Sunday, November 27, 2011

(စုနိုင်မှချမ်းသာမည်) ။

ယနေ့လူငယ်တို့ကိုသိစေချင်သော တစ်ချိန်က အနုပညာ လှုပ်ရှားမှု သမိုင်းတစ်ခု ။

အန်တီစု အကျယ်ချုပ် ကျခံနေရသောကာလ ( ၁၉၉၀ ) ခုနှစ် ရွေးကောက်ပွဲ အချိန် ၊ ဖိနှိပ်မှု ၊ အနှောက်အယှက်ပေးမှု ၊ အဖမ်းအဆီးများ ၊ အခက်အခဲများကြားမှ ... လမ်းမတော်မြို့နယ် NLD အဖွဲ့ မှ တေးအသံသွင်း ဖြန့်ချီခဲ့သော သမိုင်းဝင် သီချင်း ။

သံစဉ် ။ ။ ကိုသိန်းမြင့် ( အနန္တစွမ်းအားရှင် )
စာသား ။ ။ ကျော်ဝင်းကြည် ။



Ah Bayah(Facebook)မှ

မောင်နေမင်းမောင်မောင်(ခ)မောင်နန်းဝေ၏ မိဘများမှ အကူအညီတောင်းစာ

Burma VJ Media Network
ပြည်မြို့ရှိ ဇော်ထွန်း(HRDP)လူ့အခွင့်အရေးကာကွယ်မြှင့်တင်သူ များကွန်ယက်ထံသို့ မောင်နေမင်းမောင်မောင်(ခ)မောင်နန်းဝေ၏ မိဘများမှ အကူအညီတောင်းစာ









မြန်မာနိုင်ငံ စက်မှုဇုန်အလုပ်သမားများသမဂ္ဂ စတင်ဖွဲ့စည်း




by Burma VJ Media Network on Sunday, November 27, 2011 at 8:04am

မြန်မာနိုင်ငံ စက်မှုဇုန်အလုပ်သမားများသမဂ္ဂကို ဒီကနေ့ နိုဝင်ဘာ ၂၇ ရက်နေ့မှာ စတင် ဖွဲ့စည်းလိုက်ပြီ ဖြစ်ပါတယ်။

စက်မှုဇုန်တွေမှာ အလုပ်သမားအခွင့်အရေးတွေ ဆုံးရှုံးနေရတဲ့အတွက် ခံစားချက်တူညီတဲ့အလုပ်သမားတွေ စုစည်းပြီး အခုလို သမဂ္ဂဖွဲ့စည်းခဲ့တာဖြစ်ပါတယ်။ ဥက္ကဌ ၁ ဦး၊ ဒုဥက္ကဌ ၂ ဦး၊ အတွင်းရေးမှုး ၁ ဦး၊ တွဲဖက်အတွင်းရေးမှုး ၂ ဦး၊ ဘဏ္ဍာရေးမှုး ၁ ဦး အပါအဝင် စုစုပေါင်း အမှုဆောင် ၁၅ ဦးနဲ့ ဖွဲ့စည်းလိုက်တာဖြစ်ပြီး ဥက္ကဌအဖြစ် ကိုရဲကျော်သူက ဆောင်ရွက်မှာဖြစ်ပါတယ်။
ပထမဆုံးအနေနဲ့ ရန်ကုန်တိုင်းအတွင်းမှာသာ ဖွဲ့စည်းနိုင်ခဲ့တာဖြစ်ပေမဲ့ ရှေ့ဆက်ပြီး ဆက်လက်ဖွဲ့စည်းသွားနိုင်ဖို့ ရည်ရွယ်ထားတယ်လို့ ဥက္ကဌဖြစ်တဲ့ ကိုရဲကျော်သူက ဆိုပါတယ်။ လှိုင်သာယာ၊ ရွှေပြည်သာ စသဖြင့် စက်မှုဇုန်တွေမှာရှိတဲ့ အလုပ်သမားတွေရဲ့ နစ်နာဆုံးရှုံးမှုတွေအတွက် တနိုင်ငံလုံးအတိုင်းအတာ အနေနဲ့ သမဂ္ဂတွေအလိုက် စည်းရုံးသွားဖို့ရှိတယ်လို့လဲ သိရပါတယ်။
အခြေခံလစာတွေ တိုးမြှင့်ပေးဖို့၊ အလုပ်ချိန် ၈ နာရီ အတိအကျသတ်မှတ်ပေးဖို့၊ အချိန်ပို အိုတီကြေးတွေကို တရားဝင်သတ်မှတ်ပေးဖို့တွေကို အဓိကထား တောင်းဆိုမှာဖြစ်ပြီး စက်မှုဇုန်အလုပ်သမားတွေကနေ တဆင့် ကာယ၊ ညာဏ အလုပ်သမားတွေရဲ့ အခွင့်အရေးတွေအထိပါ တိုးမြှင့်တောင်းဆိုသွားမှာဖြစ်တယ်လို့ သိရှိရပါတယ်။
၂၀၁၁ခုနှစ် အောက်တိုဘာလ၁၂ရက်နေ့မှာခွင့်ပြုလိုက်တဲ့အလုပ်သမားအဖွဲ့အစည်းဥပဒေ ပြဌာန်းလိုက်တဲ့
အပေါ်မှာ နိုင်ငံတော်အခြေခံဥပဒေ ပုဒ်မ ၁၂၄ နဲ့အညီ ဖွဲ့စည်းထားတာဖြစ်တဲ့အတွက် မြန်မာနိုင်ငံ စက်မှုဇုန်အလုပ်သမားများ သမဂ္ဂကို တရားဝင်အဖွဲ့အစည်းအနေနဲ့ နိုဝင်ဘာ ၂၈ ရက်နေ့မှာ မှတ်ပုံတင်မှာဖြစ်တယ်လို့ ကိုရဲကျော်သူက ဆိုပါတယ်။


By ဇာဏီ (Burma VJ Media Network)

မြန်မာ့အရေး အမေရိကန်နဲ့ ပူးပေါင်း ဆောင်ရွက်ဖို့ နည်းလမ်း NLD ဆွေးနွေးမည်


2011-11-27
မြန်မာနိုင်ငံကို လာရောက်မယ့် အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဟာ ဒီဇင်ဘာလ ၂ ရက်နေ့မှာ အမျိုးသားဒီမိုကရေစီ အဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နဲ့ တက္ကသိုလ်ရိပ်သာလမ်း နေအိမ်မှာ သွားရောက် တွေ့ဆုံမယ်လို့ ပါတီ ပြောခွင့်ရပုဂ္ဂိုလ် ဦးဥာဏ်ဝင်းက အာအက်ဖ်အေကို ဒီကနေ့ အတည်ပြု ပြောကြားပါတယ်။


AFP
အင်ဒိုနီးရှားနိုင်ငံ ဘာလီကျွန်းမှာ ပြုလုပ်သည့် အာရှ ထိပ်သီး ဆွေးနွေးပွဲတွင် သမ္မတ အိုဘားမားက မြန်မာ့အရေးနဲ့ ပတ်သက်ပြီး ၂၀၁၁ ခုနှစ် နိုဝင်ဘာလ ၁၈ ရက်နေ့က မိန့်ခွန်း ပြောဆိုနေစဉ်။

မြန်မာနိုင်ငံရဲ့ ဒီမိုကရေစီစနစ် အသွင်ကူးပြောင်းရေးမှာ အမေရိကန်ပြည်ထောင်စု အနေနဲ့ ပူးပေါင်း ဆောင်ရွက်နိုင်မယ့် နည်းလမ်းတွေကို ဆွေးနွေးဖြစ်မယ်လို့ ဦးဥာဏ်ဝင်းက ပြောပါတယ်။

“ကျနော်တို့ NLD နဲ့ ဆွေးနွေးတဲ့နေရာမှာတော့ မြန်မာနိုင်ငံနဲ့ အမေရိကန်တို့ရဲ့ ဆက်ဆံရေး တိုးတက်လာတာနဲ့အညီ မြန်မာနိုင်ငံရဲ့ ဖွံ့ဖြိုးတိုးတက်မှု ပူးပေါင်းဆောင်ရွက်ဖို့၊ နိုင်ငံရေးအရ ပူးပေါင်း ဆောင်ရွက်ဖို့၊ ဒါတွေ ပါမှာပေါ့”

အခုလာမယ့် အမေရိကန် နိုင်ငံခြားရေးဝန်ကြီးအဆင့် မြန်မာနိုင်ငံ ခရီးစဉ်ဟာ နှစ်ပေါင်း ၅ဝ အတွင်း ပထမဆုံးအကြိမ် ဖြစ်ပါတယ်။ ပြီးခဲ့တဲ့ သီတင်းပတ်က ဒေါ်အောင်ဆန်းစုကြည်ကို အမေရိကန်သမ္မတ အိုဘားမားက သူ့ရဲ့ အထူးလေယာဉ်ပေါ်ကနေ တယ်လီဖုန်းနဲ့ မိနစ် ၂ဝ ကျော် စကား ပြောဆိုပြီးတဲ့နောက် မစ္စက်ကလင်တန်ရဲ့ မြန်မာနိုင်ငံ ခရီးစဉ်ကို သမ္မတကိုယ်တိုင် ကြေညာခဲ့ပါတယ်။

အခုလို အမေရိကန် ပြည်ထောင်စုက နိုင်ငံခြားရေးဝန်ကြီး ဟီလာရီ ကလင်တန်ကို မြန်မာနိုင်ငံကို စေလွှတ်ဖို့ ဆုံးဖြတ်ခဲ့တဲ့အပေါ် အားရ ကျေနပ်မိကြောင်း မြန်မာနိုင်ငံ အမျိုးသား လူ့အခွင့်အရေး ကောင်စီက သတင်း ထုတ်ပြန်ခဲ့ပါတယ်။ အမေရိကန် နိုင်ငံခြားရေးဝန်ကြီးရဲ့ ခရီးစဉ်ဟာ မြန်မာနိုင်ငံမှာ ဒီမိုကရေစီ လူ့အဖွဲ့အစည်းတစ်ရပ် ထူထောင်ရေးအတွက် အပြုသဘောဆောင်တဲ့ အခြေအနေတွေ ဖြစ်ပေါ်စေလိမ့်မယ်လို့ မျှော်လင့်ကြောင်းလည်း ထုတ်ပြန်ချက်မှာ ဖော်ပြထားပါတယ်။

အမေရိကန် အစိုးရကတော့ ဒီခရီးစဉ်ကြောင့် နှစ်နိုင်ငံဆက်ဆံရေး ပိုမို ကောင်းမွန်လာမှာ ဖြစ်ပေမယ့် မြန်မာနိုင်ငံအပေါ် ပိတ်ဆို့ အရေးယူမှု ကိုတော့ ရုပ်သိမ်းပေးဦးမှာ မဟုတ်ဘူးလို့ ကြေညာထားပါတယ်။
http://www.rfa.org/burmese/news/nld-clinton-trip-11272011084236.html

သမ္မတကြီး ဦးသိန်းစိန် နှင့် အပျိုကြီး မမြခင် ( အောင်မိုးဝင်း )



by Maung Maung Wann on Saturday, November 26, 2011 at 8:36pm

အင်ဒိုနီးရှားနိုင်ငံ ဗာလီညီလာခံမှာ အမေရိကန်သမ္မတ ဘရက်အိုဘားမားမိန့်ခွန်းပြောနေတာကို တလေးတစားငေးကြည့်နေတဲ့ ဗိုလ်ချုပ်ကြီး သိန်းစိန်မျက်နှာကို ကြည့်နေရင်း၊ ရပ်ကွက်ထဲက အပျိုကြီး ဒေါ်မြခင် ကို သွားသတိယမိတယ်။
(၁)
အပျိုကြီး ဒေါ်မြခင် တို့ မိသားစုက မန္တလေး (၂၉) လမ်း၊ အိမ်တော်ရာဘုရားတောင်ပေါက်မှာနေထိုင်တယ်။                              မိဘတွေက အိုမင်းမစွမ်းတော့ မမြခင် ကပဲ အိမ်မှာ ရှိတဲ့ မောင်(၂) ယောက်နဲ့ ညီမ (၃) ယောက်ကို အုပ်ထိန်းရရှာတယ်။ အကြီးဆုံးကလည်း အကြီးဆုံးဖြစ်၊ ဖူးစာဖက်ကလည်းမတွေ့တော့ သူ့မှာအမြဲတမ်းမောပန်းညီးငြူနေတယ်။ ပါးစပ်ကလည်း တပြစ်တောက်တောက်နဲ့။ “ ဟိုကောင်လေး- ငါ့လက်နဲ့တွေ့တော့မနော်။ စားဆိုရင် မြန်မြန်မစားဘူး။ သေရင်ရှေ့ဆုံးက နင်အရင်သေမယ်” ဆိုတဲ့ စကားတွေဆိုတာ အပျိုကြီး မမြခင်ဆီက မနက်လင်းရင် ကြားနေကျစကား။ အလိုဆန္ဒမပြည့်ရင် လက်ကလည်း ယဉ်မှယဉ်၊ မောင်တွေ၊ ညီမတွေကို ဒုတ်တချောင်းနဲ့အမြဲတန်းရိုက်နှက်နေတယ်။ အားမရသေးရင် မောင်၊ညီမတွေကို တိုင်မှာ ကြိုးနဲ့တုတ်ပြီး တညနေလုံး ပစ်ထားပြန်တယ်။ ရပ်ကွက်ကတော့ အပျိုကြီးရဲ့ ဇီဇာကြောင်မှုတွေ၊ ဆူငေါက်နေတဲ့ အသံကြမ်းကြမ်းတွေကို စိတ်ညစ်နေတာ တော်တော်ကြာခဲ့ပြီ။
အဲ့- အပျိုကြီး မမြခင်တယောက်မျက်နှာမှာ ပြုံးရွှင်ပြီး လူတိုင်းကို ဖေါ်ရွေစွာ နှုတ်ဆက်တဲ့နေ့တွေတော့ရှိတယ်။                       မန္တလေးမှာ ဇာတ်မင်းသားလေး သိန်းဇော် ရဲ့ ကပွဲရှိတဲ့နေ့ဆိုရင် အပျိုကြီး မမြခင်က သနပ်ခါးကို ခြေဆုံး ခေါင်းဆုံးလိမ်း၊ တကိုယ်လုံးမွှေးကြိုင်အောင် ဖြန်းပက်ပြီး၊ သူ့အိမ်ရှေ့က ဖြတ်သွားတဲ့ ရပ်ကွက်သားတွေကို နှုတ်ဆက်တယ်။ ဇာတ်မင်းသားလေး သိန်းဇော် ဆိုနေကျ “ မာန်ညို မျက်နှာထားတွေရယ်- စိမ်းရက်လို့ တိမ်းရက်လေသလားကွယ်- ရွှေနှင်းဆီတပွင့်တည်း--” သီချင်းတပိုင်းတစကို ငြီးလို့၊ လူတွေကို ဒညင်းသီးသုတ်နဲ့ အရီးတောင်းလက်ဘက်သုတ်ကိုလည်း ကြွေးလိုက်သေးတယ်။ ဒီလိုရက်တွေဆိုရင်တော့ မမြခင်ရဲ့မောင်တွေ၊ ညီမတွေလည်း အရိုက်အနှက်၊ အဆူအငေါက်လွတ်တာပေါ့။ ရပ်ကွက်ထဲကလူတွေပြောတာကတော့ “ အပျိုကြီးမမြခင်ရဲ့ မျက်လုံးမှာ မျက်ရည်ကြည်လေးတွေစို့ပြီး တလက်လက်ဖြစ်နေတဲ့ အချိန်ကို ပြပါဆိုရင်၊ ဇာတ်မင်းသားလေးသိန်းဇော် နှစ်ပါးခွင် ကတဲ့အချိန်ကို သွားကြည့်” တဲ့။ စင်ပေါ်မှာ ဇာတ်မင်းသားလေးသိန်းဇော်ကလည်း ကြာကလေးပစ်ပြီး အပျိုကြီးတွေကို ညှို့တော့တာကိုး။ အပျိုကြီးတွေလည်း ပြင်ပကမ္ဘာမှာ အဖေါ်ငတ်ခဲ့သမျှ၊ မင်းသားလေးသိန်းဇော် ရဲ့ အညုအရွ၊ အခေါ်အပြောလေးတွေနဲ့အတူ အိပ်မက်ကမ္ဘာထဲမှာ ပျော်ရွှင်လှိုက်မော----
(၂)
အဲ---နှစ်တနှစ်ကတော့ မမြခင် အတွက် အမှတ်တရဖြစ်စေခဲ့တယ်။ အိမ်တော်ရာဘုရားအရှေ့ပေါက်က ကုန်သည် ပွဲစားတွေဦးဆောင်ပြီး မတ်သိုင်းဘုရားပွဲတော်အတွက် ဇာတ်မင်းသားလေးသိန်းဇော် ကို ငှားလိုက်တယ်။ ထုံးစံအတိုင်း အပျိုကြီး မမြခင်လည်း တကိုယ်လုံးအမွှေးနံ့သာတွေ ပက်ဖြန်းပြီး ပွဲသွားဖို့ပြင်ဆင်တော့တာပေါ့။ ဂျင်းသုတ်၊ လက်ဘက်သုတ်တွေကလည်း နှစ်ရက်လောက် ကြိုနှပ်ထားတာ။ ချိုင့်ကြီး ချိုင့်ငယ် ထဲမှာ အကျအနထည့်ပြီးမှ၊ ရေချိုးခန်းထဲဝင်သွားတော့တယ်။ ကလေးတွေကလည်း သူ့အမအပျိုကြီး၊ ပွဲသွားတော့မယ်ဆိုတော့ ပျော်တာပေါ့။ အဆူအငေါက်ကလွတ်ပြီ၊ တုတ်နဲ့ရိုက်ခံရမဲ့ ဝဋ်ကလည်း ကျွတ်ပြီ ဆိုတော့ အငယ်ဆုံးကောင်က ကုတင်ပေါ်မှာ ခုန်ပြီးကတယ်။ ဗြုန်းဆို မမြခင်ရဲ့ လက်ဘက်ချိုင့်ကြီးက ကုတင်ပေါ်ကနေပြုတ်ကျပြီး၊ ဂျင်းသုတ်၊ လက်ဘက်သုတ်တွေ  မြေပြင်မှာ အကုန်ထွက်ကျကုန်တယ်။ ထမိန်ရင်ရှားနဲ့ထွက်လာတဲ့ အပျိုကြီး မမြခင် ယမ်းပုံးမီးကျ ဒေါသထွက်တော့တယ်။ အယုတ်တ အနတတွေ အစုံ၊ ပြောလည်းပြောရိုက်လည်းရိုက်၊ ရပ်ကွက်တခုလုံးဆူညံသွားတယ်။ သူ့မောင်ကိုလည်း အငြိုးတကြီးရိုက်ပြီးတာ အားမရသေးဘူး။ တိုင်မှာ ကြိုးနဲ့တုတ်ထားခဲ့တယ်။ သူ့ရဲ့ လက်ဘက်ချိုင့်ကို မှောက်ပစ်တဲ့အတွက် အိမ်မှာ ချက်ထားတဲ့ ဟင်းတွေကိုလည်း သွန်ပစ်ခဲ့တယ်။ နောက်- ဇာတ်မင်းသားလေးသိန်းဇော်ကပွဲ ဆီကို ထွက်သွားတော့တယ်။ ထုံးစံအတိုင်းပါပဲ။ ဇာတ်ရုံထဲကိုရောက်ရော့၊ အိမ်က ကလေးတွေ ဆာလောင်နေသလား၊ သတိမရတော့ပါဘူး။ ဇာတ်မင်းသားလေးသိန်းဇော်ရဲ့ နှစ်ပါးခွင်ထဲမှာ မျက်လုံးလေးတွေလက်နေခဲ့တယ်။
အပျိုကြီး မမြခင် အဲ့သလိုလုပ်နေတာကို တော်တော်လေးမျက်မုန်းကြိုးနေတဲ့ လူငယ်လေးတွေရှိတယ်။ သူတို့က ရပ်ကွက်ထဲကလမ်းထိပ်မှာ ညတိုင်ရင် ဂစ်တာတီးနေကျကောင်လေးတွေ၊ သူတို့က မမြခင်အိမ်ရှေ့က ဖြတ်လျှောက်အသွား တိုင်မှာ ကြိုးတုတ်ခံထားရတဲ့ ကောင်လေးတယောက်ရဲ့ငိုသံကို ကြားရတယ်။ ကြည့်လိုက်တော့ အဲ့ဒီကလေးရဲ့လက်မှာ သွေးတွေကလည်း ထွက်နေတယ်။ ကျန်တဲ့ ကလေးတွေကလည်း ဗိုက်ဆာလို့ ငိုနေကြတယ်။ လူငယ်လေးတွေက အဲ့ဒီမြင်ကွင်းကို ကြည့်ပြီး အပျိုကြီး မမြခင်အပေါ် တော်တော် ဒေါသထွက်သွားကြတယ်။ နှစ်ပါးခွင်ပြီးချိန်မှာ၊ လမ်းထိပ်အုတ်ခုံဆီကို ထွက်သွားပြီး၊ မမြခင် ပြန်လာချိန်ကို စောင့်ကြတယ်။ ( မမြခင်က နှစ်ပါးသွားပြီးရင် ပြန်လေ့ရှိတယ် ) မမြခင်လည်း လမ်းထိပ်အုတ်ခုံနားကဖြတ်သွားရော၊ အမှောင်ထဲမှာ စောင့်နေတဲ့၊ လူငယ်တွေက ဝုန်းကနဲထွက်လာပြီး၊ အတင်းအဓမ္မဖက်သူကဖက်၊ ထမိန်ချွတ်သူက ချွတ်၊ ကျိန် နဲ့ ဖင်ကိုရိုက်သူက ရိုက် “ ကဲ အိမ်က ကလေးတွေကို ပစ်ထားပြီး လင်ဒါရူးတဲ့ ကောင်မ မှတ်ပြီလား၊ မှတ်ပြီလား” ဆိုပြီး အရှက်ခွဲလိုက်ကြတာ။ အပျိုကြီး မမြခင် ခင်ဗျာ၊ ရှက်လွန်းလို့ ရက်ပေါင်းအတော်ကြာသည့်အထိ ရပ်ကွက်ဈေးထဲတောင် ထွက်မလာတော့ဘူး။ ( အမှောင်ထဲမှာ ဖြစ်ပျက်ခဲ့တာဆိုတော့ ရပ်ကွက်ထဲက ဘယ်သူဘယ်ဝါက သူ့ကို စော်ကားပါတယ် လို့ တိုင်ရလောက်အောင်လည်း သက်သေမရှိ၊ အပျိုကြီးကို ထောက်ခံပေးမဲ့သူကလည်း မရှိ)
(၃)
ဗာလီညီလာခံမှာ သမ္မတကြီး ဦးသိန်းစိန်က ဘရက်အိုဘားမားရဲ့မျက်နှာကိုကြည့်ပြီး တချက်တချက် ရှက်ပြုံးလေးပြုံးနေတာကို  တွေ့ရတယ်။ တခါတလေ အကျေနပ်ကြီးကျေနပ်လို့။ သူပေးတဲ့ ရည်းစားစာကို အိုဘားမားရဲ့အမေရိကန်အစိုးရက လက်ခံတော့မယ်ဆိုတာ သူ့စိတ်ထဲမှာ သိနေပုံရပါတယ်။ ဒါကြောင့် တိတ်တိတ်လေး ရင်ခုန်နေခဲ့တယ်။ ခုတော့ အာဆီယံ ဥက္ကဋ္ဌ ရာထူးကိုလည်း ရသွားပြီ၊ အမေရိကန်နိုင်ငံခြားရေးဝန်ကြီး ဟယ်လာရီ ကလင်တန်လည်း ဗမာပြည်ကို အလည်လာတော့မယ်။  ခြေဆုံးခေါင်းဆုံး သနပ်ခါးလူး၊ အရီးတောင်း လက်ဘက်သုတ် နှပ်ပြီး မီးရောင်တလက်လက်အောက်က ဇာတ်မင်းသားလေး သိန်းဇော်ရဲ့ အကတွေ ကို သွားကြည့်မဲ့ အပျိုကြီး မမြခင် လိုမျိုး၊ သမ္မတကြီး ဦးသိန်းစိန်လည်း ပြင်ဆင်နေရော့ပေါ့။
အေးပေါ့လေ။ ကိုယ်ပေးတဲ့ ရည်းစားစာကို အမေရိကန်သမ္မတ က လက်ခံလိုက်လို့ ပျော်မြူးနေတာ။ ဇာတ်ကြည့်ဖို့ ရင်ခုန်နေတာကို အပြစ်မပြောပါဘူး။ အိမ်က ပြဿနာတွေကိုလည်း လေးလေးနက်နက်ဖြေရှင်းသင့်တာပေါ့။ အိမ်မှာ ဆာလောင်နေတဲ့ ကလေးတွေကို ပစ်ထားပြီး၊ ဇာတ်မင်းသားလေးရဲ့ အညုအခ လေးတွေမှာ မေ့မျောနေမယ် ဆိုရင်တော့ အပျိုကြီး မမြခင် ကြုံတွေ့ရသလိုမျိုး ကြုံတွေ့နိုင်ပါတယ်။ သမ္မတကြီး ဦးသိန်းစိန်က အပျိုကြီး မမြခင်တော့ မဟုတ်တန်ကောင်းပါဘူးလေ။