Wednesday, August 24, 2011

မြန်မာ့အလုပ်သမားထု လွတ်မြောက်ရန်အခွင့်အလမ်း

မြန်မာ့အလုပ်သမားထု လွတ်မြောက်ရန်အခွင့်အလမ်း
(သို့ မဟုတ်)
လွတ်လပ်သည့် အလုပ်သမားသမဂ္ဂများပေါ်ထွန်းချိန်

ချိုမောင်

၈၈၈၈ အရေးတော်ပုံ ကာလအတွင်း မြန်မာနိုင်ငံတွင် ကျောင်းသားသမဂ္ဂများ၊ အလုပ်သမားသမဂ္ဂများ စသည်ဖြင့် သမဂ္ဂများစွာ အဖွဲ့ အစည်းများစွာ လွတ်လပ်စွာပေါ်ထွက်ခဲ့ပြီး စစ်တပ်မှ အာဏာသိမ်းပြီးနောက်ပိုင်းတွင် ဖျက်သိမ်းခြင်းကို ခံခဲ့ကြရသည်။ ထို့ နောက် ၁/၉၀ အမိန့် ကြေညာချက်ဖြင့် နအဖ စစ်အစိုးရမှ အမျိုးသား ဒီမိုကရေစီအဖွဲ့  ချုပ် အပါအ၀င် စသည့် အသင်းအဖွဲ့ များလွတ်လပ်စွာဖွဲ့ စည်းခွင့် စည်းရုံးပိုင်ခွင့်ဆိုင်ရာ ဒီမိုကရေစီအခွင့် အရေးများကို ပိတ်ပင်ခြင်းခံခဲ့ရသည်မှာ ယခုအချိန်ထိတိုင်ဖြစ်ခဲ့သည်မှာ (၈၈၈၈) အရေးတော်ပုံနှင့်တူ (၂၃) နှစ်တိုင်တိုင် ပြန်လည် ဆိတ်သုဉ်း နေခဲ့ရပေသည်။
သို့ သော်ယခုနှစ် ၂၀၁၁ခုနှစ်တွင် မြန်မာအလုပ်သမားထုကြီးအတွက် အလုပ်သမားအခွင့်အရေးတွေ အပြည့် အ၀ခံစားနိုင်ရန်အတွက် စွမ်းစွမ်းတမံ ကြိုးပမ်းဆောင်ရွက်ရမဲ့အချိန်အခါအခွင့်အလမ်းပေါ်ထွန်းလာပြီဖြစ်တယ်လို့  သတင်း ကောင်းပါးလိုက်ခြင်း နှင့် အတူ လွတ် မြောက်ရာ လမ်းဘယ်လိုဖေါ်ဆောင်မလဲဆိုတာကို အနှစ်ချုပ် တင်ပြလိုက်ရပါတယ်။
အကြိမ် (၁၀၀) မြောက် အပြည်ပြည်ဆိုင်ရာအလုပ်သမားအဖွဲ့ ချုပ် (အိုင်အယ်လ်အို) (International Labour Organization - ILO) ညီလာခံ ကို ဒီနှစ် ၂၀၁၁ ခုနှစ် ဇွန်လမှာ ကျင်းပရာမှာ မြန်မာပြည်မှာ လွတ်လပ်တဲ့ အလုပ်သမားသမဂ္ဂတွေဖွဲ့ စည်းခွင့်၊ တရားဝင်မှတ်ပုံတင်ခွင့်ပြုဖို့  စတာတွေလုပ်ဆောင်ဖို့  မြန်မာအစိုးရကို အိုင်အယ်လ်အိုက ဖိအားပေး တိုက်တွန်း လိုက်ပါတယ်။ တိုက်တွန်းချက်နဲ့ အတူ သတ်မှတ် ရက်ကို လည်း ပေးလိုက်ပါတယ်။ သတ်မှတ်ရက် ဖြစ်တဲ့ နိုဝင်ဘာလ မှာ အပြီးသတ်ဆောင်ရွက်ခြင်း၊ ခွင့်ပြုခြင်း လုပ်ဆောင်ခြင်းများ မပြလုပ်ပါ က မြန်မာအစိုးရကို ဆက်လက်ဖိအားပေး အရေးယူဆောင်ရွက်သွားမယ်ဆိုတာကိုပါ ဆုံးဖြတ်ချက် ချခဲ့ ကြောင်းကိုလည်းသိရပါတယ်။

အသင်းအဖွဲ့ များလွတ်လပ်စွာဖွဲ့ စည်းခွင့်နှင့် စည်းရုံးပိုင်ခွင့်အား ကာကွယ်ခြင်းဆိုင်ရာပြဌာန်းချက် အမှတ်(၈၇) {Freedom of Association and Protection of the Right of Organise Convention (No.87)} FOA ကို မြန်မာနိုင်ငံအစိုးရက ILO ၌ ၁၉၅၅ ခုနှစ်မှာ သဘောတူ ညီကြောင်း လက်မှတ်ရေးထိုးခဲ့ပါတယ်။ အဲ့ဒီနောက်တော့ မြန်မာစစ်အစိုးရက ပြဌာန်းချက် (၈၇) ကို မလိုက်နာတော့ပဲ ချိုးဖေါက်ခဲ့တာ နှစ်ပေါင်း (၄၀) ကျော် သွားပြီးဖြစ်တာကို နိုင်ငံတကာအလုပ်သမားသမဂ္ဂတွေနဲ့  ILO က ပြင်းပြင်းထန်ထန်သတိပေးတားမြစ်ခဲ့ပြီး အထူးကြေညာချက် အနေနဲ့  ၂၀၀၄ ခုနှစ် ILO အပြည်ပြည်ဆိုင်ရာအလုပ်သမားညီလာခံမှာ ထုတ်ပြန်သတိပေးခဲ့ပါတယ်။ ဒါပေမဲ့ စစ်တပ်အစိုးရက မလိုက်နာပဲဆက်လက် ချိုးဖေါက်နေ တဲ့အတွက် အခု ၂၀၁၁ ခုနှစ်မှာ ဖိအားပေးဆုံးဖြတ်ချက်ကို ထပ်မံပြုလုပ်ခဲ့တာ ဖြစ်ပါတယ်။ (လွတ်လပ်စွာအသင်း အဖွဲ့ များဖွဲ့ စည်းခွင့်၊ စည်းရုံးပိုင်ခွင့်၊ စုဝေးခွင့် ဆိုင်ရာပြဌာန်းချက်အမှတ် (၈၇) မှာ ဘာတွေ ပါဝင်သလဲဆိုတာ (ပူးတွဲ) နှင့်ဖေါ်ပြပါတယ်။ )

ဒါ့ကြောင့် မြန်မာအလုပ်သမားထု၊တောင်သူလယ်သမားထုကြီးအနေနဲ့ ဤအခွင့်အလမ်းကောင်းကြီး စတင်ပေါ် လာတာနဲ့ အတူ အလုပ်သမား ထုအားနဲ့  ကိုယ်ပိုင်အခွင့်အရေးရရှိဖို့  သတ္တိရှိရှိစတင်တိုက်ပွဲဝင်ဖို့  ဦးစွာပထမ တိုက်တွန်း အကြံပြုလိုက်ပါတယ်။

ဘယ်လိုတိုက်ပွဲဝင်ကြမလဲဆိုတာ ၀ိုင်းဝန်းအဖြေရှာ လုပ်ဆောင်ရမှာကတော့ ပထမဦးဆုံး ရန်ကုန်မှာ ဖွင့်ထားတဲ့ အိုင်အယ်အိုရုံးကို သွားရောက်ဆက်သွယ်ပြီး လွတ်လပ်စွာအသင်းအဖွဲ့ များဖွဲ့ စည်းခွင့်ဆိုင်ရာကို အိုင်အယ်အိုက သတ် မှတ်ပြဌာန်းထားတဲ့ ပြဌာန်းချက်အမှတ် (၈၇) ဆိုတာဘာလဲ၊ မြန်မာအစိုးရကို အိုင်အယ်အိုက တိုက်တွန်းဆုံးဖြတ်ချက် တွေကဘာတွေလဲ ဆိုတာကို အရင်သိအောင်လုပ်ရမှာဖြစ်ပါတယ်။ တပြိုင်နက်ထဲမှာ သမဂ္ဂတွေဖွဲ့ ပြီဆိုရင် အိုင်အယ်အိုက ဘယ်လို ကျောထောက်နောက်ခံပြုမှာလဲဆိုတာ ဥပမာ.. ဖွဲ့ တဲ့လူတွေ ကို မြန်မာအစိုးရ ကဖမ်းဆီးရင် ခြိမ်းချောက်ရင် ဘယ်လိုအရေးယူ အကာအကွယ်တွေ ပေးမလဲဆိုတာတွေကို မေးမြန်းစုံစမ်းကြရပါမယ်။ ဘယ်လိုအာမခံချက်တွေရနိုင် မလဲ ဆိုတာတွေပါ။

ရန်ကုန် အိုင်အယ်အို (ILO) ရုံးကို သွားတာနဲ့ အတူ တပြိုင်နက်တည်းမှာ NLD ကိုလည်း မိမိတို့  အလုပ်သမား တွေက သွားရောက်အကြောင်း ကြားရပါမယ်။ NLD အနေနဲ့  အလုပ်သမားသမဂ္ဂတွေပေါ်ထွန်းရေးကို ပံ့ပိုးလုပ်ဆောင် သွားမယ်ဆိုတဲ့ လုပ်ငန်းစဉ်ချမှတ်ထားတာကြောင့် အလုပ်သမား ထုက အကူအညီတောင်းခံပြီး သမဂ္ဂ ဘယ်လိုဖွဲ့ ရမယ် ဆိုတာကို အကြံဥာဏ်များသွားရောက်တောင်းခံရမှာဖြစ်ပါတယ်။ ဒါဆိုရင် NLD က အလုပ်သမား ထုကို ပံ့ပိုးပြီး ILO နဲ့  ချိတ်ဆက်ပြီး အလုပ်သမားသမဂ္ဂတွေ တရားဝင်မှတ်ပုံတင်ခွင့် ရရှိရေးကို အလုပ်သမားထုနဲ့ အတူ ဖေါ်ဆောင်သွား နိုင်မယ် လို့ ယုံကြည်ရပါတယ်။

ဒီနေရာမှာ အဓိကဦးဆောင်လှုပ်ရှားရမှာက အလုပ်သမားထုဖြစ်ပါတယ်။ ဦးစွာပထမ သမဂ္ဂကို တိတ်တဆိတ် ကျစ်လစ်ခိုင်မာစွာ ဖွဲ့ ၊ ပြီးနောက်တော့ NLD နဲ့  ILOကို အကြောင်းကြား၊ ပြီးသည်နှင့်တပြိုင်နက် မှတ်ပုံတင်ခွင့်ပြုရန် ကို အစိုးရထံတရားဝင်စာပို့ ။တပြိုင်နက်ထဲမှာပဲ ကမ္ဘာ့သတင်းဌာနတွေကို သတင်းပို့  အင်တာဗြူးများလုပ်ထားခြင်းဖြင့် အကာအကွယ်များယူထားရန်ဖြစ်ပါတယ်။

သမဂ္ဂတွေဘယ်လိုဖွဲ့ ကြမလဲ ……
အလုပ်သမားသမဂ္ဂဆိုတာ အလုပ်သမားတွေနဲ့ စုပေါင်းပြီးဖွဲ့ ထားတဲ့အဖွဲ့ အစည်းကို အလုပ်သမား သမဂ္ဂလို့ ခေါ် ဝေါ်စေပြီး၊ ဘာကြောင့် အလုပ်သမားသမဂ္ဂတွေဖွဲ့ စည်းရသလဲဆိုတဲ့ အဓိကအကြောင်းအရင်းကတော့ အလုပ်သမားတွေရှဲ့ အခြေခံအခွင့် အရေးတွေ နဲ့ အလုပ်သမားတွေဖက်ကရပ်တည်မဲ့ အင်အားတောင့်တင်းတဲ့ အဖွဲ့ အစည်းတခုလိုအပ်တဲ့ အတွက် အလုပ်သမားသမဂ္ဂဆိုတာ ကိုဖွဲ့ စည်းရခြင်း ဖြစ်ပါတယ်။ အဓိက အခြေခံအခွင့်အရေးတွေဖြစ်တဲ့ နိုင်ငံတကာ စံနူန်းနဲ့ ညီစေတဲ့ လုပ်အားခ၊ လုပ်ငန်းခွင်လုံခြုံမှု စတာတွေကိုရရှိဖို့ က လွတ်လပ်တဲ့အလုပ်သမားသမဂ္ဂတွေဖွဲ့ စည်းပြီး အလုပ်ရှင်တွေနဲ့  ညှိနှိုင်းဆွေးနွေးသွားမှ အလုပ်ရှင်တွေက ပေးလာမှာဖြစ်ပါတယ်။ အဲဒီလို ပဲ နိုင်ငံတော်အစိုးရတွေကို လည်း မိမိတို့ အခြေခံအခွင့်အရေးတွေကို တရားဥပဒေဘောင်ထဲကနေတောင်းဆို ညှိနှိုင်းသွားရမှာဖြစ်ပါတယ်။

လွတ်လပ်တဲ့အလုပ်သမားသမဂ္ဂဆိုတာဘာလဲ…. မည်သည့်အာဏာရှင်အဖွဲ့ အစည်း၊ မည်သည့်အစိုးရ၊ ပါတီအဖွဲ့  အစည်း၊ အလုပ်ရှင်၊ အဖွဲ့ အစည်းတခုခုတို့ ရဲ့ လက်အောက်ခံ ကြိုးကိုင်ထားခြင်းမရှိတဲ့ အလုပ်သမားသမဂ္ဂကို ဆိုလိုတာ ဖြစ်ပါတယ်။ ဒီတော့လွတ်လပ်တဲ့ အလုပ်သမားသမဂ္ဂဆိုတာ အလုပ်သမားများကိုယ်တိုင် ကိုယ့်စိတ်ကြိုက်ဖွဲ့ စည်းပိုင်ခွင့် ရှိပြီး ကိုယ့်အလုပ်သမားသမဂ္ဂခေါင်းဆောင်တွေကို ကိုယ့်ဖာသာ လွတ်လပ်တဲ့မျှတတဲ့ ဒီမိုကရေစီ နည်းလမ်းတကျ မဲပေးရွေးချယ်ပြီး ဖွဲ့ စည်းတည်ထောင်သွားရမှာဖြစ်တယ်။ သမဂ္ဂခေါင်းဆောင်ရွေးချယ်ရာမှာလည်း အလုပ်သမားသမဂ္ဂ ခေါင်းဆောင် ရဲ့ အရည်အချင်းတွေနဲ့ ညီတဲ့ သူကို ရွေးချယ်ဖို့ လိုပါတယ်။

အလုပ်သမားသမဂ္ဂခေါင်းဆောင်ကောင်းရဲ့ အရည်အချင်းတွေက ဘာတွေရှိရမလဲ ….. ဒီမိုကရေစီစည်းမျဉ်း စည်းကမ်းတွေကို လိုက်နာတဲ့သူဖြစ်ရမယ်။ စီမံချက်တွေ စီစဉ်တတ်ရမယ်။ သိရှိထားတဲ့ ဗဟုသုတအတွေ့  အကြုံတွေနဲ့  လုပ်ငန်းပိုင်းဆိုင်ရာတွေကို ပြန် လည်ဝေငှ သိရှိစေတတ်သူဖြစ်ရမယ်။ ဦးဆောင်မှုပြုနိုင်ပြီး လုပ်ငန်းတွေကို စုံစမ်းစစ်ဆေး ညွှန်ကြားနိုင်တဲ့သူဖြစ်ရမယ်။ သမဂ္ဂဖွံ့ ဖြိုးတိုး တက်အောင် ဘယ်လိုလုပ်ရမယ်ဆိုတာ သိရှိ နားလည် ပြန်လှန်သုံးသပ်နိုင်တဲ့ သူဖြစ်ရမယ်။

ခေါင်းဆောင်ကောင်းတယောက်ရဲ့ စွမ်းရည်၊ စိတ်ဓါတ်နဲ့ အရည်အသွေး တွေကကော…. အဖွဲ့ ဝင်များရဲ့  ယုံကြည်အားထားမှုနဲ့  အမိန့် နာခံရန်လုပ်နိုင်တဲ့စွမ်းရည်ရှိပြီး ခင်မင်စရာကောင်းတဲ့ဆက်ဆံရေးစွမ်းရည်ရှိရပါမယ်။ အဖွဲ့  ၀င်တွေနဲ့ တသားတည်း လုပ်ဆောင်ခြင်း နဲ့ အဖွဲ့ ဝင်တွေကို မပြတ်တန်းထောက်ခံအားပေးခြင်းကိုလည်းပြုလုပ်နိုင်တဲ့ စွမ်းရည်လည်းရှိနေရပါမယ်။ ပြီးတော့ အသင်းအဖွဲ့ ဆိုတဲ့စိတ်ဓါတ်နဲ့  အဖွဲ့  အတွက်ကောင်းမွန်စေမဲ့ လုပ်ငန်းပိုင်း ဆိုင် ရာတွေပြုလုပ်နိုင်တဲ့ စွမ်းပကား ရှိရပါမယ်။ ပြဿနာကိုကျွမ်းကျင် လိမ်မာ စွာဖြေ ရှင်း နိုင်တဲ့စွမ်းရည်တွေနဲ့ ပြည့်စုံရပါမယ်။

စိတ်ဓါတ်ပိုင်းဆိုင်ရာ မှာဆိုရင်တော့…. အဖွဲ့ ဝင်တွေဟာ တိုးတက်ဖွံ့ ဖြိုးမှုတွေကို သူတို့ ကိုယ်တိုင် လုပ်နိုင် စွမ်း ရှိတယ် ဆိုတာ ကို ခေါင်းဆောင်လုပ်သူက ယုံကြည်စိတ်ထားရပါမယ် ကိုယ့်နောက်လိုက်ငယ်သားတွေကို ခင်မင်ရင်းနှီးစွာနဲ့ ထိတွေ့ ပြီး လေးစားစွာ ဆက်ဆံ တတ်တဲ့စိတ်၊ နောက်လိုက်ငယ်သားတွေ ကောင်းစားရေးကို အမှန်တကယ် လုပ်လိုတဲ့ စိတ်တွေရှိရမှာဖြစ်ပါတယ်။

အရည်သွေးပိုင်းဆိုင်ရာမှာဆိုရင်လည်း…… အတတ် ပညာကြွယ်ဝပြီှးဗဟုသုတရှိကာ အမြင်ကျယ်ပြန့် မှုရှိ ခြင်း။ ရိုးသားဖြူ စင်ပြီးတာဝန်ခံ တတ်ခြင်း။ မျက်နှာလိုက်မှုမရှိဘဲမျှတမှုရှိခြင်း။ အဂတိလိုက်စားမှုမရှိခြင်း။ ခံနိုင်ရည်ရှိပြီး တည် ကြည်ခိုင်မာယဉ်ကျေးခြင်း။ မာန်မာနမထား ဘဲ နှိမ့်ချကာနေတတ်ပြီး စာနာနာလည်းမှုရှိခြင်း။ လူမှုရေး စီးပွားရေး နိုင်ငံရေးနှင့် ယဉ်ကျေးမှုတွေမှာ တက်ကြွမှုရှိပြီး စွယ်စုံရနေခြင်း။ ခိုင်မာတဲ့ အမျိုးသား ရေးစိတ်ဓါတ်နဲ့ အတူစွန့် လွှတ်စွန့်  စားမူတွေရှိနေခြင်း။ စည်းမျဉ်းစည်းကမ်းကိုလိုက်နာမှုရှိခြင်း။ တဦးတည်းကောင်းမဟုတ်ဘဲ အဖွဲ့ ဝင် များနဲ့ ပူးပေါင်း ဆောင် ရွက်မှုရှိခြင်း။ နိုးကြားသတိနဲ့ အတူ ရဲစွမ်းသတ္တိ၊ ဂုဏ်သိက္ခာတွေကိုစောင့်စည်းမှုရှိခြင်း စတာတွေနဲ့ ပြည်စုံဖို့  လိုအပ် ပါ တယ်။

အဲဒီတော့မိမိတို့ အလုပ်သမားထုက စိတ်ကြိုက်ခေါင်းဆောင်ကောင်းရှာဖွေပြီးတော့ကာ မျိုးတူလုပ် ငန်းတူရာ အုပ်စုတွေကို စုစည်းပြီးဖွဲ့ စည်းရမှာဖြစ်ပါတယ်။ ဥပမာ-အနေနဲ့ ချည်မျှင်နှင့်အထည်ချုပ်အလုပ်သမားများသမဂ္ဂ၊ လယ် သမား၊ တောင်ယာစိုက်ပျိုးရေးလုပ်သူတွေက စိုက်ပျိုးရေးအလုပ်သမားများသမဂ္ဂ၊ ဆောက်လုပ်ရေးလုပ်သားများသမဂ္ဂ (ပန်းရံအလုပ်သမားကစအင်ဂျင်နီယာများ အပါအ၀င်) ၊ မော်တော်ယာဉ် အလုပ်သမားများကလည်း ကုန်းလမ်းသယ်ယူပို့  ဆောင်ရေးလုပ်သားများသမဂ္ဂ စသည်ဖြင့် ကျစ်လစ်တဲ့ သမဂ္ဂတွေကိုဖွဲ့ ရပါမယ်။ ရသမျှအဖွဲ့ ဝင်နဲ့  စတင်တည် ထောင်ရ မှာဖြစ်ပါတယ်။ ပထမအဆင့် လုပ်ငန်းတူသမဂ္ဂတွေ ဖေါ်ဆောင်ပြီးတာနဲ့ အားလုံးကိုစုပေါင်းဖွဲ့ လိုက် မယ်ဆိုရင် သမဂ္ဂများအဖွဲ့ ချုပ် (Federation of Trade Unions) ဆိုတာကို ဒုတိယအဆင့်အနေနဲ့ ဆက်လက် အကောင် အထည်ဖေါ်ဆောင်ဖွဲ့ စည်းသွားရမှာဖြစ်ပါတယ်။ ပထမဆုံးဒေသခြင်းမတူတဲ့ နေရာတွေက ဖွဲ့ စည်းကြတဲ့သမဂ္ဂတွေက ဒေသဆိုင်ရာသမဂ္ဂ (Local Unions) အဆင့်ဖြစ်ပါမယ်။ အဲဒီကမှတဆင့် နိုင်ငံလုံးဆိုင်ရာသမဂ္ဂများအဆင့် (National Unions) ကို အဖွဲ့ ချုပ်သမဂ္ဂတွေနဲ့ (Federation of Trade Unions) တည်သွားရမှာဖြစ်ပါတယ်။ ထိုမှတဆင့် အဖွဲ့ ချုပ် သမဂ္ဂတွေ (Federation of Trade Unions) ကို ပေါင်းပြီး အဖွဲ့ ချုပ်ပေါင်းချုပ်သမဂ္ဂ (Confederation) ဆိုတာကိုဖွဲ့  စည်းသွားကြရမှာဖြစ်ပါတယ်။ ဒီနောက်ဆုံးအဆင့်ရောက်ဖို့ ကတော့ အချိန်ယူပြီး ဖေါ်ဆောင်သွားရမှာဖြစ်ပါတယ်။ ဒါကလည်းအခုလို အခွင့်အခါကောင်းမှာ မြန်မြန်ဆန်ဆန်ဖြစ်သွားဖို့ ရာ လမ်းစပေါ် နေတာကတော့ ILO နဲ့  NLD က အလုပ်သမားထုဖက်က ပံ့ပိုးရပ်တည်သွားမယ်ဆိုတာ အခိုင်အမာ ယုံကြည်ပြီး မိမိတို့ အလုပ်သမားထုက သတ္တိရှိရှိနဲ့  ဖေါ်ဆောင်သွားဖို့ လိုအပ်ပါတယ်။

အလုပ်သမားသမဂ္ဂကို ဘယ်လိုအဆင့်အထိတက်လှမ်းဖွဲ့ စည်းရမယ်ဆိုတာကို အကျဉ်းချုပ်တင်ပြတာပါ။ အဲဒီလို အဖွဲ့ ချုပ်ပေါင်းချုပ်သမဂ္ဂ (Confederation) ဒါမှမဟုတ် အဖွဲ့ ချုပ် သမဂ္ဂတွေ (Federation of Trade Unions) ကိုဖွဲ့  ပြီးရင်တော့ အိုင်တီယူစီ (International Trade Union Confederation - ITUC) လို့ ခေါ်တဲ့ အပြည်ပြည်ဆိုင်ရာ အလုပ်သမားသမဂ္ဂအဖွဲ့ ချုပ်ကို ချိတ်ဆက်ပြီး အဖွဲ့ ဝင်ဖြစ်ဖို့ ရန်နဲ့  ကူညီပံ့ပိုးမှုတွေရရန်ဆောင်ရွက်ရမှာဖြစ်ပါတယ်။ ဒါက လည်း သိတ်ပြီးခက်ခဲတဲ့ကိစ္စမဟုတ်ပါဘူး ဘာဖြစ်လို့ လဲဆိုတော့ အခုလိုအချိန်အခါကောင်းမှာ ILO နဲ့  NLD တို့ က တဆင့် ဆက်သွယ်ချိတ်ဆက်သွားရမှာဖြစ်ပါတယ်။ ဘယ်လ်ဂျီယံနိုင်ငံ ဘရပ်ဆဲလ်မြို့ မှာအခြေစိုက်တဲ့ ITUC အဖွဲ့ ဟာ ကမ္ဘာပေါ်မှာ အင်အားအကြီးမားဆုံး အလုပ်သမား သမဂ္ဂအဖွဲ့ ချုပ်ဖြစ်ပြီး၊ ၁၅၅ နိုင်ငံက အလုပ်သမား ၁၇၅ သန်းကို ကိုယ်စားပြုဖွဲ့  စည်းထားတဲ့အဖွဲ့ ဖြစ် ပါတယ်။ ITUC အနေနဲ့ ကလည်း ILO နဲ့ အတူလက်တွဲနေတာကြောင့် အခုလို လွတ်လပ်တဲ့အလုပ်သမားသမဂ္ဂတွေ မြန်မာပြည်ထဲမှာပေါ်ထွန်းရေးကို ဦးစားပေးကူညီသွားမှာဖြစ်ကြောင်း အသိပေးလိုက် ရပါတယ်။ ဒါကလည်း ILO မှ အသင်းအဖွဲ့ များလွတ်လပ်စွာဖွဲ့ စည်းခွင့်နှင့် စည်းရုံးပိုင်ခွင့်အား ကာကွယ်ခြင်းဆိုင်ရာ ပြဌာန်းချက် အမှတ်(၈၇) ရဲ့ သတ်မှတ်ပြဌာန်းချက်အရ အပြည်ပြည်ဆိုင်ရာ အလုပ်သမားများ၊ အလုပ်ရှင်များ အဖွဲ့ အစည်း တွေနဲ့  ဆက်သွယ်ပူးပေါင်း၍ အဖွဲ့ ဝင်ခွင့်ရှိသည်ဆိုတဲ့ အပိုဒ် (၅) ပါ ပြဌာန်းချက်နဲ့ အညီ ဖြစ်ပါတယ်။

ILO မှ အသင်းအဖွဲ့ များလွတ်လပ်စွာဖွဲ့ စည်းခွင့်နှင့် စည်းရုံးပိုင်ခွင့်အား ကာကွယ်ခြင်းဆိုင်ရာပြဌာန်းချက် အမှတ်(၈၇) ရဲ့ သတ်မှတ်ပြဌာန်းချက်ထဲမှာဆိုရင် အလုပ်သမားများနှင့် အလုပ်ရှင်တွေဟာ ကွဲပြားခြားနားခြင်းမရှိဘဲ ဘယ်သူတဦးတယောက်အဖွဲ့ အစည်း အစိုးရကမှ ကြိုတင်အမိန့် အာဏာပေးထားခြင်းကြောင့်မဟုတ်ဘဲ ကိုယ်စိတ်ကြိုက်သမဂ္ဂဖွဲ့ ၊ ကိုယ်ကြိုက်တဲ့သမဂ္ဂမှာပါဝင် အဲဒီသမဂ္ဂ ရဲ့ စည်းမျဉ်းတွေ ကိုလိုက်နာပြီး တည်ထောင်ခွင့် ပါဝင်ခွင့်ရှိတယ်လို့ ဆို ထားပါတယ်။ ဒါ့ကြောင့် အလုပ်ရှင်တွေကလည်း အလုပ်ရှင်များသမဂ္ဂတွေ ဖွဲ့ စည်းပြီး အလုပ်သမားသမဂ္ဂတွေနဲ့ လက်တွဲ နိုင်တယ်ဆိုတာလည်းတင်ပြလိုက်ပါတယ်။

ထို့ အတူ - မိမိတို့  အလုပ်သမားထုကြီးအနေနှင့် ၂၀၁၀ ခုနှစ် ဇွန်လပိုင်းက မြန်မာပြည်တွင်းမှာ မည်သည့် အလုပ်သမားသမဂ္ဂ၊ မည်သည့်အဖွဲ့ အစည်းတို့ ၏လမ်းညွှန်မှုမပါဘဲ ဖွဲ့ စည်းတည်ထောင်ခဲ့တဲ့ မြန်မာအမျိုးသားများ အလုပ်သမားများသမဂ္ဂကို စံနမူနာထား၍သော် လည်းကောင်း ၎င်းတို့ နှင့်ချိတ်ဆက်ပူးတွဲ၍ သော်လည်းကောင်း လွတ်လပ် တဲ့အလုပ်သမားသမဂ္ဂတွေကို စတင် ဖွဲ့ စည်း သွားဖို့ ကိုလည်းတိုက်တွန်းပါတယ်။ ဘာကြောင့်အခုလို မြန်မာအမျိုးသားများ အလုပ်သမားများသမဂ္ဂကို ညွန်းပြ ရသလဲ ဆိုရင် အဲဒီအချိန်က သူတို့ လုပ်ငန်းစဉ်တွေက ထိရောက်မှုရှိ ခဲ့လို့  နအဖ စစ်အစိုးရက လျှင်မြန်စွာပိတ်ပင်တားဆီးခဲ့ရပါတယ်။

သူတို့  က ဘယ်လိုလုပ်ငန်းစဉ်တွေလုပ်ခဲ့လို့ ဘယ်လိုထိရောက်ခဲ့တာလဲ -

မြန်မာအမျိုးသားများ အလုပ်သမားများသမဂ္ဂ ဥပဒေအကြံပေးပုဂ္ဂိုလ်လူ့ အခွင့် အရေးရှေ့ နေ ကိုဖိုးဖြူ က ၂၀၁၀ ခုနှစ် ဇွန်လ (၂) ရက်နေ့ မှာ လွတ်လပ်တဲ့အာရှအသံ (Radio Free Asia) RFA ရေဒီယိုမှာ အင်တာဗြူးလုပ်သွားတာက - နိုင်ငံတ၀ှမ်းမှာရှိတဲ့ လယ်ယာနဲ့ စက်ရုံ အလုပ်ရုံတွေက အလုပ်သမားတွေအရေးကူညီဆောင်ရွက်ပေးဖို့ နဲ့  သူတို့ ရဲ့  အကျိုးစီးပွားကိုကာကွယ်ပေးနိုင်ဖို့  ပြည်တွင်းက အလုပ်သမားခေါင်းဆောင်တွေ ဥပဒေပညာရှင်တွေနဲ့ ဖွဲ့  စည်းလိုက် ရကြောင်း၊ အဲဒီအလုပ်သမားသမဂ္ဂ တရားဝင်ရပ်တည်နိုင်ဖို့ အတွက် ဗိုလ်ချုပ်မှူးကြီး သန်းရွှေ ထံ သို့ လိပ်မှုပြီး စာတိုက်ကတဆင့် ဇွန်လ (၂) ရက်နေ့ မှာပေးပို့ လျှောက်ထားခဲ့ကြောင်း၊ အဲဒီသမဂ္ဂကို အလုပ်အမှုဆောင် (၁၈) ဦးနဲ့ ဖွဲ့  စည်း ထားကြောင်း၊ ဦးဆောင်သူများမှာ လယ်ယာအငှားအလုပ်သမားတစ်ဦးဖြစ်တဲ့ ဦးပါလေး၊ ၈၈ အရေးအခင်းမှာ အလုပ် သမားသမဂ္ဂ အတွေ့ အကြုံရှိခဲ့တဲ့ ဦးသိန်းအောင် တို့  ပါဝင်ပြီး လယ်ယာအငှားအလုပ်သမားများ၊ လှိုင်သာယာ၊ ရွှေပြည်သာ စက်မှုဇုံတွေက အလုပ်သမားတွေနဲ့ ပါဝင်ဖွဲ့ စည်းထား တာဖြစ်ကြောင်း တို့ ကို ပြောပြသွားပါတယ်။ ဒါ့အပြင် သူတို့ ကို ခွင့်မပြုလည်းဆက်လက်လုပ်ဆောင်သွားမှာဖြစ်ပြီး ဖမ်းရင်လည်း ဖမ်း ထောင်ထဲကိုထည့် ထားရင်လည်းနေမယ် လို့  ပြတ်ပြတ်သားသားနဲ့ သတ္တိရှိရှိ ပြောသွားပါတယ်။

သူတို့ ရဲ့  မှန်ကန်တဲ့လမ်းကြောင်းပေါ်မှ ထွက်ပေါ်ရပ်တည်ချက်ကို အပြည်ပြည်ဆိုင်ရာအလုပ် သမားသမဂ္ဂများ အဖွဲ့ ချုပ် (International Confederation of Trade Union - ITUC) အိုင်တီယူစီ (ITUC) မှ အခုလို မြန်မာပြည်တွင်းမှာ တရားဝင်အလုပ်သမားသမဂ္ဂ တရပ် တရားဝင်ထူထောင်နိုင်ရေးအတွက် စစ်အစိုးရခေါင်းဆောင် ထံကို ခွင့်ပြုချက်လျှောက် ထားလိုက်တာကို လှိုက်လှိုက်လှဲလှဲ ကြိုဆိုကြောင်း။ ဒီလို ဒီမိုကရေစီ အခွင့်အရေးတွေ ခံစားခွင့် ရရှိအောင် ကြိုးပမ်းတဲ့ လုပ်ရပ်မှန်သမျှကို ကြိုဆိုရမှာပါ၊ ဘာဖြစ်လို့ လဲ ဆိုတော့ မြန်မာစစ်အစိုးရဟာ ဒီမိုကရေစီအခွင့်အရေး တွေကိုဖိနှိပ်ချိုး ဖောက်တဲ့နေရာမှာ အတော့်ကိုနာမည်ကြီးပါတယ်၊ အထူးသဖြင့် အလုပ်သမားတွေရဲ့ အခွင့်အရေးတွေကို ဖိနှိပ်ထား တဲ့အပြင် အလုပ်သမားသမဂ္ဂဖွဲ့ စည်းထူထောင်ခွင့် တွေကိုလည်း တောက်လျောက် ပိတ်ပင်ထားခဲ့တာပါ၊ အခုလို အလုပ်သမားတွေရဲ့ အခွင့်အရေးတွေ ရရှိအောင် စတင် ကြိုးပမ်းမှုတွေရှိလာတာဟာ ထူးခြားတဲ့ ဆောင်႟ရွက်ချက်ပါလို့  ITUC အဖွဲ့ ရဲ့  ပြောခွင့်ရပုဂ္ဂိုလ် Tim Noonan က လွတ်လပ်တဲ့အာရှအသံ (Radio Free Asia) RFA ရေဒီယို အင်တာဗြူးမှာ ပြောသွားပါတယ်။ (၂၀၁၀ - ၀၆ -၀၂ ရက်နေ့  RFA သတင်း) အခုလို အပြည်ပြည်ဆိုင်ရာက ၀ိုင်းရံလာ တာကို မြန်မာ့အလုပ်သမားထုကြီးအနေနဲ့ သတိချပ် ဖို့  ဖြစ်ပါတယ်။

အလုပ်သမားထုကြီးနဲ့ တောင်သူလယ်သမားထုကြီးခင်ဗျား -

မြန်မာနိုင်ငံမှာ အလုပ်လုပ်သည့် ဦးရေ (၃၀.၈၅) သန်းအနက် (၂၀၀၉ ခုနှစ် - ခန့် မှန်း) ၇၀ ရာခိုင်းနူန်းဟာ တောင်သူ လယ်သမားများဖြစ်ပြီး (၇) ရာခိုင်နူန်းဟာ စက်မှု အလုပ်သမားနဲ့  (၂၃) ရာခိုင်နူန်းဟာ ၀န်ထမ်းများ ဖြစ်ပါတယ်။ ဒါ့ကြောင့် တောင်သူလယ် သမားထုကြီးနဲ့ အလုပ်သမား ထုကြီးရဲ့ အင်အားဟာ မြန်မာနိုင်ငံရဲ့  ဒုတိယအသက် သွေးကြော မဏ္ဍိုင် အဖြစ် တည်ရှိရပ်တည်နေပါတယ်။ သို့ ဖြစ်ပါသောကြောင့် မိမိတို့ ရဲ့ အင် အားတွေနဲ့  မိမိတို့  အခွင့် အရေးတွေကို ရရှိအောင် အထက်တင်ပြပါအတိုင်း စုပေါင်းတည်ဆောက်ပြီး လွတ်လပ်တဲ့အလုပ်သမား သမဂ္ဂတွေ ဖွဲ့ စည်းရန် အချိန်အခါတန်ပြီဖြစ်ကြောင်း တိုက်တွန်း နိူးဆော်အပ်ပါသည်။

နိဂုံးချုပ်အနေဖြင့်
၁။ အိုင်အယ်လ်အို (ILO) နှင့် အပြည်ပြည်ဆိုင်ရာအလုပ်သမားသမဂ္ဂအဖွဲ့ ချုပ် (ITUC) တို့  မှ မြန်မာပြည်တွင်လွတ်လပ် သည့် အလုပ်သမားသမဂ္ဂ များ ပေါ်ထွန်းရေးကို ဖေါ်ဆောင်နေခြင်း။

၂။ အမျိုးသားဒီမိုကရေစီအဖွဲ့ ချုပ်မှ အလုပ်သမားသမဂ္ဂပေါ်ထွန်းရေးအား လုပ်ငန်းစဉ်တစ်ရပ်အဖြစ်ချမှတ်ထားခြင်း။

၃။ မိမိတို့ အမျိုးသားခေါင်းဆောင် ဒေါ်အောင်ဆန်းစုကြည် အနေဖြင့် ရှေ့ မှ ဦးဆောင်၍ စစ်အုပ်စုနှင့် စေ့စပ်ဆွေးနွေး နေချိန်တွင် မိမိတို့ အလုပ်သမားထုကြီးက အင်အားထုတရပ် အနေဖြင့် လျှို့ ဝှက်တဲ့ လုပ်ငန်းစဉ်များ လုပ်နေရမည့် အချိန်အခါမဟုတ်ပဲ သတ္တိ ရှိ ရှိဖြင့် ဗြောင်ဖွင့်တိုက်ရန် အချိန်အခါကောင်းဖြစ်နေခြင်း။

၎။ စစ်အုပ်စု အနေဖြင့် အခုအချိန်အခါတွင် မည်သည့် ပြယုဂ် အတုအယောင်များဖြင့် လုပ်နေသည်ဖြစ်စေ ရလာသည့် အခွင့်အလမ်းနဲ့ အခြေအနေကို မလွတ်တန်းဆုတ်ကိုင် တက်နင်းပြီး ၎င်းတို့ မှ တရားဝင်မှတ်ပုံတင် လက်ခံရမည့် အလုပ်သမားသမဂ္ဂပေါ်ထွန်းစေပြီး အိုင်အယ်လ်အိုက အသိအမှတ်ပြုသည့်အခြေအနေရောက်အောင်ပြုလုပ်နိုင်သည့် အခြေအနေပေးနေခြင်း။ ဥပမာ အားဖြင့် - အဓမ္မအလုပ်ခိုင်းစေခြင်းကိစ္စတွင် အိုင်အယ်လ်အိုမှ ဖိအားပေးမှုကြောင့် စစ်အုပ်စုမှ ရန်ကုန်တွင် အိုင်အယ်လ်အိုရုံးစိုက်ခွင့်ပြုလိုက် ရသကဲ့သို့  လုပ်ဆောင်ရမည့်အခြေအနေပေးနေခြင်း။

၅။ မိမိတို့ အလုပ်သမားထုအနေဖြင့် စစ်မှန်တဲ့ အလုပ်သမားသမဂ္ဂကို မဖေါ်ဆောင်ပါက စစ်အုပ်စု ကြိုးကိုင်သည့် အတု အယောင်အလုပ်သမား သမဂ္ဂကိုလည်း ဖေါ်ဆောင်လာမည့်အခြေအနေဖြစ်နေခြင်း နှင့် ထိုသို့ ဖေါ်ဆောင်လာပါကလည်း မိမိတို့  အလုပ်သမားထု၏ စစ်မှန်သည့် အလုပ် သမားသမဂ္ဂများက ၀င်ရောက်ပူးပေါင်းစီးနင်းခြင်းနှင့် အထက်ဖေါ်ပြပါ အလုပ်သမားသမဂ္ဂအဖွဲ့ ချုပ်များ ဖေါ်ဆောင်ခြင်းဖြင့် အနိုင်ဖြင့်စီးနင်း ထားနိုင်ခြင်း။
စသည့် အခြေအနေများကြောင့် အလုပ်သမားထုကြီး လွတ်မြောက်ရန်လမ်း (သို့ မဟုတ်) လွတ်လပ်သည့် အလုပ်သမား သမဂ္ဂများပေါ်ထွန်းချိန် ကျနေပြီဖြစ်ကြောင်း တင်ပြအပ်ပါသည်။

အလုပ်သမားထုအရေးကို စိတ်ဝင်စားသူများအနေဖြင့် မြန်မာပြည်တွင်းရှိ မိမိတို့  သိရှိသည့်အလုပ်သမားထုနှင့် အဆက်အသွယ်များအား တဆင့်ဆက် လက် အသိပေးအကြောင်းကြား ပေးပို့ ပါရန် အတွက် အခုလို အင်တာနက်တွင် ဖေါ်ပြရ ခြင်းဖြစ်ပါတယ်။

မြန်မာနိုင်ငံတွင် လွတ်လပ်စစ်မှန်သည့် အလုပ်သမားသမဂ္ဂများပေါ်ထွန်းရေးကိုရည်မှန်း၍။


ချိုမောင်
အလုပ်သမားရေးရာလေ့လာသူ
၂၀၁၁ ခုနှစ် သြဂုတ်လ ၂၄ ရက်။




- ပူးတွဲ -
အသင်းအဖွဲ့ များလွတ်လပ်စွာဖွဲ့ စည်းခွင့်နှင့်စည်းရုံးပိုင်ခွင့်အား ကာကွယ်ခြင်းဆိုင်ရာပြဌာန်းချက် အမှတ်(၈၇) ၁၉၄၈ ခုနှစ် ဇူလိုင်လ (၉) ရက် ၊ ဆန်ဖရန်စ္စကိုမြို့ ၊ အိုင်အယ်အို မှ လက်ခံကျင့်သုံးသည်။
{Freedom of Association and Protection of the Right of Organise Convention (No.87) 1984} FOA
အပိုဒ် (၁)
အိုင်အယ်အို အဖွဲ့ ဝင်တို့ အတွက် အကျိုးသက်ရောက်စေသော ဤပြဌာန်းချက်တွင် အိုင်အယ်အို အဖွဲ့ ဝင်တခု သည် အောက်ပါ သတ်မှတ်ချက်များကို အကောင်အထည်ဖေါ်၍ အကျိုးသက်ရောက်စေရမည်။
အပိုဒ် (၂)
အလုပ်သမားများနှင့် အလုပ်ရှင်တို့ သည် ကွဲပြားခြားနားခြင်းမရှိဘဲ ကြိုတင်အမိန့် အာဏာပေးထားခြင့်ကြောင့် မဟုတ်ဘဲ မိမိတို့  စိတ်ကြိုက်သမဂ္ဂအဖွဲ့ အစည်းများကို ရွေးချယ်ပြီး ၎င်းအဖွဲ့ အစည်းတို့ ၏ စည်းမျဉ်းများကိုသာလိုက်နာ၍ တည်ထောင်ခွင့် ပါဝင်ခွင့်ရှိသည်။
အပိုဒ် (၃)
(၁) အလုပ်သမားများနှင့် အလုပ်ရှင်တို့ အဖွဲ့ အစည်းများ ၊ သမဂ္ဂများသည် ၎င်းတို့ ၏အဖွဲ့ အစည်း၊ သမဂ္ဂ စသည် တို့ ၏ အုပ်ချုပ်ပုံစည်းမျဉ်းများ၊ ဥပဒေစည်ကမ်းများရေးဆွဲရာ၌လည်းကောင်း ၎င်းတို့ ၏ကိုယ်စားလှယ်များကိုရွေးချယ်ရာ၌ လည်းကောင်း၊ ၎င်းတို့ ၏အုပ်ချုပ်ရေးဆိုင်ရာလုပ်ငန်းများနှင့် လုပ်ငန်းစဉ်များကို အကောင်အထည်ဖေါ်ဆောင်ရွက်ရာ၌ လည်းကောင်း လွတ်လပ်စွာဆောင်ရွက်ရန် အခွင့်အရေး အပြည့်အ၀ရှိသည်။
(၂) သမဂ္ဂများ၏ တရားးဝင်လုပ်ငန်းဆောင်ရွက်ရာတွင် အနှောက်အယှက် အဟန့် အတားဖြစ်စေမည့် မည်သည့် စွက်ဖက်မှုမျိုးကိုမဆို အာဏာပိုင်တို့ မှ မလုပ်ဆောင်ရ။
အပိုဒ် (၄)
အလုပ်သမားများနှင့် အလုပ်ရှင်တို့ ၏ သမဂ္ဂအဖွဲ့ အစည်းများသည် အုပ်ချုပ်ရေးအာဏာပိုင်တို့ ကြောင့် အဖွဲ့  အစည်းများ ပယ်ဖျက်ရခြင်းမဖြစ်စေရ။
အပိုဒ် (၅)
အလုပ်သမားများနှင့် အလုပ်ရှင်တို့ ၏ သမဂ္ဂများသည် ကိုယ်ပိုင်လွတ်လပ်သောအဖွဲ့ ချုပ်များနှင့် အဖွဲ့ ပေါင်းချုပ် အဖွဲ့ ကြီးများနှင့် အခြားအဖွဲ့ အစည်းများအဖြစ် တည်ထောင်နိုင်ခွင့်။ ပါဝင်ပူးပေါင်းနိုင်ခွင့်ရှိသည်။ ၎င်းအဖွဲ့ ချုပ် - အဖွဲ့ ကြီး များသည် အပြည်ပြည်ဆိုင်ရာ အလုပ်သမားများ အလုပ်ရှင်များ အဖွဲ့ အစည်းတို့ နှင့် ဆက်သွယ်ပူးပေါင်း၍ အဖွဲ့ ဝင်ခွင့် ရှိသည်။
အပိုဒ် (၆)
အထက်တွင်ဖေါ်ပြထားသော အပိုဒ် ၂။ ၃။ နှင့် ၄ ပြဌာန်းချက်များသည် အဖွဲ့ ချုပ်များ အဖွဲ့ ပေါင်းချုပ်သမဂ္ဂများ နှင့် (Federation and Confederation) သက်ဆိုင်သည်။
အပိုဒ် (၇)
အလုပ်သမားများနှင့် အလုပ်ရှင်တို့ ၏သမဂ္ဂများ ကိုယ်ပိုင်လွတ်လပ်သောအဖွဲ့ ချုပ် (Federation) များနှင့် အဖွဲ့  ပေါင်းချုပ် (Confederation) တို့ သည် ဥပဒေပညာရှင်များကို အသုံးပြုကြရာတွင် အပိုဒ် ၂ နှင့် ၃ တို့ တွင်ပါရှိသော ပြဌာန်းချက်များကို အဟန့် အတား မဖြစ်စေရ။
အပိုဒ် (၈)
(၁) ပြဌာန်းချက်မှ ပေးထားသော အခွင့်အရေးများကိုကျင့်သုံးရာတွင် အလုပ်သမားများနှင့် အလုပ်ရှင်များ၏ သက်ဆိုင်ရာအဖွဲ့ အစည်း သမဂ္ဂများသည် အခြားသူများ (သို့ ) အခြားအဖွဲ့ အစည်းများကဲ့သို့  သက်ဆိုင်ရာနိုင်ငံ၏ ဥပဒေကို လေးစားလိုက်နာကြရမည်။
(၂) ထိုနိုင်ငံ၏ ဥပဒေနှင့် ၎င်းဥပဒေကိုကျင့်သုံးရာတွင် ဤပြဌာန်းချက်များမှ အာမခံကတိပြုထားချက်များကို ထိခိုက်အားနည်စေခြင်းမဖြစ်ရ။
အပိုဒ် (၉)
(၁) ဤပြဌာန်းချက်မှပေးထားသော အာမခံကတိပြုချက်များကို လက်နက်ကိုင်စစ်တပ်နှင့် ရဲများအား မည်သည့် အတိုင်းအတာအထိ ကျင့်သုံးပိုင်ခွင့်ပေးမည်ကို ၎င်းတို့ တိုင်းပြည်၏ ဥပဒေများနှင့် စည်းမျဉ်းများကသာ အဆုံးအဖြတ်ပေး ရမည်။
(၂) အိုင်အယ်အို၏ ဖွဲ့ စည်းအုပ်ချုပ်ပုံ ဥပဒေအပိုဒ် (၁၉)။ စာပိုဒ် (၈)တွင် ပါဝင်သောမူနှင့်အညီ ဤပြဌာန်းချက် အား သဘောတူလက်မှတ်ရေးထိုးထားသော မည်သည့်အဖွဲ့ ဝင်ကမျှ အတည်ပြုလက်မှတ်ရေးထိုးခြင်းအားဖြင့် တည်ရှိနေ သော ဥပဒေ၊ စီရင်ဆုံးဖြတ်ချက်၊ ဓလေ့ထုံးစံ (သို့ ) သဘောတူဝန်ခံချက်တစုံတခုကိုမျှ လွှမ်းမိုးပြောင်းလွဲ ထိခိုက်စေနိုင် သည်ဟု မယူဆရ။ ထိုသို့  သဘောတူ လက်မှတ်ရေးထိုးထားခြင်းအားဖြင့် လက်နက်ကိုင်အဖွဲ့ ဝင်များ (သို့ ) ရဲတို့ ၏ အခွင့် အရေးကို ထိပါးခြင်းမရှိစေရ။
အပိုဒ် (၁၀)
ဤပြဌာန်းချက်တွင် “သမဂ္ဂအဖွဲ့ အစည်း” ကို အဓိပ္ပါယ်ဖွင့်ဆိုရာ၌ အလုပ်သမားများနှင့် အလုပ်ရှင်တို့ ၏ အကျိုး စီးပွားများ တိုးတက်စေရန်နှင့် အကာအကွယ်ပေးစေရန် အလုပ်သမားများနှင့် အလုပ်ရှင်တို့ ၏ ဖွဲ့ စည်းထားသော မည်သည့် အဖွဲ့ အစည်းကိုမဆို ခေါ်ဆိုသည်။
အပိုဒ် (၁၁)
အိုင်အယ်အို အဖွဲ့ ဝင်တို့ အတွက် အကျိုးသက်ရောက်စေသော ဤပြဌာန်းချက်တွင် အိုင်အယ်အို အဖွဲ့ ဝင်တိုင်း သည် အလုပ်သမားများနှင့် အလုပ်ရှင်တို့ စည်းရုံးပိုင်ခွင့်ကို လွတ်လပ်စွာ အမှန်ဖေါ်ဆောင်နိုင်ရန် လိုအပ်သင့်လျှော်သော အရေးယူဆောင်ရွက်ချက်များပြုလုပ်ပေးမည်ဟု တာဝန်ခံကတိပြုပါသည်။

0 အကြံပြုခြင်း: