Friday, September 30, 2011

၃၀.၉.၂၀၁၁ ရက်နေ့ရဲရင့်ငယ်ဒိုင်ယာရီ


http://www.ziddu.com/download/16598529/30Sep2011Yeyintngesdiary.doc.html

http://www.ziddu.com/download/16598530/30Sep2011Yeyintngesdiary.pdf.html

30 Sep2011 Yeyintnge's Diary

မြန်မာနှင့် ဘင်္ဂလာဒေခ်ျ့ ရေတပ်သင်္ဘောများ အငြင်းပွားနေသည့် ရေပိုင်နက် အနီးတွင် ကင်းလှည့်နေကြ



News Date:9/30/2011
တာကလူး
-----------
မြန်မာနှင့် ဘင်္ဂလာဒေခ်ျ့ နိုင်ငံတို့မှ ရေတပ်သင်္ဘော နှစ်စီးသည် နှစ်နိုင်ငံ နယ်စပ်ရှိ အငြင်းပွါးနေသည့် ပင်လယ်ပြင်တွင် တစ်စီးနှင့် တစ်စီး ထိပ်တိုက် ရင်ဆိုင်ကာ ကင်းလှည့် နေကြကြောင်း သတင်းရရှိသည်။

မြန်မာနိုင်ငံဘက်မှ ရေတပ်စစ်သင်္ဘောတစ်စီးသည် နှစ်နိုင်ငံ နယ်စပ်အနီး ပင်လယ်ပြင်တွင် ယခုရက်ပိုင်းအတွင်းမှ စတင် ကင်းလှည့် လာခြင်းကြောင့် ဘင်္ဂလာဒေခ်ျ့ နိုင်ငံဘက်မှလည်း ၄င်း၏ ရေပြင်ပိုင်နက်ကို ကာကွယ်နိုင်ရန် ရေတပ် သင်္ဘောတစ်စီးကို ယမန်နေ့မှ စတင် စေလွှတ်လိုက်ခြင်းဖြစ်သည်ဟု ဘင်္ဂလာဒေခ်ျ့ ထောက်လှမ်းရေးက ပြောသည်။



Myanmar-ships ၂၀၀၈ ခုနှစ်က ဤကဲ့သို့ နှစ်ဘက်နိုင်ငံ နေဗီများကို စေလွတ်ခဲ့ကြသည်။
"မြန်မာဘက်က ရေတပ်စစ်သင်္ဘောတစ်စီးဟာ ဒီရက်ပိုင်းအတွင်းမှာပဲ ကျွန်တော်တို့နိုင်ငံရဲ့ နယ်စပ်အနီးမှာ ကင်းလာလှည့်နေတာကြောင့် ကျွန်တော်တို့ဘက်ကလည်း ကိုယ့်ရေပိုင်နက် ကိုယ်ကာကွယ်နိုင်ဖို့ စစ်သင်္ဘောတစ်စီးကို ယမန်နေ့ကနေ စေလွှတ်လိုက်ရခြင်း ဖြစ်ပါတယ်" ဟု နယ်စပ်အခြေစိုက် ဘင်္ဂလားဒေခ်ျ့ စစ်ဘက်ဆိုင်ရာ ထောက်လှမ်းရေးအဖွဲ့မှ အမည်မဖေါ်လိုသူ ၀န်ထမ်းတစ်ဦးက ပြောသည်။

နှစ်ဘက်နိုင်ငံမှ ရေတပ်သင်္ဘောနှစ်စီး နယ်စပ်ပင်လယ်ပြင်တွင် ကင်းလှည့် နေကြကြောင်းကို မြန်မာဘက်မှ ပင်လယ်ပြင် ငါးဖမ်းသမားတစ်ဦးကလည်း ယခုကဲ့သို့ အတည်ပြုပြောကြားသည်။

"သင်္ဘောနှစ်စီး ကင်းလှည့်နေကြတာက တစ်စီးနဲ့ တစ်စီး လှမ်းမြင်နိုင်တဲ့ အကွာအဝေး လောက်မှာပဲ ဖြစ်ပါတယ်။ ဒါပေမယ့် ဘာပြဿနာမှ မရှိပါဘူး။ ကိုယ့်ဘက်ကကိုယ် သူ့ဘက်ကသူ ကင်းလှည့်နေကြတာပဲ ဖြစ်ပါတယ်" ဟု ငါးဖမ်းသမားက ပြောသည်။

မြန်မာရေတပ်စစ်သင်္ဘော (၅၅၂)သည် ယခုအပတ် တနင်္လာနေ့မှစ၍ ဘင်္ဂလာဒေခ်ျ့ နယ်စပ်ရှိ ရခိုင်ပြည်နယ် မောင်တောမြို့နယ် တောင်ပိုင်း ကျောက်ပန်းတူ ကျောက်တန်းအလွန် ပင်လယ်ပြင်တွင် ကင်းလှည့်နေခြင်းဖြစ်ပြီး၊ ဘင်္ဂလားဒေခ်ျ့ ဘက်သို့ မှောင်ခိုကုန်ကူးနေသည့် မြန်မာဘက်မှ စက်လှေများနှင့် ပိုင်နက်ကျော် ငါးခိုးဖမ်းသည့် ဘင်္ဂလားဒေခ်ျ့ ဘက်မှ ငါးဖမ်းလှေများကို လိုက်လံ ဖမ်းဆီးမှုများ ပြုလုပ်နေခြင်းဖြစ်ကြောင်း သိရှိရသည်။

ဘင်္ဂလာဒေခ်ျ့ စစ်သင်္ဘောမှာလည်း စိန့်မာတင် (ခေါ်) အုန်းကျွန်း၏ အရှေ့တောင်ဘက် (၄)မိုင်ခန့်အကွာတွင် ကင်းလှည့်နေခြင်းကြောင့် မြန်မာစစ်သင်္ဘောနှင့် တစ်စီးနှင့် တစ်စီးလှမ်းမြင်ရသည့် အကွာအဝေးတွင်သာ ရှိကြောင်းလည်း သိရှိရသည်။

ယခုကဲ့သို့ နှစ်ဘက်နိုင်ငံမှ ရေတပ်စစ်သင်္ဘောများ နယ်စပ်ပင်လယ်ပြင်တွင် ထိပ်တိုက် ရင်ဆိုင်ပြီး ကင်းလှည့်နေကြခြင်းမှာ ၂၀၀၈ ခုနှစ်တွင် နှစ်နိုင်ငံအကြား နယ်စပ်တင်းမာမှု နောက်ပိုင်း ပထမဆုံး အကြိမ်ဖြစ်သည်။

၂၀၀၈ ခုနှစ် တင်းမာမှုနောက်ပိုင်း ဘင်္ဂလားဒေခ်ျ့ဘက်မှ နှစ်နိုင်ငံ ရေပိုင်နက်အငြင်းပွားမှုကို ဖြေရှင်းရန် နိုင်ငံတကာ ပင်လယ်ပြင် တရားခုံရုံး (ITLOS) သို့ ၂၀၀၉ ခုတွင် တင်သွင်းခဲ့သည်။

နိုင်ငံတကာခုံရုံးမှလည်း မြန်မာနှင့် ဘင်္ဂလားဒေခ်ျ့ နှစ်နိုင်ငံ အကြားအငြင်းပွားမှုကို ယခုလ အတွင်းတွင် ကြားနာစစ်ဆေးမှုများ ပြုလုပ်ခဲ့ပြီးဖြစ်ပြီး လာမည့်နှစ် မတ်လ အတွင်းအတွင် တရားဆုံးဖြတ်ချက်ကို ထုတ်ပြန်ပေးသွားမည်ဖြစ်ကြောင်း သိရှိရသည်။

နှစ်ဘက်နိုင်ငံမှ စစ်သင်္ဘောများမှာ နယ်စပ်ပင်လယ်ပြင်တွင် ၂၀၀၈ ခုနှစ်ကကဲ့သို့ ထိပ်တိုက် ရင်ဆိုင်ပြီး ကင်းလှည့်နေကြခြင်းကြောင့် ပြဿနာ ပိုမို ကြီးထွားလာမည်ကို နှစ်ဘက်နယ်စပ်နေ ပြည်သူများ အထူးစိုးရိမ်နေကြကြောင်း သိရှိရသည်။

http://www.narinjara.com/detailsbur.asp?id=3514

သမ္မတကြီးကြေငြာချက်မော်ဒဲလ်လေးများအသုံးပြု





http://moemaka.com/2011/10/mrtv4-%E1%80%85%E1%80%90%E1%80%AD%E1%80%AF%E1%80%84%E1%80%B9%E1%80%9B%E1%80%BD%E1%80%AD%E1%80%99%E1%80%BD-%E1%80%85%E1%80%90%E1%80%AC%E1%80%B8%E1%80%BB%E1%80%96%E1%80%85%E1%80%B9%E1%80%99%E1%80%9A/
မှဖေါ်ပြသည်။။

မြန်မာ့လူ့အခွင့်အရေး ပြဿနာ

စနေ, 01 အောက်တိုဘာ 2011

By ဦးအောင်ခင် & မညိုညိုလွင်

လွန်ခဲ့တဲ့ စက်တင်ဘာလ (၅) ရက်နေ့က အမျိုးသားလူ့အခွင့်အရေးကော်မရှင် ဖွဲ့စည်းကြောင်း နေပြည်တော်က ကြေညာတာကို အမျိုးမျိုးတုံ့ပြန်ပါတယ်။ ကုလသမဂ္ဂ မှတ်တမ်းတင်ခဲ့တဲ့ လူ့အခွင့်အရေး ချိုးဖောက်မှုတွေကိုကြည့်ပြီး သံသယဖြစ်နေကြပါတယ်။ ကုလသမဂ္ဂ အထွေထွေညီလာခံ ဆုံးဖြတ်ချက်၊ လူ့အခွင့်အရေးကောင်စီ ဆုံးဖြတ်ချက်နဲ့ လူ့အခွင့်အရေး အထူးကိုယ်စားလှယ်ရဲ့  အစီရင်ခံတွေကို ဥပဒေပညာရှင်တစုက လေ့လာပြီး မြန်မာပြည်က ရာဇဝတ်မှုများ ဆိုတဲ့ အစီရင်ခံစာ ၂၀၀၉ မှာ ထုတ်ဝေခဲ့ပါတယ်။ ဒါပေမဲ့ လူ့အခွင့်အရေးကော်မရှင် ဥက္ကဋ္ဌ ဦးဝင်းမြကတော့ ၁၉၉၄ မှာ ကုလသမဂ္ဂဆိုင်ရာ မြန်မာသံအမတ်ဖြစ်ကတည်းက မြန်မာပြည်မှာ လူ့အခွင့်အရေး ချိုးဖောက်မှုမရှိဘူးလို့ ဗြောင်ငြင်းခဲ့ပါတယ်။ ကော်မရှင်ဥက္ကဋ္ဌ ဦးကျော်တင့်ဆွေကလည်း ၂၀၀၁ ခုနှစ် ကုလသမဂ္ဂမှာ မြန်မာသံအမတ် ဖြစ်ကတည်းက မြန်မာပြည်မှာ လူ့အခွင့်အရေးချိုးဖျက်မှု မရှိကြောင်း ငြင်းဆိုခဲ့ပါတယ်။ ဒီလို ငြင်းဆိုနေတုန်း ပြန်ကြားရေးဝန်ကြီး ဦးဆောင်တဲ့ မြန်မာနိုင်ငံ လူ့အခွင့်အရေးကော်မတီကို ၂၀၀၀ ခုနှစ် သြဂုတ်လမှာ ဖွဲ့စည်းပါတယ်။ နောက်တော့ Australia အစိုးရနဲ့ ပူးတွဲပြီး လူ့အခွင့်အရေး သင်တန်းတွေ ပေးပါတော့တယ်။ Australia နဲ့ ဗမာအစိုးရပူးတွဲပြီး ၂၀၀၀ ခုနှစ်က ၂၀၀၃ အထိ လူ့အခွင့်အရေးသင်တန်း (၁၂) ခု ပေးခဲ့ပါတယ်။ သင်တန်းတခုမှာ အစိုးရအမှုထမ်း (၂၅) ယောက်လောက်တက်တာမို့ စုစုပေါင်း အရပ်သားအမှုထမ်း (၃၀၀) လောက်ကို လူ့အခွင့်အရေးအကြောင်း ဟောပြောနိုင်ခဲ့တယ်လို့ သိရပါတယ်။ ဒီအထဲမှာ လူ့အခွင့်အရေး အချိုးဖျက်ဆုံးဖြစ်တဲ့ စစ်မှုထမ်းမပါပါဘူး။ သင်တန်းတခု (၄) ရက်ကြာပြီး ရန်ကုန်-မန္တလေး နဲ့ တောင်ကြီးမှာ ကျင်းပကြောင်း သိရပါတယ်။ ကုလသမဂ္ဂလူ့အခွင့်အရေး ကိုယ်စားလှယ် ပင်ညဲရိုး မြန်မာပြည်သွားတိုင်း အစိုးရလူ့အခွင့်အရေး ကော်မတီဝင်တွေနဲ့ တွေ့ရပါတယ်။ အစိုးရအမှုထမ်းအချို့  Australia မှာ လူ့အခွင့်အရေး သင်တန်းတက်ဖို့ Australia အစိုးရက စီစဉ်ပေးပါတယ်။ အာရှလူ့အခွင့်အရေး ဆွေးနွေးပွဲ ဗမာကိုယ်စားလှယ် တက်နိုင်ဖို့လည်း Australia က ကူညီခဲ့ပါတယ်။ လူ့အခွင့်အရေးသင်တန်း အရှိန်ရနေတုန်း ၂၀၀၃ မေလ (၃၀) ရက်နေ့မှာ ဒေါ်အောင်ဆန်းစုကြည်တို့အဖွဲ့ကို စစ်အစိုးရ လက်အောက်ခံ အရပ်သားတွေက ဒီပဲယင်းမှာ ဝိုင်းရိုက်ကြတဲ့အတွက် Australia အစိုးရရဲ့  လူ့အခွင့်အရေး စီမံကိန်းလည်း ရပ်ဆိုင်းသွားပါတော့တယ်။ ဒါပေမဲ့ ကြည့်မြင်တိုင်မြို့ နယ် NLD ဥက္ကဋ္ဌ ဦးမြင့်အေး နဲ့ လူ့ငယ် (၃၅) ဦး ၂၀၀၂ မှာ တည်ထောင်တဲ့ လူ့အခွင့်အရေး စောင့်ရှောက်ရေးအဖွဲ့ကတော့ အခုထက်ထိ ရှင်သန်လှုပ်ရှားနေတုန်း ဖြစ်ပါတယ်။ ဖမ်းဆီရိုက်နှက် ခံရတဲ့ကြားက လူ့အခွင့်အရေးအကြောင်း ဟောပြောသူတွေ ဖြစ်ပါတယ်။ ၂၀၀၆ အောက်တိုဘာလမှာ လူ့အခွင့်အရေး ကာကွယ်မြှင့်တင်သူများ ကွန်ယက် လို့ အမည်ပြောင်းပြီး လူ့အခွင့်အရေး ဟောပြောပွဲလုပ်ပြီးအပြန် ဦးမြင့်အေး နဲ့ ဦးမောင်မောင်လေး တို့ကို ကြံ့ဖွံ့အသင်းဝင်တွေ ဝိုင်းရိုက်တဲ့ဖြစ်ရပ်ဟာ ဟိုလေးတကျော် ဖြစ်ခဲ့ရပါတယ်။ လူ့အခွင့်အရေး ကွန်ယက်အဖွဲ့ဝင် (၄၀) လောက် မြန်မာပြည်နေရာ အနှံအပြားမှာ ထောင်ဒဏ်ကျခံနေရပါတယ်။ ကွန်ယက်ခေါင်းဆောင် ဦးမြင့်အေး ဟ ကယားပြည်နယ် လွိုင်ကော်မြို့ မှာ ထောင်ဒဏ်နှစ်ရှည် ကျခံနေရပါတယ်။ လူ့အခွင့်အရေး စာရွက်စာတမ်း ထုတ်ဝေမှုနဲ့ ဟောပြောမှုကြောင့် ဦးမြင်အေး မကြာခဏ အဖမ်းခံရပါတယ်။ ၂၀၀၅ ဖေဖေါ်ဝါရီလမှာ ပါတီလမ်းစဉ် သွေဖီမှုနဲ့ ဦးမြင့်အေးကို NLD က အဖွဲ့ဝင်အဖြစ် ရပ်စဲခဲ့ပါတယ်။ ဒါပေမဲ့ ဦးမြင့်အေး ဟာ လူ့အခွင့်အရေးပညာပေး အလုပ်ကို ဆက်လုပ်နိုင်ခဲ့ပါတယ်။ ၂၀၀၈ မတ်လမှာ ထောင်ကလွတ်လာပြီး မကြာမီ မြေနီကုန်း၊ စမ်းချောင်းမှာ ဦးမြင့်အေး အရိုက်ခံရပြန်ပါတယ်။ ဦးမြင့်အေး ဟာ လူ့အခွင့်အရေးအကြောင်း ပြည်သူလူထု သဘောပေါက်အောင် ဟောပြောတဲ့အတွက် အရိုက်အနှက်ခံရပြီး နှစ်ရှည်ထောင်ဒဏ် ကျခံနေရသူ ဖြစ်ပါတယ်။ ဒါပေမဲ့ နိုင်ငံခြားရေးဝန်ကြီး ဦးဝဏ္ဏမောင်လွင် ကတော့ မြန်မာပြည်မှာသမိုင်း တခေတ်သစ်ပြီးဖြစ်ကြောင်း စက်တင်ဘာ (၁၃) ရက်နေ့ ဂျီနီဗာမှာ ကျင်းပတဲ့ (၁၈) ကြိမ်မြောက် လူ့အခွင့်အရေးကောင်စီ အစည်းအဝေးမှာ ပြောဆိုသွားပါတယ်။ အတင်းအဓမ္မ ခိုင်းစေမှု ကွယ်ပျောက်စေဖို့အတွက် ကျေးရွာဥပဒေလွှတ်တော်မှာ ပြဋ္ဌာန်းမယ့်အကြောင်း ဦးဝဏ္ဏမောင်လွင် ပြောတာဟာ အဓမ္မခိုင်းစေမှု ရှိနေတာကို ဝန်ခံရာ ရောက်ပါတယ်။ ဒါပေမဲ့ ဦးဝင်းမြနဲ့ ဦးကျော်တင့်ဆွေ ကတော့ အဓမ္မခိုင်းစေမှု မရှိကြောင်း ငြင်းဆိုခဲ့ကြပါတယ်။ လူ့အခွင့်အရေး မြှင့်တင်ရေးနဲ့ ပြုပြင်ပြောင်းရေးတွေ လုပ်မယ့်အကြောင်း ပြောဆိုပြီးတော့ ဒဏ်ခတ်အရေးယူမှု ရုတ်သိမ်းရေးကို ကုလသမဂ္ဂမှာ ဦးဝဏ္ဏမောင်လွင် တောင်းဆိုသွားတာဟာ အပေးအယူလုပ်တဲ့ သဘောဖြစ်နေပါတယ်။ လက်တွေ့ဘဝမှာ လူ့အခွင့်အရေးရရင် ဒဏ်ခတ်အရေးယူမှုကို ရုတ်သိမ်းကြမှာ သေချာပါတယ်။ တောင်းဆိုနေစရာ မလိုပါဘူး။ သမ္မတဦးသိန်းစိန် လက်ထက်ထူးခြားချက်ကတော့ လူ့အခွင့်အရေးကာကွယ် မြှင့်တင်ရေး ကွန်ယက်ဟာ အရင်လို အရိုက်အနှက် မခံရတော့ဘဲ ပညာပေးဆွေးနွေးပွဲ ဆက်ပြီး ကျင်းပနိုင်တာ ဖြစ်ပါတယ်။ စက်တင်ဘာလထဲမှာ မိတ္ထိလာမှာ (၃) ရက်၊ မန္တလေးမှာ (၃) ရက် လူ့အခွင့်အရေးကွန်ယက် က ပညာပေးဆွေးနွေးပွဲတွေ ကျင်းပခဲ့ပေမယ့် တားဆီးနှောက်ယှက်တာမျိုး မရှိကြောင်း သိရပါတယ်။
http://www.voanews.com/burmese/news

နိုင်ငံရေးအကျဉ်းသားဆိုတာ

တကယ်တေ့ာနိုင်ငံရေးအကျဉ်းသားဆိုသူအားလုံးဟာ မငြင်းနိုင်တာကတေ့ာ ဥပဒေပုဒ်မများကိုမည်သို့ပင်အသုံးပြုထားသော်လည်း၊သေချာတာက ဥပဒေနဲ့အညီမဟုတ်ကြပါဘူး။
(၁) သူတို့ဟာ ခိုင်လုံတဲ့သက်သေမရှိဘဲ ၊ရဲစက္ကူကိုအားကိုးပြီး အသုံးချထားတာပါ။ ဒါဟာ ကျင့် ၁၆၂ နဲ့ ဆန့်ကျင်ပါတယ်။
(၂) ပြည်သူများရှေ့မှောက်မှာ၊အများပြည်သူကြားနာခွင့်မရခဲ့ဘဲ၊closed chamber စံနစ်နဲ့ကျင့်သုံးခဲ့ကြတာဖြစ်ပါတယ်။
(၃)လုံလောက်တဲ့ခုခံချေပပိုင်ခွင့်ကိုမရရှိခဲ့ကြပါဘူး။
စသဖြင့်တူညီတဲ့အချက်တွေရှိနေပါတယ်။ဒါဟာဖွဲ့စည်းပုံအခြေခံမူ ၁၉ နဲ့မကိုက်ညီပါဘူး။အခြေခံမူဆိုတဲ့အတိုင်းဘဲ။အခြေခံမူနဲ့မကိုက်ညီရင် ထောက်ပြကြရမှာပါ။နည်းလမ်းရှာကြရမှာပါ။
သမ္မတမှာ pardon လို့ခေါ်တဲ့ တစ်ဦးချင်းကိုလွတ်ငြိ်မ်းခွင့်ပေးနိုင်ပ်ါတယ်။သို့သော် amnesty ခေါ်တဲ့၊အားလုံးလွတ်ငြိမ်းခွင့်ကတေ့ာ ၁၃ဦးအဖွဲ့နဲ့တိုင်ပင်ရမယ်ဆိုတေ့ာအကြပ်အတည်းရှိနေတာကိုလဲ ကူညီသင့်ပါတယ်။
ဘယ်လိုကူညီမလဲဆိုရင်
၂၉၅(ခ) နဲ့ (င) အရ၊တရားရုံးချုပ်ဟာ အယူခံအနေနဲ့ဖြစ်ဖြစ် ပြင်ဆင်မှုအနေနဲ့ဖြစ်ဖြစ် အမြင့်ဆုံးအာဏာဖြစ်ပ်ါတယ်။ပြီးတေ့ာ တရားလွှတ်တော်၂ခုရှိတဲ့အနက်၊ဖွဲ့စည်းပုံအရအသစ်ပေါ်ပေါက်သော အမြင့်ဆုံးလဲဖြစ်တဲ့၊ပြည်ထောင်စုတရားလွှတ်တော်ချုပ်လဲဖြစ်ပါတယ်။
အစိုးရသစ်အနေနဲ့ကြည့်ရင်၊ဒီအမှုများကိုမပြီးပြတ်သေးသောအမှု လို့လည်းယူဆလုိ့ရပါတယ်။ပြီးတေ့ာ စာချွန်တော်လိုယူဆမယ်ဆိုရင်လဲ၊
သတ်မှတ်ထားတဲ့ကာလစည်းကမ်းသတ်မရှိပ်ါဘူး။ပြည်ထောင်စုတရားစီရင်ရေးအက်ဥပဒေကိုလည်း လိုအပ်ရင်ပြင်ဆင်လို့ရပါတယ်။
နိဒါန်းမှာပ်ါသလို လောကပါလတရား၃ပါးအတွက်လုပ်ကြရမှာဖြစ်ပါတယ်။
သေချာတာကတေ့ာ
၂၀၀၈ ဖွဲ့စည်းပုံကိုလက်ခံတာ၊မလက်ခံတာထား။ သူတို့နဲ့ စကားပြောမလား၊မပြောဘူးလား ပြသနာပါ။ပြောမယ်ဆိုရင် ချေးကုန်းစက္ကူလောက်တောင်အဆင့်မရှိတဲ့ ငွေအကြွေကိုတောင(်မကိုင်ချင်လဲ)ကိုင်ရသေးရင်၊ ဒီစာအုပ်ကိုလည်း(မကိုင်ချင်လည်း)ကိုင်ရမှာပါဘဲ။ဒါမှမဟုတ်ရင်စကားဘာနဲ့ပြောမလဲ။
ဒါ့ကြောင့်
အလုပ်ဖြစ်နိုင်တဲ့ဘက်ကိုရောက်လာအောင်ဒီအကြံကလေးဘယ်လိုနေမလဲတင်ပြကြည့်ခြင်းပါ။
ကိုဟန်ရှင်ဝင်း(၀၉ ၇၃၀၁၆၁၃၀)
အချိန်မရွှေးဆက်သွယ်လို့ရပါတယ်။
2011/9/30 Khin Ohmar


မည်သူတို့အား နိုင်ငံရေးအကျဉ်းသားအဖြစ်သတ်မှတ်သည်ကို အေအေပီပီမှ ထုတ်ပြန်၊



သတင်းထုတ်ပြန်ချက်

ရက်စွဲ။ ၂၀၁၁ ခုနှစ် စက်တင်ဘာလ ၃၀ ရက်



နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)

(အေအေပီပီ) မှ ငြိမ်းချမ်းစွာ ဆန့်ကျင်ဆန္ဒပြခြင်းဖြင့်လည်းကောင်း လက်နက်ကိုင်လမ်းစဉ်ဖြင့်လည်းကောင်း နိုင်ငံရေး လှုပ်ရှားမှုများတွင် တက်ကြွစွာပါဝင်လှုပ်ရှားခြင်း၊ (သို့) အားပေးထောက်ပံ့ကူညီခြင်း သို့မဟုတ် ထိုသို့ ပါဝင်သည်၊ ထောက်ပံ့ ကူညီသည်ဟု စွပ်စွဲခံရခြင်းတို့ကြောင့် မြန်မာနိုင်ငံထောင်အသီးသီး၊ ရဲဘက် စခန်းများနှင့် စစ်ကြောရေး စခန်းများတွင် ဖမ်းဆီးချုပ်နှောင်ခြင်းခံရသော မည်သူကိုမဆို နိုင်ငံရေး အကျဉ်းသားဟု သတ်မှတ်ပါသည်။ အေအေပီပီမှ ပြုစုထားသောစာရင်းတွင် ထည့်သွင်းဖော်ပြထားသော ဖမ်းဆီးခံရသူ တစ်ဦးချင်းသည် နိုင်ငံရေးနှင့်သက်ဆိုင်ပြီး အကျဉ်းချခံထားရသူများဖြစ်ကြပါသည်။



နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ နှင့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ တို့သည် မြန်မာနိုင်ငံအတွင်း နိုင်ငံရေးအကျဉ်းသားများ ရှိသည်ဆိုခြင်းကို ငြင်းဆန်ခဲ့ကြပါသည်။ ထိုသို့ပင် လက်ရှိ ဦးသိန်းစိန်၏ အစိုးရသစ်သည်လည်း ငြင်းဆန်နေဆဲဖြစ်ပါသည်။ ထို့အတွက် မတရားသည့် အုပ်ချုပ်မှုအား ဆန့်ကျင်သူများသည် ရာဇ၀တ်ပုဒ်မများနှင့် မတရားစွဲဆိုကာ ရာဇဝတ်အကျဉ်းသားများအဖြစ် သတ်မှတ်ခံနေရပါသည်။ ဥပမာအားဖြင့် အာဏာပိုင်များသည် ၄င်းတို့အား ဆန့်ကျင်သော နိုင်ငံရေး လှုပ်ရှားသူများ၊ သတင်းထောက်များ၊ ကျောင်းသားများ၊ တိုင်းရင်းသားများနှင့် အလွှာအသီးသီးမှ ပြည်သူလူထုအား အခြေအမြစ်မရှိသော ရာဇဝတ်မှုများဖြင့် မတရားသက်သက် သိက္ခာချကာ တရားစွဲဆို ထောင်သွင်းအကျဉ်းချခဲ့ပါသည်။ ထို့အတွက် အေအေပီပီ မှ နိုင်ငံရေးအကျဉ်းသားများအဖြစ် သတ်မှတ်ရာတွင် ၄င်းတို့အားစွဲဆိုထားသော အမှုများထက် တစ်ဦးချင်းစီ၏ နိုင်ငံရေးလှုပ်ရှားများအပေါ် ခွဲခြားဆုံးဖြတ်ပါသည်။ ခြုံငုံပြောရမည်ဆိုလျှင် ၄င်းတို့မည်သည့်အတွက်ကြောင့် အဖမ်းခံရသည် အကျဉ်းချခံရသည်ဆိုသည့် နိုင်ငံရေးလှုပ်ရှားမှု နောက်ခံအား ဦးစားပေးဆုံးဖြတ်ပါသည်။



မြန်မာနိုင်ငံခြားရေးဝန်ကြီး ဦးဝဏ္ဍမောင်လွင်မှ ကမ္ဘာ့ကုလသမဂ္ဂအထွေထွေညီလာခံတွင် မကြာခင် သင့်တော်သည့် အချိန်တွင်

အကျဉ်းသားများအား လွှတ်ပေးရန်ရှိပါသည်ဟု ပြောကြားပြီးနောက်

လွတ်ငြိမ်းချမ်းသာခွင့်ဖြင့် အကျဉ်းသားများလွတ်လာမည်ဟူသော သတင်းများ ပြန့်နှံ့လာပါသည်။ နိုင်ငံခြားရေးဝန်ကြီး နိုင်ငံရေးအကျဉ်းသား စကားလုံးအား ထည့်သွင်းပြောဆိုသွားခြင်းမရှိသော်လည်း

လက်ရှိဦးသိန်းစိန်အစိုးရမှ အုပ်ချုပ်သူများအနေဖြင့် လွတ်ငြိမ်းချမ်းသာခွင့် ထုတ်ပြန်မည်ဆိုလျှင် နိုင်ငံရေး အကျဉ်းသားအားလုံးကို ခြွင်းချက်မရှိ လွှတ်ပေးရမည်ဖြစ်ပြီး ၄င်းတို့အပေါ်မတရားချမှတ်ထားသည့် ရာဇဝတ်မှု မှတ်တမ်းများကိုလည်း ပယ်ဖျက်ပေးရမည်ဖြစ်သည်။



အေအေပီပီ အနေဖြင့် မည်သည့်နိုင်ငံရေးအကျဉ်းသားကိုမဆို လွှတ်ပေးခြင်းအား ကြိုဆိုသော်လည်း လက်ရှိအစိုးရသည်လည်း ပြည်သူလူထု၏အခြေခံလူ့အခွင့်အရေးများနှင့် နိုင်ငံသားအခွင့်အရေးများအား အသိအမှတ်မပြုရုံမျှမက ထိုအခွင့်အရေးများအတွက် လုပ်ဆောင်သူများ၊ တောင်းဆိုသူများအား ဖမ်းဆီးကာ ရာဇဝတ်မှုများနှင့်စွဲဆို အကျဉ်းချနေဆဲဖြစ်သောကြောင့် နိုင်ငံရေးတက်ကြွလှုပ်ရှားသူများနှင့် သာမန် ပြည်သူလူထုသည် ဖမ်းဆီးခံရမည့်အရေး၊ အကျဉ်းချခံရမည့်အရေးများနှင့် ဆက်လက်ရင်ဆိုင်နေရဆဲ ဖြစ်ပါသည်။ ဦးသိန်းစိန်အစိုးရအနေဖြင့် နိုင်ငံတကာအသိုင်းအဝိုင်း၏ ယုံကြည်လက်ခံမှုကို ရယူလိုလျှင် အမှန်တကယ်စစ်မှန်သော နိုင်ငံရေးပြောင်းလဲမှုများအား ဖော်ဆောင်ကာ မကြာတော့မည့် အနာဂတ် ကာလတွင် စိတ်ရင်းစေတနာမှန်သည့် လွတ်ငြိမ်းချမ်းသာခွင့်အား ထုတ်ပြန်ရပါမည်။



မှတ်ချက် ။ ။ အမျိုးသားပြန်လည်သင့်မြတ်ရေးလုပ်ငန်းစဉ်နှင့် စစ်မှန်သော

ဒီမိုကရေစီ အသွင်ကူး ပြောင်းရေးတို့အား အထောက်အကူဖြစ်စေရေးအတွက် အေအေပီပီအနေဖြင့် လက်နက်ကိုင် တော်လှန် ရေးတွင်ပါဝင်သူများနှင့် ရာဇ၀တ်ပုဒ်မများနှင့် တမင်သိက္ခာချ စွဲချက်တင်ခံရသူ နိုင်ငံရေး လှုပ်ရှားသူများ အားပေးကူညီများအား နိုင်ငံရေးအကျဉ်းသားများမဟုတ်ဟု ခွဲခြားသတ်မှတ်မည်မဟုတ်ပါ။ အေအေပီပီ အနေဖြင့် ဒီမိုကရေစီရေးနှင့် အမျိုးသားပြန်လည်သင့်မြတ်ရေးအတွက် ပါဝင်ဆောင်ရွက်မှုကြောင့် ထောင် သွင်းအကျဉ်းချခံရသူများအားလုံးကို နိုင်ငံရေးအကျဉ်းသားများဟု သတ်မှတ်ပါသည်။





နိုင်ငံရေးအကျဉ်းသားများအား သိက္ခာချရာတွင် (သို့) နိုင်ငံရေးလှုပ်ရှားသူများကို ဖမ်းဆီးထိန်းသိမ်းရာတွင် အသုံးများသည့် ဥပဒေများ



မှတ်ချက်။ ။ လက်လှမ်းမီသလောက်ပြုစုထားခြင်းဖြစ်ပါသည်။

ယခုဇယားထဲတွင်မပါသည့် ပုဒ်မျများနှင့် အကျဉ်းချခံထားရသည့် နိုင်ငံရေးအကျဉ်းသားများလည်းရှိနိုင်ပါသည်။

ဥပဒေ ပုဒ်မ စွဲဆိုချက်များ အမြင့်ဆုံးထောင်ဒဏ်

ပြစ်မှုဆိုင်ရာကျင့်ထုံး ဥပဒေ ၁၂၁၊ ၁၂၂(၁)၊

၁၂၂(၂) နိုင်ငံတော်သစ္စာဖောက်ဖျက်ပုန်ကန်ခြင်း၊ အဓိပ္ပါယ်ဖွင့်ဆိုချက်၊

နိုင်ငံတော်သစ္စာဖောက်ဖျက်ပုန်ကန်မှု ပြစ်ဒဏ်။ သေဒဏ် (သို့) တစ်သက်

တစ်ကျွန်း ထောင်ဒဏ်

ပြစ်မှုဆိုင်ရာကျင့်ထုံး ဥပဒေ ၁၂၄၊ ၁၂၄(က)၊

၁၂၄(ခ) နိုင်ငံတော်သစ္စာဖောက်ဖျက်ပုန်ကန်မှုကြီးနှင့်ပတ်သက်၍ထိန်ချန်ထားခြင်း၊

အကြည်ညိုပျက်အောင်ပြုခြင်း၊ ပြည်ထောင်စု နိုင်ငံ၏ လုပ်ငန်းအဖွဲ့ကိုဖြစ်စေ၊ ပြည်ထောင်စုအဖွဲ့ဝင်၏ လုပ်ငန်း အဖွဲ့ကိုဖြစ်စေ

အနိုင်အထက်ဖြိုဖျက်စေရန် နှိုးဆော်ခြင်း။ ထောင်ဒဏ် ၇ နှစ်၊

တစ်သက်တစ်ကျွန်း၊ ၃ နှစ်

ပြစ်မှုဆိုင်ရာကျင့်ထုံး ဥပဒေ ၁၄၃-၁၄၆ ဥပဒေနှင့်ဆန့်ကျင်သော

စုဝေးခြင်းဆိုင်ရာ ပုဒ်မများ ထောင်ဒဏ် ၂ နှစ်

ပြစ်မှုဆိုင်ရာကျင့်ထုံး ဥပဒေ ၂၉၅၊ ၂၉၅(က) လူတစားကိုးကွယ်သည့် ဘာသာ

သာသနာကို စော်ကားရန် အကြံဖြင့် ကိုးကွယ်ဝတ်ပြုသည့်နေရာကို ဖျက်ဆီးခြင်း

သို့တည်းမဟုတ် ယုတ်ညံ့စေခြင်း။ ထောင်ဒဏ် ၂ နှစ်

ပြစ်မှုဆိုင်ရာကျင့်ထုံး ဥပဒေ ၅၀၅(ခ) အများပြည်သူ၏ အကျိုးပျက်စီးစေမှုကို

ဖြစ်ပေါ်သော ဖေါ်ပြချက်။ ထောင်ဒဏ် ၂ နှစ်

၁၉၀၈ မတရားအသင်းအက်ဥပဒေ ၁၇(၁)၊ ၁၇(၂) မည်သည်မဆို မတရားအသင်း၏

အဖွဲ့ဝင်ဖြစ်လျှင် သို့တည်း မဟုတ်

ယင်းအသင်း၏အစည်းအဝေး၌ပါဝင်ဆောင်ရွက်လျှင် သို့တည်းမဟုတ် ယင်းအသင်းအတွက် ဝင်ကြေးထည့်ဝင်၊ ရယူ၊ တောင်းခံလျှင် သို့တည်းမဟုတ် တနည်းနည်းဖြင့်

ယင်းအသင်း၏ လုပ်ကိုင်ဆောင်ရွက်ရာတွင် ကူညီလျှင်။ ထောင်ဒဏ် ၃ နှစ်၊ ၅ နှစ်

၁၉၇၅ ခုနှစ် နိုင်ငံတော်အား နှောက်ယှက်ဖျက်ဆီးလိုသူများ၏ ဘေးအန္တရာယ်

ကာကွယ် စောင့်ရှောက်သည့် ဥပဒေ ၁၀(က)၊

၁၀(ခ) နိုင်ငံတော်အချုပ်အခြာအာဏာနှင့် လုံခြုံရေးကိုထိပါးစေသူ

မည်သူမဆိုကို တရားရုံးအမိန့်ချမှတ်ခြင်းမရှိပဲ နေအိမ် အကျယ်ချုပ်

အဖြစ်ထ်ိန်းသိမ်းထားခြင်း။ ၅ နှစ်၊ နောက်ပိုင်းထပ်တိုးနိုင်





၁၉၅၀ အရေးပေါ်စီမံမှု အက်ဥပဒေ ၅(ဃ)၊ ၅(ခ)၊ ၅(ည) အများပြည်သူတို့အား (သို့)

ပြည်သူတစ်စုအား အထိတ်တလန့် ဖြစ်စေရန်ကြံရွယ်၍ တစ်ခုခုလုပ်လျှင် (သို့) ယင်းသို့ဖြစ်စေရန် အကြောင်းရှိသောအမှုကိုပြုလျှင်- မမှန်ဟုသိလျှက်နှင့်

(သို့) မမှန်ဟု ယုံကြည်လောက်အောင် အကြောင်းရှိလျှက်နှင့် မမှန် သတင်း လွှင့်ရန်ကြံရွယ်၍ တစ်ခုခုလုပ်လျှင် (သို့) ယင်းသို့ဖြစ်ရန် အကြောင်းရှိသောအမှုကိုပြုလျှင် ပြည်ထောင်စု၏ လုံခြုံရေးကို သော်လည်းကောင်း ငြိမ်ဝပ်ပိပြားမှုပြည်လည်ထူထောင်ရေးကို သော်လည်းကောင်း ထိခိုက်စေရန်အကြောင်းရှိသော နည်းလမ်းဖြင့် အများပြည်သူ၏ (သို့) ပြည်သူတစ်စု၏ ကိုယ်ကျင့် တရားကိုဖြစ်စေ၊ အပြုအမူကိုဖြစ်စေ ဖေါက်လဲဖေါက်ပြန် ဖြစ်စေရန် ကြံရွယ်၍ တစ်ခုခု လုပ်လျှင် (သို့)

ယင်းသို့ဖြစ်စေရန် အကြောင်းရှိသောအမှုကိုပြုလျှင်- ထောင်ဒဏ်၇ နှစ်

၂၀၀၄ အီလက်ထရောနစ် ဆက်သွယ်ဆောင်ရွက်ရေး ဥပဒေပုဒ်မ ၃၃(က)၊ ၃၃(ခ)၊

၃၈ အီလက်ထရောနစ်ဆက်သွယ်ဆောင်ရွက်ရေး နည်းပညာများကို အသုံးပြု၍

နိုင်ငံတော်လုံခြုံရေးကို ထိခိုက်စေသော အမှုပြုခြင်း၊ နိုင်ငံတော်လုံခြုံရေးနှင့်ပတ်သက်သော သတင်းအချက်အလက် များ ပေးပို့ခြင်း၊

လက္ခံရယူခြင်း (သို့) ကြိုးပမ်းခြင်း၊ ထောင်ဒဏ် ၁၅ နှစ်

၁၉၈၈ အသင်းအပင်း ဖွဲ့စည်းခြင်း ဆိုင်ရာ ဥပဒေ ၆/၈၈ ၅၊ ၆၊ ၇ ၁၉၈၈

နိုင်ငံရေးပါတီများ မှတ်ပုံတင်ခြင်း ဥပဒေအရ တရားဝင် မှတ်ပုံတင်ခြင်းမရှိသော အဖွဲ့အစည်းဖွဲ့စည်းခြင်း၊ မတည်မငြိမ်

ဖြစ်စေခြင်း၊ အဖွဲ့အစည်းဝင်ဖြစ်ခြင်းတို့မှ တားမြစ်သောဥပဒေ။ ထောင်ဒဏ် ၅

နှစ်

၁၉၉၆ ခုနှစ် အမျိုးသားညီလာခံ အား နှောက်ယှက် ဖျက်ဆီးခြင်း မှ

ကာကွယ်ဟန့်တားသည့် ဥပဒေ ၅/၉၆ ၃၊ ၄၊ ၅၊ ၆ အမျိုးသားညီလာခံကို

နှောက်ယှက်ဖျက်ဆီးခြင်းမှ ကာကွယ် ဟန့်တားသည့် ဥပဒေ။ ထောင်ဒဏ် ၂၀ နှစ်

၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်

ဥပဒေ ၁၇/၂၀ ပုံနှိပ်စာအုပ်စာတမ်းအားလုံး မဖြန့်ဝေခင်

စာပေစီစစ်ရေးအဖွဲ့ကို တင်ပြရမည်။ ထောင်ဒဏ် ၇ နှစ်

၁၉၂၃ လျှို့ဝှက်လုပ်ငန်း ဥပဒေ ၃ ရန်သူကို အကျိုးဖြစ်စေသော

သတင်းအချက်အလက်များကို ဖြန့်ဝေသူ မည်သူမဆို ထောင်ဒဏ် ၁၄ နှစ်

၁၉၉၆ ရုပ်မြင်သံကြားနှင့် ဗီဒီယို ဥပဒေ ၃၂(ခ) စီစစ်ရေးမှ

ခွင့်ပြုချက်မရဘဲ မိတ္တူကူးပွါးခြင်း၊ ဖြန့်ဖြူးခြင်း၊ ငှားရမ်းခြင်း

နှင့် ပြသခြင်း စသည်တိုိ့ကို ပြုလုပ်ခြင်း။ ထောင်ဒဏ် ၃ နှစ်

၁၉၄၇ခုနှစ် ပြည်သူလူထု ငြိမ်ဝပ်ပိပြားမှု ထိန်းသိမ်း

သည့်အက်ဥပဒေ ငြိမ်းချမ်းရေးနှင့် ငြိမ်ဝပ်ပိပြားမှု

ထိန်းသိမ်းခြင်းဆိုင်ရာများ ထောင်ဒဏ် ၅ နှစ်

၁၈၇၈ လက်နက် အက်ဥပဒေ လိုင်စင်မဲ့လက်နက်များ ထုတ်လုပ်ခြင်း၊

လက်ဝယ်ကိုင်ဆောင်၊ ရောင်းဝယ်၊ အသုံးပြုခြင်းဆိုင်ရာ ဥပဒေ ထောင်ဒဏ် ၇ နှစ်

၁၉၄၇ ခုနှစ် ပြည်သူပိုင်ပစ္စည်း ကာကွယ်မှု

အက်ဥပဒေ မြန်မာနိုင်ငံပြင်ပအပါအ၀င် ပြည်သူပိုင်ပစ္စည်းများအား

ခွင့်ပြုချက် မရှိပဲ ရယူအသုံးပြုခြင်းနှင့်ဆိုင်ရာများ ထောင်ဒဏ် ၇ နှစ်

၁၉၃၁ ခုနှစ် ပုံနှိပ်လုပ်ငန်း၊ စာနယ်ဇင်းနှင့် ရေဒီယို ရုပ်မြင် သံကြား၊ သတင်းဌာန အက်

ဥပဒေ(အရေးပေါ်အာဏာများ) ပုဒ်မ-၁၇ တရားဝင်ခွင့်ပြုထားခြင်းမရှိသည့်

သတင်းစာ၊ သတင်းလွှာများ တရားမ၀င်ပုံနှိပ်စက်အသုံးပြုကာ

ထုတ်လုပ်ဖြန့်ဖြူးခြင်း ဆိုင်ရာများ ထောင်ဒဏ် ၆ လ

သွင်းကုန်ထုတ်ကုန်လုပ်ငန်း အက်ဥပဒေ ပုဒ်မ-၅(၁) ထုတ်ကုန်သွင်းကုန်

အက်ဥပဒေမှ ကန့်သတ်ထားသည်များအား ရယူ၊ ကိုင်ဆောင်

အသုံးပြုခြင်းဆိုင်ရာများ ထောင်ဒဏ် ၇ နှစ်





နိုင်ငံရေးအကျဉ်းသားများကူညီ စောင့်ရှောက်ရေး အသင်း (မြန်မာနိုင်ငံ)



ဆက်သွယ်ရန်

ကိုတိတ်နိုင် (အတွင်းရေးမှူး) +၆၆ (၀) ၈၁ ၂၈၇ ၈၇၅၁

ကိုဘိုကြည် (တွဲဖက်အတွင်းရေးမှူး) +၆၆ (၀) ၈၁ ၉၆၂ ၈၇၁၃

သမ္မတရဲ့ မြစ်ဆုံဆိုင်ရာ သ၀ဏ်လွှာ




Friday, September 30, 2011zarny win

......

သမ္မတပေးပို့တဲ့ သ၀ဏ်လွှာကို ဒီနေ့ လွှတ်တော်မှာ ဖတ်ပြတယ်။

ပြည်ထောင်စုသမ္မတနိုင်ငံတော် နိုင်ငံတော်သမ္မတရုံး စာအမှတ် ၁၅၁(၂)/၈/၃ဖြင့် လွှတ်တော်သို့ ပေးပို့ခဲ့သည့် (၂၉-၉-၂၀၁၁)နေ့စွဲပါ သမ္မတ၏ သ၀ဏ်လွှာ


၁။ ပထမအကြိမ်အမျိုးသားလွှတ်တော် ဒုတိယပုံမှန်အစည်းအဝေးကို ပြည်သူတို့၏ အကျိုးငှာ အားသွန်ခွန်စိုက် ကျင်းပပြုလုပ်နေသည့် ဥက္ကဋ္ဌကြီးနှင့်တကွ အမျိုးသားလွှတ်တော် ကိုယ်စားလှယ်များအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေရန် ဆုတောင်းမေတ္တာ ပို့သအပ်ပါသည်။

၂။ တစ်ချိန်တည်း၌ပင် မိမိတို့ပြည်ထောင်စုအစိုးရ၊ တိုင်းဒေသကြီးနှင့် ပြည်နယ်အစိုးရ အဖွဲ့များအနေနှင့်လည်း ကောင်းမွန်သော အုပ်ချုပ်ရေး၊ သန့်ရှင်းသောအစိုးရ ဖြစ်ပေါ်ရေး၊ ဒီမိုကရေစီကျင့်စဉ်များ ထွန်းကားရေး၊ တရားဥပဒေ စိုးမိုးရေး၊ စီးပွားရေးပြုပြင်ပြောင်းလဲရေး နှင့် သဘာဝပတ်ဝန်းကျင် ထိန်းသိမ်းရေးလုပ်ငန်းများကို ဟန်ချက်ညီစွာ ဆောင်ရွက်လျက်ရှိပါသည်။

၃။ တိုင်းရင်းသားပြည်သူအပေါင်းတို့၏ တူညီသော မျော်မှန်းချက်သည် နိုင်ငံတော် တည်ငြိမ်အေးချမ်းရေးနှင့် နိုင်ငံတော်ခေတ်မီဖွံ့ဖြိုးရေးတို့ ဖြစ်ပါသည်။ ပြည်ထောင်စုအစိုးရသည် တိုင်းရင်းသားပြည်သူတို့၏ ဆန္ဒနှင့်အညီ နိုင်ငံတော်တည်ငြိမ်အေးချမ်းရေးအတွက် ဥပဒေပြင်ပသို့ ရောက်ရှိနေသည့် တိုင်းရင်းသား လက်နက်ကိုင်အဖွဲ့အစည်းများအား ထာဝရငြိမ်းချမ်းရေးရရှိရန် ဆက်သွယ်ကမ်းလှမ်း ဖိတ်ခေါ်ဆောင်ရွက်ခဲ့ရာ ယခုအခါ အထူးဒေသ(၂) ''၀'' အဖွဲ့နှင့် အထူးဒေသ(၄) အဖွဲ့တို့သည် ပြည်နယ်အဆင့် သဘောတူညီချက်များရရှိခဲ့ပြီး ပြည်ထောင်စုအဆင့် ဆွေးနွေးပွဲများပင် စတင်ဆောင်ရွက်လျက် ရှိနေပြီဖြစ်ပါသည်။ အချို့အဖွဲ့များသည်လည်း ပြည်နယ်အစိုးရများထံ ငြိမ်းချမ်းရေးရယူရန် ဆက်သွယ်ဆောင်ရွက်မှုများ ရှိနေပါသည်။

၎။ တစ်ချိန်တည်း၌ပင် အကြောင်းအမျိုးမျိုးကြောင့် ပြည်ပသို့ရောက်ရှိနေကြသည့် မြန်မာနိုင်ငံသားတိုင်းရင်းသားများအားလည်း ကိုယ့်နိုင်ငံ၊ ကိုယ့်ဒေသသို့ပြန်လာလိုပါက ပြန်လာနိုင်ရန် စိစစ်လက်ခံခဲ့ရာ တစ်ချို့ပြန်လာနေကြပြီဖြစ်ပါသည်။ အကျဉ်းသားများလွှတ်ပေးရေးကိစ္စများကိုလည်း ဖွဲ့စည်းပုံအခြေခံဥပဒေပါ အပ်နှင်းထားသည့် အခွင့်အာဏာအတွင်းမှ ဆောင်ရွက်ပေးသွားမည်ဖြစ်ပါသည်။ အမျိုးသားအကျိုးစီးပွားအတွက် ထိုသို့ အရှိန်အဟုန်ဖြင့် ဆောင်ရွက်နေချိန်တွင် ပါတီအချို့နှင့် အင်အားစုအချို့တို့သည် အစိုးရအခက်အခဲ အကြပ်အတည်းတွေ့အောင်၊ တည်ငြိမ်အေးချမ်းမှု ပျက်ပြားအောင်ကြံရွယ်၍ လှုပ်ရှားလုပ်ဆောင်မှုများ ပြုလုပ်နေကြသည်ကို စိတ်မချမ်းမြေ့ဖွယ် တွေ့ရှိနေရပါသည်။

၅။ တိုင်းပြည်ခေတ်မီဖွံ့ဖြိုးရေးအတွက် စိုက်ပျိုးရေးကို အရှိန်အဟုန်မပျက်တိုးတက်အောင် ဆောင်ရွက်ရင်း၊ စက်မှုနိုင်ငံထူထောင်နိုင်ရန် ရည်ရွယ်၍ ကြိုးပမ်းဆောင်ရွက်လျက်ရှိပါသည်။ ထိုသို့ ကြိုးပမ်းဆောင်ရွက်ရာတွင် စက်မှုနိုင်ငံထူထောင်နိုင်ရန် လျပ်စစ်စွမ်းအင် လိုအပ်ချက်သည် အဓိကကျပါသည်။ လျပ်စစ်စွမ်းအင်ရရှိနိုင်သည့် နည်းလမ်းများအနက် အနျူမြူစွမ်းအင်ထုတ်လုပ်သုံးစွဲရေးမှာ ကမ္ဘာ့ဖြစ်စဉ်များအရ အန္တရာယ်ကြီးမားလှသည့်အပြင် ငွေကြေးမပြည့်စုံမှု၊ နိုင်ငံရေးအရ အများသူငါ လက်မခံမှုတို့ကြောင့် မိမိတို့နိုင်ငံအတွက် မဖြစ်နိုင်သော ကိစ္စဖြစ်ပါသည်။ ကျောက်မီးသွေးဖြင့် လျှပ်စစ်ဓာတ်အားထုတ်လုပ်ရန် ကျောက်မီးသွေးသယံဇာတမှာလည်း တစ်နိုင်ငံလုံးအတွက် လုံလောက်မှုမရှိသည်ကို ကိုယ်စားလှယ်တော်ကြီးများ အသိပင်ဖြစ်ပါသည်။

၆။ မြန်မာ့ပင်လယ်ပြင်မှ သဘာဝဓာတ်ငွေ့ထွက်ရှိသော်လည်း ပြည်ပအရင်းအနှီးများဖြင့် ထုတ်လုပ်သည့်ကိစ္စဖြစ်၍ မိမိတို့လိုအပ်သလောက်မရနိုင်ဘဲ အချို့အ၀က်သာ ခွဲဝေရရှိပါသည်။ ပြည်ပချေးငွေဖြင့် အရင်းအနှီးအချို့ထည့်ဝင်ထားခဲ့ရာ အနာဂတ်တွင် အကျိုးခံစားရမည်ဖြစ်သော်လည်း လောလောဆယ်တွင်မူ ချေးငွေအပေါ် အတိုးများအရစ်ကျ ပေးဆပ်နေရသည့် အခြေအနေဖြစ်ပါသည်။ ကုန်းတွင်း၌ သဘာဝဓာတ်ငွေ့ ရှာဖွေထုတ်လုပ်နေသော်လည်း ပြည်တွင်းသုံးစွဲရန်အတွက်ပင် လုံလောက်မှုမရှိသေးပါ။

၇။ မြန်မာနိုင်ငံတွင် ပြည့်ဖြိုးမြဲဖြစ်သော ရေအားလျှပ်စစ်ထုတ်ယူနိုင်သည့် သဘာဝကပေးထားသော မြစ်ချောင်းများရှိနေသဖြင့် အဆိုပါမြစ် ချောင်းများမှ ပြည်တွင်း၊ ပြည်ပအရင်းအနှီးများရယူ၍ လျှပ်စစ်ဓာတ်အား ထုတ်ယူနိုင်ရေးအတွက် တပ်မတော်အစိုးရလက်ထက်တွင် ကြိုးပမ်းဆောင်ရွက်ခဲ့ရာ ယခင်က ရေအားလျှပ်စစ်ဓာတ်အားပေးစက်ရုံ(၂)ရုံ၊ သဘာဝဓာတ်ငွေ့သုံး ဓာတ်အားပေးစက်ရုံ(၇)ရုံသာရှိခဲ့ပြီး စုစုပေါင်းစက်တပ် ဆင်အား (၅၂၉)မဂ္ဂါဝပ်ရှိခဲ့ရာမှ နောက်ထပ်လျှပ်စစ်ဓာတ်အားပေးစက်ရုံ (၂၃)ရုံ၊ စက်တပ်ဆင်အား (၂၈၃၁)မဂ္ဂါဝပ် တိုးတက်ဆောင်ရွက်ခဲ့ပါသည်။

၈။ နှစ် (၃၀) လျှပ်စစ်မဟာဗျူဟာစီမံကိန်းအရ နောက်ထပ်ရေအားလျှပ်စစ်စီမံကိန်း(၆၄)ခုနှင့် ကျောက်မီးသွေး ဓာတ်အားပေးစက်ရုံ(၃)ခုအပါ အ၀င် လျှပ်စစ်ဓာတ်အားထုတ်လုပ်ရန် စက်တပ်ဆင်အား မဂ္ဂါဝပ်(၄)သောင်းကျော် ထုတ်လုပ်နိုင်သည့် အလားအလာများရှိပါသည်။ အဆိုပါစီမံကိန်းများတွင် ကချင်ပြည်နယ်ရှိ မေခ၊ မလိခ၊ မြစ်ညာမြစ်ဝှမ်းနှင့် ဧရာဝတီမြစ်ဆုံစီမံကိန်း(၈)ခုအပါအ၀င်ဖြစ်ပါသည်။

၉။ တရုတ်ပြည်သူ့သမ္မတနိုင်ငံ၏ ငွေကြေးအရင်းအနှီးဖြင့် ဧရာဝတီမြစ်ဆုံရေအားလျှပ်စီမံကိန်းကို ပထမအဆင့် ဆောင်ရွက်ရန်စတင်ခဲ့ရာ ယခုအခါတွင် အဆိုပါမြစ်ဆုံစီမံကိန်းနှင့် ပတ်သက်၍ ပြည်သူလူထုအတွင်း အောက်ပါစိုးရိမ်ပူပန်မှုများ ရှိလာခဲ့ပါသည် -

(က) ကချင်ပြည်နယ်သာမက မြန်မာနိုင်ငံအတွက်ပါ သဘာဝကပေးထားသည့် (Land Mark) ဖြစ်သည့် မြစ်ဆုံ သဘာဝအလှ ပျောက်ကွယ်သွားနိုင်ခြင်း။

(ခ) မြစ်ညာပိုင်းရှိ တိုင်းရင်းသား ကျေးရွာများ ရေမြုပ်၍ ၎င်းတို့၏ အသက်မွေးဝမ်းကျောင်းလုပ်ငန်းများ ဆုံးရှုံးပျက်စီးနိုင်ခြင်း။

(ဂ) ပုဂ္ဂလိကများမှ ငွေကြေးအရင်းအနှီးများစွာ စိုက်ထုတ်၍ စီးပွားဖြစ်စိုက်ထုတ်ထားသည့် ရော်ဘာစိုက်ခင်းများနှင့် ကျွန်းစိုက်ခင်းများ ပျက်စီးသွားနိုင်ခြင်း။

(ဃ) ရာသီဥတုဖောက်ပြန်မှုကြောင့် မြောက်ဖျားရှိ ရေခဲတောင်များအရည်ပျော်ခြင်း၊ မိုးသည်းထန်စွာရွာသွန်းခြင်း၊ အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည်ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကြေပျက်စီးမှုရှိနိုင်ခြင်း။

(င) ဧရာဝတီမြစ်ကြီး ထိခိုက်ပျက်စီးနိုင်ခြင်း စသည်ဖြင့် ပြည်သူအချို့မှ စိုးရိမ်ပူပန်မှု ရှိနေကြသည်ကို မိမိတို့ သိရှိနေရပါသည်။

၁၀။ မိမိတို့အစိုးရသည် ပြည်သူမှရွေးချယ်တင်မြှောက်ထားသည့် အစိုးရဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့အစိုးရလက်ထက်တွင် မြစ်ဆုံဆည်တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည်ဖြစ်ပါသည်။ နိုင်ငံတော်အတွက်လိုအပ်နေသည့် လျှပ်စစ်ဓာတ်အားရရှိရေးအတွက် အန္တရာယ်မရှိနိုင်သည့် အခြားသော ရေအားလျပ်စစ်စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံဖြစ်သည့် တရုတ် ပြည်သူ့သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့်သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူလက်ခံအောင် ညှိနှိုင်းဆောင်ရွက်သွားမည်ဖြစ်ပါကြောင်း ဤလွှတ်တော်သို့ အသိပေးအပ်ပါသည်။


http://www.irrawaddyblog.com/2011/09/blog-post_3456.html


ဒေါ်အောင်ဆန်းစုကြည်နှင့် ဦးအောင်ကြည်တို့တွေ့ဆုံပွဲရုပ်မြင်


ရန်ကုန်မှအသံနှင့်ဓါတ်ပုံပေးပို့သူများအားကျေးဇူးတင်ပါသည်။
download

http://www.ziddu.com/download/16597289/DASSKmeetUAK.wmv.html

on blog


on youtube



http://www.mizzimaburmese.com/

ဒေါ်အောင်ဆန်းစုကြည် နှင့် မန္တလေး

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဒုတိယအကြိမ် နိုင်ငံရေးခရီးစဉ်အဖြစ်

မန္တလေးမြို့သို့ ထွက်ခွာရန် ရွေးချယ်ထားကြောင်း သိရသည်။ မြန်မာနိုင်ငံ၏ ဒုတိယမြို့တော်ဖြစ်သည့်

မန္တလေးမြို့အား မိုးအကုန် ပွင့်လင်းရာသီအစတွင် ထွက်ခွာရန် ရှိကြောင်း ယင်းတို့နှင့် နီးစပ်သူတစ်ဦးက

ပြောကြားသည်။ "အခုကတော့ ခရီးထွက်ဖို့ လုံခြုံရေး အစီအစဉ်တွေပြင်ဆင် နေတုန်းပဲရှိပါသေးတယ်"

ယင်းက ဆိုသည်။ နိုင်ငံရေးခရီးစဉ်အဖြစ် ထွက်ခွာရန်အတွက် လိုအပ်သည့် လုံခြုံရေးအစီအစဉ်များကို

အာဏာပိုင်များနှင့်လည်း ညှိနှိုင်းတိုင်ပင်နေရကြောင်း သိရသည်။

မန္တလေးမြို့သည် သမိုင်းအစဉ်အလာကြီးမားသည့်အပြင် မြို့ခံလူထုသည်လည်း ဒီမိုကရေစီနှင့်

လူ့အခွင့်အရေးကို အစဉ်အဆက် အားပေးခဲ့သည့်မြို့ ဖြစ်သောကြောင့် ဒေါ်အောင်ဆန်းစုကြည် အနေဖြင့်

မန္တလေးမြို့သို့သွားရန် ရွေးချယ်ခဲ့ခြင်း ဖြစ်နိုင်ကြောင်း NLD ပါတီ၏ ပြောရေးဆိုခွင့်ရှိသူတစ်ဦးက ဆိုသည်။

ဒေါ်အောင်ဆန်းစုကြည်သည် ပြီးခဲ့သည့် သြဂုတ်လကလည်း နေအိမ်အကျယ်ချုပ်မှ လွတ်မြောက်အပြီး

ပထမဆုံး နိုင်ငံရေးခရီးစဉ် အဖြစ်ပဲခူးမြို့နှင့် သနပ်ပင်မြို့သို့ သွားရောက်ခဲ့ပြီး ပြည်သူလူထုသည် NLD

ပါတီနှင့်အဆက်အသွယ် မပျက်ကြစေရန်နှင့်အစဉ်အဆက် ထောက်ခံကြပါရန် မိန့်ခွန်းပြောကြား ခဲ့သည်။

NLD ပါတီ ပြန်လည်မှတ်ပုံတင်မည်ဟု သတင်းများ ထွက်ပေါ်နေချိန်တွင် ဒေါ်အောင်ဆန်းစုကြည်

ခရီးထွက်ခွာခြင်းသည် အစိုးရနှင့် သိသာထင်ရှားသော ပူးပေါင်းဆောင်ရွက်မှုကို လုပ်ဆောင်ထားခြင်း၏

အကျိုးဆက်ဟု ခန့်မှန်းနိုင်ကြောင်း မြန်မာ့နိုင်ငံရေးလေ့လာသူ အသိုင်းအဝိုင်းက သုံးသပ်ကြသည်။


YC(KS)


( yangonchronicle 2011 သတင်းလွှာ “ဒုတိယနိုင်ငံရေး ခရီးစဉ်အဖြစ် ဒေါ်အောင်ဆန်းစုကြည် မန္တလေးသို့

ခရီးထွက်ခွာမည်” မှ ကူးယူဖော်ပြပါတယ် )

ကိုအောင်မျိုးထွန်းပေးပို့ပါသည်။

သော့ခတ်ထားသော အင်တာနက်နှင့် ဆင်ဆာစလောင်း



အေးချမ်းမြေ့ Thursday, 29 September 2011 16:30 အောက်မေ့ဖွယ်



၎ နှစ်ဆိုသော်လည်း မနေ့တနေ့ကလို ဘာမှ မကြာလိုက်ဘူး ထင်ရသည်။

၈ နှစ်တာခန့် ပျော်ပိုက်ခဲ့သော မြန်မာပြည်တွင်းက စာနယ်ဇင်းလောကကို စိတ်လိုက်မာန်ပါ ကျောခိုင်းခဲ့သည့် အကြောင်းတရားများထဲမှ တခုအဖြစ် ထိုကာလကို ပြန်ပြောင်းသတိရမိသည်။ ထိုစဉ်က ရွှေဝါရောင် သင်္ကန်းများနှင့် မေတ္တာပို့သံများ ရန်ကုန်မြို့ ပေါ်က လမ်းများပေါ်တွင် လွှမ်းခဲ့ဖူးသည်။ ပခုက္ကူမြို့က သံဃာတော်များ အနိုင်ကျင့် အစော်ကားခံရသည့် ဖြစ်ရပ် နောက်ဆက်တွဲ အနေဖြင့် လမ်းမများပေါ်တွင် သံဃာတော်များ မေတ္တာပို့ဆုတောင်းသံတို့ကို ရန်ကုန် မြို့လူထု ကြားကြရသည်။

burma-monk-protest“အေးချမ်းကြပါစေ … ငြိမ်းချမ်းကြပါစေ” ဆိုသော အသံများ၊ ခြေဗလာ သင်္ကန်းတလွှားလွှား လျင်မြန်သော အဟုန်ဖြင့် လျှောက်သွားသည့် ဖြတ်ခနဲ ပုံရိပ်များ။ တက္ကသိုလ်ကျောင်းသားများက စာမေးပွဲခန်းထဲမဝင်တော့ဘဲ သံဃာတော်များအား အကာအကွယ်ပေးသည့် အနေဖြင့် လက်ခြင်းဆက်ထားကြသည့် မြင်ကွင်းများ၊ ပထမရက်များတွင် အံ့သြတကြီး ကြည့်နေသည့် မြို့လူထု၊ ထို့နောက် လက်ခုပ်သံများ၊ အအေးဗူးများနှင့်ရေဗူးများကို အပြေးဝယ်ကြ၊ သံဃာတော်များအား ကပ်ကြ။

တရက်၊ နှစ်ရက်၊ သုံးရက်မှသည် ၄၊ ၅၊ ၆ ရက်၊ ၇ ရက်လောက်တွင် မြို့လူထုက သတိထားမိလာသည်၊ တမင်စောင့်ကြည့် လာသည်၊ နောက်တော့ သံဃာတော်များနောက်က လိုက်ပါ လမ်းလျှောက်သည်။ ရက်ဆက် ခရီးဝေးလျှောက်ခဲ့ရ သောကြောင့် ခြေဗလာများ သွေးဖြင့်နီရဲခဲ့ကြသည်၊ မနေနိုင်သော ဒကာများက ခေတ္တ ရပ်ဖို့တောင်းပန်ပြီး ပတ်တီးများ စည်းပေးကြသည်။ လမ်းလျှောက် သံဃာတော် အရေအတွက်၊ လူအရေအတွက် တရက်ထက် တရက် များလာသည်။

ကျမ ရုံးသို့လာရာလမ်း ဖြစ်သည့် ၄၆ လမ်းထိပ်တွင် စစ်ကားများတန်းစီ ရပ်တံ့နေသည်။ တစီး၊ နှစ်စီး၊ သုံးစီးမက၊ အစီးပေါင်းများစွာပေါ်တွင် မျက်နှာသေနှင့် စစ်သားများ။ လက်ပတ်အနီများနှင့် အသင့်အနေအထား ရှိနေသည်။ အမိန့် တစုံတရာကို စောင့်ဆိုင်းနေဟန် ငြိမ်သက်နေသည်။ သံဃာတော်များကတော့ နေ့ဆွမ်းစားပြီးချိန်မှ စ၍ မပျက်မကွက် ထွက်လျှောက်မြဲ။

“ကိုဇာဂနာနဲ့ ကိုကျော်သူတို့တွေ ရွှေတိဂုံဘုရားပေါ်မှာ ဆွမ်းကပ်ကြတာ”
“ဖုန်းထဲကို မက်ဆေ့ခ်ျ ဝင်လာပြီ၊ မြေနီကုန်းရောက်ပြီတဲ့”
“ဒေါ်အောင်ဆန်းစုကြည်ရဲ့ ခြံရှေ့က ဖြတ်နေပြီ”
“ဒေါ်အောင်ဆန်းစုကြည် ထွက်လာတယ်တဲ့”

သတင်းစကား အမျိုးမျိုး ကျမတို့ မီဒီယာတိုက်ခန်းကျယ်ဆီ လွင့်လာသည်။ ထိုကာလတွင် ကျမတို့ မီဒီယာတိုက်ကြီး၌ အင်တာနက် ရှိသည်၊ တီဗီရှိသည်။ သို့သော် ထိုအင်တာနက်က သော့ခတ်ခံထားရသည်၊ ထိုတီဗီက စစ်အစိုးရ စိစစ် ဖြတ်တောက်ပြီးမှ အလွှင့်ခံရသည့် CNN၊ BBC စသည်တို့ကို ဖွင့်ထားသည်။ သံဃာတော်များ သတင်းမပါ။ ရန်ကုန် မြို့လယ်က မီဒီယာ တိုက်ကြီးပေါ်တွင် ထိုင်ရင်း သတင်းအမှောင်ချ ခံထားရသည့် အယ်ဒီတာများကို ပြပါဆိုလျှင် ကျမတို့ပဲ ဖြစ်မည်။

ကျမအလုပ်က သတင်းထောက်အလုပ် မဟုတ်သောကြောင့် အပြင်ထွက်ဖို့ခက်သည်။ ခဏတဖြုတ် လက်ဖက်ရည်သောက် ဆင်းရုံသာ ထွက်နိုင်သည်။ ရုံးမှာထိုင်ပြီး ဖောင်ပိတ်အမီ သတင်းများ၊ ဆောင်းပါးများကိုတည်းဖြတ်၊ ဘာသာပြန်စရာရှိပြန်၊ စာစီသမားများထံ စာမူများချပေး၊ ပရုစစ်နေရသည်။ သတင်းထောက်များကတော့ ကံကောင်းသည်။ အပြင်ထွက်ခွင့်ရများ ဖြစ်သောကြောင့် သူတို့ယူလာသည့် သတင်းစကားကို ကြားပြီး ဘာတွေဖြစ်နေသည်ကို ခန့်မှန်းရသည်။

ညနေ ရုံးအဆင်းကျမှ အင်တာနက်ဆိုင် ကမန်းကတန်းပြေးဝင် သတင်းဖတ်ရသည်။ အမှောင်ထဲကလူ ဖြစ်သောကြောင့် တုံးတယ်ပဲ ဆိုဆို ဘယ်ဝက်ဘ်ဆိုက်တွင် ဘာရှိမှန်းပင်မသိ။ နိုင်ငံခြားရောက်နေသည့် သူငယ်ချင်းများထံ သတင်း လှမ်းမေး ရသည်လည်း ရှိသည်။ ဘယ်လောက် အူကြောင်ကြောင် နိုင်လိုက်ပါသလဲ။ ဘလော့ဂ် ဆိုသည့် အရာ ရှိကြောင်းကို ထိုစဉ် အခါကျမှ တအံ့တသြ သိရသည်။ အင်တာနက်အား သော့ခတ်သိမ်းထားသည့် မီဒီယာတွင် အယ်ဒီတာ လုပ်နေရသူ မဟုတ်လား။

သော့ခတ်ထားသည့် အင်တာနက် ဆိုသည်ကို ကျမ နည်းနည်း ရှင်းပြပါမည်။ ကျမတို့၏ ဆရာသမား တိုက်ပိုင် အယ်ဒီတာချုပ်က ရုံးတွင် အင်တာနက်ဆင်ပြီး လိုင်းခွဲ ၂ ခုထုတ်ထားသည်။ ကြိုး ၂ စ ထုတ်ထားခြင်း ဖြစ်သည်။ ကြိုးတစကို သူ့အခန်းထဲက ကွန်ပျူတာတွင် တပ်၍ ကျန်တစကို ကွန်ပျူတာ တလုံးနှင့် လူတယောက်ဆန့်သာရုံ အခန်းဖွဲ့ တပ်ဆင် ပေးထားသည်။ ထို မှန်ခန်းငယ်ကလေးကို အမြဲသော့ခတ်ထားပြီး အင်တာနက် သုံးလိုသူက သုံးလိုသော အကြောင်းကို ပြော၍ ရုံးအဖွဲ့ထံမှ သော့ကိုတောင်းယူရသည်။ ထို့ကြောင့်ကျမက သော့ခတ်ထားသော အင်တာနက်ဟု ဆိုခြင်းဖြစ်သည်။ ထိုအင်တာနက်ကို အသုံးပြုလို ကြသော်လည်း ရုံးရှိ လူကုန်က ကျားမြီးဆွဲရသည်ထက် ကြောက်ကြသည်။ အသုံးမပြုရဲကြ။

ရွှေဝါရောင် အကြောင်း ပြန်ဆက်ရလျှင် ညနေရုံးအဆင်း အင်တာနက်ဖွင့်ကြည့်ပြီး သိရသည့် သတင်းများနှင့် ကျမတို့ သတင်းထောက်များ ပြန်ပြောသည်ကို ဆက်စပ်ပြီး ခန့်မှန်းကြရသည်။ ညကျတော့ ပြည်ပအခြေစိုက် ရေဒီယိုများ နားထောင်ကြကာ သတင်း အပြည့်အစုံကို သိရသည်။

စက်တင်ဘာ ၂၃ ရက်လောက် ရောက်တော့ ကျမတို့ မနေနိုင်ကြတော့။ သံဃာတော်များ၏ လမ်းလျှောက် မေတ္တာပို့ ဆုတောင်းသံကလည်း ပိုမို ကျယ်လာပြီ၊ လူထုတလည်း လိုက်ပါလာပြီ၊ ကျမတို့၏ တိုက်ပိုင် ဆရာသမားကိုယ်တိုင် သူ့ကားဖြင့် ထွက်ကြည့်ကာ ဓာတ်ပုံ ထွက်ရိုက်နေပြီ။ ကျမတို့ သတင်းထောက်များ၊ အယ်ဒီတာများအားလုံး တနေ့တနေ့ ဒီအကြောင်းပဲ ပြောနေကြသည်။ အစိုးရရုံးများတွင် လုပ်ကိုင်နေသည့် သူငယ်ချင်းများ၏ ပြောစကားအရ သူတို့ ရုံးရောက်သည်နှင့် ပြန်ထွက်ခွင့်မရတော့၊ မနက် ၉ နာရီခွဲလောက်တွင် အစိုးရရုံးသူရုံးသားများ အားလုံး အထဲဝင်ရပြီး တံခါးများ ပိတ်လိုက်ကြသည်။ ညနေ ရုံးဆင်းမှ ထွက်ခွင့်ရသည်။

ကျမတို့ ဆာငတ်သည်က သတင်း။ ညဘက်တွင် သတင်းအတွက် ကျမတို့ အားကိုးအားထားရာက တရုတ်လုပ် ရေဒီယို ကလေးများ ဖြစ်သည်။ အသံလွှင့်ချက်များအရ သတင်းများကို ခန့်မှန်းရသည်။ ထိုကာလက လျှပ်စစ်ပစ္စည်းဆိုင်များတွင် ရေဒီယိုများ ပြတ်လပ်သွားသည်ကို အမှတ်ရသည်။

ရုံးတွင်တော့ မဖြတ်မတောက်သည့် CNN၊ BBC နှင့် ထိုအချိန်က စတင် ခေတ်စားလာသော အယ်လ်ဂျာဇီးယား၊ DVB တို့ကို ကြည့်ချင်သည်။ ကျမနှင့် လုပ်ဖော်ကိုင်ဖက် အယ်ဒီတာတယောက်က ကျမတို့ ဆရာသမားအား တောင်းဆိုသည်။

“ဆရာ ကျနော်တို့ကို စလောင်း တပ်ပေးပါလား။ ဒါမှ ကျနော်တို့ သတင်းတွေ အပ်ဒိတ်ဖြစ်မှာ။ အခုတော့ ကျနော်တို့ ဘာမှ မသိရဘူး။ သူများတွေကြေညာမှ သိရသလို ဖြစ်နေတယ်”

ကျမတို့ ဆရာသမား စဉ်းစားသွားသည်။ လက်ခံသည်။ သူကိုယ်တိုင်လည်း တိုက်ပိုင်ဆိုသည်ထက် သတင်းသမားဟု အမြဲဆိုတတ်သူကိုး။ ထိုအချိန်က သံဃာတော်များ အောင်ပွဲခံရန် နီးစပ်နေပြီဟု သူကိုယ်တိုင်လည်း ယုံကြည်နေပုံရသည်။ ကျမတို့လည်း အပြောင်းအလဲတခု ဖြစ်တော့မလားဟု စိတ်လှုပ်ရှားမိသည်။ အမှန်အတိုင်းပြောရလျှင် လူထုတရပ်လုံး ပါဝင်ခဲ့သည့် ၈၈ ကာလကို ပြန်သတိရပြီး စိတ်ကူးယဉ်ကြည့်မိကြသည်။

၂၄ ရက်နေ့ကျတော့ ကျမတို့ရုံးမှာ ထိုင်မနေနိုင်ကြတော့။ သံဃာတော်များနှင့် လူထု လမ်းလျှောက်သည့်နောက် လိုက်ကြည့်ရန် ဆုံးဖြတ်လိုက်ကြသည်။ ဘယ်လိုပုံစံနှင့် သွားနေလဲ၊ ဘာကြောင့် စစ်အစိုးရက မဖြိုခွင်းသေးတာလဲ၊ အသင့်အနေအထားနှင့် အခြေအနေကို စောင့်ကြည့်နေတာလား၊ ဒါမှမဟုတ် သံဃာတော်များဖြစ်သောကြောင့် ဗုဒ္ဓဘာသာ မြန်မာလူမျိုးများ ပီပီ အရေးမယူဘဲ လွှတ်ပေးထားတာလား ဆိုသည့် လားပေါင်းများစွာဖြင့် ကျမတို့ လိုက်သွားကြသည်။

မြေနီကုန်းရောက်နေပြီ ဆိုသည့်စကားကြောင့် ကျမတို့ မြေနီကုန်းထိ ဘတ်စ်ကား စီးသွားကြသည်။ ဟိုရောက်တော့ သံဃာတော်နှင့် လူတန်းကြီးကို တွေ့လိုက်သည်။ ကျမစိတ်ထဲ ၈၈ အရေးအခင်းကို သွားသတိရမိသည်။ သို့သော် တူတာတော့ မတူ၊ နည်းနည်းတော့ ကွဲနေသည်။ လူထုက အားပေးသည်၊ ကျောင်းသားများပါသည်၊ သို့သော် လူထု အကုန်မပါ အခြေအနေ စောင့်ကြည့်နေပုံ ရသည်၊ အစိုးရဝန်ထမ်းများ ပါခွင့်မရ၊ ကျောင်းသားများက တကွဲတပြားစီ ဖြစ်နေသည်။ ကျမ မျက်မှန်းမတန်းမိသည့် သတင်းသမားများ ဓာတ်ပုံရိုက်နေသည်။

လူတန်းထဲတွင် ကျမ မျက်မှန်းတန်း မိသူ စာပေနယ်မှ လူပိုများသည်။ သံဃာထုကတော့ တနေ့ထက်တနေ့ များလာသည်။ “အေးချမ်းကြပါစေ၊ ငြိမ်းချမ်းကြပါစေ” ဆိုသည့် အသံများ ပိုကျယ်လာသည်။ ကျမတို့ မြေနီကုန်းမှတဆင့် ကြည့်မြင်တိုင်အထိ လိုက်သွားကြသည်။ မြန်မာ့အသံရှေ့ ရောက်တော့ ချန်နေရစ်ခဲ့သည်။ ရုံးပြန်ရဦးမည်၊ အလုပ်က တဝက်တပြက်။

ရုံးပြန်ရောက်တော့ ကျမတို့လိုပဲ ဆန္ဒထုတ်ဖော်သူများနောက် လိုက်၍ ဓာတ်ပုံရိုက်ယူခဲ့သူ ဆရာသမားက တက်ကြွနေသည်။ သူ့ကိုကြည့်၍ ကျမတို့လည်း ဝမ်းသာမိသည်။ ကျမစိတ်ထဲ မျှော်လင့်မိသည့် အပြောင်းအလဲများထဲတွင် စာပေစိစစ်ရေး အောက်က လွတ်မြောက်လိုသည့် အပြောင်းအလဲကို မျှော်လင့်မိခြင်းက ပိုများနေသည်ဟု ဝန်ခံရပါမည်။ နိုင်ငံရေး အပြောင်းအလဲ တခုခုမှသည် မီဒီယာအပြောင်းအလဲ ဖြစ်လာလေမလား။ တပတ် တပတ် စိစစ်ရေးက ဖြုတ်ပယ်လိုက်သော သတင်းများကို ကြည့်ကာ နှမျောနေရသည့်အဖြစ်၊ ဆောင်းပါးရေးလျှင် အနှောင့်လွတ် အသွားလွတ် ရေးနေရသည့် အဖြစ်တို့ကို စိတ်ကုန်လှပြီ။  

၂၅ ရက်နေ့။ မအားလပ်သဖြင့် မေတ္တာပို့ဆုတောင်းသူများ နောက်သို့ မလိုက်နိုင်တော့။ သို့သော် ညနေခင်း ဆူးလေ ဘုရားအကွယ်မှ ထွက်လာသည့် သံဃာထုနှင့် လူတန်းကြီးကို စောင့်ကြည့်ဖြစ်သည်။ သံဃာတော်ကော လူတန်းကြီးပါ မဆုံးနိုင်အောင်ရှည်လျားလှသည်။ ကျမ၏ စိတ်ထဲတွင် မသိုးမသန့် ဖြစ်မိသည့်အချက်ကတော့ ခါတိုင်း နေ့များတွင် သာသနာ့အလံကို အရင်ဆုံးမြင်နေကျ၊ ထိုနေ့က ခွပ်ဒေါင်းအလံကို သာသနာ့အလံများကြားတွင် မြင်တွေ့ လိုက်ရသည်။

ဘေးက ကျမထက် ငယ်သည့် သူငယ်ချင်းအယ်ဒီတာကို ကျမက “မနက်ဖြန်တော့ တခုခုဖြစ်တော့မယ် ထင်တယ်” ဟု ပြောမိသည်။ အထင်ဖြင့် ပြောခြင်း မဟုတ်ကြောင်း ကျမဘာသာသိသည်။ စစ်အစိုးရ၏ လက်စလက်နကို ၈၈ ကာလတုန်း ကတည်းက ကြုံခဲ့ပြီး ဖြစ်သောကြောင့် တကြောင်း၊ စစ်ကားများ၊ လုံထိန်းကားများ အဆင်သင့် အနေအထားဖြင့် ရန်ကုန်မြို့ကြီးကို စစ်မြေပြင်ကဲ့သို့ ဆင်ယင် ထားသောကြောင့်တကြောင်း ခန့်မှန်းပြောလိုက်ခြင်းသာ ဖြစ်သည်။ သူငယ်ချင်းက ရေဗူးများ ဝယ်ပြီး သံဃာတော်များကို ကပ်နေသည်။

ထိုနောက်ပိုင်း ဖြစ်ရပ်များကတော့ အားလုံးအသိပင်။ သံဃာတော်များကို ရိုက်နှက်ဖြိုခွင်းခဲ့သည်။ ရန်ကုန်မြို့ကြီးက တစပြင်သဖွယ် ဖြစ်ခဲ့သည်၊ ဂျပန်သတင်းထောက် ပစ်သတ်ခံရသည်၊ မကြားရတာ ကြာပြီဖြစ်သည့် သေနတ်သံကို ကြားရသည်။ လူစုလူဝေးကြီး၏ ကမ္ဘာမကျေ သီချင်းသံကို မြို့လယ်တွင် ပြန်ကြားရသည်။ ကျမတို့မျက်စိရှေ့တွင်ပင် ရုံးက ကြော်ငြာတာဝန်ခံ ညီမလေးတယောက် သေနတ်သံများကြားမှ ပြေးလာပြီး အကြောက်လွန်ကာ မူးမေ့သတိလစ်သွားသည်။

အဖြစ်အပျက်များက မြန်ဆန်သလို၊ ကောလာဟလများကလည်း အမျိုးမျိုး။ မဂ္ဂင် ကျောင်းတိုက် ဝင်စီးခံရသည့်သတင်း၊ လူများ အစုလိုက်အပြုံလိုက် အဖမ်းခံရသည့်သတင်း၊ သံဃာတော်များ သွေးမြေကျသည့် သတင်းများ။ သို့သော် တချို့ ကိစ္စများအား အကြားနှင့်သာ ခန့်မှန်းနေရခြင်း ဖြစ်သည်။ အင်တာနက်ဆိုင်များကိုလည်း မသွားရဲကြတော့။  မြန်မာ့ ရုပ်မြင်သံကြားကတော့ စတင် ဝါဒဖြန့်သည်။ မေတ္တာပို့ဆုတောင်းသည့် သံဃာတော်များအား သံဃာတုများဟု စွပ်စွဲသည်။ နိုင်ငံတော် သံဃာ့မဟာနာယက ဆရာတော်ကြီးများ ကိုယ်တိုင်က ထိုသို့ ပြောဆိုခြင်းဖြစ်သည်။ ကျမတို့မှာ ရေဒီယိုများကိုသာ အားကိုးကြရတော့သည်။ ကြားရသမျှ အသည်းတယားယား၊ တောက်တခေါက်ခေါက်။ ပြောင်လိမ်နေသည်ကို သိသိကြီးနှင့် ဒီတိုင်း ထိုင်ကြည့်နေရခြင်းဖြစ်သည်။

မကြာခင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် အလုပ်သမားဝန်ကြီး၊ ဆက်သွယ်ရေးဝန်ကြီး ဦးအောင်ကြည်တို့ တွေ့ဆုံကြသည်။ မြင်ရကြားရသူ အားလုံး အလွန်အံ့အားသင့်သွားကြသည်။ ဒေါ်အောင်ဆန်းစုကြည်က နေအိမ် အကျယ်ချုပ်ခံထားရသည်။ အနှစ် ၂၀ နီးပါးကာလအတွင်း ဒေါ်အောင်ဆန်းစုကြည်ကို ပထမဆုံး မီဒီယာများ၌ တွေ့လိုက်ရခြင်း ဖြစ်သောကြောင့် လူအများ တအံ့တသြဖြစ်ကြရတာ မဆန်း။ ဒေါ်အောင်ဆန်းစုကြည် ဓာတ်ပုံ ဖော်ပြခွင့် ရသော သတင်းဂျာနယ်များက ဝက်ဝက်ကွဲ ရောင်းရသည်။ ကျမတို့ ဆရာသမားလည်း အတော်ပျော်နေသည်။ သို့သော် ကျမကတော့ မပျော်နိုင်။ လူထုကို လှည့်ဖျားဖို့ ကြိုးစားနေမှန်း သိသိကြီးနှင့် ပျော်နေနိုင်သော ဆရာသမားကိုလည်း အံ့သြသည်။

ဆရာသမား၏ အပြောင်းအလဲကို ကြည့်၍ ကျမတဦးတည်း တော်တော် စိတ်ပျက်မိသည်။ သူ့ စကားလုံးများက ရွှေဝါရောင်ကာလက တမျိုး၊ အနှိမ်နင်းခံလိုက်ရပြီး အစိုးရဝါဒဖြန့် ဒီရေထဲ လိုက်ပါ စီးမျောချိန်၌ တမျိုး။ ကျမ မနှစ်မျို့နိုင်။ ကျမလိုပဲ ကျန်သည့် သတင်းထောက်များ၊ လုပ်ဖော်ကိုင်ဖက် အယ်ဒီတာများလည်း မနှစ်မျို့ကြ။ သို့သော် ပြောလည်း မပြောရဲကြ။

ဒီလိုနှင့် လပတ်အစည်းအဝေး ကျင်းပချိန်ရောက်လာသည်။ ဆရာသမားက လမ်းဖွင့်ပေးသည်။ တိုင်းပြည်က ဒီမိုကရေစီစနစ်ကို သွားတော့မည်၊ ထိုအချိန်တွင် သူ့သတင်းတိုက်ကလည်း ဒီမိုကရေစီနှင့်အံဝင်ခွင်ကျ ဖြစ်နေရမည်၊ ထို့ကြောင့် သူ့ဝန်ထမ်းများကလည်း ဒီမိုကရေစီဆန်ဆန် စကားပြောတတ်ရမည် စသည်ဖြင့် နားထောင်ကောင်းသော စကားလုံးများကို တန်ဆာဆင် ပြောဆိုတော့သည်။ ကျမကတော့ အတွေ့အကြုံအရ အန္တရာယ်ရနံ့ကို ခံစားမိသည်။ သနားစရာကောင်းသည်က ကျမနှင့် လုပ်ဖော်ကိုင်ဖက် အယ်ဒီတာ မောင်ငယ် ဖြစ်သည်။

ဆရာသမား၏ ဒီမိုကရေစီ တွင်တွင်သုံးသော မိန့်ခွန်းကြောင့် အားတက်သွား၍ ထင်သည် ရွှေဝါရောင်လှုပ်ရှားမှု ကာလက ကျမတို့ တောင်းဆိုခဲ့သည့် စလောင်းတပ်ပေးရေးကိစ္စကို ပြန်အစဖော်သည်။ သတင်းတွေ အချိန်နှင့်တပြေးညီ သိရရန် စလောင်းက အရေးကြီးသည် မဟုတ်လား။

သို့သော် ဆရာသမားက လှလှပပကလေး ရူးချင်ယောင် ဆောင်လိုက်သည်။

“မင်းတို့ကို ဆရာ စလောင်းတပ်ပေးချင်ပါတယ်။ ဒါပေမယ့် မင်းတို့က စလောင်းတပ်ပေးရင် သတင်းနားထောင်မှာ မဟုတ်ဘူး။ ရုပ်ရှင်ကြည့်နေကြမှာ။ မဖြစ်ပါဘူး။ မတပ်ပေးတော့ဘူး” ဆိုသည့်စကားများ ပြောလာသည်။ ကျမက မျှော်လင့်ပြီးသား။ သတင်းမကြည့်ဘဲ ရုပ်ရှင်ထိုင်ကြည့်နေရလောက်အောင် ကျမတို့အားလုံး ကလေးများ မဟုတ်ကြတော့ ဆိုသည်ကို စိတ်ထဲကသာ ပြောဖြစ်သည်။ စလောင်းကို ဒီမိုကရေစီကျကျ တောင်းခံမိသော မောင်ငယ်အယ်ဒီတာကတော့ မှတ်သွားပြီ။

ကျမလည်း မှတ်သွားသည်။ ပြောင်လိမ်သည့် စစ်အစိုးရ၊ ရူးချင်ယောင်ဆောင်သော ဆရာသမား၊ အင်္ဂါမစုံသော ပုဂ္ဂလိက သတင်းဂျာနယ်များ၊ သတင်းဂျာနယ် ဈေးကွက်ကြီးအတွင်း အိမ်ကြက်ချင်း ခွပ်နေကြသော မီဒီယာသမားအမည်ခံများ။ အစကတည်းက သိသော်လည်း ထိုအချိန်တွင်တော့ လက်ပါမြှောက်မိတော့သည်။

ရွှေဝါရောင်အပြီးတွင် စစ်အစိုးရ၏ ကမ်းကုန်အောင် ဆိုးရွားရက်စက်မှုကို ကျမတို့အားလုံး မျက်ဝါးထင်ထင် မြင်လိုက်ကြရပြီ။ ထိုဆိုးရွားမှု၊ ပုပ်ပွ နံစော်နေမှုများကို အများပြည်သူ သိရှိစေရန် ရေးသားဖော်ပြခွင့်မရှိသည်ကို ထားဦး၊ ကျမတို့ ဂျာနယ်တိုက် ကလေး အတွင်းတွင်တော့ လွတ်လပ်စွာ ပြောဆိုခွင့် ရချင်မိသည်။ အချင်းချင်း လွတ်လပ်စွာ သတင်းဖလှယ်ခွင့်၊ မနှစ်သက် သည်ကို ဝေဖန်ခွင့် အနည်းငယ်ဖြစ်ဖြစ် လိုချင်မိသည်။ ကန်းနေသော၊ ပင်းနေသော မီဒီယာသမားတော့ မဖြစ်လိုပါ။

ဤစာကို ရေးနေရခြင်းက ကျမဆရာသမားကို တိုက်ခိုက်ချင်သောကြောင့် မဟုတ်ပါ။ သူ့အပေါ်တွင်လည်း မည်သည့် အာဃာတမှ မထားပါ။ တခြားသော မည်သည့် ပြည်တွင်း စာနယ်ဇင်းသမားများကိုမှ မတိုက်ခိုက်ပါ။ ပြည်တွင်း စာနယ်ဇင်း လောကကို ကျောခိုင်းထွက်လာခြင်းက ကျမ၏ ပုဂ္ဂလိက ခံစားချက် သက်သက်၊ ကျမ တဦးတည်းနှင့်သာ သက်ဆိုင်ပါသည်။ ကျမ၏ လုပ်ဖော်ကိုင်ဖက်များကို ယခုအချိန်ထိ ကျမချစ်သည်။ သူတို့၏ တချို့သော အနစ်နာခံ လုပ်ရပ်များကိုလည်း လေးစားသည်။ ပြည်တွင်းတွင် မီဒီယာဖြင့် စီးပွားရှာနေရ သူများ၏ အဆင်ပြေသလို မီးစင်ကြည့် ကနေရသော ဘဝများကို ကျမ နားလည်ပါသည်။ 

အခုတော့ လက်ပ်တော့ပ်များ ပေါများလာချိန်၊ ဝါယာလက်စ် အင်တာနက်များလည်း ပေါ်လာပြီ ဖြစ်သောကြောင့် ထို မီဒီယာ တိုက်ကြီးတွင် အင်တာနက်ကို သော့မခတ်တော့ကြောင်း လုပ်ဖော်ကိုင်ဖက်များထံမှ ကြားသိရပါသည်။ လက်ကိုင်ဖုန်းများလည်း ပေါများလာပြီ။ ကျမတို့ တောင်းဆိုခဲ့ကြသော စလောင်းလည်း တပ်ထားပြီဟုသိရသည်။ ၄ နှစ်ဆိုသော အချိန်ကာလအတွင်း အပြောင်းအလဲများစွာ ဖြစ်နိုင်သည် မဟုတ်ပါလား။
http://www.bur.irrawaddy.org/index.php/special/2010-03-04-07-10-48/7448-2011-09-29-09-36-12


ဂျပန်အမျိုးသမီးကို သတ်သည်ဟုစွပ်စွဲခံရသူအား ရုံးတင်စစ်ဆေးတော့မည်


ဧရာဝတီ Friday, 30 September 2011 11:52

ရှေးဟောင်း ယဉ်ကျေးမှု နယ်မြေ ပုဂံ - ညောင်ဦး ဒေသသို့ လာရောက် လာပတ်ရင်း ဗုဒ္ဓဟူးနေ့က ကျောက်ပန်းတောင်းမြို့တွင် အသတ်ခံခဲ့ရသော ဂျပန်နိုင်ငံမှ Ms.Shiramatsu Chiharu ၏ အမှုအခင်းတွင် တရားခံဟု ယူဆရသူ ကျောက်ပန်းတောင်း နယ်သား ကိုမင်းသိုက်အား မုဒိမ်းမှု၊ လူသတ်မှုများဖြင့် လာမည့် အောက်တိုဘာလဆန်းတွင် တရားရုံးတင် စစ်ဆေးသွားမည်ဖြစ်ကြောင်း သတင်းရရှိသည်။

“အလောင်းကို စက်တင်ဘာ ၂၉ ရက်နေ့မှာ ရင်ခွဲစစ်ဆေးတယ်။ အသေးစိတ်အချက်အလက် တွေကို ပြောလို့မရပါဘူး။ တရားရုံးမှာ တင်ပြမယ်။ ဒီလူသတ်မှုကို အထက်က လူကြီးတွေကိုယ်တိုင် တိုက်ရိုက်ကိုင်တွယ် ညွှန်ကြားပါတယ်။ လူသတ်မှုနဲ့ အမှုဖွင့်ထားပေမယ့် မုဒိမ်းမှုမြောက်၊ မမြောက် ဆက်ပြီးစစ်နေပါတယ်။ စစ်ဆေးချက်အရ မုဒိမ်းမှု ပါနိုင်ပါတယ်။ ရက်ပိုင်းအတွင်း တရားရုံးတင်နိုင်မယ်” ဟု မန္တလေးတိုင်း မြင်းခြံခရိုင် ရဲတပ်ဖွဲ့မှူးရုံးမှ ရဲအရာရှိကြီးတဦးက ပြောသည်။

ဂျပန်နိုင်ငံသူ အသတ်ခံရမှုအတွက် မြန်မာနိုင်ငံဆိုင်ရာ ဂျပန်သံရုံးက ကိုယ်စားလှယ် အဖွဲ့တစ်ဖွဲ့ စေလွှတ်ထားပြီး ပြည်ထဲရေး ၀န်ကြီးဌာနကလည်း မှုခင်းဖော်ထုတ်ရေး အဖွဲ့များ အားဖြည့်ကာ စုံစမ်းစစ်ဆေးမှုများ တပြိုင်နက် လုပ်ဆောင်လျက်ရှိသည်ဟု သိရသည်။

အသတ်ခံရသူ Ms.Shiramatsu သည် စက်တင်ဘာလ ၂၇ ရက်တွင် ရန်ကုန်မှ ညောင်ဦးသို့ အဲပုဂံလေကြောင်းလိုင်းနှင့် ရောက်ရှိခဲ့ပြီး ညောင်ဦးမြို့နယ် ရွှေအိုးကြီးဟိုတယ်တွင် တည်းခိုခဲ့ပြီး စက်တင်ဘာ ၂၈ ရက်နေ့ နံနက်ပိုင်းတွင် ညောင်ဦးမှ ကျောက်ပန်းတောင်းသို့ ခရီးသည်တင်ကားဖြင့် သွားရောက်ခဲ့သည်။

၎င်းသည် နေ့လယ် ၁ နာရီကျော်ခန့်တွင် ကိုမင်းသိုက်၏ ဆိုင်ကယ်ကို ငှားရမ်း၍ ညောင်ဦးသို့ ပြန်လာခဲ့ကြောင်း၊ ကားလမ်း ဘေးရှိ ရှုခင်းများကို ခရီးသည် အမျိုးသမီးက ဓာတ်ပုံ ဆင်းရိုက်ခဲ့ပြီး ညနေ ၆ နာရီတွင် ဆိုင်ကယ်ကယ်ရီ မောင်းသူ ကိုမင်းသိုက်က ခရီးသည်အမျိုးသမီးကို ကျောက်ပန်းတောင်း - ညောင်ဦးလမ်း တနေရာတွင် အဓမ္မပြုကျင့်ရန် ကြိုးစားစဉ် လည်ပင်းညှစ်ခံရပြီး သတိလစ် မေ့မြောသွားခဲ့ကြောင်း၊ အနီးအနားရှိ ကျေးရွာဒေသခံအချို့က မသင်္ကာ၍ သက်ဆိုင်ရာသို့ တိုင်ကြားပြီး ကိုမင်းသိုက်ကို ဖမ်းဆီးကာ သတိလစ်နေသော ခရီးသည်အမျိုးသမီးကို ဆေးရုံတင်ပို့ခဲ့ကြောင်း၊ သို့သော်လည်း လမ်းခုလတ်တွင်ပင် သေဆုံးခဲ့ကြောင်း ကျောက်ပန်းတောင်း ရဲစခန်းက အမှုဖြစ်စဉ်တချို့ကို ရှင်းပြသည်။

ပုဂံ-ညောင်ဦး- ကျောက်ပန်းတောင်းမြို့များတွင် ဂျပန်နိုင်ငံသူ အသတ်ခံရမှုသတင်းက ပျံ့နှံ့နေပြီး ဒေသခံများက သေဆုံးသွားသော ဂျပန်အမျိုးသမီးအတွက် ၀မ်းနည်း စိတ်မကောင်းဖြစ်နေကြသည်ဟု သိရသည်။

“ဒီဖြစ်ရပ်က ယဉ်ကျေးသိမ်မွေ့ပါတယ် ဆိုတဲ့ မြန်မာနိုင်ငံနဲ့ မြန်မာလူမျိုးတွေရဲ့ ဂုဏ်သိက္ခာကို ထိခိုက်ပါတယ်။ တယောက်တည်း လာလည်တဲ့ အမျိုးသမီး အသတ်ခံရလို့ နောက်ခရီးသည်တွေ လာရဲပါတော့မလားလို့ စိုးရိမ်မိတယ်။ ကိုယ့်နိုင်ငံ လာလည်တဲ့ဧည့်သည်ကို အိမ်ရှင်တွေက စောင့်ရှောက်ရမယ့် တာဝန်ရှိတယ်။ ဘယ်လိုကြောင့်ပဲ သေသေ၊
ကိုယ့်ပိုင်နက်ထဲမှာ သေတာ ကိုယ့်မှာ လုံးဝ တာဝန် မကင်းဘူး။ အပြစ်ကျူးလွန်တဲ့သူကို ထိထိရောက်ရောက် အပြစ်ပေးရမယ်” ဟု ပုဂံ ဟိုတယ်တခုမှ အမည်မဖော်လိုသော မန်နေဂျာတဦးက သုံးသပ်သည်။

Ms.Shiramatsu Chiharu သည် မြန်မာနိုင်ငံသို့ စက်တင်ဘာလ ၁၁ ရက်နေ့မှ ဒီဇင်ဘာလ ၁၁ ရက်နေ့အထိ သုံးလဗီဇာဖြင့် လာရောက်လည်ပတ်သူ ဖြစ်သည်။
http://www.bur.irrawaddy.org/index.php/news/7454-2011-09-30-04-53-40

မြစ်ဆုံစီမံကိန်းရပ်တံ့သည့် သတင်း ဒေါ်အောင်ဆန်းစုကြည် ကြိုဆို


ဧရာဝတီ Friday, 30 September 2011 17:33
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က အစိုးရကိုယ်စားလှယ် ပြည်ထောင်စုဝန်ကြီး ဦးအောင်ကြည်နှင့် ယနေ့ တွေ့ဆုံအပြီးတွင် ဧရာဝတီမြစ်ဆုံ စီမံကိန်း ရပ်ဆိုင်းလိုက်ပြီ ဆိုသော သတင်းအား ကြိုဆိုကြောင်း ပြောသည်။


dassk uaungkyi
ဒေါ်အောင်ဆန်းစုကြည်နှင့် ဦးအောင်ကြည်တို့ ယနေ့ တွေ့ဆုံဆွေးနွေးပွဲအပြီး တွေ့ရစဉ် (ဓာတ်ပုံ - ဧရာဝတီ)

“ပြည်သူတွေရဲ့ စိုးရိမ်မှုတွေကို ထောက်ထားပြီးတော့ ဧရာဝတီမြစ်ဆုံ စီမံကိန်းရပ်ဆိုင်းဖို့ သမ္မတက လွှတ်တော်ကို သ၀ဏ်လွှာ ပေးပို့တယ်လို့ ကြားတယ်။ ပြည်သူ့အသံ နားထောင်တာ ကောင်းပါတယ်။ ဒီဟာက အစိုးရတိုင်း လုပ်ရမယ့် အလုပ်ပါ။ ပြည်သူ့အသံနားထောင်ရမယ်၊ ပြည်သူရဲ့ စိုးရိမ်မှုတွေကို တကယ်ပဲ လေးလေးနက်နက် နားထောင်ပြီးတော့ ဖြေရှင်းပေးရမယ်။ ကျမအနေနဲ့ ကြိုဆိုပါတယ်” ဟု သူက ဆိုသည်။

ဒေါ်အောင်ဆန်းစုကြည်နှင့် ဦးအောင်ကြည်တို့ တတိယအကြိမ်မြောက် တွေ့ဆုံရာတွင် လွတ်ငြိမ်းချမ်းသာခွင့်ကိစ္စ၊ ဧရာဝတီ မြစ် ထိန်းသိမ်းရန် နှစ်ဦးနှစ်ဘက် ပူးပေါင်းမည့် အရေးကိစ္စ၊ ပြည်တွင်း တည်ငြိမ်းအေးချမ်းရေးနှင့် တရားဥပဒေ စိုးမိုးရေး၊ ဥပဒေဘောင် ပြင်ပတွင် ရောက်ရှိနေသော လက်နက်ကိုင်များ ဥပဒေဘောင်အတွင်း ရောက်ရှိရေးနှင့် ထာဝရ ငြိမ်းချမ်းရေး တည်ဆောက်ရေး စသည့်အချက် လေးချက်ကို အဓိက အကျယ်တဝင့် ဆွေးနွေးခဲ့ကြောင်း သိရသည်။

အဆိုပါ အကြောင်းအရာ များနှင့် စပ်လျဉ်းပြီး တွေ့ဆုံဆွေးနွေးပွဲများ ထပ်မံပြုလုပ်သွားရန် နှစ်ဦးနှစ်ဘက် သဘော တူညီထားကြောင်း ဦးအောင်ကြည်က ပြောသည်။

ဒေါ်အောင်ဆန်းစုကြည်ကို ရွေးကောက်ပွဲဝင်၊ မ၀င် သိရှိလိုကြောင်း သတင်းထောက်တဦးက မေးမြန်းရာ ဒေါ်အောင်ဆန်း စုကြည်က ရွေးကောက်ပွဲများကို မူအရ မဆန့်ကျင်ပါကြောင်း၊ ရွေးကောက်ပွဲ အခြေအနေနှင့် ပုံစံကို ကြည့်ပြီး ဆုံးဖြတ်မည် ဖြစ်ကြောင်း ဖြေကြားသည်၊

“ကျမတို့က ရွေးကောက်ပွဲကို မူအရ မဆန့်ကျင်ဘူး။ ဒီမိုကရေစီစနစ်ရဲ့ တစိတ်တပိုင်းအဖြစ် လက်ခံတယ်။ ဒီလိုရွေးကောက်ပွဲ ၀င်ပုံဝင်နည်း အခြေအနေ၊ အခင်းအကျင်း တွေကိုပဲ ကျမတို့ ကြည့်မှာဖြစ်ပါတယ်” ဟု ဒေါ်အောင်ဆန်းစုကြည်က
ပြောသည်။

ဝန်ကြီး ဦးအောင်ကြည်က အမျိုးသားဒီမိုကရေစီ အဖွဲ့ချုပ် (NLD) ပါတီ အနေဖြင့် ဥပဒေအရ မှတ်ပုံတင်ပြီးလျှင် နှစ်ဦးနှစ်ဘက် ပူးပေါင်းဆောင်ရွက် သွားမည်ဟု ဆိုသည်။

ဒေါ်အောင်ဆန်းစုကြည်က တိုင်းပြည်နှင့်လူမျိုး အကျိုးအတွက် အစိုးရနှင့် တတ်နိုင်သမျှ ပူးပေါင်း ဆောင်ရွက် သွားမည်ဖြစ်ကြောင်းလည်း ကတိပြု ပြောဆိုခဲ့သည်။
http://www.bur.irrawaddy.org/index.php/news/7461-2011-09-30-10-34-55


စပ်ဟန်ညောင်ရွှေဒီဗွီဘီကိုအာဏာသိမ်းလိုက်ပြီ...


DVB ပြည်တွင်းသတင်းလုပ်ငန်းကွန်ယက်မှာ ငွေအလွဲသုံးစားရှိနေနိုင်တယ်ဆိုပြီး တာဝန်ရှိသူတွေက စက်တင်ဘာလ ၃၀ မှာ သတင်းထုတ်ပြန်ပါတယ်.. အလွဲသုံးစားလုပ်တာ ၂၀၁၀ နှစ်အတွင်းမှာ ဖြစ်နိုင်ပြီး ဒေါ်လာ ၃သိန်းလောက်- မြန်မာငွေ သိန်း ၃၀၀၀ လောက်လို့  ခန့် မှန်းပါတယ်.. အလွဲသုံးစားမှုမှာ ပါဝင်ပါတ်သက်မှု မရှိပေမယ့် အဖွဲ့ အစည်းတခုလုံး စီမံခန့် ခွဲရေးနဲ့  အုပ်ချုပ်ရေး တာဝန်ယူထားတဲ့ ဦးဆောင်ညွှန်ကြားရေးမှုး ဦးအေးချမ်းနိုင်နဲ့ လက်ထောက် ညွှန်ကြားရေးမှုး ဦးခင်မောင်ဝင်းတို့ က စီမံခန့် ခွဲရေးတာဝန်ကနေ နှုတ်ထွက်ပေးပါတယ်.. ဒီကိစတွေနဲ့ ပါတ်သက်ပြီး အဖြေမှန် အမှုမှန် အခြေအနေမှန် သိရအောင် နော်ဝေရဲဌာနမှာ အမှုဖွင့်ပြီး စံစမ်းစစ်ဆေးနေစဉ်ကာလမှာ ဘုတ်အဖွဲ့ ဝင် စပ်ဟန်ညောင်ရွှေက DVB ဦးဆောင်ညွှန်ကြားရေးမှုးတာဝန် ယာယီ ထမ်းဆောင်ပါမယ်..



ဒီကိစ္စဘယ်သူအစဆွဲတာလဲ...ဟန်ယောင်တောင်တောင်ဘေဖြေပါ....
ဦးအေးချမ်းနိုင်နဲ့ ဦးခင်မောင်ဝင်းတို့ အလွဲသုံးစားမှုမှာ ပါဝင်ပါတ်သက်မှု မရှိပဲ
နဲ့ဘာလို့မတရားရာထူးအချခံရတာလဲ..ဘာလို့သူတို့နေရာ
ဟန်ယောင်တောင်တောင်ဘေယူပြီးကောင်းအောင်ဆက်လုပ်မယ်ပြောရတာလဲ...



Press Statement: possible embezzlement of funds in DVB

Share

Comments (0)
Press Statement: possible embezzlement of funds in DVB thumbnail
By DVB
Published: 30 September 2011
1. The Management and Board of Directors of the Democratic Voice of Burma (DVB) have discovered that the leadership of DVB ’Inside Operations’ in Burma may have embezzled in 2010, up to Baht 9 million (1.7 million Norwegian Kroners or approximately 300,000 US Dollars) from funds allocated for journalists and operations inside Burma.

2. Preliminary investigations by the Board show that other DVB journalists working in Burma and elsewhere were not involved.
3. The Executive Director of DVB, Aye Chan Naing, and the Deputy Executive Director, Khin Maung Win, although not involved in the embezzlement, have taken full responsibility. They have stepped down from their management positions to enable external auditors to conduct an impartial investigation.
4. The Board of Directors have accepted the decision of the two Executive Directors and have appointed Harn Yawnghwe as Acting Executive Director of DVB to oversee operations in the interim.
5. The DVB Board has initiated legal action. This initiative is of crucial importance to prove that the DVB as an exiled media institution that promotes democratic values and transparency does not allow any organisational practices that go contrary to what it is promoting. DVB is registered as a Norwegian Foundation.
6. This process will not have any major impact on DVB operations, nor on any of the DVB affiliates.
Over the years, DVB has built up an extensive network of reporters inside the country, which has delivered news under challenging conditions. The fact that 17-DVB journalists from the network at present are serving from 3 to 65 year terms in various prisons in Burma is a clear indicator of the selfless and dedicated work of these journalists.
(Harald Bockman)
Contacts:
1. Mr. Harald Bockman, Board Chairman, Tel +47 9414 38 38.
2. Mr. Harn Yawnghwe, Acting Executive Director, Tel +32 475 75 3632.
Author: Category: News
http://www.dvb.no/news/press-statement-possible-embezzlement-of-funds-in-dvb/17912