Wednesday, September 21, 2011

သူများတွေ ဘယ်နေရာကို လှူကြသလဲ


Wednesday, 21 September 2011 06:08 ဘုန်းကျော်

သြစတျေးလျနိုင်ငံက ဘီလျံနာသူဌေးကြီး အန်ဒရူးဖောရက်စ်လည်း လှူတာ ဝါသနာ ပါပါတယ်။ သူက မြန်မာတွေလို ဘုန်းကြီးကိုလည်း မလှူပါဘူး။ ဘုရားတည် ကျောင်းဆောက်တာလည်း မလုပ်ပါဘူး။

ရော့...မင်းကိုတစ်သိန်းပေးတယ် ဆိုပြီးလည်း မလုပ်ပါဘူး။ သူက မိဘမဲ့ ကလေးဂေဟာကို လှူတယ်။ နို့ကင်ဆာ ကာကွယ်ရေးနှင့် သုတေသနအတွက် လှူဒါန်းတယ်။ ဌာနေတိုင်းရင်းသားတွေရဲ့ ပညာရေးအတွက် စကောလားရှစ်တွေပေးတယ်။ အိမ်ခြေမဲ့ အလုပ်လက်မဲ့တွေအတွက် အလုပ်အကိုင်နဲ့ အိမ်ယာ ရရှိရေးအတွက် လှူဒါန်းတယ်။

ဒီလိုလှူဒါန်းတဲ့နေရာမှာ ရော့...ယူ ဆိုပြီး မလုပ်ဘူး။ လှူဒါန်းငွေကနေ အမြတ်ရအောင် လုပ်တယ်။ ဒီအမြတ်ငွေနဲ့ ရေရှည် ရပ်တည်နိုင်အောင် လုပ်ပေးထားတယ်။ ဥပမာ ဘဏ်တိုးနဲ့ အမြတ်ရှယ်ယာ တွေကနေ ရေရှည်လည်ပတ်လို့ ရအောင် လုပ်ပေးပါတယ်။

တချို့ သူဌေးကြီးတွေက သဘာဝပတ်ဝန်းကျင်ဆိုင်ရာ ကာကွယ်မြှင့်တင်ရေးအတွက် သုတေသန လုပ်ငန်းနဲ့ ပညာသင်ကြားရေးကိစ္စတွေမှာ လှူဒါန်းတယ်။ တချို့တွေက သူတို့မြို့တွေမှာ အပန်းဖြေစရာ ပန်းခြံတွေနဲ့  စာကြည့်တိုက်တွေကို လှူဒါန်းတယ်။

ဒီလိုမျိူး လှူဒါန်းမှုတွေက နိုင်ငံတည်ဆောက်ရေး (Nation Building)မှာ အရမ်းအရေးကြီးပါတယ်။ တချို့သော စီမံကိန်းတွေက အစိုးရကိုပဲ အားကိုးနေလို့ မရပါ။ ဒါ့ကြောင့် ပိုက်ဆံချမ်းသာတဲ့ လူတွေကလည်း တခါတလေ အစိုးရစဉ်းစားသလို စဉ်းစားပေးရတယ်။ ပြည်သူ့ အကျိုးပြုလုပ်ငန်းတွေကို လုပ်ကိုင်ပေးရပါတယ်။ ဒါမှ တရားမျှတပြီး ညီညွတ်တဲ့လူ့ ဘောင်တစ်ခုကို တည်ဆောက်နိုင်မှာပါ။

မြန်မာတွေ ဘယ်နေရာမှာ လှူဒါန်းကြသလဲ

အများဆုံးတွေ့ရတဲ့ နေရာကတော့ ဘုရားတည်တယ်။ ကျောင်းဆောက်တယ်။ ဘုန်းကြီးတွေကို လှူတယ်။ ဗုဒ္ဓဘာသာက လူများစုဖြစ်တော့ ဒီလိုလှူတာကို အပြစ်မတင်ချင်ဘူး။ ဒါပေမဲ့ ဒီလိုနေရာတွေကို ဦးစားမပေးသင့်တော့ဘူး။

အနော်ရထာ မင်းတရားကြီးခေတ်မှာ ဆောက်လိုက်တဲ့ ဘုရားနဲ့ ကျောင်းတွေဟာ နည်းတာမဟုတ်ဘူး။ သူကစလို့  သီပေါမင်းအဆုံး တည်လိုက်တဲ့ဘုရား။ ကုန်ကုန်ပြောရရင် လက်ရှိ မင်းတရားကြီး သန်းရွှေခေတ်အထိ တည်လိုက်တဲ့ဘုရား ကုန်လိုက်တဲ့ငွေ နည်းတာမဟုတ်ဘူး။

ဘယ်လောက်ကုန်လဲဆိုတာကို ယနေ့ ခေတ်ပေါက်ဈေးနဲ့ တွက်ကြည့်ချင်ပေမဲ့ မှတ်တမ်းမှတ်ရာမရှိတော့ မဖြစ်နိုင်ဘူး။ တကယ်လို့ သာ ဘုရင်အဆက်ဆက်က ဒီလိုဘုရားတွေကို ပေါက်ကရ နေရာတကာ မတည်ဘဲ အထက်ကပြောတဲ့ သူဌေးကြီးတွေလှူတဲ့ နည်းအတိုင်းလှူလိုက်ရင် ဘယ်လောက် ကောင်းလိုက်မလဲ။ ဒါဆိုရင် အခုလိုမျိူး လူတိုင်းရဲ့ ခေါင်းထဲမှာ ခိုးဖို့၊ ဘတ်ဖို့ ဆိုတဲ့ အတွေးအခေါ်တွေ ရှိမှာ မဟုတ်တော့ဘူး။ ဘုန်းကြီးဦးရေလည်း ဒီလောက်များမှာ မဟုတ်ဘူး။

သြစတျေးလျနိုင်ငံမှာ အနေကြာပြီဖြစ်တဲ့ မြန်မာတစ်ယောက်က သူ့ ရပ်ရွာကို အလည်ပြန်တယ်။ သူလည်း သြစတျေးလျမှာ နေလာတာ နှစ်ပေါင်း ၂ဝ-ကျော်ပြီဆိုတော့ ငွေလည်း အတော်စုမိနေပြီ။ မြန်မာပြည်က သူ့ရွာလည်းရောက်ရော ဘုန်းကြီးကျောင်းဆောက်တယ်။ ဘုရားတည်တယ်။

ဘုန်းကြီးကျောင်းမှာ ဘုန်းကြီးတစ်ပါးနဲ့ ကျောင်းသားတစ်ယောက်ပဲ ရှိတယ်။ ကုန်တဲ့ငွေက မြန်မာငွေသိန်းနှစ်ရာကျော်။ ဒေါ်လာသုံးသောင်းနီးပါး။ ဘုရားနဲ့ ကျောင်းမှာတော့ သူ့ နာမည်က အကြီးကြီးပေါ့။ 'ဦးသြစတျေးလျ ကောင်းမှု' လို့ ရေးထားတယ်။ အဲဒိရွာမှာ စေတီတစ်ဆူရှိတယ်။ ဘုန်းကြီးကျောင်း နှစ်ကျောင်းရှိတယ်။ ဒီလိုရှိနေတာတောင် ဘာဖြစ်လို့ များ နောက်ထပ်စေတီတစ်ဆူနဲ့ ဘုန်းကြီးကျောင်းကို ထပ်ပြီးဆောက်ရလဲ မသိဘူး။

ဒါတွေအစား ရွာမှာလိုအပ်နေတဲ့ အခမဲ့ အင်တာနက်ဆိုင်လေးလှူလိုက်ရင် ဘယ်လောက်ကောင်းမလဲလို့ ကျနော် တွေးမိတယ်။ သူတစ်ယောက်တည်း ဒီလိုမျိုး ဘုရားတည်တာလားဆိုတော့ မဟုတ်ဘူး။ တခြား ဗမာတွေလည်း ဒီအတိုင်းပဲ။

အနည်းစုကတော့ သူ့တို့ ရပ်ရွာမှာ စာသင်ကျောင်းအတွက် ငွေလှူတယ်။ ကျောင်းပြင်တယ်။ ဒါကိုတော့ မဆိုးဘူးလို့ ပြောချင်တယ်။ တိုက်ရိုက်အကျိုးခံစားခွင့် ရနိုင်လို့ပါ။ အနည်းဆုံး ကလေးတွေ လုံလုံခြုံခြုံ စာသင်နိုင်မယ်။

ဒါပေမဲ့ မြန်မာအများစု အထူးသဖြင့် လူကြီးတွေပေါ့၊ သူတို့ စဉ်းစားချက်က တလွဲများဖြစ်နေလားမသိဘူး။ ကျနော်ကတော့ လွဲတာမှ အတော်လွဲတယ်လို့ ပြောချင်တယ်။

မြန်မာနိုင်ငံက သူဌေးတွေ ကပ်စေးနှဲတယ်

မြန်မာနိုင်ငံမှာ ဒိတ်ဒိတ်ကြဲသူဌေးကြီးတွေက လှူဒါန်းတာ ဝါသနာမပါကြဘူး ထင်တယ်။ မီဒီယာမှာ မြင်တွေ့ နေရတဲ့ သူဌေးကြီးတွေ ရှိတယ်။ ဥပမာ ဦးတေဇ၊ ဦးဇော်ဇော်၊ ဦးခင်ရွှေ၊ ဦးဝင်းအောင် စတဲ့ သူဌေးကြီးတွေဟာ ကပ်စေးနှဲကြသလားလို့ ပါ။ ကျနော်ပဲ သူတို့ လှူတာကို မတွေ့ လို့ များလား။

ဆင်းရဲသားတွေ၊ သာမန်ချမ်းသာသူတွေတော့ လှူကြတာများပါတယ်။ ဒါကို စာရင်းနဲ့ ဖော်ပြရင် ပြီးမှာ မဟုတ်ဘူး။

ကျနော်တွေးမိတာက လက်ရှိမြန်မာနိုင်ငံမှာ အရမ်းကို ချမ်းသာနေတဲ့လူတွေဟာ ကပ်စေးနှဲတယ်။ ဆင်းရဲတဲ့သူတွေဟာ ကပ်စေးမနှဲဘူး။ ဒါက လက်ရှိနိုင်ငံရေးကာလမှာ ကျနော်နိဂုံးချုပ်မိတဲ့ အချက်။

သူဌေးတွေဟာ ငွေကို ဘယ်ဂွင်ကနေ ဘယ်လိုရအောင် ဖန်ရမလဲဆိုတာကိုပဲ တချိန်လုံး စဉ်းစားနေကြတယ်။ နည်းနည်းပါးပါး ပြန်ပေးဖို့ စိတ်ကူးမရှိကြတော့ဘူး။ ဒါလား ယဉ်ကျေးတဲ့ဗမာလား။

အရမ်းချမ်းသာတဲ့သူတွေက ပိုပြီးလှူသင့်တယ်လို့ ထင်တယ်။ ဘာ့ကြောင့်လဲဆိုတော့ သူတို့က လူနည်းစု ဖြစ်တယ်။ ဒီလူနည်းစုက လူများစုဖြစ်တဲ့ ဆင်းရဲသားတွေရဲ့ လုပ်အားကြောင့် ချမ်းသာတယ်။

နောက်တစ်ချက်က တိုင်းပြည်ရဲ့ သယံဇာတကြောင့် ချမ်းသာတယ်။ ဆင်းရဲသားတွေကော၊ တိုင်းပြည်ရဲ့ သယံဇာတတွေကောဟာ မြန်မာနိုင်ငံသူ မြန်မာနိုင်ငံသားအားလုံးနဲ့ သက်ဆိုင်တယ်။ သူတို့ လုပ်စားတက်လို့ ချမ်းသာတာကိုတော့ လက်ခံတယ်။ ဒါပေမဲ့ အဓိက တိုင်းပြည်နဲ့ ပြည်သူကြောင့်ပဲ။

ဒီလောက် ချမ်းသာနေကြပြီပဲ။ ဆိုတော့ သူတို့ ချမ်းသာတဲ့ အပုံဆယ်ပုံမှာ တစ်ပုံလောက်ကိုတော့ တိုင်းပြည်နဲ့ လူမျိုးအတွက် ပြန်လည်ဝေမျှသင့်တယ်။ တနည်းပြောရရင် လှူသင့်တယ်။ ဒါမှ တရားမျှမှာပေါ့။

သူတို့ ကတော့ ဒေါ်လာသိန်းကျော်တန် ကားကြီးနဲ့ ပျော်ပါးနေကြတယ်။ အကောင်းဆုံး တိုက်ကြီးထဲမှာ အကောင်းဆုံး ပစ္စည်းတွေနဲ့ ဇိမ်ခံကြတယ်။ ကြိုက်တဲ့အစားအစာကို စားလို့ ရတယ်။ သူတို့ ဒီလိုဖြစ်နေတဲ့အချိန်မှာ လူများစုဖြစ်တဲ့ ပြည်သူတွေကတော့ ငတ်ပြတ်စုတ်ပြတ်ပြီး အဟာရ မပြည်တဲ့ရုပ်တွေနဲ့ ။ ဒါတွေကို သူတို့ မိုလို့  ချမ်းသာရဲ့ သားနဲ့  ကြည့်ရက်လေတယ်။ ဒါတွေကိုကြည့်ရင် ဒီလူတွေ ဘယ်လောက် အတ္တကြီးတယ်ဆိုတာ ပေါ်လွင်တယ်။

လှူသင့်တဲ့နေရာ

သူဌေးကြီးတွေအတွက် လှူသင့်တဲ့နေရာတွေ တိုင်းပြည်မှာ အများကြီးရှိပါတယ်။ ဒီနေရာတွေထဲမှာ ဘုန်းကြီးကျောင်းနဲ့ ဘုရားတည်တာကို ကျနော်မပြောချင်ဘူး။ ဒီနေရာတွေကို မလှူစေချင်ဘူး။ ဘာ့ကြောင့်လဲဆိုတော့ စီးပွားရေးအရကြည့်ရင် အရင်းသေသွားတယ်လို့ ပြောချင်တယ်။ အရေးတကြီး လှူသင့်တဲ့နေရာတွေ အများကြီးရှိတယ်။

ဥပမာ နားဂစ်စ်ဒုက္ခသည်တွေကို လှူသင့်တယ်။ သူတို့ အတွက် ပြန်လည်ထူထောင်ရေးလုပ်ငန်းတွေကို လုပ်ပေးသင့်တယ်။ နောက်ပြီး ပညာရေးလုပ်ငန်းတွေ၊ သုတွေသနလုပ်ငန်းတွေ၊ ကျန်းမာရေး လုပ်ငန်းတွေမှာ လှူသင့်တယ်။ ဒီလိုလိုအပ်နေတဲ့ နေရာတွေကို ဦးစားပေးအနေနဲ့  သူဌေးကြီးတွေ ကူညီသင့်တယ်လို့ ကျနော်ထင်တယ်။

ဘုန်းကြီးကျောင်းဆောက်၊ ဘုရားတည်၊ ဘုန်းကြီးတွေအတွက် မလှူရဘူးလို့ မပြောဘူး။ ဒါပေမဲ့ ဦးစားမပေးသင့်ဘူး။ မြန်မာပြည်မှာ ဘုန်းကြီးကျောင်း အရေအတွက်၊ စေတီပုထိုး အရေအတွက်တွေဟာ အင်မတန်များတယ်။ စာရင်းဇယား အတိအကျ မရှိပေမဲ့ အင်မတန်များတယ်လို့  ပြောနိုင်တယ်။ ဒါ့ကြောင့် ထပ်ပြီးအသစ်ဆောက်စရာ တည်စရာမလိုတော့ဘူးလို့ ပြောချင်တယ်။

ဂျပန်နိုင်ငံမှာ ဆူနာမီဖြစ်တော့ ဂျပန်သူဌေးကြီးတွေဟာ မြန်မာနိုင်ငံကသူဌေးကြီးတွေလို ဖာသိဖာသာ မနေကြဘူး။ သူတို့ ချမ်းသာတဲ့ အထဲက ပြန်ပြီးဖဲ့ပေးကြတယ်။ ဘယ်သူတွေဘယ်လောက်ပေးလဲဆိုတာကို ဒီနေရာမှာ အနည်းငယ် ပြောပြချင်တယ်။

တာဒါရှီ ဆိုတဲ့ သူဌေးကြီးက သူ့ ရဲ့ ကိုယ်ပိုင်ငွေထဲနေ ဂျပန်ယမ်းငွေ သန်းတစ်ထောင် လှူတယ်။ သူ့ရဲ့ ကုမ္ပဏီကလည်း ယမ်းငွေ သန်းလေးရာ လှူတယ်။ မြူးဇစ်ပရိုဂျူဆာဖြစ်သူ အက်စုစီ အာကီမိုတို (Music producer Atsushi Akimoto) ဆိုသူက ဂျပန်ယမ်းသန်းငါးရာလှူတယ်။ သူတို့ အပြင် တောင်ကိုရီးယားနဲ့ တရုတ်သူဌေးကြီးတွေလည်း လှူကြတယ်။

သူတို့ ထဲမှာ ထူးခြားတာက တရုတ်သူဌေးကြီး လီလျံနာချန် (Chen Guangbiao) က ဂျပန်ယမ်း တစ်ဆယ့်သုံးသန်းပဲ လှူဒါန်းပါတယ်။ ကပ်စေးနည်းတဲ့ တရုတ်။ ဒါက ဂျပန်မှာ ဆူနာမီခံရတုန်းက ဂျပန်သူဌေးတွေ သူတို့ လူမျိုးကို ပြန်ပြီးကူညီတဲ့ကိစ္စ။ မြန်မာပြည်မှာ မုန်တိုင်းမိတုန်းက မြန်မာသူဌေးကြီးတွေ ဘာလုပ်နေကြလဲ။

အခုလက်ရှိ တောင်ငူမှာ ရေကြီးတယ်။ ပဲခူးမှာရေကြီးတယ်။ လူတွေဒုက္ခရောက်ကြရတယ်။ သူတို့ ဒီလိုဖြစ်နေတာကို မြန်မာပြည်ကထိပ်ထိပ်ကြဲ သူဌေးကြီးတွေ ဘာများလုပ်ပေးခဲ့လဲ။ သောက်ရေလေးတောင် ဝယ်ပေးဖော်မရဘူး။

ဒါပေမဲ့ သူတို့ လှူတဲ့ နေရာတစ်ခုတော့ရှိတယ်။ အိန္ဒိယအခြေစိုက် မဇ္ဇျိမ သတင်းဌာနမှာ ရေးထားတဲ့ သတင်းလေးကို ဖတ်ကြည့်ပါ။

"မြန်မာဘောလုံးအဖွဲ့ချုပ် MFF လက်ရှိ ဥက္ကဋ္ဌ ဦးဇော်ဇော်သည် ယခုအခါ အငြိမ်းစားယူသွားပြီဖြစ်သော ဗိုလ်ချုပ်မှူးကြီးသန်းရွှေ၏ မြေးဖြစ်သူ နေရွှေသွေးနှင့် ရင်းနှီးသူဖြစ်ပြီး လူ ၁,၀၀၀ ခန့်တက်ရောက်သည့် နေရွှေသွေး၏ ၁၆ နှစ် ပြည့် မွေးနေ့ကို ဆီဒိုးနား ဟိုတယ်တွင် ၂၀၀၇ ဇွန်လက အမေရိကန်ဒေါ်လာ ၂၅,၀၀၀ ကုန်ကျခံ ကျင်းပပေးခဲ့သည်ဟု သံရုံးအရာရှိက သိရှိရချက်ကို ပြန်လည်ရေးသားထားသည်"

သူတို့ လှူဒါန်းမှုက တလွဲဖြစ်နေပါလား။ ဟိုကောင်..နေရွှေသွေးအောင်က ထမင်းငတ်နေတဲ့ ကောင်မှ မဟုတ်တာဗျာ။ ဒါ့ကြောင့် ဒီလိုလှူတာကို တစ်ထောင်ရင်းပြီး တစ်သိန်းရအောင်ဂွင်ဖန်တဲ့ အလှူပဲလို့ ပြောချင်တယ်။

သူဌေးတွေပေါတဲ့ ဒို့ တိုင်းပြည်

မြန်မာနိုင်ငံမှာ သူဌေးတွေ အများကြီးရှိတယ်။ ဒါပေမဲ့ သူတို့ ဘယ်လောက်ချမ်းသာလဲဆိုတာကို အတိအကျ မသိရဘူး။ တခြားနိုင်ငံတွေကလို ဒီလူကတော့ ဒေါ်လာ ဘယ်နှစ်သန်းချမ်သာတယ်၊ တနှစ်ကို အမေရိကန်ဒေါ်လာ ဘယ်နှစ်သန်းဝင်ငွေရှိလဲ ဆိုတာကို ရှင်းရှင်းလင်းလင်း ပြည်သူကို အသိပေးတယ်။

သူတို့ အပြင် ဗိုလ်ချုပ်ကြီးသူဌေးတွေလည်း အများကြီးရှိတယ်လို့ သိကြတယ်။ သူတို့ ရဲ့ ပိုင်ဆိုင်မှုကို ယနေ့ အထိ ပြည်သူက ရှင်းရှင်းလင်းလင်း မသိရဘူး။ လက်ရှိအစိုးရဝန်ကြီးတွေရဲ့ ပိုင်ဆိုင်မှုနဲ့  စီးပွားရေး လုပ်ငန်းတွေကို ပြည်သူက သိသင့်တယ်။ ရွေးကောက်ပွဲမဝင်ခင်မှာ ပြည်သူကို တရားဝင် အသိပေးသင့်တယ်။

ဒါပေမဲ့ မြန်မာနိုင်ငံက မြန်မာလူမျိုးတွေရဲ့ စိတ်ဓာတ်က သူခိုးစိတ်ဓာတ် ဖြစ်နေလို့  လူထုကို အသိမပေးရဲကြဘူး ထင်တယ်။ ရိုးသားတယ်ဆိုရင်တော့ ငါ့မှာ ပိုက်ဆံဘယ်လောက်ရှိလဲဆိုတာကို ပြောရဲရမှာပေါ့။

စာရေးဆရာကြီး ပါရဂူ သေတော့ သူ့ ရဲ့ အိမ်အစုတ်လေးကို အများအတွက် လှူခဲ့တယ်။ ဆရာကြီး အပြင် ဦးကျော်သူတို့  ဇနီးမောင်နှံအပြင် အခြားလူတွေလည်း ရှိပါသေးတယ်။ ဒီလူတွေသာ အမေရိကန်ဒေါ်လာ သန်းပေါင်းများစွာ ချမ်းသာလိုက်ရင် ဘယ်လောက်ကောင်းလိုက်မလဲ။ ဒီလိုလူတွေဟာ တိုင်းပြည်နဲ့ လူမျိူးအပေါ်မှာ စေတနာရှိတယ်ဆိုပြီး သူတို့ လုပ်ရပ်တွေက ဖော်ပြနေတယ်။

ဒါပေမဲ့ ထိပ်ထိပ်ကြဲ သူဌေးကြီးတွေဟာ သူတို့နဲ့ မတူ၊ ဘာ့ကြောင့်များ အရမ်းကပ်စေးနှဲကြတာလဲ မသိဘူး။ ဦးတေဇဆိုရင် ဒေါ်လာသန်းထောင်ချီပြီး ချမ်းသာတယ်။ သန်းတစ်ရာလောက်ကို ဆင်းရဲတဲ့ ပြည်သူတွေကို ပြန်ပေးရင် ဘယ်လောက်ကောင်းလိုက်မလဲ။ သန်းတစ်ရာကိုလှူလိုက်လို့ သူလည်း မမွဲသွားနိုင်ပါဘူး။

ဒီငွေနဲ့ သာဆိုရင် မြန်မာနိုင်ငံမှာ နိုင်ငံတကာအဆင့်မှီ တက္ကသိုလ်ကြီးတစ်ခုတောင် တည်ထောင်လို့ရတယ်။ ဒီလိုမျိုး လူတွေအတွက် ရေရှည်အကျိုးကိုကြည့်ပြီး သူဌေးကြီးတွေ လှူကြစေချင်တယ်။

အမေရိကန်နိုင်ငံက George Soros ဆိုတဲ့သူဌေးကြီးတောင် မြန်မာပြည်နဲ့ ပက်သက်ပြီး လှူဒါန်းတယ်။ မြန်မာပြည်ဒီမိုကရေစီရေးနှင့် ပွင့်လင်းတဲ့လူ့ဘောင် ဖြစ်ရေးအတွက် သူ့ ရဲ့ ငွေကိုသုံးတယ်။ သူက ဗမာပြည်မှာ မွေးရင် ဒီထက် ပိုလှူအုံးမယ် ထင်တယ်။

ပြည်ပရောက် အတိုက်အခံတွေ ပြည်တွင်းက အတိုက်အခံတွေဟာ သူ့ ပိုက်ဆံနဲ့ ပညာတက်သွားတဲ့လူတွေ သူဌေးဖြစ်နေတဲ့လူတွေ အများကြီးရှိတယ်။ သူ့ရဲ့ အလှူကို ဗမာပြည်က သူဌေးကြီးတွေ ဘာလို့ အတုမယူကြတာလဲ မသိဘူး။

မြန်မာတွေ ချမ်းသာတာ ဆင်းရဲတာဟာ မြန်မာပြည်နဲ့ မြန်မာလူမျိူးကြောင့် ဖြစ်ပါတယ်။ ချမ်းသာတဲ့ လူတွေဟာ ဆင်းရဲတဲ့လူတွေကို ပြန်ပြီးကူညီသင့်ပါတယ်။ ဒါမှ လူ ပီသမှာပါ။ အခုတော့ မြန်မာပြည်ရဲ့ သူဌေးကြီးတွေဟာ သူတို့ အတွက်ပဲ ကြည့်နေသလားလို့ ပါ။

ဘုန်းကျော်

ရည်ညွှန်းကိုးကား

http://www.japanprobe.com/2011/03/17/rich-famous-people-donate-to-earthquake-victims/

http://www.mizzimaburmese.com/special/burma-related-leaked-us-cables/8338-2011-09-16-15-30-43.html

http://www.irrawaddy.org/article.php?art_id=1923


http://www.maukkha.org/index.php?option=com_content&view=article&id=1833:2011-09-21-06-12-35&catid=86:feature&Itemid=266

0 အကြံပြုခြင်း: