Tuesday, June 7, 2011

၈၉အာဇာနည်နေ့နဲ့ ပတ်သက်လို့ ...


၁၉၈၉အာဇာနည်နေ့နဲ့ ပတ်သက်လို့ဒေါက်တာလွမ်းဆွေကအစဆွဲမေးတဲ့လူကမေးလို့ဒေါ်အောင်ဆန်းစုကြည်ကလည်းပြန်ဖြေခဲ့ပါတယ်..
အဲဒီနေ့မနက်စောစော၆နာရီလောက်ထဲကအာဇာနည်ကုန်းမှာရဲရင့်ငယ်လည်းသွားစောင့်နေခဲ့ပါတယ်..မှတ်မိသလောက်အန်အယ်ဒီက
အခုမိထ္ထီလာထောင်မှာ၁၉နှစ်ကျနေတဲ့ထွန်းထွန်းနိုင်လည်းကျွန်တော်တို့နဲ့အတူရှိနေခဲ့ပါတယ်..အန်တီစုလာမယ်ဆိုလို့ သွားအားပေးတဲ့အဆင့်လောက်ပါပဲ...၈၈၈၈တုန်းကလိုဆန့်ကျင်မဲ့အစီအစဉ်မျိုးလည်းကျွန်တော်တို့စီစဉ်ထားတာမရှိခဲ့ပါဖူး။
အဲဒီနေ့ ဖြစ်စဉ်မှာကိုယ်ကြုံရတာတော့ပြောပြနိုင်မှာပါ..
လုံထိန်းတွေကနေမြင့်လာလေလူအုပ်ကိုအာဇာနည်ကုန်းနဲ့ဝေးရာတွန်းပို့နေခဲ့တယ်..ကွန်တော်တို့လည်းဟိုကပတ်သွားဖို့လုပ်လိုက်ဒီကပတ်သွားဖို့လုပ်လိုက်နဲ့ပေါ့..ပန်းခွေချမယ်ဆိုတဲ့အချိန်ကလည်းအရမ်းနီးလာပြီဆိုတော့အနီးဆုံးဖြစ်တဲ့အရှေ့ဖတ်မုဒ်ကိုရွေးလိုက်ကြပါတယ်။အန်အယ်ဒီရုံးရှိတဲ့ဖတ်အခြမ်းမှာဘာတွေဖြစ်နေ
လည်းတော့မသိရပါဖူး။အရှေ့ကလူတွေသံဃာတချိူ့လည်းပါပါတယ်အလယ်ပစ္စယံလမ်းကနေထွေးကနဲပြိုကျလာတာအောက်ကနေ့တွေ့နေရတယ်..အပေါ်ကနေဆီးရိုက်ချနေတာပါ..အချိန်ကလည်းကပ်နေပါပြီ။
သွားစရာလည်းဒီတလမ်းပဲအနီးဆုံးဆိုတော့အဲမှာပဲပေခံနေပါတယ်..သံဃာတော်တချို့လည်းအရိုက်ခံရပြီးခေါင်းမှာဒါဏ်ရာရခဲ့ကြပါတယ်။
အန်တီစုမလာတော့မဲ့သတင်းရတော့..အန်အယ်ဒီရုံးချူပ်ကိုပဲသွားကြမယ်ဆိုပြီးအရှေဖက်မုတ်ကနေပြန်ထွက်လာတော့ဘောင်ထရီကျောင်းဖက်ကနေထွက်
လာတဲ့အပေါ်မှာအော်လံတတ်ထားတဲ့စစ်ကားတွေကရဲရင့်ငယ်တို့ကိုအုပ်စု၂စုခွဲလိုက်သလိုဖြစ်သွားပြီးအပြင်ကားလမ်းမပေါ်လည်းတက်ခွင့်မရတော့ပါဖူး။ဘုရားကနေတိရိစ္ဆာန်ရုံသွားတဲ့ကန်တော်တော်ကြီးဘေးတလျောက်မှာပိတ်မိနေခဲ့ပါတယ်။အိမ်ပြန်ဖို့လည်းပြောတယ်သွားစရာလမ်းလည်းမပေးဖူးဆိုတော့ကန်တော်ကြီးစောင်းထဲကနေ့ပြန်အော်နေခဲ့ကြတယ်..အဲမှာ အကြံရပြီးဝေးရင်လည်းဝေးပစေတိရိစ္ဆာန်ရုံဖက်ကပတ်သွားမယ်ဆိုပြီးဆရာကြီးလုပ်ခေါ်သွားတော့အကုန်နီးပါပဲ..လိုက်လာကြတယ်..
တံတားကိုကျော်ပြီးတာနဲ့တိရိစ္ဆာန်ရုံဖက်ကညာသံပေးပြီချီတက်လာတဲ့အုပ်နဲ့ထိပ်တိုက်တိုးတော့တာပါပဲ...သေနတ်ထိပ်မှာကလည်းဘက်နက်တွေကတ၀င်းဝင်းနဲ့...ကိုယ်ထိလက်ရောက်တော့မလုပ်ပါဖူးလာရာလမ်းပဲပြန်တွန်းပို့တာပါ..အဲဒီလမ်းနေရာလေးမှာဘယ်မှလဲခွဲထွက်စရာမရှိပါဖူး..သွားတုန်းကအရှေ့ကဆိုတော့ပြန်တွန်းပို့တော့အနောက်ဆုံးမှာဒီတခါတော့မျိုးတုန်းပြီတွက်ထားတာ.. အရှေ့ကလူတွေရပ်သွားတဲ့အခါမျိုးဘက်နက်ကကျောမှာလာထောက်နေတာမျိုးလည်းရှိတယ်..မူလနေရာကန်တော်ကြီးစောင်းထဲပြန်ရောက်လာတော့ဆက်လိုက်မလာတော့ပဲတိရိစ္ဆာန်ရုံလမ်းကနေပဲပိတ်ပြီးနေခဲ့ကြပါတယ်..ဘောင်ထရီကထွက်လာလာတဲ့စစ်ကားတွေကြောင့်ကွဲထွက်သွားတဲ့လူတွေကပန်းချီပန်းပုကျောင်းရှေ့ မှာထပ်အရိုက်ခံရတယ်လို့ သတင်းကြားရပြန်တယ်..သူတိုကရုံးချူပ်ဆီသွားလမ်းပိုနီးသွာတာလည်ပါပါတယ်.။ညနေကျမှလမ်းတွေပြန်ဖွင့်ပေးတယ်။ရိုက်လဲမ ရိုက်ဖမ်းလဲမဖမ်းပေခံနေခဲ့ရတယ်..ပန်းချီပန်းပုကျောင်းရှေ့ ရောက်တော့ဖိနပ်တွေပဲတွေရတော့တယ်..ဘယ်လောက်ဆိုးဆိုးရွားရွားအရိုက်ခံရလဲဆိုတာတော့မသိလိုက်ရပါဖူး။
ကျွန်တော်ပြောချင်တာဒေါ်အောင်ဆန်းစုကြည်ကအတူတူသွားအလေးပြုရအောင်လို့ ကျွန်တော်တို့ကိုခေါ်တာမဟုတ်ပါဖူး။
သူလာအလေးပြုပန်းခွေချတာကိုသွားကြည့်ကြတာဆိုတော့ကျွန်တော်တို့တခုခုဖြစ်
တာဒေါ်အောင်ဆန်းစုကြည်ဘာမှတာဝန်ယူပေးစရာမလိုသလိုဒေါ်အောင်ဆန်းစုကြည်ကိုလည်းဒီအကြောင်းအရာကိုအခြေခံပြီးတိုက်ခိုက်စရာမလိုပါ။။

အဲ့နေ့ ကလမ်းတွေအကုန်ပိတ်ထားခံရပြီးဒေါ်အောင်ဆန်းစုကြည်ရုံးချူပ်တောင်သွားခွင့်မရခဲ့ဖူးသိ၇ပါတယ်...
အနှစ်၂၀ကျော်ကအကြောင်းအရာပြန်ရေးရတာဆိုတော့နေရာအမှားအယွင်းရှိရင်ခွင့်လွှတ်ပါ။
အကြောင်းအရာတော့မမှားကြောင်းအာမခံပါတယ်။။။။

ကျမလို အဖြစ်မျိုးမဖြစ်ရလေအောင်


ကျမကိုယ်တွေ့ ကြုံတာလေးတစ်ခုကို စင်္ကာပူမှာရှိတဲ့  သူငယ်ချင်းများကျမလိုနောက်နောင် အလားတူအဖြစ်မျိုးမဖြစ်ရလေအောင်သင်ခန်းစာအနေနဲ့ တင်ပေးလိုက်တာပါ... ကျမ passport သက်တမ်းတိုးဖို့ service ပေးတဲ့အေဂျင်စီကို သွားခဲ့ ပါတယ်...လိပ်စာက ကိုပိုးတီ၊မနွယ် ကောင်းထက်သံရုံးဝန်ဆောင်မှုလုပ်ငန်း 111 North Bridge Road ,Penisular plaza ,#05-59,Singapore (179098) ဖြစ်ပါတယ်... ၁၂-၅-၂၀၁၁ ရက်နေ့ ကပါ...အေးဂျင့်နဲ့ တွေ့ ပြီးပတ်စ်စပို့ သက်တမ်းတိုးဖို့  အခွန်ဆောင်ရန်ကိစ္စအားလုံးပြောခဲ့ ပါတယ်...သံရုံးကိုအခွန်ဆောင်ရန် ငွေပမာဏနှင့်အေးဂျင့်ဖီးစ် ငွေပမာဏ၀န်ဆောင်ခတို့ က နှစ်ဦးနှစ်ဖက် သဘောတူပြီးကျသင့်ငွေကို တစ်ခါတည်းပေးခဲ့ ပါတယ်... ၃-၆-၂၀၁၁ ညနေတွင်ကျမအေးဂျင့်မှကျမဆီဖုန်းဆက်၍ အခွန်ဆောင်ပြီး ပတ်စ်စပိုသက်တမ်းတိုးပြီးပြီ ဖြစ်ကြောင်း နောက်တစ်နေ့ တွင်ပတ်စ်စပို့ လာယူလို့ရပြီဖြစ်ကြောင်း ပြောပါသည်...၄-၆-၂၀၁၁ရက်နေ့ တွင် ကျမသွားယူသောအခါသတ်မှတ်ထားသော ငွေပမာဏထက် ပိုပြီးတောင်းပါသည်...ကျမကသဘောတူသတ်မှတ်ထားသောငွေပမာဏထက်ပိုမပေးနိုင်ကြောင်း ပြောလိုက်ပါသည်...ထိုအခါ၎င်းအေးဂျင့်မှကျမပတ်စ်စပို့ ကို ပြန်မပေးနိုင်ဟုပြောပါသည်... ကျမက ပတ်စ်စပို့ပြန်မပေးလျှင် သံရုံးကိုတိုင်မည်ဟု ဆိုသောအခါ အေးဂျင့်မှမနွယ်က နင်တို့လို စောက်ဖြစ်မရှိတဲ့ မလောက်လေးမလောက်စားကောင်မတွေက သံရုံးကိုတိုင်ဦးမတဲ့ လား...ဒီမယ်... အဲဒီသံရုံးကလူတွေကို ငါ့အိပ်ကပ်ထဲ ထည့်ထားတာ...တိုင်......ကြိုက်တဲ့ နေရာသွားတိုင် ဟုရိုင်းစိုင်းစွာပြောဆိုပါသည်... ကျမတို့ လို ရေမြေခြားမှာအလုပ်လုပ်ရသော အလုပ်သမားများအဖို့  ပတ်စ်စပို့ သည် ဘယ်လောက်အရေးကြီးသလဲ ဆိုတာကိုနိုင်ငံရပ်ခြားတွင်အလုပ်လုပ်ကိုင်နေသော သူငယ်ချင်းများ အားလုံးသိကြမှာပါ... ကျမရဲ့ S-passcardသက်တမ်းလည်း ကုန်ခါနီးပြီဖြစ်လို့  ပတ်စ်စပို ့ကလည်းကျမအတွက်အရမ်းအရေးကြီးတာပါ...ကျမရဲ့ ပတ်စ်စပို့ ကိုဆုတ်ဖြဲပြီးလွှင့်ပစ်လိုက်ရင်ကောကျမဘာဆက်လုရမလဲ... ဒါကြောင့် ကျမလိုစင်္ကာပူမှာလုပ်ကိုင်နေသော သူငယ်ချင်းများကိုလည်း ကျမလို အဖြစ်မျိုးမဖြစ်ရလေအောင်ကိုပိုးတီ၊မနွယ်ဆိုသော အေးဂျင့်ကို ရှောင်ကြဉ် နိုင်အောင်သိစေချင်လို့ ရေးလိုက်တာပါ..ထိုမှသာသူတို့ ရဲ့  အကျည်းတန် တဲလုပ်ရပ်ကို ဟန့်တားနိုင်လိမ့်မည်ဟု ထင်ပါတယ်..

အသိမှတ်ပြုတယ်ဆိုတာ စိတ်သတ္တိရှိမှလုပ်ရဲတဲ့အလုပ်ဖြစ်တယ်



အသိမှတ်ပြုတယ်ဆိုတာ စိတ်သတ္တိရှိမှလုပ်ရဲတဲ့အလုပ်ဖြစ်တယ် ( ဆရာတော် ဦးဇောတိက )


ဦးသိန်းစိန်ကြံ့ဖွတ်အစိုးရတက်လာတော့ဒေါ်အောင်ဆန်းစုကြည်ကအစိုးရတရပ်အဖြစ်ရှုမြင်တယ်ဆိုတာကို ပြောခဲ့တယ်။မဲလိမ်လို့ပဲတက်လာလာ၊မတရားလုပ်လို့ပဲဖြစ်ဖြစ် ခပ်တည်တည်နဲ့တော့ အစိုးရဖြစ်လာတာပဲ (ပြည်သူတွေကမဲပေးလိုက်တာကိုး)ဒါကိုဒေါ်စုသဘောပေါက်တယ်၊လက်ခံချင်သည်ဖြစ်စေ၊လက်မခံချင်သည် ဖြစ်စေ..အစိုးရတရပ်တော့ဖြစ်လာပြီ၊ဒေါ်စုဘက်ကရိုးသားတယ်အရှိတရားကိုအရှိတရားအဖြစ်မြင်လိုက်တယ်….ဒါဟာစိတ်သတ္တိတမျိုးပါ။

ဂျွှန်မက်ကိန်းမြန်မာနိုင်ငံကိုလာရောက်လို့ ကြံ့ဖွတ်အစိုးရရဲ့ဒု သမ္မတ ဦးတင်အောင်မြင့်ဦး နဲ့တွေ့တော့ ဒေါ်အောင်ဆန်းစုကြည်ကို သာမန်အရပ်သားတယောက်လိုသဘောထားပါတယ်တဲ့ ၊ သဘောကတော့ သူလိုကိုယ်လိုပါပဲဆိုတဲ့အဓိပ္ပါယ်သက်ရောက်တယ်၊သူတို့အနေနဲ့ထူးထူးခြားခြားလူထုခေါင်းဆောင်တို့၊ဒီမိုက ရေစီခေါင်းဆောင်တို့သတ်မှတ်ဘို့ အသိမှတ်မပြုပါဘူးပေါ့----ဒါဟာ အရှိတရားကိုမျက်ကွယ်ပြုလိုက်ခြင်းပါ။

ကျနော်အရင်က အသိမှတ်ပြုခြင်းရဲ့အနှစ်သာရ နဲ့ စိတ်ခွန်အားသတ္တိကို သိပ်သဘောပေါက်ခဲ့ပါဘူး ၊ဆရာတော်ဦးဇောတိကရဲ့တရားတော်တွေကိုစာအုပ်စာပေတွေကနေဖတ်ရှုရတဲ့အခါရောက်မှကောင်းကောင်းသဘောပေါက်လာတယ်။ တကယ်တော့ အသိမှတ်ပြုတယ်ဆိုတာ စိတ်သတ္တိရှိမှ လုပ်ရဲတဲ့အလုပ်တဲ့ ၊ သိပ်မှန်လိုက်တဲ့စကားဗျာ။ကျနော့်ဘ၀မှာဒီအယူအဆလေးကအတော်ကိုလွှမ်းမိုးသွားခဲ့တယ်၊အတိတ်ကိုပြန် စဉ်းစားကြည့်လိုက်တဲ့အခါကိုယ့်ကိုယ်ကိုယ်အတော်ရှက်စရာကောင်းတဲ့လုပ်ရပ်တွေနဲ့စိတ်အစဉ်တွေကိုပြေးမြင်မိတယ်၊ လူတော်တော်များများဟာ မကောင်းတာများကိုသာအသိမှတ်ပြုဘို့ဝန်မလေးတတ်ကြပေမဲ့လို့ ကောင်းကွက်တွေကို အသိမှတ်ပြုဘို့ကြအတော်ဝန်လေးတတ်ကြတာမဟုတ်လား၊ ဒါဟာ သာမန်စိတ်ပါ ၊ လူတယောက်ယောက်ရဲ့ကောင်းကွက်တော်ကွက်တွေကိုအသိမှတ်ပြုဘို့ဆိုတာအပြောလွယ်သလောက်အလုပ်ခက်တယ်၊ဆရာတော်ပြောသလိုစိတ်ခွန်အားစိတ်သတ္တိတွေလိုတယ်၊ကျနော်ဒီအမှန်တရားကိုလက်တွေ့ကျင့်သုံး ကြည့်တယ်၊ကျနော် အင်္ဂလိပ်စာ ကျူရှင်ဆရာတယောက်အဖြစ်ရပ်တည်တော့ စာတော်တဲ့ ကျောင်းသားတွေကို အရှိကိုအရှိတိုင်းအပိုအလိုမရှိအသိမှတ်ပြုကြည့်တယ်အဲဒီတော့ဒီကျောင်းသားတွေဟာပိုပိုပြီးတော်လာတာကို တွေ့ရတယ်လိုအပ်ချက်တွေကိုလည်းစေတနာရှေ့ထားထောက်ပြတယ်ကျောင်းသားတွေဟာလိုလိုလားလားခံယူပြီး ကြိုးစားလာတာကို တွေ့ရတာအမှန်ပါ ၊ ဒါကို အသိမှတ်ပြုခြင်းရဲ့အကျိုးရလာဒ်လို့ခံယူမိတယ်။ အပြင်လောကလူမူ့ဆက်ဆံရေးနယ်ပယ်မှာလည်း ကျင့်သုံးကြည့်တယ် အဲဒီလိုအသိမှတ်ပြုခံရတဲ့သူတွေဟာ ကိုယ့်ကို ခင်မင်လေးစားလာတာ လက်တွေ့ပါ၊

အသိမှတ်ပြုတယ်ဆိုတာအပိုအလိုမရှိကျင့်သုံးရတဲ့ကိစ္စပါ၊ပိုသွားတယ်ဆိုမြှောက်ပြောတာ၊ဘုန်းတော်ဘွဲ့တွေချီးကျူးတာဖြစ်သွားမယ်၊လိုပြောတယ်ဆိုရင်တော့အသိမှတ်မပြုရဲတာနဲ့အတူတူပါပဲ၊ အသိမှတ်မပြုရဲတာဟာမုန်းတီးခြင်းတွေမနာလိုခြင်းတွေယှဉ်တွဲရာကဖြစ်ပေါ်လာတဲ့ဒေါသစိတ်တွေပါ၊ ဒါပေမဲ့လို့အယူအဆတခုလုပ်ရပ်တခုအပေါ်မှာတော့ရှု့ထောင့်ဆိုတာရှိပါတယ်ဘယ်ရှုထောင့်ကရပ်တည်ပြောတာလည်းဆိုတဲ့ အပေါ်တည်မှီပြီး အသိမှတ်ပြုခြင်းတွေ မပြုခြင်းတွေဆိုတာ ကွဲပြားနိုင်ပါတယ်၊ ဥပမာ ဗိုလ်ချုပ်အောင်ဆန်းဟာတိုင်းပြည်ရဲ့ခေါင်းဆောင်ဖြစ်တယ်၊တပ်မတော်ဖခင်ဖြစ်တယ်ဒါဟာအသိမှတ်ပြုကိုပြုရမဲ့အရာပါ၊ပကတိတည်ရှိခဲ့တဲ့အရာတွေမဟုတ်လား၊သူလုပ်ခဲ့တဲ့လုပ်ရပ်တွေသူပြုမူဆောင်ရွက်ခဲ့တဲ့အရာတွေ ပေါ်မှာတော့ ရှုထောင့်အပေါ်လိုက်ပြီးကွဲပြားနိုင်ပါတယ်၊ ထိုနည်းတူစွာပဲ ဒေါ်အောင်ဆန်းစုကြည်ဟာ လူထုခေါင်းဆောင် ၊ ဒီမိုကရေစီခေါင်းဆောင် ၊ အမျိုးသားဒီမိုကရေစီအဖွဲ့ချုပ်ပါတီရဲ့ခေါင်းဆောင်ဗျာ ရှင်းပါတယ် ဒါတွေဟာ လက်တွေ့ပကတိအရှိတရားတွေပါ ၊ သူ့ရဲ့လုပ်ဆောင်ချက်တွေနဲ့ပတ်သက်လို့ အသိမှတ်ပြုမယ် မပြုဘူးဆိုတာ ဒါက ရပ်တည်ချက်ရှုထောင့်နဲ့ဆိုင်သွားပြီ ( ဒါသူတို့သဘော )၊

ဒေါ်အောင်ဆန်းစုကြည်ဟာဗိုလ်ချုပ်မူးကြီးစောမောင်လက်ထက်ကလည်းဗိုလ်ချုပ်မူးကြီးစောမောင်လို့ပဲသုံးတယ် ဦးစောမောင်လို့တောင်မသုံးဘူး ၊ ထိုနည်းတူစွာပဲ ဗိုလ်ချုပ်မူးကြီးသန်းရွှေ ၊ မောင်အေး စသည်ဖြင့်ပေါ့ ဗိုလ်ချုပ်မူးကြီးလို့ပဲခေါ်ဝေါ်တယ်၊ဒါဟာအသိမှတ်ပြုရဲတဲ့စိတ်သတ္တိကိုဖော်ညွှန်းနေတာပဲစစ်အာဏာရှင်များဘက်ကကြဒေါ်အောင်ဆန်းစုကြည်ကိုဒေါ်အောင်ဆန်းစုကြည်လို့ခေါ်ဝေါ်ဘို့သတ္တိတွေမွေးနိုင်ပါပြီလားအသိမှတ်ပြုရဲ ပါပြီလား၊သာမန်ကြည့်မယ်ဆို ဘာမှမဟုတ်သလိုထင်ရပေမဲ့ သိပ်အရေးကြီးတဲ့ကိစ္စပါ ၊ မြန်မာ ဆိုတာကိုမပြောင်းလည်းပဲနဲ့ဗမာလို့ဆက်သုံးစွဲနေတဲ့နိုင်ငံတကာနဲ့အတိုက်အခံများကိုရှုတ်ချလိုက်တဲ့အာဏာရှင် ကြီးများကရော အထက်ဖော်ပြပါ ကိစ္စများကိုပြောင်းလည်းဘို့ အသိမှတ်ပြုရဲဘို့ စိတ်ခွန်အားတွေရှိပါရဲ့လား၊

ဒေါ်အောင်ဆန်းစုကြည်ဟာဒုသမ္မတကြီးဦးတင်အောင်မြင့်ဦးပြောသလိုသာမန်အရပ်သားတယောက်ပါဆိုရင်ဘာ့ကြောင့်စူပါပါဝါနိုင်ငံကြီးကထင်ရှားတဲ့နိုင်ငံရေးခေါင်းဆောင်တယောက်ကရေးကြီးခွင်ကျယ်ပြောဆိုပြီး သမ္မတ ကြီးကရော ဘာလို့ရေးကြီးခွင်ကျယ် စကားထဲ ထဲ့ပြောနေရတာလည်း ဒါဟာ အာဃာင်္တတွေ အငြိုးတွေ အမုန်းတွေကြီးနေဆဲဆိုတာကို ဖော်ကျူးလိုက်ခြင်းရဲ့သင်္ကေတ စကားရိပ်တွေပါ။

ကျနော်အကျဉ်းထောင်တွင်းမှာရှိနေတုန်းအခါတုန်းကထောင်ကျလာတဲ့တပ်ရင်းမူးတယောက်နဲ့ဆုံခဲ့ တယ် ၊ ကျနော်က သူ့ကို တပ်ရင်းမူးကြီးလို့ပဲခေါ်တယ် ( ဒီအခေါ်ဝေါ်ကို သူမငြင်းပယ်ခဲ့ပါဘူး - အဲဒီအချိန်မှာ သူဟာထောင်ကျလာတဲ့ထောင်သားတယောက်ပါ)ဒါပေမဲ့လို့ကျနော်ကထောင်ရဲ့အကြီးဆုံးအုပ်ချုပ်ရေးအရာရှိကို ထောင်ပိုင်ကြီး ထောင်ပိုင်ကြီးလို့ခေါ်ဝေါ်တဲ့ ကိစ္စကိုကြ သူကတားမြစ်ခဲ့တယ်၊ နံမည်တပ်ခေါ်ပါတဲ့ ၊ ကျနော်သူ့ရဲ့စိတ်သတ္တိနဲ့စိတ်ခွန်အားကိုသဘောပေါက်လိုက်ပါတယ်၊သူ့မှာလူတွေကိုအသိမှတ်မပြုရဲတဲ့ရောဂါ ဖြစ်နေတာကိုး၊(သူ့ကိုအသိမှတ်ပြုတာကိုတော့ခံချင်ပြီးသူကကြ အသိမှတ်ပြုဘို့ဝန်လေးတတ်တဲ့အမျိုးစားပါ )

နောက်တခါနိုင်ငံရေးအကျဉ်းသားကိစ္စနိုင်ငံရေးလုပ်ဆောင်ချက်ကြောင့်ထောင်သွင်းအကျဉ်းချခံရတယ်ဆို နိုင်ငံရေးအကျဉ်းသားပေါ့ ဒါရှင်းပါတယ် ဒါကိုငြင်းပယ်တဲ့ကိစ္စဟာ အမှန်ကိုမျက်ကွယ်ပြုလိုက်ခြင်းပါ အသိမှတ်မပြုရဲခြင်းပါ၊နိုင်ငံရေးလုပ်ဆောင်ချက်ကြောင့်အကျဉ်းချခံရသူဟာနိုင်ငံရေးအကျဉ်းသားဖြစ်တယ် ယုံကြည်ချက်အကျဉ်းသားတို့ဘာတို့ဆိုတာ စကားလုံးတွေနဲ့ရှုတ်ထွေးသွားနိုင်တဲ့ကိစ္စ

နိုင်ငံရေးအကျဉ်းသားတွေလွှတ်ပေးပါလို့ပြောတာ-နိုင်ငံရေးလုပ်ဆောင်ချက်ကြောင့်ပုဒ်မအမျိုးမျိုးတပ်ပြီးထောင်ချထားသောသူများကိုဆိုလိုတာဒါကိုဝေ့လည် ကြောင်ပတ်နဲ့နိုင်ငံရေးအကျဉ်းသားမရှိပါဘူးဆိုတာအသိမှတ်ပြုဘို့စိတ်ခွန်အားနည်းနေတဲ့အရာလို့ပဲစွပ်ဆွဲချင်တယ်။အသိမှတ်ပြုဘို့ကိုတောင်မှဝန်လေးနေတယ်ဆိုရင်ရှေ့ဆက်သွားမယ့်အမျိုးသားပြန်လည်သင့်မြတ်ရေးဆိုတာကို ဘယ်လိုလှမ်းကြမလည်း ။စစ်အာဏာရှင်အဆက်ဆက်ဟာ သူတို့စည်းစိမ်အာဏာတည်မြဲရေးအတွက် တပ်မတော်ကိုအသုံးချသွားကြတယ်။ကျနော်တို့အတိုက်အခံများဟာတပ်မတော်နဲ့စစ်အာဏာရှင်တစုကိုခွဲမြင်ဘို့တော့လိုတယ်။ နိုင်ငံဝန်ထမ်းဆိုတာ နိုင်ငံရေးသိပ္ပံအသုံးအနှုန်းနဲ့ပြောရရင်(state)ပဲ ၊ နိုင်ငံရဲ့သယံဇာတတွေ ၊ အရင်းအမြစ်တွေ ၊လေထု ၊ မြေထု ၊ရေထု စသဖြင့်ပေါ့ ၊ ဒါတွေဟာ တိုက်ရတဲ့အမျိုးမဟုတ်ဘူး ၊ ကျနော်တို့တိုက်ရမှာ အစိုးရ ( Government ) ၊ state ဆိုတာ ဘယ်အစိုးရတက်လာလာ သူကရှိနေမှာပဲ တပ်မတော်ဟာ နိုင်ငံဝန်ထမ်းဖြစ်တယ် ၊ သူကဘယ်အစိုးရတက်လာလာ တပ်မတော်ဆိုတာရှိနေမှာပဲ ၊ ဒါကိုအသိမှတ်ပြုရမယ်။ အသိမှတ်လည်းပြုရဲရမယ်။

စစ်အာဏာရှင်ကြိုးကိုင်ခံအစိုးရလို့ပဲပြောပြော၊ကြံဖွတ်အစိုးရလို့ပဲခေါ်ခေါ်သူတို့ကိုတခုမေးချင်ပါတယ် မြန်မာနိုင်ငံမှာရှိတဲ့လူထုအများစုဟာဆင်းရဲတွင်းနက်နေပါတယ်ဆိုတာကို အသိမှတ်ပြုရဲပါသလား ၊ လူထုကြီး အမှန်တကယ် ဆင်းရဲတွင်းနက်တယ် မနက်ဘူးဆိုတာကို စာဖတ်သူများပဲ သုံးသပ်ပြီး အဖြေမှန်ထုတ်ပေးပါ၊ အမှန်တကယ် အဘက်ဘက်က ယိုယွင်းပျက်စီးပြီး နိမ့်ကျနေတာကို လက်ရှိအုပ်ချုပ်နေတဲ့အစိုးရ အသိမှတ်မပြုနိုင်သမျှကာလပတ်လုံးအတိုက်အခံများနဲ့တွေ့ဆုံဆွေးနွေးရေးတို့၊အမျိုးသားပြန်လည်သင့်မြတ်ရေးတို့ဆိုတာတွေဟာ အလှမ်းဝေးနေဦးမှာပါ။

တခုတော့ပြောချင်ပါတယ်…ဂျွှန်မက်ကိန်းကပြောတယ်……ပြုပြင်ပြောင်းလည်းရေးတွေမလုပ်ဘူးဆိုရင် အာရပ်ကမ္ဘာလိုလူထုတော်လှန်ရေးတွေနဲ့ကြုံတွေ့နိုင်တယ်လို့ပြောဆိုချက်ဟာ..တန်ခိုးရှင်မို့ဖောက်ထွင်းမြင်နိုင်လို့ပြောသွားတာမဟုတ်ဘူး၊ရမ်းတုတ်ပြီးပြောသွားတာလည်းမဟုတ်ဘူး……သူဟာနိုင်ငံရေးကျွှမ်းကျင်သူဖြစ် တယ်….ရှေ့ကိုကြိုမြင်နေတယ်………..အတွေ့အကြုံနဲ့သင်ခန်းစာတွေက ပေးလိုက်တဲ့ ပြဌာန်းချက်ပဲ

အသိမှတ်ပြုတယ်ဆိုတာ စိတ်သတ္တိရှိမှလုပ်ရဲတဲ့အလုပ်ဖြစ်တယ်



အားလုံးကိုလေးစားစွာဖြင့်

( မောင်မောင်ဝမ်း )ံ

Recognize.pdfRecognize.pdf
100K   View   Download  

၇.၆.၂၀၁၁ ရက်နေ့ရဲရင့်ငယ်ဒိုင်ယာရီ



http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

2 attachments — Download all attachments  
7 Jun 2011 Yeyintnge's Diary.doc7 Jun 2011 Yeyintnge's Diary.doc
1661K   View   Download  
7 Jun 2011 Yeyintnge's Diary.pdf7 Jun 2011 Yeyintnge's Diary.pdf
1727K   View   Download  
http://www.mediafire.com/file/yh9zd3li210ipbf/7%20Jun%202011%20Yeyintnge%27s%20Diary.doc
http://www.mediafire.com/file/yn5px6kj6spq14a/7%20Jun%202011%20Yeyintnge%27s%20Diary.pdf
7 Jun 2011 Yeyintnge's Diary

ရပ်ကွက် အုပ်ချုပ်ရေးရုံးများမှ ဗိုလ်ချုပ်မှူးကြီး၏ ဓါတ်ပုံများ ဖြုတ်မချသေး



မိုးမခ အထောက်တော်၊ ရန်ကုန်

ဇွန် ၇၊ ၂၀၁၁

ဧပြီ လ ၃၀ ရက်နေ့တွင် နအဖ အစိုးရအဖွဲ့ကို တရားဝင်ဖျက်သိမ်းပြီး ကြံ့ဖွံ့ကြီးစိုးသည့် အစိုးရအဖွဲ့သစ်သို့ အာဏာလွှဲအပ်ခဲ့ပြီးနောက် ဗိုလ်ချုပ်မှူးကြီး သန်းရွှေ၏ ဓါတ်ပုံများအား ရုံးများတွင် ချိတ်ဆွဲထားခြင်းကို ဖြုတ်ချဖို့ ညွှန်ကြားသည့်စာထွက်ရှိခဲ့သည်ဆိုသည့် သတင်းများ ထွက်ပေါ်ခဲ့သော်လည်း ယခုအချိန်ထိ ဓါတ်ပုံများ ချိတ်ဆွဲထားဆဲ ဖြစ်သည်ကို တွေ့ရှိရသည်။
နအဖ အစိုးရအဖွဲ့ဖျက်သိမ်းပြီးနောက်တွင် ယခင် ဗိုလ်ချုပ်မှူးကြီး သန်းရွှေ ရယူထားသည့် ရာထူး၅ ခုစလုံးမှ အနားယူခဲ့သော်လည်း စစ်တပ်မှ အငြိမ်းစား မယူသေးပဲ ဗိုလ်ချုပ်မှူးကြီး အခေါ်အဝေါ်ဖြင့် ရှိနေဆဲဖြစ်သည်ဟု နေပြည်တော် တပ်အသိုင်းအ၀ိုင်းမှ လာသည့် သတင်းများအရ သိရှိရသည်။

ပြီးခဲ့သည့် လလယ်က သတင်းမီဒီယာများနှင့် ကြံ့ဖွံ့ပါတီ အထွေထွေအတွင်းရေးမှူး ဦးဌေးဦးတို့တွေ့ဆုံစဉ် ဗိုလ်ချုပ်မှူးကြီး သန်းရွှေ ရာထူးအားလုံးမှ အမှန်တကယ် အနားယူသွားပြီဖြစ်သည်ဟု ပြောကြားခဲ့သည်။ ကြံ့ဖွံ့ပါတီ၏ နာယက အဖြစ်မှပါ အနားယူသွားခဲ့ပြီး ပါတီရုံးကိုလည်း လာရောက်ခြင်း မရှိကြောင်း ၄င်းကပြောဆိုခဲ့သော်လည်း ရပ်ကွက်အုပ်ချုပ်ရေးရုံးများ၊ ပြည်ထဲရေး ၀န်ကြီးဌာနလက်အောက်ရှိ နိုင်ငံကူးလက်မှတ်ထုတ်ပေးရေး ရုံးများတွင် ဗိုလ်ချုပ်မှူးကြီး၏ ဓါတ်ပုံကို ချိတ်ဆွဲထားဆဲဖြစ်သည်ကို တွေ့နေရသည်ဟု ရန်ကုန်မြို့ခံ တဦးက ပြောသည်။

ဗိုလ်ချုပ်မှူးကြီး သန်းရွှေ တပ်မတော် ကာကွယ်ရေး ဦးစီးချုပ်ရာထူးမှ အနားယူသွားသော်လည်း တပ်မတော် အဆောင်အယောင်ကို မချွတ်သေးခြင်းမှာ မည်သည့်ရည်ရွယ်ချက်ကြောင့် ဆိုသည်ကို ရှင်းလင်းစွာ မသိရသေးသော်လည်း တပ်ကို သြဇာလွှမ်းမိုးနိုင်သေးသည်ကို ပြသလိုသည့် သဘောရှိသည်ဟု ရန်ကုန် အခြေစိုက် သတင်းအယ်ဒီတာ တဦးက ပြောသည်။
http://moemaka.com/index.php?option=com_content&task=view&id=9057&Itemid=1

အောင်ဆန်းစုကြည် မြန်မာပြည်တွင်နေသည်






အောင်ဆန်းစုကြည် မြန်မာပြည်တွင်နေသည်
မောင်လွမ်းဏီ
ဇွန် ၈၊ ၂၀၁၁
၈၈
၂၆ နှစ်ကျော်
မိုးပေါ်ထောင် မပစ်တဲ့
အာဏာသိမ်းးစစ်တပ်ရဲ့ လူမဆန်မှု၊
အဖိနှိပ်ခံလူထုအတွက်
လက်ပိုက်ရပ်မကြည့်
အရေးကြီးတော့ သွေးနီးခဲ့သူ။

ရွှေတိဂုံ အနောက်မုခ်
လူထုလှုပ်ရှားမှု
ဒုတိယလွတ်လပ်ရေး
လွတ်မြောက်ရေးတိုက်ပွဲ
ယုံကြည်၊ရဲတင်း ၊ ခုန်ဆင်း၊
နေအိမ်အကျဉ်း
ရေးထွင်းခဲ့ ဒီပဲယင်းကျောက်စာ
သေတွင်းနက်နက်
မက်မက်စက်စက်၊ ပက်ပက်စက်စက်
တက်တက်ကြွကြွ သက်ဆင်းခဲ့သူ။

တရားရုံးနဲ့ ထောင်နှုတ်ခမ်း
အကြိမ်ကြိမ်လျှောက်လှမ်းရင်း
၆၆ နှစ်တွင်း ၀င်ခဲ့သူ။

လက်ရည်တပြင်စီး
နှီးဒေါင်းလန်းတွေနဲ့ 
ဝိုင်းဖွဲ့ ကာ စားကြသည်တွင်
ဟေ့ သူငယ်ချင်းရေ၊ တို့ နယ်ပယ်တွင်
မိုးသက်ကယ်ဆင်၊ ရှစ်ခွင်ကမည်း
မိုး ရွာမလိုလိုနဲ့ ပဲ၊ ညီညွတ်ရေး နဲ့ 
အသက်ရှည်ရှည် ခင်ခင်မင်မင်
လက်ရေတပြင်စီး၊ ရှေးကထက် ပိုချစ်မဲ့သူ။

၃ - ၆ - ၂၀၁၁
-  မြန်မာပြည်တွင် (နေသည်) ။ မိုးမိုး (အင်းလျား)
-  ဒီပဲရင်းကျောက်စာ။ (ထိုက်သူနိုင်)
-  လက်ရည်တပြင်စီး (နန်းတော်ရှေ့ ဆရာတင်) 
http://moemaka.com/index.php?option=com_content&task=view&id=9059&Itemid=1

တရုတ် စစ်ရေး ၀ှက်ဖဲ ရှန်ဂရီလာ တွင် အာရှ နိုင်ငံ များ ကို စိတ်မသက် သာ ရာ ဖြစ်စေ



LGL
DK . စင်္ကာပူနိုင်ငံတွင် လန်ဒန်မြို့အခြေစိုက် နိုင်ငံတကာမဟာဗျူဟာလေ့လာရေးအဖွဲ့ကြီး
(IISS, International Institute of Strategic Studies) မှ ဇွန်လ ၃ ရက်နေ့မှ ၅ ရက်နေ့ထိ
သုံးရက်ကြာစီစဉ်ကျင်းပခဲ့သည့် လုံခြုံရေးဆိုင်ရာနှီးနှောဖလှယ်ပွဲ (Shangri-La Dialogue)
တွင် တရုတ်ကာကွယ်ရေးဝန်ကြီး၊ ဗိုလ်ချုပ်ကြီးလျန်ကွမ်းလီ (General Liang Guanlie) ၏
ဒေသတွင်းတရုတ်မှပါဝင်ပတ်သက်နေသည့် အဓိကပြဿနာရပ်များနှင့်စပ်လျဉ်း၍ လှီး
လွှဲဖြေကြားခဲ့သည့်စကားများမှ အာရှနိုင်ငံများအကြား မကျေနပ်မှုများနှင့်သံသယများကို
ပို၍ပင်တိုးပွားစေခဲ့သည်။ ၄င်းမှ အရှေ့တောင်အာရှတွင်း သည်းခံစောင့်စည်းမှုနှင့်အတူြ
ငိမ်းချမ်းစွာယှဉ်တွဲရပ်တည်ရန်ရှေးရှူသည်ဆိုသော တရုတ်နိုင်ငံ၏မူဝါဒသဘောထားများ
ကို ဤလုံခြုံရေးဆိုင်ရာနှီးနှောဖလှယ်ပွဲတွင် နိုင်ငံတကာအသိုင်းအ၀ိုင်းမှ ယုံကြည်လာရန်
ကြိုးစားခဲ့သည်။
စင်္ကာပူနိုင်ငံ၊ ရှန်ဂရီလာဟိုတယ်၌ ယခုနှစ်အပါအ၀င် (၁၀) နှစ်မြောက် ကျင်းပခဲ့သည့်
လုံခြုံရေးဆိုင်ရာနှီးနှောဖလှယ်ပွဲသို့ နိုင်ငံပေါင်း (၃၅) နိုင်ငံမှ ၀န်ကြီးချုပ်၊ ဒုတိယ၀န်ကြီး
ချုပ်များ၊ ကာကွယ်ရေးဝန်ကြီးများအပါအ၀င် အဆင့်မြင့်အစိုးရအရာရှိများ၊ သံတမန်များ၊
စစ်ဘက်ထိပ်တန်းအရာရှိများ၊ လုံခြုံရေးနှင့်မဟာဗျူဟာရေးရာကျွမ်းကျင်သူပညာရှင်များ၊
နိုင်ငံတကာသတင်းထောက်များနှင့်အတူ အခြားဖိတ်ကြားခံရသူများတက်ရောက်ခဲ့ကြ
သည်။
ဗိုလ်ချုပ်ကြီးလျန်ကွမ်းလီ၏ ရင်းနှီးပွင့်လင်းစွာဆွေးနွေးမှု
ဗိုလ်ချုပ်ကြီးလျန်ကွမ်းလီသည် လုံခြုံရေးဆိုင်ရာနှီးနှောဖလှယ်ပွဲ (Shangri-La Dialogue)
သို့ တရုတ်နိုင်ငံမှ ဆွေးနွေးပွဲတက်ရောက်လာခဲ့သည့်အဖွဲ့များတွင်ဦးဆောင်သည့် ပထမဆုံးသော
တရုတ်ကာကွယ်ရေးဝန်ကြီးဖြစ်ပြီး တရုတ်ပြည်သူ့လွတ်မြောက်ရေးတပ်မတော်ဟုအမည်ရသည့်
(PLA, People Liberation Army) ၏ ဒေသဆိုင်ရာအရေးကိစ္စရပ်များ၊ တရုတ်ပြည်မှ တောင်
တရုတ်ပင်လယ်တွင်းထိန်းချုပ်လွှမ်းမိုးမှု၊ တရုတ်စစ်တပ်အားခေတ်မှီပြောင်းလဲမှု နှင့် ဒေသတွင်း
လုံခြုံရေးကိစ္စရပ်များတွင် ပူးပေါင်းဆောင်ရွက်မှုတို့နှင့်အတူ Foreign Policy မဂ္ဂဇင်းကြီး၏ The
Cable အင်တာနက်သတင်းကဏ္ဍ၊ လုံခြုံရေးနှင့်နိုင်ငံခြားရေးဆိုင်ရာသတင်းထောက် ဂျို့ရ်ှရိုဂင်၏
မေးခွန်းများကိုပါဖြေကြားခဲ့ခြင်းအပါအ၀င် စုစုပေါင်း ၄၅ မိနစ်ခန့် ပြောကြားသွားခဲ့သည်။
၎င်းမှတရုတ်နိုင်ငံအနေနှင့် ဒေသတွင်းငြိမ်းချမ်းရေးနှင့် တည်ငြိမ်မှုအားအခြားသူများထက်ကိုပိုမိုလို
လားကြောင်း၊ ဒေသတွင်းတဦးနှင့်တဦးမယုံကြည်မှုများ၊ ထိပ်တိုက်ရင် ဆိုင်မှုများမရှိပဲ အိမ်နီးချင်းနိုင်ငံ
များနှင့် ခိုင်မြဲသောချစ်ကြည်ရင်းနှီးမှုနှင့် အတူတကွလက်တွဲလုပ်ဆောင်မှုမူဝါဒကို အစဉ်လိုက်နာကျင့်
သုံးကြောင်းပြောကြားခဲ့သည်။ ဆက်လက်ပြီး တရုတ်နိုင်ငံမှ အခြားအာရှနိုင်ငံများနှင့်အတူ ငြိမ်းချမ်း၍
တည်ငြိမ်မှုရှိပြီး သာတူညီမျှဖြစ်၍ အားလုံးအတူတကွပူးပေါင်းပါဝင်ကြပြီး  နှစ်ဦးနှစ်ဘက်အပြန်အလှန်
ယုံကြည်စိတ်ချမှုရှိကြသည့် အရပ်ဒေသကြီးတခုအဖြစ်သို့ရောက်ရှိစေရန် နိုင်ငံရေးအရယုံကြည်စိတ်ချမှု၊ အားလုံးနှင့်သက်ဆိုင်သောဖွံ့ဖြိုးတိုးတက်မှုနှင့် ပြည်သူများအချင်းချင်း အပြန်အလှန်ဖေးမကူညီမှုတို့အား
မြှင့်တင်ရန်အတွက်အသင့်ရှိနေသည် ဟုပြောကြားခဲ့သည်။
ဆွေးနွေးပွဲ သို့ တက်ရောက် လာသည့် ဗြိတိသျှ ကာကွယ်ရေး ၀န်ကြီး လီယမ် ဖောက်(စ)
အပြောနှင့်အလုပ်နှင့်မညီညွတ်မှု
တရုတ်ဗိုလ်ချုပ်ကြီးသည် အရှေ့တောင်အာရှဒေသတွင်း လောလောလတ်လတ်ဖြစ်ပွားခဲ့သည့် တရုတ်
ဘက်မှရန်လိုမှုများနှင့်ပတ်သက်ပြီး အသိအမှတ်ပြုဝန်ခံခြင်းမရှိပဲ ဆင်ဝှေ့ရန်ရှောင်လုပ်နေခဲ့ခြင်းမှ
ဆွေးနွေးပွဲ တက်ရောက်လာသည့် နိုင်ငံပေါင်း ၃၅ နိုင်ငံမှ အစိုးရအရာရှိများ၊ စစ်ဘက်အရာရှိများနှင့်
ကျွမ်းကျင်သူပညာရှင်များအနေဖြင့် လူကြားကောင်းအောင်ဆိုသော်လည်း လက်တွေ့နှင့်ဖြောင့်ဖြောင့်
ကြီးဆန့်ကျင်နေသည့်တရုတ်နိုင်ငံ၏ အပြောနှင့်အလုပ်နှင့်မညီညွတ်မှုကို မျက်ဝါးထင်ထင်သိမြင်ခဲ့ကြပြီး
၎င်းတို့အားအတော်ပင်စိတ်ပျက်စေခဲ့သည်။ တရုတ်ဗိုလ်ချုပ်ကြီးပြီးနောက် ဆက်လက်ဆွေးနွေးသည့်
ဗီယက်နမ်နှင့်ဖိလစ်ပိုင်ကာကွယ်ရေးဝန်ကြီးများမှ တရုတ်နိုင်ငံအား ပြင်းထန်စူးရှသည့် ပြစ်တင်ဝေဖန်မှု
များသို့ဦးတည်စေခဲ့ပြီး ကာကွယ်ရေး ၀န်ကြီး ရောဘတ် ဂိတ် ဦးဆောင်သည့် အမေရိကန်ကိုယ်စားလှယ်
အဖွဲ့လည်း ထိုနေ့ကစိတ် ပျက်လက်ပျက်ဖြင့် ပြန်သွားခဲ့ကြရသည်။
အပြုံးများနှင့်အလိုက်သင့်ဗိုလ်ချုပ်ကြီး
ဗိုလ်ချုပ်ကြီးလျန်ကွမ်းလီမှ စနေ၊တနင်္ဂနွေ ၂ ရက်၌ ပစိဖိတ်ဒေသတွင်း အဓိကစစ်အင်အားကြီး ၂ နိုင်ငံဖြစ်သည့်
အမေရိကန်တရုတ်ဆက်ဆံရေးပိုမိုကောင်းမွန်လာခဲ့ခြင်းကို အသားပေးကာအငြင်းပွားမှုဖြစ်နိုင်သည့်အကြောင်း
အရာများကိုရှောင်ကြဉ်၍အမေရိကန်နိုင်ငံခြားရေးဝန်ကြီးရောဘတ်ဂိတ်စ် မှ ပါးပါးနပ်နပ်ပြောကြားသွားခဲ့သည့်
အတိုင်း လိုက်နင်းကာ အလိုက်သင့်ပြောကြားသွားခဲ့သည်။ ဆွေးနွေးပွဲ၌ တရုတ်ကာကွယ်ရေးဝန်ကြီး ဗိုလ်ချုပ်ကြီးလျန်ကွမ်းလီမှ ငြိမ်းချမ်းမှုကိုရှေးရှူသည့် တရုတ်နိုင်ငံ၏မူဝါဒသဘောထားများကို နှစ်လိုဖွယ်ကောင်းသောအမူအရာဖြင့် ပြုံးရွှင်တက်ကြွစွာဖြင့် မိန့်ခွန်းပြော
ကြားခဲ့သည်။ထိုအချိန်ထိအဆင်ပြေသေးသော်လည်းအဓိကကျသည့်ကိစ္စရပ်များအား ဆွေးနွေးပွဲတက်ရောက်
လာသူများမှ မေးမြန်းမှုများစတင်ခဲ့အပြီး တရုတ်နိုင်ငံ၏မူဝါဒအားယုံကြည်ရန် လျန်ကွမ်းလီ၏ဆွဲဆောင်အား
ထုတ်မှုမှာ အချည်းနှီးဖြစ်သွားခဲ့ရပြီး တရုတ်နိုင်ငံအပေါ် မကျေနပ်မှုများနှင့်သံသယများကို ထပ်မံတိုးပွားစေခဲ့
သည့်ပြင် အရှေ့တောင်အာရှနိုင်ငံအချို့မှ ဒေသတွင်းအမေရိကန်၏စစ်ရေးတည်ရှိမှုအား ထပ်မံတိုးမြှင့်ပေး
ရန်တောင်းဆိုခဲ့ကြသည်။
ဗိုလ်ချုပ်ကြီး၏လှပသောတိုက်ကွက်
လျန်ကွမ်းလီမှ ဒေသတွင်းနိုင်ငံများအပါအ၀င် နိုင်ငံတကာသို့ အသိပေးပြောကြားလိုသည့်အချက်တွင် လက်ရှိအားဖြင့်
တိုးတက်လာသည့် တရုတ်-အမေရိကန်စစ်ဘက်ဆက်ဆံရေးအား အသားပေးပြောကြားခဲ့သွားပြီး အမေရိကန်နိုင်ငံအားဝေဖန်မှုပြုခြင်းရှောင်ကြဉ်ခဲ့ပြီး၊ ယမန်နှစ်၌အကြီးအကျယ်ဆွေးနွေးမှုများပြုလုပ်ခဲ့ကြရသည့်
ထိုင်ဝမ်အရေးကိစ္စအား လုံးဝထည့်သွင်းပြောကြားခြင်းမရှိခဲ့ကြောင်း၊ တရုတ်ပင်မအကျိုးစီးပွားဟုဆိုကာ တောင်
တရုတ်ပင်လယ်တွင်းရှိ  စပရက်တ်လီကျွန်းများနှင့်ပါရာဆဲလ်ကျွန်းများ အား တရုတ်နိုင်ငံမှသာအားလုံးပိုင်ဆိုင်ကြောင်း
၂၀၁၀တွင်တဖက်သတ်ကြေငြာခဲ့၍၊ထိုကျွန်းများအားအစိတ်အပိုင်းလိုက် ၄င်းတို့ပိုင်ဆိုင်ကြောင်းကြေငြာထားသော ဒေသ
တွင်းနိုင်ငံများဖြစ်ကြသည့် ဘရူနိုင်း၊ အင်ဒိုနီးရှား၊ မလေးရှား၊ ထိုင်ဝမ်၊ ဖိလစ်ပိုင်နှင့် ဗီယက်နမ်နိုင်ငံများကို အမျက်ထွက်စေခဲ့မှုကို ပြန်လည်ဖာထေးကုစားကာ တရုတ်နိုင်ငံ၏ဒေသတွင်းပုံရိပ်အားပျော့ပျောင်းစေရန် ကြိုးပမ်းခဲ့
မှုအား သိသာစေရန်အားထုတ်ခဲ့သည်ဟု ဆွေးနွေးပွဲတွင်ပါဝင်တက်ရောက်ခဲ့သူ ၀ါရှင်တန်-ဒီစီအခြေစိုက်၊ မဟာဗျူဟာနှင့်နိုင်ငံတကာရေးရာလေ့လာရေးဋ္ဌာန (CSIS, Center for Strategic and International Studies) မှ အထက်တန်းအဖွဲ့ဝင်တဦးဖြစ်သည့် ဘော်နီဂလေဇာ မှပြောကြားခဲ့သည်။
ဗိုလ်ချုပ်ကြီးလျန်ကွမ်းလီ၏ တိုက်ကွက်မှာအတော်ပင်လှပသည်ဟု ဆိုနိုင်သော်ငြားလည်း ထိရောက်မှုမရှိလောက်ဖြစ်
သွားရခြင်းမှာ  သူ၏အဓိကရည်ရွယ်ချက်ဖြစ်သည့် တရုတ်နိုင်ငံမှ မည်သူ့ကိုမှခြိမ်းခြောက်ခြင်းမရှိကြောင်း ပေါ်လွင်စေ
ရန်ကြိုးပမ်းမှုနှင့် လွန်ခဲ့သည့် ၂ နှစ်အတွင်း တရုတ်နိုင်ငံမှ အတင်းအဓမ္မဆောင်ရွက်ခဲ့သည့် အမည်းကွက်များအားဖယ်
ရှားရန်အားထုတ်မှုတို့မှာ ၄င်း၏မရိုးသားမှုကြောင့်အချည်းနှီးဖြစ်ခဲ့ရသည်ဟု အမေရိကန်ကိုယ်စားပြုအဖွဲ့၏ အဖွဲ့ဝင်
တဦးမှ The Cable သတင်းကဏ္ဍသို့ ပြောကြားခဲ့သည်။
ဗီယက်နမ်နှင့်ဖိလစ်ပိုင်ကာကွယ်ရေးဝန်ကြီးများမှ ဝေဖန်ပြစ်တင်မှုများ
လျန်ကွမ်းလီ၏ ပြောကြားမှုများသည် တက်ရောက်လာသူများအား ရေရေရာရာမရှိစေပဲ ၀ါးတားတားဖြစ်စေခဲ့ပြီး၊ တရုတ်နိုင်ငံ၏အိမ်နီးချင်းနိုင်ငံများမှ သိလိုသည့်အဓိကမေးခွန်းများ ချန်လှပ်ထားခံခဲ့ရကြောင်း ထိုပုဂ္ဂိုလ်မှဆက်
လက်ပြောကြားခဲ့သည်။ ဗိုလ်ချုပ်ကြီး၏ ပေါ့ရွှတ်ရွှတ်နိုင်သော ဆွေးနွေးပြောကြားချက်များအပြီးတွင် အလှည့်ကျ
သူများဖြစ်သည့် ဗီယက်နမ်နှင့် ဖိလစ်ပိုင်နိုင်ငံများ၏ ကာကွယ်ရေးဝန်ကြီးများမှ တရုတ်နိုင်ငံအားသွယ်ဝိုက်မနေပဲ
တဲ့တိုးဝေဖန်ခဲ့ကြပြီး ၂ နိုင်ငံလုံးမှ ပစိဖိတ်ဒေသတွင်း အမေရိကန်စစ်ရေးတည်ရှိမှုကို ထပ်မံတိုးမြှင့်ပေးရန် ပြတ်သား
စွာတောင်းဆိုခဲ့ကြရသည်။
ဗီယက်နမ်ကာကွယ်ရေးဝန်ကြီး၏ဝေဖန်ပြစ်တင်မှု
တရုတ်နိုင်ငံသည် ကမ္ဘာသို့ကြေငြာသည့် ၄င်း၏မူဝါဒများအားလိုက်နာကျင့်သုံးရန် အစဉ်အမြဲမျှော်လင့်မိကြောင်းနှင့်
ဤကြေငြာချက်များအား အမှန်တကယ်ကျင့်သုံးရန်လိုအပ်ကြောင်း ဗီယက်နမ်ကာကွယ်ရေးဝန်ကြီး ဒုတိယဗိုလ်ချုပ်ကြီးဖွန်ကွမ်သန်းမှ ပြောကြားခဲ့သည်။ မေလတွင်းကပင် အငြင်းပွားနေသည့် ကျွန်းများတ၀ိုက်
သို့ဝင်ရောက်ခြင်းမှ ဟန့်တားသည့်သဘောဖြင့် ဗီယက်နမ်တိုင်းတာရေးသင်္ဘောများမှ ကေဘယ်ကြိုးများအား
တရုတ်စစ်သင်္ဘောများမှ အင်အားသုံး၍ဖြတ်တောက်ပစ်ခဲ့ကြောင်း ကန့်ကွက်ပြစ်တင်ခဲ့သည်။ တရုတ်နိုင်ငံနှင့်
နယ်နမိတ်ထိစပ်လျက်ရှိသည့် ဗီယက်နမ်သည် တရုတ်နိုင်ငံ၏ရန်လိုမှုအား အထူးခံစားခဲ့ရသည့်နိုင်ငံတနိုင်ငံဖြစ်ပြီး
လက်ရှိအချိန်တွင်ပင် ဗီယက်နမ်တပ်မတော်တခုလုံး၏ထက်ဝက်၊  တိုက်စွမ်းရည်အမြင့်ဆုံးတပ်အင်အား ၅၀% ခန့်အား
တရုတ်-ဗီယက်နမ် နယ်စပ်တလျှောက်ချထားရသည်။ ယခုလည်း ရုရှားလုပ်တိုက်ခိုက်ရေးရေငုပ်သင်္ဘောများကို
ဝယ်ယူ၍ တရုတ်၏ရန်လိုမှုအားခုခံနိုင်ရန်ကြိုးပမ်းနေရ၏။ မြန်မာနိုင်ငံသည်လည်း ဗီယက်နမ်ကဲ့သို့ပင် တရုတ်
ရန်လိုမှုအား အတိတ်ကခံစားခဲ့ကြရပြီးဖြစ်၏။ လက်ရှိတွင်လည်း တရုတ်လက်အောက်ခံပြည်နယ်တခုအနေအထားသို့ တစတစနှင့်နိမ့်ကျလာသည်ကို အားလုံးအသိပဲဖြစ်၏။
ပိုမိုပြင်းထန်လာသည့်ဖိလစ်ပိုင်ကာကွယ်ရေးဝန်ကြီး၏ဝေဖန်ပြစ်တင်မှု
ဖိလစ်ပိုင်ကာကွယ်ရေးဝန်ကြီးဗော်လတိုင်းယားတူဗဲရားဂက်ဇ်မင် ပြောကြားမှုမှာမူပို ၍ပင်ပြင်းထန်လှ၏။ ဖိလစ်ပိုင်မှပိုင်ဆိုင်သည်ဟု ကြေငြာထားသည့် စပရက်တ်လီကျွန်းစုများတ၀ိုက်တွင် တရုတ်ရေတပ်မှ လက်နက်မဲ့
ဖိလစ်ပိုင်ငါးဖမ်းသင်္ဘောများအား အကြိမ်ပေါင်းများစွာခြိမ်းခြောက်မှုများပြုလုပ်ခဲ့ကြောင်း အတိအလင်းပြောဆိုခဲ့၏။ ဤအပြုအမူများသည် ဒေသတွင်းလုံခြုံမှုကင်းမဲ့ခြင်းကို ဖြစ်ပေါ်စေပြီး ဒေသတွင်းနိုင်ငံများ၏အစိုးရများကိုသာမကပဲ ပင်လယ်ပြင်ကိုအမှီပြု၍၀မ်းစာရှာရသည့် သာမန်ပြည်သူများ၏ ဘ၀များကိုပါ အတော့်ကိုဆိုးရွားစွာထိခိုက်စေခဲ့ကြောင်း ဖိလစ်ပိုင်ရေပိုင်နက်တွင်းတွင် ဖြစ်ပွားခဲ့သည့် တရုတ်ရေတပ်၏ အင်အားသုံးအကြမ်းဖက်ခြိမ်းခြောက်မှုများကို အတိအကျထောက်ပြပြောဆိုသွားခဲ့သည်။
တရုတ်အန္တရယ်နှင့်ဒေသတွင်းလက်နက်တပ်ဆင်မှု
မလေးရှားနိုင်ငံမှ ပြင်သစ်နိုင်ငံလုပ် စကော့ပီးန်အမျိုးအစားရေငုပ်သင်္ဘော (Scorpene Class Submarine) များဝယ်
ယူရခဲ့ရခြင်းမှာလည်း အလားတူပြဿနာကြောင့်ပင်။ ထိုင်းနိုင်ငံနှင့် အမေရိကန်နိုင်ငံတို့မှ နှစ်စဉ်လက်ခံကျင်းပသည့်
Cobra Gold
စစ်ရေးလေ့ကျင့်မှုများတွင် ဂျပန်နိုင်ငံ၊ တောင်ကိုရီးယားနိုင်ငံ၊ စင်္ကာပူနိုင်ငံ၊ မလေးရှားနိုင်ငံနှင့် အင်ဒိုနီး
ရှားနိုင်ငံများမှ ပူးပေါင်းပါဝင်ကြခြင်း၊ တချိန်ကရန်သူများဖြစ်ခဲ့ကြသည့် အမေရိကန်နှင့်ဗီယက်နမ်ရေတပ်များ ပူးတွဲစစ်ရေးလေကျင့်မှုများပြုလုပ်လာသည်ထိ နှစ်နိုင်ငံကြားစစ်ဘက်ဆက်ဆံရေးတိုးတက်လာခဲ့ခြင်း၊ ဒေသတွင်းနိုင်ငံ
များနှင့်အတူ အိန္ဒိယနိုင်ငံမှလည်း ရေငုပ်သင်္ဘောများကိုပိုင်ဆိုင်နိုင်ရန် အလားတူကြိုးပမ်းနေ၍ သြစတြေးလျနိုင်ငံမှလည်း
အလားတူ ၄င်း၏စစ်အင်အားကိုတိုးချဲ့ရန်စီစဉ်လာနေခြင်းတို့မှာ အကြောင်းမဲ့တော့မဟုတ်ပါ။ တရုတ်၏အန္တရာယ်ကို ရှေးမဆွကပင်ကြိုမြင်ထားသူတဦးဖြစ်သည့် တရုတ်လူမျိုးတဦးဖြစ်သူ စင်္ကာပူဝန်ကြီးချုပ်ဟောင်း
လီကွမ်ယူမှ မကြာသေးမီကပင် အာရှ-ပစိဖိတ်ဒေသတွင် အမေရိကန်၏စစ်ရေးတည်ရှိမှုသည် မရှိမဖြစ်လိုအပ်ကြောင်းပြော
ကြားခဲ့သည်။ ၄င်းမှတ်ချက်နှင့်ပတ်သက်ပြီး တရုတ်တို့မကျေနပ်ခဲ့ကြပေ။ စင်္ကာပူစစ်တပ်မှာ ဒေသတွင်းတွင်ခေတ်အမှီဆုံးသော စစ်တပ်တခုဖြစ်သည်။ ယခင်ကလည်း လီကွမ်ယူမှ အာရှ-ပစိဖိတ်ဒေသတွင်း စီးပွားရေးတည်ငြိမ်မှု ယခုအနေအထားထိ
ရှိနေခဲ့ခြင်းမှာ ဟာဝါယီတွင်အခြေစိုက်သည့် အမေရိကန်ပစိဖိတ်ဒေသစစ်ဋ္ဌာနချုပ် (USPACOM, US PACIFIC COMMAND)
၏လက်အောက်ခံ အမေရိကန်ပစိဖိတ်ရေတပ် (USPACFLT, US PACIFIC FLEET) ၏အစိတ်အပိုင်းတခုဖြစ်သည့်၊ အာရှ-ပစိဖိတ်ဒေသတွင်လှုပ်ရှားသော ဂျပန်နိုင်ငံ၊ ယိုကိုဆူကာမြို့အခြေစိုက် အမေရိကန်အမှတ် (၇) ရေတပ်စု (US 7th Fleet)
ကြောင့်ဖြစ်သည်ဟု ဆိုခဲ့သည်။
(အရှေ့အလယ်ပိုင်းဒေသတွင် လှုပ်ရှားသည့် အမေရိကန်အမှတ် (၅) ရေတပ်မှာ ဘာရိန်းနိုင်ငံ၊ မနာမာမြို့တွင်အခြေစိုက်ပြီး၊ ဥရောပနှင့်မြေထဲပင်လယ်တွင်းလှုပ်ရှားသည့် အမှတ် (၆) ရေတပ်မှာမူ အီတလီနိုင်ငံ၊ ဂါယက်တာမြို့တွင်အခြေစိုက်သည်။
အမှတ် (၂)၊  အမှတ် (၃) ၊ အမှတ် (၄) နှင့် အမေရိကန်ပြည်ထောင်စုအားကာကွယ်ရေး (Continental Defense) အတွက်ဖြစ်ပြီး
နော်ဖော့လ်ခ်၊ ဆန်ဒီယေးဂိုး၊ မေပို့တ် စသည့်အမေရိကန်မြို့ကြီးများရှိ ဋ္ဌာနချုပ်များတွင်အခြေစိုက်သည်။ ရေတပ်ဆိုင်ဘာ
စစ်ဋ္ဌာနချုပ်ဖြစ်သည့် အမှတ် (၁၀) ရေတပ်မှာမူ မေရီလင်းပြည်နယ်တွင်းရှိ ခံတပ်မြို့တခုဖြစ်သည့် ဖို့ဒ်မိဒ် တွင်အခြေစိုက်သည်။)

ဗိုလ်ချုပ်ကြီးနှာစေးနေခြင်း
ဗိုလ်ချုပ်ကြီးလျန်ကွမ်းလီ၏ မိန့်ခွန်းသည် ဒေသတွင်းကိစ္စရပ်အချို့နှင့်ပတ်သက်၍ အများမျှော်လင့်ထားသည့်အတိုင်း သေချာမှုအချို့ရှိစေခဲ့သော်ငြားလည်း အားလုံးသိလိုကြသော တောင်တရုတ်ပင်လယ်အရေး
တရုတ်နိုင်ငံမှ မိမိဆန္ဒအလျောက်သတ်မှတ်သည့် တရုတ်ပင်မအကျိုးစီးပွားကိစ္စရပ်များ (So-called China’s Core Interest)
အရေးနှင့် ထင်သာမြင်သာမရှိသော တရုတ်စစ်အင်အားတိုးချဲ့တည်ဆောက်နေမှုများ (Military Build-up Discretion)
အပါအ၀င် တရုတ်နိုင်ငံ၏ အများအထင်အမြင်ကောင်းအောင်ကြေငြာမှုများနှင့် ဖြောင့်ဖြောင့်ကြီးဆန့်ကျင်နေသည့် လုပ်ရပ်
များနှင့်လှုပ်ရှားမှုများ အစရှိသည့်အကြောင်းအရာကိစ္စရပ်များနှင့်ပတ်သက်နေသည့် ဗိုလ်ချုပ်ကြီးမသိဟန်ဆောင်၍ ဝှေ့ရှောင်
သွားခဲ့သော၊ အရေးပါအဓိကကျသည့်မေးခွန်းတလှေကြီးနှင့်အတူ စိုးရိမ်ကြောင့်ကြမှုများစွာတို့ ဒေသတွင်းနိုင်ငံများ၌ ကျန်နေရစ်
ခဲ့သည်ဟု  အမေရိကန်နိုင်ငံကိုယ်စားပြုအဖွဲ့မှ ဆွေးနွေးပွဲတက်ရောက်သူအဖွဲ့ဝင်တဦးက ထပ်မံပြောကြားခဲ့သည်။
သိုင်းစွမ်းပြသည့်ဗိုလ်ချုပ်ကြီးနှင့်မရိုးသားသည့်ဆွေမျိုးပေါက်ဖော်မူဝါဒများ
အဆင့်မြင့်သိုင်းသမားတဦးလည်း ဖြစ်ကောင်းဖြစ်နိုင်သည့် ဤတရုတ်ဗိုလ်ချုပ်ကြီးသည် အမေးအဖြေများပြုလုပ်သည့် အချိန်အပိုင်းအခြားကာလ (Q&A Period) အတွင်း တိုက်ရိုက်သဘောဆောင်သည့် အလေးအနက် မေးခွန်းမေးလာလျှင် ဖြေဆိုမည့်အစား သိသိကြီးနှင့်ဝေ့၀ိုက်ကွေ့ပတ်ကာ ခုန်ပျံကျော်လွှား၍ရှောင်ရှားနေခဲ့ပြီး အခြားနိုင်ငံများအားလက်ခံစေလိုသော ၄င်းပြောလိုသည့်အကြောင်းအရာများကို ဇောင်းပေးပြောနေခဲ့သည်။ ဥပမာအားဖြင့်ဆိုရလျှင်  ပါကစ္စတန်ဆိပ်ကမ်းတခုဖြစ်သည့် ဂွာဒါဆိပ်ကမ်း အား တရုတ်မှထိန်းချုပ်စီမံလုပ်ဆောင်နေခြင်းကဲ့သည့်ကိစ္စရပ်အား ” ဘာဘာဘာမှမသိပါ ” ဟု ဗြောင်ငြင်းခြင်းမျိုးဖြစ်သည်။ ဗိုလ်ချုပ်ကြီး အရာခပ်သိမ်းအတိတ်မေ့သည်လား၊ သူမေ့ချင်ရာကွက်မေ့သည်လား ဆိုသည်ကား သူသာအသိဆုံးဖြစ်မည်ပင်။ အမှန်မှာ ထိုဆိပ်ကမ်းကိစ္စသည်မှန်ကန်ပါကြောင်း ပါကစ္စတန်ကာကွယ်ရေးဝန်ကြီးအာမက်မွတ်တားမှ  တရားဝင်လူသိရှင်ကြားကြေငြာခဲ့ပြီးဖြစ်သည်။ ဗိုလ်ချုပ်ကြီး၏ တချက်တချက်မူမမှန်သည့်အမူအရာများက တရုတ်၏ဆွေမျိုးပေါက်ဖော်မူဝါဒများ သည် ရိုးသား၍ပွင့်လင်းမြင်သာမှုမရှိသည်ကို သိသာထင်ရှားစေခဲ့သည်။ အတော်သတိထားရမည့်အချက်ဖြစ်ပါသည်။
Cable Guy နှင့်ဗိုလ်ချုပ်ကြီး
The Cable သတင်းထောက် ဂျို့ရ်ှရိုဂင် မှ တရုတ်နိုင်ငံ၏ တဖက်သတ်ပိုင်နက်သတ်မှတ်မှုများနှင့်အတူ  တောင်တရုတ်ပင်လယ်တွင်း အပြင်းအထန်အငြင်းပွားမှုများဖြစ်နေသည့်နေရာများတွင် တရုတ်နိုင်ငံ၏ရန်လိုမှုများကြောင့် လတ်တလောဖြစ်ပွားခဲ့သည့်ပြဿနာများမှအစပြု၍ ဒေသတွင်းအမေရိကန်စစ်တပ်အား ပို၍လိုအပ်လာခဲ့ခြင်းကြောင့် ယမန်နေ့က အမေရိကန်ကာကွယ်ရေးဝန်ကြီး၏ အရှေ့တောင်အာရှဒေသတွင်း အမေရိကန်စစ်ရေးတည်ရှိမှုနှင့်ပါဝင်ပတ်သက်နေမှုအား ထပ်မံတိုးချဲ့မည်ဆိုသည့်ကြေငြာချက်နှင့်ပတ်သက်ပြီး တရုတ်ကာကွယ်ရေးဝန်ကြီး ဗိုလ်ချုပ်ကြီးလျန်ကွမ်းလီမှ မည်ကဲ့သို့တုံ့ပြန်မည်လဲဟု တဲ့တိုးမေးမြန်းခဲ့သည်။
Foreign Policy မဂ္ဂဇင်းကြီး၏သတင်းထောက် ဂျို့ရ်ှရိုဂင် မှ ထပ်မံပြီး တရုတ်နိုင်ငံ၏ အငြင်းပွားနေသည့်နေရာများသို့ အခြားနိုင်ငံများဝင်ရောက်မှုအား ဆန့်ကျင်ခြင်းနှင့်လက်နက်အင်အားသုံး၍ဟန့်တားခြင်းများနှင့် ပတ်သက်ပြီးမေးမြန်းခဲ့ရာ တည့်တိုးကျသည့်မေးခွန်းများကို ဘူးခံငြင်းလေ့ရှိသူ တရုတ်ဗိုလ်ချုပ်ကြီးခမျာ ရိုးဂုဏ်အားနည်းခြင်းသဖြင့် အတော့်ကို ဘေးကျပ်နံကျပ်ဖြစ်ခဲ့ရ၏။
အစည်းအဝေးခန်းမနှင့်ကပ်လျက် တဖက်ခန်းတွင် ဆွေးနွေးပွဲအခြေမလှမှုကြောင့် အပြန်အခြေအနေမကောင်း၍ သိသိ
သာသာပင်ညစ်နေကြသော တရုတ်ကိုယ်စားလှယ်အဖွဲ့မှာလည်း စိတ်ဆိုးမာန် ဆိုး ဖြင့်ပင် ဆွးနွေးပွဲရပ်နားချိန်တွင်  အခြားတက်ရောက်လာသူများအား ၄င်းတို့ဗိုလ်ချုပ်ကြီးအားချောင်ပိတ်မေးသော အမေရိကန်သတင်းထောက် မည်သူ
မည်ဝါဖြစ်ကြောင်း အသည်းအသန်လိုက်လံစုံစမ်းနေခဲ့ကြသည်။ ဆွေးနွေးပွဲကျင်းပသည့်မြို့သာ ဘေဂျင်း (သို့) ရှန်ဟိုင်း
ဖြစ်ခဲ့လျှင် သတင်းထောက်ကလေး ဂျို့ရ်ှရိုဂင်တယောက်တော့ အတော် အန္တရာယ် ရှိ နိုင်သည်။
ဗိုလ်ချုပ်ကြီး၏မအောင်မြင်မှု
ဗိုလ်ချုပ်ကြီးခမျာ သူ၏အဓိကရည်ရွယ်ချက်ဖြစ်သည့် တရုတ်နိုင်ငံမှ မည်သူ့ကိုမှခြိမ်းခြောက်ခြင်းမရှိကြောင်း ပေါ်လွင်စေရန်ကြိုးပမ်းမှုနှင့် လွန်ခဲ့သည့် ၂ နှစ်အတွင်း တရုတ်နိုင်ငံမှ အတင်းအဓမ္မဆောင်ရွက်ခဲ့သည့် အမည်းကွက်များအားဖယ်ရှားရန်အားထုတ်မှုတို့မှာ အချည်းနှီးဖြစ်ခဲ့ရသည့်ပြင်၊ ဆွေးနွေးပွဲတက်ရောက်လာသူတို့၏ အဓိကမေးခွန်းများအား ပွင့်လင်းရိုးသားစွာမဖြေဆိုပဲ သိုင်းသမားဆန်ဆန် ခုန်ပျံကျော်လွှားကာ ရှောင်တိမ်းနေခဲ့မှုကြောင့် ဒေသတွင်းနိုင်ငံများ၏ သံသယများပိုမိုခိုင်မာလာစေခဲ့ပြီး နောက်ဆုံးတရုတ်တို့မလိုလားဆုံးဖြစ်သည့် အာရှနိုင်ငံများမှ အမေရိကန်နိုင်ငံကို လုံခြုံရေးအရမှီခိုအားထားမှုမှာ ပို၍ပင်တိုးလာခဲ့ပြီး ဆွေးနွေးပွဲကျင်းပစဉ်ကာလတွင်း၌ပင် အမေရိကန်ကာကွယ်ရေးဝန်ကြီး၏ အရှေ့တောင်အာရှဒေသတွင်း အမေရိကန်စစ်ရေးတည်ရှိမှုနှင့် ပါဝင်ပတ်သက်နေမှုအား ထပ်မံတိုးချဲ့မည့် ကြေငြာချက်နှင့်အတူ ပစိဖိတ်ဒေသတွင် အမေရိကန်စစ်အင်အားပိုမိုကြီးမားလာတော့မည်ဖြစ်သဖြင့် ဖွတ်မရဓါးမဆုံး အတော်ပင်အထိနာသည်ဟု ဆိုရမည်ဖြစ်သည်။
နဖူးတင်မက၊ မျက်နှာပါအတော်ပြောင်သည့် တရုတ်ဗိုလ်ချုပ်ကြီးသည် ၎င်း၏ အိမ်နီးချင်းနိုင်ငံမှ မျက်နှာ ပြောင်တိုက်
လှသည့် နဖူးအတော်ပြောင်သည့် သမ္မတ နှင့် နင်လားငါလားဟုဆိုရပေမည်။ မရဲပဲကျွဲပြဲစီးသည့် တရုတ်ဗိုလ်ချုပ်ကြီးအား ကံမကောင်းစေသည့်အကြောင်းတခုမှာ ဤလုံခြုံရေးဆိုင်ရာနှီးနှောဖလှယ်ပွဲ (Shangri-La Dialogue) တွင် တက်ရောက်လာသူများတွင် သာမန်လူပြိန်းတဦးမှ မပါဝင်ခဲ့ခြင်းပင်။
http://freedomnewsgroup.com/2011/06/07/shangrila-security-confrence/

ဲမြန်မာ့အရေး ကော်မရှင်ဖွဲ့ စုံစမ်းဖို့ UPR အဆင့်တခု ဖြစ်နိုင်



By ဦးသားညွန့်ဦး အင်္ဂါ, 07 ဇွန် 2011

ကုလသမဂ္ဂ လူ့အခွင့်အရေး ကောင်စီရဲ့ UPR ပုံမှန်သုံးသပ်မှု အစည်းအဝေးမှာ မြန်မာနိုင်ငံနဲ့ ပတ်သက်လို့ အကြံပြုချက်တွေကို အစိုးရက ဘယ်လောက်အထိ လိုက်နာဆောင်ရွက်သလဲ ဆိုတဲ့ သုံးသပ်မှုကို မနက်ဖြန် ဂျီနီဗာ ကုလသမဂ္ဂ ဌာနချုပ်မှာ ကျင်းပပြုလုပ်မှာ ဖြစ်ပါတယ်။ လူ့အခွင့်အရေး လှုပ်ရှားသူတွေ၊ ကျွမ်းကျင်သူတွေကတော့ မြန်မာအစိုးရ အနေနဲ့ လူ့အခွင့်အရေးကောင်စီ အပါအ၀င် ကုလသမဂ္ဂရဲ့ မြန်မာ့အရေး အကြံပြုချက်တွေကို အကောင်အထည်ဖော် လိုက်နာဖို့ ပျက်ကွက်နေဆဲ ဖြစ်တယ်လို့ မြင်ကြပါတယ်။ ဒါကြောင့်လည်း အခုသုံးသပ်မှုက တဆင့် မြန်မာအာဏာပိုင်တွေကို လူ့အခွင့်အရေး ကိစ္စနဲ့ ပတ်သက်လို့ နိုင်ငံတကာက လက်တွေ့ အရေးယူနိုင်မယ့် အခြေအနေ ဖြစ်လာဖို့ အဆင့်တဆင့် ဖြစ်လာနိုင်တယ်လို့ သုံးသပ်ကြပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

လေးနှစ်တကြိမ် ကျင်းပတဲ့ UPR လူ့အခွင့်အရေး အခြေအနေ ပုံမှန်သုံးသပ်မှုဟာ ကုလသမဂ္ဂ လူ့အခွင့်အရေး ကောင်စီရဲ့ ခေါင်းစဉ်အောက်မှာ ပြုလုပ်တာဖြစ်ပြီး အဖွဲ့ဝင်နိုင်ငံ ကိုယ်စားလှယ်တွေ၊ လူ့အခွင့်အရေး ကျွမ်းကျင်သူတွေနဲ့ အစိုးရမဟုတ်တဲ့ အဖွဲ့အစည်းတွေကိုပါ ပါဝင်ဆွေးနွေး အစီရင်ခံစာ တင်ခွင့်ပြုထားပါတယ်။ အခုတကြိမ် ကျင်းပမယ့် မြန်မာနိုင်ငံ ကိစ္စကတော့ ပြီးခဲ့တဲ့ UPR အကြံပြုချက်တွေကို မြန်မာအစိုးရဘက်က ဘယ်လောက် လိုက်နာသလဲ ဆိုတာကို အနှစ်ချုပ် သုံးသပ်မှာ ဖြစ်ပါတယ်။

ဒါပေမဲ့ ဒီလုပ်ငန်းစဉ်ကနေ အစိုးရကို မဖြစ်မနေ လိုက်နာရမယ့် ဆုံးဖြတ်ချက်မျိုး ပေးနိုင်တာတော့ မဟုတ်ပါဘူး။ သုံးသပ်ချက် ဆိုတာနဲ့ မှတ်တမ်းထုတ်မှာပါ။ ဒါပေမဲ့လည်း ဒီလုပ်ငန်းစဉ်ဟာ မြန်မာနိုင်ငံ လူ့အခွင့်အရေးကို နိုင်ငံတကာ အာရုံစိုက်လာဖို့ အခြေအနေတရပ် ဖြစ်စေတယ်လို့ အခု အစည်းအဝေးကို တက်ရောက်ဖို့ ဂျီနီဗာမြို့ကို ရောက်ရှိနေတဲ့ ဒေါက်တာသောင်းထွန်းက ယူဆပါတယ်။ ဒီကနေပြီးတော့ မြန်မာ့ လူ့အခွင့်အရေး အခြေအနေ နိုင်ငံတကာက စုံစမ်းရေး ကော်မရှင်ဖွဲ့ဖို့ ကြိုးပမ်းနေမှု အပေါ်မှာ အထောက်အကူ ဖြစ်စေနိုင်တယ်လို့ သူက ယူဆပါတယ်။

“လာမယ့် စက်တင်ဘာ လူ့အခွင့်အရေးကောင်စီ ရှိတယ်။ အထွေထွေ ညီလာခံရှိတယ်။ အစည်းအဝေးတွေမှာ စုံစမ်းစစ်ဆေးရေး ကော်မရှင် ဖွဲ့ရေးကိစ္စဟာ တဖြည်းဖြည်းနဲ့တော့ အရှိန်မြင့်လာတယ်။ ဒီ UPR Process ကလည်း အဲဒီ အရှိန်မြှင့်တဲ့ နေရာမှာ အဆင့်တခု ဖြစ်တယ်လို့ မြင်ပါတယ်။”

မြန်မာနိုင်ငံတွင်းက အခြေအနေဟာ နိုင်ငံတကာ လူ့အခွင့်အရေး ဥပဒေသတွေကို ချိုးဖောက်မှု ရှိမရှိ စစ်ဆေးရေး ကုလသမဂ္ဂ စုံစမ်းရေး ကော်မရှင်တရပ် ဖွဲ့ဖို့ အဆိုကိုတော့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ကုလသမဂ္ဂနဲ့ နိုင်ငံတကာကို အဆိုပြုထားတာပါ။ အခု UPR လုပ်ငန်းစဉ်ကတော့ သူ့ရဲ့ လုပ်ပိုင်ခွင့်နဲ့မတူ သီးခြား မြန်မာ့အရေးကိစ္စ ကိုင်တွယ်မှု ဖြစ်တယ်လို့ မစ္စတာ ကင်တားနားက ပြောပါတယ်။

ဒါပေမဲ့ UPR လုပ်ငန်းစဉ်နဲ့ သူ့လုပ်ငန်းအကြားမှာ မြန်မာ့အရေးနဲ့ ပတ်သက်လို့ တူညီတဲ့ အကြံပြုချက်တွေ ရှိတယ်လို့ ပြောပါတယ်။ အထူးသဖြင့်တော့ နိုင်ငံရေး အကျဉ်းသားတွေကို ခြွင်းချက်မရှိ လွှတ်ပေးရေး ကိစ္စကို ထောက်ပြပါတယ်။ ဒါပေမဲ့လည်း UPR လုပ်ငန်းစဉ်ဟာ အသစ်ဖြစ်လေတော့ အကောင်အထည် ဖော်ရေးပိုင်းမှာ အားနည်းမှုတွေတော့ ရှိနိုင်တယ်လို့ မစ္စတာ ကင်တားနားက ယူဆပါတယ်။

“UPR လုပ်ငန်းစဉ် ဆိုတာဟာ လူ့အခွင့်အရေး ကောင်စီရဲ့ လုပ်ငန်းဖော်ဆောင်မှုအသစ် ဖြစ်ပါတယ်။ လူ့အခွင့်အရေး အခြေအနေတွေ တိုးတက် ကောင်းမွန်လာဖို့ ဒီလုပ်ငန်းဟာ တစုံတရာ အထောက်အကူ ဖြစ်မယ်လို့ မျှော်လင့်ရပါတယ်။ UPR မှာ လုံခြုံရေးကောင်စီ အဖွဲ့ဝင်တွေ အနေနဲ့ နိုင်ငံအလိုက် နိုင်ငံတွင်း ဖြစ်နေတဲ့ လူ့အခွင့်အရေး အခြေအနေတွေ အားလုံးကို ကိုင်တွယ်စစ်ဆေးခွင့် ရလို့ပါပဲ။

“ဒါပေမဲ့ ဒီလုပ်ငန်းစဉ် တွေ့ရှိချက်တွေကို အကောင်အထည်ဖော်ရေး အပိုင်းမှာတော့ မေးခွန်းထုတ်စရာတွေ ရှိပါတယ်။ ဒါကြောင့် UPR လုပ်ငန်းစဉ်က တွေ့ရှိ အကြံပြုချက်တွေကို မြန်မာအစိုးရပိုင်းက ဘယ်လောက် အကောင်အထည်ဖော် လိုက်နာမလဲ ဆိုတာကို အနီးကပ် စောင့်ကြည့်ရမှာ ဖြစ်ပါတယ်။”

မနက်ဖြန်လုပ်မယ့် UPR အစည်းအဝေးမှာတော့ ကုလသမဂ္ဂ လူ့အခွင့်အရေး ကောင်စီနဲ့ UPR ရဲ့ အကြံပြုချက်တွေကို ဘယ်လောက် အကောင်အထည်ဖော် လိုက်နာသလဲ ဆိုတာကိုတော့ မြန်မာအစိုးရ ကိုယ်စားလှယ်က တုံ့ပြန်သွားဖို့ ရှိပါတယ်။ လူ့အခွင့်အရေး လှုပ်ရှားသူတွေကတော့ မြန်မာအစိုးရဟာ ကုလသမဂ္ဂရဲ့ အကြံပြုချက်၊ တိုက်တွန်းချက်တွေကို လျစ်လျူပြုခဲ့တယ်လို့ ပြောပါတယ်။ မစ္စတာ ကင်တားနားကတော့ မြန်မာအစိုးရ အနေနဲ့ တကယ်တမ်း အသေးစိတ် လုပ်ဆောင်စရာတွေ အများကြီး ရှိနေတယ်လို့ မြင်ပါတယ်။

“မြန်မာနိုင်ငံတွင်း လူ့အခွင့်အရေး တိုးတက်လာဖို့၊ လူ့အခွင့်အရေး ခံစားခွင့်တွေ ရလာစေဖို့ မြန်မာအစိုးရ အနေနဲ့ အသေးစိတ် အခိုင်အမာ လုပ်ဆောင်စရာတွေ ရှိနေပါတယ်။ ဒါပေမဲ့လည်း လူ့အခွင့်အရေးနဲ့ အမျိုးသား ရင်ကြားစေ့ရေး ကိစ္စတွေကို ရည်ညွှန်း ပြောဆိုသွားတဲ့ သမ္မတသစ်ရဲ့ ပထမဆုံး မိန့်ခွန်းပြောပြီး နောက်ပိုင်းမှာတော့ အစိုးရ အာဏာပိုင်တွေ အနေနဲ့ ဒီအပြောအတိုင်း လိုက်ပါ ဆောင်ရွက်လာမယ်လို့တော့ မျှော်လင့်ထားပါတယ်။”

မြန်မာနိုင်ငံမှာ အစိုးရသစ် ဖွဲ့ပြီးတဲ့နောက် နိုင်ငံရေး အကျဉ်းသားတွေ လွှတ်ရေး အပါအ၀င် လူ့အခွင့်အရေး အခြေအနေတွေ ပိုပြီး တိုးတက် ကောင်းမွန်လာလိမ့်မယ်လို့ နိုင်ငံတကာရော၊ ကျွမ်းကျင်သူတွေကပါ မျှော်လင့်ထားကြတာပါ။ ဒါပေမဲ့ လူ့အခွင့်အရေး လှုပ်ရှားသူတွေကတော့ မြန်မာအစိုးရကို လူ့အခွင့်အရေးနဲ့ ပတ်သက်လာရင် နိုင်ငံတကာနဲ့ ပူးပေါင်းဆောင်ရွက်မှု အလွန်အားနည်းတယ်လို့ ပြောပါတယ်။ အထူးသဖြင့်တော့ အခု လူ့အခွင့်အရေး ကိုယ်စားလှယ် မစ္စတာ ကင်တားနားကို မြန်မာနိုင်ငံကို လာခွင့်မပေးတဲ့ ကိစ္စကို ထောက်ပြပါတယ်။

အခု UPR အစည်းအဝေး အတွင်းကို မစ္စတာ ကင်တားနား အနေနဲ့ ကိုယ်တိုင်တက်ရောက်မှာ မဟုတ်ပေမဲ့ ကုလသမဂ္ဂ လူ့အခွင့်အရေးကောင်စီကို သူတင်ပြခဲ့တဲ့ အစီရင်ခံစာ အကြံပြုချက်ကို UPR ဆွေးနွေးပွဲမှာ ထည့်သွင်းသုံးသပ်ဖို့ ရှိမယ်လို့ သိရပါတယ်။ ဒါကြောင့် ကုလသမဂ္ဂ လူ့အခွင့်အရေး ကိုယ်စားလှယ် မြန်မာနိုင်ငံကို သွားရောက် စစ်ဆေးနိုင်ရေး ကိစ္စကိုလည်း UPR ရဲ့ သုံးသပ် အကြံပြုချက်မှာ ထည့်သွင်းလိမ့်မယ်လို့ မစ္စတာ ကင်တားနားကတော့ မျှော်လင့်ထားပါတယ်။
http://www.voanews.com/burmese/news/myanmar-human-rights-upr-process-123361873.html

လွတ်လပ်တဲ့ တရားစီရင်ပိုင်ခွင့် ရှိဖို့ ဒေါ်စု ပြော



မြန်မာနိုင်ငံမှာ လူ့အခွင့်အရေး အခြေအနေ တိုးတက် ကောင်းမွန်လာဖို့ ဆိုရင် လွတ်လပ်တဲ့ တရားစီရင်ပိုင်ခွင့်ရှိဖို့ လိုအပ်တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဒီကနေ့ ပြောဆိုလိုက်ပါတယ်။ မြန်မာနိုင်ငံမှာ ရောက်ရှိနေတဲ့ ဂျာမန် လူ့အခွင့်အရေး မူဝါဒနဲ့ လူသားချင်း စာနာထောက်ထားမှုဆိုင်ရာ ကော်မရှင်နာ မင်းကြီးနဲ့ ဒေါ်အောင်ဆန်းစုကြည်တို့ တွေ့ဆုံချိန်မှာ အခုလို ပြောဆိုခဲ့တာ ဖြစ်ပါတယ်။ အပြည့်အစုံကို ဆက်သွယ်မေးမြန်းထားတဲ့ မနန္ဒာချမ်းက တင်ပြပေးထားပါတယ်။
ဂျာမန် လူ့အခွင့်အရေး မူဝါဒနဲ့ လူသားချင်း စာနာထောက်ထားမှုဆိုင်ရာ ကော်မရှင်နာမင်းကြီး မာကပ်စ် လွန်းနင်း (Markus Loning) ဦးဆောင်တဲ့ ကိုယ်စားလှယ်အဖွဲ့နဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် NLD ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း၊ ဦးဟန်သာမြင့်တို့နဲ့ ဒေါ်အောင်ဆန်းစုကြည်ရဲ့ နေအိမ်မှာပဲ ဒီမနက် တွေ့ဆုံခဲ့ကြတာပါ။
အဲဒီလို တွေ့ဆုံချိန်မှာ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ မြန်မာအစိုးရ တာဝန်ရှိသူတွေနဲ့ နေပြည်တော်မှာ ဆွေးနွေးဖြစ်ခဲ့တဲ့အကြောင်း ဂျာမန် လူ့အခွင့်အရေး ကော်မရှင်နာမင်းကြီး မားကပ်စ်က ပြောပြခဲ့သလို ဒေါ်အောင်ဆန်းစုကြည်ဘက်ကလည်း မြန်မာနိုင်ငံမှာ လက်ရှိ ဖြစ်ပျက်နေတဲ့ လူ့အခွင့်အရေး အခြေအနေတွေ၊ တိုင်းရင်းသား ဒေသတွေမှာ ဖြစ်ပျက်နေတဲ့ အခြေအနေတွေနဲ့ ပတ်သက်လို့ ဆွေးနွေးခဲ့ကြတာ ဖြစ်ပါတယ်။
ဒီနေရာမှာ ဒေါ်အောင်ဆန်းစုကြည်က ဒီမိုကရေစီ ထွန်းကားတဲ့ နိုင်ငံတော်သစ်ဆီကို ဦးတည် လျှောက်လှမ်းနေတဲ့ မြန်မာနိုင်ငံမှာ ဒီလို လူ့အခွင့်အရေး အခြေအနေတွေ တိုးတက် ကောင်းမွန်လာစေဖို့ ဆိုရင် လွတ်လပ်တဲ့ တရားစီရင်ပိုင်ခွင့် ရှိဖို့ လိုအပ်တဲ့အကြောင်း၊ ဒီကိစ္စကိုလည်း သမ္မတ ဦးသိန်းစိန်ဆီကို စာပေးပို့ခဲ့ကြောင်း ရှင်းပြခဲ့တယ်လို့ တွေ့ဆုံမှုမှာ ပါဝင်တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောဆိုခဲ့ပါတယ်။
“ဒေါ်အောင်ဆန်းစုကြည် ရှင်းပြခဲ့တယ်။ ရှင်းပြခဲ့တာ ဘာလဲဆိုတော့ လူ့အခွင့်အရေးဆိုတဲ့ နေရာမှာ အရေးအကြီးဆုံးက၊ အားလုံးကို အချုပ်အကိုင် ဖြစ်နေတာက လွတ်လပ်တဲ့ တရားစီရင်မှုပဲ။ အဲဒီလို လွတ်လပ်တဲ့ တရားစီရင်မှုတွေ ရနိုင်ဖို့နဲ့ ပတ်သက်ပြီးတော့ အဖွဲ့ချုပ်ကလည်း နိုင်ငံတော် သမ္မတဆီကို လိုအပ်တဲ့ အရေးကြီးတဲ့ အချက်ကို တင်ပြခဲ့ဖူးတယ်။ အဲဒီလို တင်ပြခဲ့ပေမဲ့ ဘာမှ အကြောင်းပြန်လာတာ မရှိသေးဘူးဆိုတဲ့ ကိစ္စ သူ့ကိုလည်း ပြောပြခဲ့ပါတယ်။”
အခုလဆန်းပိုင်းကပဲ ဂျာမန်ဝန်ကြီးချုပ် အန်ဂျလာ မာကဲလ် (Angela Merkel) ကလည်း International Forum နိုင်ငံတကာ တွေ့ဆုံဆွေးနွေးပွဲမှာ မြန်မာအစိုးရ အနေနဲ့ အာဆီယံ ဥက္ကဋ္ဌတာဝန် ယူခွင့်မရခင်မှာ လက်ရှိ မြန်မာနိုင်ငံရဲ့ လူ့အခွင့်အရေး ပြဿနာတွေကို တိုးတက်အောင် လုပ်ဆောင်ဖို့ တိုက်တွန်းခဲ့ပါသေးတယ်။ ဒါ့အပြင် ၂၀၁၄ ခုနှစ်မှာ မြန်မာနိုင်ငံက အာဆီယံ အလှည့်ကျ ဥက္ကဋ္ဌတာဝန် ယူလိုတဲ့ကိစ္စ သူ့အနေနဲ့ အတော်လေး စိုးရိမ်မိကြောင်းနဲ့ မြန်မာအစိုးရသစ် အနေနဲ့ လူ့အခွင့်အရေး တိုးတက်ဖို့နဲ့ ဒီမိုကရေစီ ပြုပြင်ပြောင်းလဲမှုတွေကို ရှေ့ဆက် လုပ်ဆောင်ဖို့ကို အပြောရော အလုပ်နဲ့ပါ အလေးအနက်ထား သက်သေပြဖို့ လိုတယ်လို့ ဂျာမန်ဝန်ကြီးချုပ်က တောင်းဆိုခဲ့ပါတယ်။
တခါ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံအပေါ် ချမှတ်ထားတဲ့ အရေးယူ ဒဏ်ခတ်မှုတွေနဲ့ ပတ်သက်လို့လည်း ဂျာမန် လူ့အခွင့်အရေး ကော်မရှင်နာ မင်းကြီးကို အခုလို ပြောခဲ့ပါသေးတယ်။
“Sanction တွေ မရုပ်သိမ်းသင့်သေးဘူးလို့ အဲဒီလို တည့်တည့်ကြီး အဖြေပေးတာမျိုး မရှိဘူး။ Sanction ဟာ ဘာဖြစ်လို့ ဖြစ်တယ်၊ ဘာတွေ ပြောင်းလဲမှု၊ ဘယ်လို ဆောင်ရွက်သင့်တယ်၊ ဘယ်လို စဉ်းစားသင့်တယ် ဆိုတာကိုပဲ ဆွေးနွေးတာ။ ဒါက တချက်ပေါ့။ နောက်တခုက EU အဖွဲ့ထဲမှာ တချုိ့နိုင်ငံတွေက ပျော့တယ်တို့ ဘာတို့၊ ဒီလို ပြောကြတယ်ပေါ့။ သို့သော် ဒါ ဝေဖန်တာက အရေးမကြီးဘူး။ တကယ်တမ်း ထိရောက်တဲ့ Sanction ဖြစ်ဖို့ လိုတယ်လို့ ကျနော်တို့ အဲဒီလို ပြောခဲ့ပါတယ်။”
ဒါ့အပြင် မြန်မာနိုင်ငံမှာ နှစ်ပေါင်း ၂၀ ကျော်ကြာ စစ်အုပ်ချုပ်မှု အောက်ကနေ အရပ်သား အစိုးရ အုပ်ချုပ်မှုကို ပြောင်းလဲတာဟာ ကြီးမားတဲ့ အပြောင်းအလဲဖြစ်ပြီး ဒါပေမဲ့ အမှန်တကယ် အပြောင်းအလဲဖြစ်ဖို့ လိုအပ်ကြောင်းကိုလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဂျာမန် လူ့အခွင့်အရေး ကော်မရှင်နာ မင်းကြီးကို ရှင်းပြခဲ့ကြောင်း အခုလို ဆက်ပြောခဲ့ပါတယ်။
“အစိုးရ အပြောင်းအလဲ ဆိုတာက တကယ့် အပြောင်းအလဲ ဖြစ်သလားဆိုတာ သတိကြီးစွာနဲ့ စောင့်ကြည့်နေရတယ်။ အဲတော့ အပြောင်းအလဲ ဆိုတာကိုလည်း၊ ကြီးမားတဲ့ အပြောင်းအလဲဆိုတာ ဒီနေ့ မနက်ဖြန် မဖြစ်နိုင်ဘူး ဆိုတာကိုလည်း ကျနော်တို့ သဘောပေါက်တယ်။ သို့သော် အမှန်တကယ် အပြောင်းအလဲ ဖြစ်ဖို့တော့ လိုတယ်။ အမှန်တကယ် အပြောင်းအလဲ ဖြစ်မှသာ ရှေ့ မြန်မာနိုင်ငံရဲ့ အရေးတွေက တိုးတက်မှုရှိမယ်။ ဒါကို ဆွေးနွေးပါတယ်။”
ဒီကနေ့ တွေ့ဆုံမှုမှာ ပါဝင်တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်း ပြောပြခဲ့တာ ဖြစ်ပါတယ်။
http://www.voanews.com/burmese/news/germany-dassk-humanright-123339053.html

ကနေဒါ မြို့လေးက ဒေါ်စုကို ဂုဏ်ပြု




ချင်းမိုင် (မဇ္ဈိမ) ။      ။ ဒီမိုကရေစီနှင့် လူ့အခွင့်အရေး ကြိုးပမ်းမှုကြောင့် မြန်မာ့ဒီမိုကရေစီ ခေါင်းဆောင်
 ဒေါ်အောင်ဆန်းစုကြည်ကို ချီးမြှင့် အပ်နှင်းသည့် ဂုဏ်ပြုမော်ကွန်းအား ကနေဒါနိုင်ငံ မြို့တမြို့၌ ထားရှိမည့် အခမ်းအနားကို လာမည့် ဇူလိုင်လ ၁ ရက်နေ့တွင် ထိုမြို့လေး၌ ကျင်းပသွားမည် ဖြစ်သည်။

ဂုဏ်ပြုမော်ကွန်းအား Côte Saint-Luc လူ့အခွင့်အရေးစင်္ကြံ၌ ထားရှိမည် ဖြစ်ရာ၊ ထိုစင်္ကြံသည် လူသားများ ကောင်းကျိုးအတွက် စွမ်းစွမ်းတမံ ကြိုးပမ်းအားထုတ်ခဲ့ပြီး၊ လူ့အခွင့်အရေး မီးရှူးတန်ဆောင်အဖြစ် လောကအလင်း ဆောင်ကြဉ်းခဲ့သည့် ပုဂ္ဂိုလ်များကို ရည်ညွှန်းသည်။ ကနေဒါနေ့ အထိမ်းအမှတ်၏ တစိတ်တဒေသအဖြစ်လည်း အခမ်းအနားကို ကျင်းပခြင်း ဖြစ်သည်။ 

“ကျနော်တို့ ဂုဏ်ပြုပြီးပြီ ဖြစ်တဲ့ တခြားသူတွေလိုပါပဲ၊ အောင်ဆန်းစုကြည်ဟာ ဒီမိုကရက်တစ် အပြောင်းအလဲတွေ ပေါ်ပေါက်လာဖို့အတွက် အန္တရာယ်တွေကို ကြံ့ကြံ့ခံ ရင်ဆိုင်ပြီး ကြိုးစားခဲ့ပါတယ်” ဟု မြို့တော်ဝန် Anthony Housefather က မြို့တော်စာစောင်တွင် ပြောကြားခဲ့သည်။

“သူ အကျဉ်းချထားခံရစဉ် ကာလတွေမှာလည်း စစ်အစိုးရက သူ့ကို မြန်မာနိုင်ငံထဲကနေ ထွက်ခွါနိုင်တဲ့ အခွင့်အရေးတွေကို အကြိမ်များစွာ ကမ်းလှမ်းခဲ့ပေမယ့် သူကတော့ သူ့တိုင်းပြည်ကနေ ထွက်ခွါဖို့
 ငြင်းဆန်ခဲ့ပြီး၊ ပြည်သူလူထုနဲ့အတူ ဒီမိုကရေစီရေးနဲ့ လူ့အခွင့်အရေးဆိုင်ရာ ကြိုးပမ်းအားထုတ်မှုကို ဆက်လက်
 ပြုလုပ်ခဲ့ပါတယ်” ဟုလည်း သူက ဆိုသည်။

မြန်မာ့ဒီမိုကရေစီရေးနှင့် လူ့အခွင့်အရေးအတွက် နှစ်ပေါင်း ၂ဝ ကျော် စွမ်းစွမ်းတမံ လုပ်ကိုင်ခဲ့သည်ဟု မြို့တာဝန်ရှိသူများက ဒေါ်အောင်ဆန်းစုကြည်အပေါ် မှတ်ချက်ပေးကြသည်။

၁၉၉၁ ခုနှစ်တွင် နိုဘယ်ငြိမ်းချမ်းရေးဆု ရရှိခဲ့သည့် ဒေါ်အောင်ဆန်းစုကြည်ကို ကနေဒါက ၂ဝဝ၇ ခုနှစ်ထဲတွင် ဂုဏ်ထူးဆောင် နိုင်ငံသားအဖြစ် ဂုဏ်ပြုခဲ့သေးသည်။ ကနေဒါသည် မြန်မာအစိုးရကို ဖိအားပေးသည့် အနေဖြင့်
 မြန်မာနိုင်ငံအပေါ် အပြင်းထန်ဆုံး ပိတ်ဆို့ အရေးယူခဲ့သည့် နိုင်ငံလည်း ဖြစ်သည်။

ဒေါ်အောင်ဆန်းစုကြည်ကို အစိုးရက လွန်ခဲ့သည့် နှစ်ပေါင်း ၂၀ ကျော်တွင် ၁၅ နှစ်ဝန်းကျင် နေအိမ်အကျယ်ချုပ်ဖြင့် ထားရှိခဲ့ကာ၊ မြန်မာနိုင်ငံမှ ထွက်ခွါပေးလျှင် လွှတ်ပေးမည်ဟု ကမ်းလှမ်းခဲ့သော်လည်း သူက ပယ်ချခဲ့ပြီး၊ အရပ်သား အစိုးရ ပေါ်ပေါက်ရေးနှင့် နိုင်ငံရေး အကျဉ်းသားအားလုံး လွှတ်ပေးရေးကို တစိုက်မတ်မတ် တောင်းဆိုလာခဲ့သည်။

လူ့အခွင့်အရေးစင်္ကြံ စတင်ဖွင့်လှစ်ခဲ့သည် ၂ဝဝဝ ခု စက်တင်ဘာမှစ၍ Quebec ပြည်နယ်ရှိ မြို့လေးတွင်
 နိုဘယ်ဆုရှင် Rene Cassin ၊ လူမျိုးရေး ခွဲခြားမှုကို ဆန့်ကျင်တိုက်ဖျက်သူ Helen Suzman နှင့် ဒုတိယ ကမ္ဘာစစ်အတွင်း နာဇီတို့၏ မျိုးဖြုတ်သတ်ဖြတ်နေမှု အန္တရာယ်မှ ဂျူးလူမျိုး တသိန်းခန့်ကို ကယ်တင်ခဲ့သည့် ဆွီဒင်သံတမန် Raoul Wallenberg အပါအဝင် စုစုပေါင်း ပုဂ္ဂိုလ် တဒါဇင်ခန့်ကို ဂုဏ်ပြုခဲ့ပြီး ဖြစ်သည်။
http://www.mizzimaburmese.com/news/breaking-newsbrief/7684-2011-06-07-09-32-24.html

စစ်ဘက် အရာရှိနှင့် အချင်းများမှု လူငယ်တဦး ဒဏ်ရာရ


ဖနိဒါ | အင်္ဂါနေ့၊ ဇွန်လ ၀၇ ရက် ၂၀၁၁ ခုနှစ် ၁၇ နာရီ ၄၈ မိနစ်
ချင်းမိုင် (မဇ္စျိမ) ။ ။ ရန်ကုန်တိုင်း မင်္ဂလာတောင်ညွန့်မြို့နယ်ရှိ စားသောက်ဆိုင်တဆိုင်၌ စစ်ဘက်အရာရှိတဦး ပါဝင် ပတ်သက်သော အချင်းများမှု တခုတွင် အမျိုးသား ဒီမိုကရေစီ အဖွဲ့ချုပ်ဝင်တဦး ဒဏ်ရာရသွားသည်။

တာမွေမြို့နယ်နေ အသက် ၂၈ နှစ်အရွယ်ရှိ အန်အယ်ဒီ ဗဟိုပြန်ကြားရေးအဖွဲ့ဝင် ကိုစိုးမြတ်သူနှင့် သူ၏ သူငယ်ချင်း နှစ်ဦးသည် ဇွန်လ ၄ ရက် ည ၈ နာရီခန့်၌ မင်္ဂလာတောင်ညွန့်မြို့နယ်ရှိ အေးရှားလိုက် စားသောက်ဆိုင်၌ စားသောက်စဉ် အခြားဝိုင်းတဝိုင်းတွင် ဗိုလ်ကြီးအဆင့် ရှိသူတဦးနှင့် အငြိမ်းစား ဗိုလ်ကြီးတဦး၊ အမျိုးသားနှစ်ဦးနှင့် အမျိုးသမီးတဦးတို့ စားသောက်နေခဲ့သည်။

“ ဗိုလ်ကြီးတယောက် ထပြီးတော့ တဆိုင်လုံးကို စိန်ခေါ်တယ်လို့ ပြောတယ်။ အဲဒီမှာ ရုန်းရင်းဆန်ခတ်ဖြစ်သွားတော့ ကျနော်တို့လူငယ်က အပြင်ကို ထွက်ဖို့ ကြိုးစားတဲ့ အချိန်မှာ သူ့ကို လူမှားထိုးတာပဲ” ဟု အခြားသော အန်အယ်ဒီ ဗဟိုပြန်ကြားရေး အဖွဲ့ဝင်တဦးဖြစ်သူ ဦးကြည်တိုးက မဇ္ဈိမကို ပြောသည်။

ဓားထိုးသူဟု စွပ်စွဲခံရသူ ကိုဝင်းကိုလှိုင် ဆိုသူမှာ မင်္ဂလာတောင်ညွန့် ရဲစခန်းတွင် အဖမ်းခံနေရသဖြင့် အသေးစိတ် သိရှိရန် ရဲစခန်းသို့ ဆက်သွယ်မေးမြန်းရာ ဖြေဆိုရန် ငြင်းဆန်သည်။

ကိုစိုးမြတ်သူ ကိုယ်တိုင် ရဲစခန်းသို့ သွားရောက်ကာ အမှုဖွင့် တိုင်ကြားခဲ့ပြီးမှ ရန်ကုန် ဆေးရုံကြီးသို့ ကုသမှု ခံယူခဲ့သည်။ ကိုဝင်းကိုလှိုင်မှာ တောင်ဥက္ကလာအခြေစိုက် ခမရ ၄၃၅ မှ ဗိုလ်ကြီးနေတိုးရွှေနှင့် ဗိုလ်ကြီးဟောင်း ညီညီမင်းတို့အတူ စားသောက်နေခဲ့ခြင်း ဖြစ်သည်ဟု ဦးကြည်တိုးက ပြောသည်။

“အဆုတ်ကို ချွန်ထက်တဲ့အရာနဲ့ အထိုးခံလိုက်ရတာ။ Internal bleeding လို့ ခေါ်တဲ့ အတွင်းသွေးယိုစီးမှု ဖြစ်နေတယ်။ ဆရာဝန်တွေတော့ အနီးကပ် စောင့်ကြပ်မှုအောက်မှာ ရှိနေသေးတယ်” ဟု ဦးကြည်တိုးက မဇ္ဈိမကို ပြောသည်။

ကိုဝင်းကိုလှိုင်ကလည်း ရဲစခန်းတွင် ကိုစိုးမြတ်သူအပေါ် အမှု ပြန်လည်ဖွင့်ထားသည်။
http://www.mizzimaburmese.com/news/inside-burma/7686-2011-06-07-11-20-26.html