Wednesday, December 28, 2011

ဇန်န၀ါရီ ၄ ရုပ်ရှင်ပွဲတော်အတွက် '' ကြိုး ''

http://www.mediafire.com/file/7ed17p8gykpdmdc/kyoe.mp4

ဒေါ်အောင်ဆန်းစုကြည်အနေဖြင့် (၈၈)ကျောင်းသားများနှင့် ပူပေါင်း၍ ရွေးကောက်ပွဲပညာပေးဆိုင်ရာ နိုင်ငံရေး သင်တန်းများ ဖွင့်လှစ်မည်

ထွန်းနေအောင်(မြစ်မခ)
by Myit Makha Mediagroup on 28 Dec, 2011

မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်အနေဖြင့် ဒီမိုကရေစီအသွင်ကူးပြောင်းမှုဖြစ်စဉ်များ အတွက်(၈၈)မျိုးဆက်ကျောင်းသားများဖြင့်ပူပေါင်း၍ ရွေးကောက်ပွဲပညာပေးဆိုင်ရာနိုင်ငံရေး သင်တန်းများဖွင့်လှစ်ရန် ရည်ရွယ်ထားကြောင်း သိရှိရသည်။

ရွေးကောက်ပွဲဆိုင်ရာစည်းမျဉ်းစည်းကမ်းနှင့် နည်းဥပဒေများကို နားလည်သိရှိရန် လိုအပ်သလို ဖွဲ့စည်းပုံ အခြေခံဥပဒေကိုလည်း နိုင်ငံရေးအဖွဲ့အစည်းများနှင့် ပြည်သူလူထုကြားတွင် ကျယ်ကျယ်ပြန့်ပြန့် နားလည် သိရှိရန်လိုအပ်သည့်အတွက် ဒေါ်အောင်ဆန်းစုကြည်မှ နိုင်ငံရေးသတင်တန်းပေးလိုခြင်း ဖြစ်ကြောင်း (၈၈) မျိုးဆက်ကျောင်းသားတဦးထံမှ သိရှိရသည်။

“Constitution(ဖွဲ့စည်းပုံ) ဘာကြောင့် လက်မခံနိုင်တာလဲ အဲဒါတွေကို ပြည်သူတွေကို ပညာပေးဖို့ လိုအပ်သလို မဲပေးတဲ့အခါမှာ ကိုယ်ကြိုက်တဲ့သူကို ရဲရဲဝံ့ဝံ့ ရွေးချယ်တတ်အောင် ဒီမိုကရေစီ ပြုပြင် ပြောင်းလဲရေးမှာ ပြည်သူလူထုပါ ပါလာအောင် စည်းရုံးပညာပေးလုပ်ငန်းတွေမှာပါဝင်လာဖို့ လူငယ် တွေနိုင်ငံရေးမှာ ပါဝင်လာအောင် စည်းရုံးရေးသင်တန်းတွေဖွင့်ရင် ကျွန်တော်တို့ (၈၈) အနေနဲ့ အကူအညီ ပေးသွားမှာပါ”ဟု (၈၈)မျိုးဆက်ကျောင်းသားတဦးဖြစ်သူ ကိုစိုးထွန်း မှပြောသည်။

မြန်မာနိုင်ငံတွင် နိုင်ငံရေးသင်တန်းများအား လူမှုရေးအဖွဲ့အစည်းအချို့နှင့် နိုင်ငံရေးပါတီများမှ ဖွင့်လှစ် သင်ကြားပေးလျက်ရှိကြောင်း သိရှိရသည်။

“နိုင်ငံရေးပါတီတွေကတော့ သူတို့ပါတီဝင်တွေကို သင်တန်းတွေပေးနေတာပဲ၊ မြန်မာအီးဂရက်စ်(Egress) ကလည်း ပေးတယ်လို့သိရတယ်၊ အဲ့ဒီသင်တန်းတွေကနေမှာ နိုင်ငံရေးဗဟုသုတတွေနဲ့ နိုင်ငံတကာက အတွေ့အအကြုံတွေ ရတယ်” ဟု အမျိုးသားဒီမိုကရေစီအင်အားစုပါတီမှ ဖွင့်လှစ်သည့် နိုင်ငံရေးသင်တန်း တတ်ရောက်ခဲ့သူတစ်ဦီးက ပြောသည်။

လက်ရှိနိုင်ငံရေးပါတီများတွင် အမျိုးသားဒီမိုကရေစီအင်အားစုပါတီ၊ဒီမိုကရက်တစ်ပါတီ(မြန်မာ)နှင့် တိုင်ရင်း သားပါတီအချို့မှလည်း နိုင်ငံရေးသင်တန်းများအားအခါအားလျော်စွာ ဖွင့်လှစ်ပို့ချလျက်ရှိကြောင်း သိရှိရသည်။
http://www.myitmakhamediagroup.com/detail.php?newid=504

အွန်လိုင်း​ရောက်ဇာတ်ကား​အချို့​ လွတ်လပ်ခြင်း​အနုပညာရုပ်ရှင်ပြိုင်ပွဲမှ ပယ်ဖျက်


Published on December 28, 2011 by ရွှေအောင်
လွတ်လပ်ခြင်း​ အနုပညာရုပ်ရှင်ပွဲ​တော်မှာ ဝင်​ရောက်ပြိုင်ပွဲဝင်ထား​ပြီး​ အွန်လိုင်း​ပေါ် ကြို​ရောက်​နေတဲ့​ ဇာတ်ကား​တချို့​ကို ပြိုင်ပွဲဝင် ဇာတ်ကား​အဖြစ်က​နေ ပယ်ဖျက်လိုက်ပါတယ်။

ပြိုင်ပွဲဝင်ရုပ်ရှင်ကား​တချို့​ဟာ ပြိုင်ပွဲကျင်း​ပ​ရေး​ အမှု​ဆောင်အဖွဲ့​ ဆန်ကာတင်စာရင်း​ မ​ကြေညာမီကတည်း​က အင်တာနက် လူမှုကွန်ရက်စာမျက်နှာ​တွေ​ပေါ် ​ရောက်ရှိလာခဲ့​တဲ့​ ကား​တွေကို စည်း​ကမ်း​ချက်နဲ့​ မညီတဲ့​အတွက် ပယ်ဖျက်လိုက်တာလို့​ အမှု​ဆောင်တဦး​ဖြစ်တဲ့​ ဒါရိုက်တာ​မောင်သူရ ​ခေါ် ဇာဂနာက ​ပြောပါတယ်။

“ကျ​နော်တို့​ ပြိုင်ပွဲရဲ့​ စည်း​ကမ်း​အရကို စည်း​ကမ်း​နဲ့​ကို မညီညွတ်ဘူး​။ ကျ​နော်တို့​ တရား​ဝင် စည်း​ကမ်း​ထဲမှာ ပါပြီး​သား​ပါ။ ကျ​နော်တို့​ ပြိုင်ပွဲမှာ စပြတဲ့​ကား​သာ ကျ​နော်တို့​ ဖြစ်ချင်ပါတယ်။ အွန်လိုင်း​မှာဖြစ်​စေ၊​ ရပ်ကွက်ထဲမှာဖြစ်​စေ၊​ ပြန့်​ပြီး​သား​ကား​တွေ ကျ​နော်တို့​ လက်မခံပါဘူး​။ နဂိုကတည်း​က ​ကြေညာထား​ပြီး​သား​ဖြစ်တဲ့​အတွက် ဖျက်လိုက်ပါပြီ။”

မြန်မာ့​ရုပ်ရှင်ဆင်ဆာအဖွဲ့​အ​ကြောင်း​ ရိုက်ကူး​ထား​တဲ့​ “အဲဒီ့​အခန်း​ဖြတ်” အမည်ရ ပြိုင်ပွဲဝင်ဇာတ်ကား​ဟာ ပြီး​ခဲ့​တဲ့​အပတ်ထဲ အွန်လိုင်း​ပေါ်​ရောက်လာပြီး​ လူကြိုက်လည်း​ များ​ခဲ့​ပါတယ်။

လွတ်လပ်ခြင်း​ အနုပညာရုပ်ရှင်ပွဲ​တော်ကို ရုပ်ရှင်နဲ့​မှတ်တမ်း​ ရုပ်ရှင်​ပေါင်း​ ၁၈၀ ​ကျော် ​ပေး​ပို့​ ယှဉ်ပြိုင်ခဲ့​ကြပြီး​ အဲဒီအထဲက ဆန်ကာတင် ၅၃ ကား​ ​ရွေး​ချယ်ထား​ပြီး​ဖြစ်ပါတယ်။

အဲ့​ဒီကား​တွေကို ဒီဇင်ဘာ ၃၁ ရက် ရုပ်ရှင်ပွဲ​တော်ဖွင့်​ပွဲ​နေ့​မှာ ​ကြေညာပြီး​ ဇန်နဝါရီ ၁ ရက်က​နေ ၃ ရက်အထိ အများ​ပြည်သူကို အခမဲ့​ပြသမှာဖြစ်ပါတယ်။ ပြသမယ့်​နေရာက​တော့​ ရန်ကုန်ပြည်လမ်း​ ​တော်ဝင်စင်တာရှိ ရုပ်ရှင်ပြခန်း​ငယ်​တွေမှာ ဖြစ်ပါတယ်။

ဆုရကား​တွေကို​တော့​ ဇန်နဝါရီလ ၄ ရက်​နေ့​မှာ ​ကြေညာပြီး​ ဆုချီး​မြှင့်​သွား​မှာဖြစ်ပါတယ်။

လွတ်လပ်ခြင်း​ အနုပညာရုပ်ရှင်ပွဲ​တော်ဟာ လွတ်လပ်ခြင်း​အ​ပေါ် အ​ခြေခံပြီး​ ရိုက်ကူး​ဖန်တီး​ထား​တဲ့​ ရုပ်ရှင်ဇာတ်ကား​များ​မှတဆင့်​ မြန်မာပြည်သူ​တွေအကြား​ လွတ်လပ်ခြင်း​ရဲ့​ အနှစ်သာရနဲ့​ အ​တွေး​အ​ခေါ် အယူအဆ​တွေ ပျံ့​နှံ့​စေဖို့​ ပထမဆုံး​ အကြိမ် ရည်ရွယ်ကျင်း​ပခဲ့​တာပါ။
http://burmese.dvb.no/archives/19239

လွတ်လပ်ခြင်းအနုပညာရုပ်ရှင်ပွဲတော်တွင် မြန်မာနိုင်ငံမှ ဇာတ်ကားများသာ ရွေးချယ်ပြသမည်


ဝင့်သင်ဇာကျော် (မြစ်မခ)
by Myit Makha Mediagroup on 28 Dec, 2011


လွတ်လပ်ခြင်းအနုပညာရုပ်ရှင်ပွဲတော်အတွက် ရွေးချယ်ပြသရန် စီစဉ်ထားသော ဇာတ်ကား (၅၄)ကားသည် မြန်မာနိုင်ငံမှ ၀င်ရောက် ယှဉ်ပြိုင်သူများ၏ ဇာတ်ကားများသာ ဖြစ်ကြောင်း သိရှိရသည်။

အဆိုပါ ရုပ်ရှင်ပွဲတော်အတွက် ၀င်ရောက်ယှဉ်ပြိုင်ရန် ပေးပို့ထားသော ဇာတ်ကားများမှာ (၁၈၇) ကား ရှိ သော်လည်း ပြသမည့်အချိန်နှင့် နေရာအခက်အခဲကြောင့် ဇာတ်ကား (၅၄)ကား ကိုသာ စီစစ် ရွေးချယ်လိုက်ပြီး ရုံတင်ပြသမည်ဖြစ်ကြောင်း သိရှိရသည်။

“အားလုံးပေါင်းက (၁၈၇) ကားရှိပါတယ် ပြသမဲ့ရုံ ပြသာနာနဲ့ အချိန်ကြောင့် စိစစ်လိုက်တာ (၅၄)ကား လောက် ထွက်လာတယ်၊အဲဒီဇာတ်ကားတွေကလည်း ပြည်တွင်းက ဇာတ်ကားတွေပဲ ပြည်ပက မပါပါဘူး ”ဟု ကိုဇာဂနာ(ခေါ်)ကိုသူရ ကပြောသည်။

လွတ်လပ်ခြင်းအနုပညာရုပ်ရှင်ပွဲတော်နေ့တွင် ပြသမည့်ရှပ်ရှင်ကားများကိုလည်း လူထုခေါင်းဆောင် ဒေါ်အောင်ဆန်းစုကြည် ၊ ဒါရိုက်တာမင်းထင်ကိုကိုကြီးနှင့် ကိုဇာဂနာ(ခေါ်)ကိုသူရတို့မှ အကဲဖြတ်ပေးမည် ဖြစ်ကြောင်း သိရသည်။

လွတ်လပ်ခြင်းအနုပညာရုပ်ရှင်ပွဲတော်ကို ဒီဇင်ဘာလ (၃၁)ရက်နေ့တွင် အမျိုးသားဒီမိုကရေစီခေါင်းဆောင် ဒေါ်အောင်ဆန်းစုကြည်မှ ဖွင့်လှစ်ပေးမည်ဖြစ်ပြီး ၂၀၁၂ ခုနှစ် ဇန်န၀ါရီလ (၁)ရက်နေ့မှ (၃)ရက်နေ့အထိ ရွေးချယ်ထားသော ရုပ်ရှင်ကား (၅၄) ကားကို ရန်ကုန်မြို့ ပြည်လမ်းရှိ တော်ဝင်စင်တာမှ ရုပ်ရှင်ရုံ(၂)ရုံတွင် အခမဲ့ပြသပေးမည် ဖြစ်ကြောင်း စုံစမ်းသိရှိရသည်။

၂၀၁၂ခုနှစ် ဇန်န၀ါရီလ (၄)ရက်နေ့တွင် စိစစ်ရွေးချယ်ထားသော (၅၄)ကားမှ ဆုရရှိသော ရုပ်ရှင်ကားများကို လူထုခေါင်းဆောင် ဒေါ်အောင်ဆန်းစုကြည်မှ ဆုချီမြှင့်ပေးမည်ဖြစ်ပြီး နိုင်ငံတကာ ရုပ်ရှင်ပွဲတော်တွင်လည်း ပြသသွားမည်ဖြစ်ကြောင်း သိရှိရသည်။
http://www.myitmakhamediagroup.com/detail.php?newid=501

စစ်အစိုးရ ပြုတ်ကျရေး အတွက် အားပေး ခဲ့ သူ ဂျော့ဆိုးရော့စ် မြန်မာ ပြည်ရောက်နေ


by FNG on December 28, 2011
article-1015576-008FECF40000044C-26_233x340_popup
၁၉၈၈ ခုနှစ် မှ စပြီး နိုင်ငံရေး အာဏာ ကို သိမ်း ပိုက် ထား ခဲ့ သည့် မြန်မာ စစ်အစိုးရ ပြုတ် ကျ
ရေး အတွက် နည်းလမ်း ပေါင်းစုံ ဖြင့် ကြိုးစား ခဲ့ သည့် မြန်မာ အတိုက် အခံ များ ကို ၎င်း တည်
ထောင်ထား သည့် Open Society Institute မှ တစ်ဆင့် ထောက်ပံ့ ခဲ့ သည့် အမေရိကန် ငွေ
ကြေး ကစား သူ နှင့် သန်းကြွယ် သူ ဌေး ကြီး ဂျော့ ဆိုးရော့စ် သည် ဒီဇင်ဘာ လ ၂၆ ရက်နေ့ 
တွင် ၎င်း ၏ ကိုယ်ပိုင် လေယာဉ် ဖြင့် မြန်မာ နိုင်ငံ ရန်ကုန် မြို့  သို့  ရောက် ရှိ ခဲ့ သည် ဟု FNG
မှ သတင်း ရရှိ သည်။
ဂျော့ ဆိုးရော့စ် သည် ရန်ကုန် မြို့ ကမ္ဘာ အေး ဘုရား လမ်း ရှိ Sedona Hotel တွင် တည်း ခို ခဲ့
ပြီး ယနေ့ မနက် အစော ပိုင်း က အင်းလေး ကန် ဒေသ သို့  ဆက် လက် ထွက် ခွာ သွား သည်
ဟု အမည် မဖော် လို သည့် စီးပွားရေး လုပ်ငန်း ရှင် တစ်ဦးက ပြောသည်။
နှစ်သစ် ကူး နေ့  တွင် ပုဂံ မြို့  ဉ် ရှိ မည် ဖြစ် ပြီးဇန်န၀ါရီလ  လ ၁ ရက်နေ့ တွင် နေပြည်တော် မှ
မြန်မာ အစိုးရ အဖွဲ့  ၀င် များ နှင့် တွေ့ ဆုံ မည် ဖြစ်ပြီး ဇန်န၀ါရီ လ ၂ ရက်နေ့  တွင် ဒေါ်အာင်ဆန်း
စုကြည် နှင့် တွေ့ ဆုံ မည် ဖြစ်သည်။
၁၉၉၂ ခုနှစ် တွင် အင်္ဂလန် ဘဏ္ဍာ စနစ် ကို လည်ပတ် စေသည့် Bank of England ကို ယိုင်နဲ့ 
သွား အောင် ငွေကြေး ကစား ခဲ့သူ ဖြစ်ပြီး ( Black Wednesday UK currency crisis)
၁၉၉၇ ခုနှစ် တွင် ထိုင်း ငွေကြေး ဈေးကွက် ပြိုလဲ မှု တွင် သူ၏ Quantum Fund  က အဓိ
ကနေ ရာ မှ ပါဝင် ခဲ့ သည်။
အသက် ၈၁ နှစ် ရှိ ပြီ ဖြစ် သည့် ဆိုးရောစ် သည့် နိုင်ငံ တကာရှိ ဒီမိုကရေစီ နည်း လမ်း မကျ
သည့် အစိုးရ များ ကို ဆန့် ကျင်သည့် ပြည်သူ များ ၏ လှုပ်ရှား မှု များ ကို ထောက်ပံ့ပေး သူ
လည်း ဖြစ်ပြီး ယခု နောက်ဆုံး ရုရှား လူထု အုံကြွ မှု မှ လည်း သူ၏ လက်ချက် နှင့် မကင်း
ဟု ရုရှား အစိုးရ အာဘော် သတင်း များ တွင် ရည်ညွှန်းထား သည်။
ဂျော့ ဆိုးရော့စ် ၏ Open Society Institute မှာ ၂၀၀၈ ခုနှစ် နောက် ပိုင်း တွင် မြန်မာ အ
စိုးရ ကို လို လား သည့် ပြည်တွင်း အဖွဲ့  အစည်း တစ် ချို့  နှင့် ချိတ် ဆက် ဆောင် ရွက်မှု များ ရှိ
လာ ခဲ့ သည်။
ဂျော့ဆိုးရော့စ် သည် ဒေါ်လာ ၂၂ ဘီလျှံ ခန့်  ချမ်းသာ ကြွယ်ဝ သည်။သူ ၏ မြန်မာ ပြည် ခရီး
စဉ် ရှိ ကြောင်း ကို FNG Facebook စာမျက် နှာ တွင် ဖော်ပြ ခဲ့ ပြီး ဖြစ်သည်။
လက်ရှိ OSI ၏ ဥက္ကဌ အဖြစ် ခရစ္စတိုဖာ လီ က ဆောင်ရွက် သည်။
http://freedomnewsgroup.com/2011/12/28/soros-vacation/


အ​မေရိကန်သန်း​ကြွယ်သူ​ဌေး​ကြီး​ ​ဒေါ်​အောင်ဆန်း​စုကြည်နဲ့​တွေ့​မည်


Published on December 28, 2011 by ရွှေအောင်

အမျိုး​သား​ဒီမိုက​ရေစီအဖွဲ့​ချုပ်​ခေါင်း​ဆောင် ​ဒေါ်​အောင်ဆန်း​စုကြည်နဲ့​ အ​မေရိကန်သူ​ဌေး​ကြီး​ ​ဂျော့​ဆို​ရော့​စ်တို့​ လာမယ့်​ ဇန်နဝါရီ ၂ ရက် တနင်္လာ​နေ့​မှာ ​တွေ့​ဆုံဖို့​ရှိတဲ့​အ​ကြောင်း​ အန်အယ်လ်ဒီအသိုင်း​အဝိုင်း​က အတည်ပြု ​ပြောဆိုပါတယ်။

ဂျော့ဆိုရော့စ်

ဂျော့​ဆို​ရော့​စ်ဟာ မိသား​စုနဲ့​အတူ သူပိုင်​လေယာဉ်နဲ့​ ဒီဇင်ဘာ၂၆ ရက်ကတည်း​က မြန်မာပြည်ကို အလည်ခရီး​ရောက်ရှိ​နေပြီး​၊​ ဒီဇင်ဘာ၂၈ ရက်မှာ​တော့​ အင်း​လေး​ကန်ကို သွား​ရောက်လည်ပတ် ​နေတယ်လို့​သိရပါတယ်။

ဂျော့​ဆို​ရော့​စ် အင်း​လေး​ကို လာလည်မယ့်​အ​ကြောင်း​ အင်း​တိုင်း​ရင်း​သား​ပါတီ ဥက္ကဋ္ဌ ဦး​ဝင်း​မြင့်​က ​ပြောပါတယ်။

“​ကျ​နော်တို့​ သတင်း​ရတယ်ခင်ဗျ။ ကိုယ့်​အဆက်အသွယ်နဲ့​ လုပ်ပြီး​တော့​ ဟဲဟိုး​လေယာဉ်ကွင်း​ကို ​ရောက်မယ်။ ​နောက် ​ညောင်​ရွှေအ​နောက်ဘက်ကမ်း​မှာ ရှိတဲ့​ ​ခေါင်တိုင်ဆိုတဲ့​ ​ကျေး​ရွာ​လေး​က ဟိုတယ်တခုမှာ သူတည်း​မယ်ဆိုတာ ကျ​နော်တို့​ သိရှိခဲ့​တယ်။”

အင်း​သား​ပါတီအ​နေနဲ့​ ​ဂျော့​ဆို​ရော့​စ်နဲ့​ ​တွေ့​ဆုံဖို့​ရှိပြီး​၊​ ​တွေ့​ခွင့်​ရရင် အင်း​လေး​ကန် ​ရေရှည်တည်တံ့​ခိုင်မြဲ​ရေး​အတွက် ​ဆွေး​နွေး​မယ်လို့​လည်း​ ​ပြောပါတယ်။

အစိုး​ရတာဝန်ရှိသူ​တွေနဲ့​ ​တွေ့​ဆုံဖို့​ ရှိမရှိ မ​သေချာ​သေး​ဘဲ သူ့​ခရီး​စဉ်ဟာ အလည်အပတ်ခရီး​ ဖြစ်ဖို့​များ​တယ်လို့​ ရန်ကုန်ကုန်သည်စက်မှုလုပ်ငန်း​ရှင် အသိုင်း​အဝိုင်း​က ခန့်​မှန်း​သုံး​သပ်​နေကြပါတယ်။

ဂျော့​ဆို​ရော့​စ် တည်​ထောင်ထား​တဲ့​ Open Society Institute (OSI) ဟာ ဒီမိုက​ရေစီထွန်း​ကား​ရေး​အတွက် အ​ထောက်အပံ့​ပေး​နေပြီး​ အဲ့​ဒီ​ထောက်ပံ့​မှုနဲ့​ Burma Project/ Southeast Asia Institute ကို တည်​ထောင်ထား​ပါတယ်။ အဲ့​ဒီ project ဟာ မြန်မာ့​အ​ရေး​ အ​ထောက်အပံ့​ပေး​ဖို့​ အဓိကဖွဲ့​စည်း​ထား​တာဖြစ်ပြီး​ အဖွဲ့​အစည်း​ပေါင်း​ ရာနဲ့​ချီကို နှစ်စဉ်​ထောက်ပံ့​ပေး​နေတာပါ။
http://burmese.dvb.no/archives/19257

အပြောင်းအလဲ သတင်းထူးများနဲ့ ၂၀၁၁ မြန်မာပြည်

ဗုဒ္ဓဟူး, 28 ဒီဇင်ဘာ 2011
By ဦးကျော်ဇံသာ

ဒီတပတ် မြန်မာ့မျက်မှောက်ရေးရာ သတင်းသုံးသပ်ချက်အစီအစဉ်မှာ ဦးကျော်ဇံသာ မကြာခင် ကုန်ဆုံးတော့မယ့် ၂၀၁၁ ခုနှစ်အတွင်း မြန်မာနိုင်ငံအတွက် သတင်းကောင်းတွေနဲ့ လာမယ့် ၂၀၁၂ ခုနှစ်အတွင်း ဖြစ်ထွန်းလာနိုင်တဲ့ အခြေအနေတွေကို Weekly Eleven News ဂျာနယ် အယ်ဒီတာချုပ် ကိုဝေဖြိုး နဲ့ ဧရာဝတီသတင်း အယ်ဒီတာချုပ် ကိုအောင်ဇော် တို့နဲ့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ကျနော်တို့ သတင်းသမားတွေအနေနဲ့ ၂၀၁၁ သတင်းတွေထဲမှာ ဘယ်လိုသတင်းတွေက သတင်းကောင်းတွေအဖြစ် ရေးသားခဲ့ကြရတယ်။ သတင်းကောင်းဆိုတာလည်း ကျနော်တို့ သတင်းရှုထောင့်ကနေ ကြည့်ပြီးတော့ သတင်းအင်္ဂါရပ်တွေဘာတွေနဲ့ ညီတာကိုပြောတာ မဟုတ်ပါဘူး။ တိုင်းပြည်အတွက်၊ ပြည်သူအတွက်၊ လူ့အဖွဲ့အစည်းအတွက် ကောင်းတဲ့သတင်းလို့ ယူဆနိုင်သလဲဆိုတာကို စပြီးကြည့်ကြရပါစို့ခင်များ။ ပထမဦးဆုံး ဆရာကိုဝေဖြိုးအနေနဲ့ ဘယ်သတင်းတွေက သတင်းကောင်းလို့ ဆိုချင်ပါသလဲ အကြမ်းမျဉ်းသုံးသပ်ပေးပါ။

ကိုဝေဖြိုး ။ ။ ၂၀၁၁ ခုနှစ်ကတော့ ကျနော်တို့ နိုင်ငံအတွက်ကော၊ ကျနော်တို့ မီဒီယာအတွက်ကော အများပြည်သူကို ဖော်ပြပေးနိုင်တဲ့ အများပြည်သူသိချင်တဲ့ အကြောင်းအရာတွေ အများဆုံးနှစ်ထဲမှာ ပါဝင်တဲ့နှစ်တနှစ်ပါ။ အထူးသဖြင့် ကျနော်တို့ အကောင်းဆုံးလို့ ပြောနိုင်တဲ့သတင်းကတော့ မြစ်ဆုံအရေးနဲ့ ပတ်သက်တဲ့သတင်းပါ။ ပြည်တွင်းအနေနဲ့ဆိုရင်တော့ ပြည်တွင်းမှာရှိတဲ့ တနိုင်ငံလုံးပြည်သူတွေက မြစ်ဆုံမှာ ဆောက်မယ့်ရေကာတာကိစ္စနဲ့ ပတ်သက်လို့ တော်တော်များများက စိုးရိမ်ကြောင့်ကြမှုတွေနဲ့ အများအပြားပြောဆိုခဲ့တဲ့အချိန်မှာ နိုင်ငံတော်သမ္မတက မြစ်ဆုံကိစ္စနဲ့ ပတ်သက်ပြီး သူ့သမ္မတ သက်တမ်းတလျှောက်မှာ ရပ်နားထားမယ်ဆိုတဲ့သတင်းက တခြားသတင်းတွေထဲက အကောင်းဆုံးထဲမှာ အပါအဝင်တခုလို့ ပြောလို့ရပါတယ်။ တခြား အပြောင်းအလဲတွေမှာလည်း နိုင်ငံရေးအနေနဲ့ ကြည့်မယ်ဆိုရင် နိုင်ငံတော်သမ္မတ ဦးသိန်းစိန်နဲ့ ဒေါ်အောင်ဆန်းစုကြည် တို့ တွေ့ဆုံတဲ့သတင်း။ နောက်တခါ ဒီဘက် အရပ်သားအစိုးရအဖြစ် ပြောင်းလဲလာပြီးနောက်မှာ ကျနော်တို့ နိုင်ငံက နိုင်ငံတကာ အသိုင်းအဝိုင်းထဲကို ပြန်လည်ခြေချလာတဲ့ အကြောင်းအရာတွေက ကောင်းမွန်တဲ့သတင်းအဖြစ် ဖော်ပြနိုင်ခဲ့တယ်လို့ ကျနော်ထင်ပါတယ်။

ဦးကျော်ဇံသာ ။ ။ ဆရာကိုအောင်ဇော် သဘောထားလည်း ပြောပြအုန်း။ ဘယ်သတင်းတွေကို ပြီးခဲ့တဲ့နှစ်က သတင်းကောင်းတွေလို့ သတ်မှတ်လိုပါသလဲခင်များ။

ကိုအောင်ဇော် ။ ။ သတင်းကောင်းတွေ များတဲ့နှစ်ပါ။ ၂၀၁၁ ဒီနှစ်က အခုနပြောသွားတဲ့ မြစ်ဆုံသတင်း။ ဒေါ်အောင်ဆန်းစုကြည်နဲ့ သမ္မတဦးသိန်းစိန် မတိုင်ခင်မှာ ဆက်ဆံရေးဝန်ကြီး ဦးအောင်ကြည်နဲ့ စတွေ့ကတည်းက အပြင်ကသတင်းထောက်တွေက guess feeling … sense တခုရနေခဲ့တယ်။ အပြောင်းအလဲတခု လာနေပြီဆိုတဲ့ပုံစံမျိုး။ အဲဒါမျိုးကိုရခဲ့တာ။ အဲဒီသတင်းမျိုးတွေကို အပြင်က မရသော်လည်း အတော်အားကျိုးမာန်တက် လိုက်ခဲ့တယ်။ ရေးခဲ့တယ်။ ထောင့်စုံက ရေးနိုင်ခဲ့တယ်။ နောက်ဆုံးတခုကတော့ မြန်မာနိုင်ငံကို sanction နဲ့ ပိတ်စို့ထားပြီးတော့မှ မမျှော်လင့်ဘဲနဲ့ အမေရိကန်နိုင်ငံခြားရေးဝန်ကြီး ကလင်တန် လာတဲ့ခရီးစဉ်။ အဲဒီ ခရီးစဉ်မတိုင်ခင်မှာ သမ္မတ အိုဘားမားကနေ သူ့ Air Force One ကနေ ဒေါ်အောင်ဆန်းစုကြည် နဲ့ စကားပြောတယ်။ နောက် မြန်မာကို အာဆီယံဥက္ကဋ္ဌအဖြစ်နဲ့ အသိအမှတ်ပြုခဲ့တယ်။ ၂၀၁၄ မှာ ကျင်းပမယ့်ကိစ္စ။ အဲဒီသတင်းတွေကို ကျနော်တို့ အားကျိုးမာန်တက် လိုက်ခဲ့တယ်။ နောက်ပြီးတော့ ဒါတွေက မြန်မာပြည်အတွက်လည်း အားရှိစေတဲ့ သတင်းကောင်းတွေလို့ ကျနော်ထင်ပါတယ်။

ဦးကျော်ဇံသာ ။ ။ ဆိုတော့ သတင်းကောင်းတွေတော့ ဟုတ်ပါပြီ။ သတင်းထဲမှာမှ ကျနော်တို့ သတင်းသမားတွေ လွတ်လွတ်လပ်လပ် ပြောလို့မရခဲ့တဲ့ သတင်းတွေကို သတင်းဆိုးလို့ သတ်မှတ်မယ်ဆိုရင် သတ်မှတ်နိုင်တဲ့သတင်းတွေ ပြည်တွင်းမှာ တိုင်းရင်းသားတွေနဲ့ ပဋိပက္ခဖြစ်တဲ့အတွက်ကြောင့် အဲဒီမှာ တိုင်းရင်းသားစစ်ပြေးဒုက္ခသည်တွေ ဒုက္ခပင်လယ်ဝေရတဲ့ကိစ္စတွေ။ တခါ နိုင်ငံရေးအကျဉ်းသားတချို့ ရဲ့  ကျန်းမာရေးကိစ္စတွေ။ အဲဒီလို သတင်းမျိုးတွေကိုရော ကြားတော့ကြားရတယ် ဘယ်လောက်ကျေကျေနပ်နပ် ပွင့်ပွင့်လင်းလင်း ရေးသားခွင့် ရခဲ့ပါသလဲ။

ကိုဝေဖြိုး ။ ။ စောစောက ပြောတဲ့သတင်းတွေထဲမှာဆိုရင် ကျနော်တို့ တိုင်းရင်းသားဒေသတွေမှာ ဖြစ်ခဲ့တဲ့ကိစ္စတွေနဲ့ ပတ်သက်လို့ရှိရင် ကျနော်တို့အနေနဲ့ တချို့ အကြောင်းအရာတွေကို သင့်သလျှောက်ကလွှဲရင် ကျယ်ကျယ်ပြန့်ပြန့် ဖော်ပြနိုင်ခြင်း မရှိပါဘူး။ ဒါအပြင် နိုင်ငံရေးအကျဉ်းသားတွေနဲ့ ပတ်သက်လို့လည်း တချို့  အကြောင်းအရာတွေမှာ … ထားပါတော့ ပြီးခဲ့တဲ့နှစ်အတွင်းမှာ ယုံကြည်ချက်ကြောင့် အကျဉ်းကျခံနေသူ အပါအဝင် နိုင်ငံရေးအကျဉ်းသားတွေ လွှတ်ငြိမ်းချမ်းသာခွင့် နှစ်ကြိမ် ပြုလုပ်ခဲ့ပါတယ်။ တချို့  ပါသင့်ပါထိုက်သူတွေ ပါလာသလို။ ကျနော်တို့ ပါစေချင်တဲ့ အများ မျှော်လင့်နေတဲ့ တချို့ လည်း ပါမလာသေးတာ ရှိပါတယ်။ အဲဒီတော့ အဲဒါတွေနဲ့ ပတ်သက်လို့ ဖော်ပြသင့် ဖော်ပြထိုက်သလောက် အခြေအနေကလွှဲလို့ တချို့ အပိုင်းတွေမှာ ကျယ်ကျယ်ပြန့်ပြန့် ဖော်ပြနိုင်ခဲ့ခြင်း မရှိပါဘူး။

ဦးကျော်ဇံသာ ။ ။ ကိုအောင်ဇော် တို့ကတော့ အပြင်ကဆိုတော့ ပြည်တွင်းမီဒီယာတွေထက် အဲဒီကိစ္စတွေကို ပိုပြီးဖော်ပြခွင့်ရခဲ့တယ် ထင်ပါတယ်။

ကိုအောင်ဇော် ။ ။ ကျနော်ထင်တယ် အပြင်နဲ့အထဲ နှစ်ဖက်စလုံးက complimentary role တခုကို ကျနော်တို့ play ကြတယ်ထင်ပါတယ်။ ဆိုတော့ ကျနော်တို့ နှစ်ခုပေါင်းမှ တခုဖြစ်တဲ့ သဘောဖြစ်နေပါတယ်။ အဲဒါလည်း ကျနော်ထင်တယ် သဘာဝကျပါတယ်။ လောလောဆယ်အနေအထားနဲ့ဆိုရင်။ အပြင်မှာဆိုရင်တော့ ကျနော်တို့က ပြည်တွင်းစစ်ဖြစ်နေတဲ့ကိစ္စ။ ကချင်မှာ တိုက်ပွဲတွေ ပြန်ဖြစ်တဲ့ကိစ္စ။ နောက်ပြီးတော့ အကျဉ်းသားကိစ္စတွေမှာဆိုရင်လည်း ကိုမင်းကိုနိုင်၊ ကိုကိုကြီးတို့ရဲ့  ကျန်းမာရေးကိစ္စတွေ ထဲထဲဝင်ဝင် ရေးခွင့်ရခဲ့တာ ရေးခွင့်ရနေဆဲဖြစ်ပါတယ်။ ဘာဖြစ်လို့လည်းဆိုတော့ အထဲမှာရှိတဲ့ ကျနော်တို့ ညီနောင် သတင်းစာဆရာတွေ၊ အယ်ဒီတာတွေ Eleven ကအစ အဲဒါတွေကို ထဲထဲရောက်ရောက် သူတို့ ရေးလို့မရတာ ရှိပါတယ်။ ဒါကြောင့် ကျနော်တို့ ဒီဘက်ကနေပြီးတော့ သူတို့မရနိုင်တဲ့ အပိုင်းတွေ၊ သူတို့ မရေးနိုင်တဲ့အပိုင်းတွေကို ကျနော်တို့ ဒီဘက်ကနေပြီးတော့ မီးမှောင်းထိုးပြပြီး နိုင်ငံတကာနဲ့ ပြည်တွင်းက ပရိသတ်တွေ သိအောင် ကျနော်တို့ ရေးပြခြင်း ဖြစ်ပါတယ်။ အမှန်တော့ သတင်းကောင်းတခုက ဘာလဲဆိုတော့ ကျနော်မြင်တာ အားရမိတာတခုရှိတာက ကျနော်တို့လို website တွေက အထဲမှာ ban လုပ်ထားတာ ရှိပါတယ်။ လွန်ခဲ့တဲ့ သုံးလ၊ လေးလ လောက်ကစပြီး အဲဒီ ban လုပ်ထားတဲ့ website တွေကို ရုတ်လိုက်ပါတယ်။ ရုတ်လိုက်ပြီးနောက်ပိုင်း ပြည်တွင်းက ကျနော်တို့ရဲ့  site တွေကို အများကြီး ဖတ်တဲ့လူတွေ အများကြီးဖြစ်သွားတာကို တွေ့ရပါတယ်။ ဆိုတော့ အခုဆိုရင် မြန်မာပြည်ကလာပြီး ကြည့်တဲ့ စာဖတ်သူဦးရေဟာ နံပတ် နှစ် အဆင့်မှာ ဖြစ်သွားပါတယ်။ ဒါက သတင်းကောင်းတခုပါ။ နောက်တချက်က ပြည်တွင်းမှာရှိတဲ့ မီဒီယာတွေက အတိုင်းအတာတခုအထိ ဒေါ်အောင်ဆန်းစုကြည် အကြောင်း ရေးခွင့်ရတာတို့။ ပြည်တွင်းစစ်ကိစ္စကိုလည်း အပေါ်ယံ ပါးပါးလေးရေးလို့ ရတဲ့ကိစ္စမျိုးတွေ ဖြစ်လာတာကအစ ဒါလေးတွေကတော့ စိတ်ဝင်စားဖို့ ကောင်းပါတယ်။ ဒါပေမဲ့ ကျနော်ထင်တာကတော့ ပြည်ပကနေပြီတော့ အားကျိုးမာန်တက် ပြည်တွင်းက ကျနော်တို့ ညီနောင်မိတ်ဆွေတွေ၊ သတင်းစာဆရာတွေ လုပ်လို့မရတာတွေကို ကျနော်တို့ ဒီကလုပ်ပေးနိုင်တာ သတင်းကောင်းတခုပါ။

ဦးကျော်ဇံသာ ။ ။ နောက် မြန်မာနိုင်ငံအတွင်းမှာ ပြီးခဲ့တဲ့နှစ်အတွင်းက လူ့အခွင့်အရေးကော်မရှင် ဖွဲ့လိုက်တယ်ဆိုတဲ့ သတင်းဟာ ပထမဆုံး ကြားရတာ အတော်အားရစရာကောင်းတဲ့ သတင်းပါ။ ဒါပေမဲ့ အဲဒီသတင်းရဲ့  နောက်ဆက်တွဲမှာ ဘာတွေ လုပ်ပေးနိုင်သလဲဆိုတဲ့ သတင်းတွေ ပေါ်ထွက်ခဲ့ပါသလဲ။ အဲဒီကိစ္စနဲ့ ပတ်သက်ပြီ။

ကိုဝေဖြိုး ။ ။ အဲဒီကိစ္စနဲ့ ပတ်သက်လို့လည်း အခုန ကိုအောင်ဇော် ပြောသွားသလိုပါ။ ကျနော်တို့ ပြည်တွင်းကအနေအထားနဲ့ ပတ်သက်လို့ ကျနော်တို့က အတတ်နိုင်ဆုံး ဒီမတိုင်ခင်ကော ၂၀၁၁ မတိုင်ခင် အခြေအနေ ပြီးခဲ့တဲ့ လေးငါးခြောက်နှစ် အတွင်းမှာ ဘယ်လိုအခြေအနေမျိုးကနေ ဒီလိုအခြေအနေရောက်လာအောင် ကျနော်တို့ ဘယ်လောက်၊ ဘယ်လိုမျိုး လုပ်ခဲ့တယ်ဆိုတာ အားလုံးအသိဖြစ်သလို။ ဒီနှစ်အတွင်းမှာလည်း ကျနော်တို့ ရနိုင်တဲ့နေရာကနေ ကျနော်တို့ မီဒီယာတာဝန် ကျေပြွန်အောင် အတတ်နိုင်ဆုံး ဖော်ပြသင့် ဖော်ပြထိုက် ဖော်ပြနိုင်ခွင့်ရအောင် နည်းမျိုးစုံနဲ့ လုပ်ခဲ့ပါတယ်။ လူ့အခွင့်အရေး နဲ့ ပတ်သက်လို့ရှိရင်လည်း ကျနော်တို့ ရေးထိုက်တာတွေ၊ ရေးသင့်တာတွေ၊ ရေးသင့်တာထက် ပိုပြီးရေးနိုင်အောင် ကြိုးစားသလို ရေးခဲ့ပါတယ်။ သို့သော် တချို့ အပိုင်းတွေမှာ အစောက ဆရာမေးသလို ကျယ်ကျယ်ပြန့်ပြန့် သတင်းတခုရဲ့  နောက်က follow up လိုက်နိုင်တဲ့ အပိုင်းတွေမှာ တချို့ နေရာတွေမှာ လိုတာလေးတွေ ရှိနေပါတယ်။ လိုတာလေးတွေ ရှိတယ်ဆိုတဲ့နေရာမှာ နှစ်ပိုင်းရှိသလို။ ဒီဘက်က လုပ်ဆောင်မှုအပိုင်းက မေးမြန်းမှု၊ ဖော်ထုတ်ရေးသားမှုအပိုင်း လိုအပ်ချက်ရှိနေသလို။ တဖတ်က ကျယ်ကျယ်ပြန့်ပြန့် ထုတ်ပိုင်မှု၊ ထုတ်ပြန်မှုအပိုင်းတွေမှာ ရေးလို့ရနိုင်တဲ့အနေအထားတွေမှာလည်း တချို့  လိုအပ်တာတချို့  ရှိနေဆဲပါ။

ဦးကျော်ဇံသာ ။ ။ ၂၀၁၁ ကုန်လွန်တော့မှာ ဖြစ်ပါတယ်။ ၂၀၁၂ ကို မှန်းကြည့်ကြပါစို့ခင်များ။ ၂၀၁၂ ရဲ့  အလားအလာကော ဘယ်လိုဖြစ်လာမယ် ထင်ပါသလဲ။ ပထမဦးဆုံး သတင်းအနေနဲ့ ပိုမိုပြီး လွတ်လွတ်လပ်လပ် ရလာမယ် ထင်ပါသလား။ ဆရာကိုဝေဖြိုး ဆက်ပြောပါ။ ပြည်တွင်းက လူတယောက်အနေနဲ့။

ကိုဝေဖြိုး ။ ။ ကျနော်ပြောချင်တာကတော့ ၂၀၁၁ က ကျနော်တို့ နိုင်ငံရဲ့  အပြောင်းအလဲတွေရဲ့  အစလို့ ကျနော် ယုံကြည်ပါတယ်။ စောစောက ကိုအောင်ဇော် ပြောတဲ့အထဲမှာလည်း ပါပါတယ်။ ၂၀၁၄ အာဆီယံဥက္ကဋ္ဌအဖြစ် အသိအမှတ်ပြုခြင်းအပါအဝင်။ ဟီလာရီ ကလင်တန် က နှစ်ပေါင်း (၅၀) ကျော်အတွင်းမှာ နိုင်ငံခြားရေးဝန်ကြီးတယောက်အနေနဲ့ လာခဲ့တဲ့ခရီးစဉ် အပါအဝင် ကျနော်တို့ဆီမှာ နိုင်ငံတကာ အသိုင်းအဝိုင်းထံ ပြန်လည်ဝင်ဆန့်နိုင်အောင် ကြိုးပမ်းခဲ့တာတွေ အများအပြားရှိပါတယ်။ အဲဒီတော့ ကျနော် နားလည်းတာကတော့ နောက်ဆက်တွဲအနေနဲ့ နိုင်ငံတကာအဝန်းအဝိုင်းနဲ့ ဆက်ဆံနိုင်လောက်တဲ့ လုံလောက်တဲ့ စံနှုန်းတွေ ရှိဖို့ ကြိုးပမ်းလာခြင်းကို မြင်ပါတယ်။ ဒီအတိုင်း မှန်ခဲ့လို့ ဒီလမ်းကြောင်းအတိုင်းပဲ အကောင်းဖက်ကို ဆက်သွားခဲ့မယ်ဆိုရင်တော့ ၂၀၁၂ က ကျနော်တို့ နိုင်ငံအတွက် ဒီထက် မျှော်လင့်စရာတွေ အများကြီးရှိလာနိုင်တဲ့ နှစ်လို့ ပြောလို့ရနိုင်ပါတယ်။

ဦးကျော်ဇံသာ ။ ။ ကိုအောင်ဇော်ရဲ့  ၂၀၁၂ မျှော်လင့်ချက်လည်း ပြောပါ။

ကိုအောင်ဇော် ။ ။ ၂၀၁၂ ရဲ့  Crystal ball ကို ကျနော်တို့ ကြည့်မယ်ဆိုရင်တော့ အခုန ကျနော်အမြဲတမ်း ပြောနေတဲ့ အထူးသတိထား စောင့်ကြည့်ကြိုဆိုတယ်။ Cautious optimism ကိုဆက်ပြီး ထိန်းသိမ်းရမယ်။ အခုသွားနေတဲ့ အရှိန်ကို ကျနော်တို့ မရုတ်အောင် မီဒီယာတွေက သူ့ရဲ့  watch of role ကနေ အပြင်ကနေ၊ အထဲကနေ အလုပ်လုပ်ဖို့ လိုတယ်လို့ထင်တယ်။ ဆိုတော့ ပြည်တွင်းမှာရှိတဲ့ မီဒီယာ၊ ပြည်ပမှာရှိတဲ့ မီဒီယာတွေ professional ဖြစ်ဖြစ်နဲ့ အခု ၂၀၁၂ မှာ ဖြစ်လာမယ့် ကောင်းကျိုးဆိုးကျိုးတွေကို ဘယ်လောက်အထိ critical ဖြစ်ဖြစ်၊ independence ဖြစ်ဖြစ်နဲ့ ကျနော်တို့က cover လုပ်နိုင်မလဲ။ Media ethics တွေ မီဒီယာတွေမှာ ရှိသင့်တဲ့ ကျင့်ဝတ်တွေနဲ့အညီ ဘယ်လောက်လုပ်လို့ရမလဲ။ အစိုးရကလည်း အပြောနဲ့အလုပ်ညီညီနဲ့ ဘယ်လောက် အခွင့်ပေးမလဲ ဆိုတာတွေက အရေးကြီးတဲ့နေရာတွေလို့ ကျနော်ထင်ပါတယ်။

ဦးကျော်ဇံသာ ။ ။ တဆက်တည်း မေးချင်တာက အဲဒီမှာ အစိုးရက မီဒီယာလွတ်လပ်ခွင့်ကို မီဒီယာသမားတွေ မျှော်လင့်သလောက် မလိုက်လာနိုင်ဘူး။ အဲဒီအထဲ မီဒီယာသမားတွေက သူတို့ မျှော်လင့်ထားတာထက် ဘောင်ချဲ့ ရေးရတယ်လို့ မြင်ပြီး မီဒီယာ နဲ့ အာဏာပိုင်တို့ကြားမှာ ထိပ်တိုက်ရင်ဆိုင်မှုဖြစ်ပြီးတော့ နောက်ပြန် လျှောကျနိုင်တဲ့ အဆိုးဆုံး scenario အနေအထားမျိုး ဖြစ်နိုင်တယ့် အခြေအနေ ရှိနိုင်သလား။

ကိုအောင်ဇော် ။ ။ ဖြစ်နိုင်တာပေါ့။ ကျနော်ထင်တာကတော့ ဖြစ်နိုင်တယ်ထင်တယ်။ ကျနော်တို့ အကောင်းဆုံးကို မျှော်လင့်သလို၊ အဆိုးဆုံးကိုလည်း လျှော့မတွက်ထားသင့်ဘူးလို့ ကျနော်ထင်ပါတယ်။ အထက်မှာရှိတဲ့ တကယ့် corruption ဖြစ်တဲ့ကိစ္စတွေ။ corrupt ဖြစ်တဲ့ ဗိုလ်ချုပ်ကြီးတွေကိစ္စတွေ၊ အတွင်းရေးကိစ္စတွေ မီဒီယာတွေမှာ ယနေ့အချိန်အထိ ဖော်ပြခွင့်မရသေးတာ အများကြီးရှိပါတယ်။ အဲဒါတွေကို ကျနော်တို့ ဖော်ပြခွင့်၊ ရေးခွင့်။ အဲဒါတွေကို လိုင်းမာတွေလို့ ပြောလို့ရတယ့် လူတွေက ဘယ်လိုတုံ့ပြန်မလဲ။ အရေးယူမလဲဆိုတာတွေက ၂၀၁၂ - ၂၀၁၃ တို့မှာ အဲဒါတွေကို စမြင်ရတော့မယ်လို့ ထင်တယ်။ အဲဒီအတွက် ကျနော်တို့ ကြိုတင်ပြင်ဆင်ရမယ်။ နိုင်ငံတကာကလည်း ကြိုတင်ပြင်ဆင်သင့်ပါတယ်။

ဦးကျော်ဇံသာ ။ ။ ကိုဝေဖြိုး က ဘယ်လိုမြင်ပါသလဲ။ အဲဒီ အာဏာပိုင်တွေကြားထဲက တင်းမာတဲ့ လူတွေနဲ့ မီဒီယာနဲ့ ထိပ်တိုက်တွေ့လာပြီးတော့ မီဒီယာ လွတ်လပ်ခွင့်က ပိုပြီးတင်းကြပ်ခံလာရနိုင်ဖွယ် ရှိလာနိုင်ပါသလား။

ကိုဝေဖြိုး ။ ။ လက်ရှိ အနေအထားက ကျနော်တို့ ဖြတ်သန်းလာခဲ့တဲ့ လေးငါးဆယ်နှစ် ထက်ဆရင် အခုလက်ရှိမှာ တချို့  ဖြေလျှော့ပေးလာတဲ့ အနေအထားတွေ ရှိလာတယ်ဆိုတာတော့ အားလုံးလည်း မြင်နေတွေ့နေကြပါတယ်။ တချို့ လည်း တချို့ ကိစ္စရပ်တွေမှာ အပြောင်းအလဲကို တကယ် ယုံကြည်ပြီး ဒီအပြောင်းအလဲတွေမှာ ပါဝင်ပတ်သက်လာသူတွေ ရှိနေသလို။ တချို့ လည်း ဒီအပေါ်မှာ လိုက်လျောညီထွေ မဖြစ်လာနိုင်သေးတာတွေ၊ မီဒီယာတွေရဲ့  အနေအထားကို နားမလည်နိုင်သေးတာတွေလည်း တချို့ ရှိနိုင်ပါတယ်။ ဒီအပေါ်မှာ ကျနော်တို့က သတိရှိရှိနဲ့ ကျနော်တို့ လုပ်စရာရှိတဲ့အလုပ်ကို သတိထားပြီးတော့ အကောင်းဆုံးလုပ်နိုင်ဖို့ အတတ်နိုင်ဆုံး နောက်ပြန်မသွားရလေအောင် ကျနော်တို့ ရှိနေတဲ့နေရာ၊ ရနေတဲ့ လမ်းကြောင်းလေးကနေ ဒီလိုပဲ ဖြည်းဖြည်းချင်းချဲ့ ပြီးတော့ … တချို့ ကိစ္စရပ်တွေက ဖြည်းဖြည်းသွားလို့ မဖြစ်နိုင်ဘူး။ မြန်မြန်သွားရမှာတွေ ရှိပါတယ်။ အဲဒါကတော့ အားလုံး ပူးပေါင်းဆောင်ရွက်မှ ရမယ့်ကိစ္စပါ။

ဦးကျော်ဇံသာ ။ ။ ပုဂ္ဂလိက သတင်းစာ လွတ်လွတ်လပ်လပ် ထုတ်ပိုင်ခွင့်ဆိုတာကော ၂၀၁၂ အတွင်းမှာ ကိုဝေဖြိုး တို့ Eleven Media က ရရင်လည်း အရင်ဆုံးရမယ်လို့ တချို့ က ခန့်မှန်းနေကြပါတယ်။

ကိုဝေဖြိုး ။ ။ ကျနော်တို့ရယ်မှ မဟုတ်ပါဘူး။ ကျနော်တို့ကတော့ ပြည်တွင်းမှာနေပြီး ပုဂ္ဂလိက သတင်းစာ ထုတ်နိုင်တဲ့ ပြင်ဆင်ထားမှုရှိရင် ကျနော်တို့မှ မဟုတ်ပါဘူး ဘယ်သူမဆို ရစေချင်ပါတယ်။

ဦးကျော်ဇံသာ ။ ။ ကျနော် တခု စဉ်းစားမိတာက ဒီလို မီဒီယာသမားတွေက မီဒီယာလွတ်လပ်ခွင့် ဘောင်ချဲ့  ဖို့ စဉ်းစားလာကြတာကို ဒီမိုကရေစီတောင်းဆိုနေကြတဲ့ လှုပ်ရှားတဲ့ နိုင်ငံရေးသမားတွေကရော နားလည်းကြပါသလား။ ဒီမိုကရေစီ အခွင့်အရေးထဲမှာ သတင်းလွတ်လပ်ခွင့် အပြည့်အဝပေးပါဆိုပြီတော့ နိုင်ငံရေးဘက်ကရော ပံ့ပိုးပြောပေးဖို့ မလိုဘူးလား။ ပြောတာကို ကြားရပါသလား။ လွှတ်တော်တို့ ဘာတို့မှာ လွှတ်တော်အမတ်တွေ သတင်းလွတ်လပ်ခွင့်ပေးပါလို့ အဆိုတင်သွင်းတာတွေ ကြားရပါသလား။

ကိုအောင်ဇော် ။ ။ လွှတ်တော်ထဲက အသံတွေကတော့ သတင်းလွတ်လပ်ခွင့်နဲ့ ပတ်သက်ပြီး ပြောတာဆိုတာတွေ အရမ်းနည်းတာကို ကျနော်တွေ့ရပါတယ်။ ဒါပေမဲ့ မမျှော်လင့်ဘဲနဲ့ လွှတ်တော်ဥက္ကဋ္ဌတွေ၊ ဗိုလ်ချုပ်ကြီးဟောင်း သူရဦးရွှေမန်း တို့ကအစ မီဒီယာနဲ့ ပတ်သက်ပြီး ပြောလာတာလေးတွေ တွေ့ရတဲ့အခါကြတော့ နည်းနည်းအံ့သြမိတယ်။ ကျနော်ထင်တယ် လွှတ်တော်အမတ်တွေကိုယ်တိုင်က ဒီမိုကရေစီ လမ်းစဉ်ကို ကျင့်သုံးတယ်။ ဒီမိုကရေစီကို တိုက်လာတယ်ဆိုတဲ့ လူတွေကိုယ်တိုင်ကလည်း ကျနော် ထင်တာကတော့ အပြောနဲ့အလုပ် ညီညီ။ ကျနော်တို့ရဲ့  ကဏ္ဍ။ ကျနော်တို့ရဲ့  အခန်းကဏ္ဍကို အသိအမှတ်ပြုပြီးတော့ လွှတ်တော်ထဲမှနဲ့ လွှတ်တော်ပြင်ပမှာ သတင်းစာဆရာတွေကို ဆက်ဆံတဲ့နေရာမှာ ပုံစံလေးတွေပြောင်းပြီး ဆက်ဆံမယ်ဆိုရင်တော့ မြန်မာပြည်က ဒီထက်ပိုပြီး အလားအလာကောင်းတဲ့ သတင်းတွေကို cover လုပ်နိုင်မယ်လို့ ကျနော်ထင်ပါတယ်။

ဦးကျော်ဇံသာ ။ ။ အဲဒီကိစ္စနဲ့ ပတ်သက်ပြီး ဆရာကိုဝေဖြိုးရဲ့  နောက်ဆုံးမှတ်ချက်လည်း ပြောပါ။ မြန်မာနိုင်ငံက နိုင်ငံရေး အသိုင်းအဝိုင်း၊ ဒီမိုကရေစီအင်အားစု - ဒီမိုကရေစီလိုလားတဲ့ နိုင်ငံရေး အသိုင်းအဝိုင်းက မီဒီယာတွေကို ဆက်ဆံတာက ဘယ်လို နေပါသလဲ။ ပိုပြီးတော့ လွတ်လွတ်လပ်လပ်။ ပိုပြီး တော့ နားလည်းမှုနဲ့ ဆက်ဆံမှု လိုသေးတယ်လို့ ထင်ပါသလား။ အလုံအလောက် သူတို့ဟာ လွတ်လပ်မှု ပွင့်လင်းမှု ပေးနေတယ်လို့ ထင်ပါသလား။

ကိုဝေဖြိုး ။ ။ ကျနော်တို့ ပြည်တွင်းမှာ သတင်းနဲ့ ပတ်သက်လို့ရှိရင်တော့ အခုအချိန်မှာ သတင်းနဲ့ ပတ်သက်လို့ sensitive ဖြစ်နေတာလေးတွေ ရှိနေပါသေးတယ်။ အဲဒါကတော့ နယ်ပယ်တိုင်းမှာပါ။ တကယ်တော့ မီဒီယာအနေနဲ့ တချို့ ကိစ္စရပ်တွေမှာ source ကို ဒီအကြောင်းအရာကို ဘယ်သူက ဘယ်လိုပြောပါတယ်ဆိုတာကို တိတိကျကျ ရေးနိုင်ဖို့ တချို့ အပိုင်းတွေမှာ ပွင့်ပွင့်လင်းလင်း ပြောတဲ့လူတွေ ရှိနေပေမယ့် တချို့ အပိုင်းတွေမှာ ပွင့်ပွင့်လင်းလင်း မပြောနိုင်သေးတဲ့။ ပြောလို့မရသေးတဲ့ လူတွေအများအပြား ရှိနေပါသေးတယ်။ ကျနော်တို့ကတော့ ဒီအပြောင်းအလဲတွေကို မြန်မြန်ဆန်ဆန် အားလုံးက ရဲရဲတင်းတင်းနဲ့ ပြောသင့်ပြောထိုက်တာတွေ မှန်တာကို မှန်တယ့်အတိုင်း ပြောခွင့်ရစေချင်ပါတယ်။ နောက်တခါ ဘယ်နယ်ပယ်မှ မဟုတ်ပါဘူး။ တချို့ နယ်ပယ်တွေမှာလည်း အပြောင်းအလဲအတွက် အခု ပြီးခဲ့တဲ့ ရက်ပိုင်းအတွင်းကဆိုရင် ပြည်သူ့လွှတ်တော်က အားကစား၊ ယဉ်ကျေးမှု နဲ့ ပြည်သူ့ဆက်ဆံရေး ဖွံ့ဖြိုးတိုးတက်ရေး ကော်မတီ ဥက္ကဋ္ဌ သူရဦးအေးမြင့် က စာနယ်ဇင်း လွတ်လပ်ခွင့်မရှိရင် ဒီမိုကရေစီ မရှိနိုင်ဆိုတဲ့ စကားလုံးမျိုး သုံးနှုန်းသွားတာမျိုးတွေကို တွေ့ရပါတယ်။ ဆိုတော့ ဒါမျိုးက တကယ်ပြောသင့် ပြောထိုက်တဲ့ လူကပြောသလို။ တချို့ တွေကလည်း ဒါကို တကယ့်လက်တွေ့ အကောင်အထည်ဖော်တဲ့ နေရာတွေမှာ တကယ်ကို ဖြစ်စေချင်ပါပြီ။ ကျနော်တို့ နိုင်ငံအနေနဲ့လည်း မီဒီယာ လွတ်လပ်ခွင့် ရှိနေစေချင်ပါပြီ။
http://www.voanews.com/burmese/news/news-analysis/news_analysis_12-28-2011-136335098.html

အကြီးကျယ်ဆုံး ပညာရေးရန်ပုံငွေ ဂီတပွဲ ကျင်းပမည်



By featured, ရန်ပိုင် on December 28, 2011 6:42 pm

အဆိုတော် ၈၀ ကျော်နှင့် တေးဂီတ၀ိုင်း ၈ ဖွဲ့ ပါဝင်ဖျော်ဖြေမည့် ပြည်ထောင်စု တိုင်းရင်းသားများ ပညာရေးရန်ပုံငွေ ရှာဖွေရေး ဂီတပွဲတော်သည် အကြီးကျယ်ဆုံး စုစည်းမှုဖြစ်သည်ဟု ဂီတလောကသားများက ပြောသည်။

အဆိုပါ ရန်ပုံငွေပွဲကို ဒီဇင်ဘာ ၃၀ရက်နေ့ မရမ်းကုန်းမြို့နယ် မင်းဓမ္မကုန်းရှိ Myanmar Convention Center (MCC) တွင် ကျင်းပ မည်ဖြစ်ပြီး အမျိုးသား ဒီမိုကရေစီအဖွဲ့ချုပ် (NLD) မှ ဦးဝင်းတင်၊ ဦးဝင်းထိန်နှင့် ၈၈ မျိုးဆက်ကျောင်းသား ခေါင်းဆောင် ကိုဖြိုးမင်း သိန်းတို့အပါအ၀င် ဂီတလောကသားများဖြစ်သည့် Metal Zone တေးဂီတအဖွဲ့မှ ကိုဇော်ဝင်းနှင့် ကိုရဲလွင်၊ ဆောင်းဦးလှိုင်တို့က တာဝန်ယူ ဆောင်ရွက်နေသည်။

Metal Zone ကိုဇော်ဝင်းက“နိုင်ငံရေးလုပ်တာမဟုတ်ဘူး၊ ကိုယ့်အသိစိတ်နဲ့ကိုယ် ဂီတ ပညာရှင်အားလုံး အန်တီစု နောက်မှာ ရပ် တည်တာ၊ ဘယ်သူ့ကိုမှ အထူးတလည်မဖိတ်ရပါဘူး”ဟု ဆိုသည်။

ယခုဖျော်ဖြေပွဲသည် လက်ရှိ ဂီတလောက၏ စုစည်းမှု မှတ်တိုင်တခုဖြစ်ကြောင်း၊ လူငယ်များနှစ်သက်သည့် ဟစ်ပ်ဟော့ပ် တေးသံ ရှင်များအပြင် ရော့ခ်တေးသံရှင်များနှင့် ကိုယ်ပိုင်သံစဉ်သီဆိုသည့် တေးသံရှင်များလည်း ပါဝင်သည့်အတွက် နှစ်ငါးဆယ်အတွင်း အကြီးမားဆုံး ဂီတလှုပ်ရှားမှုဟု ဆိုနိုင်ကြောင်း ကိုဇော်ဝင်းက ပြောသည်။

နိုင်ငံတော်အနေဖြင့် ဒေါ်အောင်ဆန်းစုကြည် ခေါင်းဆောင်သည့် ဒီမိုကရေစီအင်အားစုများဖြင့် ပူးပေါင်းဆောင်ရွက်နေချိန်တွင် ဂီတလောကသားများလည်း အားလုံးပူးပေါင်းဆောင်ရွက်သည့်အတွက် ၀မ်းသာကြောင်း ဆက်လက်ပြောသည်။

လက်ရှိ နာမည်ကြီး Emperor နှင့် Iron Cross တေးဂီတ၀ိုင်းများကို အခြေခံရန် ကြိုးစားခဲ့သော်လည်း Iron Cross တေးဂီတ အဖွဲ့ဝင်တချို့ ခရီးလွန်နေသည့် အတွက် ပါဝင်နိုင်ခြင်းမရှိကြောင်း၊ Lazy Club ဂီတ၀ိုင်း နှင့် တေးသံရှင်တချို့မှာ နှစ်သစ်ကူးပွဲတော် ဖျော်ဖြေမှုများရှိ၍ လာရောက်ပူးပေါင်းနိုင်ခြင်း မရှိကြောင်း သိရသည်။

တေးရေး တေးဆို လင်းလင်းကလည်း မည်သူတဦးတယောက်၏ တိုက်တွန်းမှု၊ အတင်းအကျပ်ခေါ်ဆိုမှုကြောင့် လာရောက်ခြင်း မဟုတ်ကြောင်း၊ ဒေါ်အောင်ဆန်းစုကြည်၏ တိုင်းရင်းသားပညာရေးအတွက် လှူဒါန်း မည်ဆိုသည့် ရည်ရွယ်ချက်၊ နိုင်ငံရေးတွင် စိတ်ဝင်စားခြင်းတို့ကြောင့် လာရောက်ခြင်းဖြစ်ကြောင်း၊ အလားတူ တခြားသော တေးသံရှင်များသည်လည်း ထိုကဲ့သို့သော စိတ် ထားဖြင့် လာရောက်ခြင်းဖြစ်သည်ဟု ယုံကြည်ကြောင်း ပြောသည်။

“ဘာ ဗီအိုင်ပီမှ မရှိဘူး၊ ဒေါ်အောင်ဆန်းစုကြည် ခြံထဲကလူတွေလည်း ၀ယ်ကြည့်ရတာပဲ၊ တကယ့်စစ်မှန်တဲ့ အလှူပွဲမို့လို့ ကိုယ့် အသိစိတ်နဲ့ လာပူးပေါင်းတဲ့သူတွေ စုစည်းမိတဲ့ ပွဲတပွဲပဲ”ဟု သူက ဆိုသည်။

ကောင်းမွန်သော ရည်ရွယ်ချက်ဖြင့် ပြုလုပ်သည့် ဖျော်ဖြေပွဲ ဖြစ်မြောက်ခြင်းအားဖြင့် ဂီတလောကအတွင်း ပုဂ္ဂိုလ်ရေး မုန်းတီးမှု၊ စီးပွားရေး ပြိုင်ဆိုင်မှု စသည့် အာဃာတများ လျော့ပါးလာမည်ဟု ထင်ကြောင်းလည်း လင်းလင်းက ပြောသည်။

ပါဝင်ဖျော်ဖြေမည့် တေးသံရှင်များမှာ ဇော်ဝင်းထွဋ်၊ အဲလက်စ်၊ Lလွန်းဝါ၊ ကော်နီ၊ ဆုန်သင်းပါ၊ ၀ိုင်းစုခိုင်သိန်း၊ အိမ့်ချစ်၊ R ဇာနည်၊ ဟဲလေး၊ ဖိုးကာ၊ ဉာဏ်လင်းအောင်၊ အစိုင်း၊ M သီဟ၊ ထွန်းအိန္ဒြာဗိုလ်၊ ယုဇန၊ ဟယ်ရီလင်း၊ မာရဇ္ဖ၊ ထွန်းထွန်း၊ ဟန်ထွန်း၊ လင်း လင်း၊ ဂျီလတ်၊ သအို၊ ထက်နေခြည်၊ တင်ဇ်ာမော်၊ Lဆိုင်းဇီ၊ ချစ်သုဝေ၊ N ကိုင်ရာ၊ မျိုးကျော့မြိုင်၊ ဆောင်းဦးလှိုင်၊ စည်သူလွင်၊ ကောင်းမြတ်၊ မိုးမိုး၊ ချမ်းချမ်း၊ ရှင်ဖုန်း၊ နေနေ၊ တူးတူး၊ အက်စ်ကဲနက်၊ ဇော်ပိုင်၊ ဘိုဖြူ၊ လင်းလက်၊ နွဲ့ယဉ်ဝင်း၊ သံသာဝင်း၊ မီးမီးခဲ၊ ကဗျာဘွဲမှူး၊ ဂျေမောင်မောင်၊ ဖြိုးကြီး၊ အောင်ခန့်၊ သျှီ၊ မေခလာ၊ ခင်ဘုဏ်း၊ ရတနာမိုင်၊ ကိုရဲလွင်၊ ကိုနေ၀င်း၊ သားထွေး၊ ဂျေညီညီ၊ စံလင်း၊ ရင်ဂို၊ တာရာ၊ တိုးလွင်၊ အောင်အောင်၊ ညီညီလွင်၊ ကိုထွဋ်၊ ဂျေညီမလေး၊ Lil ကောင်းမြတ်၊ ကြက်ဖ၊ ရသ၊ ဘိုလေး၊ ယုန် လေး၊ ငယ်ငယ်၊ စန္ဒီမြင့်လွင်၊ ဇေယျာသော်၊ အနဂ္ဂနှင့် အက်ဆစ်အဖွဲ့တို့ ဖြစ်ကြသည်။

ပါဝင်တီးခတ်မည့် တေးဂီတ၀ိုင်းများမှာ Metal Zone၊ Emperor ၊ The Trees ၊ Heaven Born၊ Spectrum၊ Plus Tree ၊ Vertical တို့ ကူညီတီးခတ်မည်ဖြစ်သည်။

လက်မှတ် ၁သောင်း ရိုက်နိုပ်ရောင်းချမည်ဖြစ်ပြီး တန်ဖိုးမှာ ကျပ် ၃သောင်း၊ ၂သောင်း၊ ၁သောင်း၊ ၅ထောင် ဟု သတ်မှတ်ထားကာ Myanmar Convention Center (MCC) ၀န်းအတွင်း ကျင်းပရန် စီစဉ်ထားသည်။

လာရောက်သည့် ပွဲကြည့်ပရိသတ်၏ လုံခြုံရေးအတွက် NLDနှင့် လူငယ်ကွန်ရက်များမှ အဖွဲဝင် ၂၅၀ ခန့်၊ မြန်မာနိုင်ငံ ရဲတပ်ဖွဲ့ဝင် ၁၀၀ ခန့်၊ Excel ပုဂ္ဂလိက လုံခြုံရေးအဖွဲ့ဝင် ၅၀ ငှားရမ်းထားကြောင်း၊ အရက်သေစာ သောက်စားခွင့်ပြုမည် မဟုတ်ကြောင်း ဦးဖြိုးမင်းသိန်းက ပြောသည်။

ပြီးခဲ့သည့် နိုဝင်ဘာ ၂၅ ရက်နေ့က အနုပညာရှင် ၅၀ကျော်နှင့် ဒေါ်အောင်ဆန်းစုကြည်တို့ တွေ့ဆုံခဲ့ပြီးနောက် ထိုသို့ တိုင်းရင်း သားများ ပညာရေးအတွက် ဖျော်ဖြေပွဲပြုလုပ်ရန် စီစဉ်ခြင်းဖြစ်သည်။

ယခုလအတွင်းကလည်း ဒေါ်အောင်ဆန်းစုကြည်နှင့် ရုပ်ရှင်အနုပညာရှင်များတွေ့ဆုံကာ ဗိုလ်ချုပ်အောင်ဆန်း အတ္ထုပ္ပတ္တိ ရိုက်ကူး ရန်တွေ့ဆုံခဲ့သေးသည်။
http://burma.irrawaddy.org/archives/4226

ဒီမိုကရက်တစ်ပါတီ(မြန်မာ)မှ ဒေါ်တင်တင်မြကို စည်ပင်သာယာက တရားစွဲဆို

အလုပ်သမားများအပေါ် အိမ်ပိုင်မြေပိုင် ရရှိအောင် တောင်းဆိုပေးသည့် ဒီမိုကရက်တစ်ပါတီ(မြန်မာ)မှ ဒေါ်တင်တင်မြကို စည်ပင်သာယာက တရားစွဲဆို


ဒေါ်တင်တင်မြ ဗဟိုစည်ရုံးရေးမှူး (ဒီမိုကရက်တစ်ပါတီ-မြန်မာ)

ရန်ကုန်တိုင်း တောင်ဥက္ကလာမြို့နယ်တွင် အလုပ်သမားများအား ကြိုတင် အကြောင်းကြားခြင်း မရှိပဲ စည်ပင်သာယာမှ အတင်းအကျပ် အိမ်မြေများ ရွှေ့ပြောင်းခိုင်းသည့်
အတွက် ဒီမိုကရက်တစ်ပါတီ(မြန်မာ)မှ ဗဟို စည်းရုံးရေးမှူး တာဝန်ခံ ဒေါ်တင်တင်မြက အလုပ်သမားများ ဘက်မှနေ၍ အိမ်ပိုင်မြေပိုင် ရရှိအောင် တောင်းဆို ပေးခဲ့သဖြင့်
ရန်ကုန်တိုင်း စည်ပင်သာယာရေးက တရား စွဲဆိုခဲ့ကြောင်းကို ဒေါ်တင်တင်မြ ကိုယ်တိုင် ဘားမားဗီဂျေ မီဒီယာ သို့ ပြောကြား သွားခဲ့ပါသည်။



ဇာဂနာ ပါတီဝင်ရန် ဦးဝင်းတင် ဖိတ်ခေါ်




By , on December 28, 2011 5:47 pm
အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် ဦးဝင်းတင်က နာမည်ကျော် လူရွှင်တော် ဇာဂနာအား  NLD ပါတီဝင်ရန် ဖိတ်ခေါ်လိုက်သည်။
NLD တွင် ပညာတတ်လူငယ်ကင်းမဲ့နေကြောင်း မကြာသေးခင်က ပေါ်ပေါက်လာသည့် ဇာဂနာ၏ အငြင်းပွားဖွယ် ပြောဆိုချက်နှင့် ပတ်သက်ပြီး ဧရာဝတီက အင်္ဂါနေ့က ဆက်သွယ် မေးမြန်းစဉ် ဦးဝင်းတင်က ထိုသို့ တုန့်ပြန်လိုက်ခြင်း ဖြစ်သည်။


ဒီဇင်ဘာလ ၁၈ ရက်နေ့က ဘန်ကောက်မြို့ သတင်းစာ ရှင်းလင်းပွဲတွင် တွေ့ရသော လူရွှင်တော် ဇာဂနာ (ဓာတ်ပုံ - ဧရာဝတီ)
“ကိုဇာဂနာကို ဖိတ်ချင်တယ်။ လာပါ ကိုဇာဂနာ။ ကိုဇာဂနာတို့ ၀င်လုပ်ကြပါ။ NLD မှာ ၀င်လုပ်ပါ။ ဒီပွဲကြီးဟာ ကျနော်တို့ တမျိုးသားလုံးနဲ့ ဆိုင်တဲ့ပွဲ ဖြစ်ပါတယ်” ဟု ဦးဝင်းတင်က ဆိုသည်။
“နည်းတယ်၊ များတယ်ဆိုတာက အထင်အမြင်ကို ပြောတာပေါ့ဗျာ၊ ကျနော်က နည်းတယ်တို့၊ များတယ်တို့၊ အတိုင်းအတာတွေကို မပြောချင်ဘူး။ နည်းတယ် ပြောနေသူတွေ များများ ၀င်ပြီးဆောင်ရွက်ဖို့ လိုတယ်” ဟု ဦးဝင်းတင်က ဆက်ပြောသည်။
ဒီဇင်ဘာလ ၁၈ ရက်နေ့က ဘန်ကောက်မြို့ သတင်းစာ ရှင်းလင်းပွဲတွင် လူရွှင်တော် ဇာဂနာက မြန်မာလူငယ်များ အတွက် အလုပ် လုပ်မည်ဖြစ်ကြောင်း၊ မြန်မာ လူငယ်အများစုမှာ ဒီမိုကရေစီနှင့် လူ့အခွင့်အရေးဆိုင်ရာ ဗဟုသုတ မရှိကြောင်း၊ NLD တွင်လည်း အသက် ၄၀ အောက် ပညာရှင်၊ ပညာတတ်များ  မရှိကြောင်း ပြောဆိုခဲ့သည်။
ဇာဂနာ ထိုင်းနိုင်ငံသို့ ခေတ္တရောက်ရှိစဉ် ထိုသို့ မှတ်ချက်ချလိုက်ခြင်းကို  အင်တာနက် လူမှု ကွန်ရက် စာမျက်နှာများ၊ မြန်မာ့နိုင်ငံရေး စိတ်ဝင်စားသူများကြားတွင် ငြင်းခုန် ဆွေးနွေးနေကြသည်။
NLD  ခေါင်းဆောင် ဦးဝင်းတင်ကမူ ပါတီတွင် ပညာတတ်၊ ပညာရှိများ သာမက အလွှာ အသီးသီး ပါဝင်နေသည်ဟု ဆိုသည်။
“ဘွဲ့ ၂ ထပ်ကွမ်း၊ ၃ ထပ်ကွမ်း၊ ပါရဂူဘွဲ့ ရတဲ့လူတွေလည်း လိုတယ်။ အရေးကြီးတာက ဘွဲ့ရခြင်း၊ မရခြင်း၊ အင်္ဂလိပ်လို တတ်ခြင်း၊ မတတ်ခြင်း၊ ဒါကို ပြောတာ မဟုတ်ဘူး။ လိုတာက ပညာတတ်တွေ လိုတာ။ ပညာတတ်တယ် ဆိုတာက  လူထုအကျိုးကိုပြုနိုင်တဲ့၊ ပညာတွေ အမျိုးစုံ တတ်တဲ့သူတွေ လိုတာ။ ဒါပေမယ့်လို့ အဲဒီ ပညာတတ်တွေနဲ့ချည်း လုပ်လို့ မပြီးပါဘူး”ဟု သူက ဆိုသည်။
နိုင်ငံခြားတွင် ပညာ သွားရောက် သင်ယူပြီး ပြန်မလာသူများရှိကြောင်း၊ ပညာတတ်များ  ပါတီ ၀င်ရုံသာမက အမှန်တကယ် အလုပ်လုပ်ရန် လိုအပ်ကြောင်း  ဦးဝင်းတင်က ပြောသည်။
NLD သည် သောကြာနေ့က ရွေးကောက်ပွဲ ကော်မရှင်တွင် ပါတီအဖြစ် မှတ်ပုံတင်ခဲ့ပြီး  ပါတီ ၀င်လိုသူများကို ဖိတ်ခေါ်လျက်ရှိသည်။ NLD တွင် နှစ်ပေါင်းများစွာ လုပ်ကိုင်ခဲ့သူများလည်း ပါတီဝင်ဖြစ်ရေးအတွက် ပြန်လည် လျှောက်လွှာတင်ရမည်ဟု NLD က ဆိုသည်။
အနာဂတ် NLD တွင် လူကြီးပိုင်းက နာယက နေရာများတွင်သာ တာဝန် ယူသွားမည်ဖြစ်သည်ဟု ဦးဝင်းတင်က ပြောသည်။
“လူငယ်ပိုင်းတွေကို တိုးတိုးပြီး နေရာပေးသွားဖို့ ကျနော်တို့ သဘောထားရှိတယ်။ လူငယ်ပိုင်းတွေ ၀င်ဦးဆောင်ကြတဲ့ အခါ လူကြီးပိုင်းတွေကလည်း ဖယ်ပေးသွားကြမှာဖြစ်တယ်” ဟု သူက ဆိုသည်။
ထိုသဘောထားသည် ပြီးခဲ့သည့်နှစ်ကုန်ပိုင်း ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်စဉ် ပထမဆုံး ပြုလုပ်သည့် NLD ထိပ်တန်း ခေါင်းဆောင်များ အစည်းအဝေးတွင် ပေါ်ပေါက်လာခြင်း ဖြစ်သည်ဟု ဆိုသည်။
ဤအတောအတွင်း ဒေါ်အောင်ဆန်းစုကြည်နှင့် သမ္မတ ဦးသိန်းစိန် အစိုးရတို့၏ ဆက်ဆံရေး ကောင်းမွန်လာပြီး ပါတီအား ကော်မရှင်တွင် မှတ်ပုံတင်လိုက်သဖြင့် အလွှာအသီးသီးမှ လူထုက ကြောက်ရွံ့မှု မရှိကြတော့ဘဲ လာရောက် ထိတွေ့ ဆက်ဆံနေကြကြောင်း၊ NLD   ပိုမို အားကောင်းစေရန် မည်သူ့ကို မဆို တံခါးဖွင့်ထားကြောင်း ဦးဝင်းတင်က ဆက်ရှင်းပြသည်။
ဝန်းရံလာသူများထဲတွင် ဒေါ်အောင်ဆန်းစုကြည်နှင့် ဓာတ်ပုံတွဲရိုက်လိုသူများ၊ ကိုယ်ကျိုးရှာသူများ၊ အမတ်ဖြစ်လိုသူများလည်း ပါလာနိုင်ကြောင်း သူက ဆိုသည်။
“ကျနော်တို့ပါတီကို အပြင်လူတွေ ၀င်လာနိုင်ဖို့ ဒေါ်အောင်ဆန်းစုကြည်က အလွန် အင်မတန်အားကောင်းတဲ့၊ ဆွဲဆောင်အား ရှိတော့ လူတွေလည်း ပိုပြီး ၀န်းရံလာကြတဲ့ အခါကျတော့ ဒီလို ၀န်းရံလာတဲ့သူတွေကို တွန်းဖယ်တာတို့ ကျောခိုင်းတာတို့ ကျနော်တို့ မလုပ်ချင်ဘူး” ဟု သူက ဆိုသည်။
NLD ပါတီကို ၀န်းရံသူ များလာခြင်းသည်  နိုင်ငံအတွက်လည်း အကျိုးရှိစေသည်ဟု သူက ပြောသည်။
http://burma.irrawaddy.org/archives/4219

ဒေါ်အောင်ဆန်းစုကြည်ကို စံထားသင့်ကြောင်း ပါကစ္စတန်သမ္မတပြောကြား


2011-12-28

ပါကစ္စတန်ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နမူနာယူရမယ်လို့ သမ္မတ ဇာဒါရီက အင်္ဂါနေ့က ပြောလိုက်ပါတယ်။

ဇနီးဖြစ်သူ ၀န်ကြီးချုပ် ဘနာဇီယာ ဘူတို လုပ်ကြံခံခဲ့ရတာ လေးနှစ်မြောက်အထိမ်းအမှတ်အနေနဲ့ ဘူတို ဂူဗိမာန်မှာ ကျင်းပတဲ့ နှစ်လည်ပွဲ တက်ရောက်လာသူ ပရိသတ် သုံးသိန်းကျော်ကို ပြောဆိုခဲ့တာပါ။

ဘနာဇီယာ ဘူတိုကို အကောင်းဆုံးဂုဏ်ပြုတဲ့နည်းကတော့ ဒီမိုကရေစီနဲ့တကွ တိုင်းပြည်မှာရှိနေတဲ့ ဒီမိုကရေစီနည်းကျ အဖွဲ့အစည်းတွေကို ကာကွယ်စောင့်ရှောက်ပြီး ဖျက်လိုဖျက်ဆီး ကြံစည်နေတာတွေကို တိုက်ဖျက်ဖို့ပါပဲလို့ သမ္မတ ဇာဒါရီက ပြောပါတယ်။

ပါကစ္စတန်မှာ စစ်တပ်ကအာဏာသိမ်းတော့မယ် ဆိုတဲ့ သတင်းတွေ ပေါ်ထွက်နေချိန်မှာ ဇာဒါရီက အခုလို ပြောဆိုခဲ့တာပါ။ ဒါ့အပြင် မြန်မာနိုင်ငံမှာ စစ်အုပ်ချုပ်ရေးကို ဆန့်ကျင်တွန်းလှန်ခဲ့တဲ့ ငြိမ်းချမ်းရေးနိုဘဲဆုရှင် ဒေါ်အောင်ဆန်းစုကြည်ရဲ့လမ်းစဉ်ကို နမူနာယူသင့်ကြောင်းလည်း ဆက်လက်ပြောဆိုခဲ့ပါတယ်။

အမေရိကန်ဟာ ဒေါ်အောင်ဆန်းစုကြည်ကို လိုအပ်နေကြောင်း၊ အင်အားကြီးအမေရိကန်က ဒေါ်အောင်ဆန်းစုကြည်ရှိရာကို သွားရကြောင်း၊ သူ့လမ်းစဉ်ကို နမူနာယူသင့်ကြောင်း၊ နိုင်ငံတစ်နိုင်ငံကို ထူထောင်တယ်ဆိုတာ မဖြစ်နိုင်တာကို ဖြစ်အောင်လုပ်တဲ့ အတတ်ပညာဖြစ်ကြောင်း ပါကစ္စတန်သမ္မတ ဇာဒါရီက ပြောဆိုခဲ့ပါတယ်
http://www.rfa.org/burmese/news/pakistan-assk-12282011133345.html

ဗိုလ်ချုပ်အထ္တုပ္ပတ္တိ ရိုက်ဖို့ ကျော်သူက ရုပ်ရှင်ကုမ္ပဏီ လှူမယ်

2011-12-28

ဒေါ်အောင်ဆန်းစုကြည်ထုတ်လုပ်မယ့် ဗိုလ်ချုပ်အောင်ဆန်းအတ္ထုပ္ပတ္တိ ရှပ်ရှင်ဇာတ်ကားအတွက် အမျိူးသားရုပ်ရှင်ထုတ်လုပ်ရေးကုမ္ပဏီကို အပြီးအပိုင် လှူဒါန်းဖို့ စီစဉ်နေတယ်လို့ အကယ်ဒမီ ရုပ်ရှင်မင်းသား ဦးကျော်သူက အာရ်အက်ဖ်အေကို ဒီကနေ့ ပြောပါတယ်။

ဒီကိစ္စအတွက် ဖခင် ဦးစိန်တင်ထံက သဘောတူခွင့်ပြုချက် ရထားပြီးပြီလို့လည်း သူကဆိုပါတယ်။

အမျိူးသားရုပ်ရှင်ကုမ္ပဏီကို လွန်ခဲ့တဲ့ နှစ် ၅၀ ကျော်က စတင်တည်ထောင်ခဲ့တာပါ။ ၂၀၀၆ခုနှစ်က မိမိ ဒါရိုက်တာအဖြစ် ရိုက်ကူးတဲ့ အမေ့နို့ဖိုး ရုပ်ရှင်ဇာတ်ကား ထုတ်လုပ်ပြီးနောက်ပိုင်း ကုမ္ပဏီလုပ်ငန်းတွေကို ရပ်နားထားခဲ့တယ်လို့ ဦးကျော်သူက ပြောပါတယ်။ ဒါကြောင့် ထုတ်လုပ်ခွင့်သက်တမ်း ကုန်ဆုံးနေတဲ့အတွက် မလှူခင် သက်ဆိုင်ရာကို ဒဏ်ကြေးတွေ ပေးဆောင်ရဦးမယ်လို့ ဆိုပါတယ်။

ဗိုလ်ချုပ်အောင်ဆန်းရုပ်ရှင် ဖြစ်မြောက်ရေးအတွက် အဖွဲ့ဝင် ၁၁ ဦးပါ ကော်မတီကို ဖွဲ့စည်းထားပြီး ဦးကျော်သူကို ဒုဥက္ကဋ္ဌအဖြစ် ဆောင်ရွက်ဖို့ ကမ်းလှမ်းထားပါတယ်။

ဇာတ်ကားကို သုံးနှစ်လောက် အချိန်ယူ ရိုက်ကူးမှာဖြစ်ပြီး ၂၀၁၅ ခု ဖေဖေါ်ဝါရီ ၁၃ ရက် ဗိုလ်ချုပ်မွေးနေ့မှာ ရုံတင်ပြသနိုင်ဖို့ စီစဉ်ထားပါတယ်။
http://www.rfa.org/burmese/news/kyawthu-as-movie-12282011103436.html

၈၈ မျိုးဆက် ကျောင်းသူ မမီးမီးကို ရွှေဘိုထောင်သုိ့ ပြောင်းရွှေ့


၈၈ မျိုးဆက် ကျောင်းသူ မမီးမီး (ခ) မသင်းသင်းအေး

ဒီဇင်ဘာ ၂၇ ရက်နေ့ ညက ကသာထောင်မှာ ထောင်ဒဏ် ၆၅ နှစ်နဲ့ ၆ လ ကျခံနေရတဲ့ ၈၈မျိုးဆက် ကျောင်းသူ မမီးမီး (ခ) မသင်းသင်းအေးကို အကြောင်းပြချက် တစုံတရာမရှိပဲ ရွှေဘိုထောင်သို့ ညတွင်းချင်း ပြောင်းရွှေ့လိုက်တယ်ဟု ကသာထောင်နဲ့ နီးစပ်တဲ့ အသိုင်းအဝိုင်းက စုံစမ်းသိရပါတယ် ။
မမီးမီး၏ ခင်ပွန်းဖြစ်သူ ကိုလှမိုး ထောင်ဝင်စာ သွားတွေ့ဆုံပြီး ပြန်လာတာ သုံး ၊ လေး ရက်ပဲ ရှိသေးတဲ့အချိန်မှာ အခုလိုအကြောင်းကြားခြင်း မရှိပဲ ပြောင်းရွှေ့လိုက်တာ ဖြစ်ပါတယ် ။ ကသာထောင်မှာ နေခဲ့ရစဉ်က မမီးမီးဟာ ကျန်းမာရေး ကောင်းမွန်ပြီး ထောင်အာဏာပိုင်တွေနဲ့လဲ ပြဿနာ တစုံတရာ တက်တာမျိုး မရှိခဲ့ပါဘူး ။ ဒီကနေ့ ဒီဇင်ဘာ ၂၈ ရက်နေ့ နေ့လယ် ၁နာရီအချိန်ခန့်တွင် မမီးမီး ရွှေဘိုထောင်သို့ ရောက်ရှိသွားခဲ့ပါတယ်ဟု မမီးမီး၏ ခင်ပွန်းဖြစ်သူ ကိုလှမိုးက ပြောပါတယ် ။
မမီးမီး အခုလိုထောင်ပြောင်းရွှေ့တဲ့အပေါ် ခင်ပွန်းဖြစ်သူ ကိုလှမိုးက “သိပ်တော့ဘဝင်မကျဘူး ။ လွှတ်မဲ့ဟာကို လွှတ်ဖို့ပဲ ကြိုးစားကြပါ ။ ထောင်ပြောင်းတာ ရွှေ့တာတွေ မလုပ်စေချင်တော့ဘူး ။ အခုချိန်မှာ ထောင်ပြောင်းဖို့ထက် လွှတ်ပေးဖို့ အချိန်က နီးနေပြီလေ ။ ကျနော်တို့ အနေနဲ့ နည်းနည်းတော့ စိတ်က ပူတာပေါ့ ။”ဟု ဘားမားဗီဂျေ မီဒီယာကို ပြောပါတယ် ။
၈၈ မျိုးဆက် ကျောင်းသူ မမီးမီးဟာ ၂၀၀၇ ခုနှစ် သြဂုတ်လအတွင်း လောင်စာဆီဈေး နှင့် ကုန်ဈေးနှုန်း ကျဆင်းရေးအတွက် ရန်ကုန်မြို့တွင်း လမ်းလျှောက် ဆန္ဒပြခဲ့သဖြင့် ဖမ်းဆီးထိန်းသိမ်းခံခဲ့ရတာ ဖြစ်ပါတယ် ။ မမီးမီးကို အင်းစိန်ထောင် မှ ပုသိမ်ထောင် ၊ ကသာထောင်တွေကို ပြောင်းရွှေ့ခဲ့ပြီး အခုအခါမှာ ရွှေဘိုထောင်ကို ထပ်မံပြောင်းရွှေ့ခံခဲ့ရတာ ဖြစ်ပါတယ် ။
“အမှန်ဆို ဇန်နဝါရီ ၄ ရက်နေ့ လွတ်လပ်ရေးနေ့မှာ လွှတ်မယ့်လူ ဆိုရင်တော့ ဒီလို တကူးတက ထောင်ပြောင်းနေဖို့ လုပ်တော့မှာ မဟုတ်ဘူး ။ ထောင်ပြောင်းတယ်ဆိုတာ ကျနော်တို့ ကိုယ်တိုင်လဲ ထောင် ၉ ခု ပြောင်းခဲ့ရတယ် ။ အဲလို ထောင်တခါပြောင်းရင် လုံခြုံရေး ယူရတာနဲ့ ဘာနဲ့ညာနဲ့ တော်တော်ကြီးကို အချိန်ယူပြီး လုပ်ရတဲ့ ကိစ္စတခု ပါ။ အခုဟာက ဘယ်လိုနားလည်ရမှန်း မသိပါဘူး ။ ဒီဟာက ပုံမှန်မဟုတ်ဘူး ။ ရိုးသားမှုလဲ မရှိဘူး ။ တကယ်တမ်း နောက် လေး ၊ ငါး ၊ဆယ်ရက်နေရင် မှာ လွှတ်တော့မယ့် လူတယောက်ကို လုံခြုံရေး ယူ ၊ ဘာတွေယူပြီး ပြောင်းနေတယ်ဆိုတာကတော့ ဒါက ဖြစ်ရိုးဖြစ်စဉ်တော့ မဟုတ်ဘူး ။ ကျနော်ကတော့ တော်တော်လေး စိုးရိမ်မိတယ် ။ လွှတ်ပေးဖို့ နီးစပ်ရာထောင်ကို ပြောင်းရွှေ့တာမျိုးပဲ ဖြစ်ပါစေလို့ ဆုတောင်းရမှာပါ ” ဟု ၈၈ မျိုးဆက်ကျောင်းသားတဦး ဖြစ်တဲ့ ကိုကိုကြီး (စမ်းချောင်း) က ဘားမားဗီဂျေ မီဒီယာကို ပြောပါတယ် ။
By ဇာဏီ (Burma VJ Media Network)
http://www.burmavjmedia.net/?p=3136

ပုဇွန်တောင် ချောင်း အနီးမှာ ရှိတဲ့ ဂိုထောင်တွေ မီးလောင်ပေါက်ကွဲမှု



Burma VJ Media Network

ရန်ကုန်မြို့ မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်၊ ကူးတို့ဆိပ်လမ်း ၊ ပုဇွန်တောင် ချောင်း အနီးမှာ ရှိတဲ့ ဂိုထောင်တွေ မီးလောင်ပေါက်ကွဲမှု ဖြစ်ပါတယ်။ ၂၉-၁၂-၂၀၁၁ နေ့ ၀၁း၁၅ နာရီခန့်မှာ စတင်လောင်ကျွမ်းခဲ့ပြီး ၀၂း၀၀ နာရီမှာ ကျယ်လောင်တဲ့ ပေါက်ကွဲမှုဖြစ်ခဲ့ပါတယ်။ ၄င်းပေါက်ကွဲသံဟာ ရန်ကုန်မြို့ မြို့နယ် အတော်များများ ပုဇွန်တောင်၊ ဗိုလ်တထောင်၊ ကျောက်တံတား၊ ပန်းဘဲတန်း၊ တာမွေ၊ ဗဟန်း၊ ရန်ကင်း၊ တောင်ဥက္ကလာ၊ ကမာရွတ်၊ စမ်းချောင်း၊ သာကေတ၊ ဒေါပုံ၊ သင်္ကန်းကျွန်း စတဲ့ မြို့နယ်က တိုက်ခန်းတွေ လှုပ်ခါခဲ့ပါတယ်။ ပေါက်ကွဲ လွင့်စင် ထွက်လာတဲ့ အရာတွေ ထိမှန်ပြီး အနည်းဆုံး ၄၀ ဦးထက် မနည်း သေဆုံးတယ်လို့ ကယ်ဆယ်ရေး လုပ်နေသူ ကြက်ခြေနီတပ်ဖွဲ့ဝင်တစ်ဦးက ဆိုပါတယ်။ ပုဇွန်တောင်ချောင်းအတွင်း ဆိုက်ကပ်ထားတဲ့ စက်လှေ၊ သမ္မာန်တွေပေါ်က လူတွေကော လှေတွေပါ တော်များများ ထိမှန်ခဲ့ပါတယ်။ ပေ ၁၀၀၀ ၀န်းကျင်ခန့်မှာရှိတဲ့ အိမ်များလည်း မီးမလောင်ပေမယ့် ပေါက်ကွဲတဲ့အရှိန်ကြောင့် ပျက်စီးကုန်ပါတယ်။ မီးလောင်ရာသို့ မီးသတ်ကား အစီး ၇၀ ခန့် လာရောက်ငြိမ်းသတ်နေပါတယ်။ နံနက် ၀၃း၀၀ နာရီလောက်မှာ မီးညွန့်ကျိုးသွားပါတယ်။






စီးပွားကူးသန်းဂိုဒေါင် ပေါက်ကွဲမှု အနည်းဆုံး ၁၀ ဦးသေ

မဇ္ဈိမသတင်းဌာန | ကြာသပတေးနေ့၊ ဒီဇင်ဘာလ ၂၉ ရက် ၂၀၁၁ ခုနှစ် ၀၂ နာရီ ၂၁ မိနစ်

မဇ္ဈိမသတင်းဌာန ။ ။ စီးပွားကူးသန်းပိုင် ဂိုဒေါင်တွင် ပေါက်ကွဲမှုက အနည်းဆုံး လူ ၁၀ ဦး သေဆုံးသည်ဟု အခင်းဖြစ်ပွားရာ ရောက်ရှိနေသူများက ပြောသည်။

မီးလောင်စေနိုင်သော သင်္ဘောဆေးများနှင့် သင်္ဘောဆေး ချက်လုပ်ရာ ပစ္စည်းများထားသော ဂိုဒေါင်တွင်
ပေါက်ကွဲမှု ဖြစ်ပွားခြင်း ဖြစ်သည်။ ခန္ဓာကိုယ် အပိုင်းအစများ လွင့်ထွက်လာခဲ့သည်ကို မြင်ကြရသည်ဟု မျက်မြင်သက်သေ တဦးက ပြောသည်။

ဂိုဒေါင်တွင် မိသားစုလိုက် ညစောင့် အိပ်နေခဲ့ကြသည်ဟု အနီးနားနေသူများက ပြောကြားပြီး သေဆုံးသူများတွင် ဂိုဒေါင်စောင့်သူများ ပါဝင်သည်ဟု ယုံကြည်ရသည်။ အခင်းဖြစ်ပွားရာသို့ လာရောက်ကြည့်ရှု့သော ထောင်ချီနေ
သော လူအုပ်စုကြီးက ထပ်မံ ပေါက်ကွဲမှုများ ဖြစ်မည်ဆိုသော စိုးရိမ်စိတ်ဖြင့် ဝေးရာသို့ ပြန်လည် ပြေးလွှားနေကြ သည်။

ကူးတို့ဆိပ်လမ်းမှ အိမ်အတော်များများ ပြိုကျသွားခဲ့သလို မီးသတ်ကားများ ရောက်ရှိပြီးမှ ထပ်မံပေါက်ကွဲမှုကြောင့် မီးသတ်ကားနှစ်စီးကို ထိခိုက်မှု ဖြစ်ခဲ့သည်။

ကြာသပတေးနေ့ နံနက် ၂ နာရီခန့်က အင်အားပြင်းထန်သော ပေါက်ကွဲမှုကြီးက ရန်ကုန်မြို့ မြို့နယ် အများအပြား မှ အိပ်မောကျနေသူများကို လန့်နိုးသွားစေခဲ့သည်။

ဂိုဒေါင် ၃၂ လုံးရှိရာ ပုဇွန်တောင်ကမ်းအနားအနီး ဂိုဒေါင်များတွင် မီးလောင်လျှက်ရှိပြီး အခင်းဖြစ်ပွားသော နေရာ ၏ “ကိုက် ၄၀၀၊ ၅၀၀ အကွာမှာရှိတဲ့ အေဘီစီ လမ်းမကြီးပေါ် တွင် ကျောက်ခဲများ ပြန့်ကျဲနေတာ မြင်မကောင်း” ဟု မျက်မြင်သက်သေ တဦးက ဆိုသည်။

အဆောက်အဦးပေါက်ပြီး ပြန့်ထွက်လာတဲ့ ခဲမှန်လို့ပင် ဒဏ်ရာရသူများကို တွေ့ရပြီး “သွေးသံရဲရဲနဲ့ လူအများ
ပြေးလွှားနေတာကိုတွေ့ရ” သည်ဟု မျက်မြင်တဦးက ပြောသည်။ သေဆုံး သို့မဟုတ် ဒဏ်ရာရသူ လူအများ အပြားကို မီးလောင်ရာနေရာမှ ဆွဲထုတ်နေသည်ကိုလည်း တွေ့ရသည်ဟု ဆိုသည်။

“ကျနော်တို့အားလုံး ပြေးနေကြတယ်” ဟုဆိုကာ ပတ်ဝန်းကျင် တခုလုံး “ဝရုန်းသုန်းကား” ဖြစ်နေသည်ဟု အခင်းဖြစ်ပွားရာကို လွန်ခဲ့သည့် တနာရီကတည်းက ရောက်ရှိနေသူ တဦး ကပြောသည်။

ဒဏ်ရာရသူများကို သယ်ထုတ်နေသည်မှာ မပြီးပြတ်နိုင်သေးဘဲဖြစ်ပြီး အသေအပျောက် ရှိလိမ့်မည်ဟု အခင်းဖြစ်ပွားရာ ရောက်နေသော လုံခြုံရေးတဦးက ပြောသည်။
http://www.mizzimaburmese.com/news/breaking-newsbrief/8824-2011-12-28-19-54-09.html

Daw Aung San Suu Kyi met Foriegn Minister of Indonesia Mr. Natalegawa


Burma VJ Media Network
Today evening ,Daw Aung San Suu Kyi met Foriegn Minister of Indonesia Mr. Natalegawa at Daw Aung San Suu Kyi Residence .



ဗုဒ္ဓဟူး, 28 ဒီဇင်ဘာ 2011
နိုင်ငံရေးအကျဉ်းသားလွှတ်ရင် ပြုပြင်ပြောင်းလဲရေး အရှိန်မြင့်မည်

By မစုမြတ်မွန်

မြန်မာနိုင်ငံမှာ နိုင်ငံရေး အကျဉ်းသားတွေကို ပြန်လွှတ်ပေးခြင်းဖြင့် ပြုပြင် ပြောင်းလဲရေးကို အရှိန်နဲ့ ဆက်ပြီး လုပ်ဆောင်သွားလိမ့်မယ်လို့ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa) က ပြောလိုက်ပါတယ်။ မြန်မာနိုင်ငံကိုလာတဲ့ နေ့ချင်းပြန်ခရီးမှာ ဒေါ်အောင်ဆန်းစုကြည်နဲ့ တွေ့ဆုံပြီး အာဆီယံအဖွဲ့ရဲ့ ဖြစ်ပေါ် တိုးတက်မှုတွေကိုလဲ ပြောပြခဲ့တဲ့အကြောင်း ရန်ကုန်မှာ လုပ်ခဲ့တဲ့ သတင်းစာ ရှင်းလင်းပွဲမှာ နိုင်ငံခြားရေးဝန်ကြီး မာတီ နာတာလီဂါဝါက ပြောခဲ့တာဖြစ်ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က သတင်း ပေးပို့ထားပါတယ်။

မြန်မာနဲ့ အင်ဒိုနီးရှားကြား နှစ်နိုင်ငံကိစ္စတွေကို အပြန်အလှန် ဆွေးနွေးကြတဲ့ ပူးတွဲကော်မရှင် စည်းဝေးပွဲကို နေ့ချင်းပြန် လာတက်တဲ့ အင်ဒိုနီးရှား နိုင်ငံခြားရေးဝန်ကြီး မာတီ နာတာလေဂါဝါဟာ ဒေါ်အောင်ဆန်းစုကြည်နဲ့ တွေ့ပြီးစဉ်မှာရော ရန်ကုန်ကနေ မပြန်ခင် ဆီဒိုးနားဟိုတယ်မှာပါ သတင်းစာ ရှင်းလင်းပွဲတွေ လုပ်ခဲ့တာဖြစ်ပါတယ်။

မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေ ဆက်ဖြစ်ဖို့နဲ့၊ တိုင်းရင်းသား လက်နက်ကိုင်အဖွဲ့တွေနဲ့ ငြိမ်းချမ်းရေး ဆွေးနွေးမှုတွေဟာ အကောင်းဖက်ကို ရောက်မယ်လို့ မျှော်လင့်တဲ့အကြောင်း အင်ဒိုနီးရှား နိုင်ငံခြားရေးဝန်ကြီးက သတင်းထောက်တွေကို ပြောသွားပါတယ်။

နိုင်ငံရေးအကျဉ်းသားတွေကို လွှတ်ပေးရေးနဲ့ ပါတ်သက်လို့လဲ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါက ခုလိုပြောခဲ့တာက -

“နိုင်ငံရေးအကျဉ်းသားတွေကို ပြန်လွှတ်ပေးခြင်းဟာ အခု မြန်မာနိုင်ငံမှာ ဖြစ်နေတဲ့ ပြုပြင်ပြောင်းလဲမှု အရှိန်ပိုရှေ့တိုးစေမှာဖြစ်ပါတယ်။ ကျင်းပဖို့ရှိတဲ့ ကြားဖြတ် ရွေးကောက်ပွဲတွေ လွတ်လပ်မျှတမှု ရှိဖို့နဲ့ ဒီမိုကရေစီ နည်းလမ်းကျကျနဲ့ မြန်မာ့လူအဖွဲ့အစည်း အလွှာစုံက လူတိုင်း ပါဝင်နိုင်ဖို့အတွက် မျှော်လင့်တယ်လို့ ပြောသွားတာဖြစ်ပါတယ်။”

အာဆီယံ အလှည့်ကျ ဥက္ကဌအနေနဲ့ အာဆီယံရဲ့ အခြေအနေတွေကိုလဲ ဒေါ်အောင်ဆန်းစုကြည်ကို အင်ဒိုနီးရှား နိုင်ငံခြား ရှင်းပြခဲ့ပါတယ်။

“အာဆီယံအဖွဲ့ရဲ့ လတ်တလော ဖြစ်ပေါ်တိုးတက်မှုတွေကို ဒေါ်အောင်ဆန်းစုကြည်ကို ရှင်းပြခဲ့ပါတယ်။ အာဆီယံဥက္ကဌ တာဝန်ယူထားတဲ့ အင်ဒိုနီးရှားနိုင်ငံရဲ့ အားထုတ် ကြိုးပမ်းမှုတွေ၊ အာဆီယံ အဖွဲ့ဝင်နိုင်ငံတွေ စည်းဝေးတိုင်ပင်ပြီး မြန်မာနိုင်ငံက ဒီမိုကရေစီစနစ်ဆီ ပြုပြင် ပြောင်းလဲမှုတွေမှာ ပိုပြီး အရှိန်ရအောင် စည်းစည်းလုံးလုံး လုပ်ပေးနိုင်တဲ့ အကြောင်းတွေအပြင်၊ အာဆီယံ ဥက္ကဌတာဝန် မြန်မာကိုပေးဖို့ ဘာကြောင့် ဆုံးဖြတ်ရသလဲ ဆိုတာတွေကို ဒေါ်အောင်ဆန်းစုကြည်ကို ပြောပြခဲ့တယ်လို့ အင်ဒိုနီးရှား နိုင်ငံခြားရေးဝန်ကြီးက သတင်းထောက်တွေကို ပြောသွားတာပါ။"

မြန်မာနိုင်ငံက အာဆီယံ ဥက္ကဌတာဝန်ကို ယူရတဲ့အတွက် ဒီမိုကရေစီစနစ်ဆီ အသွင်ပြောင်းတဲ့နေရာမှာ တွန်းအားတခု ဖြစ်လိမ့်မယ်လို့ ယုံကြည်ကြောင်းကိုလဲ အင်ဒိုနီးရှား နိုင်ငံခြားရေးဝန်ကြီးက သတင်းစာရှင်းလင်းပွဲမှာ ပြောသွားပါသေးတယ်။

အာဆီယံ နိုင်ငံတွေကြားမှာ မြန်မာ့ ဒီမိုကရေးစီရေးအတွက် အင်ဒိုနီးရှားနိုင်ငံရဲ့ ကူညီမှုတွေနဲ့ ပါတ်သက်လို့ ဒေါ်အောင်ဆန်းစုကြည် သတင်းစာရှင်းလင်းပွဲမှာ ပြောခဲ့တာက -

“အာဆီယံ နိုင်ငံတွေကြားမှာ အင်ဒိုနီးရှားနိုင်ငံဟာ မြန်မာနိုင်ငံနဲ့ ဆယ်စုနှစ်နဲ့ချီထဲက ရင်းနှီးလာခဲ့တဲ့ နိင်ငံ တခုဖြစ်တယ်၊ မြန်မာ့ဒီမိုကရေစီရေး လုပ်ငန်းစဉ်တွေ အပေါ်မှာလဲ အင်ဒိုနီးရှားဟာ အမြဲ စစ်မှန်တဲ့ စိတ်စေတနာထားတဲ့ နိုင်ငံဖြစ်လို့ ဒီမိုကရေစီ ဖော်ဆောင်ရေးအတွက် ကူညီတာကို အမြဲတမ်း ကြိုဆိုပါတယ်လို့ ဒေါ်အောင်ဆန်းစုကြည်က ပြန်ပြောခဲ့တာ ဖြစ်ပါတယ်။”

အင်ဒိုနီးရှားနိုင်ငံခြားရေးဝန်ကြီးဟာ နှစ်နိင်ငံဆက်ဆံရေး တိုးတက်ဖို့ ရည်ရွယ်တဲ့ နှစ်နိုင်ငံ ပူးပေါင်း ဆောင်ရွက်ရေး ပူးတွဲကော်မရှင် စည်းဝေးပွဲကို တက်ခဲ့ပါတယ်။ မြန်မာနဲ့ အင်ဒိုနီးရှား နိုင်ငံခြားရေးဝန်ကြီး နှစ်ယောက် ဦးဆောင်တဲ့ စည်းဝေးပွဲမှာ နှစ်နိုင်ငံက ဒီမိုကရေစီ အဆောက်အအုံတွေ ခိုင်မာအောင်လို့ မျှဝေစရာတွေမျှဝေ၊ လက်တွဲလုပ်စရာတွေ လုပ်သွားကြဖို့အတွက် အင်ဒိုနီးရှား နိုင်ငံခြားရေးဝန်ကြီးက ခုလို ကမ်းလှမ်းခဲ့ပါတယ် -

“အင်ဒိုနီးရှား ရွေးကောက်ပွဲကော်မရှင်နဲ့ မြန်မာရွေးကောက်ပွဲ ကော်မရှင်ကြား၊ တခါ နှစ်နိုင်ငံ လူ့အခွင့်အရေး ကော်မရှင်တွေကြားမှာ ပူးပေါင်းဆောင်ရွက်ဖို့၊ သိပ္ပံဆိုင်ရာ သုတေသန လုပ်ငန်းတွေမှာလဲ အတူ လက်တွဲလုပ်ဖို့ ကူညီနိုင်တာကို ကူညီဖို့အတွက် အင်ဒိုနီးရှားက ကမ်းလှမ်းခဲ့ပါတယ်လို့ ပြောခဲ့တာပါ။”

ဒါ့အပြင် မြန်မာနိုင်ငံလိုပဲ စစ်အစိုးရစနစ်ကနေ ဒီမိုကရေစီစနစ်ဆီကို အသွင်ပြောင်းခဲ့တဲ့ အင်ဒိုနီးရှားက မြန်မာနဲ့ အတူလက်တွဲသွားဖို့ အဆင်သင့် ဆိုတာကိုလဲ နှစ်နိုင်ငံ ပူးတွဲကော်မရှင် စည်းဝေးပွဲမှာ အသိပေးခဲ့တယ်လို့ ဆိုပါတယ်။

“လွန်ခဲ့တဲ့ ၁၀ နှစ်အတွင်းမှာ အင်ဒိုနီးရှားနိုင်ငံ ဖြတ်သန်းခဲ့ရတဲ့ အခြေအနေမျိုး အခု မြန်မာနိုင်ငံမှာ ဖြစ်နေတဲ့ ဒီမိုကရေစီ ဖော်ဆောင်ရေး အားထုတ်မှုတွေကို အားရှိ ခိုင်မာစေဖို့အတွက် မြန်မာနဲ့ ခိုင်မာတဲ့ မိတ်ဖက်ဆက်ဆံရေး ထားရှိသွားဖို့ အင်ဒိုနီးရှားဖက်က အသင့် ဖြစ်နေပါပြီလို့ ပြောသွားတာဖြစ်ပါတယ်။”

သူလာတက်တဲ့ နှစ်နိုင်ငံကိစ္စတွေ ဆွေးတွေးတဲ့ စည်းဝေးပွဲမှာ နှစ်နိုင်ငံ ကုန်သွယ်မှု တိုးမြှင့်ဖို့ကိစ္စ၊ ဘဏ်လုပ်ငန်း ဆိုင်ရာမှာ အင်ဒိုနီးရှားက အကူအညီပေးဖို့ ကိစ္စတွေကိုလဲ ဆွေးနွေးခဲ့ကြတယ် ဆိုတာကို အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါက သတင်းထောက်တွေကို အသိပေးခဲ့ပါတယ်။

ရန်ကုန်မှာ အစည်းအဝေးတက်ပြီး ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ နိုင်ငံခြားရေးဝန်ကြီးဟာ ဒီနေ့ ဗုဒ္ဓဟူးနေ့ ညပိုင်းမှာပဲ မြန်မာနိုင်ငံကနေ ပြန်လည်ထွက်ခွာသွားပါတယ်။
http://www.voanews.com/burmese/news/Marty_Natalegawa_Dec28_2011-136313323.html