကြတော့တယ် ။ သူတို့တွေရဲ့ အမှားတွေကို သိထားကြတဲ့လူတွေက အခုလို ဒုက္ခနွံကြီးထဲက ရုန်းထွက် လွတ်မြောက်ဖို့ ကြိုးစားသင့်တယ် ။

ဒီလို အဖြစ်အပျက်တွေဟာ သူတို့တွေ ယုတ်မာကောက်ကျစ်တဲ့ စိတ်ထားနဲ့ ပုံသွင်းထားတာကို လိုလားစွာ လက်ခံဆောင်ရွက်ကြတဲ့ အကျိုးဆက်တွေပါ ။ သူတို့ ပုံသွင်းသမျှ လိုက်လုပ်နေကြ ရင် ကျွန်ူပ်တို့ ဘယ်တော့မှ လူပီသမည် မဟုတ် ။ လူမပီသရင် လူဖြစ်ရကျိုး မနပ်ဘူး ၊အင်မတန်မှ ရှည်းလျားလွန်းလှတဲ့ သံသရာ ဆိုတာနဲ့ နှိုင်းရင် လက်ရှိဘ၀ ဆိုတာ တဒင်္ဂပါ ။ ဒီလိုပါဘဲ တိုက်ပွဲ ၀င်ကြရတဲ့ တခဏတာ အချိန်လေး ဆိုတာ တဘ၀စာနဲ့ နှိုင်းယှဉ်ရင် တိုတောင်းလွန်းလှပါတယ် ။ ဒါပေမယ့် ရလာမယ့် အကျိုးဆက်က ယခုဘ၀သာ မကဘူး နောင်သံသရာ မှာ ကောင်းစားမှာနော်။ သီလ ကို တမနက်လေး စောင့်ရှောက်ပြီး သေရတာက တဘ၀လုံး အကုသိုလ်လုပ်ပြီး သက်ရှင် နေထိုင် ရတာထက် မြတ်ပါတယ် လို့ မြတ်ဗုဒ္ဓက မှာကြားခဲ့ဘူးပါတယ် ။ ဒါကြောင့် ကျွန်ူပ်တို့ တိုက်ပွဲဝင်ပြီး ပြည်သူလူထု အားလုံး ကောင်းစားရေး အတွက် တိုက်ပွဲဝင်တာဟာ လူပီသတဲ့ လူသားတစ်ယောက်ရဲ့ အမြတ်ဆုံး ကျင့်စဉ်ပါ ။ အကောင်းဆုံးသော နည်းလမ်းပါ ၊ သူရဲကောင်းတို့ သွားရာလမ်းပါ ။ ရဲဘော် မသေ ၊ သေသော် ငရဲမလား ဆိုတာ အခုလိုမျိုး တမျိုးသားလုံး အတွက်တိုက်ပွဲဝင်ရင်း ကျဆုံးခဲ့ရင်တောင် မွန်မြတ်သော လုပ်ရပ်များကြောင့် အပယ်ကို မလားဘူးလို့ ပြောတာပါ ။ တမျိုးသားလုံး လွတ်မြောက်ရေး အတွက် ငြိမ်းချမ်းစာ ဆန္ဒပြတဲ့ အပြစ်မရှိတဲ့ လူတွေကို ရက်စက်လိုတဲ့ စိတ်ဆန္ဒနဲ့ အကြမ်းဖက် နှိမ်နှင်းကြတဲ့ လူတွေရဲ့ သွားရာလမ်းက မဟာအ၀ီစိငရဲမှ တပါးအခြားမရှိပါဘူး ။



" ငါသည် မုချ သေရမည် အချိန်ပိုင်းသာ လိုတော့သည် " ဆိုတဲ့ စကားလေးကို သတိထားကြည့်စမ်းပါ ။ မွေးဖွားလာခြင်း ရှိတဲ့နောက် သေခြင်းတရားက ဘယ်သူမှ မလွတ်မြောက် နိူင်ပါဘူး ။ မသေခင် အချိန်လေးမှာ ကိုယ်လုပ်နိူင်တာလေးကို အကျိုးရှိရှိ လုပ်ဆောင် နိူင်မှ

လူပီသတဲ့ လူသားတစ်ယောက် အဖြစ် လူဖြစ်ရကျိုး နပ်မှာပါ ။ တိုက်ပွဲဝင်မှ သေတာ မဟုတ်ပါဘူး ။နေရာတိုင်း အချိန်တိုင်း မှာ သေခြင်းတရား ဆိုတာ ကျရောက် လာတတ်တာ အားလုံး အသိပါ ။ သေရမှာကို သိမှတော့ သေခြင်းတရား အတွက် ပြင်ဆင်ထားသင့်တာပေါ့ ။ ကုသိုလ် ကို လုပ်နိူင်သမျှ လုပ်ပြီး အကုသိုလ် အလုပ်ကို ရှောင်ကြဉ် ကြရမှာ သေခြင်းတရား အတွက် ပြင်ဆင် ထားခြင်းဘဲပေါ့ ။ မိသားစု အကျိုးစီးပွားကို လုပ်ဆောင်တာထက် တိုင်းပြည်အကျိုးစီးပွားကို လုပ်ဆောင်တာ ပိုပြီး မွန်မြတ်ပါတယ် ။ တစ်ဦးတစ်ယောက်ဆီက ပစ္စည်းကို မတရား ခိုးဆိုးလုယက် လိမ်ညာလှည့်ဖျား ပြီး သိမ်းပိုက်တာထက် ပြည်သူ့ဘဏ္ဍာကို မတရား ခိုးဆိုးလုယက် လိမ်ညာ လှည့်ဖျား သိမ်းပိုက်တာက ပိုပြီး အပြစ်ရှိပါတယ် ။ ဒါကြောင့် တိုင်းပြည်အကျိုးစီးပွား တိုးတက်ရာ တိုးတက်ကြောင်းကို စတင်အကောင် အထည်ဖော် ဆောင်ရွက်ပေးမယ့် လူထုတိုက်ပွဲဝင် ကြမည့် လူတွေဟာ အင်မတန်မှ မြင့်မြတ်တဲ့ အလုပ်ကို လုပ်ဆောင်ကြတဲ့ သူရဲကောင်းတွေပါ ။ အဲဒီလို တိုင်းပြည်ကို အကျိုးကို သယ်ပိုးဆောင်ရွက်နေတဲ့ အချိန်မှာ ကျဆုံးခဲ့တဲ့ လူမှန်သမျှကို အာဇာနည် လို့ ပြည်သူတွေက ကင်ပွန်းတပ်ပြီး ထာဝစဉ် စွဲမြဲစွာ ဂုဏ်ပြုလေ့ ရှိတယ် ဆိုတာ အားလုံး အသိပါ ။ သေခြင်း၏ အခြား တဘ၀ ၌ လည်း ဘ၀ များ စွာ ကောင်းကျိုး အဖြာဖြာကို စံစားကြရတယ် ဆိုတာ တရားတော်များမှာ အထင်အရှားပါရှိပါတယ်။အမှန်တရားဘက် ရပ်တည်ပြီး ပြည်သူလူထု အကျိုးအတွက် တိုက်ပွဲဝင်သွားလို့ တဘ၀ စတေးခံ လိုက်ရတာဟာ အာဏာရှင်တွေ ခိုင်းသမျှ လိုက်လုပ်ရင်း ဘ၀များစွာ သေဆုံးသွားကြရမယ့် လူတွေထက် မြင့်မြတ်ပါတယ် ။

တမျိုးသားလုံး လွတ်မြောက်ရေး တိုက်ပွဲကို ဆင်နွှဲကြတဲ့ နေရာမှာ ကိုယ်ကျိုးအတ္တလေး များကို ဘေးဖယ် ပေးထားကြပါ ၊ သူအဖွဲ့ ၊ ငါ့အဖွဲ့ အငြင်းမပွားကြပါနဲ့ ၊ ခေါင်းဆောင်ရှိရင် ကိုယ်က နောက်လိုက် လုပ်ပေးကြပါ ၊ ခေါင်းဆောင် မရှိရင် ကိုယ်က ခေါင်းဆောင်ပါ ၊ ကျွန်ူပ်တို့ တိုင်းပြည်အတွက် မားမားမတ်မတ် ရပ်တည်နေကြတဲ့ ပညာရှင်တွေ အများကြီးပါ ။ လူထုတိုက်ပွဲ ကိုယ်တိုင်ပါဝင် မဆင်နွှဲ နိူင်ကြတဲ့လူများကတိုက်ပွဲဝင်နေသူများကို ငွေကြေး ၊ နည်းပညာ ၊ စားနပ်ရိက္ခာ များ ကူညီထောက်ပံ့ပေးထားကြပါ ။ အားလုံး သူရဲကောင်း စိတ်ဓါတ်များ ကိုယ်တိုင်မွေးမြူကြပြီး သမိုင်းဝင်မယ့် ဒီတိုက်ပွဲကို ကျရာ အခန်းဂဏ္ဍကနေ ပါဝင် ဆင်နွှဲကြကာ မြန်မာနိူင်ငံကို လက်တွေ့ကျကျ ချစ်ပြ ရမယ့် လက်ရှိ အချိန်ဟာ အကောင်းဆုံး အချိန်ပါ လို့ ပြောကြားရင် မကြာခင် တိုက်ပွဲဝင် ကြမည့် သူရဲကောင်း အပေါင်းနှင့် တကွ မြန်မာ့တမျိုးသားလုံး လွတ်မြောက်ရေး အတွက် တိုက်ပွဲဝင်ရင် ကျဆုံးခဲ့ရသော အာဇာနည် ပုဂ္ဂိုလ် များကို ဒီနေရာလေးကနေ လေးစားစွာ ဂါရ ၀ ပြုလိုက်ပါတယ် ။



အို သူရဲကောင်း အပေါင်းတို့ ၊ စစ်မှန်သော သစ္စာစကားတို့၏ စွမ်းပကားတို့ကား အင်မတန်မှ ကြီးလွန်းလှ၏ ။ ရွတ်ဆိုသော လူတို့၏ စိတ်စွမ်းအင် နှင့် မှန်ကန်မှု အပေါ်ကို မူတည်၍ အကျိုးပေးလေ့ ရှိကြပါသည် ။ ကိုယ်ကျင့်တရား ကောင်းမွန်ခြင်း သီလကား လုံခြုံမှုကို ပေး၏ ။ အန္တာရယ် အပေါင်းမှ ကင်းဝေး၏ ။ တိုင်းပြည်ကောင်းစားရေး ဆိုသည့် မြင့်မြတ်သည့် စိတ်ထားသည် သင်တို့ထံ လာလတ္တံ့သော ဒုက္ခံအဖုံဖုံကို ကာကွယ်ပေးနိူင်၏ ။ ထို့ကြောင့် ကျွန်ူပ်တို့သည် ယခုချိန်မှ စ၍ သီလဆိုသော ခြုံထည်ကို ၀တ်ရုံကာ ၊ တိုင်းပြည်ကောင်းစားရေး ဆိုသော စိတ်ထားကို ဒိုင်းသဖွယ် အသုံးချ၍ ၊ သစ္စာတရားကို လက်နက် အဖြစ် ကိုင်စွဲကာ စည်းလုံးညီညွတ်မှု ကို စွမ်းအားအဖြစ် အသုံးပြုကာ တိုက်ပွဲဝင် ကြလျှင် မကြာမှီ အချိန်တွင် ကျွန်ူပ်တို့ တိုင်းပြည် အာဏာရှင် စနစ်ဆိုးအောက်က လွတ်မြောက်ပြီး လွတ်လပ်၍ တရားမျှတကာ ခေတ်မှီဖွံ့ဖြိုး တိုးတက်သော ဒီမိုကရေစီ နိူင်ငံတော်သို့ ချီတက်နိူင်မည် ဟု ယုံကြည်သော စိတ်ဓါတ်ကို ရင်ဝယ်ပိုက်လျှက် စတင် တိုက်ပွဲဝင်ကြပါစို့ ... ။



ကျွန်ူပ်တို့သည် မြန်မာနိူင်ငံကြီး ကို ဒုက္ခဆိုးများမှ လွတ်မြောက်စေလိုသော စိတ်ဆန္ဒတို့ဖြင့် တိုက်ပွဲဝင်ကြခြင်းဖြစ်ပါသည် ။ ဤ သစ္စာစကားသည် မှန်ကန်ပါ က အာဏာရှင် စနစ်ဆိုးကြီးအောက် မှ အမြန်ဆုံး လွတ်မြောက်ရပါလို၏ ။

ကျွန်ူပ်တို့ တိုင်းပြည်သည် ကိုယ်ကျိုးရှာ အာဏာရှင်တို့ ၏ ယုတ်မာကောက်ကျစ်မှု ကြောင့် နိူင်ငံသားများမှာ ဆင်းရဲဒုက္ခရောက်လျှက် ရှိပါသည် ။ ဤသစ္စာ စကားသည် မှန်ကန်ပါက အာဏာရှင် စနစ်ဆိုးကြီး ၏ အောက်မှ အမြန်ဆုံး လွတ်မြောက်ရပါလို၏ ။

ကျွန်ူပ်တို့ တိုင်းပြည်၏ သူရဲကောင်း အများစုသည် အာဏာရှင်တို့၏ အကြမ်းဖက် ရက်စက်မှု ကြောင့် ကျဆုံးခဲ့၇ပါ၏ ။ ဤသစ္စာစကားသည် မှန်ကန်ပါက အာဏာရှင် စနစ်ဆိုးကြီး အောက်မှ အမြန်ဆုံး လွတ်မြောက်ရပါလို၏ ။

ကျွန်ူပ်တို့ တိုင်းပြည်၏ ခေါင်းဆောင်များအဖြစ် အာဏာရှင် ကိုယ်ကြိုးရှာ လူတစ်စု က မတရား သိမ်းပိုက်ထားပါသည် ။ ဤသစ္စာ စကားသည် မှန်ကန်ပါက ကျွန်ူပ်တို့တိုင်းပြည် ၏ အချုပ်အချာ အာဏာကို ပြည်သူလူထု လက်ထဲ ပြန်ရောက်ရပါလို၏ ။

ကျွန်ူပ်တို့ တိုင်းပြည်အတွက် တရားမျှတမှု ကို တောင်းဆို တိုက်ပွဲဝင်ခဲ့ ကြသော သူရဲကောင်းများ သည် အာဏာရှင်တို့၏ မတရား ဖမ်းဆီးချုပ်နှောင်မှုကို ခံနေကြပါ၏ ။ ဤသစ္စာ စကားသည် မှန်ကန်ပါက ထိုသူရဲကောင်းများ အချုပ်အနှောင် ဘ၀ မှ ကင်းလွတ်ကာ ပြည်သူလူထုမှ အုပ်ချုပ်ရေး အာဏာကို လက်ခံ၍ တိုင်းပြည်ကို ခေါင်းဆောင်ကောင်းများအဖြစ် မြင်တွေ့ရပါစေသား ။





တိုက်ပွဲဝင် သူရဲကောင်း အပေါင်းအား ဦးညွှတ် ဂါရ၀ ပြုလျက်



ဗမာ့သွေး

ရွေးကောက်ပွဲ ရလဒ်များအား သပိတ်မှောက် ကန့်ကွက်ခြင်း




နိဒါန်း


နှစ်ဆယ်ရာစုနှောင်းပိုင်း ကာလက အစပြုပြီး အာဏာရှင်စနစ်ကျင့်သုံးတဲ့ နိုင်ငံတော်တော်များများမှာ ရွေးကောက်ပွဲတွေ ထွက်ပေါ်လာခဲ့ပါတယ်။ တချို့ ရွေးကောက်ပွဲတွေကျတော့ စစ်မှန်တဲ့ဒီမိုကရေစီ အသွင်ကူးပြောင်းမှုကို ဦးတည်ပြီး ပေါ်ထွက်လာခဲ့တာပါ။ တချို့ရွေးကောက်ပွဲတွေကျတော့ မတရားမှု၊ မဲခိုးမဲလိမ်မှုတွေကို အခြေခံပြီး အာဏာရှင်စနစ်ကို ရွေးကောက်ပွဲနဲ့ အကာအကွယ်ယူထားတဲ့ ရွေးကောက်ခံ အာဏာရှင်စနစ် (electoral authoritarianism) ကို အကောင်အထည်ဖော်ဖို့အတွက် ပေါ်ထွက်လာတဲ့ ရွေးကောက်ပွဲတွေ ဖြစ်ပါတယ်။ ရွေးကောက်ပွဲတခုဟာ စစ်မှန်တဲ့ ဒီမိုကရေစီကို ဆောင်ကျဉ်းပေးနိုင်ခြင်း မရှိပဲ၊ ရွေးကောက်ခံအာဏာရှင်စနစ်ကို ဦးတည်နေခဲ့တယ်ဆိုရင် ရွေးကောက်ပွဲ မတိုင်ခင်မှာ သပိတ်မှောက်လေ့ ရှိကြသလို၊ ရွေးကောက်ပွဲကြီး ပြီးဆုံးသွားတဲ့ အချိန်မှာလဲ ရွေးကောက်ခံ အာဏာရှင်စနစ်ကို ကျင့်သုံးနေတဲ့ ရွေးကောက်ခံ အာဏာရှင်အစိုးရကို ဆက်လက် ဆန့်ကျင်လေ့ ရှိကြပါတယ်။


ဒီလိုဆန့်ကျင်ကြတဲ့ နည်းလမ်း အမျိုးမျိုး ရှိတဲ့အနက် ရွေးကောက်ပွဲရလဒ်တွေကို ကန့်ကွက် သပိတ်မှောက်တဲ့ နည်းလမ်းကို နိုင်ငံတော်တော်များများမှာ အသုံးပြုခဲ့ကြပါတယ်။ ဒီလို အသုံးပြုတဲ့ အခါမှာ ရွေးကောက်ပွဲဥပဒေ၊ ရွေးကောက်ပွဲကျင်းပပုံနဲ့ ရွေးကောက်ပွဲရလဒ်တို့ရဲ့ မတရားမှုတွေကို နည်းမျိုးစုံနဲ့ ဖော်ထုတ်ခြင်း၊ တရားမျှတမှုမရှိသော ရွေးကောက်ပွဲရလဒ်ဖြင့် တက်လာသော အစိုးရသစ်၏ တရားဝင်မှု (legitimacy) ကို အသိအမှတ်မပြုခြင်း၊ ဆန္ဒပြခြင်း၊ သပိတ်မှောက်ခြင်း စတာတွေ ပါဝင်ပါတယ်။ လူထုလှုပ်ရှားမှုများ အကောင်အထည်ဖော်တဲ့အခါ အတိုက်အခံ နိုင်ငံရေးအဖွဲ့အစည်းတွေ အနေနဲ့ ဦးဆောင်ပါဝင်ခြင်း (သို့မဟုတ်) သွယ်ဝိုက် ဖော်ဆောင်ခြင်း (သို့မဟုတ်) ဖော်ဆောင်သည့် လူပုဂ္ဂိုလ်နှင့် အဖွဲ့အစည်းများအား ကူညီအားပေးခြင်း တို့ကို ပြုလုပ်ကြပါတယ်။


ရွေးကောက်ပွဲရလဒ် ကန့်ကွက်သပိတ်မှောက်ခြင်းနှင့် ဒီမိုကရေစီ ပြုပြင်ပြောင်းလဲမှု


အာဏာရှင်ရွေးကောက်ပွဲတွေကို သပိတ်မှောက်တဲ့အခါမှာ မဲမပေးရေး၊ ပယ်မဲဖြစ်ရေး နည်းလမ်းတွေကို အသုံးပြုတဲ့ ရွေးကောက်ပွဲအကြိုကာလ လှုပ်ရှားမှုနဲ့ ရွေးကောက်ပွဲရလဒ်တွေကို သပိတ်မှောက် ကန့်ကွက်ရေး လှုပ်ရှားမှုဆိုပြီး နှစ်မျိုးရှိပါတယ်။ ရွေးကောက်ပွဲအကြိုကာလမှာ နည်းမျိုးစုံနဲ့ သပိတ်မှောက်ကြပေမယ့် အာဏာရှင်အစိုးရတွေက ရွေးကောက်ပွဲကို မဖြစ်ဖြစ်အောင် ပြုလုပ်ပြီး၊ မတရားတဲ့ ရွေးကောက်ပွဲရလဒ်တွေကို ကြေညာလေ့ရှိပါတယ်။ ရွေးကောက်ပွဲအလွန် ကာလမှာ ရွေးကောက်ပွဲနဲ့ တက်လာတဲ့ ရွေးကောက်ခံ အာဏာရှင်အစိုးရကို ဆက်ပြီး ဖွဲ့စည်းလေ့ရှိကြပါတယ်။


အဲဒီအခါမှာ အာဏာရှင်ဆန့်ကျင်ရေး အဖွဲ့အစည်းတွေကလဲ ဒုတိယလှုပ်ရှားမှု ဖြစ်တဲ့ ရွေးကောက်ပွဲရလဒ် ကန့်ကွက်သပိတ်မှောက်ခြင်းကို ဆက်လက်ပြုလုပ်ကြရပါတယ်။ လူအချို့ကတော့ တက်လာတဲ့ အစိုးရသစ်ဟာ ရွေးကောက်ပွဲရလဒ်နဲ့ တက်လာတဲ့ အစိုးရသစ်ဖြစ်တာကြောင့် တော်လှန်ရေး ဆက်လုပ်လို့ မရနိုင်တော့ဘူးလို့ ယူဆတတ်ကြပါတယ်။ ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းကြောင့် ဒီမိုကရေစီ ပြုပြင်ပြောင်းလဲမှုကို ထိခိုက်စေနိုင်မလားဆိုပြီး တွေဝေတတ်ကြပါတယ်။ လက်တွေ့မှာ ဒီလို မဟုတ်ပါဘူး။


နိုင်ငံတခုမှာ ရွေးကောက်ပွဲရလဒ်နဲ့ တက်လာတဲ့ အစိုးရတိုင်းကို ဒီမိုကရေစီ အစိုးရလို့ မခေါ်တွင်နိုင်ပါဘူး။ တရားမျှတမှုမရှိတဲ့ ရွေးကောက်ပွဲကို ခုတုံးလုပ်၊ ဒီမိုကရေစီကို အမည်ခံပြီး တက်လာတဲ့ ရွေးကောက်ခံ အာဏာရှင်အစိုးရတွေလဲ ကမ္ဘာပေါ်မှာ အများအပြားရှိပါတယ်။ ဒီလို အစိုးရတွေနဲ့ ရွေးကောက်ခံအာဏာရှင်စနစ်ကို ဆန့်ကျင်ဖို့အတွက် ရွေးကောက်ပွဲရလဒ်တွေကို ကန့်ကွက်သပိတ်မှောက်တဲ့ လှုပ်ရှားမှုတွေ ပေါ်ထွက်လာတာ ဖြစ်ပါတယ်။ ရွေးကောက်ပွဲရလဒ်ကို ကန့်ကွက် သပိတ်မှောက်ခြင်းအားဖြင့် ဒီမိုကရေစီရေးရာ ပြုပြင် ပြောင်းလဲခြင်းတွေကို အကျိုးသက်ရောက်မှု ရှိနိုင်ကြောင်းကိုလဲ ရွေးကောက်ပွဲရေးရာ သုတေသီများက လေ့လာ တွေ့ရှိခဲ့ကြပါတယ်။


၁၉၉၀ခုနှစ်ကနေ၊ ၂၀၀၇ ခုနှစ်ကာလအထိ ကမ္ဘာတ၀ှမ်းမှာ ပေါ်ထွက်ခဲ့တဲ့ ရွေးကောက်ပွဲသပိတ်တွေကို ပညာရှင်များက လေ့လာကြည့်ကြရာမှာ အာဏာရှင်ရွေးကောက်ပွဲများကို ရွေးကောက်ပွဲအကြိုကာလမှာ သပိတ်မှောက် ခြင်းကြောင့် ဒီမိုကရေစီပြုပြင်ပြောင်းလဲမှုအပေါ်မှာ အကျိုးသက်ရောက်မှု ခြောက်ရာခိုင်နှုန်းပဲ ရှိခဲ့ပြီး၊ ရွေးကောက်ပွဲအကြိုကာလသပိတ်၊ ရွေးကောက်ပွဲရလဒ် သပိတ်နှစ်မျိုး စလုံးကို အသုံးပြုတဲ့အခါမှာတော့ ဒီမိုကရေစီပြုပြင် ပြောင်းလဲမှုအပေါ်မှာ အကျိုးသက်ရောက်မှု ၂၈ ရာခိုင်နှုန်း ရှိကြောင်း တွေ့ရှိခဲ့ကြပါတယ်။ ဒီလို အကျိုးသက်ရောက်မှု တိုးတက်လာခြင်း အကြောင်းရင်းတွေထဲမှာ ရွေးကောက်ပွဲနဲ့ လူထုလှုပ်ရှားမှုတို့အကြားက ဆက်နွယ်မှုတွေနဲ့ ရွေးကောက်ပွဲအလွန်ကာလ အတိုက်အခံနိုင်ငံရေး အဖွဲ့များရဲ့ နိုင်ငံရေး လမ်းစဉ်တွေက အဓိက ကျပါတယ်။


လူအများ ပူးပေါင်းပါဝင်တဲ့ လူထုတိုက်ပွဲတွေ စတင်အကောင်အထည်ဖော်ဖို့အတွက် ဟန်ချက်ညီ ချိတ်ဆက်လှုပ်ရှားမှုတွေ လိုအပ်ပါတယ်။ လူထုတိုက်ပွဲ အောင်မြင်ဖို့ ဆိုတာက လူအများက တချိန်တည်းမှာ သူတို့ရဲ့ လိုလားချက်တွေကို တပြိုင်နက် တောင်းဆိုနိုင်မှ ဖြစ်နိုင်တာပါ။ ဒီလိုတောင်းဆိုမှုတွေ လုပ်နိုင်ဖို့အတွက် လူထုလူတန်းစား အလွှာအသီးသီးမှာ ပါဝင်နေတဲ့ အစုအဖွဲ့တွေအကြား ချိတ်ဆက်လှုပ်ရှားပေးနိုင်မယ့် coordination mechanism တွေ ရှိရပါမယ်။ ရွေးကောက်ပွဲတွေဟာ ဒီလို coordination mechanism တွေ ပေါ်ထွက်လာရေးကို လုပ်ဆောင်ပေးနိုင်ပါတယ်။


ယေဘုယျအားဖြင့် ရွေးကောက်ပွဲအချိန်ကာလဆိုတာက ပြည်သူလူထုရဲ့ နိုင်ငံရေး ရေချိန် တက်နေတဲ့ ကာလဖြစ်ပါတယ်။ အထူးသဖြင့် ရွေးကောက်ပွဲရလဒ်တွေ ထွက်ပေါ်လာချိန်၊ အစိုးရသစ်တွေ ဖွဲ့စည်းလာချိန်မှာ ရွေးကောက်ပွဲမသမာမှုတွေ၊ ဒီမိုကရေစီ အမည်ခံတဲ့ အာဏာရှင်အစိုးရတွေ တက်လာတာကို လူထုက မျက်ဝါးထင်ထင် တွေ့ကြရပါတော့တယ်။ စစ်မှန်တဲ့ ဒီမိုကရေစီ ပြောင်းလဲမှု မဟုတ်ဘူးဆိုတာကို လူအများက နားလည်သိရှိလာပါတော့တယ်။ အဲဒီအချိန်ကာလတွေကို အာဏာရှင်ဆန့်ကျင်ရေး လှုပ်ရှားနေကြတဲ့ တော်လှန်ရေးသမားတွေက စနစ်တကျ အသုံးချတတ်ရင် လူထုလှုပ်ရှားမှုရဲ့ ဆုံချက် (focal point) ဖြစ်လာနိုင်ပါတယ်။ ဒါကြောင့် ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းဟာ ရွေးကောက်ပွဲအလွန်ကာလ နိုင်ငံရေး အခင်းအကျင်းအတွက် အလွန်အရေးကြီးပါတယ်။


ရွေးကောက်ပွဲရလဒ် ကန့်ကွက်သပိတ်မှောက်ခြင်းနှင့် ညီညွတ်ရေး တည်ဆောက်မှု


ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းအားဖြင့် ကွဲပြားတဲ့ အမြင်နဲ့ အယူအဆတွေ ရှိခဲ့တဲ့ အတိုက်အခံ နိုင်ငံရေးအဖွဲ့အစည်းတွေ အကြားက ညီညွတ်ရေးကိုလဲ တည်ဆောက်လာနိုင်ပါတယ်။ အာဏာရှင်တွေက ရွေးကောက်ပွဲတွေ ကျင်းပတဲ့အခါ ရွေးကောက်ပွဲဖြစ်စဉ်ပေါ် မူတည်ပြီး အတိုက်အခံ နိုင်ငံရေး အဖွဲ့အစည်းတွေအကြားမှာ ကွဲပြားခြားနားတဲ့ အမြင်နဲ့ တုန့်ပြန်မှုတွေ ပေါ်ထွက်လာတတ်ပါတယ်။


ရွေးကောက်ပွဲဖြစ်စဉ်အရ ပထမအဆင့်အနေနဲ့ အာဏာရှင်တွေက ရွေးကောက်ပွဲကျင်းပဖို့ စတင်ပြင်ဆင်ပါတယ်။ ဒီလိုပြင်ဆင်မှုတွေကို ပြုလုပ်တဲ့အခါမှာ အာဏာရှင်တွေရဲ့ ကိုယ်စားပြု အဖွဲ့အစည်း (သို့မဟုတ်) ကြိုးကိုင်ထားသော အဖွဲ့အစည်းက သေချာပေါက် နိုင်နိုင်မယ့် ရွေးကောက်ပွဲဆိုင်ရာ မသမာမှုတွေကို စတင်ပြုလုပ်လာလေ့ရှိပါတယ်။ ပြီးတော့ ဒုတိယအဆင့်အနေနဲ့ ရွေးကောက်ပွဲကျင်းပမယ်ဆိုတာကို တရားဝင်ကြေငြာပါတယ်။ နိုင်ငံရေးပါတီ မှတ်ပုံတင် လျှောက်ထားခွင့်၊ ရှိပြီးသား နိုင်ငံရေးပါတီတွေအနေနဲ့ ရွေးကောက်ပွဲမှာ ပါဝင်ဖို့ မှတ်ပုံတင်ခွင့် ဆိုင်ရာ ရွေးကောက်ပွဲဥပဒေတွေကို ထုတ်ပြန်ပါတယ်။


အဲဒီအခြေအနေမှာ အာဏာရှင်ရွေးကောက်ပွဲမှာ ရှိပြီးသား အတိုက်အခံနိုင်ငံရေးပါတီတွေက ပါဝင်ယှဉ်ပြိုင်ဖို့မှတ်ပုံတင်ခြင်း၊ အတိုက်အခံ နိုင်ငံရေးအဖွဲ့အစည်းများက ပါတီသစ်ထောင်ခြင်း စတာတွေ ပြုလုပ်ပြီး ၀င်ရောက်ယှဉ်ပြိုင်မှာလား (သို့မဟုတ်) ရွေးကောက်ပွဲကို သပိတ်မှောက်မှာလား ဆိုတာကို ရွေးချယ်စရာ ဖြစ်လာပါတယ်။ ရွေးချယ်မှုတွေ ဖြစ်လာတဲ့အခါ အတိုက်အခံနိုင်ငံရေး ပါတီတွေနဲ့ အဖွဲ့အစည်းတွေအကြားမှာ အုပ်စုကြီး နှစ်ခု ထွက်လာပါတော့တယ်။ ရွေးကောက်ပွဲကို ပါဝင်ယှဉ်ပြိုင်မယ့် အုပ်စုနဲ့ ရွေးကောက်ပွဲကို ဆန့်ကျင်သပိတ်မှောက်မယ့် အုပ်စုတွေ ဖြစ်ပါတယ်။


ရွေးကောက်ပွဲအကြိုကာလမှာ အုပ်စုကြီး နှစ်ခုစလုံးက သူ့လုပ်ငန်းစဉ်နဲ့သူ အလုပ်လုပ်ကြပါတယ်။ ရွေးကောက်ပွဲဝင်တဲ့ အုပ်စုက ရွေးကောက်ပွဲ အောင်နိုင်ရေး လုပ်ငန်းစဉ်တွေ ချမှတ်ပြီး အလုပ်လုပ်ကြပါတယ်။ ရွေးကောက်ပွဲကို သပိတ်မှောက်တဲ့ အုပ်စုက မဲမပေးရေး၊ ပယ်မဲဖြစ်ရေး၊ ရွေးကောက်ပွဲ မသမာမှုများ ဖော်ထုတ်ရေး စတဲ့ လုပ်ငန်းစဉ်တွေကို ချမှတ်ပြီး အလုပ်လုပ်ကြပါတယ်။ ဒီလို ဖော်ဆောင်ကြရင်း အုပ်စုကြီးနှစ်ခုအကြားမှာ အားပြိုင်မှုတွေ၊ တဘက်နဲ့တဘက် ဝေဖန်တိုက်ခိုက်မှုတွေကလဲ ပေါ်ထွက်လာတတ်ပါသေးတယ်။


ဒီလိုနဲ့ ရွေးကောက်ပွဲဖြစ်စဉ် တတိယအဆင့်ကို ရောက်လာပါတယ်။ အတိုက်အခံတွေအနေနဲ့ ရွေးကောက်ပွဲမှာ ပါဝင်သည်ဖြစ်စေ၊ သပိတ်မှောက်သည်ဖြစ်စေ အာဏာရှင်အစိုးရတွေကတော့ ရွေးကောက်ပွဲကို မဖြစ်ဖြစ်အောင် ပြုလုပ်လေ့ရှိပါတယ်။ ရွေးကောက်ပွဲအကြိုကာလ မသမာမှုတွေအပြင် ရွေးကောက်ပွဲနေ့ မသမာမှုတွေကိုပါ ကျူးလွန်လေ့ရှိပါတယ်။ အထူးသဖြင့် အတိုက်အခံတွေက ရွေးကောက်ပွဲကို သပိတ်မှောက်ထားခဲ့ရင် ရွေးကောက်ပွဲမဲပေးသူ အရေအတွက် ရာခိုင်နှုန်းကို တိုးမြှင့်ပြောလေ့ ရှိပါတယ်။ ရွေးကောက်ပွဲမှာ အတိုက်အခံတွေက ပါဝင်ယှဉ်ပြိုင်ခဲ့ရင်လဲ နောက်ဆုံးရလဒ်မှာ အာဏာရှင် လက်ကိုင်တုတ်အဖွဲ့အစည်းတွေကသာ မဲအများဆုံးရရှိအောင် မဲခိုးတာ၊ မဲလိမ်တာ၊ ကြိုတင်မဲရယူတာတွေ လုပ်ထားလေ့ရှိပါတယ်။ ရွေးကောက်ပွဲနေ့ မသမာမှုတွေကို ကျူးလွန်ပြီးတဲ့အခါ ရွေးကောက်ပွဲရလဒ်ကို အာဏာရှင်တွေက ကြေငြာပါတော့တယ်။


အာဏာရှင်တွေက ရွေးကောက်ပွဲရလဒ်ကို ကြေငြာပြီးချိန်မှာ အတိုက်အခံတွေဘက်က တုန့်ပြန်မှု ပြုလုပ်ရပါတယ်။ ဒါက ရွေးကောက်ပွဲဖြစ်စဉ်ရဲ့ စတုတ္ထ အဆင့်ပါပဲ။ အဲဒီအဆင့်မှာတင် အတိုက်အခံတွေမှာ အုပ်စု ငါးခု ကွဲသွားပါတော့တယ်။ ရွေးကောက်ပွဲမှာ ၀င်ရောက်ယှဉ်ပြိုင်တဲ့ အုပ်စုကြီးမှာ ရွေးကောက်ပွဲရလဒ်ကို လက်ခံတဲ့ အုပ်စုနဲ့ ရွေးကောက်ပွဲရလဒ်ကို သပိတ်မှောက်တဲ့ အုပ်စု နှစ်စု ထပ်ပြီး ကွဲပါတယ်။ ရွေးကောက်ပွဲကို သပိတ်မှောက်ခဲ့တဲ့ အုပ်စုကြီးမှာ ရွေးကောက်ပွဲရလဒ်ကို လက်ခံတဲ့ အုပ်စု၊ ရွေးကောက်ပွဲရလဒ်ကို သပိတ်မှောက်တဲ့ အုပ်စုနဲ့ ရွေးကောက်ပွဲရလဒ်ကိုလဲ လက်မခံ၊ သပိတ်မှောက် လှုပ်ရှားမှုတွေလဲ မလုပ်တော့တဲ့ အုပ်စု ဆိုပြီး သုံးစု ထပ်ပြီး ကွဲပါတယ်။


ရွေးကောက်ပွဲမှာ ၀င်ရောက်ယှဉ်ပြိုင်ပြီး ရွေးကောက်ပွဲရလဒ်ကို လက်ခံတဲ့ အုပ်စုနဲ့ ပတ်သက်တဲ့ လုပ်ငန်းစဉ်တွေကတော့ ထူးထူးခြားခြား မရှိပါဘူး။ အနိုင်ရသူတွေက ရွေးကောက်ခံ အာဏာရှင်စနစ်ရဲ့ ယန္တရားထဲကို ရောက်သွားပြီး၊ အာဏာရှင်တို့ အလိုကျ လက်ညှိုးထောင်၊ ခေါင်းငြိမ့် လုပ်ရလေ့ရှိပါတယ်။ ဒုတိယတမျိုးဖြစ်တဲ့ ရွေးကောက်ပွဲကို ၀င်ရောက်ယှဉ်ပြိုင်ပြီး၊ ရွေးကောက်ပွဲရလဒ်ကို သပိတ်မှောက်တဲ့ အုပ်စုကတော့ အာဏာရှင် ရွေးကောက်ပွဲရဲ့ မသမာမှုများကို ဖော်ထုတ်ခြင်း၊ အာဏာရှင်အစိုးရသစ်ရဲ့ တရားဝင်မှုကို အသိအမှတ်မပြုခြင်း၊ ဆန္ဒပြသပိတ်မှောက်မှုများ ပြုလုပ်ခြင်း လုပ်ငန်းစဉ်တွေကို အကောင်အထည်ဖော်နိုင်လာမှာ ဖြစ်ပါတယ်။


ရွေးကောက်ပွဲပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေ ကိုယ်တိုင်က ရွေးကောက်ပွဲရလဒ်ကို ကန့်ကွက်သပိတ်မှောက်လာမှာကို အာဏာရှင်အစိုးရတွေကလဲ စိုးရိမ်လေ့ရှိကြပါတယ်။ ဒါကြောင့်လဲ သက်ဆိုင်ရာ နိုင်ငံရေးအဖွဲ့အစည်းတွေရဲ့ ခေါင်းဆောင်တွေနဲ့ အရေးပါသူတွေ ပါဝင်အရွေးခံကြတဲ့ ဒေသအချို့မှာ အာဏာရှင်လက်ကိုင်ဒုတ် အဖွဲ့အစည်းတွေကို ပါဝင်ယှဉ်ပြိုင်စေခြင်း မရှိပဲ လွှတ်တော်ကိုယ်စားလှယ်အဖြစ် အလိုအလျောက်သတ်မှတ်ပေးမှုတွေနဲ့ အာဏာရှင် လက်ကိုင်ဒုတ် အဖွဲ့အစည်းက ကိုယ်စားလှယ်တွေကို တမင်တကာ အရှုံးပေးထားမှုတွေ ပြုလုပ်လာတတ်ပါတယ်။ ဒီလို လုပ်ခြင်းအားဖြင့် ရွေးကောက်ပွဲမှာ ပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေ အနေနဲ့လဲ ခေါင်းဆောင်တွေ၊ အရေးပါသူတွေ ကိုယ်တိုင်က ရွေးကောက်ခံ အာဏာရှင်အစိုးရသစ် ယန္တရားထဲမှာ ပါဝင်ရတော့မှာ ဖြစ်တဲ့အတွက် ရွေးကောက်ပွဲရလဒ်ကို သပိတ်မှောက်ဖို့ ခဲယဉ်းသွားစေပါတယ်။


ဘယ်လိုပဲဖြစ်ဖြစ် ရွေးကောက်ပွဲမှာ ပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေက အဖွဲ့အစည်းအလိုက် ရလဒ်ကို သပိတ်မှောက်ခြင်း မရှိခဲ့ရင်တောင် သပိတ်မှောက်လိုတဲ့ အစုအဖွဲ့လေးတွေ၊ လူပုဂ္ဂိုလ်တွေ ပေါ်ထွက်လာတတ်ပါတယ်။ ဒီလို အစုအဖွဲ့လေးတွေနဲ့ ရွေးကောက်ပွဲ အကြိုကာလမှာကတည်းက သပိတ်မှောက်ခဲ့တဲ့ နိုင်ငံရေးအင်အားစုတွေ ချိတ်ဆက်ပေါင်းစည်းပြီး ညီညွတ်ရေးကို တည်ဆောက်နိုင် ပါတယ်။ ရွေးကောက်ပွဲရလဒ် သပိတ်မှောက်ရေး လုပ်ငန်းစဉ်တွေကို ပူးပေါင်း အကောင်အထည်ဖော်နိုင်ပါတယ်။ ဒီလို အကောင်အထည်ဖော်ကြရာမှာလဲ ရွေးကောက်ပွဲ အကြိုကာလမှာ သပိတ်မှောက်ခဲ့တဲ့ အတိုက်အခံ နိုင်ငံရေးအင်အားစုတွေ အားလုံးက ရွေးကောက်ပွဲရလဒ်ကို သပိတ်မှောက်မယ်လို့ မယူဆနိုင်ပြန်ပါဘူး။ ဒီအင်အားစုတွေမှာလဲ အုပ်စုက သုံးမျိုး ကွဲတတ်ပြန်ပါသေးတယ်။


ပထမတမျိုးကတော့ ရွေးကောက်ပွဲကို သပိတ်မှောက်ပေမယ့် ရွေးကောက်ပွဲရလဒ်ကို လက်ခံတဲ့ အုပ်စုပါ။ အာဏာရှင်အစိုးရနဲ့ ထိပ်တိုက်ရင်ဆိုင်ခြင်း မလုပ်လိုတဲ့ နိုင်ငံရေးအင်အားစုတွေက ဒီအုပ်စုမှာ ပါဝင်လာလေ့ရှိပါတယ်။ ၁၉၉၅ ခုနှစ် အယ်လ်ဂျီးရီးယားမှာ အတိုက်အခံနိုင်ငံရေး ပါတီကြီးတခုက ဦးဆောင်ပြီး ရွေးကောက်ပွဲကို သပိတ်မှောက်ခဲ့ပါတယ်။ ဒါပေမယ့် ရွေးကောက်ပွဲရလဒ်တွေ ပေါ်ထွက်လာတဲ့ အခါကျတော့ ရွေးကောက်ပွဲရလဒ်ကို သပိတ်ဆက်မမှောက်တော့ပဲ ရွေးကောက်ပွဲနဲ့ တက်လာတဲ့ အစိုးရသစ်ကို အသိအမှတ်ပြုပြီး အမျိုးသားပြန်လည်သင့်မြတ်ရေးအတွက် ဒိုင်ယာလော့ခ်ခေါ်ပေးဖို့ တောင်းဆိုမှုတွေ လုပ်လာပါတော့တယ်။


ဒီလို ရှေ့နောက်မညီတဲ့ လုပ်ရပ်တွေကြောင့် ရွေးကောက်ပွဲကို သပိတ်မှောက်ခဲ့တဲ့ ပြည်သူလူထုမှာလဲ ရွေးကောက်ပွဲရလဒ်ကိုပဲ သပိတ်ဆက်မှောက်ရတော့မလိုလို၊ အသိအမှတ်ပြု ရတော့မလိုလိုနဲ့ အစိုးရသစ်ကိုလဲ မယုံကြည်၊ အတိုက်အခံနိုင်ငံရေးသမားတွေကိုလဲ စိတ်ပျက်လာကြရာက နိုင်ငံရေး ပဋိပက္ခရှည်ကြာမှုတွေ ဖြစ်ခဲ့ရပါတယ်။ တခါတရံမှာလဲ အာဏာရှင်အစိုးရတွေ ကိုယ်တိုင်က နိုင်ငံရေးပြဿနာတွေကို ရွေးကောက်ပွဲကနေ တက်လာတဲ့ အစိုးရသစ်နဲ့ ဖြေရှင်းမယ့် နိုင်ငံရေးအရိပ်အယောင်တွေပြပြီး ဒီလိုအုပ်စုတွေ ပေါ်ထွက်လာအောင် လမ်းကြောင်းပေးတာတွေ ရှိပါတယ်။ ဖြစ်နိုင်ခြင်း၊ မဖြစ်နိုင်ခြင်းကတော့ အတိုက်အခံတွေရဲ့ ဦးနှောက်နဲ့ နိုင်ငံရေးရာ ကျွမ်းကျင်မှုပေါ်မှာပဲ မူတည် တွက်ချက်ဖို့ လိုပါလိမ့်မယ်။


ရွေးကောက်ပွဲအကြိုကာလမှာ သပိတ်မှောက်ခဲ့တဲ့ နိုင်ငံရေးအင်အားစုတွေအကြားမှာ ရွေးကောက်ပွဲ ရလဒ် ပေါ်ထွက်လာတဲ့အခါ လက်ခံခြင်း၊ ကန့်ကွက်ခြင်း လုံးဝမလုပ်တော့ပဲ အတိုက်အခံနိုင်ငံရေးကို သက်တမ်းတိုးချဲ့တဲ့ အုပ်စုတမျိုးလဲ ပေါ်ထွက်လာတတ်ပါတယ်။ ဒီလို အုပ်စုတွေက ရွေးကောက်ပွဲကို လူအများ သပိတ်မှောက်ကြတာ၊ မဲမပေးကြတာဟာ သူတို့ရဲ့ လုပ်ရပ်တွေအနေနဲ့ ဂုဏ်ယူဝမ်းမြောက်တတ်ကြပါတယ်။ ဒါပေမယ့် ရွေးကောက်ပွဲရလဒ်ကို အာဏာရှင်အစိုးရတွေက ကြေငြာလာတဲ့ အခါကျတော့လဲ အာဏာရှင်တွေဘက်က တဘက်သတ်လုပ်မှာကိုသိရက်နဲ့ ရသမျှ အင်အားလေးနဲ့ တိုက်ခဲ့ရတဲ့အတွက် အတိုက်အခံနိုင်ငံရေးအင်အားစုအနေနဲ့ တာဝန်ကျေတယ်လို့ ယူဆကြပါတယ်။ ထိပ်တိုက်ရင်ဆိုင်မှုလုပ်ရင် အာဏာရှင်တွေဘက်က အရေးယူမှုတွေ ပြုလုပ်လာမှာကို စိုးရိမ်ပြီး ပိုနေမြဲ၊ ကျားနေမြဲ အာဏာရှင်အသိအမှတ်ပြု အတိုက်အခံအနေနဲ့ ရပ်တည်ရရေးကိုပဲ ကြိုးပမ်းလေ့ရှိပါတယ်။ ရွေးကောက်ပွဲရလဒ်ကို သပိတ်မှောက်ရေးကိုလဲ ဆက်လက်အကောင်အထည် ဖော်ခြင်း မရှိသလို၊ တက်လာတဲ့ အစိုးရသစ်ကို ဆက်လက်တော်လှန်မယ့် လမ်းစဉ်တွေလဲ ချမှတ်ခြင်း မရှိပါဘူး။ အတိုက်အခံအနေနဲ့ ရပ်တည်ပြီး ငုတ်တုပ်ထိုင်နေမယ့် အုပ်စုဖြစ်ပါတယ်။


နောက်ဆုံးအုပ်စုတစုကတော့ ရွေးကောက်ပွဲရလဒ်ကို ဆန့်ကျင်သပိတ်မှောက်တဲ့ အုပ်စုဖြစ်ပါတယ်။ ဒီအုပ်စုက ရွေးကောက်ပွဲရလဒ်ကို ဆန့်ကျင်သပိတ်မှောက်ပြီး လူထုရဲ့ နိုင်ငံရေး နိုးကြားမှုရှိလာအောင် လှုံ့ဆော်ခြင်း၊ ရွေးကောက်ပွဲအလွန်ကာလ နိုင်ငံရေးအခင်းအကျင်းကို တော်လှန်ရေးအတွေးအခေါ်ပေါ် အခြေတည်တဲ့ အခင်းအကျင်းဖြစ်လာစေရန် ဖန်တီးဆောင်ရွက်ခြင်း၊ အသစ်တက်လာတဲ့ ရွေးကောက်ခံ အာဏာရှင် အစိုးရသစ်ကို ဆန့်ကျင်ခြင်း စတာတွေကို ပြုလုပ်မယ့် အုပ်စုဖြစ်ပါတယ်။ ရွေးကောက်ပွဲအလွန်ကာလ နိုင်ငံရေးဦးဆောင်မှုကို ဒီအုပ်စုကို ဦးစီးနိုင်မှသာ စစ်မှန်တဲ့ ဒီမိုကရေစီ ပြုပြင်ပြောင်းလဲမှုတွေကို ဆောင်ကျဉ်းပေးနိုင်မှာဖြစ်ပါတယ်။


ဒီအုပ်စုငါးခုမှာ ရွေးကောက်ပွဲရလဒ်ကို လက်ခံလိုက်တဲ့ အုပ်စုနှစ်ခုကို ဖယ်ရှားပြီး၊ ကျန်တဲ့ အုပ်စုသုံးခုအကြားမှာ ညီညွတ်ရေးတည်ဆောက်ဖို့ လိုအပ်ပါတယ်။ ရွေးကောက်ပွဲကို လက်ခံခဲ့ပြီးမှ ရလဒ်ကို သပိတ်မှောက်တဲ့ အုပ်စုနဲ့ ရွေးကောက်ပွဲအကြိုကာလနဲ့ ရွေးကောက်ပွဲရလဒ်ကို သပိတ်မှောက်တဲ့ အုပ်စုတွေအကြား ကွဲပြားတဲ့အမြင်တွေကို ပြန်လည်ညှိနှိုင်းပြီး နိုင်ငံရေးပန်းတိုင် သတ်မှတ်ဖို့ လိုပါတယ်။ ရွေးကောက်ပွဲကို သပိတ်မှောက်ပြီးမှ ရလဒ်ကို ဆက်လက်သပိတ်မှောက်ရဲခြင်း မရှိပဲ အတိုက်အခံနေရာမှာ ငုပ်တုတ်ထိုင်နေမယ့် အုပ်စုကိုလဲ ဒီလို လုပ်ခြင်းအားဖြင့် နိုင်ငံရေးပဋိပက္ခရှည်ကြာပြီး တိုင်းပြည်ရဲ့ ဖွံ့ဖြိုးတိုးတက်ရေးကို ထိခိုက်စေနိုင်တယ်ဆိုတာကို ထိထိမိမိ မီးမောင်းထိုး ရှင်းပြပေးပြီး၊ အာဏာရှင်ရွေးကောက်ပွဲရလဒ် သပိတ်မှောက်ခြင်းနဲ့ အစပြုတဲ့ ရွေးကောက်ခံအာဏာရှင်စနစ် တိုက်ဖျက်ရေး အရေးတော်ပုံကြီးမှာ လက်တွဲပါဝင်ဖို့ တိုက်တွန်းကြရန် လိုအပ်ပါတယ်။


ဒီအုပ်စုသုံးစုအကြားမှာ ညီညွတ်ရေးတည်ဆောက်နိုင်ဖို့အတွက် ရွေးကောက်ပွဲရလဒ်ကို ကန့်ကွက် သပိတ်မှောက်ခြင်းကနေ အစပြုဖို့ လိုအပ်ပါတယ်။ ဒါမှလဲ ရွေးကောက်ပွဲ အလွန်ကာလမှာ ရွေးကောက်ခံ အာဏာရှင်စနစ် (electoral authoritarianism) တိုက်ဖျက်ရေးအတွက် လက်တွဲအလုပ်လုပ်ရမယ့် နိုင်ငံရေးအင်အားစုတွေကို ကွဲကွဲပြားပြားထင်သာ မြင်သာ ပေါ်ထွက်လာစေမှာဖြစ်ပါတယ်။


အခြေခံအတွေးအခေါ် မတူညီသူတွေအကြားမှာ ညီညွတ်ရေး တည်ဆောက်ဖို့ ကြိုးပမ်းတာထက်စာရင် လုပ်နည်းလုပ်ဟန်ကွဲပြားပေမယ့် အခြေခံ အတွေးအခေါ် တူညီသူတွေအကြားမှာပဲ ညီညွတ်ရေး တည်ဆောက်တာက ရေရှည်နိုင်ငံရေးပန်းတိုင်အတွက် ပိုပြီး သင့်တော်ပါတယ်။ တိုက်ပွဲတပွဲမှာ စမတိုက်ခင်ကတည်းက လက်နက်ချရင် ကောင်းမလား၊ အပစ်အခတ် ရပ်စဲရေး လုပ်ရင် ကောင်းမလားလို့ တွေးနေတဲ့ ရဲဘော်အင်အား တရာထက် အောင်ပွဲရတဲ့အထိ စစ်နည်းဗျူဟာ မျိုးစုံသုံးပြီး တိုက်ပွဲဝင်သွားမယ်ဆိုတဲ့ ရဲဘော် ဆယ်ယောက်က ပိုပြီး တန်ဖိုးရှိကြောင်းကို စစ်ရေး နားလည်သူတိုင်း သိရှိကြပါတယ်။ နည်းဗျူဟာတွေက ကွဲပြားချင် ကွဲပြားနိုင်ပေမယ့် အခြေခံအတွေးအခေါ် ညီညွတ်မှ ထိရောက်မှု ရှိနိုင်မှာ ဖြစ်ပါတယ်။


နိဂုံး


ချုပ်၍ ဆိုရရင် ၁၉၉၀ ခုနှစ်ကနေ၊ ၂၀၀၇ ခုနှစ်အကြားမှာ ဖြစ်ပွားခဲ့တဲ့ ရွေးကောက်ပွဲအကြိုကာလ သပိတ်နဲ့ ရွေးကောက်ပွဲရလဒ် သပိတ် စုစုပေါင်း ၅၁ ခု ကို ပညာရှင်တွေရဲ့ ဆန်းစစ်ချက်အရ ရွေးကောက်ပွဲ အကြိုကာလသပိတ် တမျိုးတည်းကြောင့် ဒီမိုကရေစီ ပြုပြင်ပြောင်းလဲနိုင်မှု ခြောက်ရာခိုင်နှုန်းသာ ရှိခဲ့ပြီး၊ ရွေးကောက်ပွဲအကြိုကာလ သပိတ်နဲ့ ရွေးကောက်ပွဲရလဒ် သပိတ်နှစ်မျိုးကို ပေါင်းစပ်အသုံးပြုမှုကြောင့် ဒီမိုကရေစီ ပြုပြင်ပြောင်းလဲနိုင်မှု ရာခိုင်နှုန်း ၂၈ ရာခိုင်နှုန်းအထိ တိုးတက်သွားခဲ့ကြောင်း လေ့လာတွေ့ရှိခဲ့ကြရပါတယ်။ ဒါက ရေရှည်အကျိုးကျေးဇူးဖြစ်ပါတယ်။ ရေတိုအကျိုးကျေးဇူးအနေနဲ့လဲ ရွေးကောက်ပွဲအလွန် နိုင်ငံရေး အခင်းအကျင်း အတွက် လိုအပ်တဲ့ ညီညွတ်ရေးတည်ဆောက်မှုကို ရွေးကောက်ပွဲရလဒ်အား ကန့်ကွက်သပိတ်မှောက်ခြင်းဖြင့် ဖော်ဆောင်နိုင်ပါကြောင်း တင်ပြလိုက်ရပါတယ်။


ခင်မမမျိုး (၇၊ ၁၁၊ ၂၀၁၀)


ရည်ညွှန်းကိုးကား။ ။


Algeria: “Opposition calls for reconciliation”, 1995. Middle East Economic Digest.


Beaulieu, Emily. (2007) “Election Boycotts as Bargaining Ploys for improving Democracy”, R&R


Francisco, Ronald A. (1993) “Theories of Protest and the Revolutions of 1989”, American Journal of Political Science 37(3): 663-680.


Kuzio, Taras. (2005) “The Opposition’s Road to Success”, Journal of Democracy 16(2): 117-130.


Schedler, Andreas. (2002) “The Nested Game of Democratization by Elections”, International Political Science Review 23(1): 103-122.


Schedler, Andreas. (2006) “Electoral Authoritarianism: The Dynamics of Unfree Competition” Boulder: Lynne Rienner Publishers.


စောလားပွယ် ပန်ကြားချက်

ကျနော်တို့  တိုက်နေပြီ။ ရွေးကောက်ပွဲကိုလက်ခံဘူး။ ဘောဒါဂတ်မလုပ်နိင်ဘူး။ ပြည်သူလူထုတွေငတ်ကုန်တာကိုလက်ပိုက်မကြည့်နိင်ဘူး။
ကျနော်တို့  စောဘဦးကြီးမူလေးချက်မရမချင်း ဆက်လက်တိုက်ပွဲဝင်မယ်။
ကျနော်တို့ ဒေါ်အောင်ဆန်းစုကြည်၊ ကျောင်းသားတွေနဲ့ အတူ လက်တွဲတိုက်ပွဲဝင်သွားမယ်။
တခြားအဖွဲ့ တွေလည်း ကျနော်တို့ နဲ့ အတူတိုက်ပွဲဝင်ကြပါ လို့ ပြောချင်တယ်။

လက်နက်ကိုင်တော်လှန်ရေး၊ ကန့်သတ်စစ်ပွဲနှင့် နိုင်ငံရေးချိန်ခွင်လျှာ

လက်နက်ကိုင်တော်လှန်ရေး၊ ကန့်သတ်စစ်ပွဲနှင့် နိုင်ငံရေးချိန်ခွင်လျှာ


“ဘယ်လိုစစ်ပွဲမှာ သင်ဝင်တိုက်နေတယ်ဆိုတာ နားလည်ခြင်းဟာ အောင်ပွဲရဲ့ ပထမဆုံးခြေလှမ်းပဲ”

(ဗိုလ်ချုပ်အန်တိုနီဇင်နီ)


နိဒါန်း


“တော်လှန်ရေးတရပ်၏ ကံကြမ္မာသည် တော်လှန်သူများ၏ အတွေးအခေါ်ပြတ်သားမှု၊ ဆုံးဖြတ်ချက် ခိုင်မာမှု၊ စနစ်တကျဆောင်ရွက်မှုတို့ အပေါ်တွင် တည်မှီနေသဖြင့် အတွေးအခေါ် ရှုပ်ထွေးေ၀၀ါးမှုများဖြင့် တော်လှန်ရေး၏ အရှုံးကို ကိုယ်တိုင်မဆုံးဖြတ်မိစေရန် သတိပြုရမည်” တဲ့။ ဒီစကားစုလေးကို စကြားခါစ က နည်းနည်းတော့ မရှင်းသလိုဖြစ်နေခဲ့တယ်။ တော်လှန်သူများ ကိုယ်တိုင်က တော်လှန်ရေးအရှုံးကို ဆုံးဖြတ်မိသလို ဖြစ်တတ်တယ်ဆိုတာ ဖြစ်နိုင်ပါ့မလားဆိုပြီးပါ။ နောက်ပိုင်းကျတော့ နိုင်ငံရေးချိန်ခွင်လျှာညှိဖို့မှာ အရေးကြီးဆုံးဖြစ်တဲ့ လက်နက်ကိုင်တော်လှန်ရေးအပေါ်မှာ ဒီမိုကရေစီ တော်လှန်ရေးသမား အချို့ရဲ့ ပြောဆို ဝေဖန်သံတွေကြားလာခဲ့ရတယ်။ “လက်နက်ကိုင်တော်လှန်ရေး ခေတ်ကုန်နေပြီ”၊ “လက်နက်ကိုင် တော်လှန်ရေးလုပ်တာ ဦးနှောက်မရှိသူတွေပဲလုပ်တာ” ဆိုပြီး ပြောဆိုသံတွေ ထွက်လာသလို “ဒီမိုကရေစီ တိုက်ပွဲဆိုတာ လက်နက်နဲ့တိုက်လို့မရဘူး။ ညင်သာစွာ ပြောင်းမှရတာ။ နအဖအခင်းအကျင်း အတိုင်းလိုက် လျှောက်ပြီး ဖြည်းဖြည်းချင်းပြောင်းယူရမှာ” ဆိုတဲ့ ဒူးထောက်ကျောသပ်ခံရေး အတွေးအမြင်တွေလည်း ထွက်ပေါ်လာပါတယ်။ ဒါတွေနဲ့ပတ်သက်ပြီး လက်နက်ကိုင်တော်လှန်ရေး၊ ကန့်သတ်စစ်၊ နိုင်ငံရေးချိန်ခွင် လျှာဆိုတဲ့ စကားလုံးလေးတွေကို သတိသွားရမိပါတယ်။


လက်နက်ကိုင်တော်လှန်ရေးနှင့်ဒီမိုကရေစီ


“မတရားမှုဟာ ဥပဒေဖြစ်လာတဲ့အခါ တော်လှန်ပုန်ကန်ရန် လိုအပ်တယ်တဲ့”။ ဒီဥပဒေသဟာ ရှေး လွန်ခဲ့တဲ့ နှစ်ပေါင်းများစွာကတည်းက ကမ္ဘာအရပ်ရပ်မှာ ကျင့်သုံးခဲ့ကြတဲ့ဥပဒေသပါ။ ကမ္ဘာပေါ်မှာဖိနှိပ်သူ လူတန်းစားဆိုတာ ရှိနေသရွေ့ အဖိနှိပ်ခံလူတန်းစားတွေ ရှိကြစမြဲ ဖြစ်သလို၊ ဖိနှိပ်သူတွေကို အဖိနှိပ်ခံရသူ တွေက တော်လှန်ပုန်ကန်မှု ဆိုတာဟာလဲ အချိန်မရွေး ပေါ်ပေါက်နေနိုင်စမြဲပါပဲ။ အချို့က ဒီမိုကရေစီတော် လှန်ရေးမှာ စစ်ပွဲဆိုတာမလိုအပ်ဘဲ ညင်သာစွာပြောင်းလဲမှုပဲ လိုအပ်တယ်လို့ ဆိုတတ်ကြပါတယ်။ လက်နက်မဲ့တော်လှန်ရေး (Revolutions without arms) ဆိုတဲ့ သဘောတရားကို ဦးစားပေးဖော်ပြတတ်ကြပါတယ်။


သို့ပေမယ့်လဲ ကမ္ဘာတ၀ှမ်းက ဒီမိုကရေစီလှိုင်းလုံးကြီးများကို လေ့လာကြည့်တာနဲ့ ဒီမိုကရေစီကူး ပြောင်းမှုဖြစ်စဉ်နဲ့ လက်နက်ကိုင်တော်လှန်ရေးစစ်ပွဲများကြားက ဆက်နွယ်မှုကို တွေ့မြင်ရမှာဖြစ်ပါတယ်။ ယေဘုယျအားဖြင့် ဒီမိုကရေစီအသွင် ကူးပြောင်းမှုဖြစ်စဉ် (Democratization) ကို ဖြစ်စေနိုင်တဲ့ ပြဌာန်း ချက် ခြောက်ချက်ရှိပါတယ်။ ဒီခြောက်ချက်ထဲမှာ transnational and international engagements including war ဆိုတဲ့အချက်ကို အရေးပါသော အချက်တချက်အဖြစ် ပညာရှင်များက မီးမောင်းထိုးပြထား ကြပါတယ်။


ကမ္ဘာ့ဒီမိုကရေစီနိုင်ငံကြီးတခုဖြစ်တဲ့ အမေရိကန်ပြည်ထောင်စုရဲ့ ပထမအဆင့် ဒီမိုကရေစီပြောင်း လဲမှုဖြစ်စဉ်ဟာ anti-imperial struggle တခုဖြစ်တဲ့ အမေရိကန်တော်လှန်ရေးကနေ စတင်ခဲ့တာဖြစ်ပါ တယ်။ အသွင်ကူးမှုဒုတိယအဆင့်ကျတော့ အမေရိကန်ပြည်တွင်းစစ်ကနေ ပေါ်ထွက်လာခဲ့တာ ဖြစ်တယ် လို့ ပညာရှင်အချို့ကဆိုခဲ့ပါတယ်။ ဒါကြောင့် အမေရိကန် ပြည်ထောင်စု ဒီမိုကရေစီဟာ တော်လှန်ရေးစစ်ပွဲ အပေါ်မှာ အခြေပြုပေါ်ပေါက်ခဲ့တာလို့ ဆိုနိုင်ပါတယ်။ ဒီလိုပါပဲ။ ဥရောပမှာဆိုရင်လဲ ပြင်သစ်တော်လှန်ရေး (၁၇၉၈) ဟာ မြေရှင်ပဒေသရာဇ်စနစ်နဲ့ royal absolutist rule ကို ချုပ်ငြိမ်းပြီး၊ ဒီမိုကရေစီလမ်းကြောင်း ကို ဦးတည်စေခဲ့ပါတယ်။ ဥရောပတောင်ပိုင်းက ပေါ်တူဂီနိုင်ငံရဲ့ ဒီမိုကရေစီပြောင်းလဲမှုဖြစ်စဉ်ဟာလဲ တော်လှန်ရေးစစ်ပွဲအသွင်သဏ္ဍာန်နဲ့ ဖြစ်ပါတယ်။


အမေရိကန်ပြည်ထောင်စု၊ ဥရောပနဲ့ အခြားနိုင်ငံများရဲ့ ဒီမိုကရေစီပြောင်းလဲမှုဖြစ်စဉ်များကို လေ့ လာပြီး၊ နိုင်ငံရေးသုတေသီ Dankwart Rustow က ဒီမိုကရေစီဆိုတာ ပဋ္ဋိပက္ခတွေက မွေးဖွားလာတာ ဖြစ်ပြီး၊ ကမ္ဘာတ၀ှမ်းက ဒီမိုကရေစီပြောင်းလဲမှုဖြစ်စဉ်များစွာမှာ ညင်သာစွာ ပြောင်းလဲမှုရှားပါးကြောင်း ပြောဆိုခဲ့ပါတယ်။ များသောအားဖြင့် လက်နက်ကိုင်တော်လှန်ရေး ပေါင်းစပ်ပါဝင်မှုမရှိဘဲ ရရှိခဲ့တဲ့ တော်လှန်ရေးအောင်ပွဲတွေကို ညွှန်းဆိုပြတဲ့အခါမှာ တောင်အာဖရိကနိုင်ငံကို ဥပမာပေးတတ်ကြပါတယ်။


သို့ပေမယ့် တောင်အာဖရိကနိုင်ငံနဲ့ မြန်မာနိုင်ငံရဲ့ Geopolitics အနေအထားလုံးဝမတူပါဘူး။ နိုင်ငံတကာ ဖိအားပေးမှုရဲ့ ထိရောက်နိုင်မှု အခြေအနေမတူသလို၊ ဒေသဆိုင်ရာလုံခြုံရေး (regional security) ရှုထောင့်ကနေ ရှုမြင်သုံးသပ်မှု အနေအထားတွေလဲ မတူပါဘူး။ ပြီးတော့ တောင်အာဖရိက ဒီမိုကရေစီ အသွင်ကူးပြောင်းမှုဖြစ်စဉ်မှာ စတင်ခဲ့တာက incumbent de Klerk government အနေနဲ့ဖြစ်ပြီး၊ ၁၉၉၃ စက်တင်ဘာကျမှ ပါဝါခွဲဝေကြားဖြတ်အစိုးရအဆင့်ကို တက်လှမ်းသွားခဲ့တာပါ။ ဒီလိုကူးပြောင်းမှုဖြစ်စဉ် ဆိုတာက အာဏာရှင်တွေဘက်က စတင်မှဖြစ်တာပါ။ စတင်လာအောင် တွန်းအားပေးမှုတွေကလဲ ထိ ရောက်စွာ လုပ်နိုင်မှဖြစ်တာပါ။ မြန်မာနိုင်ငံမှာကျတော့ နိုင်ငံတကာဖိအားကလဲ တောင်အာဖရိက တုန်းက လောက် ထိရောက်မှုရှိနိုင်မှာမဟုတ်သလို၊ မြန်မာနအဖရဲ့ strategic doctrine ကလဲ အတိုက်အခံအပြီး သတ် ချေမှုန်းရေးဖြစ်တာကြောင့်၊ ဒီလိုဒီမိုကရေစီပြောင်းလဲမှုဖြစ်စဉ်မျိုး မြန်မာပြည်မှာ လုံးဝဖြစ်လာစရာ အကြောင်းမရှိပါဘူး။


နောက်တမျိုးဖြစ်တဲ့ နမ်ဘီးယား၊ ကမ်ဘောဒီးယား ဒီမိုကရေစီပြောင်းလဲမှု ဖြစ်စဉ်တွေလို နိုင်ငံတ ကာက ကြားဝင်လာပြီး၊ အပြည်ပြည်ဆိုင်ရာနိုင်ငံများ ပူးပေါင်းပါဝင်တဲ့ ကြားဖြတ်အစိုးရနဲ့ ပြောင်းလဲမှုဖြစ် စဉ်စတင်ဖို့ဆိုတာကလဲ ဖြစ်နိုင်ချေ နည်းပါးပါတယ်။ ဒီတော့ အသွင်ကူးပြောင်းမှုဖြစ်စဉ် အမျိုးအစားတွေမှာ က နှစ်မျိုးပဲ ကျန်ပါတယ်။ အတိုက်အခံများက ဦးဆောင်သော ကြားဖြတ်အစိုးရ (သို့) ပါဝါရှယ်ယာ ကြားဖြတ်အစိုးရများမှတဆင့် ဒီမိုပြောင်းလဲမှုဖြစ်စဉ်ကို စတင်ဖို့ပါ။ ဒီလိုကြားဖြတ်အစိုးရတွေ စတင်နိုင်ဖို့ လူထုတိုက်ပွဲပုံစံ၊ လက်နက်ကိုင်တော်လှန်ရေး အသွင်သဏ္ဍာန်တွေရဲ့ အခန်းကဏ္ဍဟာ အလွန်ပဲ အရေး ကြီးလှပါတယ်။


ပါဝါရှယ်ယာပုံစံ လုပ်မည်ထားဦး။ တပ်မတော်က တပ်မှူးများနဲ့ တပ်များ၊ လူထုနဲ့ ပူးပေါင်းလာနိုင်ဖို့က ကြိုတင်စည်းရုံး nominate လုပ်ထားဖို့တွေ လိုအပ်သလို၊ ထွက်လာနိုင်အောင် လမ်းခင်းပေးဖို့လဲ အ လွန်ကို လိုအပ်လှပါတယ်။ ယခုလက်ရှိ မြန်မာစစ်တပ်ရဲ့ တပ်ဖွဲ့စည်းပုံ၊ ကွပ်ကဲပုံတွေက လူထုတိုက်ပွဲ အသွင်တမျိုးတည်းအနေနဲ့မှာ ပူးပေါင်းနိုင်ဖို့ အခွင့်အလမ်း နည်းပါးပါတယ်။ ငြိမ်းချမ်းရေးအဖွဲ့များမှာလဲ ဒီလို အခြေအနေပါပဲ။ ရင်ဆိုင်ထိန်းချုပ်အနေအထားနဲ့ လှုပ်ရှားခွင်ကျဉ်းတဲ့ အနေအထားတွေမို့ စစ်မျက်နှာ အားလုံးဖွင့်လှစ်ထားမှသာ အခွင့်အလမ်းသာပြီး၊ အာဏာရှင်ကို ပူးပေါင်းတိုက်ပွဲဝင်နိုင်မယ့် အခြေအနေ ဖြစ်လာပါမယ်။ ဒါကြောင့် မြန်မာ့ဒီမိုကရေစီရေးအတွက် လက်နက်ကိုင်တော်လှန်ရေးဟာ အလွန်ပဲ အရေး ကြီးတဲ့ အနေအထားမှာ ရှိနေပါတယ်။ ဒီလိုအခြေအနေမျိုးမှာ လက်နက်ကိုင်တော်လှန်ရေးမဟုတ်ဘဲ လက်နက်မဲ့ တော်လှန်ရေးပဲ လုပ်ခဲ့မယ်ဆိုရင် ရန်သူနဲ့တိုက်ပွဲဝင်မယ့် အနေအထားဟာ ကန့်သတ်စစ်ပွဲ ပုံသဏ္ဍာန်မျိုးဖြစ်သွားပါပြီ။


ကန့်သတ်စစ်ပွဲ


စစ်မဟာဗျူဟာရေးရာမှာ အလုံးစုံစစ်ပွဲနဲ့ ကန့်သတ်စစ်ပွဲ သဘောတရားတွေဟာ အလွန်ပဲ အရေးပါ လှပါတယ်။ အလုံးစုံစစ်ပွဲဆိုတာက အဆုံးသတ်အောင်ပွဲကိုရဖို့အတွက် ရည်ရွယ်ချက်၊ တိုက်ပွဲဝင်မှု၊ စီးပွား ရေးအရင်းအမြစ်နဲ့ လူထုအင်အားတွေအပေါ်မှာ ကန့်သတ်ချက်လုံးဝမထားပဲ တိုက်ပွဲဝင်တဲ့ စစ်ပွဲသဏ္ဍာန် ဖြစ်ပါတယ်။ ကန့်သတ်စစ်ပွဲဆိုတာကတော့ အဆုံးသတ်အောင်ပွဲကို မရည်ရွယ်ထားပါဘူး။ တကွေ့မှာ Bargained termination ကို ဦးတည်တာဖြစ်တဲ့အတွက်ကြောင့် ရည်ရွယ်ချက်၊ တိုက်ပွဲဝင်မှု၊ အင်အား စတာတွေအပေါ်မှာ တမင်တကာ ကန့်သတ်ချက်တွေထားရှိပြီးမှ တိုက်ပွဲဝင်တာပါ။ ဒီလိုတမင်တကာ ကန့်သတ်ချက်ထားတာဟာ များသောအားဖြင့် တိုက်ပွဲဝင်မှုနည်းလမ်းတွေမှာ ဖြစ်ပါတယ်။ ဥပမာ - ဗုံး တော့ကြဲမယ်၊ နူးကလီးယားဗုံးမဟုတ်ရဘူး။ ဒါပေမယ့် ပေါက်ကွဲအားပြင်းထန်တဲ့ conventional bomb တော့ ဖြစ်ရမယ်ဆိုတာမျိုးတွေပါ။ ဒါပေမယ့် ဒီလိုကန့်သတ်စစ်ပွဲဆင်နွှဲတဲ့အခါမှာ အရေးကြီးဆုံးပြဿနာ တရပ်ကိုတော့ ရင်ဆိုင်ရတတ်ပါတယ်။ စစ်ပွဲကြာရှည်မှုရဲ့ strain တွေပါ။


နိုင်ငံတနိုင်ငံနဲ့ တနိုင်ငံကြားမှာ ကန့်သတ်စစ်ပွဲ မဟာဗျူဟာကို security calculus ပေါ်အခြေခံ တွက်ချက် ချမှတ်တတ်ကြပါတယ်။ ပြည်တွင်း တော်လှန်ရေးများမှာကျတော့ ကန့်သတ်စစ်ပွဲဆင်နွှဲဖို့က အလွန်ပဲခက်ခဲလှပါတယ်။ အမေရိကန်ပြည်တွင်းစစ် (၁၈၆၁-၆၅) နဲ့ နိုက်ဂျီးရီးယား - ဘီယာဖရင်စစ်ပွဲ (၁၉၆၇- ၇၀) စစ်များမှာ အလုံးစုံစစ်ပွဲ မဟာဗျူဟာကိုပဲ ချမှတ်ခဲ့ရပါတယ်။ အလုံးစုံစစ်ပွဲဖြစ်တာမို့ စစ်ဆင် ရေးတခုရဲ့ အရေးကြီးဆုံးကဏ္ဍတွေဖြစ်တဲ့ Objectives, means, targets, arena လေးမျိုးစလုံးမှာ deliberate restraint တွေ မထားခဲ့ကြပါဘူး။ တခါစစ်ပွဲတခုမှာ တဘက်ရန်သူရဲ့ဗျူဟာကိုလဲ အဓိက ဦးစားပေးစဉ်းစားရမှာ ဖြစ်ပါတယ်။ တဘက်ရန်သူက အလုံးစုံချေမှုန်းရေးစစ်ဆင်နွှဲနေတဲ့ အချိန်မှာ “လက်နက်မဲ့တော်လှန်ရေးပဲလုပ်မှာ၊ လက်နက်ကိုင်တော်လှန်ရေးမလုပ်ဘူး”၊ “အကြမ်းမဖက်သောနည်း တခုကိုပဲ ကျင့်သုံးပြီးတိုက်ပွဲဝင်မှာ” ဆိုတာတွေက စစ်ဆင်ရေးတွေကို ကန့်သတ်လိုက်သလို ဖြစ်သွားတာ ကြောင့် ချိန်ခွင်လျှာမညီမျှပဲ ဖြစ်သွားစေနိုင်ပါတယ်။ ကိုယ်အားသန်ရာ တိုက်ပွဲသဏ္ဍာန်မျိုးစုံနဲ့ တိုက်ပွဲ ၀င်ကြရမှာ ဖြစ်ပါတယ်။


နိုင်ငံရေးချိန်ခွင်လျှာ


ဓာတုဗေဒညီမျှခြင်းတခုလို ဓာတ်သတ္တုများနဲ့တိုင်းတာရတာ မဟုတ်တဲ့အတွက် နိုင်ငံရေးချိန်ခွင်လျှာ ညီမျှခြင်းကို တွက်ချက်တိုင်းတာရတာ အလွန်ပဲ ခက်ခဲလှပါတယ်။ နိုင်ငံရေးသိပ္ပံပညာရှင် မိုင်ကယ်အီလွိတ် ဗိတ်မင်ကတော့ တော်လှန်ရေးကာလရဲ့ နိုင်ငံရေးပါဝါညီမျှခြင်းကို stable stateအခြေအနေမှာ 10= 10 နဲ့သတ်မှတ်ခဲ့ပြီး၊ X(-Y)+ A+B-C= X(-Z)+D+E – F ကို ရေးဆွဲခဲ့ပါတယ်။ A, B, C, D, F ဆိုတာက law, order, justice, corruption, expression နဲ့ stability စတဲ့ အချက်တွေဖြစ်ပြီး၊ X ကတော့ မူရင်း stable state အခြေအနေကိန်းညွှန်းကို ဆိုထားပါတယ်။ (-Y) နဲ့ (-Z) ကတော့ ပါဝါညီမျှမှုပြောင်းလဲလာတာ တွေကို ညွှန်ပြတာဖြစ်ပါတယ်။


သူ့ညီမျှချင်းအရ 9=11 အခြေအနေဟာ ရန်သူရဲ့ ပါဝါကျဆင်းတဲ့ ပထမအဆင့်ဖြစ်ပြီး၊ 8= 12 အ ခြေအနေကတော့ ဒုတိယအဆင့်ဖြစ်ပါတယ်။ 7=13 အခြေအနေကတော့ တော်လှန်ရေးအင်အားစုများ (revolution apparat) ညီညွတ်စွာနဲ့ ဖွဲ့စည်းပေါ်ပေါက်ရမယ့် အခြေအနေဖြစ်ပြီး၊ တိုက်ပွဲသဏ္ဍာန်မျိုးစုံ ဆင်နွှဲရင်း 3= 17 အခြေအနေမှာ ရန်သူရဲ့ state apparat လုံးဝပြိုလဲမှာဖြစ်ပါတယ်။ ဒီလိုအခြေအနေ မျိုးမှာ ကြားဖြတ်အစိုးရတခု ချက်ချင်းပေါ်ပေါက်လာဖို့ လိုအပ်လှပါတယ်။


သမိုင်းကြောင်းအရ မြန်မာ့နိုင်ငံရေးပါဝါညီမျှချင်းဟာ ၁၉၈၈ မှာ 3= 17 အခြေအနေအထိ ဖြစ်သွား ခဲ့ဖူးပါပြီ။ ကြားဖြတ်အစိုးရ အချိန်နဲ့အညီပေါ်ပေါက်ရန် နှောင့်နှေးခဲ့မှုကြောင့် ရန်သူက ငြိမ်ပိအဖွဲ့အနေနဲ့ ပါဝါညီမျှခြင်းကို ပြန်ညှိယူသွားခဲ့တာပါ။ ဒီလိုညှိသွားခြင်းအားဖြင့် ချိန်ခွင်လျှာက ရန်သူ့ဘက်ကို အလေးအ နည်းငယ် ပြန်သာသွားပါတယ်။ ဘယ်လိုပဲဖြစ်ဖြစ် နအဖဟာ stable state ကိုတော့ လုပ်နိုင်စွမ်းမရှိပါဘူး။


အုပ်ချုပ်ရေးညံ့ဖျင်းမှု၊ လာဘ်စားမှု၊ စီးပွားရေးပေါ်လစီမနိုင်နင်းမှု စတဲ့ အထွေထွေအားနည်းချက် တွေကြောင့် အခုဆိုရင် နိုင်ငံရေးချိန်ခွင်လျှာက 7=13 အခြေအနေကို ကျော်လွန်လာပြီဖြစ်ပါတယ်။ 3=17 အခြေအနေဖြစ်သွားနိုင်ရေးကတော့ တော်လှန်ရေးအင်အားစုများရဲ့ ညီညွတ်မှု၊ လက်နက်ကိုင်တော်လှန် ရေးနှင့် လူထုတိုက်ပွဲကို စနစ်တကျပေါင်းစပ်နိုင်မှု၊ လူထုစည်းရုံးရေးစွမ်းရည် စတာတွေအပေါ်မှာ မူတည် နေပါတယ်။


ဒါကြောင့် မြန်မာပြည်လွတ်မြောက်ရေး၊ တရားမျှတညီညွတ်သော နိုင်ငံတော်သစ် ပေါ်ထွန်းလာရေး၊ ဒီမိုကရေစီစနစ် အမြစ်တွယ်ရှင်သန်လာအောင် ဖော်ဆောင်နိုင်ရေးတို့မှာ အရေးကြီးဆုံး ဖြစ်တဲ့ လက်ရှိဒီမိုကရေစီ တော်လှန်ရေးရဲ့ အဆုံးအဖြတ်တိုက်ပွဲကို ပြတ်သားသော အတွေးအခေါ်၊ ခိုင်မာသော ဆုံးဖြတ်ချက်၊ စနစ်ကျသော ဆောင်ရွက်ချက်တွေနဲ့ ပူးပေါင်းတိုက်ပွဲဝင်ရင်း၊ အရှုံးနဲ့ပြိုလဲမှုကို ဦးတည်စေနိုင်တဲ့ အတွေးအခေါ် ရှုပ်ထွေးေ၀၀ါးမှုများကိုလည်း ဖယ်ရှားပစ်ကြပါစို့လို့ ရေးသားတင်ပြအပ် ပါတယ်။


ခင်မမမျိုး (၅၊ ၁၁၊ ၂၀၀၈)

တဖက်ကမ်းသို့ရောက်ရှိလာသောစစ်ပြေးမြန်မာများ