Monday, August 1, 2011

၁.၈.၂၀၁၁ ရက်နေ့ရဲရင့်ငယ်ဒိုင်ယာရီ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

3 attachments — Download all attachments  
1 August 2011 Yeyintnge's diary.pdf1 August 2011 Yeyintnge's diary.pdf
427K   View   Download  
1 August 2011 Yeyintnge's diary.doc1 August 2011 Yeyintnge's diary.doc
722K   View   Download  
1 August 2011 Yeyintnge's diary.odt1 August 2011 Yeyintnge's diary.odt
374K   Download  
http://www.mediafire.com/file/zd8ft1k4l9nsrgn/1%20August%202011%20Yeyintnge%27s%20diary.doc

http://www.mediafire.com/file/lhcj279tuqoqr3d/1%20August%202011%20Yeyintnge%27s%20diary.pdf

1 August 2011 Yeyintnge's Diary

တွေ့ဆုံဆွေးနွေးပွဲဟာ အမျိုးသား ပြန်လည်သင့်မြတ်ရေးရဲ့ ခြေလှမ်းအစလား


Published on August 1, 2011 by တိုင်းကျော်   

အားလုံးသိကြတဲ့အတိုင်း ပြီးခဲ့တဲ့ ဇူလိုင် ၂၅ ရက်နေ့က အတိုက်အခံ ခေါင်းဆောင် ဒေါ်အောင်ဆန်းစုကြည်နဲ့ ဦးသိန်းစိန် အစိုးရကိုယ်စားလှယ် အလုပ်သမားဝန်ကြီး ဦးအောင်ကြည်တို့ ၁ နာရီ မိနစ် ၂ဝ ကြာ တွေ့ဆုံ ဆွေးနွေးခဲ့ပါတယ်။
တွေ့ဆုံဆွေးနွေးပွဲနဲ့ ပတ်သက်ပြီး နှစ်ဖက်စလုံးက အသေးစိတ် အချက်အလက် ထုတ်ပြန်တာ မရှိသလို ပူးတွဲ သဘောတူညီချက် ဆိုတာမျိုး ထုတ်ပြန်တာလည်း မရှိခဲ့ပါဘူး။
အကျဉ်းရုံး သတင်းစာရှင်းလင်းပွဲလေးတခု လုပ်ပြီး သတင်းထုတ်ပြန်ချက် တခုသာ လုပ်လိုက်နိုင်တာ တွေ့ရပါတယ်။ ဒီ တွေ့ဆုံဆွေးနွေးပွဲ ဘယ်လို ပေါ်ပေါက်လာသလဲ၊ ဒီ့မတိုင်ခင်က အခြေအနေ ဘယ်လို ရှိသလဲ၊ ဒီတွေ့ဆုံ ဆွေးနွေးပွဲကို ပြည်သူတွေ ဘယ်လို သဘောထားကြသလဲ ဆိုတာ ခုတပတ် ဆွေးနွေး တင်ပြသွားမှာ ဖြစ်ပါတယ်။
တကယ်တော့ ဒေါ်အောင်ဆန်းစုကြည်နဲ့ ဦးအောင်ကြည်တို့ တွေ့ကြတာ အထူးအဆန်း မဟုတ်ပါဘူး။ ပြီးခဲ့တဲ့ စစ်အစိုးရလက်ထက်က (၉) ကြိမ်တိတိ တွေ့ဆုံ ဆွေးနွေးခဲ့ဖူးပါတယ်။ လက်ဆုပ်လက်ကိုင် ပြစရာ ဘာရလဒ်မှ မယ်မယ်ရရ ထွက်လာတာ မတွေ့ရပါဘူး။
စစ်အစိုးရရဲ့ ကုလသမဂ္ဂနဲ့ နိုင်ငံတကာ အသိုင်းအဝိုင်းကိုသာ တွေ့ဆုံဆွေးနွေးပွဲတွေ လုပ်နေသယောင် လိမ်လည်လှည့်စားမှုတွေ အဖြစ်သာ ကျန်ရစ်တာ ဖြစ်ပါတယ်။ ဒီအတွက်လည်း ဦးအောင်ကြည်ကို ဆက်ဆံရေးဝန်ကြီး ဆိုပြီးတောင် နာမည်ပေးလိုက်ပါသေးတယ်။ နောက်ပိုင်း မလိုအပ်တော့ဘူးလို့ ယူဆတဲ့အခါ ဘာမှ မကြေညာဘဲနဲ့ ဆွေးနွေးပွဲတွေကို လုံးဝ ရပ်ပစ်လိုက်တာ ဖြစ်ပါတယ်။
ဒီဆွေးနွေးပွဲ မတိုင်ခင်တုန်းကလည်း ဦးသိန်းစိန် အစိုးရ တာဝန်ရှိသူတွေဟာ ဒေါ်အောင်ဆန်းစုကြည်ကို သာမန် အရပ်သားတဦးသာ ဖြစ်ကြောင်း တရားဝင် ထုတ်ဖော် ပြောဆိုခဲ့ကြပါတယ်။
တွေ့ဆုံဆွေးနွေးပွဲတွေ လုပ်မလား ဆိုတဲ့ မေးခွန်းတွေကိုလည်း လွှတ်တော်ဆိုတာ ရှိလာပြီမို့ လွှတ်တော်ထဲမှာပဲ ဆွေးနွေးမယ်၊ ဒေါ်အောင်ဆန်းစုကြည် တို့အနေနဲ့ ဆွေးနွေးချင်တယ်ဆိုရင် ဖွဲ့စည်းပုံ အခြေခံဥပဒေကို လက်ခံပြီး ပါတီကို မှတ်ပုံပြန်တင်၊ လာမယ့် ကြားဖြတ် ရွေးကောက်ပွဲနဲ့ နောက် (၅) နှစ်မှာ လုပ်မယ့် ရွေးကောက်ပွဲတွေမှာ ဝင်ပြိုင်ပြီး လွှတ်တော်ထဲ ကိုယ်စားလှယ်တွေ ရောက်မှသာ ဆွေးနွေးဆိုတဲ့ သဘောမျိုး အဖြေ ပေးခဲ့ပါတယ်။
ဆိုလိုတဲ့ အဓိပ္ပာယ်ကတော့ သူတို့ ရပ်တည်မှု ခိုင်မာနေပြီမို့ တွေ့ဆုံ ဆွေးနွေးရေးကို ငြင်းပယ်ထားလိုက်တဲ့ သဘောပဲ ဖြစ်ပါတယ်။ ဒါတင်မက သိပ်မကြာသေးခင်တုန်းကပဲ ပြည်ထဲရေးဝန်ကြီးကနေ ဦးအောင်ရွှေနဲ့ ဒေါ်အောင်ဆန်းစုကြည်ဆီ လိပ်မူပြီး အန်အယ်လ်ဒီ ရပ်တည်ရေး ကိစ္စ သတိပေးခဲ့ပါသေးတယ်။ အဓိကကတော့ အန်အယ်လ်ဒီကို ပြန်မှတ်ပုံတင်ဖို့ ဖိအားပေးတာပါ။
ဦးသိန်းစိန် အစိုးရဟာ ခုလို သူတို့ရပ်တည်ချက် ခိုင်မာတယ် ယူဆပြီး တွေ့ဆုံဆွေးနွေးရေးကို ငြင်းပယ်နေပေမယ့် ကုလသမဂ္ဂ၊ အနောက်နိုင်ငံတွေနဲ့ နိုင်ငံတကာ မိသားစုတွေကတော့ နိုင်ငံရေးအကျဉ်းသားတွေ လွှတ်ပေးဖို့၊ ဒေါ်အောင်ဆန်းစုကြည်နဲ့ စစ်မှန်တဲ့ တွေ့ဆုံဆွေးနွေးရေး လုပ်ဖို့ ဆက်ပြီး ဖိအားပေးနေခဲ့ကြတာ ဖြစ်ပါတယ်။
လက်ရှိ အစိုးရအဖွဲ့အတွက် အဆိုးဆုံး အကျပ်အတည်းကတော့ အာဆီယံ ဥက္ကဋ္ဌ ရာထူးနေရာ ဆက်ခံရေးပြဿနာ ဖြစ်ပါတယ်။ အာဆီယံ အဖွဲ့ဝင်တွေထဲက တချို့နိုင်ငံတွေဟာ ဦးသိန်းစိန် အစိုးရအနေနဲ့ အာဆီယံဥက္ကဋ္ဌ တာဝန်ရယူဖို့ဆိုရင် တကယ့်ကို ဒီမိုကရေစီဆိုင်ရာ ပြုပြင်ပြောင်းလဲမှုတွေ လုပ်ပြရမယ်၊ ဒီအထဲမှာ နိုင်ငံရေးအကျဉ်းသားတွေ လွှတ်ပေးရေး၊ ဒေါ်အောင်ဆန်းစုကြည်နဲ့ တွေ့ဆုံ ဆွေးနွေးရေး လုပ်ရမယ် ဆိုပြီး တောင်းဆိုတာတွေ ရှိလာခဲ့ပါတယ်။
ဒီအတွက်ကြောင့်ပဲ ဦးသိန်းစိန်အစိုးရဟာ ဒေါ်အောင်ဆန်းစုကြည်နဲ့ တွေ့ဆုံဆွေးနွေး နေပါတယ်ဆိုတာကို ပြသဖို့ ခုလို ဆိုင်းမဆင့် ဗုံမပါ ဆွေးနွေးပွဲ လုပ်ခဲ့ခြင်း ဖြစ်တယ်လို့ သုံးသပ်နိုင်ပါတယ်။ ဒါကို မှန်ကန်ကြောင်း အတည်ပြုနိုင်မယ့် အချက်အလက်တွေလည်း အမှန်ပဲ ရှိနေခဲ့ပါတယ်။
ဆွေးနွေးပွဲ မတိုင်ခင်ရက်မှာ အစိုးရဘက်က ဒေါ်အောင်ဆန်းစုကြည်နဲ့ တွေ့ဆုံဆွေးနွေးမယ်၊ တွေ့ဆုံဆွေးနွေးပွဲပြီးရင် ပူးတွဲ သတင်းထုတ်ပြန်ချက် တခု ထုတ်မယ် ဆိုပြီး ကြိုတင် ကမ်းလှမ်းထားခဲ့တာ ရှိလေတော့ ဒီ သတင်းကို ထုတ်ပြန်ချင်လို့ လုပ်တာပဲ ဆိုတဲ့ ဝေဖန်မှုတွေကိုလည်း ပိုပြီး ခိုင်မာစေပါတယ်။
တကယ်တော့ ဒီ ဆွေးနွေးပွဲအပြီး ထုတ်ပြန်ကြေညာချက်မှာ ဦးအောင်ကြည်ဟာ ဆက်ဆံရေးဝန်ကြီး အဆင့် ဟုတ်မဟုတ်၊ ဆွေးနွေးပွဲကို ဘယ်အတိုင်းအတာ အထိ လုပ်မယ်၊ နောက်တကြိမ် ဘယ်တော့လောက် ပြန်တွေ့ဆုံမယ် ဆိုတာမျိုးကိုလည်း တိတိကျကျ ဆွေးနွေး ဆုံးဖြတ်နိုင်ခြင်း မရှိခဲ့တာ တွေ့ရပါတယ်။
ဒီအတွက် တွေ့ဆုံဆွေးနွေးပွဲတွေ ဆက်ပြီး လုပ်မယ် မလုပ်ဘူး၊ တိုးတက်မှု တစုံတရာ ရှိအောင် လုပ်မယ် မလုပ်ဘူး ဆိုတာဟာလည်း ဦးသိန်းစိန် အစိုးရဘက်က သဘောအတိုင်း ဖြစ်မယ့် အခြေအနေ ရှိနေပါတယ်။
နောက်ထပ် အရေးကြီးတဲ့ အချက်တချက်ကတော့ ဒီဆွေးနွေးပွဲဟာ လက်ရှိ အစိုးရက လုပ်တာဖြစ်ပြီး လွှတ်တော်မှာ ဆွေးနွေးပြီး ပေါ်ပေါက်လာတဲ့ ဆွေးနွေးပွဲ အမျိုးအစား မဟုတ်တာဟာလည်း အာမခံချက် သိပ်မရှိသလို ဖြစ်စေပါတယ်။
ဒီအတွက် ပြည်တွင်းက ဝေဖန်သူ အများစုကတော့ ဦးသိန်းစိန် အစိုးရဟာ အာဆီယံ ဥက္ကဋ္ဌ နေရာရအောင်၊ ဒီနေရာအတွက် ဖြစ်ပေါ်နေတဲ့ နိုင်ငံရေး ဝေဖန်မှုတွေ မခံရလေအောင် ဆွေးနွေးပွဲတွေ ပြန်စတင်နေတယ် ဆိုပြီး ဒေါ်အောင်ဆန်းစုကြည်ကို အသုံးချလိုက်တယ်လို့ ပြောဆိုနေကြပါတယ်။
အရင်က လုပ်ခဲ့ဖူးတဲ့ ဆွေးနွေးပွဲတွေလိုပဲ ပုံစံ အမျိုးမျိုးနဲ့ အချိန်ဆွဲနိုင်တယ်၊ မလိုအပ်ရင် အချိန်မရွေး ရပ်ဆိုင်းလိုက်နိုင်တယ် ဆိုပြီး ပြောဆိုကြပါတယ်။ တချို့ ဝေဖန်သူတွေကတော့ ဦးသိန်းစိန် အစိုးရအနေနဲ့ ဘယ်လို အကြောင်းကြောင့်ပဲ ဆွေးနွေးပွဲ လုပ်လုပ်၊ လုပ်ခဲ့တယ်ဆိုရင်ပဲ အရင်က ပြောဆိုခဲ့တဲ့ ဒေါ်အောင်ဆန်းစုကြည်ဟာ သာမန် နိုင်ငံသားတယောက် ဖြစ်တယ်ဆိုတာ၊ ဆွေးနွေးစရာ ရှိတာတွေကို လွှတ်တော်ထဲမှာပဲ ဆွေးနွေးမယ် ဆိုတာ စတာတွေကို ချေဖျက်သလို ဖြစ်သွားတဲ့အတွက် အကျိုးရှိတယ် ဆိုပြီးတော့လည်း သုံးသပ်ကြပါတယ်။
သာမန် တိုင်းသူပြည်သားတွေ အတွက်ကတော့ ခုလိုပဲ အရင်တုန်းကလည်း အကြိမ်ကြိမ် ဆွေးနွေးခဲ့တာတွေကို ကြည့်ပြီး ခုတခေါက် ဆွေးနွေးပွဲကနေ ဘာ ထူးခြားမှုမှ ရှိလာမှာ မဟုတ်ဘူးလို့ ထင်မြင်ယူဆလျက် ရှိနေကြကြောင်း တင်ပြလိုက်ရပါတယ်။
http://burmese.dvb.no/archives/13526

ခေတ်သစ်မြိုင်ထနှစ်ပါးသွား

ပြီးခဲတဲ့ အာဇာနည်နေ့ က ထုတ်ဝေတဲ့ အမျိုးသားဒီမိုကရေစီအဖွဲ့ ချုပ် ကြေညာချက်နဲ့  ၁၉၈၉ ခုနှစ်က

ထုတ်ဝေခဲ့တဲ့ အမျိုးသားဒီမိုကရေစီအဖွဲ့ ချုပ်ရဲ့  အာဇာနည်နေ့ ကြေညာချက် နှစ်ခုကို လွန်ခဲ့တဲ့တစ်ပတ်က

ကျွန်တော် ယှဉ်ဖတ်ကြည့်နေရင်း အတွေးတစ်စ ရခဲ့မိတယ်။ ဒီတစ်ခါ ကမ္ဘာကျော်မျက်လည့်ဆရာ

ဒေးဗစ်ကော်ဖာဖီးရဲ့ ရထားကြီးတစ်စင်းလုံးကို ဖျောက်ပစ်လိုက်နိုင်တဲ့ ပြကွက်မျိုး မဟုတ်ပါရစေနဲ့ လို့ 

ကျွန်တော်တို့ ရဲ့ ဆုတောင်းမှုများကို နားလည်ပေးနိုင်ကြမယ်ထင်ပါရဲ့ ။ မီးစတစ်ဘက်၊ ရေမှုတ်တစ်ဘက်

ဆိုတဲ့ ရှေးဆိုရိုးလေးကို ဖြတ်ကနဲ ၀င်လာမိလို့ ပါ။

ဒု-သမ္မတကြီးက သာမန်ပြည်သူတစ်ယောက်လို သဘောထားပါတယ်လို့  ဆီနိတ်တာဂျွန်မက်ကိန်းကို ပြောချ

လိုက်တော့ ကျွန်တော်တို့ ဒေါသတွေ တလိပ်လိပ်တက်လို့ မှ ဘာမှမကြာလိုက်၊ ပြီးခဲ့တဲ့ အာဇာနည်နေ့  နေ့ ခင်း

ဘက်မှာ ဒေါ်အောင်ဆန်းစုကြည်ကို လက်ခံဆက်ဆံပြလိုက်တဲ့ ပုံစံကို တွေ့ လိုက်ရပြန်တော့ ရှေ့ ရေးအတွက်

အားတက်ရပြန်ပါတယ်။ မြန်မာပြည်မှာ နိုင်ငံရေးသမားမရှိ လို့  သမ္မတအကြံပေးအဖွဲ့ ဝင်တွေ လက်လွတ်စပယ်

မှတ်ချက်ပေးတဲ့အခါ ပွတ်လောရိုက်ခဲ့ကြပြီး အခုတော့ ဒေါ်အောင်ဆန်းစုကြည်ခြံထဲကို အဲဒီအဖွဲ့ ဝင်အချို့ ခြေပုန်း

ခုတ် ၀င်ထွက်မှုတွေ ရှိနေပြန်တယ်လို့  သတင်းတချို့ ကြားရပြန်ပါတယ်။ ပြည်ထဲရေးဝန်ကြီးရဲ့  ခြိမ်းခြောက်တား

ပစ်စာ ပို့ ပြီး သိပ်မကြာခင် ပြည်ထောင်စုဝန်ကြီးတစ်ပါးနဲ့  ရယ်ရွှမ်းပတ်ရွှမ်းတွေ့ ဆုံ၊ နှစ်ဘက်သဘောတူကြေညာ

ချက်ထုတ်ပြန်လိုက်တဲ့အခါ ကျွန်တော်တို့  ဟာခနဲဟင်ခနဲဖြစ်ကြရပြန်ပါတယ်။

ပုဂံဒေသနဲ့ အင်ကြင်းတောကို ဒေါ်အောင်ဆန်းစုကြည် အလည်အပတ်သွားပြီး ပုဂံမိတ်ဆွေများအဖွဲ့ လိုမျိုး

ဖွဲ့ ဖို့ လိုအပ်တယ်လို့ ပြောဆိုလိုက်ပြီးမကြာခင် ပြည်ထောင်စုယဉ်ကျေးမှုဝန်ကြီးလည်း အဲဒီဒေသကို အပြေး

ရောက်သွားပြီး မည်သည့်အဖွဲ့ အစည်း၊ မည်သည့်လူပုဂ္ဂိုလ်နဲ့ မဆို ပုဂံဒေသကိစ္စအတွက် ပူးပေါင်းလုပ်ဆောင်နိုင်ပါ

တယ်လို့ သတင်းစာထဲ ထည့်ရတဲ့အဆင့် ရောက်ခဲ့ပါတယ်။

ကချင်၊ ရှမ်း၊ ကရင် စတဲ့ လူမျိုးစုလက်နက်ကိုင်တွေနဲ့  ဖြစ်ပွားနေတဲ့ ပြည်တွင်းစစ်မီးပွားတွေ ပြေငြိမ်းဖို့ ရန်

ဒေါ်အောင်ဆန်းစုကြည်ဘက်က ကိုယ်စွမ်းရှိသရွေ့  ကြားဝင်စေ့စပ်ပေးလိုပါတယ်လို့  ပန်ကြားလိုက်တဲ့အပေါ်

သမ္မတအကြံပေးတစ်ယောက်က ဒါဟာ ဒေါ်အောင်ဆန်းစုကြည်စုနဲ့ ဦးအောင်ကြည် စကားပြောကြခြင်းရဲ့ 

နောက်တွဲအကျိုးဆက်လို့  ပြည်ပသတင်းဌာနတစ်ခုကို မက်ဆေ့ပေးလိုက်တာ ဖတ်ရပြန်တော့ စပ်သလိုချိုသလို

ဖြစ်ခဲ့ပြန်ပါတယ်။ မစ္စတာဘန်ကီမွန်းနဲ့  ၀န်ကြီးဦးဝဏ္ဏမောင်လွင်တို့ နှစ်ယောက် နိုင်ငံရေးအကျဉ်းသားများ မလွဲ

မသွေလွှတ်ပေးဖို့ တယ်လီဖုန်းနဲ့ ပြောကြဆိုကြ။

ဒါတွေဟာ ခုရက်ပိုင်းအတွင်းမှာ ဆက်တိုက်ပြေးနေတဲ့ နိုင်ငံရေးအဖြစ်အပျက်တွေပါ။ သတင်းတစ်ခုအဆို

အရ မကြာခင် နေပြည်တော်မှာ တခမ်းတနားပြုလုပ်မယ့် လူမှုရေးဖိုရမ်ကြီးတစ်ခုအတွက် အထူးဧည့်သည်တော်

အဖြစ် ဒေါ်အောင်ဆန်းစုကြည်ကို ဖိတ်ကြားထားတယ်လို့  သိုးသိုးသဲ့သဲ့ကြားရပြန်ပါတယ်။ မှန် မမှန်ဆိုတာ

စောင့်ကြည့်ရဦးမှာပေါ့။ ယေဘူယျသုံးသပ်ရရင်တော့ “မင်္ဂလာသတင်းများ” လို့ အားလုံးသောအကဲခတ်တွေက

မှတ်ချက်ပေးကြပါတယ်။ တို့ နိုင်ငံမှာ အမျိုးသားရင်ကြားစေ့ရေး တကယ်ဖြစ်လာတော့မှာလို့  အကောင်းဘက်က

ရှုမြင်နေကြပြီး အမှောင်ခေတ် နိတ္ထိတံပြီရယ်လို့  မှတ်ယူနေကြပါတယ်။

ဒီနေရာမှာ ကျွန်တော်တို့ သတိမြဲမြဲ ကပ်ထားရမှာက ဒေါ်အောင်ဆန်းစုကြည်လား၊ NLD လား ဆိုတဲ့ မေးခွန်း

လေးတစ်ခုအကြောင်းပါ။ ၂၀၁၀ ရွေးကောက်ပွဲမလုပ်ခင်ကတည်းက တိုးတိုးတိတ်တိတ် စ ထွက်လာတဲ့မေးခွန်း

ပါ။ အားလုံးမမေ့လောက်သေးတဲ့ အဖြစ်အပျက်တစ်ခုရှိခဲ့ပါတယ်။ NLD ကို ၂၀၁၀ ရွေးကောက်ပွဲကော်မရှင်မှာ

ပြန်ပြီး မှတ်ပုံတင်- မတင် ကိစ္စကို ပါတီအမှုဆောင်တွေ မဲခွဲဆုံးဖြတ်ရတော့မယ့် ရက်သတ္တပတ်က မြင်ကွင်းတွေ

ဟာ မဟောင်းသေးပါဘူး။ ဘယ်လိုဖြစ်စဉ်တွေနဲ့  ပြီးဆုံးသွားခဲ့သလဲ။ အဲဒီအချိန်တုန်းက NLDပါတီ မှတ်ပုံတင်ပြီး

၂၀၁၀ ရွေးကောက်ပွဲကို ၀င်ရောက်လာမှာကို နအဖ အစိုးရက မလိုလားခဲ့ဘူးဆိုတာကို တချို့ တွေ သိခဲ့ကြပါ

တယ်။

မြန်မာ့နိုင်ငံရေးမှာ ဒေါ်အောင်ဆန်းစုကြည်ရဲ့  အခန်းကဏ္ဍက ကြီးမားလွန်းတဲ့အပြင် ကြံ့ဖွံ့ အစိုးရအနေနဲ့ 

လူထုရဲ့ နှစ်ခြိုက်မှု မရရှိတာကို ကုစားနိုင်ဖို့  ဒေါ်အောင်ဆန်းစုကြည်ကို အသုံးလိုနေတာအမှန်ပါဘဲ။ အစိုးရရဲ့ 

လိုအပ်ချက်ထဲမှာ NLD ဆိုတဲ့ အမျိုးသားဒီမိုကရေစီအဖွဲ့ ချုပ်ဟာ ရှိနေပုံမရပါဘူး။ ဦးအောင်ကြည်အနေနဲ့ 

ဒေါ်အောင်ဆန်းစုကြည်တစ်ဦးတည်းကို ခေါ်တွေ့ တာရယ်၊ သမ္မတနဲ့ တိုင်းရင်းသားလက်နက်ကိုင်အဖွဲ့ တွေဆီ

ပေးပို့ တဲ့စာမှာ ဒေါ်အောင်ဆန်းစုကြည်နာမည်တစ်လုံးထဲ ထည့်သွင်းထားတာတွေဟာ ရှေ့ မှာ ဘယ်လိုအခင်း

အကျင်းတွေ ဆက်တိုက်လာတော့မယ်ဆိုတာကို ခန့် မှန်းဖို့ သိပ်မခက်တော့ပါဘူး။ ဒေါ်အောင်ဆန်းစုကြည်ဘက်

က အဓိကပေးဖို့ တစ်ခုက လွှတ်တော်ရွေးကောက်ပွဲတွေမှာ တရားဝင်ပါတီအဖြစ် မှတ်ပုံတင်ပြီး နိုင်ငံရေးဆက်

လုပ်ဖို့ ဖြစ်ပြီး ဒီဘက်အနေနဲ့  နိုင်ငံရေးအကျဉ်းသားတွေ ထွက်လာဖို့ ၊ တိုင်းရင်းသားတွေနဲ့ ငြိမ်းချမ်းရေးဆွေး

နွေးဖို့ ကို ဒေါ်အောင်ဆန်းစုကြည် လုပ်ဆောင်ခွင့်အတွက် လိုက်လျောပေးဖို့ ပါ။

ကြံ့ဖွံ့ အစိုးရရဲ့ ခြောက်အိပ်မက်တွေ အများကြီးထဲမှာ NLD ဆိုတာကြီးက ရှေ့ ဆုံးမှာရှိနေပါတယ်။ NLD အသံ

ကြားလိုက်တာနဲ့  ၉၀ ရွေးကောက်ပွဲရလဒ်ကို မြင်လာ၊ မတော်မတရားတာတွေက အသစ်ဖြစ်ဖြစ်လာတာကို

လုံးလုံးလက်ခံချင်ပုံမရပါဘူး။ ဒါ့ကြောင့်ဘဲ ရွေးကောက်ပွဲကော်မရှင်ဥက္ကဌသစ်က ပါတီ ၃၇ ပါတီကို နေပြည်

တော်မှာတွေ့ ကြတုန်း ၉၀ ရလဒ်နဲ့ အာဏာမလွှဲပေးတာဟာ စစ်တပ်ကို ရန်ရှာတုန့် ပြန်မှာကြောင့်ဆိုပြီး စွပ်စွဲ

ဝေဖန်သွားတာဖြစ်ပုံရပါတယ်။ ဦးဥာဏ်ဝင်းလည်း ဒါကို ပြန်ချေပပြီးပါပြီ။ ဒေါ်အောင်ဆန်းစုကြည်အနေနဲ့ 

ပါတီမှတ်ပုံတင်မယ်ဆိုရင်တောင် အမျိုးသားဒီမိုကရေစီအဖွဲ့ ချုပ် နာမည်ကို သုံးခွင့်ရဖို့  အတော်ကလေးညှိယူ

ရဦးမယ့်သဘောပါ။ ကြံ့ဖွံ့ ပါတီအနေနဲ့  သေတဖန်သက်တဆုံးအုပ်ချုပ်သွားဖို့ ပြင်ဆင်ထားတယ်ဆိုတော့

NLD နာမည်ကို စိုးရိမ်အထိတ်တလန့်အဖြစ်ဆုံးနဲ့ သူတို့ နဲ့ ပခုံးချင်းယှဉ်နိုင်မယ့် အင်အားကြီးပါတီအဖြစ် NLD

ကိုဘဲ နာမည်အရရော အင်အားအရရော ကြောက်လန့် နေတာဖြစ်ပါတယ်။ ဒီတော့ ပထမဆုံး နာမည်ကို ရှင်း

ထုတ်လိုတဲ့သဘောဖြစ်ပါလိမ့်မယ်။ ပြီးမှ အင်အားကို စနစ်တကျသတ်ရိုက်ဖြိုခွင်းပြီး ထာဝရအာဏာရကြံ့ဖွံ့ 

ပါတီဖြစ်စေရန်လို့ ဗျူဟာချထားတဲ့ပုံပါ။

ဒါတွေက ကျွန်တော်စဉ်းစားလို့ ရတဲ့ လက်ရှိအစိုးရရဲ့ အတိုက်အခံအုပ်စုအပေါ် ကိုင်တွယ်နေတဲ့ လက်တံ

ခြေတံများဖြစ်ပြီး ဒီအပေါ်မှာ ဒေါ်အောင်ဆန်းစုကြည်၊ NLD၊ ပြီးတော့ ကျွန်တော်တို့ လို Pro ဒေါ်အောင်ဆန်း

စုကြည် ပရိသတ်တွေအနေနဲ့  ဘယ်ကွေ့ ကို ဘယ်တက်နဲ့ ဘယ်လိုလှော်ဖို့ ကျွန်တော်တို့ တွေဘက်က

ဘာများပြင်ဆင်ထားရမလဲ ဆိုတာကို မဖြစ်မနေတွေးထားရပါတော့မယ်။

ကျွန်တော်တို့ ဟာ မဆလ ပါတီကို မကြိုက်ဘူး၊ ငြိမ်-ပိ အာဏာသိမ်းစစ်အစိုးရကို မကြိုက်ဘူး၊ ဦးသန်းရွှေ

အုပ်ချုပ်သွားတဲ့ နအဖ အစိုးရကို မကြိုက်ဘူး။ ဒီအခြေခံပေါ်မှာ တစိုက်မတ်မတ် တောက်လျောက်ရပ်တည်

လာခဲ့ကြပါတယ်။ အဲဒီအစိုးရ သုံးဆက်ရဲ့ နောက်တွဲလို့  ခေါ်ရမယ့် ဦးသိန်းစိန်ရဲ့ ကြံ့ဖွံ့ အစိုးရကိုလည်း

မကြိုက်ဘူး။ ကျွန်တော်တို့ မဲထည့်ခဲ့တာ NLD၊ ကျွန်တော်တို့  လိုလိုလားလား အသည်းထဲက ပုံအောခဲ့တာ

ဒေါ်အောင်ဆန်းစုကြည်။ ကျွန်တော်တို့ အကြွင်းမဲ့ယုံကြည်တာ ဒေါ်အောင်ဆန်းစုကြည်။ ကျွန်တော်တို့ သည်

ဒေါ်အောင်ဆန်းစုကြည်။ ဒေါ်အောင်ဆန်းစုကြည်သာ တိုင်းပြည်ကို ဦးဆောင်မယ်ဆိုရင် ကျွန်တော်တို့ နိုင်ငံ

အခုလို အောက်ကျနောက်ကျဖြစ်နေမှာ မဟုတ်ဘူးလို့  မှတ်ထင်ယုံကြည်ထားကြတယ်မဟုတ်လား။

သူ့ အဖေဗိုလ်ချုပ်လိုဘဲ ဒေါ်အောင်ဆန်းစုကြည်ဟာ တိုင်းပြည်မျက်နှာတစ်ခုသာကြည့်မယ်၊ ပြည်သူလူထု

အကျိုးတစ်ခုကိုသာ ရှေ့ တန်းတင်မယ်လို့  ကျွန်တော်တို့ အားကိုးယုံကြည်ထားကြပါတယ်။

ဒေါ်အောင်ဆန်းစုကြည်လား၊ NLD လား ဆိုတဲ့အမေးကို အစိုးရဘက်က ဒေါ်အောင်ဆန်းစုကြည်လို့ 

ပြန်ဖြေနေတဲ့အချိန်မှာ ကျွန်တော်တို့ မှာရော ဘယ်လိုဆန္ဒမျိုး ရှိကြပါသလဲ။ ကျွန်တော်တို့ ဆန္ဒတွေကို

ဒေါ်အောင်ဆန်းစုကြည် လက်ခံနားလည်ပေးဖို့ မလိုအပ်ဘူးလား။




အောင်မျိုးထွန်း

၁- ၈- ၂၀၁၁

မြစ်ဆုံရေကာတာ ဆိုးကျိုးကောင်းကျိုး

တနင်္ဂနွေ, 31 ဇူလိုင် 2011

By ဦးသန်းလွင်ထွန်း

ဦးသန်းလွင်ထွန်း ။ ။ ကချင်ပြည်နယ် မြစ်ဆုံမှာ တည်ဆောက်နေတဲ့ ရေအားလျှပ်စစ်ထုတ်လုပ်ရေး ရေကာတာကြီးဟာ အလွန်အန္တရာယ်ကြီးမားတဲ့အတွက် လုပ်ငန်း ဆက်လက်မလုပ်ဆောင်သင့် ကြောင်း လေ့လာချက်အစီရင်ခံစာတခုက ၂၀၀၉ ခုနှစ်ကတည်းက အဆိုပြုထားပေမယ့် ဒီလုပ်ငန်းမှာ ရင်းနှီးမြှုပ်နှံထားတဲ့ တရုတ်အစိုးရနဲ့ မြန်မာအစိုးရဘက်ကပါ လျစ်လျူရှုခဲ့ပါတယ်။ တရုတ်နဲ့ မြန်မာပညာရှင်တွေ ကွင်းဆင်းလေ့လာပြီး တင်ပြခဲ့တဲ့ ဒီအစီရင်ခံစာကို လူသိရှင်ကြား ထုတ်ပြန် ကြေညာခဲ့ခြင်း မရှိပါဘူး။ ဒီ အစီရင်ခံစာကို မကြာခင်ကမှ ရရှိဖတ်ရှုခဲ့ရတဲ့ တရုတ်နဲ့ အာဆီယံအရေး လေ့လာသုတေသန ပြုနေတဲ့ အမေရိကန်နိုင်ငံ UC Berkeley တက္ကသိုလ်က ဦးမင်းဇင်က ဗွီအိုအေ ကို အောက်ပါအတိုင်း ပြောဆိုပါတယ်။

ဦးမင်းဇင် ။ ။ ပထမဆုံး တွေ့တာကတော့ စာမျက်နှာ (၉၀၀) ကျော်လောက်ဆိုတော့ ချက်ချင်း မဖတ်ဖြစ်ဘူး။ နောက်တော့ ဖတ်ကြည့်လိုက်တဲ့အခါမှာ အစောပိုင်းကလည်း သိပ်ပြီးတော့ တရုတ် ပညာရှင်တွေက အဓိကရေးတယ်ဆိုတော့ စိတ်ထဲမှာလည်း တရုတ်ပြည်ဆိုတော့ သာသာထိုးထိုး ရေးမှာပဲဆိုပြီး ကျနော်က ယူဆထားတာ။ အဲဒီ ယူဆချက်နဲ့ ဖတ်တာ ဖတ်ရင်းနဲ့ တခါမှ မကြားဘူးတဲ့ အချက်အလက်တွေ သိခဲ့ရတယ်။

ဥပမာ ဒီ မြစ်ဆုံရေကာတာ (၇) ခု ဆောက်တဲ့အထဲမှာ ရေကာတာ တခုတည်းကိုက စင်္ကာပူထက် ပိုပြီးကြီးတယ်။ နယူးရော့ခ်မြို့ကြီး တမြို့ စာလောက်ရှိတယ်။ ကမ္ဘာပေါ်မှာ (၁၅) ခုမြောက် အကြီးဆုံး ရေအားလျှပ်စစ် ရေကာတာကြီးဖြစ်မယ်။ ဒါမျိုးတွေ ကြားရတယ်။ အဲဒါမျိုးကြားရတဲ့အပြင် အဆိုးဆုံး ကြားရတာက အခုနပြောသလို ဒီကရမယ့် ရေအားလျှပ်စစ်ကို ၁၀၀ ရာခိုင်နှုန်းလုံး တရုတ်ပြည်ကပဲ အကျိုးကျေးဇူးရမယ်။ ဒီဘက်နောက်ပိုင်း သတင်းကြားရတာက ၉၉% တရုတ်ပြည်ဘက်ကို ရောင်းပြီး မြန်မာပြည်ကိုတော့ ၁% ပြန်ရောင်းမယ်လို့ သတင်းကြားရတယ်။ အဲဒီလိုမျိုးဟာတွေ ကြားရတယ်။

ပိုဆိုးတာက ဒီ ရေကာတာကြီးဟာ စစ်ကိုင်းပြတ်ရွေ့ကြောလို့ခေါ်တဲ့ ငလျင်ကြောကြီးနားမှာ ရှိတယ်။ ဒီဟာကလည်း အာရှတိုက်မှာ ငလျင်တွေ မကြာခဏ လှုပ်တဲ့အတွက်မို့ ဒီဟာက အန္တရာယ်များတယ် လို့ ပညာရှင်တွေက သုံးသပ်ကြတယ်။ ဒီ ငလျင်ကြောကြီးက ပြတ်ရွေ့ ကြောကြီးက တခုခုများ ဖြစ်ခဲ့ရင် ရေကာတာကြီး ပြိုသွားနိုင်တယ်။ အဲဒီလို မဟုတ်ဘဲနဲ့ ရေကာတာ ရေလှောင်ကန်ကြီးက အခုနပြောသလို စင်္ကာပူနိုင်ငံထက်ကြီးတဲ့အခါကျတော့ အဲဒီလောက်ကြီးတဲ့ဟာကြီးကနေ ရေပမာဏကြောင့်လည်း ပြတ်ရွေ့ ကြောကိုသွားပြီး လှုံ့ဆော်သလို ဖြစ်နိုင်တယ်။ ဒီလိုဖြစ်ပြီး ရေကြီးလို့ရှိရင် မြစ်ကြီးနားမြို့ကြီးက စက္ကန့် (၂၀) အတွင်း ရေမြုပ်နိုင်တယ်လို့ ပညာရှင်တွေ ပြောတာကို ကြားရတော့ အင်မတန်မှပဲ တုန်လှုပ်ပါတယ်။

ဦးသန်းလွင်ထွန်း ။ ။ ဒီ လေ့လာမှုအစီရင်ခံစာရဲ့ နံမည်ကိုက တည်ဆောက်မယ့် ရေကာတာတွေရဲ့  သဘာဝပတ်ဝန်းကျင်အပေါ်ကို ဘယ်လောက်အထိ သက်ရောက်မှု ရှိနိုင်မလဲကို ကြိုတင်ခန့်မှန်းချက်။ ဒီလို သဘာဝပတ်ဝန်းကျင်ပေါ် သက်ရောက်မှုကြိုတင်ခန့်မှန်းချက်တွေကို တကယ်တန်းကျတော့ အကုန်အကျခံပြီးတော့ အစီရင်ခံစာရေးခိုင်းတာလည်း China Power Investment Cooperation ခေါ် CPI ကော်ပရေးရှင်းကပဲ လုပ်တာဆိုတော့ ဒီ ကော်ပရေးရှင်းအနေနဲ့ မူလ ရည်မှန်းချက်ဖြစ်တဲ့ ဒီလို လေ့လာမှုတွေလုပ်ခိုင်းပြီးတော့ ဒီ လေ့လာမှုအစီရင်ခံစာကနေ ကြိုတင်ခန့်မှန်းပြီး တင်ပြတဲ့ အချက်တွေကို လိုက်နာရမယ့် တာဝန် သူတို့မှာ မရှိဘူးလား။

ဦးမင်းဇင် ။ ။ ကျနော်သိသလောက်တော့ တရုတ်အစိုးရနဲ့ မြန်မာအစိုးရတို့မှာ ဒီလိုမျိုးဟာတွေကို လိုက်နာဖို့အတွက် တာဝန်ခံထားတာ မရှိဘူးလို့ သိရပါတယ်။ ဒါပေမဲ့ ဒီ အစီရင်ခံစာကလည်း ယေဘုယျ လိုက်နာရမယ့် ဆန်းစစ်တဲ့အချက် (၁၀) ချက် ရှိပါတယ်။ အဲဒီ အချက် (၁၀) ချက်ထဲမှာမှ အချက် တခုကိုပဲ ဆန်းစစ်ရသေးတာဖြစ်ပါတယ်။ အဲဒီ ရေကာတာဆောက်မယ့် ဧရိယာ ပတ်ဝန်းကျင် ကိုပဲ ဆန်းစစ်ရသေးတာ ဖြစ်ပါတယ်။ ကျန်တဲ့ မြစ်အကြေပိုင်း ဧရာဝတီမြစ်အကြေပိုင်းတို့၊ ဧရာဝတီ မြစ်ဝကျွန်းပေါ်ပိုင်းတို့ ကျန်တဲ့အကြောင်းအချက်တွေ အများကြီးရှိတယ်။ အဓိကအချက် (၉) ချက်။ အဲဒါတွေကို မလေ့လာရသေးဘူး။

ပထမ တချက်တည်းနဲ့ပင် တရုတ်အစိုးရက - အခုန ပြောတဲ့ CPI ကလည်း တရုတ်အစိုးရပိုင် ကုမ္မဏီ ဖြစ်ပါတယ်။ တရုတ်အစိုးရနဲ့ မြန်မာအစိုးရတို့က တခါတည်း ဒါကတော့ အခြေအနေ မဟန်တော့ဘူး လို့ထင်ပြီး ကျန်တဲ့လေ့လာမှုတွေကို ဆက်မလုပ်ခိုင်းဘဲ ရပ်လိုက်တာလို့ ကြားသိရပါတယ်။

ဦးသန်းလွင်ထွန်း ။ ။ ဒီ အစီရင်ခံစာ စပြီးထွက်တဲ့ ပြုစုပြီးတဲ့အချိန်က ၂၀၀၉ ခုနှစ်။ အဲဒီ ၂၀၀၉ ခုနှစ် နောက်ပိုင်းမှာ မြစ်ဆုံရေကာတာလုပ်ငန်းတွေကလည်း စတင်နေပြီ။ တခြား ရေကာတာလုပ်ငန်းတွေ ကလည်း စတင်နေပြီဆိုတော့ ဒီ အစီရင်ခံစာကို လုံးဝလျစ်လျူရှုပြီးတော့ အလုပ်တွေကို ဒီအတိုင်းပဲ မျက်စိမှတ်ပြီတော့ လုပ်နေတဲ့သဘောကို ဆိုလိုချင်တာလား။

ဦးမင်းဇင် ။ ။ တချို့အပိုင်းတွေမှာ လိုက်နာမှုရှိကောင်းရှိလိမ့်မယ်။ ဥပမာ ကျနော်ကြားတာက တရုတ် ပညာရှင်တွေနဲ့ တရုတ်အာဏာပိုင်တချို့နဲ့ စကားပြောတဲ့အခါမှာ သူတို့ပြောတာက ဥပမာဆိုရင် မြန်မာ ရွှေ့ ပြောင်းခံရတဲ့ လယ်သမားတွေ၊ ကချင်ဒေသခံ တိုင်းရင်းသားတွေကို လျှော်ကြေးပေးတယ်။ အစီရင်ခံစာကတော့ ၁၀% လောက်တော့ ရင်းနှီးမြုပ်နှံမှုရဲ့  ၁၀% လောက်ကို လျော်ကြေးပေးခိုင်း ပါတယ်။ ဒါပေမဲ့ တရုတ်အစိုးရကတော့ ဒါကို ၅% ပေးတယ်လို့ သိရပါတယ်။ ဒါပေမဲ့လည်း တကယ့် တကယ် ပေးတဲ့ငွေတွေကို ဘယ်လိုဖြန့်ဝေသလဲဆိုတဲ့အခါကျတော့ မြန်မာနိုင်ငံမှာ စစ်အစိုးရနဲ့ သူ့ရဲ့  အာရှ Aisa World ကုမ္မဏီကနေ ဖြန့်ဖြူးတာဖြစ်တဲ့အတွက် လက်တွေ့မှာတော့ ဒေသခံလူထုတွေ ထင်သလောက်မရဘူး။ မရဘဲနဲ့ အခွင့်အရေးချိုးဖောက်မှုတွေ ပိုများတယ်ဆိုတာကို သတင်းစာဆရာတွေနဲ့ အန်ဂျီအိုသမားတွေက အထောက်အထားနဲ့ တင်ပြတာတွေ ရှိပါတယ်။

ဦးသန်းလွင်ထွန်း ။ ။ အဲဒါ လူတွေရွှေ့ ပြောင်းခံရတဲ့ကိစ္စအပေါ်မှာပဲ အရေးယူမှု ထည့်တွက်မှု တစိတ်တပိုင်းရှိပြီးတော့ အစောက ကိုမင်းဇင် ပြောတဲ့ အစီရင်ခံစာထဲမှာ ကြိုတင်ပြီး သတိပေးထားတဲ့ ငလျင်ပြတ်ရွေ့ကြောကြီးပေါ်မှာ ရှိနေတဲ့အတွက် အန္တရာယ်ကြီးမားတဲ့အခြေအနေ။ ဒါမှမဟုတ်လို့ ရေကာတာကြီးဆောက်မယ့် ဧရိယာပမာဏက သိပ်ကြီးမားတော့ ရေကာတာကြီးမှာ စုဆောင်းလာမယ့် ရေကြောင့် ငလျင်ကြောကြီးကို သွားပြီးတော့ လှုံ့ဆော်သလို ဖြစ်သွားနိုင်မယ့် အခြေအနေ။ တကယ်လို့များ ကျိုးပေါက်သွားရင် အကြေ မြစ်ခြေဘက်မှာ ရေလွှမ်းခံရမယ့်အခြေအနေ။ ဒါတွေအကုန်လုံးကိုက ပြည်သူလူထုကိုရော လူသိရှင်ကြား အသိပေးမှုတွေ၊ ဒါမှမဟုတ် ကြိုတင်တိုင်ပင်မှုတွေ မရှိဘူးလား။

ဦးမင်းဇင် ။ ။ ဒီ အစီရင်ခံစာရဲ့ သူတို့ပြောတဲ့ အရေးကြီးဆုံး အကြံပြုချက်က ဘာလဲဆိုတော့ ရေကာတာ (၇) ခု ဆောက်မယ့် စီမံကိန်းကို လုံးဝဖျက်သိမ်းပါလို့ အကြံပြုပါတယ်။ အကယ်၍ မဖျက်သိမ်းနိုင်လို့ ဆက်ဆောက်ချင်တယ်ဆိုရင် (၇) ခု ဆောက်စရာမလိုဘူး။ အထူးသဖြင့် မြစ်ဆုံမှာ ဆောက်စရာမလိုဘဲနဲ့ မေခ-မလိခ နေရာမှာ အငယ်စား ရေကာတာလေး နှစ်ခု ဆောက်လို့ရပါတယ်။ အဲဒီ အငယ်စား ရေကာတာလေး နှစ်ခု ဆောက်ရင်လည်း ဒါက ရေကာတာ (၇) ခု ဆောက်ရင်ရမယ့် လျှပ်စစ်စွမ်းအင် ပမာဏကို မလျော့ဘဲ ရစေနိုင်တယ်လို့ ပညာရှင်တွေက သုတေသနပြု တင်ပြကြပါတယ်။ သဘောကတော့ ဒါကို ဖျက်ပါ။ မဖျက်နိုင်ရင် အငယ်စား နှစ်ခုဆောက်ပါ-ပေါ့။ အဲဒါကို အဓိကအကြံပြုချက်ကို မြန်မာစစ်အစိုးရနဲ့ တရုတ်အာဏာပိုင်တွေက လုံးဝလျစ်လျူရှုတာကို တွေ့ရပါတယ်။

ဦးသန်းလွင်ထွန်း ။ ။ ဒီနေရာမှာ နှစ်ပိုင်း - တပိုင်းက ဘာလဲဆိုတော့ တရုတ်အစိုးရနဲ့ တရုတ် CPI - ရေကာတာ ဆောက်ပြီးရင်ရရှိမယ့် လျှပ်စစ်စွမ်းအားနဲ့ အကျိုးအမြတ်နဲ့ သူတို့ရဲ့  ရင်းနှီးမြုပ်နှံမှုတွေက တရုတ်ပြည်အတွက် အဓိကဖြစ်နေတော့ သဘာဝဘေးအန္တရာယ်ခံရမယ့် အခြေအနေတွေက ဗမာပြည်အတွင်းမှာ ဖြစ်နေတော့ သူတို့အနေနဲ့ ဂရုမစိုက်ဘူး ထားလိုက်ပါ။ ဒါပေမဲ့လည်း တဖတ်မှာ ပါဝင်နေတဲ့ မြန်မာအစိုးရပိုင်း။ အခု မြစ်ဆုံရေကာတာ စီမံကိန်းမှာ မြန်မာအစိုးရပိုင်းနဲ့ တခြား ပုဂ္ဂလိက ပိုင်းတွေ မြန်မာပိုင်းက ရင်းနှီးမြုပ်နှံနေတဲ့ ဦးဆောင်ပြီးလုပ်နေတဲ့လူတွေအနေနဲ့ကော ဗမာနိုင်ငံပိုင်းမှာ ကိုယ့်နိုင်ငံအတွင်းမှာ ဖြစ်မယ့် ရေရှည်ထိခိုက်မှုတွေကို သူတို့အနေနဲ့ ထည့်တွက်မှုမရှိဘူးလား။

ဦးမင်းဇင် ။ ။ တကယ်တော့ ဝမ်းနည်းစရာကောင်းတာက တရုတ်ပညာရှင်တွေရဲ့  အချက်အလက် အရပဲ ရမယ့်အကျိုးအမြတ် ၇၀% ကို တရုတ်နိုင်ငံက ယူမှာဖြစ်ပြီးတော့ သူတို့က ၃.၆ ဘီလီယံ ရင်းနှီးမြုပ်နှံထားတော့ ရမယ့်အကျိုးအမြတ်ရဲ့  ၇၀% ကို တရုတ်နိုင်ငံကယူမယ်။ မြန်မာနိုင်ငံကတော့ ၂၀% ရမယ်။ ၂၀% ဆိုတာ ဒေါ်လာနဲ့တွက်ရင် တနှစ်ကို သန်း ၅၀၀ လောက်ပဲ ရှိပါတယ်။ ကြားပွဲစားတွေက ၁၀% လောက် ရမယ်။ ကျနော်မြင်တာကတော့ ကြားပွဲစားတွေက သူတို့အတွက် အကျိုးစီးပွားသိပ်များတဲ့အခါကျတော့ ၁၀% ဆိုတဲ့ ပမာဏက သိပ်မနည်းပါဘူး။ သာမန် ပုဂ္ဂလိက အကြံပေးပညာရှင်တွေ၊ စီးပွားရေးလုပ်ငန်းရှင်တို့ ရမယ့်ပမာဏက များပါတယ်။ အဲဒီအခါကျတော့ သူတို့တွေက ဒါကို မဖြစ်ဖြစ်အောင်။ ပညာရှင်တွေက မဆောက်နဲ့ ပြောပေမယ့် dam ဆောက်တာ ကိုက သူတို့အတွက် ပိုက်ဆံ ရပေါက်ရလမ်းဆိုတော့ သူတို့က မဖြစ်ဖြစ်အောင်လုပ်တဲ့ သဘောပါ။

မြန်မာစစ်အစိုးရဘက်ကတော့ တာဝန်မဲ့တဲ့အပိုင်းတွေ အများကြီးတွေ့ပါတယ်။ ဥပမာဆိုရင် မြစ်ကြီးနားကို စက္ကန့် ၂၀ အတွင်း ရေလွှမ်းမယ်။ မြစ်ကြီးနားတမြို့ လုံး ပျောက်သွားမယ်ဆိုတာကို ပညာရှင်တွေက ပြောတဲ့အခါမှာ မြန်မာစစ်တပ်က ဘာလုပ်သလဲဆိုတော့ မပခ လို့ခေါ်တဲ့ မြောက်ပိုင်းတိုင်းကို မြစ်ကြီးနားကနေ ပူတာအိုကို ရွှေ့ဖို့ အမိန့်ပေးပါတယ်။ ဒါကိုကြည့်မယ်ဆိုရင် မြန်မာ စစ်အစိုးရအနေနဲ့က ပြည်သူလူထုထက်စာရင် သူတို့ရဲ့  လုံခြုံရေး၊ သူတို့ရဲ့ စစ်တပ် မဟာဗျူဟာ ကိစ္စတွေကို စဉ်းစားနေတာ ဝမ်းနည်းစရာကောင်းတယ်လို့ ထင်ပါတယ်။

ဦးသန်းလွင်ထွန်း ။ ။ ဒါ စစ်အစိုးရရဲ့ ရင်းနှီးမြှုပ်နှံမှုလား။ တခြား ဘယ်ကုမ္မဏီတွေ မြန်မာဘက်က ပါဝင်ပတ်သက်နေသလဲ။

ဦးမင်းဇင် ။ ။ ရင်းနှီးမြှုပ်နှံမှု အပြည့်အဝကတော့ တရုတ်ပြည်က များပါတယ်။ မြန်မာပြည်ဘက်က တော့ ပါဝင်ဆောင်ရွက်ပေးတာကတော့ Asia World ကုမ္မဏီက အဓိကလုပ်တာပါ။ Asia World ကုမ္မဏီဆိုတာကလည်း စတီဗင်လော လို့ခေါ်တဲ့ ဦးထွန်းမြင့်နိုင်က လုပ်တာပါ။ ဦးထွန်းမြင့်နိုင် ကလည်း အနောက်နိုင်ငံတွေရဲ့ စီးပွားရေးအရ ပစ်မှတ်ထား အရေးယူမှုတွေမှာ သူက ဘိန်းလုပ်ငန်းနဲ့ ပတ်သက်တယ်ဆိုပြီး အရေးယူခံထားရတာ ဖြစ်ပါတယ်။ ဒါကလည်း အနောက်နိုင်ငံတွေမှ မဟုတ်ပါဘူး။ တရုတ်အစိုးရကိုယ်တိုင်လည်း သိပါတယ်။ ၂၀၀၉ ခုနှစ်လောက်က ဦးထွန်းမြင့်နိုင် တို့ ရန်ကုန်မှာ ဆောက်ထားတဲ့ သဘောင်္ဆိပ်ကနေ ထွက်သွားတဲ့ သဘောင်္တွေမှာ ဘိန်းတွေပါတယ်ဆိုပြီး တရုတ်အစိုးရက သတင်းပေးလို့ မြန်မာစစ်တပ်က ဖမ်းခဲ့တယ်ဆိုတာ သတင်းထဲမှာ ဟိုလေးတကျော်ပါနေတာပါ။

ကျနော်ပြောချင်တာက Asia World ကုမ္မဏီက အဓိကပတ်သက်တယ်။ မြန်မာစစ်တပ်ထဲက စစ်ခေါင်းဆောင်တွေ ကြားရတဲ့သတင်းအရဆိုရင် ဦးတင်အောင်မြင့်ဦးတို့ အဓိက ပတ်သက်တယ်လို့ သိရပါတယ်။ အဲဒီ ပုဂ္ဂိုလ်တွေက အဓိကပတ်သက်တာမို့လို့ ဒီကိစ္စကို ပြန်လည်သုံးသပ်ဖို့ ပညာရှင်တွေရဲ့ အကြံပြုချက်ဟာ ထင်သလောက်မပေါက်ဘူး ဖြစ်နေပါတယ်။

ဦးသန်းလွင်ထွန်း ။ ။ အဲဒီတော့ ဒေသခံလူထုအနေနဲ့ ကျနော်တို့ကြားသိရတာကတော့ ဒေသခံ ကချင် လူထု၊ ဒေသခံ အန်ဂျီအိုတွေကနေ ရေကာတာစီမံကိန်းနဲ့ ပတ်သက်ပြီး ကန့်ကွက်ဆန္ဒပြမှုတွေ၊ ကန့်ကွက်တဲ့စာတွေ လေ့လာချက်တွေ ထုတ်ထားတာကို တွေ့ရပါတယ်။ အလားတူပဲ ကေအိုင်အို ကချင်အဖွဲ့ကလည်း တရုတ်ပြည်ကိုတောင် စာရေးထားတယ်ဆိုတဲ့ အချက်တွေလည်း ကြားရပါတယ်။ အဲဒါတွေနဲ့ ပတ်သက်လို့ ဒေသတွင်း အခြေအနေတွေက ဘယ်လိုလဲ။

ဦးမင်းဇင် ။ ။ လုပ်ကြပါတယ်။ ဒေသခံ ကချင် ရပ်မိရပ်ဖတွေကော၊ ကချင်က အန်ဂျီအိုတွေ အားလုံး ဝိုင်းပြီးတော့ ဒီကိစ္စကို မလုပ်ဖို့ တရုတ်အစိုးရနဲ့ ဗိုလ်ချုပ်မှူးကြီးသန်းရွှေ တို့ကို အကြိမ်ကြိမ် မေတ္တာရပ်ခံခဲ့တာတွေ ရှိပါတယ်။ အခုနပြောတဲ့ ကချင်လွတ်မြောက်ရေး တပ်မတော် KIA ကလည်း တရုတ်ပြည်ကို စာမျက်နှာ တစ်ရာကျော်လောက်ရှိတဲ့ အထောက်အထားတွေ ပူးတွဲပါဝင်တဲ့ စာတမ်းတွေ ပေးပို့တာရှိပါတယ်။ အဲဒီ စာတမ်းတွေမှာ တချို့ အချက်အလက်တွေကို သေသေချာချာ အထောက်အထားနဲ့ တင်ပြထားတာပါ။ ဥပမာဆိုရင် အဲဒီဒေသမှာ ၁၉၅၀ ကနေ ၂၀၁၀ အထိ ရေကြီးမှု အကြီးအကျယ် (၇) ကြိမ် ဖြစ်ခဲ့တယ်။ ဒါတွေကို အထောက်အထားနဲ့ တင်ပြထားတာကို တွေ့ရပါတယ်။

နောက်တခါ ပြတ်ရွေ့ ကြောကြောင့် မဟုတ်ဘဲ မြစ်က ရေစီးသန်တော့ ရေကြီးတဲ့အခါမှာလည်း ရေကာတာတွေရဲ့  အရည်အသွေးက သိပ်မကောင်းဘူး။ တရုတ်ရေကာတာရဲ့ အရည်အသွေးက သိပ်မကောင်းလို့ ရေကြီးတာကြောင့်လည်း ပြိုနိုင်ပါတယ်။ အဲဒါလည်း အထောက်အထားရှိပါတယ်။ ၂၀၀၆ ခုနှစ်က ချင်းခရိုင် ရေကာတာ မြစ်ကြီးနား နားမှာ ပြိုခဲ့ဖူးပါတယ်။ အဲဒါ ရေကြီးလို့ပါ။ လူ (၅) ယောက်လောက် သေခဲ့ပါတယ်။ အဲဒီလိုမျိုးပဲ ဝါရှောင်ဆည်ဆိုလည်း လုံးဝပျက်သွားတာ ရှိပါတယ်။ ဒါတွေက အထောက်အထားနဲ့တကွ အထက်ကို တင်ပြတာပါ။ အခုအချိန်အထိတော့ ပြည်သူလူထုကို ကိုယ်စားပြုတဲ့ ပုဂ္ဂိုလ်တွေရဲ့  တင်ပြချက်တွေကို အရေးတယူ စဉ်းစားတာ မတွေ့ရသေးပါဘူး။

ဦးသန်းလွင်ထွန်း ။ ။ အခုနောက်ပိုင်း လေ့လာချက်စာတမ်း အပြင်ကိုပေါက်ကြားပြီးနောက်ပိုင်းမှာ ကိုမင်းဇင်တို့အနေနဲ့လည်း တရုတ်ပြည်ဘက်ကို ရောက်ခဲ့တယ်။ အလားတူပဲ မကြာသေးခင်က တရုတ်ပညာရှင်တချို့ ၊ မြန်မာပညာရှင်တချို့ နဲ့ တွေ့ခဲ့တယ်ဆိုတာကိုလည်း ကျနော်ကြားရပါတယ်။ သူတို့ရဲ့  သဘောထားတွေက ဘယ်လိုရှိပါသလဲ။

ဦးမင်းဇင် ။ ။ တရုတ်ဘက်ကတော့ များသောအားဖြင့် ဒါကို သူတို့က နှစ်နိုင်ငံအကျိုးစီးပွား။ ဒါက အားလုံးကောင်းဖို့အတွက်ဆိုပြီး ဗြောင်ငြင်း ခုခံတာကို တွေ့ရပါတယ်။ မြန်မာပညာရှင်တွေ၊ မြန်မာ အန်ဂျီအိုတွေနဲ့ မြန်မာပြည်သားတွေကတော့ ဒီကိစ္စနဲ့ ပတ်သက်ပြီး တော်တော်ကို မခံမရပ်နိုင် ဖြစ်ကြပါတယ်။ ဒါကတော့ သူတို့အတွက် ဒါကို မြစ်ဆုံပြဿနာလို့ ကြည့်လို့မရပါဘူး။ ဘာဖြစ်လို့လဲ ဆိုတော့ ဒီလေ့လာချက်ဟာ အချက်တချက်ကိုပဲ လေ့လာရသေးတာပါ။

ဥပမာဆိုရင် ဒီမြစ်ကြီးကို အဆင့် (၇) ဆင့် ပိုင်းလိုက်လို့ နုန်းမြေစီးဆင်းမှုတွေ မရှိတော့ဘဲနဲ့ မြစ်ဝကျွန်းပေါ်မှာ စပါးအထွက်တွေ နည်းသွားမယ်။ မြစ်ကြီးနှေးသွားတဲ့အတွက်ကြောင့် ပင်လယ်ရေတွေ ဝင်လာပြီး ပင်လယ်ရေတွေကြောင့် မြစ်ဝကျွန်းပေါ် ပျက်နိုင်တယ်။ အဲဒီလိုမျိုး မြစ်ကောသွားနိုင်တယ်။ အများကြီးရှိပါတယ်။ ဖြစ်နိုင်ချေတွေ။ ဒါတွေကို စံနစ်တကျ သုတေသနပြုပြီး ဒါတွေကို ပညာရှင်တွေက အစီရင်ခံစာတွေ ထပ်တင်သွင်းသင့်ပါတယ်။ အဲဒီလိုမျိုး မလုပ်ဘဲ ဒါကို အမှောင်ချထားတဲ့အတွက်ကြောင့် ဗမာလူမျိုးတွေ၊ ဗမာနိုင်ငံသားတွေအားလုံးကတော့ ဒါကို မခံမရပ်နိုင် ဖြစ်ပါတယ်။ ဒါတွေကို ခြုံကြည့်မယ်ဆိုရင် တရုတ်ကတော့ ကိုသန်းလွင်ထွန်း ပြောသလိုမျိုး သူ့ရဲ့ နိုင်ငံရေးဘောဂဗေဒ စီးပွားရေးအကျိုးစီးပွားအတွက် လုပ်မှာပါပဲ။ ကျနော်တို့ မြန်မာနိုင်ငံသားတွေက ဒီကိစ္စကို ကိုယ်လည်း ရမှာပါ ဘာမှမရှိဘူး။ ပေးလိုက်ရမှာက မြန်မာပြည် ပြောင်းသွားမယ့် ကိစ္စဖြစ်ပါတယ်။ ဒါကြောင့်မို့ ကျနော်တို့တွေကိုယ်တိုင် ဒီကိစ္စကို ထထကြွကြွနဲ့ ပညာရှင်တွေရဲ့  အကြံဉာဏ်ကိုယူ၊ ဖြစ်နိုင်မယ်ဆိုရင် ဒီ dam ကို ချက်ချင်းရပ်ဆိုင်းဖို့ အားလုံး ဝိုင်းကြိုးစားကြ။ ဒီကိစ္စမှာ တပ်မတော်၊ လက်ရှိအစိုးရနဲ့ အတိုက်အခံတွေအားလုံး ပါနိုင်မယ် ဆိုရင်တော့ တိုင်းပြည်အတွက် ပိုကောင်းပါတယ်။

ဦးသန်းလွင်ထွန်း ။ ။ တရုတ်နဲ့ အာဆီယံအရေး လေ့လာသုတေသနပြုနေတဲ့ အမေရိကန်နိုင်ငံ UC Berkeley တက္ကသိုလ်က ဦးမင်းဇင် ကို ဆက်သွယ်မေးမြန်းထားတာပါ။
http://www.voanews.com/burmese/news

နိုင်ငံရေး အကျဉ်းသားလွှတ်ပေးခြင်းသာ အရေးကြီးဆုံး ခြေလှမ်း



ချင်းမိုင် (မဇ္ဈိမ) ။       ။ မြန်မာအစိုးရ အနေဖြင့် ပြုပြင် ပြောင်းလဲရေး လုပ်ငန်းများ လုပ်ဆောင်ရာ၌ နိုင်ငံရေး အကျဉ်းသားများကို လွှတ်ပေးခြင်းသည်သာ တခုတည်းသော အရေးအကြီးဆုံး ခြေလှမ်း ဖြစ်ကြောင်း ကုလသမဂ္ဂ အထွေထွေ အတွင်းရေးမှူး ဘန်ကီမွန်းက ပြောဆိုလိုက်သည်။

ဒေါ်အောင်ဆန်းစုကြည်နှင့် အလုပ်သမားဝန်ကြီး ဦးအောင်ကြည်တို့ ဇူလိုင် ၂၅ ရက်နေ့က ရန်ကုန် စိမ်းလဲ့ကန်သာ
တွင် ၁ဝ ကြိမ်မြောက် အဖြစ် တွေ့ဆုံခဲ့ကြအပြီး ၄ ရက်အကြာ၌ နိုင်ငံခြားရေးဝန်ကြီး ဦးဝဏ္ဍမောင်လွင်အား တယ်လီဖုန်းဖြင့် တိုက်ရိုက် ပြောကြားလိုက်ခြင်း ဖြစ်သည်။

“နိုင်ငံတကာက မြင်တွေ့လိုသည့် တခုထဲသော အရေးအကြီးဆုံး ခြေလှမ်းအဖြစ် နိုင်ငံရေး အကျဉ်းသားများကို လွှတ်ပေးရန် လိုအပ်ပြီး “ အစိုးရအသစ်က နိုင်ငံကို ငြိမ်းချမ်းရေး၊ ဒီမိုကရေစီရေးနှင့် ချမ်းသာကြွယ်ဝရေး တို့အတွက် ရှေ့သို့ အခိုင်အမာ ရွေ့လျားနေသည်ဟုလည်း ယုံကြည်ကြောင်း” အမေရိကန်နိုင်ငံ နယူးယောက်မြို့ ကုလဌာနချုပ်ရုံး သတင်း ထုတ်ပြန်ချက်တွင် ဖော်ပြထားသည်။

ဦးဝဏ္ဍမောင်လွင်၏ ပြန်လည် ပြောဆိုချက်ကို ထုတ်ပြန်ချက် အတွင်း၌ မတွေ့ရသော်လည်း သူသည် မြန်မာနိုင်ငံ
တွင် နိုင်ငံရေး အကျဉ်းသား မရှိကြောင်း တောက်လျှောက် ငြင်းဆိုလာသူဖြစ်ပြီး ဇွန်လက နေပြည်တော်၌
အမေရိကန် ရီပတ်ပလင်ကန် အောက်လွှတ်တော်အမတ် မစ္စတာ ဂျွန်မက်ကိန်နှင့်  တွေ့ဆုံစဉ်ကလည်း အကျဉ်းထောင်များအတွင်း တည်ဆဲ ဥပဒေများကို ချိုးဖောက်သူများသာ ရှိသည်ဟု ပြောဆိုခဲ့သေးသည်။

ဂျွန်မက်ကိန်းက နိုင်ငံတကာ လူ့အခွင့်အရေး ကောင်စီ၏ စာရင်းဇယားအရ နိုင်ငံရေး အကျဉ်းသားများ ရှိသည်ဟု
ပြောဆိုခြင်းအပေါ် ဒုတိယသမ္မတ သီဟသူရ ဦးတင်အောင်မြင့်ဦးကလည်း နိုင်ငံရေး အကျဉ်းသား မရှိဟု
ငြင်းဆိုသည်။

အတိုက်အခံ နိုင်ငံရေး အကျဉ်းသားများ လွတ်မြောက်ရေးအတွက် ဆောင်ရွက်ပေးနေသည့် ရန်ကုန်မြို့နေ
ရှေ့နေကြီး ဦးအောင်သိန်းက “နိုင်ငံတကာက ဝိုင်းဝန်းလာတယ် ဆိုရင်တော့ သူတို့ဟာ သူတို့ မလုပ်ဘဲ နေသည့် တိုင်အောင် တနည်းမဟုတ် တနည်းတော့ အလေးထားမှုတော့ ရှိလာတာပေါ့” ဟု ကြိုဆို စကားပြောသည်။

အစိုးရက သဘောကွဲလွဲသူများကို ထောင်ချရာတွင် နိုင်ငံရေး အကျဉ်းသားဟု ပုဒ်မ သီးသန့် မရှိသဖြင့် နီးစပ်ရာ
ပြစ်မှု ဥပဒေများဖြင့် အရေးယူခြင်း ဖြစ်ကြောင်း ရှေ့နေကြီးက ပြောသည်။

“ ဒါပေမယ့် ဒီလူတွေရဲ့ အနှစ်သာရနဲ့ လုပ်ဆောင်ချက်ကို ကြည့်ရင် အများနဲ့ သက်ဆိုင်တဲ့၊ နိုင်ငံတော်အတွက် အရေးပါ အရာရောက်တဲ့ ကိစ္စတွေပေါ်မှာ တောင်းဆိုတာ၊ ဆန္ဒထုတ်ဖော်တာ ဖြစ်တဲ့အတွက် နိုင်ငံရေးအရ
 ဆောင်ရွက်တယ်လို့ ကျနော်က ပြောမယ်”

ဦးအေင်သိန်းနှင့် ၈၈ မျိုးဆက် ကျောင်းသား နိုင်ငံရေး အကျဉ်းသား မိသားစုဝင်များက ထောင်ဒဏ် ၆၅ နှစ်ကျော် ကျခံနေရသည့် ကိုမင်းကိုနိုင်၊ ကိုကိုကြီး၊ ကိုပြုံးချို၊ ကိုမြအေး၊ ကိုဥာဏ်လင်း၊ ကိုဌေးကြွယ်၊ ကိုလှမျိုးနောင်၊ ကိုအောင်သူ၊ ကိုမျိုးအောင်နိုင် စသည့် ကျောင်းသား ခေါင်းဆောင် ၉ ဦး လွတ်မြောက်ရေး အတွက် ပြည်ထောင်စု တရားလွှတ်တော်ချုပ်သို့ တင်ပြ ရန် စတင် ပြင်ဆင်နေပြီ ဖြစ်သည်။

ကော့သောင်းထောင်၌ သွေးတိုးဝေဒနာ ခံစားနေရသည့် သားဖြစ်သူ ကိုပြုံးချိုကို ဇူလိုင် ၁ ရက် နေ့က သွားရောက်
 တွေ့ဆုံခဲ့သည့် ဖခင် ဦးဝင်းမောင်က ဘန်ကီမွန်းက ဦးဝဏ္ဍမောင်လွင်အား ဖုန်းဖြင့် ပြောဆိုသည်ကို ကြားသိနေပြီး “ ထမြောက်အောင်မြင်ဖို့ကို ကျနော်တို့က မျှော်လင့်ရတာ ပေါ့လေ။ နည်းနည်းများ ထူးခြားလာ မလားလို့ပေါ့” ဟု ပြောသည်။

၂ဝဝ၈ ဖွဲ့စည်းပုံ အခြေခံ ဥပဒေ ပုဒ်မ ၂၉၆ တွင် ပြည်ထောင်စု တရားလွှတ်တော်ချုပ်သည် အကျဉ်းသားတဦးကို ဥပဒေနှင့်အညီ စီရင်ထားခြင်း ဟုတ်မဟုတ် ပြန်လည် စိစစ်နိုင်ရန် အကျဉ်းသားအား တရားရုံးရှေ့မှောက် တင်သွင်း
ရန် “ရှေ့တော်သွင်း စာချွန်တော် အမိန့်” ထုတ်နိုင်ကြောင်း ပါရှိသည်။

မြန်မာနိုင်ငံတွင် လက်ရှိ နိုင်ငံရေး အကျဉ်းသား ၁၉၉၄ ဦး ကျန်သည့် အနက် ၈၈ ကျောင်းသား ခေါင်းဆောင်
စုစုပေါင်း ၃၇ ဦးရှိကြောင်း ပြည်ပအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း AAPP-B မှ ပြောသည်။

အဖွဲ့ဝင် ၁၉၃ နိုင်ငံပါဝင်သည့် ကုလသမဂ္ဂ အထွေထွေ ညီလာခံက ၁၉၉၁ ခုမှစ၍ မြန်မာနိုင်ငံနှင့် ပတ်သက်ပြီး ဆုံးဖြတ်ချက်ပေါင်း ၂ဝ ခန့် ချမှတ်ခဲ့သည်။ သို့သော်လည်း မြန်မာအစိုးရက လစ်လျူရှုခဲ့ကာ အကောင်အထည် မပေါ်ခဲ့သော်လည်း မစ္စတာဘန်ကီမွန်းကမူ လာမည့် ၂ဝ၁၂ ခုနှစ် ကုလ အထွေထွေ ညီလာခံကြီးတွင် အပြောင်းအလဲများ ဖြစ်စေရန် ထပ်မံကြိုးစားဦးမည်ဟု သိရသည်။
http://www.mizzimaburmese.com/news/inside-burma/8062-2011-08-01-12-57-50.html

ငြိမ်းချမ်းရေးအတွက် အေးလျက် မနေသာပြီ



“ငြိမ်းချမ်းရေးအတွက် အေးလျက်မနေသာပြီ။ လူသားအပေါင်းက တောင်းဆိုကြသည်” ဒါဟာ ၁၉၅ဝ စုနှစ်များနဲ့ ၆ဝစုနှစ်များ အစောပိုင်းဆီက ဆရာကြီး သခင်ကိုယ်တော်မှိုင်းရဲ့ ငြိမ်းချမ်းရေး လှုပ်ရှားမှုတွေ အတွက် မင်းသားကြီး ကိုမြတ်လေး စပ်ပေးခဲ့တဲ့ “အများစုဆန္ဒ”ဆိုတဲ့ သီချင်းထဲက စာသားတကြောင်း ဖြစ်ပါတယ်။ တက္ကသိုလ်ပရိဝုဏ်နဲ့
ငြိမ်းချမ်းရေး လှုပ်ရှားမှုတွေမှာ မပြတ်ကြားရတဲ့ သီချင်းတပုဒ် ဖြစ်ပါတယ်။

ဒီသီချင်းကို ပြန်ဖော်ရတာကတော့ အခုတလော ဗမာနိုင်ငံမှာ ငြိမ်းချမ်းရေးကို တောင်းဆိုသံတွေ ပြန်ကြားလာရနေ
လို့ပါပဲ။ ဆရာကြီးရဲ့ လုပ်ဖော်ကိုင်ဖက်၊ တပည့်သားရင်းတွေ ထွက်ပြောလာတာလည်း ကြားရပါတယ်။ အင်မတန် မင်္ဂလာရှိတဲ့ အသံတွေပါ။ အချိန်အခါနဲ့ ကိုက်ညီလှတဲ့ ပြောကြားချက်တွေ ဖြစ်ပါတယ်။ ပြည်တွင်းပြည်ပရှိ ဗမာနိုင်ငံသားများနဲ့ ဗမာပြည် ကိုစာနာတဲ့ နိုင်ငံပေါင်းစုံက ပြည်သူတွေပါ အားတက်ကြမှာသေချာပါတယ်။

ဗမာပြည်သမိုင်းမှာ ငြိမ်းချမ်းရေး အသံကို နားအခါးဆုံး၊ အဆန့်ကျင်ဆုံးဟာ အာဏာရ အစိုးရရဲ့ စစ်တပ် ဖြစ်တယ် ဆိုတာ သတိထားမိ ကြမှာပါ။
ဒါပေမဲ့ မှန်တာပြောရရင် ဒါတွေဟာ မာရသွန်ခရီးရဲ့ အစ
ခြေလှမ်းသာ ဖြစ်နေခဲ့ပါတယ်။ ရှေ့ချီတက်ရမယ့် ခရီးက အတော်လှမ်းပါသေးတယ်။ ဗမာပြည်သမိုင်းမှာ ငြိမ်းချမ်းရေး အသံကို နားအခါးဆုံး၊ အဆန့်ကျင်ဆုံးဟာ အာဏာရ အစိုးရရဲ့ စစ်တပ်ဖြစ်တယ်ဆိုတာ သတိထားမိကြမှာပါ။ အခုအထိပါ။ ကမ္ဘာ့သမိုင်းမှာ အရှည်ကြာဆုံး ပြည်တွင်း စစ်ရယ်လို့ စံချိန်တင် ထားတဲ့ ဒီစစ်ပွဲကြောင့် တိုင်းပြည် ဘယ်လောက် နာတယ်ဆိုတာ သမိုင်းဘီး လိမ့်သွားတဲ့ အထိ စောင့်ဖို့မလိုပဲ အစောကြီး ကတည်းက ပြည်သူတွေ မြင်တွေ့ခဲ့ ကြရပါတယ်။ ဒီသမိုင်းဘီး ဆိုတာကြီးဟာ ပြည်သူတွေရဲ့ ရင်ဘတ်ပေါ်မှာ လိမ့်နေတာလို့ ဆိုရင် မမှားပါဘူး။

တကယ်က ပြည်တွင်းစစ်ရဲ့ ဆိုးကျိုးတွေထဲမှာ ရွာတွေပျက်၊ အပြစ်မဲ့သူတွေ သေဆုံး၊ ဒုက္ခမျိုးစုံရောက် ဆိုတာတွေ အပြင် စစ်စရိတ်ကြောင့် တိုင်းပြည် စီးပွားရေးကို ထိခိုက်တာလည်း ပါပါတယ်။ ဒါ့အပြင် ကိုယ့်နိုင်ငံနဲ့ ကိုယ့်အမျိုးသား ကို တခြားနိုင်ငံတွေက အထင်သေးတာ၊ ကိုယ့်နိုင်ငံထဲမှာ စစ်တပ်ကို ပ’စားပေးရတာ စတာတွေ ဖြစ်လာပါတယ်။ ဒါကြောင့် ပြည်တွင်း ငြိမ်းချမ်းရေး ကြွေးကြော်သံဟာ ဗမာပြည်မှာ အမြဲတမ်းလိုလို ပြည်သူလူထု သည်းခြေကြိုက်
ကြွေးကြော်သံဖြစ်ခဲ့ တာပါ။ ဆရာကြီး သခင်ကိုယ်တော်မှိုင်းရဲ့ နောက်မှာ မားမားရပ်ခဲ့ကြတဲ့ ပြည်သူလူထုကြီး
တောက်လျှောက် တောင်းဆိုခဲ့လို့လည်း ၁၉၆၃မှာ ဗိုလ်နေဝင်းဟာ ငြိမ်းချမ်းရေး စေ့စပ်ပွဲဆိုတဲ့ ထိုးဇာတ်တခု
ဖော်ထုတ်ခဲ့တာ ဖြစ်ပါတယ်။ ပြောရရင် ဒီငြိမ်းချမ်းရေးနဲ့ ပြည်တွင်းစစ် ပြဿနာဟာ အုပ်စိုးသူတွေကို အမြဲ
ခြောက်လှန့်နေတဲ့ ပြဿနာဖြစ်ပါတယ်။ ဒီလိုနဲ့ ဗမာနိုင်ငံရဲ့ လွတ်လပ်ရေး ဒီဘက်သမိုင်းမှာ အစိုးရ ဖော်ထုတ်ခဲ့တဲ့ ငြိမ်းချမ်းရေး ဆွေးနွေးပွဲဆိုတာတွေ ပေါ်ပေါက်ခဲ့တာ နည်းသမို့လား။ အဲဒီအထဲမှာ ဘယ်တခုကများ တကယ့် ငြိမ်းချမ်းရေးကို ပေါ်ထွက်စေခဲ့ပါသလဲ။

အုပ်စိုးသူ အဆက်ဆက်ဟာ ပြည်သူလူထုကို ဒီမိုကရေစီ မပေးလို၊ လုပ်ပိုင်ခွင့် မှန်သမျှ သူတို့ချည်း ချုပ်ကိုင်ထား၊ သူတို့နဲ့ မတူသူတွေ ကို ရက်ရက်စက်စက် ဖိနှိပ်လို့ ပေါ်လာခဲ့တဲ့
 ပြည်တွင်းစစ် ဖြစ်ပါတယ်။
ဗမာပြည်ကပြည်တွင်းစစ်ဟာ ဒီမိုကရေစီမှ ဒီမိုကရေစီ
ပြဿနာ စစ်စစ်ပါ။ ပြည်မမှာ ဖြစ်ပေါ်ခဲ့တာတွေပဲ ဖြစ်ဖြစ်၊
ပြည်နယ်တွေမှာ ဖြစ်ပေါ်နေတာတွေပဲ ဖြစ်ဖြစ်၊ အားလုံးဟာ ဒီမိုကရေစီ မရှိလို့ ဖြစ်ပေါ်ခဲ့တာတွေချည့် ဖြစ်ပါတယ်။
အုပ်စိုးသူ အဆက်ဆက်ဟာ ပြည်သူလူထုကို ဒီမိုကရေစီ မပေးလို၊ လုပ်ပိုင်ခွင့် မှန်သမျှ သူတို့ချည်း ချုပ်ကိုင်ထား၊
သူတို့နဲ့ မတူသူတွေကို ရက်ရက်စက်စက် ဖိနှိပ်လို့ ပေါ်လာခဲ့တဲ့ ပြည်တွင်းစစ် ဖြစ်ပါတယ်။ ဒါ့အပြင် ဒီလက္ခဏာကို ဒီကနေ့အထိ အနှစ်၆ဝကျော် ကာလတလျှောက်လုံး မြင်တွေ့နေရပါတယ်။ ဒါဟာ ပြည်တွင်းစစ် ပြဿနာကို ဘာကြောင့် မဖြေရှင်းနိုင်သလဲ ဆိုတာကို အရှင်းလင်းဆုံး ဖော်ပြတဲ့ အချက်ဖြစ်ပါတယ်။ ဒီနိုင်ငံမှာ ဒီမိုကရေစီ
့ပြဿနာ မဖြေရှင်းပဲ ငြိမ်းချမ်းရေး မတည်ဆောက် နိုင်သလို ငြိမ်းချမ်းရေး မတည်ဆောက်ရင် ပြည့်ဝတဲ့ ဒီမိုကရေစီ မရှိနိုင်ပါဘူး။

ဗမာနိုင်ငံမှာ ငြိမ်းချမ်းရေးဆိုတဲ့ စကား ကြားလိုက်တာနဲ့ လူတွေဟာ ငြိမ်းချမ်းရေး ဖခင်ကြီး ဆရာကြီး သခင်ကိုယ်တော်မှိုင်းကို အရင်ဆုံး သတိရကြပါတယ်။ တဆက်ထဲမှာ ဆရာကြီး သွားလေရာမှာ ဆံပင်ဖြန့်ခင်းပေးကြ လက်အုပ်ချီကြတဲ့ လူထုကြီး၊ ဆရာကြီးရဲ့ တရားပွဲတွေကို ခဲနဲ့ထုတဲ့ ပြူစောထီး၊ ဆရာကြီးရဲ့ ငြိမ်းချမ်းရေး လှုပ်ရှား
မှုမှာ ပါဝင်ခဲ့လို့ ကျေးလက် လူထုရဲ့ ထောက်ခံမဲတွေနဲ့ အတိုက်အခံ အမတ်တွေ ပေါ်ထွက်ခဲ့တဲ့ ၁၉၅၆ခုနှစ်
ရွေးကောက်ပွဲ၊ ဗိုလ်နေဝင်းက ၁၉၆၃ စေ့စပ်ဆွေးနွေးပွဲ ခေါ်ချိန်မှာ ပေါ်ထွက်ခဲ့တဲ့ ရန်ကုန်နဲ့ မန္တလေးက (၇)ခရိုင်၊ (၅)ခရိုင် လူထုဆန္ဒပြပွဲကြီးတွေ၊ ပြန်စဉ်းစားမိကြတာတွေ အများကြီး ဖြစ်မှာပါ။

အဲဒီလှုပ်ရှားမှုတွေကို ပြန်ကြည့်လိုက်ရင် ငြိမ်းချမ်းရေးအတွက် တောင်းဆို တိုက်ပွဲဝင်တယ် ဆိုရင် လူထုပါဝင်ရမယ်၊ အထူးသဖြင့် ပြည်တွင်းစစ်ဒဏ်ကို အများဆုံး ခံကြရတဲ့ ကျေးလက်က လူမျိုးပေါင်းစုံ ပြည်သူတွေ ပါဝင်ရမယ်။ စည်းရုံး လှုပ်ရှားသူတွေဟာ ကျေးလက်တွေ အထိ ဆင်းဖို့၊ လူထုကို ရှင်းပြဖို့လိုတယ်။ မြို့ပေါ်နဲ့ တခြားပြည်သူတွေကို သူတို့က ရင်ဖွင့်စေရပါမယ်။ တိုင်တည်စေရပါမယ်။ ကျေးလက်နဲ့ မြို့ပေါ်လူထုတွေ အားလုံး လက်တွဲလာအောင် လုပ်ကြရ ပါမယ်။ အရင်က ငြိမ်းချမ်းရေး လှုပ်ရှားမှုတွေမှာ ဆရာတော်ကြီးတွေ အပါအဝင် သံဃာတော်တွေ တက်တက်ကြွကြွ ပါဝင်ကြတာကိုလည်း မှတ်မိနေပါတယ်။

ဗမာပြည်ရဲ့ အရေးကြီးတဲ့ ကိစ္စတွေမှာ လူထုကြီး မပါလို့ မဖြစ်ပါဘူး။ လူထုကို အသိပေး၊ လူထုဆန္ဒနဲ့ လူထုအသံတွေကို အမြဲဖော်ထုတ်၊ ရှေ့တန်းတင်ပြီး လုပ်ကြဖို့ လိုပါတယ်။
ဒါပေမဲ့ ဒီလိုတနိုင်ငံလုံးက လိုလားနေတဲ့၊ သာမာန်စစ်သားတွေ
တောင် လိုလားနေတဲ့၊ တကမ္ဘာလုံးကလည်း ဖြစ်စေချင်တဲ့
 ပြည်တွင်း ငြိမ်းချမ်းရေးကို ရအောင်လုပ်တာ လွယ်တယ်လို့
တော့ မထင်သင့်ပါဘူး။ ဒီနိုင်ငံရဲ့ သမိုင်းမှာ ငြိမ်းချမ်းရေး စကားပြောလို့ အမတ်ဖြစ်ခဲ့သူတွေ ရှိသလို လေးလောင်းပြိုင်၊
 ခြောက်လောင်းပြိုင် အသတ်ခံရတာတွေ လည်း ရှိခဲ့ပါတယ်။ ဒါတောင်မှ အဲဒါဟာ ဖဆပလလက်ထက် စစ်တပ်က လုပ်တာတွေပါ။ စစ်အစိုးရတွေ လက်ထက်မှာသာဆိုရင် ဒီထက် အများကြီး ပိုလက်သံပြောင်မယ်ဆိုတာ သံသယ ရှိစရာ မလိုပါဘူး။ ဒီတော့ လူထုကြီးပါ ရပါမယ်။ ဗမာပြည်ရဲ့ အရေးကြီးတဲ့ ကိစ္စတွေမှာ လူထုကြီး မပါလို့ မဖြစ်ပါဘူး။ လူထုကို အသိပေး၊ လူထုဆန္ဒနဲ့ လူထုအသံတွေကို အမြဲဖော်ထုတ်၊ ရှေ့တန်းတင်ပြီး လုပ်ကြဖို့လိုပါတယ်။

ကြားရတာနားထဲမှာ တမျိုးကြီး ဖြစ်ကောင်း ဖြစ်ပါလိမ့်မယ်။ ဒါပေမဲ့ ဗမာပြည်ရဲ့အနေအထားကိုက ငြိမ်းချမ်းရေး ရဖို့ အတွက် တိုက်ပွဲဝင်ဖို့ လိုပါတယ်။ ဒါတရားပါ။
http://www.mizzimaburmese.com/edop/songpa/8056-2011-08-01-05-22-48.html