Tuesday, November 22, 2011

ဖိုင်ဘာ ကြိုး ကို နွား တက် နင်း....ထွန် စက် က ထယ် နဲ့ ခုတ်...


ရှေ့လျောက် က တော့ တယ်လီဖုန်း ဆိုတာ မလို ချင်မှ အဆုံးပါ ခင်ဗျာ ၊ ခန နေ ရင် ခေါင်းရွက်
သည် ဈေးဘန်းထဲ မှာ ( ဟော ဒီ က တယ် လီ ဖုန်း ၊ ယူ ကြ ဦး မလား ၊
နံပါတ် အသစ်ချပ် ချွတ် ၊ ပူပူနွေးနွေး လတ်လတ် ဆတ်ဆတ်လေး တွေ နော် ၊ ယူ ကြ ဦး မလား
တိုက် ပေါ် က ခေါ် လဲ အပေပ် ထိ အရောက် ပို့ ပေး ပါ့ မယ် ) ခေတ် ကို ရောက် တော့ မှာ ပါ။

လွှတ်တော် ရဲ့ ကတိခံ ဝန်ချက် များ စိစစ် ရေး ကော် မတီ ရဲ့ ရုံး စာခြင်း တွေ ထဲ လွှတ် တော် က
ပြော ထား သမျှ ဂတိ မတည် တာတွေ ဘဲ တွေ့ နေ ရ လို့ သက်ဆိုင်ရာ ဝန်ကြီး တွေ ဘယ် လိုဖြေ
ရှင်း ရ မလဲ ပျား တုပ် နေ ကြ တာ များ ပါ တယ် ။ ပထမ စိုက်ပျိုးရေးဝန်ကြီး ရဲ့ လယ်ယာမြေ
ဥပဒေ ကိစ္စ ၊ ဒုတိယ ပညာရေး ဝန်ကြီး ရဲ့ ကိုယ်ပိုင် ပညာသင်ကျောင်း များ ဥပဒေ ၊ တတိယ ရထားပို့ဆောင်ရေး
ဝန်ကြီး ရဲ့ ကားဟောင်းအပ် ကားသစ်သွင်း ကိစ္စ ၊ နောက် ဆက်သွယ်ရေး
ဝန်ကြီး ရဲ့ ဂျီအက်အမ် အလုံးရေ သန်း ၃ဝ ကိစ္စ ၊ တခု မှ ဂတိ မတည် နိုင်ကြသေး ပါဘူး ခင် ဗျာ။

အခု က အလုံးရေ သန်း ၃ဝ မပြော နဲ့ ပထမ အသုတ် ၄ သန်း ကို တောင် ဘယ် လို ကုန်အောင်
ရောင်းရပါ့မလဲ ခေါင်းခြောက် နေ ကြ ပါ ဘီ။ အလုံးရေ သန်း ၃ဝ ဆိုတာ ဗမာပြည် လူဦးရေ
သန်း ၆ဝ က ၂ ယောက် တလုံး ဝယ်သုံးကြ မှ ကုန် မှာ ပါ။ လူဦးရေ သန်း ၆ဝ ဆိုတာ အခု
မပြည့် သေး ပါဘူး ၊ နောင် ၅ နှစ် လောက် မှ ပြည့် ကောင်း ပြည့် မှာ ပါ။

ရှိ သ မျှ လူ မှာ ( အလုပ် လုပ် နိုင် သော အရွယ် ) ဆိုတာ ၊ ၁၆ နှစ် အောက် ခလေးတွေ မပါ
အသက် ၆ဝ အထက် အဖိုးကြီး အဖွားကြီး တွေ မပါ ဆို ရင် ဦး ရေ ၆ဝ % လောက် ဘဲ ရှိ ပါတယ်
ဒါကြောင့် အလုံးရေ သန်း ၃ဝ ကုန်ဘို့ ဆို တာ ၊ သမတ က အစ အမ်ဒီ၊ ဒီဂျီ အလယ် ၊
လယ်ကူလီ နဲ့ လမ်းဘေး မှာ ပလပ်စတစ်ကောက် နေ တဲ့ သူ အဆုံး ၊ ကျောင်း သား ၊ ကျောင်းသူ
ဘုန်းကြီး ၊ မယ် သီလ ၊ ကျား မ အကုန် ဝယ် ကိုင် ကြ မှ ရောင်း လို့ ကုန် မှာ ပါ။

အခု နောက်ထပ် အလုံးရေ ၄ သန်း အတွက် စ ရောင်း ဘို့ ရာ အင်ဖရာစတြပ်ချာက မနဲပါ ခင် ဗျ
နေ ရာ အနှံ့ ပြော ဘို့ အဆင် ပြေ အောင် တိုင် တွေ ထပ် ထောင် ရ ၊ နက် ဝပ် တွေ ချဲ့ ရ နဲ့
ပိုက် ဆံ တွေ အများကြီး ကုန် ပါ တယ် ။ ဒီ ၄ သန်း အတွက် အင်ဖရာစတြပ်ချာ ပြီး သွားရင်
တော့ နောင် သန်း ၃ဝ အတွက် တော့ အတော် ၊ လွယ်သွားပါဘီ။

အခု အလုံးရေ ၄ သန်း တောင် ရောင်း ကုန် ဘို့ သိပ် မသေချာ တော့ ၊ အရင်း စိုက်ထား တဲ့
ကုန်ပဏီ တွေ လက် တွန့် နေကြ သလို ၊ ဆက် သွယ်ရေး ဝန်ကြီးမင်း လဲ၊ အုံး စား နေ ပီ ပေါ့ ဗျာ
တကယ် လို့ အလုံးရေ သန်း ၃ဝ တပြိုင် နက် ရောင်း လို့ ကုန် မှာ သေချာ ရင် တယ် လီဖုန်း
တလုံး ကို တသိန်း သာသာ လောက် ရောင်း ရ ရင် ကို ၊ အမြတ် အစွန်း ရ နေ ပါ ဘီ။

လောလော ဆယ် က တော့ အခု စ ရောင်း မဲ့ ၄ သန်း ကို တော့ ၃ သိန်း လောက် နဲ့ ရောင်း ရင်
ကုန်ပဏီ တွေ ရှုံး နေ မဲ့ သဘော ရှိ ပါ တယ် ၊ နောင် မှ တနှစ် တန် သည် ၂ နှစ် တန် သည်
ကြာ လာ လို့ ပြော ခ ပေါ် က အမြတ် စ ရ လာ မှာ ပါ။

အခု ကုန်ပဏီ အများ စု က တော့ ခေါက် ရိုး ကျိုး နေ တော့ ၊ အခု ရင်း ရင် ၊ အခု မြတ် ချင် ကြ
တော့ ခက် နေ ရ ပ ပေါ့ ဗျာ ၊ အခု ရေ တွင်း တူး ၊ အ ခု ရေ ကြည် သောက် ချင် ရင်
အညာ က သဲ ချောင်း ထဲ က လက် ယက် တွင်း ဘဲ ရှိ ပါ တယ်။ ကျန် တာ တွေ က တော့
ရေ ကြည် သောက် ဘို့ အချိန် တော့ စောင့် ရ မှာ ပေါ့ ဗျာ။

နောင် ကို တော့ ဂျီ အက်အမ် တမျိုး ဘဲ စင် ပေါ် ရောက် အောင် ဆွဲ တင် မဲ့ သဘော ရှိ ပါ တယ်
ဂျီအက်အမ် ကို အရောင် တင် ဘို့ ဖက်စီလတီ တွေ ထပ် ထည့် ပေး မယ် ကြား ရ ပါ တယ်။
အထူး သဖြင့် အင်တာနက် ပိုင်း မှာ ပါ။ ကျန် တာ က အင်တာနေ ရှင်နယ် ရုံးမင်း တို့ သရီးဂျီ
ဖိုးဂျီ အစ ရှိ စဖြင့် တို့ နဲ့ သဲ့ ယူ ဦး မှာ ပါ။ စီဒီအမ်အေ ၈ဝဝ နဲ့ ၄၅ဝ တို့ က တော့ ဒီ ဘဝ
ဒီ မျှ ဘဲ သဘော ဖြစ် လာ ပါ လိမ့် မယ်။ စီဒီအမ်အေ ကို တဖြေးဖြး ပညာ ထည့်ပေး လိုက်ရင်
စီဒီအမ်အေ ဆရာ များ ဖုန်း တလုံး ရှင် က နေ ၊ ဖုန်း ၂ လုံး ရှင် ဘဝ ကို မြှင့် တင် ပေး မှာ ပါ။
ဖုန်း ကို ဝယ် မဲ့ သူ များ ၊ စဉ်း စား နိုင် ကြ အောင် ပါ ခင် ဗျာ ။

အင်တာနက် ကို လဲ ပုတ်ဂလိက ကို ရင်းနှီး မြုပ် နှံ ခွင့် စပေး တော့ မယ် ကြား ပါ တယ်။
အ ဓိ က က တော့ ဒေတာ ဘက်ဘုန်းပါ ။ အခု လက် ရှိ ဆီမီးဝီး သရီး စင်္ကာပူ လိုင်း က အတော်
ချူခြာ ပါ တယ် ။ ရေ ထဲ မှာ သင်္ဘော က ဝင် တိုက် တာ ၊ ကေစင် က ဆားရေ ပေါက် သွား တာ
လိုင်းခွဲ တွေ ရှော့ ဖြစ် တာ ၊ စင်္ကာပူ က လက် ခွဲ ဂိတ် ဝေး ဒေါင်းတာ ၊ တခါ ဖျာပုံ နား က နေ
ကုန်း ပေါ် တက် ပြီး ရန် ကုန် လာ တဲ့ လိုင်း တလျောက် ထွန် စက် က ထယ် နဲ့ ခုတ်မိတာ
ဖိုင်ဘာ ကြိုး ကို ၊ နွား တက် နင်း သွား တာ ၊ ပြသနာ က စုံ လို့ ပါ ခင် ဗျာ။

အခု ဒေတာ ဘက်ဘုံး အင်ဖရာ ကို ပုတ် ဂလိက ကို ရင်း နှီး မြုပ်နှံ ခွင့် ပေး မယ် ကြား ပါ တယ်
ပြီး ခဲ့ တဲ့ ရက် ပိုင်း ဆီမီဝီး သရီး ပြသနာတက် လို့ သူ သူ ငါ ငါ ၊ ဒုတ် ခ များ နေ ချိန် မှာ
ရွှေ သံလွင် ရဲ့ စကိုင်း နက် လိုင်း က အေး ဆေး ပါ ခင် ဗျာ ၊ အခု ဆို နာမည် အတော် ရ သွား
လို့ စကိုင်းနက် အင်တာနက် ဝယ်ချင် ရင် တောင် ချက် ချင်း မရ တော့ ပါ ဘူး ၊ သူ က နယ် စပ်
ဖြတ်ကျော် ဖိုင်ဘာလိုင်း တလိုင်း ရဲ့ ဘန်ဝဒ် ကို ပုတ် ပြတ် အပီး ဝယ် ထား လိုက် လို့ ပါ။

တ ကယ် တော့ ၊ မှ တပါး ၊ အခြား မရှိ ဆို တာ ၊ ဘယ် အရာ မှာ မှ ၊ မကောင်း ပါ ခင် ဗျာ။
အပြိုင် အဆိုင် ရှိ လေ ၊ တိုး တက် လေ ပါ ခင် ဗျာ ၊ နင် မရှိ လဲ ၊ ကိတ် စ မရှိ ၊ တ ခြား တွေ
အများ ကြီး ရှိ ပါ ၏ ။ ဝမ်း ဂိုး ၊ တူး ကမ်း ၊ သရီး ဝိတ် ၊ ဖိုး စတန်း ဘိုင် ခေတ် ကို ရောက် ဘို့
လို နေ ပါ ဘီ ခင် ဗျာ ၊ ဒီ လို လေး များ ၊ ကျ ကျ န န စဉ်း စား တတ် ရင် လော က ကြီး မှာ
အ သဲ ကွဲ ဇတ် လမ်း မျိုး တွေ ပါ ၊ တိမ် ကော ၊ ပျောက် ကွယ် ရ မှာ ပါ ၊ ခင် ဗျာ ။

အင်း ၊ ပြည် တွင်း ငြိမ်း ချမ်း ရေး က လဲ ရ နိုး နိုး ပါ၊ စစ် တပ် က လဲ နယ် ခြားစောင့် တပ်
ကိတ်စ သိပ် ပြော သံ မကြား ရ တော့ ပါဘူး ၊ ဒီ ကေ ဘီ အေ ဗိုလ် နှုတ်ခမ်းမွှေး တောင် လေ သံ
ပြောင်း သွားပြီး ငြိမ်းချမ်းရေး လက် မှတ် ထိုးပြီး ပြီလို့ ကြား ရ ပါ တယ် ။ ကေအင်ယူ က လဲ
ဗိုလ်ချုပ်ကြီး တာမလာဘော တို့ နိုင်ငံရေးဘက် က နော်စီဖိုးရာစိန် တို့ နဲ့ လဲ အချောသပ်
စကားပြော ပြီး ကြ လို့ ၊ မကြာခင် ကြေငြာချက် ထုတ် မယ် ကြား ရ ပါ တယ် ၊ ဝ နဲ့ လဲ
ဘယ် လို အဆင် ပြန် ပြေ သွား လဲ မ သိ ၊ ဆန် တွေ လခ တွေ တောင် ပြန် ပေး နေ ပါ ဘီ။
ရှမ်း နဲ့ လဲ ပြည်နယ် အစိုးရ အဆင့် မှာ တင် အဆင် ပြေ သွား တယ် ကြး ရ ပါ တယ်
ကောင်း ပါ တယ် ခင် ဗျာ ၊ ဘယ် လို ဘဲ အဆင် ပြေပြေ ၊ အဆင် ပြေ ဘို့ ဘဲ အရေးကြီး ပါ တယ်

ကေ အိုင် အေ နဲ့ က တွယ် တုံး ပါ ဘဲ ခင် ဗျာ ၊ အခု ဆို အဲ ဒီ ဘက် ကို တပ် မ ၄ ခု လောက်
ပို့ထား ပြီး စစ် ဆင် ရေး တွေ လုပ်နေပါတယ် ။ အခု ဆို ကေအိုင်အေ ဌာနချုပ် လိုင်ဇာ နဲ့ တနာရီ
ခရီး အကွာ နား ထိ စစ်တပ် က ရောက် နေ ပြီး တပ် စွဲ ထား ပါ တယ် ။

ပြန်ကြားရေး ဝန်ကြီး ဦးကျော်ဆန်း က ဘာလီ သတင်းစာရှင်းလင်းပွဲ မှာ ပြောသွား တာ က တော့
ကေအိုင်အေ ဌာနချုပ် ကို သိမ်း ချင် ရင် တရက်ထဲ နဲ့ အပြီး သိမ်း လို့ ရ နေ ပါ ဘီ တဲ့ ခင် ဗျ။
ဒါပေမဲ့ စစ်ရေး နားလည်သူ တွေ ပြော တာ က တော့ ၊ အဲ လို သွား သိမ်း ရင် ပို ဆိုး သွား မယ်
တဲ့ ခင် ဗျ ၊ ပျား တောင် ဘို့ ကို ဒုတ် နဲ့ သွား ဆွ သလို ဖြစ် ပါ မယ် တဲ့။ အဲဒီ မှာ က လိုင်ဇာ
ကို ကာကွယ်ဘို့ ကေအိုင်အေ ၄ဝဝဝ လောက် အဆင်သင့် စောင့် နေ တာပါ။

တကယ်လို့ အဲဒီ အင်အား ၄ဝဝဝ က ပြန့် ထွက် လာ ရင် ထိမ်း ဘို့ မလွယ်ဘူး တဲ့ ခင် ဗျ။
စစ် တိုက် တယ် ဆိုတာ တနေရာ ထဲ လူ စု လူ ဝေး နဲ့ ၊ အင်အားခြင်း ပြိုင် ၊ အနိုင်လု ကြ တာ
မခက် ပါဘူး တဲ့ ခင် ဗျ။ အားကြီး တဲ့ သူ က နိုင်ချေ ရှိပြီးသား ပါ။

အခု လဲ စစ်တပ် ဘက် က ခံ နေ ရ တာ လဲ အဲဒီ သဘော ပါ ဘဲ ၊ စစ်တပ် က အင်အား ၁ဝဝ
နှစ်ရာ လောက် က ကေအိုင်အေ ၁၅ ယောက် လောက် ကို မယှဉ်နိုင်ဘူး ဖြစ် နေ ပါ တယ်။
စစ်တပ် ဘက် ၂ဝဝ လောက် ကလူ စု လူဝေးကြီး ၊ ဟို ကေ အိုင်အေ ၁၅ ယောက် လောက် နဲ့
က ဘယ် အချိန် လာ ပစ်မယ် မှန်း ၊ ဘယ် နေ ရာ က လာ ပစ် မယ်မှန်း ၊ ဘာ လက် နက် နဲ့
လာ ပစ် မယ် မှန်း မသိနိုင်ပါ ခင် ဗျာ ၊ တစောင့် စောင့် နဲ့ အချိန် ကုန် လူ ပမ်း ၊ နယ် မြေ က
လဲ မကျွမ်းကျင် တော့ အတော် ခက် နေ ပါ တယ်။ ကွဲ လဲ အတော် ကွဲ ပါ တယ်။

တိုက်ပွဲ ဖြစ် တယ် ဆို တာ လဲ ၊ ကေအိုင်အေ က လာ ပစ် မှ ၊ ကိုယ့် ဘက် က ၆ ယောက် လောက်
ထိ သွားပြီး မှ တိုက်ပွဲ စ တာ ဆို တော့ ၊ ဗေ ထိ ဆိုတာ နဲ့ ကွဲ ပြီး နေ ပါ ဘီ။ လာ ပစ် တဲ့
ကေအိုင်အေ နောက် လဲ လိုက် တိုက် လို့ က လဲ မဖြစ် ၊ လမ်း မကျွမ်း တော့ လူ စု ကွဲ ပြီ ဆို
တာ နဲ့ ကေအိုင်အေ က ( ရှ ဝါ ရှား ) တော့ မှာ ပါ။

အခု လဲ လိုင်ဇာ ကို မသိမ်း သေး တာ က ၊ သိမ်း လိုက် ရင် ဒီ ၄ဝဝဝ လောက် အုပ် က လူ စု
ကွဲ ပြီး ပျား တုပ် ခံ ရ နိုင် ခြေ ရှိ ပါ တယ် ။ လိုင်ဇာ က ကေအိုင် အေ ဘက် မှာ လဲ ဒုတ် ခ ပါ။
စစ် တပ် က ဘယ်တော့ ထိုးစစ် စ မလဲ ကို စောင့် ရင်း အိပ် ရေး ပျက်ရ လွန်း လို့ စိတ်ဓါတ်ကျ
နေပါ တယ်။ သူ လဲ သူ့ ဒုတ် ခ နဲ့ သူ ပါ ဘဲ။

အဲ ၊ ၂ ဦး ၂ ဘက် က ဘာ ဖြစ် နေ နေ ၊ ဘေး က နေ တပြုံး ပြုံး က တော့ ဖိုးတရုပ်ကြီး ပါဘဲ
ဗမာဘက် က ထိုးစစ် စ မလို့ တရုပ် နဲ့ ညှိထား တော့ ၊ တဘက် နယ် စပ် မှာ တရုပ် တပ်
တွေ အကြီး အကျယ် ချ ထား ပေး ပြီး ကေအိုင်အေ ကျွံလာ မဲ့ လမ်း ကို ပိတ်ပေးထား ပါ တယ်။

အခု ၊တနေ့ က အိုဘားမား က ဟီလာရီ ကလင်တန် ကို အလည်လွှတ် မယ် လို့ လဲ ကြေငြာသံ လဲ
ကြားရော အခု တော့ ပြောင်း ပြန် တွေ ပါ ခင် ဗျာ ၊ ကေအိုင်အေ ကို ဘာတွေ လိုအပ်သလဲ ပြော
တတ်နိုင် သမျှ ကူညီ ပ မယ် တဲ့ ခင် ဗျ။ လမ်းကြောင်း တွေ ပြန် ဖွင့် ပေး ထား ပါ တယ်။

ငါ့ ရန်သူ ရဲ့ မိတ် ဆွေ က ငါ့ ရန် သူ ၊ ငါ့ မိတ်ဆွေ ရဲ့ ရန်သူ က ငါ့ ရန်သူ
ငါ့ ရန် သူ ရဲ့ ရန် သူ က ငါ့ မိတ် ဆွေ ၊ ကွန်မြူနစ် ဖတ်စာအုပ် ရဲ့ စာဆို အတိုင်း ပါ ဘဲ။
ပေါက်ဖော်ကြီး က တော့ ကြက် ၂ ကောင် ရဲရဲ သာ ခွပ် ကြ ပါ ၊ အရင် မော သွား တဲ့ ကြက်
ငါ ချက် စား ပ မယ် ၊ ကြက် ပိန် တာ ၊ ဝ တာ ၊ ရွေး မနေ ပါဘူး တဲ့ ခင် ဗျာ။

တရုပ်ကြီး က ကေအိုင်အေ နဲ့ လဲ အရင် ကတဲ က စီးပွားဘက်တွေ ပါ။
ကချင်ပြည်နယ် ထဲ က သစ် တော တွေ ပြောင်တာ ကေအိုင်အေ က အများဆုံး ခုတ်ရောင်း ကြတာ
ပါ ၊ အခု လဲ မြစ်ဆုံ ကိစ္စမှာ သူတို့ ဝေစု ဒေါ်လာ ၁၅ သန်း ကြို သုံးလေး ယူပြီး ပါ ဘီ။
ဒါ ကြောင့် ဘာ ဝင်ငွေ မှ မရှိ ဘဲ အခု လို အကြာ ကြီး ၊ စစ်တိုက် နိုင် တာပေါ့ ဗျာ ။

ဒီ လို ပါ ဘဲ ၊ ကျား ကွဲ ရင် နွား ဝင် ဆွဲ တာ ခံ ရ မှာ ပါ။ ဘေး က လူ တွေ ၊ တရုပ် ဖြစ် ဖြစ်
အမေရိကန် ဖြစ်ဖြစ် ၊ သူ့ တွက် ကိန်း နဲ့ သူ ရှိ ကြ တာပါ။ အခု လဲ အမေရိကန် က လေသံ
ပြောင်း တော့ ၊ ယိုးဒယား ဘက် က ပုံစံ အကြီး အကျယ် ပြောင်း တော့ မှာ ပါ။ ဒါ ကို ကေအန်ယူ
တို့ ဒီကေဘီအေ တို့ က ကြို တင် ပြီး ၊ ကောင်းကောင်း သဘောပေါက် ပါတယ်။

အမေရိကန်ရောက် ၊ ရဲရဲတောက် အွန်လိုင်း ဒီမိုတွေ လဲ သဘော ကြို ပေါက် ကြ ရှာ ပါ တယ်။
ဒါကြောင့် ကိုယ့် စားခွက် လေး ပျောက် ရ ချီ ရဲ့ လို့ သောက တွေ ဝေ နေ ကြ ရှာ တာပါ။
စိတ် မပူ ကြ ပါ နဲ့ ခင် ဗျာ ၊ တ ခြား နည်း တွေ အများ ကြီး ရှိ ပါ တယ် ခင် ဗျာ ၊
လုပ် တတ် ရင် ၊ လုပ် တတ် သလို ၊ လည် သလို လုပ် စား လို့ ရ ပါ သေး တယ် ခင် ဗျာ ။

ဘာ အရာ မှ တရားသေ ၊ အမြဲ သဘော မရှိ ပါ ဘူး ၊ အခြေ အနေ နဲ့ အချိန် အခါ ကို လိုက်ပြီး
ချိန် ခွင် ညှာ ယိမ်း တတ် ကြ ပါ တယ် ။ ချိန် ခွင် ညှာ ဘယ် လို ယိမ်း ယိမ်း ၊ မြန်မာ ပြည်သူ
ပြည် သား အား လုံး ကောင်း ကျိုး ချမ်း သာ ရှိ မဲ့ ဘက် ကို ဘဲ ၊
သာ သာ ထိုး ထိုး ၊ သိ သိ သာ သာ လေး ယိမ်း ပါ ရ စေ ခင် ဗျာ။

အော် ၊ ဒါ နဲ့ စကား မစပ် ၊ ( အမေစု နောက်လင် ရ သွား ပီ ) လို့ အ မ နာ ပ ပြော ခဲ့ တဲ့
အမေရိကန် ရောက် တောင်ဘို့ ကြီး ခင် ဗျာ ၊ အောက် ဘက် လဲ နဲ နဲ ပြန် ငုံ့ ကြည့် ဦး ခင်ဗျ
တောင်ဘို့ ထဲ က အမြီး ကြီး ထွက် နေ တယ် ခင် ဗျ ၊ နဲ တဲ့ အမြီး ကြီး မဟုတ် ပါ ဘူး
ဖွတ် မြီး ကြီး ပါ ခင် ဗျာ ၊ အမြီး မှာ အစင်း ကျား တွေ နဲ့ ၊ တကဲ့ (ဖွတ်ကျားကြီး) ပါ ပ ဗျား။

azawgyi

(မြန်မာကျူ့ပစ်ဖိုရမ်မှတဆင့်ဖေါ်ပြပါသည်။)

WSJ Interview with Kyaw San





Interview with Myanmar's Minister for Information and Culture -- Transcript - WSJ.com

Aung San Suu Kyi congratulates the 2011 Freedom to Create Imprisoned Artist Prize winner Win Maw





သားကြီး(AAPP)* { မိုးမခ }



"---ရသမျှ သစ်တို သစ်စလေးတွေနဲ့ ဂစ်တာတလက် ဖြစ်အောင် ဖန်တီးပြီး ဘ၀တူ နိုင်ငံရေး အကျဉ်းသား ညီငယ်တွေကို ဂစ်တာတီး သင်ပေးရင်း ကိုယ်ပိုင် သီချင်းလေးတွေကို ရေးဖွဲ့ခဲ့ပါသေးတယ်။ ထောင်တွင်း ရှာဖွေရေး လာချိန်မှာတော့ ဂစ်တာလေးကို တစစီ ဖြုတ်ရ၊ ဖွက်ရ၊ ပြီးမှ ပြန်ဆင်ရတာပေါ့လေ---"

နူးညံ့တဲ့ နှလုံးသားနဲ့ဂီတသမားတယောက်ဘ၀ကနေ စစ်အာဏာရှင်ကို ဆန့်ကျင်တဲ့ တော်လှန်ရေး သမားတယောက်အဖြစ် ဘ၀ တဆစ်ချိုး ပြောင်းခဲ့ရသူတယောက် ဖြစ်ပါတယ်။ ၁၉၈၈ မတိုင်ခင်က “Computer Control” အမည်ရှိ တီးဝိုင်းမှာ လိဒ် ဂီတာသမား တစ်ယောက် အဖြစ် ရှိနေခဲ့တဲ့သူ။ “ရွှေသံစဉ်” ဂစ်တာဝိုင်းကို ဦးဆောင်ခဲ့သူ။ ၈၈ အရေးတော်ပုံကြီးထဲမှာ အနုပညာသည်အုပ်စုတွေနဲ့ ပါဝင်ခဲ့သူပါ။

၁၉၉၆ ခုနှစ် နိုဝင်ဘာလ မှာတော့ ‘၈၈ တော်လှန်ရေးနှင့် စွန့်လွှတ်ခြင်း’ ‘ခွပ်ဒေါင်းဝိဥာဉ်’ အမည်ရှိ တေးသီချင်းများနဲ့ ဒေါ်အောင်ဆန်းစုကြည် ကို အားပေး ထောက်ခံ သီဆိုခဲ့တဲ့အတွက် အစိုးရကို ဆန့်ကျင်တယ်လို့ စွပ်စွဲခံရပြီး ပုဒ်မ ၅(ည) နဲ့ ထောင်၇ နှစ် ချခံရပါတယ်။

အဲဒီအချိန် အပြင်မှာတော့ ဖခင်ကြီး။ ဇနီး မသဇင်။ သားသမီး ၄ ယောက် ကျန်ခဲ့ပါတယ်။ ၁၉၉၇ နိုဝင်ဘာမှာတော့ မိသားစုနဲ့ဝေးရာ တောင်ငူထောင်ကို ပြောင်းရွှေ့ခံခဲ့ရပါတယ်။

တောင်ငူထောင်ထဲမှာ နေထိုင်ရစဉ် ကာလမှာ ဘ၀တူ နိုင်ငံရေး အကျဉ်းသား ရဲဘော်များရဲ့ အချစ်ခင်ရဆုံး ပုဂ္ဂိုလ်တယောက်လည်း ဖြစ်ခဲ့ပါတယ်။ စိတ်ရှည်တယ်၊ သီးခံတတ်တယ်၊ ညှာတာမှုရှိတယ်၊ ရပ်တည်ချက်ရှိတယ် ဆိုတာ ကိုဝင်းမော်ရဲ့ အရည်အချင်းတွေပါပဲ။

အကျဉ်းထောင်ထဲ၊ တိုက်ခန်းလေးထဲမှာ နေနေရစဉ် ရသမျှ သစ်တို သစ်စလေးတွေနဲ့ ဂစ်တာတလက် ဖြစ်အောင် ဖန်တီးပြီး ဘ၀တူ နိုင်ငံရေး အကျဉ်းသား ညီငယ်တွေကို ဂစ်တာတီး သင်ပေးရင်း ကိုယ်ပိုင် သီချင်းလေးတွေကို ရေးဖွဲ့ခဲ့ပါသေးတယ်။ ထောင်တွင်း ရှာဖွေရေး လာချိန်မှာတော့ ဂစ်တာလေးကို တစစီ ဖြုတ်ရ၊ ဖွက်ရ၊ ပြီးမှ ပြန်ဆင်ရတာပေါ့လေ။

၁၉၉၉ ဇန်န၀ါရီ ၃၁ (နှစ် ၅၀ ပြည့် ကရင်တော်လှန်ရေးနေ့) အထိမ်းအမှတ်ပွဲလေး တောင်ငူထောင်ထဲမှာ ထောင်ကျ KNU ရဲဘော်တွေက စီစဉ်ကြတယ်။ အဲဒီပွဲလေးအတွက် KNU ရဲဘော်တွေနဲ့ ကိုဝင်းမော်က ပူးပေါင်းလို့ သီချင်းတပုဒ် ရေးခဲ့ပါတယ်။ အဲဒီသီချင်းက “ထော်ကော်သူးလေ ထော်” တကယ့်ကို အမှတ်တယ ဖြစ်စေခဲ့တဲ့ သီချင်းပါ။ “နီထောသော ရာသီဦးမှာ လွမ်းစရာ့မြေ၊ တို့ရိုးရာဓလေ့ရဲ့ အသံ ‘ဘိပန်’ နားမှာ စွဲလို့လေ၊ တို့မျှော်လင့်ခြင်းတွေ” ရင်ထဲမှာ အမြဲ သတိရစေတဲ့ သီချင်းလေးပါ။

အကျဉ်းထောင်ထဲမှာ နေနေရစဉ် “ချယ်ရီ” “ဧည့်ဆိုး” “freedon from fear” အစရှိတဲ့ သူဖန်တီးခဲ့တဲ့ သီချင်းတွေ အများကြီးပါ။
ကိုဝင်းမော်က ၂၀၀၂ နိုဝင်ဘာ ၂၁ ရက်မှာ ထောင်က လွတ်ပါတယ်။ အဲဒီနောက် ထောင်ကျနေစဉ်ကာလ ယိမ်းယိုင်ခဲ့ရတဲ့ မိသားစုဘ၀ ကို ကြိုးစား တည်ဆောက်ရင်း “အလင်္ကာ” ဆိုတဲ့ ဂစ်တာဝိုင်းတခု ပြန်ပြီး ထူထောင်နိုင်ခဲ့ပါတယ်။

မိသားစုဘ၀မှာ အိမ်ထောင်ဦးစီး တယောက် အနေနဲ့ ဖခင်ကြီး၊ ဇနီး၊ သားသမီး ၄ ယောက်ကို တာဝန်ယူ ဦးဆောင်နေသူ ဖြစ်ပေမယ့်လည်း ထောင်တွင်း အတူနေခဲ့သူတွေ၊ နိုင်ငံရေးအကျဉ်းသားဟောင်းတွေနဲ့ တွေ့ဆုံလို့ မြန်မာပြည်ရဲ့ လူ့အခွင့်အရေး၊ ဒီမိုကရေစီအရေး၊ အမျိုးသား ပြန်လည် သင့်မြတ်ရေးတို့အတွက် အမြဲ ဆွေးနွေး၊ တိုင်ပင်၊ အကြံပေးနေသူပါ။ လွတ်လပ် ပွင့်လင်းတဲ့ အနုပညာသမားတယောက် အနေနဲ့ မြန်မာပြည်ရဲ့ စစ်အာဏာရှင်စနစ် ချုပ်ငြိမ်းရေးကို အမြဲ လိုလားနေသူပါ။

ဒီလိုနဲ့ ကိုဝင်းမော်ဟာ ဂစ်တာသမားတယောက် အဖြစ် ရပ်တည်နေပေမယ့်လည်း ပတ်ဝန်းကျင်မှာ မြင်နေရတဲ့ မတရားမှုတွေ၊ ဖိနှိပ်မှုတွေ၊ ကြေကွဲစရာတွေကို မှတ်တမ်းတင်တဲ့သူ၊ ထုတ်ဖော်သူ ဖြစ်လာပါတယ်။ ၂၀၀၇ စက်တင်ဘာ သံဃာ့လှုပ်ရှားမှု ဖြစ်လာချိန်မှာတော့ ကိုဝင်းမော်ဟာ စစ်အာဏာရှင်တွေရဲ့ ရက်စက် ကြမ်းကြုတ်မှု၊ ဘာသာတရားအပေါ် စော်ကားမှု၊ လူမဆံမှုတွေကို ဒီမိုကရက်တစ် မြန်မာ့အသံကနေ ကမ္ဘာသိအောင် တင်ပြနိုင်ခဲ့သူ တဦး ဖြစ်လာပါတယ်။

၂၀၀၇ နိုဝင်ဘာ ၂၇ ရက်နေ့မှာ ကိုဝင်းမော် ဖမ်းဆီးခံရတယ်။ စစ်ကြောရေးကာလတွင်း ပြင်းပြင်းထန်ထန် နှိပ်စက်ခံရကာ ထောင်ဒဏ် ၁၄ နှစ် ချမှတ်ခံလိုက်ရပါတယ်။ အဲဒီနောက်မှာတော့ ရခိုင်ပြည်နယ်၊ သံတွဲထောင်ကို ပြောင်းရွှေ့ခံခဲ့ရပါတယ်။ တဖန် ၂၀၁၁ အတွင်းမှာ ကျောက်ဖြူထောင်ကို ထပ်မံ ပြောင်းရွှေ့ခံရပါတယ်

ဂစ်တာသမား၊ အနုပညာသမားတယောက်ရဲ့ စိတ်ဓာတ်ကတော့ ဖိနှိုပ်မှုကို ဆန့်ကျင်လို့ လွတ်လပ်မှုကို အမြဲ လိုလားနေဆဲပါ။
“ကိုဝင်းမော် တယောက် ဖခင်ကြီး၊ ချစ်တဲ့ဇနီး၊ သားသမီးများနဲ့ အမြန်ဆုံး ပြန်လည်ဆုံတွေ့နိုင်ပါစေ။”

-သားကြီး(AAPP)
ဇူလိုင် ၃၀၊ ၂၀၁၁

ရွာဦ်းကျောင်းဆရာတော်နှင့် မနောမယ ဂမ္ဘီရ ရေမန်း


by ဖြစ်ရပ်ဆန်းကျယ် on Thursday, November 10, 2011 at 6:21am
တစ်နေ့သ၌ အင်းစိန်မြို့ ဖော့ကန်ရပ်ကွက် မင်္ဂလာလမ်းတွင် အသက် ၂၅- ၃၀ ဝန်းကျင်ရှိ် စတိုးဆိုင်ပိုင်ရှင် အမျိုးသမီး တစ်ယောက်သည်၊ ရောင်းမထွက်နိုင်သော မိမိ၏ဆိုင်မှ ပေါင်မုန့်များ ကို ပြန်လည် သိပ်ဆည်း ရင်း၊ နှမြှောတသဖြစ်နေခိုက်၊ မိမိ၏ ဆိုင်နှင့်မျက်နှာချင်းဆိုင်တွင်၊ ဆိုင်းခန်းဖွင့်ရန် လာရောက် နေရာချ နေသော တစ်ခြားအမျိုးသမီးငယ်တစ်ယောက်ကို သတိထား မိလေ၏၊

၎င်းစတိုးဆိုင်ပိုင်ရှင် အမျိုးသမီးသည်၊ သူမ၏ အတွေ့အကြုံအရ ဤနေရာ ဤဒေသ၌ ဈေးဆိုင် လာဖွင့်သူ မှန်သမျှ အရှုံးနှင့်သာ ရင်ဆိုင်ခဲ့ရပုံများကို ပြန်လည်တွေးကြည့်ရင်း၊ ဆိုင်ခန်းပြင်ဆင် နေသူ အမျိုးသမီး ငယ်လေးကို သနားမိသေးတော့၏။

သူကိုယ်တိုင်းမှာလည်း အရောင်းမသွက်ဖြစ်နေရသည့်အထည့်၊ ဤကဲ့သို့ မိမိဆိုင်နှင့် ကပ်လျှက်နေရာတွင် နောက်ထပ်ဆိုင်တစ်ဆိုင် လာရောက်ဖွင့်ခဲ့ပါက အကျိုးနည်းရချေရဲ့ ဟုလည်း၊ စိတ်ကူးမိလေသည်။ မည်သို့ ပင်ဖြစ်စေ၊ မိမိဆိုင်အရောင်းသွက်ရေးအတွက် မှတ်မိသမျှသော ဂါထာမန္တရားများ ကိုသာ ရွတ်ဖတ် နေမိ လေ၏၊

သို့သော်လည်း နောက်ထပ်ဖွင့်ရန် ပြင်ဆင်နေသော ဆိုင်မှာ မိမိကဲ့သို့ စတိုးဆိုင် မဟုတ်ကြောင်းကို အကဲခပ်မိသဖြင့် အနည်းငယ် နေသာထိုင်သာရှိသွားတော့၏၊ အတော်အသင့် သပ်သပ်ရပ်ရပ်ရှိသော ၄င်းဆိုင်ငယ်လေးသည်၊ စာသောက်ဆိုင်သော်၎င်း၊ ထမင်းဆိုင်သော်၎င်း တစ်ခုခုဖြစ်ရမည်ဟု တွက်ဆထားလိုက်လေ၏။

နောက်တစ်နေ့ နံနက် မိုးလင်း၍ မိမိ၏ စတိုးဆိုင်ကို ဖွင့်ရန်အသွား၊ ပရိတ်သတ်အနည်း ငယ် စည်ကားနေသော ၄င်းဆိုင်ကလေးကို၊ အမှတ်မထင်သတိထားမိသွား၏၊ ရခိုင်မုန့်တီ အာပူလျှာပူဟူ၍လည်း ဆိုင်းပုဒ်ငယ်တစ်ခုကို ခပ်ရိုးရိုးကလေး ချိုတ်ဆွဲထားသေး၏၊

စိတ်ဝင်စားမိ၍ အသေအချုာ လေ့လာကြည့်မိသောအခါတွင်ကား။ ဆိုင်ခန်း၏ ခေါင်းရင်း ဖက်တွင်၊ အသက် ၂၀ ဝန်းကျင်ရှိ ရဟန်းငယ်တစ်ပါးလည်း ရှိနေသည်ကို တွေ့ရသဖြင့် ပို၍ပင် စိတ်ဝင်စားစွာ မိမိဆိုပေါ်မှ နေ၍ အစအဆုံး ဂရုတစိုက် ကြည့်နေမိ၏။

ခဏအကြာတွင် ၄င်းရဟန်းငယ်သည်၊ မိမိ၏ရှေ့တွင်ချထားသော သောက်ရေခွက်ကို ဟန်ပါပါဖြင့် ထက်ဝက်ခန့် သောက်ပြီးနောက်၊ ကျန်ထက်ဝက်ခန့်ကို ပလပ်စတိတ်အိပ်ငယ် တစ်လုံးတွင် ထည့်ကာ၊ ဆိုင်ရှင်အမျိုးသမီးငယ်အား၊ ရော့..ဟူ၍လှမ်းပေးလိုက်လေ၏ ပြီးလျှင် ၄င်းရဟန်းငယ်သည် ဆိုင်ခန်းထဲရှိ လူသူများကို ခပ်ဆပ်ဆပ် စကားအနည်းငယ် ပြောပြီးလျှင်၊ မုန့်တီတစ်ခွက်ကို အားရပါးရ သုံးဆောင်နေလေတော့၏။

ဆိုင်ရှင်အမျိုးသမီးသည်၊ ရဟန်းငယ်ပေးသော ပလပ်စတိတ်ရေထုပ်ကလေးကို တရိုသေ ယူဆောင် လာပြီးလျှင်၊ စာပွဲခင်းကျင်းထားရာ အပေါ်တွင် ကြိုးတစ်ချောင်းဖြင့် တပ်ဆင်လိုက်၏၊ ထိုသို့တပ်ဆင် နေစဉ်တွင်လည်း ၄င်းရဟန်းငယ်မှ မကြာမကြာ အမိန့်ပေးနေသကဲ့သို စကားများ လှန်းလှန်း ပြောနေ သည်ကို ဝိုးတဝါး လှမ်းမြင်နေရလေ၏။ ရဟန်းငယ်သည်ကား ၄င်းဆိုင်ခန်းရှိ သူများအပေါ် အတော် သြဇာရှိပုံရ၏။

စတိုးဆိုင်ပိုင်ရှင် အမျိုးသမီးသည် အလွန်အင်မတန်မှ စိတ်ဝင်းစားမိသဖြင့်၊ ချက်ချင်း ဆိုသလို၊ မိမိဆိုင်ပေါ်မှ ဆင်းကာ၊ ရခိုင်မုန့်တီတစ်ခွက်ကို သွားရောက်အားပေးလိုက်လေ၏၊ ပြီင်္းလျှင် ၄င်းရဟန်းငယ်အား မိမိဆိုင်ပေါ်သို့ ပင့်ကာ၊ အချိုပွဲအချဉ်ပွဲများဆက်ကပ်လိုကြောင်း လျှောက်ထား လေတော့၏၊

ရဟန်းငယ်ကမူ မိမိမှာ စာချတာဝန်ရှိနေသေး၍ နောက်တစ်ပတ် တနင်္ဂနွေ နေ့နှင့် ဥပုသ်နေ့နှင့် တိုက်ဆိုင်ခဲ့လျှင် မုချလာရောက်မည်ဖြစ်ကြောင်း၊ သို့သော်လည်း ဒကာမကြီင်္း၏ စတိုးဆိုင်ပေါ်သို့ မတက်ရောက်တော့ပဲ ဤမုန့်တီဆိုင်ခန်းသို့ လာရောက်ကပ်နိုင်ကြောင်းကို ပြောကြား လိုက်လေတော့၏၊

စတိုးဆိုင်ပိုင်ရှင် အမျိုးသမီးသည် အလွန်ဝမ်းမြောက်ဝမ်းသာ ဖြစ်သွားလေတော့၏၊ ၄င်းစတိုးဆိုင်ပိုင်ရှင် အမျိုးသမီး၏ အထင်မှာ ဤဦ်းဇင်းငယ်သည်၊ ဈေးရောင်းကောင်းရန်အတွက် ရေမန်းဖြင့် သိဒ္ဓိတင်ပေး သည်ဟု အတိအကျ ယူဆထားလေ၏၊

တိုက်တိုက်ဆိုင်ဆိုင်ပင်လျှင် မုန့်တီဆိုင်ကလေးသည်လည်း တစ်ပတ်အတွင်း အတော်လေးကို ရောင်းအားကောင်းလာခဲ့လေတော့၏ အပျင်းပြေမုန့်တီဆိုင်ဖွင့်ကြည့်သည်ဟု ဆိုစေကာမူ တစ်နေ့ကို မုန့်ဖတ် ၁၂ ပိဿာထိ ရောင်းချရလေ၏၊ မနက်အစောကြိ်းကတည်းက နေ့လည် ၁ နာရီလောက်ထိ လက်လည်သည်ဟူ၍မရှိပေ။

ထိုမထင်မှတ်ပဲ ဈေးရောင်းကောင်းနေသည်ကိ်ု မြင်သောအခါ စတိုးဆိုင်ပိုင်ရှင် အမျိုးသမီးသည် ဦးဇင်းငယ် ကြွလာမည့်နေ့ကို တမျှော်မျှော်ဖြင့် စောင့်နေ ရှာ၏၊ ဥပုသ်နေ့နှင့် တနင်္ဂနွေနေ့ တိုက်ဆိုင်လျှင် ကြွလာ မည်ဟု ပြောခဲ့သော ဦးဇင်းငယ်၏ စကားကို အမြဲကြာယောင် နေမိလေ၏၊

အမှန်မှာမူ ဦင်္းဇင်းငယ်ဆိုလိုသည်မှာ ဥပုသ်နေ့များတွင်မှ စာဝါပ်ိတ်သောကြောင့် ဥပုသ်နေ့မှ ကြွလာခဲ့မည် ဟု ဆိုလိုခြင်းဖြစ်လေသည်၊ တနင်္ဂနွေနေ့ နှင့် တိုက် ဆိုင်စေချင်သည် မှာကား ဦင်္်းဇင်းငယ်၏ မောင်နှမများ အလုပ်နားသည့်ရက်နှင့် တိုက်ဆိုင်လိုစေသော ကြောင့်ဖြစ် လေည်။

ဤသည်ကိုပင်လျှင် အလွန်အထင်ကြီးနေသော စတိုးဆိုင်ပိုင်ရှင် အမျိုးသမီးမှာမူ နေ့ထူး နေ့မြတ်ကိ်ု ရွေး၍ ကြွလာမည့်ဟု အထင်ရောက်နေလေတော့သည်။

နောက်တစ်ပတ်ကြာလျှင် ဦးဇင်းငယ် ကြွလာပြီး သူအင်မတန်မှ ကြိုက်နစ်သက်သော ရခိုင်မုန့်တီကို အားရ ပါးရ သုံးဆောင်နေလေတော့၏၊ ၄င်းဦးဇင်းငယ်သည်ကား ရခိုင်မုန့်တ်ီကို အလွန်ကြိုက်နစ်သက်၏၊ ငယ်စဉ်က ဆိုလျှင် ရခိုင်မုန့်တီကျွေးမည်ဟု ပြောပြီးကာမှ အကြောင်းအမျိုးမျိုးကြောင်း မကျွေးဖြစ်ခဲ့လျှင်ကား ထိုနေ့အဖို့ မည်သည့် အစားအစာကိုမှ မစားသောက်တော့ပေ။ ယခု အသက်ကြီးလာသည့်တိုင်အောင် ထိုအကျင့်ကို မစွန့်လွတ်နိုင်သေးပေ။

ရခိုင်မုန့်တီသုံးဆောင်ပြီး၍ မကြာခင်ပင်လျှင် စတိုးဆိုင်ပိုင်ရှင်အမျိုးသမီးတစ်ယောက် အလွန်ရိုသေသော အမူအယာဖြင့် ရောက်လာလေတော့၏၊ ဦးဇင်းငယ်မှာ ဤမျှရိုသေ ကိုင်းရှိုင်း သော အမူအယာဖြင့် မိမိရှေ့ တွင် လာရောက်ထိုင်နေသော အမျိုးသမီး တစ်ယောက်၏ ရှေ့တွင် ကိုယ့်ကိုကိုယ့် မယုံသင်္ကာဖြင့် မနေတတ် မထိုင်တတ်ဖြစ်နေလေတော့၏၊

စတိုးဆိုင်ပိုင်ရှင် အမျိုးသမီးလျှောက်ထားသည်မှာကား= မှန်လှပါဦင်္းဇင်းလေးဘုရား၊ တပည့်မတော်မ ဆိုင်ခန်းအတွက် ရေမန်းတစ်ပုလင်းလောက် မန်းပေးတော်မူပါဘုရား.. ဟူ၍ဖြစ်လေ၏၊

ဦင်္းဇင်းငယ်သည် အလွန်အံ့သြသော အမူအယာဖြင့် ဘေးဘီးဝဲယာကို အနည်းငယ် အကဲခပ်ကြည့်ပြီးလျှင်၊ ဒကာမကြီး ဘာပြောတာလဲ ဟု မယုံသင်္ခါ မေးမိလေတော့၏၊ ထိုအခါ စတိုးဆိုင်ပိုင်ရှင် အမျိုးသမီး သည် လည်း၊ ဆိုင်ဖွင့်သည့်နေ့က ဦင်္းဇင်းငယ်ကိုယ်တိုင် ထုတ်ပေးခဲ့ သော ရေထုပ်ကလေးကို လက်ညှိုညွန်ပြကာ၊

ဟော..ဟိုက အရှင်ဘုရား မန်းပေးခဲ့တဲ့ မနောမယဂမ္ဘီရ ရေမန်းလိုမျိုး တပည့်တော်မကိုလည်း ချီင်္းမြင့်ပေးပါ ဘုရားဟု ထပ်မံလျှောက်ထား လိုက်လေတော့၏။

ဦင်္းဇင်းငယ်သည် အရာအားလုံးကို သဘောပေါက်သွားသဖြင့် ရယ်ချင်သောစိတ်ကို အောင့်အီးသီးခံပြီး၊ ဤသို့ပြန်လည် ရှင်းပြရလေတော့၏။

အဲဒီင်္ ..ရေထုတ်က ရေမန်းမဟုတ်ဘူး ဒကာမကြီ်ရဲ့ ….ဟု စအချီကာဖြင့်၊ ၄င်းရေထုပ်ငယ် ကို စာပွဲပေါ်မှ နေ၍ ကြိုးတစ်ချောင်းဖြင့် ချည်ထားသည်မှာကား မုန့်ဖတ်နှင့် အခြား တိုလီ မိုလီများ ကို ယင်ကောင် နားမှာစိုး သဖြင့်၊ ယင်ကောင်များကို ခြောက်လှန့်ရန်အတွက် တမင်သက်သက် စာခြောက်ရုပ်ကဲ့သို့လုပ်ထားသော ရေထုပ်သာဖြစ်ကြောင်း၊ ဘယ်လို မန္တရားကိုမှ မတတ်ကြောင်း ယင်ကောင်များ မလာနိုင်ရန် ၄င်းရေထုတ်ကလေးကို ယိုင်ထိုးလှုပ်ပေးခြင်းဖြင့် ဟန့်တားထား ခြင်းသာ ဖြစ်ကြောင်း ရှင်းပြရလေတော့၏။

စတိုးဆိုင်ပိုင်ရှင် အမျိုးသမီးမှာလည်း မိမိ၏အဖြစ်ကို မိမိသိရှိရသဖြင့် ၄င်းအမျိုးသမီး နှင့် ဆိုင်ခန်းရှိ ညီအစ်ကို မောင်နှမများ အားလုံးတို့မှာ တစ်ညီင်္တစ်ညွတ်တည်း..ဝါး..ဟား..ဟား ဟူ၍ ပြိုင်တူ ထွက်သွား ကြလေတော့သတည်း။

ထိုစဉ်က ရေမန်းမန်းသော ဦးဇင်းငယ်မှာ ကပ္ပိယကျော်ခေါင်၏ဆရာရင်း ရွာဥိ်းကျောင်းဆရာတော် ဖြစ်လေသည်၊ မုန့်တီဆိုင်ပိုင်ရှင်မှာ ရွာဦင်္းကျောင်းဆရာတော်၏ အစ်မဖြစ်လေသည်၊ စတိုးဆိုင်ပိုင်ရှင် မှာကား ဖော့ကန်ရပ်ကွက်တွင် အလွန်နာမည်ကြီင်္းသော ဦင်္းတင်မောင်စတိုးဆိုင် ဖြစ်လေသည်။

ဤသို့လျှင် လူတို့မည်သည်၊ မိမိတို့၏ အားကိုးရာကို လွဲမှားစွာ ရှာမှီးတတ်ကြလေသည်။

Cradit : ရွာဦးကျောင်း

ရန်ကုန်တိုင်းတွင် ဓာတ်ငွေ့ ဂက်စ် ဈေးနှုန်း ၂ဆနီးပါး ထပ်တက်လာ


Submitted by admin on Tuesday, 22 November 2011--
နိုဝင်ဘာလ ၂၂ရက်။ နော်ဆဲကလယ် (ကေအိုင်စီ)

ရန်ကုန်တိုင်းအတွင်းအငှားကားများနှင့်မီးဖိုချောင်တွင် အသုံးပြုနေသည့်ဓာတ်ငွေ့(Gas) ဈေးမှာနိုဝင်ဘာလ လယ်မှစ၍နှစ်ဆနီးပါးခန့် မြင့်တက်သွားသဖြင့် ဓာတ်ငွေ့ရောင်းဝယ်သူများနှင့် အငှားကားမောင်းသူများ အခက်တွေ့လျက်ရှိသည်ဟု သိရသည်။

ဒဂုံမြို့သစ် ဓာတ်ငွေ့အရောင်းဆိုင်မှ ဆိုင်ရှင်တစ်ဦးက “ဈေးတက်တာက ၁၆ရက်နေ့ကပါ။ ဂက်စ်ဈေးက အရင်ကဆို ၅,၇၆၄ ကျပ်လေ။ အခုတော့ ၁၅,၀၀၀ကို တက်သွားတာ။ ”ဟု ကေအိုင်စီသို့ ပြောသည်။

ယင်းသို့ ဓာတ်ငွေ့ဂက်စ်ဈေးနှုန်း မြင့်တက်သည်ကို သတင်းစာ၊ ရုပ်မြင်သံကြားများတွင် အများသိစေရန် ကြိုတင် အသိပေး ထားခြင်း မရှိဘဲ ဈေးမတက်ခင် သုံးရက်အလိုတွင်သာ ဓာတ်ငွေ့အရောင်းဆိုင်ကြီးများရှေ့၌ ဆိုင်းပုဒ်ကပ်ထားခြင်းဖြစ်၍ ဈေး တက်သည့်နေ့မှသာ လာရောက်ဝယ်ယူကြသူများအဖို့ အခက်အခဲဖြစ်ကြရသည်ဟုလည်း ၎င်းက ဆက်လက် ပြောဆိုသည်။

“ဈေးမတက်ခင် သုံးရက်အလိုကတော့ ဆိုင်ရှေ့မှာ ဆိုင်းပုဒ်ကပ်ထားတာတယ်။ တချို့က ဈေးတက်တာမသိလို့ ထုတ်တဲ့နေ့ မှာ လာဝယ်တော့မှ ငွေကို ဟိုချေးဒီချေးနဲ့ ဒုက္ခရောက်ကြတယ်။ ဘာစာမှလည်း မထုတ်ဘူး။ ဈေးတက်တာမေးလည်း မသိဘူး ဘဲ ပြောတယ်။”ဟု ဆိုသည်။

အစိုးရပိုင် ဓာတ်ငွေ့အရောင်းဆိုင်များတွင် ဈေးနှုန်းနှစ်ဆ မြင့်တက်သွားသော်လည်း ပုဂ္ဂလိက ဓာတ်ငွေ့ဆိုင်များတွင်မူ ယနေ့ အထိ ယခင် ဈေးနှုန်းများအတိုင်းသာ ရောင်းချပေးနေဆဲဖြစ်သည်ဟု သိရသည်။ ပုဂ္ဂလိကဆိုင်များတွင် ဓာတ်ငွေ့တစ်အိုးလျှင် ၂,၂၅၀ကျပ်နှုန်းဖြင့် ပေးဝယ်နေရပြီး အပြင်ဈေးနှုန်းမှာ ၂,၄၀၀ကျပ် ဖြစ်သည်။

ရန်ကုန်မြို့ခံ အများစုက ၀ယ်ယူအသုံးပြုနေကြသည့် ဓာတ်ငွေ့များမှ စင်္ကာပူနိုင်ငံမှ တင်သွင်းလာခြင်းဖြစ်ပြီး ထိုင်းနိုင်ငံမှ တင် သွင်းလာသော ဓာတ်ငွေ့ဗူးများမှာမူ ဈေးနှုန်းမြင့်တက်ခြင်း မရှိပေ။

ယခုလို ဓာတ်ငွေ့ဈေးနှုန်း နှစ်ဆတက်လာသည့်အပေါ် အလုံမြို့နယ်ရှိ အစိုးရပိုင်ဓာတ်ငွေ့အရောင်းဆိုင်သို့ ကေအိုင်စီက ဆက်သွယ်မေးမြန်းရာ ဆိုင်မန်နေဂျာက နေပြည်တော်မှ ဈေးတက်ခိုင်းသဖြင့် တက်ရခြင်းဖြစ်ကြောင်း ပြန်လည် ဖြေကြားခဲ့ သည်။

ဓာတ်ငွေ့ဂက်စ် အသုံးပြုသည့် ရန်ကုန်မြို့ခံတစ်ဦးက “အခုထိတော့ အပြင်ဆိုင်တွေမှာ ဈေးက အရင်အတိုင်းပဲ ၀ယ်သုံးနေရ သေးတယ်။ နောက်ပိုင်းတော့ မသိဘူး။ ဓာတ်ငွေ့ထုတ်ဈေး တက်တယ်ကြားကတည်းက ဘယ်တော့ ရောင်းဈေးတက်မလဲ စိုးရိမ်နေရတာလေ။ ကားခတွေကလည်း လောလောဆယ် ပုံမှန်ပါပဲ”ဟု ပြောသည်။

ရန်ကုန်မြို့ပေါ်တွင် ၂၀၀၀ခုနှစ်မတိုင်ခင်ကတည်းက ဓာတ်ငွေ့များကို အနည်းငယ် အသုံးပြုခဲ့ကြသော်လည်း ကားများတွင် ဓာတ်ငွေ့များ ထည့်သွင်းမောင်းနှင်မှု များလာသည့် ၂၀၀၄ခုနှစ်မှစ၍ အိမ်တိုင်းလိုလိုပင် ဓာတ်ငွေ့သုံးစွဲမှု များလာခြင်းဖြစ် သည်။

စွမ်းအင်ဝန်ကြီးဌာနက တိုက်ရိုက် ထုတ်ယူရောင်းချခွင့်ပေးထားသည့် အစိုးရပိုင် ဓာတ်ငွေ့(ဂက်စ်)အရောင်းဆိုင်များမှာ ရန်ကုန်တိုင်းအတွင်း အလုံ၊ ဒဂုံ၊ အင်းစိန်နှင့် သံလျင်မြို့နယ်များ၌ ရှိသည်။

သို့သော် ပြည်နယ်ဒေသရှိ မြို့နယ်များ၌မူ နီးစပ်ရာ အိမ်နီးချင်း ထိုင်းနိုင်ငံများမှ ဓာတ်ငွေ့ဂက်စ်အိုးများကိုသာ ၀ယ်ယူအသုံးပြု နေကြခြင်း ဖြစ်သည်။
http://www.kicnews.org/?p=8465#more-8465

မြန်မာ့လူ့အခွင့်အရေး ဆုံးဖြတ်ချက် ကုလအတည်ပြု

တနင်္လာ, 21 နိုဝင်ဘာ 2011
By ဒေါ်ခင်မျိုးသက်

နိုင်ငံပေါင်း ၄၈ နိုင်ငံက ဦးဆောင်တင်သွင်းခဲ့တဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အဆိုပြုချက် မူကြမ်းကို (၆၆) ကြိမ်မြောက် ကုလသမဂ္ဂ အထွေထွေညီလာခံမှာ တနင်္လာနေ့က ဆွေးနွေးခဲ့ကြပြီးတော့ မဲခွဲဆုံးဖြတ်ရာမှာ ထောက်ခံမဲ ၉၈ မဲနဲ့ အတည်ပြုခဲ့ပါတယ်။ မြန်မာနိုင်ငံမှာ လူ့အခွင့်အရေး ဆက်ပြီးတော့ ချိုးဖောက်မှုတွေ လုပ်နေတာကို အထူး စိတ်ပူသလို နိုင်ငံရေးအကျဉ်းသား အားလုံးကို ချွင်းချက်မရှိ လုပ်ပေးဖို့၊ တိုင်းရင်းသားဒေသတွေမှာ တိုက်ပွဲတွေ ချက်ချင်းရပ်ဖို့နဲ့ ဒေါ်အောင်ဆန်းစုကြည်ကို နိုင်ငံရေးလွတ်လပ်စွာ လုပ်ပိုင်ခွင့်တွေ ပေးဖို့ တောင်းဆိုလိုက်ပါတယ်။ ဒီအကြောင်း အပြည့်စုံကို ဒေါ်ခင်မျိုးသက်က အစီရင်ခံထားပါတယ်။

ကုလသမဂ္ဂ အထွေထွေညီလာခံရဲ့ လူ့အခွင့်အရေးနဲ့ပတ်သက်ပြီး ကိုင်တွယ်ဆောင်ရွက်တဲ့ တတိယကော်မတီမှာ နိုင်ငံပေါင်း ၄၈ နိုင်ငံကနေ ဦးဆောင်တင်သွင်းခဲ့တဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အဆိုပြုချက်မူကြမ်းကို တနင်္လာနေ့မှာ ဆွေးနွေးခဲ့ကြတာပါ။ ဆွေးနွေးပွဲအပြီး မဲခွဲ ဆုံးဖြတ်ရာမှာ နိုင်ငံပေါင်း ၉၈ နိုင်ငံက ထောက်ခံမဲပေးခဲ့ပြီး ၂၅ နိုင်ငံက ကန့်ကွက်မဲ၊ ၆၃ နိုင်ငံက မဲမပေးဘဲနေခဲ့ကြပြီး မြန်မာနိုင်ငံဆိုင်ရာ အဆိုပြုချက်ကို ထောက်ခံမဲအများစုနဲ့ အတည်ပြုခဲ့ပါတယ်။

အခုတကြိမ် ကုလသမဂ္ဂရဲ့ ဆုံးဖြတ်ချက်ဟာ မြန်မာနိုင်ငံမှာ တိုင်းရင်းသားဒေသတွေက တိုက်ပွဲတွေ အပါအ၀င် လူ့အခွင့်အရေးချိုးဖောက်မှုတွေ အတွက် ပြင်းပြင်းထန်ထန် သတိပေးထားပြီး လက်တွေ့နဲ့ ထင်ဟပ်မှုရှိတာဟာ ထူးခြားတယ်လို့ ဆွေးနွေးပွဲကို ကိုယ်တိုင်တက်ရောက်ခဲ့တဲ့ Burma Fund အဖွဲ့ရဲ့ ကုလသမဂ္ဂဆိုင်ရာ ကိုယ်စားလှယ် ဒေါက်တာ သောင်းထွန်းက ပြောပါတယ်။

“ဆုံးဖြတ်ချက်က ဒီနှစ်ထူးခြားတာကတော့ ကနေ့ မြန်မာနိုင်ငံမှာ ဖြစ်ပေါ်နေတဲ့ အပြုသဘောဆောင်တဲ့ ပြုပြင်ပြောင်းလဲမှုတွေနဲ့ ပတ်သက်လို့ ကြိုဆိုတာတွေ၊ မှတ်ချက်ပြုတာတွေ ရှိသလို ဆက်ပြီးတော့ ဖြေရှင်းရမယ့် လူ့အခွင့်အရေး ချိုးဖောက်မှုတွေ ဆက်ဖြစ်နေသေးတာနဲ့ပတ်သက်လို့ လူ့အခွင့်အရေး ချိုးဖောက်မှုတွေ ရပ်စဲဖို့၊ အထူးသဖြင့် တိုင်းရင်းသားဒေသတွေမှာ အပစ်အခတ်ရပ်စဲပြီးတော့ ပြည်တွင်း ငြိမ်းချမ်းရေးကို တနိုင်ငံလုံး အတိုင်းအတာအသွင် လုပ်ဆောင်ဖို့၊ တိုင်းရင်းသား အင်အားစုတွေကိုလည်း နိုင်ငံရေးလုပ်ငန်းစဉ်ထဲမှာ ပါဝင်ဖို့ ဆွေးနွေးတာတွေ တွေ့ရပါတယ်။ အာဆီယံနိုင်ငံတွေထဲက ထိုင်းတို့၊ အင်ဒိုနီးရှားတို့၊ စင်ကာပူတို့ကတော့ လက်ရှိ ပြုပြင်ပြောင်းလဲမှုတွေနဲ့ ပတ်သက်လို့ တော်တော်လေး အပြုသဘောဆောင်ပြီးတော့ ဆွေးနွေးသွားတယ်။

“ထူးခြားတာကတော့ အရင်တုန်းက ဆွေးနွေးနေကျ အနောက်နိုင်ငံတွေအပြင်ကို အာဖရိက က ဘော့စ်ဝါးနား ဆိုလို့ရှိရင် လူ့အခွင့်အရေးချိုးဖောက်မှုတွေ ဖြစ်နေတဲ့ပြဿနာတွေ ရပ်တန့်အောင် ကိုင်တွယ်ဆောင်ရွက်ဖို့နဲ့ တကယ့် အင်အားစုအားလုံး ပါဝင်တဲ့ ဒီမိုကရေစီရေးအသွင်ကူးပြောင်းမှုကို ပြောသွားတာ တွေ့ရပါတယ်။ ဘရာဇီးလ်က အလားတူပဲ တဘက်မှာ ပြုပြင်ပြောင်းလဲမှုတွေအတွက် မျှော်လင့်သလို တိုင်းရင်းသားဒေသ တွေမှာ လူ့အခွင့်အရေး ချိုးဖောက်မှုတွေနဲ့ ပတ်သက်လို့ ရပ်စဲဖို့ တောင်းဆိုသွားတာ တွေ့ရတယ်။”

အမေရိကန်၊ ဗြိတိန်၊ ကနေဒါ တို့လို မြန်မာ့အရေးကို အရင်ကတည်းက တစိုက်မတ်မတ် အားပေးလာခဲ့တဲ့ နိုင်ငံတွေကတော့ မြန်မာနိုင်ငံက လူ့အခွင့်အရေး ချိုးဖောက်မှုတွေအတွက် အစိုးရသစ်က ကတိပေးထားတဲ့ အတိုင်း မလုပ်ဘဲ ဆက်လက် ချိုးဖောက်နေတာတွေအတွက် အထူး စိုးရိမ်ကြောင်း ပြောကြားခဲ့တယ်လို့ ဆိုပါတယ်။ ဆုံးဖြတ်ချက်ထဲမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နိုင်ငံရေး လုပ်ဆောင်မှုအတွက် ကန့်သတ်မှုတွေ မလုပ်ဖို့ တောင်းဆိုတာ ပါဝင်တယ်လို့ ပြောပါတယ်။

“နိုင်ငံတကာရဲ့ အမြင်မှာ ဒေါ်အောင်ဆန်းစုကြည်ဟာ တိုင်းပြည် ဒီမိုကရေစီအသွင် ကူးပြောင်းရေးမှာ အရေးပါတဲ့ အခန်းကဏ္ဍကနေ ပါဝင်သင့်တယ်ဆိုတဲ့ အမြင်ရှိပါတယ်။ ဒါကြောင့် ဒေါ်အောင်ဆန်းစုကြည် နိုင်ငံရေး ဆောင်ရွက်မှုတွေကို လွတ်လွတ်လပ်လပ် ဆောင်ရွက်ခွင့်ပေးဖို့ ဆိုပြီးတော့ ထပ်မံတိုက်တွန်းတဲ့ သဘောမျိုး ဖြစ်ပါတယ်။”

ဒါ့အပြင် ဒေါ်အောင်ဆန်းစုကြည် အသက်အန္တရာယ်နဲ့ လုံခြုံရေးအတွက် တာဝန်ယူဖို့ သက်ဆိုင်ရာအဖွဲ့အစည်း အသီးသီးနဲ့ နိုင်ငံရေးလုပ်ဆောင်မှု လုပ်ငန်းစဉ်တွေမှာ လွတ်လွတ်လပ်လပ် လုပ်ပိုင်ခွင့်ပေးဖို့ကိုလည်း တောင်းဆိုထားပါတယ်။ ဒီအထဲမှာ အကျဉ်းကျနေတဲ့ နိုင်ငံရေးအကျဉ်းသားတွေပါ အနာဂတ် မြန်မာ့နိုင်ငံရေးမှာ ပါဝင်စေဖို့ လိုအပ်သလို ကျန်နိုင်ငံရေးအကျဉ်းသားအားလုံးကိုလည်း ချွင်းချက်မရှိ အမြန်ဆုံး ပြန်လွှတ်ပေးဖို့ ပြင်းပြင်းထန်ထန် တောင်းဆိုခဲ့တယ်လို့ ဆိုပါတယ်။

“နိုင်ငံရေးအကျဉ်းသား ၂၂၀ လောက် လွှတ်ပေမဲ့လို့ နိုင်ငံရေးအကျဉ်းသား အားလုံး ချွင်းချက်မရှိ လွတ်မြောက်ဖို့၊ ထောင်ထဲမှာရှိတဲ့ ဆိုးရွားတဲ့အခြေအနေတွေကိုလည်း ထောက်ပြထားတာ ရှိပါတယ်။ အဲဒီမှာ အရေးကြီးတဲ့ တိုင်းသိပြည်သိ ရှစ်လေးလုံး ကျောင်းသားခေါင်းဆောင်တွေ၊ ခွန်ထွန်းဦးတို့လို တိုင်းရင်းသား ခေါင်းဆောင်တွေ၊ လူ့အခွင့်အရေးလှုပ်ရှားတဲ့ ကိုမြင့်အေးတို့လို ပုဂ္ဂိုလ်တွေ၊ ရွှေဝါရောင်တော်လှန်ရေးမှာ အဓိက အခန်းကဏ္ဍက ပါဝင်ခဲ့တဲ့ ဦးဂမ္ဘီရတို့လို ပုဂ္ဂိုလ်မျိုးတွေကို ပိုပြီးတော့ ခပ်မြန်မြန် လွှတ်ဖို့ဆိုတဲ့ သဘောမျိုး တိုက်တွန်းတာ တွေ့ရတယ်။”

ဒါ့အပြင် အခုထိ နိုင်ငံရေးနဲ့ဆက်နွယ်နေသူတွေကို ဖမ်းဆီးအကျဉ်းချမှုတွေ ရှိနေတာနဲ့ မြန်မာ့အကျဉ်းထောင် တွေရဲ့ အခြေအနေဆိုးရွားမှုတွေကို ပြုပြင်ဖို့အပြင် နိုင်ငံတကာကြက်ခြေနီအဖွဲ့ (ICRC) ဆက်လက် သွားရောက်ခွင့်တွေ ပေးဖို့လည်း တိုက်တွန်းထားပါတယ်။

မြန်မာနိုင်ငံ ဒီမိုကရေစီရေး ဖော်ဆောင်ရာမှာ ကုသလမဂ္ဂ အတွင်းရေးမှူးချုပ်က ဆက်လက်ပြီး ကူညီပံ့ပိုး ပေးသွားဖို့ ရှိတယ်လို့ အတွင်းရေးမှူးချုပ်ရဲ့ တွဲဘက်ပြောခွင့်ရပုဂ္ဂိုလ် မစ္စတာ ဖာရင်ဟိုက်က အခုလို ပြောပါတယ်။

“အတွင်းရေးမှူးချုပ်ဟာ မကြာသေးခင်က မြန်မာခေါင်းဆောင် ဦးသိန်းစိန်နဲ့ တွေ့ဆုံခဲ့ပြီး မြန်မာနိုင်ငံအနေနဲ့ ပြုပြင်ပြောင်းလဲရေးကို ဆက်လက်လုပ်ဆောင်တဲ့နေရာမှာ ကုလသမဂ္ဂရဲ့ ကူညီပံ့ပိုးမှုကို ရရှိမယ် ဆိုတာကိုလည်း ရှင်းရှင်းလင်းလင်း အသိပေးခဲ့ပြီးပါပြီ။ ဒါကြောင့် မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုကို ကုလသမဂ္ဂက ဆက်လက်ထောက်ခံ အားပေးသွားမှာဖြစ်သလို အတွင်းရေးမှူးချုပ် အနေနဲ့လည်း အဆင်ပြေရင် မြန်မာနိုင်ငံကို သွားရောက်မှာဖြစ်ပါတယ်။”

တနင်္လာနေ့ ကုလသမဂ္ဂ အထွေထွေညီလာခံရဲ့ မြန်မာနိုင်ငံဆိုင်ရာ ဆွေးနွေး ဆုံးဖြတ်မှုတွေဟာ တန်ဖိုးရှိတဲ့ လုပ်ဆောင်မှုတွေဖြစ်ကြောင်း ဗြိတိသျှ နိုင်ငံခြားရေးဝန်ကြီး ၀ီလျံဟိတ် ကလည်း ပြောကြားလိုက်ပါတယ်။ ဒီဆုံးဖြတ်ချက်ကနေ မြန်မာနိုင်ငံရဲ့ တိုးတက်မှုလက္ခဏာတွေအတွက် အားပေးခဲ့သလို အထူးသဖြင့် တိုင်းရင်းသားဒေသတွေက လူ့အခွင့်အရေး ချိုးဖောက်မှုတွေ အဆက်မပြတ် ဖြစ်နေတာတွေဟာ စိုးရိမ်စရာဆိုတာကို ထောက်ပြပြီး မြန်မာသမ္မတ ကတိပေးထားတဲ့ တကယ့်ပြောင်းလဲမှုတွေလုပ်ဖို့ တိုက်တွန်းထားတာဟာ မြန်မာပြည်သူတွေကို နိုင်ငံတကာ အသိုင်းအ၀ိုင်းကနေ မေ့မထားဘူးဆိုတာ ပြသနေတယ်လို့လည်း ပြောကြားခဲ့ပါတယ်။
http://www.voanews.com/burmese/news/Burma-UN-11-21-11-134290013.html

ငြိမ်းချမ်းစွာ စုဝေးခွင့် ပြင်ဆင်ချက်အတည်ပြု

အင်္ဂါ, 22 နိုဝင်ဘာ 2011
By မစုမြတ်မွန်

မြန်မာနိုင်ငံမှာ ငြိမ်းချမ်းစွာ စုဝေးခွင့်နဲ့ စီတန်းလှည့် လည်ခွင့် မူကြမ်းကို ပြည်ထောင်စုလွှတ်တော်က ဒီကနေ့ အင်္ဂါနေ့မှာ အတည်ပြုလိုက် ပါတယ်၊ အမျိုးသားလွှတ်တော်နဲ့ ပြည်သူ့လွှတ်တော်မှာ သဘောကွဲခဲ့တဲ့ နိုင်ငံတော်အလံ ကိုင်ဆောင်ခွင့်ကိစ္စကို ညှိနှိုင်းဆွေးနွေးခဲ့ကြပြီး အလံကိုင်ခွင့် မူကြမ်းကိုအတည်ပြုလိုက်တာဖြစ်ပါတယ်။ မြန်မာနိုင်ငံမှာ နှစ်ပေါင်းများစွာအတွင်း ပထမဆုံး ပြဌာန်းနိုင်တော့မယ့် ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့်ဥပဒေမှာ ဘယ်လို ကန့်သတ်ချက်တွေရော ရှိနေသေးလဲ၊ ဆန္ဒထုတ်ဖော်ခွင့်ကိုရော ဘယ်လောက် လွတ်လွတ်လပ်လပ် လုပ်နိုင်မှာလဲဆိုတာတွေကို ဘန်ကောက်ရုံးကို ရောက်နေတဲ့ မစုမြတ်မွန်က တင်ပြပေးထားပါတယ်။

မြန်မာနိုင်ငံမှာ ငြိမ်းငြိမ်းချမ်းချမ်း လူစုခွင့်နဲ့ စီတန်းလှည့်လည်ခွင့်ရနိုင်တော့မယ့် ဥပဒေကြမ်းကို လွှတ်တော် ၂ ရပ်ပေါင်းထားတဲ့ ပြည်ထောင်စု လွှတ်တော်ကနေ အတည်ပြုလိုက်တာဖြစ်ပါတယ်။ သက်ဆိုင်ရာဆီမှာ ကြိုတင်ခွင့်တောင်းပြီး စုဝေးခွင့်၊ လှည့်လည်ခွင့် ရတော့မှာဖြစ်တယ်လို့ ပြည်ထောင်စုလွှတ်တော်ရဲ့ ဥပဒေကြမ်း ပူးပေါင်းကော်မတီဝင် ဒေါက်တာမြတ်ဉာဏစိုးက VOA ကိုရှင်းပြပါတယ်၊

“ဦးဆောင်မယ့် ပုဂ္ဂိုလ်ရယ်၊ နောက်တခါ ဟောပြောပွဲလုပ်မယ်ဆိုရင်လည်း ဟောပြောမယ့် ပုဂ္ဂိုလ်ရဲ့ ကိုယ်ရေးအချက်အလက်တွေ ပါရပါမယ်။ နောက်ပြီး ကြွေးကြော်သံတွေနဲ့ ကြွေးကြော်မယ်ဆိုရင်လည်း ကြွေးကြော်သံတွေရဲ့ စာသား၊ ဒါလေးတွေကိုတော့ ကြိုပြီး တင်ပြရပါမယ်။ ဒါပေမယ့် ဘယ်လိုအကြောင်းအရာကိုတော့ဖြင့် ဆန္ဒဖော်ထုတ်ခွင့်မရှိဘူး၊ ဘယ်လိုအကြောင်းအရာကိုပဲ ဆန္ဒဖော်ထုတ်ခွင့်ရှိတယ်လို့ ကန့်သတ်ချက်တွေတော့ မရှိပါဘူးခင်ဗျ”

အခုဥပဒေကြမ်းထဲမှာ စုဝေးရမယ့် နေရာနဲ့ ပတ်သက်လို့ ကန့်သတ်ချက်ရှိသေးပေမဲ့ ဒီအချက်ကို ပြုနိုင် ပြင်နိုင်မယ်လို့ ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောပါတယ်။ ငြိမ်းချမ်းစွာ လူစုခွင့်၊ စီတန်းခွင့်ရနိုင်ဖို့ ကန့်သတ်ချက်တွေနဲ့ ပြန်ပြီး ထိန်းထားတာတွေကို တဖြည်းဖြည်းပြင်ယူသွားနိုင်မယ်လို့ သူက မျှော်လင့်ပါတယ်။

“ငြိမ်းချမ်းစွာ စုဝေးခွင့်တို့ ဘာတို့ ပေးလိုက်တဲ့အပေါ်မှာ တဘက်ကလည်း စည်းကမ်းထိန်းကျောင်းထားတဲ့ဟာတွေ ရှိတာပေါ့။ ဥပမာ ကန့်သတ်ချက်တွေ တချို့ ထား ထားတာတွေပေါ့။ ဥပမာ ဒေသဆိုင်ရာ ဓလေ့ထုံးတမ်းတွေကို လိုက်နာရမယ်ဆိုတာမျိုးတို့၊ နောက်တခါ အသရေဖျက်မှုမျိုး မပြောရဘူးတို့ ဆိုတာတွေက လွတ်လပ်စွာပြောဆိုခွင့်ကို ထိပါးစေတဲ့ အဟန့်အတားတွေဖြစ်တယ်ဆိုရင် နောက် ပြန်လည်ပြုပြင်ရမှာပေါ့။ နိုင်ငံတကာ အဆင့်နဲ့ချိန်ကြည့်ရင်တော့ ကျနော်တို့က အခုမှစရတဲ့အခါကျတော့ လုပ်ရင်းနဲ့ ပြင်စရာရှိတာတွေတော့ နောင် ပြင်ရမှာပေါ့”

ငြိမ်းချမ်းစွာ ဆန္ဒထုတ်ဖော်တဲ့ နေရာမှာ လုံခြုံရေးကို မထိခိုက်ရင်ဆိုတဲ့ အချက်ကိုခံထားတာဟာ အပြည့်အဝ လွတ်လပ်ခွင့်ပေးတာမျိုး မဟုတ်ဘူးဆိုပြီး လူ့အခွင့်အရေး လှုပ်ရှားသူတွေက ထောက်ပြနေကြပါတယ်။ ဒါနဲ့ ပတ်သက်လို့ ဦးသိန်းညွန့် ပြောတာက-

“ဥပဒေကြောင်းဆိုင်ရာမှာ သူတို့က ၂ ပိုင်းရှိတယ်။ ခွင့်ပြုချက်နဲ့စုဝေးခြင်း၊ စီတန်းလှည့်လည်ခြင်းဆိုရင် သူတို့ဘက်ကလည်း အကာအကွယ်ပေးမယ့်ဟာ ပါတယ်။ တခုပဲပေါ့ ကျနော်တို့က စုဝေးတဲ့ ချီတက်တဲ့အခါမှာ ခွင့်ပြုထားတဲ့ပုံစံ မဟုတ်ရင်တော့ မြို့နယ်ရဲမှူးကနေ ရုပ်သိမ်းကြောင်း မြို့နယ်အုပ်ချုပ်ရေးမှူးကိုတင်ပြပြီး ရုပ်သိမ်းမယ်။ ဒါပေမယ့် ကျနော်ဖြည့်လိုက်တဲ့အတွက် အဲဒီရုပ်သိမ်းမှုကို ဒီအတိုင်းပဲ လက်လွတ်စပယ် နှုတ်နဲ့မရဘူး၊ ကျနော် ပြည်သူ့လွှတ်တော်မှာ ဖြည့်တာကတော့ စာအဖြစ်ရုပ်သိမ်းရမှာပေါ့။ သို့သော် အမျိုးသားလွှတ်တော်က ပြန်ပြင်လိုက်တာကတော့ နှုတ်ဖြင့်ရုပ်သိမ်းပြီး ၂၄ နာရီအတွင်း စာဖြင့် ရုပ်သိမ်းရမယ်ပေါ့။ အဲဒီလိုပြင်တဲ့ဟာအပေါ်မှာတော့ ကျနော်လည်း ဘယ်လိုဖြစ်ဖြစ်လေ၊ စာနဲ့ရရင် မတော်မတရားလုပ်လို့ မရဘူး။ အာဏာအလွဲသုံးစား လုပ်လို့ မရတော့ဘူး။ နှုတ်မိန့်ကို လွယ်လင့်တကူသုံးမှာကြောက်လို့ ကျနော် ဟန့်တားလိုက်တာပေါ့ ”

နှစ်ပေါင်းများစွာအတွင်း ပြဌာန်းနိုင်မယ့် ဥပဒေကြောင့် မြန်မာနိုင်ငံက ပြည်သူတွေအနေနဲ့ အတိုင်းအတာတခုအထိ ဆန္ဒထုတ်ဖော်ခွင့် ရလာတော့မှာဖြစ်ပါတယ်လို့ အမျိုးသားဒီမိုကရေစီအင်အားစု NDF ရဲ့ အမျိုးသား လွှတ်တော် ကိုယ်စားလှယ်လည်းဖြစ်တဲ့ ဒေါက်တာမြတ်ဉာဏစိုးက ဆိုပါတယ်။

“ကျနော်တို့နိုင်ငံရဲ့ သမိုင်းတလျှောက်မှာ အခုလိုမျိုး စီတန်းလှည့်လည်ခွင့်နဲ့ပတ်သက်တဲ့ ဥပဒေပြဌာန်းထားတာမျိုး မရှိပါဘူး။ အရင် ဖ.ဆ.ပ.လ အစိုးရလက်ထက်မှာလည်း ပြဌာန်းခဲ့တာ၊ ပ.ထ.စ အစိုးရလက်ထက်မှာလည်း ပြဌာန်းခဲ့တာ မရှိပါဘူး။ အခုမှသာ ဒီဟာက တရားဝင်ရှိလာတယ်။ ငြိမ်းချမ်းစွာ စီတန်းလှည့်လည်ခွင့်နဲ့ စုဝေးခွင့် ဆန္ဒဖော်ထုတ်ခွင့်၊ ဥပဒေအရလည်း နိုင်ငံသားတွေက သူတို့ရဲ့လိုလားချက်တွေကို လွတ်လွတ်လပ်လပ်ထုတ်ဖော်ပြီးတော့ ပြောဆိုနိုင်မှာဖြစ်ပါတယ်”

ဒီတခါ လွှတ်တော်စည်းဝေးပွဲတွေကို ၂၅ ရက်နေ့မှာ အပြီးသတ်ဆွေးနွေးမှုတွေ လုပ်သွားမယ်လို့ သိရပါတယ်။ လွှတ်တော်မနားခင် ရပ်ကွက်၊ ကျေးရွာ အုပ်ချုပ်ရေး ဥပဒေကြမ်း၊ လယ်ယာမြေဥပဒေကြမ်းတွေကို အတည်ပြုသွားနိုင်ဖို့ အဓိကထား ဆွေးနွေးကြလိမ့်မယ်လို့ လွှတ်တော် ကိုယ်စားလှယ်တွေက ပြောပါတယ်ရှင်၊

http://www.voanews.com/burmese/news/---11_22_11_my-news-burma----134324213.html


ငြိမ်း​ချမ်း​စွာစီတန်း​လှည့်​လည်ခွင့်​ ဥပ​ဒေနှင့်​ပတ်သက်ပြီး​ လွှတ်​တော်ကိုယ်စား​လှယ်နှင့်​မေး​မြန်း​ချက်
Published on November 22, 2011 by ရွှေအောင်

ငြိမ်း​ချမ်း​စွာစု​ဝေး​ခွင့်​နဲ့​ ငြိမ်း​ချမ်း​စွာ စီတန်း​လှည့်​လည်ခွင့်​ ဥပ​ဒေကို လွှတ်​တော်တွင်း​ ​ဆွေး​နွေး​တာ ပြီး​ပြတ်သွား​ပြီဖြစ်လို့​ သမ္မတထံတင်လိုက်ပြီ ဖြစ်ပါတယ်။

ငြိမ်း​ချမ်း​စွာစု​ဝေး​ခွင့်​ဥပ​ဒေကို ဒီ​နေ့​ပြည်သူ့​လွှတ်​တော်မှာ အပြီး​သတ် ​ဆွေး​နွေး​ကြရာမှာ နိုင်ငံ​တော်အလံကိုင်​ဆောင်ပြီး​ စီတန်း​လှည့်​လည်ခွင့်​ပြုဖို့​ မဲခွဲဆုံး​ဖြတ်တဲ့​ဘက်က အနိုင်ရတာမို့​၊​ ငြိမ်း​ချမ်း​စွာ စီတန်း​လှည့်​လည်တဲ့​နေရာမှာ အလံကိုင်​ဆောင်ခွင့်​ရရှိကြမှာ ဖြစ်ပါတယ်။

ငြိမ်း​ချမ်း​စွာ စီတန်း​လှည့်​လည်ခွင့်​ဥပ​ဒေနဲ့​ ပတ်သက်ပြီး​ သင်္ဃန်း​ကျွန်း​မြို့​နယ် ပြည်သူ့​လွှတ်​တော်ကိုယ်စား​လှယ် ဦး​သိန်း​ညွန့်​ကို ဆက်သွယ်​မေး​မြန်း​ထား​ပါတယ်။

ဥပ​ဒေထွက်လာရင် အများ​ပြည်သူက ကိုယ့်​ဆန္ဒကို​ဖော်ထုတ်မယ်ဆိုရင် ဘယ်လို​ဖော်ထုတ်ခွင့်​ရပြီလဲဆိုတာ အကြမ်း​ဖျဉ်း​လေး​ပြော​ပေး​ပါ။

“ဥ​ပေဒမှာ သတ်မှတ်ထား​တဲ့​အတိုင်း​ပေါ့။ ဆန္ဒ​ဖော်ထုတ်ဖို့​ သတ်မှတ်ထား​တဲ့​နေရာမှာ သွား​တင်ရမယ်။ အဲ့​က ခွင့်​ပြုချက်ယူပြီး​တော့​ ဆန္ဒပြနိုင်တယ်။ ငြိမ်း​ချမ်း​စွာ စု​ဝေး​ခွင့်​နဲ့​ စီတန်း​လှည့်​လည်ခွင့်​လုပ်နိုင်တယ်။ လုပ်တဲ့​အခါ ကိုယ်လုပ်ချင်တဲ့​ ရည်ရွယ်ချက်၊​ လမ်း​ကြောင်း​၊​ ​နေ့​တို့​အချိန်တို့​ကို ​ဖော်ပြရမှာ​ပေါ့​။ ​ဖော်ပြပြီး​တော့​ သက်ဆိုင်ရာ မြို့​နယ် ရဲတပ်ဖွဲ့​မှူး​၊​ သက်ဆိုင်ရာ မြို့​နယ်အ​ထွေ​ထွေအုပ်ချုပ်​ရေး​ဦး​စီး​ဌာနရဲ့​ အတည်ပြုချက်နဲ့​ ခွင့်​ပြုမိန့်​ထုတ်​ပေး​ခြင်း​ (သို့​) ခွင့်​ပြုမိန့်​ ငြင်း​ပယ်ခြင်း​တွေ ပြုလုပ်နိုင်တယ်။ စီတန်း​လှည့်​လည်တဲ့​အခါမှာလည်း​ သူတို့​ဘက်က ဥပ​ဒေနဲ့​ အကာအကွယ်​ပေး​ရမှာ​ပေါ့​။ အဲ့​မှာ သတ်မှတ်ထား​တဲ့​ ​ကြွေး​ကြော်သံ​တွေ။ ခွင့်​ပြုထား​တဲ့​ ​ကြွေး​ကြော်သံ​တွေ​အော်နိုင်တာ​ပေါ့​။ ​အော်တဲ့​အခါ တရား​ဥပ​ဒေ တည်ဆဲဥပ​ဒေကို​တော့​ ကိုယ်ကသတိထား​ရမှာ​ပေါ့​။ ဒါကနိုင်ငံတကာမှာ လုပ်တဲ့​အတိုင်း​ပါပဲ။ ခွင့်​တောင်း​ပြီး​တော့​ ခွင့်​ပြုချက်အရ ချီတတ်တဲ့​အခါမှာလည်း​ သူတို့​က ဥပ​ဒေအတိုင်း​ အကာအကွယ်​တွေ​ပေး​ရမှာ​ပေါ့​။”

ဥပ​ဒေမှာ ဘယ်​နေရာ​တွေမှာ​တော့​ မလုပ်ရဘူး​ဆိုတာ ကန့်​သတ်ထား​တာ​ရော ရှိပါသလား။

“သတ်မှတ်ထား​တာ​တော့​ရှိတယ်။ တချို့​နေရာ​တွေ​ပေါ့​။ အဲ့​ဒါက​တော့​ ဥပ​ဒေ အ​သေး​စိတ်ဖြစ်လာရင်​တော့​ သိရမှာ​ပေါ့​။ အဲ့​တော့​ ခွင့်​ပြုထား​တဲ့​နေရာ​တွေ​ပေါ့​။”

ခွင့်​ပြုထား​တဲ့​နေရာ​တွေဆိုတာ သူတို့​က သတ်မှတ်​ပေး​တဲ့​ ​နေရာကို​ပြောတာပါလား​။ ဥပမာ ရန်ကုန်မှာဆိုရင် မြို့​တော်ခန်း​မ​ရှေ့​မှာ ဆန္ဒပြချင်တယ်ဆိုရင် အဲ့​နေရာ​တွေက ခွင့်​ပြုတဲ့​ထဲမှာပါလား​။

“ဥပ​ဒေမှာ ထွက်လာတဲ့​အခါကျ​တော့​ အ​သေး​စိတ် ဘယ်​နေရာပါမယ်၊​ မပါဘူး​ ထွက်လာမှာပါ။ အခုက ဥပ​ဒေအပြင်ဘက် နည်း​ဥပ​ဒေပဲရှိ​သေး​တာဆို​တော့​။”

အန်ကယ်လည်း​ ဥပ​ဒေကိုနား​လည်တဲ့​သူတ​ယောက်ဖြစ်​တော့​ ဒီဥပ​ဒေအရ ကျ​နော်တို့​နိုင်ငံမှာ မိမိရဲ့​ဆန္ဒကို ငြိမ်း​ချမ်း​စွာထုတ်​ဖော်ပြသခွင့်​ အခြား​နိုင်ငံ​တွေတန်း​တူ ရပြီလို့​ ​ပြောနိုင်ပါလား​။ ဒီဥပ​ဒေထွက်လာရင်။

“အဲ့​ဒီလိုရဖို့​ ဒီဂရီအား​ဖြင့်​ မြင့်​မား​တာ​တွေ။ လူ့​အခွင့်​အ​ရေး​ကြေညာစာတမ်း​ အပိုဒ် ၂၀ မှာပါတဲ့​ လူတိုင်း​လွတ်လပ်စွာ ​အေး​ချမ်း​စွာ စု​ဝေး​ခွင့်​နဲ့​ ဖွဲ့​စည်း​ခွင့်​ရှိသည်ဆိုတဲ့​ လူ့​အခွင့်​အ​ရေး​ကြေညာချက် အပိုဒ် ၂၀ ကို ဒီဥပ​ဒေကြမ်း​က အသိအမှတ်ပြုပြီး​တော့​ လက်ခံ​ဆောင်ရွက်လိုက်တာပါ။ လိုတာက​တော့​ လုပ်ရင်း​ကိုင်ရင်း​နဲ့​ ပြင်စရာရှိတာ ပြင်ရမှာ​ပေါ့​။”

အန်ကယ် ဒီဥပ​ဒေက မကြာခင် ထုတ်ပြန်ဖို့​ ရှိတယ်လို့​ ​ပြောရင်ရမလား​။

“ရပါတယ်။ လွှတ်​တော်ပိုင်း​ဆိုင်ရာပြီး​သွား​ပြီ။ သမ္မတဆီပို့​ရုံပဲ။ တခုရှိတာက သမ္မတက ပြင်စရာရှိလို့​ ပြင်ဆင်ချက်နဲ့​ ပြန်ပို့​ရင်​တော့​ ​ဆွေး​နွေး​ရမှာ​ပေါ့​။ ဒါသမ္မတအပိုင်း​ပေါ့​။ လွှတ်​တော်ပိုင်း​အ​နေနဲ့​တော့​ ပြီး​သွား​ပြီ။”

အခုပြုလုပ်​နေတဲ့​ လွှတ်​တော်တွင်း​ ​ဆွေး​နွေး​မှု​တွေက​နေ ဒီမိုက​ရေစီ​ရေး​နဲ့​ လူ့​အခွင့်​အ​ရေး​အတွက် အဓိကလိုအပ်တဲ့​ ဥပ​ဒေသုံး​ခု ​ဆောင်ရွက်နိုင်မယ်လို့​ သိရပါတယ်။ အဲ့​ဒီထဲက အလုပ်သမား​ရပိုင်ခွင့်​ဥပ​ဒေကို ထုတ်ပြန်ခဲ့​ပြီး​ဖြစ်ပါတယ်။

ငြိမ်း​ချမ်း​စွာ စီတန်း​လှည့်​လည်ခွင့်​ဥပ​ဒေကအပြီး​သတ်နိုင်ခဲ့​ပြီဖြစ်ပြီး​ ရပ်ကွက်​ကျေး​ရွာအုပ်ချုပ်​ရေး​မှူး​ ဥပ​ဒေကို​တော့​ ဒီတပတ်ထဲ အပြီး​သတ် ​ဆွေး​နွေး​ကြ​တော့​မှာ ဖြစ်ပါတယ်။

ကျင်း​ပ​နေတဲ့​လွှတ်​တော်​တွေဟာ လာမယ့်​ နိုဝင်ဘာ ၂၅ ရက်မှာ ပြီး​ဆုံး​တော့​မှာ ဖြစ်ပါတယ်။
http://burmese.dvb.no/archives/18153

NLD တပတ်အတွင်း ပါတီမှတ်ပုံတင်မည်

အင်္ဂါ, 22 နိုဝင်ဘာ 2011
By မနန္ဒာချမ်း
အမျိုးသားဒီမိုကရေစီအဖွဲ့ချုပ် NLD အနေနဲ့ နိုင်ငံရေးပါတီအဖြစ် မှတ်ပုံတင်ခွင့်ရဖို့ ဒီသီတင်းပတ်ထဲမှာ အာဏာပိုင်တွေထံ လျှောက်ထားဖို့ ရှိနေပါတယ်။ မြန်မာအစိုးရသစ်လက်ထက်မှာ ပေါ်ပေါက်လာတဲ့ လွှတ်တော်ထဲက လစ်လပ်သွားတဲ့နေရာတွေအတွက် ကြားဖြတ်ရွေးကောက်ပွဲ ပြန်ပြီးတော့ကျင်းပမယ့် အချိန်မှာ ၀င်ရောက်ယှဉ်ပြိုင်သွားဖို့ကို ရည်ရွယ်ပြီး NLD က မှတ်ပုံတင် တော့မှာပါ။ အပြည့်အစုံကိုတော့ NLD တာဝန်ရှိသူနဲ့ ဆက်သွယ်မေးမြန်းထားတဲ့ မနန္ဒာချမ်းက တင်ပြထားပါတယ်။

NLD ပါတီက လာမယ့်သောကြာနေ့ နောက်ဆုံးထားပြီး ပါတီတည်ထောင်ခွင့်ပြုဖို့ တနည်းအားဖြင့် ပါတီကို မှတ်ပုံတင်ခွင့်ပြုဖို့ သွားရောက် လျှောက်ထားမှာဖြစ်ပါတယ်။ ဒီအတွက် NLD တာဝန်ရှိသူတွေ ဒီကနေ့မှာ အစည်းအဝေးပြုလုပ်ပြီး ဆွေးနွေးခဲ့ကြတာ ဖြစ်တယ်လို့ ပါတီ ဒုဥက္ကဋ္ဌ ဦးတင်ဦးက ဗွီအိုအေကို ပြောပါတယ်။

ပါတီမှတ်ပုံတင်တဲ့နေရာမှာ “အမျိုးသားဒီမိုကရေစီအဖွဲ့ချုပ်” ဆိုတဲ့ အမည်နဲ့သာ ပြန်လည် မှတ်ပုံတင်သွားမှာ ဖြစ်တယ်လို့လည်း NLD က ပြောပါတယ်။ ရွေးကောက်ပွဲဥပဒေအရ ပါတီတည်ထောင်ခွင့် လျှောက်တဲ့အခါ အနည်းဆုံး ၁၅ ယောက်နာမည်ကို တင်သွင်းရတာ ဖြစ်တဲ့အတွက် NLD ဘက်က ကိုယ်စားလှယ်တွေအဖြစ် ရွေးချယ်ရာမှာတော့ လူငယ်တွေ၊ အမျိုးသမီးတွေကို ဦးစားပေး ထည့်သွင်းဖို့ ဆုံးဖြတ်ခဲ့တယ်လို့လည်း ဒုဥက္ကဋ္ဌ ဦးတင်ဦး ကပြောပါတယ်။

“ကျနော်တို့ သောကြာနေ့လောက်တော့ သွားပြီး တင်နိုင်အောင် ကြိုးစားမှာပါခင်ဗျ။ မူကတော့ ကျနော်တို့ အားလုံး သွားပြီးတင်တယ်ဆိုတဲ့နေရာမှာ မျှတသွားအောင်ဆိုပြီး အသက်အရွယ်ကြီးတဲ့သူတွေကတော့ အောင်နိုင်ရေးသဘောမျိုးနဲ့ နေလိုက်ပြီးတော့ကာ လူငယ်တွေလည်းပါအောင်၊ အမျိုးသမီးတွေလည်း ပါအောင်၊ တိုင်းရင်းသားတွေလည်း စည်းလုံးညီညွတ်မှုတွေပါအောင် ဒီလိုမျိုးလေး မျှမျှတတ ထည့်ထားတဲ့ သဘောပါပဲခင်ဗျ။ လုပ်နိုင်ကိုင်နိုင်မယ့် သဘောသဘာဝ၊ အဲဒါလေးကို ကြည့်ပြီးတော့ ရွေးကြ ချယ်ကြတဲ့ဟာ၊ အဲဒီဟာလေး စာရင်းပေါက်တာကို သွားပြီးတင်ကြမယ့် သဘောပဲခင်ဗျ။ ကျနော်တို့ အမှုဆောင်အဖွဲ့အနေနဲ့ တင်တယ်၊ ပို့တယ်ဆိုတဲ့ သဘော မဟုတ်ပါဘူးခင်ဗျ”

NLD အနေနဲ့ သမ္မတဦးသိန်းစိန်အစိုးရလက်ထက်မှာ ပါတီအသစ်တခုအနေနဲ့ မှတ်ပုံတင်ရမှာဖြစ်ပါတယ်။ NLD ပါတီဟာ - ၂၀၀၈ ဖွဲ့စည်းပုံထဲမှာပါဝင်တဲ့ ထောင်ဒဏ်ကျခံနေရသူဟာ နိုင်ငံရေးပါတီဝင် မဖြစ်ရဆိုတဲ့ ကန့်သတ်ချက်ကြောင့် - မနှစ်က ၂၀၁၀ ရွေးကောက်ပွဲမတိုင်ခင် ပါတီမှတ်ပုံတင်ရမယ်ဆိုတာကို ငြင်းဆန်ခဲ့ တာပါ။ ဒါကြောင့် အစိုးရကနေ NLD အပါအ၀င် မှတ်ပုံတင်ခြင်းမရှိတဲ့ နိုင်ငံရေးပါတီ တော်တော်များများကို တရားဝင်နိုင်ငံရေးပါတီအဖြစ်က ပယ်ဖျက်ခဲ့တာဖြစ်ပါတယ်။ ဒါပေမဲ့ မှတ်ပုံတင်ခြင်းဆိုင်ရာ ဥပဒေပြင်ဆင်ချက် တချို့ကို အစိုးရက ပြုလုပ်ခဲ့ပြီးနောက် နိုဝင်ဘာလ ၄ ရက်နေ့မှာပဲ သမ္မတ ဦးသိန်းစိန်က အတည်ပြုကြေညာခဲ့တာဖြစ်ပါတယ်။

NLD ပါတီအနေနဲ့ မှတ်ပုံတင်ပြီးရင်တော့ - ဒီနှစ်မကုန်ခင် ကျင်းပဖို့ရှိတဲ့ ကြားဖြတ်ရွေးကောက်ပွဲတွေမှာ ၀င်ရောက်ယှဉ်ပြိုင်သွားဖို့ရှိပြီး - မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုယ်တိုင်လည်း ၀င်ရောက်ရွေးချယ်ခံဖို့ရှိတယ် - ဒီကြားဖြတ်ရွေးကောက်ပွဲမှာ လစ်လပ်တဲ့နေရာမှန်သမျှကို ၀င်ရောက်ယှဉ်ပြိုင်ဖို့ ကြိုးစားသွားမှာဖြစ်တယ်လို့ NLD က ပြောပါတယ်။ လောလောဆယ် ရွေးကောက်ပွဲ ကော်မရှင်ကနေ ဒီကြားဖြတ်ရွေးကောက်ပွဲနဲ့ပတ်သက်တဲ့ ကြေညာချက် မထုတ်ပြန်သေးတာကြောင့် ဒေါ်အောင်ဆန်းစုကြည်က ဘယ်မှာ ၀င်ပြိုင်မယ် ဘယ်နှစ်နေရာအတွက် NLD က ၀င်ပြိုင်မယ်ဆိုတာ အတိအကျ မဆုံးဖြတ်ရသေးဘူးလို့လည်း NLD က ပြောပါတယ်။

လက်ရှိမှာတော့ ပြည်သူ့လွှတ်တော်မှာ နေရာ ၄၀၊ အမျိုးသားလွှတ်တော်မှာ ၆ နေရာနဲ့ တိုင်းဒေသကြီးနဲ့ ပြည်နယ်လွှတ်တော်မှာ ၂ နေရာ လစ်လပ်နေတာ ဖြစ်ပါတယ်။ NLD အမျိုးသားဒီမိုကရေစီအဖွဲ့ချုပ်ဟာ ၁၉၉၀ ရွေးကောက်ပွဲမှာတုန်းက ထောက်ခံမဲ အပြတ်အသတ်နဲ့ အနိုင်ရရှိခဲ့တဲ့ပါတီဖြစ်ပေမယ်လို့ အာဏာသိမ်း စစ်အစိုးရက ဒီ ၉၀ ရွေးကောက်ပွဲရလဒ်ကို ပယ်ချခဲ့တာဖြစ်ပါတယ်။

တခါ အခုလို NLD ကနေ ပါတီမှတ်ပုံတင်ပြီး ကြားဖြတ်ရွေးကောက်ပွဲကို ၀င်ရောက်မယ့်ဆုံးဖြတ်ချက်အပေါ် - ကြိုဆိုကြောင်း -၂၀၁၀ ရွေးကောက်ပွဲဝင် နိုင်ငံရေးပါတီ ၁၀ ခုနဲ့ စုပေါင်းဖွဲ့စည်းထားတဲ့ ဒီမိုကရေစီ မိတ်ဆွေ ပါတီများအဖွဲ့ကလည်း ဒီကနေ့ နိုဝင်ဘာလ ၂၂ ရက်နေ့ နေ့စွဲနဲ့ ကြေညာချက် ထုတ်ပြန်ခဲ့ပါတယ်ရှင်။
http://www.voanews.com/burmese/news/--11_22_11_my-news-burma----134311478.html

ဒယ်အိုးဆရာတော်ကို သတိပေးရန်ရှိ





မျိုးသန့် | အင်္ဂါနေ့၊ နိုဝင်ဘာလ ၂၂ ရက် ၂၀၁၁ ခုနှစ် ၁၈ နာရီ ၂၉ မိနစ်



ချင်းမိုင် (မဇ္ဈိမ)။        ။ မြန်မာတနိုင်ငံလုံးရှိ ပရဟိတ လုပ်ငန်းများ လုပ်ဆောင်နေသည့် အသင်း၊ အဖွဲ့များမှ ကိုယ်စားလှယ်များကို ခေါ်ယူကာ “ပရဟိတ နှီးနှောဖလှယ်ပွဲ” ကျင်းပခဲ့သည့် ရန်ကုန်တိုင်း မှော်ဘီမင်္ဂလာတိုက်မှကျောင်းထိုင်ဆရာတော် ဦးသုမင်္ဂလကို သတိပေးရန် ဗုဒ္ဓဟူးနေ့တွင် ပင့်ဆောင်ထားသည်ဟု ရန်ကုန်တိုင်း သံဃာ့ နာယကရုံးမှ တာဝန်ရှိသူ တဦးက ပြောသည်။

“အာဏာပိုင် အဖွဲ့အစည်းတခုခုကနေပြီးတော့ မဟန (သံဃာ့ မဟာနာယက) ဆရာတော်တွေကို တိုင်ပုံရပါတယ်။ မဟန ဆရာတော်တွေကိုတိုင်တော့ တိုင်းသံဃာ့နာယက ဆရာတော်တွေက ခေါ်ပြီးတော့ သတိပေးမယ့် သဘောပါ။ ဆရာတော်ကို ခေါ်ယူပြီးတော့ သြဝါဒပေးမယ့် သဘော။” ဟု အမည်မဖော်လိုသူက ပြောသည်။

စက်တင်ဘာလအတွင်း မှော်ဘီမင်္ဂလာတိုက်တွင် “ပရဟိတ နှီးနှောဖလှယ်ပွဲ” ကျင်းပသည်ကို အာဏာပိုင်များနှင့် မြို့နယ်သံဃာ့ နာယကသို့ ကြိုတင်အကြောင်းကြား ခွင့်ပြုချက်မယူခြင်းကြောင့် ပင့်ဆောင်သတိပေးရခြင်း ဖြစ်သည်ဟုဆိုသည်။

uthumingala1
ဦးကျော်သူနှင့် ဇနီး “ပရဟိတ နှီးနှောဖလှယ်ပွဲ” သို့ ကြွရောက်လာသည့် ဆရာတော်များကိုဖူးမြော်နေစဉ်

ယင်းအပြင် တရားဟော ဓမ္မကထိကများ အနေဖြင့် တရားပွဲများကို အကြောင်းပြကာ နိုင်ငံရေး တရားပွဲများ ပြုလုပ်လာနိုင်သည်ဟု ဆိုလိုက်ပြီး သံဃာတော်များနှင့် မသင့်တော်သည့် ကိစ္စများဟုလည်း မဇ္ဈိမကို ပြောသည်။

“တချို့ကျတော့ စုန်းပြူးတွေရှိတယ်။ ပဲလှော်ကြား ဆားညှပ်တာတွေရှိတယ်။ အဲဒါမျိုးတွေ ကြိုကြား ကြိုကြားပေါ်လာတဲ့ အခါကျတော့ ဌာနဆိုင်ရာတွေ၊ သူ့ဒေသအလိုက်ရှိတဲ့ ရပ်ကျေးတွေကို အသိပေးအကြောင်းကြားပြီး ထောက်ခံချက်ယူရတယ်။” ဟု ထိုပုဂ္ဂိုလ်က ပြောသည်။

ဒယ်အိုးဆရာတော်ဟု လူသိများသည့် ဆရာတော်ဦးသုမင်္ဂလ
uthumingala

ဒယ်အိုးဆရာတော်ဟု လူသိများသည့် ဆရာတော်ဦးသုမင်္ဂလ ဦးစီး ကျင်းပသည့် “ စုံနံ့သာမြိုင် ပရဟိတ အသင်းအဖွဲ့များ နှီးနှောဖလှယ်ပွဲ” ကို စက်တင်ဘာလ နှစ်ရက်နေ့နှင့် သုံးရက်နေ့များတွင် ကျင်းပခဲ့ခြင်း ဖြစ်သည်။

အဆိုပါ နှီးနှောဖလှယ်ပွဲသို့ ပြည်နယ်နှင့်တိုင်း ၁ဝ ခုမှ ကျန်းမာရေး၊ လူမှုရေး၊ ပညာရေး၊ ဘုန်းတော်ကြီးသင် ပညာရေးကျောင်းများမှ ပရဟိတလုပ်ငန်း လုပ်ဆောင်နေသူ လူပုဂ္ဂိုလ်နှင့် သံဃာတော်များ
လေ့လာသူများ စုစုပေါင်း ၂,၅ဝဝ ကျော် တက်ရောက်ခဲ့သည်ဟု ဆရာတော် ဦးသုမင်္ဂလ၏ အင်တာနက် စာမျက်နှာတွင် ဖေါ်ပြ ထားသည်။

သက်တော် ၄၄ နှစ်ရှိ ဆရာတော် ဦးသုမင်္ဂလ သည် မြန်မာ့လူ့အဖွဲ့အစည်းအတွင်း အကျင့်စာရိတ္တကောင်းမွန်ရေးနှင့် ပြုပြင်ပြောင်းလဲရေး တရားများကို ဘာသာရေးနှင့် ဆက်နွယ်ကာ ဟောကြားလေ့ရှိသည်။ ဆရာတော်၏ တရားပွဲများ ၂ဝဝ၈ ခုနှစ်နှင့် ၂ဝဝ၉ ခုနှစ်များအတွင်း ပိတ်ပင်ခံခဲ့ရဖူးသည်။
http://www.mizzimaburmese.com/news/inside-burma/8661-2011-11-22-12-05-33.html

ပါတီမှတ်ပုံတင်ရေး အင်န်အယ်လ်ဒီ ဆွေးနွေး


2011-11-22
အမျိုးသားဒီမိုိကရေစီ အဖွဲ့ချုပ် ဗဟိုအလုပ်အမှုဆောင် အစည်းအဝေးကို ဒီကနေ့မနက် ဆယ်နာရီက အဖွဲ့ချုပ် အစည်းအဝေးခန်းမမှာ ကျင်းပရာ ပါတီမှတ်ပုံတင်ရေးအတွက် ဆက်လက် ဆောင်ရွက်ရမဲ့ လုပ်ငန်းကိစ္စတွေ ဆွေးနွေးခဲ့တယ်လို့ အင်န်အယ်လ်ဒီ ပြန်ကြားရေး တာဝန်ခံ ဦးအုံးကြိုင်က ပြောကြားပါတယ်။


NLD

အမျိုးသား ဒီမိုကရေစီအဖွဲ့ချုပ် NLD ပါတီ မှတ်ပုံပြန်တင်မည့် ဆုံးဖြတ်ချက်နှင့် ပတ်သက်ပြီး ၂ဝ၁၁ ခုနှစ် နိုဝင်ဘာလ ၁၉ ရက်နေ့က ရန်ကုန်မြို့ ရွှေဂုံတိုင်ရုံးချုပ်တွင် NLD လူငယ်ရေးရာ တာဝန်ခံ ဒေါ်အောင်ဆန်းစုကြည် ရှင်းလင်းပြောကြားစဉ်။
မှတ်ပုံတင် လျှောက်ထားဖို့ တာဝန်ရှိသူနှစ်ဦး ရွေးကောက်ပွဲ ကော်မရှင်ရုံးကို ဒီအပတ်ထဲမှာ သွားမယ်လို့ ဆိုပါတယ်။ ဒီကနေ့ အစည်းအဝေးကို ဗဟိုအလုပ်အမှုဆောင် ဒုတိယ ဥက္ကဋ္ဌ ဦးတင်ဦး၊ အထွေထွေ အတွင်းရေးမှူး ဒေါ်အောင်ဆန်းစုကြည်၊ အဖွဲ့ဝင် ဆရာဦးဝင်းတင်၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးဉာဏ်ဝင်း၊ ဦးအုံးကြိုင်၊ ဦးဝင်းမြင့်၊ ဒေါက်တာ ဒေါ်မေဝင်းမြင့်နဲ့ ဦးထွန်းထွန်းဟိန်တို့ စုံစုံညီညီ တက်ကြပါတယ်။
http://www.rfa.org/burmese/news/nld-11222011101057.html


နိုင်ငံရေးအကျဉ်းသားကိစ္စ တွန့်တိုမနေသင့်ကြောင်း ဇာဂနာပြောကြား

2011-11-22
နိုင်ငံ့ခေါင်းဆောင်တွေအနေနဲ့ အခုလို အပြောင်းအလဲ လုပ်ဆောင်နေပြီလို့ ပြောဆိုနေတဲ့ ကာလမှာ နိုင်ငံရေးအကျဉ်းသားဆိုတဲ့ စကားရပ်နဲ့ ပတ်သက်ပြီး စဉ်းလဲတွန့်တို မနေသင့်ဘူးလို့ ဟာသသရုပ်ဆောင် ဦးသူရ ခေါ် လူရွှင်တော် ကိုဇာဂနာက မနေ့က ပြောဆိုလိုက်ပါတယ်။


Zaganar Photos Album
ဟာသ သရုပ်ဆောင် နိုင်ငံရေး အကျဉ်းသားဟောင်း ကိုဇာဂနာနှင့် အဖွဲ့က သာယာဝတီ အကျဉ်းထောင်မှာ အကျဉ်းကျနေသည့် နိုင်ငံရေး အကျဉ်းသား (၃၄) ဦးအတွက် လှူဒါန်းသည့် ကျပ်ငွေ ၃ သိန်း ၄ သောင်းနှင့် အလှူပစ္စည်းများကို သာယာဝတီ ထောင်ပိုင်ကြီးက လက်ခံ ရယူနေစဉ်။ Zaganar Photos Album
ယုံကြည်ချက်ကြောင့် အကျဉ်းကျနေသူများဆိုတဲ့ အသုံးအနှုန်းကို လက်မခံဘဲ ဥပဒေကို ကျူးလွန်ထားတဲ့အတွက် အရေးယူသူများသာ ဖြစ်တယ်လို့ သမ္မတဦးသိန်းစိန်က အင်ဒိုနီးရှားနိုင်ငံ ဘာလီကျွန်းမှာ ကျင်းပတဲ့ အာဆီယံညီလာခံမှာ ပြောကြားခဲ့တာနဲ့ ပတ်သက်ပြီး ဟာသသရုပ်ဆောင် ကိုဇာဂနာက အခုလို ပြောဆိုတာပါ။ ဒါ့အပြင် လူရွှင်တော် ကိုဇာဂနာ ရွေးကောက်ပွဲဝင်မယ်ဆိုတဲ့ သတင်းတွေ ထွက်ပေါ်နေတာနဲ့ ပတ်သက်ပြီး မေးတဲ့အခါ နိုင်ငံရေးအကျဉ်းသား လွတ်မြောက်ရေးဟာ အခုအချိန်မှာ အရေးအကြီးဆုံး ဖြစ်တဲ့အတွက် ရွေးကောက်ပွဲ ဝင်မှာမဟုတ်ကြောင်း လွှတ်တော်ပြင်ပမှာပဲ နိုင်ငံရေး လုပ်ဆောင်သွားမယ်လို့ ပြောဆိုပါတယ်။ ဟာသသရုပ်ဆောင် ကိုဇာဂနာနဲ့ အာရ်အက်ဖ်အေက မခင်ခင်အိ ဆက်သွယ် မေးမြန်းထားတာကို နားဆင်နိုင်ပါတယ်။


ဆက်သွယ်မေးမြန်းချက်။
အသံဖိုင်ယူရန်။
http://www.rfa.org/burmese/news/zaganar-11222011090644.html

ဦးခင်ရွှေအား သတင်းထောက်များ ကန့်ကွက်

By , on November 22, 2011 5:23 pm

အမျိုးသားလွှတ်တော်ကိုယ်စားလှယ် ဦးခင်ရွှေက သတင်းသမားများသည် ပေးတာယူ၊ ကျွေးတာစားပြီး ပြောသည့် အတိုင်း မရေးကြသူများဖြစ်သည်ဟု မကြာသေးမီက မှတ်ချက်ချခဲ့သဖြင့်  ပြည်တွင်းမှ စာနယ်ဇင်းသမားများ စုပေါင်းလက်မှတ်ထိုး ကန့်ကွက်ပြီး ဗုဒ္ဓဟူးနေ့တွင် သမ္မတ ဦးသိန်းစိန်ထံ တိုင်ကြားသွားမည်ဟု သိရသည်။



၂၀၁၁ နိုဝင်ဘာ ၃ ရက်နေ့က ရန်ကုန်မြို့တွင် ပြုလုပ်သည့် အစည်းအဝေး တခုတွင် တွေ့ရသော ဦးခင်ရွှေ (ဓာတ်ပုံ - Reuters)

နိုဝင်ဘာလ ၁၅ ရက်နေ့က ရန်ကုန်မြို့၊ ယုဇနဂါးဒင်းဟိုတယ်၌ ပြုလုပ်ခဲ့သော သတင်းစာရှင်းလင်းပွဲတွင် ဦးခင်ရွှေက ထိုသို့ ပြောဆိုခြင်းဖြစ်သည်ဟု ဆိုသည်။

“ကျွေးတာ စားဖို့၊ ပေးတာယူဖို့ လာတာ မဟုတ်ဘူး၊  သတင်းယူဖို့ လာတာ။ သတင်း သမားဆိုတာ မေးခွန်းမေးမယ်၊ ဖြေတာ မဖြေတာက ခင်ဗျားကိစ္စ လို့ ချက်ချင်း ပြန်ပြောတော့ ခင်ဗျားတို့ နိုင်ငံခြားသတင်းထောက်တွေ ပြောတာ မဟုတ်ဘူး၊ ပြည်တွင်းဂျာနယ်က သတင်းထောက်တွေကို ပြောတာပါလို့ ပြန်ဖြေတယ်” ဟု Reuters သတင်းဌာနမှ ဦးအောင်လှထွန်းက  ထိုသတင်းစာ ရှင်းလင်းပွဲ အဖြစ်အပျက်ကို ပြန်ပြောပြသည်။

လူငယ်သတင်းထောက်များ၊ သတင်းစာဆရာကြီးများဖြင့် ဖွဲ့စည်းထားသော မြန်မာ သတင်းထောက်များကွန်ရက်က ဦးဆောင်ပြီး ရန်ကုန်မြို့လယ်ရှိ လေထန်ကုန်း၊ ဧရာဗိုလ် လက်ဘက်ရည်ဆိုင်တို့တွင် ယနေ့နံက် ၁၀ နာရီမှ ညနေ ၆ နာရီအတွင်း လက်မှတ်ရေးထိုးကြမည်ဟု ကွန်ရက်အဖွဲ့ဝင်တချို့က ဧရာဝတီကို ပြောသည်။

“ကွန်ရက်အဖွဲ့ဝင် သတင်းထောက် ၁၃၀ အပြင် တခြားသတင်းထောက်တွေ အားလုံး လက်မှတ်ထိုးနိုင်အောင် စီစဉ်ထား ပါတယ်၊ မနေ့ဖြန် သမ္မတနဲ့ လွှတ်တော်က ရေးရာ ကော်မတီ တချို့ကို စာပို့မယ်၊ ပြီးရင် ဦးခင်ရွှေ ပြောတာကို ကန့်ကွက် ရှုတ်ချကြောင်း ကြေညာချက် ထုတ်မယ်” ဟု သတင်းထောက်တဦးက ရှင်းပြသည်။

ဗိုလ်ချုပ်အောင်ဆန်း လုပ်ကြံခံခဲ့ရသည့်နေရာဖြစ်သော ၀န်ကြီးများရုံးအား ဟိုတယ်အဖြစ် ပြောင်းလဲ လုပ်ကိုင်လိုသူ ရှိပါက ငှားရမ်းပေးမည်ဟု မြန်မာနိုင်ငံ ဟိုတယ် လုပ်ငန်းရှင်များ အသင်း ဥက္ကဋ္ဌ ဦးခင်ရွှေက  ပြည်တွင်း၊ ပြည်ပမီဒီယာများကို ပြောဆိုခဲ့သည်။

သို့သော်လည်း ဦးခင်ရွှေ၏ ကမ်းလှမ်းချက်အား ကန့်ကွက်ပြောဆိုမှုများ မီဒီယာတွင် ဖော်ပြခဲ့ကြပြီးနောက်တွင် သမိုင်းဝင် အဆောက်အအုံအား ဟိုတယ်အဖြစ် ပြောင်းလဲမည့် အစီအစဉ် ပျက်သွားခဲ့သည်။

ထိုအစီအစဉ် ပျက်သွားခြင်းကို ဦးခင်ရွှေက ကျေနပ်မှုမရှိကြောင်း၊ ထို့ကြောင့် မီဒီယာများသည် အဆိုးမြင် ၀ါဒ ဖြင့်ရေးသားနေကြသည်ဟု မှတ်ချက်ခဲ့ခြင်း ဖြစ်ကြောင်း နိုဝင်ဘာလ ၁၅ သတင်းစာရှင်းလင်းပွဲ တက်ရောက်ခဲ့သူ လူငယ်သတင်းထောက် တချို့က ပြောသည်။

ကွန်ရက်အဖွဲ့ကို ပြီးခဲ့သည့် စက်တင်ဘာလက ဖွဲ့စည်းထားခြင်း ဖြစ်ပြီး ရန်ကုန်၊ မန္တလေး၊ ရခိုင်ပြည်နယ်တို့မှ သတင်းသမားများ ပါဝင်သည်။ ကွန်ရက်အဖွဲ့၏ လတ်တလော အစီအစဉ်ကို သတင်းစာဆရာ မောင်ဝံသက ကြိုဆို လိုက်သည်။

“ဦးခင်ရွှေရဲ့ ပြောဆိုမှုဟာ မီဒီယာတွေ အဆင့်အတန်း မရှိဘူးလို့ ပြောတာနဲ့ အတူတူပဲ၊ သတင်းစာ လုပ်လာတာ နှစ် ၅၀ ရှိပြီ၊ ဒီလိုပြောတာမျိုး လုံးဝ သည်းမခံနိုင်ဘူး၊ အဲဒီတော့ ဒီလိုပြောတာတွေ ရပ်တန့်ဖို့၊ နောက်ထပ် မလုပ်ဖို့ ဆိုတာတွေကို ကျနော်တို့က ချေပဖို့၊ ရှင်းလင်းဖို့ လိုအပ်တယ်၊ ဒါကြောင့် သတင်းထောက်ကွန်ရက်က လုပ်တာကို ထောက်ခံတယ်” ဟု ဆရာ မောင်ဝံသက ဆိုသည်။

ထိုကိစ္စနှင့်ပတ်သက်၍ ဧရာဝတီမှ  ဦးခင်ရွှေအား မေးမြန်းရာ “ပုတ်ခတ်တာ မဟုတ်ပါဘူး၊ မိဘက သားသမီးကို ပြောတဲ့၊ ဆုံးမတဲ့ သဘောမျိုး ပြောပြတာပါ၊ ကိုယ့်ရဲ့ ရရှိထားတဲ့ စတုတ္ထမဏ္ဍိုင်ကို မဆုံးရှုံးရအောင်  ကောင်းတာတွေလည်း ရေးကြ ဦးပေါ့၊ အဆိုးတွေချည်းပဲ ရေးမှ မီဒီယာမဟုတ်ပါဘူးလို့ ပြောတာပါ” ဟု ဆိုသည်။

နိုင်ငံတော်အစိုးရ သွားနေသော လမ်းကြောင်းသည် ကောင်းမွန်နေကြောင်း၊ သမ္မတကလည်း စတုတ္ထမဏ္ဍိုင်ကို အလေးထား ပြောဆိုနေကြောင်း၊ ထို့ကြောင့် ကောင်းသည့်အရာများကို အဓိက ရေးသားရန် လိုအပ်ပြီး အဆိုးများရေးနေပါက  လမ်းကြောင်း ပြောင်းသွားမည်ကို စိုးရိမ်သည့်အတွက် ယခုကဲ့သို့ ပြောဆိုရခြင်းဖြစ်ကြောင်း ဦးခင်ရွှေက ရှင်းပြသည်။

သတင်းစာဆရာ မောင်ဝံသက “အဲဒီလို ပြန်ချေပတာက ပိုပြီး ခံပြင်းတယ်၊ ထပ်ပြီး စော်ကားလိုက်သလိုပဲ၊ အလကားနေရင်း ဘာကြောင့် ကျနော်တို့က သူ့ သားသမီးတွေ ဖြစ်သွားရတာလဲ၊ သူ့ကို မိဘလို့လည်း မသတ်မှတ်နိုင်ဘူး၊ လုပ်ငန်းရှင် တယောက် လို့ပဲ နားလည်တယ်၊ မြင်တယ်” ဟု ဆိုသည်။

မောင်ဝံသက “စတုတ္ထမဏ္ဍိုင်အား မထိပါးပါနဲ့” ဟူသော ဆောင်းပါးတပုဒ်အား ယနေ့ ထုတ်ဝေသည့်  ပြည်သူ့ခေတ်ဂျယ်နယ်၌ ရေးသား ဖော်ပြထားသည်ဟု သိရသည်။

ထိုဆောင်းပါးသည် ဦးခင်ရွှေ တဦးတယောက်တည်းကို ရည်ရွယ်ခြင်းမဟုတ်ဘဲ အားလုံးကို ရည်ရွယ်ရေးသားထားကြောင်း၊ စတုတ္ထမဏ္ဍိုင်သည် ပြည်သူ အားလုံး အတွက် လုပ်ကိုင်နေခြင်းကြောင့် မထိပါးစေရေး အတွက် ရေးသားရခြင်း ဖြစ်ကြောင်း  ပြည်သူ့ခေတ်ဂျယ်နယ် အတိုင်ပင်ခံ အယ်ဒီတာ မောင်ဝံသက ပြောသည်။

သတင်းထောက်များ သမ္မတထံ တိုင်ကြားရန် စီစဉ်နေခြင်းနှင့် ပတ်သက်၍ ဦးခင်ရွှေ “ဒါကတော့ သူတို့ အလုပ်ပေါ့၊ ဘာဖြစ်လို့လဲ ဆိုတော့ ပြည်တွင်းမီဒီယာတွေက နုသေးတာကော၊ အတွေ့အကြုံက နည်းသေးတယ်” ဟု ဆိုသည်။

ဇေကမ္ဘာ ကုမ္ပဏီပိုင်ရှင် ဦးခင်ရွှေသည် ပြည်သူ့လွှတ်တော်ဥက္ကဋ္ဌ ဗိုလ်ချုပ်ကြီးဟောင်း သူရဦးရွှေမန်းနှင့် ခမည်းခမက် တော်စပ်သည်။

http://burma.irrawaddy.org/archives/2651

ထောင်ကလွတ်ဖို့ ကိုမင်းကိုနိုင် မျှော်လင့်ထားပုံမရ

2011-11-22
ပြီးခဲ့တဲ့ရက်ပိုင်းက ကျိုင်းတုံ ထောင်ကနေ သရက်ထောင်ကို ရွှေ့ပြောင်းခံရတဲ့ ၈၈မျိုးဆက် ကျောင်းသား ခေါင်းဆောင် ကိုမင်းကိုနိုင်က ထောင်ကလွတ်ဖို့ မျှော်လင့်ထားပုံ မရကြောင်း မိသားစုဝင်တွေက ပြောဆိုတယ်လို့ သိရပါတယ်။


RFA
၂၀၀၆ ခုနှစ် နိုဝင်ဘာလ ၁ ရက်နေ့က အကျဉ်းထောင်မှ ပြန်လည်လွတ်မြောက်ခဲ့သည့် ၈၈ မျိုးဆက် ကျောင်းသားခေါင်းဆောင် ကိုမင်ကိုနိုင် က သူ့၏နေအိမ်တွင် သတင်းစာရှင်းလင်ပွဲ ပြုလုပ်ခဲ့ပြီး သတင်းထောက်များ၏ မေးမြန်းချက်များကို ပြန်လည် ဖြေကြားခဲ့စဉ် ရိုက်ကူးထားသော ပုံဖြစ်ပါသည်။

မနေ့က သရက်ထောင်မှာ မိသားစုနဲ့ မိနစ် ၂၀ ကြာ ထောင်ဝင်စာ တွေ့ခွင့်ရခဲ့တယ်လို့ မိသားစုနဲ့အတူ လိုက်ပါသွားတဲ့ ၈၈ မျိုးဆက် ကျောင်းသားအဖွဲ့ဝင် ကိုမြတ်သူက အာရ်အက်ဖ်အေကို ပြောပါတယ်။ ထောင်ဒဏ် ၆၅ နှစ်ကျော် ချမှတ်ခံထားရတဲ့ ကိုမင်းကိုနိုင်ဟာ ကျိုင်းတုံ အကျဉ်းထောင်မှာ ကျန်းမာရေး ချို့တဲ့ခဲ့ပါတယ်။ အခုလက်ရှိ အခြေအနေမှာလည်း လမ်းလျှောက်တဲ့အခါ လူကောင်းတစ်ယောက်လို မလျှောက်နိုင်ဘူးလို့ မိသားစုဝင်တွေက ပြောပါတယ်။ ဒီမိုကရေစီရေးနဲ့ လူ့အခွင့်အရေး လှုပ်ရှားသူတွေကတော့ ကိုမင်းကိုနိုင်အပါအဝင် နိုင်ငံရေး အကျဉ်းသားအားလုံး လွတ်မြောက်ရေးအတွက် အရှိန်အဟုန်မြှင့် လှုပ်ရှားသွားမယ်လို့ သိရပါတယ်။
http://www.rfa.org/burmese/news/min-ko-naing-11222011104602.html

ပြန်လည်လွှတ်ပေးမည်ဟု ကိုမင်းကိုနိုင် မမျှော်လင့်

By featured, သန်းထိုက်ဦး on November 22, 2011 12:27 pm

နှစ်ရှည် ထောင်ဒဏ် ကျခံနေရသော ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်က အစိုးရအနေနှင့် ၎င်းကို လွှတ် ပေးရန် မမျှော်လင့်ကြောင်း ပြောဆိုလိုက်သည်ဟု မကြာသေးမီက မိသားစုဝင်များနှင့် အတူ ထောင်ဝင်စာ သွားရောက်တွေ့ ဆုံခဲ့သည့် ကိုမြတ်သူက ပြောသည်။

၂၀၀၇ ခုနှစ် သြဂုတ်လ လောင်စာဆီ ဈေးနှုန်း ကျဆင်းရေး လမ်းလျှောက် ဆန္ဒပြ ကာလ အတွင်း က တခြားသော ၈၈ မျိုးဆက်ကျောင်းသား ခေါင်းဆောင်များနှင့်အတူ တွေ့ရသည့် ကိုမင်းကိုနိုင်

“သူ့ကို လွှတ်မယ် မထင်ဘူး၊ သူရဲ့ ရဲဘော်တွေကိုလည်း သူ့အတွက် မရင်းကြပါနဲ့လို့ ပြောလိုက်တယ်”ဟု ၎င်းက ဆိုသည်။

ကိုမြတ်သူသည် ၈၈ ကျောင်းသားများ အဖွဲ့ဝင် တဦးဖြစ်ပြီး သရက်ထောင်ရှိ ကိုမင်းကိုနိုင်ကို မိသားစုဝင်နှင့် အတူ ယမန်နေ့ က ထောင်ဝင်စာ သွားရောက်တွေ့ ဆုံခဲ့ခြင်း ဖြစ်သည်။

ယခင် ရှမ်းပြည်နယ်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ချမှတ်ခံထားရသည့် ကိုမင်းကိုနိုင်ကို အာဏာပိုင်များက ရန်ကုန် အင်းစိန်ထောင်မှတဆင့် ပြီးခဲ့သည့် သောကြာနေ့က မကွေးတိုင်း သရက်ထောင်သို့ ထပ်မံပြောင်းရွှေ့ခဲ့ကြောင်း မိသားစုဝင်များက ပြောသည်။

ယခုလ ၁၂ ရက်နေ့တွင် မြန်မာနိုင်ငံ အမျိုးသား လူ့အခွင့်အရေး ကော်မရှင်က သမ္မတ ဦးသိန်းစိန်ထံသို့ ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားများကို ထပ်မံ လွှတ်ပေးရေးနှင့် ထိန်းသိမ်းရန် လိုအပ်သေးသည့် သူများကို
မိသားစုဝင်များ တွေ့ဆုံသွားလာလွယ်ကူသော အကျဉ်းထောင်များသို့ ပြောင်းရွှေ့ပေးရန် တင်ပြခဲ့သည်။

အဆိုပါ ကော်မရှင်က တင်ပြခဲ့ပြီးနောက် နိုင်ငံရေး အကျဉ်းသားများ လွတ်မြောက်မည်ဟု အများက မျှော်လင့်နေကြသော် လည်း ယခုအချိန်အထိ အစိုးရက လွှတ်ပေးခြင်း မရှိသေးပေ။

၂၀၁၀ ပြည့်နှစ်က ရန်ကုန်မြို့ ကန်တော်ကြီးပတ်လမ်းရှိ X2O ရေကစားမဏ္ဍပ်တွင် ဗုံးပေါက်ကွဲမှုအား သွားရောက် ဓာတ်ပုံရိုက် သတင်းယူခဲ့သည့်အတွက် ထောင်ဒဏ် ၁၀နှစ် ချမှတ်ခံခဲ့ရသည့် ကိုစည်သူဇေယျကိုလည်း အင်းစိန်ထောင်မှ ဟင်္သာတ ထောင်သို့ ပြောင်းရွှေ့လိုက်ကြောင်း မိခင်ဖြစ်သူ ဒေါ်ရီရီတင့်က ဧရာဝတီသို့ ပြောသည်။

“လွှတ်ပေးမယ်လို့ ပြောနေတော့လည်း မျှော်လင့်တာပေါ့၊ အခု ဒီအတိုင်း ဆိုရင် မပါဘူးလို့ပဲ ပြောရမလား မသိဘူး၊ ကနေ့ အထိ မထွက်လာဘူး ဆိုတော့ မဟုတ်သေးဘူးလို့ ထင်တာပဲ”ဟု ၎င်းက ဆိုသည်။

၈၈ မျိုးဆက် ကျောင်းသား ခေါင်းဆောင် တဦးဖြစ်သည့် မနီလာသိန်း၊ ရွှေဝါရောင် အရေးအခင်းတွင် ပါဝင်ခဲ့သော သံဃာ တော် အရှင်ဂမ္ဘီရ တို့ကိုလည်း အာဏာပိုင်များက ထောင်ပြောင်းရွှေ့မှုများ ပြုလုပ်ခဲ့ကြသည်။

စစ်ကိုင်းတိုင်း ကလေးမြို့ အကျဉ်းထောင်တွင် ထောင်ဒဏ် ၆၃ နှစ် ချခံနေရသည့် အရှင်ဂမ္ဘီရကို ဧရာဝတီတိုင်း မြောင်းမြ ထောင်၊ မကွေးတိုင်း သရက်ထောင်တွင် ထောင်ဒဏ် ၆၅ နှစ် ချမှတ်ခံထားရသည့် မနီလာသိန်းကို သာယာဝတီ ထောင်တို့ကို ပြောင်းရွှေ့လိုက်ကြောင်း သိရသည်။

မနီလာသိန်းသည်၂၀၀၇ ခုနှစ် လောင်စာဆီနှင့် ကုန်ဈေးနှုန်းကျဆင်းရေးအတွက် လမ်းလျှောက်ဆန္ဒပြခဲ့သောကြောင့် ဖမ်း ဆီး ၍ ထောင်ဒဏ် ချမှတ်ခံရပြီး ခင်ပွန်းဖြစ်သူ ၈၈ မျိုးဆက်ကျောင်းသား ခေါင်းဆောင်တဦးဖြစ်သည့် ကိုဂျင်မီမှာ တောင်ကြီး ထောင်တွင် ထောင်ဒဏ် ၆၅ နှစ် ကျခံနေရသည်။

ကိုမင်းကိုနိုင် အပါအ၀င် ကိုကိုကြီး၊ ကိုဌေးကြွယ်၊ ကိုဂျင်မီ၊ ကိုမြအေး၊ ကိုမင်းဇေယျာ၊ ကိုပဏ္ဍိတ်ထွန်း စသည့် ကျောင်းသား ခေါင်းဆောင် ၁၅ ဦးကို စစ်အစိုးရက ၂၀၀၇ ခုနှစ် သြဂုတ်လအတွင်း လောင်စာဆီနှင့် ကုန်ဈေးနှုန်း ကျဆင်းရေးလမ်းလျှောက် ဆန္ဒပြခဲ့သည့်အတွက် ထောင်ဒဏ် ၆၅ နှစ်စီ အသီးသီးချမှတ်ပြီး နယ်ဝေးထောင်များသို့ ပို့ခဲ့သည်။
http://burma.irrawaddy.org/archives/2637