Thursday, September 1, 2011

31.08.2011 DVBBurmese

Daily News Talk 2 DVB Journal Interview http://www.youtube.com/playlist?list=PL97F6F14A42487545

အဝေးရောက် ထောက်လှမ်းရေးဟောင်းရဲ့“အာဘော်” အပေါ် ထင်မြင်ချက်

တူမောင်ညို (၂၀၁၁ စက်တင်ဘာ ၁ ရက်) သူ့ (အလထ) သဘောထားက “ဦးသိန်းစိန်အစိုးရ” လုပ်နေတာတွေဟာ ဗိုလ်သန်းရွှေသြဇာနဲ့ကင်းပြီး လုပ်နေတာဖြစ် တယ်။ ယုံယုံ ကြည်ကြည်လုပ်ကြပါလို့ တွန်းတာပဲ။ ထူးခြားတာက သူ့ဆောင်းပါး အစိုးရသစ်က တစာစာပြောနေတဲ့ “၂၀၀၈ ဖွဲ့စည်းပုံအခြေခံဥပဒေ” အကြောင်း တစ်လုံး တစ်ပါဒမျှ တို့ထိမထားတဲ့အချက် နဲ့ (NLD) ကို မသန်မစွမ်းဖြစ်သွားအောင် အစီအစဉ်ရှိရှိ ချေမှုန်းခဲ့တဲ့အချက်တွေမပါဝင်တာပါပဲ။ ကျန်တဲ့ရေးသားချက်တွေကတော့ တစ်ချိန်က (ထလရ)တွေလုပ်ခဲ့တဲ့ကိစ္စတွေနဲ့ ဗိုလ်သန်းရွှေကို အဆိုးချပြီး ဗိုလ်ခင်ညွန့် ကို အမွှမ်းတင်ထားတာတွေပဲဖြစ်တယ်။ သူ့ဆောင်းပါးထဲမှာ ဒီအချက်တွေ အထင်အရှားတွေ့ရတယ်။ “ဆွေးနွေးပွဲ”ဆိုတာတွေဟာ စစ်အုပ်စု တစ်စုံတစ်ရာအကြပ်ရိုက်တဲ့ကာလတွေမှာ ယာယီထွက်ပေါက် အဖြစ်အသုံး ချတဲ့၊ အတိုက်အခံတွေရဲ့ (စုစည်းမှုမရှိတဲ့) အင်အားကို ကြဲကွဲစေတဲ့ “နည်းလမ်း” တစ်ခုသာဖြစ်တယ်။ အကြပ်ရိုက်မှု တစ်စုံတရာ လျော့ပါးသွားတဲ့ အခါ အဲဒီ “ဆွေးနွေးပွဲ” ဆိုတာတွေကိုတစ်ဖက်သတ် ဖျက်သိမ်းလိုက် တာပဲဆိုတဲ့အချက်။ “ဆွေးနွေးပွဲ” ဆိုတာ စစ်အုပ်စုထိပ်သီး (ဗိုလ်သန်းရွှေ) ဆန္ဒနဲ့ အမိန့်ပေးမှုအောက်ကနေ ပေါ်စေဆိုပေါ်ရပြီး ပျက်စေ ဆိုရင် ပျက်ရတာပဲဆိုတဲ့အချက်ကို တွေ့ရပါလိမ့်မယ်။ အောက်ဖေါ်ပြပါ “အောင်လင်းထွဋ်” ဆောင်းပါး ၏ အာဘော်အနှစ်ချုပ် မှာ ဤသို့ဖြစ်ပါတယ်။ “ဒေါ်အောင်ဆန်းစုကြည်ကို အားလုံးဝိုင်းရံ၍ လိုအပ်သော သတင်း အချက်အလက်များ၊ အကြံဉာဏ်ကောင်းများပေးပြီးအကြမ်းမဖက်သောနည်းဖြင့်ညီညွတ်စွာတက်ညီလက်ညီအလုပ်လုပ်သင့်ကြသည်။ ထို့ပြင် သမ္မတ ဦးသိန်းစိန်နှင့် သဘောထား ပျော့ပြောင်းသူများ၊ တပ်မတော်သားများကိုအပြစ်မဆိုဘဲနားလည်မှုပေးနိုင်မည်ဆိုလျှင်မြန်မာနိုင်ငံစစ်အာဏာရှင်စနစ်အောက်မှလွတ်မြောက်ရေးလက်တစ်ကမ်းသာလိုတော့ကြောင်းသုံးသပ် တင်ပြအပ်ပါ သည်” တွေ့ဆုံဆွေးနွေးပွဲများ နောက်ကွယ် အောင်လင်းထွဋ် Wednesday, 31 August 2011 17:49 သူ့အတွေးသူ့အမြင် ပြည်တွင်းပြည်ပ မြန်မာတိုင်းရင်းသား လူမျိုးအားလုံး အတွက် သမ္မတ ဦးသိန်းစိန်နှင့် ဒေါ်အောင်ဆန်းစုကြည် တို့၏ တွေ့ဆုံဆွေးနွေးပွဲ သတင်းသည် ဝမ်းသာ ပီတိဖြစ်စရာဖြစ်ပါသည်။ အောက်တန်းနောက်တန်း ရောက်နေသော မြန်မာနိုင်ငံအား နိုင်ငံတကာတွင် လူရာဝင်လာလေတော့မလားဟုလည်း မျှော်လင့်ချက်များ ဖြစ်နေကြပါသည်။ ထို့အတူ နိုင်ငံရေးကစားနေသလားဟုလည်း သံသယများလည်း ရှိသည်။ ယခုအချိန်အထိ ဘယ်လိုဖြစ်လာမလဲဆိုသည်ကို ဘာတခုမျှ သဲသဲကွဲကွဲ ပြော၍မရသေးပါ။ ဒေါ်အောင်ဆန်းစုကြည်ကို ၁၉၉၄၊ ၂၀၀၁၊ ၂၀၀၄ ခုနှစ်တို့တွင် ဗိုလ်ချုပ်မှူးကြီး သန်းရွှေ ကိုယ်တိုင်အပါအဝင် စစ်ခေါင်းဆောင်များ တွေ့ဆုံဆွေးနွေးခဲ့ဖူးသည်ကို အားလုံးသတိရ ကြပါလိမ့်မည်။ ၁၉၉၄ ခုနှစ်တွင် ဗိုလ်ချုပ်မှူးကြီး သန်းရွှေ၊ ဗိုလ်ချုပ်ကြီး ခင်ညွန့်တို့ ဒေါ်အောင်ဆန်းစုကြည်နှင့် တွေ့ဆုံခဲ့သည်။ အဓိကအကြောင်းအရာမှာ ဒေါ်အောင်ဆန်းစုကြည်ကို အမျိုးသားညီလာခံလုပ်ငန်းစဉ်အား ထောက်ခံလာစေရန် စည်းရုံးရေးဖြစ်သည်။ နောက်ဆက်တွဲ ဆွေးနွေးပွဲအနေဖြင့် ဗိုလ်ချုပ်ကြီး ခင်ညွန့်နှင့်အတူ အမျိုးသားညီလာခံ ကော်မရှင်အဖွဲ့ဝင်များ ဖြစ်ကြသော တရားသူကြီးချုပ် ဦးအောင်တိုး၊ ရှေ့နေချုပ် ဦးသာထွန်း၊ စာရင်းစစ်ချုပ် ဗိုလ်မှူးချုပ်တင်အေးတို့မှ အမျိုးသားညီလာခံ ဦးတည်ချက်နှင့် လုပ်ငန်းစဉ်များကို ရှင်းလင်းပြသခဲ့သည်။ ထို့နောက်ပိုင်းတွင် တွေ့ဆုံဆွေးနွေးမှုများ မရှိတော့ပါ။ ကြားသိရသည်မှာ အမျိုးသားညီလာခံ၏ တချို့အခြေခံမူ အချက်အလက်များအပေါ် သဘောထားကွဲပြားခဲ့သဖြင့် ဗိုလ်ချုပ်မှူးကြီး သန်းရွှေက ဒေါသတကြီးဖြစ်ကာ ဆွေးနွေးပွဲကို ဆက်မလုပ်ရန် ဗိုလ်ချုပ်ကြီးခင်ညွန့်အား အမိန့်ပေးခဲ့သည်။ ဒေါ်အောင်ဆန်းစုကြည် အကျယ်ချုပ်မှ ပထမအကြိမ် လွတ်မြောက်လာပြီး ၁၉၉၆ ခုနှစ်တွင် အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်များ အမျိုးသားညီလာခံကို စွန့်ခွာခဲ့သည်။ ထို့နောက်ပိုင်း မကြာမီမှာပင် ဗိုလ်ချုပ်မှူးကြီး သန်းရွှေ၏ “စစ်တပ် ကြာကြာအုပ်ချုပ်ရတာပေါ့ကွာ” ဟူသော မှတ်ချက်ဖြင့် အမျိုးသားညီလာခံကို ရပ်စဲခဲ့သည်။ နောက် မကြာမီမှာပင် ဒေါ်အောင်ဆန်းစုကြည်ကို ပြန်လည်ဖမ်းဆီးပြီး နေအိမ်အကျယ်ချုပ် ဒုတိယအကြိမ် ချထားရန် ဗိုလ်ချုပ်မှူးကြီး သန်းရွှေက အမိန့်ပေးခဲ့သည်။ ၂၀၀၀၊ ၂၀၀၁၊ ၂၀၀၂ ခုနှစ်များတွင် ပြည်တွင်းပြည်ပ ဖိအားကြောင့် ဒေါ်အောင်ဆန်းစုကြည်ကို တွေ့ဆုံဆွေးနွေးရန် အကြောင်းတရားများ ပေါ်ပေါက်လာခဲ့သည်။ ပြည်ပနိုင်ငံများရှိ မြန်မာအတိုက်အခံ အဖွဲ့အစည်းများ၏ လှုပ်ရှားမှုများကြောင့် မြန်မာနိုင်ငံအတွင်း လူ့အခွင့်အရေးချိုးဖောက်မှုများ၊ အတင်းအဓမ္မ နေရာရွှေ့ပြောင်းခိုင်းမှုများ၊ အတင်းအဓမ္မ လုပ်အားစေခိုင်းမှုများ၊ စစ်သားများ၏ အဓမ္မပြုမှုများ၊ ကလေးစစ်သား စုဆောင်းမှုများ အစရှိသည့် ဆိုးဝါးသည့်အခြေအနေများကို ကုလသမဂ္ဂမှတဆင့် နိုင်ငံတကာမှ သိရှိခဲ့သည်။ ထို့နောက် နိုင်ငံတကာအလယ် အရှက်ရစရာ ဖိအားပေးမှုများကို စစ်အာဏာရှင်အစိုးရ ခံလာရသည်။ ထိုအချိန် ပြည်တွင်း၌လည်း အောက်ခြေစစ်ခေါင်းဆောင်များ၏ တင်ပြမှုများကြောင့် ဗိုလ်ချုပ်မှူးကြီး သန်းရွှေ၏ “ဒေါ်အောင်ဆန်းစုကြည် မပါဘဲလည်း ငါတို့အုပ်ချုပ်လို့ရတာပဲ” ဆိုသည့်မူဝါဒကို ပြန်လည် သုံးသပ်လာခဲ့ရသည့် သဘောရှိပါသည်။ ထို့ကြောင့် ဗိုလ်ချုပ်မှူးကြီး သန်းရွှေ၏ ခွင့်ပြုချက်ဖြင့် စစ်ထောက်လှမ်းရေးအဖွဲ့မှ ခေါင်းဆောင်ပြီး ဒေါ်အောင်ဆန်းစုကြည်ကို စစ်ခေါင်းဆောင်များနှင့် အဆင်ပြေစေရန်၊ ပူးပေါင်းဆောင်ရွက်နိုင်ရန် ဒုတိယ စစ်ထောက်လှမ်းရေး အကြီးအကဲ ဗိုလ်ချုပ် ကျော်ဝင်းနှင့် တန်ပြန်ထောက်လှမ်းရေးဌာနကြီးမှူး ဗိုလ်မှူးချုပ် သန်းထွန်း တို့ကို လျှို့ဝှက်တာဝန်ပေးခဲ့သည်။ ထိုသို့ဆွေးနွေးနေမှုမှာ ကုလသမဂ္ဂ အထူးကိုယ်စားလှယ် ရာဇာလီ အစ္စမေးလ် မလာမီကတည်းက ဖြစ်သည်။ မစ္စတာ ရာဇာလီ ရောက်လာပြီး နိုင်ငံခြားရေးဝန်ကြီး ဦးဝင်းအောင်နှင့် တွေ့ဆုံစဉ် စစ်အစိုးရနှင့် ဒေါ်အောင်ဆန်းစုကြည်တို့ လျှို့ဝှက်တွေ့ဆုံ ဆွေးနွေးနေမှုကို ဦးဝင်းအောင်မှ အမှတ်မထင် ပြောလိုက်မိသည့်အတွက် မစ္စတာ ရာဇာလီ သိသွားပြီး အဆိုပါသတင်း ပြည်တွင်းပြည်ပသို့ ပြန့်သွားခဲ့သည်။ ထို့အတွက်ကြောင့် ဦးဝင်းအောင်သည် ဗိုလ်ချုပ်မှူးကြီး သန်းရွှေ၏ ကြိမ်းမောင်းခြင်း ခံခဲ့ရသည်။ သို့သော် နိုင်ငံရေးအမြတ်ထုတ်သည့် အနေဖြင့် မစ္စတာ ရာဇာလီ၏ တောင်းဆိုမှုကြောင့် မြန်မာအစိုးရအနေဖြင့် တွေ့ဆုံခဲ့သယောင် ဝါဒဖြန့်ခိုင်းခဲ့သဖြင့် ကျနော်တို့ကိုယ်တိုင် ဆောင်ရွက်ခဲ့ရသည်။ အမေရိကန်အစိုးရအား တိုက်တွန်းနားချမည့် DCI အဖွဲ့အတွက် ဝါရှင်တန်မြို့ရှိ မြန်မာသံရုံးမှ တာဝန်ယူခဲ့ရသည်။ ဗိုလ်ချုပ်မှူးကြီး သန်းရွှေ၊ ဒုဗိုလ်ချုပ်မှူးကြီး မောင်အေး ၊ ဗိုလ်ချုပ်ကြီး ခင်ညွန့်တို့နှင့် ဒေါ်အောင်ဆန်းစုကြည် ခေါင်းဆောင်သော NLD အဖွဲ့ဝင်များ ထမင်းလက်ဆုံစားသည်အထိ အခြေအနေ ကောင်းခဲ့သည်။ မြန်မာ့နိုင်ငံရေးတွင် အမေရိကန်ပြည်ထောင်စုနှင့် ဒေါ်အောင်ဆန်းစုကြည်သည် အဓိကဖြစ်သည်ကို ထိုစဉ်က ဗိုလ်ချုပ်မှူးကြီး သန်းရွှေ ကောင်းကောင်းနားလည်ခဲ့သည်။ အမေရိကန်သမ္မတ ဂျော့ဂ်ျ ဘုရှ် အပေါ် ကြောက်လဲကြောက် ပေါင်းလဲပေါင်းချင်သူ ဖြစ်ခဲ့သည်။ ၂၀၀၂ ခုနှစ် ဒေါ်အောင်ဆန်းစုကြည် မလွတ်မြောက်မီ လပိုင်းအလိုတွင် DCI ၏ အကူအညီဖြင့် စစ်ထောက်လှမ်းရေးမှ ဗိုလ်မှူးချုပ် ကျော်သိန်းနှင့် ရဲမှူးကြီးခမ်းအောင်တို့ မူးယစ်ဆေးဝါးနှိမ်နင်းရေးလုပ်ငန်း အကြောင်းပြချက်ဖြင့် ဝါရှင်တန်သို့ လာခွင့်ရခဲ့သည်။ ဝါရှင်တန်မြို့၌ စစ်အစိုးရကိုယ်စားလှယ်အဖွဲ့သည် အမေရိကန် အမျိုးသားလုံခြုံရေးကောင်စီ၊ သမ္မတ၏ မူးယစ်ဆေးဝါးဆိုင်ရာ အကြံပေးအရာရှိရုံး၊ နိုင်ငံခြားရေးဝန်ကြီးဌာန၊ ဘဏ္ဏာရေးဝန်ကြီးဌာန၊ စီအိုင်အေ၊ မူးယစ်ဆေးဝါး နှိမ်နင်းရေးအဖွဲ့ (DEA) တို့မှ တာဝန်ရှိ အကြီးတန်းအရာရှိများနှင့် တွေ့ဆုံပြီး မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး အခြေအနေများကို ရှင်းလင်းပြသခဲ့သည်။ ထို့နောက် ၂၀၀၂ မေလတွင် ဒေါ်အောင်ဆန်းစုကြည်ကို အကျယ်ချုပ်မှ လွှတ်ပေးခဲ့ပြီး နိုင်ငံတော်၏ စီမံကိန်းများကို ရှင်းလင်းပြသခဲ့သော်လည်း ၂၀၀၃ ခုနှစ် မေလတွင်မူ ဒီပဲယင်း အရေးအခင်းဖြင့် အဆုံးသတ်သွားရပါသည်။ ၂၀၀၄ ခုနှစ်တွင် တတိယအကြိမ် ဒေါ်အောင်ဆန်းစုကြည်နှင့် တွေ့ဆုံဆွေးနွေးမှု ဖြစ်လာရခြင်းသည် ဒီပဲယင်း အရေးခင်း၏ နောက်ဆက်တွဲကိစ္စ ဖြစ်သကဲ့သို့ ဗိုလ်ချုပ်ကြီး ခင်ညွန့်နှင့် ထောက်လှမ်းရေးအဖွဲ့များ၏ နိဂုံးအစဟုလည်း ဆိုနိုင်သည်။ ဒီပဲယင်းပြဿနာ ဖြစ်ပြီးနောက် ဗိုလ်ချုပ်ကြီး ခင်ညွန့်အား ဗိုလ်ချုပ်မှူးကြီး သန်းရွှေ၏ ကြိုတင်ခွင့်ပြုချက်မယူဘဲ မစ္စတာ ရာဇာလီ အစ္စမေးလ်ကို မြန်မာနိုင်ငံအတွင်း ပြည်ဝင်ခွင့်ပေးပြီး ဒေါ်အောင်ဆန်းစုကြည်နှင့် တွေ့ခွင့်ပေးတွေ့ခဲ့သည့်အတွက် တပ်ချုပ်ကြီး အလွန်ဒေါသထွက်ခဲ့သည်။ ဒီပဲယင်းအရေးအခင်းအပြီး ဝန်ကြီးချုပ် ဗိုလ်ချုပ်မှူးကြီး သန်းရွှေသည် နိုင်ငံတကာဖိအားများကို ဖြေရှင်းရန် သတ္တိမရှိသည့်အတွက် ဝန်ကြီးချုပ်ရာထူးကို ဗိုလ်ချုပ်ကြီး ခင်ညွန့် အား လွှဲပြောင်းပေးခဲ့ပြီး ဖိအားများကို ရင်ဆိုင်စေခဲ့သည်။ အတိုင်းတာတခုအထိ နိုင်ငံတကာခေါင်းဆောင်များ၏ ယုံကြည်မှုကို ဗိုလ်ချုပ်ကြီး ခင်ညွန့် ရရှိခဲ့သည်။ ဒေါ်အောင်ဆန်းစုကြည် ခွဲစိပ်ကုသမှုခံယူပြီးနောက် တက္ကသိုလ်ရိပ်သာလမ်း နေအိမ်သို့ ပြန်ပို့ရန် ဗိုလ်ချုပ်မှူးကြီး သန်းရွှေက အမိန့်ပေးခဲ့သည်။ ထို့နောက် ပြည်ထဲရေးဝန်ကြီး ဗိုလ်မှူးကြီး တင်လှိုင်ခေါင်းဆောင်ပြီး ဗိုလ်ချုပ် ကျော်ဝင်း၊ ဗိုလ်မှူးချုပ် သန်းထွန်းတို့ ပါဝင်သောအဖွဲ့ကို ဖွဲ့ပေးပြီး ဒေါ်အောင်ဆန်းစုကြည်ကို တွေ့ဆုံဆွေးနွေးမှု ထပ်မံလုပ်စေခဲ့သည်။ အဓိက အချက်မှာ ၁၉၉၆ ခုနှစ်က ရပ်စဲခဲ့သော အမျိုးသားညီလာခံ ပြန်လည်စတင်မှုတွင် NLD ပြန်လည်တက်ရောက်ရေးဖြစ်သည်။ တတိယအကြိမ် တွေ့ဆုံဆွေးနွေးမှုများတွင် နှစ်ဦးနှစ်ဖက် ပွင့်ပွင့်လင်းလင်း အမြင်များ ဖလှယ်ခဲ့သည်ဟု သိရသည်။ အမျိုးသားညီလာခံကို NLD ကိုယ်စားလှယ်များ ပြန်တက်ရန် ၉၉ ရာခိုင်နှုန်း သေချာပြီးနောက် ရက်ပိုင်းအလိုတွင် ဗိုလ်ချုပ်မှူးကြီး သန်းရွှေ စိတ်ပြောင်းသွားသည့်အတွက် အစီအစဉ်ပျက်သွားခဲ့သည်။ အကျိုးဆက်အနေဖြင့် အတိုက်အခံနှင့် ရင်းနှီးလာသော၊ နိုင်ငံတကာခေါင်းဆောင်များနှင့် အဆင်ပြေအောင် ဆက်ဆံနိုင်သော၊ တိုင်းရင်းသားများနှင့် ခင်မင်မှုရှိသော ဗိုလ်ချုပ်ကြီး ခင်ညွန့်သည် အစိုးရအဖွဲ့မှ နုတ်ထွက်ခွင့်ပြုရန် ဗိုလ်ချုပ်မှူးကြီး သန်းရွှေထံ တင်ပြခဲ့သည်။ သို့သော် ဗိုလ်ချုပ်မှူးကြီး သန်းရွှေက “ မင်းကိုငါ ခိုင်းစရာရှိသေးတယ်” ဆိုကာ နုတ်ထွက်ခွင့်မပေးဘဲ ဗိုလ်ချုပ်ကြီး ခင်ညွန့်ကို အချိုသပ်ခဲ့သည်။ တလအကြာမှ ဗိုလ်ချုပ်ကြီး ခင်ညွန့်နှင့် ထောက်လှမ်းရေးအဖွဲ့များအား ၄င်း၏ အနားတွင်ဆက်ထားလျှင် အန္တရာယ်ရှိလာနိုင်သည်ဟု သုံးသပ်လာခဲ့သည်အတွက် အာဏာရှင်တို့၏ လက်သုံးစကားအတိုင်း လာဘ်စားသည်ဆိုကာ စစ်ထောက်လှမ်းရေးများကို မျိုးဖြုတ်ပစ်ခဲ့သည်။ လက်ရှိ အစိုးရအသစ်လက်ထက်တွင် ယနေ့မြင်တွေ့နေရသော အခင်းအကျင်းသည် ယခင်ကထက်စာလျှင် အများကြီး အားရစရာကောင်းသည်ဟု မှတ်ချက်ပေးလိုပါသည်။ အဘယ့်ကြောင့်ဆိုသော် ဒေါ်အောင်ဆန်းစုကြည်ကို လွတ်လွတ်လပ်လပ် လှုပ်ရှားခွင့်ပေးထားခြင်း၊ သမ္မတ ဦးသိန်းစိန်သည် စစ်ခေါင်းဆောင်များအကြား နာမည်ပျက်မရှိခြင်း၊ လက်ရှိအစိုးရအတွင်း သဘောထားပျော့ပြောင်းသူ အင်အားစုများ အားကောင်းလာပြီး ပေါ်ပေါ်ထင်ထင် ရှေ့တန်းသို့ ထွက်ရဲလာခြင်း၊ ဆွေးနွေးပွဲ လုပ်ငန်းစဉ်များတွင် အရပ်သားတချို့ကို ပူးပေါင်းပါဝင်လာခွင့်ပြုခြင်း၊ မြန်မာနိုင်ငံ၏ အောက်တန်းနောက်တန်း ကျနေမှုကို အစိုးရကိုယ်တိုင် ဝန်ခံလာခြင်း၊ လာဘ်ပေးလာဘ်ယူကိစ္စများကို အစိုးရကိုယ်တိုင် အသိအမှတ်ပြုပြီး စတင်အရေးယူလာခြင်း၊ ဒေါ်အောင်ဆန်းစုကြည်ကို မြန်မာ့နိုင်ငံရေးတွင် ပစ်ပယ်၍မရကြောင်း နားလည်သဘော ပေါက်လာခြင်းတို့သည် အားရစရာကောင်းသည့် အချက်များဖြစ်သည်။ ဒေါ်အောင်ဆန်းစုကြည် သတိထား ဆုံးဖြတ်ရမည့် အချက်များတွင် လက်ရှိအစိုးရ အသစ်ဆိုသော်လည်း အရပ်သားတချို့မှလွဲ၍ အစိုးရအဖွဲ့ဝင်ဝန်ကြီးများ၊ လွှတ်တော်ရေးရာ ဥက္ကဋ္ဌများ၊ အစိုးရဝန်ထမ်း အကြီးအကဲများ၊ သံအမတ်ကြီးများသည် ယခင်အစိုးရ လူဟောင်းများဖြစ်ခြင်း၊ စစ်အစိုးရလက်ထက် ကျူးလွန်ခဲ့သော အပြစ်များကို အကျူးလွန်ခံရသူများကိုယ်စား မည်ကဲ့သို့ အာမခံချက်များပေး၍ ခွင့်လွှတ်ပေးရမည့် ဆိုသည့်ကိစ္စ၊ နိုင်ငံရေးအကျဉ်းသားများ လွတ်မြောက်ရေး၊ တိုင်းရင်းသား လက်နက်ကိုင်များနှင့် ငြိမ်းချမ်းရေးကို ပြန်လည်ဆွေးနွေးရေး၊ စီးပွားရေး ပိတ်ဆို့အရေးယူမှု ပြန်လည်ပွင့်လာရေး၊ ၁၉၉၀ ရွေးကောက်ပွဲရလဒ် တနည်းနည်းနှင့် အသိအမှတ်ပြုခံရရေးတို့ ပါဝင်သည်ဟု တင်ပြလိုပါသည်။ သို့သော် လက်ရှိအစိုးရအနေဖြင့် အမှန်တကယ် ရိုးသားစွာဖြင့် တွေ့ဆုံဆွေးနွေးပွဲ လမ်းကြောင်းသို့သွားလျှင် အထက်ပါအချက်များသည် မပြေလည်စရာ အကြောင်းမရှိပါ။ လက်ရှိဖြစ်ပေါ်နေသော သတင်းများအရ စစ်တပ်အတွင်း ပြုပြင်ပြောင်းလဲလိုသော အင်အားစု အားကောင်းလာခြင်း၊ ဒေါ်အောင်ဆန်းစုကြည်အပေါ် စစ်တပ်အတွင်း အောက်ခြေစစ်သည်မိသားစုများ အားကိုးစိတ် ပိုမိုများပြားလာခြင်း၊ ဗိုလ်ချုပ်မှူးကြီး သန်းရွှေ အသက်အရွယ်ရလာပြီဖြစ်၍ ၄င်း၏မိသားစု လုံခြုံရေးအတွက် စိုးရိမ်ပူပန်စိတ် များလာခြင်း၊ ယနေ့အာရပ်ကမ္ဘာမှ ဖြစ်စဉ်များသည် စစ်ခေါင်းဆောင်များအတွက် သံဝေဂရစရာများဖြစ်နေခြင်းများ ဖြစ်ပေါ်နေသည်။ မိသားစုဝင်များ၏ ချမ်းသာမှုမှာ ဆယ်သက်စား၍ မကုန်နိုင်အောင် ကြွယ်ဝနေပြီဖြစ်၍ အနိုင်နှင့်ပိုင်းလိုခြင်း၊ စစ်တပ်အတွင်းနှင့် အာဏာပိုင်အဖွဲ့အစည်းအတွင်း စိတ်ကြိုက်နေရာများ ချပြီးခြင်းတို့ကြောင့် ဗိုလ်ချုပ်မှူးကြီး သန်းရွှေအနေဖြင့် ၄င်း၏မိသားစုများအတွက် အာမခံချက်ပေးနိုင်သော သစ္စာရှိသည့် သမ္မတ ဦးသိန်းစိန်ကို ယခင်အချိန်အခါများနှင့်မတူ လွတ်လပ်စွာ လုပ်ပိုင်ခွင့် အထိုက်အလျောက် ပေးထားကြောင်း သိရသည်။ ထို့ကြောင့် မြန်မာနိုင်ငံ ကောင်းမွန်လာစေချင်သည့် ကျောင်းသား၊ စစ်သား၊ ဘုရားသား၊ တိုင်းရင်းသား၊ အလုပ်သမား၊ လယ်သမား၊ ပြည်သူပြည်သား အားလုံးသည် ဒေါ်အောင်ဆန်းစုကြည်ကို အားလုံးဝိုင်းရံ၍ လိုအပ်သော သတင်း အချက်အလက်များ၊ အကြံဉာဏ်ကောင်းများပေးပြီး အကြမ်းမဖက်သောနည်းဖြင့် ညီညွတ်စွာ တက်ညီလက်ညီ အလုပ်လုပ်သင့်ကြသည်။ ထို့ပြင် သမ္မတ ဦးသိန်းစိန်နှင့် သဘောထား ပျော့ပြောင်းသူများ၊ တပ်မတော်သားများကို အပြစ်မဆိုဘဲ နားလည်မှု ပေးနိုင်မည်ဆိုလျှင် မြန်မာနိုင်ငံ စစ်အာဏာရှင်စနစ်အောက်မှ လွတ်မြောက်ရေး လက်တစ်ကမ်းသာ လိုတော့ကြောင်း သုံးသပ်တင်ပြအပ်ပါသည်။ (ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။) http://www.irrawaddy.org/bur/index.php/editorial/2009-02-27-05-56-44/7194-2011-08-31-10-52-17

၁.၉.၂၀၁၁ ရက်နေ့ရဲရင့်ငယ်ဒိုင်ယာရီ

http://www.ziddu.com/download/16257341/1Sep2011Yeyintngesdiary.doc.html http://www.ziddu.com/download/16257342/1Sep2011Yeyintngesdiary.pdf.html http://www.mediafire.com/file/n62c9l34ybccg1c/1%20Sep%202011%20Yeyintnge%27s%20diary.doc http://www.mediafire.com/file/ctm1euajujppnk8/1%20Sep%202011%20Yeyintnge%27s%20diary.pdf 1 Sep 2011 Yeyintnge's Diary

ဧရာဝတီမြစ်ကြီး​ကို အသက်ရှင်​စေချင်တယ် (ဆရာ​မောင်ဝံသနှင့်​ ​မေး​မြန်း​ချက်)


Published on September 1, 2011 by ရွှေအောင်

ဧရာဝတီမြစ် တိမ်​ကောပ​ပျောက်သွား​စေမယ့်​ ဧရာဝတီမြစ်ဆုံစီမံကိန်း​ တည်​ဆောက်​နေမှု ရပ်တန့်​ပေး​ဖို့​ ဧရာဝတီကို ထာဝရရှင်သန်​စေလိုသူများ​အဖွဲ့​က သမ္မတဦး​သိန်း​စိန်ထံ ဒီက​နေ့​ လက်မှတ်​ရေး​ထိုး​ ​တောင်း​ဆိုလိုက်ကြပါတယ်။


စာရေးဆရာ မောင်ဝံသ (ဓာတ်ပုံ - myanmarisp.com)

လက်မှတ်​ရေး​ထိုး​ လှုပ်ရှား​မှုမှာ ပါဝင်လက်မှတ်​ရေး​ထိုး​တဲ့​ စာ​ရေး​ဆရာ၊​ သတင်း​စာဆရာ ​မောင်ဝံသကို ​မေး​မြန်း​ထား​ပါတယ်။

ဆရာလက်မှတ်ထိုး​တာ စာ​ပေပညာရှင် တ​ယောက်အ​နေနဲ့​ ထိုး​တာလား​၊​ ဒါမှမဟုတ် မြန်မာပြည်သား​ တ​ယောက်အ​နေနဲ့​ ထိုး​တာလား​။ ဘာ​ကြောင့်​ လက်မှတ်ထိုး​တယ်ဆိုတာ ​ပြောပြ​ပေး​ပါ။

“နှစ်ခုစလုံး​အ​နေနဲ့​ပေါ့​ဗျာ။ မြန်မာပြည်သား​ တ​ယောက် အ​နေနဲ့​အဆင့်​က ပထမ​ပေါ့​။ ဒုတိယက​တော့​ ကျ​နော့်​ရဲ့​ အသက်​မွေး​ဝမ်း​ကြောင်း​ပေါ့​။ စာနယ်ဇင်း​သမား​ပေါ့​၊​ သတင်း​စာသမား​ စာ​ရေး​ဆရာ။”

ဒီဧရာဝတီက ဘယ်​လောက်အထိ် အ​ရေး​တကြီး​ ကယ်တင်ဖို့​ လိုအပ်​နေပြီလို့​ ဆရာထင်မြင် ယူဆမိပါသလဲခင်ဗျ။

“ကျ​နော်က​တော့​ ဖတ်ထား​တာ​တွေက​တော့​ အများ​ကြီး​ဗျ။ ​နောက် ကျ​နော်တို့​ စာနယ်ဇင်း​တွေမှာ ပြည်တွင်း​ စာနယ်ဇင်း​တွေမှာ ​တွေ့​ရတာ​တွေလည်း​ အများ​ကြီး​ပဲ​လေ။ ပြီး​တော့​ ကျ​နော့်​မိတ်​ဆွေ ဓာတ်ပုံဆရာ​တွေ၊​ ​နောက် ကျ​နော်မိတ်​ဆွေ ခရီး​သွား​ပြီး​တော့​ ခရီး​သွား​ဆောင်း​ပါး​တွေ ​ရေး​တဲ့​ ပုဂ္ဂိုလ်​တွေ၊​ သူတို့​ဆီက ဓာတ်ပုံ​တွေလည်း​ ​တွေ့​ရတယ်။ ​ဆောင်း​ပါး​တွေလည်း​ ဖတ်ရတယ် အ​ခြေအ​နေက ​ပြောရရင်​တော့​ အများ​ကြီး​ပေါ့​။ ဒါ​ပေမယ့်​ ခြုံ​ပြောလို့​ရှိရင် ဒါက တိုင်း​ပြည်အတွက် အ​ရေး​ကြီး​တဲ့​ ကိစ္စ ဖြစ်​နေတယ်။ အဲဒီ​တော့​ ကျ​နော်တို့​ကလည်း​ ဒါကို ဝင်ပြီး​တော့​ မိမိရဲ့​ ဆန္ဒကို ​ဖော်ထုတ်ရတာ​ပေါ့​။”

ဘယ်​လောက် အ​ရေး​တကြီး​ လိုအပ်​နေပြီလဲ။

“ကျ​နော်တို့​က ဧရာဝတီမြစ်ကြီး​ကို အသက်ရှင်​စေချင်တယ်ဗျာ။ ရှင်သန်​စေချင်တယ်။ ဧရာဝတီမြစ်ကြီး​ အန္တရာယ်ကင်း​စေချင်တယ်။ အဲဒါပါပဲ လိုရင်း​ပြောရမယ်ဆိုရင် အဲဒါပါပဲ။ အဲဒီ​တော့​ အန္တရာယ်အလား​အလာ​တွေ ရှိ​နေတယ် အန္တရာယ်​တွေကို မြင်​နေရတယ်​ပေါ့​ဗျာ။ ဒီအတိုင်း​ ဆက်သွား​မယ် ဆိုလို့​ရှိရင်​တော့​ ဧရာဝတီ မြစ်ကြီး​အတွက်က ရင်​လေး​စရာ​ကောင်း​တယ် အဲဒီလို မြင်ရပါတယ်။”

အစိုး​ရက သတင်း​စာရှင်း​လင်း​ပွဲမှာ ဧရာဝတီမြစ်စုံ ​ရေကာတာနဲ့​ ပတ်သက်ပြီး​ ​မေး​တဲ့​အခါမှာ အစိုး​ရအဖွဲ့​ တာဝန်ရှိ ​ပြောသွား​တဲ့​ အထဲမှာ သူတို့​လည်း​ ရမ်း​မလုပ်ပါဘူး​၊​ သူတို့​လည်း​ ဧရာဝတီကို ချစ်ပါတယ်​ပေါ့​။ ဒီအ​ပေါ်မှာ ဆရာတို့​ အခု ကမ်ပိန်း​နဲ့​ ​ပေါင်း​စပ်ပြီး​ ​ပြောရင် ဘယ်​လောက်အထိ အကျိုး​သက်​ရောက်မှု ရှိလာနိုင်လဲ။ ဘယ်​လောက်အထိ ​မျှော်လင့်​နိုင်မလဲ ဆရာ။

“အဲဒီလို ​ပြောတာကို ကျ​နော်တို့​က​တော့​ ကြိုဆိုတယ်​လေ။ ဒါ​ပေမယ့်​ လုပ်စရာရှိတာ ဆက်လုပ်သွား​မယ်လို့​ ​ပြောတာထက်စာရင် ဒါကို ချိန်ချိန်စစနဲ့​ လုပ်တယ်၊​ ဘက်​ပေါင်း​စုံက ​လေ့​လာပြီး​ ဆက်ပြီး​တော့​ လုပ်သင့်​ မလုပ်သင့်​ကို ​ဆောင်ရွက်သွား​မယ် ဆိုတဲ့​ သ​ဘောထား​မျိုး​ ​ပြောတာကို ကျ​နော်တို့​က သ​ဘောကျတယ်။ အဲဒီအတိုင်း​ပဲ ဖြစ်​စေချင်တယ်​လေ။

“ဆိုလိုတာက ကျ​နော်တို့​ကပဲ တဖက်သတ် အစိုး​ရိမ်ကြီး​နေတယ် ဆိုတာ ဆိုရင်လည်း​ တကယ့်​ကို ခိုင်လုံတဲ့​ အ​ကြောင်း​အရာ​တွေနဲ့​ ​ပြောရင် ကျ​နော်တို့​က ဟိုဘက် ဒီဘက် ​လေ့​လာလို့​ ရတာ​ပေါ့​။ အခု ကျ​နော်တို့​က ဒီဘက်က ဒါကို ဆက်လုပ်မယ်ဆိုတဲ့​ အရင်လုပ်ထား​တဲ့​ ပုဂ္ဂိုလ်​တွေဘက်က ​ပြောတာဆိုရင် သတင်း​စာ ​ဆောင်း​ပါး​ ၂ ပုဒ်​လောက်ပဲ ကျ​နော် ​သေချာ ဖတ်ရ​သေး​တယ်။ ဒါ​ပေမယ့်​ တဖက်က ဆိုကျိုး​တွေ ဖြစ်နိုင်တယ်ဆိုတဲ့​ အ​ကြောင်း​ကြ​တော့​ ​တော်​တော်များ​တယ်ဗျ။ ကျ​နော် သိသ​လောက်က​တော့​။ အဲဒီလို ဖြစ်​နေတယ်။ အဲဒီ​တော့​ နှိုင်း​နှိုင်း​ချိန်ချိန်နဲ့​ လုပ်သွား​မယ်ဆိုတဲ့​ သ​ဘောထား​ရှိတယ် ဆိုရင်​တော့​ ​ကောင်း​ပါတယ်။”

ဧရာဝတီနဲ့​ ပတ်သက်ပြီး​ ပြည်သူ​တွေ သိသင့်​တယ်ထင်တဲ့​ ဒါမှမဟုတ် တမျိုး​သား​လုံး​ သိသင့်​တယ်ဆိုတဲ့​ အပိုင်း​လေး​ ​ပြော​ပေး​ပါလား​။

“ဧရာဝတီမြစ်​ကြောင်း​ ကမ်း​ရိုး​တ​လျှောက်မှာ ​နေတဲ့​ လူ​တွေက​တော့​ ကျ​နော်တို့​ထက်​တောင် ပိုသိဦး​မယ်ဗျ။ ​နောက်တခါ အခု ​ပြော​နေကြတဲ့​နေရာ မြစ်စုံ​ဒေသမှာရှိတဲ့​ လူ​တွေအတွက်လည်း​ ပို​နေမှာပဲ။ ကျ​နော်တို့​က မလိုအပ်ဘဲနဲ့​ ပုံကြီး​ချဲ့​တဲ့​ သ​ဘောလည်း​ ဘယ်လိုမှ မဖြစ်ချင်ဘူး​။ မဖြစ်​စေချင်တာ ပြည်သူ​တွေ ကိုယ်တိုင်ကလည်း​ ဒီအ​ပေါ်မှာ စိတ်ဝင်စား​ပြီး​တော့​ ​လေ့​လာပြီး​တော့​မှ ကိုယ့်​ဆန္ဒကိုယ် ​ဖော်ထုတ်ကြဖို့​ အဲဒီလို ကျ​နော်က တိုက်တွန်း​ချင်တယ်။”

ဒီဧရာဝတီနဲ့​ ပတ်သက်ပြီး​ ​ရေး​သား​ပြောဆို​နေတာ​တွေက ပုံကြီး​ချဲ့​တယ်လို့​ ​ပြောမယ်ဆိုရင် ​ရပါသလား​။

“ကျ​နော်က​တော့​ အဲဒီလို မမြင်ဘူး​လေ။ ကျ​နော်က​တော့​ ပုံကြီး​ချဲ့​တာ မဟုတ်ဘူး​။ ဒီလူ​တွေက တကယ့်​ကို မျက်မြင်​ရေး​တဲ့​လူ​တွေဗျာ အများ​ကြီး​ ရှိပါတယ်။ ဓာတ်ပုံ​တွေ ရိုက်ခဲ့​တဲ့​လူ​တွေ၊​ ရုပ်ရှင်​တွေ ရိုက်ခဲ့​တဲ့​လူ​တွေ အဲဒီလို လူ​တွေ အများ​ကြီး​ ရှိပါတယ်။ အဲဒီ​တော့​ ဒီလို လူ​တွေကျ​တော့​ ကျ​နော်က လူ​တွေကိုပါ သိ​နေတာ​လေ။ ဒီလူ​တွေက မဟုတ်တာ ​ပြောမယ့်​သူ​တွေ မဟုတ်ဘူး​။ ပုံကြီး​ချဲ့​မယ့်​ လူ​တွေလည်း​ မဟုတ်ဘူး​။ အဲဒီလို ကျ​နော် ယုံကြည်မှုနဲ့​ ​ပြောတာပါ။”

ဒီ​လောက် ကျယ်ကျယ်​လောင်​လောင် ဧရာဝတီနဲ့​ ပတ်သက်ပြီး​ ဝိုင်း​ဝန်း​ ​ပြောဆို​နေတဲ့​ကြား​က အခုလို လက်မှတ်ထိုး​ ​တောင်း​ဆိုမှု​တွေလည်း​ ​ပေါ်လာပြီဆို​တော့​ ဒီလို လှုပ်ရှား​မှု​တွေ၊​ ဒီလို ​ရေး​သား​ဖော်ပြမှု​တွေက ဘယ်​လောက် အတိုင်း​အတာထိ ​မျှော်လင့်​နိုင်မလဲ ဆရာ။

“ဒါက​တော့​ဗျာ သူတို့​ အခု ဆက်ပြီး​တော့​ ဒါကို လုပ်သင့်​မလုပ်သင့်​ ဆိုပြီး​ မူဝါဒ ဆုံး​ဖြတ်တဲ့​ ပုဂ္ဂိုလ်များ​က ဒါကို ထည့်​စဉ်း​စား​လိမ့်​မယ်လို့​ ကျ​နော် ထင်ပါတယ်။ ကျ​နော်တို့​ အခုလို စာနယ်ဇင်း​တွေမှာ ​ပြောခွင့်​၊​ ဆိုခွင့်​၊​ ​ရေး​ခွင့်​၊​ သား​ခွင့်​ အဲဒီလို ရ​နေတာကိုကပဲ ​ကောင်း​တဲ့​ အလား​အလာပဲ​လေ။”
http://burmese.dvb.no

သမ္မတ အကြံပေး ကျနော် နေဇင်လတ်


Posted by admin on September 1, 2011

သမ္မတ အကြံပေးအဖွဲ့ထဲ ပါဝင်နေတဲ့ နေဇင်လတ် (ခ) ဌေးအောင်ဟာ သိုက် တူးသူ အင်္ဂလိပ်လိုဆိုရင်တော့ (Gold Digger) တဦးမျှသာ ဖြစ်ပါတယ်။ ပိုက် ဆံရှိတဲ့ မိန်းမတယောက်ကို ရအောင်ယူပြီး သူဋ္ဌေးဘွဲ့ခံထားသူပါ။ တကယ် က သူဟာ ခေတ်ပျက် သူဋ္ဌေးတယောက်ဖြစ်ပြီး၊ အရင်က ယောင်ခြောက် ဆယ်တဦးမျှသာ ဖြစ်တယ်။

ဗိုလ်ကြီးဟောင်း တဦးမျှသာဖြစ်ပြီး သူရဲ့မိန်းမ ဒေါ်ခင်ဆန်းက ပိုက်ဆံရှိ တယ်။ တော်တယ်။ ထက်တယ်။ နေဇင်လတ် ဆိုတာ မခင်ဆန်း သေဆိုသေ ရှင်ဆိုရှင်ပါ။ မခင်ဆန်း က တကယ့်သော့ (Kye) ပါ။ ထမင်းစားရင်တောင် နေဇင်လတ် က မခင်ဆန်း မလာသေးရင် ဇွန်းကို မကိုင်ရရှာဘူးလို့ ဓါတ်သိ တောင်ဥက္ကလာသား တဦးက ဆိုပါတယ်။

အနှီ မခင်ဆန်း က ဘယ်သူနည်းလို့မေးရင်တော့ ယခင် မောင်မောင်ကျော်ရဲ့ ဒုတိယ ဇနီးဟောင်း ဖြစ်ပါတယ်လို့ ပြော ပါရစေ။ (မောင်မောင်ကျော် ရဲ့ တတိယမိန်းမ မို့မို့မြင့်အောင် ဖြစ်ပါတယ်။) မခင်ဆန်း တော်ချက်ကတော့ သူယူတဲ့ ယောက်ကျားတွေက အခွေစကားနဲ့ပြောရရင် ပေါက်တယ်ပေါ့ဗျာ။

သူ့ ပထမယောက်ကျား မောင်မောင်ကျော်ကို ဖြစ်စေသတည်းလို့ မခင်ဆန်း မန်းမှုတ်လိုက်တဲ့ အခါမှာ၊ မောင်မောင် ကျော် ဖြစ်လာတယ်။ နောက်ယောက်ကျားဖြစ်တဲ့ နေဇင်လတ် ကိုလည်း နေဇင်လတ် ဖြစ်စေသတည်းလို့ မန်းလိုက်တဲ့ အခါမှာ သမ္မတ အကြံပေး ဖြစ်လာတယ်။ ဒီလောက်စွမ်းပါတယ်။ အမျိုးသမီးက တကယ်တော်ပါတယ်။

မခင်ဆန်း က နေဇင်လတ်ကို ရန်ကုန်မြို့ ဆရာစံလမ်းပေါ်က Ambo Hotel ကို ဦးစီးခိုင်းထားပါတယ်။ နေဇင်လတ်က သောက်ဖြစ်သိပ်မရှိတာရယ်၊ Visit Myanmar Year မှာ နိုင်ငံတကာပိတ်ဆို့မှုလေးရယ် ပေါင်းလိုက်တဲ့အခါသမယ အကြံ သမားတသိုက်ရဲ့ ဟော်တယ်နဲ့ တည်းခိုခန်းတွေအားလုံးဟာ မဟုတ်တရုတ် လုပ်တဲ့နေရာတွေအဖြစ်နဲ့ နိဋ္ဌိတံ နေရာပါ တယ်။ စီးပွားကျသပေါ့လေ။

ဟောတယ်လို့ နာမည်ခံထားပေမယ့် ဟောတယ်တခုအင်္ဂါရပ်နဲ့အညီ အဆင့်တန်းမရှိတဲ့အပြင် နာမည်ကလည်း သိပ် မကောင်းလှပါဘူး။ အကျင့်ပျက်စီးပွားရေးသမားတွေရဲ့ ပြည့်တန်ဆာတွေခေါ်လာတဲ့ နေရာအဖြစ်နဲ့  နိဂုံးချုပ်နေရပါ တယ်။ ရှင်းရှင်းပြောရရင်တော့ ခေတ်ပျက်အထည်ကြီးပျက် ဖြစ်နေတာပါ။ ဒီတော့ နေဇင်လတ် ဟာ နိုင်ငံရေးလော ကကို ဝင်လာပြီး ကိုယ်ကျိုးရှာယုံသက်သက်မျှသာ ဖြစ်ပါတယ်။

ပိုက်ဆံရှိတဲ့ မိန်းမကိုရလိုက်တဲ့ နေဇင်လတ်ဟာ စိုင်ကော်လို ခြုံပေါ်ရောက်လာသူလို့ ဆိုနိုင်ပါတယ်။ သူဟာ အမျိုးအ မည် မထင်ရှားတဲ့ တက္ကသိုလ်တခုက ဒေါက်တာဘွဲ့ကို အွန်လိုင်းကနေယူခဲ့တာလို့ သိရပါတယ်။ ဒေါက်တာဘွဲ့အတွက် ကုန်ကျငွေကတော့ ဒေါ်လာ ၂၅ဝဝ မျှသာဖြစ်တယ်လို့ သူ့မိတ်ဆွေဟောင်း တဦးဖြစ်တဲ့ မီဒီယာသမားတဦးက ဆိုပါ တယ်။

စာအုပ်တွေ ၂ ဒါဇင်နီးပါးကိုလည်း ရေးခဲ့ပြီး၊ တအုပ်မှ သူကိုယ်တိုင်ရေးတာ မဟုတ်ဘဲ၊ ငွေပေးပြီး သူများကိုရေးခိုင်းခဲ့ တာတွေဖြစ်တယ်လို့ ဓါတ်သိတွေက ဆိုပါတယ်။ ဒီစာအုပ်တွေကလည်း အကုန်လုံးက အပေါစားတက်ကျမ်းတွေမျှ သာ ဖြစ်ပါတယ်။ သမ္မတအကြံပေး ဆိုပေမယ့် သမ္မတကို ခုထိမတွေ့ဖူးသေးသူ ဖြစ်ပါတယ်။ သမ္မတ အကြံပေးအဖြစ် ကို ကျော်ဆန်း ထောက်ခံမှုနဲ့ ရလာတာပါ။ မုံရွာသား တောသားလူမိုက် ကျော်ဆန်း ဟာ စာကောင်းကောင်း ဖတ်တတ်သူ မ ဟုတ်တော့ နေဇင်လတ် ရွှီးတာကို သိပ်ယုံတယ်လို့ ဆိုတယ်။

နေဇင်လတ်က ကျော်ဆန်းကို ခေါင်းလိမ်ဆီက ဘယ်တံဆိပ်ကောင်းတယ်။ ဆံပင်ဆိုးဆေးက ဘယ်တံဆိပ်ကောင်း တယ်။ ရေမွေးဆိုရင် ဘယ်ဟာကကောင်းတယ်။ ဟောတယ်မှာ တမင်းစားရင် ဇွန်း၊ ခက်ရင်းကို ဘယ်လိုကိုင်ရတယ် ဆိုတာတွေကို ကျော်ဆန်း ဝန်ကြီးဖြစ်ခါစမှာ အနီးကပ်သင်တန်း ပေးခဲ့ရဖူးတယ်လို့ သိရတယ်။ တကယ်က နေဇင်လတ် ရဲ့ ဥပဇ္ဈယ်ဆရာအစစ်က မခင်ဆန်း ပဲ ဖြစ်ပါတယ်။

ဒီပညာတွေကို မခင်ဆန်းက နေဇင်လတ် ကိုသင်။ နေဇင်လတ်က တခါ ကျော်ဆန်း ကို ပြန်ပို့ချ၊ ဒီတော့ ကျော်ဆန်း ရဲ့ ရီကွန်မန်ဒေးရှင်းနဲ့ နေဇင်လတ်က သမ္မတလူကြမ်းအဖွဲ့မှာ အကြံပေးဖြစ်လာတော့ သမ္မတရဲ့အကြံပေးအစစ်က မခင်ဆန်း လို့ ဆိုနိုင်ပါကြောင်း။

သမ္မတအကြံပေးအဖွဲ့တွေကို သိန်းစိန် က စာရေးပြီး တင်ပြကြလို့ အမိန့်ပေးတော့ နေဇင်လတ် တင်တဲ့စာတန်းကို သိန်း စိန် နဲ့ တင်အောင်မြင့်ဦး (Shit Lone) တို့ သဘောကျ ဆိုပဲ။ ဒီအကြံပေးစာတန်းမှာ အမေရိကန်ရဲ့ သြဇာကို ထိမ်းညှိဖို့အ တွက် တရုပ်ကို သမ္မတ သွားသင့်ကြောင်းနဲ့  တရုပ်ကို တန်ပြန်ထိမ်းညှိဖို့ကတော့ ရုရှားကို ကပ်ထားသင့်ကြောင်း၊ အကြီး အကဲတဦး ရုရှားကိုသွားသင့်ကြောင့် အကြံပြုချက်တွေပါတယ်လို့ ဆိုတယ်။ ဒီစာတန်းကို နိုင်ငံတော် ကာကွယ်ရေးနဲ့ လုံခြုံရေး ဝန်းကြီးဌာန အစည်းဝေးမှာ ခဏခဏ ညွှန်းတယ်လို့ ဆိုပါတယ်။

ဒီစာတန်းပါ အချက်တွေကို အကြံပေးခဲ့သူကတော့ မခင်ဆန်း လက်ရာလို့ ဆိုကြပါကြောင်း။ တရုပ်ကို သိန်းစိန် သွားပြီး ရုရှားကို ရွှေမန်း သွားပုံထောက်ရင်တော့ မခင်ဆန်း ရဲ့ အကြံပေးချက်တွေဟာ အစိုးရသစ်အဖွဲ့တွက် အထောက်ကူပြု နေပုံရတယ်လို့ ယူဆရပါတယ်။

တောင်ဥက္ကလာ နန္ဒဝင်ဈေးထဲက ဈေးသူဈေးသားတွေ ပြောနေတာကတော့ သူတို့ ရပ်ကွက်သား နေဇင်လတ် ခုလို ပေါက် ပေါက်မြောက်မြောက် ဖြစ်နေတာကောင်းပါရဲ့ ဒါပေမယ့် စီးပွားရေးမျက်စိရှိတဲ့ မခင်ဆန်းက ထက်ထက်မြက်မြက် အကြံပေးချက်တွေကို အစိုးရအဖွဲ့က နားထောင်မယ် မှတ်သားမယ်ဆိုရင် ကုန်ဈေးနှုန်း ကျလာနိုင်မယ်လို့ ယူဆနေကြ တယ်လို့ ဆိုတယ်။

ငချစ်သင်

July 2, 2011 နေ့က သရော်စာကို ပြန်လည် ဖေါ်ပြခြင်း ဖြစ်ပါတယ်။
http://www.naytthit.net/?p=18465

အစိုးရ ကမ်းလှမ်းချက် နဲ့ တိုင်းရင်းသားအဖွဲ့များ တုံ့ပြန်မှု


ဗုဒ္ဓဟူး, 31 သြဂုတ် 2011

By ဦးကျော်ဇံသာ

ဒီတပတ် မြန်မာ့အရေး သတင်းသုံးသပ်ချက် ဆွေးနွေးခန်းမှာ တိုင်းရင်းသားတပ်ဖွဲ့တွေနဲ့ ငြိမ်းချမ်းရေး ဆွေးနွေးဖို့ သမ္မတဦးသိန်းစိန် အစိုးရရဲ့  ကမ်းလှမ်းချက်ကို UNFC (United Nationalities Federal Council) ခေါ် ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီက တုံ့ပြန်ကြေညာ လိုက်ပါတယ်။ မြန်မာနိုင်ငံမှာ စစ်အစိုးရနဲ့ စစ်တပ်ကျောထောက်နောက်ခံနဲ့ တက်လာတဲ့ အစိုးရ အဆက်ဆက်တို့က တိုင်းရင်းသားအဖွဲ့အစည်းအားလုံးနဲ့ တပြိုင်တည်း မဆွေးနွေးဘဲ တဖွဲ့ချင်းစီနဲ့ သီးခြားဆွေးနွေးချင်တာ ဘာကြောင့်ပါလဲ။ UNSC အထွေထွေအတွင်းရေးမှူး နိုင်ဟံသာ၊ SSA (Shan State Army) ရှမ်းပြည်မြောက်ပိုင်း တပ်မတော် ပြောခွင့်ရပုဂ္ဂိုလ် ဗိုလ်မှူးစိုင်းလှတို့ကို ဦးကျော်ဇံသာ ဆက်သွယ်မေးမြန်း ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ တိုင်းရင်းသားတွေ ဖက်ဒရယ်ကောင်စီကနေ မြန်မာနိုင်ငံအစိုးရရဲ့  ဆွေးနွေးရေး ကမ်းလှမ်းချက်ကို တုံ့ပြန်တဲ့ ကြေညာချက်ကို ဖတ်ရပါတယ်။ အဲဒီအထဲမှာ တိုင်းရင်းသား အဖွဲ့အစည်း တွေဟာ တဖွဲ့ချင်းတော့ မဆွေးနွေးနိုင်ဘူး။ အကုန်လုံး တပေါင်းတစည်းတည်း ဖက်ဒရယ် ကောင်စီကို ကိုယ်စားပြုမှ ဆွေးနွေးမယ်လို့ ထုတ်ပြန်ထားတာကို တွေ့ရပါတယ်။ အဓိက အဲဒီအချက်ဖြစ်မယ် ထင်ပါတယ်။ ဆရာ နိုင်ဟံသာ ဟုတ်ပါတယ်နော်။

နိုင်ဟံသာ ။ ။ ဟုတ်ပါတယ်။

ဦးကျော်ဇံသာ ။ ။ နောက် ဆရာတို့ဘက်က ဘာပြောထားသလဲဆိုတော့ အစိုးရအနေနဲ့ တဖွဲ့ချင်း ဆွေးနွေးမယ်လို့ ပြောခြင်းဟာ တိုင်းရင်းသားတွေကြားထဲမှာ သပ်သျှိုဖို့ ကြိုးစားထားခြင်း ဖြစ်တယ်လို့ ပြောဆိုထား ပါတယ်။ ဆရာ နိုင်ဟံသာ ဟုတ်ပါတယ်နော်။

နိုင်ဟံသာ ။ ။ ဟုတ်ပါတယ်။

ဦးကျော်ဇံသာ ။ ။ ဒီအချက်တွေပေါ် မူတည်ပြီး မေးချင်တာက တိုင်းရင်းသားတွေဟာ တကယ်ပဲ တပေါင်း တစည်းတည်း ဆွေးနွေးဖို့ဆိုတဲ့ ယုံကြည်ချက်ကို တကယ် အပြည့်အဝ ရရှိကြပြီလား။ အဲဒီအချက်ကို မေးချင်ပါတယ်။ ဘာကြောင့်လဲဆိုတော့ တချိန်တုန်းကလည်း ပထမပိုင်းမှာတော့ တဖွဲ့တစည်းတည်း ဆွေးနွေးမယ်ဆိုပြီး နောက်ပိုင်းမှာ ကေအိုင်အိုတို့ ဘာတို့က သီးခြား ဆွေးနွေး ကြပြီးတော့ အပစ်အခတ် ရပ်စဲရေးကို လက်မှတ်ထိုးသွားတာကို တွေ့ရပါတယ်။ အခုရော တဖွဲ့ချင်း ဆွေးနွေးမယ့်ဘက်ကို ပါသွားနိုင်မလား။ အမှန်တကယ် တစုတစည်းတည်း ဆွေးနွေးမယ်ဆိုတာကို ပြတ်ပြတ်သားသား ဆုံးဖြတ်ထားသလားဆိုတာကို ပထမမေးချင်ပါတယ်။

နိုင်ဟံသာ ။ ။ ကျနော်တို့ UNFC မှာတော့ တစုတစည်းတည်း ဆွေးနွေးဖို့တော့ ဆုံးဖြတ်ထားပြီးပါပြီ။

ဦးကျော်ဇံသာ ။ ။ ဆုံးဖြတ်ပြီးတော့ ဘယ်လောက် ခိုင်ခိုင်မာမာ ဆုံးဖြတ်ချက်အတိုင်း ဒီတကြိမ် လိုက်နာနိုင်မယ်လို့ ထင်ပါသလဲ။

နိုင်ဟံသာ ။ ။ အဲဒါကတော့ ကျနော် အခိုင်အမာ ရပ်တည်ကြမယ်လို့ ယုံကြည်ပါတယ်။ ဘာကြောင့်လဲ ဆိုတော့ ကျနော်တို့မှာ အတွေ့အကြုံ ရှိခဲ့ကြတယ်။ အဲဒီအတွေ့အကြုံကြောင့် ဒီလို ခိုင်ခိုင်မာမာ ရပ်တည်ဖို့ လိုအပ်တယ်ဆိုတဲ့ဟာကို အားလုံးက မြင်ကြတယ်။

ဦးကျော်ဇံသာ ။ ။ ဗိုလ်မှူးစိုင်းလှတို့ အဖွဲ့အနေနဲ့က တဖွဲ့ချင်း မဆွေးနွေးဘဲ ဒီလို အဖွဲ့အစည်းအားလုံး တစုတပေါင်းတည်း ဆွေးနွေးနိုင်မယ်ဆိုတဲ့ ဆုံးဖြတ်ချက်ကို အခိုင်အမာ ရပ်တည်နိုင်မယ်လို့ ထင်ပါသလား။

ဗိုလ်မှူးစိုင်းလှ ။ ။ ဟုတ်ကဲ့ ကျနော်တို့လည်း ဆရာနိုင်ဟံသာ ပြောသလို အတွေ့အကြုံအများကြီး ရှိခဲ့တယ်။ ဒီတော့ တဖွဲ့ချင်း သက်ဆိုင်ရာ ပြည်နယ်အစိုးရနဲ့ ဆွေးနွေးဖို့ဆိုတာက ဆွဲ၊ ခွဲ၊ တိုက် ဗျူဟာကို မေ့ပျောက်လို့ မဖြစ်ဘူး။ ဥပမာအားဖြင့် ကေအိုင်အို၊ ကေအန်ယူနဲ့ ဆွေးနွေးတာကို တမျိုးဆွေးနွေးပြီးတော့၊ အချိန်ဆွဲထားပြီးတော့ ကျနော်တို့ SSA ကို ဖိတိုက်ချေမှုန်းမယ့် plan မျိုး ဖြစ်နိုင်တယ်။ နောက်ဆုံးတော့ တဖွဲ့ချင်း တဖွဲ့ချင်း အဲဒီလို ဖိတိုက်ပြီးတော့ ချေမှုန်းသွားမယ့် အနေအထားမျိုး သုံးသပ်ရတယ်။

ဦးကျော်ဇံသာ ။ ။ ဆိုတော့ ပထမတုန်းက ၈၈ နောက်ပိုင်းမှာ ဒီလို တဖွဲ့ချင်း အပစ်အခတ် ရပ်စဲရေး လုပ်သွားခဲ့တယ်။ အဲဒီတုန်းကတော့ ဒီလို ဗျူဟာမျိုး ကျင့်သုံးလာလိမ့်မယ်ဆိုတာ တိုင်းရင်းသား အဖွဲ့အစည်း တွေက သဘောမပေါက်ခဲ့ကြဘူးလို့ ယူဆပါသလား။

ဗိုလ်မှူးစိုင်းလှ ။ ။ ဟုတ်ကဲ့ အဲဒီအချိန်တုန်းက ကျနော်တို့ သိပ်စုစည်းမှု မရှိခဲ့ဘူး။ အခုက ကျနော်တို့ UNFC ဖွဲ့စည်းတဲ့နောက်ပိုင်းမှာ အမြဲတမ်း ဖလှယ်နေကြတယ်။ ဒါကြောင့် အဲဒီလို အဖြစ်မျိုး နောက်တခါ မကြုံရအောင် ကျနော်တို့က ဆုံးဖြတ်ချက် ချထားပါတယ်။

ဦးကျော်ဇံသာ ။ ။ နောက်တခု ကျနော်မြင်တာက အစိုးရဘက်ကလည်း သူတို့က တဖွဲ့ချင်း ခွဲထုတ်ပြီး ဆွေးနွေးချင်တဲ့နေရာမှာ အဲဒီလို ဆွေးနွေးလောက်အောင် တဖွဲ့ချင်းကို ကျလောက်တဲ့ မက်လုံးတွေ - စီးပွားရေး အခွင့်အရေး၊ နိုင်ငံရေး အခွင့်အရေးတွေ ဘယ်လိုပေးမယ်ဆိုတဲ့ မက်လုံးတွေနဲ့ ဆွယ်မယ် လို့ ထင်တာပဲ။ ဟိုတုန်းကလည်း ဒီလိုဆွယ်ခဲ့တယ်လို့ ထင်ပါတယ်။ အဲဒီလိုမျိုး အစိုးရက တဖွဲ့ချင်းကို ကျလောက်အောင်ဆွယ်တဲ့ ကိစ္စမျိုး လုပ်လာခဲ့ရင် ဆရာတို့ တိုင်းရင်းသားတွေ တဖွဲ့ချင်းက ကြံ့ကြံ့ခံနိုင်မယ်လို့ ထင်ပါသလား။

နိုင်ဟံသာ ။ ။ ကျနော်အနေနဲ့ ကြံ့ကြံ့ခံ ရပ်တည်နိုင်ပါလိမ့်မယ်။ ဘာကြောင့်လဲ ဆိုတော့ အတွေ့အကြုံ ရှိခဲ့ပြီ။ ဒီ အခွင့်အရေးဆိုတာလည်း ဟုတ်တိပတ်တိ ပေးနိုင်တာမဟုတ်ဘူး။ ယာယီသဘောပဲ။ သဘောကတော့ မျက်စိလှည့်တဲ့သဘောပါပဲ။ တကယ့် ငြိမ်းချမ်းရေး၊ တကယ့် တိုင်းရင်းသားတွေရဲ့  အခွင့်အရေးတွေကို ပေးမှာမဟုတ်ဘူး။ ကျနော်တို့ စုပေါင်းပြီး မဆွေးနွေးရင်၊ စုပေါင်းပြီး ရပ်တည်မှု မရှိဘူးဆိုရင်တော့ ကျနော်တို့ အခွင့်အရေး ရနိုင်မှာ မဟုတ်ဘူးလို့ ကျနော်မြင်တယ်။

ဦးကျော်ဇံသာ ။ ။ ဗိုလ်မှူးစိုင်းလှရဲ့  သဘောကိုလည်း ပြောပါ။ တကယ်လို့ အစိုးရဘက်က ဗိုလ်မှူးတို့ အဖွဲ့ကို ဖြစ်စေ၊ ဆရာနိုင်ဟံသာ အဖွဲ့ကိုဖြစ်စေ၊ တခြားအဖွဲ့အစည်းတခုခုကိုဖြစ်စေ နိုင်ငံရေးအားဖြင့် ခင်များတို့ကို ဒီလို အခွင့်အရေးတွေပေးမယ်။ ခင်များတို့ တဦးချင်း လာဆွေးနွေးရင် စီးပွားရေးအရ ဘယ်လို အခွင့်အရေးမျိုး ပေးမယ်။ ခေါင်းဆောင်တွေကိုလည်း ဘယ်လိုရာထူးမျိုးမှာ ဘယ်လို လုပ်မယ် ဆိုတာမျိုး မက်လုံးမျိုး ပေးခဲ့တယ်ဆိုရင် ဒါကို ရပ်တည်နိုင်ပါမလား။ ကြံ့ကြံ့ခံနိုင်ပါမလား။ ကျနော် အထင်သေးလို့ မေးတာ မဟုတ်ပါဘူး။ အတွေ့အကြုံအရ အဲဒီသဘောမျိုးတွေ တွေ့ခဲ့ရလို့ မေးတာဖြစ်ပါတယ်။

ဗိုလ်မှူးစိုင်းလှ ။ ။ ဟုတ်ကဲ့ အတွေ့အကြုံအရ ကျနော်တို့ အများကြီး ဖြတ်သန်းခဲ့ပြီးပြီလေ။ ဥပမာ ကျနော်တို့ SSA ထဲမှာ ရောက်သလို သူတို့ ဆွဲခွဲတဲ့ ဗျူဟာမှာ ကျနော်တို့ နှစ်ဖွဲ့ကွဲသွားခဲ့တယ်။ ဒါကြောင့်မို့ အစိုးရက ဘယ်လို မက်လုံးပေးပေး ကျနော်တို့က ခံယူချက်နဲ့ ပြန်တိုက်နေတဲ့ အဖွဲ့ ဖြစ်နေတယ်။ ဒါကြောင့် ဘယ်လိုပဲ မက်လုံးပေးပေး ကျနော်တို့ ခံယူချက်နဲ့ ကျနော်တို့ ပန်းတိုင် မရောက်မချင်းတော့ တိုက်ပွဲဝင်သွားပါမယ်။

ဦးကျော်ဇံသာ ။ ။ ပန်းတိုင်ဆိုလို့ ဒီ တိုင်းရင်းသားအဖွဲ့အစည်းတွေဘက်ကိုပဲ မေးပါရစေ။ တိုင်းရင်းသား အဖွဲ့အစည်းတွေဘက်မှာ တောင်းဆိုချက်ကရော တခုတည်း ဖြစ်ပါ့မလား။ အစတုန်းကတော့ ဆရာ နိုင်ဟံသာ သိတဲ့အတိုင်း အစတုန်းက တချို့ က သီးခြားလွတ်လပ်တဲ့ နိုင်ငံထောင်ချင်တာတို့။ တချို့ က ဖက်ဒရယ် အဲဒီလို တောင်းဆိုချက်တွေလည်း အနိမ့်အမြင့် ကွာတာတွေ၊ နည်းတာများတာ ရှိနေကြတယ်လို့ ထင်ပါတယ်။ အခုအခါမှာ တောင်းဆိုတဲ့ အချက်တွေက အကုန်လုံး တစုတစည်းတည်း ဖြစ်မယ်လို့ ဆရာနိုင်ဟံသာ ထင်ပါသလား။

နိုင်ဟံသာ ။ ။ အခုအနေအထားမှာတော့ ကျနော်တို့က အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့် ရပ်တည်မှုအပေါ်မှာ စုစည်းထားတဲ့သဘောပါ။ တချို့ ကတော့ သီးခြားလွတ်လပ်ရေးတွေ ဘာတွေ အဲဒါမျိုးကိုတော့ ကျနော်တို့ထဲမှာ မပါတော့ဘူး။

ဦးကျော်ဇံသာ ။ ။ တညီတညွှတ်တည်း အကုန်လုံး ဖြစ်သွားပြီပေါ့။ တောင်းဆိုချက်တွေက။

နိုင်ဟံသာ ။ ။ ဟုတ်ကဲ့။

ဦးကျော်ဇံသာ ။ ။ ဒါက မူအားဖြင့်ပေါ့။ ဆိုတော့ ကိုယ်ပိုင်ပြဋ္ဌာန်းချက်ဆိုတာ ဆရာနိုင်ဟံသာ နည်းနည်းလေး မေးပါရစေ။ ကိုယ်ပိုင်ပြဋ္ဌာန်းချက်ဆိုတာ autonomy ပေ့ါ။ ကိုယ့်ကြမ္မာကိုယ် ဖန်တီးခွင့် ဘယ်လောက်အတိုင်းအတာအထိ သတ်မှတ်ပါသလဲ။ ဆရာတို့ဘက်က လိုချင်တာ။ တကယ်လို့ အစိုးရက ပြောထားတယ်။ တိုင်းရင်းသားတွေ ဒေသမှာ ပြည်နယ်အစိုးရ၊ တိုင်းဒေသကြီး အစိုးရက ကိုယ်ပိုင် အုပ်ချုပ်ရေး တိုင်းရင်းသားနယ်တချို့ မှာလည်း အဲဒီလို ကိုယ်ပိုင်အုပ်ချုပ်ရေးတွေ ပေးထားတယ်လို့ ဆိုခဲ့ရင် ဆရာတို့ဘက်က ဘယ်လိုပြန်လည် ဆွေးနွေးမလဲ။

နိုင်ဟံသာ ။ ။ ယနေ့ ကိုယ်ပိုင်အုပ်ချုပ်ရေး နဲ့ ကိုယ်ပိုင်ပြဋ္ဌာန်းခွင့်ကတော့ မတူဘူး။ ကိုယ်ပိုင် အုပ်ချုပ်ခွင့် ဆိုတာ သူတို့ပြဋ္ဌာန်းထားတဲ့ ဥပဒေအတိုင်းကို အုပ်ချုပ်ရတဲ့ အနေအထားမျိုး။ ကျနော်တို့က ပြည်ထောင်စု အစိုးရကို ထိုက်သင့်တဲ့ အာဏာတွေ ခွဲပြီးတော့ ကျန်တဲ့အာဏာတွေကို ကျနော်တို့ လုပ်နိုင်တဲ့ အခွင့်အရေးတွေ အပိုင်း။ အဲဒါက ကျနော်တို့ အာဏာကြီး (၃) ရပ်ဖြစ်တဲ့ ကိုယ်ပိုင် အုပ်ချုပ်ရေးအာဏာ၊ တရားစီရင်ရေး အာဏာ၊ ဥပဒေပြုရေးအာဏာ - အဲဒီ အာဏာတွေကို ကျနော်တို့ ပြည်နယ်ထဲမှာ ရှိရမယ်ဆိုတဲ့ မူအရ အဲဒါကို ကျနော်တို့ အမျိုးသားပြဋ္ဌာန်းခွင့်လို့ ဆိုတယ်။

ဦးကျော်ဇံသာ ။ အခု အစိုးရ ဥပဒေထဲမှာ ပြဋ္ဌာန်းတာကိုတော့ လုံးဝ လက်မခံနိုင်ဘူးပေါ့။

နိုင်ဟံသာ ။ ။ ဒါကိုတော့ လက်မခံနိုင်ပါဘူး။ ၂၀၀၈ ဖွဲ့စည်းပုံကို ကျနော်တို့ လုံးဝလက်မခံပါဘူး။

ဦးကျော်ဇံသာ ။ ။ တခုပြောစရာ ရှိတာက ၂၀၀၈ ဖွဲ့စည်းပုံဟာ ပြည်ထောင်စုတခုလုံး ဗဟိုအစိုးရရဲ့ အာဏာတောင်မှ ဆရာအခုနပြောတဲ့ ဥပဒေပြုခွင့်၊ တရားစီရင်ပိုင်ခွင့်၊ စီမံခန့်ခွဲ အုပ်ချုပ်ပိုင်ခွင့် ဆိုတာတွေက တကယ့် လူထုကိုယ်စားလှယ် လက်ထဲမှာ မရောက်သေးဘဲနဲ့ အဲဒီ ဆရာတို့ တိုင်းရင်းသားတွေဘက်က ပြောတဲ့အဆင့်ဟာ ဖြစ်နိုင်မလား။

နိုင်ဟံသာ ။ ။ ဒီအချက်ဟာ အဲဒီလို မရှိသေးလို့ပါ။ ကျနော်တို့ လက်မခံနိုင်တာ။ တကယ်လို့ အဲဒီလို အဆင့်မျိုး ရောက်လာရင်တော့ ကျနော်တို့ လက်ခံမှာပါ။

ဦးကျော်ဇံသာ ။ ။ ဆိုတော့ သမ္မတဦးသိန်းစိန် အစိုးရဘက်က အဲဒီအဆင့်ထိ လိုက်လျောနိုင်မယ့် အခြေအနေ မြင်မလား။ အဲဒါကို ဆွေးနွေးချင်တာပါ။ ဒါပေမဲ့ အဲဒီအဆင့်ကို မရောက်ခင် သိချင်သေးတာက ဆရာတို့ တွေ့ဆုံမယ့်နေရာမှာ တဖွဲ့ချင်း၊ တစုချင်း မဟုတ်ဘဲနဲ့ UNFC တခုလုံး အနေနဲ့ စုပေါင်းပြီး တွေ့မယ်ဆိုတာကို သမ္မတဦးသိန်းစိန်ဘက်က လက်ခံနိုင်မယ့် အလားအလာ ရှိမယ်လို့ ဆရာထင်ပါသလား။

နိုင်ဟံသာ ။ ။ လောလောဆယ်တော့ မရှိသေးဘူး။ ဒါပေမဲ့ ပြည်တွင်းပြည်ပ၊ လွှတ်တော်ထဲက ကိုယ်စားလှယ်တွေ အပါအဝင် ဥပမာ ဒေါ်အောင်ဆန်းစုကြည် နဲ့ ညီနောင် ငါးပါတီတို့ တောင်းဆို လာမယ် ဆိုရင်တော့ တဖြည်းဖြည်းချင်း ဖြစ်ပေါ်လာနိုင်ပါတယ်။ မှန်ကန်တဲ့ ရပ်တည်ချက်၊ မှန်ကန်တဲ့ လုပ်ရပ်က အမှန်တရားက အောင်ပွဲရမယ်လို့ ယုံကြည်ပါတယ်။

ဦးကျော်ဇံသာ ။ ။ ကျနော်တို့ နီးနီးကပ်ကပ်တော့ အဲဒီအခြေအနေကို မမျှော်မှန်းနိုင်သေးဘူးပေါ့။

နိုင်ဟံသာ ။ ။ သိပ်လွယ်လွယ်ကြီးတော့ ဖြစ်လာမှာ မဟုတ်သေးဘူး။

ဦးကျော်ဇံသာ ။ ။ ဗိုလ်မှူးစိုင်းလှရဲ့  သဘောကိုလည်း ပြောပါအုံး။ ဗိုလ်မှူးတို့ဘက်က ဘယ်လို ကိုယ်ပိုင် အုပ်ချုပ်ခွင့်မျိုးကို လိုချင်ပါသလဲ။ အခုလောလောဆယ်ရှိတဲ့ သမ္မတ ဦးသိန်းစိန် အစိုးရဆီက ဘယ်လောက်ပဲ တောင်းတောင်း ထွက်လာနိုင်မယ် ထင်ပါသလား။ ဒီလို အခွင့်အရေးမျိုး။ သမ္မတ ဦးသိန်းစိန်က ပေးချင်တယ် ထားအုံးတော့ တချို့ကပြောတယ် ဒီလူဟာ သဘောထား ပျော့ပျောင်း တယ်။ ဘာညာ။ ဒီအစိုးရ လက်ထက်မှာ ဆရာတို့ဘက်က တောင်းဆိုထားတဲ့ အခွင့်အရေးမျိုး ရနိုင်မယ့် အလားအလာ ရှိပါရဲ့ လား။

ဗိုလ်မှူးစိုင်းလှ ။ ။ တဆင့်ပြီးတဆင့် တောင်းဆိုသွားမယ်။ နောက်ဆုံး နိုင်ငံတော် အစိုးရက တကယ်တန်း စေတနာမှန်တဲ့ လက်နက်ကိုင်အဖွဲ့တွေနဲ့ ငြိမ်းချမ်းရေး အမှန်တကယ် လိုလားရင်တော့ ပထမအဆင့် အနေနဲ့ တိုင်းရင်းသားဒေသအားလုံးမှာ ထိုးစစ်ဆင်နေတာတွေကို ရပ်ဆိုင်းဖို့လိုတယ်။ အခုက အဲဒီလို မဟုတ်ဘဲနဲ့ ကျနော်တို့ဒေသမှာ နေ့စဉ်ရက်ဆက် တိုက်ပွဲဖြစ်နေတာက အဲဒါ အစိုးရက ကမ်းသာ ကမ်းလှမ်းတာ ဒါပေမဲ့ စစ်ဘက်က ညွှန်ကြားတာ တမျိုး။ ဒါကြောင့် အဲဒီမှာ အာဏာက စစ်ဘက်ကို မလွှမ်းမိုးနိုင်သေးဘူး။ ကျနော်တို့ ရချင်တဲ့ အခွင့်အရေးကို ကျနော်တို့ ချက်ချင်း လက်ငင်းလို့လည်း မဆိုလိုပါဘူး။ တဆင့်ပြီးတဆင့်ပါ။

ဦးကျော်ဇံသာ ။ ။ ဆိုလိုတဲ့ သဘောက အပစ်အခတ်ရပ်စဲရေးအတွက်၊ အရင် ထိုးစစ်ဆင်တာကို ရပ်စဲရေးကို ဆွေးနွေးချင်တာပေါ့။

ဗိုလ်မှူးစိုင်းလှ ။ ။ ဟုတ်ကဲ့။ အဲဒါ လက်နက်ကိုင် တိုင်းရင်းသားဒေသအားလုံးပေါ့။ ကျနော် ဆိုလိုချင်တာက အဲဒါတွေ အရင် ရပ်ဆိုင်းဖို့ အဓိကအကျဆုံးပါ။

ဦးကျော်ဇံသာ ။ ။ လောလောဆယ်မှာ ဗိုလ်မှူးစိုင်းလှ ပြောတဲ့ ထိုးစစ်ဆင်တာတွေ ရပ်ဆိုင်းရေး အတွက် ပထမဦးဆုံး ဆွေးနွေးဖို့ မလိုပေဘူးလား။ အဆင့်မြင်တဲ့ နိုင်ငံရေးတောင်းဆိုချက်တွေကို ဘေးဖယ်ပြီးတော့။

နိုင်ဟံသာ ။ ။ လိုပါတယ်။ ဒါက တကယ့် ငြိမ်းချမ်းရေးကို တက်လှမ်းမယ်ဆိုရင် ပထမအဆင့်က ထိုးစစ်ကို ရပ်ဆိုင်းရမယ်။ ဒုတိယအဆင့်မှာ တပြည်လုံး အပစ်အခတ်ရပ်စဲရေးကို ကြေညာရမယ်။ နောက်မှ တဖတ်က တွေ့ဆုံနိုင်ဖို့ နှစ်ဖက်ကိုယ်စားလှယ်တွေ တွေ့ဆုံနိုင်ဖို့ စီစဉ်ရမယ်။ အစီအစဉ် တွေကတော့ တဆင့်ချင်း တဆင့်ချင်းပေါ့။ အဲဒီလို သွားရမှာပါ။

ဦးကျော်ဇံသာ ။ ။ ဆိုတော့ ထိုးစစ်ကို ရပ်ဆိုင်းရေးအဆင့်မှာကျတော့ ဗဟိုအစိုးရအထိ တက်ပြီး တောင်းဆို နေမလား။ အခုလောလောဆယ် ဖြစ်နေတဲ့ စစ်တပ်နဲ့ ဒေသအာဏာပိုင်တွေ ဆွေးနွေးဖို့ ဒီဟာကို ဆရာတို့ မစဉ်းစားနိုင်ဘူးလား။

နိုင်ဟံသာ ။ ။ အဲဒါက ဥပမာအားဖြင့် ပြည်နယ်တခုမှာ ရပ်ဆိုင်းပြီးတော့ တခြားပြည်နယ်မှာ ထိုးစစ်ဆင် နေရင်တော့ ဒါကလည်း မှန်ကန်တဲ့ လုပ်ရပ်မဟုတ်ဘူးလို့ ကျနော်ထင်တယ်။ ဒါက ဗဟိုအစိုးရ ညွှန်ကြားမှု အောက်မှာ တမျိုးတည်းဖြစ်ရမယ်။ အဲဒီ ပုံစံအတိုင်း။ ဒါကြောင့်မို့ အဲဒီ ပုံစံအတိုင်း သီးခြားစီလုပ်နေလို့ မဖြစ်ဘူး။

ဦးကျော်ဇံသာ ။ ။ အခုလောလောဆယ် ထိုးစစ်ဆင်မှုကို အများဆုံး ခံနေရတာ ကချင်နဲ့ ရှမ်း လို့ ထင်ပါတယ်။

နိုင်ဟံသာ ။ ။ ဟုတ်ပါတယ်။ ကရင် ဘက်မှာလည်း အထိုက်အလျောက်တော့ ရှိပါတယ်။

ဦးကျော်ဇံသာ ။ ။ အထိုက်အလောက်ရှိတဲ့ ကရင်ဘက်ကိုလည်း ဆက်လိုက်ပါတော့။ ဒီ သုံးခုကို အဓိကထား ဆွေးနွေးပါမယ်။ အပစ်အခတ်ရပ်စဲရေးအတွက်ဆိုရင် ဆရာတို့ဘက်က လက်ခံနိုင်မယ့် အခြေအနေ ရှိပါသလား။

နိုင်ဟံသာ ။ ။ အပစ်အခတ် ရပ်စဲရေးဆိုတဲ့ဟာကလည်း ကျနော်တို့ UNFC နဲ့ ဆွေးနွေးရမှာပါ။ တကယ် လိုလားမယ် ဆိုရင်တော့ UNFC နဲ့ ဆွေးနွေးတာ သူတို့ လက်မခံနိုင်စရာ မရှိဘူးလို့ ထင်ပါတယ်။

ဦးကျော်ဇံသာ ။ ။ ဗိုလ်မှူးစိုင်းလှရဲ့  သဘောထားကိုလည်း ပြောပါ။ UNFC အနေနဲ့ အပစ်အခတ် ရပ်စဲရေးကို ဗိုလ်မှူးတို့ ရှမ်းဒေသ၊ ကချင် နဲ့ ကရင်ဘက်မှာ အထိုက်အလျောက် ထိုးစစ်ဆင် နေတာတွေ အတွက် - ဒီ သုံးဖွဲ့နဲ့ပဲ သူတို့ ဆွေးနွေးပါရစေ အပစ်အခတ်ရပ်စဲရေး လောလောဆယ် ကိစ္စဆိုရင်။

ဗိုလ်မှူးစိုင်းလှ ။ ။ ကျနော်တို့လည်း အဲဒီလိုပဲ ကျနော်တို့ မြင်တယ်။ ဥပမာအားဖြင့် ကေအိုင်အို၊ ကေအန်ယူ ဘက် ရပ်ဆိုင်းပြီးတော့ ကျနော်တို့ကို ဖိတိုက်နေတဲ့ဟာမျိုး။ ကျနော်တို့ဘက်က ရပ်ဆိုင်းပြီးတော့ ကေအန်ယူ၊ ကေအိုင်အို တို့ဘက် ဖိတိုက်တာမျိုး ကျနော်တို့ မလိုလားပါဘူး။ ဒါကြောင့်မို့ အခုန ပြောသလိုမျိုး ကျနော်တို့ ဖွဲ့စည်းထားတဲ့ UNFC အဖွဲ့အစည်းနဲ့သာမက အဖွဲ့ဝင် မဟုတ်တဲ့ ကျန် လက်နက်ကိုင်ဖြစ်တဲ့ ဝ၊ မိုင်းလား အဖွဲ့တို့နဲ့ တခြားအဖွဲ့တွေကိုပါ အားလုံးနဲ့ တပြိုင်တည်း သူတို့ လုပ်သင့်တယ်လို့ ကျနော်တို့ မြင်ပါတယ်။

ဦးကျော်ဇံသာ ။ ။ မြန်မာနိုင်ငံမှာ တိုင်းရင်းသားအုပ်စုတွေ အများအပြား ရှိလာတာဟာ သမိုင်းအရကို ဖြစ်တည်လာခဲ့တာပါ။ တိုင်းရင်းသားတွေရဲ့  အားနည်းချက်တခုတော့ မဟုတ်ပါဘူး။ ဒါကို အခွင့်ကောင်းယူပြီး နယ်ချဲ့သမားတွေက သွေးခွဲအုပ်ချုပ်ခဲ့ဖူးပါတယ်။ အခုအခါမှာလည်း ပြည်ထောင်စု မပြိုကွဲရေးကို ဦးထိပ်တင်ထားပါတယ်ဆိုပြီး တိုင်းရင်းသားတွေရဲ့  မတူကွဲပြားမှုတွေကို အခွင့်ကောင်းယူ အမြတ်ထုတ်ကြမယ်ဆိုရင်တော့ အဲဒီလုပ်ရပ်တွေဟာ နယ်ချဲ့သမားတွေရဲ့  ယုတ်ညံ့တဲ့ လုပ်ရပ်နဲ့ ဘာမှမခြားဘူးလို့ ထင်မြင်မိပါတယ်။

http://www.voanews.com/burmese/news/

ရပ်ကွက်၊ ကျေးရွာအဆင့် ဖြေရှင်းနိုင်သော ကိစ္စများအား လွှတ်တော်တွင်း ဦးစားပေးဆွေးနွေးနေ


ခင်ဦးသာ Thursday, 01 September 2011 17:26
ကျင်းပနေဆဲ လွှတ်တော် အစည်းအဝေးများတွင် တနိုင်ငံလုံး အတိုင်းအတာနှင့် ပြည်သူ တရပ်လုံးအတွက် အရေးပါသည့် ကိစ္စရပ်များထက် ရပ်ကွက်၊ ကျေးရွာအဆင့်တွင် ဖြေရှင်းနိုင်သော ကိစ္စရပ်များအား ဦးစားပေး ဆွေးနွေးနေကြောင်း နိုင်ငံပိုင် သတင်းစာများတွင် တွေ့ရသည်။

အာဏာရပါတီဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၀င်များအပါအ၀င် ကိုယ်စားလှယ် အများစုသည် မိမိဒေသ၏ မော်တော်ကားလမ်း၊ မီးရထားလမ်းပိုင်းများ ပြုပြင်ပေးရန်ရှိ၊ မရှိ၊ ကျေးရွာ၊ ရပ်ကွက်တချို့၌ စာသင်ကျောင်းများ ပြုပြင်ပေးရန် ရှိ၊ မရှိ၊ ဓာတ်မြေသြဇာ စက်ရုံမှ ထွက်သည့် ဓာတ်မြေသြဇာကို လယ်သမားများ သုံးခွင့် ရှိ၊ မရှိ စသည့် မေးခွန်းများ မေးမြန်းခြင်း၊ အဆိုပြုခြင်းတို့ အပေါ် သက်ဆိုင်ရာဝန်ကြီးများက ဖြေဆိုခြင်းတို့ကို သတင်းစာများက အကျယ်တ၀င့် ရေးသားထားသည်။

တိုက်ကြီး မဲဆန္ဒနယ်မှ ဦးဟန်စိန်က “ရန်ကုန်-ပုဂံ အမြန်ရထားသည် အရင်ကတိုက်ကြီးဘူတာ၌ ရပ်နားခဲ့ သော်လည်း ယခုအခါ မရပ်နားတော့သဖြင့် ၂ မိနစ်ခန့် ရပ်ပေးရန် အစီအစဉ် ရှိ၊ မရှိ” မေးမြန်းရာ ၀န်ကြီး ဦးအောင်မင်းက ရန်ကုန်-ပုဂံ ခရီးစဉ်သည် အမြန်ခရီးစဉ်ဖြစ်၍ ထိုသို့ ရပ်နားရန် မရှိဟု ဖြေဆိုခဲ့သည်။

မြစ်ကြီးနားမြို့၌ မြစ်ရေကြီးလာ၍ ရေထိန်းနံရံတည်ဆောက်ပေးရန် အစီအစဉ် ရှိ၊ မရှိ၊ မန္တလေး-တကောင်း-ကသာ၊ ဗန်းမော် လမ်းမကြီးအား ကတ္တရာလမ်း ခင်းပေး၊ မပေး စသည်ဖြင့် မေးမြန်းကြရာ နိုင်ငံတော်က နှစ်စဉ် ဆောင်ရွက်ပေးနေကြောင်း သက်ဆိုင်ရာ ၀န်ကြီးများက ဖြေဆိုကြသည်ကို သတင်းစာ၌ တွေ့ရသည်။

ပြည်သူ့လွှတ်တော် ကိုယ်စားလှယ် ဦးဖေသန်းက “ဒေသဆိုင်ရာ အာဏာပိုင်တွေ၊ ဌာနတွေရဲ့ ပူးပေါင်း ဆောင်ရွက်လိုစိတ် အားနည်းတဲ့အတွက် အသေးအမွှား ကိစ္စတွေကို လွှတ်တော်မှာ ဆွေးနွေးနေကြရပါတယ်။ တချို့ကိစ္စတွေဆိုရင် ပြည်နယ် ၀န်ကြီးချုပ်ကတောင် ဖြေရှင်းပေးတာ မရှိပါဘူး” ဟု ဧရာဝတီကို ပြောသည်။

ဒေသဆိုင်ရာ အာဏာပိုင်များနှင့် ဌာနများက ဗဟိုမှ ညွန်ကြားချက် တစုံတရာ မရှိဟုဆိုကာ ပြည်သူတို့၏ လိုအပ်ချက်များကို ဖြေရှင်းပေးမှု မရှိခြင်း၊ လွှတ်တော်ကိုယ်စားလှယ် များနှင့် ပူးပေါင်းဆောင်ရွက်ရန် တွန့်ဆုတ်နေခြင်းတို့ ကြုံတွေ့ရကြောင်း ၎င်းက ဆက်ရှင်းပြသည်။

ဒေသဆိုင်ရာ အာဏာပိုင်များ ပူးပေါင်းဆောင်ရွက် လာရေးနှင့် လွှတ်တော်ကိုယ်စားလှယ်များ၏ အခန်းကဏ္ဍ ပီပီပြင်ပြင် ဖြစ်ပေါ် လာရေးတို့အတွက် ဆောင်ရွက်ပေးရန် လွှတ်တော်ဥက္ကဋ္ဌထံ စာရေး တောင်းဆိုထားသည်ဟုလည်း ဦးဖေသန်းက ဆိုသည်။

လွှတ်တော်အတွင်း၌ ကိုယ်စားလှယ်တချို့က နိုင်ငံအတွက်၊ ပြည်သူ တရပ်လုံးအတွက် အရေးကြီးသော အကြောင်း အရာများကို ဆွေးနွေး၊ အဆိုပြုခြင်း ရှိသော်လည်း အများစုမှာ အရာမထင်ခဲ့ပေ။

ပြည်သူ့လွှတ်တော်နှင့် အမျိုးသားလွှတ်တော် နှစ်ရပ်စလုံး၌ လွှတ်တော်ကိုယ်စားလှယ် စုစုပေါင်း ၆၀၀ ခန့် ရှိသည့်အနက် နိုင်ငံရေးနှင့် သက်ဆိုင်သော အဆိုတချို့နှင့် မေးခွန်းတချို့ကို သင်္ဃန်းကျွန်းမြို့နယ်မှ ပြည်သူ့လွှတ်တော် ကိုယ်စားလှယ် ဦးသိန်းညွန့်နှင့် ကိုယ်စားလှယ် အနည်းငယ်ကသာ မေးမြန်းခြင်း၊ အဆိုပြုခြင်းတို့ ဆောင်ရွက်လျက် ရှိသည်။

ဦးသိန်းညွန့် တင်သွင်းသော အဆိုများအနက် အထွေထွေ လွတ်ငြိမ်းချမ်းသာခွင့်ကိစ္စအကြောင်း ဆွေးနွေးခြင်းကို သတင်းစာ က အနည်းငယ် ဖော်ပြခဲ့ပြီး အကျဉ်းထောင်ဥပဒေ ပြင်ဆင်ရေး၊ တရားရုံးဆိုင်ရာ ဥပဒေပြင်ဆင်ရေးနှင့် အရေးပေါ်ကြေညာ ချက် ဥပဒေ ပြင်ဆင်ရေး အဆိုများကို ပယ်ချခဲ့သည်။ ပြည်တွင်း ငြိမ်းချမ်းရေးကိစ္စကို ပြောဆိုသော်လည်း အသေးစိတ် ဆွေးနွေးချက်များ မတွေ့ရသေးပေ။

ကျပ်ငွေတန်ဖိုး မြင့်တက်နေသည့်အတွက် စီးပွားရေး အကျပ်အတည်း ကြုံတွေ့နေရသဖြင့် ငွေလွှဲနှုန်း ပြင်ဆင်မည့် ကိစ္စရပ်ကို အကောင်အထည် ဖော်ရန် ကြိုးစားနေသည်ဟု ယမန်နေ့က ကျင်းပသည့် လွှတ်တော် အစည်းအဝေးတွင် ပြောဆို ခဲ့သော်လည်း ထိရောက်သော ဆောင်ရွက်မှုများအား အသေးစိတ် ဆွေးနွေးခြင်း မရှိပေ။

လွှတ်တော်တွင်း၌ ကိုယ်စားလှယ်များ၏ မေးခွန်းများကို ဖြေဆိုသော ၀န်ကြီးတချို့သည် ထိရောက်ရှင်းလင်းစွာ ဖြေဆိုခြင်း မရှိသည်ကိုလည်း တွေ့ရသည်။

ကချင်ပြည်နယ် အမှတ် ၁၁ မဲဆန္ဒနယ်မှ ဦးစံထွန်းက “မြန်မာနိုင်ငံ၏ တယ်လီဖုန်း ခေါ်ဆိုခ နှုန်းထားများမှာ အိမ်နီးချင်း နိုင်ငံများထက် မြင့်မားနေသဖြင့် သင့်တင့်သည့် နှုန်းထားတခုကို ပြင်ဆင် သတ်မှတ်ပေးရန် ရှိ၊ မရှိ” မေးမြန်းရာ
ဆက်သွယ်ရေးဝန်ကြီး ဦးသိန်းထွန်းက အိမ်နီးချင်းနိုင်ငံများ၏ နှုန်းထားများကို ဖတ်ပြ၍ မြန်မာနိုင်ငံ၏ လက်ရှိ နှုန်းထားသည်
သင့်တင့်သော နှုန်းထားဖြစ်သည်ဟုသာ ဖြေဆိုသွားသည်။

အလားတူ ဆေးရောင်းချခွင့် မရှိသော ဈေးဆိုင်များက စပ်ဆေးများ ရောင်းချနေခြင်းကြောင့် လူနာအများ ဆေးယဉ်သည့် ပြဿနာ ဖြစ်နိုင်သဖြင့် တားဆီးပေးရန် ရှိမရှိ ဆိုသော မေးခွန်းကို ကိုယ်စားလှယ်တဦးက မေးမြန်းရာတွင်လည်း ရှင်းလင်းစွာ ဖြေကြားခြင်း မတွေ့ရပေ။

တနိုင်ငံလုံးက တောင်းဆိုနေကြသော အထွေထွေ လွတ်ငြိမ်းချမ်းသာခွင့်အဆိုကို လွှတ်တော်က အတည်ပြုပေးခဲ့သော်လည်း အတိုက်အခံ နိုင်ငံရေးသမားများကို လိုသလို ထောင်သွင်း အကျဉ်းချနိုင်သည့် ၁၉၅၀ ပြည့်နှစ် အရေးပေါ် စီမံချက် ဥပဒေ ပယ်ဖျက်ပေးရန် အဆိုတင်သွင်းသည်ကိုမူ ပယ်ချခဲ့သည်။

ဒီမိုကရက်တစ်ပါတီ (မြန်မာ) ၏ ဥက္ကဋ္ဌ ဦးသုဝေက “မေးခွန်းတွေတော့ အစုံတွေ့ရပါတယ်။ ကိုယ့်ဒေသက အကြောင်း အရာတွေတော့များတယ်။ မေးခွန်းတို့၊ အဆိုတို့က ကြိုတင်ပေးရတာ ဆိုတော့ စိစစ်ပြီး မေးသင့်တာတွေကိုပဲ ဦးစားပေးတဲ့ သဘောလားတော့ မသိဘူး” ဟု ဆိုသည်။

ယမန်နေ့က လွှတ်တော်တွင် ပြည်တွင်း ထာဝရ ငြိမ်းချမ်းရေး ကော်မတီ ဖော်ဆောင်၍ ထိုအဖွဲ့၌ ဒေါ်အောင်ဆန်းစုကြည် ပါဝင်နိုင်ရေးကို အမျိုးသားလွှတ်တော် ကိုယ်စားလှယ် ဒေါက်တာအေးမောင်က ဆွေးနွေးခြင်းနှင့် ငြိမ်းချမ်းရေး မတည်ဆောက် နိုင်သဖြင့် ပြည်တွင်း မငြိမ်းချမ်းသေးဟု စစ်တပ်ကိုယ်စားလှယ် ဗိုလ်မှူးကြီး တဦးက ဆွေးနွေးခြင်းတို့ကိုမူ ယနေ့ထုတ် သတင်းစာများတွင် ဖော်ပြခြင်းမရှိပေ။

ကိုယ်စားလှယ် တချို့၏ နိုင်ငံရေးနှင့်ဆိုင်သော မေးခွန်းများ၊ အဆိုများကို ကန့်ကွက်သူများမှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၏ ကိုယ်စားလှယ်များဖြစ်ကြောင်း၊ ကြံ့ဖွံ့ပါတီ ကိုယ်စားလှယ်များ၏ ပြောဆိုမှုများ၌ ပုဂ္ဂိုလ်ရေး တိုက်ခိုက်သော စကားလုံးများ ပါဝင်နေသောကြောင့် ပြည်သူ့ လွှတ်တော်ဥက္ကဋ္ဌ သူရဦးရွှေမန်းက ဟန့်တားခဲ့ရကြောင်း သိရသည်။

“မလိုအပ်တဲ့ စကားတွေ ပြောနေကြတာတွေဟာ တဦးအပေါ်တဦး ယုံကြည်မှု၊ လေးစားမှုတွေ ပျက်စေတယ်၊ ငြင်းခုံမှုတွေနဲ့ အချိန် မကုန်စေချင်ဘူး။ တရက်တရက် ကုန်ကျနေတဲ့ငွေတွေဟာ နိုင်ငံတော်ရဲ့ ငွေတွေမဟုတ်ပါဘူး၊ ပြည်သူတွေရဲ့ ငွေတွေပါ။ ပြည်သူတွေရဲ့ ငွေတွေကို ဖြုန်းတီးရာ မရောက်စေချင်ဘူး” ဟု ဦးရွှေမန်းက ဆိုသည်။

လွှတ်တော်ဥက္ကဋ္ဌများ ဖြစ်ကြသော သူရဦးရွှေမန်းနှင့် ဦးခင်အောင်မြင့် တို့က “ပြည်သူ့အသံ - လွှတ်တော်အသံ၊ ပြည်သူ့ဆန္ဒ-လွှတ်တော်ဆန္ဒ၊ ပြည်သူ့ မျှော်လင့်ချက် - လွှတ်တော်ဆောင်ရွက်ချက်” ဆိုသည့် ဆောင်ပုဒ်ကို လွှတ်တော်တွင်း လက်ကိုင် ထားသည်ဟု လွှတ်တော် အစည်းအဝေးအတွင်း မကြာခဏ ပြောလေ့ရှိသည်။

“လွှတ်တော်ဆိုတာ ဥပဒေပြုရေးကိစ္စ၊ ပေါ်လစီတွေ ချမှတ်ရတဲ့ အရေးကြီး နေရာပါ။ ဒီအတိုင်းသွားနေရင် ဟာသ ပြက်လုံးထုတ်တဲ့ နေရာတခုလို ဖြစ်သွားမယ်” ဟု ရန်ကုန်အခြေစိုက် နိုင်ငံရေးသမား ဦးဖြိုးမင်းသိန်းက ပြောသည်။
http://www.irrawaddy.org/bur/index.php/news/7203-2011-09-01-10-38-39