Tuesday, August 23, 2011

ကမ္ဘာပျက်မယ့်နေ့ နဲ့ ဥက္ကာပျံ အန္တရာယ်

စနေ, 05 မတ် 2011
By Khin Myo Thet

သက္ကရာဇ် ၂၀၁၂ ခုနှစ်မှာ ကမ္ဘာကြီး ပျက်သုဉ်းမယ်လို့ ပြောလာသူ အများအပြားရှိနေပါတယ်။

လွန်ခဲ့တဲ့ နှစ်ပေါင်း တထောင်ကျော်က အမေရိကတိုက် အလယ်ပိုင်းမှာနေထိုင်ခဲ့တဲ့ မိုင်ယန် (Mayan) လူမျိုးတွေ ရေးဆွဲသွားတဲ့ မိုင်ယန် ပြက္ခဒိန်က ၂၀၁၂ခုနှစ်မှာ ဆုံးနေပါတယ်။ လွန်ခဲ့တဲ့ နှစ်ပေါင်း ၅၀၀ လောက်ကတည်းက ပြင်သစ်နိုင်ငံမှာမွေးဖွားလာသူ တဦးဖြစ်တဲ့ နော်စထရာ ဒါးမတ်စ် (Nostradamus) ဟာ ကမ္ဘာကြီးမှာ ဘာတွေ ဖြစ်လာမယ် ဆိုတာ ကြိုတင်ခန့်မှန်း ရာမှာ မှန်ကန်တယ်လို့ နံမယ်ကြီးသူဖြစ်ပါတယ်။ သူ့ရဲ့ နိမိတ်ဖတ်ချက် တွေကို အနက်ကောက်ကြရာမှာ ၂၀၁၂ခုနှစ် ဒီဖင်ဘာလ ၂၁ရက်နေ့မှာ ကမ္ဘာပျက်ကိန်း ရှိတယ်လို့ ဆိုပါတယ်။

သိပ္ပံပညာရှင် တွေကတော့ ဒါကို လက်မခံကြပါဘူးလို့ Illinois အီလီနွိုင်းတက္ကသိုလ်က Astronomer နက္ခတ္တဗေဒ ပညာရှင် ဒေါက်တာဝင်းသာထွေးက ပြောပါတယ်။

အဲဒီနေ့မှာ Galactic allignment လို့ခေါ်တဲ့ နဂါးငွေ့တန်း ဗဟိုယာဉ်စွန်းတန်းနဲ့ နေရဲ့ ပတ်လမ်းကြောင်းဟာ တတန်းထဲရှိနေတာမို့ ဆွဲအားတွေ သိပ်များပြီး နေကရွေ့လျားသွားမလားလို့ ပူပင်သူတွေ ရှိကြပါတယ်။ ကမ္ဘာ့ လူသားတွေဟာ နေမိသားစုထဲမှာ နေကိုအားကိုးနေထိုင်သူတွေမို့ နေရွေ့ သွားခဲ့ရင် ဂြိုဟ်တွေပါ ပရမ်းပတာ ဖြစ်ပြီး အားလုံး ကစဉ့်ကလျားဖြစ်မှာကိုစိုး ကြတာပါ။ ဒါ့ပြင် အဲဒီနေ့မှာ ဂြိုဟ်တွေ တတန်းထဲ ရှိမှာမို့ စိုးရိမ် သူတွေ အတွက်လည်း ဒါဟာ နှစ်စဉ် ဖြစ်ရိုးဖြစ်စဉ်တခုလို့ ဆိုပါတယ်။

ဥက္ကာပျံကြီးတွေ ၀င်တိုက်လို့ ပျက်စီးမယ့် အရေးပူပန်နေသူတွေလည်းရှိပါတယ်။

ဥက္ကာပျံ ကို ၃မျိုးခွဲခြား နိုင်ပြီး အင်္ဂါဂြိုဟ်နဲ့ ကြာသပတေးဂြိုဟ်ကြားမှာ ပျံ့နှံနေတဲ့ ကျောက်အစိုင်အခဲကြီး တွေကိုတော့ Asteroids လို့ခေါ်ပါတယ်။ သူတို့ဟာ အကျယ်အ၀န်း ၂မိုင် ၃မိုင်လောက် ထိအောင် ကြီးကြီး မားမား ရှိတတ်ပါတယ်။ အဲဒီထဲက တချို့ကျောက်စိုင်ကျောက်ခဲတွေ ကမ္ဘာ့လေထုထဲဝင်လာတာ ဒါမှမဟုတ် တခြားဂြိုဟ်က ကျောက်စိုင်ကျောက်ခဲတွေ ၀င်လာတာမျိုးမှာ လေရဲ့ ပွတ်တိုက်မှုကြောင့် မီးလောင်ပြီး ကျတာ မျိုးကိုတော့ ကြယ်ကြွေတာ ဒါမှမဟုတ် Meteor လို့ ခေါ်ပါတယ်။ နောက်တမျိုးကတော့ ကမ္ဘာကို ဘဲဥပုံပတ် နေတဲ့ ရေခဲတွေနဲ့ ဖွဲ့စည်းထားတဲ့ Comet ပါ။ Meteoroids နဲ့ Comet တွေကတော့ အန္တရာယ် မရှိလှပါဘူး။

၁၉၉၄ခုနှစ် က အလွန်ကြီးမားတဲ့ Asteroids လို့ခေါ်တဲ့ ဥက္ကာပျံ ဟာ ကြာသပတေး ဂြိုဟ်ပေါ် ကျရောက်ခဲ့ ပါတယ်။ ကြာသပတေး ဂြိုဟ်ဟာ ဆွဲငင်အားအလွန် ပြင်းထန်တာမို့ ဥက္ကာပျံဟာ အပိုင်း ၂၄ပိုင်းကွဲပြီး ကျရောက်ခဲ့တာပါ။ တချို့ အစိုင်အခဲတွေဟာဆို ကမ္ဘာ ပမာဏလောက်ရှိနေပါတယ်။

ဒီလောက်ကြီးမားတဲ့ ဥက္ကာပျံကြီးတွေ ကမ္ဘာကို ကျရောက်ခဲ့တဲ့ သက်သေအထောက်အထားတွေ ရှိပါတယ်။ သူတို့က ဒိုင်နိုဆော လို သတ္တ၀ါကြီးတွေကို မြေပြင်ပေါ်ကနေ ပျောက်ကွယ်သွားအောင် လုပ်နိုင်ခဲ့တာပါ။ ဖြစ်လေ့ဖြစ်ထရှိတဲ့ ဒီလို ဥက္ကာပျံ ကျရောက်မှုတွေမှာ အန္တရာယ်ပြုနိုင်လောက်တဲ့ အနေထားရှိလာမယ် ဆိုရင် အမေရိကန် အာကာသ စူးစမ်းလေ့လာရေး အဖွဲ့ နာဆာ NASA က နှစ်နဲ့ချီပြီး ကြိုတင် သတ်ိပေးမှာဖြစ်ပါ တယ်။

နေစင်္ကြာဝဌာရဲ့ သက်တမ်းဟာ နှစ်သန်းပေါင်း လေးထောင့် ငါးရာရှိနေပြီဖြစ်ပါတယ်။ ဒါ့ကြောင့် နောက်ထပ် နှစ်သန်းပေါင်း ငါးထောင်လောက်ထပ်ပြီး နေနိုင်ပါသေးတယ်။ ဒီသက်တမ်းအတွင်း ဥက္ကာပျံတွေ ကျရောက်မှု ရှိနိုင်ပေမယ့် ကြာသပတေးဂြိုဟ်နဲ့ စနေဂြိုဟ်တွေ လို ဆွဲအားသိပ်ပြင်းထန်တဲ့ ဂြိုဟ်တွေက ဥက္ကာပျံတွေရဲ့ ရန်တွေကနေ ကမ္ဘာကို အကာအကွယ်တွေပေး နေပါတယ်။
http://www.voanews.com/burmese/

၂၃.၈.၂၀၁၁ ရက်နေ့ရဲရင့်ငယ်ဒိုင်ယာရီ


http://www.ziddu.com/download/16155792/23August2011Yeyintngesdiary.doc.html
http://www.ziddu.com/download/16155793/23August2011Yeyintngesdiary.pdf.html
http://www.mediafire.com/file/8gukyy2ma8m1jqq/23%20August%202011%20Yeyintnge%27s%20diary.doc
http://www.mediafire.com/file/7dcdvllozx22bpl/23%20August%202011%20Yeyintnge%27s%20diary.pdf< 23 August 2011 Yeyintnge's Diary

ဆင်း​ရဲသား​ချေး​ငွေ ဆင်း​ရဲသား​လက်ထဲမ​ရောက် ဖြစ်​နေ


Published on August 23, 2011 by နေသွင်

လယ်သမား​တွေနဲ့​ ဆင်း​ရဲသား​တွေအတွက် အစိုး​ရကထုတ်​ချေး​ပေး​နေတဲ့​ ​ချေး​ငွေနှစ်မျိုး​ ကို ​ကျေး​ရွာအဆင့်​မှာ လက်သင့်​သလို ထုတ်ယူ​နေတာ​ကြောင့်​ တကယ့်​ဆင်း​ရဲသား​တွေ လက်ထဲ မ​ရောက်ဘူး​လို့​ သိရပါတယ်။

အခုရက်ပိုင်း​ ပဲခူး​တိုင်း​ သာယာဝတီခရိုင်မှာ ဆင်း​ရဲသား​တဦး​ကို ကျပ်တသိန်း​စီ ထုတ်​ချေး​ တာကို ကြံ့​ခိုင်​ရေး​ပါတီအတွက် မဲဆွယ်​ပေး​ခဲ့​သူ​တွေနဲ့​ ​ငွေ​ကြေး​တတ်နိုင်သူ​တွေ ပဲ အများ​စု ရသွား​ကြတယ်လို့​ သာယာဝတီမြို့​ခံတဦး​က ​ပြောပါတယ်။

“ဆင်း​ရဲတဲ့​လူ​တွေက တန်း​တူအခွင့်​အ​ရေး​မရတဲ့​ သ​ဘောဖြစ်​နေပါတယ်။ သူတို့​နဲ့​နီး​ စပ်ရာလူ​တွေကို ​ချေး​တယ်၊​ တမြို့​နယ်လုံး​မှာရှိတဲ့​ ဆင်း​ရဲသား​တွေကို ကူညီတဲ့​ပုံစံမဖြစ် ဘူး​။ သာယာဝတီမြို့​နယ်မှာ လယ်သမား​ဦး​ရေ ဥပမာ၊​ ငါး​သောင်း​လောက်ရှိတယ် ဆိုပါ​တော့​။ အကုန်လုံး​ကို​ချေး​ငွေထုတ်​ပေး​တာမဟုတ်ဘဲနဲ့​ သူတို့​အောင်နိုင်​ရေး​တုန်း​က တက်ကြွစွာပါဝင်ကူညီခဲ့​တဲ့​ ​ကျေး​ရွာကြီး​တွေကိုပဲ ​ချေး​ငွေထုတ်​ပေး​ပြီး​ ကျန်တဲ့​ ဆင်း​ရဲတဲ့​ရွာ​တွေကို ချန်လှပ်ထား​တဲ့​ ပုံစံမျိုး​ဖြစ်​နေတာ​ပေါ့​။”

ဆင်း​ရဲမှု​လျှော့​ချ​ရေး​ ​ချေး​ငွေ​တွေကို ​တောင်သူလယ်သမား​၊​ လက်လုပ်လက်စား​၊​ ​ခေါင်း​ရွက်ဗျပ်ထိုး​ဈေး​သည်​တွေကို နှစ်ကျပ်တိုး​ ဝိုင်း​ကြီး​ချုပ်စနစ်နဲ့​ ​ချေး​ပေး​နေတယ်လို့​ အာဏာပိုင်​တွေက ဆို​ပေမယ့်​ ​အောက်​ခြေမှာ​တော့​ ခုလို ပုံစံမကျတာ​တွေ ဖြစ်​နေတာပါ။

ချေး​ငွေ​တွေကို ကြံ့​ခိုင်​ရေး​တွေ ယူသွား​တဲ့​အ​ကြောင်း​ သာယာဝတီနယ်ခံတဦး​က လည်း​ ​ပြောပါတယ်။

“အဲဒီလူ​တွေက အဓိက သွား​တာ​ပေါ့​။ ​နောက်ပြီး​တော့​ သာယာဝတီမှာ ​ကျေး​ရွာအုပ်စု ၄၈ အုပ်စုရှိတာကို သူတို့​က ​ကျေး​ရွာ​ပေါင်း​ ၂၀၀ ​ကျော်ရှိတယ်။ အိမ် ၁,၀၀၀ မှာ လူ ၄၀၀ နဲ့​ ၆၀၀ ​လောက်ပဲ ရတယ်။ သူတို့​က ဘယ်လိုသတ်မှတ်ထား​လဲ ဆို​တော့​ သူတို့​နဲ့​ မြို့​မိမြို့​ဖ​တွေနဲ့​ လက်သင့်​တဲ့​ ကြံ့​ခိုင်​ရေး​က လူ​တွေနဲ့​ အုပ်ချုပ်​ရေး​မှူး​ ​တွေက တဆင့်​ နီး​စပ်ရာကို ထုတ်​ပေး​တယ်။ ”

ပြီး​ခဲ့​တဲ့​တပတ် ​နေပြည်​တော် အစည်း​အ​ဝေး​မှာ သမ္မတဦး​သိန်း​စိန်က ဆင်း​ရဲမှုတိုက်ဖျက်​ရေး​အတွက် ​တောင်သူလယ်သမား​တွေကို စိုက်ပျိုး​ရေး​စရိတ် တဧက ကျပ်နှစ်​သောင်း​နှုန်း​က​နေ ​လေး​သောင်း​ထိ တိုး​ချေး​ပေး​နေတယ်လို့​ ဆိုခဲ့​ပါတယ်။

ပဲခူး​တိုင်း​ ​ညောင်​လေး​ပင်မြို့​နယ်က လယ်သမား​တွေကလည်း​ သမ္မတ​ပြောတဲ့​ စိုက်ပျိုး​ရေး​စရိတ်​ချေး​ငွေကို အခုချိန်မှ မရရင်၊​ စိုက်ပျိုး​ရေး​လုပ်ကိုင်ဖို့​ အချိန်​နှောင်း​ သွား​တော့​မယ်လို့​ ဆိုပါတယ်။

“​ပေး​မယ်ဆိုပြီး​ သတင်း​ထွက်​နေတယ်။ ​ညောင်​လေး​ပင်မြို့​နယ်လည်း​ ​ပေး​မယ်လို့​ ကြား​ရတယ်။ ​ရွှေကျင်မြို့​နယ်လည်း​ ​ပေး​မယ်လို့​ ကြား​တယ်။ ​ကျောက်တံတား​မြို့​နယ်လည်း​ ကြား​တယ်။ ကြား​တာပဲရှိတာ။ တကယ်​ပေး​မယ်ဆိုရင် မိုး​စပါး​လုပ်ဖို့​ပေး​တယ်ဆိုရင် မိုး​စပါး​အတွက် တကယ်လိုအပ်တဲ့​အချိန်မှာ ​ပေး​ရင်​ကောင်း​တာ​ပေါ့​။ ဘာလို့​လဲဆို​တော့​ ဒီအချိန်မှာ စိုက်ပြီး​ရင် ဒီအချိန်မှာ ​အောင်မြင်ပြီး​ရင် ​မြေဩဇာ လိုတဲ့​အချိန်​ပေါ့​။”

နေပြည်​တော် စီး​ပွား​ရေး​ဆိုင်ရာ ​ဆွေး​နွေး​ပွဲမှာလည်း​ သမ္မတဦး​သိန်း​စိန်က လယ်သမား​တွေဘဝ အဆင်​ပြေဖို့​အတွက် အစိုး​ရမှာ တခြား​အစီအစဉ်​တွေရှိတယ်လို့​ ​ပြောခဲ့​ကြောင်း​ အဲဒီအစည်း​အ​ဝေး​ကို တက်​ရောက်ခဲ့​တဲ့​ ​ဇေကမ္ဘာဦး​ခင်​ရွှေက ​ပြောပြပါတယ်။

“လယ်သမား​တွေ စိုက်တာပျိုး​တာ သူတို့​စား​ဖို့​သောက်ဖို့​ ​လောက်တဲ့​အထိ ဥပမာ ဆန်တတန်ကို ​လေး​သိန်း​လောက်ဆိုရင် သူတို့​အတွက် အသက်ရှူ​ချောင်တာ​ပေါ့​။ ​လေး​သိန်း​လောက်ကို နိုင်ငံ​တော်က​နေ သတ်မှတ်ပြီး​ ဝယ်ဖို့​သ​ဘောကို မူချလိုက်ပါတယ်။ ဆန်ကုန်သည်ကြီး​များ​အသင်း​နဲ့​ ​ပေါင်း​ပြီး​တော့​ နိုင်ငံ​တော်သမ္မတက​နေ အဲ​လောက်​ပြောပြီး​ပြီ အ​သေး​စိတ်ကို​တော့​ သက်ဆိုင်ရာက​နေ ဆွဲကြ​တော့​မှာပါ။”

အစိုး​ရရဲ့​အစီအစဉ်​တွေ မ​ရေရာ​သေး​ပေမယ့်​ ဒီနှစ် စပါး​တင်း​ ၁၀၀ ကို ကျပ်သုံး​သိန်း​ ​အောက် ​ဈေး​ကျ​နေတာ၊​ စိုက်ပျိုး​ချိန်မှာ မိုး​များ​ရေလျှံလို့​ ပျက်စီး​သွား​တဲ့​ လယ်​တွေကို စိုက်ပျိုး​စရိတ်​တွေမရှိလို့​ ပြန်မစိုက်နိုင်တာ​တွေ​ကြောင့်​ ​နောင်နှစ်မှာလည်း​ စပါး​အထွက် ကျပြီး​ လယ်သမား​တွေဘဝ နာလန်မထူမှာ ​သေချာတယ်လို့​ လယ်သမား​တွေက ဆိုကြပါတယ်။
http://burmese.dvb.no/archives/14626

ဒေါ်လာ ဈေး အ၀ီစိ ကို ခုန်ဆင်း


by politics on August 23, 2011
အမေရိကန် တစ်ဒေါ်လာ နဲ့  လဲလှယ် ရာ မှာ မြန်မာ ကျပ်ငွေ ဟာ ဒီနေ့ အင်္ဂါနေ့ နေ့ လည် တစ်
နာ ရီမှာ တစ်ဒေါ်လာ ၆၇၉ ကျပ် ကနေ ၆၇၀ ထိ ထိုး ဆင်း သွားတယ် လို့  သိရပါတယ်။ ရွှေဈေး
တွေ တက်နေ တာကြောင့် ဒေါ်လာ လက်ဝယ် ရှိ သူ အချို့ ဟာ သူ တို့  ရဲ့  အမေရိကန် နိုင်ငံ သုံး
ငွေ စက္ကူ ကို ထုတ် ရောင်း ကြ တယ် လို့  ဆိုပါတယ်။

ရန်ကုန် မြို့ က နိုင်ငံခြား ခရီးသွားလာ ရေား ဧဂျင်စီ တစ်ခု က မန် နေဂျာ တစ်ဦး ကတော့ ” ဒီနေ့ 
ဒေါ်လာ ဈေး ၆၅၀ ထိ ဖြစ်မယ် ကြား တယ် ။ ဒီထက် ကျရင် နိုင်ငံခြား သား ၀င်ရောက် မှု ပါ ရပ်
သွား နိုင်တယ် ” လို့ ပြော ပါတယ်။

နိုင်ငံ တကာ မှာ ရွှေ ဈေး နှုန်းတွေ တက်တဲ့ အတွက် အမေရိကန် ဒေါ်လာ ဈေး ကိုယ်တိုင် က လည်း
အခြား နိုင်ငံ သုံး ငွေ တွေ နဲ့ လဲလှယ် ရာ မှာ ဈေးမမာ နိုင် တော့  ဘူး ဖြစ်နေပါတယ်။

ဒေါ်လာ ဈေးကျပြီး မြန်မာ ငွေ ဈေး တက် နေ ပေမယ့် လည်း ကုန်ဈေးနှုန်း တွေ က သိသိသာ သာ
ကျဆင်း ခြင်း မရှိ ပါဘူး။

မြန်မာ ငွေ ဈေး ဟာ ဒေါ်အောင်ဆန်းစုကြည် နဲ့ ဦးသိန်းစိန် တွေ့ ဆုံ ပြီး နောက်ပိုင်း သိသိ သာသာ
တက်လာ တာ ဖြစ်ပါတယ်။
http://freedomnewsgroup.com/2011/08/23/deflationn-in-burma/

၁၉၈၀ လွတ်ငြိမ်းချမ်းသာခွင့် နှင့် တပ်မှူးဟောင်းများ၏ အတွေ့အကြုံ - အပိုင်း (၁)

စနေ, 20 သြဂုတ် 2011
By ရော်နီညိမ်း
၁၉၈၀ ခုနှစ်မှာ၊ အာဏာရ မြန်မာ့ဆိုရှယ်လစ်လမ်းစဉ်ပါတီ ဥက္ကဋ္ဌ ဦးနေ၀င်းရဲ့ ညွှန်ကြားချက်နဲ့၊ အဲဒီအချိန်က အစိုးရက၊ အထွေထွေလွတ်ငြိမ်းချမ်းသာခွင့်အမိန့်ကို ထုတ်ပြန်ခဲ့ပါတယ်။ အဲဒီ လွတ်ငြိမ်းချမ်းသာခွင့်နဲ့ တိုက် ရိုက်ပတ်သက်ဆက်နွယ်ခဲ့သူ၊ အငြိမ်းစား ဗိုလ်ကြီး ဦးခင်မောင်ညွန့် နဲ့ အငြိမ်းစားဗိုလ်ချုပ်ကြီး သူရ ဦးတင်ဦး တို့ကို ဦးရော်နီညိမ်းက ဆက်သွယ်မေးမြန်းပြီး၊ ဒီသီတင်းပတ်ရဲ့ တပ်မှူးတပ်သား ပြောစကား ကဏ္ဍကို၊ စီစဉ် တင်ဆက်ထားပါတယ်။


ဦးရော်နီညိမ်း ။ ။ ဦးခင်မောင်ညွန့် ခင်ဗျား၊ ၁၉၈၀ လွတ်ငြိမ်းချမ်းသာခွင့်အမိန့်ကို၊ မြန်မာ့ဆိုရှယ်လစ် လမ်းစဉ် ပါတီအစိုးရက ထုတ်ပြန်လိုက်တဲ့အခါမှာ၊ ပါလီမန်ဒီမိုကရေစီပါတီရဲ့အင်အားစုတွေ၊ ဘယ်လိုစဉ်းစား ဆုံးဖြတ်ကြသလဲ ခင်ဗျ။ အဲဒီအချိန်က အစိုးရရဲ့ကမ်းလှမ်းမှုကို ယုံကြည်လက်ခံတဲ့သူက အများစုလား၊ အန် ကယ်က မယုံကြည် လက်မခံလို့၊ မပြန်ပဲ နေခဲ့တာလား၊ အဲဒါလေး ကျနော်တို့ကို ရှင်းပြပေးပါ ခင်ဗျ။


(ပါလီမန်ဒီမိုကရေစီပါတီ Parliament Democracy Party – PDP ။ ။ ၁၉၆၉ ဧပြီ (၁၁) ရက်တွင် ဆေး ကုသမှုခံယူရန် အကြောင်းပြချက်နှင့်၊ မြန်မာနိုင်ငံမှ အိန္ဒိယသို့၊ ရောက်ရှိလာသော ၀န်ကြီးချုပ်ဟောင်း ဦးနုမှ၊ ၁၉၉ စက်တင်ဘာလတွင် ထိုင်းနိုင်ငံမှ တဆင့်၊ ဗြိတိန်သို့ ရောက်ရှိပြီး၊ ပါလီမန်ဒီမိုကရေစီပါတီ Parliament Democracy Party – PDP ကို တည်ထောင်ပြီး၊ ဗိုလ်ချုပ်ကြီးနေ၀င်းဦးဆောင်သော တော်လှန်ရေးကောင်စီ အစိုးရကို လက်နက်ကိုင် တော်လှန်တိုက်ခိုက်မည်ဟု လန်ဒန်ကြေညာချက်ဖြင့်၊ ကမ္ဘာသို့ ကြေညာခဲ့သည်။ ထို့ နောက် ထိုင်း-မြန်မာနယ်စပ်ကို အခြေစိုက်ပြီး၊ ပါလီမန်ဒီမိုကရေစီပါတီလက်အောက်ခံ ပြည်ချစ်တပ်မတော် ထူထောင်သောအခါ၊ စစ်တိုင်း သုံးတိုင်း ဖွဲ့စည်းရာတွင်၊ အလယ်ပိုင်းတိုင်းကို ဦးသွင် (ကျိုက်မရော ပါလီမန် အမတ်)၊ တောင်ပိုင်းတိုင်းကို ဗိုလ်ရန်နိုင် (ရဲဘော်သုံးကျိပ်)၊ အနောက်မြောက်တိုင်းကို ဗိုလ်မှူးအောင် (ရဲဘော် သုံးကျိပ်) တို့က၊ ဦးဆောင်ခဲ့သည်။)


ဦးခင်မောင်ညွန့် ။ ။ ၁၉၇၂ ခုနှစ် သြဂုတ်လအကုန်၊ စက်တင်ဘာလထဲမှာ၊ ကျနော်က အဲဒီ တော်လှန်ရေး နယ်မြေကို ရောက်သွားခဲ့ပြီ။ အခြေအနေမှန်ကို ပြောမယ်ဆိုရင်၊ ၁၉၇၅ ခုနှစ်က စပြီးတော့၊ PDP ရဲ့ လှုပ်ရှား မှု ကျဆင်းလာတယ်ပေါ့ ခင်ဗျာ။ ကျဆင်းလာရတာကလည်း ဘာကြောင့်လည်း ဆိုရင်၊ နိုင်ငံရေးခေါင်းဆောင် စစ်ရေးခေါင်းဆောင်တွေက၊ အချင်းချင်း သဘောထားတွေ ကွဲလွဲခဲ့ကြပြီးတော့မှ၊ အားအင်တွေ ချည့်နဲ့နေတဲ့ အချိန်မှာ၊ အစိုးရကလည်း အဲဒီလို ကြေညာလိုက်တဲ့အချိန်မှာ၊ တော်တော်အများစု ပြန်လိုတဲ့ပုဂ္ဂိုလ်တွေက၊ ဒါဟာ အခွင့်အရေးပဲ ဆိုပြီးတော့၊ ပြန်သွားကြတာပဲ။ သို့သော် မပြန်တဲ့သူတွေကတော့၊ သူတို့ရဲ့ယုံကြည်ချက် ကြောင့်မို့လို့ပဲ၊ သူတို့ မပြန်ပဲ နေခဲ့တာပဲ။ အများစုကတော့ ပြန်သွားကြပါတယ်။ ရဲဘော်သုံးကျိပ်ဝင် ဗိုလ်မှူး အောင်၊ အနောက်မြောက်တိုင်း၊ တိုင်းမှူး လုပ်သွားတဲ့ပုဂ္ဂိုလ်လည်း၊ ပြန်သွားတယ်။ တောင်ပိုင်းတိုင်း၊ တိုင်းမှူး ဗိုလ်ရန်နိုင်လည်း ပြန်သွားတယ်။ ဗိုလ်ချုပ်ကြီး စောကြာဒိုး၊ ဦးဇာလီမော်၊ တော်တော်များများ ပြန်သွားကြပါ တယ်။


ဦးရော်နီညိမ်း ။ ။ ဟုတ်ကဲ့ ခင်ဗျ။ အဲဒီလိုမျိုး ပြန်မသွားပဲ ကျန်ခဲ့တဲ့ အန်ကယ်တို့လိုလူတွေက၊ ဘယ် လို ခံစားချက် ရှိခဲ့ပါသလဲ ခင်ဗျ။

ဦးခင်မောင်ညွန့် ။ ။ အထူးသဖြင့် တော်တော်များများကတော့၊ ကျနော် သိရသလောက်ကတော့၊ သူတို့ရဲ့ ယုံကြည်ချက်ကြောင့် မပြန်တာပါ ခင်ဗျ။


ဦးရော်နီညိမ်း ။ ။ ဟုတ်ကဲ့ခင်ဗျ။ ယုံကြည်ချက်ကြောင့် မပြန်တာ၊ ဆိုတာက၊ ဒီတိုက်ပွဲဟာ မပြီးသေး ဘူး၊ ဆက်တိုက်ရဦးမယ်ဆိုတဲ့ ယုံကြည်ချက်လား၊ ဒါမှမဟုတ် တိုက်ပွဲကတော့ ဆက်မတိုက်နိုင်တော့ဘူး၊ ခုန အန်ကယ်ပြောသလို၊ ကိုယ့်အင်အားက ချည့်နဲ့လာတာကြောင့်။ သို့သော်လည်းပဲ တဘက်ကနေပြီးတော့ အာ ဏာရနေတဲ့ အစိုးရက၊ “လာပါ ပြန်ခဲ့ပါ ပူးပေါင်းဆောင်ရွက်ကြပါစို့” ဆိုတဲ့ ဖိတ်ခေါ်မှုမျိုးကို မယုံကြည်နိုင်လို့ လား ခင်ဗျ။ အန်ကယ်ကိုယ်တိုင်ကကော၊ ဘယ်လိုအယူအဆနဲ့ နေခဲ့ပါသလဲ။


ဦးခင်မောင်ညွန့် ။ ။ အန်ကယ်ရဲ့ကိုယ်ပိုင်အယူအဆ personal convictionအရ ပြောမယ်ဆိုရင်၊ အန်ကယ် ကတော့ မယုံလို့ မပြန်တာပဲ။ ဘာလို့ မယုံရသလဲဆိုတဲ့ အချက်အလက်တွေကို စာရင်းပြုစုပြီးသာ ချပြရရင်၊ အများကြီးပဲ။ ခပ်တိုတိုလေး ချုံးပြောမယ်ဆိုရင်တော့၊ ၁၉၆၂ခုနှစ် အာဏာသိမ်းတာက စတာပဲ။ အာဏာသိမ်း တာက ဗိုလ်(ဗိုလ်ချုပ်ကြီး)နေ၀င်းက ပြောတယ်၊ တိုင်းပြည်ကြီး ဆိုးဝါးလာတဲ့အခြေအနေ၊ ချောက်ထဲကျဖို့ လက်နှစ်လုံးလောက် လိုလို့၊ သူက အာဏာသိမ်းလိုက်ရတယ်၊ ဆိုတော့၊ အမှန်ကတော့ တပ်မတော်အကြီး အကဲ ကာကွယ်ရေးဦးစီးချုပ် ဆိုတာက၊ ၁၉၄၇ ဖွဲ့စည်းအုပ်ချုပ်ပုံအခြေခံဥပဒေ တည်တံ့ရေးကို၊ အသက်နဲ့လဲ ပြီး ခုခံကာကွယ်ပါမယ်လို့၊ ကတိက၀တ်ပြုထားရတဲ့ ပုဂ္ဂိုလ် ခင်ဗျ။ အဲဒီတော့၊ တကယ်တမ်း တိုင်းပြည်အခြေ အနေက ဆိုးဝါးတယ် ဆိုရင်၊ သူဟာ တပ်မတော်ရဲ့အကြီးအကဲ တယောက်အနေနဲ့၊ ပြည်သူကနေ တရားဝင် ရွေးကောက်တင်မြှောက်ထားတဲ့ အစိုးရကို၊ ဘယ်လိုအချက်တွေက ဆိုးဝါးနေတယ်၊ ဘယ်လိုတွေတော့ ဖြစ် နေပြီ၊ ဘယ်လို လုပ်ဖို့သင့်တယ်၊ စသည်ဖြင့် အကြံဥာဏ်ပေးရမယ်၊ တကယ်တမ်း sincere ဖြစ်ရင်၊ ကာ ကွယ်ရေးဦးစီးချုပ် အနေနဲ့ အစိုးရကို ပြောကိုပြောရမယ်၊ အကြံဥာဏ်မပေးပဲနဲ့၊ အာဏာသိမ်းတယ် ဆိုတာ ကတော့၊ တိုင်းပြည်သစ္စာဖေါက် ဆိုတဲ့ နေရာကို အလိုလို ရောက်သွားတာပါပဲ။ အဲဒါက လုံးဝ ယုံကြည်စရာ မရှိတဲ့ အချက်တချက်ပဲ။


ဦးရော်နီညိမ်း ။ ။ ဒီဟာက ယုံတဲ့လူတွေလည်း ရှိတာပဲ၊ ခုန ပြောတဲ့ လက်ျာအင်အားစုတွေထဲက၊ ခုန အန်ကယ်ပြောတဲ့ ပုဂ္ဂိုလ်တွေ၊ ယုံလို့ ပြန်သွားကြတာပဲ။ လက်ဝဲအင်အားစုကလည်း၊ တောတွင်း အင်အား စုတွေထဲက ဗိုလ်သက်ထွန်း(ဗမာပြည်ကွန်မြူနစ်ပါတီ ဗဟိုကော်မတီဝင်)တို့လည်း၊ ပြန်ဝင်လာတာကို၊ ကျနော် တို့ တွေ့ခဲ့ကြရတာပဲ။ အဲဒီဟာတွေ ဖြစ်ခဲ့တယ်။ အဲဒီလိုတွေ ဖြစ်ခဲ့ပြီးမှ၊ ထပ်ပြီး ဘာထူးခြားတာတွေ့ခဲ့ ရသလဲ ဆိုတော့၊ အစိုးရရဲ့ ကမ်းလှမ်းချက်ကို ယုံကြည်လို့ ပြန်သွားပါတယ် ဆိုတဲ့ အထဲက၊ အန်ကယ်တို့ PDP ကပဲ နမူနာပြမယ် ဆိုရင်၊ ၁၉၈၀ လွတ်ငြိမ်းခွင့်နဲ့ ပြန်သွားကြပြီးတော့မှ၊ ၈၈၈၈ လူထုအရေးတော်ပုံကြီး ပေါ်လာတဲ့ အခါမှာ၊ ပြန်ပြီး တောခိုကြတဲ့ မြ၀တီဦးရဲခေါင်တို့ ဒေါက်တာမန်းမြင့်ဆိုင်တို့၊ ရှိခဲ့တာကို၊ ကျနော်တို့ တွေ့ခဲ့ဘူး ပါတယ်။ ဒါပေမဲ့လည်း၊ အစိုးရကို ယုံကြည်လို့ (မြန်မာနိုင်ငံမှာ) ဆက်ပြီးနေတဲ့ ဗိုလ်ချုပ်ကြီးစောကြာဒိုးလို ပုဂ္ဂိုလ်မျိုးဆိုရင်၊ ၁၉၉၀ ရွေးကောက်ပွဲကော်မရှင် အဖွဲ့ဝင် ထဲမှာတောင်၊ သူက ပါလာတယ်။ အဲဒါမျိုးလည်း တွေ့ခဲ့ရပါတယ်။ အဲဒီအခါကျတော့၊ ဟိုတုန်းက ၁၉၈၀ လွတ်ငြိမ်း ချမ်းသာခွင့်နဲ့ ခေါ်တုန်းကတောင်မှ၊ မယုံ လို့ဆိုပြီး မပြန်ပဲ ပြည်ပမှာပဲ နေနေတဲ့ အန်ကယ့်အနေနဲ့၊ အခု သမ္မတဦးသိန်းစိန်က ပြည်ပက အင်အားစုတွေ ကို ပြန်လာချင်ရင် စဉ်းစားပေးမယ်ဆိုတဲ့ ကမ်းလှမ်းမှုကို၊ ဘယ်လို မြင်ပါသလဲ ခင်ဗျ။


ဦးခင်မောင်ညွန့် ။ ။ ပထမပြောချင်တာက၊ ၁၉၈၀ အထွေထွေလွတ်ငြိမ်းချမ်းသာခွင့် ဆိုတာက၊ ကျနော့် အမြင်မှာ၊ လွတ်ငြိမ်းချမ်းသာခွင့်သာ ပေးတာ ခင်ဗျ။ လူမှုလွတ်လပ်ခွင့် အခွင့်အရေးတို့၊ တရားမျှတရေးတို့၊ ဒီမိုကရေစီရေးတို့ အတွက်၊ ဘာမှ အာမခံချက် မရှိဘူး၊ ပြန်လာရင် သူတို့ ဘောင်ထဲမှာနေဖို့ပဲ၊ သူခေါ်တာက ပြန်လာဖို့ပဲ ခေါ်တာ။ ကျနော်တို့က ဒီမိုကရေစီကို ယုံကြည်လို့၊ လူမှုအခွင့်အရေးတွေကို ရှိစေချင်လို့၊ ဒါတွေ ကို လုပ်လာခဲ့တဲ့ ဟာမှာ၊ ဘာမှမထူးပဲ ပြန်သွားရမယ်ဆိုတာက၊ ကျနော်တို့အနေနဲ့ တိုင်းပြည်ထဲက ထွက်လာ တာ၊ ဘာအဓိပ္ပာယ် ရှိတော့မလဲ။ နောက်ပြီးတော့၊ လောကကြီးမှာ၊ ဒီကနေ့အထိ ကျနော် စွဲစွဲမြဲမြဲယုံကြည်တာ က၊ ကိုယ့်တိုင်းပြည် ကိုယ့်လူမျိုး ကိုယ့်ဆွေမျိုးသားချင်း၊ ကိုယ့်သူငယ်ချင်းအပေါင်းအသင်းတွေလောက်၊ ကောင်းတဲ့ အသိုင်းအ၀ိုင်းဆိုတာ မရှိပါဘူးခင်ဗျ။ ဒီနေ့အထိ ဒါတွေကို ကျနော် မြတ်နိုးတယ်၊ တွယ်တာတယ်၊ စွဲလမ်းနေတယ်။ ဒါပေမဲ့ ကျနော် မြန်မာပြည် ပြန်သွားတာဟာ၊ အဓိပ္ပာယ်ရှိရှိ ပြန်တာပဲ၊ ဖြစ်ချင်တယ်။ အခု လည်း ကျနော် မယုံကြည်ဘူး၊ ဘာလို့ မယုံကြည်လဲဆိုရင်၊ ဒီနေ့ အနှစ်သာရအားဖြင့် ကြည့်မယ်ဆိုရင်၊ တိုင်း ပြည်မှာ ၂၀၀၈ ဖွဲ့စည်းအုပ်ချုပ်ပုံအခြေခံဥပဒေက၊ လုံးဝကို ဒီမိုကရေစီအခြေခံတွေနဲ့ ဖျောင့်ဖျောင့်ကြီး ဆန့် ကျင်နေတယ်။ ဒီ ဖွဲ့စည်းအုပ်ချုပ်ပုံအခြေခံဥပဒေကနေ ပေါက်ဖွားလာတဲ့ အစိုးရတရပ်ကို ကျနော်တို့က၊ ဘယ် လိုယုံလို့ ရမှာလဲ။ နောက်ပြီးတော့ သူတို့ရဲ့ နောက်ကွယ်မှာ၊ ကြိုးဆွဲနေတဲ့ စစ်အာဏာရှင်ကြီးတွေက ရှိမြဲပဲ။ အဲဒီတော့ သူတို့ (လက်ရှိအစိုးရ) ဟာ၊ တိုင်းပြည်အပေါ်မှာ sincere ဖြစ်တယ်၊ ပြည်သူ လူထုအပေါ်မှာ sincere ဖြစ်တယ် ဆိုရင်၊ တိုတိုလေးပဲ ကျနော် ပြောချင်တာက (၁) နိုင်ငံရေးနဲ့ပတ်သက်ပြီး၊ ဖမ်းထားတဲ့ ပုဂ္ဂိုလ်အပေါင်းကို၊ ချွင်းချက်မရှိ အမြန်ဆုံး လွှတ်ပေးပါ။ (၂) ဒေါ်အောင်ဆန်းစုကြည်ရဲ့ NLD ပါတီကို တရား ၀င်ပါတီအဖြစ် ပြန်လည် ကြေညာပေးပါ၊ (၃) ပြည်တွင်းငြိမ်းချမ်းရေးအတွက် သက်ဆိုင်ရာ ပုဂ္ဂိုလ်တွေ အဖွဲ့အ စည်းတွေ တိုင်းရင်းသားခေါင်းဆောင်တွေနဲ့ ညှိနှိုင်းဆွေးနွေးပါ။ အဲဒီလုပ်ငန်းစဉ်တွေကို ဦးသိန်းစိန်အစိုးရက အကောင်အထည် မဖေါ်နိုင်သရွေ့ကတော့၊ ပြည်သူတွေကကော ပြည်ပနိုင်ငံတွေကပါ၊ ဦးသိန်းစိန်အစိုးရကို trustဖြစ်ဖို့ဆိုတာ အင်မတန် ခဲယဉ်းပါတယ်။ အားလုံးသိတဲ့အတိုင်း reliable မဖြစ်ဘူးဆိုရင် trust မရှိရင်၊ အရာရာဟာ အလုပ်မဖြစ်ဖို့ သေချာနေတယ်လို့ပဲ ကျနော် ပြောချင်ပါတယ် ခင်ဗျာ။


ဦးရော်နီညိမ်း ။ ။ ၁၉၇၄ ခုနှစ်မှာ၊ လွတ်လပ်ပြီး မြန်မာနိုင်ငံရဲ့ စတုတ္ထမြောက် ကာကွယ်ရေးဦးစီးချုပ် ဖြစ်လာခဲ့သူ ဗိုလ်ချုပ်ကြီးသူရတင်ဦးဟာ၊ ၁၉၇၆ ခုနှစ်ဆန်းမှာ ကာကွယ်ရေးဦးစီးချုပ်အဖြစ်ကရော တာကွယ် ရေးဝန်ကြီးအဖြစ် ကပါ အနားပေးခြင်း ခံခဲ့ရပြီးတော့၊ ၁၉၇၆ စက်တင်ဘာလမှာ နိုင်ငံတော်လုပ်ကြံမှုသတင်း ကို ထိန်ချန်မှုနဲ့၊ ဖမ်းဆီးခံခဲ့ရပါတယ်။ ၁၉၇၇ ဇန်န၀ါရီလမှာ အငြိမ်းစားဗိုလ်ချုပ်ကြီးသူရဦးတင်ဦးဟာ အလုပ် ကြမ်းနဲ့ ထောင်ဒဏ်(၇)နှစ် ချမှတ်ခံခဲ့ရပြီးတော့၊ ၁၉၈၀ အထွေထွေလွတ်ငြိမ်းချမ်းသာခွင့်နဲ့ ပြန်ပြီး လွတ် မြောက်လာခဲ့ပါတယ်။ နိုင်ငံရေးအကျဉ်းသားအဖြစ်ကနေ လွတ်မြောက်လာခဲ့သူ ဒီကနေ့ အမျိုးသားဒီမိုကရေစီ အဖွဲ့ချုပ်ရဲ့ ဒုတိယဥက္ကဋ္ဌ ဦးတင်ဦးကို၊ ၁၉၈၀မှာ လွတ်မြောက်လာပြီးတဲ့နောက် အတွေ့အကြုံတွေကို မေးမြန်း ဆွေးနွေးကြည့်ခဲ့ပါတယ်။


ဦးရော်နီညိမ်း ။ ။ ဦးနေ၀င်းရဲ့ ၁၉၈၀ အထွေထွေလွတ်ငြိမ်းချမ်းသာခွင့်ပေးလိုက်တဲ့အခါမှာ၊ သုံးမျိုး သုံးစားကို တွေခဲ့ရပါတယ်။ ပြည်ပရောက်နေသူတွေ ဗိုလ်ချုပ်ကြီး စောကြာဒိုးတို့၊ ဗိုလ်ရန်နိုင်တို့၊ ပြန်လာကြ တယ်။ ပြည်တွင်းမှာလည်း တောတွင်းအင်အားစုတွေထဲက ဗိုလ်သက်ထွန်းတို့ ပြန်ဝင်လာကြတယ်။ ဒါက တမျိုးပါ။ အန်ကယ်တို့ကျတော့၊ အဲဒီ လွတ်ငြိမ်းချမ်းသာခွင့်နဲ့၊ နိုင်ငံရေးအကျဉ်းသား အဖြစ်ကနေ၊ လွတ် မြောက်လာခဲ့တယ်။ တတိယ တမျိုးက၊ လွတ်ငြိမ်းချမ်းသာခွင့်နဲ့၊ ခေါ်ပေမဲ့၊ မယုံလို့ ဆိုပြီး၊ ပြန်မလာကြတဲ့သူ တွေ။ အဲဒီလို သုံးမျိုးသုံးစား တွေ့ရပါတယ်။ နောက်ပိုင်းမှာ ယုံကြည်လို့ ပြန်လာပါတယ်ဆိုတဲ့ သူတွေထဲက နေ၊ နောက် (၈) နှစ်လောက်ကြာတော့၊ နောက်တခေါက် တောခိုကြတဲ့သူတွေလည်း ရှိသေးတယ်။ ယုံကြည် လို့ ပြန်လာကြတဲ့သူတွေထဲမှာ၊ ဆက်ပြီး သူကောင်းပြုခံရတာကတော့ ဥပမာ ဗိုလ်ချုပ်ကြီးစောကြာဒိုးဆိုရင်၊ ၁၉၉၀ရွေးကောက်ပွဲကော်မရှင်ထဲမှာ အဖွဲ့ဝင်လူကြီး (၅) ဦးထဲက (၁)ဦး ဖြစ် လာခဲ့တယ်။ အဲဒါတွေကို ကျနော် တို့က ပြန်ပြီး review လုပ်ကြည့်တဲ့အခါမှာ၊ ၁၉၈၀ အထွေထွေလွတ်ငြိမ်းချမ်းသာခွင့်နဲ့ နိုင်ငံရေးအကျဉ်းသား အဖြစ်ကနေ၊ လွတ်မြောက်လာခဲ့သူတွေရဲ့ အုပ်စုထဲမှာ အန်ကယ့်ကို ကျနော်တို့က မြင် ကြည့်လိုက်ပါတယ်။ အဲဒီတုန်းက လွတ်ငြိမ်းချမ်းသာခွင့်နဲ့ နိုင်ငံရေးအကျဉ်းသားတွေကို လွှတ်ပေးခဲ့တဲ့အခါမှာ၊ ဘယ်သူ့ကိုတော့ လွှတ်ပေးတယ်၊ ဘယ်သူ့ကိုတော့ လွှတ်မပေးသေးဘူး ဆိုပြီး၊ ချန်ထားခဲ့တာတွေ ရှိခဲ့ပါသလား ခင်ဗျ။


ဦးတင်ဦး။ ။ ၁၉၈၀ တုန်းက ကျနော် မှတ်မိသလောက်၊ အဲဒီနေ့က နယုန်လပြည့်နေ့ ထင်ပါရဲ့ ခင်ဗျ။ နိုင်ငံတော် သံဃာ့မဟာနာယက ဖွဲ့စည်းတာနဲ့၊ သံဃာ့ဂိုဏ်းပေါင်းစုံ ညီညွတ်တယ်ဆိုတာကို အကြောင်းပြုပြီး တော့၊ အကျဉ်းသားအားလုံးကို လွှတ်လိုက်တာပဲ ခင်ဗျ။ ကျန်ခဲ့တယ် ဆိုတာမျိုးတော့ မကြားမိဘူးခင်ဗျ။ အခု တခါမှာတော့ ဦးသိန်းစိန်တို့၊ နိုင်ငံရေးအကျဉ်းသားတွေကို စေတနာမှန်မှန်နဲ့ လွှတ်လိုက်ရင်တော့၊ ကောင်း တာပေါ့ဗျာ။ သူတို့တွေ (အစိုးရ)အတွက် လည်း၊ စိုးရိမ်စရာ ပူပန်စရာ အကြောင်း မရှိပါဘူး။


ဦးရော်နီညိမ်း ။ ။ သူတို့က အခု နိုင်ငံရေးအကျဉ်းသားတွေ လွှတ်ပေးမယ်တိုတဲ့ စကား၊တလုံးမှ မပြောသေးဘူး။ အပြင်ရောက်နေတဲ့ ပုဂ္ဂိုလ်တွေ၊ အစိုးရကို ဆန့်ကျင်နေတဲ့ ပုဂ္ဂိုလ်တွေကို ပြန်လာကြလို့ ပြော တဲ့နေရာမှာ၊ အရင်က အခုလိုပဲ ကမ်းလှမ်းခဲ့တာမှာ ပြန်မလာကြတဲ့သူတွေ ဘာဖြစ်လို့ ပြန်မလာကြသလဲဆို တဲ့ cause တွေကို၊ ကျနော်တို့က review လုပ်နေတာပါ။ ဥပမာ၊ ဗိုလ်ကြီးဟောင်း ဦးခင်မောင်ညွန့်။ စစ်တက္က သိုလ် အပတ်စဉ်(၁)ကနေ ဆင်းတယ်၊ ၁၉၆၅မှာ သူဟာ အနောက်တောင်တိုင်းစစ်ဌာနချုပ်နယ်မြေမှာ တာဝန် ထမ်းဆောင်နေစဉ်မှာ၊ သူ့ကို ဗိုလ်မှူးကြီးဟောင်း ဦးကြည်မောင် ဗိုလ်မှူးချုပ်ဟောင်း ဦးအောင်ကြီးတို့နဲ့ ဆက် နွယ်ပြီး တပ်တွင်းပုန်ကန်ရန် ကြံစည်မှုနဲ့ ဖမ်းပြီး၊ ရေကြည်အိုင်ထောက်လှမ်းရေးအကျဉ်းစခန်းမှာ ထည့်လိုက် ပြီးတော့၊ (၄) နှစ်လောက်ကြာတော့၊ သူ ပြန်လွတ်တယ်။ ဦးနုတော်လှန်ရေးမှာ တောခိုပြီး၊ ဗိုလ်မှူးအောင်က သူတို့ရဲ့ ပြည်ချစ်တပ်မတော်ရဲ့ အနောက်မြောက်တိုင်းမှာ တိုင်းမှူး၊ ဦးခင်မောင်ညွန့်က ဒုတိုင်းမှူးနဲ့ နေနေရာ ကနေ၊ ဦးနုတော်လှန်ရေး ပျက်သွားပြီးတဲ့နောက်၊ ၁၉၈၀မှာ အစိုးရက အထွေထွေလွတ်ငြိမ်းချမ်းသာခွင့် ခေါ် လိုက်တော့၊ မပြန်ပဲနဲ့ ယုံကြည်ချက်နဲ့ ဆက်ပြီး ပြည်ပမှာနေနေတဲ့ သူ့ကို ကျနော်က ဆက်သွယ် မေးမြန်းတာ မှာ၊ နိုင်ငံရေးလွတ်လပ်ခွင့် ရမှာ မဟုတ်ဘူးလို့ သူယုံကြည်လို့ သူ မပြန်တဲ့ အဓိကအကြောင်းကို၊ သူက ပြော ပါတယ်။ အဲဒီတော့ အန်ကယ်ရဲ့ အတွေ့အကြုံအရကော၊ ၁၉၈၀ မှာ လွတ်ငြိမ်းချမ်းသာခွင့်နဲ့ ပြန်လွတ်လာပြီး တဲ့နောက်၊ နိုင်ငံရေးလွတ်လပ်မှုမျိုးမဟုတ်ပဲ၊ အန်ကယ့်တကိုယ်ချင်း လွတ်လပ်မှုအတိုင်းအတာ၊ဘယ်လောက် ရှိပါသလဲ ခင်ဗျ။


ဦးတင်ဦး။ ။ လွတ်တော့ လွတ်လာတာပေါ့ ဗျာ။ သို့သော်လည်းပဲ၊ အခါအားလျော်စွာ စောင့်ကြည့်တာမျိုး တွေကတော့ ရှိတာပေါ့။ အဲဒီတုန်းက လွတ်ပြီး နောက်တနေ့မှာပဲ၊ မဟာစည်ရိပ်သာကို သွားပြီး၊ ကျနော်က သင်္ကန်းဝတ် ရဟန်းခံ ၀ိပဿနာ တရားအားထုတ်တာပေါ့။ အဲဒီအထဲမှာ သူတို့(ထောက်လှမ်းရေး)ထဲက စောင့်ကြည့်တဲ့ ပုဂ္ဂိုလ်တွေကလည်း၊ ရိပ်သာမှာ အလှည့်ကျဝင်လာပြီးတော့ သူတို့ပါ တရားထိုင်တာတွေ ဘာ တွေ လုပ်ရင်းနဲ့၊ သူတို့ကိုကြည့်ခိုင်း ပြုခိုင်းထားတာတွေ ရှိနေတယ် ဆိုတာ၊ ကျနော် သတိပြုမိတာပေါ့ ခင်ဗျာ။


ဦးရော်နီညိမ်း ။ ။ နောက် သီတင်းပတ် စနေနေ့ မနက်ခင်းနဲ့ ညနေခင်းတွေမှာ၊ “၁၉၈၀ လွတ်ငြိမ်း ချမ်းသာခွင့် နှင့် တပ်မှူးဟောင်းများ၏ အတွေ့အကြုံ - အပိုင်း (၂)” ကို၊ ဆက်ပြီး၊ တင်ဆက်သွားပါမယ် ခင်ဗျာ။ ကျနော် ရော်နီညိမ်း ပါ။

http://www.voanews.com/burmese/news

လူ့အခွင့်အရေး ကိုယ်စားလှယ် ရောက်ရှိစဉ် တကိုယ်တော် ဆန္ဒပြ

အင်္ဂါ, 23 သြဂုတ် 2011
By မအေးအေးမာ
ကုလသမဂ္ဂရဲ့ လူ့အခွင့်အရေး အထူးကိုယ်စားလှယ် မစ္စတာ ကင်တားနား မြန်မာနိုင်ငံကို ရောက်နေတဲ့ အချိန်နဲ့ ကိုက်ပြီး ဒီနေ့မှာပဲ တွံတေးမြို့က နိုင်ငံရေး အကျဉ်းသားဟောင်း ကျူရှင်ဆရာ ဦးအောင်ဖေဟာ အကျဉ်းသားဝတ်စုံ ၀တ်ဆင်ပြီး နိုင်ငံရေး အကျဉ်းသားများကို လွှတ်ပေးခြင်းသည် အရေးကြီးဆုံး လူ့အခွင့်အရေးဖြစ်သည် ဆိုတဲ့ ဆိုင်းဘုတ်ကို ကိုင်ဆောင်ပြီး မြို့ပတ် ဆန္ဒပြခဲ့ပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။



နိုင်ငံရေး တက်ကြွမှုတွေကြောင့် မကြာခဏ ထိန်းသိမ်းခံခဲ့ရတဲ့ တွံတေးမြို့က ကျူရှင်ဆရာ ဦးအောင်ဖေဟာ လူ့အခွင့်အရေး ကိုယ်စားလှယ် လာရောက်ချိန်မှာ နိုင်ငံရေး အကျဉ်းသားတွေ ပြန်လွှတ်ပေးဖို့ တောင်းဆိုတဲ့ အနေနဲ့ ဆန္ဒပြခဲ့တာဖြစ်ကြောင်း အခုလို ပြောပါတယ်။

“လူ့အခွင့်အရေး ကိုယ်စားလှယ် တောမတ်စ် အိုဟေး ကင်တားနားက မြန်မာပြည် ရောက်နေတဲ့ အချိန်မှာ လူ့အခွင့်အရေး ချိုးဖောက်မှုတွေကို သူ သိချင်တယ်ပေါ့။ ရှိလား၊ မရှိလား လာရောက် စုံစမ်းတာတွေ ပါပါတယ်။ ကျနော် ဒါ မိမိရဲ့ဆန္ဒကို နိုင်ငံသားတယောက် အနေနဲ့ ထုတ်ဖော် ပြသခြင်း ဖြစ်ပါတယ်။

“ဒီမနက် ၉ နာရီလောက်မှာ ကျနော် နိုင်ငံရေး အကျဉ်းသားဝတ်စုံ အပြာရောင် အပေါ်အပြာ၊ အောက်အပြာ ၀တ်ဆင်တယ်၊ ၀တ်ဆင်ပြီးတော့ ၃ ပေ၊ ၂ ပေ ဆိုင်းဘုတ်မှာ အပြာရောင် စာလုံးနဲ့ ရေးတယ်၊ နိုင်ငံရေး အကျဉ်းသားများကို လွှတ်ခြင်းသည် အရေးအကြီးဆုံးသော လူ့အခွင့်အရေးဖြစ်သည် ဆိုပြီးတော့ အဲဒီစာကို ရေးတယ်၊ ရေးပြီးတဲ့အခါ ကျောက်တိုင်ကနေ စပြီးတော့ မြို့ထဲ လူစည်ကားတဲ့ နေရာကို ပတ်ပါတယ်။

“ဈေးအပါအ၀င်ပေါ့၊ ကမ်းနားပိုင်း၊ ရဲစခန်းရှေ့ အပါအ၀င် ကျနော် လျှောက်ပြီး ပတ်ပါတယ်။ လူထုက အကုန်လုံး ၀ိုင်းဝန်းကြည့်ရှုပြီး အားပေးကြတာ တွေ့ရတော့ အတော် ပီတိဖြစ်မိပါတယ်။ နောက် လူထုကလည်း နိုင်ငံရေး အကျဉ်းသားတွေလွှတ်ဖို့ သူတို့ လိုလားကြတာကိုး။ SB တို့ ရဲတို့ နောက်ကနေ ဆယ့်လေးငါးယောက်လောက် ဓာတ်ပုံလိုက်ရိုက်တာတွေ ရှိပါတယ်။”

ဦးအောင်ဖေဟာ မကြာခဏ ထိန်းသိမ်းခံရမှုတွေ ရှိခဲ့ပါတယ်။ ဒီတကြိမ် ထူးခြားတာကတော့ သူ့ကို အာဏာပိုင်တွေက ဓာတ်ပုံရိုက်တာမျိုးတွေကိုသာ လုပ်ခဲ့ပေမဲ့ ဖမ်းဆီးတာမျိုးတွေ မလုပ်ခဲ့ဘူးလို့ ဆိုပါတယ်။

“ကျနော့်အထင်တော့ အခု ဒေါ်အောင်ဆန်းစုကြည်နဲ့၊ ကျနော်တို့ အရင်တုန်းက တောင်းဆိုဖူးတယ်၊ အမျိုးသား ရင်ကြားစေ့ရေး၊ တွေ့ဆုံဆွေးနွေးရေး တောင်းဆိုဖူးတယ်။ အခု တွေ့ဆုံဆွေးနွေးရေးဆိုပြီး သူတို့ ခုတုံးလုပ်ထားတဲ့ လမ်းစကို လုပ်နေတဲ့ အခါကျတော့ ဒီလိုမျိုး ဖမ်းလိုက်မယ်၊ ထိန်းသိမ်းလိုက်မယ်ဆိုရင် ပြောစရာဖြစ်မှာ စိုးတာပေါ့။ အတုအယောင် ဒီမိုကရေစီပဲပေါ့၊ ဒီမိုကရေစီ လမ်းကြောင်းကိုလည်း သူတို့က ပျက်ယွင်းမှာ စိုးရိမ်တဲ့အတွက် ဖမ်းဆီးတာ မလုပ်ဘူးလို့ ထင်တယ်။ ခါတိုင်းဆိုရင်တော့ ဒီအချိန်ဟာ ကျနော် ပြန်အဖမ်းခံရမယ့် အချိန်မျိုးပါပဲ။”

လက်ရှိ မြန်မာအစိုးရနဲ့ လူထုခေါင်းဆောင် ဒေါ်အောင်ဆန်းစုကြည်တို့ရဲ့ တွေ့ဆုံမှုတွေဟာ ယုံကြည်ဖွယ်ရာ မရှိဘူးလို့လည်း ဆိုလိုက်ပါတယ်။

“အလွယ်ဆုံး သုံးသပ်မယ် ဆိုရင်တော့ ဟန်ပြ ဒီမိုကရေစီကို သူတို့တွေက ဖန်တီးတာ သိသာတယ်။ သူနဲ့ သမ္မတ ဦးသိန်စိန်နဲ့ စကားပြောတဲ့ အချိန်မှာ ဒေါ်စုက ဧည့်သည်တယောက်လို ဖိတ်ထားတာမျိုး၊ ဒါကျတော့ ကျနော်တို့ သဘောမကျဘူး။ ဒေါ်စုက ကျနော်တို့ရဲ့ လူထုခေါင်းဆောင်ဖြစ်တယ်၊ ဒီလိုမျိုး ဒေါ်စုနဲ့ ဆွေးနွေးတဲ့ အခါမှာ ဧည့်သည်တယောက် အနေနဲ့ ဆွေးနွေးစရာအကြောင်း မရှိဘူး။ သူတို့ပြောတဲ့ အတိုင်းပဲ ဒေါ်စုကို ဧည့်သည်တယောက် အနေနဲ့ သူက သွားတွေ့တဲ့ သဘောမျိုး ဖြစ်နေတယ်။ ကျနော်တို့က လက်မခံပါဘူး၊ အခုအချိန်ထိပါပဲ။”

၂၀၀၅ ခုနှစ် ဖေဖော်ဝါရီလမှာ ကျရောက်တဲ့ ဗိုလ်ချုပ်အောင်ဆန်းရဲ့ မွေးနေ့မှာ သူနဲ့အတူ ကျောင်းသား ၃၀ ကျော် ဗိုလ်ချုပ်အောင်ဆန်း မွေးနေ့သီချင်း ဆိုတာကြောင့်ရော၊ လွတ်လပ်ရေး ဖခင်ကြီးအကြောင်း ဟောပြောလို့ဆိုပြီး သူဟာ ဖမ်းဆီးခံခဲ့ရပြီး အင်းစိန်အကျဉ်းထောင်မှာ ထောင်ဒဏ် ၃ နှစ် ချခံခဲ့ရပါတယ်။ ဒီ့နောက် ၂၀၀၈ ခုနှစ် မေလ ၂၇ ရက်နေ့မှာလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ အိမ်ဘက်ကို ချီတက် လမ်းလျှောက်တဲ့အတွက် ၁၄ ရက်ကြာ ထိန်းသိမ်းခံရပါတယ်။ ဒီ့နောက် သူ့ကို နေအိမ်ပတ်ဝန်းကျင်ကနေ ဘယ်မှမသွားရဘူးဆိုပြီး ခြေချုပ် လုပ်ထားတာကို ခံခဲ့ရပါတယ်။

ခြေချုပ်လုပ်ထားချိန်မှာပဲ ၂၀၀၉ ခုနှစ်မှာ ကျရောက်တဲ့ တော်လှန်ရေးနေ့မှာ အမျိုးသား ဒီမိုကရေစီ အဖွဲ့ချုပ် ရုံးရှေ့မှာ စည်းဝိုင်းလုပ်ပြီး တကိုယ်တော် ဆန္ဒပြခဲ့ပါတယ်။ ဒီတကြိမ်မှာတော့ ဒေါ်အောင်ဆန်းစုကြည် လွတ်မြောက်ရေးနဲ့ နိုင်ငံရေး အကျဉ်းသားတွေ လွတ်မြောက်ရေး တောင်းဆိုခဲ့ပြီး တပြည်လုံးက NLD ရုံးတွေ ပြန်ဖွင့်ပေးဖို့ တောင်းဆိုတဲ့အတွက် သာယာဝတီထောင်မှာ ထောင်ဒဏ် ၁ နှစ် ချခံခဲ့ရပါတယ်။

မြန်မာနိုင်ငံမှာ နိုင်ငံရေး အကျဉ်းသား ၂,၀၀၀ ကျော်ရှိပြီး နိုင်ငံရေး အကျဉ်းသားတွေ လွတ်မြောက်ရေးအတွက် နိုင်ငံတကာနဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနားတို့က မြန်မာအစိုးရကို တောင်းဆိုနေတာလည်း ဖြစ်ပါတယ်။

http://www.voanews.com/burmese/news/u-aung-pe-solo-protest-128245768.html

နိုင်ငံ​ရေး​အကျဉ်း​သား​များ​လွှတ်ရန် တကိုယ်​တော်ဆန္ဒပြ
Published on August 23, 2011 by နော်နိုရင်း

နိုင်ငံ​ရေး​အကျဉ်း​သား​ လွတ်​မြောက်​ရေး​အတွက် ရန်ကုန်တိုင်း​ တွံ​တေး​မြို့​က ဒီမိုက​ရေစီအ​ရေး​ တက်ကြွလှုပ်ရှား​သူ ဦး​အောင်​ဖေက ဒီ​နေ့​ တကိုယ်​တော်ဆန္ဒပြပါတယ်။

ဦးအောင် ဖေ (ဓာတ်ပုံ - အေ အေပီပီ)

နိုင်ငံ​ရေး​အကျဉ်း​သား​ဝတ်စုံ အ​ပေါ်အပြာ ​အောက်အပြာဝတ်ပြီး​ ကတ်ထူစက္ကူပြား​ ​ပေါ်မှာ ‘နိုင်ငံ​ရေး​အကျဉ်း​သား​များ​ကို လွှတ်​ပေး​ခြင်း​သည် အ​ရေး​ကြီး​ဆုံး​ လူ့​အခွင့်​အ ​ရေး​ဖြစ်သည်လို့​’ စာလုံး​ကြီး​ကြီး​နဲ့​ ​ရေး​ပြီး​ ဒီမနက် ၉ နာရီမှာ တွံ​တေး​မြို့​ထဲ လှည့်​လည် ဆန္ဒပြတာပါ။

“ဆန္ဒပြရခြင်း​က မြန်မာနိုင်ငံထဲမှာ လူ့​အခွင့်​အ​ရေး​ချိုး​ဖောက်မှု​တွေရှိ​နေတုန်း​ပဲ။ အဓိက လူ့​အခွင့်​အ​ရေး​ ချိုး​ဖောက်မှုအခံရဆုံး​က​တော့​ နိုင်ငံ​ရေး​အကျဉ်း​သား​ ​တွေဖြစ်တယ်။ သူတို့​ကို အခုချိန်ထိ လွှတ်​ပေး​ခြင်း​မရှိ​သေး​ဘူး​။ နိုင်ငံ​ရေး​အကျဉ်း​သား​တွေ လွှတ်​ပေး​ဖို့​အချိန်တန်ပြီ သူတို့​ကို လွှတ်​ပေး​ခြင်း​သာလျှင် အ​ရေး​ကြီး​ဆုံး​ လူ့​အခွင့်​ အ​ရေး​ဖြစ်ပါတယ်။ လူထုဆန္ဒထုတ်​ဖော်တဲ့​အ​နေနဲ့​ အခုလို ဆန္ဒပြရခြင်း​ဖြစ်ပါတယ်” လို့​ ဦး​အောင်​ဖေက ​ပြောပါတယ်။

ဆန္ဒပြတဲ့​ ဦး​အောင်​ဖေကို အာဏာပိုင်​တွေက မှတ်တမ်း​တင် ဓာတ်ပုံရိုက်တာ ကလွဲလို့​ ဟန့်​တား​ ဖမ်း​ဆီး​မှုမရှိဘူး​လို့​လည်း​ ​ပြောပါတယ်။

ဦး​အောင်​ဖေဟာ ဒီမိုက​ရေစီအ​ရေး​ တက်ကြွလှုပ်ရှား​သူတဦး​ဖြစ်ပြီး​ ပြီး​ခဲ့​တဲ့​ ၂၀၀၉ ခုနှစ် ​တော်လှန်​ရေး​နေ့​ကလည်း​ နိုင်ငံ​ရေး​ အကျဉ်း​သား​လွှတ်​ပေး​ရေး​နဲ့​ နိုင်ငံတဝန်း​ပိတ်ထား​တဲ့​ အဖွဲ့​ချုပ်ရုံး​တွေကို ပြန်ဖွင့်​ပေး​ဖို့​ တကိုယ်​တော် ဆန္ဒပြခဲ့​လို့​ ဖမ်း​ဆီး​ခံရပြီး​ ​ထောင်ဒဏ် တနှစ်ချမှတ်ခံခဲ့​ရပါတယ်။

၂၀၀၅ ခုနှစ်တုန်း​ကလည်း​ တွံ​တေး​မြို့​ လွတ်လပ်​ရေး​ ​ကျောက်တိုင်​ရှေ့​မှာ ​ကျောင်း​သား​တွေနဲ့​အတူ သွား​ရောက်အ​လေး​ပြုခဲ့​လို့​ ဖမ်း​ဆီး​ခံရပြီး​ ​ထောင် ၃ နှစ်ကျခံခဲ့​ရဖူး​ပါတယ်။
http://burmese.dvb.no/archives/14608

စရဖ ညွှန်ချုပ်အဖြစ် ဗိုလ်ချုပ်စိုးရှိန်ကို ခန့်အပ်


Tuesday, August 23, 2011 yokekhasoe

ဗိုလ်ချုပ်မှူးကြီး၏ ကိုယ်ရေးအရာရှိအဖြစ် အမှုထမ်းနေစဉ် ဗိုလ်ချုပ်စိုးရှိန်ကို ဤသို့တွေ့ရသည် (ဓာတ်ပုံ - Reuters)

စစ်ဘက်ရေးရာလုံခြုံရေးအဖွဲ့ (စရဖ)၏ ညွှန်ကြားရေးမှူးချုပ်ရာထူးကို ဗိုလ်ချုပ်မှူးကြီး သန်းရွှေ၏ ကိုယ်ရေးအရာရှိ ဖြစ်ခဲ့သူ ဗိုလ်ချုပ် စိုးရှိန်အား မကြာသေးမီက ခန့်အပ်လိုက်ကြောင်း သတင်းရရှိသည်။

ယခင် စစ်ဘက်ရေးရာ ညွှန်ကြားရေးမှူးချုပ် ဗိုလ်ချုပ် ကျော်ဆွေအား ရာထူးမှ ပြောင်းရွှေ့ကာ ဗိုလ်ချုပ် စိုးရှိန်ကို ယင်း၏ နေရာ၌ ခန့်အပ်ခဲ့ခြင်းဖြစ်သည်။

“ဗိုလ်ချုပ်မှူးကြီး အနားမယူခင်မှာ ဗိုလ်မှူးကြီး စိုးရှိန်ကို ဗိုလ်မှူးချုပ် ရာထူးတိုးပေးခဲ့တယ်။ အခု ဗိုလ်ချုပ် ရာထူးတိုးပေးပြီး စစ်ဘက်ရေးရာ လုံခြုံရေး ညွှန်ကြားရေးမှူးချုပ် ရာထူးတိုးပေးလိုက်တာပါ” ဟု နေပြည်တော်အခြေစိုက် စစ်ဘက်ရေးရာ လုံခြုံရေး အရာရှိတဦးက ပြောသည်။

စရဖရုံးချုပ်ကို နေပြည်တော်အတွင်းရှိ မွေးမြူရေးနှင့် ရေလုပ်ငန်းဝန်ကြီးဌာနနှင့်အမျိုးသားမော်ကွန်တိုက်ကြား ထောင့်နေရာတွင် ဖွင့်ထားကြောင်း သူကဆိုသည်။

“ရုံးက နှစ်ထပ်တိုက်ကလေး။ အောက်မှာတော့ မြေအောက်ခန်းတွေနဲ့ အသေအချာ လုပ်ထားတယ်။ ဆိုင်းဘုတ်လည်း တပ်မထားဘူး။ ကြည့်လိုက်ရင် သူလို ကိုယ်လို အဆောက်အအုံပုံစံ ဖန်တီးထားတာ” ဟု ၎င်းက ပြောသည်။

ဗိုလ်ချုပ် ကျော်ဆွေကို ကက (ပြည်) သို့ ပို့လိုက်ကြောင်း အတည်မပြုနိုင်သေးသည့် သတင်းတရပ်မှ သိရသည်။

ယင်းလုပ်ရပ်သည် ဗိုလ်ချုပ်မှူးကြီး သန်းရွှေက လက်ရှိအနေအထားကို မျက်ခြေမပြတ်ဘဲ စောင့်ကြည့်နေသည့် သဘော ဖြစ်ကြောင်း နေပြည်တော် စစ်တပ် အသိုင်းအဝန်းနှင့် နီးစပ်သူတဦးက ပြောသည်။

“ဗိုလ်ချုပ် စိုးရှိန်ကို ဗိုလ်ချုပ်မှူးကြီးက အင်မတန် ယုံတယ်။ ချစ်လည်း ချစ်တယ်။ ဘယ်သွားသွား ဗိုလ်ချုပ် စိုးရှိန် အမြဲပါတယ်။ သူ့ကို ဒီရာထူးပေးခိုင်းတာဟာ လက်ရှိ အခြေအနေနဲ့ အဆက်မပြတ်ချင်လို့လို့ ယူဆရတယ်” ဟု သူက ဆိုသည်။

ထောက်လှမ်းရေးခေါင်းဆောင်ဟောင်း ဗိုလ်ချုပ်ကြီး ခင်ညွန့်၏ အမျိုးသားထောက်လှမ်းရေးကို ဖျက်သိမ်းပြီးနောက် ထူထောင် ခဲ့သော စစ်ဘက်ရေးရာ လုံခြုံရေးအဖွဲ့သည် မြန်မာထောက်လှမ်းရေး အဖွဲ့များအကြားတွင် သြဇာအရှိဆုံး အဖွဲ့ ဖြစ်သည်။

“ကျနော်တို့ သတင်းတပ်ဖွဲ့ကလည်း အခုအချိန်အထိ စရဖကို သတင်းပို့နေရတုန်းပါ။ တခြား ထောက်လှမ်းရေး အဖွဲ့တွေလည်း ပို့ရတာပဲ” ဟု ပျဉ်းမနားမြို့ သတင်းတပ်ဖွဲ့မှ အရာရှိငယ် တဦးက ပြောသည်။

ဗိုလ်ချုပ် စိုးရှိန်သည် ပျဉ်းမနားမြို့တွင် မြင့်မိုရ်နန်းအမည်ဖြင့် ဟိုတယ် ဖွင့်ထားသူ ဖြစ်သည်။

စည်သူ
http://www.irrawaddyblog.com/2011/08/blog-post_3584.html

ဦးသိန်းစိန်နိုင်ငံတော်သမ္မတ ဒေါ်အောင်ဆန်းစုကြည်နှင့်တွေ့ ဆုံ

facebook မှကူးယူပါသည်.