Wednesday, November 2, 2011

အမေရီကန်လက်ထောက်နိုင်ငံခြားရေးဝန်ကြီးဒဂုံမြို့သစ် တောင်ပိုင်းမှာရှိတဲ့ HIV/AIDSဂေဟာကိုသွားရောက်

Burma VJ Media Network

မြန်မာနိုင်ငံကို ပထမဆုံးအကြိမ်အဖြစ် ရောက်ရှိလာတဲ့ အမေရီကန်လက်ထောက်နိုင်ငံခြားရေးဝန်ကြီး မိုက်ကယ်ပို့စနာနဲ့ အမေရီကန်သံရုံးအရာရှိတွေဟာ မနေ့က ညနေ ၄ နာရီလောက်က ရန်ကုန်တိုင်း ဒဂုံမြို့သစ် တောင်ပိုင်းမှာရှိတဲ့ HIV/AIDS ဝေဒနာရှင်များ ကူညီစောင့်ရှောက်ရေး ဂေဟာကိုသွားရောက်ခဲ့ပြီး မဖြူဖြူသင်းနဲ့ တွေ့ဆုံခဲ့ပါတယ်။
အဲဒီလို တွေ့ဆုံရာမှာ အဖွဲ့ရဲ့လုပ်ဆောင်ချက်တွေ အခက်အခဲတွေကို မေးမြန်းသွားခဲ့သလို ဝေဒနာရှင်တွေကိုလည်း လိုက်လံအားပေးသွားခဲ့ပါတယ်။
ဒီမိုကရေစီနဲ့ လူ့အခွင့်အရေးဆိုင်ရာ လက်ထောက်နိုင်ငံခြားရေးဝန်ကြီး မိုက်ကယ် ပို့စနာဟာ နိုဝင်ဘာလ ၁ ရက်နေ့ကတည်းက မြန်မာနိုင်ငံကိုရောက်ရှိလာတာပါ။
သူ့ရဲ့ ပထမဆုံးနေ့မှာပဲ နိုင်ငံရေးပါတီ အသီးသီးက ပုဂ္ဂိုလ်တွေနဲ့ ရန်ကုန်မြို့ တက္ကသိုလ်ရိပ်သာလမ်းက အမေရီကန်သံရုံးမှာ တွေ့ဆုံခဲ့သလို မဖြူဖြူသင်းရဲ့ HIV/AIDS ဝေဒနာရှင်များ ကူညီစောင့်ရှောက်ရေး ဂေဟာကိုလည်း သွားရောက်ခဲ့တာဖြစ်ပါတယ်။
မိုက်ကယ် ပို့စနာရဲ့ ၄ ရက်ကြာခရီးစဉ်အတွင်း မြန်မာအစိုးရတာဝန်ရှိသူတွေကိုလည်း သွားရောက်တွေ့ဆုံမှာဖြစ်ပြီး စစ်မှန်တဲ့ နိုင်ငံရေး ပြုပြင်ပြောင်းလဲမှုတွေ ဖြစ်လာရေး၊ အမျိုးသား ပြန်လည်သင့်မြတ်ရေး၊ မြန်မာပြည်သူတွေ ငြိမ်းချမ်းရေးနဲ့ တည်ငြိမ် အေးချမ်းမှုရှရှိစေဖို့ ဆွေးနွေးတိုက်တွန်းသွားမယ်လို့ သိရပါတယ်။
တစ်ချိန်ထဲမှာပဲ မြန်မာနိုင်ငံဆိုင်ရာ အမေရီကန် အထူးသံတမန်ဖြစ်တဲ့ ဒဲရက်မစ်ချဲလ်ဟာ ဒီကနေ့မှာပဲမြန်မာနိုင်ငံကိုရောက်ရှိလာမှာဖြစ်သလို ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းကလည်း သိပ်မကြာခင်မှာ မြန်မာနိုင်ငံကိုလာရောက်ဖို့ရှိတယ်လို့ သိရပါတယ်ခင်ဗျာ။


ဗေဒါဖွင့်ပွဲ ဒေါ်အောင်ဆန်းစုကြည် မိန့်ခွန်း


အောက်တိုဘာလ ၃၁ ရက်နေ့က ရန်ကုန်တိုင်း သင်္ဃန်းကျွန်း မြို့ နယ်ရှိ ဗေဒါ အခမဲ့ ပညာရေးကျောင်း စာကြည့်တိုက် ဖွင့်ပွဲ နဲ့  သင်တန်းဆင်းပွဲ အခမ်းအနားကို အမျိုးသား ဒီမိုကရေစီအဖွဲ့ချုပ် ဒုတိယ ဥက္ကဋ္ဌ ဦးတင်ဦးနဲ့ အထွေထွေ အတွင်းရေးမှူး ဒေါ်အောင်ဆန်းစုကြည်တို့ တက်ရောက်ခဲ့ကြ ပါတယ်။


Burma VJ Media Network

အင်းစိန်မြို့နယ်မှာရှိတဲ့ နေအိမ်တချို့  နိုင်ငံပိုင်သိမ်းတယ်ဆိုပြီး အဖျက်ခံရ

by Burma VJ Media Network on Wednesday, November 2, 2011 at 1:32am
 အင်းစိန်မြို့ နယ်၊ ကွက်သစ်ရပ်ကွက်၊ လှိုင်မြစ်လမ်းမှာရှိတဲ့ နေအိမ်တွေကို နိုင်ငံတော်ပိုင် သိမ်းယူတယ်ဆိုတဲ့ အကြောင်းပြချက်နဲ့ ဒီကနေ့မနက်မှာ အဖျက်ဆီးခံခဲ့ရပါတယ်။

အောက်တိုဘာ ၁၇ ရက်နေ့တုန်းက အင်းစိန်မြို့ နယ် ခရိုင်အုပ်ချုပ်ရေးမှူးက နိုင်ငံတော်ပိုင်သိမ်းတယ်ဆိုတဲ့ Notice စာကို ပေးပို့ခဲ့ပါတယ်။ ဒါပေမယ့် အိမ်ပိုင်ရှင်တွေကတော့ ဘိုးဘွားပိုင်မြေမှာ နေကြတာသာဖြစ်လို့ မပြောင်းရွှေ့လိုကြဘူးလို့ ဆိုပါတယ်။ ဒီနေရာမှာ သူတို့ဘိုးဘွားတွေ နေလာကြတာ နှစ် ၁၀၀ကျော်ပြီလို့လည်း ပြောပြကြပါတယ်။

အဖျက်ခံရမယ့် အိမ်ရှင်တွေ စုပေါင်းပြီး အသနားခံစာကို သမ္မတထံ တင်ထားပေမယ့်လည်း ထူးခြားမှု မရှိခဲ့ပါဘူး။ နိုင်ငံတော်အစိုးရက ပုဒ်မ ၃ အတိုင်း နိုင်ငံတော်ပိုင်အဖြစ် သိမ်းယူတာဖြစ်လို့ အသိမ်းခံရမယ့် အိမ်ရှင်တွေ စုပေါင်းပြီး နည်းဥပဒေ ပုဒ်မ ၇ နဲ့ အယူခံတင်ထားကြောင်းလည်း သိရပါတယ်။

ဒါပေမယ့် ဒီကနေ့ မနက် ၇ နာရီလောက်က စလို့ အင်းစိန်မြို့ နယ်၊ ကွက်သစ်ရပ်ကွက်၊ လှိုင်မြစ်လမ်းက အိမ်တွေကို ရဲနဲ့ စွမ်းအားရှင်တွေ စုစည်းပြီး လာရောက်ဖျက်ဆီးခဲ့ပါတယ်။ နေအိမ် (၈)အိမ်နဲ့ ဆိုင်ခန်း (၃) ခန်း အဖျက်ဆီး ခံခဲ့ရပါတယ်။ အဖျက်ခံရတဲ့နေရာရဲ့  ရပ်ကွက်အုပ်ချုပ်ရေးမှူးကတော့ အဖျက်ခံရတဲ့အိမ်ပိုင်ရှင်တွေကို စာတင်ကြရန်သာ ပြောဆိုခဲ့ပါတယ်။ ဒါပေမယ့် တာဝန်ရှိသူတွေက အဖျက်ခံရတဲ့ အိမ်ပိုင်ရှင်တွေကိုလျော်ကြေးပေးတာမျိုးလည်း မရှိခဲ့ပါဘူး။

By ဇာဏီ (Burma VJ Media Network)

NCGUB မှ ၀န်ကြီး ဦးဘိုလှတင့်နှင့် ဦးဟန်ညောင်ဝေ သို့ အိပ်ဖွင့်ပေးစာ

by Ko Zayar (Face book)on Tuesday, November 1, 2011 at 4:42am

သို့

NCGUB မှ ၀န်ကြီး ဦးဘိုလှတင့်နှင့် ဦးဟန်ညောင်ဝေ သို့ အိပ်ဖွင့်ပေးစာ

သမိုင်းစဉ်လာတလျှောက် လေ့လာဆန်းစစ်လျှင် ရခိုင်တို့၏သမိုင်းမှတ်တမ်းများတွင် “ရိုဟင်ဂျာ” လူမျိုးဟူသော အသုံးအနှုံးဖြင့် မှတ်တမ်းတင်ခဲ့မှု စိုးစဉ်မျှမရှိခဲ့ပါ။ သူတို့၏မူရင်းဒေသဖြစ်သည့် ဘင်္ဂလား ဒေခ်ျ့နိုင်ငံ သမိုင်းတွင်လည်း ရိုဟင်ဂျာလူမျိုးဟူ၍ မတွေ့ရှိရပေ။ နောက်ထပ် အိမ်နီးချင်းနိုင်ငံတခုဖြစ်သည့် အိန္ဒိယနိုင်ငံ သမိုင်းတွင်လည်း ရိုဟင်ဂျာလူမျိုးဟူ၍ မတွေ့ရှိရသည့်အပြင်။ မြန်မာနိုင်ငံသမိုင်းတွင်ရော ရိုဟင်ဂျာလူမျိုးဟူ၍ ရှိခဲ့ပါသလား။ D.G.E. Hall ၏ A History of South-East Asia စာအုပ်တွင်လည်း ရိုဟင်ဂျာလူမျိုးဟူသော ဝေါဟာရ အသုံးအနှုန်းကို တလုံးတပါဒမျှ မတွေ့ရှိရပေ။

ထို့အပြင် မြန်မာတစ်နိုင်ငံလုံးကို ကိုလိုနီပြုအုပ်ချုပ်ခဲ့သည့် အင်္ဂလိပ်တို့၏ အလွန်တိကျသော ဂေဇက် မှတ်တမ်းများတွင် ယင်းအမည် ထည့်သွင်းမှတ်တမ်းတင်ထားခြင်း အလျဉ်းမရှိပါ။ ဗြိတိသျှဂေဇက်တီယာ Gazetteers မှတ်တမ်းများတွင် Arakanese Muslim ဟူ၍ မှတ်တမ်းတင် ပါရှိသူများသည် ကိုးကွယ်ယုံကြည်မှု မှလွဲ၍ ယဉ်ကျေးမှု၊ ဓလေ့ထုံးစံ၊ ဘာသာစကားတို့၌ ရခိုင်လူမျိုးနှင့် တူညီကြသည်။ ၄င်းတို့သည် ရခိုင်မင်းများ လက်ထက်ကပင် ဒေသတွင်းအပြန်အလှန် ဆက်ဆံရေးများကြောင့် ရခိုင်ဒေသသို့ ရောက်ရှိအခြေစိုက် နေထိုင် ခဲ့ကြသူများ ဖြစ်ကြသဖြင့် နေထိုင်မှုသက်တမ်း ကြာရှည်လာသည်နှင့်အမျှ ဘင်္ဂလီဘာသာစကား ပြောဆိုခြင်း အလျဉ်းမရှိသော ရခိုင်ဒေသတွင် ၄င်းတို့သည်လည်း ဘင်္ဂလီစဘာသာစကား လုံးဝမပြောတတ်ကြပေ။

မြန်မာပြည်အတွင်း၌ နေထိုင်ကြသည့် မွတ်ဆလင်လူမျိုးများသည်လည်း ရိုဟင်ဂျာဟူသော ဝေါဟာ ရကို ကြားတောင် ကြားဖူးကြလိမ့်မည်မဟုတ်ပေ။ ဘာသာရေးအစွမ်းရောက် လူတစ်စုမှ (၇၈၆)ဂဏန်း နှင့်အညီ ၂၁ ရာစုအတွင်း ကမ္ဘာတ၀ှမ်း၌ အစ္စလန်ဘာသာ လွမ်းမိုးရေးအတွက် လုပ်ဆောင်နေကြခြင်းသာ ဖြစ်သည်။ ဂျပန်နိုင်ငံတွင် လာရောက်အလုပ် လုပ်ကိုင်နေကြသည့် အစ္စလမ်ဘာသာဝင်အချို့မှ၊ သူတို့သည် လွန်ခဲသော နှစ်ပေါင်း ၂၀၀၀ ကျော်ခန့်ကတည်းက နေထိုင်လာခဲ့ကြသည့် ”နီပွန်းဂျာ“(Nippongya) တိုင်းရင်းသား လူမျိုးများဖြစ်သည်ဟု သမိုင်းလိမ်ကိုဖန်တီး၍ အစ္စလမ်နိုင်ငံသစ်တစ်ခု ထူထောင်ရန် ကြိုးပမ်းနေကြကြောင်း သိရှိရသည်။ ဘင်္ဂလားအော်လှိုင်းသံ အမှတ်(၂)။ ထိုနည်းတူ မကြာမှီအချိန်တွင်လည်း ဗမာရိုဟင်ဂျာ၊ ကရင်ရိုဟင်ဂျာ၊ ရှမ်းရိုဟင်ဂျာ၊ မွန်ရိုဟင်ဂျာ၊ ချင်းရိုဟင်ဂျာ စသည်ဖြင့် ဖြစ်ပေါ်လာနိုင်ပေသည်။

၁၉၅၉-ခုနှစ် နိုဝင်ဘာလထဲမှာ ဦးနု ရခိုင်ပြည်သို့ မဲဆွယ်ရန်ရောက်ရှိလာခဲ့သည်။ မောင်တောမြို့ နယ်၌ မဲဆွယ်စည်းရုံးရေးတရားဟောပြောခဲ့စဉ်က ”သန့်ရှင်းသာ အနိုင်ရခဲ့ရင် ရိုဟင်ဂျာလူမျိုးလို့ သတ်မှတ် ပေးမယ် မြန်မာ့အသံက တိုင်းရင်းသားအစီအစဉ်တွေမှာ ရိုဟင်ဂျာဘာသာနဲ့ အသံလွင့်ပေးမယ်လို့“ ဂတိပေးခဲ့သည်။ အမတ်နေရာ သုံးနေရာ ရရန်အတွက် အာဏာရူးခဲ့သည့် ဦးနုကြောင့် ရိုဟင်ဂျာဆိုသည့် နာမည် ပေါ်ပေါက်လာခဲ့ခြင်းဖြစ်သည်။

ကျီးကန်းငှက် ညောင်သီးကိုစား၍ တိုက်နံရံမှာ ချီးယိုခြင်းသည် လောလောဆယ်၌ အရေးမကြီးဟု ထင်ရ၏။ သို့သော် ညောင်ပင်ကြီးလာမှ ပြသနာတက်ရခြင်းမျိုး ကျနော်တို့ ကြုံနေရသည်။ အများစုက အဆောက်အဦး မပျက်စီးရန် ညောင်ပင်အား ခုတ်လှဲချင်သော်လည်း တချို့က ညောင်ပင်၏ ထည်ဝါမှုနှင့် အရိပ်အာဝါသကို အပျက်အစီး မခံနိုင်ဖြစ်နေကြရသည်။

”ရိုဟင်ဂျာ“လူမျိုးဟူ၍ ကမ္ဘာက အသိအမှတ်ပြု လက်ခံလာအောင် အမျိုးမျိုးကြိုးစားအတည်ပြုနေ ကြသူတို့သည် သူတို့၏ ကိုယ်ကျိုးအတွက် အမြတ်ထုတ်နေကြခြင်းသာဖြစ်သည်။ ထိုအထဲတွင် ဟန်ညောင်ဝေ နှင့် NCGUB မှ နိုင်ငံရေးလုပ်စားနေသူ ဦးဘိုလှတင့် လည်းပါဝင်သည်။ ထိုဟန်ယောင်ဝေနှင့် အပေါင်းပါတစ် စုတို့သည် မြန်မာပြည်သူကို အကြောင်းပြုပြီး နိုင်ငံတကာမှ ငွေကြေးများတောင်းခံ၍ လုပ်စားလာကြသည်မှာ နှစ်ပေါင်း ၂၀ ကျော်လာခဲ့ပြီးဖြစ်သည်။ သို့သော်လည်း ယခုအချိန်ထိ စစ်အစိုးရ ကိုဆန့်ကျင်သည့် လုပ်ဆောင် ချက်ဟူ၍ မယ်မယ်ရရ တစိုးတစဉ်းမျှ မတွေ့ရှိရသည့် အတွက်တာကြောင့် မြန်မာဒီမိုကရေစီ ရရှိရေး အတွက် ထောက်ပံ့နေကြသည့် နိုင်ငံတကာ အလှူရှင်များမှ ယခုအခါ ရပ်တန့်လိုက်ပြီး ဖြစ်ကြာင်းသိရှိရသည်။ NCGUB ပြည်ထောင်စုမြန်မာနိုင်ငံ ညွန့်ပေါင်းအစိုးရအဖွဲ့ကိုလည်း နိုင်ငံတကာမှ နှစ်ပေါင်း၂၀ဆယ်ကျော် ထောက်ပံ့ခဲ့ သော်လည်း မည်မည်ရရ နိုင်ငံရေးလှုပ်ရှားမှုဟူ၍ လက်ဆုတ်လက်ကိုင် မပြနိုင်သဖြင့် ယခုအခါ၌ ထောက်ပံ့ ကြေးငွေများ ဖြတ်တောက်လိုက်ပြီ ဖြစ်ကြောင်းသိရသည်။

ရိုဟင်ဂျာအမည်ခံ ဘင်္ဂလီများကလည်း ဘူးသီးတောင် မောင်တော နယ်မြေကို ”အာကစ္စတန်နိုင်ငံ“ ထူထောင်ရေးအတွက် နိုင်ငံတကာရှိ မွတ်ဆလင်နိုင်ငံများမှ အလှူငွေများကောက်ခံသည်။ ထိုသို့ အလှူခံ၍ ရရှိလာသည့် ငွေကြေးများကို ဦးဟန်ညောင်ဝေလက်ထဲသို့ ပုံအပ်ပြီး တိုင်းရင်းသားလူမျိုးများ ကောင်စီတွင် ပါဝင်နိုင်ရေးအတွက် ရိုဟင်ဂျာကို တိုင်းရင်းသားအဖြစ် အသိအမှတ်ပြုခိုင်း နေခြင်းဖြစ်သည်။ ထိုမျှနှင့် မရောင့် ရဲနိုင်သေးသည့် ဦးဟန်ညောင်ဝေသည် မျောက်ပြ၍ ဆန်တောင်းသည့်နှယ်၊ ရိုဟင်ဂျာဆိုသူတို့ကို အကြောင်း ပြု၍ အာရပ်နိုင်ငံများမှလည်း ငွေကြေးတောင်းခံခဲ့သေးသည်။ ရိုဟင်ဂျာဆိုသူများသည် သူတို့ကိုယ် သူတို့ မျောက် ဖြစ်၍ဖြစ် မှန်းမသိ အလွန်သနားစရာကောင်းလှ၏။

ရိုဟင်ဂျာဆိုသူများကို အကြောင်းပြု၍ ရရှိလာသည့် ငွေကြေးများထဲမှ မပြောစလောက် ငွေကြေး အနည်းငယ်မျှကို အသုံးပြုပြီး ရိုဟင်ဂျာနှင့် ပတ်သက်သည့် အချက်အလက်တချို့ ရလို ရငြားအထင်နှင့် နိုင်ငံတကာမှ ရခိုင်သမိုင်းသုတေသီ ပညာရှင်များကို ဖိတ်ခေါ်၍ ၂၀၀၅-ခု၊ နိုဝင်္ဘာလတွင် ရခိုင်သမိုင်း သုတေသန ဆွေးနွေးပွဲတစ်ခုကို ထိုင်းနိုင်ငံ ဘန်ကောက်မြို့ ချူလာလောင်ကွန်တက္ကသိုလ်တွင် ပြုလုပ်ပေးခဲ့ သည်။ သိုသော်လည်း ထိုရခိုင်သမိုင်း သုတေသနဆွေးနွေးပွဲမှ ရိုဟင်ဂျာနှင့် ပတ်သက်သည့် အချက်အလက် ဟူ၍ ဘာတစ်ခုမျှ မရရှိခဲ့သည့်အတွက် ဆွေးနွေးပွဲ၌ တင်သွင်းခဲ့ကြသည့် နိုင်ငံတကာမှ ရခိုင်သမိုင်းပညာရှင် များ၏ သုတေသနစာတမ်းများနှင့် ဆွေးနွေးပွဲ ဗွီဒီယိုမှတ်တမ်းများ၊ Record များအားလုံးကို ညီညီလွင် နှင့် ပူးပေါင်း၍ ဖျောက်ဖျက်ပစ်ခဲ့ကြသည်။ ယခုအချိန်ထိ အစအနတောင် ရှာမတွေ့တော့ပေ။ Ph.D ပညာ ရှင်တစ်ဦး ၏ သုတေသနစာတမ်းတစ်စောင်သည် အနှစ်ငါးဆယ်ခန့် တည်တန့်ခိုင်မြဲနိုင်သည်။ ထိုသုတေသန စာတမ်းများ ကိုသာ စာအုပ်အဖြစ်ထုတ်ဝေဖြစ်ခဲ့ပါက ယခုအချိန်၌ ရိုဟင်ဂျာသမိုင်းလိမ်ကိစ္စကို ရှင်းနေရန်မလို တော့ပေ။

ထို့အပြင် ”ဦးဟန်ညောင်ဝေအား တိုင်းရင်းသားလူမျိုး နိုင်ငံရေးစောင့်ကြည့်ကွန်ယက် - Burma Ethnic Politics Watch Network (BEPWN)“ မှ မေလ၊ ၂၂၊ ၂၀၁၀ ရက်စွဲ့ဖြင့် တိုင်းရင်းသားခေါင်းဆောင်ဟု ဆိုသူ ဦးဟန်ညောင်ဝေအပါအ၀င် ၇ ဦးအမည်စာရင်းကို ထုတ်ပြန်လိုက်ပြီး ၎င်းတို့ကို ကိုယ်ကျိုးရှာ နိုင်ငံရေး သမား များအဖြစ် စွပ်စွဲလိုက်သည်။ တိုင်းရင်းသားများ စည်းလုံးညီညွတ်ရေးနှင့် ဒီမိုကရေစီရရှိရေးတို့ကို ထိခိုက်နစ် နာအောင် လုပ်ခြင်းတို့ကြောင့် လည်းကောင်း၊ စစ်အာဏာရှင် သက်တမ်းရှည်အောင် အားပေးဆောင် ရွက်နေ ခြင်းတို့ကြောင့် လည်းကောင်း၊ ထိုသူတို့နှင့် ပတ်သက်ပြီး တိကျသော အထောက်အထားများ၊ သက်သေများ ရှိသောကြောင့် လည်းကောင်း၊ ထိုသူတို့ကို နာမည်ပျက်စာရင်း သွင်းလိုက်သည်ဟု ဖေါ်ပြထားသည်။ အပြည့်အစုံကို www.burmaethnicpoliticswatchnetwork.com



မှာ ဖတ်ရှုနိုင်ပါသည်။

ယခုတော့ ဟန်ညောင်ဝေနှင့် NCGUB မှ ဦးဘိုလှတင့်သည် အကြံကုန်လို့ ဂဠုံဆားချက်ဆိုသကဲ့သို့ ၂၀၁၀၊ ဧပြီလ က ဆော်ဒီနိုင်ငံသို့ သွားရောက်ပြီး ငွေကြေးအလှူခံခဲ့ကြ ကြောင်းသိရှိရသည်။ အလှူပေးမည် ပုဂ္ဂိုလ်များကလည်း အလကားတော့ ပေးမည်မဟုတ်။ တစ်ခုခုတော့ တောင်းဆိုပေလိမ့်မည်။ ဆော်ဒီနိုင်ငံသည် သူတို့မွတ်စလင် နိုင်ငံပြန့်ပွါးရေးအတွက် ငွေကြေးအမြောက်အများကို သုံးစွဲ၍ လုပ်ဆောင်နေသည်ကို လူတိုင်း သိသည်။ ယခုလည်း အမေရိကန်ပြည်ထောင်စုရှိ ကမ္ဘာ့ကုန်သွယ်ရေး အဆောက်အဦး ပြိုပျက်သွားသည့် နေရာအနီး၌ ကုလားဗလီ ဆောက်လုပ်ရန် ဆော်ဒီနိုင်ငံမှ ငွေကြေး ဒေါ်လာသန်းပေါင်းများစွာ ကျခံမည် ဖြစ်ကြောင်း သိရှိရသည်။ ယခုလည်း ဆော်ဒီနိုင်ငံမှ မြန်မာနိုင်ငံတွင် မွတ်ဆလင်နိုင်ငံတစ်ခု ပေါ်ထွန်းလာစေ ရန် အတွက် ဦးဟန်ညောင်ဝေနှင့် NCGUB မှ ၀န်ကြီးဦးဘိုလှတင့်တို့အား ငွေကြေး အမြောက်အများ ပေး၍ ဖေါ်ဆောင်ခိုင်းဟန်တူသည်။ သို့ကြောင့် အမေရိကန်လွှတ်တော် အမတ်အချို့နှင့် နီးစပ်မှုရှိသည့် NCGUB ၀န်ကြီးများသည် အမေရိကန် ကွန်ကရက်အမတ်များကို ပေါင်း၍ “ရိုဟင်ဂျာ”အား တိုင်းရင်းသားအဖြစ် အသိ အမှတ်ပြုရန် မြန်မာစစ်အစိုးရအား တွန်းအားပေးသည့် စာတန်းတစ်စောင်ကို အမေရိကန်လွှတ်တော်တွင် တင်သွင်းခိုင်းခြင်းဖြစ်သည်။

ဤအဖြစ်မျိုးသည် ၁၉၉၂-ခုနှစ်တွင် တစ်ခါ ဖြစ်ခဲ့ဖူးသည်။ ကိုကျိုးရှာ ဒေါက်တာနိုင်အောင်နှင့် (ထိုအ ချိန်က ABSDF ဥက္ကဌ)လူတစ်စုမှ န၀တ စစ်အစိုးရကိုတိုက်ရန် ငွေကြေးလိုသည်ဟုအကြောင်းပြကာ ၁၉၉၂-ခုနှစ် ဇွန်လ ၇ ရက်နေစွဲဖြင့် ABSDF (ဗဟို)၏ သုတေသနဌာနမှ စာမျက်နှာ ၄၉ မျက်နှာပါရှိသည့် ရိုဟင်ဂျာ သမိုင်း နှင့် ပတ်သက်သည့် စာတမ်းလိမ်တစ်စောင်ကို ထုတ်ပြန်ခဲ့ဖူးသည်။ ထိုစာတမ်းကို ထုတ်ပြန်ခဲ့သည့် အတွက် (ABSDF)အဖွဲ့သည် ဒေါ်လာတစ်သန်းကျော်ရရှိခဲ့ကြောင်း သိရှိရသည်။

၁၉၉၀ ပြည့်လွန်နှစ်များတွင် လူဦးရေအားဖြင့် ၇ သောင်းမှ ၁ သိန်း ၂ သောင်းနီးပါးအထိရှိသော မွတ်ဆလင် လူငယ်လူရွယ်များကို အာဖဂန်နစ္စတန်နိုင်ငံရှိ အယ်လ်ကိုင်းဒါးနှင့် တာလီဘန်စခန်းများတွင် လေ့ကျင့် သင်ကြားပေးပြီးလျှင် အမေရိကရှိ ကမ္ဘာ့ကုန်သွယ်ရေးအဆောက်အဦးမှအစ အာရှ၊ အာဖရိကနှင့် အရှေ့ အလယ်ပိုင်း ဒေသများတွင် အကြမ်းဖက် တိုက်ခိုက်ခိုင်းခဲ့သည်။ အယ်လ်ကိုင်းဒါးသည် တပ်သားအရေ အတွက်အားဖြင့် အတိုင်းအတာ တစ်ခုအထိ အင်အားရှိသော အစ္စလမ်မစ်အဖွဲ့များကို အပြင်းအထန် သင်တန်း ပေးပြီးနောက်၊ လူငယ်တို့၏ ဦးနှောဏ်ထဲသို့ ဘာသာရေးစစ်ပွဲအတွက် လူသတ်ရပါသည်ဆိုသော အတွေး အခေါ် တစ်ရပ်ကို ရိုက်သွင်းပေးသည်။ ယင်း မိန္ဆာအတွေးအခေါ်ကြောင့် ကမ္ဘာတ၀ှမ်းသို့ အကြောက်တရားနှင့် အကြမ်းဖက်မှုများ ပြန့်နှံ့ ခဲ့ရသည်။

ထိုအထဲတွင် အာရကန်ရိုဟင်ဂျာအမျိုးသားအဖွဲ့(ARNO)နှင့် ရိုဟင်ဂျာညီညွတ်ရေးအဖွဲ့ (RSO) တို့လည်း ပါဝင်ကြသည်။ ၄င်းအဖွဲ့တို့ကို အာဖဂန်နစ္စတန်ရှိ စခန်းများတွင် လေ့ကျင့် သင်ကြားပေးပြီး မြန်မာ ဘင်္ဂလားနယ်စပ်တွင် လှုပ်ရှားစေခဲ့သည်ဟု ၀ီလီယံဂုဏ်း၏ အစီအရင်ခံစာ တစ်စောင်တွင် ဖေါ်ပြထားသည်။ (၀ီလီယံဂုဏ်းသည် ခရစ်ယန်ဖွံ့ဖြိုးရေး လမ်းညွန်အသင်း၏ ဦးဆောင်ဒါရိုက်တာလည်းဖြစ်၊ လူအခွင့်အရေး ချိုးဖောက်မှုနှင့် ညှည်းပမ်းမှုကိုဆန့်ကျင်သော နိုင်ငံတော်အဆင့် အဖွဲ့အစည်းတစ်ခုမှ ဖြစ်သည်။)

ထိုကဲ့သို့ အကြမ်းဖက်မှုများကို လုပ်ဆောင်နေသည့် ရိုဟင်ဂျာဆိုသူများကို ဦးဟန်ညောင်ဝေနှင့် NCGUB ၀န်ကြီး ဦးဘိုလှတင့်တို့သည် ထိုသူတို့ကို အားပေးအားမြှောက်ပြုလျှက် မိမိတို့၏ ကိုယ်ကျိုးစီးပွါး အတွက် အသုံးချနေခြင်းသည် မြန်မာပြည်သူ ပြည်သားတို့၏ အမျိုးသားလုံခြုံရေးကို မျက်ကွယ်ပြုထားပြီး ပြည်ထောင်စုအရေခြုံထားသော အမျိုးသားသစ္စာဖောက်များလုပ်ရပ်သာ ဖြစ်နေပေသည်။ သို့ကြောင့် ဦးဟန်ညောင်ဝေနှင့် NCGUB ၀န်ကြီးဦးဘိုလှတင့်တို့အား အသိပေးလိုသည်မှာ ကျနော်တို့ အဖိုးအဖီးများ ပိုင်ဆိုင်ခဲ့သည့် ရခိုင်ပြည်မြေဧရိယာကို တစ်လက်မခန့်မျှ ဖဲ့ထုတ်ပေးမည်မဟုတ်။ ထိုသို့ ဖဲ့ထုတ် ယူရန် ကြိုးစားလာသူ မှန်သမျှကိုလည်း ကျနော်တို့ ရခိုင်တစ်မျိုးသားလုံး၏ ဘုံရန်သူအဖြစ် သတ်မှတ်မည်ဖြစ် ကြောင်းနှင့်၊ ရခိုင်လူမျိုးတို့၏ အမျိုးသားလုံခြုံရေးကို ထိပါလာသူမှန်သမျှကို ကျနော်တို့ ရခိုင်တစ်မျိုးသားလုံး၏ အမျိုးသား ဘုံရန်သူအဖြစ် သတ်မှတ်ရမည်ဖြစ်ကြာင်း အလေးအနက် အသိပေးအပ်ပါသည်။

ခိုင်ဘခင် (နယူးယောက်)

အမေရိကန်ပြည်ထောင်စု

SF Bay Burmese Literary Talk Discussion Session


၀၂.၁၁.၂၀၁၁ ရက်နေ့ရဲရင့်ငယ်ဒိုင်ယာရီ


http://www.ziddu.com/download/17141028/2Oct2011Yeyintngesdiary.pdf.html

http://www.ziddu.com/download/17141029/2Oct2011Yeyintngesdiary.doc.html

http://www.scribd.com/doc/71360403/2-Oct-2011-Yeyintnge-s-Diary


2 Oct 2011 Yeyintnge's Diary

အချက်သုံးချက်အပေါ်ကြည့်ပြီး မြန်မာကို ပိတ်ဆို့ဒဏ်ခတ်မှု လျှော့ချသွားမည်ဟု အမေရိကန်ပြော


Published on November 2, 2011 by ရွှေအောင်

အမေရိကန်အနေနဲ့ အချက်သုံးချက်ပေါ် ကြည့်ပြီး မြန်မာနိုင်ငံအပေါ် စီးပွားရေးပိတ်ဆို့ ဒဏ်ခတ်အရေးယူထားတာကို လျှော့ချသွားဖို့ရှိတယ်လို့ သိရပါတယ်။

အမေရိကန်လက်ထောက် နိုင်ငံခြားရေးဝန်ကြီး မိုက်ကယ် ပို့စနာ (Michael Posner) နဲ့ ရန်ကုန်အခြစိုက်ဒီမိုကရက်တစ်ပါတီ ၇ ခုက ခေါင်းဆောင်တွေ မနေ့က ရန်ကုန်မှာ တွေ့ဆုံခဲ့ကြရာ လက်ထောက်ဝန်ကြီးက ဆွေးနွေးပြောကြားသွားတာလို့ ဆွေးနွေးပွဲတက်ခဲ့တဲ့ ဒီမိုကရက်တစ်ပါတီ (မြန်မာ) ဥက္ကဋ္ဌ ဦးသုဝေက ပြောပါတယ်။

“သူတို့ကတော့ အချက်သုံးချက်ကိုကြည့်ပါတယ်။ အချက်သုံးချက်ဆိုတာက နိုင်ငံရေးပါတီတွေရဲ့လှုပ်ရှားမှု၊ နိုင်ငံရေး Space ဘယ်လောက်ကျယ်ကျယ် ရလာသလဲ၊ ဘယ်လောက်လုပ်နိုင်သလဲဆိုတာ နံပါတ်တစ်၊ နံပါတ်နှစ်ကတော့ အကျဉ်းသားတွေ အကုန်လုံးလွှတ်ပေးဖို့ ကိစ္စ၊ နောက်တချက်က ငြိမ်းချမ်းရေး၊ မြန်မာနိုင်ငံမှာ ငြိမ်းချမ်းရေးနဲ့ ပတ်သက်တဲ့ ဆောင်ရွက်ချက်တွေ ဘယ်လိုလုပ်မယ် ဆိုတဲ့ ဆောင်ရွက်ချက်ပေါ့။ အဲဒီသုံးချက်ပေါ်မှာ အဓိက ထားပြီးတော့ စဉ်းစားမှာပါတဲ့။”

မြန်မာနိုင်ငံဟာ အခုတလော မြန်မြန်ပြောင်းလဲနေတာ တွေ့ရပြီး အပြောင်းအလဲဟာ ဘယ်လောက်ထိ ခိုင်မာသလဲဆိုတာ သူတို့လာကြည့်တာလို့ အမေရိကန်လက်ထောက် နိုင်ငံခြားရေးဝန်ကြီးက ပြောသွားတယ်လို့လည်း ဆိုပါတယ်။

သူတို့ပါတီအနေနဲ့တော့ လွတ်လပ်စွာ ဟောပြောရေးသား ဆန္ဒထုတ်ဖော်ခွင့် ရှိဖို့၊ စီးပွားရေးမှာ လက်ဝါးကြီးအုပ် စီးပွားရေးမျိုး မဖြစ်ဖိုနဲ့ ပြည်တွင်းငြိမ်းချမ်းရေး အမြန်ရရှိဖို့ အရေးကြီးပုံတွေကို ဆွေးနွေးခဲ့တယ်လို့ ဦးသုဝေက ပြောပါတယ်။

လက်ထောက်ဝန်ကြီးဟာ နေပြည်တော်ကိုသွားရောက်ပြီး သက်ဆိုင်ရာ အစိုးရတာဝန်ရှိသူတွေနဲ့မတွေ့ခင် နိုင်ငံရေးပါတီတွေ၊ လူမှုရေးအသင်းအဖွဲ့တွေနဲ့ ရန်ကုန်မှာ တွေ့ဆုံဆွေးနွေးခဲ့တာ ဖြစ်ပါတယ်။

ဒီကရရှိတဲ့ အချက်အလက်တွေအပေါ်မူတည်ပြီး နေပြည်တော်မှာ သက်ဆိုင်တဲ့သူတွေကို မေးခွန်းထုတ်အဖြေရှာဖို့ လုပ်မှာပါ။

အမေရိကန်ပြည်ထောင်စု ဒီမိုကရေစီနဲ့ လူ့အခွင့်အရေးဆိုင်ရာ လက်ထောက်နိုင်ငံခြားရေးဝန်ကြီးဟာ နိုဝင်ဘာလ ၁ ရက်က ရန်ကုန်ကို စတင်ရောက်ရှိလာတာဖြစ်ပြီး အဲဒီနေ့ တနေ့တည်းမှာ တိုင်းရင်းသားပါတီတွေနဲ့ လူမှုအဖွဲ့အစည်းတချို့ကိုလည်း တွေ့ဆုံခဲ့ပါတယ်။
http://burmese.dvb.no/archives/17268

ဆရာကြီး ဟံသာဝတီ ဦးဝင်းတင် (သိုိ့မဟုတ်) မြန်မာ့သမိုင်းတကွေ့မှ အထင်ကရ နိုင်ငံရေးခေါင်းဆောင်တဦး

သန်းဝင်းလှိုင်၊ နိုဝင်ဘာ ၂၊ ၂၀၁၁(မိုးမခ)

ရှစ်ဆယ့်ရှစ် ဒီမိုကရေစီအရေးတော်ပုံကြီးအား အကြမ်းဖက်ဖြိုခွင်းကာ စစ်တပ်မှ အာဏာ သိမ်းပြီးနောက် သမိုင်းလိုအပ်ချက်အရ ၁၉၈၈ စက်တင်ဘာလ (၂၇) ရက်နေ့တွင် အမျိုးသား ဒီမိုကရေစီအဖွဲ့ချုပ် ပေါ်ထွန်းလာသောအခါ ဆရာကြီးဦးဝင်းတင်သည် အဖွဲ့ချုပ် ဗဟို အလုပ်အမှု ဆောင်ကော်မတီ ၏ အတွင်းအရေးမှူး အဖွဲ့ဝင်အဖြစ် ဆောင်ရွက်ခဲ့ သည်။ ထို့နောက် ၁၉၈၉ ခုနှစ် ဖေဖေါ်ဝါရီ (၉) ရက်နေ့တွင် အဖွဲ့ချုပ် ဗဟို အလုပ်အမှုဆောင်အဖွဲ့ကိုပြင်ဆင်ဖွဲ့စည်းလိုက်သောအခါ အတွင်းရေးမှူး အဖြစ်လည်းကောင်း၊၂၀၁၀ ပြည့်နှစ် ဇန်နဝါရီလ (၁၄) ရက်နေ့တွင် အဖွဲ့ချုပ်ဗဟို အလုပ်အမှုဆောင် အဖွဲ့ကို ပြင်ဆင်တိုးချဲ့ ဖွဲ့စည်းလိုက်သောအခါ အဖွဲ့ချုပ်ဗဟို အလုပ်အမှုဆောင် အဖွဲ့ဝင် အဖြစ်လည်းကောင်း၊ ယနေ့တိုင် အမျုိးသားဒီမိုကရေစီ အဖွဲ့ချုပ်၌တာဝန်ထမ်း ဆောင် လျက်ရှိသည်။

ဦးဝင်းတင်နှင့် ပတ်သက်၍ဒေါ်အောင်ဆန်းစုကြည်က သူ၏ ̏ မြန်မာပြည်မှပေးစာ များ” (Letter from Burma) စာအုပ်၌ အောက်ပါအတိုင်းရေးသားထားလေသည်။

̏ …၁၉၃၀ ပြည့်နှစ်မှာ မွေးဖွားခဲ့တဲ့ ဦးဝင်းတင်ဟာ အရင် သီတင်းပတ် က မိတ်ဆက်ပေးခဲ့တဲ့ ဦးအောင်ရွှေ၊ ဦးကြည်မောင်၊ ဦးတင်ဦး၊ ဦးလွင်တို့နဲ့ မတူတဲ့အချက်ကတော့ သူဟာ ဘယ်တုန်းကမှ တပ်မတော်သား မဖြစ်ခဲ့တာပါပဲ။ သူကျင်လည်ကျက်စားနေရာ ကတော့ စာပေလောကကြီးထဲမှာပဲ ဖြစ်ပါတယ်။ တက္ကသိုလ်ကနေ ဘွဲ့မရခင်ကတည်းက သူဟာ မြန်မာနိုင်ငံဘာသာပြန် စာပေအသင်းကြီးမှာ လက်ထောက်အယ်ဒီတာဘဝနဲ့ အလုပ်လုပ်ကိုင်နေပြီ ဖြစ်ပါတယ်။ ၁၉၅၄ ခုနှစ်မှာတော့ သူဟာ ဒတ်ခ်ျ သတင်းစာကုမ္ပဏီတခုရဲ့ အကြံပေးအယ်ဒီတာ အဖြစ်ကို ရောက်ခဲ့ပါတယ်။ ဒီ အယ်ဒီတာနေရာကို ရခဲ့ခြင်းဟာ သူ့ရဲ့ရှည်လျားလှတဲ့ စာနယ်ဇင်း လောကလုပ်သက်မှာ အမြင့်ဆုံးနေရာဖြစ်တဲ့ တခါက မြန်မာနိုင်ငံမှာ ထိပ်တန်းသတင်းစာ တစ်စောင်ဖြစ်ခဲ့တဲ့ ‘ဟံသာဝတီ’ သတင်းစာရဲ့ အယ်ဒီတာချုပ်ရာထူးကို ရရှိဖို့အတွက် အစပျိုးခဲ့တာ ပဲဖြစ်ပါတယ်။

ဦးဝင်းတင်ရဲ့ ဟံသာဝတီသတင်းစာ အယ်ဒီတာချုပ်လုပ်ခဲ့တဲ့နှစ်တွေဟာ မြန်မာ့ဆိုရှယ်လစ် လမ်းစဉ်ပါတီ အင်အားခိုင်မာလာတဲ့နှစ်တွေဖြစ်ခဲ့ပါတယ်။ အဲဒီခေတ် ကာလတုန်းက လွတ်လပ်စွာပြောဆိုခွင့်၊ ကိုယ့်ရဲ့ဆန္ဒကိုလွတ်လပ်စွာထုတ်ဖေါ်ပြသခွင့်၊ စတာတွေကို ပိုလို့ပိုလို့ တင်းကျပ်စွာ ကန့်သက်ချုပ်ချယ်ခံရပေမယ့်လည်း အနည်းငယ်မျှသော စာရေးဆရာတွေ၊ စာနယ်ဇင်းသမားတွေဟာူတို့တွေရဲ့ လွတ်လပ်စွာ တွေးခေါ်မြော်မြင်ပိုင်ခွင့်ကို တိုးတိုးတိတ်တိတ်နဲ့ ဆက်ပြီး ထိန်းသိမ်းခဲ့ ကြပါတယ်။

၁၉၇၈ ခုနှစ်မှာ ဦးဝင်းတင် ဦးဆောင်ပါဝင်ခဲ့တဲ့ ‘ စနေ စာဖတ်ဝိုင်း’ မှာ မဆလ လမ်းစဉ်ကို ဝေဖန်သုံးသပ်ထားတဲ့ စာတမ်းငယ်တစောင် ဖတ်ကြား ဆွေးနွေးခဲ့ကြပါတယ်။ အာဏာပိုင်တွေက ထုတ်ဝေခွင့်ပိတ်လိုက်ပါတယ်။ အဲဒီနောက် ဦးဝင်းတင်ဟာ ဘာသာပြန်တဲ့သူ အလွတ် စာရေးဆရာဘဝမှာ ကျင်လည်ရင်းနဲ့ ဆယ်စုနှစ်မျှ သူရဲ့ဝမ်းရေး ကိုဖြေရှင်းခဲ့ပါတယ်။

၁၉၈၈ ခုနှစ်မှာ စတင်ပေါ်ပေါက်ခဲ့တဲ့ ဒီမိုကရေစီလှုပ်ရှားမှုကြီးမှာ လွတ်လပ်စွာ တွေးခေါ်မြော်မြင်မှုနဲ့ တရားမျှတာမှုကို ယုံကြည်တဲ့ သူတွေ ရှေ့တန်းက ပါဝင်ခဲ့ကြတာဟာသဘာဝပါပ။ဲ အစပိုင်းကတည်းက ဦးဝင်းတင်ဟာ လှုပ်ရှားမှုကြီး စတင်ဖြစ်ပွားခါစ က ပေါ်ပေါက်လာတဲ့ စာရေးဆရာများ သမဂ္ဂမှာ တက်ကြွစွာနဲ့ ပါဝင်ခဲ့ပါတယ်။

၁၉၈၈ စက်တင်ဘာလမှာ သူဟာ NLD အလုပ်အမှုဆောင်အဖွဲ့ရဲ့အတွင်းရေးမှူးတွေအထဲက တဦးဖြစ်လာပါတော့တယ်။ ယုံမှားစရာမရှိတဲ့ သူ့ရဲ့အရည်အချင်းတွေ၊ သူ့ရဲ့ခိုင်မာတဲ့ ရည်မှန်းချက်တွေကြောင့် ဦးဝင်းတင်ဟာ ဒီမိုကရေစီအရေးတော်ပုံကို ဆန့်ကျင်နေ ကြတဲ့ သူတွေရဲ့ အဓိကပစ်မှတ်ဖြစ်လာ ပါတော့တယ်။ ဒါကြောင့်လည်းပဲ ၁၉၈၉ ခု ဇွန်လမှာ NLD ခေါင်းဆောင်တွေထဲက ပထမဆုံးအဖမ်းခံရတဲ့ လူတယောက် ဖြစ်လာပါတော့တယ်။ သူ့ကိုဖမ်းဆီးတဲ့အကြောင်းကတော့ တရားဥပဒေကနေ ရှောင်တိမ်းနေ တယ်လို့ကြေညာခံရတဲ့ လူငယ်တဦးရဲ့ ဖခင်ဖြစ်သူနဲ့ တယ်လီဖုန်း စကားပြောခြင်းဆိုတဲ့ သက်သေထောက်အထား မရှိတဲ့စွဲချက်နဲ့ပဲဖြစ်ပါတယ်။ ပါပဲဖြစ်ဖြစ် တယ်လီဖုန်းနဲ့ စကားပြောခြင်းဟာ သက်သေအရာမတည်ဘူးလို့ ဥပဒေကဆိုပါတယ်။ ဒါပေမဲ့လည်း မြန်မာပြည်မှာ စစ်တပ်က အုပ်ချုပ်နေမှုကို ကန့်ကွက်သူတွေ အတွက် ဥပဒေက ကောင်းစွာ ကာကွယ်မှု မပေးနိုင်ပါဘူး။

အဖမ်းခံရပြီးပြီးခြင်းမှာပဲ ဦးဝင်ကို ၃ ရက်ကြာ အစာမကျွေး၊ မအိပ်နိုင်အောင် လုပ်ထားပြီး ဒီပိုကရေစီအရေးတော်ပုံကြီးမှာ ပါဝင်ခဲ့တဲ့သူရဲ့ လှုပ်ရှားမှုတွေကို စစ်ဆေး မေးမြန်ပါတော့တယ်။ စစ်ဆေးမေးမြန်းတဲ့ သူတွေက ဦးဝင်းတင်ဟာ ကျမရဲ့ နိုင်ငံရေး နည်းဗျူရာဆိုင်ရာ အကြံပေးပုဂ္ဂိုလ်၊ တနည်းအားဖြင့် ပြောရမယ်ဆိုရင် ကျမရဲ့ ရုပ်သေး ဆရာဖြစ်တယ်ဆိုတာကို ထွက်ဆိုစေဖို့ အဓမ္မ လုပ်ဆောင်လိုတဲ့ ပုံရှိခဲ့ပါတယ်။ ဒါပေမဲ့ သတ္တိနဲ့ ပြည့်စုံ၊ စိတ်ဓါတ်ကလည်း ခိုင်မာလှတဲ့ ဦးဝင်းတင်ကိုအမှားတွေ ထွက်ဆိုဖို့ ဘယ်လိုမှ ခြိမ်းခြောက်လို့မရခဲ့ပါဘူး။ ၁၉၈၉ အောက်တိုဘာလမှာတော့ သူ့ကိုထောင် (၃) နှစ်ချလိုက်ပါတယ်။ သူ့ကိုပြန်လွှတ်ဖို့ လအနည်းငယ်အလို ၁၉၉၂ ဇွန်လမှာ နောက်ထပ် အဓိပ္ပါယ်မရှိတဲ့ အကြောင်းပြချက်နဲ့ တရားစွဲဆိုပြီး ထောင် (၁၁) နှစ်ထပ်မံချလိုက်ပါ တယ်။

ဦးဝင်းတင်ဟာ သူ့အကြောင်းကိုပြောခဲပါတယ်။ NLD တည်ထောင်ပြီးကတည်းက သူနဲ့ကျမ အတူတွဲပြီး နေ့တိုင်းလိုလိုအလုပ်လုပ်ခဲ့တာ လပေါင်းအတော်ကြာမှ သူဟာ လူပျိုကြီးဖြစ်တယ်ဆိုတာ အမှတ်မထင်သိလိုက်ပါတယ်။ သူဟာ တစ်ဦးထဲနေထိုင်ပြီး သူရဲ့အိမ်မှုကိစ္စတွေကို ကိုယ်တိုင်လုပ်ကိုင်နေတယ်ဆိုတာကိုလည်း သိခဲ့ရပါတယ်။ ၁၉၈၉ ခုနှစ်မှာ သူ့ကို ထောင်ဒဏ်စီရင်ခဲ့ပြီး သိမ့်မကြာခင်မှာပဲ သူနှစ်ပေါင်းများစွာ နေထိုင်ခဲ့တဲ့ ( လမ်းမတော်မြို့နယ်၊ လမ်းသစ်ရိပ်သာ) နိုင်ငံပိုင်တိုက်ခန်းတစ်ခုမှာ နေထိုင်ခွင့်ကို ပယ်ဖျက်လိုက်တဲ့အတွက် သူပိုင်ပစ္စည်းတွေကို သူ့ရဲ့မိတ်ဆွေ အပေါင်းအသင်းတွေက အဲဒီတိုက်ခန်းကနေ ဖယ်ရှားပြောင်းရွှေ့ပေးခဲ့ကြရပါတယ်။

ဦးဝင်းတင်ရဲ့ရုပ်သွင်အမူအရာတခုလုံးကို ကြည့်လိုက်ရင် ခိုင်မာတဲ့ အသွင်အပြင်ပေါ်ထွန်းနေတာမို့ ဦးဝင်းတင်ဟာ နှလုံးနဲ့ပတ်သက်ပြီး ဝေဒနာတစ်ခုရှိတဲ့အတွက် အမြဲတမ်းဆေးကုဖို့ လိုအပ်တယ်ဆိုတာကို သိတဲ့သူ အနည်းပဲရှိပါတယ်။ ဆေးဝါးကုသပြုစု စောက်ရှောက်ဖို့ကလည်း ပြည့်စုံမှုမရှိ၊ နေထိုင်မှုအခြေအနေကလည်း ဆိုးရွားလှတဲ့ အကျဉ်းထောင်ထဲမှာ ကာလကြာရှည်စွာ နေထိုင်ရတဲ့အတွက် သူရဲ့ကျန်းမာရေးအခြေအနေဟာ ပိုပြီး ဆိုးရွားလာနေပါတယ်။ ၁၉၉၄ ခုနှစ် ဖေဖေါ်ဝါရီလ အတွင်းမှာ အမေရိကန်ပြည်ထောင်စု ကွန်ဂရက်အမတ် ဘီလ်ရစ်ချတ်ဆင်နဲ့ ဦးဝင်းတင်တို့ တွေ့ဆုံရစဉ်က ဦးဝင်းတင်ဟာ ‘ လည်ထောက်ကို ဝတ်ဆင်ထားရပါတယ်။ ကျောရိုးဆစ်ရောဂါကိုပါ ခံစားနေရလို့ပါ ဒါ့အပြင် သူ့ရဲ့သွားတွေကလည်း ဆေးကုသဖို့လိုနေပါတယ်။ ဒါပေမဲ့ ယခင်အတိုင်း သူ့ရဲ့စိတ်အစဉ်ဟာ ကြည်လင်လျက်ရှိပြီး စိတ်ဓါတ်ဟာလည်း မယိမ်းမယိုင်ကြံခိုင်နေပါတယ်။ နဝတ ဟာ သူပြောသမျှ စကားလုံးအတိုင်း အာဏာပိုင်တွေဆီကို သတင်းအပို့ခံရမယ် ဆိုတာအသေအချာသိလျက်နဲ့ ဦးဝင်းတင်ဟာ နဝတ စီစဉ်တဲ့ အမျိုးအသား ညီလာခံအပေါ် သူ့ဓလေ့ အတိုင်း ရှင်းလင်းပြတ်သားစွာ ဝေဖန်ခဲ့ပါတယ်။ ကျမဆီကိုလည်း အခိုင်အမာအပြည့်ဝ ထောက်ခံကြောင်း သတင်းစကားပါးခဲ့ပါတယ်။”

ဒီမိုကရေစီအရေးတော်ပုံကြီးတပ်ဦးတွင် စိတ်ဓါတ်ခိုင်မာစွာဖြင့် ယနေ့တိုင် တိုက်ပွဲဝင်နေသော နိုင်ငံရေးခေါင်းဆောင်တဦးဖြစ်သူဦးဝင်းတင်သည် သတင်းစာဆရာ၊ စာရေးဆရာ တဦးလည်းဖြစ်သည်။ သူသည် ဝင်းတင်၊ ဝင်းဆွေ၊ ပေါ်သစ်၊ ပြည်စိုး၊ ပုည၊ မောင်ဝန်ဇင်း၊ သုသေသီ၊ အယ်ဒီတာတဦး စသည့် ကလောင်ကွဲများဖြင့် စာနယ်ဇင်းမျိုး စုံတွင် ဝတ္ထုတို၊ ပြဇာတ်၊ ကဗျာ၊ ဆောင်းပါး၊ စာပေဝေဖန်ရေး စသည်ဖြင့် အကြောင်းအ ရာ မျိုးစုံကိုရေးသားခဲ့သည်။

စာနယ်ဇင်းလောကနှင့် နိုင်ငံရေးလောကသည် ‘ ပန်းနှင့်ခေါင်း’ ပမာ ဆက်စပ် နေသကဲ့သို့၊ အယ်ဒီတာနှင့် နိုင်ငံရေးခေါင်းဆောင်မှာလည်း ခွဲမရပေ။ တချိန်က တကသ စာဆောင် ‘ အိုးဝေ’ အယ်ဒီတာ ကိုအောင်ဆန်းသည် နောင်တွင် အမျိုးသားနိုင်ငံရေး ခေါင်းဆောင်ကြီးဖြစ်လာခဲ့သည်။ ထိုနည်းတူစွာ ဟံသာဝတီ သတင်းစာ အယ်ဒီတာချုပ် ဟောင်းဆရာ ဦးဝင်းတင်သည်လည်း ယနေ့ ဒီမိုကရေစီအရေးတော်ပုံတွင် ပြည်သူလူထု နှင့်အတူ တိုက်ပွဲဝင်လျက်ရှိပေသည်။

တိုင်းပြည်နှင့်ပြည်သူလူထုကောင်းကျိုးအတွက် သေတဖန် သက်တဆုံး အလုပ်ကျွေးပြုရန် သန္နိဌာန် ချထားသော ဆရာဦးဝင်းတင်ကို ၁၉၃၀ ပြည့်နှစ် မတ်လ ၁၂ ရက်နေ့တွင် ပဲခူးတိုင်း၊ ကြို့ပင်ကောက်မြို့၌ အဖဦးပု၊ အမိဒေါ်အမာတို့မှ ဖွားမြင်ခဲ့ သည်။ မွေးချင်းသုံးဦးအနက်အကြီးဆုံး ဖြစ်သည်။

၁၉၅၃ တွင် ရန်ကုန်တက္ကသိုလ်မှ အင်္ဂလိပ်စာ၊ ခေတ်သစ်ရာဇာဝင်နှင့် နိုင်ငံရေး သိပ္ပံဘာသာတွဲဖြင့် ဝိဇ္ဇာဘွဲ့(B.A) ရရှိခဲ့ သည်။ ရန်ကုန်တက္ကသိုလ်နှစ်လည်း မဂ္ဂဇင်းများတွင် ဝင်းထင် အမည်ဖြင့် ကဗျာနှင့် ဝတ္ထုတိုများ စတင်ရေးသားရင်းကလောင်သွေးခဲ့သည်။ ရန်ကုန်တက္ကသိုလ်၌ အရင်းနှီး ဆုံးကလောင်သွေးဖက်မှာ ဦးဝင်းမောင်(မင်းယုဝေ) ဖြစ်သည်။ တက္ကသိုလ်၌ ဦးထွန်း တင် (ရှေ့နေ)၊ စာရေးဆရာကျော်အောင်၊ ကြည်လင်၊ မြသန်းတင့် စသည့် တက္ကသိုလ် ကလောင်ရှင်များနှင့်လည်း ကျောင်းနေဖက်ဖြစ်ခဲ့သည်။

ငယ်စဉ်ကစာနယ်ဇင်း လုပ်ငန်းအထူးဝါသနာထူံခဲ့သည်။ဂျာနယ်ကျော်မမလေး ၏ ‘ သူလိုလူ’ ( ဦးချစ်မော်အတ္ထုပ္ပတ္တိ) စာအုပ်ဖတ်ရာမှ သတင်းစာ ဆရာဖြစ်ချင်စိတ် ပြင်းပြခဲ့သည်။ ထို့နောက် ၁၉၄၃ တွင် ‘ အကျိုးဆောင်’ ဂျာနယ် လက်ထောက်အယ်ဒီတာ လုပ်ကိုင်ခဲ့ သည်။ ထို့နောက် စာပေဗိမာန်ဒ်လက်ထောက်အယ်ဒီတာအဖြစ် ၁၉၅၀ မှ ၁၉၅၄ ခုနှစ်အထိ တာဝန်ထမ်းဆောင်ခဲ့သည်။ ၁၉၅၃ တွင် AFP နိုင်ငံခြားသတင်း ဌာနတွင် ညပိုင်း အယ်ဒီတာအဖြစ် ဝင်ရောက်လုပ်ကိုင်ခဲ့သည်။ ဆရာဒဂုန်တာရာ ဦးစီးထုတ်ဝေသော ‘ ဂန္ထာဝင်’ ဂျာနယ်၌ လက်ထောက်အယ်ဒီတာအဖြစ် တွဲဖက်လုပ် ကိုင်ခဲ့ဖူးသည်။

ယင်းနောက် ၁၉၅၄ မှ ၁၉၅၇ ခုနှစ် နယ်သာလန် နိုင်ငံ အမ်စတာဒမ်မြို့ ဂျမ်ဘာ တန်( Jambarton) စာအုပ်ထုတ်ဝေရေး ကုမ္ပဏီတွင် စာအုပ်ထုတ်ဝေမှုပညာနှင့် စာနယ်ဇင်း ပညာဆည်းပူးရင်း တဖက်မှာလည်း မြန်မာဘာသာပြန် စာလုပ်စာတမ်းများ ထုတ်ဝေရေးတွင် အကြံပေးအယ်ဒီတာအဖြင့် လုပ်ကိုင်ခဲ့သည်။ တဖက်တွင် ပညာသင်ရင်း မြန်မာနိုင်ငံ သတင်းများစုစည်း‘ဒို့ပြည်သတင်း’ သတင်းစာကို မိမိငွေဖြင့် စောင်ရေ ၅၀၀ ထုတ်ဝေ၍၊ ပြည်ပရောက်မြန်မာများထံ စာတိုက်မှ အခမဲ့ဖြန့်ဝေခဲ့သည်။ ဥရောပ၌ရှိနေ စဉ် လန်ဒန်မြို့၌ ပညာသင်ရောက်ရှိနေသော ဆရာမင်းယုဝေ ဆရာမငွေတာရီ ဇနီးမောင်နှံတို့နှင့်အတူ ဥရောပတိုက်ရှိ ပန်းချီအနုပညာပြတိုက်များကို လှည့်လည်လေ့ လာခဲ့သည်။ ပန်းချီပြတိုက်များကို လေ့လာရာမှ နောင်တွင် ပန်းချီဝေဖန်ရေးဆောင်းပါး များရေးသားခဲ့သည်။

၁၉၅၇ ခုနှစ်တွင် ကြေးမုံတသင်းစာကို ဦးသောင်း(အောင်ဗလ)၊ စိန်ခင်မောင်ရီ တို့နှင့်အတူ စတင်တူထောင်သူများတွင် ပါဝင်ခဲ့ပြီး ဦးစီးအယ်ဒီတာအဖြစ် ဝင်ရောက် လုပ်ကိုင်ခဲ့သည်။ ၁၉၆၄ စက်တင်ဘာ ၁ တွင် ‘ ကြေးမုံ’ သတင်းစာ ပြည်သူပိုင် အသိမ်း ခံရပြီးနောက် ကြေးမုံသတင်းစာတိုက်တွင် အယ်ဒီတာအဖြင့် ၁၉၆၈ ခုနှစ်အထိ ဆက်လက်လုပ်ကိုင်ခဲ့သည်။ ဆရာဦးဝင်းတင်သည် ၁၉၅၉ မှ ၁၉၆၄ ခုနှစ်အထိ မြန်မာနိုင်ငံ စာနယ်ဇင်းကောင်စီ အတွင်းရေးမှူးအဖြင့် ဆောင်ရွက်ခဲ့သည်။ ထိုစဉ်က ဥက္ကဌအဖြင့် ဆောင်ရွက်ခဲ့သူမှာ ဦးထွန်းဖေ( ထွန်းနေ့စဉ်) ဖြစ်ပြီး အမှုဆောင်များအဖြင့် ဦးဘဖေ၊ ဂျာနယ်ကျော်တင့်ဆွေ၊ ဦးပေါ်ဦး၊ ဦးစောလှ၊ ဦးတင်ထွေး တို့ဖြစ်သည်။

၁၈၉၇ ခုနှစ် ဇန်နဝါရီလ ၂ ရက်နေ့တွင် စတင်ထုပ်ဝေလာခဲ့သော ဟံသာဝတီသတင်းစာကို ဒုတိယကမ္ဘာစစ်အပြီး ၁၉၄၅ ခုနှစ် အောက်တိုဘာ ၂၉ ရက်နေ့ ဗြိတိသျှ ဘားမားသူဌေး ဦးညွန့် (ကဗျာဆရာမငွေတာရီ၏ ဖခင်)က လွှဲပြောင်းယူ၍ နေ့စဉ်သတင်းစာ ထုတ်ဝေခဲ့သည်။ အဆိုပါသတင်းစာ၌ ကရင်တော်လှန်ရေးခေါင်းဆောင် စောဘဦးကြီး၏ သတင်းကို ၁၉၄၉ ဒီဇင်ဘာလ ၁ ရက်မှ ၁၉၅၀ ဖေဖေါ်ဝါရီ ၂၈ ရက်နေ့အ ထိ ဖေါ်ပြခဲ့သောကြောင့် ဖဆဖလ အစိုးရက ဟံသာဝတီသတင်းစာကို ၁၉၅၀ မတ်လ တွင် ချိတ်ပိတ်ခဲ့သည်။ ၁၉၅၅ ခုနှစ် ဇူလိုင်လ ၁ ရက်နေ့တွင် ပြန်လည်ထုတ်ဝေခွင့်ရခဲ့သော်လည်း တော်လှန်ရေးကောင်စီက ဟံသာဝတီသတင်းစာကို ၁၉၆၉ ခု ဇန်နဝါရီ လ ၃၁ ရက်နေ့တွင် ပြည်သူပိုင်သိမ်းခဲ့သည်။ သတင်းစာတိုက်ကိုလည်း မန္တလေးမြို့သို့ ပြောင်းရွှေ့၍ တော်လှန်ရေးကောင်စီ ဥက္ကဌ ဗိုလ်ချုပ်ကြီးနေဝင်း အမိန့်ဖြင့် ဆရာဦးဝင်းတင် ကို အယ်ဒီတာချုပ်အဖြင့် ခန့်အပ်ကာ ၁၉၆၉ အောက်တိုဘာလ ၁ ရက်နေ့တွင် ဟံသာဝတီသတင်းစာကို ပြန်လည်ထုတ်ဝေစေခဲ့သည်။

ဆရာဦးဝင်းတင်သည် ဟံသာဝတီသတင်းစာနယ် အယ်ဒီတာချုပ်အဖြင့် တာဝန်ယူ ဆောင်ရွက်စဉ် သတင်းစာနှင့်စာပေလှုပ်ရှားမှုအများအပြား အကောင် အထည်ဖေါ်ဆောင်ရွက် နိုင့်ခဲ့သည်။ သတင်းစာလုပ်ငန်းနှင့်ပါတ်သက်၍ ဟံသာဝတီ သတင်းစာမြို့နယ် သတင်းထောက်များ၏ လုပ်ငန်းဆိုင်ရာ ဆွေးနွေးပွဲများကို ၁၉၇၄၊ ၁၉၇၅၊ ၁၉၇၆ ခုနှစ်များတွင် သုံးကြိမ်တိုင်တိုင်ဆောင်ရွက်နိုင်ခဲ့သည်။

ဆရာသည် စာပေနှင့်ယဉ်ကျေးမှု အဖွဲ့ငယ်ကိုဖွဲ့စည်းခဲ့ပြီး ရတနာပုံခေတ် သတင်းစာဆရာကြီး ဘိုဝဇီရ အားဂုဏ်ပြုသောအားဖြင့် ဘိုဝဇီရခန်းမကို တည်ထောင် ဖွင့်လှစ်ခဲ့သည်။ အဆိုပါခန်းမတွင် စာဆိုတော်နေ့ အခမ်းအနားများ၊ စာပေဟောပြောပွဲများ၊ စာတမ်းဖတ်ပွဲများ၊ စာပေဆိုင်ရာ အထိမ်းအမှတ်ပွဲများ၊ စာပေယဉ်ကျေးမှုဆိုင်ရာ ပြပွဲများကို ပုံမှန်ကျင်းပပေးခဲ့သည်။ အဆိုပါလှုပ်ရှားမှုများအနက် စာတမ်းဖတ်ပွဲများကို စနေနေ့များတွင် ကျင်းပပြီး စနေ စာပေဝိုင်းများဟု ထင်ရှားခဲ့သည်။ စနေ စာပေဝိုင်း၏ အသီးအပွင့်အဖြင့် သတင်းဟာသ ( ဟံသာဝတီ ကာတွန်းများ)၊ ပြည်သူတို့၏ စကားပြန်၊ စနေစာပေဝိုင်းစသော စာအုပ် ထုတ်ဝေနိုင်ခဲ့သည်။ စနေ စာဖတ်ဝိုင်းသည် မြန်မာစာပေအနုပညာ ဖွံ့ဖြိုးတိုးတက်ရေးအတွက် အရေးပါသည့် စာပေလှုပ်ရှားမှုဖြစ် သော်လည်း မဆလ လမ်းစဉ်ပါတီ ဝေဖန်ထောက်ပြမှုကြောင့် ဟံသာဝတီသတင်းစာ တိုက်ကို ၁၉၇၈ ခုနှစ် စက်တင်ဘာလ ၃၀ ရက်နေ့တွင် လုံးဝပိတ်သိမ်းလိုက်သလို၊ အယ်ဒီတာချုပ် ဦးဝင်းတင်ကိုလည်း ထုတ်ပယ်လိုက်လေသည်။

ဦးဝင်းတင်သည် ဟံသာဝတီသတင်းစာ အယ်ဒီတာချုပ်လုပ်ကိုင်နေစဉ် အတွင်းသတင်းစာဆရာ ကိုယ်စားလှယ် တစ်ဦးအဖြင့် ဥရောပနိုင်ငံများသို့ မြန်မာသတင်းအဖွဲ့နှင့်အတူ လိုက်ပါရင်း ရောက်ရာ နိုင်ငံမှ သတင်းများ၊ ဆောင်းပါးများရေး၍၊ မြန်မာနိုင်ငံသို့ပေးပို့ခဲ့သည်။ အဆိုပါဆောင်း ပါးများကို စုစည်း၍ ၁၉၇၂ ခုနှစ်တွင် “ ခြေမှာစကား၊ လက်ဖျားကဗျာ၊ မျက်နှာ ဇာတ်သိမ်း” အမည်ဖြင့် စာအုပ်ထုတ်ဝေခဲ့သည်။ ထို့နောက် အရှေ့ဥရောပ နိုင်ငံများနှင့် ဆိုဗီယက်ယူနီယံ နိုင်ငံသို့ လေ့လာရေးခရီး သွားရောက်ပြီးနောက် ‘ ကမ္ဘာနီတွင်-တဒင်္ဂ’ အမည်ဖြင့် ခရီးသွားမှတ်တမ်းစာအုပ်ကို ထုတ်ဝေခဲ့သည်။ ၂၀၁၁ ခုနှစ် စက်တင်ဘာလတွင် ကြယ်နီစာပေတိုက်မှ စနေ စာပေဝိုင်း စာအုပ်တွင်ပါရှိသော ဆရာဦးဝင်းတင်၏ ခရီးသွား စာပေဆောင်းပါးနှစ်ပုဒ်ကို စုစည်း၍ ‘ ခရီးသွားစာပေ’ ခေါင်းစဉ်ဖြင့် ထုတ်ဝေခဲ့သည်။ အဆိုပါ စာအုပ်၌ ဆရာဦးဝင်းတင်က -

“ ဒေသန္တရဗဟုသုတသည် လူတို့၏အမြင်ကို ကျယ်စေ၏။ ဆင်ခြေကိုတရား တိုးပွားစေ၏။ အလိမ္မာဥာဏ်ကို ရင့်သန်စေ၏” ဆိုသည့်စကားအတိုင်း ခရီးသွား စာပေ ကို ဖတ်ခြင်းဖြင့် အကျိုးကြီးစွာ ခံစားကြရသည့်အပြင် ငွေမကုန်လူမပန်းဘဲ ဒေသမျိုးစုံ သို့ ကိုယ်တိုင် ရောက်ပေါက်ကြရဘိ သကဲ့သို့ လူပေါင်းစုံ၊ ဓလေ့စရိုက်ပေါင်းစုံကို ကိုယ်တိုင် သိမြင်ခံစားကြရဘိ သကဲ့သို့ ရှိရသည်ဖြစ်၍ ခရီးသွားစာပေကို စိတ်ပါဝင်စား လေ့လာမှတ်သားသူ စာဖတ်ပရိသတ်အင်အားလည်း ခေတ်သစ်နှင့်အတူ တိုးပွားလာခဲ့သည်ဟု သုံးသပ်တင်ပြထားသည်။ ဆရာဦးဝင်းတင်သည် John Hersey ရေးသားခဲ့သော Hiroshima ကို ‘ လူ့ငရဲ’ အမည်ဖြင့် ဘာသာပြန်ခဲ့သည်။ အဆိုပါစာအုပ် ကို၂၀၁၁ စက်တင်ဘာလတွင် နေရီရီ စာအုပ်တိုက်မှ ဒုတိယအကြိမ်ပြန်၍ ထုတ်ဝေခဲ့ သည်။

ဆရာဦးဝင်းတင်သည် မန္တလေး၌ နေ့စဉ် ရန်ကုန်သို့ ဆင်း၍ သတင်းစာ ဆရာသင်တန်းများလဲ ပို့ချခဲ့သည်။ သတင်းစာသမိုင်းရေးသားပြုစုရန်လည်း တက္ကသိုလ်ထင်ကြီး၊ လူထုဦးလှ၊ ဦးကြင်မောင်( ငွေဥဒေါင်း) တို့နှင့်အတူ ကြိုးပမ်းခဲ့သည်ဟုသိရသည်။

ထို့နောက် ဆရာဦးဝင်းတင်သည် ‘ ပေါ်သစ်’ ကလောင်အမည်ဖြင့် ပန်းချီဝေ ဖန်ရေးဆောင်းပါးကို စာနယ်ဇင်းများ၌ ရေးသားခဲ့သည်။ နောင်တွင် အဆိုပါဆောင်းပါး ကို စုစည်း၍ ‘ အလှရှာပုံတော်’ ခေါင်းစဉ်ဖြင့် စာအုပ်တအုပ်ထုတ်ဝေခဲ့သည်။

ဆရာဦးဝင်းတင်သည် အင်္ဂလိပ်စာကို ကျွမ်းကျင်ပိုင်နိုင်သူဖြစ်သော့ကြောင့် အမေရိ ကန်စာရေးဆရာ (ဟင်နရီစစ်ဒနာဟာရီဆင်) (Henery Sydnor Harrison, 1880.1930) ရေးခဲ့သည်။ ‘ Queed’ ဝတ္ထုကို ‘ ကွိ’ အမည်ဖြင့် မြန်မာပြန်ဆိုခဲ့သည်။ ထို့ပြင် Northern Light စာအုပ်ကိုလည်း ‘ ဥတ္တရအလင်’ အမည်ဖြင့် ပြန်ဆိုခဲ့သည်။

ဆရာဦးဝင်းတင်သည် ရှစ်လေးလုံး အရေးတော်ပုံကြီးတွင် အနုပညာရှင်ပေါင်းစုံ တို့၏ ကြေညာချက်ထွက်ပေါ်လာရေးအတွက် ကြိုးပမ်းဆောင်ရွက်ခဲ့သည်။ အရေးခင်း ကာလအတွင်း စာနယ်ဇင်းသမဂ္ဂ သတင်းစာတွင် ခေါင်းကြီးပိုင်းသတင်း၊ သတင်း၊ ဆောင်းပါးများ ရေးသားပေးခဲ့သည်။ ထို့ပြင် ကျောင်းသား သမဂ္ဂ မှ ဦးစီးထုတ်ဝေသော ‘သမဂ္ဂ’ သတင်းစာတွင်လည်း ပါဝင်ရေးသားခဲ့သည်။ ၁၉၈၈ သြဂုတ် ၃၀ တွင် ‘ဆန္ဒဖေါ်သံ’ သတင်းစာကို ကိုယ်တိုင်ထုတ်ဝေခဲ့သည်။

ထို့နောက် ရှစ်လေးလုံး ဒီမိုကရေစီအရေးတော်ပုံကြီးကို စစ်တပ်မှအကြမ်းဖက် ဖြိုခွဲပြီးနောက် သမိုင်းလိုအပ်ချက်အရ အမျိုးသားဒီမိုကရေစီအဖွဲ့ချုပ် ဖွဲ့စည်းသောအခါ အဖွဲ့ချုပ်၌ဗဟို အလုပ်အမှုဆောင်အဖွဲ့၏ အတွင်းရေးမှုအဖွဲ့ဝင် အဖြစ်စတင်ပါဝင်လှုပ်ရှားခဲ့သည်။ အမျိုးသား ညီညွှတ်ရေးတပ်ပေါင်းစု၌လည်း ဒေါ်မြင့်မြင့်ခင်နှင့်အတူ နာယက အဖြစ် တာဝန်ယူခဲ့သည်။

၁၉၈၉ ခုနှစ် ဇွန်လ ၆ ရက်နေ့တွင် စစ်အစိုးရ၏ မတရားသော ကြေညာ ချက် အမှတ်(၃၈) ကို ဆန့်ကျင်ရာ၌သုံးစွဲခဲ့သည်။ “ အများပြည်သူ သဘောမတူတဲ့ အမိန့် အာဏာဟူသမျှ တာဝန်အရ ဖီဆန်ကြ” ဟူသော ဆောင်ပုဒ်ကိုရေးသားပေးခဲ့သည်။

၁၉၈၉ ဇွန်လိုင်လ ၄ ရက်တွင် တရားခံပြေးတဦး၏ ဖခင်ထံ ဖုန်းဆက်စ ကားပြောဆိုမှုကို အကြောင်းပြု၍ ဆရာဦးဝင်းတင်အား စစ်အစိုးရ ထောင်ဒဏ် ၃ နှစ် ချမှတ်ခဲ့သည်။ အမျိုးသားဒီမိုကရေစီ အဖွဲ့ချုပ်က အများပြည်သူ ဆူပူအုံကြွအောင် လုပ်ဆောင်ရာတွင် နောက်ကွယ်မှ ကြိုးကိုင်သည် ဟု အကြောင်းပြချက်ဖြင့် လွတ်ရက်စေ့ခါနီး- ၁၉၉၂ ခုနှစ် ဇွန်လိုင်လတွင် ထောင်ဒဏ် ၁၁ နှစ် ထက်မံ ချမှတ်ခဲ့ခြင်းခံရသည်။

ဦးဝင်းတင်အား ၁၉၈၉ ခုနှစ် ဇွန်လိုင်လ ၄ ရက်နေ့ ဖမ်းစီးအချိန်မှစ၍ အင်းစိန်ထောင် အထူးတိုက်-ဝင်းအတွင်း၌ ထားရှိ၍ ပတ်ဝန်းကျင်နှင့်လုံးဝအဆက်အသွယ် ဖြတ်တောက်ခြင်း ခံရသည်။ ထို့အပြင် ထောင်ဝင်စာ လည်း အပိတ်ခံရသည်။ ၁၉၉၁ နှစ်ကုန်ပိုင်းတွင် ဦးဝင်းတင်အား အထူးတိုက်မှ အမှတ် ၃ တိုက်သို့ ပြောင်းရွှေ့ခဲ့သည်။ မြန်မာနိုင်ငံသို့ ကုလအထူး ကိုယ်စားလှယ် ‘ယိုဇိုယိုကိုတာ’ လာရောက်စဉ်အတွင်း အကျဉ်းချခံနေရသော နိုင်ငံရေးသမားများ အပေါ် နဝတ အစိုးရအာဏာပိုင်များ၏ ညှင်းပမ်း နှိပ်စက်မှုများနှင့်ပတ်သက်၍ ပလစ်စတစ်အိတ် ( ကျွတ်ကျွတ်အိတ်)ပေါ်တွင်- အသေးစိတ်ရေးသားပေးပို့ထားသည့် စာကို နိုင်ငံရေးအကျဉ်းသားများနှင့် အတူ ပါဝင်လက်မှတ်ရေးထိုးခဲ့သည်။ ထို့ပြင် အကျဉ်းထောင် ပုံစံအင်္ကျီများပေါ်တွင် “ စု၊ လွှတ်၊ ပြန်တွေ့၊ / စု၊ ဖျက်၊ တွေ့” ဆိုသည့် ခေါင်းစဉ်ဖြင့် မြန်မာပြည်နိုင်ငံရေးသုံးသပ်ချက် စာတမ်းကို ရေးသားပြုစုကာ ထောင်အပြင်သို့ထုတ် ခဲ့သည်။

‘ စု’ ဆိုသည်မှာ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ အား လုံးလွတ်မြောက်ရေး၊

‘ လွှတ်’ ဆိုသည်မှာ လွှတ်တော်ခေါ်ယူရေး၊

‘ ပြန်တွေ့’ ဆိုသည်မှာ အမျုိးသားပြန်လည် သင့်မြတ်ရေးအတွက် တွေ့ဆုံ ဆွေးနွေးပွဲများပြုလုပ်ရေး၊

‘ စု’ ဆိုသည်မှာ ဒီမိုကရေစီ ပြည်ထောင်စုသစ်ပေါ်ထွန်းရေး၊

‘ ဖျက်’ ဆိုသည်မှာ အမျိုးသားညီလာခံကို ဖျက်သိမ်းရေး၊

‘ တွေ့’ ဆိုသည်မှာ ဒေါ်အောင်ဆန်းစုကြည်နှင့် နဝတ ( နအဖ ) တွေ့ဆုံဆွေးနွေးရေး၊

ဆိုသည့် နိုင်ငံရေးလမ်းစဉ်ကို ဦးဝင်းတင်သည် ချမှတ်ပေးခဲ့သည်။ အဆိုစာတမ်းကို ၁၉၉၅ နိုဝင်ဘာလတွင် – ထောင်အတွင်းမှ ပြည်ပသို့ လျှို့ဝှက် ထုတ်ပေးမှု ကြောင့် ဦးဝင်းတင်အား ၁၉၉၆ မတ်လ ၂၈ ရက်နေ့တွင် ထောင်ဒဏ် ( ၇ ) နှစ် ထပ်မံတိုးခဲ့ပြန်သည်။

အကျဉ်းချခံနေရစဉ်အတွင်း ဆရာဦးဝင်းတင်သည် ‘ ထ’ လေးလုံးပေါ် လစီချမှတ်ခဲ့သည်။

ပထမ ‘ ထ’ သည်ထူထောင်ရမည်။

ဒုတိယ ‘ ထ’ သည် ထိန်းသိမ်းရမည်။

တတိယ ‘ ထ’ သည် ထိုင်မနေနှင့်၊

စတုတ္ထ ‘ ထ’ သည် ထိတွေ့ရမည်ဟူ၍ ဖြစ်သည်။

အကျဉ်းချခံနေရစဉ်အတွင်းမှာပင် ၂၀၀၁ ခုနှစ်၌ ဦးဝင်းတင်အား ယူနယ်စကိုဂွီလာရ်မိုကာနို ကမ္ဘာ့စာနယ်ဇင်းလွတ်လပ်ခွင့်ဆု (Unesco – Guillermo Cano World Press Freedom Award) ကိုချီးမြှင့်ခံခဲ့ရသည်။ ထိုနှစ်အတွင်းမှာပဲ နိုင်ငံတကာသတင်းစာများအဖွဲ့ ( WAN. World Association of Newspaper) မှချီးမြင့်သည့် ‘လွတ်လပ်မှုရွှေကလောင်ဆု’ ( Golden Pen of Freedom Award) ကို သာယာဝတီ စမ်းစမ်းနွဲ့နှင့် အထူးချီးမြှင့်ခံခဲ့ရသည်။ ထောင်သက်အရှည်ဆုံး သတင်းဆရာကြီး ဦးဝင်တင်အားဂုဏ်ပြုသည့်အနေဖြင့် ပြင်သစ်နိုင်ငံ – လမ်းတလမ်း ကို ဝင်းတင်လမ်းဟု မုည့်ခေါ်ခဲ့ကြသည်။

ဆုငွေကြေးများအားကို မြန်မာသတင်း သမဂ္ဂ သို့ လှူဒါန်း – ‘ ဥဒါန်းမဂ္ဂဇင်း’ ကို ထုတ်ဝေစေခဲ့သည်။ ဥဒါန်းမဂ္ဂဇင်းကို ဦးဝင်းတင်လှူဒါန်းငွေဖြင့်မတည်ကာ မဂ္ဂဇင်း၏ အထွေထွေ ကုန်ကျစရိတ်များကို အမေရိကန်အခြေစိုက် National Endowment of Democracy အဖွဲ့၊ ပြင်သစ်အခြေစိုက် Reporters San Frontieres၊ အမေရိကန်အခြေစိုက် နိုင်ငံတကာ သတင်းစာများအဖွဲ့ (Wold Association of Newspaper) အဖွဲ့တို့က ကူညီပံ့ပိုးပေးခဲ့သည်။

နဝတ စစ်အစိုးရက ဦးဝင်းတင်အား ၂၀၀၅ ဇူလိုင်လတွင် ထောင်မှလွတ်ပေး မည်ဟုဆိုကာ ထိန်းသိမ်းထားရာ တိုက်မှ ထောင်ဗူးဝသို့ ခေါ်ထုတ်ကာ ၄ နာရီကျော် မေးမြန်း၍ ထောင်းဗူးဝမှ ပြန်သွင်း၍ ပြန်လည် အကျဉ်းချခဲ့သည်။ တနည်းအားဖြင့် လူတစ်ယောက်အား လူမဆန်စွာဖြင့် စိတ်ဓါတ် စစ်ဆင်ရေး ပြု လုပ်ခဲ့ခြင်းဖြစ်သည်။

ထို့နောက် နဝတ စစ်အစိုးရက နိုင်ငံတကာ၏ ဖိအားပေးမှုကြောင့် ဦးဝင်းတင် အား ၂၀၀၈ ခုနှစ် စက်တင်ဘာလ ၂၃ ရက်နေ့တွင် အကျဉ်းထောင်မှ ပြန်လည်လွှတ် ပေးခဲ့သည်။ အကျဉ်းထောင်မှ လွတ်မြှောက်ပြီးနောက် ဆရာဦးဝင်းတင်သည် ထောင်တွင်း၌ အမျိုးမျိုးအဖုံဖုံ ညှဉ်းပန်း နှိပ်စက် ခံရမှုအတွေ့အကြုံများကို ရေးသားခဲ့သည့် ‘ ဘာလဲဟဲ့…..လူ့ငရဲ့’ အမည်ရှိစာအုပ်ကို ရေးသား၍ ၂၀၁၀ ပြည့်နှစ် မတ်လ ၁၂ ရက်နေ့တွင် ကျရောက်သော ဆရာ၏ အသက်ရှစ်ဆယ်ပြည့် မွေးနေ့အ ထိမ်းအမှတ်ဖြင့် ဒီမိုကရက်တစ် မြန်မာ့အသံမှ ၂၀၁၀ ပြည့်နှစ်တွင် ထုတ်ဝေ ပေးခဲ့ သည်။ အဆိုပါ စာအုပ်ကို မြန်မာနိုင်ငံရေးအကျဉ်းသားများ ကုညီစောင့်ရှောက်ရေး အသင်း( AAPP) အဖွဲ့မှ ဖြန့်ချီပေးခဲ့သည်။

ယခုအခါ ဆရာကြီးဦးဝင်းတင်သည် အသက် ၈၁ နှစ် ပြည့်၍ လည်ပင်းကျီး ပေါင်းတက်ရောဂါ၊ အူကျရောဂါ၊ သွေးတိုးရောဂါ၊ ဆီးကျိတ်ရောင်ရောဂါ၊ သွားကိုက် ရောဂါတို့ကို ခံစားနေရသော်လည်း စိတ်ဓါတ်မကျဘဲ ယုံကြည်ချက်ခိုင်မာစွာဖြင့် ဒီမိုကရေစီ အရေးတော်ပုံကြီးတွင် မားမားမတ်မတ် ရပ်တည်ကာ ရဲရဲဝံ့ဝံ့ တိုက်ပွဲဝင်လျက်ရှိနေရာ အနာဂတ်မျိုးဆက်သစ်လူငယ်များအတွက် ရှေ့ဆောင် လမ်းပြ နိုင်ငံရေး ခေါင်းဆောင်တစ်ဦးဖြစ် သမိုင်းမှတ်တမ်းဝင်နေမည်မှာ မလွဲဧကန်ပင်တည်း။




Interview with U Win Tin – နိုင်ငံရေးအကျဉ်းသားအရေး မြန်မာမိသားစုတွေရဲ့ အရေး

နိုင်ငံရေးအကျဉ်းသားအရေး မြန်မာမိသားစုတွေရဲ့ အရေး

ဦးဝင်းတင်နဲ့ မေးခွန်းများ၊ မိုးမခ၊ နိုဝင်ဘာ ၂၊ ၂၀၁၁

လာမယ့်ရက်အနည်းငယ်အတွင်းမှာ အင်န်အယ်ဒီပါတီက လာမယ့် ရွေးကောက်ပွဲနဲ့ ပါတီထပ်မံ မှတ်ပုံတင်ဖို့ ဆုံးဖြတ်ချက်အတွက် ဆွေးနွေးကြမယ်လို့ သတင်းတွေ ကြားနေရပါတယ်။ အဲသည်အချိန်ကာလအတွင်းမှာ မိုးမခက ဆရာဦးဝင်းတင်နဲ့ တွေ့ဆုံတဲ့ အခိုက်မှာ ပြောဖြစ်တာကတော့ လက်ရှိအကျဉ်းထောင်ထဲက နိုင်ငံရေးအကျဉ်းသားတွေရင်ဆိုင်နေရတဲ့ အခြေအနေတွေပဲ ဖြစ်ပါတယ်။

မေး။ ။ အရပ်သားအစုိုးရတရပ်အဖြစ် အသွင်ပြောင်းလာတဲ့ စစ်သားတပိုင်းကြံ့ဖွတ်အစုိုးရက ဒီမုိုကရေစီကိုဦးတည်တဲ့ တခါးကို ပွင့်ပွင့်လင်းလင်းမဖွင့်သေးဘဲ ဒီမုိုကရေစီထွက်ပေါက်တွေကို ဖွင့်ပေးဖို့ထက် မရဲတရဲနဲ့ မပွင့်တပွင့် မဟတဟလုပ်နေတဲ့သဘောမျိူးဖြစ်နေတယ်လို့ ပြောကြတယ်။ အဲသည်အတွက် လက်ရှိအခြေအနေမှာ အခုလို ထောင်တွင်းမှာ ဆန္ဒပြမှုတွေအထိ ဖြစ်လာတာလား။

ဖြေ။ ။ လက်ရှိမှာ လူ့အခွင့်အရေးကိစ္စတွေ၊ နိုင်ငံရေးကိစ္စတွေက အားလုံး အာရုံစိုက်နေကြရတဲ့ သဘောဖြစ်လာတယ်။ အကျဉ်းထောင်တွေထဲက နိုင်ငံရေးအကျဉ်းသားတွေ လွတ်မြောက်ဖို့ဟာ အင်န်အယ်ဒီပါတီအတွက် အရေးကြီးတယ်။ ကျောင်းသားလူငယ်တွေအတွက်လည်း အရေးပါတဲ့ အရေးဖြစ်တယ်။ ပြည်သူလူထုအတွက်ကလည်း သူတို့မိသားစုအရေးကိစ္စလို သဘောထားနေကြတယ်။ ပြည်သူလူထုကိုယ်တိုင်က သူတို့လွတ်မြောက်ဖို့ တန်ပြီလို့ မျှော်လင့်နေကြတယ်။ အဲသည်မှာ အစုိုးရဖက်က ပြည်တွင်းမှာကော ပြည်ပမှာပါ အမျိုးမျိုး ပြောတယ်။ နိုင်ငံရေးအကျဉ်းသား မရှိဘူးလို့ ပြောတယ်၊ ပြီးတော့ ရှိတဲ့အကျဉ်းသားတွေကို လွှတ်ပေးမယ်လို့လည်း ပြောတယ်။ လွှတ်ပေးတော့လည်း လူအရေအတွက်ကလည်း နဲတယ်။ ဒါကြောင့် အကျဉ်းထောင်တွင်းက နိုင်ငံရေးအကျဉ်းသားက အားလုံးမျှော်လင့်နေချိန်မှာ မလွတ်မြောက်တဲ့အတွက် သူတို့တွေက ဆန္ဒပြတာ ထုတ်ဖော် တောင်းဆိုတာတွေ လုပ်လာတယ်။

မေး။ ။ မျှော်လင့်ချက်တွေ ထားသလိုမျိူး မဖြစ်လာတဲ့ နိုင်ငံရေးအကျဉ်းသားတွေရဲ့ ဆန္ဒပြထုတ်ဖော်မှုတွေ၊ အစာငတ်ခံ ဆန္ဒပြတာတွေကို စစ်အာဏာပိုင်တွေက အခုလို ဖိနှိပ်တာ နှိမ်နှင်းတာတွေက အရင်တုန်းကလိုပဲလား ဆရာ။

ဖြေ။ ။ အရင်တုန်းကလည်း ကျနော်တို့အကျဉ်းထောင်ထဲမှာ ဆန္ဒပြရင် ဆန္ဒပြတဲ့သူတွေ၊ အစာငတ်ခံတဲ့သူတွေကို လူခွဲထားတယ်။ လူစုခွဲတာတွေ လုပ်တယ်။ သို့သော်အခုကျတော့
စစ်ခွေးတိုက်ပို့တယ်ဆိုတာက သူတို့ကို ညှင်းပမ်းနှိပ်စက်ဖို့ လုပ်တာမျိူးဖြစ်တယ်။ အဆိုးဆုံးကတော့ ရေဖြတ်တာက အကြီးမားဆုံး နှိပ်စက်မှုဖြစ်တယ်။ ကျနော်တို့တုန်းက အစားအစာဖြတ်တာလုပ်တာမျိူးရှိတယ်။ အခုဟာက ရေပါဖြတ်တယ်ဆိုတာက လွန်တယ်။

မေး။ ။ အရင်တုန်းက အခုလို ထောင်တွင်း လူ့အခွင့်အရေးဆိုင်ရာတိုက်ပွဲတွေကို အပြင်ကလူတွေ မိသားစုတွေ သိခွင့်မရကြဘူး။ အခုကျတော့ နိုင်ငံရေးအကျဉ်းသားမိသားစု ကွန်ယက်တွေကတဆင့် ပြည်သူလူထုတွေက ချက်ခြင်းကို သိကြရတယ်။ အဲသည်အတွက် လူထုက လက်မှတ်ထိုးပြီး ကန့်ကွက်မှုတွေ လုပ်နေကြတယ်လို့ ကြားရပါတယ်ဆရာ။

ဖြေ။ ။ ဟုတ်တယ်။ ကျနော်ကိုယ်တိုင်လည်း သူတို့နဲ့အတူ လက်မှတ်ထိုးပါတယ်။

မေး။ ။ အဲသည်တော့ တနေ့က ဒေါ်အောင်ဆန်းစုကြည်နဲ့ တွေ့ဆုံစဉ်မှာ ၀န်ကြီးဦးအောင်ကြည်က တိုင်းပြည်အရေးကိစ္စတွေကို သူတို့က ခြေကို တလှမ်းပြီး တလှမ်း တိုးနေပါတယ်လို့
ပြောသွားတယ်။ ခြေစုံရပ်လည်း မနေဘူး၊ ခြေစုံပစ်လည်း မလုပ်ဘူး၊ ဘာညာနဲ့ ပြောသွားတယ်။ သို့သော် အခု နိုင်ငံရေးအကျဉ်းသားတွေရဲ့ ဆန္ဒပြတောင်းဆိုမှုတွေ ထုတ်ဖော်မှုတွေကိုကျတော့ သူတို့တွေက ခြေစုံရပ်ပြီး ကြည့်နေသလိုမျိူးဖြစ်နေတယ်။ နောက်ဆုတ်ပြီး နေသလိုဖြစ်နေတယ်လို့ ပြောကြတယ် ဆရာ။

ဖြေ။ ။ အဲသည်အခြေအနေမှာတော့ အဲသည်လိုပဲ ပြောရမလို ဖြစ်နေတာပေါ့။

မေး။ ။ အခုအချိန်မှာ နိုင်ငံတကာက ကိုယ်စားလှယ်တွေက မြန်မာပြည်ကို စဉ်ဆက်မပြတ်လာကြတယ်။ အမေရိကန်ကိုယ်စားလှယ်၊ ကုလကိုယ်စားလှယ်တွေနဲ့ အစုိုးရကလည်း တွေ့ဆုံနေတာ ဆွေးနွေးနေတာတွေ လုပ်နေတယ်။ အဲသည်မှာကော ဆရာက ဘာပြောချင်သလဲ။

ဖြေ။ ။ နယ်စပ်ဒေသတွေမှာ အပစ်အခတ်ရပ်စဲရေးတွေ ထားလိုက်ဦး။ အပစ်အခတ်ရပ်စဲရေးကိစ္စကို ကျနော်က ၀င်ပြောတယ်ဆိုရင် စစ်ရေးကိစ္စတွေ ပြောနေတယ် ဖြစ်နေဦးမယ်။ အခု
ကျနော်ပြောချင်တာကတော့ ဒီဒေသတွေမှာ လူသားချင်းစာနာဖို့ အကူအညီတွေ ပေးနိုင်ဖို့ အဓိကလိုအပ်နေတယ်။ နိုင်ငံတကာအဖွဲ့တွေ ၀င်ရောက်ခွင့်မရှိဘူး။ အခြားအဖွဲ့အစည်းတွေက ကူညီဖို့ ၀င်ရောက်လို့ မရဘူး။ တဖက်နိုင်ငံဖက်ကလည်း ကန့်သတ်ထားတွေလုပ်နေတယ်လို့ ပြောနေကြတယ်။ အဲသည်လို နိုင်ငံတကာက လူသားချင်းစာနာတဲ့ အကူအညီတွေ အဖွဲ့အစည်းတွေ သွားရောက်ခွင့်၊ အကူအညီတွေပေးအပ်ခွင့်တွေ ရဖို့ ခုချိန်မှာ အရေးတကြီးလုိုအပ်နေတယ်လို့ ပြောချင်ပါတယ်။ အဲသည်အတွက် ပြောဆိုဆွေးနွေး တောင်းဆိုဖို့ လိုအပ်တယ်လို့ ပြောချင်ပါတယ်။ ဒီလောက်ပါပဲ။

ဖြေ။ ။ ကျေးဇူးတင်ပါတယ် ဆရာ။
http://moemaka.com

ကလေးတွေဖမ်းတယ်ဆိုတာ ကောလဟာလလား တကယ်လား


Wednesday, November 02, 2011 yokekhasoe

အခုတလောမှာ ကလေးပျောက်ဆုံး မှုနဲ့ပတ်သက်လို့ အသံတွေ အမျိုးမျိုး ကြားနေရ ပါတယ်။ အဲဒီထဲမှာ ချဲ့ကားပြောဆိုတဲ့ ကောလာဟလတွေပါသလို မယုံလို့မဖြစ်နိုင်တဲ့ အချက်အလက်တချို့ကိုလည်း တွေ့ရပါတယ်။

အောင်ဇေယျတံတား ဘေးမှာ ဗိုက်ခွဲထားတဲ့ ကလေး အလောင်း တလောင်း တွေ့လို့၊ အင်းစိန်၊ ဂျပန်လမ်းက အမှိုက်ပုံမှာ ကလေး အလောင်း ၃ လောင်းကို တွေ့လို့ စသည်ဖြင့် သတင်းတွေပါ။ ဗိုက်ခွဲထားပြီး အလောင်းတွေ ဖြစ်တယ် ဆိုပြီးတောင် ပြောနေကြပါတယ်။ ပြီးတော့လည်း မြောက်ဒဂုံမှာ လိုလို၊ တောင်ဥက္ကလာမှာ လိုလို၊ ဒေါပုံမှာလိုလို၊ သာကေတမှာလိုလို ကလေးတွေ ဗိုက်ခွဲပြီး ပစ်ထားတယ် ဆိုတဲ့ သတင်းတွေ ထွက်လာ ပြန်တယ်။

“ကျမ ကလေးကို ကျောင်းတက်၊ ကျောင်းဆင်းမှာတောင် သတိထားပြီး သွားကြိုနေရပြီ။ အရင်ကတော့ သူတို့က ကျောင်းကားနဲ့ သွားတာဆိုတော့ သိပ် ဂရုမစိုက်ခဲ့ဘူး။ အခု ကျောင်းကားနောက်မှာ ကားမထွက်ခင် အထိ မိဘတွေက တဖွဖွ မှာနေကြတာ တွေ့ရတယ်။ ကျမလည်း အရင်တုန်းကတော့ အလုပ်များလို့ သွားမကြိုဖြစ်ဘူး။ အခုနောက်ပိုင်း ကလေးပျောက် သတင်းတွေ ကြားနေရတဲ့အတွက် စိတ်မချလို့ သွားကြိုဖြစ်ပါတယ်” လို့ ပုဇွန်တောင် မြို့နယ်မှာနေတဲ့ မူကြိုအရွယ်သမီးနဲ့ ၄ တန်းအရွယ် သားတို့ရဲ့ မိခင်က ပြောပါတယ်။

ကလေးပျောက်မှုတွေ မကြာခဏ ကြားနေရပြီး မိဘတွေက စိုးရိမ်နေကြတာပါ။ တချို့သတင်းတွေဆိုရင် ယောက်ျားလေးပဲ ရွေးပြီး ဖမ်းတာ၊ အသက် ၁၀ နှစ်ဝန်းကျင်လောက် အရွယ်တွေကို ဖမ်းတာ ဆိုတာကအစ ပါပါတယ်။ ယုံရအခက် မယုံရအခက်နဲ့ သို့လော သို့လော တွေးစရာတွေ မိဘတွေကြားမှာ ဖြစ်နေသလို မိဘတွေအနေနဲ့ မယုံကြည်ဘဲ ထားဖို့ကျတော့လည်း ကိုယ့် ရင်သွေး အရင်းအချာ တခုတစုံ ဖြစ်သွားမယ့်ကိစ္စကို မရင်းရဲကြပြန်ပါဘူး။

ရဲဌာနတွေက တာဝန်ရှိသူတွေကတော့ ဒီသတင်းဟာ မဟုတ်မှန်ဘူး ဆိုတဲ့ အကြောင်း ငြင်းဆို ခဲ့ပါတယ်။ ဒါပေမယ့်လည်း ရန်ကုန်တိုင်းဒေသကြီး ရဲတပ်ဖွဲ့ရုံးက ရရှိတဲ့ စာရင်းဇယားတွေ အရ ၂၀၁၁ ခုနှစ်အတွင်း ဇန်န၀ါရီလ ကနေ အောက်တိုဘာလအထိ ကလေး ပျောက်ဆုံးမှု ယောက်ျားလေး ၈၁ ဦး၊ မိန်းကလေး ၁၁၃ ဦးရှိခဲ့တယ်၊ အဲဒီ ကလေးတွေထဲမှာ ယောက်ျားလေး ၅၉ ယောက်၊ မိန်းကလေး ၇၆ ယောက်ကို ပြန်လည် တွေ့ရှိခဲ့တယ်လို့ တရားဝင် သတင်းထုတ်ပြန်ထားပြန်တော့ ကလေးပျောက်တာဟာ ဟုတ်မှန်တယ်၊ ကလေးတွေကို သတ်ထားတာ မဟုတ်ဘူးဆိုတာမျိုးတွေ ပြောကြပြန်ပါတယ်။

အောက်တိုဘာလ ၂၆ ရက်နောက်ပိုင်းမှာတော့ ရန်ကုန်တခွင်မှာ ဒီသတင်းတွေ တွင်တွင်ကျယ်ကျယ် ကြားလာရပါတော့တယ်။

“ဂျပန်လမ်း အမှိုက်ပုံမှာ ကလေးအလောင်း ၃ လောင်း တွေ့တယ်” ဆိုတဲ့ သတင်းကြောင့် အဲဒီရပ်ကွက်ကို သွားကြည့်ကြတဲ့ လူတွေလည်း အများကြီးပါ။

“မနက်မိုးလင်းကတည်းက အမှိုက်ပုံမှာ ကလေးအလောင်း ၃ လောင်းကို လာပစ်ထားတယ်လို့ ပြောနေကြတယ်။ ကျမရဲ့ သားက တွေ့တာပါ။ အိမ်က အမျိုသား သွားကြည့်တော့ မဟုတ်ပဘူးလို့လည်း ပြောတယ်။ ညဘက်ကျတော့ လူ ၃ ယောက်ကို ကလေးခိုးမှုနဲ့ ဖမ်းသွားပြီလို့ ကြားပြန်တယ်။ ဒါကလည်း မဟုတ်ပြန် ဘူး” လို့ အင်းစိန်မြို့နယ် ဖော့ကန်ဈေးနားမှာ နေတဲ့ အိမ်ရှင်မ တဦးက ဆိုပါတယ်။

အင်းစိန် ဖော့ကန်ရပ်ကွက် ရဲဘော် ၁ လမ်းက ကလေးတယောက်ကတော့ တကယ်ပဲ ပျောက်ဆုံးသွားခဲ့ပါတယ်။ ဒါပေမယ့် လေး၊ ငါး နာရီအတွင်း ပြန်တွေ့ရတဲ့ အတွက် လူပျောက်မှု အကြီးစားတခု မဟုတ်ခဲ့ဘူးလို့ သိရပါတယ်။

ကလေးဖြစ်သူက မနက် ၈ နာရီလောက် အိမ်ကနေ ထွက်သွားတာပြီး နေ့လယ် တနာရီခွဲလောက်မှာ အိမ်ပြန်ရောက် လာတယ်၊ အဒေါ်အိမ်မှာ မုန့်ဖိုး သွားတောင်းပြီး အပြန် လူ ၂ ယောက်က ဖမ်းခေါ်သွားတာ လို့ ပျောက်ဆုံးသွားတဲ့ ကလေးရဲ့ မိခင်က ပြောပါတယ်။

“အခုလို ပြန်တွေ့ရတာကိုက သိပ်ကံကောင်းနေပါပြီ။ သားလေးကို အပြင်မလွှတ်တော့ ပါဘူး” လို့ အသက် ၄၀ ၀န်းကျင် အရွယ်ရှိတဲ့ ကလေးရဲ့ မိခင်က ဆိုပါတယ်။

အသက် ၁၀ နှစ် အရွယ် ၅ တန်း ကျောင်းသား မောင်မင်းခန့်ဇော်ကလည်း သူ့ကို လူ ၂ ယောက်က ဖမ်းဆီးသွားတဲ့ အကြောင်း ပြောပြပါတယ်။ မောင်မင်းခန်းဇော်ရဲ့ အဒေါ်အိမ်က သူတို့နေတဲ့အိမ်ရဲ့ နောက်တလမ်းမှာပါ။ ကလေးက မနက်တိုင်း အဒေါ်အိမ်မှာ မုန့်ဖိုးသွားတောင်းလေ့ ရှိတယ်၊ အဒေါ်အိမ်သွားတဲ့လမ်းက လူပြတ်တယ် ဆိုတဲ့အကြောင်း ပြောပါတယ်။

“တရက် အဒေါ် အိမ်ကအပြန် မနက် ၈ နာရီလောက်မှာ လူကြီး ၂ ယောက်က သားရဲ့ လက်နှစ်ဘက်ကို ဆွဲခေါ်သွားတယ်။ ကားပေါ် တင်သွားတယ်။ တယောက်က အသားဖြူပြီး တယောက်က အသားမည်းတယ်။ မုတ်ဆိတ်လည်း ပါတယ်။ သားကို တင်ခေါ်သွားတဲ့ ကားက ကျောင်းကားလိုမျိုး အဖြူရောင်ကြီး။ နောက်ခန်းမှာ တင်သွားတာ” လို့ သူက ဆိုပါတယ်။

သူအော်ကြည့်ပေမယ့် လုံးဝ အော်လို့ မရတော့ကြောင်း၊ မင်္ဂလာဒုံလေဆိပ်သွားတဲ့ မြောက်ဥက္ကလာ လမ်းပေါ် ရောက်လာတာကို သိကြောင်း၊ အဲဒိနေရာမှာ ကားပေါ်ကဆင်း၊ ကားကို ပြန်လွှတ်လိုက်ကြောင်း ရှင်းပြပါတယ်။

“လမ်းလျှောက်ပြီး သူတို့နှစ်ယောက်က သားကို ခေါ်သွားတုန်း မော်တော်ပီကယ်နဲ့ တွေ့တော့ သူတို့က သားကို ထားပြီး ထွက်ပြေးသွားတယ်” လို့ မောင်မင်းခန့်ဇော်က ဆက်ပြောပါတယ်။

သူ့ကို အဲဒီလို ခေါ်ဆောင်သွားပေမယ့် ဘယ်လိုမှ အော်ဟစ်ပြီး ပတ်ဝန်းကျင်ကို အကူအညီမတောင်း နိုင်ခဲ့ကြောင်း၊ ပါးစပ်က အော်လို့ မရတော့တဲ့ အကြောင်း၊ သူကလည်း ကြောက်လန့်နေတာပဲ သိတော့တဲ့အကြောင်းနဲ့ သူ့ကို ထားခဲ့ပြီးချိန်ကျမှ စကားပြန်ပြောနိုင်တယ် ဆိုတဲ့အကြောင်း သူက ရှင်းပြပါတယ်။ အဲဒီတော့မှာ တွေ့တဲ့ မော်တော်ပီကယ်ကို ပြောပြ အကူအညီ တောင်းပြီး အိမ်ကိုဖုန်းဆက် နိုင်ခဲ့တယ်၊ အိမ်က လာပြန်ခေါ်ခဲ့တယ်လို့ ကလေးက ဆိုပါတယ်။

ဒီဖြစ်ရပ်ဟာ လွန်ခဲ့တဲ့ စက်တင်ဘာ ၃၁ ရက်က ဖြစ်သွားခဲ့တာပါ။ အခုဆိုရင် တလလောက် ရှိနေပါပြီ။ ဒါပေမယ့် အဲဒီလို သတင်းတွေဟာ တိမ်မြုပ် ပျောက်ကွယ် မသွားဘဲ ဖြစ်စဉ် အမျိုးမျိုးနဲ့ နာမည်ကျော် နေဆဲပါပဲ။

“ရိုးရိုးလေးပဲ စဉ်းစားရရင် ကလေးတွေကို သတ်ဖြတ်ပြီး အမှိုက်ပုံပေါ် ပစ်ထားခဲ့တဲ့ ကိစ္စတခုတည်းနဲ့တင် ဘယ်လိုမှ မဖြစ်နိုင်မှန်း သိသင့်နေပြီ။ ကိုယ်သတ်လိုက်ပြီး အစ မဖျောက်ဘဲ အမှိုက်ပုံ သွားပစ်တယ် ဆိုကတည်းက ကလေးတွေကို အပြင် မထွက်ရဲအောင် တမင် သက်သက် ခြောက်လိုက်တဲ့ လူကြီး တယောက်ယောက်ရဲ့ ပါးစပ် ပုံပြင်သ ဘောမျိုး ဖြစ်နေတယ်” လို့ ရန်ကုန်အခြေစိုက် သတင်းထောက် တဦးက ဆိုပါတယ်။

ဆက်လက်ပြီးသူက လောလောဆယ်မှာ ဒီသတင်းတွေ ပျံ့နှံ့နေပေမယ့် အမှန်တကယ် ဆန်းစစ်ကြည့်ရမှာ မဖြစ်နိုင်တာတွေ ပါနေတယ်လို့ ပြောပါတယ်။

“အင်္ဂါ အစိတ်အပိုင်းတွေ ထုတ်ယူတယ်ဆိုတာ သာမန် ဆရာဝန်တောင် မလုပ်နိုင်ပါဘူး။ အင်မတန် ကျွမ်းကျင်တဲ့ ခွဲစိတ် ပါရဂူကြီးတွေမှ လုပ်နိုင်တာပါ။ အင်တာနက်တွေမှာလည်း တကယ်မဟုတ်ဘဲ သတင်းတွေ ဖြန့်နေတာကြောင့် အသေအချာ စဉ်းစားပြီးမှ ဖြစ်နိုင်၊ မဖြစ်နိုင် ယုံစေချင်တယ်” လို့ သတင်းထောက်က ဆိုပါတယ်။

အင်းစိန်မြို့နယ်အတွင်း နေထိုင်တဲ့ လက္ခဏာ၊ ဗေဒင်ဆရာ တဦးဖြစ်သူ ဦးခင်မောင်ဝင်းကတော့ တို့ဆေး ဆိုတာ တကယ် ရှိတယ်ဆိုတဲ့အကြောင်း၊ လွန်ခဲ့တဲ့ လေး၊ ငါးနှစ် လောက်က လှိုင်သာယာ ဘက်မှာ ကလေး အယောက် ၃၀၊ ၄၀ လောက် ခေါ်ထားပြီး အားလုံးကို အိပ်ပျော်အောင် ဆေးတွေတိုက်ထားတဲ့ ကလေးခိုး ဂိုဏ်းတဂိုဏ်း ဖမ်းမိခဲ့ဖူးကြောင်း ပြောပြပါတယ်။

“အဲဒီတုန်းက ကလေးလေးတယောက်က အိပ်ပျော်ဘဲ ထွက်ပြေးရင်း ရဲစခန်းကို အကြောင်းကြားလို့ အဲဒီအဖွဲ့ကို ဖမ်းမိခဲ့တာပါ။ တို့ဆေး ဆိုတာကလည်း မယုံလို့ မရဘူး” လို့ သူက ဆိုပါတယ်။

သံပုရာသီး ဆောင်ထားရင် တို့ဆေးမမိနိုင်တဲ့အကြောင်း၊ သတင်းများ ဟုတ်၊ မဟုတ် ဆိုခြင်းထက် ကလေးမိဘတွေ အနေနဲ့ ကလေးကို သံပုရာသီး ဆောင်ထားခိုင်းသင့်တဲ့အကြောင်း ဦးခင်မောင်ဝင်းက ပြောပါတယ်။

ကလေးတွေကို ခိုင်းစားတာဟာ ကလေးသူငယ်ဥပဒေ အရ အပြစ်ကြီးပြီး တရားခံကို ဥပဒေပုဒ်မ ၆၅၊ ၆၆ အရ အရေးယူလို့ ရတယ်၊ ထောင်ဒဏ် ၆ လ ကနေ ၂ နှစ်အထိ ချမှတ်နိုင်ပြီး ငွေဒဏ်လည်း ချမှတ်နိုင်တယ်လို့ တရားရုံးချုပ် ရှေ့နေတဦး ဖြစ်တဲ့ ဒေါ်စန်းစန်းက ရှင်းပြပါတယ်။

“လူပျောက်တွေ တော်တော်များတာ တွေ့ရတယ်။ ဒီလို ပျောက်တိုင်းမှာ သက်ဆိုင်ရာ ရဲစခန်းကိုရော သွားအကြောင်း ကြားတာ၊ အမှုဖွင့်တာမျိုးတွေ လုပ်ရဲ့လား၊ ပြန်ရော ရှာတွေ့ကြရဲ့လား ဆိုတာ စဉ်းစားကြည့်မိတယ်။ အမှုမှန်ကို ဘယ်လောက် အထိ ရှာဖွေဖော်ထုတ် ပေးနိုင်ပြီလဲ ဆိုတာ သိပ် အရေးကြီးပါတယ်” လို့ သူက ဆက်ပြောပါတယ်။

ကလေးသူငယ်တွေကို တောင်းရမ်းဖို့ ခိုးယူတာမျိုး၊ ခိုင်းစေဖို့ ခိုးယူသွားတာမျိုးတွေ ကလည်း တကယ်ဖြစ်နေတဲ့ ပြဿနာ တွေပါပဲ။ ဆင်းရဲမွဲတေမှုကြောင့် မိဘတွေ ကိုယ်တိုင်က ကလေးသူငယ် ဥပဒေနဲ့ ညိစွန်းမှန်း မသိဘဲ ခိုင်းစေတာတွေကြောင့် ကလေး သူငယ်တွေဟာ အရွယ်နဲ့ မမျှတဲ့ ဒုက္ခ အမျိုးမျိုးကို ခံစားနေရဆဲလို့ သိရပါတယ်။

ဘာပဲဖြစ်ဖြစ် မြန်မာပြည်မှာ ကောလာဟလဆိုတာ တကယ့်ဖြစ်ရပ်ပေါ်အခြေခံပြီး ထွက်ပေါ်လာတတ်တာမို့ ကလေးရှိတဲ့သူတိုင်းရဲ့ မိဘတွေရဲ့ စိုးရိမ်စိတ်ကြီးနေတာ အဆိုးမဆိုသာဘူးလို့ ဆိုရမှာပါ။

ခွန်းဆက်သစ်
http://www.irrawaddyblog.com/2011/11/blog-post_6205.html

IMF ကိုယ်စားလှယ် အဖွဲ့ မြန်မာ ခရီးစဉ်ပြီးဆုံး



By featured, ရန်ပိုင် on November 2, 2011 6:32 pm


မြန်မာနိုင်ငံ၏ နိုင်ငံခြားငွေလဲလှယ်နှုန်းစနစ် ပြုပြင်ရေးနှင့် ပတ်သက်၍ လုပ်ထုံးလုပ်နည်းဆိုင်ရာ အကူအညီပေးရေးအတွက် လာရောက်လေ့လာနေသည့် အပြည်ပြည်ဆိုင်ရာ ငွေကြေးရန်ပုံငွေ အဖွဲ့(IMF)မှ ကိုယ်စားလှယ်များ၏ ခရီးစဉ် ယမန်နေ့က ပြီး ဆုံး သွားပြီ ဖြစ်သည်။

(ဓာတ်ပုံ - AP)

IMF Article VIII 2011 Missionအဖွဲ့၏ သတင်းထုတ်ပြန်ချက်တွင် နိုင်ငံခြားငွေဆိုင်ရာ ကန့်သတ်တားမြစ်ချက်များနှင့် အမျိုးမျိုး သော ငွေကြေးဖလှယ်မှုများ၏ ပြဿနာ ဇစ်မြစ်များကို အစိုးရပိုင်း တာဝန်ရှိသူများ၊ ဗဟိုဘဏ်နှင့် ပုဂ္ဂလိကဘဏ်မှ တာဝန်ရှိသူ များ၊ မြန်မာနိုင်ငံ စက်မှုလက်မှုလုပ်ငန်းရှင်များ အသင်းချုပ်(UMFCCI) မှ အဖွဲ့ဝင်တချို့နှင့် တွေ့ဆုံဆွေးနွေးခဲ့သည်ဟု ဖော်ပြ ထား သည်။

အဆိုပါအဖွဲ့သည် နိုင်ငံခြားငွေလဲလှယ်နှုန်း ပြင်ဆင်ရေးအတွက် လုပ်ထုံးလုပ်နည်းဆိုင်ရာ အကူအညီပေးရန် အစိုးရက တောင်းခံ ခဲ့သောကြောင့် ပြီးခဲ့သည့် အောက်တိုဘာ ၁၉ ရက်နေ့က မြန်မာနိုင်ငံသို့ ရောက်ရှိလာခဲ့ခြင်းဖြစ်သည်။

သို့သော် IMF အဖွဲ့ အနေဖြင့် မြန်မာအစိုးရအား နိုင်ငံခြားငွေ လဲလှယ်နှုန်း စနစ်ပြောင်းလဲရေးနှင့် ပတ်သက်၍ လက်တွေ့ကျသော ကူညီမှုများပေးအပ်ခြင်း မရှိသေးကြောင်း အမည်မဖော်လိုသော စီးပွားရေးနှင့် ကူးသန်းရောင်းဝယ်ရေးဆိုင်ရာ အရာရှိတဦးကို ကိုးကားပြီး ပြည်တွင်းထုတ် မြန်မာတိုင်းမ် ဂျာနယ်တွင် ရေးသားထားသည်။

ယခုခရီးစဉ်သည် နိုင်ငံခြားငွေလဲလှယ်နှုန်း ပြောင်းလဲရေး အတွက် လေ့လာရေးသက်သက်သာဖြစ်ပြီး မကြာမီ အကြံပြုချက်များ မြန်မာအစိုးရသို့ တင်ပြလိမ့်မည်ဖြစ်သည်ဟု သိရသည်။

နိုင်ငံခြားငွေကြေးလဲလှယ်နှုန်းကို ပြောင်းလဲမည်ဆိုလျှင် မြန်မာနိုင်ငံအနေဖြင့် IMF အဖွဲ့၏ ပဋိညာဉ်စာချုပ် အပိုဒ် ၈ ပါ ၀တ္တရားများကို လက်ခံဆောင်ရွက်ရမည်ဖြစ်ပြီး နိုင်ငံတကာငွေပေးငွေယူ ကိစ္စရပ်များအတွက် သာမာန်ငွေပေးချေမှုများနှင့် ငွေလွှဲပို့မှုများ အပေါ် ကန့်သတ်တားမြစ်ခြင်း၊ တပြေးညီမဟုတ်သော ငွေကြေးဖလှယ်မှုများ ကျင့်သုံးခြင်း၊ နိုင်ငံခြားငွေလဲလှယ်နှုန်းအမျိုးမျိုး ထားရှိခြင်း စသည်တို့ကို ရှောင်ကြဉ်ရမည်ဖြစ်သည်။

မြန်မာနိုင်ငံတွင် အမေရိကန် ဒေါ်လာ ၊ ပြည်တွင်းသုံး အမေရိကန်ဒေါ်လာ တန်ဖိုးနှင့် ညီမျှသည်ဟု အစိုးရက သတ်မှတ်ထုတ် ဝေ ထားသော FEC ၊ ပြည်ပပို့ကုန် ၀င်ငွေ(Export earning) စသဖြင့် သုံးစွဲနေခြင်းဖြစ်သည်။ အမေရိကန်တဒေါ်လာလျှင် အစိုးရ သတ်မှတ်နှုန်းမှာ ၆ ကျပ် ဖြစ်သည်။ လက်ရှိ ပြင်ပ ပေါက်ဈေးမှာ ယနေ့ တဒေါ်လာလျှင် ၇၈၂ ကျပ်ဖြစ်ပြီး FEC ၇၈၀ ကျပ်၊ ပြည်ပ ပို့ကုန် ၀င်ငွေမှာ ၈၂၂ ကျပ် ဖြစ်ကြောင်း သိရသည်။

ပြည်တွင်းအခြေစိုက် စီးပွားရေး ပညာရှင်တဦးကမူ နိုင်ငံခြားငွေ လဲလှယ်နှုန်း ပြောင်းလဲရန်အတွက် IMFအဖွဲ့ထံမှ လုပ်ထုံး လုပ် နည်း ဆိုင်ရာ အကူအညီများကိုသာမက ငွေကြေးဆိုင်ရာ ကျောထောက် နောက်ခံရရှိရန်လည်း လိုအပ်ကြောင်း ထောက်ပြပြော ဆို သည်။

“ငွေလဲလှယ်နှုန်းတခု သတ်မှတ်လိုက်လို့ ငွေဈေးတအားတက်သွားတာတို့ ကျသွားတာတို့ဆိုရင် ထိန်းညှိဖိုအတွက် ဘယ်သူက ထုတ်ရောင်းပေးတာ ၀င်ဝယ်ပေးတာလုပ်မလဲ၊ ဒါကြောင့် နောက်ခံရှိဖို့က အရေးကြီးတယ်”ဟု ၎င်းကဆိုသည်။

ထိုသို့ ငွေကြေး အကူအညီနှင့် ချေးငွေများ ရယူနိုင်ရေး အတွက် IMF၏ လုပ်ထုံးလုပ်နည်းများနှင့် ပဋိညာဉ်စာချုပ်များကို သဘော တူလက်မှတ်ရေးထိုးရမည်ဖြစ်သည်။

IMF အဖွဲ့၏ ပဋိညာဉ်စာချုပ် အပိုဒ် ၈ ကို အာဆီယံနိုင်ငံ တနိုင်ငံဖြစ်သည့် ဗီယက်နမ်နိုင်ငံသည် ၂၀၀၆ ခုနှစ်တွင် သဘောတူ လက်မှတ် ထိုးခဲ့ပြီး ဖြစ်သည်။

ဆက်စပ် သတင်း။ ။ ငွေလဲနှုန်း၊ IMF နှင့် မြန်မာ့စီးပွားရေး အရှုပ်ထုပ်

http://burma.irrawaddy.org/archives/1854

မြန်မာ့ နိုင်ငံခြားငွေလဲနှုန်း စနစ်အတွက် ပူးပေါင်း ဆောင်ရွက်မည်ဟု IMF ပြော
အေးလဲ့ | ဗုဒ္ဓဟူးနေ့၊ နိုဝင်ဘာလ ၀၂ ရက် ၂၀၁၁ ခုနှစ် ၂၁ နာရီ ၁၃ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ချင်းမိုင် (မဇ္ဈိမ) ။ ။ “မြန်မာနိုင်ငံ နိုင်ငံခြားငွေ လဲလှယ်နှုန်း စနစ်ကို မူဝါဒများ ချမှတ်ဆောင်ရာ၌ ပူးပေါင်း
ဆောင်ရွက်မည်” ဟု မြန်မာအစိုးရနှင့် အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF)၏ သီတင်းပတ် နှစ်ပတ် ခန့်ကြာ မြန်မာနိုင်ငံ ခရီးစဉ်အပြီးတွင် ပြောဆိုလိုက်သည်။

IMF အဖွဲ့မှ Mr. Ake Lonnberg ခေါင်းဆောင်သော ငွေကြေးဈေးကွက်နှင့် အရင်းအနှီး ဈေးကွက်ဌာန၊ ဥပဒေဌာန
နှင့် အာရှ-ပစိဖိတ်ဌာနတို့ ပါဝင်သော မစ်ရှင်အဖွဲ့သည် အောက်တိုဘာလ ၁၉ ရက်နေ့မှ နိုဝင်ဘာလ ၁ ရက်နေ့ အထိ အစိုးရ အရာရှိများ၊ ဘဏ်များ၊ နိုင်ငံပိုင်နှင့် ပုဂ္ဂလိက စီးပွားရေး ကဏ္ဍတို့မှ ကိုယ်စားလှယ်များတို့အား
နေပြည်တော်နှင့် ရန်ကုန်မြို့တို့တွင် တွေ့ဆုံခဲ့သည်။

မြန်မာနိုင်ငံတွင် တခုတည်း နိုင်ငံခြားငွေလဲလှယ်နှုန်း အသုံးပြုသည့် နိုင်ငံခြား ငွေလဲလှယ်နှုန်းစနစ် ဆောင်ရွက်ရန် သွားရောက် လေ့လာခဲ့ခြင်း ဖြစ်သည်။

နိုင်ငံခြားငွေလဲလှယ်နှုန်း စနစ်ဖြစ်သော ဥပဒေမူဘောင်နှင့် ဈေးကွက်၌ အမှန်တကယ် ကျင့်သုံး ဆောင်ရွက်နေမှု များ၊ တည်ဆဲ နိုင်ငံခြားငွေဆိုင်ရာ ကန့်သတ် တားမြစ်မူများ၊ နိုင်ငံခြားငွေ လဲလှယ်နှုန်း အမျိုးမျိုး အသုံးပြုသော
ငွေကြေးဖလှယ်မူ အစီအစဉ်များတို့နှင့် ပတ်သက်သည့် ပြဿနာ ဇစ်မြစ်ကို ကနဦး လေ့လာ သုံးသပ်ရန် ဖြစ်သည် ဟု အင်္ဂါနေ့ထုတ် မြန်မာ့အလင်း သတင်းစာတွင် ဖော်ပြထားသည်။

ထို့အပြင် အဖွဲ့ဝင်နိုင်ငံဖြစ်လာလျှင် IMF အဖွဲ့၏ သဘောတူ ခွင့်ပြုချက်မရရှိဘဲ “နိုင်ငံတကာ ငွေပေး၊ ငွေယူ ကိစ္စရပ်များအတွက် နိုင်ငံခြားငွေလဲလှယ်နှုန်း အမျိုးမျိုး အသုံးပြူသော ငွေကြေးဖလှယ်မူ အစီအစဉ် ကျင့်သုံးခြင်းမှ
ရှောင်ရန်လိုသည်ကို ကြေညာချက်တွင် ထည့်သွင်းရေးသားထားသည်။

ပူးပေါင်းဆောင်ရွက်သည့် အနေဖြင့် နောက်ဆက်တွဲ လုပ်ငန်းစဉ်များကို IMF ဌာနချုပ်မှ ဆက်လက် ဆောင်ရွက် မည် ဖြစ်ပြီး အဆိုပါ မစ်ရှင်အဖွဲ့သည် လာမည့် ၂ဝ၁၂ အစောပိုင်း၌ မြန်မာနိုင်ငံသို့ ထပ်မံ လာရောက်နိုင်မည်ဟု
မျှော်လင့်ကြောင်း သတင်းစာတွင်ပါရှိသည်။

အမေရိကန်နိုင်ငံ ဝါရှင်တန်မြို့ အခြေစိုက် IMF တွင် အဖွဲ့ဝင် ၁၈၇ နိုင်ငံ ပါဝင်ကာ ကမ္ဘာ့နိုင်ငံ အသီးသီး၏
ငွေကြေးနှင့် ဘဏ္ဍာရေး မူဝါဒ တည်ငြိမ်ရေး၊ အလုပ်အကိုင် အခွင့်အလမ်း ပေါ်ပေါက်ရေး၊ ရေရှည် စီးပွား တိုးတက်ရေး၊ ဆင်းရဲမှု လျော့ချရေးတို့အတွက် ငွေကြေးနှင့် နည်းပညာများ အကူအညီ ပေးနေသည်။

ဒေါ်အောင်ဆန်းစုကြည်နှင့် ဝန်ကြီး ဦးအောင်ကြည် ပြီးခဲ့သည့် တနင်္ဂနွေနေ့က စတုတ္ထ အကြိမ် တွေ့ဆုံရာတွင် ‘တိုင်းပြည်စီးပွားရေး ဖွံဖြိုး တိုးတက် လာစေရန်အတွက် လွတ်လပ်စွာကုန်သွယ်ခွင့်၊ ကူးသန်း ရောင်းဝယ်ခွင့်
ရရှိရေးနှင့် လွတ်လပ်စွာ ငွေကြေး လည်ပတ်သုံးစွဲခွင့် ရရှိရေးတို့၏ အရေးကြီးမှုနှင့် ပတ်သက်၍ အမြင်ချင်း ဖလှယ်’ ဆွေးနွေးခဲ့ကြသည်ဟု ထုတ်ပြန်ခဲ့သည်။

လွန်ခဲ့သော ၁၉၅၂ ခုနှစ်ကတည်းက အဖွဲ့ဝင် နိုင်ငံ ဖြစ်သည့် မြန်မာနိုင်ငံအား IMF က ငွေကြေးထောက်ပံ့မှု ရပ်စဲထားသော်လည်း အဖွဲ့ဝင်နိုင်ငံများနှင့် သဘောတူမှု မူဝါဒအရ “အဖွဲ့ဝင်နိုင်ငံနှင့် စီးပွားရေးဖွံ့ဖြိုးမှု ဆွေးနွေး
ခြင်း၊ စီးပွားရေးဆိုင်ရာ တောင်းဆိုခွင့်ရှိသကဲ့သို့ ငွေကြေးစီမံခန့်ခွဲမှု စနစ်၊ ငွေလဲနှုန်း တည်ငြိမ်စေရေး တို့အတွက် နည်းပညာနှင့် အကြံဉာဏ်များ ပေးခွင့်ရှိ”နေသည်။
http://www.mizzimaburmese.com/news/business/8584--imf-.html

ဘီဘီစီကို နားမထောင်-ကမ်ပိမ်းကို ရန်ကုန်နှင့် အခြားမြို့ နယ်တွေမှာ စတင်နေပြီ..


မြန်မာနိုင်ငံမှာ တိုင်းရင်းသားလူမျိုး ( ၁၃၅ ) ရှိတယ်လို့  မကြာသေးခင်ကလဲဘဲ မြန်မာနိုင်ငံအစိုးရက ထုတ်ဖေါ်ပြောဆိုသွားတာရှိပါတယ်။ ဒါပေမဲ့  မြန်မာနိုင်ငံရဲ့  အချုပ်အချာ အာဏာပိုင်နယ်မြေကို မဖွယ်မရာ ပြုလုပ်လာတဲ့  ဘီဘီစီ အင်္ဂလိပ်ပိုင်းအစီအစဉ်ဋ္ဌါနကနေပြီး မြန်မာနိုင်ငံမှာ တိုင်းရင်းသား လူမျိုးမဟုတ်တဲ့ ဘင်္ဂလီလူမျိုးတွေရဲ့  ဓါတ်ပုံကို ရခိုင်ပြည်နယ် ( ARAKAN ) မှာ တင်ပြထားတဲ့  အတွက် ဒါဟာ မြန်မာနိုင်ငံရဲ့  အချုပ်အချာအာဏာပိုင်နယ်မြေနဲ့  ပြည်သူလူထုတရပ်လုံးကို စော်ကားမော်ကား ပြုလုပ်ခြင်းဖြစ်ပါတယ်။ ဒါကို စာရေးဆရာ ချိုတူးဇော်၊ စာရေးဆရာသွန်းနေစိုးတို့  အပါအ၀င် ရခိုင်စာရေးဆရာတွေ ၊နဲ့  သမိုင်းသုတေသီတွေ ၊ ရခိုင်အဆိုကျော်တွေက ဒီလို ဓါတ်ပုံတင်ထားတာကို ဖြုတ်ချပြီး တောင်းပန်ပေးရမယ်လို့  မေတ္တာရပ်ခံစားပေးပို့  ကြပါသေးတယ်၊ ဒါပေမဲ့  ဘီဘီစီ အင်္ဂလိပ်ပိုင်းအစီစဉ်က ဖြေရှင်းရာမှာ အနောက်နိုင်ငံသားတွေရဲ့  ဓလေ့ထုံးစံအတိုင်း အဲဒီသမိုင်းလိမ်ဘင်္ဂလီ လူမျိုးတွေရဲ့  ဓါတ်ပုံကို မဖြုတ်ချဘဲ အပြင် ရခိုင်မိန်းခလေးတွေရဲ့  သင်္ကြန်ခါ နံသာသွေးတဲ့  ပုံကိုပါ ပူးတွဲ ဖေါ်ပြလိုက်ပါသေးတယ်။ ရခိုင်လူမျိုးတွေနဲ့  တိုင်းရင်းသား လူမျိုးတွေအပါဝင် စာရေးဆရာတွေက တောင်းဆိုတာဟာ အဲဒီမြန်မာနိုင်ငံကို ထိပါးတဲ့  ဓါတ်ပုံတခုလုံးကို ဖြုတ်ချဖို့  မေတ္တာရပ်ခံခြင်းသာဖြစ်ပါတယ်။ ရခိုင်ပြည်နယ်မှာ ရခိုင်လူမျိုးတွေ ရှိနေတယ်ဆိုတာကို ဖေါ်ပြဖို့  ခိုင်းနေတာမဟုတ်ပါဘူး။ ပြီးတော့ ဖြေရှင်းရာမှာလဲ တကယ်ပဋိပက္ခဖြစ်နေတဲ့  လူမျိုးတွေကို ဖေါ်ပြခြင်းသာဖြစ်ပါတယ်လို့  ပြောဆိုတာဟာ အနောက်နိုင်ငံသားတွေရဲ့  ဖြေရှင်းပုံ ဖြေရှင်းနည်းနဲ့  စော်ကားမော်ကား ပြုလုပ်ခြင်း ဖြစ်ပါတယ်။ ဒီတော့ ဒီလိုမြန်မာနိုင်ငံရဲ့  တိုင်းရင်းသားလူမျိုး ( ၁၃၅ ) မျိုးစုမှာ အသိအမှတ်မပြုတဲ့  သမိုင်းလိမ်ဘင်္ဂလီလူမျိုးတွေပြသနာကို ပဋိပက္ခဖြစ်အောင် ဘယ်သူများ ပြုလုပ်နေတာလဲ ဆိုတာနဲ့  ပါတ်သက်လို့ အနောက်နိုင်ငံသားတွေဖြစ်တဲ့  ဘီဘီစီ အင်္ဂလိပ်ပိုင်းဋ္ဌါနက ပုဂ္ဂိုလ်တွေ မသိဘဲ ရှိနေနိုင်ပါ့မလား။ သမိုင်းအထောက်အထားမရှိ၊ စာပေယဉ်ကျေးမှုမရှိ ၊ ရှေးဟောင်းယဉ်ကျေးမှုအဆောက်အဦး မရှိ၊ နောက်ဆုံး နှစ်ပေါင်းထောင်နဲ့ သောင်းနဲ့ ချီပြီး ရှိနေပြီလို့  ပြောတဲ့  သူတွေက ခုထက်ထိ ဒေသခံ စကား မပြောတတ်ကြတာကို ကြည့်ခြင်းအားဖြင့် မြန်မာနိုင်ငံအစိုးရက ဒီလူမျိုးဟာ ရှေးဦးရခိုင်ပြည်မှာ နေထိုင်တဲ့  လူမျိုး မဟုတ်တာကြောင့် နယ်စပ်ဖြတ်ကျော် ခိုးဝင်လာသော လူမျိုးဖြစ်လို့ အသိအမှတ် မပြုခြင်းသာ ဖြစ်တယ်ဆိုတာကို ထုတ်ပြန်ထားတာဖြစ်ပါတယ်။ တကယ်လို့  ဘီဘီစီ အင်္ဂလိပ်ပိုင်း အစီအစဉ်က ဒီလို မြန်မာနိုင်ငံမြေပုံမှာ ဓါတ်ပုံတွေ ဖေါ်ပြချင်တယ်ဆိုရင် ဒီလူမျိုးတွေဟာ တကယ်များ ရှိနေလေသလားဆိုတာကို ရခိုင်သမိုင်းဆရာ သုတေသီတွေ ၊ ဗမာသမိုင်းဆရာသုတေသီတွေ ၊ ရှေးဟောင်းယဉ်ကျေးမှု သုတေသီတွေနဲ့  ရှေးဟောင်းယဉ်ကျေးမှုတွေကို လေ့လာပြီး ပြုလုပ်သင့်တယ်လို့  ပြည်တွင်းက ပုဂ္ဂိုလ်တွေက သဘောထားရှိနေကြပါတယ်။ ဒါကြောင့်မို့ လို့  ရန်ကုန်ုနဲ့  အခြားမြို့ နယ်တွေ ၊ ရခိုင်ပြည်နယ်တွေမှာ ဘီဘီစီ မြန်မာပိုင်းအစီအစဉ်ကို နားမထောင်ကြတော့ဘူးလို့  ဆိုတဲ့  ကမ်ပိမ်းကို နိုင်ဝင်ဘာလ-၁-ရက်နေ့ က စတင်လိုက်ပြီဖြစ်ကြောင်း သိရပါတယ်။ တချိန်က မြန်မာနိုင်င်ရဲ့ -၈၈-ကာလမှာ လူထုအသဲစွဲ အသံလွှင့်ဋ္ဌါန တခုဖြစ်တဲ့  ဘီဘီစီ မြန်မာပိုင်းဟာ ခုဆိုရင် လူထုတွေရဲ့  တံထွေးခွက်မှာ ပက်လက်မျောသွားပြီဖြစ်သလို ဒီလိုမဆင်မခြင် လုပ်မှုကြောင့် နောင်ကို လူမျိုးရေးအဓိကရုဏ်းတွေအထိ ဖြစ်ပေါ်လာမှာ ဖြစ်တယ်လို့  ရခိုင်သမိုင်းသုတေသီတွေက ခန့် မှန်း ပြောဆိုကြသလို ဒီလို ဖြစ်ပေါ်လာရင်လဲဘဲ အဓိက တရားခံဟာ ဘီဘီစီ အင်္ဂလိပ်ပိုင်း အစီအစဉ် အသံလွှင့်ဋ္ဌါနသာဖြစ်ကြောင်း ပြောဆိုနေကြပါတယ်။

ခိုင်အောင်ကျော် ( နယူးယောက် )

သောနုထ္ထိုကျော်ဆန်းနှင့်စီတုပစ်ဇော်မင်းသွားရှာပြီ....


လွှတ်တော်ထဲမှာတော့လမ်းကြောင်းရှင်းနေပြီ။
ဦးသန်းရွှေအကြောင်းဝေဖန်ရင်မျက်ရည်ကျဝမ်းနည်းသူတွေ..
ဝန်ကြီးအဆင့်စကားမပြောတတ်သူတွေ..
ဒေါ်အောင်ဆန်းစုကြည်နဲ့မတွေ့ချင်လို့ခပ်လှမ်းလှမ်းမှာမျက်နှာစူပုတ်ပြီးသွားထိုင်သူတွေ...
အင်း..
နိုင်ငံရေးအကျဉ်းသားတွေအကုန်လွှတ်။
တိုင်းရင်းသားအရေးစားပွဲဝိုင်းပေါ်ရောက်ပြီးတာနဲ့ဦးသိန်းစိန်ကိုနိုဘယ်လ်ဆုတောင်ပေးရမလိုလို။




အလုပ်ရုံဆွေးနွေးပွဲတွင်ကားပေါ်ရောက်သည်အထိပြုံးပြုံးရွှင်ရွှင်လိုက်ပါပို့ဆောင်သောဒုတိယဗိုလ်ချုပ်ကြီးသိန်းဌေး






























ဖြေမဆည်နိုင်ဘု၊
ခါချဉ်အုံတရာဘောင်းဘီထဲဝင်သလိုပ၊
ပိတ္တာမျက်ရည်မြေ၀ယ်မကျရအောင်၊
စိန်စိန်ရယ်ရက်စက်လိုက်ပုံက၊
အမယ်လေး...
ရွှေရွှေရေကယ်ပါအုံးတော့၊
ဘာတဲ့...
(ဒုံးယိမ်းတွေရင်ထဲရောက်လာတယ်..)



ဂျပန်နိုင်ငံအနေဖြင့် မြန်မာနိုင်ငံ ရေအားလျှပ်စစ် ဓာတ်အားပေးစက်ရုံ၏ အခွင့်အရေးချိုးဖောက်မှုများကို စုံစမ်းစစ်ဆေးမှု ပြုလုပ်သင့်

by Save Irrawaddy  (face book)on Tuesday, November 1, 2011 at 11:40pm

ထောက်ပံ့မှုအသစ်အတွက် မစဉ်းစားမီ ဂျပန်နိုင်ငံအနေဖြင့် မြန်မာနိုင်ငံ ရေအားလျှပ်စစ် ဓာတ်အားပေးစက်ရုံ၏ အခွင့်အရေးချိုးဖောက်မှုများကို စုံစမ်းစစ်ဆေးမှု ပြုလုပ်သင့်သည်

အရေးပေါ်ထုတ်ပြန်ကြေငြာချက်
၂ နိုဝင်ဘာလ ၂၀၁၁

မြန်မာနိုင်ငံ မြစ်ချောင်းများဆိုင်ရာကွန်ယက် (BRN) နှင့်အတူ မြန်မာနိုင်ငံတွင်း ဆည်ကြောင့် ထိခိုက်ခံရသည့် လူ့အဖွဲ့အစည်းများအတွက် ကိုယ်စားပြုလုပ်ဆောင်နေ သော ကရင်နီဖွံ့ဖြိုးတိုးတက်ရေး သုတေသနအဖွဲ့ (KDRG) တို့မှ ဂျပန်အစိုးရအား မြန်မာ နိုင်ငံကို ထောက်ပံ့မှုအသစ်ပေးရေးအတွက် မစဉ်းစားမီ ကရင်နီပြည်နယ်တွင် လုပ်ဆောင် နေသော မြန်မာနိုင်ငံ၏ ပထမဆုံး အကြီးစား ရေအားလျှပ်စစ်စီမံကိန်းဖြစ်သည့် လောပိတ (ဘီလူးချောင်း) ရေအားလျှပ်စစ်စီမံကိန်း အမှတ် ၂ နှင့် သက်ဆိုင်သော အခွင့်အရေးချိုး ဖောက်မှုများကို ဦးစွာ စုံစမ်းစစ်ဆေးမှုပြုလုပ်ရန် တိုက်တွန်းလိုက်သည်။ လောပိတစီမံ ကိန်းကို ဒုတိယကမ္ဘာစစ်ပြီးနောက် ဂျပန်တို့၏ စစ်လျော်ကြေးငွေဖြင့် ထောက်ပံ့လုပ် ဆောင်ခဲ့ခြင်းဖြစ်သည်။

မြန်မာအစိုးရသည် ဒီမိုကရေစီနိုင်ငံအဖြစ်သို့ တိုးတက်ပြောင်းလဲနေသည်ဟု ဂျပန်နိုင်ငံမှ သုံးသပ်ရှုမြင်ပြီး ၄င်းအခြေအနေကို အသိအမှတ်ပြုသောအားဖြင့် ဂျပန်ဝန်ကြီးဌာနမှ အောက်တိုဘာ ၂၁ ရက်နေ့တွင် မြန်မာ အစိုးရအား လောပိတ ရေအားလျှပ်စစ်ဓာတ် အားပေးစက်ရုံ အမှတ် ၂ ကို ပြန်လည်ပြုပြင်ရေးအတွက် တရားဝင် ဖွံ့ဖြိုးတိုးတက်မှုအကူ အညီ (ODA) ကို ထောက်ပံ့ပေးရန် စဉ်းစားနေကြောင်း ထုတ်ပြန်ပြောကြားခဲ့သည်။

လောပိတ ရေအားလျှပ်စစ်စီမံကိန်းကြောင့် ပြည်သူပေါင်း ၁၂၀၀၀ ကျော်သည် ၄င်းတို့၏ နေအိမ်များမှ အတင်းအဓမ္မ ပြောင်းရွှေ့ခံခဲ့ရသည်။ မြန်မာစစ်သား ထောင်ပေါင်းများစွာသည်လည်း စီမံကိန်းလုံခြုံရေးအတွက် အကြောင်းပြ၀င် လာကြပြီး ဒေသခံ ပြည်သူများအပေါ် အတင်းအဓမ္မလုပ်အားပေးမှုများ၊ လိင်ပိုင်းဆိုင်ရာ အကြမ်းဖက် မှုများနှင့် ဥပဒေမဲ့ သတ်ပစ်ခြင်းများ အပါအ၀င် အခွင့်အရေး ချိုးဖောက်မှုများစွာကို ကျူးလွန်ခဲ့ကြသည်။

လျှပ်စစ်ဓာတ်အားပေးစက်ရုံအတွက် ရေကို အဓိက ဦးစားပေးအသုံး ပြုရပြီး ထိုကဲ့သို့ ရေသုံးစွဲမှုကြောင့် ဒေသအတွင်း ရေရှားပါးပြတ်လပ်မှုများ ကြုံတွေ့ရသည့် အပြင် ကောက်ပဲသီးနှံများကို ပျက်စီးဆုံးရှုံးမှုဖြစ်စေသည့် အန္တရာယ်ကြီးသော ရေကြီးမှုများ ကိုလည်း ဖြစ်ပေါ်စေခဲ့သည်။ ယနေ့အထိ လျှပ်စစ်ဓာတ်အားပေးစက်ရုံနှင့် လျှပ်စစ်သွယ် တန်းသည့်မျှော်စင်အနီးတ၀ိုက်တွင် မြေမြှုပ်မိုင်းပေါင်း ခန့်မှန်းခြေ ၁၈၀၀၀ ခန့်ရှိသည်။ ဤ ကဲ့သို့ အရင်းအနှီးများစွာ စတေးကြရသော်လည်း မြန်မာနိုင်ငံ အလယ်ပိုင်းသို့ လျှပ်စစ် ဓာတ်အား အများဆုံး ပေးပို့သည့်အတွက်ကြောင့် ဒေသခံ ပြည်သူများ၏ ၈၀ ရာခိုင်နှုန်းမှာ ယနေ့အထိ လျှပ်စစ်မီးမရရှိကြပေ။

၂၀၁၁ ခုနှစ် စက်တင်ဘာလတွင် မိုးသည်းထန်စွာ ရွာသွန်းမှုပြီးနောက် မြန်မာစစ်တပ် သည် မည်သည့် သတင်းပေးနှိုးဆော်မှုမှ မရှိပဲ လောပိတစီမံကိန်းဆည်မှ ရေလွှတ်ထုတ် လိုက်ခြင်းကြောင့် မြစ်အောက်ပိုင်းရှိ မြို့နယ်အများစုကို ဆိုးဝါးစွာ ရေလွှမ်းမိုးခဲ့ပြီး စီမံကိန်း ၏ စီမံအုပ်ချုပ်ရေးညံ့ဖျင်းမှုအပေါ် ကန့်ကွက်ဆန္ဒပြမှုများလည်း ဖြစ်ပေါ်ခဲ့သည်။

"ဒီနေ့အထိ လောပီတအနီးတ၀ိုက်မှာ မြေမြှုပ်မိုင်းတွေရှိတုန်းပဲ။ ပြီးတော့ ဒေသခံရွာသူ ရွာ သားတွေကိုလည်း လျှပ်စစ်ကြိုးတွေ၊ လိုင်းတွေကို စောင့်ကြည့်ဖို့ အတင်းအဓမ္မ လုပ်ခိုင်း တယ်" ဟု KDRG အဖွဲ့၏ တာဝန်ခံ ခူးသော်ရယ်က ဆိုသည်။ "ဂျပန်အစိုးရအနေနဲ့ မြန်မာ စစ်တပ်ကျောထောက်နောက်ခံပေးထားတဲ့ အစိုးရကို နောက်ထပ် ကူညီထောက်ပံ့မှုတွေ မပေးခင် စီမံကိန်းဒေသမှာဖြစ်နေတဲ့ လူ့အခွင့်အရေးချိုးဖောက်မှုတွေကို အရင်ဆုံး စုံစမ်း စစ်ဆေးမှုတွေ လုပ်ဖို့ လိုအပ်တယ်"

ဂျပန်နိုင်ငံသည် မြန်မာနိုင်ငံတွင်း လူ့အခွင့်အရေးချိုးဖောက်မှုများနှင့် ပြည်တွင်းစစ်ဖြစ်ပွား နေသည့်ကြားမှ မြန်မာနိုင်ငံသို့ အကူအညီများ၊ ရင်းနှီးမြှုပ်နှံမှုများ ထပ်လုပ်ရန်စဉ်းစားနေ သည့် နိုင်ငံများထဲမှ တနိုင်ငံ အပါအ၀င်ဖြစ်သည်။ တိုင်းရင်းသား ပြည်သူများ၏ နိုင်ငံရေး အခွင့်အရေးများအတွက် တိုက်ပွဲဝင်နေကြသောကြောင့် ကချင်၊ ရှမ်း၊ ကရင်နီနှင့် ကရင် ပြည်နယ်ရှိ ဆည်စီမံကိန်းအနီးတ၀ိုက်တွင် လက်နက်ကိုင် ပဋိပက္ခများ မကြာခဏ ဆက် လက်ဖြစ်ပွားလျှက်ရှိသည်။

"အခုချိန်ဟာ မြန်မာနိုင်ငံတွင်းမှာ အကြီးစား ရင်းနှီးမြှုပ်နှံမှုတွေလုပ်ဖို့ သင့်တော်တဲ့အချိန် မဟုတ်သေးပါဘူး" ဟု မြန်မာနိုင်ငံ မြစ်ချောင်းများဆိုင်ရာကွန်ယက်အဖွဲ့မှ စိုင်းစိုင်းမှ ပြော သည်။ "ဒီစီမံကိန်းတွေဟာ ဒေသခံပြည်သူတွေရဲ့ အကျိုးအမြတ်အတွက် ဘာမှမရှိတဲ့အ ပြင် ဒေသခံ ပြည်သူတွေအပေါ်မှာတောင် လူ့အခွင့်အရေးချိုးဖောက်မှုတွေကို ကျူးလွန်နေ တယ်"

ဆက်သွယ်ရန်

စိုင်းစိုင်း +၆၆ ၈၈ ၄၁၅၄၃၈၆ (အင်္ဂလိပ်၊ မြန်မာ)

ခူးသော်ရယ် +၆၆ ၉၈ ၃၅၆၁၂၈ (အင်္ဂလိပ်၊မြန်မာ)

မအဲလီလီ +၆၆ ၈၁ ၃၆၆ ၀၆၂၁ (ဂျပန်)

လောပိတအစီရင်ခံစာနှင့် သတင်းအချက်အလက်အပြည့်အစုံရယူရန်

For full report on the Lawpita project:

http://www.burmariversnetwork.org/images/stories/publications/english/dammed-english.pdf

For press release on floods caused by water releases from the Lawpita project:

http://www.burmariversnetwork.org/actions/press-releases/23-press-releases/695-dam-induced-floods-spur-calls-to-suspend-new-chinese-dams-in-burmas-karenni-state.html
http://www.burmariversnetwork.org/burmese/2008-09-23-12-56-27/2008-09-24-18-02-19/18-2008-09-24-15-25-12/240-2011-11-01-14-00-47.html