Saturday, June 4, 2011

ကမ္ဘာ့ ကျန်းမာရေးအဖွဲ့ ၏ မေလ၂၉ အစီအရင်ခံစာ

မြီု့ပြတွင် သန့်ရှင်းသောသောက်သုံးရေ သုံးစွဲမှု တွင် ၁၉၉ဝ မှာ
၈၇ရာနှုံးရှိ ရာမှ ယခု အခါ ၇၅ရာနှုံးသာရှိ

အသက်၅နှစ် အောက် ကိုအလေးချိန် ကြုံ လှီသု ၁၉၉ဝ မှာ ၂၅ရာနှုံးရှိ ရာမှ
ယခု အခါ ၂၉.၆ရာနှုံး ရှိ

ကျန်းမာရေး အတွက် စုစုပေါင်းအသုံးစရိတ်တွင် အစိုးရ မှ ကျန်းမာရေး အတွက်
အသုံးစရိတ်မှာ ၂ဝဝဝ မှာ ၁၃.၄ ရာနှုံးရှိ ရာမှ ယခု အခါ ၇.၅ ရာနှုံးသာရှိ

အစိုးရ မှ လူမှုဖူလုံရေးအတွက် အသုံးစရိတ်မှာ ၂ဝဝဝ မှာ ၃.၁ ရာနှုံးရှိ ရာမှ
ယခု အခါ ၁.၇ရာနှုံးသာရှိ

ပြင်ပနီုင်ငံများမှကျန်းမာရေး အတွက် ထောက်ပံ့စရိတ်မှာ ၂ဝဝဝ မှာ
၁.၁ ရာနှုံးရှိ ရာမှ ယခုအခါ ၉.၁ ရာနှုံး ရှိ

By White sheep

Young women from Burma support targeted economic sanctions on Burma

Campaign Release.pdfCampaign Release.pdf
46K   View   Download  


Bangkok - May 25, 2011
Alternative Asean Network’s on Burma (Altsean-Burma) interns from Burma have launched a humour campaign in support of targeted economic sanctions on Burma. Burma is a rich country with natural resources such as oil, gas and teak where investment drives human rights abuses. The humour campaign consists of a series of jokes in Burmese, which will be broadcast on the radio and through YouTube. The campaign also includes cartoons, which describe and depict the human rights violations in Burma. Both jokes and cartoons show that the real cause of these violations is the Burmese government and its misguided policies and that the abuses are worsened by foreign investment. The campaign is intended for Burmese civilians in Burma and abroad, Burmese pro- democracy activists, non- governmental organizations in and outside of Burma and the wider international community.
We would like to advocate for keeping targeted economic sanctions on Burma until the Burmese government does not change its economic policies and immediately stop land confiscation, forced labor and attacks on the ethnic areas. Our jokes and cartoons show that targeted economic sanctions are not the cause of human rights abuses in Burma. In fact, the foreign investment, which affects mostly ethnic and rural areas, is the government's excuse for committing human rights abuses such as using forced labour and displacing communities.
Our humour campaign points out the problems in Burma, such as lack of livelihood, education, land confiscation, forced labor, refugees and Internally Displaced Persons. We want to show how international investments are linked to human rights abuses in Burma. The government of Burma earns approximately USD 3 billion from gas and oil per year. The government, however, does not distribute wealth and leaves its citizens suffering from human rights abuses.
The Burma Campaign UK, Burma Campaign Australia, '88 generation students, National League for Democracy (NLD) and Women's League of Burma (WLB) also support targeted sanctions on Burma.
We will continue to support the targeted sanctions on Burma until the regime does not change its economic policies and immediately stop land confiscation, forced labor and attacks on the ethnic areas.


For more information
Face Book : Kyal taryar ( Hunger of freedom)

၎.၆.၂၀၁၁ ရက်နေ့ရဲရင့်ငယ်ဒိုင်ယာရီ



http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

4 attachments — Download all attachments  
4 Jun 2011 Yeyintnge's Diary.doc4 Jun 2011 Yeyintnge's Diary.doc
336K   View   Download  
4 Jun 2011 Yeyintnge's Diary.pdf4 Jun 2011 Yeyintnge's Diary.pdf
550K   View   Download  
57067897-Letter.pdf57067897-Letter.pdf
479K   View   Download  
57063229-John-McCain-Press-Release.pdf57063229-John-McCain-Press-Release.pdf
907K   View   Download  

http://www.mediafire.com/file/r0x1dj1gaegtxi1/4%20Jun%202011%20Yeyintnge%27s%20Diary.doc
http://www.mediafire.com/file/emeu63109c28t2v/4%20Jun%202011%20Yeyintnge%27s%20Diary.pdf

4 Jun 2011 Yeyintnge's Diary

သမိုင်းတကွေ့မှ ဗကပ ဥက္ကဋ္ဌ သခင်သန်းထွန်း



သမိုင်းတကွေ့မှ ဗကပ ဥက္ကဋ္ဌ သခင်သန်းထွန်း
သန်းဝင်းလှိုင်
ဇွန် ၄၊ ၂၀၁၁
 သခင်သန်းထွန်းသည် မြန်မာနိုင်ငံ၏ နိုင်ငံရေးလှုပ်ရှားမှုသမိုင်းတွင် လွန်ခဲ့သော ၆၃ နှစ် အတွင်းက ထင်ရှားခဲ့သော နိုင်ငံရေးခေါင်းဆောင်တဦး ဖြစ်ခဲ့ပေသည်။ အထူးသဖြင့် လွန်ခဲ့သော ၅၄ နှစ်အတွင်းတွင် သခင်သန်းထွန်းသည် ဗမာပြည်ကွန်မြူနစ်ပါတီ၏ ခေါင်းဆောင်ကြီးတဦး အဖြစ် ထင်ပေါ်ကျော်ကြားခဲ့လေသည်။ သခင်သန်းထွန်း၏နာမည်ကို ဗမာပြည်ကွန်မြူနစ် လောကတွင်သာမက ကမ္ဘာ့ကွန်မြူနစ်လောကတွင်လည်း ထင်ရှားခဲ့သည်။
 သခင်သန်းထွန်းသည် နိုင်ငံရေးအစဉ်အလာ ကြီးမားခဲ့သူဖြစ်သည်။ မြန်မာ့တော်လှန်ရေး သမိုင်းအဆက်ဆက်တွင်လည်း သခင်သန်းထွန်းသည် ရှေ့တန်းက ပါဝင်ခဲ့သည်သာ များသည်။ တို့ဗမာအစည်းအရုံးခေါင်းဆောင်အဖြစ် ၁၃၀၀ ပြည့် ရေနံမြေအလုပ်သမားအရေးနှင့် ကျောင်းသားအရေးတော်ပုံတို့တွင် တက်ကြွစွာ ပါဝင်လှုပ်ရှားခဲ့သလို တောင်သူလယ်သမားတို့၏ အရေးကိုလည်း ရှေ့ဆောင်လုံးပမ်းခဲ့သည်။ ထို့အပြင် ဗမာ့လွတ်လပ်ရေးတိုက်ပွဲတွင် ရှေ့တန်းမှ ပါဝင်ခဲ့သလို ဖက်ဆစ်ဂျပန် တော်လှန်ရေး ပျောက်ကျားစစ်တွင်လည်း ဦးစီးခဲ့သူတဦး ဖြစ်သည်။ ဗမာပြည်ကွန်မြူနစ်ပါတီ လှုပ်ရှားမှုတွင်လည်းကောင်း ကွန်မြူနစ်အင်အားစုကြီးကို စည်းရုံး၍ ဦးစီး ရှေ့ဆောင်ခဲ့သူမှာလည်း သခင်သန်းထွန်းပင် ဖြစ်သည်။
          ဆရာကြီးဒဂုန်တာရာက သူ၏ ‘ရုပ်ပုံလွှာ’ စာအုပ်တွင် သခင်သန်းထွန်းအား ဤသို့ မှတ်တမ်းတင် ရေးဖွဲ့ထားသည် -
“သခင်သန်းထွန်းကို လူချင်းမသိမီကတည်းက အမည်ကိုကြားဖူးနေ၏။ ကိုဗဟိန်းက သခင်သန်းထွန်း၏အကြောင်းကို မကြာခဏ ကျွန်တော့်အား ပြောပြ၏။ ထိုအခါက ကိုဗဟိန်းသည် တက္ကသိုလ်ရိပ်သာရှိ သထုံကျောင်းဆောင်တွင်မရှိဘဲ မြို့ထဲ ၃၈ လမ်းရှိ ဇဝန တို့ စုနေကြသော အိမ်တွင် ရောက်နေတတ်၏။ ထိုအိမ်တွင် သခင်သန်းထွန်းလည်း နေ၏။
          “သခင်သန်းထွန်းဆိုတာ တော်တော်စာဖတ်တယ်ဗျ၊ မာ့က်စ်စာပေလည်း အတော် ဖတ်တယ်။ စားရေးလည်း ကောင်းတယ်” ဟု ကျောင်းဆောင်သို့ပြန်ရောက်လျှင် ကိုဗဟိန်းက ကျွန်တော်အား ပြောပြလေ့ရှိ၏ စိတ်ထဲတွင် သခင်ပေါက်စတဦးပဲဟုသာ အောက်မေ့လိုက်၏။
          တနေ့တွင် ကိုဗဟိန်းနှင့်အတူ ပန်းဆိုးတန်းလမ်းရှိ ထွန်းအေး စာအုပ်ဖြန့်ချိရေးဌာနသို့ ရောက်သွားရာ သခင်သန်းထွန်းနှင့် သွားတွေ့၏။ ကိုဗဟိန်းက ကျွန်တော့်ကို သခင်သန်းထွန်းနှင့် အသိဖွဲ့ပေး၏။
          “ဪ … ဪ … ခင်ဗျားအကြောင်းကိုလည်း ကိုဗဟိန်းက ခဏခဏ ပြောပြပါတယ်ဗျ” ဟု သခင်သန်းထွန်းက ပြုံးကာ ပြောလေသည်။
           သူသည် မန္တလေး ပိုးအပေါ်ဖုံး၊ ပိုးလုံချည်ဝတ်ထား၏။ မျက်နှာမှာ ခပ်လုံးလုံး အရုပ်ဆိုးသည် ဟု ခေါ်ရပေမည်၊ အသားက ဝါလဲ့လဲ့၊ ဆံပင်ကောက်၏၊ အထူးခြားဆုံးမှာ ခေါင်းကြီးခြင်း ဖြစ်၏။ အမူအရာမှာ ပျော့ပျောင်း၏၊ စကားပြောသောအခါလည်း ခပ်အေးအေးနှင့် သိမ်မွေ့စွာ ပြော၏။
          အစက ထင်ထားသကဲ့သို့ အာပေါင်အာရင်းသန်သန် ဟစ်အောင်သူ မဟုတ်၊ ညင်းညင်းညံညံ လေသံနှင့်၊ ကဗျာဆရာ မီလတန်၊ လီနင်ဝါဒ၊ ကိုလိုနီခေတ်တော်လှန်ရေး၊ ဘားနတ်ရှော ပြဇာတ်၊ ချားလ်စ်ဒစ်ကင်း၏ဝတ္ထု၊ ဗြိတိသျှပါလီမန်၊ ဦးကုလားရာဇ၀င်၊ သိပ္ပံမောင်ဝ၏ ခေတ်စမ်းစာ၊ နတ်သျှင်နှောင်ရတု စသော အကြောင်းအရာများကို ပြောပြ၏။
          နောင်မှ သူသည်ဆရာဖြစ်သင် ကောလိပ်ကျောင်းမှ ထွက်ကြောင်း၊ ကျောင်းနေစဉ်က စာတော်သူတဦးဖြစ်ခဲ့၏။ တခါက အင်္ဂလိပ်ဘာသာဖြင့် ရေးထားသော ဆောင်းပါးတစောင်ကို တက္ကသိုလ်သမဂ္ဂ မဂ္ဂဇင်းဟောင်းတစောင်တွင် ဖတ်ရဖူး၏။ သူသည် အင်္ဂလိပ်စာကို နိုင်နင်းစွာ ရေးနိုင်သူ တဦးဖြစ်၏။ ဂျပန်ခေတ် သူ ဝန်ကြီးဖြစ်စဉ်က သူ ရေးထားသော အင်္ဂလိပ်စာကိုဖတ်၍ နောင်ဖဆပလခေတ် ဒုတိယဝန်ကြီးချုပ်ဖြစ်ခဲ့သူ ကိုကျော်ငြိမ်းက “အင်္ဂလိပ်စာရေးတာ မြန်သလောက် ကောင်းတာပါပဲ” ဟု ချီးကျူးသည်ကို ကြားရဖူး၏။
          ၁၉၃၉ ခုနှစ်က တို့ဗမာအစည်းအရုံးမှ ကိုယ်စားလှယ်များအဖွဲ့သည် ကွန်ဂရက်၏ ဖိတ်ကြားချက်အရ အိန္ဒိယပြည် ရမ်းဂါး သို့ သွားကြ၏။ သခင်အောင်ဆန်း၊ ကိုဗဟိန်း၊ သခင် သန်းထွန်းတို့ ပါသွားကြ၏။ တက္ကသိုလ်ကျောင်းသားသမဂ္ဂများက သခင်အောင်ဆန်း၊ သခင် သန်းထွန်းတို့ကို မကြာခဏဖိတ်၍ စကားပြောစေသည်ဟု သိရ၏။ သခင်သန်းထွန်းကို ပွဲတောင်းလှသည်ဟု ကြားရ၏။
          ဂျပန်ခေတ် လယ်ယာစိုက်ပျိုးရေး ဝန်ကြီးဖြစ်စဉ်က သူ့ဌာနတွင်လုပ်သော အတွင်းဝန်များသည် သူ့ကို လေးစားကြသည်။ အဘယ်ကြောင့်ဆိုသော် သူသည် လယ်ယာ စိုက်ပျိုးရေးကို လေ့လာနားလည်ပြီး၊ ညာဝါးဖြန်းသန်းကာ မဆိုင်သည်ကို ဝင်ရောက်စွက်ဖက်ခြင်း မလုပ်သောကြောင့် ဖြစ်သည်” ဟူ၍ ရေးသားထားလေသည်။
          သခင်သန်းထွန်းသည် မြန်မာလိုရော အင်္ဂလိပ်လိုပါ စာရေးကောင်းသူဖြစ်သည်။ ဆောင်းပါးများ၊ ဘာသာပြန်စာပေများ ရေးသားခဲ့သည်။ ၁၉၃၉ ခုနှစ်က အရေးတော်ပုံ အမည်ရှိ ကွန်မြူနစ်ပါတီ ဂျာနယ်ကိုလည်း လျှို့ဝှက်ထုတ်ဝေခဲ့သည်။
          ဂျာနယ်ကျော် ဦးချစ်မောင်ကလည်း သူ၏  နေ့စဉ်မှတ်တမ်း (၁၉၄၃ ခုနှစ် နိုဝင်ဘာလ ၂၇ ရက် စနေနေ့) တွင် သခင်သန်းထွန်းအား “သူသည် အတော်လေ့လာသော လူတယောက်ပါပေ။ အရေးလည်း ကောင်းပါပေသည်။ ‘သုပဏ္ဏက’ ဟူသော ကလောင်အမည်ဖြစ် သူ ရေးသော ဆောင်းပါးများကို ကျွန်ုပ် အယ်ဒီတာဖြစ်စဉ်က ထည့်သွင်းဖော်ပြခဲ့ဖူးလေပြီ၊ သခင်အစည်းအရုံး တွင်လည်း သူတယောက်မှာ နိုင်ငံရေးစာပေ ဗဟုသုတကို အဆည်းပူးဆုံးဖြစ်သည်ကို ကျွန်ုပ် အကဲခတ်မိသည်။ နိုင်ငံတော်၏ အခြေအနေအမှန်ကို အတော်ပင် စမ်းဝါးမိသူ ဖြစ်ပေသည်” ဟူ၍ မှတ်တမ်းတင်ထားသည်။
          သို့ကလို ထူးချွန်ထက်မြက်၍ နိုင်ငံရေးသမိုင်းအစဉ်အလာ ကြီးမားခဲ့သော သခင် သန်းထွန်းကို ၁၉၁၁ ခုနှစ် ဩဂုတ်လ ၁၅ ရက်နေ့တွင် တောင်ငူခရိုင် ကညွတ်ကွင်းမြို့၌ အဖ ဦးဘိုးမောင်၊ အမိ ဒေါ်အေးကြူ တို့မှ ဖွားမြင်ခဲ့သည်။ မွေးချင်း ၆ ဦးအနက် တတိယမြောက် ဖြစ်သည်။ သူ့အထက်အကိုတို့မှာ ဦးတင် (သာယာဝတီ ထောင်မှူးဟောင်း)၊ ဦးညီပု တို့ဖြစ်ပြီး သူ့အောက် ညီနှင့်ညီမတို့မှာ မစိမ်းညို၊ ကိုညီလေး၊ မစိမ်းချို (မမြဝင်း) တို့ ဖြစ်ကြသည်။
          သခင်သန်းထွန်းသည် ပျဉ်းမနားမြို့ အင်္ဂလိပ်-မြန်မာ အထက်တန်းကျောင်းမှ ဆယ်တန်း (တက္ကသိုလ်ဝင်တန်း) ကို အင်္ဂလိပ်စာ၊ ရာဇဝင်၊ မြန်မာစာတို့၌ ဂုဏ်ထူး သုံးဘာသာဖြင့် အောင်မြင်ပြီးနောက် ရန်ကုန်မြို့ ဆရာဖြစ်သင်ကောလိပ်တွင် ပညာဆက်လက် သင်ကြားခဲ့သည်။ ဆရာအတတ်သင်ကျောင်းမှ ဆင်းပြီးနောက် ရန်ကုန်မြို့ ကန်တော်ကလေးရပ်ရှိ ဘားမား မွတ်ဆလင် အထက်တန်းကျောင်း (ယခု အထက-၆ မင်္ဂလာတောင်ညွန့်မြို့နယ်) တွင် ကျောင်းဆရာအဖြစ် အမှုထမ်းခဲ့လေသည်။ ကိုလိုနီခေတ် မြန်မာနိုင်ငံလွတ်လပ်ရေးကြိုးပမ်းမှု ကာလ ၁၉၃၈ ခုနှစ် အောက်တိုဘာလတွင် သခင်သန်းထွန်းသည် တို့ဗမာအစည်းအရုံးသို့ ဝင်ရောက်ခဲ့သည်။ ထို့နောက် ၁၉၃၇ ခုနှစ် နိုဝင်ဘာလ ၄ ရက်နေ့တွင် သခင်နု၊ ဦးထွန်းအေး၊ ဦးအုန်းခင်တို့နှင့်အတူ နဂါးနီစာအုပ်အသင်း တည်ထောင်ရာတွင် ပါဝင်ခဲ့သည်။
          ထို့နောက် တို့ဗမာအစည်းအရုံးတွင်လည်း လယ်ယာစိုက်ပျိုးရေးဆိုင်ရာ တာဝန်ခံ အမှုဆောင်အဖြစ်လည်းကောင်း၊ အတွင်းရေးမှူးအဖြစ်လည်းကောင်း တာဝန်ယူကာ ဆက်လက်ပါ ဝင်လှုပ်ရှားခဲ့ပေသည်။ ၁၉၄၀ ပြည့်နှစ် မတ်လ ၂၉ ရက်နေ့တွင် အိန္ဒိယနိုင်ငံ ရမ်းဂါးမြို့  (Ramgarh) ၌ကျင်းပသည့် အိန္ဒိယ ကွန်ဂရက်ပါတီညီလာခံသို့ တို့ဗမာအစည်းရုံး၏ ကိုယ်စားလှယ်အဖြစ် သခင်အောင်ဆန်း၊ သခင်တင်အောင်၊ သခင်အုန်းမြင့် (တိုးတက်ရေး) ကိုထွန်းရှိန်၊ ကိုဗဟိန်း၊ သခင် ဆင်ဂူပတားတို့နှင့်အတူ တက်ရောက်ခဲ့သည်။ ထိုအချိန်တွင် မြန်မာပြည်သို့ရောက်ရှိလာသော မာ့က်စ်ဝါဒစာအုပ်များကို ဖတ်ရှုကာ ကွန်မြူနစ်ဝါဒကို စိတ်ဝင်စားခဲ့သည်။ ယင်းနောက် ဗမာပြည်ကွန်မြူနစ်ပါတီ၌ ပါဝင်လှုပ်ရှားခဲ့သည်။
          ၁၉၄၀ ပြည့်နှစ်မှ ၁၉၄၂ ခုနှစ်တွင်းတွင် သခင်သန်းထွန်းသည် နယ်ချဲ့ဆန့်ကျင်ရေး လှုပ်ရှားမှုများကြောင့် ထောင်ကျခဲ့လေသည်။ ၁၉၄၂ သြဂုတ်လ ၁ ရက်နေ့တွင် ဂျပန် စစ်အုပ်ချုပ်ရေးအဖွဲ့၌ အဖွဲ့ဝင်အဖြစ်လည်းကောင်း၊ မြန်မာနိုင်ငံ အုပ်ချုပ်ရေးအဖွဲ့တွင် မြေယာနှင့် လယ်ယာစိုက်ပျိုးရေး တာဝန်ခံအဖြစ်လည်းကောင်း၊ မြန်မာ့လွတ်လပ်ရေး ပြင်ဆင်မှုကော်မတီတွင် အဖွဲ့ဝင်အဖြစ်လည်းကောင်း ဆောင်ရွက်ခဲ့သည်။ ၁၉၄၃ သြဂုတ်လ ၁ ရက်နေ့တွင် ဂျပန်ခေတ် လွတ်လပ်သော မြန်မာနိုင်ငံအစိုးရအဖွဲ့သစ်၌ မြေနှင့်လယ်ယာစိုက်ပျိုးရေးဌာန ဝန်ကြီးအဖြစ် လည်းကောင်း တာဝန်ထမ်းရွက်ခဲ့သည်။ ၁၉၄၄ ဧပြီလ ၁၆ ရက်နေ့တွင်  သခင်သန်းထွန်းသည် ကုန်စည်နှင့် သယ်ယူပို့ဆောင်ရေးဌာန၌ တာဝန်ထမ်းရွက်ခဲ့သည်။ 
          ထို့နောက် ဖတပလအဖွဲ့ကြီးကို ၁၉၄၄ သြဂုတ်လ ၂၃ ရက်နေ့တွင် ပြန်လည်ဖွဲ့စည်းရာ သခင်သန်းထွန်းသည် အထွေထွေအတွင်းရေးမှူးနှင့် မဟာမိတ်များဆက်သွယ်ရေး တာဝန်ခံ အဖြစ် ဆောင်ရွက်ခဲ့သည်။ ယင်းနောက် သခင်သန်းထွန်းသည် နာမည်ဝှက် လက်သည်း အမည်ဖြင့် ဂျပန်တော်လှန်ရေးဆင်နွှဲရန် ၁၉၄၅ မတ်လ ၁၇ ရက်နေ့တွင် ရန်ကုန်မှ ထွက်ခွာသွားသည်။
          သခင်သန်းထွန်းသည် ၁၉၄၂ အောက်တိုဘာလ ၁၁ ရက် တနင်္ဂနွေနေ့တွင် မြောင်းမြမြို့၌ နေထိုင်သော ဦးဖိုညင်း ဒေါ်ဖွားစုတို့၏ သားသမီး ၉ ဦးအနက် ပဉ္စမမြောက်သမီး ဒေါ်ခင်ကြီး (ဗိုလ်ချုပ်ကတော် ဒေါ်ခင်ကြည်၏ အစ်မ) နှင့် လက်ထပ်ခဲ့သည်။ ဒေါ်ခင်ကြီးသည် သခင် သန်းထွန်းထက် အသက် ၂ နှစ် ကြီးသည်။ ဒေါ်ခင်ကြီးသည် သခင်သန်းထွန်းနှင့် အိမ်ထောင် မကျခင်က အိမ်ထောင် ၂ ဆက်ရှိခဲ့သည်။ ပထမအိမ်ထောင်မှာ မြောင်းမြမြို့မှ ရဲအကြပ် ဦးစောမောင် ဖြစ်ပြီး၊ သား ခင်မောင်အေး ထွန်းကားခဲ့သည်။ ၎င်းမှာ နောင်တွင် တပ်မတော်သို့ ဝင်ရောက်စစ်မှုထမ်းရာ ဗိုလ်မှူးကြီးအဆင့်အထိ ထမ်းရွက်ခဲ့ပြီး ခင်မောင်အေး(မန္တလေး) ကလောင်အမည်ဖြစ် စာပေများ ရေးသားခဲ့သူဖြစ်သည်။
သို့သော် မလိခ၏ မြန်မာစာပေအဘိဓာန်အတွဲ(၁)  စာမျက်နှာ ၁၈၉ ၌ ဦးခင်မောင်အေး၏ အထ္ထုပ္ပတ္တိအကျဉ်းကို အောက်ပါအတိုင်း ဖော်ပြထားသည် -
          ခင်မောင်အေး (မန္တလေး) [၁၉၃၁- ] မြောင်းမြဇာတိ၊ ၁၉၃၁ ဖွား၊ အဖဦး ဖိုးညင်း၊ အမိ ဒေါ်ဖွားစု၊ မြောင်းမြ အစိုးရအထက်တန်းကျောင်းနှင့် ရန်ကုန်မြို့ အစိုးရအထက်တန်းကျောင်း တို့တွင် ပညာသင်ခဲ့သည်။ ၁၉၅၀ မှစ၍ တပ်မတော်တွင် ဝင်ရောက်အမှုထမ်းခဲ့သည်။ ၁၉၄၉ မှ စ၍ ကဗျာနှင့်ဝတ္ထုတိုများကို စရေးသည်။ ကျားနှင့်မုဆိုး (၁၉၆၅) ဝတ္ထုတိုစုပေါင်းစာအုပ်ကို ထုတ်ခဲ့၏ ဟူ၍ ဖော်ပြထားသည်။ မြန်မာစာပေ အဘိဓာန်ကိုပြုစုခဲ့သူ ဆရာမင်းကျော်(မလိခ) အား မကွယ်လွန်မီက စာရေးသူက မေးမြန်းခဲ့ရာ -
          “သူ (ဗိုလ်မှူးကြီး ခင်မောင်အေး(ငြိမ်း) ရေးပေးတဲ့အတိုင်း ကျွန်တော်တို့ ရေးသားထုတ်ဝေ လိုက်တာပါပဲ၊ အမှားအမှန်ကတော့ သူနဲ့ပဲ ဆိုင်ပါတယ်” ဟူ၍ ပြောကြားခဲ့ပါသည်။ ဦးခင်မောင်အေး၏ မိဘများမှာ ဦးစောမောင်၊ ဒေါ်ခင်ကြီး ဖြစ်ပါလျက် မည်သည့်အတွက်ကြောင့် အဖိုး အဖွားနာမည်ကို ထည့်သွင်းဖော်ပြခဲ့သည်ကို နားမလည်နိုင်အောင် ဖြစ်ခဲ့ရပါသည်။
          ထို့နောက် ဒေါ်ခင်ကြီးသည် ဦးစောမောင် ကွယ်လွန်ပြီးနောက် စာရေးဆရာ ပါရဂူ (ဦးလှကြိုင်)၏ ဦးလေး ဦးမောင်မောင်ကျော်နှင့် လက်ထပ်ခဲ့သည်။ သို့သော် ဆွေမျိုးများ၏ ခလောက်ဆန်မှုကြောင့် အိမ်ထောင်ရေး အဆင်မပြေဖြစ်ကာ နှစ်ဦးသဘောတူ ပြတ်စဲ၍ သခင်သန်းထွန်းနှင့် အကြောင်းပါခဲ့ခြင်း ဖြစ်သည်။
          ၁၉၄၅ ဇူလိုင်လတွင် ဗမာပြည်ကွန်မြူနစ်ပါတီ၏ ဒုတိယကွန်ဂရက်ကို ရန်ကုန်မြို့၌ ကျင်းပခဲ့ရာ သခင်သန်းထွန်းသည် ဗဟိုကောင်မတီဝင်အဖြစ် သခင်ဗဟိန်း၊ သခင်သန်းဖေ၊ သခင်တင်ထွန်၊ သခင် သန်းမြိုင်၊ သခင်မြသွင်၊ သခင်ဇင်၊ ဗိုလ်ကျော်ဇော (ရဲဘော်သုံးကျိပ်) တို့နှင့် အတူဖြစ်လာခဲ့သည်။ ထိုစဉ်က ပါတီအထွေထွေအတွင်းရေးမှူးမှာ သခင်သိန်းဖေ (သိန်းဖေမြင့်) ဖြစ်သည်။ ထို့နောက် သခင်သန်းထွန်းသည် ဗမာပြည်ကွန်မြူနစ်ပါတီ၏ ဥက္ကဋ္ဌ ဖြစ်လာခဲ့သည်။ ၁၉၄၆ ခုနှစ်တွင် ဖဆပလအဖွဲ့၏ အထွေထွေအတွင်းရေးမှူးအဖြစ် ရွေးချယ်တင်မြှောက်ခြင်း ခံရသည်။ ၁၉၄၆ အောက်တိုဘာလ ၁၀ ရက်နေ့တွင် သခင်သန်းထွန်း ဦးဆောင်သည့် ဗမာပြည် ကွန်မြူနစ်ပါတီသည် ဖဆပလအဖွဲ့ချုပ်မှ ထုတ်ပယ်ခြင်းခံရလေသည်။ ၁၉၄၈ မတ်လ ၂၈ ရက်နေ့ နံနက် ၂ နာရီတွင် ဖဆပလ အစိုးရက တနိုင်ငံလုံး၏ ကွန်မြူနစ်များကို ဖမ်းဆီးရန် အမိန့်ထုတ်ခဲ့ရာ သခင်သန်းထွန်းသည် အစိုးရကို တော်လှန်ပုန်ကန်ကာ ဗမာပြည်ကွန်မြူနစ်ပါတီ ကိုဦးဆောင်၍ တောခိုခဲ့သည်။ သခင်သန်းထွန်း၏ တောတွင်းလျှို့ဝှက်အမည်မှာ ဦးသာဒင် ဖြစ်သည်။
          သခင်သန်းထွန်းသည် သူ၏ ကွန်မြူနစ်ပြောက်ကျားတပ်များကို ၁၉၅၀ ပြည့်နှစ် စက်တင်ဘာလ ၁ ရက်နေ့တွင် အမြဲတမ်းတပ်အဖြစ် ဖွဲ့စည်းပြီး အမျိုးသားလွတ်မြောက်ရေး ပြည်သူ့တပ်မတော်အဖြစ် ကြေညာ၍ မိမိကိုယ်ကို ဗိုလ်ချုပ်မှူးအဖြစ် ခန့်အပ်ခဲ့သည်။ သခင် ဗသိန်းတင်၊ ဗိုလ်ဇေယျ (ရဲဘော်သုံးကျိပ်)၊ သခင်သန်းမြိုင်၊ သခင်ချစ်၊ သခင်တင်ထွန်း၊ ဗိုလ်ရဲထွဋ် (ရဲဘော်သုံးကျိပ်)၊ ဗိုလ်စိန်တင်၊ ဗိုလ်စိုးမောင် တို့ကို ဒုတိယ ဗိုလ်ချုပ်ကြီးများအဖြစ် ခန့်အပ်ခဲ့သည်။ ဗိုလ်ရန်အောင် (ရဲဘော်သုံးကျိပ်)နှင့် ဗိုလ်အောင်မင်းတို့ကိုမူ ဗိုလ်ချုပ်အဆင့်များ ခန့်အပ်ခဲ့သည်။ ထိုစဉ်က ဗမာပြည်ကွန်မြူနစ်ပါတီ၏ ပြည်သူ့တပ်မတော်အောက်တွင် တပ်မကြီး ၄ ခုဖြင့်ဖွဲ့စည်းထား၍ တပ်မကြီး (၁) ကို ဗဟိုဌာနချုပ်တည်ရှိရာ ပျဉ်းမနားမြို့နယ်တွင် အခြေစိုက်ထားသည်။
          ၁၉၅၀ ပြည့်နှစ်တွင် တရုတ်ပြည်သို့ စစ်ပညာသင်ကြားရန် ပထမအသုတ်အဖြစ်ကို အောင်ကြီး (နောင် ပီကင်းပြန် အောင်ကြီး)၊ ဝေါမြို့နယ်မှ ကိုနေဝင်း၊ ပဲခူးမှ အိုင်ဆေး ခေါ် ဗိုလ်တိုက်အောင်၊ တောင်ငူမှ ကိုစံဖေ၊ ရေတပ်မှ တောခိုလာသူ ဗိုလ်မြမင်းတို့ကို သခင်သန်းထွန်း သည် စေလွှတ်ခဲ့သည်။
          ၁၉၅၃ ခုနှစ် ဖေဖော်ဝါရီလတွင် ဗဟိုကော်မတီဝင် အစည်းအဝေးကျင်းပ၍ ငြိမ်းချမ်းရေး နှင့် ညွန့်ပေါင်းအစိုးရလမ်းစဉ်ကို သခင်သန်းထွန်း ချမှတ်ခဲ့သည်။ တချိန်တည်းမှာပင် ၃ ပါတီ (အလံနီကွန်မြူနစ်ပါတီ၊ ဗကပ၊ ပြည်သူ့ရဲဘော်) ညီညွတ်ရေးဆွေးနွေးပွဲကို ယောဒေသ ပုံတောင် ခြေခသာရွာ (ပြည်သူ့ရဲဘော်နယ်)၌ ပြုလုပ်ခဲ့သည်။ ၁၉၅၃ ဇန်နဝါရီလမှ ဧပြီလအထိ သရက်ခရိုင် မင်းလှမြို့နယ် လက်ပန်ခုန်ရွာတွင် ၃ ပါတီ ညီညွတ်ရေးဆွေးနွေးပွဲကို ဆက်လက် ကျင်းပခဲ့သော်လည်း သဘောတူညီမှု မရခဲ့ချေ။

၁၉၅၂ ခုနှစ် ပခုက္ကူခရိုင် ပုံတောင်ပုံညာ ဒေသတွင် သုံးပါတီ ညီညွတ်ရေး ပြုလုပ်ခဲ့စဉ်က တွေ့ရသည့် ဗိုလ်ထွန်းလင်း (ပြည်သူ့ရဲဘော်) (ဝဲ)၊ သခင်သန်းထွန်း (ဗမာပြည် ကွန်မြူနစ်ပါတီ) (အလယ်)၊ သခင်စိုး (ကွန်မြူနစ်ပါတီ-ဗမာပြည်) (ယာ)။ (ဓာတ်ပုံ - ပြည်သူ့အာဏာ ဂျာနယ်)

          ၁၉၅၄ ခု သြဂုတ်လမှ ၁၉၅၅ ဇန်နဝါရီလအထိ ပခုက္ကူ၊ ဆိပ်ဖြူ၊ ပေါက် ၃ နယ်အစပ် ထွန်ရွာနှင့် သက်ကယ်ကျင်းရွာအနီး၌ သခင်သန်းထွန်းသည် ၆ လခန့် ခိုအောင်းနေထိုင်ပြီး ဗဟိုကော်မတီ အစည်းအဝေးကိုခေါ်ယူ၍ ၅၅ လမ်းစဉ်ကို ချမှတ်ခဲ့သည်။ ယင်းလမ်းစဉ်ကို သခင်လှမြိုင် (ဗိုလ်ရန်အောင်)က “သခင်သန်းထွန်း (၅၅) လမ်းစဉ်ကား ခင်ဗျား ခေါင်းထဲက ထွက်လာတဲ့လမ်းစဉ် မဟုတ်ဘူး၊ နိုင်ငံခြားကပို့ပေးလိုက်တဲ့ လမ်းစဉ်၊ ဒါ့ကြောင့် ဒီလမ်းစဉ် အောင်မြင်ရေးကို ခင်ဗျား ခေါင်းဆောင်နိုင်မှာ မဟုတ်ဘူး။ ဥက္ကဋ္ဌနေရာက ဆင်းပေးပါ” ဟု တောင်းဆိုခဲ့လေသည်။ ဤတောင်းဆိုမှုကို ကိုတုတ်၊ ကိုစိုးသန်း၊ သခင်ဖေတင့်နှင့်အဖွဲ့က ထောက်ခံခဲ့သည်။ မဲခွဲဆုံးဖြတ်သောအခါ သခင်သန်းထွန်းသည် ဥက္ကဋ္ဌတာဝန်မှ ဆင်းပေးရေး အဆိုသည် ရှုံးနိမ့်သွားသောကြောင့် ဥက္ကဋ္ဌရာထူး တည်မြဲခဲ့လေသည်။
          ထို့နောက် မြေအောက် ဗမာပြည်ကွန်မြူနစ်ပါတီ၏ ဥက္ကဋ္ဌအဖြစ် သခင်သန်းထွန်းသည် နှစ်ပေါင်း ၂၀ ကျော်အထိ တာဝန်ယူခဲ့လေသည်။ ၁၉၆၃ သြဂုတ်လတွင် ဗမာပြည်ကွန်မြူနစ်ပါတီ ဥက္ကဋ္ဌ သခင်သန်းထွန်းက ပါတီအတွင်းရေးမှူး ရဲဘော်ဌေး ခေါင်းဆောင်သော ပဏာမ တွေ့ဆုံဆွေးနွေးရေး ကိုယ်စားလှယ်အဖွဲ့ကိုစေလွှတ်ခဲ့ရာ သြဂုတ်လ ၂၈ ရက်နေ့တွင် ယင်းအဖွဲ့သည် ရန်ကုန်မြို့သို့ ရောက်ရှိလာခဲ့သည်။ ထို့နောက် စက်တင်ဘာလ ၂ ရက်နေ့တွင် အကြိုငြိမ်းချမ်းရေး ဆွေးနွေးပွဲပြုလုပ်ခဲ့ရာ ဆွေးနွေးပွဲ ပျက်ပြားသွားခဲ့သည်။ ၁၉၆၄ တွင် စစ်နိုင်ရေး၊ အာဏာသိမ်းရေး၊ ၆၄ လမ်းစဉ်ကို ချမှတ်ခဲ့ပြန်သည်။ ထို့နောက် သခင်သန်းထွန်းသည် ဖြုတ်၊ ထုတ်၊သတ် ပါတီတည်ဆောက်ရေး လမ်းစဉ်အမှားကို ချမှတ်ခဲ့သည်။ သို့ဖြစ် ၁၉၆၇ ဇွန်လ ၁၈ ရက်နေ့တွင် ကွန်မြူနစ်ပါတီ အတွင်းရေးမှူး ရဲဘော်ဌေးနှင့် ဗကပ ပေါလစ်ဗြူရိုအဖွဲ့ဝင် ရဲဘော် ဘတင် (ဂိုရှယ်) တို့ကို သခင်သန်းထွန်း၏အမိန့်ဖြင့် ရက်စက်စွာ သတ်ဖြတ်လိုက်ကြသည်။ တဖန် ယင်းနှစ် ဒီဇင်ဘာလ ၂၆ ရက်နေ့တွင် ဗကပ ဗဟိုကောင်မတီဝင် ဗိုလ်ရန်အောင် (ရဲဘော်သုံးကျိပ်) အား သခင်သန်းထွန်း၏အမိန့်ဖြင့် ဗဟိုစခန်းမှ တပ်နီအမျိုးသမီး အမြင့် (ခ) မစန်းဝင်းက ခြေထောက်ဖြင့် လည်မျိုကိုနင်း၍ သတ်ဖြတ်ခဲ့သည်။
          ယင်းနောက် ၁၉၆၈ ခု သြဂုတ် ၃၀ ရက်နေ့တွင် ပီကင်းပြန် ဗိုလ်ထွန်းငြိမ်းကို သတ်ခဲ့ပြန်သည်။ ထိုနှစ် စက်တင်ဘာလ ၁၄ ရက်နေ့တွင် ဗကပမှ ကျောင်းသားခေါင်းဆောင်များ ကို သတ်ဖြတ်ခဲ့ပြန်သည်။
          ထို့နောက် ၁၉၆၈ စက်တင်ဘာလ ၂၄ ရက်နေ့ ညနေ ၅ နာရီ မိနစ် ၂၀ အချိန်တွင် တောင်ငူခရိုင် အုတ်တွင်းမြို့နယ် အနောက်ဘက်ခြမ်း ပဲခူးရိုးမအရှေ့စောင်း ကျောက်ချောင်း ကမ်းပါးရှိ တောင်ကျောလေးပေါ်တွင် သခင်သန်းထွန်းသည် အခင်းသွားနေစဉ် ကြုံတိတ် ခေါ် ရဲဘော်မြကြီး ဆိုသူက ရိုင်ဖယ်သေနတ်ဖြင့် အနီးကပ် ပစ်ခတ်လုပ်ကြံသောကြောင့် သခင်သန်းထွန်း ပွဲချင်းပြီး ကျဆုံးသွားခဲ့ရသည်။
          သခင်သန်းထွန်းအား ရဲဘော်မြကြီး သေနတ်ဖြင့် လုပ်ကြံပစ်ခတ်ခဲ့ပုံကို ၁၉၆၈ ခု နိုဝင်ဘာလ ၂၈ ရက်နေ့ ညနေ ၄ နာရီတွင် ရန်ကုန်မြို့ ပြည်လမ်းရှိ အသံလွင့်ရုံ၌ သတင်းစာ ရှင်းလင်းပွဲ ကျင်းပပြုလုပ်ခဲ့သည်။ ယင်းရှင်းလင်းပွဲ၌ ဗမာပြည်ကွန်မြူနစ်ပါတီ ဗဟိုကောင်မတီဝင် ပဲခူးရိုးမတိုင်း ဥက္ကဋ္ဌ ဗိုလ်မှူးမြ ခေါ် ရဲဘော်မြသည် သတင်းစာဆရာများအား အောက်ပါအတိုင်း ရှင်းလင်းပြောပြခဲ့သည်။
          “လွန်ခဲ့သည့်စက်တင်ဘာ ၂၄ ရက်နေ့က မိမိတို့သည် တောင်ငူခရိုင် အုတ်တွင်းမြို့နယ် အနေက်ဘက် ရိုးမတောင်စွယ်တွင် ဗဟိုစခန်းချခဲ့ကြသည်။ ထိုနေ့ ညနေ ၅ နာရီကျော်ခန့်တွင် ဥက္ကဋ္ဌသခင်သန်းထွန်းသည် အခင်းကြီးစွန့်ရန် တောင်ခြေသို့ဆင်းသွားပြီး မကြာမီပင် သေနတ်သံ တချက် ကြားရသည်။ သေနတ်သံကြား၍ မိမိကလှမ်းအကြည့်တွင် လုံချည်ကို လက်နှစ်ဖက်ဖြင့် မကာ တောင်ခြေမှ ဗဟိုစခန်းပေါ်သို့ ပြေးတက်လာပြီး၊ “ဘယ်ကပစ်လိုက်တယ် မသိဘူး” ဟု တခွန်းသာ ပြောနိုင်သည်။ မိမိက သေနတ်သံလာရာကို လိုက်ကြည့်အပြီး ပြန်အလာတွင် သေဆုံးသွားသည်။ နစ်ဖြူ ဆေးမှူး ကိုလှမောင်၏ စစ်ဆေးချက်အရ သေနတ်ကျည်ဆန်သည် ဘယ်နံစောင်းက ဝင်ကာ ညာဘက်နို့အုံမှ ပေါက်သွား၍ နှလုံးထက်မှ သွေးကြောမကြီး ပြတ်သွားသည်ဟု သိရသည်။ ဆေး လုံးဝကုမရတော့ဘဲ ၅ မိနစ်တွင်း သေဆုံးသွားသည်။ ထိုညမှာပင် နစ်ဖြူ ဗဟိုစခန်းကို နေရာပြောင်းရွှေ့ကာ တရက်ခရီးသွားအပြီးတွင် သခင်သန်းထွန်း ၏အလောင်းကို လျှို့ဝှက်စွာ မြှုပ်နှံသင်္ဂြိုဟ်ခဲ့ကြောင်း” စသည်ဖြင့် ပြောကြားသွားသည်။
          သခင်သန်းထွန်း အလောင်းမြုပ်နှံရာဒေသကို တပ်မတော်ကတွေ့ရှိခဲ့ပုံကို တပ်မတော် ထောက်လှမ်းရေး ဒုတိယ ညွှန်ကြားရေးမှူး၊ ဒုဗိုလ်မှူးကြီး တင်ဦး (နောင် ထောက်လှမ်းရေး အငြိမ်းစား ဗိုလ်မှူးချုပ် (မျက်မှန်တင်ဦး) က ပြောကြားရာတွင် -
          “သခင်သန်းထွန်းအား သေနတ်ဖြင့်ပစ်ခဲ့သူ မြကြီးပြောကြားချက်ကို မိမိတို့ဆန်းစစ်ရန် အတွက် မိမိသည် တပ်မတော် ထောက်လှမ်းရေးမှ တာဝန်ရှိပုဂ္ဂိုလ်များ၊ တပ်မ(၇၇) မှ တာဝန်ရှိ ပုဂ္ဂိုလ်များနှင့်အတူ သခင်သန်းထွန်း လုပ်ကြံခံခဲ့ရသည့်နေရာသို့ သွားရောက်ခဲ့ကြသည်။ ထိုနေရာတွင် နစ်ဖြူများသည် စခန်းကို ဗြုန်းစားကြီး ပြောင်းရွှေ့ခဲ့၍ ပလပ်စတစ် အမိုးအစများ၊ ဝါးတိုင်များတွင် စတင်ပြတ်ကျန်ရစ်ခဲ့သည်ကိုလည်းကောင်း၊ သခင်သန်းထွန်း အလောင်း သယ်ယူရာတွင် အသုံးပြုရန်အတွက် ခုတ်ယူသွားသည့် ဝါးငုတ်တို့ကိုလည်းကောင်း၊ ထိုးဆေး ပုလင်းများ၊ သွေးစသွေးနများကိုလည်းကောင်း တွေ့ရှိခဲ့ရသည်။ ထို့အပြင် မောင်မြကြီး၏ သေနတ်ကို စီအိုင်ဒီ (ရဲမှုခင်းတပ်ဖွဲ့) သို့ပို့၍ စစ်ဆေးခြင်း၊ သခင်သန်းထွန်း လဲကျခဲ့သည့်နေရာမှ သွေးစများကို ဒေါက်တာ မောင်မောင်တိတ် အား ဓာတ်ခွဲကြည့်စေခြင်းများ ပြုလုပ်ခဲ့သည်။ သခင်သန်းထွန်းအား မြှုပ်နှံထားသည့်နေရာကို နိုဝင်ဘာလ ၂၀ ရက်နေ့မှစ၍ နေ့စဉ်ရက်ဆက် ရှာဖွေခဲ့ရာ နိုဝင်ဘာလ ၂၃ ရက် မွန်းလွဲ ၁၂ နာရီ မိနစ် ၂၀ တွင် ဦးမြ(ရဲဘော်မြ)၏ လမ်းညွန်မှုဖြင့် တွေ့ရှိခဲ့သည်။ သခင်သန်းထွန်း၏ ရုပ်အလောင်းသည် ပလပ်စတစ်ဖြင့်ဖုံးအုပ်ပြီး မြှုပ်နှံခဲ့သည့် အတွက် ညာဘက် လက်မောင်းပင် အသားများ ရောင်ယမ်းနေသေးသည်ကို တွေ့ရသည်။ ယင်များ မအုံမီ ဓာတ်ပုံရိုက်ယူပြီး သခင်သန်းထွန်း၏ အလောင်းကို တူးဖော်တွေ့ရှိသည့်နေ့မှာပင် ကောင်းမွန်စွာ သင်္ဂြိုဟ်လိုက်ကြောင်း” စသည်ဖြင့် ပြောကြားသွားသည်။
          သခင်သန်းထွန်း ကျဆုံးသောအခါ ဇနီး ဒေါ်ခင်ကြီးနှင့် သား နှစ်ယောက်၊ သမီး တယောက် ကျန်ရစ်ခဲ့လေသည်။ သခင်သန်းထွန်း၏ ဇနီး ဒေါ်ခင်ကြီး (၉၂) သည် ၂၀၀၁ ခု ဧပြီလ ၁၂ ရက်နေ့တွင် ရန်ကုန်မြို့တက္ကသိုလ်ရိပ်သာလမ်း ခြံအမှတ် (၅၄) နေအိမ်တွင် ကွယ်လွန် သွားခဲ့လေသည်။
(က) မြန်မာ့စွယ်စုံကျမ်း အတွဲ (၁၃) စာ ၁၃၇ . ၁၄၈၊
(ခ) မလိခ မြန်မာစာပေအဘိဓာန်ပထမတွဲ ၊ သစ္စာစာပေ ပတွဲ ၁၉၇၄၊
(ဂ) Who’s who in Burma pp.193.
(ဃ) သခင်သန်းထွန်း၏ နောက်ဆုံးနေ့များ ပတွဲ ၊ ဒုတွဲ၊
(င) ရှေ့သို့စာစောင် တွဲ ၁၄ မှတ် ၂ (၁၅.၁၂. ၆၈)၊
(စ) ဒေါ်ခင်မမ (ခင်ခင်သန်း) သခင်သန်းထွန်း၏ သမီးပြောပြချက်များ (၁၆.၃.၀၉) 
http://moemaka.com/index.php?option=com_content&task=view&id=9021&Itemid=1

ရခိုင်ပြည်နယ် မြို့ အချို့ တွင် မငြိမ်မသက် ဖြစ်နေ


Mrauk-U-Entrace-gate
ရခိုင်ပြည်နယ်မြောက်ဦး မြို့  တွင် ရှိ သည့် လောက မဉ္စူရှေ့ ဟောင်း စေတီတော် ကြီး ကို ပြန်
လည် တူးဖော်ရာ မှ ရရှိ ခဲ့သည့် အလေးချိန် ၄ ပိသာ ၆၄ ကျပ်သား ရှိ ရှေးဟောင်း ရွှေဆင်း တု
တော်ကြီး အား နေပြည်တော် သို့ ပြောင်းရွှေ့ ရန် ပင့် ဆောင် ခြင်း ကို ယနေ့ နေ့ လည် မှ စ၍
ဒေသခံ များ က ကန့် ကွက် ဆန္ဒပြကြရာ ယဉ်ကျေးမှု ၀န်ကြီး ဌာန က ထိုအစီအစဉ် ကို ဖျက်
သိမ်းလိုက်ရသည် ဟု သတင်း ရရှိသည်။ မြောက်ဦးခောတ်၊ဝေသာလီခောတ်၊ဓည၀တီ ခောတ် များ က ရွှေဆင်းတု၊ကြေးဆင်းတု၊
ကျောက်ဆင်း တော် များ ကို အရည်အသွေး စစ်ဆေးရန် အတွက် ဟု ဆိုကာ နေပြည်တော်
သို့ ပင့်ဆောင်ရန် စီစဉ် နေ စဉ် ဆန္ဒပြမှုများ ဖြစ်ပွား ခဲ့ခြင်း ဖြစ်သည် ဟု မိဘ ဘိုးဘွားစဉ်ဆက်
မြောက် ဦး မြို့ တွင် နေထိုင်သူ တစ်ဦး ဖြစ်သည့် ဦးကျော်လှသိန်း က FNG သို့ ပြောသည်။
ရခိုင်ပြည်နယ်မှ ဘာသာရေး ယဉ်ကျေးမှု အမွေ အနှစ် များ တည်ရှိ ရာ ဒေသများ ဖြစ်သည့်
မြောက် ဦး၊ စစ်တွေ ၊မြေပုံ နှင့် မင်း ပြား မြို့ များ တွင် ရှေးဟောင်း ဆင်းတုတော် နှင့် ယဉ်
ကျေးမှု အမွေ အနှစ်များ ကို နေပြည်တော် သို့ ရွှေ့ ပြောင်း ရန် စီစဉ် နေမှု ကြောင့် မြောက်ဦး
မြို့  နှင့် စစ်တွေ မြို့ များ တွင် ဒေသခံ ပြည်သူများ က သယ်ဆောင်ခြင်း မပြု ရန် သက်ဆိုင်ရာ
အာဏာပိုင်များ လမ်းပေါ်ထွက်၍ ကန့် ကွက်  နေသည် ဟု FNG မှ သတင်း ရရှိသည်။
ယမန် နှစ် နှစ်ဆန်း ပိုင်း ကတည်းစ၍ မြောက်ဦး-မင်းဘူး ရထား လမ်း ဖောက်လုပ်ရာတွင် ထို
ရထား လမ်းကြောင်း ကျရာ ဒေသ များ မှ ရှေးဟောင်း သမိုင်းဝင် စေတီ ဘုရားပုထိုးများ ကို
မြေတူး၊မြေကော် စက်များဖြင့် ဖယ်ရှား ပစ်ခဲ့သည်။
ယနေ့ ညနေ ၅ နာရီ နောက်ဆုံး ရရှိသည့် သတင်းအရ အာဏာ ပိုင်များ က မြောက်ဦမြို့ 
ယဉ်ကျေးမှု ၀န်ကြီးဌာန ရှေ့ ဝိုင်းရံ ထား သူများ ကို ဆုတ် ခွာပေးရန် ဆော်သြနေကြသည်
ဟု သတင်း ရရှိသည်။
http://freedomnewsgroup.com/2011/06/04/myauk-oo-culture/#more-19712

ပြည်သူများ ဆန့်ကျင် ကန့်ကွက်မူကြောင့် ရွှေဆင်းတုတော် နေပြည်တော်သို့ ယူမည့် အစီအစဉ် အစိုးရ ရုတ်သိမ်း

Font size: Decrease font Enlarge font
မြို့လူထုနှင့် ထိပ်တိုက်ရင်ဆိုင်မူ ဖြစ်ပြီးနောက် အစိုးရ အာဏာပိုင်များမှ မြောက်ဦးမြို့မှ တူးဖေါ် ရရှိသော အလေးချိန် ၄ ပိသာ ၆၄ ကျပ်သားရှိ ရှေးဟောင်း ဆင်းထုတော်ကို နေပြည်တော်သို့ ယူမည့် အစီအစဉ်ကို ရပ်တန့်လိုက်ကြောင်း သတင်း ရရှိသည်။


mrauk-u-buddha-images
“ ဟုတ်ကဲ့။ တမြို့လုံးက ထွက်ပြီး ဆန့်ကျင် ကန့်ကွက်တော့ အခု နေပြည်တော်ကို ယူမယ့် အစီအစဉ်ကို သူတို့ လက်လျော့ လိုက်ပါပြီ။ အခု ရတနာ့မာန်အောင် ဘုန်းတော်ကြီးကျောင်းမှာဘဲ ဗိမာန်ဆောက်ပြီး ဘုရားကို ပူဇော်ခံသွားတော့မှာ ဖြစ်ပါတယ်” မြို့ခံ လူကြီး တစ်ဦးက ပြောသည်။

စစ်တွေမြို့မှ ယဉ်ကျေးမူ ၀န်ကြီးဌာနမှ ညွှန်မှူး ဦးဇော်ဇော်ထွန်းမှ ဘုရားအား သယ်ယူဆောင်ရန် မြောက်ဦးသို့ ကားဖြင့် လာစဉ် ထောင်ပေါင်းများစွာသော ပြည်သူများက လမ်းမပေါ်သို့ ထွက်လာပြီး ဆန့်ကျင် ကန့်ကွက်ခဲ့ကြသည်။

“ အမျိုးသမီးတွေပါ မကျန် လက်မှတ်ထိုးပြီး တောင်းဆိုတယ်။ ပီးရင် နန်းရာကုန်းမှာ စုပြီး ကားကို ၀ိုင်းထားတယ်။ နောက်ပိုင်းမှာ ရှေးဟောင်း သုတေသန ရုံးကို လူပေါင်း ၃၀၀၀ ကျော် ၀ိုင်းထားတယ်။ ဘုရားကို ယူရင် အသေခံမယ်အထိ ဆုံးဖြတ် ထားကြတော့ နောက်တော့ အစိုးရဘက်က နေပြည်တော်ကို ယူမယ့် အစီအစဉ်ကို လက်လျော့လိုက်ရပါတယ်” ဟု သူက ပြောသည်။

အဆိုပါဘုရားဆင်းထုတော်ကို တခြား ကြေးဘုရား ၂၆ ဆူနှင့် မေလ ၃၀ ရက်နေ့က တူးဖေါ် ရရှိခဲ့သည်။ တူးဖေါ်ရရှိပြီး စစ်ဆေးရာ ရွှေဘုရား ဖြစ်နေကြောင်း သိရသည်။ ၎င်းနောက်ပိုင်း ယဉ်ကျေးမှု ၀န်ကြီးဌာနမှ ဘုရားကို နေပြည်တော်သို့ ယူဆောင်ရန် ရခိုင်ပြည်နယ် ယဉ်ကျေးမူ ဦးစီးဌာနကို ညွှန်ကြားခဲ့သည်။ အဆိုပါ ညွှန်ကြားချက်ကို ပြည်သူများက တခဲနက် ၀ိုင်းဝန်း ဆန့်ကျင် ကန့်ကွက်ခဲ့ကြသည်။

http://www.narinjara.com/detailsbur.asp?id=3222 

ဂျွန်မက်ကိန်း မြန်မာနိုင်ငံခရီးနှင့် မြန်မာ့နိုင်ငံရေး တွေ့ဆုံဆွေးနွေးမှု အလားအလာ..ဗိုလ်ချုပ်ကြီးတင်ဦး



By ရော်နီညိမ်း စနေ, 04 ဇွန် 2011

တပ်မှူးတပ်သား ပြောစကား (၀၆၃)

မြန်မာနိုင်ငံက အစိုးရသစ်နဲ့ နိုင်ငံရေးအင်အားစုတွေက ခေါင်းဆောင်တွေ၊ လူမှုရေးလုပ်ငန်းဆောင်ရွက်နေသူ တွေကို၊ အမေရိကန်ပြည်ထောင်စု Arizona ပြည်နယ်ကိုယ်စားပြု အထက်လွှတ်တော်အမတ် John McCain က ဇွန်လ(၁)ရက်နေ့ ကနေ ဇွန်လ(၃)ရက်နေ့ အထိ၊ မြန်မာနိုင်ငံမှာ သွားရောက်တွေ့ဆုံခဲ့ပါတယ်။ အမျိုးသား ဒီမိုကရေစီအဖွဲ့ချုပ်ခေါင်းဆောင်တွေနဲ့ Mr. McCain နဲ့ တွေ့ဆုံခဲ့ကြတာမှာ၊ မြန်မာ့နိုင်ငံရေးမှာ အားလုံးပါဝင် တဲ့ ဆွေးနွေးမှုဖြစ်ပေါ်လာရေး အခြေအနေတွေကို၊ အဖွဲ့ချုပ်ရဲ့ ဒုဥက္ကဋ္ဌ အငြိမ်းစားဗိုလ်ချုပ်ကြီး သူရဦးတင်ဦး နဲ့ မေးမြန်းဆွေးနွေးပြီး၊ ဒီသီတင်းပတ်ရဲ့ “တပ်မှူးတပ်သား ပြောစကား” ကဏ္ဍမှာ ဦးရော်နီညိမ်းက စီစဉ်တင် ဆက်ထားပါတယ်

ဦးရော်နီညိမ်း ။ ။ တွေ့ဆုံဆွေးနွေးရေး ဖြစ်ပေါ်လာအောင်၊ အမေရိကန်ဘက်က မစ္စတာဂျွန်မက်ကိန်းတို့ ကွန်ဂရက်လွှတ်တော်ကပဲ ဖြစ်ဖြစ်၊ အမေရိကန်အစိုးရကပဲ ဖြစ်ဖြစ်၊ ၀င်ပြောပေးရင်တောင်၊ မျှော်လင့်ချက်ရှိ ရဲ့လားဆိုတာ၊ ကျနော်တို့က သိချင်ပါတယ်။

ဗိုလ်ချုပ်ကြီးတင်ဦး ။ ။ ခုလောလောဆယ် ချက်ချင်းကတော့ ဖြစ်နိုင်ဦးမယ် မထင်သေးဘူးခင်ဗျ။ ဘာဖြစ် လို့လဲဆိုတော့ အခုလက်ရှိ (မြန်မာ) အစိုးရဘက်ကလည်း၊ ထင်ရှားသိသာတဲ့တိုးတက်မှုတွေ ပြဖို့ လိုတယ်ပေါ့၊ အဲဒီလို ပြတယ် ဆိုရင်၊ အမေရိကန်ဘက်ကလည်း၊ သူတို့ဘက်ကလည်း၊ ထပ်တူထပ်မျှညီမျှတဲ့ အကျိုးသက် ရောက်မဲ့ဟာတွေကို ပြမယ် ဆိုတဲ့ဟာမျိုး၊ ဂျွန်မက်ကိန်းက ပြောကြားသွားတာပဲ ရှိတယ်။ အဲဒီတော့၊ ခုလော လောဆယ်မှာ၊ စောင့်ကြည့်ရမှာ ဖြစ်တယ်ပေါ့ဗျာ။ စောင့်ကြည့်ရမဲ့ ကိစ္စတွ test case တွေကတော့၊ အများ ကြီး ရှိတာပေါ့ဗျာ။ နံပါတ်တစ်ကတော့ နိုင်ငံရေးအကျဉ်းသားများ အားလုံးကို လွှတ်ပေးရမယ်ဆိုတာကို၊ ကျနော်တို့က ထပ်ခါတလဲလဲ တောင်းဆိုတဲ့အပြင်၊ Joseph Yun (၂၀၁၁ မေလအတ်ွငး မြန်မာနိုင်ငံကို သွား ရောက်ခဲ့သော အာရှပစိဖိတ်ဒေသဆိုင်ရာ အမေရိကန် ဒုတိယလက်ထောက်နိုင်ငံခြားရေးဝန်ကြီး) လာတုန်းက လည်း၊ ကျနော်တို့က ဒီစကားပဲ ပြောခဲ့တာပဲ။ နောက်ပြီးတော့ ကုလသမဂ္ဂက လူ့အခွင့်အရေးကိစ္စဘက်က လာတဲ့ပုဂ္ဂိုလ်ကိုလည်း (မြန်မာနိုင်ငံဆိုင်ရာ ကုလသမဂ္ဂ၏လူ့အခွင့်အရေး ကိုယ်စားလှယ်Tomas Ojae Quintana) ကျနော်တို့က ဒီလိုပဲ ပြောခဲ့တယ်။ အမေရိကန်ဘက်က လွှတ်တော်(Congress)က လာတဲ့သူတွေ ကိုလည်း၊ ကျနော်တို့က ဒီလိုပဲ ပြောတယ်။ အစိုးရဘက်ကလာတဲ့သူတွေကိုလည်း ကျနော်တို့က ဒီလိုပဲ ပြော တယ်။ ဂျွန်မက်ကိန်းက၊ သူကလည်း ဒါကို(နိုင်ငံရေးအကျဉ်းသားများအားလုံးကို ချွင်းချက်မရှိ ချက်ချင်းလွှတ် ပေးရေး) သေသေချာချာ (မြန်မာအစိုးရသစ်ကို) ပြောပါတယ်တဲ့။ ကျနော်တို့က (ဂျွန်မက်ကိန်းကို) သူ အဲဒီလို ပြောတဲ့အခါမှာ သူတို့ (မြန်မာအစိုးရ)ရဲ့ တုန့်ပြန်ချက်ဟာ၊ ဘယ်လိုရှိပါသလဲလို့ မေးလိုက်တဲ့ အခါကျတော့၊ ဂျွန်မက်ကိန်းက သိပ်ပြီး တိတိကျကျ အဖြေပေးနိုင်တာမျိုးတွေ မရှိသေးဘူး ခင်ဗျ။ အဲဒါကြောင့်မို့၊ ဂျွန်မက် ကိန်းက ကြေညာချက်တွေထဲမှာ တိုက်တွန်းချက်ကို သူ ရေးသွားတာက၊ ဒီလိုဟာမျိုး (နိုင်ငံရေးအကျဉ်းသား များအားလုံးကို ချွင်းချက်မရှိ ချက်ချင်းလွှတ်ပေးခြင်း) ပြသတာ ထင်ရှားရင်၊ အမေရိကန်ဘက်ကလည်း (မြန် မာနိုင်ငံနဲ့ပတ်သက်ပြီး) ထင်ရှားသိသာတဲ့တိုးတက်လုပ်ဆောင်မှုတွေ ပြဖို့အတွက်၊ အသင့်ရှိတယ်၊ အဆင်သင့် ရှိတယ်၊ ဒီကိစ္စဟာ အမေရိကန်ရဲ့အကျိုးအတွက် ပြောတာမဟုတ်ပါဘူး၊ မြန်မာနိုင်ငံ ရှေ့ဆက်ပြီးသွားရမဲ့ခရီး မှာ၊ ရင်ကြားစေ့နိုင်မဲ့ အခြေအနေမျိုး ဖန်တီးနိုင်အောင် ရည်ရွယ်ပြီး၊ ပြောတာပါ ဆိုပြီး၊ သူထုတ်တဲ့ ကြေညာ ချက်ထဲမှာ တွေ့တယ် ခင်ဗျ။

ဦးရော်နီညိမ်း ။ ။ တွေ့ဆုံဆွေးနွေးရေးက၊ အန်ကယ်တို့ဘက်က တလျှောက်လုံး မေတ္တာရပ်ခံ တောင်းဆို လာတာ ဖြစ်ပေမဲ့၊ တဘက်က သဘောထားက၊ ကျနော်တို့က ဘယ်လို ကြည့်ရသလဲ ဆိုတော့၊ ဗိုလ်ချုပ်ကြီး ဟောင်း သူရဦးရွှေမန်းတို့ ဗိုလ်ချုပ်ဟောင်း ဦးခင်အောင်မြင့်တို့ ဦးဆောင်တဲ့လွှတ်တော်တွေ၊ နောက်တခါ ဒု သမ္မတ ဗိုလ်ချုပ်ကြီးဟောင်း သီဟသူရဦးတင်အောင်မြင်ဦးတို့ သမ္မတ ဗိုလ်ချုပ်ကြီးဟောင်း ဦးသိန်းစိန်တို့ ဦး ဆောင်နေတဲ့ အစိုးရအဖွဲ့ဟာ၊ အနားယူသွားပြီဆိုတဲ့ ဗိုလ်ချုပ်မှူးကြီးသန်းရွှေရဲ့ အရိုက်အရာကိုဆက်ခံတဲ့ အုပ် စုပဲ။ ဗိုလ်ချုပ်မှူးကြီးသန်းရွှေရဲ့ သဘောထားက၊ တွေ့ဆုံဆွေးနွေးစရာ မလိုဘူးဆိုတဲ့ ဟာမျိုး ရှိတယ်လို့၊ ကျနော်တို့က ယူဆရပါတယ်။

ဗိုလ်ချုပ်ကြီးတင်ဦး ။ ။ တဘက်ကလည်း သူတို့ (မြန်မာအစိုးရ) ပုံသဏ္ဍာန်ကို ကြည့်ရတာ၊ အမေရိကန်နဲ့ ပြန်ပြီးတော့ နီးစပ်ချင်တယ်ဆိုတဲ့ ဆန္ဒသဘောတွေ ရှိတယ်လို့၊ မှတ်ယူရမှာပေါ့ ခင်ဗျာ။ ဘာကြောင့်လဲဆို တော့၊ မြန်မာနိုင်ငံရဲ့ ဒီမိုကရေစီနဲ့လူ့အခွှင့်အရေးနဲ့ပတ်သက်လို့၊ ကျနော်တို့ ဒီမိုကရေစီအင်အားစုတွေ ဘက် ကနေ၊ သေသေချာချာကို ဘက်လိုက်ပြီး၊ ကျနော်တို့ဘက်ကနေ အားပေးပြောဆိုနေတဲ့ ပုဂ္ဂိုလ်၊ ဂျွန်မက်ကိန်း ကို တချိန်လုံး (၁၅)နှစ်လုံးလုံးကို လာခွင့်မပေးခဲ့ပဲ၊ အခု လာခွင့်ပေးလိုက်တယ့်ကိစ္စကပင်လျှင်၊ သူတို့ (မြန်မာ အစိုးရ) ဟာ၊ ဘာပဲပြောပြော အရင့်အရင်ထက် စာရင်တော့၊ အမေရိကန်နဲ့ ဆက်ပြီး လုပ်ရင်းကိုင်ရင်း နီးစပ် သွားချင်တယ် ဆိုတဲ့၊ စေတနာတွေတော့ ရှိပုံပေါက်တယ်လို့ မြင်ရတယ် ဗျ။ အဲဒီတော့ စောင့်တော့ကြည့်ရဦး မှာပဲ ခင်ဗျ။

ဦးရော်နီညိမ်း ။ ။ ဟုတ်ကဲ့၊ တွေ့ဆုံဆွေးနွေးရေးနဲ ပတ်သက်လို့၊ ၂၀၀၄ ခုနှစ် ဗိုလ်ချုပ်ကြီးခင်ညွန့် (ထောက်လှမ်းရေးမှူးချုပ်ဟောင်းနှင့် ၀န်ကြီးချုပ်ဟောင်း) ရာထူးက ဖယ်ရှားခံရခါနီး အချိန်တုန်းကလည်း၊ တွေ့ဆုံဆွေးနွေးရေး ဖြစ်လုနီးနီး အခြေအနေမျိုး ရောက်ခဲ့တယ်။ ဒေါ်အောင်ဆန်းစုကြည်ကိုယ်တိုင်ကလည်း၊ ဒါကို ပြောတယ်။ နောက်ဆုံးကျတော့၊ ပျက်သွားရတာကတော့ တဦးတယောက်ထဲရဲ့သဘောနဲ့၊ အမိန့်နဲ့ ပျက် သွားခဲ့ရတယ် ဆိုတဲ့၊ အနေအထားမျိုးကို တွေ့ရပါတယ်။ အဲဒီတော့ တွေ့ဆုံဆွေးနွေးရေးက တကယ်ပဲ မျှော် လင့်ထားလို့၊ ရနိုင်ပါ့မလား ခင်ဗျ။

ဗိုလ်ချုပ်ကြီးတင်ဦး ။ ။ တွေ့ဆုံဆွေးနွေးရေးအပေါ်မှာပဲ မူတည်ပြီးအဖြေရှာရမယ် ဆိုတာကတော့၊ ဒါက မလွဲမသွေ သွားရမယ့်ဟာလို့တော့၊ မှတ်သားထားရမှာပေါ့။ ဘာဖြစ်လို့လဲ ဆိုတော့၊ ဂျွန်မက်ကိန်းရဲ့ ကြေညာ ချက်ထဲမှာ ပါတဲ့ဟာတခုက၊ သူက တချက် ထောက်ပြထားတာ ရှိတယ်။ ကျနော်တို့ကို သူပြောတုန်းကလည်း၊ ဒါက ပါပါတယ်။ သူ့ ကြေညာချက် မထွက်ခင်၊ ဒါကို ကျနော်က မပြောချင်လို့၊ မပြောပဲနေခဲ့တာ တခု ရှိတယ်။ အဲဒါက ဘာလဲဆိုတော့၊ အခု Arab World (အာရပ်ကမ္ဘာ) မှာ ဖြစ်နေတဲ့ကိစ္စဟာ၊ အဲဒီမှာတင် ပြီးသွားမှာ မဟုတ်ဘူးတဲ့။ ဒီလှိုင်းတံပိုးကြီး ထလာတဲ့ကိစ္စဟာ၊ ပွားများလာမဲ့ကိစ္စ ဖြစ်တယ်တဲ့။ Totalitarian Governments (နိုင်ငံသားများအား လွတ်လပ်ခွင့်မပေးပဲ အလုံးစုံချုပ်ကိုင်ထားသော အစိုးရများ) တွေပေါ့ ဗျာ၊ အထူးသဖြင့် One Party ruling (တပါတီ အုပ်ချုပ်ရေးစနစ်) အစိုးရတွေဟာ၊ ဒီမိုကရေစီရဲ့လှိုင်းတံပိုးအောက် မှာ ရောက်သွားကြလိမ့်မယ် ပေါ့။ သို့သော် သွားရပုံသွားရနည်းမှာ အဲဒီလို (အာရပ်ကမ္ဘာမှာလို) ကြမ်းကြမ်း တမ်းတမ်းနဲ့ သွားကြရတဲ့ နည်းထက်၊ အချိန်ရှိနေတုန်းမှာ၊ မြန်မာနိုင်ငံ အနေနဲ့၊ တွေ့ဆုံဆွေးနွေး အဖြေရှာပြီး လုပ်မှ ဖြစ်မယ်ဆိုတာကို၊ သေချာ မှတ်ယူထားရမယ်တဲ့။ ခင်ဗျားတို့ အခု အချိန်မှာ တွေ့ဆုံဆွေးနွေးအဖြေရှာ evolutionary နည်း (အပြောင်းအလဲသို့ ညင်သာချောမွေ့စွာ တဖြည်းဖြည်းသွားသော နည်း)ကို လုပ်ပါ၊ သို့ တည်းမဟုတ် ဒီလို မလုပ်ဘူးဆိုရင်၊ အာရပ်ကမ္ဘာမှာဖြစ်နေတဲ့ မလိုလားအပ်တဲ့၊ သွေးထွက်သံယို revolutionary နည်း (ကြမ်းတမ်းမှုများနှင့် အပြောင်းအလဲသို့ ရောက်ရှိသွားသောနည်း) နဲ့ သွားကြရတဲ့အဖြစ် ကို ရောက်ရှိလာမှာတော့၊ မလွဲမသွေပါပဲ တဲ့။ သူက စစ်သား-စစ်သားချင်း (မြန်မာအစိုးရကို) စစ်သားစကား ပြောသွားခဲ့တာ။ ကျနော် မြင်တာကတော့၊ တွေ့ဆုံဆွေးနွေးရေးနည်းလမ်းသာလျှင် အကောင်းဆုံးနည်းလမ်း ဆိုတာ၊ သူတို့ (မြန်မာအစိုးရ) သဘောပေါက်ပုံ ကြလိမ့်မယ်လို့၊ ထင်ပါရဲ့ ဗျာ။

ဦးရော်နီညိမ်း ။ ။ ထောက်အထားအနေနဲ့ ကျနော်က ဘာကို ပြန်ကြည့်သလဲ ဆိုတော့၊ ဒုတိယဗိုလ်ချုပ် ကြီးဟောင်း ဦးထွန်းကြည်ရဲ့ စာအုပ်ထဲမှာ၊ တွေ့ဆုံဆွေးနွေးရေးကို အခု မပြောနဲ့၊ သူက အဲဒီတုန်းက ဗိုလ် လောင်းပဲ ရှိသေးတယ်၊ ၁၉၅၈ ခုနှစ်တုန်းက။ ဗမာပြည်ကွန်မြူနစ်ပါတီက တွေ့ဆုံဆွေးနွေးရေးကို တောထဲက နေ တောင်းဆိုတဲ့ကိစ္စကို၊ သူ့ရဲ့ အမြင်၊ အဲဒီတုန်းက ဗိုလ်လောင်းလေးပဲ ရှိသေးတဲ့ (ဒုတိယ) ဗိုလ်ချုပ်ကြီး ဟောင်း ဦးထွန်းကြည်ရဲ့ အမြင်က၊ ဒါဟာ မောက်မာတဲ့ တောင်းဆိုချက်ဖြစ်တယ်လို့ မြင်တယ်လို့၊ သူက သူ့ရဲ့စာအုပ်ထဲမှာ ရေးထားတယ်။ ဗိုလ်ချုပ်ကြီးထွန်းကြည်ဆိုရင်၊ တပ်မ (၈၈) မှာ၊ သူက ဒုတပ်မမှူး၊ ဗိုလ်ချုပ် မှူးကြီး သန်းရွှေက တပ်မမှူးနဲ့၊ အတူနေခဲ့ကြတာ။ သူတို့တွေ က တအုပ်စုထဲတွေ။ ဗမာပြည်ကွန်မြူနစ်ပါတီပဲ ဖြစ်ဖြစ်၊ ဘယ်သူပဲဖြစ်ဖြစ် အစိုးရနဲ့ အတိုက်အခံ ဖြစ်နေတဲ့ဘက်က၊ တွေ့ဆုံဆွေးနွေးရေး တောင်းဆိုတာကို၊ “ရာရာစစ ငါတို့ကို ဒါမျိုးလာပြီး တောင်းဆိုရမလား” ဆိုတဲ့၊ သဘောထားရှိ နေတဲ့ အုပ်စုရဲ့ အရိုက်အရာကို ဆက်ခံတဲ့၊ လက်ရှိ (မြန်မာအစိုးရ) ခေါင်းဆောင်တွေရဲ့ အချိန်မှာ၊ တွေ့ဆုံဆွေးနွေးရေးကို၊ ကျနော်တို့က အုပ်စုခွဲပြီး တွက်ရမလို ဖြစ်နေတယ်။

ဗိုလ်ချုပ်ကြီးတင်ဦး ။ ။ ကျနော် တခု စိတ်မကောင်းတာက၊ မနေ့က သူတို့ရဲ့ သတင်း (ဂျွန်မက်ကိန်းနှင့် မြန်မာလွှတ်တော်များနှင့် မြန်မာအစိုးရတို့၏ ခေါင်းဆောင်များ တွေ့ဆုံမှုကို၊ မြန်မာအစိုးရမှ ထုတ်ပြန်သည့် ၂၀၁၁ ဇွန်လ (၂) ရက် နေ့စွဲနှင့် သတင်း) မှာ၊ ပြောသွားတာက ဒေါ်အောင်ဆန်းစုကြည် နိုင်ငံရေးစည်းရုံးရေး အတွက် နယ်ကိုထွက်တဲ့ အခါမှာ၊ လုံခြုံရေးကိစ္စနဲ့ပတ်သက်ပြီး၊ သူတို့ကို ပြောတဲ့အခါမှာ၊ ဘယ်သူမဆို ပြည် သူပြည်သားအားလုံးကို အစိုးရအနေနဲ့ လုံခြုံရေးပေးရမှာက မှန်ပါတယ် ပေါ့လေ၊ သို့သော် သူတို့ ဒေါ်အောင် ဆန်းစုကြည်ကို သတ်မှတ်ထားတာက၊ ဒေါ်အောင်ဆန်းစုကြည်ဟာ သာမန်အရပ်သူပဲ ဖြစ်တယ်လို့၊ ဒီလိုပြော ချလိုက်တာ ဖြစ်တယ်။ ဒေါ်အောင်ဆန်းစုကြည်ကို သာမန်အရပ်သူတယောက်ပဲလို့ အတွေးအခေါ် ရှိနေတုန်း မှာ ဆိုရင်၊ ဒီဥစ္စာက သူတို့ရဲ့ စိတ်ထဲမှာ ရှိနေတဲ့၊ ဒေါ် အောင်ဆန်းစုကြည်အပေါ် ထားရှိတဲ့ ဒီသဘောထား မျိုးကိုတော့၊ ကျနော်တို့က မကြိုက်နှစ်သက်ဘူးလေ။ ဒေါ်အောင်ဆန်းစုကြည်ဟာ ဘယ်လိုအမျိုးသမီးလဲ၊ ဘယ်လိုခေါင်းဆောင်လဲဆိုတာ၊ သူတို့လည်း သိနေပြီပဲဗျာ။ နိုင်ငံတကာက အသိအမှတ်ပြုထားတဲ့ လျှမ်းလျှမ်း တောက် ခေါင်းဆောင်တယောက် ဖြစ်လာတာကို၊ သူတို့လည်း သိမှာပဲ။ ဒီလိုသိထားတဲ့ဟာမှာ၊ ဂုဏ်ရောင် ပြောင်တဲ့ စကားမျိုးကို မပြောနိုင်ရင်တောင်၊ ဒေါ်အောင်ဆန်းစုကြည်ကို သာမန်အရပ်သူ တယောက်လိုပဲ သဘောထားတယ်လို့ ပြောလိုက်တဲ့ဟာက ဆိုရင်၊ သူတို့ စိတ်ထဲမှာ၊ ယတိပြတ်ပြီး တွေ့ဆုံဆွေးနွေးတော့မယ် လိ်ု့ ပြောတဲ့အသံ ပြောတဲ့သဘောတော့ မသက်ရောက်သေးဘူးလို့၊ ကျနော်ကတော့ ထင်သေးတယ်။ ဘာဖြစ် လို့လဲ ဆိုတော့၊ သူတို့ လုံးပမ်းချင်တာက သူတို့ရဲ့လွှတ်တော်ထဲမှာပဲ။ အဲဒီကနေ လွှတ်တော်ထဲမှာ ဆွေးနွေး ပြီးတော့ အဖြေရှာ ကြရမယ်၊ လုပ်ကြရမယ်ဆိုတဲ့ ကိစ္စတွေအပေါ်မှာပဲ၊ ကြိုးစားလုံးပမ်းသွားချင်တယ်ဆိုတဲ့ သဘော ရှိကောင်းရှိပုံရတယ်။ သူတို့က လွှတ်တော်ထဲမှာ အများစုဆိုတဲ့ အခါကျတော့၊ မာန်မာနတရားတွေက တော့ ခေါင်းထဲမှာ ၀င်နေဦးမှာ ရှိနေဦးမှာပဲ။ အဲဒီလို အရှိန်အစော်ရှိနေတဲ့အပြင်၊ (ကန့်လန့်ကာ) နောက်ဘက် မှာ နေနေတဲ့ ပုဂ္ဂိုလ်ကြီး (ဗိုလ်ချုပ်မှူးကြီးသန်းရွှေ) ကိုလည်း၊ သူတို့ လောလောဆယ် လွန်ဆန်နိုင်ဦးမယ် မဟုတ်သေးဘူးလို့၊ အဲဒီလိုပဲ အကြမ်းဖျဉ်း တွက်လို့ ရပါတယ်။ ကျနော်ကတော့ တွေ့ဆုံဆွေးနွေးရေးစားပွဲကို တချိန်မှာ ရောက်ရမှာပဲလို့၊ ယုံကြည်တယ်။

ဦးရော်နီညိမ်း ။ ။ သူတို့က အင်တာနက်က နှစ်မျိုးလုပ်ထားတာ။ ပြည်သူလူထုကိုတော့ အင်တာနက် ကောင်းကောင်း မရအောင်လုပ်ထားပေမဲ့၊ သူတို့အတွက်ကတော့ အကုန်ရတဲ့လိုင်းကို ယူထားတာ။ သူတို့ အကုန်သိတယ်။ သူတို့ အကုန် ဖတ်လို့ ရနေတယ်။ ကမ္ဘာပေါ်မှာ ဘာတွေဖြစ်နေတယ်ဆိုတာ သူတို့က (ပြည် သူလူထုထက်) ပိုပြီးပြည့်ပြည့်စုံစုံသိတယ်။ မျှော်လင့်ချက်ကို နောက်စစ်ခေါင်းဆောင်တွေအပေါ်မှာ၊ အန်ကယ့် အနေနဲ့ မျှော်လင့်ချက်ထားလို့ မရဘူးလား။ ဥပမာ၊ ဗိုလ်ချုပ်ကြီးမင်းအောင်လှိုင်။ သူ့အောက်မှာ မျိုးဆက်သစ် ဂျူနီယာစစ်ခေါင်းဆောင်တွေဟာ၊ ဒါတွေ နားမဆန့်အောင် ကြားနေကြရမှာပဲ။

ဗိုလ်ချုပ်ကြီးတင်ဦး ။ ။ သူတို့ရဲ့ position က၊ သူတို့ရဲ့ ဆောင်ရွက်မှုကိစ္စအ၀၀ဟာ၊ သူတို့ဟာသူတို့ ဆောင်ရွက်ရင်း သူတို့ကိုယ်သူတို့ ယုံကြည်မှုရှိလာရင်တော့၊ သူတို့ လွတ်လွတ်လပ်လပ် ဆုံးဖြတ်ရဲကြလိမ့်မယ် လို့တော့၊ ကျနော် ထင်တာပဲ။ အဲဒီလိုပဲ တွက်ရတာပဲ။ ဟိုတုန်းကလည်း ဒီလိုပဲ။ ဦးနေ၀င်းကြီး နားသွားပြီးတဲ့ နောက်၊ ၁၉၈၈ လူထုအုံကြွမှု ပေါ်လာပြီးတဲ့နောက်ပိုင်းမှာ၊ ဗိုလ်စောမောင်ကို မွေးတယ်။ ဗိုလ်ခင်ညွှန့်ကို မွေး တယ်။ ဗိုလ်စောမောင်က စကားတွေ သိပ်ပြောလာတဲ့ အခါကျတော့၊ ဒုတိယခေါင်းဆောင် (ဗိုလ်ချုပ်မှူးကြီး သန်းရွှေ) ကို မွေးတယ်။ ဒုတိယခေါင်းဆောင်ကလည်း၊ သူ့ အနေအထားတွေ အင်အားတွေ တောင့်လာတဲ့ အခါကျတော့၊ သူ လုပ်နိုင်ပြီဆိုပြီး၊ ရှောက်လုပ်တာပဲ။ လုပ်တဲ့နေရာမှာ၊ လုပ်နည်းလုပ်ဟန်က မမှန်တော့ကာ၊ တိုင်းပြည်ဟာ ပြန်ပြီးတော့ သိပ်ပြီးတော့ ဒုက္ခသုက္ခတွေ ခံနေရတာပေါ့။ နောက် သူတို့ (မျိုးဆက်သစ်ဂျူနီယာ စစ်ခေါင်းဆောင်များ) ဟာသူတို့ ကိုယ်တိုင်လုပ်ရင်းနဲ့၊ သူတို့ဟာ သူတို့ ယုံကြည်ချက် ပြည့်လာတာမျိုး ဖြစ် လာရင်၊ လုပ်ရဲကိုင်ရဲ ဖြစ်လာရင်၊ အမှန်တရားအပေါ်မူတည်ပြီး လုပ်ကိုင်လာကြရင်တော့၊ တွေ့ဆုံဆွေးနွေး ရေးကို ရောက်ကိုရောက်လာရမယ်လို့၊ တွက်ကို တွက်ထားတာပဲ။ နောက်တခုကလည်း၊ ကျနော်တို့ မြန်မာ လူမျိုးတွေရဲ့ စိတ်ဓါတ်ကလည်း၊ သိတဲ့အတိုင်းပဲ ဗျ။ အခု အများတကာတွေက၊ တိုင်းပြည်ထဲမှာ ပြောနေတာ က၊ ကျနော်တို့ တိုင်းပြည်ဟာ နိုင်ငံကြီးတနိုင်ငံ (တရုတ်နိုင်ငံ) ရဲ့ ကြင်ယာတော်နိုင်ငံ ဖြစ်သွားပြီ၊ နိုင်ငံကြီး တနိုင်ငံရဲ့ အစိပ်အပိုင်း ဖြစ်သွားပြီလို့။ အဲဒီလို အတွေးအခေါ်တွေက ပြည်တွင်းထဲမှာ များလာတယ်ဗျ။ အဲဒီ တော့ သူတို့ (မြန်မာအစိုးရ) လည်းပဲ၊ ဒါတွေကို ကြားနေကြရတော့၊ ပြင်ရတော့မယ်ဆိုတာကို သဘောပေါက် လာကြရင်၊ ဘာပြောပြော သူတို့ အားကိုးမှီနိုင်ရာ သူတို့အတွက် မိတ်ကောင်းဆွေကောင်းကိုတော့၊ သူတို့ ရှာ ကြရမှာပဲ ဗျ။

ဦးရော်နီညိမ်း ။ ။ အခု ဂျွန်မက်ကိန်းလာတဲ့ ခရီးစဉ်မျိုးက၊ သူတို့တွေအတွက် လက်တွေ့ပဲ။ တခြားနိုင်ငံ တွေက ကမ္ဘာပေါ်မှာ နံပါတ်(၁)ဖြစ်နေတဲ့ နိုင်ငံတွေက၊ ငါတို့အပေါ် ဘယ်လို သဘောထားလဲ၊ ငါတို့ဟာ ဘယ် လိုဖြစ်နေလဲ၊ ကမ္ဘာပေါ်မှာ အများရဲ့အမြင်က၊ ဘယ်လိုရှိလဲ၊ သူများတွေက ငါတို့အပေါ်မှာ ဘယ်လို မြင်နေ သလဲ။ ဒါမျိုးတွေ ပိုသိလာတာပေါ့။ မျိုးဆက်သစ်ကို ဘာကြောင့် တွက်ကြည့်ရတာလဲဆိုတော့၊ အန်ကယ့်တုန်း ကနဲ့ ကျနော်တို့က ပြန်ပြီး ယှဉ်ကြည့်တာ။ အန်ကယ့်တုန်းကလည်း၊ ဘာပဲပြောပြော၊ အန်ကယ် ကာကွယ်ရေး ဦးစီးချုပ်ဖြစ်တဲ့အချိန်မှာ၊ အပေါ်က ဦးနေ၀င်းတို့ ဦးစန်းယုတို့ လုပ်တာတွေကို၊ အန်ကယ် မကြိုက်တာတွေ သဘောထားကွဲလွဲတာတွေ ရှိခဲ့တာပဲ။ အဲဒီတော့ အန်ကယ်တောင်မှ အဲဒါမျိုး အမှန်ကို မြင်လို့၊ ဦးနေ၀င်းတို့ ဦးစန်းယုတို့နဲ့ အတွေးအခေါ်အရ၊ လမ်းက ကွဲလာပြီးသား၊ အဲဒါကိုလည်း အခု ကျနော်တို့က ပြန်မြင်ကြည့်လို့ အဲဒါတွေကို တွေ့တာပဲ။

ဗိုလ်ချုပ်ကြီးတင်ဦး ။ ။ collective leadership (စုပေါင်းခေါင်းဆောင်မှု) ပေါ့ဗျာ။ နောက်ပြီးတော့ အများ စု ဒီမိုကရေစီအရ လိုက်နာတာကို လုပ်ရမယ်။ အနည်းစုရဲ့ ပြောတာဆိုတာတွေကိုလည်း၊ လေးစားရမယ် ဆို တော့၊ ဒါတွေကို ယုံကြည်ခဲ့တာကိုး။ တကယ်တမ်းကျတော့ မဟုတ်ဘူးဗျ။ ထိပ်ပိုင်းကို ရောက်လာတော့၊ ဒီ စနစ်ကြီးကို သံသယက ၀င်လာတယ်။

ဦးရော်နီညိမ်း ။ ။ အန်ကယ်ကိုယ်တိုင်က ကာကွယ်ရေးဦးစီးချုပ်လုပ်လာတဲ့ အခါကျတော့၊ အခု ကာကွယ် ရေးဦးစီးချုပ်နဲ့ အောက်ပိုင်း ဂျူနီယာစစ်ခေါင်းဆောင်တွေကို၊ အန်ကယ် မျှော်လင့်ချက် မထားနိုင်ဘူးလား။ ဘာ့ကြောင့်လဲဆိုတော့၊ အန်ကယ့်တုန်းကတောင် ခုနလို ကွဲလွဲလာသေးတာပဲ။ အဲဒီတော့ အန်ကယ်ကာကွယ် ရေးဦးစီးချုပ်ဖြစ်နေတုန်းက၊ ဗိုလ်ချုပ်ကြီးမင်းအောင်လှိုင်ဟာ ဗိုလ်လောင်းလေးပဲ ရှိသေးတယ်။ အဲဒီအခါကျ တော့ ဗိုလ်ချုပ်ကြီးမင်းအောင်လှိုင်နဲ့ အောက်ဘက်က မျိုးဆက်သစ် ဂျူနီယာစစ်ခေါင်းဆောင်တွေကို၊ အန် ကယ် မမျှော်လင့်ဘူးလား ဆိုတာ၊ ကျနော် နောက်ဆုံး သိချင်ပါတယ် ခင်ဗျ။ တွေ့ဆုံဆွေးနွေးရေး ဖြစ်လာ အောင်လို့။

ဗိုလ်ချုပ်ကြီးတင်ဦး ။ ။ မျှော်လင့်တယ်။ မျှော်လင့်တယ်။ လူငယ်တွေကို မျှော်လင့်တယ်။ အမှန်ကတော့ ဆန်းသစ်လာတဲ့ လူငယ်တွေရဲ့ အတွေးအခေါ်တွေကို မျှော်လင့်တယ်။ ဘာဖြစ်လို့လဲဆိုတော့၊ (အမျိုးသား ဒီမိုကရေစီ) အဖွဲ့ချုပ်ရုံးမှာ၊ အဖွဲ့ချုပ်ဝင်လူငယ်တွေရော တခြား ဒီမိုကရေစီအင်အားစုတွေက လူငယ်တွေရော ဒီမိုကရေစီအဖွဲ့တွေမဟုတ်တဲ့ သူတို့ဟာသူတို့ တိုင်းပြည်ကိုချစ်တဲ့၊ တိုင်းပြည်ကောင်းရာကောင်းကျိုးကို လို လားကြတဲ့ ကလေးမလေးတွေ ကလေးတွေ၊ ဒေါ်အောင်ဆန်းစုကြည်ရှိတုန်းက (နောက်ဆုံးတခေါက် အကျယ် ချုပ်မကျခင်)၊ ဆွေးနွေးပွဲတွေမှာ ဆွေးနွေးလိုက်ကြတာတွေဟာ သိပ်အားရစရာကောင်းတယ်။ သူတို့တွေးတာ ခေါ်တာ၊ ပွင့်ပွင့်လင်းလင်းပြောသွား တာတွေဟာ တကယ်ကောင်းတယ်။ အဲဒီလို generaltion က ရှိနေတော့၊ အဲဒီ generation က၊ လာမှာပဲ ခင်ဗျ။ ဒါကြောင့် ဂျွန်မက်ကိန်းက ပြောသွားတာ။ evolutionary နည်းနဲ့ သွား မယ်ဆိုရင်လည်း၊ လုပ်ကြပါ၊ ဒီလိုမှ မလုပ်ဘူး ဆိုရင်တော့၊ ခင်ဗျားတို့တိုင်းပြည်ဟာ revolutionary နဲ့ သွား တဲ့နည်းနဲ့ နောက်ဆုံးမှာ တွေ့ကို တွေ့ရတော့မယ်။ ဒါဆိုရင်တော့ မဟုတ်တော့ဘူးလို့၊ သူက သေသေချာချာ ကို ထောက်ပြသွားတာပဲလေ။

ဦးရော်နီညိမ်း ။ ။ မကြာသေးခင်က မြန်မာနိုင်ငံကို ရောက်ရှိခဲ့တဲ့၊ အမေရိကန်ပြည်ထောင်စု Arizona ပြည်နယ် ကိုယ်စားပြု အထက်လွှတ်တော်အမတ် John McCain နဲ့ တွေ့ဆုံခဲတဲ့၊ မြန်မာ့တပ်မတော်ကာကွယ် ရေးဦးစီးချုပ်ဟောင်း၊ အမျိုးသားဒီမိုကရေစီအဖွဲ့ချုပ်ရဲ့ ဒုဥက္ကဋ္ဌ အငြိမ်းစားဗိုလ်ချုပ်ကြီးသူရဦးတင်ဦးကို၊ တွေ့ ဆုံဆွေးနွေးရေးကိစ္စနဲ့ ပတ်သက်ပြီး၊ ဆက်သွယ်မေးမြန်းဆွေးနွေးတင်ပြခဲ့တာ ဖြစ်ပါတယ်ခင်ဗျာ။ ကျနော် ရော်နီညိမ်းပါ။
http://www.voanews.com/burmese/

ဂျွန်မက်ကိန်း မြန်မာပြည်ခရီး နဲ့ မြန်မာ့နိုင်ငံရေး အပြောင်းအလဲ



By ဦးသန်းလွင်ထွန်း သောကြာ, 03 ဇွန် 2011
ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ အမေရိကန်အထက်လွှတ်တော်အမတ် ဂျွန်မက်ကိန်းရဲ့ မြန်မာခရီးစဉ်နဲ့ မြန်မာ-အမေရိကန် နှစ်နိုင်ငံဆက်ဆံရေး အခြေအနေ၊ မြန်မာ့နိုင်ငံရေး အခြေအနေ အကြောင်းအရာများကို ထိုင်းအခြေစိုက် မြန်မာနိုင်ငံ ဒီမိုကရက်တစ်အင်အားစု အတွင်းရေးမှူးချုပ် ဒေါက်တာနိုင်အောင် နဲ့ ဦးသန်းလွင်ထွန်း တို့ ဆွေးနွေးသုံးသပ် တင်ပြထားပါတယ်။

ဦးသန်းလွင်ထွန်း ။ ။ အမေရိကန်ပြည်ထောင်စု ရီပတ်ဘလင်ကန် အထက်လွှတ်တော်အမတ် ဂျွန် မက်ကိန်း (John McCain) က မြန်မာနိုင်ငံ (၃) ရက်ကြာ ခရီးစဉ်အပြီး မြန်မာအစိုးရသစ်ဟာ အမေရိကန်နဲ့ ဆက်ဆံရေးပြေလည်ဖို့ အမှန်တကယ်လိုလားနေတယ်လို့ သူ့အနေနဲ့ ယူဆကြောင်း ပြောကြားခဲ့ပါတယ်။ ဒုတိယသမ္မတ သီဟသူရတင်အောင်မြင့်ဦး၊ ပြည်သူ့လွှတ်တော်ဥက္ကဋ္ဌ၊ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တိုင်းရင်းသားအဖွဲ့ခေါင်းဆောင်တွေ၊ လွှတ်တော်အတွင်း အတိုက်အခံခေါင်းဆောင်များနဲ့ တွေ့ဆုံခဲ့ပြီး သူက အခုလို ပြောကြားခဲ့တာပါ။ မြန်မာအစိုးရသစ်အနေနဲ့ နိုင်ငံရေးပြုပြင်ပြောင်းလဲမှု နဲ့ စီးပွားရေးဖွံ့ဖြိုးရေးအတွက် အဓိကကျတဲ့ လုပ်ငန်းစဉ်များအဖြစ် နိုင်ငံရေးအကျဉ်းသားတွေ ချက်ချင်းပြန်လွှတ်ပေးရေး၊ နိုင်ငံအတွင်း ဘက်ပေါင်းစုံနဲ့ စစ်မှန်နဲ့ တွေ့ဆုံဆွေးနွေးပွဲတွေ ပြုလုပ်ရေး စတာတွေကိုလည်း သူကတိုက်တွန်းခဲ့ပါတယ်။ အထက်လွှတ်တော်အမတ် ဂျွန် မက်ကိန်း မြန်မာနိုင်ငံကိုမသွားခင် ထိုင်းနိုင်ငံနယ်စပ်မှာ တွေ့ဆုံခဲ့သူတွေထဲက တဦးဖြစ်တဲ့ မြန်မာနိုင်ငံ ဒီမိုကရက်တစ်အင်အားစု အတွင်းရေးမှူးချုပ် ဒေါက်တာနိုင်အောင် က အခုလို သုံးသပ်ပါတယ်။

ဒေါက်တာနိုင်အောင်။ ။ ကျနော်သိသလောက်တော့ အခုလာတဲ့လူတွေထဲမှာ publicly ဒါတွေ ဒီလိုလုပ်သင့်တယ်။ ဘယ်လိုအခြေအနေမျိုးတွေ ရှိလာမှ နှစ်နိုင်ငံဆက်ဆံရေး တိုးတက်လာနိုင်တယ်ဆိုတာဟာမျိုး publicly တိတိကျကျပြောတာဆိုလို့ သူပဲရှိသေးတယ်။ သူ့ရဲ့  ပြောကြားချက်တွေနဲ့ statement ကို ကြည့်မယ်ဆိုရင်တော့ အမေရိကန်အစိုးရနဲ့ သူအပါအဝင် ထားရှိနေတဲ့သဘောထားကို ပွင့်ပွင့်လင်းလင်း ပြောပြသွားတယ်။ တပြိုင်နက်ထဲမှာပဲ သူကိုလာခွင့်ပေးတာရယ်။ တွေ့ဆုံတဲ့ စီစဉ်မှုတွေပေါ်မှာတော့ ဗမာအစိုးရအနေနဲ့ အမေရိကန်အစိုးရနဲ့ ဆက်ဆံရေးပြေလည်လာဖို့အတွက်ကိုတော့ လိုလိုလားလားရှိနေပုံတော့ သူမြင်တယ်၊ နားလည်တယ်ဆိုတာကိုတော့ ထုတ်ဖော်ပြတာတွေ့ရတယ်။

ဦးသန်းလွင်ထွန်း ။ ။ အဲဒီတော့ အမေရိကန်ဘက်ကရော မြန်မာနိုင်ငံ အခုလက်ရှိအစိုးရနဲ့ ပိုပြီးတော့ ဆက်ဆံချင်တဲ့ သဘောဆန္ဒဟာ အဓိကအားဖြင့် ဘာကိုရည်ရွယ်တာလဲ။

ဒေါက်တာနိုင်အောင်။ ။ အားလုံးနိုင်ငံတွေ တော်တော်များများမှာတော့ ကျနော်မြင်တာကတော့ အခုဗမာပြည်နဲ့ ပတ်သက်ပြီး ပြောဆိုနေကြတာ ဗမာပြည်ထဲမှာ ဖြစ်ပျက်နေတဲ့ နိုင်ငံရေးပြုပြင်ပြောင်းလဲမှုနဲ့ တွေ့ဆုံဆွေးနွေးပြီး အဖြေရှာဖို့အတွက်ကို ပြောကြတာပေါ့။ အမေရိကန်ဘက်ကလည်း ၂၀၁၀ အစိုးရသစ်ဖြစ်လာပြီးအခါမှာ ဒီအစိုးရသစ်အနေနဲ့ ဒီလိုမျိုး အခြေအနေမျိုးမှာ ပုံစံအသစ်များ၊ လမ်းကြောင်းအသစ်များ ပြောင်းလာမလားလို့ နိုင်ငံတော်တော်များများက စိတ်ဝင်စားကြတာလည်းရှိတယ်။ နောက်တခုက အမေရိကန်နိုင်ငံအနေနဲ့လည်း နောက်ပိုင်းမှာက သူတို့ပြောတဲ့ critical engagement ထိတွေ့ဆက်ဆံမယ်၊ သို့သော်လည်း ကိုယ်ပြောချင်တဲ့ ကိုယ့်ရဲ့  position ကိုလည်း ရှင်းရှင်းလင်းလင်းပြောမယ်၊ နားချပြီးတော့ ပြောမယ်။ တဖတ်မှာလည်း pressure mechanism တွေကိုလည်း လိုအပ်သလို ဆက်ပြီးကိုင်ထားမယ်။ လိုအပ်ရင်လည်း တိုးသွားမယ်။ ဆိုတော့ သူပြောတဲ့အထဲမှာပါသလိုပဲ အမေရိကန်အစိုးရက အစိုးရပေါ်လစီကတော့ အပြောင်းအလဲတွေ မလုပ်နေဘူးဆိုရင် နဂိုပိတ်ဆို့အရေးယူထားတွေ ရှိမှာပဲ။ အပြောင်းအလဲတွေလုပ်လာလို့ရင်တော့ ဆက်ဆံရေးတွေလည်း ပိုကောင်းလာပြီး ပူးပေါင်းဆောင်ရွက်မှုတွေ ပိုများလာမယ်။ ဆိုတော့ အဲဒါကိုပဲ သူတို့ တဖွဖွလာပြောနေကြတယ်လို့ ယူဆပါတယ်။

ဦးသန်းလွင်ထွန်း ။ ။ အထူးသဖြင့် အထက်လွှတ်တော်အမတ် ဂျွန်မက်ကိန်း ပြောသွားတဲ့အချက်တွေထဲမှာ ဒေါ်အောင်ဆန်းစုကြည်ကို ဒီမိုကရေစီသူရဲကောင်းတယောက်အဖြစ် သူ့အနေနဲ့ ချီးမွမ်းတဲ့အပြင်ကို မြန်မာနိုင်ငံအတွင်းမှာ အမျိုးသားရင်ကြားစေ့ရေးလုပ်ငန်းစဉ်တွေ တရားဝင်ဖြစ်ဖို့အတွက် ဒေါ်အောင်ဆန်းစုကြည်၊ တိုင်းရင်းသားလူမျိုးစုအဖွဲ့ဝင်တွေ၊ အတိုက်အခံခေါင်းဆောင်တွေ၊ အမျိုးသားဒီမိုကရေစီအဖွဲ့ချုပ် အဲဒါတွေအကုန်လုံးနဲ့ တွေ့ဆုံဆွေးနွေးရေးအတွက်ပဲ တောင်းဆိုထားတာကို တွေ့ရတယ်။ ဒါပေမဲ့ အမေရိကန်အစိုးရအစဉ်အဆက်က အမေရိကန်လွှတ်တော်အမတ်တွေ အစဉ်အဆက်ပြောနေကြတာက ၁၉၉၀ ရွေးကောက်ပွဲရလဒ်။ ဒါမှမဟုတ်လို့ရှိရင်လည်း မကြာသေးခင်က ကျင်းပသွားတဲ့ ၂၀၁၀ နိုဝင်ဘာလ ရွေးကောက်ပွဲဟာ တရားမျှတမှုမရှိပါဘူးဆိုတဲ့အချက်။ အဲဒါတွေကိုတော့ သူ့ရဲ့  နောက်ဆုံးထုတ်ပြန်တဲ့ ကြေညာချက်ထဲမှာလည်း ထည့်ပြီးဖော်ပြသွားတာကို မတွေ့ဘူး။ အဲဒါနဲ့ ပတ်သက်လို့ရော ဒေါက်တာနိုင်အောင်အနေနဲ့ ဘယ်လိုမြင်ပါသလဲ။

ဒေါက်တာနိုင်အောင်။ ။ အခု သုံးပွင့်ဆိုင်ဆွေးနွေးပွဲလို အန်အယ်လ်ဒီ နဲ့ တွေ့ပါ။ ဒေါ်အောင်ဆန်းစုကြည် နဲ့ အန်အယ်လ်ဒီ တို့ကို နိုင်ငံရေးပါတီအဖြစ်နဲ့ အသိအမှတ်ပြုပါ။ တိုင်းရင်းသားတွေလည်း ၉၀ ရွေးကောက်ပွဲရလဒ်ကို တစုံတရာ အသိအမှတ်ပြုတဲ့သဘောပေါ့။ ကျနော် နားလည်သဘောပေါက်တာကလည်း ၉၀ ရွေးကောက်ပွဲဝင်တဲ့ ပါတီတွေကလည်း အန်အယ်လ်ဒီ အပါအဝင် ၉၀ ရွေးကောက်ပွဲရလာဒ်၊ လွှတ်တော်ကြီးကို ပြန်ခေါ်ပေးဖို့ တောင်းဆိုနေတာမျိုး မရှိပါဘူး။ အားလုံးကတော့ နိုင်ငံရေးပြဿနာကို ပြေလည်ချင်လို့ ပြောတာပဲ။ ဆိုတော့ တွေ့ဆုံဆွေးနွေးရေး သုံးပွင့်ဆိုင်လို့ ပြောတာကလည်း ၉၀ ရွေးကောက်ပွဲရလဒ်ကို တစုံတရာ အသိမှတ်ပြုသလိုပေါ့။ နောက်တခုက ၂၀၁ဝ ရွေးကောက်ပွဲနဲ့ ပတ်သက်လို့ ပြောမယ်ဆိုရင် တကယ်တမ်း ၂၀၁၀ ရွေးကောက်ပွဲကြီးကို အသိအမှတ်ပြုနေတယ် ဆိုလို့ရှိရင် ဘာဖြစ်လို့ သုံးပွင့်ဆိုင်ဆွေးနွေးပွဲကို ထပ်ပြီးတိုက်တွန်းမှာလဲ။ ဒီဟာကိုပဲ ကျနော်ထင်တာကတော့ သံတမန်နည်းအရ ဖြစ်သင့်ဖြစ်ထိုက်တဲ့ အဆိုပြုချက်ကိုပဲ အဓိက မီးမောင်းထိုးပြသွားပြီးတော့မှ အဲဒါတွေဖြစ်လာဖို့အတွက် အရေးကြီးဆုံးဖြစ်တဲ့ နိုင်ငံရေးအကျဉ်းသားတွေ ပြန်လွှတ်ပေးရေး၊ ICRC ပေးလည်ပေးဖို့ အစရှိသဖြင့် ဒါတွေလုပ်ပြီမှ တွေ့ဆုံဆွေးနွေးရေးကို ဦးတည်ပြီးလုပ်ပါ။ ဒါတွေဒါတွေ ပြောင်းလာရင်တော့ လူ့အခွင့်အရေး အခြေအနေတွေ၊ ပြည်သူတွေရဲ့  အခြေအနေတွေ ပြောင်းလာလို့ရှိရင်တော့ နိုင်ငံတွေရဲ့  ပူးပေါင်းဆက်ဆံရေး မြှင့်လာမှာပဲဆိုတာကို ပြောသွားတဲ့သဘောပါ။

ဦးသန်းလွင်ထွန်း ။ ။ အထူးသဖြင့် အမေရိကန်ရဲ့  အဓိက စိုးရိမ်ချက်ဖြစ်တဲ့ အဏုမြူလက်နက် မပြန့်ပွါးရေး ကိစ္စ၊ မြောက်ကိုရီးယား နဲ့ စစ်ရေးဆက်ဆံမှု အဲဒါတွေကိုလည်း သတိပေးသွားတာကို တွေ့ရတယ်။ အဲဒီလို သတိပေးချက်တွေနဲ့ ပတ်သက်လို့ရော မြန်မာအစိုးရဖက်က လိုက်နာဖို့၊ လိုက်လိုက်လျောလျောရှိဖို့ အလားအလာရှိရဲ့ လား။

ဒေါက်တာနိုင်အောင် ။ ။ မြန်မာ့အလင်းကို ဖတ်ကြည့်တော့ ထူးထူးခြားခြား သွားသတိပြုမိတာရှိတယ်။ သတင်းစာထဲမှာ ရေးထားတာက ဟုတ်မဟုတ်တော့ မသိပါဘူး။ နျူကလီယားကိစ္စတွေ လုပ်တာက သူတို့ရဲ့  ကျန်းမာရေးနဲ့ သုတေသနလုပ်ငန်းတွေအတွက် ရုရှားရဲ့  အကူအညီနဲ့လုပ်တာပါ။ သူတို့အနေနဲ့လည်း ခေတ်နောက်ကျမကျန်ခဲ့ရအောင် လုပ်ပိုင်ခွင့်ရှိတယ်။ ဒါပေမဲ့ နိုင်ငံတကာက နားလည်မှုတွေ လွဲမှားဆိုလို့ အဲဒါကို ရပ်လိုက်ပြီလို့ သတင်းစာထဲမှာတော့ ရေးထားတာပဲ။

ဦးသန်းလွင်ထွန်း ။ ။ အဲဒါက အဏုမြူစီမံကိန်းကိစ္စပေါ့။ မြောက်ကိုရီးယားနဲ့ စစ်ရေးဆက်ဆံမှုကိစ္စကရော။

ဒေါက်တာနိုင်အောင်။ ။ အဲဒါကတော့ သူတို့ပြောတာကတော့ သူတို့ပြောတဲ့စကားအတိုင်းပြောရင်တော့ ကုလသမဂ္ဂရဲ့  အဖွဲ့ဝင်နိုင်ငံတခု၊ ကမ္ဘာ့မိသားစုအဖွဲ့ဝင်နိုင်ငံတခု၊ မြန်မာနိုင်ငံလည်း လွတ်လပ်တဲ့နိုင်ငံတခုဆိုတော့ အားလုံးနဲ့ သူတို့အနေနဲ့ ဗမာပြည်အတွက် အကျိုးရှိမယ်ဆိုရင် အားလုံးနဲ့ ဆက်ဆံဖို့အခွင့်အရေးရှိတယ်လို့ သတင်းစာထဲမှာ ရေးထားတာကိုတွေ့တယ်။

ဦးသန်းလွင်ထွန်း ။ ။ အထက်လွှတ်တော်အမတ် ဂျွန်မက်ကိန်း မြန်မာပြည်ကို မသွားခင်မှာ နယ်စပ်ဒေသက ဒုက္ခသည်စခန်းတွေကို သွားပြီးတော့ ကြည့်ရှုတယ်။ ဒေါက်တာစင်သီယာ ဆေးခန်းကိုလည်း ကြည့်တယ်။ အဲဒါပြီးတော့ နယ်စပ်မဲဆော့မြို့ မှာ ဒေါက်တာနိုင်အောင်တို့နဲ့လည်း တွေ့ဆုံခဲ့တယ်လို့ သိရှိရပါတယ်။ အဲဒီတွေ့ဆုံပွဲမှာ အထူးသဖြင့် ပြောကြားသွားတဲ့အချက်ကလေးတွေ၊ ထူးခြားတဲ့ အချက်တွေ ဘာတွေရှိခဲ့ပါသလဲ။

ဒေါက်တာနိုင်အောင် ။ ။ ကျနော်တို့ အဓိကတင်ပြတာကတော့ ၂၀၁၀ ရွေးကောက်ပွဲဖြစ်သွားပေမဲ့ အနစ်သာရအားဖြင့်တော့ ဗမာပြည်မှာ ဘာမှမပြောင်းလဲဘူးပေါ့။ ဆိုတော့ ဒီစစ်အုပ်စုအနေနဲ့ သူတို့လိုချင်တဲ့ အာဏာတည်တန့်ခိုင်မြဲရေးအတွက်ပဲ ဆက်ပြီးတော့ ဒါကိုလုပ်ဆောင်သွားတယ်။ နောက်ပြီးတော့ ကျနော်တို့ အမြဲတမ်း တောင်းဆိုနေတဲ့ တွေ့ဆုံဆွေးနွေးရေး အဖြေရှာရေး၊ အမျိုးသားပြန်လည်သင့်မြတ်ရေးဆိုတာကို လစ်လျူရှုတဲ့သဘောဖြစ်တယ်။ လောလောဆယ်ကာလအတွင်းမှာလည်း တွေ့ဆုံဆွေးနွေးရေးကို လုပ်မယ့်သဘောမရှိဘူး။ ဒါကြောင့်မို့ ကျနော်တို့က နိုင်ငံတကာကို ဖြစ်စေချင်တာကတော့ ကျနော်တို့ စစ်အာဏာရှင်စနစ်ကို ဖယ်ရှားပြီးမှ လူ့အခွင့်အရေး၊ ဒီမိုကရေစီ လှုပ်ရှားမှုတွေ လုပ်နေတဲ့ အင်အားစုတွေကို သေသေချာချာ ထောက်ခံပြီး ပံ့ပိုးစေချင်တယ်။ သေသေချာချာ အားပေးစေချင်တယ်။ ကူညီစေချင်တယ် ဒါကတခု။ ဒုတိယတခုအနေနဲ့ကတော့ ရှိနေပြီသား ဖိအားပေးတဲ့အထဲမှာက ပစ်မှတ်ထားအရေးယူမှုတွေ။ အထူးသဖြင့်တော့ financial sanction နဲ့ ပတ်သက်တဲ့ အရေးယူပိတ်ဆို့မှုတွေကို သေသေချာချာ အားကောင်းကောင်းနဲ့ ထိထိရောက်ရောက်ဖြစ်အောင် ဆက်ပြီး အကောင်အထည်ဖော်ဖို့ လိုတယ်ဆိုတာကို ကျနော်တို့တင်ပြတယ်။ နောက်ပြီးတော့ ဗမာပြည်မှာ ပြီးခဲ့တဲ့ကာလအတွင်းမှာ ဖြစ်ပွားခဲ့တဲ့ လူ့အခွင့်အရေးချိုးဖောက်မှုတွေအတွက် အမှန်တရားဖော်ထုတ်ဖို့အတွက် နစ်နာခံခဲ့ရတဲ့လူတွေအတွက် အမှန်တရားဖော်ထုတ်ပေးဖို့အတွက် စုံစမ်းစစ်ဆေးကော်မရှင်ကို ကုလသမဂ္ဂက ဖော်ဆောင်ပေးဖို့ကို နိုင်ငံတကာက လုပ်သင့်တယ်။ အမေရိကန်ကလည်း ဒါကိုသေသေချာချာ၊ တက်တက်ကြွကြွနဲ့ အကောင်အထည်ဖော်ပေးသင့်တယ်ဆိုတဲ့အကြောင်း ကျနော်တို့ပြောပါတယ်။ အထူးသဖြင့်တော့ မြန်မာပြည်အစိုးရအနေနဲ့ ပူးပေါင်းဆောင်ရွက်ချင်တယ်စိတ်ရှိတယ်ဆိုရင်တော့ ပထမဦးဆုံး လုပ်ပေးသင့်တာက နိုင်ငံရေးအကျဉ်းသားတွေကို လွှတ်ပေးဖို့နဲ့ အတိုက်အခံတွေအပေါ်မှာ ရန်လိုတဲ့အပြုအမူတွေ အဲဒါတွေအားလုံးကို ရပ်တန့်ဖို့ အဲဒါက ပထမဦးဆုံး အရေးကြီးတဲ့အချက်ဖြစ်တယ် ဆိုတာကိုလည်း ပြောပါတယ်။ နောက်တခုက ဒီ ထိုင်းနယ်စပ်တလျှောက်မှာရှိနေတဲ့ အင်အားစုတွေအပေါ်မှာ ဖိအားပေးလာတဲ့ကိစ္စတွေ များလာတာတွေကိုလည်း တင်ပြပါတယ်။

ဦးသန်းလွင်ထွန်း ။ ။ အဲဒီတော့ အခုလောလောဆယ်အားဖြင့်တော့ ဗမာပြည်ကို အမေရိကန်ပြည်ထောင်စုရဲ့  ဆက်ဆံရေးမူဝါဒအသစ်တရပ်အနေနဲ့ နိုင်ငံခြားရေးဝန်ကြီးဌာနက အရေးပါတဲ့ လက်ထောက်နိုင်ငံခြားရေး အဆင့်ရှိတဲ့ အရာရှိကြီးတွေသွားတယ်။ အလားတူပဲ အထက်လွှတ်တော်အမတ် ဂျွန်မက်ကိန်း လို အင်မတန် အရေးပါအရာရောက်တဲ့ အထက်လွှတ်တော်က ခေါင်းဆောင်တွေလည်း သွားနေတယ်ဆိုတော့ ဒီလုပ်ဆောင်ချက်တွေဟာ မြန်မာနိုင်ငံအတွင်းမှာ အပြောင်းအလဲတွေ ဖြစ်လာဖို့အတွက် ဘယ်လောက်များပံ့ပိုးမှုတွေ ရှိလာမလဲလို့ ထင်ပါသလဲ။

ဒေါက်တာနိုင်အောင် ။ ။ ပထမတခု ကျနော်တို့ သတိပြုမိတာကတော့ ဗမာပြည်က သတင်းစာတွေထဲမှာ ရေးထားတာကတော့ ဆီနိတ်တာ မက်ကိန်းနဲ့ တွေ့တဲ့ကိစ္စတွေ။ အပြန်အလှန်ပြောတဲ့ကိစ္စတွေကို ခါတိုင်းဧည်သည်တွေလာတာနဲ့ မတူဘဲနဲ့ နည်းနည်းပြည့်ပြည့်စုံစုံလေး ရေးထားတာကိုတွေ့ရတယ်။ နောက်ပြီးတော့ အခုနပြောတဲ့ တွေ့ဆုံမှုမှာလည်း သမ္မတဦးသိန်းစိန်က လွှဲလို့ ကျန်တဲ့လူတွေနဲ့ တွေ့တာရှိတယ်။ ကျနော် မြင်တာကတော့ ဗမာပြည်က အထူးသဖြင့် အမေရိကန်အစိုးရနဲ့ ဆက်ဆံမှုမျိုး မြှင့်တင်တိုးတက်စေချင်တာတော့ အမှန်ပဲ။ အဲဒီမှာ ကျနော်တို့ သတိပြုသင့်တာကတော့ အဲဒါကလည်း ဘာဖြစ်လို့ဒီလို ဖြစ်ရသလဲဆိုရင် အမေရိကန်ကနေ စီးပွားရေးပိတ်ဆို့အရေးယူထားတယ်ဆိုတဲ့ ကိစ္စကြီးက အဓိကရှိနေလို။ ကျနော့်အမြင်ကတော့ ဖိအားပေးပိတ်ဆို့ထားမှုဟာ အလုပ်ဖြစ်တယ်။ ဒါပေမဲ့ ဖိအားပေးမှုတွေအားလုံးကလည်း တွေ့ဆုံဆွေးနွေးအဖြေရှာဖို့ပဲ။ ဆိုတော့ ကျနော်တို့က ဒီလိုလုပ်ထားတယ်။ ဒီလိုလုပ်ထားတာက ဒီလိုဖြေရှင်းစေချင်လို့ဆိုတဲ့ စကားတွေကို ကျနော်တို့က ပြောနေတယ်။ ဟိုဖက်ကလည်း တဖြည်းဖြည်းနားထောင်စေချင်တဲ့ စိတ်မျိုးလည်း ရှိလာတယ်။ သူတို့လည်း တကယ် နားလည်းလာပြီးတော့ ဒါ ငါတို့တိုင်းပြည်၊ ငါတို့လူမျိုးတွေကို မုန်းလို့မဟုတ်ဘဲနဲ့ ငါတို့တွေရဲ့  လူ့အခွင့်အရေး အခြေအနေမတိုးတက်လို့၊ နိုင်ငံရေးပြုပြင်ပြောင်းလဲမှု မဖြစ်သေးလို့၊ စစ်မှန်တဲ့ ဈေးကွက်စီးပွားရေးစနစ်တွေ မပြောင်းလဲသေးလို့၊ ယုံကြည်လာပြီး အပြောင်းအလဲတွေ လုပ်လာတယ်ဆိုလို့ရှိရင် ဖြစ်မှာပဲ။ အဲဒီလို ဖြစ်လာနိုင်ဖို့အတွက်ကို နိုင်ငံတကာ ခေါင်းဆောင်အားလုံး၊ တရုတ်အပါအဝင် အာဆီယံအားလုံးက တညီတညွှတ်တည်း၊ တသံတည်း ပြောနိုင်လေလေ ပိုကောင်းလေလေလို့ ကျနော်ထင်တယ်။

ဦးသန်းလွင်ထွန်း ။ ။ အဲဒီတော့ ဒါက ဒေါက်တာနိုင်အောင်ရဲ့  ကိုယ်ပိုင်အယူအဆပေါ့။ မြန်မာနိုင်ငံအတွင်းမှာ သမ္မတသစ်ဦးသိန်းစိန်ရဲ့  အစိုးရအဖွဲ့သစ်ဟာ ဒီလိုအပြောင်းအလဲတွေကို လုပ်ဆောင်လာဖို့ တကယ်လမ်းကြောင်းမှန်ကို ရောက်လာစပြုလာပြီလို့ ယူဆသလား။

ဒေါက်တာနိုင်အောင်။ ။ အခု မြင်တာကတော့ အစောပိုင်းတုန်းကလည်း အကြိမ်ကြိမ်တင်ပြပါတယ်။ အခုရှိနေတဲ့ အစိုးရက စစ်အစိုးရရဲ့  အဆက်ပဲ။ ယေဘုယျအားဖြင့်တော့ အရပ်ဝတ်တွေဝတ်ပြီး ပါတီထောင်ပြီး ရွေးကောက်ပွဲမှာ အနိုင်ရထားတယ်ဆိုပေမယ့် အားလုံးက စစ်အစိုးရရဲ့ အဆက်တွေပဲ။ သူတို့ပြောတဲ့ မိန့်ခွန်းထဲမှာပဲ စစ်အစိုးရက ခင်းထားပေးတဲ့ တံတားကို လျှောက်လာတဲ့လူတွေ့ပဲဖြစ်တယ်ဆိုတော့ အရင်အတိုင်းပဲလို့ ကျနော်ယူဆတယ်။ အခုအခြေအနေအထိ။ ဆိုတော့ အခုအချိန်အထိကတော့ ဘာမှမပြောင်းလဲဘူးလို့ ကျနော်တို့မြင်တယ်။ တကယ်လို့များ အပြောင်းအလဲတွေကို တကယ်လုပ်ချင်လာတယ်လို့ ပြောရင်တော့ မြင်သာထင်သာတဲ့ ကိစ္စတွေလုပ်ပေးရမှာဖြစ်တယ်။ အခုနပြောသလို နိုင်ငံရေးအကျဉ်းသားတွေ လွှတ်ပေးတာမျိုး၊ နောက် အတိုက်အခံတွေကို ရန်လိုတဲ့အပြုအမှုတွေ ရပ်တဲ့ကိစ္စမျိုး၊ တွေ့ဆုံဆွေးနွေးရေးအတွက်ကို လမ်းကြောင်းဖွင့်ပြီး အပြန်အလှန် အမြင်ဖလှယ်မျိုးတွေကို။ တကယ်ကိုပဲ ပြောင်းချင်တဲ့စိတ်နဲ့ လုပ်တဲ့လုပ်ဆောင်မှုတွေကို အများကြီးလုပ်ဖို့ လိုတယ်လို့မြင်တယ်။ တတိယတခုကတော့ ကျနော်ထင်တယ် ဗိုလ်ချုပ်သန်းရွှေ ရှိနေသရွေ့  အခုရှိတဲ့အစိုးရကတော့ ဘာမှလုပ်ရဲမယ်လို့ မထင်ဘူး။

ဦးသန်းလွင်ထွန်း ။ ။ မြန်မာနိုင်ငံ ဒီမိုကရက်တစ်အင်အားစုအဖွဲ့ အတွင်းရေးမှူးချုပ် ဒေါက်တာနိုင်အောင် ကို ဆက်သွယ်မေးမြန်းခဲ့တာပါ။
http://www.voanews.com/burmese