Thursday, January 6, 2011

ပြေတီဦး နဲ့ အိန္ဒြာကျော်ဇင် လက်ထပ် မင်္ဂလာ လက်မှတ်ရေးထိုးပွဲ


http://www.myanmarcelebrity.com/

မဝေးချင်လို့ ပါ(၀ိုင်းစုနှင့်ဟိန်းဝေယံအဖေဖုန်းဆွေးနွေးခန်း)



အပေါ်ကအသံဖိုင်နားထောင်မရရင်

ဝိုင်းစုဆိုတဲ့ယုံချင်တယ်သီချင်းလေးကိုနားထောင်ရင်သူ့ရင်ထဲကိုသင်မြင်မှာပါ။ဦးဝင်းကိုနဲ့ဆင်တဲ့သူရအောင်ရှာတတ်ပါ့ဗျာ။


၆.၁.၁၁ ရက်နေ့ရဲရင့်ငယ်ဒိုင်ယာရီ

File Name

မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

4 attachments — Download all attachments  
6 Jan 2011 Yeyintnge's Diary.doc6 Jan 2011 Yeyintnge's Diary.doc
2724K   View   Download  
6 Jan 2011 Yeyintnge's Diary.pdf6 Jan 2011 Yeyintnge's Diary.pdf
3506K   View   Download  
The First Lady Of Freedom.pdfThe First Lady Of Freedom.pdf
120K   View   Download  
Support and welcome 2nd Pinlone.pdfSupport and welcome 2nd Pinlone.pdf
227K   View   Download  



6 Jan 2011 Yeyintnge's Diary.doc
2.66MB
6 Jan 2011 Yeyintnge's Diary.pdf
3.42MB

6 Jan 2011 Yeyintnge's Diary

မြန်မာနိုင်ငံနှင့် စီးပွားရေး ပိတ်ဆို့မှု ပြဿနာ


အာဏာရှင်တို့၏ စီးပွားရေးတလွဲတချော်စီမံခန့်ခွဲမှု နှင့် နိုင်ငံအချို့၏ ချော့မြှူရေးပေါ်လစီကိုလျစ်လျူရှုကာ၊ အာဟာရ ချို့တဲ့နေသည့် ကလေးသူငယ်များ၊ သန်းနှင့်ချီသည့် တရားမဝင်ရွှေ့ပြောင်းအလုပ်သမားများ နှင့် ဒုက္ခသည်များကို လက်ညှိုးထိုးပြီး မြန်မာနိုင်ငံအပေါ်ချမှတ်ထားသည့် စီးပွားရေးပိတ်ဆို့ဒဏ်ခတ်မှုကို အပြစ်ဆိုချင်သူများ ရှိနေပါသည်။ သို့ရာတွင် စီးပွားရေးဒဏ်ခတ်ပိတ်ဆို့မှုနှင့် မြန်မာနိုင်ငံအကြောင်းပြောရာတွင် ပညာရှင်အမြင်၊ စစ်အစိုးရဘက်မှ ရှေ့ နေ လိုက်သူများအမြင်နှင့် စီးပွားရေးသမားများဘက်မှ ရှေ့နေလိုက်သူများအမြင်တို့မှာ နိုင်ငံရေးအမြင်နှင့် အကြီးအ ကျယ် ကွဲလွဲနေပါသည်။
နှစ်ပတ်ဗီဇာဖြင့် မြန်မာနိုင်ငံသို့ နှစ်ကြိမ်-သုံးကြိမ်သွားရောက်၊ အင်္ဂလိပ်စကားပြောတတ်သည့် မြန်မာလူမျိုးအနည်း ငယ်ကို အင်တာဗျူးပြီး ရေးထုတ်လိုက်သည့်စာတမ်းများမှာ မည်သို့အဆင့်ရှိမည်ကို နားလည်ယူနိုင်သည်။ တချိန် တည်းတွင် နိုင်ငံရေးနောက်ခံရှိသူ သို့မဟုတ် မရှိသူ အဆင့်မြင့်ပညာတတ် မြန်မာပြည်သားများကလည်း စစ်အုပ်စု အ တွက် လျှောက်လဲချက်ပေးနေကြသည်။ မည်သို့ပင်ရှိစေ ဗိုလ်ချုပ်ကြီးနေဝင်း ပြုတ်ကျသွားချိန်နှင့် စစ်ထောက်လှမ်း ရေးမှူးချုပ် ခင်ညွန့် ပြုတ်ကျသွားချိန်များတွင် အလားတူ မြန်မာလူမျိုးအများအပြား မြောင်းထဲရောက်သွားခဲ့သည်။
မြန်မာနိုင်ငံအပေါ် စီးပွားရေးဒဏ်ခတ်မှုများ ဘာကြောင့်ချမှတ်ထားပါသနည်း။ အကြောင်းတရားများမှာ …
(၁)     ၁၉၈၈ ခုက ကျောင်းသားများဦးဆောင်သည့် ဆန္ဒပြပွဲများကို ရက်စက်ကြမ်းကြုတ်စွာနှိမ်နင်းခဲ့မှု
(၂)     ၁၉၈၈ ခုနောက်ပိုင်း လူ့အခွင့်အရေးဖောက်ဖျက်မှုများ
(၃)     ၁၉၉၆ ခုတွင် နိုင်ငံခြားသံတမန်တဦးကို အကျဉ်းထောင်တွင်း၌ သတ်ဖြတ်ပစ်မှု
(၄)     အိုင်အယ်လ်အိုမှ မှတ်တမ်းယူထားသည့် ၂ဝဝ၁ ခုနောက်ပိုင်း အဓမ္မလုပ်အားပေးစေခိုင်းမှုများ
(၅)     ၂ဝဝ၃ ခုနောက်ပိုင်း ငွေကြေးခဝါချမှုနှင့် မူးယစ်ဆေးရငွေများကို တရားဝင်စီးပွားရေးထဲသွင်းမှုများ
(၆)     ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများကို ထပ်ခါတလဲလဲ ဖမ်းဆီးထိန်းသိမ်းမှုများ
(၇)     ၂ဝဝ၃ ခု ဒီပဲယင်းလူသတ်ပွဲ
(၈)     ၂ဝဝ၇ ခု သံဃာတော်များဦးဆောင်သည့် ဆန္ဒပြပွဲကို ရက်စက်စွာနှိမ်နင်းမှု တို့ဖြစ်ပါသည်။
နိုင်ငံအနှံ့ဖြစ်ပွားခဲ့သည့် ၈ လေးလုံးအရေးတော်ပုံကို ရက်ရက်စက်စက်ပစ်ခတ်နှိမ်နင်းခဲ့သည့်အခါ တာဝန်သိနိုင်ငံ အားလုံးက ပြစ်တင်ရှုတ်ချခြင်း၊ စီးပွားရေးဒဏ်ခတ်ပိတ်ဆို့ခြင်း၊ ကန့်သတ်ခြင်း စသည့် သင့်လျော်ပြီး ဖြစ်နိုင်ခြေရှိ သော ဆောင်ရွက်မှုများ ပြုလုပ်ခဲ့ကြသည်။ ကုလသမဂ္ဂအထွေထွေညီလာခံနှင့် ကုလသမဂ္ဂလူ့အခွင့်အရေးကော်မရှင် တို့က မြန်မာနိုင်ငံလူ့အခွင့်အရေးအခြေအနေနှင့်ပတ်သက်သည့် ဆုံးဖြတ်ချက်များကို ၁၉၉၂ ခုမှ ၂ဝ၁ဝ ခုအထိ နှစ် စဉ်နှစ်တိုင်း ချမှတ်ခဲ့သည်။
၁၉၉၆ ခု ဇွန်လ ၂၂ ရက်တွင် ဒိန်းမတ်၊ နော်ဝေ၊ ဖင်လန်၊ ဆွီဒင် နှင့် ဆွစ်ဇာလန်နိုင်ငံများ၏ ကောင်စစ်ဝန် ဂျိမ်းလင် ဒါနစ်ခိုးလ်ကို မိတ္တူပို့စက် (ဖက်စ်စက်) လက်ဝယ်တွေ့ရှိမှု ဟူသောရာဇဝတ်မှုဖြင့် မြန်မာနိုင်ငံက ဖမ်းဆီးအကျဉ်းချပြီး နှိပ်စက်ညှဉ်းပန်းခဲ့၍ သေဆုံးသွားခဲ့သည်။ ၁၉၉၆ ခု ဒီဇင်ဘာ ၂ ရက်တွင် ရန်ကုန်တက္ကသိုလ်နှင့် ရန်ကုန်စက်မှု တက္က သိုလ်တို့မှ ကျောင်းသားတထောင်ကျော် ဆန္ဒပြခဲ့ရာ ရာနှင့်ချီ၍အဖမ်းခံရပြီး ကျောင်းအားလုံး ပိတ်ပစ်ခဲ့သည်။
ကားလ်စ်ဘဂ်ကုမ္ပဏီ (ဒိန်းမတ်နိုင်ငံ) က ရင်းနှီးမြှုပ်နှံမည့်အစီအစဉ်ကို စွန့်လွှတ်လိုက်ပြီး ဟင်နီကင် ကုမ္ပဏီ (နယ် သာလန်) က မြန်မာနိုင်ငံတွင် ဒေါ်လာသန်း ၃ဝ ရင်းနှီးထားမှုမှ ဆုတ်ခွာကြောင်း ကြေညာခဲ့သည်။ ၁၉၉၇ ဇန်နဝါရီ ၂၈ ရက်တွင် ကိုဒတ်၊ အက်ပယ်လ်၊ ဝေါ့လ်ဒစ်စနီ နှင့် ပက်ပ်ဆီကုမ္ပဏီများက မြန်မာနိုင်ငံမှ လုံးဝ ရုပ်သိမ်းကြောင်း ကြေညာခဲ့ကြသည်။
ဥရောပသမဂ္ဂက ၁၉၉၆ ခု အောက်တိုဘာလတွင် မြန်မာနိုင်ငံအပေါ် လက်နက်ပိတ်ဆို့မှုကိုလည်းကောင်း၊ ဘုံရပ် တည်ချက်ကိုလည်းကောင်း သဘောတူချမှတ်ခဲ့သည်။ အဆိုပါ မြန်မာနိုင်ငံအပေါ် အီးယူ၏ဘုံရပ်တည်ချက်ထဲတွင် လက်နက်များနှင့် လက်နက်နည်းပညာများ ရောင်းချမှု သို့မဟုတ် လွှဲပြောင်းပေးမှုကို တားမြစ်ခြင်း၊ စစ်အစိုးရအဖွဲ့ဝင် များ မိသားစုများ လက်ဝေခံအပေါင်းအသင်းများအပေါ် ဗီဇာကန့်သတ်ခြင်း၊ စစ်အစိုးရအရာရှိများ၏ ပင်လယ်ရပ်ခြား ပိုင်ဆိုင်မှုများကို ပိတ်ဆို့ထိန်းချုပ်ခြင်းများ ပါဝင်ခဲ့သည်။
၁၉၉၆ ခု စက်တင်ဘာ ၃ဝ ရက်တွင် အမေရိကန်သမတ ကလင်တန်က ၁၉၉၇ နိုင်ငံခြားလုပ်ငန်းခန့်ခွဲမှု ဥပဒေကြမ်း ကို လက်မှတ်ထိုးအတည်ပြုပြီး ကယ်ဆယ်ရေးအကူအညီနှင့် မူးယစ်ဆေးဝါးဆန့်ကျင်ရေးရည်ရွယ်ချက်မှလွဲ၍ မြန်မာ နိုင်ငံသို့ အမေရိကန်၏အကူအညီကို တားမြစ်လိုက်သည်။ အီးယူမှကျောထောက်နောက်ခံပေးထားသည့် လေ့လာ ချက်တခုအရ မြန်မာပြည်တွင် အဓမ္မလုပ်အားပေးစေခိုင်းခံရသူ ၈ဝဝဝဝဝ (ရှစ်သိန်း) ရှိနေကြောင်း ဖော်ထုတ်နိုင်ခဲ့ပြီး နောက် ၁၉၉၇ ခု မတ်လ ၂၅ ရက်တွင် အီးယူနိုင်ငံခြားရေးဝန်ကြီးများက မြန်မာနိုင်ငံအတွက် အထွေထွေဦးစားပေး စနစ် GSP အကျိုးခံစားခွင့်များကို ပယ်ဖျက်ပစ်ဖို့ မဲပေးဆုံးဖြတ်ခဲ့ကြသည်။ မြန်မာနိုင်ငံတွင် ဒီမိုကရေစီသို့ တိုးတက်မှု ကင်းမဲ့နေခြင်းကို ထောက်ပြလျက် ကနေဒါနိုင်ငံကလည်း ၁၉၉၇ ခု ဇူလိုင် ၂၈ ရက်တွင် မြန်မာနိုင်ငံအတွက် GSP အကျိုးခံစားခွင့်များကို ဖယ်ရှားပစ်ခဲ့သည်။
၁၉၉၇ ခု စက်တင်ဘာ ၂၃ ရက်တွင် တက်ဆာကို (အမေရိကန်ရေနံကုမ္ပဏီ) က မြန်မာနိုင်ငံရှိ ရဲတံခွန်ရေနံနှင့် သ ဘာဝဓာတ်ငွေ့မြေမှ ¤င်း၏ရှယ်ယာ ၄၂. ၉% ကို ပက်ထရိုးနာ့စ် (မလေးရှားကုမ္ပဏီ) နှင့် ပရီမီယာရေနံ (ဗြိတိသျှ ကုမ္ပ ဏီ) သို့ ဒေါ်လာသန်း ၂၆ဝ ဖြင့် ရောင်းပစ်ခဲ့သည်။ မြန်မာနိုင်ငံက ယခင်ချေးငွေများကို ပြန်မဆပ်သဖြင့် ၁၉၉၈ ခု စက်တင်ဘာ ၄ ရက်တွင် ကမ္ဘာ့ဘဏ်က မြန်မာပြည်နှင့် ဘဏ္ဍာရေးအဆက်အသွယ်များကို ဖြတ်တောက်လိုက်သည်။
၂ဝဝ၃ ခု မေလ ၃ဝ ရက်နေ့ညနေတွင် ဒေါ်အောင်ဆန်းစုကြည်နှင့် ထောက်ခံသူများကို ကြံ့ဖွတ်အသင်း၏ လက်ကိုင် တုတ်ဖြစ်သော စွမ်းအားရှင်များက ရည်ရွယ်ချက်ရှိရှိ တိုက်ခိုက် သတ်ဖြတ်ခဲ့ကြသည်။ နအဖက လူသတ် သမားများ၊ အကြမ်းဖက်မှုကျူးလွန်သူများကို အရေးယူမှုမရှိခဲ့ဘဲ ဒေါ်အောင်ဆန်းစုကြည်နှင့် အခြားသူ ၁၉ ဦးကိုသာ ဖမ်းဆီးထိန်း သိမ်းခဲ့ပြီး တနိုင်ငံလုံးရှိ အဲန်အယ်လ်ဒီပါတီရုံးများကိုလည်း ပိတ်ပစ်ခဲ့သည်။
၂ဝဝ၃ ခု ဇွန်လ ၆ ရက်နေ့တွင် အမေရိကန်သမတ ဘွတ်ရ်ှအစိုးရက ကြံ့ဖွတ်အသင်းဝင်များကိုပါ ဗီဇာပိတ်ဆို့ လိုက် သည်။ ၂ဝဝ၃ ခု ဇွန်လ ၁၁ ရက်တွင် အမေရိကန်အထက်လွှတ်တော်က ‘၂ဝဝ၃ မြန်မာပြည်လွတ်လပ်ရေးနှင့် ဒီမိုက ရေစီအက်ဥပဒေ’ ကိုချမှတ်လိုက်ပြီး မြန်မာနိုင်ငံအနေဖြင့် အချက်အလက်အချို့ကို မဖြည့်ဆီးမချင်း မြန်မာနိုင်ငံမှ သွင်းကုန်အားလုံးကို တားမြစ်ခြင်း၊ မြန်မာစစ်အစိုးရ၏ပိုင်ဆိုင်မှုများ အစိုးရနှင့်ဆက်နွယ်သူများ၏ ပိုင်ဆိုင်မှုများကို ပိတ်ဆို့ ထိန်းချုပ်ခြင်း၊ လက်ရှိဗီဇာတားမြစ်ချက်နှင့် နိုင်ငံတကာဘဏ္ဍာရေးအဖွဲ့အစည်းများမှ မြန်မာနိုင်ငံသို့ငွေချေးမှု တားမြစ်ချက်တို့ကို ဥပဒေအဖြစ်အသက်သွင်းခြင်းများ ပြုလုပ်လိုက်သည်။
၂ဝဝ၃ ခု ဇွန်လ ၁၆ ရက်တွင် အီးယူကောင်စီက ပစ်မှတ်ပုဂ္ဂိုလ်များစာရင်းကို တိုးချဲ့လိုက်ပြီး ဝန်ကြီးများ၊ ဒုဝန်ကြီးများ၊ ဝန်ကြီးဟောင်းများနှင့် အထက်တန်းစစ်အရာရှိများ၏ မိသားစုဝင်များကို ထည့်သွင်းလိုက်သည်။ ၂ဝဝ၃ ခု ဇွန် ၂၄ ရက်တွင် ဂျပန်နိုင်ငံက စီးပွားရေးအကူအညီအားလုံးရပ်ဆိုင်းလိုက်ပြီး မြန်မာနိုင်ငံအတွက် လက်ရှိဆောင်ရွက်နေဆဲ စီမံကိန်းများမှလွဲ၍ တရားဝင်ဖွံ့ဖြိုးရေးအကူအညီ ဦဗ အသစ်ပေးမှုကို ရပ်တန့်လိုက်သည်။ ၂ဝဝ၃ ခု ဇွန်လ ၂၅ ရက် တွင် အီးယူက ခရီးသွားလာရေးပိတ်ဆို့ဒဏ်ခတ်မှုကို တိုးချဲ့ကာ နိုင်ငံပိုင်စီးပွားရေးလုပ်ငန်းများမှ အကြီးတန်းမန်နေ ဂျာများ၊ မြန်မာစစ်အစိုးရနှင့် ဆက်စပ်နေသည့် အဖွဲ့အစည်းများမှ ခေါင်းဆောင်များကို ထည့်သွင်းလိုက်သည်။
၂ဝဝ၃ ခု စက်တင်ဘာ ၁၉ ရက်တွင် ဒေါ်အောင်ဆန်းစုကြည်သည် မီးယပ်ရောဂါအတွက် အကြီးစားခွဲစိတ်ကုသမှု ခံ ယူခဲ့ပြီး ပြန်လည်နလံထသည့်အခါ အကျယ်ချုပ်ချမှတ်ခံခဲ့ရသည်။ ၂ဝဝ၃ ခု နိုဝင်ဘာ ၁၉ ရက်တွင် အမေရိကန် ဘဏ္ဍာရေးဝန်ကြီးဌာနက အမေရိကန်ပြည်ထောင်စု မျိုးချစ်အက်ဥပဒေ ပုဒ်မ ၃၁၁၁ အရ မြန်မာနိုင်ငံနှင့် မြန်မာဘဏ် နှစ်ခုကို ငွေမည်းခဝါချမှုအတွက် စိုးရိမ်ရသည့်အဆင့် သတ်မှတ်လိုက်သည်။ ၂ဝဝ၄ ခု အောက်တိုဘာ ၂၅ ရက်တွင် အီးယူကောင်စီက ခရီးသွားလာရေးပိတ်ပင်မှုကို တိုးချဲ့ကာ မြန်မာစစ်တပ်၏ အဆင့်နိမ့်အဖွဲ့ဝင်များကို ထည့်သွင်း လိုက်ပြီး မြန်မာနိုင်ငံပိုင်စီးပွားရေးလုပ်ငန်းများအား ဘဏ္ဍာငွေချေးငှားမှု သို့မဟုတ် အကြွေးပေးမှုကို တားမြစ်လိုက် သည်။
ဆန္ဒပြ ဗုဒ္ဓဘာသာရဟန်းတော်များကို ၂ဝဝ၇ ခု စက်တင်ဘာလတွင် သွေးထွက်သံယိုနှိမ်နင်းခဲ့ပြီးနောက် ၂ဝဝ၈ ခု ဇူလိုင် ၂၉ ရက်တွင် စစ်အုပ်စု၏ ဒီမိုကရေစီဆန့်ကျင်ရေး JADE အက်ဥပဒေကို ချမှတ်လိုက်သည်။ ထိုကာလက ကျောက်မျက်ရတနာများသည် မြန်မာနိုင်ငံအတွက် ဝင်ငွေရရာ တတိယအကြီးဆုံးဇာစ်မြစ်ဖြစ်နေသောကြောင့် ယင်း သို့ ချမှတ်ခြင်းဖြစ်သည်။
သြစတြေးလျနိုင်ငံသည် ၁၉၈၈ ခုကတည်းက ချမှတ်ခဲ့သည့် ကာကွယ်ရေးဆိုင်ရာပို့ကုန်များ တားမြစ်မှုနှင့် နောက် ပိုင်းတွင်ချမှတ်ခဲ့သည့် အကြီးတန်းစစ်အုပ်စုခေါင်းဆောင်များအပေါ် ဗီဇာကန့်သတ်မှုများကို ဆက်လက်ထိန်းထား လျက် ၂ဝဝ၇ ခု အောက်တိုဘာလတွင် မြန်မာစစ်ဗိုလ်ချုပ်များနှင့် မိသားစုများအပေါ် ဘဏ္ဍာရေးဒဏ်ခတ်ပိတ်ဆို့မှု များ ထုတ်ပြန်ကြေညာလိုက်သည်။ ကနေဒါနိုင်ငံကလည်း ၂ဝဝ၇ ခု နိုဝင်ဘာလတွင် စီးပွားရေးဒဏ်ခတ်အရေးယူမှု များ ချမှတ်လိုက်ပြီး လူသားချင်းစာနာရေးပစ္စည်းများမှလွဲ၍ မြန်မာနိုင်ငံဆိုင်ရာ ပို့ကုန်သွင်းကုန်များကို ပိတ်ပင်လိုက် သည်။
ဆင်းရဲမွဲတေမှုနှင့် စီးပွားရေးဒဏ်ခတ်အရေးယူမှု
-         ဆင်းရဲမွဲတေမှုအတွက် စီးပွားရေးပိတ်ဆို့ဒဏ်ခတ်မှုများကို အပြစ်တင်သူများရှိသည်။ သို့ရာတွင် မြန်မာနိုင်ငံ သည် မြန်မာ့ဆိုရှယ်လစ်လမ်းစဉ် ဟုဆိုသည့် တံခါးပိတ်စီးပွားရေးပေါ်လစီအောက်တွင် ၁၉၈၇ ခုကတည်းက ဖွံ့ဖြိုးမှု အနိမ့်ဆုံး နိုင်ငံ LDC ဖြစ်နေခဲ့ရာ စီးပွားရေးပိတ်ဆို့ဒဏ်ခတ်မှုများထက် စောခဲ့ပြီး ယခုအနှစ် ၂ဝ ကြာ တံခါးဖွင့်ဈေး ကွက်စီးပွားရေး ဖြတ်သန်းခဲ့သော်လည်း LDC အဆင့်မှ မလွတ်မြောက် နိုင်ခဲ့ပေ။
-         ဆူးအက်တူးမြောင်းကြောင့် အစောပိုင်းနှစ်ကာလများ၌ မြန်မာနိုင်ငံသည် ဆန်တင်ပို့မှုဖြင့် ချမ်းသာခဲ့ရာ သ ဘာဝသယံဇာတများမှာ မတို့ထိဘဲ ရှိခဲ့သည်။
-         မြန်မာနိုင်ငံသည် ၂ဝဝ၇-၂ဝဝ၈ တွင် ထိုင်းနိုင်ငံသို့ သဘာဝဓာတ်ငွေ့တင်ပို့မှုမှ အမေရိကန်ဒေါ်လာ သန်း ၂၆ဝဝ ခန့်ရခဲ့သည်။ ရွှေဓာတ်ငွေ့သိုက်မှ နှစ် ၂ဝ စာချုပ်ဖြင့် ဒေါ်လာ သန်း ၂၄ဝဝဝ (တနှစ်လျှင် ဒေါ်လာ သန်း ၁၂ဝဝ) ရထားသည်။ (ကာကွယ်ရေးဝန်ကြီးဌာန စစ်ပစ္စည်းဝယ်ယူရေး ညွှန်ကြားရေးမှူးရုံးက ၄ဝ%၊ စစ်အုပ်စုဘက် သားများက ၆ဝ% ပိုင်သည့်) ပြည်ထောင်စုမြန်မာနိုင်ငံစီးပွားရေးဦးပိုင်လိမိတက်က ကျောက်မျက်ရတနာရောင်းချမှု ၆ဝ% ကိုရရှိသည်။ ခြောက်လတကြိမ် ကျောက်မျက်ရောင်းချမှုမှ ဝင်ငွေ ဒေါ်လာသန်း ၁ဝဝ ခန့်ရသည်။
-         နိုင်ငံခြားငွေအရံ ဒေါ်လာသန်း ၆ဝဝဝ ကျော်ရှိနေရာ မြန်မာနိုင်ငံတွင် ပြည်သူတို့၏ဘဝများကို ပြောင်းလဲသွား အောင် လုပ်နိုင်သည့် ဘဏ္ဍာရေးရင်းမြစ်များရှိနေသည်။ သို့သော် စစ်အုပ်စုသည် မြောက်ကိုးရီးယားအကူ အညီဖြင့် ဥမင်လှိုဏ်ခေါင်းကွန်ယက်ကြီးကို ဒေါ်လာသန်း ၃ဝဝဝ သုံးစွဲတည်ဆောက်နေသည်။ မြန်မာလေတပ်အတွက် ရုရှား လုပ် အမ်အိုင်ဂျီ-၂၉ လေယာဉ်များဝယ်ရန် ယူရိုငွေသန်း ၄ဝဝ သုံးခဲ့သည်။ သို့ရာတွင် ကျန်းမာရေးအတွက် အစိုးရအ သုံးစရိတ်မှာ ဂျီဒီပီ၏ ၁% မရှိဘဲ ပညာရေးအတွက်လည်း ၂% မရှိခဲ့ပေ။ တချိန်တည်းတွင် စစ်အသုံးစရိတ်မှာမူ (၂ဝဝ၃-၂ဝဝ၄ တွင်) ၄ဝ% ကျော်ခဲ့သည်။
-         ဝီကီလိက်ကြေးနန်းများအရ စစ်အစိုးရသည် ရေနံနှင့်ဓာတ်ငွေ့မှ ဝင်ငွေများ တိုးတက်ရရှိခဲ့သော်လည်း မြန်မာ ပြည်သူတို့၏ဘဝကို တိုးတက်အောင် ဘာမှမလုပ်ခဲ့ကြောင်း တရုတ်သံအမတ်ကြီးကိုယ်တိုင် ၂ဝဝ၈ ခု ဇန်နဝါ ရီ ၁၈ ရက်တွင် ဝန်ခံခဲ့သည်။
ကျန်းမာရေးပညာရှင်များကလည်း စီးပွားရေးဒဏ်ခတ်မှု၏အကျိုးသက်ရောက်မှုကို ဆွေးနွေးငြင်းခုံကြပါသည်။ ပြင်း ထန်သည့် ဆင်ဆာဖြတ် စိစစ်မှုကြောင့် ရွေးကောက်ပွဲဆိုင်ရာအချက်အလက်များသာမက စီးပွားရေးညွှန်ကိန်းများနှင့် ကျန်းမာရေးစာရင်းအင်းများအပါအဝင် အချက်အလက်အားလုံးကို အမြဲယုံကြည်နိုင်စွမ်းမရှိ သို့မဟုတ် အားကိုးနိုင်ခြင်း မရှိဖြစ်နေပါသည်။ စီးပွားရေးဒဏ်ခတ်မှုဆန့်ကျင်ရေးဂိုဏ်းသားများက စီးပွားရေးပိတ်ဆို့ဒဏ်ခတ်မှုများကြောင့် ပြည် သူများ သေဆုံးနေရသည်ဟုဆိုသည်။ သို့သော် WHO/UNICEF မှအချက်အလက်များအရ ၅ နှစ်အောက် ကလေး သူငယ်သေဆုံးနှုန်းမှာ ၁၉၉ဝ ခုတွင် လူ ၁ဝဝဝ ၌ ၁၂ဝ-၁၃ဝ ရှိပြီး ၂ဝဝ၈ ခုတွင် ၉၇-၉၈ သို့ကျဆင်းသွားခဲ့သည်။
ဗဟိုစာရင်းအင်းအဖွဲ့၏ စာရင်းများအရလည်း ၅ နှစ်အောက် ကလေး-သူငယ်-မွေးကင်းစ သေပျောက်နှုန်းမှာ ၁၉၉ဝ အဆင့်နှင့်နှိုင်းစာလျှင် ကျဆင်းသွားသည်ကို ပြခဲ့သည်။ ဗီတာမင်အေ ဖြည့်စွက်တိုက်ကျွေးခြင်း အပါအဝင် ကာကွယ် ဆေးပေးမှုနှုန်း မြင့်တက်လာကြောင်း၊ လူ့သက်တမ်းမှာ ၅၉ နှစ်မှ ၆၂ နှစ်သို့ မြင့်တက်လာကြောင်း၊ အိတ်ခ်ျအိုင်ဗီ ဖြစ်ပွားမှုမှာ ၉ဝ စုနှစ်များနှောင်းပိုင်းတွင် ၁. ၅% မှ မကြာသေးမီနှစ်များအတွင်း ဝ ၇၄% သို့ ကျဆင်းသွားကြောင်း မြန်မာ့အလင်းသတင်းစာတွင် ဖော်ပြခဲ့လေ၏။
စီးပွားရေးပိတ်ဆို့မှုဆန့်ကျင်ရေးသမားများ ပြောသလို ယင်းဒဏ်ခတ်ပိတ်ဆို့မှုများကြောင့် ကလေးငယ်များသေဆုံးနေ သည်ဆိုပါက အထက်ပါကိန်းဂဏန်းများမှာ မယုံနိုင်စရာဖြစ်နေလေ၏။ စီးပွားရေးပိတ်ဆို့မှုများက ပြည်သူလူထု၏ ကျန်းမာရေးအဆင့်အတန်းကို ပျက်ပြားစေသည်ဖြစ်စေ၊ တိုးတက်စေသည်ဖြစ်စေ၊ ၂ဝဝဝ ခုနှစ်အစောပိုင်းမှစ၍ မြန်မာ ပြည်၏ ကျန်းမာရေးစနစ်မှာ ကမ္ဘာပေါ်ရှိနိုင်ငံပေါင်း ၁၉၂ နိုင်ငံအနက် အဆင့် ၁၉ဝ ရှိသည်ဟု ကမ္ဘာ့ကျန်မာရေး အစီ ရင်ခံစာတွင် သတ်မှတ်ထားသည်။
၂ဝ၁ဝ ခု ကမ္ဘာ့ကျန်းမာရေးစာရင်းအင်းများတွင် ပါရှိသည့် မြန်မာနိုင်ငံ၏ ကျန်းမာရေးအသုံးစရိတ်ကို စာရင်းထဲတွင် ကပ် လျက်ရှိသည့် ‘မ’ နှင့်စသောနိုင်ငံတနိုင်ငံနှင့် နှိုင်းယှဉ်ကြည့်လျှင် စိတ်ဝင်စားစရာကောင်းလှပါသည်။
-         ဂျီဒီပီ ထဲတွင် ကျန်းမာရေးအသုံးစရိတ်ရာခိုင်နှုန်း။ မိုဇမ်ဘစ် ၅. ၉ (၂ဝဝဝ ခုနှစ်)၊ မြန်မာ ၂. ၁ (၂ဝဝဝ ခုနှစ်) နှင့် ၁. ၉ (၂ဝဝ၇ ခုနှစ်)
-         ကျန်းမာရေးအသုံးစရိတ်စုစုပေါင်းထဲတွင် အထွေထွေအစိုးရပိုင်း၏အသုံးစရိတ်ရာခိုင်နှုန်း၊ မိုဇမ်ဘစ် ၇၁. ၉ (၂ဝဝဝ ခုနှစ်) နှင့် ၇၁. ၈ (၂ဝဝ၇ ခုနှစ်)၊ မြန်မာ ၁၃. ၄ (၂ဝဝဝ ခုနှစ်) နှင့် ၁၁. ၇ (၂ဝဝ၇ ခုနှစ်)
-         ကျန်းမာရေးအသုံးစရိတ်စုစုပေါင်းထဲတွင် ပုဂ္ဂလိကပိုင်း၏အသုံးစရိတ်ရာခိုင်နှုန်း၊ မိုဇမ်ဘစ် ၂၈. ၁ (၂ဝဝဝ ခုနှစ်) နှင့် ၂၈. ၂ (၂ဝဝ၇ ခုနှစ်)၊ မြန်မာ ၈၆. ၆ (၂ဝဝဝ ခုနှစ်) နှင့် ၈၈. ၃ (၂ဝဝ၇ ခုနှစ်)
-         အထွေထွေအစိုးရအသုံးစရိတ်စုစုပေါင်းထဲတွင် ကျန်းမာရေးအတွက် အသုံးစရိတ်ရာခိုင်နှုန်း၊ မိုဇမ်ဘစ် ၁၇. ၉ (၂ဝဝဝ ခုနှစ်) နှင့် ၁၂. ၆ (၂ဝဝ၇ ခုနှစ်)၊ မြန်မာ ၁. ၂ (၂ဝဝဝ ခုနှစ်) နှင့် ဝ. ၉ (၂ဝဝ၇ ခုနှစ်)
-         ကျန်းမာရေးအသုံးစရိတ်စုစုပေါင်းထဲတွင် ပြင်ပရင်းမြစ်များပါဝင်မှုရာခိုင်နှုန်း၊ မိုဇမ်ဘစ် ၂၆. ၄ (၂ဝဝဝ ခုနှစ်) နှင့် ၅၇. ၈ (၂ဝဝ၇ ခုနှစ်)၊ မြန်မာ ၁. ၁ (၂ဝဝဝ ခုနှစ်) နှင့် ၇. ၆ (၂ဝဝ၇ ခုနှစ်)
မြန်မာနိုင်ငံနှင့် ပိုမိုတိုးမြှင့်ကုန်သွယ်ခြင်းသည် နိုင်ငံရေးပြုပြင်ပြောင်းလဲမှုများဆီ ဦးတည်သွားဖို့ အလားအလာမရှိပေ။ အကြောင်းမှာ စီးပွားရေးလုပ်ငန်းအများစုကို စစ်အုပ်စုနှင့် လက်ဝေခံရောင်းရင်းများက ချုပ်ကိုင်ထားသော ကြောင့်ဖြစ် သည်။ ကုန်သွယ်ရေးတိုးမြှင့်မှုမှ ပေါက်ဖွားလာမည့် ဓနဥစ္စာများသည် သာမန်လူတန်းစားများထံ လျှံကျ စီးထွက်သွား လိမ့်မည်ဟု ယူဆစရာအကြောင်းမရှိပါ။ မြန်မာနိုင်ငံသည် ကမ္ဘာ့ဘဏ်သို့ အကြွေဆပ်ရန် ပျက်ကွက်ထားသဖြင့် နိုင်ငံ စုံ ဌာနစုံမှ ငွေချေးငှားမှုအကူအညီရဖို့ အရည်အချင်းမကိုက်ညီပေ။ သို့ဖြစ်၍ စစ်အစိုးရကိုယ်၌က စီးပွားရေးပိတ်ဆို့မှု များကို တကယ်တန်းချမှတ်ထားသူ ဖြစ်နေပါသည်။
စီးပွားရေးပိတ်ဆို့ဒဏ်ခတ်မှုများက ဒေါ်အောင်ဆန်းစုကြည်လွတ်မြောက်ရေးအတွက် အကျိုးပြုခဲ့သည်ဟူသောအဆို မှာ လက်ခံနိုင်စရာဖြစ်သည်။ ၂ဝဝ၉ ခုနှစ်က ဗိုလ်ချုပ်မှူးကြီးသန်းရွှေထံ သူမ စာရေးပြီး စီးပွားရေးပိတ်ဆို့မှုများ ဖယ် ရှားရေးအတွက် ကူညီမည်ဟု ကမ်းလှမ်းခဲ့သည်။ သူမ လွတ်လာပြီးနောက်တွင် ‘ပြည်သူလူထုက စီးပွားရေးပိတ်ဆို့ မှုများကို တကယ်ဖယ်ရှားစေလိုလျှင် ကျမ စဉ်းစားပေးပါမည်’ ဟုပြောခဲ့သည်။
မြန်မာနိုင်ငံအပေါ် စီးပွားရေးပိတ်ဆို့မှုများဖယ်ရှားလိုက်လျှင် ဆန္ဒပြပွဲများကို မဖြိုခွင်း မနှိမ်နင်းတော့ဟု မည်သူက အာ မခံနိုင်မည်နည်း။ အဓမ္မလုပ်အားပေး လုပ်ရပ်များ မပြုလုပ်တော့ဟု မည်သူက အာမခံနိုင်မည်နည်း။ လူ့အခွင့်အရေး ဖောက်ဖျက်မှုများ လုံးလုံးမရပ်သော်မှ လျော့ကျသွားပြီလား။ ၂ဝ၁ဝ ခု နိုဝင်ဘာ ၁၈ ရက်တွင် ကုလသမဂ္ဂ အထွေ ထွေညီလာခံ တတိယကော်မတီက မြန်မာနိုင်ငံ၏ လူ့အခွင့်အရေးအခြေအနေဆိုင်ရာဆုံးဖြတ်ချက်ကို အတည်ပြုချ မှတ်စဉ်က မြန်မာပြည်တွင် လူ့အခွင့်အရေးအခြေအနေ တိုးတက်လာပြီဟု ၁၉၂ နိုင်ငံထဲတွင် တနိုင်ငံကမှ မပြောခဲ့ပါ။ ဒေါ်အောင်ဆန်းစုကြည် နောက်ထပ်အတိုက်ခိုက်မခံရဖို့ သို့မဟုတ် အဖမ်းမခံရဖို့ သို့မဟုတ် လုပ်ကြံသတ်ဖြတ်မခံရဖို့ မည်သူက အာမခံနိုင်သနည်း။ ၂ဝဝ၃ ခု မေ ၃ဝ ရက် လူသတ်ပွဲကို စွမ်းအားရှင်အမည်ခံ၍ ကြံ့ဖွတ်အသင်းက စီစဉ် ကြီးမှူးခဲ့ခြင်းဖြစ်ကြောင်း၊ ယင်းကြံ့ဖွတ်အသင်းမှာ ရွေးကောက်ပွဲမတိုင်မီတွင် ကြံ့ဖွတ်ပါတီအဖြစ် အသွင်ပြောင်းခဲ့ ကြောင်း၊ ကြံ့ဖွတ်အဖွဲ့ဝင်များသည် အစိုးရအဖွဲ့ထဲတွင်လည်းကောင်း၊ လွှတ်တော်ထဲတွင်လည်းကောင်း ဆက်ထိုင်နေ ကြ မည်ဖြစ်ကြောင်းကို အမှတ်ရစေလိုပါသည်။
ဘွင်းဘွင်းရှင်းရှင်း မေးစရာများရှိသည်…
၁။ ၁၉၈၈ ခု စက်တင်ဘာ ၂၃ ရက်မှစတင်ခဲ့သည့် လက်နက်ပိတ်ဆို့မှုသည် အရပ်သားပြည်သူ သန်း ၅ဝ ကို ထိခိုက် နေသလား။
၂။ ၁၉၉၆ ခု အောက်တိုဘာ ၂၅ ရက်မှစတင်ခဲ့သည့် အကောင်ကြီးကြီး ၄ဝဝ ကျော်ကို ဗီဇာပိတ်ပင်ခြင်းသည် ပြည်သူ လူထုကို ထိခိုက်နစ်နာနေသလား။
၃။ ၁၉၈၉ မှစတင်ခဲ့သည့် အမေရိကန်ဒေါ်လာသုံး ဘဏ်လုပ်ငန်းကန့်သတ်ချက်သည် မြန်မာအများစုကို ထိခိုက်နေ သလား။
စီးပွားရေးပိတ်ဆို့ဒဏ်ခတ်မှုသည် ယခုအချိန်ထိ အလုပ်ဖြစ်ပုံမရပါ။ သို့သော် မည်သည့်အတွက်ကြောင့် ပိတ်ဆို့ ဒဏ် ခတ်ရေးဂိုဏ်းသားများကို လက်ညှိုးထိုး အပြစ်ဆိုနေပါသနည်း။ ထိတွေ့ဆက်ဆံရေးပေါ်လစီ ကျရှုံးသွားသည်မှာလည်း အမှန်ပင်ဖြစ်သည်။ တရုတ်၊ အာဆီယံနှင့် အိန္ဒိယနိုင်ငံတို့က မြန်မာပြည်အတွင်းသို့ ရင်းနှီးမြှုပ်နှံမှုများ လောင်းထည့် နေခြင်းကြောင့် အနောက်အုပ်စု၏ ပိတ်ဆို့တားမြစ်မှုများ သိတ်မထိရောက်ဘဲ ဖြစ်နေသည်။
တရုတ်ပြဿနာ
အနောက်တိုင်း၏ စီးပွားရေးပိတ်ဆို့မှုများကြောင့် မြန်မာစစ်အစိုးရသည် တရုတ်ပြည်အပေါ် ပိုမှီခိုလာရသည်ဖြစ်၍ ပိတ်ဆို့မှုများရုပ်သိမ်းလိုက်ပါက တရုတ်အပေါ်မှီခိုမှု ပျောက်ကွယ်သွားမည်ဟု ယူဆချက်များရှိနေသည်။ စီးပွားရေး ပိတ်ဆို့မှုများ မစတင်မီ ၁၉၈၈ ခုကတည်းက ၁၉၈၈ ခု သြဂုတ် ၅ ရက်နေ့တွင် ယူနန်ပြည်နယ် ဒုအုပ်ချုပ်ရေးမှူးနှင့် တရားဝင်နယ်စပ်ကုန်သွယ်ရေးလုပ်ဖို့ သဘောတူ လက်မှတ်ထိုးမှု၊ ထို့နောက်တွင် လက်နက်ရောင်းချမှုများနှင့် ၁၉၈၉ ခု ဗမာပြည်ကွန်မြူနစ်ပါတီ ပြိုကွဲမှုတို့နှင့်အတူ မြန်မာနှင့် တရုတ်အကြားဆက်ဆံရေး ကြီးမားစွာနွေးထွေးလာခဲ့သည်။ ၁၉၈၉ ခုမှစ၍ တရုတ်နိုင်ငံက မြန်မာစစ်အစိုးရ၏ စစ်ပစ္စည်းကရိယာ ၉ဝ% ကို ထောက်ပံ့ပေးခဲ့သည်။ သို့သော်လည်း ၂ဝဝ၇ ခု နိုဝင်ဘာ ၁၇ ရက်တွင် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကျင်ကန်းက ‘ငြိမ်းချမ်း တည် ငြိမ်ပြီး ဒီမိုကရေစီကျင့်သုံးသည့် မြန်မာနိုင်ငံဖြစ်လာဖို့ ကျွန်ုပ်တို့ မျှော်လင့်သည်၊ သို့ရာတွင် စီးပွားရေးပိတ်ဆို့မှုများကို ကျွန်ုပ်တို့ဆန့်ကျင်သည်’ ဟု ထပ်လောင်းပြောခဲ့သည်။ သို့ဖြစ်ရကား စီးပွားရေးပိတ်ဆို့မှုများ ဖျက်သိမ်းလိုက်ပါက တရုတ်နိုင်ငံက ဝမ်းသာပါလိမ့်မည်။
စီးပွားရေးပိတ်ဆို့မှုများကို မည်သူတို့က ဖယ်ရှားစေချင်ပါသနည်း။ ထိုသူတို့က စိတ်ရင်းစေတနာဖြင့် ပြောသည် ဆို ခြင်းမှာ သံသယဖြစ်ဖွယ်ရှိပါသည်။ အဘယ့်ကြောင့်ဆိုသော် (၁) ¤င်းတို့မှာ အမြတ်အစွန်းရဖို့အတွက်သာ စီးပွားရေး လုပ်လိုသူများဖြစ်ကြ၍ (၂) စစ်အစိုးရနှင့် နိုင်ငံစုံကုမ္ပဏီကြီးများ၏ ပေးစာကမ်းစာ စားနေသူများဖြစ်ကြ၍ (၃) ပညာ ရှင် လေ့ကျင့်ခန်းသက်သက်လုပ်နေသူများ ဖြစ်ကြ၍ ဖြစ်ပါသည်။
မူအားဖြင့်ပြောရလျှင် အနောက်အုပ်စု၏ စီးပွားရေးပိတ်ဆို့ဒဏ်ခတ်မှုများမှာ ကိုယ်ကျင့်သိက္ခာဆိုင်ရာ တာဝန် ဝတ္တရား တခုအဖြစ် မြန်မာနိုင်ငံ၏အခြေအနေကို ဖြစ်နိုင်သမျှ အပြင်းထန်ဆုံးအသုံးအနှုန်းများဖြင့် မကျေနပ်ကြောင်း ဖော်ပြ ချက်ဖြစ်ပါသည်။ သို့သော် နှစ်ပေါင်းထောင်ချီသည့် ယဉ်ကျေးမှုသမိုင်းကိုကြည့်လျှင် အာရှတိုက်သားတို့သည် ဘိုး ဘေးတို့၏ ကိုယ်ကျင့်တရားတန်ဖိုးစံများကို ဂုဏ်ယူသူများဖြစ်ကြောင်းတွေ့ရပါသည်။ အရှေ့တိုင်းယဉ်ကျေးမှုဓလေ့ သည် လူသားဝါဒအပေါ်အခြေခံသည်ဟုဆိုပြီး ကျင့်ဝတ်နှင့် သည်းခံခွင့်လွှတ်မှုကို ကျင့်သုံးပါသည်။
မြန်မာနိုင်ငံနှင့်ပတ် သက်လျှင်မူ ယဉ်ကျေးမှုမြင့်မားသည့် တရုတ်၊ အိန္ဒိယနှင့် အရှေ့တိုင်းတို့သည် သမိုင်းကိုမေ့ပစ် လိုက်ပြီး ကိုယ်ကျင့်သိက္ခာနှင့် သူတော်ကောင်းတရားတို့ကို လျစ်လျူရှုထားကြပါသည်။
ဒေါက်တာတင့်ဆွေ
အမျိုးသားညွန့်ပေါင်းအစိုးရ ပြန်ကြားရေးဝန်ကြီး
၁၃-၁၂-၂ဝ၁ဝ
(ဂါမဏိ ဘာသာပြန်သည်)
http://www.naytthit.net/?p=6169

လယ်သမား ၄၀၀ ခန့် ရန်ကုန်မှာ စီတန်းချီတက်ဆန္ဒပြ


2011-01-06
ရန်ကုန် သင်္ဃန်းကျွန်းမြို့နယ်မှာ တောင်သူလယ်သမား ၄ ရာနီးပါး ဇန်နဝါရီ ၆ ရက် ဒီကနေ့ ဆန္ဒပြခဲ့ကြတယ်လို့ RFA က သတင်းရရှိပါတယ်။
(Photo: AFP)
လယ်ယာ လုပ်ငန်းခွင်တခုတွင် အလုပ်လုပ်နေသော လယ်သူမလေးများ ဖြစ်ပါသည်။ (Photo: AFP)
လယ်သိမ်းခံထားရတဲ့ မြို့နယ်အသီးသီးက တောင်သူတွေဟာ သင်္ဃန်းကျွန်း ဘီအိုစီ မှတ်တိုင်ကနေ ခရိုင်ရုံးအထိ ငြိမ်းချမ်းစွာ ချီတက်ဆန္ဒပြခဲ့ကြပြီး လယ်ယာလုပ်ပိုင်ခွင့် ပြန်လည်ရရှိဖို့ အာဏာပိုင်တွေထံ တောင်းဆိုခဲ့ကြတယ်လို့ အကျိုးဆောင်ရှေ့နေ ဦးဖိုးဖြူက ပြောပါတယ်။ ကုမ္ပဏီတွေက သူတို့လယ်တွေကို သိမ်းယူတဲ့အခါမှာ အစပထမတော့ အကျိုးတူလုပ်ဖို့ ဆိုပြီး ကမ်းလှမ်းလာပါတယ်။ ဒါပေမဲ့ နောက်ပိုင်း တဖြည်းဖြည်းနဲ့ တောင်သူတွေ လုပ်ပိုင်ခွင့် မရတော့တဲ့ အခြေအနေအထိ ဖြစ်ခဲ့ရတာကြောင့် အခုလို ချီတက် လမ်းလျှောက်ပြီး ဆွေးနွေးရတာ ဖြစ်တယ်လို့ ဒဂုံမြို့သစ် ဆိပ်ကမ်းမြို့နယ် ညောင်ပင်ကျေးရွာက လယ်သမားတယောက်ကလည်း ပြောပြပါတယ်။
အခုလို လယ်သမား ၃၀၀ ကျော်က ရန်ကုန်တိုင်း ဒဂုံမြို့သစ် အရှေ့မြို့နယ်၊ ဒဂုံဆိပ်ကမ်းမြို့နယ်နဲ့ ဒဂုံတောင်ပိုင်းမြို့နယ်က အာဏာပိုင်တွေနဲ့ ခုလို ချီတက် ဆွေးနွေးလိုက်တဲ့အတွက် ရွာတရွာအတွက်တော့ လယ်ယာလုပ်ကိုင်ခွင့် ရခဲ့သလို တခြားရွာတွေအတွက်လည်း စာတင်ထားတာကို အာဏာပိုင်တွေက လက်ခံထားတယ်လို့ ဦးဖိုးဖြူက ဆက်ပြောပါတယ်။
တောင်သူလယ်သမားတွေ အခုလို ရန်ကုန်မှာ စီတန်းလမ်းလျှောက် ဆန္ဒပြခဲ့ကြတာဟာ အခု ၂၀၁၁ ခုနှစ်အတွင်း ပထမဆုံး လှုပ်ရှားမှုလည်း ဖြစ်ပါတယ်။
လယ်သမားတွေရဲ့ တောင်းဆိုချက်တချို့ကို ခရိုင်အာဏာပိုင်တွေက လိုက်လျောခဲ့တယ်လို့ သိရပါတယ်။ ရန်ကုန်တိုင်း ဒဂုံမြို့သစ် အရှေ့မြို့နယ်၊ ဒဂုံဆိပ်ကမ်းမြို့နယ်နဲ့ ဒဂုံတောင်ပိုင်းမြို့နယ်က ညောင်ပင်ရွာ၊သရက်ပင်ချောင်ရွာ၊ ကျည်စုရွာ၊ သုံးခွရွာ၊ ထောင်တလုပ်ရွာ၊ သစ်ပင်ရွာ၊ စုစုပေါင်း ၇ ရွာက လယ်ဧက ၅၀၀၀ ကျော်ထဲက ရွာတရွာအတွက်ပဲ လယ်လုပ်ပိုင်ခွင့် ပြန်ရခဲ့တာ ဖြစ်ပါတယ်။
သူတို့ရဲ့လယ်တွေကို ရွှေနဂါးမင်းကုပ္ပဏီ ၊ ရွှေဟိန်းထက်၊ အေရှားဝေါနဲ့ ရွှေတောင်ကုမ္ပဏီတွေက သိမ်းပိုက်ထားတာ ဖြစ်တယ် လို့သိရပါတယ်။၊
ဒီအကြောင်း RFAသတင်းထောက် ဦးရဲထက်က အပြည့်အစုံ သတင်း ပေးပို့ထားပါတယ်။
ဆက်သွယ်မေးမြန်းချက်
အသံဖိုင်ယူရန်




http://www.rfa.org/burmese

၂၀၁၁ အ၀င် စီးပွားရေးကြေညာစာတမ်းနဲ့ … အစရှိသဖြင့် ဦးဝင်းတင်နဲ့ မေးခွန်းများ

၂၀၁၁ အ၀င် စီးပွားရေးကြေညာစာတမ်းနဲ့ … အစရှိသဖြင့်
ဦးဝင်းတင်နဲ့ မေးခွန်းများ
မိုးမခ၊ ဇန်န၀ါရီ ၆၊ ၂၀၁၁
            ဒီင်္တပတ်မှာ လွတ်လပ်ရေးနေ့ အပြီးမှပဲ ဆရာနဲ့ တွေ့ဖြစ်တယ်။ ဆရာဦးဝင်းတင်နဲ့ ဆက်လက်ပြီး မေးဖြစ်တာတွေကတော့ အင်န်အယ်ဒီက ထုတ်ပြန်တဲ့ လွတ်လပ်ရေးနေ့ စီးပွားရေးဆိုင်ရာ ကြေညာစာတမ်း၊ ၂၀၁၀ ရွေးကောက်ပွဲဝင် နိုင်ငံရေးပါတီတွေရဲ့ ၂၀၁၁ လွှတ်တော်သို့ အ၀င် အလားအလာတွေနဲ့ စစ်အုပ်စုရဲ့ ရပ်တည်မှုတွေအပေါ်မှာ ဆရာ့သဘောထားကို အဓိကထား မေးမြန်းဖြစ်ပါတယ်။


            ဆရာရေ ကွန်ယက်တွေက တူရာ၊ သန်ရာ ဖွဲ့ကြတယ်။ မိတ်ဆွေတွေ ဖွဲ့လာကြတဲ့ အကြောင်း ပြောခဲ့တယ်။ အခုမကြာသေးခင်ကပဲ အားနည်းသူတွေကို ကူညီကာကွယ်ပေးဖို့ ရှေ့နေကွန်ယက်အဖွဲ့တွေ ဖြစ်လာတာကိုတွေ့ရတယ်။ အခု လူမှုရေးကွန်ယက်တွေ၊ နိုင်ငံရေးကွန်ယက်တွေ အကြောင်း ပြောဆို တိုင်ပင်နေကြချိန်မှာပဲ ဆရာတို့ အင်န်အယ်ဒီက လွတ်လပ်ရေးနေ့ ကြေညာစာတမ်းထုတ်ပြန်တယ်။ နိုင်ငံရဲ့ စီးပွာရေးနဲ့ ပတ်သက်ပြီး အများက စိတ်ဝင်စားတဲ့ မူဝါဒတွေ သဘောထားတွေ ထုတ်ပြန်တယ်။ နိုင်ငံရေးနဲ့ စီးပွားရေးဟာ ခွဲခြားလို့ မရဘူး။ မှန်ကန်တဲ့ နိုင်ငံရေးလမ်းစဉ်ရှိမှ စီးပွားရေးတိုးတက်မယ်။ စီးပွားရေးလုပ်ငန်းစဉ်တွေ မှန်ကန်မှသာလျင် အများပြည်သူနဲ့ တိုင်းပြည်သာယာမယ်လို့ ပြောသွားပါတယ်။ တိုင်းပြည်စီးပွားရေးနဲ့ ပတ်သက်တဲ့ သဘောထားတွေ ထုတ်ပြန်တာနဲ့ ဆန်ရှင်နဲ့ ဘာဆိုင်လို့လဲ ဆရာ။

            ဆန်ရှင်ကို ဆန့်ကျင်တဲ့ အင်အားစုတွေက ဟိုးတုန်းကတည်းက ရှိခဲ့တယ်။ ပြည်တွင်းမှာကော၊ ပြည်ပမှာလည်း ရှိနေတယ်။ အခုအချိန်မှာ အသံတွေ ပြန်ထွက်လာတယ်။ ၂၀၁၀ ခုနှစ် ရွေးကောက်ပွဲဝင်တဲ့သူတွေ၊ ပါတီတွေ၊  အခု လွှတ်တော်ကို ၀န်းယံမယ့်သူတွေ ပါတီတွေက ဆန်ရှင်ကို ဆန့်ကျင်တဲ့အကြောင်းကို စစ်အစုိုးရဘက်က လိုက်ပြီးတော့ ပြောလာကြတယ်။ စစ်အစုိုးရရဲ့ ကြံ့ဖွံ့ပါတီ နဲ့ မိတ်ဆွေဖွဲ့ဖို့၊ ထောက်ခံမှုကို ရယူဖို့ ကြိုးစားလာတာလို့ မြင်တယ်။ ဒါမျိူးလုပ်ရင် Politcal space ရလာမယ်လို့ မျှော်လင့်နေတုန်းပဲ ဆိုတဲ့ လှုပ်ရှားမှုပဲ။
            ပြောရလို့ရှိရင် အဲဒီ ဆန်ရှင်ဆန့်ကျင်ရေးအုပ်စုတွေက သူတို့ရဲ့တိုင်းရင်းသားတွေ၊ နိုင်ငံရေးအင်အားစုတွေကို ဒီ ၂၀၁၀ ရွေးကောက်ပွဲတို့ အခုပေါ်လာမယ့် လွှတ်တော်တို့ထဲကို ဟိုးတုန်းကတည်းက မောင်းသွင်းခဲ့ကြတာ ဖြစ်တယ်။ သူတို့တွေက အဓိကအုပ်စုတွေဖြစ်တယ်။ သူတို့တွေက အားပေးမှုတွေ၊ ထောက်ပံ့မှုတွေ လုပ်ခဲ့တယ်။ ဒါကြောင့် အခုအချိန်မှာလည်း အဲသည် ဆန်ရှင်ဆန့်ကျင်ရေးအုပ်စုတွေဟာ လွှတ်တော်နိုင်ငံရေးနဲ့ ဆက်လက်ပြီးတော့ ဆန်ရှင်ကို ဆန့်ကျင်ဖို့ ဆက်လုပ်ကြမယ်ဆိုတာ ထင်ရှားလာတယ်။
            အခုလို ၂၀၁၁ နှစ်သစ် လွတ်လပ်ရေးနေ့လို အခမ်းအနားတွေက အစပြုပြီးတော့ အင်န်ဒီအက်ဖ်တို့လို့ ဦးသုဝေတို့လို အင်အားစုတွေက အဲသည်ဆန်ရှင်ဆန့်ကျင်ရေးသဘောထားတွေ ထုတ်ပြန်လာတာကို တွေ့နေရပြီ ဖြစ်တယ်။
            ဒါကြောင့် ကျနော်တို့ကလည်း ဆန်ရှင်နဲ့ ပတ်သက်ပြီး ရပ်တည်ချက်တွေကို ထပ်မံရှင်းလင်းမှုတွေ လုပ်လာရတာ ဖြစ်တယ်။ ကျနော်တို့က … ဒေါ်အောင်ဆန်းစုကြည် ကိုယ်တိုင်ကလည်း ထုတ်ဖော်ပြောဆိုခဲ့ပြီး ဖြစ်ပါတယ်။ ပြည်သူလူထုကို တကယ်နစ်နာထိခိုက်တယ် ဆိုလို့ရှိရင် ပြန်လည် စဉ်းစားဖို့ လိုလိမ့်မယ်လို့ ပြောတယ်။ နောက် ထောက်ပြတဲ့ အချက်ကတော့ ဒီဆန်ရှင်တွေက တဖက်သတ်ဖြစ်ပေါ်လာတာ မဟုတ်ဘူး။ စစ်အစုိုးရရဲ့ လူ့အခွင့်အရေးချိူးဖောက်မှုတွေ၊ ဒီမိုကရေစီရေးကို ဖိနှိပ်မှုတွေကြောင့် ဖြစ်ပေါ်လာရတာ ဖြစ်တယ်။ နိုင်ငံတကာက ဒီမိုကရေစီအင်အားစုတွေက စစ်အစုိုးရကို အရေးယူတဲ့အနေနဲ့ ဆန်ရှင်လုပ်ထားတာ ဖြစ်တယ်။ ဒီလူ့အခွင့်အရေးတွေ ချိူးဖောက်မှုတွေ၊ ဒီမုိုကရေစီချိူးဖောက်မှုတွေ ရှိနေသမျှကတော့ ဆန်ရှင်တွေ၊ အရေးယူမှုတွေ ရှိနေမှာပဲလို့ ကျနော်တို့ က ထောက်ပြထားပါတယ်။
            ဒါကြောင့် အခု လွတ်လပ်ရေးနေ့ ကြေညာစာတမ်းမှာ ကျနော်တို့က မြန်မာပြည်ရဲ့ စီးပွားရေးနဲ့ ပတ်သက်ပြီး ဘာတွေ ထိခုိုက်နစ်နာနေသလဲ၊ ပြည်သူလူထုတွေ တကယ်ဘာတွေ နစ်နာဆုံးရှုံးမှုတွေ ဖြစ်နေသလဲဆိုတာကို ကျနော်တုို့က ပြန်လည် သုံးသပ်ပြတဲ့ ခြေလှမ်း တခုဖြစ်ပါတယ်။
            အခုကျနော်တို့စာတမ်းမှာ တင်ပြထုတ်ပြန်ထားတဲ့အတုိုင်းပဲ စီးပွားရေး ကြပ်တည်းဆင်းရဲမှုတွေ၊ ပြည်သူလူထုတွေ ဒုက္ခရောက်နေရာတာက လက်ရှိ စီးပွားရေး မူဝါဒတွေ၊ လုပ်ပုံလုပ်နည်းတွေ၊ စီမံခန့်ခွဲမှုတွေ လွဲမှားနေလို့၊ ချို့ယွင်းချက်တွေ အားနည်းချက်တွေ ရှိနေလို့ ဆိုပြီး ကျနော်တို့က ထောက်ပြထားတယ်။ ဘယ်နေရာတွေမှာ ဘာတွေ လိုအပ်နေတယ်။ ဘာတွေ လုပ်သင့်တယ်ဆိုတာကို တင်ပြထားတယ်။
            ဒါ့အပြင် စီးပွားရေးမူဝါဒတွေမှာ လွဲမှားနေတဲ့အတွက် ဆန်ရှင်ကို ဖျက်သိမ်းလိုက်လို့ရှိရင်လည်း တိုင်းပြည်နဲ့ လူမျိူးတွေ၊ တိုင်းရင်းသားတွေအားလုံး အကျိူးရှိစေမယ့်၊ ကောင်းကျိူးဖြစ်စေမယ့် ရင်းနှီးမြုပ်နှံမှုတွေ၊ လုပ်နည်းကိုင်နည်းတွေ ၀င်ရောက်လာမှာ မဟုတ်ဘူး ဆိုတာကိုလည်း ကျနော်တို့က ထောက်ပြထားတယ်။
            ကျနော်တို့ရဲ့ စီးပွားရေးမူဝါဒအနေနဲ့ ဆိုရင် မူ ၄ ရပ်ကို တင်ပြထားပါတယ်။ ရင်းနှီးမြုပ်နှံမှုများ ပြုလုပ်ရာမှာ သဘာဝပတ်ဝန်းကျင်နဲ့ လူနေမှုဘ၀တွေကို မထိခိုက်ရဘူး။ သစ်တောတွေ တွင်းထွက်တွေ မြစ်ချောင်း အင်းအိုင်တွေ မပျက်စီးစေရဘူး၊ လူတွေ လူ့အဖွဲအစည်းတွေ ပျက်စီးရတာ၊ အဓမ္မရွေ့ပြောင်းရတာတွေ မဖြစ်စေရဘူး။ ဒါက တခု။
            နောက်ပြီးတော့ အလုပ်သမားအခွင့်အရေးများကို လေးစားလိုက်နာမှု ရှိရမယ်။ အာမခံရမယ်။ အလုပ်သမားတွေကို အဓမ္မ ဖိနှိပ်ပြီး ခိုင်းစေတာတွေ၊ အခွင့်အရေးမပေးဘဲ ထားတာတွေကို ကာကွယ် စောင့်ရှောက်မှုတွေ ပေးနိုင်ရမယ်။ ဒါက တခု။
            နောက် တချက်ကတော့ အလုပ်အကိုင် အခွင့်အလမ်းတွေ ဖန်တီးနိုင်မှုကို ဦးစားပေးကြရမယ်။ သဘောကတော့ တိုင်းတပါးကနေပြီးတော့ သူတို့ ရောင်းချင်တာတွေ ရောင်းမယ်၊ ထုတ်ချင်တာတွေ ထုတ်ယူ သွားမယ် ဆိုရင် တုိုင်းပြည်မှာ ဘာအလုပ်အကိုင်မှ ဖန်တီးပေးနိုင်ခြင်း မရှိတဲ့အတွက် ပြည်သူတွေရဲ့ စီးပွားရေးဘ၀ တုိုးတက်ဖို့ မရှိဘူး။ ဒါတွေကို ကာကွယ် စောင့်ရှောက်နိုင်ရမယ်။
            နောက်ဆုံး မူဝါဒကတော့ သာမန်အခြေခံအလုပ်အကိုင်တွေ ဖန်တီးနေရုံတင်မဟုတ်ဘူး၊ စီးပွားရေးရင်းနှီးမြုပ်နှံမှုနဲ့အတူ နည်းပညာတွေ တပါတည်း လွှဲပြောင်းရယူနိုင်တဲ့ အဆင့်မြင့်လုပ်ငန်းတွေကိုလည်း ဦးစားပေးနိုင်မှသာ တိုင်းသူပြည်သားတွေရဲ့ အသိပညာ အဆင့်အတန်းကို မြှင့်တင်ရာရောက်မယ်။ ဒီလိုမျိူး အခြေခံမူ ၄ ရပ်ကို ကိုင်စွဲသင့်တယ်လို့ ကျနော်တို့က ပြောထားခြင်း ဖြစ်ပါတယ်။
            ဒါကြောင့်မို့လို ကျနော်တုို့က ဆန်ရှင်တွေကြောင့် ပြည်သူတွေ တကယ်နစ်နာမှုရှိနေသလားဆိုတာကိုလည်း လေ့လာသုံးသပ်မှုတွေ ရှိသလုို၊ ဆန်ရှင်တွေ မရှိတော့လို့ ရင်းနှီးမြုပ်နှံမှုတွေ ၀င်လာကြမယ်ဆိုရင်တောင် အထက်ကလုိုမျိူး ပေတံ ၄ ချောင်းနဲ့ တုိုင်းတာတဲ့ ရင်းနှီးမြုပ်နှံမှုတွေကိုသာ လုိုလားတယ်၊ အားပေးတယ်ဆိုတဲ့ မူဝါဒကိုလည်း ကျနော်တို့က တဖက်က ပြန်ပြီး ထောက်ပြထားတာ ဖြစ်ပါတယ်။
            ကျနော်တို့က တဖက်က အခြားနိုင်ငံရေးအင်အားစုတွေ ပြောသလိုမျိူး တုိုင်းပြည်ကြီး အထွေထွေ ဆင်းရဲဒုက္ခရောက်နေတာ ဘာကြောင့်လဲဆိုတာ ဝေဖန်သုံးသပ် ထုတ်ဖော်ပြောဆိုခြင်းမရှိဘဲနဲ့ ဘာပဲဖြစ်ဖြစ် ဆန်ရှင်ကြောင့် ပြည်သူတွေ ဆင်းရဲတယ် နစ်နာတယ်။ ဒါကြောင့် ဆန်ရှင်ကို ဘယ်လိုနည်းနဲ့ ဖြစ်ဖြစ် ဖွင့်ပေးလိုက်ပါ။ ဘယ်လိုနည်းနဲ့ပဲ ဖြစ်ဖြစ် ရင်းနှီးမြုပ်နှံကြပါဆိုတဲ့ ပြောဆိုနေမှုမျိူးတွေကိုတော့ ကျနော်တုို့က လက်မခံနိုင်ဘူး။ ကျနော်တို့က အခုလို အချက်အလက်တွေနဲ့ တုိုင်းပြည်စီးပွားရေး သုံးသပ်ချက်နဲ့ သဘောထားတွေကို ထုတ်ပြောလိုက်တာပဲ ဖြစ်တယ်။ နောက်အရေးကြီးတဲ့အချက်ကတော့ ကျနော်တို့ရဲ့ စီးပွားရေးဆိုင်ရာ သဘောထားမှာ တုိုင်းရင်းသားတွေ အားလုံးနဲ့ သာတူညီမျှမှုတွေ ကို ဦးတည်တယ်၊ စီးပွားရေး မညီမျှမှုတွေကို လျော့နည်းစေရမယ်ဆိုတာကို ဦးတည်တယ်။ ဒါတွေကို ဦးတည်ချက်ရှိတာကလည်း ကျနော်တို့ရဲ့ ထူးခြားတဲ့ အချက်တွေ ဖြစ်တယ်လို့ ပြောချင်ပါတယ်။

ဟုတ်ကဲ့ပါဆရာ။ လွတ်လပ်ရေးနေ့မှာ မြန်မာပြည်ကြီးရဲ့ စီးပွားရေးနဲ့ ပတ်သက်ပြီး ထုတ်ဖော်ပြောဆိုနေတဲ့ တချိန်တည်းမှာပဲ ဆရာတို့ အင်န်အယ်ဒီပါတီနဲ့ မဟာမိတ်တွေ၊ တုိုင်ရင်းသားတွေက လက်ရှိစာရင်းပြုစုထားတဲ့ နိုင်ငံရေးအကျဉ်းသားတွေထဲက တဦးစီကို မိမိမိသားစုဝင် တဦးသဖွယ် ၀ိုင်းဝန်းစောင့်ရှောက်ကြဖို့၊ ကူညီကြဖို့ မဲနှိုက်ကြတယ်။ အဲသည်မှာ ဆရာက မန္တလေးမြို့က အင်န်အယ်ဒီပါတီခေါင်းဆောင်တဦးဖြစ်တဲ့ ဒေါ်ဝင်းမြမြကို ကူညီစောင့်ရှောက်ဖို့ မဲပေါက်တယ်လို့ ကြားရပါတယ်။ ဆရာက ရန်ကုန်ကနေဘယ်လိုများ ကူညီစောင့်ရှောက်နိုင်မှာမုို့လို့လဲ ဆရာရယ်။

            ဒါက ကျနော်တို့က အရပ်စကားနဲ့ ပြောရရင်တော့ မိမိတုို့ မိသားစုဝင်တဦးအဖြစ် နိုင်ငံရေးအကျဉ်းသားတဦးကို မွေးစားလိုက်တာပဲ ဖြစ်တယ်။ နို့မို့ဆိုရင်လည်း အရပ်ထဲမှာ ခေတ်စားတဲ့ စကားနဲ့ ပြောရရင်တော့ စပွန်ဆာလုပ်လိုက်တာပေါ့ကွာ။ ဘောလုံးပွဲအတွက်ပဲ လုပ်လုပ်၊ နောက် ကုန်ကုန်ပြောရရင်တော့ကွာ အခု ဟိုမင်းသားနဲ့ ဟိုမင်းသမီး မင်္ဂလာဆောင်တဲ့ အခမ်းအနားကို တီဗီမှာ တင်တယ်ကွ။ အဲဒါတွေကို စီးပွားရေးလုပ်ငန်းတွေက အကုန်အကျခံပေးတယ်။ စပွန်ဆာပေးကြတယ် ပေါ့ကွာ။ အဲသည်လိုမျိူးပဲ ကျနော်တို့တတွေက ဒီလိုအချိန်မှာ ဆင်းရဲဒုက္ခရောက်နေတဲ့၊ စွန့်လွှတ်အနစ်နာခံနေတဲ့ နိုင်ငံရေးအကျဉ်းသားတဦးကို စပွန်ဆာလုပ်တာပဲ လို့  ပြောချင်တယ်။
အဲသည်အတွက် သူ့ဘ၀ သာယာရေး၊ စားဝတ်နေရေး၊ စိတ်ဓာတ်အင်အား တိုးတက်ရေး၊ ပြီးတော့ သူ လွတ်မြောက်လာရေး၊ လွတ်မြောက်လာပြီးတဲ့ အခါမှာလည်း ဘ၀ပြန်လည်ထူထောင်ရေး တို့ကို ကျနော်တို့တဦးချင်းစီက စပွန်ဆာလုပ်တယ်။ တာဝန်ယူတယ်။ ဒီသဘောပဲ။ နိုင်ငံရေးအကျဉ်းသားတဦးကို သက်ဆိုင်ရာ မိသားစုတွေ၊ သက်ဆိုင်ရာ ပါတီအဖွဲ့အစည်းတွေက ကူညီစောင့်ရှောက်နေတာတင်မဟုတ်ဘဲ သူနဲ့ မနီးစပ်တဲ့ တစိမ်းသူတဦးက ၀င်ရောက်ပြီးတော့ ကူညီမှု၊ အားပေးမှုတွေ လုပ်လာတယ်ဆိုတာဟာ ကာယကံရှင်တွေ အများကြီး အားရှိသွားမယ်။ သည်လိုမျိူး ဖြစ်ပါတယ်။
ရန်ကုန်ကနေပြီးတော့ ရခုိုင်က နိုင်ငံရေးအကျဉ်းသားကို မဲပေါက်တာ ရှိမယ်။ သံဃာတွေ မယ်သီလရှင်တွေကို မဲပေါက်တာတွေ ရှိမယ်။ မဲပေါက်တဲ့သူတွေက သူတို့နည်း သူတို့ဟန်နဲ့ ဆိုင်ရာ မိသားစုတွေကို ဆက်သွယ်ပြီး အားပေးမှုတွေ လုပ်ကြရတော့မယ်။ ဒေါ်အောင်ဆန်းစုကြည်က လှိုင်သာယာက လူငယ်တဦးကို မဲပေါက်တယ်။ ဦးတင်ဦးက ရန်ကုန်က တဦးကို မဲပေါက်တယ်။ ကျနော်ကတော့ မန္တလေးက ဒေါ်ဝင်းမြမြကို မဲပေါက်တယ်။ ကျနော့်အနေနဲ့ မဲပေါက်တာနဲ့ ချက်ခြင်း မန္တလေးက မိတ်ဆွေတွေ အင်န်အယ်ဒီပါတီဝင်တွေကို လှမ်းအကြောင်းကြားပြီးတော့ ကျနော်က အကူအညီ ပေးဖို့လုပ်ပါတယ်။ ဆောင်ရွက်မှုတွေ လုပ်ပါတယ်။
တကယ်တမ်းကျတော့ ဒေါ်ဝင်းမြမြဆိုတာ အင်မတန် သတ္တိရှိပြီး ထက်မြက်တဲ့ အမျိူးသမီးတဦးဖြစ်ပါတယ်။ စစ်အစိုးရက သူ့မိသားစုပိုင်တဲ့ ဈေးချိူက သိန်းထောင်ချီတန်တဲ့ ဈေးဆိုင်တွေကို သိမ်းဆည်းထားတယ်။ သူ့ညီအကုို မောင်နှမတွေကလည်း အင်မတန်ကို ရဲရဲတောက် ဂုဏ်ယူစွာနဲ့ ဒေါ်ဝင်းမြမြကို ကောင်းစွာ စောင့်ရှောက်နိုင်သူတွေုဖြစ်တယ်။ ကျနော်က ရုပ်ပုိုင်းဆိုင်ရာ သူတို့လောက် ကူညီနိုင်တာ မဟုတ်ပေမယ့် ကျနော်တတ်နိုင်တဲ့ အစားအသောက်တွေ၊ ဆေးတွေ ၀ယ်ပေးမယ်။ သူ့ဘေးက အခြားနိုင်ငံရေးအကျဉ်းသားတွေကို ဝေမျှပေးနိုင်မယ်။ သူကိုယ်တုိုင်က အစ္စလန်ဘာသာဝင်အမျိူးသမီးဆိုတော့ ကျနော့်အနေနဲ့ သူဖတ်ဖို့ ကျမ်းစာအုပ်လေးတွေ ၀ယ်ပေးမယ်။ ဒါမျိူး ကျနော်တို့က ကူညီ ရပ်တည်ပေးကြရမှာ ဖြစ်တယ်လို့ ပြောချင်ပါတယ်။ ကျနော်တုို့ ဒီလုို ၀ိုင်းယံကြတယ် ဆိုတာက ကိုယ့်ပါတီဝင်မို့လို့ ဆိုတာမျိူး မဟုတ်ဘူးနော်။ ကျနော်တို့ဆီက ပါတီဝင် ဒေါ်ဝင်းဝင်းခုိုင်က ၈၈ မျိုးဆက် ကျောင်းသား ကိုမြအေးကို မဲပေါက်တယ်။ လူတွေက ထက်ထက်သန်သန်နဲ့ ချက်ခြင်းကို အရေးယူဆောင်ရွက်တာတွေ၊ ကူညီတာတွေ လုပ်ကြတာကို တွေ့ရပါတယ်။ ဒါဟာ ဒေါ်အောင်ဆန်းစုကြည်ကိုယ်တိုင် ဦးဆောင်မှုပေးတဲ့ လမ်းညွှန်မှုဖြစ်ပါတယ်။

ဟုတ်ကဲ့ပါဆရာရယ်။ ဆရာတို့ ဒီမိုကရေစီအင်အားစုတွေက စည်းလုံးမှု၊ ချစ်ခင်မှုတွေနဲ့ လက်တွဲပြီး တိုင်းပြည်ရဲ့ လွတ်လပ်ရေးနေ့ကို ဖြတ်သန်းနေကြတယ်။ အဲသည်အချိန်နဲ့ တပြိုင်နက်တည်းမှာပဲ စစ်အာဏာရှင်တွေ စစ်ခေါင်းဆောင်တွေက သူတုို့ဗိုလ်သင်တန်းဆင်းပွဲတွေ၊ တွေ့ဆုံဆွေးနွေးပွဲတွေမှာ သူတို့စုစည်းထူထောင်ထားတဲ့ ပြည်ထောင်စုကြီးကို အပြိုကွဲမခံနို်င်ဘူး။ သူတို့ကိုယ်တိုင် တုိုင်းပြည်ကို ဘက်ပေါင်းစုံက ပြောစရာ မရှိအောင် ဖွံဖြိူးတိုးတက်အောင် လုပ်ထားတယ်။ ပြည်တွင်း ပြည်ပက အဖျက်အမှောက်တွေကို တိုက်ခိုက် နှိမ်နင်းသွားမယ် စတဲ့ ချိန်းခြောက်မှုတွေ၊ တင်းမာမှုတွေ ထုတ်ပြနေတာမျိူးကို တွေ့နေရတယ်။ ဒါကိုကော ဘယ်လုိုမြင်သလဲ။

            သူတို့သဘောထားကတော့ ဗုိုလ်သန်းရွှေကိုယ်တိုင်ကော၊ ဗိုလ်မောင်အေးကိုယ်တိုင် ဘယ်လုိုပဲ ပြောပြော၊ ဘာပဲပြောပြော သူတို့က တသဘောတည်းပဲ ရှိတယ်ဆိုတာ ထင်ရှားပါတယ်။ သူတို့ရဲ့ သဘောကတော့ ကျနော်တို့ဖက် အမျိူးသားပြန်လည်သင့်မြတ်ရေး၊ ပြည်ထောင်စုကြီး မပြိုကွဲရေးအတွက် ဆောင်ရွက်နေတဲ့ ဒုတိယပင်လုံညီလာခံကို သူတို့ဖက်က လက်မခံနိုင်ဘူး ဆိုတာကို ထုတ်ပြနေတယ်လို့ မြင်ပါတယ်။
ကျနော်တို့က ပြောနိုင်တာတခုကတော့ စစ်အုပ်စုတွေဟာ ဖယ်ဒရယ်ပြည်ထောင်စု ဆိုတာကို ဘယ်တုန်းကမှ လက်မခံခဲ့ကြဘူး။ ပြည်ထောင်စုပြိုကွဲရေးဖြစ်တယ်လို့ အမြဲစွပ်စွဲတယ်။ တိုင်းရင်းသားတွေရဲ့ တောင်းဆိုချက်တွေ ဆွေးနွေးချက်တွေကို ဘယ်တော့ကမှ လက်မခံခဲ့ဘူး။ ဒီပုံသဏ္ဍန်တွေဟာ ယခုအချိန်မှာ ဆက်လက်တည်ရှိနေပြီးတော့ တပြည်ထောင်စနစ်ကို ကိုင်စွဲလျက် ရှိပါတယ်။
အရင်က သူတို့ခွဲခြမ်းထူထောင်ထားတဲ့ တိုင်းကြီး ၇ တိုင်း၊ ပြည်နယ် ၇ ပြည်နယ် ဆိုတာကိုပဲ ကြည့်ပါ။ ပြည်နယ် ၇ ပြည်နယ်က တိုင်းရင်းသား ၇ စု ဖြစ်နေပြီးတော့ တိုင်း ၇ တုိုင်းဆိုတာက ပြည်မကြီးက စိတ်ကြိုက် ခွဲယူထားတဲ့ မြန်မာတွေက ၇ ကိုယ်ခွဲပြီး နေရာကို ယူထားတာ ဖြစ်တော့ ၂၀၀၈ အခြေခံဥပဒေမှာလည်းပဲ  သည်အတုိုင်းပဲ သူတို့က ယူထားတုန်းပဲ ဖြစ်တယ်လို့ ပြောနိုင်ပါတယ်။ သူတို့ကိုယ်တိုင်က ဖယ်ဒရယ်ပြည်ထောင်စုကို လက်မခံဘူးဆိုတာ ထင်ရှားပြီးသား ဖြစ်ပါတယ်။
အခုဆိုရင် ပြည်ထောင်စုကြီးဟာ အရေးပေါ်တဲ့ အနေအထားဖြစ်နေပြီ။ ပြည်တွင်းစစ်ကြီးဟာလည်း ပြန်လည် ပေါက်ကွဲလုနီး ဖြစ်နေပြီ။ တိုင်းရင်းသားတွေ နဲ့ စစ်အုပ်စုကြားထဲမှာ တင်းမာမှုတွေ ဖြစ်နေပြီ။ ဒါတွေကို ဖြေရှင်းမယ်ဆိုရင် ဒုတိယပင်လုံညီလာခံမျိူးနဲ့သာ ငြိမ်းချမ်းစွာ ဖြေရှင်းလို့ရမယ်လို့ ကျနော်တို့က တင်ပြနေခြင်း ဖြစ်ပါတယ်။ အဲသည်မှာ ဒေါ်အောင်ဆန်းစုကြည်က ဟိုတုန်းကလို အစည်းအဝေးကြီး၊ ညီလာခံကြီး လုပ်လို့ မရရင် ယခု ၂၁ ရာစု ခေတ်သစ် နည်းနာ၊ နည်းပညာတွေနဲ့ တွေ့ဆုံ ဆွေးနွေးကြဖို့၊ အဖြေရှာနိုင်ကြဖို့ကို လမ်းညွှန်မှုပေးနေတာ ဖြစ်ပါတယ်။ အဲသည်လို ဒုတိယပင်လုံညီလာခံ လှုပ်ရှားမှုမှာ ဒေါ်အောင်ဆန်းစုကြည်ကုို ရန်ကုန်မြို့မှာ တိုင်ရင်းသားတွေ၊ ဒီမိုကရေစီအင်အားစုတွေက ဦးဆောင်ဖို့ကိုလည်း တာဝန်ပေးအပ်ခဲ့ပြီး ဖြစ်ပါတယ်။ အဲသည်မှာလည်း တပ်မတော်နဲ့ တွေ့ဆုံပြီး ဆောင်ရွက်ဖို့ ဆွေးနွေးဖို့ အမျိုးသားပြန်လည်သင့်မြတ်ရေး အဖြေရှာဖို့ကိုလည်း တင်ပြထားခဲ့ပြီး ဖြစ်ပါတယ်။
ဒီအချက်တွေကြောင့် စစ်အုပ်စုရဲ့ သဘောထားရပ်တည်ချက်နဲ့ ဖယ်ဒရယ်ပြည်ထောင်စုကို လုိုလားတဲ့ ဒီမုိုကရေစီအင်အားစုတွေရဲ့ သဘောထားနဲ့ဟာ ခုချိန်မှာ မတူ ကွဲပြားနေဆဲဖြစ်တယ်ဆိုတာကို တွေ့နေရဆဲပဲ လို့ ပြောချင်ပါတယ်။

ဟုတ်ပါပြီ။ အခုလိုမျိူး ပြည်ထောင်စုကြီးအတွက် အားလုံးအတွက် အရေးကြီးတဲ့ အခါသာမယမှာ အမျိူးသားပြန်လည်သင့်မြတ်ရေးအတွက် ဒေါ်အောင်ဆန်းစုကြည်က ဒီမိုကရေစီအင်အားစုတွေနဲ့သာမက ၂၀၁၀ ရွေးကောက်ပွဲဝင်ခဲ့တဲ့ ပါတီတွေ၊ တသီးပုဂ္ဂလတွေနဲ့ တွေ့ဆုံတယ်။ တူတာတွေ မှာ တွဲလုပ်ကြမယ်လို့လဲ ပြောဆိုခဲ့တယ်၊ သဘောထားကိုလည်း ပြသခဲ့တယ်။ ဒုတိယပင်လုံလှုပ်ရှားမှုကိုလည်း ရှင်းလင်းပြခဲ့တယ်။ လက်ကမ်းကြိုဆိုမှုတွေ လုပ်ခဲ့တယ်။ အဲသည်အင်အားစုတွေက ဒေါ်စုလွတ်မြောက်လာခါစတုန်းက အပြေးအလွှား တွေ့ဆုံဆွေးနွေးခဲ့ကြပြီးတော့ အခု ၂၀၁၁ နှစ်သစ်ကူးလို့ လွတ်လပ်ရေးနေ့ မှာတင်ပဲ ဆန်ရှင်ဆန့်ကျင်ရေး သဘောထားတွေ ပြန်လည် တင်ဆက်လာရုံတင်သာမက လွှတ်တော်တွင်းလှုပ်ရှားမှုတွေဆီကို သီးခြား ဦးတည်တဲ့ စစ်အုပ်စု ဦးဆောင်တဲ့ အမျိုးသားပြန်လည်သင့်မြတ်ရေးကိုသာ လုိုလားပါတယ်လို့ ပြောဆို ထုတ်ပြန်မှုတွေ လုပ်လာပြန်ကြတာလဲ ဆရာ။ သူတို့က ဘယ်လိုဖြစ်သွားတာတုန်း။

            ကျနော်တို့တတွေက လွှတ်တော်ပြင်ပက ဒီမုိုကရေစီရေး အင်အားစုတွေဖြစ်တဲ့ အင်န်အယ်ဒီ၊ အက်စ်အင်န်အယ်ဒီ၊ တုိုင်းရင်းသားတွေ၊ မဟာမိတ်အစုအဖွဲ့တွေက အားလုံးနဲ့အတူတကွ တပ်မတော်အပါအ၀င် တွေ့ဆုံဆွေးနွေးဖို့ ဖိတ်ခေါ်တယ်။ တုိုက်တွန်းတယ်။
နိုင်ငံတကာကိုလည်း ကုလသမဂ္ဂအပါအ၀င်ကိုလည်း ၀ိုင်းဝန်းအားပေးဖို့ တိုက်တွန်းနေပါတယ်။ ပင်လုံစိတ်ဓာတ်၊ အမျိုးသားညီညွတ်ရေး စိတ်ဓာတ်၊ အမျိုးသားပြန်လည်သင့်မြတ်ရေး စိတ်ဓာတ်တွေ နိုးကြားဖို့ ဆောင်ရွက်နေပါတယ်။ တုိုင်းသူပြည်သားတွေကလည်း မျှော်လင့်နေတယ်။
သို့သော် အဲသည်လို အခြေအနေမျိူးမှာ စစ်အုပ်စုက တင်းမာတဲ့ သဘောထားတွေ ပြောလာတာကတော့ စိတ်မကောင်းစရာပဲ ဖြစ်တယ်လို့ ပြောချင်တယ်။ အဲသည်ကြားထဲမှာ ရွေးကောက်ပွဲဝင်ပြီတော့၊ လွှတ်တော်ထဲ ၀င်ပြီးတော့ ဒီမုိုကရေစီရေး လှုပ်ရှားတောင်းဆိုမှုတွေ လုပ်မယ်ဆိုတဲ့ လူပုဂ္ဂိုလ်တွေကိုယ်တိုင်၊ ပါတီအဖွဲ့အစည်းတွေကိုယ်တိုင်က စစ်အုပ်စုနဲ့ သူရဲ့ အနိုင်ရ ကြံ့ဖွံ့ပါတီတွေ ထုတ်ဖော်ပြောနေစရာမလိုဘဲနဲ့ အခုလိုမျိူး စစ်အစုိုးရနဲ့ ပူးပေါင်းပြီးတော့ လုပ်တော့မယ်၊ စစ်အစုိုးရရဲ့ Blessing ခွင့်ပြုမှု ကောင်းချီးပေးမှုကိုသာ ရယူပြီးတော့ လုပ်ကိုင်ကြတော့မယ်လို့ ပြောလိုက်ကြတာတွေဟာ လူထုသဘောထားတွေ၊ ဒီမုိုကရေစီရေး ရပ်တည်ချက်တွေကနေ ရွေ့လျားသွားတယ်၊ အလှမ်းကွာသွားတယ်လို့ ပြောချင်ပါတယ်။ သူတို့က လွှတ်တော်ပြင်ပက ဒီမိုကရေစီအင်အားစုတွေ၊ တုိုင်းရင်းသားတွေကို၊ ပြည်သူလူထုတွေကို ပစ်ပယ်လိုက်တဲ့ သဘော၊ ကန့်သတ်လိုက်တဲ့ သဘောလို့ မြင်ပါတယ်။

ဟုတ်ကဲ့ပါဆရာ၊ ကျေးဇူးတင်ပါတယ်။

(ဆက်လက်ဖော်ပြပါမည်)
http://moemaka.com/index.php?option=com_content&task=view&id=7990&Itemid=1

သတင်းသုံးသပ်ချက် ၂၀၁၁ မြန်မာ့နိုင်ငံရေး အလားအလာ



By ဦးကျော်ဇံသာ ဗုဒ္ဓဟူး, 05 ဇန်နဝါရီ 2011

ဦးကျော်ဇံသာ ။ ။ ၂၀၁၀ ဟာ မြန်မာနိုင်ငံအတွက် အတော်အရေးကြီးတဲ့ နှစ်တနှစ်လို ဆိုရပါမယ်။ ဒီမိုကရေစီလှုပ်ရှားမှုမှာ အဓိကကျတဲ့ အမျိုးသားဒီမိုကရေစီအဖွဲ့ချုပ်ရဲ့  အထင်ကရ ခေါင်းဆောင်နှစ်ဦး လွတ်မြောက်လာခဲ့တယ်။ ပြည်သူတွေ လက်ခံသည်ဖြစ်စေ လက်မခံသည်ဖြစ်စေ စစ်အစိုးရက ရွေးကောက်ပွဲတခု လုပ်ခဲ့တယ်။ ဒါတွေက ထူးခြားတဲ့ဖြစ်ရပ်တွေ ဖြစ်ပါတယ်။ ဒါတွေကို ကြည့်ပြီးတော့ ၂၀၁၁ မှာ ဘာတွေဖြစ်လာမလဲ။ အထူးသဖြင့် ဦးမောင်မောင်မြင့် တို့ မီဒီယာသမားတွေ ဘယ်လိုသတင်းတွေများ ရေးလာရမလဲ၊ ဘယ်လိုသတင်းတွေ ပြောခွင့်ရလားမလဲဆိုတာတွေကို သုံးသပ်ကြည့်ကြပါမယ်။ ပထမဦးဆုံး ကျနော်တို့ မခန့်မှန်းခင်မှာ နိုင်ငံရေးဖက်က ဘယ်လိုပြောင်းလဲလာမလဲဆိုတာကို နိုင်ငံရေးလှုပ်ရှားသူ၊ ဒီမိုကရေစီရေး တက်ကြွလှုပ်ရှားသူတဦးဖြစ်တဲ့ ဦးဌေးအောင် ကို မေးမြန်းလိုပါတယ်။

၂၀၁၁ နိုင်ငံရေးအခြေအနေ ဘယ်လိုများ ထူးခြားပြောင်းလဲလာမယ် ထင်ပါသလဲ။

ဦးဌေးအောင် ။ ။ ကျနော်အထင် မပြောခင် ဒေါ်အောင်ဆန်းစုကြည်ရဲ့  သုံးသပ်ချက်ကို ပြောပြချင်ပါတယ်။ ဒေါ်အောင်ဆန်းစုကြည်ကတော့ ၂၀၁၁ က မြန်မာနိုင်ငံအတွက် ထူးခြားမယ့် နှစ်တနှစ်ဖြစ်မယ်လို့ သုံးသပ်ပြောဆိုတဲ့ အနေအထားရှိပါတယ်။ ကျနော်မြင်တာကလည်း ၂၀၁၁ ခုနှစ်က ဗမာပြည်အတွက် ဆိုးကျိုးတွေ၊ သံသယလည်နေအုံးမယ့် နှစ်တနှစ် ဖြစ်မယ်လို့ ထင်ပါတယ်။ ဘာဖြစ်လို့လည်းဆိုတော့ မကြာခင်မှာ စစ်အစိုးရက ရွေးကောက်ပွဲရဲ့  ရလာဒ်ကို အကောင်အထည်ဖော်တဲ့အနေနဲ့ အရပ်သားအစိုးရ၊ အသွင်ပြောင်းအစိုးရကို သူက ဖွဲ့စည်းတော့မယ်။ အဲဒီ အစိုးရဖွဲ့စည်းပြီးတာနဲ့ တပြိုင်တည်း။ လွှတ်တော်ကနေ အဲဒီ အစိုးရ သက်စိုးရှည်အောင် ဥပဒေတွေကို ပြဌာန်းရတော့မယ်။ အဲဒီ ဥပဒေတွေကလည်း ဘာပဲဖြစ်ဖြစ် အရပ်သားအမည်ခံ အစိုးရလုပ်ချင်တာလုပ်နိုင်ဖို့အတွက် ဥပဒေတွေဖြစ်ဖို့ သေချာတဲ့အတွက်ကြောင့် ဒါတွေကလည်း လူထုအပေါ်မှာ ဖိနှိပ်တဲ့ ဥပဒေတွေဖြစ်ဖို့ များပါတယ်။ နောက်တခုက တိုင်းရင်းသားအပစ်အခတ်ရပ်စဲရေးတွေအပေါ်လည်း စစ်အစိုးရက နည်းမျိုးစုံနဲ့ ဆက်ပြီးဖိအားပေးမှာတွေ ရှိပါတယ်။ နိုင်ငံတကာ အနေနဲ့လည်း တချို့  စစ်အစိုးရရဲ့  ရွေးကောက်ပွဲအပေါ်မှာ သူတို့အနေနဲ့ လက်မခံနိုင်တဲ့အချက်တွေကို ဆက်ပြီး ဖိအားပေးမှာတွေ ရှိတဲ့အတွက်ကြောင့် ၂၀၁၁ ခုနှစ်က နိုင်ငံရေးမှာ လိပ်ခဲတင်းတင်းဖြစ်မယ့် တဖက်နဲ့တဖက် ရင်ဆိုင်ရမယ့် အခြေအနေမျိုး ဖြစ်မယ့်နှစ်လို့ ထင်ပါတယ်။

ဦးကျော်ဇံသာ ။ ။ ဦးဌေးအောင် အနေနဲ့ ဒေါ်အောင်ဆန်းစုကြည် က ထူးခြားတဲ့နှစ်တနှစ် ဖြစ်မယ်လို့ပြောဆိုတဲ့ကိစ္စကို ဘယ်လိုအဓိပ္ပါယ် ဖွင့်ဆိုပါသလဲ။ ဘယ်လိုသဘောပေါက်ပါသလဲ။

ဦးဌေးအောင် ။ ။ ထူးခြားတဲ့နှစ်တနှစ် ဖြစ်မယ်ဆိုတာကတော့ ဒေါ်အောင်ဆန်းစုကြည်ကတော့ အမျိုးသားပြန်လည်ရင်ကြားစေ့ရေးကို သူ့အနေနဲ့ ဦးတည်ပြီး လုပ်ဆောင်မယ်လို့ သူကပြောထားတဲ့အတွက်ကြောင့် ဒီနှစ်ထဲမှာတော့ အဲဒါတွေဖြစ်အောင် အကောင်အထည်ဖော်မယ်၊ ဒါတွေဖြစ်လာနိုင်အောင်လို့လည်း သူအနေနဲ့ ယုံကြည်တယ်လို့ ပြောဆိုတဲ့ အဓိပ္ပါယ်မျိုးလို့ ထင်ပါတယ်။

ဦးကျော်ဇံသာ ။ ။ ဦးဌေးအောင် က အဲဒီအဓိပ္ပါယ်မျိုး အယူအဆမျိုး မမြင်ဘူးလား။ အမျိုးသားရင်ကြားစေ့ရေးအတွက် ရှေ့ ကိုတလှမ်းတိုးလာနိုင်တယ်ဆိုတဲ့ အယူအဆ ဦးဌေးအောင်မှာ မရှိဘူးလား။

ဦးဌေးအောင် ။ ။ ကျနော်ကတော့ လတ်တလောဖြစ်လာနိုင်မယ့်အနေအထား မရှိသေးဘူးလို့ ထင်ပါတယ်။ ဘာဖြစ်လို့လည်းဆိုတော့ စစ်အစိုးရက ဒီ အမျိုးသားရင်ကြားစေ့ရေးကို မလုပ်ချင်လို့။ သူတို့အနေနဲ့ အကြိမ်ကြိမ်ငြင်းခဲ့တာရှိတယ်။ နောက်တခါ သူတို့ စစ်အာဏာရှင်စံနစ်ကို ပုံစံတမျိုးနဲ့ တရားဝင်ဖြစ်အောင်လို့ အခု ၂၀၀၈ ဖွဲ့စည်းပုံအုပ်ချုပ်ပုံဥပဒေကို လုပ်ခဲ့တယ်။ ၂၀၁၀ ရွေးကောက်ပွဲကို လုပ်ခဲ့တယ်။ ဒါတွေကလည်း သူတို့ road map အရဆိုရင် နောက်ဆုံးအဆင့်ကိုတောင် သူတို့ရသွားပြီဆိုတဲ့အချိန်မှာ ဒေါ်အောင်ဆန်းစုကြည် တောင်းဆိုနေတဲ့ အမျိုးသားရင်ကြားစေ့ရေးကို သူတို့အနေနဲ့ စစ်စစ်မှန်မှန် ယုံယုံကြည်ကြည် လုပ်ပေးမယ့် အနေအထားမျိုး မရှိပါဘူး။ ဒါပေမယ်လို့ ဒေါ်အောင်ဆန်းစုကြည်အနေနဲ့ စစ်အစိုးရနဲ့ စွမ်းအားခြင်း ညီမျှလာမယ့် အနေအထားအထိ စည်းရုံးရေးလုပ်နိုင်မယ်ဆိုရင်တော့ စစ်အစိုးရဖက်က မလိုက်ရောချင်ပေမယ့်လည်း နောက်ဆုံးမှာ မလွှဲမရှောင်သာ တဖြည်းဖြည်းလိုက်လျောလာနိုင်တဲ့ အနေအထားမျိုး ရှိကောင်းရှိလာနိုင်ပါတယ်။

ဦးကျော်ဇံသာ ။ ။ ဒါကတော့ နိုင်ငံရေးသမား သုတေသီတဦးရဲ့  အမြင်ဖြစ်ပါတယ်။ ကျနော်တို့ မီဒီယာသမားတွေအနေနဲ့ ဘယ်လိုမြင်ပါသလဲ။ ဦးဌေးအောင် ပြောသလို ၂၀၁၀ ဟာ ဗမာပြည်သူတွေ အကျဉ်းအကြပ်ထဲ ပိုကျလာနိုင်မယ်။ ဥပဒေအရ ပိုမိုဖိနှိပ်မယ့် ဥပဒေတွေနဲ့ လုပ်လာမယ်။ တက်လာတဲ့ အစိုးရတည်မြဲရေးအတွက် တိုင်းရင်းသားတွေလည်း ဖိနှိပ်ခြင်း ပိုခံရမယ်ဆိုတာတွေကို သုံးသပ်ထားတယ်။ ဆိုတော့ ဦးမောင်မောင်မြင့် အနေနဲ့ ဘယ်လိုမြင်ပါသလဲ။

ဦးမောင်မောင်မြင့် ။ ။ ၂၀၁၀ လွန်သွားတဲ့နှစ်မှာ မီဒီယာသမားတွေအနေနဲ့ သတင်းတွေအများကြီး ရှိခဲ့ပါတယ်။ ကျနော်တို့ ပြည်တွင်းမီဒီယာသမားတွေအနေနဲ့ အဲဒီ သတင်းတွေကို လုံလုံလောက်လောက် သတင်းပို့ဖို့၊ ရေးဖို့အတွက်ကို အခက်အခဲများစွာ ရှိခဲ့ပေမယ့်။ ပြည်ပမှာရှိတဲ့ ရေဒီယိုသတင်းဌာနတွေ၊ တီဗွီသတင်းဌာနတွေ အနေနဲ့တော့ သတင်းတွေအများကြီး ရှိခဲ့ပါတယ်။ သို့သော်လည်း ပြည်တွင်းသမားတွေရဲ့  အခြေအနေကတော့ စောစောကပြောသလို ကျဉ်းတည်းကြပ်တည်းလည်း ဖြစ်တယ်။ နောက်ပြီးတော့ သူတို့အနေနဲ့ တချို့ နေရာတွေမှာ ထောင်နှုတ်ခမ်းကို နှင်းပြီးလုပ်နေရတဲ့ သဘောရှိတာကြောင့် သူတို့အနေနဲ့က ဝမ်းနည်းစွာနဲ့ မလွတ်လပ်ဘူးလို့ ပြောရပါလိမ့်မယ်။ သို့သော် ၂၀၁၁ ခုနှစ် ရောက်တဲ့အခါကြတော့ ယေဘုယျပြောမယ်ဆိုရင် လွှတ်တော်တခုဖြစ်လာလို့ လွှတ်တော်အပိုင်းမှာက ကြံ့ခိုင်ဖွံ့ဖြိုးရေးပါတီ ၈၀% ဝန်းကျင်နဲ့ သူတို့က အနိုင်ရထားတဲ့အတွက်ကြောင့် အတိုက်အခံဆိုတာက အသံတောင်မထွက်နိုင်တဲ့ အနေအထားမှာ ရှိပါတယ်။ ဒီလို အနေအထားမျိုးမှာတော့ သတင်းသမားတွေအနေနဲ့ စိတ်ဝင်စားစရာ ကောင်းချင်မှကောင်းမယ်။ ဒါပေမဲ့လို့ အခုကျနော်တို့ မြင်နေရတဲ့ အလားအလာ ဘာရှိသလဲဆိုရင်တော့ လွှတ်တော်အတွင်းက နိုင်ငံရေးနဲ့ လွှတ်တော်ပြင်ပမှာရှိတဲ့ နိုင်ငံရေးမျိုးကို မြင်နေရပါတယ်။ ဒါကိုလည်း အန်အယ်လ်ဒီ အပါအဝင် ရွေးကောက်ပွဲမှာ ဝင်ပြီးပြိုင်ခဲ့ကြတဲ့ နိုင်ငံရေးသမားတွေကိုယ်တိုင်က ဒီစကားကို ပြောနေတာပါ။ လွှတ်တော်ပြင်ပ နိုင်ငံရေးလို့ ဆိုကြပေမယ့် တကယ်တမ်းတော့ အရင်တုန်းကလို ပါတီနိုင်ငံရေးလိုင်း သက်သက်တင်မကတော့ဘဲ အခုအချိန်မှာ လူထုကြားထဲကို ဆင်းပြီး လူထုကို စည်းရုံးရေးလုပ်နေတဲ့အဆင့်အထိ လွှတ်တော်ပြင်ပက နိုင်ငံရေးသမားတွေက စည်းရုံးလှုပ်ရှားနေကြတဲ့ အနေအထားရှိပါတယ်။ လောလောဆယ်ပြောမယ်ဆိုရင်တော့ ဒေါ်အောင်ဆန်းစုကြည် ကိုယ်၌က ကွန်ယက်တခုဖွဲ့စည်းဖွဲ့ဆိုတဲ့ သဘောမျိုးကို ပြောလာသလို။ လူငယ်တွေ နိုင်ငံရေးမှာ ပါလာဖို့။ လူငယ်တွေ တိုင်းပြည်အရေးမှာ ပါလာဖို့ သဘောမျိုး ပြောနေတာ ရှိပါတယ်။ ဒါတွေသာ တကယ်တမ်း အောင်မြင်လာမယ်၊ ပီပြင်လာမယ်ဆိုရင် စောစောကပြောတဲ့ နိုင်ငံရေးအားပြိုင်မှုတွေဟာ သိသိသာသာ ထင်ထင်ရှားရှား ဖြစ်လာမှာပါ။

ဦးကျော်ဇံသာ ။ ။ နောက်ဆက်တွဲအနေနဲ့ ခပ်တိုတို မေးချင်တာက သတင်းသမားတွေက လွတ်လွတ်လပ်လပ် သတင်းပို့နိုင်မယ့်၊ သတင်းပို့ခွင့်ရနိုင်မှာကို တွေ့ပါသလား။

ဦးမောင်မောင်မြင့် ။ ။ ၂၀၁၀ ခုနှစ်ကို အခြေခံပြီးပြောရရင် အဲဒီအလားအလာက အတော်လေး မှေးမှိန်တာကို တွေ့ရပါတယ်။ ဒါတွေကို ထောက်ချင့်ပြီးတော့ ကြည့်မယ်ဆိုရင်တော့ သတင်းလွတ်လပ်ခွင့်အပိုင်းမှာ ၂၀၁၀ ထက် ၂၀၁၁ က သိပ်အများကြီးကွာမယ့် အလားအလာမျိုး မရှိပါဘူး။ အလွန်ဆုံး မြန်မာပြည်မှာ သတင်းလွတ်လပ်ခွင့်ရမယ်ဆိုလို့ရှိရင် အိန္ဒိယ၊ ထိုင်းနိုင်ငံမျိုးလို ဘယ်တော့မှ ရလာနိုင်မှာ မဟုတ်ဘူး။ သို့သော် ကမ္ဘောဒီယားမှာရှိနေတဲ့ သတင်းလွတ်လပ်ခွင့်မျိုးလောက်တော့ ရကောင်းရလာနိုင်တယ်။ နောက်တချက် အကောင်းဖက်က ကြည့်မယ်ဆိုရင် အာဆီယံမှာ လူ့အခွင့်အရေး charter ကို မြန်မာနိုင်ငံအပါအဝင် လက်မှတ်ထိုးထားတာ ရှိတဲ့အတွက်ကြောင့် အဲဒါနဲ့ ပတ်သက်လို့ မြန်မာစစ်အစိုးရက ပက်ပက်စက်စက် ရမ်းရမ်းကားကား အရင်တုန်းကလို သတင်းသမားတွေကို ဖမ်းဆီးထောင်ချ၊ နှိပ်စက်ပြီး ထောင်ထဲမှာ သတ်တဲ့အထိတော့ မဖြစ်နိုင်ဘူးလို့ ကျနော်အနေနဲ့ မျှော်လင့်ပါတယ်။

ဦးကျော်ဇံသာ ။ ။ ကျေးဇူးတင်ပါတယ်။ အကောင်းဖက်က မြင်ပေးတဲ့တခုက အင်မတန် တန်းဖိုးရှိပါတယ်။ ဘာကြောင့်လည်းဆိုတော့ ကျနော်တို့ မီဒီယာသမားတွေက မေးမြန်းလိုက်တိုင်း အကောင်းမြင်တဲ့လူတွေက အင်မတန် နည်းပါတယ်။ ဒါလည်း အပြစ်တော့ မဟုတ်ပါဘူး။ သမိုင်းက ဒီလိုပဲ သင်ပေးလာတော့ - မြန်မာ့သမိုင်းမှာ အကောင်းမြင်ရတဲ့အချိန်က အခုခေတ်သစ်အချိန်မှာ သိပ်နည်းလေတော့ ဦးဌေးအောင် အကောင်းတခုခု မြင်ကြည့်ပါအုံး။ ကျနော်အနေနဲ့ တခုမြင်ကြည့်မယ်။ ဒေါ်အောင်ဆန်းစုကြည် က ပြောတယ် - အမျိုးသားရင်ကြားစေ့ရေးအတွက် ဒီနှစ်မှာ အစွမ်းကုန် ကြိုးစားမယ်ဆိုတော့ စစ်အစိုးရက ဒေါ်အောင်ဆန်းစုကြည်ကို လွတ်ပေးလိုက်တာက သူတို့ဥပဒေကြောင့်ပါ။ ဥပဒေဆိုတာ သူတို့လက်ထဲမှာရှိနေတာပဲ သူတို့ထင်သလို လုပ်လို့ရတယ်။ သို့ပေမဲ့ သူတို့ရွေးကောက်ပွဲမှာ သူတို့အာဏာဆက်တည်ရေးအတွက် အခိုင်အမာ အခြေကုတ်ရယူပြီးပြီ။ သူတို့အတွက် စိုးရိမ်စရာ မလိုတော့ဘူး။ နောက်ကြောင်းလုံပြီဆိုတဲ့ သဘောနဲ့ လွတ်ပေးတယ်လို့ ပြောမယ်လို့ ရရင်လည်းထင်ပါတယ်။ ဆိုတော့ အဲဒီလို ယုံကြည်မှုရလာတဲ့ သူတို့အနာဂတ်အတွက် အဲဒါကို အခြေခံပြီးတော့ အမျိုးသားရင်ကြားစေ့ရေးကို ဒီအဖွဲ့အစည်းနဲ့ ငါတို့ ဆွေးနွေးမယ်။ ငါတို့ ရရှိပြီးတဲ့ အဆင့်အတန်းကနေ ပြန်လျှောမကျနိုင်ဘူးဆိုတဲ့ အသိများဝင်လာပြီးတော့ အကောင်းဖက်ကို မရွေးလာနိုင်ဘူးလား။

ဦးဌေးအောင် ။ ။ တခုရှိပါတယ်။ ကျနော်တို့ စစ်အစိုးရအပေါ်မှာ သုံးသပ်ရင် သူတို့ စဉ်းစားနေကြ၊ လုပ်နေကြ။ စစ်ရေးအမြင်နဲ့ သုံးသပ်တာကို ကျနော်တို့ ထည့်သွင်းစဉ်းစားရမယ် ထင်ပါတယ်။ စစ်တပ်မှာက သူတို့က military doctrine ဆိုပြီးတော့ သူတို့သွားရမယ့်၊ သူတို့စွဲကိုင်ထားမယ့် မူဝါဒက သူတို့ချထားပြီးသာပါ။ အဲဒါကလည်း သူတို့ အမျိူးသားညီလာခံမှာစပြီး ဦးတည်ချက် (၆) ရပ် ချပြီးကတည်းက ပါပြီးသာပါ။ နိုင်ငံရေးမှာ ဒီတပ်မတော်က အမြဲတမ်းဦးဆောင်မှု အခန်းကဏ္ဍကပါရမယ်ဆိုတဲ့အချက်။ အဲဒီတော့ အဲဒီအချက်ကို သူတို့အနေနဲ့ အခုဆိုရင် ဦးကျော်ဇံသာ ပြောသလို အခိုင်အမာတော့ ရရှိထားပြီဆိုပြီး တွက်ထားတာရှိပါတယ်။ အဲဒီတော့ အဲဒီအနေအထားကို သူတို့က ထိခိုက်ခံမှာ မဟုတ်ဘူး။ အဲဒီတော့ ဒေါ်အောင်ဆန်းစုကြည် ပြောတဲ့ တွေ့ဆုံဆွေးနွေးရေးကိစ္စကလည်း ဒီအရပ်သား အမည်ခံ အစိုးရလက်ထက်မှာ ဟန်ပြ လုပ်ကောင်းလုပ်ပြနိုင်ပါတယ်။ သို့သော် သူတို့ဖက်က ချထားတဲ့ ကြမ်းခင်းဈေးကိုတော့ လုံးဝထိခိုက်နိုင်မှာ မဟုတ်ဘူး။ ကျနော်တွက်တာကတော့ ဒီလို တွေ့ဆုံပွဲ ဟန်ပြလုပ်တယ်။ တဖက်နဲ့တဖက် စေတနာမပါဘဲနဲ့ လုပ်တယ်ဆိုရင်တော့ လုပ်ပြကောင်းလုပ်ပြနိုင်ပေမယ့် ဒါရဲ့  အကျိုးရလာဒ်က ဘာမှဖြစ်လာမှာ မဟုတ်ဘူး။ အဲဒါမျိုးကိုပဲ ကျနော်ယူဆပါတယ်။

ဦးကျော်ဇံသာ ။ ။ ဦးမောင်မောင်မြင့်လည်း ဒီကိစ္စကို နည်းနည်းပြောပါအုန်း။ တွေဆုံဆွေးနွေးပွဲတရပ် ဖြစ်ရပ်တခုဟာ စေတနာပါမှ အကျိုးရှိနိုင်မလား၊ သို့တည်းမဟုတ် ဖိအားကြောင့်၊ အမျိုးမျိုးသော အခြေအနေများကြောင့် တွေ့ဆုံဆွေးနွေးပွဲ ဖြစ်ခဲ့ရတာတွေလည်း အစဉ်အလာအများကြီး ရှိပါတယ်။ ဆိုတော့ နှစ်ဖက်စကားပြောဖြစ်တယ်။ တွေ့ဆုံဆွေးနွေးရေး အဆင့်မဟုတ်ဘဲနဲ့ လူမှုရေးလုပ်ငန်းတွေမှာ ကူညီတဲ့လုပ်ငန်းတွေမှာ လက်တွဲလုပ်ဖြစ်တယ်ဆိုရင်ကို အဲဒါဟာ အလားအလာကောင်းတဲ့ အခြေအနေတရပ် ဖြစ်မလာနိုင်ဘူးလား။

ဦးမောင်မောင်မြင့် ။ ။ အဲဒီအပိုင်းနဲ့ ပတ်သက်လို့တော့ ဒီ အလားအလာကောင်းတာတွေ ရှိတယ်လို့ ကျနော်မြင်ပါတယ်။ ဘာကြောင့်လည်းဆိုတော့ အခုအချိန်မှာ အန်အယ်လ်ဒီ က လုပ်နေတဲ့ နာဂစ်မုန်တိုင်းနဲ့ ပတ်သက်လို့ အကူအညီပေးတဲ့ကိစ္စမျိုးတွေ နောက်ပြီး HIV ဂေဟာနဲ့ ပတ်သက်ပြီး စစ်အစိုးရက လိုက်လျောပြီးတော့ ဒီဂေဟာ တည်ရှိခွင့်ပေးတာမျိုးတွေ။ ဒါမျိုးတွေကို တကယ်တမ်းသာ နောက်ပိုင်းအရှေ့ သဖြင့် ဆက်ပြီးတော့ ကျယ်ပြန့်လာအောင် လုပ်လာမယ်။ နောက်တက်လာမယ့်အစိုးရဖက်ကလည်း ဒီအကူအညီပေးနိုင်မယ်။ အန်အယ်လ်ဒီ နဲ့လည်း တွဲပြီးလုပ်နိုင်မယ်။ ဒီအပြင် လူငယ်တွေ၊ အန်ဂျီအို အဖွဲ့အစည်းတွေနဲ့ တွဲပြီးလုပ်နိုင်မယ်ဆိုရင်တော့ ဒါက အလားအလာကောင်းတခု ဖြစ်ပါတယ်။ နောက်တဖက်က ပြန်ကြည့်မယ်ဆိုရင်လည်း ၂၀၁၀ ခုနှစ်အထိ ရွေးကောက်ပွဲ မတိုင်ခင်အထိ အနေအထားက ဘာလဲဆိုတော့ စစ်အစိုးရနဲ့ အရပ်သားတွေနဲ့ ထိပ်တိုက်ရင်ဆိုင်မှုလို့ ယေဘုယျအားဖြင့် သုံးသပ်လို့ရပါတယ်။ သို့သော် လွှတ်တော်ပေါ်လာပြီး နောက်ပိုင်းကြရင်တော့ အရပ်သားအစိုးရနဲ့ အရပ်သားလွှတ်တော်ပြင်ပတို့။ လွှတ်တော်ပြင်ပမှာရှိတဲ့ အရပ်သားနိုင်ငံရေးသမားတွေသဘော ဖြစ်လာပါတယ်။ အဲဒီသဘောမျိုး ဖြစ်လာတဲ့အခါကြတော့ စစ်တပ်အနေနဲ့က အရင်တုန်းက မာနမျိုးကိုလည်း ထားဖို့ မလိုတော့ဘူး။ ဘာကြောင့်လည်းဆိုတော့ သူတို့အနေနဲ့ လွှတ်တော်ရဲ့  နောက်ကွယ်မှာရှိနေမယ်။ ဆိုတဲ့အခါကြတော့ ကျနော်အနေနဲ့ မြင်တာကတော့ မြန်မာနိုင်ငံသားတိုင်း ဘယ်သူမဆို စစ်တပ်ကော၊ အရပ်သားတွေကော သူတို့အနေနဲ့ တိုင်းပြည်ကောင်းကျိုးကိုတော့ အနည်းနဲ့အများ လိုလားကြပါတယ်။ လိုလားကြတဲ့အခါမှာ အခုလိုမျိုး လျှော့ပေးနိုင်တဲ့ နိုင်ငံရေးအနေအထား ပေါ်လာပြီဆိုရင်တော့ အဲဒီအနေအထားကို နှစ်ဖက်စလုံးက စေတနာသန့်သန့် နဲ့ ကိုယ့်အကျိုးရှိတာ မှန်ပေမယ့် ကိုယ့်အကျိုးကို ရှေ့ တန်းမတင်ဘဲ ဆက်ပြီးသွားနိုင်မယ်။ ကျယ်ပြန့်အောင်လုပ်နိုင်မယ်ဆိုရင် နိုင်ငံတကာအနေနဲ့လည်း မြန်မာပြည်ပေါ် အကောင်းမြင်လာနိုင်မယ်။ သူတို့ရဲ့  လက်ရှိလွှတ်တော်ကို အခြေခံတဲ့ အရပ်သားဟန်ပြ အစိုးရကိုလည်း တကယ့် အရပ်သား အစိုးရအနေနဲ့ အခုမဟုတ်တောင် နောက် ဆယ်နှစ်ကြာရင် ဥပမာ အဲဒီလိုမျိုး မြင်လာနိုင်မယ်ဆိုရင်တော့ အနည်းဆုံးတော့ လူထုအကျိုးရှိမယ့် ဖြစ်ရပ်မျိုးတွေ ပေါ်လာနိုင်မယ်လို့ ကျနော်မြင်ပါတယ်။

ဦးကျော်ဇံသာ ။ ။ လူထုဆိုလို့ နိုင်ငံရေးလွှဲပြောင်းရေး၊ နိုင်ငံရေးအာဏာ ခွဲဝေရေးထက် လူထုတွေက သူတို့အကျိုးအတွက် - တလောတုန်းက ဖြစ်ခဲ့ဘူးပါတယ်။ အလုပ်သမားတွေ ပုဂ္ဂလိကစက်ရုံက အလုပ်သမားတွေ သူတို့ နှစ်နာတဲ့အတွက်ကြောင့် သူတို့စုပေါင်းပြီး ဆန္ဒပြတောင်းဆိုတာ။ ဒီကိစ္စတွေမှာလည်း သူတို့က နိုင်ငံရေးဆန့်ကျင်မှုတခုလို ကိုင်တွယ်ပြီး နှိမ်နှင်းခဲ့တာ မတွေ့ရဘူး ထင်ပါတယ်။ အဲဒီလို ဖြစ်ရပ်မျိုးတွေ ပိုပြီးမပေါ်ထွန်းလာနိုင်ဘူးလား။

ဦးဌေးအောင် ။ ။ လူထုကတော့ သူတို့ရဲ့  ရသင့်ရထိုက်တဲ့ အခွင့်အရေးတွေအတွက် သူတို့ရနိုင်တဲ့ သူတို့ဖက်က တောင်းဆိုမှုတွေကိုတော့ ခွင့်ပြုသလောက် တိုးချဲ့ ပြီးတော့ လုပ်လာမယ့်သဘော ရှိပါတယ်။ သူတို့ space ကို တိုးချဲ့ ပြီးတော့ တစတစ ယူလာမှာပဲ။ ဒါပေမဲ့ စစ်အစိုးရက ဘယ်လောက်အထိ လိုက်လျောနိုင်မလဲဆိုတာက အတိုင်းအတာအကန့်အသတ် ရှိမယ်လို့ ထင်ပါတယ်။ မဆလခေတ်က လုပ်သလို ဥပဒေမှာ တဖတ်ကဖွင့်ထားပြီး တဖတ်ကပြန်ပိတ်ထားတာမျိုးတွေ၊ တခုနဲ့တခု ပြန်ချိတ်ထားတွေ။ ဒါမျိုးတွေက လုပ်လေ့လုပ်ထ ရှိပါတယ်။
http://www.voanews.com/burmese/

မဲပေးခွင့် အချိုးဖောက်ခံရဆုံးဟု HRDP ပြော


ဖနိဒါ | ကြာသပတေးနေ့၊ ဇန်နဝါရီလ ၀၆ ရက် ၂၀၁၁ ခုနှစ် ၁၉ နာရီ ၃၉ မိနစ်


ချင်းမိုင် (မဇ္စျိမ) ။ ။ ၂ဝ၁ဝ ရွေးကောက်ပွဲတွင် မြန်မာပြည်သူများအနေဖြင့် မဲပေးပိုင်ခွင့်နှင့်ပတ်သက်၍ လူ့အခွင့်အရေး ချိုးဖောက်ခံရမှု အများဆုံးဟု ပြည်တွင်းအခြေစိုက် လူ့အခွင့်အရေး ကာကွယ်မြှင့်တင်သူများ ကွန်ယက် HRDP ၏ အစီရင်ခံစာက ဆိုသည်။

ရန်ကုန်၊ ဧရာဝတီနှင့် ပဲခူးတိုင်း၊ ရှမ်း၊ ရခိုင်နှင့် ကချင်ပြည်နယ် စသည့် တိုင်း/ပြည်နယ် ၆ ခုရှိ ၄၂ မြို့နယ်မှ HRDP အဖွဲ့ဝင်များ အပါအဝင် လူ့အခွင့်အရေး ချစ်မြတ်နိုးသူ ၁ဝဝဝ ကျော်က လူ ၃ သောင်းခန့်ကို တနှစ်ကြာ စစ်တမ်းကောက်ခဲ့ပြီးနောက် ယမန်နေ့တွင် အစီရင်ခံစာ ပေါ်ထွက်လာခြင်း ဖြစ်သည်။

“မဲပေးပိုင်ခွင့်ဆိုင်ရာ အခွင့်အရေးကို အချိုးဖောက်ခံရတာကို အဓိက တွေ့ရပါတယ်။ မဲပေးပိုင်ခွင့်ရှိသူ မဲမပေးရတဲ့ကိစ္စ၊ မဲပေးပိုင်ခွင့်ရှိပြီးတော့ မဲပေးရပေမယ့်လည်း မဲပေးသူရဲ့ စစ်မှန်ဆန္ဒသဘောထားကို မရရှိခဲ့ဘူး။ ခြိမ်းခြောက်မှုတွေ၊ အကျပ်ကိုင်မှုတွေ၊ မက်လုံးပေးမှုတွေ စသည်ဖြင့် ကောက်ခံရတဲ့ စစ်တမ်း ၃ သောင်းကျော်ကနေ အများဆုံး တွေ့ရှိရပါတယ်” ဟု HRDP ကို ဦးဆောင်နေသူ ဦးမောင်မောင်လေးက မဇ္ဈိမကို ပြောသည်။

နိုင်ငံရေးပါတီများ မဲဆွယ်စည်းရုံးမှုဆိုင်ရာ စောင့်ကြည့်ခြင်း၊ မဲပေးခြင်း၊ မဲရေတွက်ခြင်းနှင့် မဲမသမာမှု အပါအဝင် ကြိုတင်မဲကောက်ခံခြင်းနှင့် ရွေးကောက်ပွဲလွန်ကာလ စသဖြင့် ကာလရှည်ကြာ စောင့်ကြည့်ခဲ့ခြင်း ဖြစ်သည်။

ဧရာဝတီတိုင်း ပုသိမ်မြို့ မှန်စက်ရုံ ဝန်ထမ်းများနှင့် ပညာရေးကောလိပ်ရှိ သဲကုန်းမြို့ အပါအဝင် ကျေးရွာ ၂၇ ရွာတွင် တရွာလျှင် ကြိုတင်မဲပေါင်း ၁၅ဝ ကို သက်ဆိုင်ရာ အာဏာပိုင်များက ကောက်ခံခဲ့ခြင်း၊ ကချင်ပြည်နယ် မြစ်ကြီးနားမြို့ သူနာပြု တက္ကသိုလ် ကျောင်းသူကျောင်းသားများထံမှ တဦးလျှင် ၂ သောင်းကျပ်ပေး၍ ရွေးကောက်ပွဲ ကော်မရှင်နှင့် ပြည်ခိုင်ဖြိုး (ကြံ့ဖွံ့) ပါတီတို့က ကြိုတင်လက်မှတ် ဝယ်ယူခဲ့သည်ဟု အစီရင်ခံစာတွင် ပါရှိသည်။

မဲရေတွက်ရာ၌လည်း တသီးပုဂ္ဂလ အမတ်လောင်းများ၊ ပါတီအမတ်လောင်းများ၏ မဲရုံ ကိုယ်စားလှယ်များ ကိုယ်တိုင် မဲရေတွက်သည့်အချိန် ကြည့်ရှုခွင့်မရခြင်း၊ မဲရုံပိတ်လိုက်ခြင်း စသည့် လူ့အခွင့်အရေး ချိုးဖောက်မှုများကို မဲရုံပေါင်း ၅ဝဝ ခန့်ကို စောင့်ကြည့်ခဲ့ရာမှ တွေ့ရသည်ဟု ဆိုသည်။

၂ဝဝ၂ ခုနှစ်စ၍ HRDP ကို ဦးဆောင်လုပ်ကိုင်ခဲ့သူ ဦးမြင့်အေး အပါအဝင် ကွန်ယက်ဝင် ၂၆ ဦးမှာ အကျဉ်းကျခံရဆဲ ဖြစ်သည်။ ဦးမြင့်အေးသည် ထောင်ဒဏ်တသက်တကျွန်းနှင့် ၈ နှစ် ပြစ်ဒဏ်ချခဲ့ပြီး ကယားပြည်နယ် လွိုင်ကော်ထောင်တွင် အကျဉ်းကျခံနေရကာ၊ အခြားအဖွဲ့ဝင်များမှာ အနည်းဆုံး ၈ နှစ်မှ ၂၈ နှစ်အထိ ထောင်ဒဏ် ကျခံနေကြရသည်။

နိုင်ငံသားများ၏ အခြေခံ ရပိုင်ခွင့်များဖြစ်သည့် မဲပေးပိုင်ခွင့်များ၏ မဲပေးသည့် နေရာတွင် လူထု၏ စိတ်ဆန္ဒအမှန်ကို မတွေ့ရှိရကြောင်းနှင့် ဖြစ်ပေါ်လာမည့် အခြေအနေများကို အခြေခံ လူ့အခွင့်အရေးနှင့်အညီ ဆောင်ရွက်နိုင်ရန် အသိပေးသည့် ရည်ရွယ်ချက်ဖြင့် ယခုအစီရင်ခံစာ ထုတ်ပြန်ရကြောင်း ဦးမောင်မောင်လေးက ပြောဆိုသည်။

Human Right Watch ၊ Freedom House ၊ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် တောမတ် ကင်တားနား၊ လူ့အခွင့်အရေးကော်မရှင် မဟာမင်းကြီး အပါအဝင် နိုင်ငံတကာ လူ့အခွင့်အရေး အဖွဲ့အစည်းများထံ အစီရင်ခံစာကို တင်ပြသွားမည်ဖြစ်သည်။

“လူ့အခွင့်အရေးဆိုတာက လူတွေရဲ့ မွေးရာပါ ဖြစ်ပါတယ်။ အခြေခံ အခွင့်အရေးတွေကို ကန့်သတ်တာတို့၊ ထိန်းချုပ်တာတို့၊ မလုပ်ကြဖို့ သက်ဆိုင်ရာ တည်ဆဲအစိုးရကိုရော၊ နိုင်ငံတကာကိုရော မေတ္တာရပ်ခံချင်ပါတယ်။ ကိုယ့်အိတ်ကပ်ထဲက စိုက်ပေးရတာ မဟုတ်ပါဘူး၊ လူတွေရဲ့ အခွင့်အရေးကို အပြည့်အဝ ခံစားခွင့်ပေးလိုက်ပါ” ဟု ဦးခင်မောင်လေးက ဆိုသည်။

HRDP ကဲ့သို့ပင် အမျိုးသားဒီမိုကရေစီအဖွဲ့ချုပ် NLD က ၂ဝ၁ဝ ရွေးကောက်ပွဲ မဲမသမာမှုများ သုံးသပ်ချက် မူကြမ်းကို ရေးဆွဲပြီးဖြစ်ရာ ထိုမူကြမ်းတွင် ကြိုတင်မဲ ကောက်ခံမှုနှင့် မဲလိမ်လည်မှုများ အများအားဖြင့် ပါဝင်နေသည်။

“အများဆုံးက ကြိုတင်မဲ များတယ်။ တယောက်ထဲ မဲအများကြီး ထည့်သွားတာ၊ လျှို့ဝှက်မဲမဟုတ်ဘဲ ထည့်ရတာတို့ များတယ်။ တကယ်တမ်းကျရင် ရွေးကောက်ပွဲက တရားမဝင်ဘူး။ လွှတ်တော်အမတ်တွေလည်း တယောက်မှ တရားမဝင်ဘူး။ ပျက်ပြယ်သော ရွေးကောက်ပွဲပဲ။ စာချုပ်တခုက နှစ်ဦးသဘောတူဖြစ်ရမှာ။ အဓမ္မခေါ်လို့ ခြိမ်းခြောက်၊ ခြောက်လှန့်ပြီးတော့ ပေးတဲ့ မဲဖြစ်တဲ့အတွက် တရားမဝင်ဘူးလို့ ပြောတာ” ဟု မူကြမ်းရေးဆွဲရာတွင် ပါဝင်သူ ပါတီဗဟိုလုပ်ငန်းကော်မတီ အဖွဲ့ဝင် ဦးကြည်ဝင်းက မဇ္စျိမကို ပြောသည်။

ဝန်ထမ်းများကို ကြိုတင်မဲပေးရန် ညွှန်ကြားထားပြီး ကြိုတင်မဲများနှင့် ပတ်သက်သည့် တိုင်း/ပြည်နယ်များမှ ကြံ့ဖွံ့ပါတီကို မဲထည့်ရန် စာထုတ်ပြန်သည့် အထောက်အထားများ အပါအဝင် ပါတီအချို့နှင့် တသီးပုဂ္ဂလ အမတ်လောင်းများ၏ တိုင်တန်းချက် အထောက်အထားများ ပါဝင်သည့် မူကြမ်းအရ တရားမဝင်ဟု ပြောဆိုရကြောင်း သူက ပြောဆိုလိုက်သည်။
http://mizzimaburmese.com/news/inside-burma/6680---hrdp-.html

Interview with DKBA-BGF Soldier Mae Sod

နေဇော်နိုင်နှင့် ဗိုလ်လောင်းသင်တန်းဆင်းပွဲ

Statement by Mon Affairs Union ( Support and welcome 2nd Pinlone )

Support and Welcome 2nd Pinlone

အမျိုးသားဒီမိုကရေစီအဖွဲ့ချုပ် ခရမ်းမြို့နယ် ပြည်သူ့လွှတ်တော်ကိုယ်စားလှယ် ဦးတင်မောင်ဝင်း ကွယ်လွန်ခြင်း နှစ်(၂၀)ပြည့် အမှတ်တရ အခမ်းအနား ဖိတ်ကြားစာ...

လွန်ခဲ့သည့် နှစ်(၂၀) ၁၉၉၁ခုနှစ် ဇန္နဝါရီလ (၁၈)ရက်နေ့က အမျိုးသားဒီမိုကရေစီအဖွဲ့ချုပ် ခရမ်းမြို့နယ် ပြည်သူ့လွှတ်တော်ကိုယ်စားလှယ် ဦးတင်မောင်ဝင်းဟာ အင်းစိန်ထောင်အတွင်း စစ်အာဏာရှင်တွေရဲ့ လက်ချက်နဲ့ ကျဆုံးခဲ့ရပါတယ်..။

Sign a Petition to Free Burma’s Political Prisoners

No-17NDFBulletinDec2010.

No 17NDFBulletinDec2010

Voice of Burma Information Group Issue No.795

VOB795KK