Wednesday, August 31, 2011

ခက်ခဲပြင်းထန်သော မြစ်ကြီးနားတိုက်ပွဲ



မေလ၂၀၁၁ တွင် အထက်ပါ ဗီဒီယိုကို တရုတ်ပြည်၏ အကြီးဆုံးသော ရေကာတာဆောက်လုပ် သည့် ဆိုင်နိုဟိုက်ဒရိုကော်ပိုရေးရှင်းကုမ္ပဏီ ဗဟိုသတင်းဌာနမှ ထုတ်လုပ်ဖြန့်ချီခဲ့သည်။ ရေကာတာစီမံကိန်းပိုင် နိုင်ငံတကာ-တရုတ်စွမ်းအင်အဖွဲ့ (cpi)မှ မြစ်ဆုံရေကာတာ ဆောက်လုပ်ရေး ပထမအဆင့်ကို ပြီးစီးအောင်လုပ်ဆောင်ရန် ဆိုင်နိုဟိုက်ဒရိုကို စာချုပ်ချုပ်ဆိုထားပြီဖြစ်သည်။
http://vimeo.com/28392683

၃၁.၈.၂၀၁၁ ရက်နေ့ရဲရင့်ငယ်ဒိုင်ယာရီ

http://www.mediafire.com/file/edf6syfqfp6fqqo/31%20August%202011%20Yeyintnge%27s%20diary.doc

http://www.mediafire.com/file/5o1qzrc71b4a66z/31%20August%202011%20Yeyintnge%27s%20diary.pdf

31 August 2011 Yeyintnge's Diary

ဦး​သိန်း​စိန် အစိုး​ရ ဘာလုပ်​နေလဲ

Published on August 31, 2011 by တိုင်းကျော်

အခုရက်ပိုင်း​အတွင်း​ သမ္မတဦး​သိန်း​စိန်ဦး​ဆောင်တဲ့​ အစိုး​ရအဖွဲ့​သစ်ရဲ့​ လှုပ်ရှား​မှု​တွေဟာ ခပ်စိပ်စိပ်ရှိလာပြီး​ ​လေ့​လာသုံး​သပ်​နေတဲ့​ နိုင်ငံ​ရေး​သမား​တွေနဲ့​ ပြည်သူ​တွေအကြား​မှာ သုံး​သပ်ရခက်တာ​တွေ ​တွေ့​မြင်လာ​နေရပါတယ်။ မကြာကာ​သေး​ခင်ကာလကပဲ ဝန်ကြီး​ ဦး​အောင်ကြည်က ​ဒေါ်​အောင်ဆန်း​စုကြည်နဲ့​ ​တွေ့​ဆုံပါတယ်။ အချိန်တို ကာလအတွင်း​ ၂ ကြိမ်​မြောက် ​တွေ့​တာပါ။

အဲဒီတ​နေ့​တည်း​မှာပဲ အသစ်စက်စက် ဖွဲ့​စည်း​ထား​တဲ့​ သမ္မတရဲ့​ သတင်း​ထုတ်ပြန် ​ရေး​အဖွဲ့​က ​နေပြည်​တော်မှာ ပထမဦး​ဆုံး​အကြိမ် သတင်း​စာရှင်း​လင်း​ပွဲ လုပ်ပါတယ်။ ​နောက်ထပ် သိပ်မကြာခင်မှာပဲ သမ္မတဟာ ​နေပြည်​တော်မှာ စီး​ပွား​ရေး​ လုပ်ငန်း​ရှင်​တွေ အပါအဝင် အဖွဲ့​အစည်း​ပေါင်း​စုံက လူပုဂ္ဂိုလ်​တွေနဲ့​ ​တွေ့​ဆုံပြီး​ မိန့်​ခွန်း​ပြောပါတယ်။ အဲဒီပွဲ မှာပဲ စီး​ပွား​ရေး​လုပ်ငန်း​ရှင်​တွေကို သီး​သန့်​တွေ့​ဆုံပါတယ်။

နောက် ရက်ဆက်ဆိုသလိုပါပဲ၊​ ​နေပြည်​တော်မှာ စီး​ပွား​ရေး​ဆိုင်ရာ အမျိုး​သား​အ ဆင့်​ အလုပ်ရုံ​ဆွေး​နွေး​ပွဲတခု ကျင်း​ပပြီး​ ​ဒေါ်​အောင်ဆန်း​စုကြည်ကို ဖိတ်ပါတယ်။ ​ဒေါ် ​အောင်ဆန်း​စုကြည်ကလည်း​ တက်​ရောက်ပါတယ်။ ဒါတင်မက ​နေပြည်​တော်မှာ ​ဒေါ် ​အောင်ဆန်း​စုကြည်ကို သမ္မတဦး​သိန်း​စိန်က လက်ခံ​တွေ့​ဆုံပါတယ်။

ဒီအ​ခြေအ​နေ​တွေ၊​ ဒီအ​ပေါ်က ထွက်လာတဲ့​ သတင်း​တွေကိုကြည့်​ပြီး​ တချို့​က ​တော့​ အစိုး​ရဟာ တကယ်ပဲ တိုင်း​ပြည်ကို ​ကောင်း​စေချင်တယ်၊​ အ​ပြောင်း​အလဲလည်း​ စ လုပ်​နေပြီ စသဖြင့်​ မြင်ကြပါတယ်။ တချို့​က​တော့​ နှစ်​ပေါင်း​ ၅၀ ​လောက် ခံစား​ခဲ့​ရတဲ့​ အ​တွေ့​အကြုံ​တွေအရ စစ်ဗိုလ်ချုပ်​ဟောင်း​တွေဦး​စီး​တဲ့​ အစိုး​ရအဖွဲ့​သစ်ဆိုတာကို မယုံ ကြည်ကြပါဘူး​။ ဘယ်ဟာ အမှန်ဖြစ်ပါမလဲဆိုတာ ​ဆွေး​နွေး​သုံး​သပ် တင်ပြပါမယ်။

အ​ကောင်း​ဘက်ကကြည့်​မယ်ဆိုရင်​တော့​ ​စောင့်​ကြည့်​နေသူတချို့​ပြောသလို သမ္မတကိုယ်တိုင်က ​ဒေါ်​အောင်ဆန်း​စုကြည်နဲ့​ မြန်မြန်ဆန်ဆန် ​တွေ့​ဆုံတယ်၊​ အန် အယ်လ်ဒီကိုလည်း​ အ​ရေး​မယူ​သေး​ဘဲ ထား​တယ်၊​ အ​ဝေး​ရောက်​နေသူ​တွေကိုလည်း​ ပြစ်မှုတစုံတရာ ကျူး​လွန်ထား​တာ မရှိရင် ပြန်လာခွင့်​ပေး​တယ်၊​ စီး​ပွား​ရေး​နဲ့​ ပတ်သက်ပြီး​ ပြုပြင်​ပြောင်း​လဲမှု​တွေ အဆက်မပြတ် လုပ်​နေတယ် စတာ​တွေကို မြင်ကြမှာဖြစ်ပါတယ်။ အခြား​တဖက်မှာ ကြည့်​ရင်​တော့​ ဒီလိုမဟုတ်​တော့​ပါဘူး​။ လက်ရှိ တိုင်း​ရင်း​သား​လက် နက်ကိုင်​တွေနဲ့​ ဖြစ်ပွား​နေတဲ့​ ပဋိပက္ခ​တွေနဲ့​ ပတ်သက်ရင် အစိုး​ရအဖွဲ့​သစ်ရဲ့​ သ​ဘောထား​ ကို ရှင်း​ရှင်း​လင်း​လင်း​ ထုတ်​ဖော်လာတာ ​တွေ့​ရပါတယ်။

အဲဒါနဲ့​ပတ်သက်ပြီး​ ပထမဦး​ဆုံး​ လုပ်ရပ်က​တော့​ ပြည်သူ့​လွှတ်​တော်ဥက္ကဋ္ဌ သူရ ဦး​ရွှေမန်း​က ​နေပြည်​တော်မှာ ​ရေး​ရာ​ကော်မတီ အစည်း​အ​ဝေး​ ​ခေါ်ထား​လို့​ ​ရောက်​နေတဲ့​ ပြည်သူ့​လွှတ်​တော်ကိုယ်စား​လှယ်​တွေကို သူတို့​ အသင့်​ရေး​ထား​တဲ့​ ငြိမ်း​ချမ်း​ရေး​အတွက် ပန်ကြား​ချက် လက်မှတ်​ရေး​ထိုး​ခိုင်း​တဲ့​ ကိစ္စပါ။ အဲဒီပန်ကြား​ချက်ဆိုတာမှာ ဖြစ်ပွား​နေတဲ့​ ပဋိပက္ခ​တွေနဲ့​ ပတ်သက်ပြီး​ အစိုး​ရက လုပ်တာ​တွေမှန်တယ်၊​ တိုင်း​ရင်း​သား​လက်နက်ကိုင် ​တွေကသာ မှား​တယ်ဆိုတာမျိုး​ ​ဖော်ပြထား​ပါတယ်။ ဒါကို ပြည်သူ့​လွှတ်​တော်ကိုယ်စား​ လှယ် အ​ယောက် ၂၀ ကလည်း​ လက်မှတ်​ရေး​ထိုး​ပေး​လိုက်ပါတယ်။ အဲဒီ​နောက် အရင် စစ်အစိုး​ရနဲ့​ ပူး​ပေါင်း​ခဲ့​ပြီး​ အခု အမျိုး​သား​လွှတ်​တော် ကိုယ်စား​လှယ်​တွေအဖြစ် ​နေရာ​ပေး​ ထား​တဲ့​ ကချင်အထူး​ဒေသ ၁ က ဦး​ဆခုံတိန့်​ယိန်း​၊​ အရင် ​ကေအန်ယူ​ဟောင်း​ ဦး​မန်း​ ​အောင်တင်မြင့်​၊​ အရင် ပအို့​ဝ်အဖွဲ့​က ဦး​နေဝင်း​ထွန်း​တို့​ ၃ ဦး​ကိုလည်း​ လက်မှတ်​ရေး​ထိုး​ ခိုင်း​ပြီး​ သတင်း​စာ​တွေထဲ ထည့်​ကြော်ငြာပါတယ်။ ​နောက် ပုဂ္ဂလိက ဂျာနယ်​တွေကိုလည်း​ မထည့်​မ​နေရ ထည့်​ခိုင်း​ပါတယ်။

အဲဒါပြီး​နောက် သိပ်မကြာခင် သမ္မတရဲ့​ သတင်း​ထုတ်ပြန်​ရေး​အဖွဲ့​ခေါင်း​ဆောင် ပြန် ကြား​ရေး​ဝန်ကြီး​ ဦး​ကျော်ဆန်း​က ​ကေအိုင်​အေဟာ သိပ်ပြီး​ဆိုး​သွမ်း​ကြောင်း​၊​ တပ်မ​တော် က​တော့​ စိတ်ရှည်သည်း​ခံ​နေ​ကြောင်း​ ရှည်ရှည်လျား​လျား​ ထုတ်​ဖော်​ပြောဆိုပါတယ်။ ဒါတင်မကပါဘူး​၊​ အဖွဲ့​အစည်း​ပေါင်း​စုံကို သမ္မတက မိန့်​ခွန်း​ပြောတဲ့​အခါမှာလည်း​ ​ကေအိုင် ​အေနဲ့​ပတ်သက်ပြီး​ ​ကေအိုင်​အေဘက်က အကြမ်း​ဖက်မှု လိုလား​သ​ယောင်​ယောင် အတိ အလင်း​ ​ပြောဆိုတာ​တွေ လုပ်လာပါတယ်။ အဲဒါနဲ့​ ဆက်တိုက်ပါပဲ။ အစိုး​ရပိုင် သတင်း​စာ ​တွေရဲ့​ ​နောက်​ကျောဖုံး​တွေမှာ ​ကေအိုင်​အေက အကြမ်း​ဖက်တာ​တွေ၊​ ၀ တပ်ဖွဲ့​က မိုင်း​ ​ထောင် ​ဖောက်ခွဲတာ​တွေ၊​ အက်စ်အက်စ်​အေက ပစ်ခတ်တာ​တွေကို ဆက်တိုက် ​ဖော်ပြ ပြန်ပါတယ်။ ဒါ​တွေကို ခြုံငုံသုံး​သပ်ကြည့်​ရင် ဦး​သိန်း​စိန်အစိုး​ရဟာ ကျင်း​ပ​နေဆဲ လွှတ်​တော်အစည်း​အ​ဝေး​မှာ တိုင်း​ရင်း​သား​လက်နက်ကိုင်​တွေနဲ့​ ပတ်သက်ပြီး​ တစုံတရာ အ​ရေး​ယူမယ့်​ ဆုံး​ဖြတ်ချက် ချဖို့​ ပြင်ဆင်​နေတယ်လို့​ ခန့်​မှန်း​နိုင်ပါတယ်။

နောက်ထပ် အ​ရေး​ကြီး​တာတခုလည်း​ လက်ရှိကျင်း​ပ​နေတဲ့​ လွှတ်​တော်အစည်း​ အ​ဝေး​ ကာလအတွင်း​မှာ ဖြစ်ပျက်ခဲ့​ပါတယ်။ အဲဒါက​တော့​ အရင် စစ်အစိုး​ရလက်ထက် ဝန်ကြီး​တွေ ဖြစ်ခဲ့​ပြီး​ အစိုး​ရအဖွဲ့​သစ် ဖွဲ့​တဲ့​အခါ ပါမလာတဲ့​ ဝန်ကြီး​ အား​လုံး​နီး​ပါး​လောက် ကို လွှတ်​တော်​ရေး​ရာ​ကော်မတီဥက္ကဋ္ဌ​တွေအဖြစ် ခန့်​ထား​လိုက်ခြင်း​ပါ။ အဲဒီအထဲမှာ ဦး​ဌေး​ဦး​၊​ ဦး​သိန်း​ဇော်၊​ ဦး​အောင်​သောင်း​၊​ ဦး​စိုး​သာ၊​ ဦး​အောင်သိန်း​လင်း​နဲ့​ ဝန်ကြီး​ဟောင်း​ ​တွေ ပါဝင်ပြီး​ အား​လုံး​လိုလိုဟာ လက်ရှိ ကြံ့​ဖွံ့​ပါတီ ဗဟို​ကော်မတီဝင်​တွေ ဖြစ်​နေကြပါ တယ်။ ဒါ​တွေကိုကြည့်​ရင် အရင်စစ်ဗိုလ်ချုပ်​ဟောင်း​တွေ ဦး​ဆောင်တဲ့​ ဦး​သိန်း​စိန်အစိုး​ရ ဟာ သူတို့​အင်အား​ကို အဘက်ဘက်က​နေ ခိုင်မာ​အောင် တည်​ဆောက်​နေတာ ​တွေ့​နိုင်ပါ တယ်။

အရင်အာဏာရှင် ဗိုလ်ချုပ်​နေဝင်း​ ၁၉၆၂ အာဏာသိမ်း​တော့​လည်း​ မြို့​ပေါ်က နိုင်ငံ ​ရေး​ခေါင်း​ဆောင်​တွေ၊​ အစိုး​ရ​ခေါင်း​ဆောင်​တွေ အား​လုံး​ကိုဖမ်း​ပြီး​ လက်နက်ကိုင် တိုက် ခိုက်​နေသူ​တွေကို ပြည်တွင်း​ငြိမ်း​ချမ်း​ရေး​လုပ်ဖို့​ဆိုပြီး​ ဖိတ်​ခေါ်ခဲ့​ဖူး​ပါတယ်။ ​နောက်ပိုင်း​ သူ့​အင်အား​ ခိုင်မာပြီဆိုတဲ့​အခါကျမှသာ မြို့​ပေါ်နိုင်ငံ​ရေး​သမား​တွေကို​ရော ​တောတွင်း​ လက်နက်ကိုင်အဖွဲ့​တွေကိုပါ ဘယ်သူ့​ကိုမှ ဂရုမစိုက်ဘဲ တိုင်း​ပြည်ကို လုပ်ချင်တာ လုပ်ခဲ့​ တဲ့​သာဓက ရှိပါတယ်။

အလား​တူပါပဲ၊​ ၁၉၈၈ ခုနှစ်မှာ အာဏာသိမ်း​လိုက်တဲ့​ စစ်အုပ်စုဟာလည်း​ ပြည်တွင်း​နိုင်ငံ​ရေး​အင်အား​စု​တွေ အင်အား​ကြီး​ အား​ကောင်း​လွန်း​အား​ကြီး​ ​တော့​ ၁၉၈၉ ခုနှစ်​နှောင်း​ပိုင်း​ကစလို့​ လက်နက်ကိုင်အင်အား​ကြီး​မား​တဲ့​ ၀ အပါအဝင် ဗကပ တပ်ဖွဲ့​ဟောင်း​တွေနဲ့​ အပစ်အခတ်ရပ်စဲတာ လုပ်ခဲ့​ပါတယ်။ အပစ်အခတ် ရပ်စဲ​ပေး​ လိုက်တာနဲ့​အတူ ဘယ်တုန်း​က၊​ ဘယ်အစိုး​ရကမှ လိုက်​လျော​ပေး​ခဲ့​ဖူး​ခြင်း​ မရှိတဲ့​ ကိုယ့်​ လက်နက်ကိုင်တပ် ကိုယ်တည်ရှိခွင့်​၊​ ကိုယ့်​နိုင်ငံ​ရေး​ပါတီနဲ့​ ကိုယ်လှုပ်ရှား​ခွင့်​၊​ ကိုယ့်​နယ် ​မြေကို ကိုယ်ပိုင်အုပ်ချုပ်ခွင့်​ စတာ​တွေပါ ​ပေး​အပ်ခဲ့​ပါတယ်။ ဒါတင်မက အစိုး​ရ ထိန်း​ချုပ် ထား​ရာ မြို့​ပေါ်မှာ​တောင် စီး​ပွား​ရှာခွင့်​ပြုခဲ့​တာဖြစ်ပါတယ်။

လက်နက်ကိုင် တိုက်ခိုက်မှု​တွေ ကြီး​ကြီး​ကျယ်ကျယ် မလုပ်ရ​တော့​တဲ့​ အခါကျမှ သာ စစ်အစိုး​ရဟာ ​မြေ​ပေါ်က ​ဒေါ်​အောင်ဆန်း​စုကြည်​ခေါင်း​ဆောင်တဲ့​ အန်အယ်လ်ဒီ၊​ ၈၈ မျိုး​ဆက်​ကျောင်း​သား​ အုပ်စု​တွေနဲ့​ အတိုက်အခံ အင်အား​စုမှန်သမျှကို ရက်ရက်စက်စက် ​ချေမှုန်း​ခဲ့​တာဖြစ်ပါတယ်။ စစ်အစိုး​ရ အဆက်ဆက်ဟာ စစ်​ရေး​အမြင် သ​ဘောတရား​အရ ရန်သူလို့​ သူတို့​သတ်မှတ်သူ​တွေကို အဘက်ဘက်က​နေ စစ်မျက်နှာမဖွင့်​ဘဲ စစ်မျက်နှာ ကျဉ်း​ပြီး​ အချိန်ဆွဲ ​ချေမှုန်း​လို့​ရ​အောင် လုပ်ကိုင်တဲ့​ နည်း​ပရိယာယ်တမျိုး​ကို ကျင့်​သုံး​ခဲ့​တာ ပဲဖြစ်ပါတယ်။

အခုလည်း​ ဒီလိုပါပဲ၊​ မြို့​ပေါ်မှာ ​ဒေါ်​အောင်ဆန်း​စုကြည်နဲ့​ အန်အယ်လ်ဒီကို အကြမ်း​ ဖက် အ​ရေး​ယူတာမျိုး​ မလုပ်ဘဲ ​ချွေး​သိပ်ထား​ပြီး​ ​ကေအိုင်​အေ အပါအဝင် တိုင်း​ရင်း​သား​ လက်နက်ကိုင်​တွေကို ​ချေမှုန်း​ဖို့​ ပြင်ဆင်​နေခြင်း​ပဲလို့​ ယူဆနိုင်ပါတယ်။ ဒါ​ပေမယ့်​ ​ခေတ်အ ခါက ​ပြောင်း​ခဲ့​ပြီမို့​ လက်ရှိ ဦး​သိန်း​စိန်ဦး​ဆောင်တဲ့​ စစ်တပ်​ကျော​ထောက်​နောက်ခံပြု စစ်ဗိုလ်ချုပ်​ဟောင်း​များ​အစိုး​ရဟာ အန်အယ်လ်ဒီနဲ့​ ပြည်သူ​တွေကိုပဲ ဆက်လက် ​ချွေး​သိပ် ထား​နိုင်ဦး​မလား​၊​ ​ကေအိုင်​အေ အပါအဝင် တိုင်း​ရင်း​သား​လက်နက်ကိုင်အဖွဲ့​တွေကို အရင်တုန်း​ကလိုပဲ အပစ်အခတ်ရပ်စဲ​အောင် လှည့်​ဖြား​နိုင်ဦး​မလား​ ဆိုတာကို​တော့​ ​စောင့်​ ကြည့်​ရဦး​မှာ ဖြစ်ပါတယ်။
http://burmese.dvb.no/archives/14934

ငြိမ်း​ချမ်း​ရေး​ကော်မတီတွင် ​ဒေါ်​အောင်ဆန်း​စုကြည် ပါဝင်​ရေး​ လွှတ်​တော်၌ ​ဆွေး​နွေး​


Published on August 31, 2011 by အံ့ဘုန်းမြတ်
မြန်မာပြည် ထာဝရငြိမ်း​ချမ်း​ရေး​ အမြဲတမ်း​ကော်မတီဖွဲ့​စည်း​ရေး​အဆိုကို အမျိုး​သား​လွှတ် ​တော်မှာ ​ဆွေး​နွေး​ကြရာမှာ ​ဒေါ်​အောင်ဆန်း​စုကြည်ကို ပါဝင်ခွင့်​ပြုဖို့​ ထည့်​သွင်း​ဆွေး​နွေး​ တယ်လို့​ သိရပါတယ်။

ကချင်ပြည်နယ်က ဦး​ထွန်း​လွင် တင်သွင်း​တဲ့​အဆိုကို တိုင်း​ရင်း​သား​ကိုယ်စား​လှယ် ၁၃ ​ယောက် အပြန်အလှန်​ဆွေး​နွေး​စဉ် ရခိုင်တိုင်း​ရင်း​သား​များ​တိုး​တက်​ရေး​ပါတီ ဥက္ကဋ္ဌ ​ဒေါက်တာ​အေး​မောင်က အဲဒီလိုတင်ပြ​ဆွေး​နွေး​တာလို့​ လွှတ်​တော်ကိုယ်စား​လှယ် ဦး​ဖုန်း​ မြင့်​အောင်က ​ပြောပြပါတယ်။

“​ဒေါ်​အောင်ဆန်း​စုကြည်ရဲ့​ ငြိမ်း​ချမ်း​ရေး​ မိန့်​ခွန်း​ကို သူက အနှစ်ချုပ်ဖတ်ပြပြီး​တော့​ တိုင်း​ပြည်ရဲ့​ အများ​သူငါ​လေး​စား​တဲ့​ ​ဒေါ်​အောင်ဆန်း​စုကြည်ကို အဲဒီ​ကော်မရှင်မှာ ထည့်​ သွင်း​ဖို့​ သူက အကြံပြုတယ်။ အဲဒီ​ကော်မရှင်မှာလည်း​ ပြည်ပပုဂ္ဂိုလ်​တွေ တိ်ုင်း​သိပြည်သိ ​လေး​စား​တဲ့​လူ​တွေ ထည့်​ဖို့​ပေါ့​ဗျာ။”

တပ်မ​တော်သား​ကိုယ်စား​လှယ်​တွေက​တော့​ တိုင်း​ပြည်ငြိမ်း​ရေး​ရှိမှ ဖွံ့​ဖြိုး​တိုး​တက် မယ်ဆိုတဲ့​အချက်ကို အဓိက ​ဆွေး​နွေး​သွား​တယ်လို့​လည်း​ ​ပြောပါတယ်။

“ယာယီ​ကော်မတီပဲဖွဲ့​လို့​ အား​မရလို့​ အမြဲတမ်း​ကော်မတီဖွဲ့​ဖို့​ ကျယ်ကျယ်ပြန့်​ပြန့်​ လုပ်ဖို့​ ​ပြောတာပါ။ ဒီ​ကော်မတီဖွဲ့​တာ​တော့​ အလုပ်ဖြစ်​အောင် ဖွဲ့​တာပါ။ ဘာလို့​လဲဆို​တော့​ တပ်မ​တော်ဘက်က ကိုယ်စား​လှယ်တချို့​လည်း​ သူတို့​က တိုင်း​ပြည်ငြိမ်း​ချမ်း​မှ စီး​ပွား​ရေး​ တက်မယ်ဆိုတာ ​ဆွေး​နွေး​တဲ့​ရည်ရွယ်ချက်က ဒါကိုပဲ ​ဇောင်း​ပေး​တာကိုး​။

ငြိမ်း​ချမ်း​ရေး​ကော်မတီဖွဲ့​စည်း​ဖို့​ အဆိုကို လွှတ်​တော်က အတည်ပြု ဆုံး​ဖြတ်လိုက် ​ပေမယ့်​ ဒီ​ကော်မတီမှာ ဘယ်သူ​တွေ ပါဝင်မယ်ဆိုတာကို​တော့​ မဆုံး​ဖြတ်ရ​သေး​ပါဘူး​။

အမျိုး​သား​လွှတ်​တော်က အသစ်ဖွဲ့​စည်း​ထား​တဲ့​ ယာယီ​ကော်မတီ ၈ ခုမှာ တိုင်း​ရင်း​ သား​ရေး​ရာနှင့်​ ပြည်တွင်း​ငြိမ်း​ချမ်း​ရေး​ဖော်​ဆောင်မှု​ကော်မတီ ပါဝင်ပါတယ်။

ပြည်သူ့​လွှတ်​တော်အစည်း​ဝေး​တွေမှာ တိုင်း​ရင်း​သား​ဒေသ​တွေက လက်နက်ကိုင် ပဋိပက္ခ​တွေ၊​ ငြိမ်း​ချမ်း​ရေး​ကိစ္စ ​ဆောင်ရွက်မယ့်​ အ​ခြေအ​နေ​တွေနဲ့​ပတ်သက်ပြီး​ တိုင်း​ရင်း​သား​ကိုယ်စား​လှယ်တချို့​က ​မေး​မြန်း​သွား​ပေမယ့်​ ပြန်ကြား​ရေး​ဝန်ကြီး​ ဦး​ကျော် ဆန်း​က တိတိကျကျမ​ဖြေဘဲ သက်ဆိုင်ရာ​ကော်မတီ​တွေ ဖွဲ့​စည်း​ထား​တယ်လို့​ပဲ ​ဖြေကြား​ သွား​ပါတယ်။
http://burmese.dvb.no/archives/14969

ထိပ်တိုက်ရင်ဆိုင်ရေး


Tuesday, August 30, 2011 Khet Htan


ကျားပေါက်

ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်ရဲ့ သန့်စင်ရေးလို့ လူပြောများလာတဲ့ ကာကွယ်ရေးဝန်ကြီးဌာန အရာရှိကြီးများရဲ့ လာဘ်ပေးလာဘ်ယူမှုများနဲ့ပတ်သက်ပြီး ပြန်လည်သုံးသပ် အပြစ်ပေးနေပါတယ်လို့ မီဒီယာတွေမှာ ဖော်ပြကြပါတယ်။

တပ်မတော်အစိုးရလက်ထက် တိုင်းမှူးများ၊ ဗျူဟာမှူးများဟာ စစ်တိုင်းများအတွင်း စစ်ဘုရင်တွေလို သြဇာအာဏာရှိရုံတင်မက ငွေစက္ကူရိုက်စက် အမွေရထားသလို ပရောဂျက်တွေကနေ အမေရိကန်ဒေါ်လာ တရာတန် တွေချည်း စုဆောင်းလေ့ရှိပါတယ်။

စစ်ဘုရင်တွေက တိုင်းအတွင်း ဖွံ့ဖြိုးတိုးတက်ရေး စီမံကိန်းလုပ်ငန်းများရဲ့ ၁၅ ရာခိုင်နှုန်းကနေ ၃၀ ရာခိုင်နှုန်းအထိကို အိပ်ထဲထည့်ခဲ့ကြပါတယ်။ ဒါဆိုရင် စစ်တိုင်းများအတွင်း မင်းမူနေကြတဲ့ စစ်ဘုရင်လေးတွေ ချမ်းသာကြတာပေါ့လို့ ယူဆစရာရှိပါတယ်။ စစ်ဘုရင်တွေက ရလာတဲ့ နည်းလမ်း ၂ မျိုး ရှိပါတယ်။

(၁) က အဘဆီက တိုက်ရိုက်လာသော စီမံကိန်း၊ နအဖအစိုးရက ဆုံးဖြတ်ပြီး ချပေးတဲ့ စီမံကိန်းများအပေါ် ထိခွင့်မရှိပါဘူး။ ဒါပေမယ့် စီမံကိန်းအတွက် လိုအပ်တဲ့ ထောက်ပို့တွေဆီက ခံစားခွင့်ရှိပါတယ်။
(၂) စစ်ကောင်စီနဲ့လည်းမဆိုင်၊ ဒေသဖွံ့ဖြိုးရေးတွေကို ဘဏ္ဍာရေးဝန်ကြီးဌာန ခွင့်ပြုခဲ့ရင် စားပွဲဝိုင်း ပြင်ထားရုံပါပဲ။ ပို့ဆွမ်းကို စားတယ်ဆိုတဲ့ သဘောပေါ့။

ဒါကြောင့် အထက်အောက် ဆက်ဆံရေးဟာ မြန်မာတပ်မတော်အတွင်း မရှိမဖြစ် အရေးပါတဲ့ လုပ်ငန်းစဉ်တခုဖြစ်ပါတယ်။ စီးပွားရေး ဦးပိုင်ဖြစ်စေ၊ စီးပွားရေးနဲ့ ဆက်စပ်မှုကို ရှစ်လုံး (သီဟသူရတင်အောင်မြင့်ဦး) နဲ့ ဆက်ဆံရေး ပြေလည်ဖို့ စစ်ဘုရင်လေးတွေ ငြိမ်ပိနိုင်မှ စစ်တိုင်းအတွင်းရသမျှ အကုန်ယူစနစ်နဲ့ ရှာဖွေလေ့ရှိပါတယ်။

စီမံကိန်းပြီးတဲ့အခါ၊ စားသောက်ပြီးတဲ့အခါ ရာထူးတက်ရေး ဆက်လုပ်ကြရပါတယ်။ ဒါနဲ့ပဲ လွှတ်တော် ဥက္ကဋ္ဌသစ်နဲ့ ဒုသမ္မတသစ်ဆီ ချဉ်းကပ်၊ တပ်ချုပ်နားပေါက်အောင် ဆောင်ရွက်ကြနဲ့ မြန်မာပြည် အချုပ်အခြာအာဏာ တည်မြဲရေးဆိုတာကို ဘေးထားပြီး စားမယ်ဝါးမယ်၊ ရာထူးတက်အောင် လုပ်မယ်ဆိုတာနဲ့ပဲ လွန်ခဲ့တဲ့ ၂၂ နှစ်ကြာ မြန်မာစီးပွားရေး ဖရိုဖရဲနဲ့ ဖြစ်နေခဲ့ရတာပါ။

စစ်ဘုရင်ဖြစ်တာနဲ့ သူဌေးဖြစ်၊ ဒီတော့ မိသားစု စီးပွားရေးတွေ အခြေခိုင်လာဖို့အတွက် နိုင်ငံတော် တည်ငြိမ်အေးချမ်းဖို့ လိုတာပဲ မဟုတ်လား။ ဒါနဲ့ပဲ အထက်အောက် ဆက်ဆံရေးမှာ နိုင်ငံတော်ကို ဆူပူအောင် ဖန်တီးသူ၊ ဆူပူအောင် ဆောင်ရွက်ဖို့ စဉ်းစားနေသူ၊ ဆူပူမှုကို စိတ်ကူးယဉ်နေသူ အားလုံးကို ၇ နှစ်ကနေ နှစ် ၉၀ ကျော် အပြစ်ပေးတာကို လူသားချင်း မစာနာ၊ သားသမီးချင်း မစာနာနိုင်တော့ဘဲ တပ်ချုပ်ရဲ့ ပြတ်သားတဲ့ မူဝါဒ၊ တပ်ချုပ်ရဲ့ ဗျူဟာတွေလို့ တပ်ရိပ်သာခန်းမတွေ၊ မိသားစု ထမင်းဝိုင်းတွေမှာကို ချီးကျူးနေခဲ့ကြပါတယ်။

အကျိုးစီးပွားအတွက် တပ်ချုပ်ရဲ့ ပြတ်ပြတ်သားသား ကိုင်တွယ်မှုအနေနဲ့ ဗုဒ္ဓဘာသာစစ်စစ် တပ်မင်းတွေ၊ စစ်ဘုရင်တွေက သံဃာတော်တွေကို ရိုက်သတ်နေတာကို လက်ခုပ်သြဘာပေးသံတွေ တညံညံနဲ့ ၂၀၀၇ ကာလတွေမှာ ဖြတ်သန်းခံရပါတယ်။

အတွင်းပြဿနာတွေကိုတော့ တပ်ချုပ်အမိန့်အရဆိုပြီး ဖြုတ်ထုတ်သတ်ကြ၊ နေရာတွေ အရွှေ့ခံရ၊ ဒု ဝန်ကြီး၊ ဝန်ကြီး ဘဝရောက်၊ ကာကွယ်ရေး ဝန်ကြီးဌာန တွဲဘက်ဆိုပြီး နေ့ချင်းညချင်း ဘဝသစ်ရောက်ပြန်ရော။

ဒီမိုနဲ့ တိုင်းရင်းသား နိုင်ငံရေးသမားတွေလည်း ထောင်ထဲရောက်ပြီ၊ အန်တီစုလည်း ထိပ်တိုက် မတွေ့တော့ တပ်မှာ ရန်သူမရှိသောကာလကို ၂၀၁၀ အတွင်း ရင်ဆိုင်ခဲ့ရပါတယ်။ ရန်သူမရှိရင် တပ်အတွက် ရေရှည်အခက်အခဲ ရှိပါတယ်။ ဒါက DSA ကျောင်းဆင်း စစ်ဘုရင်သစ်တွေရဲ့ သုံးသပ်ချက်။

မျိုးဆက်ဟောင်း တချို့လည်း ပြည်ခိုင်ဖြိုး ပလက်ဖောင်းကနေ နိုင်ငံရေးသမားဘဝကို ရောက်သွားတယ်။
တပ်ချုပ်ရဲ့ မင်းတို့ နိုင်ငံရေးထဲ ဝင်မပါနဲ့လို့ တိုင်းမှူးသစ်တွေကို သြဝါဒပေးတာကို မျိုးဆက်ဟောင်းများက အခွင့်အရေးယူပြီး ပါတီဦးဆောင်မှု ရှိရမယ်လို့ တစခန်းထပြန်ရော။ ဆက်သွယ်ရေးဝန်ကြီးဟောင်း ဦးသိန်းဇော် မြစ်ကြီးနားလေဆိပ်မှာ ပြစ်ဒဏ်ပေးမှုကြောင့် ပြည်ခိုင်ဖြိုးနဲ့ စစ်တပ်အကြား တင်းမာမှု ဗွေဆော်ဦး တွေ့ရတာပါပဲ။

မြောက်ပိုင်းတိုင်း တိုင်းမှူး ဇေယျာအောင်ကလည်း အရင် မျိုးဆက်ဟောင်းများ သန်းကြွယ်သူဌေးဖြစ်သွားတဲ့နေရာကို ရောက်လာပေမယ့် ရေအားလျှပ်စစ်၊ သတ္တုတွင်း၊ ကျောက်တွင်းတွေကို ကောက်ရိုးပုံစောင့်တဲ့ ခွေးဘဝရောက်ရပြီလေ။ ဒီစီမံကိန်းကြီးတွေက တိုင်းမှူးအမိန့်နဲ့ ရပ်ပါပြောလို့မရ၊ ပြောရင် သူ့အတွက် ပေါက်ဖော်ဆီက ရေမလာမှာကို အိပ်မက်ပျက်တဲ့ ကလေးတယောက်လို ခံစားရတာပေါ့။

ဒါနဲ့ပဲ အပစ်ရပ် သဘောတူညီချက်က စက်တင်ဘာ ၂၀၁၀ ကတည်းက ကုန်တာကို အကြောင်းပြပြီး KIO ကို ရန်စတော့တာပါပဲ။ KIO ကို တိုက်ချင်လို့တော့ မဟုတ်ပါ။ ငွေတွင်းရှိပါလျက်နဲ့ ဆရာ့ ဆရာများ ပက်ပက်စက်စက် လုပ်သွားတာကို နာလွန်းလို့ပါ။

ကာကွယ်ရေးနဲ့ လုံခြုံရေးကောင်စီ (ကာလုံ) မှာ ဒီကနေ့အထိ KIO နဲ့ ဘာဖြစ်လို့ စစ်ဖြစ်ရတာ သိပေမယ့် မပြောကြ။ မူဝါဒတွေကို ရှေ့တန်းတင်နေရတော့ ကာချုပ်လည်း တော်တော်ကို ပင်ပန်းတယ်လို့ ဆိုပါတယ်။

တပ်ချုပ်ကြီးကလည်း မင်းတို့တာဝန်လေဆိုပြီး ပေါက်ဖော်ဆီက ၁ ဘီလီယံကျော် အိတ်ထဲထည့်ပြီး ရွှေတိဂုံဘုရားဖူးလိုက်၊ နေပြည်တော်ခြံဝင်းထဲ တူတူပုန်းတမ်း ကစားလိုက်နဲ့ ကာချုပ် မင်းအောင်လှိုင် အကျပ်တွေ့စေတာပါပဲ။

ကာချုပ်ကလည်း တပ်မင်းတွေ ကျေနပ်အောင် အုပ်ချုပ်ဖို့လိုတယ်လေ။ တိုင်းမှူးတို့ရဲ့ မကျေနပ်သံတွေကို နားထောင်၊ မျိုးဆက်ဟောင်း နောက်ခံတွေကို စရှင်းရတော့တာပါပဲ။ ကာချုပ်အမိန့်ကို ကလန်ကဆန်လုပ်တဲ့ ရန်ကုန်တိုင်း စစ်ဘုရင် (ဗိုလ်မှူးချုပ် ထွန်းသန်း) ကို စပ်စပ်ကလေး ပညာပေးရတော့တယ်။

ကာချုပ်က တကိုယ်တော် လက်စွမ်းမပြရဲသေးဘူး။ ဒါကြောင့် တပ်ချုပ်ဆီကို နေပြည်တော်မြို့တော်ဝန်ကတဆင့် ညတိုင်း တင်ပြရပါတယ်။ သမ္မတကြီးကို တိုးတိုးတိုင်ပင်၊ အဘရွှေမန်းကို ဦးထိပ်ထားပြီး ကစားနေတဲ့ ကာချုပ် မင်းအောင်လှိုင်ရဲ့ပုံရိပ်ကို အလင်းအမှောင် ပိတ်ကားနောက်ခံတွေမှာ မြင်ရပါတယ်။
http://www.irrawaddyblog.com/2011/08/blog-post_7960.html

ကချင်လူမှုဖွံ့ဖြိုးရေးကွန်ရက်မြစ်ဆုံရေကာတာအရေးပေါ်သတင်းထုတ်ပြန်




တွေ့ဆုံဆွေးနွေးပွဲများ နောက်ကွယ်


အောင်လင်းထွဋ် Wednesday, 31 August 2011 17:49 သူ့အတွေး သူ့အမြင်

ပြည်တွင်းပြည်ပ မြန်မာတိုင်းရင်းသား လူမျိုးအားလုံး အတွက် သမ္မတ ဦးသိန်းစိန်နှင့် ဒေါ်အောင်ဆန်းစုကြည် တို့၏ တွေ့ဆုံဆွေးနွေးပွဲ သတင်းသည် ဝမ်းသာ ပီတိဖြစ်စရာဖြစ်ပါသည်။ အောက်တန်းနောက်တန်း ရောက်နေသော မြန်မာနိုင်ငံအား နိုင်ငံတကာတွင် လူရာဝင်လာလေတော့မလားဟုလည်း မျှော်လင့်ချက်များ ဖြစ်နေကြပါသည်။ ထို့အတူ နိုင်ငံရေးကစားနေသလားဟုလည်း သံသယများလည်း ရှိသည်။ ယခုအချိန်အထိ ဘယ်လိုဖြစ်လာမလဲဆိုသည်ကို ဘာတခုမျှ သဲသဲကွဲကွဲ ပြော၍မရသေးပါ။

ဒေါ်အောင်ဆန်းစုကြည်ကို ၁၉၉၄၊ ၂၀၀၁၊ ၂၀၀၄ ခုနှစ်တို့တွင် ဗိုလ်ချုပ်မှူးကြီး သန်းရွှေ ကိုယ်တိုင်အပါအဝင် စစ်ခေါင်းဆောင်များ တွေ့ဆုံဆွေးနွေးခဲ့ဖူးသည်ကို အားလုံးသတိရ ကြပါလိမ့်မည်။ ၁၉၉၄ ခုနှစ်တွင် ဗိုလ်ချုပ်မှူးကြီး သန်းရွှေ၊ ဗိုလ်ချုပ်ကြီး ခင်ညွန့်တို့ ဒေါ်အောင်ဆန်းစုကြည်နှင့် တွေ့ဆုံခဲ့သည်။ အဓိကအကြောင်းအရာမှာ ဒေါ်အောင်ဆန်းစုကြည်ကို အမျိုးသားညီလာခံလုပ်ငန်းစဉ်အား ထောက်ခံလာစေရန် စည်းရုံးရေးဖြစ်သည်။

နောက်ဆက်တွဲ ဆွေးနွေးပွဲအနေဖြင့် ဗိုလ်ချုပ်ကြီး ခင်ညွန့်နှင့်အတူ အမျိုးသားညီလာခံ ကော်မရှင်အဖွဲ့ဝင်များ ဖြစ်ကြသော တရားသူကြီးချုပ် ဦးအောင်တိုး၊ ရှေ့နေချုပ် ဦးသာထွန်း၊ စာရင်းစစ်ချုပ် ဗိုလ်မှူးချုပ်တင်အေးတို့မှ အမျိုးသားညီလာခံ ဦးတည်ချက်နှင့် လုပ်ငန်းစဉ်များကို ရှင်းလင်းပြသခဲ့သည်။ ထို့နောက်ပိုင်းတွင် တွေ့ဆုံဆွေးနွေးမှုများ မရှိတော့ပါ။ ကြားသိရသည်မှာ အမျိုးသားညီလာခံ၏ တချို့အခြေခံမူ အချက်အလက်များအပေါ် သဘောထားကွဲပြားခဲ့သဖြင့် ဗိုလ်ချုပ်မှူးကြီး သန်းရွှေက ဒေါသတကြီးဖြစ်ကာ ဆွေးနွေးပွဲကို ဆက်မလုပ်ရန် ဗိုလ်ချုပ်ကြီးခင်ညွန့်အား အမိန့်ပေးခဲ့သည်။

ဒေါ်အောင်ဆန်းစုကြည် အကျယ်ချုပ်မှ ပထမအကြိမ် လွတ်မြောက်လာပြီး ၁၉၉၆ ခုနှစ်တွင် အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်များ အမျိုးသားညီလာခံကို စွန့်ခွာခဲ့သည်။ ထို့နောက်ပိုင်း မကြာမီမှာပင် ဗိုလ်ချုပ်မှူးကြီး သန်းရွှေ၏ “စစ်တပ် ကြာကြာအုပ်ချုပ်ရတာပေါ့ကွာ” ဟူသော မှတ်ချက်ဖြင့် အမျိုးသားညီလာခံကို ရပ်စဲခဲ့သည်။ နောက် မကြာမီမှာပင် ဒေါ်အောင်ဆန်းစုကြည်ကို ပြန်လည်ဖမ်းဆီးပြီး နေအိမ်အကျယ်ချုပ် ဒုတိယအကြိမ် ချထားရန် ဗိုလ်ချုပ်မှူးကြီး သန်းရွှေက အမိန့်ပေးခဲ့သည်။

၂၀၀၀၊ ၂၀၀၁၊ ၂၀၀၂ ခုနှစ်များတွင် ပြည်တွင်းပြည်ပ ဖိအားကြောင့် ဒေါ်အောင်ဆန်းစုကြည်ကို တွေ့ဆုံဆွေးနွေးရန် အကြောင်းတရားများ ပေါ်ပေါက်လာခဲ့သည်။ ပြည်ပနိုင်ငံများရှိ မြန်မာအတိုက်အခံ အဖွဲ့အစည်းများ၏ လှုပ်ရှားမှုများကြောင့် မြန်မာနိုင်ငံအတွင်း လူ့အခွင့်အရေးချိုးဖောက်မှုများ၊ အတင်းအဓမ္မ နေရာရွှေ့ပြောင်းခိုင်းမှုများ၊ အတင်းအဓမ္မ လုပ်အားစေခိုင်းမှုများ၊ စစ်သားများ၏ အဓမ္မပြုမှုများ၊ ကလေးစစ်သား စုဆောင်းမှုများ အစရှိသည့် ဆိုးဝါးသည့်အခြေအနေများကို ကုလသမဂ္ဂမှတဆင့် နိုင်ငံတကာမှ သိရှိခဲ့သည်။ ထို့နောက် နိုင်ငံတကာအလယ် အရှက်ရစရာ ဖိအားပေးမှုများကို စစ်အာဏာရှင်အစိုးရ ခံလာရသည်။

ထိုအချိန် ပြည်တွင်း၌လည်း အောက်ခြေစစ်ခေါင်းဆောင်များ၏ တင်ပြမှုများကြောင့် ဗိုလ်ချုပ်မှူးကြီး သန်းရွှေ၏ “ဒေါ်အောင်ဆန်းစုကြည် မပါဘဲလည်း ငါတို့အုပ်ချုပ်လို့ရတာပဲ” ဆိုသည့်မူဝါဒကို ပြန်လည် သုံးသပ်လာခဲ့ရသည့် သဘောရှိပါသည်။ ထို့ကြောင့် ဗိုလ်ချုပ်မှူးကြီး သန်းရွှေ၏ ခွင့်ပြုချက်ဖြင့် စစ်ထောက်လှမ်းရေးအဖွဲ့မှ ခေါင်းဆောင်ပြီး ဒေါ်အောင်ဆန်းစုကြည်ကို စစ်ခေါင်းဆောင်များနှင့် အဆင်ပြေစေရန်၊ ပူးပေါင်းဆောင်ရွက်နိုင်ရန် ဒုတိယ စစ်ထောက်လှမ်းရေး အကြီးအကဲ ဗိုလ်ချုပ် ကျော်ဝင်းနှင့် တန်ပြန်ထောက်လှမ်းရေးဌာနကြီးမှူး ဗိုလ်မှူးချုပ် သန်းထွန်း တို့ကို လျှို့ဝှက်တာဝန်ပေးခဲ့သည်။ ထိုသို့ဆွေးနွေးနေမှုမှာ ကုလသမဂ္ဂ အထူးကိုယ်စားလှယ် ရာဇာလီ အစ္စမေးလ် မလာမီကတည်းက ဖြစ်သည်။

မစ္စတာ ရာဇာလီ ရောက်လာပြီး နိုင်ငံခြားရေးဝန်ကြီး ဦးဝင်းအောင်နှင့် တွေ့ဆုံစဉ် စစ်အစိုးရနှင့် ဒေါ်အောင်ဆန်းစုကြည်တို့ လျှို့ဝှက်တွေ့ဆုံ ဆွေးနွေးနေမှုကို ဦးဝင်းအောင်မှ အမှတ်မထင် ပြောလိုက်မိသည့်အတွက် မစ္စတာ ရာဇာလီ သိသွားပြီး အဆိုပါသတင်း ပြည်တွင်းပြည်ပသို့ ပြန့်သွားခဲ့သည်။ ထို့အတွက်ကြောင့် ဦးဝင်းအောင်သည် ဗိုလ်ချုပ်မှူးကြီး သန်းရွှေ၏ ကြိမ်းမောင်းခြင်း ခံခဲ့ရသည်။ သို့သော် နိုင်ငံရေးအမြတ်ထုတ်သည့် အနေဖြင့် မစ္စတာ ရာဇာလီ၏ တောင်းဆိုမှုကြောင့် မြန်မာအစိုးရအနေဖြင့် တွေ့ဆုံခဲ့သယောင် ဝါဒဖြန့်ခိုင်းခဲ့သဖြင့် ကျနော်တို့ကိုယ်တိုင် ဆောင်ရွက်ခဲ့ရသည်။ အမေရိကန်အစိုးရအား တိုက်တွန်းနားချမည့် DCI အဖွဲ့အတွက် ဝါရှင်တန်မြို့ရှိ မြန်မာသံရုံးမှ တာဝန်ယူခဲ့ရသည်။

ဗိုလ်ချုပ်မှူးကြီး သန်းရွှေ၊ ဒုဗိုလ်ချုပ်မှူးကြီး မောင်အေး ၊ ဗိုလ်ချုပ်ကြီး ခင်ညွန့်တို့နှင့် ဒေါ်အောင်ဆန်းစုကြည် ခေါင်းဆောင်သော NLD အဖွဲ့ဝင်များ ထမင်းလက်ဆုံစားသည်အထိ အခြေအနေ ကောင်းခဲ့သည်။ မြန်မာ့နိုင်ငံရေးတွင် အမေရိကန်ပြည်ထောင်စုနှင့် ဒေါ်အောင်ဆန်းစုကြည်သည် အဓိကဖြစ်သည်ကို ထိုစဉ်က ဗိုလ်ချုပ်မှူးကြီး သန်းရွှေ ကောင်းကောင်းနားလည်ခဲ့သည်။ အမေရိကန်သမ္မတ ဂျော့ဂ်ျ ဘုရှ် အပေါ် ကြောက်လဲကြောက် ပေါင်းလဲပေါင်းချင်သူ ဖြစ်ခဲ့သည်။

၂၀၀၂ ခုနှစ် ဒေါ်အောင်ဆန်းစုကြည် မလွတ်မြောက်မီ လပိုင်းအလိုတွင် DCI ၏ အကူအညီဖြင့် စစ်ထောက်လှမ်းရေးမှ ဗိုလ်မှူးချုပ် ကျော်သိန်းနှင့် ရဲမှူးကြီးခမ်းအောင်တို့ မူးယစ်ဆေးဝါးနှိမ်နင်းရေးလုပ်ငန်း အကြောင်းပြချက်ဖြင့် ဝါရှင်တန်သို့ လာခွင့်ရခဲ့သည်။ ဝါရှင်တန်မြို့၌ စစ်အစိုးရကိုယ်စားလှယ်အဖွဲ့သည် အမေရိကန် အမျိုးသားလုံခြုံရေးကောင်စီ၊ သမ္မတ၏ မူးယစ်ဆေးဝါးဆိုင်ရာ အကြံပေးအရာရှိရုံး၊ နိုင်ငံခြားရေးဝန်ကြီးဌာန၊ ဘဏ္ဏာရေးဝန်ကြီးဌာန၊ စီအိုင်အေ၊ မူးယစ်ဆေးဝါး နှိမ်နင်းရေးအဖွဲ့ (DEA) တို့မှ တာဝန်ရှိ အကြီးတန်းအရာရှိများနှင့် တွေ့ဆုံပြီး မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး အခြေအနေများကို ရှင်းလင်းပြသခဲ့သည်။ ထို့နောက် ၂၀၀၂ မေလတွင် ဒေါ်အောင်ဆန်းစုကြည်ကို အကျယ်ချုပ်မှ လွှတ်ပေးခဲ့ပြီး နိုင်ငံတော်၏ စီမံကိန်းများကို ရှင်းလင်းပြသခဲ့သော်လည်း ၂၀၀၃ ခုနှစ် မေလတွင်မူ ဒီပဲယင်း အရေးအခင်းဖြင့် အဆုံးသတ်သွားရပါသည်။

၂၀၀၄ ခုနှစ်တွင် တတိယအကြိမ် ဒေါ်အောင်ဆန်းစုကြည်နှင့် တွေ့ဆုံဆွေးနွေးမှု ဖြစ်လာရခြင်းသည် ဒီပဲယင်း အရေးခင်း၏ နောက်ဆက်တွဲကိစ္စ ဖြစ်သကဲ့သို့ ဗိုလ်ချုပ်ကြီး ခင်ညွန့်နှင့် ထောက်လှမ်းရေးအဖွဲ့များ၏ နိဂုံးအစဟုလည်း ဆိုနိုင်သည်။ ဒီပဲယင်းပြဿနာ ဖြစ်ပြီးနောက် ဗိုလ်ချုပ်ကြီး ခင်ညွန့်အား ဗိုလ်ချုပ်မှူးကြီး သန်းရွှေ၏ ကြိုတင်ခွင့်ပြုချက်မယူဘဲ မစ္စတာ ရာဇာလီ အစ္စမေးလ်ကို မြန်မာနိုင်ငံအတွင်း ပြည်ဝင်ခွင့်ပေးပြီး ဒေါ်အောင်ဆန်းစုကြည်နှင့် တွေ့ခွင့်ပေးတွေ့ခဲ့သည့်အတွက် တပ်ချုပ်ကြီး အလွန်ဒေါသထွက်ခဲ့သည်။

ဒီပဲယင်းအရေးအခင်းအပြီး ဝန်ကြီးချုပ် ဗိုလ်ချုပ်မှူးကြီး သန်းရွှေသည် နိုင်ငံတကာဖိအားများကို ဖြေရှင်းရန် သတ္တိမရှိသည့်အတွက် ဝန်ကြီးချုပ်ရာထူးကို ဗိုလ်ချုပ်ကြီး ခင်ညွန့် အား လွှဲပြောင်းပေးခဲ့ပြီး ဖိအားများကို ရင်ဆိုင်စေခဲ့သည်။ အတိုင်းတာတခုအထိ နိုင်ငံတကာခေါင်းဆောင်များ၏ ယုံကြည်မှုကို ဗိုလ်ချုပ်ကြီး ခင်ညွန့် ရရှိခဲ့သည်။ ဒေါ်အောင်ဆန်းစုကြည် ခွဲစိပ်ကုသမှုခံယူပြီးနောက် တက္ကသိုလ်ရိပ်သာလမ်း နေအိမ်သို့ ပြန်ပို့ရန် ဗိုလ်ချုပ်မှူးကြီး သန်းရွှေက အမိန့်ပေးခဲ့သည်။

ထို့နောက် ပြည်ထဲရေးဝန်ကြီး ဗိုလ်မှူးကြီး တင်လှိုင်ခေါင်းဆောင်ပြီး ဗိုလ်ချုပ် ကျော်ဝင်း၊ ဗိုလ်မှူးချုပ် သန်းထွန်းတို့ ပါဝင်သောအဖွဲ့ကို ဖွဲ့ပေးပြီး ဒေါ်အောင်ဆန်းစုကြည်ကို တွေ့ဆုံဆွေးနွေးမှု ထပ်မံလုပ်စေခဲ့သည်။ အဓိက အချက်မှာ ၁၉၉၆ ခုနှစ်က ရပ်စဲခဲ့သော အမျိုးသားညီလာခံ ပြန်လည်စတင်မှုတွင် NLD ပြန်လည်တက်ရောက်ရေးဖြစ်သည်။ တတိယအကြိမ် တွေ့ဆုံဆွေးနွေးမှုများတွင် နှစ်ဦးနှစ်ဖက် ပွင့်ပွင့်လင်းလင်း အမြင်များ ဖလှယ်ခဲ့သည်ဟု သိရသည်။

အမျိုးသားညီလာခံကို NLD ကိုယ်စားလှယ်များ ပြန်တက်ရန် ၉၉ ရာခိုင်နှုန်း သေချာပြီးနောက် ရက်ပိုင်းအလိုတွင် ဗိုလ်ချုပ်မှူးကြီး သန်းရွှေ စိတ်ပြောင်းသွားသည့်အတွက် အစီအစဉ်ပျက်သွားခဲ့သည်။ အကျိုးဆက်အနေဖြင့် အတိုက်အခံနှင့် ရင်းနှီးလာသော၊ နိုင်ငံတကာခေါင်းဆောင်များနှင့် အဆင်ပြေအောင် ဆက်ဆံနိုင်သော၊ တိုင်းရင်းသားများနှင့် ခင်မင်မှုရှိသော ဗိုလ်ချုပ်ကြီး ခင်ညွန့်သည် အစိုးရအဖွဲ့မှ နုတ်ထွက်ခွင့်ပြုရန် ဗိုလ်ချုပ်မှူးကြီး သန်းရွှေထံ တင်ပြခဲ့သည်။ သို့သော် ဗိုလ်ချုပ်မှူးကြီး သန်းရွှေက “ မင်းကိုငါ ခိုင်းစရာရှိသေးတယ်” ဆိုကာ နုတ်ထွက်ခွင့်မပေးဘဲ ဗိုလ်ချုပ်ကြီး ခင်ညွန့်ကို အချိုသပ်ခဲ့သည်။ တလအကြာမှ ဗိုလ်ချုပ်ကြီး ခင်ညွန့်နှင့် ထောက်လှမ်းရေးအဖွဲ့များအား ၄င်း၏ အနားတွင်ဆက်ထားလျှင် အန္တရာယ်ရှိလာနိုင်သည်ဟု သုံးသပ်လာခဲ့သည်အတွက် အာဏာရှင်တို့၏ လက်သုံးစကားအတိုင်း လာဘ်စားသည်ဆိုကာ စစ်ထောက်လှမ်းရေးများကို မျိုးဖြုတ်ပစ်ခဲ့သည်။

လက်ရှိ အစိုးရအသစ်လက်ထက်တွင် ယနေ့မြင်တွေ့နေရသော အခင်းအကျင်းသည် ယခင်ကထက်စာလျှင် အများကြီး အားရစရာကောင်းသည်ဟု မှတ်ချက်ပေးလိုပါသည်။ အဘယ့်ကြောင့်ဆိုသော် ဒေါ်အောင်ဆန်းစုကြည်ကို လွတ်လွတ်လပ်လပ် လှုပ်ရှားခွင့်ပေးထားခြင်း၊ သမ္မတ ဦးသိန်းစိန်သည် စစ်ခေါင်းဆောင်များအကြား နာမည်ပျက်မရှိခြင်း၊ လက်ရှိအစိုးရအတွင်း သဘောထားပျော့ပြောင်းသူ အင်အားစုများ အားကောင်းလာပြီး ပေါ်ပေါ်ထင်ထင် ရှေ့တန်းသို့ ထွက်ရဲလာခြင်း၊ ဆွေးနွေးပွဲ လုပ်ငန်းစဉ်များတွင် အရပ်သားတချို့ကို ပူးပေါင်းပါဝင်လာခွင့်ပြုခြင်း၊ မြန်မာနိုင်ငံ၏ အောက်တန်းနောက်တန်း ကျနေမှုကို အစိုးရကိုယ်တိုင် ဝန်ခံလာခြင်း၊ လာဘ်ပေးလာဘ်ယူကိစ္စများကို အစိုးရကိုယ်တိုင် အသိအမှတ်ပြုပြီး စတင်အရေးယူလာခြင်း၊ ဒေါ်အောင်ဆန်းစုကြည်ကို မြန်မာ့နိုင်ငံရေးတွင် ပစ်ပယ်၍မရကြောင်း နားလည်သဘော ပေါက်လာခြင်းတို့သည် အားရစရာကောင်းသည့် အချက်များဖြစ်သည်။

ဒေါ်အောင်ဆန်းစုကြည် သတိထား ဆုံးဖြတ်ရမည့် အချက်များတွင် လက်ရှိအစိုးရ အသစ်ဆိုသော်လည်း အရပ်သားတချို့မှလွဲ၍ အစိုးရအဖွဲ့ဝင်ဝန်ကြီးများ၊ လွှတ်တော်ရေးရာ ဥက္ကဋ္ဌများ၊ အစိုးရဝန်ထမ်း အကြီးအကဲများ၊ သံအမတ်ကြီးများသည် ယခင်အစိုးရ လူဟောင်းများဖြစ်ခြင်း၊ စစ်အစိုးရလက်ထက် ကျူးလွန်ခဲ့သော အပြစ်များကို အကျူးလွန်ခံရသူများကိုယ်စား မည်ကဲ့သို့ အာမခံချက်များပေး၍ ခွင့်လွှတ်ပေးရမည့် ဆိုသည့်ကိစ္စ၊ နိုင်ငံရေးအကျဉ်းသားများ လွတ်မြောက်ရေး၊ တိုင်းရင်းသား လက်နက်ကိုင်များနှင့် ငြိမ်းချမ်းရေးကို ပြန်လည်ဆွေးနွေးရေး၊ စီးပွားရေး ပိတ်ဆို့အရေးယူမှု ပြန်လည်ပွင့်လာရေး၊ ၁၉၉၀ ရွေးကောက်ပွဲရလဒ် တနည်းနည်းနှင့် အသိအမှတ်ပြုခံရရေးတို့ ပါဝင်သည်ဟု တင်ပြလိုပါသည်။ သို့သော် လက်ရှိအစိုးရအနေဖြင့် အမှန်တကယ် ရိုးသားစွာဖြင့် တွေ့ဆုံဆွေးနွေးပွဲ လမ်းကြောင်းသို့သွားလျှင် အထက်ပါအချက်များသည် မပြေလည်စရာ အကြောင်းမရှိပါ။

လက်ရှိဖြစ်ပေါ်နေသော သတင်းများအရ စစ်တပ်အတွင်း ပြုပြင်ပြောင်းလဲလိုသော အင်အားစု အားကောင်းလာခြင်း၊ ဒေါ်အောင်ဆန်းစုကြည်အပေါ် စစ်တပ်အတွင်း အောက်ခြေစစ်သည်မိသားစုများ အားကိုးစိတ် ပိုမိုများပြားလာခြင်း၊ ဗိုလ်ချုပ်မှူးကြီး သန်းရွှေ အသက်အရွယ်ရလာပြီဖြစ်၍ ၄င်း၏မိသားစု လုံခြုံရေးအတွက် စိုးရိမ်ပူပန်စိတ် များလာခြင်း၊ ယနေ့အာရပ်ကမ္ဘာမှ ဖြစ်စဉ်များသည် စစ်ခေါင်းဆောင်များအတွက် သံဝေဂရစရာများဖြစ်နေခြင်းများ ဖြစ်ပေါ်နေသည်။

မိသားစုဝင်များ၏ ချမ်းသာမှုမှာ ဆယ်သက်စား၍ မကုန်နိုင်အောင် ကြွယ်ဝနေပြီဖြစ်၍ အနိုင်နှင့်ပိုင်းလိုခြင်း၊ စစ်တပ်အတွင်းနှင့် အာဏာပိုင်အဖွဲ့အစည်းအတွင်း စိတ်ကြိုက်နေရာများ ချပြီးခြင်းတို့ကြောင့် ဗိုလ်ချုပ်မှူးကြီး သန်းရွှေအနေဖြင့် ၄င်း၏မိသားစုများအတွက် အာမခံချက်ပေးနိုင်သော သစ္စာရှိသည့် သမ္မတ ဦးသိန်းစိန်ကို ယခင်အချိန်အခါများနှင့်မတူ လွတ်လပ်စွာ လုပ်ပိုင်ခွင့် အထိုက်အလျောက် ပေးထားကြောင်း သိရသည်။

ထို့ကြောင့် မြန်မာနိုင်ငံ ကောင်းမွန်လာစေချင်သည့် ကျောင်းသား၊ စစ်သား၊ ဘုရားသား၊ တိုင်းရင်းသား၊ အလုပ်သမား၊ လယ်သမား၊ ပြည်သူပြည်သား အားလုံးသည် ဒေါ်အောင်ဆန်းစုကြည်ကို အားလုံးဝိုင်းရံ၍ လိုအပ်သော သတင်း အချက်အလက်များ၊ အကြံဉာဏ်ကောင်းများပေးပြီး အကြမ်းမဖက်သောနည်းဖြင့် ညီညွတ်စွာ တက်ညီလက်ညီ အလုပ်လုပ်သင့်ကြသည်။

ထို့ပြင် သမ္မတ ဦးသိန်းစိန်နှင့် သဘောထား ပျော့ပြောင်းသူများ၊ တပ်မတော်သားများကို အပြစ်မဆိုဘဲ နားလည်မှု ပေးနိုင်မည်ဆိုလျှင် မြန်မာနိုင်ငံ စစ်အာဏာရှင်စနစ်အောက်မှ လွတ်မြောက်ရေး လက်တစ်ကမ်းသာ လိုတော့ကြောင်း သုံးသပ်တင်ပြအပ်ပါသည်။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)
http://www.irrawaddy.org/bur/index.php/editorial/2009-02-27-05-56-44/7194-2011-08-31-10-52-17

irrawaddy myitsone tribute


http://www.ziddu.com/download/16248307/irrawaddymyitsonetribute.wmv.html

KNUခေါင်းဆောင် မန်းငြိမ်းမောင်ကို အစိုးရ ဖမ်းမိ


သန်းထိုက်ဦး Wednesday, 31 August 2011 13:43

ကရင် အမျိုးသား အစည်းအရုံး (KNU) ခေါင်းဆောင် တဦးဖြစ်သူ ပဒိုမန်းငြိမ်းမောင်ကို တရုတ် အာဏာပိုင်များက မြန်မာနိုင်ငံသို့ ပို့ဆောင်လိုက်သဖြင့် ဖမ်းဆီးထိန်းသိမ်းခံနေရကြောင်း မိသားစုဝင်များ၊ လုပ်ဖော် ကိုင်ဖက်များက ပြောသည်။

KNU-Karenမန်းငြိမ်းမောင်သည် တရုတ်နိုင်ငံမှ ထိုင်းနိုင်ငံသို့ လေကြောင်းခရီးဖြင့် ရောက်ရှိလာရာ ထိုင်းလူဝင်မှု ကြီးကြပ်ရေးဌာနက ပြည်ဝင်ခွင့် မပြုဘဲ တရုတ်ပြည်သို့ ပြန်လည် ပို့ဆောင်လိုက်ကြောင်း၊ တရုတ်အာဏာပိုင်များက သူ့ကို ကူမင်းလေဆိပ်တွင် ဖမ်းဆီးခဲ့ပြီး ယခင်လက ရန်ကုန်သွားမည့် လေယာဉ်တစီးဖြင့် မြန်မာနိုင်ငံဘက်သို့ ပို့ဆောင်လိုက်ခြင်းဖြစ်ကြောင်း သိရသည်။

မန်းငြိမ်းမောင်၏ သားကြီးဖြစ်သူက “အဖေ့ သတင်းကြားရတာ သိပ်မကောင်းဘူး၊ ကျနော်တို့ နောက်ဆုံးသိရတဲ့ သတင်းက အဖေ မြန်မာထောက်လှမ်းရေးလက်ထဲ ရောက်သွားပြီလို့ ကြားသိရတယ်” ဟု ပြီးခဲ့သည့် ရက်ပိုင်းအတွင်းက ဧရာဝတီကို ပြောသည်။

မန်းငြိမ်းမောင်သည် ထိုင်းမြန်မာနယ်စပ်တွင် နှစ်ပေါင်းများစွာ နေထိုင်ခဲ့သူဖြစ်သည်။

ပြီးခဲ့သည့် ဇွန်လက မန်းငြိမ်းမောင်သည် အစိုးရတပ်နှင့် ကချင် လွတ်လပ်ရေး တပ်မတော် (KIA) တို့ ဖြစ်ပွားခဲ့သော တိုက်ပွဲများနှင့် ပတ်သက်၍ သွားရောက်လေ့လာခဲ့သေးကြောင်း စစ်ရေး လေ့လာသူများ အဆိုအရ သိရသည်။

KNU က တခြားသော တိုင်းရင်းသား တပ်ဖွဲ့များနှင့် ပူးပေါင်းဖွဲ့စည်းထားသည့် ညီညွတ်သော တိုင်းရင်းသား လူမျိုးများ ဖယ်ဒရယ် ကောင်စီ (UNFC)တွင် ပဒိုမန်းငြိမ်းမောင်က ကော်မတီဝင် တဦးအဖြစ် တာဝန်ယူထားသည်။

KNU တာဝန်ရှိသူများကလည်း မန်းငြိမ်းမောင်၏ ဖြစ်ရပ်နှင့် ပတ်သက်ပြီး စုံစမ်းဆဲဖြစ်သည်ဟု ထိုင်းမြန်မာနယ်စပ်တွင် နေထိုင်သည့် သူ့မိသားစုဝင်များက ပြောသည်။

မန်းငြိမ်းမောင် မြန်မာပြည်တွင် အဖမ်းခံရပါက သူ၏ နိုင်ငံရေး လှုပ်ရှားမှုများကြောင့် အကြီးအကျယ် နှိပ်စက်ခံရဖွယ်ရှိသည်ဟု KNU ဗဟိုကော်မတီဝင် ပဒိုစောအားတိုးက ဆိုသည်။

မန်းငြိမ်းမောင်သည် ယခင်ကလည်း မြန်မာပြည်အကျဉ်းစခန်း၊ ထောင်တို့တွင် နှစ်ပေါင်းအတန်ကြာ ထိန်းသိမ်းခံရဖူးသည်။

ကိုကိုးကျွန်းအကျဉ်းစခန်းတွင် ရှိနေစဉ် မန်းငြိမ်းမောင်သည် ကရင်လူငယ်အဖွဲ့မှ မန်းအောင်ကြည်၊ အထက်တန်းပြဆရာ ကိုအောင်ငွေ တို့နှင့်အတူ ပင်လယ်ပြင် မိုင်ပေါင်း ၂၀၀ ကျော်ခရီးကို ဖြတ်ပြီး ထွက်ပြေးနိုင်ခဲ့သည်။ သို့သော်လည်း ပြည်မသို့ အရောက်တွင် ဒေသခံ အာဏာပိုင်တို့၏ ဖမ်းဆီးခြင်း ခံခဲ့ရသည်။ ထိုအတွေ့အကြုံများကို ၂၀၀၀ ပြည့်နှစ်က ထုတ်ဝေသည့် ‘မုန်တိုင်းကိုဆန်၍ ပင်လယ်ကိုဖြတ်သောအခါ’ အမည်ရှိ စာအုပ်တွင် ရေးသားဖော်ပြထားသည်။

ကိုကိုးကျွန်းရောက် နိုင်ငံရေးသမားများ၏ အကျဉ်းသား အခွင့်အရေး အတွက် အကြိမ်ကြိမ် အစာငတ်ခံဆန္ဒပြရာတွင်လည်း မန်းငြိမ်းမောင် ပါဝင်ခဲ့သည်။
http://www.irrawaddy.org/bur/


အင်္ဂါ, 30 သြဂုတ် 2011
KNU ဗဟိုကော်မတီဝင် မန်းငြိမ်းမောင် ပျောက်ဆုံးနေ

By မအေးအေးမာ

ကရင်အမျိုးသား အစည်းအရုံးရဲ့ ဗဟိုကော်မတီဝင် ဦးမန်းငြိမ်းမောင်ဟာ ထိုင်းနိုင်ငံကနေ တရုတ်နိုင်ငံကို သွားစဉ်မှာ ဗီဇာသက်တမ်း ကုန်ဆုံးသွားတာကြောင့် တရုတ်နိုင်ငံကရော ထိုင်းနိုင်ငံကပါ ပြန်ဝင်ခွင့်မပေးဘဲ ရှိနေရာက တရုတ်နိုင်ငံ ကူမင်းလေဆိပ်ကနေ ပျောက်ဆုံးသွားခဲ့တယ်လို့ KNU ဘက်က ထုတ်ဖော်ပြောကြားပါတယ်။ အပြည့်အစုံကို မအေးအေးမာက သတင်းပေးပို့ထားပါတယ်။

ပြီးခဲ့တဲ့ တလလောက်က ကရင်အမျိုးသား အစည်းအရုံးရဲ့ မဟာမိတ် ဆက်ဆံရေး ဗဟိုကော်မတီဝင် ဦးမန်းငြိမ်းမောင်ဟာ ခရီးသွားရင်း ဗီဇာသက်တမ်း ကုန်ဆုံးသွားတဲ့အတွက် ထိုင်းနိုင်ငံကို ပြန်ဝင်လာဖို့ အခက်အခဲ ရှိရာကနေ တရုတ်နိုင်ငံကို ပြန်ပို့တာ ခံရပြီးနောက် တရုတ်နိုင်ငံ ကူမင်းလေဆိပ်ကနေ ပျောက်ဆုံးသွားခဲ့ကြောင်း KNU တွဲဖက်အတွင်းရေးမှူး ဗိုလ်မှူး စောလှငွေက အခုလို ပြောပါတယ်။

“သူ ထိုင်းနိုင်ငံကနေ ထွက်ပြီး ကူမင်းကို သွားတယ်။ ကူမင်းရောက်ပြီး ပြန်လာတဲ့ အခါကျတော့ သူ့ရဲ့ ထိုင်းနိုင်ငံ ဗီဇာသက်တမ်း ကုန်ဆုံးနေပြီ။ အဲဒီတော့ ဒီကလည်း လက်မခံတော့ဘဲ ကူမင်း ပြန်ပို့တယ်။ ကူမင်းကလည်း ဒီဘက်ကို ပြန်ပို့ရင်း ပို့ရင်းနဲ့ ကျနော်တို့ သိရသလောက် ၂ ပတ် ၃ ပတ်လောက် ဟိုလေဆိပ်နဲ့ ဒီလေဆိပ် လူးလာခေါက်တုံ့ သုံးလေးခေါက်လောက် ဖြစ်ပြီး နောက်ပိုင်းမှာ ပျောက်သွားတယ်။ နောက်ဆုံး ပျောက်သွားတာ ကူမင်းလေဆိပ်မှာပဲ ပျောက်သွားတယ်။”

ဦးမန်းငြိမ်းမောင် ပျောက်ဆုံးသွားတာနဲ့ ပတ်သက်ပြီး တရုတ်ပြည်ကနေ မြန်မာပြည်ကို ပြန်ပို့တယ်ဆိုတဲ့ သတင်းတွေ ထွက်ပေါ်နေခဲ့ပါတယ်။

တရုတ်၊ မြန်မာ နယ်စပ်က စစ်ရေးလေ့လာသူ ဦးအောင်ကျော်ဇောကတော့ တရုတ်နိုင်ငံက သက်ဆိုင်ရာ ရုံးတွေကို စုံစမ်းတဲ့ အခါမှာ တရုတ်နိုင်ငံဘက်က ပြန်ပို့တာ မဟုတ်ဘူးလို့ သတင်းရတယ်လို့လည်း ဆိုပါတယ်။ ဒီနောက် ကူမင်းကနေ ရန်ကုန်ကိုထွက်တဲ့ လေယာဉ်ရဲ့ အထွက်စာရင်းမှာ သူ့ရဲ့ ပတ်စ်ပို့ (Passport) နာမည်ကို တွေ့ရှိရကြောင်း စုံစမ်းတွေ့ရှိရတယ်လို့ ဦးအောင်ကျော်ဇောက ဆက်ပြောပြပါတယ်။

“ဇူလိုင်လကုန်ပိုင်းမှာ တပ်ပေါင်းစု ခေါင်းဆောင်တယောက် ကျနော့်ကို အကူအညီတောင်းတယ်။ တရုတ်ပြည်ကို နည်းနည်း စုံစမ်းပေးပါ၊ ကိုမန်းငြိမ်းမောင် ဇူလိုင်လပိုင်းက ခွေးမင်လေဆိပ်မှာ ပျောက်သွားတယ်လို့ သတင်းကြားတယ်။ အဲတော့ ကျနော်နဲ့ သူနဲ့ပဲ သက်ဆိုင်ရာ တရုတ်ဌာနတွေကို စုံစမ်းတဲ့ အခါမှာ ကျနော်တို့ရတဲ့ သတင်းက ၂၃ ရက်နေ့မှာ သူ တခေါက် ချင်းမိုင်ကို ထွက်တယ်။ ချင်းမိုင်လေဆိပ်က လက်မခံလို့ ပြန်လာတယ်။

“နောက်တခါ ညနေပိုင်းမှာ ဘန်ကောက်ကို လေယာဉ်ပျံ တခေါက် ပြန်ကူးတယ်။ ဘန်ကောက်လေဆိပ်က လက်မခံလို့ ပြန်လာရတယ်။ အဲဒီလို ဖြစ်ပြီးနောက် ဒီမှာရှိတဲ့ သူ့ရဲ့အသိတယောက်က ရန်ကုန်လက်မှတ် ၀ယ်ပေးတယ်။ ကျနော်တို့ ၂ ယောက် ထပ်စုံစမ်းတဲ့ အခါကျတော့ သူက ၂၄ ရက်နေ့လား၊ ၂၅ ရက်နေ့လား မသိဘူး၊ အဲဒီ ရန်ကုန်လက်မှတ်နဲ့ လေယာဉ်ကွင်းမှာတော့ အထွက်ပြထားတယ်။ သူ ပါသွား၊ မပါသွားတော့ ကျနော်တို့ မသိဘူးပေါ့ဗျာ။”

ဦးမန်းငြိမ်းမောင် ပျောက်ဆုံးတဲ့ သတင်းနဲ့ ပတ်သက်လို့ ကရင်အမျိုးသား အစည်းအရုံးက ရှာဖွေ စုံစမ်းတာတွေ လုပ်တဲ့အခါမှာ မြန်မာပြည်မှာ အဖမ်းခံထားရတယ်ဆိုတဲ့ သတင်းသာ ကြားရပြီး အတည်ပြုချက်တော့ မရသေးဘူးလို့ ဆိုပါတယ်။

“KNU က ရှာတာတော့ အဲဒီကိစ္စနဲ့ ပတ်သက်ပြီးတော့ ကျနော်တို့ လက်လှမ်းမီသလောက် ပြည်တွင်း ပြည်ပ သက်ဆိုင်ရာ မဟာမိတ်တွေ၊ မိတ်ဆွေတွေနဲ့ ရှာပါတယ်။ မြန်မာပြည်ထဲ ပြန်ရောက်သွားပြီးတော့ လူဝင်မှု ကြီးကြပ်ရေး အက်ဥပဒေနဲ့ ငြိပြီးတော့ တခြားပုဂ္ဂိုလ်တချို့နဲ့အတူ အဖမ်းခံရတယ်လို့ အဲဒီလောက်ပဲ ကျနော်တို့ သိရပါတယ်။”

ဦမန်းငြိမ်းမောင်ဟာ KNU ကရင်အမျိုးသား အစည်းအရုံးရဲ့ ဗဟိုကော်မတီဝင်တဦး ဖြစ်သလို KNU အပါအ၀င် တခြား တိုင်းရင်းသား လက်နက်ကိုင်တွေနဲ့ ဖွဲ့စည်းထားတဲ့ တပ်ပေါင်းစုဖြစ်တဲ့ တိုင်းရင်းသား လူမျိုးများ ဖက်ဒရယ်ကောင်စီ (UNFC) မှာလည်း ကရင်အမျိုးသား အစည်းအရုံးရဲ့ မဟာမိတ် ဆက်ဆံရေး တာဝန်ခံအဖြစ် လုပ်ဆောင်နေသူ ဖြစ်ပါတယ်။

http://www.voanews.com/burmese/news/

ဒေါ်အောင်ဆန်းစုကြည်ကိုဝန်းရံရေး ၈၈ ခေါင်းဆောင်တို့ တိုက်တွန်း


လင်းသန့် Wednesday, 31 August 2011 18:20
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား ဆက်လက် ၀န်းရံပေးကြရန် အကျဉ်းကျနေသည့် ၈၈ မျိုးဆက် ကျောင်းသားခေါင်းဆောင်များက တိုက်တွန်းလိုက်ပြီး ဒေါ်အောင်ဆန်းစုကြည်ကိုလည်း အစိုးရသစ်၏ အသုံးချခံမဖြစ်ရေးအတွက် ဂရုစိုက်ရန် သတိပေး လိုက်သည်။

၂၀၀၇ ခုနှစ်က ရန်ကုန်မြို့ နိုင်ငံရေးလှုပ်ရှားမှု တခုတွင် တွေ့ရသော ၈၈ မျိုးဆက်ကျောင်းသား ခေါင်းဆောင်များ (ဓာတ်ပုံ - AP)
“ဒေါ်အောင်ဆန်းစုကြည်ဟာ ဒီအခြေအနေ အချိန်အခါမှာ မှန်မှန်ကန်ကန် ဆုံးဖြတ်နိုင်တဲ့ ခေါင်းဆောင် ဖြစ်တယ်။ ဒါ ကြောင့် ဒေါ်အောင်ဆန်းစုကြည် အခု ဆောင်ရွက်နေတာတွေကို ပိုပြီးအဆင်ပြေ ချောမွေ့စေဖို့အတွက် ဒီမိုကရေစီ အင်အားစု အားလုံးကို ဆက်လက် ထောက်ခံဖို့ တိုက်တွန်းတယ်” ဟု ကျောင်းသားခေါင်းဆောင် ကိုဌေးကြွယ်က အမှာစကား ပါးလိုက်ကြောင်း သူ၏ ယောက်ဖ ကိုဖြိုးမင်းသိန်းက ဧရာဝတီကို ယနေ့ ပြောပြသည်။

ကိုဖြိုးမင်းသိန်းသည် မကြာသေးမီက ရခိုင်ပြည်နယ်ရှိ ဘူးသီးတောင် အကျဉ်းထောင်သို့ ထောင်ဝင်စာ သွားရောက် တွေ့ခဲ့သည်ဟု သိရသည်။

ရှမ်းပြည်နယ်၊ မိုင်းဆတ် အကျဉ်းထောင်ရှိ ၈၈ မျိုးဆက် ခေါင်းဆောင် ကိုကိုကြီးကလည်း ဒေါ်အောင်ဆန်းစုကြည်နှင့် အစိုးရ တာဝန်ရှိသူများ တွေ့ဆုံ ဆွေးနွေးပြီး ပူးပေါင်း ဆောင်ရွက်သွားမည် ဟူသော ပြောဆိုမှုများသည် အမျိုးသား ပြန်လည် သင့်မြတ်ရေး၊ ငြိမ်းချမ်းစွာ ဒီမိုကရေစီ အသွင် ကူးပြောင်းရေး အတွက် ပထမခြေလှမ်းဟု မှတ်ယူပြီး သတိနှင့် ကြိုဆိုလိုက်သည်ဟု သိရသည်။

သို့သော် ဒေါ်အောင်ဆန်းစုကြည်၏ ပြည်သူလူထုအတွက် ထားရှိသည့် ရိုးသားသည့် စေတနာကို အစိုးရသစ်က အသုံးချခြင်း မပြုနိုင်ရန် ဒေါ်အောင်ဆန်းစုကြည်အနေဖြင့် သတိရှိသင့်ကြောင်း ကိုကိုကြီးက တိုက်တွန်းလိုသည်ဟု မိုင်းဆတ်အကျဉ်းထောင်နှင့် နီးစပ်သူတဦးက ပြောသည်။

၁၉၈၈ လူထုလှုပ်ရှားမှုကာလ ကျောင်းသား ခေါင်းဆောင်များ ဖြစ်ကြသည့် ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုမြအေး၊ ကိုပြုံးချို (ကိုဌေးဝင်းအောင်)၊ ကိုမင်းဇေယျာ၊ ကိုလှမျိုးနောင်၊ ကိုအောင်သူ၊ ကိုဉာဏ်လင်းမင်းနှင့် ကိုအောင်နိုင် တို့သည် ၂၀၀၇ ခုနှစ်က လောင်စာဆီဈေးများ မြင့်တက်မှုကြောင့် ဆန္ဒပြခဲ့သည့် အတွက် ယခင်စစ်အစိုးရက ဖမ်းဆီးခဲ့သည်။

နောက်ပိုင်းတွင် ထောင်ဒဏ် ၆၅ နှစ် ၆ လ စီ ချမှတ်ခြင်း ခံရပြီး နိုင်ငံ အစွန်အဖျားရှိ ရာသီဥတု ဆိုးရွားသောထောင်များ အပါအ၀င် နယ်ဘက် အကျဉ်းထောင်များသို့ ရောက်ရှိသွားသည်။

ယခုအခါ မိသားစု ထောင်ဝင်စာ သွားရောက်တွေ့ဆုံရန် ခက်ခဲခြင်း၊ ထောင်အတွင်း ကျန်းမာရေး စောင့်ရှောက်မှု အားနည်းခြင်းတို့ကြောင့် အခက်အခဲများစွာ ကြုံတွေ့နေကြရသည်ဟု သိရသည်။

ယခုအခါ ၎င်းတို့ကို ဖမ်းဆီးထောင်ချခဲ့သော စစ်အစိုးရဟူ၍ မရှိတော့ဘဲ အရပ်သားအစိုးရ ပေါ်ပေါက်လာပြီ ဖြစ်သောကြောင့် ဒီမိုကရေစီ ပြုပြင်ပြောင်းလဲရေးအတွက် ငြိမ်းချမ်းစွာ လုပ်ဆောင်ခဲ့ကြသည့် ၈၈ မျိုးဆက် ခေါင်းဆောင်များကို အမြန်ဆုံး ပြန်လွှတ်ပေးသင့်ကြောင်း မိသားစုဝင်များက ပြောသည်။
http://www.irrawaddy.org/bur/index.php/news/7197-2011-08-31-11-22-47

Tuesday, August 30, 2011

LA Burmese concert III , Tun Tun and Kyaw Kyaw Bo

LA Burmese concert III , Tun Tun and Kyaw Kyaw Bo with a great good humor and eloquent speeches

by thu Zar( Face Book)

၃၀.၈.၂၀၁၁ ရက်နေ့ရဲရင့်ငယ်ဒိုင်ယာရီ


http://www.mediafire.com/file/2tkoi45bjt14ow2/30%20August%202011%20Yeyintnge%27s%20diary.doc

http://www.mediafire.com/file/x48g9csu16sor1d/30%20August%202011%20Yeyintnge%27s%20diary.pdf


http://www.ziddu.com/download/16240865/30August2011Yeyintngesdiary.doc.html

http://www.ziddu.com/download/16240866/30August2011Yeyintngesdiary.pdf.html

30 August 2011 Yeyintnge's Diary

ယနေ့ ရွှေဈေး၊ ဒေါ်လာဈေးနဲ့ FEC ဈေး


by Myit Makha Mediagroup on Tuesday, August 30, 2011 at 3:26am

သြဂုတ် ၃၀

ရန်ကုန်မြို့။

ယနေ့ မြန်မာနိုင်ငံ၊ ရန်ကုန်မြို့တွင် ၁၆ပဲရည်အခေါက်ရွှေဈေး တကျပ်သားလျှင် ကျပ် ၆သိန်း ၉ သောင်း ၇ ထောင်၊ ၁၅ ပဲရည် တကျပ်သားလျှင် ကျပ် ၆ သိန်း ၄ သောင်း၊ ၅ ထောင် ဈေးပေါက်လျက်ရှိပြီး အမေရိကန် တဒေါ်လာလျှင်ကျပ် ၇၃၀(Buy) ဈေးနှင့် fec (Buy)တယူနစ် လျှင် ကျပ် ၆၇၀၊ ဈေးပေါက်လျက်ရှိသည်။ USD (Sell) က တဒေါ်လာလျှင် ၇၄၅၊ fec (Sell)တယူနစ်လျှင် ကျပ် ၇၀၀ ဈေးပေါက်လျက်ရှိပါတယ်။



Aung Kyaw Thu ... FEC တွေ တစ်ယူနစ် ၀ယ်ဈေးက ၇၀၀ ဖြစ်သွားပြီလို့ ခုလေးတင်သိရပါတယ်...

ငွေလဲနှုန်း သတ်မှတ်ရေး – စီးပွားရေးမဂ္ဂဇင်း အယ်ဒီတာချူပ်ကို မေးမြန်းခြင်း


Published on August 30, 2011 by ရွှေအောင်
ငွေလဲနှုန်းကို တဒေါ်လာ ကျပ် ၉၀၀ နဲ့ ၁,၀၀၀ ကြား သတ်မှတ်ဖို့ရှိတယ်လို့ သတင်းတွေ ထွက်ပေါ်နေချိန်မှာ အစိုးရက ဘယ်သူမှ မနစ်နာမယ့် နှုန်းထားတခု သတ်မှတ်နိုင်ဖို့ ကြိုး ပမ်းနေတယ်လို့လည်း သိရပါတယ်။

တဒေါ်လာကို ၇၃၀ ကျပ်ဝန်းကျင် ဈေးပေါက်နေချိန်မှာ ဒေါ်လာနဲ့ဆက်စပ်ပြီး စီးပွား ရေးအခြေအနေ၊ ဖြစ်နိုင်ခြေတွေကို မြန်မာ့ဓန စီးပွားရေးမဂ္ဂဇင်း အယ်ဒီတာချုပ် သီဟစော ကို ဆက်သွယ်မေးမြန်းထားပါတယ်။

ဒေါ်လာဈေး ကျနေချိန်မှာ ပို့ကုန်သွင်းကုန် လုပ်ငန်းရှင်တွေ အပါအ၀င် လုပ်ငန်း အတော် များများရဲ့ အနေအထား ဘယ်လိုတွေ့ရပါသလဲ။

“ကိုယ့်တိုင်းပြည်ရဲ့ပိုက်ဆံ ကျပ်ဖြစ်ဖြစ်၊ ဘတ်ဖြစ်ဖြစ် တန်ဖိုးမြင့်လာတယ်ဆိုရင် Exporter (ပို့ကုန်သမားတွေ)က ထိတယ်။ ဥပမာ- တဒေါ်လာကို အစက (ကျပ်) ၁,၀၀၀ ပေါ့။ အခု ၇၀၀ ဆိုပါစို့၊ အကြမ်းဖျင်းပေါ့။ ပထမက ငါးရောင်းလို့ တသန်းဖိုး ရတယ်ဆိုရင် ပြန်လာတဲ့အခါ ဗမာကျပ် သန်း ၁,၀၀၀ ရတယ်။ အခုဆိုရင် ကျပ်သန်း ၇၀၀ ပဲရတာပေါ့။ အဲဒါဆိုရင် ရောင်းတာတော့ တသန်းဖိုးရောင်းတာပဲ။ ပြည်တွင်းမှာ ပြန်ရတဲ့အခါ သူ့ငွေက နည်းသွားတာပေါ့။ ကိုယ့်မိခင်နိုင်ငံငွေ ကျပ်တန်ဖိုး တက်တယ်ဆိုရင် Exporter တွေက အမြဲတမ်းရှုံးတာပဲ။ အခုလည်း အဲဒီပြသနာမျိုးတွေ တွေ့ရတာပေါ့။”

ပြည်ထောင်စုဝန်ကြီးတဦးက အမေရိကန်ဒေါ်လာနှုန်းထားကို ၉၀၀ နဲ့ ၁,၀၀၀ ကြား သတ် မှတ်မှပဲ အားလုံး လုပ်နိုင်ကိုင်နိုင် ရှိလိမ့်မယ်လို့ ပြောလိုက်တဲ့အတွက် ၉၀၀ နဲ့ ၁,၀၀၀ ကြားဆိုတာ လုပ်ငန်းရှင်တွေ တကယ်အလုပ်ဖြစ်နိုင်တဲ့ အနေအထား တွေ့ရလား။

“အရင်က ၁,၀၀၀ – ၁,၂၀၀ ရောက်ခဲ့ဖူးတာကိုး။ အဲဒီလောက် ပြန်သွားရင်တော့ အရင်လိုပဲ အလုပ်ဖြစ်မယ်လို့ တွက်တာပေါ့။ ဒါပေမယ့် အဲဒီလောက်ရောက်ဖို့ဆိုတာ လွယ်မလွယ် မပြောနိုင်ဘူး။ နှစ်ပိုင်းရှိတယ်။ နိုင်ငံတကာမှာလည်း ဒေါ်လာတန်ဖိုးက ဆက်တိုက်ကျနေတာ။ နောက်တပိုင်းက ပြည်တွင်းမှာလည်း အဲဒီ ၇၀၀ လောက် ရောက်နေတဲ့ ပိုက်ဆံကို ၉၀၀ လောက်ထိအောင် ဘယ်လိုလုပ်မလဲဆိုတာ စဉ်းစားစရာ ရှိတာပေါ့။

“အစိုးရအနေနဲ့က Money Supply လို့ခေါ်တဲ့ လှည့်ပတ်စီးဆင်းတဲ့ မြန်မာကျပ်ငွေ ပမာဏကို အရမ်းတိုးပစ်လိုက်ရလိမ့်မယ်။ တကယ်တမ်းပြောရင်တော့ ၉၀၀ လောက်ကို ရောက်အောင် တိုးရင်တိုလို့ရတယ်။ ဒါပေမယ့် အဲဒီလိုလုပ်တယ်ဆိုရင် ပြည်တွင်းမှာ ကုန်ဈေးနှုန်းတက်မှုတွေ ဖြစ်လာမှာတခု ရှိမယ်။ အဲဒီဘက်က အကျိုးဆက်တွေကို ရင် ဆိုင်ရဦးမယ်။ အဲဒီလို ချက်ချင်းကြီး ဆွဲတင်လို့ ရမယ်မထင်ဘူး။”

စီးပွားရေးပညာရှင်က နေပြည်တော်မှာ ပြောခဲ့တာက ဒီကိစ္စကို အစိုးရအနေနဲ့ အလျင်အ မြန် ကုစားဖို့လိုတယ်။ ဥပမာ၊ အစိုးရအနေနဲ့ ၀င်ဝယ်လိုက်ဖို့လည်း တိုက်တွန်းသွားတာမျိုး ရှိတယ်။ အဲဒါမျိုးကရော တကယ်ဖြစ်နိုင်မလား။

“ပရော်ဖက်ဆာဦးမြင့် တင်တဲ့စာတမ်းထဲမှာ ကျနော်တို့လည်း တွေ့လိုက်ပါတယ်။ ဒါက နိုင်ငံတကာမှာလည်း လုပ်လေ့ရှိပါတယ်။ ကိုယ့်ငွေတန်ဖိုးကို မြှင့်ချင်နှိမ့်ချင်တဲ့အခါ မှာ ဗဟိုဘဏ်တွေက ၀ယ်ပြီးလုပ်ဆောင်လေ့ရှိတာပေါ့။ ဒါက နိုင်ငံတိုင်းမှာ လုပ်လေ့ရှိ တယ်။ အဲဒီအခါမျိုးမှာ ဒေါ်လာဝယ်သင့်ရင် ၀ယ်တယ်၊ ကျပ်ဝယ်သင့်ရင် ၀ယ်တယ်၊ စသ ဖြင့်ပေါ့။ Government Intervention (အစိုးရက ကြားဝင်ဆောင်ရွက်ခြင်း) လို့ ခေါ်တယ်။ ဗဟိုဘဏ်က ဈေးကွက်ထဲမှာ ၀င်ကစားပေးတာပေါ့။ အဲဒီလိုလုပ်လို့လည်း ရပါတယ်။ ဒါပေမယ့် အဲဒီလိုမယ်ဆိုရင်လည်း ၉၀၀ – ၁,၀၀၀ ထိ ရောက်အောင်တော့ လုပ် လို့ရမယ် မထင်ဘူး။ တန်ဖိုးတခုတော့ လုပ်လို့ရမယ်။ အများကြီးတော့မထင်ဘူး။ ကျန်တဲ့ ရင်ဆိုင်ရမယ့်အကျိုးဆက်တွေကို ထည့်ပြီးစဉ်းစားရမှာပဲ။”

ငွေလဲလှယ်နှုန်း သတ်မှတ်ဖိုိ့က IMF (အပြည်ပြည်ဆိုင်ရာငွေကြေးရန်ပုံငွေအဖွဲ့) က ပညာ ရှင်တွေရဲ့ အကူအညီကို ရယူဖို့ ကြိုးစားနေတယ်လို့လည်း သိရပါတယ်။ ပညာရှင်တွေက လာမယ့် အောက်တိုဘာလဆန်းလောက်မှ မြန်မာပြည်ကိုရောက်မယ်လို့လည်း သိရ ပါတယ်။ ဒီတော့ ဒီကြားထဲမှာ ဒီအတိုင်း ဒေါ်လာဈေးအကျဈေးနဲ့ပဲ ဆက်သွားနေမယ်၊ အစိုးရကလည်း တစုံတရာ ၀င်ပြီးတော့ဆောင်ရွက်ပေးခြင်း မရှိဘူးဆိုရင် ဒီကြားကာလမှာ အများဆုံး နစ်နာသွားမှာက ဘယ်သူတွေ ဖြစ်မလဲ။

“IMF က လိုတော့လိုတယ်။ သူတို့ဘက်က ကျွမ်းကျင်မှုအကူအညီတွေ၊ ငွေကြေး အကူအညီတွေ၊ စသည်ဖြင့်ပေါ့။ ဒါပေမယ့် လက်ရှိလည်း ပြည်တွင်းမှာ ရှိသလောက်အား နဲ့ လုပ်မယ်ဆိုရင်လည်း ရတဲ့ဟာတွေ ရှိပါတယ်။ ခုနပြောသလို Intervention ပေါ့၊ ဆက်ပြီးမကျသွားအောင် ထိန်းပေးထားတာတို့၊ နည်းနည်းတက်အောင် လုပ်ပေးတာတို့။ အစိုးရကလည်း ဘာမှမလုပ်ဘဲတော့ မနေပါဘူး။ Export သမားတွေနဲ့ ပတ်သက်လို့ ကုန် Commercial Tex ကုန်သွယ်ခွန် လျှော့ပေးတာတို့၊ သက်သာအောင်ပေါ့၊ လုံးဝကြီး 100 percent (ရာနှုန်းပြည့်) ကုစားတာတော့ မဟုတ်ဘူး။ ဒါပေမယ့် သက်သာအောင် ကုစား ပေးတဲ့အပိုင်းတွေတော့ ရှိပါတယ်။ တကယ်လုပ်မယ်ဆိုရင် World Bank (ကမ္ဘာ့ဘဏ်) တို့ IMF တို့ အကူအညီကတော့ လိုအပ်တာ အမှန်ပဲ။”

အများ ပြောနေထင်နေကြတာက “ကိုယ့်လက်ထဲ ဒေါ်လာမရှိဘူး၊ ဒေါ်လ ငါတို့နဲ့ မဆိုင် ဘူး”ပေါ့။ အဲဒီလိုပြောလို့ရမလား။ ဒီကိစ္စက သာမန်ပြည်သူတွေကိုရော ဘယ်လို သွားထိ ခိုက်နိုင်သလဲ။

“အဲဒီလိုတော့ ပြောလို့မရဘူး။ ဥပမာ၊ ဒေါ်လာနဲ့ လစာရသူတွေဆိုရင် ထိခိုက်တာ ပေါ့။ ‘ကိုယ်က ကျပ်နဲ့ရတာပဲ၊ ငါ တလကို ၆၀,၀၀၀ ရတယ်၊ တသိန်းရတယ်ဆိုပြီး မထိ ခိုက်ဘူး’ပေါ့။ အဲဒီလိုဆိုပေမယ့် အများပြည်သူ ထိခိုက်မှုရှိတယ်၊ ဥပမာ၊ ငါးလုပ်ငန်း၊ ပဲလုပ်ငန်း၊ အဲဒီမှာ နိုင်ငံခြားကို ကုန်တင်ပို့တဲ့သူတွေက ထိခိုက်တယ်ဆိုရင် သူက၀ယ်တဲ့ အခါမှာ၊ ပြည်တွင်းမှာ ၀ယ်ရခြမ်းရတာတွေ ရှိတာပဲ … ပြည်တွင်းမှာ ငါးမွေးတဲ့သူတွေ၊ ငါးကန်သမားတွေ၊ ပဲသမားတွေ၊ အရင်ဆုံး အဲဒီအဆင့်လောက်ထိ ဂယက်က ထိခိုက်မှာပဲ လေ။ ဆိုတော့ အများကို မထိခိုက်ဘူးဆိုတာ မဟုတ်ပါဘူး။”
http://burmese.dvb.no/archives/14898

ရဲရင့်ငယ်တို့ရွာရေမြှပ်နေ...

မကွေးတွင် ဆည်ရေလွှတ်၍ ရေကြီးပြီး ပျက်စီးဆုံးရှုံးမှုများ
Published on August 30, 2011 by နော်နိုရင်း

သုံးရက်ဆက်တိုင်း မိုးကြီးရေလျှံလို့ မကွေးမြို့နယ်မှာ နတ်မောက်၊ စွန်၊ ဆဒ္ဒန် စတဲ့ ရေလှောင်တမံတွေ ရေလွှတ်ချတဲ့အတွက် ဆည်အောက်ဘက်ရှိ လမ်းတံတား၊ ကျေးရွာနဲ့ လယ်ယာခြံမြေတွေ ပျက်စီးသွားတယ်လို့ မကွေးမြို့ခံတွေက ပြောပါတယ်။

နတ်မောက်ရေလှောင်တမံကနေ ၂၈ ရက်နေ့က ရေလွှတ်ချတဲ့အတွက် ယင်း ချောင်း ရေတက်ပြီး ဒီနေ့မှာ ဂွေးချောင်းတံတားကျိုးသွားလို့ မကွေး – နေပြည်တော် အသွားအလာ ရပ်သွားပြီလို့ မကွေးမြို့သစ်နေတဦးက ပြောပါတယ်။

“၂၈ ရက်နေ့မှာ လဲလူးကျေးရွာက ရေမြုပ်တယ်၊ နေပြည်တော်လမ်းမှာ ယင်း ချောင်းတံတား မိုင်တိုင်အမှတ် ၃၁-၁ နဲ့ ၃၁- ၃ ကြားမှာ ပေ ၂၀၀- ၃၀၀ လောက် ပြတ် ထွက်သွားပြီးတော့ အဲဒီကရေဟာ ကမ်းလုံးပြည့်ရေကြီးတယ်။ ဒီနေ့ကျတော့ မြို့သစ်နဲ့ ရွှေဘန်းကြားမှာ ရေကျော်ပြီးတော့ ကွန်ကရစ်တံတား ပြုတ်သွားပြီး ကားသုံးစီး ပိတ်နေ တယ်။ မကွေးကိုသွားတဲ့ကားတွေ ပိတ်နေတယ်။”

ရေစလွှတ်တဲ့ ၂၈ ရက်ညမှာ မကွေးမြို့သစ်နဲ့ ၃ မိုင်လောက်ဝေးတဲ့ ထန်းတပင်ရွာမှာ အိမ် ၇ လုံး ရေထဲမျောသွားသလို တခြားရွာက လယ်ကွင်းတွေ၊ ခြံမြေတွေ မျောပါပျက်စီး ကုန်တယ်လို့လည်း ပြောပါတယ်။

“ဖြည်းဖြည်းချင်း ကမ်းပါးပြိုကျတာဆိုတော့ လူတွေတော့ အန္တရာယ်မရှိဘူး။ တိရစ္ဆာန်တွေနဲ့ အိမ်တွေတော့ ပါသွားတယ်။ ၂၉ ရက်နေ့မှာ မြင်သာကျေးရွာမှာရှိတဲ့ အိမ်ခြေ ၁၅ လုံးလောက်ကို အရေးပေါ် တောက်လျှောက်ရွှေ့နေရတယ်။ ပုလဲရေ လှောင်တမံနားက လယ်ယာမြေတွေ ရေလွှမ်းမိုးပြီးတော့ ပဲစဉ်းငုံ၊ ပဲတီစိမ်း၊ ၀ါတွေ ဧက ၃၀ လောက် ပျက်ဆီးဆုံးရှုံးသွားတယ်။”

ယင်းချောင်းရေကြီးမှုကြောင့် မကွေးမြို့သစ် မြို့နယ်တွင်းက လယ်ဧကထောင်ချီ ရေမြုပ်နေပြီး ပျက်စီးမယ့်အနေအထားဖြစ်နေတယ်လို့လည်း ဆိုပါတယ်။

စွန်ရေလှောင်တမံ ရေလွှတ်တာကြောင့် စွန်ချောင်းရဲ့အောက်ဘက် ကွမ်းခြံရွာက ပဲစဉ်းငုံခင်း၊ ၀ါခင်းတွေနဲ့ ဥယာဉ်ခြံမြေတချို့ မနေ့ညက မျောပါသွားတယ်လို့ ဆိုပါတယ်။

ရေဘေးသင့်သူတွေဟာ ဘာအကူအညီမှမရသေးလို့ အခက်တွေ့နေတယ်လို့ လည်း ဆိုပါတယ်။

မကွေးမြို့သစ် မြေနိမ့်ပိုင်းရပ်ကွက်တချို့မှာတော့ ခါးလောက်ထိ ရေကြီးနေပြီး မိုးလည်း ဆက်ရွာနေတယ်လို့ မြို့ခံက ပြောပါတယ်။

မကွေးမြို့မှာ အခုရေကြီးမှုဟာ နှစ် ၃၀ အတွင်း အဆိုးဆုံးပဲလို့ ဒေသခံတွေက ပြောပါတယ်။
http://burmese.dvb.no/archives/14907

မြန်မာတိုင်းမ်နှင့် The Voice သတင်းထောက်များ အစုအပြုံလိုက် အလုပ်ထွက်


Published on August 30, 2011 by ရွှေအောင်

မြန်မာတိုင်းမ်နဲ့ The Voice ဂျာနယ်တို့က သတင်းထောက်တွေ အစုအပြုံလိုက် နုတ်ထွက်ပြောင်းရွှေ့သွားတယ်လို့ ပြည်တွင်း သတင်းဂျာနယ် အယ်ဒီတာတဦးက ပြောပါတယ်။

တတိုက်ကို သတင်းထောက် ၁၀ ဦးကနေ ၁၅ ဦးအထိ ပြောင်းရွှေ့ကုန်ကြတာလို့ အဲဒီအယ်ဒီတာက ပြောပါတယ်။

“မြန်မာတိုင်းမ်က သတင်းထောက်တွေကတော့ ဒေါ်လာဈေးတွေလည်း ကျနေ တော့ လစာတွေက ကျနေတယ်၊ ဒီအချက်တွေကြောင့် ပြောင်းတာဖြစ်မယ် တော်တော် များတယ်။ ဂျာနယ်ကထွက်ဖို့ ပြင်နေတာကြာပြီ။”

ဒီသတင်းထောက်တွေဟာ အမှတ် ၁ စက်မှုဝန်ကြီးဟောင်း ဦးအောင်သောင်းရဲ့ သား ဦးနေအောင် ထုတ်မယ့် သတင်းဂျာနယ်ကို ပြောင်းဖို့ အလုပ်ထွက်သွားကြတာဖြစ် ကြောင်း သိရတယ်လို့လည်း ဆိုပါတယ်။

ဦးအောင်သောင်းရဲ့သား ဦးနေအောင် ထုတ်မယ့် ဂျာနယ်က သတင်းထောက်တ ဦးကို လစာ ကျပ် ၇၀၀,၀၀၀ ထိပေးပြီး ခေါ်နေတာဖြစ်ပြီး ဒါဟာ လက်ရှိ အောင်မြင်တဲ့ သတင်းဂျာနယ် အယ်ဒီတာတဦးရဲ့ လစာနဲ့ ညီမျှပါတယ်။

ခုလို လစာကောင်းကောင်းပေးပြီး ခေါ်နေတာကြောင့် တခြားဂျာနယ်တိုက်တွေဟာ သူတို့သတင်းထောက်တွေကို ရေရှည်မှာ ထိန်းထားဖို့ခက်လာမယ်လို့ သတင်းဂျာနယ် အယ်ဒီတာတဦးက ပြောပါတယ်။

“စီးပွားရေးသဘောအရ လုပ်တဲ့သူတွေကိုတော့ ထိန်းထားဖို့ဆိုရင်တော့ မလွယ် ဘူး။ တခုတော့ရှိတယ်၊ ကိုယ့်တိုက်က ကောင်းကောင်းမွန်မွန် အလုပ်လုပ်တယ်၊ မှန်တဲ့သ တင်းတွေ ဖော်ထုတ်တယ်၊ တိုင်းပြည်အတွက် ပြည်သူတွေ သတင်းအမှန်သိရဖို့ လုပ် တယ်ဆိုတဲ့ ဂုဏ်တွေနဲ့ ထိန်းရင်တော့ ရချင်ရမှာပေါ့။ ငွေရတိုင်းလည်း သတင်းထောက်ဆို တာက ပျော်တဲ့အမျိုး မဟုတ်ဘူး။ အမျိုးမျိုးတော့ ကြံဆရမှာပေါ့။”

သက်ဆိုင်ရာ ဂျာနယ်တိုက်တွေကို ဆက်သွယ်မေးမြန်းတော့ ပြန်မဖြေဘဲ တယ်လီ ဖုန်းချသွားကြပါတယ်။

၂၀၀၅ ခုနှစ်ကလည်း ဂျာနယ်တွေက သတင်းထောက်တွေ ထွက်ကြတာမျိုး ဖြစ်ဖူးပါတယ်။ ခုချိန်မှာတော့ သတင်းလောကသား များနေတာမို့ ဖြေရှင်းဖို့ အခက်အခဲမ ရှိနိုင်ပါဘူးလို့ စာနယ်ဇင်းသမားတချို့က ပြောပါတယ်။

ထင်ရှားတဲ့ စီးပွားရေးလုပ်ငန်းရှင်ကြီး ၂ ဦး ဂျာနယ် ၁၀ စောင်ထက်မနည်း ထုတ်ဝေခွင့် ရထားတယ်လို့လည်း သတင်းရပါတယ်။

ပြည်တွင်းမှာ ထုတ်ဝေနေတဲ့ ဂျာနယ်ပေါင်း ၁၅၀ ကျော် ရှိပါတယ်။
http://burmese.dvb.no/archives/14910

မြန်မာ ဘင်္ဂလားဒေ့ရှ် ရေပိုင်နက် အငြင်းပွားမှု ကြားနာတော့မည်


သောမတ်စ်မောင်ရွှေ | အင်္ဂါနေ့၊ သြဂုတ်လ ၃၀ ရက် ၂၀၁၁ ခုနှစ် ၁၂ နာရီ ၄၄ မိနစ်

ချင်းမိုင်(မဇ္ဈိမ) ။ ။ ပင်လယ်ပြင် ဥပဒေဆိုင်ရာ ကုလသမဂ္ဂ နိုင်ငံတကာ တရားရုံး (ITLOS) က မြန်မာနှင့် ဘင်္ဂလားဒေ့ရှ် နိုင်ငံတို့အကြား အငြင်းပွားနေသည့် ပင်လယ်ပြင်နယ်နိမိတ် ပိုင်ဆိုင်မှု ပြဿနာကို စက်တင်ဘာလ ၅ ရက်နေ့တွင် စတင်ကြားနာတော့မည် ဖြစ်သည်။

စီးပွားရေး အလားအလာကောင်းသည့် ကမ်းလွန်ရေနံနှင့် သဘာဝဓါတ်ငွေ့သိုက်များအတွက် နှစ်နိုင်ငံအကြား အငြင်းပွားနေသည်မှာ နှစ်ကြာရှည်ခဲ့ပြီဖြစ်ပြီး အငြင်းပွားမှုသည် မကြာသေးခင် နှစ်များအတွင်း ပိုမိုပြင်းထန်လာ
ခဲ့သည်။

ITLOS တရားရုံး၏ ကြားနာမှုကို ယင်းရုံးအခြေစိုက်ရာ ဂျာမဏီနိုင်ငံ ဟမ်းဘတ်မြို့တွင် ပြုလုပ်မည်ဖြစ်သည်။ ဘင်္ဂလာဒေ့ရ်ှအစိုးရက မြန်မာနိုင်ငံအပေါ် "ကမ်းဦးရေတိမ်ပိုင်းနှင့် အခြေခံမျဉ်းတို့ သဘာဝအတိုင်း ကြာရှည်စွာ တည်ရှိနေခြင်း" ဟူသောအချက်ကို အခြေခံကာ စတင်တိုင်ကြား ခဲ့ခြင်းဖြစ်သည်။

အမှုဆိုင် နှစ်ဘက်နိုင်ငံများမှ အမှုကိုစစ်ဆေးမည့် တရားရုံး
Actinia

ထရန်အိုးရှင်း အင်တာနေရှင်နယ် ကုမ္ပဏီပိုင် ရေနံတွင်းတူးစင် Actinia၊ ယင်းရေနံတူးစင် ကို မြန်မာရေပိုင်နက်တွင် ရေနံတွင်းတူးရန် ယမန်နှစ်က ငှါးရမ်းအသုံးပြုခဲ့သည်။ (ဓါတ်ပုံ - မဇ္ဈိမ)

တရားသူကြီး တဦးစီကို ခန့်အပ်ခွင့်ရှိသည်။ ITLOS မှ ထုတ်ပြန်သော သတင်းထုတ်ပြန်ချက်အရ ဘင်္ဂလားဒေ့ရှ်
နိုင်ငံက ဂါနာနိုင်ငံသား တရားသူကြီး သောမတ်စ်မင်ဆာ (Thomas Mensah) ကို ရွေးချယ်ထားပြီး မြန်မာနိုင်ငံ
ကမူ အမေရိကန်လူမျိုး ဥပဒေပါမောက္ခ ဘဲနတ် အိပ်ခ်ျ အော့စ်မင် (Bernard H. Oxman) ကို ရွေးချယ် ထားသည်။

ဒါကာအခြေစိုက် ဒေးလီးစတား သတင်းစာ၏ ရေးသားချက်အရ ဘင်္ဂလားဒေ့ရ်ှနိုင်ငံ ကိုယ်စားလှယ် အဖွဲ့ကိုနိုင်ငံခြားရေး ဝန်ကြီး ဒီပူမိုနီ (Dipu Moni) က ဦးဆောင်မည် ဖြစ်သည်ဟု ဆိုသည်။ မြန်မာနိုင်ငံ၏ နိုင်ငံခြားရေး ဝန်ကြီးသစ် ဦးဝဏ္ဏမောင်လွင် ဤကြားနာပွဲသို့ တက်ရောက်မည် မတက်ရောက်မည်မှာ မရှင်းလင်းသေးပါ။

မြန်မာအစိုးရ၏ အဓိက ခေါင်းဆောင်များကို ဥရောပသမဂ္ဂက ဗီဇာ ပိတ်ပင်မှုများ ပြုလုပ်ထားသော်လည်း
မြန်မာနိုင်ငံခြားရေး ဝန်ကြီးကိုမူ “အဓိက ပါဝင်ဆွေးနွေးသူ” အဖြစ် ကင်းလွတ်ခွင့်ပေးထားသည်။ ထို့ကြောင့် သူ့အနေဖြင့် ဂျာမဏီရှိ ဤအမှုစစ်ဆေးရာသို့ သွားရောက်နိုင်မည် ဖြစ်သည်။

ဓါတ်ငွေ့ တူးဖော်မှု ကိစ္စ မြန်မာဘင်္ဂလားဒေ့ရှ် နှစ်နိုင်ငံ ၂ဝဝ၈ ခုနှစ်က တင်းမာမှုဖြစ်ပွားမှု

ရေနံတွင်းတူးသင်္ဘော ၄ စင်းနှင့် အရှည်မီတာ ၁ဝဝ ရှိ ထရန်အိုးရှင်းလီးဂျင်း ရေနံတွင်းတူးစင်ကို ဆွဲယူလာသည့် ဆွဲသင်္ဘောတစင်းတို့ကို စောင့်ရှောက် လိုက်ပါလာသည့် မြန်မာရေတပ် သင်္ဘောကို ဘင်္ဂလားဒေ့ရှ် အစိုးရ
ရေတပ်သင်္ဘော BNS Nirvoy မှ ၂ဝဝ၈ ခုနှစ် နိုဝင်ဘာလ ၂ ရက်နေ့တွင် တွေ့ရှိကြောင်း ကြေညာခဲ့သည်။ ဆွစ်ဇာလန် အမေရိကန် ကမ်းလွန် ရေနံတွင်းတူး ကုမ္ပဏီ ထရန်အိုးရှင်း ပိုင်ဆိုင်သည့် ဤရေနံတွင်းတူးစင်ကို
ရေနံအစမ်းတွင်းများ တူးဖော်ရန် ကိုရီးယားဒေဝူးကုမ္ပဏီက ငှားရမ်း အသုံးပြုခဲ့ခြင်း ဖြစ်သည်။

ထိုသို့ ပင်လယ်နယ်နိမိတ်ကို ဝင်ရောက် ကျူးကျော်ခဲ့ကြောင်း ဒါကာ၏ စွပ်စွဲချက်သည် နှစ်နိုင်ငံအကြား အရေးပါသော ပထမဆုံး သံတမန် အငြင်းပွားမှု လက္ခဏာတရပ် ဖြစ်ခဲ့ပြီး နောက်ပိုင်းတွင် နှစ်နိုင်ငံ ရေတပ်များ ရင်ဆိုင်ထားကြသည် အထိ ကမ္ဘာ့အဆင်းရဲဆုံး နှစ်နိုင်ငံအကြား ငွေကုန်များသည့် တင်းမာမှု ဖြစ်ပေါ်လာခဲ့သည်။

နောက်တနေ့ နိုဝင်ဘာလ ၃ ရက်နေ့တွင် ဒါကာရှိ ဘင်္ဂလားဒေ့ရှ် အာဏာပိုင်များက မြန်မာသံအမတ်ကို ဆင့်ခေါ်ခဲ့ပြီး ကန့်ကွက်လွှာပေးခဲ့သည်။ မြန်မာအစိုးရက အငြင်းပွား နယ်မြေအတွင်းသို့ ရေတပ်သင်္ဘော ၄ စင်းကို စေလွှတ်ခဲ့သည့် အတွက် ဘင်္ဂလားဒေ့ရ်ှစစ်တပ်မှ ကျောထောက်နောက်ခံ ပြုပေးထားသည့် ကြားဖြတ်အစိုးရကို ဒေါသထွက်စေခဲ့သည်။

မြန်မာနိုင်ငံက အေဒီ ၇ လုပ်ကွက်အဖြစ် သတ်မှတ်ထားသည့် ကမ်းလွန်ဓါတ်ငွေ့ လုပ်ကွက်အတွင်း ရှိနေသည့် ထရန်အိုးရှင်း ရေနံတွင်းတူးစင်နှင့် မြန်မာရေတပ်၏ အစောင့်သင်္ဘောများကို ဘင်္ဂလားဒေ့ရှ် ရေတပ်က ဖမ်းဆီး
ခဲ့သည်။ Transocean’s SEC ၏တင်ပြ ချက်အရ အဆိုပါ ရေနံတွင်းတူးစင်ကို ဒေဝူးကုမ္ပဏီက အစမ်းတွင်းများ တူးဖော်ရန် တရက်လျှင် အမေရိကန်ဒေါ်လာ ၄၂၄,ဝဝဝ ဖြင့် ငှားရမ်းအသုံးပြုခဲ့ခြင်း ဖြစ်သည်ဟု ဆိုသည်။ ဘင်္ဂလားဒေ့ရ်ှနိုင်ငံက သူတို့ရေပိုင်နက်အဖြစ် ကြေငြာထားသော်လည်း အဆိုပါ လုပ်ကွက်အမှတ် အေဒီ ၇ တွင် တွင်းတူးခွင့်ကို ဒေဝူးနှင့် တွဲဘက်ကုမ္ပဏီဖြစ်သည့် Kogas တို့မှ ဝယ်ယူခဲ့ကြသည်။

ထိုသို့အငြင်းပွားနေသည့် ရေပိုင်နက်အတွင်း မြန်မာအစိုးရနှင့် ထရန်အိုးရှင်းတို့ ဝင်ရောက် ကျူးကျော်ခြင်း မပြုမီ ၃ ပတ် အလိုက မြန်မာစွမ်းအင်ဝန်ကြီး ဗိုလ်မှူးချုပ်လွန်းသီက နှစ်နိုင်ငံအကြား “ရေပိုင်နက် အငြင်းပွားမှုကို ဖြေရှင်း မပြီးမချင်း အငြင်းပွားနယ်မြေအတွင်း ဓါတ်ငွေ့အစမ်းတွင်း တူးဖော်မှုများ မပြုပါ” ဟု ဘင်္ဂလားဒေ့ရှ် နိုင်ငံခြားရေး ဝန်ကြီးကို အာမခံပြောကြားခဲ့သည် ဟု ဘင်္ဂလားဒေ့ရှ် နေ့စဉ်သတင်းစာ New Age က ဗိုလ်မှူးချုပ်လွန်းသီကို ကိုးကားရေးသား ခဲ့သည်။

ဗိုလ်မှူးချုပ်လွန်းသီက ထိုသို့ကတိပေး ပြောကြားမှုကို ဘင်္ဂလားဒေ့ရှ် လျှပ်စစ်စွမ်းအား၊ စွမ်းအင်၊ သတ္တုအရင်းအမြစ် ဝန်ကြီးဌာန အကြံပေးအရာရှိချုပ် ဒေါက်တာ အမ်တာမင် (Dr. M. Tamim) နှင့် ၂ဝဝ၈ ခုနှစ် အောက်တိုဘာလ ၈ ရက်နေ့က ဒါကာတွင် တွေ့ဆုံပြောကြားခဲ့ခြင်းဖြစ်သည်။

ဘင်္ဂလားဒေ့ရှ် အစိုးရက ထိုသို့လူသိရှင်ကြား ကန့်ကွက်မှုများ ပြုလုပ်ခဲ့ပြီးနောက် နှစ်နိုင်ငံတပ်ဖွဲ့များကို နယ်စပ် တလျှောက် တပ်လှန့် တပ်စွဲထားမှုများ ပြုလုပ်ခဲ့သည်။ မြန်မာ ရေတပ် အရာရှိတဦးက အေအက်ဖ်ပီ သတင်းဌာနကို နိုဝင်ဘာလ ၅ ရက်နေ့က ပြောကြားရာတွင် “ဒီပြဿနာကို ငြိမ်းချမ်းစွာဖြေရှင်းဖို့ ကျနော်တို့ ကြိုးစားသွားမှာပါ။ ဒါပေမယ့် လိုအပ်လာရင် ကိုယ့်နိုင်ငံကို ကာကွယ်ဖို့ အသင့်ရှိပါတယ်။ ချစ်ကြည်ရင်းနှီးမှုကိုလို လားပေမယ့် စော်ကားတာကိုတော့ သည်းခံနေမှာ မဟုတ်ပါဘူး။ ဓါတ်ငွေ့ရှာဖွေမှုတွေကို ဆက်လုပ်သွားမှာပါ” ဟုပြောကြားခဲ့သည်။

မြန်မာအစိုးရမှ ဘင်္ဂလားဒေ့ရ်ှနိုင်ငံ၏ တောင်းဆိုပြောကြားချက်များကို တုံ့ပြန်သည့် အနေဖြင့် နိုင်ငံပိုင် မြန်မာ့အလင်း သတင်းစာတွင် ဆောင်းပါး ရေးသားတုံ့ပြန်ခဲ့သည်။ ဘင်္ဂလားဒေ့ရ်ှအစိုးရ၏ ပြောကြားချက်များသည် “မှားယွင်းပြီး ဥပဒေနှင့်မညီသဖြင့်” အငြင်းပွါးနယ်မြေအတွင်း လုပ်ငန်းများဆက်လက် လုပ်ဆောင်သွားမည်ဟု ရေးသားထားသည်။

၂ဝဝ၈ ခုနှစ် နိုဝင်ဘာလ ၇ ရက်နေ့ထုတ် အဆိုပါသတင်းစာတွင် ဆောင်းပါးတစောင် ဖော်ပြခဲ့ရာ အဆိုပါ ဆောင်းပါးက “ဘင်္ဂလားဒေ့ရ်ှနိုင်ငံ၏ မှားယွင်းစွာ တောင်းဆိုမှုများကို မြန်မာအစိုးရမှ ပယ်ချလိုက်ပြီး နိုင်ငံတကာ ဥပဒေများနှင့် အညီ နိုင်ငံ၏ အကျိုးစီးပွားများကို ကာကွယ်သွားရန်အတွက် အေဒီ ၇ လုပ်ကွက်အတွင်း လုပ်ဆောင်ရန်ရှိသည့် လုပ်ငန်းများကို ပြီးဆုံးသည်အထိ ဆက်လက် လုပ်ဆောင်သွားမည် ဖြစ်ကြောင်း” ရေးသား ဖော်ပြထားခဲ့သည်။
နိုင်ငံတကာဥပဒေတွင်မူ ပိုင်နက်အငြင်းပွားမှုများကို ငြိမ်းချမ်းသည့်နည်းဖြင့် အရင်ဖြေရှင်းရမည်ဖြစ်ကာ ပြီးမှသာ တွင်းတူးခြင်းကိစ္စများကို လုပ်ဆောင်ရမည်ဟု ဆိုထားသည်။

နှစ်ရက်အကြာတွင် ဒေဝူး၊ ထရန်အိုးရှင်းနှင့် မြန်မာအစိုးရတို့၏ သင်္ဘောများ အဆိုပါ နယ်မြေမှ ပြန်လည် ဆုတ်ခွာ သွားခဲ့သည်။ အခြေအနေ တင်းမာမှုများ လျော့ပါးစေရန် ကိုရီးယားနှင့် တရုတ်နိုင်ငံတို့က ကြားဝင်ညှိနှိုင်း ဆောင်ရွက်
ပေးခဲ့သည်ဟူသော သတင်းများလည်း ထွက်ပေါ်လာခဲ့သည်။ အဆိုပါ မြန်မာနိုင်ငံ ရခိုင်ကမ်းရိုးတန်းမှ ဒေဝူးနှင့်
အတူ တွဲဖက်လုပ်ကိုင်သည့် ကုမ္ပဏီများတူးဖော်မည့် ဓါတ်ငွေ့အများစုမှာ တရုတ်နိုင်ငံသို့ တင်ပို့ရန် အတွက်ဖြစ်သည်။

အဆိုပါ တင်းမာမှုများ ဖြစ်ပွားအပြီး တလခန့်အကြာ ဒီဇင်ဘာလ ၁၅ ရက်နေ့တွင် ရိုက်တာ သတင်းဌာန၏ သတင်းပေးပို့ချက်အရ အေဒီ ၇ လုပ်ကွက်မှ အစမ်းတွင်း တူးဖော်ရာတွင် ရရှိသောအဖြေများမှာ “အားရကျေနပ်ဖွယ် မရှိလှကြောင်း” မြန်မာစွမ်းအင်ဌာန အရာရှိကြီးတဦးက ပြောကြားခဲ့သည်ဟုဆိုသည်။

အဆိုပါ အမည်မဖော်လိုသူ အရာရှိက ဆက်လက်ပြောကြားရာတွင် “ဒီဓါတ်ငွေ့သိုက်က စီးပွါးဖြစ် ထုတ်လုပ်ဖို့ တွက်ခြေမကိုက်ဘူးဆိုတာ အတည်ပြုနိုင်ဖို့ နောက်ထပ် အစမ်းတွင်း ၄ တွင်း ၅ တွင်း လောက် ထပ်တူးရပါဦးမယ်” ဟု ပြောကြားခဲ့ကြောင်းဆိုသည်။

ဒေဝူးအင်တာနေရှင်နယ် ကုမ္ပဏီက ၂ဝ၁ဝ ခုနှစ် မတ်လက ထုတ်ပြန်ခဲ့သော အစီရင်ခံစာအရ အဆိုပါအငြင်းပွား လုပ်ကွက်တွင် သူတို့နှင့်တွဲဖက်လုပ်ကိုင်နေသော ကုမ္ပဏီ ၃ ခုထွက်ခွာသွားပြီးနောက် သူတို့ပိုင် အစုရှယ်ယာများကို တိုးမြှင့်လာခဲ့သည်ဟု ဆိုသည်။ ၂ဝဝ၈ နိုဝင်ဘာလ တင်းမာမှုများအပြီး အဆိုပါအငြင်းပွား နယ်မြေအတွင်း
နောက်ထပ် ရေနံရှာဖွေမှု လုပ်ငန်းများ ဆက်လက်ပြုလုပ်ခဲ့ခြင်း ရှိမရှိကိုမူ အဆိုပါ အစီရင်ခံစာတွင် ရေးသားဖော်ပြ
ထားခြင်းမရှိပါ။
http://www.mizzimaburmese.com/

လူရိုက်ခွင့်လိုင်စင်


Tuesday, August 30, 2011 Khet Htan


ပဲခူးတိုင်းဒေသကြီး (အနောက်ပိုင်း)၊ ပြည်ခရိုင်၊ ပြည်မြို့နယ် အမှတ် (၁) ရဲစခန်းအပိုင် န၀င်းရဲရိပ်သာနှင့် ပြည်အကျဉ်းထောင် လမ်းကြား ထီးစုလမ်းတွင် ၂၇၊ ၈၊ ၂၀၁၁ ညပိုင်းအချိန်က ပြည်မြို့ မြန်မာနိုင်ငံရဲတပ်ဖွဲ့မှ ဒုရဲအုပ် ဆွေမောင်မောင် အပါအ၀င် သူ၏မိသားစုများက အရပ်သူ အမျိုးသမီးတယောက်အား ၀ိုင်းဝန်းရိုက်နှက်ခဲ့ရာ ထိုအမျိုးသမီးမှာ ဆေးရုံတွင် အတွင်းလူနာအဖြစ် တက်ရောက် ကုသနေရပါသည်။

၎င်းအမျိုးသမီးနှင့် ပတ်သက်သော မိသားစုအသိုင်းအ၀န်းမှ အမှတ် (၁) ရဲစခန်းတွင် အမှုဖွင့်တိုင်ကြားရာ
စခန်းမှူးမှ အမှုလက်ခံဖွင့်ပေးခဲ့ခြင်းမရှိပါ။ ထို့အပြင် ယနေ့ ၂၈၊ ၈၊ ၂၀၁၁ မနက်တွင် စခန်းမှူးမှ လျော်ကြေးငွေလက်ခံပြီး အမှုမဖွင့်ရန် ခေါ်ယူပြောကြားခဲ့ပါသည်။

ထိုဖြစ်စဉ်နှင့် ပတ်သက်ပြီး ပြည်သူ့ရဲတပ်ဖွဲ့မှ တာဝန်ရှိသူ အရာရှိတယောက်မှ ပြည်သူလူထုအပေါ်
ကိုယ်ထိလက်ရောက် စော်ကားမှုကို အမှုမဖွင့်ဘဲ လူကြီးအားလုံးမှ ဇွတ်အတင်း ကျေအေးခိုင်းခဲ့ပြီး ငွေကျပ် ၄ သိန်းပေးအပ်ခဲ့ပါသည်။

လူကြီးများ၏ ဖိအားပေးမှုကြောင့် ကာယကံရှင်မှ ကျေအေး မပေးလိုသော်လည်း ဖိအားများကြောင့် ကျေအေးပေးခဲ့ရပါသည်။

ယခုကဲ့သို့သာ မြန်မာနိုင်ငံရဲတပ်ဖွဲ့ဝင်များက ပြည်သူလူထုကို ညှဉ်းပန်းနှိပ်စက်ပြီး ဖိအားများဖြင့် လျော်ကြေးပေးကာ စော်ကားနေလျှင် ပြည်သူများ မည်ကဲ့သို့ ဆက်လက် ရှင်သန်နေရမည်လဲ၊ ထို့အပြင် ဆင်းရဲတွင်းထဲမှ မိသားစုများကို ပြည်သူ့ရဲများက ဆက်လက်အနိုင်ကျင့် စော်ကားနေလျှင် မည်ကဲ့သို့ ဖြေရှင်းရမည်လဲ ဆိုသည်ကို အဖြေတခုတွေ့ရှိသည်အထိ ဆက်လက် တင်ပြပေးစေလိုပါတယ်ခင်ဗျား။

န၀င်းရပ်ကွက်သား
http://www.irrawaddyblog.com/2011/08/blog-post_8518.html

ဒေါ်စု မညံ့ပါ


Tuesday, August 30, 2011 zarny win

ရွှေပြည်စိုး

ဒီတလော ဒေါ်အောင်ဆန်းစုကြည် နဲ့ ကြံ့ဖွတ်အစိုးရ တို့ “နိုင်ငံရေးစကားဝိုင်း” ထဲ ရောက်နေကြတာ အားလုံးအသိပါ။
ဒီလို “နိုင်ငံရေးစကားဝိုင်း” ထဲ ရောက်လာဖို့အကြောင်းက လက်ရှိမြန်မာနိုင်ငံမှာ ကြုံတွေ့ ရင်ဆိုင်နေရတဲ့ နိုင်ငံရေး၊ စီးပွါးရေး၊ တိုင်းရင်းသားလူမျိုးစုအရေး … စတဲ့ အကျပ်အတည်းတွေ တွေ့နေရာကနေ လျော့ပါးလွတ်မြောက်အောင် “ဟန်ဆောင်စကားဝိုင်း” ဖွဲ့တယ်ဆိုတာ အားလုံးသိပြီးသား ဖြစ်လောက်ပါတယ်။
ဒီအာဏာရှင်တွေဟာ နိုင်ငံမှာ အကျပ်အတည်းတွေ့တိုင်း ဒီလိုလုပ်လေ့ရှိတယ်ဆိုတာလည်း အားလုံးသိပြီး လောက်ပါပြီ။ ပြီးရင် အရင်အတိုင်း လူ့အခွင့်အရေးကို ဆက်လက်ချိုးဖောက်တာပါပဲ။ အထင်ရှားဆုံးကတော့ ၂၀၀၃ ခုနှစ်၊ မေလ - ၃၀ ရက် ည ဒီပဲယင်းမှာ ဒေါ်အောင်ဆန်းစုကြည် နဲ့ ဦးတင်ဦး တို့အဖွဲ့ကို လုပ်ကြံတာဖြစ်တယ်။ ဒေါ်စု၊ ဦးတင်ဦး တို့ အသက်မသေခဲ့ပေမယ့် အကျယ်ချုပ်ချထားခြင်း ခံလိုက်ရပါတယ်။
အကျယ်ချုပ်လွတ်ရက်စေ့ခါနီးမှ အမေရိကန်နိုင်ငံသား ယက်ထော နဲ့ အပေးအယူလုပ်ပြီး၊ ဒေါ်စု ကို အကျယ်ချုပ် သက်တမ်းထပ်တိုးခဲ့ပါတယ်။ ဒေါ်စု ခမျာ မိအေး(၃)ခါနာ ဖြစ်ခဲ့ရပါတယ်။ လုပ်ကြံတာကိုလည်း ခံရသေး၊ အကျယ်ချုပ်လည်းခံလိုက်ရတဲ့အပြင် အမှုဖန်တီးပြီး သက်တမ်းတိုးခြင်းကိုလည်းခံခဲ့ရပါတယ်။
နအဖ စစ်အာဏာရှင်တွေဟာ ဒီလိုကောက်ကျစ်ယုတ်မာတယ် ဆိုတာလည်း လူတိုင်းအသိပါ။ ဒါကိုလည်း ခံရသူ ဒေါ်စု က သူများထက် ပိုသိနိုင်ပါတယ်။
ခုဆိုရင် ဒေါ်အောင်ဆန်းစုကြည် နဲ့ အလုပ်သမားဝန်ကြီး ဦးအောင်ကြည် တို့ ၂၅-၇-၂၀၁၁ ရက်နေ့က တွေ့ဆုံဆွေးနွေးပြီး “နှစ်ဘက်ပူးပေါင်းဆောင်ရွက်မယ်” လို့ဆိုပြီး ကမ္ဘာကို လှည့်စားဦးမယ်ဆိုတာလည်း သိပြီးသားပါ။
နောက်တစ်ဖန် သမ္မတ ဦးသိန်းစိန် က ဒေါ်အောင်ဆန်းစုကြည် ကို နေပြည်တော်ကို ဖိတ်မန္တက ပြုပြီး
၁၉-၈-၂၀၁၁ မှာ တွေ့ဆုံဆွေးနွေးပြန်တယ်။ ဒါလည်း နိုင်ငံတကာကို “နိုင်ငံတော်အတွက် ဒေါ်အောင်ဆန်းစုကြည် နဲ့လည်း ဆွေးနွေးတယ်” ဖြစ်အောင် ဟန်ပြလုပ်ပြတာပဲ ဖြစ်ပါတယ်။ အနှစ်သာရ ရှိတဲ့ဆွေးနွေးပွဲ မဟုတ်ပါဘူး။
ဒီလို ကြံ့ဖွတ်အစိုးရ အရာရှိ ၂ ဦးက ဒေါ်အောင်ဆန်းစုကြည် ကို ချဉ်းကပ်တာဟာ တိုင်းပြည်နဲ့ လူမျိုးအပေါ် စိတ်ကောင်းစေတနာရှိလို့ မဟုတ်ပါ။ အထက်ဖေါ်ပြပါ အကျပ်အတည်းတွေ လျော့ပါးလွတ်မြောက်အောင်နဲ့ ၂၀၁၄ ခုနှစ် မှာ အာဆီယံ ဥက္ကဋ္ဌ လုပ်ချင်လို့ ဒီလို ဟန်ပြဆွေးနွေးပွဲ လုပ်တယ် ဆိုတာကိုလည်း အားလုံး သိပြီးသားပါ။ အဓိက ကတော့ သူတို့ အာဏာတည်မြဲရေးအတွက် အကွက်ဆင်တယ် ဆိုတာလည်း သိကြပါတယ်။
ခုလတ်တလော ကိစ္စတွေနဲ့ပတ်သက်ပြီး နိုင်ငံရေး စိတ်ဝင်စားသူတွေ၊ တက်ကြွသူတွေထဲက တချို့က “ဒေါ်အောင်ဆန်းစုကြည်ဟာ ကြံ့ဖွတ်အစိုးရဘက် ပါသွားပြီလား” ဆိုတဲ့ အတွေးတွေ ဝင်နေတာကို သိရပါတယ်။ ဒီလို စိုးရိမ်လို့ တွေးတာလည်း မှားတယ်လို့ အပြစ်မပြောသင့်ပါ။ ဒါပေမယ့် ဒေါ်စုက ဒီလောက်မညံ့ပါဘူး။ စိတ်ချပါ။ ဒေါ်စုဟာ ဘယ်တော့မှ ဒီမိုကရေစီဘက်တော်သားတွေနဲ့ ပြည်သူလူထုတရပ်လုံးကို ဒီမိုကရေစီ မရမချင်း ကျောခိုင်းသွားမှာ မဟုတ်ဘူးလို့ ရဲရဲကြီး အာမခံရဲပါတယ်။ ဘာကြောင့်လဲဆိုတော့-
၁။ ဒေါ်စု ကိုယ်တိုင် တိုင်းသူပြည်သားတွေရဲ့ နှစ်ပေါင်းများစွာ ဆင်းရဲဒုက္ခမျိုးစုံရောက်နေ၊ ခံစားနေရတာ သိရှိတွေ့မြင် နေသလို ဘာ့ကြောင့်၊ ဘယ်သူ့ကြောင့် ဒီလိုဖြစ်ရတယ် ဆိုတာလည်း သိပြီးသားပါ။
၂။ ဒေါ်စု ကိုယ်တိုင်လည်း စစ်အာဏာရှင်တွေကြောင့် အသက်ဘေးက သီသီလေး လွတ်မြောက်လာခဲ့ရတာ (၂)ကြိမ် ထက် မနည်း ကြုံတွေ့ ခဲ့ရတယ်။
၃။ တိုင်းပြည်နဲ့လူမျိုးအတွက် လုပ်နေရက်နဲ့ ဒေါ်စု ကိုယ်တိုင် ထိန်းသိမ်းခံရတာလည်း သူ့အသက် ထက်ဝက်နီးနီး ရှိနေခဲ့ပြီ ဆိုတာ သူအသိပါ။
၎။ ကြံ့ဖွတ်အာဏာရှင် အပါအဝင် နဝတ၊ နအဖ စစ်အာဏာရှင်တွေဟာ အာဏာတည်မြဲရေး၊ ချမ်းသာကြွယ်ဝရေး အတွက် မြန်မာနဲ့ ကမ္ဘာ ကို အကြိမ်ပေါင်းမြောက်မြားစွာ လိမ်ညာလှည့်စား ဖြားယောင်း လက်တလုံးခြား လုပ်ခဲ့တာ၊ ပြည်သူတွေအပေါ် လူ့အခွင့်အရေး ချိုးဖောက်တာတွေလည်း ဒေါ်စု သိပြီးသားပါ။
ဒါတွေကိုသိပြီး ကိုယ်တိုင်ခံခဲ့ရပြီးဖြစ်လို့ နောက်ထပ် ဒီလိုမျိုး ထပ်မခံရအောင် ကြိုတင်ပြင်ဆင် စဉ်းစားထား ပြီးပြီလို့ ယုံကြည်ပါတယ်။
ဒါ့အပြင် ဒေါ်အောင်ဆန်းစုကြည် ဟာ
(၁) မြန်မာတစ်နိုင်ငံလုံး စစ်ဖိနပ်အောက်က လွတ်မြောက်ရေး၊ ဒီမိုကရေစီနဲ့ လူ့အခွင့်အရေး ပြန်လည်ရရှိရေးအတွက် တိုက်ပွဲဝင်ခဲ့တာ ၂၃ နှစ် ရှိခဲ့ပါပြီ။
(၂) အဲဒီအတွက် ဒေါ်စု ကိုယ်တိုင်လည်း အပင်ပန်း၊ အနစ်နာ၊ အဆင်းရဲခံပြီး လုပ်လာတာ ၂၃ နှစ် ရှိပါပြီ။
(၃) ပြည်သူလူထုအတွက် မိသားစုကိုစွန့်ခဲ့၊ စည်းစိမ်ဥစ္စာကိုစွန့်ခဲ့၊ နောက်ဆုံး အသက်ကိုပါ စွန့်ဖို့ ဆုံးဖြတ်ခဲ့တာလည်း ၂၃ နှစ် ရှိခဲ့ပြီးမှ ဒီလိုလူယုတ်မာတွေ ကြိုးဆွဲရာ “က” မယ်လို့ မယုံကြည်ပါ။
ဒေါ်စု ရဲ့ ခိုင်မာသော ခံယူချက်၊ မှန်ကန်သော ဆုံးဖြတ်ချက်၊ ရင့်ကျက်သော အတွေးအခေါ် အမြော်အမြင် ခိုင်ခိုင်မာမာနဲ့ လုပ်ဆောင်ချက်တွေကို သိရှိတွေ့မြင်နေတာကြောင့် ဒေါ်စု ဟာ တချို့ထင်သလို အာဏာရှင်တွေဘက် ယိမ်းယိုင်မသွားဘူးဆိုတာ လုံးဝ သံသယကင်းပါတယ်။
ဒါ့ကြောင့် ဒေါ်အောင်ဆန်းစုကြည် ဟာ ဒီမိုကရေစီနဲ့လူ့အခွင့်အရေးအတွက် သူ့ဘဝကို ၂၃ နှစ် တိုင်တိုင် မြှုပ်ခဲ့ပြီး ကြံ့ကြံ့ခိုင်ခိုင် တိုက်ပွဲဝင်ခဲ့ပြီးမှ ဒီလူယုတ်မာ အာဏာရှင်တွေကို ဒူးထောက်မှာ မဟုတ်သလို ဘယ်တော့မှလည်း ပြည်သူတွေကို ဒီမိုကရေစီ၊ လူ့အခွင့်အရေးနဲ့ ဝေးကွာအောင်လုပ်မှာ မဟုတ်ဘူးလို့ ခိုင်ခိုင်မာမာ ယုံကြည်ကြောင်း တင်ပြအပ်ပါတယ်။
http://www.irrawaddyblog.com/2011/08/blog-post_2838.html

Monday, August 29, 2011

ဧရာဝတီ~~~သို့ ( စိုင်းစိုင်းသန်းရွှေ(ကနေဒါ)+၀တ်မှုံကြိုင်ကြိုင်(အမေရိကား) )

Irrawaddy myitsone tribute by yeyint2011
http://soundcloud.com/yeyint2011/irrawaddy-myitsone-tribute


http://www.ziddu.com/download/16229548/irrawaddymyitsonetribute.mp3.html

http://www.mediafire.com/file/c783l4kplapc8kp/irrawaddy%20myitsone%20tribute.mp3


ဧရာဝတီ~~~သို့ 

ရေး/ဆို
စိုင်းစိုင်းသန်းရွှေ(ကနေဒါ)+၀တ်မှုံကြိုင်ကြိုင်(အမေရိကား)

အစဉ်အလာ--ကြီးလာခဲ့ သော--ရာဇ၀င်ရဲ့ --သတို့ သမီးအဖြစ်--သူ ဣနြေ္ဒကြီး စွာ

တောင်ပေါ်--အမြင့် တနေရာက-- သူလေ--ခရီးတွေ--နှင်ရင်း --မမောနိုင်--စုန်ကာ ဆင်းလာ

ကွေ့ ဝိုက်ကာရယ် --ထူးဆန်း ကကွက်မျိုး-- ကနေသလိုဘဲ

သူ--အမိမြန်မာပြည်ကို-- ရိုးသား ငြင်သာစွာရယ် အလုပ်အကျွေးပြုခဲ့ တယ်

ဧရာဝတီ--သူ့ ကံကြမ္မာရယ်--သနားစရာ ကောင်းအောင်

မကြာခင်-- အဆုံးသတ်ရတော့ မယ်

Time to say goodbye ငိုကြွေးရင်းနဲ့ ---သူနှူတ်ဆက်ပြီ

အပိုင်းပိုင်း-- ခုတ်ပိုင်းလို့ --အဖြတ်ခံပီး--လွန့် လူးရင်း-- အသက်ငွေ့ ငွေ့ 

ဧရာဝတီ---ငါတို့ အမေ

အိုမင်းမစွမ်းလဲဘဲ---မပျယ်တဲ့ မေတ္တာ

အနှောက်အရှက်တွေ--အမျိုးမျိုးပေး လာလဲ

သူစီးမြဲ --စီးဆင်းနေ

အာဏာရှိနေသော်လည်း-- စဉ်ချင်မဲ့ သူတွေရဲ့ -- အမိန့် ကိုသူ လည်စင်းကာ

အကြံဥာဏ်မဲ့ တွေ--ကိုယ်ကျိုး တခု ဘဲ ကြည့် ပီး

သဘာဝ တရားကိုပါ---ရောင်းကုန်တင်ပီ

ယန်စီ-မြစ်ဝါ ကို--မီးရောင်--ထိန် လင်း--နိုင်ဘို့ --သူစတေး--ရပီ

Time to say goodbye ငိုကြွေးရင်း---သူနှူတ်ဆက်ပြီ

အပိုင်းပိုင်း--ခုတ်ပိုင်းလို့ --အဖြတ်ခံပီး--လွန့် လူးရင်း အသက်ငွေ့ ငွေ့ 

ဧရာဝတီ---ငါတို့ အမေ

မှီခိုအားထားကြရ---ဘ၀ပေါင်းများစွာ

ဖေးမသူ -- ကင်းဝေးလို့ နေပီ

တပြည်လုံးလဲ--၀မ်းနဲမဆုံး

ဧရာဝတီ--- အိုမိခင်

သူ့ အသဲ နှလုံးများနဲ့ --- တည်ဆောက်မြစ်ဆုံ

သွေးကြောတွေ--ဖြတ်ပစ်လိုက်သလိုဘဲ

ယူကြုံးမရ---၀မ်းနဲစရာ

ဧရာဝတီ---ဒါတို့ အမွေ

သူမတစ်ဦးတည်းပါဝင်ရန်မဟုတ်ဘဲ။ သူမ၏ တရားဝင်ပါတီပါ ပါဝင်နေမည်ဖြစ်ကြောင်း



၂၆ သြဂုတ် မြန်မာ့အလင်းသတင်းစာ စာမျက်နှာ ၁၀

NLD လူငယ် ကိုဘမောင် လက်ကမ်းစာစောင်











ဘီဘီစီ ချယ်နယ်ဖိုးမှာ လွှင့်တဲ့ဒေါ်အောင်ဆန်းစုကြည်၏ ရိသ်ပို့ချချက် (Reith Lecture )




doc read with Myanmar3 font

http://www.ziddu.com/download/16228564/DawAungSanSuuKyisReithLectures15.doc.html

http://www.ziddu.com/download/16228560/DawAungSanSuuKyisReithLectures15.pdf.html
Daw Aung San Suu Kyi's Reith Lectures 1~5

သမဂ္ဂအမှတ်တရစာစု




http://www.ziddu.com/download/16228532/Union-Computer.pdf.html


Union Computer

တောင်ကျရေ

ပဏ္ဍာဆက်နိုင်ငံများ


ပဏ္ဍာဆက်နိုင်ငံများဆိုတာ အင်အားကြီးတဲ့ နိုင်ငံကြီးတစ်ခုရဲ့  သြဇာရိပ်ကို ခိုလှုံရပြီး အဲဒီနိုင်ငံကြီးကို လက်ဆောင်ပဏ္ဍာဆက်သရခြင်း၊ထိုနိုင်ငံကြီးအလိုကျ စီမံအုပ်ချုပ်လုပ်ကိုင်ရတဲ့ နိုင်ငံများကို ဆိုလိုပါတယ်။
မြန်မာနိုင်ငံဟာလည်း တစ်ချိန်က ဘုန်းတန်ခိုးကြီးတဲ့ဘုရင်များလက်ထက်မှာပတ်ဝန်းကျင်နိုင်ငံများရဲ့ ပဏ္ဍာဆက်တာကို ခံယူခဲ့ရဖူးတဲ့နိုင်ငံတစ်နိုင်ငံ ဖြစ်ခဲ့ဖူးပါတယ်။ တရုတ်ပြည်ဟာ ၁၉၇၈- ၇၉ ခုနှစ်လောက်မှာ တိန်ရှောက်ဖိန် အာဏာရလာပြီး စီးပွားရေးနဲ့ နိုင်ငံရေးပုံစံကိုစတင်ပြောင်းလဲလုပ်ကိုင်ခဲ့ရာမှအရှိန်အဟုန်ဖြင့်ပြောင်းလဲတိုးတက်ခဲ့ပြီး ယနေ့ ကမ္ဘာတွင် စီးပွားရေး၊ နိုင်ငံရေး၊ စစ်ရေး အင်အားကြီးသောနိုင်ငံအဖြစ်သို့ ရောက်ရှိနေပြီဖြစ်ပါတယ်။
ဒါပေမယ့် ဒီလိုအခြေအနေတွေကို လုပ်ကိုင်နိုင်ဖို့ အစပျိုးမှုတွေကို တရုတ်ကွန်မြူနစ်ပါတီရဲ့ ထိုစဉ်က အသက် (၂၀)ကျော် ၀န်းကျင်ရှိတဲ့လူငယ်ကေဒါများက ၁၉၆၀ ခုနှစ်လောက်မှာ စတင်ကြံဆောင်ပြီး တရုတ်ကွန်မြူနစ်ပါတီ (ဗဟို)သို့  သူတို့ ရဲ့  နောင် (၂၅)နှစ်အတွက် မျှော်မှန်းတဲ့စာတမ်းတစ်ဆောင်ကို တင်ခဲ့ကြတယ်လို့  ကိုယ်တွေ့ တွေ့ မြင်ဖူးသူတစ်ဦးရဲ့ ပြောပြချက်အရ ကြားသိရခဲ့ပါတယ်။
သူက ၁၉၆၀ ခုနှစ်မှာ မြန်မာနိုင်ငံမှ တရုတ်နိုင်ငံ၊ ပီကင်းသို့  သတင်းလုပ်ငန်းနဲ့ ပက်သက်ပြီး ပညာသင် သွားခဲ့ဖူးသူတစ်ဦးက ပြောပြခဲ့တာပါ။
သူ့ ရဲ့ အဆိုအရ မြန်မာအစိုးရသတင်းဌာနရဲ့ ပညာတော်သင်အဖြစ် ပီကင်းမှာ ရှိနေစဉ် ပီကင်းတက္ကသိုလ်တစ်ခုမှာ ဧည့်ပါမောက္ခလုပ်နေတဲ့ဂျာမန်ပရော်ဖက်ဆာတစ်ဦးနဲ့ ရင်းနှီးခဲ့ရာမှ တရုတ်ကွန်မြူနစ်ပါတီလူငယ်ကေဒါတွေက ပါတီပေါလစ်ဗျူရိုဆီတင်တဲ့ တရုတ်ဘာသာနဲ့ ရေးထားတဲ့စာတမ်းတစ်ခုကို သူ့ ကိုပြသခဲ့ပါတယ်။ စာတမ်းက လှို့ ဝှက်ဖြစ်လို့  ကူးယူခွင့်တော့ မပြုပါဘူး။
ဂျာမန်ပါမောက္ခက ဒီစာတမ်းဟာ မင်းတို့ မြန်မာပြည်နဲ့ လည်း သက်ဆိုင်နေလို့  ဆိုပြီး ပြောပြခဲ့ပါတယ်။ ဒီစာတမ်းထဲမှာ တရုတ်ပြည်ဟာနောက် (၂၅)နှစ်ကြာရင် သူ့ နိုင်ငံရဲ့ ပတ်ပတ်လည်အိမ်နီးချင်းနိုင်ငံတွေဟာ သူ့ ရဲ့ ပဏ္ဍာဆက်နိုင်ငံတွေဖြစ်အောင် လုပ်ဆောင်ရမယ်၊ အဲဒီနိုင်ငံတွေရဲ့ သယံဇာတအရင်းအမြစ်နဲ့ နယ်မြေတို့ ကိုပါ အသုံးပြုပြိး တရုတ်နိုင်ငံရဲ့ ဖွံ့ ဖြိုးမှုအတွက် လုပ်ဆောင်နိုင်ဖို့  သြဇာလွှမ်းမိုးထားနိုင်အောင် နည်းလမ်း
အမျိုးမျိုးနဲ့ ဆောင်ရွက်နိုင်ရမယ်လို့  ရေးသားထားတယ်လို့  သိရပါတယ်။
အဲဒီအကြောင်းကို သူ မြန်မာပြည်ပြန်ရောက်တဲ့အခါ သူ့ ဌာနအကြီးအကဲကိုပြန်လည်အစီရင်ခံခဲ့ဖူးတယ်လို့ ပြောပါတယ်။ အဲဒီ အငြိမ်းစားပုဂ္ဂိုလ်ကြီးကျွန်တော့်ကိုပြောပြဖူးတာက ၂၀၀၁ ခုနှစ်လောက်မှာဖြစ်ပါတယ်။ သူပြောပြစဉ်က အမှတ်တမဲ့ရှိခဲ့ပြီး သက်သေခံအထောက်အထား ဘာတစ်ခုမှမရှိတော့ပေါ့ပေါ့တန်တန်ဘဲ သဘောထားခဲ့ပါတယ်။ ဒါပေမယ့် အခုကာလမှာတော့ ဒီအကြောင်းတွေဟာ တရုတ်နဲ့ မြန်မာကြားမှာ ဆက်စပ်တိုက်ဆိုင်မှုတွေတော်တော်များလာလို့  အခုလိုဖော်ပြဖြစ်တာပါ။
ဆိုလိုတာက တရုတ်လူမျိုးတွေကို ရန်လိုမုန်းတီးစရာမဟုတ်ဘဲ တရုတ်ကွန်မြူနစ်ပါတီအစိုးရရဲ့ ရေရှည် စီမံချက်ချပြီး လုပ်ဆောင်မှုတွေကိုသာသတိကြီးကြီးထားနိုင်ကြဖို့  ဆိုလိုရင်းဖြစ်ပါတယ်။ တရုတ်ဟာ မြန်မာပြည်မှာ ရင်းနှီးမြှပ်နှံတဲ့အခါ ကုန်ချောထုတ်လုပ်ငန်းတွေမှာတော့ ၀င်ရောက်လုပ်ကိုင်လိုခြင်းမရှိဘဲ သယံဇာတရယူရေးနဲ့  နယ်မြေသြဇာချဲ့ ထွင်နိုင်ရေးကိုသာ ဦးတည်လုပ်ဆောင်နေတယ်လို့ ထင်မြင်မိပါတယ်။
လက်ရှိအာဏာရအစိုးရကလည်း ကုလသမဂ္ဂအပါအ၀င် အမေရိကန်၊ ဥရောပ စတဲ့ နိုင်ငံတွေနဲ့ ဆက်ဆံရေးကောင်းအောင် ကြိုးစားနေခြင်းဟာတရုတ်တစ်နိုင်ငံတည်းကိုသာ အားကိုးနေရမယ့်လမ်းကြောင်းမှ လွတ်မြောက်နိုင်ရေးပါဘဲ။
မြန်မာနိုင်ငံဟာ မိမိနိုင်ငံရဲ့ သယံဇာတအရင်းအမြစ်နဲ့ ကုန်ကြမ်းတွေကိုသာ ထုတ်ရောင်းနေရတဲ့ အခြေအနေမှ တစိတ်တပိုင်းကုန်ချောတွေကိုပါထုတ်လုပ်ရောင်းချနိုင်ပြီး နိုင်ငံတကာနဲ့ တန်းတူရည်တူစီးပွားကုန်သွယ်နိုင်မယ့် နိုင်ငံအဖြစ်ရောက်ရှိနိုင်အောင် ဆောင်ရွက်နိုင်ဖို့ ဆန္ဒပြုလိုက်ပါတယ်။ဒါမှလည်း ခေတ်အဆက်ဆက် ပဏ္ဍာဆက်နိုင်ငံဘ၀အဖြစ်မှရုန်းထွက်နိုင်မှာဖြစ်ပါတယ်။


Sခင်ဇိုင်

ပြည်တွင်းမှ ဂျီမေးလ်အကောင့် လုပ်နည်းများ (နည်းလမ်း 6 မျိုး)


[By Maung Luu Nge]

ပြည်တွင်းမှ ဂျီမေးလ်အကောင့် လုပ်နည်းများ (နည်းလမ်း 6 မျိုး)
Internet QA DVB to me

show details 11:06 PM (20 hours ago)

http://bluworld.org/registration/account/signup.php  ထဲကိုဝင်ပြီး
ဖြည့်စရာရှိတာဖြည့်လိုက်ပါ။ continue လုပ်ပါ။ loading 10% ကနေ 90%
အထိလုပ်ပါလိမ့်မယ်။ ပြီးရင် security question ဖြည့်ခိုင်းတယ်။
ပြီးသွားရင် create account ကိုနှိပ်ပါ.. ဒါဆို အကောင့်အသစ်ရပါပြီ။
ဆာဗာကျပ်ခြင်းနဲ့ အင်တာနက် နှေးကွေးခြင်းကြောင့် loading မှာ 90%
မရောက်တာ မျိုးဖြစ်တတ်ပါတယ်။

တခုရှိတာက Gmail Account သစ်ဖွင့်မယ်ဆိုရင် username @ gmail . com
ထည့်ပေးရပါတယ်။ ဒါဆို Gmail sign in page ကနေ၀င်ရင် username
ရိုက်ထည့်ရုံနဲ့ ၀င်လို့ရပါပြီ။ Account Creation မှာ @ gmail . com
ကျန်ခဲ့ရင်တော့ Gmail sign in page ကနေ၀င်တဲ့အချိန်မှာ username @
blumail . org နဲ့ ၀င်ရပါလိမ့်မယ်။
----------------------------------------------------------------------------------------------------------------

Here's another method. (I have just recently used it to open a new
account for my aunt. And it works.)

1. Go to this site : https://hidemyass.com
2. Type "http://mail.google.com"
3. Create your account.

(Remember: If you get a Access Denied page, just put a 's' behind "http")

------------------------------------------------------------------------------------------------------------------

(၁) IE , Firefox တို.ကိုမသုံးပဲ Google Chrome Browser ကိုသာသုံးပါ၊
(၂) Your Freedom ကို Configure လုပ်တဲ.အခါ Use Wizard
ကိုသုံးပါ။အဲ.ဒီမှာချိတ်ဆက်လို.ရမယ်. Server List
တွေပေါ်လာပါလိမ်.မယ်။အဲ.ထဲက Germany Server တစ်ခုခုကိုသုံးပါ။
(၃) Signup လုပ်တဲ.အခါမှာလည်း Country နေရာမှာMyanmarကိုမရွေးပဲ၊ Germany
(Dutchland) ကိုသာရွေးချယ်ပေးပါ။
အဆင်ပြေသွားပါလိမ်.မယ်။
အဲတစ်ခုရှိသေးတယ်မေ.တော.မလို.
(၄) Connection အတည်ငြိမ်ဆုံးအချိန်ကိုသာရွေးချယ်ပြီး အကောင်.အသစ်လုပ်ပါ။

-----------------------------------------------------------------------------------------------------------------
ဂျီမေး အသစ်ကို android phone (china version မပါ)
ထဲက account & sync>add account>google>create
ကနေ ဖွင့်ရင်ရပါတယ်။
အင်တာနက် ကွန်နက်ရှင်ရှိရင် ဖွင့်လို့ရပါတယ်။
ဘာမှ မတောင်းပါဘူး။ ကြိုက်သလောက်ဖွင့်လို့ရပါတယ်။

နောက်ဆုံးနည်းလမ်းက Mozilla မသုံးပဲ။ Chrome ကိုသုံးမယ်။
your freedom ဆော့ဖ်ဝဲလ်နဲ့ ချိန်ပြီး ရင်
ကော်နက်ရှင်ငြိမ်တဲ့အခါမှာသုံး။ ဂျာမဏီက ဆာဗာတစ်ခုကို ချိတ်ပြီးသုံးရင်
ရတယ်။


Face Book စာမျက်နှာမှ...

၂၉.၈.၂၀၁၁ ရက်နေ့ရဲရင့်ငယ်ဒိုင်ယာရီ



http://www.ziddu.com/download/16228410/29August2011Yeyintngesdiary.pdf.html

http://www.ziddu.com/download/16228411/29August2011Yeyintngesdiary.doc.html

http://www.mediafire.com/file/50rswkewarb1vfl/29%20August%202011%20Yeyintnge%27s%20diary.doc

http://www.mediafire.com/file/ibg6r06iubxg230/29%20August%202011%20Yeyintnge%27s%20diary.pdf

29 August 2011 Yeyintnge's Diary

သန်း​ရွှေ အလွန် (၁)


Published on August 26, 2011 by မင်းလွင်

မြန်မာနိုင်ငံကို ၂၃ နှစ်ကြာ စစ်တပ်အာဏာရှင် အုပ်ချုပ်မှုက​နေပြီး​တော့​ ၂၀၀၈ ခုနှစ် ဖွဲ့​စည်း​အုပ်ချုပ်ပုံအ​ခြေခံဥပ​ဒေအရ ပြည်သူက​နေ ​ရွေး​ချယ်တင်​မြှောက်တဲ့​ အရပ်သား​ စစ်ဗိုလ်ချုပ်​ဟောင်း​တွေဆီကို မတ်လ ၃၀ ရက်​နေ့​မှာ တိုင်း​ပြည်အာဏာ လွှဲ​ပြောင်း​ခဲ့​ပါတယ်။ စစ်တပ်အုပ်ချုပ်မှုက​နေ ပြည်သူက ​ရွေး​ကောက်တင်​မြှောက်တဲ့​ အရပ်သား​အစိုး​ရဆီကို အာဏာလွှဲ​ပြောင်း​ပေး​လိုက်တယ်ဆိုတဲ့​ သ​ဘောထား​မျိုး​ပါပဲ။

အဲဒီ အရပ်သား​အစိုး​ရဆိုတာကလည်း​ စစ်ဗိုလ်ချုပ်​တွေနဲ့​ ဖွဲ့​စည်း​ထား​တဲ့​ အစိုး​ရအသစ်ပါ။ အဲဒီလို တမူထူး​ခြား​တဲ့​နေ့​မှာပဲ မြန်မာနိုင်ငံကို ပ​ဒေသရာဇ်ဆန်ဆန် အုပ်ချုပ်ခဲ့​တဲ့​ ကာကွယ်​ရေး​ဦး​စီး​ချုပ် ဗိုလ်ချုပ်မှူး​ကြီး​ သန်း​ရွှေက​နေ ကာကွယ်​ရေး​ဦး​စီး​ချုပ်အသစ် ဗိုလ်ချုပ်ကြီး​မင်း​အောင်လှိုင်ကို အာဏာလွှဲ​ပြောင်း​တဲ့​နေ့​လည်း​ ဖြစ်ပါတယ်။ တိုင်း​ပြည်ကို တချက်လွှတ်အာဏာနဲ့​ အုပ်ချုပ်ခဲ့​တဲ့​၊​ ဘဝရှင်မင်း​တရား​ကြီး​လို့​ လူသိများ​တဲ့​ ဗိုလ်ချုပ်မှူး​ ကြီး​သန်း​ရွှေ ​နောက်ပိုင်း​ မြန်မာနိုင်ငံဟာ စစ်​ရေး​၊​ နိုင်ငံ​ရေး​၊​ စီး​ပွား​ရေး​၊​ လူမှု​ရေး​ ဘာ​တွေ ​ပြောင်း​လဲခဲ့​သလဲ၊​ ဘယ်လိုမျိုး​ ​ပြောင်း​လဲသလဲ — မြန်မာ့​တပ်မ​တော်ရဲ့​ ကျဆင်း​တဲ့​ စိတ်ဓာတ်ပိုင်း​ဆိုင်ရာ စွမ်း​ရည်​တွေနဲ့​ ပတ်သက်လို့​ တပ်မ​တော်က​နေ အငြိမ်း​စား​ယူထား​တဲ့​ ဗိုလ်ချုပ်ချစ်လှိုင်၊​ ဗိုလ်မှူး​အောင်လင်း​ထွဋ်နဲ့​ ဗိုလ်ကြီး​ဇော်မိုး​တို့​ရဲ့​ သုံး​သပ်ချက်​တွေနဲ့​ တင်ပြသွား​ပါ့​မယ်။

အ​ရှေ့​တောင်အာရှမှာ တိုင်း​ရင်း​သား​လက်နက်ကိုင်အ​ပေါ် နှိမ်နင်း​ချေမှုန်း​ရေး​၊​ ဝါဒမတူ ဆန့်​ကျင်ဘက်နိုင်ငံ​ရေး​အဖွဲ့​အစည်း​တွေကို နှိပ်စက်တာနဲ့​ နာမည်ကြီး​တဲ့​ မြန်မာ့​တပ်မ​တော်ကို ၁၉၄၅ ခုနှစ်မှာ ဗြိတိသျှတပ်မ​တော်အကူအညီနဲ့​ ပြန်လည်ဖွဲ့​စည်း​ခဲ့​ပါတယ်။ လွတ်လပ်​ရေး​ ရပြီး​ခေတ် တ​လျှောက်လုံး​မှာ တပါတီအာဏာရှင်​ဟောင်း​ ဗိုလ်ချုပ်ကြီး​ ဦး​နေဝင်း​က မြန်မာ့​တပ်မ​တော်ကို စနစ်တစ်ကျ တိုး​တက်ဖွဲ့​စည်း​ တည်​ဆောက်ခဲ့​ပါတယ်။ တရုတ်ဖြူ ကျူး​ကျော်မှုနဲ့​ ပြည်တွင်း​စစ် စစ်ပွဲ​တွေမှာ မြန်မာ့​တပ်မ​တော်ဟာ အရှိန်​ကောင်း​ကောင်း​နဲ့​ အင်အား​ကြီး​မား​ လာပြီး​တော့​ ၁၉၆၂ ခုနှစ်မှာ တိုင်း​ပြည်ရဲ့​ စစ်​ရေး​ကိုသာမက အုပ်ချုပ်​ရေး​ အာဏာအဝဝကို သိမ်း​ပိုက်ခဲ့​ပါတယ်။ အဲဒီကစလို့​ တရုတ်ကွန်မြူနစ်ပါတီရဲ့​ စစ်​ရေး​အကူအညီနဲ့​ ဗကပရဲ့​ စစ်​ရေး​အရှိန်အဟုန်ကို ထိန်း​သိမ်း​ထား​နိုင်ခဲ့​ပြီး​ နိုင်ငံအ​ရှေ့​ဘက်ခြမ်း​မှာ ရှိတဲ့​ ကရင်နဲ့​ မွန်စတဲ့​ တိုင်း​ရင်း​သား​ လက်နက်ကိုင်​တွေကိုလည်း​ပဲ အထိုက်အ​လျောက် ထိန်း​ထား​နိုင်ခဲ့​ပါတယ်။

၁၉၈၈ ခုနှစ်မှာ တပါတီအာဏာရှင်စနစ် ချုပ်ငြိမ်း​ဖို့​ ဆန္ဒပြပွဲ​တွေ ​ပေါ်​ပေါက်လာ ပြီး​တဲ့​နောက်မှာ စစ်တပ်က တိုင်း​ပြည်အာဏာကို သိမ်း​ပိုက်ပါ​တော့​တယ်။ အဲဒီ အာဏာသိမ်း​မှုမှာ ပါဝင်ခဲ့​ပြီး​ ၁၉၉၂ မှာ စစ်တပ်ကြီး​အကဲနဲ့​ နဝတ စစ်​ကောင်စီရဲ့​ ဥက္ကဋ္ဌ ဖြစ်လာတဲ့​ ဗိုလ်ချုပ်ကြီး​သန်း​ရွှေက​နေ မြန်မာ့​တပ်မ​တော်ကို အ​ရှေ့​တောင်အာရှမှာ အင်အား​အကြီး​ဆုံး​ တပ်မ​တော်တခု ဖြစ်ဖို့​အတွက် စတင် ကြိုး​ပမ်း​လာပါ​တော့​တယ်။

တပ်ရင်း​၊​ တပ်မနဲ့​ စစ်တိုင်း​အသစ်​တွေကို တိုး​ချဲ့​ဖွဲ့​စည်း​ခဲ့​တယ်။ ​ခြေလျင်တပ်​တွေ တိုး​ချဲ့​ရုံသာမက နိုင်ငံတကာအဆင့်​မီ ကြည်း​တပ်နဲ့​ဆိုင်တဲ့​ ​လေ​ကြောင်း​ရန်ကာကွယ်​ရေး​ တပ်၊​ ဒုံး​ကျည်လက်နက်တပ်ရင်း​၊​ အ​မြောက်တပ်နဲ့​ သံချပ်ကာတပ်ရင်း​တွေ တိုး​ချဲ့​ဖွဲ့​စည်း​ခဲ့​ပါတယ်။

ဗိုလ်ချုပ်မှူး​ကြီး​သန်း​ရွှေ ကာကွယ်​ရေး​ဦး​စီး​ချုပ် ရာထူး​က​နေ မတ်လ ၃၀ ရက်​နေ့​မှာ တရား​ဝင် လွှဲ​ပြောင်း​ပေး​ပြီး​ ​နောက်ပိုင်း​မှာ ကာကွယ်​ရေး​ဦး​စီး​ချုပ်သစ် ဗိုလ်ချုပ်ကြီး​ မင်း​အောင်လှိုင်ဟာ တပ်မ​တော်အဖွဲ့​အစည်း​ပိုင်း​ကို သိသာမြင်သာတဲ့​ အ​ပြောင်း​အလဲ​တွေ ဘာ​တွေ လုပ်​ဆောင်​နေပြီလဲ၊​ ဗိုလ်ချုပ်မှူး​ကြီး​သန်း​ရွှေ လက်ထက်နဲ့​ သူ့​ရာထူး​ကို ဆက်ခံတဲ့​ ဗိုလ်ချုပ်ကြီး​မင်း​အောင်လှိုင်တို့​ လက်ထက် မြန်မာ့​တပ်မ​တော်ကြီး​က ဘာ​တွေ ဖြစ်​နေပြီလဲ။ တပ်မ​တော်မှာ တချိန်က ကာကွယ်​ရေး​ဦး​စီး​ချုပ် (​ရေ) တာဝန်ယူခဲ့​ဖူး​တဲ့​ အငြိမ်း​စား​ ဗိုလ်ချုပ်ချစ်လှိုင်က ခုလို သုံး​သပ်ပါတယ်။

“ဟိုအရင်နဲ့​ အခုနဲ့​ဆိုရင် ကိုယ်​ခေတ်ကိုယ်​ကောင်း​တယ်လို့​ ယူဆတဲ့​သူ​တွေ တချို့​ ရှိတယ်​လေ။ လူ​ပေါ်မှာ မူတည်တာ​ပေါ့​လေ။ သို့​သော် တိုး​တက်မှု ရှိတာက​တော့​ တိုင်း​ပြည်အတွက် တိုး​တက်​နေရမှာ​ပေါ့​။ ဘယ်အစိုး​ရမဆို ကိုယ့်​တိုင်း​ပြည် တိုး​တက်​အောင် လုပ်​နေကြတာပဲ​လေ။ လုပ်ပြီး​တော့​မှ မကြိုက်တာ ရှိရင် ရှိမယ်။ လုပ်တာက​တော့​ သူ့​မှာတာဝန်လည်း​ ရှိ​တော့​ လုပ်လည်း​ လုပ်မှာပဲ။ အဲဒီအရ တပ်ကို ဆက်ပြီး​ ထူ​ထောင်လို့​ ကျ​နော်တို့​ရဲ့​ တပည့်​တွေ၊​ သား​မြေး​တွေ ဆိုကြပါစို့​ ကျ​နော်တို့​ရဲ့​ တူ​တွေ သား​တွေလည်း​ ဆက်ထူ​ထောင် လာကြတာ သူတို့​လည်း​ ဟိုတုန်း​က အစဉ်အလာ​တွေ​တော့​ မ​မေ့​ မ​ပျောက်ဘဲ ဆက်လုပ်သွား​ကြတာပါပဲ။ တိုး​တက်မှု​တွေက​တော့​ ​စော​စောက ​ပြောသလို​ပေါ့​ ရုပ်ပိုင်း​မှာ​တော့​ တိုး​တက်တာ ​ပြောနိုင်တာ​ပေါ့​။ စိတ်ပိုင်း​သည် တွက်လို့​မရတဲ့​ ကိစ္စပါ။ ”

အရင် ဦး​နေဝင်း​လက်ထက်က ကာကွယ်​ရေး​ဝန်ကြီး​ဌာန အထူး​စစ်ဆင်​ရေး​အဖွဲ့​ ကစထမှူး​ ၂ ​နေရာ ရှိ​နေရာက​နေ ဗိုလ်ချုပ်မှူး​ကြီး​သန်း​ရွှေ လက်ထက်မှာ ၆ ​နေရာအထိ တိုး​ချဲ့​ဖွဲ့​စည်း​ခဲ့​ပါတယ်။ အရင်က မြန်မာ့​တပ်မ​တော်မှာ ဗိုလ်ချုပ်ကြီး​ တဦး​တည်း​ ရှိခဲ့​ရာက သုံး​ဦး​အထိ တိုး​မြှင့်​ခဲ့​ပြီး​ ဒုတိယဗိုလ်ချုပ်ကြီး​အဆင့်​ ရာထူး​တွေကိုလည်း​ တိုး​မြှင့်​ပေး​အပ်ခဲ့​ပါတယ်။ တပ်​တွေကို တိုး​ချဲ့​ရုံသာမကဘဲ အုပ်ချုပ်​ရေး​ရာထူး​အဆင့်​တွေကိုလည်း​ တိုး​မြှင့်​ပေး​တဲ့​ သ​ဘောပါပဲ။

ပြည်တွင်း​မှာ​နေထိုင်တဲ့​ ဗိုလ်ချုပ်ချစ်လှိုင်က​တော့​ (တပ်မ​တော်မှာ) စိတ်ပိုင်း​ဆိုင်ရာ စွမ်း​ရည် ကျဆင်း​နေတယ်လို့​ ​ပြောမသွား​ပေမယ့်​ ပြည်ပမှာ ​နေထိုင်တဲ့​ စစ်​ထောက်လှမ်း​ရေး​ အရာရှိ​ဟောင်း​ ဗိုလ်မှူး​ ​အောင်လင်း​ထွဋ်က​တော့​ မြန်မာ့​တပ်မ​တော်မှာ အဓိကစွမ်း​ရည်ကြီး​ သုံး​ရပ်ဖြစ်တဲ့​ စစ်​ရေး​စွမ်း​ရည်၊​ အုပ်ချုပ်​ရေး​စွမ်း​ရည်၊​ စည်း​ရုံး​ရေး​ စွမ်း​ရည်​တွေ ကျဆင်း​နေတယ်လို့​ ​ပြောပါတယ်။

“ကျတယ်လို့​ပဲ ​ပြောရမယ်ဗျ။ စည်း​ရုံး​ရေး​စွမ်း​ရည်၊​ စစ်​ရေး​စွမ်း​ရည်၊​ အုပ်ချုပ်​ရေး​စွမ်း​ရည်ဆိုပြီး​ စွမ်း​ရည်ကြီး​ သုံး​ရပ်​ပေါ့​ဗျာ။ ပြန်ချိန်ထိုး​ကြည့်​ရင် စစ်​ရေး​ စွမ်း​ရည်က က​လေး​စစ်သား​နဲ့​ ​ထောင်က ထွက်တဲ့​စစ်သား​နဲ့​ ဘယ်လိုမှ စစ်တိုက်လို့​ မရဘူး​။ ဒါ​ကြောင့်​မို့​ စစ်သား​တွေ ကျကြတာ။ အုပ်ချုပ်​ရေး​ စွမ်း​ရည်ဆိုတာကလည်း​ ရဲ​ဘော်ကို စား​ဝတ်​နေ​ရေး​နဲ့​ ​နေ​ရေး​ထိုင်​ရေး​ကအစ အိမ်ခန်း​တောင်မှ မစီစဉ်​ပေး​နိုင်ဘူး​ဗျာ။ ကိုယ့်​ဘာသာ တဲထိုး​ပြီး​နေရတယ်ဗျာ။ ကိုယ့်​ရိက္ခာ ကိုယ်ရှာစား​ပြီး​ ဆန်​လောက်ပဲ ​ပေး​တယ်ဗျာ။ ရိက္ခာ​တွေ ဖြတ်ပစ်တာ ရှိတယ်ဗျ။ ဒါမျိုး​တွေက အုပ်ချုပ်​ရေး​စွမ်း​ရည်ကို ဘယ်လိုမှ မမြှင့်​တင်နိုင်ဘူး​။ စည်း​ရုံး​ရေး​ စွမ်း​ရည်ဆိုတာက​တော့​ စပ်ဆက်တယ်​လေ။ အူမ မ​တောင့်​ဘူး​ဆိုရင် သီလမ​စောင့်​နိုင်ဘူး​။ ​သေနတ်ကိုင်တဲ့​ကောင်က ​သေနတ်နဲ့​ စည်း​ရုံး​တဲ့​ အခါကျ​တော့​ လာဘ်​တောင်း​တာ​ပေါ့​။ ဂိတ်ရှိရင် ​သေနတ်ပြပြီး​ ပိုက်ဆံ​တောင်း​ပြီ။ ရွာ​ရောက်ရင် အနိုင်ကျင့်​ပြီ။ အရင်တုန်း​က ရွာ​ရောက်ရင် ကြက်​လောက်ပဲ ယူတာ။ အခု​တော့​ မဟုတ်​တော့​ဘူး​။ ပိုက်ဆံယူတာတို့​ အကုန်လုံး​ ဖြစ်လာတာ။ ပွင့်​ပွင့်​လင်း​လင်း​ ​ပြောရရင်​တော့​ စွမ်း​ရည်သုံး​ရပ်စလုံး​က​တော့​ လုံး​ဝကို မရှိသ​လောက် ဖြစ်​နေပြီ။ တကယ့်​တကယ် စစ်ဖြစ်ကြည့်​ ကျ​နော်တို့​ တပ်မ​တော်ကြီး​က အ​မြှောက်​တွေ၊​ ​လေယာဉ်ပျံ​တွေသာ ရှိရင် ရှိမယ်။ ​ခြေလျင်တပ် မ​ကောင်း​ရင် စစ်မနိုင်နိုင်ဘူး​။”

မတ်လ ၃၀ ရက်​နေ့​မှာ တပ်မ​တော်ကာကွယ်​ရေး​ဦး​စီး​ချုပ်ရာထူး​ကို ဗိုလ်ချုပ်မှူး​ကြီး​ သန်း​ရွှေက​နေ ဗိုလ်ချုပ်ကြီး​မင်း​အောင်လှိုင်ကို လွှဲ​ပြောင်း​ပေး​လိုက်ပါတယ်။ ကာကွယ်​ရေး​ ဦး​စီး​ချုပ်အသစ် ဖြစ်လာတဲ့​ ဗိုလ်ချုပ်ကြီး​ မင်း​အောင်လှိုင်ဟာ DSA ဗိုလ်သင်တန်း​ အပတ်စဉ် ၁၉ မှာ တက်​ရောက်ခဲ့​ပြီး​ သူ့​အထက်က စီနီယာ ဗိုလ်ချုပ်​တွေကို ​ကျော်ပြီး​ ကာကွယ်​ရေး​ဦး​စီး​ချုပ် ဖြစ်လာတာပါ။ စီနီယာ ဗိုလ်ချုပ်​တွေက ဗိုလ်ချုပ်ကြီး​မင်း​အောင်လှိုင်ကို ဦး​စီး​ချုပ်အသစ်အဖြစ် လွယ်လွယ်ကူကူ လက်ခံပါ့​မလား​ဆိုတာ ​မေး​စရာ​မေး​ခွန်း​ ဖြစ်ခဲ့​ပါတယ်။ ဒါ​ပေမယ့်​ တပ်မ​တော်ထဲက ​အောက်​ခြေအဆင့်​ အရာရှိ အကြပ်စစ်သည်​တွေ ကြား​မှာ​တော့​ သိသာတဲ့​ပြောင်း​လဲမှုမျိုး​ ​တွေ့​ရမှာ မဟုတ်ဘူး​လို့​ အငြိမ်း​စား​အရာရှိတဦး​ ဖြစ်တဲ့​ ဗိုလ်ကြီး​ဇော်မိုး​က​တော့​ သုံး​သပ်ပါတယ်။

“​အောက်​ခြေက ဒါ​တွေ စိတ်မဝင်စား​ဘူး​။ ဥပမာ ​ပြောပြမယ်ဗျာ။ ​အောက်​ခြေက တပ်ရင်း​မှူး​ ဘယ်သူလဲဆိုတာကို ရဲ​ဘော်က ​တော်ရုံတန်ရုံ မသိဘူး​။ တပ်ခွဲမှူး​ ဆိုတာကလည်း​ ​ပြောမှ ​ဟေ့​ကောင် ဒါက မင်း​ တပ်ခွဲမှူး​ ဆိုမှ ​အော် ကျ​နော့်​တပ်ခွဲမှူး​လား​။ အဲလို​ပြောမှ သိတာ။ အဲလိုမျိုး​ပဲ တပ်ခွဲမှူး​ဆိုတဲ့​ အရာရှိကလည်း​ သူသိတဲ့​ အဆင့်​သည် သူ့​ပတ်ဝန်း​ကျင်မှာရှိတဲ့​ တပ်ရင်း​မှူး​တွေ၊​ တိုင်း​မှူး​ပဲ သိတယ်။ ကျန်တာ သူဘာမှ မသိဘူး​။ စိတ်မဝင်စား​ဘူး​။ သူလုပ်ရမယ့်​ အလုပ်သည် operation ကိစ္စ၊​ operation မှာ သူကိုယ်တိုင်ကိုယ်ကျ ပါပြီး​တော့​မှ အဓိက ဒဏ်ရာရမှု မဖြစ်​ရေး​ ဒါပဲ စိတ်ဝင်စား​တယ်။ သူတို့​က ကိုယ့်​ဘာသာ ကိုယ့်​လမ်း​ကြောင်း​ကို သွား​နေတာ။ တကယ်​တော့​ ​အောက်က အပိုင်း​က​တော့​ ဘယ်သူပဲ လာလာ အမိန့်​နာခံရမှာ။”

ဒါ​ပေမယ့်​ ကာကွယ်​ရေး​ဦး​စီး​ချုပ်အသစ် ဗိုလ်ချုပ်ကြီး​မင်း​အောင်လှိုင်ဟာ တပ်မ​တော်ကို အုပ်ချုပ်မှုဆိုင်ရာ မနိုင်နင်း​တာ​တွေနဲ့​ ထိန်း​ချုပ်မှု​တွေ လစ်ဟာနိုင်တယ်လို့​ တပ်မ​တော်အရာရှိ​တွေနဲ့​ ပြည်တွင်း​ပြည်ပ စစ်​ရေး​အကဲခပ်​တွေက ထင်​ကြေး​ပေး​ သုံး​သပ်​နေကြပါတယ်။
http://burmese.dvb.no/archives/14748

တ​ဒေါ်လာ ကျပ် ၉၀၀ နှင့်​ ၁၀၀၀ ကြား​ သတ်မှတ်ရန်ရှိဟုဆို


Published on August 29, 2011 by ရွှေအောင်

အ​မေရိကန်​ဒေါ်လာနဲ့​ ကျပ်​ငွေ လဲလှယ်နှုန်း​ကို တ​ဒေါ်လာ ကျပ် ၉၀၀ နဲ့​ ၁၀၀၀ ကြား​ ထား​ရှိသတ်မှတ်ဖို့​ ရှိတယ်လို့​ အစိုး​ရဝန်ကြီး​တဦး​က ​ပြောပါတယ်။

စက်မှုဖွံ့​ဖြိုး​တိုး​တက်​ရေး​ဝန်ကြီး​ ဦး​စိုး​သိမ်း​က ပြည်တွင်း​စာနယ်ဇင်း​တချို့​ကို ​တွေ့​ဆုံ ရာမှာ ဒီလို ​ပြောလိုက်တာလို့​ ​တွေ့​ဆုံပွဲတက်တဲ့​ ဂျာနယ် အယ်ဒီတာချုပ်တဦး​က ​ပြောပါ တယ်။

“သွင်း​ကုန်ထုတ်ကုန် လုပ်ငန်း​ရှင်​တွေလည်း​ မထိပါး​စေရဘူး​။ စား​သုံး​သူ​တွေလည်း​ ထိပါး​မှု မရှိ​စေရဘူး​။ အထဲမှာ နိုင်ငံခြား​ငွေ ကိုင်​ဆောင်ထား​တဲ့​ ပြည်တွင်း​သုံး​ငွေ ကိုင် ​ဆောင်ထား​တဲ့​ လူ​တွေလည်း​ ထိပါး​မှု မရှိ​စေရဘူး​၊​ ​နောက်ပြီး​ နိုင်ငံရဲ့​ ကုန်ထုတ်လုပ်မှု၊​ ကုန်သွယ်မှုနဲ့​ ​ငွေ​ရေး​ကြေး​ရေး​ ကဏ္ဍများ​မှာ ထိပါး​မှုမရှိ​စေရဘူး​၊​ အဘက်ဘက်က ဘက်စုံ ​ထောင့်​စုံ ​ဆောင်ရွက်မယ်။ သူ့​ရဲ့​ တဦး​တည်း​အမြင်အရ ​ပြောမယ်ဆိုရင် ​ငွေလဲနှုန်း​ကို ၉၀၀ နဲ့​ ၁၀၀၀ ကြား​ထဲ မှန်း​တယ်တဲ့​။”

ပို့​ကုန်သွင်း​ကုန် လုပ်ငန်း​ရှင်​တွေအ​နေနဲ့​ စိုး​ရိမ်စိတ်မထား​ဘဲ လုပ်ကိုင်​ဆောင်ရွက် ကြဖို့​လည်း​ ဝန်ကြီး​က ​ပြောတယ်လို့​ ဆိုပါတယ်။

တ​ဒေါ်လာကို ၇၁၈ ကျပ်နှုန်း​အထိ ​ငွေလဲနှုန်း​ ကျ​နေတာ​ကြောင့်​ ဒီကိစ္စကို အ​ဆော တလျင် အ​ရေး​ယူ​ဆောင်ရွက်ဖို့​ စီး​ပွား​ရေး​ပညာရှင်​တွေက အစိုး​ရကို တိုက်တွန်း​ထား​ပြီး​ ​ဆောင်ရွက်ချက်ကိုလည်း​ ပြည်သူ​တွေကို အလျင်အမြန် အသိ​ပေး​ဖို့​ ​ပြော​နေပါတယ်။ အစိုး​ရရဲ့​ တရား​ဝင်သတ်မှတ်နှုန်း​က​တော့​ တ​ဒေါ်လာကို ၆ ကျပ်ဖြစ်ပါတယ်။
http://burmese.dvb.no/archives/14871

၉၀ ​ရွေး​ကောက်ပွဲရလဒ်နှင့်​အတူ အ​ရွေး​ချယ်ခံများ​၏ကဏ္ဍ ပျက်ပြယ်ပြီဟုဆို


Published on August 29, 2011 by အံ့ဘုန်းမြတ်

၁၉၉၀ ပြည့်​နှစ် ပါတီစုံအ​ထွေ​ထွေ​ရွေး​ကောက်ပွဲ ရလဒ်နဲ့​ ​ရွေး​ကောက်ခံရတဲ့​ ပြည်သူ့​လွှတ်​တော်ကိုယ်စား​လှယ်​တွေရဲ့​ အခန်း​ကဏ္ဍ ပျက်ပြယ်သွား​ပြီလို့​ ပြည်​ထောင်စု ​ရွေး​ကောက်ပွဲကျင်း​ပ​ရေး​ကော်မရှင်က ​ပြောပါတယ်။

ပြည်​ထောင်စု​ရွေး​ကောက်ပွဲကျင်း​ပ​ရေး​ကော်မရှင် ဥက္ကဋ္ဌ ဦး​တင်​အေး​ကိုယ်စား​ အဖွဲ့​ဝင် ဦး​မြင့်​နိုင်က ဒီ​နေ့​ကျင်း​ပတဲ့​ ပြည်သူ့​လွှတ်​တော်ပုံမှန်အစည်း​အ​ဝေး​မှာ ​ပြောကြား​ လိုက်တာပါ။

၁၉၉၀ ပြည့်​နှစ် ​ရွေး​ကောက်ပွဲမှာ အနိုင်ရရှိခဲ့​ကြတဲ့​ ပြည်သူ့​လွှတ်​တော် ကိုယ်စား​ လှယ် ၁၂၀ နဲ့​ပတ်သက်ပြီး​ ဘယ်လိုစဉ်း​စား​ထား​လဲလို့​ ပြည်သူ့​လွှတ်​တော်ကိုယ်စား​လှယ် ဦး​သိန်း​ညွန့်​ရဲ့​ ​မေး​ခွန်း​ကို အဲဒီလိုရှင်း​လင်း​ဖြေကြား​သွား​တာလို့​ ​မြေပုံမဲဆန္ဒနယ်က ဦး​ဖေသန်း​က ​ပြောပြပါတယ်။

“၁၉၉၀ ခုနှစ် ပါတီစုံ​ရွေး​ကောက်ပွဲဥပ​ဒေကို အခု​ရွေး​ကောက်ပွဲမှာ ဒီ​ကော်မရှင် ဥပ​ဒေနဲ့​ ​ပြောင်း​လိုက်ပြီလို့​ ​ပြောလိုက်တဲ့​အတွက် အဲဒီ ၁၂၀ ရဲ့​ ပြဿနာက ဘာမှ မဆိုင်​တော့​ဘူး​ပေါ့​။ လက်ရှိဥပ​ဒေနဲ့​ ဖျက်သိမ်း​လိုက်ပြီဖြစ်တယ်လို့​ ​ပြောလိုက်တာ​ကြောင့်​ ၁၉၉၀ ခုနှစ် ပါတီစုံအ​ထွေ​ထွေ​ရွေး​ကောက်ပွဲဥပ​ဒေဟာ အလိုလို ပျက်ပြယ်ပြီး​သား​ဖြစ် တယ်။ အဲဒီအတွက် ၁၂၀ ဟာလည်း​ အလိုလို ပျက်ပြယ်ပြီး​ဖြစ်တယ်လို့​ ​ရွေး​ကောက် ပွဲ ​ကော်မရှင်ကိုယ်စား​ ​ကော်မရှင်အဖွဲ့​ဝင် ဦး​မြင့်​နိုင်က ​ပြောကြား​သွား​တာ။”

၁၉၉၀ ​ရွေး​ကောက်ပွဲအနိုင်ရ လွှတ်​တော်ကိုယ်စား​လှယ်​တွေနဲ့​ ဖွဲ့​စည်း​ထား​တဲ့​ ပြည်သူ့​လွှတ်​တော် ကိုယ်စား​ပြု​ကော်မတီ (စီအာပီပီ) အ​ထွေ​ထွေအတွင်း​ရေး​မှူး​ ဦး​အေး​သာ​အောင်က​တော့​ “​ရွေး​ကောက်ပွဲတခုကို ကျင်း​ပထား​ပြီး​တော့​ ဒီ​ရွေး​ကောက်ပွဲရဲ့​ ရလဒ်ကို တစုံတရာ အ​ကောင်အထည်မ​ဖော်ဘဲနဲ့​ လက်လွတ်စပယ် ​ပြောတယ်လုပ်တယ် ဆိုတာ​တော့​ နိုင်ငံအတွက်​ကော သမိုင်း​မှာ​ကော မ​ကောင်း​တဲ့​ လက္ခဏာတခုပဲ”လို့​ ​ဝေဖန် ​ပြောကြား​ပါတယ်။

“အန်အယ်ဒီအပါအဝင် အန်ကယ်တို့​ ရခိုင်ဒီမိုက​ရေစီ အဖွဲ့​ချုပ်က ၉၀ ​ရွေး​ကောက် ပွဲ​ကြောင့်​ ပြည်သူ​တွေက တာဝန်​ပေး​တဲ့​အတိုင်း​ နိုင်ငံ​ရေး​ပါတီ​တွေဖြစ်တယ်၊​ နိုင်ငံ​ရေး​သ မား​တွေဖြစ်တယ်။ ဒီအ​ခြေခံကို အ​ကြောင်း​ပြုပြီး​တော့​ အန်အယ်လ်ဒီအပါအဝင် အန်ကယ် တို့​ပါတီ​တွေက ရပ်တည်​နေတာဖြစ်တယ်။

“နဝတ၊​ နအဖက ​ပြောင်း​လိုက်တဲ့​ သမ္မတ ဦး​သိန်း​စိန်အစိုး​ရလည်း​ ပြည်​ထောင်စု အစိုး​ရသစ်လို့​ပဲ ​ခေါ်​ခေါ် ဒီအစိုး​ရနဲ့​က​တော့​ တမျိုး​သား​လုံး​အတွက် ​ရှေ့​ဆက်သွား​မယ့်​ အ​ရေး​ကြီး​တဲ့​ အမျိုး​သား​ရေး​ ကိစ္စ​တွေ၊​ တနည်း​အား​ဖြင့်​ အမျိုး​သား​ပြန်လည်သင့်​မြတ်​ရေး​ ကိစ္စ​တွေကို ​ဆွေး​နွေး​တဲ့​အခါမှာ ဒီလိုအချက်အလက်​တွေကို တနည်း​နည်း​ဖြင့်​ အသိအ မှတ်ပြုဖို့​၊​ အ​ကောင်အထည်​ဖော်ဖို့​၊​ အ​ကောင်အထည်​ဖော်ဖို့​ ဆိုတဲ့​နေရာမှာ အာဏာလွှဲဖို့​ အစိုး​ရဖွဲ့​ပေး​ဖို့​ ဒီလို​ပြောတာမဟုတ်ဘူး​၊​ တိုင်း​ပြည်အတွက်​ရော၊​ လုပ်ခဲ့​တဲ့​နိုင်ငံ​ရေး​ သမား​တွေအတွက်​ရော တာဝန်ရှိတဲ့​ ပုဂ္ဂိုလ်​တွေ​ကော အသီး​သီး​ကို အသိအမှတ်ပြုဖို့​ လိုမယ်လို့​ ယူဆပါတယ်။”

၂၀၁၀ ​ရွေး​ကောက်ပွဲတုန်း​က ပါတီမှတ်ပုံမတင်ခဲ့​တဲ့​ ၁၉၉၀ ပြည့်​နှစ် ​ရွေး​ကောက်ပွဲ အနိုင်ရ အမျိုး​သား​ဒီမိုက​ရေစီအဖွဲ့​ချုပ်ပါတီအပါဝင် တိုင်း​ရင်း​သား​ပါတီ​တွေဟာ တရား​ဝင် ပါတီရပ်တည်မှု ပျက်ပြယ်ပြီလို့​ ပြည်​ထောင်စု​ရွေး​ကောက်ပွဲကျင်း​ပ​ရေး​ ​ကော်မရှင်က ​ကြေ ညာခဲ့​ပါတယ်။
http://burmese.dvb.no/archives/14875

တရုတ်နည်းပညာ၊ ဧရာဝတီနဲ့ မြန်မာတမျိုးသားလုံးရဲ့ ကံကြမ္မာ

Posted by on August 29, 2011
တရုတ်ပြည်ရဲ့ တဟုန်ထိုး စီးပွါးရေးတိုးတက်လာမှုကြောင့် ဖြစ်လာရတဲ့ စွမ်းအင်လိုအပ်ချက်ဟာ တရုတ်ပြည်ထဲ က မြစ်တွေပျက်စီးခဲ့ရုံနဲ့ မပြီးဘဲ မြန်မာပြည်ကိုမွေးဖွားသန့်စဉ်ပေးခဲ့တဲ့ တခုတည်းသော မြန်မာအမျိုးသားပိုင် အမိ ဧရာဝတီကို သတ်ဖြတ်ဖို့ ကြိုးစဉ်ဆောက်နေတဲ့အဆင့်အထိ ရောက်လာခဲ့ပါပြီ။ ကျနော့်အနေနဲ့ ဒီဓါတ်ပုံသတင်းဆောင်း ပါးမှာ ပြည်ထောင်စု၊ တိုင်းပြည်နဲ့ လူမျိုးကိုချစ်တဲ့ မြန်မာတမျိုးသားလုံးကို တင်ပြချင်တဲ့ အခြေခံအချက်ကတော့ တ ရုတ်တွေဟာ သူတို့ကိုယ်ပိုင်မြစ်တွေကို ဘယ်လိုသတ်ဖြတ်ခဲ့ကြပြီလဲ။ သူတို့သဘာဝပတ်ဝန်းကျင်ကို ဘယ်လိုဖျက်ဆီး ခဲ့ကြပြီလဲ ဆိုတာကို ဘာအကျိုးကျေးဇူးတစုံတရာ မယ်မယ်ရရမရှိ မြန်မာတမျိုးသားလုံးအတွက် အဘက်ဘက်က ဘာ အာမခံချက်မှ မရှိတဲ့ ဧရာဝတီကို လည်မျိုညှစ်နေတဲ့ တရုတ်အကျိုးစီးပွါးသက်သက်အတွက် သခင်အားရ ကျွန်ဒဏ်ဝ လုပ်နေတဲ့ မျိုးဖျက်သစ္စာဖေါက်လောက်ကောင် ပုဆိန်ရိုးတစုကြောင့် ဖြစ်လာရတဲ့  မြစ်ဆုံရေအားလျှပ်စစ်ထုတ် ရေကာ တာတွေကြောင့် ဖြစ်လာမယ့် အကျိုးဆက်တွေကို နှိုင်ယှဉ်တွေးဆပြီး ဒီသေမင်းတမန် စီမံကိန်းကို အမျိုးသားရေး အသွင် သဏ္ဌာန်နဲ့ ရပ်တန့်နိုင်စေရန် ရည်ရွယ်တင်ပြလိုက်ပါတယ်။ (မြစ်ချောင်းနှင့် ကမ်းရိုးတန်းအင်ဂျင်နီယာဘွဲ့လွန် တရုတ်တွင် သင်ယူနိုင်ရန် ညှိနှိုင်းနေ By Popular News ဆိုတဲ့ သိန်းစိန်အစိုးရရဲ့ ဆင်သေကိုဆိတ်ရေနဲ့ဖုံးဖို့ ကြိုးစားနေ တဲ့ သွေးရူးသွေးတန်းလုပ်ရပ်တွေကို နားမယောင်ကြဘဲ အရှိအဖြစ်ကို လက်တွေ့ကျကျ ပကတိအတိုင်းမြင်နိုင်အောင် တင်ပြလိုက်ရပါတယ်။)

တရုတ်နိုင်ငံ အရှေ့ခြမ်း ယန်ဇီပြည်နယ် နန်ချန်းမြို့အနီး ဖုဟေး မြစ်မျက်နှာပြင်ပေါ်တွင် အစုလိုက်အပြုံလိုက် သေနေ သောငါးများ (August 17, 20011)
 ”တရုတ်ကွန်မြူနစ်ပါတီဟာဘယ်တော့မှအမှားကိုဝန်မခံဘူး” (ဟန်စ်ချန် – အာရှရေစွမ်းအင် Three Gorges Dam: China’s Dilemma)
ကမ္ဘာ့အကြီးဆုံး Three Gorges Dam ကို ယန်စီမြစ်လည်ကနေဖြတ်ပြီး ဆောက်ခဲ့ပါတယ်။ စီးပွါးရေးသမားတွေ နဲ့ နိုင်ငံရေးသမားတွေ သူတို့နဲ့ အဆွယ်အပွားတွေအားလုံး အကျိုးရှိသွားခဲ့ပါတယ်။ ဒါပေမယ့် သဘာဝပတ်ဝန်းကျင် နဲ့ ဂေဟဗေဒစံနစ်တွေအားလုံး ပျက်စီးခဲ့ပြီး တရုတ်တမျိုးသားလုံးအတွက် သမိုင်းဝင် ယန်ဇီမြစ်ကြီး ဘ၀ပျက်သွားခဲ့တာ ကို မျက်စိမှိတ် လျစ်လျူရှုခဲ့ကြပါတယ်၊ အာရှတိုက်ရဲ့အရှည်ဆုံးသော ယန်ဇီမြစ်ကြီးဟာ လျှပ်စစ်ဓါတ်အား ၁၈,၂၀၀ မီဂါဝပ် ထုတ်ပေးတဲ့ Three Gorges Dam ရဲ့ ၀ါးမြိုဖျက်ဆီးခြင်းကို အဖတ်ဆယ်မရအောင် ခံလိုက်ရပါပြီ။

တရုတ်နိုင်ငံ အရှေ့ခြမ်း ယန်ဇီပြည်နယ် နန်ချန်းမြို့အနီး ဖုဟေး မြစ်မျက်နှာပြင်ပေါ်တွင် အစုလိုက်အပြုံလိုက် သေနေ သော ငါးများ (August 17, 20011)

သည်ပုံကတော့ ယန်ဇီမြစ်ကိုဖြတ်ပြီး ဖေါက်ခဲ့တဲ့ Three Gorges Dam ကြောင့်ဖြစ်လာရတဲ့ ယန်ဇီမြစ်ပြင်ရဲ့ တစိတ်တ ဒေသပါပဲ။
(ယန်ဇီမြစ်ဆိုတာ တိဘက်ကုန်းပြင်မြင့်မှာမြစ်ဖျားခံခဲ့ပြီး တရုတ်ပြည်သူ သန်းပေါင်းလေးရာကို ရေချိုဖြည့်တင်းပေးနေ ခဲ့တဲ့ မြစ်တစင်းပါပဲ။) ဒီဓါတ်ပုံတွေဟာ တရုတ်အာဏာပိုင်တွေရဲ့ သဘာ၀၀န်းကျင်နဲ့ ဂေဟဗေဒစံနစ်ကို ဘယ်လောက် အလေးထားနေသလဲဆိုတဲ့ သက်သေခံပြယုဂ်တွေ ပါပဲ။

တရုတ်နိုင်ငံ အရှေ့ခြမ်း ယန်ဇီပြည်နယ် နန်ချန်းမြို့အနီး ဖုဟေးမြစ်မျက်နှာပြင်ပေါ်တွင် အစုလိုက်အပြုံ လိုက် သေနေသော ငါးများ။ (August 17, 20011)
ဒီ ဖုဟေးမြစ်ထဲကငါးတွေ အကြီးအသေး တကောင်မှမကျန်အောင် သေကြေခဲ့ရခြင်းဟာ မြစ်ကိုဖြတ်ကူးတဲ့ တံတား တစင်းကို တည်ဆောက်ခြင်းကြောင့် ဖြစ်လာရခြင်းပါ။ ဒါကိုကြည့်တာနဲ့ တရုတ်နည်း ပညာဟာ ဘယ်လောက်အဆင့် အတန်းရှိရှိ ဂုဏ်သိက္ခာရှိသလဲဆိုတာ မြက်ဝါးထင်ထင် တွေ့မြင်နိုင်ကြမှာပါ။

နန်ချင်းမြို့ဘေးမှာတင် ပုပ်ပွနေတဲ့ ငါးအသေကောင်တွေနဲ့ ပြည့်နှက်နေတဲ့ ဖုဟေမြစ်ရဲ့ ဖြစ်ပျက်နေပုံပါပဲ။ (August 17, 20011) ဘာစက်မှုမှ မယ်မယ်ရရ မတိုးတက်ဘဲ သဘာဝပန်းဝန်းကျင်ကိုပဲ မှီခိုအားထားအသက်ရှင်နေရတဲ့ (ဧရာဝတီ နဲ့ မြစ်ကြီးငါးသွယ် မြစ်ငယ်ငါးရာကို မှီခိုနေရတဲ့) မြန်မာ့လူဦးရေရဲ့ ၇၀% ရာနှုန်းရဲ့ အနာဂတ်ဘ၀တွေကို ဒီမြင် ကွင်းတွေ အပေါ်ကနေ ပြက်ပြက်ထင်ထင် မြင်နိုင်ကြမှာပါ။

သိပ်မကြာခင်ဆယ်စုနှစ်အတွင်းမှာ ကျနော်တို့ မြန်မာလူမျိုးတွေ အခုမြင်နေရတဲ့ တရုတ်ပြည်က မြစ်တွေထဲကငါးတွေလို ပိုးလိုးပက်လက် သေသူသေ ဖုတ်လိုက်ဖုတ်လိုက်နဲ့ သေဖို့ကို စောင့်သူစောင့် ဘ၀ရောက်ကြရတော့မယ်ဆိုတာ သိစေ ချင်ပါတယ်။

ကျုပ်တို့လူမျိုးတွေ သည်ငါးတွေလို သေအတူယှဉ်မခွာ အတူသေကြတော့ မလား။

ဒီပုံကတော့ ယန်ဇီမြစ်ကိုဖြတ်ပြီးဆောက်ခဲ့တဲ့ ကမ္ဘာ့အကြီးဆုံးဆိုပြီး တရုတ်ကွန်မြူနစ်ပါတီက ဟိတ်ဟန်ထုတ်နေခဲ့တဲ့ Three Gorges Dam ကြောင့် ဇူလိုင် ၂၇, ၂၀၁၁ နေ့က ဖြစ်ပွါးခဲ့တဲ့ ရေကြီးမှုတစိတ်တဒေသရဲ့ ဓါတ်ပုံပါ။ တ စက္ကန့်ကို ရေကုဗမီတာ ၇၀ ၀၀၀ ကျော် နှုန်းနဲ့ ထိမ်းမနိုင်သိမ်းမရ ဒလဟောထွက်လာတဲ့ ရေတွေကို တရုတ်ကွန်မြူနစ် ပါတီက အာဏာပိုင်တွေ မတားဆီးနိုင်ခဲ့ပါဘူး၊ ဧရာဝတီကို တရုတ်လက်ထဲထိုးအပ်ခဲ့တဲ့ မောင်အေးနဲ့ သိန်းစိန်တို့ မြေ ကြီးလက်ခတ်မလွဲ ဖြစ်လာမယ့် ဒီဆိုးကြိုးတွေအတွက် တိုင်ပြည်နဲ့ လူမျိုးကို ဘာအာမခံချက်မှ မပေးနိုင်ပါဘူး။ သူတို့ အာမခံချက် ပေးခဲ့တာကတော့ တရုတ်တွေကို ဧရာဝတီ ထိုးအပ်ပါတယ်ဆိုတဲ့ စာချုပ်မှာ လက်မှတ်ထိုးခဲ့တာပါပဲ။

တိုင်းပြည်ကိုချစ်တဲ့ တရုတ်အများစုကြီးကတော့ သည်ဆည်ကြီးကို ယံဇီကိုသတ်ခဲ့တဲ့ ငရဲခန်းကြီးလို့ တွင်တွင်ခေါ်နေကြ ပါတော့တယ်။

ယန်ဇီကိုသတ်ဖြတ်ခဲ့တဲ့ Three Gorges Dam ကြောင့် ၂၀၁၀ မှာ လူ ၁၂၀၀ ရေသင်္ချိုင်းမှာ မြှုတ်ခဲ့ရပြီး ဒေါ်လာသန်း ပေါင်း ၂၂ ဘီလီယံ ဆုံးရှုံးခဲ့ရပါတယ်။

ယူနက်စကို (World Heritage Site) ရဲ့ 2007 အစီရင်ခံစာအရ တရုတ်နိုင်ငံမှာ လူသန်း (၃၀၀) ဟာ ညစ်ညမ်း တဲ့ ရေတွေကို သောက်သုံးနေကြရပြီး လူသန်းပေါင်း (၁၉၀) ဟာ မသန့်ရှင်းတဲ့ရေ သောက်သုံး သုံးစွဲရမှုကြောင့် ဖြစ် ရတဲ့ ရောဂါတွေရနေကြပြီလို့ ဆိုပါတယ်၊ ၂၀၁၁ ခုနှစ်မှာ ဒီအရည်အတွက်ဟာ ၂၀% ထပ်တိုးလာပြီလို့ ခန့်မှန်းကြ ပါတယ်။

မျိုးဖျက် ပုဆိန်ရိုး သေစ္စာဖေါက်လောက်ကောင်တစုကြောင့် ကျနော်တို့ရဲ့ နောင်လာနောက်သားတွေ ကနေ့ တရုတ်ပြည် ရဲ့ လူနည်စုကောင်းစားပြီး လူသန်းပေါင်းများစွာ ဘ၀ပျက်နေရတဲ့ အဖြစ်မျိုးကို မကြုံရအောင် အချိန်မနှောင်းခင် အမျိုး သားရေးအမြင်ဖြင့် တိုက်ပွဲဝင်ကြဖို့ အလျှင်အမြန်ဝိုင်းဝန်းကြရန် လိုအပ်နေပါပြီ။ (သိပ်မကြာခင် ဖြစ်လာမဲ့ အထက်ကလို အနိဋ္ဌာရုံတွေအတွက် သိန်းစိန် နဲ့ မောင်အေး သာမက သူတို့အဖေ တရုတ်တွေလည်း ဘာအာမခံချက်မှ မပေး နိုင်ပါဘူး။ တရုတ်တွေ သူတို့မြစ်တွေဖျက်ဆီးပြီးလို့ အားလုံးရစရာမရှိတော့ချိန်မှာ နောက်ဖေးအိမ်က စမ်းချောင်းထဲမှာ အညစ် အကြေးစွန့်ဖို့လုပ်တဲ့ ဖြစ်ရပ်နဲ့ မခြားပါဘူး။)

အမျိုး ဘာသာ သာဿနာကိုဖျက်ရုံတင်မက ပုဆိန်ရိုးတွေ သူခိုးကို ဓါးကမ်းခဲ့ပါပြီ။

မြန်မာတမျိုးသားလုံးရဲ့ ဒီသေမင်းတမန် စီမံကိန်းကြီးကတော့ ဖဲကြိုးဖြတ်ဖွင့်ခဲ့ပါပြီ။
(ဖတ်ရှုတဲ့အတွက် အဖိနှိပ်ခံ မြန်မာတမျိုးသားလုံးရဲ့ကိုယ်စား သင့်ကိုကျေးဇူးတင်ပါတယ်။)
ဧရာဝတီ ကမ္ဘာတည်သရွေ့စီးပါစေ။
မြန်မာပြည်သည် ဧရာဝတီစီးသရွေ့ တည်ပါစေ။ (ဧရာဝတီ ပျက်တဲ့နေ့ဟာ မြန်မာပြည် အသက်ထွက်တဲ့နေ့ ပါပဲ)
အမှားတခုကို ကျူးလွန်ရန်အတွက် ဘယ်အမှန်တရားနဲ့မှ သက်သေပြ၍မရ
လေးစားစွားဖြင့်
လှိုင်ဘွား / 88
(August 27, 2011)
http://www.naytthit.net/?p=17863