Friday, August 12, 2011

Myanmar Express နဲ့ Blind Hacker Group အပေးအယူ

အန်တီစုနဲ့ တခြားနိုင်ငံရေးသမားတွေကို စော်ကားရေးသားတယ်၊ ပုဂ္ဂိုလ်ရေးရာတွေကို ဖွင့်ချတယ် လို့ တိုင်ကြားချက်များကြောင့် Myanmar Express (ခေါ်) dollar sar ရဲ့ facebook နဲ့ gmail account နှစ်ခုကို Blind Hackers များမှ ရရှိထားပြီးဖြစ်ပါတယ်။ Myanmar Express (ခေါ်) dollar sar သည် နာမည် သုံးလုံးဖြစ်ပြီး ရုရှားပြန်စစ်ဗိုလ်ဟောင်းတစ်ဦး​ ဖြစ်ပါတယ်။ ယခု လက်ရှိ စင်္ကာပူနဲ့ မလေးရှားတို့မှာ နေထိုင်ပြီး သတင်းတွေယူနေတာ တွေ့ရပါတယ်။ သူ့ရဲ့ အမျိုးသမီးနဲ့ ဗိုက်ထဲက ကလေးကို ငဲ့ညှာပြီး အပေးအယူ တချို့ကို လျှော့လျှော့ပေါ့ပေါ့ကမ်းလှမ်းထားပါတယ်။ Blind Hacker များက နိုင်ငံရေးသမားမဟုတ်တာကြောင့် နိုင်ငံရေးသမားတွေအပေါ် Myanmar Express ဘယ်လို စော်ကားထားလဲအသေအချာမသိပဲ တိုင်ကြားလို့သာ ကူညီပေးထားရတာဖြစ်ပါတယ်။ တစ်ပတ်စောင့်ကြည့်လို့ ဒေါ်အောင်ဆန်းစုကြည်နဲ့ နိုင်ငံရေးသမားတွေကို နောက်ထပ် စော်ကားပြီး မရေးရင် Facebook နဲ့ Gmail တွေ ပြန်ပေးမယ်လို့ပြောထားပါတယ်။

http://www.facebook.com/groups/145574375526598/

(joint statement) ဒေါ်အောင်ဆန်းစုကြည် နှင့် ဦးအောင်ကြည် ပူးတွဲကြေညာချက်

http://www.mediafire.com/file/kiu73fuelmaosrh/Untitled-1.pdf
Untitled 1

၁၂.၈.၂၀၁၁ ရက်နေ့ရဲရင့်ငယ်ဒိုင်ယာရီ

http://www.mediafire.com/file/agu9hx0bzcauouh/12%20August%202011%20Yeyintnge%27s%20diary.doc
http://www.mediafire.com/file/wr8wru9g22rqee2/12%20August%202011%20Yeyintnge%27s%20diary.pdf
12 August 2011 Yeyintnge's Diary

တရုတ် လေယာဉ်တင်သင်္ဘော ရေချ၊ အာရှအိမ်နီးချင်း နိုင်ငံများ ၀မ်းမသာ


Friday, 12 August 2011 03:57 မောက္ခ နိုင်ငံတကာသတင်း

ဩဂုတ်လ ၁၀ နေ့မှာ တရုတ်ရေတပ်က နှစ်ပေါင်းများစွာ လျှို့ဝှက်လုပ်ဆောင်ခဲ့တဲ့ သူတို့ရဲ့ ပထမဆုံး လေယာဉ်တင် သင်္ဘောကြီးကို စတင်ရေချခဲ့သည်။


တရုတ်အစိုးရပိုင် မီဒီယာများက တရုတ်ရဲ့ ပင်လယ်ပြာစိုးမိုးရေး အင်အားပြမှုအဖြစ် လေယာဉ်တင် သင်္ဘောကို ဂုဏ်ယူချီးမွှမ်းခန်းများ ဖွင့်ခဲ့ကြသည်။ သို့သော် တရုတ်ရဲ့ အိမ်နီးချင်း အာရှနိုင်ငံများစွာက ၀မ်းမြောက်ဝမ်းသာဖြစ်ပုံ မပြခဲ့ကြ။

တရုတ် အစိုးရမီဒီယာက ပြီးခဲ့တဲ့ ရက်သတ္တပတ်တွေအတွင်း သင်္ဘောကို အရှေ့မြောက်ဖက် ဆိပ်ကမ်းမြို့ ဒါလီယန် မှာ ရေချမယ်လို့ အရိပ်အမြွက်ပြောဆိုမှု ရှိပေမဲ့၊ တရုတ်ရေတပ်က ဘယ်ရက် ရယ်လို့ အတိအကျမပြောဘဲ ဆိတ်ဆိတ် နေခဲ့သည်။ ဇူလိုင် ၁ ရက်၊ ကွန်မြူနစ်ပါတီ နှစ် (၉၀) ပြည့်နေ့မှာ စတင်ရေချမယ်လို့ ထင်ခဲ့ကြသည်။ အဲဒီလို တရုတ်စစ်တပ်ပိုင်းက မြုံစိစိလုပ်လေ၊ ပြင်ပမှ တရုတ်စစ်ရေးကို စိတ်ဝင်စားသူများအကြား စပ်စုကြလေ ဖြစ်ခဲ့ရသည်။

တရုတ်က ၁၉၇၀ ပြည့်လွန်နှစ်များကတည်းက လေယာဉ်တင်သင်္ဘောတည်ဆောက်ရေး စီမံကိန်းကို ကျိတ်ကြံစည်ခဲ့ခြင်း ဖြစ်သည်။ ထိုင်ဝမ် ပဋိပက္ခနဲ့ အာရှပင်လယ်ပြင် စိုးမိုးထားရေးအတွက် အဓိက အသုံးအ၀င်ဆုံး လက်နက်က လေယာဉ်တင် သင်္ဘော ဖြစ်မှာကို တရုတ်ခေါင်းဆောင်များ သဘောပေါက်ထားကြသည်။ ဒါကြောင့် ပြီးခဲ့တဲ့ နှစ်အနည်းငယ်အတွင်း တရုတ် စစ်ရေး စီမံကိန်းမှာ ဦးစားပေးအဖြစ် လေယာဉ်တင် သင်္ဘောကို အမြန်ဆုံး အကေင်ထည်ဖော်ကြခြင်း ဖြစ်သည်။

တရုတ်စစ်တပ်က မြေပြင် အခြေစိုက် လေယာဉ်တွေနဲ့ မစ်ဇိုင်းတွေကို အထိုက်အသင့် တပ်ဖြန့်ချထားပြီး ဖြစ်ပေမဲ့၊ အာဏာဝါ ပင်လယ်ရေကြောင်း စိုးမိုးရေးအတွက် လေယာဉ်တင် သင်္ဘောက မရှိမဖြစ် လိုအပ်နေတာမို့ ပြီးခဲ့တဲ့ ဆယ်စုနှစ်တစ်ခုလုံး အဲဒီ စီမံကိန်းကို အသည်းအသန် အကောင်အထည် ဖော်ခဲ့သည်။

ဒေသတွင်း အခြားနိုင်ငံများကတော့ တရုတ်က တောင်တရုတ်ပင်လယ်ကို အသေချာစိုးမိုးဖို့ ပြင်ဆင်နေတာကို သိထားသည်။ ဒါကြောင့် ဗီယက်နမ်နဲ့ ဖိလစ်ပိုင် တို့က မကြာခင် တရုတ်ရဲ့ အတင့်ရဲလွန်းနေတဲ့ အပြုအမူတွေအပေါ် ဝေဖန်ပြစ်တင်ခဲ့ကြသည်။

သို့နှင့်တိုင် အာရှရဲ့ အာဏ၀ါပြင်မှာ ဩဇာထူထောင်ထားတဲ့ အမေရိကန် ရေတပ်ကတော့ တရုတ်ရဲ့ လေယာဉ်တင်သင်္ဘော စတင်မှုကို စိုးရိမ်ပုံသိပ်မပြ။ တရုတ်ရေတပ်အနေဖြင့် ပင်လယ်ပြင်ကို အမှန်တကယ် စိုးမိုးနိုင်ဖို့၊ နောက်ထပ် လေယာဉ်တင် သင်္ဘောနှစ်စီးလောက်နဲ့အတူ နှစ်များစွာ အချိန်ယူရဦးမည်ဟု တွက်ချက်ထားသည်။ ဒါပေမဲ့ တရုတ်က ရေငုတ်သင်္ဘောနဲ့ ဖိုက်တာဂျက် အရေအတွက် အများအပြား တည်ဆောက်လာမှုကိုတော့ သတိထား စောင့်ကြည့်နေသည်။

စင်စစ် အမေရိကန် အနေဖြင့် တရုတ်စစ်ရေးပါဝါကို စစ်အေးခေတ်က ဆိုဗီယက်ပြည်ထောင်စု လောက် မလန့်။ တရုတ်က အမေရိကန် ရေတပ်ရဲ့ ကြီးမားတဲ့ အရွယ်အစားနဲ့ စွမ်းဆောင်နိုင်မှုကို ဖက်ပြိုင် စိန်ခေါ်နိုင်ဖို့ အများကြီးဝေးသေးတယ်ဟု ယူဆထားသည်။ လက်ရှိ လေယာဉ်တင်သင်္ဘော စီမံကိန်းက တရုတ် ဂုဏ်သိက္ခာနဲ့ ဒေသတွင်း ခွန်အားပြဖို့အတွက်သာဟု အမေရိကန် စစ်တပ်ပိုင်းက ယူဆထားသည်။

တရုတ်က ကုလသမဂ္ဂ ဗီတိုအာဏာသုံးနိုင်တဲ့ အမြဲတမ်းအဖွဲ့ဝင် ငါးနိုင်ငံအနက် လေယာဉ်တင် သင်္ဘော မရှိတဲ့ နိုင်ငံအဖြစ်နေခဲ့ရတာကို အမြဲတမ်း သိမ်ငယ်ခဲ့ပုံရသည်။ ပြိုင်ဖက် အိန္ဒိယမှာတောင် လေယာဉ်တင်သင်္ဘော တစ်စီး ရှိသည်။ ထိုင်းမှာလည်း အသေးတစ်စီး ရှိထားသည်။ ဂျပန်မှာလည်း ရဟတ်ယာဉ်နဲ့ ဖိုက်တာဂျက်တင် သင်္ဘောကြီး တစ်စီးရှိသည်။

သို့သော် ဂုဏ်သိက္ခာအတွက် ဆိုပေမဲ့၊ ယခု လေယာဉ်တင် သင်္ဘောတည်ဆောက်မှုက တရုတ်ရဲ့ နည်းပညာစွမ်းရည် မြင့်မားကြောင်းကို မပြသနိုင်။ ဒီသင်္ဘောကြီးက ဆိုဗီယက်လုပ်ဖြစ်ပြီး၊ ၁၉၉၈ ခုနှစ်မှာ ယူကရိန်း ဆီကနေ ပြန်ဝယ်ထားခြင်း ဖြစ်သည်။

ယူကရိန်းကို ဆိုဗီယက်ရောင်းခဲ့စဉ်က လေယာဉ်တင်သင်္ဘော အတွက်မဟုတ်။ ရေပေါ် ကာစီနိုလောင်းကစားပွဲရုံ လုပ်ဖို့အတွက် သင်္ဘောကို အင်ဂျင်မပါ၊ လက်နက်များမပါဘဲ ရောင်းခဲ့ခြင်း ဖြစ်သည်။ နောက်ဆုံးတော့ တရုတ်က ကာစီနိုသင်္ဘောဟောင်းကို ပြုပြင်ဖာထေးပြီး လေယာဉ်တင် စစ်သင်္ဘော လုပ်ခဲ့ခြင်း ဖြစ်သည်။

ယခုထိ တရုတ် လေယာဉ်တင်သင်္ဘောကြီး ရေချပြီးပေမယ့် နာမည် မပေးရသေး။ ဆိုဗီယက်နဲ့ ယူကရိန်းတို့ လက်ထက်မှာက ဗာယာဂ် (Varyag) ဆိုတဲ့ အမည်နဲ့ ဖြစ်သည်။ တရုတ် အင်တာနက် အသုံးပြုသူများကတော့ သူတို့ သင်္ဘောကြီးကို အွန်လိုင်းကနေ အမည်အမျိုးမျိုး အကြံပြုနေကြသည်။

တစ်ချို့ကလည်း တရုတ်ပြည်နယ် အမည်တွေ မှည့်စေချင်သည်။ အချို့ကတော့ ၁၇ ရာစုမှာ ထိုင်ဝမ်ကို သိမ်းပိုက်ခဲ့တဲ့ တရုတ် ရေတပ်စစ်သူရဲကောင်း 'ရှီလန်း' ရဲ့ အမည်ကို ပေးစေချင်သည်။

လတ်တလော ပြည်မပေါက်ဖော်တို့အဖို့ ကာစီနိုပွဲရုံတဖြစ်လဲ လေယာဉ်တင်သင်္ဘောကို နာမည် ကင်ပွန်းတပ်ဖို့ အလုပ်ရှုပ်နေကြဦးမည်။

မောက္ခ နိုင်ငံတကာသတင်း

Source: Time & IHT & Economist
http://www.maukkha.org

GW က နိုင်ငံရေးအကျဉ်းသားများ လွတ်မြောက်ရေး လှုံ့ဆော်


Published on August 12, 2011 by နော်နိုရင်း

Generation Wave အဖွဲ့က နိုင်ငံရေး​ အကျဉ်းသားများ လွတ်မြောက်ရေး​ အတွက် ရန်ကုန်မြို့နယ် အပါအ၀င် တခြားနယ်မြို့ ၃၃ မြို့နယ်မှာ ပိုစတာကမ်ပိန်း ပြုလုပ်ခဲ့ပါတယ်။

ရန်ကုန်မြို့ကြီး အပါအ၀င် တခြားမြို့နယ်တွေက လူစည်းကားရာ နေရာတွေမှာ ဒီကနေ့ အစောပိုင်းက ပြုလုပ်သွားတာ ဖြစ်ပါတယ်။


ပိုစတာကမ်ပိန်း လှုပ်ရှားမှုကို ကိုယ်တိုင်မြင်ခဲ့တဲ့ ဧရာဝတီတိုင်း ဟင်္သာတမြို့ခံတဦးက “ကျနော်တို့ မနက်တုန်းက မြို့နေရာ အနှံ့ တော်တော်များများပေါ့။ banner က လေးပေခြောက်ပေ အကျယ်လောက်​ ရှိမယ်။ အဲဒီမှာ နံမည်ကြီး နိုင်ငံရေး အကျဉ်းသားတွေ အကုန်ပါတယ်။ ဇာဂနာတို့ကိုတော့ လူတိုင်းသိတာပေါ့။ ကျန်တာကတော့ နိုင်ငံရေး အသိုင်းအ၀ိုင်းလောက်ပဲ သိတာပေါ့။ အဲဒီပုံတွေနဲ့ မြန်မာပြည်သူတွေရဲ့ နောက်မှာကမ္ဘာပြည်သူတွေရှိတယ်။ နိုင်ငံရေး အကျဉ်းသားတွေ ချက်ချင်းလွှတ်ဆိုတဲ့ စာတမ်းတွေ လိုက်ချိတ်တယ်။ အဲဒါ ၆ နာရီခွဲလောက်ကျတော့ အကုန်လိုက်ဖြုတ်သွားတယ်။ လူစုံတဲ့ နေရာ တော်တော်များများမှာ ကုန်းတွေကုန်းတွေပေါ့ ဟင်္သာတကုန်းတို့၊ ကျောက်တော်ကြီးကုန်းတို့၊ အဲဒီနေရာတွေမှာ လိုက်ချိတ်တာ” လို့ ပြောပါတယ်။

နိုင်ငံရေးအကျဉ်းသား လွတ်မြောက်ရေးလှုပ်ရှားမှု လုပ်ရတဲ့ ရည်ရွယ်ချက်နဲ့ ပတ်သက်ပြီး Generation Wave အဖွဲ့ဝင် ကိုဘိုဘိုက အခုလို ပြောပါတယ်။

“ကျနော်တို့ရဲ့ ရည်ရွယ်ချက်က တရားမျှတမှုနဲ့ ငြိမ်းချမ်းရေးအတွက် နိုင်ငံရေး အကျဉ်းသားများအားလုံး လွှတ်ပေးဖို့ လိုတယ်ဆိုတဲ့အကြောင်းကို ကျနော်တို့ သတင်း (message) ပေးချင်တယ်။ နောက် အကျဉ်းကျနေတဲ့ နိုင်ငံရေး အကျဉ်းသား​ အားလုံးဘက်မှာ ကျနော်တို့ ပြည်သူတွေက အမှတ်ရနေတယ်ဆိုတဲ့ အကြောင်းကို လက်ရှိအစိုးရကို ကျနော်တို့က အသိပေးချင်တာ ဖြစ်ပါတယ်။ နောက်တခုက လူငယ်တွေရဲ့ စုစည်းမှုရယ်၊ ကျနော်တို့ရဲ့ စည်းလုံးညီညွတ်စွာနဲ့ လှုပ်ရှားမှုတွေ ရှိနေတယ်ဆိုတာကို အစိုးရကို ပြချင်တာ ဖြစ်ပါတယ်။”

ဒီလို မြို့နယ် ၃၃ ခုက ပြုလုပ်တဲ့ ကမ်ပိန်းအတွင်းမှာ အစိုးရအဖွဲ့က လိုက်လံ သိမ်းဆည်းမှုတွေ လုပ်နေတဲ့အတွက် ဒါဟာပြည်သူတွေရဲ့ လွတ်လပ်စွာ ပြောဆိုခွင့်ကို ပိတ်ပင်တာလို့လည်း ကိုဘိုဘိုက ဝေဖန်ပါတယ်။

“ကျနော်တို့ရဲ့ ရည်ရွယ်ချက်က တရားမျှတမှုနဲ့ ငြိမ်းချမ်းရေးအတွက် နိုင်ငံရေး​ အကျဉ်းသားများ​ အားလုံး လွှတ်ပေးဖို့လိုတယ်ဆိုတဲ့အကြောင်းကို ကျနော်တို့ Massage ပေးချင်တယ်။ ပြီးတော့ အကျဉ်းကျနေတဲ့ သူတွေအကုန်လုံး ဥပမာ ကျနော်တို့ ပြည်သူတွေက အမှတ်ရနေကြကြောင်း ဆိုတဲ့ ပုံစံမျိုးကို ကျနော်တို့ လက်ရှိအစိုးရကို အသိပေးချင်တာ ဖြစ်ပါတယ်။ နောက်ထပ်တခု ပြချင်တဲ့ဟာက လူငယ်တွေရဲ့ စုစည်းမှုရယ်၊ ကျနော်တို့တွေရဲ့ စည်းလုံးညီညွတ်စွာနဲ့ လှုပ်ရှားနေတဲ့ ပုံစံမျိုးတွေ ရှိနေတယ်ဆိုတဲ့ဟာကို ကျနော်တို့တွေက အစိုးရကို ပြချင်တာ​ ဖြစ်ပါတယ်။”
http://burmese.dvb.no/

ဂီရိ မုန်တိုင်းသင့် ဒေသတွင် ထမင်းငတ်နေသူများ ရှိနေပြီ


News Date:8/12/2011

မုန်တိုင်းဒဏ်ကို အဓိက ခံခဲ့ရသော မြေပုံမြို့နယ် ကျွန်းသာယာကျွန်းမှ ဒေသခံ ပြည်သူ တစ်ချို့မှာ နပ်မှန်အောင် ထမင်း မစားရဘဲ ငတ်နေကြပြီ ဖြစ်ကြောင်း သတင်း ရရှိသည်။

" ကျွန်တော်တို့ နေထိုင်နေတဲ့ ကျွန်းသာယာကျွန်းမှာ ရွာပေါင်း (၄) ရွာရှိပါတယ်။ အုန်းချောင်း၊ ပြင်ချောင်း၊ ပြင်ဝန်းနဲ့ ကျွန်းသာယာ ဖြစ်ပါတယ်။ အခု အများစု ထမင်းငတ်နေတဲ့ ရွာသားတွေက အုန်းချောင်း၊ ပြင်ချောင်းနဲ့ ပြင်ဝန်း ရွာသုံးရွာက လူတွေ ဖြစ်ကြပါတယ်" ဟု ဒေသခံ တစ်ဦးက ပြောသည်။

မုန်တိုင်းတိုက်စက အကူအညီ ရရှိခဲ့သော်လည်း ယခု အချိန်တွင် ယခင်ကလို အကူအညီ မရတော့ပါ။
ထမင်းငတ်နေသော မိသားစု မည်မျှ ရှိသည်ကို တိတိကျကျ မသိရသော်လည်း အနည်းဆုံး မိသားစု ၂၀၀ ခန့်ရှိနိုင်ကြောင်းသူက ပြောသည်။

" ထမင်းငတ်နေတယ်ဆိုတာက နပ်မှန်အောင် မစားရတဲ့သူ၊ မနက်စားရင် ညနေ မစားရ။ ညနေစားရင် မနက်စားရတဲ့ သူတွေကို ပြောတာပါ။ လုံးဝ မစားရဘဲ နေ့စဉ် ရက်ဆက် ငတ်နေတာမျိုးတော့ မရှိပါဘူး။ အဲသလို ထမင်း ပုံမှန် မစားရဘဲ ဖြစ်နေတဲ့ မိသားစုကတော့ ကျွန်းတစ်ခုလုံးမှာ ဆိုရင် ၂၀၀ နီးပါး ရှိမယ် ထင်ပါတယ်" ဟု သူက ပြောသည်။

အဆိုးဆုံး ငတ်ပြတ်မူကို ရင်ဆိုင်နေရသော ကျေးရွာမှာ ပြင်ဝန်းအောက်ရွာ ပိုက်ဆိပ်ဖြစ်ပြီး အိမ်တိုင်းစေ့ လိုလို ပုံမှန် ထမင်း မချက်နိုင်ဘဲ ဖြစ်နေကြောင်း သူက ပြောသည်။

" ဟိုအပတ်ကတည်းက မိုးဆက်တိုက်ရွာပြီး ရေကြီးတယ်။ လေတိုက်တယ်။ ကျွန်းပေါ်မှာက အကုန်လုံး ရေလုပ်သားတွေ ဖြစ်ကြတယ်။ ဒီလို လိုင်းကြီး- ရေကြီးနေတော့ ငါးဖမ်း မထွက်နိုင်ဘူး။ ငါးဖမ်း မထွက်နိုင်တော့ ဆန်မ၀ယ်နိုင်ဘူး။ ဒီတော့ ငတ်တလှည့် ပြတ်တလှည့် ဖြစ်နေကြတယ်။ အများစု မိသားစုကတော့ ရှိတာတွေကို ချရောင်းပြီး စားနေကြရပါတယ်။ အခြေအနေအဆိုးဆုံးက ပြင်ဝန်း ပိုက်ဆိပ်ရွာ ဖြစ်ပါတယ်" ဟု ပြောသည်။

ထိုကဲ့သို့ ကျေးရွာသားများ အခက်အခဲ ကြုံနေရကြောင်းကို ကျွန်းသာယာမှ လူကြီး တစ်ဦးကလည်း ယခုကဲ့သို့ ပြောသည်။

" ကျွန်တော်တို့ရွာမှာလည်း လူတွေ အဆင်မပြေကြဘူး။ ပင်လယ်ထဲကို မထွက်နိုင်တော့ ငွေရှားတာကြောင့် ရွာသား အတော်များများ အခက်အခဲ ဖြစ်နေကြတယ်။ အကူအညီတွေ လိုအပ်နေပါတယ်။ အကူအညီရရင် အမြန်ဆုံး လိုချင်ပါတယ်" ဟု ပြောသည်။

အဆိုပါ ကျေးရွာတွင် ရွှေဝါထွန်း အမျိုးအစား အညံ့စား ဆန် (၃) သစ် နို့ဆီ ၁၂ဗူးကို ကျပ် ၁၀၀၀ ဖြင့် ရောင်းချနေသော ဆန်ရောင်းသူများ ရှိသော်လည်း အများစုမှာ မ၀ယ်စားနိုင်ဘဲ ဖြစ်နေကြကြောင်း သူက ပြောသည်။

အန်ဂျီအိုများမှ မုန်တိုင်း တိုက်စတွင် အကူအညီများ ပေးခဲ့သော်လည်း လွန်ခဲ့သော (၃) လခန့်ကတည်းက အကူအညီများကို ရပ်တန့် ပစ်ခဲ့သဖြင့် မိုးတွင်းကာလတွင် ပို၍ အခက်အခဲ ဖြစ်နေကြရသည်ဟု ရွာသားများက ပြောသည်။

၂၀၁၀ ခုနှစ် အောက်တိုဘာလ ၂၂ ရက်နေ့က တိုက်ခတ်ခဲ့သော ဂီရိ မုန်တိုင်းဒဏ်ကို ကျွန်းသာယာကျွန်းသည် အကြီးအကျယ်ခံခဲ့ရပြီး အဆိုပါ ကျွန်းတစ်ကျွန်းတည်းမှ လူပေါင်း ၅၀ ကျော် သေဆုံးခဲ့ရသည်။

ယခုကဲ့သို့ ကျွန်းပေါ်တွင် မိသားစု အများအပြား အငတ်ဘေးနှင့် ရင်ဆိုင်နေရသော်လည်း သက်ဆိုင်ရာ အစိုးရပိုင်းမှ မည်သို့မှ ကူညီ ဖြေရှင်းပေးမူများ မရှိကြောင်း သိရသည်။
http://www.narinjara.com/detailsbur.asp?id=3388

နိုင်ငံတကာ စုံစမ်းရေး ကော်မရှင်ဖွဲ့ဖို့ အမေရိကန် စီစဉ်ဆောင်ရွက်နေ


2011-08-11

မြန်မာနိုင်ငံကို စေလွှတ်မယ့် နိုင်ငံတကာ စုံစမ်းရေး ကော်မရှင် ဖွဲ့စည်းဖို့ အတွက် အမေရိကန် အစိုးရက ဦးဆောင် ကြိုးပမ်းနေတယ်လို့ သြဂုတ်လ ၁၁ ရက်နေ့က သတင်းစာ ရှင်းလင်းပွဲမှာ အမေရိကန် နိုင်ငံခြားရေး ဌာန ပြောခွင့်ရ အမျိူးသမီး Victoria Nuland က အတည်ပြု ပြောဆိုသွားပါတယ်။

အမေရိကန် အမျိုးသမီး လွှတ်တော် အမတ်တွေက နိုင်ငံခြားရေး ၀န်ကြီး ဟီလာရီ ကလင်တန် ဆီကို မြန်မာ့အရေး အိတ်ဖွင့်ပေးစာ ပေးပို့လိုက်တာနဲ့ ပတ်သက်လို့ သတင်းစာ ရှင်းလင်းပွဲမှာ ပြောဆိုခဲ့ပါတယ်။

မြန်မာနိုင်ငံမှာ ဖြစ်နေတဲ့ လူ့အခွင့်အရေး ချိုးဖောက်မှုတွေကို အစိုးရက ၀ာာဝန်ခံမှုရှိဖို့ အမေရိကန် ပြည်ထောင်စု အနေနဲ့ အစဉ်တစိုက် ကြိုးစား ဆောင်ရွက်သွားမှာပါ။ နိုင်ငံတကာ စုံစမ်းစစ်ဆေးရေး ကော်မရှင်ဖွဲ့ဖို့ အတွက်လည်း အမေရိကန်ရဲ့ မဟာမိတ် နိုင်ငံတွေနဲ့ ပူးပေါင်း တိုင်ပင်ပြီး စီစဉ် နေပါတယ်လို့ Victoria Nuland က ပြောသွားပါတယ်။

ဒါ့အပြင် မြန်မာနိုင်ငံ ဆိုင်ရာ အမေရိကန် အထူး ကိုယ်စားလှယ်ကို တရားဝင် ခန့်အပ်ဖို့ အတွက် နောက်ဆုံး အဆင့်ကို ရောက်နေပြီး သူဟာ တာဝန်တွေ စတင် ထမ်းဆောင်ရတော့မှာ ဖြစ်တယ် လို့လည်း ပြောဆိုသွားပါတယ်။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနားရဲ့ ဆောင်ရွက်ချက်တွေကို အမေရိကန် အနေနဲ့ ပြတ်ပြတ်သားသား ထောက်ခံထားတယ် လို့လည်း Victoria Nuland က သတင်းထောက်တွေကို ပြောပါတယ်။

မြန်မာနိုင်ငံက လူ့အခွင့်အရေး အခြေအနေတွေကို သွားရောက် စစ်ဆေး ကြည့်ရှုခွင့် ပေးဖို့ မြန်မာ အစိုးရကိုလည်း တဆက်တည်း တိုက်တွန်းသွားပါတယ်။
http://www.rfa.org/burmese/news/us-investigation-08112011211930.html

ကနေဒါ နိုင်ငံသား မြန်မာနိုင်ငံက ဒုက္ခသည်တွေ အတွက် ရန်ပုံငွေရှာဖွေ


2011-08-12
ကနေဒါနိုင်ငံသား Mr. Rod Germiane ဟာ မိုင်လေးထောင်နီးပါး ခရီးရှည် စက်ဘီးနင်းပြီး မြန်မာနိုင်ငံက စစ်ပြေး ဒုက္ခသည်တွေရဲ့ ကျန်းမာရေး စောင့်ရှောက်မှုအတွက် ရန်ပုံငွေ ရှာဖွေခဲ့ရာမှာ အမေရိကန် ဒေါ်လာ သုံးသောင်း (US$ 30,000) ရရှိခဲ့တယ်လို့  သိရပါတယ်။

Photo: RFA
မိုင်လေးထောင်နီးပါး ခရီးရှည် စက်ဘီးနင်းပြီး မြန်မာနိုင်ငံက စစ်ပြေး ဒုက္ခသည်တွေအတွက် ရန်ပုံငွေ ရှာဖွေနေတဲ့ ကနေဒါနိုင်ငံသား Mr. Rod Germiane ကို သူ၏ မိတ်ဆွေများနှင့်အတူ တွေ့မြင်ရစဉ် ဖြစ်ပါသည်။
မစ္စတာ Rod ဟာ ပြီးခဲ့တဲ့ ဇွန်လ ၂ ရက်နေ့က ကနေဒါနိုင်ငံ Vancouber မြို့ကနေ မိုင်ပေါင်း ၃၇၅၉ မိုင် ခရီးကို ၂ လကျော်ကြာ စက်ဘီးနင်းပြီး ချီတက်ခဲ့ရာမှာ ပြီးခဲ့တဲ့ ၂ ရက်က Hallifax မြို့ကိုရောက်ရှိ ခဲ့ပါတယ်။ မိုင်ပေါင်းများစွာ ခရီးရှည် စက်ဘီးနင်းပြီး ထိုင်း-မြန်မာနယ်စပ်က မြန်မာနိုင်ငံသား စစ်ပြေးဒုက္ခသည် တွေအတွက် ရန်ပုံငွေ ရှာဖွေရခြင်း ရည်ရွယ်ချက်ကိုတော့ မစ္စတာ Rod က အခုလို ပြောပြပါတယ်။ “ရည်ရွယ်ချက် နှစ်မျိုးနဲ့ ကျနော် ဒီခရီးရှည်ကို စတင်ခဲ့တာပါ။ နှစ်ပေါင်းများစွာ စဉ်းစားနေရာကနေ လုပ်ဖြစ်အောင် လုပ်မယ်ဆိုပြီး စတင်ခဲ့တာပါ။ Hallifax မြို့လေးမှာ ကျနော် လွန်ခဲ့တဲ့ နှစ်ပေါင်း ၄၀ က ဥပဒေဘွဲ့ တက်ခဲ့တဲ့ ကျောင်းရှိပါတယ်။ ဒီနှစ် ကျောင်းနေဖက် သူငယ်ချင်းတွေနဲ့ ပြန်လည် တွေ့ဆုံပွဲနဲ့ တိုက်ဆိုင်ပြီး၊ အခုလို မြန်မာနိုင်ငံက စစ်ပြေး ဒုက္ခသည်တွေ အတွက် စက်ဘီးနင်းပြီး ရန်ပုံငွေ ရှာဖွေဖြစ်ခဲ့တာ ပါ”လို့ ပြောပါတယ်။ အခုခရီးရှည် စက်ဘီးနင်းပြီး ရရှိတဲ့ အမေရိကန် ဒေါ်လာ သုံးသောင်းကို ထိုင်း-မြန်မာနယ်စပ်က ဒေါက်တာ စင်သီယာမောင် ဦးစီးတဲ့ မယ်တော် ဆေးခန်း ကို လှူဒါန်းမယ်လို့ ပြောပါတယ်။ သူ့  ခရီးစဉ်အကြောင်း အပြည့်အစုံကို ဦးဝင်းနိုင်က ဆက်သွယ်မေးမြန်း ထားတာကို နားဆင်နိုင်ပါတယ်။
http://www.rfa.org/burmese/news/rod-germine-08122011090739.html


တိုင်းပြည် ငွေကြေး လည်ပတ်မှုမှာ မထုတ်ပြန်သင့်သော အရာဟု ဝန်ကြီးပြော


ဖနိဒါ | သောကြာနေ့၊ သြဂုတ်လ ၁၂ ရက် ၂၀၁၁ ခုနှစ် ၁၈ နာရီ ၁၈ မိနစ်


ချင်းမိုင်(မဇ္ဈိမ) ။ ။ မြန်မာနိုင်ငံတွင်း ငွေကြေး လည်ပတ်မှု ပမာဏနှင့် ပတ်သက်၍ ထုတ်ပြန်ခြင်း မရှိသည့် အပေါ် ပြန်ကြားရေးဝန်ကြီး ဦးကျော်ဆန်းက “အမျိုးသား အကျိုးစီးပွား ဖြစ်သည်” ဟုဆိုကာ ဖြေဆိုရန် ငြင်းဆန် သွားသည်။

ပြည်ထောင်စု အစိုးရ အဆင့် သတင်းစာ ရှင်းလင်းပွဲကို နေပြည်တော်တွင် သောကြာနေ့က နှစ်ပိုင်းခွဲ ကျင်းပပြီး ပထမတပိုင်းတွင် ဦးကျော်ဆန်းက ၁ နာရီနှင့် မိနစ် ၄ဝ ကြာ လက်ရှိ ဖြစ်ပွားနေသော ကချင်လွတ်မြောက်ရေး
အဖွဲ့နှင့် ပဋိပက္ခကို အဓိကထား ပြောကြားသွားခဲ့ကာ ဒုတိယပိုင်းတွင် သတင်းထောက်များ၏ မေးမြန်းမှုများကို
ဖြေကြားခဲ့သည်။

သတင်းထောက် တဦးက ၁၉၉၇ ခုနှစ်အထိ တိုင်းပြည် ငွေကြေး လည်ပတ်မှုနှင့် ပတ်သက်၍ အစိုးရက ထုတ်ပြန် ခဲ့ကြောင်းနှင့် ယခုအခါ ထုတ်ပြန်ခြင်း မရှိသည့်အပေါ် မေးမြန်းရာ “ အဲဒါက အမျိုးသား အကျိုးစီးပွားရေးအရ သတင်းသမားတွေကို မေးမရ၊ မသိရတဲ့ဟာတွေ ရှိပါတယ်” ဟု ဦးကျော်ဆန်းက ပြန်လည် ဖြေကြားသွားသည်။



စာတမ်း ဖတ်ကြားမှုတွင် အစိုးရတပ်တို့နှင့် တိုက်ပွဲများ ဖြစ်ပွားနေသည့် ကချင် လွတ်မြောက်ရေး အဖွဲ့ KIO ကို “သူခိုးက လူဟစ်တယ်” ဟု ဝန်ကြီး ဦးကျော်ဆန်းက ပြောဆိုသွားသည်(ဓါတ်ပုံ မဇ္ဈိမ)

၁၁ ဦးပါဝင်သည့် ပြောရေးဆိုခွင့်နှင့် သတင်းထုတ်ပြန်ရေး အဖွဲ့ကို ဦးကျော်ဆန်းက ခေါင်းဆောင်သည်။

သဘောထား တင်းမာသူဟု ရည်ညွှန်းခံရလေ့ ရှိသော ဝန်ကြီးမှာ သတင်းစာ ရှင်းလင်းပွဲ၌ မျက်ရည်
လည်သွားခြင်းက တက်ရောက်လာသော သတင်းထောက်များကို အံ့အားသင့် ပြောစမှတ်တွင် သွားသည်။

သတင်းထောက်တဦးက ကန့်ကွက်မှုများနေသော မေခ၊ မလိခ မြစ်ပေါင်းဆုံရာ မြစ်ဆုံတွင် ရေအားလျှပ်စစ် မဂ္ဂါဝပ် ၆ဝဝဝ ထုတ်မည့် ဆည်ကာတာ စီမံကိန်းကို ရပ်တန့်ရန် ရှိပါသလားနှင့် ငွေစက္ကူ အသစ်များ ရိုက်နှိပ် ထုတ်ဝေရန် ရှိပါသလားဆိုသည့် မေးခွန်းကို ပြန်လည် ဖြေကြားရာတွင် မြစ်ဆုံစီမံကိန်းမှာ ကြီးကြီးမားမား ပြဿနာ မရှိကြောင်း
နှင့် အမြင်ကွဲပြားမှုများသာ ဖြစ်သည်ဟု ဖြေကြားသည်။

ထို့နောက် အမေရိကန် ဆန်ရှင် ပိတ်ဆို့ထားမှုကိုပါ ထည့်ပြောကာ အတိုက်အခံများက “နိုင်ငံတော် လုပ်သမျှ အကောင်း မမြင်တာပါ” “အရင်ကတည်းက ခေါင်းဆောင်ကြီးတွေက စေတနာ ရှိခဲ့ပါတယ်” ဟု ပြောရင်း နှစ်မိနစ်
ကျော်ကြာ အသံတိတ်သွားခဲ့တော့သည်။

ယင်း အဖြစ်အပျက်နှင့် ပတ်သက်၍ “အခန်းထဲမှာ အသံကို တိတ်သွားတာပဲ” ဟု သွားရောက် သတင်းယူခဲ့သူ သတင်းထောက် တယောက်က မဇ္ဈိမကို ပြောသည်။

အဖြစ်အပျက်ကို ပြန်လည် မပေါက်ကြားစေခဲ့သော်လည်း သတင်းစာ ရှင်းလင်းပွဲပြီး မကြာမီမှာပင် အင်တာနက်
၌ လူအများ စိတ်ဝင်စားမှု ခံရသော သတင်းတခု ဖြစ်နေသည်။

မြစ်ဆုံ ရေကာတာနှင့် ပတ်သက်၍ သဘာဝ ပတ်ဝန်းကျင်ဆိုင်ရာ လေ့လာခဲ့သော စာတမ်းများ ရှိ၊ မရှိ မေးမြန်း သည်ကိုမူ လျှပ်စစ်ဝန်ကြီးဌာနမှ ဒုညွန်မှူး တဦးက ပြီးခဲ့သည့် ရက်ပိုင်းက ဒုညွန်ချုပ် ကိုယ်တိုင် ဆောင်းပါး
ရေးထားကြောင်းနှင့် EIA - Environmental Impact Assessment မှ မြစ်အထက်ပိုင်း၌ သုတေသန လုပ်ထား
သော်လည်း မြစ်အောက်ပိုင်းကိုမူ လုပ်ဆောင်နေဆဲဟု ဖြေကြားသွားခဲ့သည်။

သဘာဝပတ်ဝန်းကျင် ဆိုးကျိုးများနှင့် ဒေသခံတို့ကို ကြီးမားသော ဆိုးကျိုးများ ရှိနိုင်သည့် မြစ်ဆုံဆည် စီမံကိန်း
အပေါ် စိုးရိမ်ကြောင်း အတိုက်အခံ ခေါင်းဆောင် ဒေါ်အောင်ဆန်းစုကြည်က ထုတ်ဖော် ပြောဆိုထားသလို
့ပြည်တွင်း မီဒီယာများနှင့် အင်တာနက်တွင် ဝေဖန်မှုများ တွေ့လာရသည်။



“အမျိုးသား အကျိုးစီးပွားရေးအရ သတင်းသမားတွေကို မေးမရ၊ မသိရတဲ့ဟာတွေ ရှိပါတယ်” ဟု ဦးကျော်ဆန်းက သတင်းထောက်များကို ပြန်လည် ဖြေကြား(ဓါတ်ပုံ မဇ္ဈိမ)
သို့သော်လည်း အမျိုးသား အကျိုးစီးပွားရေးကို ကြည့်ပြီးနောက် ချင့်ချိန်ကာ ဆက်ပြီး ဆောက်ရွက်မည်ဟု ဦးကျော်ဆန်းက ဖြေကြားသွားသည်။

ထို့ပြင် အမျိုးသား ဒီမိုကရေစီ အဖွဲ့ချုပ် ရပ်တည်ရေးနှင့် ပတ်သက်၍ ဥပဒေဘောင် စည်းမျဉ်း အတိုင်း၊ ဥပဒေ မူဝါဒအတိုင်း ဆောက်ရွက် သွားရမည်ဟု ဦးကျော်ဆန်းက ဖြေဆိုသွားသည်။

ပထမပိုင်း စာတမ်း ဖတ်ကြားမှုတွင် ကချင် လွတ်မြောက်ရေး အဖွဲ့နှင့် အစိုးရတပ်တို့ တိုက်ပွဲများ ဖြစ်ပွားနေမှုနှင့် ပတ်သက်၍ ကချင် လွတ်မြောက်ရေး အဖွဲ့ KIO ကိုသာ “သူခိုးက လူဟစ်တယ်” ဟု ပြောကြားသွားသည်။

“တိုင်းရင်းသား အဖွဲ့ကို အပြစ်တင်သွားတယ်။ “သူခိုးက လူဟစ်တယ်” ဆိုပြီး ပြောလိုက်တယ်။ ဝန်ကြီး ကိုယ်တိုင် အဲဒီစကားပြောတယ်။ အဲဒါက ဘာလဲဆိုတော့ ကချင်မှာ ပါဂျရိုကားကို ပစ်သွားတဲ့ ကိစ္စမှာ KIO ကနေ သတင်း အမှားတွေ ထုတ်လိုက်လို့ ဆိုပြီးတော့ ပြောတယ်။ မိုင်းခွဲလို့ ရှိရင် ဒီလို မနေပါဘူး။ ဒါက သိသာထင်ရှားတဲ့ ကိစ္စပဲ”
ဟု သတင်းစာ ရှင်းလင်းပွဲ တက်ရောက်သူ ပြည်တွင်း သတင်းထောက်တဦးက ဆိုသည်။

ဗန်းမော်ခရိုင်၊ မိုးမောက်မြို့နယ် တာပိန် ရေအားလျှပ်စစ် စက်ရုံမှ မိုးမောက်မြို့သို့ ပြန်လာသည့် ပါဂျရိုကားကို သြဂုတ်လ ၂ ရက်နေ့က ပစ်ခတ်ခဲ့သဖြင့် ကားပေါ်ပါလာသူ ဒုရဲအုပ်အောင်ကြည်ထွန်း အပါအဝင် ၇ ဦး သေဆုံး
ခဲ့မှုနှင့် ပတ်သက်၍ KIO ဘက်မှ ပြည်ပ သတင်းဌာနများကို သတင်းမှား ထုတ်ခဲ့ခြင်းဖြစ်သည်ဟု ဝန်ကြီးက
ပြောဆိုသည်။

ဆက်လက်ပြီး KIO က လမ်း၊ တံတားများ မိုင်းခွဲ ဖျက်ဆီးခြင်း၊ ကားမိုင်းထောင် ဖျက်ဆီးခြင်း စသည့် အကြမ်းဖက်
မှုများ ပြုလုပ်ခြင်းအပြင် ပြည်ပ သတင်းဌာနများသို့ သတင်းအမှားများ ပေးပို့ခဲ့သည်ဟုလည်း ပြောကြားသွားသည်။

ထို့အပြင် ကချင် လွတ်မြောက်ရေး တပ်မတော် (ကေအိုင်အေ)သည် ငြိမ်းချမ်းရေး သဘောတူညီချက်များကို ချိုးဖောက်ကြောင်း၊ ဒေသခံ ပြည်သူများကို စစ်ပြေး ဒုက္ခသည်များ အဖြစ် အသုံးချ ဝါဒဖြန့်ကြောင်း စွပ်စွဲ
ပြောဆိုသည်။

ကေအိုအေ ဌာနချုပ် လိုင်ဇာမြို့တွင် လူ လေးထောင်ခန့်သာ လတ်တလောရှိပြီး ၇ဝ ရာခိုင်နှုန်းမှာ ကေအိုအေနဲ့ သက်ဆိုင်သူများသာ ဖြစ်ကြောင်း ကျန် ၃၀ ရာခိုင်နှုန်းမှာ နီးစပ်ရာကျေးရွာများမှ လက်နက်ဖြင့်ခြိမ်းခြောက်ပြီး အတင်းရွေ့ခံရသည့် သူများဖြစ်သည်ဟု ဝန်ကြီးက ပြောသည်။

ကေအိုင်အို အဆိုအရ လိုင်ဇာမြို့တွင် စစ်ဘေးဒဏ်ကြောင့် ကချင်ပြည်နယ် အတွင်း ဇွန်လ ၉ ရက်မှစ၍ ဖြစ်ပွား
ခဲ့သည့် တိုက်ပွဲများကြောင့် စစ်ဘေး ခိုလှုံလိုကြသည့် ဒေသခံ ပြည်သူ ၉၀၀၀ ကျော်အတွက် ကေအိုင်အိုက
လိုင်ဇာ၊ ဝိုင်းမော်နှင့် မိုးမောက်မြို့နယ်တို့တွင် ဒုက္ခသည် ကယ်ဆယ်ရေး စခန်းများ ဖွင့်ထားပေးသည်ဟု သိရသည်။
http://www.mizzimaburmese.com/news/inside-burma/8132-2011-08-12-11-59-15.html

ပဋိပက္ခ အမြင်ရှောင်ပြီး ပူးပေါင်းဆောင်ရွက်ဖို့ ဒေါ်စုနှင့် အစိုးရ သဘောတူညီ


သဲသဲ | သောကြာနေ့၊ သြဂုတ်လ ၁၂ ရက် ၂၀၁၁ ခုနှစ် ၁၈ နာရီ ၄၅ မိနစ်


နယူးဒေလီ(မဇ္ဈိမ) ။ ။ ပဋိပက္ခ အသွင်ဆောင်သော အမြင်သဘောထားများကို ရှောင်ရှားကြပြီး အပြန်အလှန်
ကူညီ ပူးပေါင်း ဆောင်ရွက်သွားရန် အပါအဝင် သဘောတူညီချက် ၄ ချက်ပါ ပူးတွဲကြေငြာချက်ကို အတိုက်အခံ
ခေါင်းဆောင် ဒေါ်အောင်ဆန်းစုကြည်နှင့် အစိုးရကိုယ်စားလှယ် ပြည်ထောင်စုဝန်ကြီး ဦးအောင်ကြည်တို့ သောကြာ
နေ့ တွေ့ဆုံမှု အပြီးတွင် ထုတ်ပြန်လိုက်သည်။

အစိုးရသစ်၏ ဒုတိယအကြိမ် ဖိတ်ကြားချက်ဖြင့် ပြည်ထောင်စုဝန်ကြီး ဦးအောင်ကြည်နှင့် ဒေါ်အောင်ဆန်းစုကြည်
တို့ ရန်ကုန်မြို့ စိမ်းလဲ့ကန်သာ အစိုးရဂေဟာ၌ နေ့လည် ၁ နာရီမှ စတင်ကာ မိနစ် ၅၀ ကြာ တွေ့ဆုံခဲ့ပြီးနောက် ပူးတွဲကြေငြာချက်ကို ပြည်ထောင်စုဝန်ကြီး ဦးအောင်ကြည်က သတင်းထောက်များကို ဖတ်ကြားပြခဲ့ခြင်း ဖြစ်သည်။

တိုင်းပြည်တည်ငြိမ်ရေးအတွက် အစိုးရနှင့် ပူးပေါင်းဆောင်ရွက်ရန်၊ ဒီမိုကရေစီထွန်းကားရေးနှင့် စီးပွားရေး၊ လူမှုရေး လုပ်ငန်းများ ဖွံ့ဖြိုးစေရန် အပြုသဘော ပူးပေါင်းရန်နှင့် တွေ့ဆုံမှုများ ဆက်လက်ပြုလုပ်သွားရန် ကြေငြာချက်၌ ပါဝင်သည်။


လူထုခေါင်းဆောင် ဒေါ်အောင်ဆန်းစုကြည်နှင့် ပြည်ထောင်စုဝန်ကြီး ဦးအောင်ကြည်တို့ အစိုးရသစ် လက်ထက် ဒုတိယ အကြိမ်မြောက် တွေ့ဆုံမှုအဖြစ် ရန်ကုန်မြို့ အစိုးရ ဧည့်ရိပ်သာတွင် တွေ့ဆုံဆွေးနွေးမှုအပြီး တွေ့ရစဉ် (ဓါတ်ပုံ မဇ္ဈိမ)
တွေ့ဆုံ ဆွေးနွေးမှု၌ တိုးတက်မှု ရှိ၊ မရှိ သတင်းထောက်များ၏ မေးမြန်းချက်ကို “ပူးပေါင်း ဆောင်ရွက်မယ် ဆိုလို့
ရှိရင် တိုင်းရင်းသား ကိစ္စတွေမှာလည်း တိုးတက်မှု ရှိရမှာပါပဲ။ ဘယ်ဘက်မှာ မဆို တိုးတက်မှု ရှိရမှာပဲလေ။ မီဒီယာ အပါအဝင်ပေါ့” ဟု ဒေါ်အောင်ဆန်းစုကြည်က ဖြေကြားခဲ့သည်ဟု ဆိုသည်။

ဒေါ်အောင်ဆန်းစုကြည်၏ ငြိမ်းချမ်းရေး ကမ်းလှမ်းချက် အိတ်ဖွင့်ပေးစာနှင့် ပတ်သက်၍ အစိုးရ ကိုယ်စားလှယ် ဦးအောင်ကြည်က “ပူးပေါင်းဆောင်ရွက်မှု” ခေါင်းစဉ်အောက်တွင် အဆိုပါ ကိစ္စရပ်လည်း ပါဝင်သည်ဟု သတင်းထောက်များကို ပြောဆိုခဲ့သည်။


“ပူးပေါင်း ဆောင်ရွက်တယ် ဆိုတာ ကျနော်တို့ နိုင်ငံအတွက် တကယ် လိုအပ်တဲ့ အဓိက ပြဿနာ တခုပါ။ ဒီကိစ္စ
ပြေလည်သွားပြီ ဆိုတဲ့ အချိန်ကျရင် ကျန်တဲ့ ကိစ္စတွေအားလုံးကိုလည်း အလွယ်တကူ ဖြေရှင်းသွားနိုင်မှာ
ဖြစ်ပါတယ်” ဟု ဦးအောင်ကြည်က သတင်းထောက်များကို ပြောကြားခဲ့သည်။

လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ဝန်ကြီးအပြင် အလုပ်သမား ဝန်ကြီး ဖြစ်သော ဦးအောင်ကြည်နှင့် ခေါင်းဆောင် ဒေါ်အောင်ဆန်းစုကြည်တို့ ဇူလိုင်လ ၂၅ နေ့တွင်လည်း အလားတူ တွေ့ဆုံမှု
ပြုလုပ်ခဲ့သေးသည်။

ထိုစဉ်က နှစ်ဖက်စလုံးက အပြုသဘောဆောင်သော ဆွေးနွေးပွဲ ဖြစ်သည်ဟု ထုတ်ဖော် ပြောဆိုခဲ့သော်လည်း
ဆွေးနွေးမှု အသေးစိတ်ကိုမူ နှစ်ဖက်စလုံးက ထုတ်ပြန်ခဲ့ခြင်းမရှိပေ။

ထိုသို့ တွေ့ဆုံခဲ့ပြီးနောက် ၃ ရက် အကြာတွင် ဒေါ်အောင်ဆန်းစုကြည်က အစိုးရနှင့် တိုင်းရင်းသား လက်နက်ကိုင် အဖွဲ့များထံ ငြိမ်းချမ်းရေး အိတ်ဖွင့် ပေးစာနှင့် သြဂုတ်လ ၁၁ ရက်နေ့တွင် ဧရာဝတီ မြစ်ဆုံ ရေကာတာ စီမံကိန်းများ အပေါ် စိုးရိမ်ကြောင်း ကြေငြာချက် ထုတ်ပြန်ခဲ့သည်။

ယခုတွေ့ဆုံမှုမှာ ဒေါ်အောင်ဆန်းစုကြည် ပဲခူး ခရီးစဉ် မတိုင်မီ ၂ ရက် အလိုတွင် ပြုလုပ်ခဲ့ခြင်း ဖြစ်ပြီး သူမ၏
နယ်ခရီးစဉ် လုံခြုံရေးအတွက် အစိုးရ အာဏာပိုင် အဖွဲ့များနှင့် ညှိနှိုင်းမှုများ ရှိကြောင်းလည်း သိရသည်။

ဒေါ်အောင်ဆန်းစုကြည်၏ တွေ့ဆုံ ဆွေးနွေးမှုအပေါ် ကျောင်းသားများ အပါအဝင် သဘောထား တင်းမာ
ပြတ်သားသော အတိုက်အခံ အင်အားစုများကလည်း ထောက်ခံကြောင်း ထုတ်ဖော် ပြောဆိုခဲ့ကြသည်။

ဦးအောင်ကြည်မှာ ယခင် စစ်အစိုးရ လက်ထက်တွင် ဆက်ဆံရေး ဝန်ကြီးအဖြစ် ခန့်အပ်ခံခဲ့ရပြီး ငြိမ်းချမ်းရေး
နိုဘယ်ဆုရှင်နှင့် ၂၀၀၇ ခုနှစ်မှ စတင်၍ တွေ့ဆုံ ဆွေးနွေးမှုပေါင်း ၉ ကြိမ် ဆွေးနွေးမှုပြုခဲ့ပြီး ဖြစ်သည်။
--------------------------------------------------------------------------------------------------------------------------------


ဒေါ်အောင်ဆန်းစုကြည်နှင့် ဦးအောင်ကြည် ဆွေးနွေးပွဲ ထုတ်ပြန်ချက်


ပြည်ထောင်စုသမ္မတ မြန်မာ နိုင်ငံတော် အစိုးရ၏ ဖိတ်ကြားချက်အရ ဒေါ်အောင်ဆန်းစုကြည်သည် ပြည်ထောင်စုဝန်ကြီး ဦးအောင်ကြည်ကို ရန်ကုန်မြို့ရှိ စိမ်းလဲ့ကန်သာ အစိုးရဧည့်ဂေဟာတွင် ၂ဝ၁၁ခုနှစ် သြဂုတ်လ ၁၂ရက် ယနေ့
မွန်းလွဲ ၁ နာရီမှ ၁နာရီ ၅ဝ အထိတွေ့ဆုံခဲ့ပါသည်။ ယနေ့တွေ့ဆုံမှုတွင်နှစ်ဘက်စလုံးက အောက်ပါအတိုင်း သဘောတူညီခဲ့ကြပါသည်။

၁) ပြည်သူလူထု တရပ်လုံး၏ ပကတိလိုအပ်ချက် ဆန္ဒများကို ဖြည့်ဆည်းပေးသည့် အနေဖြင့် တိုင်းပြည် တည်ငြိမ်
အေးချမ်းရေးနှင့် ဖွံ့ဖြိုးတိုးတက်ရေးအတွက် နိုင်ငံတော်အစိုးရနှင့် နှစ်ဘက်လက်တွဲဆောင်ရွက်သွားမည်။

၂) မြန်မာနိုင်ငံတွင် ဒီမိုကရေစီစနစ် ဆက်လက်တိုးတက် ထွန်းကား စေရေးအတွက်လည်ကောင်း၊ စီးပွားရေးနှင့် လူမှုရေး လုပ်ငန်းများ ပိုမိုဖွံ့ဖြိုးတိုးတက်လာစေရေးအတွက်လည်းကောင်း၊ အပြုသဘော ပူးပေါင်းဆောင်ရွက်သွားမည်။

၃) ပဋိပက္ခအသွင်ဆောင်သော အမြင်သဘောထားများကို ရှောင်ရှားကြပြီး အပြန်အလှန် ကူညီသော ပူးပေါင်း
ဆောင်ရွက်ရေး လုပ်ငန်းစဉ် (reciprocal basis) အတွက် ဦးတည်ချက်ထား၍ ဆောင်ရွက်သွားမည်။

၎) တွေ့ဆုံဆွေးနွေးမှုများ ဆက်လက်ပြုလုပ်သွားမည် ။

သတင်းထုတ်ပြန်ချက်ကို ပြည်ထောင်စုဝန်ကြီး ဦးအောင်ကြည်ကဖတ်ကြားခဲ့ပြီးတော့ သတင်းထောက် ၃ ဦးရဲ့
မေးခွန်းတွေကို ခေါင်းဆောင် ၂ ဦးက ဖြေကြားခဲ့ပါတယ်။

ဒုတိယအကြိမ် တွေ့ဆုံမှုကနေ ဘယ်လိုကဏ္ဍမှာ ထူးထူးခြားခြား သိသိသာသာ ပြောင်းလဲ တိုးတက်လာမယ်လို့
ဒေါ်အောင်ဆန်းစုကြည် အနေနဲ့ မျှော်လင့်ထားပါသလဲ ခင်ဗျ။

ကျမတို့ ဒိအထဲမှာ ပါတဲ့အတိုင်းပဲ ကဏ္ဍအသီးသီးမှာ ဖွံ့ဖြိုးတိုးတက်လာမယ်လို့ မျှော်လင့်ထားပါတယ်။ နောက် အားလုံးပေါ့လေ၊ တိုင်းပြည်အတွက် ကောင်းမယ့်ဟာတွေ အားလုံး နေရာတကာမှာ တိုးတက်မှု ရှိမယ်လို့ မျှော်လင့် ပါတယ်။ မေးခွန်းတွေက သိပ်မရှင်းလို့ ရှင်းရှင်းမေးပေးပါ။

(မေး) အရင်တပတ်တုန်းကလည်း ဒီလိုပဲလေ ယေဘူယျသဘော ပြောသွားတယ်လို့ သိထားလို့ပါ ခင်ဗျာ ။ဥပမာ တိုင်းရင်းသား ကိစ္စတွေမှာ ဘယ်လို တိုးတက်မှုတွေ ရလာမယ်လို့ ထင်ပါသလဲ ခင်ဗျ။

ပူးပေါင်း ဆောင်ရွက်မယ် ဆိုလို့ရှိရင် တိုင်းရင်းသား ကိစ္စတွေမှာလဲ တိုးတက်မှု ရှိရမှာပါပဲ။ ဘယ်ဘက်မှာမဆို တိုးတက်မှု ရှိရမှာပဲလေ။ တကယ်တော့ ကျမတို့ နိုင်ငံအကျိုးကို ပူးပေါင်း ဆောင်ရွက်မယ် ဆိုလို့ရှိရင် မီဒီယာ အပါအဝင်ပေါ့ တိုးတက်မှုဆိုတာ ရှိရမှာပေါ့။

(မေး) ပြီးခဲ့တဲ့တခေါက် ပူးတွဲ ကြေငြာချက်ထဲမှာ သဘောထား ကွဲလွဲနေမှု စိတ်ဝမ်း ကွဲလွဲနေမှုတွေကို ဆွေးနွေး
မယ်လို့ ပြောပါတယ်။ အဲဒါဟာ အစိုးရနဲ့ ဒေါ်အောင်ဆန်းစုကြည် ကြားကို ပြောတာပါလား။ ဒါမှ မဟုတ်
လက်နက်ကိုင် အဖွဲ့အစည်းတွေနဲ့ အစိုးရ အကြား ပြောတာပါလား ။ နောက်တခုက အဲဒီမှာ ပါပါတယ် တရား
ဥပဒေ စိုးမိုးရေး ကိစ္စ ဆွေးနွေးတယ်လို့ သိရပါတယ်။ ဒေါ်အောင်ဆန်းစုကြည်နဲ့ သူ့ပါတီကို တရားမဝင်ဘူးလို့
ပြောထားတာရှိတော့ အဲဒါတွေကို ဆွေးနွေးတာပါလား။

ဦးအောင်ကြည်က ဖြေပါတယ်။ ကျွန်တော်တို့ စိတ်ဝမ်းကွဲပြားမှု လျော့ပါးဘို့ ဆိုတာက စိတ်ဝမ်းကွဲပြားမှုဆိုတာ
နေရာတိုင်းမှာ ရှိနိုင်ပါတယ်။ သဘာဝအားဖြင့် ဒိုင်ဗာစတီနဲ့ ယူနတီဆိုတဲ့ သဘောပေါ့ ဘယ်လို လုပ်ငန်းမှာ မဆို လူတိုင်းမှာ စိတ်ဝမ်းကွဲပြားမှုဆိုတာ ရှိနိုင်ပါတယ်။ သို့ရာတွင် အခုကျနော် ပြောသွားတဲ့ အတိုင်းပဲ ပူးပေါင်း
ဆောင်ရွက်မှုကိုတော့ ဦးစားပေး ဆောင်ရွက်သွားမှာ ဖြစ်ပါတယ်။

(မေး) ကျနော် ဦးအောင်ကြည်ကို မေးချင်ပါတယ်။ ပူးပေါင်းဆောင်ရွက်မှုက ဘယ်လိုစလုပ်နေပြီလဲ၊ လုပ်နေပြီ ဆိုနေရင်လည်း ဘယ်အထိရောက်နေပြီလဲ။ နောက်တခုက ဒေါ်အောင်ဆန်းစုကြည်က အိပ်ဖွင့်ပေးစာနဲ့
ငြိမ်းချမ်းရေး ကမ်းလှမ်းချက် လည်းပြောထားပါတယ်။ အဲဒါကိုကော ဘယ်လိုဆက်လုပ်သွားမလဲ။

(ဖြေ) ဒါတွေအားလုံးဟာ ပူးပေါင်း ဆောင်ရွက်မှု ခေါင်းစဉ်အောက်မှာ ပါပါတယ်။ ပူးပေါင်း ဆောင်ရွက်တယ် ဆိုတာ ကျနော်တို့ နိုင်ငံအတွက် တကယ်လိုအပ်တဲ့ (main problem) အဓိကပြသနာ တခုပါ။ ဒါကြီးကို ဖြေရှင်းနေကြတာ
ဖြစ်ပါတယ်။ ဒီကိစ္စ ပြေလည်သွားပြီဆိုတဲ့ အချိန်ကျရင် ကျန်တဲ့ ကိစ္စတွေအားလုံးကိုလည်း main problem ကြီးရဲ့ အကျိုးဆက် တရားများ တနည်းအားဖြင့် တော့ (corollary) ကိုလည်း အလွယ်တကူ ဖြေရှင်းသွားနိုင်မှာ
ဖြစ်ပါတယ်လို့ပြောရင်း နိဂုံးချုပ်ပါတယ်
http://www.mizzimaburmese.com/news/inside-burma/8133-2011-08-12-12-40-08.html