Monday, May 30, 2011

၃၀.၅.၂၀၁၁ ရက်နေ့ရဲရင့်ငယ်ဒိုင်ယာရီ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

2 attachments — Download all attachments  
30 May 2011 Yeyintnge's Diary.doc30 May 2011 Yeyintnge's Diary.doc
2324K   View   Download  
30 May 2011 Yeyintnge's Diary.pdf30 May 2011 Yeyintnge's Diary.pdf
2425K   View   Download  
http://www.mediafire.com/file/i4qh1vmrxc91kaq/30%20May%202011%20Yeyintnge%27s%20Diary.doc

http://www.mediafire.com/file/pgf06snd62256ux/30%20May%202011%20Yeyintnge%27s%20Diary.pdf

30 May 2011 Yeyintnge's Diary

အောက်ကိုဆင်းတာနဲ့ တချက်ထဲရိုက်...


DVB NEWS

ဟောင်ကောင်တက္ကသိုလ် နှစ် ၁၀၀ ပြည့် ဒေါ်အောင်ဆန်းစုကြည် ပေးပို့တဲ့ ဗွီဒီယို



--
http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

Aung San Suu Kyi Speech at HKU 2011.mp4Aung San Suu Kyi Speech at HKU 2011.mp4
13382K   Download  

ဒီပဲယင်း လုပ်ကြံမှု ဘယ်သူ့မှာ တာဝန် အရှိဆုံးလဲ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

ALH&DEPEYIN STORY.mp3ALH&DEPEYIN STORY.mp3
2307K   Play Download  
2011-05-30
ဒီပဲယင်း လုပ်ကြံမှုနဲ့ ပတ်သက်ပြီး ဘယ်သူ့မှာ တာဝန် အရှိဆုံးလဲဆိုတာ မှန်းဆပြောဆိုမှုတွေ အများအပြား ရှိနေပါတယ်။ စစ်ထောက်လှမ်းရေး အရာရှိဟောင်း ဗိုလ်မှူးဟောင်း ဦးအောင်လင်းထွဋ် ကတော့ ဒီပဲယင်း လုပ်ကြံမှုရဲ့ နောက်ကွယ်က အမိန့်ပေးသူဟာ ဗိုလ်ချုပ်မှူးကြီးသန်းရွှေ ဖြစ်တယ်လို့ သူ သိရှိထားတဲ့ အချက်အလက်တွေကို ကိုးကားပြီး ပြောဆိုပါတယ်။


Ad Hoc Commission on Depayin Massacre (Burma)
ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် စည်းရုံးရေးခရီးစဉ်အတွင်း အနှောင့်အယှက်ပေးခဲ့ကြသည့် လက်နက်ကိုင်လူတစုကို ဒီပဲယင်း အကြမ်းဖက်တိုက်ခိုက်မှု မဖြစ်ပွားမီ ဒီပဲယင်းမြို့နယ် ကျည်တောက်ပေါက် ကျေးရွာအနီးတွင် ၂၀ဝ၃ ခုနှစ် မေလ ၂၅ ရက်နေ့က တွေ့မြင်ရသည့် မှတ်တမ်းဓာတ်ပုံ ဖြစ်ပါသည်။(Photo: Ad Hoc Commission on Depayin Massacre- Burma)
သံတမန်ဟောင်း တဦးလည်း ဖြစ်၊ စစ်ထောက်လှမ်းရေး အရာရှိဟောင်းလည်း ဖြစ်တဲ့ ဦးအောင်လင်းထွဋ်ကို ဦးတင်အောင်ခိုင်က ဆက်သွယ် မေးမြန်းထားပါတယ်။

ဒီပဲယင်း လုပ်ကြံမှု ဘယ်သူ့မှာ တာဝန် အရှိဆုံးလဲ by yeyint2011

ဆက်သွယ်မေးမြန်းချက်။
အသံဖိုင်ယူရန်။

တရုတ်မှ ဒေါ်လာ ၇၆၃ သန်း ထုတ်ချေး



တရုတ်မှ ဒေါ်လာ ၇၆၃ သန်း ထုတ်ချေးမည်ဆိုသော်လည်း စီမံကိန်း၏ အဓိက ပင်မ ဒေသ အကျိုးခံစား ရနိုင်ဖွယ် မရှိ

Font size: Decrease font Enlarge font
----------------------------
တာကလူးနှင့် ထွန်းထွန်း
----------------------------
မြန်မာသမ္မတ ဦးသိန်းစိန်၏ သုံးရက်တာ တရုတ်ပြည် ခရီးစဉ်အတွင်း နှစ်နိုင်ငံအကြား ရထားလမ်း တည်ဆောက်ရေး အပါအ၀င် တခြား အကျိုးတူ စီးပွါးရေး လုပ်ငန်းများ ပူးတွဲလုပ်ဆောင်ရန် သဘောတူ လက်မှတ် ရေးထိုးခဲ့ကြပြီး၊ ထိုလုပ်ငန်းများအကောင်အထည်ဖေါ်ရန် အတွက် တရုတ်မှ မြန်မာကို အမေရိကန် ဒေါ်လာ ၇၆၃ သန်း ထုတ်ချေးလိုက်ကြောင်း သတင်း ရရှိသည်။


Images တရုတ်နှင့် ရထားလမ်း ဆက်သွယ်မည့် ကျောက်ဖြူမြို့
ဦးသိန်းစိန်၏ တရုတ် ခရီးစဉ် အတွင်း မြန်မာနိုင်ငံ အနောက်ဘက် ရခိုင်ပြည်နယ် ကျောက်ဖြူဆိပ်ကမ်းမှ အရှေ့ဘက်နယ်စပ်မြို့ မူဆယ်ကို ဖြတ်ပြီး တရုတ်နိုင်ငံ ယူနန်ပြည်နယ် ရူလီအထိ ကီလိုမီတာ ၈၁၀ ရှည်လျားသည့် ရထားလမ်းတစ်ခုကို တည်ဆောက်ရန် သဘောတူလက်မှတ်ရေးထိုးခဲ့သည်ဟု တရုတ်နိုင်ငံ၏ အကြီးဆုံး ရထားလမ်း တည်ဆောက်ရေး ကုမ္ပဏီတစ်ခုဖြစ်သည့် China Railway Group Limited မှ မြန်မာသမ္မတ၏ ခရီးစဉ် အဆုံးသတ်ခဲ့သည့် ယမန်နေ့တွင် ထုတ်ပြန် ကြေညာခဲ့သည်။

မြန်မာသမ္မတ၏ ခရီးစဉ်အတွင်း လက်မှတ်ရေးထိုးခဲ့သည့် သဘောတူညီချက်အတိုင်း ၄င်း ကျောက်ဖြူ-မူဆယ်-ရူလီ ရထားလမ်းကို အဆိုပါ တရုတ်ရထားလမ်းတည်ဆောက်ရေးကုမ္ပဏီမှ တည်ဆောက်သွားမည် ဖြစ်ကြောင်း သိရှိရသည်။

၃ နှစ်အတွင်းအပြီးသတ်တည်ဆောက်ရန်စီစဉ်ထားသည့် အဆိုပါရထားလမ်းဖြင့် မြန်မာနှင့် တရုတ်တို့ အကြား အကျိုးတူ စီးပွါးရေး လုပ်ငန်းများ ပိုမိုတိုးမြှင့် လုပ်ဆောင်လာနိုင်မည်သာမက မြန်မာ၏ ဒေသတွင်း စီးပွါးရေး ဖွံ့ဖြိုး တိုးတက်မှုကိုလည်း အထောက်ကူ ဖြစ်လာစေလိမ့်မည် ဟုလည်း တရုတ် အစိုးရ မီဒီယာများမှ သတင်း ထုတ်ပြန်ခဲ့ကြသည်။

သို့သော်လည်း ထိုင်း အခြေစိုက် ရွှေဂတ်စ် လူပ်ရှားမူ တာဝန်ခံ ဦးဝင်းအောင်က တရုတ်မှ မြန်မာနိုင်ငံတွင် ပြုလုပ်သော စီမံကိန်းများ ဒေသခံ ပြည်သူများအတွက် အကျိုးတစုံတရာ ရှိသည်ကို ယခုထက်တိုင် မမြင်တွေ့ ရသေးကြောင်း သူက ယခုကဲ့သို့ ပြောသည်။

" ပြောရမယ်ဆိုရင် ရခိုင် ဒေသမှာ ဒီဓါတ်ငွေ့ပိုက်လိုင်း စီမံကိန်းတွေကို လုပ်ဆောင် နေတာဟာ နှစ်ပေါင်း သုံးလေး နှစ်သက်တမ်းရှည်လာပြီ ဖြစ်ပေမယ့် ခုချိန်အထိ ရခိုင်ပြည်သူ လူထုအတွက် ဘာတစ်ခုမှ အကျိုး မရှိသေးဘူး။ ဒေသ ဖွံ့ဖြိုးတိုးတက်ရေး အတွက် လုပ်ဆောင်ပေးတာလည်း ခုချိန်ထိ ဘာမှ မတွေ့ရသေးဘူး။ အဲဒီ စီမံကိန်းကြောင့်သာ မြေတွေ သိမ်းခံရတာတွေ၊ မိမိရိုးရာ အစဉ် အလာအရ လုပ်ကိုင် စားသောက်နေတဲ့ အလုပ်အကိုင်တွေသာ ဒေသခံတွေ ဆုံးရှုံး သွာတာကို ကြုံတွေ့နေကြရပါတယ်။ ဒီအတွက် ခုလုပ်မယ့် စီမံကိန်းတွေဟာ ဒေသခံ ရခိုင်ပြည်သူလူထုအ တွက်အကျိုးရှိမှာ မဟုတ်ဘူးလို့ ယူဆပါတယ်။ ခုလုပ်နေတာတွေဟာ သူတို့ အစိုးရ နှစ်ရပ်ရဲ့ အကျိုး စီးပွား ဖွံ့ဖြိုးတိုး တက်မှုကို အဓိကထား လုပ်ဆောင် နေတယ်လို့ မြင်ပါတယ်" ဟု ဆိုသည်။

မြန်မာ အစိုးရသည် ရခိုင် ဒေသမှ သဘာဝ သံယာဇာတ ပစ္စည်းများကို ထုတ်ယုပြီး အိမ်နီးချင်း နိုင်ငံများသို့ ရောင်းချရန်သာ စိတ်ဝင်စားနေပြီး ဒေသဖွံ့ဖြိုးတိုးတက်ရေးကိုမူ လုံးဝ လစ်လျူရှု့ ထားကြောင်း ပြည်တွင်း ပြည်ပတွင် ကျယ်ကျယ်ပြန့်ြ့ပန့် ဝေဖန်မူများ ထွက်ပေါ်နေသည်။

Images တရုတ်သင်္ဘောများ ဆိပ်ကပ်ရန် ကျောက်ဖြူ အမှတ်(၁) ဖေါင်တော်ကို ယခုအခါ ပြန်လည် တည်ဆောက်နေသည်။ ( ဓါတ်ပုံ- နိရဉ္စရာ)
မြန်မာနိုင်ငံ ရခိုင်ကမ်းလွန် ပင်လယ်ပြင်ရှိ ရွှေဓါတ်ငွေ့သိုက်မှ ထုတ်လုပ်မည့် သဘာဓါတ်ငွေ့ နှင့် အတူ အရှေ့အလယ်ပိုင်းနိုင်ငံများမှ သင်္ဘောများဖြင့် တင်သွင်းလာမည့် ရေနံစိမ်းများကို လက်ခံနိုင်ရန် ရခိုင်ပြည်နယ် ကျောက်ဖြူမြို့နယ် အတွင်းတွင် တရုတ်မှ ဆိပ်ကမ်းများ နှင့်အတူ ပိုက်လိုင်းများကို အကောင်အထည်ဖေါ် တည်ဆောက်လျှက် ရှိသည်။

" လက်ရှိ ဂတ်စ်နဲ့ ရေနံ ပိုက်လိုင်း တည်ဆောက်နေမှုနဲ့ ရထားလမ်း စီမံကိန်းနဲ့ ပတ်သက်ပြီး လက်ရှိ အစိုးရက ရခိုင် ပြည်သူ လူထုရဲ့ အခြေခံ လိုအပ်ချက်တွေကို မလုပ်ဆောင်ပေးရင်တော့ ဒီစီမံကိန်း တွေဟာ အပြောအရဘဲ လူထု တွေအတွက် အကျိုးရှိနိုင်မယ်လို့ ပြောနိုင်ပြီး လက်တွေ့မှာ ဒီလုပ်ငန်း တွေဟာ ရခိုင်ပြည်သူလူထု အတွက် ဘယ်လိုနည်းနဲ့မှ အကျိုးရှိလာနိုင် မဟုတ်ပါဘူး" ဟု ကိုဝင်းအောင်က ပြောသည်။

ဦးသိန်းစိန်၏ ခရီးစဉ်အဆုံးတွင်ထုတ်ဝေခဲ့သည့် မြန်မာအစိုးရပိုင် သတင်းစာများ၏အဆိုရ ၄င်းပိုက်လိုင်းစီမံကိန်းများ နှင့် လမ်းပန်းဆက်သွယ်ရေး စီမံကိန်းများအပါအ၀င် တရုတ်နိုင်ငံသည် မြန်မာနိုင်ငံ၏ စီမံကိန်း ၇၂ ခုတွင် အမေရိကန်ဒေါ်လာ ၁၅.၈ ဘီလီယံ ရင်းနှီးမြှပ်နှံထားကြောင်း သိရှိရသည်။

တရုတ်နိုင်ငံကို မြန်မာနိုင်ငံ၏ အကြီးမားဆုံး ကုန်သွယ်ဖက်နိုင်ငံတစ်ခု အဖြစ် ဖေါ်ပြထားပြီး၊ ၂၀၁၀-၂၀၁၁ ဘဏ္ဍာရေးနှစ်တွင် နှစ်နိုင်ငံကုန်သွယ်မှု ပမာဏမှာ အမေရိကန်ဒေါ်လာ ၅.၃ ဘီလီယံရှိခဲ့ပြီး၊ ယခု ၂၀၁၁-၂၀၁၂ တွင် ကုန်သွယ်မှု ပမာဏမှာ အမေရိကန်ဒေါ်လာ ၆ ဘီလီယံအထိ တိုးတက် လာမည် ဟု မျှော်လင့် ထားကြောင်းလည်း ၄င်းမြန်မာ့ သတင်းစာများတွင် ရေးသား ဖေါ်ပြကြသည်။

သို့သော်လည်း တရုတ်၏ စီးပွါးရေး ရင်းနှီးမြှပ်နှံမှုများကြောင့် မြန်မာနိုင်ငံတွင် ဒေသခံပြည်သူများ နစ်နာ ဆုံးရှုံး နေကြရကြောင်းနှင့် တရုတ်၏ ဆိပ်ကမ်း၊ ပိုက်လိုင်းများနှင့် လမ်းပမ်း ဆက်သွယ်ရေး စီမံကိန်းများကို စတင် အကောင် အထည်ဖော် တည်ဆောက်နေသည့် ရခိုင်ပြည်နယ်မှ ဒေသခံများက ပြောသည်။

"ကျွန်တော်တို့ ရခိုင်ပြည်နယ်မှာ အထူးသဖြင့် ဒီရွှေသဘာဝဓါတ်ငွေ့စီမံကိန်းနှင့် ဆက်စပ်ပြီးတော့ တရုတ်အ ပါအ၀င်နိုင်ငံ တကာက ရင်းနှီးမြှပ်နှံထားတာတွေ အများအပြားတွေ့ရပါတယ်။ ဒါပေမယ့် အဲဒီ ရင်းနှီး မြှပ်နှံမှုတွေကြောင့် ဒေသခံပြည်သူတွေအတွက် ဘာမှ အကျိုးရှိလာတာကို ခုချိန်ထိ မတွေ့ ရသေးဘူး။ အဲဒီ စီမံကိန်း ရင်းနှီးမြှပ်နှံမှုတွေကြောင့် ဒေသခံ ပြည်သူတွေ လုပ်စားမဲ့ ကိုင်စားမဲ့ ဘ၀ပျက်နေကြရတာကိုပဲ တွေ့မြင်နေရပါတယ်" ဟု ဒေသခံတစ်ဦးက ပြောသည်။

၎င်းပြင် တရုတ်ကုမ္ပဏီများမှာ အဆိုပါစီမံကိန်းများ တည်ဆောက်ရာတွင် သာမန် အလုပ်သမားများကိုပင် တရုတ်ပြည်မှ ယူဆောင်လာခဲ့ပြီး၊ ဒေသခံများကို ခန့်အပ်ပေးခြင်း မရှိကြောင်းလည်း သိရသည်။

တရုတ်၊ အိန္ဒိယ အပါအ၀င် နိုင်ငံတကာ ကုမ္ပဏီများမှ မြန်မာအစိုးရနှင့် ပေါင်းဖက်ပြီး ရခိုင်ဒေသအတွင်း အပြိုင်အဆိုင် ရင်းနှီးမြှပ်နှံနေကြပြီး စီးပွါးရေး စီမံကိန်း အများအပြားကို အကောင်အထည်ဖော် လုပ်ဆောင် နေကြသော်လည်း ဒေသခံ ရခိုင်ပြည်သူ အများစုမှာ အဆိုပါ စီမံကိန်းများမှ တစ်စုံတရာ အကျိုးခံစားခွင့်မရသဖြင့် တစ်နေ့ထက် တစ်နေ့ စီးပွားရေး ကျပ်တည်းမူနှင့် အလုပ်အကိုင် ရှားပါးမူ ပြဿနာများကိုသာ ရင်ဆိုင်နေကြရပြီး လက်ရှိ အချိန်တွင် အလုပ်အကိုင် အခွင့်အလန်း အတွက် နိုင်ငံအတွင်းရှိ ဗမာပြည်မနှင့် ကချင်ဒေသအပါအတွင် ထိုင်း၊ မလေးရှားစသည့် နိုင်ငံများသို့ နေ့စဉ် ရက်ဆက် ထွက်ခွာနေကြရသည်။

http://www.narinjara.com/detailsbur.asp?id=3211

တရုတ် စီးပွားကျွန် ဖြစ်လာမယ့် မြန်မာနိုင်ငံ



By ဦးသန်းလွင်ထွန်း တနင်္ဂနွေ, 29 မေ 2011

ဦးသန်းလွင်ထွန်း ။ ။ သမ္မတသစ် ဦးသိန်းစိန်ရဲ့  တရုတ်နိုင်ငံခရီးစဉ်ဟာ အရပ်သားအမည်ခံ မြန်မာအစိုးရသစ် အနေနဲ့ တရုတ်နိုင်ငံအပေါ် နိုင်ငံရေး၊ စီးပွားရေး၊ လုံခြုံရေး အစစအရာရာ မှီခိုအားထားပါတယ်ဆိုတဲ့ မပြောင်းလဲတဲ့ နိုင်ငံရေးခြားရေး မူဝါဒကို ပြသလိုက်တယ်ဆိုတဲ့သဘောပဲလို့ လေ့လာသူတွေက ရှုမြင်ပါတယ်။ ထိုင်းနိုင်ငံ ချင်းမိုင်မြို့ မှာရှိနေတဲ့ မြန်မာ့အရေးလေ့လာသူ ဦးဘိုဘိုကျော်ငြိမ်း ကို ဆက်သွယ်မေးမြန်း ဆွေးနွေးတင်ပြထားပါတယ်။

ဦးဘိုဘိုကျော်ငြိမ်း ။ ။ ဗမာနိုင်ငံဟာ တရုတ်နိုင်ငံရဲ့  ရေရှည်ပေါ်လစီရဲ့  အရေးပါတဲ့နေရာမှာ ပါပါတယ်။ ဆိုတော့ ဒါကို သူတို့အကောင်အထည်ဖော်တာပဲ။ အဲဒါ ကျနော် ဘာကိုဆိုလိုတာလည်းဆိုရင် အမေရိကန် စူပါ ပါဝါအနေနဲ့ အာဏာရှိလာချိန်မှာ အမေရိကန်အလယ်ပိုင်းနဲ့ တောင်အမေရိကဟာ ငါရဲ့  ရပ်ကွက်ပဲလို့ ကြေညာပြီးတော့ ဒီဟာကို သူတို့ မောင်ပိုင်စီးတယ်။ သဘောက သူတို့ရဲ့  အာဏာကို သူတို့ထုတ်ပြတာပေါ့။ တရုတ်ကလည်း အခုအခါမှာ ကြည့်လို့ရှိရင် စီးပွားရေးအရ ဒုတိယဖြစ်လာပြီ။ စစ်ရေးအရလည်း ဒုတိယ ဖြစ်လာပြီ။ အဲဒီလို ရှိလာတဲ့အခြေအနေတွေကို တိုးချဲ့ တာပေ့ါ။ သူတို့ရဲ့  အာဏာကို ပြတာပေါ့။ အဲဒီလို့ ပြတဲ့အချိန်မှာ တရုတ်က ဘာရူးလာလည်းဆိုတော့ အမေရိကန်က သူတို့ကို ဝိုင်းမှာကြောက်တော့ တရုတ်က ဘာလုပ်လာလည်းဆိုတော့ သူ့ကိုယ်သူ ဝိုင်းလိုက်ပြီး ဒီဟာက ငါရဲ့  ပိုင်နက်ပဲဆိုပြီး ကြေညာလာတယ်။

ဦးသန်းလွင်ထွန်း ။ ။ ဦးဘိုဘိုကျော်ငြိမ်း ပြောတာက တရုတ်ဘက်က အမြင်ကိုပြောတာ။ ဒါပေမဲ့ ဗမာနိုင်ငံ ဘက်က ကြည့်မယ်ဆိုရင် သမ္မတဦးသိန်းစိန်ရဲ့  အစိုးရက မကြာသေးခင်ကမှ အသစ်တက်လာတဲ့ အစိုးရ။ အသစ်တက်လာတဲ့ အစိုးရ သမ္မတသစ်တယောက်အနေနဲ့ ပထမဦးဆုံးသွားတဲ့ နိုင်ငံရပ်ခြား ခရီးစဉ်က အိမ်နီးချင်း တရုတ်နိုင်ငံဖြစ်နေတော့ ဒါက ထူးခြားချက်။ အစိုးရသစ်ရဲ့  မူဝါဒသဘောထားကို ဖော်ပြလိုက်တဲ့ ထူးခြားချက်အနေနဲ့ မယူဆနိုင်ဘူးလား။

ဦးဘိုဘိုကျော်ငြိမ်း ။ ။ သိပ်သေချာတာပေါ့။ အစိုးရသစ် တက်လာတဲ့အခါမှာ အစိုးရကို ထောက်ခံတဲ့နိုင်ငံ၊ သူတို့က archor ခေါ်တာပေါ့ - သူတို့ ကျောက်ချရမယ့် နိုင်ငံဟာ တရုတ်နိုင်ငံအနေနဲ့ တရုတ်ကို အားကိုးတဲ့ ဟာကို ဆက်ပြီးယူထားတာပေါ့။ အထူးသဖြင့် အမေရိကန်ကလည်း အမေရိကန်ပေါ်လစီက မပြောင်းဘူးဘဲ ပြောကြပါစို့။ တရုတ်ကလည်း ၂၀၁၂ ခုနှစ်ဆိုရင် သမ္မတအသစ် ဖြစ်မယ်။ သူ့ရဲ့  ရပ်တည်ချက်ကို အားကိုးတဲ့ အနေနဲ့ မြန်မာနိုင်ငံဟာ တရုတ်ကိုအားကိုးတယ်ဆိုတာ။ ပထမဦးဆုံး သွားတဲ့နိုင်ငံက ထူးခြားတယ်ဆိုတာ အားကိုးတာကိုပြတာ။ ထိုနည်းတူစွာ ဖြစ်ဖြစ်ခြင်းမှာ ဘယ်သူက အသိအမှတ်အစပြုပြီးတော့ လာပြီးတော့ စစ်ဖက်ရေးရာ၊ အကုန်လုံးလာတာ ဘယ်သူလည်းဆိုရင် တရုတ်ပဲ။

ဦးသန်းလွင်ထွန်း ။ ။ အဲဒီတော့ ဒါက အဓိကအားဖြင့်တော့ နိုင်ငံရေး ပထဝီအနေအထားအရလည်း ပါတယ်။ ဗမာအစိုးရအနေနဲ့ အနောက်အုပ်စုရဲ့  ဝိုင်းကြဉ်မှုတွေကို ခံနေရတဲ့အချိန်မှာ တရုတ်ကို ပိုပြီး အားထားလာတယ်။ ဒီအနေအထား၊ ဒီသဘောထားဟာ အစိုးရသစ် တက်လာတော့လည်း မပြောင်းပါဘူးဆိုတဲ့ သဘောကို ပြချင်တာပေါ့။

ဦးဘိုဘိုကျော်ငြိမ်း ။ ။ ဒါ သေချာတာပေါ့။ ဘာကြောင့်လဲဆိုတော့ နှစ်ခု ရှိတယ်။ ဗမာနိုင်ငံအနေနဲ့ သူတို့အနေနဲ့ ကစားနိုင်တဲ့ အကွက်ရှိဖို့ရာ အထူးသဖြင့် အမေရိကန်နိုင်ငံပေါ့။ ဆိုတော့ ရှင်းရှင်းပြောရရင်တော့ နိုင်ငံရေးအရဆိုရင်တော့ တရုတ်ကိုပဲ အားကိုးရတာ မကောင်းဘူး။ ကျနော်လည်း ဗမာနိုင်ငံသားအနေနဲ့ မကြိုက်ဘူး။ ဘာကြောင့်လဲဆိုတော့ ဒီအတိုင်း ဆက်သွားလို့ရှိရင် ကျနော်တို့က လွတ်လပ်တဲ့နိုင်ငံ ဖြစ်ပေမဲ့ Yunnan Province မျိုး ဖြစ်လာမယ်ဆိုတော့ ဗမာအစိုးရအနေနဲ့လည်း ကစားကွက် သိပ်မရှိဘူး။ မရှိတဲ့အတွက် ပြောင်းလဲသွားတဲ့အခြေအနေကို လက်ခံဖို့အတွက်ကို တရုတ်ကို ပြေးကပ်တာပဲ။

ဦးသန်းလွင်ထွန်း ။ ။ အခုနက ဦးဘိုဘိုကျော်ငြိမ်း ပြောတဲ့အထဲမှာ စီးပွားရေးကျွန်ဆိုတဲ့ စကားလုံးတခု ပါပါတယ်။ အထူးသဖြင့် တရုတ်နိုင်ငံဟာဆိုရင် မြန်မာနိုင်ငံမှာ ရင်းနှီးမြုပ်နှံမှု အများဆုံးနိုင်ငံ။ အထူးသဖြင့် တနှစ်ကို ဒေါ်လာ ၁၅ ဘီလီယန်ကျော်ကျော် ရင်းနှီးမြုပ်နှံနေတယ်ဆိုတာကိုလည်း ကျနော်တို့ သိရပါတယ်။ အခုလို နိုင်ငံတကာက ရင်းနှီးမြုပ်နှံမှု ပိတ်ဆို့နေတဲ့ကြားထဲမှာ တရုတ်ရင်းနှီးမြုပ်နှံမှုတွေကို အားမကိုးနိုင်ဘူး ဆိုရင် ဗမာနိုင်ငံအနေနဲ့ တခြားဘာတွေလုပ်လို ရမလဲ။

ဦးဘိုဘိုကျော်ငြိမ်း ။ ။ ဗမာနိုင်ငံအနေနဲ့ ကစားကွက်ကတော့ အနောက်နိုင်ငံ နဲ့ တရုတ်ကို ပြန်မျှပြီး ကစားလို့ ရတာပေါ့။ အခုတော့ ဥရောပကလည်း ပျော့ပျောင်းလာတယ်။ ဥရောပက ဆက်ဆံချင်တာ ရှိပေမယ့်။ အမေရိကန်ရဲ့  ပေါ်လစီ မပြောင်းဘူး။ ဆိုတော့ ဘာလာဖြစ်သလဲဆိုတော့ အခုန စီးပွားရေးကျွန် ဖြစ်တယ်ဆိုတာက တရုတ်ကလည်း အာဆီယံနဲ့ ပေါင်းပြီးတော့ တရုတ်ပစ္စည်းတွေအားလုံးကို အာဆီယံက ပိတ်သလောက်ပိတ်ထားတာရှိတယ်။ ဆိုတော့ ဗမာနိုင်ငံမှာထုတ်တဲ့ တရုတ် ရင်းနှီးမှု၊ တရုတ်အတတ်ပညာ အားလုံးနဲ့ တရုတ်ထုတ်လုပ်တဲ့ပစ္စည်းပဲ ဗမာနိုင်ငံမှာ ထုတ်တာပဲရှိတယ်။ ဗမာနိုင်ငံဟာ တရုတ်နိုင်ငံရဲ့  ပြည်နယ်တခု။ စီးပွားရေးပြည်နယ်တခုလိုသာ ဖြစ်တယ်။ အဲဒီအခါကြတော့ အာဆီယံနဲ့ ဆက်လိုက်တဲ့အခါ ကျတော့ တရုတ်ရဲ့  ပစ္စည်းတွေဟာ အာဆီယံကို ပြန့်သွားတယ်။ ဒီအကွက်ကို တရုတ်က နင်းလာသလို ကျနော်တို့ ဗမာနိုင်ငံအနေနဲ့ တရုတ်ကလွဲပြီးတော့ ကျန်တဲ့ နိုင်ငံတွေနဲ့ ကစားဖို့အကွက် မရှိဘူးဆိုရင် ကျနော်တို့ စီးပွားရေးကျွန်ဖြစ်မယ်လို့ ဆိုလိုတာပါ။

ဦးသန်းလွင်ထွန်း ။ ။ အဲဒါအပြင် စောစောက ဦးဘိုဘိုကျော်ငြိမ်း ပြောတဲ့အထဲမှာ တရုတ်နိုင်ငံအနေနဲ့ သူ့ရဲ့  အိမ်နီးချင်းနိုင်ငံတွေကို သူဘာသာ ဝိုင်းရံပတ်လိုက်ပြီးတော့ ဒါဟာ ငါတို့လူတွေပါလို့ သူ့ရဲ့  ဘောင်အတွင်းကို ဆွဲသွင်းလိုက်ပြီး နိုင်ငံရေးအယူဝါဒ နဲ့ လုံခြုံရေးအရ အခြေအနေကိုကြည့်ပြီး ဆွဲသွင်းလိုက်တဲ့ အခြေအနေမျိုးမှာ မြန်မာနိုင်ငံနဲ့ ဆက်ဆံခြင်းအားဖြင့် ဘယ်လိုမျိုး အကျိုးကျေးဇူးတွေ ရနိုင်မလဲ။

ဦးဘိုဘိုကျော်ငြိမ်း ။ ။ တရုတ်အနေနဲ့ အများကြီး ရနိုင်တာပေါ့။ ဘာကြောင့်လဲဆိုတော့။ နှစ်ပိုင်းရှိတယ်။ တရုတ်က အရေးကြီးဆုံးက တကယ်လို့ စစ်ဖြစ်လို့ရှိရင် ရေနံပြဿနာရှိတယ်။ ဆိုတော့ သူက ဘာလုပ်လိုက်သလဲဆိုရင် ဗမာနိုင်ငံကို အမေရိကမှာ Louisiana, Texas လိုပဲ သင်္ဘောတွေအားလုံးဟာ ဒါကြောင့် စစ်တွေကို ရေနက်ဆိပ်ကမ်းလုပ်လိုက်တယ်။ တခါ ရခိုင်ကနေ ယူနန်ကို တန်သယ်မှာ။ ဆိုတော့ ဗမာနိုင်ငံဟာ တရုတ်နိုင်ငံကို ပိတ်နေတဲ့ အိန္ဒိယသမုဒ္ဒရာရဲ့  ထွက်ပေါက်ကို ပေးထားတာဖြစ်တယ်။ ဒီအတွက် စစ်ရေးအရကော၊ စွမ်းအင်လုံခြုံရေးအရကော၊ စီးပွားရေးအရကော ဗမာနိုင်ငံဟာ ပထဝီ အနေအထားအရ အင်မတန် အရေးကြီးတဲ့ အနေအထားမှာရှိနေတယ်။ တရုတ်က ဗမာနိုင်ငံကိုလာပြီးတော့ တိုးချဲ့ ပြီးတော့ ရင်းနှီးမြုပ်နှံတာ ဖြစ်တဲ့အတွက်ကြောင့် တရုတ်အတွက် အင်မတန် အကျိုးရှိပါတယ်။

ဦးသန်းလွင်ထွန်း ။ ။ အဲဒီတော့ ဒီအကျိုးတွေပဲ ကြည့်ပြီးတော့ မြန်မာနိုင်ငံအတွင်းမှာ ဖြစ်နေတဲ့ နိုင်ငံတကာက ဝေဖန်နေတဲ့ လူ့အခွင့်အရေး ချိုးဖောက်မှုတွေ၊ နိုင်ငံရေးဖိနှိပ်မှုတွေကို တရုတ်က မဝေဖန်တော့ဘူးလို့ ယတိပြတ် ယူဆလို့ ရနိုင်သလား။ ဒါမှမဟုတ် တိုးတိုးတိတ်တိတ် ဝေဖန်မှုတွေ ရှိနေသလား။

ဦးဘိုဘိုကျော်ငြိမ်း ။ ။ တရုတ်ကတော့ လုံးဝ မဝေဖန်ဘူးရယ်လို့တော့ မဟုတ်ဘူး။ တရုတ်က ရှင်းနေတာ ကတော့ သူ့နိုင်ငံအကျိုးအတွက်တော့ သူကစားမှာပဲ။ ဗမာနိုင်ငံတွင်းမကဘူး တကမ္ဘာလုံး ဆူဒန်၊ အာဖရိက က နိုက်ဂျီးရီးယားတို့ လူ့အခွင့်အရေး ချိုးဖောက်နေတဲ့ နိုင်ငံတွေအားလုံးကို တရုတ်က ဆက်ဆံမှာပဲ။ ဘာကြောင့်လည်းဆိုတော့ ရေနံ။ အမေရိကန်က ရေနံကို လက်ဝါးကြီးအုပ်ထားတဲ့အတွက် ကျန်တဲ့ ဟာတွေအားလုံးကို တရုတ်က လိုက်ဆွဲတာ။ တရုတ်ကတော့ သူ့နိုင်ငံအကျိုးကတော့ ပထမပဲ။ လူ့အခွင့်အရေးတွေ ဘာတွေဆိုတာက နောက်မှလာတာ။ သို့သော် နိုင်ငံကြီးတနိုင်ငံ ဖြစ်လာမှ သူ့မှာ တာဝန်ရှိတဲ့အတွက် သူကြည့်ကောင်းအောင်တော့ သူလုပ်မယ်။ သို့သော် အဓိကကျတဲ့ တရုတ်အကျိုးအတွက်ကတော့ အဓိကပဲလို့ အဲဒီလိုမြင်ပါတယ်။

ဦးသန်းလွင်ထွန်း ။ ။ နိုင်ငံတကာဆိုလို့ နိုင်ငံတကာမှာ ဝိုင်းပြီးတော့ နိုင်ငံတကာကနေ ဝေဖန်ခံနေရတဲ့၊ အပြစ်တင်ခံနေရတဲ့ နိုင်ငံတွေနဲ့ တရုတ်နိုင်ငံရဲ့  ဆက်ဆံရေးအကြောင်းကို သွားချင်ပါတယ်။ ဒီနေရာမှာ တိုက်ဆိုင်မှုလို့ပဲ ပြောရမလား မသိဘူး။ လောလောဆယ် တရုတ်နိုင်ငံမှာဆိုရင် မြောက်ကိုရီးယားနိုင်ငံရဲ့  သမ္မတ ကင်ဂျုံအီလည်း ရောက်နေတယ်။ မြန်မာနိုင်ငံက သမ္မတဦးသိန်းစိန်လည်း တချိန်တည်းမှာ ရောက်လာတယ်။ နောက် အီရန်နိုင်ငံက နိုင်ငံခြားရေးဝန်ကြီးလည်း အလည်အပတ် ရောက်နေတယ်ဆိုတော့ ဒါဟာ တိုက်ဆိုင်မှုလို့ပဲ ပြောလို့ရမလား။ တရုတ်နိုင်ငံအနေနဲ့ နိုင်ငံတကာက ဆန့်ကျင်နေတဲ့ လူဆိုး စာရင်းဝင် နိုင်ငံတွေကို ခါးပိုက်ဆောင်ထဲ ထည့်ထားတယ်ဆိုတဲ့ သဘောကို ပြချင်တဲ့သဘောလား။ ဒါမှမဟုတ် အနောက်အုပ်စု ချည်းကပ်ပုံနဲ့ တရုတ် ချည်းကပ်ပုံတွေက မတူပါဘူး။ ကျနော်တို့အနေနဲ့ ရင်းရင်းနှီးနှီးပေါင်းပြီးတော့ ဖြောင့်ဖြယူလို့ ရပါတယ်ဆိုတာကို ပြချင်တယ်ဆိုတဲ့ သဘောလား။

ဦးဘိုဘိုကျော်ငြိမ်း ။ ။ ရှင်းရှင်းပြောရရင်တော့ တရုတ်က သူပြောချင်တာ ပြောလို့ရတာပေါ့။ ဟို ကြည့်ကောင်းအောင် ပြောလို့ရပေမဲ့ ဒါတွေအားလုံးကတော့ သူ့အကျိုးအတွက်ပဲ သူလုပ်တာပါ။ ဥပမာ အီရန်ဆိုရင် အီရန်က ဂတ်စ်မှာဆိုရင် နံပတ် (၂)။ ရုရှားပြီးလို့ရှိရင်။ အမေရိကန်က ပြောတယ်၊ အီရန်မှာ အရင်းအနှီးလုပ်တဲ့လူတွေကို အရေးယူမယ်ပြောတယ်။ တရုတ်က ရေနံပိုက်ကြီးတခုလုံးကို အီရန်ကနေ သွယ်ထားတယ်။ ဆိုတော့ အမေရိကန်က တရုတ်ကို သွားမပိတ်ပင်ရဲဘူး။ မပိတ်ပင်နိုင်ဘူး။ ဆိုတော့ တရုတ်က အားလုံးက သူ့အကျိုးအတွက်ပဲ။ အီရန်ဆိုလည်း ဂတ်စ်၊ ရေနံတွေ ရတယ်။ နောက်တခါ ဥပမာ မြောက်ကိုရီးယားဆိုရင် ရှင်းရှင်းလေး အမေရိကန်ရှိတဲ့ တောင်ဘက်က သူ့ရဲ့  နယ်နိမိတ်မှာ ကပ်တဲ့နိုင်ငံကို သူအထိမခံနိုင်ဘူး။ အဲဒီအတွက် မြောက်ကိုရီးယား ဘယ်လောက်ပဲဆိုးဆိုး နိုင်ငံရေးအရ မြောက်ကိုရီးယား ကို ထောက်ခံပေးထားတယ်။ ဆိုတော့ ဒီဟာတွေအားလုံးကို ကြည့်လို့ရှိရင် သူက သူ့အကျိုးအတွက်ပဲ လုပ်တာ။ သူက သူ့ရဲ့  အင်အားကို စီးပွားရေးအင်အား၊ စစ်ရေးအင်အားကို ထူထောင်ပြီးမှ တဖြည်းဖြည်းချင်း ရေရှည်အတွက်ကို လက်ခမောင်းခတ်လာတာ။ ဒါတွေအားလုံးကို ကြည့်လို့ရှိရင် တရုတ်က သူ့အကျိုးစီးပွားအတွက်ကို ရေရှည်ဖြည်းဖြည်းချင်း ဖော်ဆောင်နေတာလို့ မြင်ပါတယ်။

ဦးသန်းလွင်ထွန်း ။ ။ လတ်တလောဖြစ်နေတဲ့ ယူနန်နယ်နဲ့ နယ်နိမိတ်ချင်း ဆက်နေတဲ့ မြန်မာနိုင်ငံနယ်စပ် တလျှောက်မှာ ဖြစ်နေတဲ့ ပြဿနာတွေ။ လတ်တလောဖြစ်နေတဲ့ ပြဿနာတွေက တရုတ်နိုင်ငံအတွက် အရေးမကြီးဘူးလား။ အထူးသဖြင့် မြန်မာနိုင်ငံ နယ်စပ်ဒေသအတွင်းမှာ ကချင်တပ်ဖွဲ့၊ ဝတပ်ဖွဲ့၊ ကိုးကန့် တပ်ဖွဲ့တွေ နဲ့ မြန်မာတပ်ဖွဲ့၊ ရှမ်းတပ်ဖွဲ့တွေကြား တင်းမာမှုတွေ ရှိနေတဲ့ဟာက ယူနန်နယ်နိမိတ်အထိ ကူးဆက်လာမယ့် အန္တရာယ်တွေ ရှိနေတယ်ဆိုတော့ ဒါဟာ ရေရှည်ထက်စာရင် လတ်တလောအားဖြင့် ဖြေရှင်းပေးရမယ့်ကိစ္စမျိုး ဖြစ်နေတော့ ဒီကိစ္စတွေအပေါ်ကို တရုတ်အနေနဲ့ ဘာတွေပြောလာလိမ့်မယ် ထင်သလဲ။

ဦးဘိုဘိုကျော်ငြိမ်း ။ ။ ဒီကိစ္စကတော့ နည်းနည်းသိမ်မွေ့တယ်။ တရုတ်က ဒါကို ခေါင်းကိုက်တဲ့ ပြဿနာ တော့ ရှိတယ်။ ဒါပေမဲ့ ဒီဟာကြီးက ကြီးထွားလာနိုင်တဲ့ ပြဿနာမရှိဘူးလို့ ကျနော်ကတော့ ယူဆတယ်။ မရှိဘူးဆိုတာက တရုတ်က ဒီတိုင်းရင်းသား လူမျိုးစုတွေအားလုံးက တရုတ်ကို မှီခိုနေရတယ်။ ဗမာနိုင်ငံက ဗမာအစိုးရက ဗမာစစ်တပ်က တရုတ်နိုင်ငံကို မှီခိုရသလို။ စီးပွါးရေးအရ၊ လူမှုရေးအရ အားလုံးကို ကချင်ဖြစ်ဖြစ်၊ ဝဖြစ်ဖြစ် အားလုံး က တရုတ်ကို မှီခိုနေရတယ်။ တရုတ်ရဲ့  သြဇာက အင်မတန်ကြီးပါတယ်။ တရုတ် မဖြစ်စေချင်တာကတော့ ပြည်တွင်းစစ် ပြန်ဖြစ်ပြီး လက်နက်ကိုင် တိုက်တာမျိုး သူတို့ မဖြစ်စေ ချင်ဘူး။ ဒီဟာကို ကစားတဲ့နေရာမှာ ဗမာအစိုးရကလည်း ဗိုလ်ကျတဲ့စိတ်ပါတယ်။ ငါတို့နိုင်တယ်။ ငါတို့ လုပ်နိုင်တယ်ဆိုတဲ့ လုပ်ဆောင်ချက်တွေပါတယ်။ ဆိုတော့ တရုတ်က တခုရှိတယ်။ တရုတ်ကို လေ့လာတဲ့ အခါကျတော့ တရုတ်က ဘာပဲပြောပြော အမေရိကန်နိုင်ငံရဲ့  ဗိုလ်ကျခြင်းကို သူခံရတယ်လို့ ယူဆတဲ့အတွက် သူက အင်မတန် လိမ်မာတယ်။ ကိုင်တွယ်တဲ့နေရာမှာလည်း အင်မတန်ချိုသာတယ်။ သူ့သြဇာကို သူသုံးပေမဲ့ မင်းတို့ ဒီလိုလုပ်ဆိုတဲ့ အမေရိကန်လို လူပါးဝတဲ့ အကျင့်မျိုး သူတို့မလုပ်ဘူး။ ဒါ ကျနော့်ရဲ့  သုံးသပ်ချက်၊ ကျနော့်ရဲ့  တွေ့ရှိချက်ပါ။ ဒါပေမဲ့ တရုတ်က သူ့ရဲ့  အချိုးက ဘာလဲဆိုတော့ လက်နက်ကိုင်တိုက်ပြီး လူတွေ ဖယ်ရှားသွားတာ refugees တွေ သူ့နိုင်ငံ ရောက်သွားမှာကို သူအဖြစ်မခံနိုင်ဘူး။ ဒီဟာကိုတော့ သူ ကိုင်တွယ်စရာ ရှိတယ်။ သူ့ရဲ့  အကျိုးကို လက်တလော ထိခိုက်တယ်ပေါ့။

ဦးသန်းလွင်ထွန်း ။ ။ နိုင်ငံတကာ သုံးသပ်သူတွေကြားထဲမှာ တချို့ ကလည်း မြန်မာအစိုးရဟာ အစိုးရ အဆက်ဆက်ဟာ တရုတ်အပေါ်မှာပဲ အမြဲတမ်း နိုင်ငံရေးအရ၊ စီးပွားရေးအရ အစစအရာရာ မှီခိုနေကြရ တယ်လို့ သုံးသပ်ချက်ချထားတာရှိတယ်။ ဒါပေမဲ့လည်း တချို့ ကတော့ အဲဒီသုံးသပ်ချက်ချထားတယ်ဆိုတာ သိပ်ချဲ့ ကားလွန်တယ်။ တကယ်တမ်းကြတော့ မြန်မာအစိုးရ အဆက်ဆက်ဟာ တရုတ်အပေါ်မှာ ဒီလောက်ကြီး မှီခိုနေကြရတာ မဟုတ်ဘူး။ သူ့အတိုင်းအတာအရ သူလုပ်ချင်တာကို လုပ်နေတာတွေလည်း ရှိပါတယ်ဆိုတဲ့ ထောက်ပြမှုတွေ ရှိနေတယ်။ အဲဒီတော့ ဒီအကြောင်းနဲ့ ပတ်သက်လို့ ဦးဘိုဘိုကျော်ငြိမ်း အနေနဲ့ ဘယ်လိုမြင်ပါသလဲ။

ဦးဘိုဘိုကျော်ငြိမ်း ။ ။ တရုတ်ကတော့ အင်မတန် ကြီးမားတဲ့နိုင်ငံကြီးလည်း ဖြစ်နေတယ်။ ကျနော်တို့ ကံဆိုးတယ်ပဲ ပြောရမလား။ ကံကောင်းတယ်ပဲ ပြောရမလား မသိဘူး။ ကျနော်တို့က လာပြီးတော့ မိုင်ပေါင်းများစွာ ဆက်စပ်နေရတယ့်အတွက် တရုတ်က ဗမာနိုင်ငံအတွက် အရေးကြီးပါတယ်။ ဒါဟာ ဘယ်အစိုးရပဲဖြစ်ဖြစ် တရုတ်ကို ရှောင်လွှဲလို့ မရဘူး။ ဆိုတော့ တရုတ်ကို ကျနော်တို့က မဆက်ဆံလို့ မရဘူး။ ဆက်ဆံရမယ်။ သို့သော် အခု လက်ရှိအခြေအနေမှာ ကျနော်တို့က မတရားမှီခိုရတာကတော့ နိုင်ငံရေးအရ ပိတ်ဆို့ခံရတာတွေရှိတယ်။ တွန်းပို့သလို ဖြစ်သွားတယ်။ ဗမာနိုင်ငံ ဗမာစစ်အစိုးရကလည်း သူတို့ စိတ်ဆိုးလာရင် ကွန်မြူနစ်နဲ့ တိုက်ခဲ့တာတွေကို ပြန် ပြန်ဖော်တယ်လို့ သူတို့ပြောတယ်။ ဗမာအစိုးရက အားလုံးထင်သလို တရုတ်ကို နားထောင်တာ မဟုတ်ဘူး။ သူတို့လုပ်ချင်တာ လုပ်တာတွေရှိတယ်။ ဗမာ အစိုးရ အနေနဲ့ အခြေအနေအရသော်လည်းကောင်း တရုတ်ကို အားကိုးရပေမယ့် တရုတ်ဆီက ယူစရာတွေ အများကြီး ရှိသလို၊ တရုတ်ကို ကျနော်တို့ အသုံးချနိုင်လို့ရှိရင် ဗမာပြည်အတွက် အကျိုးရှိတာတွေ အများကြီး ရှိတယ်။ သို့သော် မသုံးတတ်ရင်၊ မကိုင်တွယ်တတ်ရင်တော့ ကျနော်တို့ စီးပွားရေးကျွန် ဖြစ်လိမ့်မယ်။ ဒါက ကျနော်တို့အတွက် အန္တရာယ်ရှိတယ်။



တရုတ် ကာကွယ်ရေးလမ်းစဉ်

By ဦးအောင်ခင် & မညိုညိုလွင် သောကြာ, 27 မေ 2011

နယ်နိမိတ်ပြဿနာလို တရုတ်ပြည်ရဲ့  အခြေခံအကျိုးစီးပွားကို ထိခိုက်လာမယ်ဆိုရင် အခိုင်အမာ ပြောဆို အရေးယူရမယ်လို့ တရုတ်ခေါင်းဆောင်ပိုင်းက မနှစ်က ပြောလေ့ရှိပါတယ်။ ဒါပေမဲ့ ဒီအပြောမျိုးကို လက်မခံနိုင်ကြတဲ့အတွက် ဒီနှစ်မှာ လေသံပြောင်းပြီး ငြိမ်းချမ်းရေးနဲ့ ပူးပေါင်းဆောင်ရွက်ရေးကို ဦးစားပေးလာတာ တွေ့ရပါတယ်။ ပြည်ပမှာ တရုတ်ကို မယုံသင်္ကာဖြစ်လာပြီး တန်ပြိုင်အရေးယူမှုတွေ တိုးပွားလာတယ်လို့ မတ်လ (၁၃) ရက်နေ့ထုတ် ကာကွယ်ရေး စက္ကူဖြူစာတမ်းမှာ ဖော်ပြထားပါတယ်။ နှစ်ကုန်မှာ ထုတ်နေကျစာတမ်းကို (၃) လနောက်ကျပြီး ထုတ်ဝေလိုက်တာ ဖြစ်ပါတယ်။

တရုတ်ကာကွယ်ရေးစာတမ်းမှာ အခန်း (၁၀) ခန်းနဲ့ နောက်ဆက်တွဲ (၈) ခု ပါဝင်ပါတယ်။ (၂) နှစ်တကြိမ် ထုတ်ဝေတဲံ စာတမ်းဖြစ်ပြီး ကာကွယ်ရေးလမ်းစဉ်ကို ဖော်ပြပါတယ်။ ထူးခြားချက်ကတော့ ယုံကြည်မှုတည်ဆောက်ပြီး ငြိမ်းချမ်းရေးနဲ့ ဒေသဆိုင်ရာ တည်ငြိမ်းရေးကို ရယူဖို့ အခန်း (၉) မှာ ဖော်ပြထားတာပါ။ နိုင်ငံရေးမှာ အပြန်အလှန် ယုံကြည်မှုရယူပြီး စစ်ရေးမှာ ယုံကြည်မှု တည်ဆောက်နိုင်အောင် ကြိုးစားဖို့ ဖြစ်ပါတယ်။ အခြေခံအကျိုးစီးပွားနဲ့ လုံခြုံရေးကိစ္စကို ရိုသေလေးစားပြီး တန်းတူရည်တူ ဆွေးနွေးညှိနှိုင်းတဲ့နည်းနဲ့ စစ်ရေးယုံကြည်မှု တည်ဆောက်မယ်လို့ ဆိုပါတယ်။

မေလ (၁၂) ရက်က နေပြည်တော်ကိုလာသွားတဲ့ တရုတ်စစ်မင်ရှင်အဖွဲ့ကလည်း တရုတ်-မြန်မာ ယုံကြည်မှု ခိုင်မာရေး၊ ဆက်သွယ်ညှိနှိုင်းမှု အားကောင်းရေး။ စစ်တပ်အချင်းချင်းရင်းနှီးရေး စတာတွေကို တင်ပြသွားပါတယ်။ ကာကွယ်ရေးနဲ့ လုံခြုံရေးမှာ ဆွေးနွေးညှိနှိုင်းတဲ့နည်းလမ်းကို ကျင့်သုံးဖို့ နိုင်ငံပေါင်း (၂၂) နိုင်ငံနဲ့ စီစဉ်ထားတယ်လို့ စာတမ်းမှာ ဖော်ပြထားပါတယ်။ နယ်စပ်နဲ့ ကမ်းရိုးတန်းဒေသ ကာကွယ်ရေးမှာ စစ်တပ်အသုံးပြုပုံအကြောင်း အခန်း (၄) မှာ ဖော်ပြထားပါတယ်။ ဒီနေရာမှာ တရုတ်စစ်တပ်နဲ့ ဒေသခံအာဏာပိုင်တွေ ပူးတွဲတာဝန်ယူတယ်လို့ ဆိုပါတယ်။ လွန်ခဲ့တဲ့ (၂) နှစ်အတွင်းမှာ နယ်စပ်ရာဇဝတ်မှု၊ မူးယစ်ဆေးဝါး၊ နဲ့ မှောင်ခိုမှုပေါင်း (၄) သောင်းနီးပါးကို ဖြေရှင်းနိုင်ခဲ့ပြီး ဥပဒေမဲ့ ကိုင်ဆောင်တဲ့ သေနတ် (၄) ထောင်နီးပါး ဖမ်းဆီးရမိတယ်လို့လည်း ဖော်ပြထားပါတယ်။

ချစ်ကြည်ရင်းနှီးစွာ ညှိနှိုင်းဆွေးနွေးရေးနဲ့ ပူးပေါင်းလုပ်ကိုင်ရေးလမ်းစဉ်ကို လက်တွေ့ကျင့်သုံးတဲ့အနေနဲ့ ယူနန်ပြည်နယ် ကုမင်မြို့ တော်မှာ လွန်ခဲ့တဲ့ ဇန်နဝါရီလက တရုတ်-အာဆီယံ နိုင်ငံခြားရေး ဝန်ကြီးများ အစည်းအဝေးကျင်းပခဲ့ပါတယ်။ ယူနန် နဲ့ အရှေ့ တောင်အာရှဒေသကို ကားလမ်း၊ ရထားလမ်း၊ ရေလမ်း၊ ပိုက်လိုင်း၊ လျှပ်စစ်ဓါတ်လိုင်း စတာတွေနဲ့ ဆက်ထားနိုင်တဲ့အတွက် ကုန်သွယ်မှု တိုးပွားလာပါတယ်။ တရုတ်-အာဆီယံ ဆက်ဆံရေးမှာ ယူနန်ပြည်နယ် အရေးပါနေတာကို ကုမင် အစည်းအဝေးက သက်သေပြနေပါတယ်။ ကုမင် ညီလာခံကျင်းပနိုင်အောင် တရုတ်နိုင်ငံခြားရေးဝန်ကြီးက အာဖရိက ခရီးစဉ်ကို ရွှေ့ ဆိုင်းခဲ့ပါတယ်။ တရုတ်ကို ယုံကြည်လာအောင် စည်းရုံးရာမှာ သံတမန်ရေးရာတင်မကပဲ တရုတ်စစ်တပ်ကလည်း တက်တက်ကြွကြွ လှုပ်ရှားလာတာ တွေ့ရပါတယ်။

မတ်လလယ်ပိုင်းက မေလလယ်အထိ မြန်မာ၊ နီပေါလ်၊ ဗိယက်နမ်၊ ဖိလစ်ပိုင် နဲ့ အင်ဒိုနီးရှား ကို ထိပ်တန်း တရုတ်စစ်မစ်ရှင်တွေ စေလွှတ်ပါတယ်။ ဗဟိုစစ်မစ်ရှင်နဲ့ စစ်ဦးစီးဌာနအဆင့် ပုဂ္ဂိုလ်တွေ ဦးဆောင်တဲ့ စစ်မင်ရှင်တွေ စေလွှတ်တဲ့အစဉ်အလာ မရှိခဲ့ပါဘူးလို့ တရုတ်အစိုးရ စာနယ်ဇင်းက ဆိုပါတယ်။ စီးပွားရေးနဲ့ စစ်အင်အားကြီးမားလာတဲ့ တရုတ်အန္တရာယ်ကို စိုးရိမ်ပူပန်စရာမလိုကြောင်း ထိပ်တန်းစစ်မင်ရှင်တွေက ရှင်းပြကြပါတယ်။ မြန်မာပြည်ကိုတော့ နိုင်ငံရေးဗျူရို အမြဲတမ်းအဖွဲ့ဝင်နဲ့ အမျိုးသားကွန်ဂရက် ဥက္ကဋ္ဌ ကျာချင့်လင် (Jai Qinglin) ခေါင်းဆောင်တဲ့အဖွဲ့နဲ့ ဗဟိုစစ်မင်ရှင် ဒုတိယ ဥက္ကဋ္ဌ ဗိုလ်ချုပ်ကြီး ရှီဟိုင်ဟို (Xu Caihou) ခေါင်းဆောင်တဲ့အဖွဲ့ ဧပြီလ နဲ့ မေလမှာ သွားရောက်ပြီး နယ်စပ်ပြဿနာ ပူးတွဲဖြေရှင်းတဲ့ နည်းလမ်းကို ဆွေးနွေးခဲ့ကြပါတယ်။ မြန်မာအစိုးရသစ်ဟာ နယ်စပ်ဒေသ ငြိမ်းချမ်းရေးအတွက် အစွမ်းကုန် ဆောင်ရွက်လိမ့်မယ်လို့ မျှော်လင့်ကြောင်း ပြောဆိုသွားကြပါတယ်။

ရှေ့ နှစ်မှာ တရုတ်ခေါင်းဆောင်ပိုင်း အပြောင်းအလဲဖြစ်လာရင် ပါတီနိုင်ငံရေး ဗျူရို၊ နိုင်ငံတော်ကောင်စီ နဲ့ ဗဟိုစစ်မစ်ရှင်မှာလည်း အပြောင်းအလဲတွေ ဖြစ်လာနိုင်ပေမယ့် ကာကွယ်ရေးလမ်းစဉ်မှာ ပြောင်းလဲမယ့် အလားအလာ မရှိဘူးလို့ သုံးသပ်ကြပါတယ်။ သြဇာခံနယ်မြေ တည်ထောင်ဖို့ စိတ်မကူးကြောင်းနဲ့ စစ်ရေးနယ်ချဲ့ ဖို့လည်း မရည်ရွယ်ကြောင်း ကြေညာပြီး မိမိအကျိုးစီးပွားကို ကာကွယ်တဲ့ လမ်းစဉ်ကိုသာ ကျင့်သုံးမယ်ဆိုပေမယ့် ကမ္ဘာအနှံအပြားမှာရှိတဲ့ တရုတ်အကျိုးစီးပွားနဲ့ ပတ်သက်တဲ့ သဘောထားကို ရှင်းပြထားတာ မတွေ့ရပါဘူး။

တဖတ်နိုင်ငံက စစ်တပ်နဲ့ ချစ်ကြည်ရင်းနှီးအောင် ကြိုးပမ်းပြီး အပြန်အလှန် ယုံကြည်မှုတည်ဆောက်ရမယ်လို့ ဆိုပါတယ်။ ဒေသဆိုင်ရာ ငြိမ်းချမ်းရေးနဲ့ လုံခြုံရေးအတွက် စစ်ရေးမှာ ယုံကြည်မှုရအောင်လုပ်တဲ့နည်းဟာ အထိရောက်ဆုံး ဖြစ်တယ်လို့ ဆိုပါတယ်။ စစ်ရေးမှာ အပြန်အလှန် ယုံကြည်မှု ရှိလာရေးကို တရုတ်ကာကွယ်ရေးစာတမ်းမှာ အတော်လေး အသားပေး ဖော်ပြထားပါတယ်။ ဒါပေမဲ့ ရေကြောင်းပိုင်နက်နဲ့ ပတ်သက်ပြီး ဂျပန်၊ ဗိယက်နမ်၊ ဖိလစ်ပိုင်စတဲ့ နိုင်ငံတွေနဲ့ ပြဿနာဖြစ်တာကိုတော့ မဖော်ပြပါဘူး။ ဒါကြောင့် တရုတ်နဲ့ ဗမာစစ်တပ် ဘယ်အတိုင်းအတာအထိ ယုံကြည်မှု တည်ဆောက်နိုင်မယ်ဆိုတာကို စောင့်ကြည့်ဖို့သာ ရှိပါတယ်။
http://www.voanews.com/burmese/news

ပညာရေးတန်ဖိုး ဒေါ်စု အလေးပေးပြောကြား


By ဒေါ်ခင်မျိုးသက် တနင်္လာ, 30 မေ 2011

ဟောင်ကောင်တက္ကသိုလ် လူမှုရေး သိပ္ပံဌာန အကြီးအကဲ အီယန် ဟောလီးဒေးနှင့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းကြည်တို့ ရန်ကုန်တွင် တွေ့ဆုံစဉ်။
ဓာတ်ပုံ hku.hk
ဟောင်ကောင်တက္ကသိုလ် လူမှုရေး သိပ္ပံဌာန အကြီးအကဲ အီယန် ဟောလီးဒေးနှင့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းကြည်တို့ ရန်ကုန်တွင် တွေ့ဆုံစဉ်။

ဟောင်ကောင်တက္ကသိုလ်ဟာ ဒီနှစ်မှာ နှစ် ၁၀၀ ပြည့်သွားခဲ့ပါပြီ။ ဒီနေ့မှာ ကျင်းပတဲ့ ရာစုနှစ် အထိမ်းအမှတ်အဖြစ် ဒေါ်အောင်ဆန်းစုကြည်နှင့် စကားပြောခြင်း အထိမ်းအမှတ် အခမ်းအနားအတွက် ပေးပို့လိုက်တဲ့ ဗွီဒီယို မိန့်ခွန်းထဲမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပညာရေးရဲ့ တန်ဖိုးကို အလေးထားပြီး ပြောဆိုသွားခဲ့ပါတယ်။ ဒါ့အပြင် ဒီအခမ်းအနားကို တက်ရောက်လာခဲ့တဲ့ ကျောင်းသား ကျောင်းသူတွေ၊ ပညာရှင်တွေနဲ့ သတင်းထောက်တွေ မေးထားတဲ့ မေးခွန်းတွေကိုလည်း ဗွီဒီယိုလင့်ခ်ကတဆင့် ဖြေကြားသွားခဲ့ရာမှာ တရုတ်နိုင်ငံရဲ့ ဒီမိုကရေစီရေး လွတ်လပ်ခွင့်နဲ့ ပတ်သက်လို့လည်း ဒေါ်အောင်ဆန်းစုကြည်က ထည့်သွင်း ဖြေကြား ပြောဆိုသွားခဲ့ပါတယ်။ အပြည့်အစုံကို ဆက်သွယ် စုံစမ်းထားတဲ့ ဒေါ်ခင်မျိုးသက်က တင်ပြပေးထားပါတယ်။
အာရှမှာ အစဉ်အလာ ကြီးမားတဲ့ ဟောင်ကောင်တက္ကသိုလ်ရဲ့ နှစ် ၁၀၀ ပြည့် အခမ်းအနားအတွက် ဆေးသိပ္ပံ၊ စီးပွားရေးနဲ့ လူမှုရေး သိပ္ပံဆိုင်ရာ ကမ္ဘာပေါ်မှာ ထူးထူးခြားခြား စွမ်းဆောင်နိုင်သူတွေရဲ့ ဟောပြော ဆွေးနွေးမှုတွေ ပါဝင်ပြီး ဒီအထဲမှာ ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်နဲ့ ဟောင်ကောင်တက္ကသိုလ် ကျောင်းသားတွေရဲ့ Centenary Dialogue လို့ခေါ်တဲ့ ရာစုနှစ် အထိမ်းအမှတ် စကားပြောခြင်း အစီအစဉ်လည်း ပါဝင်ပါတယ်။
ဟောင်ကောင်တက္ကသိုလ် လူမှုရေး သိပ္ပံဌာန အကြီးအကဲ အီယန် ဟောလီးဒေး (Ian Holliday) ကိုယ်တိုင် မြန်မာနိုင်ငံကို လာရောက်ခဲ့ပြီး ဖိတ်ကြားခဲ့သလို လူ့အခွင့်အရေးနဲ့ ငြိမ်းချမ်းရေးအတွက် ဆောင်ရွက်နေတဲ့ နှလုံးသား ဖြူစင်တဲ့ ဒေါ်အောင်ဆန်းစုကြည်ကို ရေပေါ် ပေါ်နေတဲ့ ကြာပန်းအသွင် တင်စားထားတဲ့ စာတမ်းကိုပါ ပေးအပ်ခဲ့ပါတယ်။ ဒီစာတမ်းကို နာမည်ကျော် ခေတ်ပေါ် လက်ရေးပန်းချီ ပညာရှင် ပါမောက္ခ ဂျောင်ဆန်း (Jao Tsung-I) က ရေးဆွဲခဲ့တာ ဖြစ်ပါတယ်။
ဒီဟောပြောပွဲကို တက်ရောက်ဖို့အတွက် စာရင်းပေးသွင်းသူ ၁,၈၀၀ ကျော် ရှိပါတယ်။ ဟောင်ကောင်တက္ကသိုလ်ရဲ့ တိုကျိုခန်းမကြီး အပြင် အနားက အခန်းတွေထဲမှာပါ ဗွီဒီယိုနဲ့ ပြသခဲ့သလို ကွန်ပြူတာ အင်တာနက်ပေါ်ကနေ ၀က်ဘ်ကတ်စ်နဲ့ တိုက်ရိုက် ထုတ်လွှင့်ပေးခဲ့ပြီး ဟောင်ကောင်ကေဘယ်လ် တီဗွီကလည်း တိုက်ရိုက် ထုတ်လွှင့်ပေးခဲ့ပါတယ်။
ဗွီဒီယို ရုပ်သံကတဆင့် တိုက်ရိုက်ပြောကြားခဲ့တဲ့ အဖွင့်မိန့်ခွန်းထဲမှာ ပညာရေးဆိုတာ လူ့ဂုဏ်သိက္ခာနဲ့ လူ့ဘ၀ တိုးတက်ရေးအတွက် လမ်းမှန်ရောက်ဖို့ လမ်းညွှန်ပေးတာမျိုး ဖြစ်တယ်လို့ ဒေါ်အောင်ဆန်းစုကြည်က ပြောပါတယ်။ ဒီအနှစ်သာရကို ဟောင်ကောင်တက္ကသိုလ်က လက်တွေ့ ကျင့်သုံးနေတာမို့ ၀မ်းမြောက်သလို ဒီလိုပညာရေးမျိုး မြန်မာနိုင်ငံမှာ ရှိခဲ့ဖူးပါတယ်လို့ ဆိုပါတယ်။ မြန်မာနိုင်ငံရဲ့ ပညာရေး အဆင့်အတန်းနဲ့ အခြေခံ အဆောက်အအုံတွေကို အာရှတိုက် နိုင်ငံတွေသာမက ကမ္ဘာကပါ အားကျ စံတင်ရတဲ့အထိ ဖြစ်ခဲ့တယ်လို့ ပြောပါတယ်။
ဟောင်ကောင်တက္ကသိုလ်ထက် ၁၀ နှစ်လောက်ငယ်တဲ့ ရန်ကုန်တက္ကသိုလ်ကနေ ထက်မြက်တဲ့ ပညာတတ်တွေ မွေးထုတ်ပေးရုံတင်မက မြန်မာနိုင်ငံကို ကိုလိုနီ နယ်ချဲ့လက်အောက်ကနေ လွတ်အောင် လုပ်ဆောင်သူတွေကိုပါ မွေးထုတ်ပေးခဲ့တာပါ။ စစ်အစိုးရလက်အောက် နှစ်ပေါင်း ၂၀ ကြာတဲ့နောက် ဆုတ်ယုတ်မှုတွေ တွေ့လာရပြီး ၁၉၈၈ ခုနှစ် ရန်ကုန်တက္ကသိုလ် ကျောင်းသားတွေ ဦးဆောင်တဲ့ လူထု လှုပ်ရှားမှုတွေနဲ့ တောင်းဆိုခဲ့ပေမဲ့ ကျောင်းသားခေါင်းဆောင် အများအပြား အခုထိ အကျဉ်းထောင်ထဲ ရှိနေခဲ့ပြီး အခု နောက်ထပ် နှစ် ၂၀ နောက်ပိုင်းမှာတော့ ပညာရေးကအစ အစစ သိပ်ကို နောက်ကျနေပြီလို့ ထောက်ပြခဲ့ပါတယ်။
ဒါ့အပြင် ပညာရေးဟာ လူတိုင်း လက်လှမ်းမီခွင့် ရှိသင့်ပြီး လက်တဆုပ်စာ လူနည်းစု အတွက်ပဲ အခွင့်ထူးခံ မဖြစ်သင့်ဘူးလို့ ဆိုပါတယ်။
“ပညာရေးဟာ လူ့သိက္ခာနဲ့ တိုးတက်ရေးအတွက် အတွေးအခေါ်ကို မြှင့်တင် သင်ကြားပေးနိုင်တဲ့ ဖြစ်စဉ်တခုပါ။ ဒါကြောင့် တရားမျှတမှုနဲ့ လွတ်လပ်ခွင့်ဟာ လူတိုင်းရဲ့ မွေးရာပါ အခွင့်အရေးတရပ် ဆိုတာကို သဘောမပေါက်နိုင်ဘဲ သူများပြောတာကို အမှားအမှန် မဝေခွဲနိုင်၊ ခိုင်းတာကိုပဲလုပ်ဖို့ မွေးထုတ်ပေးတဲ့ စက်မျိုး မဖြစ်သင့်ပါဘူး။” လို့ ပြောသွားပါတယ်။
မြန်မာနိုင်ငံသားတွေအတွက် အခုလို ပညာရေးမျိုးနဲ့ ထိတွေ့ခွင့် မရသေးပေမဲ့ တချိန်မှာတော့ ဖြစ်လာလိမ့်မယ်လို့ မျှော်လင့်ထားကြောင်းလည်း ပြောပါတယ်။
ဟောပြောမှုတွေ အပြီးမှာတော့ ကျောင်းသားတွေ၊ သတင်းထောက်တွေရဲ့ မေးမြန်းချက်တွေကို ဒေါ်အောင်ဆန်းစုကြည်က ဗွီဒီယို ရုပ်သံကနေ တိုက်ရိုက် ဖြေကြား ဆွေးနွေးခဲ့ပါတယ်။ ဒီအထဲမှာ ဒီမိုကရေစီနဲ့ ပညာရေးဆိုင်ရာတွေကို အများဆုံး ဆွေးနွေးခဲ့တယ်လို့ ဆွေးနွေးပွဲကို တက်ရောက်ခဲ့တဲ့ ဟောင်ကောင်တက္ကသိုလ် ဥပဒေကျောင်းသား ဆမ်ဝေါင်းက ပြောပါတယ်။
“သူက ဒီမိုကရေစီအကြောင်းနဲ့ ဒီမိုကရေစီနဲ့ ပညာရေး ဘယ်လို ဆက်နွယ်နေတယ် ဆိုတာတွေကို ပြောသွားပါတယ်။ ဒီမိုကရေစီကို ရနိုင်အောင် လူထုကို ပညာပေးဖို့၊ လူထုမှာ ပညာတွေ ပြည့်နေဖို့ အရင်ဆုံး လုပ်ရမယ်လို့ ပြောသွားပါတယ်။ ဒါဟာ အများကိုသိအောင် သူ အဓိကပြောချင်တဲ့ အချက်လို့ ကျနော် ထင်ပါတယ်။”
ဆွေးနွေး မေးမြန်းကြတဲ့ အထဲမှာ ဒေါ်အောင်ဆန်းစုကြည်က သူ့ရဲ့ နယ်လှည့်ခရီးစဉ်နဲ့ ပတ်သက်ပြီး ဇွန်လမှာစလို့ ပထမဆုံး နယ်လှည့်ခရီး ထွက်မှာဖြစ်ကြောင်း ပြောပါတယ်။ ဒါပေမဲ့ အာဏာပိုင်တွေဘက်က လုံခြုံရေးပေးမယ်ဆိုတဲ့ ပြောကြားချက်မျိုး အခုထိ မရသေးဘူးလို့ ဆိုပါတယ်။ တိုက်တိုက်ဆိုင်ဆိုင် ဒေါ်အောင်ဆန်းစုကြည်ရဲ့ ဟောင်ကောင်တက္ကသိုလ် ရာစုနှစ် အထိမ်းအမှတ် ပြောကြားတဲ့နေ့ဟာ မေလ ၃၀ ရက်နေ့ ဖြစ်တာမို့ ဒီပဲယင်း အရေးအခင်း ၈ နှစ်ပြည့်တဲ့နေ့လည်း ဖြစ်ပါတယ်။
လွန်ခဲ့တဲ့ ၈ နှစ်တာ ကာလက စစ်အစိုးရ ကျောထောက်နောက်ခံ ပေးထားသူတွေရဲ့ တိုက်ခိုက်မှုကို ခံရတဲ့အတွက် ဒီမိုကရေစီရေး လှုပ်ရှားသူ အများအပြား သေဆုံးခဲ့ရပြီး ဒေါ်အောင်ဆန်းစုကြည် ကိုယ်တိုင်လည်း အသက်ဘေးကနေ သီသီလေး လွတ်မြောက်ခဲ့ရတာ ဖြစ်ပါတယ်။
အယ်လ်ခိုင်းဒါး (Al Qaida) ခေါင်းဆောင် ဘင်လာဒင် (Osama Bin Laden) သေဆုံးမှုနဲ့ ပတ်သက်ပြီး မေးမြန်းချက်ကို ဖြေကြားရာမှာတော့ အကြမ်းဖက်မှုဟာ အကြမ်းဖက်မှုနဲ့ပဲ အဆုံးသတ်တယ်လို့ ဒေါ်အောင်ဆန်းစုကြည်က ဖြေကြားခဲ့ပါတယ်။
ဆွေးနွေး မေးမြန်းကြတဲ့ အထဲမှာ ပရိသတ် သဘောအကျဆုံး သူ့အဖြေကတော့ တရုတ်နိုင်ငံမှာ နိုင်ငံရေး လွတ်လပ်ခွင့်နဲ့ ပတ်သက်တဲ့ အမေးပဲ ဖြစ်ပါတယ်။
“တရုတ် ခေါင်းဆောင်တွေကို ကျမ ပါးလိုတဲ့ အမှာစကားက ရှင်းပါတယ်။ တရုတ်နိုင်ငံဟာ အောင်မြင် တိုးတက်နေတဲ့ နိုင်ငံပါ။ ဒါကြောင့် သဘောထား ကြီးနိုင်သလို ခြေလှမ်းသစ်တွေကိုလည်း ယူမယ်ဆိုရင် ယူနိုင်ပါတယ်။ လူတွေဆီက တင်ပြမှု အမျိုးမျိုးကိုလည်း ခွင့်ပြုသင့်ပါတယ်။ တရုတ်နိုင်ငံဟာ တိုးတက်တဲ့နိုင်ငံ ဖြစ်သလို ကိုယ်တိုင် အောင်မြင်မှုကိုလည်း တခြားသူတွေကို မျှဝေပါ။” လို့ ဒေါ်အောင်ဆန်းစုကြည်က ပြောသွားပါတယ်။
http://www.voanews.com/burmese/news/

စုတ်ချက်ပြင်းတဲ့ ဘရိုက်တန် မြန်မာ့ပန်းချီ




အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

အင်္ဂလန်နိုင်ငံက ဘရိုက်တန် အနုပညာပွဲတော် ကျင်းပရာ ဘရိုက်တန်ကမ်းခြေ ဘူတာရုံကို ရောက်ရောက်ချင်းမှာဘဲ ဒေါ်အောင်ဆန်းစုကြည် ဓာတ်ပုံပါတဲ့ ပွဲတော် ကြော်ငြာစာတမ်းတွေ ၊ နံရံကပ်ပိုစတာတွေက ပွဲတော်လာ လူထုကို ဆီးကြိုသလို ဖြစ်နေပါတယ်။

ဘူတာရုံထွက်ပေါက် ရောက်ပြန်တော့လည်း အသက် ၅ဝ ကျော် အမျိုးသားတဦးက ပွဲတော်ဆီကို ဘယ်လိုသွားရမယ် ဘယ်နေရာမှာ ဘာတွေရှိတယ်ဆိုတဲ့ လက်ကမ်းကြော်ငြာ မြေပုံတွေကိုင်ပီး မသွားတတ် မလာတတ်တဲ့သူတွေကို လမ်းညွှန်ပေးဖို့ အသင့်စောင့်နေတာကို မြင်ကြရပါတယ်။

ဘူတာရုံရှေ့က လမ်းမကြီးကို ကြည့်လိုက်မယ်ဆိုရင်လည်း တမြို့လုံးနီးပါး လမ်းမီးတိုင်တွေမှာ ဒေါ်အောင်စုကြည်ပုံနဲ့
အတူ ဒေါ်အောင်ဆန်းစုကြည်ရဲ့ အဆိုအမိန့်တခုဖြစ်တဲ့ “Use Your Liberty to Promote Ours’” “ရှင့်ရဲ့ လွတ်လပ်မှုကို အသုံးချပီး ကျမတို့တတွေ လွတ်လပ်လာအောင် ဝိုင်းဝန်းပါ” ဆိုတဲ့ စာတမ်းပါ ပိုစတာတွေ လေထဲမှာ တလူလူလွင့်နေပါတယ်။ ဒေါ်အောင်ဆန်းစုကြည်ရဲ့ အဲဒီနှုတ်ထွက်စကားဟာ အခုဆိုရင် လူတိုင်းနှလုံးသားထဲ၊ အသဲထဲမှာ စွဲနေတဲ့စကားတခုဖြစ်နေပါပီ။

ကမ္ဘာ့တဖက်ခြမ်းမှာရှိတဲ့  မြန်မာနိုင်ငံသားတွေ မလွတ်လပ်သေးဘူး ဆိုတဲ့ အကြောင်း ဘရိုက်တန်မြို့ ကနေ တကမ္ဘာလုံးကို လှုပ်နှိုးနေသလို ဖြစ်နေတဲ့အတွက် ကိုယ့်နိုင်ငံသားတွေအတွက် ဝမ်းနည်းတဲ့ ခံစားချက်ကိုပါ ရနိုင်ပါတယ် ...
ဒီလို ကိုယ့်နိုင်ငံက ခေါင်းဆောင်တဦးပုံကို နေရာတိုင်းမှာ ချိတ်ဆွဲထားတဲ့ မြင်ကွင်းကို မြင်လိုက်ရတဲ့
 မြန်မာနိုင်ငံသားတိုင်းလိုလို ကိုယ့်ခေါင်းဆောင်အတွက် တနည်းတဖုံ ဂုဏ်ယူသလိုမျိုး ခံစားရနိုင်ပါတယ်။ ဒါပေမဲ့ တချိန်ထဲမှာဘဲ ကမ္ဘာ့တဖက်ခြမ်းမှာရှိတဲ့ မြန်မာနိုင်ငံသားတွေ မလွတ်လပ်သေးဘူး ဆိုတဲ့ အကြောင်း ဘရိုက်တန်မြို့ကနေ တကမ္ဘာလုံးကို လှုပ်နှိုးနေသလို ဖြစ်နေတဲ့အတွက် ကိုယ့်နိုင်ငံသားတွေအတွက် ဝမ်းနည်းတဲ့ ခံစားချက်ကိုပါ ရနိုင်ပါတယ်။
ayehinnnyo
တမြို့လုံးနီးပါး လမ်းမီးတိုင်တွေမှာ ဒေါ်အောင်စုကြည်ပုံနဲ့အတူ ဒေါ်အောင်ဆန်းစုကြည်ရဲ့ အဆိုအမိန့် စာတမ်းပါ ပိုစတာတွေ လေထဲမှာ တလူလူလွင့်နေပါတယ်။ (ဓာတ်ပုံ-အေးနှင်းညို)

အနုပညာပွဲတော် အခင်းအကျင်းအဖြစ် ပုံစံအမျိုးမျိုးနဲ့ ဖန်တီးထားတဲ့ အနုပညာပြခန်းတွေကို တမြို့လုံးနေရာအနှံ့ တွေ့ရပါတယ်။ အဲဒီထဲက ဘရိုက်တန် ပြတိုက်မှာတော့ ခင်းကျင်းပြသထားတဲ့ အနုပညာတွေ နဲ့ ဖျော်ဖြေတင်ဆက်မှုတွေက အတော်စုံတယ်လို့ ပြောရင် ရနိုင်ပါရဲ့။ ပြတိုက်ဝင်ဝင်ချင်းမှာဘဲ မြန်မာနိုင်ငံက ဘုရားဆင်းတုတွေ၊ ဘာသာရေးအသုံးအဆောင်တွေ၊ မြန်မာ့ရုပ်သေးရုပ်တွေ၊
 ရှေးဟောင်းအဝတ်အစားတွေ စတဲ့ မြန်မာ့ရိုးရာယဉ်ကျေးမှုထိန်းသိမ်းထားတဲ့ အခန်းတခုကို တွေ့လိုက်ရပါတယ်။ အဲဒီကနေ ဘယ် ပြခန်းကိုဘဲ သွားသွား ပြခန်းတိုင်းရဲ့ ဝင်ပေါက်တိုင်းမှာ ဒေါ်အောင်ဆန်းစုကြည်ရဲ့ ပုံတူ ပိုစတာတွေ ချိတ်ဆွဲထားတာကို တွေ့ရပါတယ်။

ဒေါ်အောင်ဆန်းစုကြည်ပုံ ရေးဆွဲထားတဲ့ နံရံနဲ့ ဘေးချင်းကပ်နံရံပေါ်မှာ စစ်တုရင် နယ်ရုပ်တွေကို ရွှေ့ကာရွှေ့ကာနဲ့ စစ်တုရင် ကစားနေတဲ့ မျက်မှန်တပ်ထားတဲ့ ကတုံးနဲ့ အမျိုးသားတယောက်ပုံကိုလည်း ..
ဘရိုက်တန်ပြတိုက်ကို ဘယ်ဘက်အဝင်ပေါက်က ဝင်မယ်ဆိုရင် မြေညီထပ်မှာ ကော်ဖီဆိုင်
တဆိုင်ကို တွေ့ရမှာဖြစ်ပီး အဲဒီကော်ဖီဆိုင် အပေါ်ကို မော်ကြည့်လိုက်မယ်ဆိုရင် မြန်မာ ပန်းချီပညာရှင်တွေရဲ့ လက်ရာတွေ ချိတ်ဆွဲထားတာကို တွေ့ရမှာပါ။ အဲဒီနေရာဟာ မြန်မာ့ခေတ်ပေါ် ပန်းချီတွေချည်း စုစည်းပြထားတဲ့ မြန်မာ့ ပန်းချီပြခန်းဘဲ ဖြစ်ပါတယ်။ အဲဒီပြခန်း အဝင်ဝ နဖူးစီးမှာ “Inside Stories: Paintings fresh from Burma” မြန်မာပြည်တွင်းက ဆန်းသစ်တဲ့ပန်းချီလက်ရာများ ဆိုတဲ့ စာတမ်းကို မြန်မာဗျည်းစာလုံးတချို့ သုံးပီး ရေးထားတာကို တွေ့ရမှာပါ။
မြန်မာပန်းချီပြခန်းထဲမှာ မြန်မာနိုင်ငံတွင်းက ပန်းချီအနုပညာရှင်တွေဖြစ်တဲ့ ခင်မောင်ရင်၊ စိုးနိုင်၊ ဝင်းတင့်၊ ဧကစာချို၊ မြင့်စံမြင့်၊ တာမလာ၊ ဇွဲရန်နိုင် နဲ့ ရဲဝင်းအောင် တို့ရဲ့ ပန်းချီတွေနဲ့အတူ လန်ဒန်မှာနေတဲ့ ပန်းချီထိန်လင်းရဲ့ ဓာတ်ပုံဖန်တီးမှု အနုပညာနဲ့ ပန်းချီကားတချို့ကို တွေ့ကြရပါလိမ့်တယ်။ ဒီပြခန်းကို လာရောက်ကြည့်ရှုတဲ့သူတိုင်း မြန်မာတို့ရဲ့ အနုပညာ ဖန်တီးမှု စွမ်းရည်ကို မြည်းစမ်းခွင့်ရမှာ ဧကန်မုချပါပဲ။

ayehinnnyo1
ဒေါ်အောင်ဆန်းစုကြည်ပုံရေးဆွဲထားတဲ့ နံရံနဲ့ ဘေးချင်းကပ်နံရံပေါ်မှာ စစ်တုရင် နယ်ရုပ်တွေကို ရွှေ့ကာရွှေ့ကာနဲ့ စစ်တုရင် ကစားနေတဲ့ မျက်မှန်တပ်ထားတဲ့ ကတုံးနဲ့ အမျိုးသားတယောက်ပုံကိုလည်းဆွဲထားတယ်။ (ဓာတ်ပုံ-အေးနှင်းညို)
အဲဒီပြခန်းကနေ ဆင်းလာရင် ညာဘက်ဘေးမှာ စားပွဲခုံခပ်ကြီးကြီးတခု ခင်းကျင်းထားပီး အဲဒီပေါ်မှာ Burma Campaign UK က ထုတ်ဝေထားတဲ့
မြန်မာနိုင်ငံအကြောင်း မိတ်ဆက် ဒေါ်အောင်ဆန်းစုကြည် မျက်နှာဖုံးပါစာအုပ်တွေနဲ့ မြန်မာနိုင်ငံတွင်းက အကျဉ်းသားများ လွတ်မြောက်ရေးအတွက် ကိုယ်တိုင် လက်မှတ်ထိုးတောင်းဆိုနိုင်တဲ့ စာရွက်စာတမ်းတွေ ကိုလည်း တွေ့ရမှာပါ။

အဲဒီစားပွဲမှာထိုင်နေတဲ့ အင်္ဂလန်နိုင်ငံသား အမျိုးသားတဦးက Free Burma ဆိုတဲ့ စာလုံး နဲ့ ဒေါ်အောင်ဆန်းစုကြည် ပုံပါ တီရှပ်ဝတ်ကာ
ပြတိုက်ထဲဝင်လာသမျှလူတွေကို မြန်မာနိုင်ငံအကြောင်း အခါအားလျော်စွာ ရှင်းပြနေသလို နိုင်ငံရေးအကျဉ်းသား လွတ်မြောက်ရေး အတွက် ပါဝင်လက်မှတ်ရေးထိုး တောင်းဆိုကြဖို့ တိုက်တွန်းနေတာကိုလည်း တွေ့ရပါတယ်။

ဘရိုက်တန်ပြတိုက်ကနေ မြို့ထဲကို ဆက်လျှောက်မယ်ဆိုရင် မြို့လယ်ခေါင်က ပေ ၃ဝ ကျော်မြင့်တဲ့ အဆောက်အဦးနံရံတခုမှာ အင်္ဂလိပ် အနုပညာရှင် ၃ ယောက် graffiti လို့ခေါ်တဲ့ ခေတ်ပေါ်မှုတ်ဆေးတွေနဲ့ ဒေါ်အောင်ဆန်းစုကြည် ပုံတူ ရေးဆွဲထားတာကိုလည်း တွေ့ရမှာဖြစ်ပါတယ်။ အဲဒီပုံထဲက
ဒေါ်အောင်ဆန်းစုကြည်ရဲ့ မျက်လုံးတွေဟာ မျှော်လင့်ချက်တွေနဲ့ အရောင် တဖျတ်ဖျတ်တောက်နေတယ်လို့ မြင်ရသူတိုင်းတွေးနိုင်လောက်အောင် ထူးထူးခြားခြားရေးဆွဲထားတာကို သတိပြုမိကြပါလိမ့်မယ်။

Burma Gaze လို့ အမည်ပေးထားတဲ့
 မြန်မာနိုင်ငံတွင်းက လူငယ်၊ လူကြီးတွေရဲ့ ခံစားချက်ပေါ်လွင်လှတဲ့ ကိုယ်ဟန်အနေထား
 တွေကို ရိုက်ထားတဲ့ ဓာတ်ပုံတွေ စုစည်း
 ပြသထားတဲ့ ဓာတ်ပုံပြခန်းတခုကိုလည်း
 တွေ့ရမှာဖြစ်ပါတယ် ...
ကံအားလျော်စွာလို့ ပြောရမလား။  ဒေါ်အောင်ဆန်းစုကြည်ပုံ
 ရေးဆွဲထားတဲ့ နံရံနဲ့ ဘေးချင်းကပ်နံရံပေါ်မှာ စစ်တုရင် နယ်ရုပ်တွေကို ရွှေ့ကာရွှေ့ကာနဲ့ စစ်တုရင် ကစားနေတဲ့ မျက်မှန်တပ်ထားတဲ့ ကတုံးနဲ့ အမျိုးသားတယောက်ပုံကိုလည်း
 တွေ့ရမှာပါ။ အဲဒီပုံမှာ ရေးဆွဲထားတဲ့ စစ်တုရင်နယ်ရုပ်ကလေးတွေဟာ တင့်ကားတွေ အမြှောက်တွေ သံချပ်ကာကားတွေက ဘုရင်နဲ့ မိဖုရားကို ၂ ထပ် ၃ ထပ် ကာကွယ်ထားသလိုမျိုး ပတ်ချာလှည့်ချထားပါတယ်။ ဒီနံရံတွေပေါ်က မှုတ်ဆေးနဲ့ ဆွဲထားတဲ့ ပန်းချီလက်ရာ ၂ ခုကို မြင်တဲ့ မြန်မာနိုင်ငံသားတိုင်း နဲ့ မြန်မာ့နိုင်ငံရေးကို သိကြတဲ့ နိုင်ငံခြားသားတိုင်းက လက်ရှိ မြန်မာ့နိုင်ငံရေး အခြေအနေကို ပြေးမြင်မိမှာ ဧကန်ပါ။

အဲဒီနံရံမှုတ်ဆေးပန်းချီတွေရှိတဲ့ နေရာနဲ့ မလှမ်းမကမ်းမှာ Burma Gaze လို့ အမည်ပေးထားတဲ့ မြန်မာနိုင်ငံတွင်းက လူငယ်၊ လူကြီးတွေရဲ့ ခံစားချက်ပေါ်လွင်လှတဲ့ ကိုယ်ဟန်အနေထားတွေကို ရိုက်ထားတဲ့ ဓာတ်ပုံတွေ စုစည်းပြသထားတဲ့ ဓာတ်ပုံပြခန်းတခုကိုလည်း တွေ့ရမှာဖြစ်ပါတယ်။

ayehinnnyo2
ပြခန်း အဝင်ဝ နဖူးစီးမှာ “Inside Stories: Paintings fresh from Burma” မြန်မာပြည်တွင်းက ဆန်းသစ်တဲ့ပန်းချီလက်ရာများ ဆိုတဲ့ စာတမ်းကို မြန်မာဗျည်းစာလုံးတချို့ သုံးပီး ရေးထားတာတွေ့ရတယ်။ (ဓာတ်ပုံ-အေးနှင်းညို)
တလကြာ ကျင်းပနေတဲ့ ဘရိုက်တန်ပွဲတော် တခုလုံးမှာ မြန်မာအနုပညာရှင်တွေ မြန်မာနိုင်ငံသားတွေ အကြောင်း ကြိုကြားကြိုကြား ပြသခဲ့တာကိုလည်း တွေ့ရ ပါတယ်။ တခုချင်းစီကို ပြောရမယ်ဆိုရင် ဒေါ်အောင်ဆန်းစုကြည်ရဲ့ ဘဝအကြောင်းကို ပြောပြတဲ့ The Lady of Burma ပြဇာတ်၊ Lady of No Fear ဆိုတဲ့ မှတ်တမ်းရုပ်ရှင်၊ Burma Solider ဆိုတဲ့ မြန်မာစစ်သားတဦးရဲ့ ဘဝကောက်ကြောင်း၊ တခါ ၂ဝဝ၇ ရွှေဝါရောင် တော်လှန်ရေးအကြောင်း Burma VJ မှတ်တမ်းရုပ်ရှင်၊ ကရင်တိုင်းရင်းသူ နန့်ဇိုရာဖန်းရဲ့ ဘဝအကြောင်းကို ရေးထားတဲ့ Little Daughter စာအုပ် မိတ်ဆက်ဆွေးနွေးပွဲ၊ What next? The Future of Burma ဆိုတဲ့ မြန်မာ့နိုင်ငံရေးဆွေးနွေးပွဲ စတာတွေ ဖြစ်ပါတယ်။ ဒါ့အပြင် ပန်းချီထိန်လင်းရဲ့ စုတ်တံမရှိဘဲ ပန်းချီဆွဲနိုင်တဲ့ ဖန်တီးမှုအနုပညာ ကလည်း ပြပွဲလာ ပရိသတ်တွေကြား ရေပန်းစားခဲ့ပါတယ်။

အခုကျင်းပနေတဲ့ ပွဲတော်မှာ ခင်းကျင်းပြသထားတဲ့ မြန်မာ့ အနုပညာတွေမှာ ပန်းချီဆရာ လက်စမသတ်သေးတဲ့ပန်းချီတွေ၊ စုတ်ချက်ကြမ်းကြမ်းနဲ့ချယ်မှုန်းထားတဲ့ ပန်းချီကားတွေပဲ များနေတာ တွေ့ရပါတယ်။ ဒါကြောင့် ရှေ့လာမယ့်နှစ်တွေမှာ ကျင်းပမယ့် ဘရိုက်တန်အနုပညာပွဲတော်မှာ လှပနူးညံ့ အရောင်အသွေးစုံတဲ့ မြန်မာပီပီ အနုပညာတွေ စုံစုံလင်လင် ပြနိုင်တဲ့ ပြခန်းမျိုး ပါဝင်ဖို့ မျှော်လင့်မိပါတယ်။
http://www.mizzimaburmese.com/edop/songpa/7636-2011-05-29-16-28-57.html

တရုတ်အချောင်သမား ဝါဒနှင့် နားလည်ရခက်တဲ့ မြန်မာပြည်


   မြန်မာပြည်နှင့် စပ်လျဉ်း၍ တရုတ်နိုင်ငံ၏ အပြုအမူသည် နှစ်ပေါင်းများစွာပင် အငြင်းပွါးဖွယ် ဖြစ်နေခဲ့သည်။

 မြန်မာအစိုးရနှင့် ပြုလုပ်သော တရုတ် ရင်းနှီးမြှုပ်နှံမှုနှင့် ကုန်သွယ်ရေး မှန်သမျှကို မြန်မာအစိုးရ၏ အတိုက်အခံတို့က အမြဲလိုပင် မြန်မာနိုင်ငံ၏ အာဏာရ အဝန်းအဝိုင်းကိုသာ ကြွယ်ဝချမ်းသာစေသည်၊ လူ့အခွင့်ရေး ချိုးဖောက်မှုများ
ကိုသာ ဖြစ်ပေါ်စေသည်၊ တိုင်းပြည်အဝှမ်း အခြေအနေများကို ပို၍သာဆိုးလာစေသည်ဟု ပြစ်တင်ဝေဖန်ခဲ့သည်။ ယခုမြန်မာသမ္မတ ဦးသိန်းစိန် တရုတ်ပြည် ခရီးစဉ် အပြီးတွင်လည်း မြန်မာဘလော့များနှင့် သတင်းများကို ကြည့်လိုက်ပါက လူ့အခွင့်အရေး အကြီးအကျယ် ချိုးဖောက်နေသာ အစိုးရများကို ထောက်ခံအားပေးနေသည်၊ ပီကင်းသည် မြန်မာနိုင်ငံကို ၂၁ ရာစု ကိုလိုနီသဖွယ် ဆက်ဆံနေသည်ဟု ပြစ်တင်ဝေဖန် ထားကြသည်ကိုသာ တွေ့ရသည်။

မည်သို့ပင်ဖြစ်စေ တရုတ်၏ မူဝါဒသည် သဘောတူသည်ဖြစ်စေ၊ မတူသည်ဖြစ်စေ တသမတ်တည်းသာ ရှိသည်ကို တွေ့ရမည်ဖြစ်သည်။ မြန်မာနှင့် တရုတ်ကိုယ်စားလှယ် အဖွဲ့များ၏ ဆွေးနွေးပွဲတွင် ပါဝင်သည့် အစည်းအဝေး အစီအစဉ်တရပ်မှာ တရုတ်ရေတပ် သင်္ဘောများ မြန်မာဆိပ်ကမ်းများတွင် အထူးအခွင့်အရေးတရပ် ရရှိရေးပင် ဖြစ်သည်။ ပီကင်းသည် ယခုလည်း အိန္ဒိယသမုဒ္ဒရာဒေသတဝှမ်း အထူးသဖြင့် ပါကစ္စတန်နှင့် သီရိ လင်္ကာတို့တွင် အလားတူ ဆိပ်ကမ်း အခြေခံအဆောက်အအုံများ တိုးတက်ဖွံ့ဖြိုးရေးကို လုပ်ကိုင်ဆောင်ရွက်လျက် ရှိနေသည်ကို တွေ့ရမည် ဖြစ်သည်။ ထို့ပြင် လစ်ဗျားဆူပူအုံကြွမှုများအတွင်း တရုတ်ရေတပ်ဖွဲ့ လှုပ်ရှားလာမှုကလည်း အနောက်နိုင်ငံများ အာရုံစိုက်စရာ ဖြစ်လာခဲ့သည်။ တရုတ်သည် သူတုိ့နိုင်ငံ၏ အကျိုးစီးပွါးများကို ကာကွယ်ရာ တိုင်းပြည်တွင်းမှကယ်ထုတ်ရာတွင် ၎င်းမြောက်အာဖရိကနိုင်ငံသို့ မိမိရေတပ်ဖွဲ့ကို တခါမျှ
 မကြုံ ဖူးသည့် အနေအထားဖြင့် စေလွှတ်ခဲ့သည်။

အိန္ဒိယသမုဒ္ဒရာဒေသတဝှမ်းတွင် ရေနက်ဆိပ်ကမ်း အဆောက်အအုံများ အထူးတလည် လိုက်လံ တည်ဆောက်နေခြင်းမှာ တရုတ်၏ စွမ်းအင်အရင်းအမြစ်များ လိုအပ်နေခြင်းနှင့် ဆက်စပ်နေသည်။ ဒါ့ကြောင့်ပင် ပီကင်းသည် စွမ်းအင်အရင်းအမြစ် ကြွယ်ဝသော်လည်း ဖွံ့ဖြိုးမှုနည်းပါးသော သို့မဟုတ် ဖွံ့ဖြိုးဆဲနိုင်ငံများကို အမြဲတစေ ပစ်မှတ်ထား ဆက်ဆံရေး ထူထောင်ခဲ့သည်ကို တွေ့ရမည် ဖြစ်သည်။ တရုတ်၏ ဆက်ဆံပုံ သဘောထားကိုလည်း အဆိုပါနိုင်ငံများက အမြဲတစေ ကြိုဆိုခဲ့ကြသည်။


မြန်မာနိုင်ငံသည် လက်တွေ့အရ တရုတ်၏ ကိုလိုနီတခု ဖြစ်သွားလိမ့်မည်ဟု လိုသည် ထက်ပို၍ ခြောက်လှန့် ပြောဆိုနေသည့် အချိန်တွင် ပီကင်းအဘို့ ကွဲပြဲနေသော
 မြန်မာနိုင်ငံတွင် နှစ်နိုင်ငံ အကျိုးတူ စာချုပ်များ အစီအစဉ်များ ပြုလုပ်ရာတွင် သူတို့လိုချင်သည့် စည်းကမ်းချက်များ လိုလားချက်များကို တဘက်သတ် အသာစီးလိုသလို ရယူနိုင်စွမ်း ရှိနေစေပါသည်။
သူတို့နှင့်လုပ်သော ကုန်သွယ်ရေးလုပ်ငန်းများနှင့် သူတို့ပေးအပ်သော အကူအညီ အထောက်အပံ့များကို စိုးရိမ်ဖွယ် လူ့အခွင့်အရေး မှတ်တမ်းများနှင့် ဆက်စပ် မထားသောကြောင့် ဖြစ်သည်။ ဤနည်းဖြင့် တရုတ်နိုင်ငံ အတွက်လည်း စီးပွါးရေးနှင့် စွမ်းအင် အကျိုးစီးပွါးများကို အခြေခိုင်အောင် လုပ်နိုင်လေသည်။ တဘက် ကုန်သွယ်ဖက်နိုင်ငံ အစိုးရအဖို့လည်း အင်မတန် လိုအပ်နေသော ဘဏ္ဍာရေးနှင့် နိုင်ငံရေးသြဇာကို ရရှိပြီးဖြစ်စေကာ နိုင်ငံတွင်း အာဏာခိုင်မြဲအောင်လည်း တည်ဆောက်ပြီး ဖြစ်စေသည်။

သို့သော် အိန္ဒိယသမုဒ္ဒရာ ဝန်းကျင်တလျှောက် မငြိမ်မသက် ဖြစ်နေသော နိုင်ငံများအတွင်း မြန်မာနိုင်ငံထက် ပို၍ ပီကင်း၏ တက်ကြွပြင်းထန်သော နိုင်ငံခြားရေးမူဝါဒကြောင့် အန္တရာယ်ရှိသော နိုင်ငံကို ရှာဖွေရန်မှာမူ မလွယ်ကူပါ။ လွန်ခဲ့သောနှစ် နိုဝင်ဘာလက ရွေးကောက်ပွဲများ ကျင်းပခဲ့ပြီး ယခုနှစ် အစောပိုင်းက ပါလီမန်သစ်ကို ခေါ်ယူကျင်းပခဲ့ကာ ပေါ်ထွက်လာသည့် အစိုးရသစ်ကို ပထမဆုံး လက်ခံကြိုဆိုသည့်နိုင်ငံမှာ တရုတ်နိုင်ငံပင် ဖြစ်သည်။

အဆင့်မြင့် နိုင်ငံရေး ကိုယ်စားလှယ်အဖွဲ့ကို တရုတ်နိုင်ငံက မြန်မာနိုင်ငံသို့ စေလွှတ်ခဲ့သည်။ မည်သို့ပင်ဖြစ်စေ
 မြန်မာနိုင်ငံ၏ ဆိပ်ကမ်းများ၊ သဘာဝသံယံဇာတများသည် တရုတ်နိုင်ငံအဘို့ မျက်စိကျစရာချည်း ဖြစ်နေသည်။
 မြန်မာ့နိုင်ငံရေးလောကအတွင်း နက်နက်ရှိုင်းရှိုင်း ကွဲပြားနေမှုက ပီကင်းအဘို့ သူလိုချင်သော သဘောတူညီချက်များ ရယူရာတွင် တဘက်သတ် အသာစီး ရနေစေသည်။

အသစ်ဖွဲ့စည်းလိုက်သော သမ္မတဦးသိန်းစိန်၏ အစိုးရသစ်အဘို့ တရုတ်နိုင်ငံ၏ အရေးပါ ထင်ရှားသော အခန်းကဏ္ဍကို အသိအမှတ် ပြုလိုက်ပုံရသည်။ ဦးသိန်းစိန်သည် တရုတ် နိုင်ငံသို့ ကြာသပတေးနေ့က
 ရောက်ရှိလာခဲ့သည်။ အိမ်နီးချင်း နိုင်ငံကြီးထံ ပထမဆုံး နှစ်နိုင်ငံအကျိုးတူ တရားဝင်ခရီးစဉ်အဖြစ် လာရောက်ခဲ့ခြင်း ဖြစ်သည်။ တရုတ်နိုင်ငံ၏ အရွယ်အစားနှင့် အထူးသဖြင့် ဒေသတွင်း သြဇာ အရှိန်အဝါကြောင့် နိုင်ငံတွင်း နိုင်ငံရေးစနစ်များနှင့် ခေါင်းဆောင်မှုတို့ မည်မျှပင် ပြောင်းလဲသည်ဖြစ်စေ
 မြန်မာ့နိုင်ငံခြားရေးမူဝါဒ ချမှတ်ရာတွင် အမြဲတမ်း အရေးပါသော အခန်းကဏ္ဍက ပါဝင်နေခဲ့သည်။ နေပြည်တော်နှင့် ပီကင်းဆက်ဆံရေးမှာ အမြဲချောမွေ့နေသည်ချည်းလည်း မဟုတ်ပါ။ လက်ရှိနေပြည်တော် ခေါင်းဆောင်များသည် လွန်ခဲ့သော ရာစုနှစ်များတလျှောက် ယခင် မြန်မာအစိုးရများနှင့် ပဒေသရာဇ် အစိုးရများကဲ့သို့ တရုတ် အကျိုးစီးပွါးအပေါ် အမြဲပျပ်ဝပ် ခစားနေရသည်ဟု အထင်ခံလိုစိတ် မရှိတော့ပါ။

ဤသို့ဆိုလျှင်အဘယ်ကြောင့်  တရုတ်နှင့် ဆက်ဆံရာတွင် ညီငယ်လေးသဖွယ် အောက်ကျို့ ဆက်ဆံနေပါသလဲဟု မေးခွန်းထုတ်စရာဖြစ်နေသည်။ ရိုးရိုးလေးပြောရလျှင် မလုပ်လျှင်မဖြစ်လို့ဟုဘဲ ပြောရပါမည်။ ၂ဝ၁၂ ခုနှစ်တနှစ်ထဲအတွက် တရုတ်နိုင်ငံသည် အမေရိကန်ဒေါ်လာ ၁၂ ဘီလျံတန်ဘိုးရှိ နိုင်ငံတွင်း တိုက်ရိုက်နိုင်ငံခြား ရင်းနှီးမြှုပ်နှံမှု စာချုပ်များကို လက်မှတ်ရေးထိုးခဲ့သည်။ ထိုပမာဏသည် တနှစ်လျှင် အမေရိကန်ဒေါ်လာ ၁.၃ ဘီလျံသာ ဝင်ငွေရှိသည့် အစိုးရတရပ်အဘို့ အလွန်များပြားသော ပမာဏဖြစ်သည်။ နိုင်ငံရေးဗဟိုချက်မ၌ လက်ရှိအလုံးစုံ ကွဲလွဲနေမှုသည် မြန်မာခေါင်းဆောင်များ အပေါ်သို့သာ ကျရောက်လာသည်။ နိုင်ငံရေးအရ ကြာမြင့်စွာ ကွဲလွဲနေမှုကြောင့် ပီကင်းအဘို့ နေပြည်တော်နှင့် ဆက်ဆံရာတွင် နိုင်ငံ၏ ထင်ရှားသိသာသော အင်အားကြီးမားမှုကို ပြကာ မိမိ၏ကျယ်ပြန့်သော နိုင်ငံရေးမူဝါဒ ရည်မှန်းချက်များ ရယူရာတွင် မရအရ ရယူနိုင် စွမ်းကိုရရှိစေခဲ့သည်။

တိုင်းပြည်ရှိ စစ်ခေါင်းဆောင်များ၏ ကြီးကြီးမားမား လွှမ်းမိုးချုပ်ကိုင်မှုကို ခံထားရသော မြန်မာအစိုးရသည် ပြည်တွင်း လုံခြုံရေးကို နိုင်ငံတကာ လုံခြုံရေးထက် ပို၍အလေးထား စဉ်းစားမှုကို ဆက်လက် ပြုလုပ်ဆဲပင် ဖြစ်သည်။ လွန်ခဲ့သော ဆယ်စုနှစ် ၂ ခုအတွင်း အိမ်နီးချင်းနိုင်ငံများနှင့် စစ်ရေးစွမ်းရည် ကွာဟမှုကို ကျဉ်းမြောင်းစေရန်သာ မြန်မာစစ်တပ် သို့မဟုတ် မြန်မာ့တပ်မတော်က ပြုလုပ်ခဲ့ခြင်းကြောင့် အခြားအချက်များဖြစ်သော နိုင်ငံတကာ လုံခြုံရေး ကိစ္စများမှာ  လျော့နည်းမှေးမှိန်ခဲ့ရသည်။ အမျိုးသား လုံခြုံရေးဆိုသည်မှာ စစ်တပ်ဖြန့်ချက်ချထားမှု၏ တခုတည်းသော လုပ်ငန်း တာဝန်တရပ် မဟုတ်ပါ။ အမျိုးသားလုံခြုံရေးနှင့်အတူ အခြားအရေးပါသောအချက်များဖြစ်သည့် လူမှုရေး၊ စီးပွါး ရေးနှင့် လူသားလုံခြုံရေးကိစ္စများကို ထည့်သွင်းစဉ်းစားလုပ်ဆောင်ရမည်ဖြစ်ပါသည်။

မည်သို့ပင်ဆိုစေ တရုတ်မြန်မာဆက်ဆံရေးတွင် မညီမမျှဖြစ်နေသည့်အချက်က မြန်မာ စစ်တပ်နှင့် လက်ရှိအရပ်သားများကို ဗန်းပြထားသော အစိုးရအကြား ဆုံးဖြတ်ချက် ချမှတ်ရေး ဖြစ်စဉ်များကို လွှမ်းမိုးသက်ရောက်စေသည်သာ မဟုတ်ပါ။ မြန်မာ့အတိုက်အခံများ၏ တကိုယ်တော် အထီးကျန် မူဝါဒများကလည်း နိုင်ငံအများအပြား၏ နိုင်ငံခြားရေးမူ ဝါဒများချမှတ်ရာတွင် ရောင်ပြန်ဟပ် ဖော်ပြနေသည်ကိုလည်း ထည့်သွင်းစဉ်းစားရမည် သာဖြစ်ပါသည်။ ပြည်တွင်းနှင့် နိုင်ငံတကာ အဖွဲ့အစည်းများ၏ လက်ဦးမှုရှိရှိ ထိတွေ့ဆက် ဆံရေးမူဝါဒများကို အတိုက်အခံများ၏ အကျီုးစီးပွါးကို ထိခိုက်စေသည်ဟု ပြောဆိုမှုများ ရှိနေသော်လည်း ယင်းတို့ကို မြှင့်တင်လုပ်ဆောင်ဘို့ လိုပါသည်။ ယင်းသို့ လုပ်ဆောင်ရာတွင် သာမန် တွေ့ဆုံဆွေးနွေးရေး
 ဖြစ်ပေါ်ဘို့တင် မဟုတ်၊ သဘောတရားရေးအရ ကွဲပြားနေမှုများ ရင်ကြားစေ့ရေး အတွက်ကိုလည်း ရှေ့တန်းတင်၍ ကြိုးပမ်းဘို့ ရည်မှန်းချက် ထားရှိရပါမည်။ မြန်မာနိုင်ငံဆိုင်ရာ အမေရိကန် အထူးကိုယ်စားလှယ်၏ အသစ် ချမှတ်လိုက်သော သဘောထား ရပ်တည်ချက်ကို အတိုက်အခံ ခေါင်းဆောင် ဒေါ်အောင်ဆန်းစုကြည်က
 ထောက်ခံလိုက်ခြင်းမှာ အားရှိစရာ ဖြစ်ပါသည်။

 သို့သော် နိုဘယ်ဆုရှင် အနေဖြင့် မြန်မာနိုင်ငံ၏ အာဏာရများထံ ဝင်ထွက် ပြောဆိုပေးနိုင်သူများကို အလားတူ စိတ်ဓါတ်အရ ပို၍ပင် ပျော့ပျော့ပျောင်းပျောင်း၏ ပြောဘို့ လိုပါသေးသည်။ သို့သော် ထိုသို့ ပျော့ပျော့ပျောင်းပျောင်း ပြောသည်ဆိုခြင်းမှာ အတိုက်အခံများ၏ ရေရှည် ရည်မှန်းချက်များအတွက် ပို၍ပင် အထောက်အပံ့ ဖြစ်စေပါလိမ့်မည်။

မြန်မာနိုင်ငံသည် လက်တွေ့အရ တရုတ်၏ ကိုလိုနီတခု ဖြစ်သွားလိမ့်မည်ဟု လိုသည်ထက်ပို၍ ခြောက်လှန့်
 ပြောဆိုနေသည့် အချိန်တွင် ပီကင်းအဘို့ ကွဲပြဲနေသော မြန်မာနိုင်ငံတွင် နှစ်နိုင်ငံ အကျိုးတူ စာချုပ်များ အစီအစဉ်များ ပြုလုပ်ရာတွင် သူတို့လိုချင်သည့် စည်းကမ်းချက်များ လိုလားချက်များကို တဘက်သတ် အသာစီးလိုသလို ရယူနိုင်စွမ်း ရှိနေစေပါသည်။ ဘာဘဲဖြစ်ဖြစ် နိုင်ငံရေးအရ ပြောရလျှင် ကျယ်ကျယ်ပြန့်ပြန့် လှုပ်ရှား ဆောင်ရွက်နိုင်ဘို့ လိုသေးသော မြန်မာနိုင်ငံအဘို့ တရုတ်နှင့် ဆက်ဆံရာတွင် ဘဏ္ဍာရေးနှင့် ဖွံ့ဖြိုးရေး ရည်မှန်းချက်များအပြင် မြန်မာနိုင်ငံသားများ၏ အခွင့်အရေး ကာကွယ် မြှင့်တင်ပေးရေး ကိုလည်း ထည့်သွင်း စဉ်းစားလုပ်ဆောင်နိုင်စွမ်း ရှိစေရပါမည်။

တိုတိုပြောရလျှင် မြန်မာနိုင်ငံအဘို့ ကိုယ့်ပြည်တွင်း အခြေအနေကို နိုင်နင်းအောင် အရင်လုပ်ရပါဦးမည်။ ထိုအချိန် မရောက်မချင်း တရုတ်နိုင်ငံအနေနှင့် မိမိနိုင်ငံ မိမိနိုင်ငံသား အကျိုးစီးပွါးများကိုသာ မြန်မာနိုင်ငံနှင့် ဆက်ဆံရာတွင် တဘက်သတ် အမြတ်ထုတ်ခွင့် ရရှိနေစေဦးမည် ဖြစ်သည်။

ထိုအကျိုးစီးပွါးဆိုသည်များမှာလည်း မြန်မာနိုင်ငံသားများ၏ အကျိုးစီးပွါးအတွက် မဟုတ်သည်မှာ သေချာလှပါသည်။ ထိုအချက်သည် မြန်မာခေါင်းဆောင်များအဘို့ ဖန်တီးမှုရှိစွာ ရှေ့တန်းတင် စုပေါင်းအဖြေရှာရမည့်ကိစ္စ ဖြစ်ပါသည်။
http://www.mizzimaburmese.com/edop/songpa/7637-2011-05-30-08-46-00.html

မြန်မာပြည် ဒေါ်လာဈေးကွက် အေးစက်


ဧရာဝတီ Monday, 30 May 2011 17:41
သမ္မတဦးသိန်းစိန်အစိုးရ တက်ပြီးနောက် ၂ လခန့် အကြာတွင် မြန်မာနိုင်ငံအတွင်း ဒေါ်လာ အရောင်း အ၀ယ် ကျဆင်းလျက် ရှိသည်ဟု သိရသည်။

ဤသို့ ဖြစ်နေရခြင်းမှာ တရုတ်-မြန်မာ နယ်စပ် ဈေးကွက်တွင် မူးယစ်ဆေး ရောင်းဝယ်ရေး လုပ်ငန်းများမှ ဒေါ်လာ ပမာဏ အမြောက်အမြားစီးဆင်းနေခြင်း၊ ပြည်တွင်းဈေးကွက်တွင် ဒေါ်လာဝယ်နိုင်စွမ်းအား တောက်လျှောက် ကျဆင်းနေခြင်း တို့ကြောင့် ဖြစ်ကြောင်း ရန်ကုန်မြို့မှ ငွေလဲ လုပ်ငန်းရှင်ကြီး တချို့က ပြောသည်။

“အခု နယ်စပ် ဒေါ်လာ ရောင်းချင်တဲ့ ပမာဏက သိသိသာသာကို တက်လာတယ်။ အဲဒီဈေးကွက်မှာ ဒေါ်လာ ရောင်းလိုအား များလာရင် ပြည်တွင်း ဈေးကွက်မှာ ဒေါ်လာတန်ဖိုး လိုက်ကျတယ်” ဟု တရုတ်နယ်စပ်နှင့် ချိတ်ဆက်ပြီး ဒေါ်လာ နှင့် ရွှေ ရောင်းဝယ်သူ ရန်ကုန်မှ စီးပွားရေးသမား တဦးက ရှင်းပြသည်။

ဒေါ်လာအရောင်းအ၀ယ်သည် နယ်စပ်ဒေသ စစ်ရေး တင်းမာမှုများနှင့်လည်း ဆက်စပ်နေကြောင်း ရန်ကုန်မှ ကုန်သည် တချို့က ယူဆသည်။

“တိုက်ပွဲတွေ ဖြစ်လာမလား ဆိုတဲ့ စိုးရိမ်ပူပန်မှုတွေ၊ ဒါတွေက ဈေးကွက်မှာ ရှိတာထုတ်ရောင်း ဆိုတဲ့ ပုံစံမျိုးတွေ ဖြစ်ပေါ်စေတယ်လို့ သုံးသပ်မှုတွေလည်း ရှိပါတယ်။ ဒေါ်လာ တန်ဖိုး ထပ်ကျနိုင်တယ်လို့ ခန့်မှန်းထားကြတယ်” ဟု မြန်မာနိုင်ငံ ရွှေလုပ်ငန်းရှင်များအသင်းမှ ကုန်သည်တဦးက ပြောသည်။

မတ်လကုန်ပိုင်းတွင် ပေါ်ပေါက်လာသည့် ဦးသိန်းစိန်အစိုးရ၏ အစောပိုင်းကာလတွင် ဒေါ်လာဈေးသည် မြန်မာငွေ ၈၆၀ ၀န်းကျင်တွင် ရှိသည်။ ယခုအခါ အမေရိကန် တဒေါ်လာသည် ၈၁၅ ကျပ် နှုန်း ဖြစ်နေသည်။

ဒေါ်လာဝယ်အား အလွန် နည်းပါးနေသည့် အကြောင်းရင်း တခုမှာ စားအုန်းဆီ တင်သွင်းရန် စုပေါင်း ကုမ္ပဏီ ဖွဲ့ပြီး အရင်းအနှီး ရှာကြသောကြောင့် ဖြစ်သည်ဟု သိရှိရသည်။

“စားအုန်းဆီတန် ၃၀၀၀ အထက် အနည်းဆုံးသွင်းနိုင်မှ ဆီတင်သွင်းခွင့်ပေးမယ် ဆိုတော့ စားအုန်းဆီသွင်းချင်တဲ့သူ အချင်းချင်း စုပေါင်းကုမ္ပဏီ ထောင်ကြတယ်။ အဲဒီ လုပ်ငန်း နယ်ပယ်မှာ ကုန်သည်တွေ၊ စီးပွားရေးသမားတွေ စိုက်ထည့် ရင်းနှီး မြှုပ်နှံကြတော့ ဈေးကွက်မှာ ၀ယ်နိုင်စွမ်းအား အတော်ကြီးကို ကျသွားတယ်” ဟု ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်(UMFCCI)မှ စီးပွားရေးသမားတဦးက သုံးသပ်သည်။

အစိုးရသစ်လက်ထက် အားသာချက်တခုမှာ သွင်းကုန် လိုင်စင်နှင့် ပို့ကုန်လိုင်စင်များ ယခင်ထက် လျှင်မြန်စွာချပေးနေခြင်း ဖြစ်သည်ဟု သိရသည်။ သို့သော်လည်း လက်တွေ့လုပ်ဆောင်ရာတွင် အဟန့်အတား များစွာ ရှိနေသည်ဟု ကုန်သည်တို့က ညည်းညူနေကြသည်။

“လိုင်စင်လျှောက်ရတဲ့ သက်တမ်း ပိုမြန်တာပဲ ရှိတယ်။ ကျန်တာတွေက အရင်လိုပဲ။ ဖြတ်ကျော်ရတဲ့ အဆင့်တွေက အများကြီး။ သွင်းကုန်၊ ပို့ကုန် လိုင်စင် လျှောက်မယ် ဆိုရင် နေပြည်တော်ကို သွားလျှောက်ရတယ်။ ဆန်ပို့မယ် ဆိုရင် ဆန်အသင်း ထောက်ခံချက်၊ လိုအပ်တဲ့ စာရွက်စာတမ်း အကုန်တင် နိုင်မှ ဒီလိုင်စင်က ရတာ။ တခု မှားသွားရင် အကုန် အစက ပြန်လုပ်ရတယ်။ ဖြတ်ကျော်ရတဲ့ အဆင့်က အများကြီး” ဟု ရန်ကုန် စီးပွားရေး လုပ်ငန်းရှင် တဦးက ဆိုသည်။

အဆင့်ဆင့် စောင့်ဆိုင်း လျှောက်ထားရသည့် စနစ်၊ ထောက်ခံစာပေးရသည့် စနစ်တို့ကို ပြုပြင် ပြောင်းလဲသင့်သည်ဟု စီးပွားရေး ပညာရှင်တဦးက ပြောသည်။

ထိုပညာရှင်ကပင် လက်ရှိ မြန်မာ့ စီးပွားရေးအခြေအနေက ဆုတ်ရိပ်ပြနေသည်ဟု သုံးသပ်သည်။

“နိုင်ငံတခုကြီးပွားတယ် ဆိုတာက ထုတ်ကုန်နဲ့ တိုင်းသလိုသွင်းကုန်ကို ကြည့်ပြီးလည်း တိုင်းတာလို့ ရတယ်။ စီးပွားရေး တကယ် တိုးတက်လာပြီ ဆိုရင် Capital goods လို့ခေါ်တဲ့ အရင်းအနှီး ကုန်စည်၊ ကုန်ထုတ် ကုန်စည်တွေ တင်သွင်းတာ မြင့်တက်လာတယ်။ ဒီမှာက Capital goods ထက် ဓာတ်ဆီ၊ ဒီဇယ်၊ စားအုန်းဆီတို့လို Consumption goods သွင်းတာများတယ်။ Capital goods တင်သွင်းတာက အစိုးရပိုင်း (သို့မဟုတ်) အစိုးရ စီမံကိန်း အတွက် တင်သွင်းတာလောက်ပဲ ရှိတယ်။ ပုဂ္ဂလိက လုပ်ငန်းရှင်တွေ အနေနဲ့ အရင်းအနှီး ကုန်စည် သွင်းတာ နည်းပါတယ်” ဟု ၎င်းက ပြောသည်။
http://www.irrawaddy.org/bur/

ဒီပဲယင်း ၈ နှစ်ပြည့်ပြီ


လင်းသန့် Monday, 30 May 2011 20:01
လွန်ခဲ့သည့် ၈ နှစ်က ဖြစ်ပွားခဲ့သည့် ဒီပဲယင်းဒေသ အကြမ်းဖက်မှုတွင် သေဆုံးသွားသူများအား ရည်စူးသည့် ဆွမ်းကပ် အမျှပေးဝေခြင်းကို ၎င်းတို့၏ လုပ်ဖော်ကိုင်ဖက်များက မန္တလေးမြို့တွင် ယနေ့ ပြုလုပ်ကြသည်။

ချမ်းအေးသာဇံမြို့နယ် အနောက် ခေမကန် ကျောင်းတိုက်၊ သူဌေးကျောင်းတွင် ကုသိုလ် ပြုခဲ့ကြကြောင်း အမျိုးသား ဒီမိုကရေစီ အဖွဲ့ချုပ် (NLD) ၏ မန္တလေးတိုင်း စည်းရုံးရေးအဖွဲ့ ဥက္ကဋ္ဌ ဦးသိန်းတန်က ဧရာဝတီကို ပြောသည်။

“ဒီနေ့က ဒေါ်အောင်ဆန်းစုကြည် လွတ်လာပြီး ပထမဆုံးလုပ်တဲ့ ဒီပဲယင်း ၈ နှစ်မြောက် နှစ်ပတ်လည်နေ့လည်း ဖြစ်တယ်။ မနက် ၇ နာရီက သံဃာတော် ဆွမ်းကပ်ပြီး နေ့လယ်ပိုင်းမှာ ဒီပဲယင်း အောက်မေ့ဖွယ် အခမ်းအနား တခုကို လုပ်ခဲ့တယ်” ဟု ဦးသိန်းတန်က ရှင်းပြသည်။

ဒီပဲယင်း လုပ်ကြံမှု မျက်မြင်သက်သေများ ဖြစ်ကြသော စစ်ကိုင်းတိုင်းမှ ဦးကျော်အေး၊ မန္တလေးတိုင်းမှ ဦးလှမြင့် တို့က တွေ့ကြုံခဲ့ရသည်များကို ပြန်လည် ပြောပြကြသည်ဟု သိရသည်။ ထိုစဉ်က သေဆုံးသွားသူတို့၏ မိသားစုဝင်များလည်း ယနေ့ ကျရောက်သည့် နှစ်ပတ်လည်နေ့ အစီအစဉ်သို့ တက်ရောက်သည်ဟု ဆိုသည်။

“မိသားစုတွေကို အခု အားပေးနှစ်သိမ့် စကားတွေ ပြောကြတယ်။ ထောက်ပံ့တဲ့ အနေနဲ့ တမိသားစုကို ၂၀၀၀၀ (ကျပ်) စီ ပေးအပ်ခဲ့တယ်” ဟု မန္တလေးတိုင်း NLD မှ ကိုမျိုးနိုင်က ဧရာဝတီကို ပြောသည်။

ဒီပဲယင်း အဖြစ်အပျက်တွင် သေဆုံးသူပေါင်း ၈၀ ကျော်ရှိမည်ဟု ခန့်မှန်းထားသော်လည်း စာရင်း အတိအကျ ကောက်ယူရေး အတွက် ခက်ခဲနေကြောင်း၊ ယခင် စစ်အစိုးရကလည်း ဒီပဲယင်းဖြစ်ရပ်ကို ဖော်ထုတ် စုံစမ်းမှုများ မလုပ်ခဲ့ကြောင်း၊ လက်ရှိ အာဏာပိုင်တို့ လက်ထက်တွင် လွတ်လပ်သော စုံစမ်းမှုများလုပ်သင့်ကြောင်း ကိုမျိုးနိုင်က ပြောသည်။

အကြမ်းဖက်ခံရသူများ၊ သေဆုံးသွားသူတို့၏ မိသားစုများကို နစ်နာကြေး ပေးပြီး အလားတူ ဖြစ်ရပ်မျိုး ထပ်မံ မပေါ်စေရေးအတွက် ယခု အစိုးရသစ်က လုပ်ဆောင်သင့်ကြောင်း ကိုမျိုးနိုင်က ဆက်ပြောသည်။

ယနေ့ ပြုလုပ်သည့် ၈ နှစ်မြောက် အစီအစဉ်သို့ ဦးနိုင်းနိုင်း၊ ဒေါက်တာ ဒေါ်မေ၀င်းမြင့်၊ ဒေါ်ခင်ဌေးကြွယ်၊ ကိုမျိုးညွန့်၊ မဖြူဖြူသင်း စသည့် ရန်ကုန်မှ NLD ခေါင်းဆောင်များ၊ လူငယ်ခေါင်းဆောင်များ တက်ရောက်ကြောင်း၊ NLD ၏ စစ်ကိုင်းတိုင်း စည်းရုံးရေး အဖွဲ့နှင့် ပူးပေါင်းဆောင်ရွက်သည့် အစီအစဉ် ဖြစ်သောကြောင့် တက်ရောက်လာသူ ၁၅၀ ခန့် ရှိကြောင်း သိရသည်။

၂၀၀၃ ခုနှစ် မေလ ၃၀ ရက်နေ့က NLD ခေါင်းဆောင် ဦးတင်ဦး၊ ဒေါ်အောင်ဆန်းစုကြည် တို့၏ ယာဉ်တန်း ဒီပဲယင်းမြို့နယ်၊ ကျည်ရွာသို့ ရောက်ရှိစဉ် တုတ်၊ ဓားလက်နက်များ ကိုင်ဆောင်ပြီး စောင့်ဆိုင်းနေသည့် လူ ၅၀၀၀ ခန့်က ၀ိုင်းဝန်း တိုက်ခိုက်ကြသည်။

ထိုလုပ်ကြံမှုမှ အသက်မသေဘဲ လွတ်မြောက်သွားသော NLD ခေါင်းဆောင် ၂ ဦးသည် နှစ် အတန်ကြာ ထိန်းသိမ်းခံလိုက်ရသည်။

ယမန်နှစ်က ပြန်လည် လွတ်မြောက်လာသော ဒေါ်အောင်ဆန်းစုကြည်သည် နယ်သို့ ခရီး ထွက်မည် ဟူသော သတင်းကြောင့် ဒီပဲယင်းတွင် ဖြစ်ပွားခဲ့သော တိုက်ခိုက်မှုမျိုးနှင့် ထပ်မံ ကြုံတွေ့မည်ကို အများက စိုးရိမ်နေကြသည်။

“နယ်ထွက်တယ် ဆိုတာ နိုင်ငံရေးအရ လူထုနဲ့ တိုက်ရိုက် ထိတွေ့တာဖြစ်တယ်။ ဒါပေမယ့် ဒီပဲယင်း အိပ်မက်ဆိုးက အခုထိ မက်နေဆဲ၊ ဒေါ်အောင်ဆန်းစုကြည် အတွက် အသက်အန္တရာယ်ကို ကျမတို့ စိုးရိမ်နေဆဲပဲ” ဟု ယနေ့ နှစ်လည် အစီအစဉ်သို့ တက်ရောက်သော မန္တလေးသူတဦးက ပြောသည်။
http://www.irrawaddy.org/bur/

ဒီပဲယင်း နှစ်ပတ်လည် မန္တလေးမှာ ဆွမ်းကပ်

    နယူးဒေလီ (မဇ္ဈိမ) ။       ။ ဒီပဲယင်း အရေးအခင်း ၈ နှစ်ပြည့် နှစ်ပတ်လည် ဆွမ်းကျွေးနှင့် အမျှအတမ်းပေးဝေပွဲကို အမျိုးသားဒီမိုကရေစီအဖွဲ့ချုပ် NLD က မန္တလေးမြို့အနောက် ခင်မကန်ကျောင်းတိုက်၌ တနင်္လာမနက်တွင်

 ပြုလုပ်ခဲ့ကြသည်။

NLD မန္တလေးတိုင်း ဥက္ကဋ္ဌ ဦးသိန်းတန်နှင့် စစ်ကိုင်းတိုင်း ဥက္ကဋ္ဌ ဦးဘာဘာ အပါအဝင် ဗဟိုအလုပ်အမှုဆောင်၊ ဗဟိုအမျိုးသမီး အဖွဲ့ဝင်များနှင့် ပါတီဝင် ၁၅ဝ ခန့်က သံဃာတော် ၁၈ ပါးအား နေ့ဆွမ်းကပ်ခဲ့ကာ ဒီပဲယင်း အရေးအခင်းအတွင်း သေဆုံးခဲ့သူများအတွက် အမျှအတမ်းပေးဝေခဲ့ကြခြင်း ဖြစ်သည်။

“ဆွမ်းကပ်ပြီး ဒီပဲယင်းမှာ ကျဆုံးသွားတဲ့ ကျောင်းသားလူငယ်၊ ရဟန်းရှင်လူတွေအတွက် ဘုန်းကြီးတွေက အမျှအတမ်း ပေးဝေတာပေါ့။ လူငယ်တွေကတော့ မနက် ၈ နာရီလောက်က မဟာမြတ်မုနိဘုရားမှာ ရွှေသင်္ကန်း ကပ်ပြီး ငါးလွှတ်တယ်” ဟု မန္တလေးတိုင်း NLD လူငယ်အကူအညီပေးရေးအဖွဲ့ဝင် ကိုမြင့်မော်က မဇ္ဈိမကို ပြောသည်။

ဗဟိုမှ ဒေါ်မေဝင်းမြင့်၊ ဒေါ်ခင်ဌေးကြွယ်၊ မဖြူဖြူသင်း၊ ဦးနိုင်းနိုင်း၊ ကိုမျိုးညွန့်၊
debalyin1
ဒီပဲယင်း နှစ်ပါတ်လည် အခမ်းအနားကို မန်းတလေးတိုင်း အောင်မြေသာဇံမြို့နယ် ခင်မကန် ကျောင်းတိုက်တွင် ကျင်းပ (ဓါတ်ပုံ မဇ္ဈိမ)
လယ်သမားရေးရာမှ ဦးမောင်မောင်ကြီးတို့လည်း လာရောက်ခဲ့ကြသည်။

၂ဝဝ၃ ခုနှစ် မေ ၃ဝ ဒီပဲယင်း အရေးအခင်းတွင်
 သေဆုံးသွားခဲ့ကြသူများအား ရည်စူး၍
သံဃာတော်များ ဆွမ်းကပ်နှင့် အမျှအတမ်း
 ပေးဝေခြင်းကို မန္တလေးတွင် နှစ်စဉ်ပြုလုပ်လာခဲ့ခြင်း
 ဖြစ်သည်။

“မန္တလေးတိုင်းနဲ့ စစ်ကိုင်းတိုင်းက နယ်မြေခံလည်းဖြစ်၊
 သေတာလည်း များတာကိုး။ အရင်တုန်းကဆို
ကျနော်တို့က ဆွမ်းကပ်မယ်ဆို ကြံ့ဖွံ့တွေက
 နှောင့်ယှက်တာတွေ အမြဲလုပ်တယ်ဗျ။
ကျနော်တို့ ကပ်မယ်ဆိုတာ သတင်းကြားတာနဲ့ ညတွင်းချင်း လာပြီး အဲဒီကျောင်းမှာ အလုအယက် ပုံစံမျိုး ဖြစ်သလို ဆွမ်းလာကပ်သွားတာမျိုးပေါ့။ အဖျက်သဘောလေ၊ သူတို့လုပ်နေကျဟာကိုး။ ဒီနှစ် မလုပ်တော့ဘူး” ဟု ကိုမြင့်မော်က ပြောသည်။



ဒီပဲယင်းအရေးအခင်းတွင် မန္တလေးတိုင်းမှ ကိုတင်မောင်ဦး (အနောက်တောင်)၊ ကိုစန်းမြင့် (အနောက်မြောက်)၊ ကိုသိန်းတိုးအေး (အနောက်တောင်)တို့ ၃ ဦး သေဆုံးခဲ့ကြောင်းသာ စာရင်းအတိအကျ ရရှိထားသော်လည်း လူ ၈ဝ သေဆုံးခဲ့သည်ဟု ကြားသိရကြောင်း မန္တလေးတိုင်း ပြန်ကြားရေးတာဝန်ခံ ကိုမျိုးနိုင်က မဇ္ဈိမကို ပြောသည်။

“မန္တလေးတိုင်းက ဦးစီးသွားရတဲ့အုပ်စုထဲက ၃ ဦးကတော့ ဖြစ်ပျက်တဲ့ နေရာမှာပဲ ဆုံးသွားတယ်။ အဲဒါတော့
 သေချာပြောလို့ရတယ်။ ကျီရွာမှာ ကျနော်တို့ ကျော်သွားတဲ့အချိန်မှာကို ရိုက်နှက်နေတာတွေ တော်တော်များများ ရှိတယ်။ ကျီရွာကလည်း ထိခိုက်သေဆုံးမှုတွေ ရှိနိုင်သလို မုံရွာကနေ လိုက်လာတဲ့ ကျောင်းသားလေးတွေရှိတယ်။ သူတို့ကို ကျနော်တို့ စာရင်းအတိအကျ မရဘူး။ သူတို့က ဆိုင်ကယ်တွေနဲ့ အများကြီး လိုက်လာတာကိုး။ သူတို့ပျောက်သွားတာကို ကျနော်တို့ဆီမှာ စာရင်းတက်မလာဘူးဗျာ” ဟု ကိုမျိုးနိုင်က ဆိုသည်။



၂ဝဝ၃ ခုနှစ်တွင် NLD အထွေထွေအတွင်းရေးမှူး ဒေါ်အောင်ဆန်းစုကြည်နှင့် ဒုဥက္ကဋ္ဌ ဦးတင်ဦးတို့၏ အထက်မြန်မာပြည် နယ်လှည့်စည်းရုံးရေးခရီးစဉ်အတွင်း နအဖ စစ်အစိုးရ နောက်ခံပြု ကြံ့ခိုင်ရေးအသင်းနှင့် စွမ်းအားရှင်များက လိုက်လံနှောင့်ယှက်မှုများ တလျှောက်လုံးရှိခဲ့ပြီး စစ်ကိုင်းတိုင်း ဒီပဲယင်းမြို့နယ် ကျီရွာအနီးတွင် ကိုယ်ထိလက်ရောက် ရိုက်နှက်သတ်ဖြတ်မှုများ ဖြစ်ပွားခဲ့သည်။

debalyin
ဒီပဲယင်း နှစ်ပါတ်လည် အခမ်းအနားကို မန်းတလေးတိုင်း အောင်မြေသာဇံမြို့နယ် ခင်မကန် ကျောင်းတိုက်တွင် ကျင်းပ (ဓါတ်ပုံ မဇ္ဈိမ)
NLD မှ ဤအရေးအခင်းနှင့်ပတ်သက်၍ တိုင်ချက်များ ဖွင့်ထားခဲ့သော်လည်း ယခုချိန်ထိ အာဏာပိုင်တို့က တစုံတရာ အရေးယူဆောင်ရွက်ပေးခြင်းမျိုး မရှိသေးကြောင်း NLD ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

“အမှန်တရားဟာ ပေါ်ပေါက်ဖို့လိုတယ်။ လိုအပ်တဲ့ စုံစမ်းစစ်ဆေးမှုများကို ပြုလုပ်ဖို့လိုတယ်။ ဒီလိုစုံစမ်းစစ်ဆေးခြင်းအားဖြင့် အမှန်တရား ပေါ်လာရင်
 နောင်ကို ဒီလိုကိစ္စမျိုး မပေါ်ပေါက်အောင် သင်္ခန်းစာကောင်းတခု ဖြစ်ဖို့ပါပဲ။ နောက်ပြီး ခံရတဲ့သူ၊ သေသွားတဲ့သူ၊ ထိခိုက်တဲ့သူတွေအတွက်လည်း ဥပဒေနဲ့အညီ ကုစားမှုတော့ ရရှိသင့်တယ်လို့ ကျနော်တို့ ရပ်တည်ထားပါတယ်” ဟု သူက ပြောသည်။

၈ နှစ် ကြာသည်အထိ ဒီပဲယင်းအရေးအပေါ် တစုံတရာ အရေးယူဆောင်ရွက်ပေးခြင်း မရှိသေးသော်လည်း
 ဒေါ်အောင်ဆန်းစုကြည်အနေဖြင့် မကြာမီ လပိုင်းအတွင်း နယ်လှည့်ခရီးစဉ်များ စတင်တော့မည်ဖြစ်သည်။

ဤခရီးစဉ်များအတွက် လိုအပ်သည့် လုံခြုံရေးအတွက် အာဏာပိုင်များထံ သေချာတောင်းဆိုသွားမည်ဟု ဦးတင်ဦးက ဆိုသည်။ 

“သူတို့က တရားဥပဒေစိုးမိုးရေးတို့၊ Good governance တို့၊ Clean government တို့ ဒါတွေ သိပ်ပြောထားတဲ့ လူတွေပဲဗျာ။ ဥပဒေနဲ့အညီ ပြည်သူပြည်သားတိုင်းကို လုံခြုံမှုတာဝန် ပေးရမယ်လေ။ လုံခြုံရေးပေးဖို့ ထိုက်ထိုက်တန်တန် သူတို့ဆီမှာရှိတဲ့ တာဝန်ရှိတဲ့ အကြီးအကဲပုဂ္ဂိုလ်တွေနဲ့ ဆွေးနွေးပြီးတော့ လုပ်ကိုင်ပြီးရင် လိုအပ်သည်များကို အပြည့်အဝရဖို့ တောင်းဆိုပြီး သွားမှာပဲလေ” ဟု သူက ပြောသည်။

ဒီပဲယင်း အရေးအခင်းတွင် အသက်ဘေးမှ လက်မတင်လေး လွတ်မြောက်လာခဲ့ကြသည့် ဒေါ်အောင်ဆန်းစုကြည်နှင့် ဦးတင်ဦးကို နေအိမ်အကျယ်ချုပ်ဖြင့် ထားရှိခဲ့ပြီး၊ ပါတီဝင်အချို့ကိုမူ ဖမ်းဆီးထောင်ချမှုများပင် ရှိခဲ့သည်။

ဒေါ်အောင်ဆန်းစုကြည်မှာ ၂ဝ၁ဝ ခုနှစ် နိုဝင်္ဘာလတွင် နေအိမ်အထိန်းသိမ်းခံမှ လွတ်မြောက်လာခဲ့ပြီး နယ်ခရီးများ ပြန်ထွက်ရန် ယခု စီစဉ်နေပြီ ဖြစ်သည်။
http://www.mizzimaburmese.com/home.html