Wednesday, November 23, 2011

အမျိုးသားဒီမိုကရေစီအဖွဲ့ ချုပ် ဗဟိုကော်မတီစာရင်း

၁။ဦးတင်ဦး
၂။ဒေါ်အောင်ဆန်းစုကြည်
၃။ဦးဝင်းတင်
၎။ဦးဥာဏ်ဝင်း
၅။ဦးဟန်သာမြင့်
၆။ဦးဝင်းမြင့်
၇။ဒေါ်မေ၀င်းမြင့်
၈။ဦးမီလာရှီဆိုင်း (ကချင်)
၉။နန်းခင်ထွေးမြင့် (ကရင်)
၁၀။ဦးဇော်ပွဲ (ချင်း)
၁၁။ဒေါ်ခင်သန်းလှိုင် (စစ်ကိုင်း)
၁၂။ဒေါ်အုန်းကြည် (မန္တလေး)
၁၃။ဒေါ်ခင်စောဌေး (မကွေး)
၁၄။ဒေါ်ခင်ထွေးကြွယ် (မွန်)
၁၅။ဒေါ်သန်းဌေး (ရှမ်း)
၁၆။ဒေါ်ခင်မိုးမိုး (ရှမ်း)
၁၇။ဦးကျော်ခင် (ရှမ်း)
၁၈။ဒေါ်လှလှမိုး (ပဲခူး)
၁၉။ဦးလှမင်း (တနင်္သာရီ)
၂၀။ကိုမျိုးညွှန့် (လူငယ်)
၂၁။ဒေါ်ခင်စောမှု (အမျိုးသမီး)

http://komoethee.blogspot.com/

အမျိုးသားလွှတ်တော် ကြံ့ဖွံ့အမတ် ဦးခင်ရွှေရတဲ့ ဒေါက်တာဘွဲ့ အတုဖြစ်နေ



Wednesday, 23 November 2011 22:14 ဂျက်ဖရီ ဆန်းမောင်


ဇေကမ္ဘာ ကုမ္ပဏီပုိုင်ရှင် ဦးခင်ရွှေ ကြီးပွားချမ်းသာလာခြင်းဟာ စစ်အစိုးရက သူကောင်းပြုတဲ့ စီမံကိန်းတွေနဲ့ ခေတ်ပျက်သူဌေးဖြစ်ပြီး ချမ်းသာလာသူ ဖြစ်ပါတယ်။
နအဖ န၀တ စစ်အစိုးရ အဆက်ဆက် ကျေးဇူးကြောင့် ချမ်းသာလာတဲ့ ဦးခင်ရွှေကုို စစ်အစိုးရကလည်း ထိုက်ထိုက်တန်တန် အသုံးချခဲ့ပါတယ်။
၁၉၉၇ ခုနှစ် အမေရိကန်ဆန်ရှင်ခေါ် စီးပွားရေး ပိတ်ဆုို့မှုကြောင့် မြန်မာစစ်အစိုးရ အလူးအလဲ ခံနေရချိန်မှာ အမေရိကန်စီးပွားရေး ပိတ်ဆုို့မှုပြန်ဖွင့်ရေး၊ နုိုင်ငံတကာမှာ စစ်အစိုးရ သိက္ခာပြန်တင်နုိုင်ရေးအတွက် အမေရိကန် Public Relations ကုမ္ပဏီတွေကုို ဇေကမ္ဘာကုမ္ဗဏီပုိုင်ရှင် ဦးခင်ရွှေကတဆင့် ငှားရမ်းခဲ့ပါတယ်။
၁၉၉၀ ပြည့်နှစ်အစောပုိုင်းကစပြီး Jafferson Waterman International ဆုိုတဲ့ ကုမ္ပဏီကုို တနှစ် အမေရိကန်ဒေါ်လာ ၄ သိန်းနဲ့ စစ်အစိုးရက ငှားပီး လော်ဘီလုပ်ခဲ့ပေမဲ့ မအောင်မြင်ခဲ့ပါဘူး။ ဒီနောက်မတော့ Bain & Associates ကုမ္ပဏီကုို တနှစ် ဒေါ်လာ ၂ သိန်းခွဲကျော်ပေးပီး ဇေကမ္ဘာကုမ္ပဏီပုိုင်ရှင် ဦးခင်ရွှေ ကတဆင့် ငှားခဲ့ပါတယ်။ ဒါလည်း မအောင်မြင်ခဲ့ပါဘူး။
ဒီနောက် Atlantic Group ကုမ္ပဏီကုို ဒေါ်လာအမြောက်အများပေးငှားပေမဲ့လဲ စစ်အစိုးရ သိက္ခာတက်မလာခဲ့ပါဘူး။ ဒိနောက် ၂၀၀၂ ခုမှာ DCI Group ဆုိုတဲ့ အမေရိကန် ကုမ္ဗဏီကုို ရှစ်လတွက် ဒေါ်လာ ၃ သိန်းခွဲနဲ့ ငှားခဲ့ပေမဲ့ နောက်ဆုံး ဒီကုမ္ပဏီနဲ့လည်း စစ်အစိုးရ ခွာပြဲခဲ့ပါတယ်။
ဒီအခြေအနေတွေကုိုကြည့်ရင် ဦးခင်ရွှေဟာ စစ်အစုိုးရလက်ထက်ကထဲက ဘယ်လောက် အတိုင်အတာထိ အရေးပါနေသလဲ သိသာပါတယ်။
အမေရိကန် ဆန်ရှင်ပြန်ဖွင့်နိုင်ရေး၊ နုိုင်ငံတကာမှာ စစ်အစိုးရ သိက္ခာတက်လာရေး စီမံကိန်းကို တချိန်က OSS ထောက်လှမ်းရေး စစ်ဗိုလ်တွေလုပ်ခဲ့တာမုို့ ဦးခင်ရွှေဟာ ထောက်လှမ်းရေးအဖွဲ့က လက်ရင်းထား အားကုိုးခံခဲ့ရသူ လုပ်ငန်းရှင်ကြီး တဦးဆုိုလည်း မမှားပါဘူး။ ဒီစီမံကိန်းသာေ အာင်မြင်ခဲ့ရင် ဦးခင်ရွှေဟာ ဒီထက်ပြုိုပီး သူကောင်းပြုခံရမှာ ဧကန်ဖြစ်ပါတယ်။ ဒါပေမဲ့ ဒီစီမံကိန်းကုို အနောက်နုိုင်ငံ စာနယ်ဇင်းတွေက ဖော်ထုတ်ခဲ့တဲ့အတွက် ဦးခင်ရွှေပါ စစ်အစိုးရနဲ့အတူ ရောပြီး သိက္ခာကျခဲ့ပါတယ်။
ဗိုလ်ချုပ်ခင်ညွန့်လက်ထက်က ဦးခင်ရွှေကို သုံးပြီး အမေရိကန်ကို လိမ်ဖို့ ထောက်လှမ်းရေးအဖွဲ့က ကြိုးစားခဲ့တာတွေကို အမေရိကန်မှာ နိုင်ငံရေး ခိုလှုံခွင့်ရသွားတဲ့ ထောက်လှမ်းရေးဟောင်း ဗိုလ်မှူး အောင်လင်းထွဋ်ကလည်း ခုထိ ဖော်ထုတ်ခြင်း မပြုဘဲ ငြိမ်နေပါတယ်။

ဦးခင်ရွှေ ဒေါက်တာဘွဲ့အတု ဘယ်လုိုရသလဲ
စစ်အစိုးရဟာ တဘက်က ဦးခင်ရွှေကုို အသုံးချပီး အမေရိကန် PR ကုမ္ဗဏီတွေနဲ့ သိက္ခာတက်အောင် ကြိုးစားနေချိန်မှာ တဘက်ကလည်း ဦးခင်ရွှေကုို ဒေါက်တာဘွဲ့တစ်ခု ရအောင် ဖန်တီးပေးပီး PR ကမ်ပိန်း အရှိန်ရအောင် ကြိုးစားခဲ့တာဖြစ်တယ်လုို့ ဦးခင်ရွှေရတာ ဒေါက်တာဘွဲ့အတုဖြစ်ကြောင်း ဖော်ထုတ်ခဲ့တဲ့ အမေရိကန်တွေဘက်က မြင်ပါတယ်။
ဦးခင်ရွှေဟာ စစ်အစိုးရ သိက္ခာတက်ရေးအတွက် Bain & Associates ကုမ္ပဏီနဲ့ အလုပ်များနေတုံးမှာ ဦးခင်ရွှေကုို အမေရိကန်နုိုင်ငံ ၀ါရှင်တန်တက္ကသိုလ်က ပေးအပ်တဲ့ Business Administration ဆုိုင်ရာ ဂုဏ်ထူးဆောင် ဒေါက်တာဘွဲ့ ချီးမြှင့်တဲ့အခမ်းအနားလုပ်တဲ့အကြောင်း စစ်အစိုးရသတင်းကုို ကုိုးကားပြီး အမေရိကန် Washington Post သတင်းစာက ဖော်ထုတ်ခဲ့ပါတယ်။
မြန်မာနုိုင်ငံက ကောလိပ် တက္ကသိုလ်တွေကုို ပိတ်ထားတာ တနှစ်ကျော်နေတဲ့အချိန်မှာ စစ်အစိုးရက ဦးခင်ရွှေသတင်းကုို ထုတ်ပြန်လုိုက်လုို့ ပြည်ပရောက် ဒီမိုကရေစီရေး မြန်မာအတုိုက်အခံတွေလဲ အံ့အားတသင့် ဖြစ်ကုန်ပါတယ်။
စစ်အစိုးရ သတင်းစာတွေအရဆုိုရင် ဦးခင်ရွှေကုို ဒေါက်တာဘွဲ့ပေးတဲ့အခမ်းအနားမှာ အမေရိကန်ပညာရေး ဖောင်ဒေးရှင်းအဖွဲ့ရဲ့ ကမကထနဲ့ ၀ါရှင်တန် တက္ကသုိုလ် ပါမောက္ခ ဒေါက်တာ Carey Rosenthal နဲ့ ၀ါရှင်တန် တက္ကသိုလ် ဂုဏ်ထူးဆောင် သုတေသန ကော်မီတီ ဥက္ကဌ ဒေါက်တာ Jom Lim တုို့ကနေ ပေးအပ်ခဲ့တာလုို့ ဆုိုပါတယ်။
တကယ်တော့ ဦးခင်ရွှေဟာ စစ်တပ်ကနေ တပ်ကြပ်ကြီးအဆင့်က အငြိမ်းစားယူခဲ့သူဖြစ်ပီး အတန်းပညာ အထက်တန်းတောင် မအောင်ခဲ့ဘူးလို့ အမေရိကန် သတင်းစာတွေက ရေးပါတယ်။

မှောင်ခို ဒေါက်တာဘွဲ့အတုဆိုတာ ဖော်ထုတ်နိုင်ပြီ
ဦးခင်ရွှေရဲ့ ဒေါက်တာဘွဲနောက်ကြောင်းကုို အမေရိကန် တက်ကြွလှုပ်ရှားသူတွေက စုံစမ်းဖော်ထုတ်ရာမှာ-
၁။ ဦးခင်ရွှေကုို ဒေါက်တာဘွဲ့ပေးတဲ့ အမေရိကန်နုိုင်ငံ ၀ါရှင်တန်တက္ကသုိုလ်ဆုိုတာ အသိအမှတ်ပြုခံထားရတဲ့ တက္ကသုိုလ်မဟုတ်ဘဲ ဟာဝုိုင်အီကျွန်းမှာ မှတ်ပုံတင်ထားပီး ပင်ဆယ်ဗေးနီးယားပြည်နယ် Bryn Mawr မှာ စာတုိုက်သေတ္တာနံပတ်တခုနဲ့ ဘွဲ့တွေ ရောင်းစားနေတဲ့ တက္ကသုိုလ်အတု ဖြစ်နေတာ တွေ့ရပါတယ်။ ဒေါက်တာဘွဲ့တခုကုို အမေရိကန်ဒေါ်လာ ၃၆၀၀ ကနေ ဒေါ်လာ ၆၀၀၀ ကြားဈေးနဲ့ မှောင်ခိုရောင်းနေတဲ့ တက္ကသိုလ်အမည်ခံ မှောင်ခိုလုပ်ငန်းတခုသာ ဖြစ်ပါတယ်။
၂။ ဒါပေမဲ့ ဦးခင်ရွှေကုို မှောင်ခုို ဒေါက်တာဘွဲ့အတုရောင်းတဲ့ တကယ်မရှိတဲ့ နာမယ်တူ ၀ါရှင်တန်တက္ကသိုလ်ရဲ့ သတင်းကြောင့် အမေရိကန်နုိုင်ငံ St. Louis မှာတကယ်ရှိတဲ့ ၀ါရှင်တန်တက္ကသိုလ်က ကြားကနေ အချောင် နာမယ်ပျက်သွားပါတယ်။ ဒီမှာတင် အမှန်တကယ် တည်ရှိတဲ့ St. Louis ၀ါရှင်တန်တက္ကသိုလ်က ဦးခင်ရွှေ ဂုဏ်ထူးဆောင်ဒေါက်တာဘွဲ့ ရတယ်ဆုိုတဲ့ စစ်အစုိုးရသတင်းဟာ မှားယွင်းကြောင်းနဲ့ အထင်လွဲစရာတွေ ဖြစ်ကုန်ကြောင်းကြေငြာချက်ထုတ်ပြန်ြပီး တရားစွဲဖို့ ပြင်ဆင်ခဲ့ပါတယ်။
(ပင်ဆယ်ဗေးနီးယား အခြေစိုက် စီးပွားဖြစ်လုပ်စားနေတဲ့ ၀ါရှင်တန်တက္ကသိုလ်အတုကို St. Louis ၀ါရှင်တန်တက္ကသိုလ် အစစ်ကနေ ဦးခင်ရွှေကို ပေးတဲ့ဘွဲ့ကိစ္စနဲ့ ပတ်သက်ပြီး Federal District တရားရုံးကနေ တရားစွဲခဲ့ရာမှာ နောက်ဆုံး တရားရုံးပြင်ပမှာ ကျေအေးခဲ့ပါတယ်။ ဒါပေမဲ့ စာတိုက်ပုံးတစ်လုံးနဲ့ မှောင်ခို ဒေါက်တာဘွဲ့တွေ ရောင်းစားနေသူတွေအနေနဲ့ တရားရုံးဆုံးဖြတ်ချက်အရ နောက်နောင် ၀ါရှင်တန်တက္ကသိုလ်အစစ်နဲ့ တခြားအမေရိကန်တက္ကသိုလ်တွေရဲ့ အမည်သုံးပြီ်း စီးပွားမလုပ်နိုင်အောင် ဟန့်တားနိုင်ခဲ့ပါတယ်)။
၃။ ဦးခင်ရွှေကုို မှောင်ခုိုဒေါက်တာဘွဲအတုပေးတဲ့ အမေရိကန်ပညာရေး ဖောင်ဒေးရှင်းအဖွဲ့ဆုိုတာ စင်္ကာပူနုိုင်ငံမှာသာ အခြေစုိုက်တဲ့အဖွဲ့ဖြစ်နေတာ တွေ့ရပါတယ်။
၎။ စစ်အစုိုးရသတင်းစာပါ ဦးခင်ရွှေကုို ဒေါက်တာဘွဲ့အတုပေးတဲ့ ၀ါရှင်တန် တက္ကသုိုလ် ပါမောက္ခ ဒေါက်တာ Carey Rosenthal ဆုိုတာလဲ အမေရိကန်နုိုင်ငံ Philadelphia မှာရှိတဲ့ Drexell တက္ကသိုလ်က ဓါတုဗေဒ ပါမောက္ခဖြစ်နေတာ တွေ့ရပြီး ဦးခင်ရွှေဘွဲ့ပေးဖို့ သူမြန်မာနုိုင်ငံသွားတဲ့စရိတ်ကုို ဦးခင်ရွှေကပဲ စိုက်ထုတ်ကျခံတယ်လုို့ သိရပါတယ်။
၅။ တကယ်တော့ ဦးခင်ရွှေရတယ်ဆုိုတဲ့ ဂုဏ်ထူးဆောင် ဒေါက်တာဘွဲ့ဆုိုတာ ဘွဲ ဒီဂရီ ပေးခွင့်မရှိတဲ့ အဖွဲ့အစည်းတခုက ပေးတဲ့ မှောင်ခုိုဒေါက်တာဘွဲ့အတုသာဖြစ်ပီး ဒေါက်တာဘွဲပေးတဲ့ ဖြစ်စဉ်တခုလုံးရဲ့ ကုန်ကျစရိတ်တွေကို ဦးခင်ရွှေကဘဲ အကုန်အကျခံတာ ပေါ်လွင်နေတယ်လုို့ ကုိုလံဘီယာတက္ကသိုလ် နုိုင်ငံတကာရေးရာ ပါမောက္ခ Tom Lansner ကပြောပါတယ်။
ခုလို ဦးခင်ရွှေကုို မှောင်ခုို ဒေါက်တာဘွဲ့ အတုရအောင် စစ်အစိုးရက ဘာကြောင့် လုပ်ပေးရသလဲဆုိုရင် ဒေါ်အောင်ဆန်းစုကြည်ကုို နုိုင်ငံတကာက ဂုဏ်ထူးဆောင် ဒေါက်တာဘွဲ့တွေပေးတာ မနာလုိုတဲ့အတွက် ဖြစ်နုိုင်တယ်လုို့ ဦးခင်ရွှေရတယ်ဆိုတဲ့ ဒေါက်တာဘွဲ့ နောက်ကြောင်းကုို ဖော်ထုတ်သူ အမေရိကန် တက်ကြွလှုပ်ရှားသူတွေက မှတ်ချက်ချပါတယ်။

နိဂုံး
ဦးခင်ရွှေဟာ စစ်အစိုးရအကျိုးစီးပွားကုို နာမယ်ပျက်ခံ ဆောင်ကျဉ်းပေးခဲ့သူဖြစ်တဲ့အတွက် ကနေ့ အမျိုးသားလွှတ်တော်မှာ ကြံ့ဖွံ့အမတ်အနေနဲ့ နုိုင်ငံရေးနယ်ပယ်ထိ ဦးသိန်းစိန်အစိုးရက ခွင့်ပြုခဲ့ရတာ ဖြစ်ပါတယ်။ ဒါကြောင့် စစ်အစိုးရ ဒါမှမဟုတ် ဦးသိန်းစိန်အစိုးရဟာ ဦးခင်ရွှေနဲ့ အကျိုးတူဖြစ်နေတာမုို့ ဒီလုို သိက္ခာမဲ့တဲ့ ပြည်သူ့လွှတ်တော်ကုိုယ်စားလှယ်မျိုးကုို အခြေခံဥပဒေ ၂၀၀၈ အရ လွှတ်တော်ကုိုယ်စားလှယ်အဖြစ်က ရပ်ဆုိုင်းပေးပါရန် (recall) မဲဆန္ဒရှင်တွေက စုပေါင်းလက်မှတ်ထုိုးပြီး ရွေးကောက်ပွဲကော်မရှင်ထံ တောင်းဆုိုခွင့်ရှိပါတယ်။
ဂျက်ဖရီ ဆန်းမောင် စုဆောင်းတင်ပြသည်။
ဝါရှင်တန်တက္ကသိုလ်မှ ဦးခင်ရွှေအား မည်သည့်အခါကမျှ မည်သည့်ဘွဲ့မျိုး မပေးအပ်ခဲ့ကြောင်း ထုတ်ပြန်လိုက်သည့်စာ

http://www.maukkha.org/index.php?option=com_content&view=article&id=1995:2011-11-23-22-17-56&catid=119:2010-10-11-07-36-06&Itemid=373



စွယ်တော်...

" ဓာတ်ပုံ -လျှတ်တစ်ပြက် " သရုပ်ဆောင်စုကဗျာ page မှ










မြေမြှုပ်မိုင်း​အသုံး​ပြုမှုအဆိုး​ဆုံး​ နိုင်ငံများ​တွင် မြန်မာပါဝင်

Published on November 23, 2011 by ပီတာအောင်  
မြန်မာ၊ ​ လစ်ဗျား​နဲ့​အစ္စ​ရေး​နိုင်ငံ ၃ နိုင်ငံက အစိုး​ရ​တွေဟာ လူ​တွေကို အသက်အန္တရာယ် ​ပေး​နိုင်တဲ့​ ​မြေမြှုပ်မိုင်း​တွေ ဆက်လက်အသုံး​ပြု​နေတယ်လို့​ အိုင်စီဘီအယ်လ် ​ခေါ် ​မြေမြုပ်မိုင်း​တား​ဆီး​ရေး​ နိုင်ငံတကာလှုပ်ရှား​မှုအဖွဲ့​က စွပ်စွဲလိုက်ပါတယ်။
ထိုင်း​ နိုင်ငံ၊​ ဘန်​ကောက်မြို့​က နိုင်ငံခြား​သတင်း​ထောက်များ​အသင်း​မှာ ဒီက​နေ့​ ထုတ်ပြန်လိုက်တဲ့​ ၂၀၁၁ ခုနှစ်အတွက် ​မြေမြှုပ်မိုင်း​စောင့်​ကြည့်​ရေး​ အစီရင်ခံစာသစ်မှာ ခုလို စွပ်စွဲလိုက်တာပါ။
မြန်မာ၊​ အစ္စ​ရေး​နဲ့​ လစ်ဗျား​အစိုး​ရ​တွေ ​မြေမြှုပ်မိုင်း​တွေပိုမို အသုံး​ပြု​နေပြီး​ မြန်မာ၊​ အာဖဂန်နစ္စတန်၊​ ပါကစ္စတန်နဲ့​ ကိုလံဘီယာနိုင်ငံ​တွေက အစိုး​ရမဟုတ်တဲ့​ လက်နက်ကိုင်အဖွဲ့​တွေလည်း​ ​မြေမြှုပ်မိ်ုင်း​တွေ အသုံး​ပြု​နေတယ်လို့​ အိုင်စီဘီအယ်လ်က ဆိုပါတယ်။
၂၀၁၀ ခုနှစ်မှာ ​မြေမြှုပ်မိုင်း​ကြောင့်​ ကမ္ဘာတဝန်း​လုံး​မှာ ​သေ​ကျေ ဒဏ်ရာရသူ​ပေါင်း​ ၄၁၉၁ ဦး​ရှိပြီး​ မြန်မာနိုင်ငံမှာ​တော့​ ​သေ​ကျေဒဏ်ရာရသူ ​ပေါင်း​ ၂၇၄ ဦး​ရှိတယ်လို့​ အစီရင်ခံစာမှာ ​ဖော်ပြထား​ပါတယ်။ အဲဒီအထဲက စစ်တပ်က ၂၁ ဦး​ ပါဝင်ပြီး​ ကျန်သူအများ​စုက​တော့​ အရပ်သား​တွေဖြစ်ပါတယ်။
မြေမြှုပ်မိုင်း ​ထိသူ​တွေထဲမှာ အနည်း​ဆုံး​က​လေး​ငယ် ၁၀ ဦး​ ပါဝင်ပြီး​ လူ​တွေအပြင် အနည်း​ဆုံး​ ဆင်နှစ်​ကောင်လည်း​ ​မြေမြှုပ်မိုင်း​ ဒဏ်ခံရတယ်လို့​ဆိုပါတယ်။

မစ္စတာ ရက်စ်ရွှာ မိုဆာ ဖူအန်ဆူဝန်

အိုင်စီဘီအယ်လ် အာရှပစိဖိတ်​ဒေသဆိုင်ရာ ​မြေမြှုပ်မိုင်း​ သု​တေသီ မစ္စတာ ရက်စ်ရွှာ မိုဆာ ဖူအန်ဆူဝန် (Mr. Yeshua Moser-Puangsuwan) က အစီရင်ခံစာပါ အချက်အလက်​တွေကို ​သေချာ​အောင် သက်ဆိုင်ရာ​ဒေသမှာ ​နေထိုင် အလုပ်လုပ်ကိုင်​နေတဲ့​ ​ဆေး​ဝန်ထမ်း​တွေ အန်ဂျီအိုအမှုထမ်း​တွေနဲ့​အစိုး​ရဆီကပါ ​နေရာမျိုး​စုံက ရယူ စု​ဆောင်း​ထား​တာဖြစ်ပြီး​ ဒီအချက်အလက်​တွေဟာ အတည်ပြုစိစစ်နိုင်တဲ့​ အချက်အလက်​တွေကိုသာ ​ဖော်ပြထား​တာ ဖြစ်တဲ့​အ​ကြောင်း​ အမှန်တကယ် ​သေ​ကျေဒဏ်ရာရသူ အ​ရေအတွက်ဟာ ဒီထက်ပိုများ​နိုင်တယ်လို့​ ​ပြောပါတယ်။
ဒါ့​အပြင် ​မြေမြှုပ်မိုင်း​ဒဏ်ခံရသူ​တွေကို အကူအညီ​ပေး​ဖို့​နိုင်ငံတကာ အဖွဲ့​အစည်း​တွေက မြန်မာနိုင်ငံထဲ ဝင်​ရောက် ကူညီ​ပေး​ချင်​နေတဲ့​ အ​ကြောင်း​နဲ့​ ဒီကိစ္စဟာ အစိုး​ရက ဖွင့်​ပေး​မှုအ​ပေါ်မှာ မူတည်တယ်လို့​လည်း​ သူက​ပြောပါတယ်။
မြန်မာနိုင်ငံဟာ ​မြေမြှုပ်မိုင်း​တား​ဆီး​ရေး​ နိုင်ငံတကာစာချုပ်ကို လက်မှတ်​ရေး​ထိုး​ဖို့​ပျက်ကွက်တဲ့​ နိုင်ငံအဖြစ်လည်း​ သတ်မှတ်ခံထား​ရပါတယ်။
ကရင်၊​ ကယား​၊​ ရှမ်း​၊​ ကချင်၊​ ချင်း​၊​ မွန်၊​ ရခိုင် စတဲ့​ပြည်နယ်​တွေနဲ့​ ပဲခူး​တိုင်း​၊​ တနင်္သာရီတိုင်း​ အတွင်း​က မြို့​နယ်​ပေါင်း​ ၃၀ ​ကျော်မှာ ​မြေမြှုပ်မိုင်း​ အသုံး​ပြုမှု ​တွေ့​ရပြီး​ အဆိုး​ရွား​ဆုံး​က​တော့​ ကရင်ပြည်နယ်နဲ့​ပဲခူး​တိုင်း​မှာ ဖြစ်ပါတယ်။
မြေမြှုပ်မိုင်း ​အန္တရာယ် အ​ရေး​ပေါ်ပညာ​ပေး​ရေး​လုပ်ငန်း​တွေ မြန်မာ၊​ က​မ္ဘောဒီယား​၊​ လစ်ဗျား​၊​ ပါကစ္စတန်နဲ့​ ဆိုမား​လီး​ယား​နိုင်ငံ​တွေမှာ လိုအပ်​နေတယ်လို့​လည်း​ အိုင်စီဘီအယ်လ်က အကြံပြုထား​ပါတယ်။
http://burmese.dvb.no/archives/18180

ယီမင် သမ္မတ နှုတ်ထွက်ပြီ


by FNG on November 23, 2011
Yemen's President Ali Abdullah Saleh waves to pro-government supporters during a rally in Sanaa

Updated| ယီမင် သမ္မတ အလီ အဗ္ဗဒူလာ ဆာလေး သည် ပင်လယ်ကွေ့ နိုင်ငံ များ ပူးပေါင်း
ဆောင်ရွက် ရေး ကောင်စီ ၏ ကြားဝင် စေ့စပ် ပေး ချက် အရ သူ၏ သမ္မတ ရာထူး ကို ဒုသမ္မ
တ အား လွှဲပြောင်း ပေး ပြီး ရာ ထူး မှ နှုတ် ထွက် ရန် သဘော တူလိုက်သည်။
အလီ အဗ္ဗဒူလာ ဆာလေး သည် ပြည်သူ လုထု ၏ ဖိအား ကြောင့် လက်ရှိ ရာထူး မှ ဆင်းပေး
ရသည့် စတုတ္ထ မြောက် အာရပ် ခေါင်းဆောင် ဖြစ်လာခဲ့သည်။ တူနီးရှား သမ္မတ ဘင်အလီ၊
အီဂျစ် သမ္မတ ဟိုစနီ မူဘာရက် ၊ လစ်ဗျား ခေါင်းဆောင် ဗိုလ်မှုးကြီး ကဒါဖီ တို့  သည် ၎င်း တို့ 
၏ ပြည်သူ လူထု မှ ဆန့် ကျင် မှု များ ကြောင့် နှစ် ပေါင်းများ စွာ ချုပ် ကိုင် ထား သည့် နိုင်ငံရေး
အာဏာ များ ကို လက်လွှတ် ခဲ့ ရသည်။
လအတန်ကြာ ပြည်သူ လူထု နှင့် စစ်တပ်၏ ဆန့် ကျင် ကန့် ကွက် မှု ကို ရင် ဆိုင် နေရသည့်
ယီမင် သမ္မတ အလီ အဗ္ဗဒူလာ ဆာလေး သည့် ပင်လယ်ကွေ့  နိုင်ငံ များ ပူးပေါင်း ဆောင်ရွက်
ရေးကောင်စီ ၏ ကမ ကထ ပြု မှု ဖြင့် အာဏာလွှဲပြောင်း ပေး ရန် ဆွေးနွေး ပွဲ အတွက် ဗုဒ္ဓဟူး
နေ့  နံနက် အစော ပိုင်း တွင် ဆော်ဒီ အာရေးဗီးယား နိုင်ငံ ရီယာဒ် မြို့  သို့ ရောက် ရှိ ကြောင်း
ယီမင် ရုပ်သံ များ မှ ထုတ် လွှင့် သွား ခဲ့ သည်။
ဝါရှင်တန် ရှိ ယီမင် သံရုံး မှ ပြောခွင့် ရ ပုဂ္ဂိုလ် မိုဟာမက် အဘာရှာက ယီမင် သမ္မတ က နှုတ်ထွက်
ပေး ရန် အစီ အစဉ် ကို လက်ခံ မှု သည် ယီမင် နိုင်ငံ ၏ ပဋိပက္ခ များ ကို ချုပ် ငြိမ်း စေနိုင် မည်
ဟု ထင် မြင် သည် ဟု CNN သတင်း ကို ပြောသည်။
ဇွန်လ ဆန်းက လက်နက် ကိုင်  တပ်ဖွဲ့  များ ၏  သမ္မတ နန်း တော် ကို ၀င်ရောက် စီးနင်း မှု ဖြစ်စဉ်
အတွင်း ဒဏ်ရာ ပြင်းထန် စွာ ရရှိခဲ့သည့် ယီမင် သမ္မတ အလီ အဗ္ဗဒူလ် လာဆာလေး သည်
ဆော်ဒီအာ ရေးဗီးယား နိုင်ငံ ရီယာဒ် မြို့ သို့ ဆေးကုန် ရန် ရောက် ရှိ ခဲ့ ပြီး နောက် ယီမင် သို့ 
ပြန်လည် ရောက် ရှိ ချိန် တွင် ရာထူး ကို မကြာခင် စွန့် လွှတ်မည် ဟု ကြေငြာခဲ့ သည်။
ယီမင် ရှိ မည်သည့် နိုင်ငံ ရေး အဖွဲ့  အစည်း နှင့် အာဏာလွှဲပြောင်းရေး ဆွေး နွေး မည် ဆိုသည်
ကို မူ တိတိကျကျ ထုတ် ဖော် ပြောကြား ခြင်း မရှိ ဟု သိရသည်။
ဆာလေး ၏ ၃၃ နှစ်ကြာ ယီမင် နိုင်ငံ ကို အုပ်ချုပ် နေ မှု အား ပြည်သူများ က ဆန့် ကျင် ကန့် 
ကွက် နေ ရာ ဆယ်လ ကျော် ကြာမြင့် ပြီ ဖြစ်ပြီး ဆာလေး ၏ သစ္စာ ခံ များ နှိပ် ကွက် မှုကြောင့်
ဆန္ဒ ပြသူ ရာ နှင့် သေဆုံး ပြီး ဖြစ်သည်။
Yemen
http://freedomnewsgroup.com/2011/11/23/yemen-president-signs-power-transfer/

ရွေးကောက်ပွဲဝင်မည့် NLD၊ ညီနောင် အမျိုးသားဒီမိုကရေစီပါတီနှင့် အငြိမ်းစားဗိုလ်ချုပ်ကြီး သူရဦးတင်ဦး

စနေ, 19 နိုဝင်ဘာ 2011

By ရော်နီညိမ်း

တပ်မှူးတပ်သား ပြောစကား (၀၈၇)

အမျိုးသားဒီမိုကရေစီအဖွဲ့ချုပ်က၊ ၂၀၁၁ နိုဝင်ဘာ(၁၈)ရက်နေ့စွဲနဲ့ အထူးကြေညာချက်အမှတ် ၁/၁၁/၁၁ကို ထုတ်ပြန်ခဲ့တာမှာ၊ အမျိုးသားဒီမိုကရေစီအဖွဲ့ချုပ်ဟာ နိုင်ငံရေးပါတီများမှတ်ပုံတင်ခြင်းဥပဒေနဲ့အညီ မှတ်ပုံ တင်ပြီးတော့၊ နောင်လာမယ့်ရွေးကောက်ပွဲတွေမှာ ပါဝင်ယှဉ်ပြိုင်မယ်လို့၊ ဖေါ်ပြပါရှိပါတယ်။ အမျိုးသားဒီမိုက ရေစီအဖွဲ့ချုပ်နဲ့ ညီနောင်ပါတီဖြစ်တဲ့ အမျိုးသားဒီမိုကရေစီပါတီတို့ရဲ့ အလားအလာတချို့နဲ့ပတ်သက်ပြီး၊ အဖွဲ့ ချုပ်ရဲ့ ဒုတိယဥက္ကဋ္ဌ အငြိမ်းစားဗိုလ်ချုပ်ကြီး သူရဦးတင်ဦးကို ဆက်သွယ်မေးမြန်းပြီး၊ ဒီသီတင်းပတ် တပ်မှူး တပ်သား ပြောစကားကဏ္ဍမှာ၊ ဆွေးနွေးတင် ဆက်ထားပါတယ် ။

ဦးရော်နီညိမ်း ။ ။ ဒီကနေ့ အမျိုးသားဒီမိုကရေစီအဖွဲ့ချုပ်က၊ အထူးကြေညာချက်အမှတ် ၁/၁၁/၁၁ကို ထုတ်ပြန်ခဲ့တော့၊ အန်ကယ့်အနေနဲ့ အဖွဲ့ချုပ်ရဲ့ဒုတိယဥက္ကဋ္ဌအနေနဲ့၊ ပြောသင့်ပြောထိုက်တာ ပြောနိုင်တာ လေးတွေကို ပြောပြပေးဖို့၊ ရှေးဦးစွာ မေတ္တာရပ်ခံလိုပါတယ်။ ပထမဦးဆုံးသိချင်တာက၊ ဒီကနေ့ ကျင်းပတဲ့ ဗဟိုဦးစီးအဖွဲ့ရဲ့ အစည်းအဝေးကို၊ ဥက္ကဋ္ဌကြီး ဦးအောင်ရွှေ တက်ရောက်ပါသလား ခင်ဗျ။

ဦးတင်ဦး ။ ။ သူ့ကိုတော့ ဘိတ်ကြားပါတယ်။ ဒါပေမဲ့ သူက အသက်က ကြီးမားနေပြီးတော့၊ ကျန်းမာ ရေးက ချို့တဲ့နေတာကြောင့်၊ သူက အခုလို ဘိတ်တာကို အင်မတန် ကျေးဇူးတင်ဝမ်းမြောက်ကြောင်း၊ သို့ သော် ကျန်းမာရေးအရ မတက်နိုင်ခြင်းကို ခွင့်ပြုဖို့အကြောင်း၊ အခု လက်ရှိဆောင်ရွက်နေတဲ့၊ နောင်ဆောင် ရွက်မယ့်ကိစ္စတွေကို ဆွေးနွေးမယ့် ဗဟိုဦးစီးအဖွဲ့ဝင်တွေရဲ့ အစည်းအဝေးကို ထမြောက်အောင်မြင်အောင် လုပ်ဆောင်နိုင်တာနဲ့၊ ဒေါ်အောင်ဆန်းစုကြည် ရှေ့ဆက်လုပ်မယ့်ကိစ္စအ၀၀အတွက် ဆုမွန်ကောင်းတောင်း တယ်ဆိုတဲ့၊ သ၀ဏ်လွှာကိုတော့ ပေးပို့ပါတယ်။

ဦးရော်နီညိမ်း ။ ။ အဲဒီတော့ ဗဟိုဦးစီးအဖွဲ့က ဒီလောက်အရေးကြီးပြီး၊ ဒီကနေ့ ဆုံးဖြတ်မယ့်ကိစ္စကို ကော၊ အဖွဲ့ချုပ်ရဲ့ တာဝန်အရှိဆုံးဥက္ကဋ္ဌအနေနဲ့ သူ့ရဲ့ ဆန္ဒကိုကော၊ ကြိုတင်ပေးပို့ထားတာ ရှိပါသလား ခင်ဗျ။

ဦးတင်ဦး ။ ။ အဲဒီလို မရှိပါဘူး ခင်ဗျာ။ သူကလည်းပဲ အနားယူတာလို ဖြစ်နေပြီးတော့၊ ရှိသမျှကိစ္စအ၀၀ ကို ဆောင်ရွက်စရာရှိတာကို၊ ကျနော်ကပဲ ညှိနှိုင်းပြီးတော့ အဖွဲ့ချုပ်မှာ ဆောင်ရွက်နေတာတွကို ကျနော်က သူ့ကို ပြောပြပါတယ်။ သူကတော့ ဘာမှ ဘယ်လို လုပ်ကိုင်ဆောင်ရွက်ပါဆိုတာကို၊ မပြောတော့ပါဘူး။ အဲဒါ ကြောင့် အခုလိုဘိတ်တာကို ၀မ်းမြောက်ကြောင်းနဲ့ ဆက်လုပ်မယ့်ကိစ္စအ၀၀တွေ အောင်မြင်ဖို့ ဆုမွန်ကောင်း တောင်းတယ်ဆိုတဲ့၊ သ၀ဏ်လွှာကို ပို့လိုက်တာပါ။

ဦးရော်နီညိမ်း ။ ။ ဒီလိုပါ၊ အန်ကယ်တို့ NLD က ဒီကနေ့ထုတ်တဲ့ ကြေညာချက်ထဲမှာ၊ အားလုံးပေါင်း ကိုယ်စားလှယ်(၁၁၆) ဦးရှိတဲ့အထဲက (၁၀)ဦးပျက်ကွက်တဲ့အထဲမှာ၊ ဦးအောင်ရွှေလည်း ပါနေတော့၊ တာဝန် ရှိပါတီဥက္ကဋ္ဌအနေနဲ့ ဒီနေ့ ဗဟိုဦးစီးအဖွဲ့အစည်းအဝေးမှာ သူသည် ဒီကနေ့ ဆုံးဖြတ်ချက်ကို ကန့်ကွက်သ လား၊ သဘောတူသလား (သို့မဟုတ်) ကြားနေသလားဆိုတာကို၊ မသိရလို့ပါ။

ဦးတင်ဦး ။ ။ သူက အဖွဲ့ချုပ် ရပ်တည်ရေးဆိုတာကို၊ ဟိုးနဂိုမူလတုန်းကတည်းက စေတနာရှိခဲ့ပါတယ်။

ဦးရော်နီညိမ်း ။ ။ သူကနေ ဗဟိုဦးစီးအဖွဲ့ရဲ့ ဒီကနေ့ဆုံးဖြတ်ချက်ကို မကန့်ကွက်ဘူးလို့၊ ယူဆလို့ရတယ် ပေါ့။

ဦးတင်ဦး ။ ။ မရှိပါဘူး၊ သူက ဘာမှ မကန့်ကွက်ပါဘူး။

ဦးရော်နီညိမ်း ။ ။ အန်ကယ်တို့ ဒီကနေ့ ဆုံးဖြတ်ချက် ချလိုက်တဲ့အပေါ်မှာ၊ ၁၉၉၀ ရွေးကောက်ပွဲတုန်း က အန်ကယ်တို့ရဲ့ NLD ပြီးရင်၊ ဒုတိယမဲအများဆုံးရခဲ့တဲ့၊ တိုင်းရင်းသားပါတီလည်း ဖြစ်တဲ့ ရှမ်းအမျိုးသား ဒီမိုကရေစီအဖွဲ့ချုပ်(SNLD) နဲ့ တခြားတိုင်းရင်းသားပါတီတွေပဲ ဖြစ်ဖြစ်၊ နိုင်ငံရေးသမား လူပုဂ္ဂိုလ်တွေကိုပဲ ဖြစ်ဖြစ်၊ ထပ်ပြီးတော့ ရှင်းပြဖို့ ရှိပါသလား ခင်ဗျ။

ဦးတင်ဦး ။ ။ ဒီဥစ္စာကို မလုပ်ခင်ကတည်းက၊ ဖြစ်ပေါ်လာမယ့် ကိစ္စအ၀၀ကို၊ ဒေါ်အောင်ဆန်းစုကြည်က SNLD က ဥက္ကဋ္ဌနဲ့ အတွင်ရေးမှူး မရှိကြပေမယ့်လည်း၊ ဒုတိယအကြီးဆုံး ပုဂ္ဂိုလ်ကို ခေါ်ပြီးတော့ ပြောပြတာ ရှိ တယ်။ နောက် ရခိုင်အမျိုးသားဒီမိုကရေစီအဖွဲ့ချုပ်က ဦးအေးသာအောင်တို့၊ ဇိုမီးအမျိုးသားကွန်ဂရက်က ပုဂ္ဂိုလ်တွေကို၊ ခေါ်ပြီးတော့ ကြေကြေလည်လည် ပြောဆိုဆွေးနွေးတာတွေ ရှိပါတယ်ခင်ဗျ။ SNLD က ရွေး ကောက်ပွဲကို မ၀င်ဘူး၊ ပါတီကို ပြန်ပြီး မှတ်ပုံမတင်ဘူး ဆိုတာဟာ၊ သူတို့လည်း မှန်ပါတယ်။ ဘာလို့လည်း ဆိုတော့ သူတို့ခေါင်းဆောင်တွေ ခွန်ထွန်းဦးတို့ စိုင်းညွန့်လွင်တို့က အင်မတန်ကြီးလေးတဲ့ ထောင်ဒဏ်တွေနဲ့ နှစ်ရှည်ကျနေကြတဲ့အပေါ်မှာ မူတည်နေတာကိုး။ ကျနော်တို့ NLD အရင်တုန်းက ဖြစ်သလိုပေါ့။ ကျနော်တို့ ခေါင်းဆောင်ကိုတော့ ချုပ်ထားပြီးတော့၊ ရွေးကောက်ပွဲကျတော့ ၀င်ခိုင်းတယ်ဆိုတော့၊ ကျနော်တို့မှာ ဒီလို လုပ်ဖို့ရာ၊ ဘယ်လာပြီး စိတ်သန့်မလဲဗျာ။ သူတို့ SNLDမှာ အခုလည်း အဲဒီလို ဖြစ်နေတာကို၊ ကျနော်တို့က စာနာတယ်၊ ကိုယ်ချင်းစာ သဘောပေါက်တယ်။ ဒီကိစ္စအပေါ်မှာ သူတို့ဟာသူတို့ ဆုံးဖြတ်နိုင်ပါတယ်။ ဘာလို့ လည်း ဆိုတော့၊ ပါတီမှတ်ပုံတင်ရင်၊ အနည်းဆုံး မဲဆန္ဒနယ်သုံးနေရာမှာ ၀င်ပြိုင်ရမယ်ဆိုတော့၊ မှတ်ပုံတင် ပြီဆိုရင်တော့ မဲဆန္ဒနယ်တွေ ၀င်နိုင်သမျှ ၀င်ရတော့မယ် ဆိုတဲ့သဘောပေါ့။ ရွေးကောက်ပွဲ မ၀င်ဘူးဆိုရင်၊ ဘာလို့ မှတ်ပုံတင်တော့မလဲ။ ရွေးကောက်ပွဲ မ၀င်ရင်၊ ပါတီမှတ်ပုံတင်တာ ပျက်ပြယ်မယ်ဆိုပြီး၊ ချိတ်ဆက် ထားတာကိုးဗျ။

ဦးရော်နီညိမ်း ။ ။ နောက်တစ်ခုက အန်ကယ်တို့ ဒီနေ့ထုတ်ပြန်တဲ့ အထူးကြေညာချက်မှာပါတဲ့ NLD ရဲ့ ညီနောင်ပါတီ အမျိုးသားဒီမိုကရေစီပါတီ (National Democracy Party) ကို ကျနော်တို့ မှတ်မိတာကတော့၊ ၁၉၉၀ ရွေးကောက်ပွဲဝင်စဉ်က၊ အမျိုးသားဒီမိုကရေစီအဖွဲ့ချုပ်ကို အဲဒီအချိန်က စစ်အစိုးရက အရမ်းကို ဖိနှိပ် ချုပ်ချယ်နေတဲ့အတွက်၊ အမျိုးသားဒီမိုကရေစီ အဖွဲ့ချုပ်ဟာ၊ မတရားသင်းကြေညာခံခဲ့ရရင်၊ အမျိုးသားဒီမိုက ရေစီအဖွဲ့ချုပ်ဝင်တွေ အဲဒီပါတီလေးထဲ ပြောင်းပြီးဝင်ကြဖို့ ရည်ရွယ်ချက်နဲ့ ဖွဲ့ထားတာလို့၊ သိရပါတယ်။ အဲဒီ အမျိုးသားဒီမိုကရေစီပါတီရဲ့ဥက္ကဋ္ဌ ဖြစ်တဲ့ ဒေါက်တာစိန်ဝင်းကော၊ နောက်ထပ် အဲဒီ ပါတီလူကြီးတွေဖြစ်ကြ တဲ့၊ အငြိမ်းစားဒုတိယဗိုလ်မှူးကြီး ဦးအေးမြင့် (ကျောင်းသားတပ်မတော် ABSDF၏နည်းပြမှူးချုပ် တာဝန် ထမ်းဆောင်ခဲ့သူ)၊ အငြိမ်းစားဗိုလ်ကြီး ဦးစိန်သောင်း၊ စတဲ့သူတွေဟာ၊ ပြည်ပကို ရောက်နေကြတော့၊ သူတို့ ကို ဘယ်လိုစဉ်းစားထားတာ ရှိပါသလဲခင်ဗျ။ သူတို့ကို ပြန်လာကြဖို့ ဘိတ်ခေါ်ဖို့ ရှိပါသလား ခင်ဗျ။

ဦးတင်ဦး ။ ။ သူတို့ကို ပြည်ပရောက်နေတယ်ဆိုပြီး၊ သူတို့ကို ကျနော်တို့က မပစ်ပယ်ပါဘူး။ စိတ်ချင်းက တော့ ပေါင်းနေကြတာပဲလေ။ နဂိုမူလရည်ရွယ်ချက်ကတော့ မှန်ပါတယ်၊ ခင်ဗျားပြောတဲ့အတိုင်း အဲဒီတုန်းက မတော်တဆများ အဖွဲ့ချုပ်ကို အကြောင်း တစ်ခုခုကြောင့် တစ်ခုခုများ ဖြစ်မှာစိုးတဲ့အတွက်၊ အမျိုးသားဒီမိုက ရေစီပါတီ ဆိုပြီး၊ သပ်သပ်ထောင်ထားတာ ဟုတ်ပါတယ်။

ဦးရော်နီညိမ်း ။ ။ ဟုတ်ကဲ့ အခုတော့ အဝေးရောက်နေကြတဲ့ အမျိုးသားဒီမိုကရေစီပါတီရဲ့ လူကြီးတွေ၊ ဒေါက်တာစိန်ဝင်းတို့၊ ဗိုလ်မှူးကြီးအေးမြင့်တို့ကို၊ ပြန်လာပြီး ပါတီတာဝန်တွေထမ်းဆောင်ကြဖို့ ဘိတ်ခေါ်ဖို့ အစီအစဉ် ရှိပါသလားလို့၊ သိချင်ပါတယ်။

ဦးတင်ဦး ။ ။ ခင်ဗျားပြောတာကို အကြောင်းပြုပြီးတော့ ကျနော်တို့မှာ စဉ်းစားစရာ ဖြစ်လာတယ်။ ကျနော်တို့ က ကျနော်တို့ဆီမှာ စာရင်းပေါက်ထားပြီးသား ဒေါက်တာစိန်ဝင်းက အစ အကုန်လုံးပါတယ်၊ သူ တို့ဟာ ပြည်ပမှာ ရောက်နေကြတယ်၊ ဒါကြောင့် ဒီနေ့ကျင်းပတဲ့ ဗဟိုဦးစီးအဖွဲ့အစည်းအဝေးမှာ သူတို့ မလာ နိုင်ဘူးလို့၊ ကျနော်တို့ သတ်မှတ်ထားတဲ့ သဘောရှိပါတယ်။

ဦးရော်နီညိမ်း ။ ။ ကျနော်က ဒီနေ့အစည်းအဝေးကို ပြောတာမဟုတ်ပါဘူးခင်ဗျ။ အနာဂတ်မြန်မာ့နိုင်ငံ ရေးမှာ ပါဝင်ကြဘို့အတွက်၊ ပြန်လာကြဖို့ မဘိတ်ခေါ်တော့ဘူးလားလို့ မေးတာပါ။

ဦးတင်ဦး ။ ။ အနာဂတ်လည်း ဒီလိုပါပဲ။ သူတို့က စာရင်းပေါက်ထားပြီးသား။ ကျနော်တို့က ပြန်လည်ဖွဲ့ စည်းတဲ့ အခါမှာ၊ ဘယ်လိုပုံစံ ဖြစ်လာဦးမလဲ မပြောနိုင်သေးဘူး။ အဲဒါတွေက တပေါင်းထဲပေါ့၊ လုပ်ကြရမှာ က။

ဦးရော်နီညိမ်း ။ ။ နိုင်ငံတော်သမ္မတဦးသိန်းစိန်ကလည်း၊ ပြန်လာချင်တဲ့သူတွေ ပြန်လာနိုင်တယ်လို့ ဖိတ်ခေါ် ထားတော့၊ ဥပမာ - ၁၉၉၀ ရွေးကောက်ပွဲအနိုင်ရ အမတ်တစ်ဦးဖြစ်တဲ့ ဦးပီတာလင်းပင် ဆိုရင်၊ ပြန်သွားပြီ။ ဒေါက် တာစိန်ဝင်းတို့ ဗိုလ်မှူးကြီးအေးမြင့်တို့ ဗိုလ်ကြီးစိန်သောင်းတို့၊ အမျိုးသားဒီမိုကရေစီပါတီရဲ့ လူကြီးတွေ၊ ပြန်လာပြီး ပါတီတာဝန်တွေ ထမ်းဆောင်ပါလို့၊ ဘိတ်ခေါ်ဖို့၊ အန်ကယ်တို့မှာ စဉ်းစားထားချက် ရှိပါသလားလို့ပါ။

ဦးတင်ဦး ။ ။ ရှိပါတယ်ခင်ဗျ။ ဘာဖြစ်လို့လဲဆိုတော့၊ ပါတီနဲ့ကင်းကွာသွားတဲ့သူတွေအားလုံးကို၊ ကျနော် တို့က မပစ်ပယ်ဘူးလေ။ ဒီနေ့လုပ်တဲ့အစည်းအဝေးက အင်မတန်အားရစရာ ကောင်းတယ်။ ၀မ်းလည်း ၀မ်း သာမိတယ်။ အရင်တုန်းက ပါတီနဲ့ကင်းကွာသွားတဲ့သူတွေကို၊ ကျနော်တို့က ကင်းကွာသွားသူတွေလို့ ကျနော် တို့က မမှတ်ယူဘူး၊ အခြေအနေတွေအရ ဒီလိုကင်းကွာသွားကြရပေမယ့်၊ အခုလိုအချိန်အခါမျိုးမှာ၊ ကျနော် တို့က ဗဟိုဦးစီးအဖွဲ့အစည်းအဝေးကို ပြည့်စုံအောင်၊ အရင်ကတည်းက ဗဟိုဦးစီးအဖွဲ့ဝင် စာရင်းပေါက်ပြီး သားသူတွေကို၊ ဘိတ်လိုက်တဲ့အတွက်၊ အကုန်လုံး လာကြတယ်ခင်ဗျ။ ဒါကြောင့် ကျနော်တို့က ဘိတ်မန္တက ပြုနိုင်တဲ့သူမှန်သမျှကို ဘိတ်ပြီး၊ ပါဝင်ဆောင်ရွက်နိုင်ကြရင်၊ ဆောင်ရွက်ကြပါလို့ နှိုးဆော်ထားတဲ့ အနေအ ထား ရှိပါတယ်ခင်ဗျ။

ဦးရော်နီညိမ်း ။ ။ သူတို့သဘောနဲ့သူတို့ ပြန်လာကြမယ်ဆိုရင်၊ အမျိုးသားဒီမိုကရေစီပါတီမှာ ဒီပုဂ္ဂိုလ် တွေကို ပြန်လည် တာဝန်ထမ်းဆောင်ခွင့်ပြုမယ်ပေါ့။

ဦးတင်ဦး ။ ။ ဟုတ်ကဲ့၊ အခု ပြန်လည်ဖွဲ့စည်းတဲ့အခါမှာလည်း၊ အခု အခြေအနေအတိုင်းဆိုရင်၊ နှစ်ပါတီ ခွဲထား စရာမလိုပဲ၊ ရှိနေတဲ့ အင်အားစုတွေအားလုံး တပေါင်းထဲတစည်းထဲ၊ ဖွဲ့စည်းမယ့်ပုံသဏ္ဍာန်မျိုးလည်း ပေါ်ပေါက်ချင် ပေါ်ပေါက်လာလိမ့်မယ်။

ဦးရော်နီညိမ်း ။ ။ နောက်တစ်ခုက အမျိုးသားဒီမိုကရေစီအဖွဲ့ချုပ်ဟာ၊ ပါတီမှတ်ပုံတင်ပြီး ရွေးကောက်ပွဲ ၀င်မယ်ဆိုရင်၊ သူ့ပါတီ (အမျိုးသားဒီမိုကရေစီသစ်ပါတီ - New National Democracy Party) ကို ဖျက်ပြီး၊ အန်ကယ်တို့ အမျိုးသားဒီမိုကရေစီအဖွဲ့ချုပ်အောက်မှာ ပြန်လာပြီး ပေါင်းပါမယ်လို့၊ ၁၉၉၀ ရွေးကောက်ပွဲမှာ ရန်ကုန်တိုင်း သင်္ကန်းကျွန်းမြို့နယ် အမှတ်(၁)မဲဆန္ဒနယ်၊ အမျိုးသားဒီမိုကရေစီအဖွဲ့ချုပ်ကနေ အနိုင်ရခဲ့တဲ့၊ အမတ်ဦးသိန်းညွန့်က ကြေညာထားတာ ရှိပါတယ်။ တကယ်ပဲ ဦးသိန်းညွန့်က သူ့ပါတီကိုဖျက်ပြီး၊ အမျိုးသား ဒီမိုကရေစီအဖွဲ့ချုပ်အောက်မှာ ပြန်လာပြီးပေါင်းရင်၊ အန်ကယ်တို့ ဘယ်လိုသဘောထားရှိပါသလဲ။

ဦးတင်ဦး ။ ။ အဲဒီဟာကတော့၊ သူ အမျိုးသားဒီမိုကရေစီအဖွဲ့ချုပ်ကနေ ထွက်ခွာသွားစဉ်တုန်းက၊ ဖြစ် ပျက်ခဲ့တဲ့ အခြေအနေပေါ်မှာ ပြန်လည်လေ့လာပြီးရင်၊ အဲဒါနဲ့ ပတ်သက်လို့ ကြေကြေလည်လည် စဉ်းစားရ မယ့် သဘောရှိပါတယ်။ ဘာလို့လဲဆိုတော့၊ (၂၀၁၀ မတ်လမှာ ပါတီကို ပြန်လည် မှတ်ပုံတင်ရေး မတင်ရေး၊ ၂၀၁၀ ရွေးကောက်ပွဲ ၀င်ရေး မ၀င်ရေး)ကို ဆွေးနွေးခဲ့ကြစဉ်က အားလုံးက CEC (ဗဟိုအလုပ်အမှုဆောင် အဖွဲ့)ကော၊ CC (ဗဟိုကော်မတီ) အဖွဲ့ဝင်တွေကော၊ ပါတီကိုမှတ်ပုံမတင်ဘူး ၂၀၁၀ ရွေးကောက်ပွဲကို မ၀င် ဘူးလို့၊ အားလုံးသဘောတူ ညီညီညွတ်ညွတ်နဲ့ ဆုံးဖြတ်ပြီးမှ၊ သူက ခွဲထွက်သွားတယ်ဆိုတော့၊ သူသွားစဉ် အခါတုန်းက ပါတီကနေ လွင့်စင်ထွက် သွားတဲ့သဘောပေါ့။ သူ့ကိစ္စက တခြားကိစ္စတွေနဲ့ နှိုင်းယှဉ်ပြောရင် မတူဘူးပေါ့။ အဲဒီသဘောတော့ ရှိနေတယ်။ အဲဒါကို စည်းလုံးညီညွတ်ရေးကို အကြောင်းပြုပြီးတော့၊ ဒါကို ရှေ့ဆက်ပြီး ဆွေးနွေးတဲ့အခါမှာ အတူ ပါဝင်ပြီးလုပ်ကိုင်တဲ့အနေအထားနဲ့ပဲ တူရာတူရာ ဆောင်ရွက်ကြရာမှာ၊ တယောက်နဲ့တယောက်ကို ပူးပေါင်းဆောင်ရွက်ညှိနှိုင်းသွားတဲ့ ပုံစံသဘောမျိုးတွေ ဖြစ်ချင်လည်း ဖြစ်လာမှာ ပဲလို့၊ ထင်ပါတယ် ခင်ဗျ။။

ဦးရော်နီညိမ်း ။ ။ နောက်တစ်ခုက (အမျိုးသားဒီမိုကရေစီအဖွဲ့ချုပ်မှ ခွဲထွက်သွားခဲ့သော) အမျိုးသားဒီမို ကရေစီအင်အားစု (National Democracy Force) ပါတီက ခေါင်းဆောင် ဦးခင်မောင်ဆွေတို့က၊ အန်ကယ် တို့ NLD က ကမ်းလှမ်းရင်၊ သူတို့ကလည်း ပြန်လာဖို့ရှိတယ်လို့ ပြောထားပါတယ်။

ဦးတင်ဦး ။ ။ အဲဒါကလည်း နေပါဦး ခင်ဗျာ။ စောပါသေးတယ်။ ပြန်လည်ဖွဲ့စည်းပြီးတဲ့နောက်ပိုင်းမှာ လုပ်ဖို့ ကိုင်ဖို့ကိစ္စတွေထဲမှာ၊ ခင်ဗျားပြောတဲ့ issue တွေကို ပြောဆိုဆွေးနွေးကြရမှာ ဖြစ်တယ်။ သို့သော် ဘယ်လို outcome (ရလဒ်အဖြေ) ထွက်လာမလဲ ဆိုတာ၊ မသိဘူးပေါ့။

ဦးရော်နီညိမ်း ။ ။ နောက်တစ်ခုက အခု ပါတီမှတ်ပုံတင်ဖို့ ရွေးကောက်ပွဲဝင်ဖို့ ဆုံးဖြတ်ချက်ချပြီးသွား တော့၊ နောက်ထပ်ဆုံးဖြတ်ချက်တွေ ဆက်တိုက်လာဖို့ရှိပြီးတော့၊ အခုတော့ အန်ကယ်တို့ ဆုံးဖြတ်ကြဦးမှာ မဟုတ်သေးဘူး။ လာမယ့် ကြားဖြတ်ရွေးကောက်ပွဲမှာ၊ ဘယ်နှစ်နေရာ ၀င်ရောက်ယှဉ်ပြိုင်မယ်တို့၊ ဘယ်သူ တွေက ကိုယ်စားလှယ်လောင်းတွေအဖြစ် အန်ကယ်အပါအ၀င်၊ ၀င်မလား မ၀င်ဘူးလားဆိုတဲ့ ကိစ္စတွေက ဆုံးဖြတ်လို့ရမှာ မဟုတ်သေးဘူးဆိုတော့၊ နောက်ဆုံးတစ်ချက်အနေနဲ့ အန်ကယ့်ရဲ့ ကိုယ်ပိုင်သဘောထား တစ်ချက်ကိုပဲ မေးကြည့်ချင်ပါတယ်။ အခု တပ်မတော်နဲ့ အမျိုးသားဒီမိုကရေစီအဖွဲ့ချုပ်နဲ့ ဆက်ဆံရေးက အထူးကောင်းမွန်လာပြီ၊ အမေရိကန်လိုနိုင်ငံက သမ္မတကတောင် ဒါကို အသိအမှတ်ပြုနေပြီ။ ဒါကို တကမ္ဘာ လုံးကလည်း ၀ိုင်းပြီး အသိအမှတ်ပြုနေကြပြီ ဆိုတော့၊ အဲဒီလို အခြေအနေမျိုးမှာ အန်ကယ်ဟာ တပ်မတော် ရဲ့ ကာကွယ်ရေးဦးစီးချုပ်တာဝန်ကို ထမ်းဆောင်ခဲ့တယ်၊ တပ်မတော်က ကြည်ညိုတဲ့ပုဂ္ဂိုလ်ဖြစ်တယ်၊ ပြည်သူ လူထုကလည်း ကြည်ညိုတဲ့ပုဂ္ဂိုလ် ဖြစ်တာကြောင့်၊ အခု ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင် အရွေးခံပါလို့ အန်ကယ့်ကို NLD က တာဝန်ပေးအပ်လာရင်၊ အန်ကယ်က ဒီတာဝန်ကို ယူဖို့ ဆန္ဒရှိပါသလား၊ ငြင်းပယ်ဖို့ ဆန္ဒရှိပါသလား ခင်ဗျ။

ဦးတင်ဦး ။ ။ ကျနော်ကတော့ ဒီတာဝန်ကိုယူဖို့ ဆန္ဒ မရှိတော့ဘူး ခင်ဗျ။ အခု ကျနော့်အသက်က (၈၅) နှစ် ဆိုတော့၊ ရှေ့ဆက်ပြီး သိပ်တက်တက်ကြွကြွလုပ်နိုင်မှာ မဟုတ်ဘူး။ ကျနော်က ဒီလိုလုပ်ပါမယ်။ ကျနော် က နဂိုမူလကတည်းက တပ်မတော်ကို သံယောဇဉ် ရှိတာကိုးဗျ။ ဒီတပ်မတော်ကြီးကို ပြည်သူလူထုက ပြန်ပြီး အင်မတန်မှ လေးစားကြည်ညိုချစ်ခင်တဲ့ တပ်မတော်ကြီး ပြန်ပြီးဖြစ်စေချင်တာပဲလေ။ အဲဒါကြောင့် ဒီလို ပြန် ဖြစ်လာအောင် လုပ်ဖို့က၊ ပြည်သူလူထုရဲ့ အခန်းကဏ္ဍက ကြီးမားတယ်ခင်ဗျ။ ပြည်သူလူထုဟာ တပ်မတော်ရဲ့ အမိ၊ တပ်မတော်ရဲ့ အဖ ဖြစ်တယ်။ ပြည်သူလူထုအပိုင်းမှာ၊ တပ်မတော်သားတွေကို ပြန်ပြီး ချစ်ခင်ကြည်ညို ယုံကြည်လာအောင် လုပ်တဲ့နေရာမှာ၊ တပ်မတော်သားတွေကလည်း ပြည်သူသည်အမိ ပြည်သူသာအဖ ဆို တဲ့ အတွေးအခေါ် ပြန်ဝင်အောင် လုပ်ဖို့၊ အဲဒါတွေကိုပဲ လုပ်ဖို့ပဲ။ ကျနော်က အသက်အရွယ် ရလာပြီမို့လို့၊ ၀င် ပြီး အရွေးခံတော့မှာ မဟုတ်ပါဘူး ခင်ဗျ။

ဦးရော်နီညိမ်း ။ ။ ဒါပေမယ့်၊ အန်ကယ်က လွှတ်တော်ထဲမှာ ပါဝင်ဆောင်ရွက်ရင်၊ လက်ရှိ တပ်မတော် အဖွဲ့အစည်းတွေနဲ့ ပိုပြီး ထိထိရောက်ရောက် ရှိမလားလို့၊ နိုင်ငံအတွက်ပေါ့။

ဦးတင်ဦး ။ ။ ထိထိရောက်ရောက် ရှိမှာ မဟုတ်ဘူး။ ရှိနိုင်တော့မှာ မဟုတ်ဘူး။ အလှမ်းတော်တော် ဝေး သွားပြီခင်ဗျ။ သို့သော်လည်း အားလုံးကို ကျနော်တို့က လွှတ်တော်ရဲ့အပြင်ဘက်က၊ ပြည်သူလူထုရဲ့ အင်အား နဲ့ပဲ၊ ပြည်သူလူထုထဲမှာ ဖြစ်ပေါ်လာတဲ့ တရားသဖြင့်ဆန္ဒတွေကို ရရှိအောင် ဆောင်ရွက်နိုင်ခြင်းအားဖြင့်၊ ဆောင်ရွက်သွားနိုင်အောင်လုပ်ဖို့၊ ဆိုတဲ့ဟာတွေကိုပဲ ပြေလည်ရာပြေလည်ကြောင်းဖြစ်အောင်၊ ကျနော့်အနေ နဲ့ လုံးပမ်းလုပ်ကိုင် သွားဖို့ ရှိတယ်လို့ပဲ၊ ကျနော် မြင်တော့တယ် ခင်ဗျ။

ဦးရော်နီညိမ်း ။ ။ ဟုတ်ကဲ့၊ ကျေးဇူးတင်ပါတယ်။ ၂၀၁၁ နိုဝင်ဘာ(၁၈)ရက်နေ့စွဲနဲ့ အမျိုးသားဒီမိုကရေ စီအဖွဲ့ချုပ်က၊ အထူးကြေညာချက်အမှတ် ၁/၁၁/၁၁ကို ထုတ်ပြန်ပြီး၊ နိုင်ငံရေးပါတီများမှတ်ပုံတင်ခြင်း ဥပဒေ နဲ့အညီ အမျိုးသားဒီမိုကရေစီအဖွဲ့ချုပ်ကို မှတ်ပုံတင်ပြီးတော့၊ နောင်လာမယ့်ရွေးကောက်ပွဲတွေမှာ ပါဝင်ယှဉ် ပြိုင်မယ်လို့၊ ကြေညာခဲ့တာနဲ့ပတ်သက်ပြီး၊ အမျိုးသားဒီမိုကရေစီအဖွဲ့ချုပ်ရဲ့ ဒုတိယဥက္ကဋ္ဌ အငြိမ်းစားဗိုလ်ချုပ် ကြီး သူရဦးတင်ဦးကို ဆက်သွယ်မေးမြန်းတင်ဆက်ခဲ့တာပါ ခင်ဗျာ။ ကျနော် ရော်နီညိမ်း ပါ။
http://www.voanews.com/burmese/news/soldier-talk/11_19_11_soldiers_talk087-134391278.html

Gmail, Gtalk ကို မြန်မာအစိုးရ ကြားဖြတ် ဖောက်ဖတ်နိုင်ဟုဆို


ထွန်းထွန်း | ဗုဒ္ဓဟူးနေ့၊ နိုဝင်ဘာလ ၂၃ ရက် ၂၀၁၁ ခုနှစ် ၂၀ နာရီ ၃၈ မိနစ်
နယူးဒေလီ (မဇ္ဈိမ) ။         ။ ဂူဂဲလ်မှ အခမဲ့သုံးခွင့် ပြုထားသည့် ဂျီမေးလ်နှင့် ဂျီတော့ပ်များကို အစိုးရအနေဖြင့် ကြားဖြတ် စောင့်ကြည့်၊ ဖောက်ထွင်းနိုင်ကြောင်း အင်တာနက်လုံခြုံရေးဆိုင်ရာ လုပ်ငန်း ကျွမ်းကျင်သူများက ပြော သည်။

“သူက ကြားခံ ဆာဗာ သုံးခုကို  ဖြတ်ရတယ်။ ဖြတ်တိုင်းမှာ ဆာဗာတွေက မှတ်တမ်းယူထားတယ်။ အဲဒီမှတ်တမ်းကို အခြေခံပြီး ပြန်ယူလို့လွယ်တယ်။” ဟု ပြည်ပအခြေစိုက် အိုင်တီလုံခြုံရေးဆိုင်ရာ ပညာရပ်ဖြင့် လုပ်ကိုင်နေသူ ကိုမောင်မောင်က မဇ္ဈိမကို ပြောသည်။

ကြားခံ ဆာဗာသုံးခုမှာ အသုံးပြုရာ နယ်မြေအခြေစိုက် သက်ဆိုင်ရာ မြို့နယ်အလိုက် ထားရှိသည့် Local ISP (Internet service provider), တနိုင်ငံလုံးအား အင်တာနက်ဝန်ဆောင်မှုပေးနေသည့် ရတနာပုံ တယ်လီပို့စ်နှင့်
မြန်မာ့ဆက်သွယ်ရေး MPT ကဲ့သို့သော Main ISP နှင့် ရန်ကုန်တိုင်း သံလျင်မြို့နယ်တွင် ထားရှိသည့် ဟံသာဝတီ National Gateway တို့ဖြစ်သည်။
i4
မြန်မာနိုင်ငံတွင် ဂျီမေးလ်၊ ဂျီတော့ပ်အား တိုက်ရိုက်ကြည့်ရှု့ခွင့်ရနေသည်ဟု ထင်မြင်ရသော်လည်း အမှန်တွင်မူ အထက်ပါ ကြားခံဆာဗာသုံးခုအား ဖြတ်ကျော်ပြီးမှသာလျှင် ကြည့်ရှုရနိုင်ခြင်း ဖြစ်သည်။ ယင်းကြားခံ ဆာဗာသုံးခု မှာလည်း အစိုးရ၏ ထိန်းချုပ်မှုအောက်တွင် ထားရှိခြင်းဖြစ်ကာ ယင်းတို့မှ အဆင့်ဆင့် ဖြတ်ကျော် ဝင်ရောက်ရခြင်း
ဖြစ်သည်။

မြန်မာနိုင်ငံတွင် ၂ဝ၁ဝ ခုနှစ်အထိ မြန်မာ့ဆက်သွယ်ရေး MPT နှင့် ရတနာပုံ တယ်လီပို့စ်ဟူ၍ အင်တာနက် ဝန်ဆောင်မှု ပေးသည့် Internet Service Provider – ISP နှစ်ခုရှိပြီး ယင်းအထက်တွင် ဟံသာဝတီ National Gateway ရှိသည်။

ယင်းနောက် ၂ဝ၁ဝ နောက်ပိုင်းတွင် စစ်အစိုးရက အင်တာနက်လိုင်းစနစ်အား ပြောင်းလဲ ကျင့်သုံးခဲ့သည်။ ပြောင်းလဲ လိုက်သည့် ISP စနစ်သစ်တွင် MPT နှင့် ကာကွယ်ရေးဝန်ကြီးဌာန MOD ISP ဟူ၍ ပင်မနှစ်ခု ဖြစ်လာကာ ရတနာပုံ တယ်လီပို့စ် ISP အား MPT လက်အောက်သို့ ပြောင်းလဲထားရှိခဲ့သည်ဟု ပြည်ပ အခြေစိုက် မြန်မာ့သတင်းသမဂ္ဂ BMA မှ ၂ဝ၁ဝ ခုနှစ် နိုဝင်ဘာလတွင်း ထုတ်ပြန်ခဲ့သည့် “အမျိုးသားအဆင့် ရတနာပုံ မြန်မာ Web Portal - ဖွံ့ဖြိုးမှုလော၊ ဖိနှိပ်မှုလော” စာတမ်းတွင် ပါရှိသည်။

“တယောက်ချင်းစီ စစ်စရာမှ မလိုဘူးလေ။ ကိုယ်လိုချင်တဲ့ အကောင့်ကို ဖွင့်ရုံပဲ။ ဘယ်သူ ဘယ်လိုင်း သုံးတယ်ဆိုတာ ဆာဗာထဲမှာ အကုန်ရှိတယ်လေ။ ဆာဗာတွေက ISP လက်အောက်မှာ ရှိတာ။ လုပ်ပိုင်ခွင့်က ISP မှာ အပြည့်ရှိတယ်။ ISP မှာ ဘယ်သူ ဘာဆိုတာ အကုန်ရှိပြီးသား။ လုပ်ချင် လွယ်လွယ်လေးပေါ့။” ဟု ကိုမောင်မောင် က ဆိုသည်။

အစိုးရအနေဖြင့် အင်တာနက်သုံးစွဲသူ၏ သုံးစွဲမှုမှတ်တမ်းအား စစ်ဆေးမည်ဆိုပါက ဆာဗာအသီးသီးရှိ Main Memory (ပင်မ မှတ်တမ်းသိုမှီးရာနေရာ) မှသာမက Cache Memory ဟုခေါ်သည့် သီးခြားမှတ်တမ်း သိုမှီးရာ နေရာမှလည်း လွယ်လင့်တကူ စောင့်ကြည့် စစ်ဆေးနိုင်သည်။

မြန်မာ့အင်တာနက်လုံခြုံရေးဆိုင်ရာ အင်ဂျင်နီယာတဦးအဆိုအရ အစိုးရအနေဖြင့် အင်တာနက် သုံးစွဲသူ အားလုံး ကို စောင့်ကြည့်လေ့ရှိခြင်းမဟုတ်ဘဲ ထင်ရှားသူများ၊ ပစ်မှတ်ထားခံရသူများကို စောင့်ကြည့်ခြင်းဖြစ်ကာ ဦးသိန်းစိန် အစိုးရ တက်လာသည့်နောက်ပိုင်းတွင် စောင့်ကြည့်မှု လျော့ပါးလာသည်ဟု ဆိုသည်။
i1
“ နိုင်ငံခြားသူတယောက် ပြောပြတယ် ကျနော့်ကို။ ရန်ကုန်သွားတော့ သူ ဂျီမေးလ် အသစ်တခုဖွင့်ပြီး သုံးတာ။ သူလည်း အစိုးရ မကောင်းကြောင်းတွေရေးတော့ ရက်ပိုင်းအတွင်း သူ့မေးလ် ပိတ်သွားတယ်တဲ့။ ” ဟု ပြည်ပ သတင်းဌာနတခုတွင် လုပ်ကိုင်နေသူ ချင်းမိုင်အခြေစိုက် အိုင်တီသမား ကိုထွန်းထွန်းအောင်က ပြောသည်။

သုံးစွဲသူအနေဖြင့် မည်မျှပင် လုံခြုံရေးစကားဝှက် Password ပြောင်းလဲထားစေကာမူ သုံးစွဲသူ၏ မှတ်တမ်း
အားလုံးမှာ ဆာဗာတွင် ကျန်ရစ်မည်ဖြစ်၍ မလုံခြုံနိုင်ခြင်း ဖြစ်သည်။

အစိုးရပိုင်းမှ စောင့်ကြည့်ခြင်း၊ ဖောက်ထွင်းခြင်းများ ရှိ၊ မရှိဆိုသည်ကိုမူ သေချာမသိသော်လည်း ထင်ရှား ကျော်ကြား သူအချို့ မည်သည့်ဝက်ဘ်ဆိုက်ကြည့်သည်၊ မည်သည့်သူနှင့် ဆက်သွယ်သည်ကိုမူ IP Address မှတ်သား၍ အာဏာပိုင်များသို့ သတင်းပို့ရလေ့ရှိသည်ဟု ရတနာပုံတယ်လီပို့စ် ဝန်ထမ်းဟောင်း တဦးထံမှ သိရသည်။

“စာရင်းကတော့ အတိအကျ မရှိဘူး။ ၅ဝ လည်း ဖြစ်ရင် ဖြစ်မယ်၊ ၁ဝဝ လည်း ဖြစ်ရင် ဖြစ်မယ်။ ဥပမာ ဘုန်းကြီး အရေးအခင်းဖြစ်မယ်ဗျာ။ ဘုန်းကြီးအရေးအခင်းဖြစ်တုန်းကဆိုရင် သူတို့ စောင့်ကြည့်ရမယ့်သူတွေ အများကြီးပဲ။ အယောက် ၂၀၀ လောက်ဖြစ်ရင် ဖြစ်သွားမယ်။ သာမန်ကတော့ အရေးကြီးတဲ့ အန်တီစုတို့ ဘာတို့ကတော့ Report အမြဲတမ်း လုပ်နေရမှာပေါ့နော်။” ဟု ရတနာပုံ တယ်လီပို့စ် ဆာဗာအင်ဂျင်နီယာဟောင်းတဦးက မဇ္ဈိမကို ပြောသည်။
i2
စောင့်ကြည်ခြင်းလုပ်ငန်းကို ကာကွယ်ရေးဝန်ကြီးဌာနအောက်ရှိ ဆက်သွယ်ရေးတပ် (ကက-ဆက်) မှ စစ်ဘက် အရာရှိ အများစု ပါဝင်သည့် Net Security ကဲ့သို့သော အင်တာနက်လုံခြုံရေးဌာနမှ လုပ်ကိုင်ခြင်းဖြစ်ကာ အဓိက အားဖြင့် နိုင်ငံရေးနှင့် ပတ်သက်၍ လုပ်ဆောင်နေသူများကို စောင့်ကြည့်ခြင်း ဖြစ်သည်။ ယခုကဲ့သို့ လုပ်ဆောင်ခြင်း များအတွက် အသုံးစားရိတ်ကို စစ်ဘက် အသုံးစားရိတ်များတွင် ထဲ့သွင်း ဖော်ပြလေ့ရှိသည်။

စောင့်ကြည့်ခံရသူ အရေအတွက်မှာမူ အတိအကျမရှိနိုင်သော်လည်း ပြည်တွင်း၌ နိုင်ငံရေးလှုပ်ရှားမှု တစုံတရာ
ဖြစ်ပေါ်ပါက စောင့်ကြည့်ခံရသူ များပြားနိုင်ပြီး သာမန်ချိန်တွင်မူ ဒေါ်အောင်ဆန်းစုကြည်၊ လူရွှင်တော် ဇာဂနာ ကဲ့သို့သော သူများမှာ စောင့်ကြည့်ခံရနိုင်ဖွယ်ရှိသည်ဟု အင်ဂျင်နီယာက ခန့်မှန်းထားသည်။ ထိုသူမှာ အဓိက အားဖြင့် Network ပိုင်းဆိုင်ရာ စောင့်ကြည့်ထိန်းသိမ်းရေး၊ တဦးနှင့် တဦး မေးလ်ပို့ရာတွင် မှန်ကန်ကြောင်းဆိုင်ရာ မှတ်ပုံတင်ခြင်း Certificate Authority ပိုင်းဆိုင်ရာ ဌာနတွင် လုပ်ကိုင်ခဲ့သူ ဖြစ်သည်။

အင်တာနက် သုံးစွဲသူ အများစုအား ဝန်ဆောင်မှုပေးနေသည့် ရတနာပုံတယ်လီပို့စ်တွင် Net Security, Proxy, Mail, CA – Certificate Authority Team စသည်ဖြင့် ဌာနခွဲပေါင်းများစွာ ထားရှိ၍ ဝန်ဆောင်မှုပေးခြင်း ဖြစ်ကြောင်း၊ လုပ်ဆောင်ရမည့် လုပ်ငန်းစဉ်ကိုလည်း MPT မှ သတ်မှတ်ပေးကြောင်း သိရသည်။ ဆာဗာလုံခြုံရေးနှင့် စောင့်ကြည့်
ရေးပိုင်းနှင့် ပတ်သက်၍ မေးမြန်းရာတွင် မိမိ၏ ဌာနမဟုတ်သည့်အတွက် မသိကြောင်း ပြောဆိုသည်။

“MPT ကနေ ချပေးလိုက်တဲ့ လမ်းညွန်ချက်အတိုင်း ဘယ် Port ပိတ်မယ်၊ ဘယ် Port ဖွင့်မယ်ပေါ့နော်။ အဲဒါတွေ ကတော့ အပေါ်က လူကြီးပိုင်းတွေပဲ လုပ်တာလေ။ သူတုိ့အပေါ်က လမ်းညွန်ချက်က ဒေါက်တာ လွဏ်းဆွေပိတ်မယ်၊ ဒါမှမဟုတ် ဘယ်ဘလော့ဂ်ဆိုက်ပိတ်မယ်ပေါ့။ တခု ပိတ်မယ်၊ ဖွင့်မယ်။ အပေါ်မှာ သူတို့ ဘယ်လို လုပ်တယ်ဆိုတာ
တော့ ကျနော်တို့ သေချာမသိဘူး။” ဟု ဆာဗာ အင်ဂျင်နီယာဟောင်းက ဆိုသည်။

အစိုးရအနေဖြင့် အင်တာနက် သုံးစွဲခွင့်ပေးထားရာတွင် ဆာဗာအဆင့်ဆင့် ခံထားသည့်အပြင် ယင်းဆာဗာများတွင် DNS Poisoning  နည်းလမ်းများသုံး၍ အင်တာနက်သုံးစွဲသူ၏ အချက်အလက်များအား ရယူနိုင်ဖွယ် ရှိသည်ဟုလည်း BMA ၏ စာတမ်းတွင် ပါရှိသည်။
i3
DNS Poisoning ဆိုသည်မှာ ISP ဆာဗာတွင် ကြားခံ စက်ကိရိယာထားရှိ၍ အင်တာနက်အသုံးပြုသူ၏ အချက် အလက်များကို ခိုးယူခြင်း ဖြစ်သည်။ ယင်းသို့ လုပ်ဆောင်ရာတွင် သုံးစွဲသူမှ ရိုက်သွင်းလိုက်သည့် Login ဆိုင်ရာ အချက်အလက်များကို ကြားဖြတ်ယူထားကာ၊ ယင်းမှတဆင့် သက်ဆိုင်ရာ ဆာဗာသို့ ပေးပို့ခြင်း ဖြစ်သည်။

“လုံခြုံရေးကြောင့်ပဲပေါ့။ လိုအပ်ရင် လိုအပ်သလို ထိန်းဖို့လေ။ စစ်သားဆိုတာလုံခြုံရေးပဲ အရင်ကြည့်တာ ဘယ်ခေတ်
ရောက်ရောက်။” ဟု ကိုမောင်မောင်က ပြောဆိုသည်။

ယင်းသို့ မိမိ၏ အချက်အလက်များအား ဆာဗာမှ ခိုးယူခြင်းအား ကာကွယ်နိုင်ရန်မှာ Virtual Private Network - VPN ခေါ် ကြားခံဆာဗာတခုမှ မိမိသွားလိုသည့် အင်တာနက်စာမျက်နှာသို့ သွားရောက်ခြင်း ဖြစ်သည်။

VPN မှာ မိမိအသုံးပြုနေသည့်နိုင်ငံရှိ ဆာဗာများကို ဝင်ရောက်ခြင်းမရှိဘဲ အခြားဆာဗာမှတဆင့် မိမိ သွားလိုရာ အင်တာနက်စာမျက်နှာသို့ ဝင်ရောက်ခြင်းဖြင့် ယာယီအကာအကွယ်ဖြစ်စေသလို သီးခြားလျို့ဝှက်ကုတ်ဒ်များဖြင့် ပုံစံပြောင်းအသုံးပြုခြင်း ( Encryption) ဖြင့်လည်း ကာကွယ်နိုင်သည်ဟု  အင်တာနက်လုံခြုံရေးသမားများက လမ်းညွှန်ထားသည်။
http://www.mizzimaburmese.com/news/inside-burma/8669-gmail-gtalk-----.html

NLD ပါတီသစ်၏ ဦးဆောင်အဖွဲ့ဝင် ၂၀ ကို ရွေးကောက်ပွဲကော်မရှင်သို့ တင်ပြမည်



By featured, ဧရာဝတီ on November 23, 2011 11:42 am


အမျိုးသားဒီမိုကရေစီအဖွဲ့ချုပ် (NLD) ကို ပြန်လည်မှတ်ပုံတင်ခြင်းမဟုတ်ဘဲ နိုင်ငံရေးပါတီ အသစ်အဖြစ် တရားဝင် လျှောက်ထားမည်ဖြစ်ကာ ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင်တို့အပါအဝင် ပြည်နယ်နှင့် တိုင်း ၁၄ ခုမှ တိုင်းရင်းသားနှင့် လူငယ် စုစုပေါင်း ၂၀ ကို ရွေးကောက်ပွဲကော်မရှင်သို့ ပါတီဦးဆောင်အဖွဲ့အဖြစ် တင်ပြမည်ဟု သိရသည်။

NLD ကို ပါတီသစ်အဖြစ် မှတ်ပုံတင်ရန် လာမည့် နိုဝင်ဘာလ ၂၅ ရက်နေ့တွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ထံသို့ တရားဝင် သွားရောက် လျှောက်ထားမည်ဖြစ်ကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်းက ဧရာဝတီသို့ ပြောသည်။

“ကြာသပတေးနေ့မှာ ကျနော်ရယ်၊ ဦးဝင်းမြင့်ရယ် နှစ်ယောက် နေပြည်တော်ကို သွားဖို့ရှိတယ်။ သောကြာနေ့မှာ ပါတီအဖြစ် မှတ်ပုံတင်ဖို့ ကော်မရှင်ကို တရားဝင် စလျှောက်ပါမယ်” ဟု ၎င်းက ဆိုသည်။

ဒေါ်အောင်ဆန်းစုကြည်သည် ရွေးကောက်ပွဲတွင် ၀င်ရောက်ယှဉ်ပြိုင်ရန် မျှော်မှန်း ထားသော်လည်း ယခုအချိန်တွင် မည်သည့် မဲဆန္ဒနယ်မှ ၀င်ရောက်ယှဉ်ပြိုင်မည်ကို ထုတ်ဖော်မပြောနိုင်သေးဘဲ ပြည်ထောင်စု ရွေးကောက်ပွဲကော်မရှင် ထုတ်ပြန် ကြေညာမည့် ကြားဖြတ် ရွေးကောက်ပွဲ ကျင်းပမည့်အချိန် လစ်လပ်မဲဆန္ဒ နယ်မြေများ စာရင်း ရရှိမှသာ အတိအကျ ထုတ်ပြန် နိုင်မည်ဖြစ်ကြောင်း ဦးဉာဏ်ဝင်းက ဆက်ပြောသည်။

NLD မှတ်ပုံတင်ခွင့် ရရှိသည်နှင့် ယခင်ပါတီဝင် ဟောင်းများနှင့် ပါတီဝင်အဖြစ် ၀င်ရောက် လိုသူများအားလုံးသည် ပါတီသို့ လျှောက်လွှာဖြင့် တရားဝင် ပြန်လည် လျှောက်ထား ရမည်ဖြစ်ကြောင်း၊ ၎င်းပါတီအနေဖြင့် ခမောက်တံဆိပ်ကို ပြန်လည် အသုံးပြုတော့မည် မဟုတ်ကြောင်း NLD ပြန်ကြားရေး တာဝန်ခံ ဦးအုန်းကြိုင်ကဆိုသည်။

“ခမောက်တံဆိပ်အစား အားလုံးသဘောတူမယ့် တခြားတံဆိပ် တခုကို အများဆန္ဒနဲ့ အညီ သုံးဖို့ ဆုံးဖြတ်မှာပါ” ဟု သူက ပြောသည်။

NLD သည် လစ်လပ် မဲဆန္ဒနယ်များ အားလုံးတွင် ၀င်ရောက်ယှဉ်ပြိုင်မည် ဖြစ်ပြီး လွှတ်တော် ကိုယ်စားလှယ်လောင်းများကို ဗဟိုအလုပ်အမှုဆောင် အဖွဲ့ကသာ ဆုံးဖြတ်သွားမည်ဖြစ်ကြောင်း၊ ပညာအရည်အချင်း ကိုလည်း ဦးစားပေးမည် ဖြစ်သည့် အပြင် တိုင်းရင်းသားလူငယ်များ၊ အမျိုးသမီး များကို လွှတ်တော်ကိုယ်စားလှယ် လောင်းများအဖြစ် ရွေးချယ်သွားရန် ရှိကြောင်း ဦးဉာဏ်ဝင်း၏ ပြောဆိုချက်အရ သိရသည်။

ပါတီသစ်အဖြစ် ပြန်လည်မှတ်ပုံတင်ရန် NLD က နိုဝင်ဘာလ ၁၈ ရက်နေ့တွင် အစည်းအဝေးခေါ်ယူ ဆုံးဖြတ်ခဲ့ပြီး အဆိုပါ ဆုံးဖြတ်ချက်အပေါ် ပြည်သူလူထု၏ ထောက်ခံမှု လိုအပ်ကြောင်း ဒေါ်အောင်ဆန်းစုကြည်က နိုဝင်ဘာလ ၂၁ ရက်နေ့တွင် ကျင်းပသည့် ပညာရေးကွန်ရက် တနှစ်ပြည့်အခမ်းအနား၌ ပြည်သူလူထုသို့ ပန်ကြားခဲ့သည်။

http://burma.irrawaddy.org/archives/2669


၂၁ ယောက် ဦးစီးမည့် NLD ပါတီ တည်ထောင်ခွင့် လျှောက်ထားမည်
ဖနိဒါ | ဗုဒ္ဓဟူးနေ့၊ နိုဝင်ဘာလ ၂၃ ရက် ၂၀၁၁ ခုနှစ် ၁၈ နာရီ ၃၅ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်
ချင်းမိုင်(မဇ္စျိမ) ။ ။ ဒေါ်အောင်ဆန်းစုကြည် အပါအဝင် ၂၁ ဦးတို့ဦးစီးမည့် အမျိုးသားဒီမိုကရေစီအဖွဲ့ချုပ်ကို ထူထောင်ခွင့်ပြုရေး လျှောက်ထားရန် ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းနှင့် ဦးဝင်းမြင့်တို့ ကြာသပတေး
နေ့တွင် နေပြည်တော်ကို သွားကြမည်ဖြစ်သည်။

ဒေါ်အောင်ဆန်းစုကြည် ဒုဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင်အဖွဲ့ဝင် ဦးဝင်းတင်တို့ အပါအဝင် ပြည်နယ်
နှင့်တိုင်း လူငယ်များ၊ အမျိုးသမီးများနှင့် တိုင်းရင်းသားများ ပါဝင်သော ဦးဆောင်သူ ၂၁ ဦး အမည်စာရင်းများဖြင့်
ရွေးကောက်ပွဲ ကော်မရှင်ထံ ပါတီထူထောင်ခွင့် လျှောက်ထားရန် သွားရောက်ခြင်းဖြစ်သည်။

ရွေးကောက်ပွဲဝင်မည့် ပုဂ္ဂိုလ်များ ရွေးချယ်ရာတွင် အဓိက ပညာအရည်အချင်း၊ အတွေ့အကြုံရှိသူများ၊ အမျိုးသမီး၊ လူငယ်များနှင့် တိုင်းရင်းသားများစသည့် အမျိုးအစား လေးမျိုးကို ဦးစားပေး ရွေးချယ်သွားမည် ဖြစ်ကြောင်း ဦးဉာဏ်ဝင်းက ပြောသည်။

“ဥပဒေအရလိုအပ်ချက်ပါ။ အနည်းဆုံး ၁၅ ဦး လျှောက်ရမယ်။ ကျနော်တို့ ၂၁ ဦးနဲ့ လျှောက်ပါ့မယ်။ ပြည်နယ်နှင့် တိုင်းတွေပါမယ်။ မူလအန်အယ်ဒီ ထူထောင်သူတွေ ပါရမယ်။ လူငယ်၊ အမျိုးသမီးနဲ့ တိုင်းရင်းသားတွေ ပါတယ်။” ဟု လျှောက်ထားချက် သွားတင်မည့်သူ ရှေ့နေ ဦးဉာဏ်ဝင်းက ပြောသည်။

ဒေါ်အောင်ဆန်းစုကြည် အပါအဝင် ၂၁ ဦးတို့ဦးစီးမည့် အမျိုးသားဒီမိုကရေစီအဖွဲ့ချုပ်ကို ထူထောင်ခွင့်ပြုရေး လျှောက်ထားရန် ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းနှင့် ဦးဝင်းမြင့်တို့ နေပြည်တော်ကို သွားကြမည်

ဒေါ်အောင်ဆန်းစုကြည် ကိုယ်တိုင် ကြားဖြတ် ရွေးကောက်ပွဲ ဝင်ပြိုင်မည် ရည်ရွယ်ထားသော်လည်း မည်သည့် မဲဆန္ဒနယ်မြေတွင် ဝင်ရောက် ယှဉ်ပြိုင်မည်ကို ပြောဆိုခြင်း မရှိသေးကြောင်း ဦးဉာဏ်ဝင်းက မဇ္စျိမကို ပြောသည်။ ကြားဖြတ်ရွေးကောက်ပွဲကို လာမည့်နှစ် ၂ဝ၁၂ ခုနှစ် ဇန်နဝါရီလအတွင်း ကျင်းပနိုင်မည်ဟု ဦးဉာဏ်ဝင်းက ခန့်မှန်း
ပြောဆိုသည်။

ရွေးကောက်ပွဲကော်မရှင်အနေဖြင့် ကြားဖြတ်ရွေးကောက်ပွဲ ကျင်းပမည့်နေ့ရက် မကြေငြာသေးခြင်းမှာ NLD ပါတီမှတ်ပုံတင်ရေးကို စောင့်နေခြင်းဖြစ်နိုင်သည်ဟု သမ္မတအကြံပေး ဦးနေဇင်လတ်က ယူဆသည်။ ကော်မရှင်
က လက်ခံလိုက်ပြီးနောက် ရက်ပေါင်း ၆ဝ ရွေးကောက်ပွဲ ပြင်ဆင်ချိန် ပေးရမည် ဖြစ်သည်ဟုလည်း ဒေါက်တာ
နေဇင်လတ်က ပြောသည်။

အမျိုးသားဒီမိုကရေစီအဖွဲ့ချုပ် NLD အမည်ဖြင့် ရွေးကောက်ပွဲကော်မရှင်တွင် သောကြာနေ့မှာ မှတ်ပုံတင်မည်
ဖြစ်ပြီး ရက်မသတ်မှတ်ရသေးသည့် ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ရန် ယခုလ ၁၈ ရက်နေ့ ဗဟိုဦးစီးအဖွဲ့ အစည်းအဝေးတွင် ဆုံးဖြတ်လိုက်သည်။

NLD ပါတီကို ရွေးကောက်ပွဲကော်မရှင်က နိုင်ငံရေးပါတီထူထောင်ခွင့် ပြုလိုက်ပြီးနောက် ရွေးကောက်ပွဲဝင်ပြိုင်မည့် မဲဆန္ဒနယ်များနှင့်ပတ်သက်၍ ပဋိပက္ခရှိလာနိုင်သော မဟာမိတ်နိုင်ငံရေးပါတီများနှင့် ညှိနှိုင်းသွားမည်ဟုလည်း ဦးဉာဏ်ဝင်းက ပြောသည်။

ဗုဒ္ဓဟူးနေ့တွင်လည်း ပြည်နယ်နှင့်တိုင်းအသီးသီးမှ အဖွဲ့ဝင် ၄ဝ ကျော်နှင့် ဗဟိုအလုပ်အမှုဆောင်အဖွဲ့များ တွေ့ဆုံ၍ ပါတီမှတ်ပုံတင်ခွင့် ရရှိပြီးနောက် ပါတီအတွင်း ဆက်လုပ်မည် လုပ်ငန်းစဉ်များကို နှစ်နာရီကြာ ဆွေးနွေးခဲ့ကြသည် ဟု ပြန်ကြားရေး အဖွဲ့ဝင် ဦးအုန်းကြိုင်က ပြောသည်။

ကြားဖြတ် ရွေးကောက်ပွဲတွင် လစ်လပ်သည့် မဲဆန္ဒနယ် ၄၈ နေရာရှိပြီး ပြည်သူ့လွှတ်တော်အတွက် မဲဆန္ဒနယ် ၄ဝ၊ အမျိုးသားလွှတ်တော် ခြောက် နေရာ၊ တိုင်းဒေသကြီး/ပြည်နယ် လွှတ်တော် နှစ်နေရာရှိသည်။
http://www.mizzimaburmese.com/news/inside-burma/8666----nld---.html

အမေရိကန် နိုင်ငံခြားရေး ၀န်ကြီး ခရီးစဉ် အတွင်း ပြစ်ဒဏ်ခတ်မှု လျှော့ချဖို့ မရှိ


2011-11-23
အမေရိကန် နိုင်ငံခြားရေးဝန်ကြီး ဟီလာရီ ကလင်တန် လာမဲ့ သီတင်းပတ် အတွင်း မြန်မာနိုင်ငံကို သွားရောက်မှာ ဖြစ်ပေမဲ့ မြန်မာနိုင်ငံ အပေါ် အမေရိကန် အစိုးရရဲ့ ပိတ်ဆို့ ပြစ်ဒဏ်ခတ်မှုတွေကို လျှော့ချမှာ မဟုတ်သေးဘူးလို့ အမေရိကန် အဆင့်မြင့် အရာရှိ တစ်ဦးက မနေ့က ပြောကြားလိုက်ပါတယ်။


၂ဝ၁၁ ခုနှစ် ဇူလိုင်လ ၂၂ ရက်နေ့က အင်ဒိုနီးရှားနိုင်ငံတွင် ပြုလုပ်သည့် အမေရိကန်- အာစီယံ ဝန်ကြီးအဆင့် အစည်းအဝေးတွင် အမေရိကန် နိုင်ငံခြားရေးဝန်ကြီး ဟီလာရီကလင်တန်ကို တွေ့ရစဉ်။

ဟီလာရီ ကလင်တန်ရဲ့ မြန်မာ ခရီးစဉ်ဟာ တိုင်းရင်းသား ကိစ္စတွေ အပါအ၀င် လူ့အခွင့်အရေး တိုးတက်မှု အခြေအနေ လေ့လာဖို့ ဖြစ်ပြီး ဒဏ်ခတ် ပိတ်ဆို့မှု ရုပ်သိမ်းရေး အတွက် ဆွေးနွေးဖို့တော့ အချိန်မတန်သေးဘူးလို့ အမေရိကန် သမ္မတရဲ့ အမျိုးသား လုံခြုံရေး ဆိုင်ရာ ဒုတိယ အကြံပေး ပုဂ္ဂိုလ် Ben Rhodes က ၀ါရှင်တန်မြို့တော်မှာ မနေ့က သတင်းထောက်တွေကို ပြောကြားလိုက်တာပါ။ အမေရိကန်အစိုးရ အနေနဲ့ မြန်မာနိုင်ငံ အရေးဟာ မိမိတို့နိုင်ငံ အတွက် အရေးပါတဲ့ ဦးတည်ချက် တစ်ခုအဖြစ် အသေးစိတ် မျက်ခြည်မပြတ် လေ့လာ စောင့်ကြည့်နေတယ်လို့လည်း Mr. Rhodes က ပြောပါတယ်။ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ဟာ ဒီဇင်ဘာလဆန်းမှာ မြန်မာနိုင်ငံကို ၂ ရက်ကြာသွားရောက်ပါမယ်။



အမေရိကန် နိုင်ငံခြားရေးဝန်ကြီး အမျိုးသားလွှတ်တော် ဥက္ကဋ္ဌနဲ့ တွေ့ဖို့ရှိ

2011-11-23
မြန်မာနိုင်ငံကို လာရောက်မဲ့ အမေရိကန် နိုင်ငံခြားရေးဝန်ကြီး ဟယ်လာရီ ကလင်တန် ဟာ အမျိုးသားလွှတ်တော် ဥက္ကဋ္ဌ ဦးခင်အောင်မြင့် ဦးဆောင်တဲ့ အမျိုးသား လွှတ်တော် ကိုယ်စားလှယ် အဖွဲ့နဲ့ လာမဲ့ ဒီဇင်ဘာ ၁ ရက် နေပြည်တော်မှာ တွေ့ဆုံ ဆွေးနွေးဖို့ ရှိကြောင်း သိရပါတယ်။


အင်ဒိုနီးရှားနိုင်ငံ ဘာလီကျွန်းမှာ ပြုလုပ်သည့် အာစီယံ ဒေသဆိုင်ရာ လုံခြုံရေးညီလာခံတွင် အမေရိကန် နိုင်ငံခြားရေး ဝန်ကြီး ဟီလာရီ ကလင်တန် ၂၀၁၁ ခုနှစ် ဇူလိုင်လ ၂၂ ရက်နေ့က မိန့်ခွန်းပြောနေစဉ်။

အဲဒီတွေ့ဆုံပွဲကို တက်ရောက်ဖို့ အမျိုးသား လွှတ်တော် ကိုယ်စားလှယ် ၃၀ ရွေးချယ်ထားပြီး လွှတ်တော် ရေးရာ ကော်မတီတွေမှာ ပါဝင်ကြတဲ့ နိုင်ငံရေးပါတီ အသီးသီးက ကိုယ်စားလှယ်တွေ၊ တိုင်းရင်းသား ကိုယ်စားလှယ်တွေ ပါဝင်မယ်လို့ အစိုးရအဖွဲ့ ကတိကဝတ် စိစစ်ရေး ကော်မတီဝင် ဒေါက်တာ အေးမောင်က အာရ်အက်ဖ်အေကို ပြောပါတယ်။ မြန်မာနိုင်ငံရဲ့ လက်ရှိ ဖြစ်ပေါ် ပြောင်းလဲမှုတွေကို လေ့လာဖို့ မြန်မာနိုင်ငံကို လာရောက်မဲ့ မစ္စ ဟယ်လာရီ ကလင်တန်ရဲ့ ခရီးစဉ်နဲ့ ပတ်သက်ပြီး အားလုံး ကောင်းဖို့အတွက် နှစ်ဘက်လုံးက လျှော့ပေးရမှာ ဖြစ်ကြောင်း၊ အစိုးရဘက်ကလည်း ယုံကြည်ချက်ကြောင့် အကျဉ်းကျနေသူတွေကို လွှတ်ပေးပြီး တစ်ဘက်ကလည်း ပိတ်ဆို့ တားမြစ်ထားတာတွေကို ရုပ်သိမ်းပေးသင့်ကြောင်း ဒေါက်တာအေးမောင်က ပြောပါတယ်။ ဟယ်လာရီ ကလင်တန်ရဲ့ မြန်မာပြည် ခရီးစဉ်ဟာ အနှစ် ၅၀ အတွင်း အမေရိကန် အစိုးရ အဆင့်မြင့် ကိုယ်စားလှယ် တဦးရဲ့ ပထမဦးဆုံး အကြိမ် ခရီးစဉ်ပါ။
http://www.rfa.org/burmese



ဒဏ်ခတ်အရေးယူမှု ရုပ်သိမ်းဖို့ အစီအစဉ်မရှိသေး
ဗုဒ္ဓဟူး, 23 နိုဝင်ဘာ 2011
By ကိုအောင်လွင်ဦး

ရှေ့သီတင်းပတ်ထဲ အမေရိကန် နိုင်ငံခြားရေးဝန်ကြီး မြန်မာနိုင်ငံကို သွားရောက်ဖို့အထိ အပြန်အလှန် ဆက်ဆံမှုတွေ တိုးတက် လာပေမဲ့ မြန်မာအစိုးရအပေါ် ပိတ်ဆို့ဒဏ်ခတ် အရေးယူထားတာတွေကိုတော့ ရုပ်သိမ်းဦးမှာ မဟုတ်သေးဘူးလို့ အမေရိကန် အဆင့်မြင့် အရာရှိတဦးက ပြောလိုက်ပါတယ်။ ဒါဟာလည်း မြန်မာနိုင်ငံတွင်းမှာ တိုးတက်အောင် လုပ်ဆောင်ဖို့ လိုအပ်နေတာတွေ အများအပြား ရှိနေဆဲ ဖြစ်တယ်လို့ အမေရိကန် အစိုးရက ယုံကြည်ထားတဲ့အတွက် ဖြစ်တယ်လို့ ပြောဆိုခဲ့တာပါ။ အပြည့်အစုံကိုတော့ ကိုအောင်လွင်ဦး က တင်ပြထားပါတယ်။

ရာစုနှစ်ဝက်အတွင်း ပထမဆုံးအကြိမ်အဖြစ် အမေရိကန် နိုင်ငံခြားရေးဝန်ကြီး ဟီလာရီ ကလင်တန် ဒီဇင်ဘာလ ၁ ရက်နေ့မှာ မြန်မာနိုင်ငံကို သွားရောက်ဖို့ ရှိနေတဲ့အထိ ၂ နိုင်ငံ သံတမန် ဆက်ဆံရေးတွေ တိုးတက်လာပေမဲ့လည်း မြန်မာအစိုးရအပေါ် အရေးယူ ဒဏ်ခတ်ထားတာတွေ လတ်တလော ရုပ်သိမ်းမှာတော့ မဟုတ်သေးဘူးလို့ အမေရိကန် အစိုးရက ပြောလိုက်တာ ဖြစ်ပါတယ်။ အမေရိကန် သမ္မတ ဘရက်ခ် အိုဘားမား အစိုးရက မြန်မာနိုင်ငံအပေါ် ပိတ်ဆို့ဒဏ်ခတ်မှုတွေ ချမှတ်ထားပေမဲ့ တချိန်တည်းမှာပဲ ထိတွေ့ဆက်ဆံမှုတွေ လုပ်ဆောင်ဖို့ ပြောဆိုထားတာလည်း ဖြစ်ပါတယ်။

ဒါပေမဲ့လည်း လတ်တလော မြန်မာနိုင်ငံက အခြေအနေတွေဟာ ဒဏ်ခတ် အရေးယူထားတာတွေကို အဆုံးသတ်ရလောက်အောင် အထိတော့ မဟုတ်သေးဘူးလို့ အမေရိကန် သမ္မတ အိမ်ဖြူတော်က ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် (Ben Rhodes) က ၀ါရှင်တန် နိုင်ငံခြားသတင်းစာဆရာများ အသင်းတိုက်မှာ အင်္ဂါနေ့ကပဲ ပြောဆိုသွားတာ ဖြစ်ပါတယ်။
“ပိတ်ဆို့ အရေးယူမှုတွေ ရုပ်သိမ်းရေး ဆွေးနွေးဖို့ အချိန်မတန်သေးဘူးလို့ ကျနော်ထင်ပါတယ်။ နိုင်ငံခြားရေးဝန်ကြီးရဲ့ ခရီးစဉ် တစိတ်တပိုင်း အားဖြင့်ကတော့ လက်ရှိဖြစ်ပေါ်နေတဲ့ အခြေအနေတွေကို အရှိန်အဟုန် ပိုကောင်းလာအောင် လုပ်ဆောင်သွားဖို့ ဖြစ်သလို၊ ရှေ့မှာ ဘာတွေ ဖြစ်နိုင်သလဲ ဆိုတာကို စူးစမ်းဖို့လည်း ဖြစ်ပါတယ်။ ဒါပေမဲ့လည်း ပိတ်ဆို့မှုတွေကို အခုအချိန်မှာ ပြန်ပြီး ရုပ်သိမ်းဖို့တော့ အစီအစဉ် မရှိသေးပါဘူး။”

လူ့အခွင့်အရေးနဲ့ နိုင်ငံရေး အခြေအနေတွေ တိုးတက်မှု မရှိဘူးဆိုပြီး အမေရိကန် ပြည်ထောင်စု အပါအ၀င် အနောက်နိုင်ငံတွေက မြန်မာအစိုးရအပေါ် ဆယ်စုနှစ်တွေနဲ့ချီပြီး ပိတ်ဆို့ဒဏ်ခတ်မှုတွေ ချမှတ်ထားပေမဲ့လည်း မြန်မာအစိုးရဘက်က တိုးတက်မှုတွေ ရှိရင်ရှိသလို အပြန်အလှန် တုန့်ပြန်ဆောင်ရွက် သွားမယ်လို့ ပြောဆိုထားတာပါ။ ပြီးခဲ့တဲ့ နှစ်ကုန်ပိုင်းမှာ ရွေးကောက်ပွဲတွေ ကျင်းပပြီး အစိုးရသစ်အဖြစ် ဒီနှစ်မတ်လကုန်မှာ တက်လာတဲ့ သမ္မတ ဦးသိန်းစိန် ဦးဆောင်တဲ့ အစိုးရကတော့ ဒီမိုကရေစီကို ဦးတည်တဲ့ ပြုပြင်ပြောင်းလဲရေးတွေ လုပ်ဆောင်မယ်ဆိုပြီး ကတိပြုခဲ့ပြီးနောက်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကိုပြန်လွှတ်ပေးခဲ့သလို၊ သမ္မတ အပါအ၀င် အစိုးရတာဝန်ရှိသူတွေနဲ့ တွေ့ဆုံဆွေးနွေးမှုတွေလည်း လုပ်ဆောင်လာခဲ့ပါတယ်။ နောက်ပိုင်းမှာလည်း နိုင်ငံရေး အကျဉ်းသားတချို့ကို လွတ်ငြိမ်းချမ်းသာခွင့်ပြုတာ၊ နိုင်ငံရေး၊ စီးပွားရေး လွတ်လပ်ခွင့် ပေးတာတွေလည်း ရှိလာခဲ့တာ ဖြစ်ပါတယ်။ နောက်ဆက်တွဲအဖြစ်နဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီကလည်း နိုင်ငံရေးပါတီအဖြစ် မှတ်ပုံတင်ပြီး လွှတ်တော် ကြားဖြတ် ရွေးကောက်ပွဲတွေမှာ ပါဝင်ဖို့အထိ ပြင်ဆင်လာတာပါ။

ဒီလို ဖြစ်ထွန်းမှုတွေ တွေ့မြင်လာရပေမဲ့လည်း အခြေအနေတွေဟာ ရေရှည်ခံဖို့ လိုအပ်နေတာမို့ အမေရိကန် ပြည်ထောင်စုကတော့ မူဝါဒ အပြောင်းအလဲတွေ မလုပ်ခင် အသေအချာ စောင့်ကြည့်ဖို့ လိုလားနေတာဖြစ်ပါတယ်။
“သမ္မတရဲ့ ကြေညာချက်အပေါ်မှာ မြန်မာအစိုးရဘက်က အပေါင်းလက္ခဏာဆောင်တဲ့ တုန့်ပြန်မှုတချို့ တွေ့ရသလို၊ ဒေါ်အောင်ဆန်းစုကြည် ဘက်ကလည်း အပေါင်းလက္ခဏာဆောင်တဲ့ တုန့်ပြန်မှုတွေ ရှိနေပါတယ်။ ဥပမာအားဖြင့်ဆိုရင် နိုင်ငံရေး လမ်းစဉ်ထဲမှာ သူ့အနေနဲ့ ပါဝင်လာတဲ့ ကိစ္စမျိုးဖြစ်ပါတယ်။ ဒါပေမဲ့လည်း မြန်မာနိုင်ငံသွားနေတဲ့ လမ်းကြောင်းကို အဆုံးအထိ စောင့်ကြည့်လေ့လာဖို့ လိုအပ်တယ်လို့ ကျနော်ယုံကြည်ပါတယ်။ ဒီလမ်းကြောင်းဟာ အမေရိကန် ပြည်ထောင်စု မျှော်လင့်တဲ့ ပုံစံအတိုင်း ဖြစ်ရဲ့လားဆိုတာ အဆုံးအထိ စောင့်ကြည့်လေ့လာဖို့ လိုအပ်ပါတယ်။ ဒီလို အဆုံးအထိ စောင့်ကြည့် လေ့လာဖို့ လိုအပ်တယ်ဆိုတဲ့ ကိစ္စဟာ သမ္မတက ထောက်ပြထားတဲ့ ကိစ္စလည်း ဖြစ်ပါတယ်။”

မြန်မာနိုင်ငံမှာ နိုင်ငံရေးအရ ပြုပြင်ပြောင်းလဲမှုတွေ ရှေ့ဆက်ဖို့သာမက၊ လူ့အခွင့်အရေး အခြေအနေတွေ တိုးတက်ဖို့၊ အမျိုးသား ပြန်လည် သင့်မြတ်ရေးအတွက် တိုင်းရင်းသား လူမျိုးစုတွေအပေါ် လေးစားမှုရှိဖို့တွေဟာလည်း အရေးကြီးတယ်လို့ အမေရိကန် ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် ကပြောသွားပါတယ်။

အမေရိကန် ပြည်ထောင်စုလို မြန်မာအစိုးရအပေါ် ပြစ်ဒဏ်ခတ် အရေးယူထားတဲ့ ဥရောပသမဂ္ဂ (EU) ကတော့ ဒေါ်အောင်ဆန်းစုကြည် ဦးဆောင်တဲ့ NLD ပါတီက ကြားဖြတ် ရွေးကောက်ပွဲ မတိုင်မီ နိုင်ငံရေးပါတီအဖြစ် မှတ်ပုံတင်ဖို့ ဆုံးဖြတ်ခဲ့တာ အပါအ၀င် မြန်မာနိုင်ငံက မကြာသေးခင်က ဖြစ်ထွန်းမှုတွေ အတွက် ကြိုဆိုကြောင်း ပြောဆိုထားတာပါ။ ဒီလိုပဲ မြန်မာနိုင်ငံဆိုင်ရာ မူဝါဒကိုလည်း ပြန်လည် သုံးသပ်နေတဲ့အကြောင်း EU နိုင်ငံခြားမူဝါဒရေးရာ အကြီးအကဲ ကတ်သရင်း အက်ရ်ှတန် (Catherine Ashton) က အရင်တပတ်ထဲမှာပဲ ပြောဆိုထားတာ ဖြစ်ပါတယ်။
http://www.voanews.com/burmese/news/

NLD ပါတီဆုံးဖြတ်ချက် နိုင်ငံရေး ၁၀ ပါတီမဟာမိတ် ထောက်ခံကြိုဆို




2011-11-23
အမျိုးသား ဒီမိုကရေစီ အဖွဲ့ချုပ်က နိုင်ငံရေးပါတီ အဖြစ် မှတ်ပုံတင်ပြီး လာမဲ့ ရွေးကောက်ပွဲမှာ ပါဝင် ယှဉ်ပြိုင်ဖို့ အောက်တိုဘာ ၁၈ ရက်က ဆုံးဖြတ်တာကို နိုင်ငံရေးပါတီ ၁၀ ခုနဲ့ ဖွဲ့စည်းထားတဲ့ ဒီမိုကရေစီ မိတ်ဆွေ ပါတီများက ကြိုဆိုလိုက်ပါတယ်။


RFA
၂၀၁၁ ခုနှစ် နိုဝင်ဘာလ ၁၈ ရက်နေ့က အမျိုးသား ဒီမိုကရေစီ အဖွဲ့ချုပ် ရုံးရှေ့တွင် ဒေါ်အောင်ဆန်းစုကြည်ကို ကြိုဆိုသူများနှင့် တွေ့ရပုံ။ နိုဝင်ဘာလ ၁၈ ရက်နေ့က ဗဟိုဦးစီးအဖွဲ့ အစည်းအဝေးတွင် ပါတီကို မှတ်ပုံတင်ပြီး ရွေးကောက်ပွဲဝင်ရန် ဆုံးဖြတ်ချက်ကို ကန့်ကွက်သူမရှိ အတည်ပြု ဆုံးဖြတ်လိုက်သည်။
NDF အမျိုးသား ဒီမိုကရေစီ အင်အားစု ပါတီ ဌာနချုပ်မှာ မနေ့က ကျင်းပတဲ့ ဒီမိုကရေစီ မိတ်ဆွေ ပါတီများ အစည်းအဝေး အပြီး ပါတီ ခေါင်းဆောင်တွေက လက်မှတ်ရေးထိုးပြီး ကြေညာချက် ထုတ်ပြန်လိုက်တာ ဖြစ်ကြောင်း ပြည်ထောင်စု ဒီမိုကရေစီ ပါတီ ဥက္ကဋ္ဌ ဦးသိန်းတင်အောင်က ပြောပါတယ်။ ဒီကြေညာချက်မှာ တရားဝင် နိုင်ငံရေး ပါတီများ အဖြစ် မှတ်ပုံတင်ပြီး မြန်မာနိုင်ငံ ဒီမိုကရေစီ ပြန်လည် တည်ဆောက်ရေး အတွက် အားတက်သရော ပါဝင် ကြိုးပမ်း ဆောင်ရွက်လာကြမဲ့ နိုင်ငံရေး ပါတီတွေကိုလည်း ကြိုဆိုပါကြောင်းနဲ့ ပြည်ထောင်စု တစ်ဝန်းလုံးရဲ့ အကျိုး အတွက် ပူးပေါင်း ဆောင်ရွက် လာမယ်ဆိုရင်လည်း ဒီမိုကရေစီ မိတ်ဆွေ ပါတီများ အဖွဲ့က အစဉ်အမြဲ လက်ကမ်း ကြိုဆိုလျက် ရှိကြောင်း ဖော်ပြထားပါတယ်။ တစ်ချိန်ထဲမှာ အမျိုးသား ဒီမိုကရေစီ အဖွဲ့ချုပ် အင်န်အယ်လ်ဒီ ပါတီကို နိုင်ငံရေး ပါတီ အဖြစ် မှတ်ပုံတင်ဖို့နဲ့ လာမဲ့ ရွေးကောက်ပွဲမှာ ပါဝင် ယှဉ်ပြိုင်ဖို့ ဆုံးဖြတ်ချက်ကို ကနေဒါရောက် မြန်မာ့ ဒီမိုကရေစီ အင်အားစု အဖွဲ့အစည်း ၉ ခုက မနေ့က ပူးတွဲ ကြေညာချက် ထုတ်ပြန် ထောက်ခံ ကြိုဆိုလိုက်ပါတယ်။ မြန်မာ့အရေး အတွက် ဒေါ်အောင်ဆန်းစုကြည် ဦးဆောင်မှု လိုအပ်တယ်လို့ ယူဆတဲ့ အတွက် ထောက်ခံရကြောင်း ကနေဒါ အခြေစိုက် ပြည်ပရောက် အပြည်ပြည် ဆိုင်ရာ ဗုဒ္ဓဘာသာ မြန်မာ ရဟန်းတော်များ အဖွဲ့ IBMO ရဲ့ ဦးဆောင် သံဃာတော် အရှင် ကောဝိဒက မိန့်ကြားပါတယ်။ တွေ့ဆုံ ဆွေးနွေးရေးနဲ့ အမျိုးသား ပြန်လည် သင့်မြတ်ရေးကို အစဉ်တစိုက် ကြိုးပမ်းနေတဲ့ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ဆုံ ဆွေးနွေးမှုက အပြန်အလှန် ပူးပေါင်း ဆောင်ရွက်ရေး အတွက် အပြုသဘော ဆောင်တဲ့ နိုင်ငံရေး အခင်းအကျင်း တစ်ရပ် ပေါ်ထွန်းလာနေတယ်လို့ ယုံကြည်တဲ့ အတွက် ထောက်ခံ ကြိုဆိုရတယ်လို့လည်း ဆိုပါတယ်။ ဒီသတင်းတွေနဲ့ တစ်ဆက်တည်း ပါတီ ၁၀ ခုက ခေါင်းဆောင် တချို့ကို ဆက်သွယ်ပြီး ဒေါ်ခင်ခင်အိ စုစည်းတင်ပြထားတာကိုလည်း နားဆင်နိုင်ပါတယ်။

ဆက်သွယ်မေးမြန်းချက်။
အသံဖိုင်ယူရန်။

http://www.rfa.org/burmese/news/parties-support-nld-11232011094355.html


မဲဆန္ဒနယ်တွေ အတွက် NLD နှင့် ညှိနှိုင်းလိုကြောင်း ၁၀ ပါတီပြော
ထွန်းထွန်း | ဗုဒ္ဓဟူးနေ့၊ နိုဝင်ဘာလ ၂၃ ရက် ၂၀၁၁ ခုနှစ် ၁၇ နာရီ ၂၆ မိနစ်

နယူးဒေလီ (မဇ္ဈိမ) ။ ။ ကြားဖြတ် ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် NLD မှ လစ်လပ်နေရာအားလုံး ဝင်ရောက်ယှဉ်ပြိုင်ရန် ဆုံးဖြတ်လိုက်သည့် အတွက် ဆွေးနွေး ညှိနှိုင်းရန် ဆန္ဒရှိကြောင်း ဒီမိုကရေစီမိတ်ဆွေ ၁ဝ ပါတီက ပြောဆိုသည်။

ယခင်က လစ်လပ်နေရာများတွင် တပါတီဝင်ပြိုင်မည်ဆိုပါက ကျန်သည့် ပါတီများက ဝင်ရောက်ယှဉ်ပြိုင်ခြင်း မပြုဘဲ ဝိုင်းဝန်းပံ့ပိုးပေးရန် ဒီမိုကရေစီ ၁၀ ပါတီတွင်း သဘောတူထားသည်ပြီးဖြစ်ကာ ယခုကဲ့သို့ NLD မှ ပါဝင်ယှဉ်ပြိုင် လာမည့်အတွက် ဆွေးနွေးညှိနှိုင်းလိုခြင်း ဖြစ်သည်။

“NLD ပါတီက အသစ်ဝင်မယ်ဆိုတော့ ကျနော်တို့က ဘာပဲဖြစ်ဖြစ် သူ့ကို ဦးစားပေးနိုင်ပါတယ်။ တကယ်လို့ NLD ပါတီအနေနဲ့ ဒီမိတ်ဆွေပါတီတွေနဲ့ ညှိနှိုင်းပြီးတော့ ရွေးကောက်ပွဲဝင်မယ်ဆိုရင် ကျနော်တို့ မိတ်ဆွေပါတီတွေအနေ နဲ့ စဉ်းစားလို့ ရတယ်” ဟု ဒီမိုကရေစီမိတ်ဆွေ ၁၀ ပါတီဝင် ရှမ်းတိုင်းရင်းသားများ ဒီမိုကရက်တစ်ပါတီ SNDP မှ ဘဏ္ဍာရေးမှူး ဦးစောသန်းမြင့်က မဇ္ဈိမကို ပြောသည်။

ယခုကဲ့သို့ ဆွေးနွေးလိုခြင်းမှာ NLD ပါတီတွင်သာမက မှတ်ပုံတင်ထားသည့် ပါတီသစ်များကိုလည်း ဆွေးနွေးလို
ခြင်း ဖြစ်သည်။

အမျိုးသားဒီမိုကရေစီအင်အားစုပါတီ NDF ခေါင်းဆောင် ဦးခင်မောင်ဆွေကလည်း “NLD ဘက်က ညှိနှိုင်းချင်တယ် ဆိုရင် ကျနော်တို့ဘက်က တံခါးဖွင့်ထားတာပဲလေ။ ညှိနှိုင်းတယ်၊ ဆွေးနွေးတယ်၊ တိုင်ပင်တယ် ဆိုတာကတော့
ကောင်းတဲ့ ကိစ္စချည်းပဲ။ ဒီမိုကရေစီအင်အားစုအချင်းချင်း ဆိုတာကတော့ ပိုပြီးတော့ ကောင်းတာပေါ့ဗျာ။ ကျနော် တို့လည်း တချိန်တုန်းက NLD ဟောင်းတွေပဲ” ဟု ဆိုသည်။

NLD မှာ နိုဝင်ဘာလ ၁၈ ရက်နေ့က ပြုလုပ်သည့် ဗဟိုဦးစီးအဖွဲ့ စည်းဝေးပွဲဆုံးဖြတ်ချက်အရ မှတ်ပုံတင်ရန်နှင့်
ရွေးကောက်ပွဲဝင်ရန် ဆုံးဖြတ်ခဲ့ခြင်း ဖြစ်သည်။ ယင်းကဲ့သို့ မှတ်ပုံတင်၊ ရွေးကောက်ပွဲ ဝင်မည့်အပေါ် ကြိုဆို
ကြောင်းလည်း ဒီမိုကရေစီ ၁၀ ပါတီက နိုဝင်ဘာလ ၂၂ ရက်နေ့က ကြေညာချက် ထုတ်ပြန်ခဲ့ပြီး ဖြစ်သည်။

လက်ရှိတွင် တိုင်းရင်းသား ဒေသအခြေစိုက် ပါတီများမှာ ပြည်နယ် လွှတ်တော်များတွင် နေရာ အများအပြားစီ ရရှိ ထားသော်လည်း ပြည်မတွင်မူ ဒီမိုကရက်များမှ အားနည်းနေကြောင်း၊ NLD အနေဖြင့် ဝင်ရောက် ယှဉ်ပြိုင်မည် ဆိုပါက ဒီမိုကရက်များဘက်မှ အင်အား ကောင်းလာနိုင်ဖွယ်ရှိသည်ဟု SNDP က ရှုမြင်ထားသည်။

“လွှတ်တော်မှာ ပြည်မပါတီကြီးအနေနဲ့ အင်အားတိုးလာမယ်ဆိုရင် ပြောရေးဆိုခွင့်ပါ အများကြီး ပိုပြီး အင်အားပြည့် လာမယ်ပေါ့။ ကျနော်တို့ တောင်းဆိုချင်တဲ့အရာ တော်တော်များများကို ကျနော်တို့ ညှိညှိနှိုင်းနှိုင်းလုပ်တဲ့အခါမှာ NLD ပါလာရင် ကျနော်တို့ အခြေခံဥပဒေနဲ့ ပတ်သက်ပြီးတော့ လိုအပ်လို့ လိုတိုးပိုလျော့၊ နောက် အသစ် ပြန်လည်
ပြင်ဆင်ပြဋ္ဌာန်းတဲ့အခါမှာ ပိုပြီးတော့ အင်အားပြည့်လာလိမ့်မယ်” ဟု SNDP ဘဏ္ဍာရေးမှူး ဦးစောသန်းမြင့်က
ပြောသည်။

သို့သော် ဒီမိုကရေစီ ၁ဝ ပါတီအနေဖြင့် ဆွေးနွေးညှိနှိုင်းရန် ဆန္ဒရှိသော်လည်း မဖြစ်မြောက်ခဲ့ပါက ယခင် စီစဉ် ထားသည့် ကြားဖြတ်ရွေးကောက်ပွဲ ဝင်ပြိုင်မည့်နေရာများအတိုင်း ဝင်ရောက်ယှဉ်ပြိုင်သွားမည် ဖြစ်သည်။

“ပြည်သူသာ အဓိကဆိုတဲ့အတွက် ဒီမိုကရေစီလမ်းကို သွားဖို့အတွက် ဘာမှ အနှောင်အဖွဲ့ မရှိပါဘူး။ ဘယ်သူပဲ ဦးဆောင်ဦးဆောင် ဒီမိုကရေစီခေတ်ကို ရောက်မယ်ဆိုရင် နောက်က လိုက်ဆိုလည်း လိုက်ကြမှာ ပါပဲ။ ရင်ဘောင်တန်း ချီကြမယ်ဆိုရင်လည်း လက်ချင်းချိတ်ပြီး သွားရုံပါပဲ” ဟု NDF ပါတီမှ ဦးခင်မောင်ဆွေက ဆိုသည်။

ဒီမိုကရေစီမိတ်ဆွေပါတီများတွင် NDF၊ ဒီမိုကရက်တစ်ပါတီ (မြန်မာ)၊ ဒီမိုကရေစီနှင့် ငြိမ်းချမ်းရေး၊ ပြည်ထောင်စု ဒီမိုကရေစီ၊ ရှမ်းတိုင်းရင်းသားများ ဒီမိုကရက်တစ်၊ ရခိုင်တိုင်းရင်းသားများ ဖွံ့ဖြိုးတိုတက်ရေး၊ ဝံသာနု NLD ၊ ချင်းအမျိုးသား၊ ဖလုံ-စဝေါ် ဒီမိုကရက်တစ်နှင့် အမျိုးသား မဟာမိတ်များ အဖွဲ့ချုပ်ပါတီတို့ ပါဝင်သည်။

ယခုကဲ့သို့ ဒီမိုကရေစီ ၁ဝ ပါတီဘက်မှ ပြောဆိုမှုနှင့်ပတ်သက်၍ မှတ်ပုံပင် မတင်ရသေးသည့်အတွက် တစုံတရာ မှတ်ချက်ပေးမည် မဟုတ်ကြောင်း NLD ဘက်မှ တုံ့ပြန်သည်။

“ရွေးကောက်ပွဲလို့ ဆုံးဖြတ်ထားတာပဲ ရှိသေးတယ်။ မှတ်ပုံလည်း မတင်ရသေးဘူးဆိုတော့ကာ အခုနေတော့ ကျနော်တို့က ဘာမှ ပြောနိုင်ဦးမှာ မဟုတ်ဘူး။ သို့သော် အဲဒါဟာ ရွေးကောက်ပွဲ Pre Election Strategy လား ဆိုတာ ကျနော် မပြောတတ်သေးဘူး” ဟု ပါတီပြောခွင့်ရ ဦးအုန်းကြိုင်က မဇ္ဈိမကို ပြောသည်။

ပါတီအနေဖြင့် ကြားဖြတ်ရွေးကောက်ပွဲတွင် နေရာအားလုံး ယှဉ်ပြိုင်ရန် ဆုံးဖြတ်ထားပြီးဖြစ်ကာ ပါတီအထွေထွေ အတွင်းရေးမှူး ဒေါ်အောင်ဆန်းစုကြည်လည်း ဝင်ရောက်ယှဉ်ပြိုင်မည်ဟု သိရသည်။ သို့သော် မည်သူများ ပါဝင်
ရွေးချယ်ခံမည်ကိုမူ လစ်လပ်နေရာများနှင့် ပတ်သက်၍ ပြည်ထောင်စု ရွေးကောက်ပွဲ ကော်မရှင်မှ တရားဝင် မကြေညာသေးသည့် အတွက် တရားဝင် မရွေးချယ်ရသေးပေ။

ပါတီအနေဖြင့် ရွေးချယ်ခံရ၍ လွှတ်တော်တွင်းရောက်မည်ဆိုပါက ဒီမိုကရေစီပါတီများနှင့် လက်တွဲ လုပ်ကိုင်နိုင်ဖွယ် ရှိသည်ဟု NLD က မှတ်ချက်ပေးသည်။

“ဒီမိုကရေစီပါတီတွေနဲ့ လက်တွဲလုပ်ဆောင်တာပေါ့ဗျာ။ တူတဲ့ဟာတွေ တွဲပြီးလုပ်မယ်၊ မတူတာတွေ ခွဲလုပ်မယ်။ ကျနော်တို့ နဂိုကတည်းက အဲဒီတွေ ရှိပါတယ်။ ဒေါ်စု ထွက်လာကတည်းက ချထားတာပဲ” ဟု ဦးအုန်းကြိုင်က ဆိုသည်။

ပါတီမှတ်ပုံခွင့်ပေးရန်အတွက် နေပြည်တော်ရှိ ရွေးကောက်ပွဲ ကော်မရှင်သို့ ရှေ့နေကြီး ဦးဉာဏ်ဝင်းမှ ကြာသပတေးနေ့တွင် သွားရောက် တင်ပြမည်ဖြစ်ကာ၊ ယင်းမှ ခွင့်ပြုချက်ရပါက ပါတီမှတ်ပုံတင်ရန် လျှောက်ထား မည် ဖြစ်သည်။
http://www.mizzimaburmese.com/

ကြားဖြတ်ရွေးကောက်ပွဲ အတွက် အင်န်အယ်လ်ဒီ အကြမ်း ညှိနှိုင်း


2011-11-23
ပါတီမှတ်ပုံတင်ခွင့်ရသွားပြီးရင် ကြားဖြတ် ရွေးကောက်ပွဲ အောင်နိုင်ရေး အတွက် လုပ်ဆောင်စရာများ အကြောင်း ဒေါ်အောင်ဆန်းစုကြည် အပါအဝင် အင်န်အယ်လ်ဒီ ပါတီ ဗဟို ကော်မတီဝင်တွေနဲ့ တိုင်းနဲ့ ပြည်နယ်က ပါတီ ခေါင်းဆောင်တွေ ဒီကနေ့ ရွှေဂုံတိုင်ရုံးချုပ်မှာ အကြမ်း ဆွေးနွေးခဲ့ကြောင်း ဒု-ဥက္ကဋ္ဌ ဦးတင်ဦးက ပြောပါတယ်။


(Photo: AFP)
မြန်မာစစ်အစိုးရက ထုတ်ပြန်ကြေညာသည့် ရွေးကောက်ပွဲဆိုင်ရာ နိုင်ငံရေးပါတီများ မှတ်ပုံတင်ခြင်း ဥပဒေကို မတ်လ ၁၀ ရက်နေ့က အမျိုးသား ဒီမိုကရေစီအဖွဲ့ချုပ်၏ ရန်ကုန်မြို့ရှိ ရုံးချုပ်တွင် အဖွဲ့ဝင်တဦး ဖတ်ရှုနေပုံ ဖြစ်ပါသည်။ (Photo: AFP)

အင်န်အယ်လ်ဒီပါတီ ဗဟိုကော်မတီဝင် ဦးဉာဏ်ဝင်းနဲ့ ဦးဝင်းမြင့်တို့ကတော့ မနက်ဖြန် နေပြည်တော်ကို ခရီးထွက်ခွာမှာ ဖြစ်ပြီး သောကြာနေ့ ကျရင် ရွေးကောက်ပွဲ ကော်မရှင်မှာ ပါတီ ပြန်လည် မှတ်ပုံတင်ခွင့်ပေးရေး လျှောက်ထားမယ်လို့ သိပါတယ်။ လာမဲ့ ကြားဖြတ် ရွေးကောက်ပွဲ ဝင်တဲ့အခါ ပြည်သူတွေ မဲပေးနိုင်ဖို့ သတ်မှတ်မဲ့ အင်န်အယ်လ်ဒီ ပါတီ အမှတ် တံဆိပ်ကိုတော့ လက်ရှိ အင်န်အယ်လ်ဒီ ပါတီ အလံကိုပဲ အနည်းငယ် ပြုပြင်ပြီး သုံးသွားဖွယ် ရှိကြောင်း အမည်မဖေါ်လိုတဲ့ အင်န်အယ်လ်ဒီ ပါတီ ခေါင်းဆောင် တချို့က အာရ်အက်ဖ်အေကို ပြောပါတယ်။ အဖွဲ့ချုပ်ရဲ့ ပြင်ဆင်မှုတွေနဲ့ ပတ်သက်ပြီး ပါတီပြောခွင့်ရပုဂ္ဂိုလ် ဦးဥာဏ်ဝင်း ကို RFA အဖွဲ့သား ကိုဥာဏ်ဝင်းအောင် က ဆက်သွယ်မေးမြန်းခဲ့ပါတယ်။

ဆက်သွယ်မေးမြန်းချက်။
အသံဖိုင်ယူရန်။

http://www.rfa.org/burmese/news/nld-midterm-election-11232011104347.html