Saturday, November 19, 2011

ရင်ငြိမ်းပွင့်ဈာပန












သာဓုခေါ်လိုက်ပါတော့


‎"သာဓုခေါ်လိုက်ပါတော့ မရင်ငြိမ်းပွင့်"
စင်ကာပူနိုင်ငံ၊ Serangoon Central, Block 420 နေမရင်ငြိမ်းပွင့်သည် ၁၇.၁၁.၂၀၁၁ နံနက်ပိုင်းတွင် သူမနေထိုင်ရာတိုက်ခန်းမှ ခုန်ချပြီးမိမိကိုယ်ကိုအဆုံးစီရင်သွားခဲ့ကြောင်းသတင်းအားနာရေးကူညီမှုအသင်း(ရန်ကုန်)မှ သိရှိလိုက်ရသောအချိန်တွင် နာရေးကူညီမှုအသင်း(ရန်ကုန်) အသင်းသူ/သားများသည် များစွာအံ့သြခဲ့ရသည်။ မရင်ငြိမ်းပွင့်သည် စင်ကာပူနိုင်ငံနန်ယန်ပိုလီတက္ကနစ်မှ သူနာပြု ဒီပလိုမာဘွဲ့ရရှိခဲ့ပြီးKandangKerbauအမျိုးသမီးနှင့် ကလေးသူငယ်ဆေးရုံတွင် အလုပ်လုပ်ကိုင်ခဲ့ကြောင်းသိရှိရသည်။ (၃၁) ဘုံတွင်ရခဲလှသော လူ့ဘ၀တွင် အို၍သေခြင်း၊ နာ၍သေခြင်းစသည့် သေခြင်းတရားများအတွက် နာရေးကူညီမှုအသင်း(ရန်ကုန်)မှ အတက်နိုင်ဆုံးကူညီဖေးမပေးလျှက်ရှိရာယခုကဲ့သို့ လူ့ဘ၀သက်တမ်းမကုန်ဆုံးခင် မိဘ၊ ဆွေမျိုး၊ မောင်နှမများအားလိမ္မာရေးခြားရှိစွာဖြင့် မိမိတတ်စွမ်းသောပညာရပ်ဖြင့် အလုပ်အကျွေးပြုနေရှာသော နိုင်ငံ၏ သားကောင်း၊ သ္မီးကောင်းများအချိန်မတန်ဘဲ လူ့ဘ၀မှ ထွက်ခွာသွားရခြင်းအတွက် ကျန်ရစ်သူမိသားစုနှင့် ထပ်တူထပ်မျှ ကြေကွဲဝမ်းနည်းမိပါသည်။ မရင်ငြိမ်းပွင့်၏ ရုပ်အလောင်းအားစင်ကာပူနိုင်ငံမှ ရန်ကုန်မြို့သို့ ၁၈.၁၁.၂၀၁၁ ရက်နေ့ ညနေပိုင်းတွင် မိဘများမှ ပြန်လည်သယ်ဆောင်လာခဲ့သည်။ လေဆိပ်သို့ ရောက်ရှိလာသောမရင်ငြိမ်းပွင့်၏ ရုပ်အလောင်းအားနာရေးကူညီမှုအသင်း(ရန်ကုန်)သို့ အကြောင်းကြားခဲ့၍ ရန်ကုန်ပြည်သူ့ဆေးရုံကြီးသို့ အသင်းသားများ၊ ၀န်ထမ်းများမှ သယ်ဆောင်ပို့ဆောင်ပေးခဲ့ပါသည်။ ယနေ့ ၁၉.၁၁.၂၀၁၁ နေ့လည် (၁း၀၀) နာရီအချိန်တွင် ရန်ကုန်ပြည်သူ့ဆေးရုံကြီးအအေးခန်းမှ ရေဝေးသုဿန်သို့ နာရေးကူညီမှုအသင်း (ရန်ကုန်)မှ ပို့ဆောင်မီးသင်္ဂြိုလ်ပေးခဲ့သည်။ မီးသင်္ဂြိုလ်ခြင်းအခမ်းအနားပြီးဆုံးချိန်တွင် ကျန်ရစ်သူမိသားစု နှင့် ဆွေမျိုးသားချင်းများမှ နာရေးကူညီမှုအသင်း(ရန်ကုန်)သို့ လာရောက်၍ မရင်ငြိမ်းပွင့် အသက် (၂၂)နှစ်အတွက် ရည်စူး၍ အလှူငွေပေးအပ် လှူဒါန်းခဲ့ပါသည်။ ရောက်ရာဘုံဘ၀မှ မရင်ငြိမ်းပွင့်အားအမျှ … အမျှ … အမျှ ပေးဝေလိုက်ပါသည်။ တို့သေရတဲ့တစ်နေ့ အနှစ်မပါ ဗလာပြန်သွားရမှာကိုသာကြောက်ပါ။ အနှစ်ပါပါ ပြန်ရရင်တော့ မြေအိုးနဲ့ ရွှေအိုးလဲရတော့မယ်လို့ ၀မ်းမြောက်လိုက်ပါတော့ . . . . ။ (၀ဋ်ကြွေးတော်ပြေဆရာတော်ကြီး)
By: Kyaw Thu
အချစ်အတွက်နဲ့ အသက်ပါ ပေးသွားတဲ့ ရင်ငြိမ်းပွင့်

Facebook ၀မ်းနည်းမှက်တမ်း မှ

၉၀ ရလဒ် လက်တွေ့မကျတော့ဟု ဒေါ်အောင်ဆန်းစုကြည်​ ပြော


Published on November 18, 2011 by နေသွင် 
၁၉၉၀ ရွေးကောက်ပွဲရလဒ် အကောင်အထည်ဖော်ရေးဆိုတာ အခုအချိန်မှာ လက်တွေ့မကျတဲ့​ ​တောင်းဆိုချက်​ ​ဖြစ်သွားပြီလို့​​ ​မြန်မာ့ဒီမိုကရေစီခေါင်းဆောင်​ ​ဒေါ်အောင်ဆန်းစုကြည်က​ ​ပြောကြားလိုက်ပါတယ်။

အဖွဲ့ချုပ်ရုံးမှာ ကျင်းပတဲ့ ဗဟိုဦးစီးအဖွဲ့ အစည်းအဝေးမှာ ဒေါ်အောင်ဆန်းစုကြည်က ၁၉၉၀ ရွေးကောက်ပွဲရလဒ်ဟာ တရားဝင်ပြီသား၊ ဘယ်သူမှ ဖျောက်ဖျက်ပစ်လို့ မရပေမယ့် ရွေးကောက်ပွဲရလဒ် လွှတ်တော်​ ပေါ်ပေါက်ရေး တောင်းဆိုချက်က လက်တွေ့​ မကျတော့ဘူးလို့ ပြောပါတယ်။
“အသိအမှတ်​ ​ပြုတယ်ဆိုတာ တချို့က ဘယ်လို အသိအမှတ်ပြုတာကို ပြောတာလဲတော့ မသိဘူး။ ဘယ်သူ့မှလဲ ပယ်ဖျက်လို့ မရဘူး။ ဒီလိုဟာ အဖြစ်တိုင်း ဖြစ်ခဲ့ပါတယ်ဆိုတာကို အခုလက်ရှိ ၂၀၁၀ ရွေးကောက်ပွဲကနေ တက်လာတဲ့  ပြည်သူ့လွှတ်တော် ဥက္ကဋ္ဌ တယောက်က ဒီလိုပြောလိုက်တယ်ဆိုတာ လက်ခံနိုင်တဲ့အကြောင်း ရှိတယ်လို့ ကျမ ပြောချင်ပါတယ်။ ဒါကို တချို့က ၁၉၉၀ ရွေးကောက်ပွဲအရ လွှတ်တော်​ ​ခေါ်ပေးရမယ်ဆိုပြီး ခုထက်ထိ အော်နေတုန်းပါ။ ဒါကတော့ လက်တွေ့ကျတဲ့ ကိစ္စ မဟုတ်ပါဘူး။ လက်တွေ့ကျတဲ့ တောင်းဆိုချက် မဟုတ်ပါဘူး။”
မကြာခင်က ပြည်သူ့လွှတ်တော် ဥက္ကဋ္ဌ ဦးခင်အောင်မြင့်က ၁၉၉၀ ရွေးကောက်ပွဲရလဒ်ကို အသိအမှတ်​ ပြုတယ်လို့ ပြည်တွင်းဂျာနယ် ရန်ကုန်တိုမ်း​ ဂျာနယ်ကို ပြောခဲ့တာကို ရည်ညွှန်းပြီး ဒေါ်အောင်ဆန်းစုကြည် ပြောသွားတာပါ။
၁၉၉၀ အနိုင်ရ မဟာမိတ်အဖွဲ့ချုပ်ဖြစ်တဲ့ ပြည်သူ့လွှတ်တော် ကိုယ်စားပြု ကော်မတီ အတွင်းရေးမှူး ဦးအေးသာအောင်က စီအာပီပီ အနာဂတ်နဲ့ ပတ်သက်လို့  မကြာခင်မှာ ဆွေးနွေးရမယ်လို့  ပြောပါတယ်။
“စီအာပီပီမှာ ပြီးခဲ့တဲ့လ ၇​ ရက်နေ့ကတည်းက ဆွေးနွေးပြီးတော့ သဘောထား ရထားပြီး ဖြစ်ပါတယ်။ ဒါပေမယ့် ကျနော်တို့ မီဒီယာကို ထုတ်ဖော် မပြောတာက အခု ဒီနေ့ ဆွေးနွေးတဲ့ စီအီးစီ အစည်းအဝေးကို လွှမ်းမိုးရာကျမှာ စိုးလို့ မပြောခဲ့တာပါ။ အခုလို အမျိုးသားဒီမိုကရေစီအဖွဲ့ချုပ်က မှတ်ပုံတင်ဖို့ရယ်၊ ရွေးကောက်ပွဲဝင်ဖို့ရယ်​ ဆုံးဖြတ်လိုက်ပြီဆိုတော့ လာမယ့် အစည်းအဝေးမှာ ဒီကိစ္စကို ဆွေးနွေးဖို့ ရှိပါတယ်။”
စီအာပီပီကို ၁၉၉၀ ​ရွေး​ကောက်ပွဲအနိုင်ရ အမျိုး​သား​ဒီမိုက​ရေစီ အဖွဲ့ချုပ်နဲ့ ရှမ်း​၊​ ရခိုင်၊​ ဇိုမီး​၊​ မွန်ပါတီတို့က ​ခေါင်း​ဆောင်​တွေနဲ့ ​ရွေး​ကောက်ပွဲရလဒ်​ ​ပြည်သူ့လွှတ်တော်​ ​ပေါ်ပေါက်ရေးအတွက် ၁၉၉၈ ခုနှစ်မှာ ဖွဲ့စည်း​ခဲ့​တာပါ။
၁၉၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က ၈၀ ရာခိုင်နှုန်းကျော် အနိုင်ရခဲ့တာဖြစ်ပြီး စစ်အစိုးရက ရလဒ်ကို အသိအမှတ်​ ​မပြုခဲ့ပါဘူး။
၂၀၁၀ ရွေးကောက်ပွဲ အကြိုကာလမှာ ၁၉၉၀ ရလဒ်ကို ဖျက်သိမ်းကြောင်း အဲဒီတုန်းက စစ်အစိုးရအကြီးအကဲ ဗိုလ်ချုပ်မှူးကြီး သန်းရွှေ လက်မှတ်ထိုးထားတဲ့​ ​ပြည်သူ့လွှတ်တော် ရွေးကောက်ပွဲ ဥပဒေတရပ် ထုတ်ပြန်ခဲ့ပါတယ်။ 
http://burmese.dvb.no/archives/18012

မောင်တောတွင် ကောလဟလ သတင်းများကြောင့် မတည်ငြိမ်မူဖြစ်




News Date:11/18/2011
မြန်မာ နောက်ဘက်နယ်စပ် မောင်တောမြို့တွင် ကောလဟလ သတင်းများ ပျံ့နှံ့နေသဖြင့် မတည်ငြိမ်မူများ ဖြစ်ကာ မြို့ခံများ အကြား စိုးရိမ်နေကြကြောင်း သိရသည်။


Maungdaw Gate Arakan.
" မနေ့က ညဥ့် ၁၂ နာရီမှာ မွတ်ဆလင်တွေက စုရုံးပြီး မြို့ကို ဖြိုမယ်ဆိုတဲ့ သတင်းတွေ ထွက်လာ ပါတယ်။ ကညင်တန်းမှာ စုနေကြပြီ ဆိုပြီး သတင်းတွေ ထွက်လာတဲ့အတွက် ကျွန်မတို့ တရွာလုံး အိပ်ရာကထပြီး အခြေအနေကို စောင့်ကြည့်နေခဲ့ကြပါတယ်။ ကာဗျူး ထုတ်တယ်လို့ ကြားရတယ်" ဟု မြို့ခံ အမျိုးသမီး တစ်ဦးက ပြောသည်။

တခြား အောင်ဗလ ရပ်ကွက်မှ အမျိုးသမီးတစ်ဦးကလည်း အဆိုပါ သတင်းကြောင့် သူတို့ရွာတွင် တအိမ်တယောက်ကျ အစည်းအဝေး ခေါ်ယူခဲ့ကြောင်းကို ယခုလို ပြော သည်။

" ဒီသတင်းတွေကြောင့် ကျေးရွာ အုပ်ချုပ်ရေးမှူးက ဒီကနေ့မှာ အစည်း အဝေး ခေါ်ပြီး ပြောတယ်။ ဒီိနေ့ ညနေကစပြီး တစ်အိမ် တစ်ယောက်ကျ ကင်းစောင့်ရမယ်လို့ ပြောပါတယ်" ဟု ပြောသည်။

မောင်တောမြို့ ၀ိမလရပ်ကွက် တဘက်ကမ်း ရခိုင် ပြားသားရွာကို မွတ်ဆလင်များ မနေ့ ညဉ့်က ၀င်ရောက်တိုက်ခိုက်ကြောင်း သတင်းများလည်း ထွက်ပေါ်ခဲ့ကြောင်း လူငယ် တစ်ဦးက ပြောသည်။

" ကျွန်တော်တို့ ကြားတာက ပြားသားရွာကို မွတ်ဆလင်တွေ ဖြိုတယ်ဆိုပြီး ကြား တယ်။ ဒါပေမယ့် မဟုတ်ပါဘူး။ သတင်းတွေက အမျိုးမျိုး ပြန့်နေပါတယ်" ဟုသူက ဆိုသည်။

ယခုကဲ့သို့ သတင်းများ ထွက်ပေါ်နေသဖြင့် မောင်တောတွင် ဆိုင်ခန်း တစ်ချို့လည်း ပိတ်ထားကြောင်း၊ သို့သော်လည်း အထက်တန်းကျောင်းမှာ ဖွင့်ထားကြောင်း မြို့ခံ မျက်မြင်များက ပြောသည်။

ထိုကဲ့သို့ သတင်းများ ထွက်ပေါ်နေသဖြင့် မောင်တောမြို့ ရဲစခန်းမှ တာဝန်ရှိသူ တစ်ဦးကို မေးမြန်းရာ ဘာမှ မဟုတ်ကြောင်း၊ မောင်တောမှာ အေးအေးဆေးဆေး ရှိကြောင်း၊ ကာဗျူး ထုတ်ထား သည်မှာလည်း မဟုတ်မှန်ကြောင်း ပြောဆိုသည်။

သို့သော်လည်း မောင်တောမြို့ခံများမှာ ကောလဟလ သတင်းများ ပျံ့နှံ့နေသဖြင့် စိုးရိမ်ပူပန်မူများ တိုးပွားနေကြောင်း သိရသည်။ 

http://www.narinjara.com/detailsbur.asp?id=3601

နေပြည်တော် မြို့ ထဲ မှာ ဟောလိဝုဒ် ဇာတ်ကား ထဲ က လို ပြစ်ခတ် မှု ဖြစ်ပွား



နေမျိုးဦး ၊
၊မြန်မာ အစိုးရ ရုံး ရုံးစိုက်ရာ နေပြည်တော် မြို ရှိ ဥတ္တရ သီရီ မြို့ နယ် ရှိ
ပုဗ္ဗသီရီ မြို့  ပတ်လမ်းပေါ်ရှိ ဟိုတယ် ဇုန် များ အနီး တွင် ယနေ့ တနင်္ဂနွေ နေ့  မနက် ၁ နာရီ
အချိန် ခန့် က မော်တော်ကား နှစ် စီး အပြိုင် မောင်း နှင်မှု ဖြစ်ပွား ပြီး နောက် ကားပေါ် တွင်
ပါလာသူများ က ပစ္စတို ဟု ယူဆရသည့် သေနတ် များ ဖြင့် ငါးချက် ခန့်  အပြန် အလှ န်
ပစ်ခတ် မှု ဖြစ်ပွားပြီးနောက် ဘူတာကြီး ဘက်သို့  ရှေးရှု ၍ မောင်းနှင် သွား သည် ဟု
မျက်မြင် တွေ့ ရသူ များက FNG သို့  ပြောပြသည်။

မျက်မြင် တွေ့ ရသူ များ မှာ သာမန် အရပ်သား များ ဖြစ်၍ ညအချိန် အရှန်ဖြင့် မောင်းနှင့် လာ
သော ကားလည်း ဖြစ်ကာ မော်တော်ကား အမျိုးအစား မခွဲခြားတတ်သော ကြောင့် မည်သည့်
ကား ကုမ္ပဏီ မှ ထုတ်လုပ်သည် မသိရ သော်လည်း နှစ်စီး စလုံး မှာ တန်ဖိုးကြီး ဇိမ်ခံ ကားများ
ဖြစ်ကာ အဖြူရောင် များ ဖြစ် သည် ဟု ဆိုသည်။

” နောက်ကား က လူများ တယ်။ ပထမ ကား ကို လိုက်ဖဲ့ တာ ၊ အများဆုံး ပစ်တာ နောက်ကား
ကပဲ ရှေ့ ကား က တစ်ချက် ပဲ ပြန် ပစ် တယ် ထင်တယ်။ ဘာဆက်ဖြစ်လဲ တော့ မသိဘူး “ဟု
ပြောသည်။

ယခု နေ ပြည်တော် မြို့ တွင် ဖြစ်ပွား ခဲ့ သည့် ဟောလိဝုဒ် ရုပ်ရှင် ကား ထဲ က လိုပင် မြန်မာနိုင်
ငံ မြို့ တော် ဟောင်း ရန်ကုန် မြို့  ဉ် လည်း အဆိုပါ ဖြစ်ရပ် မျိုး မကြာခဏ ဖြစ်ပွား သည် ဟု
သိရသည်။

ကလပ် ပြီးချိန် တွေ ဆို သတိထား ရတယ် ၊ သူတို့  အချင်း ကလပ် မှာ ငြိလာတာ တွေ လမ်းကျ
တော့ ကား နဲ့  လိုက်တိုက်တာ တို့  ၊ လေးခွ နဲ့  လှမ်းပစ်တာ တို့  ရှိတယ်။ ပြီးခဲ့ တဲ့ လက ကလပ်
အပြီး ကျွန်တော့်ကား ကို ငှား တဲ့ ပါစင်ဂျာ ကို နောက်ကား က လိုက်ရန် ရှာ လို့  ဒဂုံ ရဲစခန်း
ထဲ မောင်း ပြေး ရတယ်။ ပိုက်ဆံ ပို ရလို့  Night ဆွဲ တာ၊ အန္တရယ် များ တယ် ဟု ရန်ကုန် မြို့ 
မှ တက္ကစီ မောင်းသမား တစ်ဦးက ပြောသည်။

လွန်ခဲ့ သည့် ၈ လခန့် က အာဏာရရှိ လာသည့် ကြံ့ဖွံ့ ပါတီ ထိပ်တန်း ခေါင်းဆောင် များ ၏ သား
သမီးများ သည် ယခု ကဲ့ သို့  ဥပဒေ မဲ့ အပြု အမူ မျိုး ကျူး လွန် တတ်သည် ဟု ရန်ကုန်မြို့ မှ ဒီဂျေ
တစ်ဦး က ပြောသည်။

နေပြည်တော် မြို့ နယ် ရှိ ယမန်နေ့ က ပစ်ခတ် မှု နှင့် ပတ်သက်ပြီး သက်ဆိုင်ရာ ရဲစခန်းများ တွင်
တစ်စုံ တစ်ရာ အမှု ဖွင့် အရေးယူထားခြင်းမရှိ ဟု သိရသည်။
http://freedomnewsgroup.com

ဗန်ကူးဗားတွင် နေထုိုင်သူ မြန်မာလူမျိူးတစ်ဦး ဒေဝါလီခံ

ကနေဒါနုိုင်ငံ လက်ရှိ ဗန်ကူးဗားတွင် နေထုိုင်သူ မြန်မာလူမျိူးတစ်ဦးက မြန်မာပြည်သုို့ ငွေပုို့သော လုပ်ငန်း လုပ်သည်ဟု ဆုိုကာ ကနေဒါမှ မြန်မာ၊ တရုတ်၊ စင်္ကာပူ၊ မလေးရှား နှင့် ထုိုင်းနိုိုင်ငံသုို့ မကြာခဏ အသွားအပြန်လုပ်၊ ဖေ့စ်ဘွတ်ပေါ်တွင် မိန်းကလေးများကုို ထောင်ချီ မိတ်ဆွေဖွဲ့၊ တွေ့သမျှ မိန်းကလေးအက်ပြီး စီးပွားရေး လုပ်ငန်းရှင်အယောင်ဆောင်ကာ လှုပ်ရှားလျှက် ရှိပါသည်။

ထုိုသူသည် မနေ့တနေ့ကမှ မြန်မာပြည်သုို့ သွားရောက်ခဲ့ပြီး နေပြည်တော်နှင့် ရန်ကုန်တွင် ပြည်ထောင်စု ဝန်ကြီးများ၊ စီးပွားရေး လုပ်ငန်းရှင်များနှင့် ဓါတ်ပုံ တွဲရုိုက်ကာ ဖေ့စ်ဘွတ်တွင် တင်ခဲ့သည်။ ထုို့ထက် ဆုိုးသည်မှာ ကနေဒါတွင် လက်ရှိဇနီးမယား ရှိလျှက်နှင့် မြန်မာနုိုင်ငံမှ စာရေးဆရာမ အမျိူးသမီးတစ်ဦးကုို လက်ထပ်လာခဲ့သည်ဟုလည်း သတင်းထွက်လျှက် ရှိပါသည်။

လွန်ခဲ့သော ၃ရက်ခန့်ကမူ ၎င်း ငှားရမ်းထားသော အေးဂျင့်မှ တဆင့် ၎င်းအားယုံကြည်စွာဖြင့် ငွေပုို့ပေးရန် အပ်နှံထားသော လူများ၏ ငွေများကုို လုံးဝမပေးနုိုင်ကြောင်း ဒေဝါလီခံသည့်သတင်းကုို အကြောင်းကြားစာ ပေးပုို့ခဲ့သည်။ အဆုိုပါ အကြောင်းကြားစာတွင် စုစုပေါင်း စာမျက်နှာ ၆မျက်နှာ ပါရှိပြီး အကြွေးပေးရမည့်သူများ၏ နာမည်၊ ငွေကြေး ပမာဏတုို့ အားလုံးပါရှိသည်။

ငွေကြေးဆုံးရှုံးသွားသူများတွင် မြန်မာအသုိုင်းအဝုိုင်းမှ အနည်းဆုံး ငါးယောက်ပါရှိပြီး တစ်ယောက်လျှင် အနည်းဆုံး ၂၀၀၀ မှ အများဆုံး ၄၀၀၀ အထိ ဖြစ်ကြပြီး ၄ဦးမှာ အမျိူးသမီးများ ဖြစ်ကြသည်။ တစ်ယောက်မှာ သူ၏အိမ်တွင် ငှားရမ်းနေထုိုင်သူ မြန်မာအမျိူးသမီးငယ်တစ်ဦး ဖြစ်သည်။

အိန္ဒိယ-တရုတ် နဲ့ မြန်မာနိုင်ငံ

သောကြာ, 18 နိုဝင်ဘာ 2011

By ဥိးအောင်ခင် & မညိုညိုလွင်
မြန်မာပြည်မှာ တရုတ်ပါဝင်တဲ့ လုပ်ငန်းတွေများပြားပေမယ့် မြန်မြန်ဆန်ဆန် အကောင်အထည်ဖော်နိုင်ကြတာ တွေ့ရပါတယ်။ အိန္ဒိယ ရင်းနှီးမြုပ်နှံထားတဲ့ စီမံကိန်းဟာ အနည်းငယ်သာ ရှိပေမယ့် ကြန့်ကြာနှေးကွေးနေတာ တွေ့ရပါတယ်။ ဒါကြောင့် တရုတ်ပါဝင်တဲ့ အခန်းကဏ္ဍဟာ များများမြန်မြန် ဖြစ်နေပြီး အိန္ဒိယရဲ့  အခန်းကဏ္ဍကတော့ နည်းနည်းနှေးနှေး ဖြစ်နေတယ်လို့ ပြောနိုင်ပါတယ်။ အိန္ဒိယ အစိုးရပါဝင်လုပ်ကိုင်နေတဲ့ စီမံကိန်းတဒါဇင်ကျော်ရှိတယ်လို့ ရန်ကုန်-အိန္ဒိယ သရုံးက ဆိုပါတယ်။

မြန်မာပြည်မှာ စီးပွားရေးလုပ်ဖို့ မှတ်ပုံတင်ထားတဲ့ တရုတ်ကုမ္မဏီ (၁၇၀) ကျော်ရှိပြီး နိုင်ငံခြားရင်းနှီးမြုပ်နှံမှု (၄၀) ရာခိုင်နှုန်းဟာ တရုတ်ပိုင် ဖြစ်ပါတယ်။ မြန်မာနိုင်ငံမှာအများဆုံး ရင်းနှီးမြုပ်နှံသူဟာ တရုတ်ပါ။ ၂၀၀၇ မှာ တရုတ်ကုမ္မဏီ (၂၆) ခုရှိရာက (၄) နှစ်အတွင်း တရာကျော် ထပ်တိုးလာတာ ဖြစ်ပါတယ်။ ရေအားလျှပ်စစ် စီမံကိန်းမှာ ပါဝင်တဲ့ အိန္ဒိယကုမ္မဏီတခုသာရှိပြီး တရုတ်ကုမ္မဏီ (၄၅) ခု ရှိပါတယ်။ ရေနံနဲ့ လျှပ်စစ်စီမံကိန်းမှာ ပါဝင်တဲ့ အိန္ဒိယကုမ္မဏီတခုသာရှိပြီး တရုတ်ကုမ္မဏီ (၄၅) ခုရှိပါတယ်။ ရေနံနဲ့ သဘာဝဓါတ်ငွေ့ထုတ်လုပ်ရေး စီမံကိန်း (၂၀) ကျော်မှာ တရုတ်ကုမ္မဏီ (၁၆) ခု ပါဝင်နေပါတယ်။ လွန်ခဲ့တဲ့နှစ်က ဒေါ်လာသန်း ရှစ်ထောင်ကျော် ရင်းနှီးမြုပ်နှံဖို့ တရုတ်က ဆုံးဖြတ်ပါတယ်။

အိန္ဒိယအစိုးရ အရှေ့ မျှော်လမ်းစဉ် ကျင့်သုံးလာတာ ဆယ်နှစ်ရှိပြီးမို့ အာဆီယံအသင်း၊ တောင်ကိုရီးယား၊ ဂျပန် စတာတွေနဲ့ ဆက်ဆံရေး မြှင့်တင်နိုင်ပေမယ့် အိန္ဒိယအရှေ့ မြောက်ပြည်နယ်တွေကို ဖွံ့ဖြိုးတိုးတက်အောင် မလုပ်နိုင်တာနဲ့ မြန်မာပြည်မှာပါဝင်တဲ့ အခန်းကဏ္ဍနည်းပါးနေတာကို အားနည်းချက်အဖြစ် မြင်ကြပါတယ်။ အရှေ့ မျှော်လမ်းစဉ်မှာ စီးပွားရေးပူးပေါင်းဆောင်ရွက်မှု အားနည်းနေတာဟာ အရှေ့ မြောက်ဒေသက လက်နက်ကိုင်ပုန်ကန်မှုကိုသာ အာရုံစိုက်နေလို့ဖြစ်ကြောင်း သုံးသပ်တာမျိုးရှိပါတယ်။ မြန်မာနိုင်ငံနဲ့ နယ်စပ်ချင်းဆက်နေတဲ့ မီဇိုရမ်၊ မဏိပူ၊ နာဂပြည်နယ် နဲ့ အရူနာချယ်ပရာဒေ့ရ်ှဟာ ယူနန်ပြည်နယ်လို တိုးတက်ဖွံ့ဖြိုးခြင်း မရှိတာဟာ မြန်မာနဲ့ဆက်သွယ်ရာမှာ ခရီးမရောက်ဘဲ ဖြစ်နေရတဲ့အကြောင်းရင်း ဖြစ်တယ်လို့ မြင်ကြပါတယ်။

မြန်မာနဲ့ဆက်စပ်နေတဲ့ အိန္ဒိယအရှေ့ မြောက်ပြည်နယ်တွေကို တိုးတက်ဖွံ့ဖြိုးအောင်မလုပ်ဘဲ မြန်မာပြည်မှာ ရင်းနှီးမြုပ်နှံတာဟာ ထိရောက်မှုရှိမှာ မဟုတ်ဘူးလို့ နယူးဒေလီအခြေစိုက် ကာကွယ်ရေး သုတေသနဌာန IDSA – Institute of Defense Studies & Analyses က ထုတ်ဝေတဲ့စာတမ်းတွေမှာ ဖော်ပြပါတယ်။ နယ်စပ်ဒေသမှာ အခြေခံအဆောက်အအုံ မကောင်းတဲ့အတွက် ကုန်သွယ်ရေးဟာ မျှော်လင့်သလို တိုးပွားလာတာ မဟုတ်ဘူးလို့ သုံးသပ်ကြပါတယ်။ အရှေ့ မြောက်ပြည်နယ်တွေမှာ မဲဂါဝပ် (၂၅) ကျော်တဲ့ ရေအားလျှပ်စစ်စက်ရုံ (၁၁) ရုံလည်ပတ်နေပြီး စုစုပေါင်း မဲဂါဝပ် (၁၅၀၀) ထုတ်လုပ်မယ့် ရေအားလျှပ်စစ် (၃) ခုနဲ့ နာဂပြည်နယ်မှာ မဲဂါဝပ် (၄၀၀) ရှိမယ့် ရေအားလျှပ်စစ် (၃) ခု တည်ဆောက်ဖို့ စီမံကိန်းရှိတာကြောင့် အကောင်အထည်ပေါ်ရင် မြန်မာပြည်နဲ့ ဘင်္ဂလာဒေ့ရ်ှကိုတောင် လျှပ်စစ်ဓါတ်အားရောင်းနိုင်မယ့် အခြေအနေရှိတယ်လို့ သုံးသပ်ကြပါတယ်။

မြန်မာ့အိမ်နီးချင်း အိန္ဒိယ အရှေ့ မြောက်ပြည်နယ်တွေမှာ ရေအားလျှပ်စစ်ထုတ်လုပ်ရေး စီမံကိန်းတွေ အကောင်အထည်ဖော်ဖို့ ကြိုးပမ်းနေတုန်း ချင်းတွင်းမြစ်မှာ ရေကာတာတွေ တည်ဆောက်ပြီး ရေအားလျှပ်စစ်ထုတ်ယူမယ့် အိန္ဒိယအစိုးရရည်ရွယ်ချက်ဟာ မဏိပူရပြည်နယ်အတွက်လို့ ဆိုပါတယ်။ အရှေ့ မြောက်ပြည်နယ် ဖွံ့ဖြိုးတိုးတက်ရေးကို ဦးတည်တဲ့ ကလတန်မြစ် စီမံချက်ဟာလည်း နှောင့်နှေးကြန့်ကြာနိုင်ပါတယ်။ အိန္ဒိယ-မြန်မာ-တရုတ်ကို ဆက်သွယ်ထားတဲ့ လီဒိုလမ်းမ ပြန်လည်တည်ဆောက်ရေး စီမံကိန်းမှာ တရုတ်အပိုင်းက ပြီးစီးနေပြီး မြစ်ကြီးနား က အိန္ဒိယနယ်စပ်အထိ လမ်းဖောက်ဖို့ တရုတ်ကုမ္မဏီက ကန်ထရိုက် ရထားပါတယ်။ အိန္ဒိယဘက်ကတော့ လုပ်ငန်းလုံးဝ မစသေးကြောင်း သိရပါတယ်။

အိန္ဒိယ၊ ဘင်္ဂလားဒေ့ရှ်၊ မြန်မာ နဲ့ ယူနန်ပြည်နယ် ဆက်သွယ်ရေး ကောင်းမွန်လာအောင် ကြိုးစားဖို့ ၁၉၉၉ မှာ (၄) နိုင်ငံ ကိုယ်စားလှယ်တွေ ကုမင်မြို့ မှာ နားလည်မှု ရယူခဲ့ပါတယ်။ Kunming Initiatives လို့ လူသိများပါတယ်။ အိန္ဒိယရဲ့  အရှေ့ မျှော်လမ်းစဉ်နဲ့ သဟဇာတဖြစ်အောင် ယူနန်ပြည်နယ်က အိန္ဒိယအရှေ့ မြောက်ဒေသနဲ့ ဆက်သွယ်ဖို့ ကြိုးပမ်းတဲ့ အစီအစဉ် ဖြစ်ပါတယ်။ ဒီအထဲမှာ ယူနန်၊ မြန်မာ၊ အိန္ဒိယကို ဒုတိယကမ္ဘာစစ်အတွင်းက ဆက်သွယ်ခဲ့တဲ့ လီဒိုလမ်းမ ပြန်လည်ဖွင့်လှစ်ရေးလည်း ပါဝင်ပါတယ်။

ဒါပေမဲ့ တရုတ်ကပိုင်ဆိုင်ကြောင်း ကြေညာနေတဲ့ အရူနာချယ်ပရာဒေ့ရှ် နဲ့ ယူနန်ပြည်နယ်ကို ကားလမ်းနဲ့ ဆက်သွယ်ဖို့ အိန္ဒိယဘက်မှာ သဘောမတူသူတွေ များပါတယ်။ ပြဿနာမရှိရင်တော့ လီဒိုလမ်းဟာ အကျိုးပြုနိုင်ပေမယ့် လက်နက်ကိုင် တိုင်းရင်းသားအုပ်စုတွေက အနှောင့်အယှက်ပေးနိုင်တာမို့ အိန္ဒိယ အစိုးရက တုံ့ဆိုင်းနေတာဖြစ်ပါတယ်။ လမ်းဖောက်ဖို့ခက်ခဲ့ပြီး ကျွမ်းကျင်အလုပ်သမား ရှားပါးမှုကိုလည်း အိန္ဒိယ ရင်ဆိုင်နေရပါတယ်။ ဒီ ပြဿနာတွေ တရုတ်မှာ မရှိတာဟာ အိန္ဒိယထက် တပန်းသာနေတဲ့အချက် ဖြစ်ပါတယ်။ အိန္ဒိယဟာ မိုရေး၊ တမူး၊ ကလေးဝ၊ ကလေးမြို့  ကာလမ်းကိုသာ ပြီးစီးအောင်ဆောက်လုပ်နိုင်သေးတာ တွေ့ရပါတယ်။
http://www.voanews.com/burmese/news/news-analysis/news_analysis_11-19-2011-134155583.html



သမ္မတဦးသိန်းစိန် သတင်းစာရှင်းလင်းပွဲ


စနေ, 19 နိုဝင်ဘာ 2011By ဒေါ်ခင်စိုးဝင်း


ဓာတ်ပုံ ASSOCIATED PRESS
အမေရိကန်သမ္မတ ဘရက်အိုဘားမား (၀ဲ)၊ မြန်မာသမ္မတ ဦးသိန်းစိန် (လယ်)၊ တရုတ်ဝန်ကြီးချုပ် ၀မ်ကျားပေါင် (ယာ) အရှေ့အာရှ ထိပ်သီးစည်းဝေးပွဲ အုပ်စုဓါတ်ပုံရိုက်နေစဉ်။ (နိုဝင်ဘာလ ၁၉၊ ၂၀၁၁)

အင်ဒိုနီးရှားနိုင်ငံ ဘာလီကျွန်းမှာကျင်းပနေတဲ့ အာဆီယံထိပ်သီးစည်းဝေးပွဲရဲ့ ဒီကနေ့ နောက်ဆုံးနေ့ ညပိုင်းမှာတော့ မြန်မာနိုင်ငံ သမ္မတ ဦးသိန်းစိန်က သတင်းထောက်တွေနဲ့ တွေ့ဆုံခဲ့ပါတယ်။ သမ္မတ ဦးသိန်းစိန်က သတင်းထောက်တွေကို တွေ့ပြီးတော့ ဘာတွေ ရှင်းပြခဲ့သလဲ ဆိုတာကိုတော့ ဘာလီကျွန်းမှာ သတင်းယူဖို့ရောက်နေတဲ့  ဗွီအိုအေမြန်မာပိုင်း အယ်ဒီတာ ဒေါ်ခင်စိုးဝင်းကို မသင်းသီရိက ဆက်သွယ် မေးမြန်းထားပါတယ်။
မသင်းသီရိ။ ။ သမ္မတဦးသိန်းစိန်က ဒီနေ့ညပိုင်း သတင်းထောက်တွေနဲ့တွေ့တဲ့အခါမှာ ဘယ်လိုအချက်တွေ ပြောကြားခဲ့သလဲဆိုတာ ရှင်းပြပါဦးရှင့်။ -
ဒေါ်ခင်စိုးဝင်း။       ။ “အနှစ် ၅၀ နီးပါးအတွင်း မြန်မာသမ္မတတစ်ဦးအနေနဲ့ ပထမဆုံးအကြိမ် သတင်းသမားတွေကို ထူးထူးခြားခြား တွေ့ဆုံမေးမြန်းခွင့်ပြုခဲ့တာလို့ပဲ ပြောရမှာပါ။ (၁၉) ကြိမ်မြောက် အာဆီယံ ထိပ်သီးညီလာခံနဲ့ အရှေ့အာရှ ထိပ်သီးညီလာခံကြီး ပြီးဆုံးတဲ့နေ့မှာ မြန်မာသတင်းသမားတွေကို စုဝေးပြီး တွေ့ဆုံခဲ့တာပါ။ အမေရိကန်သမ္မတ ဘရက်အိုဘားမားက နိုင်ငံခြားရေးဝန်ကြီး ဟီလာရီ ကလင်တန်ကို မြန်မာနိုင်ငံကို စေလွှတ်ဖို့ဆုံးဖြတ်လိုက်တာနဲ့ပတ်သက်ပြီး သမ္မတဦးသိန်းစိန်က အခုလို ပြောဆိုပါတယ်။”
ဦးသိန်းစိန်။  ။ “တိုက်တိုက်ဆိုင်ဆိုင် ဒီအစည်းအဝေးမှာ အိုဘားမားအနေနဲ့ မြန်မာနိုင်ငံနဲ့ပတ်သက်ပြီးတော့ လတ်တလော နိုင်ငံရေး ဖြစ်ပေါ်တိုးတက်မှုတွေကို သူ ဖော်ထုတ်ပြီးတော့ ပြောကြားသွားတာရှိပါတယ်။ အကုန်လုံး ပကတိ အကောင်းချည်းပဲလား ဆိုတော့လည်း မဟုတ်သေးပါဘူး။ ဆက်ပြီးတော့ ကျနော်တို့ လုပ်ရမယ့်ဟာတွေ၊ ဆက်ပြီးတော့ သူ့အနေနဲ့ ဒါကို စောင့်ကြည့်ရမယ့် ဟာတွေကိုလည်း ကျနော်တို့ကို ပြောပါတယ်။ သို့သော်လည်းပဲ ဘာပဲဖြစ်ဖြစ် ကျနော်တို့ရဲ့ ဒီ ဖြစ်ပေါ်တိုးတက်မှုကို အသိအမှတ်ပြုတယ် ဆိုတဲ့အတွက် ကိုယ့်နိုင်ငံအတွက်တော့ ဒါ အများကြီး ကောင်းတယ်ပြောရမှာပေါ့။ နိုင်ငံခြားရေးဝန်ကြီး မြန်မာနိုင်ငံကိုလာမယ် ဆိုတဲ့ဟာက ကျနော် ထင်ပါတယ်၊ နှစ်ပေါင်း လေးငါးဆယ်အတွင်းမှာ မရှိခဲ့တဲ့ဟာပါ။ ဒါလည်း ကျနော်တို့ နိုင်ငံအတွက်တော့ ဘာပဲဖြစ်ဖြစ် ကောင်းတဲ့အခြေအနေတရပ်လို့ ကျနော်တို့ ပြောရမှာဖြစ်ပါတယ်။”
ဒေါ်ခင်စိုးဝင်း။       ။ “မြန်မာနိုင်ငံမှာ နိုင်ငံရေး ပြုပြင်ပြောင်းလဲမှုတွေအတွက် တွန်းအားပေးကြတဲ့နေရာမှာ ဒီမိုကရေစီ ထွန်းကားပြီးသား၊ ရင့်ကျက်ပြီးသား အနောက်နိုင်ငံတွေက လိုချင်တဲ့ပုံစံမျိုးလို တထပ်တည်း ဖြစ်အောင် လုပ်လို့မရပေမဲ့ အံဝင်ခွင်ကျဖြစ်အောင်တော့ ရနိုင်ပါတယ်လို့ သမ္မတ ဦးသိန်းစိန်က အခုလို ပြောပါတယ်။”
ဦးသိန်းစိန်။  ။ ဒီမိုကရေစီ ရှင်သန်အောင်လုပ်ဖို့ ဆိုတဲ့နေရာမှာ အဓိကကတော့ တိုင်းပြည်ငြိမ်းချမ်းဖို့ လိုတယ်။ တိုင်းပြည်အေးချမ်းဖို့ဆိုတာမှာ ၂ ပိုင်းပေါ့။ ပြည်တွင်းက သဘောထားအမြင် အမျိုးမျိုးရှိနေတဲ့ ပုဂ္ဂိုလ်တွေနဲ့ သဘောထားချင်း တူညီအောင် ညှိကြတဲ့အပိုင်းပေါ့။ တခါ ဒီသဘောထားအမြင် အမျိုးမျိုးရှိတဲ့ ပုဂ္ဂိုလ်တွေနဲ့ ကျနော်တို့ သဘောထား အမြင်ချင်းတူပြီဆိုလို့ရှိရင် ပြည်ပကလည်း ဘာပဲဖြစ်ဖြစ် ဖိအားတွေ လျှော့နည်းလာတယ်။ အခုလိုပဲပေါ့ ဟုတ်လား။ ဒေါ်အောင်ဆန်းစုကြည်တို့ ကျနော်တို့ တွေ့ကြပြုကြ။ ကိုယ့်ရဲ့ ညီအစ်ကိုမောင်နှမတွေလိုပဲ သဘောထားပြီးတော့ တွေ့တယ်။ တွေ့တော့ ကျနော်တို့ရဲ့ စိတ်စေတနာတွေ လည်း နားလည်သွားတယ်။ ကျနော်တို့နဲ့တွေ့ပြီး နောက်ပိုင်းမှာဆိုရင် အပြုအမူတွေ အပြောအဆိုတွေ ဒါတွေကလည်း ကျနော်တို့ အများကြီးပြောင်းလဲသွားတယ်။ ဒီပြောင်းလဲတဲ့အပေါ်မှာ မူတည်ပြီးတော့မှ ပြည်ပကနေပြီးတော့လည်း လိုက်ပြီးတော့ ပြောင်းတယ်။”
ဒေါ်ခင်စိုးဝင်း။       ။ “မြန်မာနိုင်ငံမှာ အမျိုးသားပြန်လည်သင့်မြတ်ရေး အတွက် အရေးပါလှတဲ့ ကျန်နေသေးတဲ့ ယုံကြည်ချက်ကြောင့် အကျဉ်းကျနေသူတွေ လွှတ်ပေးရေးနဲ့ပတ်သက်လို့တော့ သမ္မတ ဦးသိန်းစိန်က သူ့ရဲ့သဘောထားကို အခုလို ပြောပြပါတယ်။”
ဦးသိန်းစိန်။  ။ “ယုံကြည်ချက်ကြောင့် ဆိုတဲ့ဟာကတော့ ပြောရမှာခက်တယ်။ ကျနော်တို့ကတော့ ယုံကြည်ချက်ဆိုတာကိုတော့ လက်မခံဘူး။ ဥပဒေတစ်ခုခုကို ကျူးလွန်ထားတဲ့အတွက်ကြောင့် ကျနော်တို့က အရေးယူထားတာ။ အဲဒီတော့ သူ့လိုပဲ ဥပဒေတစ်ခုခုတွေ ကျူးလွန်ထားတဲ့သူတွေ ထောင်ထဲမှာ အများကြီးရှိတယ်။ အဲဒီတော့ ဒီအဖွဲ့တွေပဲ ပြောမယ်ဆိုရင်တော့ ကျန်တဲ့အဖွဲ့အတွက်ပါ ခင်ဗျားတို့ ကိုယ်ချင်းမစာရာ ကျတယ်။ ကျနော်တို့ကတော့ အားလုံးအတွက် စဉ်းစားပြီးတော့ တိုင်းပြည်ရဲ့ အခြေအနေ၊ အချိန်အခါကိုကြည့်ပြီးတော့ ဖွဲ့စည်းအုပ်ချုပ်ပုံကလည်း သမ္မတကို လုပ်ပိုင်ခွင့်အပ်နှင်းထားတာက ခုနကလို pardon ပေးလို့ရတယ်။ လွတ်ငြိမ်းချမ်းသာခွင့် amnesty ကျနော်တို့က ပေးလို့ရတယ်။ အဲဒီတော့ အချိန်မရွေး အချိန်အခါအပေါ်မှာ ကြည့်ပြီးတော့ပဲ ကျနော်တို့ ဒါကို လုပ်သွားရမှာပေါ့။ ဘာကြောင့်လဲဆိုတော့ ကိုယ့်နိုင်ငံသားတွေ ဖြစ်တယ်။”
ဒေါ်ခင်စိုးဝင်း။       ။ “ဆက်လက်ပြီးတော့ တိုင်းရင်းသားဒေသတွေမှာ တိုက်ခိုက်တာတွေ ရပ်စဲသွားအောင်၊ ငြိမ်းချမ်းရေးရအောင် တိုင်းရင်းသား လက်နက်ကိုင်အဖွဲ့တွေနဲ့ တွေ့ဆုံဆွေးနွေး ညှိနှိုင်းနေတဲ့အကြောင်းကိုလည်း ဦးသိန်းစိန်က အခုလို ပြောပါတယ်။”
ဦးသိန်းစိန်။  ။ “ထာဝရ ငြိမ်းချမ်းရေးဆိုတာ ကျနော်တို့က အဓိပ္ပါယ်ဖွင့်တာကတော့ ဥပဒေဘောင်ထဲကို ကျနော်တို့အားလုံး ၀င်ရောက်ပြီးတော့မှ ဥပဒေတခုတည်းရဲ့အောက်မှာ နိုင်ငံသားအားလုံးက နေထိုင်လုပ်ကိုင် စားသောက်၊ သွားစရာရှိတဲ့နေရာတွေ သွားပြုပြီးတော့ ဒီလိုဖြစ်ရေးဟာ ခုနကလို ကျနော်တို့အတွက် ထာဝရ ငြိမ်းချမ်းရေးဖြစ်တယ်။ သို့သော်လည်း အချိန်တော့ ယူရမယ်။ ဒီအထဲမှာလည်း ကျနော်တို့ ညှိရပြုရတာ ခေါင်းဆောင်ပိုင်းတွေမှာလည်း စာတတ်တဲ့ ပေတတ်တဲ့သူတွေ ပါသလို စာမတတ်ပေမတတ်တွေကလည်း ပါနေတာ။ ဘာဖြစ်လို့လဲဆိုတော့ ယုံကြည်မှုလည်း တဘက်က ကျနော်တို့က သူတို့နဲ့ တည်ဆောက်၊ သူတို့ကိုလည်း နားလည်အောင် ပြောထားတယ်။ မင်းတို့လိုချင်တဲ့ ထာဝရငြိမ်းချမ်းရေး ဆိုတာတော့ ဥပဒေဘောင်ထဲကို အားလုံးဝင်ရောက်လာပြီးတော့မှ ဒီဥပဒေတခုတည်းရဲ့ အောက်မှာ ပါတီဖွဲ့ချင်တဲ့သူတွေက ဖွဲ့။ စီးပွားရေးလုပ်ချင်တဲ့သူက လုပ်။ ပြီးရင် ခုနကလို လွှတ်တော်ထဲရောက်လာရင်တော့ အကုန်လုံး တို့တိုင်းရင်းသားတွေဟာ တန်းတူရည်တူနဲ့ ဆက်ဆံကြရမှာပဲ ဆိုပြီး ရည်ရွယ်ထားတာကတော့ အဲဒီလို ရည်ရွယ်ထားတယ်။”
ဒေါ်ခင်စိုးဝင်း။       ။ “သမ္မတ ဦးသိန်းစိန်က အာဆီယံ မိသားစုဝင်ဖြစ်တာနဲ့အညီ အလှည့်ကျဥက္ကဋ္ဌ ဆိုတဲ့တာဝန်ကို မဖြစ်မနေ လုပ်သွားရမယ့် ၀တ္တရားရှိတယ်လို့ ပြောရင်း လုပ်စရာအလုပ်တွေလည်း အများကြီးရှိသေးကြောင်း ပြောပါတယ်။ သမ္မတ ဦးသိန်းစိန်ရဲ့ သတင်းသမားတွေနဲ့ တွေ့ဆုံပွဲမှာ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြန်ကြားရေးနဲ့ ယဉ်ကျေးမှုဝန်ကြီးဌာန ၀န်ကြီး ဦးကျော်ဆန်း၊ အမျိုးသား စီမံကိန်းဌာန၀န်ကြီး ဦးတင်နိုင်သိန်း၊ သမ္မတ အကြံပေးပုဂ္ဂိုလ်တွေဖြစ်ကြတဲ့ ဦးကိုကိုလှိုင်၊ ဒေါက်တာ နေဇင်လတ် နဲ့ ဦးစစ်အေး တို့လည်း တက်ရောက်ခဲ့ကြပါတယ်။ ဒီကနေ့ ထူးထူးခြားခြား မြန်မာသတင်းသမားတွေကို တွေ့ဆုံတယ်ဆိုတာဟာလည်း သမ္မတ ဦးသိန်းစိန်အစိုးရရဲ့ ပြုပြင်ပြောင်းလဲရေး ခြေလှမ်းတွေထဲက ရှေ့ဆက်လှမ်းတဲ့ခြေလှမ်း လို့ပဲ ကောက်ချက်ချရမလား စဉ်းစားစရာပါပဲ။”
http://www.voanews.com/burmese/news/Thein-Sein-presser-11-19-11-134176513.html

သမ္မတဦးသိန်းစိန်ရဲ့ ဘာလီ သတင်းစာရှင်းလင်းပွဲ

ဒီမိုကရေစီအရေး စိတ်အေးချင်ပါပြီ

By featured, အောင်လင်းထွဋ် on November 19, 2011 11:12 am


ယနေ့ မြန်မာ့နိုင်ငံရေးသည် အလွန်သိမ်မွေ့ နက်နဲသောအချိန်သို့ရောက်နေသည်ဟု ဆိုလျှင်မှားမည်မထင်ပါ။ ပြည်သူလူထု ကြိုက် သည်ဖြစ်စေ၊ မကြိုက်သည်ဖြစ်စေ၂၀၀၈ ခုနှစ်ဖွဲ့စည်းပုံအရဆိုပြီး စစ်တပ် ကျောထောက် နောက်ခံပေးထားသော စစ်ဗိုလ် လူထွက် အများစုနှင့် ဖွဲ့စည်းထားသည့် အစိုးရ၊ ပြည်သူ့လွှတ်တော်၊ အမျိုးသားလွှတ်တော် ဆိုပြီး ပေါ်ပေါက်နေသည်ကို မြင်တွေ့နေရပါသည်။

နှစ်ပေါင်းများစွာ တော်လှန်ရေးကောင်စီ၊ မဆလ၊ နဝတ၊ နအဖ ဟု အမည်အမျိုးမျိုးတပ်ကာ စစ်တပ်အနေဖြင့် မြန်မာနိုင်ငံကို အာဏာရှင်စနစ်ဖြင့် ပုံစံအမျိုးမျိုးပြောင်း၍ အုပ်ချုပ်ခဲ့ရာမှ ယနေ့ အမည်ခံ ဒီမိုကရေစီစနစ်ဖြင့် အုပ်ချုပ်ရန်ခြေလှမ်းစလှမ်းနေပြီဖြစ် သည်။


ပြည်သူလူထုအနေဖြင့် အာဏာရှင်ကြီးဦးနေဝင်း ၏ ၂၆ နှစ်ကြာအုပ်ချုပ်ခဲ့သော မဆလ အစိုးရကို ၁၉၈၈ ခုနှစ်က လူထုဆန္ဒပြ သည့် နည်းဖြင့် ဖြုတ်ချနိုင်ခဲ့သော်လည်း အကြောင်းအမျိုးမျိုးကြောင့် ဒီမိုကရေစီစနစ်ကို လက်လွှတ်ဆုံးရှုံးခံခဲ့ရပါသည်။

ဆက်လက်၍ ဗိုလ်ချုပ်မှူးကြီး စောမောင် ၊ ဗိုလ်ချုပ်မှူးကြီး သန်းရွှေ တို့က နဝတ၊ နအဖ ဆိုပြီး ၂၃ နှစ်နီးပါး ရက်စက် ကြမ်းတမ်းစွာ အစွမ်းကုန်ဖိနှိပ်အုပ်ချုပ်ခဲ့သည်ကိုလည်း တွေ့ခဲ့ရပြီး ဖြစ်ပါသည်။ ၂၃ နှစ် နီးပါး စစ်အာဏာရှင် အစိုးရ အုပ်ချုပ်ပြီးသည် နောက်တွင် မြန်မာနိုင်ငံသည် အလုံးစုံချွတ်ခြုံကျပြီး ပြိုကျတော့မည့် အိမ်အိုကြီးသဖွယ် ဖြစ်ခဲ့ရသည်ကို မည်သို့မျှငြင်း၍ မရပါ။

ထို့ကြောင့် လက်ရှိတာဝန်လွှဲပြောင်း အမွေဆက်ခံသူ သမ္မတကြီးဦးသိန်းစိန် ခေါင်းဆောင်သော စစ်ဗိုလ်လူထွက်များ အနေဖြင့် မြန်မာနိုင်ငံကို အလုံးစုံပျက်သုဉ်းသွားသောနိုင်ငံ (Fail State) မဖြစ်စေရေးအတွက် ယခင်နှင့်မတူသော မဟာဗျူဟာ၊ နည်းဗျူဟာ များ ချမှတ် လှုပ်ရှားလာသည်ကို ယနေ့မြင်တွေ့နေရသည်။

၂၀၀၀ ပြည့်နှစ် ဝန်းကျင်ကတည်းက မြန်မာစစ်အစိုးရသည် မြန်မာ့နိုင်ငံရေးတွင် ဒေါ်အောင်ဆန်းစုကြည် ၏ အခန်းကဏ္ဍကို ဘေး ဖယ်ထား၍ မရကြောင်း ကောင်းကောင်း နားလည်ခဲ့ပါသည်။

ထိုအချိန်က ဗိုလ်ချုပ်မှူးကြီးသန်းရွှေ အစီအစဉ်ဖြင့် အပြောအဆိုသိမ်မွေ့ပြီး ပြေပြစ်စွာ ဆက်ဆံပြောဆိုတတ်သူ ဒုတိယ စစ်ထောက်လှမ်းရေးမှူးချုပ် ဗိုလ်ချုပ်ကျော်ဝင်း ကို ဒေါ်အောင်ဆန်းစုကြည်နှင့် တွေ့ဆုံစကား ပြောရန် တာဝန်ပေးခဲ့သည်။

ဗိုလ်ချုပ်ကျော်ဝင်းသည် ဗိုလ်ချုပ်မှူးကြီးသန်းရွှေ၏ သားတပည့်အရင်းအချာတဦးဖြစ်ပြီး ၁၉၉၂ ခုနှစ် ဗိုလ်ချုပ်မှူးကြီးသန်းရွှေ အာ ဏာရရချင်း ဗိုလ်ချုပ်ခင်ညွန့်ကိုထိန်းရန် ဒုတိယ စစ်ထောက်လှမ်းရေးမှူးချုပ် အဖြစ် တာဝန်ပေးခံရသူဖြစ်သည်။ ဗိုလ်ချုပ်ကျော်ဝင်း အား အထောက်အကူပြုနိုင်ရန် ဗိုလ်မှူးချုပ်သန်းထွန်းသည် နိုင်ငံရေးနှင့် တန်ပြန်ထောက်လှမ်းရေးဌာနမှ တာဝန်ယူပေးခဲ့ရပါသည်။

ထိုစဉ်ကတွေ့ဆုံမှုကို ထိပ်တန်းလျှို့ဝှက်အဆင့် သတ်မှတ် ဆောင်ရွက်ခဲ့ပါသည်။ သို့သော် ကုလသမဂ္ဂ အထွေထွေအတွင်းရေးမှူး ချုပ် ၏ အထူးကိုယ်စားလှယ် ရာဇာလီ အစ္စမေးလ် လာရောက်စဉ် နိုင်ငံခြားရေးဝန်ကြီး ဦးဝင်းအောင် ၏ အမှတ်မထင်ပြောဆို လိုက်မှုကြောင့် တွေ့ဆုံမှုသတင်း နိုင်ငံတကာသို့ ပေါက်ကြားသွားခဲ့ရသည်။

ဒေါ်အောင်ဆန်းစုကြည် အပေါ် ထားရှိခဲ့သော သဘောထားအမျိုးမျိုး အာဏာပိုင်များအတွင်း ကွဲလွဲမှုများရှိခဲ့ပါသည်။ ထိုအချိန်က ယခု ပြည်ခိုင်ဖြိုး အတွင်းရေးမှူး ဦးအောင်သောင်း သည် ဒေါ်အောင်ဆန်းစုကြည် အား ပုဂ္ဂိုလ်ရေးအရ အမနာပပြောဆို၍ အဆန့်ကျင်ဆုံးလည်း ဖြစ်သည်။ ၄င်းတို့၏အစိုးရိမ်ဆုံးအချက်မှာ အမျိုးသားဒီမိုကရေစီအဖွဲ့ချုပ်(NLD) ကိုသာ မြန်မာ့နိုင်ငံရေးတွင် ပါဝင် ခွင့်ပြုမည်ဆိုလျှင် ဗိုလ်ချုပ်မှူးကြီး သန်းရွှေ ပြုစုပျိုးထောင်ခဲ့သော ပြည်ခိုင်ဖြိုးသည် မှေးမှိန်သွားပြီး နိုင်ငံရေးသေသွားလိမ့်မည်ဟု ယူဆခဲ့ကြသည်။

ထိုအခြေအနေများကြောင့် ဦးအောင်သောင်း သည် ပြည်ခိုင်ဖြိုး ဒု ဥက္ကဌ ဗိုလ်ချုပ်ကြီးစိုးဝင်းနှင့်အတူ ဗိုလ်ချုပ်မှူးကြီးသန်းရွှေ ခွင့်ပြု ချက်ဖြင့် ဒီပဲယင်း အရေးခင်းဖန်တီးပြီး အစိုးရ နှင့် ဒေါ်အောင်ဆန်းစုကြည်၊ NLD ဆွေးနွေးပွဲကို ရပ်ဆိုင်းစေခဲ့ပါသည်။

ဒီပဲယင်း အရေးခင်းကြောင့် နိုင်ငံတကာ၏ ပြင်းထန်သော ဖိအားများဖြစ်ပေါ်လာရာ တဖန်ပြန်လည်၍ ဒေါ်အောင်ဆန်းစုကြည် ကို ပြည်ထဲရေးဝန်ကြီး ဗိုလ်မှူးကြီးတင်လှိုင် ခေါင်းဆောင်သောအဖွဲ့နှင့် တွေ့ဆုံဆွေးနွေးစေပြီး အမျိုးသား ညီလာခံတွင် NLD ပါဝင်ရေး ဆွေးနွေးခဲ့ပါသည်။

အဆင်ပြေခဲ့ပြီး နိုင်ငံရေးအကျဉ်းသားများ လွှတ်ပေးမည်ဟု ကတိပေးခဲ့ပြီးကာမှ ရက်ပိုင်းအလို ဗိုလ်ချုပ်မှူးကြီးသန်းရွှေ စိတ်ပြောင်းပြီး NLD အမျိုးသားညီလာခံတက်ပြီးမှ လွှတ်ပေးရန်စဉ်းစားမည်ဆိုသောကြောင့် ဒေါ်အောင်ဆန်းစုကြည် ၏ “ရှင်တို့ စစ်သားတွေ

ဖြစ်ပြီး ကတိမတည်ဘူး” ဟူသော မှတ်ချက်ဖြင့် ဆွေးနွေးပွဲ နိဂုံးချုပ်ခဲ့ရပါသည်။

ယနေ့အချိန်အခါတွင် ဗိုလ်ချုပ်မှူးကြီးသန်းရွှေ ၏ ရည်မှန်းချက်ဖြစ်သော မြန်မာ့နိုင်ငံရေးတွင် တပ်မတော်၏ ဦးဆောင်မှု ရှိရမည် ဆို သည့်အတိုင်း နိုင်ငံ၏အမြင့်ဆုံးဖြစ်သော အမျိုးသား ကာကွယ်ရေးနှင့် လုံခြုံရေး ကောင်စီတွင် လက်ရှိစစ်တပ် ခေါင်းဆောင်များနေ ရာအများဆုံး ယူထားသကဲ့သို့ အစိုးရအဖွဲ့တွင်လည်း အရေးပါသော ဝန်ကြီးဌာနများကို ရယူထားပြီး ဖြစ်ပါသည်။ ထို့အပြင် စစ်တပ် အနေဖြင့် လွှတ်တော် နှစ်ရပ်လုံးတွင် ၂၅ ရာခိုင်နှုန်းကိုလည်း ရယူထားပြီး ဖြစ်သည်။

၁၉၉၂ ခုနှစ် ဧပြီလ ဗိုလ်ချုပ်မှူးကြီးသန်းရွှေ စတင်အာဏာယူစဉ်ကတည်းက ပျိုးထောင်ခဲ့သော ပြည်ခိုင်ဖြိုး လူမှုရေး အဖွဲ့သည် လည်း နိုင်ငံရေးပါတီ ဖြစ်လာခဲ့ပြီး လွှတ်တော် နှစ်ရပ်တွင် အများစုအမတ်နေရာများကိုရရှိပြီး အစိုးရ အဖွဲ့ကိုပင် ဖွဲ့စည်းခဲ့ပြီးဖြစ်ပါသည်။

စာရေးသူအနေဖြင့် တင်ပြချင်တာကတော့ စစ်တပ်အနေဖြင့် သူလုပ်ချင်သည်များကို တိုက်ပွဲတပွဲတိုက်ရန်အတွက် တိုက်ပွဲလုပ် ငန်း စည်းမျဉ်း (Battle Procedure) ချမှတ်၍ မဟာဗျူဟာ၊ နည်းဗျူဟာ ဖြင့်ဆောင်ရွက်ခဲ့ရာ အောင်ပွဲရရေး နောက်ဆုံး အခက် အခဲ ကို ကျော်လွှားရမည့်အချိန် ရောက်နေပြီဖြစ်ပါသည်။ အဆိုပါအခက်အခဲကိုကျော်နိုင်ရန်အတွက် ဒေါ်အောင်ဆန်းစုကြည် မပါဝင် လျှင် မဖြစ်နိုင်သည့် အခြေအနေရှိပါသည်။ ထို့ကြောင့် မြန်မာနိုင်ငံကို အလုံးစုံပျက်သုဉ်းသွားသောနိုင်ငံ မဖြစ်စေရန် လက်ရှိအစိုးရသည် မည်သည့်အချိန်ကမျှ မပြောဆိုမလိုက်လျောခဲ့ဘူးသော အခြေအနေများကို လျှော့ပေးနေသည်ကို တွေ့ နေရပါသည်။

လက်ရှိ နိုင်ငံရေး အခင်းအကျင်းကိုကြည့်လျှင် ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့ အပေးအယူမျှနေသည်ဟု ဆိုရပါမည်။

လွှတ်တော်အတွင်း နိုင်ငံရေးဇာတ်ခုံမှနေ၍ NLD ဝင်ရောက် လှုပ်ရှားမည့် အရိပ်အမြွက်များ တွေ့မြင်နေရပြီး အနှစ်၂၀ ကျော် ဒီမို ကရေစီ ရရှိရေးအတွက် အသက်ပေး ထောင်အကျခံ ဘဝပေါင်းများစွာ စွန့်လွှတ်စွန့်စား ပေးဆပ်ပြီး ပြည်သူလူထုအတွက် အနစ်နာ ခံခဲ့သော NLD သည် ယခုအခါတွင် ယခင်ကနှင့်မတူ စစ်ဗိုလ်လူထွက်အစိုးရနှင့် လွှတ်တော်အတွင်းမှနေ၍ ဒီမိုကရေစီရရှိရေး တိုက်ပွဲ ဝင်ရန် တာစူနေပြီ ဖြစ်သည်။

စစ်ကျွန်ဘဝမှ လွတ်မြောက်လိုသော အစိုးရအဖွဲ့အတွင်းနှင့် စစ်တပ်အတွင်းမှ ဒေါ်အောင်ဆန်းစုကြည် ကို ထောက်ခံသူအများလည်း မဝံ့မရဲဖြင့် ခေါင်းလေးတွေ ထောင်လာနေကြပါသည်။

အကယ်၍သာ အနှစ်၂၀ ကျော် ဒေါ်အောင်ဆန်းစုကြည် ဆန့်ကျင်ရေးမှိုင်း အတိုက်ခံထားရသော စစ်အစိုးရအတွင်းမှအဆင့်အလွှာ အမျိုးမျိုးကို စည်းရုံးနိုင်မည်ဆိုပါက ဒီမိုကရေစီ ရရှိရေးမကြာတော့ဟု ပြော၍ ရပါသည်။ NLD သည် ကိုယ်ကျိုးမဖက် စွန့်လွှတ်စွန့်စားနေသော နိုင်ငံရေးပါတီကြီး ဖြစ်သည်။

လက်ရှိစစ်အစိုးရအား နိုင်ငံတကာမျက်နှာစာတွင် ခေါင်းထောင်နိုင်ရန် အထိုက်အလျောက်ထောက်ပံ့မှု ပေးခဲ့သည့်အတွက်ကြောင့် လည်း အပြန်အလှန်နားလည်မှု တစ်စုံတရာရသည်ဟု မြင်ပါသည်။ အကြမ်းမဖက်သော လမ်းစဉ် မေတ္တာတရားဖြင့်ချဉ်းကပ် နေ သည် ဟုလည်း ရှုမြင်ပါသည်။

သို့သော် ဒီမိုကရေစီအရေး စိတ်ကူးယဉ်နေယုံမျှနှင့် မည်သို့မျှဖြစ်မလာနိုင်ပါ၊ အလုပ်လုပ်မှရနိုင်မည်ဟု နားလည်ပါသည်။ အသိမ် မွေ့ဆုံး နည်းဖြင့် ပြုပြင်ပြောင်းလဲနိုင်ရေး အထူးလိုအပ်ပါသည်။

စစ်တပ်သည် နိုင်ငံရေးကို စစ်ပွဲတပွဲဆင်နွဲနေသကဲ့သို့ ရန်သူ့တောင်ကုန်းကို သိမ်းပိုက်နိုင်ရန် ရန်သူ၏အင်အား တည်နေရာ လုပ်ဆောင်မှု ၊ ပြည်တွင်းပြည်ပ နိုင်ငံရေး ရာသီဥတုအနေထား ၊ ဘယ်ဘက်ကတိုက်ရမလား၊ ညာဘက်ကတိုက်ရမလား ဆိုသည့် မြေပြင်အနေအထား သတင်းအချက်လက်များကို စုဆောင်းထားပြီး ပြင်ဆင်နေပါပြီ။

NLD အနေဖြင့်လည်း စစ်အမြင်စစ်အတွေးအခေါ်ရှိသော လက်ရှိအစိုးရနှင့် စစ်တပ်ကို ဒီမိုကရေစီအရေး မည်သို့ဆွဲဆောင် စည်းရုံး သွားသည် ဆိုသည့် သေနင်္ဂနည်းဗျူဟာများ ရှိလိမ့်မည်ဟု ယုံကြည်ပါသည်။ အစိုးရနှင့်စစ်တပ် အတွင်း၌ လက်ရှိနိုင်ငံရေးဗျူဟာ ကို ခေါင်းဆောင်များမှတဆင့်ရှင်းပြထားပြီး အသုံးအနှုန်းကအစ ဆောင်ရန်ရှောင်ရန် လိုက်နာရန်တို့ကိုညွှန်ကြားပြီးဖြစ်ပါသည်။

ပြည်တွင်းပြည်ပ မြန်မာ့အရေးလှုပ်ရှားသူများနှင့် ပြည်သူလူထုအနေဖြင့် ဒေါ်အောင်ဆန်းစုကြည် နှင့် NLD ကို မည်သို့ ဝိုင်းရံပံ့ပိုးပြီး ဘာတွေကိုရှောင် ဘာတွေကိုဆောင် ရမည်ဆိုသည်ကို လမ်းညွှန်မှု ပြုစေလိုပါသည်။ ဦးဆောင်လမ်းညွှန်မှုများ မရှိခဲ့ပါလျှင် ဒေါ်အောင်ဆန်းစုကြည်နှင့် NLD ဘက်မှရပ်တည် ထောက်ခံသူများအနေဖြင့် တယောက်တပေါက်ဖြင့် ညီညွတ်မှုများ ပျက်ပြားနိုင်ပါသည်။

အလားတူ စစ်ဗိုလ်ဟောင်းများအစိုးရ ကို လည်းလျှော့၍ မတွက်သင့်ပါသည်။ လက်ရှိအခြေအနေသည် လွန်ခဲ့သော ၁၀နှစ်က အခြေအနေမျိုးနှင့် ခပ်ဆင်ဆင်ဖြစ်နေပါသည်။ ထိုစဉ်ကတော့ ဒေါ်အောင်ဆန်းစုကြည် ကို အမျိုးသားညီလာခံ ၌ စစ်အစိုးရ နှင့် ပူးပေါင်းရေး ဖြစ်ပြီး ယနေ့အချိန်မှာတော့ ၂၀၀၈ ခုနှစ်ဖွဲ့စည်းပုံအရ ပေါ်ပေါက်လာသော အစိုးရ နှင့် ပူးပေါင်းရေးဖြစ်ပါသည်။

ဒေါ်အောင်ဆန်းစုကြည် နှင့် NLD ကိုပြည်သူက အကြွင်းမဲ့ယုံကြည်ပြီး ဖြစ်ပါသည်။ စစ်တပ်၏ လှည့်စားမှု အမျိုးမျိုးကိုလည်း ကောင်း စွာနားလည် သဘောပေါက်ပြီးသူများလည်း ဖြစ်သည်။

စာရေးသူအနေဖြင့် အတွေ့အကြုံအရ သံသယဖြစ်စရာလေးတွေ တွေ့နေရပါသည်။ သမ္မတကြီး ဦးသိန်းစိန် သာ လွတ်လွတ် လပ် လပ် ဆုံးဖြတ်ပိုင်ခွင့်ရှိခဲ့မည်ဆိုပါက အကျဉ်းသားလွှတ်ရေးကိစ္စ ယခုကဲ့သို့ တုံ့ဆိုင်းနေစရာ အကြောင်း မရှိပါ။

အလားတူ တိုင်းရင်းသားအရေး ငြိမ်းချမ်းရေးကိစ္စများတွင် ယခုပုံစံမျိုးမလှုပ်ရှားနိုင်ပါ။ ယခုလက်ရာခြေရာများသည် စစ်အာဏာရှင် ကြီး ဗိုလ်ချုပ်မှူးကြီးသန်းရွှေ၏ လက်ရာများနှင့်တထေရာတည်း တူနေပါသည်။

စာရေးသူတို့ ရှိစဉ်ကတည်းက ဗိုလ်ချုပ်မှူးကြီးသန်းရွှေ သည် အကွက်တကွက်ကို သူရွှေ့တော့မည်ဆိုလျှင် သတင်းစာ ဆောင်းပါးများ၊ အနီးကပ် အရာရှိကြီးများ မှတဆင့် သူလုပ်မည့် ကိစ္စများကို သတင်းလွှင့်တတ်ပါသည်။

ထို့နောက် အာဏာပိုင်များ နှင့် အရပ်သူအရပ်သား များအတွင်းမှ ထိုသတင်းအပေါ် တုံ့ပြန်ချက်ကို နားထောင်ပြီး လူတွေက သူဘာများ လုပ်မည်လည်း ဆိုသည့် မေးခွန်းများအပေါ် ကျေနပ်နေတတ်သူ တဦး ဖြစ်သည်။

တနည်းအားဖြင့် ပြည်သူလူထုအား စိတ်ဓာတ်စစ်ဆင်ရေး လုပ်ခြင်းပင်ဖြစ်ပါသည်။ ယခုလည်း တကယ်စိတ်ကောင်း စေတနာဖြင့် နိုင်ငံရေး အကျဉ်းသား လွှတ်ပေးသကဲ့သို့ နာမည်ကြီး ကိုဇာဂနာနှင့် အကျဉ်းသား၂၀၀ ကျော်ကိုလွှတ်ပြပြီး အသာလေးချိုထား လိုက်ပါသည်။

ငြိမ်းချမ်းရေးကိစ္စမှာလည်း ကချင် လွတ်လပ်ရေး တပ်မတော်(KIA)ကို ရှင်းရန် ကျန်တိုင်းရင်းသားများကို အချိုသပ်ထားလိုက် သည်။ ယခုအထိ ဗိုလ်ချုပ်မှူးကြီးသန်းရွှေ စစ်တပ်က တရားဝင် အနားယူသည့် စစ်ရာထူးခန့်ချုပ် အမိန့်အတွက် မထုတ်ပြန်ရသေး ကြောင်း သတိပြုစေလိုပါသည်။

စာရေးသူအနေဖြင့် မိချောင်းမင်း ရေခင်းပြနေခြင်း မဟုတ်ပါ။ ပညာရှိ သတိဖြစ်ခဲ ဖြစ်မည်စိုးရိမ်၍ တင်ပြနေရခြင်းဖြစ် ပါသည်။

NLDလွှတ်တော်အတွင်း ဝင်ရောက်သည်ကို ထောက်ခံပါသည်။ ယခုကဲ့သို့နည်းလမ်းကို ရွေးချယ်မှုသည် ပြည်တွင်းရှိ ပြည်သူ လူထုအတွက် လက်ရှိအစိုးရနှင့် ရင်ဆိုင်ရာတွင် အကောင်းဆုံးနည်းလမ်းကို ရွေးချယ်လိုက်ခြင်းဟု ထင်ပါသည်။

အရှေ့အလယ်ပိုင်း အာရပ်နိုင်ငံများကဲ့သို့ အကြမ်းဖက်မှုများမှလည်း ရှောင်ရှားလိုက်ရာ ရောက်ပါသည်။ စစ်ကျွန်ဘဝမှ လွတ်မြောက်လိုသော စစ်သည်များနှင့် မိသားစုများကလည်း NLD ကိုကြိုဆိုကြမှာ အမှန်ပါ။

သဘောထားတင်းမာသူ ခေါင်းဆောင်ကြီးလည်း အသက်အရွယ်အရ တရားရရန် အချိန်တန်နေပြီဖြစ်၍ မြန်မာနိုင်ငံ အနာဂါတ် မျိုးဆက်သစ် လူငယ်များအရေး ရှေးရှုပြီး သံဝေဂ ရသင့်ပါပြီ။

မြန်မာ့နိုင်ငံရေးနှင့် ပတ်သက်၍ စာရေးသူ သိရှိကြုံတွေ့ခဲ့ရသည်များကို တင်ပြခြင်းသာဖြစ်ပါသည်။ ပြည်သူအားလုံးလည်း ဒီမိုကရေစီ အရေး စိတ်အေးချင် ကြပါပြီ။ ။



(စာရေးသူ အောင်လင်းထွဋ်သည် ဗိုလ်မှူးဟောင်း တဦးဖြစ်သည်။ တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ံမှူးကြီး စသည့် တာဝန်များ ထမ်းဆောင်ခဲ့ပြီး၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်)http://burma.irrawaddy.org/archives/2566