Tuesday, April 5, 2011

ဒီမိုကရေစီလွှတ်တော်အစိုးရ ကို ဒီမိုကရေစီ အခွင့်အရေးနင့်အညီတောင်းဆိုရေး

ကနေ့ မြန်မာနိုင်ငံမှာ နှစ်ပေါင်း ၄၉ -နှစ်အကြာမှာ ဒီမိုကရေစီ လို့  အမည်ခံထားတဲ့ သမတကြိးဥိးသန်းစိန် အစိုးရတရပ် ပေါ်ပေါက်လာပါပြီ ။ ဒီမိုကရေစီ စံတွေနဲ့  ကိုက်ညီမှု ရှိမရှိ ကို အခု လက်တွေ့ စမ်းသပ်ဖို့  ဂွင်လေးတခုရှိနေလို့  အားလုံးကို တိုက်တွန်းလိုက်ပါတယ် ။ အခုတိုက်တွန်းချက်ဟာ လမ်းမပေါ်ထွက် ဆန္ဒပြဖို့  လှုံ့ ဆော်တာမဟုတ်တာကို ပထမဥိးဆုံး ပြောကြားလိုပါတယ် ။ လမ်းပေါ်ကို လွယ်လွယ်နဲ့ မထွက်စေချင်ပါဘူး ။ ၈၈၈၈-တုံးက ကျနော်တို့ ထွက်ခဲ့တဲ့အချိန် နဲ့ အခုအခြေအနေတွေ မတူတာ ရော အခုကိစ္စက ဥပဒေကို ဥပဒေဘောင်ထဲက စမ်းတာမို့  သူတို့ ကထွက်လာအောင် ကန်ထုတ်ရင်တောင် မထွက်ကြပါနဲ့  ။ အထူးသတိပေးလိုပါတယ် ။

ဖဲစကားနဲ့ ပြောရရင် ကိုယ်လက်ထဲမှာအနိုင်ဖဲ ရှိနေမှတော့ သူလက်ထဲဘာဖဲ ဘဲရှိရှိ အထက်စီးကရိုက်ကြရမှာပေါ့ ။ အပီပေါ့ ။ ပြိးသမ္မတ ကြိးကလဲ ဥပဒေနဲ့ အညီ ဆိုရင် လက်ခံပေးမယ် ပြောထားပြီဘဲ ။ ကျနော်တို့ ဘက်က ဥပဒေနဲ့ မလွတ်ထွက်အောင်သာ ဂရုပြုဖို့ အရေးကြိးပါတယ် ။ ဒါပေမဲ့ ကျနော်တို့ ကလဲ ဥပဒေဘောင်ထဲကနေတောင်းဆိုတာမို့  ပတ်သက်နေသူတွေကလဲ ကိုယ့်ဘ၀အရေးမို့  သတ္တိရှိရှိ ညီညီညွှတ်ညွှတ် ပါဝင်ဖို့ လိုပါတယ် ။ အဖွဲ့ ကလဲ ပါဝင်သူတွေကို တရားဝင် မှတ်တမ်းထိုးထားဖို့ လိုပါတယ် ။ မပါဝင်ရဲသူ ရှိရင်တော့ အချောင်ခံစားလိုသူတွေကို နှိမ်စရာ အပြစ်တင်တာ မလုပ်မိဖို့ လဲလိုပါတယ် ။ ဒီမိုကရေစီ စံနဲ့ အညီပေါ့လေ ။ ကိုယ့်အလုပ်သမားတွေကို မပါရင် မနေရမလုပ်မိဖို့ လိုအပ်ပါတယ် ။ တဖက်က ခြိမ်းခြောက်လာရင် လဲ ဘယ်လိုဆိုတာ ဘယ်သူဆိုတာ ဗြောင် ချဲလင့်ခေါ်ပေးဖို့ လိုပါတယ် ။

အသံနဲ့ ခြိမ်းခြောက်တာကို ပြတ်ပြတ်သားသား ထိထိရောက်ရောက် တုန့် ပြန်ရပါမယ် ။ ဘယ်သူ့ ဆီကလာတယ် ဘယ်သူဆိုတာ ဖေါ်ထုတ် မေးမြန်းတာလုပ်ပေးရပါမယ် ။ ဘယ်သူ လို့ မပြောရဲရင် အဲဒီစကားစထုတ်သူကို အပြတ်ရှင်းကြရပါမယ် ။ အလကားသက်သက် စကားဖွတဲ့သူကို ပထုတ်ပစ်ရပါမယ် ။ လိုအပ်ရင် အဲဒီသူကို ၀ိုင်းကျဉ်ထုတ်ပစ်ရပါမယ် ။ အလုပ်လူမှုအသိုင်းအ၀ိုင်းကနေကို ထုတ်ပယ်ပစ်ဖို့ လဲ စဉ်းစားထားရပါမယ် ။ ရန်သူဟာ ဒီလိုပါးစပ်တွေကို အသုံးမပြုနိုင်အောင် ကျဉ်ထုတ်ပစ်ရပါမယ် ။

ကနေ့  မြန်မာနိုင်ငံအလုပ်သမားတွေရဲ့  အနိမ့်ဆုံး လုပ်ခ ( တနေ့  လုပ်ခ ) လစာကို ဒီမိုကရေစီ နိုင်ငံတိုင်းမှာသတ်မှတ်ထားသလို မြန်မာ နိုင်ငံမှာသတ်မှတ်ပေးဖို့  ၀ိုင်းလက်မှတ်ထိုးပြိး သမတ နဲ့ လွှတ်တော်ကိုယ်စားလှယ်တွေ ဒါကို လွှတ်တော်မှာ တင်သွင်းပေးပြီ တောင်းဆိုပေးမဲ့ ပါတီတွေကို တင်ပြကြရပါမယ် ။ ကြံ့ ခိုင်ရေးပါတီကိုပါတောင်းဆိုစာပို့ ရပါမယ် ။ ဒါကို ပြည်ပ မီဒီယာကြိးတွေက ကြံ့ ခိုင်ရေးပါတီကို တိကျတဲ့အမေး နဲ့ တိကျတဲ့အဖြေ ထုတ်ပေးရပါမယ် ။ ဒီလိုတောင်းဆိုတာဟာ ဥပဒေကိုချိုးဖေါက်တာမဟုတ်ဘူးဆိုတာ မြန်မာအလုပ်သမားအများစု နားလည်ဖို့ လဲ မီဒီယာကြိးတွေကလဲ ၀ိုင်းဝန်းပ့ပိုးပေးဖို့ ပန်ကြားလိုပါတယ် ။ အထူးသဖြင့် အလုပ်သမားရေးလုပ်နေပါတယ်ဆိုတဲ့ NCUB ဥိးမောင်မောင်က ဘယ်လိုကူညီနိုင်မလဲ ကိုလဲမေးမြန်းပေးဖို့ လိုပါတယ် ။

NLD အဖွဲ့ ချုပ်ကလဲ အာဆီယံတို့  ကုလသမ္မဂတို့ လို အဖွဲ့ ကြိးတွေကို မြန်မာနိုင်ငံ မှာအလုပ်သမားအနိမ့်ဆုံးသတ်မှတ်ချက် သတ်မှတ်ပေးဖို့ အရေးတကြိးလိုနေပြီဖြစ်ပါကြောင်း တင်ပြပေးမယ် တောင်းဆိုပေးမယ် လို့  ယုံကြည်မိပါတယ် ။

အစိုးရကလဲ ဒီလိုတောင်းဆိုလာတာကို မခြိမ်းခြောက်ဖို့  လိုပါတယ် ။ ဥပဒေဘောင်ထဲကတောင်းဆိုတာကိုခြိမ်းခြောက် ရင် တဆင့်တက်ပြိး အာဆီယံတို့  ကုလသမ္မဂ တို့ ကို တင်ဖို့ လိုပါတယ် ။ အဲဒီလိုတင်ရပြီဆိုရင် အပြတ်ဘဲ မြန်မာနိုင်ငံရဲ့  တနေ့ လုပ်ခဟာ ကျွန်လုပ်ခ အဖြစ်သတ်မှတ်ပေးဖို့ ပါ တပါထည်းတောင်းဆို ပြစ်ဖို့ အထိ ပြင်ဆင်ထားကြဖို့ လိုပါတယ် ။ ပြိး နိုင်ငံကြိးတွေကိုပါ (အမေရိကန် ဥရောပ အိန္ဒီယ အာဆီယံ ) တို့ကိုပါ မြန်မာနိုင်ငံအလုပ်သမားခ မတရားနည်းတဲ့ကုမ္မဏိ တွေကထုတ်တဲ့ ထုတ်ကုန်တွေကို FAIR TRADE မူနဲ့အညီ တင်သွင်းခွင့် ပိတ်ထားဖို့ အထိတောင်းဆိုတာကို မြှင့်တင်လိုက်ဖို့  ညှိနိုင်းထားကြဖို့ လိုပါတယ် ။ တဆက်ထည်း ကုန်သွယ်ရေးပိတ်ဆို့ ထားတာကို ပြန်ဖွင့်မယ်ဆိုရင် အလုပ်သမား

တဆက်ထဲ အလုပ်သမားတွေကလဲ ယခုတလော နှစ်ဘက်အပြန်အလှန်ငြင်းဆိုနေကြတဲ့ SANCTION စီးပွားရေးသပိတ်ဆို့ တာ အပေါ်အလုပ်သမားတွေရဲ့ အမြင်ကို တိုက်ရိုက်ထင်ဟပ်စေမဲ့ သဘောထားစစ်တမ်း ကို ( လျှို့ ဝှက်) မဲပေးစံနစ်နဲ့ ကောက်ယူပေးဖို့  အစိုးရမဟုတ်တဲ့ သမာသမတ်ကျမဲ့ လူကြိးတွေ ဆရာတော်ကြိးတွေကိုဖေါ်ဆောင်ပေးဖို့ ပါ တက်လှမ်းရပါမယ် ။ ဖြစ်နိုင်ရင် အစိုးရဆီက ခွင့်ပြုချက်တောင်းပြိး အလုပ်သမားတွေ့ ရှေ့ မှာ နှစ်ဖက်အဆိုရှင်တွေ ( နိုင်ငံရေးခေါင်းဆောင်တွေ ) ကိုယ်တိုင် လာရောက် ပြိးစကားရည်လုပွဲသဘောလာဟောပြောခွင့်တောင်းပြိး ပွဲလုပ်ခွင့်ပါ တင်ပြကြည့်ဖို့ ကောင်းပါမယ် ။ လိုပါမယ် ။

နောက်တခုက မြန်မာနိုင်ငံမှာ နိုင်ငံခြားက တိုက်ရိုက်ရင်းနှီးမြုပ်နှံမှု တိုးတက်လာဖို့  မြန်မာနိုင်မှာ သင့်တင့်မျှတတဲ့ ရင်းနှိးမြုပ်နှံမှုဥပဒေ ကို တိတပပ ထုတ်ပြန်ပေးဖို့ ရယ် မြန်မာနိုင်ငံကထွက်တဲ့ သယံဇာတတွေကို မြန်မာနိုင်ငံမှာ သုံးစွဲ လို့ ပိုလျှံမှသာ တခြားနိုင်ငံတွေကိုထုတ်ရောင်းချရေးမူ ကိုထုတ်ပြန်ပေးဖို့ နဲ့  မြန်မာနိုင်ငံမှာ စွမ်းအင် အလုံအလောက် သုံးစွဲပြိးပိုလျှံ မှသာ နိုင်ငံခြား ရင်းနှီးမှုများဝင်လာမယ်ဆိုတာကို လွှတ်တော်မှ ဆွေးနွေးပေးဖို့  တောင်းဆိုရပါမယ် ။ ဒီကိစ္စကို ဆွေးနွေးရာမှာ ကြံ့ ခိုင်ရေးပါတီက ဘယ်လိုသဘောထားရှိတယ်ဆိုတာကိုလြ မီဒီယာကြိးတွေက ကူညီပေးဖို့ လိုပါတယ် ။

အစိုးရက လိုက်လျှောမပေးဘူး လုပ်ဆောင်မပေးဘူးဆိုရင် မီဒီယာကြိးတွေကလဲ အာဆီယံမှာ မြန်မာနိုင်ငံရဲ့ အလုပ်သမားခ ကို အခြားအာဆီယံနိုင်ငံတွေနဲ့ ကွာခြားနေတာတွေကို မိးမောင်းထိုးပြပေးဖို့အလုပ်သမားတွေကတောင်းဆိုလို့ ရပါတယ် ။

တဆက်ထည်း အလုပ်သမားတွေ အများစုနေထိုင်နေရတဲ့ အခြေအနေတွေကို စိးပွားရေးပညာရှင်တွေ ကိုလာရောက်လေ့လာစေပြိး အလုပ်သမားမိသားစု အတွက် တကယ် သမာသမတ်ကျမဲ့ ( ဖြစ်သင့် ဖြစ်ထိုက်တဲ့ ) ၀င်ငွေထွက်ငွေ ကို လက်တွေ့ တွက်ချက်ပြိး ထုတ်ပြန်ပေးဖို့  သမတ ကြိးဆီကိုတောင်းဆိုရပါမယ် ။

အခုလိုတောင်းဆိုတာဟာ မှန်ကန် သမာသမတ်ကျကျ ဘယ်လိုမှ နိုင်ငံရေးအမြတ်ထုတ်လိုသော သဘောထားမဟုတ်ကြောင်းနဲ့  ပါတီနိုင်င့ရေးအဖွဲ့ တွေကိုလဲ အဖွဲ့ အားလု့းကို မေးမြန်းတာလုပ်တာက လွဲလို့  သူတို့ ရဲ့ လမ်းညွှန်မှုနဲ့  အတတ်နိုင်ဆု့းကင်းရှင်းအောင်နေဖို့ လဲလိုပါတယ် ။ သို့ မဟုတ်က ပါတီတခုရဲ့ ခါးပိုက်ဆောင် လူစုတွေ လွှမ်းမိုးလာတာ ခံရနိုင်ပါတယ် ။ အလုပ်သမားတွေရဲ့ ဘ၀ကို ပကတိအတိုင်းထင်ဟပ်တဲ့ သု့းသပ်ချက်ဖြစ်အောင် လုပ်ကြဖို့ လိုပါတယ် ။ အစိုးရလက်ခံနိုင်မဲ့ ထုတ်ပြန်ချက်ဖြစ်ဖို့လိုအပ်ပါတယ် ။

အလုပ်သမားတွေရဲ့ တကယ့်လိုအပ်ချက်ကို ပါတီတွေက ဖေါ်ဆောင်ပေးတာဘဲဖြစ်သင့်ပါတယ် ။ နည်းနည်းလုပ်ပေးပြီ ပါတီအကျိုးအတွက် အလုပ်သမားထုကို အသု့းချတာ မဖြစ်ဖို့  မခံရဖို့ အထူးဂရုစိုက်ကြရပါမယ် ။

နောက်တခုက အထည်ချုပ်လုပ်ငန်းရှင်တွေကို လုပ်ခပေးခြေရာမှာ အက်အိးစီ တိုက်ရိုက်ထုတ်ပေးပြိး အလုပ်သမားတွေကိုလဲ အက်အိးစီ ပေးခြေပေးဖို့ တောင်းဆိုသင့်ပါတယ် ။ သို့ မဟုတ်က အက်အိးစီ ကို န.အ.ဖ လက်ထက်ကလို အကောက်ခွန်နုံးထားနဲ့ ( ထက်ဝက်နည်းတဲ့နုံး ) ကျပ်ငွေထုတ်ပေးနေတာမျိုး ရပ်ဆိုင်းပြိး တိုက်ရိုက် အက်အိးစီ ငွေစက္ကူထုတ်ပေးရေးကိုတောင်းဆိုရပါမယ် ။

အချုပ်အနေနဲ့တော့ ကျနော်အခု တိုက်တွန်းတဲ့တောင်းဆိုချက်တွေဟာ အလုပ်သမားတွေ ကို အ၄ားဗိုက်နဲ့ ဓါးအထိုးခံ ဆိုတာမျိုး မဟုတ်ပါ ။ အားလို့ ဖွနေတာလဲမဟုတ်ပါဘူး ။ အလုပ်သမားထုကြိးဘ၀ဟာ ဥိးနေ၀င်းလက်ထက် တ၀က်လောက်ကစပြိး တနေ့ လုပ်တနေ့ စားဘ၀ကနေ န.၀.တ နဲ့  န.အ.ဖ လက်ထက် ရောက်တော့ တနေ့ လုပ်တနေ့ စားဘ၀ကလျှောပြိး တနေ့ လုပ့် နေ့ တ၀က်စားဘ၀ အထိ ကျဆင်းသွားပါတယ် ။

အခုလိုလက်မှတ်ထိုးတောင်းဆိုတာကို အခုလွှတ်တော်က အရေးမယူရဲပါဘူး ။ အရေးယူရင် တကမ္ဘာလု့း ထကန့်ကွက်တာခံရပါမယ် ။ ပြိးဒီလွှတ်တော်ကို ကမ္ဘာက အကဲခတ်နေတာ ဒါပထမဆု့း စမ်းသပ်လိုက်တာ သူတို့  ဒီတောင်းဆိုချက်ကို အရေးယူဖို့ နေနေသာသာ အိယောင်ဝါးတောင်မလုပ်ရဲစေရပါဘူး ။ အဖြေ တခု ပေါ်အောင်တုန့် ပြန်စေရပါမယ် ။ အခုသာစလုပ်ပါ အဲဒီလောက်အထိ အခြေနေပေးနေပါတယ် ။

သမတကြိးဥိးသိန်းစိန်ကလဲ သန်းရွှေလက်ထက်က စုပ်ပြတ်ခဲ့တာတွေကို ပထမဆုံးမိန့် ခွန်းမှာတင် ပြန်လှန်လာပါပြီ ။ သန်းရွှေ ရဲ့ လူဆိုပေမဲ့ သန်းရွှေလို လုပ်ချင်ရာလုပ် ရှင်းပြစရာ မလိုတဲ့ အုပ်ချုပ်ရေးမဟုတ်တော့ သူ အမှန်ကိုဘဲပြောရ လုပ်ပေးရပါတော့မယ် ။ သန်းရွှေက လူကြားထဲ ( အူ-စရာမလိုတော့ ) လူတွေကိုအလေးထားစရာ မလို မထားဘူး ။ ခုသမ္မတကြိးက လူတွေကို ကြည့်လာရပြီ ။

အားလုံး သတ္တိရှိရှိသာ ၀ိုင်းလက်မှတ်ထိုးကြပါလို့ တိုက်တွန်းလိုက်ပါတယ် ။

တခါ ပြည်တွင်းက အင်အားစုတွေနဲ့  အထူးသဖြင့်ပြည်ပကအင်အားစုတွေကလဲ အတတ်နိုင်ဆုံး လက်တွဲပေးကြပါလို့  ( ပန်ကြား ) လိုပါတယ် ။ အထူးသဖြင့် ပြည်ပအဖွဲူအစည်းတွေကလဲ တိုင်းရေးပြည်ရေးမို့  အုတ်တချပ် ရေတမှုတ် ၀ိုင်းဝန်းပေးကြပါ ။ ကျနော်တင်ပြထားတဲ့ အစီအစဉ်ထက် ပိုမိုထိရောက်မဲ့  လုပ်ကွက်လေးတွေ နည်းလမ်းလေးတွေ ဆွေးနွေးပေးဘကပါအုံးခင်ဗျာ ။ ဒါပေမဲ့ ပြည်တွင်းမှာ ၂၀၁၀ အလုပ်သမားတွေ ဆန္ဒပြလာကြတော့ ငါတို့က အတူတူ ရပ်တယ်ဆိုပြိး ( ကိးဘုတ်ပေါ်လက်ယားတာလေးလောက် ) လုပ်ပြတာမျိုး ကိုတော့ မလုပ်ကြပါနဲ့ခင်ဗျာ ။ အလုပ်သမားတွေဘ၀ကို တကယ်ကိုယ်ချင်းစာတယ်ဆိုရင် ပေါ့ပေါ့လေး မအာကြပါနဲ့လို့  ( တောင်းပန် ) ပါတယ် ။ နံမည်တောင် မဖေါ်ရဲတဲ့ အခြောက်နိုင်ငံရေးသမားတွေ ပုံစံ မလုပ်ကြပါနဲ့ လို့ တောင်းပန်ပါတယ် ။

ကျနော်ကတော့ ဒီလိုလက်မှတ်ထိုးတောင်းဆိုတာ လုပ်လာကြရင် လက်မှတ်ထိုးမှု အများဆုံး ( ရာခိုင်နုံး % ) အများဆုံးထိုးတဲ့  စက်ရုံ အလုပ်သမားများကို ( ဂုဏ်ပြုငွေ ) ကျပ်ငွေ ( ဆယ်သိန်း ) ရောက်အောင်ပို့ ပေးပါမယ် ။ ငွေ နဲနဲ ကျပ်တည်းနေလို့ပါ ။ ရှိရင် ချေး၎ားလို့ ရရင် ဒါထက်ပို ဂုဏ်ပြုချင်ပါသေးတယ် ။ အဲဒီငွေကို အဲဒီစက်ရုံက လုပ်သားတွေအကြား ဆု ( ၃ -ဆု ) ခွဲပြိး ကံစမ်းတာလေး လုပ်ပေးဖို့ ပါ ။

ပြည်ပအင်အားစုတွေကလဲ ကျနော်တင်ပြတာထက် ပိုမိုထိရောက်မဲ့ လုပ်ကွက်လေးတွေ ကျနော် ဂုဏ်ပြုတာထက် ပိုကောင်းမဲ့  နည်းလေးတွေ ဆွေးနွေး ပေးကြပါအုံး ခင်ဗျာ ။ တိုင်းရေးပြည်ရေးမို့ အားလုံးဝိုင်းဝန်းပေးကြပါခင်ဗျာ ။

နောက်တခုက အလုပ်သမားတွေ ဘ၀ အရေးအတွက် တောင်းဆိုတိုက်ပွဲဝင်လာရင် အဲဒီတိုက်ပွဲဟာ နိုင်ငံရေးလို ဖိနှိပ်ပြစ်လို့ မရနိုင်သလို အာဏာလွှဲအောင်တောင်းတာမဟုတ်တော့ သူတို့  အတွက် တကယ့်ဘေးကျပ်နံကျပ်ပါ ။ တခုခု တဆင့်အထိတော့ လိုက်လျှောပေါ်ကြရမှာပါ ။

အာလုံးကို ထပ်မံပန်ကြားလိုပါတယ် ။ အခုအစီအစဉ်ထက် ပိုမိုထိရောက်မဲ့ တိုက်ပွဲတွေ ဖေါ်ထုတ်ပေးကြပါအုံး လို့  ပန်ကြားရင်း

အားလုံးကိုလေးစားလျှက်

လှိုင်မြင့်

အထက်တင်ပြထားတာ ကို အကျဉ်းချုပ်

( ၁ ) အလုပ်သမားများအတွက် တနေ့ အနိမ့်ဆုံး လုပ်အာခ သတ်မှတ်ပေးရေး လက်မှတ်ထိုးတောင်းဆိုရေး

( ၂ ) နိုင်ငံခြားတိုက်ရိုက်ရင်းနှီးမြုပ်နှံမှု အတွက် တိကျပြတ်သားတဲ့ ဥပဒေထုတ်ပြန်ပေးရန်

( ၃ ) တိုင်းပြည်ရဲ့ သယံဇာတ ( စွမ်းအင် ) ကိုပြည်တွင်းသုံးပိုလျှံမှသာ ပြည်ပထုတ်ရောင်းချရန် ။

( ၄ ) အလုပ်သမားခကို အက်အီးစီ ဖြင့်တိုက်ရိုက်ပေးချေရန်

( ၅ ) အလုပ်သမားမိသားစု တခု၏ ၀င်ငွေထွက်ငွေကို စစ်တမ်းကောက် ထုတ်ပြန်ပေးရန် ။

( ၆ ) SANCTION စိပွားရေးပိတ်စို့ မှု ကိစ္စ အလုပ်သမားများ သဘောထား စစ်တမ်းကောက် ထုတ်ပြန်ရန် ။

အန်န်အယ်လ်ဒီကဗျာရွတ်ပွဲ(ဂျပန်ငလျင်ဒဏ်သင့်ပြည်သူများအတွက်ဝမ်းနည်းခြင်းအထိမ်းအမှတ်)










(အသံဖိုင်) ငုံ့ မခံရဖို့ တုန့်ပြန်ကြစို့ အိန္ဒိယကသံချပ်


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။
Google Download


1.mp31.mp3
8557K   Play   Download  
2.mp32.mp3
5277K   Play   Download  
3.mp33.mp3
6090K   Play   Download  
4.mp34.mp3
9810K   Play   Download  
5.mp35.mp3
7209K   Play   Download  
6.mp36.mp3
7700K   Play   Download  
7.mp37.mp3
5533K   Play   Download  
8.mp38.mp3
7324K   Play   Download 
  
9.mp39.mp3
6320K   Play   Download  

All zip files here
http://www.mediafire.com/file/ngmjwkb6mzgqirj/India%20thanchat.rar

Listen Here

(ငုံ့ မခံရဖို့ တုန့်ပြန်ကြစို့ အိန္ဒိယကသံချပ်) by yyncanada
India Thangyat-2011

2011 ခုနှစ်မင်္ဂလာဒိုး အနုပညာအင်အားစု ဂျပန် မှ ရဲရဲတောက်တေးသံချပ်များ စတင်ဖြန့် ချီ


2011 ခုရဲ့ မြန်မာပြည် သင်္ကြန် အမှီ တင်ဆက်ဖျော်ဖြေတင်ဆက်နိုင် ရန် အတွက် ဂျပန်နိုင်ငံရောက် မင်္ဂလာဒိုးအနုပညာအင်အားစု မှနှစ်စဉ် ကျင်းပနေကျ မြန်မာ့ ရိုးရာ သင်္ကြန် ပွဲ များတွင် တင်ဆက်နေကျ ဒိုးပတ်သံများဖြင့် နိုင်ငံတကာရောက် မြန်မာမိသားစု များနှင့် မြန်မာပြည်တွင်းမှမိဘပြည်သူများအတွက် စိတ်သောကကင်းဝေး နိုင်စေရန် နှင့် ဒုက္ခ အပေါင်းမှ ကင်းငြိမ်းစေရန် ရည်ရွယ် ချက် ဖြင့် အစဉ်လာမပျက် တနှစ်တခေါက်မှန်မှန်ရောက်ရှိလာတဲ့ မင်္ဂလာဒိုး ရဲ့ သံချပ်များ အများပြည်သူများ ရှေ့မှောက်သို့ ရောက်ရှိလို့  လာခဲ့ပြန်ပါပြီ။ယခုနှစ်တွင်လည်း စင်တက်တေး မဟာလူသား နွေကလာကာအဖွင့် 2011 ရုပ်သေးလွှတ်တော် အားကစားစောင်မကြည့် ရှု့ ခြင်း နိုင်ငံတော် လုပ်ကြံမှု အပြောကတော ရွှေမန်း အထူးသတင်းကြေငြာချက် ဆူနာမီ စသည့်တေးသံချပ်များ ဖြင့် မြန်မာပြည်တွင်းမှ မိဘရဟန်းရှင် ပြည်သူများ ကြည့်ရှု့ နိုင်စေရန်နှစ်စဉ်နှစ်တိုင်း အတာသင်္ကြန်မရောက်ခင်မှာ သံချပ် သီချင်းခွေ ဗွီဒီယိုတွေထုတ်လုပ်ပြီး ပြည်တွင်းနဲ့ နိုင်ငံတကာကို ဖြန့်ချိခဲ့တာ နှစ်စဉ်နှစ်တိုင်းပင် ဖြစ်ပါတယ်။မြန်မာပြည်သင်္ကြန်နှင့်အတူ နှစ်စဧပြီလတွင်ကျင်းပနေကြ တိုကျိုသင်္ကြန်ပွဲတော်သည် ယခုနှစ်ဂျပန်နိုင်ငံတွင် ဆူနာမီငလျင်ကြီးလှုပ်ခပ်ခဲ့သောကြောင့်မေလ 15ရက်(15.5.2011)တွင်ကျင်းပရန်မည်ဟု မြန်မာ့ဒီမိုကရေစီ အဖွဲ့ ချုပ် မှ ဥက္ကဌ ဦးလှိုင်အေး က ပြောကြားခဲ့ပါသည်။မင်္ဂလာဒိုး အနုပညာအင်အားစု ဂျပန် မှ ရဲရဲတောက်တေးသံချပ်များ ကို အဖွဲ့ ခေါင်းဆောင်ဦးမျိုးသန့် မှတာဝန်ယူဦးဆောင်ပြီး သံချပ်များကို ဦးမျိုးသန့် ၊ ကိုသောင်းထွန်းဦး၊ကိုထွန်းဝေတို့ မှ ရေးသားကြပြီး မြန်မာပြည်အလွမ်းပြေ ယိမ်းအကနှင့်ဒိုးပတ်သံများဖြင့်ဝေေ၀ဆာဆာ မြူးမြူးကြွကြွ တင်ဆက်ထားသည်ကို တွေ့ ရမှာဖြစ်ပြီး မကြာမီအင်တာနက်စာမျက်နှာများတွင်ဗွီဒီယို ဖြင့်တစ်ဝကြီးကြည့် ရှု့နိုင်ရန်စီစဉ်လျက် ရှိပါသည်။ တိုကျို သင်္ကြန်ပွဲတော်တွင်လည်း အဖွဲ့ ဝင် ၃၀ ကျော်ဖြင့် ခြိမ့် ခြိမ့် သဲ ဖျော်ဖြေမည်ဖြစ်ပြီးဦးမျိုး သန့်  090 9241 4960 နှင့်ကိုထွန်းဝေ 080 3099 1503 kotunwai@gmail တို့ ကို ထံ မေးမြန်း ဆက်သွယ်နိုင်ကြောင်းသိရှိရပါတယ်။




6 attachments — Download all attachments  
6 - Yoat Thay Lottaw (than-chat.3).mp36 - Yoat Thay Lottaw (than-chat.3).mp3
2527K   Play   Download  
1 - Pin Nan Mar Lar Shwe.mp31 - Pin Nan Mar Lar Shwe.mp3
1689K   Play   Download  
2 - TuuPoe.TuuPoe..mp32 - TuuPoe.TuuPoe..mp3
1185K   Play   Download  
3 - Sin Tat Tay.mp33 - Sin Tat Tay.mp3
918K   Play   Download  
4 - Ma Har Luu Thr (than-chat.1).mp34 - Ma Har Luu Thr (than-chat.1).mp3
1060K   Play   Download  
5 - Nawe Ka La Kar Aa Phwint (than-chat.2).mp35 - Nawe Ka La Kar Aa Phwint (than-chat.2).mp3
1334K   Play   Download  

အိုဘယ့် ကယ်တင်ရှင်

အိုဘယ့် ကယ်တင်ရှင်

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ယနေ့ ဗမာပြည်တွင် လက်တဆုပ်စာမျှသော “ဘုရား” အထူးခံ ရေပေါ်ဆီ လူ့မလိုင်တချို့နှင့် ၎င်းတို့နှင့် အလွမ်းသင့်သော အရောင်ပြောင်း ပုတ်သင်ညိုတချို့မှအပ ကျန် သန်း ၅ဝ ကျော် လူထုမှာ နှစ်ပေါင်းများစွာ ဆင်းရဲခြင်း ဝဲသြဃအတွင်း မြုပ်တလှည့် ပေါ်တလှည့် ဖုတ်လှိုက်ဖုတ်လှိုက် ရုန်းကန်လှုပ်ရှားနေရဆဲဖြစ်ပြီး ဤအခြေအနေတွင် မျှော်လင့်ချက် ကောက်ရိုးတမျှင်ပေးကာ ဝါးကူထိုးပေးသူသူတို့ မနည်းမနောရှိပါသည်။ သည်အထဲတွင် ကယ်တင်ရှင်အမည်ခံ လူမှုကူညီရေးအဖွဲ့အစည်းများနှင့် သူရဲကောင်းဖြစ်ချင်ကြသော နိုင်ငံရေးသမားအတုအယောင်များက ထိပ်ဆုံးမှ ပါဝင်လျက်ရှိသည်။

မကြာသော ကာလတွင် ဗမာပြည်သို့ နာဂစ်မုန်တိုင်း တိုက်ခတ်ခဲ့သည်မှာ သုံးနှစ်တင်းတင်း ပြည့်တော့မည် ဖြစ်သည်။ မဟာကရုဏာရှင်များသည် ၎င်းတို့ ထုံးစံအတိုင်း ဖယောင်းတိုင် ကိုယ်စီထွန်းကာ ဝမ်းနည်းခြင်းသရုပ်ကို ပြကြဦးမည်လား။ ထိုသုံးနှစ်တာ အတောအတွင်း နိုင်ငံတကာမှ ရရှိသော အလှူငွေ သန်းပေါင်းများစွာဖြင့် ဆောင်ရွက်ခဲ့သည့် ပြန်လည်ထူထောင်ရေးလုပ်ငန်းများ အဘယ်မျှသော အတိုင်းအတာအထိ အောင်မြင်ခဲ့သည်ကို ဆန်းစစ်ရသော် တာပေါ်လင်စ ပြာပြာလွင်လွင်ဖြင့် ဆီးကြိုနေမည့် တဲအိမ်ငယ်များ၊ မြစ်ကမ်းဝဲယာတလျှောက်မှ ရေပေါ်တွိုင်းလက်များ၊ အကြွေးလည်ပင်းခိုက်နေသော လယ်သမား၊ ငါးဖမ်းသမားနှင့် ဘောက်သမားများ၏ ဘဝအဖုံဖုံနှင့် မြင်ကွင်းစုံတို့သည် အလှူရှင်ထံသို့ အလိုကျ အသုံးတော်ခံမည့် အစီရင်ခံစာများနှင့် တမူကွဲပြားနေပါလိမ့်မည်။

အကြွေးလည်ပင်းခိုက်နေသော လယ်သမား၊ ငါးဖမ်းသမားနှင့် ဘောက်သမားများ၏ ဘဝအဖုံဖုံနှင့် မြင်ကွင်းစုံတို့သည် အလှူရှင်ထံ သို့ အလိုကျအသုံးတော်ခံမည့် အစီရင်ခံစာ များနှင့် တမူကွဲပြားနေပါလိမ့်မည်။
သဘာဝဘေးအန္တရာယ်ကြောင့် ထိခိုက်ခံစားခဲ့ရသော ရပ်ရွာလူထုမှာ အဆိုးချည်းမဟုတ်ဘဲ အဆိုးထဲမှ ဖြေသိမ့်စရာ အပြုသဘောဆောင်သော တိုးတက်မှုပြယုဂ်များ ပေါ်ပေါက်လာရန် မျှော်လင့်စရာရှိပါသည်။ သို့သော် အလှူငွေကို သွားရည်တမြားမြားဖြင့် အသာငမ်းငမ်းဖြစ်နေကြသော အုပ်ချုပ်သူများနှင့် ငတက်ပြားအကြီးစား အဲန်ဂျီအိုများ၏ ကောင်းမှုကြောင့် နိုင်ငံတကာမှ ပုဂ္ဂိုလ်တို့၏ ဒါနမှန်သမျှသည် အိတ်ပေါက်နှင့် ဖားကောက်ရသည့်နှယ် ရေစက်ပင် မချလိုက်ရဘဲ ပျောက်စေတန်ခိုးဖြင့် အငွေ့ပျံခဲ့ရလေသည်။

ဤအခြေအနေမှာပင် ဆင့်ပါးစပ် နှမ်းပက် ထောက်ပံ့မှုကို ရရှိထားသူများအား အလှူရှင်ထံ၌ မျက်နှာပန်းလှလိုမှုတခုတည်းအတွက် ဇွတ်အတင်း သာဓုခေါ်ခိုင်းနေသည်မှာ မခက်ပါလော။ “တိုးတက်လာပါသည်၊ ကောင်းမွန်လာပါသည်၊ စီမံကိန်းများ အောင်မြင်လာပါသည်၊ သို့သော် လိုအပ်မှုများကား ရှိနေဆဲ၊ အလှူငွေများ ထပ်မံလိုအပ်ဆဲဖြစ်သည်” ဟူ၍ အစည်းအဝေးများ၊ အစီရင်ခံစာများ၊ အဆိုပြုလွှာများတွင် အပ်ကြောင်းထပ်အောင် ပြောကြ၊ ဆိုကြ၊ ရေးကြသည်မှာလည်း မရိုးနိုင်သေးသော ဇာတ်ကွက်များ ဖြစ်နေသေးသည်။ ၎င်းတို့၏ စိမ့်ပေါက်၊ ယိုပေါက်နှင့် မဟာဗျူဟာနည်းကျ လုပ်ငန်းစဉ်ဟု ခပ်မြင့်မြင့် သညာပြုထားသော စီမံကိန်းအကောင်အထည်ဖော်မှု ခြေလှမ်းအမှားများကို ဂဃဏန မဆန်းစစ်ဘဲ ဇွတ်အတင်း ခရီးနှင်လျှင် အဆိုပါ လူမှုကူညီရေးအဖွဲ့အစည်းတို့မှာ နောင်တချိန်တွင် လှုပ်လေ မြုပ်လေ အနေအထားသို့ ရောက်ရှိတော့မည်။ မျက်မှောက် အနေအထားအရတောင်မှ အဲန်ဂျီအိုက လူထုကို ကူညီကယ်မနေသည့် အသွင်မဟုတ်ဘဲ လူထုကသာ အဲန်ဂျီအိုများ ရှင်သန်ရေးအတွက် ပံ့ပိုးကျားကန်ပေးနေရသည့် ပုံစံဖြစ်နေသည်ကို သတိပြုနိုင်ပါသည်။

နာဂစ်၏ ကျေးဇူးဖြင့် ခါတော်မီ ပေါ်ပေါက်လာသော Local NGO ခေါ် ပြည်တွင်း လူမှုကူညီရေးအဖွဲ့အစည်းများနှင့် ရပ်ရွာအခြေပြုအဖွဲ့အစည်းများကို  ကြည့်ပြီး ဗမာပြည်၌ လူမှုရေးအဖွဲ့အစည်းများ တိုးပွားလာသည်၊ ၎င်းတို့၏ စွမ်းဆောင်ရည်များ မြင့်မားလာသည်ဟု အလောတကြီး ကောက်ချက်မချသင့်ပါ။ ရပ်ရွာအခြေပြုအဖွဲ့လေးများ အရေအတွက်အားဖြင့်သာ များပြားလာပြီး ၎င်းအဖွဲ့များ ရေရှည်ခိုင်မာ တိုးတက်ရန်မှာ ခရီးဝေးဆဲဖြစ်၏။ ဥပမာဆိုရလျှင် နာဂစ်မုန်တိုင်းဒဏ်ခံရွာများသို့ လူမှုကူညီရေးအဖွဲ့အစည်း အသီးသီး လာ၍ ပြန်လည်ထူထောင်ရေး ဆောင်ရွက်ကြသည်။ ထိုသို့ ဆောင်ရွက်ရာတွင် ကျေးရွာ၏ ရေရှည်ဖွံ့ဖြိုးရေးကိုပါ ထည့်သွင်းစဉ်းစားပြီး ကျေးရွာအကျိုး သယ်ပိုးနိုင်မည့် ရပ်ရွာအခြေပြုအဖွဲ့အစည်းများကို ရွာလူထု သဘောကျ ရွေးထားသော ကိုယ်စားလှယ်များဖြင့် ဖွဲ့စည်းဆောင်ရွက်လေ့ရှိကြသည်။ လယ်သမားကော်မတီ၊ ရေလုပ်သားများ ကော်မတီ၊ အမျိုးသမီး ဝင်ငွေတိုးအဖွဲ့၊ သန့်လေးသန့် ကော်မတီ၊ မြေယာမဲ့ ဘောက်သမားများ ကော်မတီ၊ ကျန်းမာရေးကော်တီ စသဖြင့် ကော်မတီပေါင်းများစွာ ဖွဲ့စည်းခဲ့ကြလေသည်။ ခက်သည်က ရွာတရွာတွင် အဖွဲ့အစည်းတခုတည်း လာရောက် လုပ်ကိုင်ခြင်းမဟုတ်။ အဖွဲ့အစည်းအမျိုးမျိုးက တရွာထဲမှာပင် စီမံကိန်းများကို အပြိုင်အဆိုင် အကောင်အထည်ဖော်နေကြသည်မို့ သူ့အဖွဲ့ကလည်း သူ့မူနှင့် ကျေးရွာကော်မတီဖွဲ့၊ ကိုယ့်အဖွဲ့ကလည်း ကိုယ့်မူနှင့် ကော်မတီတွေ ထပ်ဖွဲ့။ တရွာထဲမှာပင် ကော်မတီတွေ ပွထနေပြီး ရပ်ရွာအကျိုးအတွက် မျှော်ကိုး၍ ဖွဲ့စည်းထားသော ကျေးရွာအဖွဲ့ကလေးများခမျာ အဆိုပါ အဲန်ဂျီအိုများ တယောက်တမျိုး ကြိုးဆွဲရာသို့သာ ဇာတ်ဆရာအလိုကျ အသုံးတော်ခံရတော့သည်။

တရွာထဲမှာပင် ကော်မတီတွေ ပွထနေပြီး ရပ်ရွာအကျိုးအတွက် မျှော်ကိုး၍ ဖွဲ့စည်းထားသော ကျေးရွာအဖွဲ့ကလေးများ ခမျာ အဆိုပါ အဲန်ဂျီအိုများ တယောက်တမျိုး ကြိုးဆွဲရာသို့သာ ဇာတ်ဆရာအလိုကျ အသုံးတော် ခံရတော့သည်။
ဤသို့ဆိုလျှင် အဖွဲ့အစည်းမျိုးစုံက အပြိုင်အဆိုင်လုပ်ကြ၍ ပံ့ပိုးမှုများ ပိုလျှံနေပြီလားဟု တွေးစရာရှိသည်။ ထိုသို့လည်း မဟုတ်ပြန်။ အဲန်ဂျီအိုတို့မည်သည် ၎င်းတို့၏ ဆောင်ရွက်ချက်များကို ထုနှင့် ထည်နှင့် ပြနိုင်ရန်သာ စိတ်အားထက်သန်ကြသည်။ ဆိုရလျှင် ကျေးရွာလူထု အသက်မွေးဝမ်းကျောင်း ပြန်လည် ထူထောင်ရန် ငွေပေးရခြင်းထက် ရွာတွင် တံတားဆောက်ခြင်း၊ ကျောင်းဆောက်ခြင်း၊ ရေကန်တူးပေးခြင်းကို ပိုလုပ်ဆောင်လိုကြသည်။ သည်နည်းဖြင့် အဖွဲ့အစည်း အမှတ်တံဆိပ်ကပ်ကာ အလှူရှင်ကို ၎င်းတို့ မည်မျှ ဆောင်ရွက်ခဲ့သည်ကို သက်သေထူနိုင်ပေတော့မည်။ ကျေးရွာလူထုအတွက် အသက်မွေးဝမ်းကျောင်း လုပ်ငန်းများ ပြန်လည်လုပ်ကိုင်နိုင်ရန် ထောက်ပံ့ငွေမှာ ငါးသောင်းမှသည် အများဆုံး တသိန်းခန့်သာ ရှိ၍ အကျိုးခံစားရသူအတွက် အကြွေးဆပ်ရုံသာ တတ်နိုင်တော့သည်။ အခြားလုပ်ငန်း ထူထောင်ရန်လည်း သည်ငွေနှင့် မလောက်င။ အဖွဲ့အစည်းအနေဖြင့်လည်း သည့်ထက်ပိုပြီး မပေးနိုင်။ တရွာလုံး အဆင်းရဲဆုံးသူကိုသာ ထောက်ပံ့မည်ဟု ဇကာစစ်ချလိုက်လျှင်တောင် ရွာလူထု ၉ဝ ရာခိုင်နှုန်းမှာ မပေးမဖြစ် ထောက်ပံ့ရမည့် အနွမ်းပါးဆုံး အုပ်စုဖြစ်၍ နေတော့သည်။  ထို့ကြောင့်ပင်လျှင် Infrastructure ခေါ် အဆောက်အအုံ တည်ဆောက်ရေးကိုသာ အသီးသီး အာရုံစိုက်ကြ၍ ရွာထဲက ရေကန်တကန်ထဲကိုပင် အဖွဲ့အစည်းသုံးခုက အပြိုင်အဆိုင် ခြံစည်းရိုး သုံးထပ်ခတ်ပြီး ဆိုင်းဘုတ်အသီးသီးတပ်ကာ ပဏာယူထားကြသည့် အဖြစ်မျိုး နာဂစ်မုန်တိုင်း ဒဏ်ခံခဲ့ရသော ရွာအချို့တွင် တွေ့နိုင်ပါသည်။ လုပ်တာက နည်းနည်း ကြွားချင်တာက များ၍နေတော့သည်။

ထို့ပြင်တဝ ဂျဲန်ဒါ (ကျား၊ မ လူမှုကဏ္ဍ) ညီမျှရေးနှင့် အမျိုးသမီးများအတွက် ဦးစားပေးဆောင်ရွက်ရေး ဆိုသည့်ကိစ္စမှာ နာဂစ်နောက်ပိုင်း အဲန်ဂျီအိုတို့၏ ပရောဂျက်တော်တော်များများတွင် အတော် ရေပန်းစားလျက်ရှိသည်။ ဤအကြောင်းအရာမှာ အလှူရှင်တို့၏ သည်းခြေကြိုက်ဖြစ်၍ အဖွဲ့အစည်း တော်တော်များများကလည်း ကျေးရွာကော်မတီတွင် အမျိုးသမီး ဦးရေ မည်မျှပါမည်၊ အကျိုးခံစားခွင့်ရှိသူများတွင် အမျိုးသမီး မည်မျှ ပါဝင်သည် စသဖြင့် အစီရင်ခံစာတွင် ထည့်သွင်း ဖော်ပြကြလေသည်။ အကျိုးဆက်အားဖြင့် ယင်းတို့ဆိုသလို အမျိုးသမီးများကား ကျေးရွာကော်မတီတို့တွင် အရေအတွက်အားဖြင့်တော့ ပါဝင်လာပါ၏။ သို့သော် ဤသည်မှာ ကိန်းဂဏန်းတခုကို ကိုယ်စားပြုသော ဟန်ပြမျှသာဖြစ်၍ အမျိုးသမီးတို့၏ ပြောရေးဆိုခွင့်၊ ဆုံးဖြတ်ချက်ချနိုင်ခွင့် မည်မျှတိုးတက်လာသည်ကိုတော့ တိုင်းတာခြင်းမပြုကြပါ။

ဆိုရသော် အဖွဲ့အစည်း အသီးသီးတို့မှာ ရန်ပုံငွေရရှိရေးအတွက်သာ ရှေးရှုလုပ်ဆောင်နေသည်ကို တွေ့ရမည်။ ကျေးရွာလူထုကိုယ်တိုင် တင်ပြလာသော ၎င်းတို့၏ အမှန်တကယ် လိုအပ်ချက်များကို ဖြည့်ဆည်း ဆောင်ရွက်ပေးသည့် ဖွံ့ဖြိုးရေးလုပ်ငန်းမျိုး မဟုတ်ပါချေ။ ကယ်တင်ရှင် လူမှုရေး အဖွဲ့အစည်းတို့၏ မူဝါဒနှင့်အညီ၊ သို့မဟုတ် အလှူရှင်၏ တောင်းဆိုချက်နှင့် အညီ သတ်မှတ်ထားသော ပုံစံခွက်ထဲသို့ မဝင်ဝင်အောင် အတင်းဖန်တီးနေကြခြင်းသာ ဖြစ်သည်။

အနီးစပ်ဆုံး အကြောင်းအရာကို ပမာပြကာ ဆန်းစစ်ရပါလျှင် နာဂစ်မုန်တိုင်း ပြန်လည်ထူထောင်ရေး လုပ်ငန်းအတွက် ဒေါ်လာသန်းပေါင်းများစွာ အသုံးပြု၍ ဆောင်ရွက်ခဲ့ကြသော ပရောဂျက်များကြောင့် ရပ်ရွာလူထု၏ ခံနိုင်ရည်စွမ်းအား (Community Resilience) မည်မျှ တိုးတက်ခဲ့သနည်း။ သေချာသည်မှာ ယခုနေ နောက်တကြိမ် မုန်တိုင်းတိုက်လျှင်လည်း ရှေးကကဲ့သို့ အသက်အိုးအိမ် ဆုံးရှုံးကြရလိမ့်ဦးမည်။ သို့သော် ဘယ်သူသေသေ၊ ငတေကား မာနေဆဲဖြစ်၍ အဆိုပါ ကယ်တင်ရှင် အဖွဲ့အစည်းများသည် ယခုအခါ နာဂစ် စီမံကိန်းများနှင့် ပတ်သက်လျှင် ပွဲပြီး မီးသေနေပြီး နာဂစ်မှသည် ဂီရိ၊ ဂီရိမှသည် တာလေ ဂါထာကို ပြောင်းလဲ ရွတ်ဆိုကုန်ကြလေပြီ။

ကယ်တင်ရှင် လူမှုရေး အဖွဲ့အစည်းတို့၏ မူဝါဒနှင့်အညီ၊ သို့မဟုတ် အလှူရှင်၏ တောင်းဆိုချက်နှင့် အညီ သတ်မှတ်ထားသော ပုံစံခွက်ထဲသို့ မဝင်ဝင်အောင် အတင်း ဖန်တီးနေကြခြင်းသာ ဖြစ်သည်။
ဗမာပြည်တွင် အစိုးရထံမှ တရားဝင်ခွင့်ပြုချက်ရထားသည့်  ၂၈ဝ ကျော်မျှသော ကုလသမဂ္ဂ၊ နိုင်ငံတကာနှင့် ပြည်တွင်း လူမှုကူညီရေးအဖွဲ့အစည်းတို့ ဆင်းရဲမွဲတေမှု လုပ်ငန်းဆောင်ရွက်လာသည်မှာ ဆယ်စုနှစ် နှစ်ခါလည် ရှိခဲ့ပါပြီ။ ငါးနှစ်အောက် ကလေးအသေအပျောက်နှုန်း မြင့်မားဆဲ၊ ကျောင်းထွက်သည့် ကလေးဦးရေ များပြားဆဲ၊ အိပ်ခ်ျအိုင်ဗီရောဂါ ကူးဆက်ခံရမှု တိုးတက်ဆဲ၊ မူးယစ်ဆေးဝါး ထုတ်လုပ်မှု ထိပ်တန်းရောက်ဆဲ။ ကုလသမဂ္ဂ ဖွံ့ဖြိုးမှုအစီအစဉ်မှ ထုတ်ပြန်သော ၂ဝ၁ဝ  Human Development Report အရ ဖွံ့ဖြိုးမှု အနိမ့်ကျဆုံးနိုင်ငံအဖြစ် အဆင့် ၁၃၂ တွင် ရှိနေဆဲဖြစ်သည်။ အဖွဲ့အစည်းတော်တော်များများကမူ ၎င်းတို့၏ စီမံကိန်းများ စိတ်သွားတိုင်း ကိုယ်ပါသလောက် အကောင်အထည် မဖော်နိုင်သည်မှာ အိမ်နီးချင်း နိုင်ငံများဖြစ်သော လာအိုနှင့် ကမ္ဘောဒီးယားတို့နှင့် နှိုင်းယှဉ်သော် ပံ့ပိုးမှုပမာဏ နည်းလွန်းသောကြောင့်ဟု ဆိုကြသည်။ လက်ရှိအစိုးရအပေါ် ချမှတ်ထားသော ပိတ်ဆို့အရေးယူမှုကိုပါ ဆွဲထည့် ပြောကြသေးသည်။ ရရှိသော အလှူငွေများကို မည်မျှ အတိုင်းအတာအထိ ထိရောက်အောင် အသုံးချခဲ့သည်၊ မည်သည့်အရာတွေ မှားယွင်း ချွတ်ချော်နေသည်ကိုမူ ဆန်းစစ်ကြည့်ရန် မေ့လျော့နေကြလေသည်။ ၎င်းတို့ မကြာခဏ ကြွေးကြော်နေသော တာဝန်ယူမှု၊ တာဝန်ခံနိုင်မှု (Accountability) နှင့် ပွင့်လင်းထင်သာမြင်သာရှိမှု (Transparency) ဆိုသည်မှာ လူကြားကောင်းရုံ စကားသက်သက်လေလားဟု မေးရတော့မည်။

ထိုသို့ မှန်းချက်နှင့် နှမ်းထွက် မကိုက်သည်က လူမှုရေးလုပ်ငန်းများကို အကန့်အသတ်ဖြင့်သာ လုပ်ဆောင်နေရခြင်း၊ ထိုအဖွဲ့အစည်းများကို အစိုးရက တင်းတင်းကြပ်ကြပ် စောင့်ကြည့်ကာ ဖိနှိပ်နေခြင်းကြောင့်ဟု ဆိုက ဆိုနိုင်ပြန်သေးသည်။ သည်တော့ စီမံကိန်းများ အကောင်အထည်ဖော်ရာ၌ အဆင်ပြေ ချောမွေ့စေရန် အစိုးရ၏ ကိုင်းပွားအဖွဲ့လေးများဖြင့် ပူးပေါင်းဆောင်ရွက်ရမည်ဟူ၍ ဆိုကြပြန်သည်။ ဤလမ်းကြောင်းသည် အစိုးရနှင့် လက်တွဲအလုပ်လုပ်ခြင်း (with government) သာ ဖြစ်ပြီး အစိုးရအတွက် ဆောင်ရွက်ပေးခြင်း (for government) မဟုတ်ကြောင်း ရှင်းပြပြောဆိုကြပြန်သည်။ သို့သော် ယနေ့အချိန်အထိ ဖွံ့ဖြိုးရေးနှင့် ပတ်သက်သော မည်သည့်ကိစ္စတွင်မဆို အစိုးရဘက်မှ သဘောထားတင်းမာနေပါက အတိုက်အခံပြု၍  မည်သည့်အဖွဲ့အစည်းကမှ စွန့်စွန့်စားစား ရှေ့နေမလိုက်ပေးပါချေ။ ၎င်းတို့၏ ရှေ့နေလိုက်ဆောင်ရွက်ပေးခြင်း Advocacy သည် မည်သို့သော Advocacy ဖြစ်သနည်း။ အန္တရာယ်ကို စိုးရိမ်ခြင်းဆိုသည်မှာ အဖွဲ့အစည်း ရေရှည်မတည်တံ့မှာကို စိုးရိမ်ခြင်းလား၊ ကျေးရွာလူထုအတွက် စိုးရိမ်ခြင်းလား။ စိုးရိမ်ရပါသည်၊ စိုးရိမ်မိပါသည်။ စိုးရိမ်စရာကောင်းနေပါဦးမည်နှင့် ဘာကို စိုးရိမ်မှန်းမသိ၊ စိုးတော့ စိုးရိမ်နေကြသည်။ မိမိ စားပေါက်ပိတ်မှာကို စိုးရိမ်နေရခြင်းအား “လူထု” အတွက်ဟူ၍ ခေါင်းစဉ်လှလှ သုံးကာ ရေအစုန်၌ ကိုယ်ဖော့မျှောနေကြခြင်း ဖြစ်လေသည်။

အဲန်ဂျီအို ဝန်ထမ်းဆိုလျှင် လစာကောင်းသည်ဟူသော မျှော်လင့်ချက်ဖြင့် ထိုအဝန်းအဝိုင်းသို့ တိုးဝင်လာကြသူသာ များပြီး စေတနာအရင်းခံဖြင့် တက်တက်ကြွကြွ ပါဝင်ဆောင်ရွက်မည့်သူမှာမူ နည်းလေသည်။ ပိုပြီး ဆိုးဝါးသည်မှာ အဲန်ဂျီအို ဝန်ထမ်းဟု ဆိုလိုက်သည်နှင့် မိမိကိုယ်မိမိ အခွင့်ထူးခံ လူတန်းစားများ၊ တဖန် အထက်တန်းလွှာများဟု စိတ်ကြီးဝင်သွားကြသည်မှာ ခက်သည်။ ထို့ကြောင့်ပင်လျှင် လက်တဆုပ်စာမျှသော မျက်နှာဖြူများ၏ အုပ်ချုပ်မှုအောက်၌ လူသားချင်းစာနာကူညီမှု ခေါင်းစဉ်တပ်လျက် အဲန်ဂျီအို စီးပွားရေး တခေတ်ဆန်းနေသည်ကို သိသိလျက်ပင် မိမိ ထိုင်ခုံပြုတ်မည်စိုး၍ ကိုယ့်လူမျိုးအရေး ဖြစ်နေတာတောင်မှ မျက်နှာလွှဲ နှုတ်ဆိတ် နေနိုင်ရက်ကြသည်မှာ အသည်းနာစရာ ကောင်းလှပါသည်။

အန္တရာယ်ကို စိုးရိမ်ခြင်းဆိုသည်မှာ အဖွဲ့အစည်း ရေရှည်မတည်တံ့မှာကို စိုးရိမ်ခြင်းလား၊ ကျေးရွာ လူထုအတွက် စိုးရိမ်ခြင်းလား။
စေတနာရှေ့ထားကာ အမှန်တကယ် ဆောင်ရွက်ပေးနေသော ဝန်ထမ်းများလည်းရှိကြပါသည်။ အထူးသဖြင့် လူထုနှင့် နီးနီးကပ်ကပ် လုပ်ကိုင်နေကြသော အောက်ခြေဝန်ထမ်းလေးများမှာ အပြောမဟုတ်၊ လက်တွေ့ဖြင့် ကိုယ်ကျိုးစွန့် အနစ်နာခံလုပ်ပေးနေကြသူများဖြစ်သည်။ တိုင်းရင်းသား လူမှုရေးအဖွဲ့အစည်းများလည်း ထိုနည်းလည်းကောင်းပင်။ ၎င်းတို့သည် ရုံးချုပ်တွင် လေအေးပေးစက် တပ်ဆင်ထားသော အခန်းအတွင်း၌ ထိုင်ကာ ဒေါ်လာဖြင့် ယပ်ခတ်နေသော ဝန်ထမ်းများကဲ့သို့ မဟုတ်ဘဲ မစို့မပို့ လစာငွေလေးဖြင့် တောထဲတွင် အနေဆင်းရဲ၊ အစားဆင်းရဲခံကာ လူထုအကျိုး သယ်ပိုးနေရသူများဖြစ်ပါသည်။ ထိုဝန်ထမ်းလေးများသည် ရန်ကုန်ဟိုတယ်ကြီးများ၌ အလုပ်ရုံဆွေးနွေးပွဲများ ကြီးကြီးကျယ်ကျယ် ကျင်းပပြီး သဘောတရားရေးရာများ ဖောင်းပွအောင် ပြောနေကြသည့် နိုင်ငံတကာ အတွေ့အကြုံရင့်ကျက်သူများထက် ဖွံ့ဖြိုးရေးအကြောင်းအရာများကို လက်တွေ့ကျကျ ပိုရှင်းပြနိုင်ပါသည်။

နိုင်ငံတကာ လူမှုကူညီရေးအဖွဲ့အစည်းများမှာမူ ခေါင်းစဉ်အမျိုးမျိုးဖြင့် တနေကုန် တနေခမ်း အစည်းအဝေး ကျင်းပလိုက်၊ လုပ်ငန်းဆောင်ရွက်ရေး ပူးပေါင်းမှုအဖွဲ့ (working group) အမျိုးမျိုးဖွဲ့လိုက်၊ အပြန်အလှန် ဆွေးနွေးရင်း အငြင်းပွားလိုက်၊ ဖန်တရာတေအောင် လုပ်ငန်းအစီအစဉ် (work plan) ရေးဆွဲလိုက်၊ အဖွဲ့အစည်းအတွင်း အလုပ်မဖြစ်သည့် ပေါ်လစီအမျိုးမျိုး ထုတ်လိုက်၊ ဗျူရိုကရေစီ ယန္တရားတို့၏ ထုံးစံအတိုင်း အသေးအမွှား ကိစ္စကိုပင်လျှင် အထက်အောက် အလီလီ လွန်းထိုးကာ ဆုံးဖြတ်ချက် ရယူလိုက်၊ အထိမ်းအမှတ်နေ့များ၌ ကြွေးကြော်သံမျိုးစုံ အော်လိုက်ကြဖြင့် ကိစ္စပြီး၍ နေကြလေသည်။

သို့ဆိုလျှင် တွန်းကား တွန်း၏ မရွေ့ဟု ပြောနေကြခြင်းမှာ သဘာဝကျပါ၏လော။ ကြာလျှင် ပျိုတိုင်းကြိုက်သော အဲန်ဂျီအိုလောကတွင် ကိုယ်ကျိုးရှာ ငို့ဘသမားများသာ တိုးလာဖွယ်ရှိပြီး လူထုအတွက် ပြောင်းလဲတိုးတက်ခြင်းကား အလှမ်းဝေးဆဲဖြစ်ပါသည်။


သော်တာသစ်

http://www.mizzimaburmese.com/

၅.၄.၂၀၁၁ ရက်နေ့ရဲရင့်ငယ်ဒိုင်ယာရီ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

2 attachments — Download all attachments  
5 April yeyintnge's Diary.doc5 April yeyintnge's Diary.doc
1444K   View   Download  
5 April yeyintnge's Diary.pdf5 April yeyintnge's Diary.pdf
2191K   View   Download  

http://www.mediafire.com/file/xao4vuwfrvhup2t/5%20April%20yeyintnge%27s%20Diary.doc
http://www.mediafire.com/file/gg8hhhkmqqqj1nx/5%20April%20yeyintnge%27s%20Diary.pdf
5 April yeyintnge's Diary

ငုံ့ မခံရဖို့ တုန့်ပြန်ကြစို့ (အိန္ဒိယသံချပ်၏စာသား)

India Thangyat-2011

နှစ်ခြမ်းကွဲတာမဟုတ်ဟု ဦးခင်မောင်ဆွေပြော



အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ချင်းမိုင် (မဇ္ဈိမ) ။      ။ အမျိုးသားဒီမိုကရေစီအားစုမှ သင်္ကန်းကျွန်းလွှတ်တော်အမတ် ဦးသိန်းညွန့် ဦးဆောင်သော အင်အားစုအချို့ ပဲ့ထွက်သွားခြင်းသာဖြစ်၍ NDF နှစ်ခြမ်းကွဲသည် ဆိုခြင်းအပေါ် မဆီလျော်ကြောင်း ဗဟိုဦးစီးကော်မတီဝင် ဦးခင်မောင်ဆွေက အင်္ဂါနေ့တွင် ပြောကြားလိုက်သည်။

“နှစ်ခြမ်းကွဲတယ်ဆိုတာ မျှတူညီတူ ကွဲရမယ်၊ ဗဟိုဦးစီး ကော်မတီအဖွဲ့ထဲမှာ ၂ဝ ရှိရင် ဟိုဘက်ဒီဘက် ၁ဝ စီ ရှိရမယ်လေ၊ ဟိုဘက် ၁၅ ယောက် ဒီဘက် ၁ဝ ယောက် အဲဒီလို ကွဲမှသာလျှင် ကွဲတယ်ခေါ်တာကိုးဗျ၊ သူ့ဟာသူ ကွဲတယ်လို့ ပြောတဲ့ဟာက အဓိပ္ပာယ်မရှိပါဘူး၊ ကျနော်တို့နဲ့ ကွဲစရာအကြောင်းလဲ မရှိပါဘူး၊ အဲဒီတော့ NDF နှစ်ခြမ်းကွဲတယ်ဆိုတာ မဟုတ်ဘူးလို့ပဲ ပြောရမှာဖြစ်ပါတယ်” ဟု ဦးခင်မောင်ဆွေက ဆိုသည်။


khin-maung-shwe-1
NDF နှစ်ခြမ်းကွဲသည် ဆိုခြင်းအပေါ် မဆီလျော်ကြောင်းပြောကြားသည့် ဗဟိုဦးစီးကော်မတီဝင် ဦးခင်မောင်ဆွေ
အမျိုးသားဒီမိုကရေစီအင်အားစုဝင် ၈ ထောင်ကျော်နှင့် ဗဟိုကော်မတီဝင်  ၆၁ ဦးအနက် ပါတီဝင် ၁ဝဝ ခန့် ပဲ့ထွက်သွားသည်ဟု ယုံကြည်ရသည်။ သို့သော် ခွဲထွက်အဖွဲ့က အင်အားကို ပြောရန် ငြင်းဆိုသည်။
တိုင်း ၇ ခုနှင့် ပြည်နယ် ၄ ခုရှိ မြို့နယ်များတွင် NDF ပါတီရုံးခွဲများဖွင့်လှစ်ထားသည့်အနက် သင်္ကန်းကျွန်းအင်အားစုက ဦးသိန်းညွန့်ဘက် ပါသွားသည်။

 “NDF အခြေအနေက ဆွေငြိမ်း (ဦးခင်မောင်ဆွေ၊ ဒေါက်တာသန်းငြိမ်း) ခေါင်းဆောင်တဲ့ အုပ်စုကတစု သင်္ကန်းကျွန်းအခြေစိုက်တဲ့ ကျနော်ဦးဆောင်တဲ့အစုကတစု နှစ်စု ဖြစ်သွားပြီ၊ ဆွေငြိမ်းအုပ်စုနဲ့ သင်္ကန်းကျွန်းအုပ်စု မတူတော့ဘူးပေါ့၊ နှစ်ခြမ်းကွဲတယ်ပဲပြောပြော နှစ်အုပ်စုပဲပြောပြော ကြိုက်သလို ဘာသာပြန်လို့ရတယ်” ဟု ဦးသိန်းညွန့်ကပြောသည်။

ရန်ကုန်တိုင်း မဲဆန္ဒနယ် အမှတ် ၃ မှ အမျိုးသားလွှတ်တော်အမတ် ဦးဘုန်းမြင့်အောင်၊ သင်္ကန်းကျွန်းမဲဆန္ဒနယ် ၁ မှ ရန်ကုန်တိုင်း ဒေသကြီးလွှတ်တော်အမတ် ဦးကျော်၊ သင်္ကန်းကျွန်း မဲဆန္ဒနယ် ၃ မှ ဒေါ်စန်းစန်းမြင့် နှင့် သင်္ကန်းကျွန်း NDF ဥက္ကဋ္ဌ ဦးဝင်းဆွေ၊ လသာ ပြည်သူ့လွှတ်တော်အမတ် ဦးကြည်မြင့် တို့လည်း သင်္ကန်းကျွန်းဦးဆောင်မှုအဖွဲ့တွင် ပါဝင်သည်။

သင်္ကန်းကျွန်းအခြေစိုက် အမျိုးသားဒီမိုကရေစီအင်အားစုဟု ပါတီနာမည်အသစ်ကို သုံးရန် ခွဲထွက်သူများက စီစဉ်ထားသည်။

NDF  ဒုတိယ ဥက္ကဋ္ဌဟောင်း ဦးသိန်းညွန့်မှာ ၂ဝ၁ဝ နိုဝင်ဘာ ၁၇ ရက်ကတည်းက ပါတီမှ ထုတ်ပယ်ခံရပြီးဖြစ်သည်။
ပါတီတွင်းကိစ္စများကို မီဒီယာသို့ တာဝန်မဲ့ပြောဆိုခြင်း၊ ပါတီဘဏ္ဍာရေး ကိစ္စများကို မီဒီယာများသို့ ပြောဆိုသည့် စွပ်စွဲချက်များဖြင့် ထုတ်ခံရသည်။

ဦးသိန်းညွှန့်က အမျိုးသားဒီမိုကရေစီအဖွဲ့ချုပ်နှင့် ပြန်လည်ပူးပေါင်းလိုကြောင်း လေသံပစ်ထားသော်လည်း ရွေးကောက်ပွဲဝင်ဖို့လိုသည်ဟု ဆိုသည်။

“NLD ထဲက ရွေးကောက်ပွဲ လမ်းကြောင်းကို ပြန်ဝင်မယ့် ရဲဘော်တွေ၊ အထူးသဖြင့် ကြားဖြတ်ရွေးကောက်ပွဲမှာ ပါဝင်မယ့် ရဲဘော်တွေ အားလုံးကို ကျနော် ပူပေါင်းကူညီဆောင်ရွက်ပေးဖို့ အဆင်သင့်ရှိတယ်။ ရွေးကောက်ပွဲ လမ်းကြောင်းကို ရွေးလာမယ်ဆိုရင်လဲ ကျနော့်မှာရှိတဲ့အင်အားတွေကို ဘာလုပ်ရမယ်ဆိုတာ ပြင်ဆင်ထားပြီးပါပြီ” ဟု သူက ပြောသည်။

ရွေးကောက်ပွဲဝင်ရေး မဝင်ရေး သဘောကွဲပြီးနောက် ပါတီခွဲထောင်သွားကြသော NDF ခေါင်းဆောင် ဦးခင်မောင်ဆွေကတော့ လက်ရှိအခြေအနေမှာ ဒေါ်အောင်ဆန်းစုကြည်ခေါင်းဆောင်သော အမျိုးသားဒီမိုကရေစီအဖွဲ့ချုပ်နှင့် ပြန်လည်ပေါင်းစည်းရေး လောလောဆယ် အနေအထားတွင် ဝေးနေသေးသည်ဟု ဆိုသည်။

“ဒီမိုကရေစီ လူ့အခွင့်အရေးဆိုတဲ့ မဟာဗျူဟာ ရည်မှန်းချက်မှာတော့ တူသော်လဲပဲ သွားပုံ သွားနည်းမှာ နည်းနည်းကွာနေတယ်၊ သူတို့က တိုက်ရိုက်သွားတယ်ဗျ၊ ကျနော်တို့က တိုက်ရိုက်မသွားဘူး၊ လူတိုင်းလူတိုင်းဟာ ဆင်းရဲမွဲတေမှု ပညာမတတ်မှု၊ အလုပ်အကိုင်မရှိမှု ဆိုတဲ့ လူမှုရေး နာကျင်မှုတွေကို ဖြည့်စည်းပြီးတော့မှ ဒီမိုကရေစီ လူ့အဖွဲ့အစည်းကို ရောက်မယ်လို့ ကျနော်တို့ ယူဆတဲ့အတွက်ကြောင့် အခြေအနေ အချိန်အခါနဲ့ ကိုက်ညီတဲ့ မူဝါကို ချထားတာဖြစ်တယ်၊ NLD က တန်းပြီးတော့ သွားတာဖြစ်တယ်။ ကျနော်တို့က တထောက်နားပြီးတော့မှ သွားတာဖြစ်တယ်” ဟု ဦးခင်မောင်ဆွေက ပြောသည်။

ညီညွတ်မှုအားနည်းသည်ဟု အပြစ်တင်ခံနေရသော NDF ပါတီတွင်  မတ်လ လွှတ်တော်တွင်း ဆွေးနွေးမှုများအတွင်း ပါတီတူ အမတ်အချင်းအချင်း အဆိုပြုချက်များကို ပြန်လည် ကန့်ကွက်မှုများ ဖြစ်ပေါ်ခဲ့သေးသည်။
http://www.mizzimaburmese.com/news/inside-burma/7345-2011-04-05-13-27-46.html

NDF အမတ်တချို့ ခွဲထွက်

ပြည်သူ့လွှတ်တော် ကိုယ်စားလှယ် ဦးသိန်းညွန့် NDF ပါတီနှင့်ပတ်သက်၍ ရှင်းလင်းပြောကြားနေစဉ်။
ဓာတ်ပုံ ASSOCIATED PRESS
ပြည်သူ့လွှတ်တော် ကိုယ်စားလှယ် ဦးသိန်းညွန့် NDF ပါတီနှင့်ပတ်သက်၍ ရှင်းလင်းပြောကြားနေစဉ်။ ဧပြီ ၂၊ ၂၀၁၁။

ထပ်ဆင့် ဖြန့်ဝေရန်

အမျိုးသား ဒီမိုကရေစီ အင်အားစု (NDF) ပါတီထဲက ပြည်ထောင်စုလွှတ်တော် အမတ် ၄ ယောက်နဲ့ ပါတီက အထုတ်ခံထားရတဲ့ ပြည်သူ့လွှတ်တော်အမတ် ဦးသိန်းညွန့်တို့က NDF ပါတီ ဆက်လက်ရပ်တည်မှုအပေါ် ရွေးကောက်ပွဲ ကော်မရှင်ကနေ စိန်ခေါ်ဖို့ စီစဉ်နေကြပါတယ်။ ရွေးကောက်ပွဲမှာ စုစုပေါင်း အမတ်နေရာ ၁၆ နေရာ အနိုင်ရထားတဲ့ NDF ပါတီကနေ သူတို့က NDF ပါတီ သင်္ဃန်းကျွန်းမြို့နယ် အခြေစိုက် အဖွဲ့အဖြစ် ရပ်တည်ဖို့ ခွဲထွက်လိုက်ကြတာ ဖြစ်ပါတယ်။ လက်ရှိ NDF ခေါင်းဆောင် တဦးကတော့ ဒါဟာ NDF ပါတီ ကွဲတာမဟုတ်ဘူးလို့ အခိုင်အမာ ငြင်းပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ထားပါတယ်။
NDF ပါတီကနေ သင်္ဃန်းကျွန်းမြို့နယ် အခြေစိုက် အဖွဲ့အဖြစ် ခွဲထွက်သူတွေကို ဦးဆောင်တာကတော့ သင်္ဃန်းကျွန်းမြို့နယ်က ပြည်သူ့လွှတ်တော် ကိုယ်စားလှယ် ဦးသိန်းညွန့် ဖြစ်ပါတယ်။ လွှတ်တော်အစည်းအဝေးတွေ မစခင်ကတည်းက NDF ပါတီ ခေါင်းဆောင်တွေအကြား မပြေမလည်ဖြစ်တဲ့ သတင်းတွေ ထွက်နေခဲ့ပြီးတဲ့နောက် အခုအခါမှာတော့ တရားဝင် ခွဲထွက်လိုက်ကြတာပါ။ ဧပြီလ ၂ ရက်နေ့က မဲဆန္ဒရှင် လူထုနဲ့ တွေ့ဆုံစဉ်မှာ ဒီကိစ္စကို ကြေညာခဲ့တာဖြစ်ပြီး NDF ပါတီ နှစ်ခြမ်းကွဲသွားပြီလို့ ဦးသိန်းညွန့်က သုံးနှုန်း ပြောဆိုခဲ့ပါတယ်။
“အမျိုးသား ဒီမိုကရေစီ အင်အားစု ပါတီကို ဆွေငြိမ်းဦးဆောင်တဲ့ ဂိုဏ်းသားတွေနဲ့ ကျနော်ဦးဆောင်တဲ့ အမျိုးသား ဒီမိုကရေစီ အင်အားစု သင်္ဃန်းကျွန်း အခြေစိုက် အဖွဲ့ပေါ့၊ နှစ်ခြမ်းကွဲသွားပြီဆိုတာ ကျနော် အဲဒီနေ့ကတည်းက ကြေညာခဲ့ပါတယ်။ ရှေ့ဆက်ပြီးတော့ ကော်မရှင်ကို သူတို့ရဲ့ တရားမ၀င်မှု၊ ဖွဲ့စည်းထားမှု အခြေအနေတွေ၊ နောက် ကျနော် မနှစ် နိုဝင်ဘာ ကတည်းက တင်ထားတဲ့ နိုင်ငံရေးပါတီ မှတ်ပုံတင်ဥပဒေ ပုဒ်မ ၂၄(ခ) အရ ဆောင်ရွက်ပေးဖို့ အစီအစဉ်တွေကို ကော်မရှင်ကို ကျနော် ဆက်လက် တင်ပြပါမယ်။”
ဦးသိန်းညွန့်ဟာ ဦးခင်မောင်ဆွေ၊ ဒေါက်တာသန်းငြိမ်း တို့နဲ့အတူ အမျိုးသား ဒီမိုကရေစီ အဖွဲ့ချုပ် (NLD) ကနေ ခွဲထွက်ပြီး NDF ပါတီကို စတင် တည်ထောင်ခဲ့သူတွေထဲမှာ တဦးအပါအ၀င် ဖြစ်ပါတယ်။ ရွေးကောက်ပွဲတွေ မတိုင်ခင်မှာ ပါတီရန်ပုံငွေဆိုင်ရာ ကိစ္စတွေအပေါ် ဦးသိန်းညွန့်က မကျေမလည်ဖြစ်ပြီး ပြောဆိုတာတွေ ရှိခဲ့ပြီးတဲ့နောက် ရွေးကောက်ပွဲအပြီး နိုဝင်ဘာလ ၁၇ ရက်နေ့မှာ သူ့ကို ပါတီကနေ ထုတ်ပယ်ပစ်ခဲ့ပါတယ်။
အခုလို ပါတီက ထုတ်ထားတဲ့ လူတယောက်က ဦးဆောင်ပြီး အမတ်တချို့ ခွဲထွက်တဲ့အပေါ် သူတို့အနေနဲ့ ပြောစရာ သိပ်မရှိတော့ဘဲ ပါတီနှစ်ခြမ်းကွဲတာ မဟုတ်ဘူးလို့ NDF ခေါင်းဆောင်တဦးဖြစ်တဲ့ ဦးခင်မောင်ဆွေက အခိုင်အမာ ပြောခဲ့သလို ကွဲပြီလို့ ပြောကြတာတွေကိုလည်း အပြစ်တင်ခဲ့ပါတယ်။
“ဒီဟာကို ကျနော် ရှင်းစရာ မရှိတော့ပါဘူး။ NDF နှစ်ခြမ်းကွဲစရာ အကြောင်းလည်း မရှိဘူး။ ထုတ်ထားတဲ့ ဦးသိန်းညွန့်က သူ့ဟာသူ လုပ်ချင်ရာ လုပ်တာကို NDF နှစ်ခြမ်းကွဲတယ် ပြောလို့ရှိရင် မှန်သလားဆိုတာ စဉ်းစားဖို့ လိုပါတယ်။ NLD က ထွက်လာတုန်းကတော့ အစအနလေးတွေ ထွက်သွားပါတယ်၊ အပဲ့အရွဲ့လေးတွေ ကျသွားပါတယ် ပြောတယ်။ အခုကျတော့ ထုတ်ထားတဲ့သူက ခေါင်းဆောင်တဲ့ ၅ ယောက် ထွက်သွားတာကိုတော့ NDF နှစ်ခြမ်းကွဲပြီဆိုတာ နိုင်ငံရေးယုတ္တိ မကျပါဘူး။ မီဒီယာတွေက ဖွနေသလားလို့တောင် ကျနော်က သံသယရှိနေပြီလို့ ပြောချင်ပါတယ်။”
ဦးသိန်းညွန့် ဦးဆောင်ပြီး ခွဲထွက်သွားတဲ့အထဲမှာ ပါတဲ့ တခြား လွှတ်တော်ကိုယ်စားလှယ်တွေကတော့ ဦးဖုန်းမြင့်အောင်၊ ဦးကျော်၊ ဒေါ်စန်းစန်းမြင့်နဲ့ ဦးကြည်မြင့်တို့ ဖြစ်ကြပါတယ်။
NDF ပါတီကို သင်္ဃန်းကျွန်းမြို့နယ် အခြေစိုက်ပြီး ဆောင်ရွက်နေတဲ့အကြောင်း၊ လာမယ့် သီတင်းပတ်အတွင်း ရွေးကောက်ပွဲ ကော်မရှင်ကို အကြောင်းကြားမှာ ဖြစ်ပြီးတော့ ကော်မရှင်က သူ့ရဲ့လုပ်ပိုင်ခွင့်ထဲက အဆုံးအဖြတ် ပေးရမှာ ဖြစ်တယ်လို့ ဦးသိန်းညွန့်က ဆိုပါတယ်။
“နိုင်ငံရေးပါတီ မှတ်ပုံတင် ဥပဒေ ၂၄(ခ) အရ ကော်မရှင်က ဒီပါတီနဲ့ ပတ်သက်ပြီးတော့ လိုအပ်သလို စုံစမ်း စစ်ဆေးပြီးတော့ သူ့ကို ဥပဒေက ပေးထားတဲ့ လုပ်ပိုင်ခွင့်တွေကို ကျင့်သုံးနိုင်ပါတယ်။ ကော်မရှင်က အဲဒီလုပ်ပိုင်ခွင့်တွေ ကျင့်သုံးလာဖို့ အတွက်လည်း ကျနော် အခုလို NDF ပါတီကို နှစ်ခြမ်းခွဲပစ်ရခြင်း ဖြစ်ပါတယ်။”
အခုလိုမျိုး ပင်မပါတီကနေ ခွဲထွက်ပြီး မြို့နယ်အခြေစိုက် အဖွဲ့တခုအဖြစ် ရပ်တည်တာဟာ ကော်မရှင် ဥပဒေနဲ့ မကိုက်ညီဘူးလို့ ဦးခင်မောင်ဆွေက ဆိုပြီး အခုကတော့ ကော်မရှင်ရဲ့ ဆုံးဖြတ်ချက်ကပဲ အဓိက ဖြစ်သွားပြီလို့ သူကလည်း ပြောပါတယ်။
“ပါတီတွေမှာ အဲဒီလို အဆင်မပြေတာတွေ ရှိတော့ ရှိတတ်ပါတယ်။ သို့သော်လည်း ကော်မရှင်ကနေ ဒါကို ဘယ်လို အရေးယူ ဆောင်ရွက်မလဲ၊ ဒါ ကော်မရှင်ရဲ့အပိုင်း ဖြစ်သွားပြီဗျ။ ဦးသိန်းညွန့်တို့ လုပ်နေတာက မြို့နယ် ပါတီအဖြစ် ထောင်တယ်ဆိုတဲ့ အခါကျတော့ ဒါ ကော်မရှင် ဥပဒေနဲ့လည်း မကိုက်ညီဘူး ဖြစ်နေတော့ ကော်မရှင်ကို မေးတာပဲ ပိုကောင်းပါလိမ့်မယ်။ ကျနော်တို့ အဖြစ်ကတော့ ဝေဖန်စရာ မရှိပါဘူး။ ဦးသိန်းညွန့်က သူလုပ်ချင်ရာ လုပ်နေတာ ခင်ဗျားတို့အားလုံး အသိပဲလေ။ ကျနော်က ဒီအပေါ်မှာ လိုက်ပြီးတော့ မရှင်းချင်တော့ပါဘူးဗျာ။”
၂၀၁၀ ပြည့်နှစ် ရွေးကောက်ပွဲဝင်ဖို့ ထူထောင်ခဲ့ကြတဲ့ ပါတီတွေထဲမှာ NDF ပါတီဟာ NLD ခွဲထွက်ခေါင်းဆောင် တချို့ ထူထောင်တဲ့ပါတီ ဖြစ်တာကြောင့် လူအများ စိတ်ဝင်စားမှု အရဆုံးပါတီ ဖြစ်ပါတယ်။ ၂၀၁၀ ပြည့်နှစ် ရွေးကောက်ပွဲမှာ နေရာအသီးသီး အမတ်အရေအတွက် စုစုပေါင်း ၁၆ နေရာ အနိုင်ရခဲ့ပြီး အဲဒီထဲကနေ အခု ၅ ဦး ခွဲထွက်သွားတာ ဖြစ်ပါတယ်။
NLD ကသာ နိုင်ငံရေးပါတီ တခုအဖြစ် မှတ်ပုံပြန်တင်ပြီး ရွေးကောက်ပွဲ ၀င်မယ်ဆိုရင် NLD နဲ့ ပြန်ပူးပေါင်းမယ်လို့ ဦးသိန်းညွန့်က ပြောပါတယ်။
NLD အထွေထွေ အတွင်းရေးမှူးချုပ် ဒေါ်အောင်ဆန်းစုကြည် ကိုယ်တိုင်ကလည်း NDF ပါတီနဲ့ ပတ်သက်လို့ ကြားရတဲ့ သတင်းတွေအပေါ် စိတ်ဝင်တစား ရှိနေပြီး သူတို့ နောက်ဆုံး တွေ့ဆုံခဲ့ကြချိန်မှာ မေးမြန်းခဲ့တာတွေ ရှိတယ်လို့ ဦးခင်မောင်ဆွေက ပြောခဲ့ဖူးပါတယ်။
http://www.voanews.com/burmese/news/ndf-dispute-119253599.html

အမျိုးသား ဒီမိုကရေစီ အင်အားစု ပါတီမှ အမတ်အချို့ ခွဲထွက်

2011-04-05
ဦးသိန်းညွန့် ဦးဆောင်တဲ့ အမျိုးသား ဒီမိုကရေစီ အင်အားစုအဖွဲ့(NDF) နဲ့ ဦးခင်မောင်ဆွေ၊ ဒေါက်တာသန်းငြိမ်း တို့ ဦးဆောင်တဲ့ (NDF) တို့ လမ်းခွဲလိုက်ပြီ ဖြစ်ပြီး အခွင့်သင့်လျှင် အမျိုးသား ဒီမိုကရေစီ အဖွဲ့ချုပ် (NLD) နှင့် ပြန်လည် ပူးပေါင်းမယ်လို့ ဦးသိန်းညွန့်က ပြောဆိုလိုက်ပါတယ်.
(Photo: AFP)
အမျိုးသား ဒီမိုကရေစီ အင်အားစု (NDF) မှ အဖွဲ့ဝင်များ ရန်ကုန်မြို့ တနေရာတွင် အောက်တိုဘာ ၂၀ ရက်နေ့က ရွေးကောက်ပွဲ မဲဆွယ် လက်ကမ်း ကြော်ငြာများ ဝေငှနေခြင်း ဖြစ်ပါသည်။ (Photo: AFP)
သူ့ကို အစိုးရက NDF ကိုယ်စားလှယ်လို့ အသိအမှတ်ပြုထားတဲ့အတွက် NDF ကို ဆက်လက် ဦးဆောင်မယ်လို့ ဦးသိန်းညွန့်က ပြောပါတယ်။
“သင်္ဃန်းကျွန်း NDF ရဲဘော်တွေရဲ့ တောင်းဆိုချက်အရကော၊ နောက် လုပ်ဖော်ကိုင်ဖက်တွေရဲ့ ဆန္ဒအရရော၊ ကျွန်တော်က NDF ကိ်ု ဒုတိယခေါင်းဆောင်အဖြစ် ဒီ ကော်မရှင်က ခန့်အပ်ထားတဲ့ တာဝန်ကို ကျွန်တော် ဆက်ယူမယ်။ ဒါပေမဲ့ ကျွန်တော်က ဒီ ဆွေ-ငြိမ်းဂိုဏ်းနဲ့ ကျွန်တော်တို့ သင်္ဃန်းကျွန်း ကျွန်တော်တို့ အဖွဲ့ဝင်အားလုံးက ဆွေ-ငြိမ်းဂိုဏ်းကို အဆက်ဖြတ်လိုက်ပြီ။ တခြား NDF တပြည်လုံးက အဖွဲ့ဝင်တွေက ကျွန်တော်တို့နဲ့ လာပြီးတော့ ပူးပေါင်းမယ်ဆိုရင်လည်း ကျွန်တော်တို့ ကြိုဆိုတယ်။ ကျွန်တော်တို့ကတော့ စည်းရုံးရေးအရကော ပုဂ္ဂိုလ်ရေးအရကော သူတို့နဲ့ လက်တွဲစရာ အကြောင်းမရှိတော့ဘူး။ ကျွန်တော်တို့က နှစ်ခြမ်းခွဲပစ်လိုက်တာပါ၊ နုတ်ထွက်သွားတာ မဟုတ်ပါဘူး။
သူတို့ NDFအဖွဲ့ကို သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ်တဦးဖြစ်တဲ့ ဦးသိန်းညွန့်၊ အမျိုးသား လွှတ်တော် ကိုယ်စားလှယ် ဦးဘုန်းမြင့်အောင်၊ သင်္ဃန်းကျွန်းမြို့နယ်မှ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်၊ ဒေါ်စန်းစန်းမြင့်နဲ့ ဦးဝင်းဖေ၊ ဦးကြည်မြင့်တို့ ပူးပေါင်းပြီး ဆောင်ရွက်ကြမယ်လို့ ဦးသိန်းညွန့်က ပြောပါတယ်။
ဦးခင်မောင်ဆွေနဲ့ ဒေါက်တာသန်းငြိမ်းတို့်က ပြည်ပနိုင်ငံများမှ အထောက်အပံ့ ရယူခဲ့တဲ့ အဖွဲ့အစည်းတွေဆီက အကူအညီ ငွေကြေးများ လက်ခံခဲ့ပေမယ့်၊ မိမိတို့အနေနှင့် မည်သူ့ အကူအညီမျှ ယူမည်မဟုတ်ပဲ နိုင်ငံရေး ဆက်လုပ်သွားမယ်လို့ ဦးသိန်းညွန့်က ပြောပါတယ်။
အခုလို NDF ပါတီမှာ အဖွဲ့တွေ ကွဲသွားတဲ့ ကိစ္စနဲ့ ပတ်သက်ပြီး ဦးသိန်းညွန့်နဲ့ RFA မှ ဦးခင်မောင်စိုးက ဆက်သွယ် မေးမြန်းထားပါတယ်။
ဦးသိန်းညွန့်နှင့် ဆက်သွယ်မေးမြန်းချက်
အသံဖိုင်ယူရန်
အခုလို အမျိုးသား ဒီမိုကရေစီအင်အားစု (NDF) ပါတီ နှစ်ခြမ်းကွဲသွားပြီလို့ ဦးသိန်းညွန့်က ပြောခဲ့တာတွေနဲ့ ပတ်သက်ပြီး NDF ခေါင်းဆောင်တဦးဖြစ်တဲ့ ဦးခင်မောင်ဆွေကိုလည်း ဦးခင်မောင်စိုးက ဆက်လက်ပြီး မေးမြန်းခဲ့ပါတယ်။
ဦးခင်မောင်ဆွေ့နှင့် ဆက်သွယ်မေးမြန်းချက်
အသံဖိုင်ယူရန်

Where and What  NDF.pdfWhere and What NDF.pdf
548K   View   Download  

Where and What NDF

ကြံ့ဖွံ့ထိပ်ပိုင်းခေါင်းဆောင်များအကြား မကျေနပ်မှုများရှိ

ကြံ့ဖွံ့ထိပ်ပိုင်းခေါင်းဆောင်များအကြား မကျေနပ်မှုများရှိ

E-mail Print
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ထိပ်ပိုင်း ခေါင်းဆောင်များ အကြားတွင် လုပ်ပိုင်ခွင့် အာဏာခွဲဝေမှုနှင့် ပတ်သက်ပြီး သဘောထား ကွဲလွဲမှုများနှင့် မကျေနပ်မှုများ ဖြစ်ပေါ်နေကြောင်း သိရှိရသည်။

Yangon-Mayor-Aung-Thein-Lin2
ဦးအောင်သိန်းလင်း (ဓာတ်ပုံ - အေပီ)

ယင်း အာဏာခွဲဝေမှု ပြဿနာတွင် ယခင်ဝန်ကြီးဖြစ်ခဲ့သော ကြံ့ဖွံ့ပါတီခေါင်းဆောင်များသည် အစိုးရသစ်တွင် ၀န်ကြီးနေရာပြန် လည်မရရှိခြင်းလည်း ပါဝင်သည်ဟု ကြံ့ဖွံ့ပါတီ အသိုင်းအ၀ိုင်းနှင့် လွှတ်တော်အမတ်များက ပြောဆိုကြသည်။

ရန်ကုန်တိုင်း ဒေသကြီးမှ အမျိုးသား လွှတ်တော်အမတ် တဦးက“အရင် ၀န်ကြီးဖြစ်ခဲ့တဲ့ ပုဂ္ဂိုလ်တွေက လက်ရှိအခြေအနေကို သိပ်ပြီးကြိုက်ပုံမရဘူး။ သူတို့ကပါတီမှာပဲ ကျန်ခဲ့တာလေ။ မတ် ၃၀ ရက် အာဏာလွှဲတဲ့ နေ့ကဆိုရင် အစိုးရသစ်မှာ မပါတဲ့ ၀န်ကြီးတွေအကုန်လုံး မျက်စိပျက်၊ မျက်နှာပျက်နဲ့ လွှတ်တော်တက်ခဲ့ကြတယ်။ သူတို့ပုံစံတွေကြည့်တာနဲ့ကို သိ သာ ပါတယ်”ဟု ပြောသည်။

ကြံ့ဖွံ့ပါတီတွင် ကျန်ခဲ့သော အစိုးရ၀န်ကြီးဟောင်းများသည် ပါတီ၏ စီးပွားရေး၊ လူမှုရေးလုပ်ငန်းများကို ဦးစီးရမည်ဖြစ်သော် လည်း လက်ရှိ ရင်ဆိုင်နေရသော အခြေအနေကို မရောင့်ရဲ မကျေနပ်နိုင်ဘဲဖြစ်နေကြောင်း မြို့တော်ဝန် ဦးအောင်သိန်းလင်းနှင့် နီးစပ်သည့် ကြံ့ဖွံ့ပါတီ မြို့နယ် ဥက္ကဋ္ဌ တဦးက ပြောဆိုသည်။

“အစိုးရ၀န်ကြီးဘ၀က အဆောင်အယောင်နဲ့ နိုင်ငံတော်ကားစီးခဲ့ရတဲ့ နေရာကနေ ကိုယ်ပိုင်ကားစီးရပြီဆိုတော့ အနည်းနဲ့အများစိတ် ထိခိုက်တယ်။ ပုံမှန်ရုံးတက်နေတဲ့ဘ၀ကနေ အရပ်သားဘ၀ကို ပြန်ရောက်တော့ ဘာလုပ်ရမှန်းမသိဖြစ်ကုန်တယ်။ အမိန့်ကို မလွန်ဆန်နိုင်လို့သာ၊ ပြုတ်သွားတဲ့ဝန်ကြီးတွေက ကျေနပ်ပုံမရဘူး”ဟု ၎င်းက ဆိုသည်။

ကြံ့ဖွံ့ပါတီ အထွေထွေအတွင်းရေးမှူး ဦးဌေးဦးနှင့် ဗဟိုအလုပ်အမှုဆောင် ဦးအောင်သိန်းလင်းတို့သည် ရန်ကုန်မြို့တွင် လူမှုရေး ဆိုင်ရာ အခမ်း အနားများ တက်ရောက်နေကြပြီး ဧပြီလ၂ ရက်နေ့က မြန်မာနိုင်ငံ ငါးလုပ်ငန်းအဖွဲ့ချုပ်တွင် ကျင်းပသော ဖျာပုံမြို့မှ ရေလုပ်သားများ အတွက် အလှူငွေပေးအပ်ပွဲ အခမ်းအနားတက်ရောက်ကာ အလှူငွေပေးအပ်ခဲ့ကြောင်း၊ ယင်းသို့ အခမ်းအနား အတူ တက်ရောက်ခဲ့သော်လည်း ဦးဌေးဦးနှင့် ဦးအောင်သိန်းလင်းတို့ နှစ်ဦးမှာ စကားပြောဆိုခြင်း မရှိကြောင်း သိရသည်။

ထို့အပြင် နေပြည်တော်၌ လွှတ်တော်အစည်းအဝေးများ ကျင်းပချိန်တွင် ကြံ့ဖွံ့ပါတီမှ လွှတ်တော်အမတ်များသည် မိမိတို့ တင်ပြ လိုသော အဆိုများ၊ မေးခွန်းများ၊ ဥပဒေများကို လွှတ်တော်တွင် တင်ပြခွင့်မရကြဘဲ ပါတီ ဗဟိုအလုပ်အမှုဆောင်အဖွဲ့ကသာ ချထားပေးသည့် မေးခွန်းနှင့်အဆိုများကို မေးမြန်းတင်သွင်းရခြင်း၊ ပါတီ ဗဟိုဦးစီးအဖွဲ့မှ ခွင့်ပြုချက်ယူရခြင်းများပြုလုပ်ရကြောင်း အမျိုးသား ဒီမိုကရေစီ အင်အားစု(NDF)ပါတီမှ ပြည်သူ့လွှတ်တော် ကိုယ်စားလှယ်တဦးက ပြောသည်။

“လွှတ်တော်တက်တာလည်း ရက်ကြာလာတော့ ကြံ့ခိုင်ရေးက အမတ်တွေနဲ့ ရင်းနှီးလာတယ်။ အဲဒီတော့ ကျနော်က မေးကြည့် တယ်။ ကြံ့ခိုင်းရေးအမတ်တွေက အဆိုတွေ၊ မေးခွန်းတွေ မတင်ဘူးလားဆိုတော့ သူက ပြန်ဖြေတယ်။ ကြံ့ခိုင်ရေးမှာက ဗဟိုဦးစီး စနစ်ကျင့်သုံးတယ်။ အဆိုတွေ၊ မေးခွန်းတွေ တင်ချင်တိုင်းတင်လို့မရဘူး။ ဗဟိုက ချပေးတာကိုတင်ချင်တင်၊ ကိုယ်တင်ချင်တာ ဆိုရင် ဗဟိုက ခွင့်ပြုချက်ယူရမယ် ပြောတယ်”ဟု အထက်ပါ ပြည်သူ့လွှတ်တော် ကိုယ်စားလှယ်က ဆိုသည်။

ကြံ့ဖွံ့ပါတီမှ လွှတ်တော်အမတ်အများစုသည် လွှတ်တော်တွင် လွတ်လပ်စွာ လုပ်ပိုင်ခွင့်မရခြင်းနှင့် ပါတီတွင်း ဗဟိုဦးစီးစနစ်ဖြင့် အုပ်ချုပ်မှုများအပေါ် လွန်စွာစိတ်ပျက်လျက်ရှိကြောင်းလည်း စုံစမ်းသိရှိရသည်။

“ကြံ့ခိုင်ရေးပါတီက လွှတ်တော်အမတ်ဆိုပေမယ့် တချို့ကစီးပွားရေးလုပ်ငန်းရှင်တွေ၊ ဆရာဝန်ကြီးတွေ၊ ပါမောက္ခတွေ၊ ဗိုလ်မှူးကြီး
ဟောင်းတွေပါတယ်။ တက္ကသိုလ်က ပါမောက္ခဟောင်းတွေလည်း ပါတယ်။ သူတို့ကတော့လွှတ်တော်မှာ ဘာမှ လုပ်ခွင့်မရတာ စိတ်ပျက်တယ်လို့ ညည်းတယ်။ ပါတီက အရင် မဆလ ပါတီလို ပုံစံမျိုးဖြစ်နေတယ်လို့ ပြောတယ်။ သူတို့က အဲဒီစနစ်ကို သဘော မတူ၊ မကြိုက်ဘူး”ဟု တိုင်းရင်းသား လွှတ်တော်အမတ် တဦးက ပြောသည်။
http://www.irrawaddy.org/bur/index.php/news/6133-2011-04-05-07-58-22