Friday, December 2, 2011

ဒေါ်အောင်ဆန်းစုကြည် သို့မဟုတ် မြန်မာ့ ကျက်သရေဆောင်



by Thorn Nay Soe (facebook) on Friday, December 2, 2011 at 10:01am

[ သွန်းနေစိုး ]

ဒေါ်အောင်ဆန်းစုကြည်၏ လုပ်ဆောင်မှုများနှင့် ပတ်သက်၍ ၀ိဝါဒကွဲကြသူတွေ ရှိကောင်းရှိပါလိမ့်မည်။ သို့သော် သေချာတာတစ်ခုတော့ ပြောရန်ရှိ၏။ ဒေါ်အောင်ဆန်းစုကြည်ဆိုသည်မှာ မြန်မာ့ကျက်သရေဆောင် ဖြစ်သည်။ ဒီအချက်ကိုတော့ဖြင့် ငြင်းစရာ ရှိလိမ့်မည် မထင်ပါ။

ဒီ့အတွက် သက်သေပေါင်းများစွာ ရှိပါသည်။

အခုလတ်တလော အမြင်သာဆုံးအဖြစ် ဟီလာရီကလင်တန်လာသော အဖြစ်ကို မြင်ကြည့်မိသည်။ ဟီလာရီဆိုသည်က ကမ္ဘာလှည့် သြဇာပေးနေသော အမျိုးသမီးကြီးတစ်ဦး။ ထိုကဲ့သို့ ကျနော် အမြင်ရှိသည်။ တကယ်လဲ ထက်မြက်စူးရှသော မိန်းမတစ်ဦးပါပဲ။ အမေရိက၏ First Lady အဖြစ် ၈နှစ်ကြာစိုးစံခဲ့ရသည်။ နောက် သူမ၏ အိမ်နိမ့်စံဘ၀က သိပ်မကြာ။ အမေရိကန်နိုင်ငံခြားရေးဝန်ကြီးအဖြစ် ရောက်ရပြန်သေး၏။ သမ္မတဖြစ်ဖို့တောင် လက်တစ်ကမ်းအလိုလေး ရှိခဲ့တာပဲ။ ပြောလိုသည်မှာ ဒီလို အမျိုးသမီးကြီးတွင် မာန် အနည်းနဲ့အများတော့ ရှိလိမ့်မည်။ ဘယ်သူနဲ့ တွေ့တွေ့ သူမ၏ အဲဒီမာန်ကို မြင်နိုင်သည်ဟု ကျနော် ထင်ပါသည်။

ဒီလိုနှင့် သူမက ဒေါ်အောင်ဆန်းစုကြည်ဆီ လာတွေ့ခဲ့သည်။ ကမ္ဘာမှာလက်ရှိ အထက်မြက်ဆုံးများထဲတွင် အ၀င်အပါဖြစ်သော အမျိုးသမီးနှစ်ဦး တွေ့ဆုံပွဲ။

ကျနော့်ရင်ထဲကို ထိသွားသည်ကား သူတို့နှစ်ယောက်လုံး၏ ဟန်ပန်များကို ဖြစ်သည်။ တကယ့်ငယ်ပေါင်းကြီးဖော်တွေ တွေ့ကြသလို၊ ကွဲကွာနေသော မိတ်သင်္ဂဟများ ပြန်တွေ့ကြသလို လှိုက်လှိုက်လှဲလှဲ ရှိလွန်းလှပါသည်။ ဒီမှာတွင်ပင် ကျနော့်ခေါင်းထဲ စကားလုံးတစ်ခု ၀င်ရောက်လာခြင်းဖြစ်၏။ ဒေါ်အောင်ဆန်းစုကြည် သို့မဟုတ် မြန်မာ့ကျက်သရေဆောင်။

နိုင်ငံခြားရောက်သူတို့က ပြောကြသည်။ နိုင်ငံခြားတိုင်းပြည်တွေမှာ မိတ်ဆက်တဲ့အခါ ဒေါ်အောင်ဆန်းစုကြည်နာမည် ပြောပြမိတ်ဆက် ရတာမျိုး ရှိသည်တဲ့။ အိုဗားမား အာဆီယံစည်းဝေးပွဲလာတော့ ပြောလိုက်သည်မိန့်ခွန်းထဲမှ စကားများက ကျနော့်ရင်ကို ပိုထိရှသွားစေခဲ့သည်။ ဒေါ်အောင်ဆန်းစုကြည်နှင့် ဖုန်းပြောပြီးဖြစ်ကြောင်းနှင့် ဟီလာရီကို မြန်မာနိုင်ငံသို့ စေလွှတ်မည့်အကြောင်းများ။ အိုဗားမားလို လူမျိုးကပင် အရေးတယူ မလုပ်၍ မရသော ပုဂ္ဂိုလ်ဆိုသည်မှာ ကမ္ဘာပေါ်တွင်ပင် ရှာမှ ရှားလှပါသည်။ ထိုကဲ့သို့သော လူမျိုးက ကျနော်တို့ နိုင်ငံမှာ ရှိနေ၏။ ကျနော်တို့ လူမျိုးဖြစ်နေ၏။ ကျနော်တို့လူမျိုးစစ်စစ် မိဘနှစ်ပါးမှ ပေါက်ဖွားခဲ့သူ ဖြစ်နေ၏။ ကျနော်တို့လူမျိုးတွေ မှည့်လေ့ရှိသော နာမည်မျိုးစစ်စစ် မှည့်ထားသူဖြစ်နေ၏။ ထို့ကြောင့် မြန်မာ့ကျက်သရေဆောင်ဟု တင်စားထိုက်ပေသည်။

ကမ္ဘာပေါ်မှာ ထင်ရှားသော ကမ္ဘာ့ခေါင်းဆောင် ဘယ်နှစ်ယောက်ရှိမလဲ? ထိုအထဲတွင် ဒေါ်အောင်ဆန်းစုကြည်ပါ၏။ ကမ္ဘာမှာ ချန်လှပ်ထား၍ မရသော ခေါင်းဆောင်များထဲတွင် ကျနော်တို့နိုင်ငံမှ တစ်ယောက်က အ၀င်အပါဖြစ်နေသည့်အတွက် ကျနော်တို့ ဂုဏ်ယူ ရပါသည်။

ကျနော်က ဒေါ်အောင်ဆန်းစုကြည်နားကလူ မဟုတ်ပါ။ သူ အခက်ခဲကြုံနေရစဉ်က မ၀န်းရံနိုင်ခဲ့သလို သူ မြင့်တက်လာသောအခါ ပြေးကပ်သူလည်း မဟုတ်ခဲ့။ အဝေးကြီးမှာ အေးအေးကြီးသာ နေပါသည်။ သို့သော် ကျနော့်ရင်ထဲမှာ ခေါ်နေမိသော စကားတစ်ခွန်းရှိ၏။ ကျနော်တို့အားလုံး၏ အမေ။

အမေဆိုသည်ကား ကျနော်တို့အား လုံခြုံမှုပေးနိုင်သူ၊ လမ်းပြသွန်သင်မှု ပေးနိုင်သူ။ နွေးထွေးမှုပေးနိုင်သူ၊ ဂုဏ်ကျက်သရေကို တိုးစေသူ ဖြစ်ပါသည်။ ဒေါ်အောင်ဆန်းစုကြည်ရှိနေခြင်းအတွက် မြန်မာနိုင်ငံသားအားလုံးတွင် မိခင်နှစ်ယောက်ရှိနေ၏။ တစ်ယောက်က
မွေးခဲ့သော အသက်ကို ပေးသည့်အမေ။ ပုဂ္ဂလဘ၀အတွက် ခိုကိုးရာ။ နောက်တစ်ယောက်က နိုင်ငံသားတစ်ယောက်၏ သိက္ခာကိုမြင့်တင်ပေးခဲ့သည့်အမေ။ မြန်မာတည်းဟူသော ဂုဏ်သိက္ခာအတွက် ခိုကိုးရာ။

ဦးသန့်နောက်ပိုင်းတွင် ကမ္ဘာကျော်တဲ့ မြန်မာမရှိဟု ပြောချင်နေသူများ၊ ယိုးဒယား၊ တရုပ်၊ ကုလားများကို အဖေခေါ်ချင်နေသူများအား မှားယွင်းကြောင်း  ဒေါ်အောင်ဆန်းစုကြည်ရှိနေခြင်းက သက်ရှိထင်ရှား သက်သေပြနေပါသည်။ ကျနော့်တစ်ဦးတည်း သဘောပြောရပါလျှင် ယိုးဒယားက ကိုယ့်ထက်သာသည်ဟု ပြောလျှင် မချိအောင် နာလှပါသည်။ ယိုးဒယားမုန်းလို့ မဟုတ်ပါ။ အထင်ကြီးစရာဟု ဘယ်တုန်းကမှ ထင်မထားခဲ့သောကြောင့် ဖြစ်ပါသည်။ ဗိုလ်ချုပ်မိန့်ခွန်းပါ `ယိုးဒယားပြည်ဆိုလို့ရှိရင် လွတ်လပ်တဲ့နိုင်ငံထဲမှာ ညံ့ညံ့ပဲ´ ဆိုသောစကားကို ငယ်ငယ်ကတည်းက စွဲခဲ့၏။ ယခု အဲဒီထက် ကိုယ်ကနိမ့်ကျနေပြီလို့ ပြောလာလျှင် အသက်ကို သတ်သည်ထက် နာ၏။ တစ်ခုတော့ ပြောချင်ပါသည်။ အာဏာလက်ရှိရှိသူ မဟုတ်ပါပဲလျက် (တစ်ခါမှ အာဏာမရခဲ့ဘူးပါပဲလျက်) ကမ္ဘာက ခုလို အလေးစားခံရသူမျိုး ယိုးဒယားမှာ ရှိသလား။ အရှေ့တောင်အာရှနိုင်ငံတွေမှာ ရှိသလား။ သူတို့မှာ ဒေါ်အောင်ဆန်းစုကြည် ရှိသလား ဟုပင်။

ကျနော့်စိတ်ထင် ဟီလာရီ၏ မျက်ဝန်းများ၊ အပြုအမူများတွင် ဒေါ်အောင်ဆန်းစုကြည်အား အထင်ကြီး အလေးထားစိတ်ကို မြင်လိုက်ရသည်ဟု ထင်ပါသည်။ ဘာကြောင့်ပဲဖြစ်ဖြစ် ထိုတစ်ချက်တည်းနှင့်ပင် ကိုယ့်ကိုယ်ကို မြန်မာဖြစ်ရတာ အတော်ဂုဏ်ယူသွားမိ၏။ ငါတို့မှာ ဒီလိုလူမျိုး ရှိနေတာပဲ။

ထို ဂုဏ်ယူမှုသည် စိတ်ခွန်အားကို ဖြစ်ပေါ်စေ၏။ ငါတို့လည်း ကြိုးစားမယ်ဆိုရင် ဒီလို အဖြစ်မျိုး တစ်နေ့မှာ ရောက်နိုင်တာပဲ။ ငါတို့ရဲ့ မြန်မာ့သွေး မြန်မာ့ဗီဇက ကမ္ဘာမှာ ဒီလိုအနေအထားရှိအောင် ထွန်းပေါက်နိုင်တဲ့ အစွမ်းရှိတယ်။ တို့မှာ လုပ်ရင်ဖြစ်တဲ့ ဗီဇမျိုးစေ့ရှိပြီးသား၊ ကိုယ်တိုင်ကြိုးစားဖို့ပဲလိုတယ်ဟူသော စိတ်များ ပွားများလာစေခဲ့၏။ အသက်ကို ကယ်လိုက်သည့်ပမာ ခံစားရပါသည်။

ဒေါ်အောင်ဆန်းစုကြည် လွတ်မြောက်လာစက ရွှေဂုံတိုင်ရုံးရှေ့တရားပွဲကို ကျနော်သွားသည်။ ခပ်ဝေးဝေးကမို့ အရိပ်သဏ္ဍန်မျှသာ မြင်ရပါသည်။ အသံဝိုးတ၀ါးမျှသာ ကြားရပါသည်။ သို့သော် ရင်ထဲတွင် ချမ်းမြေ့သော ညွှတ်နူးခြင်းဖြစ်မိသည်။

နောက်ပိုင်း ပဲခူးခရီးစဉ်မှာကျတော့ ကျနော်ကံကောင်းသည်ဟု ပြောရမည်။ ပဲခူးက သူငယ်ချင်းတစ်ယောက်အိမ်မှာ အလှူရှိလို့ ပဲခူးရောက်နေသည်နှင့် ကြုံ၏။ သူတို့အိမ်ကလဲ ရွှေမော်ဓောဘုရားနှင့် နီးနီးလေး။ ဒေါ်အောင်ဆန်းစုကြည်လာမည်ကြားတော့ ကျနော်တို့ ရွှေမော်ဓောဘုရားမှာ စောင့်ကြသည်။ ဒီတစ်ကြိမ်မှာလဲ အဝေးကပဲ နေလိုက်ပါသည်။ လူအုပ်ကား တော်တော်ပင် များ၏။ လက်တွေ တန်းလျက်သား ကာထားသူများကြားမှ ဒေါ်အောင်ဆန်းစုကြည်။ အနားက အဘွားကြီးတစ်ယောက် အော်လိုက်သံကို ကြားရသည်။

`ဟယ် ဟိုမှာ ဒေါ်အောင်ဆန်းစုကြည်လေးတော့´
တဲ့။ လှည့်ကြည့်လိုက်တော့ သဘက်ကြီး ခေါင်းပေါင်းထားသော အမယ်အိုကြီးတစ်ယောက်ကို မြင်ရသည်။
`အရှေ့သွားကြည့်လေ အဘွား´
ဆိုတော့ ...
`နေပါစေကွယ်၊ ဒီကလဲ တွေ့ရသားပဲ´
ဆို၏။ သူ့မျက်နှာကား ပြုံး၍နေသည်။ ကျနော် အနည်းငယ်စပ်စုမိ၏။
`အန်တီစုကို ခုလိုမြင်ရတော့ ဘယ်လိုနေသလဲ၊ အဘွား´
ဆိုတော့ ကျနော် မထင်မှတ်သော စကားတစ်ခွန်း ထွက်လာသည်။ စကားက နှစ်လုံးတည်း။ အတော်ထိရောက်သော စကားပါပေ။
`ချစ်တယ်´
တဲ့။ နောက် ဘာမှဆက်မပြောတော့ပဲ ကြည်နူးသော မျက်ဝန်းများဖြင့် ဆက်ကြည့်နေလေ၏။

မိမိရင်သွေးတစ်ယောက်အား ကြည့်နေသလို မေတ္တာလွှမ်းသောအကြည့်များဟု ကျနော်ခံစားရပါသည်။ အမေစုသည်ကား ကျနော်တို့လို ငယ်ရွယ်သူများအတွက် အမေသဖွယ် ခံစားရသလို အဘွားအရွယ် အဖိုးအရွယ်များအတွက်တော့ သမီးသဖွယ်ခံစားမှုကို ပေးစွမ်းနိုင်သူ။ မြန်မာတည်းဟူသော မိသားစုအတွင်းမှ အတောက်ပဆုံး မိသားစုဝင်တစ်ဦး ဖြစ်ပါချေသည်။

ဒေါ်အောင်ဆန်းစုကြည် လွတ်မြောက်ပြီးနောက် ခြံတံခါးဝတွင် စက္ကူပြားကလေးကိုင်ကာ ရိုက်ထားခဲ့သောပုံ။ `ကျမကလဲ ပြည်သူတွေကို ချစ်ပါတယ်´ ဆိုသော စာတမ်းပါ ဓာတ်ပုံကို တော်တော်များများ မြင်ဘူးကြပေလိမ့်မည်။ ပြည်သူတွေမှာလဲ ထောင်မပြဖြစ်သော စာတမ်းတွေ ကိုယ်စီရှိပါလိမ့်မည်။ ပြည်သူတွေကလဲ ဒေါ်အောင်ဆန်းစုကြည်ကို ချစ်ပါတယ်ဟု ရေးထွင်းထားသော စာတမ်းများပင်။

ဘာကြောင့် ဒေါ်အောင်ဆန်းစုကြည်ကို ပြည်သူတွေ ချစ်ကြသလဲ? အမြင်အမျိုးမျိုး ရှိပါလိမ့်မည်။ ကျနော်ကတော့ မြန်မာ့ကျက်သရေဆောင်မို့ ချစ်ခြင်းဖြစ်၏။ တခြား သူ့လုပ်ဆောင်ချက်များအပေါ် အလေးအနက် ကျေးဇူးတင်မိသော်လည်း မြန်မာ့ကျက်သရေဆောင်မို့ ချစ်ခြင်းက ပိုပါလိမ့်မည်။

စကားစပ်၍ ပြောရမည်ဆိုလျှင် ဗိုလ်ချုပ်သွေးဖြစ်သော်လည်း ဦးအောင်ဆန်းဦးကိုတော့ ကျနော်တို့ မချစ်ပါ။ ဦးအောင်ဆန်းဦး အင်တာဗျူးပါသော ဂျာနယ်ကိုလည်း မဖတ်ပါ။ စိတ်ထဲ နာနေသည်ဟုပင် ပြောရမည်လား။ ရာဇ၀င်တွေလည်း ရိုင်းခဲ့ပြီ အဖရေဟု ဗိုလ်ချုပ်အား တိုင်တည်သော စာပိုဒ်ကို သူ့အား ကြည့်ကာ ရင်ကွဲမတတ်ရည်ညွှန်း သီဆိုနေသူများအား လျစ်လျူရှုခဲ့ရက်သူဟု မြင်ပါသည်။ အဲဒီလို အခြေအနေမျိုးမှာ ကိုယ့်မိသားစုနှင့်ကိုယ် အေးအေးဆေးဆေးနေလို့ ရပါလျက် ဒုက္ခတွင်းသို့ ဆင်းလာခဲ့သူ ဒေါ်အောင်ဆန်းစုကြည်၏ ကျေးဇူးကို ကျနော်တို့ ဘယ်တော့မှ မေ့လိမ့်မည် မဟုတ်ပါ။

တစ်ခါတစ်လေ သူ့လုပ်ဆောင်ပုံနှင့် ပတ်သက်၍ သဘောမတူသည်များ ရှိကောင်းရှိပါလိမ့်မည်။ သို့သော် ထိုအခါမျိုးတွင် ငါ ဥာဏ်မမီလို့ပဲ နေမှာလေဟု ကိုယ့်ကိုယ်ကို ဖြေလျှော့မိ၏။ ကမ္ဘာက လက်ခံသော လုပ်ကိုင်ဆောင်ရွက်ပုံကို သူသာ တတ်သိ နားလည်ပါသည်။ ကျနော်တို့ကား သူ နောက်လိုက်များ။ သူ့ကို သစ္စာရှိစွာ ၀န်းရံကြရုံသာ ရှိ၏။

ကိုမင်းကိုနိုင်မွေးနေ့ အထိမ်းအမှတ်ပွဲသို့ ရောက်သွားစဉ်က ရောက်လာသူ ပရိသတ်များအား ဒေါ်အောင်ဆန်းစုကြည် ပြတင်းပေါက်မှ မျက်နှာ ထွက်ပြခဲ့သည်ကို မြင်တွေ့ရသည်။ တကယ်ကို နေတစ်စင်း ထွက်ပြူလိုက်သလိုပါပဲ။ လူတွေကို ကြည့်၍ သိမ်မွေ့စွာ ပြုံး၍ သူ လက်ပြခဲ့သည်။ တည်ငြိမ်သော ဟန်ပန်နှင့်အတူ အဟုန်ပြင်းသော အားအင်တစ်ခုကို ခံစားလိုက်ရသည်။

ကျနော့်စိတ်ထဲတွင် ပုံပြင်တစ်ပိုင်းတစ်စကို သွားသတိရလိုက်မိ၏။ `လေ´ နဲ့ `တောင်´ ဘယ်သူ အစွမ်းထက်သလဲဆိုသည်က ထိုပုံပြင်ပါ မေးခွန်း။ ရုတ်တရက်ကြည့်လျှင်တော့ တောင်ဆိုသည်က ထုထည်ကြီးသည်။ အင်အားရှိသည်။ အခြေတောင့်သည်။ တောင်က ခိုင်မာတယ် အစွမ်းထက်တယ်လို့ ထင်ရမလိုပါပဲ။ သို့သော် ညင်သာစွာ အဆက်မပြတ်တိုက်ခတ်နေသော လေက နောက်ဆုံး အင်အားကြီး ကျောက်တောင်ကြီးကိုပင် အစွမ်းမဲ့သော ကျောက်မုန့်အစအနကလေးများဖြစ်အောင် ခြေမွပစ်နိုင်ကြောင်း ပုံပြင်မှာ အဖြေပေးထားသည်။

ဒေါ်အောင်ဆန်းစုကြည်တွင်လည်း လေကဲ့သို့ တည်ငြိမ်ညင်သာမှုရှိ၏။ ပြီးတော့ အဆက်မပြတ်သော ၀ိရိယရှိသည်။ အမိုက်မှောင်သည် ကျောက်တောင်ကဲ့သို့ ရှိပါစေ။ ဒေါ်အောင်ဆန်းစုကြည်က ခြေလွှင့်ပစ်နိုင်လိမ့်မည်ဟု ကျနော်မျှော်လင့်ထားပါ၏။

ထို့အပြင် ...
မြန်မာပြည် ဂုဏ်သိက္ခာမဲ့စေမည့်ကိစ္စများအား တားဆီးနိုင်မည့်သူအဖြစ်လည်း ခံယူမိပါသည်။ မြန်မာပြည်သည် အာရှတွင် ထွန်းတောက်ခဲ့ရာမှ ပြည်တွင်းရေးပြဿနာများကြောင့် နောက်တန်းရောက်ခဲ့ရသည်။ သံထည်ကောင်းပါလျက် ထုတ်မသုံးနိုင်လို့မို့ သံချေးတွေတက်ကာ တုံးသလို ဖြစ်နေရသော ဓားတစ်စင်းလို ခံစားမိသည်။ ထိုဓား၏ ထက်မြက်မှုကို အသစ်ပြန်ဖြစ်စေရန်တော့ ကျနော်တို့အားလုံး ကြိုးစားကြရပါမည်။ ယင်းသို့ ကြိုးစားရာတွင် ဒေါ်ဆောင်ဆန်းစုကြည်မှာ ဦးဆောင်သူနေရာက ပါဝင်နိုင်လိမ့်မည်။ ကမ္ဘာတွင် ၀င်ဆန့်သော သူ့အရည်အသွေးများဖြင့် မြန်မာတည်းဟူသော ဓားတစ်စင်း ပိုမိုတောက်ပအောင် ထည့်ဝင်သယ်ပိုးမှုများစွာ ပြုနိုင်လိမ့်မည်ဟု ယုံကြည်မိပါသည်။

ထိုသို့ ယုံကြည်သောကြောင့်လည်း မြန်မာ့ ကျက်သရေဆောင်ဟု ကျနော်  တင်စားမိခဲ့ခြင်းဖြစ်ပါလေတော့သည်။

သွန်းနေစိုး Thorn Nay Soe
























နောက်ပြန်ကြည့်ရင်း၊ ရှေ့မျှော်ကြည့်ရင်း (အောင်ဆန်းစုကြည်)


Posted by on December 2, 2011 


နှစ်တနှစ်ရဲ့ အစဆိုတာ တဖန်ပြန်သစ်ဆန်းဖို့၊ အားတွေပြန်ဖြည့်ဖို့၊ သန္နိဋ္ဌာန်သစ်တွေချဖို့၊ အတိတ်ကအဖြစ်တွေကို အ မှတ်ရဖို့ အချိန်ပဲ ဖြစ်ပါတယ်။
၂၀၁၀ ကို ပြန်ကြည့်လိုက်ရင် အချို့အပိုင်းတွေဟာ အမှတ်ရစရာနည်းလွန်းလို့ ဆုံးရှုံးသွားပြီး အချိန်တွေနဲ့အတူ ကွယ် ပျောက်သွားပါပြီ။ ၂၀၁၀ ရဲ့ပထမဆုံးနေ့ကို ကျမ ဘယ်လိုဖြတ်သန်းခဲ့လဲ၊ ကျမ သတိမရတော့ပါ။ သိပ်ပြီးသက်တောင့် သက်သာတော့ရှိခဲ့မှာ မဟုတ်ဘူးလို့ ပြောနိုင်ပါတယ်။ ကျမရဲ့အိမ်ကို ၂၀၀၉ဒီဇင်ဘာလထဲက စပြင်ခဲ့ပြီး နောက် သီတင်း ပတ် အနည်းငယ်အကြာမှာပဲ စည်ပင်အုပ်ချုပ်ရေးက တားမိန့်ထုတ်လို့ ပြင်ဆင်မှုတွေ ရပ်လိုက်ရပါတယ်။
ကျမရဲ့ ရှေ့နေတွေ တားမိန့်ကိုပြန်ရုပ်သိမ်းဖို့ လုပ်ဆောင်နေကြတုန်းမှာ ကတ်ထူပုံးတွေ၊စောင်ထူကြီးတွေနဲ့ ထုပ်ထားတဲ့ ဘာရယ်မှန်းမသိနိုင်တဲ့ အရာတွေ၊ ခရီးဆောင်သေတ္တာအမျိုးမျိုးနဲ့ စောင်းနေတဲ့မျှော်စင်နဲ့တူတဲ့ စာအုပ်ပုံတွေအလယ်မှာ ကျမ လပေါင်းများစွာ နေထိုင်ခဲ့ရပါတယ်။ စာအုပ်စင်မြင့်ကြီးတခု၊ စားပွဲမျိုးစုံနဲ့ အထုပ်စည်းတွေကြားထဲ ညပ်နေတဲ့ ကျမ ရဲ့အိပ်ရာကနေမော့ကြည့်ရင် ကွာကျနေတဲ့ မျက်နှာကြက်ကို ကောင်းကောင်းမြင်ရပြီး အိုမင်းယိုယွင်းခြင်းနဲ့ ဆွေးမြေ့ ပျက်စီးခြင်းတရားကို အခါများစွာ ဆင်ခြင်နိုင်ခဲ့ပါတယ်။
ရာသီဥတု အေးနေရင်တော့ ပြွတ်သိပ်နေတဲ့ အခန်းထဲနေရတာ နွေးထွေးသလိုလို။ မြို့ထဲပြထဲမှာ တောစခန်းချနေသလို ဟန်နဲ့ နေရတာကလည်း တနည်းတော့ စွန့်စားခန်းတွေ့နေရသလိုလို။ ဒါပေမဲ့ ရာသီဥတုက ပိုပိုပြီး ပူလာတော့ စိတ်ကူး အနုအလှတွေ ပြယ်သွားပါတယ်။ အထူးသဖြင့် ပြတင်းအပြင်ဘက် နံရံမှာ ငြမ်းဆင်ထားတာကြောင့် ပြတင်းတွေ ဖွင့်လို့ မရတဲ့အဖြစ်ရောက်ပြီး တညလုံးနီးပါး ပူပူအိုက်အိုက် ချွေးတွေရွှဲလို့ မအိပ်နိုင်သလောက်ပါပဲ။ ကျမကိုယ်ကျမ ကျန်းမာ ရေးကောင်းလှပါတယ်လို့ မခံစားနိုင်ပါဘူး။
၂၀၁၀ ရဲ့ ပထမသုံးလအတွင်း ကာလတွေကတော့ ကိုယ်ခန္ဓာတင် သက်တောင့်သက်သာ မရှိတာ မဟုတ်ပါဘူး။ စိတ် လည်း အလွန်အမင်း အလုပ်လုပ်ရတဲ့ အချိန်ပါ။ ယခင်နှစ်က အင်းစိန်ထောင်အတွင်းမှာ ကျမအပေါ် ချမှတ်လိုက်တဲ့ စီ ရင်ချက်အပေါ် အယူခံဝင်ထားတာနဲ့ ပတ်သက်လို့ ကျမရဲ့ရှေ့နေတွေ ကျမနဲ့ ဆွေးနွေးဖို့ အခါအားလျော်စွာ လာကြပါ တယ်။ ကျမအတွက် ဒီဥပဒေရေးရာ ကိစ္စတခုလုံးဟာ သိပ်စိတ်ဝင် စားစရာကောင်းပြီး အင်မတန်အတွေ့အကြုံရင့်တဲ့ စွမ်းရည်ရှိတဲ့ ရှေ့နေကြီးတွေဆီကနေ အများကြီးဗဟုသုတ ရခဲ့ပါတယ်။ ကျမရှေ့နေကြီးတွေနဲ့တကွ အမျိုးသားဒီမိုက ရေစီအဖွဲ့ချုပ်ရဲ့ ဥပဒေရေးရာကော်မတီအတွက်လည်း ကျမ သိပ်ကို ဂုဏ်ယူမိပါတယ်။ အဲဒီကော်မတီဟာ ၁၉၉၅ က စ လို့ တရားဥပဒေကို ထိန်းသိမ်းဖို့နဲ့ ကျမတို့နိုင်ငံက ယုံကြည်ချက်ကြောင့် အကျဉ်းကျခံနေရသူတွေဘက်က ခုခံကာကွယ် ဖို့ အတွက် အလုပ်တွေအများကြီး လုပ်ခဲ့ကြပါတယ်။ ရှေ့နေကြီး ဦးဉာဏ်ဝင်းဆိုရင် အမျိုးသားဒီမိုကရေစီအဖွဲ့ချုပ်ရဲ့ အ လုပ်အမှုဆောင် ကော်မတီဝင်တယောက်လည်း ဖြစ်နေတဲ့အတွက် ကျမအနေနဲ့ ပြင်ပနိုင်ငံရေးလောကထဲ ဘာတွေဖြစ် နေသလဲဆိုတာတွေ သိရှိခွင့်ရခဲ့ပြီး ပါတီရဲ့ဆုံးဖြတ်ချက်ချမှတ်ရမယ့် လုပ်ငန်းစဉ်ထဲ အတိုင်းအတာတခုထိ ပါဝင်နိုင်ခဲ့ပါ တယ်။
နိုင်ငံရေးရှုကွက်ထဲ အင်မတန်အရေးကြီးတဲ့ ဒီလိုနှစ်တနှစ်မှာ ရင်ဆိုင်ရတဲ့ ဉာဏ်ရည်မြင့် စိန်ခေါ်ချက်တွေဟာ ကျမ အတွက် ကျန်းမာရေးကိစ္စတွေထက် အဆပေါင်းများစွာ ပိုအရေးကြီးပါတယ်။
ဧပြီလလယ် မြန်မာနှစ်သစ်ကူးချိန်လောက်မှာပဲ တရားရုံးက အိမ်ပြင်တာကို ဆက်လုပ်နိုင်ကြောင်း အမိန့်ချမှတ်လိုက်ပါ တယ်။ အလုပ်သမားတွေ ပြုံရောက်လာတာနဲ့ ပြင်ပကမ္ဘာကအသံတွေ လှုပ်ရှားမှုတွေနဲ့ အဆက်ပြတ်နေတဲ့ သီးသန့် ခြံ ၀င်းဟာ နေ့ချင်းညချင်းပဲ အဆက်မပြတ် ဆူဆူညံညံ လှုပ်လှုပ်ရှားရှားရှိတဲ့ နေရာ ဖြစ်သွားပါတော့တယ်။
လုပ်စရာတွေက အများကြီးပါ။ အဓိကလုပ်ငန်းက ခေါင်မိုးပြင်ဖို့ ဖြစ်ပါတယ်။ နှစ်နဲ့ချီပြီး မုတ်သုန်လတွေမှာ ကျမ မွေ့ရာ (အိပ်နေရင် ကျမပါ) ရေမစိုအောင်နဲ့ ယိုလာတဲ့ မိုးရေကို ခံနိုင်အောင်၊ ခုတင်နဲ့ ခွက်တွေ၊ ဇလုံတွေ၊ ပုံးတွေကို ခက်ခဲတဲ့ စစ်တုရင်ပွဲတပွဲ ကစားတော့ အရုပ်တွေရွှေ့ရသလို လိုက်ရွှေ့နေရပါတယ်။ အခုတော့ ခေါင်လုံအောင် လုပ်နိုင်တော့မှာပါ။ နောက်တမိုးကို စိတ်အေးလက်အေးနဲ့ ကျမ စောင့်မျှော်နိုင်ပါပြီ။ မြန်မာစကားမှာ “ခေါင်လုံတယ်”  ဆိုတာ လုံခြုံခြင်းကို ဖော်ကျူးတဲ့ အလင်္ကာ ဖြစ်ပါတယ်။ ထိပ်ဆုံးကသာ ကောင်းရင် တဗိမာန်လုံး ကောင်းမယ်ဆိုတဲ့ အမြင်ကို ထင်ဟပ်တဲ့ အဓိပ္ပါယ်ပါ။
ပြုပြင်၊ ထိန်းသိမ်း၊ ပြင်ဆင်တယ်ဆိုတာ နောင်ကာလမှာ ရုပ်ပိုင်းဆိုင်ရာ အဆင်ပြေမှုနဲ့ သက်သောင့်သက်သာ ရှိမှုတွေ အများကြီးရတော့မယ်ဆိုတဲ့ အဓိပ္ပါယ်ရပါတယ်။ သို့ပေမယ့် ရုပ်ဝတ္ထုဆိုင်ရာ ကိစ္စတွေထက် ကျမအတွက် ပိုအရေးကြီး တာက လူတွေနဲ့ ဆက်သွယ် ဆက်ဆံလာနိုင်ခြင်း ဖြစ်ပါတယ်။
ငါးလလောက် ကြာမြင့်တဲ့ အိမ်ပြင်ချိန်ကာလ (ဧပြီကစပြီး စက်တင်ဘာမှာ ပြီးပါတယ်။ ကြားထဲ သုံးပတ်လောက် ခဏ ရပ်နားပါတယ်) မှာ နေ့စဉ်နေ့တိုင်း ကျမတို့ အလုပ်သမားတွေရဲ့ ဘ၀တွေနဲ့ သူတို့သောကတွေနဲ့ အကျွမ်းဝင်ခွင့်ရခဲ့ပါ တယ်။ ကျမတို့နိုင်ငံက အလုပ်သမားထု ရင်ဆိုင်နေရတဲ့ အခက်အခဲတွေကို ပိုမိုနားလည်လာပြီး၊ သူတို့ရဲ့ မျှော်လင့်ချက် နဲ့ ဆန္ဒကို ပိုမိုရှင်းရှင်းလင်းလင်း သိမြင်ရပါတယ်။
အိမ်ပြုပြင်တဲ့ စီမံချက်ရဲ့ နောက်ဆက်တွဲ အကျိုးဆက်တခုကတော့ အထူးသတင်းတပ်ဖွဲ့နဲ့တကွ အိမ်ဝင်းလုံခြုံရေး အ တွက် တာဝန်ယူထားတဲ့ အခြားတပ်ဖွဲ့တွေနဲ့ မကြာခဏ တွေ့ဆုံဆွေးနွေးရတာပဲ ဖြစ်ပါတယ်။ လူတွေ၊ ဆောက်လုပ်ရေး ပစ္စည်းတွေ ခြံထဲသွင်းဖို့ နေ့စဉ်လိုလို ဆွေးနွေးညှိနှိုင်းနေရပါတယ်။နှစ်ဦးနှစ်ဖက်စလုံးက အကျိုးအကြောင်းသင့်မြတ်တာ၊ ပျော့ပျောင်းလိုက်လျောတာတွေနဲ့ အတားအဆီးတွေကို ချောမွေ့အောင် လုပ်နိုင်တယ်ဆိုတာလည်း ကျမတို့ တွေ့လာခဲ့ရ ပါတယ်။
၂၀၁၀ ခုနှစ်ဟာ ကျမအိမ်အတွက် ပြောင်းလဲတိုးတက်မှုတွေ အများကြီး သယ်ဆောင်လာခဲ့တဲ့ နှစ်ပါပဲ။ ဒါပေမဲ့ ကျမတို့ ပြည်သူတွေ နေထိုင်နေကြရတဲ့ ကျမတို့တိုင်းပြည်မှာရော ဘာတွေ ပြုပြင်ပြောင်းလဲခဲ့သလဲ ဆိုတာကတော့ နောင်တချိန် ပြန်ပြောကြရမယ့် ပိုလေးနက်တဲ့ ပုံပြင်တပုဒ် ဖြစ်နေပါလိမ့်မယ်။
ကျမ လွတ်လာပြီး ပထမဆုံးရေးဖြစ်တဲ့ ဒီဆောင်းပါးကို ကျမက အခုလိုအဆုံးသတ်ချင်ပါတယ်။ လွန်ခဲ့တဲ့ အနှစ်နှစ်ဆယ် လုံးလုံး ကျမကို ထောက်ခံမှုနဲ့ ခင်မင်မှုပေးခဲ့တဲ့ မာအိနိချိရှင်ဘွန်းကို ကျမ ကျေးဇူးတင်ကြောင်း ပြောရင်း၊ ကျမ ခင်ပွန်း အထူးနှစ်သက်ခဲ့ပြီး၊ အမြဲရှင်သန်နေမယ့် ပညာအမြင်ကြောင့် ကျမကိုယ်တိုင်လည်း နှစ်သက်ရတဲ့ ကဗျာတပုဒ်က ကောက်နှုတ်ချက်ကလေးကို ကျမရဲ့ စာဖတ်ပရိသတ်တွေနဲ့ မျှဝေချင်ပါတယ်။
မနေ့ကဆိုတာ
အိပ်မက်မျှသာ၊
မနက်ဖြန်ဆိုတာ
စိတ်ထဲကပုံရိပ်အလား၊
ဒါပေမဲ့ ဒီနေ့ကိုသာ
ကောင်းကောင်းနေသွား၊
မနေ့ကတိုင်း
ကြည်နူးစရာ
အိပ်မက်ဖြစ်သလို၊
မနက်ဖြန်တိုင်း
မျှော်လင့်ချက်ပြည့်တဲ့
ပုံရိပ်ဖြစ်မယ်၊
ဒီနေ့ကိုသာ
ကောင်းကောင်း
ကြည့်နေသွား။
(The Salutation to the Dawn based on Vedic Hymn မှထုတ်နှုတ်သည်)
အောင်ဆန်းစုကြည်
(၁-၁-၂၀၁၁ နေ့ထုတ် Mainichi သတင်းစာတွင် ဂျပန်ဘာသာ၊ အင်္ဂလိပ်ဘာသာတို့ဖြင့် ဖော်ပြပြီး)
ပြည်သူ့ခေတ်ဂျာနယ် အတွဲ ၂ အမှတ် ၇၁ မှ ကူးယူတင်ဆက်သည်။
http://www.naytthit.net/?p=22435

ဦးနုက ပြောခဲ့တယ်၊ … ဆူးကြားက ဘူးလိုပဲ၊ … အတိမ်းအစောင်းမခံဘူး




Published on December 2, 2011 by နေသွင်
အမေရိကန်နိုင်ငံခြားရေးဝန်ကြီး ဟီလာရီကလင်တန်ရဲ့ ခရီးစဉ်ဟာ မြန်မာပြည် ဒီမိုကရေစီ အသွင်ကူးပြောင်းရေးအတွက် အနီးကပ်တွန်းအားပေးဖို့ ရည်ရွယ်တာအပြင် အာရှဒေသမှာ  အမေရိကန်က တရုတ်ရဲ့ ဩဇာကို ချိန်ခွင်လျှာညှိချင်တာလည်း ပါတယ်လို့ နုိုင်ငံတကာဆက်ဆံရေး လေ့လာသူတွေက သုံးသပ်ကြပါတယ်။
အာရှမှာ ပထ၀ီနိုင်ငံရေးအရ အရေးပါတယ်လို့ သတ်မှတ်ထားကြတဲ့ မြန်မာပြည်အနေနဲ့ အင်အားကြီး နိုင်ငံတွေရဲ့ အားပြိုင်မှုထဲမှာ ကြားမညှပ်ဖို့ လိုတယ်လို့ သတိပေးတာတွေလည်း ရှိနေပါတယ်။

ကိုမင်းဇင်
အမေရိကန်နိုင်ငံ ဘာကလေတက္ကသိုလ်မှာ နိုင်ငံရေး သိပ္ပံပါရဂူဘွဲ့အတွက် ဆည်းပူးနေတဲ့ ကိုမင်းဇင်က မြန်မာနိုင်ငံအနေနဲ့ အမျိုးသားညီညွတ်ရေးကို တည်ဆောက်နိုင်မှ စိန်ခေါ်မှုတွေကို ကျော်လွှားနိုင်မယ်လို့ ယူဆပါတယ်။
အမေရိကန်-မြန်မာ-တရုတ် ဆက်ဆံရေးနဲ့ အကျိုးအပြစ်တွေအပေါ် ကိုမင်းဇင်ကို မေးမြန်းထားပါတယ်။
အမေရိကန် နိုင်ငံခြားရေးဝန်ကြီး နှစ် ၅၀ ကျော်အတွင်းမှာ မြန်မာနိုင်ငံကို လာရောက်တယ်။ တချို့ကလည်း ဒါစောသေးတယ်။ မြန်မာပြည်မှာ အပြောင်းအလဲတွေ မဖြစ်သေးဘူး။ မြင်ကြတာမျိုး ရှိပါတယ်။ အမေရိကန် ဘာလို့ ဒီအခြေအနေမှာ ရောက်လာသလဲ။

“နံပါတ် ၁ ကတော့ဗျာ။ သမ္မတဦးသိန်းစိန် တတ်လာပြီးနောက်မှာ အပြောင်းအလဲတွေရှိတယ်။ ဒီအပြောင်းအလဲတွေကလည်း အသိအမှတ်ပြုလောက်တဲ့ဟာတွေလည်းရှိပါတယ်။ မျက်စိစုံမှိတ်ပြီးတော့ ငြင်းလို့တော့ မရဘူးပေါ့လေ။ လုံလောက်လားဆိုတော့ မလုံလောက်သေးဘူး။ သူတို့ အာဏာပိုင်တွေ ကိုယ်တိုင်လည်း ပြောတာရှိပါတယ်။ မလုံလောက်သေးဘူး ဆက်လုပ်ရဦးမယ်ပေါ့လေ။ အများစိုးရိမ်တာကတော့ ဒါဟာ ရေတို သူတို့လိုချင်တာလေးတွေ ရအောင်လို့ လှည့်ဖျားတာလားဆိုပြီး စိုးရိမ်တာမျိုးလည်း ရှိပါတယ်။ ဒါပေမယ့် ဒါကို ကျနော်တို့က စောင့်ကြည့်တဲ့ သဘောထားမျိုးနဲ့ နေမယ့်အစား ပိုပြီးခိုင်မာလာတဲ့ အကြောင်းတရားဖြစ်အောင် ဘယ်လိုလုပ်မလဲ ဆိုတဲ့ဟာကို အားလုံးက ၀ိုင်းစဉ်းစားရမှာပေါ့လေ။  ဒီစဉ်းစားချက်ပေါ်မှာ မူတည်ပြီးတော့ အမေရိကန်အစိုးရကလည်း မြန်မာအစိုးရကို ဆက်သွယ်ဆောင်ရွက်တဲ့ သဘောလို့ ကျနော်ထင်ပါတယ်။

“ဒေသတွင်းအခြေအနေနဲ့ ပတ်သက်ပြီး ပြောရမယ်ဆိုရင်တော့ အမေရိကန်နဲ့ အာဆီယံ ဆက်ဆံရေးဟာလည်း သိပ်ကို အရေးကြီးပါတယ်။ ဒီဆက်ဆံရေးဟာ တရုတ်ကို အမေရိကန်က ထိန်းထားနိုင်ဖို့ အရေးကြီးတဲ့ဆက်ဆံရေးပါ။ ဒီဆက်ဆံရေးဟာ အကြောင်းအမျိုးမျိုးကြောင့် ပျက်ခဲ့ပါတယ်။ ပျက်ခဲ့တဲ့ အကြောင်းအမျိုးမျိုးထဲမှာ  အမေရိကန်ရဲ့ အရှေ့အလယ်ပိုင်းကို ဦးစားပေးနေရတာတွေ၊ အာဖဂန်နစ္စတန်တို့ကို ဦးစားပေးနေရတာတွေပါသလိုပဲ မြန်မာပြည်ကိစ္စလည်းပါ ပါတယ်။ ကလင်တန်ရဲ့ ဒုတိယသက်တမ်း၊ ဘုရ်ှရဲ့ သက်တမ်း ၂ ခုပေါ့။ ၁၂ နှစ်လောက် တော်တော်လေးကို အမေရိကန်က အာရှမှာ ကင်းကွာသလို ဖြစ်ခဲ့ရပါတယ်။ ဒါပေမယ့် အခု အမေရိကန်က အရှေ့အလယ်ပိုင်းတို့၊ အာဖဂန်နစ္စတန်တို့ကို လျှော့ပြီးတော့ အာရှဘက်ကို နည်းနည်းဦးလှည့်မယ်လို့ ဆုံးဖြတ်တဲ့အချိန်မှာ  မြန်မာပြည်နဲ့လည်း ရှင်းဖို့လိုတယ်။ ဒါကြောင့် မြန်မာပြည် ပြဿနာကြောင့် အာဆီယံနဲ့ ဆက်ဆံရေးမှာ ဆူးငြောင့်ခလုတ် မဖြစ်ဘဲ ပိုပြီးတော့ အဆင်ပြေအောင် လုပ်ချင်တာလည်း ပါပါတယ်။  ဒါကတော့ ပထ၀ီနိုင်ငံရေး အခြေအနေနဲ့ ပတ်သက်ပါတယ်။”

အာရှကို ပြန်လှည့်လာတယ်ဆိုတော့ အာရှမှာ အမေရိကန်ရဲ့ အကျိုးစီးပွားတွေက ဘာတွေဖြစ်မလဲခင်ဗျ။ မြန်မာပြည်က ဘယ်လိုပတ်သက်နေလဲ။

“အာရှက စီးပွားရေးအရဆို အချက်အချာကျတဲ့ ဒေသဖြစ်လာတယ်။ နောက်ပြီးတော့ မဟာဗျူဟာအရ လုံခြုံရေး၊ စစ်ရေးအရကြည့်မယ်ဆိုရင် အာရှမှာ တကယ်ကို အရေးပါတဲ့ တရုတ်။ တရုတ်ဟာဆိုရင် တကယ့်ကို အင်အားကြီးနိုင်ငံ ဖြစ်ဖို့အတွက် တာစူနေတာဖြစ်ပါတယ်။ အဲ့တော့ အမေရိကန်ရဲ့ အကျိုးစီးပွားက အာရှမှာ အများကြီးရှိတယ်။ အဲ့တော့ မြန်မာပြည်က ဘယ်လိုပတ်သက်လဲ ဆိုတော့ တရုတ်မှာက လာမယ့်နှစ်တွေအတွင်းမှာ ဒီ သမုဒ္ဒရာ ၂ ခုလုံးကို စိုးမိုးရေးဆိုတဲ့ မဟာဗျူဟာ ရှိပါတယ်။ တခုက ပစိဖိတ် သမုဒ္ဒရာကို စိုးမိုးရေး။ နောက်တခုက အိန္ဒိယ သမုဒ္ဒရာကို စိုးမိုးရေးပါ။ အိန္ဒိယ သမုဒ္ဒရာကို စိုးမိုးရေးဆိုတာ အဓိကကျတဲ့ လမ်းကြောင်းတခုကတော့ မြန်မာပြည်ကို ဖြတ်မှဖြစ်မှာပါ။ မြန်မာပြည်ကို မဟာဗျူဟာအရ တရုတ်က ထိန်းထားနိုင်တယ်ဆိုရင် တရုတ်ရဲ့ သမုဒ္ဒရာ ၂ ခု စိုးမိုးရေး ဆိုတဲ့ မဟာဗျူဟာက အောင်မြင်သွားမှာ ဖြစ်ပါတယ်။ ဒါကြောင့် အမေရိကန်ကရော၊ အိန္ဒိယကရော၊ အာဆီယံနိုင်ငံတွေကရော မြန်မာပြည်ကို တရုတ်ရဲ့ရင်ခွင်ထဲကနေ ဆွဲပြီးတော့ အာဆီယံရင်ခွင်ထဲမှာ ပြန်ထားရေးဟာ သူတို့ရဲ့ အဓိကကျတဲ့ မဟာဗျူဟာကြီးဖြစ်ပါတယ်။”

အမေရိကန်နဲ့ ဆက်ဆံရေးပြေလည်တာက ဦးသိန်းစိန် အစိုးရအတွက်က သူတို့ ဘာတွေများ မျှော်လင့်နေလဲ အမေရိကန်ဘက်က နေပြီးတော့မှလေ။

“အဓိကကတော့ နိုင်ငံခြားရေးမူဝါဒမှာ ရွေးချယ်စရာ ပိုရှိလာတယ်ဆိုရင် ကောင်းတာပေါ့။ အခုက တရုတ်နဲ့ပဲအားကိုးရတော့ တရုတ်ကိုပဲ မှီခိုရတဲ့အခါကျတော့ တရုတ်က စီးပွားရေးအရလည်း ကျွန်ပြုသလိုပဲ ဆက်ဆံတယ်။ တချို့လုံခြုံရေးကိစ္စတွေမှာလည်း တရုတ်က တဖြည်းဖြည်းပိုပြီးတော့ အတင့်ရဲလာပြီးတော့ အနိုင်ကျင့်တာတွေ လုပ်လာတယ်။ ဥပမာ ကျနော် သိသလောက်ဆိုရင် တရုတ်ပညာရှင် အချို့နဲ့ စကားပြောကြည့်သလောက်ဆိုရင် မြစ်ဆုံကိစ္စ ဗမာပြည်မှာ သွက်သွက်ခါ ဖြစ်နေတဲ့အချိန်မှာ မြန်မာအစိုးရကနေ တရုတ်အစိုးရကိုရော စီပီအိုင်ကုမ္ပဏီကိုရော ချဉ်းကပ်ပြီးတော့ ဒီကိစ္စကို ဖြေရှင်းဖို့ဆိုပြီးတော့ တောင်းဆိုတာရှိပါတယ်။ ဒီကိစ္စကို တရုတ်အစိုးရကရော စီပီအိုင် ကုမ္ပဏီကပါ လျစ်လျူရှုခဲ့တဲ့ အတွက်ကြောင့်မို့လို့ ဦးသိန်းစိန်အစိုးရကနေပြီးတော့ ရပ်လိုက်ရတဲ့အခြေအနေမျိုးတွေ ဖြစ်သွားတာပေါ့။ ဒါတွေက ဘာကိုပြောနေတာလဲဆိုရင် တရုတ်က မြန်မာတွေကို လေးစားမှုနဲ့ မဆက်ဆံဘူး။ တန်းတူမဆက်ဆံဘူး။ အဲ့လိုမျိုးဖြစ်လာတာ သိပ်များလာတဲ့အခါမှာ မြန်မာစစ်တပ် အဆက်ဆက်ကလည်း တရုတ်နဲ့ ပတ်သက်ရင် အမြဲ သံသယရှိခဲ့တယ်။ တရုတ်ကွန်မြူနစ်ပါတီနဲ့ ပတ်သက်ရင် အမြဲ သံသယရှိခဲ့တာက ကျနော်တို့ ပြည်တွင်းစစ်တလျှောက်မှာ ရှိခဲ့တဲ့ အတွေ့အကြုံအရပါ။ ဒါကြောင့် မြန်မာအစိုးရအနေနဲ့က အခုချိန်မှာ တရုတ်ကို မှီခိုမှုလျှော့ချပြီးတော့ ကျန်တဲ့ ရွေးစရာတွေကိုလုပ်ဖို့ စဉ်းစားတဲ့အခါမှာ အမေရိကန်က သူတို့အတွက် အကောင်းဆုံးဖြစ်တယ်။ တောက်လျှောက်ကလည်း မြန်မာစစ်တပ် အဆက်ဆက်ကလည်း ဖြစ်နိုင်မယ်ဆိုရင် အမေရိကန်နဲ့ ပြေလည်ချင်တယ်။ အထင်ကြီးတယ်ဆိုတာလည်း တောက်လျှောက်သိခဲ့တာ။ ချုပ်ပြောရမယ်ဆိုရင်တော့ မြန်မာအစိုးရဘက်က အခွင့်အရေးကို အမိအရဆုပ်ကိုင်တယ်လို့ ကျနော်မြင်ပါတယ်။

အောက်ခြေက သာမန်လူတွေကြားထဲမှာက ကလင်တန်ဆိုတာကို ဘယ်သူလည်းဆိုတာတောင် မသိကြဘူး ဆိုတာမျိုး ပြောတယ်ပေါ့လေ။ ဆိုလိုတာက အမေရိကန်နဲ့ မြန်မာဆက်ဆံရေး အပေါ်မှာ ဖြစ်နေတဲ့ နိုင်ငံတကာ ဆက်ဆံရေးက အမေရိကန်နဲ့ မြန်မာနီးလာတယ်။ တရုတ်ဆီက ဆွဲထုတ်တယ် စသည်ဖြင့်ပေါ့လေ။ ဒီလိုမျိုး နိုင်ငံတကာ ဆက်ဆံရေး ပြောင်းလာတာက သာမန်ပြည်သူတွေအတွက် ဘယ်လိုမျိုး အကျိုးကျေးဇူးတွေ ဖြစ်လာဖို့ မျှော်လင့်လို့ ရနိုင်လဲ။


“အဓိကကတော့ဗျာ။ အစိုးရ တခုအနေနဲ့ နိုင်ငံတကာမှာ ၀င်ဆန့်တာ ဒေသတွင်း အဖွဲ့အစည်းတွေမှာ သိက္ခာရှိရှိ ၀င်ပါနိုင်တာ ကောင်းတဲ့ လက္ခဏာတွေပါပဲ။ အဲ့လိုဖြစ်လာရင် စီးပွားရေးတွေ လမ်းပွင့်လာမယ်။ ပညာရေး၊ ကျန်တဲ့ ယဉ်ကျေးမှု စသည်ဖြင့် နယ်ပယ်တွေမှာ ပိုပြီးလမ်းပွင့်လာမယ်။ လမ်းတွေပွင့်လာရင် အဲ့လိုပွင့်လာတဲ့ အကျိုးကျေးဇူးတွေကို ပြည်သူတွေလည်း ခံစားရမှာဖြစ်ပါတယ်။ ဥပမာဆိုပါတော့ တရုတ်နဲ့ နီးစပ်တော့ ပြည်သူတွေ ဘာရလည်းဆိုတော့ ၂၀၀၇ တို့၊ ၈၈ တို့ နောက်ပိုင်း အရေးအခင်းတွေဖြစ်တဲ့အခါမှာ စစ်တပ်က လူထုကို သတ်ဖြတ်တဲ့အခါ၊ တိုင်းရင်းသားတွေကို သတ်ဖြတ်တဲ့အခါ တရုတ်ကလက်နက်တွေ အသုံးပြုတာ။ တရုတ်က ဘယ်နှခေါက်များ ဘုန်းတော်ကြီးသင် ပညာရေးတို့ နာရေးကူညီမှုအသင်းတို့ကို လှူတာ ပေးတာများကြားဖူးလဲ။ ဒါမျိုးပေါ့ဗျာ။ ကိုယ် ဘယ်နိုင်ငံနဲ့ ပတ်သက်လဲ။ ကိုယ်ပတ်သက်တဲ့ နိုင်ငံရဲ့ လက္ခဏာပေါ်မူတည်ပြီး လူထုက အကျိုးကျေးဇူးရမှာ ဖြစ်ပါတယ်။ အနောက်နိုင်ငံတွေနဲ့ ပတ်သက်မယ်၊ ရင်းနှီးမယ်ဆိုရင် သူတို့နဲ့ နှီးနွယ်တဲ့ ဒီမိုကရေစီနဲ့ ပတ်သက်တဲ့ အတွေ့အကြုံတွေ အလေ့အထတွေ  အများကြီးရမှာ ဖြစ်ပါတယ်။”

တရုတ်နဲ့ မြန်မာက တောက်လျှောက် ဆက်ဆံရေးလည်း ကောင်းခဲ့တယ်။ တရုတ်က မြန်မာပြည်က လိုချင်တာတွေ အကုန်လုံး ရသလိုတောင် ဖြစ်ခဲ့တာပေါ့လေ။ ပြီးခဲ့တဲ့နှစ်တွေကို ပြန်ကြည့်ရင် အခုလိုမျိုး မြန်မာဘက်က ဆက်ဆံရေးပုံစံတွေ ပြောင်းလာမယ်ဆိုရင် တရုတ်ဘက်က ရန်လိုတဲ့ သဘောမျိုးတွေ ဒီအန္တရာယ်တွေ အပေါ်မှာရော စိုးရိမ်စရာမျိုးတွေ မရှိနိုင်ဘူးလား။


“ရှိနိုင်ပါတယ်။ အခုတောင်မှ တရုတ်က Global Times တို့လို တရုတ်အစိုးရ အာဘော်ထင်ဟပ်တဲ့ သတင်းစာတွေမှာ ဒီကိစ္စကို စိုးရိမ်ကြောင်း ပြောဆိုတာတွေ လုပ်လာတယ်။ အဲ့မတိုင်ခင် ၂၀၀၉ခုနှစ်တုန်းကလည်း ရှန်ဟိုင်းမှာ ထင်ရှားတဲ့ ဖူဒန် (fudan) တက္ကသိုလ်က ပညာရှင်တယောက်ကနေပြီးတော့  ၂၀၀၉ခုနှစ်မှာ အိုဘားမားကနေပြီးတော့ အဆင့်မြင့်အရာရှိကြီး တချို့လည်းပါတယ်။ မြန်မာပြည်နဲ့ ပတ်သက်ပြီးတော့ ဆက်ဆံရေးနည်းလမ်းတွေ ရှာတဲ့အခါမှာ တရုတ်ကနေ စိတ်ပူပြီးတော့ ဒီအမေရိကန် အစိုးရကို ဖူဒန်တက္ကသိုလ်က ပညာရှင်က စာတမ်းရေးပြီးတော့ သတိပေးပါတယ်။ မြန်မာပြည်ကိစ္စကို ၀င်မစွက်ဖို့။ မြန်မာပြည်ဟာ တရုတ်ရဲ့ နောက်ဖေးခြံဖြစ်တယ်။ ဒါကြောင့် တရုတ်ဟာ သူ့ရဲ့အကျိုးစီးပွားတွေကို အထိမခံနိုင်ဘူး။ အမေရိကန်အနေနဲ့ မြန်မာပြည်ကိစ္စကို ၀င်ပါချင်တယ်ဆိုရင်တော့ စီးပွားရေးလောက်ပဲ ၀င်ပါဖို့ လိုတယ်။ အဲ့လိုမဟုတ်ဘူးဆိုရင်တော့ ဒေသတွင်းမှာ အားပြိုင်မှုတွေ ဖြစ်လာနိုင်မယ် ဆိုပြီးတော့ တရုတ်ပညာရှင်တွေဟာ အစောကြီးကတည်းက အမေရိကန်ကို သတိပေးခဲ့တာတွေ ရှိပါတယ်။ တရုတ်ဘက်ကတော့ ဒါမျိုးစိတ်ပူမှာ အမှန်ပါပဲ။ လွန်ခဲ့တဲ့ နိုဝင်ဘာလ လလယ်လောက်က ထင်တယ် ၀ါရှင်တန်ပို့စ်သတင်းစာမှာ မြန်မာနိုင်ငံအစိုးရ သမ္မတရုံးက အရာရှိတယောက်က ဆောင်းပါးရေးပါတယ်။ အဲ့ဒီဆောင်းပါးမှာ ဘာရေးထားလဲဆိုတော့ အာရှဒေသဟာ အရေးပါတယ်။ ဒီဒေသမှာ ခေါင်းဆောင်လာမှု အားကောင်းလာမှုဟာလည်း အရေးပါတယ်။ ဒါကြောင့်မို့ အမေရိကန်နဲ့ အနောက်နိုင်ငံတွေအနေနဲ့ တရုတ်ကိစ္စကို ဖြေရှင်းဖို့ဆိုရင် မြန်မာနိုင်ငံကို လိုအပ်တယ်ဆိုတဲ့ သဘောမျိုး သူကရေးပါတယ်။ ဒီလိုမျိုး ရေးတာမျိုးဟာ တဖက်ကကြည့်မယ်ဆိုရင် အမေရိကန်နဲ့ အနောက်နိုင်ငံတွေကို မျက်စပစ်တာ မှန်ပေမယ့် တကယ်တမ်းကြတော့ အိမ်နီးချင်း နိုင်ငံဖြစ်တဲ့ တရုတ်နဲ့ ဆက်ဆံရေးမှာ အများကြီး ထိခိုက်စေနိုင်ပါတယ်။ ကျနော်တို့ အနေနဲ့ကတော့ ရေတိုဆန်တဲ့ အမြင်မျိုးနဲ့ပေါ့လေ။ တနိုင်ငံကို ပြေးကပ်လိုက်။ နောက်တနိုင်ငံကို ခြေစုံကန်လိုက်တော့ လုပ်လို့မရပါဘူး။ နောက်ပထ၀ီနိုင်ငံရေးအရ ကျနော်တို့က တရုတ်ကို balance လုပ်တာမျိုး။ ထိန်းချုပ်တာမျိုး ချိန်ခွင်လျှာညှိသလို လုပ်လို့မရပါဘူး။ ကျနော်တို့လုပ်နိုင်တာ တခုပဲ ရှိပါတယ်။ အဲ့ဒါဘာလည်း ဆိုတော့ ကျနော်တို့ နိုင်ငံခြားရေး မူဝါဒမှာ ရွေးချယ်စရာတွေကို များသထက်များအောင် လုပ်ရမယ်။  ဒါကြောင့်မို့ ကျနော်ထင်တယ်။ ပညာရှင်တွေရော သတင်းစာဆရာတွေရော နိုင်ငံရေးသမားတွေရော အခုချိန်မှာ ပြောတာဆိုတာ သုံးနှုန်းတာ ဂရုစိုက်ဖို့လိုပါတယ်။ ထိန်းချုပ်တာမျိုး ချိန်ခွင်လျှာညှိတာမျိုး သိပ်ကိုဇောင်းပေးပြီး ပြောမယ်ဆိုရင် တရုတ်အတွက် စိုးရိမ်ပူပန်မှုတွေဖြစ်ပြီးတော့ မလိုလားအပ်တဲ့ စွက်ဖက်မှုတွေ ဖြစ်နိုင်ပါတယ်။ အန္တရာယ်များတယ်ပေါ့လေ။”

မြန်မာပြည်က လွတ်လပ်ရေး ရပြီးကတည်းက ပြောနေတာ ရှိတယ်။ ကြားနေ၀ါဒဆိုတာ။ ဒါပေမယ့် လက်တွေ့မှာ ကြားနေဆိုတာထက် တရုတ်နဲ့ ပိုနီးခဲ့တာလည်း ရှိတဲ့အခါကျတော့ အခု အစိုးရသစ်အနေနဲ့ ဘယ်လိုမျိုး နိုင်ငံဆက်ဆံရေးပုံစံကို လုပ်သင့်တယ်လို့ ထင်ပါသလဲ။


“မြန်မာနိုင်ငံအနေနဲ့ ပထ၀ီ နိုင်ငံရေးအရ အင်မတန်မှကို အကဲဆတ်တဲ့နေရာမျိုး၊ အတိမ်းအစောင်း မခံတဲ့နေရာမျိုး ရှိတယ်ဆိုတာ ထင်ရှားပါတယ်။ ဦးနုက ပြောခဲ့ဖူးပါတယ်။ မြန်မာပြည်ဟာ အိန္ဒိယနဲ့ တရုတ်အကြားမှာ နေရတဲ့အတွက် ဆူးကြားက ဘူးလိုပဲလို့ ပြောခဲ့တာ ရှိပါတယ်။ အတိမ်းအစောင်းမခံဘူး။ တခုခုမှားတာနဲ့ ဒုက္ခရောက်သွားနိုင်တယ်ဆိုတော့ ဒီလိုမျိုး အင်အားကြီးနိုင်ငံတွေရဲ့ ဘေးမှာနေရတဲ့ တိုင်းပြည်ငယ်ဟာ အဓိက သူ့ရဲ့ လိုအပ်ချက်က အချက်သုံးချက်ပေါ့။ အဓိကကတော့  အုပ်စိုးတဲ့သူတွေ၊ တိုင်းပြည်ရဲ့  လူ့အဖွဲ့အစည်း ဦးဆောင်တဲ့သူတွေ ပညာတတ်တွေ၊ အကုန်လုံးက တူညီတဲ့သဘောထားတွေ ရှိရမယ်။ ငါတို့နိုင်ငံရဲ့ အချုပ်အခြာ အာဏာ၊ လွတ်လပ်မှု၊ အမှီအခိုကင်းကင်း ရပ်တည်မယ် ဆိုတာမျိုးပေါ့။ နောက်တခုက နိုင်ငံတကာက လက်ခံနိုင်တဲ့၊ နိုင်ငံတကာ ၀င်ဆံ့နိုင်တာမျိုး ရှိရမယ်။ အရေးကြီးဆုံးကတော့ ရှေ့က ရပ်တည်ချက်သဘောထား ဘယ်လောက်ပဲ မှန်မှန်၊ နိုင်ငံတကာမှာ ဘယ်လောက်ပဲ မျက်နှာရရ၊  တိုင်းပြည်မှာ အမျိုးသားညီညွတ်ရေး မရှိဘူးဆိုရင် အဲဒီတိုင်းပြည်ဟာ အိမ်နီးချင်းနိုင်ငံတွေရဲ့ စွက်ဖက်မှုကြောင့် ပြိုကွဲသွားနိုင်တယ်။ ချုပ်ပြောမယ်ဆိုရင် မြန်မာပြည်အနေအထားက ဗီယမ်နမ်နိုင်ငံနဲ့ သွားတူနေပါတယ်။ သူ့ရဲ့ အိမ်နီးချင်းနိုင်ငံဖြစ်တဲ့ တရုတ်ရဲ့ ဩဇာ၊ စွက်ဖက်မှု၊ ခြိမ်းခြောက်မှုတွေကို နည်းလမ်းပေါင်းစုံနဲ့ ခံခဲ့ရတယ်။ အဲလိုနိုင်ငံမျိုးဟာ အမှီအခို ကင်းကင်း နေနိုင်ဖို့ ဆိုတာ အမျိုးသားညီညွတ်ရေး တည်ဆောက်ဖို့ ကိစ္စပါ။ နိုင်ငံတကာမှာ ဒီမိုကရေစီရအောင် ဦးတည်ချက် တခုတည်းနောက်ကို ကွက်ပြီး လုပ်လို့ရှိရင် ဒေသတွင်းနိုင်ငံတွေရဲ့ အားပြိုင်မှုထဲမှာ ကြားညှပ်သွားနိုင်တယ်။ အဲ့တော့ အရေးအကြီးဆုံးက အမျိုးသားညီညွတ်ရေး၊ အမျိုးသားစည်းလုံးရေးကို လုပ်ရမယ်။ အထူးသဖြင့် မြန်မာပြည်လိုမျိုး တိုင်းရင်းသား ပဋိပက္ခတွေ၊ ပြည်တွင်းစစ် သက်တမ်းရှည်တဲ့ နိုင်ငံမျိုးမှာ အမျိုးသားညီညွတ်ရေးကို တကယ်မလုပ်နိုင်ဘဲနဲ့ နိုင်ငံတကာ ၀င်ဆံ့အောင်၊ အာဆီယံဥက္ကဋ္ဌ ဖြစ်ရုံလောက် ကွက်ပြီး လုပ်မယ်ဆိုရင် ကျနော်တို့က အလားအလာ မကောင်းဘူးလို့ ကျနော်တို့က သုံးသပ်ပါတယ်။”

http://burmese.dvb.no/archives/18466

"ဟီလာရီကို အမျိုးသား လွှတ်တော် ဥက္ကဌ ဘာတွေ ပြောခဲ့သလဲ" ဒေါက်တာအေးမောင် နဲ့ အင်တာဗျူး




News Date:12/2/2011
မြန်မာနိုင်ငံကို သုံးရက်ကြာ အလည်အပတ် ရောက်ရှိနေတဲ့ အမေရိကန် နိုင်ငံခြားရေး ၀န်ကြီး မစ္စက် ဟီလာရီ ကလင်တန်ဟာ ၂၀၁၁ ခုနှစ် ဒီဇင်္ဘာလ ၁ ရက်နေ့က အမျိုးသား လွှတ်တော် ဥက္ကဌ ဦးခင်အောင်မြင့် အပါအ၀င် လွှတ်တော် ကိုယ်စားလှယ် (၃၃) ဦးနဲ့ တွေ့ဆုံခဲ့ပါတယ်။ ဒီအထဲမှာ ရခိုင်တိုင်းရင်းသားများ တိုးတက်ရေး ပါတီ ဥက္ကဌ၊ အမျိုးသားလွှတ်တော် ကိုယ်စားလှယ် ဒေါက်တာ အေးမောင်လည်း ပါဝင်ခဲ့ပါတယ်။ ဒေါက်တာအေးမောင်ကို တွေ့ဆုံ ဆွေးနွေးပွဲနဲ့ ပတ်သက်ပြီး အဲဒီနေ့မှာ ဆက်သွယ် မေးမြန်းခွင့်ရခဲ့ပါတယ်။ နိရဉ္စရာက ခုလို စတင်မေးမြန်းပါတယ်။



Dr-Aye-Aye-Mg
မေး။ ဥက္ကဌတို့ အမေရိကန် နိုင်ငံခြားရေးဝန်ကြီးနဲ့ တွေ့ဆုံတဲ့အထဲမှာ ပါဝင်တယ်လို့ သိရပါတယ်။ ဘယ်လို ပုံစံနဲ့ တွေ့ဆုံခွင့် ရခဲ့တယ်ဆိုတာကို နည်းနည်း ရှင်းပြပေးပါလား။

ဖြေ။ ကျွန်တော်တို့ တွေ့ဆုံတာက အမျိုးသားလွှတ်တော်မှာပါ။ အမျိုးသားလွှတ်တော် ဥက္ကဌ၊ ဒုဥက္ကဌ အပါအ၀င် လွှတ် တော်အမတ် ၃၃ ဦးနဲ့ တွေ့ပါတယ်။ တွေ့တဲ့အခါမှာ လွှတ်တော် ဥက္ကဌက ဟေလာရီကလင်တန် မရောက်ခင် သူတွေ့ ချင်တဲ့ လူ ၄ယောက်စာရင်းကို ပြောပါတယ်။ အဲဒီအထဲမှာ ကျွန်တော်အပါအ၀င် ဦးညွန့်တင်၊ ဒေါက်တာ မြဥာဏစိုးနဲ့ ဦးကျယ်ယုတ်အူ ၄ယောက်နဲ့ တွေ့ချင်တယ်လို့ သူက ကြိုတင်ပြီး ပြောထားတယ်လို့ ပြောပါတယ်။ ဟေလာရီ ကလင်တန်နဲ့ တွေ့ခွင့် မိနစ် ၅၀ ဘဲရပါတယ်။ မိနစ် ၅၀ ရတဲ့အချိန်မှာ လွှတ်တော်ဥက္ကဌက ဟေလာရီကလင်တန်ကို ကြိုဆိုတဲ့အကြောင်းနဲ့ အခုလို အပြောင်းအလဲ ကာလမှာ ရောက်လာတာ ကောင်းပါတယ်။ ဟေလာရီရဲ့ နိုင်ငံရေး အတွေ့ အကြုံကိုလည်း လေးစားပါတယ်။ ဗမာပြည်ထဲကို ခုလို လာတဲ့အတွက်လည်း ၀မ်းသာပါတယ်။ လွှတ်တော် နှစ်ရပ်ရဲ့ ဆက်ဆံရေးကိုလည်း ပြောပြပါတယ်။ တိုင်းပြည်ရဲ့ လက်ရှိအခြေအနေကိုလည်း ရှင်းပြတယ်။ အဲဒီအထဲမှာ ပါလာတဲ့ အချက်ကတော့ခါ ကျွန်တော်တို့ လွှတ်တော်အမတ် အားလုံးနီးပါးလောက်ဟာ ဒီမိုကရေစီဖက်ကို သွားဖို့ သံဓိဌာန် ချထားပြီ ဖြစ်တယ်။ စစ်တပ်ကလည်း နောက်တကြိမ် အာဏာသိမ်းဖို့ အခြေအနေ ဖြစ်လာနိုင်စရာ အကြောင်းမရှိ တော့ဘူး ဆိုတာကို လွှတ်တော် ဥက္ကဌက ရှင်းပြပါတယ်။

မေး။ ။ နောက်ထပ် ဘာတွေကို ပြောဆို ဆွေးနွေးတာတွေ ရှိပါသလဲ။

ဖြေ။ ။ နောက်ထပ် ပြောဆို ဆွေးနွေးတာက လက်ရှိ ဒီမိုကရေစီလမ်းကြောင်းကို သွားဖို့အတွက် အချက် သုံးချက်ကို တင်ပြပါတယ်။ (၁) တိုင်းပြည်အခြေအနေ ငြိမ်းချမ်းဖို့လိုတယ်။ (၂) အချက်က နိုင်ငံသား တဦးချင်းရဲ့ ၀င်ငွေ တိုးတက်ဖို့လိုတယ်။ ၃။ ပညာတတ် ကြီးစိုးတဲ့ တိုင်းပြည်တခု ဖြစ်ဖို့ လိုတယ်ဆိုပြီး ၃ ချက်တင်ပါတယ်။

အချက်(၁) ဖြစ်တဲ့ တိုင်းပြည် တည်ငြိမ်အေးချမ်းရေးနှင့်ပတ်သက်လို့ အကျယ်ရှင်းပါ တယ်။ အဲဒီအထဲမှာ တိုင်းပြည် တည်ငြိမ် အေးချမ်းဖို့ အတွက် နိုင်ငံရေး နယ်ပယ် အသီးသီးက ပါဝင်လာဖို့လိုတယ်။ အဲဒီကိစ္စ အတွက်လည်း လွှတ်တော် အဆင့်ဆင့်မှာ NLD ပါဝင်ဖို့ မှတ်ပုံတင်လာတယ်။ ဒေါ်အောင်ဆန်းစုကြည်လို နိုင်ငံရေး ရင့်ကျက်ပြီး နိုင်ငံရေး အမြင်ကျယ်တဲ့ ပုဂ္ဂိုလ်တွေ လွှတ်တော်ထဲ ၀င်လာဖို့ဆိုတာကို ကြိုဆိုတယ်။ နိုင်ငံရေး အခင်းအကျင်းတွေ အားလုံးမှာ NLD ပါဝင်လာမှာ ဖြစ်တဲ့ အတွက် တိုင်းပြည် အေးချမ်းလာလိမ့်မယ်လို့ မျှော်လင့်ကြောင်း ပြောပါတယ်။

အချက်(၂) ဖြစ်တဲ့ နိုင်ငံသားတဦးချင်းစီ တိုးတက်ဖို့ဆိုတာမှာလည်း ကျွန်တော်တို့ နိုင်ငံသားတွေ တခြားနိုင်ငံက အထောက်အပံ့တွေနဲ့ မကြီးပွား မတိုးတက်လိုပါဘူး။ ကျွန်တော်တို့ နိုင်ငံရဲ့ ဈေးကွက် ဖွံ့ဖြိုးတိုးတက်လာဖို့အတွက် အမေရိကန်တို့၊ ဥရောပတို့မှာ ဈေးကွက် ဖြစ်လာနိုင်အောင်လုပ်ပေးဖို့ သူက တိုက်တွန်းပါတယ်။

အချက် (၃) သုံးအချက်ကတော့ အမေရိကတို့လို နိုင်ငံ တွေမှာ ကျွန်တော်တို့ တိုင်းပြည်က ကျောင်းသားတွေ ပညာ သွားသင်နိုင်ဖို့ အတွက် တောင်းဆိုတာကို တွေ့ရပါတယ်။ ကျွန်တော်တို့ နိုင်ငံမှာ နိုင်ငံတကာရဲ့ နည်းပညာ အကူ အညီတွေ မရရှိသေးပါ။ နည်းပညာ အကူအညီတွေ ရအောင် ပူးပေါင်းပါဝင် ကူညီဖို့ တိုက်တွန်းပါတယ်။ ကျွန်တော်တို့ ပါလီမန် ဒီမိုကရေစီ လမ်းကြောင်းကို စပြီးသွားနေပြီဖြစ်လို့ ဒီလမ်းကြောင်းဟာ ကျွန်တော်တို့အတွက် အကောင်းဆုံးဖြစ်တယ်လို့ ရှင်းလင်းချက်ပေးပါတယ်။

မေး။ ။ အမေရိကန် နိုင်ငံခြားရေး ၀န်ကြီးက ဘာတွေကို ပြန်ပြောပါလဲ။

ဖြေ။ ။ ဟေလာရီကလင်တန်က ပြန်ပြောတဲ့အခါမှာ အမေရိကမှာ အထက်လွှတ်တော် အမတ်အနေနဲ့ ၈ နှစ်ကြာ တာဝန်ထမ်း ဆောင်ဖူးတယ်။ အတွေ့အကြုံလည်း ရှိသင့်သလောက် ရှိပါတယ်။ အဲဒီအတွေ့အကြုံတွေကို ဖလှယ်သွားဖို့ သူ့မှာ အစီအစဉ်ရှိတယ်။ ပြီးတော့ အမေရိကန်လွှတ်တော်မှာ အာဏာ သုံးရပ်ဖြစ်တဲ့ တရားစီရင်ရေးအာဏာ၊ အုပ်ချုပ်ရေး အာဏာ၊ ဥပဒေပြုရေး အာဏာတွေကို သီးသန့်စီ အာဏာ ပါဝါညှိပြီးမှ တိုင်းပြည်ကို တိုးတက်အောင် လုပ်တယ်။ ဒီမှာလည်းဘဲ အာဏာသုံးရပ်ဟာ မျှမျှတတရှိဖို့လိုတယ်ဆိုပြီးတော့ တိုက်တွန်းသွားပါတယ်။ နောက်တချက်က ပြည်တွင်းမှာ တိုင်းရင်းသားတွေနဲ့ ပဋိပက္ခဖြစ်ပြီး မငြိမ်းချမ်းတဲ့နေရာတွေကို ငြိမ်းချမ်းအောင် အချင်းချင်း ညှိနှိင်း တိုင်ပင်ပြီးတော့ လုပ်ဖို့ကို တိုက်တွန်းပါတယ်။ အဲဒီနေရာတွေကိုလည်း လေ့လာသူတွေအဖြစ် သတင်းယူဖို့၊ လေ့လာဖို့ ခွင့်ပြုဖို့အတွက်လည်း တိုက်တွန်းပါတယ်။ နိုင်ငံရေး အကျဉ်းသားတွေကို လွတ်ပေးဖို့လည်း တိုက်တွန်းသွားပါတယ်။

ဒါတွေ အပြင် သူမက (၁) မကြာခင်ကျင်းပမယ့် ကြားဖြတ်ရွေးကောက်ပွဲမှာ အားလုံးပါဝင်နိုင်အောင် စီစဉ်ပေးဖို့ (၂) အဲဒီရွေးကောက်ပွဲဟာ လွတ်လပ်ပြီး တရားမျှတမှုဖြစ်အောင်၊ ထင်သာမြင်သာရှိပြီးတော့ အခန်းကဏ္ဍအလိုက် အာမခံချက်ရှိအောင် တိုက်တွန်းပါတယ် (၃) နောက်တချက်က နိုင်ငံရေးထဲမှာ ပါတဲလူတွေကို လွတ်လွတ်လပ်လပ် လှုပ်ရှားခွင့်ပေးဖို့ ပြောပါတယ်။ ဒါ့အပြင် လွှတ်တော်မှာ ဥပဒေပြုတဲ့ ကဏ္ဍတချို့ လေ့လာထားတာတွေ ရှိတယ်လို့ ပြောပါတယ်။ နိုင်ငံရေးပါတီနဲ့သက်ဆိုင်တဲ့ ဥပဒေ၊ အလုပ်သမား ဥပဒေ၊ လွတ်လွတ်လပ်လပ် ဆန္ဒပြခွင့်ရှိတဲ့ ဥပဒေတွေကို ကြည့်တဲ့ အခါမှာ ထောက်ခံတဲ့သဘောမျိုး ပြောသွားပါတယ်။

မေး။ ဒီနေ့ဆွေးနွေးပွဲနှင့်ပတ်သက်ပြီး ဥက္ကဌ အမြင်က ဘယ်လိုရှိပါသလဲ။ အားရ ကျေနပ်စရာ ရှိပါသလား။

ဖြေ။ ဒီနေ့ ဆွေးနွေးပွဲကတော့ အားရကျေနပ်ဖို့ ကောင်းပါတယ်။ ကျွန်တော်တို့ကလည်း ပွင့်ပွင့်လင်းလင်း ဆွေးနွေးပါတယ်။ တဖက်ကလည်း နိုင်ငံရေး အကျဉ်းသားတွေကို လွှတ်နိုင်အောင် ကြိုးစားမယ်။ ဟိုဖက်ကလည်း ဗမာပြည် ဒီမိုကရေစီလမ်းကြောင်း ပိုမိုဖြောင်းဖြူးအောင် ရှောင်ရန်၊ ဆောင်ရန်တွေကို စိတ်ရှည်ရှည်နဲ့ ပြောသွားပါတယ်။ အစိုးရအချင်းချင်း ချစ်ကြည်မှု လိုသလို ပြည်သူတွေ အချင်းချင်း ချစ်ကြည်မှုရှိမှ ခိုင်မြဲဖို့ ဖြစ်တယ်။ နောက်ပြီးတော့ ရန်ကုန်က ရခိုင်စာပေနှင့် ယဉ်ကျေးမှုအဖွဲ့က ပြုစုထားတဲ့ စာတန်းတွေကိုလည်း သူရဲ့လက်ထဲကို ထည့်ပေးလိုက်နိုင်ပါ တယ်။ သူလည်း ၀မ်းပန်းတသာ လက်ခံသွားပါတယ်။

မေး။ ။ နောက်ထပ် ဘာတွေ ပြောစရာရှိပါသေးသလဲ။

ဖြေ။ ။ နောက်ထပ် ကျွန်တော်ပြောချင်တာက နှစ်ပေါင်း ၅၀ကျော်ကြာ အမေရိကန်နှင့် ပြည်ထောင်စုနဲ့ မြန်မာနိုင်ငံ ဆက်ဆံရေး ကြဲနေရာကနေ အခုတော့ အမေရိကန် နိုင်ငံခြားရေး ၀န်ကြီးတဦး အနေနဲ့ ပထမဆုံးလာတဲ့ ခရီးစဉ် ဖြစ်တယ်။ အခုလို အမေရိကန်နှင့် ဆက်ဆံရေး အဆင်ပြေဖို့ လိုသလို ကြားနေရေး မူဝါဒကို ကျင့်သုံးပြီး အိမ်နီးချင်း ပတ်ဝန်းကျင်က တရုတ်၊ အိန္ဒိယ အပါအ၀င် အာစီယံ နိုင်ငံတွေ အားလုံနဲ့လည်း ဆက်ဆံရေး အဆင်ပြေပြီးတော့ ပြည်သူတွေကိုလည်း ဒီမိုကရေစီ လမ်းကြောင်းပေါ်ကို ရောက်အောင် နိုင်ငံတော်အစိုးရ၊ လွတ်တော်တွေက ဦးဆောင် ချီတက် နိုင်ဖို့လိုတယ်လို့ ကျွန်တော် ထင်ပါတယ်။ မကြာတဲ့ ကာလတခုမှာ အပြောင်းအလဲတခုကို မြင်ရမယ်လို့ ထင်ပါတယ်။ ဘာဖြစ် လို့လည်းဆိုတော့ ဟီလာရီ ကလင်တန် လာတဲ့ ခရီးစဉ်လို ခုလို ပွင့်လင်းလာလိမ့်မယ်လို့ နှစ်ပေါင်းများစွာက မထင်ခဲ့ပါဘူး။ အမေရိကန် နိုင်ငံခြားရေး ၀န်ကြီးကလည်း ပွင့်ပွင့်လင်လင်းနဲ့ စကား ပြောပါတယ်။ အထက်လွှတ်တော် ဥက္ကဌ၊ ဒုဥက္ကဌနဲ့ ပါလီမန် အမတ်တွေကလည်း ၀မ်းပန်းတသာ လက်ခံတယ်။ ထိုနည်းတူ အစိုးရ အဖွဲ့ကလည်း လက်ခံတယ်။ ကျွန်တော် တို့ တိုင်းပြည်တိုးတက်ရေး အတွက် အမေရိကန်က ပါဝင်လာရင် အားအများကြီး ဖြစ်လာနိုင်ပါတယ်။ ကျွန်တော်တို့ သမ္မတကြီးကို ကတိပေး ပြောကြားတဲ့ အထဲမှာလည်း အမေရိကန် ဂျွန်းဟုတ်ကိန်း တက္ကသိုလ်တွေလို တက္ကသိုလ်တွေမှာ ကျောင်းသားတွေကို တက်ခွင့်တွေ ပြုမယ်သွားမယ်ဆိုတာတွေကို ကြားသိရပါတယ်။ အားလုံးကို ခြုံပြီး ပြောရရင် အနာဂတ်မှာ အမေရိကန် နဲ့ အနောက်နိုင်ငံတွေနဲ့ ဆက်ဆံရေး ဖြောင့်ဖြူးသွားနိုင်တယ်လို့ မြင်မိပါတယ်။ 

http://www.narinjara.com/detailsbur.asp?id=3639


အိမ်နီးချင်း နိုင်ငံ (၂) ခုမှ ဘ၀တူ ညီအစ်မ ခေါင်းဆောင်နှစ်ဦး ဆုံတွေ့ခွင့်ရအုံးမည် မဟုတ်





News Date:12/2/2011
မောင်အေး
------------
" ကျွန်မနဲ့ ဒေါ်အောင်ဆန်းစုကြည်က အိမ်နီးချင်းနိုင်ငံ နှစ်ခုမှ ဘ၀တူ ညီအစ်မ နှစ်ဦးပါ" ဟု တချိန်က ပြောဆိုခဲ့ဖူးသူ ဘင်္ဂလာဝန်ကြီးချုပ် ရှိတ်ဟာဆီးနာသည် သူမ၏ မြန်မာပြည် ခရီးစဉ်အတွင်း ဒေါ်အောင်ဆန်းစုကြည်နှင့် တွေ့ဆုံမည် မဟုတ်ကြောင်း သိရသည်။


 Aung-San-Suu-Kyi-&-sheikh-hasina

ရှိတ်ဟာဆီးနာသည် သူမ၏ (၃) ရက်တာ မြန်မာပြည် အလည်အပတ် ခရီးစဉ်ကို ယခုလ (၅) ရက်နေ့တွင် စတင်မည် ဖြစ်သည်။

ယခုကဲ့သို့ သူ၏ခရီးစဉ်အတွင်း ဒေါ်အောင်ဆန်းစုကြည့်နှင့် တွေ့ဆုံရန် အစီအစဉ်မရှိကြောင်းကို ယမန်နေ့က သထောက်များကို ဘင်္ဂလာတာဝန်ရှိသူများက ထုတ်ဖော် ပြောဆိုသည်ဟု ဘင်္ဂလာဒေခ်ျ့ထုတ် သတင်းစာများက ရေးသားဖေါ်ပြသည်။

" ဘင်္ဂလာဒေခ်ျ့ ၀န်ကြီးချုပ် အနေဖြင့် ဒေါ်အောင်ဆန်းစုကြည်နှင့် သူမ၏ ခရီးစဉ် အတွင်း တွေ့ဆုံလိမ့်မည်ဟု အများ မျှော်လင့် ခဲ့သော်လည်း ယမန်နေ့က ထွက်ပေါ်လာသော သတင်းများအရ တွေ့ဆုံမည် မဟုတ်ကြောင်း၊ တွေ့ဆုံမည့်သူများနှင့် စာရင်းကို ထုတ်ပြန်ရာတွင် ဒေါ်အောင်ဆန်းစုကြည် နာမည် ပါဝင်ခြင်း မရှိကြောင်း" သတင်းစာများက ဖေါ်ပြသည်။

သို့သော်လည်း ဘင်္ဂလာဒေခ်ျ့ အစိုးရဘက်မှ ခေါင်းဆောင်နှစ်ဦး တွေ့ဆုံခွင့် ရရန် တောင်းထားခြင်း ရှိမရှိ သတင်းစာတွင် ဖေါ်ပြရေးသားခြင်း မရှိကြောင်း သိရသည်။

ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်းသည် မြန်မာ လွတ်လပ်ရေးကို ယူပေးခဲ့သော လွတ်လပ်ရေး ဗိသုကာ အမျိုးသား ခေါင်းဆောင် တစ်ဦးဖြစ်သလို ရှိတ်ဟာဆီးနာ၏ ဖခင် ရှိတ်မူဂျီဘူရာဟာမန်သည်လည်း ဘင်္ဂလာဒေခ်ျ့ လွတ်လပ်ရေးကို ယူပေးခဲ့သော အမျိုးသား ခေါင်းဆောင် ဖြစ်သည်။

ဗိုလ်ချုပ် အောင်ဆန်းသည် ၁၉၄၇ ခုနှစ် ဇူလိုင်လ ၁၉ ရက်နေ့တွင် မသမာသူများ၏ လက်ချက်ဖြင့် သေဆုံးခဲ့ရသလို ရှိမူဂျီရာဟာမန်သည်လည်း ၁၉၇၅ ခုနှစ် သြဂတ်စ်လ ၁၅ ရက်နေ့တွင် မသမာသူ လက်ချက်ဖြင့် သေဆုံးခဲ့ရသည်။

ဒေါ်အောင်ဆန်းစုကြည်နှင့် ရှိတ်ဟာဆီးနာတို့၏ ဖခင်နှစ်ဦးစလုံးမှာ အိမ်နီးချင်းနိုင်ငံ (၂) ခုမှ လွတ်လပ်ရေး ဖခင်များ ဖြစ်ကြပြီး နှစ်ဦးစလုံးမှာလည်း လုပ်ကြံ သတ်ဖြတ်ခံခဲ့ရသဖြင့် လွန်ခဲ့သောနှစ် အနည်းငယ်က ဒေါ်အောင်ဆန်းစုကြည် အကျယ်ချုပ်ကျနေစဉ် ရှိတ်ဟာဆီးနာက "ကျွန်မနဲ့ ဒေါ်အောင်ဆန်းစုကြည်က အိမ်နီးချင်းနိုင်ငံ နှစ်ခုမှ ဘ၀တူ ညီအစ်မ နှစ်ဦးပါ" ဟု ထုတ်ဖေါ် ပြောဆိုခဲ့ခြင်း ဖြစ်သည်။

ယခင်က ဒေါ်အောင်ဆန်းစုကြည်မှာ အကျယ်ချုပ်ဖြင့် ရှိနေခဲ့သော်လည်း ယခုအခါ သူမမှာ လွတ်မြောက်လာသည်သာမက လက်ရှိ ဦးသိန်းစိန် ဦီးဆောင်သော အစိုးရနှင့်လည်း နားလည်မူ တည်ဆောက်ကာ မြန်မာနိုင်ငံရေး အခင်းအကျင်းတွင် ပါဝင်လာပြီ ဖြစ်သဖြင့် ဘင်္ဂလာဒေခ်ျ့ ၀န်ကြီးချုပ် အနေဖြင့် ဒေါ်အောင်ဆန်းစုကြည်နှင့် တွေ့ဆုံရေးကို ဘင်္ဂလာ ပြည်သူများက မျှော်လင့်နေကြကြောင်း သတင်းစာများက ရေးသားဖေါ်ပြသည်။ 

http://www.narinjara.com/detailsbur.asp?id=3640


ဟီလာရီရဲ့ ဂျက်လေယာဉ် ဘယ်လို အစွမ်းထက်သလဲ



by FNG on December 2, 2011
4ac35_6a00d8341c630a53ef015393c9fc94970b-600wi

စုိုင်းနေမင်း၊        ၊အမေရိကန်နိုင်ငံခြားရေးဝန်ကြီး ဟီလာရီကလင်တန် အသုံးပြုတဲ့
လေယာဉ်တွေအနက် C-40B အမျိုးအစား ဘိုးရင်းဂျက်လေယာဉ်လဲ အပါအ၀င် ဖြစ်ပါတယ်။

ဟီလာရီ စီးလေ့ရှိသည့် C-40B အထူးဂျက်လေယာဉ်

C-40B အထူး ဂျက်လေယာဉ်ထဲမှာ အလုပ်လုပ်နေတဲ့ ဟီလာရီ

ဟီလာရီအတွက် အထူး သံတမန်လုံခြုံရေးအရာရှိ
C-40B ဂျက်လေယာဉ်ဟာ အလျား ပေ ၁၁၀နဲ့ လေးလက်မရှိပီး အမြင့် ၄၁ပေနဲ့ ၂ လက်မ ရှိပါတယ်။
GE-CFM 56-7B27 အမျိုးအစား အင်ဂျင် ၂ လုံး တပ်ဆင်ထားပြီး ရေမိုင် ၄၆၀၀ ထိ ဆီမဖြည့်ဘဲ
ဆက်တိုက် ပျံနိုင်စွမ်းရှိပါတယ်။ မူလအသုံးပြုဖို့ ရည်ရွယ်ချက်က တိုက်ပွဲဝင်မဲ့ အမေရိကန် တပ်မှူးတွေ
အမေရိကန်အစိုးရ ထိပ်တန်းအရာရှိတွေကို သွားလိုရာ ကမ္ဘာ့ဒေသအသီးသီးကို သက်တောင့်သက်သာ
စိတ်ချလက်ချ သယ်ပို့ပေးဖို့ ဖြစ်ပါတယ်။
ဒီလေယာဉ်ဟာ အရပ်သုံး ဘိုးရင်းဂျက်လေယာဉ် ၇၃၇-၇၀၀ ကို စစ်သုံးဖြစ်အောင် အမေရိကန်လေတပ်
အတွက် ပြုပြင်ထားတဲ့ အထူးဂျက်လေယာဉ်ဖြစ်ပါတယ်။ C-40B ဂျက်လေယာဉ်ကို အမေရိကန်
ထိပ်တန်းစစ်အရာရှိတွေ အမေရိကန်အစိုးရ ခေါင်းဆောင်တွေအတွက် မိုးပျံရုံးခန်း ဖြစ်အောင်
ထုတ်လုပ်ထားတာ ဖြစ်ပါတယ်။
ဟီလာရီကလင်တန် စီးလာတဲ့ C-40B ဂျက်လေယာဉ်ပေါ်မှာ အချက်အလက်တွေ ဗီဒီယိုတွေ ပေးပို့
ဖမ်းယူနိုင်တဲ့ အမြန်နှုန်းကောင်းတဲ့ အင်တာနက်စနစ်တပ်ဆင်ထားသလို အသံနဲ့အချက်အလက်
ဆက်သွယ်ရေးစနစ်ကလဲ ရှင်းလင်းကြည်လင်ပြီး လုံခြုံမှုရှိတဲ့ စနစ်မျိုးတပ်ဆင်ထားပါတယ်။
ဒီလေယာဉ်ကို အသုံးပြုတဲ့ တိုက်ပွဲဝင် အမေရိကန်တပ်မှူးတွေအနေနဲ့ လေယာဉ်ပေါ်က အင်တာနက်
စနစ်၊ LAN အင်တာနက် ကွန်ယက်ဆက်သွယ်ရေးစနစ်၊ ကောင်းမွန်အောင် ပြုပြင်ထားတဲ့ တယ်လီ
ဖုန်းစနစ်၊ ဂြိုလ်တုစနစ်တွေ၊ တီဗွီမော်နီတာတွေ၊ ဖက်စ်ပို့တဲ့စက်တွေ မိတ္တူကူးစက်တွေကိုသုံးပီး
ကမ္ဘာ့ဘယ်ဒေသမှာမဆို စစ်ဆင်ရေးအတွက် အသုံးပြုနိုင်ပါတယ်။ ဟီလာရီကလင်တန် စီးလာတဲ့
C-40B ဂျက်လေယာဉ်ကို ကိုယ့်ကိုကိုယ် ခုခံကာကွယ်ဖို့အတွက် လက်နက်တပ်ဆင်ဖို့ လုပ်နေဆဲ ဖြစ်ပါတယ်။
C-40B ဂျက်လေယာဉ်ရဲ့ လေယာဉ်မှူး ခေါင်းခန်းကိုကြည့်ရင်လဲ
-ဂျီပီအက်စ်စနစ်နဲ့ ပေါင်းစပ်ထားတဲ့ လေယာဉ်ပျံသန်းမှု ထိန်းချုပ်ရေး ကွန်ပြူတာစနစ်
-နောင် အနာဂတ်မှာသုံးမဲ့ ဂျြိလ်တုဆက်သွယ်ရေးစနစ်အခြေခံ ကမ္ဘာလုံးဆိုင်ရာ လေကြောင်းစီ
မံခန့်ခွဲမှုစနစ် (GATM/FANS) နဲ့ လိုက်ဖက်တဲ့ လေယာဉ်မောင်းစနစ်
-လေယာဉ်တွေ လေထဲပျံနေစဉ် တစင်းနဲ့တစင်း ပုံမှန်ဒေါင်လိုက်အမြင့်ကို လျှော့ချနိုင်တဲ့စနစ်
- လေကြောင်းသတိပေးချက်နဲ့ လေယာဉ်ချင်းမတိုက်မိအောင် ရှောင်နိုင်တဲ့စနစ်-၂
-လေတိုက်နှုန်းခန့်မှန်းစနစ်
-Head-up Display (HUD) စနစ်လို့ခေါ်တဲ့ လေယာဉ်မှူးမျက်လုံးတည့်တည့်မြင်ကွင်းထဲမှာ ဒိုး
ယိုးပေါက်မြင်နေရတဲ့ ဒိုင်ခွက်စနစ်စတဲ့ ခေတ်မီ စနစ်တွေ တပ်ဆင်ထားတာ ဖြစ်ပါတယ်။
လေယာဉ်ထဲမှာလဲ လေယာဉ်အမှုထမ်းတွေ နားနေခန်း၊ အိပ်စင်တွေ တပ်ဆင်ထားတဲ့ ဂုဏ်သရေရှိ
ဧည့်သည်တော်တွေအတွက် အခန်း၊ စားဖိုခန်း နှစ်ခု၊ ရုံးခန်းစားပွဲတွေပါတဲ့ business class
ထိုင်ခုံတွေ တပ်ဆင်ထားပါတယ်။
စစ်မြေပြင်မဟုတ်တဲ့ နိုင်ငံမျိုးကို သွားတဲ့အခါမှာသာ C-40B ဂျက်လေယာဉ်ကို အမေရိကန်နိုင်
ငံခြားရေးဝန်ကြီး ဟီလာရီ ကလင်တန်က သုံးပေမဲ့ ကဒတ်ဖီကို ဖမ်းမိဖို့ ကြိုးစားနေတဲ့ကာလ
မြေပြင်ပစ်ခတ်မှုတွေ စိုးရိမ်ရတဲ့ လစ်ဗျားကို သွားတုံးကတော့ လုံခြုံရေးစနစ် ပိုကောင်းမွန်တဲ့
စစ်သုံး C-17 ဂလုပ်မာစတာ-၃ အမျိုးအစား ဧရာမ ဘိုးရင်းလေယာဉ်ကြီးနဲ့ သွားခဲ့ပါတယ်။

C-17 အထူးဂျက်လေယာဉ်ကြီး © Awie Badenhorst / Alamy
C-17 ဂလုပ်မာစတာ-၃ အမျိုးအစား ဘိုးရင်းလေယာဉ်ကတော့ ဧရာမဘိုးရင်းဂျက်လေယာဉ်ကြီးဖြစ်ပြီး
စစ်သားတွေ အစားအစာတွေ ထောက်ပို့ပစ္စည်းတွေကို ကမ္ဘာအနှံ့ သယ်ပို့ပေးနိုင်ပါတယ်။
C-17 လေယာဉ်တွင်း မြင်ကွင်း-၁
အထုးသဖြင့် စစ်တလင်းဖြစ်နေတဲ့ လစ်ဗျားလိုနိုင်ငံမျိုးက ပစ်နိုင်တဲ့ မြေပြင်ကနေ ဝေဟင်ပစ်
ဒုံးကျည်တွေ အသေးစားလက်နက်တွေရဲ့ ရန်ကို ကာကွယ်ဖို့အတွက် C-17 ဂျက်လေယာဉ်ဟာ
ကိုယ်ထည်ကြီးမားပေမဲ့ လေထဲကို မတ်စောက်တဲ့ ဒီဂရီအနေအထားမျိုးနဲ့ အတက်အဆင်း
လုပ်နိုင်စွမ်းရှိပါတယ်။
C-17 ဂျက်လေယာဉ် အတက်အဆင်းလုပ်နေချိန်မှာ လေယာဉ်မောင်းတဲ့တာဝန်မရှိတဲ့ လေယာဉ်
အမှုထမ်းတွေက လေယာဉ်ကို ပခုံးထမ်းဒုံးကျည်နဲ့ပစ်သလားဆိုတာ လေယာဉ် ပြတင်းပေါက်
ကနေ ကြည့်နေရပါတယ်။ ပခုံးထမ်း ဒုံးကျည်နဲ့ ပစ်တာမြင်ပီဆိုတာနဲ့ လေယာဉ်မှူးတွေကနေ
အပူဓါတ်ပါတဲ့ မီးကျည်သေနတ်ကို တည်ကြက်အနေနဲ့ ပစ်လွှတ်ပီး ကာကွယ်ရပါတယ်။
ဂျက်လေယာဉ် အင်ဂျင်ကထွက်တဲ့ မီးခိုးအပူဓါတ်ကို နောက်ယောင်ခံတက်လာတဲ့ မြေပြင်က
ပစ်တဲ့ ပခုံးထမ်း ဒုံးကျည်ဟာ လေယာဉ်မှူးတွေ ပစ်ချလိုက်တဲ့ အပူဓါတ် မီးကျည်နောက်ကို
ပစ်မှတ်ပြောင်း လိုက်သွားလေ့ရှိတဲ့အတွက် အမေရိကန် နိုင်ငံခြားရေးဝန်ကြီး စီးတဲ့ လေယာဉ်
ဒုံးကျည်ရန်က လွှတ်ကင်းသွားမှာဖြစ်ပါတယ်။

C-17 လေယာဉ်တွင်း မြင်ကွင်း-၂

C-17 လေယာဉ်တွင်း မြင်ကွင်း-၃
========================================================
ဟီလာရီကလင်တန်ထက် လုံခြုံရေး အဆင့်ဆင့် ထူပြောလှတဲ့ အမေရိကန် သမ္မတ အိုဘားမားရဲ့ ၂၀၁၁ မေလ အင်္ဂလန်ခရီးစဉ်အကြောင်းက်ုလဲ ပြန်ပြောင်း ဖောက်သည်ချပါရစေ
==========================================================
အုိုဘားမားရဲ့ ၂၀၁၁ မေလ လန်ဒန် ဘုရင်မနန်းတော်ခရီး လုံခြုံရေး

စိုင်းနေမင်း
ပြီးခဲ့တဲ့ မေလထဲကလဲ အုိုဘားမား ဇနီးမောင်နှံနဲ့အဖွဲ့ အင်္ဂလန်ကုို လာလည်တော့လဲ လုံခြုံရေးစနစ် များလွန်းလုို့ အင်္ဂလိပ်တွေတောင် ရင်သပ်ရှုမော ဖြစ်ကုန်ပါတယ်။
လူ ၅၀၀ ကျော်လောက်ပါတဲ့ အုိုဘားမားအဖွဲ့ထဲမှာ အိမ်ဖြူတော် အရာရှိတွေ၊ သမ္မတကုို အရေးပေါ်ကုသဖို့ ဆရာဝန် ၆ ဦးပါ ဆေးအဖွဲ့၊ သမ္မတအတွက် စားဖုိုမှူးတွေ၊ လက်နက်ကုိုင်ဆောင်ထားတဲ့ ၂၀၀ ကျော်ရှိတဲ့ သမ္မတ ကုိုယ်ရံတော် စုံထောက်တွေ ပါဝင်ပါတယ်။
အင်္ဂလန်မှာ ခရီးလှည့်နေစဉ် အမေရိကန်ကနေ လေယာဉ်နဲ့သယ်လာတဲ့ စီးတော်ယာဉ် The Beast ကုို အုိုဘားမား စီးနင်းပါတယ်။ အုိုဘားမားကားကုို တခြားမော်တော်ယာဉ် အစီး ၂၀ ကခြံရံပီး ဒီကားတန်းကုိုမှ ရှေ့ပြေးမော်တော်ယာဉ်တွေက ဦးဆောင်ပါတယ်။
အုိုးဘားမားရဲ့ အခြံအရံတွေထဲမှာ ညူကလီယာ ဒုံးပျံတွေ ပစ်လွှတ်ဖုို့ လျို့ဝှက် ကုတ်နံပါတ်တွေပါတဲ့ လက်ဆွဲအိတ်ကုိုင် အရာရှိတဦးအပြင် အမေရိကန်နုိုင်ငံခြားရေးဝန်ကြီးဌာန လက်အောက်ခံ ဌာနကြီး ၆ ခုရဲ့ ကုိုယ်စားလှယ်တွေလဲ ပါဝင်ပါတယ်။ အုိုဘားမား စီးတဲ့ Air Force One လေယာဉ်ကြီးဟာ အားကစားရုံတွေ ခွဲစိတ်ခန်းတွေပါဝင်တဲ့ ဧရာမ မုိုးပျံဟော်တယ်ကြီးအသွင် ဆောင်နေပါတယ်။ ဒါ့ပြင် ညူကလီယာပေါက်ကွဲမြှုဖစ်ခဲ့ရင် ကာကွယ်ဖို့အတွက် ဓါတ်ရောင်ခြည် ကာကွယ်တဲ့စနစ်လဲ တပ်ဆင်ထားပါတယ်။
တည်ကြက် လေယာဉ်တစီးခြံရံထားပီး ဇိမ်ခံဟော်တယ်ကြီးအသွင် အုိုဘားမားစီးတော်မူတဲ့ Air Force One လေယာဉ်ကြီးဟာ တနာရီပျံသန်းတုိုိင်း ကုန်ကျစရိတ်က အမေရိကန်ဒေါ်လာ ၂သိန်းနီးပါးရှိပါသတဲ့။ အိုဘားမားစီးမဲ့ မရင်းဝမ်း ရဟတ်ယာဉ်ကလဲ ဒုံးကျည်ရန်ကို ရှောင်လွဲနိုင်တဲ့ မီးကျည်တွေ တပ်ဆင်ထားပါတယ်။

ဒုံးကျည်ကို တည်ကြက်လုပ် လမ်းလွဲခေါ်နိုင်တဲ့ မီးကျည်စနစ်
အိုဘားမားစီးမဲ့ မရင်းဝမ်း ရဟတ်ယာဉ်နဲ့ တည်ကြက်ယာဉ်တွေအပါအ၀င် ယာဉ်မျိုးစုံ ၄၅ စီးကို အိုဘားမားသွားမဲ့
ခရီးစဉ်မတိုင်ခင် C-17 ဂျက်လေယာဉ်ကြိးနဲ့ ကြိုတင် ပို့ထားရပါတယ်။ အရင်ကဆိုရင် သတင်းစာသမားတွေ
တီဗီံသမားတွေအတွက် ဘတ်စကား ၂ စီး၊ ရေဒါဖျက်တဲ့ယာဉ်တစီးနဲ့ SWAT ကွန်မင်ဒိုတွေအတွက် ကားတစီး
ပါလေ့ရှိပါတယ်။ သမ္မတ အိုဘားမားရဲ့ လန်ဒန်ခရီးစဉ်အတွင်း သမ္မတမိန့်ခွန်းရေးပေးသူ ၄ ဦး ပါလာပါတယ်။
အုိုင်ယာလန်ကအပြန် လန်ဒန် ဘာကင်ကမ် ဘုရင်မနန်းတော်ကုို အုိုဘားဘား ညအိပ်လာရောက်
လည်ပတ်ခဲ့ပါတယ်။ ဘာကင်ကမ် နန်းတော်ဆုိုတာ အင်္ဂလန် ပြည့်ရှင် အင်မတန် ချမ်းသာတဲ့
ဘုရင်မနန်းတော်မုို့ အစစ ဘယ်လောက် ပြည့်စုံမလဲ ဧည့်ဝတ်ကျေမလဲ မှန်းကြည့်နုိုင်ပါတယ်။
အုိုဘားမား ဇနီးမောင်နှံထားမဲ့ နန်းတော်အခန်းဆိုတာကလဲ နယ်လဆင်မန်ဒဲလားတုို့ အမေရိကန်
သမတ ကနေဒီတုို့ လာတုံးက တည်းခုိုခဲ့တဲ့ သမုိုင်းဝင် အခန်းဖြစ်ပါတယ်။
ဘယ်လောက်ဘဲ ဘုရင်မနန်းတော်အရာရှိတွေဘက်က ပြည့်စုံအောင် လုပ်ထားပါစေ…အမေရိကန်
သမ္မတရဲ့ လုံခြုံရေးအရာရှိတွေအတွက်တော့ မပြည့်စုံဘူးလုို့ ယူဆပါတယ်။ ဒီမှာတင် အမေရိကန်
ကနေ သမ္မတကုိုယ်ရံတော် လုံခြုံရေးစုံထောက်တွေ ယူလာတဲ့ ဗုံးဒဏ် ကာကွယ်နုိုင်တဲ့ မှန်နှစ်ထပ်
ပုံစံ အလွှာတခုကုို အုိုဘားမားအိပ်မဲ့ အခန်းပြတင်းပေါက်တွေမှာ အပြင်က ထပ်တပ်ခွင့်ပေးရမယ်လုို့
တောင်းဆုိုလာလုို့ နန်းတော်အရာရှိ အံ့အားတသင့် ဖြစ်ကုန်ပါသတဲ့။
ဒီကြားထဲ သမ္မတအုိုဘားမားရဲ့ ကိုယ်ရံတော် ထောက်လှမ်းရေးတပ်ဖွဲ့က နန်းတော်မြေအောက်ခန်းမှာ
စစ်တပ်ပုံစံ အိပ်စင်တွေနဲ့နေရာယူ…ကုိုယ်ပုိုင် ဆက်သွယ်ရေး စက်ကိရိယာတွေတပ်ထားပါတယ်။
အုိုဘားမား လုံခြုံရေးစုံထောက်တွေ သေနတ်တွေ တကားကားနဲ့ အင်္ဂလန်ဘုရင်မ နန်းတော်ထဲမှာ
သူတုို့ကုိုယ်ပုိုင်နန်းတော်အလား ပြေးလွှားနေလုိုက်ကြတာ ၂၄ ဆုိုတဲ့ တီဗွီဇာတ်လမ်းကြည့်နေရသ
လားထင်ရတယ်လုို့ မျက်မြင်သက်သေတွေက ပြောပါတယ်။ အုိုဘားမား ကုိုယ်ရံတော်တွေဟာ
သမ္မတကုို အရေးပေါ် သွေးသွင်းနုိုင်ဖို့ ပစ္စည်းတွေအပါအ၀င် ဆေးခန်းအသေးစားလေးတခုကုို
ဆေးရုံးသုံးစက်ကရိယာတွေနဲ့ နန်းတော်ထဲမှာ တပ်ဆင်ထားပါတယ်။
နောက်ဆုံး အုိုဘားမားကုို အင်္ဂလန်ဘုရင်မအတွက် သီးသန့်ထုတ်လုပ်ထားတဲ့ သောက်ရေသန့်
ကုိုတောင် တုိုက်ခွင့်မပေးနုိုင်၊ သူတုို့အမေရိကန်က သယ်လာတဲ့ သမ္မတအုိုဘားမား သောက်နေ
ကျ သောက်ရေသန့်ကုိုသာ တုိုက်မယ်လုို့ အုိုဘားမား ကုိုယ်ရံတော်ထောက်လှမ်းရေးအရာ
ရှိတွေပြောတော့ နန်းတွင်းအရာရှိတွေ အံ့သြသွားပါတယ်။
ဘာကြောင့်လဲလုို့မေးတော့ “ ကျွန်တော်တုို့သမ္မတ ရေပြောင်းရေလွဲမှာ ဗုိုက်နာတာမျိုး အဖြစ်မခံနုိုင်လုို့ပါ”
လုို့ သမ္မတ ကုိုယ်ရံတော်တွေက ဖြေပါသတဲ့….။ ဘာပြောကောင်းမလဲ။ အင်္ဂလိပ်သတင်းစာတွေဆုိုတာ
ဆွေ့ဆွေ့ခုန်သွားတာဘဲ။ အုိုဘားမားတို့ ဘုန်းကြီးလိုက်ပုံများ အင်္ဂလန်ဘုရင်မတောင် အရှုံးပေးရတယ်။
အင်္ဂလန်ဘုရင်မ သောက်တဲ့ရေတောင် အိုဘားမားကို မတိုက်နိုင်ဘူး…တဲ့။
ဘာပြောပြော အုိုဘားမားအတွက် ခုလို နန်းတော်လုံခြုံရေးလုပ်နေတာတွေဟာ ၂၀၀၃ ခုနှစ်က
လာသွားတဲ့ အမေရိကန်သမတ ဂျော့ဒတ်ဗလူဘွတ်လာတုံးကထက်စာရင် အများကြီးတော်ပါသေး
တယ်လုို့ နန်းတော်သတင်းရပ်ကွက်က ပြောပါတယ်။
သမ္မတဘွတ်လာတုံးကများဆိုရင် သမ္မတလုံခြုံရေးအဖွဲ့က ဘာကင်ကမ် နန်းတော် ပြတင်းပေါက်
၇၆၀ လုံးကုို လဲပေးရမယ် တောင်းဆုိုခဲ့သလုို မစ္စတာဘွတ် စီးလာတဲ့ ရဟတ်ယာဉ်တွေကလဲ အလွန်ကြီး
မားလွန်းတဲ့အတွက် နန်းတော်က သစ်ပင်တွေ ပန်းပင်တွေ လေဟပ်ပီး ပြားချပ်ကုန်လုို့ ဘုရင်
မကြီးတောင် အတော်စိတ်ဆုိုးသွားပါသတဲ့။
ထူးခြားတာက အကြမ်းဘက်တုိုက်ခုိုက်မှုမျိုးစုံကနေ ကာကွယ်နိုင်စွမ်းရှိပါတယ်ဆုိုတဲ့ အုိုဘားမားစီး
လာတဲ့ The Beast စီးတော်ယာဉ် ကားကြီးဟာ အုိုင်ယာလန် ဒပ်ဗလင်မြို အမေရိကန်သံရုံးကအထွက်
တံခါးဝမှာတင် ကားဗိုက်နဲ့ တခါးအထွက် အရှိန်တားတုံးနဲ့ တုိုက်ပီး ထုိုးရပ်သွားလုို့ အင်္ဂလိပ်စာနယ်
ဇင်းတွေက အားမနာတမ်း လှောင်တာ ခံလုိုက်ရပါတယ်။

အုိုင်ယာလန် အမေရိကန်သံရုံးအထွက် တခါးဝမှာ ထုိုးရပ်သွားတဲ့ အုိုဘားမား ကားကြီး

အဆုိုးထဲက အကောင်းလုို့ပြောရရင်တော့ အင်္ဂလိပ်စာနယ်ဇင်းတွေ မသိလုိုက်တဲ့ အချက်က အုိုဘားမားစီးတဲ့ကားတန်းထဲမှာ The Beast နဲ့ ဆင်တူ တည်ကြက်ကားတွေလဲပါနေတာမုို့ ထုိုးရပ်သွားတဲ့ကားထဲမှာ အုိုဘားမားပါသလား ဘယ်ကားမှာ အုိုဘားမားပါသလဲဆုိုတာကုို အများပြည်သူတွ သံရုံးရှေ့က ကြည့်နေတဲ့ကြားက မျက်စေ့လည်သွားအောင် သမ္မတ ကုိုယ်ရံတော်အဖွဲ့က လုံခြုံရေးစနစ်ကစား သွားခဲ့ပါသတဲ့။
=========================================================
အမေရိကန်သမ္မတ လုံခြုံရေးကုို ဘယ်လောက်အလေးထားသလဲ နှိုင်းယှဉ်ကြည့်ဖုို့အတွက် ၂၀၀၉ ခုနှစ် လန်ဒန်
ဂျှီ-၂၀ ထိပ်သီး ဆွေးနွေးပွဲ အုိုဘားမား လာတုံးက ခေတ်ပြိုင် ဂျာနယ်မှာ ဖော်ပြခဲ့တဲ့ လုံခြုံရေးစနစ်ကို ပြန်လည်
ကူးယူ ဖော်ပြလိုက်ပါတယ်။ (ခေတ်ပြိုင်ဂျာနယ်မရှိတော့တဲ့အတွက် အယ်ဒီတာအဖွဲ့ကို ခွင့်ပြုချက် မတောင်းနိုင်ခဲ့တာ တောင်းပန်ပါတယ်)
========================================================
သမ္မတ အိုဘားမား ဒုံးကျည်၊ ဓါတုလက်နက်ခံနိုင်တဲ့ ယာဉ်စစီးပြီ
(ခေတ်ပြိုင်ဂျာနယ်မှ)
အမေရိကန်သမ္မတ အိုဘားမား ဂျီ-၂၀ ထိပ်သီးဆွေးနွေးပွဲတက်ရန် လန်ဒန်ရောက်နေစဉ် မည်သည့်အကြမ်းဖက်မှု မျိုးမျှ မဖြစ်ပွားစေရန်နှင့် သမ္မတကြီးအား မှဲ့တပေါက် မစွန်းစေရန် အိမ်ရှင် ဗြိတိသျှအစိုးရက တာဝန်ယူထားသည်။
အိုဘားမားနှင့်အတူ အရာရှိ (၅၀၀) ၊ အထူးထောက်လှမ်းရေး (၂၀၀) နှင့် ဆရာဝန်သူနာပြုအဖွဲ့ စသည်တို့ လိုက်ပါလာပြီး အိုဘားမားနှင့်အဖွဲ့ လန်ဒန်တွင် အသုံးပြုမည့် ယာဉ်မျိုးစုံ (၃၅) စီးကိုလည်း အမေရိကန်လေတပ် စီ-၁၇ လေယာဉ်ကြီးဖြင့် တပါတည်း သယ်လာသည်။
လုံခြုံရေး အထူးအစီအစဉ်
သမ္မတအိုဘားမားစီးနင်းသည့် Air Force One အထူးလေယာဉ် အင်္ဂလန်လေကြောင်းပိုင်နက်ဝင်လာသည်နှင့် RAF အင်္ဂလန်ဘုရင့်လေတပ် တိုက်လေယာဉ်အုပ်စုက အိုဘားမားလေယာဉ် စတင်းစတက် လေဆိပ်ဆင်းသည်ထိ ကာကွယ်စောင့်ရှောက်မည်။
အိုဘားမား၏ Air Force One သမ္မတသုံး အထူးလေယာဉ်မှာ ဘိုးရင်း (၇၄၇) အမျိုးအစားဖြစ်ပြီး လေယာဉ်ပျံသန်းနေစဉ် သမ္မတအလုပ်လုပ်နိုင်အောင် လေယာဉ်အတွင်း စီမံထားသည်။ အားကစားလေ့ကျင့်ခန်း ၀ါသနာပါသူ အိုဘားမားအတွက် လေယာဉ်ထဲတွင် အားကစားလုပ်နိုင်ရန်လည်း စီစဉ်ထားသည်။
Air Force One အထူးလေယာဉ်ကို အီလက်ထရို မက်နက်တစ်လှိုင်းကာကွယ်သည့် လုံခြုံရေးပစ္စည်းများ တပ်ထားသည့်ပြင် လေယာဉ်တွင်း ဆက်သွယ်ရေးပစ္စည်းများမှာလည်း နျူကလီးယားလက်နက်တိုက်ခိုက်မှုမှ ထွက်လာသည့် ဓာတ်ရောင်ခြည်ဖြာထွက်မှုကိုပါ ကာကွယ်နိုင်သည်ဆို၏။
လေဆိပ်မှ လန်ဒန်လုံခြုံရေး
အိုဘားမားစီးတဲ့ AirForce One လေယာဉ်
အိုဘားမား စတင်းစတက် လေဆိပ်ရောက်ပြီး မိနစ်ပိုင်းအတွင်း အိုဘားမား၏ Marine One ခေါ် သမ္မတသုံး အထူးရဟတ်ယာဉ် (VH-3D) ဖြင့် လန်ဒန်မြို့လယ်သို့ သွားရောက်ခဲ့သည်။
မရင်းဝမ်း ရဟတ်ယာဉ်သည် အပူဓာတ်ကိုရှာပြီး ပစ်ခတ်သည့် ဒုံးကျည်များကို လမ်းလွှဲပေးနိုင်သည့် ရောင်ခြည်များ ပစ်လွှတ်နိုင်သည်။ အမေရိကန်သမ္မတလိုက်ပါသည့် မရင်းဝမ်း ရဟတ်ယာဉ်ကို သူ့ချည်းတစီးတည်း မပျံစေဘဲ တိုက်ခိုက်မှုများ ဖြစ်လာပါက မျက်စိလည်စေရန် အမျိုးအစားတူ အခြားရဟတ်ယာဉ်များနှင့် ရောနှောပျံသန်းလေ့ ရှိသည်။
ပျံသန်းသည့် အခါတွင်လည်း မြေပြင်မှဝေဟင်ပစ် ဒုံးကျည်များ ပစ်ခတ်မှု ခက်ခဲစေရန် အမြင့်ပေ (၃၀၀) မှ (၅၀၀) ကြားပျံသန်းလေ့ရှိပြီး သမ္မတအိုဘားမားစီးသည့် မရင်းဝမ်းရဟတ်ယာဉ် မြေပြင်မှထွက်သည်နှင့် မရင်းဝမ်းနှင့်အတူ ပုံတူအခြားတည်ကြက် ရဟတ်ယာဉ် (၃-၄) စီးက လမ်းတလျှောက် အထက်တက်လိုက် အောက်ဆင်းလိုက်လုပ် ပျံနေခြင်းဖြင့် မည်သည့် ရဟတ်ယာဉ်မှာ သမ္မတပါလာမှန်းမသိအောင် ပရိယာယ်ဆင်ခြင်း ဖြစ်သည်။ ထိုနည်းကို Shell Game ဟု ခေါ်သည်။
စတင်းစတက်လေဆိပ်မှ လန်ဒန်မြို့လယ်ကောင်ရှိ အမေရိကန်သံအမတ်ကြီးအိမ်သို့ အိုဘားမားအား ပို့ဆောင်ပေးရန် ခရီးအတွက် ထိုမရင်းဝမ်းရဟတ်ယာဉ်ကို အမေရိကန်မှ သယ်လာခြင်းဖြစ်သည်။
အိုဘားမား၏ The Beast စီးတော်ယာဉ်
အိုဘားမားရဲ့ စီးတော်ယာဉ်ကား
အမေရိကန်မှ လန်ဒန်သို့ တကူးတက သယ်လာသည့် အိုဘားမားစီးမည့် သမ္မတသုံးကားမှာ The Beast ဟု အမည်ပေးထားသည့် ဇိမ်ခံကားဒီးလက်အမျိုးအစားကားကြီးဖြစ်ပြီး ဂျိ်န်းစဘွန်းစီးသည့် ကားကဲ့သို့ Pump action ဖြင့် ပစ်နိုင်သည့် သေနတ်များ တပ်ဆင်ထားပြီး ယာဉ်မောင်းကို အမေရိကန် စီအိုင်အေ ထောက်လှမ်းရေးအဖွဲ့က လေ့ကျင့်ပေးထားသည်။
အမေရိကန်သမ္မတစီးမည့် The Beast ကားကြီးသည် ယခုနှစ်ဆန်းကမှ ထုတ်လုပ်ပြီးစီးခဲ့သည့် ကားသစ်ကြီး ဖြစ်ပြီး အိုဘားမား ပထမဆုံး စတင်သုံးမည့် သမ္မတသုံးကားဖြစ်သည်။ ဒေါ်လာ (၃၀၀,၀၀၀) တန်သည်ဆို၏။ အဆိုပါကားကို အိုဘားမား လန်ဒန်မှာ ခေတ္တရှိနေစဉ် စီးနင်းရန် အသုံးပြုမည်ဖြစ်သည်။
အမေရိကန်သမ္မတစီးသည့် The Beast ကားဘော်ဒီကို (၅) လက်မထူသည့် တိုက်တေနီယမ်နှင့် ကြွေထည်ရော ထားသည့် သတ္တုစပ်ဖြင့် ဆောက်လုပ်ထားပြီး မှန်များကိုလည်း ကျည်ကာမှန်များ တပ်ဆင်ထားသည်။ ဓာတုလက်နက်ဖြင့် တိုက်ခိုက်ခြင်း၊ ဒုံးကျည်နှင့် တိုက်ခိုက်ခြင်းတို့ကိုပင် ကာကွယ်နိုင်သည်ဟုဆိုသည်။
ကားတာယာများကလည်း မပေါက်နိုင်သည့် တာယာများဖြစ်ပြီး ကားထဲတွင် မျက်ရည်ယိုဗုံး၊ ညကြည့်ကင်မရာ အပြင် ဓာတုလက်နက်ဖြင့်တိုက်လာလျှင် လေသန့်အမြန် ထုတ်ပေးနိုင်မည့် အောက်ဆီဂျင်ဓာတ်အိုး စသည့် ပစ္စည်းများလည်း တပ်ဆင်ထားသည်။
အမေရိကန်သမ္မတ အခြံအရံများ
အိုဘားမားရဲ့ မရင်းဝမ်း အထူးရဟတ်ယာဉ်
လန်ဒန်၌ အိုဘားမားသွားလေရာ အထူးအမေရိကန်ထောက်လှမ်းရေး (၂၀၀) က လိုက်ပါစောင့်ကြပ်နေမည်ဖြစ်ပြီး အိုဘားမားကျန်းမာရေး ရုတ်တရက် ဖောက်လာလျှင် အရေးပေါ် သွေးသွင်းရန် သမ္မတ၏ အေဘီသွေးကို အသင့်ဆောင်ထားသည့် အမေရိကန်ဆရာဝန်များ၊ ခွဲစိတ်ကုဆရာဝန်များနှင့် သူနာပြုဆရာမများပါသည့် ဆေးအဖွဲ့လည်း ပါဝင်သည်။
အိုဘားမားစီးနင်းသည့် The Beast စီးတော်ယာဉ်ကို ကာကွယ်ရန်အတွက် အင်္ဂလန်မှ Specialist Protection Group နှင့် Diplomatic Protection Group မှ လုံခြုံရေးအရာရှိများက ကျည်ကာလင့်ရိုဘာ ကားများစီးပြီး စောင့်ရှောက်မည်။ အဆိုပါ လုံခြုံရေးအရာရှိများသည် (၉) မီလီမီတာ Glock ပစ္စတိုသေနတ်များ၊ MP5 ကာဘိုင်သေနတ်များ၊ G9 ရိုင်ဖယ်များ စသည်တို့ကို ကိုင်ဆောင်ထားမည်ဖြစ်သည်။
လန်ဒန်ရဲတပ်ဖွဲ့ ဗဟိုစစ်ဆင်ရေးဌာနခွဲ CO19 မှ လက်ဖြောင့်သေနတ်သမားများက အကြမ်းဖက်မည့် အလားအလာများကို ရှာဖွေနိုင်ရန် အိုဘားမားလာမည့် လမ်းတလျှာက် အဆောက်အဦခေါင်မိုးများပေါ်မှာ နေရာယူထားမည်။ အဆိုပါဌာနခွဲမှ ရဟတ်ယာဉ်များကလည်း အိုဘားမား၏ ကားတန်းကို ကောင်းကင်မှ ထက်ကြပ်မကွာ စောင့်ကြည့်နေပြီး အမေရိကန် သမ္မတ ကားတန်းလှုပ်ရှားသွားလာနေသည့် ဓာတ်ပုံများကို လန်ဒန် စကော့တလန်ယာဒ်အဖွဲ့ကြီး ထိန်းချုပ်ရေးဌာနသို့ ပို့ပေးမည်ဖြစ်သည်။
http://freedomnewsgroup.com

ဒီမိုကရေစီပန်းတိုင် အရောက် လှမ်းရတော့မယ် ဒေါ်အောင်ဆန်းစုကြည် ပြော




2011-12-02
မိမိတိုိ့နဲ့တကွ မြန်မာနိုင်ငံ အစိုးရ၊ အမေရိကန် ပြည်ထောင်စုနဲ့ အပြည်ပြည် ဆိုင်ရာက မိတ်ဆွေ နိုင်ငံတွေ အတူတကွ ပူးပေါင်း လုပ်ဆောင်ကြမယ် ဆိုရင် ဒီမိုကရေစီ ပန်းတိုင် ချီတက်ရာ လမ်းကြောင်းဟာ နောက်ပြန်လှည့်လို့ မရတော့ဘဲ ရှေ့ ကို ဆက်လှမ်းရတော့မှာ ဖြစ်တယ်လို့ ဒေါ်အောင်ဆန်းစုကြည်က ပြောလိုက်ပါတယ်။


RFA
အမေရိကန် ပြည်ထောင်စု နိုင်ငံခြားရေး ဝန်ကြီး ဟီလာရီ ကလင်တန်နှင့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ကို တက္ကသိုလ်ရိပ်သာလမ်းက ဒေါ်အောင်ဆန်းစုကြည်၏ နေအိမ်မှာ ၂၀၁၁ ခုနှစ် ဒီဇင်ဘာလ ၂ ရက်နေ့တွင် အတူ တွေ့ရစဉ်။

အမေရိကန် ပြည်ထောင်စု နိုင်ငံခြားရေး ဝန်ကြီး ဟီလာရီ ကလင်တန်နဲ့ တွေ့ဆုံ အပြီး သတင်းထောက်များကို ရှင်းလင်း ပြောကြားရာမှာ အခုလိုပြောတာပါ။ ဆက်လက်ပြီး ဒေါ်အောင်ဆန်းစုကြည်က “ဒါပေမယ့် ကျွန်မတို့ဟာ ဒီလမ်းကြောင်းပေါ်ကို မရောက်သေးပါဘူး။ ကျွန်မတို့ရဲ့ မိတ်ဆွေများ အကူအညီတွေ၊ စာနာ နားလည်မှုတွေနဲ့ ဒီလမ်းကြောင်းပေါ်ကို အမြန်ဆုံး ရောက်ရှိနိုင်လိမ့်မယ်လို့  မျှော်လင့်ပါတယ်” လို့လည်း ပြောဆိုပါတယ်။ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကလည်း သတင်းထောက်များကို ပြောကြားရာမှာ မြန်မာနိုင်ငံ ဒီမိုကရေစီ ပြုပြင် ပြောင်းလဲရေးတွေ လုပ်ဆောင်လာတာနဲ့ အမျှ ဒီမိုကရေစီ ပြုပြင် ပြောင်းလဲရေးတွေ အတွက် အမေရိကန် ပြည်ထောင်စုက မြန်မာနိုင်ငံနဲ့ အတူတူ လက်တွဲ လုပ်ဆောင်လိုပါကြောင်း၊ မြန်မာနုိင်ငံ ဒီမိုကရေစီအရေး အတွက် လုပ်ဖေါ်ကိုင်ဖက် တစ်ဦး ဖြစ်လိုပါကြောင်း ပြောဆိုသွားပါတယ်။ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဟာ အာရှနဲ့ အရှေ့ ဖျား ဆိုင်ရာ အမေရိကန် လက်ထောက် နိုင်ငံခြားရေး ဝန်ကြီး Kurt Cambell၊ ဒီမိုကရေစီ လူ့ အခွင့်အရေးနဲ့ အလုပ်သမား ရေးရာ လက်ထောက် နိုင်ငံခြားရေး ဝန်ကြီး Michael Posner၊ မြန်မာနိုင်ငံ ဆိုင်ရာ အထူး ကိုယ်စားလှယ် Derek Mitchell နဲ့ အမေရိကန် သံရုံး ယာယီတာဝန်ခံ သံမှူးတို့နဲ့ နံနက် ၉ နာရီမှာ ဒေါ်အောင်ဆန်းစုကြည်ရဲ့  နေအိမ်ကို ရောက်ရှိလာပြီး ဒေါ်အောင်ဆန်းစုကြည်နဲ့  ဆွေးနွေးပါတယ်။ ဒေါ်အောင်ဆန်းစုကြည်နဲ့ အတူ ဗဟို အလုပ်အမှုဆောင် အဖွဲ့ဝင် ဦးဟံသာမြင့်လည်း တက်ရောက်ပါတယ်။ အသေးစိတ်ကိုတော့ နှစ်ဘက်လုံးက ထုတ်ပြန်ခြင်း မရှိပါဘူး။ နံနက် ၁၀ နာရီ မိနစ် ၂၀ မှာတော့ နိုင်ငံခြားရေး ဝန်ကြီး ဟီလာရီ ကလင်တန်ဟာ ဒေါ်အောင်ဆန်းစုကြည် အပါအဝင် အင်န်အယ်လ်ဒီ ဗဟို အလုပ်အမှုဆောင် အဖွဲ့နဲ့ရော၊ CRPP အဖွဲ့နဲ့ရော တွေ့ဆုံပါတယ်။ အဲဒီတွေ့ဆုံပွဲမှာ ဒုတိယ ဥက္ကဋ္ဌ ဦးတင်ဦးရဲ့  ဆွေးနွေးချက်နဲ့ ပတ်သက်ပြီး ပြန်ကြားရေး တာဝန်ခံ ဦးအုံးကြိုင်က အခုလို ပြောပြပါတယ်။ “လွန်ခဲ့တဲ့ လအနည်းငယ်က သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တုိ့ ဆွေးနွေးပြီးတဲ့ နောက်ပိုင်းမှာ မြန်မာ့ နိုင်ငံရေးမှာ တိုးတက်မှု တချို့ ရရှိလာခဲ့တာ မှန်ပါတယ်။ စစ်မှန်တဲ့ ပြောင်းလဲမှုတွေ ဖြစ်နေပြီလို့ ပြောလို့ကတော့ မရသေးပါဘူး။ ပြုပြင် ပြောင်းလဲမှုတွေ အများအပြား တိုးမြှင့် လုပ်ဆောင်စရာတွေတော့ ရှိနေဆဲ ဖြစ်ပါတယ်။ နိုင်ငံ တစ်ဝန်းလုံးမှာ ရှိတဲ့ အကျဉ်းထောင် အသီးသီးမှာ နိုင်ငံရေး အကျဉ်းသားပေါင်း များစွာ ကျန်ရှိနေဆဲ ဖြစ်ပါတယ်။ နေပြည်တော်မှာ ဒီကိစ္စကို ဝန်ကြီး ကလင်တန် ဆွေးနွေးခဲ့ပြီး ဖြစ်မယ်လို့လည်း ယုံကြည်ပါတယ်။ တိုင်းရင်းသားများ မှီတင်း နေထိုင်ရာ ပြည်နယ် တချို့မှာ တောက်လောင်နေဆဲ စစ်မီးကို အမြန်ဆုံး ငြိမ်းသတ်နိုင်ရေး အတွက် ဆောင်ရွက်ပေးဖို့ လိုအပ်နေပါပြီ ဆိုတဲ့ အကြောင်းပါပဲ။ အဲဒီစစ်ကို အကြောင်းပြုပြီး ကချင်ပြည်နယ်၊ ရှမ်းပြည်နယ်၊ ကရင်ပြည်နယ်တို့မှာ လူ့အခွင့်အရေး ချိုးဖောက်မှုများ ဆက်လက် ဖြစ်ပေါ်နေတယ်လို့ ကြားနေရလို့ များစွာ စိတ်မချမ်းမြေ့ဖွယ်ရာ ဖြစ်ပါတယ်။ အပစ်အခတ် ရပ်စဲပြီး ငြိမ်းချမ်းရေး ဆွေးနွေးပွဲတွေ စတင်ဖို့ အမေရိကန် အနေနဲ့ မြန်မာ အစိုးရကို တိုက်တွန်း ပေးစေလိုပါတယ်။ လက်ရှိ မြန်မာ အစိုးရအပေါ် အမေရိကန် အစိုးရ အနေနဲ့ ချဉ်းကပ် ဆောင်ရွက်နေပုံကို နားလည် သဘောပေါက်ပြီး ထောက်ခံပါတယ် စသည်ဖြင့် ပြောပါတယ်။” CRPP အတွင်းရေးမှူး ဦးအေးသာအောင်က တိုင်းရင်းသားများ အရေးနဲ့ ပတ်သက်ပြီး ပင်လုံ စာချုပ် အခြေခံတဲ့ ဖယ်ဒရယ် ပြည်ထောင်စု ဖြစ်မြောက်ရေး လိုအပ်ကြောင်း ဆွေးနွေးကြပြီး ဦးပူကျင့်ထန်းနဲ့  ဦးနိုင်ငွေသိန်း တို့ကလည်း အလားတူ ဆွေးနွေးကြတယ်လို့ သိရပါတယ်။ ဟီလာရီ ကလင်တန်ဟာ ဆွေးနွေးပွဲ အပြီး ဒေါ်အောင်ဆန်းစုကြည်နဲ့ အတူ နေအိမ် ခြံဝင်းရှေ့ မှာ သတင်းမီဒီယာက ပုဂ္ဂိုလ် ၁၅၀ ခန့်ကို ရှင်းလင်း ပြောကြားပါတယ်။ သတင်းထောက် တစ်ဦးရဲ့အမေးကို ဖြေကြားရာမှာတော့ လုံလောက်တဲ့ တိုးတက်မှု ရှိရင် ပိတ်ဆို့ အရေးယူမှုတွေကို ရုပ်သိမ်းဖို့ စဉ်းစားမယ် ဖြစ်ကြောင်း ဟီလာရီ ကလင်တန်က ဖြေကြားခဲ့ပါတယ်။
http://www.rfa.org/burmese/news/assk-clinton-day-2-12022011104152.html

ဒေါ်အောင်ဆန်းစုကြည်၊ အင်န်အယ်လ်ဒီနဲ့ လူမှုအဖွဲ့စည်းတွေ ကလင်တန် တွေ့မည်
2011-12-01

အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဟာ ဒီကနေ့ မနက် ၇ နာရီခွဲမှာ ဒေါ်အောင်ဆန်းစုကြည်နဲ့ တွေ့ဆုံပြီး အမျိုးသား ဒီမိုကရေစီ အဖွဲ့ချုပ် ဗဟို အလုပ်အမှုဆောင် အဖွဲ့နဲ့ ဆက်လက် တွေ့ဆုံမှာ ဖြစ်ကြောင်း အင်န်အယ်လ်ဒီ ပြောရေးဆိုခွင့်ရှိသူ ဦးအုန်းကြိုင်က ပြောပါတယ်။

အဲဒီနောက် အမေရိကန် နိုင်ငံခြားရေး ၀န်ကြီးဟာ ၁၁ နာရီ ၄၅ မိနစ်မှာ လူမှုအခြေပြု အရပ်ဘက်အဖွဲ့အစည်းက ပုဂ္ဂိုလ်တွေနဲ့ တွေ့ဆုံမှာ ဖြစ်ပြီး အဲဒီအထဲမှာ ဟာသ အနုပညာရှင် ဇာဂနာ ခေါ် ကိုသူရ၊ ကိုမျိုးရန်နောင်သိမ်း၊ မဖြူဖြူသင်းနဲ့ စာရေးဆရာ မောင်ဝံသတို့လည်း ပါဝင်ကြပါမယ်။
http://www.rfa.org/burmese/news/clinton-assk-nld-12012011214717.html



သမိုင်းဝင်မယ့် အပြုံးများ

အောင်သက်ဝိုင်းon December 2, 2011 7:29 pm
မနက် ၆ နာရီ အချိန်ဖြစ်လို့ ပတ်ဝန်းကျင်တခုလုံး အလင်းရောင် အနည်းငယ်သာ ရှိသေးချိန်၊ ရန်ကုန် ဗဟန်းမြို့နယ်
တက္ကသိုလ်ရိပ်သာ လမ်းတလျှောက်မှာတော့ အပြာရင့်ရောင် ယူနီဖောင်းဝတ် လက်နက်ကိုင် ရဲတွေကို အများအပြား တွေ့နေရတယ်။ ၁၅ ပေအကွာတိုင်းမှာ ရဲသား ၂ ဦးကျ ချထားပြီး နေရာတိုင်းမှာ ရဲတွေကို အသင့်အနေအထား တွေ့မြင်နေရပါတယ်။
ခြံအမှတ် ၅၄/ ၅၆ ရှေ့မှာတော့ ဓာတ်ပုံ ကင်မရာတွေ၊ ဗီဒီယိုကင်မရာတွေ ကိုင်ဆောင်ထားတဲ့ သတင်းသမားတွေ
အစုအဝေးလိုက် တရုံးရုံးဖြစ်နေကြပါပြီ။


ဒေါ်အောင်ဆန်းစုကြည် ခြံဝန်းအတွင်း မစ္စ ဟီလာရီ ကလင်တန်နှင့် အတူ (ဓာတ်ပုံ - Reuters)

လူစုလူဝေးထဲမှာ နိုင်ငံခြားသားတွေ ပါသလို၊ မြန်မာ့ရိုးရာ တိုက်ပုံနဲ့ ပုဆိုးဝတ်ဆင်ထားတဲ့ မြန်မာနိုင်ငံသား သတင်းထောက် တွေ၊ အမျိုးသမီး သတင်းထောက်တွေလည်း အများအပြား ရောက်ရှိနေကြတယ်။
“အားလုံးပဲဗျာ၊ ခဏလေးပါ။ ၇ နာရီခွဲမှ ၀င်ခွင့်ပေးမယ်။ အခုဝင်ခွင့် မပေးသေးဘူးဗျာ။ နားလည်ပေးကြပါ” လို့
အမျိုးသား ဒီမိုကရေစီအဖွဲ့ချုပ် (NLD) ရဲ့ ပြန်ကြားရေး တာဝန်ခံတဦးက မေတ္တာရပ်ခံ ပြောဆိုနေပါတယ်။
ဒေါ်အောင်ဆန်းစုကြည်ဆီ ကုလသမဂ္ဂနဲ့ နိုင်ငံတကာ အစိုးရအရာရှိတွေ၊ အထူးကိုယ်စားလှယ်တွေ လာတိုင်း ခြံဝန်းထဲ သတင်းယူခွင့် ပေးနေကြဖြစ်ပေမယ့် ဒီနေ့ လာရောက် တွေ့ဆုံမယ့်သူက အမေရိကန် နိုင်ငံခြားရေးဝန်ကြီး ဟီလာရီ ကလင်တန် ဖြစ်နေတာကြောင့် နိုင်ငံတကာ သတင်းထောက်တွေ၊ ပြည်တွင်းပြည်ပ သတင်းထောက်တွေ အပါအ၀င်
နိုင်ငံတကာ အသိုင်းအ၀န်းက အထူးစိတ်ဝင်တစား စောင့်ကြည့်နေကြတာပါ။
နှစ်ပေါင်း ၅၆ နှစ်အတွင်းမှာ ပထမဆုံးအကြိမ် လာရောက်တဲ့ အမေရိကန် နိုင်ငံခြားရေးဝန်ကြီးရဲ့ ခရီးစဉ်ဟာ
သမိုင်းဝင် ခရီးစဉ်တခု ဖြစ်တဲ့အတွက် လုံခြုံရေးအရလည်း တင်းကျပ်မှုများစွာ ပြုလုပ်ထားခြင်း ဖြစ်ပါတယ်။
အမေရိကန် လုံခြုံရေးတပ်သားတွေကလည်း သူတို့ နိုင်ငံခြားရေး ဝန်ကြီးရဲ့ လုံခြုံရေးအတွက် အရမ်းကို ဂရုစိုက်နေကြသလို မြန်မာအစိုးရ ဘက်ကလည်း အစိုးရ မနက် ၇ နာရီခွဲမှာတော့ ဒေါ်အောင်ဆန်းစုကြည်နေအိမ်ခြံဝင်းအတွင်းကို
သတင်းထောက်တွေအားလုံး ၀င်ခွင့်ပြုခဲ့ပါတယ်။
ကြိုတင် စာရင်းမပေးမိတဲ့အတွက် ဒေါ်အောင်ဆန်းစုကြည်ရဲ့ နေအိမ်ခြံဝန်းအတွင်း ၀င်ရောက်သတင်းယူခွင့် မရတဲ့ နိုင်ငံခြားသား သတင်းထောက်တွေ၊ မြန်မာနိုင်ငံသား သတင်းထောက် ၃၀ နီးပါးလောက်လည်း ခြံရှေ့ရောက်နေပြီး သူတို့တတွေ သတင်းယူခွင့် ရမလားဆိုတဲ့ မျက်ဝန်းတွေနဲ့ ခြံဝန်းတံခါးကို လှမ်းမျှော်ကြည့်နေကြတယ်။
“အားလုံးပဲဗျာ၊ အိတ်တွေ၊ ကင်မရာတွေ၊ အားလုံးကို ကွန်ကရစ်လမ်းပေါ်မှာ စုပုံချထားပေးပါ၊ အိတ်တွေလည်း ဖွင့်ထားပေးပါ” လို့ အမေရိကန် သံရုံးလုံခြုံရေးဌာနက မြန်မာ ၀န်ထမ်းတဦးက အော်ဟစ်ပြောဆိုနေတယ်။
ဟီလာရီ ကလင်တန် နေပြည်တော်လေဆိပ်ကို မဆိုက်ရောက်ခင်မှာ သတင်းသမားတွေရဲ့ အိတ်တွေ၊ ကင်မရာတွေ စုပုံ ချခိုင်းထားပြီး ခွေးနဲ့ အနံ့ခံ မိုင်းရှာခိုင်းခဲ့ သလိုမျိုး ဒေါ်အောင်ဆန်းစုကြည် ခြံဝန်းထဲ သတင်းလာယူတဲ့ သတင်းသမားတွေရဲ့ အိတ်တွေ၊ ကင်မရာတွေကိုလည်း ခွေးနဲ့ အနံ့ခံ မိုင်းရှာခိုင်းပါတယ်။
ဒါပေမယ့် ဒီတကြိမ်မှာတော့ ခွေးနဲ့ မိုင်းရှာနေတဲ့ပုံကို မိုဘိုင်းလ်ဖုန်း ကင်မရာနဲ့ လုံးဝ ဓာတ်ပုံရိုက်ခွင့် မပေးတော့ပါဘူး။
အဲဒီနောက် သတင်းထောက်တွေ အားလုံးကို ဒေါ်အောင်ဆန်းစုကြည် နေထိုင်ရာ အိမ်ရဲ့ဘေးမှာ ထိုင်ခုံတွေနဲ့  နေရာချထား ပေးပါတယ်။


ဒေါ်အောင်ဆန်းစုကြည်နှင့် မစ္စ ကလင်တန်တို့ကို ဤသို့ ရင်းရင်းနှီးနှီး တွေ့ရသည်။ (ဓာတ်ပုံ Getty Images)

ပူပြင်းလှတဲ့ နေရောင်အောက်မှာ သတင်းထောက်တွေအားလုံး နေရာကိုယ်စီယူလို့ အပူဒဏ်ကို ဂရုမစိုက်အား ကြပါဘူး။
အထူးသဖြင့် နိုင်ငံခြားသား သတင်းထောက်တချို့က ခြစ်ခြစ်တောက် ပူနေတဲ့ နေရောင်အောက်မှာ သူတို့ ပြင်ဆင်စရာ ရှိတွေကို ပြင်ဆင်ပြီး သတင်းယူဖို့ စောင့်ဆိုင်း နေကြပါတယ်။
မနက် ၉ နာရီ ၁၀ မိနစ်လောက်မှာတော့ သတင်းထောက်တွေ အားလုံး လှုပ်လှုပ်ရှားရှား ဖြစ်သွားပါတယ်။ သံ ၁/ ၁ တံဆိပ်ကပ်ထားတဲ့ အနက်ရောင် ကားကြီးထဲက မိုးပြာရောင်အင်္ကျီ၊ အနက်ရောင် စတိုင်ဘောင်းဘီကို စမတ်ကျကျ ၀တ်ဆင်ထားတဲ့ အမျိုးသမီးကြီး တဦးထွက်လာတယ်၊ သူ့ကို ဒေါ်အောင်ဆန်းစုကြည်က ခရီးဦးကြိုပြုရင်း အပြုံးနဲ့ နှုတ်ဆက်ပါတယ်။ အဲဒီ အမျိုးသမီးကတော့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်ပါပဲ။
ဒေါ်အောင်ဆန်းစုကြည်နဲ့ ဟီလာရီ ကလင်တန်တို့ စတင်တွေ့ဆုံ ကြတဲ့အချိန်မှာ သူတို့နှစ်ဦးစလုံးရဲ့ အသွင်အပြင်က နှစ်ပေါင်းများစွာ ကွဲကွာသွားခဲ့ရတဲ့ ညီအစ်မ အရင်းတွေလို တဦးကို တဦး ကြင်ကြင်နာနာ ဖေးဖေးမမနဲ့ လက်ဆွဲ နှုတ်ဆက် ကြတယ်။ နှစ်ဦးစလုံးရဲ့ မျက်နှာပြင်ပေါ်မှာ ၀မ်းသာပီတိဖြစ်တဲ့ အပြုံးရိပ် တွေက အထင်သား ပေါ်လွင်နေတယ်။
နှစ်ဦးစလုံးရဲ့ မျက်ဝန်းတွေက ပီတီမျက်ရည်တွေနဲ့ လင်းလက်နေတာကို တွေ့မြင်ရပါတယ်။
ဟီလာရီ ကလင်တန်နဲ့အတူ မစ္စတာ ကာ့ကမ်း ဘဲလ်၊ မစ္စတာ ဒဲရစ် မစ်ချဲလ်၊ မစ္စတာ ပို့စနာ အစရှိတဲ့ အမေရိကန် နိုင်ငံခြားရေးဝန်ကြီးဌာန အဆင့်မြင့် အရာရှိကြီးတွေ အားလုံး စုံစုံညီညီ လိုက်ပါလာကြတယ်။ ဟီလာရီ ကလင်တန်နဲ့ ဒေါ်အောင်ဆန်းစုကြည်တို့ နေအိမ်ထဲကို ၀င်ရောက်ပြီး တွေ့ဆုံဆွေးနွေး စကားပြောတာတွေ စတင်နေပါပြီ။ ဒေါ်အောင်ဆန်းစုကြည် ခြံဝန်းထဲမှာ ရောက်ရှိနေတဲ့ သတင်းထောက်တွေကတော့ ချွေးတပြိုက်ပြိုက် ကျလို့ ရေသန့် ဘူးလေးတွေ ကိုင်ထားကြတယ်။
“ဟီလာရီ ကလင်တန်လို ကမ္ဘာ့ နာမည်ကျော် ခေါင်းဆောင်တဦး လာရောက်တာ အရမ်းကို ၀မ်းသာတယ်။ မြန်မာ့ ဒီမိုကရေစီ အရေးအတွက် အရမ်းအားတက်ပါတယ်” လို့ မြန်မာသတင်းထောက်တဦးက ဂျပန်နိုင်ငံသား သတင်းထောက်တဦးရဲ့
မေးမြန်းချက်ကို အင်္ဂလိပ်လို ဖြေကြားတာ ကြားလိုက်ရပါတယ်။
မြန်မာနိုင်ငံသား သတင်းထောက်တွေရဲ့ မျက်နှာတွေက ချွေးတွေအလိမ်းလိမ်း ဖြစ်နေပေမယ့် အပျော်ရိပ်တွေ အထင်းသား တွေ့မြင်နေရတယ်။ သူတို့အားလုံး တက်ကြွနေကြတယ်။
မနက် ၁၀ နာရီကျော်လာပြီဖြစ်လို့ နေရောင်က ပိုပူပြင်းလာတယ်။ အပူဒဏ်မခံနိုင်တော့တဲ့ သတင်းထောက်တွေက နီးစပ်ရာ အရိပ်ကိုခိုရင်း၊ အချင်းချင်းစကားပြောရင်း ဒေါ်အောင်ဆန်းစုကြည်နဲ့ ဟီလာရီ ကလင်တန်တို့နှစ်ဦး ထွက်လာတော့ လေမလား ဆိုတဲ့ အတွေးနဲ့ စောင့်ဆိုင်း နေကြပါတယ်။
မနက် ၁၁ နာရီထိုးခါနီးခန့်မှာ ဟီလာရီ ကလင်တန်နဲ့ ဒေါ်အောင်ဆန်းစုကြည်တို့ နှစ်ဦး လမ်းလျှောက်ရင်း စကား တပြောပြောနဲ့ ခြံဝန်းထဲကို ဆင်းလာကြတယ်။
သတင်းထောက်တွေ အားလုံးက သူတို့နှစ်ဦးစလုံး လမ်းလျှောက် လာနေတာကို အမိအရ ဓာတ်ပုံ၊ ဗီဒီယိုတွေ ရိုက်ကူး ကြပါတယ်။
ဒေါ်အောင်ဆန်းစုကြည်က အစိမ်းရင့်ရောင် ရင်ဖုံးအင်္ကျီ၊ အစိမ်းနုရောင် ချိတ်ထမီ ၀တ်ဆင်ထားပြီး ခွပ်ဒေါင်းပုံစံ ရင်ထိုးလေးကို တပ်ဆင်ထားတယ်။ စမတ်ကျကျ ၀တ်ဆင်ထားတဲ့ ဟီလာရီကလင်တန်ရဲ့ လည်တိုင်မှာ ဆွဲထားတဲ့ ငွေရောင် ဆွဲကြိုးကလည်း နေရောင်အောက်မှ တောက်ပနေတယ်။ သူတို့နှစ်ဦးစလုံး အတူယှဉ်တွဲ ရပ်နေပုံက လှပပြီး ကျက်သရေ ရှိလှပါတယ်။
အဲဒီနောက် ဒေါ်အောင်ဆန်းစုကြည်က သတင်းထောက်တွေကို စတင် စကားပြောတယ်။
ဒီအချိန်က နှစ်နိုင်ငံလုံးအတွက် သမိုင်းဝင် အချိန်အခါဖြစ်တယ် ဆိုတဲ့အကြောင်းနဲ့ နှစ်နိုင်ငံ ချစ်ကြည်ရင်းနှီးမှု၊ နားလည်မှုကို ရတယ်ဆိုတဲ့အကြောင်း ဒေါ်အောင်ဆန်းစုကြည်က ပြောပါတယ်။ နောက်တော့ မြန်မာပြည်အတွက် ဖွံ့ဖြိုးတိုးတက်မှု နည်းပညာ အကူအညီတွေ လိုအယ်တယ် ဆိုတဲ့အကြောင်းနဲ့ ပြည်တွင်းစစ်ရပ်စဲရေးတွေ၊ ဥပဒေစိုးမိုးရေးတွေ အတွက် အမေရိကန်က အမြဲ ပံ့ပိုးပေးသွားမယ် ဆိုတာ ယုံကြည်တယ်လို့လည်း သူက ပြောပါတယ်။
“အစိုးရ၊ အတိုက်အခံတွေ၊ တိုင်းရင်းသားတွေ၊ နိုင်ငံတကာ အသိုင်းအ၀န်းနဲ့ ကျမတို့အားလုံး အတူတူ လက်တွဲ လုပ်ကြမယ်ဆိုရင် ကျမတို့ နိုင်ငံရဲ့ ဒီမိုကရေစီလမ်းကြောင်းက နောက်ကြောင်း ပြန်လှည့်စရာ မရှိပါဘူး။ အခု ဒီမိုကရေစီ လမ်းကြောင်းကို ကျမတို့ မရောက်သေး ပေမယ့်လည်း ကျမတို့ မိတ်ဆွေကောင်းတွေရဲ့အကူအညီနဲ့ အဲဒီလမ်းကို အမြန်ဆုံး ရောက်နိုင်တော့မယ်လို့ မျှော်လင့်ပါတယ်။ တရုတ်နိုင်ငံက မြန်မာအစိုးရနဲ့ အမေရိကန်အစိုးရ ထိတွေ့ဆက်ဆံမှုကို ကြိုဆိုတယ်လို့ ထုတ်ပြန်တဲ့အတွက် ဒီထိတွေ့ဆက်ဆံမှု မူဝါဒဟယ တကမ္ဘာလုံးရဲ့ ထောက်ခံမှု ရှိနေတာကို ပြသနေတာနဲ့ အတူတူပါပဲ” အစရှိတဲ့ အချက်အလက်တွေကို ဒေါ်အောင်ဆန်းစုကြည်က ပြောဆိုပါတယ်။

မစ္စ ကလင်တန်၊.ဒေါ်အောင်ဆန်းစုကြည်နှင့် NLD အမျိုးသမီး အဖွဲ့ဝင် တချို့ကို ပြုံးပျော်စွာ တွေ့ရစဉ်(ဓာတ်ပုံ - Reuters)

ဟီလာရီ ကလင်တန်ကလည်း ဒေါ်အောင်ဆန်းစုကြည်ရဲ့ ဧည့်ဝတ်ကျေ ကြိုဆိုမှုကို ၀မ်းသာတယ်၊ ဒေါ်အောင်ဆန်းစုကြည်ရဲ့ ရှင်းလင်းပြတ်သားတဲ့ ခေါင်းဆောင်မှု ကိုလည်း ချီုးကျူးတယ်၊ မြန်မာနိုင်ငံနဲ့ မိတ်ဆွေရင်းခြာ နိုင်ငံ ဖြစ်ချင်တယ်လို့ ပြောပါတယ်။
“သန့်ရှင်းလွတ်လပ် တရားမျှတတဲ့၊ ယုံကြည်ရတဲ့ ရွေးကောက်ပွဲတွေ ကျင်းပမယ်ဆိုရင် အမေရိကန်နဲ့ မိတ်ဆွေ နိုင်ငံအဖြစ် အတူတူ လက်တွဲနိုင်မယ်၊ ပြုပြင်ပြောင်းလဲမှုတွေ အများကြီး လုပ်ဖို့ လိုအပ်ပါသေးတယ်” လို့ သူက ဆိုပါတယ်။
ပြီးတော့ မြန်မာနိုင်ငံ အပေါ်မှာ ကျန်းမာရေး၊ ပညာရေး ကိစ္စတွေနဲ့ တောရောမြို့ပါ အလုပ်အကိုင် အခွင့်အလမ်း ကောင်းမွန်ဖို့ ကိစ္စတွေကို ကူညီချင်တယ်လို့ ပြောတယ်။
သူတို့ ၂ ယောက် စကားပြောချိန်ဟာ ၉ မိနစ်ပဲ ကြာတာပါ။ ဒါပေမယ့် တယောက်နဲ့ တယောက် ရင်းနှီးချစ်ခင်မှုတွေတော့ မြင်တွေ့နေရပါတယ်။
မစ္စ ကလင်တန် ပြောအပြီးမှာ ဒေါ်အောင်ဆန်းစုကြည်ကလည်း သမ္မတကြီး အိုဘားမား၊ ဟီလာရီ ကလင်တန်နဲ့ အမေရိကန် အစိုးရကို ကျေးဇူးတင်တဲ့ အကြောင်း ပြန်လည် ပြောဆိုပါတယ်။
အဲဒီနောက်မှာတော့ ဟီလာရီ ကလင်တန်က ဒေါ်အောင်ဆန်းစုကြည်ကို သိုင်းဖက်လိုက်တယ်။ သူတို့နှစ်ဦး တဦးကို တဦး စိုက်ကြည့်လိုက် ကြတယ်။ သူတို့ရဲ့ နှုတ်ခမ်းတွေမှာ တင်နေတဲ့ အပြုံးတွေက အစစ်တွေဆိုတာ မြင်တဲ့သူတိုင်း သိနိုင်တဲ့ အနေအထားပါ။ သူတို့ နှစ်ဦးစလုံး အသံ ထွက်တဲ့အထိ ရယ်လိုက်ကြတာပါ။
နှစ်ဦးစလုံးရဲ့ မျက်ဝန်းတွေမှာ အရည်လဲ့ပြီး တောက်ပနေကြတယ်။ မကြာခင် ခွဲခွာရတော့မယ့် ညီအစ်မတွေလို တဦးကို
တစ်ဦး ရင်းရင်းနှီးနှီး နှုတ်ဆက်နေကြတယ်။  ဟီလာရီ ကလင်တန်က ဒေါ်အောင်ဆန်းစုကြည်ကို သူရဲ့ အစ်မရင်း တယောက်လို နှုတ်ဆက်တယ်။ ဒေါ်အောင်ဆန်းစုကြည်ရဲ့ လက်တွေက ဟီလာရီ ကလင်တန်ရဲ့ လက်တွေကို ကျစ်ကျစ် ပါအောင် ဆုပ်ကိုင်ထားတယ်။ ဟီလာရီ ကလင်တန်ကလည်း ဒေါ်အောင်ဆန်းစုကြည်ကို ပြန်သိုင်းဖက် ထားတယ်။
နိုင်ငံ့ ခေါင်းဆောင်တွေ ဖြစ်ကြတဲ့ သူတို့နှစ်ဦးစလုံးရဲ့ မျက်နှာပေါ်မှာ ဟန်ဆောင်မှုမပါတဲ့ ရိုးသား ဖြူစင်မှုတွေကို တွေ့မြင်နေရပါတယ်။
သတင်းထောက် အားလုံးက ဒီမြင်ကွင်းကို အမိအရ ဓာတ်ပုံ၊ ဗီဒီယို ရိုက်ကူးနေကြတယ်။ တချို့ သတင်းထောက် တွေက ဓာတ်ပုံရိုက်ဖို့ မေ့ပြီး ငေးကြည့် နေကြတယ်။
မကြာခင်မှာပဲ ဟီလာရီကလင်တန်ဟာ ဒေါ်အောင်ဆန်းစုကြည်ရဲ့ ခြံဝန်းထဲကနေ ပြန်လည် ထွက်ခွာသွားပါတယ်။
http://burma.irrawaddy.org/archives/3242

ဟီလာရီ နှင့် တွေ့ဆုံမှု ဒေါ်အောင်ဆန်းစုကြည် ကျေနပ်

By featured, ခင်ဦးသာ on December 2, 2011 7:01 pm


အမေရိကန်နှင့် ထိတွေ့ဆက်ဆံရမှုကို အားရကျေနပ်ကြောင်း မြန်မာ့ဒီမိုကရေစီ ခေါင်းဆောင် ဒေါ်အောင် ဆန်းစုကြည်က အမေရိကန်နိုင်ငံခြားရေး ၀န်ကြီး မစ္စ ဟီလာရီ ကလင်တန်နှင့် ယနေ့ တွေ့ဆုံစဉ် ပြောဆိုသည်။

မြန်မာနိုင်ငံနှင့် အမေရိကန်နိုင်ငံ တို့သည် လွတ်လပ်ရေးရစဉ်ကပင် ထိတွေ့ဆက်ဆံခဲ့သည့် သမိုင်းကြောင်းများ ရှိခဲ့ကြောင်း၊ နှစ်နိုင်ငံ ဆက်ဆံရေး၌ အခက်အခဲ တချို့ရှိခဲ့ကြောင်းလည်း ၎င်းက ဆိုသည်။

“ယခုအခါ အမေရိကန်ရဲ့ကောင်းမွန်တဲ့ ထိတွေ့ ဆက်ဆံမှုတွေ၊ ပြန်လည်တည်ဆောက်ရေး လုပ်ငန်းစဉ်တွေ စတင်နိုင်တဲ့ အပေါ် အားရ ကျေနပ်မိပါတယ်” ဟု ဒေါ်အောင်ဆန်းစုကြည်က ပြောသည်။

သမ္မတ ဦးသိန်းစိန်နှင့် မစ္စ ကလင်တန်တို့ နေပြည်တော်၌ တွေ့ဆုံဆွေးနွေးခဲ့မှုကိုလည်း အားရကျေနပ်ကြောင်း ၎င်းက ဆို သည်။

အမေရိကန်သည် ဒေါ်အောင်ဆန်းစုကြည်၊ မြန်မာအစိုးရသစ်၊ မြန်မာပြည်သူအားလုံးနှင့် မိတ်ဆွေဖြစ်လိုကြောင်း ဒေါ်အောင် ဆန်း စုကြည်နှင့် တွေ့စဉ် မစ္စ ကလင်တန် က ပြောဆိုသည်။

“မြန်မာနိုင်ငံနဲ့ မိတ်ဆွေ ဖြစ်ချင်ပါတယ်၊ ဒီမိုကရေစီ ပြုပြင်ပြောင်းလဲမှုတွေကို အတူတကွ ပူးပေါင်းဆောင်ရွက်သွားချင်ပါတယ်၊ မြန်မာနိုင်ငံကိုလည်း ကမ္ဘာ့အလယ်မှာ ထိုက်တန်တဲ့ နေရာတခု ရစေချင်ပါတယ်”ဟု အမေရိကန်နိုင်ငံခြားရေး ၀န်ကြီး က ဆို သည်။

ဒေါ်အောင်ဆန်းစုကြည်က“မြန်မာနိုင်ငံမှာ အဓိကလိုအပ်နေတာက တရားဥပဒေ စိုးမိုးရေးနဲ့ ပြည်တွင်းစစ် ရပ်စဲရေးကိစ္စတွေ ဖြစ် ပါတယ်၊ ဒီကိစ္စတွေကို အကောင်အထည်ဖော်ဆောင်တဲ့ နေရာမှာ အမေရိကန်ရဲ့အကူအညီ လိုအပ်ပါတယ်”ဟု ဆိုသည်။

မြန်မာနိုင်ငံအတွက် နည်းပညာ၊ ကျန်းမာရေးစောင့်ရှောက်မှု၊ စီးပွားရေး၊ လူမှုအခြေခံ အဆောက် အအုံများ ဖွံ့ဖြိုးတိုးတက်မှု အတွက် အမေရိကန်က ကူညီစေလိုကြောင်း ဒေါ်အောင်ဆန်းစုကြည်က ဆက်လက်ပြောဆိုခဲ့ရာ မြန်မာနိုင်ငံ၏ ဖြစ်ပေါ် တိုး တက်မှုများအပေါ် မူတည်၍ လုပ်ဆောင်သွားမည်ဟု မစ္စ ကလင်တန်က ပြောသည်။

“လက်ရှိမှာ ပြုပြင်ပြောင်းလဲမှု တချို့တွေ့နေရတာ မှန်ပေမယ့် လုပ်စရာတွေ အများကြီး လိုအပ်နေသေးတယ်ဆိုတာလည်း အားလုံး သိကြမှာပါ၊ နီးနီးကပ်ကပ်၊ မြန်မြန်ဆန်ဆန် ညှိနှိုင်းဆောင်ရွက်သွားမှာပါ”ဟုလည်း မစ္စ ကလင်တန်က ဆိုသည်။

မြန်မာနိုင်ငံနှင့် အမေရိကန်နိုင်ငံတို့၏ ဆက်ဆံရေးကောင်းမွန်လာခြင်းကို တရုတ်နိုင်ငံက ကြိုဆိုကြောင်း ကြေညာချက်ထုတ်ပြန် ခဲ့ခြင်းကိုလည်း ဒေါ်အောင်ဆန်းစုကြည်က ထောက်ခံပြီး ဒီမိုကရေစီ ဖြစ်ပေါ်တိုးတက်ရေးအတွက် အမေရိကန်အပြင် နိုင်ငံ တကာ၏ အကူအညီ၊ ဆက်ဆံရေးများလည်း လိုအပ်ကြောင်း ပြောဆိုသည်။

ယမန်နေ့ကလည်း မစ္စ ဟီလာရီသည် ရန်ကုန်ရှိ အမေရိကန် သံရုံး၌ ဒေါ်အောင်ဆန်းစုကြည်နှင့် သီးသန့်တွေ့ဆုံ၍ ညစာ အတူစားသည်။

ယနေ့ထုတ် အစိုးရ သတင်းစာများတွင် မြန်မာနိုင်ငံ၏ ဘဏ်လုပ်ငန်း စနစ် ကူညီပံ့ပိုးနိုင်ရေးအတွက် ကမ္ဘာ့ဘဏ်၏ ကူညီပေး ရေး အဖွဲ့တခုကို မကြာခင်စေလွှတ်ပေးမည်ဟု အမေရိကန်နိုင်ငံခြားရေး ၀န်ကြီးက သမ္မတ ဦးသိန်းစိန်နှင့်တွေ့ဆုံစဉ် ကတိပေး ခဲ့ ကြောင်း ရေးသားထားသည်။

မြန်မာနိုင်ငံ၌ သံအမတ်အဆင့် တိုးမြှင့်ရေး ကိစ္စကိုလည်း အမေရိကန်က စဉ်းစားပေးမည်ဟု သိရသည်။

၁၉၈၈ ခုနှစ်၊ လူထုအုံကြွမှုအား အစိုးရ စစ်တပ်က အကြမ်းဖက်နှိမ်နင်းခဲ့ပြီးနောက်ပိုင်း အမေရိကန်-မြန်မာ ဆက်ဆံရေး ပျက်ပြား ကာ သံအမတ်အဆင့်ကို လျှော့ချ၍ သံရုံး ယာယီတာဝန်ခံ ထားခဲ့သည်။

မြန်မာနိုင်ငံ၏ ကျေးလက်ဒေသ ဖွံ့ဖြိုးရေး အတွက် ကုလသမဂ္ဂ ဖွံ့ဖြိုးမှု အစီအစဉ်(UNDP)နှင့် ပူးပေါင်းဆောင်ရွက်ပြီး ကျေးလက်ဒေသဖွံ့ဖြိုးရေး လုပ်ငန်းများ၊ မြေမြှုပ်မှိုင်း ရှာဖွေရေး၊ အသေးစား ငွေချေးလုပ်ငန်းများ ဖွံ့ဖြိုးရေး၊ ကလေးသူငယ်များ စာ တတ်မြောက်ရေး လုပ်ငန်းစဉ်များအတွက် ကူညီပေးမည်ဟု မစ္စ ကလင်တန် က သမ္မတ ဦးသိန်းစိန် ကို ပြောဆိုခဲ့သည်။

ထိုလုပ်ငန်း များအတွက် အမေရိကန်ဒေါ်လာ ၁ ဒသမ ၂ သန်း ကူညီပေးမည် ဟု သိရသည်။
http://burma.irrawaddy.org/archives/3238




နိုင်ငံရေး အကျဉ်းသားဟောင်းများနှင့် လူမှုကူညီသူများကို ဟီလာရီ တွေ့ဆုံ

By ရန်ပိုင်on December 2, 2011 6:40 pm

မြန်မာနိုင်ငံမှ ယနေ့ ညနေပိုင်းတွင် ပြန်လည် ထွက်ခွာသွားပြီဖြစ်သော အမေရိကန်နိုင်ငံခြားရေး ၀န်ကြီး မစ္စ ဟီလာရီ ကလင်တန် နှင့် နိုင်ငံရေး အကျဉ်းသားဟောင်းများ၊ လူမှုအဖွဲ့အစည်းများမှ ပုဂ္ဂိုလ်များ နေ့လယ်ပိုင်းက ရန်ကုန်မြို့ တက္ကသိုလ်ရိပ်သာလမ်း အမေရိကန် သံရုံးတွင် တွေ့ဆုံကြောင်း သတင်းရသည်။
တွေ့ဆုံမှုတွင် ပြည်သူ့ခေတ် ဂျာနယ် အတိုင်ပင်ခံအယ်ဒီတာ ဆရာ မောင်ဝံသ၊ The Voice ဂျာနယ် အယ်ဒီတာ ဒေါက်တာနေ၀င်း မောင်၊ ရန်ကုန်နာရေးကူညီမှု အသင်းမှ ဒေါ်ရွှေဇီးကွက်၊ အမျိုးသားဒီမိုကရေစီအဖွဲ့ချုပ်(NLD)မှ လူငယ်တာဝန်ခံ မဖြူဖြူသင်း၊ ဗေ ဒါ ကျောင်းတာဝန်ခံ ကိုမျိုးရန်နောင်သိန်း၊ ကရင် အမျိုးသမီး အစည်းအရုံးမှ ဒေါ် ဆူဇန်နယ်လှလှ၊ နိုင်ငံရေး အကျဉ်းသားဟောင်း လူရွှင်တော် ဇာဂနာ၊ ကိုဇေယျာသော်၊ မဇင်မာအောင်၊ ရွှေည၀ါ ကျောင်းတိုက်ဆရာတော်တို့ ပါဝင်သည်။

ယနေ့ နံနက်ပိုင်းက မစ္စ ဟီလာရီ ဒေါ်အောင်ဆန်းစုကြကို နေအိမ်၌ တွေ့ဆုံစဉ်(ဓာတ်ပုံ - AP)

ဆရာ မောင်ဝံသက မစ္စ ဟီလာရီ ကလင်တန်သို့ အစိုးရသစ်လက်ထက် စာနယ်ဇင်းလောက အခြေအနေနှင့် အကျဉ်းကျခံနေရ သည့် စာနယ်ဇင်းသမားများ လွတ်မြောက်ရေး များကို ပြောပြခဲ့ကြောင်း ဧရာဝတီသို့ ပြောဆိုသည်။
“ဒီမိုကရေစီအတွက် မီဒီယာက ပညာပေးရေးကဏ္ဍတခုဖြစ်လို့ သင်တန်းတွေအတွက် အကူညီပေးဖို့ရယ်၊ နောက် ထောင်ထဲက မီဒီယာသမားတွေ အားလုံးကို နိုင်ငံရေးအကျဉ်းသားလို့ သတ်မှတ်ပြီး အမြန်ဆုံးလွှတ်ပေးဖို့ တောင်းဆိုတယ်”ဟု ၎င်းကဆိုသည်။
အစိုးရသစ်အနေဖြင့် ပြည်တွင်းမီဒီယာများကို တင်းကျပ်သော စည်းမျဉ်းများ ချထားမှု အနည်းငယ် လျှော့ပေါ့လာပြီဖြစ်ကြောင်း၊ လုံးဝ ပွင့်လင်းလွတ်လပ်သည့် အခြေအနေတွင် မီဒီယာအရည်အသွေးမြှင့်တင်ရန်လိုအပ်ကြောင်းလည်း ဆွေးနွေးခဲ့သည်ဟု ဆရာမောင် ၀ံသက ရှင်းပြသည်။
အကျဉ်းကျခံ စာနယ်ဇင်းသမားများဖြစ်သည့် ကိုဇော်သက်ထွေး၊ ကိုနေဘုန်းလတ်၊ မလှလှဝင်း၊ ကိုစည်သူဇေယျ စသည့် စာနယ် ဇင်းသမားများ ပြန်လွတ်ရေးအတွက် ပြောဆိုကြောင်း သိရသည်။
မစ္စ ဟီလာရီ ကလင်တန်နှင့် လူမှုအဖွဲ့အစည်းများမှ ပုဂ္ဂိုလ်များ တွေဆုံချိန်မှာ၂ နာရီခန့် ကြာမြင့်သည်။
ရန်ကုန် နာမှုကူညီရေးအသင်းမှ ဒေါ်ရွှေဇီးကွက်ကလည်း“အခုအချိန်အထိ အသင်းသက်တမ်း ထပ်တိုးခွင့်မရသေးတာ၊ လူမှုရေး အသင်း တွေ လွတ်လွတ်လပ်လပ်လုပ်ခွင့် တချိုနယ်မြေမှာ မရသေးဘူးဆိုတာကို ပခုက္ကူရေဘေး ကူညီတုန်းက ဒေသဆိုင်ရာ အာဏာပိုင် တွေရဲ့ အနှောင့် အယှက်လေးတွေကို ဥပမာပြပြီး တင်ပြခဲ့တယ်”ဟု ဆိုသည်။
လူမှုရေး အသင်းအဖွဲ့များအနေဖြင့် လူမှုရေးလုပ်ငန်းများကို စစ်စစ်မှန်မှန် လွတ်လပ်စွာ လုပ်ကိုင်ခွင့်ရရှိခဲ့လျှင် လူမှုဝန်းကျင် ပြုပြင် ရေးများ လုပ်ကိုင်နိုင်ကြောင်း၊ အမေရိကန်နိုင်ငံခြားရေး ၀န်ကြီးကလည်း စိတ်ဝင်စားစွာလက်ခံနားထောင်ပြီး မြန်မာအစိုးရထံ တင်ပြ တိုက်တွန်း ပေးမည်ဟု ပြောဆိုကြောင်း ဒေါ်ရွှေဇီးကွက်က ပြောသည်။
ရန်ကုန် နာရေးကူညီမှုအသင်းသည် တနိုင်ငံလုံးအတိုင်းအတာဖြင့် လူမှုရေး လုပ်ငန်းများလုပ်ကိုင်နေသည့် အသင်းဖြစ်ပြီး ယခု လက်ရှိ ကချင်ပြည်နယ်တွင် ဖြစ်ပွားနေသည့် တိုက်ပွဲများကြောင့် ထွက်ပြေးတိမ်းရှောင်နေရသည့် စစ်ပြေးဒုက္ခသည်များကို ကူညီ နေသည်။
ကချင်ပြည်နယ်အတွင်း ဖြစ်ပွားနေသည့် အခြေအနေနှင့် ပတ်သက်၍ နိုင်ငံရေး အကျဉ်းသားဟောင်းတဦးဖြစ်သည့် ရွှေည၀ါဆရာ တော်မှလည်း တင်ပြဆွေးနွေးကြောင်း သိရသည်။
နိုင်ငံရေး အကျဉ်းသူဟောင်းဖြစ်သည့် မဇင်မာအောင်ကလည်း နိုင်ငံရေးအကျဉ်းသူဟောင်းများအနေဖြင့် စုပေါင်းအဖွဲ့အစည်းများ ပြီး တဦးနှင့် တဦး စိတ်ဓာတ်ပိုင်းဆိုင်ရာ အားပေးကူညီသည့် အကြောင်းများကိုလည်း ပြောဆိုခဲ့သည်။
NLD လူငယ်တာဝန်ခံ မဖြူဖြူသင်းက HIV/AIDS ဝေဒနာရှင်များ ကူညီရေးလုပ်ငန်းများ နှင့် ပတ်သက်သော လုပ်ကိုင်နေရသည့် လုပ်ငန်း အခက်အခဲများကို တင်ပြပြောဆိုခဲ့ကြောင်း သိရသည်။
ထို လူမှုကူညီရေး လုပ်ငန်းများအတွက် အမေရိကန်ဒေါ်လာ ၁ ဒသမ ၂ သန်း ကူညီပေးမည်ဟု မစ္စ ဟီလာရီက မြန်မာ နိုင်ငံမှ မထွက်ခွာမီ ပြောဆိုခဲ့သည်။
မစ္စ ဟီလာရီသည် ယနေ့နံနက် ၉ နာရီခန့်တွင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တက္ကသိုလ်ရိပ်သာလမ်း နေအိမ်တွင်တွေ့ဆုံ ဆွေးနွေးခဲ့ပြီးနောက် NLD အလုပ်အမှုဆောင်များနှင့်လည်း တွေ့ဆုံခဲ့သေးသည်။
http://burma.irrawaddy.org/



တရားဥပဒေ စိုးမိုးရေး ပြည်တွင်းစစ်ရပ်ရေး အရေးတကြီးလိုဟု ဒေါ်စုပြော

ကိုဝိုင်းသောကြာနေ့၊ ဒီဇင်ဘာလ ၀၂ ရက် ၂၀၁၁ ခုနှစ် ၂၁ နာရီ ၃၇ မိနစ်


ချင်းမိုင် (မဇ္ဈိမ) ။        ။ မြန်မာအစိုးရအတွက် အရည်အသွေး မြှင့်တင်ရေးနှင့် နည်းပညာ အကူအညီများ လိုအပ်
သော်လည်း အရေးတကြီး လိုအပ်နေသည်မှာ တရားဥပဒေ စိုးမိုးရေးနှင့် ပြည်တွင်းစစ်ရပ်ရေး ဖြစ်သည်ဟု
ဒေါ်အောင်ဆန်းစုကြည်က သောကြာနေ့တွင် ပြောဆိုလိုက်သည်။

သောကြာနေ့ မနက်တွင် အမေရိကန် နိုင်ငံခြားရေးဝန်ကြီး မစ္စစ်ဟီလာရီကလင်တန်နှင့် ဒေါ်အောင်ဆန်းစုကြည်တို့ တက္ကသိုလ်ရိပ်သာလမ်း နေအိမ်တွင် သီးသန့် တွေ့ဆုံအပြီး ပြုလုပ်သည့် ပူးတွဲ သတင်းစာရှင်းပွဲတွင် သတင်းထောက် များကို ပြောကြားခြင်း ဖြစ်သည်။

“မြန်မာနိုင်ငံမှာ တရားဥပဒေ စိုးမိုးရေးနဲ့ ပြည်တွင်းစစ်ကိစ္စ ဖြေရှင်းဖို့ အဖွဲ့အစည်းတရပ် အရေးတကြီး လိုနေပါတယ်။ တိုက်ပွဲတွေအားလုံး အမြန်ဆုံး ရပ်ဆိုင်းသွားဖို့ လိုအပ်ပါတယ်။ ဒါမှ ငြိမ်းချမ်းပြီး တည်ငြိမ်တဲ့ ပြည်ထောင်စု ဖြစ်မှာပါ။” ဟု ဒေါ်အောင်ဆန်းစုကြည်က သတင်းထောက်များကို ပြောသည်။

calintonmeetdassk
အမေရိကန် နိုင်ငံခြားရေးဝန်ကြီး မစ္စစ်ဟီလာရီကလင်တန်နှင့် ဒေါ်အောင်ဆန်းစုကြည်တို့ တက္ကသိုလ်ရိပ်သာလမ်း နေအိမ်တွင် သီးသန့် တွေ့ဆုံ (ဓါတ်ပုံ မဇ္ဈိမ)

ပူးတွဲ သတင်းစာရှင်းပွဲတွင် မစ္စစ်ဟီလာရီကလင်တန်က မြန်မာနိုင်ငံအတွက် ဥပဒေစိုးမိုးရေး၊ နည်းပညာ အကူအညီ
ပေးရေးနှင့် အစိုးရ အရည်အချင်း မြှင့်တင်ရေး လုပ်ငန်းများကို ဒေါ်အောင်ဆန်းစုကြည်နှင့် အနီးကပ် တိုင်ပင်
ဆောင်ရွက်သွားမည့်အကြောင်း “အစိုးရ အရည်အသွေးမြှင့်တင်ဖို့ လုပ်ငန်းတွေ အများကြီးလိုနေတာကို သိရပါ တယ်။ ဒီကိစ္စဟာလည်း ကျမတို့က အသင်နဲ့ (ဒေါ်အောင်ဆန်းစုကြည်) အနီးကပ် တိုင်ပင် လုပ်ဆောင်သွားရမယ့် ကိစ္စပါ။” ဟု အမေရိကန် နိုင်ငံခြားရေးဝန်ကြီးက ပြောသည်။

ယင်းအပြင် “နိုင်ငံရေး အကျဉ်းသားတွေ ရှိနေတာကို ကာကွယ်ဖို့ အတွက် တရားဥပဒေ စိုးမိုးရေးဆိုတာ လိုအပ် ပါတယ်။ ပထမဆုံးအနေနဲ့ နိုင်ငံရေး အကျဉ်းသားတွေ အားလုံး လွတ်မြောက်ဖို့ လိုအပ်ပါတယ်။ အနာဂတ်မှာလည်း ယုံကြည်ချက်ကြောင့် ဖမ်းခံရသူတွေ ထပ်မရှိရေး သေချာဖို့လည်း လိုပါတယ်။ ဒီကိစ္စအတွက် အမေရိကန် အပါအဝင် နိုင်ငံတကာကလည်း ကူညီမယ်လို့ ယုံကြည်ပါတယ်။” ဟု မစ္စစ်ဟီလာရီကလင်တန်က ဆက်ပြောသည်။

သောကြာနေ့ ညနေတွင်ပင် အမေရိကန် နိုင်ငံခြားရေး ဝန်ကြီးသည် သုံးရက်ကြာ ခရီးစဉ်ကို အဆုံးသတ်ပြီး မြန်မာ
နိုင်ငံမှ ပြန်လည် ထွက်ခွာသွားပြီ ဖြစ်သည်။

ကလင်တန်က ကြာသပတေးနေ့က နေပြည်တော်ရှိ သင်္ဂဟ ဟိုတယ်တွင် ပြုလုပ်သော သတင်းစာ ရှင်းလင်းပွဲတွင် “နိုင်ငံရေး အကျဉ်းသား ၁,၀၀၀ ကျော်အတွက် စိုးရိမ်ပါတယ်။ ဒီကိစ္စကို သမ္မတ၊ လွှတ်တော် ဥက္ကဋ္ဌတွေနဲ့ ဆွေးနွေး ခဲ့ပါတယ်။ သိပ်မကြာခင်မှာပဲ သူတို့ အားလုံး လွတ်လာမယ်လို့ အတိအကျကို မျှော်လင့်နိုင်ပါတယ်။” ဟု ပြောကြား သွားသည်။

ဒေါ်အောင်ဆန်းစုကြည်က မြန်မာနိုင်ငံသားများအတွက် အခြေခံ လိုအပ်ချက်ဖြစ်သည့် ပညာရေးနှင့် ကျန်းမာရေး ကဏ္ဍများတွင်လည်း ကူညီပေးကြရန် နိုင်ငံတကာသို့ တောင်းဆို လိုက်သည်။ အကူအညီပေးရာတွင် “ဗမာလူမျိုး အများစုနေထိုင်တဲ့ ဒေသတွေမှာ အကူအညီပေးသလို တိုင်းရင်းသားဒေသတွေမှာလည်း ညီတူရှိရပါတယ်။ လူမျိုးပေါင်းစုံ နေထိုင်တာဖြစ်လို့ သာတူညီမျှ ဖြစ်ဖို့ လိုအပ်ပါတယ်။” ဟုဆိုသည်။

ဒေါ်အောင်ဆန်းစုကြည်နှင့် အမေရိကန်နိုင်ငံခြားရေးဝန်ကြီးနှင့်အတူ အရှေ့ အာရှနှင့် ပစိတ်ဖိတ် ဒေသဆိုင်ရာ အမေရိကန် ဒုတိယ လက်ထောက် နိုင်ငံခြားရေး ဝန်ကြီး မစ္စတာ ကတ်ကင်းဘဲလ် Kurt Campbell, ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေး ဝန်ကြီး မိုက်ကယ် ပေါ့စ်နာ Michael Posner,
မြန်မာနိုင်ငံဆိုင်ရာ မူဝါဒရေးရာ ညှိနှိုင်းရေးမှူး ဒဲရက် မစ်ချဲ Derek Mitchell, အမေရိကန်သံရုံး ယာယီတာဝန်ခံ မစ္စတာ မိုက်ကယ် အီး သာစတန် Michael E. Thurston နှင့် သံအရာရှိများ ပါဝင်ကြောင်း NLD ဗဟို အလုပ်အမှု
ဆောင် ဦးအုန်းကြိုင်က ပြောသည်။

ဒေါ်အောင်ဆန်းစုကြည်နှင့် တွေ့ဆုံပြီးနောက် ကလင်တန်နှင့် အဖွဲ့သည် NLD ဗဟိုအလုပ် အမှုဆောင်အဖွဲ့ ဒုတိယဥက္ကဋ္ဌ ဦးတင်ဦး၊ အထွေထွေအတွင်းရေးမှူး ဒေါ်အောင်ဆန်းစုကြည်၊ အဖွဲ့ဝင် ဦးဝင်းတင်၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးအုန်းကြိုင်၊ ဦးဉာဏ်ဝင်း၊ ဦးဟန်သာမြင့်၊ ဦးဝင်းမြင့်၊ ဒေါက်တာ ဒေါ်မေဝင်းမြင့်၊ စီအာပီပီ အတွင်းရေးမှူး ဦးအေးသာအောင်၊ အဖွဲ့ဝင် ဦးနိုင်ငွေသိန်း၊ ဦးပူကျင့်ရှင်းထန်၊ ဦးစိုးဝင်း၊ ဦးစိုင်းစိုးအောင်တို့နှင့်
တွေ့ဆုံ ဆွေးနွေးခဲ့ကြောင်း သူက ဆက်ပြောသည်။

calintonmeetdassk1
မြန်မာနိုင်ငံအတွက် ဥပဒေစိုးမိုးရေး၊ နည်းပညာ အကူအညီပေးရေးနှင့် အစိုးရ အရည်အချင်း မြှင့်တင်ရေး လုပ်ငန်းများကို ဒေါ်အောင်ဆန်းစုကြည်နှင့် အနီးကပ် တိုင်ပင် ဆောင်ရွက်သွားမည့်အကြောင်း မစ္စစ်ဟီလာရီကလင်တန် ပြောကြား (ဓါတ်ပုံ မဇ္ဈိမ)

အဖွဲ့ချုပ် ဒုဥက္ကဋ္ဌ ဦးတင်ဦးက သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ တွေ့ဆုံ ဆွေးနွေးအပြီး တိုးတက်မှု တချို့ ရှိသော်လည်း နိုင်ငံရေး အကျဉ်းသားများ လွှတ်ပေးရန်၊ ကရင်၊ ကချင်နှင့် ရှမ်းပြည်နယ်များတွင် ဖြစ်ပေါ်နေ သည့် လူ့အခွင့်အရေး ချိုးဖောက်မှုများ ရပ်သွားရန် ပြည်တွင်းစစ် ရပ်ဆိုင်းရေး အစိုးရကို ဖိအားပေးပြောဆိုရန် တင်ပြခဲ့သည်။

ဦးအေးသာအောင်က ခိုင်မာသည့် ငြိမ်းချမ်းရေး ရယူနိုင်ရန် အပစ်ရပ်ရုံနှင့် မလုံလောက်ဘဲ နိုင်ငံရေးအရ အပေးအယူနှင့် ညှိနှိုင်းဆွေးနွေးရန် လိုအပ်ကြောင်း ထောက်ပြဆွေးနွေးခဲ့သည်။

နေ့လည်ပိုင်း၌ ရန်ကုန်ဗုဒ္ဓတက္ကသိုလ် အကျိုးဆောင်ချုပ် ဘဒ္ဒန္တပညာသီဟ (ရွှေညဝါ ဆရာတော်) အပါအဝင် လူမှုရေး အဖွဲ့အစည်းဝင်များနှင့် အမေရိကန် သံရုံးတွင် တွေ့ဆုံပြီး သက်ဆိုင်ရာ ကဏ္ဍအလိုက် ဆွေးနွေးခဲ့ကြောင်း
ဆွေးနွေးပွဲတွင် ပါဝင်သူ NLD မှ မဖြူဖြူသင်းက ပြောသည်။

Myanmar Egress မှ ဦးနေဝင်းမောင်၊ ဗေဒါပညာရေးကျောင်း ဒါရိုက်တာ မျိုးရန်နောင်သိန်း၊ အနုပညာရှင် ဇာဂနာ၊ နာရေးကူညီမှုအသင်း (ရန်ကုန်) ဘဏ္ဍာရေးမှူး ဒေါ်မြင့်မြင့်ခင်ဖေ၊ ပြည်သူ့ခေတ် ဂျာနယ် အတိုင်ပင်ခံ အယ်ဒီတာ
မောင်ဝံသ၊ မျိုးဆက်သစ်လူငယ်များ အစည်းအရုံး GW ခေါင်းဆောင် ကိုဇေယျာသော်၊ ၈၈ ကျောင်သားခေါင်းဆောင် မဇင်မာ၊ HIV/AIDS ကုသရေး တောင်ဒဂုံ စင်တာမှ မဖြူဖြူသင်း၊ ကရင်အမျိုးသမီး ဖွံ့ဖြိုးတိုးတက်ရေး အဖွဲ့မှ ဆူဆနန် လှလှစိုးတို့ ပါဝင်ကြောင်း သိရသည်။

ကလင်တန်သည် ကြာသာပတေးနေ့တွင် သမ္မတဦးသိန်းစိန်နှင့် ပြည်ထောင်စု ဝန်ကြီးများ၊ လွှတ်တော် နှစ်ရပ် ဥက္ကဋ္ဌနှင့် အမတ်များကို နေပြည်တော်၌ သီးခြားစီတွေ့ဆုံခဲ့ရာ ဦးသိန်းစိန်က “ယနေ့ ဆောင်ရွက်ချက်များ အပေါ် ပြည်တွင်း/ပြည်ပ ထောက်ခံမှုများ ရရှိနေပြီဖြစ်သည့် မိမိတို့ အနေဖြင့် နောက်ကြောင်းပြန်လှည့်ရန် မရှိကြောင်း” ပြောဆိုခဲ့သည်ဟု သောကြာနေ့ထုတ် နိုင်ငံပိုင် သတင်းစာများတွင် ဖော်ပြသည်။

ထို့ပြင် စီးပွားရေး ပြုပြင်ပြောင်းလဲမှု အတွက် ပြည်ပ ရင်းနှီးမြှုတ်နှံမှုနှင့် နိုင်ငံတကာ ငွေကြေးရန်ပုံငွေ အဖွဲ့ IMF၊ ကမ္ဘာ့ဘဏ် တို့မှ ကူညီမှုများ လိုအပ်နေကြောင်း  ကလင်တန်ကို ပြောဆိုခဲ့သည်။

အမေရိကန်ဝန်ကြီးက နှစ်နိုင်ငံ တွေ့ဆုံမှုများ အတွက် ၂၀၁၃ ခု အစောပိုင်းတွင် မြန်မာကိုယ်စားလှယ် အဖွဲ့ အမေရိကန်သို့ လာရောက်ရန် ဖိတ်ကြားခဲ့ပြီး မြန်မာနိုင်ငံသို့ ကမ္ဘာ့ဘဏ် ကိုယ်စားလှယ် တဖွဲ့ စေလွှတ်ရေး
ညှိနှိုင်းဆောင်ရွက်ပေးမည်ဖြစ်ပြီး၊ ကုလသမဂ္ဂ ဖွံ့ဖြိုးရေး ရန်ပုံငွေ UNDP နှင့် ပူးပေါင်းပြီး ဖွံ့ဖြိုးရေးလုပ်ငန်းများကို ကူညီသွားမည်ဟု ပြောဆိုသည်။
http://www.mizzimaburmese.com/news/inside-burma/8713-2011-12-02-15-11-41.html

ကလင်တန်ကို တိုင်းရင်းသားဒေသများ အတွင်း ပဋိပက္ခများ တင်ပြ
ဖနိဒါ | သောကြာနေ့၊ ဒီဇင်ဘာလ ၀၂ ရက် ၂၀၁၁ ခုနှစ် ၂၀ နာရီ ၁၄ မိနစ်

ချင်းမိုင်(မဇ္စျိမ) ။ ။ အမေရိကန် နိုင်ငံခြားရေးဝန်ကြီး ဟီလာရီကလင်တန်သည် တိုင်းရင်းသားပါတီများ လူမှုရေး အဖွဲ့အစည်းအချို့တို့နှင့် ရန်ကုန်မြို့ ကမ္ဘာအေးလမ်း ဗိဿနိုး ပန်းချီပြခန်းမတွင် သောကြာနေ့က တွေ့ဆုံရာ တိုင်းရင်းသားဒေသများ အတွင်း ဖြစ်နေသည့် ပဋိပက္ခများကို တင်ပြခဲ့သည်ဟု ပါတီတာဝန်ရှိသူများက ပြောသည်။

ရှမ်းတိုင်းရင်းသားများ ဒီမိုကရက်တစ်ပါတီ SNDPမှ စပ်ယွန်းပိုင်က ဟီလာရီ ကလင်တန်နှင့် တွေ့ဆုံမှုအတွင်း ရှမ်းအမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦးကို လွှတ်ပေးရန် ဆွေးနွေးခဲ့ပြီး ရှမ်းပြည်တွင်း ဖြစ်နေသည့် အစိုးရနှင့် ပဋိပက္ခများကို တင်ပြခဲ့သည်ဟု မဇ္ဈိမကို ပြောသည်။

“ကျနော်တို့ကတော့ ရှမ်းပြည်ရဲ့ နစ်နာချက်တွေ၊ ငြိမ်းချမ်းရေးနဲ့ တည်ငြိမ်အေးချမ်းရေး ကိစ္စတွေ၊ ဒီကစ္စက လက်နက်နဲ့ ဖြေရှင်းလို့ကတော့ ဘယ်တော့မှ မအောင်မြင်ဘူး၊ စားပွဲဝိုင်းထိုင်ပြီးတော့ ဖြေရှင်းရမဲ့ ကိစ္စတွေပါ။”ဟု
ပြောသည်။

ယင်းအပြင် ရခိုင်တိုင်းရင်းသားများ တိုးတက်ရေးပါတီက မြန်မာနိုင်ငံတွင် တိုင်းရင်းသားအရေးကို ဦးစားပေး
ဖြေရှင်းရန် အရေးကြီးဆုံးဖြစ်ကြောင်း ဟီလာရီ ကလင်တန်ကို တင်ပြခဲ့သည်ဟု ပါတီအထွေထွေ အတွင်းရေးမှူး ဦးလှစောက ပြောသည်။

“တိုင်းရင်းသားတွေရဲ့ ကျန်းမာရေး၊ ပညာရေး နောက်ကျနေမှုတွေ၊ တိုင်းရင်းသား ဒေသတွေမှာ ပြည်တွင်းစစ်
ဖြစ်နေတဲ့ အကြောင်းတွေရယ်၊ ပြည်တွင်းစစ် ရပ်စဲရေး ကြိုးပမ်းနေတဲ့အကြောင်းတွေ၊ တိုင်းရင်းသား ဒေသတွေမှာ တကယ့် အခက်အခဲ ကြုံတွေ့နေရတဲ့အကြောင်းတွေပါပဲ။”ဟု RNDP ပါတီအတွင်းရေးမှူး ဦးလှစောက ပြောသည်။

ကချင်ဘာသာရေး ခေါင်းဆောင်များနှင့် လူမှုရေး အဖွဲ့အစည်းများက ကချင်ပြည်နယ်တွင် ဖြစ်ပွားနေသော တိုက်ပွဲ အခြေအနေများ၊ စစ်ပြေးဒုက္ခသည်များ အခြေအနေများနှင့် ပညာရေး၊ ကျန်းမာရေး ဆုံးရှုံးနစ်နာမှုများကို အချက်အလက်များနှင့် တကွ တင်ပြဆွေးနွေးခဲ့သည်ဟု သိရသည်။

မေတ္တာဖောင်ဒေးရှင်းမှ တာဝန်ခံ ဒေါ်ဆိုင်းရော်နှင့် ကချင်နှစ်ခြင်း ခရစ်ယာန် အသင်းတော်မှ အထွေထွေ အတွင်းရေးမှူး ဒေါက်တာဆမ်ဇွန်တို့ကလည်း ကချင်ပြည်နယ်အတွင်း ဖြစ်ပွားနေသော အခြေအနေများကို အသေးစိတ်ကို အချက်အလက်များနှင့်တကွ ဆွေးနွေးတင်ပြခဲ့သည်ဟု သိရသည်။

ဟီလာရီကလင်တန်က တိုင်းရင်းသားများ တင်ပြချက်ကို တိုင်းရင်းများ အခြေအနေများကို နာလည်ကြောင်း၊ အသိအမှတ်ပြုကြောင်းနှင့် တိုင်းရင်းသားဒေသများတွင် ဖြစ်ပွားနေသော အခြေအနေအမှန်ကို တိတိကျကျ သိရသည့်အတွက် ဝမ်းသာကြောင်းကို ပြန်လည် တုံ့ပြန်ပြောဆိုခဲ့သည်ဟု ဦးလှစောက ပြောသည်။

ထို့ပြင် တိုင်းရင်းသားများ၏ ခံစားချက်များကို မှတ်တမ်းတင်ထားပြီး သူတို့ပြန်သွားပြီးနောက် အကောင်းဆုံး
ဖြစ်အောင် မြန်မာအစိုးရအပေါ် အကြံပေးမည်ဖြစ်ပြီး တဖြည်းဖြည်း ပြောင်းလဲသွားလိမ့်မည်ဟု ဟီလာရီ ကလင်တန် က မှတ်ချက်ချ ပြောဆိုခဲ့သည်ဟု စဝ်ယွန်းပိုင်က ပြောသည်။

သောကြာနေ့ ဆွေးနွေးပွဲအတွင်း ရခိုင်တိုင်းရင်းသားများ တိုးတက်ရေးပါတီ RNDP အတွင်းရေးမှူး ဦးလှစော၊ ချင်းတိုးတက်ရေးပါတီ CPPပါတီ ဥက္ကဌ နိုထမ်ကပ်၊ ရှမ်းတိုင်းရင်းသားများ ဒီမိုကရက်တစ်ပါတီ SNDPမှ စပ်ယွန်းပိုင်၊ မွန်ဒေသလုံးဆိုင်ရာ ဒီမိုကရေစီပါတီမှ နိုင် ခင်မောင်နှင့် ကရင်ပြည်သူ့ပါတီမှ ဒေါက်တာစိုင်မွန်သာနှင့် ရှမ်းအမျိုးသား ဒီမိုကရေစီအဖွဲ့ချုပ် SNLD ဦးစိုင်းစောအောင်တို့ တက်ရောက်ခဲ့သည်။

ထို့ပြင် အစိုးရမဟုတ်သော NGO အဖွဲ့မှ မေတ္တာဖောင်ဒေးရှင်းမှ တာဝန်ရှိသူနှင့် ကချင်နှစ်ခြင်း ခရစ်ယာန် အသင်းတော်မှ ဘာသာရေးခေါင်းဆောင်တဦး၊ Karen Development network စသည့် လူမှု အဖွဲ့အစည်းများမှ တာဝန်ရှိသူများလည်း ဆွေးနွေးမှုတွင် ပါဝင်ခဲ့ကြသည်ဟု သိရသည်။
http://www.mizzimaburmese.com/news/inside-burma/8711-2011-12-02-13-47-29.html



မြန်မာက မြောက်ကိုရီးယားနှင့် စစ်ဘက်ဆက်ဆံမှု ပြတ်တောက်မှာကို အမေရိကန်ကြိုဆို ထွန်းထွန်း သောကြာနေ့၊ ဒီဇင်ဘာလ ၀၂ ရက် ၂၀၁၁ ခုနှစ် ၁၅ နာရီ ၄၁ မိနစ်

နယူးဒေလီ (မဇ္ဈိမ) ။        ။ မြန်မာနှင့် မြောက်ကိုရီးယားနိုင်ငံအကြား ထားရှိသည့် စစ်ရေးဆက်ဆံမှုကို ဖြတ်တောက် သွားမည်ဟု မြန်မာအစိုးရ၏ တုံ့ပြန်မှုအပေါ် ကြိုဆိုကြောင်း အမေရိကန် နိုင်ငံခြားရေးဝန်ကြီး ဟီလာရီ ကလင်တန် က ပြောဆိုလိုက်သည်။

ကလင်တန်၏ မြန်မာပြည်ခရီးစဉ်အတွင်း မြန်မာအစိုးရ သမ္မတ ဦးသိန်းစိန်အပါအဝင် အစိုးရအဖွဲ့များနှင့် ဒီဇင်ဘာလ ၁ ရက်နေ့က တွေ့ဆုံမှုအပြီး နေပြည်တော် သင်္ဂဟဟိုယ်တွင် ပြုလုပ်သည့် သတင်းစာ ရှင်းလင်းပွဲ၌ ပြောဆိုခဲ့ခြင်း
ဖြစ်သည်။

“ကုလသမဂ္ဂ လုံခြုံရေးကောင်စီ ဆုံးဖြတ်ချက်အမှတ် ၁၇၁၈ နဲ့ ၁၈၇၄ တို့ကို အစိုးရအနေနဲ့ အကောင် အထည်ဖော်ဖို့ ကျမတို့ မျှော်လင့်ပါတယ်။ အစိုးရအနေနဲ့ မြောက်ကိုရီးယားနဲ့ စစ်ရေးဆက်ဆံမှုကို ဖြတ်တောက်ဖို့ ဆုံးဖြတ်တဲ့ အပေါ် ကျမတို့ ကြိုဆိုထောက်ခံပါတယ်” ဟု မစ္စစ် ဟီလာရီကလင်တန်က ပြောသည်။

ကုလလုံခြုံရေးကောင်စီဆုံးဖြတ်ချက် ၁၇၁၈ နှင့် ၁၈၇၄ မှာ မြောက်ကိုရီးယားနိုင်ငံမှ ထုတ်လုပ်သည့် စစ်လက်နက် ပစ္စည်းများအား အခြားကမ္ဘာ့နိုင်ငံများမှ ဝယ်ယူခွင့် မပြုရန် ဖြစ်သည်။

ကလင်တန်မှာ နှစ်ပေါင်း ၅ဝ ကျော်အတွင်း မြန်မာနိုင်ငံသို့ ရောက်ရှိလာသည့် ကန်နိုင်ငံခြားရေး ဝန်ကြီးဖြစ်ကာ ဒီဇင်ဘာလ ၁ ရက် အစိုးရအဖွဲ့နှင့်တွေ့ဆုံခဲ့ရာတွင် သမ္မတအပါအဝင် ပြည်သူ့လွှတ်တော် ဥက္ကဋ္ဌ သူရရွှေမန်း၊
ပြည်ထောင်စုလွှတ်တော် နာယက ဦးခင်အောင်မြင့်အပါအဝင် လွှတ်တော် ကိုယ်စားလှယ်များနှင့်လည်း တွေ့ဆုံခဲ့ သည်။

မြန်မာနိုင်ငံအနေဖြင့် အမေရိကန်နှင့် ဆက်ဆံရေး တိုးမြှင့်လိုပါကလည်း နျူကလီးယားလက်နက် မပြန့်ပွားမှု ဆန့်ကျင်
ရေး နိုင်ငံတကာ သဘောတူညီချက်များအား လိုက်နာနိုင်မှသာလျှင် အဆင်ပြေနိုင်မည်ဟုလည်း အမေရိကန်
နိုင်ငံခြားရေးဝန်ကြီးက သတိပေးထားသည်။

ကန်နိုင်ငံခြားရေး ဝန်ကြီး၏ မြန်မာပြည်ခရီးစဉ်မှာ မြန်မာနှင့် မြောက်ကိုရီးယားကြား လျှို့ဝှက်ဆက်ဆံမှုနှင့် ဒုံးလက်နက် နည်းပညာ ကိစ္စတို့အား အဓိကထား ဆွေးနွေးသွားမည်ဟုလည်း နိုဝင်ဘာလ ၂၉ ရက်က
တောင်ကိုရီးယား နိုင်ငံ ဘူဆန်တွင် ပြုလုပ်သည့် သတင်းစာ ရှင်းလင်းပွဲတွင် အမေရိကန် နိုင်ငံခြားရေးဝန်ကြီး အကြီးအရာရှိတဦးက ပြောဆိုခဲ့သေးသည်။

“ဆုံးဖြတ်ချက်တွေ ဘယ်လိုချတယ်ဆိုတာက မြန်မာနိုင်ငံမှာ သိရဖုိ့က ခက်ခဲတယ်။ ရှင်တို့သိတဲ့အတိုင်း ကျမ အရင်က ပြောခဲ့သလို အာရှမှာရှိတဲ့ နိုင်ငံနှစ်နိုင်ငံကတော့ ဆုံးဖြတ်ချက်တွေ၊ နောက်ကွယ်က ကျိတ်ပုန်းခုတ်နေ တာမျိုးတွေ ဘယ်လိုချတယ်ဆိုတာ ကျမတို့ သိရခဲ့ဆုံးပဲ။ မြန်မာနဲ့ မြောက်ကိုရီးယားလိုမျိုးပေါ့။ အဓိက ကတော့ ဒုံးလက်နက် နည်းပညာကိစ္စပါပဲ” ဟု ယင်းအရာရှိက ဆိုထားသည်။

မြန်မာနိုင်ငံမှာ မြောက်ကိုရီးယားနှင့် စစ်ရေးအရ ဆက်ဆံမှုများ ရှိခဲ့သည်မှာ မှန်ကန်သော်လည်း နျူကလီးယား လက်နက် ကိစ္စတွင်မူ ပါဝင်ပတ်သက်ခဲ့ခြင်း မရှိကြောင်း ယခင်စစ်အစိုးရ တတိယခေါင်းဆောင် ဖြစ်ခဲ့သူ သူရဦးရွှေမန်းက ငြင်းဆိုခဲ့သည်။

“တချို့စွပ်စွဲတာကတော့ နျူးကလီးယားကိစ္စ အပါအဝင်မိမိသွားပြီးတော့ လက်မှတ်ထိုးခဲ့တယ်လို့ပြောတယ်။ မဟုတ်ပါဘူး။ နျူကလီးယားကိစ္စဆိုတာ အင်မတန်မှ ကြီးမားတဲ့ကိစ္စပါ။ ဒီကိစ္စ မိမိ လတ်မှတ်ထိုးလို့လည်း ရနိုင်တဲ့ အနေအထားမဟုတ်ပါဘူး” ဟု ပြည်သူ့လွှတ်တော်ဥက္ကဋ္ဌလည်းဖြစ်သူ သူရဦးရွှေမန်းက ဒီဇင်ဘာလ ၁ ရက်နေ့က
ပြုလုပ်သည့် သတင်းစာ ရှင်းလင်းပွဲတွင် မီဒီယာများသို့ ပြောဆိုခဲ့သည်။

သို့သော် မြန်မာ့ တပ်မတော်စွမ်းရည်မြင့်တင်ရေးအတွက် နှစ်နိုင်ငံ ပူးပေါင်းဆောင်ရွက်ရန် သဘောတူ လက်မှတ်
ရေးထိုးခဲ့ပြီး လေကြောင်းရန် ကာကွယ်ရေးလက်နက်စက်ရုံ၊ လေယာဉ်နှင့် သင်္ဘောကိစ္စရပ်များကိုလည်း လေ့လာမှု
ပြုခဲ့သည်။

“အမေရိကန်နိုင်ငံမှာ မိမိတို့ သိထားတာထက် လွန်ကဲသော ထောက်လှမ်းရေးစနစ်ရှိပါတယ်။ လူပုဂ္ဂိုလ်တင် မကဘူး။ နည်းပညာထောက်လှမ်းရေးတွေရှိပါတယ်။ ဟိုတုန်းက မိမိ ဗိုလ်ချုပ်ကြီးတယောက်အနေနဲ့ အဲနိုင်ငံ သွားတဲ့အခါမှာ မိမိသွားတဲ့အကြောင်းလဲ သူသိနေမှာပဲ။ မိမိဘာတွေလုပ်နေတယ်ဆိုတာလဲ သိနေမှာပဲ” ဟု ယခင်စစ်အစိုးရ တတိယခေါင်းဆောင်က မီဒီယာများကို ထုတ်ဖော်ခဲ့သည်။

ယခုကဲ့သို့ မြောက်ကိုရီးယားနှင့် စစ်ရေးဆက်ဆံမှု ဖြတ်တောက်မည်ဟု ပြောဆိုနေချိန်မှာပင် ကာကွယ်ရေး ဦးစီးချုပ် ဗိုလ်ချုပ်ကြီးမင်းအောင်လှိုင်မှာ တရုတ်နိုင်ငံသို့ ရောက်ရှိနေပြီး ကာကွယ်ရေး ပူးပေါင်း ဆောင်ရွက်မှု ဆိုင်ရာ နားလည်မှု စာချွန်လွှာကို သဘောတူ လက်မှတ်ရေးထိုးခဲ့ကြောင်း နိုဝင်ဘာလ ၃ဝ ထုတ် မြန်မာ့အလင်း သတင်းစာတွင် ပါရှိသည်။

တရုတ်ပြည်ခရီးစဉ်အတွင်း တပ်မတော်နှစ်ရပ်ကြား ချစ်ကြည်ရင်းနှီးမှု ခိုင်မာရေးနှင့် ဒေသတွင်း လုံခြုံရေး ခြိမ်းခြောက်မှု ဆိုင်ရာ ကိစ္စရပ်များကိုလည်း အပြန်အလှန်ဆွေးနွေးခဲ့သည်။

ယင်းအပြင် ဒုကာကွယ်ရေးဦးစီးချုပ် ဒုတိယဗိုလ်ချုပ်ကြီး စိုးဝင်းမှာလည်း ဘင်္ဂလားဒေ့ရ်ှနိုင်ငံသို့ သွားရောက်ခဲ့ကာ တပ်မတော်နှစ်ရပ် ချစ်ကြည်မှုတိုးမြှင့်ရေးနှင့် ပူးပေါင်းဆောင်ရွက်ရေးကိစ္စများကို အဓိကထား ဆွေးနွေးခဲ့ကြောင်း သိရသည်။

ကလင်တန်၏ မြန်မာပြည်ခရီးစဉ်အတွင်း မြန်မာအစိုးရအာဏာပိုင်များနှင့် နှစ်နိုင်ငံ သံတမန်တိုးမြှင့်ရေး၊ လူကုန်ကူးမှု တိုက်ဖျက်ရေး၊ တိုင်းရင်းသားဒေသ ငြိမ်းချမ်းရေး၊ မြေမြှုပ်မိုင်းဖော်ထုတ်ရေး၊ ပညာရေးနှင့် အသေးစား ငွေချေး လုပ်ငန်းများတွင် အမေရိကန်ဘက်မှ ကူညီရန် ကိစ္စများ ဆွေးနွေးခဲ့သည်။

ယင်းအပြင် မြန်မာနိုင်ငံသို့ လူ့အခွင့်အရေးအဖွဲ့များ ဝင်ရောက်ခွင့်ပြုရန်၊ နိုင်ငံရေး အကျဉ်းသား လွှတ်ပေးရေး ကိစ္စနှင့် လွတ်လပ်မျှတသည့် ကြားဖြတ်ရွေးကောက်ပွဲ ကျင်းပပေးရေးကိစ္စတို့ကိုလည်း ထည့်သွင်း ဆွေးနွေးခဲ့သည်။

“နိုင်ငံရေးအကျဉ်းသားများ စေလွှတ်ပေးဖို့ ကိစ္စ ဒီလို တိုက်တွန်းပါတယ်။ တိုက်တွန်းတဲ့အခါမှာ မိမိဘက်က ဖြေတာ ကတော့ တိုင်းရင်းသားများ ပြန်လည် စည်းလုံးညီညွှတ်ရေးနဲ့ နိုင်ငံသားများအားလုံး ပါဝင်ဆောင်ရွက် နိုင်ရေး အတွက် နိုင်ငံတော် တည်ဆောက်တဲ့နေရာမှာ ပါဝင်နိုင်ရေးအတွက် သူတိုက်တွန်းသွားတဲ့ကိစ္စ မိမိတို့ဘက်က အစွမ်းကုန် ဆောင်ရွက်ပေးမယ်ဆိုပြီးတော့ ကတိပြုလိုက်ပါတယ်”ဟု ပြည်သူ့လွှတ်တော် ဥက္ကဋ္ဌ သူရရွှေမန်းက သတင်းစာ ရှင်းလင်းပွဲတွင် တရားဝင် ပြောဆိုခဲ့သည်။

သို့သော် ပြည်ထောင်စုလွှတ်တော် နာယက ဦးခင်အောင်မြင့်ကမူ သန့်ရှင်းမျှသည့် ကြားဖြတ်ရွေးကောက်ပွဲ ကျင်းပ
ပေးရန်မှာ မဖြစ်နိုင်စရာ အကြောင်းမရှိသော်လည်း နိုင်ငံရေး အကျဉ်းသားများမှာမူ အချိန်တန်ပါက သူ့ဟာသူ ထွက်သွားမည် ဖြစ်ကြောင်း လွှတ်တော်အမတ်များကို ပြောဆိုခဲ့သည်ဟု သိရသည်။

ယင်းကဲ့သို့ ပြောဆိုမှုမှာ ဒီဇင်ဘာလ ၁ ရက် နေ့လယ် ၁၂ နာရီခွဲတွင် မစ္စစ်ကလင်တန်နှင့် တွေ့ဆုံမှုအပြီးတွင်
ပြောဆိုခဲ့ခြင်း ဖြစ်ကာ ယင်းအပါအဝင် လွှတ်တော်ကိုယ်စားလှယ် ၃၄ ဦး တွေ့ဆုံခဲ့ခြင်း ဖြစ်သည်။

“သူ ( ကလင်တန်) အကြံပြုတာကတော့ နိုင်ငံရေး အကျဉ်းသားအားလုံးကို လွှတ်ပေးပြီးတော့တဲ့ ဒီကိစ္စတွေ အားလုံးကို ဖြတ်လိုက်ပါတော့တဲ့။ ဦးခင်အောင်မြင့်က သူ ထွက်သွားတော့မှ ပြောတာပေါ့နော်။ ကလင်တန်
တောင်းဆိုတဲ့ အချက်တွေက မဖြစ်နိုင်စရာတွေ မရှိဘူးပေါ့ဗျာ။ နိုင်ငံရေး အကျဉ်းသားဆိုတာလည်း သူ့အချိန်
စေ့ရင် ထွက်သွားမှာပဲတဲ့” ဟု တွေ့ဆုံပွဲတွင် ပါဝင်ခဲ့သူ လွှတ်တော်ကိုယ်စားလှယ်တဦးက ပြန်ပြောပြသည်။

ကလင်တန်မှာ ယနေ့တွင်လည်း ရန်ကုန်မြို့၌ လူထုခေါင်းဆောင် ဒေါ်အောင်ဆန်းစုကြည်အပြင် အမျိုးသား ဒီမိုကရေစီ အဖွဲ့ချုပ် NLD ဗဟိုကော်မတီဝင်များနှင့် တွေ့ဆုံမည်ဖြစ်ကာ သတင်းစာ ရှင်းလင်းပွဲ ပြုလုပ်ဦးမည်
ဖြစ်သည်။

ယင်းနောက်လူထုအခြေပြုအဖွဲ့အစည်းများ၊တိုင်းရင်းသားကိုယ်စားလှယ်များနှင့် တွေ့ဆုံပြီးနောက် မြန်မာနိုင်ငံမှ
ပြန်လည်ထွက်ခွာမည် ဖြစ်သည်။
http://www.mizzimaburmese.com/news/inside-burma/8709-2011-12-02-09-17-22.html


 သောကြာ, 02 ဒီဇင်ဘာ 2011
ဒေါ်အောင်ဆန်းစုကြည်နဲ့ ၀န်ကြီးကလင်တန် ပူးတွဲသတင်းစာရှင်းလင်းပွဲ
By မစုမြတ်မွန်

ရန်ကုန်မြို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နေအိမ်တွင် ဒေါ်အောင်ဆန်းစုကြည် (ယာ) နဲ့ အမေရိကန်နိုင်ငံခြားရေးဝန်ကြီး ဟီလာရီကလင်တန် (၀ဲ) တို့ သောကြာနေ့က တွေ့ဆုံခဲ့ကြစဉ်။ (ဒီဇင်ဘာလ ၂ ရက်၊ ၂၀၁၁)
ဒီကနေ့မနက်ပိုင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ ပြုလုပ်ခဲ့တဲ့ ၀န်ကြီးဟီလာရီကလင်တန်နဲ့ ဒေါ်အောင်ဆန်းစုကြည်တို့ရဲ့ သတင်းစာရှင်းလင်းပွဲကို သတင်းသွားယူခဲ့တဲ့ ရန်ကုန်မြို့ရောက် ဗွီအိုအေ မြန်မာပိုင်း ၀ိုင်းတော်သူ မစုမြတ်မွန်ကို ဦးရော်နီညိမ်းက တိုက်ရိုက် မေးမြန်းထားပါတယ်။
ဦးရော်နီညိမ်း။  ။ မစုမြတ်မွန်ရေ… ၀န်ကြီးကလင်တန်နဲ့ ဒေါ်အောင်ဆန်းစုကြည်တို့ရဲ့ ပူးတွဲ သတင်းစာရှင်းလင်းပွဲမှာ ဘာတွေ ပြောသွားကြလဲခင်ဗျ။ -
မစုမြတ်မွန်။  ။ ဒီကနေ့မနက်မှာ ဒေါ်အောင်ဆန်းစုကြည်ရဲ့ ခြံဝန်းထဲမှာ အမေရိကန် နိုင်ငံခြားရေးဝန်ကြီး ဟီလာရီကလင်တန်နဲ့ ဒေါ်အောင်ဆန်းစုကြည်တို့ ၁ နာရီကျော်လောက် တွေ့ပြီးတော့ သူတို့ ဘာတွေဆွေးနွေးခဲ့တယ်ဆိုတာကို သတင်းထောက်တွေကို ပြန် ပြောပြခဲ့တာပါ။ ဒေါ်အောင်ဆန်းစုကြည် အဓိက ပြောခဲ့တာကတော့ အမေရိကန်နိုင်ငံခြားရေးဝန်ကြီး အခုလို မြန်မာနိုင်ငံကိုလာတာကို အထူး ကြိုဆိုတယ်။ ၀န်ကြီးကလင်တန်အနေနဲ့ သူနဲ့တွေ့တာအပြင် နေပြည်တော်မှာ သမ္မတဦးသိန်းစိန် အပါအ၀င် အစိုးရအာဏာပိုင်တွေနဲ့ တွေ့ဆုံမှု အဆင်ပြေတယ်ဆိုတာကို သိရတဲ့အတွက် ၀မ်းသာတယ်ဆိုပြီး ဒေါ်အောင်ဆန်းစုကြည်က အခုလို ပြောပါတယ်။
“နိုင်ငံခြားရေးဝန်ကြီးကလင်တန် နေပြည်တော်မှာ အစိုးရနဲ့တွေ့ဆုံခဲ့တာ အဆင်ပြေတဲ့အတွက် ကျမ ၀မ်းသာပါတယ်။ အခုလို အမေရိကန်ပြည်ထောင်စုက မြန်မာနိုင်ငံနဲ့ ထိတွေ့ဆက်ဆံမှုအတွက်လည်း အလွန်ဝမ်းသာပါတယ်။ ထိတွေ့ဆက်ဆံမှုတွေနဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေ တိုးတက် ကောင်းမွန်အောင်လုပ်သွားဖို့ ကျမတို့ မျှော်လင့်ပါတယ်။ ဒီ ထိတွေ့ဆက်ဆံမှုတွေကြောင့် ကျမတို့ ရှေ့လျှောက်လုပ်ရမယ့်လုပ်ငန်းတွေကို ပိုပြီးတော့ ရှင်းရှင်းလင်းလင်း မြင်နိုင်မှာဖြစ်သလို ရှေ့ဆက်သွားမယ့် ဒီမိုကရေစီပြုပြင်ပြောင်းလဲရေး လုပ်ငန်းတွေမှာ ယုံကြည်မှုလည်း ပိုပြီးတော့ ရစေမှာဖြစ်ပါတယ်။ ဒီအတွက် အမေရိကန်ပြည်ထောင်စုတင်မဟုတ်ပါဘူး၊ နိုင်ငံတကာရဲ့ အကူအညီတွေ ကျမတို့ လိုအပ်ပါတယ်။”
မစုမြတ်မွန်။   ။ ဒေါ်အောင်ဆန်းစုကြည် ၀မ်းသာတယ်လို့ ပြောခဲ့တာနောက်တစ်ခုကတော့ အမေရိကန်နဲ့ မြန်မာ ဆက်ဆံရေးပြေလည်တာကို ၀မ်းသာတဲ့အကြောင်း တရုတ်နိုင်ငံက ဒီကနေ့ ကြေညာချက် ထုတ်ပြန်ခဲ့တဲ့အပေါ်မှာ သူ့အနေနဲ့ ၀မ်းသာပါတယ်လို့ ဒီသတင်းစာ ရှင်းလင်းပွဲမှာ ပြောသွားခဲ့တာပါ။
“အမေရိကန်နဲ့မြန်မာ ထိတွေ့ဆက်ဆံမှုကို ကြိုဆိုတဲ့ တရုတ်နိုင်ငံခြားရေးဌာနရဲ့ ကြေညာချက်ကို ဒီကနေ့ ဖတ်ရတာ ကျမ အထူး ၀မ်းသာပါတယ်။ ဒါကိုကြည့်ခြင်းအားဖြင့် ကျမတို့ကို တကမ္ဘာလုံးက ထောက်ခံနေတယ် ဆိုတာကို ပြနေတာပါ။ ကျမတို့ရဲ့ အိမ်နီးချင်း တရုတ်နိုင်ငံနဲ့ ကောင်းမွန်တဲ့ဆက်ဆံရေး အမြဲတမ်း ထားရှိလိုပါတယ်။ ဒါကြောင့် ဒီအတွက် အထူး ၀မ်းသာမှုဖြစ်ပါတယ်။ တရုတ်နဲ့တင်မဟုတ်ပါဘူး၊ နိုင်ငံတကာနဲ့ ဆက်ဆံရေး ကောင်းချင်ပါတယ်။”
မစုမြတ်မွန်။  ။ ဒီကနေ့  အမေရိကန်နိုင်ငံခြားရေးဝန်ကြီးနဲ့ ဒေါ်အောင်ဆန်းစုကြည်တို့ ဆွေးနွေးဖြစ်ကြတဲ့ အထဲမှာ မြန်မာနိုင်ငံမှာ ဘယ်လိုအကူအညီတွေ လိုအပ်နေသလဲဆိုတာကို ဒေါ်အောင်ဆန်းစုကြည်က ထောက်ပြခဲ့တယ်လို့လည်း ပြောပါတယ်။ အမေရိကန် နိုင်ငံခြားရေးဝန်ကြီးဘက်ကတော့ သူ့ကို ဒေါ်အောင်ဆန်းစုကြည်က အခုလိုမျိုး နွေးနွေးထွေးထွေး ကြုံဆိုရုံတင်မကဘဲ နှစ်ပေါင်းများစွာ ကြံ့ကြံ့ခံ ခေါင်းဆောင်မှုပေးနိုင်တဲ့အပေါ်မှာ သူ့အနေနဲ့ အားကျတယ်လို့ဆိုပြီး အခုလို ပြောခဲ့ပါတယ်။
“ပထမဆုံး ဒေါ်အောင်ဆန်းစုကြည်ကို အထူး ကျေးဇူးတင်တဲ့အကြောင်း ပြောချင်ပါတယ်။ အခုလို နေအိမ်မှာ ဧည့်ဝတ်ပျူငှာစွာနဲ့ ဧည့်ခံကြိုဆိုတဲ့အတွက်ရော၊ ဒီမိုကရေစီရေးအတွက်၊ မြန်မာပြည်အနာဂတ်အတွက် ဖိနှိပ်ခံပြည်သူတွေ၊ အတိုက်အခံအဖွဲ့တွေဘက်ကနေ ခိုင်မာပြီး ရှင်းလင်းပြတ်သားမှုရှိတဲ့ ခေါင်းဆောင်မှု ပေးနိုင်တဲ့အတွက်ပါ။”
မစုမြတ်မွန်။  ။ မြန်မာနိုင်ငံမှာလုပ်နေတဲ့ ပြုပြင်ပြောင်းလဲမှုတွေအပေါ်မှာ အားရတယ်လို့ ခရီးစဉ် တလျှောက်လုံး ပြောခဲ့တဲ့ အမေရိကန် နိုင်ငံခြားရေးဝန်ကြီးက ဒေါ်အောင်ဆန်းစုကြည်အပါအ၀င် မြန်မာနိုင်ငံမှာ ပြုပြင်ပြောင်းလဲမှုတွေလုပ်ဖို့ ဆန္ဒရှိသူတွေ ပူးပေါင်း ဆောင်ရွက်သွားကြမယ်ဆိုရင် အောင်မြင်နိုင်မှာပါလို့လည်း ၀န်ကြီးကလင်တန်က ဒီသတင်းစာရှင်းလင်းပွဲမှာ ပြောသွားခဲ့ပါသေးတယ်။
“ဒေါ်အောင်ဆန်းစုကြည်၊ မြန်မာအစိုးရနဲ့ မြန်မာပြည်သူပြည်သားတွေအတွက် စောင့်ကြိုနေတဲ့ မဝေးတော့တဲ့ အနာဂတ်တစ်ခု ဖြစ်လာဖို့ ကြိုပမ်းချင်ကြတဲ့သူတွေ အားလုံးနဲ့ ကျမတို့ ပူးပေါင်းဆောင်ရွက်ချင်ပါတယ်။”
မစုမြတ်မွန်။   ။ မြန်မာနိုင်ငံမှာ တရားဥပဒေ စိုးမိုးရေးရှိဖို့က အဓိကလိုအပ်တယ်၊ နိုင်ငံရေးအကျဉ်းသားတွေ လွှတ်ပေးဖို့လိုအပ်တယ်ဆိုတာကို ဆွေးနွေးခဲ့ကြတဲ့အကြောင်း နှစ်ယောက်စလုံးက ပြောသွားခဲ့ကြတာပါ။ မြန်မာနိုင်ငံမှာ တရားဥပဒေ စိုးမိုးမှုရှိဖို့၊ အများကြီး ပြုပြင်ပြောင်းလဲဖို့ လိုအပ်နေသေးတဲ့ အစိုးရရဲ့ စွမ်းဆောင်မှုတွေကို မြှင့်တင်ပေးဖို့အတွက် အမေရိကန်က တတ်နိုင်တဲ့ဘက်က ကူညီသွားမယ့်အကြောင်း ကိုလည်း အမေရိကန်နိုင်ငံခြားရေးဝန်ကြီးက အသိပေး ပြောကြားသွားခဲ့ပါတယ်။ ဒီသတင်းစာရှင်းလင်းပွဲမှာ တစ်ယောက်နဲ့တစ်ယောက် ပွေ့ဖက်ပြီး ချစ်ချစ်ခင်ခင် ရှိပြီးတော့ အင်မတန်မှ နွေးထွေးတဲ့မြင်ကွင်းကိုလည်း ဒီကနေ့ တွေ့ခဲ့ရပါတယ်။
ဦးရော်နီညိမ်း။  ။ ဒေါ်အောင်ဆန်းစုကြည်အိမ်မှာလုပ်တဲ့ သတင်းစာရှင်းလင်းပွဲအပြင် နိုင်ငံခြားရေးဝန်ကြီး ကလင်တန်ဟာ အမေရိကန်သံရုံးမှာလည်းပဲ သတင်းစာရှင်းလင်းပွဲလုပ်တယ်လို့ သိရပါတယ်။ အဲဒီအကြောင်းကိုလည်း သိသလောက် ပြောပြပါဦးခင်ဗျ။ -
မစုမြတ်မွန်။  ။ ဟုတ်ပါတယ်ရှင့်။ ကျန်းမာရေးနဲ့ပတ်သက်ပြီးတော့ အမေရိကန်က အသေးစား ငွေချေးတာတွေ လုပ်ပေးသွားမယ်။ အင်္ဂလိပ်စာ သင်ကြားရေး အထောက်အပံ့တွေ ပေးသွားမယ်။ ပဋိပက္ခဖြစ်နေတဲ့နေရာတွေမှာ ဖွံ့ဖြိုးတိုးတက်ရေး အထောက်အပံ့တွေကို အမေရိကန်က ပေးသွားမယ် ဆိုပြီးတော့ အဓိက ပြောခဲ့တာပါ။ မြန်မာနိုင်ငံနဲ့ အမေရိကန်ကြားမှာ ပညာရေးဖလှယ်တဲ့အစီအစဉ်တွေကို လုပ်ပေးသွားမယ်ဆိုပြီးတော့လည်း ပြောသွားပါတယ်။ ဒီကနေ့ အမေရိကန်နိုင်ငံခြားရေးဝန်ကြီးဟာ ဒေါ်အောင်ဆန်းစုကြည်အပြင် တိုင်းရင်းသားအဖွဲ့ ၁၀ ဖွဲ့နဲ့လည်း တွေ့ဆုံသွားခဲ့ပါသေးတယ်။
ဦးရော်နီညိမ်း။  ။ အခု ၀န်ကြီးကလင်တန် မြန်မာနိုင်ငံကို လာရောက်တဲ့ခရီးစဉ်နဲ့ပတ်သက်ပြီး မြန်မာအစိုးရ မီဒီယာတွေအပါအ၀င် ပြည်တွင်း မီဒီယာတွေမှာ ဘယ်လောက်များ ဝေေ၀ဆာဆာ ဖော်ပြပြီးတော့ ပြည်သူလူထုကရော ဘယ်လောက်များ သိရှိပြီးတော့ စိတ်ဝင်စားမှုရှိပါသလဲ ခင်ဗျ။ -
မစုမြတ်မွန်။  ။ အဓိက ကတော့ ဒီခရီးစဉ်ကနေပြီးတော့ မြန်မာနိုင်ငံအတွက် အမေရိကန် ဘာတွေ လုပ်ပေးနိုင်မလဲဆိုတဲ့အပေါ်မှာ အများက စိတ်ဝင်စားတာပါ။ မြန်မာနိုင်ငံမှာ တကယ်လိုအပ်နေတဲ့လူတွေ အတွက်ကို ထောင့်စုံကနေ ဖြည့်ဆည်းပေးချင်တယ်ဆိုတဲ့ လူမျိုးလည်းရှိတယ်။ တချို့ကတော့လည်း စီးပွားရေးပိတ်ဆို့မှုတွေကို လုံးဝ ပြန်ပြီးတော့မလုပ်ရင်တောင်မှ အများပြည်သူအတွက် အကျိုးရှိနိုင်မယ့် လျှော့ပေါ့မှုမျိုး လုပ်စေချင်တဲ့သူလည်း ရှိတယ်။ လူငယ်ပိုင်းမှာဆိုရင်လည်း ပညာရေးကို တိုးတက်အောင် လုပ်ပေးစေချင်တဲ့သူတွေ ရှိပါတယ်။ သူ ဒီခရီးစဉ်နဲ့ပတ်သက်ပြီးတော့ ဘယ်လိုမျိုးတွေ ဖော်ပြနေသလဲ ဆိုတာကို ပြောရရင်တော့ ဒီကနေ့ထုတ်တဲ့သတင်းစာတွေမှာ မျက်နှာဖုံး စာမျက်နှာကနေစပြီးတော့ သူတို့မနေ့တုန်းက နေပြည်တော်မှာ ဆွေးနွေးခဲ့တဲ့အကြောင်းတွေကိုတော့ အပြည့်စုံ ရေးထားတာကို မြင်ရပါတယ်။
ဦးရော်နီညိမ်း။  ။ ကျေးဇူးပါပဲ မစုမြတ်မွန်ရေ။
http://www.voanews.com/burmese/news/

လူမှုရေးအဖွဲ့များ အရေးပါကြောင်း ဒေါ်ရွှေဇီးကွက်နှင့်တွေ့စဉ် ကလင်တန်ပြော – Clinton meets with civil society groups in Burma
ခင်နှင်းလွင်၊ ရန်ကုန်
ဒီဇင်ဘာ ၂၊ ၂၀၁၁

ယနေ့ ဟီလာရီ ကလင်တန် နှင့် တွေ့ဆုံကြသော လူထုအခြေပြု လူမှုအဖွဲ့အစည်း ကိုယ်စားလှယ်များ (ဓာတ်ပုံ – အမေရိကန် နိုင်ငံခြားရေး ဌာန)

ရန်ကုန်မြို့တွင် ရောက်ရှိနေသော အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က လူမှုရေးဆိုင်ရာ အဖွဲ့အစည်းမှ ပုဂ္ဂိုလ်များနှင့် တွေ့ဆုံစဉ် မြန်မာပြည်တွင် လူမှု အဖွဲ့အစည်းများ အရေးကြီးကြောင်း ပြောဆိုခဲ့သည်ဟု တွေ့ဆုံရာတွင် ပါဝင်သူ တဦး ဖြစ်သည့် ဒေါ်ရွှေဇီးကွက်က ပြောသည်။

“ဒီမိုကရေစီ အပြောင်းအလဲမှာ သူတို့လည်း လွတ်လွတ်လပ်လပ် လုပ်ကိုင်စေချင်တယ်။ အန်တီလည်း ပွင့်ပွင့်လင်းလင်း ပြောတယ်။ သူလည်း မြန်မာပြည်ရဲ့ အစီစဉ်အမှန်နဲ့ လူတန်းစားပေါင်းစုံ အကြောင်းကို သိရတာပေါ့” ဟု နာရေး ကူညီမှုအသင်းမှ ဒေါ်ရွှေဇီးကွက်က ပြောပြသည်။
ဝန်ကြီး ဟီလာရီကလင်တန်နှင့် ယနေ့တွေ့ဆုံသူများထဲတွင် Myanmar Egress မှ ဒေါက်တာနေ၀င်းမောင်၊ နိုင်ငံရေး အကျဉ်းသားဟောင်းများဖြစ်သော ရွှေည၀ါဆရာတော်၊ ၉၆ ကျောင်းသူ မဇင်မာအောင်၊ အိတ်ခ်ျအိုင်ဗွီ လူနာများအား ကူညီ စောင့်ရှောက်သူ မဖြူဖြူသင်း၊ သတင်းစာဆရာ မောင်ဝံသ၊ ဗေဒါ အခမဲ့ ပညာရေးကျောင်း တာဝန်ခံ ကိုမျိုးရန်နောင်သိန်း၊ အဆိုတော် ဇေယျာသော်၊ ဇာဂနာတို့လည်း ပါဝင်သည်။
ဒေါ်ရွှေဇီးကွက်က ဒီမိုကရေစီ မရသေးသည့် အချိန် လူမှုရေးလုပ်ငန်းများ လုပ်ကိုင်ရာတွင် ကြုံတွေ့ရသော အခက်အခဲတချို့အကြောင်း ဟီလာရီကလင်တန်အား ပြောပြခဲ့သည်။
“အန်တီတို့ လိုချင်တာ အားလုံး လွတ်လွတ် လပ်လပ် လုပ်ကိုင်ခွင့် ရစေချင်တာ။ အန်တီတို့ကို သိလို့ ခွင့်ပြုလိုက်တာကို မလိုချင်ဘူး” ဟု ဒေါ်ရွှေဇီးကွက်က သူ့အမြင်ကို ပြောပြသည်။
ယနေ့ တွေ့ဆုံပွဲတွင် ရွှေည၀ါဆရာတော်ကလည်း ဗုဒ္ဓဘာသာ ၈၀ ရာခိုင်နှုန်း ရှိသည့် နိုင်ငံတွင် ဇီဝိတ ဂရုဏာ ချိုးဖောက်ခြင်း ခံခဲ့ရသဖြင့် နိုင်ငံရေး အကျဉ်းသားများ မလွတ်မြောက်သေးဘဲ ပြည်တွင်းစစ် ဆက်ဖြစ်နေသည်ဟု ပြောပြကြောင်းလည်း သိရသည်။
“ပြည်သူပြည်သားတွေဟာ ၀မ်းနည်း ကြေကွဲဖွယ် ကောင်းတဲ့ တိုင်းပြည်အောက်က မလွတ်သေးပါဘူး။ သက်ကြီး ရွယ်အိုတွေ သားသည် မိခင်တွေရယ် သူတို့ ဘ၀တွေဟာ တော်တော် သနားစရာ ကောင်းအောင် ပြေးလွှားနေရတယ်။ စားစရာ မလုံလောက်ပေမဲ့ နိစ္စဒူဝ ခရစ်ယာန် အသင်းတော်တို့၊ ဗုဒ္ဓဘာသာ ဘုန်းကြီးကျောင်းတွေက ၀ိုင်းဝန်း ပံ့ပိုးကြပေမဲ့ ဘယ်လိုမှ မပြည့်စုံနိုင်ပါဘူး” ဟု ပြောခဲ့သည်။
ဆရာတော်က ကိုယ့်တိုင်းပြည်နှင့် လူမျိုးတရပ်လုံး အကျိုးစီးပွားအတွက် အရေးပါ အရာရောက်သော စကားကို ပြောခြင်း ဖြစ်သည့် အတွက် ကိုယ်ကျိုး မဟုတ်ကြောင်း၊ ယခုလို ပြောသည့်အတွက် ဖမ်းချင်လျှင် အချိန်မရွေး ဖမ်းနိုင်ကြောင်း တွေ့ဆုံပွဲအပြီး ကျောင်းသို့ လာရောက် မေးမြန်းသော ရဲသတင်းတပ်ဖွဲ့ကို မိန့်ကြားခဲ့သည်ဟု ဆိုသည်။
ရွှေည၀ါဆရာတော်သည် တရားဟောပြောခွင့် တနှစ် ပိတ်ပင်ခံနေရသည်။
ယခုနှစ် သြဂုတ်လ ၈ လေးလုံး နှစ်ပတ်လည် ဆွမ်း ဆက်ကပ်သည့်ပွဲကို ဆရာတော်၏ ကျောင်းတွင် ကျင်းပခဲ့သည်။
http://moemaka.com/2011/12/clinton-meets-with-civil-society-groups-in-burma/


ကလင်တန်နှင့် တွေ့ဆုံ အပြီး သတင်းထောက်များသို့ ဒေါ်အောင်ဆန်းစုကြည်၏ ပြောကြားချက် – press briefing after the meeting of Daw Suu and US Secretary of States
Eleven Media Group/Facebook
ဒီဇင်ဘာ ၂၊ ၂ဝ၁၁ယနေ့ နံနက်ပိုင်း အမေရိကန် နိုင်ငံခြားရေး ၀န်ကြီး ဟီလာရီ ကလင်တန်နှင့် ဒေါ်အောင်ဆန်းစုကြည်တို့ သတင်းထောက်များကို တွေ့ဆုံစဉ် (ဓာတ်ပုံ – Yangon Press International)

”ဟီလာရီအနေနဲ့ နေပြည်တော်မှာ နိုင်ငံတော် သမ္မတ၊ ၀န်ကြီးတွေ ၊ လွှတ်တော် ဥက္ကဋ္ဌတွေနဲ့ တွေ့ဆုံတဲ့ အခါမှာ ကောင်းမွန်တဲ့ တွေ့ဆုံမှုရှိခဲ့တယ်။

မြန်မာနိုင်ငံနဲ့ ပြန်လည် ထိတွေ့ဆက်ဆံရာမှာ အမေရိကန်ရဲ့ ခြေလှမ်းအစတွေဖြစ်သလို နှစ်နိုင်ငံကြားမှာ နားလည်မှု၊ ဆွေးနွေးမှုတွေနဲ့ ဆက်သွားကြမှာ ဖြစ်ပါတယ်။
အခုအချိန်က အမေရိကန်က ကျွန်မတို့အတွက် ကောင်းမွန်တဲ့ ဂိတ်ပေါက် တစ်ခုပဲ။ ဒီမိုကရေစီလမ်းကြောင်း ဖော်ဆောင်ရာမှာ လိုအပ်တဲ့ လူ့အခွင့်အရေး လှုပ်ရှားသူတွေ၊ လူမှုအဖွဲ့အစည်းတွေကြားမှာ ဂုဏ်သိက္ခာရှိရှိ ထိတွေ့ ဆက်ဆံသွားဖို့ မျှော်လင့် တယ်။
ကျွန်မတို့ အကူအညီတွေ လိုပါတယ်။ အမေရိကန်နိုင်ငံမှ မဟုတ်ပါဘူး။ နိုင်ငံတကာမှာရှိတဲ့ လူမှု အဖွဲ့အစည်းတွေ အပါအ၀င်ပါ။ နိုင်ငံမှာလိုအပ်မယ့် နည်းပညာတွေအတွက် ပံ့ပိုးမှုတွေမှာ ကမ္ဘာ့ဘဏ်တွေလိုမျိုး နိုင်ငံတကာအဖွဲ့အစည်းတွေနဲ့ ထိတွေ့ဆက်ဆံဖို့ လိုတယ်။
ယုံ ကြည်ချက်ကြောင့် အကျဉ်းကျခံနေရတဲ့ နိုင်ငံရေးသမားတွေ ပြန်လည်လွတ်မြောက်လာဖို့ အဲလိုပြောတဲ့အခါမှာ တိုင်းပြည်ရဲ့အခြေခံကျလှတဲ့ တရားဥပဒေ စိုးမိုးရေးပိုင်း အရ နောင်မှာနိုင်ငံရေးအကျဉ်းသားတွေ လွတ်မြောက်နိုင်အောင် လုပ်ဖို့ လိုအပ်ပါတယ်။ ဒါ့ကြောင့် တရား ဥပဒေစိုး မိုးရေးပိုင်းကို အထူးဂရုပြုဖို့ လိုအပ်ပါတယ်။
ပြီးတော့ ကျွန်မတို့ ပြည်ထောင်စုသမ္မတ မြန်မာနိုင်ငံတော်မှာ တိုင်းရင်းသား လူမျိုးစုတွေ အများကြီးပါ ။ တိုင်းရင်းသား လူမျိုးစုတွေရဲ့ သာတူညီမျှရှိစေမယ့် ခံစားခွင့်တွေ တိုင်းရင်းသားအရေးတွေကိုလည်း အလေးထား စဉ်းစားကြဖို့ မျှော် လင့်တယ်။
အဲဒီအတွက် ကျွန်မ အခိုင်မာ ယုံကြည်တာကတော့ မြန်မာနိုင်ငံရဲ့ တရားဥပဒေ စိုးမိုးရေးပိုင်းမှာ လိုအပ်ချက်တွေကို အစိုးရသစ်၊ အမေရိကန် သာမက နိုင်ငံတကာအဖွဲ့အ စည်း၊ အတိုက်အခံ ၊တစ်ကမ္ဘာလုံးက တူညီတဲ့ လုပ်ဆောင်ချက်၊ တန်ဖိုးတွေ သာရှိမယ်ဆို အားလုံး လက်တွဲ ပါဝင် ကူညီကြဖို့ လိုတယ်။
ကျွန်မယုံကြည်ပါတယ် ဒီမိုကရေစီစနစ်ကို ဘယ်တော့မှ နောက်ပြန်မကွေ့ဘူးဆိုတာ။ ပြီးတော့ တရုတ်နိုင်ငံ အရေးကိစ္စပါ။တရုတ်က ကျွန်မတို့ရဲ့ အိမ်နီးချင်းနိုင်ငံ ဖြစ်သလို ကောင်းမွန်တဲ့ ဆက်ဆံ ရေးတွေ ဆက် ရှိနေဖို့လည်း ကျွန်မ မျှော်လင့်တယ်”
http://moemaka.com/2011/12/press-briefing-after-the-meeting-of-daw-suu-and-us-secretary-of-states/



ဒေါ်အောင်ဆန်းစုကြည်၏ နေအိမ်သို့ ဟီလာရီ ကလင်တန် သွားရောက်ဆွေးနွေး – Clinton visits Daw Suu’s house
မိုးမခအထောက်တော် အမှတ် ဝဝ၁
ဒီဇင်ဘာ ၂၊ ၂ဝ၁၁
ဓာတ်ပုံများ – AFP

အမေရိကန်နိုင်ငံခြားရေး ဝန်ကြီး ဟီလာရီကလင်တန် နှင့် လက်ထောက်များသည် ယနေ့ နံနက်ပိုင်းတွင် ရန်ကုန်မြို့ ဒေါ်အောင်ဆန်းစုကြည်၏ နေအိမ်သို့ သွားရောက်ကြသည်။

ယမန်နေ့ညကလည်း ကလင်တန်က ဒေါ်စုကို ဖိတ်ကြားပြီး ညစာစားစဉ် စကားပြောဆိုခဲ့ကြပြီး ဖြစ်သည်။ ထိုသို့ ပြောဆိုရာတွင် ကလင်တန်၏ နေပြည်တော် ခရီးစဉ်အကြောင်း ပါဝင်သည်ဟု သိရသည်။
ရန်ကုန်မှ သတင်းသမားများကလည်း ယနေ့နံနက် ဒေါ်စုအိမ်တွင် မြန်မာ့ဒီမိုကရေစီအရေး ဆွေးနွေးသည့် သတင်းသည် ကလင်တန်၏ နေပြည်တော်ဆွေးနွေးပွဲထက် ပို၍ စိတ်ဝင်စားဖွယ်ကောင်းသည်ဟု ပြောဆိုနေကြကြောင်း ရန်ကုန်မှ သတင်းထောက်တဦးက ပြောသည်။
ကမ္ဘာကျော်အမျိုးသမီးများဖြစ်သည့် ကလင်တန် နှင့် ဒေါ်စုတို့ နှစ်ဦး တွေ့ဆုံသည့် ဓာတ်ပုံများမှာ ဖေ့စ်ဘုတ်တွင် လက်ဆင့်ကမ်း ပေးပို့ ကြည့်ရှုနေကြကြောင်း တွေ့ရသည်။
အင်တာနက်တွင် တွေ့ရသော ယနေ့နံနက်ပိုင်း ဆွေးနွေး ဓာတ်ပုံများတွင် NLD မှ တခြားခေါင်းဆောင်များ ပါဝင်ခြင်း မရှိပေ။ ဒေါ်စုနှင့် ဆွေးနွေးနေသည့်ပုံများတွင် ကလင်တန် နှင့် အမေရိကန် နိုင်ငံခြားရေးဌာနမှ အရာရှိကြီးများ ပါဝင်ကြောင်း တွေ့ရသည်။



ကမ္ဘာကျော်၂ ဦးနှင့် ဓာတ်ပုံတွဲရိုက်နေသော အမျိုးသမီးများ


အမေရိကန်-မြန်မာ တွေ့ ဆုံ မှု ရလာဒ် များ
by FNG on December 2, 2011

အမေရိကန် နိုင်ငံခြားရေး ဝန်ကြီး ဟီလာရီကလင်တန် ၏ မြန်မာ ခရီးစဉ် တွင် မြန်မာ သမ္မတ
ဦးသိန်းစိန် နှင့် ဇနီး ၊ပြည်သူ့ လွှတ်တော် ဥက္ကဌ ဦးသူရ ရွှေ မန်း ၊ နိုင်ငံခြားရေးဝန်ကြီး ဦးဝဏ္ဏမောင်လွင်
အပါအ၀င် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည် တို့  နှင့် တွေ့ ဆုံ ခဲ့ သည်။

မြန်မာ အမေရိကန် ထိပ်တန်း အစိုးရ အဆင့် ခေါင်းဆောင် များ တွေ့ ဆုံ ပြီး နောက် မြန်မာ အစိုးက
ကတိ ပြု ခဲ့ သည်များ မှာ —-

(၁) ပြုပြင် ပြောင်း လဲ ရေး ကို နောက် ကြောင်း ပြန်လှည့် မည် မဟုတ်

(၂) စစ်တပ် အုပ် ချုပ် ရေး နှင့် စစ်အာဏာ သိမ်းခြင်း တို့  ပြန်လည် ပေါ်ပေါက်စေလိမ့် မည် မဟုတ်

(၃) နိုင်ငံ ရေး အကျဉ်းသား အားလုံး ကို အမြန် ဆုံး ပြန်လွှတ်ပေး မည်

(၄) မြောက် ကိုရီးယား နိုင်ငံ နှင့် စစ်ရေး ဆက် ဆံ မှု များ ကို ဖြတ်တောက် သွားမည်

(၅) ပြည်တွင်းငြိမ်းချမ်းရေးနဲ့ နယ်ခြားဒေသတွေမှာ လူသားချင်းစာနာမှု အကူညီပေးခွင့်ရရေး တို့ 
ကို ဖော်ဆောင် မည်

(၆) ရှေ့ ဆက် မည့် နိုင်ငံ ရေး တွင် နိုင်ငံ သား တိုင် ပါဝင် ခွင့် ရရှိ ရေး

(၇)ဒုတိယ ကမ္ဘာ စစ် အတွင်း ကျဆုံး ခဲ့ သည့် အမေရိကန် စစ်သား များ အလောင်း ပြန်လည်ရှာဖွေ
ရေး လိုက်လျှောမှု

အမေရိကန် က မြန်မာ့ ပြောင်းလဲ မှု များ အတွက် ပြန်လည် အသိအမှတ် ပြု ဆောင်ရွက် မှု များ

(၁) မြန်မာ နိုင်ငံ နှင့် ဆက်ဆံ ရေး တွင် သံအမတ် ကြီး အဆင့် ပြန်လည် ထား ရှိ သွားမည်

(၂) အပြောင်းအလဲ တစ်ချို့  ကို ဖော်ဆောင် ခဲ့ သည့် အတွက် ကူညီ ထောက်ပံ့ မှု များ ပြန်
လည် ပေး သွား မည်။

(၃) ဒီမိုကရေစီ ဖော်ဆောင်ရေး ဖြစ်စဉ် များ တွင် အကူ အညီပေး မည်( လွှတ်တော် ၊ အရပ်
ဘက် အုပ် ချုပ် ရေး နှင့် ရွေးကော်ပွဲ စသည် များ )

(၄) ပြည်တွင်း စစ် ရပ်တန့် ပြီး ငြိမ်းချမ်းရေး တည် ဆောက် နိုင် မှု ၊ နိုင်ငံသား တိုင်း နိုင်ငံ ရေး
တွင် ပါဝင် နိုင်မှု ၊ နိုင်ငံရေး အကျဉ်းသား လွတ်မြောက်ရေး တို့  ကို ပြီး ပြတ် အောင်
ဆောင် ရွက် နိုင်လျှင် ကန့်  သန့်  ထား ချက် များ ဖယ်ရှား ဖို့  စဉ်းစား မည်။

FNG စာတည်း အဖွဲ့  က ယနေ့ ထုတ် နိုင်ငံ တကာ သတင်း စာ များ တွင် ဖော် ပြ ထား ချက် များ
ကို ကောက် နှုတ် ဖော် ပြ သည်။
http://freedomnewsgroup.com/2011/12/02/result-of-u-s-myanmar-first-reaching-out/