Sunday, September 18, 2011

ရဲရင့်ငယ်၊မိုဘီ ဂျီနို နဲ့ The Lady


http://www.mediafire.com/file/f5v9hmy45fobpv5/BBC%20Burmese%20-%20%20%20%20%20%20%20%20%20%20%20-%20%20%20%20%20%20%20%20%20%20%20%20%20%20The%20Lady.rm


http://www.ziddu.com/download/16444593/BBCBurmese--TheLady.rm.html


http://www.bbc.co.uk/burmese/programmes/2011/09/110818_mobigeno_theladyfilm.shtml


၁၈.၉.၂၀၁၁ ရက်နေ့ရဲရင့်ငယ်ဒိုင်ယာရီ

DOC file
PDF file

http://www.ziddu.com/download/16430292/18Sep2011Yeyintngesdiary.doc.html

http://www.ziddu.com/download/16430293/18Sep2011Yeyintngesdiary.pdf.html

18 Sep2011 Yeyintnge's Diary

ကြိုးစင်ပေါ်က ဧရာဝတီ

http://www.naytthit.net/wp-content/uploads/2011/09/Irrawaddy-on-the-gallows.pdf

by politics on September 19, 2011

ဧရာဝတီမြစ်ကြီးသည် မြစ်ဖျားခံရာအစမှ ပင်လယ်တွင်းစီးဝင်သည်အထိ မြန်မာနိုင်ငံအတွင်း တည်ရှိရာ၊
မည်သည့် နိုင်ငံ ကမှ အကြောင်းမဲ့လာရောက်ချယ်လှယ်ခြင်း မပြုနိုင်သော နိုင်ငံပိုင် မြစ်ကြီးတစင်း ဖြစ်ပါသည်။
လူယဉ်ကျေးမှုသမိုင်းသည် မြစ်ကြီးများစီးဆင်းမှုကိုလိုက်၍ အညာနှင့်အကြေ ဆက်စပ်ဖွံ့ဖြိုး စည်ပင်လာခဲ့စာရေးဆရာ တိုက်စိုး ၏ \” ဧရာဝတီ \” ၀တ္ထု ကို ဆွဲချဖတ် ရှုရန် ဤ နေရာ တွင် ကလစ် နှိပ်ပါ

သည်ဖြစ်ရာ၊ ဧရာဝတီမြစ်ကြီးတွင်လည်း တကောင်း၊ ရတနာပုံ၊ အင်းဝ၊ ပုဂံ၊ သရေခေတ္တရာ၊ ဒဂုံ စသည့်
မြန်မာ ရတနာရှေးဟောင်း မြို့ကြီးများဖြင့် ရောင်းဝယ် ဖေါက်ကားကုန်သွယ်ခဲ့ကြကာ၊ မြန်မာနိုင်ငံ ဖြစ်တည်
တိုးတက်လာခဲ့ပေသည်။ ထို့ပြင် ဧရာဝ တီမြစ်ကြီးကြောင့် လူမျိုးစုအချင်းချင်း ပေါင်းစည်းဆက်သွယ်မှုအခွင့်
အလန်းများလည်း ရရှိခဲ့ပေသည်။

WWF ၏ ဆန်းစစ်ချက်အရ ကမ္ဘာပေါ်တွင် ကီလိုမီတာ ၁ဝဝဝ ထက်ရှည်သော မြစ်ကြီးပေါင်း ၁၇၇ စင်းရှိ
သည့်အနက်၊ ယခုအခါ ပင်မမြစ် (Main Stream) ကို ထိမ်းချုပ်ထားခြင်းမရှိဘဲ၊ လွတ်လပ်စွာ စီးဆင်းနေသော
(Free-Flowing River) မြစ်ကြီးပေါင်း ၆၄ ခုသာ ကျန်ရှိနေတော့ကြောင်း ဖေါ်ပြထားရာ၊ အာရှတွင် ရှားပါးစာရင်းဝင် (၃) ခုမှာ အိန္ဒိယ နိုင်ငံရှိ ဗြဟ္မပုတ္တရမြစ်နှင့် မြန်မာနိုင်ငံတွင် ဧရာဝတီနှင့် သံလွင်တို့ ဖြစ်ကြပါသည်။

ဗြဟ္မပုတ္တရမြစ်တွင်၊ လက်တက်များပေါ်၌သာ ဖွံ့ဖြိုးရေးဆည်လုပ်ငန်းများ တည်ဆောက်ရန်ရှိပြီး၊ ပင်မမြစ်ပေါ်တွင်
အ လားအလာ မရှိပါ။ သို့ရာတွင် သံလွင်မြစ်ပေါ် တရုတ်နိုင်ငံဘက်ခြမ်း၌ တမံ (၁၃) ခုကို အဆင့်ဆင့် (Cascade)
တည် ဆောက်ပြီး၊ မြန်မာနိုင်ငံဘက်ခြမ်းတွင် ဟတ်ကြီးနှင့် တာဆန်းရေကာတာများ တည်ဆောက်နေကြာင်း တွေ့ရှိရပါသည်။

ဧရာဝတီ မြစ်တွင်လည်း မြစ်မကြီးပေါ်၌ မြစ်ဆုံတမံနှင့် မေခ၊ မေလိခမြစ်တို့ပေါ်တွင် အခြားတမံ (၇)
ခုကို တည်ဆောက်ရန် စီစဉ်နေသဖြင့် Free-Flowing River စာရင်းမှ ပယ်ဖျက်ရတော့မည်
ဖြစ်ပေသည်။ ယခုအခါ တရုတ်နိုင်ငံ၏ စွမ်း ရည်လိုအပ်မှုမှာ တဟုန်တိုးမြင့်တက်လာနေရာ ပတ်ဝန်းကျင်နိုင်ငံများ၏
မြစ်ချောင်းများပေါ်တွင် ဈေးပေါပေါနှင့် ရေအား လျှပ်စစ်ရရှိရေး မက်လုံးပေးကြိုးစားလျှက်ရှိပါသည်။

သဘာဝအားဖြင့် မြစ်ဖျားခံရာဒေသနှင့် ပင်လယ်တို့ဆက်စပ်မှုရှိသော မြစ်ကြီးများတွင် ငါးနှင့် ရေနေသတ္တဝါ
တို့ ပေါက်ဖွား မှုမှလည်း ဆက်စပ်လျှက်ရှိပြီး ဂေဟစနစ်ချိန်ညှိမှုအကျိုးဆက်မှာ အလွန်အရေးပါကြောင်းတွေ့ရှိရပါသည်။
WWF က ထောက်ပြထားသည်မှာ မြစ်ဝကျွန်းပေါ် (Delta) ရှိ မြစ်ချောင်းများသည် ပင်လယ်ဒေသ (estuary)
နှင့် ဂေဟစနစ် ဆက်စပ်နေကြောင်း၊ တဖန် မြစ်ဝကျွန်းပေါ်သည်လည်း မြစ်ညာရှိ မြစ်စ (Source) နှင့်
ဆက်စပ်မှုရှိသဖြင့် တခုနှင့် တခုဆက်စပ်မှုကို ဖြတ်တောက်လက်သည်နှင့် ဂေဟစနစ်ပျက်ပြယ်ကာ၊
ပင်လယ်ထွက်ကုန် ငါးပုဇွန်များ ထုတ်လုပ်မှုကို ဆိုးဝါးစွာ ထိခိုက်နိုင်ကြောင်း ဖေါ်ပြထားပါသည်။ မြစ်မတွင်
ရေလှောင်တမံ တည်ဆောက်ခြင်းကြောင့်၊ လွတ်လပ်စွာ စီးဆင်းနေမှုကို ပိတ်ပင်လိုက်သဖြင့် သဘာဝရေစီးဆင်းမှု
(Natural Stream Flow) အစား လူလုပ်စီးဆင်းမှု (Man made Stream Flow) ဖြစ်သွားသဖြင့် ဇီဝမျိုးစုံမျိုးကွဲများ၏
မူရင်းဒေသများ ထိခိုက်ကာ၊ ဌာနေတိရိစ္ဆာန် မျိုးစိတ်များ ပျောက်ကွယ်သွားနိုင်ပေသည်။

ဧရာဝတီမြစ်ဆုံတမံ၏ ရေဆင်းဧရိယာအတွင်းရှိ မေခနှင့် မေလိခမြစ်တို့၏ ရေဝေရေလဲ တောင်ကြောများမှာ
ဟိမဝန္တာ တောင်ကြီး၏အရှေ့ဘက်အကျဆုံးအစွန်း (Eastern most) ဖြစ်ပြီး၊ အထူးသဖြင့် မေလိခမြစ်
ဘက်ခြမ်းမှာပြင်ပ ကမ္ဘာနှင့် အဆက်အသွယ်မရှိသဖြင့် သဘာဝပတ်ဝန်းကျင် လုံးဝပျက်စီးခြင်း မရှိသေးသည့်
ဒေသဖြစ်ပေရာ၊ ရှားပါးမျိုး စိတ် Flora နှင့် Fauna များကို တွေ့မြင်နိုင်ပေသည်။ အခြားရှားပါးသော၊ ပန်ဒါဝက်ဝံအနီ၊
ဝက်ဝံအမဲ၊ သားမင်း၊ ငှက် အမျိုးမျိုး၊ မျောက်အမျိုးမျိုး၊ သစ်ခွအမျိုးမျိုး၊ လိပ်ပြာအမျိုးမျိုး၊ ဒေသသုံးဆေးဝါးအပင်
အမျိုးမျိုး၊ အဖိုးတန်သစ်ဥသစ်ဖု များ ရှားပါးစွာ ပေါက်ရောက်ကြသဖြင့် လွန်စွာအဖိုးထိုက်တန် လှပေသည်။

ထို့ပြင်ချစ်ခင်ဘွယ်ကောင်းသော ညီနောင် တိုင်းရင်းသားများဖြစ်သည့် ကချင်၊ ရဝမ်၊ လီဆူး၊ ဂျိန်းဖော စသည်တို့၏
နေရင်းဒေသလည်း ဖြစ်ပေရာ၊ တမံတည် ဆောက်လိုက်သဖြင့် မည်မျှထိခိုက်သွားမည်ကို တွေးကြည့်ရန်ပင်
မစဉ်းစားရဲအောင် ဖြစ်ရပေသည်။ တမံကို နှစ်နှင့် ချီ၍ တည်ဆောက်ရမည်ဖြစ်ရာ၊ လူသံ၊ စက်သံ၊ တောင်ဖြိုသံ၊
မိုင်းခွဲသံ၊ လမ်းဖေါက်သံ စသည့် အသံဆိုးများကြောင့် တိုင်းရင်း သားမျိုးနွယ်စုများ၊ တောနေသတ္တဝါများနှင့် ရေနေ
သတ္တဝါများအားလုံး ထွက်ပြေး၊ သေဆုံး ပျောက်ကွယ်သွားကြမည်မှာ မြေကြီးလက်ခတ်မလွဲ ဖြစ်ပါသည်။

ASEAN (၁ဝ) နိုင်ငံသည် အပူပိုင်းဇုံတွင်း (Tropical) ကျရောက်သော်လည်း၊ မြန်မာနိုင်ငံတခုတည်းသာ၊
ဟိမဝန္တာ တောင်ကြီး၏ အရှေ့ဘက်အကျဆုံးအစွန်းနှင့် ထိစပ်နေသဖြင့်၊ နှင်းဖုံးသောတောင်တန်းများ
(Snow-capped Mountain) ရေခဲမြစ်များ တည်ရှိပြီး လူတို့တက်ရောက်နိုင်သည့် တခုတည်းသော နိုင်ငံ
ဖြစ်ပါသည်။ အခြား (၉) နိုင်ငံတွင် မရှိပါ။ ရောက်ဖူးလို၏၊ တက်ရောက်လို၏၊ တွေ့မြင်လို၏၊ ခံစားလို၏၊ ASEAN ၏
ဆွစ်ဇာလန်နိုင်ငံ ဖြစ်ပေသည်။

တောင်ပေါ်တွင် ရေခဲပြင် လျှောစီးနိုင်၏ (Skiing)၊ တောင်ပေါ်လမ်းများ ရှာ၍ လျှောက်နိုင်၏ (Mountain Trekking)

တောင်ကုန်းအဖုအထစ်များကြားတွင် အခက်အခဲစက်ဘီး စီးနိုင်၏ (Mountain Biking)?၊ ထို့ပြင် သဘာ ဝ
အခြေခံခရီးသွားခြင်း ( Eco-tourism) ကိုလည်း ပြုလုပ်နိုင်၏၊ အရှေ့တောင်အာရှတွင် မည်သည့်နိုင်ငံတွင်မှ
မရှိသော၊ ရင်ခုံစွန့်စားရသည့် ရာဘာဖေါင်နှင့် ရေစီးသန်ကာ အနိမ့်အမြင့်နှင့် အလျောကောင်းသော မေလိခမြစ်
အတွင်း ကျောက်ဆောင်များအကြား မျှောချနိုင်၏ (White Water Rafting)? စွန့်စားလိုသူတို့အတွက် နိဗ္ဗာန်ဘုံပင် ဖြစ်ပေ

သည်။

အခြေအနေပေးပါက၊ ကမ္ဘာလှည့်ခရီးသွားများလာရောက်မည်သာဖြစ်ပြီး ငွေကိုသဲ့ယူနိုင်သည့် မြစ်အတွင်းတွင်၊ တမံအ
ဆင့်ဆင့်ကို တည်ဆောက်လိုက်ခြင်းဖြင့် စွဲဆောင်နိုင်သည့် လုပ်ငန်းများအားလုံး ပျောက်ကွယ်သွားမည်ဖြစ်သဖြင့် ကမ္ဘာ
တည်သရွေ့ ရေရှည်စဉ်ဆက်မပြတ် အကျိုးရှိနေသည့် (Sustainable) လုပ်ငန်းများကို မဖျက်ဆီးသင့်ပေ။

ရေနှင့်ပတ်သက်၍ဖွံ့ဖြိုးရေးကဏ္ဍများကို စဉ်းစားရာတွင်၊ Integrated Water

Resources Management (IWRM) ဟုခေါ်သော ”ရေအရင်းမြစ်စမံမှုနှင့် ဆက်စပ်နေသော ကဏ္ဍအားလုံးကို တစုတရုံးတည်း ပေါင်းစပ်စဉ်းစားပေးခြင်း” ဖြင့်၊ နောင်သားစဉ်မြေးဆက် အဒွန့်ရှည် ခံစားနိုင်သည့် လုပ်ငန်းမျိုးဖြစ်သင့်ပေသည်။

ကဏ္ဍတခုတည်း ဖွံ့ဖြိုးတိုးတက်မှုအ တွက် အခြားကဏ္ဍများ ရှိပါက ထိခိုက်မှု မပြုလုပ်မိအောင် ပေါင်းစပ်စဉ်းစားတွေးခေါ်ခြင်း
ဖြစ်ပါသည်။ ဧရာဝတီမြစ်ဆုံစီမံကိန်းတွင် လုပ်ငန်း (၈) ခုပါဝင်ပြီး စုစုပေါင်း လျှပ်စစ် ထုတ်လုပ်

မှုအင်အား ၁၈၄၉၉ MW ဖြစ်ရာ၊ လျှပ်စစ်ဦးစားပေးစီမံကိန်း (Power Oriented) ဖြစ်ပါသည်။

တိုးတက်နေသောခေတ်ကြီးတွင် ဆောင်ရွက်နေသောဘက်စုံစီမံကိန်း (Multi-purpose project) မျိုး မဟုတ်
သည်ကို တွေ့ရှိရပါသည်။ အဖိုးတန်သော ဘက်စုံစီမံကိန်းကြီးများတွင် လျှပ်စစ်သာမက၊ စိုက်ပျိုးရေး၊ စက်ရုံသုံးနှင့်
သောက်သုံးရေ၊ သယ်ယူပို့ဆောင်ရေး၊ အပန်းဖြေရေး၊ ပတ်ဝန်းကျင် ထိန်းသိမ်းရေး စသည်တို့ပေါင်းစပ်ပါဝင်သဖြင့်
ရေ ရှည်တည်တံ့သော လူမှုရေး စီးပွားရေးကဏ္ဍများ ပါဝင်ပါသည်။ မိမိ၏ အခန်းကဏ္ဍတခုတည်းကိုသာ၊ ဦးစားပေးဆောင်
ရွက်မည်ဆိုပါက ဆိုးကျိုးများနှင့်ကြုံတွေ့ရန် အလားအလာများပါသည်။ ရေအရင်းအမြစ်ကို သတ်မပြစ်သင့်ပါ။

ရေသည် လွန်စွာတန်ဖိုးရှိသော စီးပွားရေးအထောက်အကူပြု ကုန်ကြမ်းပစ္စည်းဖြစ်သည်ဆိုသည်ကို ဂရုပြုရပါမည်။

ထို့ ကြောင့် ရေအရင်းအမြစ်ဖွံ့ဖြိုးရေး စီမံကိန်းကြီးများဆောင်ရွက်သည့်အခါ အလွှာအသီးသီးမှ ပါဝင်စဉ်းစားဆွေးနွေး
ဆုံး ဖြတ်ကြရန် လမ်းဖွင့်ပေးရန်လိုအပ်ပါသည်။

တိုးတက်ဖွံ့ဖြိုးလျှက်ရှိသောနိုင်ငံများတွင် စားနပ်ရိက္ခာဖူလုံရေးမှာ အဓိကမျှော်မှန်ချက်ဖြစ်ရာ ရေဖူလုံစွာ မရရှိပါက အ
ဟန့်အတား ဖြစ်သွားနိုင်ပါသည်။ ရေအတွက် အာမခံချက်ရရှိရန်မှာ စားနပ်ရိက္ခာထုတ်လုပ်ရေးအတွက် အဓိကသော့ ချက် ဖြစ်ပါသည်။

မြန်မာနိုင်ငံလူဦးရေ ၇ဝ% မှာ ကျေးလက်တွင် နေထိုင်ကာ၊ စိုက်ပျိုးရေးလုပ်ငန်းများနှင့် ဆက်စပ်လျှက်ရှိသော လုပ်ငန်း များတွင်
ပါဝင်လုပ်ကိုင်လျှက်ရှိပါသည်။ ဆင်းရဲမှုလျော့နည်းပပျောက်ရေးအတွက် လက်ရှိအလုပ်အကိုင်များ မပပျောက် ရေးနှင့်
လုပ်ငန်းအသစ်များ ဖန်တီးရှာဖွေပေးရေးမှာ လွန်စွာအရေးကြီးပါသည်။ လူဦးရေတိုးတက်မှုနှင့် ဆင်းရဲမွဲတေမှု ဆက်စပ်
နေခြင်းကြောင့် မြန်မာနိုင်ငံအတွက် စိုက်ပျိုးရေးကဏ္ဍဖွံ့ဖြိုးတိုးတက်အောင် ဆောင်ရွက်ရန် လိုအပ်ပါသည်။

”ဧရာဝတီမြစ်ဆုံ တမံပိတ်မှုကြောင့်၊ နွေရာသီမှာ ရေလှောင်တမံကနေ ရေထုတ် လွှတ်မှုကြောင့် (လျှပ်စစ်ဓါတ်ထုတ်ယူ မှုကြောင့်)
နွေရာသီ ပုံမှန်မြစ်ရေစီးဆင်းမှုထက် ၁၆% ပိုများလာမယ်လို့ ဆိုပါတယ်။ ခြောက်သွေ့ရာသီကာလတွေရဲ့ ယခင် ပုံမှန်မြစ်ရေထုစီးနှုန်း ၁၈၃ဝ m3/s ကနေ ရေလှောင်တမံပြီးစီးချိန်မှာ ဖြစ်ပေါ်လာမယ့်မြစ်ရေထုစီးနှုန်းဟာ ၂၁၂ဝ m3/s အထိ တိုးတက်လာမှာ ဖြစ်ပါတယ်၊

ဒါကြောင့်တမံရဲ့ အောက်ဘက်ပိုင်း ဧရာဝတီမြစ်ကြောင်းတလျှောက်မှာ မြစ်ရေ ဟာ ယခင်ပုံမှန်ထက် ၁.၅ ပေခန့် ပိုမိုမြင့်တက်လာနိုင်ကြောင်း လေ့လာသုံးသပ်ဖေါ်ထုတ်ထားပါတယ်” ဟု ရေးသား ကြော်ငြာထားသည်ကို တွေ့ရှိရပါသည်။
မြစ်ဆုံတမံမှ ထွက်ရှိသော လျှပ်စစ်ဓါတ်အား၏ ၉၉% ကို တရုတ်နိုင်ငံက ရယူ မည်ဖြစ်ပြီး မြန်မာနိုင်ငံက ၁% သာ ရရှိသည်ဟု
သိရှိရပါသည်။ တရုတ်နိုင်ငံ၏နွေရာသီ၌ လျှပ်စစ်ဓါတ်အား ပိုမိုလိုအပ်မှု

ရှိနိုင်သည့်အလျှောက် ပိုမိုထုတ်ယူမည်သာဖြစ်ရာ ဖေါ်ပြထားသည့် နွေရာသီပုံမှန်မြစ်ရေစီးဆင်းမှု ၁၆% ကိန်းဂဏန်း ထက်
ပိုမိုမည်သာ ဖြစ်ပါသည်။ အဓိကအကြောင်းရင်းမှာ ဧရာဝတီတွင် လက်ရှိ နွေရာသီသဘာဝ ရေကျဆင်းသွားသည် နှင့်
ပေါ်ထွက်လာသော နုံးတင်မြေနုကျွန်းများ ဆုံးရှုံးသွားနိုင်ခြင်းပင် ဖြစ်ပါသည်။

ယာသမား၊ ကိုင်းသမားများမှာ နှစ်စဉ်ပေါ်ထွန်းလာသည့်၊ မြေနုကျွန်းများပေါ်တွင်၊ မြေပဲ၊ ပြောင်း၊ ကြက်သွန်၊ ပဲအမျိုးမျိုး
အပြင် အခြားဆီထွက်သီးနှံများကို စိုက်ပျိုးခြင်းဖြင့် အလုပ်အကိုင်ရရှိကာ ဝင်ငွေရရှိစေပါသည်။ မြေနုကျွန်းများ ပျောက်
ဆုံးသွားပါက ဧရာဝတီတနံတလျား အလုပ် လက်မဲ့ဖြစ်ကြမည့် ယာသမား၊ ကိုင်းသမားများကား၊ နည်းမည်မ ဟုတ်ပေ။

”ပိန်ညှင်း၊ ရေကြက်နှင့် ဟင်္သာငှက်တို့သည် သောင်ပြင်တွင် သက်ဆင်းနိုင်တော့မည် မဟုတ်သလို၊ ငါးကြင်းတွေဆန်
ငါးတန်တွေမြူး၊ သောင်ချေဦးမှလ၊ ကိုတံငါလည်း လှေယဉ်စီး၍ ပိုက်ကြီးကိုရေချနိုင်တော့မည် မဟုတ်ပေ”။

ထို့အပြင်ခေတ် အဆက်ဆက်အသုံးချလာသော ”မြေနုကျွန်းချထားရေးအက်ဥပဒေ” ကိုလည်း၊ အသုံးမလိုတော့သဖြင့် ပြတိုက်တွင် သိမ်းဆည်းထားရန်သာရှိပါတော့သည်။

ထို့နည်းတူ မိုးရာသီတွင်လည်း ရေအားလျှပ်စစ်ထုတ်ယူမှုကြောင့် ပုံမှန်ရေထုထည် စီးနှုန်းထက် လျှော့နည်းသွားမည်ဖြစ် ရာ သဘာဝရေကြီးကွင်း၊ ရေနက်ကွင်းဧရိယာများလည်း လျော့နည်းကျဆင်းသွားမည် ဖြစ်ပါသည်။ ဧရာဝတီမြစ်နှင့် ချင်း
တွင်းမြစ်ဆုံရာ သဘာဝရေနက်ကွင်းများ၊ ငဝန်မြစ်အနောက်ခြမ်းရေနက်ကွင်းများ စသည့် ဧရိယာများတွင် သဘာဝရေ
မရောက်တော့သဖြင့် ဆောင်းသီးနှံများ စိုက်ပျိုးနိုင်ခြင်းမရှိတော့၍ အလုပ်လက်မဲ့ဖြစ်ကြပေတော့မည်။ သို့သော် မြစ်ဆုံ တမံကြောင့် မိုးရာသီရေကြီးမှုအမြင့် လျော့နည်းသွားသဖြင့် မြစ်ဝကျွန်းပေါ် ရေဘေးကာကွယ်ရေး တာတမံများအတွက် အသက်
ရှုပေါက်ချောင်သွားနိုင်၏၊ ဒါပေမဲ့ သိတ်စိတ်ချ၍တော့ မဖြစ်သေး မိုးရွာခြင်း၊ ရေကြီးခြင်းစသည်တို့မှာ ကျဘမ်း ကိန်းစဉ် (Random

Phenomena) များဖြစ်ကြ၏။ စာရင်းအင်းပညာ (Statistics) ဖြင့် တွက်ချက်၍ သဘာဝရေ ကြီးခြင်းကို ခန့်မှန်းနိုင်၏။

ယခုဤသို့မဟုတ်နိုင်တော့။ သဘာဝရေကြီးခြင်းမဟုတ်၊ လူကလုပ်သည် (Man-Made) ရေကြီးခြင်းဖြစ်ရာ ခန့်မှန်းရန် ခက် ခဲသွား၏။
ရေကြီးပါက ဆည်အကျိုးမခံဘဲ ရေလွှတ်ချမည်သာ ဖြစ်သည်။ ရေကြီးမှုဖြစ်စဉ်တွင် ဧရာဝတီက သုံးပုံနှစ်ပုံ ပါဝင်၍ ချင်းတွင်းက
သုံးပုံတပုံသာ ပါဝင်သည်။ မြစ်ဝကျွန်းပေါ်တာတမံများကို ခါတိုင်းထက်ပင်တိုး၍ စောင့်ကြပ်ရမည့် သဘောရှိပေသည်။ နမူနာအားဖြင့်
ထိုင်းနိုင်ငံအတွင်းရှိ ”ဘူမိဘော”ရေလှောင်တမံမှ ဘာမပြောညာမပြော သူ့ဆည်လြုံခုံ ရေးအတွက် ရေလွှတ်ချလိုက်ရာ မြန်မာနိုင်ငံသောင်ရင်းမြစ်အတွင်း သေလိုက်ကြတဲ့ မြန်မာတွေ…..

မြစ်ဆုံတမံရေကြီးမှုကို တရုတ်ကြီးက ချုံကင်း သို့မဟုတ် ပီကင်းမှ အဝေးထိန်းစနစ် (Remote control) နှင့် ထိန်းသိမ်းနိုင်၏။

ရေကြီးမှုသည်၊ စိုက်ပျိုးရေး၊ ရေကြောင်း၊ ဆောက်လုပ်ရေး၊ ဆည်မြောင်း၊ တာတမံ၊ စည်ပင်၊ လမ်းတံ တား စသည့်ကဏ္ဍအားလုံးနှင့်
ဆက်စပ်နေ၏။ရေကြီးပါက မည်သူနှင့်ညှိနှုင်းရမည်နည်း၊ တရုတ်ကြီးက ”ဝ-မတိဘူးလ၊ လု၊ တို့ကိစ္စဘဲ” ဟုဆိုသော် မခက်ပါလော ၊…

”မြစ်ဆုံစီမံကိန်းရဲ့ တမံအမျိုးအစားဟာ ကွန်ကရစ်မျက်နှာဖြင့် ကျောက်ဖြည့်တမံ (Concrete Face Rock Fill Dam-CFRD)
အမျိုးအစား ဖြစ်ပါတယ်။ အဲဒီ CFRD အမျိုးအစားဟာ Zone Type တမံအမျိုးအစားထက်၊ ငလျှင်ဒဏ်ကို ခံနိုင်ရည် ရှိပါတယ်”
ဟု ဖေါ်ပြထားပါသည်။

CFRD အမျိုးအစားတမံသည် ဖေါ်ပြပါအားသာချက်ရှိသကဲ့သို့ အခြားအားနည်းချက်များလည်း ရှိသည်ကို မမေ့သင့်ပါ။ တမံ တည်ဆောက်မည့်နေရာ မြစ်ကြမ်းပြင်အောက်ခံ ကျောက်အမျိုးအစား အလွန့်အလွန် (အလွန့်အလွန်) ကောင်းမွန်ရန် လိုအပ်ပါသည်။ အဘယ်ကြောင့်နည်း၊ မြစ်ကြမ်းပြင်တွင် သပ်ကျင်းတူးပြီး ကွန်ကရစ်မျက်နှာပြင်အပြားကိုစောင်း၍ ပေ (၄၅ဝ) အမြင့်အထိ
တည်ဆောက်ရမည်ဖြစ်ရာ ကုတ်အားကောင်းရန်အတွက် အောက်ခံကျောက် အထူးကောင်းမွန်ရန် လိုအပ်ခြင်း ဖြစ်ပါသည်။ ၎င်းကွန်ကရစ်မျက်နှာပြင်အပြား နောက်ဘက်မှ ကျောက်တုံးများစီ၍ တမံဆောက် မည်ဖြစ်ပါ သည်။ ကွန်ကရစ် (ဘိလပ်မြေ)
အကုန်အကျနည်းရန် အရေးကြီးသော ရှေ့ကာအပြားကိုသာ ကွန်ကရစ်ထား၍ နောက် ဘက်က ကျောက်စီခြင်း ဖြစ်ပါသည်။
ယင်းတမံမျိုးမှာ တရုတ် နိုင်ငံတွင် သုံးစွဲနေကြသော်လည်း နိုင်ငံတကာတွင်မူ ခေတ်မစားလှသေးပါ။

”အချို့စိုးရိမ်သလို တမံကျိုးတဲ့အဆင့်၊ ရေတွေဖွင့်ချရတဲ့အဆင့် ရောက်လာဖို့ဆိုတာ လုံးဝမဖြစ် နိုင်ပါဘူး” ဟု ရေးသား
ဖေါ်ပြထားချက်ကို လက်ခံရန် ခက်ခဲလှပါသည်။ ရေကြီးသဖြင့် ရေလှောင်ကန်တခု ရေဖွင့်ချရသည်မှာ မဆန်းပါ။ မကြာ မီက
အမေရိကန်နိုင်ငံတွင် မကြုံစဖူး မစ္စစပီမြစ်ရေကြီးရာ ရေတံခါးများ ဖွင့်ချခဲ့ရသဖြင့် မြို့ကြီးများစွာ ရေနစ်မြုပ်ခဲ့ရ သည်။ သို့သော်
ကြိုတင်ကြေငြာ ထားသဖြင့် အခက်အခဲကို ကျော်လွှားနိုင်ခဲ့သည်။ အဓိကတမံရေ ဆင်းဧရိယာအတွင်း မိုးရာသီ တွင် မိုးကြီးနိုင်၏ ရေကြီးနိုင်၏ တောင်ပြိုနိုင်၏ နွေရာသီတွင် ဟိမဝန္တာရေခဲတောင်များ အရည်ပျော်နိုင်၏ ဆည် အမျိုးအ
စားကောင်းကောင်း၊ ဒီဇိုင်းကောင်းကောင်း၊ ရေထုတ်အားကောင်း ကောင်း၊ Monitoring စံနစ်ကောင်း ကောင်း လိုအပ်ပါသည်။

ကမ္ဘာပေါ်တွင် မည်သည့်ဆည် အမျိုးအစားမှ ရာနှုန်းပြည့်စိတ်ချရမှုအတွက် အာမခံချက် မရှိပါ။

ကြိုတင်သိရှိပြီး ကာ ကွယ်နိုင်ခြင်း ဖြင့်သာ၊ အခက်အခဲများ လျော့နည်းသွားခြင်း ဖြစ်ပါသည်။ ဥပမာအားဖြင့် အီတလီနိုင်ငံရှိ
Concrete Arch Dam ကြီးတခု၏ ရေလှောင်ကန်အတွင်း ညအချိန် တောင်ကြီးတခုလုံး ရုတ်တရက်ပြိုကျရာ၊ တမံ
အောက်ဖက်ရှိ မြို့ကြီးတမြို့လုံး စိစိညက်ညက် ကြေသွားသည်ကို ယနေ့တိုင်လေ့ လာနိုင်ရန် ပြသထားပါသည်။ မြစ်ဆုံ
တမံတခုခု ဖြစ်သွားပါက ဧရာဝတီမြစ်ဖျားမှ ပင်လယ်ဝအထိ မြစ်ကိုဖြတ်၍ တည်ဆောက်ထားသော တံတားကြီးများ၊
သမိုင်းယဉ် ကျေးမှုနှစ် ပေါင်းထောင်ချီ၍ ရှိခဲ့သော မြို့ပြအိမ်ယာများသည် ဘင်္ဂလားပင်လယ်အော်အတွင်း သက်ဆင်း
သွားနိုင်ပေသည်။

”ပိတ်ဆို့မှု (Sanction) ဆိုတာကြီးကြောင့်၊ ချေးငွေဆိုတာ နိတ္ထိဖြစ်၍ တရုတ်နိုင်ငံက Foreign Direct Investment
(FDI) နှင့် တာဝန်ယူတည်ဆောက်ရသည်” ဟု ဖေါ်ပြထားချက်အတွက် စိတ်မကောင်းပါ။ သို့ရာတွင် တရုတ်နှင့် ချုပ်ဆိုသော
စာချုပ်စာတမ်းများကို ထုတ်ပြန်ခြင်း မရှိ၍ အကျိုးအကြောင်း မသိရသော်လည်း (FDI) ဆိုခြင်း ကြောင့် ဆည်နှင့်တကွ
ရေဝေရေလဲ ဧရိယာထိန်းချုပ်မှုအားလုံး တရုတ်လက်တွင်းသို့ နှစ်အကန့်အသတ်မရှိ ရောက်ရှိ သွားကြောင်း ယူဆဘွယ်ရာရှိပါသည်။
တရုတ်၏အကျင့်တခုမှာ ဥပမာသစ်ခုတ်ခွင့် သဘောတူညီမှုရစဉ်က အမြစ်

ပါတူး၍ မြေလှန်ပြီး ရသမျှယူသောအကျင့် ဖြစ်ပါသည်။

ယခုလည်း မြစ်စုံစီမံကိန်းလုပ်ငန်းများ စသည်နှင့် ရွှေထွက်သော မြစ်ဆုံမြေများကို အကြောင်းအမျိုးမျိုးပြ၍
နေ့စဉ်အလုံပိတ်ကားကြီးများဖြင့် နယ်စပ်မှတဆင့် တရုတ်နိုင်ငံအတွင်း၊ အစစ်အဆေးအမေးအမြန်းမရှိ သယ်ဆောင်ပြီး
ရွှေကျင်ရယူနေကြသည်။ ထို့ပြင် မြစ်ဆုံကျောက်ဟုခေါ်သော ကျောက် စိမ်းလည်းထွက်သေး၏။

ရသမျှသယံဇာတအားလုံးကို ထုတ်ယူပြီး ငါးကြင်းဆီနှင့် ငါးကြင်းကြော်ပေတော့မည်။ သဘာဝ သယံဇာတများမှာ အဖိုး
ထိုက်တန်သော ကုန်ကြမ်းပစ္စည်းများဖြစ်ရာ၊ မိမိပိုင်ပစ္စည်းများ လျော့နည်းမသွားစေရန် ထိန်းသိမ်းထားရေးမှာ နိုင်ငံသား
တိုင်း၌ တာဝန်ရှိပါသည်။ ရေအရင်းအမြစ်ကို သားစဉ်မြေးဆက်ရေရှည်တည်တံ့ခိုင်မြဲစေနိုင်သော နည်းလမ်းများဖြင့်
ထိန်းသိမ်း အသုံးချသွားနိုင် ရေးသည်၊ အနာဂတ်လူအဖွဲ့အစည်းအတွက် အလွန်အရေးကြီးသော စိန်ခေါ်မှုများအနက်
တခုဖြစ်ကြောင်းဖေါ်ပြရင်း၊ မြစ်ဆုံတမံ တည်ဆောက်ရေးကို စဉ်းစဉ်းစားစား လုပ်ပါဟုသာ တင်ပြလိုပါသည်။

(၂ဝ၁၁ ခုနှစ် သြဂုတ်လ (၉) နှင့် (၁ဝ) ရက်နေ့ထုတ် မြန်မာအလင်းသတင်းစာပါ ဆောင်းပါးများကို ရည်ညွှန်းပါသည်)

Water Resources Specialist တဦး
http://freedomnewsgroup.com/2011/09/19/irrawaddy-on-gallow/

အာဇာနည်မ၀င်းမော်ဦး၏" လွတ်လပ်မှ အမျှဝေပါ "ဂုဏ်ပြုတေးသီချင်းခွေဖြန့်ချီ

၈၈ မျိုးဆက်ကျောင်းသားများ( ပြည်ပ ) 88gse အဖွဲ့နှင့် ဒီမိုကလေစီအဆိုတော် လားရှိုးသိန်းအောင် ( ဂျင်မီဂျက် )တို့မှ ၈၈ မျိုးဆက်ကျောင်းသူလေး အာဇာနည်မ၀င်းမော်ဦး၏ သူရဲကောင်းစိတ်ဓါတ်ကို ဂုဏ်ပြုသည့်အနေဖြင့် " လွတ်လပ်မှ အမျှဝေပါ " ဂုဏ်ပြုတေးသီချင်းခွေအား ပြည်တွင်း / ပြည်ပသို့ ထုတ်ဝေဖြန့်ချီလိုက်ပြီး ။

မြန်မာ့အရေး နှစ်ရှည်ဆောင်ရွက်လာသူ ကနေဒါရဲ့ အမြင့်ဆုံးနိုင်ငံသားဆု ရရှိ


2011-09-17
မြန်မာနိုင်ငံရဲ့ ဒီမိုကရေစီရေးနဲ့ လူ့အခွင့်အရေးအတွက် ကြိုးပမ်းသူ ကနေဒါနိုင်ငံသားတဦးကို ကနေဒါအစိုးရက "The Order of Canada" ခေါ် အမြင့်ဆုံးနိုင်ငံသားဆုကို မနေ့က ချီးမြှင့် ပေးအပ်လိုက်ပါတယ်။
၁၉၉၁ ခုနှစ်မှာ Canadians Friends of Burma (CFOB) ခေါ် "မြန်မာနိုင်ငံ မိတ်ဆွေများ ကနေဒါနိုင်ငံ" အဖွဲ့ကို စတင် တည်ထောင်သူတဦး ဖြစ်တဲ့ မစ္စတာ Paul Copeland ကို ကနေဒါနိုင်ငံ Ottawa မြို့မှာ မနေ့က မနက်က အခမ်းအနားနဲ့ ဆုချီးမြှင့်ခဲ့တာပါ။

ဒီဆုကို နယ်ပယ်အသီးသီးမှာ စေတနာနဲ့ တာဝန်ထမ်းဆောင် နေကြတဲ့ ဆရာဝန်တွေ၊ ရှေ့နေတွေ၊ သိပ္ပံပညာရှင်တွေ အပါအဝင် စုစုပေါင်း ၄၅ ဦးကို ဂုဏ်ပြု ချီးမြှင့်ခဲ့တာပါ။ ဆုရရှိသူ မစ္စတာ Paul Copeland က မိမိအနေနဲ့ အလွန်ပဲ ဝမ်းသာဂုဏ်ယူမိပါတယ်လို့ ပြောပါတယ်။

သူဟာ ကနေဒါအစိုးရရဲ့ မြန်မာနိုင်ငံဆိုင်ရာ နိုင်ငံခြားရေးမူဝါဒ ချမှတ်ရာမှာ အမြဲတမ်းလိုလို အကြံ ပေးလေ့ရှိပြီး မြန်မာနိုင်ငံက ဒီမိုကရေစီနဲ့ လူ့အခွင့်အရေး ကိစ္စတွေကို တစိုက်မတ်မတ် ဆောင်ရွက်နေသူ ဖြစ်ပါတယ်။

ဒီကိစ္စနဲ့ ပတ်သက်ပြီး အာအက်ဖ်အေ အဖွဲ့သား ကိုဝင်းနိုင်ရဲ့ တင်ပြချက်ကို နားဆင်နိုင်ပါတယ်။
စုစည်းတင်ပြချက်။
အသံဖိုင်ယူရန်။
http://www.rfa.org/burmese/news/canada-cfob-09172011085535.html

၁၉၈၈ အာဏာသိမ်းဖြစ်စဉ်နှင့် အာဏာသိမ်းစစ်ခေါင်းဆောင်တို့၏ အာဏာလွန်ဆွဲပွဲများ


စနေ, 17 စက်တင်ဘာ 2011

By ရော်နီညိမ်း

၁၉၆၂ ခုနှစ်ကကော၊ ၁၉၈၈ ခုနှစ်ကကော၊ စိတ်တူသဘောတူအာဏာသိမ်းခဲ့ကြတဲ့ လုပ်ဖေါ်ကိုင်ဘက် မြန်မာ့ တပ်မတော်စစ်ခေါင်းဆောင်တွေ အချင်းချင်း ကြားမှာတောင်၊ တဦးးနဲ့တဦး သစ္စာမဲ့ခဲ့ကြတဲ့ သမိုင်းအထောက် အထားတွေ အများအပြားရှိနေတာကြောင့်၊ မြန်မာ့နိုင်ငံရေးမှာ စစ်ခေါင်းဆောင်တွေအပေါ် ဘယ်လောက်ယုံ ကြည်ရမလဲဆိုတာ၊ မေးခွန်းထုတ်စရာဖြစ်လာပါတယ်။ သမိုင်းထဲကနေ သင်ခန်းစာယူစရာဖြစ်တဲ့၊ ၁၉၈၈ စက် တင်ဘာ(၁၈)ရက် အာဏာသိမ်းဖြစ်စဉ်နှဲ့ အာဏာသိမ်းစစ်ခေါင်းဆောင်တို့ကြားက အာဏာလွန်ဆွဲပွဲတွေ အကြောင်း၊ မနှစ်က ၂၀၁၀ခုနှစ်မှာ ဗိုလ်မှူးဟောင်းဦးအောင်လင်းထွဋ်နဲ့ ဦးရော်နီညိမ်း ဆက်သွယ်ဆွေးနွေး တင်ပြထားတာကို၊ ဒီသီတင်းပတ် တပ်မှူးတပ်သား ပြောစကား ကဏ္ဍမှာ ပြန်ပြီး တင်ဆက်လိုက်ပါတယ်။

ဦးရော်နီညိမ်း။ ။ “နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့” ရယ်လို့ ပေါ်ပေါက်လာခဲ့ပြီးတဲ့ နောက်ပိုင်းမှာ၊ အဲဒီ န၀တထိပ်သီးခေါင်းဆောင် ဗိုလ်ချုပ်မှူးကြီးစောမောင်၊ ဗိုလ်ချုပ်ကြီးသန်းရွှေနဲ့ အဲဒီအချိန် က အတွင်းရေးမှူး(၁) ဗိုလ်မှူးချုပ်ခင်ညွှန့်တို့ကြားမှာ ဖြစ်ပေါ်ခဲ့တဲ့ အတွင်းရေး ပြဿနာတွေကို မပြောပြခင်မှာ ၁၉၈၈ ခုနှစ်၊ စက်တင်ဘာလ(၁၈) ရက်နေ့မှာ စစ်အာဏာသိမ်းခဲ့ပုံကို စပြီး ပြောပြပေးပါ ခင်ဗျ။

ဗိုလ်မှူးအောင်လင်းထွဋ်။ ။ ဗိုလ်ချုပ်ကြီးခင်ညွှန့်ကနေမှ နိုင်ငံတော်ကာကွယ်ရေးတက္ကသိုလ် (NDC) (National Defence College) အပတ်စဉ် (၁) သင်တန်းမှာ lecture ပေးတာရှိပါတယ် ခင်ဗျ။ အပတ်စဉ်(၁) ဆိုတာ ဗိုလ်ချုပ်ကြီးရွှေမန်းတို့၊ ဗိုလ်ချုပ်ကြီးတင်အောင်မြင့်ဦးတို့ တက်ခဲ့တဲ့ သင်တန်းပါ။ သူတို့ သင်တန်း တက်တဲ့ အချိန်အခါမှာ ကျနော်တို့လည်း နားထောင်ရပါတယ်။ အဲဒီ lecture မှာ ဗိုလ်ချုပ်ကြီးခင်ညွှန့်က ပြောတာပါပဲ ခင်ဗျ။ စက်တင်ဘာ (၁၈)ရက်နေ့ မနက်ပိုင်းမှာ အေဒီလမ်း ဦးနေ၀င်းအိမ်မှာပဲ အစည်းအဝေး လုပ်တယ်။ အဲဒီအချိန်တုန်းက မဆလ (ယခု “တိုင်းရင်းသား စည်းလုံးညီညွတ်ရေးပါတီ” ဟု အမည်ပြောင်း ထားသော ထိုစဉ်က အာဏာရ မြန်မာ့ ဆိုရှယ်လစ်လမ်းစဉ်ပါတီ) လူကြီးတွေဖြစ်ခဲ့တဲ့ ဦးစန်းယု ပါတယ်။ ဗိုလ်ချုပ်ကြီးကျော်ထင်၊ ဦးအေးကို၊ ဒေါက်တာ မောင်မောင်တို့အပါအ၀င် ကျန်တဲ့မဆလခေါင်းဆောင်တွေ ရှိ ပါတယ်ခင်ဗျ။ အဲဒီအချိန်အခါမှာ ဗိုလ်ချုပ်ကြီးစောမောင်နဲ့ ဗိုလ်ချုပ်ကြီးခင်ညွှန့် ကနေမှ ဦးနေ၀င်း အပါအ၀င် ဒီအဖွဲ့တွေအားလုံးကို မြန်မာနိုင်ငံရဲ့ နောက်ဆုံး ဖြစ်နေတဲ့ အခြေအနေနဲ့ ပတ်သက်ပြီးတော့ ရှင်းလင်းခဲ့ရပါ တယ် ခင်ဗျ။

(နိုင်ငံတော်ကာကွယ်ရေးတက္ကသိုလ် (NDC) (National Defence College) = ၁၉၈၈နောက်ပိုင်း၊ ဗိုလ်မှူးချုပ် အဆင့်သို့ တိုးပေးရန် လျာထားခြင်းခံရသူ တက္ကသိုလ်ဘွဲ့ရ ဗိုလ်မှူးကြီးနှင့် အထက်အဆင့်ရှိသူများသာ တက် ရောက်ခွင့်ရှိပြီး၊ သင်တန်းကာလ (၁)နှစ် အပါအ၀င် (၂)နှစ်အတွင်း သက်ဆိုင်ရာစာတမ်းပြုစုတင်သွင်းစေ သည့် မဟာဝိဇ္ဇာဘွဲ့ပေးအပ်သော တပ်မတော်အတွင်း အဆင့်အမြင့်ဆုံး စစ်သင်တန်းကျောင်း)

ဦးရော်နီညိမ်း။ ။ စစ်အာဏာသိမ်းမှု ဘယ်လို ဖြစ်လာလဲ၊ ဘယ်သူ့အစီအမံနဲ့ ဘယ်သူက တကယ် တမ်း စစ်အာဏာသိမ်းဖို့ လိုအပ်ပြီလို့ ဆုံးဖြတ်ချက်ချပြီးတော့ လုပ်ခဲ့ပါသလဲ ခင်ဗျ။

ဗိုလ်မှူးအောင်လင်းထွဋ်။ ။ အာဏာသိမ်းဖို့ကတော့ အဲဒီနေ့ အစည်းအဝေးမှာ ဦးနေ၀င်းကနေပြီး တော့မှ “စောမောင်တို့ ခင်ညွှန့်တို့ကို မင်းတို့ လွှဲပေးလိုက်တော့” ဆိုပြီးတော့မှ အာဏာလွှဲခိုင်းလိုက်ပါတယ်။ စက်တင်ဘာ (၁၈)ရက်နေ့ ညနေ (၄)နာရီမှာ အဲဒီအချိန်တုန်းက (တပ်မတော်ဆက်သွယ်ရေးညွှန်ကြားရေးမှူး ရုံး - ကကဆက်) ဆက်သွယ်ရေးညွှန်ကြားရေးမှူး ဗိုလ်မှူးကြီးမျိုးသန့် (နောင် ပြန်ကြားရေးဝန်ကြီး ဖြစ်ခဲ့သူ)၊ တပ်မတော်ထောက်လှမ်းရေး ဒုတိယညွှန်ကြားရေးမှူး ဒုတိယဗိုလ်မှူးကြီးသန်းထွန်း (နောင် စီမံကိန်းနှင့်ဘဏ္ဍာ ရေးဝန်ကြီးဌာန ဒုဝန်ကြီးဖြစ်ခဲ့သူ ဗိုလ်မှူးချုပ်သန်းထွန်း) ပေါ့လေ။ ဒီနှစ်ယောက်က နေပြီးတော့မှ ဒေါက်တာ မောင်မောင်က ရေးပေးတဲ့ လက်ရေးမူ ၊ type နဲ့ ရိုက်တာတောင် မဟုတ်ဘူး၊ လက်ရေးမူကို ကိုင်ပြီးတော့ မြန်မာ့အသံကို သွားပါတယ်။ မြန်မာ့အသံမှာ အဲ့ဒီ အချိန်တုန်းက တပ်ကပဲ ဗိုလ်ကြီးဘိုနီရဲ့ မိန်းမ ဒေါ်ခင်မ လေးက ဖတ်ပါတယ်ခင်ဗျ၊ စက်တင်ဘာ(၁၈)ရက်နေ့မှာ အဲ့ဒီ ကြေညာချက်ကို ဖတ်ပါတယ်။ အဲဒီကြေညာ ချက်ကို ဖတ်ပြီး တပ်မတော်က အာဏာသိမ်းလိုက်တဲ့သဘောမျိုး သူတို့ လုပ်လိုက်ပါတယ်။

ဗိုလ်မှူးအောင်လင်းထွဋ်။ ။ ကြေညာချက် မထုတ်ခင် ဗိုလ်ချုပ်ကြီးနေ၀င်း မှာတာကတော့ “စောမောင်၊ မင်းက ဥက္ကဌ လုပ်၊ ခင်ညွှန့် အတွင်းရေးမှူး လုပ်ပေါ့ကွာ” တဲ့၊ “ကျန်တဲ့ မင်းတို့ Colonel G.S (စစ်ဦးစီးဗိုလ် မှူးကြီး - ကြည်း)တို့ ဒုတိယကာကွယ်ရေးဦးစီးချုပ်တို့ စစ်ထောက်ချုပ်တို့ စစ်ရေးချုပ်တို့ ကတော့ အဖွဲ့ဝင်လုပ် ပေ့ါကွာ၊ ကျန်တဲ့ တိုင်းမှူး တွေထည့်ပြီး ဖွဲ့ပြီးတော့မှ အစိုးရအဖွဲ့ SLORC (State Law & Order Restoration Council) န၀တ အဖွဲ့ကိုဖွဲ့ပြီး လုပ်” ဆိုပြီးတော့မှ လမ်းညွှန်ချက် ပေးပါတယ်။ NDCက lecture မှာ ဗိုလ်ချုပ်ကြီးခင်ညွှန့် ကိုယ်တိုင်ပြောတာကို ကျနော်တို့ နားထောင်ခဲ့ရတာပါ။ တဆင့်စကား မဟုတ်ပါဘူး။ ဒီဖြစ်စဉ်တွေက အမှန်ပါ။

ဦးရော်နီညိမ်း။ ။ ဟုတ်ကဲ့ခင်ဗျ၊ အဲဒီတော့ ဗိုလ်ချုပ်ကြီးသန်းရွှေရဲ့အပိုင်း ပါလာပြီပေါ့နော်၊ တပ်မ တော်က ၁၉၈၈ စက်တင်ဘာ (၁၈) ရက်မှာ စစ်အာဏာသိမ်းတုန်းကတော့ သူဟာ အဖွဲ့ဝင်ပဲ။ အဖွဲ့ဝင်ဆိုတော့ ကျန်တဲ့ စစ် တိုင်းမှူးတွေနဲ့ အတူတူပဲ။ စစ်ရေးချုပ်၊ စစ်ထောက်ချုပ်၊ (စစ်တိုင်းများနှင့်တိုင်းမှူးများအား ကွပ်ကဲ သည့် “ကာကွယ်ရေး ၀န်ကြီးဌာန စစ်ဆင်ရေးအထူးအဖွဲ့”) ကစထ (၁)၊(၂)၊ အဲဒီ ကစထမှူးတွေနဲ့လည်း သူက အတူတူပဲဆိုတဲ့ အနေအထားမှာ ရှိပါတယ်။ အဲဒီတော့ ဘယ်လောက်ထိ သူ လုပ်နိုင်သလဲ ခင်ဗျ။ ဒီအဖွဲ့ထဲမှာ ကျန်တဲ့ စစ်တိုင်းမှူးတွေထက် ကော သူ ပိုပြီးတော့ သြဇာပိုရှိသလား၊ နောက် အတွင်းရေးမှူး (၁)၊ (၂) အဖြစ် ထားတဲ့ ဗိုလ်မှူးကြီးခင်ညွှန့်၊ ဗိုလ်မှူးကြီးတင်ဦး (စစ်အာဏာသိမ်းစဉ်က အဆင့်များ) တို့ထက်ကော ပိုပြီး သူ့ မှာ လုပ်ပိုင်ခွင့် ပိုရှိသလား။ ပြောနိုင်ဆိုနိုင် လက် အောက်ကို ညွှန်ကြားနိုင်တဲ့ အနေအထားရှိသလား ခင်ဗျ။

ဗိုလ်မှူးအောင်လင်းထွဋ်။ ။ ဗိုလ်ချုပ်ကြီးသန်းရွှေ အပိုင်းပြောရရင် ဒီဘက် နောက်ပိုင်း တိုင်းမှူးဖြစ် တယ်၊ နောက် ဒုချုပ် (ဒုတိယကာကွယ်ရေးဦးစီးချုပ် - ကြည်း) ဖြစ်တဲ့ အချိန်အခါမှာ၊ ဒီလူကြီးကတော့ လူရိုး ကြီးပဲ၊ အညာသားကြီးပဲ၊ ဘာမှ အစွယ်မရှိဘူးပေါ့လေ၊ အဲဒီလိုမျိုး အဲဒီအချိန် အဲဒီအခါက ကျနော်တို့ တွက်ခဲ့ ကြတယ်။ နောက်ပိုင်း ဗိုလ်ချုပ်ခင်ညွှန့်က သူ ဂျူနီယာဖြစ်တာလည်း ပါတယ်။ နောက် စစ်ရေးစစ်ရာမှာလည်း သူက စွမ်းစွမ်းတမံ တိုက်ခဲ့ခိုက်ခဲ့တဲ့လူ မဟုတ်ဘူး။ တောက်လျှောက် သူဟာ P.A လုပ်လိုက် Staff Officer လုပ်လိုက် အနေအထားမျိုး ရှိတဲ့အခါကျတော၊့ တကယ့် fighter လို့ပြောလို့ရတဲ့ ဗိုလ်ချုပ်ကြီးမြင့်အောင် (အနောက်တောင်တိုင်း) (ယခု ကွယ်လွန်) တို့၊ ဗိုလ်ချုပ်ကြီးထွန်းကြည် (အနောက်မြောက်တိုင်း၊ နောင် အလယ်ပိုင်းတိုင်း) (ဗိုလ်ထွန်းကြည်(မုံရွာ)အမည်နှင့် ကိုယ်ရေးအတ္ထုပ္ပတ္တိ ရေးသားခဲ့သူ) တို့၊ ဗိုလ်ချုပ်ကျော်ဘ (မြောက်ပိုင်းတိုင်း) (၁၉၈၈ စစ်အာဏာသိမ်းချိန်က န၀တအဖွဲ့ဝင် စစ်တိုင်းမှူး များ) တို့နဲ့ ယှဉ်တဲ့အခါမှာ စစ် ရေးစစ်ရာအပိုင်းမှာ သူ့ကို ကျန်တဲ့လူတွေက အထင်မကြီးတာလည်း ပါတယ်။ နံပါတ် Two ပေးတယ် ဆိုပေ မယ့်၊ သူ့မှာ ကြားထဲက ဒုချုပ်လုပ်တဲ့သူက အဖွဲ့ဝင်ဖြစ်နေတော့ ကိုးလိုးကန့်လန့် ဖြစ်ပါတယ်။ political role မှာကျတော့ န၀တ အဖွဲ့ဝင် အနေနဲ့ပဲ ဗိုလ်ချုပ်ကြီးသန်းရွှေက ပါတယ်။ အတွင်းရေးမှူး(၁)၊ အတွင်းရေး မှူး(၂) တွေက ပိုပြီး powerful ဖြစ်ပါတယ်။ တပ်ပိုင်းဆိုင်ရာမှာကျတော့ ဒုတိယကာကွယ်ရေးဦးစီးချုပ် နဲ့ တပ်မတော် ထောက်လှမ်းရေးညွှန်ကြားရေးမှူးဆိုတာ အများကြီး ကွာသွား ပြန်ရောဗျ၊ အဲဒီတော့ ကျနော်တို့ သိသလောက် ကတော့ ဗိုလ်ချုပ်ကြီးခင်ညွှန့်က အဲဒီအချိန်တုန်းက ဗိုလ်ချုပ်ကြီးစောမောင်ကို ၁၉၈၈ ပြီးတော့ ၁၉၈၉၊ ၁၉၉၀ လောက် ကျတော့ ဒုတိယဥက္ကဌပေါ့လေ၊ Vice Chairman ဆိုပြီးတော့မှ ထားဖို့ တင်ပြတာရှိပါတယ်။ ကျနော့် အယူအဆကတော့ နိုင်ငံရေးအကွက်လို့ပဲပြောရမယ် ခင်ဗျ။ ဘာဖြစ်လို့လဲဆိုတော့ ဗိုလ်ချုပ်ကြီးစောမောင်ဟာ အဲဒီအချိန်အခါမှာ တပ်ထဲမှာတော့ အားလုံးသိကြပါတယ်။ ဗိုလ်ချုပ်ကြီးသန်းရွှေကို “အထူးစီမံကိန်းကြီးများရဲ့ ဥက္ကဌ” ဆိုတဲ့ ရာထူးပေးပြီးတော့မှ ဆည်နဲ့၊ တံတားနဲ့ကို သူ့ကိုတာဝန် ပေးတာပဲရှိပါတယ်။ ရှင်းရှင်းပြောရရင် တော့ ဗျာ၊ “မင်း political role တို့ ဘာတို့ မလုပ်နဲ့ ။ ဆည်ဆောက်၊ တံတားဆောက် မင်း လုပ်” ဆိုပြီးတော့ မှ ကျန်တဲ့ နိုင်ငံခြားရေးကိစ္စတွေ ကျန်တဲ့ကိစ္စတွေမှာ သူ ဘာမှ ၀င်ရောက်စွက်ဖက် ခွင့်မရှိ ဘူး။

ဦးရော်နီညိမ်း။ ။ ဗိုလ်ချုပ်မှူးကြီးစောမောင်ရဲ့ စဉ်းစားပုံစဉ်းစားနည်းကို အခု ကျနော်တို့ ပြန်ပြီးတော့ သုံးသပ် ကြည့်တဲ့အခါမှာ နံပါတ်(၂)နေရာမှာ ရှိတဲ့ ဗိုလ်ချုပ်ကြီးသန်းရွှေ ရှိနေသော်ငြားလည်းပဲ၊ ဗိုလ်မှူးကြီး ခင်ညွန့်ကျတော့ ဒါဟာ ဦးနေ၀င်းရဲ့ ကိုယ်ပွား ဦးနေ၀င်းကနေပြီးတော့မှ သူ့ ကိုယ်စား ထားထားတာဆိုတဲ့ အနေအထားမျိုး သူ့ခေါင်း ထဲမှာ ၀င်ပြီးတော့၊ ငါပြီးရင် နံပါတ်(၂)ဟာ ဗိုလ်မှူးကြီးခင်ညွန့်ပဲလို့ တွက်ပြီးတော့ အလုပ်လုပ်နေတဲ့ အပေါ်မှာ၊ သူနဲ့ ဗိုလ်ချုပ်ကြီးသန်းရွှေတို့ရဲ့ဆက်ဆံရေး အဲဒီအချိန်မှာ ဘယ်လိုများရှိပါသလဲ ခင်ဗျ။ သူတို့ ဒီ တပ်ရေးတပ်ရာတွေမှာ ရော၊ နိုင်ငံရေးအရ ရောပေါ့။

ဗိုလ်မှူးအောင်လင်းထွဋ်။ ။ ဗိုလ်ချုပ်ကြီးသန်းရွှေနဲ့ဗိုလ်ချုပ်ကြီးစောမောင်အပိုင်းမှာ ကျနော်သတိထား မိသလောက် နီးနီးစပ်စပ်နဲ့ ရင်းရင်းနှီးနှီး ခင်တဲ့မင်တဲ့ မိတ်ဆွေတွေတော့ မဟုတ်ကြဘူး ခင်ဗျ၊ တစ်ယောက်နဲ့ တစ်ယောက် သဘောသဘာဝအရတော့ ရင်းနှီးမှုမရှိတာ ကျနော် သွားပြီးတော့ မြင်တယ်။ တပ်မတော်မှာ တော့ ရာထူးကြီးတဲ့လူကို ရာထူးရှိနေတဲ့အချိန်မှာတော့ အားလုံးက respect ပေးကြရတာပါပဲ။ ဗိုလ်ချုပ်ကြီး စောမောင် ပြုတ်တော့ မှသာ ဗိုလ်ချုပ်ကြီးသန်းရွှေက ဗိုလ်ချုပ်စောမောင် တရုတ်ပြည်က US$ 2 billions ဘိုး လက်နက်တွေဝယ်တာ အလကားပဲ ဆိုပြီး အပုပ်ချတာတွေ အများကြီး ရှိတယ်။ ဦးနေ၀င်းကိုလည်း ဒီလို ပဲ သူအပုပ်ချတာ ရှိတယ်။ ဦးနေ၀င်း လုပ်သွားလို့ တိုင်းပြည်ပျက်တယ်ဆိုတာမျိုးဟာ သူစပြီးတော့ အာဏာ ယူကာစမှာ ပြောတာတွေရှိတယ်။ အဲဒီကျမှ ကျနော်တို့က ဗိုလ်ချုပ်သန်းရွှေဟာ ဒီလိုလူမျိုးပါလား ဆိုတာ…။

ဦးရော်နီညိမ်း။ ။ ဟုတ်ကဲ့ ခင်ဗျ၊ ကျနော်တို့ ခုနက ဒုဥက္ကဌ ဆိုတဲ့နေရာကို၊ န၀တ ခေါင်းဆောင်တွေ အချင်း ချင်းကြားထဲမှာပဲ ညှိနှိုင်းပြီးတော့ ဘယ်သူက initiate လုပ်တာပါလဲ ခင်ဗျ။

ဗိုလ်မှူးအောင်လင်းထွဋ်။ ။ ကျနော်သိတာက ဗိုလ်ချုပ်ကြီးသန်းရွှေကို ဒုတိယဥက္ကဌပေးဖို့နဲ့ ပတ်သက် ပြီးတော့ ဗိုလ်ချုပ်ကြီးခင်ညွှန့် ကိုယ်တိုင်၊ နှစ်ခါ ပေါ့ဗျာ၊ ပထမတခါ ဗိုလ်ချုပ်ကြီးစောမောင်ကို တင်ပြတယ်၊ ဘာမှ အဖြေထွက် မလာဘူး၊ ဒုတိယ တခါ တင်ပြတယ်၊ တတိယတခါလောက်မှ သဘောတူလိုက်တဲ့ အနေ အထားမျိုးရှိပါတယ်။

ဦးရော်နီညိမ်း။ ။ ဒီကိစ္စအတွက် ဗိုလ်ချုပ်ကြီးသန်းရွှေနဲ့ ဗိုလ်မှူးကြီးခင်ညွှန့်တို့ တိုင်ပင်ဆွေးနွေးမှု ရှိပါ သလား၊ ဒါမှမဟုတ် ဗိုလ်မှူးကြီးခင်ညွှန့်ကိုယ်တိုင်ပဲ၊ ဗိုလ်မှူးပြောသလိုပေါ့နော်၊ သူ့မှာလုပ်ငန်းကိုင်ငန်း အခက် အခဲတွေ ရှိနေတဲ့ အတွက် သူနဲ့ ဗိုလ်ချုပ်မှူးကြီးစောမောင်ကြားမှာ တစ်ယောက်တော့ ရှိဖို့သင့်တယ် ဆိုတဲ့ အနေအထားမျိုးနဲ့၊ ဘယ်သူ့မှ မတိုင်ပင်ပဲ သွားပြီး ပြောတာလား ခင်ဗျ။

ဗိုလ်မှူးအောင်လင်းထွဋ်။ ။ ဒါကတော့ နိုင်ငံရေးအကွက်လို့ ကျနော်ထင်တယ်။ ဗိုလ်ချုပ်ကြီးခင်ညွှန့်ကို အတွင်း ရေးမှူး(၁) ပေးပြီးတဲ့ နောက်ပိုင်းမှာ၊ တပ်မတော်(လေ)က ဗိုလ်မှူးကြီးသိန်းဝင်း (နောင် ကာကွယ်ရေး ဦးစီးချုပ်(လေ) နှင့် ပို့ဆောင်ရေးဝန်ကြီးဖြစ်ခဲ့ပြီး ၁၉၉၇ခုနှစ်တွင် ဖြုတ်ချခံရသူ ဒုတိယဗိုလ်ချုပ်ကြီးသိန်းဝင်း) ပေါ့ ဗျာ။ အလားတူပဲ ရေတပ်က ဗိုလ်မှူးကြီးသန်းညွှန့် (နောင် ကာကွယ်ရေးဦးစီးချုပ်(ရေ) နှင့် ကျန်းမာရေး ၀န်ကြီး ဖြစ်ခဲ့ပြီး ၁၉၉၇ခုနှစ်တွင် ဖြုတ်ချခံရသူ ဒုတိယဗိုလ်ချုပ်ကြီးသန်းညွန့်) ။ သူတို့ကို စစ်ဦးစီး ဗိုလ်မှူးကြီး (ရေ၊ လေ)၊ နောက် စစ်ဦးစီးဗိုလ်မှူးချုပ်(ရေ၊ လေ)၊ နောင်မှာ ဦးစီးချုပ်အထိကိုဖြစ်အောင် ဗိုလ်ချုပ်ကြီးခင်ညွှန့် ဆွဲတင်လိုက်တာ ပါပါတယ်။

ဦးရော်နီညိမ်း။ ။ ကာကွယ်ရေး ဦးစီးချုပ်(ရေ)နဲ့ (လေ) ပေါ့။

ဗိုလ်မှူးအောင်လင်းထွဋ်။ ။ မှန်ပါတယ် ခင်ဗျ။ ကာကွယ်ရေး ဦးစီးချုပ်(ရေ)နဲ့ (လေ)က ပြောရရင်တော့ ဗျာ၊ ဗိုလ်ချုပ်ကြီးခင်ညွှန့်ရဲ့ထောက်ခံမှုနဲ့ ဗိုလ်ချုပ်ကြီးစောမောင်က ပေးထားတဲ့ သဘောရှိပါတယ်။ အဲဒီတော့ ကာကွယ်ရေးဦးစီးချုပ်(ကြည်း)အပိုင်းမှာကျတော့ ရှိပြီးသား ဗိုလ်ချုပ်ကြီးသန်းရွှေကို လဲဖို့ဆိုတာလည်း ဘယ် လိုမှ မဖြစ်နိုင်ဘူး။ နောက်တစ်ခုက အဲဒီအချိန် အဲဒီကာလမှာ၊ ဗိုလ်ချုပ်ကြီးမြင့်အောင်တို့ ဗိုလ်ချုပ်ကြီးထွန်း ကြည်တို့ ဗိုလ်ချုပ်ကြီးကျော်ဘတို့က တန်ခိုးထွားတဲ့အချိန် ဖြစ်ပါတယ်။ ဗိုလ်ချုပ်ကြီးမြင့်အောင်နဲ့ ဗိုလ်ချုပ် ကြီးထွန်းကြည် နှစ်ယောက် လုံးက ဗိုလ်ချုပ်ကြီးသန်းရွှေရဲ့ (တပ်မ ၈၈) ဒုတပ်မမှူးတွေ ဖြစ်ခဲ့ဖူးတဲ့ လူတွေပါ။ ဗိုလ်ချုပ်ကြီးကျော်ဘ တို့ဆိုလည်း တော်တော်လေး နီးနီးစပ်စပ် လုပ်ခဲ့တဲ့ လူတွေပါ။ ဘယ်လောက်ထိ နီးစပ် သလဲ ဆို သူတို့ အချင်းချင်းခေါ်ရင်တောင် “ကိုသန်းရွှေ” ပဲ ခေါ်တာပါ ခင်ဗျ။

ဦးရော်နီညိမ်း။ ။ ဟုတ်ကဲ့ အဲဒီအနေအထားမှာ အဲလိုအခင်းအကျင်းထဲမှာ ဗိုလ်မှူးကြီးခင်ညွှန့်ရဲ့အနေ အထား ဟာ ဘယ်လိုဖြစ်နေသလဲ။

ဗိုလ်မှူးအောင်လင်းထွဋ်။ ။ ကက(ကြည်း) (ကာကွယ်ရေးဝန်ကြီးဌာန ကာကွယ်ရေးဦးစီးချုပ် (ကြည်း) ရုံး) အပိုင်းကို ဗိုလ်ချုပ်ကြီးခင်ညွှန့်အနေနဲ့ တိုးဖို့ဆိုတာနဲ့ ဗိုလ်ချုပ်ကြီးသန်းရွှေကို ဒုတိယဥက္ကဌပေးဖို့အတွက် ကို အကြောင်းဖန်လာပါတယ်။ ဗိုလ်ချုပ်ခင်ညွှန့်ကလည်း ဗိုလ်ချုပ်တွေနဲ့ သင့်တင့်လျှောက်ပတ်အောင်ရယ် ဗိုလ်ချုပ်တွေကို သြဇာလွှမ်းမိုးနိုင်ဖို့ အတွက်က၊ ဗိုလ်ချုပ်သန်းရွှေကို ချဉ်းကပ်မှ။ ဗိုလ်ချုပ်သန်းရွှေကနေပြီး တော့မှ ပြောရင် နားထောင်မယ်ဆိုတဲ့ အနေအထားမျိုးကို ဗိုလ်ချုပ်ခင်ညွှန့် တွက်ပါတယ်။ ကျနော်ဆိုလိုချင် တာကတော့ ဗိုလ်ချုပ်ကြီးခင်ညွှန့်ကိုယ်တိုင် ဗိုလ်ချုပ်ကြီးသန်းရွှေကို ရှင်းရှင်းပြောရရင်တော့ အိပ်ထဲထည့်တဲ့ သဘောပါပဲ။ ဗိုလ်ချုပ်ကြီးသန်းရွှေက ဒုတိယဥက္ကဌ တောင်းဆိုချင်မှ တောင်းဆိုမယ်၊ စိတ်ထဲကတော့ တောင်းဆိုမှာပေါ့ ဗျာ။ စိတ်ထဲကတော့ သူ မကျေနပ်ပါဘူး။ ကျနော်သိပါတယ်။ ဘာဖြစ်လို့လဲဆိုတော့ သူ့ကို ဆည်မြောင်းတွေ လမ်းတံတားတည်ဆောက်ရေး တွေရဲ့ ဥက္ကဌပဲ ထားတယ်။

ဦးရော်နီညိမ်း။ ။ ဟုတ်ကဲ့ ဒါဆိုရင် အခု ကျနော်တို့ ပြန်ကြည့်တဲ့အခါကျတော့ ဗိုလ်ချုပ်ကြီးခင်ညွှန့် ရဲ့အကွက်တွေပေါ့။ ဗိုလ်ချုပ်ကြီးခင်ညွှန့်က သူ့ရဲ့နိုင်ငံရေးတက်လမ်းအတွက် ဗိုလ်ချုပ်ကြီးသန်းရွှေကို အသုံး ချမယ်၊ ဗိုလ်ချုပ်မှူးကြီးစောမောင်နဲ့ ဆက်ဆံရေးကိစ္စမှာ ကြားမှာ ဗိုလ်ချုပ်ကြီးသန်းရွှေကို သူလိုတယ်။ တခြား တိုင်းမှူးတွေနဲ့လည်း ဆက်ဆံတဲ့အခါမှာ ပြေပြစ်အောင်လို့ ကြားထဲမှာ buffer ပေါ့ဗျာ။ buffer အနေနဲ့ သူ ရှာ တာပေါ့။ သူ့အတွက် သူ့ ရှေ့တက် လမ်းအတွက် လုပ်တာလို့ မြင်ကြည့်လို့ မရဘူးလား ခင်ဗျ။

ဗိုလ်မှူးအောင်လင်းထွဋ်။ ။ အကွက်ကတော့ ဒီတိုင်းပါပဲ။ သူ တစ်ခုပဲရှိတယ်၊ သူ့ကို နံပါတ်Two လို့ ထားပေမယ့် ဗိုလ်ချုပ်ကြီးသန်းရွှေကို သူ မကျော်ချင်ဘူး။ သူက ဗိုလ်ချုပ်စောမောင်ပြီးရင် ဗိုလ်ချုပ်သန်းရွှေ၊ ပြီးရင် သူပေါ့ဗျာ၊ ဒါကို သူ့ခေါင်းထဲမှာ ထားတဲ့ အနေအထားမျိုးပါ။

ဦးရော်နီညိမ်း။ ။ ဒါက ကျနော်တို့ ပြန်တွက်ကြည့်တော့ on paper ပေါ့၊ on paperမှာရော လက်တွေ့ မှာရော ဗိုလ်ချုပ်မှူးကြီးစောမောင်ကတော့ နံပါတ် One ပဲ။ စာရွက်ပေါ်မှာတော့ ဗိုလ်ချုပ်ကြီးသန်းရွှေက နံပါတ်နှစ် ပေါ။့ ဒါပေမယ့် တကယ်တမ်းမှာ ဗိုလ်ချုပ်ကြီးခင်ညွှန့်က သူ နံပါတ်နှစ် ဖြစ်နေတယ်ဆိုတာ သူ့ဘာ သာ သူသိပြီးသားပဲ၊ အဲဒီအချိန်မှာပေါ့ နော်။ သူက ဒါကြောင့်မို့လို့ နံပါတ်သုံး နေရာမှာပဲ နေပြီး နံပါတ်နှစ်ကို သူ ရုပ်သေးလို ထားလို့ရမယ်လို့ ထင်တဲ့ ဗိုလ်ချုပ်ကြီးသန်းရွှေကို သူပဲ initiate လုပ်တာပေါ့၊ နဂိုကတည်းက ဒုဥက္ကဌ မထားတဲ့ဟာကို ထားပေးအောင်လို့ ၀င်ပြောရတာဟာ၊ ဒါ ဗိုလ်ချုပ်ကြီးခင်ညွှန့်က သူ့အတွက် ထွင်တဲ့ နိုင်ငံရေးအရအကွက်ပဲလို့ သေချာပြောလို့ ရပါသလား ခင်ဗျ။

ဗိုလ်မှူးအောင်လင်းထွဋ်။ ။ မှန်ပါတယ် ခင်ဗျ၊ နိုင်ငံရေးအရ အကွက်ပါပဲ။ အဲဒီအကွက်က ကျနော် ဘယ်အချိန်ကျမှ သွားသိလဲ ဆိုတဲ့အခါကျတော့ ဗိုလ်ချုပ်ကြီးစောမောင် ပြုတ်သွားပြီးတော့ ဗိုလ်ချုပ်ကြီးသန်း ရွှေ တက်လာတယ်။ အဲဒီအချိန်မှာ ဗိုလ်ချုပ်ကြီးခင်ညွှန့် ကိုယ်တိုင် ဒုတိယပေါ့ ဗျာ၊ သူ့ကို second man အနေနဲ့ ပေးလိမ့်မယ်၊ ထားလိမ့်မယ်လို့ သူ လုံးဝ မျှော်လင့်ပါတယ်။ ဒါပေမယ့် တကယ် ဖြစ်မလာတဲ့အခါကျ တော့ သူကိုယ်တိုင် feeling ဖြစ်တဲ့ အနေ အထားမျိုး ရှိပါတယ်။ ဘာဖြစ်လို့ အဲဒါကို ကျနော်ပြောနိုင်သလဲဆို ရင် အဲဒီအချိန်တုန်းက ကျနော် စစ်ရုံးကို ရောက်ပြီ ခင်ဗျ။

ဦးရော်နီညိမ်း။ ။ သောတရှင်များ ခင်ဗျာ၊ နောက် သီတင်းပတ် “တပ်မှူးတပ်သား ပြောစကား” အပတ် စဉ်ကဏ္ဍမှာတော့ ဗိုလ်မှူးအောင်လင်းထွဋ်ပြောပြတဲ့ အပိုင်းတွေထဲက နောက်ဆုံးအပိုင်းဖြစ်တဲ့ ဗိုလ်ချုပ်မှူးကြီး စောမောင်ကို ဖြုတ်ချခဲ့ပုံတွေ တင်ပြသွားမှာ ဖြစ်ပါတယ်။ စောင့်မျှော်နားဆင်ကြပါ။ ကျနော် ရော်နီညိမ်း ပါ။

http://www.voanews.com/burmese

ဗွီအိုအေ သတင်းထောက် နဲ့ ဒေါ်အောင်ဆန်းစုကြည် တွေ့ဆုံမေးမြန်းချက်များ



တနင်္ဂနွေ, 18 စက်တင်ဘာ 2011

ဒေါ်အောင်ဆန်းစုကြည် နဲ့ ဒေါ်ခင်စိုးဝင်း (ဗွီအိုအေ)



By ဦးသန်းလွင်ထွန်း

ပြီးခဲ့တဲ့ သတင်းပတ်တွေအတွင်း မြန်မာနိုင်ငံမှာ သိသာတဲ့ ဖြစ်ထွန်းတိုးတက်မှုတွေကို မြင်တွေ့နေရပါတယ်။ ပြည်ပရောက် မြန်မာတွေကို ပြန်လာနိုင်ရေး အစိုးရက တံခါးဖွင့်ပေးခဲ့သလို စီးပွားရေးနဲ့ ဖွံ့ဖြိုးမှုရေးရာတွေကို ပွင့်ပွင့်လင်းလင်း ဆွေးနွေးလာမှု၊ လူထုခေါင်းဆောင် ဒေါ်အောင်ဆန်းစုကြည်ကို နိုင်ငံတော်သမ္မတ ဦးသိန်းစိန် က တွေ့ဆုံခဲ့အပြီး တခြား အစိုးရဝန်ကြီးတွေနဲ့ပါ ရင်းရင်းနှီးနှီး ပြောဆိုဆွေးနွေးလာမှု။ အစိုးရရဲ့  လက်ဝေခံ စီးပွားရေးသမားကြီးတွေ လူသိများတဲ့ ဦးအောင်သက်မန်း၊ ဦးဇော်ဇော် စသူတွေကလည်း တရင်းတနှီး လူသိရှင်ကြား နှုတ်ခွန်းဆက် ဆက်ဆံလာမှု စတာတွေဟာ ထူးခြားပါတယ်။

သတင်းလွတ်လပ်ခွင့်အပိုင်းမှာလည်း ပြည်တွင်းမီဒီယာတွေမှာ ဒေါ်စုရဲ့  ဆောင်းပါး၊ အင်တာဗျူးတချို့  ပါလာတဲ့အပြင် ဗွီအိုအေ၊ ဘီဘီစီ၊ အာဖက်အေ စတဲ့ နိုင်ငံရပ်ခြား သတင်းဌာနတွေကို ရှုတ်ချတိုက်ခိုက်တဲ့ ကြော်ငြာတွေပါ ရပ်သွားခဲ့ပါပြီ။ ဗွီအိုအေ မြန်မာသတင်းဌာနရဲ့  အယ်ဒီတာသတင်းထောက် တဦးဖြစ်တဲ့ ဒေါ်ခင်စိုးဝင်းကလည်း ရန်ကုန်နဲ့ နေပြည်တော်တို့ကို တရားဝင် သတင်းသွားရောက်ယူခွင့် ရရှိခဲ့ပါတယ်။ ပြီးခဲ့တဲ့အပတ် ရန်ကုန်မြို့မှာ ရောက်ရှိနေတုန်း ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့တာကို ဒီတပတ် ဒီမိုကရေစီရေးရာအစီအစဉ်အဖြစ် တင်ပြပေးပါမယ်။

မြန်မာ့ဒီမိုကရေစီရေးမှာ အဓိကအကျဆုံးဖြစ်တဲ့ နိုင်ငံရေးအကျဉ်းသားများ လွတ်မြောက်မှု မေးခွန်းနဲ့ ဒေါ်ခင်စိုးဝင်း က စတင်မေးမြန်းခဲ့ပါတယ်။

ဒေါ်ခင်စိုးဝင်း ။ ။ မြန်မာအစိုးရနဲ့ မမအကြားမှာ ပူးပေါင်းဆောင်ရွက်ကြမယ်။ ပြည်သူလူထုအကျိုးအတွက် ပူးပေါင်းဆောင်ရွက်ကြမယ်လို့ ပြောထားပါတယ်။ တချိန်တည်းမှာပဲ နိုင်ငံရေးအကျဉ်းသားတွေက မလွတ်သေးဘူးဆိုတဲ့ကိစ္စဟာ ပူးပေါင်းဆောင်ရွက်မယ်ဆိုတဲ့ကိစ္စကို အဟန့်အတား ဖြစ်သွားတယ်လို့ ယူဆပါသလား။

ဒေါ်အောင်ဆန်းစုကြည် ။ ။ ဒါ မဖြစ်အောင်လုပ်ရမှာပေါ့။ ဘာဖြစ်လို့လဲဆိုတော့ အမတို့ အစောကတည်းက ပြောထားပြီးသာပါ။ တွေ့ဆုံဆွေးနွေးပွဲတွေအတွက် ကန့်သတ်ချက်တွေ မထားပါဘူးလို့ ပြောထားတယ်။ အစကတည်းက ဒီဟာလုပ်မှ ဟိုဟာလုပ်မှ ပြောမယ်လို့ ပြောထားတာမှ မဟုတ်တာ။ နောက်ပြီးတော့ အမအမြင်မှာ ဒီလို ပူးပေါင်းဆောင်ရွက်တယ်ဆိုတာ အကျဉ်းသားတွေ လွတ်မြောက်ရေးနဲ့လည်း တကယ်တော့ ကင်းကွာနေလို့ မဖြစ်ပါဘူး။ အားလုံး အမတို့ လုပ်နေတဲ့အလုပ်တွေက အားလုံး တခုနဲ့တခု ဆက်နွှယ်နေတယ်။ ဒီလို ပူးပေါင်းဆောင်ရွက်ခြင်းအားဖြင့်ကိုလည်း နိုင်ငံရေးအကျဉ်းသားတွေ လွတ်မြောက်ရေးအတွက် ပိုပြီးအထောက်အကူ ဖြစ်နိုင်တယ်လို့ ဒီလိုပဲ ယူဆပါတယ်။

ဒေါ်ခင်စိုးဝင်း ။ ။ ဟုတ်ကဲ့ နောက်တခုက အစိုးရကနေပြီးတော့ အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီအဖြစ် ပြန်ပြီး မှတ်ပုံတင်ဖို့ဆိုပြီး တိုက်တွန်းနေတယ်လို့ ကြားသိရပါတယ်။ ၂၀၀၈ ခုနှစ် ဖွဲ့စည်းပုံအခြေခံ ဥပဒေကိုလည်း လက်ခံလာအောင်လည်း စည်းရုံးနေတယ်လို့ ပြောပါတယ်။ အဲဒီတော့ ဒီလိုမျိုး နိုင်ငံရေးပါတီအဖြစ် ရပ်တည်လို့ရအောင် အစိုးရရဲ့  ကမ်းလှမ်းချက်ကို အန်အယ်လ်ဒီ အနေနဲ့ လက်ခံဖို့ ရှိပါသလား။ နောက်ပြီးတော့ တကယ်လို့ ၂၀၀၈ ခုနှစ် ဖွဲ့စည်းပုံကို လက်မခံနိုင်ဘူးဆိုရင် လက်ခံလာနိုင်အောင် ဘယ်အချက်တွေကို ပြင်ပေးစေချင်ပါသလဲ။

ဒေါ်အောင်ဆန်းစုကြည် ။ ။ ဒါတွေက အခြေအနေပေါ်မှာ မူတည်ပါတယ်။ ကမ်းလှမ်းချက်တွေဆိုတာကလည်း လူတွေက သူတို့ဘာသာ ထင်ကြေးနဲ့ ပြောနေတာပါ။ ဒါပေမဲ့ အခုအချိန်မှာဆိုရင် အမတို့က စပြီးတော့ စကားပြောတယ်။ တယောက်နဲ့တယောက် စကားပြောတယ်။ တကယ့်ကို ထိထိရောက်ရောက် စကားပြောတဲ့ အဆင့်ကို စနိုင်ပြီးဆိုတာ ဒါကိုပဲ တိုးတက်မှုတခုလို့ အမက ယုံပါတယ်။ အဲဒီတော့ ဒီအချိန်မှာတော့ ဘယ်လိုအသေးစိတ် ဘာတွေဆွေးနွေးနေသလဲဆိုတာကိုတော့ မပြောတာဟာ သိပ်ပြီး သိမ်မွှေ့နေတဲ့ အချိန်မှာဆိုရင် ဒီလို ထုတ်ဖော်ပြောလိုက်ခြင်းအားဖြင့် ကိုယ်လိုချင်တဲ့ ခရီးကို ချောချောမောမော မရောက်မှာစိုးလို့ မပြောတာပါ။ ဒါပေမဲ့ နိုင်ငံအပေါ်မှာ အမတို့မှာ တာဝန်ရှိတယ်။ တချိန်တခါမှာတော့ ပြည်သူကို အသိပေးရမယ်ဆိုတာကို သိပါတယ်။ အသိပေးစရာရှိတဲ့အခါကြရင် အသိပေးမှာပါ။ အသိပေးစရာ မရှိသေးတဲ့အချိန်မှာ အသိပေးလိုက်ခြင်းအားဖြင့် နောက်တခါ ဘာမှ အသိပေးစရာ ရှိမလာမှာကိုလည်း စိုးရိမ်ရတယ်။

ဒေါ်ခင်စိုးဝင်း ။ ။ ဟုတ်ကဲ့ပါ။ ဒီ ၂၀၁၀ ရွေးကောက်ပွဲကြီးကလည်း ၂၀၀၈ ဖွဲ့စည်းပုံအခြေခံ ဥပဒေအပေါ်မှာ အခြေခံပြီးတော့ ပြီးစီးသွားခဲ့ပြီ။ အရပ်သားအစိုးရ ဖွဲ့ပြီးတော့ လွှတ်တော်အစည်းအဝေးတွေလည်း ခေါ်နေပြီ။ အဲဒီတော့ ၁၉၉၀ ရွေးကောက်ပွဲ ရလာဒ်က ပျက်ပျယ်သွားပြီဆိုတဲ့ သဘောမျိုး ယူဆလို့ ရပါပြီလား။ နောက်တခုက ၁၉၉၀ ရွေးကောက်ပွဲရလာဒ် မပျက်သေးဘူးဆိုရင် မမအနေနဲ့ ဘယ်လိုပုံစံမျိုးနဲ့ အဆုံးသတ်ချင်ပါသလဲ။

ဒေါ်အောင်ဆန်းစုကြည် ။ ။ ၁၉၉၀ ရွေးကောက်ပွဲက အမတို့က ဘာကို အဓိကထားတာလည်းဆိုရင် ပြည်သူရဲ့  ဆန္ဒကို ထုတ်ဖော်တဲ့ ရွေးကောက်ပွဲဆိုတာကို အဓိက ထားတာပါ။ အရေးကြီးတာက ၁၉၉၀ ရွေးကောက်ပွဲကနေ ထွက်ပေါ်လာတဲ့ ရလဒ်ဟာ ပြည်သူ့ရဲ့ ဆန္ဒအမှန် ဖြစ်ပါတယ်ဆိုတာ ဒါကို အမတို့က ကိုင်စွဲထားတာပါ။ အာဏာလွှဲပြောင်းရေးတွေ ဘာတွေ တောင်းနေတာ မဟုတ်ပါဘူး။ တချို့ က ဒီလိုထင်တယ်။ ၁၉၉၀ ရွေးကောက်ပွဲကို ဆုပ်ကိုင်ထားတာဟာ အာဏာလွှဲပြောင်းရေးအတွက်လို့ ထင်တယ်။ ဒီလို မဟုတ်ဘူး။ ဒါပေမဲ့ ၁၉၉၀ ခုနှစ်တုန်းက ရွေးကောက်ပွဲတခု ရှိခဲ့တယ်။ ဒီ ရွေးကောက်ပွဲဟာ တရားမျှတတယ်။ ပြည်သူတွေက လွတ်လွတ်လပ်လပ် မဲပေးခဲ့တယ်။ အဲဒီလို လွတ်လွတ်လပ်လပ် မဲပေးခဲ့တဲ့ ရလာဒ်က ဘာလဲဆိုတာ အမျိုးသားဒီမိုကရေစီအဖွဲ့ချုပ်ကို ပြည်သူက ထောက်ခံပြီး အမျိုးသား ဒီမိုကရေစီ အဖွဲ့ချုပ်ရဲ့  လမ်းစဉ်ကို ပြည်သူက သဘောကျပါတယ်ဆိုတာ အဲဒါတွေ ကွက်ကွက်ကွင်းကွင်း ပေါ်လွင်ခဲ့တယ်ဆိုတာ ဘယ်တော့မှ ဖျက်လို့ရတာ မဟုတ်ပါဘူး။ ဒီဟာကို ဘယ်တော့မှ ဖြိုဖျက်လို့ မရပါဘူး။ ဒီဟာ ဒီလိုပဲ ရပ်တည်နေမှာပါ။

ဒေါ်ခင်စိုးဝင်း ။ ။ အခု အရပ်သားအစိုးရ ဖြစ်လာပြီပေါ့။ ဒါပေမဲ့ အရပ်သားအစိုးရ ပေါ်လာပေမယ့်လည်း စစ်တပ်ရဲ့  လွှမ်းမိုးမှုပုံစံက မပြောင်းလဲဘူးလို့ အများက မြင်နေပါတယ်။ တကယ်လို့ စစ်တပ်ရဲ့  လွှမ်းမိုးမှု များနေမယ်ဆိုရင် တပ်မတော်ရဲ့  အခန်းကဏ္ဍနဲ့ ပတ်သက်ပြီး သူတို့ကို ဘယ်လိုအနေအထားမှာ မမအနေနဲ့ ပါစေချင်ပါသလဲ။

ဒေါ်အောင်ဆန်းစုကြည် ။ ။ ပထမဦးဆုံး ပြောရရင်တော့ မမအနေနဲ့ တပ်မတော်နဲ့ ပတ်သက်လို့ အများကြီး စေတနာထားပါတယ်။ ဘာဖြစ်လို့လဲဆိုတော့ ပုဂ္ဂိုလ်ရေး သံယောဇဉ်ပဲဖြစ်ဖြစ် ဖေဖေက ထူထောင်ခဲ့တဲ့ တပ်မတော်ဆိုတော့ အင်မတန်မှ ကမ္ဘာ့အလယ်မှာ စံထားလောက်တဲ့ တပ်မတော်မျိုး၊ အဖွဲ့အစည်းမျိုး ဖြစ်စေချင်တယ်။ အဲဒီတော့ တပ်မတော်က ဘယ်လိုကဏ္ဍမှာလည်း ရှိနေရှိနေ အများကနေ၊ ပြည်သူလူထုကနေ အားကိုးရမယ်။ ပြည်သူလူထုက ချစ်ခင်ရမယ်။ ပြည်သူလူထုက လေးစားရမယ်။ ကမ္ဘာကလည်း လေးစားရမယ်။ ဒီလိုအမြင်မျိုး အမမှာ ရှိတယ်။ ဒီလိုဖြစ်စေချင်တယ်။ အဲဒီတော့ ဒီလိုဖြစ်အောင်လို့ဆိုတာဟာ တပ်မတော်ကိုယ်တိုင်ကလည်း ဒါကို နားလည်းလာဖို့ လိုတယ်။ အဲဒီတော့ နောက်ဆုံးကြတော့ အမျိုးသားပြန်လည်ရင်ကြားစေ့ရေးဆိုပြီး အမတို့ ပြောနေတာဟာ နိုင်ငံအတွင်းမှာ နိုင်ငံရေးနဲ့ ပတ်သက်လို့ သဘောထား ကွဲလွဲနေတဲ့ လူတွေအချင်းချင်း ညှိနှိုင်းပြီးတော့ တိုင်းပြည်အတွက် အကောင်းဆုံးအခြေအနေကို ရှာဖို့ပဲ။ အဲဒီတော့ ဒီလို အဖြေရှာတဲ့နေရာမှာ တပ်မတော်လည်း ပါရမှာပဲ။ တပ်မတော်ရဲ့  အခန်းကဏ္ဍကို တပ်မတော်ထဲက လူတွေမဟုတ်တဲ့လူတွေက ဆုံးဖြတ်လို့ မရဘူး။ တပ်မတော်ကိုယ်တိုင်ကလည်း မိမိတို့အခန်းကဏ္ဍက ဘာဖြစ်သင့်သလဲဆိုတာကို သေသေချာချာ စဉ်းစားပြီး ပူးပေါင်းဆောင်ရွက်မှ အားလုံးလိုချင်တဲ့ အဖြေတခု ထွက်လာမှာပါ။

ဒေါ်ခင်စိုးဝင်း ။ ။ ပြည်ပရောက် မြန်မာတွေ ဘယ်လိုအခြေအနေမျိုးမှာ ပြန်လာသင့်တယ်လို့ ယူဆပါသလဲ။

ဒေါ်အောင်ဆန်းစုကြည် ။ ။ ဒါက နှစ်ပိုင်းပေါ့။ တပိုင်းကတော့ လူတိုင်းလူတိုင်းက ကိုယ့်ရဲ့  ဆုံးဖြတ်ချက်။ ကိုယ့်ရဲ့ ဘဝအတွက် ဆုံးဖြတ်ချက် ချရမယ်။ ဒါကတော့ တာဝန်သိမှုပဲ။ အခု တချို့ ကပြောနေတယ်။ အမကိုယ်လည်း ဗွီအိုအေ မေးခွန်းတွေကတဆင့်၊ အာအက်ဖ်အေ မေးခွန်းကတဆင့်ရော မေးကြတယ်။ ပြန်လာသင့်သလား။ အမ အမြဲပြောတယ်။ ကိုယ့်ဘာသာကိုယ် ဆုံးဖြတ်ရမယ်။ ဒါဟာ ကိုယ့်ရဲ့  ဘဝ။ ကိုယ်ဘာသာ သမ္မတကြီးပြောတဲ့ မေးခွန်းကို လေ့လာပြီးတော့ သံရုံးတွေမှာ သွားပြီးတော့ မေးမြန်းစုံစမ်းပြီးတော့ ပြန်လာချင်ရင် ကိုယ့်ဘာသာ ဆုံးဖြတ်ရမယ်။ ကိုယ်မပြန်လာချင်ရင်လည်း ကိုယ့်ဘာသာ ဆုံးဖြတ်ရမယ်။ ဒီဟာကို နိုင်ငံရေးအရ ဘယ်လိုမြင်ရမလဲဆိုရင်တော့ အဲဒါကိုတော့ နည်းနည်းစောင့်ကြည့်ရမှာပေ့ါ။ အခု ပြန်လာတဲ့လူတွေ အခြေအနေ ဘယ်လိုရှိသလဲ။ တချို့ ကပြောတာက ဒီလိုပြန်လာပြီးရင် ပြဿနာရှာမှာတို့ဘာတို့။ ဒါကိုတော့ အမလည်း မပြောနိုင်ဘူး။ ဖြစ်မလဲ မဖြစ်ဘူးလားဆိုတာ။ တချို့ ကြတော့လည်း ဒီအချိန်မှာ ပြန်လာသင့်သလား နိုင်ငံရေးအမြင်နဲ့ ပြောတာ။ အဲဒီတော့ နိုင်ငံရေးအမြင်နဲ့ ပြန်လာသင့်သလားဆိုတာ ဘာအပေါ်မှာ တည်သလဲဆိုရင် မြန်မာနိုင်ငံ ဒီမိုကရေစီ ရရှိရေးအတွက် ဘယ်လိုနည်းနဲ့ လှုပ်ရှားချင်သလဲဆိုတော့မှ သိတာပေါ့။ အခုအချိန်မှာတော့ ဗမာပြည်မှာ နိုင်ငံခြားမှာ လှုပ်ရှားတဲ့ ပုံစံနဲ့တော့ လှုပ်ရှားလို့ မရသေးဘူးဆိုတာကတော့ ရှင်းပါတယ်။ နိုင်ငံခြားမှာ လှုပ်ရှားတဲ့ ပုံစံနဲ့ပဲ ဆက်ပြီး လှုပ်ရှားချင်တယ်ဆိုရင်တော့ ဒါကို ရွေးရမှာပေါ့။ ဒါပေမဲ့ အန်အယ်လ်ဒီနဲ့ ဒီမှာလာပြီး လှုပ်ရှားလို့ ရမယ်ထင်လို့ လှုပ်ရှားချင်တယ်ဆိုရင် လာပြီးလှုပ်ရှားနိုင်ပါတယ်။

ဒေါ်ခင်စိုးဝင်း ။ ။ အနောက်နိုင်ငံတွေရဲ့  ပိတ်စို့အရေးယူမှုဟာ အောက်ခြေလူထုကို မထိခိုက်ဘူးလို့ အန်အယ်လ်ဒီ စစ်တမ်းတခုမှာ ဖော်ပြထားခဲ့ပါတယ်။ အစိုးရဖက်ကလည်း ပိတ်စို့အရေးယူမှုတွေကို ရုတ်သိမ်းပေးဖို့ဆိုပြီး ကြိုးစားနေပါတယ်။ အဲဒီတော့ နှစ်ဘက်ပူးပေါင်းပြီးတော့ လုပ်ကြမယ်ဆိုလို့ရှိရင် ဒီ ပိတ်စို့မှုအပေါ်မှာ မြင်တဲ့သဘောထားတွေကို အဟန့်အတားများ ဖြစ်နိုင်မလား။

ဒေါ်အောင်ဆန်းစုကြည် ။ ။ ပူးပေါင်းဆောင်ရွက်တယ်ဆိုတာဟာ ဆွေးနွေးညှိနှိုင်းမှုအပေါ်မှာ အခြေခံတာပေါ့။ ဆွေးနွေးညှိနှိုင်းတယ်ဆိုတာ ဒီလို မတူတဲ့ သဘောထားတွေကို ဆွေးနွေးရမှာပဲ။ မတူတဲ့ သဘောထားတွေရှိလို့ ဆွေးနွေးဖို့လိုတာ။ အဲဒါ အခုဟာ တချို့ ကမြင်တာ ပြောင်းပြန်ဖြစ်နေတယ်။ မတူတဲ့ သဘောထားတွေရှိလို့ ဆွေးနွေးလို့ ရပါ့မလား။ မဟုတ်ဘူး ရှိလို့ကို ဆွေးနွေးရမှာပဲ။ မဆွေးနွေးဘဲနဲ့ ဒီလို မတူတဲ့သဘောထားတွေကို ဘယ်လို ဖြေရှင်းမလဲ။

ဒေါ်ခင်စိုးဝင်း ။ ။ တိုက်တိုက်ဆိုင်ဆိုင်ပဲ ဒီနေ့မနက် ဟိုတယ်လ်မှာနေရင် အင်တာနက်ဖွင့်လိုက်တဲ့အခါကြတော့ အီးမေးလ်တစောင်ထဲမှာ အမေရိကန်အထက်လွှတ်တော်အမတ် Jim Webb ကနေ press statement ထွက်ပါတယ်။ မြန်မာ့အရေးနဲ့ ပတ်သက်ပြီးတော့ - သူပြောထားတဲ့ press statement ထဲမှာ အတိအကျ ပြောရမယ်ဆိုရင်တော့ သူ့ရဲ့  heading က ခေါင်းစဉ်က “US should be prepared to adjust Burma policy” လို့ ရေးထားပါတယ်။ အဲဒီတော့ သူကပြောတာက မြန်မာနိုင်ငံမှာ အခုလောလောဆယ် ဖြစ်ထွန်းတိုးတက်မှုတွေဟာ ဘာပဲပြောပြော အပြုသဘောဆောင်တယ်လို့ ရေးထားပါတယ်။ ရေးထားပြီးတော့ အဲဒီတော့ မြန်မာနိုင်ငံနဲ့ ပတ်သက်ပြီးတော့ ၂၀၀၃ ခုနှစ်က ပြဋ္ဌာန်းခဲ့တဲ့ Burma Freedom and Democracy Act ကို သက်တမ်းတိုးဖို့အတွက်ကို အထက်လွှတ်တော်မှာ မဲခွဲဖို့ ရှိပါတယ်။ အဲဒီတော့ မဲမခွဲခင်မှာ သူတို့က ပြန်ပြီးတော့ ဗမာနိုင်ငံပေါ်မှာ ရပ်တည်ချက်ကို ပြန်သုံးသပ်စေချင်တဲ့သဘော သူက ရေးထားပါတယ်။ အဲဒီတော့ မမအနေနဲ့ Senator Jim Webb ရဲ့  အမြင်ကို ဘယ်လိုသဘောရပါသလဲ။

ဒေါ်အောင်ဆန်းစုကြည် ။ ။ ပြောင်းသင့်တဲ့အခါ ပြောင်းရမယ်ဆိုတာကိုတော့ သဘောတူတာပေါ့။ ဒါ သူက should be ready ဆိုတာ မမက ဒီဟာကို အဓိပ္ပါယ်တမျိုး ဖော်လိုက်မယ်။ သူကတော့ ဘယ်လိုအဓိပ္ပါယ်နဲ့ ပြောသလဲတော့ မသိဘူး။ Should be ready ဆိုတာ အသင့်ဖြစ်နေရမယ် - ပြောင်းဖို့။ ပြောင်းဖို့ လိုတဲ့အချိန်မှာ ပြောင်းဖို့ဆိုတာကိုတော့ အသင့်ဖြစ်နေရမှာပေါ့။ ဒါပေမဲ့ ပြောင်းဖို့ အခြေအနေ ရောက်ပြီလား မရောက်သေးဘူးလားဆိုတာကိုလည်း သေသေချာချာ လေ့လာရမှာပေါ့။ စီးပွားရေးအမြင်နဲ့ ဆိုရင်တော့ အမတို့ အမြင်နဲ့တော့ နည်းနည်းမတူဘူးပေါ့။ ဘာဖြစ်လို့လည်းဆိုတော့ အမတို့က စီးပွားရေးကို နိုင်ငံရေးနဲ့ ခွဲခြားလို့ မရဘူးဆိုပြီး ယုံကြည်တယ်။ စီးပွားရေးက နိုင်ငံရေးပေါ်မှာ လွှမ်းမိုးတယ်ဆိုတာလည်း မဖြစ်သင့်ဘူး။ ဒီနှစ်ခုကို ညီညီမျှမျှ ကြည့်ပြီး လုပ်သွားရမှာပဲ။

ဒေါ်ခင်စိုးဝင်း ။ ။ အနောက်နိုင်ငံတချို့ က မြန်မာနိုင်ငံ ဖွံ့ဖြိုးရေးပတ်သက်ပြီးတော့ အကူအညီတွေ ပေးဖို့ သူတို့ စိုင်းပြင်းနေကြပါတယ်။ သတင်းတွေလည်း ထွက်နေတာပေါ့။ တကယ်လို့ သူတို့ပေးတဲ့ ဖွံ့ဖြိုးမှု အကူအညီတွေ ရမယ်ဆိုရင် ဘယ်ကဏ္ဍကို မမ အဓိကထားပြီးတော့ ပေးစေချင်ပါသလဲ။

ဒေါ်အောင်ဆန်းစုကြည် ။ ။ အမတို့လေ အခု ကြုံတုန်းပြောချင်တာက ဒီလို အနောက်နိုင်ငံတွေကနေ ဖွံ့ဖြိုးရေး။ လူသားချင်းစာနာရေးနဲ့ ပတ်သက်လို့ အထောက်အကူတွေကို ဘယ်တုန်းကမှ အန်အယ်လ်ဒီ က မကန့်ကွက်ခဲ့ပါဘူး။ အဲဒါကို ထပ်ပြီးတော့ ပြောချင်ပါတယ်။ အန်အယ်လ်ဒီ က အမြဲပြောတာဟာ ဒါဟာ transparency မြင်သာမှု ရှိရမယ်။ Accountability တာဝန်ယူမှု ရှိရမယ်။ နောက်ပြီးတော့ independent monitoring အပြင်ကနေ ဒါတွေကို သုံးသပ်နိုင်ရမယ်။ အခြေအနေတွေက ဘယ်လို ကူညီပေးတာတွေက ဘယ်လိုသက်ရောက်မှု ရှိတယ်။ ဘယ်သူတွေက အကျိုးခံစားနေရတယ်။ အဲဒါတွေကို ထင်လင်းမြင်သာမှုနဲ့ ကိုက်ညီရဲ့ လားဆိုတာကို သုံးသပ်နိုင်ရမယ်လို့ ပြောထားပါတယ်။ အဲဒါ ဒီဟာအတိုင်းပဲ ဆက်ပြောမှာက ဖွံ့ဖြိုးရေး အကူအညီတွေ ဆိုတာဟာလည်း ဒီလိုပဲ ဘယ်လူတွေက ဘယ်လိုနည်းနဲ့ ရနေသလဲဆိုတာ ထင်ရှားရမယ်။ အဲဒီတော့ အဲဒီမှာ နံပတ်တစ်ကတော့ ပြည်သူတွေ အများဆုံး လိုအပ်တဲ့နေရာကို သွားရမယ်။ မမအနေနဲ့ ဘယ်ဘက်မှာ အများဆုံး လိုအပ်သလဲလို့ မေးလို့ရှိရင်တော့ ရှင်းရှင်းလေးပါပဲ။ လွယ်လွယ်လည်း လွယ်လွယ်လေးပါပဲ ကျန်းမာရေးနဲ့ ပညာရေး။ ဒါဟာ အမတို့ နိုင်ငံအတွက်တင်မကဘူး တကမ္ဘာလုံး ဘယ်မှာမဆို ကျန်းမာရေးနဲ့ ပညာရေးဟာ အရေးကြီးဆုံးပါ။ ဖွံ့ဖြိုးပြီးသာ နိုင်ငံတွေက ကျန်းမာရေးနဲ့ ပညာရေး အခြေအနေတွေက ကောင်းနေတာ ကြာပြီဆိုတော့ သိပ်ပြီးအလေးမထားပေမဲံအမေရိကန်ပြည်ထောင်စုလို နိုင်ငံမျိုးမှာတောင်မှ ဒီ ကျန်းမာရေး ပတ်သက်လို့ Barack Obama, Bill Clintons တို့ အချိန်အထိတောင်မှ အမေရိကန် ကျန်းမာရေးအစီအစဉ်တွေနဲ့ ပတ်သက်လို့ ပြောစရာ ဆိုစရာ နိုင်ငံရေးပြဿနာကြီးတွေလို့ ပြောရမှာပဲ။ ပြဿနာ ဖြစ်နေတုန်း။ မမတို့ကြတော့ စလုံးကနေ စရမှာ ဖြစ်နေတယ်။ ပညာရေးနဲ့ ကျန်းမာရေးဘက်မှာ သုံးတဲ့စရိတ်ကလည်း အင်မတန် နည်းတယ်။ ပြုပြင်စရာတွေလည်း အများကြီး လိုနေတယ်။ အဲဒီတော့ အဲဒီဘက်ကနေ စစေချင်တယ်။ ဒါမှ အမတို့ နိုင်ငံရဲ့  အနာဂတ်အတွက် စိတ်ချရမှာ။ နောက်ပြီးတော့ စိုက်ပျိုးရေးဘက် ဘာဖြစ်လို့လဲဆိုတော့ အမတို့ ပြည်သူလူထုတွေ အများစုက ကျေးလက်တောရွာမှာ နေပြီးတော့ စိုက်ပျိုးရေးနဲ့ အသက်မွေးဝမ်းကြောင်း ရှာနေကြသူတွေဆိုတော့ အဲဒါကိုလည်း အလေးထားစေချင်တယ်။ အခုအချိန်မှာတော့ အမ တွေ့သလောက်ကတော့ အဲဒီဘက်ကို သိပ်အလေးမထားကြဘူး။ စက်ရုံကြီးတွေ ဆောက်ဖို့။ စက်မှုလက်မှုဘက်ကို ပိုအလေးထားပြီးတော့ တောင်သူလယ်သမားတွေနဲ့ ပတ်သက်လို့ကတော့ အလေးထားသင့်သလောက် အလေးမထားသေးဘူးလို့ ထင်တယ်။

ဦးသန်းလွင်ထွန်း ။ ။ ရန်ကုန်မြို့ နဲ့ နေပြည်တော်ကို သတင်းသွားရောက်ယူခဲ့တဲ့ ဗွီအိုအေမြန်မာပိုင်း အယ်ဒီတာ သတင်းထောက် ဒေါ်ခင်စိုးဝင်း နဲ့ ဒေါ်အောင်ဆန်းစုကြည် ဆွေးနွေးမေးမြန်းခန်း ဖြစ်ပါတယ်။
http://www.voanews.com/burmese

အသွင်ကူးပြောင်းရေး ပြဿနာ


စနေ, 17 စက်တင်ဘာ 2011

By ဦးအောင်ခင် & မညိုညိုလွင်

ဒီမိုကရေစီ အသွင်ကူးပြောင်းရေးဖြစ်စဉ်မှာ အစိုးရဘက်ကရော အတိုက်အခံဘက်ကပါ ပါဝင်ကြတာကို တွေ့ရပါတယ်။ ဒါပေမဲ့ အသွင်ကူးပြောင်းရာမှာ ဦးဆောင်ပါဝင်တဲ့အခန်းကဏ္ဍကိုလိုက်ပြီး အစိုးရက ဦးဆောင်တဲ့နည်း၊ အတိုက်အခံ ဦးဆောင်တဲ့နည်း၊ အစိုးရနဲ့ အတိုက်အခံလက်တွဲတဲ့နည်း စသဖြင့် ပညာရှင်တွေက နည်း (၃) မျိုး ခွဲထားပါတယ်။ အခြေအနေကိုလိုက်ပြီး ဒီနည်းလမ်းတွေ ရောစပ်သွားနိုင်တယ်လို့လည်း ဆိုပါတယ်။ အစိုးရက ဦးဆောင်ပြီး ဒီမိုကရေစီ အသွင်ကူးပြောင်းတာကို အယုံအကြည် မရှိတာများပေမယ့် အာဏာရအစိုးရထဲမှာ အမြော်အမြင်ရှိတဲ့ ပြုပြင်ရေးသမားတွေ အားကောင်းလာတဲ့အခါ အစိုးရဦးဆောင်ပြီး ဒီမိုကရေစီ ပြုပြင်ပြောင်းလဲရေး လုပ်သွားနိုင်တာမျိုး ရှိပါတယ်။

ဥပမာ ဘရာဇီးနိုင်ငံမှာ အာဏာရှင်အစိုးရကို အမြော်အမြင်ရှိသူတွေက ဦးဆောင်လာတဲ့အခါ ဒီမိုကရေစီ အသွင်ကူးပြောင်းနိုင်တာ တွေ့ရပါတယ်။ အစိုးရဦးဆောင်တဲ့နည်းဟာ အာဏာရှင်ဟောင်းတွေအတွက် အန္တရာယ် အကင်းဆုံးဖြစ်တယ်လို့လည်း ယူဆကြပါတယ်။ ဒါပေမဲ့ ဒီနည်းကို အများက လက်ခံနိုင်ဖို့အတွက် တဖက်သတ် ဆုံးဖြတ်ပြီး အမိန့်ပေးတဲ့စနစ်ကို ပထမဦးဆုံး ရပ်ဆိုင်းဖို့ လိုပါတယ်။ မြန်မာအစိုးရသစ်ဟာ ဒီနည်းလမ်းဟောင်းကို ရပ်ဆိုင်းမယ့် အရိပ်အရောင် ပြနေပုံ ရပါတယ်။

နယ်စပ်ဒေသမှာ တဖက်သတ်အမိန့်ပေးပြီး အတင်းအကြပ် နယ်ခြားစောင့်တပ် ဖွဲ့စည်းတာကို တိုင်းရင်းသားလက်နက်ကိုင်အဖွဲ့ကြီးတွေက လက်မခံကြပါဘူး။ ရှမ်းနဲ့ကချင် လက်နက်ကိုင်တွေနဲ့ တိုက်ခိုက်နေတုန်း ဖြစ်ပေမယ့် ဝ နဲ့ မိုင်းလားအဖွဲ့တွေကိုတော့ စေ့စပ်ဆွေးနွေးပြီး ငြိမ်းချမ်းရေးနဲ့ ဖွံ့ဖြိုးရေး အကောင်အထည်ဖော်ဖို့ ပဏာမသဘောတူညီချက် ရယူနိုင်တာ တွေ့ရပါတယ်။ ဗကပ တဖြစ်လည်း ဝ နဲ့ မိုင်းလားတပ်ဖွဲ့မှာ တရုတ်ပြည်ဖွား ဒေသခံတွေ အများအပြားပါဝင်ပြီး တရုတ် အထောက်အပံ့အများဆုံးရတဲ့ တိုင်းရင်းသားအဖွဲ့တွေ ဖြစ်ပါတယ်။ နယ်မြေဖွံ့ဖြိုးရေးကို လွတ်လွတ်လပ်လပ် လုပ်နိုင်တာလို့ သိရပါတယ်။ တဦးနယ်မြေတဦး ဝင်တဲ့အခါမှာ ကြိုတင်အကြောင်းကြားဖို့ သဘောတူကြပါတယ်။ ရှမ်း၊ ကချင်၊ ကရင် နဲ့ တိုက်ပွဲဖြစ်နေတုန်း ရန်သူထပ်မတိုးအောင် အခုလို စီစဉ်တာ ဖြစ်နိုင်တယ်လို့ သုံးသပ်ကြပါတယ်။ အရင်လို တဖက်သတ် စီစဉ်ပြီး နယ်ခြားစောင့်တပ်ဖွဲ့ဖို့ မကြိုးပမ်းတော့တာ တွေ့ရပါတယ်။

တဦးနဲ့တဦး အပြစ်ရှာရမယ့် အချိန်မဟုတ်လို့ ဘုံအကျိုးစီးပွားအတွက် ပူးပေါင်းဆောင်ရွက်ကြဖို့ အမြင်မတူတဲ့ ပြည်တွင်းက အဖွဲ့အစည်းများနဲ့ လူပုဂ္ဂိုလ်တွေကို ဖိတ်ခေါ်လိုက်ပြီး နိုင်ငံခြားရောက် မြန်မာတွေ ပြန်လာနိုင်အောင် စဉ်းစားပေးမယ်လို့ သမ္မတက ကြေညာလိုက်ပါတယ်။ စစ်အာဏာရှင် အစိုးရ အုပ်ချုပ်ခဲ့တဲ့ အနှစ် (၅၀) နီးပါးကာလမှာ မြန်မာပြည်ခေတ်နောက်ကျပြီး ဆင်းရဲနွမ်းပါးသွားရပုံကို အတိအလင်း ထုတ်ဖော်ပြောဆိုပြီး ဆင်းရဲနွမ်းပါးမှု လျှော့ချရေး ဆွေးနွေးပွဲ ကျင်းပပေးတာဟာ စစ်အစိုးရအဆက်ဆက်ရဲ့  စီးပွားရေးလမ်းစဉ် မှားယွင်းကြောင်း ဝန်ခံရာ ရောက်တယ်လို့ သုံးသပ်ကြပါတယ်။ ပြည်သူ့လွှတ်တော် ကိုယ်စားလှယ်တွေရဲ့  ဆောင်ရွက်ချက်ကို မကြုံဘူးတဲ့ အထူးအဆန်းသဖွယ် ပြည်တွင်းသတင်းမီဒီယာမှာ ဖော်ပြကြတာ တွေ့ရပါတယ်။ ဒေါ်စုရဲ့  ဆောင်းပါးပုံနှိပ်ခွင်ရတာ စိတ်ကြည်နူးစရာ ဖြစ်နေပါတယ်။

လူထုခေါင်းဆောင် ဒေါ်အောင်ဆန်းစုကြည် နေပြည်တော် ဆွေးနွေးပွဲ တက်ရောက်ပြီး သမ္မတနဲ့ တွေ့ဆုံဆွေးနွေးတာကြောင့် အစိုးရသစ်ကို ပြည်တွင်းပြည်ပမှာ အမြင်ကောင်းစေပါတယ်။ ဒေါ်စု နဲ့ ဆက်ဆံပုံကိုကြည့်ပြီး နိုင်ငံတကာအသိုင်းအဝိုင်းက တုံ့ပြန်တဲ့ အစဉ်အလာရှိပါတယ်။ ၁၉၉၆ ခုနှစ်မှာ ဒေါ်စုကို ပထမအကြိမ် လွှတ်ပေးလိုက်လို့ ၁၉၉၇ ခုနှစ်မှာ အာဆီယံအသင်းထဲ ဗမာအစိုးရ ဝင်ခွင့်ရသွားတာဟာ ထင်ရှားတဲ့ ဥပမာတခု ဖြစ်ပါတယ်။ အခုလည်း ၂၀၀၄ ခုနှစ်မှာ အာဆီယံအသင်း အလှည့်ကျ ဥက္ကဋ္ဌလုပ်နိုင်ရေးနဲ့ ဒဏ်ခတ်မှု ရုတ်သိမ်းရေးအတွက် ဒေါ်စုနဲ့ ဆက်ဆံရေးကောင်အောင် အစိုးရသစ်က လုပ်နေတယ်လို့ ယူဆကြပါတယ်။ ဖွဲ့စည်းပုံ အခြေခံဥပဒေကို လက်မခံတဲ့ နိုင်ငံရေးအင်အားစုတွေနဲ့ ညှိနှိုင်းဆောင်ရွက်သွားမယ်လို့ သမ္မတက ပြောသွားတာဟာလည်း စိတ်ဝင်စားစရာ အချက်တချက် ဖြစ်နေပါတယ်။

တိုင်းပြည်ရဲ့  လုပ်ငန်းကဏ္ဍတိုင်းကို စစ်တပ်က ချုပ်ကိုင်ပြီး စစ်တပ်တည်ထောင်ခဲ့တဲ့ ပြည်ခိုင်ဖြိုးပါတီ ရွေးကောက်ပွဲ အနိုင်ရအောင် စီစဉ်ခဲ့ပါတယ်။ မြို့ တော်သစ်မှာ ပြည်သူ့လွှတ်တော်သစ်နဲ့ အစိုးရသစ်ကို စိတ်ကြိုက်ဖွဲ့စည်းပါတယ်။ အနှစ် (၂၀) ကျော် တဖက်သတ်လုပ်လာပြီးမှ ပြုပြင်ရေးစကား ပြောလာတာကို ချက်ချင်းယုံကြည်ဖို့ ခက်ခဲနေကြပါတယ်။ ဒီမိုကရေစီအရေးဆိုသူတွေကို ဆက်လက်ထိန်းသိမ်းထားမှု၊ လက်နက်ကိုင် ပဋိပက္ခ ဖြစ်ပွားနေမှု၊ သတင်းမီဒီယာ လွတ်လပ်မှုကို ဆက်လက် ပိတ်ပင်ထားမှု စတာတွေဟာ အစိုးရသစ်ကို အယုံအကြည် ကင်းမဲ့စေပါတယ်။ လွတ်လပ်မှုပေးလိုက်ရင် မတရားလုပ်ထားမှုတွေ ဖော်ထ်ုမှာကို အာဏာပိုင်တွေက စိုးရိမ်ကြောက်လန့်နေဆဲ ဖြစ်ပုံရပါတယ်။

ဝန်ကြီး၊ အရာထမ်း၊ ပညာရှင် နဲ့ ပါတီဝင်တွေ မတူကွဲလွဲတာတွေ ဘေးဖယ်ပြီး တိုင်းပြည်အကျိုးအတွက် ပူးပေါင်းဆောင်ရွက်မယ်ဆိုတဲ့ စိတ်ဓါတ်နဲ့ တိုင်းပြည်ပြုပြင် ပြောင်းလဲရေး အလုပ်ရုံဆွေးနွေးပွဲမှာ ပါဝင်ဆင်နွှဲကြတယ်လို့ ဆိုပါတယ်။ ဒါပေမဲ့ သမ္မတ အကြံပေး ဒေါက်တာဦးမြင့်ရဲ့  စာတမ်းကို နှစ်လလောက်ကြိုပြီး သက်ဆိုင်ရာအာဏာပိုင်တွေကို တင်ပြရကြောင်း သိရပါတယ်။ တိုင်းပြည်ပြုပြင်ရေး လုပ်ငန်းမှာ လွတ်လပ်မှုရှိဖို့ အလွန်အရေးကြီးပါတယ်။ ဒါကြောင့် မတူကွဲပြားတဲ့ သဘောထားကို ဘယ်အတိုင်းအတာအထိ နေပြည်တော်အာဏာပိုင်တွေက လက်ခံနိုင်မယ်ဆိုတာကိုတော့ စောင့်ကြည့်ဖို့သာ ရှိပါတယ်။

http://www.voanews.com/burmese/

မြန်မာလူထု လွတ်လပ်မှုနဲ့ အလှမ်းဝေးဆဲ


တနင်္ဂနွေ, 18 စက်တင်ဘာ 2011

By ဗွီအိုအေ (မြန်မာဌာန)

မြန်မာနိုင်ငံအတွင်း နိုင်ငံရေးအရ ပြောင်းလဲမှုတွေ ဖြစ်ပေါ်လာနေတယ်ဆိုတဲ့ အရိပ်လက္ခဏာတွေ တွေ့ရတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ဒါပေမဲ့ မြန်မာပြည်သူတွေ အနေနဲ့ စစ်မှန်တဲ့ လွတ်လပ်မှုတော့ မရကြသေးဘူးလို့ ဆိုပါတယ်။

အာရပ်ကမ္ဘာမှာ ဖြစ်နေတဲ့ ဆန္ဒပြ တောင်းဆို လှုပ်ရှားမှုတွေဟာ မြန်မာနိုင်ငံရဲ့ ပြဿနာတွေနဲ့ ကိုက်ညီခြင်း မရှိဘူးလို့လည်း ပြင်သစ် သတင်းဌာနနဲ့ ပြုလုပ်တဲ့ မေးမြန်းခန်းအတွင်း ဒေါ်အောင်ဆန်းစုကြည်က ပြောပါတယ်။

မြန်မာနိုင်ငံမှာ တကယ်လိုအပ်နေတာက စိတ်ပိုင်းဆိုင်ရာ ပြုပြင်ပြောင်းလဲရေး၊ တော်လှန်ရေး ဖြစ်တယ်လို့ ရန်ကုန်မြို့ NLD ရုံးချုပ်မှာ AFP သတင်းဌာနနဲ့ ပြုလုပ်တဲ့ တွေ့ဆုံ မေးမြန်းခန်းအတွင်း ဒေါ်အောင်ဆန်းစုကြည်က ပြောပါတယ်။ ဒါ့အပြင် တိုင်းပြည်မှာ ရင်ဆိုင်နေရတဲ့ ပြဿနာတွေကို အာဏာပိုင်တွေက သိမြင် နားလည်တဲ့ပုံစံ မပြောင်းသ၍တော့ စစ်မှန်တဲ့ ပြောင်းလဲမှု ရနိုင်မှာ မဟုတ်ဘူးလို့လည်း ဒေါ်အောင်ဆန်းစုကြည်က ပြောပါတယ်။

နေအိမ်အကျယ်ချုပ်က ပြန်လွတ်လာခါစ မနှစ်က နိုဝင်ဘာလအတွင်း သူမအနေနဲ့ Facebook၊ Twitter စတဲ့ လူမှုကွန်ရက် အင်တာနက် ၀က်ဘ်ဆိုဒ်တွေကို အသုံးပြုချင်တဲ့ ဆန္ဒရှိကြောင်း ပြောခဲ့ဖူးပေမဲ့လည်း တခြား ပါတီလုပ်ငန်းတွေ၊ နိုင်ငံရေး လုပ်ငန်းတွေနဲ့ အလုပ်ရှုပ်နေတာကြောင့် အဲဒီကိစ္စတွေအတွက် အချိန်မရှိသေးဘူးလို့ APF သတင်းဌာနကို ဒေါ်အောင်ဆန်းစုကြည်က ပြောပါတယ်။

နေအိမ်အကျယ်ချုပ်နဲ့ ဖမ်းဆီးထိန်းသိမ်း ခံထားခဲ့ရတဲ့ ၇ နှစ်တာ ကာလအတွင်း လုပ်စရာ လုပ်ငန်းတွေ အများကြီး အကြွေးတင်နေတာကြောင့် Twitter တွေ အသုံးပြုဖို့ အချိန်မလောက်ဘဲ ဖြစ်နေတယ်လို့ ဆိုပါတယ်။ လောလောဆယ်မှာတော့ NLD ပါတီအတွက် ဖွင့်ထားတဲ့ အင်တာနက် ၀က်ဘ်ဆိုဒ်နဲ့ပဲ အလုပ်ဖြစ်နေပါတယ်လို့လည်း ဒေါ်အောင်ဆန်းစုကြည်က ပြောပါတယ်။

http://www.voanews.com/burmese/news/dassk-freedom-130064798.html

မြန်မာနိုင်ငံရေးမှာ စစ်တပ် လွှမ်းမိုးထားဆဲလား


စနေ, 17 စက်တင်ဘာ 2011

By ကိုသားညွှန့်ဦး

၁၉၈၈ ခုနှစ် စက်တင်ဘာ ၁၈ ရက်မှာ ဒီမိုကရေစီရေးလှုပ်ရှားမှုတွေကို နှိပ်ကွက်ပြီး စစ်တပ်က အာဏာသိမ်းယူခဲ့တာ ဒီကနေ့ဆိုရင် ၂၃ နှစ်ရှိခဲ့ပါပြီ။ ၂၃ နှစ်ကြာခဲ့ပေမဲ့လည်း မြန်မာနိုင်ငံရဲ့ အာဏာအရပ်ရပ်ကို စစ်ဘက်က ချုပ်ကိုင်ထားဆဲဖြစ်တယ်လို့ ဒီမိုကရေစီရေးလှုပ်ရှားသူတွေက မြင်ကြပါတယ်။ စက်တင်ဘာ ၁၈ ရက်နေ့ဟာ မြန်မာပြည်သူတွေရဲ့ လွတ်လပ်မှု ဆုံးရှုံးသွားတယ်ဆိုတဲ့ သမိုင်း သင်ခန်းစာတခုလည်း ဖြစ်တယ်လို့ သုံးသပ်ပြောဆိုကြပါတယ်။ အပြည့်စုံကို ကိုသားညွှန့်ဦးက တင်ပြထားပါတယ်။

စစ်တပ်က အာဏာသိမ်းခဲ့တဲ့ စက်တင်ဘာ ၁၈ ရက် နှစ်ပတ်လည် အဖြစ်နဲ့ရော၊ ၂၀၀၇ ခုနှစ် ရွှေဝါရောင် သံဃာ့လှုပ်ရှားမှု (၄) နှစ်မြောက် အထိန်းအမှတ်အဖြစ်နဲ့ပါ အမေရိကန်ပြည်ထောင်စု ၀ါရှင်တန်ဒီစီဝန်းကျင်၊ နယူးယောက်နဲ့ မြောက်ကာရိုလိုင်းနားက ဒီမိုကရေစီရေး တက်ကြွလှုပ်ရှားသူ ၆၀ လောက် ၀န်ရှင်တန်ဒီစီက မြန်မာသံရုံးရှေ့မှာ စနေနေ့က မွန်းလွဲပိုင်းက စုဝေးခဲ့ကြပါတယ်။ နိုင်ငံရေးအကျဉ်းသားတွေကို လွတ်ပေးဖို့၊ ပြည်တွင်းစစ်ရပ်စဲဖို့၊ နိုင်ငံရေးအရ တွေ့ဆုံဆွေးနွေးဖို့နဲ့ ဧရာဝတီမြစ်ဆုံစီမံကိန်းကို ရပ်ဆိုင်းဖို့ တောင်းဆိုချက်တွေကို တောင်းဆိုခဲ့ကြပါတယ်။ ဆန္ဒပြသူတဦးဖြစ်တဲ့ ရွှေဝါရောင် သံဃာ့လှုပ်ရှားမှု ခေါင်းဆောင် အရှင်ပညာဇောတကတော့ မြန်မာနိုင်ငံမှာ ၂၃ နှစ် ကြာခဲ့ပေမဲ့ နိုင်ငံရေးမှာ စစ်တပ်ရဲ့ ချယ်လှယ်လွှမ်းမိုးမှုတွေ ခံနေရတုန်းပဲဆိုတာကို ပြီးခဲ့တဲ့လွှတ်တော်မှာ ဖြစ်နေတဲ့ ဥပမာနဲ့ယှဉ်ပြီးတော့ ပြောပြပါတယ်။

“သင်္ကန်းကျွန်းမြို့နယ် လွှတ်တော်ကိုယ်စားလှယ်အမတ် ဦးသိန်းညွှန့်ကနေပြီးတော့ အခြေခံ အုပ်ချုပ်ရေးတွေမှာ ပြည်သူအများက ရွေးချယ်တဲ့ပုဂ္ဂိုလ်ကို ရွေးချယ်ပြီးတော့ တင်မြှောက်ဖို့ ပြောတဲ့အခါမှာ ပြည်ထဲရေးဝန်ကြီးကနေပြီးတော့ ဒါဟာ လုပ်လို့မရဘူး။ လူရိုသေရှင်ရိုသေ ရှိတဲ့ပုဂ္ဂိုလ်များကိုသာလျင် ရွေးချယ်ပြီးတော့ တင်မြှောက်ရမယ်ဆိုပြီး လွှတ်တော်မှာ စစ်တပ်ကရွေးချယ်ပြီးတော့ ကြီးမှူးနေတဲ့ စစ်တပ်ကိုယ်စားလှယ်များနဲ့ မဲအနိုင်ယူပြီးတော့ ဆုံးဖြတ်လိုက်ပါတယ်။ ဒါတွေကိုကြည့်သောအားဖြင့် အုပ်ချုပ်မှု ပုံပန်းသဏ္ဍန်ပြောင်းလဲသွားသော်လည်းပဲ စစ်တပ်ရဲ့အုပ်ချုပ်မှု အခန်းကဏ္ဍက ဒီနေ့အထိ အကျိုးသက်ရောက်မှု ရှိနေတုန်းပဲ။ နေရာတိုင်းမှာ ချုပ်ချယ်နေတုန်းပဲဆိုတာကို ပြပါတယ်။ ဒါကြောင့်မိုလို့ စစ်အာဏာရှင်တွေဟာ ၂၃ နှစ်ပြည့်ပြီ။ ဒီနေ့အထိအောင် ရွေးကောက်ပွဲဖြစ်ပေမဲ့လို့လည်း လွှမ်းမိုးနေတုန်း၊ ချယ်လှယ်နေတုန်းပဲ ဆိုတာကို ပြတာဖြစ်ပါတယ်။ ဒါကြောင့် ဒီနေ့လို ဆန္ဒပြပွဲတွေ လုပ်ရတာဖြစ်ပါတယ်။”

၁၉၈၈ ခုနှစ် မတ်လ ကျောင်းသားတွေ စတင်ခဲ့တဲ့ ဒီမိုကရေစီရေး တောင်းဆိုမှုတွေဟာ သြဂုတ်လနဲ့ စက်တင်ဘာလတွေမှာ တနိုင်ငံလုံးကို ကူးစက်ပြီး လူထုအုံကြွမှုကြီး ဖြစ်ခဲ့ပါတယ်။ အဲဒီအချိန်က မြန်မာ့ဆိုရှယ်လစ်လမ်းစဉ်ပါတီက တပါတီစနစ်နဲ့ အာဏာယူထားတာပါ။

လူထုလှုပ်ရှားမှုအရှိန်ကြောင့် စစ်အာဏာရှင် ဦးနေ၀င်းက ရာထူးကနေ ဆင်းပေးခဲ့ရသလို နောက်ထပ် တက်လာတဲ့ ဦးစိန်လွင်လည်း ရာထူးကနေ ဆင်းသွားရပါတယ်။ ဒါပေမဲ့ စက်တင်ဘာလ ၁၈ ရက်နေ့မှာတော့ စစ်တပ်ကနေ ဒေါက်တာမောင်မောင် အစိုးရဆီက အာဏာကိုသိမ်းယူလိုက်ပါတယ်။ နောက်ပိုင်းမှာတော့ ဒီမိုကရေစီရေးလှုပ်ရှားတွေကို အပြင်းအထန် နှိပ်ကွက်ပြီး စစ်တပ်က အစိုးရအဖွဲ့ အုပ်ချုပ်လာခဲ့တာ ဒီနှစ်မတ်လ ဦးသိန်းစိန် အစိုးရ တက်မလာခင်အထိ ဖြစ်ပါတယ်။

တကယ်တော့ စက်တင်ဘာလ ၁၈ ရက်နေ့ဟာ မြန်မာလူထုရဲ့ လွတ်လပ်မှု ဆုံးရှုံးတဲ့နေ့တနေ့လိုမျိုး သမိုင်းမှာ အရုပ်ဆိုးတဲ့နေ့ဖြစ်တယ်လို့ ၈၈ မျိုးဆက် ကျောင်းသားခေါင်းဆောင် ကိုမိုးသီးဇွန်က ပြောပါတယ်။

“ကျနော်တို့ လွတ်လပ်ရေးဆုံးရှုံးသွားတဲ့နေ့ လိုပါပဲ။ မြန်မာ့သမိုင်းမှာ အရုပ်ဆိုးအကျည်းတန်လှတဲ့ အမဲစက်ကြီးတခုလို့ ကျနော် မြင်ပါတယ်။”

စစ်တပ်ကပဲ ရွေးကောက်ပွဲ လုပ်ပေးတယ်၊ ဖွဲ့စည်းပုံတရပ် ပေါ်လာပြီ၊ လွှတ်တော်ပေါ်လာပြီ၊ အရပ်သား အစိုးရသစ်လည်း အခု ပေါ်လာပါပြီ။ အဲဒီတော့ ဒီအနေအထား ရောက်လာပြီးတဲ့အခါမှာ ကိုမိုးသီးရဲ့ အမြင်ကို သိချင်ပါတယ်။ စစ်အာဏာရှင်စနစ်က အခုချိန်မှာ မရှိဘူးလို့ ပြောလို့ရပြီလား။ -

“ကျနော်တို့ မမေ့ဖို့တချက်က ဘာလဲဆိုတော့ ဒီအာဏာကို ဘယ်လိုကျင့်သုံးနေသလဲ ဆိုတာကို ကျနော်တို့ လေ့လာဖို့လိုတယ်။ ဒီနေ့ အာဏာကို လူတစုကပဲ ဆက်ပြီးတော့ ထိန်းချုပ်ထားတယ်။ ဆုံးဖြတ်ခွင့် ရှိတဲ့ဟာတွေ အားလုံးကို လူတစု လူတယောက်တည်း လက်ထဲမှာ ရှိနေသေးတယ်။ လာဘ်စားမှုတွေ ရှိနေတယ်။ နောက်တခါ လူ့အခွင့်အရေး ချိုးဖောက်မှုတွေကလည်း ရှိနေတယ်။ ဆိုတော့ ဘာမှပြောင်းလဲတာ ကျနော်တို့ မတွေ့ရဘူး။ နိုင်ငံရေးအကျဉ်းသားတွေ လွှတ်ပေးဖို့၊ တချို့ ရွေးကောက်ခံထားရတဲ့ ကိုယ်စားလှယ်တချို့ ဆွေးနွေးတယ်။ ဒါပေမဲ့ ဘာဖြစ်လဲဆိုတော့ သူတို့ ကိုယ်စားလှယ်တွေကိုယ်နှိက်ကိုက ဒီအကြောင်းအရာတွေကို ဆွေးနွေးကြပေမဲ့ အစိုးရက ဒါတွေကို အကောင်အထည် မဖော်ပေးဘူး။ ကျနော်တို့ရဲ့ အသံတွေကို ထင်ဟပ်ယုံပဲ။ ဆိုလိုတာက ဒီမိုကရေစီ ရပြီ ပြောင်းလဲသွားပြီလို့ ပြောလို့မရဘူးလေ။”

စစ်တပ်က ဦးဆောင်ရေးဆွဲတဲ့ ၂၀၀၈ ခုနှစ် ဖွဲ့စည်းပုံအတွင်းမှာလည်း အမျိုးသား ကာကွယ်ရေးနဲ့ လုံခြုံရေးကောင်စီက အစိုးရအဖွဲ့ရဲ့အထက်မှာ အုပ်ချုပ်ရေး လုပ်ပိုင်ခွင့် အာဏာ ပိုယူထားပြီးတော့ နိုင်ငံတော်ရဲ့ အရေးပေါ် အခြေအနေကာလမှာ စစ်တပ်ကနေ အာဏာလွှဲယူနိုင်ခွင့် ရှိတယ်လို့လည်း ဖော်ပြထားတာမိုလို့ ဒီအပေါ်မှာလည်း ဒါဟာ စစ်အာဏာရှင်စနစ် ကြွင်းကျန်နေတာကို သက်သေပြတာ ဖြစ်တယ်လို့ဆိုပြီး ဒီမိုကရေစီရေး တက်ကြွလှုပ်ရှားသူတွေက ထောက်ပြဝေဖန်ခဲ့ကြပါတယ်။
http://www.voanews.com/burmese/news/Burma-military-09-17-11-130045568.html