Monday, November 28, 2011

ဟီလာရီကလင်တန် မြန်မာနိုင်ငံခရီးစဉ်လက်မှတ်ရေးထိုးပြီးအမေရိကန်သံရုံးကိုသွားရောက်ပေးပို့ ဖို့ စီစဉ်



Burma VJ Media Network
အမေရိကန်နိုင်ငံခြားရေးဝန်ကြီး မစ္စဟီလာရီကလင်တန်ရဲ့ မြန်မာနိုင်ငံခရီးစဉ်ကို ကြိုဆိုတဲ့အနေနဲ့ နိုင်ငံရေးအကျဉ်းသားဟောင်းတွေ စုစည်းပြီး စုပေါင်းလက်မှတ်ရေးထိုးပွဲတခုကို နိုဝင်ဘာလ ၂၈ ရက်နေ့က ပြုလုပ်ခဲ့ကြပါတယ်။
နိုင်ငံရေးအကျဉ်းသားအားလုံး လွှတ်ပေးဖို့ ပြည်တွင်းစစ်တွေ ရပ်စဲပြီး စစ်မှန်တဲ့ငြိမ်းချမ်းရေးကို လက်တွေ့အကောင်အထည်ဖော်ပေးဖို့ဆိုတဲ့ လိုအပ်ချက်တွေကို အဓိကထား တောင်းဆိုထားတာပါ။
နိုင်ငံရေးအကျဉ်းသားဟောင်းတွေ အားလုံးစုစည်းပြီး အခုလို လက်မှတ်ရေးထိုးပြီး တောင်းဆိုလိုက်ကြတာဖြစ်ပါတယ်။
ရရှိတဲ့ လက်မှတ်တွေကို အမေရိကန်သံရုံးကိုသွားရောက်ပေးပို့ ဖို့ စီစဉ်ထားကြောင်းလည်းသိရပါတယ်။
ဒီလက်မှတ်ရေးထိုးပွဲကို ဘူးသီးတောင်ထောင်မှာ အကျဉ်းကျနေတဲ့ ၈၈ မျိုးဆက် ကျောင်းသားခေါင်းဆောင်တစ်ဦးဖြစ်တဲ့ ကိုဌေးကြွယ်ရဲ့ မိခင်ကြီး ကွယ်လွန်ခြင်း ၄ နှစ်ပြည့် နှစ်ပတ်လည်ပွဲမှာ ပြုလုပ်ခဲ့ကြတာလဲ ဖြစ်ပါတယ်။
ပဏ္ဍိတာရာမ ရွှေတောင်ကုန်းသာသနာ့ရိပ်သာမှာ ပြုလုပ်တဲ့ ဒီအလှုပွဲကို နိုင်ငံရေးအကျဉ်းသားဟောင်းတဦးဖြစ်တဲ့ ကိုဖြိုးမင်းသိန်းနဲ့ ဇနီးဖြစ်သူ ဒေါ်ခင်မိမိကြွယ်တို့က ကျင်းပခဲ့တာဖြစ်ပါတယ်။




NLD အကျိုးစွန့်အဓိဋ္ဌာန်

ရေး / ဆို ... သားထွေး ။





အန်တီစု အကျယ်ချုပ် ကျခံနေရသောကာလ ( ၁၉၉၀ ) ခုနှစ် ရွေးကောက်ပွဲ အချိန် ၊ ဖိနှိပ်မှု ၊ အနှောက်အယှက်ပေးမှု ၊ အဖမ်းအဆီးများ ၊ အခက်အခဲများကြားမှ ... လမ်းမတော်မြို့နယ် NLD အဖွဲ့ မှ တေးအသံသွင်း ဖြန့်ချီခဲ့သော သမိုင်းဝင် သီချင်း ။
Ah Bayah(Facebook)


အိန္ဒိယရဲ့ ဒေါ်လာ ၈၀ ဘီလီယံ အကုန်ကျခံ စစ်ရေးတည်ဆောက်မှု



Monday, 28 November 2011 12:10 ၀င့်ထန်း

ပြီးခဲ့တဲ့ ဩဂုတ်လ ၁၀ရက်နေ့မှာ တရုတ်က ၄င်းရဲ့ ပထမဆုံး လေယာဉ်တင်သင်္ဘောကို စတင်ရေချနိုင်ခဲ့သည်။ စင်စစ် အဲဒီလေယာဉ်တင်သင်္ဘောက အသစ်မဟုတ်။
ဆိုဗီယက်လုပ် Varyag သင်္ဘောဟောင်းဖြစ်ပြီး၊ ယူကရိန်းမှာ ရေပေါ် ကာစီနိုကစားဝိုင်းတွေ ပျော်ပွဲစားရုံတွေ ဖွင့်ထားတဲ့ သဘောင်္ကြီး ဖြစ်သည်။ တရုတ်က ၄င်းရဲ့ အရှေ့အာရှ စစ်ရေးရည်ရွယ်ချက်အတွက် ၂၀၀၁ ခုနှစ်မှာ ယူကရိန်းကနေ သန်း ၂၀ နဲ့ ပြန်ဝယ်ယူပြီး၊ ဖာထေးဖြတ်ဆက်နဲ့ လေယာဉ်တင်သင်္ဘောအဖြစ် ပြောင်းလိုက်ခြင်း ဖြစ်သည်။ ဘယ်လိုပဲဖြစ်ဖြစ် တရုတ်တို့ အဖို့ လပေါ် လူရောက်သကဲ့သို့ သူတို့ သဘောင်္ကြီးအတွက် ပျော်ရွှင်ခဲ့ကြသည်။
တကယ်တော့ အာရှ စစ်ရေးပြိုင်ဆိုင်ဖို့ အကြီးအကျယ် ရင်းနှီးမြှုပ်နှံနေတာ တရုတ်တစ်နိုင်ငံထဲ မဟုတ်။ ၄င်း အိမ်နီးချင်း အိန္ဒိယကလည်း ဒေသစစ်ရေးအားပြိုင်ပွဲမှာ ဆူပါဖြစ်ဖို့ မနားတမ်း ဆောင်ရွက်နေသည်။
အိန္ဒိယက ၂၀၁၅ ခုနှစ်မှာ ၄င်းရဲ့ စစ်ရေးကို မော်ဒန်နိုက်ဇ် ဖြစ်ဖို့အတွက် ဒေါ်လာ ၈၀ ဘီလီယံ အကုန်ကျခံ တည်ဆောက် နေသည်ဟု ၀ါရှင်တန်အခြေစိုက် Center for Strategic and International Studies အဖွဲ့က ပြောဆိုသည်။
အထူးသဖြင့် အိန္ဒိယက ပင်လယ်ပြင် စိုးမိုးရေးကို အဓိကထားသည်။ နောက် နှစ် ၂၀ အတွင်း နျူကလီးယား ရေငုတ်သင်္ဘောများ၊ ဖျက်သင်္ဘောများအပါအ၀င် စစ်သင်္ဘောအသစ် ၁၀၃ စီးအတွက်ချည်းပဲ ဒေါ်လာ ၄၅ ဘီလီယံ ရင်းနှီးမြှုပ်နှံဆောင်ရွက်နေသည်။
တရုတ်ကလည်း လာမယ့်နှစ် ၂၀ အတွက် စစ်သင်္ဘော ၁၃၅ စီး တည်ဆောက်ဖို့ ဒေါ်လာ ၂၅ ဘီလီယံ ရင်းနှီးမြှုပ်နှံထားသည်။ နှိုင်းယှဉ်ကြည့်ရင် အိန္ဒိယက ခေတ်မှီသင်္ဘောတွေဖြစ်ဖို့ ငွေကြေး ပိုအကုန်ကျခံပြီး၊ ပေါချောင်ကောင်း လိုက်မ၀ယ်တာ တွေ့ရမည်။
အခုလို အိန္ဒိယ စစ်ရေးတည်ဆောက်နေတာက တရုတ်ရဲ့ စစ်ရေးရန်လိုမှု ကြုံတွေ့ရမှာကို ပူပန်စိတ်နဲ့ ပြင်ဆင်နေခြင်း ဖြစ်သည်။ ပါကစ္စတန်နဲ့ နီပေါ မော်ဝါဒီသူပုန်တွေကို နောက်က မြှောက်ပေးနေတဲ့ တရုတ်နဲ့ တစ်ချိန်မဟုတ်တစ်ချိန် ထိပ်တိုက်တိုးနိုင်တာမို့ အပူတပြင်း လုပ်ဆောင်နေခြင်း ဖြစ်သည်။
အမေရိကန်အနေနဲ့တော့ အိန္ဒိယရဲ့ စစ်ရေးပြင်ဆင်မှုကို တရုတ်ရဲ့ စစ်ရေးပြင်ဆင်မှုကဲ့သို့ စိုးရိမ်မှုမရှိ။ အိန္ဒိယရဲ့ လက်နက်ကို လူလိမ္မာရဲ့ လက်ထဲက ဓားလို့ သဘောထားပြီး၊ တရုတ် စစ်အင်အားကိုတော့ အရူး လက်ထဲ ဓားရောက်နေသလို သဘောထားဟန် ရှိသည်။ သို့နှင့်တိုင် အာရှ အင်အားကြီးနှစ်နိုင်ငံရဲ့ စစ်ရေး ပြိုင်ဆိုင်မှုက သူ့အတွက် မျက်စိနောက်စရာတော့ ဖြစ်နေသည်။
ပြီးခဲ့တဲ့ ဩဂုတ်လမှာပဲ တရုတ်စစ်သင်္ဘောတစ်စီးနဲ့ အီန္ဒိယ တိုက်ရေယာဉ်တို့ ဗီယက်နမ် ကမ်းရိုးတမ်းတစ်ခုမှာ ထိပ်တိုက် တွေ့ခဲ့သေးသည်။ တရုတ်က သူ့ရဲ့ ပင်လယ်ရေကြောင်းကိုဖြတ်ပြီး အိန္ဒိယသင်္ဘော ဘာကြောင့် ၀င်လာသလဲဆိုတာ မေးမြန်းခဲ့သည်။ သို့သော် ကံကောင်းထောက်မစွာဖြင့် အပစ်အခတ်များမရှိဘဲ သုံးနိုင်ငံ တိုးတိုးတိတ်တိတ် ပြေလည်စွာ ဖြေရှင်းနိုင်ခဲ့သည်။
ဤမြင်ကွင်းက၂၁ ရာစု အာရှစစ်အားအားကြီးတွေရဲ့ ထိပ်တိုက်တိုးမှု အစသာဖြစ်ပြီး၊ နောက်ပိုင်း ဒီထက်ဆိုးတဲ့ အခြေအနေတွေ တွေ့ကြရမည့် လက္ခဏာဖြစ်သည်။
ဝင့်ထန်း
Source: FP
http://www.maukkha.org/index.php?option=com_content&view=article&id=2004:2011-11-28-12-12-29&catid=120:2010-10-11-07-37-22&Itemid=374

ထောင်​ချောက်တခုဆိုရင် ဘယ်လို ရုန်း​ထွက်မလဲဆိုတာကို ဝိုင်း​စဉ်း​စား​ပေး​ချင်တယ်


Published on November 28, 2011 by နေသွင်   
ကိုမင်း ​ကိုနိုင် ဦး​ဆောင်တဲ့​ ၈၈ မျိုး​ဆက်​ကျောင်း​သား​များ​အဖွဲ့​ရဲ့​ အဖွဲ့​ဝင်တ​ယောက်ဖြစ်ပြီး​ လူငယ်နိုင်ငံ​ရေး​သင်တန်း​ကျောင်း​ (​ဗေဒါ) အင်စတီကျုကို တည်​ထောင်သူ၊​ ​လော​လောဆယ် ဒီမိုက​ရေစီကွန်ရက်မှာ ဦး​ဆောင်လှုပ်ရှား​နေသူ ကိုမျိုး​ရန်​နောင်သိန်း​က သူ့​အ​နေနဲ့​ လာမယ့်​ ​ရွေး​ကောက်ပွဲ​တွေမှာ ဝင်​ရောက်ယှဉ်ပြိုင်ဖို့​ ရည်ရွယ်ချက်ရှိတယ်လို့​ ​ပြောပါတယ်။
ရွေး​ ကောက်ပွဲဝင်လမ်း​ကြောင်း​ဟာ စွန့်​စား​ရတဲ့​ကိစ္စဖြစ်ပြီး​ အကယ်၍ ​ထောင်​ချောက်တခု ဖြစ်ခဲ့​ရင်လည်း​ ရုန်း​ထွက်နိုင်ဖို့​ ဝိုင်း​ဝန်း​စဉ်း​စား​ပေး​ချင်တယ်လို့​ ​ပြောပါတယ်။
ကိုမျိုး​ရန်​နောင်သိန်း​နှင့်​ ​မေး​မြန်း​ချက်
ကိုမျိုး​ရန်​နောင်သိန်း​ ကိုယ်တိုင်က ​ရွေး​ကောက်ပွဲဝင်မယ်လို့​ ကြား​တယ်။ ဟုတ်လား​ခင်ဗျ။


ကိုမျိုးရန်နောင်သိန်း

“ဒါက ​နောက်ဆုံး​ပိတ် ဆုံး​ဖြတ်​ပေး​မှာက ​ဒေါ်​အောင်ဆန်း​စုကြည်ပဲ။ ကျ​နော့်​အ​နေနဲ့​က ​ပြောရရင်​တော့​ ​ရွေး​ကောက်ပွဲက ဝင်သင့်​တယ်လို့​ ယူဆတယ်။”
တသီး​ပုဂ္ဂလ အ​နေနဲ့​ပေါ့​နော်။

“ဝင်မယ်ဆိုရင်​တော့​ တသီး​ပုဂ္ဂလအ​နေနဲ့​ မဟုတ်ပါဘူး​။ အဖွဲ့​ချုပ်အ​နေနဲ့​ လက်ခံတယ်ဆိုရင် အဖွဲ့​ချုပ်အ​နေနဲ့​ ဝင်ဖြစ်မှာပါ။”
ပါတီဝင်ဖြစ်သွား​မှာ​ပေါ့​။

“ပါတီဝင်ဖြစ်သွား ​မှာ​ပေါ့​။ တသီး​ပုဂ္ဂလအ​နေနဲ့​ ဝင်ဖို့​မရှိပါဘူး​။ ကျ​နော့်​အ​နေနဲ့​ အစုအဖွဲ့​နဲ့​ လုပ်မှသာလျှင် ​အောင်မြင်မယ်လို့​ ယုံကြည်တယ်။ ​ဒေါ်​အောင်ဆန်း​စုကြည် မဦး​ဆောင်ဘဲနဲ့​ မလုပ်ရဲပါဘူး​။ ​ရေစီး​မျောလိုက်တာမျိုး​လို့​ မထင်​စေချင်ဘူး​။ ဘာ​ကြောင့်​လဲဆို​တော့​ ​ဒေါ်​အောင်ဆန်း​စုကြည်ကို ကျ​နော်တို့​က ကူညီတဲ့​နေရာမှာ ​ဒေါ်​အောင်ဆန်း​စုကြည်ကို ဆုံး​ဖြတ်ချက်​တွေကိုပဲ လိုက်ပြီး​လုပ်​နေတာမဟုတ်ဘူး​။ ​ဒေါ်​အောင်ဆန်း​စုကြည်​ဘေး​မှာ ဝန်း​ရံ​ပေး​နေတာကို ​တွေ့​ရမှာပဲ​လေ။ ကျ​နော်တို့​ ဝင်ချင်တယ်ဆိုတာလည်း​ ဝန်း​ရံ​ပေး​နေတာ။ ​ဒေါ်​အောင်ဆန်း​စုကြည်နဲ့​အတူ လွှတ်​တော်ထဲမှာပါ ဝန်း​ရံ​ပေး​ချင်တာ။ သူတို့​ဝင်သွား​တာ ​ထောင်​ချောက်တခု ဆိုရင်လည်း​ ဘယ်လိုရုန်း​ထွက်မလဲဆိုတာကို ဝိုင်း​စဉ်း​စား​ပေး​စေချင်တယ်။ အဲဒါ​ကြောင့်​ ကျ​နော်တို့​က နိုင်ငံ​ရေး​ကိုလည်း​ စိတ်ဝင်စား​တယ်။ ​မျှော်မှန်း​ထား​တာလည်း​ ရှိတယ်။ သိတဲ့​အသိ​တွေကိုလည်း​ အသုံး​ချချင်တယ်။ အသုံး​ချတဲ့​နေရာမှာလည်း​ အကျိုး​ရှိစွာ အသုံး​ချချင်တယ်။ ကိုယ်က ​နေရာ​ကောင်း​ရ​လေ​လေ။ ကိုယ့်​ရဲ့​အစွမ်း​အစကို ထင်ရှား​ခွင့်​ရ​လေ​လေ​ပေါ့​။ ဆို​တော့​ ​ရွေး​ကောက်ပွဲဝင်ပြိုင်မယ်။ လွှတ်​တော်မှာ ဝင်ထိုင်ပြီး​တော့​ ပြုပြင်​ပြောင်း​လဲ​ရေး​ လုပ်ငန်း​တွေကို လုပ်ချင်တဲ့​ ဆန္ဒရှိပါတယ်။။”
အကုန်လုံး​နိ်ုင်တယ်ပဲထား​ဦး​၊​ လွှတ်​တော်ထဲမှာ ဘယ်​လောက်ထိ လုပ်နိုင်မယ် ထင်ပါသလဲ။

“၄၆ ​နေရာဆို​တော့​ နည်း​တယ်။ ဒါ​ပေမယ့်​ အ​ရေအတွက်နဲ့​ အရည်အချင်း​၊​ ကျ​နော်တို့​ မြန်မာနိုင်ငံမှာက ​နောင်ရိုး​တိုက်ပွဲ ဆိုတာရှိတယ်။ ​နောင်ရိုး​တိုက်ပွဲမှာ ဘုရင့်​နောင်က သူ့​ထက်အင်အား​ အများ​ကြီး​များ​တဲ့​ ရန်သူကို တိုက်ခဲ့​ဖူး​တဲ့​ သာဓက​တွေရှိတယ်။ ​နောက်တခုက ဥပမာအ​နေနဲ့​ ​ပြောရရင် မြန်မာပြည်က ​ဘောလုံး​ကစား​ချင်တဲ့​ လူအ​ယောက် ၁၁၀ ပါတဲ့​အသင်း​ တသင်း​နဲ့​ မန်ချက်စတာ ယူနိ်ုက်တက် အသင်း​က ၁၁​ယောက်နဲ့​ကစား​မယ်။ အဲဒီမှာ ဘယ်လိုနိုင်မလဲဆိုတဲ့​ ​မေး​ခွန်း​ပြန်​မေး​မယ်။ ဒါက ပို​တော်တယ် ပိုစွမ်း​ဆောင်နိ်ုင်တယ်။ စစ်တို့​မည်သည် အင်အား​နည်း​သည် များ​သည်မဟုတ်ဆိုတဲ့​ စကား​လည်း​ရှိတယ်။ ကျ​နော်တို့​ဘက်က​နေ လွှတ်​တော်ထဲဝင်ပြီး​တော့​ ဆန့်​ကျင်တယ်ဆိုတဲ့​ စကား​ကို​တော့​ သိပ်မ​ပြောချင်ဘူး​။ လွှတ်​တော်ထဲဝင်ပြီး​ စည်း​ရုံး​မယ်။ ကျ​နော်တို့​က နိုင်ငံ​ရေး​သမား​။ နိုင်ငံ​ရေး​သမား​ဆိုတာက စည်း​ရုံး​ရေး​ အမြင်ရှိရတယ်။ အထက်လွှတ်​တော် ကိုယ်စား​လှယ်ဖြစ်​စေ၊​ သူတို့​တွေက နိုင်ငံ​ရေး​သမား​ စစ်စစ်မဟုတ်ဘူး​။ ကျ​နော်တို့​က နိုင်ငံ​ရေး​သမား​တွေ​ပေါ့​။ ပိုပြီး​တော့​ အမြင်ရှိတယ်။ စွန့်​လွှတ်နိုင်တယ်။ ပိုသိတယ်။ အဲဒီအ​ပေါ်မှာ အား​သာချက်များ​တယ်။ ၄၆ ​နေရာဖြစ်​ပေမယ့်​ ကျ​နော်တို့​ဟာ ၂၀၁၅ အတွက် ကြိုတင်ပြင်ဆင်ချက်ဖြစ်တယ်။”
တချို့ ​က​ပြောတယ်။ ရမယ့်​ဟာနဲ့​ ​ပေး​ရတာ။ ​ပေး​ရတာက ပိုများ​တယ်။ ရစရာလည်း​ ဘာမှမရှိဘူး​ဆိုတာမျိုး​ ​ပြောတာရှိတယ်။ အခုလည်း​ နိုင်ငံ​ရေး​အကျဉ်း​သား​ တချို့​မလွတ်​သေး​ဘူး​ဆိုတာမျိုး​ပေါ့​။

“ကျ​နော်က အရင် ၈၈ မျိုး​ဆက်​ကျောင်း​သား​များ​အဖွဲ့​ ဖွဲ့​ကတည်း​ကပါခဲ့​တယ်။ ကိုမင်း​ကိုနိုင်တို့​ ကိုကိုကြီး​တို့​က ကျ​နော့်​အစ်ကိုအကြီး​လိုပဲ။ ဆိုချင်တာက နိုင်ငံ​ရေး​အကျဉ်း​သား​တွေကို တန်ဆာခံလိုမျိုး​ ​ခေါ်ထား​တာ ပြဿနာ​ပေါ့​။ ဒါကို လုံး​ဝ​ကျေနပ်မှု မရှိပါဘူး​။ ဒါကမဖြစ်သင့်​တဲ့​ ကိစ္စပါ။ ဒါကမ​ကောင်း​ပါဘူး​။ ဒါကတချက်။ ဥပမာ သမ္မတ ဦး​သိန်း​စိန်က ​ပြောတယ်။ နိုင်ငံ​ရေး​အကျဉ်း​သား​ မရှိဘူး​ဆိုတဲ့​စကား​။ ဒါဆိုရင် သူက အစိုး​ရအဖွဲ့​ကို ကိုယ်စား​ပြုပြီး​ပြောပါလား​။ သမ္မတ ဦး​သိန်း​စိန် ပုဂ္ဂိုလ်​ရေး​အ​နေနဲ့​ဆိုရင်​တော့​ ​ပြောမှာမဟုတ်ဘူး​။ သမ္မတက အဲလို​ပြောတဲ့​အချိန်မှာ သူ့​အစိုး​ရအဖွဲ့​ထဲမှာ သ​ဘောထား​ တင်း​မာသူ​တွေ ရှိ​နေ​သေး​တယ်ဆိုတာ ထင်ရှား​တယ်။ သူက အစိုး​ရအဖွဲ့​ကို ကိုယ်စား​ပြုပြီး​ ​ပြောသွား​တာကို။ အမျိုး​သား​ဒီမိုက​ရေစီ အဖွဲ့​ချုပ်က လွှတ်​တော်ထဲကို ဝင်သွား​ရင် အစိုး​ရက ဘယ်​လောက်အကျိုး​အမြတ် ရသွား​မလဲဆိုတဲ့​ ​မေး​ခွန်း​ကို ​မေး​တဲ့​အခါမှာ ကျ​နော်က အမျိုး​သား​ဒီမိုက​ရေစီအဖွဲ့​ချုပ်က ဒီ​ဘောင်ထဲကို မဝင်ရင် ဘာဆက်လုပ်မလဲဆိုတဲ့​ ​မေး​ခွန်း​ကို ပြန်​မေး​ချင်တယ်။ ​နောက်တခုက​တော့​ အစိုး​ရအဖွဲ့​ထဲမှာ သ​ဘောထား​တင်း​မာသူရှိသလို သ​ဘောထား​ပျော့​ပြောင်း​သူ​တွေ ရှိတယ်။ ဒီအချက်​တွေကို ​ပေါင်း​ပြီး​တော့​မှ မြန်မာနိုင်ငံမှာ စစ်အစိုး​ရက ဘယ်လိုဖြစ်မလဲ။ ကျ​နော်တို့​ဘက်က ဘယ်လိုဖြစ်မလဲ ဆိုတဲ့​အမြင်အစား​ သူ့​ဘက်ကို မစဉ်း​စား​ဘဲနဲ့​ ကိုယ့်​ဘက်ကို စဉ်း​စား​မှာပါ။ ကိုယ့်​ဘက်က​နေ အ​ကောင်း​ဆုံး​လုပ်မှာပါ။ ကိုယ့်​ဘက်က ပြည်သူ့​အကျိုး​ကို ​ရှေ့​ရှုပြီး​တော့​ အ​ကောင်း​ဆုံး​ လုပ်မှာပါ။ သူ့​ဘက်ကလုပ်မှာကို​တော့​ သတိကြီး​စွာထား​ပြီး​တော့​ ကြည့်​တော့​ ​ရှောင်ရမှာ​ပေါ့​။ ဘာမှမလုပ်တာနဲ့​စာရင် လုပ်လိုက်၊​ ​ရှောင်ရှား​လိုက် လုပ်ရင်​တော့​ ဖြစ်စဉ်ထဲမှာ ပူး​ပေါင်း​ပါဝင်ပြီး​တော့​ ဒီမိုက​ရေစီအတွက် ပူး​ပေါင်း​ဆောင်ရွက်မယ်ဆိုရင်လဲ ​အောင်မြင်မှုတခုပါပဲ။ ​နောက်တခု ​ဒေါ်​အောင်ဆန်း​စုကြည်လည်း​ ​ပြော​နေတာပဲ။ စွန့်​စား​မှုတခု လုပ်​နေတာပဲ၊​ လုပ်သင့်​လို့​ လုပ်​နေတာပဲလို့​ ​ပြော​နေတာပဲ။ ကျ​နော်တို့​လည်း​ လုပ်သင့်​လို့​ လုပ်​နေတာပါ။”
မြန်မာပြည်နိုင်ငံ ​ရေး​က သိပ်​သေချာတာမဟုတ်ဘူး​ပေါ့​။ ဥပမာ ​ဗေဒါလုပ်ငန်း​တွေကို ထိခိုက်မလား​။ နိုင်ငံ​ရေး​ထဲမှာ ထဲထဲဝင်ဝင် ဖြစ်လာရင်။

“နိုင်ငံ​ရေး​ သမား​တ​ယောက် ဖြစ်လာလို့​ရှိရင် ​ဗေဒါ အင်စတီကျူ့​ကို ဦး​ဆောင်တဲ့​ အခန်း​ကဏ္ဍက​နေ ဖယ်ရမယ်လို့​ ကိုယ့်​ကိုကိုယ် သတ်မှတ်ထား​တယ်။ ဘာ​ကြောင့်​လဲဆို​တော့​ ​ဒေါ်​အောင်ဆန်း​စုကြည်က ​ဗေဒါအင်စတီကျူ့​ကို ဦး​ဆောင်မှု​နေရာမှာရှိတယ်ဆိုတာ သူက လူထု​ခေါင်း​ဆောင် ဒီမိုက​ရေစီ ​ခေါင်း​ဆောင်​နေရာမှာ ရှိ​နေတာကို။ ကျ​နော်တို့​ကျ​တော့​ သမား​ရိုး​ကျ နိုင်ငံ​ရေး​သမား​ တ​ယောက်အ​နေနဲ့​ အဖွဲ့​အစည်း​ တခုခုကို ဝင်သွား​ပြီဆိုရင် ဒါက စဉ်း​စား​ရမယ့်​ ကိစ္စပါ။ နိုင်ငံ​ရေး​ ပါတီတခုရဲ့​ လက်ကိုင်တုတ် ဆိုတဲ့​ အဖွဲ့​အစည်း​တခုအဖြစ်​တော့​ မဟုတ်ဘူး​ဆိုတာပဲ။”

http://burmese.dvb.no/archives/18321

အ​မေရိကန်နှင့်​ မြန်မာ အကျိုး​စီး​ပွား​ချင်း​ ​တွေ့​ဆုံကြ​လေ​သောအခါ




Published on November 28, 2011 by နေသွင်   (David I Steinberg ၏ US-Myanmar: A convergence of interests) ကို ​နေသွင် ဘာသာပြန်ဆိုသည်)

အ ​မေရိကန်နိုင်ငံခြား​ရေး​ဝန်ကြီး​ ဟယ်လာရီ ကလင်တန် (Hillary Clinton) ဒီဇင်ဘာလထဲမှာ မြန်မာပြည်သွား​မယ်ဆိုတဲ့​ ​ကြေညာချက်ကို သမ္မတ အိုဘား​မား​ (Obama) အစိုး​ရရဲ့​ ရဲဝံ့​တဲ့​ ​ခြေလှမ်း​ဖြစ်လို့​ ကြိုဆိုပါတယ်။ ဒါဟာ နှစ်နိုင်ငံစလုံး​ရဲ့​ အမျိုး​သား​အကျိုး​စီး​ပွား​အတွက် နှစ်ဘက် ဆက်ဆံ​ရေး​ ​ကောင်း​မွန်ဖို့​ လိုအပ်တယ် ဆိုတဲ့​ အချက်ကို နှစ်ဘက်စလုံး​ ပိုသိလာတာ၊​ ပိုပြီး​ စိတ်အား​ ထက်သန်လာတာရဲ့​ အသီး​အပွင့်​ဖြစ်ပါတယ်။ သမ္မတ အိုဘား​မား​ အာဏာရလာတဲ့​ အချိန်တုန်း​က သမ္မတ​ဟောင်း​တွေဖြစ်တဲ့​ ​ဘေး​လ်ကလင်တန်-​ဂျော့​ဒဗလျူဘုရှ် (Bill Clinton-George W Bush policy) တို့​ရဲ့​ မူလ​ပေါ်လစီဖြစ်တဲ့​ မြန်မာပြည်မှာ အစိုး​ရဖြုတ်ချ​ရေး​ (Regime Change) ဆိုတဲ့​ မူဝါဒကို အ​မွေ ဆက်ခံခဲ့​ရပါတယ်။ ​နောက်​တော့​ အိုဘား​မား​အစိုး​ရက အဲဒီ ရည်မှန်း​ချက်ကို စွန့်​လွှတ်လိုက်ပြီး​ နှစ်နိုင်ငံဆက်ဆံ​ရေး​ကောင်း​ဖို့​၊​ အရင်က အထီး​ကျန်ခဲ့​တဲ့​ နိုင်ငံကို ​စေ့​စပ်​ဆွေး​နွေး​တဲ့​ လမ်း​ကြောင်း​က​နေ အ​ပြောင်း​အလဲ​တွေဖြစ်​အောင် တိုက်တွန်း​ဖို့​ နည်း​လမ်း​တွေကို ရှာ​ဖွေခဲ့​ပါတယ်။
နှစ်နိုင်ငံစလုံး ​ကလည်း​ အရိပ်နိမိတ်​တွေပြခဲ့​ပါတယ်။ အ​မေရိကန်က အလတ်တန်း​ သံတမန်​တွေကို မြန်မာအစိုး​ရ ဝန်ကြီး​အဖွဲ့​ဝင်​တွေအဆင့်​က ပထမဆုံး​အ​နေနဲ့​ လက်ခံ​တွေ့​ခဲ့​ပါတယ်။ အ​မေရိကန်ကလည်း​ မြန်မာပါဝင်တဲ့​ အ​ရှေ့​တောင်အာရှနိုင်ငံ​တွေနဲ့​ ချစ်ကြည်​ရေး​နှင့်​ ပူး​ပေါင်း​ဆောင်ရွက်​ရေး​ (ASEAN Treaty of Amity and Cooperation) စာချုပ်မှာ လက်မှတ်ထိုး​ခဲ့​ပါတယ်။ အာဆီယံမှာ မြန်မာအဖွဲ့​ဝင်ဖြစ်လာတဲ့​ ၁၉၉၇ ခုနှစ်စလို့​ ချစ်ကြည်​ရေး​စာချုပ်ကို အ​မေရိကန်က လက်မှတ်မထိုး​ခဲ့​ပါဘူး​။
ဒါ​ပေမယ့်​ ဒီ​လောက်နဲ့​ မလုံ​လောက်​သေး​ပါဘူး​။ အ​မေရိကန်အစိုး​ရက အတိုက်အခံ​ခေါင်း​ဆောင် ​ဒေါ်​အောင်ဆန်း​စုကြည်ကို အိမ်ချုပ်က​နေ လွတ်လာ တာကို မြင်ချင်တယ်၊​ နိုင်ငံ​ရေး​အကျဉ်း​သား​တွေကို ပြန်လွှတ်​ပေး​တာကို မြင်ချင် တယ်၊​ ဒီလိုပဲ မြန်မာအစိုး​ရကဘက်လည်း​ အ​မေရိကန်က ချမှတ်ထား​တဲ့​ ဒဏ်ခတ်ပိတ်ဆို့​မှု​တွေကို ရုပ်သိမ်း​စေချင်​နေပါတယ်။
အပြစ်အနာဆာ​ တွေနဲ့​ ပြည့်​နေ​ပေမယ့်​ ထူး​ထူး​ခြား​ခြား​လို့​ ဆိုရမယ့်​ ​ရွေး​ကောက်ပွဲအပြီး​ ၂၀၁၁ ခုနှစ် ​နွေဦး​မှာ မြန်မာပြည်မှာ အရပ်သား​ အစိုး​ရသစ် တက်လာပါတယ်။ အဲဒီ​နောက်မှာ စစ်အစိုး​ရလက်ထက်က ဝန်ကြီး​ချုပ်ဘဝက​နေ သမ္မတဖြစ်လာတဲ့​ ဗိုလ်ချုပ်​ဟောင်း​ ဦး​သိန်း​စိန်ဟာ မြန်မာပြည်မှာ ​နောက်ဆုံး​ အရပ်သား​အစိုး​ရ အုပ်ချုပ်ခဲ့​တဲ့​ ၁၉၆၂ ခုနှစ်​နောက်ပိုင်း​ ရာစုနှစ်ဝက်အတွင်း​မှာ မကြုံစဖူး​တဲ့​ ပြုပြင်​ပြောင်း​လဲမှု​တွေကို စလုပ်ပါတယ်။ ​ဝေဖန်သူ​တွေက​တော့​ ဒါမျိုး​ အရင်ကလည်း​ ဖြစ်ခဲ့​ဖူး​တာပဲ၊​ ပြီး​တော့​လည်း​ ဘာမှမထူး​၊​ ဒုံရင်း​ဒုံရင်း​ အတိုင်း​ပါပဲလို့​ ဆိုကြပါတယ်။ ဒါ​ပေမယ့်​ အခုဖြစ်​နေတဲ့​ အ​ပြောင်း​အလဲ​တွေရဲ့​ အကျယ်အဝန်း​ဟာ အရင်နဲ့​ မတူပါဘူး​။ လူမှု​ရေး​ကဏ္ဍကို လျစ်လျူရှုထား​တာ၊​ ဆင်း​ရဲမွဲ​တေမှု၊​ အဂတိ လိုက်စား​မှုကိစ္စ​တွေကို သမ္မတကိုယ်တိုင် ဝန်ခံတာက​နေ၊​ နိုင်ငံ​ရေး​အကျဉ်း​သား​ တချို့​ကို ပြန်လွှတ်​ပေး​လိုက်တာ၊​ လူ့​အခွင့်​အ​ရေး​ကော်မရှင်ကို ဖွဲ့​စည်း​လိုက်တာ၊​ ပိုပြီး​ လွတ်လပ်တဲ့​ အလုပ်သမား​ဥပ​ဒေသစ်ပြဋ္ဌာန်း​လိုက်တာ၊​ စာ​ပေစိစစ်​ရေး​မှာ တင်း​ကျပ်မှု​တွေ ​လျှော့​ပေး​လိုက်တာ၊​ အရင်က အတိ်ုက်အခံ​တွေကို လက်ကမ်း​လာတာ စတာ​တွေ ဖြစ်ပါတယ်။ အတိုက်အခံ အမျိုး​သား​ဒီမိုက​ရေစီ အဖွဲ့​ချုပ် အန်အယ်လ်ဒီနဲ့​ ​ဒေါ်​အောင်ဆန်း​စုကြည်တို့​ ​ရွေး​ကောက်ပွဲဝင်ပြီး​ ပါလီမန်ထဲ ဝင်ခွင့်​ရ​အောင် ပါတီများ​မှတ်ပုံတင်ခြင်း​ ဥပ​ဒေကိုလည်း​ ပြင်ဆင်လိုက်ပါတယ်။
ဝေဖန်သူ​တွေက​ တော့​ ဒါ​တွေ အခုမှ ဘာလို့​ ​ပြောင်း​ရတာလဲလို့​ ​မေး​ခွန်း​ ထုတ်ကြပါတယ်။ ​ပြောနိုင်တာတခုက​တော့​ ၂၀၁၄ အာဆီယံဥက္ကဋ္ဌ ရာထူး​ကို ရဖို့​ ကိစ္စမှာ ​စော​စောက အ​ပြောင်း​အလဲ​တွေဟာ အနည်း​ဆုံး​ တစိတ်တပိုင်း​အား​ဖြင့်​တော့​ ပတ်သက်​နေနိုင်ပါတယ်။ မကြာခင်တုန်း​ကပဲ အာဆီယံ ဥက္ကဋ္ဌ​နေရာကို မြန်မာအစိုး​ရကို ​ပေး​ဖို့​ တရား​ဝင်သ​ဘောတူလိုက်ပါပြီ။ ​နောက်တချက်ကလည်း​ တရုတ်နိုင်ငံကို အလွန်အကျွံမှီခို​နေရတာကို ချိန်ခွင်လျှာညှိချင်လို့​ အ​မေရိကန် အစိုး​ရနဲ့​ ဆက်ဆံ​ရေး​ပို​ကောင်း​အောင်လုပ်ဖို့​ ဖြစ်လာတာလည်း​ ဖြစ်နိုင်ပါတယ်။
အငြင်း​ပွား​ ဖွယ် ကချင်ပြည်နယ်က တရုတ်ရဲ့​ မြစ်ဆုံ​ရေကာတာ ကိစ္စမှာလည်း​ ပြည်သူ့​ဆန္ဒအတိုင်း​ ရပ်ဆိုင်း​ထား​လိုက်မယ်လို့​ သမ္မတ ဦး​သိန်း​စိန်က ​ကြေညာလိုက်တာကလည်း​ မြန်မာပြည်ရဲ့​ နိုင်ငံခြား​ဆက်ဆံ​ရေး​မှာ ချိန်ခွင်လျှာညှိဖို့​ အ​မေရိကန်ကို လမ်း​ဖွင့်​ အချက်ပြလိုက်တဲ့​ သ​ဘော ဖြစ်နိုင်ပါတယ်။ ဒါဟာ မြန်မာပြည် လွတ်လပ်​ရေး​ရခဲ့​တဲ့​ ၁၉၄၈ ခုနှစ်ကတည်း​က ရှိခဲ့​တဲ့​ နိုင်ငံခြား​ရေး​မူဝါဒရဲ့​ ဝိ​သေသလည်း​ ဖြစ်ပါတယ်။
မြန်မာစစ်တပ်ကို အပြင် မီဒီယာ​တွေက ဘယ်လိုပဲ အနုတ်လက္ခဏာပုံ​ပေါ် ​နေ​ပေမယ့်​ အမှန်တကယ်က အ​တော်မျိုး​ချစ်စိတ်ရှိပြီး​ သူတပါး​ရဲ့​ နယ်ရုပ်ဘဝ​ရောက်မှာ၊​ တိုင်း​ပြည် သူတပါး​လက်​အောက်ခံဖြစ်မှာမျိုး​ကို သူတို့​ မလိုလား​ပါဘူး​။ အစိုး​ရဟာ အာဆီယံသာမက အာဆီယံနယ်နိမိတ်ရဲ့​ အပြင်ဘက်က အ​ရှေ့​နဲ့​ အ​ရှေ့​တောင်အာရှတ​ကျောမှာ တရား​ဝင်မှုရဖို့​ ကြိုး​စား​နေပါတယ်။
အ​ကြောင်း​ နှစ်ချက်ကို ​ထောက်ပြီး​ အိုဘာမား​အစိုး​ရရဲ့​ ​ခြေလှမ်း​သစ်ဟာ နိုင်ငံ​ရေး​အရ လာဘ်မြင်တဲ့​ ​ခြေလှမ်း​လို့​ ​ပြောနိုင်ပါတယ်။ အ​မေရိကန်အစိုး​ရဟာ အ​ပေါင်း​လက္ခဏာ အ​ပြောင်း​အလဲ​တွေအ​ပေါ် အ​လေး​အနက် ​ထောက်ခံ​ကြောင်း​ မြန်မာအစိုး​ရကို ပြသသလို တဖက်ကလည်း​ ​နောက်ထပ် ပြုပြင်​ပြောင်း​လဲ​ရေး​တွေကို ဆက်လုပ်ဖို့​ ​တောင်း​ဆို​နေပါတယ်။ ဒီလိုလုပ်ခြင်း​အား​ဖြင့်​ ပြုပြင်​ပြောင်း​လဲမှု ​တွေ​ကြောင့်​ ကမ္ဘာ့​ဇာတ်ခုံမှာလည်း​ အကျိုး​ရလဒ်​တွေ ရှိ​နေပြီဆိုတာကို ပြသရာ ​ရောက်ပြီး​ သူတို့​အချင်း​ချင်း​ကြား​မှာပဲ အတိုက်အခံပြုတာကိုခံ​နေရတဲ့​ ပြုပြင် ​ပြောင်း​လဲ​ရေး​သမား​တွေကို ​နေရာပိုရလာ​အောင် အား​ပေး​ရာ ​ရောက်ပါတယ်။
အခုထိ ခရီး​ရောက်​နေပြီး​သား​ အ​ပြောင်း​အလဲ​တွေကိုလည်း​ ​နောက်ပြန်လှည့်​ဖို့​ ခက်သွား​စေမှာဖြစ်ပါတယ်။ အိုဘား​မား​ ​ပေါ်လစီက နှံ့​နှံ့​စပ်စပ် ​လေ့​လာ သုံး​သပ်ပြီး​တဲ့​နောက်မှာ ​စေ့​စပ်​ဆွေး​နွေး​ရေး​ကို မြှင့်​တင်၊​ ဒဏ်ခတ်ပိတ်ဆို့​မှုကိ်ု ဆက်ထား​ ဆိုတဲ့​ လက်​တွေ့​ကျတဲ့​ ​စေ့​စပ်​ဆွေး​နွေး​ရေး​ လမ်း​ကြောင်း​ကို ​ရွေး​ခဲ့​ပါတယ်။ ဒီမူဝါဒကို လက်​တွေ့​ကျတယ်လို့​ ​ပြောနိုင်တဲ့​အ​ကြောင်း​က အ​မေရိကန် နိုင်ငံ​ရေး​မှာ ​ဒေါ်​အောင်ဆန်း​စုကြည်ကို ဒီမိုကရက်​ရော၊​ ရီပက်ဘလစ်ကန်​ရော ပါတီနှစ်ရပ်စလုံး​ အား​ကောင်း​ကောင်း​နဲ့​ ​ထောက်ခံသလို ​ဒေါ်​အောင်ဆန်း​စုကြည်ကိုယ်တိုင်ကလည်း​ ဒဏ်ခတ်ပိတ်ဆို့​ရေး​ပေါ်လစီကို ဆက်​ထောက်ခံထား​တာ​ကြောင့်​ ဖြစ်ပါတယ်။
လက်ရှိ ​ခြေလှမ်း​သစ်နဲ့​ပဲ အိုဘား​မား​အစိုး​ရဟာ ဒဏ်ခတ်ပိတ်ဆို့​မှုကို ဆက်ထား​ပေမယ့်​ အခိုက်အတန့်​အား​ဖြင့်​ ​ဘေး​ဖယ်ထား​ပြီး​ နှစ်နိုင်ငံ ဆက်ဆံ​ရေး​မှာ ​နောက်ထပ်တဆင့်​ကို တက်လှမ်း​လာနိုင်တယ်လို့​ ​ပြောမယ်ဆိုရင် ​ပြောနိုင်ပါတယ်။ တချိန်တည်း​မှာပဲ ​ဒေါ်​အောင်ဆန်း​စုကြည်ကိုယ်တိုင်ကလည်း​ နိုင်ငံခြား​ရေး​ဝန်ကြီး​ ကလင်တန်ရဲ့​ မြန်မာပြည်ခရီး​ကို သ​ဘောတူညီမှု​ပေး​ခဲ့​ပါတယ်။
တကယ်​တော့​ မြန်မာပြည်မှာ အ​ရေး​ကြီး​တဲ့​ လက်ရှိအ​ခြေအ​နေသစ်ကို ​ရောက်လာဖို့​ ရာစုနှစ်တဝက်​လောက် ကြာခဲ့​ပါတယ်။ ဟိုတချိန်တည်း​က​တော့​ မြန်မာပြည်ဟာ အ​ရှေ့​တောင်အာရှမှာ အချမ်း​သာဆုံး​၊​ အဖွံ့​ဖြိုး​ဆုံး​နိုင်ငံ ဖြစ်လာမယ်လို့​ လူ​တွေ ​တွေး​ထင်ခဲ့​ကြပါတယ်။ အဲဒီအစား​ ဆယ်စုနှစ် ၅ စုစာ စစ်တပ်က ဆက်တိုက်အုပ်ချုပ်ခဲ့​ပြီး​ မြန်မာပြည်ဟာလည်း​ အဆင်း​ရဲဆုံး​တိုင်း​ပြည် ဘဝ ​ရောက်ခဲ့​ရပါတယ်။
အ​ မေရိကန်အစိုး​ရဘက်က ကြည့်​ရင်​တော့​ မြန်မာပြည်ကို အထီး​ကျန်ထား​ပြီး​ အစိုး​ရအ​ပြောင်း​အလဲ​တောင်း​ဆိုတာဟာ အလုပ်မဖြစ်ဘူး​ဆိုတာကို သိလာဖို့​ နှစ်​ပေါင်း​ နှစ်ဆယ်ကြာ အချိန်ကုန်ခဲ့​ပါတယ်။ တကယ်​တော့​ နှစ်နိုင်ငံကြား​မှာ အကျိုး​စီး​ပွား​ချင်း​ အပြန်အလှန် ဆက်စပ်​နေမှုဟာ အခုအသိ အမှတ်ပြုလာတာထက်​တောင် ပိုပါတယ်။ အသိအမှတ်ပြုသည်ဖြစ်​စေ၊​ မပြုသည်ဖြစ်​စေ ဒီအဆက်အစပ်ဟာ အမြဲတမ်း​ရှိ​နေခဲ့​တာပါ။ ဒါ​ကြောင့်​ လက်ရှိ ​ခြေလှမ်း​သစ်​တွေက​နေ နှစ်နိုင်ငံ ဆက်ဆံ​ရေး​တိုး​တက်လာပြီး​ မြန်မာပြည်က ဆင်း​ရဲမွဲ​တေတဲ့​ ပြည်သူလူထုရဲ့​ လူ​နေမှုအဆင့်​အတန်း​တွေ တိုး​တက်လာဖို့​ကိုပဲ ​မျှော်လင့်​နေပါတယ်။
( ​ဆောင်း​ပါး​ရှင် David I Steinberg ​ဒေး​ဗစ်စတိန်း​ဗက်သည် Georgetown University ​ဂျော့​ခ်ျ ​တောင်း​ တက္ကသိုလ်မှ ထင်ရှား​သော ပါ​မောက္ခဖြစ်ပြီး​၊​ ဤ​ဆောင်း​ပါး​ (US-Myanmar: A convergence of interests) ကို ​အေရှား​တိုမ်း​အွန်လိုင်း​ Asia Times Online တွင် ​ဖော်ပြခဲ့​ပါသည်)
http://burmese.dvb.no/archives/18297 

ဒုဗိုလ်ချုပ်ကြီး စိုးဝင်းခရီးစဉ်အတွင်း နတ်ရုပ်ထူးဖေါ်မှုကိစ္စ ဒေသထုတ် ဘင်္ဂလီ သတင်းစာများတွင်လည်း ရေးသားဖေါ်ပြ





News Date:11/27/2011
ထွန်းထွန်း
----------
ဒုဗိုလ်ချုပ်ကြီးစိုးဝင်း ဘင်္ဂလားဒေ့ခ်ျနိုင်ငံ ကော့စ်ဘဇားခရီးစဉ်အတွင်း မဟာ သိမ်တော်ကြီး အထဲ၌ ဖြစ်ပွားခဲ့သော နတ်ရုပ် တူးဖေါ်မှုကို ဒေသထုတ် သတင်းစာများကလည်း ရေးသားဖေါ်ပြသည်။



Agga-Medawi-Monk-Maha-Thindawgree Cox'sbazar
နိုဝင်္ဘာလ ၂၆ ရက်ထုတ် ကော့စ်ဘဇားမှ Samudrabata သတင်းစာက မဟာသိမ်တော်ကြီး အနီး ကပ်ရပ်စွာတည်ရှိသော စန္ဒမဇ္ဇူ ကျောင်း ဆရာတော်ကြီး ဦးပညာဝံသက နတ်ရုပ်တူးဖေါ် မှုနှင့် ပတ်သက်ပြီး မိန်းကြားသည်ကို ယခုလို ဖေါ်ပြသည်။

"ဗုဒ္ဓဘာသာမှာ ရဟန်းခံဖို့အတွက် သိမ်ဆိုတာအဓိကကျတဲ့ သာသနာ့ အဆောက် အအုံ တခု ဖြစ်တယ်။ သိမ်ထဲက ဘယ်အရာ တခုကိုမှ တူးဖေါ်လို့ မရဘူး။ ဘုရား လက်ထက်ကလည်း သိမ်ထဲက ဘယ်ရုပ်ထုကို မဆို တူးဖေါ် တယ်ဆိုတာမကြားဖူးဘူး။ နတ်ရုပ် တူးဖေါ်ခံခဲ့ရတဲ့ အတွက် ဘုန်းကြီးတွေ တော်တော် စိတ်ဆိုးနေကြတယ်။ ဒီလို မဖျက်စီးဖို့ အတွက် တောင်းပန် ချင်ပါတယ်။"

အဆိုပါ နတ်ရုပ်ကို လက်ရှိ သိမ်ကျောင်း ကော်မတီမှ ဦးဆောင်သော အဖွဲ့တဖွဲ့က နိုဝင်္ဘာလ ၂၃ ရက်နေ့ ညဥ့် ၁၀ နာရီခန့်တွင် တူးနေစဉ် သိမ်ထဲရှိ ဘုန်းကြီး တပါးက ဟန့်တား ခဲ့သော်လည်း မရရှိကြောင်း သတင်းစာက ဆိုသည်။

ယခင် သိမ်ကျောင်း ကော်မတီဟောင်း ဦးမောင်ကျော်သာကလည်း နတ်ရုပ်တူးဖေါ်မူနှင့် ပတ်သက်ပြီး ယခုလို ပြောသည်ဟု သတင်းစာက ရေးသည်။

"သိမ်ဆိုတာ တူးဖို့မဆိုနဲ့ လက်ထိလို့ တောင်မရဘူး။ တူးတဲ့သူကို အရေးယူရမယ်။ ဒီကိစ္စကို ကာကွယ်ဖို့ အတွက် ကော့စ်ဘဇားက ရခိုင်တွေသာ မဟုတ်ဘူး။ နိုင်ငံ တကာမှာရှိတဲ့ ရခိုင်တွေပါ ၀ိုင်းဝန်း ကာကွယ်ရပါမယ်" ဟု ၄င်းသတင်းစာက ဆက်လက် ဖေါ်ပြသည်။

နတ်ရုပ် အတူးခံခဲ့ရသည့် ကော့စ်ဘာဇား မဟာသိမ်တော်ကြီးကို အင်္ဂလိပ် သက္ကရာဇ် ၁၇၉၉ ခုနှစ်တွင် ရခိုင်ပြည်မှ ထွက်ပြေးလာသူ ဦးအောင်ချမ်းသာက တည်ဆောက်ခဲ့သည်ဟု ဒေသခံများက ပြောသည်။

အင်္ဂလိပ် လက်ထက်တွင် ဗမာ ဘုရင် အုပ်စိုးမူကို မခံလိုသော ရခိုင်များက အဆိုပါ ဒေသသို့ ထွက်ပြေးလာပြီးနောက် အင်္ဂလိပ် ကပ္ပိတိန် ကော့စ်က ဆက်လက် တည်ထောင်နေရာချထားပေးခဲ့သဖြင့် နောက်ပိုင်းတွင် ကော့စ်ဘဇားမြို့တွင်လာကြောင်း အဆိုပါ သတင်းစာကရေးသည်။

ဒေသခံများ အဆိုအရ အဆိုပါ သိမ်တော်ကြီးမှာ ရှေးခေတ် ပညာရှိ ဘုန်းကြီးများ အဓိဌါန်ဖြင့် တည်ထား ကိုးကွယ်လာသော သိမ်ဖြစ်သည့်အတွက် တရားမရှိသော စစ်တပ်အရာရှိ၊ မင်းဆိုးမင်းယုတ် တို့လာရောက် လည်ပတ်ပါက ရာထူး ရာကန် ပြုတတ်သည်ဟု ဆိုသည်။

သို့ဖြစ်၍ မြန်မာ့စစ်ခေါင်းဆောင်စိုးဝင်း လာရောက်လည်ပတ်ခဲ့သည့်ခရီးအတွင်း အဆိုပါသိမ်မှ နတ်ရုပ်အားတူဖေါ်မှုဖြစ်ပွားခဲ့ခြင်း ဖြစ်သည်။

သို့သော် မည်သူ့အမိန့်ဖြင့် တူးသည်၊ မည်သူက တူးခိုင်းသည်ကို ယနေ့အထိမသိရှိရသေးကြောင်း၊ တဘက် မှာလည်း ဒေသအတွင်းရှိဘုန်းကြီးနှင့် လူထုများအကြားအဆိုပါ ကိစ္စကိုဖေါ်ထုတ်ရန် ယနေ့ကော့စ်ဘဇားမြို့ တွင် အစည်းဝေးတခု ပြုလုပ်ခဲ့ကြကြောင်း သတင်းရရှိသည်။ 

http://www.narinjara.com/detailsbur.asp?id=3627

ပါကစ္စတန် မြေထဲ က အမေရိကန် ထွက်ခွာ ဖို့ တောင်းဆို (Update)




by FNG on November 27, 2011
_56964012_013405240-1အမေရိကန် ဦးဆောင် တဲ့ နေတိုး တပ်ဖွဲ့  က တိုက်ခိုက်ရေး ရဟတ်ယာဉ် တွေ က ပါကစ္စတန်
နယ်မြေ ပိုင် နက် ကို ၀င်ရောက် တိုက် ခိုက် မှု ကြောင့် နယ်ခြား စောင့်တပ်က စစ်သား နှစ် ဒါ
ဇင် ကျော် ကျဆုံး ပြီး နောက် နှစ် နိုင်ငံ ဆက် ဆံရေး ပိုပြီး တင်းမာ လာခဲ့ ပါတယ်။
ပါကစ္စတန် ၀န်ကြီးချုပ် ယူစွဖ် ဂါဇာ ဂီလာနီ ရဲ့  အစိုးရ အဖွဲ့  က ဆုံးဖြတ် ချက် အရ ပါကစ္စတန်
တပ် ကနေ အာဖဂန် နစ္စတန် ထဲ ကို သယ်ပို့  နေတဲ့ လက်နက် / ရိက္ခာစတဲ့  ထောက်ပို့  လမ်း
ကြောင်း တွေ ကို ဖြတ် တောက် ထား လိုက် ပြီး ပါကစ္စတန် နိုင်ငံ ထဲ က လေတပ် စခန်း လေ
ယာဉ် ကွင်း တွေ မှာ အခြေစိုက် တဲ့ အမေရိကန် လေတပ် လေယာဉ် တွေ ကို ပါ အမြန်ဆုံး ဖယ်
ရှားပေး ဖို့ တောင်း ဆိုထား ပါတယ်။
ပါကစ္စတန် စစ်တပ် ရဲ့  ရှေ့ တန်း စစ်ဆေးရေး စခန်း  ကို တိုက် ခိုက်မှု ဟာ ပါကစ္စတန် နိုင်ငံရဲ့ 
အချုပ် အခြာ အာဏာ ကို ထိပါးတာ ဖြစ်ပြီး နိုင်ငံ တကာ ဥပဒေ တွေ ကို ချိုးဖောက်တာ လို့ 
စစ်တပ် က ထုတ် ပြန် တဲ့ ကြေငြာ ချက် မှာ ဖော် ပြထား ပါတယ်။
၂၀၀၁ ခုနှစ် အမေရိကန် နိုင်ငံ က အာဖဂန် နစ္စတန် မှာ အခြေစိုက်တဲ့ အယ်(လ)ကားယီးဒါး
အကြမ်းဖက် အဖွဲ့  နဲ့  တာလီဘန် တွေ ကို ဖယ်ရှား တဲ့ စစ်ဆင်ရေး စတင် ကတည်း က ပါကစ္စ
တန် ဟာ နှစ် စဉ် အမေရိကန် ဆီက စစ်လက်နက် ၊ နည်းပညာ နဲ့  ငွေကြေး အကူအညီ ရရှိခဲ့
ပါတယ်။
ယခုနှစ် မေလ က က ပါကစ္စတန် နိုင်ငံ ထဲ မှာ ပုန်းအောင်း နေတဲ့ အယ်(လ)ကားယီးဒါး
အကြမ်းဖက် ကွန်ယက် ခေါင်းဆောင် အိုစမာဘင်လာဒင် ကို အမေရိကန် က ပါကစ္စတန်နယ်
မြေထဲ ၀င်ရောက် ပြီး သုတ်သင် လိုက် ကတည်းက အမေရိကန် နဲ့  ပါကစ္စတန် ဆက်ဆံရေး
တင်းမာ လာခဲ့ ပါတယ်။
ပါကစ္စတန် နိုင်ငံ ဘလူချီစတန် ပြည်နယ် ထဲ က လေတပ် စခန်း တွေ မှာ အမေရိကန် နဲ့ 
နေ တိုး တပ် ဖွဲ့  လေယာဉ် တွေစခန်း ချထား ပါတယ်။
အမေရိကန် နဲ့  နိုင်ငံစုံ တပ်ဖွဲ့  ကတာဝန် ရှိ သူ တွေ ကတော့ ဒီတိုက် ခိုက် မှု နဲ့  ပတ်သက်ပြီး
စုံစမ်း စစ်ဆေး ပေး မယ် လို့  ကတိပေးထားပါတယ်။
အာဖဂန် နစ္စတန် နိုင်ငံ က တာဝန်ရှိ သူ တွေ ရဲ့  စုံစမ်းချက် အရ နေတိုး တိုက်ခိုက်ရေး ရဟတ်
ယာဉ်တွေ ကို ပါကစ္စတန် က စတင် ပစ်ခတ် တာ လို့  ဆိုပါတယ်။ ပါကစ္စတန် စစ်သား ၂၄ယောက်
ကျဆုံးတဲ့ နေရာနဲ့  အနီးဆုံး အာဖဂန် နစ္စတန် ဘက်အခြမ်း မှာ တပ်ဆွဲထား တဲ့ စစ်စခန်း တစ်ခု
က စစ်သား တွေ ၊ အရာ ရှိ တွေ က သူတို့  မျက် မြင် တွေ့ ရတာ ကို ပြောတာ ဖြစ်ပါတယ်။
ကရာချိ ၊ အစ္စလာမာဘတ် အပါ အ၀င် ပါကစ္စတန် မြို့ တော် တွေ မှာ အမေရိကန် ဆန့် ကျင်တဲ့
ဆန္ဒပြ မှု တွေ ဖြစ်ပွား နေ ပြီး အစ္စလာမ် အစွန်း ရောက် အဖွဲ့  တွေ ကတော့ အစိုးရ အနေနဲ့ ဒီ
ထက် ပို ပြီး အမေရိကန် ကို ဖိအားပေး ဖို့  လိုနေတယ် လို့  ဆိုပါတယ်။
ကျဆုံး သွားတဲ့ စစ်သား ၂၄ ယောက် ရဲ့ အလောင်း ကို ဒီနေ့  နိုင်ငံ အနောက်မြောက်ပိုင်း
ပါရ်ှဝါ မြို့  က စစ်စခန်း တစ်ခု မှာမြုပ် နှံ လိုက်ပြီ ဖြစ်ပါတယ်။ ဒီအခမ်း အနား ကို ပါကစ္စတန်
ကြီးတပ် အကြီး အကဲ ဗိုလ်ချုပ်ကြီး Ashfaq Pervez Kayani တက်ရောက် ခဲ့ ပါတယ်။
နေတိုး အဖွဲ့  အတွင်း ရေး မှုး ချုပ် ပါကစ္စတန် စစ်သား တွေ သေဆုံး ရ မှု အပေါ် မှာ တောင်း
ပန် စကား ဆို ခဲ့ ပြီး အမြန်ဆုံး စုံ စမ်း စစ်ဆေး ပေး ပါ့မယ် လို့  ပြော ဆို ထားပါတယ်။


ပါကစ္စတန် က နေတိုး တပ်ဖွဲ့ အတွက် ထောက်ပို့ လမ်းကြောင်း များ ဖြတ်တောက်ထားသဖြင့် ပါကစ္စတန် နယ်စပ် တွင် စုပြုံနေသည့် ကားတန်းများ REUTERS/Shahid Shinwari

NATO leave airbase
Read more: http://www.foxnews.com/politics/2011/11/26/deadly-border-strike-inflames-tensions-between-us-pakistan/#ixzz1esb6xJql

Related articles
Pakistan asks U.S. to vacate key air base in 15 days after fatal NATO airstrike (redantliberationarmy.wordpress.com)
BREAKING: Pakistan Tells U.S. to Get Out of Air Base as NATO Strike ‘Exacerbates’ Tensions (themoderatevoice.com)
http://freedomnewsgroup.com/2011/11/27/u-s-pakistan-relation/

မန္တလေးအခြေစိုက် ပါတီတခု၏ တွေ့ဆုံပွဲတွင် ဘီယာဖြင့် ဧည့်ခံ





 – beer and party
ဓာတ်ပုံသတင်း
နိုဝင်ဘာ ၂၇၊ ၂၀၁၁


ယမန်နေ့က ပြုလုပ်သည့် ပြည်သူ့ဒီမိုကရေစီပါတီ၏ တွေ့ဆုံပွဲတွင် ဘီယာပုလင်းထောင်ထားသည်ကို တွေ့ရသည်။
အဘယ်ကြောင့် ဘီယာဖြင့် ဧည့်ခံသည်ကို မသိရသေးပေ။
ထိုပါတီက ပြုလုပ်သည့် ပထမဆုံး သတင်းစာ ရှင်းလင်းပွဲဖြစ်သည်ဟု ဆိုသည်။
(http://www.facebook.com/mgbaoo တွင် တွေ့ရသော ဓာတ်ပုံဖြစ်သည်။)
http://moemaka.com/2011/11/9402/

အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း (၂)

စနေ, 26 နိုဝင်ဘာ 2011

By ရော်နီညိမ်း

တပ်မှူးတပ်သား ပြောစကား (၀၈၈)

၂၀၁၁ နိုဝင်ဘာ(၄)ရက်နေ့ ကနေ (၇)ရက်နေ့ အထိ၊ အင်ဒိုနီးရှားနိုင်ငံ ဘာလီကျွန်းမှာ ကျင်းပခဲ့တဲ့၊ “တတိယ အကြိမ် အာရှ လစ်ဘရယ်နှင့် ဒီမိုကရက်များ နှစ်ပတ်လည်ညီလာခံ”(Third Conference of Asia Liberal & Democrats) မှာ၊ မြန်မာနိုင်ငံက အမျိုးသားဒီမိုကရေစီအဖွဲ့ချုပ်(NLD) ပါတီကိုကိုယ်စားပြုပြီး၊ ဗဟိုကော်မတီ ၀င် ဦးဝင်းထိန် တက်ရောက်ခဲ့ပါတယ်။ နှစ်ရှည်နိုင်ငံရေးအကျဉ်းသားဟောင်းတစ်ဦးလည်းဖြစ်တဲ့၊ ဗိုလ်ကြီးဟောင်း ဦးဝင်းထိန်ကို ဦးရော်နီညိမ်းက ဆက်သွယ်ပြီး၊ မြန်မာနိုင်ငံမှာ ကွယ်ပျောက်နေတဲ့ လစ်ဘရယ်ဒီမိုကရေစီ အခြေအနေကို ဒီသီတင်းပတ် တပ်မှူးတပ်သား ပြောစကားကဏ္ဍမှာ၊ ဒုတိယပိုင်း အဖြစ်၊ ဆွေးနွေးတင်ဆက်ထားပါတယ်။

ဦးရော်နီညိမ်း ။ ။ ဦးဝင်းထိန်တက်ရောက်လာခဲ့တဲ့ ဒီညီလာခံအကြောင်းကို ပြောပြပါဦး ခင်ဗျ။ ဒီညီလာခံ ကို ဘယ်လိုအမည်မှည့်ခေါ်ထားတယ်၊ ခုနပြောခဲ့သလို စုစုပေါင်းကိုယ်စားလှယ် ဘယ်နှစ်ယောက်တက်တယ်၊ ညီလာခံ လေးရက်အတွင်းမှာ workshop, seminar, symposium တွေက ဘယ်လိုရှိတယ် ဆိုတာတွေကို အကျဉ်းချုံး ပြီး ပြောပြပေးပါးလား ခင်ဗျ။

ဦးဝင်းထိန် ။ ။ တက်လာတဲ့ ကိုယ်စားလှယ်တွေ (၈၀) လောက်ရှိပါတယ်။ စင်္ကာပူ၊ မြန်မာ၊ ထိုင်း၊ ဖိလစ် ပိုင်၊ ထိုင်ဝမ်တို့အပြင် ဥရောပနိုင်ငံတွေက ဂျာမဏီ၊ ပြင်သစ်၊ ဟော်လန်၊ ဘယ်လ်ဂျီယံ၊ အဘီဆီးနီးယား၊ အဲဒီနိုင်ငံတွေ က ကိုယ်စားလှယ်တွေပါတယ်။ ထူးခြားတာကတော့ လာအိုနဲ့ ဗီယက်နမ် မပါဘူး။ သို့သော် ဗီ ယက်နမ်မှာ အဖွဲ့အ စည်းနာမည်ကိုက Council of Asia Liberals and Democrats (CALD) နဲ့ ရုံးတွေ၊ နောက်နှစ်မှာ စပြီး ဖွင့်တော့မယ်။ တောင်ကိုးရီးယားမှာလည်း ဒီရုံးရှိပေမယ့်၊ ဒီနှစ်တော့ တောင်ကိုးရီး ယားက ကိုယ်စားလှယ် လာပြီး မတက်ပါဘူး။ ဘာလီကျွန်းရဲ့ Governor အုပ်ချုပ်ရေးမှူးပေါ့ သူက ဗိုလ်ချုပ် ကြီးဟောင်း တစ်ယောက်ပါ။ သူက ညီလာခံ အဖွင့် အမှာစကား ပြောတယ်။ ဒီပုဂ္ဂိုလ်က တော်တော် အရည် အချင်းရှိပါတယ်။ သူ့မိန့်ခွန်းအစမှာကိုက CALD ရဲ့ theme (အနှစ်သာရ)ကိုက ပါပြီးသား။ ဒီtheme က ဘာလဲဆိုတော့ Pluralism and Development (ဗဟုဝါဒနှင့် ဖွံ့ဖြိုးတိုးတက်မှု)။ အဲဒါအကျုံးဝင်နေတဲ့ သူ့ရဲ့ မိန့်ခွန်းထဲမှာ သူဘာပြောသွားလဲဆိုတော့၊ ခုန ကျနော် ပြောခဲ့သလို အများရဲ့ဆန္ဒကို လေးစားလိုက်နာသလို လူနည်းစုရဲ့အခွင့်အရေးကိုလည်း အကာအကွယ်ပေးရမယ် ဆိုတဲ့ theme လမ်းကြောင်းကို ဦးတည်ပြောသွား တယ်။ ပြောတဲ့အခါမှာလည်း၊ သူက အဓိက ပိုပြီးချဲ့ထွင်ပြောတာ က၊ ကျနော်တို့ကို သူက မိတ်ဆွေတွေလို့ တောင် မခေါ်ချင်ဘူး၊ ညီအစ်ကိုမောင်နှမတွေလို့ပဲ ခေါ်ချင်တယ်လို့ ထပ်ခါတလဲလဲပြောသွားတဲ့အခါကျတော့၊ လစ်ဘရယ်ဒီမိုကရေစီဆိုတာ ဒီလိုဘ၀မျိုးတွေအထိရောက်အောင် ရည်မှန်းထားပါလားလို့၊ ကျနော် သဘောပေါက်သွားတယ်။ နောက်ပြီး ကိုယ်စားလှယ်တွေရဲ့ သုံးပုံတစ်ပုံဟာ အမျိုးသမီး တွေ။ အဲဒါက ထူးခြား ချက်ပဲ။ ဒီအမျိုးသမီးတွေက တက်တက်ကြွကြွကျွမ်းကျွမ်းကျင်ကျင်နဲ့ သက်ဆိုင်ရာဘာသာရပ်တွေ ကို ပြောနိုင်ခဲ့ကြတယ်။ ကျနော်ပြောဖို့ ကျန်သွားတာက၊ ဒီညီလာခံမှာ ဂျပန်ကလည်း ကိုယ်စားလှယ် တစ် ယောက် တက်ပါတယ်။ Governor က မိန့်ခွန်းပြောသွားပြီးတဲ့အခါမှာ၊ Frederick Norman Foundation က ကိုယ်စားလှယ်တွေက ကျနော်တို့တွေကို ကြိုဆိုတဲ့အကြောင်း ဆက်ပြောပြီးတော့၊ ညနေပိုင်းမှာတော့ ကျနော့်ကို ဦးစားပေးတဲ့အနေနဲ့ မြန်မာနိုင်ငံမှာ ကျနော်ကြုံတွေ့ခဲ့ရတဲ့ အကြောင်းတွေကို၊ ဆယ်မိနစ်လောက် ကျနော် မိန့်ခွန်း ပြောကြားခဲ့ရပါတယ်။ ပြီးတော့မှာ အဲဒီ CALD (Council of Asia Liberals and Democrats) မှာ၊ permanent secretariat (အမြဲတမ်းအတွင်းဝန်အဖွဲ့) ရှိတဲ့အခါကျတော့၊ အဲဒီ permanent secretariat ရဲ့ ဥက္ကဋ္ဌက သီရိလင်္ကာက။ ညီလာခံမှာ သီရိလင်္ကာကလည်း တက်ပါတယ် ခင်ဗျ။ သီရိလင်္ကာက ၀ါရင့်အတိုက်အခံအမတ် Mr. Najiba ကနေ ဒီအစည်းအဝေးကို ကြီးကြပ်တာပဲပဲ ခင်ဗျ။ တနေကုန် အစီအ စဉ်တွေက ညနေ လေးနာရီခွဲ ငါးနာရီလောက်မှ ပြီးတယ်။ ပထမဆုံးနေ့က ပြီးတာနဲ့ Governor အိမ်မှာ dinner ဖိတ်ထားလို့၊ ကိုယ်စားလှယ်တွေ ကားနဲ့ သွားကြတာ၊ (၄၅) မိနစ်လောက်ကြာတာမှာ ဒီကားစီးတဲ့ ခရီးတခုလုံး ဘာတွေ့ရလဲဆိုတော့၊ ဒီဘာလီကျွန်း ရဲ့ မူဆာဒူအာ (Musadua) ဒေသဟာ အိမ်တွေတိုက်တွေ ဆက်နေ ပြီး တော်တော်စည်ကားတာ တွေ့ရတယ်။ အိမ်တွေက အဆင့်အတန်းမြင့်သလို၊ ကားတွေကလည်း အကုန်လုံး လိုလို သစ်လွင်တောက်ပနေတာကို၊ သတိ ထားမိတယ် ခင်ဗျ။

ဦးရော်နီညိမ်း ။ ။ ဟုတ်ကဲ့ ဒီအစည်းအဝေးမှာ၊ ကိုယ်က ဖတ်တာရှိမယ်၊ တင်ပြတာရှိမယ်၊ သူတို့ကလည်း ဖတ် တာတွေ တင်ပြတာတွေရှိပြီးတော့ အပြန်အလှန် ဆွေးနွေးတာတွေ ရှိမယ်၊ work shop (အလုပ်ရုံဆွေးနွေးပွဲ) တွေ၊ symposium (အကြောင်းအရာတစ်ခုတည်းကို စူးစိုက်ဆွေးနွေးပွဲ) တွေ၊ seminar (အကြောင်းအရာများကို ဖြန့်ပြီးဆွေးနွေးပွဲ) တွေ ရှိမယ်။ နောက်ဆုံးမှာ ဒီညီလာခံကနေ ဘယ်လို resolution (ဆုံးဖြတ်ချက်)တွေ ချခဲ့ပါလဲ ခင်ဗျ။

ဦးဝင်းထိန် ။ ။ ဒီညီလာခံရဲ့ resolution ကတော့၊ လာတက်ကြတဲ့ ကိုယ်စားလှယ်တွေရဲ့ နိုင်ငံ အသီး သီးတွေမှာ လစ်ဘရယ်ဒီမိုကရေစီ ထွန်းကားဖို့အတွက် အနုနည်းနဲ့ ရုန်းကန်လှုပ်ရှားရေးပါ။ အခက်အ ခဲတွေတွေ့တဲ့အခါမှာလည်း၊ နောင်မှာ အခုလိုပဲ အခက်အခဲတွေကို ဆွေးနွေးညှိနှိုင်းပြီးတော့မှ အဖြေရှာကြမယ်၊ အဲဒီလို အဖြေရှာတဲ့ အခါ အချင်းချင်းတွေ ဆက်သွယ်နိုင်အောင်၊ ပါတီ ရုံးလိပ်စာတွေ email account တွေ ဖလှယ်တာတို့တွေ၊ ပြုလုပ်ခဲ့ကြပါတယ်။ တစ်ခုပြောဖို့ ကျန်သွားတာက၊ မွန်ဂိုးလီးယားက အတိုက်အခံပါတီရဲ့ ကိုယ်စားလှယ် သုံးယောက် လည်း လာတက်ပါတယ်။ ထိုင်ဝမ်ကဆိုရင် အရင်က အာဏာရပါတီရဲ့ ကျန်းမာရေးဒုဝန်ကြီးဖြစ်ခဲ့တဲ့သူက အခု အတိုက်အခံအဖြစ်နဲ့ ထိုင်ဖြွ့အဖွဲ့ကို ဦးဆောင်ပြီး လာတက်တာ။ လာမယ့် ဇန်န၀ါရီလမှာ ထိုင်ဝမ်ရွေးကောက်ပွဲမှာ သူတို့က ပြန်နိုင်နိုင်တဲ့ အခြေအနေ အလားအလာကောင်းနေ တယ်လို့ ဆိုတယ်။ ကမ္ဘောဒီးယားကျတော့ ထူးထူးခြားခြားက ၀န်ကြီးချုပ်ဟွန်ဆန်က နည်းမျိုးစုံနဲ့ ဖိနှိပ် ထားတော့ အတိုက်အခံတွေ မလူးသာမလွန့်သာနဲ့ ခံနေရတဲ့ ကိစ္စတွေကို၊ သူတို့ရဲ့ constitution ဖွဲ့စည်းအုပ် ချုပ်ပုံအခြေခံဥပဒေမှာ ရေးထားတဲ့ clause တွေကိုသုံးပြီး၊ ဘယ်လိုနည်းနဲ့တုန့်ပြန်မယ်ဆိုတဲ့ အကြောင်းတွေ ကို၊ ညီလာခံမှာ ၀ိုင်းဝန်းဆွေးနွေးကြပါတယ်။

ဦးရော်နီညိမ်း ။ ။ ဦးဝင်းထိန်ဆီက ကြားသိရသမျှဆိုရင်၊ ဒါဟာ အင်ဒိုနီးရှားနိုင်ငံမှာ ကျင်းပတဲ့ ဒီညီလာခံ ဟာ အရင်နှစ်တွေကလည်း တခြားနိုင်ငံတွေမှာ ကျင်းပတယ်ဆိုတော့၊ လစ်ဘရယ်ဒီမိုကရက်တွေရဲ့ ညီလာခံ ကျင်းပတာမှာ၊ သက်ဆိုင်ရာ အိမ်ရှင်နိုင်ငံအစိုးရတွေရဲ့ ကမကထလုပ်မှု မဟုတ်ပဲနဲ့၊ ခုနပြောတဲ့ ဂျာမန်ဖေါင်ဒေးရှင်းလိုမျိုး တစ်ခုနဲ့ လစ်ဘရယ်ဒီမိုကရက်တွေရဲ့ CALDက တာဝန်ရှိသူတွေပေါင်းပြီး လုပ်ကြ တဲ့သဘောလို့၊ မြင်ကြည့်လို့ ရပါ သလား ခင်ဗျ။ သက်ဆိုင်ရာ အိမ်ရှင်နိုင်ငံအစိုးရတွေရဲ့ ပါဝင်ပတ်သက်မှု ရှိပါ သလား ခင်ဗျ။

ဦးဝင်းထိန် ။ ။ အခု ဒီညီလာခံမှ အဓိက ဧည့်ကြိုအနေနဲ့ လုပ်တာက၊ ခုနပြောတဲ့ ဂျာမဏီက Frederick Norman Foundation ၊ ပြီးတော့ အာရှတိုက်နဲ့ ပတ်သက်တဲ့ CALD (Council of Asia Liberals and Democrats) က၊ ကမကထလုပ်တယ်၊ ကုန်ကျစားရိတ်တွေကို ခံတယ်၊ ဒါပေမယ့် အင်ဒိုနီးရှားက အတိုက်အ ခံ ပါတီ PDIT ကလည်း ပူးတွဲပြီး၊ ညီလာခံဧည့်ခံရေးကို ပူးတြွဲပီးလုပ်ပါတယ်။ သို့သော်လည်း အာဏာရပါတီ က ဖြစ်တဲ့ ဘာလီကျွန်းရဲ့ Governor က၊ ကြည်ကြည်ဖြူဖြူနဲ့ ခွင့်ပြုတယ်။ အာဏာရပါတီကလည်း ဘာလီမှာ ဘာတွေလုပ်နေကြတယ် ဆိုတာ၊ သူတို့က သိပါတယ်။ အရင့်အရင်ကလည်း ဒီညီလာခံကို ဘန်ကောက်၊ မနီလာ၊ ကွာလာလမ်ပူတို့မှာ လုပ်ခဲ့တယ်။ အဲဒီညီလာခံတွေကိုလည်း သက်ဆိုင်ရာအစိုးရတွေက ကြည်ကြည်ဖြူဖြူ ခွင့်ပြုခဲ့ ပါတယ်။ ကျနော် မှန်းကြည့်လို့ရတာကတော့၊ အာရှမှာ လစ်ဘရယ်ဒီမိုကရေစီထွန်း ကားအောင်လုပ်တဲ့ နည်းမျိုးစုံနဲ့ လှုပ်ရှားတဲ့ပုဂ္ဂိုလ်တွေကို၊ အာဏာရပါတီတွေက အထိုက်အလျောက်လေးစား ပြီးတော့ ခွင့်ပြုတယ်။ လွတ်လပ်ခွင့် အထိုက်အလျောက် ပေးတယ်ပေါ့ဗျာ။ လှုပ်ရှားခွင့်နယ်ပယ်ပေးပြီး ခွင့်ပြု ထားတယ်လို့၊ ကျနော် ယူဆတယ်။

ဦးရော်နီညိမ်း ။ ။ အဲဒါကိုပဲ ကျနော်သိချင်တာပါ။ အဲဒါကြောင့် ၂၀၁၄ ခုနှစ်မှာ၊ မြန်မာနိုင်ငံမှာ အာဆီယံ အစည်းအဝေးကြီး ကျင်းပပြီ ဆိုကြပါစို့။ အဲဒီအချိန်မှာ ဖြစ်ပေါ်နေမယ့် မြန်မာအစိုးရထဲမှာ အမျိုးသားဒီမိုကရေ စီအဖွဲ့ချုပ် ပါ ရင်လည်း ပါနေမလားတော့ မပြောတတ်ဘူး။ ဘယ်လိုပဲဖြစ်ဖြစ် ၂၀၁၄ ခုနှစ်မှာ ရှိနေမယ့် မြန် မာနိုင်ငံအစိုးရက ခြိမ့်ခြိမ့်သဲသဲနဲ့ အာဆီယံ၊ အာဆီယံ + ၃၊ အာဆီယံ - အမေရိကန် စတဲ့ ညီလာခံတွေ အစည်းအဝေးကြီးတွေ လုပ် နေတဲ့အချိန်မှာ၊ တဘက်မှာလည်း ၂၀၁၄ မှာ၊ အခု ဦးဝင်းထိန်သွားတက်တဲ့ အာရှက လစ်ဘရယ်ဒီမိုကရက်တွေ ရဲ့ ညီလာခံမျိုးကို၊ အမျိုးသားဒီမိုကရေစီအဖွဲ့ချုပ်နဲ့ ခုန ဂျာမန်ဖေါင်ဒေး ရှင်းနဲ့ ပင်မအဖွဲ့အစည်း CALD နဲ့ သီရိ လင်္ကာက ပုဂ္ဂိုလ် ဦးဆောင်နေတဲ့ permanent secretariat အဖွဲ့၊ အဲဒါတွေ အကုန်ပေါင်းပြီး၊ မြန်မာနိုင်ငံမှာ ကော ဒီညီလာခံမျိုး လုပ်မယ်ဆိုရင် လုပ်လို့ရမယ့် အနေအထား မရှိဘူးလား ခင်ဗျ။ အကယ်၍ အမျိုးသားဒီမိုကရေစီ အဖွဲ့ချုပ်က ဆန္ဒရှိခဲ့ရင်ပေါ့။ အဲဒီအချိန် အာဏာရ အစိုး ရထဲမှာ အမျိုးသားဒီမိုကရေစီအဖွဲ့ချုပ်လည်း တစိပ်တပိုင်း ပါချင်လည်း ပါနေမယ်။ မပါပဲနဲ့ အခုလိုပဲ အတိုက် အခံပါတီပဲ ဖြစ်ချင်လည်း ဖြစ်နေမယ်။ ဦးဝင်းထိန်က ဒီညီလာခံ ကို ကိုယ်တိုင်သွားတက်တဲ့လူဆိုတော့၊ ဒီကိစ္စကို ဘယ်လိုမြင်ကြည့်နိုင်ပါလဲ ခင်ဗျ။ hypothesis (မှန်းဆတွေး ကြည့်မှု) တစ်ခုပါ။

ဦးဝင်းထိန် ။ ။ အခု ကျနော်တက်ခဲ့တဲ့ ညီလာခံမှာ ဘယ်နိုင်ငံက အစိုးရက ဘယ်လိုလုပ်နေတယ် ဆိုတာ ကို၊ ပွင့်ပွင့်လင်းလင်း ဆွေးနွေးကြတယ်။ အဒီအခက်အခဲတွေကို ဘယ်လိုကျော်လွှားမလဲဆိုတကို၊ ပွင့်ပွင့်လင်း လင်း တိုင်ပင်ဆွေးနွေး အဖြေရှာကြတယ်။ ဒီညီလာခံတစ်ခုလုံးမှာ အေးအေးချမ်းချမ်း ပျော်ပျော်ရွှင်ရွှင်နဲ့၊ ကိုယ့်နိုင်ငံက ပြဿနာတွေကို တင်ပြကြတယ်။ အေးအေးချမ်းချမ်းနဲ့ ညီလာခံ ပြီးသွားတယ်။ အဲဒီတော့ ကျနော်တို့နိုင်ငံမှာလည်း အမျိုးသားဒီမိုကရေစီအဖွဲ့ချုပ်က အာဏာရထဲမှာ ပါသည်ဖြစ်စေ၊ မပါသည်ဖြစ်စေ၊ ဒီညီလာခံမျိုး မြန်မာနိုင်ငံမှာ နောက် နှစ်နှစ်သုံးနှစ်အတွင်း ဖြစ်လာနိုင်တယ်လို့၊ကျနော်ထင်တယ်။ ဖြစ်လာနိုင်အောင်လည်း ကျနော်တို့ ကြိုးစား ကြည့်မယ်။ အဲဒီလို ညီလာခံမှာ၊ မြန်မာအစိုးရကို မဟုတ်မတရားနည်းနဲ့ ပုတ်ခတ်တာမျိုး မဟုတ်ပဲနဲ့၊ ယဉ်ကျေးတဲ့နည်းနဲ့ ဝေဘန်တာမျိုးပဲ ဖြစ်ရမယ်။ ဒါ့ကြောင့်မို့လို့ မြန်မာနိုင်ငံမှာ နောက်နှစ်နှစ် သုံးနှစ်အတွင်း၊ ဒီညီလာခံမျိုး ဖြစ်မ လာနိုင်စရာ အကြောင်းမရှိဘူး၊ ဖြစ်လာနိုင်တယ်လို့ပဲ၊ ကျနော် ယူဆပါ တယ်။

ဦးရော်နီညိမ်း ။ ။ ဒါကြောင့် ၂၀၁၄ မှာ၊ အာဆီယံထိပ်သီးညီလာခံ မြန်မာနိုင်ငံမှာ ရှိလာမှာ ဖြစ်သလို၊ အာရှက လစ်ဘရယ်ဒီမိုကရက်တွေရဲ့ညီလာခံလည်း NLD နဲ့ CALD နဲ့၊ သက်ဆိုင်ရာတွေနဲ့ ကမကထ လုပ်ပြီးတော့၊ မြန်မာအစိုးရရဲ့ အနှောက်အယှက်အဟန့်အတား မပေးပဲနဲ့၊ ဖြစ်ပေါ်လာနိုင်တယ်လို့၊ ဦးဝင်းထိန် ယုံကြည်တယ် ပေါ့။

ဦးဝင်းထိန် ။ ။ ဟုတ်ပါတယ် ခင်ဗျာ။ ၂၀၁၄ မှာ အခု အနေအထားအရ၊ အာဆီယံထိပ်သီးညီလာခံ မြန် မာနိုင်ငံ မှာ လုပ်မယ်။ အလားတူပဲ လစ်ဘရယ်ဒီမိုကရက်တွေရဲ့ ညီလာခံလည်း မြန်မာနိုင်ငံမှာ လုပ်လို့ရနိုင် မယ့်၊ အနေအထား ရှိလာနိုင်ပါတယ်။

ဦးရော်နီညိမ်း ။ ။ ကျေးဇူးတင်ပါတယ် ဦးဝင်းထိန် ခင်ဗျား။ ဒီနှစ် ၂၀၁၁ နိုဝင်ဘာ(၄)ရက်နေ့ ကနေ (၇) ရက်နေ့ အထိ၊ အင်ဒိုနီးရှားနိုင်ငံ ဘာလီကျွန်းမှာ Musadua မြို့မှာ ကျင်းပခဲ့တဲ့၊ “တတိယအကြိမ် အာရှ လစ်ဘရယ်နှင့် ဒီမို ကရက်များ နှစ်ပတ်လည်ညီလာခံ”(Third Conference of Asia Liberal & Democrats) မှာ၊ မြန်မာနိုင်ငံက အမျိုးသားဒီမိုကရေစီအဖွဲ့ချုပ်(NLD)ပါတီကို ကိုယ်စားပြုပြီး၊ တက်ရောက်ခဲ့တဲ့ NLD ဗဟိုကော်မတီဝင်နဲ့ နှစ်ရှည် နိုင်ငံရေးအကျဉ်းသားဟောင်းလည်းဖြစ်သူ ဗိုလ်ကြီးဟောင်းဦးဝင်းထိန် ကို၊ မြန် မာနိုင်ငံမှာ ကွယ်ပျောက်နေတဲ့ လစ်ဘရယ်ဒီမိုကရေစီ အခြေအနေနဲ့၊ မြန်မာနိုင်ငံမှာကော အာရှ လစ်ဘရယ်နဲ့ ဒီမိုကရက်တွေရဲ့ ညီလာခံ ၂၀၁၄ ခုနှစ်မှာ ကျင်းပနိုင်ခြေ ရှိမရှိ အခြေအနေတွေကို ဒီသီတင်းပတ် တပ်မှူးတပ် သားပြောစကားကဏ္ဍမှာ၊ “အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း (၂)” ခေါင်းစဉ်နဲ့ ဆွေးနွေးတင် ပြခဲ့တာ ဖြစ်ပါတယ် ခင်ဗျာ။ ကျနော် ရော်နီညိမ်း ပါ။
http://www.voanews.com/burmese/news/soldier-talk/11_26_11_soldiers_talk088-134581693.html

အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း(၁)

ပြည်တွင်းနိုင်ငံရေး အပြောင်းအလဲ နဲ့ ပြည်ပ အစိုးရ သဘောထား

ဒီမိုကရေစီရေးရာ
တနင်္လာ, 28 နိုဝင်ဘာ 2011
By ဦးသန်းလွင်ထွန်း


ဦးသန်းလွင်ထွန်း ။ ။ အမျိုးသားဒီမိုကရေစီ အဖွဲ့ချုပ်အနေနဲ့ တရားဝင်နိုင်ငံရေးပါတီအဖြစ် ရပ်တည်ဖို့ မှတ်ပုံတင်လိုက်ပါပြီ။ လာမယ့် လွှတ်တော်ရွေးကောက်ပွဲတွေမှာလည်း အပြည့်အဝ ပါဝင်ယှဉ်ပြိုင်သွားမယ်လို့ ဆိုပါတယ်။ ပြည်ပရောက် အမျိုးသားညွှန့်ပေါင်းအစိုးရရဲ့  နိုင်ငံခြားရေးဝန်ကြီးနဲ့ ၁၉၉၀ ရွေးကောက်ပွဲတွေမှာ အမျိုးသားဒီမိုကရေစီအဖွဲ့ချုပ်ကို ကိုယ်စားပြုပြီး မိုးကုတ်မဲဆန္ဒနယ် အမှတ် (၂) မှ အနိုင်ရခဲ့တဲ့ ဦးဘိုလှတင့် က ဗွီအိုအေ ကို အခုလို ပြောဆိုပါတယ်။

ဦးဘိုလှတင့် ။ ။ ဒီ သမ္မတ ဦးသိန်းစိန် အစိုးရတက်လာပြီးတော့ ဒေါ်အောင်ဆန်းစုကြည်နဲ့ တွေ့ဆုံဆွေးနွေးတယ်။ တယောက်နဲ့တယောက် အပြန်အလှန် စတင်ပြီးတော့ အသိအမှတ်ပြုမှုတို့၊ အပြန်အလှန် နားလည်းမှုတွေ ရရှိလာပြီးတော့ ဆောင်ရွက်လာကတည်းက တနေ့နေ့ ဒီလမ်းကြောင်းပေါ်ကိုတော့ အန်အယ်လ်ဒီ ဟာ ရောက်လာမှာပဲ၊ ဒေါ်အောင်ဆန်းစုကြည် ရောက်လာမှာပဲ။ အထူးသဖြင့်တော့ ဒေါ်အောင်ဆန်းစုကြည် က ပြောတဲ့ မြန်မာနိုင်ငံက ကနေ့ အာရပ်ကမ္ဘာမှာ ဖြစ်နေတဲ့ အခြေအနေမျိုးကိုတော့ ဘယ်နည်းနဲ့မှ ဆိုက်ရောက်သွားစေချင်တဲ့ဆန္ဒ မရှိသလို။ ဆိုက်ရောက်သွားမှာ မဟုတ်ဘူးဆိုတဲ့ အခြေခံပေါ်မှာ။ နောက် အမျိုးသားဒီမိုကရေစီအဖွဲ့ချုပ်က အရင်အရင်ထဲက ရွေးကောက်ပွဲလမ်းစဉ်ကို လက်ခံယုံကြည်လာတဲ့ အဖွဲ့ချုပ်ကြီးဖြစ်တဲ့အပေါ်မှာ ဒါက ဖြစ်လာမယ့်သဘောလိုပဲ မြင်ပါတယ်။

ဦးသန်းလွင်ထွန်း ။ ။ လက်ရှိ မြင်နေရတဲ့ အာရပ်ကမ္ဘာတွေမှာ ဖြစ်နေတဲ့ အခြေအနေကို ကြည့်မယ်ဆိုရင်လည်း ဒေါ်အောင်ဆန်းစုကြည် ပြောတာ အခုလောလောဆယ် မှန်တယ်လို့ အခုလောလောဆယ်အားဖြင့် ရှိနေတာပေါ့။ ဒီ လူထုအုံ့ကြွမှုတွေနဲ့ လက်ရှိအားဖြင့်တော့ နိုင်ငံတွေအတွင်းမှာ တည်ငြိမ်မှုမရသေးဘူးဆိုတာ မျက်မြင်ဖြစ်နေတာပေါ့။ အဲဒီတော့ အခုလောလောဆယ် အမျိုးသားဒီမိုကရေစီအဖွဲ့ချုပ်ရဲ့  ဒီလို လုပ်ဆောင်ချက်ဟာ တချိန်တုန်းက အမျိုးသားညီလာခံကနေ နုတ်ထွက်ခဲ့တဲ့ကိစ္စပြီးလို့ရှိရင် ဒါက ပြည်တွင်းနိုင်ငံရေးလမ်းကြောင်းကို ပြန်ဝင်တဲ့ကိစ္စဆိုတော့ ဒါက တကယ့်ကို သမိုင်းဝင်ကိစ္စတရပ်လို့ ပြောလို့ရမယ်။ အဲဒါနဲ့ ပတ်သက်လို့ လူတွေတော်တော်များများက မှန်တယ်မှားတယ်ဆိုပြီး ဝေဖန်နေတာတွေလည်း ရှိပါတယ်။ ဦးဘိုလှတင့်ရဲ့  တကိုယ်ရည်အနေနဲ့ ဘယ်လိုမြင်ပါသလဲ။

ဦးဘိုလှတင့် ။ ။ ကျနော့်အမြင်က တဦးတည်အမြင်ကတော့ ဓမ္မဓိဌာန်ကျတဲ့ ဆုံးဖြတ်ချက်နဲ့ ဆောင်ရွက်ချက်လို့ပဲ မြင်ပါတယ်။ ဘာကြောင့်လည်းဆိုတော့ အမျိုးသားဒီမိုကရေစီအဖွဲ့ချုပ်ဟာ တရားဝင်နိုင်ငံရေးပါတီတရပ်ဖြစ်တယ်။ ၁၉၉၀ ပြည့်နှစ်တုန်းက လူထုက တခဲနက်ထောက်ခံ ယုံကြည်မှု ပေးအပ်ထားတဲ့ အမျိုးသားနိုင်ငံရေး ဦးဆောင်အဖွဲ့ကြိးဖြစ်တယ်။ အဲဒီတော့ မြန်မာနိုင်ငံမှာ ဒီအဖွဲ့ကြီးက အမျိုးသားညီလာခံကို ဆန့်ကျင်ခဲ့တယ်။ ၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေကို ကန့်ကွက်ခဲ့တယ်ဆိုတဲ့ အစဉ်အလာတွေက ဒီမိုကရေစီလမ်းကြောင်းက သွေဖယ်မှုမှန်သမျှ၊ ဒီမိုကရေစီ အနှစ်သာရနဲ့ ကင်းကွာနေတဲ့ကိစ္စ ဘယ်ကိစ္စမဆို လက်မခံဘူးဆိုတဲ့ဟာကို ပြသခဲ့တာ ဖြစ်ပါတယ်။ ဒါပေမဲ့ အစဉ်တစိုက် တွေ့ဆုံဆွေးနွေးမှုကို တောင်းဆိုခဲ့တယ်။ ညှိနှိုင်းအဖြေရှာဖို့ပဲ တိုက်တွန်းတောင်းဆိုခဲ့တယ်။ ရပ်တည်ခဲ့တယ်။ တချိန်တည်းမှာ ရွေးကောက်ပွဲလမ်းကြောင်း နဲ့ ရွေးကောက်ပွဲ လုပ်ငန်းစဉ်ကို ဆန့်ကျင်တာမဟုတ်ဘူး။ ၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေတရပ်လုံးကိုလည်း ဆန့်ကျင်တာ မဟုတ်ပါဘူး။ ဒီအထဲမှာ ပါနေတဲ့ ဒီမိုကရေစီနည်းမကျတဲ့၊ ဒီမိုကရေစီ အနှစ်သာရနဲ့ ဆန့်ကျင်တဲ့အချက်အလက်တွေ အများကြီးရှိတယ်။ ဒီလိုပဲ မတရားတဲ့ ဖိနှိပ်ချုပ်ချယ်ထားတဲ့ ရွေးကောက်ပွဲ ဥပဒေ၊ နည်းဥပဒေတွေနဲ့ နိုင်ငံရေးပါတီ မှတ်ပုံတင်ခြင်းဆိုင်ရာ နည်းဥပဒေတွေကို ကန့်ကွက်ခဲ့တာ ဖြစ်တဲ့အတွက်ကို ဒီလို ဥပဒေတွေကို ပြုပြင်ပြောင်းလဲဖို့ သဘောတူညီချက်တွေ ရလာတဲ့အပြင် တချို့ ကိစ္စတွေကို ပြုပြင်ပြောင်းလဲမှုတွေ ရရှိလာတဲ့အပေါ်မှာ နိုင်ငံရေးလမ်းကြောင်းပေါ်မှာပဲ အစဉ်တစိုက် ရပ်တည်ခဲ့တဲ့ နိုင်ငံရေးပါတီတရပ်ဟာ လက်တွေ့အခြေအနေမှာ ဒီလမ်းကြောင်းကိုပဲ ရွေးချယ်ရမယ်ဆိုတာကတော့ လက်တွေ့ကျကျ မြင်တတ်တဲ့လူတိုင်း ဒီလိုပဲ မြင်ရမယ်လို့ ထင်ပါတယ်။

ဦးသန်းလွင်ထွန်း ။ ။ ကြားရသမျှ ဝေဖန်မှုတွေမှာ အထိနာဖွယ် အရှိဆုံးက ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ဟာ အမြဲတစေလို ပါတီရပ်တည်ရေးဘက်ကို ဦးစားပေးကြည့်တယ်။ ဆုံးဖြတ်တယ်ဆိုတဲ့ ဝေဖန်ချက်မျိုးပေါ့။ အဲဒါနဲ့ ပတ်သက်လို့ရော။

ဦးဘိုလှတင့် ။ ။ တကယ်တမ်းကြတော့ နိုင်ငံရေးပါတီတရပ်ဟာ နိုင်ငံရေးပါတီတရပ်အနေနဲ့ပဲ ရှုမြင်သုံးသပ်ကြရာမှာ ဖြစ်ပါတယ်။ နိုင်ငံရေးပါတီတရပ်ဟာ တော်လှန်ရေး ဦးဆောင်အဖွဲ့အစည်းတခု မဟုတ်ပါဘူး။ ပြီးတော့ အမျိုးသားဒီမိုကရေစီအဖွဲ့ချုပ်က တတ်နိုင်သမျှ ကြိုးစားပြီးတော့ တွေ့ဆုံဆွေးနွေး ညှိနှိုင်းအဖြေရှာဖို့ ကြိုးစားနေတဲ့ နိုင်ငံရေးအင်အားစု၊ နိုင်ငံရေးပါတီတရပ်ပဲ ဖြစ်ပါတယ်။ အဲဒီတော့ နိုင်ငံရေးပါတီတရပ်က နိုင်ငံရေးပါတီတရပ်လို ဆုံးဖြတ်တာကို ကျနော်တို့အနေနဲ့ ဒါဟာ ဘာမှဝေဖန်စရာ၊ ဝေဖန်စရာ မရှိဘူးလို့ မပြောလိုပါဘူး။ သို့သော် ဝေဖန်ကြတယ်ဆိုတဲ့အခါမှာ လက်တွေ့ကျကျ၊ ဓမ္မဓိဌာန်ကျကျ ဝေဖန်ဖို့နဲ့ အပြုသဘောဆောင်တဲ့ ဝေဖန်မှုတွေရှိဖို့ လိုအပ်ပါတယ်။ ဘာကြောင့်လည်းဆိုတော့ အမျိုးသားဒီမိုကရေစီအဖွဲ့ချုပ်ကို နိုင်ငံရေးလမ်းကြောင်းပေါ်မှာ လမ်းလျှောက်တာ မမြင်ချင်လို့ရှိရင် ဘယ်လိုလမ်းကြောင်းပေါ်ကို ရောက်စေချင်တာလဲလို့ ပြန်မေးခွန်းထုတ်ရမလို့ ဖြစ်နေပါတယ်။

ဦးသန်းလွင်ထွန်း ။ ။ အခုလို ပြည်တွင်းမှာ ဦးဘိုလှတင့် တို့ရဲ့  ပင်မ အမျိုးသားဒီမိုကရေစီအဖွဲ့ချုပ်ရဲ့  ရပ်တည်ချက်နဲ့ လုပ်ဆောင်ချက်တွေ ပြောင်းလဲလာပြီ။ အထူးသဖြင့်တော့ ၁၉၉၀ ရွေးကောက်ပွဲရဲ့  ရွေးကောက်ပွဲရလဒ်ကို အကောင်အထည် ဖော်ပေးရမယ်ဆိုတဲ့ တောင်းဆိုချက်ကို စွန့်လွှတ်လိုက်ပြီးဆိုတဲ့ သဘောရှိတယ်ပေါ့။ ဦးဘိုလှတင့် အနေနဲ့ ဘယ်လို ဒီကိစ္စကို ရှုမြင်ပါသလဲ။

ဦးဘိုလှတင့် ။ ။ မှန်ပါတယ်။ အစကတည်းက ကျနော်တို့က ၁၉၉၀ ပြည့်နှစ် ရွေးကောက်ပွဲရလဒ်ဟာ ပြည်သူလူထုရဲ့  စစ်မှန်တဲ့ ရင်တွင်းဆန္ဒ ဖြစ်တယ်။ သူတို့ပေးထားတဲ့ လုပ်ပိုင်ခွင့်ကို တိုင်းပြည်တပြည်ဟာ လေးစားအသိအမှတ်ပြုရမယ်။ ဘယ်သူမဆို လေးစားအသိအမှတ် ပြုရမယ်။ ဒီ ရွေးကောက်ပွဲရလဒ်ကို တနည်းနည်းနဲ့ အသိအမှတ်ပြု အကောင်အထည်ဖော်ရမယ်ဆိုတာကို ကျနော်တို့ ပြောဆိုခဲ့ကြတာ ဖြစ်ပါတယ်။ အခု ဒီအခြေခံအားဖြင့်တော့ ကျနော်တို့ ပြည်သူ့ကိုယ်စားလှယ်တွေ ပြည်သူလူထု လိုချင်တာက စစ်မှန်တဲ့ ဒီမိုကရေစီအစိုးရတရပ် ပေါ်ထွန်းလာရေး နဲ့ ပြည်သူလူထုတဦးချင်းဆီရဲ့  နိုင်ငံရေးနဲ့ အခြေခံလူ့အခွင့်အရေးတွေ အာမခံချက်ရှိတဲ့ အခြေအနေကောင်းတွေ ပေါ်ထွန်းလာဖို့ ဖြစ်ပါတယ်။ အဲဒီတော့ ဒီလို အခြေအနေကောင်းတွေ ပေါ်ထွန်းလာဖို့ အားလုံးကနေပြီးတော့ လက်တွဲပြီးတော့ ကြိုးပမ်းကြမယ်လို့ လက်ရှိ အစိုးရကလည်း ပြောနေတယ်။ ကျနော်တို့အားလုံးကလည်း အဲဒီဟာကို ခံယူခဲ့ကြတယ့်အခါမှာ အခုလို ငြိမ်းချမ်းတဲ့နည်းနဲ့ ကျနော်တို့ လက်တွဲပြီးလို့ ဆောင်ရွက်လို့ရတယ်လို့ အခြေအနေကောင်းတွေ ပေါ်လာတဲ့အခါမှာတော့ ဒါဟာ ပြည်သူလူထုရဲ့  ဆန္ဒကိုလည်း ဆန့်ကျင်ရာလည်း မရောက်ဘူး။ အစကတည်းက ကျနော်တို့ ကိုယ်တိုင် ယုံကြည်ချက်ကိုလည်း ဆန့်ကျင်ရာ မရောက်တဲ့ဘက်ကို ဒါဟာ ၁၉၉၀ ပြည့်နှစ် ရွေးကောက်ပွဲ ရလဒ် ပျက်ပြယ်သွားတယ်။ ဒါမှမဟုတ် လူထုဆန္ဒကို ကျောခိုင်းလိုက်တယ်လို့တော့ ကျနော်တို့တော့ မခံစားရပါဘူး။

ဦးသန်းလွင်ထွန်း ။ ။ အခုလက်ရှိ သွားနေတဲ့ အမျိုးသားဒီမိုကရေစီအဖွဲ့ချုပ် နဲ့ ဒေါ်အောင်ဆန်းစုကြည် ရွေးချယ်လိုက်တဲ့လမ်းကြောင်း။ အဲဒါကို သေချာပြန်သုံးသပ်မယ်ဆိုရင် လောလောဆယ်အားဖြင့် လူတွေပြောနေတဲ့ တွေ့ဆုံဆွေးနွေးရေး လမ်းကြောင်း။ တွေ့ဆုံဆွေးနွေးရေးလမ်းကြောင်းဆိုတာ တကယ်တမ်းကြတော့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် ဦးဆောင်တဲ့ လွှတ်တော်အမတ်တွေ လွှတ်တော်ထဲရောက်သွားပြီဆိုလို့ရှိရင် အသွင်ပြောင်းသွားပါပြီ။ တွေ့ဆုံဆွေးနွေးရေး ဆိုတာထက် နိုင်ငံရေးတိုက်ပွဲကို တခြားကိုယ်စားလှယ်တွေ အဖွဲ့အစည်းတွေနဲ့ ယှဉ်ပြိုင်ပြီး တောင်းဆိုတိုက်ပွဲဝင်ရမယ့် ပြုပြင်ရမယ့် အခြေအနေမျိုးကို ရောက်သွားပါတယ်။ ဆိုတော့ အဲဒီတိုက်ပွဲ ပုံစံမှာ၊ လုပ်ဆောင်ချက်ပုံစံမှာ ဘယ်လောက်အထိ အောင်မြင်မှုရမယ်လို့ မျှော်လင့်ထားပါသလဲ။

ဦးဘိုလှတင့် ။ ။ ဒါကတော့ အမျိုးသားဒီမိုကရေစီအဖွဲ့ချုပ် တခုတည်း၊ ဒေါ်အောင်ဆန်းစုကြည် တယောက်တည်းရဲ့  တာဝန်လို့ ကျနော်အနေနဲ့ မမြင်ပါဘူး။ ဒါဟာ ဒီကနေ ပြည်သူလူထုက ရွေးချယ်တင်မြောက်ထားတဲ့ ပြည်သူလူထုရဲ့  မဲဆန္ဒကို ရယူပြီးတော့ ပြည်သူ့လွှတ်တော်ထဲကို ရောက်နေကြတဲ့ ပြည်သူ့လွှတ်တော်တဦးချင်း၊ ဒါမှမဟုတ် ပြည်သူ့လွှတ်တော်ထုကြီးတရပ်လုံးရဲ့  တာဝန်တရပ် ဖြစ်ပါတယ်။ အမျိုးသားဒီမိုကရေစီအဖွဲ့ချုပ်ဖြစ်စေ၊ ဘယ်သူမဆို ပြည်သူလူထု လိုလားတယ်။ စစ်မှန်တဲ့ ဒီမိုကရေစီ အခွင့်အရေးတွေ အာမခံချက် ရှိလာတဲ့အထိ စစ်မှန်တဲ့ ဒီမိုကရေစီ အခြေခံ အုတ်မြစ်တွေ ခိုင်မာလာတဲ့အထိ လက်ရှိ အခြေခံဥပဒေထဲက အချက်အလက်တွေ ပြည်သူလူထုပေါ်မှာ သက်ရောက်နေသေးတယ့် တခြား ဒီမိုကရေစီစနစ်နဲ့ ဆန့်ကျင်နေတဲ့ကိစ္စတွေ မှန်သမျှကို ပြုပြင်ပြောင်းလဲဖို့ ကြိုးပမ်းရာမှာ အားလုံးရဲ့  တာဝန်ဖြစ်တယ်။ အမျိုးသားဒီမိုကရေစီ အဖွဲ့ချုပ်ကတော့ အတတ်နိုင်ဆုံး ကြိုးစားမယ်လို့ ယုံကြည်ပါတယ်။ ဒါပေမဲ့ လက်ရှိမှာ အားလုံးသိတဲ့အတိုင်းပဲ ကြားဖြတ်ရွေးကောက်ပွဲမှာမှ အကုန်လုံး နိုင်ရင်တောင်မှ ၄၈ နေရာပဲ ရှိမှာဖြစ်ပါတယ်။ အဲဒီတော့ ကျနော် ပြောချင်တာက အမျိုးသားဒီမိုကရေစီအဖွဲ့ချုပ်က ကြိုးစားမယ်။ သို့သော် ကျန်တဲ့ တပ်မတော်က ကိုယ်စားလှယ်တွေဖြစ်စေ၊ ပြည်သူလွှတ်တော်ထဲမှာ လက်ရှိ ရှိနေရင်စွဲ လူတွေရဲ့  ဘယ်လောက် ပြည်သူလူထုကို လေးစားသလဲ။ ပြည်သူလူထုရဲ့  မဲဆန္ဒကို ဘယ်လောက် တန်းဖိုးထားသလဲ။ အဲဒီအပေါ်မှာ ဘယ်လိုလက်တွေ့ လုပ်ငန်းတွေနဲ့ တုံ့ပြန်တယ်အပေါ်မှာ မူတည်မယ်လို့ပဲ ပြောချင်ပါတယ်။

ဦးသန်းလွင်ထွန်း ။ ။ ဒီမိုကရေစီ နိုင်ငံတွေမှာ ဆိုလို့ရှိရင်တောင်မှပဲ လွှတ်တော်ထဲမှာ အကြောင်းအရာကိစ္စတရပ်ကို ပါတီစွဲနဲ့ ပါတီလိုင်းနဲ့ မဲပေးကြတာ၊ ဆုံးဖြတ်ကြတာတွေ ရှိပါတယ်။ အဲဒီအခါကြလို့ရှိရင် လူနည်းစုပဲ ဖြစ်နေအုံးမယ့် အမျိုးသားဒီမိုကရေစီအဖွဲ့ချုပ် အပါအဝင် ဒီမိုကရေစီ အင်အားစုတွေအနေနဲ့ အခွင့်အလမ်း ရှိနိုင်ပါသလား။

ဦးဘိုလှတင့် ။ ။ ဒါကတော့ ကျနော် အခုန ပြောသလို အခြေခံစိတ်ဓါတ်တွေပေါ်မှာ မူတည်ပါတယ်။ တချို့ ကိစ္စတွေဆိုရင် ကျနော်တို့ အနီးကပ်စောင့်ကြည့်နေတဲ့အခါမှာ တချို့ ကိစ္စတွေကို ကျနော်တို့ မြင်ရတာက လက်ရှိ ကြံ့ခိုင်ဖွံ့ဖြိုးရေး - အရင်တုန်းကတော့ ကြံ့ဖွံ့လို့ ခေါ်တာပေါ့။ ကြံ့ခိုင်ဖွံ့ဖြိုးရေးပါတီက ပုဂ္ဂိုလ်တွေကပဲ ဖြစ်သင့်ဖြစ်ထိုက်တဲ့ ဥပဒေကြမ်းတွေကို တင်သွင်းနေတာကိုလည်း တွေ့ရပါတယ်။ တပ်မတော် ကျနော်တို့ကိုယ်တိုင်းလည်း တိုက်ရိုက်အကြံပြုနေတာမျိုးက လက်ရှိ ပြည်သူနဲ့ တပ်မတော်ကို ပိုပြီးတော့ ကြည်ဖြူစေချင်တယ်၊ နိုင်ငံတကာရဲ့  ထောက်ပံ့အားပေးမှုတွေကို စိတ်ချယုံကြည်မှုတွေကို စစ်တပ်ပိုင်းနဲ့ စစ်တပ်ကနေ အသွင်ကူးပြောင်းထားတဲ့ နိုင်ငံရေးအင်အားစုပိုင်းကရော ရရှိချင်တယ်ဆိုရင်။ တချို့ ကိစ္စတွေမှာ လက်တွေ့ကျပြီးတော့ တိုင်းပြည်အတွက် အကျိုးရှိမယ်။ လူထုအတွက် အကျိုးရှိမယ့်ကိစ္စတွေကို အဲဒီပါတီတွေ အထူးသဖြင့် စစ်တပ်က ကိုယ်စားလှယ်တွေ ကိုယ်၌က အရင်ဦးဆောင်ပြီး တင်သွင်းပါဆိုတာ ကျနော်တို့ တိုက်ရိုက် အမြဲတမ်းပဲ အကြံပြုပါတယ်။ အခုလည်းပဲ ဒီလိုပဲ ကျနော်တို့ ပြောကြရမှာ ဖြစ်ပါတယ်။ သူတို့တွေက ပါတီစွဲနဲ့ ကိုယ့်ရဲ့  အုပ်စုစွဲ၊ ဂိုဏ်ဂဏစွဲတွေ အားကြီးနေမယ်ဆိုရင်တော့ မြန်မာနိုင်ငံရဲ့  စစ်မှန်တဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်ဟာ ကြာသင့်တာထက် ပိုကြာနေမှာ ဖြစ်ပါတယ်။

ဦးသန်းလွင်ထွန်း ။ ။ ဦးဘိုလှတင့်တို့ရဲ့  ပြည်ပရောက် ပြည်ထောင်စုမြန်မာနိုင်ငံ အမျိုးသားညွှန့်ပေါင်း အစိုးရအဖွဲ့အနေနဲ့ ပြီးခဲ့တဲ့ သတင်းပတ်အပိုင်းအတွင်းကတော့ ဝန်ကြီးချုပ် ဦးစိန်ဝင်း ကိုယ်တိုင်က NCGUB အမျိုးသားညွှန့်ပေါင်းအစိုးရအဖွဲ့အနေနဲ့ ဆက်လက်တည်ရှိနေဖို့ လိုမယ်မထင်တော့ဘူးလို့ ပြောသွားတာ ရှိပါတယ်။

ဦးဘိုလှတင့် ။ ။ ဟုတ်ပါတယ်။ ကျနော်တို့ လူတွေကိုယ်၌က ပြည်ပမှာ ရောက်ရှိပြီးတော့ လှုပ်ရှားနေကြတာက စစ်မှန်တဲ့ ဒီမိုကရေစီ အပြောင်းအလဲတွေ ပြည်တွင်းမှာ ဖြစ်ပေါ်လာအောင် နိုင်ငံတကာနဲ့ ပြည်တွင်းဖိအားတွေ ဖြစ်ပေါ်ရေးပဲ ဖြစ်ပါတယ်။ အခု ပြည်တွင်းမှာ ဘယ်လိုအကြောင်းကြောင့်ပဲဖြစ်ဖြစ် အမျိုးသားဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်ရဲ့  ကြိုးပမ်းမှု၊ ကျန်တဲ့အင်အားစုတွေရဲ့  ဝိုင်းဝန်ကြိုးပမ်းမှု။ လက်ရှိ အစိုးရရဲ့  ပြုပြင်ပြောင်းလဲလိုတဲ့ စိတ်နေစိတ်ထားတွေ၊ သဘောထားတွေကြောင့်ပဲဖြစ်ဖြစ် ပြောင်းလဲမှုတွေ ပေါ်လာတဲ့အခါ အဲဒီ ပြောင်းလဲမှုတွေ သေချာပြီလားဆိုတဲ့ အချိန်အထိပဲ ကျနော်တို့ စောင့်ကြည့်ရမှာ ဖြစ်ပါတယ်။ အဲဒီလို အခုတော့ အမျိုးသားဒီမိုကရေစီအဖွဲ့ချုပ်က ရွေးကောက်ပွဲ လမ်းကြောင်းပေါ်ကို နိုင်ငံရေးလုပ်ငန်းစဉ်တွေကို အခြေခံဥပဒေဘောင်အတွင်းကနေ သွားမယ်ဆိုတဲ့အခါကြရင် နိုင်ငံရေးအရ ကျနော်တို့ဟာ ပြန်လည်သုံးသပ်ပြီးတော့ ကျနော်တို့တွေကကော အဲဒီ ပြောင်းလဲသွားတဲ့ နိုင်ငံရေးလုပ်ငန်းစဉ်ကြီးကို ဘယ်လိုအထောက်အကူပြုအောင်။ ဒါမှမဟုတ် ကျနော်တို့ကိုယ်တိုင် ပြောခဲ့ကြတဲ့ ပြည်သူလူထုလည်း၊ တိုင်းပြည်လည်း တကယ်လိုလားတဲ့ ကိစ္စတွေကို ဘယ်လို အနေနဲ့ ပံ့ပိုးနိုင်မလဲ။ လက်ရှိ အမျိုးသားညွှန့်ပေါင်းအစိုးရအနေနဲ့ကတော့ အံ့ဝင်ဂွင်ကျမဖြစ်တော့တာကတော့ ရှင်းပါတယ်။

ဦးသန်းလွင်ထွန်း ။ ။ သမ္မတဦးသိန်းစိန်ရဲ့  အထူးသဖြင့် တွေ့ဆုံညှိနှိုင်းရေး၊ ခြေလှမ်းတွေက တော်တော်လေး ဖြန့်ချက်တာကို တွေ့ရပါတယ်။ ကျနော်တို့ ကြားတာကတော့ ပြီးခဲ့တဲ့တခေါက် သမ္မတကြီးရဲ့  နိုင်ငံရေးအကြံပေး ဦးကိုကိုလှိုင် လာတုန်းကတောင် ဦးဘိုလှတင့်တို့နဲ့ တွေ့ဆုံဆွေးနွေးသွားခဲတယ်လို့ ကျနော်ကြားပါတယ်။ အဲဒီလို တွေ့ဆုံဆွေးနွေးတဲ့ နေရာမှာ ဘယ်လောက်အထိ ကျယ်ကျယ်ပြန့်ပြန့် ဆွေးနွေးဖြစ်ခဲ့တာတွေ ရှိပါသလဲ။

ဦးဘိုလှတင့် ။ ။ ကျနော်တို့ ပထမဦးဆုံး အဲဒီအချိန်တုန်းက ဆွေးနွေးကြတဲ့အခါမှာ ကျနော်တို့ဘက်က တင်ပြတာကတော့ ပထမအဆင့်အနေနဲ့ကတော့ နိုင်ငံရေးအကျဉ်းသားတွေ အကုန်လုံး လွတ်မြောက်ရေးကို အဓိကထားပြီး တိုက်တွန်းဆွေးနွေးပါတယ်။ နောက် ကျနော်တို့ ပြည်ပမှာ ရောက်ရှိနေတဲ့ အင်အားစုဖြစ်တာနဲ့အညီ နိုင်ငံတကာရဲ့  အမြင်တွေနဲ့ နိုင်ငံတကာရဲ့  သဘောထားတွေ ဘာကြောင့် အဲဒီလို ရှိနေရသလဲဆိုတဲ့ဟာကို ကျနော်တို့ အမြင်တွေ ဖလှယ်ပါတယ်။ သူတို့ဘက်ကနေပြီးတော့ ဦးကိုကိုလှိုင် တို့ဘက်က ပြောတာကတော့ သူတို့အနေနဲ့ကတော့ တကယ့် ဘုရင်နောင် ဖောင်ဖျက်တဲ့ ထုံးကို နှလုံးမူပြီးတော့ တကယ့်ကို စစ်မှန်တဲ့ ဒီမိုကရေစီ ပြုပြင်ပြောင်းလဲရေး၊ စီးပွားရေးအရ ပြုပြင်ပြောင်းလဲရေးတွေကို ကြိုးပမ်းဆောင်ရွက်သွားဖို့ သံဓိဌာန် ချပြီးတဲ့အကြောင်း ဘယ်တော့မှ ကျနော်တို့ စစ်အုပ်ချုပ်ရေးဘက်ကို ပြန်ပြောင်းသွားမှာ၊ ဦးလှည့်သွားမှာ မဟုတ်တဲ့အကြောင်းကို ခိုင်ခိုင်မာမာ ကတိပေးပါတယ်။ ကျန်တဲ့ကိစ္စတွေကိုလည်းပဲ သူတို့အနေနဲ့ အားလုံးရဲ့  အကြံဥာဏ်တွေ ပူးပေါင်းဆောင်ရွက်မှုတွေ ရယူပြီးတော့ အဆင့်လိုက် အကောင်အထည် ဖော်သွားမယ်ဆိုတဲ့ကိစ္စမျိုးတွေကို လေးလေးနက်နက် ကျနော်တို့ ဆွေးနွေးပြောဆိုဖြစ်ပါတယ်။

ဦးသန်းလွင်ထွန်း ။ ။ အဲဒီတော့ အဲဒီ တွေ့ဆုံပွဲအပါအဝင် အခုလက်ရှိ ဖြစ်နေတဲ့ ဗမာပြည်တွင်းက ဖြစ်ပေါ်မှုတွေကို သုံးသပ်မယ်ဆိုလို့ရှိရင် ဦးဘိုလှတင့်အနေနဲ့ ဒါဟာ အကောင်းဘက်ကို ရှေ့ ရှုနေပြီလို့ မြင်နိုင်မလား။

ဦးဘိုလှတင့် ။ ။ အစကတည်းက ကျနော်တို့ ပွင့်ပွင့်လင်းလင်း အဲဒီမှာလည်း ပြောခဲ့ကြပါတယ်။ ကျနော်တို့ ဒီမိုကရေစီအင်အားစုဘက်မှာ သဘောထား တင်းမာတဲ့ radical ခေါ်မှာပေါ့။ သဘောထား တင်းမာတဲ့ အင်အားစုတွေ ကျန်နေတာ ရှိသလို။ စစ်တပ်ဘက်မှာ၊ တပ်မတော်ဘက်မှာလည်း ရှိမှာပါပဲ။ ဒါ သဘာဝကျတယ်လို့ အဲဒီမှာ ဆွေးနွေးပြောဆို ဖြစ်ပါတယ်။ အဲဒီတော့ ဒီကနေ ဖြစ်နေတာက တစုံလုံးက အူလိုက်သည်းလိုက် ပြုပြင်ပြောင်းလဲနေတာမျိုးလို့တော့ ကျနော်တို့ လက်ခံလို့ မရသေးဘူး။ သို့သော် လက်ရှိ သမ္မတဦးသိန်းစိန် အစိုးရကတော့ အတတ်နိုင်ဆုံး ကြိုးပမ်းနေတယ်။ အဲဒါကို ကျန်တဲ့ တပ်မတော်ခေါင်းဆောင်တွေကလည်း တတ်နိုင်သမျှ ပူးပေါင်းဆောင်ရွက်နေတယ်။ တချို့ ကိစ္စတွေမှာတော့ ကျနော်တို့ ဖြစ်စေချင်သလောက် အားလုံးရဲ့  တက်ကြွမှုနဲ့ ပါဝင်ပတ်သက်မှုတွေ မရှိသေးဘူးလို့ သုံးသပ်ပါတယ်။

ဦးသန်းလွင်ထွန်း ။ ။ အမေရိကန်ပြည်ထောင်စု ဝါရှင်တန်မြို့ တော်မှာရှိနေတဲ့ ပြည်ပရောက် အမျိုးသားညွှန့်ပေါင်းအစိုးရရဲ့  နိုင်ငံခြားရေးဝန်ကြီး နဲ့ ၁၉၉၀ ပြည့်နှစ် ရွေးကောက်ပွဲမှာ မိုးကုတ်မဲဆန္ဒနယ် အမှတ် (၂) မှ အနိုင်ရခဲ့တဲ့ ဦးဘိုလှတင့် ကို ဆက်သွယ်မေးမြန်း ဆွေးနွေးသုံးသပ်ခဲ့တာ ဖြစ်ပါတယ်။
http://www.voanews.com/burmese/news/democracy-forum/burma_forum_11-27-2011-134514148.html

ပိတ်ဆို့ဒဏ်ခတ်မှု ရုပ်သိမ်းဖို့ မြန်မာအစိုးရမျှော်လင့် :D :D :D

တနင်္လာ, 28 နိုဝင်ဘာ 2011

By ကိုရန်နိုင်

အမေရိကန်နိုင်ငံခြားရေးဝန်ကြီး ဒီတပတ်ထဲ မြန်မာနိုင်ငံကိုသွားရောက်ဖို့အထိ ဆက်ဆံရေးတွေ တိုးတက်လာနေတဲ့အတွက် မြန်မာအစိုးရအပေါ် ပိတ်ဆို့ဒဏ်ခတ်အရေးယူမှုတွေ ရုပ်သိမ်းတဲ့အထိ မြန်မာအစိုးရဘက်က မျှော်လင့်နေပါတယ်။ ရာစုနှစ်ဝက်အတွင်း ပထမဆုံးအကြိမ် မြန်မာနိုင်ငံခရီးစဉ်အဖြစ် အမေရိကန်နိုင်ငံခြားရေးဝန်ကြီး ဟီလရီကလင်တန်ရဲ့ ခရီးစဉ်မှာတော့ မြန်မာနိုင်ငံက အပြောင်းအလဲတွေရဲ့ အခြေအနေတွေကို အကဲခတ်မှာဖြစ်ပြီး ဒီမိုကရေစီလိုလားတဲ့ အဖွဲ့အစည်းတွေနဲ့လည်း တွေ့ဆုံသွားမှာ ဖြစ်ပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ ကိုရန်နိုင်က တင်ပြထားပါတယ်။

အမေရိကန်နိုင်ငံခြာရေးဝန်ကြီး ဟီလရီကလင်တန် ဒီဇင်ဘာလ ၁ ရက်နေ့ကစလို့ ၂ ရက်ကြာ မြန်မာနိုင်ငံကို သွားရောက်ဖို့ရှိနေတာလို သံတမန်ဆက်ဆံရေးတွေ တိုးတက်လာနေတဲ့အတွက် အရေးယူဒဏ်ခတ် ထားတာတွေ ရုပ်သိမ်းတဲ့အဆင့်အထိဖြစ်လာဖို့ မြန်မာအစိုးရဘက် မျှော်လင့်နေပါတယ်။ နှစ်ပေါင်း ၅၀ အတွင်း ပထမဆုံးမြန်မာနိုင်ငံခရီးစဉ်အဖြစ် ဒီတပတ်ထဲ မြန်မာနိုင်ငံကို အမေရိကန် နိုင်ငံခြားရေးဝန်ကြီး ရောက်လာမှာလို အပြန်အလှန်ဆက်ဆံမှုတွေ အားကောင်းလာနေတာမို့ နှစ်ဘက်ကြား ပုံမှန် အခြေအနေတွေကို ပြန်ရောက်လာဖို့ နီးစပ်လာနေပြီလို့ သမ္မတဦးသိန်းစိန်ရဲ့ နိုင်ငံရေးအကြံပေးပုဂ္ဂိုလ် ဦးနေဇင်လတ်က ဗွီအိုအေကို ပြောပါတယ်။

“ယေဘုယျသဘောပြောလို့ရှိရင်တော့ အမေရိကန် သံတမန်တွေ ဒီကိုလာတာ စိပ်လာတယ်ပေါ့ဗျာ။ နောက်တခါ တခါနဲ့တခါမှာ တဆင့် တဆင့်မြင့်လာတဲ့သံတမန်တွေ လာကြတယ်ပေါ့ဗျာ။ နောက်ဆုံးအနေနဲ့ ဆိုလို့ရှိရင်တော့ အခု နိုင်ငံခြားရေးဝန်ကြီး လာတယ်ပေါ့ဗျာ။ ဆိုတော့ အဲဒါကဘာလဲလို့ပြောရင်တော့ တိုးတက်မှုလို့ ပြောလို့ရတာပေါ့။ နောက်တခါ ဘာလီမှာ အိုဘားမားလည်း ပြောသွားတယ်၊ ကလင်တန်လည်း ပြောသွားတယ်ပေါ့ဗျာ ကျနော်တို့ဘက်က နည်းနည်းလေး လုပ်ပေးဖို့လေးတွေ လိုမယ်။ ဒါဆိုလို့ရှိရင် သူတို့ဘက်ကလည်း မိတ်ဆွေနိုင်ငံ အနေနဲ့ထားဖို့ အဆင်သင့်ရှိနေမယ်ဆိုတာမျိုး ပြောတဲ့အခါကျတော့ အဖြေက ထွက်နေပြီပေါ့ဗျာ။ ကျနော်တို့ လုပ်ပေးဖို့က နည်းနည်းပဲကျန်တာကိုး။ တကယ့် အဓိကဟာကြီးက လုပ်ပေးပြီးသွားပြီဆိုတဲ့အခါကျတော့ သူတို့ sanctions ပိတ်ဆို့ဒဏ်ခတ်မှုကို ပြန်စဉ်းစားမှာပါ။”

ဒီခရီးစဉ်အတွင်းမှာ နိုင်ငံခြားရေးဝန်ကြီး ကလင်တန်ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ လာမယ့်သောကြာနေ့မှာ တွေ့ဆုံသွားမှာဖြစ်တယ်လို့ အမျိုးသားဒီမိုကရေစီအဖွဲ့ချုပ် NLD ပါတီရဲ့ ပြန်ကြားရေးတာဝန်ခံ ဦးအုန်းကြိုင်က ဗွီအိုအေကို ပြောပါတယ်။

“အမေရိကန်နိုင်ငံခြားရေးဝန်ကြီး ဟီလာရီကလင်တန်နဲ့ ကျနော်တို့ အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူးချုပ် ဒေါ်အောင်ဆန်းစုကြည် အပါအ၀င် စီအီးစီတွေနဲ့ တွေ့ဆုံပွဲက ဒီဇင်ဘာ ၂ ရက်နေ့မှာ ဖြစ်မှာပါ။ တွေ့ဆုံမယ့်နေရာကတော့ အထွေထွေ အတွင်းရေးမှူးရဲ့ နေအိမ်လို့ ကျနော်တို့ သိပါတယ်။ နေ့လယ် စောစောပိုင်းဖြစ်မယ်လို့ ဆိုပါတယ်။ အထွေထွေ အတွင်းရေးမှူး ဒေါ်အောင်ဆန်းစုကြည်နဲ့ ခုထိတော့ အရင် တွေ့ဆုံဆွေးနွေးပါမယ်။ ပြီးတော့မှ ကျနော်တို့ ဗဟိုအလုပ် အမှုဆောင်အဖွဲ့ဝင်များနဲ့ တွေ့ဆုံမှာဖြစ်ပါတယ်။ ဗဟိုအလုပ်အမှုဆောင် အဖွဲ့ဝင်များနဲ့ တွေ့ဆုံတဲ့နေရာမှာ ပြည်သူ့လွှတ်တော်ကိုယ်စားပြု ကော်မတီ CRPP အဖွဲ့ဝင်တွေလည်း ပါနိုင်တယ်လို့ ကျနော် ခုထိတော့ သိထားပါတယ်။”

အမျိုးသားဒီမိုကရေစီအဖွဲ့ချုပ်အနေနဲ့ အမေရိကန် နိုင်ငံခြားရေးဝန်ကြီး ကလင်တန်နဲ့ တွေ့ဆုံတဲ့အခါ အဓိကထား ဆွေးနွေးပြောဆိုသွားမယ့် အကြောင်းအရာတွေကိုတော့ လာမယ့် နိုဝင်ဘာလ ၃၀ ရက်နေ့မှာ ကျင်းပမယ့် ပါတီဗဟိုအလုပ်အမှုဆောင် အစည်းအဝေးမှာ ဆွေးနွေးဆုံးဖြတ်သွားမှာ ဖြစ်တယ်လို့ ဦးအုန်းကြိုင်က ပြောပါတယ်။ ဒါ့အပြင် ဒေါ်အောင်ဆန်းစုကြည်နဲ့ ၀န်ကြီးကလင်တန်တို့ တွေ့ဆုံဆွေးနွေးပြီး သွားတဲ့နောက် ဒေါ်အောင်ဆန်းစုကြည်ရဲ့ နေအိမ်ခြံဝင်းအတွင်းမှာ သတင်းစာရှင်းလင်းပွဲကို တဆက်တည်း လုပ်သွားမှာဖြစ်တယ်လို့ ဦးအုန်းကြိုင်က ပြောပါတယ်။

အမေရိကန်နိုင်ငံခြားရေးဝန်ကြီးဟာ နေပြည်တော်ကိုသွားရောက်ပြီး မြန်မာအစိုးရတာဝန်ရှိသူတွေနဲ့ တွေ့ဆုံမှာဖြစ်ပါတယ်။ ဒါ့အပြင် ၀န်ကြီးကလင်တန်ဟာ နေပြည်တော်မှာရှိနေတဲ့ လွှတ်တော်ကိုယ်စားလှယ် တွေနဲ့လည်း တွေ့ဆုံသွားဖို့ရှိတယ်လို့လည်း အမျိုးသားဒီမိုကရေစီအင်အားစုပါတီရဲ့ ခေါင်းဆောင် ဦးခင်မောင်ဆွေက ပြောပါတယ်။ အဲဒီလို တွေ့ဆုံတဲ့အခါကျရင် NDF ပါတီ လွှတ်တော်ကိုယ်စားလှယ်တွေ အနေနဲ့ ဆွေးနွေးတင်ပြသွားမယ့် အကြောင်းအရာနဲ့ ပတ်သက်ပြီးတော့ ဦးခင်မောင်ဆွေက -

“တိတိကျကျကတော့ ကျနော်တို့က မနက်ဖြန်ခါမနက်မှ ဆွေးနွေးပြီးတော့ သွားမယ့်လွှတ်တော် ကိုယ်စားလှယ်တွေကို မှာလိုက်ဖို့ ပြင်ဆင်နေပါတယ်။ အဲဒီတော့ ဆုံးဖြတ်ချက်အရတော့ ပြောလို့ မရသေးပါဘူး။ ယေဘုယျတော့ ကျနော် ပြောရင် ပြောလို့ရပါတယ်။ ယေဘုယျကတော့ ကျနော်တို့ တလျှောက်လုံး တောင်းဆိုနေတဲ့ စီးပွားရေးပိတ်ဆို့မှု ပြန်လည်ရုပ်သိမ်းပေးဖို့ ချက်ချင်းမဟုတ်လည်း တစတစပေါ့ဗျာ ရုတ်သိမ်းသွားဖို့ ဒါ ကျနော်တို့ ပြောနေတာရှိပါတယ်။ ဒါကလည်းပဲ ကျနော်တို့ ပြောရမယ့်အချက်ထဲမှာ တချက်အနေနဲ့ ပါမှာဖြစ်ပါတယ်။”

မြန်မာအစိုးရဘက်က ပြုပြင်ပြောင်းလဲရေးတွေ စတင်အကောင်အထည် ဖော်လာနေတာကို ကြိုဆို အားပေးတဲ့အနေနဲ့ အမေရိကန်ဘက်ကလည်း ဒဏ်ခတ်ပိတ်ဆို့မှုတွေကို တစတစရုပ်သိမ်းသွားဖို့ လိုတဲ့အကြောင်းကို တင်ပြသွားမယ်လို့လည်း ဦးခင်မောင်ဆွေက ပြောပါတယ်။ အမေရိကန်နဲ့ မြန်မာနိုင်ငံကြားမှာ ဆက်ဆံရေးတွေ တိုးတက်လာပေမဲ့လည်း မြန်မာအစိုးရအပေါ် ပိတ်ဆို့ဒဏ်ခတ်မှုတွေ ရုတ်သိမ်းဦးမှာမဟုတ်ဘူးလို့ အမေရိကန်အဆင့်မြင့်အရာရှိတစ်ဦးက မကြာခင်ကပဲ ပြောခဲ့ပါတယ်။ ဒါ့အပြင် မြန်မာအစိုးရဘက်က ဒေါ်အောင်ဆန်းစုကြည်နဲ့ တွေ့ဆုံဆွေးနွေးတာအပါအ၀င် နိုင်ငံရေးအကျဉ်းသား တချို့ကို လွှတ်ပေးပြီး အပြုသဘောဆောင်တဲ့ ခြေလှမ်းတွေကို လှမ်းနေပေမဲ့လည်း ၈၈ မျိုးဆက် ကျောင်းသားခေါင်းဆောင်တွေ အပါအ၀င် နိုင်ငံရေးအကျဉ်းသားတွေကို ဆက်ပြီး ဖမ်းဆီးထိန်းသိမ်း ထားတာ၊ တိုင်းရင်းသားဒေသတွေမှာ တိုက်ပွဲတွေ ဆက်လက်ဆင်နွှဲပြီး လူ့အခွင့်အရေး ချိုးဖောက်တာတွေ ရှိနေတုန်းပဲလို့ ဝေဖန်သူတွေကတော့ ထောက်ပြနေကြပါတယ်။
http://www.voanews.com/burmese/news/Burma-Sanctions-11-28-11-134584088.html

တနင်္လာ, 28 နိုဝင်ဘာ 2011
အာဆီယံဥက္ကဋ္ဌမဖြစ်မီ တိုးတက်အောင် အရင်လုပ်ဖို့ ကုလတိုက်တွန်း

By ဗွီအိုအေ (မြန်မာဌာန)

မြန်မာနိုင်ငံအနေနဲ့ အရှေ့တောင်အာရှနိုင်ငံများအဖွဲ့ ASEAN ရဲ့ ဥက္ကဋ္ဌအဖြစ် ၂၀၁၄ ခုနှစ်မှာ တာဝန်ယူတဲ့ အချိန်ရောက်ရင် အဓိကကျတဲ့ကိစ္စရပ် အတော်များများမှာ သိသာထင်ရှားတဲ့တိုးတက်မှုရှိနေဖို့ လိုအပ်တယ်လို့ ကုလသမဂ္ဂရဲ့ လူ့အခွင့်အရေး ဆိုင်ရာ မဟာမင်းကြီးကပြောလိုက်ပါတယ်။

AICHR လို့ခေါ်တဲ့ အာဆီယံဒေသတွင်း လူ့အခွင့်အရေးကော်မရှင်၊ အင်ဒိုနီးရှား၊ မလေးရှား၊ ဖိလစ်ပိုင်နဲ့ ထိုင်းနိုင်ငံတို့က အမျိုးသားလူ့အခွင့်အရေး ကော်မရှင်တွေ၊ လူထုအခြေပြု အဖွဲ့အစည်းအသီးသီးနဲ့ အင်ဒိုနီးရှားနိုင်ငံ၊ ဘာလီကျွန်းမှာ ပြီးခဲ့တဲ့ သုံးရက်အတွင်း တွေ့ဆုံ ဆွေးနွေးခဲ့ပြီးတဲ့နောက် ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး နာဗီ ပီလေး (Navi Pillay) က အဲဒီလိုပြောလိုက်တာပါ။

မစ္စစ်ပီလေးဟာ ဘာလီမှာရှိနေချိန်အတွင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့လည်း တယ်လီဖုန်းကနေတဆင့် ဆွေးနွေး ပြောဆိုခဲ့ပါတယ်။ ၂၀၁၄ ခုနှစ်မှာ သိသာထင်ရှားတဲ့ တိုးတက်မှုတွေ ရဖို့လိုအပ်တဲ့ အဓိကကျတဲ့ ကိစ္စရပ်တွေကို သူနဲ့ ဒေါ်အောင်ဆန်းစုကြည်တို့ ဆွေးနွေးခဲ့တယ်လို့ မစ္စစ်ပီလေးက ဒီကနေ့ တနင်္လာနေ့မှာ ပြောပါတယ်။

တရားဥပဒေစိုးမိုးရေးကို ထူထောင်နိုင်ဖို့ အခြေခံအကျဆုံးနဲ့ အရေးအကြီးဆုံး လုပ်ဆောင်မှုတွေဟာ မြန်မာနိုင်ငံမှာဖြစ်နေတဲ့ ဆိုးရွားတဲ့ လူ့အခွင့်အရေးချိုးဖောက်မှုတွေ ရပ်ဆိုင်းသွားစေဖို့အတွက် အဓိကကျပါတယ်လို့ မစ္စစ်ပီလေးက ပြောပါတယ်။ အဲဒီ လိုဖြစ်ထွန်းတိုးတက်မှုတွေ ရှိနေတယ်ဆိုတာကို ပြင်ပကမ္ဘာကသိစေဖို့ ပဋိပက္ခဖြစ်နေတဲ့ နိုင်ငံအစွန်အဖျားဒေသတွေ အပါအ၀င် နိုင်ငံတ၀န်းမှာ လူ့အခွင့်အရေးဆိုင်ရာ သီးခြား လွတ်လပ်တဲ့ လေ့လာစောင့်ကြည့်မှု စနစ်တရပ် ထူထောင်ဖို့ လိုတယ်လို့ ကုလ လူ့အခွင့်အရေးကော်မရှင်နာမင်းကြီးက အကြံပေးပါတယ်။ ဒါ့အပြင် ပဋိပက္ခတွေကိုယ်တိုင်နဲ့ ပဋိပက္ခတွေ ဖြစ်စေတဲ့ အခြေခံကိစ္စရပ်တွေကို ဖြေရှင်းနိုင်ဖို့ အဓိက ကြိုးပမ်းအားထုတ်မှုတရပ် လိုအပ်တယ်လို့လည်း ဆိုပါတယ်။

ဒေါ်အောင်ဆန်းစုကြည်နဲ့ မစ္စစ်ပီလေးတို့ဟာ ကိစ္စရပ်ပေါင်းစုံကို ပြောဆိုဆွေးနွေးခဲ့ကြပြီး အဲဒီထဲမှာ နိုင်ငံရေးအကျဉ်းသား တချို့ ပြန်လွတ်လာတဲ့ကိစ္စ၊ လူ့အခွင့်အရေးကော်မရှင်တရပ် ထူထောင်ခဲ့တဲ့ကိစ္စ၊ မြန်မာအစိုးရတာဝန်ရှိသူတွေနဲ့ ဒေါ်အောင်ဆန်းစုကြည်တို့ တွေ့ဆုံဆွေးနွေးခဲ့ကြတဲ့ကိစ္စတွေလည်း ပါဝင်ပြီး အခြေအနေတွေအပေါ် သူ့အနေနဲ့ အားတက်မိပါတယ်လို့ ဆိုပါတယ်။ ဒါပေမဲ့လည်း ခရီးရှည်ကြီး သွားရဦးမယ်ဆိုတာကို သူတို့နှစ်ယောက်စလုံး သဘောတူခဲ့ကြတယ်လို့ မစ္စစ်ပီလေးက ပြောပါတယ်။ အကျဉ်းထောင်တွေထဲမှာ ကျန်နေဆဲ နိုင်ငံရေးအကျဉ်းသား အရေအတွက်ဟာ ၆၀၀ ပတ်ဝန်းကျင်လောက် ရှိမယ်လို့ သူသိထားပေမဲ့ သူတို့ပါတီကမသိသေးတဲ့ တခြားလူတွေလည်း ရှိနိုင်ပါသေးတယ်လို့ ဒေါ်အောင်ဆန်းစုကြည်ကို သူ့ကို ပြောခဲ့ကြောင်း မစ္စစ်ပီလေးကပြောပါတယ်။ သိပ်မကြာခင်ကာလမှာ နိုင်ငံရေးအကျဉ်းသားအားလုံး ပြန်လွတ်လာဖို့ သူတို့နှစ်ယောက်စလုံးက ဆန္ဒရှိပါတယ်လို့လည်း ဆိုပါတယ်။

မြန်မာအစိုးရက ပြီးခဲ့တဲ့စက်တင်ဘာလမှာ ဖွဲ့စည်းထူထောင်ခဲ့တဲ့ အမျိုးသားလူ့အခွင့်အရေး ကော်မရှင်နဲ့ အာဆီယံ လေးနိုင်ငံမှာ ရှိထားပြီးသား လူ့အခွင့်အရေး ကော်မရှင်တို့ ထိတွေ့ဆက်ဆံဖို့ အရေးကြီးတယ် ဆိုတာကိုလည်း ဒေါ်အောင်ဆန်းစုကြည်နဲ့ရော၊ အဲဒီကော်မရှင်တွေနဲ့ပါ ဆွေးနွေးပြီးတဲ့နောက် သဘောတူ ခဲ့ကြတယ်လို့ မစ္စစ်ပီလေးကပြောပါတယ်။ မြန်မာလူ့အခွင့်အရေး ကော်မရှင်ကို ပြည်တွင်းမှာရော၊ နိုင်ငံတကာကပါ အပြည့်အ၀ လက်ခံလာစေဖို့လိုအပ်တဲ့ လွတ်လပ်ပြီး ယုံကြည်အားကိုးရလောက်တဲ့ ကော်မရှင်တရပ် ဖြစ်လာစေဖို့ရာ အချိန်နဲ့ ထောက်ခံအားပေးမှုကို သေချာပေါက် လိုအပ်မှာဖြစ်တယ်လို့ ကော်မရှင်နာမင်းကြီးက ပြောပါတယ်။

နောက်ထပ် အားတက်ဖွယ်လက္ခဏာတခုအနေနဲ့ ထိုင်းနိုင်ငံ၊ ဘန်ကောက်မြို့အခြေစိုက် ကုလသမဂ္ဂ လူ့အခွင့်အရေးရုံးက ၀န်ထမ်းတွေကို မြန်မာနိုင်ငံဆီဖိတ်ခေါ်ပြီး မြန်မာအစိုးရ၀န်ကြီးဌာနအသီးသီးက တာဝန်ရှိသူတွေအတွက် လူ့အခွင့်အရေး ဆိုင်ရာသင်တန်းတွေ နိုဝင်ဘာလအတွင်း ပို့ချခွင့်ရခဲ့တာကို မစ္စစ်ပီလေးက ထောက်ပြခဲ့ပါတယ်။ သင်တန်းပို့ချသူတွေ ပြန်ပြောပြခဲ့တာတွေက အားတက်စရာ ကောင်းကြောင်း၊ အသစ်ပေါ်ထွက်လာတဲ့ မျိုးဆက်သစ်ထဲက အများအပြားပါတဲ့ အဲဒီ မြန်မာတာဝန်ရှိသူတွေ ဟာ အင်မတန် အပေါင်းလက္ခဏာဆောင်၊ စိတ်ဝင်စားပြီး တက်ကြွမှုရှိကြကြောင်း၊ လူ့အခွင့်အရေး သင်တန်းလိုမျိုးရော၊ စိတ်အားထက်သန်စွာ လက်ခံမှုရောဟာ လွန်ခဲ့တဲ့နှစ်နှစ်လောက်ကအထိ ခွင့်ပြုချက် ရနိုင်ခဲ့ဖွယ် မရှိပါဘူးလို့ ကုလသမဂ္ဂ လူ့အခွင့်အရေးဆိုင်ရာ ကော်မရှင်နာမင်းကြီး နာဗီ ပီလေးက ပြောပါတယ်။

http://www.voanews.com/burmese/news/UN-Burma-11-28-11-134590853.html


မြန်မာပြည်အ​ခြေအ​နေမှန် မစ္စကလင်တန်ကို တိုင်း​ရင်း​သား​များ​အသိ​ပေး​မည်

Published on November 28, 2011 by ဒီဗွီဘီ

မြန်မာပြည်တွင်း​ ဖြစ်​ပေါ်​ပြောင်း​လဲမှု ပကတိအ​ခြေအ​နေ​တွေကို သိရှိနိုင်​စေဖို့​အတွက် အ​မေရိကန်နိုင်ငံခြား​ရေး​ဝန်ကြီး​ မစ္စ ဟီလာရီကလင်တန် မြန် မာနိုင်ငံကို ​ရောက်ရင် အိတ်ဖွင့်​ပေး​စာတ​စောင် ​ပေး​ပို့​ပြီး​ တင်ပြဖို့​ ယူအန်​အေ (ညီညွတ်​သောတိုင်း​ရင်း​သား​မဟာမိတ်များ​အဖွဲ့​) က စီစဉ်​နေပါတယ်။

မစ္စကလင်တန်ဟာ နိုဝင်ဘာလကုန်က​နေ ဒီဇင်ဘာ ၂ ရက်​နေ့​အထိ မြန်မာ နိုင်ငံကို ​ရောက်လာမှာဖြစ်တယ်။

ခရီး​စဉ်မှာ မစ္စကလင်တန်ဟာ အစိုး​ရတာဝန်ရှိသူ​တွေနဲ့​ရော အတိုက်အခံ အမျိုး​သား​ဒီမိုက​ရေစီအဖွဲ့​ချုပ်က တာဝန်ရှိသူ​တွေနဲ့​ပါ ​တွေ့​ဖို့​ရှိ​နေပြီး​ တိုင်း​ရင်း​သား​ အဖွဲ့​တွေနဲ့​တော့​ ​တွေ့၊​ မ​တွေ့​ မသိရ​သေး​ပါဘူး​။

တိုင်း​ရင်း​သား​ ၇ ပါတီက​တော့​ မြန်မာနိုင်ငံရဲ့​ ဖြစ်​ပေါ်​ပြောင်း​လဲမှု​တွေဟာ ထင်သာမြင်သာ မရှိ​သေး​ဘူး​ဆိုတာကို သတိထား​မိ​စေဖို့​ ရည်ရွယ်ပြီး​ ပူး​ပေါင်း​ စာ​ရေး​သား​ဖို့​ ကြိုတင်ညှိနှိုင်း​မှု​တွေ ပြုလုပ်ခဲ့​ပြီး​ပြီလို့​ ရှမ်း​တိုင်း​ရင်း​သား​များ​ ဒီမိုက​ရေစီအဖွဲ့​ချုပ် ဦး​စိုင်း​လိတ်က ​ပြောပါတယ်။

“အဓိက​တော့​ မြန်မာပြည်ရဲ့​ ဖြစ်​ပေါ်တိုး​တက်မှု အ​ခြေအ​နေဟာ အား​လုံး​က ​ပြော​နေသလို ထင်သာမြင်သာ ရှိ​သေး​တာ မဟုတ်ဘူး​။ အပြည့်​အဝ ပြုပြင်​ပြောင်း​လဲ မှု​တွေ ရှိ​သေး​တာမဟုတ်ဘူး​ဆိုတာကို မစ္စကလင်တန်အ​နေနဲ့​ သူ့​အဖွဲ့​သား​တွေ အကုန်လုံး​ သတိထား​ပြီး​တော့​မှ သတိရှိရှိနဲ့​ သိသွား​စေချင်လို့​ပါ။”

ဒီစာကို ပူး​ပေါင်း​ရေး​သား​မယ့်​ မဟာမိတ်အဖွဲ့​ထဲမှာ ပြည်​ထောင်စုတိုင်း​ရင်း​ သား​လူမျိုး​များ​ဒီမိုက​ရေစီအဖွဲ့​ချုပ်နဲ့​အတူ ရှမ်း​တိုင်း​ရင်း​သား​ များ​ဒီမိုက​ရေစီအဖွဲ့​ချုပ်၊​ ရခိုင်ဒီမိုက ​ရေစီအဖွဲ့​ချုပ်၊​ မွန်အမျိုး​သား​ဒီမိုက​ရေစီ အဖွဲ့​ချုပ်၊​ ဇိုမီး​အမျိုး​သား​ကွန်ကရက် စတဲ့​ ညီညွတ်​သောတိုင်း​ရင်း​သား​များ​ မဟာမိတ်အဖွဲ့​ဝင် ၇ ဖွဲ့​တို့​ပါဝင်ပြီး​ မ​နေ့​က ​တွေ့​ဆုံ​ဆွေး​နွေး​ခဲ့​ကြတာပါ။
http://burmese.dvb.no/archives/18325

မလေးရှားက မြန်မာ့ရေနံနှင့် သဘာဝဓါတ်ငွေ့တွင် နောက်ထပ် မြှုပ်နှံလို


ကျော်ခ | တနင်္လာနေ့၊ နိုဝင်ဘာလ ၂၈ ရက် ၂၀၁၁ ခုနှစ် ၁၉ နာရီ ၂၈ မိနစ်

ချင်းမိုင် (မဇ္ဈိမ) ။ ။ မလေးရှားနိုင်ငံက မြန်မာနိုင်ငံ၏ ကုန်းတွင်းရေနံနှင့် သဘာဝဓါတ်ငွေ့ လုပ်ကွက်များတွင်
နောက်ထပ် ရင်းနှီးမြှုပ်နှံမှုများ ပြုလုပ်ရန်အတွက် ပြင်ဆင်နေလျက်ရှိသည်။

မလေးရှားနိုင်ငံမှ ကုမ္ပဏီ ၁၉ ခုက မြန်မာလုပ်ငန်းရှင်များနှင့် လုပ်ငန်းဆောင်ရွက်ပုံ အဆင့်ဆင့်ကို အင်္ဂါနေ့ မနက်ပိုင်းတွင် ရန်ကုန်မြို့ မြန်မာနိုင်ငံ စက်မှုကုန်သည်များ အသင်းချုပ် UMFCCI ရုံးတွင် ဆွေးနွေးမှုများ ပြုလုပ် မည် ဖြစ်သည်။

ဧရာဝတီမြစ်ကြောင်းတလျှောက်ရှိ ကုန်တွင်းပိုင်းလုပ်ကွက် ၁၈ ကွက်အတွက် ပြည်ပကုမ္ပဏီများကို ဇူလိုင်လ ဒုတိယပတ်မှ စတင်ခေါ်ယူခဲ့ပြီး မလေးရှားမှ ကုမ္ပဏီ ၁၉ ခုအပါအဝင် သက်ဆိုင်ရာ နိုင်ငံသံရုံးများမှ တဆင့်
လျှောက်တင်လာသည့် ကုမ္ပဏီပေါင်း ၅၂ ခု ရှိခဲ့သည်။

ကုန်းတွင်းလုပ်ကွက်များအပြင် ကမ်းလွန်လုပ်ကွက်အချို့ ပါဝင်မည်ဖြစ်သည်ဟု သိရပြီး အရေအတွက် အတိကျ
ပြောဆိုခြင်း မရှိသော်လည်း လျှောက်ထားသည့် ကုမ္ပဏီ ၅၂ ခုအနက်မှ ထက်ဝက်ကျော် လျှော့ချခဲ့သည်ဟု စွမ်းအင် ဝန်ကြီးဌာနထံမှ သိရသည်။

“မနက်ဖြန်တော့ ကျနော်တို့ ပြည်တွင်း လုပ်ငန်းရှင်တွေကနေ ရင်းနှီးမြှုပ်နှံရမယ့် ပုံစံတွေ၊ သူတို့သိချင်တဲ့ ဥပဒေ
တွေ၊ သူတို့ သိချင်တာတွေကို အရင်ရှင်းပြမှာပါ။ ချက်ချင်းကြီး လက်မှတ်ထိုးမယ့် အဆင့် မဟုတ်သေးပါဘူး။ ဒီကဏ္ဍတွေမှာ ရင်းနှီးမြှုပ်နှံဖို့ သူတို့ဘက်က ဆုံးဖြတ်ပြီးရင် ပြည်တွင်း လုပ်ငန်းရှင်တွေနဲ့ အကျိုးတူ ပူးပေါင်း
ဆောင်ရွက်ဖို့ပါ။” ဟု UMFCCI ဗဟိုအလုပ်အမှုဆောင် တဦးဖြစ်သည့် ဦးစိန်ဝင်းလှိုင်က မဇ္ဈိမကိုပြောသည်။

မြန်မာနိုင်ငံတွင် ရင်းနှီးမြှုပ်နှံမှု တိုးချဲ့လုပ်ဆောင်လာသည့် မလေးရှားနိုင်ငံသည် နိုဝင်ဘာ နှစ်ရက်နေ့ကလည်း UMFCCI ၏ ဖိတ်ကြားချက်ဖြင့် ရောက်ရှိလာသည့် မလေးရှား ဝန်ကြီးချုပ်ဟောင်း ဒေါက်တာ မဟာသီယာ မိုဟာမက် (Mahathir Mohamad) ၏ ခရီးစဉ်အတွင်းတွင် စားအုန်းဆီ ကုန်သွယ်မှုနှင့် ခရီးသွားလာရေးလုပ်ငန်း အပါအဝင် ရင်းနှီးမြှုပ်နှံမှု စာချွန်လွှာလေးခု လက်မှတ်ရေးထိုးခဲ့ကြောင်း အခြား UMFCCI ထိပ်တန်းတာဝန်ရှိသူ တဦးကပြောသည်။

မြန်မာနိုင်ငံ ကုန်းတွင်းပိုင်းတွင် ရေနံနှင့် သဘောဝဓါတ်ငွေ့ ထုတ်လုပ်မှု လုပ်ကွက်ပေါင်း ၄၇ ကွက်ရှိရာ တရုတ် ကုမ္ပဏီများက ၂၃ ကွက် ဖြင့် အများဆုံး လုပ်ကိုင်နေပြီး မလေးရှားက ဒုတိယ လိုက်ကြောင်းသိရသည်။

ရေနံနှင့် သဘာဝဓါတ်ငွေ့ စမ်းသပ်ရှာဖွေခွင့် ရရှိမည့် ကုမ္ပဏီများသည် စွမ်းအင်ရင်းမြစ်များ ရှာဖွေတွေ့ရှိပါက တူးဖေါ်အဆင့်မှ ထုတ်လုပ်အဆင့်ထိ မြန်မာနိုင်ငံ စွမ်းအင်ဌာနနှင့် ထပ်မံညှိနှိုင်းကာ သဘောတူချက် ရယူရမည်
ဖြစ်သည်။

“ဒီကုမ္ပဏီတွေအနေနဲ့ သဘောတူပြီးလို့ ရေနံနဲ့ ဓါတ်ငွေ့တွေ ရှာဖွေတွေ့ရှိပြီဆိုရင် ထွက်ရှိမှု အတိုင်းအတာအရ အိမ်ရှင်နိုင်ငံ အစိုးရကို ဘယ်လောက်ပေးရမယ်။ အပိုဆုက ဘယ်လောက်ဆိုတာတွေက အသေးစိပ် ညှိနှိုင်းရမှာပါ။” ဟု UMFCCI ထိပ်တန်း တာဝန်ရှိသူ တဦးက ပြောသည်။

မြန်မာ့စွမ်းအင် ကဏ္ဍတွင် အိမ်နီးချင်း ထိုင်းနှင့် တရုတ် နိုင်ငံတို့သည် အများဆုံး ရင်းနှီးမြှုပ်နှံ ထားကြသည့်နိုင်ငံများ
ဖြစ်ပြီး ဩစတြေးလျ၊ ဗြိတိန်၊ ကနေဒါ၊ အင်ဒိုနီးရှား၊ အိန္ဒိယ၊ မလေးရှား၊ ရုရှား၊ တောင်ကိုရီးယားနှင့် ဗီယက်နမ်တို့မှ ကုမ္ပဏီများကလည်း မြန်မာအစိုးရနှင့် စွမ်းအင်ကဏ္ဍ သဘောတူ စာချုပ်များ ချုပ်ဆိုထားကြသည်။

ယခုလက်ရှိမြန်မာနိုင်ငံမှ ရေနံနှင့် သဘာဝ ဓာတ်ငွေ့များ တိုးချဲ့တူးဖော် ထုတ်လုပ်နိုင်ရေးအတွက်ရုရှား၊ တရုတ်၊ အိန္ဒိယ၊ စင်္ကာပူ၊ မလေးရှား၊ တောင်ကိုရီးယား စသည့် နိုင်ငံများမှ ကုမ္ပဏီများနှင့်အကျိုးတူ ပူးပေါင်းပြီး ရေနံနှင့် သဘာဝဓာတ်ငွေ့ များကို ဆက်လက် ရှာဖွေတူးဖော်မှု ပြုလုပ်နေကြောင်း စွမ်းအင်ဝန်ကြီးဌာနမှ သိရသည်။

ရေနံလုပ်ငန်းများတွင် မြန်မာနိုင်ငံသားပိုင်အဖြစ် ဦးမိုက်ကယ်မိုးမြင့်၏ Myanmar Petroleum Resources L.td တခုတည်းသာ ရှိပြီး၊ ဦးတေဇပိုင် ထူးကုမ္ပဏီနှင့် စက်မှု (၁) ဝန်ကြီးဟောင်း ဦးအောင်သောင်း၏သား ဦးနေအောင် တို့မှာ ပြည်ပမှ ကုမ္ပဏီများ ခေါ်ယူလာရာတွင် ရှယ်ယာစုဝင်တဦး အဖြစ်ပါဝင်ကြောင်း စွမ်းအင်ဝန်ကြီးဌာန သတင်းရပ်ကွက်မှ သိရသည်။

မြန်မာနိုင်ငံရှိ ကုန်းတွင်းပိုင်း ရေနံမြေနှင့် သဘာဝ ဓာတ်ငွေ့မြေများမှ ရေနံစိမ်းစည် နေ့စဉ် ၉,၃၀၀ ကျော်နှင့် သဘာဝ ဓာတ်ငွေ့ကုဗပေ သန်း ၁၀၀ ကျော် ထုတ်လုပ်ပေးနေပြီး ကမ်းလွန်သဘာဝ ဓာတ်ငွေ့မြေများ ဖြစ်သည့် ရတနာနှင့် ရဲတံခွန် စီမံကိန်းတို့မှလည်း နေ့စဉ် သဘာဝဓာတ်ငွေ့ ကုဗပေ သန်း ၁,၀၀၀ ကျော်ခန့်ကို ထုတ်လုပ်
ရောင်းချနေသည်ဟု စွမ်းအင်ဝန်ကြီးဌာနက ပြောသည်။

အတည်ပြုထားသည့် သဘာဝဓါတ်ငွေ့ ပမာဏ အနေဖြင့် ကုန်းတွင်းပိုင်းတွင် ၀.၄၆ ထရီလီယံ ကုဗပေရှိပြီး ကမ်းလွန်တွင် ၁၇ ထရီလီယံ ကုဗပေရှိသည်ဟု စွမ်းအင်ဝန်ကြီးဌာန ထုတ်ပြန်ချက်များအရသိရသည်။
http://www.mizzimaburmese.com/news/business/8684-2011-11-28-13-04-55.html

ကျောင်းသားလူငယ်လိုင်းကို အမတ်လောင်း ၅ နေရာ



ကိုဝိုင်း | တနင်္လာနေ့၊ နိုဝင်ဘာလ ၂၈ ရက် ၂၀၁၁ ခုနှစ် ၂၀ နာရီ ၀၃ မိနစ်


ချင်းမိုင် (မဇ္ဈိမ) ။        ။ မဟာမိတ် “လူငယ် ကျောင်းသား” တက်ကြွလှုပ်ရှားသူများက အမျိုးသားဒီမိုကရေစီ အဖွဲ့ချုပ်ထဲ ဝင်ရောက်လာလျှင် ကြားဖြတ်ရွေးကောက်ပွဲ အမတ်နေရာ ငါးခုအတွက် ဝင်ရောက် ယှဉ်ပြိုင်ခွင့် ခွဲတမ်းပေးသွားရန် သဘောတူထားသည်ဟု တက်ကြွလှုပ်ရှားသူများက ပြောသည်။

၂၀၁၂ ခုအတွင်း ကျင်းပမည့် ကြားဖြတ်ရွေးကောက်ပွဲ စာရင်းပေါက် လစ်လပ် ၄၈ နေရာ အားလုံးကို NLD က ဝင်ပြိုင်မည်ဖြစ်ရာ လူငယ်ကျောင်းသားများကိုလည်း ပါဝင်ရန် စီစဉ်ထားကြောင်း နိုဝင်ဘာ ၂၅ ရက်နေ့တွင်
ဒေါ်အောင်ဆန်းစုကြည်က သူ့အားပြောကြားခဲ့သည်ဟု ၈၈ မျိုးဆက် ကျောင်းသားခေါင်းဆောင်တဦးဖြစ်သူ ဦးဖြိုးမင်းသိန်းက ပြောသည်။

“ကြားဖြတ်ရွေးကောက်ပွဲမှာ ငါး ဦးပေါ့ဗျာ။ ကျောင်းသားတွေကို ပေးတာပေါ့။ ၁၉၈၈ ကနေ အခုထိ ဖြတ်သန်း
နေတဲ့ လူငယ်ကျောင်းသား မျိုးဆက်တွေထဲကနေ ပါဝင်ဖို့ပေါ့။” ဟု ဦးဖြိုးမင်းသိန်းက ပြောသည်။

၂၀၁၀ ခု နိုဝင်ဘာ ရွေးကောက်ပွဲသည် လွတ်လပ်ပြီး
phyominthein
၂၀၁၀ ခု နိုဝင်ဘာ ရွေးကောက်ပွဲသည် လွတ်လပ်ပြီး တရားမျှတမှု မရှိဟုဆိုကာ ဝင်ရောက် ယှဉ်ပြိုင်ခြင်း မရှိဘဲ ပြည်ထောင်စုဒီမိုကရေစီပါတီ ဥက္ကဋ္ဌအဖြစ်မှလည်း နှုတ်ထွက်ခဲ့သူ ဦးဖြိုးမင်းသိန်း
တရားမျှတမှု မရှိဟုဆိုကာ ဝင်ရောက် ယှဉ်ပြိုင်ခြင်းမရှိဘဲ ပြည်ထောင်စုဒီမိုကရေစီပါတီ ဥက္ကဋ္ဌအဖြစ်မှ လည်း နှုတ်ထွက်ခဲ့သူ ဦးဖြိုးမင်းသိန်းသည် NLDပါတီဝင် အနေဖြင့် ရပ်တည်လှုပ်ရှားရန် ဆုံးဖြတ်ထား
aသ်ာလည်း သူ့အနေဖြင့် ရွေးကောက်ပွဲ ဝင်၊ မဝင်ကိုမူ ထုတ်ဖော်ရန် စောသေး သည်ဟု ဆိုသည်။

နိုင်ငံရေး အကျဉ်းသားဟောင်းများ ပုံမှန်တွေ့ဆုံနေကျ ရန်ကုန်ကြည့်မြင်တိုင် သာဓုပရိယတ္တိ စာသင်တိုက်မှ
ဆရာတော် အရှင်ပညာသီဟ (ရွှေညဝါ) ကျောင်း၌ဒီဇင်ဘာလ တရက်နေ့တွင် ဆွေးနွေးကြရန် နိုင်ငံရေး
 အစုအဖွဲ့ များသို့ အကြောင်းကြားထားပြီး ယှဉ်ပြိုင်လိုသူသည် ကိုယ်တိုင် အမည်တင်သွင်းရမည် ဖြစ်သည်။
ထောင်မကျဘူး သော်လည်း ၁၉၈၈ ခုမှစ၍ နိုင်ငံရေးတွင် တက်ကြွစွာ ပါဝင်နေသူများလည်း အရွေးခံနိုင်မည်
ဖြစ်သည်ဟု ဆိုသည်။

၁၉၈၈ ခုနှစ် လူထုအုံကြွမှုအတွင်း ဦးဆောင်ခဲ့သော ကျောင်းသားခေါင်းဆောင်များနှင့် စုဖွဲ့ထားသည့် “၈၈မျိုးဆက်
ကျောင်းသား လူငယ်များအဖွဲ့” အနေဖြင့် လူမှုရေးအသင်းအဖွဲ့အနေဖြင့် ဖွဲ့စည်းလိုသည်ဟု အဖွဲ့ဝင်တဦးဖြစ်သူ  ဦးကိုကိုကြီး (စမ်းချောင်း) က ပြောသည်။ အဖွဲ့ဝင်အများအပြား ဆက်လက် ချုပ်နှောင်ခံနေရချိန်တွင် နိုင်ငံရေးပါတီ အဖြစ် ထူထောင်ရေး မစဉ်းစားသေးဟုလည်း ဆိုသည်။

“ပါတီထောင်တာတို့၊ ရွေးကောက်ပွဲကို ငြင်းဆန်တာ မဟုတ်ဘူးဗျာ။ အဆင့်တခုအနေနဲ့ လက်ခံတယ်။ သို့သော် လည်း နိုင်ငံရေး အကျဉ်းသားတွေ မလွတ်သေးတာရယ်၊ ပြည်တွင်း ငြိမ်းချမ်းရေး မရသေးတဲ့ အတွက်
ရွေးကောက်ပွဲကို မဝင်ချင်တာဖြစ်တယ်။” ဟု သူကပြောသည်။

“၈၈ မျိုးဆက်ကျောင်းသား လူငယ်များ အဖွဲ့” ကို ၂ဝဝ၅ တွင် ဖွဲ့စည်းခဲ့ပြီး နိုင်ငံရေး လှုပ်ရှားမှုများ ဆောင်ရွက်လာ ခဲ့ရာ ၂ဝဝ၇ ခုတွင် ခေါင်းဆောင်များ အဖမ်းခံရပြီးနောက် အကျဉ်းထောင် ပြင်ပတွင် ကျန်နေခဲ့သူများသည်
မြေအောက် လှုပ်ရှားမှုပုံစံ ဖြစ်သွားခဲ့သည်။

“ UG (မြေအောက်) နိုင်ငံရေးမဟုတ်တော့ဘဲနဲ့ မြေပေါ်ပေါ့ဗျာ။ တရားဝင်ရုံးခန်း ဖွင့်ချင်လည်းဖွင့်မယ်။ သင်တန်း
တွေ ဖွင့်မယ်။ တရားဝင်အစည်းအဝေးလုပ်မယ်။” ဟု အောက်တိုဘာ ၁၂ ရက်နေ့က ဘူးသီးတောင်ထောင်မှ
ပြန်လွတ်လာသူ ဦးကိုကိုကြီး (စမ်းချောင်း) ကပြောသည်။

၂ဝဝ၇ ခုနှစ် အတွင်း ဖမ်းဆီးခံရသော ၈၈ မျိုးဆက်ကျောင်းသားအဖွဲ့ဝင် ၃၇ ဦး အနက် အောက်တိုဘာ ၁၂ ရက် လွတ်ငြိမ်းချမ်းသာခွင့်ဖြင့် ၁၁ ဦး လွတ်မြောက်လာပြီဖြစ်သည်။

နိုင်ငံရေးအကျဉ်းသားလွတ်မြောက်ရေး၊ ပြည်တွင်းစစ် ရပ်စဲရန် လိုအပ်နေသေးကြောင်း အသိပေးသည့် စာကို  အနုပညာရှင် ဇာဂနာအပါအဝင် နိုင်ငံရေး အကျဉ်းသားများက လက်မှတ်ထိုးပြီး ဒီဇင်ဘာလဆန်း အတွင်း
မြန်မာနိုင်ငံသို့ လာရောက်မည့် အမေရိကန် နိုင်ငံခြားရေးဝန်ကြီး ဟီလာရီ ကလင်တန်ထံသို့ အမေရိကန်သံရုံးမှ တဆင့် ပေးပို့သွားရန် ပြင်ဆင်နေသည်ဟုလည်း သိရသည်။

ထို့ပြင် မြန်မာနိုင်ငံ ဆင်းရဲမွဲတေမှု ပပျောက်ရေးလုပ်ငန်းစဉ်များအတွက် အမေရိကန်နိုင်ငံအနေဖြင့် ပညာရေး၊ ကျန်းမာရေး ကဏ္ဍများတွင် နည်းပညာနှင့် အခြားအကူအညီများပေးပါရန်လည်း တောင်းဆိုထားသည်။

ဦးကိုကိုကြီးနှင့် နိုင်ငံရေးအကျဉ်းသားဟောင်းများက အကျဉ်းထောင်များမှ လွတ်မြောက်လာသူများထံမှ တဆင့်
မေးမြန်းစုဆောင်းထားသည့် နိုင်ငံရေးအကျဉ်းသား စုစုပေါင်း ၁,ဝ၂၈ ဦး ရှိသည်ဟု ဆိုသည်။ အစိုးရကမူ ၅၀၀ ဝန်းကျင်သာ ရှိသည်ဟုပြောဆိုသည်။

ရွေးကောက်ပွဲကော်မရှင်က ကြားဖြတ်ရွေးကောက်ပွဲ ကျင်းပရက်ကို မကြေညာသေးသော်လည်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက နိုဝင်ဘာ ၂၅ ရက်နေ့ နေပြည်တော် သတင်းစာရှင်းပွဲတွင် နောက်သုံးလအတွင်း
ရွေးကောက်ပွဲ ကျင်းပရန် မရှိသေးကြောင်း ပြောဆိုခဲ့သည်။
http://www.mizzimaburmese.com/news/inside-burma/8685-2011-11-28-13-42-35.html

အ၀ါရောင်မိုး

Monday, November 28, 2011  zarny win 

ကချင်ပြည်နယ် မိုင်ဂျားယံဒေသက ဓာတ်ပုံတွေ ဖြစ်ပါတယ်။
အဲဒီဒေသမှာ အ၀ါရောင်မိုးတွေ ရွာတဲ့သတင်း ထွက်ပေါ်လာပေမယ့်
ဓာတ်ပုံတွေ တော်တော်နဲ့ တက်မလာပါဘူး။
ဒီနေ့ မှ လက်ခံရရှိတဲ့ အတွက် ပုံတချို့ကို ဖော်ပြပေးလိုက်ပါတယ်။


ဆက်စပ်ဖတ်ရှုရန် - အက်ဆစ်မိုးလား သနပ်ခါးမိုးလား
http://www.irrawaddyblog.com/2011/11/blog-post_4365.html

http://www.irrawaddyblog.com/2011/11/blog-post_381.html

ပဲကုန်သည်အသင်း ပဲဖိုးလိမ်ခံရသူများ စာရင်းကောက်


သဲသဲ | တနင်္လာနေ့၊ နိုဝင်ဘာလ ၂၈ ရက် ၂၀၁၁ ခုနှစ် ၂၀ နာရီ ၂၅ မိနစ်

နယူဒေလီ(မဇ္ဈိမ) ။ ။ စိန်နန်းထိုက် ပဲရောင်းဝယ်ရေး ကုမ္ပဏီက ကျပ်သိန်းပေါင်း ငါးသောင်းကျော် တန်ဖိုးရှိ ပဲဖိုးငွေများကို ကြိုယူပြီး ထွက်ပြေးတိမ်းရှောင်နေသည်ဆိုသော စွပ်စွဲမှုထွက်ပေါ်ခဲ့ပြီးနောက် ငွေဆုံးရှုံးသူများ၏ စာရင်းကို ကောက်ယူနေကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များ အသင်းကပြောသည်။

“စာရင်းစုံသွားရင် အဲဒီထက်ပိုလာနိုင်တယ်။ ပြည်ပပို့တဲ့ exporter တွေထဲက ငါးဦးလောက်ပါတယ်။ ပြည်တွင်း ဝယ်ရောင်းတွေ များတယ်။ တောကုန်သည်တွေလည်း ပါတယ်။” ဟု မြန်မာနိုင်ငံ ပဲမျိုးစုံနှင့် နှမ်းကုန်သည်များ အသင်း၏ တွဲဘက် အတွင်းရေးမှူး ဦးသောင်းဟန်က မဇ္ဈိမကိုပြောသည်။



လတ်တလော ကောက်ယူထားသည့်စာရင်းများအရ စိန်နန်းထိုက် ကုမ္ပဏီပိုင်ရှင် ဦးဇော်ငယ်က ရန်ကုန်မြို့ရှိ ပဲကုန်သည်များထံကျပ် သိန်းပေါင်း သုံးသောင်းကျော်နှင့် နယ်ကုန်သည်များထံမှ ကျပ်သိန်းပေါင်း နှစ်သောင်းကျော် ခန့်ပေးချေရန် ရှိသည်ဟုဆိုသည်။ မတ်ပဲကို အဓိက အရောင်းအဝယ် ပြုလုပ်သည့် စိန်နန်းထိုက် ကုမ္ပဏီထံမှ
ငွေရရန်ရှိသည့် ကုန်သည်များမှာ ရန်ကုန်မှ ၁၅ ဦးခန့်ရှိပြီး စုစုပေါင်း ၃၀ ကျော်မည်ဟု ခန့်မှန်းထားသည်။
umfcci

ငွေများကိုမပေးဘဲ တိမ်းရှောင်နေသော ဝယ်လက်ကြီးသမား သုံးဦးကို ဖမ်းဆီးစစ်ဆေးခဲ့ပြီး အမှုပေါင်း ၄ဝ ခန့်ကို မြန်မာနိုင်ငံ စက်မှုလုပ်ငန်းရှင်များအသင်း UMFCCI က ကြားဝင် ဖြေရှင်း
ပဲဖိုးငွေ သိန်းပေါင်း ငါးသောင်းကျော် ပေးချေရန်ရှိနေသည်ဟုဆိုသော ဦးဇော်ငယ်မှာ ကုမ္ပဏီရုံးခန်းနှင့် ဂိုဒေါင်များ ပိတ်ထားခဲ့ပြီး နိုဝင်ဘာလ ၂၄ ရက်နေ့ ညနေတွင် ထိုင်းနိုင်ငံသို့ လေယာဉ်ဖြင့် ထွက်ခွာသွားကြောင်း စုံစမ်းသိရ သည်ဟု ပဲကုန်သည်အသင်းက ဆိုသည်။

ဦးဇော်ငယ် အမည်ဖြင့် ကုန်ထုတ်ပြေစာ (DeliveryOrder)များအား ထပ်ဆင့် လက်လွှဲရောင်းချမှု မပြုရန် ဘုရင့်နောင် ကုန်စည်ဒိုင်တွင် ပဲကုန်သည်အသင်းက သတိပေးထားသည်ဟုဆိုသည်။

ငွေကြေးဆုံးရှုံး နစ်နာသူများထဲမှအချို့က သက်ဆိုင်ရာ ရဲစခန်းများတွင် အမှုဖွင့်တိုင်တန်းထားပြီး “လေလံ ပစ်စရာ
တောင် ဘာမှမကျန်ခဲ့ဘူး။အကုန် လက်စဖြတ်သွားတယ်။” ဟု ဦးသောင်းဟန်က ပြောသည်။

“အဲနေ့ မနက် ပစ္စည်းသွားသယ်တဲ့လူက သယ်လို့ မရဘူးဆိုတော့ အဲဒီမှာ သတင်းက ပြန့်သွားတာ။ သူ့ဖုန်းတွေ ဆက်တော့လည်း ဆက်သွယ်လို့ မရတော့ဘူး။ သူက ပစ္စည်းရောင်းမယ်ဆိုပြီး ငွေတော့ သိမ်းသွားတယ်။ ဒါပေမယ့် ပစ္စည်းက မရှိတော့တာပေါ့။”ဟု ဘုရင့်နောင် ပွဲရုံတန်းရှိ ပဲကုန်သည်တဦးက ပြောသည်။

၂၀၀၈ ခုနှစ်နှောင်းပိုင်းတွင် ပဲလောက၌ ကြိုပွိုင့်ဟု ခေါ်သည့် ငွေမချေပဲ နှုတ်ဖြင့် အပြန်အလှန် အရောင်းအဝယ်
ပြုလုပ်ခဲ့ရာ နိုင်ငံခြားသို့ တင်ပို့ချိန်တွင် ပဲဈေး ထိုးကျသဖြင့် ကျပ်ငွေ သိန်းထောင်ချီ၍ ငွေကွာဟမှုများ ပေါ်ပေါက်ခဲ့ပြီး အမှု တိုင်းတန်းမှု၊ ထွက်ပြေးတိမ်းရှောင်မှုများ ဖြစ်ပွားခဲ့သည်။

ငွေများကိုမပေးဘဲ တိမ်းရှောင်နေသော ဝယ်လက်ကြီးသမား သုံးဦးကို အထူးစုံစမ်းစစ်ဆေးရေးသို့ တိုင်ကြားသဖြင့် ဖမ်းဆီးစစ်ဆေးခဲ့မှုများ ရှိခဲ့ပြီး အမှုပေါင်း ၄ဝ ခန့်ကို မြန်မာနိုင်ငံ စက်မှုလုပ်ငန်းရှင်များအသင်း UMFCCI က ကြားဝင် ဖြေရှင်းခဲ့သည်။

ထို့နောက်၂ဝ၁ဝ ခုနှစ် ဇူလိုင်လမှ စတင်ကာ ပဲလောကတွင် ကြိုပွိုင့်စနစ်ဖြင့် အရောင်းအဝယ် မလုပ်ရန် ပဲကုန်သည် အသင်းက တားမြစ်ခဲ့သည်။ ယခုထပ်မံဖြစ်ပွားသည့် ပဲကုန်သည်များနှင့် စိန်နန်းထိုက်ကုမ္ပဏီ ပြသနာမှာ ယုံကြည်မှု
ဖြင့် ငွေကြိုတင်ပေးချေခဲ့သည်ကို အလွဲသုံးစား ပြုခြင်းဖြစ်ပြီး ကြိုပွိုင့်စနစ်ဖြင့် ရောင်းဝယ်မှုကြောင့် မဟုတ်ဟု ဆိုသည်။

ယင်းဖြစ်ရပ်ကြောင့် ပဲရောင်းဝယ်မှု အနည်းငယ် ရိုက်ခတ်ခဲ့ပြီး မတ်ပဲ တတန်လျှင် ကျပ် လေးသိန်းခွဲ ပေါက်ဈေး ရှိကာ ပြည်ပတင်ပို့မှု အေးနေသည်ဟု ပဲကုန်သည်များက ပြောသည်။

မြန်မာနိုင်ငံမှ မတ်ပဲ၊ပဲတီစိမ်းနှင့် ပဲစဉ်းငုံတို့ကို အိန္ဒိယက အများဆုံးဝယ်ယူပြီး ပဲတင်ပို့သည့် ကုမ္ပဏီ ၃၀၀ ခန့်ရှိ သည်။ ပဲကုန်သည်များအသင်း၏ ထုတ်ပြန်ချက်အရ ၂၀၀၉ ခုနှစ် ဧပြီလမှ၂၀၁၀ ခုနှစ် ဖေဖော်ဝါရီလအတွင်း မတ်ပဲ၊ ပဲတီစိမ်းနှင့်၊ ပဲစဉ်းငုံသုံးမျိုးအား ပြည်ပတင်ပို့မှုဖြင့် အမေရိကန်ဒေါ်လာ ၅၁၅ သန်း ရရှိခဲ့သည်။

http://www.mizzimaburmese.com/news/business/8686-2011-11-28-14-00-53.html

မြန်မာပဲ​လောကတွင် ကျပ်သိန်း​ပေါင်း​များ​စွာ လိမ်လည်မှုဖြစ်ပွား​
Published on November 28, 2011 by ပီတာအောင်

မြန်မာပြည်တွင်း​ ပဲအ​ရောင်း​အဝယ်​လောကမှာ ကျပ်သိန်း​ပေါင်း​သောင်း​နဲ့​ချီပြီး​ လိမ်လည်မှု ဖြစ်ပွား​ခဲ့​ပါတယ်။

ပဲ​တွေ ပြည်ပကိုတင်ပို့​တဲ့​ ​ရောင်း​ချ​နေတဲ့​ နာမည်ကြီး​ ကုမ္ပဏီတခုက နယ်ကပဲကုန်သည်​တွေ အပ်နှံထား​တဲ့​ ပဲ​တွေနဲ့​ ​ငွေ​တွေကို လိမ်လည်သွား​ခဲ့​တာလို့​ ပဲလုပ်ငန်း​လုပ်ကိုင်​နေသူ​တွေ အသိုင်း​အဝန်း​က ​ပြောပါတယ်။

ဒီအမှု ဖြစ်ပျက်ခဲ့​တဲ့​ အ​ခြေအ​နေကို မြန်မာနိုင်ငံ ပဲမျိုး​စုံနှင့်​ နှမ်း​ကုန်သည်များ​အသင်း​ အတွင်း​ရေး​မှူး​ ဦး​မင်း​ကိုဦး​က ခုလိုရှင်း​ပြပါတယ်။

“နယ်ကုန်သည်​တွေ အပ်ထား​တဲ့​ ကုန်​တွေရှိမယ်။ ​နောက်ရန်ကုန်မှာ သူ့​ကို ယုံကြည်လို့​ အပ်ထား​တဲ့​ ​ငွေ​တွေတချို့​ရှိမယ်။ ပဲတချို့​တဝက်ရှိမယ်။ အဲဒါ​တွေကို ​ရောင်း​ချပြီး​ ထွက်သွား​တဲ့​သ​ဘောဖြစ်​နေတယ်။ ကုမ္ပဏီ​တွေပါ ပိတ်သွား​တဲ့​သ​ဘော​ပေါ့​။ ကြို​ရောင်း​ ကြိုဝယ်​ကြောင့်​ ဖြစ်လာတဲ့​ပြဿနာ​တော့​ မဟုတ်ဘူး​။ ယုံကြည်မှုကို ခုတုံး​လုပ်ပြီး​တော့​ နယ်က ယုံကြည်လို့​ အပ်ထား​တဲ့​ ပစ္စည်း​တွေကို ​ရောင်း​စား​ပြီး​ ကြိုတင်ကြံစည်သွား​တယ်လို့​ပဲ ယူဆတယ်။”

ဒီအဖြစ်အပျက်မှာ ပဲခူး​တိုင်း​နဲ့​ ဧရာဝတီတိုင်း​ထဲက ပဲအ​ရောင်း​အဝယ် လုပ်ကိုင်​နေတဲ့​ နယ်က ကြား​ပွဲ စား​ကုန်သည်​တွေ အများ​အပြား​ ထိခိုက်နစ်နာခဲ့​ရတယ်လို့​သိရပါတယ်။

ဆုံး​ရှုံး​နစ်နာသူ​တွေစာရင်း​နဲ့​ ဆုံး​ရှုံး​နစ်နာမှုတန်ဖိုး​တွေကို ပဲနှမ်း​ကုန်သည်များ​အသင်း​က စာရင်း​ပြုစု​နေဆဲဖြစ်ပြီး​ ဆုံး​ရှုံး​မှုပါပမာဏ ခန့်​မှန်း​ခြေ ရန်ကုန်မှာ ​ငွေကျပ်သိန်း​ပေါင်း​ ၃ ​သောင်း​ကျော်နဲ့​ နယ်မှာ သိန်း​ ၂ ​သောင်း​ကျော်၊​ စုစု​ပေါင်း​ ကျပ်​ငွေ သိန်း​ပေါင်း​ (၅) ​သောင်း​ ​ကျော် ​လောက်ရှိမယ်လို့​ ပဲနှမ်း​ကုန်သည်များ​အသင်း​က ခန့်​မှန်း​ပါတယ်။

ကုမ္ပဏီရဲ့​ အုပ်ချုပ်မှု ဒါရိုက်တာလည်း​ ပြီး​ခဲ့​တဲ့​ သီတင်း​ပတ်ကတည်း​က ကုမ္ပဏီပိတ်ပြီး​ ပြည်ပကိုထွက်သွား​ပြီလို့​ သိရပါတယ်။

ဒီအမှုရဲ့​ဂယက်​ကြောင့်​ ပဲ​ဈေး​ကွက်မှာ ​ဈေး​နှုန်း​ အတက်အကျ ဂယက်ရိုက်မှု မရှိရ​လေ​အောင် ကြိုး​စား​ထိန်း​သိမ်း​သွား​မယ်လို့​ ဦး​မင်း​ကိုဦး​က ​ပြောပါတယ်။

“အ​ရေး​အကြီး​ဆုံး​ အချက်က ဒီဟာ​ကြောင့်​ ​နောက်ထပ်ထပ်ပြီး​တော့​ အလိမ်ခံတဲ့​သူက ပွား​ပြီး​တော့​ ထပ်ပြီး​နောက်ထပ်တ​ယောက် ပြိုလဲသွား​တာမျိုး​မဖြစ်​အောင်၊​ ​တော်ရုံတန်ရုံပဲ​ဈေး​ကွက်မှာ ဂယက်ရိုက်ပြီး​ ပဲ​ဈေး​ကျသွား​တာမျိုး​ မဖြစ်​အောင် အတတ်နိ်ုင်ဆုံး​ စီမံပြီး​ လုပ်ရမှာ​ပေါ့​။”

ဒါ​ပေမယ့်​ ခုရက်ပိုင်း​တွေအတွင်း​ မြန်မာပြည်တွင်း​မှာ ပဲ​ဈေး​တွေက​တော့​ ထိုး​ကျလျက်ရှိ​နေပါတယ်။

ပြီး​ခဲ့​တဲ့​ ၂၀၀၈ ခုနှစ်ကလည်း​ ပြည်တွင်း​ ပဲ​ဈေး​ကွက်မှာ အလား​တူ လိမ်လည်မှုမျိုး​ ဖြစ်ခဲ့​ဖူး​တဲ့​အတွက် ကြိုတင်ပဲအရောင်း​အဝယ်မလုပ်ဖို့​ အစိုး​ရက ပိတ်ပင်တား​မြစ်ခဲ့​ဖူး​ပါတယ်။
http://burmese.dvb.no/archives/18316

ကော့သောင်းမြို့ စစ်ဆေးရုံ ယာယီတပ်မှူး လုပ်ကွက်များ


Tuesday, November 29, 2011 Khet Htan



(ပေးပို့လာသည့် စာ၏ အချက်အလက်၊ အာဘော်အတိုင်း ဖြစ်ပါသည်။)

ကော့သောင်းမြို့၊ (၆) မိုင်တပ်နယ်၊ ကုတင် (၁၃/၁၀ဝ) မှ ဆရာဝန်၊ ပါရဂူများသည် တပ်ဖွဲ့ဝင် မိသားစုများနှင့် အရပ်သူ အရပ်သားများပါမကျန် ကျောသားရင်သား မခွဲခြားဘဲ နွေးထွေးစွာဖြင့် ဆေးဝါးကုသပေးခဲ့ပါသည်။ သို့ရာတွင် ယခုလက်ရှိ တာဝန်ထမ်းဆောင်နေသော (ယာယီ) တပ်မှူးဖြစ်သူ ဗိုလ်ကြီးဇေယျာဦးမှာ အောက်ဖော်ပြပါ လုပ်ကွက်များ
ပြုလုပ်လျက်ရှိပါသည်။

(၁) အရပ်သားပြင်ပလူနာများကို လက်ခံ ကုသပေးခြင်းမရှိပါဘဲ ဂိတ်ပေါက်ဝမှ မောင်းထုတ်ခြင်း။
(၂) ၁၉-၁၁-၂၀၁၁ ရက်နေ့တွင် (၇) မိုင်ကျေးရွာမှ အရပ်သားလူနာတဦး အရေးပေါ် သွေးသွင်းရန် ရောက်ရှိလာခြင်းကို ဗိုလ်ကြီးဇေယျာဦးမှ မောင်းထုတ်သဖြင့် ပြန်သွားရခြင်း။
(၃) လူနာများကို အလျင်အမြန် အလုအယက် ကြည့်ရူမှုကြောင့် မနိုင်မနင်းဖြစ်ကာ သေဆုံးရခြင်း။
(၄) မွေးဖွားပြီး လူနာများကိုလည်း မွေးပြီးပြီးခြင်း ဆေးရုံပေါ်မှ မောင်းထုတ်ခြင်း။
(၅) အရေးပေါ်လျှင်ပေါ်သလို ခွဲစိတ်နေရသော ခွဲခန်းကိုလည်း သော့ခတ်ကာ ပိတ်သိမ်းထားခြင်း။
(၆) ဆေးခွဲတမ်း (၆) လစာမှ ရသောဆေးကို ဆေးစတိုကိုင်သော တပ်ကြပ်ကြီးမောင်စိုးနှင့် ဗိုလ်ကြီးဇေယျာဦးတို့မှ ဆေးရုံသို့ မယူဘဲ ရန်ကုန်တွင် ရောင်းစားလာခြင်း။
(၇) ဗိုလ်ကြီးဇေယျာဦး ဇနီးမှ တပ်မိသားစုများအပေါ် နွေးထွေးစွာ ဆက်ဆံမှုမရှိခြင်း။
(၈) ထို့အပြင် (၁၃/၁၀ဝ) တပ်ဆေးရုံမှ ဗိုလ်ကြီးဇေယျာဦးသည် ဆေးကုသခြင်းအလုပ်ကို မလုပ်ပါဘဲ တရားမဝင် လုပ်ငန်းများဖြစ်သော (က) သစ်မှောင်ခိုကူးခြင်း၊ (ခ) တောဝိုင်းမော်ကျေးရွာတွင် ငါးဖမ်းလှေ လုပ်ခြင်း၊ (ဂ) ရနောင်းမြို့သို့ မီးသွေးပို့ခြင်း၊ (ဃ) လူမှောင်ခိုခြင်းများကို တရားမဝင် လုပ်ကိုင်လျက်ရှိပါသည်။

နိုင်ငံတော် သမ္မတကြီး၏ မူဝါဒလမ်းစဉ်အတိုင်း အများပြည်သူ့အကျိုးကို ရှေ့ရှုကာ လျှောက်လှမ်းလုပ်ကိုင်နေချိန်တွင် ကော့သောင်းမြို့ တပ်မတော်ဆေးရုံ ကုတင် (၁၃/၁၀ဝ) မှ ဖြစ်ပျက်နေမှုများကို နိုင်ငံတော် အကြီးအကဲများနှင့် အများပြည်သူတို့ သိရှိနိုင်ရန်တင်ပြ လိုက်ရပါသည်။
http://www.irrawaddyblog.com/2011/11/blog-post_29.html

မြန် – ကန် ဆက်ဆံရေးမှာ ဘယ်သူပို အကျိုးရှိမလဲ



By featured, အောင်ဇော် on November 28, 2011 3:32 pm

အမေရိကန်နိုင်ငံခြားရေးဝန်ကြီး ဟီလာရီ ကလင်တန် မြန်မာပြည်ကို ဒီတပတ်မှာ သွားရောက်လည်ပတ်မှာ ဖြစ်ပါတယ်။

နှစ် ၅၀ အတွင်း ပထမဆုံးအကြိမ် သွားတဲ့ ဒီခရီးစဉ်မှာ သူဟာ သမ္မတ ဦးသိန်းစိန် အပါအဝင် မြန်မာအစိုးရအဖွဲ့ဝင်တွေ နဲ့ရော၊ အတိုက်အခံတွေနဲ့ပါ တွေ့ဆုံမှ ဖြစ်ပါတယ်။ မြန်မာနိုင်ငံတွင်းက လူမှုအဖွဲ့အစည်းတွေ၊ NGO အဖွဲ့အစည်းတွေ၊ နိုင်ငံရေး အကျဉ်းသားဟောင်းတွေကိုလည်း တွေ့ဆုံမှာပါ။

ဒီခရီးစဉ်နဲ့ ပတ်သက်ပြီး ပြည်တွင်းပြည်ပ သတင်းစာဆရာတွေက ထောင့်မျိုးစုံက ဝေဖန်ရေးသားကြပါတယ်။ ကလင်တန် မြန်မာပြည်ကို သွားရမယ်၊ ကြိုဆိုရမယ် ဆိုတဲ့သဘောထားကိုတော့ မြန်မာပြည်တွင်းမှာရော ပြည်ပမှာပါ ဒီလိုင်းကို သဘောတူတယ်လို့ ဆိုရမှာပါ။

ဒါပေမယ့် ဒီခရီးစဉ်ဟာ ဘယ်လို သက်ရောက်မှုတွေ ရှိမှာလဲ၊ ဘယ်လို Strategy နဲ့ မြန်မာအစိုးရနဲ့ အတိုက်အခံတွေကို ချဉ်းကပ်မှာလဲဆိုတဲ့နေရာမှာတော့ သဘောထားတချို့ ကွဲလွဲပုံရပါတယ်။

ပထမဆုံး အနေနဲ့ ကလင်တန်ကိုယ်တိုင် ပြောခဲ့တဲ့စကား တချို့ကို လေ့လာမယ် ဆိုရင်တော့ မြန်မာပြည်ကို သွားတဲ့ ခရီးစဉ်ဟာ ပြစ်ဒဏ်ချ ပိတ်ဆို့အရေးယူမှုတွေကို ပယ်ဖျက်ဖို့ မဟုတ်ပါဘူး၊ မြန်မာပြည်မှာ လောလောဆယ် ဖြစ်ပေါ်တိုးတက် ပြောင်းလဲနေတဲ့ နိုင်ငံရေးဖြစ်စဉ်တွေကို သူကိုယ်တိုင် မျက်ဝါးထင်ထင် လေ့လာဖို့၊ ၂ ဘက်စလုံးနဲ့ တွေ့ဆုံဖို့၊ ပြီးတော့ အမေရိကန် အစိုးရရဲ့ မြန်မာပြည် အပေါ်ထားတဲ့ သဘောထားကို တေ့တေ့ဆိုင်ဆိုင်ပဲ ထိပ်ပိုင်း အစိုးရခေါင်းဆောင်ပိုင်းကို မျက်နှာချင်းဆိုင် တွေ့ပြီး ပြောဖို့ အပြင် အခု ပြည်တွင်းမှာရနေတဲ့ အရှိန်ကို သေမသွားအောင် ဆက်တွန်းအားပေးဖို့ ဆိုတာတွေပဲ ဖြစ်ပါတယ်။ ဒါပေမယ့် ဒီခရီးစဉ်မှာ မြန်မာနဲ့ အမေရိကန် အနာဂတ် စီးပွားကုန်သွယ်ရေး ကိစ္စတွေနဲ့ သံတမန်ရေးရာ ဆက်ဆံရေး တိုးမြှင့်ဖို့ ကိစ္စတွေကိုလည်း ဆွေးနွေးနိုင်ပါတယ်။

မြန်မာပြည် အထီးကျန်ဖြစ်မှာကို စိုးရိမ်တဲ့ ကျနော့်သဘောထားကတော့ ကလင်တန်ရဲ့ ခရီးစဉ်ကို သဘောကျပါတယ်။
အမေရိကန်ရဲ့ မြန်မာပြည်ပေါ်လစီဟာ အငြင်းပွားဖွယ်ရာတွေ နိုင်ငံတကာမှာ ရှိပေမယ့် သူ့ရဲ့ လောလောဆယ် ဖော်ဆောင် နေတဲ့ Principled engagement နဲ့ Sanction ဟာ အသင့်တော်ဆုံးလို့ ယူဆရတဲ့အတွက် ကလင်တန်ဟာ မြန်မာပြည်က ခေါင်းဆောင်တွေနဲ့ တွေ့တဲ့အခါမှာလဲ လူ့အခွင့်အရေး၊ ဒီမိုကရေစီအရေးနဲ့ တိုင်းရင်းသား ပဋိပက္ခ အရေးတွေနဲ့ ပတ်သက်လာရင် အားမနာတမ်း ပွင့်ပွင့်လင်းလင်း ပြောမှာ ဖြစ်ပါတယ်။

အမေရိကန်အစိုးရရဲ့ အထူး ကိုယ်စားလှယ် ဒဲရစ် မစ်ချယ် ကလည်း မြန်မာအစိုးရ ခေါင်းဆောင်တွေနဲ့ တွေ့ရာမှာ အမေရိကန်ရဲ့ ပေါ်လစီကို ထပ်ခါတလဲလဲ ရှင်းပြပြောဆိုခဲ့ပြီး ဖြစ်ပါတယ်။

ဒဲရစ် မစ်ချယ် ရှိနေရက်နဲ့ ကလင်တန်က ဘာကြောင့် သွားခဲ့တာလဲဆိုရင်တော့ ဒါဟာ အမေရိကန်အစိုးရရဲ့ Plan B ဖြစ်သလို၊ မြန်မာဘက်ကလည်း ဒီခရီးစဉ်ကို လိုလိုလားလား ရှိတဲ့အတွက်ကြောင့် ၂ ဘက် လမ်းဖွင့်ကြတဲ့ ကိစ္စဖြစ်ပါတယ်။

ဒါ့အပြင် လက်ရှိအနေအထားအရ မြန်မာအစိုးရကို ဆက်ပြီး တွန်းအားပေးဖို့ အကောင်းဆုံးကာလလို့ အမေရိကန်ဘက်က ယူဆလို့လည်း ဖြစ်နိုင်ပါတယ်။

Air Force One ပေါ်ကနေ သမ္မတ အိုဘားမားက ဒေါ်အောင်ဆန်းစုကြည်ကို ပြောခဲ့တုန်းကလည်း အတိုက်အခံ ခေါင်းဆောင်က ကလင်တန်ရဲ့ ခရီးစဉ်ကို မီးစိမ်းပြခဲ့ပြီးသား ဖြစ်ပါတယ်။

ဒီခရီးစဉ်ဟာ အပြောင်းအလဲကာလတခုကို သွားနေတဲ့ ဒီနေ့ မြန်မာပြည်မှာတော့ အကောင်းဘက်ကို ရှေးရှုတယ်လို့ပဲ ကျနော်မြင်ပါတယ်။

ဒီခရီစဉ်သတင်းနဲ့ ပတ်သက်ပြီး ရန်ကုန်က ကုန်သည်စီးပွားရေး လောကမှာ တချို့ပြောနေတဲ့အသံတွေ ကတော့ မြန်မာပြည်နဲ့ အမေရိကန်အကြား ဆက်ဆံရေးတွေ ပြန်ကောင်းလာတော့မယ်၊ သံတမန် ဆက်ဆံရေးကို ပုံမှန်ကနေ ပိုပြီးတိုးမြှင့်မယ်၊ သံအမတ်အဆင့် ပြန်ထားမှာကို ပြောတာပါ၊ ပြီးတော့ ပိတ်ဆို့မှုတွေကို နောက်နှစ်ထဲမှာ ရုပ်သိမ်းတော့မယ် ဆိုတဲ့အသံတွေပဲ ဖြစ်ပါတယ်။

အမေရိကန်ဟာ မြန်မာနဲ့ ဆက်ဆံရေးမှာ သူ့ရဲ့ စံတွေရှိပါတယ်။ အဲဒီဘက်မှာ နိုင်ငံရေးအကျဉ်းသား အားလုံးကို လွှတ်ပေးဖို့၊ တိုင်းရင်းသားနယ်တွေအတွင်း ဖြစ်နေတဲ့ ဖိနှိပ်မှုတွေကို ရပ်တန့်ဖို့၊ အမျိုးသားပြန်လည် စည်းလုံးညီညွတ်ရေးကို ဖော်ဆောင်ဖို့ စတဲ့ အဓိကအချက်တွေ ပါဝင်ပါတယ်။ ဒါ့အပြင် မြန်မာ အစိုးရနဲ့ မြောက်ကိုရီးယား ဆက်ဆံရေးကလည်း အဖုအထစ်ဖြစ်စရာ တွေ့ခဲ့ရပါတယ်။ အရင်စစ်အစိုးရလက်ထက် မြန်မာ့တပ်မတော်ဟာ မြောက်ကိုရီးယား ဆီက နျူကလီးယား နည်းပညာတွေ လက်ခံရယူဖို့ ကြိုးစားခဲ့တယ်ဆိုတဲ့ စွပ်စွဲချက်တွေကို အမေရိကန်က ပြောခဲ့တာကြောင့် ဖြစ်ပါတယ်။

အမေရိကန် အထက်လွှတ်တော်အမတ် ရစ်ချက် လူဂါက ဒီကိစ္စကို ပြီးခဲ့တဲ့အပတ်က ထုတ်ဖော် ပြောဆိုခဲ့ပါတယ်။ ကလင်တန်သွားမယ့် အချိန်နဲ့ကိုက်ပြီး အထက်လွှတ်တော်အမတ်က ပြောခဲ့တာပါ။ ကလင်တန်ဟာ မြောက်ကိုရီးယားနဲ့ ဆက်ဆံမှုတွေကို မြန်မာခေါင်းဆောင် တွေနဲ့ တွေ့တဲ့အခါမှာ ထပ်ပြီး မဖြစ်မနေ ပြောဆိုရမှာပါ။

ဒါပေမယ့် ဆက်ဆံရေးပြေပြစ်ဖို့ အလားအလာကောင်းတွေ ရှိပါတယ်။

ဘာဖြစ်လို့လဲဆိုတော့ ဒဲရစ် မစ်ချယ် ကရော ကလင်တန်ကပါ တရားဝင်ပြောခဲ့တဲ့ စကားတွေရှိပါတယ်။ မြန်မာဘက်က နိုင်ငံရေး ပြောင်းလဲတိုးတက်မှုတွေဟာ ရေရှည်တည်တံ့မယ်ဆိုရင် အမေရိကန်ကို မြန်မာကနေ မိတ်ဆွေအဖြစ်နဲ့ မြင်ရမယ်လို့ ပြောခဲ့ပြီး ဖြစ်ပါတယ်။ ဒီလို တံခါးကို ဖွင့်ပေးလိုက်တာဟာ အခွင့်အလမ်းကောင်းလို့ပဲ ကျနော် ယူဆမိပါတယ်။ ဒီအခွင့် အလမ်းကို လက်ဆုပ်လက်ကိုင် ယူပြီး အမေရိကန်နဲ့ မြန်မာဆက်ဆံရေးကို ပြန်လည်ကောင်းမွန်အောင် တည်ဆောက် ရမယ်လို့ ထင်ပါတယ်။

သမ္မတ အိုဘားမားကလည်း သမ္မတ ဦးသိန်းစိန် အစိုးရကို ဒီအခွင့်အရေး လက်လွတ်မခံဖို့ ပြောခဲ့ပြီးဖြစ်ပါတယ်။

ပိတ်ဆို့မှုတွေကို အပြီးရုပ်သိမ်းရေးကတော့ လွယ်လွယ်နဲ့ ဖြစ်လာမှာ မဟုတ်သေးပါဘူး။ ဒီဥပဒေတွေက အမေရိကန်သမ္မတ တဦးတည်း အမိန့်ပေးပြီး ဖျက်ပစ်လိုက်လို့ ရတဲ့ ဥပဒေမဟုတ်ပါဘူး။ ဒါဟာ အမေရိကန်နိုင်ငံရဲ့ ဥပဒေပါ။ ကွန်ဂရက်ရဲ့ အတည်ပြုချက်ကို ယူရမှာဖြစ်ပါတယ်။

၂၀၀၇ – ၂၀၀၈ မှာ ပြဌာန်းခဲ့တဲ့ JADE ACT ကိုတောင် အခုထိ ဖော်ဆောင် အရေးယူမှုတွေ မလုပ်ရသေးဘူး ဆိုရင်တော့ ပိတ်ဆိုမှုကို ရုပ်သိမ်းဖို့ မလွယ်လှပါဘူး။

ဝါရှင်တန်က သြဇာကိတ္တမ ကြီးမားတဲ့ ဝါရှင်တန်ပို့စ် သတင်းစာကြီးရဲ့ အယ်ဒီတာတွေရဲ့ အာဘော်တွေမှာလည်း မြန်မာပြည်ဟာ ဖိနှိပ်မှုတွေ ရှိနေသေးတဲ့ နိုင်ငံလို့ သတိပေးရေးသားခဲ့ပြီး ဖြစ်ပါတယ်။

၂၀၁၂ မှာ ပြုလုပ်မယ့် အမေရိကန် ရွေးကောက်ပွဲကလည်း ရှိသေးတော့ အိုဘားမား အစိုးရအနေနဲ့ မြန်မာပြည်ကို လွယ်လွယ်ကူကူနဲ့ ပိတ်ဆို့ အရေးယူထားတဲ့ ပေါ်လစီကို လျှော့ပေးမှာ မဟုတ်တာတော့ အသေအချာပါပဲ။

ဒါကြောင့် ကလင်တန်ရဲ့ ခရီးစဉ်အတွင်းမှာ သမ္မတ ဦးသိန်းစိန်အပါအဝင် အားလုံးဟာ အမေရိကန် နိုင်ငံခြားရေးဝန်ကြီးနဲ့ တွေ့မယ်၊ စကားတွေ ပြောကြမယ်၊ ဓာတ်ပုံတွေရိုက်ကြမယ်၊ ဆက်ဆံရေးကောင်းဖို့ ကြိုးစားကြမယ်၊ ကတိကဝတ် တချို့ကို ပေးကြမယ်၊ ဒါပေမယ့် တကယ်ဆက်ပြီး လုပ်ပြရမှာကတော့ သမ္မတ ဦးသိန်းစိန်အစိုးရအပေါ်မှာပဲ မူတည်ပါတယ်။

အတိုက်အခံတွေ၊ ထောင်ကလွတ်လာတဲ့ နိုင်ငံရေး အကျဉ်းသားတွေ၊ ရပ်တည်ချက်ကို ခိုင်ခိုင်မာမာ ကိုင်စွဲပြီး ၁၉၈၈ ကတည်းက လှေခွက်ချည်းကျန် အလံမလှဲဘဲ မဆုတ်မနစ်တဲ့ ဒီမိုကရေစီ ဇွဲလုံ့လနဲ့ ရင်ဆိုင်ဖြတ်သန်းလာခဲ့တဲ့ သူတွေကိုလည်း ကလင်တန်က တွေ့ဆုံမှာပါ။

သူတို့ဟာ မြန်မာပြည်ရဲ့ သူရဲကောင်းတွေပါ။ ဒီခရီးစဉ်ဟာ အရှေ့တောင်အာရှမှာ ပိတ်ဆို့မှုတွေ နှစ်ရှည်ခံစားနေရပြီး မျက်နှာ ငယ်ခဲ့ရတဲ့ မြန်မာပြည်သားတွေ အတွက်ကတော့ တန်ဖိုးရှိတဲ့ ခရီးစဉ်ပါ။

ဒီလိုပြည်တွင်းရေးတွေအပြင် မြန်မာနိုင်ငံဟာ အင်အားကြီး တရုတ်နဲ့ အိန္ဒိယကြားမှာ ရှိနေတဲ့ နိုင်ငံငယ်လေးပါ။ ၁၉၈၈ – ၈၉ လောက်က စပြီး တရုတ်အစိုးရနဲ့ တရုတ်နိုင်ငံအပေါ် မှီခိုခဲ့ရတာတွေ ရှိတဲ့အပြင် မြန်မာပြည်ရဲ့ သယံဇာတ တွင်းထွက်တွေ ဟာလည်း တရုတ်ရဲ့ လက်ထဲ အပ်ခဲ့ရတာများပါတယ်။ မြန်မာဟာ တရုတ်ရဲ့ ကိုလိုနီဖြစ်တော့မယ်ဆိုပြီး ပြောကြ၊ ရေးကြ တာတွေလည်း ရှိပါတယ်။ မြန်မာဟာ မဟာဗျူဟာအရ အရေးပါတဲ့ ဘင်္ဂလားပင်လယ်အော်ကို ဖောက်ထွက်နိုင်မယ့် လမ်းကြောင်းလို့ တရုတ်က တွက်ဆထားတာပါ။

ဒါကြောင့် တရုတ်ကို မှီခိုခဲ့ရတဲ့ မြန်မာပြည်ဟာ တခြားအင်အားကြီးနိုင်ငံတွေနဲ့ ချိန်ခွင်လျှာညှိဖို့ လိုပါတယ်။

လက်ရှိ အမေရိကန်အစိုးရရဲ့ မူဝါဒကလည်း အာရှ – ပစိဖိတ်ဒေသက တဖဝါးမှ မခွာဘဲ သူ့ရဲ့ လက်ရှိ မဟာမိတ်တွေအပြင် တခြားဒေသတွင်းက နိုင်ငံတွေနဲ့ ပူးပေါင်းပြီး အာရှ – ပစိဖိတ်ရဲ့ လုံခြုံရေးနဲ့ အကျိုးစီးပွားတွေကို ကာကွယ်စောင့်ရှောက်ဖို့ ဖြစ်တယ်လို့ အိုဘားမားတို့ဘက်က ပြောပြီးဖြစ်ပါတယ်။

ဒါကြောင့် အမေရိကန်နဲ့ မြန်မာ နှစ်နိုင်ငံဟာ ရေရှည်မှာတော့ အကျိုးတူပူးပေါင်းစရာတွေ အများကြီး ရှိတယ်လို့ပဲ ပြောချင်ပါတယ်။ နှစ်ဘက် စလုံး အကျိုးရှိနိုင်ပါတယ်။

တချိန်ချိန်မှာ မြန်မာပြည်ဟာ နိုင်ငံတကာကို ပြန်ဝင်ပြီး အမေရိကန်လို အင်အားကြီး ဒီမိုကရေစီနိုင်ငံ တနိုင်ငံနဲ့ ဆက်ဆံရေး ကောင်းမွန်ရမယ်၊ မဟာမိတ် ပြန်လုပ်ရမယ်လို့ ကျနော်ယုံကြည်လို့ပဲ ဖြစ်ပါတယ်။
http://burma.irrawaddy.org/archives/2914

မြန်မာနဲ့ ချစ်ကြည်မှု၊ စစ်ရေးပူးပေါင်းမှု ပိုမို ခိုင်မြဲရေး တရုတ် ပြောဆို

2011-11-28
အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ မြန်မာနိုင်ငံ ခရီး မစတင်ခင်မှာပဲ တရုတ် ဒု-သမ္မတ ရှီကျင့်ဖင်က တရုတ်နဲ့ မြန်မာ နှစ်နိုင်ငံကြား ပိုမိုခိုင်မာတဲ့ နည်းဗျူဟာမြောက် မဟာမိတ် ဆက်ဆံရေးကို ဆက်လက် တည်ဆောက်သွားမယ်လို့ ပြောလိုက်ပါတယ်။


Photo: AFP

တရုတ်နိုင်ငံ၊ ဘေဂျင်းမြို့တော်ရှိ ပြည်သူ့ မဟာခန်းမ အဆောက်အအုံကြီး ရှေ့တွင် အစောင့် တပ်သားတဦး တာဝန်ကျနေပုံ ဖြစ်ပါသည်။ (Photo: AFP)

တရုတ်နိုင်ငံ ဘေဂျင်းမြို့တော်ကို ရောက်နေတဲ့ မြန်မာ အစိုးရ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ကို ပြောလိုက်တာပါ။ ဒါ့အပြင် စစ်ရေးအရ ပူးပေါင်း ဆောင်ရွက်မှုတွေ တိုးမြှင့် လုပ်ဆောင်သွားဖို့လည်း ဒု-သမ္မတက အဆိုပြု တိုက်တွန်းခဲ့ကြောင်း တရုတ် အစိုးရပိုင် သတင်းဌာနက ဖေါ်ပြခဲ့ပါတယ်။ မြန်မာနိုင်ငံကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန် မလာခင် ရက်ပိုင်း အလိုမှာ ဗိုလ်ချုပ်ကြီး မင်းအောင်လှိုင် တရုတ်နိုင်ငံကို ခရီးထွက်ခဲ့တာပါ။ ဒါဟာ မြန်မာနဲ့ အမေရိကန် ဆက်ဆံရေး အရှိန်အဟုန်နဲ့ တိုးတက်လာပေမယ့် တစ်ဘက်မှာလည်း တရုတ် အပေါ်ထားတဲ့ သဘောထား မပြောင်းလဲဘူးဆိုတာ ဦးသိန်းစိန် အစိုးရက ရည်ရွယ်ပြသလိုက်တာ ဖြစ်တယ်လို့ တရုတ်ရေးရာ လေ့လာ ကျွမ်းကျင်သူ အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ) နိုင်ငံခြားရေးရာ တာဝန်ခံ ဦးညိုအုန်းမြင့်က ပြောပါတယ်။ တစ်ဘက်မှာလည်း တရုတ် အနေနဲ့ မြန်မာ နိုင်ငံကို စီးပွားရေး အရ လွှမ်းမိုး ခြေကုပ်ယူထားတာကြောင့် အမေရိကန်က အခုလို မြန်မာနဲ့ နိုင်ငံရေး အရ ဆက်ဆံရေး တိုးမြင့်လာတာကို သိပ်တုန်လှုပ်ပုံ မရဘူးလို့ တရုတ်ပြည် အခြေစိုက် ဗမာပြည် ကွန်မြူနစ် ပါတီ ပြောခွင့်ရ ပုဂ္ဂိုလ် ဦးဖိုးသံချောင်းက ဆိုပါတယ်။ တရုတ်ရဲ့ စစ်ရေးအရ မဟာဗျူဟာကျပြီး ကုန်းတွင်းပိတ်နယ်မြေတွေရဲ့ ပင်လယ်ထွက်တံခါးပေါက် ဖြစ်တဲ့ မြန်မာနိုင်ငံကို လာရောက်မယ့် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ခရီးစဉ်ဟာ နှစ်ပေါင်း ၅၀ အတွင်း အမေရိကန်နဲ့ မြန်မာ ဆက်ဆံရေးမှာ အဆင့် အမြင့်ဆုံး ဖြစ်တာကြောင့် တရုတ် အစိုးရ အပေါ် ရိုက်ခတ်မှုတွေ ရှိနိုင်တယ်လို့လည်း နိုင်ငံတကာ ရေးရာ ကျွမ်းကျင်သူတွေက သုံးသပ်ကြပါတယ်။ အသေးစိတ်ကို မအင်ကြင်းနိုင်က ဆက်သွယ်မေးမြန်း တင်ပြထားပါတယ်။
ဆက်သွယ်မေးမြန်းချက်။
အသံဖိုင်ယူရန်။
http://www.rfa.org/burmese/news/china-11282011101947.html




ကာချုပ်၏ ဒုတိယ ပြည်ပ ခရီးစဉ်အဖြစ် တရုတ်သို့ ထွက်ခွာ
on November 28, 2011 3:23 pm

တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်၏ ဒုတိယအကြိမ် ပြည်ပခရီးစဉ်အဖြစ် အိမ်နီးချင်းတရုတ်နိုင်ငံသို့ ယမန်နေ့က ထွက်ခွာသွားကြောင်း ယနေ့ထုတ် အစိုးရသတင်းစာများတွင် ဖော်ပြထားသည်။
ကာကွယ်ရေး ဦးစီးချုပ်၏ ယခု ပြည်ပခရီးစဉ်တွင် ဒု ဗိုလ်ချုပ်ကြီး လှဌေးဝင်း၊ ဒု ဗိုလ်ချုပ်ကြီး ကျော်ဆွေ၊ ဒုဗိုလ်ချုပ်ကြီး ရာပြည့်၊ အရှေ့မြောက်ပိုင်း စစ်ဌာနချုပ် တိုင်းမှူး ဗိုလ်ချုပ် အောင်ကျော်ဇောတို့လည်း လိုက်ပါသွားသည်ဟု သိရသည်။


ကာချုပ်မင်းအောင်လှိုင် တရုတ်ပြည်သို့ မထွက်ခွာမီ နေပြည်တော် လေယာဉ်ကွင်းတွင် ဤသို့ တွေ့ရသည်( ဓာတ်ပုံ - မြန်မာ့အလင်း)

ယခုလအတွင်း ဗိုလ်ချုပ်ကြီးမင်းအောင်လှိုင်၏ ဒုတိယခရီးစဉ်ဖြစ်ပြီး ပထမခရီးစဉ်မှာ ပြီးခဲ့သည့် နိုဝင်ဘာ ၁၄ ရက် တွင် ဗီယက်နမ်နိုင်ငံသို့ သွားရောက်ခဲ့ကာ နှစ်နိုင်ငံ စစ်ရေးပူးပေါင်းဆောင်ရွက်မည့် စာချုပ်များကို အပြန်အလှန် ချုပ်ဆိုခဲ့ သေးသည်။
တရုတ်နိုင်ငံနှင့် ဗီယက်နမ်နိုင်ငံသည် နယ်စပ်ချင်း ကပ်လျက်ရှိသည့် အပြင် တောင်တရုတ်ပင်လယ်အတွင်းရှိ စပတ်တလီ ကျွန်းစုများ ပိုင်ဆိုင်မှုနှင့် ပတ်သက်ပြီး တင်းမာမှုဖြစ်ပွားနေသည့် နိုင်ငံများဖြစ်သည်။
တရုတ်-မြန်မာနယ်စပ် စစ်ရေးနိုင်ငံရေး အကဲခတ် ဦးအောင်ကျော်ဇောကမူ “ကချင်ပြည်နယ်မှာဖြစ်နေတဲ့ နယ်စပ်တိုက်ပွဲတွေနဲ့ ပတ်သက်ပြီး ပြောမယ်၊ နောက် ဗီယက်နမ်ကိုသွားထားတဲ့ ကိစ္စတွေကို ရှင်းပြဖို့လည်းပါတယ်” ဟု ဆိုသည်။
ထို့အပြင် တရုတ်၊ မြန်မာ၊ လာအို၊ ထိုင်း၊ ကမ္ဘောဒီးယား စသည့်နိုင်ငံများ ထိစပ်နေသည့် မဲခေါင်မြစ်အတွင်း လုံခြုံရေး ကိစ္စရပ်များကို လည်းဆွေးနွေးမည်ဟု ယူဆရကြောင်း ၎င်းကဆိုသည်။
ပြီးခဲ့သည့် အောက်တိုဘာလအတွင်းက မဲခေါင်မြစ်အတွင်း တရုတ်ကုန်တင်သင်္ဘော ၂ စီး တိုက်ခိုက်ခံခဲ့ရပြီး တရုတ်လူမျိုး ၁၃ ဦး သတ်ဖြတ်ခံခဲ့ရသည်။
အဆိုပါ မဲခေါင်မြစ်ကြောင်း အဖြစ်အပျက်နှင့် ပတ်သက်၍ မြန်မာ-ထိုင်း- လာအို နယ်စပ် ရွှေတြိဂံဒေသတွင် အခြေစိုက်သည့် ရှမ်း မူးယစ်ရာဇာ နော်ခမ်း၏ လက်ချက်ဖြစ်ကြောင်း စွပ်စွဲပြောဆိုမှုများ ထွက်ပေါ်ခဲ့သည်၊ ထိုကြောင့် ယခု လဆန်းပိုင်းတွင်  ဗိုလ်ချုပ်ကြီး မင်းအောင်လှိုင် ကိုယ်တိုင် တြိဂံတိုင်း စစ်ဌာနချုပ်သို့ သွားရောက်ကာ ဒေသတွင်းရှိ စစ်တပ်အကြီးအကဲများကို တွေ့ဆုံခဲ့သေးသည်။
ယင်း တရုတ်သင်္ဘောသား ၁၃ ဦး အသတ်ခံရမှုနှင့်ပတ်သက်ပြီး ထိုင်းစစ်သား ၉ ဦး ချင်းရိုင် ချင်းစန်မြို့နယ် ရဲစခန်း၌ လာရောက် အဖမ်းခံခဲ့ကြောင်း ထိုင်း သတင်းများက ဖော်ပြခဲ့သည်။
မြန်မာအစိုးရသစ်လက်ထက် တပ်မတော်အရာရှိကြီးများ အနေဖြင့် ဒေသတွင်းနိုင်ငံများသို့ ခရီးလှည့်လည်နေခဲ့ရာ ပြီးခဲ့သည့် ရက်ပိုင်းကလည်း ဒုတိယ ကာကွယ်ရေး ဦးစီးချုပ် (ကြည်း) ဒု ဗိုလ်ချုပ်ကြီး စိုးဝင်းသည်လည်း အိမ်နီးချင်း ဘင်္ဂလားဒေ့ရ်ှနိုင်ငံသို့ သွားရောက်ခဲ့ သေးသည်။
မကြာမီရက်ပိုင်းအတွင်း အမေရိကန်နိုင်ငံခြားရေး ၀န်ကြီး ဟီလာရီကလင်တန် မြန်မာနိုင်ငံသို့ လာရောက်မည်ဖြစ်သည့် အတွက် ဗိုလ်ချုပ်ကြီး မင်းအောင်လှိုင်၏ ယခုတရုတ်ပြည်ခရီးစဉ်သည် တရုတ်နှင့် အမေရိကန်နိုင်ငံအကြား အင်အားချိန်ခွင်လျှာ ထိန်းညှိရန် သွားရောက်ခြင်းဖြစ်သည်ဟု သုံးသပ်ပြောဆိုမှုများလည်း ထွက်ပေါ်နေသည်
http://burma.irrawaddy.org/archives/2908


တရုတ်မြန်မာ စစ်ရေး ပူးပေါင်းဆောင်ရွက်မှု ပိုမို တိုးချဲ့မည် – China, Burma to enhance military ties


Xinhua သတင်းဌာန
နိုဝင်ဘာ ၂၈၊ ၂၀၁၁ ပီကင်းတွင် ယနေ့ တွေ့ရသော ဗိုလ်ချုပ်ကြီး မင်းအောင်လှိုင် နှင့် တရုတ်ဒုသမ္မတ (ဓာတ်ပုံ – Xinhua/Li Tao)

မြန်မာနိုင်ငံနှင့် စစ်ရေး ဆက်နွယ်ပူးပေါင်းမှု တိုးမြှင့်ဖွယ်ရှိသည်ဟု တရုတ် ထိပ်တန်း စစ်အရာရှိတဦးက ယနေ့ ပြောလိုက်သည်။

မြန်မာ့တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်နှင့် တွေ့ဆုံအပြီးတွင် တရုတ်ပြည်သူ့ လွတ်မြောက်ရေး တပ်မတော် စစ်ဦးစီးချုပ် ချန်ဘင်ဒီးက ယင်းသို့ ပြောဆိုခြင်းဖြစ်သည်။
နှစ်နိုင်ငံ ဆက်ဆံရေးသည် အပြန်အလှန်ပူးပေါင်းဆောင်ရွက်မှုများကြောင့် တိုးတက်လာသည်ဟု စစ်ဦးစီးချုပ် ချန်ဘင်ဒီးက ပြောသည်။

တပ်မတော် ၂ ခုသည် ထိရောက်သည့် ပူးပေါင်းဆောင်ရွက်မှုများ မကြာသေးခင် နှစ်များအတွင်း တိုးချဲ့ခဲ့ကြောင်း၊ ထိုအထဲတွင် အဆင့်မြင့် ကိုယ်စားလှယ်အဖွဲ့များ လည်ပတ်ခြင်း၊ သင်တန်းများ ပြုလုပ်ခြင်း၊ နယ်စပ်လုံခြုံရေး နှင့် စစ်ဘက်ဆိုင်ရာပစ္စည်းများဆိုင်ရာ ပူးပေါင်းဆောင်ရွက်ခြင်းများ ပါဝင်ကြောင်း ပြောသည်။

“ဖွံ့ဖြိုးဆဲနိုင်ငံတွေ ဖြစ်တာကြောင့် တရုတ် မြန်မာ ၂ နိုင်ငံစလုံးက တည်ငြိမ် ငြိမ်းချမ်းတဲ့ အနေအထား လိုအပ်ပါတယ်” ဟု သူက ဆက်ပြောသည်။
သူက ပိုမို နက်ရှိုင်းသည့် ပူးပေါင်းဆောင်ရွက်မှု၊ ယုံကြည်မှုတို့ကို နှစ်ဘက်စစ်တပ်များ တည်ဆောက်ရန်လည်း ကမ်းလှမ်း အဆိုပြုလိုက်သည်။
ဗိုလ်ချုပ်ကြီး မင်းအောင်လှိုင်ကလည်း မြန်မာနိုင်ငံအနေဖြင့် တရုတ်တနိုင်ငံတည်း ဟူသော မူဝါဒကို ဆက်လက် ကိုင်စွဲမည်ဟု ပြောလိုက်သည်။ မြန်မာ့တပ်မတော် တိုးတက်ဖွံ့ဖြိုးရေးအတွက် တရုတ်နိုင်ငံ၏ အထောက်အပံ့ပေးအပ်ခြင်းကို ကျေးဇူးတင်ကြောင်း၊ တရုတ်နိုင်ငံနှင့် ဗျူဟာမြောက်မိတ်ဆွေအဖြစ် ဆက်လက် ရပ်တည်လိုကြောင်း ပြောဆိုလိုက်သည်။

http://moemaka.com/2011/11/china-burma-to-enhance-military-ties/



မြန်မာ ကာကွယ်ရေး ဦးစီးချုပ် တရုတ် ဗဟို စစ်ကော်မရှင် ဒု ဥက္ကဌ နှင့် တွေ့ ဆုံ
by FNG on November 28, 2011
MAH chief of staff FNG၊         ၊မြန်မာ စစ်တပ် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် သည်  တရုတ်
သမ္မတဟူကျင်တောင် ၏ အရိုက် အရာ ကို ၂၀၁၃ ခုနှစ် တွင် ဆက်ခံ မည့် သူ လည်း ဖြစ် လက်ရှိ
တရုတ် ဒုတိယ သမ္မတ လည်းဖြစ်သည့်  ဇီကျင်ပင် နှင့် တနင်္လာ နေ့ က တရုတ် ပြည် ဘေကျင်း
မြို့ တွင် တွေ့ ဆုံ သည် ဟု ဆင်ဟွာ သတင်း တွင် ဖော်ပြ ထား သည်။
မြန်မာ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် ၏ တရုတ်ပြည် ခရီး စဉ် သည်
အမေရိကန် နိုင်ငံ ခြားရေး ၀န်ကြီး ဟီလာရီ ကလင်တန် မြန်မာ နိုင်ငံ သို့ လာရောက် လည်
ပတ် ခြင်း မပြု မှီ ၂ ရက် အလို တွင် ဖြစ်သည်။
တရုတ် ဗဟို စစ်ကော်မရှင် ဒု ဥက္ကဌ ဇီကျင်ပင် က ” နှစ် နိုင်ငံ စစ်တပ် ပိုမိုကောင်းမွန်သည့်
အပြန် အလှန် ဆက်မှု များ ဖြင့် နက်နက် ရှိုင်းရှိုင်း ပူးပေါင်းသွား မည် ဟု ပြောကြား ခဲ့ ပြီး
မြန်မာ နိုင်ငံ သည် တရုတ် နိုင်ငံ ၏ မဟာ ဗျူဟာ မြောက် မိတ် ဆွေ ဖြစ်ကြောင်း ပြောဆို
ခဲ့ သည်။
ဗိုလ်ချုပ်ကြီး မင်းအောင်လှိုင် နှင့် မြန်မာ စစ်တပ် အရာရှိ များ ၏ ခရီးစဉ် ကို တရုတ် အစိုးရ
အာဘော် ရုပ်သံ များ က အကျယ် တ၀င့် ထုတ် လွှင့် ပြ သခဲ့ သည် ဟု FNG က စုံစမ်း သိ
ရှိ ရသည်။
တရုတ် နိုင်ငံ သည် မြန်မာ နိုင်ငံ နှင့် အမေရိကန် ဆက်ဆံ ရေး ပိုမို နီးနီးကပ်ကပ် နက်နက်
ရှိုင်းရှိုင်း ရှိ သွား မည် ကို အထူး စိုး ရိမ် နေပုံ ရကြောင်း နိုင်ငံခြား သံတမန် များ က သုံး
သပ် သည်။
ယနေ့ တွေ့ ဆုံ ပွဲ တွင် တရုတ် အစိုးရ ထိပ်တန်း  အရာ ရှိ များ က မြန်မာ ကာကွယ်ရေး ဦး
စီးချုပ် ကို မျိုးဆက် သစ် မြန်မာ ခေါင်းဆောင် ဟု ခေါ် ဝေါ် သုံးစွဲ သည် ဟု ချိုင်းနား ဒေးလီ
က ရေးသား ထား သည်။
http://freedomnewsgroup.com/2011/11/28/myanmar-chief-of-staff-meets-china-future-leader/