Thursday, February 24, 2011

ဘယ်သူ့တာဝန်လဲ --(၂၃)ခန်းမှ ဒုက္ခသည်များ


ဘယ်သူ့တာဝန်လဲ ၊




ရန်ကုန်တိုင်းဒေသကြီးဖြစ်သည့် ကျောက်တံတားမြို့နယ်၊ အမှတ်(၆)ရပ်ကွက်၊ ၃၈လမ်း (အလယ်)၊ အမှတ် ၁၅၈၊ ၁၆ဝ၊ ၁၆၂၊ ၁၆၄ – (၃)ထပ်တိုက် လူနေခန်း (၂၄)ခန်းအား အန္တရာယ်ရှိ အဆောက်အအုံအဖြစ် ကြေငြာပြီး (၃)ရက်အတွင်း ရန်ကုန်စည်ပင်သာယာရေးမှ အမိန့်ကြေငြာချက်အရ ဥပဒေနာခံသူ (၂၃)ခန်း မိသားစုမှာ ဘာ အကူအညီအထောက်အပံ့၊ ပြောင်းရွှေ့ပြောင်းကားခတောင် မရဘဲ အခန်းပြန်မရမှာ စိုးသဖြင့် မရှိ ရှိတာပေါင်နှံပြီး အိမ်ခန်းအမြန်ငှားကာ အမိန့်နာခံပြီး ဆင်းပေးခဲ့ရပါသည်။ ဒါပေမယ့် အမှတ်-၁၆၄(ပ)ထပ်နေ မိသားစု တစ်စုကတော့ ယနေ့အချိန်အထိ မပြောင်းရွှေ့ပဲ အဆောက်အဦး ဖျက်လက်စ တန်းလန်းကြီးမှာ နေထိုင်နေပါသည်။
၎င်းမိသားစု ယခုအချိန်ထိ မဆင်းသေးတာဟာ မည်သည့်အတွက်ကြောင့်လဲ၊ ဥပဒေရဲ့ အထက်က လူလေလား၊ ဘယ်သူ့မှာ တာဝန်အရှိဆုံးလဲ၊ (၃)ရက်အတွင်း ဆင်းရမည့် အမိန့်ထုတ်သူ ရန်ကုန်မြို့တော်စည်ပင်လား၊ မြေရှင်၏ တာဝန်လား၊ ကန်ထရိုက်တာဝန်လား၊
ရန်ကုန်မြို့ရဲ့ အချက်အချာဖြစ်တဲ့ မြို့လယ်ခေါင်မှာ ယခုလိုမျိုး အဆောက်အဦးဖျက်လက်စ တန်းလန်းကြီး ထားတဲ့ပုံအနေအထားမှာ မည်သူ့မျှ မသင့်တော်ပါကြောင်း၊ တာဝန်ရှိသူများအနေဖြင့် လစ်လျူရှုထားဖို့ မသင့်ပါကြောင်းနှင့် တာဝန်ရှိသူများ တာဝန်မမဲ့ကြဖို့အား တိုက်တွန်းအပ်ပါသည်။
ခေတ်ကြီးလည်း ပြောင်းလဲလာပါပြီ။ ဥပဒေရဲ့အောက်မှာနေတဲ့ ဥပဒေကိုလိုက်နာသူ (၂၃)ခန်းမိသားစုမှာ ယခုအချိန်ထိ နေထိုင်ဖို့ အခက်အခဲများနှင့် ရင်ဆိုင်နေရပါသဖြင့် ကူညီဖြေရှင်း ပေးပါရန် တာဝန်ရှိသူများအား လေးစားစွာဖြင့် အသိပေး တောင်းပန်အပ်ပါသည်။

ဥပဒေလေးစားသူ
(၂၃)ခန်းမှ ဒုက္ခသည်များ
၃၈လမ်း၊ ကျောက်တံတားမြို့နယ်၊ ရန်ကုန်မြို့။



မြန်မာစစ်သားကိုမျိုးမြင့်ပြောတဲ့စစ်တပ်အကြောင်း


SOURCE

အစွယ်ကိုလိုသူ ကျော်ဆန်း အသွားစေခိုင်းသူ တင်ထွန်းဦး ကံကွက်ကြားသူက Mr.Dunkley

Mr.Ross Dunkley အား ရဲလုံခြုံရေး များမှ ခေါ်ဆောင်လာစဉ်..
ရဲအုပ်က တစ်ရာ၊ နှစ်ရာ Mr.Dunkley ကတစ်ယောက်တည်း..
တရားခံ Mr.Ross Dunkley ၏ရှေ့နေ ဦးမင်းစိန်
  တရားလို မခိုင်ဇာ 

အစွယ်ကိုလိုသူ ကျော်ဆန်း အသွားစေခိုင်းသူ တင်ထွန်းဦး ကံကွက်ကြားသူက Mr.Dunkley 

ယနေ့ ၂၄ရက်နေ့ မနက် ၉း၀၀ အချိန်၌ ရန်ကုန်တိုင်း၊ ကမာရွတ်မြို့နယ်၊ နာနတ်တောလမ်းမပေါ်ရှိ၊ ကမာရွတ်မြို့နယ် တရားရုံးသို့ ညှဉ်းပမ်းနှိပ်စက်မှု၊ မူးယစ်ဆေးဝါး ကိုင်ဆောင်သုံးစွဲမှု၊ နယ်စပ်ဖြတ်ကျော် (လ၀က) အက်ဥပဒေများနဲ့ တရားစွဲဆိုခြင်းခံ ထားရတဲ့ ယခင်မြန်မာတိုင်းမ်ဂျာနယ်မှ (CEO)အဖြစ် တာဝန်ထမ်းဆောင်ခဲ့သော Mr.Ross Dunkley အား စွဲချက်တင်အမှု စစ်ဆေးရန်အတွက် ရန်ကုန်၊ အင်းစိန်ထောင်ကြီးချုပ်မှ ရုံးထုတ်ခေါ်ဆောင်ခဲ့ပါသည်။ Mr.Ross Dunkley အား ရဲလုံခြုံရေး များမှ လက်ထိပ်ခတ် ခေါ်ဆောင် လာပြီးနောက် တရားရုံးထုတ် တရားခံများထားရှိရာ တရားရုံး အချုပ်ခန်းတွင်းသို့ ထည့်သွင်း ချုပ်နှောင်ထားခဲ့ပါသည်။ အဲ့ဒီ့နောက်နေ့လည် ၁၂း၁၅ မိနစ်အချိန်ခန့်တွင် Mr.Ross Dunkley ကိုအချုပ်ဆောင် မှ ထုတ်ယူခေါ်ဆောင်ပြီး ကမာရွတ်မြို့နယ် အထူးတရားရုံးခန်းတွင် မြို့နယ်တရားသူကြီး (အမည်မဖော်ပြ)မှ စတင်စစ်ဆေး မေးမြန်းပါသည်။

တရားသူကြီးမှ စစ်ဆေးနေစဉ်အတွင်း တရားရုံးခန်း  အနီးအနားတွင် ပြည်တွင်းပြည်ပ သတင်းဌာနများမှ သတင်းထောက်များ၊ မြန်မာတိုင်းမ်ဂျာနယ်မှ တာဝန်ရှိသူများက လာရောက်ကြည့်ရှု ကြားနာကြပါသည်။ သတင်းထောက်များနှင့် လာရောက် ကြည့်ရှု ကြားနာသူများအား တရားရုံးခန်းအတွင်းသို့ ၀င်ရောက်ခွင့် မပြုသည့်အပြင် ဓါတ်ပုံကင်မရာ၊ အသံဖမ်းစက်၊ မိုဘိုင်းဖုန်းများ ကိုင်ဆောင်ဝင်ရောက် လာသူများအား ကြားနာ ကြည့်ရှုခွင့်မပြုခဲ့ပါ။ တရားခွင်ကို၂ နာရီခန့် ကြားနာစစ်ဆေးခဲ့တယ်လို့ သိရှိရပါသည်။

တရားလို ဖြစ်သော မခိုင်ဇာ(နေရပ်လိပ်စာအတိအကျမသိ) မှ တရားခွင်သို့ လာရောက် စစ်ဆေးခံခဲ့ပါတယ်။ ၄င်းတရားလိုဖြစ်သော မခိုင်ဇာ(နေရပ်လိပ်စာအတိအကျမသိ) တွင် လေးလခန့်ရှိသော ကိုယ်ဝန်ကို လွယ်ထားရပြီး၊ ၄င်းနှင့်အတူသူမ၏ အမျိုးသား ဖြစ်သူဟုဆိုသော လူငယ်တစ်ဦးပါ အတူပါရှိခဲ့ပါသည်။ တရားလို ၊ တရားခံ နှစ်ဦးနှစ်ဘက်အား မြို့နယ်တရားသူကြီးမှ အမှုကို ကြားနာစစ်ဆေးပြီးနောက် ယခင်မြန်မာတိုင်းဂျာနယ်မှ(CEO) အဖြစ် တာဝန်ထမ်းဆောင်ခဲ့သော Mr.Ross Dunkley အား  ပြစ်မှုဆိုင်ရာဥပဒေပုဒ်မ ၃၂၅ / ၃၄၂ / ၃၅၄ / ၁၃(က) အရ စွဲချက် တင်လိုက်သည်ဟု သိရှိရပါသည်။ တရားသူကြီးမင်းမှ အမှုကို လက်ခံ စစ်ဆေးကြားနာ၊ စွဲချက်တင်ပြီးနောက် အမှုရုံးချိန်းကို ၂၀၁၁၊ မတ်လ(၃)ရက် နေ့သို့ ချိန်းဆိုလိုက်ကြောင်း သိရှိရပါသည်။ ထို့နောက် Mr.Ross Dunkley အားညနေ ၄ နာရီအချိန်ခန့်တွင် ရဲအချုပ်ကားဖြင့် ရန်ကုန်၊ အင်းစိန်ထောင်ကြီးချုပ်သို့ ပြန်လည် ခေါ်ဆောင်သွားကြောင်း သတင်းရရှိပါသည်။

သတင်း ဓာတ်ပုံ၊ ဒီမိုဝေယံ

မကဒတ ၉ကြိမ်မြောက်ညီလာခံသို့








ဘယ်လမ်းလိုက်ကြမလဲနှင့် လက်တွေ့နိုင်ငံရေး (၁၇)


ဘယ်လမ်းလိုက်ကြမလဲနှင့် လက်တွေ့နိုင်ငံရေး ()
(Choosing Right Path and Real Politics)


၂၀၁၀ခု ဒီဇင်္ဘာ(၁၇)က စခဲ့တဲ့ တူနီးရှား လူထုအုံကြွမှုက ၂၈ရက်အတွင်း ၂၄နှစ်ကြာအုပ်စိုးခဲ့တဲ့ စစ်ဗိုလ်ချုပ်ကြီး အာဏာရှင် ဘင်အလီကို တိုင်းပြည်က ထွက်ပြေးစေခဲ့တယ်။ တူနီးရှားနောက် ဆက်တိုက်ဆိုသလို ဖြစ်ပွါးခဲ့တဲ့ ယီမင်၊ အယ်လ်ဂျီးရီးယားစ်၊ အီဂျစ်၊ ဘာရိန်း၊ ဂျော်ဒန်၊ ဆီးရီးယားစတဲ့ အာရဗ်ကမ္ဘာရဲ့ လူထုအုံကြွမှုတွေကို တကမ္ဘာလုံးက စိတ်ဝင်တစား၊ ရင်တမမဖြစ်နေကြတယ်။ အထူးသဖြင့် အာဏာရှင်တွေ ဆက်လက်ဗိုလ်ကျဆဲဖြစ်တဲ့ မြန်မာ၊ အီရန်၊ တရုပ်စတဲ့ ကျုပ်တို့လို နိုင်ငံတွေက အဖိနှိပ်ခံ ပြည်သူတွေကတော့ ရင်မ နေရုံသာမက အာဏာရှင်တွေကို လူထုလှုပ်ယှားမှုကြီးနှင့် တချီတမောင်းလောက် ပြန်အားစမ်းချင်နေကြပါတယ်။ အားလည်း တက်လာကြတယ်။ နည်းလမ်းကောင်းတွေကို တိုးတက်ရှာဖွေကြမယ်။ အခွင့်အလမ်းကောင်းတွေ ဖန်တီးမယ်။ ပေါ်ပေါက်လာမဲ့ အခွင့်အလမ်းကောင်းတွေကို “လူထုအား”နှင့် အမိအရ ဆုပ်ကိုင်ပြီး အရှိန်အဟုန်မြှင့်မယ်။ အာဏာရှင်စနစ်ကို အပြီးတိုင် ဖြိုဖျက်မယ်။

အထက်ဖေါ်ပြပါ အမြင်သဘောထားကို ဒီမိုကရေစီလှုပ်ယှားသူတိုင်း သဘောပေါက်လက်ခံနိုင်မယ်လို့ ယုံကြည်ပါတယ်။

ကျုပ်တို့ နိုင်ငံမှာ လူထုလှုပ်ယှားမှု တစ်ခုပေါ်ပေါက်လာဖို့ဆိုတာ အင်မတန်မှ ပေးဆပ်မှု အရင်းအနှီးကြီးမားတယ်ဆိုတာ အားလုံးသိကြပါတယ်။ ရတောင့် ရခဲ၊ ဖြစ်တောင့် ဖြစ်ခဲတဲ့ လူထုလှုပ်ယှားမှုတစ်ခုက ထိရောက်စွာ အရှိန်မြှင့်ပြီး ပွဲသိမ်း အောင်ပွဲခံရမဲ့အစား ဘာကြောင့် ရက်ရက်စက်စက် အဖြိုခွဲ ခံနေခဲ့ရသလဲ။ ဘာကြောင့် ခေါင်းကျွံ ဦးကျိုး ခါးဆက်ပြတ်ပြီး ကျားပါးစပ်ထဲမှာ ပွဲသိမ်း တစ်ခမ်းရပ်သွားရသလဲဆိုတာကို စဉ်းစားမိတယ်။ အကြောင်းတွေ အများကြီး ရှိမှာပါ။

ဒီနေရာမှာ “လူထုအား” နှင့် ပြည်ပ ဖိအား ဆက်စပ်မှု အကြောင်းကိုဘဲ သီးသီးသန့်သန့် ဆွေးနွေးချင်ပါတယ်။

ရှင်ကိုဖျက် ဓဇက်၊ ဒါးကိုဖျက် ဝါးမျက်ဆိုသလို လူထုအင်အားကိုဖျက် နိုင်ငံတကာနှင့် ကုလသမဂ္ဂလို့ ဆိုသင့်ပြီလို့ ထင်ပါတယ်။ ဆိုခွင့်ပြုပါ။ မြန်မာပြည်မှာ မဝေးလှသော အတိတ်ကာလတွေက သွေးမြေကျ လူထု၊ ကျောင်းသား၊ သံဃာလှုပ်ယှားမှု အသီးသီးကို ဘူးသီးနုနု အမွေးသပ်သလို အရှိန်လျော့ကျစေပြီး နောက်ဆုံးကျရှုံးရသည်အထိ ဖြစ်ခဲ့ရတဲ့ အကြောင်းတွေထဲမှာ နိုင်ငံတကာနှင့် ကုလသမဂ္ဂ အားကိုးမှုကလည်း အရေးပါတဲ့ အကြောင်းတရားတစ်ခု ဖြစ်နေတာကို အထူးသဖြင့် ပြည်ပအင်အားစုများက အသိအမှတ်ပြုကြဖို့ လိုပြီဆိုတာကို အလေးထား တင်ပြချင်ပါတယ်။

ဒီလိုဆိုလိုက်တဲ့အတွက် နိုင်ငံတကာနှင့် ကုလရဲ့ အခန်းကဏ္ဍကို ငြင်းပယ်နေတာ မဟုတ်ပါဘူး။ အင်မတိ အင်မတန် လျော့တွက်ကြဖို့ ထောက်ပြချင်တာပါ။ နိုင်ငံတကာနှင့် ကုလမှာ ဖိအားတွေ ဖြစ်ပေါ်လာအောင် လုပ်ဆောင်နေသူတွေကို ဝေဖန်နေတာလည်း မဟုတ်ပါဘူး။ ကျုပ်ကိုယ်တိုင်လည်း နိုင်ငံတကာ ဖိအားတွေဖြစ်ပေါ်လာအောင် လုပ်ဆောင်နေသူ တစ်ဦးဖြစ်ပါတယ်။ နိုင်ငံတကာနှင့် ကုလမှာ ဖိအားတွေဖြစ်ပေါ်လာအောင် လုပ်ဆောင်နေသူတွေက ပြည်တွင်းက လူထုကို ဘာမှ ဖြစ်လာမှာ မဟုတ်တဲ့ နိုင်ငံတကာ ဖိအားက ဘာမျှော်လင့်ချက်မှ မပေးကြဖို့ သတိပေးချင်တာပါ။ အပြောင်းအလဲတွေ တစ်ကယ် ဖြစ်ပေါ်လာအောင် ပြည်ပရှိ ဘယ်လို အားတွေကမှ မလုပ်ဆောင်ပေးနိုင်ကြောင်းကို ပြည်ပဒီမိုကရေစီခေါင်းဆောင်များက ပြည်တွင်းက ပြည်သူလူထုကို စဉ်ဆက်မပြတ် ပွင့်ပွင့်လင်းလင်း ဝန်ခံ သတိပေးနေဖို့ အချိန်တန်ပါပြီ။ (ဒီနေရာမှာ ပြည်ပက ပြည်တွင်းကို နည်းမျိုးစုံနှင့် တိုက်ရိုက် ထောက်ကူနေခြင်းများကို ဝေဖန်နေခြင်း အလျဉ်း မဟုတ်ကြောင်း အထူး သတိချပ်စေလိုပါတယ်။)

ကုန်ကုန်ပြောရရင် ပြည်တွင်းနှင့် ပြည်ပက ဟန်ချက်ညီညီ အာဏာရှင် ပြုတ်ကျရေး လုပ်ဆောင်ကြတယ်ဆိုတဲ့ စကားလုံးကိုတောင် မသုံးစေချင်တော့ပါဘူး။ ဟန်ချက်ညီညီ ဆိုတဲ့ ပြောဆိုချက်ဟာ ပြည်တွင်းက လူထုအတွက် ပြည်ပက လူတွေကလည်း ဦးထမ်း၊ ပဲ့ထမ်း တန်းတူ လုပ်နေကြတယ်လို့ စိတ်ခံစားမှုကို ဖြစ်ပေါ်စေတယ်။ ပြည်ပက ညီမျှတဲ့ တာဝန်ခံမှု၊ တာဝန်ကြေပွန်မှုကို ပြည်တွင်းက မျှော်လင့်စေရေးကို အားပေးနေတယ်။ ဒါဟာ အချက်အလက်အရ မှန်လည်း မမှန်ဘူး။၊ လက်တွေ့လည်း မကျဘူး။

မြန်မာ့အရေးမှာ နေတစ်စင်း၊ လတစ်စင်းလို လေးစားရတဲ့ ဆရာဦးဝင်းတင်ကို ထောင်ထဲထဲ့ပြီး ပြင်ပနှင့် အနှစ်နှစ်ဆယ်ခန့် အဆက်ဖြတ်ထားခဲ့ပါတယ်။ ဆရာကြီး ပြန်လွတ်ပြီးနောက် ဦးဝင်းတင်နှင့် စကားပြောခြင်းကဏ္ဍမှာ ပထမဆုံး ပြောခွင့်ရသူဟာ ညွန့်ပေါင်းအစိုးရက ဝန်ကြီးဦးဘိုလှတင့် ဖြစ်ပါတယ်။ ဦးဘိုလှတင့်တို့ ပြည်ပက ဘာတွေများ လုပ်ပေးနိုင်ပါသလဲလို့ ဆရာကြီးက မေးလိုက်သံကို အခုထက်ထိ ကြားယောင်နေပါသေးတယ်။

ကနေ့ ကမ္ဘာ့ဇာတ်ခုံပေါ်က လူထု အုံကြွမှုတွေထဲမှ လစ်ဗျားနိုင်ငံ အရေးကို ကောက်နှုတ် ဥပမာဆောင်ချင်ပါတယ်။

ဖေဖေါ်ဝါရီ (၁၅)ရက်က စခဲ့တဲ့ လူထု အုံကြွမှုကို စစ်ဗိုလ် အာဏာရှင် ကဒါဖီက ရက်ရက်စက်စက် ပစ်ခတ်နှိမ်နင်းနေခဲ့တယ်။ အေးချမ်းစွာ ဆန္ဒပြသူတွေ အပစ်သတ်ခံနေရတာ ထောင်ဂဏန်းတောင် ရောက်နေပါပြီ။ တစ်နိုင်ငံလုံး အုံကြွလာပြီး လစ်ဗျားနိုင်ငံရဲ့ ဒုတိယအကြီးဆုံးမြို့ ဘင်ဂါဇီ(Bingazi)ကို လူထုနှင့် စစ်တပ် ပေါင်းစည်း ချုပ်ကိုင်ထားလိုက်ပါပြီ။ တိုင်းပြည်အနှံ့မှာလည်း စစ်တပ်နှင့် လူထု လက်တွဲပြီး ကဒါဖီကို ဆန့်ကျင်လာကြတယ်။ မြို့တော် ထရီပိုလီ(Tripoli)ကလွဲရင် နိုင်ငံ့နေရာ အနှံ့အပြားကို ကဒါဖီက ပိုင်ပိုင် နိုင်နိုင် မထိန်းချုပ်နိုင်တော့ဘူး။ အာဏာရှင် ဗိုလ်မှူးကြီး ကဒါဖီ ဆန့်ကျင်ရေး လူထုကာကွယ်ရေး အဖွဲ့(Ad Hoc Committee)တွေ အမြို့မြို့ အနယ်နယ်မှာ အလျှိုအလျှို ပေါ်ပေါက်လာနေတယ်။ ပြည်ထဲရေးဝန်ကြီး ဗိုလ်ချုပ်ကြီး အဗ်တယ် ဖါတ ယူနူးစ် (Abdul Fattah Younis)က ကဒါဖီရဲ့ လူသတ် အကြမ်းဖက်လမ်းစဉ်ကို ကန့်ကွက် နှုတ်ထွက်လိုက်ပြီး ကဒါဖီကို ဖြုတ်ချပြီး လူထုဘက်ကရပ်ဖို့ စစ်တပ်ကို ရုပ်သံက အတိအလင်း တောင်းဆိုလိုက်တယ်။ ဗိုလ်ချုပ်တွေ၊ ဗိုလ်မှူးကြီးတွေ၊ ဝန်ကြီးတွေ အများအပြားက ကြေညာချက် အသီးသီးထုတ်ပြီး လူထုဘက်က ရပ်ကြတယ်။ တရုပ်၊ အိန္ဒိယ၊ အမေရိကန်၊ အင်ဒိုနေးရှား၊ စင်္ကာပူ၊ ဘရူနိုင်း၊ အာရဗ်အဖွဲ့ချုပ်၊ အင်္ဂလန်နှင့် ဥရောပနိုင်ငံအချို့က လစ်ဗျားသံအမတ်တွေ အစုလိုက် အပြုံလိုက် နှုပ်ထွက်ကြတယ်။ လူထုကို တိုက်လေယာဉ်ပေါ်က ဗုံးကြဲပစ်ခတ်တိုက်ခိုက်ခိုင်းတာကို ဆန့်ကျင်တဲ့ မီရဂ်ျ (Mirage F1 Fighter Jet)ဂျက် တိုက်လေယာဉ်မှူး ဗိုလ်မှူးကြီး နှစ်ယောက်က လေယာဉ်တွေနှင့်အတူ မော်လ်တာမှာ လာရောက် ခိုလှုံလိုက်တယ်။ တိုက်လေယာဉ်တွေ၊ ရဟတ်ယာဉ်တွေပေါ်က အမြောက်ကြီးတွေ၊ စက်သေနပ်ကြီးတွေနှင့် အေးချမ်းစွာ ဆန္ဒပြတဲ့ ကိုယ့်ပြည်သူတွေကို ဗုံးကြဲ ပစ်ခတ်တိုက်ခိုက်မှုတွေ လုပ်နေတဲ့အတွက် ကုလဆိုင်ရာ လစ်ဗျား ဒုတိယသံအမတ် အီဗရာဟင် ဒါဖါရှီ (Ibrahim Dabbashi)က ဖေဖေါ်ဝါရီ(၂၃)မှာ ကျင်းပတဲ့ ကုလ လုံခြုံရေးကောင်စီ တံခါးပိတ်အစည်းအဝေးမှာ ကဒါဖီက တိုက်လေယာဉ်တွေသုံးပြီး လူထုကို ထပ်မပစ်အောင် လေယာဉ် မပျံသန်းရေးဇုန် (No Fly Zone) သတ်မှတ်ပေးဖို့ ကိုယ်တိုင် တောင်းဆိုခဲ့တယ်။ ကဲ၊ အရပ်စကားနှင့် ပြောရရင် ဒိထက်ရှင်းတဲ့ ကိစ္စ(Case) ရှိသေးလားလို့တောင် ပြောရမလိုပါ။

သို့သော် ဘာဖြစ်လာလဲ။ ကိုရွှေတရုပ်နှင့် ကိုရွှေရုရှားတို့က မကြိုက်တဲ့အတွက် (လက်နက်၊ ဘဏ္ဍာရေး ပိတ်ဆို့မှုတွေကို ဆွေးနွေးဖို့က အဝေးကြီး) ကုလရဲ့ လစ်ဗျား ဒုတိယသံအမတ်ကိုယ်တိုင်က တောင်းဆိုတဲ့ အရပ်သားတွေကို လေယာဉ်ပေါ်က မပစ်သတ်နိုင်အောင် မပျံသန်းရေးဇုံကိစ္စကိုလည်း ဆွေးနွေးခွင့်တောင် မပေးခဲ့ပါဘူး။ လစ်ဗျားကို အပစ်တင်ကြောင်း၊ လူတွေသေတဲ့အတွက် ဝမ်းနည်းကြောင်း၊ ထိမ်းထိမ်း သိမ်းသိမ်း လုပ်ဖို့လိုကြောင်း ထုတ်ပြန်လိုက်သည် ဆိုတာလောက်နှင့်ဘဲ ဖေဖေါ်ဝါရီလ (၂၃)၊ ၂၀၁၀မှာ ဆုံးဖြတ်ချက်ချခဲ့တယ်။ အရေးယူ ဆောင်ရွက်မှု ဘာတစ်ခုကိုမှ မလုပ်ဆောင်နိုင်ဘူး။ လစ်ဗျားပြည်သူတွေအဖို့ အခြားကမ္ဘာအရပ်ရပ်က အဖိနှိပ်ခံပြည်သူတွေလို ကိုယ့်အား ကိုယ်ကိုးပြီး အာဏာရှင်ကို ဖြုတ်ချရေးကလွဲလို့ အခြားလမ်း မရှိပါ။

လုံခြုံရေးကောင်စီက အရေးယူနိုင်ရင်ကော ဘာဖြစ်လာတတ်သလဲ ဆိုတာကို လက်တွေ့ဖြစ်စဉ်တွေနှင့် ချိန်ထိုးကြည့်ရအောင်။

နိုင်းဝမ်းဝမ်းဖြစ်ပြီးစကာလ တကမ္ဘာလုံးရဲ့ စာနာမှုကို ရရှိတဲ့အပြင် အယ်လ်ကိုင်းဒါးရဲ့ အင်မတန် အစွန်းရောက်တဲ့ အန္တရာယ်ကြောင့် အာဖဂန်နစ္စတန်ကို အရေးယူခဲ့တဲ့ ကိစ္စကလွဲရင် ကုလလုံခြုံရေးကောင်စီက ဦးဆောင်ပြီး ဘာမှ ဆုံးဖြတ်ချက်ချ အကောင်အထည်ဖေါ် ပြီးပြတ်အောင် လုပ်ဆောင်နိုင်တာ မရှိပါဘူး။ အာဖဂန်ကိစ္စကလည်း အခုထက်ထိ မပြတ်သေးပါဘူး။ နောက်ဥပမာတစ်ခု ထပ်ပေးရရင် တီမော လွတ်လပ်ရေး ကိစ္စပါ။ တီမောနိုင်ငံထူထောင်ပေးသူဟာ ကုလမဟုတ်ပါဘူး။ တီမောပြည်သူတွေ အသေခံတိုက်ပြီးမှ၊ အင်ဒိုနေးရှားက မနိုင်တော့လို့ လက်လျော့ချင်မှ၊ ကုလက အင်ဒိုနေးရှားအစိုးရရဲ့ လက်ခံမှုအရ လွတ်လပ်သောနိုင်ငံအဖြစ် ဝင်အသိအမှတ်ပြု လိုက်ရတာပါ။ ဒီနေရာမှာ ကုလကို အပစ်တင်တာထက် သူ့ရဲ့ ဖွဲ့စည်းပုံအရကို အားနည်းချက်ဖြစ်နေပြီး မစွမ်းဆောင်နိုင်တာကို သိကြဖို့ ထောက်ပြခြင်းသာ ဖြစ်ပါတယ်။ ကုလရဲ့ အနေအထားမှန်ကို နားလည်ဖို့၊ မမျှော်လင့်သင့်တာကို မမျှော်လင့်ကြဖို့ တင်ပြလိုရင်းဖြစ်ပါတယ်။

ယူဂိုစလပ်ကို ဗုံးကြဲတာ ကုလလုံခြုံရေး ကောင်စီ မဟုတ်ပါဘူး။ အီရတ်ကို ဝင်တိုက်တာ ကုလလုံခြုံရေးကောင်စီ ဆုံးဖြတ်ချက်အရ မဟုတ်ပါဘူး။ ဆူဒန်သမ္မတ ဗိုလ်ချုပ်ကြီးဟောင်း အိုမာ အယ်လ် ဗရှား(Omar Al-Bashir)ကို အိုင်စီစီ (International Criminal Court)က လူသားမျိုးတုန်း သတ်ဖြတ်မှု(Genocide)နှင့် တရားစွဲခဲ့တာ ၂၀၀၉ခု မတ်လကတည်းကပါ။ သို့သော် သူက ဒုတ်တစ်ချောင်းကိုင်ပြီး လူပုံအလယ်မှာ အခုထက်ထိ ယိမ်းကလို့ ကောင်းဆဲဖြစ်တဲ့အပြင် သူ့နိုင်ငံ ပိတ်ဆို့မှုတွေတောင် အနောက်နိုင်ငံတွေက တချို့တဝက် ရုပ်သိမ်းဖို့ ပြင်နေကြပြီ။ တိဘက်ကို တရုပ်သိမ်းတာကို တရုပ်က ကန့်ကွက်လို့၊ ဂျော်ဂျီယာမြောက်ပိုင်းကို ရုရှားသိမ်းတာကို ရုရှားက ကန့်ကွက်လို့ ကုလက ဘာမှ မလုပ်ပေးနိုင်ပါဘူး။ မြန်မာ့အရေးနှင့် ပတ်သက်၍ တိုတိုနှင့် တဲ့တဲ့ပြောရရင် တရုပ် မထောက်ခံတာမှန်သမျှ ဘာဆို ဘာမှ မလုပ်ပေးနိုင်ပါဘူးလို့ အတိအကျပင် ဆိုရပါမယ်။

၁၈ရာစုခေတ်ကလို ကိုလိုနီနိုင်ငံတွေကို အသေခံ ဝင်တိုက်၊ အလုပ်ရှုပ်ခံ၊ အမုန်းခံ ဝင်အုပ်ချုပ်တာတွေ လုပ်တဲ့ခေတ်က ကုန်သွားပါပြီ။ သယံဇာတတွေလည်း စိတ်ကြိုက် ထရံခွါ သံချွတ် အမြစ်ပါတူးယူပစ်လို့ရတယ်။ မဟာရန်သူ အိန္ဒိကိုလည်း ခွချက် ခွေထားနိုင်တယ်။ သူ့နိုင်ငံက ပလပ်စတစ်တွေကိုလည်း အမြတ်အစွန်းကောင်းကောင်းနှင့် သွန်ချနေလို့ ရတယ်။ အိန္ဒိယ သမုဒ္ဒယာကြီးကို ထိန်းချုပ်နိုင်လိုက်တာမို့ သမုဒ္ဒယာတစ်စင်းလည်း အချောင်ရလိုက်တယ်။ မြန်မာပြည် ဒီမိုကရေစီ မရသရွေ့ တရုပ်အတွက် တစ်ဦးတည်း မောင်ပိုင် စားကွက်တွေချည်းပါဘဲ။ ယနေ့ကာလမှာ နိုင်ငံကြီး တစ်နိုင်ငံက အခြားနိုင်ငံတစ်နိုင်ငံကို အောင်မြင်စွာ ခေတ်သစ် ကိုလိုနီလုပ်နိုင်ခြင်းရဲ့ အကောင်းဆုံး ဥပမာက တရုပ်နှင့် မြန်မာဖြစ်ပါတယ်။ တရုပ်နှင့် တိဘက်တောင် အကောင်းဆုံး ဥပမာစာရင်း မဝင်ပါဘူး။ ကျုပ်တို့ဖါသာ ကျုပ်တို့ ကိုယ့်ခြေထောက်ပေါ် ကိုယ်ရပ်ပြီး တိုက်တာမဟုတ်ဘဲ၊ ကုလအားကိုးနေလို့ကတော့ ဗီတိုအာဏာရှင် တရုပ်နဂါးကြီး ပါးစပ်က တစ်သက်မလွတ်နိုင်ပါဘူး။

မြန်မာ့အရေး ကြွမ်းကျင်သူတွေ ကြက်တူရွေး ရွတ်သလို တရုပ်ကိုယ်စား တဖွဖွ ရွတ်နေတဲ့ တရုပ်က မြန်မာပြည် တည်ငြိမ်ရေးကို လိုလားပါတယ်ဆိုတာကလည်း လူထုအတွက် မဟုတ်ပါဘူး။ စစ်အာဏာရှင်တွေက ပြည်သူတွေ မလှုပ်နိုင်အောင် ယခုကဲ့သို့ ဆက်လက် ဖိနှိပ် ချုပ်ကိုင်ထားရေးကိုသာ တရုပ်က လိုလားနေခြင်းဖြစ်ကြောင်းကို သဘောမပေါက်သူများ ရှိနေဆဲပါ။ မြန်မာပြည် မျော့နေ ပြားနေမှ တရုပ်ကလည်း ပင်မသွေးကြောမကြီးတွေကို မိမိ ရရ ပိုင်ပိုင် နိုင်နိုင် ချုပ်ကိုင်ပြီး ဇိမ်ကျကျ သွေးစုပ်နေနိုင်မှာပါ။ အာဏာရှင် တရုပ်က အိမ်နီးချင်း မြန်မာပြည်မှာ သွေးတူ မွေးတူ အာဏာရှင်မျိုးကိုသာ လိုလားတယ်၊ ဒီမိုကရေစီကို မုန်းတယ်ဆိုတာကို ဗေဒင်မေးစရာ မလိုပါဘူး။ ဗိုလ်ချုပ်တွေ ခေါင်းမာလေ၊ မြန်မာပြည် အထီးကျန်လေ၊ တရုပ်ကို အားကိုးရလေ၊ တရုပ် ပွလေ ပါဘဲ။

ပြည်ပအင်အားစုတွေက နာဂစ်ဖွဲ့စည်းပုံကို ကန့်ကွက်ဖို့၊ ၂၀၁၀ ရွေးကောက်ပွဲကို ဆန့်ကျင်ဖို့၊ နအဖ
ဗိုလ်ချုပ်တွေကို ကမ္ဘာ့တရားရုံးတင်ဖို့၊ ၂၀၁၀အရ ပေါ်ပေါက်လာမဲ့ လွှတ်တော်နှင့် အစိုးရကို အသိအမှတ် မပြုဖို့၊ တစ်ဆက်တည်းမှာဘဲ ကြံ့ဖွတ်အစိုးရ ပြုတ်ကျပြီး လူထုအစိုးရ ပေါ်ထွန်းလာဖို့ ကျရာနေရာက ကြိုးပမ်း လုပ်ဆောင်နေကြတာကို အလေးပြုပါတယ်။ လုပ်သင့် လုပ်ထိုက်တာကို လုပ်နေခြင်းလည်း ဖြစ်ပါတယ်။

သို့သော် မမှန်သော၊ ဘယ်တော့မှ ဖြစ်လာမှာ မဟုတ်သော အတုအယောင် မျှော်လင့်ချက်မျိုးကိုတော့ ပြည်တွင်းကို သိသိကြီးနှင့် မပေးစေချင်ပါ။

ဥပမာ နာဂစ်ဖွဲ့စည်းပုံက တောင်အာဖရိက အသားအရောင် ခွဲခြားရေးဖွဲ့စည်းပုံထက် ပိုဆိုးတဲ့အတွက် လုံခြုံရေးကောင်စီက ပယ်ချနိုင်တယ်လို့ ဆိုတာမျိုး(လုံခြုံရေးကောင်စီက နာဂစ်ဖွဲ့စည်းပုံကို ပယ်ချဖို့အကြောင်း ရေးရေးတောင် မရှိပါ)၊ ၂၀၁၀ ရွေးကောက်ပွဲနှင့် ရွေးကောက်ပွဲအရ ပေါ်ပေါက်လာမည့် အစိုးရကို နိုင်ငံတကာက အသိအမှတ် မပြုရေးက တစ်ကယ်ဘဲ ဖြစ်လာမည့် ယောင်ယောင် (ဖိနှိပ်မှု၊ မမျှတမှုတွေအရ ရလဒ်ကို အသိအမှတ်ပြုဖို့ ခက်ခဲကြောင်းလောက်ကို ဖိအားပေးတဲ့သဘော ပြောကြားခြင်းကလွဲရင် အသိအမှတ်မပြု ငြင်းပယ်ဖို့က လုံးဝ မဖြစ်နိုင်ကြောင်းကို ကမ္ဘာ့နိုင်ငံကြီးများက ပုံသဏ္ဍာန်အမျိုးမျိုးနှင့် အစဉ်တစိုက် ပြောကြားနေခဲ့ပါတယ်)၊ အိုင်စီစီမှာ တရားစွဲပြီး၊ ကုလကဘဲ မြန်မာပြည်ထဲဝင်ပြီး၊ ဗိုလ်ချုပ်မှူးကြီးကို ဝင်ဖမ်းတော့မယ်လိုလိုဆိုတဲ့ ပြောလုံးမျိုးတွေဟာ လူထုရဲ့ ဘယ်သူ့မှ အားမကိုးဘဲ၊ ကိုယ့်အားကိုယ်ကိုး ကိုယ့်ဝန် ကိုယ်ထမ်းပြီး အောင်ပွဲခံသည်အထိ အနစ်နာခံ သက်စွန့်ကြိုးပမ်း ဆက်လက်တိုက်ပွဲဝင်ရေးကို နောက်တွန့်စေတယ်။ တွေဝေစေတဲ့အတွက် အထူးသတိထားကြဖို့ အချိန်တန်ပါပြီ။

တစ်ကယ်တော့ ပြည်ပဖိအားဆိုတာဟာ ကလေးတွေရဲ့ ကစားပွဲတစ်ခုထဲက စာရင်း မပေါက်တဲ့ ထမင်းဂျိုး၊ ဟင်းဂျိုးထက် နဲနဲဘဲသာပါတယ်။ မဝေးတော့သော အနာဂါတ်ကာလ မြန်မာပြည်မှာ လူထုအုံကြွမှုထပ်ဖြစ်အုန်းမှာပါ။ ဖြစ်ခဲ့လျှင် ပြည်တွင်းက ခေါင်းဆောင်များ မိမိလုပ်စရာ ရှိသည်ကို မတွန့် မရွံ့ ဆိုက်လိုက်မတ်တတ် ဆုံးခန်းတိုင် နောင်ရိုးစိတ်ဓါတ်နှင့် အပြီးအပြတ် လုပ်ဆောင်နိုင်ရေးသည် အင်မတန်မှ အရေးကြီးပါတယ်။ ကျုပ်တို့နိုင်မှ ကျုပ်တို့ဘက်က လာရပ်ပေးမဲ့၊ ကျုပ်တို့ မနိုင်ခဲ့သော် ထုံးစံအတိုင်း ဗိုလ်ချုပ်တွေကို မျက်နှာချို ဆက်သွေးကြမဲ့ (တရုပ်ကြောင့် တစ်ကယ်လည်း အရေးယူလို့ ရမှ မရတာ) နိုင်ငံတကာနှင့် ကုလကြီးကို ယောင်လို့မှ အားမကိုးမိကြဖို့၊ စောင်းငဲ့ကြည့်ပြီး အရှိန်မလျှော့မိစေဖို့၊ ပြည်ပအားကို စာရင်းမသွင်းဖို့ လိုအပ်ပြီ ဖြစ်ကြောင်းပါဗျာ။



အောင်တင်
ဖေဖေါ်ဝါရီ (၂၄)၊ ၂၀၁၁

၂၄.၂.၁၁ ရက်နေ့ရဲရင့်ငယ်ဒိုင်ယာရီ


မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

6 attachments — Download all attachments  
help letter.pdfhelp letter.pdf
613K   View   Download  
24 Feb 2011 Yeyintnge's Diary.doc24 Feb 2011 Yeyintnge's Diary.doc
1592K   View   Download  
24 Feb 2011 Yeyintnge's Diary.pdf24 Feb 2011 Yeyintnge's Diary.pdf
2124K   View   Download  
help letter.dochelp letter.doc
763K   View   Download  
CRPRP 17.pdfCRPRP 17.pdf
73K   View   Download  
help letter.pdfhelp letter.pdf
613K   View   Download  

http://www.mediafire.com/file/gfuaryougno4a0s/24%20Feb%202011%20Yeyintnge%27s%20Diary.doc
http://www.mediafire.com/file/n22hgliopeuoldq/24%20Feb%202011%20Yeyintnge%27s%20Diary.pdf
24 Feb 2011 Yeyintnge's Diary

လွှတ်တော်ပြင်ပ နိုင်ငံရေး လုပ်ဆောင်နေကြောင်း ဒေါ်အောင်ဆန်းစုကြည်ပြောကြား


2011-02-24
နိုင်ငံရေးလုပ်တဲ့အခါမှာ လွှတ်တော်တွင်း နိုင်ငံရေးရှိသလို လွှတ်တော်ပြင်ပမှာလည်း နိုင်ငံရေးရှိရမှာ ဖြစ်တဲ့အတွက် NLD အဖွဲ့ချုပ်ဟာ ဒီနေ့ကာလမှာ လွှတ်တော် ပြင်ပ နိုင်ငံရေး လုပ်ဆောင်နေတာ ဖြစ်ကြောင်း ဒေါ်အောင်ဆန်းစုကြည်က ပြောဆိုလိုက်ပါတယ်။
(Photo Courtesy of Myanmar Egress)
အမျိုးသား ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် (အလယ်) အား ဖေဖော်ဝါရီ ၂၄ ရက်နေ့က လာရောက် တွေ့ဆုံ ဆွေးနွေးသော မြန်မာ အီးဂရက်စ် သင်တန်းသူ သင်တန်းသားများနှင့်အတူ NLD ဌာနချုပ်ရုံးတွင် တွေ့ရပုံ ဖြစ်ပါသည်။ (Photo Courtesy of Myanmar Egress)
ဒီကနေ့ မနက်မှာ ရန်ကုန်မြို့အခြေစိုက် မြန်မာအီးဂရက်စ် အဖွဲ့ဝင်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က အခုလို ပြောကြားလိုက်တာ ဖြစ်ပါတယ်။
မြန်မာအီးဂရက်စ်အဖွဲ့ဝင်တွေက အခုချိန်မှာ လွှတ်တော်ပေါ်လာတဲ့အပြင် အစိုးရအဖွဲ့လည်း ပေါ်လာပြီ ဖြစ်ကြောင်း ပြောဆိုဆွေးနွေးတယ်လို့ ဆိုပါတယ်။ ဒီဆွေးနွေးချက်အပေါ်မှာ ဒေါ်အောင်ဆန်းစုကြည်က ပြန်လည် ရှင်းပြလိုက်တာလို့ အထွေထွေ အတွင်းရေးမှူးရဲ့ ရုံးအဖွဲ့မှူး ဦးဝင်းထိန်က RFA ကို ပြောပါတယ်။
“ဒေါ်စု ရှင်းပြလိုက်တာကတော့ နိုင်ငံရေးမှာ လွှတ်တော်ထဲမှာ အတိုက်အခံ အပြင်ကို လွှတ်တော် ပြင်ပမှာ နိုင်ငံရေး ရှိသင့်တယ်၊ ရှိလည်း ရှိရမယ်။ ဒေါ်အောင်ဆန်းစုကြည် လုပ်နေတဲ့ ဥစ္စာက လွှတ်တော်ပြင်ပ နိုင်ငံရေး လှုပ်ရှားမှု လုပ်နေတာ။ နောက်တခုက နိုင်ငံရေးသမား မှန်လို့ရှိရင် တပ်မတော်သားပဲဖြစ်ဖြစ်၊ ဘာပါတီကမဆို ပြည်သူလူထုကို မလှည့်ဖြားရဘူး၊ ရိုးသားဖြောင့်မတ်ရမယ်၊ အဲဒီ ရိုးသား ဖြောင့်မတ်တဲ့ ပေတံနဲ့ပဲ တိုင်းရမယ်ဆိုပြီး သူတို့ကို ရှင်းပြလိုက်တာပေါ့။ တော်တော်များများကတော့ ဘဝင်ကျသွားကြပါတယ်။”
ဒေါ်အောင်ဆန်းစုကြည်ကို သွားရောက်တွေ့ဆုံတဲ့ အီးဂရက်စ်အဖွဲ့မှာ သင်တန်းဆရာ တဦး အပါအဝင် သင်တန်းသူ သင်တန်းသားတွေနဲ့ စုစုပေါင်း ၁၁ ဦးလောက် ပါဝင်ပါတယ်။ သူတို့ကို အန်အယ်ဒီ ဌာနချုပ် ရုံးခန်းမှာ လက်ခံတွေ့ဆုံခဲ့တယ်လို့ အန်အယ်ဒီ ပြန်ကြားရေးအဖွဲ့ဝင် ဦးအုန်းကြိုင်က RFA ကို ပြောပြပါတယ်။
“ဒီနေ့ အထွေထွေ အတွင်းရေးမှူးက မနက် ၁၁ နာရီမှာ မြန်မာ အီးဂရက်စ် သင်တန်းက သင်တန်းသား သင်တန်းသူ ၁၁ ယောက်၊ နောက် ပြည်တွင်းက ဆရာတယောက် အဖွဲ့ချုပ်ရုံးမှာ ရှိတဲ့ သူ့ရဲ့ ရုံးခန်းမှာပဲ လက်ခံပြီးတော့ တွေ့ဆုံပါတယ်။ တနာရီလောက် ကြာပါတယ်။ တက်ရောက်လာတဲ့ ကလေးတွေက အဲ လွှတ်တော်အကြောင်း၊ အစိုးရ ဖွဲ့စည်းတဲ့အကြောင်း၊ အဲဒီကိစ္စတွေ မေးကြပါတယ်။ အဲဒါကို အထွေထွေ အတွင်းရေးမှူးက စိတ်ရှည်လက်ရှည် ပြန်လည် ဖြေကြားပါတယ်။”
မြန်မာအီးဂရက်စ်အဖွဲ့က လူငယ်တွေနဲ့ တွေ့ဆုံပွဲဟာ ၁၂ နာရီလောက်မှာ ပြီးဆုံးခဲ့ပါတယ်။
နေ့လည်ပိုင်းမှာ ပြုလုပ်တဲ့ အန်အယ်ဒီ ဗဟို အလုပ်အမှုဆောင် အစည်းအဝေးမှာတော့ လာမဲ့ တော်လှန်ရေးနေ့ အခမ်းအနားကို စည်စည်ကားကား ကျင်းပနိုင်ဖို့ ဆွေးနွေး ဆုံးဖြတ်ခဲ့ပါတယ်။
ဒါ့အပြင် ဒီကနေ့ နေ့လည် ၁ နာရီမှာ နိုင်ငံရေးနှင့် ဘောဂဗေဒ ဆိုတဲ့ခေါင်းစဉ်နဲ့ လူငယ်ပညာပေး ဆွေးနွေးပွဲတရပ်ကို အန်အယ်ဒီ ဌာနချုပ်မှာ ပြုလုပ်ခဲ့ပါတယ်။ ဒီဆွေးနွေးပွဲကို ဗဟိုအလုပ်အမှုဆောင် အဖွဲ့ဝင် ဦးစောနိုင်းနိုင်းနဲ့ စီးပွားရေးပညာရှင် ဦးမျိုးမြင့်တို့က ဦးဆောင်ဆွေးနွေးခဲ့ပြီး လူကြီးလူငယ် တက်ရောက်သူ စုစုပေါင်း ၆၀ ကျော်လောက် ရှိပါတယ်။
နိုင်ငံရေးနဲ့ ဘောဂဗေဒ ဆွေးနွေးပွဲအကြောင်းနဲ့ ပတ်သက်လို့ ဦးဆောင် ဆွေးနွေးခဲ့သူတဦး ဖြစ်တဲ့ ၁၉၉၀ ရွေးကောက်ပွဲ အနိုင်ရ NLD ပြည်သူ့လွှတ်တော် ကိုယ်စားလှယ် ဦးစောနိုင်းနိုင်းကို RFA ဝိုင်းတော်သား ကိုနေရိန်ကျော်က ဆက်သွယ် မေးမြန်းထားပါတယ်။
ဆက်သွယ်မေးမြန်းချက်
အသံဖိုင်ယူရန်
http://www.rfa.org/burmese/news/suu_kyi_explains_politics_beyond_parliament-02242011103509.html

ကြံ့ဖွတ် Brain wash အကသင်တန်းကျောင်းကြော်ငြာသံဃာတော်များကိုယ်တိုင်ရိုက်ကူး..


ကျောင်းထဲမှာမာတုဂါမကတာကိုသံဃာတော်များကိုယ်တိုင်ရိုက်ကူးတာဘယ်လိုရှင်းချက်ပေးမလဲ...



At 3:28


မြန်မာပြည် လူ့အခွင့်အရေး တိုးတက်လာမလား

ဗုဒ္ဓဟူး, 23 ဖေဖော်ဝါရီ 2011
By ဦးကျော်ဇံသာ
မြန်မာနိုင်ငံမှာ အသစ်ပေါ်ပေါက်လာမယ့် အာဏာပိုင်အစိုးရအဖွဲ့အဆင့်ဆင့်မှာ အထူးသဖြင့် တရားစီရင်ရေးဖက်မှာ၊ ဒေသဆိုင်ရာ အုပ်ချုပ်ရေးဖက်မှာ အရပ်သားအချို့  ပါဝင်လာတဲ့အတွက် နိုင်ငံရေးမဟုတ်တောင် လူ့အခွင့်အရေးအခြေအနေ တိုးတက်ကောင်းမွန် လာလေမလားဆိုတဲ့ မျှော်လင့်ချက်ထားသူတချို့  ရှိနေပါတယ်။ တကယ်အလားအလာ ဘယ်လိုရှိလာမလဲဆိုတာကို သိရှိနိုင်ဖို့ အမျိုးသားဒီမိုကရေစီအဖွဲ့ချုပ် ဥပဒေရေးရာ အကြံပေးအဖွဲ့ဝင် ရှေ့ နေကြီး ဦးအောင်သိန်း၊ လူ့အခွင့်အရေး လှုပ်ရှားသူ ကိုမောင်မောင်လေး တို့ကို ဦးကျော်ဇံသာ ဆက်သွယ်မေးမြန်း ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ အခု မြန်မာနိုင်ငံမှာ ပါလီမန်ခေါ်ယူပြီးတော့ အဲဒီကနေ အာဏာပိုင်အဖွဲ့အစည်းမှာ တာဝန်ထမ်းဆောင်မယ့် ပုဂ္ဂိုလ်တွေအသီးသီးကို ရွေးချယ်တင်မြောက်နေတာကို ကြားသိရပါတယ်။ များသောအားဖြင့် အရင်လူတွေ - စစ်တပ်က ပုဂ္ဂိုလ်တွေ - အရပ်သားဝတ်ဝတ်ပြီးတော့ တာဝန်ထမ်းဆောင်နေတဲ့ ပုဂ္ဂိုလ်တွေကိုပဲ နေရာပေးတာကို တွေ့ရပါတယ်။ ဒါပေမဲ့ တရားစီရင်ရေးအဖွဲ့ထဲမှာတော့ အရပ်သားတွေ။ အရပ်သားတွေဆိုပေမယ့် တကယ်တော့ တရားရေးဝန်ထမ်းဟောင်းတွေလို့ ထင်ပါတယ်။ အဲဒီလိုလူတွေ တော်တော်များများ ပါလာတာတွေ့ရတော့ ဒါဟာ လူ့အခွင့်အရေးအတွက် အားတက်စရာ၊ မျှော်လင့်စရာလို့ တွေးတဲ့လူတွေ ရှိပါတယ်။ ဆိုတော့ သူတို့တွေးတာ အတွေးမှန်ပါရဲ့ လား။ သူတို့ဟာ အရပ်သားတွေကို မြင်ရခဲလို့ အရပ်သားတွေ ရှားရှားပါးပါး ပါလာခဲ့လို့ အားတက်နေကြသလား။ အဲဒီကိစ္စနဲ့ ပတ်သက်လို့ ဆွေးနွေးလိုပါတယ်။ ဆရာဦးအောင်သိန်းရဲ့  သဘောထားကို ပထမဦးဆုံး သိချင်ပါတယ်။

ဦးအောင်သိန်း ။ ။ ကျနော်အမြင် ပြောရရင်တော့ ထိပ်ပိုင်း တကယ့်အမြင့်ဆုံးနေရာတွေမှာ တပ်ပိုင်းဆိုင်ရာ အငြိမ်းစားယူတဲ့ပုဂ္ဂိုလ်တွေက ထိပ်ပိုင်းတွေမှာရှိသလို၊ ပြည်နယ်နဲ့တိုင်းတွေမှာလည်း သင့်တော်တဲ့ သူတို့ ဥပဒေပိုင်းဆိုင်ရာ၊ တရားရုံးပိုင်ဆိုင်ရာက အငြိမ်းစားယူထားတဲ့လူတွေကို ပြန်အသုံးပြုတာများတယ်။ အဲဒီတော့ ပုလင်းဟောင်းထဲကို ရေအသန့်သစ် ထည့်မလား၊ သို့မဟုတ် ပုလင်းသစ် ရေသစ်သုံးသလားဆိုတာကို ကျနော်တို့ စောင့်ကြည့်ဖို့တော့ လိုတယ်။ ဘာဖြစ်လို့လည်းဆိုတော့ တချိန်က ခေါက်ရိုးကျိုးနေတဲ့ အတွေးအခေါ်၊ အယူအဆဟောင်းတွေဟာ အထက်အမိန့်ကို နာခံပြီးတော့ ဒီတရားစီရင်ရေးကို အသုံးပြုနေတဲ့ဟာတွေကို ဆက်လက်ပြီး အဲဒီလို ကျင့်သုံးမယ်ဆိုရင် အာဂတိတရား (၄) ပါး မကင်းဘဲနဲ့ အမှုတွေကို စစ်ဆေးစီရင်အုန်းမယ်ဆိုရင် အဲဒီ တရားရေးပေါ်မှာ ယုံကြည်အားထားရမယ့် ပြည်သူလူထုရဲ့  မျှော်လင့်ထားချက်တွေဟာ ယခင်အတိုင်း မထူးခြားနား ဖြစ်မှာပဲလို့ မြင်ပါတယ်။

ဦးကျော်ဇံသာ ။ ။ ဆရာဦးအောင်သိန်းကိုပဲ ဆက်မေးချင်တာက နိုင်ငံတွေရဲ့  ဖွဲ့စည်းပုံအခြေခံတွေကို ဘယ်လောက် ဒီမိုကရေစီဆန်သလဲ၊ စနစ်ကျသလဲလို့ လေ့လာတဲ့နေရာမှာ ဥပဒေပြုရေး၊ တရားစီရင်ရေး၊ အုပ်ချုပ်ရေးဆိုတဲ့ အာဏာ (၃) ရပ်ဟာ separate ဖြစ်နေရမယ်။ separation of power လို့ ခေါ်တာပေါ့။ တရားစီရင်ရေးဟာ အုပ်ချုပ်ရေးအာဏာပိုင် လက်အောက်က ကင်းလွတ်မှု ဘယ်လောက်ရှိသလဲဆိုတာနနဲ့ တိုင်းတာကြတာကို တွေ့ရပါတယ်။ တချို့  နိုင်ငံကြီးတွေကိုတောင် ဒီကိစ္စနဲ့ ပတ်သက်ပြီး မေးခွန်းထုတ်နေကြတာကို တွေ့ရပါတယ်။ မြန်မာနိုင်ငံမှာ အခုကျင့်သုံးမယ့် ၂၀၀၈ ဖွဲ့စည်းပုံအခြေခံဥပဒေမှာ အဲဒီ separation of power တရားစီရင်ရေးအာဏာသည် အုပ်ချုပ်ရေးအာဏာ ကင်းလွတ်နေပါသလား။ on the paper ဥပဒေအရ ကင်းလွတ်နေပါသလား။

ဦးအောင်သိန်း ။ ။ အဲဒီလိုတော့ ကင်းလွတ်နေတယ်လို့တော့ မမြင်ဘူး။ ဘာဖြစ်လို့လည်းဆိုတော့ check and balance policy ရှိတယ်ဆိုတဲ့ သဘောမျိုးကို ဒီနေ့ ဖွဲ့စည်းပုံမှာ အဲဒီလို မတွေ့ရဘူး။ အဲဒါကို တိတိလင်းလင်း ဖော်ပြထားတာ မရှိဘူး။ သူဟာက သီးခြား separate body လို ပုံသဏ္ဍာန်အရတော့ ဖော်ပြထားတယ်။ တယောက်နဲ့တယောက် ဘယ်လို လေ့လာစောင့်ကြည့်ပြီးတော့ ဘယ်လိုအကဲဖြတ် အသုံးပြုမယ်ဆိုတဲ့ mechanism ကိုတော့ ရှင်းရှင်းလင်းလင်း မတွေ့ရဘူး။ တရားစီရင်ရေး ယန္တရားဟာ အုပ်ချုပ်ရေးယန္တရားနဲ့ သီးခြားကင်းပြီး မှန်မှန်ကန်ကန်နဲ့ သူတို့ ဆုံးဖြတ်အသုံးပြုမယ်ဆိုရင်တော့ ပြည်သူလူထုအတွက်တော့ အားကိုးစရာ ဖြစ်မယ်။ အဲဒီလိုမှ မဟုတ်ဘဲနဲ့ တရားစီရင်ရေးဟာ အုပ်ချုပ်ရေးပေါ်လစီကို ဖော်ဆောင်ပေးရတယ်၊ ပုံဖော်ပေးရတယ် အနေအထားမျိုးဆိုရင်တော့ ဒီနေ့ တရားစီရင်ရေးက ဘယ်လိုမှ လွတ်လပ်တဲ့တရားစီရင်ရေး မဟုတ်တဲ့အတွက် ပြည်သူလူထုအတွက် အကျိုးနည်းမယ်လို့ မြင်ပါတယ်။

ဦးကျော်ဇံသာ ။ ။ ကိုမောင်မောင်လေး ကတော့ လူ့အခွင့်အရေး မြှင့်တင်ဖို့အတွက် ကြိုးပမ်းအားထုတ်နေတဲ့ မြန်မာနိုင်ငံအတွင်းက ပုဂ္ဂိုလ်တဦးဖြစ်ပါတယ်။ ဆိုတော့ လူ့အခွင့်အရေးဆိုတာ တရားရေးဝန်ထမ်းတွေထဲမှာ အရပ်သားပါလာရုံနဲ့ တိုးတက်မှု ရှိလာတယ်လို့ မျှော်လင့်နိုင်ပါသလား။ အရပ်သားဝန်ထမ်းတွေ များများပါလာတယ်ဆိုရုံနဲ့ လူ့အခွင့်အရေးအတွက် အလားအလာကောင်းတဲ့ အထောက်အပံ့ရော ဖြစ်နိုင်မယ်လို့ ထင်ပါသလား။

ကိုမောင်မောင်လေး ။ ။ အရပ်သားပုဂ္ဂိုလ်တွေပါလာတာကို ကောင်းတဲ့လက္ခဏာလို့ ပြောလို့ရပါတယ်။ ဒါပေမဲ့ သူတို့ရဲ့  စိတ်အစဉ်၊ စေတနာ၊ သူတို့ရဲ့  လုပ်ပိုင်ခွင့်အနေအထားတွေ။ နောက်တချက် ၂၀၀၈ ဖွဲ့စည်းပုံအခြေခံဥပဒေ ကိုယ်၌ကိုက လူ့အခွင့်အရေးရှု့ ထောင့်က ကြည့်တဲ့အခါမှာ လူ့အခွင့်အရေးတွေကို ပိုမိုခံစားရအောင်၊ လူ့အခွင့်အရေးကိစ္စတွေကို ဥပဒေကြောင်းအရသော်လည်းကောင်း၊ အုပ်ချုပ်မှုပိုင်း၊ တရားဥပဒေပြုပိုင်း၊ တရားစီရင်ရေး အာဏာတွေမှာ လူ့အခွင့်အရေးကို အခြေခံပြီး သူတို့ကျင့်သုံးနိုင်မယ်လို့တော့ လုံးဝမယုံကြည်နိုင်ပါဘူး။ လူပုဂ္ဂိုလ်တွေ ပါလာရုံနဲ့ လူ့အခွင့်အရေး ဖွံ့ဖြိုးလာမယ်လို့ မဆိုနိုင်ပါဘူး။ အဲဒီ အရပ်သားတွေကိုယ်တိုင်က လူ့အခွင့်အရေးတွေနဲ့အညီ ဆောင်ရွက်နိုင်တဲ့ အခြေအနေတွေ ဘယ်လောက်ရှိသလဲဆိုတဲ့ အမြင်က အင်မတန်အရေးကြီးပါတယ်။

ဦးကျော်ဇံသာ ။ ။ မြန်မာနိုင်ငံမှာ လူ့အခွင့်အရေးအခြေအနေ ပိုမိုတိုးတက်လာဖို့၊ ပိုမိုထွန်းကားလာဖို့အတွက် အခြေခံအချက်တွေက ဘာတွေများဖြစ်နေသလဲလို့ ကိုမောင်မောင်လေးတို့ လက်တွေ့လုပ်နေရင်း တွေ့ရပါသလဲ။ ဘယ်နေရာတွေကို ကောင်းအောင် လုပ်ပေးရမလဲ။

ကိုမောင်မောင်လေး ။ ။ တစ်အချက် ကျနော်တို့ လွှတ်တော်ကိစ္စတွေပြောတယ်၊ ဖွဲ့စည်းပုံအခြေခံ ဥပဒေအကြောင်းတွေပြောတယ်။ အခု လွှတ်တော်မှာ တရားစီရင်ရေးကိစ္စတွေ၊ ရာထူးခန့်အပ်ရေးကိစ္စတွေကို ပြောကြတယ်။ ဒီလုပ်တဲ့နေရာမှာ ပြဌာန်းထားတဲ့ ဥပဒေတွေကိုယ်၌ကိုက လူ့အခွင့်အရေးတွေကို ကာကွယ်နိုင်ဖို့ မရှိပါဘူး။ အဲဒါကြောင့် အဲဒီမှာ ပြဌာန်းချက်အသီးသီး ဖွဲ့စည်းပုံအခြေခံဥပဒေမှသည်စ၍ ယနေ့လွှတ်တော် ကိုယ်စားလှယ်တွေ လွှတ်တော်ထဲမှပင် လူ့အခွင့်အရေးနဲ့ မညီတဲ့ ဥပဒေတွေကို ဖျက်သိမ်းပြင်ဆင်ဖို့ အရေးကြီးပါတယ်။ အဲဒါတွေလုပ်ပြီးနောက်မှ လူ့အခွင့်အရေး ပိုမိုဖွံ့ဖြိုးလာဖို့၊ ပိုမိုသိရှိလာဖို့၊ ကျယ်ပြန့်လာဖို့တွေကို လုပ်ဆောင်နိုင်မယ့် အခွင့်အလမ်းတွေ ရလာမှာပါ။ လက်ရှိ အခြေအနေမှာတော့ လုံးဝမမျှော်လင့်ပါဘူး။

ဦးကျော်ဇံသာ ။ ။ ဆိုတော့ ဥပဒေမှာ ရေးပေးဖို့လိုတယ်ပေါ့။ အခု မြန်မာနိုင်ငံမှာ နိုင်ငံရေးချိုးဖောက်တယ်လို့ ပြောနေတာဟာ အဓိက တရားခံသည် စစ်တပ်လား၊ ပြည်ထဲရေးလား၊ အကျဉ်းဦးစီးလား၊ ရဲလား သို့တည်းမဟုတ် စံနစ်လား၊ သို့တည်းမဟုတ် ချမ်းသားအနှိမ့်အမြင့် ကွာဟနေတဲ့ စီးပွားရေးအခြေခံကြောင့်လား - အဲဒါတွေကို ဘယ်လိုသုံးသပ်လိုပါသလဲ။ ဘယ်သူဟာ အဓိကတရားခံလဲ၊ ဘာလို့ပြောမလဲ စံနစ်လား၊ အဖွဲ့အစည်းတခုခုလား၊ လူပုဂ္ဂိုလ်လား။

ကိုမောင်မောင်လေး ။ ။ ဒီမှာ လူ့အခွင့်အရေးချိုးဖောက်မှုများကို အဓိက သက်ဆိုင်တာ အစိုးရများနဲ့ အထူးသက်ဆိုင်ပါတယ်။ အဲဒီတော့ ကျနော်တို့ ဗမာပြည်မှာ လူ့အခွင့်အရေး ချိုးဖောက်မှုတွေက စံနစ်နဲ့ အစိုးရလို့ ပြောလို့ရပါတယ်။ ကျန်တဲ့ကိစ္စတွေကတော့ အစိုးရနဲ့ စံနစ် ယန္တရားတခုအနေနဲ့ ဆောင်ရွက်နေကြရတဲ့လူတွေ ဖြစ်ပါတယ်။

ဦးကျော်ဇံသာ ။ ။ အခုအခါမှာဆိုရင် စံနစ်ဆိုလို့ရှိရင် အခု ဖွဲ့စည်းပုံအခြေခံဥပဒေအရ ဘာဘဲပြောပြော ပြည်နယ်နဲ့တိုင်းတွေမှာဆိုရင် - ပြည်နယ်နဲ့တိုင်းဒေသကြီး စီမံခန့်ခွဲရေးအပိုင်းမှာ အရပ်သားတွေ၊ ဒေသခံတွေ ကိုယ့်ဒေသကို ကိုယ်ပြန်အုပ်ချုပ်ရမယ်။ အဓိကအားဖြင့် တိုင်းရင်းသားဒေသတွေမှာ လူ့အခွင့်အရေး ချုိုးဖောက်မှု အပြင်းအထန်ဆုံး ဖြစ်တယ်လို့ နိုင်ငံတကာ အဖွဲ့အစည်းတွေက စွပ်စွဲခံနေရတဲ့ ဒေသတွေမှာ တိုင်းရင်းသားတွေကိုယ်တိုင် ပါဝင်ပြီးတော့ စီမံခန့်ခွဲလာတော့မယ်ဆိုတော့ ဒီနေရာမှာ အကောင်းမြင်နိုင်တဲ့ အခြေအနေ ရှိပါသလား။ လူ့အခွင့်အရေးနဲ့ ပတ်သက်လို့ အဲဒီဒေသတွေအတွင်း တိုးတက်လာမယ်လို့ မြင်ပါသလား

ကိုမောင်မောင်လေး ။ ။ ကျနော်တို့က အကောင်းမြင်ချင်ပါတယ်။ ဒါပေမဲ့ အခုနပြောသလို ဒီမှာ ပါဝင်ဆောင်ရွက်ခွင့်ရတယ့် ဒေသဆိုင်ရာ တိုင်းရင်းသားလူထုတွေရဲ့  ပါဝင်ပတ်သက်ခွင့် ရပေမယ့်လို့ ဒီလို လူ့အခွင့်အရေး ချိုးဖောက်မှုတွေမှာ သူတို့ ဘယ်လောက်အထိ ကိုင်တွယ်ဆောင်ရွက်နိုင်ခွင့်၊ ပြောရေးဆိုခွင့် ရှိသလဲဆိုတာက အင်မတန်အရေးကြီးပါတယ်။ အခုလို အခြေအနေမျိုးမှာကြည့်ရင် လက်ရှိ လွှတ်တော်တွေ ကျင်းပနေတယ်။ လွှတ်တော်ကိုယ်စားလှယ်တွေကိုယ်တိုင် ယနေ့ လွှတ်တော်ပေါ်မှာ မနက်ဖြန်မှာ ဘာဆွေးနွေးကြရမယ်၊ သဘက်ခါမှာ ဘာဆွေးနွေးကြရမယ်ဆိုတာကို သူတို့ တင်ပြဆွေးနွေးဖို့ ကိစ္စတွေတောင် သူတို့ တိတိကျကျ မရှိပါဘူး။ တဖက်ကချပေးတဲ့ အောက်လိုင်း (outline) ပေါ်မှာပဲ သူတို့အနေနဲ့ အင်မတန် တိုးတောင်းတဲ့ကာလအတွင်းမှာပဲ ပြောဆိုရတဲ့ကိစ္စမျိုးတွေ တွေ့နေရပါတယ်။ အဲဒီတော့ ဒေသခံလူတွေ၊ လူထုကိုယ်စားလှယ်လို့ ပြောတဲ့လူတွေ၊ တိုင်းရင်းသားကိုယ်စားလှယ်လို့ ပြောတဲ့လူတွေ ပါဝင်လာပေမယ့်လည်း လက်ရှိအချိန်အထိ သူတို့ဒေသအတွင်းမှာရှိတဲ့ လူ့အခွင့်အရေးချိုးဖောက်မှုတွေနဲ့ ပတ်သက်လို့၊ လူ့အခွင့်အရေးချိုးဖောက်မှုတွေကို အကာအကွယ်ပေးနိုင်မယ့်၊ အာမခံပေးနိုင်မယ့် ဥပဒေတွေ ပြဌာန်းနိုင်ဖို့တွေမှာ သူတို့ ပြောဆိုဆွေးနွေးခွင့် လက်ရှိအခြေအနေမှာ လုံးဝရရှိတာ မကြားရသေးပါဘူး။ မသိရှိရသေးပါဘူး။

ဦးကျော်ဇံသာ ။ ။ ဆရာဦးအောင်သန်း ဒီနေရာမှာ တိုင်းရင်းသားဒေသတွေမှာ စစ်တပ်တွေ ဖြန့်ကျက်ထားရှိမှု။ စစ်အစိုးရကတော့ ဒေသတွေမှာ ဆူပူမှုကြောင့်လို့ ပြောပေမယ့်လည်း ဆူပူမှုမရှိတဲ့ ဒေသတွေ၊ လက်နက်ကိုင် အင်အားစုတွေ မရှိတဲ့ဒေသတွေမှာလည်း စစ်အင်အားတွေ အများကြီး တိုးချဲ့ ပြီးချထားတာကို တွေ့ရပါတယ်။ ဒီလို စစ်တပ်ဖြန့်ကျက်ထားရှိမှုကြောင့် လူ့အခွင့်အရေး ချိုးဖောက်မှုတွေ ပိုမိုဖြစ်ရတယ်လို့ တချို့ က ပြောကြတယ်။ အခု ဖွဲ့စည်းပုံ ဥပဒေအရ တိုင်းရင်းသားဒေသတွေမှာ စောစောကပြောခဲ့သလို တိုင်းရင်းသားကိုယ်စားလှယ်တွေ စီမံခန့်ခွဲရေးမှာ တစိတ်တဒေသ ပါဝင်လာမယ်။ အဲဒီအခါမှာ စစ်တပ်ကြီးစိုးမှု နည်းနည်းလျော့ပါးသွားမလား။ အဲဒါနဲ့ ဆက်စပ်ပြီး လူ့အခွင့်အရေးများ ပိုမိုအခြေအနေ ကောင်းလာမလား ဘယ်လိုမြင်ပါသလဲ။

ဦးအောင်သိန်း ။ ။ လူ့အခွင့်အရေးနဲ့ စစ်တပ်အကြောင်းကို ပြောမယ်ဆိုရင် တပ်ရဲ့  ဖွဲ့စည်းပုံအရ သူက ရန်သူကို ရန်သူလိုမြင်မယ်၊ ဖြိုခွင်းမယ်၊ အနိုင်တိုက်မယ်။ မသာရင် နောက်ဆုတ်မယ်။ ပြီးရင် အပြတ်ချေမှုန်းမယ်။ သူ့ရဲ့  strategy။ အဲဒီတော့ သူလိုအပ်တဲ့ လမ်းကြောင်းပေါ်မှာ အရပ်သူအရပ်သားတွေကို အသုံးပြုရင်လည်း ပြုပိုင်ခွင့်ရှိတယ်လို့လည်း တဖတ်က ဥပဒေတွေမှာ အရေးပေါ်လိုအပ်တဲ့ အနေအထားပေါ်တယ်ဆိုရင်လည်း ပေါ်တာထဆွဲလည်း ပါသွားရတယ်။ အဲဒီလို ပေါ်တာ ဆွဲခွင့်ရှိနေတယ်ဆိုတဲ့ တပ်ရဲ့  အခွင့်အရေးမှာ ရှိနေတယ်ဆိုရင် အဲဒီ ကျေးလက်ဒေသဟာ လူ့အခွင့်အရေး ချိုးဖောက်ခံရတဲ့ ဒေသတခု ဖြစ်မှာပဲ။ အဲဒါကို regional အာဏာပိုင်တွေက ဘယ်လောက်အထိ အုပ်ချုပ်ရေးအာဏာပိုင်တွေက ဒီလိုကိစ္စကို အုပ်ချုပ်ရေးအာဏာပိုင်တွေက အဲဒီလို မလုပ်ပါနဲ့လို့ တပ်ကိုပြောဝံ့ပါမလား။ ကျေးလက်ပြည်သူတွေဟာ ဒီလိုပဲ တပ်ရဲ့  ရိက္ခာသယ်ရတယ်၊ တပ်အတွက် လုံခြုံရေးတွေ ယူပေးရတယ်၊ တပ်အတွက် နေရာထိုင်ခင်း အစီအစဉ် လုပ်ပေးရမယ်ဆိုတာ ဒါကို ဘယ်သူကမှ အုပ်ချုပ်ရေးပိုင်းဆိုင်ရာက ဝင်ရောက်စွက်ဖက်ပြောဆိုပိုင်ခွင့် မရှိဘူး။ အဲဒီတော့ တပ်ပိုင်းဆိုင်ရာ အနေအထားကို၌ကလည်း လူ့အခွင့်အရေးဆိုင်ရာတွေကို လေးစားလိုက်နာတက်အောင် သူတို့တပ်ထဲမှာလည်း လူ့အခွင့်အရေး ချိုးဖောက်မှုတွေ မဖြစ်အောင် ထိန်းထိန်းသိမ်းသိမ်း ပြောဆိုတက်ကြမယ့် တာဝန်ရှိတဲ့ ပုဂ္ဂိုလ်မျိုးတွေ ပေါ်ထွန်းဖို့ လိုအပ်တယ်။ ဘာဖြစ်လို့လည်းဆိုတော့ ဗမာပြည်မှာက သိတဲ့အတိုင်း ပြီးခဲ့တဲ့ အတွေ့အကြုံတွေကို ပြန်ကြည့်မယ်ဆိုရင် လူ့အခွင့်အရေးကော်မရှင် ဥက္ကဌက ပြည်ထဲရေးလို ပုဂ္ဂိုလ်မျိုး ဖြစ်နေတယ်။ ဒီရဲတွေက ဖမ်းတယ်ပြုတယ်လုပ်၊ နှိပ်စက်၊ ဥပဒေနဲ့မညီ ဖော်ထုတ်ပြီး တရားရုံးတွေမှာ ထွက်ဆိုချက်တွေနဲ့ သက်သေခံ အထောက်အထား မခိုင်လုံဘဲနဲ့ တင်ပြီး တရားသူကြီးကလည်း တက်လာတဲ့ အမှုဆိုရင် ထောင်ချဖို့ လုပ် အဲဒီလိုပဲ ပုံသေလုပ်ကိုင်နေတာ။ လူ့အခွင့်အရေးကို ကာကွယ်မြှင့်တင်ဖို့ထက် လူ့အခွင့်အရေး ကာကွယ်မြှင့်တင်ပေးရမယ့် ပုဂ္ဂိုလ်တွေက စောစောကလို ရဲအဖွဲ့အစည်းလို ပုဂ္ဂိုလ်မျိုးတွေ ဖြစ်နေတော့ မခက်ပေဘူးလား။

ဦးကျော်ဇံသာ ။ ။ မြေခွေးကို ကြက်ခြံစောင့်ခိုင်းတဲ့ သဘောမျိုး။

ဦးအောင်သိန်း ။ ။ အဲဒီသဘောမျိုး သက်ရောက်နေတာပေါ့။

ဦးကျော်ဇံသာ ။ ။ နောက်ဆုံးမေးချင်တာက လူ့အခွင့်အရေးဟာ လူ့အဖွဲ့အစည်းတခုမှာ လူတွေရဲ့  အလေ့အကျင့်မှာလည်း စွဲကျန်ရစ်တယ်လို့ ပြောကြတာရှိပါတယ်။ လူ့အခွင့်အရေးရဲ့  အခြေခံတခုဖြစ်တဲ့ လွတ်လပ်စွာ ပြောဆိုခွင့်၊ ဝေဖန်ခွင့်။ ကျနော်တို့ စံနစ်ပြောင်းသွားတယ် မြန်မာနိုင်ငံမှာ ဒီစံနစ်ကနေ အရပ်သားအုပ်ချုပ်ရေးပဲ သီးခြားဖြစ်လာတဲ့ စံနစ်သစ်ဆိုသည်တိုင် ဒီ လူ့အခွင့်အရေး ချိုးဖောက်မှုနဲ့ နှစ်ပေါင်းများစွာ နေသားကျလာတဲ့ မြန်မာလူမျိုးတွေဟာ လွတ်လပ်စွာ ပြောဆိုခွင့်၊ မိမိနဲ့ ဆန္ဒမတူသူကို လွတ်လွတ်လပ်လပ် ဝေဖန်ခွင့် ပေးတဲ့အလေ့အကျင့်မျိုး ရုတ်တရက် ဖြစ်လာနိုင်မလား။ ကိုမောင်မောင်လေး ရဲ့ နောက်ဆုံး မှတ်ချက်ကို သိပါရစေ။

ကိုမောင်မောင်လေး ။ ။ ရုတ်တရက် ဖြစ်လာဖို့ဆိုတာ အင်မတန် ခက်ခဲပါတယ်။ အကျင့်တခုဆိုတာ ခေါက်ရိုးကျိုးနေခဲ့ပါပြီ။ အဲဒီတော့ ကျနော်တို့ကိုယ်တိုင် လူ့အခွင့်အရေးလုပ်နေတဲ့သူတွေကိုယ်တိုင် အထူး သတိပြုဆောင်ရွက်သွားရမှာ ဖြစ်ပါတယ်။ ဒါကြောင့် ကျနော်တို့ ဆင့်ယူသွားရမယ့် အချိန်တော့ ယူရပါလိမ့်မယ်လို့ ထင်ပါတယ်။

ဦးကျော်ဇံသာ ။ ။ ဆရာဦးအောင်သိန်းရဲ့  မှတ်ချက်ပေးပါ။ စံနစ်ပြောင်းသွားသည်တိုင် လူ့အခွင့်အရေး ချိုးဖောက်မှုနဲ့ ခေါက်ရိုးကျိုးနေတယ့် မြန်မာနိုင်ငံမှာ ကိုယ်နဲ့ သဘောမတူတဲ့ လူကို - မင်း ငါကို လွတ်လွတ်လပ်လပ် ဝေဖန်နိုင်တာမျိုး လွယ်လွယ်ကူကူနဲ့ ပေးလာကြလိမ့်မယ် ထင်ပါသလား။

ဦးအောင်သိန်း ။ ။ အဲဒါက အင်မတန်ကို စဉ်းစားရမယ့်အချက်ပါ။ စိုးရိမ်စိတ်တခုနဲ့ နေနေရတဲ့ဘဝတွေ ဖြတ်သန်းခဲ့ရတာ နှစ် (၅၀) လောက်ရှိလာခဲ့ပြီ။ လွတ်လပ်ရေးရပြီး နှစ် (၆၀) မှာ နှစ် (၅၀) လောက်က စစ်အုပ်ချုပ်ရေး ရာဇသံတွေနဲ့ နေခဲ့ရတယ်။ အဲဒီတော့ အရပ်သားမှာလည်း အရပ်သားအုပ်ချုပ်ရေးမှာ မင်းငါကို လွတ်လွတ်လပ်လပ် ဝေဖန်ပါလို့ ပြောဝံ့မယ်လို့ မထင်ဘူး။

အရေးယူ ပိတ်ဆို့မှုရုတ်သိမ်းဖို့ ဒေါ်အောင်ဆန်းစုကြည်မကယ်နိုင်ပါ...

လစ်ဗျားအစိုးရ နှိမ်နင်းမှု အိုဘားမား ဝေဖန်


လစ်ဗျားမှာ ဆန္ဒပြသူတွေကို အကြမ်းဖက် နှိမ်နင်းမှုတွေ လုပ်နေတာဟာ နိုင်ငံတကာ ကျင့်ဝတ်တွေကို ချိုးဖောက်ရာ ရောက်တယ်လို့ အမေရိကန် သမ္မတ ဘရက်ခ် အိုဘားမား (Barack Obama) က အိမ်ဖြူတော်မှာ မနေ့က ပြောလိုက်ပါတယ်။
လစ်ဗျားအရေးနဲ့ ပတ်သက်ပြီး လုပ်ဆောင်နိုင်မယ့် နည်းလမ်းတွေ အားလုံးကို အပြည့်အ၀ ပြင်ဆင်ထားဖို့လည်း အမျိုးသား လုံခြုံရေးအဖွဲ့ကို သမ္မတ အိုဘားမားက အမိန့်ပေးထားပါတယ်။
လစ်ဗျားအစိုးရရဲ့ အကြမ်းဖက် နှိမ်နင်းမှုတွေနဲ့ ပတ်သက်ပြီး ကမ္ဘာ့နိုင်ငံတွေ အားလုံးက တသံတည်း ပြောဆိုဖို့ လိုအပ်နေပြီလို့လည်း သမ္မတ အိုဘားမားက ပြောလိုက်ပါတယ်။ ဒါဟာ အခုဖြစ်နေတဲ့ လစ်ဗျား အရေးအခင်းနဲ့ ပတ်သက်ပြီး သမ္မတ အိုဘားမားရဲ့ ပထမဆုံး ပြောဆိုချက်ပါ။
လစ်ဗျားမှာ ဖြစ်နေတာတွေက တရားလက်လွန်နဲ့ လက်မခံနိုင်အောင် ဖြစ်နေပြီလို့ ဆိုပါတယ်။ လစ်ဗျားက အကြမ်းဖက် နှိမ်နင်းမှုတွေကို ရပ်တန့်စေရေး နိုင်ငံတကာ ဆွေးနွေးမှုတွေ လုပ်ဆောင်ဖို့ နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကို ဂျနီဗာကို စေလွှတ်ထားတယ်လို့လည်း သမ္မတ အိုဘားမားက ပြောပါတယ်။
လစ်ဗျားအစိုးရက လုပ်နေတဲ့ အကြမ်းဖက်မှုတွေဟာ လက်ခံနိုင်စရာ မရှိဘူး၊ ဒီအကြမ်းဖက်မှုတွေကို လစ်ဗျားခေါင်းဆောင် ကဒါဖီ (Moammar Gadhafi) က ရှင်းပြရလိမ့်မယ်ဆိုတဲ့ ကိစ္စတွေနဲ့ ပတ်သက်ပြီး ရှင်းရှင်းလင်းလင်း အသိပေးဖို့ အမေရိကန်က နိုင်ငံတကာ အသိုင်းအ၀ိုင်းနဲ့ အနီးကပ် ဆောင်ရွက်နေတယ်လို့ အမေရိကန် နိုင်ငံခြားရေးဝန်ကြီး ကလင်တန်က မနေ့ကပဲ ပြောပါတယ်။
အမေရိကန် နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် ပီ.ဂျေ ခရိုလီ (P.J Crowley) ကလည်း လစ်ဗျားအစိုးရကို အရေးယူ ပိတ်ဆို့မှုတွေ လုပ်ဖို့ အမေရိကန်က စဉ်းစားနေတယ်လို့ ဆိုပါတယ်။
လစ်ဗျားခေါင်းဆောင် ကဒါဖီကို ထောက်ခံသူတွေက အစိုးရ ဆန့်ကျင်ရေး ဆန္ဒပြသူတွေကို တိုက်ခိုက်နေကြတာနဲ့ ပတ်သက်လို့ နိုင်ငံတကာရဲ့ အပြစ်တင် ဝေဖန်တာတွေက တိုးမြင့်လာနေတာပါ။
EU ဥရောပသမဂ္ဂကတော့ လစ်ဗျားကို အရေးယူ ဒဏ်ခတ်ရေး ပြင်ဆင်ဖို့ ဆုံးဖြတ်ချက် ချပြီးသွားပါပြီ။ ပြင်သစ်သမ္မတ ဆာကိုဇီ (Nicolas Sarkozy) ကလည်း ထိရောက် ခိုင်မာတဲ့ အရေးယူမှုတွေကို ပီပီပြင်ပြင်လုပ်ဖို့ EU အဖွဲ့ကို တိုက်တွန်းထားပါတယ်။
ကုလသမဂ္ဂရဲ့ တုံ့ပြန်ချက် တခုကတော့ မစ္စတာ ကဒါဖီရဲ့ သမီးတဦးဖြစ်တဲ့ အီရှာ အယ်လ်-ကဒါဖီ (Aisha al-Gadhafi) ကို UNDP လို့ခေါ်တဲ့ ကုလသမဂ္ဂ ဖွံ့ဖြိုးမှု အစီအစဉ်မှာ လစ်ဗျားရဲ့ ချစ်ကြည်ရေး သံတမန်နဲ့ ငြိမ်းချမ်းရေး သံတမန်အဖြစ် ခန့်ထားတဲ့ တာဝန်ကို ရပ်တန့်လိုက်တာပါပဲ။
သူ့ကို ၂၀၀၉ ခုနှစ်က ဒီရာထူးကိုပေးပြီး HIV/AIDS ကာကွယ်ရေးနဲ့ အမျိုးသမီးတွေကို အကြမ်းဖက်တဲ့ ကိစ္စတွေ ဆန့်ကျင်ရေး ဆောင်ရွက်ဖို့ ကုလသမဂ္ဂက ရွေးချယ် ခန့်အပ်ခဲ့တာပါ။ ဒီတာဝန်ကို အခု ရပ်လိုက်ပြီလို့ မနေ့က ကျင်းပတဲ့ ကုလသမဂ္ဂ သတင်းစာ ရှင်းလင်းပွဲမှာ ပြောခဲ့တာပါ။
 http://www.voanews.com/burmese/news/libya-protests-obama-116777174.html

လမ်းပေါ်ထွက်ဆန္ဒပြတာလောက်နဲ့  နှစ်၆၀ကျော်အကျဉ်းကျနေသူတွေအတွက် အရေးယူ ပိတ်ဆို့မှုတွေရှိနေ
အုံးမှာပါပဲ...ဒေါ်အောင်ဆန်းစုကြည်က "Yes " လို့  ပြောလည်းရုတ်သွားမှာမဟုတ်သလို ဒေါ်အောင်ဆန်းစုကြည်ကလည်းသမိုင်းအကွေးခံလိမ့်မည်မဟုတ်ပါ...

DASSK's a message for Brighton Festival 2011



အာဏာရှင်ဖြုတ်ချရေး လူထုလှုပ်ရှားမှုစရန် လှုံ့ဆော်စာဖြန့်


ဇာနည်မာန် Thursday, 24 February 2011 14:26

အီဂျစ်နှင့် အာရပ်နိုင်ငံများကဲ့သို့ လူထုလှုပ်ရှားမှု စတင်ရန် လှုံ့ဆော်သည့် စာများကို ယမန်နေ့ညက ရန်ကုန် တာမွေ၊ မြောက်ဥက္ကလာ၊ တောင်ဥက္ကလာ စသည့်မြို့နယ်များရှိ လူစည်ကားရာ အရပ်များတွင် လူငယ်များက ဖြန့်ကြဲသွားကြောင်း သတင်းရရှိသည်။

အီဂျစ်နှင့် တူနီးရှားနိုင်ငံများ၌ အာဏာရှင်ဖြုတ်ချရေးတွင် လူထုအုံကြွမှုဖြင့် အောင်ပွဲများရခဲ့ပြီး အာရပ်နိုင်ငံများတွင်လည်း အာဏာရှင် တော်လှန်ရေးအတွက် လူထုအုံကြွမှုများ စတင်နေပြီဖြစ်ရာ မြန်မာစစ်အစိုးရ ပြုတ်ကျရေးအတွက်လည်း မြန်မာပြည်သူတို့က လူထုအုံကြွမှုဖြင့် စတင်ကြရန် နှိုးဆော်ကြောင်း အဆိုပါ ဖြန့်ဝေစာတွင် ရေးသားထားသည်။

စာလက်ခံ ရရှိသူများက စာပါအကြောင်းအရာ များကို စိတ်ဝင်တစား ရှိကြသော်လည်း လူထုလှုပ်ရှားမှု ဖြစ်ပေါ်လာရန်မှာမူ အချိန်ကာလတခု ကြာမြင့်ဦးမည်ဟု စာများဖြန့်ဝေခဲ့သည့် တက်ကြွလှုပ်ရှားသူ ကိုဖိုးတေက ဆိုသည်။

“ချက်ခြင်းကြီးတော့ မျှော်လင့်လို့ မရသေးဘူး။ အခု လွှတ်တော်ကလည်း လုပ်နေတော့ အားလုံးရဲ့အာရုံက အဲဒီဘက်ကို ရောက်နေတယ်။ တနေ့ကျရင် အမျိုးသား ဒီမိုကရေစီအဖွဲ့ချုပ် (NLD) တို့၊ ဒေါ်အောင်ဆန်းစုကြည်တို့ကို ထိပါးလာလိမ့်မယ်။ အဲဒီ အချိန်မျိုး ရောက်လာရင် နိုင်ငံရေး ဒီဂရီ ချက်ခြင်းမြင့်လာလိမ့်မယ်။ အဲ့ဒီအတွက် ကြိမ်မီးအုံး ဖြစ်နေတဲ့ လူထုကို ကြိုတင် ပြင်ဆင်ထားဖို့ လှုံ့ဆော်တာပါ” ဟု သူက ဧရာဝတီသို့ပြောသည်။

အာဏာရှင် သမ္မတ မူဘာရက်ကို ဖြုတ်ချနိုင်ခဲ့သည့် အီဂျစ်လူထုအုံကြွမှုနှင့် အာရပ်နိုင်ငံများမှ လူထု လှုပ်ရှားမှုများအကြောင်း ပြည်တွင်း သတင်းဂျာနယ်များတွင် အသေးစိတ် ဖတ်ရှုခွင့် မရသော်လည်း မြန်မာလူငယ်ထု အနေဖြင့် စိတ်ဝင်တစား ရှိကြကြောင်း ရန်ကုန်မြို့နေ လူငယ်တဦးကဆိုသည်။

“ကျနော့် သူငယ်ချင်းတွေဆို အီဂျစ်က အကြောင်း စိတ်ဝင်စားကြတယ်။ အင်တာနက်ကနေ ရှာဖတ်ကြ၊ မေးကြတယ်။ အဲဒီလို လူထု လှုပ်ရှားမှုတွေ ဖြစ်လာမယ်ဆိုရင်တော့ ကျနော်တို့က ၀င်ပါပြီး စစ်အစိုးရ ပြုတ်ကျအောင် လုပ်မှာပဲ။ ကျနော်တို့ကို ဦးဆောင်မယ့်သူ ကောင်းကောင်းတော့ လိုတာပေါ့” ဟု သူက ပြောသည်။
http://www.bur.irrawaddy.org/index.php/news/5825-2011-02-24-07-27-17

စကားကျွံ၍ မြို့တော်ဝန် အခက်တွေ့


တောင်ဥက္ကလာက ဗလီကြီး ကို ရွေးကောက်ပွဲအပြီး ၂ ပတ်အတွင်း ပြန်လည် ဆောက်လုပ်ခွင့် ပေးမည်ဟု ဦးအောင်သိန်းလင်း  ကတိစကား လွန်ခဲ့သောကြောင့် အစ္စလမ် ဘာသာဝင်များနှင့် အာဏာပိုင်များ အကြား တိုင်ကြားမှုနှင့် အငြင်းပွားမှုများ ဖြစ်နေရာ နေပြည်တော်တွင် လွှတ်တော်တက်ရောက်နေ ရသော ဦးအောင်သိန်းလင်း အခက်တွေ့နေကြောင်း သိရှိရသည်။

bali.jpog
ကန့်ကွက်မှုကြောင့် ဆောက်လုပ်မှုရပ်ဆိုင်းထားရသည့် တောင်ဥက္ကလာပ ၇ ရပ်ကွက် သီရိဇေယျာလမ်းရှိ ဗလီဝတ်ပြုကျောင်း (ဓာတ်ပုံ - ဧရာဝတီ)
“လွှတ်တော်တက်နေတဲ့ ဦးအောင်သိန်းလင်းရဲ့ မျက်နှာသိပ် မကောင်းဘူး။ လူကြီးပိုင်းက သူလုပ်ခဲ့တာတွေကို အမြင်မကြည်ဘူး ဆိုတာတော့ တခြား ကြံ့ခိုင်ရေး လွှတ်တော် အမတ်တွေဆီက သိရတယ်” ဟု တိုင်းရင်းသား နိုင်ငံရေးပါတီတခုမှ ပြည်သူ့ လွှတ်တော် အမတ်တဦးကပြောသည်။

တောင်ဥက္ကလာပမြို့နယ် ၇ ရပ်ကွက် သီရိဇေယျာလမ်းတွင် ဗုဒ္ဓဘာသာဝင် အများစု၏ ကန့်ကွက်မှုကြောင့် ဆောက်လုပ်ခွင့် ပိတ်ပင်ခံထားရသော တောင်ဥက္ကလာပ ဗလီကြီးကို မြို့တော်ဝန် ဦးအောင်သိန်းလင်းက ၂၀၁၀ ပြည့်နှစ် စက်တင်ဘာလ ၂၄ ရက်နေ့တွင် ပြန်လည် ဆောက်လုပ်ခွင့် ပေးခဲ့သည်။

ထိုသို့ ဆောက်လုပ်ခွင့် ပေးသည့်အတွက် အစ္စလမ် ဘာသာဝင်များက ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ကို ကြိုတင် ထောက်ခံ ဆန္ဒမဲများ ပေးရန်နှင့် ရွေးကောက်ပွဲ နေ့တွင်လည်း ခြင်္သေ့တံဆိပ်ကိုသာ မဲပေးကြရန် မြို့တော်ဝန်နှင့် အစ္စလမ် ဘာသာဝင်တို့ လျှို့ဝှက် ညှိနှိုင်း သဘောတူညီ ခဲ့ကြသည်ဟု တောင်ဥက္ကလာ အစ္စလမ် ဘာသာဝင်များက ပြောသည်။

သို့ရာတွင် တောင်ဥက္ကလာပ မြို့နယ်အတွင်းရှိ ဗုဒ္ဓဘာသာ ရပ်ကွက်ဆွမ်းလောင်းအသင်းများက ဗလီဆောက်လုပ်ခွင့် ပြန်ပေးမှုကို ၀ိုင်းဝန်းကန့်ကွက် ကြသည့်အပြင် အစ္စလမ်ဘာသာဝင်များနှင့် ဗုဒ္ဓဘာသာဝင်များ အကြား ဘာသာရေး အဓိကရုဏ်း ဖြစ်ပေါ်လာနိုင်သည်အထိ အခြေအနေ တင်းမာလာသည့် အတွက် ၀န်ကြီးချုပ် ဦးသိန်းစိန်၏ ညွှန်ကြားချက်အရ ၂၀၁၀ ပြည့်နှစ် အောက်တိုဘာလ ၆ ရက် နေ့က ဗလီဆောက်လုပ်ခွင့် ရပ်ဆိုင်းရန် အမိန့် ထုတ်ပြန် ခဲ့ရသည်။

ဗလီဆောက်လုပ်ရေး ရပ်ဆိုင်းရန် ထုတ်ပြန်ခဲ့သော်လည်း ဦးအောင်သိန်းလင်းက ရွေးကောက်ပွဲ အပြီး ၂ ပတ်အတွင်း ဆောက်လုပ်ခွင့် ပြန်ချပေးမည်ဟု အာမခံ ပြောဆိုကာ တောင်ဥက္ကလာ ဒေသခံ အစ္စလမ် ဘာသာဝင် မိသားစုများ၏ ဆန္ဒမဲ ထောင်ပေါင်းများစွာကို ရယူခဲ့ကြောင်း သိရသည်။

“ဦးအောင်သိန်းလင်းက ရွေးကောက်ပွဲပြီးလည်း သူက မြို့တော်ဝန်အဖြစ် ဆက်တာဝန်ယူမှာ၊ ဒါကြောင့် သူ့ကိုပဲ မဲထည့် ဖြစ်အောင် ထည့်ကြပါဆိုလို့ ဒေသခံ အစ္စလမ် ဘာသာဝင် တော်တော်များက သူ့ကို ကြိုတင် ထောက်ခံမဲပေးကြတယ်။ မဲရုံ သွားပြီးတော့လည်း သူ့ကိုပဲ ထောက်ခံမဲ ထည့်ကြတယ်။ ဒါပေမယ့် ရွေးကောက်ပွဲအပြီး ၂ ပတ်အတွင်း ဗလီဆောက်ခွင့်ပေး
မယ်ဆိုတာတော့ အခုထိ ဘာမှဖြစ်မလာဘူး” ဟု တောင်ဥက္ကလာ ဗလီ ဖြစ်မြောက်ရေး ကော်မတီ တာဝန်ရှိသူ တဦးက ပြောသည်။

ဦးအောင်သိန်းလင်း ပေးခဲ့သည့်ကတိအတိုင်း ဗလီဆောက်လုပ်ခွင့် ပေးရန် သက်ဆိုင်ရာ ဗလီဖြစ်မြောက်ရေး ကော်မတီက တောင်းဆိုသော်လည်း ဆောက်လုပ်ခွင့်မရဘဲ အငြင်းပွားမှုများနှင့် တိုင်ကြားမှုများ ဖြစ်ပေါ်လျက်ရှိသည်။

“အစိုးရ အပြောင်းအလဲက နောက်လဆိုရင် ဖြစ်ပြီ။ မြို့တော်ဝန် ဦးအောင်သိန်းလင်း နေရာကို တခြားလူ တယောက် လာမယ်လို့ သိထားတယ်။ ကျနော်တို့က သူ့ ကတိအတိုင်း လုပ်ပေးဖို့ ပြောတယ်။ စည်ပင်နဲ့ ညှိနှိုင်းတယ်။

တချို့အစ္စလမ် လူကြီးတွေကလည်း နီးစပ်ရာ အာဏာပိုင် အကြီးအကဲတွေဆီ အကြောင်းကြားတာ၊ တိုင်တာတွေ လုပ်ထားတယ်” ဟု တောင်ဥက္ကလာ ၇ ရပ်ကွက်နေ အစ္စလမ် ဘာသာဝင်တဦးက ဆိုသည်။

တောင်ဥက္ကလာမြို့နယ် ၇ ရပ်ကွက်နေ ဗုဒ္ဓဘာသာဝင်များကမူ သက်ဆိုင်ရာ အာဏာပိုင်များက ဗလီဆောက်လုပ်ခွင့် ပြန်လည် ချပေးလျှင် ဘာသာရေး အဓိကရုဏ်း ပေါ်ပေါက်လာလိမ့်မည်ဟု ဆိုကြသည်။

“အာဏာပိုင် တွေကလည်း ဗလီဆောက်လုပ်ခွင့် ပေးမယ့်ပုံမရှိဘူး။ တကယ်လို့သာ ချပေးခဲ့ရင်တော့ ပြဿနာက တက်နိုင်တယ်။ ဒီကိစ္စက ဘာသာရေးဆိုတော့ အမှားအမှန် ခွဲခြားဖို့ အင်မတန်ခက်တဲ့ကိစ္စပဲ။ အားလုံး ညှိနှိုင်းမှု မရှိဘဲ လုပ်ရင်တော့ ပြဿနာက တက်ကို တက်မှာ” ဟု ၇ ရပ်ကွက်နေ ပြည်သူတဦးက ပြောသည်။

စစ်အစိုးရ၏ ရွေးကောက်ပွဲ ဥပဒေ အခန်း ၁၃၊ ပုဒ်မ ၅၈ (ဂ) တွင် လူမျိုးရေးကိုဖြစ်စေ၊ ဘာသာရေးကို ဖြစ်စေ အကြောင်းပြ၍ ဆန္ဒမဲ ပေးရန်သော် လည်းကောင်း၊ ဆန္ဒမဲ မပေးရန်သော် လည်းကောင်း ပြောဆိုခြင်း၊ ဟောပြောခြင်း၊ ကြေညာချက် ထုတ်ပြန်ခြင်း (သို့မဟုတ်) ယင်းသို့ပြုလုပ်ရန် အားပေးလှုံ့ဆော်ခြင်း ပြုလုပ်လျှင် မည်သူမဆို ထိုသူအား တနှစ်ထက် မပိုသော ထောင်ဒဏ် ကိုဖြစ်စေ၊ ကျပ် ၁ သိန်းထက်မပိုသော ငွေဒဏ်ကိုဖြစ်စေ၊ ဒဏ်နှစ်ရပ်စလုံးကိုဖြစ်စေ ချမှတ်နိုင်ကြောင်း ဖော်ပြထားသော်လည်း ဦးအောင်သိန်းလင်းကို တစုံတရာ အရေးယူခဲ့ခြင်းမရှိပေ။

နိုင်ငံရေး ပါတီများ မှတ်ပုံတင်ခြင်းဥပဒေ အခန်း ၂၊ ပုဒ်မ ၆ (င) တွင် ဘာသာရေးကို နိုင်ငံရေးအတွက် အလွဲသုံးစားခြင်း မပြုရန် တားမြစ်ထားပြီး ပြုလုပ်လျှင် အဆိုပါဥပဒေ၏ အခန်း ၃၊ ပုဒ်မ ၁၂ (က၊ ၄) အရ နိုင်ငံရေးပါတီအဖြစ်မှ ဖျက်သိမ်း ခံရမည်ဖြစ်ကြောင်း ပြဋ္ဌာန်းထားသည်။
http://www.bur.irrawaddy.org/index.php/news/5824-2011-02-24-07-16-18