Friday, September 16, 2011

ဗွီအိုအေနဲ့ နေပြည်တော် ဒီမိုကရေစီ

၁၆.၉.၂၀၁၁ ရက်နေ့ရဲရင့်ငယ်ဒိုင်ယာရီ


http://www.ziddu.com/download/16409089/16Sep2011Yeyintngesdiary.pdf.html

http://www.ziddu.com/download/16409090/16Sep2011Yeyintngesdiary.doc.html

16 Sep2011 Yeyintnge's Diary

Michelle greeted by fans and Burmese pro-democracy supporters showing their thanks for The Lady









(09/06/11) Paris Match: The Lady de Luc Besson: grandeur Dame (interview with Luc Besson, in French)

"The Lady will not be released in Burma, but I hope it can be watched by all Burmese through a pirated source," said Luc Besson in the interview. "Today, in Burma, you can go to jail for four years because you have 'Time' magazine with you. There are 2,100 political prisoners in the country." Besson described The Lady as the most beautiful love story he's heard since Romeo & Juliet.


http://www.michelleyeoh.info/Movie/thelady.html

သန်း​ရွှေ အလွန် (၄)


Published on September 16, 2011 by မင်းလွင်

ကာကွယ်​ရေး ​ဦး​စီး​ချုပ်​ဟောင်း​ ဦးသန်းရွှေဟာ မြန်မာ့တပ်မ​တော်ကို တရားမဝင် ​နောက်ကွယ်က​နေပြီး​ ဆက်လက်ပြီး​ ကွပ်ကဲ​နေတာ​တွေကို ပြီး​ခဲ့​တဲ့​အပတ်က တင်ပြခဲ့​ပြီး ​ဖြစ်ပါတယ်။ ဒီတပတ်မှာ​တော့​ ဗိုလ်ချုပ်မှူး​ကြီး​ဟောင်း​ ဦးသန်း​ရွှေဟာ ဦး​စီး​ချုပ်ရာထူး​ကို ဗိုလ်ချုပ်ကြီး​ မင်း​အောင်လှိုင်ကို လွှဲ​ပြောင်း​ပေး​ရတာနဲ့​ ပတ်သက်ပြီး​ သုံး​သပ်တင်ပြသွား​ပါမယ်။

ဗိုလ်ချုပ်မှူး​ကြီး​ဟောင်း​ ဦး​သန်း​ရွှေဟာ သူအာဏာစရပြီး​နောက်ပိုင်း​ ၁၉၉၂ ကတည်း​က တပ်မ​တော်အင်း​အား​ရှိမှ တိုင်း​ပြည်အင်း​အား​ရှိမယ်ဆိုပြီး​တော့​ ​ကြွေး​ကြော်ပြီး​ တပ်မ​တော်အင်အား​ကို တိုး​ချဲ့​ခဲ့​ပါတယ်။ ဗိုလ်ချုပ်မှုး​ကြီး​သန်း​ရွှေဟာ မာစတာဘရိမ်း​သမား​လို့​ တပ်ထဲမှာ လူသိများ​ပြီး​တော့​ စစ်တပ်​နောက်​နောက်ခံပြု မြန်မာနိုင်ငံဖြစ်ဖို့​အတွက် သူအာဏာရပြီး​ကတည်း​က စီမံချက်​ရေး​ဆွဲပြီး​ လုပ်​ဆောင်ခဲ့​ပါတယ်။ တပ်မ​တော်ဟာ တဖြည်း​ဖြည်း​နဲ့​ပဲ သူအဖွဲ့​အစည်း​ဆိုင်ရာ စည်း​မျဉ်း​ နည်း​ဥပ​ဒေ​တွေနဲ့​ မသွား​တော့​ဘဲ ဦး​သန်း​ရွှေအလိုကျ ရာထူး​တိုး​မြင့်​တာ​တွေ၊​ ဖယ်ရှာတာ​တွေ ပြုလုပ်ခဲ့​ပြီး​တော့​ ​နောက်ဆုံး​မှာ စီနီယာဗိုလ်ချုပ်​တွေကို ဖယ်ရှား​ပြီး​တော့​ သူစိတ်ကြိုက် ဗိုလ်ချုပ်ကြီး​ မင်း​အောင်လှိုင်ကို ဦး​စီး​ချုပ်ရာထူး​ လွှဲ​ပြောင်း​ပေး​ခဲ့​ပါတယ်။

တကယ်​တော့​ သက္ကရာဇ် ၂၀၀၀ ​ကျော် အ​နှောင်း​ပိုင်း​ကာလာမှာ မြန်မာတပ်မ​တော် စစ်ရုံး​က စစ်ဗိုလ်ချုပ်အများ​စုဟာ ဗိုလ်ချုပ်မှူး​ကြီး​ သန်း​ရွှေ ​နောက်ပိုင်း​ ကာကွယ်​ရေး​ဦး​စီး​ချုပ် အသစ် ဘယ်သူဖြစ်မလဲဆိုတာ စိတ်ဝင်တစား​ သုံး​သပ်မှု​တွေ ရှိခဲ့​ပါတယ်။ ဗိုလ်ချုပ်ကြီး​သန်း​ရွှေ​နောက်ပိုင်း​ ကာကွယ်​ရေး​ဦး​စီး​ချုပ် ဖြစ်လာ​ရေး​နဲ့​ပတ်သက်ပြီး​ စစ်ဗိုလ်ချုပ်​တွေကြား​ထဲမှာ စာတမ်း​တ​စောင် ​ပေါ်ထွက်လာခဲ့​ပါတယ်။

အဲဒီစာတမ်း​မှာ​တော့​ ဗိုလ်ချုပ်မှူး​ကြီး​သန်း​ရွှေသာလျှင် တပ်ကို ထိန်း​သိမ်း​နိုင်မယ်။ ဗိုလ်ချုပ်မှူး​ကြီး​သန်း​ရွှေဟာ ဦး​နေဝင်း​နောက်ပိုင်း​ မြန်မာ့​တပ်မ​တော်ကို အဆင့်​မြင့်​အောင် လုပ်​ဆောင်နိုင်ခဲ့​တယ်။ တပ်မ​တော် အကျိုး​စီး​ပွား​အတွက် ပြုပြင်​ပြောင်း​လဲတာ​တွေကို လုပ်ခဲ့​တယ်လို့​ စစ်ဗိုလ်ချုပ် အ​တော်များ​များ​က ယုံကြည်​နေတယ်လို့​ သိရပါတယ်။

အဲဒီလို ယုံကြည်​အောင် လုပ်ထား​နိုင်ခဲ့​ပြီး​တော့​ ဦး​သန်း​ရွှေဟာ တပ်မ​တော်ကို အုပ်ချုပ်နိုင်သ​လောက် အုပ်ချုပ်​စေတာ အ​ကောင်း​ဆုံး​ပဲ၊​ ဦး​သန်း​ရွှေ မရှိတဲ့​ ​နောက်ပိုင်း​မှာလည်း​ ဦး​သန်း​ရွှေရဲ့​ စိတ်အချအရဆုံး​ ဘယ်သူကိုပဲ ဦး​စီး​ချုပ်ရာထူး​လွှဲလွှဲ တပ်မ​တော်ဟာ အလား​အလာ ​ကောင်း​နိုင်တယ်။ စစ်တပ် မပျိုကွဲနိုင်ဘူး​၊ စစ်တပ်ရဲ့​ အကျိုး​စီး​ပွား​ မထိခိုက်ဘူး​ဆိုတာကို တပ်မ​တော်က ထိပ်ပိုင်း​စစ်ဗိုလ်ချုပ်​တွေဟာ နား​လည်း​သ​ဘော​ပေါက် လက်ခံခဲ့​ကြပါတယ်။

ဒါ​ပေမယ့်​ မြန်မာတပ်မ​တော်ဟာ သူ့​အဖွဲ့​စည်း​နဲ့​ဆိုင်တဲ့​ စည်း​မျဉ်း​ စည်း​ကမ်း​အတိုင်း​ လုပ်​ဆောင်တာ ဦး​သန်း​ရွှေလက်ထက်မှာ မဖြစ်ခဲ့​ဆုံး​ဖြစ်ပြီး​တော့​ ကာကွယ်​ရေး​ဦး​စီး​ချုပ်အဖြစ် သူမရှိ​တော့​တဲ့​နောက်ပိုင်း​မှာ စစ်ရာထူး​ ပရိုဆီဂျာအဖြစ် စစ်တပ်အ​ခေါ် ကြီး​စဉ်အတိုင်း​ သွား​ရမှာဖြစ်​ပေမယ့်​ လက်​တွေမှာ​တော့​ စီနီယာ ဗိုလ်ချုပ်ကြီး​တွေကို အရပ်ဝတ် ​ပြောင်း​စေခဲ့​တယ်။ သူ့​အောက်က ဗိုလ်ချုပ်ကြီး​ သူရ​ရွှေမန်း​ကို အရပ်ဘက်ကို ​ပြောင်း​စေတယ်။ ကာကွယ်​ရေး​ဦး​စီး​ချုပ်အဖြစ် ဖြစ်လာနိုင်မယ်လို့​ ထင်​ကြေး​ပေး​တဲ့​ ဒုတိယဗိုလ်ချုပ်ကြီး​မြင့်​ဆွေ ကိုလည်း​ အရပ်ဝတ်အဖြစ် ​ပြောင်း​စေခဲ့​ပါတယ်။ တခြား​ စီနီယာ​တွေဖြစ်တဲ့​ စစ်ဗိုလ်ချုပ်​တွေကို အဆင့်​လိုက်တိုး​ပေး​ရမှာကို မလုပ်​တော့​ဘဲ ဦး​သန်း​ရွှေတ​ယောက်တည်း​က​နေပြီး​ တပ်ကို ကိုယ်ပိုင်ပစ္စည်း​လို လုပ်ချင်သလို လုပ်​ဆောင်ခဲ့​ပါတယ်။

မြန်မာ့​တပ်မ​တော်ဟာ ​ပေါ်လစီဂိုက်လိုင်း​နဲ့​ ဦး​တည်သွား​နေတာမျိုး​ မဟုတ်ဘဲ ဦး​သန်း​ရွှေရဲ့​ သ​ဘောထား​ပေါ် မူတည်ပြီး​ သွား​နေသလို ဖြစ်ခဲ့​ပါတယ်။ ​နောက်ဆုံး​တော့​ မတ်လ ၃၀ ရက်​နေ့​မှာ ဗိုလ်ချုပ်ကြီး​ မင်း​အောင်လှိုင်ကို တပ်ချုပ်ကြီး​ရာထူး​ကို လွှဲ​ပေး​ခဲ့​ပါတယ်။

ဗိုလ်ချုပ်ကြီး​မင်း​အောင်လှိုင်ဟာ ဘယ်လိုလူမျိုး​လဲ။ ဦး​သန်း​ရွှေလက်ထက်က အဘက်ဘက်က ကျဆင်း​နေတဲ့​ မြန်မာ့​တပ်မ​တော်ကို ပြန်လည်ပြီး​တော့​ ​ကောင်း​မွန်​အောင် လုပ်နိုင်ပါ့​မလား​ဆိုတာ စစ်တက္ကသိုလ်​ကျောင်း​ဆင်း​ တပ်မ​တော်အရာရှိ​ဟောင်း​ ဗိုလ်ရဲထက်က​တော့​ သူ​တွေ့​ကြုံခဲ့​ဖူး​တဲ့​ ဗိုလ်ချုပ်ကြီး​မင်း​အောင်လှိုင်ကို အခုလို သုံး​သပ်​ပြောဆိုပါတယ်။

“ကာကွယ်​ရေး​ ဦး​စီး​ချုပ်ဖြစ်တာ စစ်တပ် ဘယ်လို အ​နေအထား​ ရှိလဲဆို​တော့​ စစ်တက္ကသိုလ်​ကျောင်း​အုပ်ကြီး​ လုပ်သွား​တဲ့​ အ​နေအထား​တိုင်း​ဆိုရင်​တော့​ ​ကောင်း​တယ်လို့​ ​ပြောလို့​ရပါတယ်။ ဒါ​ပေမယ့်​ သူက နည်း​နည်း​ စာအုပ်သမား​ ဆန်တယ်။ ကျ​နော်တို့​ ဗိုလ်​လောင်း​ဘဝမှာ ​ပြောဖူး​တယ်။ အထက်က ဘာလုပ်လုပ် ဘာမှ ပြန်မ​ပြောနဲ့​၊​ ဒါ​ပေမယ့်​ ကိုယ့်​အလှည့်​ကျရင် ကိုယ်မကြိုက်တာကို မလုပ်နဲ့​။ အဲလိုပုံစံမျိုး​။ သူကလည်း​ သူတိုင်း​မှူး​ ဖြစ်တဲ့​အချိန်မှာ တခြား​တိုင်း​မှူး​တွေ ဘာဖြစ်ဖြစ် သူ သိပ်ဂရုမစိုက်ဘူး​။ ဒါ​ပေမယ့်​ သူအုပ်ချုပ်တဲ့​ ​နေရာကလူ​တွေက​တော့​ သူမကြိုက်တာ သူမလုပ်ဘူး​။ သူ့​ရဲ့​ rule system (စည်း​စနစ်) နဲ့​ သူသွား​တယ်။ အဲဒီပုံစံမျိုး​ပေါ့​။ အဲ​တော့​ သူက အခု တပ်ချုပ်ကြီး​ ဖြစ်သွား​တဲ့​ အခါကျ​တော့​လည်း​ ဒီတပ်မ​တော် တရပ်လုံး​ကို သူအခု လုပ်​နေတဲ့​ ပုံစံအတိုင်း​ဆိုရင် အဲဒီ rule(စည်း​မျဉ်း​) အတိုင်း​ သွား​နေတာပဲ​လေ။ ကျ​နော်အမြင်​ပေါ့​နော်။”

ဗိုလ်ချုပ်ကြီး​မင်း​အောင်လှိုင်ဟာ တပ်မ ၄၄ တပ်မမှူး​၊​ စစ်တက္ကသိုလ်​ကျောင်း​အုပ်ကြီး​၊​ ​ရွှေတြိဂံတိုင်း​ တိုင်း​မှူး​၊​ ကစထမှူး​နဲ့​ တပ်မ​တော်ညှိနှိုင်း​ကွပ်ကဲ​ရေး​မှူး​ရာထူး​တွေကို ၁၀ နှစ် အ​တောအတွင်း​မှာ ရာထူး​အဆင့်​ဆင့်​ ရရှိခဲ့​ပြီး​တော့​ ကာကွယ်​ရေး​ဦး​စီး​ချုပ်ရာထူး​ကို ရရှိခဲ့​တာပါ။

ဗိုလ်ချုပ်ကြီး​မင်း​အောင်လှိုင်ဟာ အမိန့်​နာခံသူတဦး​ဖြစ်တယ်၊​ ​စေ့​စပ် ​သေချာတယ်၊​ အစဉ်အလာအတိုင်း​ လုပ်တတ်တယ်လို့​ မြန်မာတပ်မ​တော်က အရာရှိ​ဟောင်း​တွေက ​ပြောကြပါတယ်။

ဒါ​ပေမယ့်​ ယခင်က တပ်မ​တော်ဆိုတာ ပ​ရော်ဖက်ရှင်နယ်ဖြစ်တာ​တွေ၊​ ရဲ​ဘော်ရဲဘက်စိတ်၊​ တိုက်​ရေး​ခိုက်​ရေး​ စိတ်​တွေဟာ အများ​ကြီး​ရှိခဲ့​ပေမယ် ဗိုလ်ချုပ်မှူး​ကြီး​သန်း​ရွှေလက်ထက်နဲ့​ သူ့​နောက်ပိုင်း​မှာ အရင်ကလိုမျိုး​ ရဲ​ဘော်ရဲဘက်စိတ်ဓာတ်​တွေ ကျဆင်း​နေတယ်၊​ စစ်ဆင်​ရေး​တွေမှာလည်း​ ရှုံး​နိမ့်​တယ်လို့​ သုံး​သပ်ကြပါတယ်။

ဗိုလ်ချုပ်ကြီး​မင်း​အောင်လှိုင် ကာကွယ်​ရေး​ဦး​စီး​ချုပ် ဖြစ်ပြီး​တဲ့​နောက်မှာ မြန်မာတပ်မ​တော်ဟာ စစ်ဆင်​ရေး​တွေမှာ မ​အောင်မြင်ဖြစ်​နေရပြီး​တော့​ တပ်တွင်း​မှာလည်း​ ပြဿနာ​တွေ အများ​အပြား​ ရှိ​နေတယ်လို့​လည်း​ မြန်မာတပ်မ​တော်က အရာရှိ​ဟောင်း​ ဗိုလ်မှူး​အောင်လင်း​ထွဋ်က သုံး​သပ် ​ပြောဆိုပါတယ်။

“ဒီတပ်မှာလည်း​ အခုအချိန်မှာ​လေ ပြဿနာ​တွေ အများ​ကြီး​ ရှိပါတယ်။ ဆင်း​ရဲ မွဲ​တေမှု​ရော၊​ ရဲ​ဘော်ရဲ​မေ ပြဿနာ​တွေ​ရော၊​ တပ်ထဲမှာ ကလန်ကဆန် ဖြစ်တာ​တွေ​ရော၊​ စစ်ဆင်​ရေး​မှာလည်း​ ဒီ​ကေဘီ​အေ တိုက်လည်း​မ​အောင်မြင်ဘူး​။ ​ကေအိုင်​အေနဲ့​ တိုက်လည်း​ မ​အောင်မြင်ဘူး​။ ရှမ်း​နဲ့​ တိုက်တာ​တောင် သူတို့​ ရှုံး​နေတာ​တွေက သူတို့​ high level ​တွေမှာ ဘာ​ကြောင့်​လဲဆိုတာကို သူတို့​ deal (အ​ပေး​အယူ) လုပ်ကြတာပဲ။ မင်း​အောင်လှိုင်နဲ့​ ရှင်း​ရှင်း​ပြောရရင် သူတို့​က level (အဆင့်​) တန်း​ညှိရင် သိပ်မကွာတဲ့​ သူ​တွေ​ပေါ့​။ မကွာတဲ့​အခါမှာ rank (ရာထူး​အဆင့်​အတန်း​) အရ​တော့​ မင်း​အောင်လှိုင်က ဦး​စီး​ချုပ် ဖြစ်သွား​တဲ့​ အခါကျ​တော့​ သူက ငါဆိုတာမျိုး​ ဖြစ်သွား​တာကိုး​။ ​တော်​တော်များ​များ​က အပြိုင်အဆိုင် ဖြစ်တဲ့​အ​ပေါ်မှာ အာခံတာမျိုး​တွေက​တော့​ ပြဿနာမျိုး​တွေ ​ပေါ်တယ်လို့​ ကျ​နော်တို့​ သိရတယ်ဗျ။ အကြမ်း​ဖျင်း​ပေါ့​နော်။”

လော​လောဆယ်မှာ​တော့​ ဗိုလ်ချုပ်ကြီး​ မင်း​အောင်လှိုင်လက်ထဲမှာ မြန်မာ့​တပ်မ​တော်ကို လုပ်ပိုင်ခွင့်​အာဏာ ဘယ်​လောက် အထိလုပ်နိုင်သလဲ ဆိုတာ​တော့​ သံသယရှိတဲ့​ ​မေး​ခွန်း​ဖြစ်ပါတယ်။ ဦး​သန်း​ရွှေ ​နောက်ပိုင်း​ နိုင်ငံ​ရေး​အရနဲ့​ တပ်မ​တော်ထဲမှာပါ ​ပြောင်း​လဲတာ​တွေကို ​တွေ့​ရတယ်။

၂၀၀၈ ခုနှစ် ဖွဲ့​စည်း​ပုံအုပ်ချုပ်ပုံအ​ခြေခံဥပ​ဒေမှာ​တော့​ နိုင်ငံ​တော် ကာကွယ်​ရေး​နှင့်​ လုံခြုံ​ရေး​ကောင်စီကို ဖွဲ့​စည်း​ခဲ့​တဲ့​အတွက် ဗိုလ်ချုပ်ကြီး​ မင်း​အောင်လှိုင်ရဲ့​ လုပ်ပိုင်း​ခွင့်​ကိုလည်း​ တဖန် ကန့်​သတ်ထား​တယ်လို့​လည်း​ ပြည်တွင်း​ပြည်ပ ပညာရှင်​တွေ တပ်မ​တော်သား​ဟောင်း​တွေက သုံး​သပ်တာ​တွေ ရှိပါတယ်။

ဒါ​ပေမယ့်​ နိုင်ငံ​တော်ကာကွယ်​ရေး​နှင့်​ လုံခြုံ​ရေး​ကောင်စီဟာ နိုင်ငံ​တော်အဆင့်​ အမြင့်​ဆုံး​လုပ်ပိုင်ခွင့်​ရ အဖွဲ့​အစည်း​ဖြစ်​ပေမယ့်​ တိုင်း​ရင်း​သား​ အ​ရေး​ကိစ္စနဲ့​ စစ်တပ်ရဲ့​ အကျိုး​စီး​ပွား​ထိခိုက်တဲ့​ အခါကျရင်လည်း​ ဗိုလ်ချုပ်ကြီး​မင်း​အောင်လှိုင်အ​နေနဲ့​ တိုင်း​ပြည်အာဏာကို အချိန်မ​ရွေး​ သိမ်း​ယူပြီး​တဲ့​နောက် ဗိုလ်ချုပ်မှူး​ကြီး​ သန်း​ရွှေလိုမျိုး​ပဲ မြန်မာတပ်မ​တော်ကို တဦး​တ​ယောက်ရဲ့​ လက်ထက်မှာ ထိန်း​ချုပ်ထား​နိုင်တာမျိုး​ကို ​ရောက်နိုင်တယ်လို့​လည်း​ အ​မေရိကန်နိုင်ငံ ဘာကာ​လေ တက္ကသိုလ်မှာ နိုင်ငံ​ရေး​သိပ္ပံပါရဂူဘွဲ့​ ​လေ့​လာသင်ယူ​နေတဲ့​ ကိုမင်း​ဇင်က သုံး​သပ်​ပြောဆိုပါတယ်။

“ဗိုလ်ချုပ်ကြီး​ မင်း​အောင်လှိုင်ကို သူတ​ယောက်တည်း​ ကွက်​ပြောရတာ​တော့​ ခက်ပါတယ်။ ဒါ​ပေမယ့်​ ဗိုလ်ချုပ်ကြီး​ မင်း​အောင်လှိုင် ကိုယ်တိုင်ပဲ ကာကွယ်​ရေး​ ဦး​စီး​ချုပ်ရာထူး​မှာ ဘာ​လောက်ကြာကြာ ရှိမလဲဆိုတာကလည်း​ ​မေး​ခွန်း​ ထုတ်စရာပါ။ လက်ရှိ အမျိုး​သား​ ကာကွယ်​ရေး​နဲ့​ လုံခြုံ​ရေး​ကောင်စီက ဗိုလ်ချုပ်ကြီး​ မင်း​အောင်လှိုင်ကို ဘယ်​လောက်အထိ ကာကွယ်​ရေး​ဦး​စီး​ချုပ်ရာထူး​မှာ ဆက်ထား​မှာလဲ။ သူ့​ကို ကာလတခု ​ရောက်ရင် ကြံ့​ဖွံ့​ပါတီထဲကို ​ပြောင်း​လိုက်မှာလား​။ ဒါက ဦး​နေဝင်း​တုန်း​က လုပ်ခဲ့​တဲ့​ ပုံစံမျိုး​ပေါ့​။ ဒါ​တွေအား​လုံး​က ဗိုလ်ချုပ်ကြီး​မင်း​အောင်လှိုင် တ​ယောက်တည်း​အ​ပေါ်မှာ မူမတည်ပါဘူး​။ ချုပ်​ပြောမယ် ဆိုရင်​တော့​ လက်ရှိစနစ်နဲ့​ လက်ရှိအာဏာခွဲ​ဝေထား​ပုံက တစုံတရာ​တော့​ စစ်​ခေါင်း​ဆောင်​တွေကို (အကာအကွယ်) ​ပေး​ထား​တာ ​တွေ့​ရတယ်။ ဒီအာဏာချိန်ခွင် ပျက်သွား​မယ်။ ဒါမှမဟုတ် ပြုပြင်​ပြောင်း​လဲမှု​တွေကို အလွန်အကျွံ လုပ်လာလို့​ တ​နေရာမှာ တချိန်မှာ စစ်တပ်ရဲ့​ အကျိုး​စီး​ပွား​ကို ပျက်စီး​လာနိုင်တဲ့​ တိုင်း​ရင်း​သား​ကိစ္စ​တွေမှာ အလွန်အကျွံ အ​လျှော့​အတင်း​တွေ လုပ်လာရင် စစ်တပ်က မ​ကျေမနပ် ဖြစ်လာမယ်ဆိုရင်​တော့​ ဗိုလ်ချုပ်ကြီး​ မင်း​အောင်လှိုင်မှ မဟုတ်ပါဘူး​ အခြား​ စစ်​ခေါင်း​ဆောင်​တွေကလည်း​ အရပ်သား​တွေကို မဲပြီး​တင်း​တာ​တွေ၊​ အ​ခြေခံဥပ​ဒေပါ အခွင့်​အ​ရေး​တွေကို ပြန်သုံး​ပြီး​တော့​ စစ်တပ်ရဲ့​ ဦး​ဆောင်မှုကို ပြန်ပြီး​တော့​ ​ရောက်လာတာမျိုး​ ဖြစ်လာနိုင်ပါတယ်။”

ဗိုလ်ချုပ်ကြီး​မင်း​အောင်လှိုင်အ​နေနဲ့​ ဘယ်လိုလမ်း​ကြောင်း​မျိုး​ကို သွား​မလဲ၊​ ဘယ်လို စိတ်​နေသ​ဘောထား​မျိုး​ ရှိတယ်ဆိုတာ​တွေကို တပ်မ​တော်သား​ အရာရှိ​ဟောင်း​တွေနဲ့​ ပညာရှင်​တွေရဲ့​ ခန့်​မှန်း​ပြောဆိုချက်​တွေကို တင်ပြလိုက်ရပါတယ်။
http://burmese.dvb.no/archives/15616


ဌေးကြွယ်


Posted by admin on September 16, 2011

အခုတလော နိုင်ငံရေးအကျဉ်းသားတွေကို လွှတ်ပေးဖို့ တောင်းဆိုသံတွေက ကျယ်ကျယ်လောင်လောင် မြည်ဟီးလာ နေပါတယ်။ အစိုးရကလည်း နိုင်ငံရေးအကျဉ်းသားတွေကို လွှတ်ပေးဖို့ အချိန်တခု စောင့်ရမယ်လို့ ပြောနေပြန်ပါတယ်။ ဒီလို ၂ ဘက် အငြင်းပွားနေရတဲ့ နိုင်ငံရေးအကျဉ်းသားဆိုတာဟာ ကိုယ်ရဲ့ကောင်းကျိုးတွေကို စွန့်လွှတ်ပြီး အများအ တွက် အနစ်နာခံနေကြတဲ့ သူတွေပဲ ဖြစ်ပါတယ်။ အဲဒီလို ကျမသိတဲ့လူတွေအကြောင်းထဲက ကိုဌေးကြွယ်အကြောင်းကို ထုတ်နှုတ် တင်ပြချင်ပါတယ်။ ကိုဌေးကြွယ်ဟာ ၈၈ မျိုးဆက်ကျောင်းသားများအဖွဲ့ရဲ့ ခေါင်းဆောင်တွေထဲက တယောက် ပါ။



ကျမတို့တွေက ကိုဌေးကြွယ်ရဲ့ အသားအရောင်ကို အနက်နုလေးလို့ ပြောကြပါတယ်။ ဒါပေမဲ့ ကိုဌေးကြွယ်ရဲ့ မျက်နှာမှာ ထူးခြားတာက နူးညံ့သိမ်မွေ့ပုံပေါ်နေပါတယ်။ ပိုလို့ထူးခြားတာက ဥာဏ်ပညာထက်မြက်ပုံရတဲ့ တောက်တောက်ပပ မျက် လုံးတွေ ရှိနေတာပါပဲ။

ကိုဌေးကြွယ်ဟာ ၁၉၈၈ ခုနှစ်တုန်းက ဘူမိဗေဒ ဒုတိယနှစ်ကျောင်းသားတဦးဖြစ်ပါတယ်။ မတ်လတုန်းက ရန်ကုန် ဝိဇ္ဇာ သိပ္ပံ တက္ကသိုလ် ကျောင်းသားဆန္ဒပြမှုနဲ့ တံတားနီအရေးအခင်းတွေမှာ ဦးဆောင်ပါဝင်ခဲ့သူဖြစ်ပါတယ်။ မတ်လ ၁၇ ရက် နေ့မှာတော့ တိုးတက်သော တက္ကသိုလ်ကျောင်းသားများအ ဖွဲ့(တတဖ) မှာ တွဲဘက်အထွေထွေအတွင်းရေးမှူး အဖြစ် ဆောင်ရွက်ခဲ့ပြီး မတ်လ ၂၂ ရက်နေ့မှာ မဆလ ထောက်လှမ်းရေးတွေရဲ့ ဖမ်းဆီးခြင်းကို ခံခဲ့ရပါတယ်။

၁၉၈၈ ဇူလိုင် ၇ ရက်နေ့မှာ ထောင်ထဲကနေ ပြန်လွတ်လာပြီး သူနဲ့အတူ သူ့ရဲ့အစ်ကို ကိုဝင်းကြွယ်အပါအဝင် ၁၄၁ ယောက်ထဲက ကျောင်းသား ၇ ဦးက ရန်ကင်း၊ ကျောက်ကုန်းမှာ ရှိတဲ့ မေဒိနီကျောင်းတိုက်မှာ ဘုန်းကြီးဝတ်ခဲ့ကြပါ တယ်။ ဆွမ်းခံတဲ့ သပိတ်ထဲမှာ ဝါဒဖြန့်စာရွက်တွေကိုထည့်ပြီး ရန်ကင်းမှာ ဆွမ်းလိုက်ခံတော့ ကျမတို့လို လှုပ်ရှားတက် ကြွတဲ့ ကျောင်းသားတွေ သူတို့နဲ့ သွားရောက်တွေ့ဆုံခဲ့ကြပါသေးတယ်။ အဲဒီ့ အချိန်မှာစပြီး သူတို့က ရှစ်လေးလုံးကို တိုင် ပင် စခေါ်ခဲ့ပါတယ်။

ဇူလှိုင် ၂၈ ရက်နေ့ ဝါဆိုလပြည့်နေ့မှာ မြန်မာနိုင်ငံလုံးဆိုင်ရာ ကျောင်းသားများ ဒီမိုကရေစီလှုပ်ရှားမှု အစည်းအရုံး (မကဒ) ကို ဖွဲ့စည်းခဲ့ပါတယ်။ ဒီနေရာမှာ ရှင်းပြချင်တာလေးတခု ရှိပါတယ်။ ဗိုလ်နေဝင်းချုပ်ကိုင် ချယ်လှယ်နေသော ဗမာလူမျိုး ကောင်းစားရေးဝါဒ၊ တိုင်းရင်းသားများကို အမြစ်ဖြုတ်ရေးဝါဒကို သဘောမကျတဲ့အတွက် ဆန့်ကျင်တဲ့ အနေ နဲ့ မြန်မာဆိုတဲ့ စကားလုံးကို သုံးခဲ့ခြင်း ဖြစ်ပါတယ်။ တိုင်းရင်းသား လူမျိုးပေါင်းစုံ ၊ အလွှာပေါင်းစုံမှ ဒီမိုကရေစီ လိုလား သူတွေအားလုံးပါဝင်နိုင်ရန် ဒီနာမည်ကို အသုံးပြုခဲ့တာဖြစ်ပါတယ်။ မကဒ မှာလည်း ဥက္ကဋ္ဌအဖြစ် မွန်အမျိုးသား ကိုမင်း ဇေယျကို တင်မြှောက်ခဲ့ပါတယ်။ ကိုဌေးကြွယ်ကတော့ ဒု-ဥက္ကဋ္ဌအဖြစ် ရှစ်လေးလုံးအရေးတော်ပုံအတွက် တိုင်းပြည်အ ဝှမ်းမှာ လှုံဆော်စည်းရုံးခဲ့ပါတယ်။ အဲဒီနေ့မှာပဲ ဘီဘီစီသတင်းထောက် ခရစ်စတိုဗာဂါးနက်(စ်) ရဲ့ သမိုင်းမှာ တွင်ကျန် ရစ်တဲ့ အင်တာဗျူးတခုကို ပြည်သူတွေ နားထောင်ခဲ့ရပါတယ်။ အဲဒီအင်တာဗျူးကြောင့် မြန်မာပြည်သူတွေ လက်သီးကို ကျစ်ကျစ်ပါအောင်ဆုပ်ပြီး ဒေါသထွက်ခဲ့ကြရပါတယ်။ အဲဒီအင်တာဗျူးဟာ စစ်အာဏာရှင်တွေရဲ့ ရက်စက်ယုတ်မာမှုကို သေသေချာချာဖော်ပြနိုင်ခဲ့တာကြောင့်ပါ။ အဲဒီအင်တာဗျူးမှာ ကိုဌေးကြွယ် ပါဝင်ခဲ့တယ်လို့ သိရပါတယ်။ အဲဒီ အင်တာ ဗျူးကစပြီး ၈၈၈၈ နေ့မှာ တတိုင်းပြည်လုံး စစ်အာဏာရှင်စနစ်ကို တွန်းလှန်ကြဖို့ တိုက်တွန်းနှိုးဆော်ခဲ့တာ ဖြစ်ပါတယ်။

အဲဒီ အင်တာဗျူးဟာ ပြည်သူတွေရဲ့ ရင်ထဲမှာ လောင်ကျွမ်းရန် တာစူနေတဲ့ ဒေါသအမုန်း၊ အမျက်ဆူးတွေကို စတင်ဖွင့် လှစ်ပေးလိုက်တဲ့ အမှန်တရားရဲ့ လေပြင်းမုန်တိုင်း ပင်ဖြစ်ပါတော့တယ်။

ဒီလိုနဲ့ သမိုင်းဝင် ရှစ်လေးလုံးအရေးတော်ပုံကြီးက အရှိန်ပြင်းပြင်းနဲ့ တိုက်ခတ်လာခဲ့ပါတယ်။ အဲဒီကာလဟာ ရဲရင့်တက်ကြွတဲ့ ကျောင်းသားလူငယ်တွေရဲ့ နေ့မအား၊ ညမနား အလုပ်များခဲ့ချိန်ပေါ့။ မြန်မာနိုင်ငံမှာ ရှစ်လေးလုံးအရေးတော်ပုံ လေပြင်းတွေ တိုက်ခိုက်ခဲ့အပြီး ၁၉၈၈ စက်တင်ဘာ လဆန်းပိုင်းမှာ ကျောင်းသားထုညီညွတ်ရေးနဲ့ အရေးတော်ပုံကို အ ရှိန်မြှင့် လုပ်ဆောင်နိုင်ဖို့အတွက် မြန်မာနိုင်ငံလုံးဆိုင်ရာ ကျောင်းသားများ သမဂ္ဂပြန်လည်ဖွဲ့စည်းရေးကော်မတီ (၁၁၉)ဦး ကော်မတီ၌ဦးဆောင်အဖွဲ့ဝင် တဦးအဖြစ် တာဝန်ယူခဲ့ပြီး အမျိုးသားကြားဖြတ်အစိုးရဖွဲ့စည်းရေး ဆောင်ရွက်မှုများတွင် ဦးဆောင်ခဲ့သူတဦးလည်း ဖြစ်ပါတယ်။

ရှစ်လေးလုံးရဲ့ အောင်မြင်မှုတွေကို ကြောက်ရွံလာတဲ့ အာဏာရှင်တွေက တကြော့ပြန် စစ်တပ်အာဏာသိမ်းခြင်းနဲ့ ရပ် တန့်ပစ်ခဲ့ပြီးနောက် ကိုဌေးကြွယ်နဲ့ ကျောင်းသားလူငယ်တွေက Pressure And Compromise ဖိအားပေးမယ်၊ စေ့စပ်ညှိ နှိုင်းမယ်ဆိုတဲ့ လမ်းစဉ်ကို ချမှတ်ခဲ့ပါတယ်။ ဖိအားပေးဖို့အတွက် မကဒ ကို ရွေးချယ်ခဲ့ ပြီး၊ တွေ့ဆုံဆွေးနွေးဖို့အတွက် ကျောင်းသားသမဂ္ဂ(မကသဖ) ကိုဖွဲ့စည်း လုပ်ဆောင်ခဲ့ပါတယ်။ မကဒ ကို စီမံအုပ်ချုပ်ဖို့ ကိုဝင်းကြွယ်က တာဝန်ယူပါ တယ်။ ကိုဌေးကြွယ်က မကသဖ ကို တာဝန်ယူခဲ့တာပါ။

ကိုဌေးကြွယ်ဟာ ထောက်လှမ်းရေးရဲ့ အလိုရှိတဲ့ စာရင်းထဲမှာအမြဲပါနေပါတယ်။ တရက်တော့ ကိုဌေးကြွယ်နဲ့ ကိုလှမျိုး နောင်တို့ ကိုဌေးကြွယ်တို့ အိမ်ဖြစ်တဲ့ စမ်းချောင်းမြို့နယ်၊ ဂန္ဓမာလမ်းနေအိမ်ကို ဝင်ပြီး ထမင်းစားနေချိန် ဖြစ်ပါတယ်။ သူတို့ ထမင်းစားနေကြတုန်းမှာပဲ အိမ်ရှေ့ကနေ ထောက်လှမ်းရေးတွေ ဝင်လာပါတယ်။ နားပါးတဲ့ ကိုဌေးကြွယ်က လှမျိုး နောင်ကို ပြေးဖို့သတိပေးရင်း သူကိုယ်တိုင်က စတိုခန်းထဲကနေ အပြင်ကိုထွက်ပြေးခဲ့ရပါတယ်။ ကိုလှမျိုးနောင်က သူ့ကို ဖမ်းတာမဟုတ်ဘူးဆိုပြီး အတည်ပေါက်နဲ့ ထမင်းဆက်စားနေတာကို ထောက်လှမ်းရေးကတွေ့သွားတော့ ကိုလှမျိုးနောင် ကို မ သွားလေရဲ့။ တကယ်က ကိုလှမျိုးနောင်ကလည်း အလိုရှိနေတဲ့စာရင်းထဲမှာ ပါနေတာကိုး။ဒီလိုနဲ့ ကိုဌေးကြွယ်ဟာ အကြိမ်ကြိမ်ပြေးလို့ လွတ်နေခဲ့ပါတယ်။ အဲဒီတချိန်တည်းမှာပဲ ကိုဝင်းကြွယ်လည်း ပြေးနေရပါတယ်။ ကိုဝင်းကြွယ်က လည်း ထောက်လှမ်းရေးမှာ အလိုရှိနေသူပါ။ ကိုဝင်းကြွယ်နဲ့ လုပ်ဖော်ကိုင်ဖက် ကိုလေးလွင်လည်း မန္တလေးမှာ ဗုံးခွဲတဲ့အ မှုနဲ့ ဖမ်းခံနေရချိန်လည်းဖြစ်ပါတယ်။ စမ်းချောင်းမှာလည်း မကဒ အဖွဲ့ဝင် ကိုစိုးထိုက်အိမ်မှာ ဗုံးတလုံး ပေါက်သွားခဲ့ပါ သေးတယ်။ ကိုလေးလွင်တို့ မန္တလေးမှာ ဗုံးပေါက်တာနဲ့ မရှေးမနှောင်းမှာ ပေါက်ကွဲခဲ့တာပါ။ အဲဒီအမှုနဲ့ ပတ်သက်ပြီး ကို ဌေးကြွယ်၊ ကိုစည်သူ၊ ကိုစိုးထိုက်တို့ အဖမ်းခံခဲ့ရတာ ဖြစ်ပါတယ်။

နောက်တော့ ကိုဌေးကြွယ် စဉ်းစားမိတာက ဒီလိုပြေးနေလို့တော့ သိပ်မလွယ်တော့ဘူး။ အဖမ်းခံမလား၊ တဖက်နိုင်ငံကို ထွက်ပြေးမလား။ လမ်းတလမ်းကိုတော့ ရွေးချယ်ရတော့မယ်။ အဲဒီအချိန်မှာ ကိုဌေးကြွယ်က တဖက်နိုင်ငံကို ထွက်ပြေး တာမျိုးမလုပ်ဘဲနဲ့ အဖမ်းခံဖို့ပဲ ဆုံးဖြတ်လိုက်ပါတယ်။ အဲဒီအချိန်မှာက မကဒ၊ မကသ က အဖွဲ့ဝင်တွေလည်း အထဲ ရောက်သူက ရောက်၊ တောခိုသူက တောခိုနဲ့ အပြင်မှာခေါင်းဆောင်ပိုင်းက လူနည်းနည်းလေးပဲ ကျန်နေတော့တာကိုး။ မကဒ အဖွဲ့ဝင်တွေဖြစ်တဲ့ ကိုအောင်မျိုးတင့်၊ ကိုဘိုဘိုဦး တို့တွေ ဦးဆောင်တဲ့ Phoenix နဲ့ ကိုအောင်ဆွေဦးတို့ ဦးဆောင် တဲ့ Hawk အဖွဲ့တွေ urban guerrillas လို့ခေါ်တဲ့ မြို့ပြတိုက်ပွဲတွေဖော်ဆောင်ဖို့ နယ်စပ် KNU က တာဝန်ရှိသူ ဗိုလ်ကြီး ဖီးလစ်ဆီမှာ သင်တန်းလာတက်ပြီးအပြန် ဘာမှမလုပ်ရသေးခင် အဖမ်းခံနေကြရတဲ့ အချိန်လည်းဖြစ်ပါတယ်။ ကိုမင်း ဇေယျလည်း တောခိုဖို့လာရင်း အဖမ်းခံနေရပါတယ်။ မကသ အဖွဲ့မှာပါတဲ့ ကိုဌေးအောင် (ဒု-ဥက္ကဋ္ဌ) လည်း ကိုဘုန်းမော် နှစ်ပတ်လည်စီစဉ်ဆောင်ရွက်တဲ့ ကိစ္စနဲ့ ထောင်ထဲကိုရောက်နေတဲ့ အချိန်လည်းဖြစ်ပါတယ်။ ထောက်လှမ်းရေးရဲ့ မျက်စိ အောက်မှာ ရှိနေရက်နဲ့ သူလုပ်ရမဲ့ အလုပ်တွေကို ဆက်တိုက်လုပ်နေခဲ့တာပါ။

ကိုဌေးကြွယ် အိမ်မှာပဲနေပြီး ထောက်လှမ်းရေးလာခေါ်မယ့်နေ့ကို စောင့်နေခဲ့တာပါ။ ၁၉၉၁ ဇွန်လထဲမှာပဲ ကိုဌေးကြွယ် ကို ထောက်လှမ်းရေးက လာရောက်ဖမ်းဆီးခဲ့ပါတယ်။ ကိုဌေးကြွယ်တို့အမှုမှာ အမှုတွဲ ၃ ယောက်ရှိပါတယ်။ သူတို့ကို အင်းစိန်ထောင်မှာ ၆ လကြာအောင်ချုပ်နှောင်ထားပြီး မိသားစုနဲ့ တွေ့ဆုံခွင့်၊ အချုပ်ထောင်ဝင်စာဘာမှ မပေးဘဲ ထားခဲ့ပါ တယ်။ ဒါပေမဲ့ ကိုဌေးကြွယ် ရဲ့ မိသားစုက လမ်းကြောင်းကနေတဆင့် စားစရာ၊ ဆေးဝါး အားလုံးရအောင် သွင်းပေးနိုင်ခဲ့ ပါတယ်။

ကိုဌေးကြွယ်တို့ ၃ ယောက်ကို ၅(ည)၊ ၁၉(က)နဲ့ တရားစွဲဆိုထားပါတယ်။ ၅(ည)ကိုတော့ လူတိုင်းသိနေကြပါတယ်။ ၁၉ (က)ဆိုတာက နိုင်ငံတော်ကို ပုန်ကန်ရန်အလို့ငှာ တရားမဝင်လက်နက် များလက်ဝယ်ထားရှိမှုလို့ ဆိုပါတယ်။ သူတို့ကို ၁၉၉၁ နိုဝင်ဘာလ ထဲမှာ ပထမ ၂ ကြိမ်ကို ဗူးကြီးမှာ ရုံးထုတ်ပါတယ်။ ရုံးထုတ်စမှာပဲ ကိုဌေးကြွယ်က ရှေ့နေငှားရမ်းဖို့ တောင်းဆိုခဲ့ပါတယ်။ တရားရေးဝန်ထမ်းတွေက ရှေ့နေငှားခွင့်မရှိဘူးလို့ ပြန်ပြောခဲ့ပါတယ်။ တတိယအကြိမ်ရုံးထုတ် တော့ စစ်ခုံရုံးမှာပဲ ရုံးတင်စစ်ဆေးပါတော့တယ်။

နောက်ဆုံးအမိန့်ချမဲ့နေ့မှာတော့ တာဝန်ရှိသူတွေ Special Branch (SB) က သူတို့ ၃ ယောက်ကို “မင်းတို့ ဘာမှ ပြန် ပြောမနေနဲ့၊ ပြန်ပြောနေရင် ကြာသွားလိမ့်မယ်” ဆိုပြီး ချော့သလို၊ ခြောက်သလို လာပြောသွားခဲ့ပါသေးတယ်။ ဒါပေမဲ့ မကြောက်တတ်တဲ့ ကိုဌေးကြွယ် တို့ကတော့ တရားသူကြီးကို “ခင်ဗျားတို့က ဒီအမှုနဲ့ မဖမ်းလည်း နောက်တမှုနဲ့ လုပ်ကြံ ပြီး ဖမ်းအုံးမှာပဲ မဟုတ်လား၊ ခင်ဗျားတို့သုံးတော့ စကားလုံးက တရားရုံးလို့ သုံးတယ်။ ဒါပေမဲ့ ခင်ဗျားတို့လုပ်နေတာတွေ က ဘာတခုမှ တရားမျှတတာ မပါလို့ ကျနော်တို့ကတော့ တရားရုံးလို့ လက်မခံဘူး။ ဒါမတရားရုံး ပဲ။ မတရားရုံးမှာ ကျနော် အနေနဲ့ ဘာမှပြောဖို့ မရှိဘူး” လို့ပဲ ခြေပသွားခဲ့ပါတယ်။ အဲဒီနေ့က တရားရုံးမှာ သူတို့အမှုတွဲသုံးယောက်လုံးက တပုံစံထဲ ချေပခဲ့တာကြောင့် စစ်ခုံရုံးတခုလုံး အလုပ်ရှုပ်သွားခဲ့ပါတယ်။ ကိုဌေးကြွယ်က ထောင်ဒဏ် ၁၅ နှစ်၊ ကိုစည်သူ က ထောင်ဒဏ် ၁၂ နှစ်၊ ကိုစိုးထိုက်က ထောင်ဒဏ် ၁ဝ နှစ်အသီးသီးကြခံခဲ့ရပါတယ်။

ကိုဌေးကြွယ်ရဲ့ ချစ်ခင်စရာကောင်းတဲ့အချက်က ခေါင်းဆောင်ပီသတဲ့ စိတ်ပဲ ဖြစ်ပါတယ်။ တကြိမ်မှာတော့ ကိုဌေးကြွယ် တို့နေတဲ့ ၅ တိုက် အခန်း ၁၅ မှာ အပြင်ကိုထုတ်ဖို့ရေးထားတဲ့ စာတစောင်ကို တလာစီတော့ မိသွားပါတယ်။ သေချာတာ က ကိုဌေးကြွယ် ရေးတာမဟုတ်ပါဘူး သူတို့အဖွဲ့ထဲက တယောက်ရေးထားခဲ့တာပါ။ အဖွဲ့အစည်းနဲ့ဆိုင်တဲ့ ကိစ္စတွေဖြစ် လို့ ကိုဌေးကြွယ်က သူဖြေရှင်းသင့်တယ်လို့ ဆုံးဖြတ်လိုက်ပါတယ်။ ဒါကြောင့် ထောင်ပိုင်ရုံးမှာ သူရေးတာလို့ ဝန်ခံခဲ့ ပါ တယ်။ ထောင်ထဲမှာ စာမိတဲ့ အပြစ်ဒဏ်ဟာ ကြီးလေးတဲ့ အပြစ်ဖြစ်လို့ ကံမကောင်းရင် နောက်မှုတိုးနိုင်ပါတယ်။ အနိမ့် ဆုံးပြစ်ဒဏ်က ဒေါက်ခတ်ပြီး စစ်ခွေးတိုက်မှာ တိုက်ပိတ်တာပါ။ ကိုဌေးကြွယ် စစ်ခွေးတိုက်မှာ ၂ ပတ် တိုက်ပိတ်ခံခဲ့ရပါ တယ်။ ပြစ်ဒဏ်ပြည့်လို့ ၅ တိုက်ကို ပြန်ရောက်လာတော့ ဝဲတွေတောင်ပေါက်လာပါတယ်။ စစ်ခွေးတိုက်ဆိုတာ ထောင် ထဲမှာ အရက်စက်ဆုံး၊ အကြမ်းတမ်းဆုံး ပြစ်ဒဏ်များပေးတဲ့ တိုက်ပဲဖြစ်ပါတယ်။

ကိုဌေးကြွယ်ကို ဝန်ထမ်းတွေရော၊ ကိုယ့်အချင်းချင်းကပါ ချစ်ခင်ကြပါတယ်။ ကိုဌေးကြွယ်က ဘယ်တော့မှ ငါချမ်းသာ တယ်ဆိုပြီး ဘယ်သူ့ကိုမှ အထက်စီးနဲ့ မဆက်ဆံပါ။ ဘယ်ဝန်ထမ်းကိုမှ အောက်စီးကလည်း မဆက်ဆံပါဘူး။ သူက လူ တိုင်းကို တန်းတူထားပြီး ဆက်ဆံတတ်ပါတယ်။ ဒါကြောင့် ဝန်ထမ်းတွေက ကိုဌေးကြွယ် အတွက် မငြီးမငြူလုပ်ပေး တတ်ပါတယ်။ သူ့ကြောင့် အလုပ်ပြုတ်သွားတဲ့ ဝန်ထမ်းတွေကို အလုပ်ခေါ်ခန့်တာမျိုးတွေအထိ စောင့်ရှောက်တတ်ပါ တယ်။

ကိုဌေးကြွယ်ရဲ့ နေ့စဉ်လုပ်ငန်းထဲမှာ သတင်းဖြန့်ချိတာတွေ ပါ ပါတယ်။ ကိုဌေးကြွယ်ဆီမှာ သတင်းရင်းမြစ်ရတဲ့ ရေဒီယို ရှိပါတယ်။ သူရသမျှသတင်းတွေကို နေ့တိုင်းစာရေးပြီး သတင်းမပြတ်ရလေအောင် အခြားနိုင်ငံရေးအကျဉ်းသားတွေထံ ပို့လေ့ရှိပါတယ်။ ဘယ်လောက်ပဲ နေမကောင်တာမျိုးဖြစ်ပါစေ၊ သူ့ရဲ့အလုပ်ကိုတော့ သူက မပျက်မကွက်လုပ်နေကြပါ။

ကိုဌေးကြွယ်အိမ်က ၂ပတ် ၁ ကြိမ်ထောင်ဝင်စာမှာ ကျန်ချောင်းအိတ် ၃ အိတ်လောက်က အနည်းဆုံးပို့တာပါ။ ဒါတောင် ဖလိုက်နဲ့ ပိုက်ဆံက အမြဲရှိနေပါတယ်။ ကြားထဲမှာလည်း ပါဆယ်ပို့တာက ရှိပါသေးတယ်။ ဒါတောင်မှ စနေနေ့ ထောင် ဝင် စာလာပြီးရင် ဗုဒ္ဓဟူးနေ့လောက်ဆိုရင် ကိုဌေးကြွယ်တို့အခန်းမှာ ထောင်ဝင်စာ ကုန်သွားပါပြီ။ တိုက်ထဲက လူတွေ အားလုံးကို လိုက်လံဝေငှတတ်တဲ့ သူပါ။ အေးအတူပူအမျှ ဆိုတဲ့စကားက ကိုဌေးကြွယ် တို့ရဲ့ လက်ကိုင်သဘောထားပါ။

သူဟာ လူသားတဦးပဲဖြစ်လို့ ချစ်ချင်း၊ ဝမ်းနည်းချင်းတွေရှိပါတယ်။ သူသာယာဝတီထောင်ထဲမှာပဲ ရှိနေစဉ်မှာ သူ့ရဲ့ဖခင် ဆုံးပါးသွားပါတယ်။ သူ ၁ဝ (က)နဲ့ ဆက်လက် ထိမ်းသိမ်းခံနေရစဉ် ၂ဝဝ၂ မှာ ထပ်မံပြီး သူ့ရဲ့ အစ်ကို( ရဲဘော်၊ တိုင်ပင် ဖော်တိုင်ပင်ဘက်) ကိုဝင်းကြွယ်သေဆုံးသွားခဲ့ပါတယ်။ အဲဒီနှစ်ယောက်စလုံးကို သူတွေ့ခွင့် မရလိုက်ပါဘူး။ သူ့ရဲ့ ရင် ထဲမှာ အဲဒီအကြောင်းတွေကို တိုးတိတ်စွာခံစားနေခဲ့ရကြောင်းကို သူနဲ့ အတူနေနေတဲ့လူတွေက ရိပ်မိပေမဲ့ သူဟာ တ ခြားသူတွေကို အပူမကူးစေချင်လို့ အရယ်မောမပျက်နေခဲ့တယ်လို့ ကျမသိခဲ့ဖူးပါတယ်။ နောက်တကြိမ် ၂ဝဝ၇ ခုနှစ်မှာ အဖမ်းခံရတော့ သူ့ကို နားလည်ပေးခဲ့တဲ့ ၊သူ့ရဲ့ သူငယ်ချင်းတွေအပေါ်မှာ သူနဲ့ မခြားချစ်ခြင်းမေတ္တာတွေပေးခဲ့တဲ့ သူ့ရဲ့ မိခင်ကြီး ကွယ်လွန်သွားခဲ့ပြန်ပါတယ်။ ဒီတကြိမ်မှာတော့ မိခင်ကြီးကို ကန်တော့ခွင့်ရခဲ့ပေမဲ့ နာမကျန်းချိန်မှာ ပြုစုစောင့် ရှောက်ခွင့်ကိုတော့ လက်လွတ်ဆုံးရှုံးခဲ့ရပါတယ်။

ကိုဌေးကြွယ်က မှတ်ဥာဏ်လည်း အရမ်းကောင်းပါတယ်။ လေရူးသုန်သုန်လို ဝတ္တုအထူကြီးကို ဇာတ်လမ်း တင်မကဘဲ စကားပြောခန်းတွေ၊ ဘယ်သူက ဘာတွေဝတ်ထားတယ်ဆိုတာကစပြီး မှတ်မိပါတယ်။ လေရူးသုန်သုန်ဝတ္တုအကြောင်း သူ ပြောပြတာကို မန္တလေး NLD ဥက္ကဋ္ဌ ဦးသိန်းတန်ကတောင်မှ တကယ့်ရုပ်ရှင်ကို ကြည့်နေရသလိုပဲလို့ ချီးကျူးခဲ့တာပါ။ (ထောင်ထဲမှာက ညဆိုရင် ကိုယ်နေတဲ့ အခန်းရဲ့ အဝမှာ ထွက်ထိုင်ကြပြီး ကိုယ်ဖတ်ဖူးတဲ့ ဝတ္ထုတွေအကြောင်း၊ ကိုယ် ကြိုက်နှစ်သက်တဲ့ ရုပ်ရှင်တွေအကြောင်းကို ပြောပြကြ၊ တခါတလေ အခမ်းအနားတွေရှိရင်တော့ သီချင်းတွေဆိုကြ၊ ဝမ်း နည်းစရာရှိရင်လည်း တိတ်ဆိတ်ငြိမ်သက် (silence) လုပ်နေကြတာမျိုးနဲ့ စည်းလုံးညီညွတ်မှုတွေကို တည်ဆောက်ကြရ တာပါ။ အဲဒီလိုနည်းလမ်းတွေနဲ့ ဘဝနောက်ခံမတူသူတွေ၊ အဖွဲ့အစည်းမတူသူတွေ တဦးကိုတဦး နားလည်နိုင်လာကြတဲ့ ချစ်စရာဓလေ့လေး ဖြစ်ပါတယ်)။ သာယာဝတီထောင်တွင်းမှာတုန်းက ကျမတို့ ကိုယ်တိုင်လည်း ကိုဌေးကြွယ်ရေးပို့ခဲ့တဲ့ တရုတ်ပြည်သမိုင်းကို ဖတ်ရတော့ သူ့ကို သက်ရှိ ကျမ်းစာလို့တောင် ကျမတို့ ပြောခဲ့ကြပါသေးတယ်။ သူက တိတိကျကျ မှတ်ထားတတ်တဲ့ လူတယောက် ဖြစ်ပါတယ်။

သူက သီချင်းဆိုလည်းကောင်းတဲ့ လူတယောက်ပါ။ အသံလည်းကောင်းတယ်လို့ ပြောကြပါတယ်။ နတ်ရှင်နောင် စစ်ချီရ တုကိုတော့ သူ မကြာခဏ ဆိုတတ်သလို၊ ကြိုက်လည်းကြိုက်တယ်လို့ ပြောပါတယ်။ ဘယ်လိုပဲဖြစ်ဖြစ် သူက စိတ်ဓါတ် ကြံခိုင်သူ တဦးပါ။ ထောင်ဆရာဝန်က သန်ကောင်တွေ ပိတ်ဆို့နေတာကြောင့် ဗိုက်အောင့်နေတာကို အူအတက်ပေါက် တယ်ဆိုပြီး မှားယွင်းစွာ ဗိုက်ခွဲလိုက်လို့ ကိုဌေးကြွယ် ဗိုက်ကို အချက်ပေါင်း ၈ဝ ကျော်ချုပ်ရတာတောင်မှ အင်းစိန်ဂါတ် ဝါဒ့်ကို လာကြည့်ကျတဲ့ မိတ်ဆွေသူငယ်ချင်းတွေကို အပြုံးမပျက် နှုတ်ဆက်နေတဲ့သူ ဖြစ်ပါတယ်။

ကိုဌေးကြွယ် ထောင်ကလွတ်လာတော့ ကျမတို့နဲ့ တွေ့ဖြစ်ပါတယ်။ ကိုဌေးကြွယ်ဟာ သူ့ရဲ့နိုင်ငံရေးလုပ်ငန်းစဉ် တွေအ ပေါ်မှာ သူ့မိသားစုထက် ပိုစိတ်ဝင်စားတာကို တွေ့ရပါတယ်။ အမေမိက သူ့သားကိုဘာမှ မတားမြစ်တဲ့အပြင် သူ့သားလို သမျှငွေကို အမေမိ က ထုတ်ပေးတတ်တဲ့ အမေမျိုး ဖြစ်ပါတယ်။ ကိုဌေးကြွယ်က သူ့အိမ်ကတောင်းလို့ ရသမျှငွေကို သူ့ ရဲ့ နိုင်ငံရေးလုပ်ဖော်ကိုင်ဖက် မိတ်ဆွေတွေနဲ့ အတူတူသုံးစွဲတာကို တွေ့ရပါတယ်။ ကားတစီးပေါ်မှာ လုပ်ဖော်ကိုင်ဖက် သူငယ်ချင်းတွေကိုတင်ပြီး သူတို့ရဲ့ နိုင်ငံရေးခရီးကို နေ့တိုင်းဆက်လေ့ရှိသူပါ။

ကိုဌေးကြွယ်က ဇော်ထက်ကိုကို လို လူငယ်တွေကိုလည်း မျိုးဆက်သစ်အဖြစ် ပျိုးထောင်တတ်သူပါ။ ဇော်ထက်ကိုကို ကို သူက စာတွေပေးဖတ်တယ်။ သူ့အတွေ့အကြုံတွေကို မျှဝေတယ်။ သူနဲ့အတူတူ ဘယ်ကိုသွားသွား ခေါ်သွားတတ်ပါ တယ်။ နောက်ဆုံး ၂ဝဝ၇ သြဂုတ်လ မှာ ပြေးလွှားပုန်းအောင်းနေရချိန်မှာတောင် ဇော်ထက်ကိုကို ကို ရအောင်ဆွဲထုတ် သွားခဲ့တာပါ။

ကိုဌေးကြွယ်က မီးမီး သမီးလေးကိုလည်း အမြဲဆုံးမတတ်တဲ့အကြောင်း မီးမီး သမီးက ကျမကို ပြောပြခဲ့ပါတယ်။ သူက ကလေးကိုပြောပြခဲ့တာက “သမီး၊ သမီးက ၁ဝ တန်းကို အောင်အောင်ကျိုးစားမှ သမီးတို့ ဒီထက်ပိုအဆင့်မြင့်တဲ့ ပညာ တွေ သင်ယူရမယ်။ ဒါမှ နောင်ကို ဒီမိုကရေစီစနစ်ကိုပြောင်းရင် လိုအပ်နေတဲ့ ပညာရှင်တွေနေရာကို သမီးတို့ ဝင်နိုင်မှာ။ သမီးမှာ အရည်အချင်းပြည့်မှ ပိုအဆင့်မြင့်တဲ့ ပညာသင်ယူခွင့်အတွက် ရွေးချယ်ခံရမှာ။ အဲဒါကို သမီးအမြဲမှတ်ထား” လို့ ဆုံးမတတ်တဲ့သူပါ။ သူက မီးမီး ရဲ့သမီး ပညာရေးအတွက် အထောက်အပံ့ ပေးတတ်ပါသေးတယ်။

၂ဝဝ၆ ခုနှစ်မှာလည်း ကိုဌေးကြွယ်၊ ကိုမင်းဇေယျ၊ ကိုမင်းကိုနိုင်၊ ကိုကိုကြီး၊ ကိုမြအေး၊ ကိုပြုံးချို တို့ကို ထပ်မံထိမ်းသိမ်း ထားခဲ့ပါသေးတယ်။

၂ဝဝ၇ သြဂုတ်လမှာ ၈၈ မျိုးဆက်ကျောင်းသားခေါင်းဆောင် အတော်များများကို ဖမ်းလိုက်တဲ့အချိန်မှာ ကံကောင်း ထောက်မစွာပဲ ကိုဌေးကြွယ် လွတ်သွားပါတယ်။ ကိုဌေးကြွယ်က ရှောင်ပုန်းနေတဲ့ နေရာကနေ ပထမဦးဆုံး မီးမီး ဆီ ဖုန်းဆက်ပြီး လူထုကြားထဲ ဆင်းဖို့အချိန်ရောက်နေပြီဆိုတဲ့ အကြောင်းကို တိုင်ပင်ဆွေးနွးခဲ့ပါတယ်။ အဲဒီနောက်တော့ မီးမီးနဲ့ နီလာသိန်းတို့ ညှိနှိုင်းတိုင်ပင်ပြီး လှည်းတန်းဆန္ဒပြပွဲတွေကို စီစဉ်ဆောင်ရွက်ခဲ့တာပါ။ ၂ဝဝ၇ အရေးတော်ပုံရဲ့ အ စိတ်အပိုင်းတော်တော်များများမှာ ကိုဌေးကြွယ်ရဲ့ ချိတ်ဆက်ဆောင်ရွက်မှုတွေ ပါဝင်ခဲ့ပါတယ်။ ၈၈ မျိုးဆက်တွေ လမ်း တွေပေါ်မှာ သံဃာတော်တွေနဲ့ အတူတူချီတက်ဆန္ဒပြနေချိန်မှာ ကိုဌေးကြွယ်က တယ်လီဖုန်းကနေတဆင့် ပြောဆိုတာ တွေ၊ ဆွေးနွေးပေးတာမျိုးတွေ လုပ်ခဲ့တဲ့သူပဲ ဖြစ်ပါတယ်။ သံဃာအဖွဲ့အတွင်း သူချိတ်ဆက်ပေးခဲ့တာတွေလည်း ရှိပါ တယ်။ အဖမ်းမခံရခင် အချိန်အထိ သူဟာ ပြည်တွင်းကအခြေအနေကို ပြည်ပက မီဒီယာတွေသိအောင်၊ ပြည်တွင်းက ပြည်သူတွေသိအောင် ကြေညာနိုင်ခဲ့တဲ့ သူတဦးအဖြစ် ပါဝင်ခွင့်ရခဲ့ပါတယ်။

ကျမ မှတ်မိသလောက်တော့ ကိုဌေးကြွယ်ဟာ နောက်မွေးလာတဲ့ လူငယ်တွေကို တော်စေတတ်စေချင်တဲ့ သူပါ။ သူတို့ ပေးဆပ်ခဲ့တဲ့ အရင်းအနှီးတွေဟာ နောင်မျိုးဆက်တွေ ကောင်းစားဖို့ဆိုတဲ့ စိတ်မျိုးအမြဲရှိနေသူပါ။ တိုင်းပြည်ကို တိုးတက် စေချင်သူတယောက်လည်းပဲ ဖြစ်ပါတယ်။ အဲဒီလိုလူတယောက်ကို သံတိုင်နောက်က နံရံလေးဘက်ထဲမှာ အချိန်တွေ ကုန်ဆုံးစေတာက တိုင်းပြည်ရဲ့ အကျိုးကို ဆုတ်ယုတ်စေပါတယ်။ နိုင်ငံရေးအကျဉ်းသားဆိုသူတွေက မိမိကိုယ်ကျိုး ထက်၊ တိုင်းပြည်ကောင်းကျိုးကို ပိုမိုလိုလားသူတွေဖြစ်တယ်ဆိုတာကို အစိုးရသစ်အနေနဲ့ ယုံကြည်လက်ခံပေးနိုင်မယ် ဆိုရင် အားလုံးပူးပေါင်းဆောင်ရွက်တဲ့ ဖြစ်စဉ်ကောင်းတခု ပေါ်ပေါက်လာမယ်ဆိုတာကို ကျမတို့ စူးစူးနစ်နစ် ယုံကြည်မိ ပါတယ်။

ခင်ငြိမ်းသစ်

photo by: AP
http://www.naytthit.net/?p=19640

ပိတ်ဆို့ အရေးယူမှု သက်တမ်းတိုးဖို့ အမေရိကန် အထက်လွှတ်တော် ဆုံးဖြတ်


2011-09-16

မြန်မာနိုင်ငံအပေါ် ပိတ်ဆို့ အရေးယူမှုကို သက်တမ်း တစ်နှစ် ထပ်တိုးဖို့ အမေရိကန် အထက်လွှတ်တော်က စက်တင်ဘာလ (၁၃)ရက်နေ့က ဆုံးဖြတ် အတည်ပြု လိုက်ပါတယ်။

အမေရိကန် ပြည်ထောင်စု အထက်လွှတ်တော်၊ နိုင်ငံခြားဆက်ဆံရေး ကော်မတီက စက်တင်ဘာ ၃၀ ရက်နေ့တွင် ပြုလုပ်သော မြန်မာနိုင်ငံဆိုင်ရာ အမေရိကန် မူဝါဒ၏ ရိုက်ခတ်မှုနှင့် ထိရောက်မှုအပေါ် ကြားနာပွဲတွင် အရှေ့အာရှနှင့် ပိစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကင်းဘဲလ် ထွက်ဆိုအစီရင်ခံနေပုံ ဖြစ်ပါသည်။ (Photo: AFP)

အမေရိကန် ပြည်ထောင်စုက မြန်မာနိုင်ငံ လွတ်မြောက်ရေးနဲ့ ဒီမိုကရေစီ ဥပဒေ ကို ၂၀၀၃ ခုနှစ်မှာ စတင် ပြဌာန်းခဲ့တာ ဖြစ်ပြီး နှစ်စဉ် သက်တမ်း တိုးလာတာ ဖြစ်ပါတယ်။

လက်ရှိ မြန်မာနိုင်ငံမှာ ပြုပြင် ပြောင်းလဲရေးတွေ စတင်နေပြီ ဆိုပေမယ့် နိုင်ငံတကာ လက်ခံနိုင်တဲ့ အခြေအနေကို မရောက်သေးတဲ့ အပေါ်မှာ အမေရိကန် အထက်လွှတ်တော်က နောက်တနှစ် သက်တမ်း တိုးဖို့ ဆုံးဖြတ်လိုက်တာ ဖြစ်တယ်လို့ အဝေးရောက် ညွန့်ပေါင်းအစိုးရ ဝန်ကြီး ဦးဘိုလှတင့်က အာအက်ဖ်အေကို ပြောပါတယ်။

“အမေရိကန် အထက်လွှတ်တော်အနေနဲ့ မြန်မာနိုင်ငံမှာ လက်ရှိ ဖြစ်ပေါ်တိုးတက်မှုတွေဟာ အမေရိကန် ပြည်ထောင်စုအတွက် အထူးသဖြင့် အထက်လွှတ်တော်အတွက် ကျေနပ်အားရလောက်စရာ မရှိသေးဘူး ဆိုတာကို လုပ်ရပ်နဲ့ ဖော်ပြလိုက်တာ ဖြစ်တယ်လို့ ယူဆပါတယ်။ မြန်မာနိုင်ငံက ကိုယ့်ရဲ့လုပ်စရာရှိတာကို ကိုယ့်ယုံကြည်ချက်နဲ့ ဆက်လုပ်သွားဖို့ လိုအပ်တယ်လို့ ပြောရမှာ ဖြစ်ပါတယ်”

မြန်မာနိုင်ငံ လွတ်မြောက်ရေးနဲ့ ဒီမိုကရေစီ ဥပဒေ သက်တမ်း တစ်နှစ်တိုးဖို့ အမေရိကန် အောက်လွှတ်တော်မှာ ပြီးခဲ့တဲ့ ဇွန်လက ဆုံးဖြတ်ခဲ့ပြီး ဖြစ်ပါတယ်။ ဒါကြောင့် အခု အထက်လွှတ်တော်ရဲ့ အတည်ပြုချက် ရပြီးရင် သမ္မတ အိုဘားမားက လက်မှတ်ရေးထိုး အတည်ပြုဖို့ အဆင့်ပဲ ကျန်ပါတယ်။

ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ထောက်ခံသူတွေကို လုပ်ကြံသတ်ဖြတ်ဖို့ ကြိုးစားခဲ့တဲ့ ဒီပဲယင်း အရေးအခင်း ဖြစ်ပေါ်ပြီးတဲ့နောက် မြန်မာ့ ဒီမိုကရေစီရေး လှုပ်ရှားမှုကို အပြည့်အဝ ထောက်ခံကူညီဖို့ အမေရိကန် ပြည်ထောင်စုက ဒီဥပဒေကို သတ်မှတ် ပြဌာန်းခဲ့တာ ဖြစ်ပါတယ်။ ဒီဥပဒေအရ မြန်မာနိုင်ငံက ပို့ကုန်တွေကို အမေရိကန် နိုင်ငံတင်သွင်းခွင့် ပိတ်ပင် ထားပါတယ်။
http://www.rfa.org/burmese/news/sanction-burma-09162011091828.html

အေရှားဝေါလ်ကုမ္ပဏီမှ မြစ်ဆုံစီမံကိန်းတည်ဆောက်မှုကို ရပ်တန့်တော့မည်..


..
by Mann Thar Lay (င်္Face book)on Thursday, September 15, 2011 at 11:26pm

အေရှားဝေါလ် ကုမ္ပဏီမှ ဧရာဝတီမြစ်ဆုံတွင် တည်ဆောက်လျှက် ရှိသော လုပ်ငန်းခွင်များကို ဆက်လက်လုပ်ဆောင်တော့မည် မဟုတ်တော့ကြောင်း ယင်းကုမ္ပဏီမှအမည်မဖော်လိုသည့် တာဝန်ရှိသူ အကြီးကဲ တစ်ဦးက စက်တင်ဘာလ ၁၅ရက်နေ့ ပြောသည်။ နိုင်ငံမှာ ရှိတဲ့ ပြည်သူတွေ အကုန်လုံး ဒီလောက်ကန့်ကွက်နေတာ ကျွန်တော်တို့ ဆက်ပြီး မလုပ်ရဲတော့ပါဘူး။ ကျွန်တော်ကိုယ်တိုင်လည်း ဒီစီမံကိန်းကို သိပ်ပြီး ဘ၀င်မကျဘူး။ အထက်လူကြီးတွေ ခိုင်းလို့ လုပ်နေရတာ။ ဒီစီမံကိန်းကိုလည်း ဖျက်သိမ်းဖို့ လူကြီးတစ်ချို့က ကြိုးစားနေကြပါတယ်..ဟု ၄င်းက ပြောသည်။ မည်ကဲ့သို့ ဖြစ်စေ ဧရာဝတီ မြစ်ဆုံ စီမံကိန်းသည် ရပ်တန့်သင့်သော စီမံကိန်းတစ်ရပ် ဖြစ်ပေသည်။