Monday, November 7, 2011

မှတ်ပုံတင်တော့မဲ့  အချိန်ရဲ့ ဂယက်များ

တချို့ က ရေဒီိယိုတွေမှာ ဆွေးနေးနေကြတာကို ကြားရသည် ။ တချို့ က ထောက်ခံနေတာတွေ၊ ကန့် ကွက်နေတာတွေ ၊ ရေးနေကြတာတွေကို တွေ့ ရသည်။ ထောက်ခံသူတွေကို ကြည့်လိုက်ရင် ဒေါ်အောင်ဆန်းစုကြည်ကို နိုင်ငံခေါင်းဆောင်တဦးအဖြစ် တာဝန်ယူလုပ်ကိုင်စေချင်သည့် ဆန္ဒများဖြင့် ပြောနေကြတာ တွေ့ ရသည်။ မ၀င်စေချင်သည့် သူများကမူ -၂၀၀၈-ဖွဲ့ စည်းအုပ်ချုပ်ပုံ၏ အားနည်းချက်များကို ထောက်ပြရင်း မှတ်ပုံမတင်ရန် ပြောဆိုနေကြသည်။ သဘောက ဒေါ်စုကို သမတဦးသိန်းစိန်အစိုးရအား မယုံကြည့်စေရန် ပြောဆိုနေခြင်းဖြစ်ကြသည်။ လွပ်လွပ်စွာ ဆွေးနွေးနိုင်ခွင့် ရှိကြသူများဖြစ်၍ မည်သို့ မဆို ယင်းသို့ ဆွေးနွေးနေကြသည်ကို လက်ခံရမည်ဖြစ်သည်။ မှတ်ပုံတင်တော့မည်ဆိုသောအခါ ကျွန်တော်စဉ်းစား မိလာသောအချက်တွေ ရှိလာနေသည်ကို ဆွေးနွေးချင်လာသည်။ ယင်းမှာ ပုဒ်မ( ၅၉ ) ( ခ) အရ ရွေးကောက်ခံရသော လွှတ်တော်ကိုယ်စားလှယ်အဘို့  သမတ၊ဒုသမတ အဖြစ် ရွေးချယ်ခံရသူမှာ နိုင်ငံခြားသားမဖြစ်စေရ ဆိုမျိုး ရှိနေသည်။ ၅၉ -( ဃ ) မှာတော့ သမတမှာ စစ်ရေးအမြင် ရှိသူဖြစ်ရမည်လို့  ဖွင့်ဆိုထားသည်။ ဤဥပဒေမျိုးတွေကို ပယ်ဖျက်တာတို့  ပြင်ဆင်တာတို့  မကြားရသေး။ ၂၀၀၈-ဥပဒေကို လေးစားလိုက်နာပါမည် ဆိုသောအချက်ကိုသာ ဆွေးနွေးပြောဆိုနေတာတွေ တွေ့ ရသည်။
စင်စစ်အားဖြင့် ရွေးကောက်ပွဲံတွင် ပါဝင်မည့်သူများ၏အရည်အချင်းများကို ဖွင့်ဆိုထားသော ဥပဒေ၌ ယင်းအချက်ျားသည် ဒေါ်အောင်ဆန်းစုကြည့် တဦးတည်းအား ရည်စူးပြီး ပြုလုပ်ထားခဲ့ သော ဥပဒေအချက်အလက်များဖြစ်သည်။ ၂၀၀၈-ဥပဒေကို ကာကွယ်စောင့်ရှောက်ပါမည်ကို လေးစားလိုက်နာပါမည်ဆိုသော ပြုပြင်ချက်မှာ ပျော့ပျောင်းသွားခြင်းမှန်ပေသော်လည်း နိုင်ငံခြားသားမဖြစ်စေရ ။ နိုင်ငံခြားအစိုးရ၏ အထောက်အပံ့များကို ရှိခံစားနေသူ မဖြစ်စေရ ဆိုသောအချက်တွေက ဒေါ်အောင်ဆန်းစုကြည်အား ချည်ပြီးတုတ်ပြီး ထားသော ဥပဒေတွေဖြစ်နေသည်။ ဒေါ်စုမှာ သားသမီးတွေက အားလုံးနိုင်ငံခြားသားတွေဖြစ်နေရာ ဤကိစ္စကို စဉ်းစားရမည်ဖြစ်သည်။ ဗိုလ်ချုပ်ကြီးခင်ညွန့် မှာ သူတို့ ရေးသော ဥပဒေအိုင်း ချွေးမဖြစ်သူစငက်ာပူသူကို သားက အိမ်ထာင်ကျထားတော့ သားအဖြစ်မှ အမွေပြတ်စွန့် လွှတ်ပေးခဲ့ ရသည်။ သို့ သော် သားဖြစ်သူမှာ ဗိုလ်ချုပ်ခင်ညွန့့််နှင့်အတူ ထောင်နန်းကျခံရသွားသည်။ အဖေတူသားမို့  ဖြစ်သည်။ ဥပဒေကို လက်တလုံး လှည့်နိုင်ခဲ့ သော်လည်း အကျိုးခံးခွင့်များကြောင့် ထောင်ကျသွားရခြင်းဖြစ်သည်။ အကယ်၍ ဥပဒေများကို မပြင်ဆင်လျှင် ယင်းကဲ့သို့  သားသမီးများက နိုင်ငံခြားသားတွေ ဖြစ်နေလို့ ဆိုသော အချက်တွေက ပြသနာတွေ ဖြစ်လာနိုင်စရာ အခြေအနေတွေ ရှိလာနိုင်ကောင်းသည်။ ယင်းဥပဒေတွေကို အားလုံးပြင်ဆင်ပေးရန်လို နေသေးပါသည်။ ပြီးတော့ အကယ်၍ မှတ်ပုံတင်တော့မည်ဆိုလျှင် ယင်းပါတီအနေဖြင့် ရွေးကောက်ပွဲ့ ဝင်သွားသည့်တိုင်အောင် ဥပဒေများကို ပြင်ဆင်ပြီးသွားသည့်တိုင်အောင် အမျိုးသားဒီမိုကရေစီအဖွဲ့ ချုပ်နှင့် ဒေါ်အောင်ဆန်းစုကြည့်မှာ ပါတီမှ ထွက်ပေးရမည်ဖြစ်သည်။ အကြောင်းမှာ ၀န်ကြီးတနေရာရာကို ဒေါ်စုက ရရှိသွားပြီဆိုသည်နှင့် နိုင်ငံရေးပါတီမှ နုတ်ထွက်ပေးရမည်ဟု ဆိုထားသေးသည်။ သည်တော့ နိုင်ငံရေးပါတီအဖြစ် မှတ်ပုံတင်သော်လည်း ယင်းမှာ ရွေးကောက်ပွဲဝင်ရန်အတွက် စင်မြင့်တခုသာဖြစ်သွားသည် ။ အဖွဲ့ ချုပ်နှင့် နော်ကပိုင်းခါ ကင်းကွာသွားမည့်ပြသနာက ရှိနေသည်။
သမတဦးသိန်းစိန်အစိုးရက ဒေါ်အောင်ဆန်းစုကြည်၏ အရည်အချင်းနှင့် နိုင်ငံရေးဂုဏ်သိက္ခာကို လိုအပ်နေလျှင် စောစောက ပြောထားသော စည်းကမ်းချက်တွေကို ပယ်ဖျက်ပေးရမည်မှာ အမှန်ဖြစ်သည်။ မပယ်ဖျက်ပေးဘူးဆိုလျှင် စဉ်းစားရမည့်အချက်တွေဖြစ်နေသည်။ ( ချွင်းချက်- ဥပဒေများကို မပယ်ဖျက်သေးဘူးထင်လို့  ဒီဆောင်းပါးကို ရေးတာပါ ) ။ ဆိုတော့ အမျိုးသားဒီမိုကရစီအဖွဲ့ ချုပ်က နိုင်ငံရေးပါတီအဖြစ် မှတ်ပုံတင်မှ ဒေါ်အောင်ဆန်းစုကြည်က ရွေးကောက်ပွဲကို ၀င်ခွင့်ရသည်မဟုတ် ။ ရှဥ့်လည်းလျောက်သာ ပျားလည်းစွဲသာ ဆိုလျင် ဒေါ်အောင်ဆန်းစုကြည်က ရွေးကောက်ပွဲဝင်ရန်အတွက် ဥပဒေများကို ပြင်ဆင်ပေးပြီး မပြင်ဆင်ပေးလျင် တသီးပုဂ္ဂလအဖြစ် ရွေးကောက်ပွဲကို ၀င်ရန်သာရှိသည်။ အဘယ့်ကြောင့်ဆိုသော် ရွေးကောက်ပွဲတွင် အနိုင်ရခဲ့ ၍ ပြည်ထောင်ဝန်ကြီးများ ရွေးကောက်ခဲ့ ပါက အမျိုးသားဒီမိုကရေစီအဖွဲ့ ချု့ပ်နှင့် ဒေါ်စုမှာ ကင်းကွာသွားပြီး အဖွဲ့ ချုပ်မှ နုတ်ထွက်ပေးရမည်မို့  နှစ်ခါအသဲ အကွဲမခံရအောင် ခုကတည်းက စဉ်းစားရမည်ဖြစ်သည်။ တသီးပုဂ္ဂလအဖြစ် ရွေးကောက်ပွဲဝင်သွားလျှင်လည်း ဒေါ်စုမှာ မဲပေးမည့်လူထုက အရံသင့်ရှိပြီးသားဖြစ်နေသည်။
အမျိုးသားဒီမိုကရေစီအဖွဲ့ ချုပ်ကလည်း ယင်းသို့ ဆိုလျှင် ဒေါ်စုနှင့် မကင်းကွာသွားတော့ ။ အဓိကအားဖြင့် ဒေါ်စုနှင့် အဖွဲ့ ချုပ် မကင်းကွာရအောင် စဉ်းစားတွက်ချက်ရမည့် အချက်တွေဖြစ်နေပါသည်။ တသီးပုဂ္ဂလအဖြစ် အရွေးချယ်ခံသွားရ၍ အမျိုးသားဒီမိုကရေစီအဖွဲ့ ချုပ်ကို ဦးဆောင်နိုင်ခြင်းမှာလည်း ရှေ့ကအတိုင်း ရှိနေအုံးမည်ဖြစ်သည်။ ဤသည်မှာ ဥပဒေကို ကွင်းရှောင်သွားခြင်းကိစ္စဖြစ်သည်။ ကျွန်တော်ပြောနေသည်မှာ ဒေါ်စုကို တသီးပုဂ္ဂလဖြစ်စေလိုပြီး အဖွဲ့ ချုပ်နှင့် ကွင်းကွာအောင် ပြုလုပ်ခြင်း မဟုတ်သည်ကို နားလည်ပေးရန်လိုသည်။ အကယ်၍ ဥပဒေများကို မပြင်ဆင်လျှင်သာ ယင်းသို့  ဆောင်ရွက်ရန် ရှိခြင်းပြောဆိုတာဘဲဖြစ်သည်။ နောက်တခုက မှတ်ပုံတင်ခဲ့ လျှင် ယခင်က ဒေါက်တာသန်းငြိမ်းနှင့် ဦးခင်မောင်ဆွေတို့  ခွဲထွက်သွားတော့ သူတို့ ကို အပြစ်မြင်ခဲ့ ကြသည်။ အဖွဲ့ ချုပ်နှင့် အတူတူ မရပ်တည်ခဲ့ ဟု ။ မည်သို့ ပင်ဆိုစေ ယင်းအချိန်က အဖွဲ့ ချုပ်မှာ နှစ်ခြမ်းကွဲသွားသည်ဘဲ ဖြစ်သွားသည်။ ယင်းကို မည်သူမျှ ငြင်းလို့ မရ ။ ခုတခါ အဖွဲ့ ချုပ်မှ မှတ်ပုံတင်မည်ဆိုသောအခါ နော်အုံးလှတို့ အုပ်စုက မှတ်ပုံမတင်သည့်ဖက်က ရပ်တည်ကျန်နေခဲ့ ပြီ ။ ယခင်က မှတ်ပုံမတင်သော ဖက်မှာ လူထုတွေက တခဲနက် ရှိနေချိန် ယခုနော်အုံးလှတို့ ဖက်က မှန်ပုံမတင်သောအခါ လူထုတွေက ဘယ်ဖက်မှာ ရှိနေကြမှာလဲ ဆိုသည်က ပြသနာဖြစ်လာနေသည်။ မှတ်ပုံမတင်သော ဂုဏ်သိက္ခာကတဖက် ရှိနေသလို မှတ်ပုံတင်ပြီးမှ ဒေါ်စုနှင့်တခါ အဖွဲ့ ချုပ်က ကင်းကွာသွားသည့် ပုံစံမျိုး ပြသနာပေါင်းသောင်းခြောက်ထောင်နှင့် ယှဉ်ထိုးကြည့်မှ ဖြစ်လာမည်ဆိုသော ဂုဏ်သိက္ခာမျိုး နှစ်ခုကို စဉ်းစားရန်လို သည်။ ဤသည်မှာ အဖွဲ့ ချုပ်အတွင်း ထပ်၍ ကွဲအက်သော ဂယက်များဖြစ်သည်။
နိုင်ငံရေးပါတီဆိုသည်မှာ စည်းရုံးရေးလုပ်ငန်းဆောင်ရွက်ခြင်းဖြစ်သည်။ ခုတော့ အဖွဲ့ ချုပ်အတွင်း ထပ်မံပြီး ကွဲအက်ကာ ဖြစ်နေသည်မှာ ကြည့်ကောင်းသောပွဲမျိးမဟုတ်တော့ ။ အရုပ်ဆိုးလွန်းနေသည်။ စည်းရုံးရေးပျက်ပြားနေသော ပုံစံတွေ့ မြင်နေရသည်။ သည်တော့ စည်းရုံးရေးပျက်ပြားတော့ သမတဦးသိန်းစိန် အစိုးရက ကောက်စားရုံဘဲ ရှိတော့သည်။ ကောက်စားတာတောင်မှ အဆီဝင်းဝင်း အသားကောင်းကောင်းကိုမှ ကောက်စားသွားမည့် ပုံတွေမြင်ရသည်။ ယခုအမျိုးသားဒီမိုကရေစီအဖွဲ့ ချုပ်မှ သမတဦးသိန်းစိန်တို့  အစိုးရကလိုအပ်နေသည်မှာ ဒေါ်စုသာဖြစ်သည်။ အခြားမည်သူ့ ကိုမျှမဟုတ် ။ တချိန်က ကာကွယ်ရေးစစ်ဦးချုပ်လုပ်ခဲ့ သူ ဘဘဦးတင်ဦးကို မလို ။သတင်းစာဆရာကြီး ဦးဝင်းတင်ကို မလို ။ သူတို့ လိုသည်မှာ ဒေါ်စုသာဖြစ်သည်။ အကယ်၍ နိုင်ငံရေးအကျဉ်းသားတွေ မလွှတ်ပေးဘဲ မှတ်ပုံတင်ပြီး ရွေးကောက်ပွဲဝင်ခဲ့ လျှင်တော့ မှားလေပြီလား ဆိုသည်ကို ပြည်သူတွေက တနေ့ ပြောဆိုလာကြတော့မည်။ မှတ်ပုံတင်ပြီး ရွေးကောက်ပွဲဝင်ခဲ့ ၍ မင်းကိုနိုင်တို့ လိုနိုင်ငံရေးအကျဉ်းသားများ အားလုံး လွပ်မြောက်ခဲ့ လျှင်တော့ ပြည်သူလူထုက တခဲနက် ထောက်ခံပေးကြအုံးမည်မှာ အသေအချာဖြစ်သည်။ တခုတော့ ရှိနေပါသည်။ ပြည်သူလုထုမှာ သေသေချာချာ ဝေဖန်ပြောဆိုတတ်နေပြီကို ဘယ်တော့မှ မမေ့တတ်ကြစေရန် နိုင်ငံရးသမားတွေအတွက် ပိုသတိ ထားရမည့် အချိန်ကာလ ဖြစ်ပါသည်။

ခိုင်အောင်ကျော် ( နယူးယောက် )

0 အကြံပြုခြင်း: