Wednesday, January 12, 2011

အမျိုးသားလူငယ်ကွန်ယက်သတင်းလွှာ(၁၂.၁၁.၂၀၁၁)

NYN 12.1. 2011pdf

စစ်လွန်ဝတီထက်

၁၂.၁.၁၁ ရက်နေ့ရဲရင့်ငယ်ဒိုင်ယာရီ


--
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

10 attachments — Download all attachments (zipped for
  English (US)
Filename encoding menu
)  
Jan 2011 Yeyintnge's Diary.docJan 2011 Yeyintnge's Diary.doc
2331K   View   Download  
Jan 2011 Yeyintnge's Diary.pdfJan 2011 Yeyintnge's Diary.pdf
2759K   View   Download  
December 2010 chronology.pdfDecember 2010 chronology.pdf
305K   View   Download  
4744-people-military-service-law-of-spdc.pdf4744-people-military-service-law-of-spdc.pdf
245K   View   Download  
Aung San Suu Kyi and U.S. Policy toward Burma-1.pdfAung San Suu Kyi and U.S. Policy toward Burma-1.pdf
451K   View   Download  
11001 Sr. Logistics Assistant GS-6 Magway.pdf11001 Sr. Logistics Assistant GS-6 Magway.pdf
75K   View   Download  
စေ့စပ်ဆွေးနွေးရေးဆိုရာဝယ်.pdfစေ့စပ်ဆွေးနွေးရေးဆိုရာဝယ်.pdf
161K   View   Download  
46735371-SPDC-s-Military-Conscription-Law.pdf46735371-SPDC-s-Military-Conscription-Law.pdf
841K   View   Download  
46748369-Free-All-Political-Prisoners-Now.pdf46748369-Free-All-Political-Prisoners-Now.pdf
787K   View   Download  
46751135-21st-PinLong.pdf46751135-21st-PinLong.pdf
364K   View   Download  
http://www.mediafire.com/file/2834pl2dyqcvkuv/Jan%202011%20Yeyintnge%27s%20Diary.doc
http://www.mediafire.com/file/93m2wu9592f3num/Jan%202011%20Yeyintnge%27s%20Diary.pdf
Jan 2011 Yeyintnge's Diary

စစ်တပ်ပေါ်တာ၃ယောက်ထွက်ပြေးလာ

တပ်မတော်နှင့် မျိုးဆက်သစ်


တလောကမိတ်ဆွေတဦးနဲ့ စကားပြောဖြစ်ကြရင်းတပ်မတော်သားတွေအကြောင်း ဆွေးနွေးဖြစ်ကြတယ်။ သူက ခု နောက်ပိုင်း စစ်တပ်ထဲရောက်လာတဲ့ ရဲဘော်တွေကြည့်ရတာစစ်သားနဲ့ သိပ်မတူကြောင်း ပြောတာဆိုတာ သွားတာ လာတာ ဆံပင်ညှပ်ထားပုံကအစ အရပ်သားပုံစံမျိုးပေါက်နေတယ်လို့ ပြောတယ်။
မှန်ပါတယ်။ စစ်တပ်ထဲမှာလည်း ရှေးလူနဲ့နောက်လူ မျိုးဆက်ကွာဟမှုတွေရှိပါတယ်။ မျိုးဆက်မတူတော့ ဖြတ်သန်းခဲ့ရ တဲ့ သမိုင်းကာလတွေ၊ အတွေ့အကြုံတွေကွာခြားကြသလို တွေးခေါ်ရှုမြင်ပုံတွေလည်းကွဲ ပြားကြတာပေါ့။ နောက်ပြီး ရှေ့မျိုးဆက်ကနောက်မျိုးဆက်အပေါ်အားမလိုအားမရ ဖြစ်လေ့ရှိတဲ့ ကျနော်တို့ လူ့အဖွဲ့အစည်းရဲ့ ယဉ်ကျေးမှုအရိပ် လွှမ်းမိုးမှု တွေလည်းရှိနိင်ပါတယ်။
သဘာဝအားဖြင့်တော့ မျိုးဆက်သစ်ဆိုတာ မျိုးဆက်ဟောင်းအပေါ်မှာတည်မှီပြီး ဖြစ်ပေါ်တိုးတက်ရတာပါ။ သားသမီး ကောင်းဖို့ မိဘရဲ့မြော်မြင်ဆင်ခြင်နိုင်မှုကအရေးပါသလို တပည့်ထက်မြက်ဖို့ဆိုတာကလည်း ဆရာသမားရဲ့ သွန်သင် ဆုံးမလမ်းညွှန်နိုင်မှုက အခရာကျပါတယ်။ လူ့အဖွဲ့အစည်းတရပ်မှာလည်း နောက်မျိုး ဆက်တွေတိုးတက်ဖို့ဆိုတာ ရှေ့ မျိုးဆက်က အစဉ်အလာကောင်းတွေ၊ အခွင့်အလမ်းကောင်းတွေနဲ့ ပုခုံးပြောင်း တာဝန်လွှဲအပ်ပေးနိုင်ဖို့အရေးကြီးပါ တယ်။ အစဉ်အလာထိန်းသိမ်းလာတဲ့ စံတွေကိုအသေဆုပ်ကိုင်ထားပြီး နောက်လူတွေအပေါ်မှာ အားမလိုအားမရ ဖြစ် နေရုံနဲ့ ပြဿနာတွေပြေလည်သွားမှာ မဟုတ်ပါဘူး။
မြန်မာ့တပ်မတော်မှာဖြစ်နေတာက ခေတ်မီဖွံ့ဖြိုးတိုးတက်သော တပ်မတော်ကြီးတရပ် ထူထောင်ရေးဆိုတဲ့ ဧရာမရည် မှန်းချက်ကြီးအောက်မှာ ပထမဆုံး လက်တွေ့အကောင်အထည်ပေါ်ဆောင်ရွက်လိုက်တာက တပ်ဖွဲ့စည်းပုံတိုးချဲ့လိုက် တာပါပဲ။ နဝတ အစိုးရတက်လာပြီးတဲ့နောက် တပ်မတော် (ကြည်း) မှာ စစ်တိုင်းဌာနချုပ်တွေ မှိုလိုပေါက်အောင်တိုး တက်များပြားလာသလို ကျနော်တို့ ရေတပ်မှာလည်း ဌာနချုပ်သစ်တွေ၊ တပ်သစ်တွေ၊ စစ်ရေယာဉ်သစ်တွေ အများအ ပြားတိုးပွားလာပါတယ်။ အိမ်နီးချင်း တရုတ်နိုင်ငံမှဝယ်ယူ သောစစ်ရေယာဉ် (၁၆) စီးအပါအဝင် ရေတပ်သင်္ဘောကျင်း ဌာနချုပ်မှာ တည်ဆောက်သောစစ်ရေယာဉ်များ စုစုပေါင်းအစီး (၃ဝ) လောက်တိုးတက်များပြားလာပါတယ်။
တိုးတက်လာတဲ့စစ်ရေယာဉ်တွေဟာ ဗိုလ်မှူးအုပ်ချုပ်သော စစ်ရေယာဉ် (B class) များနဲ့ ဒုဗိုလ်မှူးကြီးအုပ်ချုပ်သော စစ်ရေယာဉ် (A class) တွေသာဖြစ်တာကြောင့် စစ်ရေယာဉ်တစီးချင်းအလိုက် ဖွဲ့စည်းပုံအရ အရာရှိ/စစ်သည် အင် အား (၅ဝ) မှ (၁ဝဝ) ကြားခန့်အပ်ရမှာ ဖြစ်ပါတယ်။နောက်ပိုင်းတည်ဆောက်တဲ့ ဖရီးဂိတ်စစ်ရေယာဉ်တွေမှာ ဖွဲ့စည်းပုံ ပိုများပါတယ်။ ဌာနချုပ်တခု အတွက်ဆိုရင် အရာရှိ (၂ဝဝ) နဲ့ အခြားအဆင့်အင်အား (၂ဝဝဝ) လောက်လိုအပ်ပါ တယ်။
သို့သော်လည်း လက်တွေ့အခြေအနေမှာ ၁၉၉ဝ ခုနှစ်လောက်အထိ တပ်မတော် (ရေ) တရပ်လုံးမှာ မှအရာရှိ/စစ် သည်အင်အား တသောင်းကျော်ရုံလောက်ပဲ ရှိပါတယ်။ အဲဒီအချိန်မှာ ဌာနချုပ် (၄) ခု၊ ပင်မတပ် (၆) တပ်၊ ဗျူဟာစစ် ရေယာဉ်စု (၁) ခုနဲ့သီးခြားတပ် (၄) ခု ရှိပါတယ်။ ဒါကြောင့်မို့ တိုးတက်ဖွဲ့စည်းလာတဲ့ ဌာနချုပ်၊ တပ်စခန်း၊ ရေယာဉ် တွေအတွက် အရာရှိ/စစ်သည် အင်အားပြည့်မီရေးကို လုံ့လထုတ်ဆောင်ရွက် ရပါတော့တယ်။
ကံမကောင်းချင်တော့ စစ်ခေါင်းဆောင်ကြီးတွေကအရာရှိ/စစ်သည်အင်အားအကြီးအကျယ် တိုးချဲ့စု ဆောင်းနေချိန် မှာ တပ်မတော်ရဲ့ပုံရိပ်က ပြည်သူလူထုအကြားမှာ မှေးမှိန်နေချိန်ဖြစ်နေတယ်။ အရင်တုန်းကဆိုရင် လျှောက်လွှာတွေ ကို အင်တာဗျူးအဆင့်ဆင့်နဲ့ စိစစ်လက်ခံနေရတဲ့ တပ်မတော် (ရေ) တပ်သားသစ် စုဆောင်းရေးဌာနမှာ လျှောက်လွှာ တင်မယ့်သူမရှိ ဖြစ်နေတယ်။ သတင်းစာကနေ ခေါ်ယူပေမယ့်လည်း လိုသလောက်အင်အားပြည့်မီအောင် မရပါ။ ရဲဘော်သစ်တွေရဖို့ ငွေနဲ့ပေးဝယ်ရင်း ပြည်တွင်းလူကုန်ကူးမှုသဘော ဖြစ်လာတယ်။ အဆိုးဆုံးကတော့ ကြည်းတပ်စု ဆောင်းရေးကနေ တပ်သားသစ်တွေဝယ်ယူတာပဲ ဖြစ်ပါတယ်။
အရာရှိအင်အားစုဆောင်းရေးမှာလည်း ထိုနည်းလည်းကောင်းပါပဲ။ အရင်က စစ်တက္ကသိုလ်ဝင်ခွင့်ကို တနှစ်မှာ ဗိုလ် လောင်း (၄ဝဝ) လောက်ပဲရွေးချယ်ခဲ့ရာက ခုနောက်ပိုင်း နှစ်စဉ်အင်အား (၂ဝဝဝ) ကျော်လက်ခံနေတာကိုပဲ ကြည့်ပါ။ အဲဒီတော့ နောက်ဆက်တွဲပြဿနာတွေအများကြီး ရှိလာရတယ်။ တိုးတက်များပြားလာတဲ့ အရာရှိ/စစ်သည်တွေကို စွမ်းရည်ထက်မြက်လာအောင် တပ်တည်ဆောက်ရေးလုပ်ငန်းတာဝန်ကြီး (၄) ရပ်နဲ့ ကျားကန်ပေးဖို့အခက်အခဲ ဖြစ် လာတယ်။
ကျစ်လစ်ခိုင်မာတောင့်တင်းသော ခေတ်မီတပ်မတော်တရပ် ဖြစ်ပေါ်လာရေးအတွက် စိတ်ဓာတ်နဲ့ တည်ဆောက်ရ မယ်။ စည်းကမ်းနဲ့တည်ဆောက်ရမယ်။ လေ့ကျင့်ရေးနဲ့တည်ဆောက်ရမယ်။ သက်သာချောင်ချိ ရေးနဲ့တည်ဆောက်ရ မယ်လို့ စစ်ခေါင်းဆောင်ကြီးတွေ ပြောဆိုလေ့ရှိပါတယ်။ လေ့ကျင့်ရေးပိုင်းကစပြီး ကြည့်ကြရအောင်။
သင်တန်းကာလတွေ လျှော့ချပစ်တယ်။ DSA ကို လေးနှစ်ကနေ သုံးနှစ်ထိ လျှော့ချလိုက်တယ်။ တပ်သားသစ်အခြေ ခံသင်တန်းကို ခြောက်လကနေ လေးလထိ လျှော့လိုက်တယ်။ ခုဆိုရင် တပ်သားသစ် အခြေခံသင်တန်းကို ကြည်းတပ် သင်တန်းကျောင်းမှာ တက်နေကြရတာ (၁ဝ) နှစ်လောက်ရှိသွားပြီ။ တပ်မတော်ခေါင်းဆောင်ကြီးတွေက တပ်မတော် တရပ်လုံးကို Armynization (ကျနော်ထွင်သောအသုံးအနှုံး) ပြုလိုက်တယ်လို့ ဆိုရပါလိမ့်မယ်။
ကြည်းတပ်သင်တန်းကျောင်းတွေမှာ စစ်ပညာအခြေခံသင်တန်းသင်ကြားခဲ့ရတဲ့ စစ်သည်တွေကို ရေတပ်မှာ အံဝင်ခွင် ကျဖြစ်အောင် မနည်းပုံသွင်းယူရပါတယ်။ စည်းကမ်းကအစပါ။ ကျနော်တို့ရေတပ်က အခြေခံစစ်ပညာသင်တန်းမှာ ဆေးလိပ်သောက်ခွင့် လုံးဝမပြုပါဘူး။ သူတို့ဆီမှာတော့ ဆေးလိပ်ကို အစည်းလိုက်လပေးနဲ့ ရောင်းတယ်။ နောက်ပြီး အိမ်သာသွားတဲ့အခါ ဝတ်လစ်စလစ် သွားရတယ်လို့ သိရပါတယ်။
ကြည်းတပ်အတွက်ရည်ရွယ်ပြီးဖွင့်တဲ့ အကြပ်လောင်း၊ အကြပ်ငယ်၊ အကြပ်ကြီး၊ အရာခံဗိုလ်သင်တန်းတွေဟာ ရေ တပ်အတွက် အသုံးမဝင်လှပါဘူး။ ယခင်ကရေတပ်ပင်မရေငုပ်နဲ့ ဆယ်ယူရေးတပ်မှာ ဖွင့်လှစ်တဲ့ ရေတပ်အကြပ်ငယ် သင်တန်းဟာ ရေတပ်ဆိုင်ရာ စစ်နည်းဗျူဟာနဲ့အညီ စစ်ပညာရပ်တွေကို သင်ကြားပေးတာပါ။
အဲဒီလိုသင်တန်းမျိုးတွေကို ပိတ်ပစ်လိုက်ရပါတယ်။ ရေတပ်အရာရှိတွေဟာ ကြည်းတပ်တိုက်ခိုက်ရေးကျောင်းတွေမှာ ဖွင့်လှစ်တဲ့ တပ်စုမှူး၊ တပ်ခွဲမှူးသင်တန်းတွေကို မဖြစ်မနေတက်နေရတယ်။ အရာရှိ/စစ်သည် အားလုံးသတ်မှတ်ထား တဲ့သင်တန်းကိုတက် ပြီးမှအဆင့်တိုးမြှင့်ရေးကို စဉ်းစားပေးတယ်။ ရေတပ်မှာ စစ်မှုထမ်းပြီး ကြည်းတပ်သင်တန်းကို တက်မှ ရာထူးတိုးခွင့်ရတယ်ဆိုတာ သဘာဝမကျဘူး ထင်ပါတယ်။
တကယ့်လက်တွေ့မှာ ကြည်းတပ်နဲ့ ရေတပ် စုဖွဲ့ပုံချင်း တာဝန်ခွဲဝေပုံချင်း မတူညီပါ။ ရေတပ်ရဲ့အဓိက တိုက်ခိုက်ရေး အင်အားစုဟာ စစ်ရေယာဉ်တွေဖြစ်ပါတယ်။ စစ်ရေယာဉ်တစီးရဲ့ဖွဲ့စည်းပုံအရ စစ်ရေယာဉ်မှူး၊ ဒုစစ်ရေယာဉ်မှူး၊ ရေ ကြောင်းလမ်းညွှန်အရာရှိ၊ ဆက်သွယ်ရေးအရာရှိ၊ ထောက်ပံ့ရေးအရာရှိ၊ စက်မှုလက်မှုအရာရှိ စသဖြင့် တာဝန်ခွဲဝေ ထားပါတယ်။ စစ်သည်တွေအပိုင်းမှာဆိုရင်လည်း ရေယာဉ်အပိုင်းအလိုက် (ဦး၊ လယ်၊ ပဲ့)၊ ကျွမ်းကျင်မှုပညာရပ်အ လိုက် (ကုန်းပတ်တပ်ဖွဲ့၊ ဆက်သွယ်ရေးတပ်ဖွဲ့၊ စက်တပ်ဖွဲ့၊ အထွေထွေတပ်ဖွဲ့)၊ တာဝန်ကျနေ့အလိုက် (ဖြူ၊ နီ၊ ပြာ) စ သဖြင့် ပိုင်းခြားတာဝန်သတ်မှတ်ထားပါတယ်။
ကြည်းတပ်သင်တန်းကျောင်းတွေမှာ သင်ပေးလိုက်တဲ့ စစ်ပညာတွေဟာ ရေတပ်အတွက် သိပ်ပြီးအသုံးမဝင်လှပါဘူး။ ဒါကြောင့်မို့ တပ်မတော်မှာ လက်ရှိကျင့်သုံးနေတဲ့ လေ့ကျင့်ရေးပုံစံဟာ စွမ်းရည်ပြည့်ခေတ်မီ တပ်မတော်ဖြစ်ပေါ်လာ ရေးဆိုတာထက် တပ်မတော်တရပ်လုံးအပေါ် ကြည်းတပ်က သြဇာလွှမ်းမိုးရေးကိုသာ ဇောင်းပေးနေတာ သိသာပါ တယ်။ အမှန်တကယ် ခေတ်မီတပ်မတော်ဖြစ်စေချင်တယ် ဆိုရင် (ကြည်း၊ရေ၊လေ)တပ်အင်အားစုအလိုက် စွမ်းရည် မြှင့်တင်နိုင်ရေးကို အလေးထားဆောင်ရွက်ရမှာ ဖြစ်ပါတယ်။ လေ့ကျင့်ရေးအထောက်အကူပစ္စည်းတွေ အထိုက်အ လျောက် ကောင်းမွန်တိုးတက်လာတာမှန်ပေမယ့် တဦးချင်း စွမ်းရည်ကျွမ်းကျင်မှုအပိုင်းမှာတော့ မျိုးဆက်အလိုက် နှိုင်း ယှဉ်လိုက်ရင် တဖြည်းဖြည်းကျဆင်းလာတာ တွေ့မြင်နိုင်ပါတယ်။ ဥပမာ- ရေတပ်သားတဦးဖြစ်ပါလျက် ရေမကူးတတ် သူတွေ များစွာရှိနေတာမျိုးပေါ့။ နည်းပညာတွေ လက်နက်ကိရိယာတန်ဆာပလာတွေ ဘယ်လောက်ကောင်းကောင်း ကျွမ်းကျင်မှုမရှိရင် အလကားပဲ။ နောက်တချက်က ကိုယ်စွမ်းကိုယ်စနည်းသူဟာ အခွင့်အရေးကို ဖြတ်လမ်းကလိုက် တတ်တယ်။ ဒီလိုနဲ့ပဲ တပ်ထဲမှာ သူများငယ်ထိပ်နင်းပြီး အခွင့်အရေးယူတာတွေ အကျင့်ပျက်မှုတွေ ပေါ်ပေါက်လာတာ ပဲ။ ကိုယ်စွမ်းကိုယ်စရှိတယ်ဆိုတာကလည်း မွေးရာပါပင်ကိုယ်အရည်အချင်းထက် လေ့ကျင့်ပျိုးထောင်မှုနဲ့ ပိုင်ဆိုင်ရရှိ တာမျိုးဖြစ်ပါတယ်။
သက်သာချောင်ချိရေးအပိုင်းမှာလည်း သက်ဆိုင်ရာတပ်မှူးကိုသာ တာဝန်ယူဖြေရှင်းစေတာတွေက များပါတယ်။ ဒါ ကြောင့် စစ်သည်မိသားစုသက်သာချောင်ချိရေး အကြောင်းပြချက်နဲ့ တပ်ပိုင်စီးပွားရေးလုပ်တဲ့အခါ မသမာမှုတွေ၊ ဥပ ဒေဘောင်ကျော် လုပ်ဆောင်မှုတွေရှိလာပါတယ်။ လစာတွေတိုးလာတော့ တပ်ပိုင်စီးပွား လုပ်ဆောင်ခွင့်ကိုရပ်ဆိုင်း လိုက်ပြန်တယ်။ လစာနှုန်းထားတွေ ခဏခဏပြောင်းလဲသတ်မှတ်ပေးနေပေမယ့် လည်းငွေကြေးဖောင်းပွမှုနဲ့ ကုန်ဈေး နှုန်းမတည်ငြိမ်မှုတွေကြောင့် စစ်သည်မိသားစုတွေ ဖူလုံလောက်ငှမှု မရှိပါ။ လက်ရှိလစာနှုန်းထားအရ တပ်ကြပ်ကြီး တဦးရတဲ့လစာဟာ ကျပ်သုံးသောင်းကျော်ပေမယ့် အမေရိကန် ဒေါ်လာငွေနဲ့တွက်ကြည့်မယ်ဆိုရင် (၃ဝ) ကျော် လောက်ပဲရှိတာပါ။ တကယ်တန်းမှာလည်း စစ်သည်တွေအပါအဝင် ဝန်ထမ်းအားလုံးအလိုရှိနေတာက လစာတွေဘုန်း ပေါလအော ထုတ်ယူဖို့မဟုတ်ဘဲ ကိုယ်ရတဲ့လစာ၊ ရိက္ခာနဲ့ မိသားစု ဣနြေ္ဒသိက္ခာရှိရှိ နေနိုင်စားနိုင်ဖို့ပါပဲ။
ခုတော့ စစ်သည်အများစုကစစ်မှုထမ်းရတာဟာ နှစ်အကန့်အသတ်မရှိ ထောင်ကျတာလို့မြင်နေကြပြီ။ လေ့ကျင့်ရေး ပိုင်းနဲ့ သက်သာချောင်ချိရေး ဆောင်ရွက်ပေးနိုင်မှုအပိုင်းမှာ အားနည်းလာတဲ့အခါ စည်းကမ်းလိုက် နာမှုလျော့ရဲလာ တယ်။ စိတ်ဓာတ်ခွန်အားတွေ ကျဆင်းလာတယ်။ အကျင့်စာရိတ္တတွေ ခြစားလာတယ်။ အပြန်အလှန်လေးစားမှု ကင်း မဲ့လာတယ်။ တပ်တွင်းအမှုအခင်းတွေ တပ်ကထွက်ပြေးတာတွေပိုပို များပြားလာတယ်။ အရာရှိ တပ်ပြေးမှုတွေ များ လာတယ်။
သင်တန်းဆင်းပြီးကာစ အရာရှိငယ်တွေ တပ်၊ စခန်း၊ ရေယာဉ် ရောက်လာတဲ့အခါ ဆရာကြီးတွေကို ဦးလေးခေါ်လို့ ခေါ်၊ အကိုခေါ်လို့ခေါ်။ တချို့ရိုင်းပြသူတွေကြတော့လည်း ကိုယ့်ထက်အသက်အရွယ်များစွာ ကြီးရင့်တဲ့သူတွေကို “မင်း” “ငါ” နဲ့ ခေါ်ဝေါ်သုံးနှုန်းကြတယ်။ အရာရှိငယ်အချို့ အရာရှိတဦးနဲ့ မလျော်ညီတဲ့လုပ်ရပ် တွေ၊ ဝတ်စား နေထိုင် မှုတွေကြောင့် တပ်မှူးတွေ လိုက်ပြီးဖြေရှင်းရတာလည်း ခဏခဏ ကြုံဖူးပါတယ်။ ကျနော်နဲ့ အတူနေခဲ့ဖူးတဲ့ တပ်မှူး တဦီးက “နောက်ပေါက် အရာရှိတွေရော စစ်သည်တွေပါ selfish ဖြစ်တာများတယ်” လို့မှတ်ချက်ပြုပါတယ်။
ကျနော့အမြင်ကတော့ အတ္တကြီးတယ် တကိုယ်ကောင်းဆန်တယ်ဆိုတာ တဦးချင်းနဲ့ ဆိုင်တဲ့ကိစ္စလို့ထင် မိပါတယ်။
စစ်သည်တွေအပိုင်းမှာလည်း အားနည်းချက်တွေရှိပါတယ်။ ခုနောက်ပိုင်း တပ်ထဲကိုရောက်လာတဲ့ ရဲဘော်တွေဟာ အ မိန့်နာခံမှုအားနည်းတယ်။ အလုပ်ဆိုရင်လည်း ပြီးစလွယ်လုပ်တတ်တာများတယ်။ ပြီးတော့ တပ်ကိုမလာဘဲ လနဲ့ချီပြီး ပျောက်နေလို့ အိမ်တိုင်ရာရောက်သွားပြီး ချော့မော့ခေါ်ရသူတွေအများကြီးရှိတယ်။
အဓိကအကြောင်းအရင်းက စစ်သည်တွေ တပ်နေမပျော်ကြတာပဲ။ ဒီလိုအဖြစ်အပျက်တွေ ဖြစ်လာတဲ့အတွက် ဘယ် သူ့မှာ တာဝန်ရှိသလဲလို့ မေးရင် ကျနော်ကတော့ တပ်မတော် ထိပ်သီးကြီးတွေကိုပဲ လက်ညှိုးထိုးပြချင်တယ်။ အာဏာ ကုလားထိုင်ပျောက်မှာစိုးလို့ သူတို့ဆန္ဒအလျောက် တပ်မတော်အင်အားကို မဆင်မခြင်တိုးချဲ့လိုက်တဲ့အတွက် မလွှဲမ ရှောင်သာ ရင်ဆိုင်ကြုံတွေ့လာရတဲ့ ပြဿနာတွေဖြစ်နေလို့ပဲ။
အရာရှိစစ်သည်တွေအနေနဲ့  တပ်မတော်ရဲ့ပင်မတာဝန်တွေဖြစ်တဲ့  စစ်တိုက်ရန်၊ စစ်တိုက်ရန်မရှိက လေ့ကျင့်ရေး လုပ်ဆောင်ရန်၊ လေ့ကျင့်ရန်မရှိက ပြည်သူအကျိုးပြုလုပ်ငန်း လုပ်ဆောင်ရန်ဆိုတဲ့တာဝန်တွေ ကိုထမ်းဆောင်ရာမှာ လက်ရှိအနေအထားအရ စစ်တိုက်ရန်သိပ်မရှိပါ။ လေ့ကျင့်ရေးကိုလည်း ထိထိရောက်ရောက် လုပ်ဆောင်နိုင်စွမ်းမရှိပါ။ လူထုအကျိုးပြုလုပ်ငန်းဆိုရာမှာလည်း ပြည်သူလိုအပ်ချက်ဆိုတာထက် ခေါင်းဆောင်ကြီးတွေရဲ့လိုအပ်ချက်ကို ဖြည့် ဆည်းပေးနေရတာ များပါတယ်။
ယနေ့ မြန်မာ့တပ်မတော်အင်အားဟာ  ခန့်မှန်းခြေအားဖြင့်မြန်မာပြည်လူဦးရေရဲ့ တရာခိုင်နှုန်းမျှ ရှိနိုင်ပါတယ်။ အစိုး ရက တိုင်းပြည် GDP (၄ဝ) ရာခိုင်နှုန်းကို ကာကွယ်ရေးအသုံးစရိတ်အဖြစ် သုံးစွဲနေကြောင်းဆိုကြလေတော့ တပ်မ တော်ကြီး တကယ်ပဲခေတ်မီသွားပြီလား။ ဖြစ်နိုင်ခြေရှိတာက မြန်မာပြည်ဖွား အမျိုးသားထုရဲ့ ငါးရာခိုင်နှုန်း လောက် ဟာ တပ်မတော်က ကျွေးသောရိက္ခာကိုစားဖူးပြီး တပ်မတော်သား သင်္ကေတဖြစ်တဲ့ ကိုယ်ပိုင်နံပါတ်ပြား အနည်းဆုံး တခုကို ကိုင်ဆောင်ဖူးကြပါတယ် (စစ်မှုထမ်းဖူးတာကိုဆိုလိုတာပါ)။ အများစုဟာ လက်ရှိတပ်မတော်ထဲမှာ မရှိပါဘူး။ အဲဒီအထဲမှာ စစ်သားလုပ်တမ်းကစားသူတွေလည်း ရှိပါတယ်။
အကြောင်းအမျိုးမျိုးကြောင့် အချိန်မတန်မီ တပ်မတော်ပြင်ပကို လွင့်စင်ရောက်ရှိသွားတဲ့ အရာရှိ/စစ်သည်တွေကိုသာ စနစ်တကျ ပြန်လည်စုစည်းနိုင်မယ်ဆိုရင် လက်ရှိတပ်မတော်အင်အားထက် မလျော့သော တပ်မတော်သစ်တရပ် ထပ် မံပေါ်ပေါက်လာနိုင်ပါတယ်။ ဗိုလ်ချုပ်အောင်ဆန်းတို့ခေတ်ကတော့ ရဲဘော်ဟောင်းတွေကို ဗိုိလ်ချုပ်ကိုယ်တိုင် ပြန် လည်စုဖွဲ့ပြီး ကာကွယ်ရေးအရန် အင်အားအဖြစ်စုစည်းနိုင်ခဲ့တယ်။
ခုချိန်မှာတော့ သိပ်မလွယ်ဘူးထင်တယ်။ တိုင်းပြည်ရဲ့ အနေအထားကွာခြားသွားသလို ခေါင်းဆောင်အပေါ် ယုံကြည် ချစ်မြတ်နိုးစိတ်ကလည်း မတူညီနိုင်ကြတော့လို့ပါ။  ဒါကြောင့်မို့ လက်ရှိတပ်မတော်ထဲက အဖြစ်အပျက်တွေနဲ့ ကျနော် တို့တိုင်းပြည် ကြုံတွေဖြတ်သန်းနေရသော အကျပ်အတည်းတွေဟာ “တပ်မတော်အင်အားရှိမှ တိုင်းပြည်အင်အားရှိ မည်” လို့ အဆက်မပြတ် ကြွေးကြော်နေသော စစ်ခေါင်းဆောင်ကြီးများအတွက် ထာဝရ စိန်ခေါ်ချက်များသဖွယ် ဖြစ် နေပါတော့တယ်။
တပ်ကြပ်ကြီး-နေမင်းသူ
၇ ဇန်နဝါရီ ၂ဝ၁၁
http://www.naytthit.net/?p=6460

မြန်မာပြည်သူများ စစ်မှုမထမ်းမနေရ လိုအပ်သလား?



By ဦးကျော်ဇံသာ ဗုဒ္ဓဟူး, 12 ဇန်နဝါရီ 2011

မြန်မာစစ်အစိုးရက ပြည်သူ့များ စစ်မှုမထမ်းမနေရ ဥပဒေဆိုပြီး မြန်မာပြည်ပြန်တမ်းမှာ ထည့်သွင်းထုတ်ပြန်လိုက်ပါတယ်။ တိုင်းပြည်မှာ ပြည်ပအန္တရာယ်နဲ့ ကြုံတွေ့နေရချိန် အချုပ်အခြာအာဏာကို ကာကွယ်ကြရမယ့်အချိန်မှာ ပြည်သူတရပ်လုံးက ဝင်ပြီး ကာကွယ်ကြရမှာ ဖြစ်ပေမယ့် အခုလို အချိန်မျိုးမှာ စစ်မှုမထမ်းမနေရ ပြဌာန်းလိုက်တာ မဆီလျော်သလို၊ ပြဌာန်းပုံ၊ ပြဌာန်းနည်းကလည်း အတင်းအကြပ်ပြဌာန်းလိုက်သလို ဖြစ်တယ်လို့ အမျိုးသားဒီမိုကရေစီအဖွဲ့ချုပ် ဒု-ဥက္ကဌ ဦးတင်ဦး က ပြောဆိုလိုက်ပါတယ်။ ဦးတင်ဦး ဟာ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး၊ ကာကွယ်ရေးဝန်ကြီး စတဲ့ ရာထူးတာဝန်တွေကို ထမ်းဆောင်ခဲ့သူ ဖြစ်ပါတယ်။ စစ်မှုထမ်းဥပဒေဆိုင်ရာ ပြဌာန်းချက်အပေါ် ပိုမိုသိရှိနိုင်ဖို့ ဦးကျော်ဇံသာ က ဗိုလ်ချုပ်ကြီးဟောင်း ဦးတင်ဦး က ဆက်သွယ်မေးမြန်း ဆွေးနွေးသုံးသပ်တင်ပြထားပါတယ်။

ဦးကျော်ဇံသာ ။ ။ အခု မြန်မာနိုင်ငံအစိုးရ ပြန်တမ်းထဲမှာပါလာတဲ့ စစ်မှုထမ်းဥပဒေဆိုတာ ပြည်သူလူထုတော်တော်များများကို အတော်စိတ်ဝင်တစား ဖြစ်စေပါတယ်။ တချို့ ကလည်း တပ်ထဲဝင်ရမလား၊ သူတို့ စစ်မှုထမ်းရမလားဆိုပြီး စိုးရိမ်ကြောင့်ကြသူတွေ ရှိကြပါတယ်။ တကယ်တော့ နိုင်ငံသားတိုင်းဟာ တိုင်းပြည်ကို ကာကွယ်ဖို့အတွက် လိုအပ်လာရင် စစ်မှုထမ်းရမယ်ဆိုတဲ့စကားဟာ အရင်တုန်းကတည်းက ကြားဘူးပါတယ်။ ဗိုလ်ချုပ်အောင်ဆန်း မိန့်ခွန်းမှာတောင် ပါတယ်ထင်ပါတယ်။ ဆိုတော့ ဒီအချိန်မှာ ဒီဥပဒေဟာ ဘာကြောင့် လူတွေအပူတပြင်း စိတ်ဝင်တစား ဖြစ်ရတဲ့ဥပဒေလို့ ထင်ပါသလဲ။

ဦးတင်ဦး ။ ။ ဒီလိုပါ ဒီဥစ္စာမျိုးက ဗိုလ်ချုပ်အောင်ဆန်း ရှိတုန်းကတည်းက ဒီနိုင်ငံ ကျနော်တို့မြန်မာနိုင်ငံဟာ နိုင်ငံကြီးတွေကြားမှာ ရှိတယ်။ တဖက်ကဆိုလည်း အရှေ့ မြောက်ဆိုရင် နိုင်ငံကြီး၊ အနောက်မြောက်ဆိုလည်း နိုင်ငံကြီး စသဖြင့် ရှိတော့ကာ ဒီနိုင်ငံကြီးတွေကြားမှာနေတဲ့ နိုင်ငံငယ်တနိုင်ငံအနေနဲ့ လွတ်လပ်ရေးရလာတဲ့အခါ လွတ်လပ်ရေးကို မဆုံးရှုံးရလေအောင် တိုင်းသူပြည်သား၊ တိုင်းရင်းသားများအပါအဝင် နိုင်ငံရဲ့  အချုပ်အခြာအာဏာကို ကာကွယ်ဖို့ တာဝန်ရှိတယ်ဆိုတာကတော့ လွတ်လပ်တဲ့နိုင်ငံမှာရှိတဲ့ ပြည်သူပြည်သားတိုင်းရဲ့  တာဝန်ဆိုတာ နားလည်ပါတယ်။ ဒီလိုလည်း လုပ်ရမှာပေါ့။ သို့သော်လည်း ဒီနိုင်ငံမှာက လွတ်လပ်ရေးနဲ့အတူ ဖွားဖက်တော်က ပြည်တွင်းသောင်းကျန်းမှု စပြီးပေါ်လာတာ ဖြစ်တော့။ ဒါကို ချက်ချင်း အကောင်အထည် မဖော်နိုင်ခဲ့ဘူး။ မဆလခေတ်ကျတော့ ၇၄ ဖွဲ့စည်းပုံ အခြေခံဥပဒေကြတော့ ဒါဟာ တိုင်းပြည်ရဲ့  လုံခြုံရေးတာဝန်ဝတ္ထရာများကို နိုင်ငံသားတိုင်းက တာဝန်ထမ်းဖို့ တာဝန်ရှိတယ်ဆိုပြီး ထင်ထင်ရှားရှား ရေးလိုက်တယ်။ သို့သော်လည်း အကောင်အထည်မဖော်ခဲ့နိုင်ခဲ့ဘူး။ ဘာဖြစ်လို့လည်းဆိုတော့ အကောင်အထည်ဖော်ဖို့ဟာက တတိုင်းပြည်လုံးရဲ့  ညီညွှတ်မှုအားက မရှိဘူးဖြစ်နေတယ်။ အဲဒီတော့ ဖွဲ့လိုက်ပြန်ရင်လည်း ဖွဲ့လိုက်တဲ့ထဲမှာ အုတ်ရောရောကျောက်ရောရော ပါလာပြီး ပြဿနာတွေ ဘာတွေဖြစ်ကုန်မလား၊ ဘာလားဆိုတာတွေ ဖြစ်ခဲ့တော့ ထိထိရောက်ရောက် အကောင်ထည် မဖော်နိုင်ခဲ့ဘူး။

ဦးကျော်ဇံသာ ။ ။ ဆိုတော့ အခုအခါမှာ ဘယ်လိုရန်သူတွေ ရှိနေလို့ သူတို့တွက်ပြီးတော့ ဒီလို စစ်မှုမထမ်းမနေရ ဥပဒေကို အကောင်အထည်ဖော်လာတယ်လို့ ထင်ပါသလဲ။

ဦးတင်ဦး ။ ။ အခုအခါမှာလည်း ဒါနဲ့ပတ်သက်ပြီး တိုင်းပြည်မှာ ဘယ်ရန်သူမှ အန္တရာယ်မှလည်း မရှိဘူး။ “There is no imminent danger at all now.” နိုင်ငံတော်အနေနဲ့လည်း ကျနော်တို့က ဘယ်သူကိုမှလည်း ကျူးကျော်မှာ မဟုတ်။ ဒီကြားထဲမှာ ဗြုန်းကနေ ထုတ်ဖော်လိုက်တယ်။ ထုတ်ဖော်လိုက်တဲ့ အချိန်အခါကလည်း အမှန်ကတော့ သူတို့ (၃၁) ရက်နေ့ဆိုရင် ပါလီမန် လွှတ်တော်ခေါ်မယ်ဆိုတယ်။ ဒါမျိုး တက်သုတ်ရိုက်ပြီး လုပ်တဲ့ကိစ္စက ဘာကြောင့်လည်းဆိုတာကတော့ အများကြီး စဉ်းစားစရာ ဖြစ်လာတာပေါ့။

ဦးကျော်ဇံသာ ။ ။ အခု မြန်မာနိုင်ငံမှာ စစ်တပ်အင်အား လေးသိန်း ရှိတယ်လို့ ဆိုပေမယ့် ဒါဟာ စာရင်းထဲမှာ ဖြစ်ပြီး လက်တွေ့မှာ မရှိဘူးလို့ သုံးသပ်သူတွေက တွက်ပြတာလည်း ရှိပါတယ်။ အဲဒီအတွက် အင်အားဖြည့်ချင်လို့ ဒီလို တိုးချဲ့ တာ မဖြစ်နိုင်ဘူးလား။

ဦးတင်ဦး ။ ။ တပ်ကတော့ သိတဲ့အတိုင်း ဖွဲ့စည်းပုံထဲမှာ အင်အားကြီးတွေ အများကြီးဖွဲ့ထားပါတယ်။ အဲဒီတော့ ဥပမာဆိုရင် တပ်ရင်းတရင်းမှာ လူ (၇၇၇) ယောက်ရှိတယ်။ ကျနော် ရှိတုန်းကတော့ ဒါ စီရင်ရမယ့် တိုက်ပွဲပုံသဏ္ဍာန်ဖော်မယ့် တပ်ရင်းပုံသဏ္ဍာန်ပေါ့။ အဲဒီမှာလည်း တပ်ရင်းတွေက အင်အားမပြည့်ဘူး။ မပြည့်ဘူးဆိုတာ (၇၀၀) ကျော် ရှိရမယ့်နေရာမှာ (၃၀၀) တို့ (၄၀၀) တို့ရှိတယ်။ စစ်ထွက်တဲ့အခါလည်း တကယ် အကုန်မထွက်နိုင်ဘူး။ အဲဒီလိုဟာတွေ ဖြစ်တဲ့အခါကြတော့ ဒီ အင်အားတွေ လိုနေတယ်၊ ပြုနေတယ်ဆိုတာတွေက မဖြည့်ဆည်းနိုင်ဘူး။ ဖြည့်ဆည်းဖို့လုပ်ပြန်တော့လည်း သူတို့နည်း သူတို့ဟန်နဲ့ အခုန ပြောသလို ခလေးစစ်သားတွေလုပ်တယ်၊ ခေါ်တယ်ပြုတယ်။ တချို့ ကို အဓမ္မ စစ်ထဲသွင်းတယ်။ နောက် မယောင်မလည်နဲ့ စစ်ထဲရောက်သွားတယ်။ ပြန်ပြီး ထွက်ပြေးကြတယ်ဆိုတော့။ အဲဒီလို ပြဿနာတွေနဲ့ အင်အားမပြည့်တော့က ဒါကို အခုလို လွှတ်တော်တို့ ဘာတို့တင်ပြုပြီးလုပ်ရင် ဆွေးနွေးမှာတွေ၊ ဆွေးနွေးရမယ့်ဟာတွေ၊ အပြန်အလှန် ဆွေးနွေးတာတွေ ဖြစ်လာမယ်။ နော်ပြီးတော့ ဘယ်လောက်ပဲ ဆွေးနွေးဆွေးနွေး အများစု အင်အားက သူတို့ ကြံခိုင်ရေးနဲ့ဖွံ့ဖြိုးရေးဆိုတော့ အမျိုးသားလွှတ်တော်တို့၊ ပြည်သူ့လွှတ်တော်တို့မှာက အဓိကရှိတယ်။ တိုင်းနဲ့ပြည်နယ်မှာတော့ အရိုးခံတိုင်းရင်းသားတွေဆိုတာက နည်းနည်းလေးပဲ။ ဘယ်လိုနည်းမှ လွမ်းမိုးနိုင်မှာ မရှိတော့။ အဲဒီတော့ သူတို့လုပ်မယ်ဆိုရင်လည်း အဲဒီအခါ လုပ်လို့ရတယ်။ ဒါပေမဲ့လည်း အခုအချိန်အခါမှာတော့ ဒို့ဒါကို လုပ်လို့ရတယ်ဆိုပြီး ဇွတ်အတင်းလုပ်တာမျိုးပဲ။ အမှန်ကတော့ ဒီလို အမျိုးသားစစ်မှုထမ်းဆိုတာက နိုင်ငံတကာက ကိုယ့်ကိုလာရောက်ပြီး အန္တရာယ်ပြုနေတဲ့ဟာဖြစ်ပြီဆိုတာကို ထင်ထင်ရှားရှား ဖြစ်လာရင် လွှတ်တော်ကနေ ဒီဟာက အန္တရာယ်တွေ့ပြီးလို့ ပြောရင် ဟုတ်တယ်။ အခုဟာက ဘာအန္တရာယ်မှ မရှိသေးခင်စပ်ကြားမှာ ဖုတ်ပူမီးတိုက် လုပ်တဲ့ကိစ္စကတော့ လုပ်ပုံလုပ်နည်းက သွေးရိုးသားရိုး လုပ်တဲ့သဘော မဟုတ်သေးဘူးလို့ သဘောပေါက်မိတယ်။ အခု ထုတ်တဲ့ဟာကတော့ national service ဆိုတာထက် national conscription act လို့ ဖြစ်နေတယ်။ လာကြလုပ်ကြ အတင်းအဓမ္မလုပ် သဘောမျိုး သက်ရောက်သွားရင်တော့ မသင့်တော်ပါဘူး။

ဦးကျော်ဇံသာ ။ ။ ကျနော် တခုမေးချင်တာက အဲဒီတော့ စောစောက ပြောတဲ့အထဲမှာလည်းပါတယ်။ အဲဒီလိုလုပ်မယ်ဆိုတော့လည်း အုတ်ရောရောကျောက်ရောရောဆိုတော့ အခုအခါမှာ မြန်မာနိုင်ငံမှာ စစ်မှုမထမ်းမနေရ ပြဌာန်းတဲ့ အစိုးရက ပြည်သူလူထုကို ယုံသလား။

ဦးတင်ဦး ။ ။ သူတို့ ခေါင်းထဲမှာရှိတာတော့ မပြောတတ်ဘူး။ သို့သော် သူတို့လုပ်ပုံလုပ်နည်း လုပ်မယ့်ဟာက ဘာလုပ်မလဲဆိုတော့ ပြဌာန်းလိုက်မယ်။ ပြီးရင် သူတို့နဲ့ ပတ်သက်တဲ့ စိတ်ကြိုက်လူတွေကို ခေါ်မယ်။ စိတ်ကြိုက်မတွေ့တဲ့လူတွေကိုတော့ ခေါ်တော့ခေါ်မယ်။ ဒါပေမဲ့ ဘယ်လိုဟာတွေကို စိတ်ကြိုက်ထားမယ်။ ဘယ်လိုဟာတွေကို ဘယ်လိုပုံနေရာမှာထားမယ်။ ဒီလိုဟာတွေလည်း သူတို့ စဉ်းစားချင်စဉ်းစားမလား မပြောတတ်ဘူး။ အမှန်ကတော့ national service ကိုတော့ လုပ်မယ်ဆိုရင်တော့ အသက်ပြည့်တဲ့ ပုဂ္ဂိုလ်တွေ ဝင်ချင်ဝင်ငြားသော်လည်း အဲဒီ ဝင်တဲ့ပုဂ္ဂိုလ်တွေ အားလုံးဟာ တကယ်ကိုပဲ တိုင်းပြည်ကာကွယ်ဖို့အတွက် စိတ်ချယုံကြည်ဖို့တော့ လိုတာပေါ့။

ဦးကျော်ဇံသာ ။ ။ စောစောကပြောတဲ့အထဲမှာ နိုင်ငံကြီးနှစ်ခုအကြားမှာနေတယ်။ လောလောဆယ်တော့ ရုတ်တရက် အန္တရာယ်မတွေ့ရဘူးဆိုတော့ အခု မြန်မာနိုင်ငံရဲ့  အဓိက အမျိုးသားရန်သူ national enemy အဖြစ် ဘယ်သူကိုများ သူတို့ရည်ရွယ်တယ်လို့ ထင်ပါသလဲ။ ကျနော် မှတ်တမ်းတခု ဖတ်ရတာတော့။

ဦးတင်ဦး ။ ။ အခုဟာက ဟိုအရင်တုန်းကလည်း ဒါနဲ့ ပတ်သက်လို့ military doctrine ဆိုတာ ဖြစ်တည်းလုပ်ဘူးတယ်။ စစ်အခြေခံသဘောတရား။ ဒါကလည်း နိုင်ငံတော်ဝါဒကနေ ဖြစ်လာတာ။ တချိန်မှာကတော့ ကျနော်တို့ ပါလီမန်ဒီမိုကရေစီခေတ်တုန်းက အခြေအနေတွေ သုံးသပ်လိုက်ပြီးတော့ တဖတ်က dominion theory အရ ဟိုဘက်က ကွန်မြူနစ်နိုင်ငံကြီးက ကြီးထွားလာပြီးတော့ အရှိန်အဟုန်နဲ့ တက်လာတာဆိုရင် ကျနော်တို့နိုင်ငံတွေက အစွန်းအဖြားမှာလည်း ဟိုဖြောက်ဖြောက် ဒီဖြောက်ဖြောက် ကွန်မြူနစ်တွေကလည်း ဖြစ်လာတယ်။ အဲဒီတုန်းက အရှေ့ တောင်အာရှတခု ဖြစ်မလားဆိုပြီး။ ဟိုတုန်းကတော့ စစ်အေးတိုက်ပွဲနဲ့ ဖြစ်လာကြတဲ့အပေါ်မှာ မူတည်ပြီးတော့ စီတိုး တို့ နေတိုး တို့ ဖြစ်လာကြတယ်။ အဲဒီ ခေတ်ကာလတုန်းကတော့ ကျနော်တို့ရဲ့  အဓိကအန္တရာယ်၊ ကျနော်တို့က ပါလီမန်ဒီမိုကရေစီ။ ဟိုဘက်ကတော့ one party communist နိုင်ငံ။ ပြီးတော့ international communism ကလည်း ရှိနေတယ်။ အဲဒီတုန်းက အန္တရာယ်ရှိတယ်ဆိုတာ - ဘယ်လိုနိုင်ငံ အန္တရာယ်ရှိတယ်ဆိုတာ တွက်တာတော့ (ခင်များလည်း) အဲဒီလောက်ပြောရင် စဉ်းစားမိမှာပေါ့။ သို့သော် အခုလိုအခါမှာတော့ ကျနော်တို့ နိုင်ငံက နိုင်ငံခြားရေးဝါဒအရလည်း သိတဲ့အတိုင်း လွတ်လပ်တဲ့နိုင်ငံခြားရေးဝါဒ ဖြစ်တဲ့အတွက် ဒီဟာကို ကျနော်တို့ နိုင်ငံအနေနဲ့ အိမ်နီးချင်းနိုင်ငံတွေအပေါ် သင့်မြတ်အောင်၊ ကျနော်တို့ အိမ်နီးချင်းကောင်း ပီသစွာနေသွားမှာပါ။ အဲဒီတော့ အိမ်နီးချင်းနိုင်ငံတွေက ချစ်ချစ်ခင်ခင် လေးလေးစားစား နေသွားမယ်ဆိုတာကတော့ ကျနော်တို့ရဲ့  နိုင်ငံတွေဆက်ဆံရာမှာ ဖြစ်ရမယ့်သဘောတရား။ ဒီလိုပဲ ဖြစ်ရမှ အေးချမ်းမယ်။ အခုတော့ ရန်သူအနေနဲ့ ဘယ်လိုတွက်မလဲဆိုရင်တော့ ကျနော်တို့ အရင်တုန်းက တွက်သလိုမျိုး ပြောင်းပြန်ဖြစ်နိုင်တာပေါ့။ မပြောနိုင်ဘူးလေ။

ဦးကျော်ဇံသာ ။ ။ နောက်တခုက လူတွေက စစ်ပွဲဆိုလို တိုင်းရင်းသားတွေကို ပစ်တာခတ်တာပဲ မြင်နေရတော့ အရပ်သားတွေကို စစ်ထဲဝင်ဆိုပြီး အဲဒီလို ပစ်ခိုင်းလို့ ဖြစ်ပါ့မလား။

ဦးတင်ဦး ။ ။ မကောင်းဘူး။ အဲဒါ မကောင်းဘူး။ အဲဒါအတွက် ရည်စူးပြီး လုပ်တဲ့ဟာမျိုးကတော့ မကောင်းဘူးဗျ။ အမှန်ကတော့ ကိုယ့်တိုင်းပြည်ရဲ့  sovereignty အချုပ်အခြာအာဏာကို ကာကွယ်မယ်၊ ကိုယ့်တိုင်းပြည် လွတ်လပ်ရေးကို ကာကွယ်မယ် စသဖြင့် အဲဒီလိုဆိုရင်တော့ အဖိုးတန်တာပေါ့။ ကိုယ့်အချင်းချင်းတိုက်ဖို့ လူအားနည်းလို့ ပြည့်အောင်မြန်မြန်လုပ်တာ။ ဥပဒေကဲ့သို့ အာဏာတည်သော အမိန့်ထုတ်ပြန်လိုက်တယ်။ အဲဒီတော့ gazette ကိုထုတ်ပြီး ဥပဒေတည်တယ်။ နောက် လွှတ်တော်ခေါ်တဲ့အခါ ဒီဥပဒေကြီးကို ပြန်လည်ပြီးအတည်ပြုမယ်။ ဒါကတော့ ရတာပေါ့။ ဘာဖြစ်လို့လည်းဆိုတော့ သူကအများစုကို။ ဆွေးနွေးမယ်ဆိုလည်း တယောက်တပေါက် ဆွေးနွေးတာပဲ။ ဘယ်လောက်ပဲ ဆွေးနွေးဆွေးနွေး ဒီလွှတ်တော်က rubber stamp ကြီး။ ဒါက ဘယ်လိုမှ ရုန်းကန်လို့ ရတာမဟုတ်ဘဲ။ သို့သော် လုပ်တဲ့ဟာနဲ့ ပတ်သက်ပြီး အကျိုးရှိဖို့လိုတယ်။ မျိုးချစ်စိတ်ဓါတ် မျိုးချစ်စိတ်ဓါတ် ပြောတယ်ဆိုတာက အမှန်က ကျနော်တို့လည်း ဗမာတွေနဲ့ ဗမာမျိုးချစ်စိတ်ရှိသလို၊ ရှမ်းကလည်း သူတို့ရှမ်းကလည်း သူတို့ sovereignty ရှိတာပဲ။ သူတို့လည်း အချုပ်အခြာအာဏာပိုင် နိုင်ငံကြီး ဖြစ်ခဲ့တာပဲ။ ဥပမာ မွန် - သူလည်း မွန်နိုင်ငံကြီး ရှိခဲ့တာပဲ။ ရခိုင်ဆိုလည်း သူ့နိုင်ငံရှိခဲ့တယ်။ ကရင်ဆိုလည်း သူ့ခေါင်းဆောင်တွေ၊ နယ်တွေနဲ့ ရှိတယ်။ အလားတူ ချင်းလည်း သူတို့ sovereignty ရှိတော့ သူတို့လည်း မျိုးချစ်စိတ်ရှိတာပေါ့။

ဦးကျော်ဇံသာ ။ ။ နောက်ဆုံးတခု ကျန်ပါသေးတယ်။ အဲဒါကဘာလဲဆိုတော့ မြန်မာနိုင်ငံမှာ လက်ရှိစစ်တပ်ကို ဒီမိုကရေစီ စစ်တပ်တခုဖြစ်အောင် အသွင်ပြောင်းဖို့ဆိုရင် ဘာများလုပ်ဖို့ ထင်ပါသလဲ။ ဒီမိုကရေစီစံနစ်အောက်က တပ်မတော်တခုဖြစ်အောင်။

ဦးတင်ဦး ။ ။ ပြည်သူလူထုက ဒီမိုကရေစီစံနစ်ဖြစ်ပြီး၊ စံနစ်ကိုယ်က ဒီမိုကရေစီစံနစ်ဖြစ်ဖို့လိုပြီး ဒီမိုကရေစီစံနစ်အောက်မှာရှိနေတဲ့ အစိုးရအဖွဲ့အစည်းအောက်မှာတော့ တပ်က အလိုအလျောက် တာဝန်ပေးတဲ့နည်းကျ ဖြစ်မှာပဲ။ တပ်ထဲမှာတော့ ဒီမိုကရေစီ မူတွေနဲ့ ပတ်သက်ပြီး တောင်ကုန်တခုကို တိုက်ဖို့လိုတယ်။ အဲဒီ တောင်ကုန်တိုက်ဖို့နဲ့ ပတ်သက်လို့ တိုက်သင့်တယ်၊ မတိုက်သင့်ဘူး၊ ဘာညာ အများစုက ဆုံးဖြတ်ချက်၊ အနည်းစုဆုံးဖြတ်ချက်ဆိုပြီး သွားလုပ်လို့တော့ မရဘူး။ ဒါမျိုး သွားလုပ်လို့ရှိရင် တပ်ကအလုပ်ဖြစ်မှာ မဟုတ်ဘူး။ တပ်က တပ်အတိုင်းပဲ command အနေနဲ့ ရှိဖို့ လိုတယ်။ ဒါပေမဲ့ အပေါ်က တာဝန်ပေးပြီးလုပ်တာက ပြည်သူလူထု ဖြစ်ရမယ်။ အဲဒါက ပါလီမန် ဖြစ်တယ်။ ပါလီမန်က ဆုံးဖြတ်တဲ့အရာ ဒီလူသည် ငါတို့ နိုင်ငံရဲ့  အန္တရာယ်ဖြစ်သည်။ ဒီ အန္တရာယ်နဲ့ ပတ်သက်တာကို တိုက်ဖျက်ရမည်လို့ ပါလီမန်က ဆုံးဖြတ်ရင် အဲဒီ ဆုံးဖြတ်တဲ့အတွက်ကို အစိုးရအဖွဲ့အစည်းမှာပါတဲ့ defense minister က အဲဒါကို carry out လုပ်ရင် စစ်တပ်က အဲဒီဟာအတိုင်းသွားရမယ့် သဘောဖြစ်တယ်။ ဘာပဲပြောပြော indirect democracy တော့ ရှိလာလိမ့်မယ်။
http://www.voanews.com/burmese/news/

Vacancy Announcement No. VA11/001, 12 January 2011

11001 Sr. Logistics Assistant GS-6 Magway

ဥာဏ်သတိနဲ့ယှဉ်စေ( ဇာနည်မောင် )

" ဥာဏ်သတိနဲ့ယှဉ်စေ

 ဖြစ်ချင်တာတွေကို ဖြစ်ချင်တိုင်း၊လုပ်ချင်တိုင်း
လုပ်ခွင့်ဖြစ်ခွင့်မရှိကြရတဲ့
အလိုတော်မပြည့်ပဲ
မသမာတဲ့အငြိုးတွေနဲ့
ဖိစီးနှိပ်စက်ခံနေရတဲ့ဘ၀မျိုးမှ
ရင်နာလှတယ် လောကဓံရယ် --- ။
မဖြောင့်ဖြူးတဲ့ခရောင်းလမ်းမှာ
တချို့ပြဿနာအက်အခဲတွေက
"ခါချဉ်ကောင်မန်ကြီးတောင်ကြီးဖြိုမယ့်ဟန်
ခါးကမသန် " ဖြစ်နေလေရော့သလား
ကိုယ့်မိသားစုပြဿနာတွေကို
ကိုယ်ပိုင်အသိနဲ့ဖြေရှင်းနိုင်ရင်
ကျွံ့နေတဲ့နွံ့ထဲကလှည်းဘီးလည်း
ပြိုင်တူအားစိုက်တွန်းလိုက်ရင်ရွေ့နိုင်တာပဲ --- ။
အရာရာတိုင်းကို အလိုတော်အတိုင်းလွှတ်ထားရင်
ကိုယ်ပိုင်ရပိုင်ခွင့်နဲ့လွတ်လပ်မှုအခွင့်အရေးတွေ
ဆုံးရှုံးနစ်နာကာ ရင်နာနေရတော့မပေါ့
အန္တရာယ်ရှိတယ် ... သတိထား
ဥာဏ်သတိနဲ့ယှဉ်ကာခရီးသွား --- ။
မမျှတတဲ့အတ္တတွေဆိုတာက
ကိုယ်ပိုင်အသိနဲ့မျိုချဖို့ခက်ပေမယ့်
ရေရှည်ဘ၀ခရီးမှာ
တလမ်းသွား၊ဘ၀တ၀က်စဲပိုင်ရှင်မဖြစ်စေရေး
ဥာဏ်သတိနဲ့ယှဉ်ကာတွေး --- ။
လောဘ၊ဒေါသ၊မောဟတွေနဲ့
အပြစ်ကင်းသူတယောက်မဟုတ်တဲ့ကျွန်ုပ်ဟာ
သိရက်နဲ့ဆက်မိုက်နေသူတယောက်မဟုတ်လို့
အမှားတွေမြင်ကာတွေ့ခဲ့ရင်
လူသားပီပီထောက်ပြဝေဖန်
အပြစ်ပေးကြပါလေ --- ။
ခေတ်နဲ့စနစ်နဲ့အညီ
မပြည့်နိုင်သေးတဲ့လိုအင်တွေကိုဆက်ကာဖြည့်ဖို့
ကျွန်ုပ်တို့ညှိနိုင်းကြရဦးမယ်
ငြင်းခုံကြရဦးမယ်
တော်လှန်တိုက်ခိုက်တိုက်ပွဲဝင်ကြရဦးမယ် --- ။
သို့သော် --- ပျက်အစဉ်ပြင်ခဏပေမို့
အမှားကြီးမမှားရလေအောင်နဲ့
အများကြီးဆက်မမှားကြရလေအောင်
အရာရာတိုင်းအတွက်
ဥာဏ်သတိနဲ့ယှဉ်စေ --- ။

ဇာနည်မောင်

နိုင်ငံရေးအကျဉ်းသား ၂၂၀၀ကျော် အခုလွှတ် !!!!!!!!!!!!

Free PP Over 2200 Now

သည်ချိန်ခါမှ စတင်လို့ .. .. ( ဖိုးသိကြား )

ခုတခါ ကြားရပြန်ပြီ................

ရွယ်စူးသည်က ပြည်သူတတွေ..............

ရောက်လေဒုက္ခ ဆင်းရဲကြဖို့..............

သူတို့ကြံဆောင် ဖန်တီးပြန်သည်..............


တိုင်းပြည်အရေး ဆင်ခြင်တွေးသော်............

စစ်ခွေးတသိုက် အကြိုက်ပြုကာ...............

မှုမထားပဲ များလူဆန္ဒ.................

ထောက်မမျှော် စစ်သည်အမှု.............

ထမ်းဆောင်ပြုရန် ပြဌာန်းလေပြီ..............


တရားမှု ရှေ့တန်းပြုကာ................

နေရာတကာ ဖိနှိပ်တာက...............

ဟန်းတော်ပင် မချန်စတမ်း.............

ဒါန်းမကြေ နာကျည်းလေခဲ့..............


ရကိုရှောင် သယ်ပိုးဆောင်ရွက် ..................

ဒေ၀ဒတ်သား အာဏာရှင်ကား..............

အားလုံးအတွက် ရန်သူမှတ်လို့...............

ဆန့်ကျင်ကန့်ကွက် ရှေ့သို့ဆက်မည်... ...............


ကျင်ကြီးသဖွယ် မစင်ကြယ်မှု.................

ကန့်သတ်ပြုမည့် ဥပဒေကား..................

ကွက်ကြားမိုးနှယ် မျှဖွယ်မမြင်(လို့).............

ပါဝင်ဆန့်ကျင် ကန့်ကွက်ပါစို့.............

သည်ချိန်ခါမှ စတင်လို့...................

အရွယ်ရောက်သူတိုင်း စစ်မှုမထမ်းမနေရ ဥပဒေအား ဆန့်ကျင်ကန့်ကွက်ပါသည်။
အာဏာရှင်စနစ်ကျဆုံးပါစေ...

မြန်မာပြည်သူများ စစ်အာဏာရှင်လက်အောက်မှ အမြန်ဆုံး လွတ်မြောက်ပါစေ။။။
အားလုံးကို ချစ်ခင်လေးစားသော..

ဖိုးသိကြား (၁၁-၀၁-၁၁)

ဒုတိယပင်လုံညီလာခံ (၂၁ ရာစုပင်လုံညီလာခံ)

21st PinLong

နအဖစစ်အုပ်စု၏ “ပြည်သူ့စစ်မှုထမ်းဥပဒေ’


SPDC's Military Conscription Law

ကလေးမြို့ က တက္ကသိုလ်ကျောင်းသားတွေ ယနေ့ မနက်က ဆန္ဒပြ

စစ်ကိုင်းတိုင်း ကလေးမြို့ မှာ တက္ကသိုလ်ကျောင်းသား အယောက် (၅၀၀) ခန့် က ဘတ်(စ်) ကားခတွေ ကြီးမြှင့်လာတာနဲ့  ပတ်သက်ပြီး ဆန္ဒပြကြကြောင်း သိရှိရပါတယ်။

ဒီ ဘတ်(စ်) ကားခတွေဟာ နအဖလက်အောက်မှာ ယခုနှစ်စဆိုရင် ခရီးစဉ်လမ်းကြောင်းတစ်ခုထဲကို ကျပ် (၁၀၀) ကနေ (၂၀၀) ထိ တိုးသွားတာကြောင့် ကလေးမြို့ ရှိ တက္ကသိုလ်ကျောင်း (၃) ခုဖြစ်တဲ့ ကလေးမြို့ တက္ကသိုလ်၊ ကလေးမြို့ ကွန်ပျူတာတက္ကသိုလ်နဲ့  နည်းပညာတက္ကသိုလ်တို့ က ကျောင်းသားတွေ ချီတက်ဆန္ဒပြကြတာ ဖြစ်ကြောင်း သိရှိရပါတယ်။

ဒီလို ချီတက်ဆန္ဒပြကြတဲ့ တက္ကသိုလ်ကျောင်းသားတွေဟာ ယနေ့ မနက် (၇) နာရီခွဲအချိန်က ကလေးမြို့ ဘူတာရုံကနေ ကလေးမြို့ အတွင်း လှည့်လည်ချီတက်ဆန္ဒပြကြတာ ဖြစ်ပါတယ်။

ကလေးမြို့ တက္ကသိုလ်ကျောင်းသားတွေနေနဲ့  ဘတ်(စ်) ကားခ တိုးမြှင့်လို့  ဆန္ဒပြရတဲ့အပြင် နေ့ စဉ်နေ့ တိုင်း ကျောင်းသွားကျောင်းပြန် ဘတ် (စ်) ကား လုံလောက်မှု မရှိတာကြောင့် အချိန်ကြာမြှင့်စွား စောင့်ဆိုင်းရပြီး၊ ဒီလို အချိန်ကြာစောင့်ဆိုင်းရလို့  ကျောင်းတက်ချိန်နောက်ကြပြန်ရင်လည်း အဆင်မပြေမှုတွေ ဖြစ်နေကြရတာမို့  နအဖလက်အောက် ပညာရေးစနစ်တွေနဲ့  စီမံခန့် ခွဲမှုတွေ ညံ့ဖြင်းလွန်းမှုတွေကြောင့် ယခုလို ကျောင်းသူကျောင်းသားတွေရဲ့  မကျေနပ်မှုတွေ ပိုမိုတိုးပွားလာတာ ဖြစ်ပါတယ်။

(Chinland Guardian သတင်းအား ပြန်လည်ဖေါ်ပြခြင်း ဖြစ်ပါတယ်။
http://www.niknayman-niknayman.co.cc/


ကားခလျှော့ချရေး ကျောင်းသားများ ဆန္ဒပြ

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ဘန်ကောက် (မဇ္ဈိမ) ။        ။ ကျောင်းကားခကို နှစ်ဆတိုးမြှင့်လိုက်သဖြင့် တက္ကသိုလ်ကျောင်းသား ၈၀၀ ခန့် ယနေ့မနက်တွင် လမ်းလျှောက်ဆန္ဒပြမှု ကလေးမြို့တွင် ဖြစ်ပွားခဲ့ပြီးနောက် အာဏာပိုင်များက လိုက်လျောမှု ပြုလိုက်သည်။

စစ်ကိုင်းတိုင်း ကလေးမြို့ရှိ ဝိဇ္ဇာသိပ္ပံ တက္ကသိုလ်၊ နည်းပညာတက္ကသိုလ်နှင့် ကွန်ပြူတာတက္ကသိုလ်များနှင့် ကလေးမြို့တွင်းသို့ ပြေးဆွဲနေသော ကျောင်းကားများတွင် ကားခကို ပုံမှန် ၁ဝဝ  ကျပ် ကောက်ခံနေခဲ့ရာမှ ယခုလ ၁ ရက်နေ့မှစ၍ ကျပ် ၂ဝဝ အထိ တိုးမြှင့်ခဲ့ခြင်းကြောင့် ပြန်လည်လျှော့ချရန် ဆန္ဒပြကြခြင်းဖြစ်ကြောင်း မဇ္ဈိမသို့ ဆက်သွယ်လာသော ဆန္ဒပြကျောင်းသားများက ပြောသည်။
kalaystudents
တက္ကသိုလ်ကျောင်းသား ၈ဝဝ ခန့်က ကျောင်းကားခ ပြန်လည်လျော့ချရန် လမ်းလျောက်ဆန္ဒပြ

သီးခြား ဒေသခံများကလည်း ဆန္ဒပြမှု ဖြစ်ပွားခြင်းကို တယ်လီဖုန်းမှတဆင့် အတည်ပြု ပြောကြားသည်။

မနက် ၇ နာရီခွဲခန့်တွင် လူစည်ကားရာ လမ်းဆုံလမ်းခွဖြစ်သည့် တာဟန်းရပ်ကွက် ဗိုလ်ချုပ်လမ်းမပေါ်ရှိ ဘူတာကွေ့၌ ကျောင်းသားများ စတင်စုရုံးပြီး တက္ကသိုလ်ကြိုပို့ ကျောင်းကားအားလုံးကို ရပ်တန့်တားဆီးကာ ဗိုလ်ချုပ်လမ်းမအတိုင်း ပင်လုံရပ်ကွက်ကိုဖြတ်၍ အောင်သစ္စာရပ်ကွက်ရှိ  ဒေသကွပ်ကဲရေး စစ်ဌာနချုပ် (ဒကစ) သို့ သွားရောက်ခဲ့သည်ဟု ဆိုသည်။

ဒကစ ရှေ့တွင် အဝါရောင်နှင့် အနီရောင် သတိပေးတားမြစ်သည့် မျဉ်းများ တားထားသဖြင့် ကျောင်းသားများသည် အဝါရောင်မျဉ်း၌ ရပ်တန့်နေခဲ့ပြီး ကားခကို ယခင်နှုန်းထားအတိုင်း ပြန်လည်သတ်မှတ်ရန်၊ ကားအစီးရေ တိုးမြှင့်ပြီး အချိန်မှန် ပြေးဆွဲပေးရန်နှင့် ကျောင်းကားတွင် ကုန်စည်များတင်ဆောင်ခြင်း တားမြစ်ပေးရန် တောင်းဆိုခဲ့ကြသည်။

kalayun
ကျောင်းသား ၄၀၀၀ ကျော် တက်ရောက်လျက်ရှိသော ကလေးတက္ကသိုလ်
တပ်နယ်မှူး ဒုဗိုလ်မှူးကြီး အောင်ရင်ဦး ဦးဆောင်သော အဖွဲ့က လက်ခံဆွေးနွေးပြီး နှစ်ဖက်သဘောတူခဲ့ကာ သက်ဆိုင်ရာ ကျောင်းများသို့ သွားရောက်၍ လူစုခွဲလိုက်ကြသည်။

ဆန္ဒပြရာတွင် ပါဝင်သော ကျောင်းသားများကို အရေးယူမှု မပြုရန် အာဏာပိုင်များနှင့် တက္ကသိုလ်အုပ်ချုပ်ရေး အဖွဲ့များက အများရှေ့မှောက်တွင် ကတိပြုကြသည်ဟု ကျောင်းသားတဦးက မဇ္ဈိမကို ပြောသည်။

ကားခလျှော့ပေါ့ပေးရန် တောင်းဆိုမှုကို ကလေးတက္ကသိုလ် ကျောင်းသားများက  ယခုလ ၁၀ ရက်နေ့ကတည်းက လက်မှတ်ကောက်ခံခဲ့ရာ ကျောင်းသား ၅ဝဝ ကျော် လက်မှတ် ရေးထိုးခဲ့သေးသည်။

ကလေးမြို့နယ် သာယာဝတီရွာရှိ နည်းပညာတက္ကသိုလ်တွင် ကျောင်းသား ၁၀၀၀ ကျော်၊ ကျီကုန်းရွာရှိ ကွန်ပြူတာ တက္ကသိုလ်တွင် ကျောင်းသား ၂၀၀ ကျော်၊ ချင်းပြည်နယ် ခိုင်ကမ်းရွာအနီးရှိ ကလေးတက္ကသိုလ်တွင် ကျောင်းသား ၄၀၀၀ ကျော် တက်ရောက်လျက်ရှိသည်။
http://mizzimaburmese.com/news/inside-burma/6708-2011-01-12-12-24-40.html

အာဏာရှင် သန်းရွှေ၏ အကြိတ်အနယ်ပွဲတပွဲ



မွန်ဇော်နိုင်၊ ဇန်နဝါရီ ၁၂၊ ၂၀၁၁
အာဏာရှင်ဆိုတာ နိုင်ငံရဲ့အာဏာအရပ်ရပ်ကို ချုပ်ကိုင်ထားသူပါ။အာဏာအရပ်ရပ်ကို လက်ထဲ ချုပ်ကိုင်ထားနိုင်အောင် အာဏာရှင်ရဲ့ ဖန်တီးထားချက်က အာဏာရှင်စနစ်တဲ့ခင်ဗျ။ စစ်အာဏာရှင်ဆိုတာက အာဏာရှင်တက်လုပ်တဲ့ စစ်ဗိုလ်ပေါ့ခင်ဗျာ။

အာဏာရှင်နဲ့အာဏာက တထပ်တည်း၊ တတွဲတည်းမို့ ခွဲလို့မရဘူး။ အာဏာရှင်ဟာ အာဏာမရှိဘဲ ရပ်တည်လို့မရဘူး။ သွေးစုတ်ဖုတ်ကောင်ဟာ သွေးမစုတ်ရရင်သေရသလို အာဏာရှင်ဟာ အာဏာမရှိရင် သေရတာပါပဲဗျာ။

ဒီနေ့မြန်မာနိုင်ငံရဲ့ စစ်အာဏာရှင်ဟာ ဗိုလ်ချုပ်မှူးကြီး သန်းရွှေ အစစ်အမှန်ပါ။ဗိုလ်ချုပ်မှူးကြီး စောမောင်ကို ဖြုတ်ချ အပြတ်ရှင်းပြီး အာဏာရှင်မင်းဆက်ကို ဆက်ခံခဲ့သူပေါ့ခင်ဗျာ။

အာဏာရှင်ဆိုတာ အာဏာတည်တံ့ခိုင်မြဲရေးအတွက် ရက်စက်ကြမ်းကြုတ်ရတယ်။ ကောက်ကျစ်စဉ်းလဲရတယ်။

ရက်စက်ကြမ်းကြုတ်ရတာက ဒီလိုပါခင်ဗျာ။ အာဏာကိုတဦးတည်း မောင်ပိုင်စီးထားရတာကြောင့် ယှဉ်ပြိုင်သူကိုထားလို့မဖြစ်။ အမိန့်မနာခံသူဟူသမျှ ရန်သူချည့်မို့ ဖမ်းဆီးခြင်း၊ နှိပ်စက်ခြင်း၊ သတ်ဖြတ်ခြင်းများကို အရက်စက်ဆုံး၊ အကြမ်းကြုတ်ဆုံး၊ မဆိုင်းမတွ ကျင့်သုံးရတာခင်ဗျ။

ကောက်ကျစ်စဉ်းလဲရတာကလည်း ဒီလိုပါခင်ဗျာ။လက်ထဲမှာ အာဏာအရပ်ရပ်ကို ချုပ်ကိုင် ထိန်းသိမ်းထားနိုင်ဖို့က အဓိကမဟုတ်ပါလား။ ဒါကြောင့် ရန်သူများကိုသာမက အတွင်းလူ တပည့်ရင်းလိုလို မွေးစားသားလိုလို ဟာမျိုးတွေကိုပါ လိုလျှင်လိုသလို ကောက်ကောက်ကျစ်ကျစ် အကွက်ချ လုပ်ကြံရတော့တာပေါ့ခင်ဗျာ။ ပြည်သူများကိုလည်း စဉ်းစဉ်းလဲလဲ အကွက်ချ လိမ်ညာရတော့တာပေါ့ခင်ဗျာ။

ရက်စက်ကြမ်းကြုတ် ကောက်ကျစ်စဉ်းလဲမှုအပေါင်း သရဖူဆောင်းတဲ့ ဗိုလ်ချုပ်မှူးကြီးသန်းရွှေရဲ့ ဖြုတ် ထုတ် သတ် လုပ်ကြံမှုများကိုကြည့်။

ဘုရင်ကိုသတ်နိုင်မှ ဘုရင်ဖြစ်နိုင်တာလိုပဲ အာဏာရှင်ကို ဖြုတ်နိုင်မှ အာဏာရှင်ဖြစ်နိုင်တာမို့ ဗိုလ်ချုပ်မှူးကြီး စောမောင်ကို ဖြုတ် ထုတ် ပစ်လိုက်တာ ဆန်းပါသလားဗျာ။

အာဏာပါဝါ သိပ်မကွာလှတဲ့ ဒုတိယဗိုလ်ချုပ်ကြီးများဖြစ်ကြတဲ့ ထွန်းကြည်၊ ကျော်ဘ၊ မြင့်အောင် အစရှိတဲ့ တသီတတန်းကြီးသော ဒုတိယ ဗိုလ်ချုပ်ကြီးများကို ဖြုတ် ထုတ်ပစ်လိုက်တာကို မှတ်မိနေကြမှာပါ။

အတွင်းရေးမှူး (၂) ဒုတိယဗိုလ်ချုပ်ကြီး တင်ဦးနဲ့ ဗိုလ်စစ်မောင်တို့ကို လက်စ ဖျောက်ပစ်လိုက်တာကိုလည်း မှတ်မိနေကြမှာပါ။

တပ်တွင်း အကိုင်းအခက်များကို အတော်အတန် “သင်းသတ်” ပြီးတာနဲ့ ပင်စည်ကြီး King Maker တန်ခိုးအရှိန်အ၀ါရှိနေသေးတဲ့ အာဏာရှင်ဟောင်း ဗိုလ်နေ၀င်းကို လွှတ်မထားတော့ဘဲ လက်ဦးမှုယူဖမ်းဆီး အကျယ်ချုပ်ချခဲ့တာကိုလည်း မေ့မရနိုင်ကြသေးပါခင်ဗျာ။

ဆရာကိုရှင်းအပြီး ဆရာ့တပည့်လက်ရင်း ဗိုလ်ခင်ညွန့်ကိုလည်း မယုံကြည်နိုင် စိတ်မချနိုင်တော့လို့ ဗိုလ်ခင်ညွန့်နဲ့ သူ့ရဲ့နံမည်ကျော် စစ်ထောက်လှမ်းရေးတဖွဲ့လုံးကို ဗိုလ်ချုပ်ကအစ အကြပ်တပ်သားအဆုံး တပြုံးလိုကို မြေလှန် ဖျက်သိမ်း၊ ဖမ်းဆီး၊ ထောင်ချပစ်လိုက်တာကိုလည်း မျက်ဝါးထင်နေတုန်းပဲလေ။

ယခုနောက်ဆုံး ငှက်ပျောပင်အလား တဖတ်ပြီးတဖတ် အခွာခံနေရသူတို့ကား လက်ရင်း တပည့်ကျော်တွေချည်း ဖြစ်ကြတဲ့ ဗိုလ်ချုပ်ကြီးသုံးဦး။ ရွှေမန်း၊ သိန်းစိန်၊ တင်အောင်မြင့်ဦးနဲ့ ဒုတိယဗိုလ်ချုပ်ကြီး အားလုံးလိုလိုပါကလား။

အာဏာရှင် ဗိုလ်ချုပ်မှူးကြီး သန်းရွှေအတွက် ရန်းဆူးရန်ငြှောင့်အားလုံးကို သစ္စာရှိစွာအမိန့်နာခံပြီး မသက်မညှာ ရက်စက်စွာ ရှင်းပစ်ပေးခဲ့ငြားလည်း သူတို့ခမျာတွေကိုယ်တိုင် အာဏာရှင်စက်ကွင်းက မလွတ်ကင်းနိုင်ဘဲ အစတေးခံသွားကြရတာပါနော်။ သူတို့အဖြစ်က ငါးကြင်းဆီနဲ့ငကြင်း အကြော်ခံရတာမျိုးလို့ ဆိုရမှာပါ့။

အာဏာရှင်ကြီးရဲ့ အပြင်စည်းဝိုင်းက ရန်သူများကို ခေါင်းမထောင်နိုင်အောင် ဖိနှိပ်၊ ဖမ်းဆီး၊ နှိပ်စက်၊ ထောင်ချထားတာတွေကိုပါ စာဖွဲ့တင်ပြရရင် ဆုံးနိုင်ဘွယ်ပင်မရှိ။ တစိတ်တပိုင်းကိုပဲ ပမာပြရသော် ဒီပဲယင်းလူသတ်ပွဲ။ ၂၀၀၇-ခုနှစ်ရဟန်းသံဃာများကို မောင်းပြန်သေနတ်နဲ့ သတ်တဲ့ပွဲ။နောက်ပြီး နိုင်ငံရေးအကျဉ်းသား ၂၂၀၀ ကျော်ကို ယနေ့တိုင် ထောင်သွင်းအကျဉ်းချထားတာတွေဗျ။

အဲဒီ ရက်စက်ကြမ်းကြုတ်တာတွေအပြင် ကောက်ကျစ်စဉ်းလဲ လိမ်ညာတာတွေကလည်း မနည်းပါခင်ဗျာ။ အနှစ် ၂၀ ကျော် စစ်ယူနီဖေါင်းဝတ် စစ်အာဏာရှင်စနစ်နေရာမှာ ခေါင်းပေါင်း၊ တိုက်ပုံ၊ပုဆိုးအရေခြုံ စစ်အာဏာရှင်စနစ်ကို အစားထိုးဖို့ မျက်လှည့်ပြနေတာ။ ပါတီစုံဒီမိုကရေစီကို ကျင့်သုံးတော့မယောင်ယောင် တကမ္ဘာလုံးကို သူငယ်နှပ်စားလုပ်နေတာ။ တကယ်တော့ ၂၀၀၈ ခုနှစ်ဖွဲ့စည်းပုံ အခြေခံဥပဒေဆိုတာနဲ့ ၂၀၁၀ ခုနှစ်ရွေးကောက်ပွဲဆိုတာတွေဟာ စစ်အာဏာရှင်စနစ် သက်ဆိုးရှည်ရေးအတွက် လုပ်ကြံပွဲဖြစ်တယ်ဆိုတာ ရှင်းနေပါတယ်ဗျာ။

ယခုတော့ ဗိုလ်ချုပ်မှူးကြီး သန်းရွှေဘ၀မှ သမ္မတကြီး ဦးသန်းရွှေဘ၀သို့ အရှင်လတ်လတ်ကြီး ဘ၀ကူးပြောင်းဖို့ရန်သာ ရှိပါတော့တယ်။ သို့ပေမယ့် ဘ၀ကူးကောင်းရေးအတွက် ကြိုတင်မဲဖြင့် ပြည်သူ့ကိုယ်စားလှယ်ဖြစ်လာသော ဗိုလ်ချုပ်ကြီးဟောင်း ၃ ဦးနဲ့ ဒုတိယဗိုလ်ချုပ်ကြီးဟောင်းများရဲ့ ကြံ့ဖွံ့ပါတီ ထောက်ခံမှုကို ရရှိဖို့လိုလာပြန်တယ်။

ဒီလိုအခြေအနေမှာ အာဏာရှင်ကြီး ဗိုလ်ချုပ်မှူးကြီး သန်းရွှေဟာ တစ်ပါးသူတို့ရဲ့ ထောက်ခံမှုကို မှီခိုရတဲ့ဘ၀ကို ရောက်သွားရပါပြီ။ စစ်အာဏာရှင်သန်းရွှေကို တဖန်ပြန်ပြီး ဖြုတ်ချနိုင်သည့် အခွင့်အရေးကို စစ်ဘောင်းဘီချွတ် ပုဆိုးဝတ်ဗိုလ်ချုပ်ပြုတ်များက ပထမဦးဆုံးရရှိသွားပါပြီ။

ဒီတော့ စစ်အာဏာရှင်သန်းရွှေက သူ့အာဏာကို ယှဉ်ပြိုင်ခြိမ်းခြောက်လာမယ့်သူတွေကို လက်ပိုက်ကြည့်နေနိုင်ပါ့မလား။ အပြတ်ရှင်းရတော့မယ့် အခြေဆိုက်လာပြီလေ။

ယူနီဖေါင်းအချွတ်ခံလိုက်ရတဲ့ စစ်ဗိုလ်ပြုတ်တို့ကလည်း ဖြေမဆယ်နိုင်တဲ့ မကျေမနပ်စိတ်ကြောင့် သန်းရွှေကြီးကို သမ္မတဖြစ်လာဖို့ရာ မဲပေးရွေးချယ်ပါတော့မလား။ဒီအချက်ကို သန်းရွှေကြီး စိတ်ချနိုင်မယ်မထင်။ ဒီအခြေအနေမှာ အာဏာရှင်သန်းရွှေကြီး အလေးအနက်သိထားဖို့က ဗိုလ်ချုပ်မုးကြီးက သူ့လက်အောက်အရာရှိ ဗိုလ်ချုပ်များကို ဖြုတ် ထုတ် ရှင်း လုပ်ပစ်သကဲ့သို့ ဗိုလ်သန်းရွှေ “ထွင်” လိုက်တဲ့ ကြိုတင်မဲဖြင့် ပြည်သူ့ကိုယ်စားလှယ် စာရင်းဝင်လာသူ ဗိုလ်ပြုတ်များကိုမူ ဖြုတ် ထုတ် ရှင်း လုပ်ပစ်ဖို့ရာ မလွယ်ကူတော့ပါ။

ကြံလိုက်စမ်း စစ်အာဏာရှင်ကြီး။ရက်ရက်စက်စက် ဖြုတ် ထုတ် သတ် နေပြည်တော် နန်းတွင်းလုပ်ကြံမှုကြီး။

ဗိုလ်ချုပ်ပြုတ်များကရော စစ်တပ်အာဏာရော သမ္မတအာဏာပါ သိမ်းပိုက်ရရှိသွားမယ့် အာဏာရှင်သန်းရွှေရဲ့ လက်အောက်မှာ မိမိတို့ရဲ့အသက်၊ အိုးအိမ်၊ စည်းစိမ် လုံခြုံမှုရှိပါ့မလားလို့ မတွေးတော မစဉ်းစား မကြံဆဘဲ နေပါ့မလား။

နောင်တော့် နောင်တော်တို့ အစဉ်အဆက်ခံခဲ့ရတဲ့ ဘ၀ကံကြမ္မာကိုလည်း မျက်စေ့အောက်မှာပင် တွေ့ဖူး မြင်ဖူးခဲ့ပြီးပြီ။ မိမိတို့ကိုယ်တိုင်လည်း“နောက်ကျော ဓားထိုး” တဲ့ သန်းရွှေကြီးရဲ့ ကြမ်းကြုတ် ရက်စက် ကောက်ကျစ် စဉ်းလဲမှုကို ကိုယ်တိုင်ခံခဲ့ရပြီးပြီ။ ဒီတော့ ကြိတ်မှိတ်ပြီး ငြိမ်ခံသွားကြဦးမလား။

ဘာတွေ ဖြစ်လာကြမှာလဲ။ ကြပ်ပြေးနေပြည်တော် နန်းတွင်းမှာ ဓါးကို အပြိုင်သွေးနေကြပြီလား။

အခုတော့ ဇန်နဝါရီ ၂၇ ရက်နေ့မှာ လွှတ်တော်ခေါ်ယူဖို့ ၃၁ ရက်နေ့မှာတော့ ကြေညာထားပါပြီ။

အာဏာနှင့် “ခွာ” မရဖြစ်နေတဲ့ စစ်အာဏာရှင် သန်းရွှေကတော့ ဘ၀ပေးအရအာဏာကို မရ ရတဲ့နည်းနဲ့ အတင်းအဓမ္မရယူမှာ အသေအချာဖြစ်တာမို့ သတိလက်လွတ် မနေမိကြဖို့ရာ မွန်ဇော်နိုင်က“ဗျို့” ဟစ်လိုက်ရပါတယ်။

“အားလုံးသတိဗျို့ ..သတိ ..သတိ ..သတိ” ။ ။


http://www.irrawaddyblog.com/2011/01/blog-post_5279.html#more မှ...

နံပါတ် ၀မ်း Brain Wash သင်တန်း ၂၀၁၀

byAh Bayah

(န.အ.ဖ)စစ်ခေါင်းဆောင်များကြီးမှူးကျင်းပသော နံပါတ် ၀မ်း Brain Wash သင်တန်း ၂၀၁၀ ဒီဇင်ဘာလအတွင်း ၊ ဘားအံ မြို့ ဇွဲကပင်ခန်းမတွင် ကျင်းပခဲ့စဉ်က ၊ သင်တန်းမှူး သံဃာ ဖြစ်သော ဦးဣတ္တိပါလ က တက်ရောက်လာသော ၊ ၀န်ထမ်းများ ၊ ဆရာဆရာမများ ၊ ကျောင်းသားလူငယ်များ ၊ လူကြီးကတော်များကို ( အဆိပ်တွေများနေလို့ အဆိပ်ထုတ်ကြမယ် ) ဟု ဆိုကာ ။ သူနဲ့အတူ ပါလာခဲ့သော dancer များကို ကရင်ဝတ်စုံများဝတ်စေကာ stage ပေါ်မှ တရုပ်သီချင်းနဲ့ ကစေပြီး ။ အောက်မှ လူများကိုလည်း ဂုဏ် သိက္ခာမရှိ ၊ ရိုးရာယဉ်ကျေးမှုနဲ့မညီ ၊ ပေါကြောင်ကြောင် လိုက်ပြီး ကခုန်စေသော video ဖိုင်လေးပါ ။အားလုံးကို အသက် ၁၈ နှစ်သာရှိသေးသူများဟု မှတ်ပါဟု ဆိုကာ ကခိုင်းခြင်း ဖြစ်ပါသည်

အပိုင်း(၁)ထစ်သည့်နေရာတွင်ကျော်ကြည့်ပါရန်...


အပိုင်း(၂)
>

အပိုင်း(၃
 
ရှိမခိုးနဲ့ . သာဓုမခေါ်နဲ့ ဘုန်းဘုန်းက လက်ခုပ်တီးတာပဲ ကြိုက်တယ် ။။။ တယောက်ကို နောက်ထပ် ငါးယောက် စည်းရုံးပေး ။။ ကွင်းထဲမှာ သွားလုပ် မယ် ။။

အပိုင်း(၄)
 

လူတွေကို စိတ်ပညာနဲ့ စိတ်ညှို့သလို ပုံစံနဲ့ ပြောနေပုံက .. ဆောင်းအိပ်မက် ရုပ်ရှင်ထဲက ကိုဝင်ဦးတောင် ရှုံးသွားမယ် ။ ဒါလား ...ဘုရားသား သံဃာ

အပိုင်း(၅)

ဖိနပ်တွေချွတ် .. ရှေ့ကလူဖင်တွန့်ရင် နောက်ကလိုက်တွန့်ပေါ့ .. ဒီလို စကားလုံးတွေနဲ့ ခိုင်းနေတဲ့ သာသနာဖျက် အရည်းကြီး ခိုင်းသမျှ လိုက်လုပ်နေကြရတဲ့ ။ တပ်မှူးကတော်တွေ ကို တရားကျတယ်ဗျာ ။
မိစ္ဆာဒိဋ္ဌိကို ဆရာတင်ပြီး (ကာမသုခလ္လိကာနုယောဂ) အကျင့်တွေကျင့်နေကြတာ ။ တုံးလုံးချွတ်ဆိုရင် ချွတ်ကြလိမ့်ဦးမှာ ။ ဆရာပေါင်းမှားလို့ အ၀ီစိ ကျမဲ့လူတွေပဲ ။



အပိုင်း(၆)

ပြောချင်တဲ့ message နောက်ဆုံးပါ ။ ဒီ အရည်းကြီး ရဟန်းကို နောက်ခံပေးပြီး မြန်မာပြည်ကို စစ်အုပ်စုနဲ့အတူ ၊ စံနစ်တကျ ဖျက်ဆီးစေတဲ့ တရားခံက ( တရုတ် )ပါပဲ ။ ( တီးယန်း ) လို့ခေါ်တဲ့ ဆေးပစ္စည်းကုမ္ပဏီ ရဲ့ ပိုင်ရှင် သဋ္ဌေးပါပဲ ။ သာမာန်မတွေးပါနဲ့ ။ မြန်မာပြည်သိမ်းဖို့ တရုတ်က စံနစ်တကျထိုးဖေါက်လာနေတာဆိုတဲ့ သတိပေးစကားပြောဖို့ ဒီvideo ဖိုင်တွေတင်ခဲ့တာပါ ။ သာသနာ ဆိုတဲ့ အဆုံးအမ မရှိရင် ၊ တိဗက်လို ပြည်သိမ်းဖို့ လွယ်သွားပြီပေါ့ ။
သောက ၊ ပရိဒေ၀ ၊ ဒုက္ခ ၊ ဒေါမနဿ တွေကြောင့် ဆင်းရဲနေတဲ့သူကိုကယ်တင်ဖို့ရာ ၊ ဘုရားက တကြောင်းတည်းသောလမ်း ( ဧကာယနော အယံ ဘိခဝေမဂ္ဂေါ ) မဂ္ဂင်လမ်းလို့ ဟောခဲ့တယ် ။ ဆင်ရဲခြင်းကင်းတဲ့ နိဗ္ဗာန်ရောက်ခြင်ရင်တော့ (သတိပဋ္ဌာန်) တရားကိုပွါးများ ရမယ်လို့ အဆုံးအမ ( ...သာသနာ ) ကိုထားခဲ့တယ် ။ အခုဖြစ်နေတာက သောက ပရိဒေ၀ ဒုက္ခ ဒေါမနဿ တွေဖြစ်ရင် နံပါတ်ဝမ်း သင်တန်းတက် ။ ပြီးတော့ ( အတိတ် ၊ ပစ္စုပ္ပန် ၊ အနာဂတ် ) သုံးပါးမှာ ၊ အတိတ်ကံ မပါတဲ့ ၊ ပစ္စုပ္ပန် မှာ ဒီသင်တန်းဆယ်ရက်ပြီးရင် အတော်ဆုံး နံပါတ်ဝမ်း ဖြစ်ပြီဆိုတော့၊ ဒီဝါဒက ပစ္စုပ္ပန်ကမ္မ၀ါဒ ဖြစ်နေပြီ ။ ကံ ၊ ကံ၏ အကျိုး ဆိုတဲ့သဘောမမှန်တော့ ဘူး ။ ဒါမိစ္ဆာဒိဋ္ဌိ ၀ါဒပါလို့ လူတိုင်းမသိနိုင်ကြတာခက်တယ် ။
ဝါဒကလည်း တရုပ် မဟာယန မိစ္ဆာဒိဋ္ဌိဝါဒ ။ ဒါကို ပြန့်အောင်လုပ်တယ် ။ စီးပွါး ရေးနဲ့လည်း ၊ ဘောနပ်တွေ ၊ ကော်မရှင်တွေ ၊ အဆင့်တွေနဲ့ လောဘသားတွေ ဖြစ်အောင်လုပ်ပြီး ၊ သာသနာကို အနုနည်းနဲ့ဖျက်တယ် ။ တရုပ် ကုမ္ပဏီ နဲ့ တရုပ် အထင်ကြီးတဲ့ ၀ါဒ ရိုက်ပြီး ။ ပြည်မက တရုပ်တွေကိုလက်ခံ တဲ့စိတ်တွေ များလာအောင်လုပ်တယ် ။
တရုပ်ပြည်မကြီးက တိုက်ခိုက်ရေးကျွမ်းကျင်တဲ့ တရုပ်စစ်သားတွေ ၊ စီးပွါးရေး ခေါင်းစဉ် အမျိုးမျိုးနဲ့ ၊ မြန်မာပြည်ထဲမှာ စီးပွါးရေးသမားပုံစံနဲ့ အသင့်နေရာယူ ပြီးတဲ့ အရည်အတွက် သိန်းကဏန်း မှာရှိနေပြီ ။
ဆင်းရဲနေတဲ့ မြန်မာတွေကို ငွေဆိုတဲ့ လောဘနဲ့ အစာချလိုက်ရင် ၊ အနောက်က ချိတ်ကို မမြင်တဲ့ညံ့ဖြင်းမှုကို ၊ တရုတ်က အပိုင် အသုံးချနေတယ်။
အဲဒီ တီယန်း ကုမ္ပဏီဟာ ။ လင်ဇီး ကုမ္ပဏီတွေထက် ကြောက်စရာကောင်းတဲ့ ကျူးကျော်သူတရုတ်ရဲ့ ၊ ဗျူဟာပဲ ။ ( န.အ.ဖ ) စစ်ခေါင်းဆောင်တွေကို ပိုင်အောင် အသုံးပြုနိုင်နေပြီ ။
တရုတ်ပြည်ထောင်စု မြန်မာနိုင်ငံ ဖြစ်မြောက်ရေး ။ တရုပ်လွှမ်းမိုးရေး အလုပ်ကို ၊ ပညာသားပါပါ လုပ်နေကြတယ်ဆိုတာ နောက်ဆုံး အသိပေးတာပါ ။ မြန်မာပြည်နဲ့ ၊ သာသနာတော်ကို ကာကွယ်နိုင်ကြပါစေ ။
မြန်မာပြည်က တိုင်းရင်းသား အပေါင်းတို့ ။ သတိရှိကြပါ ။ အစာနောက်က ချိတ်ကို မြင်အောင် ကြည့်ကြပါ ။ သာသနာနဲ့ မြန်မာကို ကာကွယ်ကြပါ ။ မေတ္တာဖြင့်......( အ.ဘ.ယ )

Face Book တွင်လာရောက် Share ပေးသော Ah Bayah အားကျေးဇူးတင်ရှိပါသည်။


(၁မှ၆)ယူကျူ့ တွင်ကြည့်ရန်

စေ့စပ်ဆွေးနွေးရေးဆိုရာဝယ်( ခင်မမမျိုး)



စေ့စပ်ဆွေးနွေးရေးဆိုရာဝယ်.pdfစေ့စပ်ဆွေးနွေးရေးဆိုရာဝယ်.pdf
161K   View   Download  
စေ့စပ်ဆွေးနွေးရေးဆိုရာဝယ်