Thursday, February 17, 2011

အိမ်ရှေ့တခါးဝမှာ ရောက်နေတဲ့ တော်လှန်ရေးလှိုင်းများ(အောင်မိုးဝင်း)


“မူဘာရက်” ပြုတ်ကျအပြီး၊ နောက်တနေ့မှာ တရားမဝင်အဖွဲ့အစည်းဖြစ်တဲ့ မွတ်စလင်ညီအကိုတော်များအဖွဲ့က သူတို့ရဲ့ရုံးခန်းကို ကိုင်ရိုမြို့လည်မှာ စတင်ဖွင့်လှစ်ဖို့ကြိုးစားနေသလို၊ အစ္စရေးထောက်လှမ်းရေးတွေကလည်း အီဂျစ်နိုင်ငံနဲ့နယ်နမိတ်ချင်း ထိစပ်နေတဲ့ အပမ်းဖြေစခန်းများတည်ရှိရာ မြို့လေးဆီကို ကမ္ဘာလှည့်ခရီးသွားတွေ၊ စီးပွားရေးလုပ်ငန်းရှင်တွေအဖြစ် ရောက်ရှိလာခဲ့ကြတယ်။
နိုင်ငံတွင်းမှာတော့ အလုပ်သမားဆန္ဒပြပွဲတွေနဲ့ရဲတွေရဲ့လခပိုမိုတိုးပေးဖို့ တောင်းဆိုချီတက်သံတွေက ပြည့်နှက်နေဆဲ…….

“တော်လှန်ရေးဆိုတာ အန္တရာယ်တွေ၊ ခြိမ်းခြောက်မှုတွေ၊ မတည်ငြိမ်မှုတွေကို သယ်ဆောင်လာတတ်တယ်။
ကဲ- အခုတော့ အဲ့ဒီ တော်လှန်ရေးတွေ ကျနော်တို့ရဲ့တံခါးပေါက်တည့်တည့်ကို ရောက်လာပြီ။ ကျနော်တို့ ဘာလုပ်ကြမလဲ ”

အိမ်ဖြူတော်ရဲ့ အစည်းအဝေးတွေမှာ ငြင်းခုန်မှုတွေလျှံကျနေခဲ့တယ်။  အမေရိကန်သမ္မတ ဘရက်အိုဘားမား ကတော့
ကိုင်ရိုမြို့မှာပြောခဲ့တဲ့ မိန့်ခွန်းကို ဂတိသစ္စာစောင့်သိခဲ့တယ်။ ၂၀၀၉ ဂျွန်လရဲ့ ကိုင်ရိုမြို့မိန့်ခွန်းကို ပြန်လေ့လာကြည့်မယ်ဆိုရင်
ဘရက်အိုဘားမားက အာရပ်ကမ္ဘာက မိတ်ဆွေတွေအပေါ် အချက် (၇) ချက်ကိုတင်ပြခဲ့တယ်။
ဒီမိုကရေစီနဲ့ပတ်သက်တဲ့ အကြောင်းအရာတွေထဲမှာ
“ လူတွေမှာ မိမိရဲ့စိတ်ထဲမှာဖြစ်ပေါ်နေတဲ့ အရာတွေကို ထုတ်ဖေါ်ပြောဆိုနိုင်တဲ့ စွမ်းအားတွေရှိရမယ်။
ခင်ဗျား ဘယ်လိုအုပ်ချုပ်ခံနေရတယ်။ ဥပဒေစိုးမိုးမှုနဲ့တရားမျှတမှုအပေါ်မှာ ယုံကြည်မှုဘယ်လောက်ရှိသလဲ။
အစိုးရဟာ ပြည်သူတွေရဲ့လွတ်လပ်မှုတွေကို ခိုးယူခြင်းမျိုးမဖြစ်ရဘူး။ ခင်ဗျားရွေးချယ်တဲ့ လွတ်မြောက်မှုတွေထဲမှာနေထိုင်ခွင့်ရှိရမယ်
ဒါတွေဟာ အမေရိကန်အိုင်ဒီယာတွေ မဟုတ်ပါဘူး။ လူ့အခွင့်အရေးတွေဖြစ်တယ်”  လို့ ဆိုခဲ့တယ်။

အိမ်ဖြူတော်အစည်းအဝေးတွေရဲ့ ငြင်းခုန်မှုတွေမှာ ဘရက်အိုဘားမား က တဘက်၊ ဒုတိယသမ္မတ ဂျိုးဘိုင်ဒန် နဲ့ နိုင်ငံခြားရေးဝန်ကြီး ကလင်တန်က တဘက် မတူညီတဲ့အမြင်တွေကို ဖလှယ်ကြတယ်။ အိုဘားမား က အီဂျစ်ပြည်သူတွေရဲ့ဆန္ဒပြပွဲတွေ၊ သတင်းလွတ်လပ်ခွင့်တွေကို ဆက်လက်ဖွင့်ပေးထားဖို့လိုမယ်။ ပြည်သူတွေရဲ့ ရွေးချယ်မှုအတိုင်းလိုက်လျောပေးသင့်တယ် လို့ ထင်မြင်ပေမဲ့ ဂျိုးဘိုင်ဒန် တို့ အုပ်စုကတော့ စံနစ်တကျပြောင်းလဲမှုကို လိုလားတယ်။ “ပင်လယ်အောက်ခြေမှာ လှိုင်းတွေဝင်စောင့်နေပြီ၊ ပြုပြင်ပြောင်းလဲမှုတွေကို ကြိုတင်လုပ်တော့” ဆိုတဲ့ အကြံဥာဏ်တွေကို မိတ်ဆွေ အာရပ်နိုင်ငံတွေဆီ အကြံပေးတိုက်တွန်းတယ်။ အီဂျစ်လှုထုအုံကြွမှုဟာ အရှေ့အလယ်ပိုင်းဒေသတခုလုံးကို ရိုက်ခပ်နေပြီ ဆိုတာ သဘောပေါက်နေကြတယ်။
 ဘရက်အိုဘားမားက လက်ထောက်နိုင်ငံခြားရေးဝန်ကြီးကို အရှေ့အလယ်ပိုင်းနိုင်ငံမှ မိတ်ဆွေနိုင်ငံတွေဖြစ်တဲ့ ဆော်ဒီအာရေဗီးယား နဲ့
အစ္စရေးနိုင်ငံတို့ဆီကို သွားရောက်လည်ပတ်စေပြီး သူတို့ရဲ့ထင်မြင်ယူဆချက်တွေ၊ ဖြစ်ပေါ်လာနိုင်မဲ့အခြေအနေတွေ၊
အသေးစိတ်အချက်အလက်တွေကို စုဆောင်းစေတယ်။
  အမြင်မတူတဲ့ အချက်နှစ်ချက်ကတော့
(၁) အီဂျစ်တော်လှန်ရေးဟာ ၁၉၇၉ မှာ ဖြစ်ပွားခဲ့တဲ့ အီရန်တော်လှန်ရေးလို ဦးတည်မယ်ဆိုရင် အရှေ့အလယ်ပိုင်းမှာ အမေရိကန်ဆန့်ကျင်ရေးနိုင်ငံတခုတိုးလာမယ်။ ဘာသာရေးအစွန်းရောက်တွေ လွှမ်းမိုးချုပ်ကိုင်လာနိုင်တယ်။
(၂) အီရန်တော်လှန်ရေးလိုဖြစ်စရာအကြောင်းမရှိဘူး။ အီဂျစ်နိုင်ငံမှာ ဒီမိုကရေစီ လမ်းကြောင်းဆီကို ဦးတည်သွားပြီဆိုရင် အဲ့ဒီအချက်ကို
ထောက်ပြပြီး အီရန်နိုင်ငံရဲ့အာဏာရှင် ကို ဆက်လက်ဖြုတ်ချကြဖို့ လှုံ့ဆော်ကြရမယ်။

နောက်ထပ် စဉ်းစားရမဲ့အချက်တခုကတော့ အီဂျစ်နိုင်ငံရဲ့အဓိကစီးပွားရေးလုပ်ငန်းတော်တော်များများ ကို စစ်တပ်ခေါင်းဆောင်တွေက ပိုင်ဆိုင်ထားကြသလို၊ စစ်တပ် ဟာ အဂတိလိုက်စားမှု၊ ခြစားမှုတွေနဲ့ ပျက်စီးနေခဲ့တယ်။ သမိုင်းစဉ်တလျောက်ကြည့်လိုက်မယ်ဆိုရင်
အီဂျစ်နိုင်ငံရေးမှာ စစ်တပ်ဟာ အဓိက အခန်းကဏ္ဍက ပါဝင်ကစားခဲ့တယ်။ ဒါဖြင့် စစ်အရာရှိတွေနဲ့ ဒီမိုကရေစီ အသွင်ကူးပြောင်းရေးကို ဘယ်လောက်ထိလုပ်နိုင်မလဲ။ အီဂျစ် နိုင်ငံရဲ့ နှစ်ပေါင်းခြောက်ထောင်ကျော်၊ လူ့ယဉ်ကျေးမှုသမိုင်းမှာ “ အနောက်တိုင်း ဒီမိုကရေစီ ” စံနစ်ဆိုတာ တိတိကျကျရှိခဲ့ရဲ့လား။ တိုးတက်ထွန်းကားနေတဲ့ အင်တာနက်နည်းပညာတွေဟာ အီဂျစ်မျိုးဆက်သစ်တွေကို လူ့အဖွဲ့အစည်း လမ်းကြောင်းသစ်တခုဆီ သယ်ဆောင်ပေးနိုင်မယ် ဆိုတာ ဘယ်လောက်ထိသေချာခဲ့သလဲ။ စမ်းသပ်လေ့လာစောင့်ကြည့်ရမဲ့
အရာတွေက အများသား။ ဆန်ဖရန်စစ္စကိုတက္ကသိုလ်က အရှေ့အလယ်ပိုင်းနိုင်ငံရေးကို အထူးပြုလေ့လာသင်ကြားနေသူ ပါမောက္ခစတီဗင် ဇူးနက်စ် ကတော့ သူ့ရဲ့အမြင်တွေကို သုံးသပ်ပြခဲ့ဘူးတယ်။ သူကတော့ အီဂျစ်တော်လှန်ရေးဟာ အီရန်တော်လှန်ရေးနဲ့ ဖြောင့်ဖြောင့်ကြီး
ကွာခြားလွန်းပါတယ် တဲ့။ သူ့ရဲ့ ဆောင်းပါးထဲက  အချက်အလက်တချို့ကို ယူသုံးရင်း  ဒီတပတ် လွတ်လပ်တဲ့အာရှအသံရဲ့
အင်္ဂါနေ့ညပိုင်း အစီအစဉ်မှာတင်ပြထားပါတယ်။


ကျနော်တို့တတွေဟာ နိုင်ငံရေးပါတီတွေရေးဆွဲထားတဲ့ အစီအစဉ်တွေအောက်မှာ လုပ်ဆောင်နေကြတာ မဟုတ်ပါဘူး။
တချို့က အရမ်းချမ်းသာတယ်။ အကောင်းစားအိမ်တွေ၊ အကောင်းဆုံးကားတွေ ပိုင်ဆိုင်ကြတယ်။
ဒါပေမဲ့ ကျနော်တို့ဘဝတွေကို ဒုက္ခရောက်မဲ့လမ်းကြောင်းတခုပေါ်မှာ တင်ထားခဲ့ကြတယ်။
ကျနော်တို့အခွင့်အရေးအတွက် တောင်းဆိုတိုက်ပွဲဝင်ရမယ်။ ဒါဟာ ကျနော်တို့ရဲ့နိုင်ငံတော်ဖြစ်တယ်။
ကျနော်တို့နိုင်ငံအတွက် စိုးရိမ်နေသူတွေဖြစ်တယ်။

သောတရှင်များခင်ဗျား

အီဂျစ်နိုင်ငံရဲ့ ဂူဂယ် အလုပ်မှုဆောင်တဦးဖြစ်သူ ဝိုင်းလ်ဂိုနင်မ် (Wael Ghonim) ရဲ့ မျက်ရည်တွေနဲ့ အင်တာဗျူးခဲ့တဲ့  ပုံရိပ်တွေက
တာရီရာ ရင်ပြင်မှာ ဆန္ဒပြသူတွေဆီသာမက၊ အီဂျစ်လှုပ်ရှားမှုကို စိတ်ဝင်တစားစောင့်ကြည့်လေ့လာနေသူအားလုံးရဲ့
ရင်ကိုဆွဲကိုင်လှုပ်ရမ်းလိုက်ပါတယ်။ ဒီလိုနဲ့ ကိုင်ရိုမြို့ရဲ့ သောကြာနေ့ ဘုရားဝတ်ပြုပွဲဆီမှာ ထောင်ချီနေတဲ့ ဆန္ဒပြသူတွေ ပိုမိုတိုးလို့ရောက်ရှိလာခဲ့ကြပြီး  “ ကျနော်တို့ နိုင်ငံကောင်းစားစေဖို့အတွက် ကျနော်တို့ရဲ့အသက်ကို ပေးဆပ်ဖို့
အသင့်ဖြစ်နေတယ်” ဆိုတဲ့ လူငယ်ထုရဲ့အသံကလည်း သမိုင်းအချိုးအကွေ့တခုကို ရေးဆွဲခဲ့ကြပါတယ်။

“ တချို့က အီဂျစ်ပြည်သူတွေရဲ့ ရုန်းကြွမှု ကို ဘာသာရေးအစွန်းရောက်တွေကပဲ နောက်ကနေ အားပေးအားမြှောက်ပြု ချုပ်ကိုင်ထားသလိုလိုပြောဆိုနေကြပြီး ကျနော်တို့ရဲ့ လှုပ်ရှားမှုကို သေးသိမ်အောင်လုပ်နေကြတယ်။ ၁၉၇၉ အီရန်တော်လှန်ရေးနဲ့
နှိုင်းယှဉ်ခြိမ်းခြောက်လေ့ရှိကြတယ်။ အီရန်နိုင်ငံမှာ ရှားဘုရင်ကိုဖြုတ်ချတုံးက ဘာသာရေးခေါင်းဆောင်တွေအားလုံးဟာ ပြည်ပကို
ထွက်ပြေးရောက်ရှိနေတဲ့ အရာတိုလာခိုမေနီရဲ့ညွှန်ကြားချက်နဲ့အတူ အစ္စလာမ်ဘာသာဝင်တွေကို ဘုရားကျောင်းတွေမှာ ဆင့်ခေါ်ပြီး၊ အစိုးရကိုအခွန်မပေးဆောင်ကြဖို့၊ စက်ရုံတွေကို သပိတ်မှောက်ကြဖို့၊အနောက်တိုင်းယဉ်ကျေးမှုတွေလွှမ်းမိုးနေတဲ့ အစ္စလာမ်
လူ့အဖွဲ့အစည်းကို ပြန်လည်ကယ်တင်ကြဖို့..စတဲ့ လှုံ့ဆော်တိုက်တွန်းမှုတွေကို ပြုလုပ်ခဲ့ကြတယ်။ ပြည်ပကနေ လျှို့ဝှက်တင်သွင်းလာတဲ့ ကက်ဆက်တိတ်ခွေတွေထဲမှာ ဆန္ဒပြပွဲအတွက် အသေးစိတ်အစီအစဉ်တွေ၊ မဟာဗျူဟာနည်းဗျူဟာ အကြံပြုချက်တွေပါသလို၊ အီရန်တော်လှန်ရေးရဲ့ ကြွေးကြော်သံ၊ ပိုစတာ တွေကိုကြည့်လိုက်ရင်လည်း အမေရိကန်ဆန့်ကျင်ရေးတွေလွှမ်းမိုးနေတာကိုတွေ့ရမယ်။
ဘာသာရေးခေါင်းဆောင်တွေ ဦးဆောင်ခဲ့ကြတဲ့ အီရန်တော်လှန်ရေးဟာ လူထုဆန္ဒပြပွဲတွေကို (၁၃) လကြာစီစဉ်နိုင်ခဲ့အပြီးမှာတော့
ရှားဘုရင်ကိုဖြုတ်ချနိုင်ခဲ့တယ်။”

“ အီဂျစ်လှုပ်ရှားမှု ကိုလေ့လာမယ်ဆိုရင် ပညာတတ်လူငယ်တွေက စတင်လှုံ့ဆော်ဦးစီးခဲ့တဲ့ အင်တာနက်တော်လှန်ရေးဖြစ်တယ်။
ဆန္ဒပြပွဲမှာ ကိုင်ဆောင်လာတဲ့ ဆိုင်းပုဒ်တွေ၊ လည်စီးတွေ၊ ကြွေးကြော်သံတွေကလည်း လစ်ဘရယ်ဒီမိုကရက်တစ် နဲ့  
အမျိုးသားရေးဝါဒီတွေရဲ့ ရည်မှန်းချက်၊ အသံတွေကိုရောင်ပြန်ဟပ်ထားခြင်းဖြစ်တယ်။ ဘာသာရေးကြွေးကြော်သံတခုမှခဲ့ဘူး။  
ပိုပြီး ထူးခြားတာကတော့၊ အမေရိကန်ပြည်ထောင်စုဟာ အနှစ် (၃၀) လုံးလုံး မူဘာရက်အစိုးရကို ထောက်ပံ့ပေးခဲ့ပေမဲ့၊
အီဂျစ်လှုပ်ရှားမှုကို ဦးဆောင်နေသူအားလုံးဟာ အမေရိကန်ဆန့်ကျင်ရေး ကြွေးကြော်သံကို မပြုလုပ်ခဲ့ကြဘူး။
 “ မူဘာရက်အနေနဲ့ချက်ခြင်းနှုတ်ထွက်ပေးရမယ်” ဆိုတဲ့ တောင်းဆိုမှုကို၊အမေရိကန်သမ္မတ ဘရက်အိုဘားမားတယောက်၊
 ပွင့်ပွင့်လင်းလင်း ဖိအားပေး ထုတ်ပြောရသည်အထိ အီဂျစ်ဒီမိုကရေစီရေးလှုပ်ရှားသူတွေက လိမ္မာပါးနပ်စွာဆွဲဆောင်နိုင်ခဲ့ကြတယ်”

တကယ်တော့ အဂတိလိုက်စားမှုတွေ၊ ခြစားအကျင့်ပျက်မှုတွေနဲ့ အနောက်တိုင်းဆန့်ကျင်ရေးကို တိတ်တဆိတ်လုပ်ဆောင်နေသူတွေဟာ မူဘာရက် နဲ့ သူ့ရဲ့အစိုးရအဖွဲ့ဝင်တွေပဲဖြစ်ပါတယ်။ မူဘာရက် ဟာ အစ္စလာမ် နိုင်ငံတော် တည်ဆောက်ချင်တဲ့ အခြေခံဝါဒီတွေနဲ့
တိတ်တဆိတ်အပေးအယူလုပ်ကိုင်ပြီး၊အစိုးရဝါဒဖြန့်မီဒီယာတွေမှာ ဘာသာရေးသင်ကြားမှုအစီအစဉ်တွေကို ပိုမိုတိုးချဲ့ လုပ်ကိုင်
လာခဲ့ပါတယ်။ လစ်ဘရယ်ဒီမိုကရေစီသမားများနဲ့ လက်ဝဲဝါဒီများကို အီဂျစ်လှု့အဖွဲ့အစည်းမှ ရှင်းထုတ်ဖို့ ကြိုးစားခဲ့ပါတယ်။
သူ့ကိုဝေဖန်ဆန့်ကျင်တဲ့ ပညာတတ်တွေကို အကြမ်းဖက်အဖွဲ့အစည်းများနှင့် ပတ်သက်အဆက်အသွယ်ရှိသူများလို့ ခေါင်းစဉ်တပ်ပြီး၊
 အမေရိကန်ပြည်ထောင်စုရဲ့အကြမ်းဖက်သမားများအပေါ်စစ်ဆင်ရေး ကုန်ကျစရိတ်တွေအပေါ် အမြတ်ထုတ်နိုင်ခဲ့ပါတယ်။

“ အီရန်တော်လှန်ရေးနဲ့အထင်ရှားဆုံးကွာခြားချက်တခုကတော့ အီဂျစ်နိုင်ငံဟာ ၁၉ ရာစုကတည်းက လူထုအဖွဲ့အစည်းတွေ
ထွန်းကားခဲ့တဲ့နိုင်ငံဖြစ်တယ်။ အရာတိုလာခိုမေနီလို ရှီးယားမွတ်စလင်တွေအပေါ် ဘာသာရေးအရ၊ သြဇာကြီးမားတဲ့ပုဂ္ဂိုလ်လိုမျိုး အီဂျစ်မှာမရှိဘူး။ ဆွန်နီမွတ်စလင်တွေဖြစ်တယ်။ အီဂျစ်ရဲ့အဓိကနိုင်ငံခြားဝင်ငွေဟာ ကမ္ဘာလှည့်ခရီးသွားတွေဆီက ရတဲ့ဝင်ငွေဖြစ်ပြီး၊
ကုန်သည်လူတန်းစားဟာ ပညာတတ်အလွှာတွေဖြစ်တယ်။ အနောက်တိုင်းနိုင်ငံတွေလိုတိုးတက်ထွန်းကားချင်သူတွေဖြစ်တယ်။
စစ်အေးတိုက်ပွဲကာလတုံးကလည်း တပါတီအာဏာရှင်စံနစ်နဲ့အုပ်ချုပ်ခဲ့ပေမဲ့၊ စံနစ်တကျတည်ဆောက်ထားတဲ့နိုင်ငံရေးပါတီတွေရှိတယ်။
 လူလတ်တန်းစားတွေထွန်းကားလာခဲ့တဲ့အတွက်၊ ပညာတတ်လူငယ်တွေ၊ အလုပ်သမားသမဂ္ဂ၊ လယ်သမားသမဂ္ဂတွေရဲ့
အခန်းကဏ္ဍကလည်း ကြီးကြီးမားမားရှိနေတယ်။ ဒါ့ကြောင့်လည်း ဧပြီ (၆) ရက်လူငယ်ထုလှုပ်ရှားမှုနဲ့  ( လုံလောက်ပြီ) လို့
ခေါ်တဲ့တပ်ပေါင်းစုမှာပါဝင်ဦးဆောင်နေသူတွေဟာ လစ်ဘရယ်ဒီမိုကရေစီနဲ့ လူထုပညာပေးလုပ်ငန်းတွေကို စိတ်ဝင်စား
သူတွေဖြစ်တယ်။ အသက် (၃၀) အောက်လူငယ်တွေဟာ သူတို့ခေတ်မှာတိုးတက်ဖြစ်ထွန်းနေတဲ့ အမျိုးသမီးအခွင့်အရေး၊ လိင်ကိစ္စ နဲ့ လွတ်လပ်ခွင့်တွေကို ပိုမိုပွင့်လင်းစွာဆွေးနွေးတောင်းဆိုနေကြတဲ့ အတွက် ဘာသာရေးအစွန်းရောက်တွေက သူတို့ကို လွှမ်းမိုးချုပ်ကိုင်ဖို့ဆိုတာမဖြစ်နိုင်ဘူး။ ဒါကြောင့်လည်း အဖွဲ့ဝင် (တသိန်း) ကျော်လောက်ရှိတဲ့ မွတ်စလင်ညီအကိုတော်များအဖွဲ့ဟာ သူတို့ရဲ့ နဂိုတည်ဆောက်ထားတဲ့ ဘာသာရေးအမြင် ချည်းကပ်မှုတွေကို ခေတ်ပေါ်လူငယ်ထုနဲ့လိုက်ဖက်နိုင်မဲ့ မူဝါဒတွေအဖြစ်
ပျော့ပြောင်းညင်သာစွာ အသွင်ကူးပြောင်းလိုက်ရတယ်။ လူငယ်ထုကို နိုင်ငံရေးသဘောတရားတွေဖြန့်ဖြူးခဲ့သလို၊ လူငယ်ထုရဲ့အသံတွေကလည်း သူတို့ရဲ့မူဝါဒတွေ၊ နည်းဗျူဟာအသစ်တွေဖြစ်လာခဲ့တယ်”

သောတရှင်များခင်ဗျား
သံချပ်ကာတင့်ကားတွေ၊ လူထုနှိ်မ်နှင်းရေးရဲတပ်ဖွဲ့တွေက လွတ်လပ်စွာဖန်တီးနိုင်ခွင့်၊ တွေးခေါ်နိုင်ခွင့်၊ ဘဝလုံခြုံခွင့်ကို အာသာငမ်းငမ်းတောင့်တနေတဲ့ လူငယ်တွေ ရဲ့ ဆန္ဒတွေကို လွယ်လွယ်ကူကူ ခြေမှုန်းပစ်ဖို့ဆိုတာမဖြစ်နိုင်ပါဘူး။
 “ တိုင်းပြည်အတွက် စိုးရိမ်နေသူတွေကို ဘာလို့အကျဉ်းထောင်ထဲမှာ ချုပ်နှောင်ထားတာလဲ” တဲ့။
အီဂျစ်လူငယ်ထုရဲ့မေးခွန်းထုတ်တောင်းဆိုနေသံတွေ….
မူဘာရက်အတွက် အာဏာကိုလက်လွတ်ဆုံးရှုံးလိုက်ရသည်အထိ ပြင်းထန်အားကောင်းလာခဲ့ပါတယ်။

သောတရှင်တို့လည်း အိပ်မက်တွေကို အန္တရာယ်ကင်းကင်းထုဆစ်နိုင်ကြပါစေ။

0 အကြံပြုခြင်း: