Wednesday, January 5, 2011

ဗိုလ်ချုပ်မှူးကြီး သန်းရွှေ သို့  အိပ်ဖွင့်ပေးစာ။

ဗိုလ်ချုပ်မှူးကြီး သန်းရွှေ
ဥက္ကဌ
နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ
မြန်မာနိုင်ငံ
                                                                                                                        နေ့စွဲ။  ။ဒီဇင်ဘာလ ၂၈ရက်
အကြောင်းအရာ။       ။အမျိုးသားပြန်လည်သင့်မြတ်ရေး အတွက် ဗိုလ်ချုပ်မှူးကြီး သန်းရွှေ သို့  အိပ်ဖွင့်ပေးစာ။                 
       ယနေ့ မြန်မာ့နိုင်ငံရေး အခြေအနေနှင့် ဖြစ်စဉ်များကို ခြုံငုံသုံးသပ်လျှင်  အတိမ်းအစောင်း မခံနိုင်သော ဖြစ်စဉ်များနှင့် အရေးအကြီးဆုံးသော အချိန်ကာလတခုကို ဖြတ်သန်းလျှက် ရှိနေပါသည်။  မြန်မာ့တပ်မတော်၏ နိုင်ငံရေး ဦးဆောင်မူ့သည် နှစ်ပေါင်း ငါးဆယ်နီးပါး ကြာခဲ့ပြီး ထိုကာလ တလျောက် စစ်ခေါင်းဆာင်များသည် အသီးသီး လက်ဆင့်ကမ်း ဦးဆောင်ခဲ့ကြသည်။ ထိုကဲ့သို့ စစ်အာဏာရှင် စံနစ်ဆိုးကြီးကြောင့် ကျွန်တော်တို့၏နိုင်ငံ သည်လည်း လွန်ခဲ့ပြီးသော အနှစ် ၅၀ကျော် ကာလက အတော်အသင့် ဖွံ့ဖြိုးစနိုင်ငံ အဆင့်မှ လူမှု့ရေး ကျမ္မာရေး မှစ၍ အစစအရာရာတွင် ကမ္ဘာ့ အဆင်းရဲဆုံးနိုင်ငံ အဆင့်သို့ ကျရောက်ခဲ့ရသည်။
စစ်အာဏာရှင်စံနစ်ဆိုးကြီး အောက်တွင် အုပ်ချုပ်ရေး စီမံခံခွဲမှု့များ ကျွမ်းကျင်ခြင်း မရှိသောကြောင့် လူ့အခွင့် အရေး ချိုးဖေါက်မှု၊ အာာ အလွန်အကျွံ သုံးစွဲမှု စသည့် အဖြစ်ဆိုးများ များစွာရှိခဲ့သည်။ ထိုချိုးဖေါက်ခံရမှုများ၏ တရားခံသည် လက်ရှိ စစ်ခေါင်းဆာင်များ အပေါ် ပုံချလျှင်လည်း တရားမျှတမှု မရှိနိုင်ပါ။ ထို့အပြင် နှစ်ပေါင်းငါးဆယ်နီးပါး စံနစ်ဆိုး၏ ဒဏ်ကြောင့်  စစ်ခေါင်းဆောင်ကြီးများ ကိုယ်တိုင် စံနစ်ဆိးု၏သားကောင် ဘ၀များ အဖြစ် ဘ၀နိဂုံးများ မကောင်းခဲ့ကြသည်ကို တွေ့ ရပါသည်။ အချို့ စစ်ခေါင်းဆောင်များနှင့် မိသားစုများလည်း ယနေ့ထိ အကျဉ်းကျခံ နေရဆဲ နှင့် နောင်တွင်လဲ ထိုအဖြစ်မျိုး ကိုဆက်လက် တွေ့ကြုံရမည်မှာ မလွဲသေခြာလျှက် ရှိပါသည်၊ သို့ပါစစ်ခေါင်းဆောင်များ အနေဖြင့် အာဏာ ပါဝါ ငွေကြေး လက်နက် ပြီးပြည့်စုံပါလျှက် နောက်ကျောမလုံ သော အခြေအနေနှင့် လုံခြုံမှု့မရှိသည့် အနာဂါတ်ဘ၀များ ဖြင့်ရှင်သန်နေရသည်။
ယနေ့ခေတ်အခါမှာ နိုင်ငံခေါင်းဆောင်များ မှစ၍ အောက်ခြေလူတန်းစား ဘ၀အဆုံး၊ သားစဉ်မြေးဆက်တို့်၏ အနာဂါတ်များ လုံခြုံ အေးချမ်းသာယာရေး အတွက် အာမခံချက် ပေးနိုင်သော အရာမှာ ဒီမိုကရေစီစံနစ် မှတပါး အခြားသောအရာ မရှိပါ။ သို့ပါသောကြောင့် တပ်မတော်၏ သားစဉ်မြေးဆက် လုံခြုံရေးနှင့် သမိုင်းကြောင်း ပြန်လည် ကောင်းမွန်လာစေရေး အတွက် နှစ်ငါးဆယ်နီးပါး ကွယ်ပျောက်နေသည့် တပ်မတော်သားကောင်းတို့၏ အစွမ်းအစပြမှု့ ဆောင်ရွက်နိုင်မည့် အချိန်အခါကောင်းကို အမိအရ အသုံးချရန် လိုအပ်ပါသည်။ သို့မှသာ ဒီမိုကရေစီ၏ ရပိုင်ခွင့်များဖြစ်သော အခြေခံလူ့အခွင့်အရေးနှင့် တရားမျှတသော တရားစီရင်ရေး တို့ကို အကာကွယ်ပြု ခံစားနိုင်ကြမည်ဖြစ်သည်။
တဖက်မှလည်း အမျိုးသားပြန်လည်သင့်မြတ်ရေး ပေါ်ပေါက်လာစေရန် ဆောင်ရွက်နေသော ဒေါ်အောင်ဆန်းစုကြည်၏ သန့်စင်မွန်မြတ်သော စိတ်ဓါတ်ဖြစ်သည့် သင်ပုန်းချေရေး တပ်မတော်မပြိုကွဲရေး တပ်မတော် အပါအ၀င် ပြည်သူအားလုံး၏ လုံခြုံရေးနှင့် တရားမျှတမှု့ ရရှိရေးတို့အတွက် ကြိုးပန်းမှု့အပေါ် တိုင်းရင်သားကိုယ်စါးလှယ်များ အပါအ၀င် နိုင်ငံတ၀ှမ်းရှိ ပြည်သူတရပ်လုံးမှ အလေးထား အသိအမှတ်ပြုပြီး ဖြစ်ပါသည်။ တနည်းအားဖြင့် တပ်မတော်နှင့် ပြည်သူကြားတွင် အပြန်အလှန်နားလည်မှု တည်ဆောက်ခြင်း၊ ပေါင်းကူးအဖြစ် အကောင်းဆုံး ဖေါ်ဆောင်မှု့ ပေးနိုင်မည့် တဦးတည်းသော ခေါင်းဆောင်း လည်း ဖြစ်ပါသည်။ 
 သို့ပါ၍ တပ်မတော်ခေါင်းဆောင်များမှ ဒေါ်အောင်းဆန်းစုကြည် အပါအ၀င် မြန်မာပြည်သူလူထု တရပ်လုံး၏ ဘ၀လုံခြုံရေး အနာဂါတ်ပြည်ထောင်စုကြီး သာယာရေးတို့ကို တပ်မတော်မှကာ ကွယ်စောင့်ရှောက်ရန်နှင့် ထိုအပြောင်း အလဲပေါ်ပေါက်လာစေရန် တပ်မတော်ခေါင်းဆောင်များ၏ အထောက်အကူများ အထူးပင်လိုအပ်ပါသည်။
ယ္ခုအခါ ဒေါ်အောင်ဆန်းစုကြည် လွတ်မြောက်လာသောကြောင့် မြန်မာပြည်သူလူထု နှင့်တကွ ကမ္ဘာ့ခေါင်းဆောင်ကြီးများ အာလုံး ၀မ်းမြောက်ပျော်ရွှင်ကြရပါသည်။ ဒေါ်အောင်ဆန်းစုကြည်နှင့် တပ်မတော်ဆောင်များတို့ အမိမြန်မာပြည် ငြိမ်းချမ်းသာယာရေး တိုးတက်သာယာဝပြောရေး တို့အတွက် စုပေါင်းဆောင်ရွက်ကြမည်ဆိုပါက မြန်မာတိုင်းရင်းသား ရဟံရှင်လူ ပြည်သူအပေါင်း နှင့်တကွ တကမ္ဘာ့လုံး ချီးကျူးဂုဏ်ပြု ကြမည်မှာ ဧကန်မုချဖြစ်ပါသည်။
 ထို့အတွက်ကြောင့် ဤအပြောင်းအလွဲဖြစ်စဉ်များ ပေါ်ပေါက်လာရေး အတွက် ယနေ့ တပ်မတော်ခေါင်းဆောင် ဗိုလ်ချုပ်မှူးကြီးသန်းရွှေ ဦးဆောင်ပြီှး ဒေါ်အောင်ဆန်းစုကြည်နှင့် အတူ အမျိုးသားပြန်လည်သင့်မြတ်ရေးအတွက် အလျှင်မြန်ဆုံး တွေ့ဆုံဆွေးနွေး ပါရန် သဘောထားအမှန်ဖြင့် ရိုးသားစွာ အကြံပြု တိုက်တွန်းအပ်ပါသည်။

မြန်မာ့ ဒီမိုကရက်တစ်အင်အားစု
ကနေဒါနိုင်ငံ  

မိတ္တူ ။  ။ ဒေါ်အောင်ဆန်းစုကြည်(အထွေထွေအတွင်းရေးမှူး၊ အမျိုးသားဒီမိုကရေစီအဖွဲ့ချုပ်)
            ဒုတိယဗိုလ်ချုပ်မှူးကြီးမောင်အေး(ဒုဥက္ကဌ၊နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ)



ဆက်သွယ်ရန်။     ။ဦးညွန့်လှ (1-306-242-4536)၊ nyunt1947@gmail.com
 ဦးမြသွင် (1-778-899-8586) ၊ thwinmya@yahoo.ca

__._,_.___
Attachment(s) from Mya Thwin
1 of 1 File(s)

0 အကြံပြုခြင်း: