Wednesday, November 24, 2010

ကျောင်းသားတပ်မတော်-ရဲဘော်လက်စွဲ

http://www.mediafire.com/file/abkvsc5q8fymdwz/43809638-%u1031%u1000%u103A%u102C%u1004%u1039%u1038%u101E%u102C%u1038%u1010%u1015%u1039%u1019%u1031%u1010%u102C%u1039-%u101B%u1032%u1031%u1018%u102C%u1039%u101C%u1000%u1039%u1005%u103C%u1032%u104B.pdf
43809638-ကျောင်းသားတပ်မတော်-ရဲဘော်လက်စွဲ။

“မှန်ရာကို ပြောနေပါမည်” (အခုရော နောင်ရော)

   “မှန်ရာကို ပြောနေပါမည်”   (အခုရော နောင်ရော)

 
တေးရေး။   ။နိူင်စစ်မုန်း(ခ)အမေ့သား
 
မှန်ရာကို  ပြောချင်ပါသည်    နှစ်ထောင့်တစ်ဆယ်မှာ  မဲလိမ်ဘူးပါသည်   ဒါတွေဟာလည်း
 
(နအဖ)ကြောင့်ဖြစ်ပါသည်    အထက်ကခိုင်းတော့   ခိုးရတာဖြစ်သည်...
 
ဒါတွေကို သိနေပါသည်    မဲတွေကို ကြိုတင်ပေးခိုင်းနေသည်    ဒါတွေဟာလည်း  ကြံ့ဖွံ့ကြောင့်ဖြစ်နိူင်သည်
 
မပေးမဖြစ် မဲမို့     ပေးရတာဖြစ်သည်...
 
ဝေဒနာကို ပြောချင်ပါသည်   အေးလွင်ညီနှစ်ကို  ဒေါသဖြစ်နေသည်    ဒါတွေဟာလည်း   (နအဖ)စနက်ဖြစ်နိူင်သည်
 
ဒေါင်းအတုကြောင့်မို့    မဲမရတာ ဖြစ်မည်...
 
ဦးသုဝေကို  ပြောချင်နေတာ  ကြာပြီ    ရွေးကောက်ပွဲမှာ   သူအနိူင်မရပါသည်     ဒါတွေဟာလည်း  
 
ကော်မရှင်ကြောင့်ဖြစ်နိူင်သည်   အော်ကြက်ကြီးမို့    မဲမရတာ ဖြစ်မည် ...
 
အောင်စိုး(ခ)ကိုဗလိုင်(ဒိန်းမတ်)
 
နိူဝင်ဘာ ၂၁ ရက် တန်ဆောင်တိုင်အကြို သုဝဏအားကစားကွင်းမှာ ဒါရိုက်တာ မောင်မျိုးမင်း စီစဉ်တဲ့ထာဝရ ...ရွှေနှင်းဆီအငြိမ့်မှာ...ရုပ်ရှင်မင်းသား နေတိုး၊ထွန်းထွန်း နှင့် လူငယ်အဖွဲ့ကလွှမ်းမိုးရဲ့သီချင်းကို စာသားချိန်းပြီ သီဆိုထားသည်ကို သဘောကျ၍စာသားအသစ်ဖြင့်ပြန်လည်ရေးဖွဲ့ထားသည်...။
 

24 Nov 2010 ဒိုင်ယာရီ

http://www.mediafire.com/file/57fpv2a5bdzm6mc/24%20Nov%202010%20Yeyintnge%27s%20Diary.doc

http://www.mediafire.com/file/qc7q52lk9eoowbm/24%20Nov%202010%20Yeyintnge%27s%20Diary.pdf

24 Nov 2010 Yeyintnge's Diary

အမျိုးသားပြန်လည် ရင်ကြားစေ့ရေးအတွက် ဘာတွေလုပ်ဖို့လို



By ဦးကျော်ဇံသာ ဗုဒ္ဓဟူး, 24 နိုဝင်ဘာ 2010
http://www.voanews.com/burmese

ဒီတပတ် မျက်မှောက်ရေးရာ ဆွေးနွေးခန်းမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ နေအိမ်အကျယ်ချုပ်မှ ပြန်လွတ်လာပြီးနောက် အမျိုးသားပြန်လည် ရင်ကြားစေ့ရေးကိစ္စ အထူးဂရုစိုက် ပြောကြားနေပါတယ်။ စစ်အစိုးရဘက်ကတော့ လိုက်လျောတဲ့ အမူအယာ တစုံတရာ ပြသမှုမရှိသေးပါဘူး။ ဒီအခြေအနေမှာ စစ်အစိုးရနဲ့ ဒီမိုကရေစီ အင်အားစုတွေ ပြန်လည်သင့်မြတ်ရေး အလားအလာ ရှိနိုင်ပါရဲ့ လား။ တပ်မတော် ထောက်လှမ်းရေးအရာရှိဟောင်း နဲ့ အမေရိကန်နိုင်ငံဆိုင်ရာ မြန်မာသံတမန်ဟောင်း ဦးအောင်လင်းထွဋ် ကို ဦးကျော်ဇံသာ က ဆက်သွယ်မေးမြန်း ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ မြန်မာနိုင်ငံမှာ ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်လာခဲ့ပါပြီ။ ဒီလို လွတ်မြောက်လာခဲ့တဲ့အတွက် နိုင်ငံတကာ အသိုင်းအဝိုင်းနဲ့ မြန်မာ့အရေးဆိုင်ရာ အဖွဲ့အစည်းတွေ၊ လူပုဂ္ဂိုလ်တဦးချင်းတွေ၊ မြန်မာပြည်သူတွေက ဝမ်းမြောက်ဝမ်းသာ ဖြစ်ကြပြီး ကြိုဆိုကြပါတယ်။ ဆိုတော့ ကျနော် စဉ်းစားကြည့်တာက မြန်မာနိုင်ငံကို လက်ရှိအုပ်စိုးနေတဲ့ မြန်မာ့တပ်မတော်အနေနဲ့ တပ်မတော်တခုလုံး မဟုတ်တောင် တပ်မတော် တစိတ်တပိုင်းအနေနဲ့ ဒီကိစ္စကို ကြိုဆိုတဲ့အနေအထား ရှိပါသလား။ ကြိုဆိုတဲ့ အနေအထားရှိခဲ့ရင် ဘယ်လောက်အထိ ကြိုဆိုကြမယ်လို့ ထင်ပါသလဲ။

ဦးအောင်လင်းထွဋ် ။ ။ ကျနော်အမြင်တော့ ကျနော်တို့ အတွေ့အကြုံအရတော့ ကျနော်တို့ ဗမာပြည်မှာ ရှိနေစဉ်အခါမှာသော်လည်းကောင်း၊ အခု ဝါရှင်တန်မှာ ရောက်နေချိန်မှာသော်လည်းကောင်း နှစ်ခါ ဒေါ်အောင်ဆန်းစုကြည် လွတ်လာတဲ့အခါ အားလုံး ဝမ်းသာကြပါတယ်။ တပ်မတော်သားဆိုတဲ့နေရာမှာ အရာရှိကြီးကအစ အောက်ခြေစစ်သည်အဆုံး ဝမ်းသာကြပါတယ်။ အခုလည်း ကျနော်သိသလောက်၊ ကျနော်ရတဲ့ သတင်းတွေအရ အားလုံး စစ်သည်တွေ၊ တပ်မတော်သားတွေ အားလုံးဝမ်းသာကြတယ်။ အထူးသဖြင့် ဇနီးတွေ၊ သားသမီးတွေကလည်း ဝမ်းသာကြတယ်။ မျှော်လင့်ကြတယ်။ ဒေါ်စု လွတ်လာရင်တော့ စားဝတ်နေရေးတော့ အဆင်ပြေကြမယ်လို့ တွက်ကြပါတယ်။

ဦးကျော်ဇံသာ ။ ။ ဆိုတော့ တပ်မတော်သားတွေဆိုတဲ့နေရာမှာ အရာရှိနဲ့ အောက်ခြေက အခြားအဆင့် အကြပ်တပ်သားတွေ ရဲဘော်တွေများ ဖြစ်မလား။ ဘာကြောင့်လည်းဆိုတော့ လွတ်လာပြီးနောက်မှာ ဒေါ်အောင်ဆန်းစုကြည် က အင်မတန် သင့်မြတ်လိုတဲ့ သဘောထားနဲ့ ပြောနေပေမယ့်လည်း စစ်အစိုးရဘက်က တုံ့ပြန်ရာမှာ အရင်အလိုပဲ ဒေါ်အောင်ဆန်းစုကြည် လည်ပတ်မိတဲ့ HIV/AIDS လူနာတွေ နေတဲ့နေရာကိုပင် သူတို့ ပိတ်မယ်ဆိုတာမျိုး ပြောနေတော့ သူတို့အနေနဲ့ လိုက်လျောတဲ့သဘောထား မတွေ့ရပါဘူး။ အဲဒါကြောင့် သူတို့ဘက်က လိုက်လိုက်လျောလျော စိတ်ရင်စေတနာနဲ့ ကြိုဆိုကြရဲ့ လား။ အထူးသဖြင့် အထက်ပိုင်းက ပုဂ္ဂိုလ်တွေပေါ့။

ဦးအောင်လင်းထွဋ် ။ ။ အထက်ပိုင်းက ပုဂ္ဂိုလ်တွေဆိုတဲ့နေရာမှာ အားလုံးသိပါတယ်။ တဦးတည်းက ချုပ်ကိုင်ထားတဲ့ သဘောပါ။ အောက်ခြေ ဗိုလ်ချုပ်မှုးကြီး မောင်အေး က အစ အောက်ခြေ ရဲဘော်များက ဝမ်းသာကြပါမယ်။ ကျနော် ပထမပြောကြားလိုပါတယ်။ ဒေါ်အောင်ဆန်းစုကြည် အခု လွတ်လာတဲ့အခါ အရမ်း tactful ဖြစ်ပါတယ်။ သူပြောသွားတဲ့ စကားတွေလည်း ကျနော် နားထောင်ရပါတယ်။ ဘာဖြစ်လို့လည်းဆိုတော့ ကျနော်တို့ တပ်မတော်ထဲမှာ ကျနော်တို့ ရှိစဉ်ကတည်းက ကျနော်တို့ကို brainwash မှိုင်းတိုက်မှိုင်းသွင်းထားတာက ဒေါ်အောင်ဆန်းစုကြည် နဲ့ အန်အယ်လ်ဒီ တက်လာရင်၊ အာဏာရလာရင် မင်းတို့တပ်မတော်၊ ငါတို့ တပ်မတော်ကို ဖြိုခွဲလိမ့်မယ်။ နောက် ကျနော်တို့ စစ်သားတွေကို ရိုက်သွင်းထားတာက ဒီမိုကရေစီ စကားလုံးက အရင်းရှင်စနစ်ကလာတာ၊ ဒီမိုကရေစီဆိုတာ ငါတို့ ရန်သူပဲဆိုတဲ့ အသုံးအနှုန်းတွေက စစ်သားတွေနဲ့ ကျနော်တို့ အရပ်သားဝန်ထမ်းတွေထဲမှာ ဝါဒဖြန့်ထားတဲ့ စကားလုံးတွေ ဖြစ်ပါတယ်။ အခုအချိန်အခါမှာ ဒေါ်အောင်ဆန်းစုကြည်ဘက်က အခုလို ပျော့ပျော့ပျောင်းပျောင်း ပြောလာတယ်။ ဒီနေ့ ကျနော်ကြားပါတယ် - တပ်မတော် စစ်ဆေးရုံမှာသွားပြီး သွေးလှုတဲ့ကိစ္စတွေ ရှိလာတယ်ဆိုတာ အင်မတန်မှ tactful ဖြစ်ပါတယ်။ ကျနော် ထင်ပါတယ် လူကြီးပိုင်းအနေနဲ့ ဒီကိစ္စတွေကို ကျေနပ်ကြမယ်လို့ ထင်ပါတယ်။ အခုန ဦးကျော်ဇံသာ ပြောသွားတဲ့ HIV ကိစ္စကတော့ ကျနော်ထင်တယ် အောက်ခြေအာဏာပိုင်အဖွဲ့က သူတို့ လုပ်ထုံလုပ်နည်းအရ လုပ်ရတဲ့အလုပ်ဖြစ်တယ်လို့ ကျနော်မြင်ပါတယ်။ ဘာဖြစ်လို့ ဒီလိုပြောရသလဲဆိုရင် သိပ်မကြာခင်မှာ ရန်ကုန်တိုင်း ကျန်းမာရေးဦးစီးမှုး ဦးစီးပြီးတော့ အဖွဲ့တွေ မဖြူဖြူသင်းတို့နဲ့ သွားတွေ့တယ်ဆိုတာကို ကြားရပါတယ်။ ကျန်းမာရေး ဦးစီးမှုးတို့ လာတယ်ဆိုတာ အပေါ်ကပေါ်လစီနဲ့ လာတဲ့သဘောဖြစ်ပါတယ်။ ဟိုဘက်ကလည်း ပျော့ပျော့ပျောင်းပျောင်းနဲ့ ပြန်ပြတယ်လို့ မြင်ပါတယ်။

ဦးကျော်ဇံသာ ။ ။ နောက်တခုက ဦးအောင်လင်းထွဋ် ပြောတဲ့နေရာမှာ ဦးအောင်လင်းထွဋ်တို့ တပ်ထဲမှာရှိစဉ်ကတည်းက ဒေါ်အောင်ဆန်းစုကြည် က ဒီမိုကရေစီသမား၊ ဒီမိုကရေစီဆိုတာ ပြည်ထောင်စုပြိုကွဲရေးဖြစ်ပြီး စစ်တပ်ကို ပထုတ်မှာဖြစ်တယ်။ အနောက်တိုင်းလိုလားတဲ့ အင်အားစုဖြစ်တယ်ဆိုတဲ့ မှိုင်းတိုက်ထားတာ အမျိုးမျိုးရှိလာခဲ့တယ်။ အခုထိလည်း ကျနော်ထင်တယ် အဲဒီ မှိုင်းတိုက်ထားတာက မှိုင်းတိုက်မြဲတိုက်နေလိမ့်မယ်၊ ရိုက်သွင်းမြဲရိုက်သွင်းနေမယ်လို့ ထင်တယ်။ အဲဒီ ရိုက်သွင်းခံထားရတာတွေက ရုတ်တရက် တပ်မတော်သားတွေ ခေါင်းထဲက ပယ်ဖျက်နိုင်ပါ့မလား။

ဦးအောင်လင်းထွဋ် ။ ။ မှန်ပါတယ်။ ရုတ်တရက်က ပယ်ဖျက်ဖို့က ကျနော်တို့ တဖတ်ပေါ့ ဒေါ်အောင်ဆန်းစုကြည် နဲ့ အန်အယ်လ်ဒီ ရဲ့  deal လုပ်တဲ့ပေါ်မှာ မူတည်ပါလိမ့်မယ်။ ဆက်ဆံဆောင်ရွက်တဲ့အပေါ်မှာ မူတည်ပါလိမ့်မယ်။ ဘာဖြစ်လို့လည်းဆိုတော့ အဲဒီပြောထားတာတွေ မဟုတ်ဘူးဆိုတာကို တပ်မတော်ထဲမှာ တော်တော်များများ သိပါတယ်။ တိုင်းပြည် ဆင်းရဲမွဲတေးနေတာဟာ ဒေါ်အောင်ဆန်းစုကြည် ကြောင့်လည်းမဟုတ်ဘူး၊ အန်အယ်လ်ဒီကြောင့်လည်း မဟုတ်ဘူး။ စနစ်မှားနေတာကြောင့် ဆိုတာကို တပ်မတော်ထဲမှာ အရာရှိ အရာခံအကြပ်အားလုံး လက်ခံတဲ့အနေအထားမျိုး ရှိပါတယ်။ တခုပဲ သူတို့ကြောက်နေတာက ဒီမိုကရေစီ လိုလားတဲ့အဖွဲ့က တပ်မတော် တပ်မတော်ဆိုတဲ့ စကားလုံးကို အသုံးပြုပြီး ပုတ်ခတ်တဲ့အခါကြတော့ အားလုံးက သိမ်းကြုံပြီးတော့ အပြောခံရတဲ့သဘောမျိုး ရှိလို့ပါ။

ဦးကျော်ဇံသာ ။ ။ ဒေါ်အောင်ဆန်းစုကြည်ဘက်က တွေ့ဆုံတဲ့နေရာ၊ ပြောဆိုတဲ့နေရာမှာ tactful ဖြစ်ဖို့ ပရိယာရ်ကြွယ်ဖို့၊ သူတို့ဘက်က ကျွမ်းကျွမ်းကျင်ကျင် ဖြစ်ရင် ဒီ မှိုင်းတိုက်ထားတာတွေ ပျောက်သွားနိုင်မယ်ဆိုတော့ တွေ့ဆုံဆွေးနွေးဖို့ ဒေါ်အောင်ဆန်းစုကြည်ဘက်က လမ်းဖွင့်ခဲ့တာ ကြာပါပြီ။ စစ်တပ်ဘက်က ဆွေးနွေးပွဲ စားပွဲဝိုင်းကို မှန်ကန်တဲ့သဘောထားတဲ့ တခါမှ တက်မလာတာ၊ ဆက်ဆံရေးဝန်ကြီးတော့ ခန့်ထားပါရဲ့  ဒါပေမဲ့ ဘာမှ ခရီးမရောက်တာ ဖြစ်နေတော့ တပ်မတော် အကြီးအကဲတွေ၊ အာဏာပိုင်အကြီးအကဲတွေကို တွေ့ဆုံဆွေးနွေးရေး စားပွဲဝိုင်းကို ရောက်လာအောင် ဘယ်ပုံဘယ်နည်းနဲ့များ ခေါ်ဆောင်နိုင်မယ်လို့ ထင်ပါသလဲ။

ဦးအောင်လင်းထွဋ် ။ ။ ၂၀၀၄ ခုနှစ် အမျိုးသားညီလာခံ ပြန်မစခင်မှာ အန်အယ်လ်ဒီ နဲ့ အစိုးရအဖွဲ့နဲ့ အကြေအလည် ဆွေးနွေးခဲ့တာတွေ ရှိပါတယ်။ ကျနော်ကိုယ်တိုင် သံရုံးမှာရှိနေစဉ် ကျနော်ကို ရန်ကုန်ကနေ ကျနော့်သူငယ်ချင်းတွေက အကိုရေ ၉၅% တော့ သေချာပြီ၊ ကျနော်တို့ ဝမ်းသာရတော့မယ်ဆိုတဲ့ အဖြေမျိုးကို ပေးပါတယ်။ အဲဒီအချိန်တုန်းက ကျနော်တို့သိသလောက် မူအားဖြင့် သဘောတူပြီးပြီ။ ဗိုလ်ချုပ်မှုးကြီးသန်းရွှေ ကိုယ်တိုင်လည်း မူအားဖြင့် သဘောတူပြီးသာဆိုတာကို သိရပါတယ်။

ဦးကျော်ဇံသာ ။ ။ ဟုတ်ကဲ့ ကျနော်လည်း ကြားသိရပါတယ်။ ဘာကြောင့် ပျက်သွားရတယ်ဆိုတာကို လူတိုင်းစိတ်ဝင်စားကြပါတယ်။ အခုထိ ကျနော်တော့ မရှင်းသေးဘူး။

ဦးအောင်လင်းထွဋ် ။ ။ ဘာကြောင့် ပျက်သွားတယ်ဆိုတာကိုတော့ ကျနော်တော့ အတိအကျ မပြောနိုင်တာက ကျနော်တို့ သိသလောက် ကောလဟာလ rumor အနေနဲ့ ကျနော်တို့ သိရတာကတော့ အဓိက ကြံ့ခိုင်ဖွံ့ဖြိုးရေး ခေါင်းဆောင်ပိုင်း နဲ့ ဗိုလ်ချုပ်မှုးကြီးရဲ့  မိသားစုပိုင်းတို့ရဲ့  ကန့်ကွက်မှုကြောင့် ဖြစ်သွားတယ်။ အဲဒီလို လက်ခံလိုက်ရင် သူတို့ ဒုက္ခရောက်သွားမယ်၊ ကြံ့ခိုင်ဖွံ့ဖြိုးရေးအဖွဲ့လည်း ဒုက္ခရောက်သွားမယ်ဆိုတာမျိုးကို ရှိတဲ့အတွက်ကြောင့် ဒီ ဆွေးနွေးပွဲ ပျက်သွားတယ်လို့ ထင်ပါတယ်။

ဦးကျော်ဇံသာ ။ ။ ကြံ့ခိုင်ဖွံ့ဖြိုးရေးဆိုရင် အခု ရွေးကောက်ပွဲမှာ မဲအများဆုံးနိုင်တယ်။ သူတို့လိုချင်တဲ့ နံပတ်ပြပြီး နိုင်တဲ့ဆိုတဲ့ အဖွဲ့အစည်း။ အခုအခါမှာရော သူတို့ ပပျောက်သွားမှာကို ဒီအချိန်မှာ မစိုးရိမ်ပေဘူးလား။

ဦးအောင်လင်းထွဋ် ။ ။ အခုကတော့ သူက နှစ်ခုကိုင်သွားပြီ။ တခုက ၁၉၉၀ ရွေးကောက်ပွဲကို နှိုင်းယှဉ်နိုင်ဖို့ ၂၀၁၀ ရွေးကောက်ပွဲက ပြီးသွားခဲ့ပြီ။ ဒီတော့ ၂၀၁၀ နဲ့ ၁၉၉၀ က အပေးအယူတော့ လုပ်ရမယ့်အနေအထားမျိုး ဖြစ်လာပါမယ်။ ၂၀၁၀ ဆိုရာမှာ ၂၀၀၈ ဖွဲ့စည်းပုံနဲ့ အပေးအယူလုပ်ရပါမယ်။ အထူးသဖြင့် ၁၉၉၀ မှာ အန်အယ်လ်ဒီ က ရွေးကောက်ပွဲ နိုင်ခဲ့တယ်၊ ၂၀၁၀ မှာ ကြံ့ဖွံ့က ရွေးကောက်ပွဲ နိုင်တယ်ဆိုတဲ့ ပုံစံမျိုးရှိလာတဲ့ အနေအထားမျိုး ရှိပါတယ်။ ဒါကြောင့်မို့ အခုအချိန်မှာလည်း ကြံ့ဖွံ့ကိုလည်း ပစ်ပယ်လို့ရတဲ့ အနေအထားမရှိဘူးလို့ မြင်ပါတယ်။ ၂၀၁၀ ရွေးကောက်ပွဲကို စွန့်လွှတ်ပြီးတော့ ကျနော်အမြင်တော့ ဆွေးနွေးပွဲ ပြန်စဖို့တော့ ဖြစ်ဟန်မတူဘူး။ ဖြစ်နိုင်ချေတော့ မရှိလောက်ဘူး။ ၂၀၁၀ ရွေးကောက်ပွဲ သူတို့ဆက်လုပ်သွားမှာပဲ။ အစိုးရဖွဲ့မယ်။ အဲဒီ အစိုးရဖွဲ့ပြီးမှ ဆွေးနွေးပွဲ ဖြစ်ကောင်းဖြစ်လာမယ့် အနေအထားရှိပါတယ်။

ဦးကျော်ဇံသာ ။ ။ အဲဒီ အစိုးရဖွဲ့မယ့် ကိစ္စနဲ့ ပတ်သက်ပြီးတော့ သမ္မတ ဘယ်သူဖြစ်လာမယ်ဆိုတာကလည်း ရန်ကုန်မှာ မကြာသေးခင်က လုပ်ခဲ့တဲ့ ကြံ့ခိုင်ဖွံ့ဖြိုးရေး သတင်းစာရှင်းလင်းပွဲမှာ သတင်းထောက်တွေ မေးကြပါတယ်။ သူတို့ အတိအကျ မဖြေခဲ့ပါဘူး။ ဗိုလ်ချုပ်မှုးကြီး နှစ်ဦးတော့ မပါပါဘူးလို့ ပြောခဲ့တာ ရှိပါတယ်။ ဦးအောင်လင်းထွဋ် အနေနဲ့ တပ်မတော်ဘက်က ဘယ်လိုသတင်းများ ကြားမိပါသလဲ။ ဗိုလ်ချုပ်မှုးကြီးနှစ်ဦး က အစိုးရပြန်ဖွဲ့တဲ့အခါမှာ ပြန်ပါမလား၊ အဆင့်မြင့် ရာထူးတွေ သြဇာအာဏာတွေ သူတို့လက်ထဲမှာ ချုပ်ကိုင်ထားမလား။ အဲဒီလို ချုပ်ကိုင်ထားရင် တွေ့ဆုံဆွေးနွေးရေးအတွက် အလားအလာ ကောင်းလာနိုင်ပါရဲ့ လား။

ဦးအောင်လင်းထွဋ် ။ ။ ၂၀၀၉ ခုနှစ်လောက်ကတည်းက ရခဲ့တဲ့သတင်းတွေ၊ အတိအကျ အခိုင်အမာပါ။ သူတို့ နီးစပ်တဲ့ပုဂ္ဂိုလ်တွေရဲ့  အပြောအရတော့ ဗိုလ်ချုပ်မှုးကြီးသန်းရွှေ နဲ့ ဗိုလ်ချုပ်မှုးကြီးမောင်အေး နှစ်ယောက်စလုံးကတော့ သမ္မတလုပ်ဖို့ အစီအစဉ် မရှိဘူး။ ဒါပေမဲ့ အာဏာကိုတော့ စွန့်လွှတ်သွားမယ့် အနေအထားတော့ မရှိပါဘူး။ နောက်ကွယ်မှာ တနည်းနည်းနဲ့ ကြိုးကိုင်မယ့် အနေအထားမျိုး ရှိပါတယ်။ လှန်လို့ရမယ့် အနေအထားတော့ မရှိပါဘူး။

ဦးကျော်ဇံသာ ။ ။ ဆိုတော့ သူတို့ အာဏာကြိုးကိုင်နေသမျှ အထူးသဖြင့် ဗိုလ်ချုပ်မှုးကြီးသန်းရွှေ က အာဏာကို ကြိုးကိုင်နေသမျှ ကျနော်တို့ ဆွေးနွေးခဲ့တဲ့ တွေ့ဆုံဆွေးနွေးရေးအလားအလာ ဆိုတာက ဘယ်လိုရှိနိုင်ပါသလဲ။

ဦးအောင်လင်းထွဋ် ။ ။ ပြောလို့တော့ မရဘူးခင်မျ။ ဘယ်ဖြစ်လို့လည်းဆိုတော့ အသက်အရွယ်လည်း စကားပြောလာတဲ့ အနေအထားတော့ ရှိလာပါပြီ။ ဗိုလ်ချုပ်မှုးကြီးစိတ် မပျော့သွားဘူးလို့တော့ ပြောမရပါဘူး။ တချိန်တခါက ငယ်တုန်းရွယ်တုန်း လုပ်နိုင်ကိုင်နိုင်တဲ့ အချိန်အခါမှာ စိတ်ဓါတ်တက်တက်ကြွကြွနဲ့ ဘာတုန်းကွ ငါဘာလဲ မင်းဘာလဲဆိုတာမျိုး ရှိကြပါတယ်။ အခုအချိန်အခါမှာတော့ တခုပေါ့ ဖြောင်းဖြောင်းဖြဖြနဲ့ ပါးပါးနပ်နပ် လိမ်လိမ်မာမာနဲ့ ချည်းကပ်ပြီး တဦးနဲ့တဦး အပေးအယူလုပ်ကြမယ်ဆိုရင်တော့ ဖြစ်နိုင်ချေ ရှိပါတယ်။ အခုက ဒေါ်အောင်ဆန်းစုကြည်ဘက်ကလည်း အများကြီး ပရိယာရ်ကြွယ်ဝတဲ့အတွက်ကြောင့် ကျနော်တို့ အရမ်းသဘောကြပါတယ်။ ဘာဖြစ်လို့လည်းဆိုတော့ ကျနော်တို့ လူကြီးတွေ ကျနော်သိတယ် သူတို့ကို အတင်းအဓမ္မ မင်း ဘာဖြစ်တယ် ညာဖြစ်တယ်၊ ဘာလုပ်မယ် ညာလုပ်မယ်ဆိုရင် ပိုဆိုးတယ်။ ပိုပြီးတော့ အရွှဲတိုက်ပြီး ပိုလုပ်လေ့ရှိတယ်။ ဒါကလည်း ကျနော့် အတွေ့အကြုံအရ ကျနော် ကေအိုင်အေ နဲ့ ငြိမ်းချမ်းရေး ဆွေးနွေးပွဲတုန်းက ကျနော်တို့ စပြီးလုပ်ကြတဲ့အခါမှာ ကေအိုင်အေ ကို ဘာပြောလဲဆိုတော့ ဒီ ကောင်တွေကို လက်နက်ချခိုင်းလိုက်လို့ ပြောတယ်။ အဲဒီတော့ ကျနော်တို့ ကြားထဲက negotiator လုပ်တဲ့ သူတွေက ကေအိုင်အေ ကို ဒီအတိုင်း သွားပြောရင် ကေအိုင်အေ က ဘယ်ကြိုက်မလည်း။ ကြားထဲက လုပ်တဲ့သူတွေက ကေအိုင်အေ ကိုလည်း နားလည်းအောင် ပြောပြတယ်။ ကေအိုင်အေ က ဘာပြန်ပြောလည်းဆိုရင် ဒါဆိုရင် သူတို့ မျောက်သစ်ကိုင်းလွတ်တဲ့ သဘောဖြစ်သွားမယ်ပေါ့။ သူတို့ကိုလည်း ပြန်ကြည့်ပေးပါအုံးဆိုတာကို ကေအိုင်အေ ဘက်က request လုပ်တာတွေရှိတယ်။ ဒါတွေက တယောက်နဲ့တယောက် အပေးအယူတဲ့သွားတဲ့အခါမှာ ငြိမ်းငြိမ်းချမ်းချမ်း ဖြစ်သွားတာမျိုး ရှိပါတယ်။

ဦးကျော်ဇံသာ ။ ။ တိုင်းရင်းသားအရေးတွေလည်း နောက်တခါ ဦးအောင်လင်းထွဋ်နဲ့ ဆွေးနွေးချင်ပါသေးတယ်။ အခု အမျိုးသားဒီမိုကရေစီ အဖွဲ့ချုပ် ဒီမိုကရေစီအင်အားစု နဲ့ ဆွေးနွေးရေးဖြစ်နိုင်တဲ့ အလားအလာကို မေးချင်တဲ့ နောက်ဆုံးမေးခွန်းက ဗိုလ်ချုပ်မှုးကြီးရဲ့  မိသားစုကဏ္ဍဖြစ်ပါတယ်။ စောစောကပြောတယ် ၂၀၀၄ ခုနှစ်တုန်းက အလားအလာကောင်းနေပေမယ့် သူ့မိသားစုနဲ့ ကြံ့ခိုင်ဖွံ့ဖြိုးရေးက သဘောမတူလို့ ဖြစ်ခဲ့တယ်လို့ ပြောခဲ့ပါတယ်။ ကြံ့ခိုင်ဖွံ့ဖြိုးရေးကိုတော့ ပြောပြီးပြီ။ ၂၀၁၀ ရွေးကောက်ပွဲမှာ သူတို့နိုင်ထားတာကို စွဲကိုင်ထားတော့ ဒီရွေးကောက်ပွဲ နှစ်ခုကြားမှာ ညှိရမယ်လို့ဆိုတယ်။ မိသားစုရဲ့  သဘောထားကရော ပြောင်းလဲနိုင်ပါ့မလား။

ဦးအောင်လင်းထွဋ် ။ ။ မိသားစုရဲ့  သဘောထားကလည်း အခုက တော်တော်လေး မိသားစုကိုလည်း ဗိုလ်ချုပ်မှုးကြီးအနေနဲ့ ပြောရယ်ဆိုရယ်နဲ့ ဆူပူတဲ့အသံတွေ ကျနော်တို့ ကြားမိပါတယ်။ ရှင်းရှင်းပြောရရင် ငြိမ်ငြိမ်နေခိုင်းတာပေါ့။ ဘာဖြစ်လို့လည်းဆိုတော့ အခု သိသလောက် မစ္စတာ ကင်တာနားရဲ့  report က အများကြီး affect ဖြစ်ပါတယ်။ ဒီဥစ္စာက ကျနော်ရှိတဲ့ကာလ ၂၀၀၁ ခုနှစ်ကတည်းက သံရုံးမှာရှိစဉ် လှမ်းမေးခဲ့ဘူးပါတယ်။ အဲဒီအချိန်တုန်းကတော့ မီလိုဆိုဗစ်တို့ကို အရေးယူတဲ့အချိန်ပေါ့။ ဒါမျိုးကိစ္စမျိုးကို သူတို့ လုံးဝအဖြစ်မခံချင်ပါဘူး။ အဲဒီတော့ အန်အယ်လ်ဒီ ဘက်ကလည်း သင်ပုန်းချေရေးလို့ ပြောတဲ့ဟာက ဘယ်လောက်အထိ သင်ပုန်းချေ နိုင်မယ်ဆိုတာကို ပြောဖို့လိုပါတယ်။

ညီညွတ်ရေးကိုတည်ဆောက် ရှေ့ခြေလှမ်းကိုပြင်


နအဖရဲ့၂ဝ၁ဝရွေးကောက်ပွဲဟာ အများတွက်ထားတဲ့အတိုင်း အဆုံးသတ်သွားတဲ့အတွက် ဘာမှ စိတ်ဝင်စားစရာ မကောင်းလို့ မဆိုနိုင်ပါဘူး။ အကြောင်းက နအဖဗိုလ်ချုပ်တွေက ဘယ်သူမှတွက်မထားတဲ့ ညစ်နည်းတွေကို အသုံးပြု သွားလို့ပါပဲ။ ကြိုတင်မဲ၊ ပြည်ပရောက်မဲတွေနဲ့ ညစ်လို့ရတယ်၊ ညစ်ခဲ့တယ်ဆိုတာ အနိုင်နိုင်ငံသမိုင်းမှာတော့ မတွေ့ဖူး သလောက်ဖြစ်ပါတယ်။ သေချာတာက နအဖဟာ အာဏာရှင်တို့ရဲ့ လက်နက်တိုက်ထဲကို လက်နက်သစ်တွေ ဖြည့်ဆည်း လိုက်တယ်ဆိုတာပါပဲ။ ဒီအတွက် အနိုင်နိုင်ငံက အာဏာရှင်တွေက သူတို့ကို ကျေးဇူးတင်ကြပါလိမ့်မယ်။

ဒီလိုနဲ့တကောင်ထဲ ပြေးတဲ့မြင်းပွဲမှာ စိတ်ဝင်စားစရာလေးတွေ တွေ့ခဲ့ရသလို လာမဲ့အစိုးရဖွဲ့မှုဟာလဲ သူတို့ချည်း ဖြစ်မှာသေချာပေမယ့် စိတ်ဝင်စားစရာတွေ တွေ့ရမှာ သေချာပါတယ်။ စီစဉ်ပြီးသားတော့ စီစဉ်ပြီးသားချည်းပါ။ ဒါပေမဲ့ မျက်လှည့်ဆရာရဲ့အမည်းရောင် အိတ်ကြီးထဲက ဘာတွေထွက်လာမလဲဆိုတာကို စောင့်ကြည့်ကြရသလို ညာမှန်းသိပေမယ့် စိတ်ဝင်စားစရာတွေ၊ အံ့သြစရာတွေ တွေ့ရတတ်ပါတယ်။ ရွေးကောက်ပွဲ မကျင်းပတဲ့ နေရာမှာတောင် သူ့လူတွေနိုင်ပါတယ်လို့ အဖြေထွက်အောင် လုပ်နိုင်တဲ့ စစ်အုပ်စုဟာ ကမ္ဘာကို တခြားအံ့ဘနန်းတွေ လုပ်ပြအုံးမှာ သေချာပါတယ်။

ဒီရွေးကောက်ပွဲမှာပေါ်ထွက်လာတဲ့ အမှန်တရားတခုက နအဖအနေနဲ့ ကိစ္စ(ကြီး) တခုအကောင်အထည် ဖော် လိုက်တိုင်း နိုင်ငံရေးအင်အားစုတွေထဲမှာ ခိုဝင်နေတဲ့ ကိုယ်ကျိုးသမားတွေ ပွင့်ကျ လာပြီး တဖက်မှာတော့ နအဖရဲ့ မရိုးသား မှုတွေပွင့်ကျလာ၊ အတိုက်အခံတွေဘက်မှာ အင်အားတွေတိုးလာတယ်ဆိုတာပါပဲ။
ဗမာပြည်ရဲ့ ၂ဝ၁ဝ ရွေးကောက်ပွဲအလွန်နိုင်ငံရေးဟာ အဲဒီလို အလိမ်အညာ ညစ်ပတ်မှုတွေနဲ့ အစချီလိုက်ပါပြီ။ တပါ ထဲမှာ ဒေါ်အောင်ဆန်းစုကြည်ကို အိမ်ချုပ်က လွှတ်လိုက်တာဟာ လှုပ်လှုပ်ရွရွ ဖြစ်သွားပါတယ်။ ဒါ့အပြင် ဒီရွေးကောက်ပွဲ ကျမှ ဖွတ်ထွက်မှန်း သိတယ်ဆိုသူတွေရဲ့ ရင်ဖွင့်ပွဲတွေ၊ အံထုတ်ပွဲတွေနဲ့ နည်းနည်းတောင် မြိုင်မြိုင်ဆိုင် ဖြစ်နေတယ်လို့ ဆိုရမလားပါပဲ။ ဒီကြားထဲမှာ မြဝတီဘက်က သေနတ်သံ မြည်လာတာဟာ ဆင်ဖိုနီ တီးဝိုင်းကြီးရဲ့ တီးလုံးကို ဗုံသံတွေ ဖြည့် လိုက်သလို ဖြစ်သွားပါတယ်။

မှန်တာပြောရရင် ထိုင်နေရင် အကောင်းသား၊ ထသွားမှ ကျိုးမှန်းသိဆိုသလို ရုပ်ပျက်ဆင်းပျက် ရွေးကောက်ပွဲကြောင့် နလံမထူဖြစ်နေတဲ့ နအဖစစ်အစိုးရဟာ ဒေါ်စုကို မတတ်သာလို့ လွှတ်ပေးလိုက်တော့ ကြမ္မာ ပိုငင်စရာ ဖြစ်လာပါတယ်။ ဒါတွေနဲ့တဆက်ထဲမှာပဲ နိုင်ငံရေး အမြင်မျိုးစုံ၊ လုပ်ငန်း အစီအစဉ်မျိုးစုံကို ကြားနေ ဖတ်နေရပါတယ်။ မီဒီယာတွေက မေး၊ အမေးခံရသူကဖြေ ပြည်သူလူထုအဖို့ ဦးဏှောက် လှုပ်ရှားစရာတွေ အများကြီး ရနေတယ်လို့ဆိုနိုင်ပါတယ်။ အဓိက အားဖြင့်တော့ ရှေ့ဘယ်လို ဆက်လုပ်ကြမလဲ ဆိုတာကို စိတ်အဝင်စားကြဆုံးပါပဲ။

ပြည်သူလူထုကြီးရဲ့မျှော်လင့်ချက်ဟာ ကြံ့ဖွံ့အပေါ်မှာ ထားတာမဟုတ်ကြောင်း ထင်ရှားလှပါတယ်။ ဗမာပြည် ပြည်သူလူထုကြီးရဲ့ နိုင်ငံရေးအသိ၊ နိုင်ငံရေး စိတ်ဓာတ်ဟာ အမြဲနိုးကြား တက်ကြွနေတယ်ဆိုတာ ပေါ်လွင်နေပါတယ်။

တပါထဲမှာ ဒီလိုအခွင့်အရေးမျိုးဟာ အချိန် တိုင်း၊ ဒါမှမဟုတ် မကြာခဏ ပေါ်တတ်တာ မဟုတ်ဘူး ဆိုတာ သတိထားသင့်ပါတယ်။ အခွင့်အရေးကို မယူလိုက်နိုင်ရင် သမိုင်း တကွေ့ ပြန်စောင့်ရတဲ့အထိ ဖြစ်သွားတတ် ပါတယ်။
ဒီရွေးကောက်ပွဲမှာ ပေါ်ထွက်လာတဲ့ အမှန်တရားတခုက နအဖအနေနဲ့ ကိစ္စ(ကြီး) တခု အကောင်အထည် ဖော်လိုက်တိုင်း နိုင်ငံရေး အင်အားစုတွေထဲမှာ ခိုဝင်နေတဲ့ ကိုယ်ကျိုးသမားတွေ ပွင့်ကျလာပြီး တဖက်မှာတော့ နအဖရဲ့ မရိုးသားမှုတွေ ပွင့်ကျလာ၊ အတိုက်အခံတွေဘက်မှာ အင်အားတွေ တိုးလာတယ် ဆိုတာပါပဲ။ နောက်ပြီး ဒီလိုအချိန်တိုင်းမှာ ဗမာပြည် ပြည်သူတွေရဲ့ရပ်တည်ချက်ဟာ မယိမ်းယိုင်ဘူး၊ ခိုင်မာတယ်ဆိုတာလဲ အမြဲတွေ့ရပါတယ်။ အမှန်ပြောရရင် စစ်အုပ်စုရဲ့ ဒီလိုခြေလှမ်းတွေဟာ ပြည်သူတွေကို စမ်းသပ်တာ မဟုတ်ဘူး၊ နိုင်ငံရေးသမားတွေကို စမ်းသပ်တာဖြစ်တယ်လို့ မြင်ရပါမယ်။ နဝတနအဖတို့ရဲ့ ညောင်နှစ်ပင် ညီလာခံဖြစ်စဉ်ကြီးကိုပဲ ပြန်ကြည့်လိုက်ပါ။ နောက်ပြီး ၂ဝဝ၈ဖွဲ့စည်းပုံ အခြေခံ ဥပဒေအတည်ပြုပွဲနဲ့ အခု ဒီရွေးကောက်ပွဲ။ သူတို့တလှမ်း လှမ်းလိုက်တိုင်း ပြည်သူတွေဘက်မှာ အင်အားတွေ တိုးလာတာပဲ မဟုတ်ပါလား။ ဒါ့အပြင် သူ့တပ်ထဲမှာပါ ဂယက်ရိုက်တာဟာ တရားတခုလိုတောင် ဖြစ်နေပါပြီ။

ပြောရရင်တော့ ဒီလိုအခြေအနေမျိုးဟာ နိုင်ငံရေး အင်အားစုတွေ အမြော်အမြင်ရှိရှိနဲ့ အမျိုးသား သွေးစည်းညီညွတ်ရေးကို တည်ဆောက်ရမယ့် အချိန်ဖြစ်ပါတယ်။ ဒီလိုအခြေအနေမျိုးဆိုတာက နအဖစစ်အစိုးရရဲ့ မရိုးသားမှု၊ ညစ် ပတ်မှုတွေ ပြည်တွင်းပြည်ပမှာ ဘောလောပေါ်ပြီး ကမ္ဘာအနှံ့က ရှုတ်ချနေကြချိန်၊ ဗမာပြည် ပြည်သူများရဲ့ နိုင်ငံရေး နိုးကြားမှုအရှိန်အဟုန်မြင့်မားနေချိန်၊ စည်းလုံးညီညွတ်ဖို့အထူးလိုအပ်ကြောင်း အားလုံးက သဘောပေါက်လက်ခံနေကြ ချိန်ကို ဆိုလိုတာဖြစ်ပါတယ်။ ဗမာပြည်သမိုင်းကိုပြန်ကြည့်လိုက်ရင် ဒီလိုအခြေအနေမျိုးတွေမှာ ဗမာ့နိုင်ငံရေးကို တဆင့်တွန်းတင်ခဲ့တာတွေ တွေ့ကြရမှာပါ။ တပါထဲမှာ ဒီလိုအခွင့်အရေးမျိုးဟာ အချိန်တိုင်း၊ ဒါမှမဟုတ် မကြာခဏ ပေါ်တတ်တာ မဟုတ်ဘူးဆိုတာ သတိထားသင့်ပါတယ်။ အခွင့်အရေးကို မယူလိုက်နိုင်ရင် သမိုင်းတကွေ့ ပြန်စောင့်ရတဲ့ အထိဖြစ်သွားတတ်ပါတယ်။ ဘုံရည်မှန်းချက်ရှိရင် ဘုံလုပ်ငန်းစဉ်ဆိုတာ ချမှတ်လို့ရနိုင်ပါတယ်။ တဖက်နဲ့ တဖက် ညှိညှိနှိုင်းနှိုင်း၊ တိုင်တိုင်ပင်ပင်၊ အပေးအယူရှိရှိနဲ့ လုပ်သွားကြဖို့ပဲလိုတာပါ။ ဒါပေမဲ့ နည်းနာတော့ကြွယ်ဝဖို့ လိုပါတယ်။ လှေကြီးထိုးနည်းတမျိုးထဲနဲ့တော့ မပြီးဘူးဆိုတာ နှလုံးပိုက်ရပါမယ်။ နအဖကိုယ်တိုင်က အထက်လမ်းရော အောက်လမ်း ပါလုပ်နေချိန်မှာ ကိုယ်က စင်းစင်းကြီး လုပ်နေလို့ မဖြစ်ပါဘူး။ ဘက်ပေါင်းစုံ ညစ်ပတ်အုပ်စိုးနေတဲ့ စစ်အာဏာရှင်တွေနဲ့ ရင်ဆိုင်ရာမှာ သူ့လို ညစ်ပတ်တာ မလုပ်ပေမယ့် နည်းနာမျိုးစုံတော့ကျင့်သုံးရပါမယ်။

ရှစ်ခေါဘဏီတပ်ကြီးကိုကိုင်ထားပြီး အာဏာ သိမ်းခွင့်ရှိကြောင်း တကြိမ်းထဲ ကြိမ်းနေသူ တွေကို လက်ကမ်းတာ တခုထဲနဲ့တော့ မပြီးသေးဘူး ထင်ပါတယ်။
ဒါပေမဲ့ ဒီအချိန်မှာကိုယ့်အစီအစဉ်တွေကို အကုန်ဖွင့်ပြောတာကိုတော့ သတိထားရပါလိမ့်မယ်။ နိုင်ငံရေးပါတီတခု အနေနဲ့ ကိုယ့်ရည်မှန်းချက်၊ ကိုယ့်လုပ်ငန်းစဉ်၊ ကိုယ့်လမ်းစဉ်တွေကို မကွယ်မဝှက် ထုတ်ပြောတာကို လုပ်ရပါမယ်။ ဒါပေမဲ့ ဒါတွေကို ဘယ်လိုဘယ်နည်းနဲ့ အကောင်အထည်ဖော်မယ်ဆိုတဲ့ အသေးစိပ်တွေကိုတော့ ပြောသင့်မှပြောရပါမယ်။ ကိုယ့် ကိုယ်ကို ခြေချုပ်မိနေစေမယ့် အပြောတွေကို သတိထားရပါမယ်။ ကိုယ်က အာဏာမဲ့ဆိုတော့ နိုင်ငံရေး မိုးလေဝသကို အကဲခတ်တတ်ဖို့ သိပ်လိုပါတယ်။ အထူးသဖြင့် ဒီနေ့လို ယုတ်မာကောက်ကျစ်လှတဲ့ စစ်အာဏာရှင်တွေကြီးစိုးနေတဲ့ အချိန်မျိုးမှာဖြစ်ပါတယ်။ နအဖရဲ့ ဖွဲ့စည်းပုံ ဥပဒေထဲမှာ စစ်တပ်ကို အာဏာသိမ်းခွင့်ပေး ထားတယ်ဆိုတာကို မမေ့သင့်ပါဘူး။ ရှစ်ခေါဘဏီတပ်ကြီးကို ကိုင်ထားပြီး အာဏာသိမ်းခွင့်ရှိကြောင်း တကြိမ်းထဲ ကြိမ်းနေသူတွေကို လက်ကမ်းတာ တခုထဲနဲ့တော့ မပြီးသေးဘူးထင်ပါတယ်။ တခြားလုပ်စရာရှိတာတွေလဲ လုပ်ရမှာပါ။

ဒီလိုအချိန်မှာ နအဖစစ်အစိုးရဟာ ဒေါ်အောင်ဆန်းစုကြည်နဲ့ နိုင်ငံရေး အင်အားစုတွေကို အင်တာဗျူးတကာမှာ ပြောချင်တာ ပြောခွင့်တွေ ပေးထားပြီး ကိုယ်တိုင်ကတော့ ဘာတခွန်းမှ မပြောသေးတာဟာ သိပ်ထူးဆန်းနေပါတယ်။ ဒေါ် အောင်ဆန်းစုကြည်ကို လွှတ်ပေးတာနဲ့ တချိန်ထဲမှာ ဘာလုပ်မယ်ဆိုတာကို သူတို့စဉ်းစား ကြံစည်ပြီး ဖြစ်တယ်လို့ သူတို့ အကျင့်ကိုသိနေတဲ့ လူတိုင်းက တွက်ချက်သိနိုင်ပါတယ်။ ဒါပေမဲ့ အခုတော့ နအဖဟာ ငြိမ်ချက်သား သိပ်ကောင်းနေပါတယ်။ ဘာမှမပြော၊ ဘာမှမတုန့်ပြန်၊ ဘာမှမလုပ်ပဲ နေသလိုပါပဲ။ ဒီအခြေအနေကို နာမည်ကျော်စုံထောက်ကြီး ရှားလော့ခ်ဟုမ်း ဇာတ်လမ်းတွေထဲက လူအကိုးကားဆုံးစာပိုဒ်လေးတခုနဲ့ယှဉ်ပြလိုက်ချင်ပါတယ်။

“ပိတ်ပိတ်ပိန်းမှောင်မည်းနေတဲ့တညမှာပါ-
ရှားလော့ခ်ဟုမ်း- “ထူးတော့ထူးဆန်းတာအမှန်ပဲ ဒေါက်တာဝတ်ဆန်။”
ဒေါက်တာဝတ်ဆန်- “ဘာထူးဆန်းလို့လဲ၊ ခွေးလဲမဟောင်ပါလား။”
ရှားလော့ခ်ဟုမ်း- “ခွေးမဟောင်တာထူးဆန်းတာပေါ့ဗျ။”

http://mizzimaburmese.com/edop/songpa/6481-2010-11-24-07-50-27.html

မြန်မာနိုင်ငံအတွက် လူ့အခွင့်အရေးချိုးဖေါက်မှုကုလ ဆုံးဖြတ်ချက်

နှင်းဝေထူးပေးပို့သည်
01 Hnin

NLD တိုင်းနဲ့ပြည်နယ် အမျိုးသမီးအဖွဲ့နဲ့ ဒေါ်အောင်ဆန်းစုကြည်တွေ့ဆုံ





အမျိုးသား ဒီမိုကရေစီ အဖွဲ့ချုပ်ရဲ့ တိုင်းနဲ့ပြည်နယ်က အမျိုးသမီးအဖွဲ့ ကိုယ်စားလှယ်တွေဟာ ဒီကနေ့ ဒေါ်အောင်ဆန်းစုကြည်နဲ့ တွေ့ဆုံပြီး ဒုတိယ ပင်လုံညီလာခံ ဖြစ်မြောက်ရေးနဲ့ မြန်မာပြည်ရဲ့ လက်ရှိ နိုင်ငံရေး၊ လူမှုရေး အခြေအနေတွေကို ဆွေးနွေးခဲ့ကြပါတယ်။ ဒေါ်အောင်ဆန်းစြု...ကည်က ပင်လုံညီလာခံ ဖြစ်ပေါ်ရေးထက် ပြည်ထောင်စုစိတ်ဓာတ်လို့ ခေါ်ဆိုရမယ့် ပင်လုံစိတ်ဓာတ် ရှိဖို့နဲ့ နိုင်ငံရေးမှာ အမျိုးသမီးတွေ ပိုမိုပါဝင်ဖို့ ပိုအရေးကြီးကြောင်း တုံ့ပြန် ဆွေးနွေးခဲ့ပါတယ်။ဒေါ်အောင်ဆန်းစုကြည်က အမျိုးသမီးတွေက နိုင်ငံရေးမှာပါဖို့ အရေးကြီးတယ်။ ကျမတို့ နိုင်ငံရဲ့ ထက်ဝက်ကျော်ဟာ အမျိုးသမီးတွေ ဖြစ်တဲ့အခါကျတော့ အမျိုးသမီးတွေဟာ နိုင်ငံရေးမှာ မ၀င်လို့ မဖြစ်ဘူး ဆိုတာကိုလည်း ပြောပါတယ်။ အဲဒီတော့ အမျိုးသမီးတွေ မှန်မှန်ကန်ကန်နဲ့ ကိုယ်လုပ်ဆောင်နိုင်တာကို ဘယ်နေရာကပဲ စလုပ်နိုင် လုပ်နိုင်၊ ဥပမာပေါ့ ကိုယ့်သားသမီးကို ကိုယ်သွန်သင်တာ၊ ကိုယ့်ပတ်ဝန်းကျင်မှာ ရှိတာတွေကို လုပ်နိုင်တဲ့ဘက်က စပြီး လုပ်ပေးဖို့၊ ဒါမျိုးတွေကို လမ်းညွှန်သွားပါတယ်။
phyowai -mmp


ဒေါ်အောင်ဆန်းစုကြည်ဟာ NLD ဌာနချုပ်မှာ ပြုလုပ်တဲ့ ပြည်တိုင်းများက အမျိုးသမီး အဖွဲ့ဝင်တွေနဲ့ တွေ့ဆုံ ညိုနိုင်းပွဲကို တက်ရောက်ခဲ့တယ်လို့ သိရပါတယ်။
နိုင်ငံရေး လုပ်ငန်းတွေ လုပ်ကိုင်သလို လူမူရေး လုပ်ငန်းတွေကိုပါ တွဲပြီး အင်တိုက်အားတိုက် လုပ်ကိုင်ဘို့ ဒေါ်အောင်ဆန်းစုကြည်က ပြည်နယ်နဲ့ တိုင်းအသီးသီးက NLD အမျိုးသမီး အဖွဲ့တွေကို ဒီကနေ့ တွေ့ဆုံစဉ် မှာကြားသွားပါတယ်။ ဒီကနေ့ မနက် ၁၀ နာရီခွဲက စတင် ကျင်းပတဲ့ ပြည်နယ် တိုင်း အသီးသီးက NLD ပါတီ ခေါင်းဆောင် အမျိုးသမီးများ တွေ့ဆုံပွဲမှာ အစည်းအဝေး တက်ရောက်သူ အမျိုးသမီး ၁၅၀ခန့် ရှိပြီး ချင်းပြည်နယ်နဲ့ ကယားပြည်နယ်က လွဲရင် ကျန်ပြည်နယ် တိုင်းအားလုံးက အမျိုးသမီး ခေါင်းဆောင်တွေ တက်ရောက် ကြပါတယ်။ အမျိုးသမီး အဖွဲ့များအနေနဲ့ ဒေါ်အောင်ဆန်းစုကြည် နေအိမ်အကျယ် ချခံထားစဉ် အချိန်အတွင်း မိမိတို့ ပြည်နယ် တိုင်း အသီးသီးမှာ ဆောင်ရွက်ခဲ့တဲ့ လုပ်ငန်းတွေကိုလဲ အသီးသီး တင်ပြခဲ့ကြပါတယ်။ ဒါ့အပြင် အစည်းအဝေး နောက်ပိုင်းမှာ အမျိုးသမီး စွမ်းရည် မြှင့်တင်နိုင်ရေး လုပ်ငန်းများ အကြောင်း ဆွေးနွေး တင်ပြခြင်းအပြင် မေးမြန်းချက် တွေကို ဒေါ်အောင်ဆန်းစုကြည်က ပြန်လည် ဖြေကြား သွားပါတယ်။ ညနေပိုင်းမှာတော့ သြစတေးလျ သံအမတ်ကြီးနဲ့ အဖွဲ့ဟာ ဒေါ်အောင်ဆန်းစုကြည်ကို နေအိမ်မှာ လာရောက် တွေ့ဆုံခဲ့တာလို့ NLD ပြောခွင့်ရ ဦးဥာဏ်ဝင်းက ပြောပါတယ်။ NLD အမျိုးသမီးများ အစည်းဝေးနဲ့ပတ်သက်လို့ RFA ၀ိုင်းတော်သားတွေ စုစည်းတင်ပြထား တာကိုလည်း နားဆင်နိုင်ပါတယ်။
ဆက်သွယ်မေးမြန်းချက် (၁)။
အသံဖိုင်ယူရန်
ဆက်သွယ်မေးမြန်းချက် (၂)။
အသံဖိုင်ယူရန်
http://www.rfa.org/burmese/news/assk_visit_shwedagon_with_son-11242010120255.html

ဒိုင်ယာလော့ခ်နှင့် မြန်မာပြည်

ပြည်တွင်းရေး ပဋိပက္ခ (intra-state conflict) တွေမှာ ဖြစ်ဖြစ်၊ နိုင်ငံအချင်းချင်းအကြားမှာ ဖြစ်ပွားတဲ့ ပဋိပက္ခ (inter-state conflict) တွေမှာပဲဖြစ်ဖြစ် ဒိုင်ယာလော့ခ်ဆိုတဲ့ တွေ့ဆုံဆွေးနွေးအဖြေရှာခြင်းကို ပဋိပက္ခဖြေရှင်းရေးနည်းလမ်း တခုအနေနဲ့ အသုံးပြုလေ့ရှိကြပါတယ်။ နိုင်ငံရေးအယူအဆကွဲပြားမှု၊ လူမျိုးရေး ကွဲပြားမှု၊ ဘာသာရေး အယူဝါဒ ကွဲပြားမှု စတာတွေကနေ ပဋိပက္ခတွေ ဖြစ်ပွားလာတဲ့အခါ တဘက်နဲ့တဘက် ရန်သူလို သဘောထားလာကြတဲ့ ပဋိပက္ခ ၀န်းကျင်အတွင်းမှာ တူညီတဲ့ ဘုံသဘောထားတွေ ရှာဖွေဖို့နဲ့ ကွဲပြားခြားနားမှုတွေအကြား ညှိနှိုင်းဆွေးနွေး အဖြေရှာဖို့ ဒိုင်ယာလော့ခ်တွေ ပြုလုပ်ကြရပါတယ်။ ဒိုင်ယာလော့ခ်တွေ ပြုလုပ်ရင်းနဲ့ ပဋိပက္ခဖြစ်ပွားရတဲ့ အခြေခံ အကြောင်းရင်းတွေထဲက လိုအပ်ချက် (needs) တွေနဲ့ အကျိုးစီးပွား (interests) တွေကို ဖော်ထုတ်ပြီး ပဋိပက္ခမဟုတ်တဲ့ တခြား ဘယ်လိုနည်းနဲ့ ဒါတွေကို ဖြေရှင်းနိုင်မလဲဆိုတာကို ရှုထောင့်သစ်တွေကနေ သုံးသပ်ပြီး ဆွေးနွေးအဖြေရှာကြပါတယ်။ မြန်မာနိုင်ငံလို နိုင်ငံရေး၊ လူမျိုးရေး၊ ဘာသာရေးပဋိပက္ခတွေ ရှိနေတဲ့ နိုင်ငံတနိုင်ငံအတွက် ဒိုင်ယာလော့ခ်တွေဟာ မဖြစ်မနေ လိုအပ်ချက်ပါပဲ။

မြန်မာနိုင်ငံနှင့် ပဋိပက္ခ အမွေဆိုးများ

မြန်မာနိုင်ငံဟာ ပဋိပက္ခ အမွေဆိုးတွေ ဆက်ဆံထားတဲ့ နိုင်ငံလေးတခုဖြစ်ပါတယ်။ သက်ဦးဆံပိုင် ဘုရင်စနစ်နဲ့ လူမျိုးကြီးဝါဒ အမွေဆိုးတွေကြောင့် မျိုးဆက်တွေ တဆက်ပြီးတဆက် လက်ဆင့်ကမ်း သယ်ဆောင်လာကြတဲ့ လူမျိုးရေး ပဋိပက္ခတွေ မြန်မာနိုင်ငံမှာ ရှိနေပါတယ်။ ပဒေသရာဇ်စနစ် အမွေဆိုးတွေကြောင့် လူမျိုးစုတခုနဲ့တခုအကြား နယ်မြေလုရာကနေ စတင်လာတဲ့ ပဋိပက္ခတွေလဲ ရှိပါတယ်။ ကိုလိုနီနယ်ချဲ့စနစ် အမွေဆိုးတွေကြောင့် တောင်ပေါ်မြေပြန့် နယ်မြေပေါ်မှာ အခြေခံပြီး ဖြစ်ပွားလာတဲ့ ပဋိပက္ခတွေလဲ ရှိပါတယ်။ ကမ္ဘာစစ်မှာ ကြားညပ်ခဲ့တဲ့ အတွေ့အကြုံကြောင့် ဘက်လိုက်ရင်း ကွဲပြားမှုကနေ စတင်လာတဲ့ လူမျိုးရေးပဋိပက္ခတွေ ရှိနေပါတယ်။ စစ်အေး တိုက်ပွဲနဲ့အတူ ကြီးထွားလာခဲ့တဲ့ အတွေးအခေါ်ရေးရာ ပဋိပက္ခတွေလဲ ရှိပါတယ်။ နိုင်ငံကြီးတွေရဲ့ နောက်ကွယ်က စွက်ဖက်မှုတွေနဲ့ အိမ်နီးချင်းနိုင်ငံတွေရဲ့ လွှမ်းမိုးမှုတွေကနေ ပေါ်ထွက်လာတဲ့ ပဋိပက္ခတွေလဲ ရှိပါတယ်။ ဘိန်းကုန်ကူးမှုကနေ ကျယ်ပြန့်လာခဲ့တဲ့ စီးပွားရေးအားပြိုင်မှု၊ နိုင်ငံရေး ကြိုးကိုင်ချယ်လှယ်မှုဆိုင်ရာ ပဋိပက္ခတွေလဲ ရှိပါတယ်။

ဒီပဋိပက္ခတွေကို စစ်အာဏာရှင်စနစ်ရဲ့ အမွေဆိုးတွေက မီးလောင်ရာ လေပင့် လုပ်ခဲ့ပြန်ပါတယ်။ လက်နက်ကိုင် တော်လှန်ရေးနယ်မြေက ပြည်သူလူထုတွေကို နှိပ်စက်သတ်ဖြတ်ခြင်း၊ ရွာမီးရှို့ခြင်း၊ အတင်းအကြပ်ပြောင်းရွှေ့နေရာချခြင်း စတာတွေကို ပြုလုပ်ခဲ့ကြတဲ့အတွက် တိုင်းရင်းသားလူမျိုးတွေ အကြားက ပဋိပက္ခတွေက ပိုပြီးကြီးထွားလာခဲ့ပါတယ်။ စစ်အင်အားတိုးချဲ့ခြင်း၊ သံတမန်ရေးရာ လုပ်ထုံးလုပ်နည်းများ ဖောက်ဖျက်ခြင်း၊ မူးယစ်ဆေးဝါး ကုန်ကူးမှုအား နောက်ကွယ်မှ ထောက်ခံအားပေးခြင်း စတာတွေကြောင့် အိမ်နီးချင်းနိုင်ငံများနဲ့ ပဋိပက္ခတွေကလဲ ကြီးထွားလာခဲ့ပါတယ်။ အတွေးအခေါ်ရေးရာမှာလဲ တိတိပပမရှိပဲ လည်သူစားစတမ်းလုပ်နေတာကြောင့် နိုင်ငံကြီးတွေရဲ့ နိုင်ငံရေး၊ စီးပွားရေး အားပြိုင်မှုအကြားမှာ မြန်မာနိုင်ငံက ကြားညပ်နေရပြန်ပါတယ်။ ဘာသာရေးပဋိပက္ခကို နိုင်ငံရေးပဋိပက္ခ ဖြေရှင်းနည်း တခုအနေနဲ့ အသုံးချတာကြောင့် မလိုလားအပ်တဲ့ ပြဿနာတွေကလဲ ပေါ်ထွက်နေပါတယ်။

ဒီလိုပဋိပက္ခပေါင်းစုံ အမြစ်တွယ်ပျံ့နှံ့နေတဲ့ နိုင်ငံတနိုင်ငံဟာ ကမ္ဘာဖွံ့ဖြိုးမှု နောက်အကျဆုံး နိုင်ငံတွေထဲမှာ ပါဝင်နေတာ အဆန်းတော့ မဟုတ်ပါ။ ဖွံ့ဖြိုးတိုးတက်ရေးရှုထောင့်ကို အခြေခံပြီး သုံးသပ်သူတွေက နိုင်ငံရေးတည်ငြိမ်မှုကို အလေးမထားပဲ ဖွံ့ဖြိုးတိုးတက်ရေးကိုပဲ ဦးစားပေးရမယ်လို့ ဆိုတတ်ကြပါတယ်။ ဒီအဆိုဟာ မှားယွင်းပါတယ်။ နိုင်ငံရေးတည်ငြိမ်မှုရအောင် ကြိုးစားနေချိန်မှာ ဖွံ့ဖြိုးတိုးတက်ရေးကို ဦးစားမပေးသင့်ဟု မဆိုလိုပါ။ တပြိုင်တည်း ဖွံ့ဖြိုးတိုးတက်ရေးကိုလဲ လုပ်ဆောင်ရမှာ ဖြစ်ပါတယ်။ သို့ပေမယ့် နိုင်ငံရေးတည်ငြိမ်မှုကိုတော့ ရေရှည်အကျိုးစီးပွား တရပ်အနေနဲ့ မလွဲမသွေ ဦးစားပေးရမှာပါ။ ဖွံ့ဖြိုးတိုးတက်ရေး ပရောဂျက်ငယ်လေးတွေအတွက် ထောက်ပံ့ကြေးငွေ အနည်းငယ်ကို အသာထားဦး။ တကမ္ဘာလုံးက ချေးငွေတွေ၊ အလှူငွေတွေအားလုံး မြန်မာနိုင်ငံကို စုပြုံရောက်ခဲ့ရင်တောင် လာဘ်ပေးလာဘ်ယူမှု၊ အလွဲသုံးစားမှု ဗဟိုဘဏ်မှ ထိရောက်သော monetary policy, fiscal policy မူဝါဒများ မချမှတ်နိုင်မှု၊ ဘိန်းကုန်ကူးသမားများအား စစ်လက်နက်ပစ္စည်းများ ၀ယ်ယူသည့် ငွေများကို ခေတ္တစိုက်ခိုင်းထားပြီး နိုင်ငံတော်မှ ပြန်လည်ပေးချေသည့်နည်းလမ်းဖြင့် ငွေမည်းငွေဖြူပြောင်းမှု စသည်များဖြင့် မတည်မငြိမ်ဖြစ်နေသော ငွေကြေးဈေးကွက်မှာ စီးပွားရေးဖွံ့ဖြိုးတိုးတက်မှုကို ဆောင်ကျဉ်းပေးနိုင်မှာ မဟုတ်ပါ။

တကယ်တော့ ဖွံ့ဖြိုးတိုးတက်ရေးအတွက် အန်ဂျီအိုအသွင်နဲ့ လုပ်ဆောင်နိုင်မှုဟာ အမှောင်ထဲမှာ ဖယောင်းတိုင် ထွန်းပေးတာနဲ့ တူပါတယ်။ ဒီဖယောင်းတိုင် အလင်းရောင်လေးတွေဟာ နိုင်ငံရေး မတည်ငြိမ်မှုဆိုတဲ့ လေနဲ့တွေ့တဲ့အခါ အကြိမ်ကြိမ် မီးငြိမ်းသွားတတ်ပါတယ်။ မီးမငြိမ်းရင်လဲ ဖယောင်းတိုင် အလင်းရောင်ဖြစ်တဲ့အတွက် ကျယ်ပြန့်တဲ့၊ ရေရှည်ခံတဲ့ အလင်းရောင်ကို မပေးနိုင်ပါဘူး။ ဒါကြောင့် နိုင်ငံရေးတည်ငြိမ်မှုရှိရေးဆိုတဲ့ လျှပ်စစ်ဓာတ်အားပေး စက်ရုံကြီးတွေ တည်ဆောက်ပြီး အလင်းရောင် ပေးနိုင်ဖို့လိုပါတယ်။ ဒီလိုလုပ်ဆောင်မှုဟာ ဖယောင်းတိုင်ထုတ်လုပ်တာ၊ မီးညှိပေးတာ လောက်တော့ လွယ်မှာ မဟုတ်ပါဘူး။ မြန်မြန်ဆန်ဆန်ပြီးမှာလဲ မဟုတ်ပါဘူး။ ဒါကို အကြောင်းမရှိ အကြောင်းရှာပြီး အန်ဂျီအိုလုပ်သူတွေနဲ့ တော်လှန်ရေးသမားတွေ အကြား သူသာတယ်၊ ငါသာတယ်နဲ့ အငြင်းပွားနေလို့လဲ မရပါဘူး။

မြန်မာ့နိုင်ငံရေးမှာ လူမျိုးရေးပဋိပက္ခ၊ အတွေးအခေါ်ရေးရာ ပဋိပက္ခတွေအပြင် ဒီလို ကယ်တင်ရှင် ပဋိပက္ခတွေကလဲ ရှိနေပါသေးတယ်။ စစ်တပ်ကလဲ ပြည်တွင်းစစ်၊ ကျူးကျော်စစ်တွေကို ဆင်နွှဲခဲ့တဲ့ သမိုင်းအစဉ်အလာကို ပြပြီး တိုင်းပြည်ရဲ့ ကယ်တင်ရှင်လို့ ယူဆပါတယ်။ တော်လှန်ရေးသမားတွေကလဲ တော်လှန်ရေးဖြတ်သန်းမှု အစဉ်အလာကို ပြပြီး တိုင်းပြည်ကြီးကို မဖြစ်မနေ ကယ်တင်ရတော့မယ့် ကယ်တင်ရှင်လို့ သတ်မှတ်ကြပါတယ်။ civil society အားကောင်းအောင် ချဲ့ထွင်ရမယ့် အန်ဂျီအို လုပ်သူတွေကလဲ လူထုလူတန်းစားတွေအကြားမှာ ကူညီဆောင်ရွက်ပေးရင်း တိုင်းပြည်ရဲ့ အနာဂတ်ကံကြမ္မာကို ဆုံးဖြတ်ပေးရတော့မယ့် လူတွေကို သူတို့ဘာသူတို့ ထင်လာကြပြန်ပါတယ်။ တကယ်တမ်းကျတော့ မြန်မာပြည်အနာဂတ်ကို လူတဦးတယောက်တည်း၊ တဖွဲ့တည်းက မဆုံးဖြတ်ပေးနိုင်ပါဘူး။ မြန်မာနိုင်ငံရဲ့ ကယ်တင်ရှင်အစစ်အမှန်ဟာ နိုင်ငံရေးတည်ငြိမ်မှု ပါပဲ။ နိုင်ငံရေးတည်ငြိမ်မှုရှိမှ စီးပွားရေးဖွံ့ဖြိုးတိုးတက်မှုကို ထိထိရောက်ရောက် အကောင်အထည် ဖော်လို့ရပါတယ်။ လူနေမှုအဆင့်အတန်း မြင့်မားအောင် ပြုလုပ်လို့ရပါတယ်။ တိုင်းပြည်ရဲ့ ပညာရေး၊ ကျန်းမာရေး အဆင့်အတန်းကို ပြည့်ပြည့်၀၀ မြှင့်တင်လို့ရပါတယ်။

ဒီလိုနိုင်ငံရေးတည်ငြိမ်မှု ပန်းတိုင်အတွက် အရေးကြီးဆုံးအချက်က အမျိုးသားညီညွတ်ရေး (National Unity) ပါပဲ။ ဒီ အမျိုးသားညီညွတ်ရေးကိုလဲ အမျိုးသားပြန်လည်သင့်မြတ်ရေး (National Reconciliation) ကိုဖော်ဆောင်ပြီးမှ တည်ဆောက်ယူလို့ ရပါတယ်။ အဲဒီအမျိုးသား ပြန်လည်သင့်မြတ်ရေးကိုလဲ ဒိုင်ယာလော့ခ်နည်းလမ်းကို အသုံးပြုပြီး ဖော်ဆောင်ရမှာ ဖြစ်ပါတယ်။ တိုင်းရင်းသားလူမျိုးစုတွေ၊ ဒီမိုကရေစီတော်လှန်ရေးအင်အားစုတွေနဲ့ စစ်တပ်အကြားမှာ တွေ့ဆုံဆွေးနွေးပွဲလေးတွေကအစ ညီလာခံကြီးတွေ အထိ အဆင့်ဆင့်ကို ဖြတ်သန်းကြရဦးမှာ ဖြစ်ပါတယ်။

ဒီနေရာမှာ တိုင်းရင်းသားလူမျိုးစုဆိုတာမှာလဲ လူမျိုးစုတခုချင်းမှာတင် ဒေသခံခေါင်းဆောင်၊ လက်နက်ကိုင်တော်လှန်ပြီး အပစ်ရပ်ထားတဲ့ အဖွဲ့အစည်းခေါင်းဆောင်၊ လက်နက်ကိုင်တော်လှန်နေဆဲ ခေါင်းဆောင်၊ ပြည်ပအခြေချခေါင်းဆောင်၊ ၉၀ ရွေးကောက်ပွဲ ရွေးကောက်ခံ ကိုယ်စားလှယ် (ပြည်တွင်း၊ ပြည်ပ) တွေဆိုပြီး ခေါင်းဆောင်တွေ အများအပြားရှိပါတယ်။ ဒီမိုကရေစီ တော်လှန်ရေး အင်အားစုတွေမှာလဲ မြေပေါ်ပါတီ၊ မြေအောက်ပါတီ၊ ပြည်ပရောက်အဖွဲ့အစည်းတွေဆိုပြီး အမျိုးမျိုး ကွဲပြားနေပါတယ်။ စစ်တပ်ဆိုတာမှာလဲ ဘောင်းဘီဝတ်စစ်အုပ်စု၊ ဘောင်းဘီချွတ်စစ်အုပ်စု စတာတွေအပြင် hardliners ဂိုဏ်း၊ softliners ဂိုဏ်း စတာတွေကလဲ ရှိပါသေးတယ်။ စစ်တပ်ကို အတွေးအခေါ်နဲ့ လုပ်နည်းလုပ်ဟန်အရ ၀န်းရံပေးထားတဲ့ အရပ်သားပညာသည် အုပ်စု စတာတွေကလဲ ရှိပါသေးတယ်။ ဒီလိုကွဲပြားနေတဲ့ အစုအဖွဲ့တွေအကြားမှာ အမျိုးသားပြန်လည်သင့်မြတ်ရေးကို ဦးတည်တဲ့ တွေ့ဆုံဆွေးနွေးပွဲလေးတွေကနေ ညီလာခံကြီးတွေအထိ မဖြစ်လာမချင်း အမျိုးသားပြန်လည် သင့်မြတ်ရေးကို ဖော်ဆောင်လို့ မရပါဘူး။

နိုင်ငံရေးဖြစ်စဉ် ပြောင်းလဲမှုတွေအတွက် လှုပ်ရှားဆောင်ရွက်ကြရာမှာ ပြည်ပအခြေစိုက်အဖွဲ့နဲ့ ပြည်တွင်း အခြေစိုက်အဖွဲ့တွေဟာ ချိတ်ဆက်လို့ပဲရပါတယ်။ ပေါင်းစည်းလို့ မရပါဘူး။ မြေပေါ်အဖွဲ့ အစည်းတွေနဲ့ မြေအောက်အဖွဲ့အစည်းတွေလဲ ဒီအတိုင်းပါပဲ။ ချိတ်ဆက်ပြီး ဟန်ချက်ညီ လှုပ်ရှားလို့ပဲရပါတယ်။ ပေါင်းစည်းလို့ မရပါဘူး။ ဒါကြောင့် ပြည်ပမှာလုပ်တဲ့ တွေ့ဆုံဆွေးနွေးပွဲ၊ လက်နက်ကိုင် တော်လှန်ရေးနယ်မြေမှာလုပ်တဲ့ တွေ့ဆုံဆွေးနွေးပွဲ၊ ပြည်တွင်းမှာမြေပေါ်အဖွဲ့တွေ လုပ်တဲ့ တွေ့ဆုံဆွေးနွေးပွဲ၊ ပြည်တွင်းမှာ မြေအောက်အဖွဲ့တွေလုပ်တဲ့ တွေ့ဆုံဆွေးနွေးပွဲ၊ လူမျိုးစုတွေအကြားက ဆွေးနွေးပွဲ၊ လူမျိုးစုတွေနဲ့ စစ်တပ်အကြားက ဆွေးနွေးပွဲ၊ စစ်တပ်နဲ့ နီးစပ်ရာ တိုင်းရင်းသား ခေါင်းဆောင်တွေအကြားက ဆွေးနွေးပွဲ၊ တော်လှန်ရေးအင်အားစုတွေအကြားက ဆွေးနွေးပွဲ၊ တော်လှန်ရေးနဲ့ လူမျိုးစုခေါင်းဆောင်တွေအကြားက ဆွေးနွေးပွဲ စတဲ့ ဆွေးနွေးပွဲတွေအားလုံးဟာ အမျိုးသားပြန်လည်သင့်မြတ်ရေး ဖြစ်စဉ် (National Reconciliation Process) ထဲက ကြိုးပမ်းမှု အဆင့်ဆင့်တွေပဲ ဖြစ်ပြီး၊ အမျိုးသားပြန်လည်သင့်မြတ်ရေးကို အုတ်မြစ်ချနိုင်တဲ့ Highly Inclusive Dialogue ဖြစ်လာမှာ မဟုတ်ပါဘူး။ ဒီလို ဒိုင်ယာလော့ခ်မျိုး ဖြစ်ပေါ်လာဖို့ ဆိုတာကလဲ အသွင်ကူးပြောင်းကာလ ကြားဖြတ်အစိုးရ (Interim Government) အသွင်တမျိုးမျိုး မပေါ်ထွက်လာပဲနဲ့ ဖြစ်နိုင်ချေ မရှိပါဘူး။ ဒိုင်ယာလော့ခ်ကို စဉ်းစားရင် ဒီအချက်ကို အလေးအနက် စဉ်းစားဖို့ လိုအပ်ပါတယ်။

ဒိုင်ယာလော့ခ်နှင့် အသွင်ကူးပြောင်းကာလ ကြားဖြတ်အစိုးရ

ဒိုင်ယာလော့ခ်နဲ့ ပတ်သက်ရင် တောင်အာဖရိကနိုင်ငံရဲ့ ဒီမိုကရေစီ အသွင်ကူးပြောင်းမှုက နာမည်ကြီးလှပါတယ်။ လူအများရဲ့ နှုတ်ဖျားမှာ မင်ဒဲလားနဲ့ ဒိုင်ယာလော့ခ်က ရေပန်းစားလှပါတယ်။ အမှန်တကယ် တောင်အာဖရိကရဲ့ နိုင်ငံရေးသမိုင်းကို ပြောင်းလဲပေးလိုက်တဲ့ အချက်ကြီး တချက်ကတော့ လူအများကြားမှာ ရေပန်းမစားလှပါဘူး။ အဲဒါကတော့ ၁၉၈၀ နှောင်းပိုင်းကာလမှာ တောင်အာဖရိကနိုင်ငံရဲ့ ပဋိပက္ခအဆင့်ဟာ နှစ်ဘက်စလုံးက မရှုံးမနိုင်တော့တဲ့ အခြေအနေ (mutually hurtling stage) ကို ရောက်နေခဲ့ပြီဆိုတာပါပဲ။ တောင်အာဖရိကအစိုးရအနေနဲ့ အာဏာကိုသာ ဆုပ်ကိုင်ထားနိုင်ပေမယ့် ပြည်ပတရားဝင်မှုကို လုံးဝမရနိုင်တော့တဲ့အခြေအနေပါ။ ဒီမိုကရေစီ အရေးဘက်မှာက ပြည်တွင်းပြည်ပ ထောက်ခံအားပေးမှုကို ရနေပေမယ့် အစိုးရကို ဖြုတ်ချနိုင်မယ့် အဆုံးသတ်အခွင့်အလမ်း မရှိနိုင်တော့တဲ့ အခြေအနေပါ။

ဒါကို တောင်အာဖရိက အစိုးရဖက်က မဟာဗျူဟာလေ့လာရေးကျွမ်းကျင်သူတွေကလဲ သတိထားမိကြသလို၊ အတိုက်အခံတွေကလဲ တွက်ချက်မိကြပါတယ်။ နှစ်ဦးနှစ်ဘက် ထိပ်တိုက်ရင်ဆိုင်နေတာထက်စာရင် တွေ့ဆုံဆွေးနွေး အဖြေရှာဖို့ကို စဉ်းစားလာကြတယ်။ ဒိုင်ယာလော့ခ်လမ်းကြောင်းပေါ်ကို နှစ်ဘက်စလုံးက စစ်မှန်တဲ့ အတွေးအခေါ်နဲ့ တက်လာကြတာပါ။ ဒီလိုတက်လာတဲ့အခါမှာလဲ de Klerk အစိုးရက အသွင်ကူးပြောင်းမှုဆိုင်ရာ ကြားဖြတ်အစိုးရ အသွင်လေးမျိုးထဲက တမျိုးဖြစ်တဲ့ incumbent-led caretaker government အသွင်ကို ယူပြီးမှ မင်ဒဲလားနဲ့ တွေ့ဆုံဆွေးနွေးပွဲတွေ စလုပ်ခဲ့တာပါ။ ပြီးတော့မှ ငြိမ်းချမ်းရေးစာချုပ်ကို ပဋိပက္ခမှာ ပါဝင်ပတ်သက်နေတဲ့ အဖွဲ့အစည်းတွေအကြား လက်မှတ်ထိုးကြပြီး၊ နောက်တဆင့်အနေနဲ့ ဒီမိုကရက်တစ်ညီလာခံကို ကျင်းပနိုင်ခဲ့တာပါ။ ဘင်္ဂလားဒေ့ရ်ှနိုင်ငံမှာလဲ ၂၀၀၈ ခုနှစ်မှာ အိမ်စောင့်အစိုးရက ဦးဆောင်ပြီးမှ နိုင်ငံရေးပါတီ ၁၉ ခုနဲ့ ဒိုင်ယာလော့ခ် ပေါ်ထွက်လာခဲ့တာပါ။

အီရတ်အမျိုးသားပြန်လည်သင့်မြတ်ရေးဖြစ်စဉ်မှာလဲ ကမ္ဘာ့ကုလသမဂ္ဂက ဦးဆောင်ပြီး ဖွဲ့စည်းပေးတဲ့ international interim government ရဲ့ အခန်းကဏ္ဍက အရေးပါခဲ့ပါတယ်။ ဆိုမာလီးယားနိုင်ငံမှာလဲ ၁၉၉၁ ခုနှစ်မှာ Siad Barre regime ပြိုလဲသွားတဲ့အခါ အတိုက်အခံတွေက ဦးဆောင်တဲ့ကြားဖြတ်အစိုးရ opposition-led provisional government ကို ဖွဲ့စည်းပြီး၊ နောက်ခြောက်လအကြာမှာ reconciliation meeting ကို ခေါ်ခဲ့ကြပါတယ်။ ဒီလိုခေါ်ဆိုမှုမှာတောင် Highly inclusive dialogue မဖြစ်ခဲ့တဲ့အတွက် နောက်ထပ်ကြားဖြတ်အစိုးရတွေ ထပ်ပေါ်လာပြီး နိုင်ငံခွဲထွက်ရေးတောင်းဆိုမှုတွေ၊ အာဏာရှင် ဟောင်းရဲ့ နောက်လိုက်တွေ ပုန်ကန်မှုတွေ ကနေ state collapse အထိ ဖြစ်ခဲ့ဖူးပါတယ်။ ဆယ့်တနှစ်ကျော်ကြာ ပြည်တွင်းစစ်ဖြစ်ပွားခဲ့တဲ့ Burundi နိုင်ငံမှာလဲ ၂၀၀၇ ခုနှစ်မှာ လူမျိုးစုတွေအကြား ပါဝါခွဲဝေယူတဲ့ ကြားဖြတ်အစိုးရ (power-sharing interim government) ပေါ်ထွက်လာပြီးမှ အမျိုးသားပြန်လည်သင့်မြတ်ရေးအတွက် ဒိုင်ယာလော့ခ်တွေ ပြုလုပ်လာကြပါတယ်။

ဒါကြောင့် အမျိုးသားပြန်လည်သင့်မြတ်ရေးဖြစ်စဉ်ကို အကောင်အထည်ဖော်တဲ့အခါမှာ တွေ့ဆုံ ဆွေးနွေးပွဲတွေ၊ ညီလာခံတွေ ထောင်သောင်းချီပြီး လိုအပ်တာမှန်ပေမယ့် အုတ်မြစ်ကို တကယ်ချနိုင်မယ့် Highly inclusive Dialogue ဖြစ်လာဖို့အတွက်ကတော့ အတိုက်အခံဦးဆောင်တဲ့ ကြားဖြတ်အစိုးရ (opposition-led provisional government)၊ ပါဝါခွဲဝေယူသော ကြားဖြတ်အစိုးရ (power-sharing interim government) နိုင်ငံတကာကြားဖြတ်အစိုးရ (international interim government) နဲ့ အာဏာရှင်ဦးဆောင် အိမ်စောင့်အစိုးရ (incumbent-led caretaker government) စတဲ့ အသွင်ကူးပြောင်းကာလ ကြားဖြတ်အစိုးရ အသွင်တမျိုးမျိုး ပေါ်ထွက်လာရေးဟာ လိုအပ်ချက်တရပ်ပဲ ဖြစ်ပါတယ်။ ဒီအချက်ဟာ အလွန်အရေးကြီးပါတယ်။ ဒီအချက်ကို အာရုံမစိုက်ရင် ဒိုင်ယာလော့ခ် ပေါ်ထွက်လာရေးအတွက် မရှိမဖြစ်လိုအပ်တဲ့ တွန်းအား (leverage) နဲ့ ပတ်သက်တဲ့ မဟာဗျူဟာ ရွေးချယ်မှုတွေမှာ မှားယွင်းစေနိုင်ပါတယ်။ political deadlock ဖြစ်စေနိုင်ပါတယ်။

ဒိုင်ယာလော့ခ်နှင့် တွန်းအား (leverage)

တွန်းအားဆိုတာမှာ အကြမ်းဖျင်းအားဖြင့် normative leverage, coercive leverage နဲ့ walk-away leverage ဆိုပြီး သုံးမျိုးရှိပါတယ်။ normative leverage ဆိုတာက ကမ္ဘာတ၀ှမ်းမှာ လူအများလက်ခံထားကြတဲ့ လူမှုရေးစံနှုန်းတွေ (social norms)၊ သိပ္ပံနည်းကျစံနှုန်းတွေ (scientific norms) ကို အသုံးပြုဖြင့် ဒိုင်ယာလော့ခ်ဖြစ်လာအောင် တွန်းအားပေးတာပါ။ ဥပမာ- နိုင်ငံတနိုင်ငံရဲ့ ပညာရေး၊ စီးပွားရေး၊ ကျန်းမာရေးအဆင့်အတန်း တိုးတက်မြင့်မားအောင် ကြိုးပမ်းဆောင်ရွက်ရေးဟာ နိုင်ငံတော်အစိုးရရဲ့ တာဝန်တရပ်ပါ။ ဒီတာဝန်ကို ထိရောက်အောင် အားစိုက်ဆောင်ရွက်မှု မရှိဘူးဆိုရင် ဒီအချက်ကို နိုင်ငံတကာအသိုင်းအ၀ိုင်းက သိလာအောင် တော်လှန်ရေးသမားတွေက မီးမောင်းထိုးပြကြရပါတယ်။ တိုးတက်မှု နှောင့်နှေးစေတဲ့ ပြဿနာအကြောင်းရင်း အခြေခံ (root causes) တွေကို ဖော်ထုတ်ပြီး ဒီလိုပြဿနာတွေကို collaborative problem solving ချဉ်းကပ်နည်းလမ်းနဲ့ တွေ့ဆုံဆွေးနွေးအဖြေရှာပြီး ၀ိုင်းဝန်းဖြေရှင်းကြဖို့ နိုင်ငံတကာက ထောက်ခံအားပေးမှုအတွက် ကင်ပိန်းတွေ လုပ်ကြရပါတယ်။

ဒါဟာ normative leverage strategy ကို အသုံးပြုခြင်းပါပဲ။ လူ့အခွင့်အရေး၊ ပညာရေး၊ ကျန်းမာရေး၊ လူသားတို့ရဲ့ အခြေခံလိုအပ်ချက်များ ပြည့်စုံရေး၊ တရားမျှတမှုရှိရေး၊ နိုင်ငံရေးအကျဉ်းသားများ လွတ်မြောက်ရေး စတာတွေနဲ့ ပတ်သက်ပြီး နိုင်ငံတကာမှာ ချမှတ်ထားတဲ့ စံနှုန်းတွေနဲ့ နိုင်ငံတကာ အသိုင်းအ၀ိုင်းရဲ့ သံတမန်ရေးရာ ပိတ်ဆို့အရေးယူမှု၊ စီးပွားရေး ပိတ်ဆို့အရေးယူမှုစတဲ့ အရေးယူမှု သဏ္ဍာန်တွေ အများအပြား ရှိတဲ့အတွက် ဒီ normative leverage strategy ကို အသုံးပြုမှုဟာ ထိရောက်မှုလေးတွေ ရှိပါတယ်။ သို့ပေမယ့် ဘယ်အတိုင်းအတာအထိ ထိရောက်နိုင်မလဲ ဆိုတာမှာကတော့ အသွင်ကူးပြောင်းကာလမှာ ဘယ်လိုကြားဖြတ်အစိုးရ ပေါ်ပေါက်လာရေးကို ဦးတည်မျှော်လင့်သလဲ၊ မျှော်လင့်ချက်အတိုင်း ဖြစ်နိုင်ချေရှိမရှိ ဆိုတာပေါ်မှာ မူတည်ပါတယ်။

အသွင်ကူးပြောင်းကာလမှာ နိုင်ငံတကာအစိုးရတွေက လူသားချင်းစာနာမှုဖြင့် ၀င်ရောက်ကျူးကျော်မှု (Humanitarian Intervention) ကနေ ပေါ်ထွက်လာတဲ့ ကြားဖြတ်အစိုးရ (International interim-government) ကို ဦးတည် မျှော်လင့်တယ်ဆိုရင် normative leverage strategy တခုတည်းပဲ ကျင့်သုံးဖို့ သင့်လျော်ပါတယ်။ အာဏာရှင်နဲ့ တော်လှန်ရေးသမားတွေအကြားက တိုက်ပွဲဗဟိုချက်မက နိုင်ငံတကာအသိုင်းအ၀ိုင်းရဲ့ ဆုံးဖြတ်ချက်ပေါ်မှာ မူတည်ပါတယ်။ နိုင်ငံတကာကင်ပိန်းကိုပဲ အရှိန်မြှင့် ဆောင်ရွက်ရမှာ ဖြစ်ပါတယ်။ ဒါပေမယ့် မြန်မာနိုင်ငံနဲ့ နိုင်ငံရေးပထ၀ီဝင် အနေအထားအရ ဒီမဟာဗျူဟာ တခုတည်းပဲ ကျင့်သုံးရင် နောင်နှစ်ပေါင်း ငါးဆယ်၊ တရာအထိ အောင်မြင်ဖို့ မလွယ်ကူပါဘူး။

စစ်အေးတိုက်ပွဲပြီးဆုံးသွားခဲ့ပေမယ့် အနောက်အုပ်စုနဲ့ တရုတ်နိုင်ငံတို့အကြားက စစ်ရေး၊ စီးပွားရေး အင်အားချိန်ခွင်လျှာ ညှိမှုတွေက ၂၁ ရာစုကာလမှာ ကျယ်ကျယ်ပြန့်ပြန့် ထင်ရှားနေပါပြီ။ မြန်မာနိုင်ငံဟာ တရုတ်ပြည်ရဲ့ စစ်ရေး အချက်အချာဒေသဖြစ်သလို၊ အိန္ဒိယသမုဒ္ဒရာ စိုးမိုးရေး ဆိုင်ရာ maritime strategy တခုဖြစ်တဲ့ ပုလဲသွယ်စီမံချက် (String of Pearls) ထဲမှာ ပါဝင်နေတဲ့ နိုင်ငံတခုဖြစ်ပါတယ်။ တချိန်တည်းမှာပဲ တရုတ်နိုင်ငံရဲ့ စွမ်းအင်လုံခြုံရေး (energy security) အတွက် အမေရိကန်ရေတပ်ထိန်းချုပ်နယ်မြေမှာရှိတဲ့ မလက္ကာရေလက်ကြားကို ရှောင်ကွင်းပြီး တရုတ်ပြည်၊ ယူနန်နယ်ထဲအရောက် ရေနံနဲ့ သဘာဝဓာတ်ငွေ့တွေ ပို့ပေးနိုင်မယ့် ပိုက်လိုင်းက မြန်မာနိုင်ငံကို မလွဲမသွေ ဖြတ်ကို ဖြတ်ရမှာ ဖြစ်ပါတယ်။ ဒါကြောင့် မြန်မာပြည်ဟာ တရုတ်ပြည်အတွက် စစ်ရေး၊ စီးပွားရေး မဟာဗျူဟာတန်ဖိုး (strategic value) မြင့်မားနေတဲ့ နိုင်ငံတခုပါ။ ဒီနိုင်ငံထဲကို အနောက်အုပ်စုဦးဆောင်တဲ့ နိုင်ငံတကာစစ်တပ်တွေ ရောက်လာမယ့် အခြေအနေကို တရုတ်ပြည်ဟာ ဘယ်လိုအခြေအနေမျိုးမှာမှ ခွင့်ပြုမှာ မဟုတ်ပါဘူး။ အနောက်အုပ်စုနိုင်ငံတွေအနေနဲ့ကလဲ တရုတ်နဲ့ စစ်ရေးအရ ထိပ်တိုက်ရင်ဆိုင်ပြီး မြန်မာ့ဒီမိုကရေစီအရေးကို ၀င်ရောက်ကူညီမှု လုပ်မယ့် အခြေအနေတွေ မရှိသေးပါဘူး။ ဖြစ်လာခဲ့ရင်လဲ ကိုးရီးယားစစ်ပွဲလို proxy war ပဲ ဖြစ်လာပြီး၊ မြန်မာပြည် စစ်မြေပြင်ဖြစ်သွားမှာပါ။ ဒါကြောင့် နိုင်ငံတကာအသိုင်းအ၀ိုင်းက မြန်မာပြည်ကို လူသားချင်းစာနာမှုနဲ့ စစ်ရေးအရ ၀င်ရောက်စွက်ဖက်မှုကို မျှော်လင့်ပြီး ချမှတ်တဲ့ normative leverage strategy ဟာ လက်တွေ့ကျတဲ့ နိုင်ငံရေး မဟာဗျူဟာ ဖြစ်လာမှာ မဟုတ်ပါဘူး။

နောက်ထပ် ကြားဖြတ်အစိုးရအသွင်တမျိုးဖြစ်တဲ့ အာဏာရှင်က အသွင်ကူးပြောင်းဖို့ ဦးဆောင်ဖွဲ့စည်းတဲ့ အိမ်စောင့်အစိုးရ (incumbent-led caretaker government) ကို ဦးတည်ပြီး မဟာဗျူဟာ ချမှတ်တဲ့ အခါမှာတော့ normative leverage strategy ကိုသာမက coercive leverage strategy ကိုပါ အသုံးပြုဖို့ လိုအပ်ပါတယ်။ coercive leverage strategy ကို အသုံးပြုမှုမှာ လူထုတိုက်ပွဲနဲ့ လက်နက်ကိုင်တော်လှန်ရေးလမ်းစဉ်တွေ ပါဝင်လာပါတယ်။ normative leverage strategy ကို အသုံးပြုမှုကနေ ပေါ်ထွက်လာတဲ့ နိုင်ငံတကာဖိအားနဲ့ ပြည်တွင်းက ပြည်သူလူထုရဲ့ mass rolling actions တွေကို ပေါင်းစပ်ပြီး အာဏာရှင်တွေကို မဖြစ်မနေ ဒိုင်ယာလော့ခ် လုပ်အားအောင် တွန်းအားပေးမှုဖြစ်ပါတယ်။ အာဏာရှင်တွေရဲ့ အာဏာကို ဆက်လက်ဆုပ်ကိုင်ထားရင် ပေးဆပ်ရမှု (costs of staying in power) ကို ကြီးထွားလာအောင် လုပ်ပြီး၊ အသွင်ကူးပြောင်းလိုတဲ့ အိမ်စောင့်အစိုးရအသွင်ဆောင်လာအောင် လုပ်ဆောင်မှုဖြစ်ပါတယ်။ ဒီလို normative leverage နဲ့ coercive leverage ကို ပေါင်းစပ်အသုံးပြုမှုကလဲ ထိရောက်မှုတွေရှိပါတယ်။

သို့ပေမယ့် ဘယ်အတိုင်းအတာအထိ ထိရောက်မလဲ ဆိုတာကတော့ အာဏာရှင်တွေရဲ့ Strategic Doctrine အပေါ်မှာ မူတည်ပါတယ်။ မြန်မာစစ်အုပ်စု အဆက်ဆက်တို့ရဲ့ အတိုက်အခံနိုင်ငံရေးလောကအပေါ်မှာ ချမှတ်ကျင့်သုံးခဲ့တဲ့ Strategic Doctrine က ချေမှုန်းရေးကို အခြေခံတဲ့ containment ပေါ်လစီ ဖြစ်ပါတယ်။ ဒီပေါ်လစီက တွေ့ဆုံဆွေးနွေးရေး နဲ့ အပေးအယူပြုလုပ်ညှိနှိုင်းရေး ကိုအခြေခံတဲ့ appeasement ပေါ်လစီနဲ့ အမြစ်ပြတ်ချေမှုန်းရေးကို အခြေခံတဲ့ rollback ပေါ်လစီကြားမှာရှိတဲ့ ပေါ်လစီဖြစ်ပါတယ်။ အတိုက်အခံတွေကို ချေမှုန်းတာ မှန်ပေမယ့် အမြတ်ပြတ်ချေမှုန်းရေးအထိ ဆက်မလုပ်ပဲ တစတစ အင်အားချိနဲ့လာစေပြီး အတိုင်းအတာတခုမှာပင် ရပ်နေလိုက်ခြင်းမျိုးဖြစ်ပါတယ်။ ပြီးတော့မှ ငြိမ်းချမ်းရေး၊ တွေ့ဆုံဆွေးနွေးရေးဆိုတာကို သူတို့ ချမှတ်ထားတဲ့ စည်းကမ်းဘောင်တွေအတွင်းက ပြုလုပ်ပြီး ပါဝင်သွားတဲ့ အတိုက်အခံများကို နိုင်ငံရေးအရ သင်းကွပ်ခြင်းကို ဆက်လက်ပြုလုပ်လေ့ရှိပါတယ်။ သူတို့ စည်းဘောင်အတွင်းကို မ၀င်လာတဲ့ အတိုက်အခံတွေကို rollback ပေါ်လစီသုံးပြီး အပြုတ်တိုက်ရေး ဆက်လုပ်လေ့ရှိပါတယ်။ မြန်မာ့နိုင်ငံရေးသမိုင်းမှာ ဒီလို ဖြစ်စဉ်တွေ အများအပြား ရှိခဲ့ပြီး ဖြစ်ပါတယ်။

ဥပမာဆိုရရင် မြန်မာပြည်စစ်အာဏာရှင်စနစ်ကို အုတ်မြစ်ချပေးစ ကာလလို့ ဆိုနိုင်တဲ့ ၁၉၅၅-၅၆ ခုနှစ်၊ နိုင်ငံရေးအခင်းအကျင်းတွေ မှာတုန်းက ဖဆပလအစိုးရဟာ ပျူစောထီးစီမံကိန်းနဲ့ တော်လှန်ရေးသမားတွေကို နှိမ်နင်းဖို့လုပ်သလို၊ လွတ်ငြိမ်းချမ်းသာခွင့်အမိန့်ထုတ်ပြန်ပြီး အတိုက်အခံအင်အားစုများ အင်အားချိလာစေရေးကိုလဲ ပြုလုပ်ခဲ့ပါတယ်။ တော်လှန်ရေးအတိုက်အခံအင်အားစုကြီးဖြစ်တဲ့ ဗမာပြည်ကွန်မြူနစ်ပါတီရဲ့ ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး ၅၅ လမ်းစဉ်နဲ့ အတိုက်အခံနိုင်ငံရေးအင်အားစုတွေရဲ့ ပမညတ တပ်ပေါင်းစုကြီး ပေါ်ထွက်လာပြီး၊ ငြိမ်းချမ်းရေးအသံတွေ ပေါ်ထွက်နေချိန်မှာ အောင်မာဃစစ်ဆင်ရေးကို ဆင်နွှဲပြီး ချေမှုန်းရေးတွေ ပြုလုပ်ခဲ့ပါတယ်။ တော်လှန်ရေးအင်အားစုရဲ့ တွေ့ဆုံဆွေးနွေးရေး ကမ်းလှမ်းချက်တွေကို ပုတ်ထုတ်ပြီး စစ်ရေးကို အရှိန်မြှင့်ခဲ့ပါတယ်။ ငြိမ်းချမ်းရေးတံခါးတွေကို ပိတ်ပစ်ခဲ့ပါတယ်။ containment ပေါ်လစီကနေ နောက်ပြန်ဆုတ်ပြီး appeasement ပေါ်လစီနဲ့ တွေ့ဆုံဆွေးနွေးရေး စားပွဲပေါ် တက်လာတဲ့ လုပ်နည်းလုပ်ဟန်တွေကို မြန်မာပြည်စစ်အာဏာရှင်စနစ် အုတ်မြစ်ချစ အဲဒီခေတ်ကာလကနေ ယနေ့မျက်မှောက်အချိန်ကာလအထိ မတွေ့ရသေးပါဘူး။ ရှစ်လေးလုံးအရေးတော်ပုံကာလ၊ ၉၀ ရွေးကောက်ပွဲအလွန်ကာလ၊ တိုင်းရင်းသားလက်နက်ကိုင်အဖွဲ့အစည်းများနှင့် အပစ်ရပ်စဲမှုများ၊ အမျိုးသားညီလာခံ၊ လမ်းပြမြေပုံခုနစ်ချက်၊ ၂၀၀၇ ရွှေဝါရောင်တော်လှန်ရေး၊ ၂၀၀၈ ဖွဲ့စည်းပုံအခြေခံဥပဒေ၊ ၂၀၁၀ ရွေးကောက်ပွဲ စတဲ့ စစ်အုပ်စုရဲ့ နိုင်ငံရေး ဖြတ်သန်းမှုခြေလှမ်းတိုင်းမှာ containment ပေါ်လစီသဘောတရားတွေကို အခြေခံထားပါတယ်။ ဒီခြေလှမ်းတွေအရ စစ်အုပ်စုဟာ ခြေလှမ်းတွေကို နောက်ပြန်ဆုတ်ပြီး၊ အာဏာရှင်က အသွင်ကူးပြောင်းဖို့ ဦးဆောင်ဖွဲ့စည်းတဲ့ အိမ်စောင့်အစိုးရ (incumbent-led caretaker government) အသွင်နဲ့ ဒိုင်ယာလော့ခ် လုပ်လာဖို့ဆိုတာ ဖြစ်နိုင်ချေ ရာခိုင်နှုန်း တော်တော်နည်းပါတယ်။

အဲဒီလိုဆိုရင် တိုင်းပြည်အတွက် အရေးကြီးတဲ့ Highly inclusive Dialogue ဖြစ်လာအောင် ဦးတည်လှုပ်ရှားရမယ့် ကြားဖြတ်အစိုးရသဏ္ဍာန်က နှစ်မျိုးပဲ ကျန်ပါတယ်။ အတိုက်အခံများက ဦးဆောင်သော ကြားဖြတ်အစိုးရ (opposition-led provisional government) နဲ့ ပါဝါခွဲဝေယူသော ကြားဖြတ်အစိုးရ (power-share interim government) တို့ပဲ ဖြစ်ပါတယ်။ အသွင်ကူးပြောင်းမှုကာလမှာ ဒီလိုအစိုးရတွေ ပေါ်ထွက်လာရေးက normative leverage strategy, coercive leverage strategy တွေကို ကြားဖြတ်အစိုးရတရပ် ပေါ်ထွက်လာရေးအထိ ဦးတည်ပြီး စီမံချက်ရေးဆွဲ အကောင်အထည်ဖော်နိုင်မှု လိုအပ်ပါတယ်။ ဒီအခြေအနေမှာ တိုက်ပွဲရဲ့ ဗဟိုချက်မ ဟာ ပြည်တွင်းတော်လှန်ရေး အင်အားစုတွေဆီမှာ ဖြစ်ပါတယ်။ နိုင်ငံတကာကင်ပိန်းတွေ ဘယ်လောက်ပဲ လုပ်လုပ် ပြည်တွင်းတော်လှန်ရေး အင်အားစုတွေက အားမကောင်းရင် မအောင်မြင် နိုင်ပါဘူး။ ဒီအတွက် ဘက်ပေါင်းစုံက ကြိုတင်ပြင်ဆင်မှုတွေ လိုအပ်ပါတယ်။ မြေပေါ်မြေအောက် ချိတ်ဆက်မှုတွေ လိုပါ တယ်။ တပ်မတော်တွင်းက လူထုဘက်တော်သား တပ်မှူး၊ တပ်သားများကို လျှို့ဝှက် စည်းရုံးချိတ်ဆက်မှုတွေ လိုပါတယ်။ ရန်သူရဲ့ နိုင်ငံရေး ခြေလှမ်းအမှားတွေကို တွက်ချက်ပြီး ဖွင့်ချဖို့ လိုပါတယ်။

အရေးကြီးဆုံးက အချိန်မကျခင်မှာ ရန်သူ့သတ်ကွင်းထဲ မ၀င်မိအောင် ခြေလှမ်းတွေကို သတိနဲ့ ဆင်ခြင်တတ်ဖို့ လိုပါတယ်။ အင်အားပြနိုင်တိုင်း ရန်သူကို မအောင်မြင်နိုင်ပါဘူး။ မလိုအပ်ပဲ ကိုယ့်အင်အားကို ထုတ်နှုတ်ပြီး၊ အင်အားပြဖို့ ကြိုးစားရင် သတ်ကွင်းထဲမှာ ဖြစ်နေတဲ့အခါ အလဟဿ ပြုန်းတီးနိုင်ပါတယ်။ နိုင်ငံရေးစစ်ပွဲမှာဖြစ်ဖြစ်၊ စစ်ရေးအရ စစ်ပွဲမှာဖြစ်ဖြစ် ထိုးစစ်ဆင်တဲ့အခါ ကွပ်ကဲမှု ဆိုတာ လိုအပ်ပါတယ်။ စတင်မယ့် ရ- ရက် ကို ခန့်မှန်းချေလေးပဲ ဖြစ်ဖြစ် တဘက်ရန်သူကို အသိမပေးရပါ။ မီဒီယာ သတင်းမုဆိုးတွေ ထောင်ပေါင်းများစွာ ရှိနေတဲ့ ကမ္ဘာ့ဒီမိုကရေစီ နိုင်ငံကြီးတွေမှာတောင် ရှိသမျှ စစ်ရေး၊ နိုင်ငံရေး သတင်းအချက်အလက်မှန်သမျှ မီဒီယာကို သတင်းမထုတ်ပြန်ပါ။ လှုံ့ဆော်တာနဲ့ စီမံချက်နဲ့ကို ကွဲပြားဖို့ လိုအပ်ပါတယ်။ မီဒီယာက မီဒီယာသမား အလုပ်လုပ်ပါတယ်။ နိုင်ငံရေးသမားက နိုင်ငံရေးသမားအလုပ် လုပ်ရပါမယ်။ စောင့်စည်းရမယ့် ကျင့်ဝတ်တွေ မတူညီပါဘူး။ ဒါတွေကို မရောစပ်မိဖို့ အရေးကြီးပါတယ်။ နိုင်ငံရေးပါတီ၊ အဖွဲ့အစည်း တိုင်းမှာ mass media နဲ့ ဆက်ဆံတဲ့ protocol တွေ ရှိဖို့ လိုပါတယ်။ အကယ်၍ ရန်သူ့ထောက်လှမ်းရေးများမှ အသံလွှင့် မီဒီယာများတွင်ပါသည့် ပြည်တွင်းလှုပ်ရှားမှု သတင်းများကို နားထောင်ပြီး၊ အတိုက်အခံ ဘလော့များတွင် တင်ထားသော လှုပ်ရှားမှုဓာတ်ပုံများ၊ ဗွီဒီယိုများမှတဆင့် တော်လှန်ရေးသမားများကို ခြေရာခံ ဖမ်းဆီးမိသွားပါက ရန်သူတော်၍လား၊ မိမိညံ့၍လားဆိုတာ မေးစရာပင် လိုမည် မဟုတ်ပါ။

ဒီလို normative leverage strategy, coercive leverage strategy တွေကို ပေါင်းစပ်အသုံးပြုပြီး အတိုက်အခံတွေ ဦးဆောင်တဲ့ ကြားဖြတ်အစိုးရ (သို့မဟုတ်) လူထုနှင့် ပူးပေါင်းလာသော တပ်မှူးများနဲ့ ပါဝါရှယ်ယာကြားဖြတ်အစိုးရ ပေါ်ထွက်လာရေးအတွက် ဦးတည်လှုပ်ရှားတာကို တချို့က ဒိုင်ယာလော့ခ်နဲ့ အမျိုးသားပြန်လည်သင့်မြတ်ရေး လမ်းကြောင်းကို သွေဖည်တာလို့ ယူဆကြပါတယ်။ လက်တွေ့မှာ မဟုတ်ပါဘူး။ တွန်းအား (leverage) နဲ့ ပတ်သက်တဲ့ မဟာဗျူဟာတွေထဲမှာ walk-away leverage strategy ဆိုတာလဲ ရှိပါသေးတယ်။ ဒါကို နိုင်ငံရေးပညာရှင်တွေက best alternative to a negotiated agreement (BATNA) လို့ ခေါ်ဝေါ်သုံးစွဲပါတယ်။ တွေ့ဆုံဆွေးနွေးရေး မဟုတ်တဲ့ အခြားအကောင်းဆုံး ရွေးချယ်မှုနည်းလမ်းကို ခေါ်ဆိုတာပါ။ ဒါကလဲ ဒိုင်ယာလော့ခ်တွေ ပေါ်ထွက်လာရေးအတွက် တွန်းအားတခုပါပဲ။ ဒီတွန်းအားက တိုင်းပြည်ရဲ့ ကံကြမ္မာကို ဆုံးဖြတ်ပေးနိုင်ပါတယ်။ ဘာကြောင့်လဲဆိုတော့ အာဏာရှင်တွေကလဲ ဒီလိုတွန်းအားမျိုးကို ပြန်ပြီး အသုံးပြုတတ်လို့ပါပဲ။

ပြည်တွင်းရေး ပဋိပက္ခတွေမှာ အာဏာရှင်တွေအတွက် စေ့စပ်ဆွေးနွေးရေး မဟုတ်တဲ့ BATNA ကတော့ political liberalization အတွေးအခေါ်ကို အခြေခံတဲ့ အာဏာရှင်ရွေးကောက်ပွဲ (authoritarian election) များ ကျင်းပခြင်းနဲ့ အာဏာရှင် ရုပ်သေးအစိုးရ တရပ် ပေါ်ပေါက်လာရေးဖြစ်ပြီး၊ အတိုက်အခံတွေအတွက် စေ့စပ်ဆွေးနွေးရေးမဟုတ်တဲ့ BATNA ကတော့ Initial Transition အတွေးအခေါ်ကို အခြေခံတဲ့ လူထုတိုက်ပွဲ၊ လက်နက်ကိုင် တိုက်ပွဲများမှ တဆင့် ပြည်သူ့အစိုးရ (၀ါ) ကြားဖြတ်အစိုးရ တရပ် ပေါ်ပေါ်လာရေး ဖြစ်ပါတယ်။ အာဏာရှင်တွေဘက်က ဒီလိုတွန်းအားကို သုံးပြီး ၊ ရွေးကောက်ခံအာဏာရှင်စနစ်ရဲ့ ယောင်ပြတွေ့ဆုံဆွေးနွေးပွဲတခုကို အတုအယောင်ရွေးကောက်ပွဲနဲ့ တက်လာတဲ့ အာဏာရှင်ရုပ်သေးအစိုးရကို အသုံးချပြီး ကမ်းလှမ်းခေါ်ယူတတ်တာတွေ ရှိပါတယ်။ ဒီလို ကမ်းလှမ်းမှုတွေဟာ အစစ်အမှန် တွေ့ဆုံဆွေးနွေးပွဲမဟုတ်ပဲ အာဏာရှင်စိတ်တိုင်းကျ conditions တွေ ချမှတ်လုပ်မှာ ဖြစ်တဲ့အတွက် ပါဝင်ရေး လုပ်မလုပ်ကို အလွန်သတိကြီးကြီးနဲ့ စဉ်းစားဆုံးဖြတ်ကြရမယ့် နိုင်ငံရေးအချိုးအကွေ့ဖြစ်ပါတယ်။ တကယ်လို့ အာဏာရှင်ဘက်က စေ့စပ်ဆွေးနွေးရေးကို ရှောင်ရှားနိုင်မယ့် BATNA ကို အကောင်အထည် ဖော်နေချိန်အထိ အတိုက်အခံတွေဘက်မှာ BATNA မရှိပဲ စေ့စပ်ဆွေးနွေးရေးကိုပဲ တောင်းဆိုနေခဲ့ရင်တော့ အာဏာရှင်အလိုကျ ဒိုင်ယာလော့ခ် ပေါ်ထွက်လာမှာ အသေအချာပါပဲ။

ဒီလိုနိုင်ငံရေးအချိုးအကွေ့ကို လက်မခံနိုင်ပဲ စစ်မှန်တဲ့ ဒိုင်ယာလော့ခ်ပေါ်ထွက်လာရေးကို ဦးတည်ဆောင်ရွက်လိုရင်တော့ အတိုက်အခံတွေဘက်မှာ အတိုက်အခံဦးဆောင်ကြားဖြတ်အစိုးရ (သို့) ပါဝါရှယ်ယာကြားဖြတ်အစိုးရပေါ်ထွက်ရေးအတွက် တော်လှန်ရေး BATNA ရှိနေဖို့ လိုအပ်လာပါပြီ။ အဲဒီကနေတဆင့် တော်လှန်ရေးနဲ့တက်လာတဲ့ ကြားဖြတ်အစိုးရသစ်ဟာ ဒိုင်ယာလော့ခ်ခေါ်ယူပြီး အမျိုးသားပြန်လည်သင့်မြတ်ရေးလမ်းကြောင်းပေါ်ကို တက်လှမ်းရမှာ ဖြစ်ပါတယ်။ ဒါက walk-away leverage strategy ကို အသုံးပြုမှုပြီး ဒိုင်ယာလော့ခ်ဖြစ်လာအောင် ပြုလုပ်ခြင်းပဲ ဖြစ်ပါတယ်။


မြန်မာ့နိုင်ငံရေးနှင့် ဒိုင်ယာလော့ခ် အလားအလာ

လက်ရှိမြန်မာ့နိုင်ငံရေး အခြေအနေကို သုံးသပ်ကြည့်ရင် သုံးပွင့်ဆိုင်ဒိုင်ယာလော့ခ်နှစ်ခုနဲ့ နှစ်ပွင့်ဆိုင်ဒိုင်ယာလော့ခ်တခု ပေါ်ထွက်လာနိုင်ပါတယ်။ စစ်အုပ်စုက သူတို့စိတ်တိုင်းကျရေးဆွဲထားတဲ့ ဖွဲ့စည်းအုပ်ချုပ်ပုံ အခြေခံဥပဒေကို ကိုင်စွဲပြီး၊ ရွေးကောက်ပွဲကျင်းပထားပြီး ဖြစ်ပါတယ်။ ရွေးကောက်ပွဲအနိုင်ရပါတီကလဲ စစ်အုပ်စုက နှစ်ပေါင်းများစွာ လက်သပ်မွေးကြိုးဆွဲထားခဲ့တဲ့ လက်ကိုင်ဒုတ်အဖွဲ့အစည်းကို အသွင်ပြောင်းထားခြင်း ဖြစ်ပါတယ်။ ဒါကြောင့် အစိုးရအဖွဲ့မှာ စစ်အုပ်စုရဲ့ တိုက်ရိုက်အုပ်ချုပ်ခံ တပ်မတော်သားရာခိုင်နှုန်း ၂၅ ရာခိုင်နှုန်းပါဝင်ပြီး၊ သွယ်ဝိုက်ကြိုးဆွဲရာခိုင်နှုန်းကလဲ ကျန် ၇၅ ရာခိုင်နှုန်းရဲ့ လေးပုံသုံးပုံ ဖြစ်ပါတယ်။ နိုင်ငံရေးအခြေအနေမှာ စစ်အုပ်စုရဲ့ စိတ်တိုင်းကျမဖြစ်ခဲ့ရင် တရားဝင် စစ်အာဏာသိမ်းဖို့ အမြုတေ စစ်ကောင်စီကလဲ လုံခြုံရေးကောင်စီအသွင်သဏ္ဍာန်နဲ့ ပါနေပြီးသား ဖြစ်ပါတယ်။ ဒီလို ရွေးကောက်ခံ အာဏာရှင်စနစ်ကို ကျင့်သုံးမယ့် အစိုးရသစ်က လွတ်ငြိမ်းချမ်းသာခွင့် အမိန့်ကို ထုတ်ပြန်ကြေငြာပြီး၊ အတိုက်အခံ နိုင်ငံရေးအင်အားစုတွေကို ခွဲထုတ်ဖို့ ကြိုးပမ်းလာနိုင်ချေရှိပါတယ်။ ပြီးတဲ့အခါ အစိုးရသစ်နဲ့ စစ်အုပ်စုက ရွေးချယ်တဲ့ တိုင်းရင်းသားခေါင်းဆောင်၊ နိုင်ငံရေးခေါင်းဆောင်တွေ စုပေါင်းပြီး ဒိုင်ယာလော့ခ်ပွဲ တခု ပေါ်ထွက်လာနိုင်ပါတယ်။ ဒီပွဲက စစ်အုပ်စုချမှတ်တဲ့ စည်းဘောင်အတွင်းမှာ ဖြစ်တဲ့အတွက် စစ်မှန်တဲ့ အမျိုးသားပြန်လည် သင့်မြတ်ရေးကို ဆောင်ကျဉ်းပေးနိုင်မှာ မဟုတ်ပါဘူး။

အတိုက်အခံတွေဘက်မှာလဲ နှစ်ပွင့်ဆိုင် ဒိုင်ယာလော့ခ်တခုဖြစ်တဲ့ ပင်လုံညီလာခံတခု ပေါ်ထွက်လာရေးကို ဆောင်ရွက်နေကြပါတယ်။ တော်လှန်ရေးအင်အားစုတွေနဲ့ တိုင်းရင်းသားအင်အားစုတွေ အားလုံးပါဝင်နိုင်မှာ မဟုတ်ပေမယ့် အင်အားစုများများ ပါဝင်လာအောင် ဦးဆောင်စည်းရုံးမှုရှိလာခဲ့ရင် အမျိုးသားပြန်လည်သင့်မြတ်ရေး ဖြစ်စဉ်ကို အကောင်အထည် ဖော်ဆောင်မှု နှစ်ပွင့်ဆိုင်ဒိုင်ယာလော့ခ်တခု အဖြစ် တွင်ကျန်ရစ်လာမှာ ဖြစ်ပါတယ်။ ပဋိပက္ခတွေကို အဆုံးသတ်ပေးပြီး၊ အမျိုးသားပြန်လည်သင့်မြတ်ရေးကို ဆောင်ကျဉ်းပေးနိုင်မယ့် Highly inclusive Dialogue အတွက် အထောက်အကူပြုလာမှာ ဖြစ်ပါတယ်။ ခြေလှမ်းတိုင်းမှာ ဆင်ခြင်တုံတရားနဲ့ သတိကို လက်ကိုင်ပြုဖို့တော့ လိုအပ်ပါတယ်။

နောက်ထပ် ဒိုင်ယာလော့ခ်ကတော့ စစ်မှန်တဲ့ အမျိုးသားပြန်လည်သင့်မြတ်ရေးကို ဆောင်ကျဉ်းပေးနိုင်မယ့် ဒိုင်ယာလော့ခ်ပါ။ ဒီဒိုင်ယာလော့ခ်ပေါ်ထွက်လာရေးကတော့ အတိုက်အခံတွေရဲ့ ရွေးချယ်မှုနဲ့ ပြင်ဆင်ဆောင်ရွက်တတ်မှုတွေအပေါ်မှာပဲ မူတည်ပါတယ်။ ရွေးကောက်ပွဲအလွန်ကာလနိုင်ငံရေးမှာ အတိုက်အခံတွေအတွက် ရွေးချယ်စရာ လမ်းစဉ်သုံးခုရှိပါတယ်။
(၁) ပထမတခုက စစ်အုပ်စုရဲ့ စည်းဘောင်အတွင်းကို အညံ့ခံဝင်ရေးပါ။ လွတ်ငြိမ်းချမ်းသာခွင့် ထုတ်ပြန်လာခဲ့ရင် အခွင့်အရေးယူပြီး၊ စစ်အုပ်စုရဲ့ ရုပ်သေးအစိုးရသစ်က ခေါ်မယ့် ဒိုင်ယာလော့ခ်မှာ ပါဝင်ခွင့်ရရေးအတွက် ကြိုးပမ်းမှုပါ။
(၂) ဒုတိယလမ်းစဉ်က အချေမှုန်းခံရေးပါ။ စစ်အုပ်စုဟာ သူတို့ရဲ့ BATNA ဖြစ်တဲ့ လမ်းပြမြေပုံခုနစ်ချက်ကို ကိုင်စွဲထားကြပြီးပါပြီ။ containment strategy ကို အသုံးပြုပြီး အတိုက်အခံများ အင်အားလျော့ရေး၊ အတွေးအခေါ်များေ၀၀ါးစေရေးကိုလဲ လုပ်ဆောင်ထားကြပါပြီ။ သူတို့စိတ်တိုင်းကျခြယ်လှယ်နိုင်မယ့် စည်းဘောင်ထဲကို တော်လှန်ရေး အင်အားစုတွေနဲ့ တိုင်းရင်းသားအင်အားစုတွေကို ကျုံးသွင်းဖို့ကိုလဲ ပြင်ဆင်ထားကြပါပြီ။ ကျုံးသွင်းလို့ မ၀င်ရင် ရှေ့တဆင့်တက်ပြီး roll back strategy နဲ့ အပြုတ်တိုက်ချေမှုန်းရေးကိုလဲ စီမံနေကြပါပြီ။ ဒီအခြေအနေမှာ ကိုယ်ပိုင် BATNA မရှိပဲ ဒိုင်ယာလော့ခ်ပဲ တောင်းဆိုရင်တော့ ကျုံးသွင်းပြီး စည်းဘောင်ထဲ အတင်းသွတ်သွင်းတာ ခံရရင်ခံရ၊ ဒါမှမဟုတ် အပြုတ်တိုက် ချေမှုန်းခံရဖို့ပဲ ရှိပါတယ်။
(၃) တတိယလမ်းစဉ်က တန်ပြန်စုဖွဲ့နေရာယူပြီး၊ စနစ်တကျပြင်ဆင်မှုတွေနဲ့ တော်လှန်ရေးတရပ်ဆင်နွှဲဖို့ပါ။ ဒီတော်လှန်ရေးဟာ ကြားဖြတ်အစိုးရ (Interim Government) ပေါ်ထွက်လာရေးကို ဦးတည်တဲ့ အဆုံးသတ်တော်လှန်ရေး ဖြစ်မှကို ရပါမယ်။ စစ်အုပ်စုက တော်လှန်ရေးမပြီးခင် တွေ့ဆုံဆွေးနွေးရေး ကမ်းလှမ်းလာချက်တွေကို လက်ခံပြီး၊ ရန်သူကို လျှော့တွက်လို့ မရပါဘူး။ စစ်အုပ်စုဟာ စစ်မှန်တဲ့ တွေ့ဆုံဆွေးနွေးရေးကို မလိုလားတဲ့အတွက် သူတို့ ခြယ်လှယ်နိုင်မယ့် ဒိုင်ယာလော့ခ်ကို နိုင်ငံတကာဖိအားတွေကြားက မဖြစ်မနေ အကောင်အထည်ဖော်ခဲ့ကြတာပါ။ သူတို့ဘက်မှာလဲ ရင်းနှီးခဲ့ရတဲ့ အချိန်တွေနဲ့ လက်ကိုင်ဒုတ်တွေ အားတောင့်လာအောင် ပြင်ဆင်ခဲ့ရတဲ့ ကြိုးပမ်းမှုတွေ အများကြီးပါ။ နိုင်ငံတကာက စတိတ်မင့်လေးထုတ်ပြီး ကန့်ကွက်ရုံ၊ ယူအင်က ကိုယ်စားလှယ်လေး လာတွေ့ပြီး စုံစမ်းစစ်ဆေးရုံ၊ လူအများက လမ်းပေါ်ထွက်လာရုံလောက်နဲ့ နောက်ဆုတ်ပြီး စစ်မှန်တဲ့ တွေ့ဆုံဆွေးနွေးရေးလမ်းကြောင်းပေါ် တက်လာဖို့ဆိုတာ ဖြစ်နိုင်ချေ အလွန်နည်းပါတယ်။ စစ်အုပ်စုရဲ့ ရုပ်သေးအစိုးရကို ဖြုတ်ချပြီး ပြည်သူ့အစိုးရ (၀ါ) ကြားဖြတ်အစိုးရတရပ်နဲ့ အစားထိုးနိုင်မှသာ တော်လှန်ရေးက အောင်မြင်မှာ ဖြစ်ပါတယ်။

နိဂုံး

တော်လှန်ရေးတရပ်မှာ လမ်းစဉ်တွေ အများအပြား ရှိတဲ့အနက် အတိုက်အခံတွေရဲ့ မှန်ကန်သောလမ်းစဉ် ရွေးချယ်နိုင်မှုကသာ စစ်မှန်တဲ့ ဒိုင်ယာလော့ခ် ပေါ်ထွက်လာရေးရဲ့ အောင်မြင်ရေးသော့ချက် တခု ဖြစ်ပါတယ်။ နောက်ထပ်သော့ချက်တခုကတော့ capabilities ပါပဲ။ ဘယ်လောက်ပဲ ကောင်းမွန်တဲ့ vision တွေကို ထုတ်ပြန်ကြေညာချက်တွေ ထုတ်ပြီး ကြေညာထား၊ ကြေညာထား၊ ဘယ်လောက်ပဲ မှန်ကန်တဲ့ intent တွေကို လူအများသိအောင် ပြောပြော၊ နောက်ဆုံးတော့လဲ capability မရှိရင် ဘာမှလုပ်နိုင်မှာ မဟုတ်ပါဘူး။ capability ရှိတယ် ဆိုရင်တော့ ကောက်ခါငင်ခါ ပေါ်လာတဲ့ vision, intent တွေကို ချက်ချင်း အကောင်အထည် ဖော်နိုင်ပါလိမ့်မယ်။ ဒါကြောင့် intent တွေ တကယ်ဖြစ်လာဖို့၊ capability တွေရှိလာအောင် ပြင်ဆင်တည်ဆောက်ရင်း မြန်မာပြည်မှာ စစ်မှန်တဲ့ ဒိုင်ယာလော့ခ်ပေါ်ထွက်လာရေးကို ဦးတည်ကြိုးပမ်းသင့်ကြပါကြောင်း တိုက်တွန်းရေးသားအပ်ပါတယ်။

ခင်မမမျိုး (၂၃၊ ၁၁၊ ၂၀၁၀)
http://khinmamamyo.blogspot.com/

Dialogue and Burma by Khin Ma Ma Myo

ဆွေးနွေးခန်း (၁၁၂)

မေး - ဒါဆို ကြံဖွံ အမတ်များဟာ ရုပ်သေးရုပ်များလို့ ခင်ဗျားဆိုလိုတာလား?

ဖြေ - ရုပ်သေးရုပ်ဆိုတာကမှ စင်ပေါ်ကိုအတင်ခံရပြီး က,ရဦးမယ် အခုဟာက အနိုင်ရ ကြံဖွံအမတ်များဟာ ဘယ်တော့မှ အခေါ်ခံရမှာမဟုတ်တဲ့ လွှတ်တော်အတွက် ရွေးချယ်ထားတဲ့ အမတ်များသာဖြစ်တယ် ဆိုတာပဲဗျ။

မေး - ဒါဆိုရင် ၂၀၁၀ ရွေးကောက်ပွဲဟာ နအဖရဲ့ အကြီးမားဆုံး လိမ်ညာလေလုံးကြီးပေါ့?

ဖြေ - ဒီလိုတော့လဲ မဟုတ်ဖူးဗျ။ အော်ရဂျင်နယ် ပလန်ကတော့ စစ်အုပ်ချုပ်ရေး စနစ်ကနေ အရပ်သား အုပ်ချုပ်ရေးစနစ်ကို ပြောင်းဖို့ရယ်၊ အင်တာနေရှင်နယ် ဖိအားတွေ လျှော့ကျအောင်လုပ်ဖို့ရယ် ပါတာပေါ့ဗျာ။ ဒါပေမဲ့ နအဖ အတွင်းမှာ လှုပ်ခတ်မှုလေးတွေ ဖြစ်လာတာ ခင်ဗျားတွေ့မှာပေါ့။ အဓိကပြဿနာကတော့ အရပ်သားအုပ်ချုပ်ရေးကို ဘယ်သူက တာဝန်ယူ အုပ်ချုပ်မှာလဲ။ နောက်ပြီး တချိန်လုံး ခိုင်မာစွာ အုပ်ချုပ်လာတဲ့ စစ်ဦးစီးချုပ်ရာထူးနေရာကကော ဘယ်သူ့ အတွက်လဲဆိုတာပါပဲ။ နအဖဟာ ၂၀၀၈ ခုနှစ် ဖွဲ့စည်းပုံ အခြေခံဥပဒေမှာ စစ်တပ်ကို အရေးကြီးတဲ့ နေရာကို ထည့်လိုက်ခြင်းအားဖြင့် အကြီးမားဆုံး အမှားကြီးကို ကျူးလွန်လိုက်တယ်။ အဲဒီအမှားကြီးကြောင့် ခုကြံဖွံက ၇၆ ရာခိုင်နှုန်းနဲ့ နိုင်ပါတယ် ဆိုတာတောင် အရပ်သားအစိုးရတရပ် ဖြစ်ပေါ်လာရေးဟာ အလှမ်းဝေးနေဦးမှာပဲ ဆိုတာ အခုဆို တော်တော်ထင်ရှားလာပြီ။ တကယ်လို့သာ ၂၀၀၈ ခုနှစ် ဖွဲ့စည်းပုံမှာ စစ်တပ်ရဲ့ complication ကိုသာ မထည့်ခဲ့ဖူးဆိုရင် စစ်ဦးစီးချုပ်ဆိုတဲ့လူဟာ တောင်ရှည်ပုဆိုးနဲ့ အရပ်သားအစိုးရ အကြီးအကဲ ဖြစ်ဖို့ပဲဗျ။ ပြီးခဲ့တဲ့ လပိုင်းတွေမှာ စစ်တပ်အတွင်းမှာ လှုပ်လှုပ်ရွရွ တော်တော်ဖြစ်ခဲ့တာကို ခင်ဗျားတွေ့မှာပေါ့။ အဲဒါဟာ တပ်တွင်းမှာ အားစမ်းပွဲလေးတွေ ဖြစ်ခဲ့တာဆိုရင် မမှားဘူး။ စစ်တပ်အတွင်းမှာ ဆန့်ကျင်အာခံမှုတွေ ဖြစ်လာရင် အချိန်မီ ထိန်းအုပ်ကွပ်ကဲနိုင်မလားလို့ စမ်းပြီးသွားခဲ့ပြီဗျ။ ရလဒ်တွေကတော့ နအဖ ခေါင်းဆောင်တွေအတွက် သိပ်ကျေနပ်ဖွယ်ရာမဖြစ်ခဲ့ဖူး။ အဲ ဗိုလ်သန်းရွှေ အနေနဲ့ ဆွေမျိုးသားချင်း တယောက်ကို စစ်ဦးစီးချုပ်ရာထူးပေးပြီး သူကိုယ်တိုင်က ကြံဖွံပါတီခေါင်းဆောင်အဖြစ် အရပ်သားအုပ်ချုပ်ရေးကို ရယူဖို့ဆိုတာလဲ အင်မတန်မှ ဖြစ်နိုင်ချေ နည်းလှတာကြောင့် ကြံဖွံပါတီဟာ အနိုင်ရသော်လည်း တိုင်းပြည်အုပ်ချုပ်ရေး စနစ်မှာပါဝင်နိုင်ဦးမှာ မဟုတ်သေးဘူး။ ဆိုလိုတာက ကြံဖွံအမတ်တွေဟာ တရားမဝင် အခွင့်အရေးနဲ့ အခွင့်ထူးခံဖြစ်နေနိုင်ရုံကလွဲလို့ ဘာမှထပ်မဖြစ်လာနိုင်သေးဘူးဆိုတာပါပဲ။

မေး - ဒါဖြင့် နအဖ စစ်ဗိုလ်ချုပ်ကြီးတွေ အစုလိုက် အပြုံလိုက် ထွက်သွားတာကောဗျာ။ နအဖဟာ ကြံဖွံကို ဖျက်ဆီးပစ်လိုစိတ် သက်သက်နဲ့တော့ ရွေးကောက်ပွဲကို မလုပ်ခဲ့ဘူးမဟုတ်လား။

ဖြေ - ဗိုလ်သန်းရွှေခေါင်းထဲမှာ ဘာတွေရှိလဲဆိုတာ ကျွန်တော်သေချာ မပြောနိုင်ဘူးဗျ။ ဒါပေမဲ့ သူဟာ စစ်တပ်ရဲ့ နိုင်ငံရေးမှာ လွှမ်းမိုးထားမှုကို မလိုလားဘူး။ အထူးသဖြင့် ဗိုလ်သန်းရွှေဟာ စစ်တပ်ကနေသူထွက်တဲ့ အချိန်မှာ နိုင်ငံရေး အရဖြစ်စေ သြဇာအာဏာ အရဖြစ်စေ စစ်တပ်ဟာ သူရဲ့ အောက်မှာပဲ ဆက်ရှိနေစေ့ချင်တယ်။ ဒီအတွက်ကြောင့် စစ်တပ်မှာ ထင်ရှားတဲ့ ခေါင်းဆောင်ပိုင်းတွေကို ဖယ်ရှားပြီး အရပ်ဘက် အုပ်ချုပ်ရေးစနစ်ထဲကို ပို့လိုက်တာပဲဖြစ်တယ်။ သို့သော်လည်း ခုနကပြောခဲ့တဲ့ အားစမ်းပွဲလေးတွေအရ စစ်အုပ်ချုပ်ရေးနဲ့ အကြီးအကဲရာထူးဟာ ဗိုလ်သန်းရွှေ အနေနဲ့ အရေးအကြီးဆုံးလို့ သဘောပေါက်သွားပုံရတယ်။ အဲဒီမှာ ကြံဖွံထဲလုံးလုံးရောက်သွားတဲ့ ယူနီဖောင်းချွတ်ဗိုလ်ချုပ်ကြီးတွေ အနေနဲ့ မျောက်သစ်ကိုင်းလွတ်တာပဲလို့ ကျွန်တော်မြင်တယ်။

မေး - ဒါဖြင့်ဗိုလ်သန်းရွှေ နေရာကို ဆက်ခံမဲ့ လူရှာမတွေ့သေးသ၍ ဒီဗိုလ်ချုပ်တွေနဲ့ ကြံဖွံဟာ ဒီလိုပဲတန်းလန်းကြီး ဖြစ်နေတော့မှာပေါ့။ ကျွန်တော်ကတော့ အမြီးပေါက်ပြီး ချိုတန်းလန်းဖြစ်နေတဲ့ ကြံဖွံအမတ် အောင်သိန်းလင်းကိုသာ ပြေးမြင်မိတော့တာပဲဗျာ။ ဘာမှ ဖြစ်လာမှာမဟုတ်တဲ့ ရွေးကောက်ပွဲ အတွက် နွားလိုရုန်းရတာကိုး သူ့ခမျာ။

ဖြေ - လောလောဆယ်မှာတော့ ဗိုလ်သန်းရွှေနေရာကို ဆက်ခံဖို့ အလားလာ ကောင်းတဲ့လူ မတွေ့သေးတာအမှန်ပဲဗျ။ ပြည်သူလူထုကို မတရားနှိပ်စက်ညှဉ်းပမ်းပြီး ရလာတဲ့ အကျိုးအမြတ်တွေကို ပုံမှန်ဆက်သနေတဲ့ မြှောက်စားခံ ဗိုလ်ချုပ်ကြီးများကလည်း တကယ်တမ်းကြရင် အောက်ကနေရလို့သာ အောက်ကျခံနေတာကိုး အမြင့်ဆုံးကို တင်ပေးလိုက်ရင်တော့ ဗိုလ်သန်းရွှေလဲ ရှေ့ကသွားသူတွေနောက်လိုက်ရမှာဆိုတော့။

မေး - အခုလောလောဆယ်မှာတော့ စစ်တပ်ကို ကောင်းကောင်း ထိန်းချုပ်နေနိုင်သေးတာပေါ့။

ဖြေ - မထင်နဲ့ဗျ။ ဒေသဆိုင်ရာတိုင်းမှုးတွေ နေပြည်တော်ကို အခေါက်ခေါက်အခါခါ ပြေးနေရပြီဆိုရင် သတိထားဖို့ကောင်းတယ်။ အခု ရက်ပိုင်းအတွင်းမှာလည်း တပ်တွင်း ကြီးမားတဲ့ အပြောင်းအလဲများဖြစ်လာရင် တခုခုတော့ ကျွန်တော်တို့ ပြောနိုင်မှာပါ။

(ဒီ ဆွေးနွေးခန်း များသည် မည်သည့် အသင်းအဖွဲ့ အစည်းကမှ မူပိုင်ယူထားခြင်းမရှိပါ။ လွတ်လပ်စွာ ဆွေးနွေး ဖြန့်ဝေနိုင်ပါသည်။ မည်သည့် အင်တာနက်စာမျက်နှာတွင် မဆို လွတ်လပ်စွာ သုံးနိုင်သည့် royalty free text ဖြစ်ပါသည်။ ယခုတပတ်ဆွေးနွေးခန်း ဆိုလျှင် နအဖ ထောက်လှမ်းရေးများ၊ အစိုးရရုံးဝန်ထမ်းများ၊ ကြံဖွံပါတီဝင်များ နှင့်တကွ အားလုံးသော မြန်မာနိုင်ငံသားတိုင်းကို ဖြန့်ဝေပေးရန် အလေးအနက်တိုက်တွန်းလိုပါသည်။)

လူထုခေါင်းဆောင်ဒေါ်အောင်ဆန်းစုကြည်နဲ့ Amnesty International အပြည်ပြည်ဆိုင်ရာလွတ်ငြိမ်းချမ်းသာခွင့် အဖွဲ့ မေးမြန်းချက် အသံဖိုင်


http://www.demowaiyan.co.cc/2010/11/ai.html

ဒေါ်အောင်ဆန်းစုကြည်နဲ့ သားငယ်ကိုထိန်လင်းရွှေတိဂုံဘုရား သွားရောက်ဖူးမြော်






















http://www.irrawaddyblog.com/