Tuesday, March 8, 2011

အဘူဆာလင်းအကျဉ်းထောင်ဆီမှအရိုးတွန်သံများ

libya2final

မတော်တဆဖြစ်တာပဲအမှန်အတိုင်းပြောတဲ့မီဒီယာခေတ်ရောက်သင့်ပါပြီ။

၇ရက်နေ့မြန်မာ့အလင်းသတင်းစာဖေါ်ပြချက်

မြေပြင်ကလူဒါဏ်ရာမရတာကပိုအရေးပါသလိုလို.....

တပ်မတော်သားတွေရေ..တွေ့ တဲ့အတိုင်းပါပဲ...


အန်အယ်ဒီနှစ်(၁၀၀)ပြည့် အပြည်ပြည်ဆိုင်ရာ အမျိုးသမီးများနေ့ ကြေငြာစာတမ်း

NLD women day statement

ABMA ဂျာနယ် အတွဲ( ၂ )၊အမှတ်( ၅ )

ABMA Journal Volume 2 No 5

၈.၃.၁၁ ရက်နေ့ရဲရင့်ငယ်ဒိုင်ယာရီ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

5 attachments — Download all attachments  
8 March 2011 Yeyintnge's Diary.doc8 March 2011 Yeyintnge's Diary.doc
1461K   View   Download  
8 March 2011 Yeyintnge's Diary.pdf8 March 2011 Yeyintnge's Diary.pdf
1979K   View   Download  
ABMA Journal Volume 2 No 5.pdfABMA Journal Volume 2 No 5.pdf
2112K   View   Download  
NLD women day statement.docNLD women day statement.doc
408K   View   Download  
NLD women day statement.pdfNLD women day statement.pdf
181K   View   Download  

http://www.mediafire.com/file/yj3e3xsan9ox8ev/8%20March%202011%20Yeyintnge%27s%20Diary.doc
http://www.mediafire.com/file/b0pqoe3boes07d7/8%20March%202011%20Yeyintnge%27s%20Diary.pdf
8 March 2011 Yeyintnge's Diary

သမတတာဝန်မယူမီ ဝန်ကြီးခန့်အပ်ခြင်းမှာ ဥပဒေနှင့်မညီ


2011-03-08
သမတသစ်အဖြစ် ရွေးချယ် တင်မြှောက်ခံထားရသူက ကျန်းသစ္စာ ကျိန်ဆိုပြီး သမတတာဝန် မယူရသေးခင်မှာ အစိုးရအဖွဲ့ဝင် ဝန်ကြီးတွေ၊ ဌာနဆိုင်ရာ အရာရှိကြီးတွေ နေရာအတွက် အမည်စာရင်း တင်သွင်းပြီး ရွေးချယ် ခန့်အပ်နေတာဟာ ဖွဲ့စည်းပုံ အခြေခံဥပဒေနဲ့ မကိုက်ညီတဲ့ လုပ်ရပ်ဖြစ်တယ်လို့ အမျိုးသား ဒီမိုကရေစီအဖွဲ့ချုပ်က ကြေညာချက်ထုတ်ပြီး ဝေဖန်လိုက်ပါတယ်။

(Photo: AFP/MRTV 4)
နေပြည်တော်ရှိ လွှတ်တော် အဆောက်အအုံသစ်တွင် ဇန်နဝါရီ ၃၁ ရက်နေ့က အမျိုးသား လွှတ်တော်နှင့် ပြည်ထောင်စု လွှတ်တော် နှစ်ရပ်ပေါင်း ကျင်းပသော ပထမဆုံး လွှတ်တော် အစည်းအဝေး ဖွင့်ပွဲအခမ်းအနားကို MRTV 4 ရုပ်မြင်သံကြားမှ ထုတ်လွှင့် ပြသနေပုံ ဖြစ်ပါသည်။ (Photo: AFP/MRTV 4)

ဒီလုပ်ဆောင်ချက်ဟာ စစ်အစိုးရက သူတို့ ကိုယ်တိုင် ရေးဆွဲထားတဲ့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေကို မျက်ကွယ်ပြုပြီး ဆောင်ရွက်နေတာ ဖြစ်သလို၊ ဖွဲ့စည်းပုံ ဥပဒေကို ကာကွယ် စောင့်ရှောက် ပ့ါမယ်လို့ ကတိပြုထားတဲ့ နိုင်ငံရေးပါတီတွေကလည်း တာဝန် ပျက်ကွက်နေတာ တွေ့ရတယ်လို့ NLD က ထောက်ပြထားပါတယ်။ ဒီကိစ္စနဲ့ ပတ်သက်လို့ NLD ပြောခွင့်ရပုဂ္ဂိုလ် ဦးဉာဏ်ဝင်းက အခုလို ပြောပါတယ်။
“ကျွန်တော်တို့က ဒီနေ့ ထုတ်တဲ့ ကြေညာချက်မှာ အဲဒီလို ဆောင်ရွက်နေခြင်းနဲ့ ပတ်သက်ပြီးတော့ သမတအဖြစ် ရွေးချယ်ခံထားရသူက ဆောင်ရွက်ခွင့် ဥပဒေအရ အပ်နှင်းထားတာ ကျွန်တော်တို့ မတွေ့ဘူး။ ဖွဲ့စည်းပုံ အခြေခံဥပဒေမှာလည်း မပါဘူး။ ဒါကြောင့် ဒီဆောင်ရွက်ချက်တွေက ဖွဲ့စည်းပုံ အခြေခံဥပဒေနဲ့ မကိုက်ညီဘူးလို့ ကျွန်တော်တို့ ထောက်ပြထားပါတယ်။ ပြီးတော့ ဖွဲ့စည်းပုံ အခြေခံဥပဒေကို ကာကွယ် စောင့်ရှောက်ပါ့မယ် ဆိုပြီးတော့ လက်မှတ်ရေးထိုး မှတ်ပုံတင်ထားတဲ့ ပါတီတွေ အနေနဲ့ကလည်း ဒါ ဖွဲ့စည်းပုံ အခြေခံဥပဒေနဲ့ မကိုက်ညီကြောင်း ထောက်ပြသင့်တယ်လို့ ကျွန်တော်တို့ ဖော်ပြတယ်။”
အမျိုးသား ဒီမိုကရေစီအဖွဲ့ချုပ်က အခုလို ထောက်ပြ ဝေဖန်တာဟာ မြန်မာနိုင်ငံမှာ တရားဥပဒေ စိုးမိုးရေး ရှိရမယ်ဆိုတဲ့ အမြင်အရ ဥပဒေအရ မကိုက်ညီတာကို ပြည်သူလူထု သိအောင် ထုတ်ပြန် ကြေညာတာ ဖြစ်တယ်လို့ ဆိုပါတယ်။
http://www.rfa.org/burmese


သမတသစ်ကျမ်းကျိန်ပွဲလုပ်ဖို့ ဗိုလ်ချုပ်ကြီးသန်းရွှေ ညွန်ကြား

2011-03-08
ရွေးချယ်ခံထားရတဲ့ သမတသစ် ဦးသိန်းစိန်နဲ့ ဒုတိယသမတတွေ၊ ဝန်ကြီးတွေနဲ့ လွှတ်တော်ကိုယ်စားလှယ် တွေရဲ့ ကျမ်းသစ္စာ ကျိန်ဆိုပွဲကို အခု မတ်လ တတိယပတ်အတွင်း နေပြည်တော်မှာ ပြုလုပ်ဖို့ ဗိုလ်ချုပ်မှူးကြီး သန်းရွှေက ညွှန်ကြားထားတယ်လို့ နေပြည်တော် ဝန်ကြီးတွေနဲ့ နီးစပ်သူတွေက ပြောပါတယ်။
(Photo: AFP / MRTV)
နေပြည်တော်တွင် ဖေဖော်ဝါရီ ၄ ရက်နေ့က ကျင်းပသည့် ပြည်ထောင်စု လွှတ်တော် အစည်းအဝေးတွင် သမတအဖြစ် ရွေးချယ်တင်မြှောက်ခံရသော ဦးသိန်းစိန် (အလယ်) ကို လွှတ်တော်ကိုယ်စားလှယ် တဦးက ချီးကျူးဂုဏ်ပြုနေပုံ ဖြစ်ပါသည်။ (Photo: AFP / MRTV)
မတ်လ ၂၇ ရက် တပ်မတော်နေ့ မတိုင်ခင် သမတ ကျမ်းသစ္စာ ကျိန်ဆိုပွဲ ကျင်းပပြီးနောက် အစိုးရသစ်ကို အာဏာ လွှဲပြောင်းမှုတွေပါ တပါတည်း လုပ်ဆောင်မယ်လို့ သိရပါတယ်။ လွှတ်တော်တက်ရောက်နေတဲ့ NDF အမျိုးသား ဒီမိုကရေစီ အင်အားစုပါတီ အမတ် ဦးစိုးဝင်းကတော့ ကျမ်းသစ္စာကျိန်ဆိုပွဲကို မတ်လ ၂၀ ရက်နဲ့ ၂၇ ရက်ကြား သီတင်းပတ်အတွင်း ပြုလုပ်ဖွယ် ရှိတယ်လို့ ခန့်မှန်းပြောဆိုပါတယ်။
“ဒီလထဲမှာပဲ ဖြစ်မယ်လို့ ကျွန်တော် ပြောတာ၊ သူတို့ကတော့ ပွဲ ၂၀ ကျော်မှပဲ ဖြစ်မယ်လိ်ု့ ကြားတယ်ဗျ။ ဒါပေမဲ့ ပထမက ကြားတာကကျတော့ ကျွန်တော်တို့က တပ်မတော်နေ့မှာ ကျွန်တော်တို့ကို တက်ရဦးမယ် ဘာညာ ဆိုတာတွေလည်း ကြားသေးတယ်ဗျ။ အဲလိုရှိတာ။ အဲ တပ်မတော်နေ့ တက်ရမယ် ဆိုရင်တော့ တက်ရတာ တက်ရတာပဲလေ။ အဲဒီနေ့ မတိုင်မီတော့ ဖြစ်လိမ့်မယ် ထင်တယ်လေ။ တခါတည်း ကြေညာပြီး ဟိုဟာ ဖြစ်လိမ့်မယ် အကုန်လုံး။”
အခုနှစ် တပ်မတော်နေ့ အခမ်အနားကို ဗိုလ်ချုပ်မှူးကြီး သန်းရွှေ တက်ရောက်မှာ မဟုတ်ပဲ သူ့ရဲ့ တပ်မတော် ကာကွယ်ရေး ဦးစီးချုပ် ရာထူးကို ဆက်ခံမဲ့ ဗိုလ်ချုပ်ကြီး မင်းအောင်လှိုင် တက်ရောက် မိန့်ခွန်း ပြောကြားမှာ ဖြစ်ကြောင်း၊ တပ်မတော်နေ့ကို အရင်နှစ်တွေကလောက် ကြီးကြီးကျယ်ကျယ် ပြုလုပ်မှာ မဟုတ်ကြောင်း ဝန်ကြီးတွေနဲ့ နီးစပ်သူတွေက ပြောပါတယ်။
မကြာခင်ပေါ်ပေါက်လာမဲ့ အစိုးရအဖွဲ့သစ်အတွက် ဝန်ကြီးဌာန ၃၃ နေရာ သတ်မှတ်ထားပြီး၊ ဝန်ကြီးလောင်းတွေကို ရွေးချယ်ထားပြီး ဖြစ်ပေမဲ့ ဘယ်သူက ဘယ်ဌာနကိုတာဝန်ယူရမယ်ဆိုတာ လောလောဆယ် မသတ်မှတ်ရသေးပါဘူး။

ဒေါ်အောင်ဆန်းစုကြည်ဟောပြောပွဲ ဘာကလေတက္ကသိုလ်မှာ လူ ၉၀၀ တက်မည်


2011-03-08
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမေရိကန်ပြည်ထောင်စု ကာလီဖိုးနီးယား ပြည်နယ်က နာမည်ကျော် ဘာကလေ တက္ကသိုလ်က ကျောင်းသူ ကျောင်းသားတွေကို တယ်လီဖုန်းနဲ့ စကားပြောဖို့ ရှိတယ်လို့ သိရပါတယ်။
Photo: RFA
အမေရိကန် ပြည်ထောင်စု၊ ကယ်လီဖိုးနီးယား ပြည်နယ် ဘာကလေ တက္ကသိုလ် မြင်ကွင်း ဖြစ်ပါသည်။ (Photo: Wikimedia)
မြန်မာနိုင်ငံ စံတော်ချိန် ဒီကနေ့ မတ်လ ၈ ရက် မနက်ပိုင်းမှာ ပြုလုပ်မဲ့ ဒီဟောပြောပွဲအတွက် တက်ရောက်နိုင်ဖို့ စာရင်းပေးထားသူ ကျောင်းသားကျောင်းသူ စုစုပေါင်း ၉၀၀ ကျော် ရှိတယ်လို့ ပွဲစီစဉ်သူတွေက ပြောပါတယ်။
ဘာကလေတက္ကသိုလ် မြန်မာယဉ်ကျေးမှု၊ လူမှုရေးနဲ့ နိုင်ငံရေးဆိုင်ရာသင်တန်း အစီအစဉ်တရပ်အနေနဲ့ ဒေါ်အောင်ဆန်းစုကြည်က နာရီဝက်လောက် ဟောပြောမှာ ဖြစ်ပြီး၊ ကျောင်းသူ ကျောင်းသားတွေရဲ့ မေးမြန်းမှုတွေကိုလည်း ဖြေကြားမှာ ဖြစ်တယ်လို့ ဘာကလေတက္ကသိုလ်က နိုင်ငံရေးသိပ္ပံ ပါရဂူဘွဲ့ ဆည်းပူးနေသူ ကိုမင်းဇင်က ပြောပါတယ်။
“ဒေါ်အောင်ဆန်းစုကြည် အခုလို ပါဝင်မယ်ဆိုတာ သိတဲ့အခါကျတော့ သူတို့က ဒီ သင်တန်းကိုပေါ့နော်၊ စာသင်ခန်းကို အားလုံး တက်ရောက်နိုင်တယ် ဆိုပြီးတော့ ဖွင့်ပေးလိုက်တယ်။ အဲလို ဖွင့်လိုက်တဲ့အခါမှာ ကျွန်တော် သိသလောက်ဆိုရင် လူပေါင်း ၉၀၀ ကျော်လောက် တက်ပြီးတော့  နားထောင်မယ်လို့ ဖြစ်လာတဲ့အခါကျတော့ နဂိုတုန်းက ရှိတဲ့ စာသင်ခန်းနဲ့တောင်မှ မဆန့်တော့လို့ တကယ်ကို အင်မတန်မှ ကြီးတဲ့ စာသင်ခန်းတခုကို ငှားထားရတယ်။ လူပေါင်း ၉၀၀ ကျော် တက်မယ်လို့ စာရင်းပေးထားတဲ့ အပြင် အွန်လိုင်းကနေပြီးတော့ပေါ့နော်၊ အင်တာနက်ကတဆင့် တိုက်ရိုက်ကြည့်မဲ့ လူတွေလည်း ရှိပါတယ်။ ”
ဒေါ်အောင်ဆန်းစုကြည်ရဲ့ ဟောပြောချက်ကို တက္ကသိုလ်မှာရှိတဲ့ ဌာနအသီးသီးက မြန်မာနိုင်ငံအရေး၊ အာရှအရေး စိတ်ဝင်စားတဲ့ ပါမောက္ခတွေ၊ ကျွမ်းကျင်သူတွေ၊ သုတေသီတွေလည်း တက်ရောက်ကြမယ်လို့ သိရပါတယ်။ ဘာကလေမြို့ ကာလီဖိုးနီးယား တက္ကသိုလ်ဟာ ကမ္ဘာကျော် ထိပ်တန်း တက္ကသိုလ်တွေထဲမှာ တခု အပါအဝင် ဖြစ်ပါတယ်။
http://www.rfa.org/burmese

အင်န်အယ်ဒီနဲ့ အတိုက်အခံနိုင်ငံရေးမှာ အင်အားတွေ၊ မိတ်ဆွေတွေ တိုးပြီလား၊ တကယ်ပဲလား

အင်န်အယ်ဒီနဲ့ အတိုက်အခံနိုင်ငံရေးမှာ အင်အားတွေ၊ မိတ်ဆွေတွေ တိုးပြီလား၊ တကယ်ပဲလား
ဥိးဝင်းတင်နဲ့ မေးခွန်းများ
မိုးမခ၊ မတ် ၈၊ ၂၀၁၁
          လွန်ခဲ့တဲ့ ၂၀၁၀ နိုဝင်ဘာလမှာ စစ်အစုိုးရစိတ်တိုင်းကျ ရွေးကောက်ပွဲလည်း ကျင်းပခဲ့ပြီးပြီ၊ အများပြည်သူတို့ မျှော်လင့်စောင့်စားနေကြတဲ့ အတိုက်အခံ ခေါင်းဆောင် ဒေါ်အောင်ဆန်းစုကြည်လည်း အကျယ်ချူပ်က လွတ်မြောက်လာခဲ့ပြီ ဖြစ်ပါတယ်။ အဲသည်နောက်ပိုင်းမှာ စစ်အစုိုးရက ၎င်းတို့စိတ်တိုင်းကျ ဖွဲ့စည်းထားတဲ့ လွှတ်တော်ကို ခေါ်ယူ ကျင်းပနေချိန်မှာ တဖက်ကလည်း အတိုက်အခံခေါင်းဆောင် ဒေါ်အောင်ဆန်းစုကြည်နဲ့ အင်န်အယ်ဒီ၊ စီအာရ်ပီပီ စတဲ့ တိုင်းရင်းသား ခေါင်းဆောင်တွေ၊ နိုင်ငံရေးခေါင်းဆောင်တွေနဲ့ လူငယ်မျိူးဆက်သစ်တွေကလည်း လှုပ်ရှားမှုတွေ ဆောင်ရွက်လျှက် ရှိပါတယ်။ 

မေးမိတဲ့ မေးခွန်းကတော့ မြန်မာပြည်ရဲ့ အဓိကဦးဆောင်မှုပေးနေတဲ့ နီုင်ငံရေးပါတီဖြစ်တဲ့ အင်န်အယ်ဒီပါတီမှာ အဖွဲ့အစည်းအင်အားတွေ တိုးတက်လာပြီလား ဆိုတဲ့ မေးခွန်းဖြစ်ပါတယ်။ မြန်မာတပြည်လုံးသာမက နိုင်ငံတကာအသိုင်းအ၀ိုင်းကလည်း ထောက်ခံတယ်၊ အားပေးပါတယ် လို့လည်း ပြောကြပါရဲ့၊ အင်န်အယ်ဒီ ဦးဆောင်တဲ့ လူမှုရေးလှုပ်ရှားမှုတွေ၊ နိုင်ငံရေးရပ်တည်ချက် သဘောထားတွေမှာလည်း ကြိုဆိုပါတယ်၊ ကူညီပါတယ်၊ လက်တွဲပါတယ် လို့လဲ ပြောသူတွေ၊ ထုတ်ဖော်သူတွေလည်း ရှိပါရဲ့ … သို့သော် ဒါတွေက အတိုက်အခံနိုင်ငံရေးအင်အားစု အတွက် နိုင်ငံရေးအင်အားလား၊ အမြဲရပ်တည်နေမယ်လို့ သံန္နိဋ္ဌာန်ချထားကြတဲ့ မိတ်ဆွေတွေ ဖြစ်နေပြီလား … ဆရာတို့က ဘယ်လိုမျိူး သုံးသပ်သလဲ၊ ထင်မြင်သလဲ ဆိုတဲ့ မေးခွန်းဖြစ်ပါတယ်။
ဆရာက …
“ပါတီက လက်ရှိအနေအထားမှာ မရှိတော့ဘူးလို့ ပြောလို့ရတယ်။ ပါတီက ဆက်လက်မှတ်ပုံတင်ခြင်း မရှိ်ဘူးလို့ ထုတ်ဖော်ပြောဆိုလိုက်ကတည်းက ပါတီနဲ့ လူထု ဆက်ဆံတာတွေ နည်းနည်း လျော့သွားတယ်။ သို့သော်လည်း ဒေါ်အောင်ဆန်းစုကြည် လွတ်မြောက်လာပြီးတဲ့ နောက်မှာတော့ လူတွေက ပါတီနဲ့ ဆက်ဆံတာ၊ ၀င်ထွက်သွားလာတာတွေ ပြန်လည် တိုးလာတယ်။ ထောက်ခံမှုပြတဲ့ အင်အားတွေ တိုးလာတယ်လို့ တော့ ပြောလို့ရတယ်။ ဒါပေမယ့်  ပါတီရဲ့ အင်အားတိုးချဲ့ရေးတို့၊ စည်းရုံးရေးတို့ဆိုတာကတော့ အများကြီး ချိန်ဆနေတုန်းပဲ။ ဒီရက်အတောအတွင်းမှာတော့ ကျနော်တို့ပါတီက လက်ရှိဖွဲ့စည်းထားပြီးသားရှိတဲ့ တိုင်းနဲ့ ပြည်နယ်တွေနဲ့ ပြန်လည်ဆွေးနွေးနေတယ်။ ကယားပြည်နယ်မှာတော့ ကျနော်တို့မှာ ဖွဲ့စည်းထားပြီးသား မရှိဘူး။ အဲသည်တော့ ၆ ပြည်နယ် နဲ့ ၇ တိုင်း ဆွေးနွေးနေတယ်။”

ဆွေးနွေးတဲ့အခါကျတော့ ပါတီရဲ့ အင်အားတို့ စည်းရုံးရေးတို့နဲ့ ပတ်သက်ပြီးတော့ အောက်ခြေက ပါတီဝင်လူထုက ဘာတွေ ပြောကြသလဲ ဆရာ။ လက်ရှိမှာ အင်န်အယ်ဒီကို ၀န်းရံနေတဲ့ အင်အားတွေက ဘာတွေ ဖြစ်လာသလဲ။
“လူတွေက အခုအချိန်မှာ ရဲရင့်မှုတွေ ပိုရှိလာတယ်။ ပိုပြီး တက်ကြွလာကြတယ်။ ဒါကို တွေ့ရပါတယ်။ သို့သော်လည်း တဖက်က ဘာတွေကို ပိုပြီးတွေ့လာရသလဲ ဆိုတော့ ပါတီဝင်တွေ လက်ခံတာမျိူး၊ တိုးချဲ့တာမျိူးထက်စာရင် ဘာဖြစ်လာသလဲ ဆိုတော့ လူတွေက ကွန်ယက်တွေမှာ ပိုပြီး ၀င်တိုးလာကြတယ်၊ ပိ်ုပြီး လှုပ်ရှားမှုတွေ ဖြစ်လာတယ်။ ကျနော်တို့တတွေ၊ ဒေါ်အောင်ဆန်းစုကြည်တို့တွေနဲ့ တွေ့ပြီး ဆွေးနွေး၊ လှုပ်ရှားမှုတွေ၊ ပုံသဏ္ဍာန်တွေ သဘောထားတွေ ပေးတဲ့အပေါ်မှာ အလုပ်တွေ ဖြစ်ပေါ်လာတယ်။ အဲသည် ကွန်ယက်တွေက အင်န်အယ်ဒီက အဖွဲ့ဝင်တွေနဲ့ လက်တွဲပြီးတော့ အလုပ်တွေ ဖော်ဆောင်လာတယ်လို့ ပြောရင်ရပါတယ်။
ကွန်ယက်အနေနဲ့ အရှိန်မြင့်နေတာကို တွေ့နေရပေမယ့် အင်န်အယ်ဒီပါတီ တခုလုံး အနေနဲ့က ကျနော်တို့က ချိန်ဆနေရတယ်။ ပါတီဝင်တွေ၊ အဖွဲ့ဝင်တွေ လက်ခံဖို့တို့၊ တိုးချဲ့ဖို့တို့၊ စည်းရုံးဖို့ တို့ ဆိုတာကျတော့ ပါတီက တရားဝင်အနေနဲ့ ရပ်တည်နေတယ်ဆိုတဲ့ ကိစ္စက စစ်အစိုးရနဲ့က ဆက်လက် ရင်ဆိုင်နေရတုန်း ဖြစ်တာကိုး။ စစ်အစိုးရကိုယ်တိုင်ကလည်း လွန်ခဲ့တဲ့ စက်တင်ဘာလ ၁၃ ရက်နေ့ကတည်းက အင်န်အယ်ဒီပါတီကို ဖျက်သိမ်းပြီးဖြစ်တယ်လို့ ဆိုထားတာ ရှိတယ်။ ဒါကို ကျနော်တို့က တရားဥပဒေနည်းလမ်းတွေအရ ရင်ဆိုင်နေတုန်း ဖြစ်တယ်။”

အဲသည် ကွန်ယက်လှုပ်ရှားမှုက ဖြစ်ပေါ်လာတဲ့ အလုပ်တွေကကော ဘာတွေ ဖြစ်သလဲ ဆရာ။
“အခုအချိန်မှာ လူငယ်ကွန်ယက်တွေ၊ ပညာရေးကွန်ယက်တွေ၊ ရှေ့နေကွန်ယက်တွေ၊ ဘာတွေ ရှိလာတော့ ပြည်သူတွေရဲ့ လိုအပ်ချက်တွေ ဖြစ်တဲ့ ကျန်းမာရေးတို့၊ ပညာရေးတို့၊ ဥပဒေရေးရာ ကာကွယ်စောင့်ရှောက်မှုတို့မှာ လုပ်စရာတွေ လုပ်လာနိုင်တာ ဖြစ်ပါတယ်။ နောက်ပြီးတော့ အခု နိုင်ငံရေးအကျဉ်းသားတွေ မိသားစုတွေကို အားပေး ကူညီတာ၊ စတာတွေမှာလည်း လှုပ်ရှားမှုတွေ ပေါ်ပေါက်လာတယ် လို့ ပြောနိုင်ပါတယ်။ ဒါတွေဟာ အင်န်အယ်ဒီပါတီဆိုတဲ့ နိုင်ငံရေးအင်အားစုအဖြစ် ပါဝင်လာတယ်လို့ ပြောလို့ မရနိုင်သေးသော်လည်း ကျနော်တို့ရဲ့ နိုင်ငံရေးအင်အားတွေကို ၀န်းရံလာကြတယ်၊ ကျနော်တို့တတွေရဲ့ အလုပ်တွေမှာ ကွန်ယက်တွေအဖြစ် ရပ်တည်ပြီး ပူးပေါင်း ဆောင်ရွက်လာကြတယ်လို့ ပြောရင် ရမယ် ထင်ပါတယ်။”

ဒါဆိုရင် ယခုလက်ရှိမှာ အင်န်အယ်ဒီပါတီနဲ့ မဟာမိတ်နိုင်ငံရေးအင်အားစုတွေအတွက် အဖက်ဖက်က ၀န်းရံလာတဲ့ကွန်ယက်တွေဟာ အင်န်အယ်ဒီရဲ့ ပါတီဝင်တွေ မဟုတ်သော်လည်းဘဲ အားပေးကူညီသူတွေ၊ ၀ိုင်းဝန်းကြသူတွေနဲ့ အင်န်အယ်ဒီမိတ်ဆွေတွေဖြစ်လာတယ်လို့ ပြောရင် ရတာပေါ့ ဆရာ။
“ဟုတ်ပါတယ်။ အလုပ်သမားတွေ လယ်သမားတွေ ကိုယ်တိုင်က နယ်မြေအသီးသီးကနေ၊ ကျေးရွာတွေကနေ ကွန်ယက်တွေအဖြစ် ပေါ်လာတယ်။ သူတို့ဖာသာ သူတို့ ကွန်ယက်တွေအဖြစ် ခံယူလိုက်တယ်။ ဥပမာအားဖြင့် ပဲခူးတိုင်းက ကျေးရွာ ၂ ရွာမှာဆိုရင် ကွန်ယက်တွေ ဖြစ်လာတာကို တွေ့ရတယ်။ ကွန်ယက်တွေ ဖြစ်ချင်လည်းဖြစ်၊ သူတို့တွေဟာ ကျနော်တို့ရဲ့ မိတ်ဆွေတွေပဲလို့ သဘောထားပြီး လုပ်နေရတာပါပဲ။ 

ဟုတ်ပြီ။ ဒါဆိုရင် နိုင်ငံရေးပါတီတရပ်အနေနဲ့ ဒီမိုကရေစီကို ဖော်ဆောင်နေတဲ့ နိုင်ငံရေးအင်အားစုတရပ်အနေနဲ့ ဆိုရင်ကော အင်န်အယ်ဒီရဲ့ အခမ်းကဏ္ဍကို ပိုပြီး ကျယ်ပြန့်မှုတွေ၊ တိုးတက်မှုတွေ ရှိလာတယ်လို့ကော ပြောလို့ရသလား ဆရာ။
ဒေါ်အောင်ဆန်းစုကြည်မလွတ်မြောက်ခင်နဲ့ လွတ်မြောက်ပြီးကာလကို နှိုင်းယှဉ်ကြည့်ရင်မှာ ပါတီရဲ့ လုပ်ငန်းတွေ၊ အစည်းအဝေးတွေ စသည်ဖြင့်တွေ ပိုပြီးတော့ ကျယ်ကျယ်ပြန့်ပြန့် ပြန်လုပ်လာနိုင်တယ်။ နောက်ပြီးတော့ လက်ရှိမြန်မာပြည်ရဲ့ နိုင်ငံရေးအခြေအနေနဲ့ ပတ်သက်ပြီးတော့လည်း ကြေညာချက်တွေ ပြန်လည်ပြီး ထုတ်ပြန်လာနိုင်တယ်။ နိုင်ငံတကာကကော၊ ပြည်တွင်း ပြည်ပအဖွဲ့အစည်းတွေကပါ အင်န်အယ်ဒီပါတီရဲ့ သဘောထားတွေ၊ ထင်မြင်ချက်တွေကို ဆွေးနွေးတာတွေ ပိုပြီးတော့ ရှိလာတယ်။
အရင်တုန်းကဆိုရင် တချို့အဖွဲ့အစည်းတွေ၊ နိုင်ငံတကာအဖွဲ့အစည်းကြီးတချို့က ဆိုရင် ကျနော်တို့ကို ဖိတ်ပြီးတော့ ဆွေးနွေးတာ၊ သဘောထား တောင်းတာမျိူး လုပ်ရင်တောင်မှ ပါတီအနေနဲ့ ဖိတ်တာမဟုတ်ပါဘူး၊ လူပုဂ္ဂိုလ်အရ ဖ်ိတ်တာပါ၊ လာပြီး ဆွေးနွေးပါ ဆိုပြီး ဖိတ်ခဲ့တာမျိုး ရှိရာကနေ ဒေါ်အောင်ဆန်းစုကြည် လွတ်မြောက်လာပြီင်္းတဲ့နောက်မှာ ပါတီရုံးကို ခွင့်တောင်းပြီး လာရောက်ပြီး ဆွေးနွေးတာမျိုး၊ တွေ့ဆုံတာမျိုးတွေ လုပ်လာကြတာမျိူးတွေကို တွေ့ရတယ်။
အခုဆိုရင် တိုင်းနဲ့ ပြည်နယ်အလိုက် အဖွဲ့ဝင်တွေ ဆွေးနွေးကြတာတွေ အစည်းအဝေးတွေ ကျင်းပတာတွေ လုပ်လာကြပြီ ဖြစ်တယ်။ ဒီလထဲမှာကို အစည်းအဝေးတွေ ဆွေးနွေးညှိနှိုင်းကြတာတွေ ဆက်တိုက် ရှိနေဦးမှာ ဖြစ်တယ်။

ဟုတ်ကဲ့ပါဆရာ။ ကျေးဇူးတင်ပါတယ်။
(ဆက်လက်ဖော်ပြပါမည်)

အာဏာရှင် ဦးနေ၀င်း ၏ မြေး တစ်ဦး အကျဉ်းထောင်မှ ပြန်လည်လွတ်မြောက်


March 8, 2011


FNG၊ ၊ယခင်မြန်မာ့ ဆိုရှယ်လစ် လမ်းစဉ်ပါတီ ဥက္ကဌကြီး ၊ ရဲဘော်သုံးကျိပ်ဝင် နှင့်အာဏာရှင် ဟောင်း ဗိုလ်ချုပ်ကြီး နေ၀င်း ၏မြေးဖြစ်သူ ဇွဲနေ၀င်း အသက် ၂၉ နှစ် သည်ယမန်နေ့ က အင်းစိန် အကျဉ်းထောင် မှ နေ၍ ပြန်လည် လွတ်မြောက် လာသည် ဟုFreedom News Group မှ သတင်း ရရှိသည်။

မြန်မာ စစ်အစိုးရက ၂၆ နှစ်ကြာ နိုင်ငံတော် အာဏာကို ထိန်းချုပ်ခဲ့သည့် ဦးနေ၀င်း ကို ၂၀၀၂ခုနှစ် တွင် သူမ၏ သမီးဖြစ်သူ ဒေါ်စန္ဒာဝင်း နှင့်အတူ နေအိမ်အကျယ် ပြစ်ဒဏ်ချမှတ် ခဲ့ပြီးသားမက် ဖြစ်သူ အေးဇော်ဝင်း နှင့် သားများဖြစ်သူ အေးနေ၀င်း ကျော်နေ၀င်း ဇွဲနေ၀င်းတို့ ကို နိုင်ငံတော် သစ္စာဖောက်မှု များဖြင့် ဖမ်းဆီး ထောင်ချခဲ့သည်။

ဒေါ် စန္ဒာဝင်းသည် ၂၀၀၈ ခုနှစ် ဒီဇင်ဘာလ ၁၀ ရက်နေ့ တွင် နေအိမ် အကျယ်ချုပ်မှ ပြန်လည် လွတ်မြောက်လာခဲ့သည်။

သမ္မတဟောင်း ဦးနေ၀င်း၏ မိသားစု နှင့် နီးစပ်သူများက “ဟုတ်တယ်..ပြန်လွတ်လာပြီလို့  ကြားတယ်။ အေဒီ လမ်း အိမ် ကိုပြန်ရောက်လာပြီ။ အဖွားကြီး လည်း နေမကောင်းလို့ ပြန်လွှတ်ပေးလိုက်တာထင်တယ်။သူက ခင်ပွန်း နဲ့ သားတွေ လွှတ်ဖို့ ဗိုလ်ချုပ်မှုးကြီးကို အသနား ခံစာ တင်ထားတာ သုံးကြိမ် ရှိပြီ “ဟု Freedom News Group သို့  ပြောသည်။

ဒေါ်စန္ဒာဝင်း အား စစ်အစိုး ရက ပြန်လည် လွှတ်ပေး ခဲ့သော်လည်း အင်တာနက်၊မိုဘိုင်းဖုန်း စသည့် အဆင့်မြင့် ဆက်သွယ်ရေး ပစ္စည်း များသုံးစွဲမှု ကို ကန့် သတ်ထားသည်။

အာဏာရှင် ဟောင်း ဦးနေ၀င်း သည် ၂၀၀၂ ခုနှစ် ဒီဇင်ဘာ လ တွင် ကွယ်လွန် ခဲ့သည်။
http://freedomnewsgroup.com/

ကဒါဖီ အား နိုင်ငံတွင်း မှ ၇၂ နာရီ အတွင်း ထွက်ခွာရန် အချိန်ပေး


March 8, 2011

မိမိ ၏ နိုင်ငံသား နှစ်ထောင် ကျော်အား လေယာဉ် ဖြင့် ဗုံးကြဲပြီး သတ်ဖြတ်ခဲ့သည့် လစ်ဗျား အာဏာရှင်မွမ်မာကဒါ ဖီ အား လစ်ဗျား ညွန့် ပေါင်း အစိုးရ အဖွဲ့ ဖြစ်သည့် Libya National Council က နိုင်ငံတွင်းမှ ၇၂ နာရီ အတွင်းထွက် ခွာ ပေးရန် တောင်းဆိုထားသည်။ လစ်ဗျား အတိုက် အခံ များ နှင့် သူပုန်များက ကဒါဖီ နှင့် ဆွေးနွေး မည် မဟုတ် ဟု ဆိုသည်။ လစ်ဗျား နိုင်ငံ ဝေဟင် ပိုင်နက် အား ကုလလုံခြုံရေးကောင်စီ မှ ချမှတ် ထားသည့် NO FLY ZONE စီမံ ချက်အရ နေတိုးလေယာဉ်များ အချိန်ပြည့် ကင်းလှည့် နေချိန် တွင် ကဒါဖီ ၏ သစ္စာခံ တပ် များ က လက်နက် ကိုင် ခုခံ သူများ ကိုထိရောက်စွာ မချေမှုန်း နိုင်တော့ပေ။
ရေနံ တွင်း များ ရှိရာ မြို့ များ ဖြစ်သည့် ရစ်လာနဖ် တွင် ထရီပိုလီ မြို့ အနီး ရှိ ဇ၀ီယာ မြို့ များ တွင် မူလစ်ဗျားအစိုးရ သစ္စာ ခံ တပ်များ က သူပုန် တပ် များ ကို ဟယ်လီ ကော်ပတာ များဖြင့် တိုက် ခိုက် ဆဲဖြစ်သည်။
http://freedomnewsgroup.com/

ကင်မ်ဂျုံအီးလ် သား ထိပ်တန်းရာထူး ရရှိ



By ဗွီအိုအေ (မြန်မာဌာန) အင်္ဂါ, 08 မတ် 2011
မြောက်ကိုရီးယားနိုင်ငံရဲ့ ခေါင်းဆောင်ဖြစ်လာမယ့် ကင်မ်ဂျုံအဲန်း (Kim Jong Un) ကို တိုင်းပြည်ရဲ့ ဒုတိယ သို့မဟုတ် တတိယ နေရာကို တိုးမြှင့်ပေးဖို့ သိသာထင်ရှားကြောင်း မြောက်ကိုရီးယား နိုင်ငံပိုင် သတင်းဌာနကို ကိုးကားပြီး ထောက်လှမ်းရေး သတင်းတွေမှာ ဖော်ပြကြပါတယ်။

ကိုရီးယား ဗဟိုသတင်းဌာနရဲ့ ဆောင်းပါးတပုဒ်မှာ တနင်္လာနေ့မှာ ကျရောက်တဲ့ ကမ္ဘာ့အမျိုးသမီးများနေ့ ဂုဏ်ပြု အခမ်းအနား တက်ရောက်လာကြတဲ့ ခေါင်းဆောင် ကင်မ်ဂျုံအီးလ် (Kim Jong Il) ရဲ့ အစိုးရအဖွဲ့ဝင် စာရင်း ပါဝင်ပါတယ်။

အဲဒီ အမည်စာရင်းမှာ ကင်မ်ဂျုံအဲန်းရဲ့ နာမည်က ၀န်ကြီးချုပ်ရဲ့နာမည် အထက်ကနေ ပထမဆုံး အကြိမ်အဖြစ် ရေးသား ဖော်ပြထားတာကို တောင်ကိုရီးယားနိုင်ငံ ဆိုးလ်မြို့တော်နဲ့ တခြားနိုင်ငံကြီးတွေမှာ အခြေစိုက်တဲ့ လေ့လာစောင့်ကြည့်သူတွေက တွေ့ခဲ့ကြတာ ဖြစ်ပါတယ်။

လက်ရှိခေါင်းဆောင် ကင်မ်ဂျုံအီးလ်ရဲ့ သားအငယ်ဆုံး ကင်မ်ဂျုံအဲန်းကို ပြီးခဲ့တဲ့လကပဲ နံပါတ် ၄ နေရာကို တိုးမြှင့်ပေးခဲ့တာပါ။ နံပါတ် ၁ က ကင်မ်ဂျုံအီးလ်၊ နံပါတ် ၂ က ၀န်ကြီးချုပ် ချိုယွန်ရင်မ် (Choe Yong Rim)၊ နံပါတ် ၃ နိုင်ငံ့ဥသျှောင်အဖွဲ့ ဥက္ကဋ္ဌ ကင်မ်ဂျုံးနမ် (Kim Jong Nam) တို့ ဖြစ်ကြပါတယ်။ အဲဒီစာရင်းမှာ ဥသျှောင်အဖွဲ့ရဲ့ ဥက္ကဋ္ဌနာမည်ကို ထည့်သွင်းရေးထားတာ မတွေ့ရတဲ့အတွက် ကင်မ်ဂျုံအဲန်းထက် ရာထူးပိုကြီးသေးသလား ဆိုတာလည်း ကွဲကွဲပြားပြား မသိရသေးဘဲ ဖြစ်နေပါတယ်။
http://www.voanews.com/burmese/news/

အန်အယ်ဒီ စိတ်ပညာသင်တန်းပေး



နယူးဒေလီ (မဇ္ဈိမ) ။        ။ အတိုးမဲ့ ချေးငွေယူသော ခေါင်းရွက်ဗျတ်ထိုး ဈေးသည်များ လောင်းကစား ကင်းဝေးရန် ကြိုးပမ်းချက်တခုအနေဖြင့် ဈေးသည်များနှင့် အတိုင်ပင်ခံ ဆွေးနွေးပေးသူများ ဖြစ်လာမည့် အမျိုးသမီး ခေါင်းဆောင်များကို စိတ်ပညာ သင်တန်းပေးမှု အမျိုးသားဒီမိုကရေစီအဖွဲ့ချုပ်တွင် ပြုလုပ်လျက်ရှိသည်။

ခေါင်းရွက်ဗျတ်ထိုး ဈေးရောင်းကာ စီးပွားရှာသော်လည်း တရားမဝင် ချဲထီ၊ ၂ လုံးထီ လောင်းကစားလုပ်မှုများ ရှိနေသည်ကို တွေ့ရှိရပြီးနောက် NLD အမျိုးသမီးခေါင်းဆောင်များမှတဆင့် ပညာပေးနှစ်သိမ့်နိုင်ရန် စိတ်ပညာ ဆရာဝန်များက ယခုတပတ် တနင်္လာမှစ၍ သင်တန်းပို့ချနေခြင်း ဖြစ်သည်။

“လွန်ခဲ့တဲ့ တလလောက်ကစပြီး အသေးစား အတိုးမဲ့
nlsheadquaters
အန်အယ်ဒီက စိတ်ပညာသင်တန်းပေး (ဓါတ်ပုံ မဇ္ဈိမ)
ငွေချေးတဲ့ လုပ်ငန်းကို လုပ်ကိုင်တယ်။ အဲဒီမှာ ခေါင်းရွက်ဗျတ်ထိုး ဈေးသည်တွေက တဖက်ကလည်း စီးပွားရှာပေမယ့်၊ တဖက်မှာက ၂လုံး၊ ၃ လုံးတွေ ထိုးပြီး သူတို့ရှာတာကို ပြန်ဖြုန်းပစ်နေတာတွေ ရှိနေတော့ ဒါတွေမဖြစ်အောင် ဒေါ်အောင်ဆန်းစုကြည်က ဒီအမျိုးသမီးတွေကို ပြန်လည်ဆင့်ပွားပေးဖို့အတွက် အန်တီတို့ စိတ်ပညာသင်တန်း တက်ရတာပေါ့” ဟု NLD ဗဟို အမျိုးသမီးလုပ်ငန်း ဖော်ဆောင်ရေး တာဝန်ခံ ဒေါ်မေဝင်းမြင့်က မဇ္ဈိမကို ပြောသည်။





ပုဇွန်တောင်မြို့နယ် ၅၁ လမ်းရှိ  ဒေါက်တာတင်မျိုးဝင်း၏ ရုံးခန်းတွင် သင်တန်းဖွင့်ပြီး၊ စိတ်ပညာ ဆရာဝန် ဒေါက်တာခိုင်ခိုင်မာက အပျော်တမ်း လောင်းကစားနှင့် လောင်းကစားစွဲခြင်းအကြောင်း ဘာသာရပ်များ ယမန်နေ့က ပို့ချပေးခဲ့ခြင်း ဖြစ်သည်။ ၆ ရက်ကြာ သင်တန်းကို ရန်ကုန်တိုင်း မြို့နယ် ၁ဝ ခုမှ ပါတီဝင်အမျိုးသမီး ၁၁ ဦး တက်ရောက်နေသည်။

“အခုဆို အိမ်ရှင်မတွေပါ ဈေးဖိုးထဲကနေ ... ဘောလုံးပွဲတွေပါ လောင်းနေကြပြီ။ ကလေးတွေဆိုလည်း မုန်းဖိုးပေးရင် မစားဘဲ ၂ လုံးထိုး၊ ပေါက်ရင် သူတို့လိုချင်တာလေးတွေဝယ်၊ အဲဒါမျိုးတွေ ဖြစ်နေတာ။ ဒါကို မလုပ်ဖို့ အမိန့်ပေးတာ၊ တားတာမျိုး မဟုတ်ဘဲ၊ သူတို့ဆီက ပြောတာတွေကို နားထောင်ပေးမယ် အချောင်ရတဲ့ ငွေကြေးနောက်ကို မလိုက်ဖို့ Counseling လုပ်ပေးသွားမှာပါ” ဟု ဒေါက်တာမေဝင်းမြင့်က ပြောသည်။ 

တလုံး၊ နှစ်လုံး၊ သုံးလုံး ဟု လူသိများသော ဘောလုံးနှင့် ထီနံပါတ် လောင်းကစားများမှာ တရားမဝင်ဟု ဆိုသော်လည်း မြန်မာနိုင်ငံတဝှန်း ကျယ်ပြန့်စွာ ဖြစ်ထွန်းလျက်ရှိကာ ဒေသအာဏာပိုင် အများစုအတွက် လာဘ်ငွေရရာ လမ်းကြောင်းကြီးတခု ဖြစ်နေသည်။

NLD က အတိုးမဲ့ အသေးစား ငွေချေးလုပ်ငန်းကို ပြီးခဲ့သည့်လမှစ၍ ပြုလုပ်ခဲ့ရာ တာမွေမြို့နယ် ရာပြည့်ဈေးရှိ ခေါင်းရွတ်ဗျတ်ထိုး ဈေးသည် ၅ဝ ကို တဦးလျှင် ကျပ် ၂ဝဝဝဝ နှုန်းဖြင့် ထုတ်ချေးပြီး တရက်လျှင် ၇ဝဝ ကျပ် အရစ်ကျ ပြန်လည် ပေးဆပ်စေသည်။ ခေါင်းရွက်ဗျတ်ထိုး ဈေးသည်ဖြစ်ပါက အမျိုးသား၊ အမျိုးသမီးမရွေး ငွေချေးနိုင်ပြီး အိမ်ထောင်စုစာရင်း မိတ္တူကိုသာ လက်ခံအဖြစ် ယူထားသည်။

၂ဝ၁၁ ဇန်နဝါရီ ၁၈ ရက်နေ့တွင် ပြုလုပ်ခဲ့သည့် NLD အမတ် ဦးတင်မောင်ဝင်း (ခရမ်း) ၏ အသုဘ နှစ်ပတ်လည်ပွဲသို့ ဒေါ်အောင်ဆန်းစုကြည် သွားရောက်စဉ် ဗဟန်းအမျိုးသမီးထုနှင့် တွေ့ဆုံခဲ့ရာ ၎င်းတို့အခက်အခဲများကို သိပြီးနောက် ကူညီနိုင်ရန် NLD အမျိုးသမီးအဖွဲ့၏ အသေးစား အတိုးမဲ့ ငွေချေးလုပ်ငန်း စတင်ခဲ့ခြင်း ဖြစ်သည်။

NLD ဗဟိုအမျိုးသမီးလုပ်ငန်း ဖော်ဆောင်ရေးအဖွဲ့ကို ဒေါ်အောင်ဆန်းစုကြည် ခေါင်းဆောင်ပြီး၊ အဖွဲ့တာဝန်ခံမှာ ဒေါ်မေဝင်းမြင့်နှင့် အဖွဲ့ဝင် ၅ ဦး ဖြစ်သည်။
http://mizzimaburmese.com/news/inside-burma/7061-2011-03-08-08-27-13.html

မန္တလေးတွင် နားရွက်ပြာ ဝက်ရောဂါ ပထမဆုံးဖြစ်ပွား


ကျော်ခ | အင်္ဂါနေ့၊ မတ်လ ၀၈ ရက် ၂၀၁၁ ခုနှစ် ၁၆ နာရီ ၂၉ မိနစ်

ချင်းမိုင် (မဇ္ဈိမ) ။ ။ နားရွက်ပြာရောဂါဟု ခေါ်ကြသော ဝက်များတွင် မျိုးပွားအင်္ဂါနှင့် အသက်ရှူလမ်းကြောင်း ဗိုင်းရပ်စ်ပိုး ပြန့်ပွားမှု မန္တလေးတွင် ဖြစ်နေသည်။

အနည်းဆုံး ၃ မြို့နယ်ရှိ ဝက်များတွင် နားရွက်များ ပြာနှမ်းလာပြီး သေဆုံးမှုများ ဖေဖော်ဝါရီ ၁၅ ရက်က စတွေ့ခဲ့သည်။ မတ် ၄ ရက်အထိ ဝက် ၅၅၉ ကောင်ကို ကူးစက်ခဲ့ပြီး ဝက်ကောင်ရေ ၂၁ဝ သေဆုံးသည်ဟု တိုင်းကျန်းမာရေးဌာနက မဇ္ဈိမသို့ ပြောသည်။

OIE ခေါ် ကမ္ဘာ့တိရစ္ဆာန် ကျန်းမာရေးအဖွဲ့ (World Organization for Animal Health) ကလည်း
မြန်မာနိုင်ငံတွင် ဝက်မျိုးပွားအင်္ဂါနှင့် အသက်ရှူလမ်းကြောင်းဆိုင်ရာ ဗိုင်းရပ်စ်ပိုးပြန့်ပွားနေကြောင်း အရေးပေါ် ကြေညာချက် ထုတ်ထားသည်။

မြန်မာနိုင်ငံတွင် ပထမဆုံးတွေ့ရှိခြင်းဖြစ်ပြီး အောင်မြေသာစံ၊ ချမ်းအေးသာစံ၊ မဟာအောင်မြေ၊ ချမ်းမြသာစည်၊ ပြည်ကြီးတံခွန်၊ အမရပူရ၊ စစ်ကိုင်း၊ မတ္တရာ စသည့် မန္တလေးနှင့်ဝန်းကျင်မြို့နယ်များတွင် ကူးစက်နေကြောင်း မန္တလေးတိုင်း ကျန်းမာရေး ဦးစီးဌာန တာဝန်ရှိသူ တဦးက ပြောသည်။

“ဒါ ကျနော်တို့ နိုင်ငံမှာ ပထမဆုံး ဖြစ်တာပါ” ဟု သူက မဇ္ဈိမကိုပြောသည်။

ဝက်များ အစုအပြုံလိုက်သေဆုံးပြီးနောက် ဝက်သားစားသူ နည်းသွားသည်ဟု မန္တလေးမြို့ခံများက ပြောသည်။

“အစကတော့ ဝက်သေသားတွေကို အလှူက ပိုတဲ့ ဝက်သားတွေဆိုပြီး ဈေးပေါပေါနဲ့ လာရောင်းတာတွေ ရှိတယ်။ မသိတော့ ဈေးသက်တာတာနဲ့ ဝယ်စားလိုက်တယ်။ ခုနောက်ပိုင်း မြို့ပေါ်မှာ ဒီရောဂါနဲ့ ဝက်တွေသေတာများလာတော့ ဝက်သား မစားရဲတော့ဘူး” ဟု မြို့ခံတဦးက မဇ္ဈိမကိုပြောသည်။

ပြည်ကြီးတံခွန်နေသူတဦးကမူ “ဝက်တွေ လမ်းလျှောက်ရင် ယိုင်ထိုးထိုး ဖြစ်လာပြီး မကြာဘူးသေတာပဲ။ အသားရောင် ကတော့ ညိုမည်းမည်း အရောင်သန်းသွားတယ်။ အခုသေတာများလို့ တချို့ ပေါ်ရောင်းတာတောင် မလုပ်ကြတော့ဘူး။ လမ်းဘေးမှာပဲ လွှင့်ပစ်တာတွေ တွေ့ရတယ်” ဟု မဇ္ဈိမကို ပြောသည်။

ယင်းကူးစက်ရောဂါနှင့် ပတ်သက်၍ မွေးမြူရေးနှင့် ရေလုပ်ငန်းဝန်ကြီးဌာနက ဦးဆောင်၍ ရောဂါ ရှာဖွေ စမ်းသပ်နေဆဲဖြစ်သလို နှိမ်နင်းမှုများ ပြုလုပ်ရန်လည်း စီစဉ်နေကြောင်း မန္တလေးတိုင်း မွေးမြူရေးနှင့် ကုသရေးဌာန တိုင်းရုံး တာဝန်ရှိသူတဦးက မဇ္ဈိမကို ပြောသည်။

အပြင်းစား ကူးစက်ရောဂါဟု ကျန်းမာရေးအရာရှိက ပြောဆိုပြီး ရောဂါနှိမ်နင်းရန် ဆေးဝါးလိုအပ်ချက် ကြီးမားသည်ဟုလည်း ဆိုသည်။
http://mizzimaburmese.com/news/inside-burma/7062-2011-03-08-10-02-04.html

ပြည်ထဲရေးဌာနက ပေါက်ကွဲသံများ


ပြည်ထဲရေး ၀န်ကြီးဌာန လက်အောက်က တပ်ဖွဲ့တွေ ဌာနတွေရဲ့ ရာထူး တိုးမြှင့်ရေး၊ ပြောင်းရွှေ့ရေး ကိစ္စတွေမှာ လူကြီးတွေရဲ့ ထင်ရာလုပ်မှု၊ လာဘ်စားမှု၊ မသမာမှုတွေနဲ့ ရင်ဆိုင်နေကြရတယ်လို့ နေပြည်တော် ပြည်ထဲရေး ၀န်ထမ်းတွေက ပြောဆိုနေကြပါတယ်။
အထူးသဖြင့် အထွေထွေအုပ်ချုပ်ရေး ဦးစီးဌာနနဲ့ မြန်မာနိုင်ငံ ရဲတပ်ဖွဲ့မှာ ပိုပြီးဆိုးရွားတာ တွေ့ရှိရပါတယ်။ ထွေ/အုပ် မှာဆိုရင် အရင်ညွှန်ချုပ် ဦးမြတ်ကို ရှိစဉ်ကတည်းက ပြယုဂ် သက်သက်ပါဘဲ၊ ဘာလုပ်ပိုင်ခွင့်မှ မပေးတော့ပါဘူး။ ၀န်ကြီးရုံးကပဲ တိုက်ရိုက်လုပ်ပါတယ်။ ရာထူးတိုး၊ ပြောင်းရွှေ့အားလုံး ရုံးအဖွဲ့မှူး ဦးနေမျိုးက ထင်တိုင်းစီမံနေပြီး မယက ဥက္ကဋ္ဌတယောက် နေရာကောင်း ပြောင်းပေးရင်ပဲ ကျပ် သိန်း ၅၀ လောက် ပေးရပါတယ်။
အရင် ဗိုလ်ချုပ်ကြီးဟောင်း သူရရွှေမန်းရဲ့ တပည့်ရင်းဖြစ်နေတာကြောင့်လည်း ၀န်ကြီးက အစ မပြောသာဘဲ ဒီအတိုင်း ကြည့်နေရတဲ့သဘောရှိတယ်။
အထွေထွေ အုပ်ချုပ်ရေးဦးစီးဌာနမှာ ရာထူးတိုးမြှင့်ရေးကို အသက် အပိုင်းအခြားနဲ့ ကန့်သတ်ထားတဲ့အတွက် လုပ်သက် ၁၀ နှစ်ကျော် တာဝန်ထမ်းဆောင်ခဲ့တဲ့ ဒု ဦးစီးတွေ ရာထူးတိုးမြှင့်ဖို့ မလွယ်ကူတော့ပါဘူး။ အသက် ၃၀ ကျော်သူတွေကို ဦးစီးအရာရှိ မပေးတော့ဘူး ဆိုတော့ ယခု လက်ရှိတာဝန် ထမ်းဆောင်နေတဲ့ ဒု ဦးစီး အားလုံးကို ရာထူးတိုးမပေး တော့ဘူးဆိုတဲ့ သဘောသက်ရောက် ပါတယ်။ လက်ရှိ ၂၅ နှစ်အောက် သင်တန်း ဆင်းပြီးစ ဒုဦးစီးတွေတောင် မျှော်လင့်ချက် မရှိတော့သလို ဖြစ်ပါတယ်။ လုပ်သက် နှစ်ကျော်မှ ရာထူး တိုးမြှင့်ရေးကို စဉ်းစားမယ်ဆိုတော့ လုပ်သက် နှစ်ပြည့်ရင် အသက် ၃၀ ကျော် သွားပါပြီ။ ဒီတော့ အသက် ၂၅ နှစ်မှာ သင်တန်းဆင်းပြီး ဒုဦးစီး ဖြစ်နေတဲ့သူတွေ ဦးစီးအရာရှိ မဖြစ်နိုင်ဘူးလို့ ပြောရတာပါ။
ဝန်ထမ်းရွေးချယ် လေ့ကျင့်ရေးက စိတ်ကူးရမှ ခေါ်လေ့ရှိတဲ့ (ကာလ သတ်မှတ်ချက်မရှိတဲ့) စာမေးပွဲမှာ ကြုံကြိုက်တုန်း အပုံလိုက် ပေးတော့မှ ရာထူးတိုးနိုင်တော့မှာ ဖြစ်ပါတယ်။၊ တနည်းအားဖြင့် အရပ်ဘက်မှ ၀င်ရောက်တဲ့ ၀န်ထမ်းတွေကို မပေးဘဲ၊ စစ်တပ်က အသွင်ပြောင်း လာတဲ့ ဆေးကျလူမမာ စစ်ဗိုလ်တွေကိုပဲ ဦးစီးအရာရှိ ရာထူးပေးနေတာပါ။ ပြည်ထဲရေး ဝန်ကြီးဌာနကိုလည်း တပ်မတော်က အသွင်ပြောင်းအရာရှိ တွေက အထက်ပိုင်း အဆင့်ဆင့်ကနေ အုပ်ချုပ်သွားမှာပါ။
အဲဒါမှပဲ နယ်ဘက် အုပ်ချုပ်ရေးကို လွှဲသယောင်ယောင်နဲ့ စစ်တပ်က လိုသလိုချုပ်ကိုင် သွားနိုင်တော့မှာပါ။ ပြီးခဲ့တဲ့ ရွေးကောက်ပွဲရလဒ်ကို ကြည့်နိုင်ပါတယ်။ ရွေးကောက်ပွဲ ကော်မရှင် တာဝန်ယူသူတွေ ဖြစ်တဲ့ ထွေအုပ်၊ ရဲ၊ ဌာနဆိုင်ရာ၊ ရပ်မိရပ်ဖ အားလုံးဟာ တပ်မတော်က အသွင်ပြောင်းနဲ့ အငြိမ်းစားတွေပဲ ဖြစ်ပါတယ်။ နယ်ဘက်က ဌာနတွင်း လုပ်သက်ရင့် အတွေ့အကြုံရှိတဲ့ ၀န်ထမ်းတွေကို ရာထူးတိုးပေးရေး အတွက် အသက်၊ ပညာအရည်အချင်း၊ အရပ်အမြင့်ပေ၊ ရုပ်ရည်၊ စွမ်းဆောင်မှု ဆိုပြီး အကြောင်းအမျိုးမျိုးပြ ကန့်သတ်ထား ပေမယ့်လည်း စစ်တပ်က အို၊ နာ၊ ကျိုး၊ ကန်း တွေကိုတော့ ဘာလာလာ ရာထူးအလိုက် နေရာပေးထား တာပါ။
မြန်မာနိုင်ငံရဲတပ်ဖွဲ့မှာလည်း တာဝန်ရှိပုဂ္ဂိုလ်တွေက မြန်မာ နိုင်ငံရဲတပ်ဖွဲ့ ရာထူး တိုးမြှင့်ရေး ကိစ္စတွေကို ထင်ရာ လုပ်နေကြပါတယ်။ ဒုရဲအုပ်အပါတ်စဉ် ၁၅ ဆင်းတဦးရဲ့အဆိုအရ၊ သူ ဒုရဲအုပ်ဖြစ်စဉ်အခါက တန်း၊ တန်း ကျောင်းတက်နေတဲ့ ကလေးတွေက အခုရဲအုပ် အဆင့်တွေဖြစ်နေကြတဲ့အတွက် ကိုယ့်သားလောက်ကို ဆရာခေါ်၊ အဘခေါ် နေရပြီး အလေးပြုနေရတယ်လို့ သိရပါတယ်။
သူတို့ အပါတ်စဉ်တွေက ဒုရဲအုပ် လုပ်သက်တမ်းတင် ၁၅ နှစ်ကျော်နေပါပြီ။ ဘယ်လိုနည်းနဲ့မဆို အနည်းဆုံး ရဲအုပ်တော့ ဖြစ်သင့်နေပါပြီ။ ဒုရဲအုပ်လောင်း အပါတ်စဉ် ၄၀ ကနေ ၅၅၅၆ တွေမှာတောင် ရဲအုပ်တွေ ဖြစ်နေကြပါပြီ။ အမှတ်စဉ် ၁၅ ကနေ ၃၀/၉၇ အထိ ဒုရဲအုပ်တွေကို ဘာကြောင့် ရာထူးတိုးမပေးဘဲ ချန်ထားတာလဲ၊ ဘယ်လိုမှ စဉ်းစားလို့ မရပါဘူး။ အသက်အရွယ်အရ နောက်ထပ်လည်း ဖြေလိုစိတ်မရှိတော့ပါဘူး။ အရင်က ၅၅၅၆ တွေကို ငွေပေးတဲ့ အပေါ်ကြည့်ပြီး ရဲအုပ်ရားထူးပေးဖို့ တင်ထားတာ သတင်း ပေါက်ကြားလို့ ပျက်ပြယ် သွားပြီးသားပါ။ အခုပြန်ပြီး ပေးဖို့လုပ်နေကြပြန်ပါပြီ။ ရဲချုပ်၊ ၀န်ကြီးအပြောင်းအလဲမှာ အခွင့်ကောင်း ယူပြီး လုပ်ကြဦးမယ် ထင်ပါ တယ်။ တပ်ဖွဲ့တွင်းမှာတော့ တကယ့်ကို တပည့်မွေး၊ ဆရာကျွေး စနစ်ကို ကျင့်သုံးနေကြတာပါ။
ပြည်ထဲရေး ဝန်ထမ်းတွေရဲ့ ပြောကြားချက်ကို ပြန်လည်ရေးသားပေးပို့ပါတယ်
ဝဿန်
--၂၀၁၁