Saturday, December 31, 2011

နိုင်ငံရေး အကျဉ်းသားဟောင်းများ က အကျဉ်းထောင်တွင်း ကျန်ရှိနေတဲ့ နိုင်ငံရေး အကျဉ်းသားများ အတွက် နှစ်သစ်ဆုတောင်းလွှာများ

နိုင်ငံရေး အကျဉ်းသားဟောင်းများ က အကျဉ်းထောင်တွင်း ကျန်ရှိနေတဲ့ နိုင်ငံရေး အကျဉ်းသားများ အတွက် နှစ်သစ်ဆုတောင်းလွှာများ စုဆောင်းယူထားပါတယ်။ သူတို့ရဲ့ ရည်ရွယ်ချက်ကတော့ အပြင်ကိုရောက်ရှလာတဲံ နိုင်ငံရေး အကျဉ်းသား အများစုက စိတ်ဓါတ် မယိုင်မလဲပဲ လိုချင်တဲ့ ပန်းတိုင်ရောက်အောင် ဆက်သွားနိုင်ဖို့ လုပ်ကိုင်နေကြပါတယ်။ အကျဉ်းထောင်ထဲ ကျန်ရှိနေသေးတဲ့ သူတွေကိုလည်း စိတ်ဓါတ်မကျပဲ ကျန်းမာရေးလည်း ကောင်းမွန်နေစေဖို့ အားပေးစေချင်ပါတယ် ဒါကြောင့် အခုလို နှစ်သစ်ကူး နှုတ်ခွန်းဆက်ကို လိုက်လံစုဆောင်းပြီး သူတို့ရဲ့ စိတ်ဓါတ်၊ မိသားစုဝင်တွေရဲ့ စိတ်ဓါတ် ပိုပြီးခိုင်မာလာအောင် အားပေးစေချင်တဲ့ ရည်ရွယ်ချက်နဲ့ လုပ်ဆောင်တာပါလို့ စုဆောင်းသူ တဦးဖြစ်တဲ့ နိုင်ငံရေး အကျဉ်းသားဟောင်း ကိုခင်ဇော်က ပြောပါတယ်။

နိုင်ငံရေး အကျဉ်းသားဟောင်းများ က အကျဉ်းထောင်တွင်း ကျန်ရှိနေတဲ့ နိုင်ငံရေး အကျဉ်းသားများ အတွက် နှစ်သစ်ဆုတောင်းလွှာများ

နှစ်သစ်မှာလိုအင်ဆန္ဒအကုန်ပြည့်ဝကြပါစေ။


r

သတင်းသမားများအတွက်လူထုခေါင်းဆောင် ဒေါ်အောင်ဆန်းစုကြည် ၂၀၁၂ နှစ်သစ်ကူး ဆုတောင်း စကား






စင်ကာပူနိုင်ငံ ပင်နီစူလာလာပလာဇာရှိ ဟွန်ဒီငွေလဲဈေးကွက် ပြိုလဲမှု



ယုံကြည်အပ်နှံမှုအပေါ် အလွဲသုံးစားပြုခဲ့သော စင်ကာပူနိုင်ငံ ပင်နီစူလာလာပလာဇာရှိ ဟွန်ဒီငွေလဲဈေးကွက် ပြိုလဲမှု ပြည်တွင်း ငွေကြေး ဈေးကွက်နှင့် စီးပွားရေးလုပ်ငန်းများအပေါ် ကြီးမားသည့် ရိုက်ခတ်မှုများ ဖြစ်လာနိုင်


Saturday, 31 December 2011 13:52

b39_20 စင်္ကာပူနိုင်ငံတွင်မကြာခင်က ဖြစ်ပွားခဲ့သော ပင်နီစူလာပလာဇာရှိ ရွှေရတနာဆိုင်မှ ဒေါ်တင်တင်မြင့်ဆိုသူက ဟွန်ဒီ ငွေလွှဲရေးလုပ်ငန်းများ၏ ယုံကြည်အပ်နှံမှုအပေါ် အလွဲသုံးစားပြု လိမ်လည်သွားသောဖြစ်ရပ်ကြောင့် ငွေကြေးဈေးကွက်အပေါ် ကြီးမားသည့် ရိုက်ခတ်မှုများ ရှိလာနိုင်ကြောင်း၊ အလားတူဟွန် ဒီလုပ်ငန်းများကို မှီခိုနေကြသော ငွေလွှဲသူများအပေါ်တွင် ရိုက်ခတ်မှုရှိခဲ့ကြောင်း သိရှိရသည်။ 
ဖြစ်ပွားပုံမှာ စင်ကာပူ ပင်နီစူလာပလာဇာတွင် ဖွင့်လှစ်ထားသော ရွှေရတနာ ငွေလွှဲလုပ်ငန်း ဦးစီးလုပ်ကိုင်သူ ဒေါ်တင်တင်မြင့်နှင့် အဖွဲ့သည် လက်ခံရရှိသည့် ငွေလွှဲရန်ဒေါ်လာများကို ဒီဇင်ဘာလ ၁၉ ရက်နေ့၌ ဘဏ်တွင် စတိသာအသွင်းပြခဲ့ပြီး တနင်္လာ၊ အင်္ဂါနေ့များတွင် ထပ်မံဝင် ရောက်လာသောငွေများကို စုစည်းကာ အစဖျောက်ခဲ့ကြောင်း၊ အင်္ဂါနေ့တွင်မူ ခန့်မှန်းခြေဒေါ်လာ သန်း ၄၀ ခန့်ဖြင့် အင်္ဂလန်သို့ လိမ်လည် တိမ်းရှောင် သွားခဲ့ကြောင်း သိရှိရသည်။ ထိုအမျိုးသမီး ထွက်ပြေးတိမ်းရှောင်သွားသည်ကို လွိုင်ဟိန်း ဇနီးမောင်နှံက သိလျက်နှင့်ပင် ပင်နီစူလာဆိုင်များမှ ငွေများကို လက်ခံယူပြီး လက်ကျန်ဒေါ်လာ နှစ်သန်းကိုပါ အစဖျောက် လိုက်ကြောင်း သတင်းများထွက်ပေါ်နေသည်။
''အခုစင်္ကာပူမှာဖြစ်သွားတဲ့ကိစ္စက မြန်မာပြည် ပြည်တွင်း ငွေကြေးဈေးကွက်ပေါ်မှာ အများကြီး သက်ရောက်ပါတယ်။ အခု ပင်နီစူလာပလာဇာက ဟွန်ဒီငွေလွှဲတဲ့ လုပ်ငန်းအသေးလေး နှစ်ခုလောက်ပဲရှိတော့တယ်လို့ သိရတယ်။ လိမ်တဲ့အမျိုးသမီးနာမည်က ဒေါ်တင်တင်မြင့်။ အခုတဖြည်းဖြည်းနဲ့ ပမာဏက များလာတယ်။ နောက်ဆုံးရရှိထားတဲ့ သတင်းအရဆိုရင် စင်္ကာပူဒေါ်လာ သန်း ၄၀-၆၀ ကျော်လောက်လို့ သိရတယ်။ တစ်ယောက်ထဲ သန်း ၂၀၊ ၃၀ ပါသွားတဲ့လူလည်း ရှိတယ်။ ပထမပိုင်းတော့ ယုံအောင်လုပ်ထားတယ်။ ဈေးတောင် လျော့ပေးထားတယ်။ အခုက တစ်ဆင့်လွှဲတဲ့သူတွေဆီကပါ ပြန်ယူသွားတာပါ'' ဟု စင်္ကာပူမှပြန် လာသော စီးပွားရေးလုပ်ငန်းရှင်တစ်ဦးက ပြောပြခဲ့သည်။

b39_20_1
ဘာမင်ဂမ်ရှိ ဒေါက်တာသန်းသန်းမြင့်၏ နေအိမ်

''အခု လိမ်လည်သွားတဲ့ ဒေါ်တင်တင်မြင့်ရဲ့ သမီး Stephine က လန်ဒန်မှာရှိတဲ့ Queen Marry University မှာ တက်ရောက်နေတာပါ။ သူ့ယောကျာ်းကတော့ စင်ကာပူမှာ ရှိပါတယ်။ စင်ကာပူမှာရှိတဲ့ ရွှေရတနာဆိုင်မှာ ဟန်မပျက် ဆက်နေနေတယ်။  သူ့မိန်းမစီးပွားရေးကို မသိပါဘူးလို့လဲ ငြင်းထားတယ်။ ၂၀ ရက်နေ့ နံနက် ၁၂ နာရီနောက်ပိုင်းလောက်ကနေပြီးတော့ ညနေ ၄ နာရီအချိန်လောက်မှာ သူကရုံးခန်းကိုဆင်းလာပြီး သူနဲ့လည်း လုံးဝအဆက်အသွယ်မရဘူးလို့ ပြောပါတယ်။ ၂၁ ရက်နေ့မှာလည်း အများဆုံး ပါသွားတဲ့သူက ငိုယိုပြီးပြောလို့ သူ့ညီမ(ဒေါ်တင်တင်မြင့် ညီမ)က ဖုန်းအဆက်သွယ်ရပါတယ်။ သူ့ဆီ သူ့အစ်မပြန်ဆက်ရင် ဆက်ဆက်ပြော ပေးပါမယ်လို့ ပြောပါတယ်။ ၂၂ ရက်နေ့ကိုရောက်လာတဲ့အခါ လူပျောက်ကြော်ငြာဖို့ စလုပ်ခဲ့ကြပါတယ်။ အဲဒီနေ့မှာပဲ M.A.S (Monetary Authority of Singapore)က ပင်နီစူလာမှာ စစ်ဆေးတယ်ဆိုတဲ့သတင်းကြောင့် ကိုပြည့်ဖြိုး(Loi Heing) ကလည်း လုံးဝပျောက်သွားတယ်။ ကိုပြည့်ဖြိုးတို့လင်မယားက ဟောင်ကောင်ကိုသွားပြီး တရုတ်က ငွေပို့ပေးနေတဲ့ ကုန်သည်တွေနဲ့တွေ့ဖို့ လက်မှတ်ဝယ်ထားပြီးပြီ ဗီဇာ လျောက်ထားပြီးပြီလို့ သိရတယ်။ ဒီကိစ္စမှာ မန္တလေးကနာမည်ကြီး ရွှေဆိုင်တစ်ခုကလည်း ပါဝင်ပတ်သက်နေတယ်။ သူတို့က ဒေါ်တင်တင်မြင့်ဆီက ကျပ်ငွေတွေ အားလုံးယူထားလိုက်ပြီး ကိုပြည့်ဖြိုးနဲ့ ပူးပေါင်းဖို့လို့ သိရတယ်။ အဲဒီအချိန်မှာ ငွေတွေကျပ်သွားပြီး ချက်ချင်းအလုပ် ဆက်မလည်ပတ်နိုင်တော့ပဲ ငွေကြေးဈေးကွက်ကြီးတစ်ခုလုံး ရပ်ဆိုင်းသွားခဲ့တာပါ။ နောက်ပိုင်းသိရတာတွေ ပေါ် အခြေခံပြီးသူ (ဒေါ်တင်တင်မြင့်) ရှိမယ့် ဘာမင်ဂမ်ကို လိုက်သွား ခဲ့ပါတယ်''ဟု ဒေါ်တင်တင်မြင့် တိမ်းရှောင်နေသော ဘာမင်ဂမ်သို့ လိုက်သွားခဲ့သူတစ်ဦးက ပြောပြပါသည်။
ဒေါ်တင်တင်မြင့်ညီမ ဒေါက်တာသန်းသန်းမြင့်၏ အမျိုးသား Dr.Zaki သည် အီဂျစ်နိုင်ငံသားတစ်ဦးဖြစ်ပြီး ဒေါ်တင်တင်မြင့် တိမ်းရှောင်နေသည့် ဘာမင်ဂမ်ရှိ နေအိမ်သို့ လိုက်သွားခဲ့သော်လည်း ရှောင်နေ၍ မတွေ့ခဲ့ ရကြောင်းလည်း သိရသည်။
'' အဲဒီအိမ်ကိုရောက်ခဲ့ပေမယ့် ရှာဖွေဖို့ အခွင့်အရေးမရှိလို့ ရဲစခန်းကိုပဲ တိုင်ကြားခဲ့ပါတယ်။ ရဲများကလည်း ချက်ချင်းတိုင်ချက်ဖွင့်ပြီး ဖုန်းဆက်ရှာပေးခဲ့ပါတယ်။ ဖုန်းတွေ လုံးဝမကိုင်လို့ message တွေ ချန်ထားခဲ့ကြောင်းနဲ့ အဲဒီအိမ်နားမှာ ရဲကားတွေ လှည့်လည်စစ်ဆေးပေးမယ်လို့ ရဲတွေက ပြောခဲ့ပါတယ်''ဟု ဘာမင်ဂမ်သို့ လိုက်သွားခဲ့သူက ဆက်လက်ပြောပြခဲ့ပါသည်။
ယင်းဖြစ်ရပ်များသည် မကြာမီက ထုတ်ပြန်ကြေငြာခဲ့သော ပြည်ပနိုင်ငံများတွင် သွားရောက်လုပ်ကိုင်နေသည့် မြန်မာနိုင်ငံသားများ၏ ၀င်ငွေအပေါ်အစိုးရမှ အခွန်ကောက်ခံမှုအား ဇန်န၀ါရီလ ၁ ရက်နေ့မှစ၍ ကင်းလွတ် ခွင့်ပြုလိုက်ကြောင်းနှင့် ငွေပို့ငွေလွှဲလုပ်ဆောင်ခြင်းများကို ပြည်တွင်းရှိ သမ၀ါယမဘဏ်၊ ကမ္ဘောဇဘဏ်၊ အာရှစိမ်းလမ်းမှုဖွံ့ဖြိုးရေးဘဏ်နှင့် ဧရာဝတီဘဏ်တို့ကို တရားဝင်ခွင့်ပြုခဲ့ပြီး မရှေးမနှောင်းတွင် ဖြစ်ပွားခဲ့ခြင်းဖြစ်သည်။ ထို့ကြောင့် ကြိုတင်ကြံစည် လုပ်ဆောင်ခြင်းဖြစ်နိုင်ကြောင်း သုံးသပ်မှုများလည်း ရှိနေသည်။
''အချို့ကိစ္စတွေက တရားမ၀င်တို့၊ တရားဝင်တို့ဆိုတာ မျဉ်းပါးပါးလေးပါပဲ။ စင်ကာပူက ဟွန်ဒီလုပ်ငန်း ဘာလို့လိုအပ်နေဆဲဆိုတာလဲ အားလုံးသိပြီးသားပါ။ ကျွန်တော်တို့နိုင်ငံက Sanction ရှိထားတဲ့အတွက် သွင်းကုန် ထုတ်ကုန်လုပ်ပြီး နိုင်ငံတကာနဲ့ ချိတ်ဆက်မယ့်လူတွေက စင်ကာပူမှာ LC  ဖွင့်ဖို့ လုပ်ရတယ်။ ဒီလိုလုပ်မှ ရမှာလေ။ အခု ငွေကြေးလိမ်လည်မှုကြောင့် နစ်နာဆုံးရှုံးရသလို စီးပွားရေးလုပ်သူ အချင်းချင်းကြား ယုံကြည်မှုတွေ ပါ ပျောက်ဆုံးရင် စီးပွားရေးဝန်းကျင်တစ်ခုလုံး ထိခိုက်သွားမှာပါ။ ဒီလိုကိစ္စမျိုးကို ထိထိရောက်ရောက် ကိုင်တွယ်သွားစေချင်တယ်''ဟု စီးပွားရေးလုပ်ငန်းရှင်တစ်ဦးက ပြောပါသည်။
''အခုတလော ယုံကြည်မှုကို အလွဲသုံးစားလုပ်လိမ်လည်မှုတွေ ဆက်တိုက်ဆိုသလို ဖြစ်လာတယ်။  ပဲကိစ္စ၊ မှန်ချိုဆေးတိုက်ပိုင်ရှင်က သမီးအဖြစ် အမွေပြတ်စွန့်လွှတ်ခံထားရသူက လိမ်သွားတဲ့ ငွေကြေးလိမ်လည်မှုတွေနဲ့ အခုပင်နီစူလာကိစ္စတွေက ပေါ့လို့မရဘူး။ လုပ်လို့ရမှန်းသိရင် ဒါမျိုးတွေ ခဏခဏဖြစ်နေရင် ယုံကြည်မှုပျက်ပြားပြီး စီးပွားရေးဝန်းကျင်တစ်ခုလုံး ထိခိုက်နိုင်တယ်။ ပင်နီစူလာကလိမ်လည်မှုက စီးပွားရေးလုပ်ငန်းကြီးတွေနဲ့ နိုင်ငံပိုင်ငွေတချို့ ပါနေတယ်လို့ ပြောနေကြတာ ကြားတယ်။ အလုပ်လာလုပ်တဲ့ လူတွေရဲ့ ချွေးနည်းစာတွေ ပါနေတယ်လို့သိရတာ  စိတ်မကောင်းစရာပါ''ဟု လုပ်ငန်းရှင်တစ်ဦးက ပြောပါသည်။
မြန်မာပြည်မှ အလိမ်ခံရသောသူများ တရားစွဲရေးအတွက် မည်သို့လုပ်ရမည်ကို မသိရှိသေးကြောင်း၊ ယင်းကဲ့သို့ ဟွန်ဒီဖြင့် ငွေလွှဲခြင်းမှာ တရားမ၀င်လုပ်ငန်းဖြစ်သောကြောင့် သတင်းအတိအကျရယူပြီး အစိုးရ အမှု၊ တရားမမှု၊ ရာဇ၀တ်မှုတစ်ခုခု ဖြစ်ရန် ခဲယဉ်းသည်ဟု ယူဆနေသည့်အပိုင်းများလည်း ရှိကြောင်း၊ အဆိုပါငွေလိမ်သွားသူ ဒေါ်တင်တင်မြင့်မှာ စင်္ကာပူနိုင်ငံသားအဖြစ် ခံယူထားသူဖြစ်ပြီး တရုတ်ပတ်စ်ပို့တစ်ခုကို တရားမ၀င် ကိုင်ဆောင်ထားကြောင်း သိရှိရသည်။
ပြစ်မှုဆိုင်ရာကိစ္စရပ်များတွင် နိုင်ငံအချင်းချင်း အကူအညီပေးရေး ဥပဒေသည် ပြစ်မှုဆိုင်ရာ ကိစ္စရပ်များတွင် နိုင်ငံအချင်းချင်း အကူအညီပေးခြင်းနှင့် စပ်လျဉ်း၍ မြန်မာနိုင်ငံက အဖွဲ့ဝင်အဖြစ်ပါဝင်သော အပြည်ပြည်ဆိုင်ရာ ကွန်ဗင်းရှင်းဝင် နိုင်ငံ(သို့) ဒေသဆိုင်ရာ သဘောတူ စာချုပ်ဝင်နိုင်ငံနှင့်ဖြစ်စေ၊ နှစ်နိုင်ငံသဘောတူစာချုပ် ချုပ်ဆိုထားသည့် နိုင်ငံနှင့်ဖြစ်စေ၊ အဆိုပါ ကွန်ဗင်းရှင်းဝင်နိုင်ငံ ဒေသဆိုင်ရာ သဘောတူစာချုပ်ဝင်နိုင်ငံ(သို့) နှစ်နိုင်ငံသဘောတူစာချုပ်ဝင် နိုင်ငံမဟုတ် သော်လည်း အပြန်အလှန် အကူအညီပေးရန် စည်းကမ်းချက်ဖြင့် သဘောတူသည့် နိုင်ငံနှင့်ဖြစ်စေ၊ ပြစ်မှုဆိုင်ရာ ကိစ္စရပ်များအတွက် စုံစမ်းထောက်လှမ်းခြင်း တရားစွဲဆိုခြင်းနှင့် တရားစီရင်ရေးဆိုင်ရာ ဆောင်ရွက်ခြင်း တစ်ရပ်ရပ်ကို အကူ အညီပေးခြင်းနှင့် သက်ဆိုင်စေရမည်ဟု ယင်းဥပဒေ၏ ပုဒ်မ(၂)တွင် ပြဌာန်းထားပါသည်။
ထို့အပြင် အစိုးရအဖွဲ့သည် ပြစ်မှုဆိုင်ရာ ကိစ္စရပ်များတွင် နိုင်ငံအချင်းချင်း အကူအညီပေးရေးအတွက် ဗဟိုအာဏာပိုင်အဖွဲ့ကို ဖွဲ့စည်းထားရမည်ဖြစ်ပြီး ယင်းအဖွဲ့၏ လုပ်ငန်းတာဝန်များကို ဥပဒေတွင် သတ်မှတ်ထားပြီးဖြစ် ကြောင်း သိရသည်။
ပြည်တွင်းတွင် ဖြစ်ပွားခဲ့သော ငွေကြေးလိမ်လည်မှုများကို ဖော်ထုတ်ရရှိနိုင်ရန် လုပ်ဆောင်နေကြောင်းနှင့် နိုင်ငံပြင်ပတွင် ဖြစ်ပွားခဲ့သော မြန်မာနိုင်ငံသားများ၏ ယခုကဲ့သို့ ဖြစ်စဉ်မျိုးအတွက် အချက်အလက် အထောက်အထားများဖြင့် ပြည်တွင်းတွင် ပြန်လည်တိုင်ချက်ဖွင့်ပါက လိုအပ်သလို ဆက်လက်လုပ်ဆောင်နိုင်မည်ဖြစ်ကြောင်း မြန်မာနိုင်ငံရဲတပ်ဖွဲ့ နိုင်ငံဖြတ်ကျော် မှုခင်းဌာနမှ တာဝန်ရှိသူတစ်ဦးက ပြောကြားခဲ့ပါသည်။
ထပ်မံသိရှိရသော သတင်းများအရ ယခုအခါစင်ကာပူမှ အင်္ဂလန်သို့ ထွက်ပြေးတိမ်းရှောင်နေသော ဒေါ်တင်တင်မြင့်အား ဖမ်းဆီးရမိရေး အမှုမှန်ပေါ်ပေါက်ရေးအတွက် စင်ကာပူရဲနှင့် အင်္ဂလန်ရဲတို့ ပူးပေါင်းလုပ်ဆောင် နေကြောင်းနှင့် လိုအပ်သည့် စစ်ဆေးမေးမြန်းမှုများ ပြုလုပ်နေပြီဖြစ်ကြောင်း သိရသည်။ ရွှေရတနာဆိုင်မှ ဒေါ်တင်တင်မြင့်က အဓိက လိမ်လည်သွားသူဖြစ်ပြီး ယင်းသို့ လုပ်ဆောင်မှုကြောင့် လွှဲငွေလက်ခံပြီး ရွှေရတနာဆိုင်သို့ လွှဲကြရသော ကျန်ငွေလွှဲလုပ်ငန်းများမှာလည်း အကျပ်အတည်းများဖြင့် ရင်ဆိုင်နေရကြောင်း သိရသည်။
"ဒီကိစ္စကြောင့် စင်ကာပူကနေ မဖြစ်မနေလုပ်ရမယ့် သွင်းကုန်ထုတ်ကုန်လုပ်ငန်းတွေ အများကြီး ထိခိုက်ကုန်ပြီ။ စင်ကာပူမှာ ကုမ္ပဏီဖွင့်ပြီး မလုပ်ရဲအောင်ဖြစ်နေပြီ။ ဒီကိစ္စကို မြန်မြန်ဖြေရှင်းပေးဖို့ အစိုးရက အာမခံချက်ပေပြီး စုံစမ်းရင် အမှန်ပြောမယ့်သူတွေ ရှိပါတယ်" ဟု လုပ်ငန်းရှင်တစ်ဦးက ပြောပြပါသည်။
ယခုအခါ သီရိမွန် ငွေလွှဲလုပ်ငန်းမှ ဒေါ်နန်းခင်ခင်ထားက တိုင်ချက်ဖွင့်ထားသောကြောင့် စုံစမ်းနေပြီဖြစ်ကြောင်း သိရသည်။
'ဒီအခြေအနေမျိုးမှာ Sanctionက တစ်နှစ်ကျော်လောက် ရှိဦးမှာဆိုတော့ စင်ကာပူ ကုမ္ပဏီတွေက တစ်ဆင့်လည်း သွားရဦးမှာ။ အဲဒီတော့ ဒီအလုပ်က တရားမ၀င်ဘူးပဲ ပြောပြော၊ တရားဝင်တယ်ပဲ ပြောပြော ဆက်ရှိ ဦးမှာပါ။ ဒီတော့ မြန်မာ နိုင်ငံတွင်းက သွင်းကုန် ထုတ်ကုန်လုပ်ငန်းတွေ ရှင်သန်အောင် ပုံမှန်လည်ပတ်နိုင်အောင် မြန်မာအစိုးရ တာဝန်ရှိအဖွဲ့အစည်းတွေရယ်၊ ကုမ္ပဏီတွေရယ် ပူးပေါင်းအဖြေရှာဖို့ လိုပါတယ်။ အဲဒီအဓိက လိမ်လည်သူ အမျိုးသမီးတွေကို ရအောင်ရှာဖွေ ဖမ်းဆီးပြီး ကျန်တဲ့တစ်ဆင့်ခံ ကုမ္ပဏီ၊ ဆိုင်ရှင်တွေရယ်ကို ရင်ဆိုင်ဖြေရှင်းသင့်တယ်။ လိမ်လည်သွားတဲ့ သူတွေ၊ လူသတ်တရားခံတွေ၊ နိုင်ငံခြားထွက်ပြေးတိုင်း လွတ်နေ တယ်ဆိုတာ မဖြစ်သင့်ဘူး။ မရရအောင် ဖမ်းသင့်တယ်။ ဒီမှာ သူတို့ရဲ့ အဆက်အသွယ်တွေ၊ ဆွေမျိုးမိဘတွေ ကျန်နေတာပဲ''ဟု စီးပွားရေးလုပ်ငန်းရှင်တစ်ဦးက သုံးသပ်ပါသည်။
http://news-eleven.com


" အဲဒီအခန်းဖြတ် " ဇာတ်ကား လွတ်လပ်ခြင်း အနုပညာ ရုပ်ရှင်ပွဲတော် ဇကာတင် စာရင်းဝင်


by The Voice Weekly on Saturday, December 31, 2011 at 7:53am


ရန်ကုန် ဒီဇင်ဘာ ၃၁

ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်၏ ဦးဆောင်မှုဖြင့် မြန်မာနိုင်ငံတွင် ပထမဆုံး အကြိမ် ကျင်းပသော လွတ်လပ်ခြင်း အနုပညာ ရုပ်ရှင်ပွဲတော် အတွက် ရွေးချယ်ခံရသော ဇကာတင် ဇာတ်ကားများတွင် ပြိုင်ပွဲစည်းကမ်းနှင့် မညီညွတ်မှုကြောင့် ထုတ်ပယ်ခြင်း ခံရသည်ဟု ကနဦး သတင်းများ ထွက်ပေါ်ခဲ့သော ဒါရိုက်တာ ဝိုင်း၏ " အဲဒီအခန်းဖြတ် " ဇာတ်ကားလည်း ပါဝင်လာခဲ့ကြောင်း အဆိုပါ ရုပ်ရှင်ပွဲတော် ဖွင့်ပွဲ အခမ်းအနားသို့ တက်ရောက်ခဲ့သော The Voice Weekly သတင်းထောက်က ပြောကြားသည်။

ရုပ်ရှင်ပွဲတော် မစတင်မီကပင် အင်တာနက် မှတဆင့် လူသိများခဲ့သော ဒါရိုက်တာ ဝိုင်း၏ "အဲဒီအခန်း ဖြတ်" ရုပ်ရှင်ဇာတ်ကားမှာ မြန်မာနိုင်ငံ ရုပ်ရှင်ဆင်ဆာအဖွဲ့၏ မူဝါဒနှင့် လုပ်ဆောင်ချက်များ အပေါ်တွင် ထိမိစွာ သရော် လှောင်ပြောင်ထားသော ဇာတ်ကားဖြစ်ပြီး လက်ရှိ ရုပ်ရှင်လောကသားများဖြင့် ရိုက်ကူးထားသော ဇာတ်ကားလည်း ဖြစ်သည်။

ရန်ကုန်မြို့ ပြည်လမ်းမပေါ်ရှိ တော်ဝင်စင်တာ ခုနှစ်လွှာတွင် လွတ်လပ်ခြင်း အနုပညာ ရုပ်ရှင်ပွဲတော် ဖွင့်ပွဲအား ယနေ့ ညနေ ၄ နာရီခန့်က ပြုလုပ်ခဲ့ရာ ဒေါ်အောင်ဆန်းစုကြည် တက်ရောက် မိန့်ခွန်း ပြောကြားခဲ့ပြီး ဖွင့်ပွဲ အခမ်းအနား စတင်မီ ကိုရဲလွင်၊ ကိုနေဝင်း၊ ဆောင်းဦးလှိုင်၊ လင်းလင်း၊ ACID အဖွဲ့နှင့် ဂီတမိတ်အဖွဲ့သားများက တေးသီချင်းများဖြင့် ဖျော်ဖြေခဲ့ ကြသည်။

ရုပ်ရှင်ပွဲတော်တွင် ဝင်ရောက် ယှဉ်ပြိုင်သော ဇာတ်ကားပေါင်း ၁၈၈ ကား အနက်မှ ၅၃ ကားအား ဇကာတင် ဇာတ်ကားများအဖြစ် ရွေးချယ်ခဲ့ပြီး ဆုရွေးချယ်ခြင်းကို ၂၀၁၂ ခုနှစ် ဇန်နဝါရီလ ၄ ရက်နေ့ (လွတ်လပ်ရေးနေ့) တွင် ကျင်းပပြုလုပ်မည် ဖြစ်ရာ ဇကာတင် ၅၃ ကားမှ ၅ ကားကို ဆုပေးအပ်မည် ဖြစ်ကြောင်း အဆိုပါပြိုင်ပွဲကို ကြီးကြပ်ဒိုင် အဖြစ် ဆောင်ရွက်နေသူ ဦးသူရ (ခေါ်) ဇာဂနာက ပြောကြားသည်။

The Voice Weekly ၏ CEO ဒေါက်တာနေ၀င်းမောင် (ခ) အောင်ထွဋ် ကွယ်လွန်


Sunday, 01 January 2012 02:38
The Voice Weekly

ဒေါက်တာ နေဝင်းမောင် (၁၉၆၂ - ၂၀၁၂) ကိုယ်ရေးအကျဉ်း
by The Voice Weekly on Saturday, December 31, 2011 at 4:21pm
၂၀၁၂ ကို ကျောခိုင်းသွားသူ အောင်ထွဋ်

အမည်ရင်း » နေဝင်းမောင်

ကလောင်အမည် » အောင်ထွဋ်၊ ကျော်စွာ၊ အခြားကလောင် အမည်များစွာနှင့် စာရေးသည်။

မွေးသက္ကရာဇ် » ၁၉၆၂ ခုနှစ်

ပညာအရည်အချင်း » ၁၉၈၈ ခုနှစ်တွင် ဆေးတက္ကသိုလ် (၁) ရန်ကုန်မှ M.B.,B.S ဘွဲ့ ရရှိ၍ ၂၀၀၄ ခုနှစ်တွင် အမေရိကန် ပြည်ထောင်စု YALE တက္ကသိုလ် World Fellows Program တွင် နိုင်ငံရေးသိပ္ပံ ဘာသာအထူးပြုဖြင့် Fellowship ရရှိ။

အလုပ်အကိုင် »

1. Founder/ Chief Executive/ Policy Director/ Writer (Living Color Media & The Voice Weekly)
2. Founder/ Secretary General  (Myanmar Egress)
3. Program Director/ Faculty/ Training Expert (Myanmar Egress Capacity Development Center)
4. Founder/ Board of Governors (Network Activities Group (Myanmar))

(အပြောင်းအလဲအတွက် လူထုလိုသည် စာအုပ်တွင် ဖော်ပြထားသည့် ကိုယ်ရေးအကျဉ်း)



၂၀၁၂ ကို ကျောခိုင်းသွားသူ ဒေါက်တာ နေဝင်းမောင် (အောင်ထွဋ်) ကို ဒီဇင်ဘာလ ၂၉ ရက်နေ့ ညပိုင်းက ရန်ကုန် အပြည်ပြည်ဆိုင်ရာ လေဆိပ်တွင် တွေ့ရစဉ်

Nay-Win-Maung
(ဓါတ်ပုံ - ဧရာဝတီ)
ဒုတိယဗိုလ်မှုကြီးသန်းမောင် (ငြိမ်း)နှင့် ဒေါ်ယဉ်ယဉ်တို့၏ သားဖြစ်သူ The Voice Weekly ၏ CEO နှင့် Myanmar Egress ၏ အထွေထွေအတွင်းရေးမှုး ဒေါက်တာနေ၀င်းမောင်သည် ဇန်န၀ါရီလ (၁)ရက်နေ့ နံနက် ၁ နာရီ ၁၀ မိနစ်အချိန်တွင် နှလုံးရောဂါဖြင့် ရန်ကုန်ပြည်သူ့ဆေးရုံကြီး၌ ရုတ်တရက် ကွယ်လွန်သွားကြောင်း သတင်းရရှိပါသည်။
"ကျွန်တော်တို့က ငယ်သူငယ်ချင်းတွေပါ။ အခုအချိန်မှာ မမြင်တွေ အကုန်လုံးမတူကြပေမယ့်  ကျွန်တော့်အတွက် သူငယ်ချင်းကောင်းတစ်ယောက် တိုင်းပြည်အတွက် လူတော်တစ်ယောက် ဆုံးရှုံးသွားတာပါ။" ဟု Eleven Media Group ၏ CEO ဒေါက်တာသန်းထွဋ်အောင်မှ ပြောကြားခဲ့ပါသည်။

ဒေါက်တာနေ၀င်းမောင်သည် ၁၉၆၂ ခုနှစ် ဇွန်လ ၃၀ ရက်တွင် မွေးဖွားသူဖြစ်ပြီး ကွယ်လွန်ချိန်တွင် အသက် (၅၀)နှစ် ရှိပြီ ဖြစ်ကာ ဇနီးနှင့် သမီးလေးဦး ကျန်ရစ်ကြောင်း သိရပါသည်။
news-eleven.com

ကြားဖြတ်ရွေးကောက်ပွဲအတွက် NLD ပါတီမှတ်ပုံတင် စောင့်ဆိုင်းဆဲ



2011-12-31
လွှတ်တော် အသီးသီးက လစ်လပ်နေ တဲ့ မဲဆန္ဒနယ် ၄၈ နေရာအတွက် ၂ဝ၁၂ ခု ဧပြီလ ၁ ရက်၊ တနင်္ဂနွေနေ့ မှာ ကြားဖြတ်ရွေးကောက်ပွဲ ကျင်းပ မယ့်အကြောင်းနဲ့ ကိုယ်စားလှယ်လောင်းအမည်ကို ၂ဝ၁၂ ခု ဇန်နဝါရီလ ၁၆ ရက်ကနေ ၃၁ ရက်နေ့အထိ တင်သွင်းဖို့ ပြည်ထောင်စု ရွေးကောက်ပွဲကော်မရှင်က မနေ့က ကြေညာလိုက်ပါတယ်။


RFA
အမျိုးသား ဒီမိုကရေစီအဖွဲ့ချုပ်၊ ဌာနချုပ်တွင် မတ်လ ၂၉ ရက်က ပါတီ မှတ်ပုံတင်ရေး၊ မတင်ရေး ခေါင်းဆောင်များ ဆွေးနွေးနေစဉ် ရုံးအပြင်တွင် ပါတီဝင်များက ဆုံးဖြတ်ချက်ကို စောင့်မျှော်နေခြင်း ဖြစ်ပါသည်။ (Photo: RFA)
NLD အမျိုးသား ဒီမိုကရေစီ အဖွဲ့ချုပ်ကတော့ နိုင်ငံရေးပါတီအဖြစ် ပြန်လည် မှတ်ပုံတင်ထားပြီး ပါတီ မှတ်ပုံတင် မကျသေးပေမယ့် ကျလာလိမ့်မယ်လို့ မျှော်လင့်တဲ့အကြောင်း ပါတီပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။

“မှတ်ပုံတင် မချရင် လောလောဆယ် ၁၆ ရက်နဲ့ ၃၁ ရက်ကြားမှာ ပါတီမကျသေးရင် ပါတီနာမည်နဲ့တော့ မတင်နိုင်သေးဘူးပေါ့။ ကျမယ်လို့လည်း မျှော်လင့်ထားပါတယ်”

NDF အမျိုးသားဒီမိုကရေစီ အင်အားစု ပါတီကလည်း ကိုယ်စားလှယ် လောင်း အမည်စာရင်း ပြုစုထားပြီး ဒေါ်အောင်ဆန်းစုကြည် ဝင်ရောက် ယှဉ်ပြိုင်မယ့် မဲဆန္ဒနယ်မှာ မပါဝင်ဖို့ မူချမှတ်ထားတယ်လို့ ပါတီ ခေါင်းဆောင် တစ်ဦးဖြစ်တဲ့ ဦးစိန်လှဦးက ပြောပါတယ်။

ဒီမိုကရက်တစ်ပါတီ (မြန်မာ) ကတော့ တစ်နေရာ ပါဝင်ပြီး မိတ်ဆွေများ ၁ဝ ပါတီနဲ့ ပြန်လည် ညှိနှိုင်းမယ်လို့ ပါတီဥက္ကဋ္ဌ ဦးသုဝေက ပြောပါတယ်။

ဒေါ်အောင်ဆန်းစုကြည်က ရန်ကုန်တိုင်း ကော့မှူးမြို့နယ်ကနေ ဝင်ရောက် ယှဉ်ပြိုင်ဖို့ စိတ်ဝင်စားပြီး NLD ဦးဝင်းထိန်ကတော့ မိတ္ထီလာမြို့နယ်က ယှဉ်ပြိုင်ဖို့ ရှိပါတယ်။

ပြည်ထောင်စု ရွေးကောက်ပွဲကော်မရှင်ရဲ့ ကြေညာချက်နဲ့ ပတ်သက်ပြီး ဒေါ်စမ်းစမ်းတင်က စုစည်း တင်ပြထားပါတယ်။
စုစည်းတင်ပြချက်။
အသံဖိုင်ယူရန်။




ကြားဖြတ်ရွေးကောက်ပွဲ လုပ်မည့်ကိစ္စ နိုင်ငံရေးပါတီများကို အကြောင်းမကြား
2011-12-31
လွှတ်တော်မှာ လစ်လပ်နေတဲ့ ၄၈ နေရာအတွက် ကြားဖြတ်ရွေးကောက်ပွဲ ကို ဧပြီလ ၁ ရက်မှာ ကျင်းပမယ်လို့ မြန်မာအစိုးရပိုင် သတင်းဌာနတွေက မနေ့ညက တရားဝင် ကြေညာခဲ့ပါတယ်။


(Photo: AFP)
စစ်အစိုးရက နိုဝင်ဘာ ၇ ရက်နေ့တွင် ပြုလုပ်မည့် ရွေးကောက်ပွဲ အတွက် ရန်ကုန်မြို့ရှိ မဲရုံတခုတွင် နိုဝင်ဘာ ၅ ရက်နေ့က မဲပုံးများ ပြင်ဆင်နေပုံ ဖြစ်ပါသည်။ (Photo: AFP)
နိုင်ငံရေး ပါတီတွေကိုတော့ ကြားဖြတ်ရွေးကောက်ပွဲနဲ့ ပတ်သက်လို့ ရွေးကောက်ပွဲကော်မရှင်က အသိပေး အကြောင်းကြားတာ မရှိဘူးလို့ ဒီမိုကရက်တစ်ပါတီ-မြန်မာရဲ့ ဥက္ကဋ္ဌ ဦးသုဝေက ဒီကနေ့ ပြောကြားပါတယ်။

ရွေးကောက်ပွဲမှာ ပါဝင် ယှဉ်ပြိုင်မယ့်သူတွေအနေနဲ့ ဇန်န၀ါရီ ၃၁ ရက် နောက်ဆုံးထားပြီး အမည်စာရင်း တင်သွင်း လျှောက်ထားကြရမယ်လို့ သိရပါတယ်။

အခုကျင်းပမယ့် ကြားဖြတ်ရွေးကောက်ပွဲမှာ ပြည်သူ့လွှတ်တော်အတွက် နေရာ ၄ဝ၊ အမျိုးသား လွှတ်တော် အတွက် ၆ နေရာနဲ့ တိုင်းဒေသကြီး လွှတ်တော်အတွက် ၂ နေရာ လစ်လပ်နေပါတယ်။

ဒါပေမယ့် ၂ဝ၁ဝ ရွေးကောက်ပွဲမှာ ရွေးကောက်ပွဲ မကျင်းပဖြစ်ခဲ့တဲ့ မဲဆန္ဒနယ် ၁၇ ခုရှိတဲ့အတွက် လာမယ့် ရွေးကောက်ပွဲမှာ နေရာ အားလုံးအတွက် ကျင်းပမယ်ဆိုရင် ဝင်ရောက် ယှဉ်ပြိုင်နိုင်တဲ့ မဲဆန္ဒနယ်မြေ ၆၅ ခု ရှိမှာ ဖြစ်ပါတယ်။ ဒါပေမယ့် လောလောဆယ် အထိတော့ မဲဆန္ဒနယ် ဘယ်နှခုမှာ ကြားဖြတ် ရွေးကောက်ပွဲ ကျင်းပမလဲဆိုတာ ပြည်ထောင်စုရွေးကောက်ပွဲ ကော်မရှင်က တိတိကျကျ ထုတ်ပြန်ကြေညာတာ မရှိသေးပါဘူး။

ဒေါ်အောင်ဆန်းစုကြည် ခေါင်းဆောင်တဲ့ အင်န်အယ်လ်ဒီ ပါတီကတော့ ကြားဖြတ်ရွေးကောက်ပွဲအတွက် လစ်လပ်နေရာ အားလုံးမှာ ပါဝင်ယှဉ်ပြိုင်မယ်လို့ ကြေညာထားပါတယ်။
http://www.rfa.org/burmese/news/

ပညာရေးရန်ပုံငွေပွဲ သိန်း ၃၅ဝ ကျော် ရရှိ


2011-12-31

ရန်ကုန်မြို့ MCC မြန်မာကွန်ဗင်းရှင်း စင်တာမှာ မနေ့က ကျင်းပတဲ့ ပြည်ထောင်စုတိုင်းရင်းသားများ ပညာရေးရန်ပုံငွေ ဂီတဖျော်ဖြေပွဲက ရတဲ့ ဝင်ငွေပမာဏကို စာရင်းမပိတ်ရသေးပေမယ့် အခုအချိန်အထိ မြန်မာ ကျပ်ငွေ ၂၁၅ သိန်းကျော်နဲ့ အမေရိကန်ဒေါ်လာ ၁၅၅ဝ၊ ဂျပန်ယန်းငွေ ၁ သောင်း ရရှိထားပြီလို့ သိရပါတယ်။

ရန်ပုံငွေပွဲ အမှတ်တရ အနေနဲ့ ဒေါ်အောင်ဆန်းစုကြည်နဲ့ အနုပညာရှင်တွေ ပါဝင် လက်မှတ်ရေးထိုးထားတဲ့ ဒေါ်အောင်ဆန်းစုကြည် ပုံပါ အနီရောင်တီရှပ်ကို ကြမ်းခင်းဈေး ကျပ် သိန်း ၃ဝ နဲ့ လေလံပစ်ပါတယ်။

အဲဒီ တီရှပ်ကို ည ၈ နာရီက စပြီး စီးပွားရေးကုမ္ပဏီ ၆ ခု အပြိုင် လေလံဆွဲရာမှာ ဆောက်လုပ်ရေးလုပ်ငန်းသုံး စက်ပစ္စည်းတွေ တင်သွင်းတဲ့ Heavy Machinery Volvo ကုမ္ပဏီပိုင်ရှင် ဒေါ်မာလာသိန်းက ကျပ် ၁၂၅ သိန်း နဲ့ ဈေးအမြင့်ဆုံး ပေးပြီး ဝယ်ယူသွားပါတယ်။



နိုင်ငံ တိုးတက်ဖွံ့ဖြိုးရေးအတွက် ပညာရေးက အရေးကြီးတာကြောင့် အခုလို ဒေါ်အောင်ဆန်းစုကြည် ဦးဆောင်တဲ့ ပညာရေး ဖွံ့ဖြိုးတိုးတက်မှု လုပ်ငန်းတွေမှာ တဖက်တလမ်းက ပါဝင်ခွင့်ရတဲ့အတွက် ကျေနပ်မိတယ်လို့ ဒေါ်မာလာဝင်းက ပြောပါတယ်။

“MCC ခမ်းမက ကျမအိမ်ရှေ့ မျက်နှာချင်းဆိုင်မှာလေ။ အမေစုလည်း ကိုယ်တင်လာပြီး တက်တက်ကြွကြွနဲ့ ရန်ပုံငွေပွဲကို အားပေးလာတယ်။ ကျမလည်း မနေနိုင်တော့ဘူး။ အထဲကိုဝင်ပြီး သွားအားပေးတယ်။ ဒီ စတိတ်ရှိုးပွဲမှာ ခဏထိုင်ကြည့်ရင်းနဲ့ ကျမ လှူချင်တယ် ဘယ်လိုလှူရမလဲ စဉ်းစားနေရင်းနဲ့ ဒီအင်္ကျီ ၂ ထည်ကို လေလံပစ်မယ်၊ တထည်ကတော့ အမေစုဆီမှာ ထားပေးမယ်၊ တထည်ကတော့ အများဆုံး လှူတဲ့လူကို ပေးမယ်ဆိုတော့ လှူကြတာ တကယ်အားရဖို့ကောင်းတယ်။ ကျမလည်း ဝင်ပါလိုက်တာပေါ့။ ပညာရေးရန်ပုံငွေ ဆိုတော့ ကျမလည်း အရမ်းလှူချင်တယ်၊ အမေစုလည်း ဝမ်းသာကျေနပ်လိမ့်မယ်လို့ မျှော်လင့်တယ်။ နောက် အနုပညာသမားတွေကိုလည်း ချစ်ခင်လေးစားတဲ့အနေနဲ့ ဒီ အင်္ကျီလေးလည်း ရတယ်ပေါ့”

ဒေါ်အောင်ဆန်းစုကြည်က ဒေါ်မာလာဝင်းကို လာမယ့် ဇန်နဝါရီလ ၉ ရက်နေ့မှာ ညစာနဲ့ တည်ခင်းဧည့်ခံပြီး အဲဒီ တီရှပ်ကို ပေးအပ်မယ်လို့ သိရပါတယ်။
http://www.rfa.org/burmese/news/education-fund-concert-12312011090223.html

‘လွတ်လပ်ခြင်းအနုပညာ’ ရုပ်ရှင်ပွဲတော် ဖွင့်ပွဲကျင်းပ




2011-12-31
ရန်ကုန်မြို့ ဒဂုံမြို့နယ် တော်ဝင်စင်တာမှာ ဒီကနေ့ ညနေက ပြုလုပ်တဲ့ ‘လွတ်လပ်ခြင်းအနုပညာ’ ရုပ်ရှင်ပွဲတော် ဖွင့်ပွဲအခမ်းအနားကို မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် တက်ရောက်ခဲ့ပါတယ်။


RFA
၂ဝ၁၁ ခုနှစ် ဒီဇင်ဘာလ ၃၁ ရက်နေ့က ရန်ကုန်မြို့ ဒဂုံမြို့နယ် တော်ဝင်စင်တာတွင် ကျင်းပပြုလုပ်သည့် ‘လွတ်လပ်ခြင်း အနုပညာ’ ရုပ်ရှင်ပွဲတော် ဖွင့်ပွဲအခမ်းအနားတွင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အမှာစကား ပြောကြားစဉ်။

ပြည်သူလူထုက လွတ်လပ်ခြင်းကို ဘယ်လောက် မြတ်နိုးတယ် ဆိုတာ အခု ပြိုင်ပွဲဝင်တဲ့ ရုပ်ရှင်ကား အရေအတွက် ၂ ရာနီးပါး ရှိတာကို ကြည့်ခြင်းအားဖြင့် သိနိုင်တယ်လို့ ဒေါ်အောင်ဆန်းစုကြည်က ပြောဆိုကြောင်း ပွဲတော် ကျင်းပရေးကော်မီတီဝင် ဒါရိုက်တာ မင်းထင်ကိုကိုကြီးက RFA ကို ပြောပါတယ်။

ပွဲတော်ဖွင့်ပွဲကို The Lady ရုပ်ရှင်ဇာတ်ကား ရိုက်ကူးတဲ့ ပြင်သစ်ဒါရိုက်တာ လုခ်ဘက်ဆင်နဲ့ မင်းသမီး မီရှယ်ယိုးတို့က နှုတ်ဆက်စကား ပေးပို့ခဲ့ပါတယ်။

ဒီအခမ်းအနားမှာ သီချင်းတစ်ပုဒ်နဲ့ သီဆိုဖျော်ဖြေခဲ့တဲ့ အဆိုတော် ဆောင်းဦးလှိုင်က အခုလို ပြောပြပါတယ်။

“ကိုမင်းထင်ကိုကိုကြီးတို့ ဘာတို့က ကျနော်တို့နဲ့ လူမှုရေး လုပ်ဖော်ကိုင်ဘက်တွေလေဗျာ။ ပြီးတော့ အမေစုတို့ ဦးဇာဂနာတို့ ဦးစီးတယ်ဆိုတော့ ကျနော်တို့လည်း သွားအားပေးတဲ့သဘောပေါ့။ နောက် ဖွင့်ပွဲအထိမ်းအမှတ် သီချင်းလေးတပုဒ် ဆိုပေးခဲ့တာပေါ့။ နှစ်ကားပဲ ပြတယ်။ ဖွင့်ပွဲဆိုတော့ ရုပ်ရှင်တွေ သိပ်မပြဘူး။ Reunion လူငယ်လေးတဦးရဲ့ ကားပေ့ါ။ ဒါရိုက်တာနာမည်တော့ ရုတ်တရက် မမှတ်ထားလိုက်မိဘူး။ နောက် ကိုမင်းထင်ကိုကိုကြီးရဲ့ ‘အလျင်’ ဆိုတဲ့ကားရယ်။ အမေစု စကားပြောတယ်။ ကိုဇာဂနာ စကားပြောတယ်။ ကိုမင်းထင်ကိုကိုကြီးကတော့ ရုပ်ရှင်တွေနဲ့ မိတ်ဆက်ပေးတာပေ့ါ”

အခမ်းအနားကို ဧည့်ပရိတ်သတ် ၃ ရာလောက် တက်ရောက်တယ်လို့ သိရပါတယ်။
http://www.rfa.org/burmese/news/film-festival-12312011094807.html


Demo Waiyen

ဒီကနေ့ လူထုခေါင်းဆောင် ဒေါ်အောင်ဆန်းစုကြည် တက်ရောက် ဖွင့်လှစ်ပေးခဲ့တဲ့ လွတ်လပ်ခြင်း အနုပညာရုပ်ရှင်ပွဲတော်.. ဖွင့်ပွဲအခမ်းအနား..

ဒါရိုက်တာ ဝိုင်းရဲ့ အဲ့ဒီအခန်းဖြတ် ဇာတ်ကားလည်း ဇကာတင် ၅၃ကားမှာ ပါဝင်လာကြောင်း သိရှိရပါတယ်...။


ဓာတ်ပုံ Reuters

ခိုကိုးရာမဲ့သူတို့ လက်ကိုကိုင်ပြီး ခွန်အားပေးခဲ့သူ

ခိုကိုးရာမဲ့သူတို့ လက်ကိုကိုင်ပြီး ခွန်အားပေးခဲ့သူ

ဝင့်သင်ဇာကျော် (မြစ်မခ)
by Myit Makha Mediagroup on 30 Dec, 2011

ဒီဇင်ဘာ ၃၀ရက်နေ့ ၊ နေ့လည် ၁၂နာရီဝန်းကျင်တွင် ခဲရောင်အင်္ကျီဖျော့ဖျော့ကို ၀တ်ဆင်ပြီး နှင်းဆီပန်းအဖြူပန်ဆင်ထားသော လူထုခေါင်းဆောင် ဒေါ်အောင်ဆန်းစုကြည်သည် ခြေထောက်နာသည့်ကြားမှ မီးဘေးသင့်ပြည်သူများ ရှိရာ မင်္ဂလာတောင်ညွှန့်မြို့နယ် ပုသိမ်ညွှန့်ရာမကျောင်းတိုက်သို့ရောက်ရှိလာခဲ့သည်။
ခြေထောက်နာကျင်နေသည့်ကြားက ဒေါ်အောင်ဆန်းစုကြည်သည် ကျောင်းထိုင်ဘုန်းကြီးအား သွားရောက်ဖူးမျှော်ပြီးနောက် မီးဘေးသင့်ပြည်သူ ၁၅၀ ကျော်ခန့် ထားရှိသော ဓမ္မာရုံကိုသွားရောက်ခဲ့သည်။
“အမေစု နေကောင်းပါစေဗျ” ဟူသော မီးဘေးသင့်ဒေသခံတစ်ဦးရဲ့ ဆုတောင်းစကားကြောင့် ဒေါ်အောင်ဆန်း စုကြည်မှလည်း “ သြော် မဟုတ်တာ ကျွန်မက ဆုတောင်းပေးရမှာ၊ အားလုံးနေကောင်းအောင် နေနော်၊ ကျွန်မတတ်နိုင်သမျှ ကူညီပေးမယ်၊ ဘာတွေလိုအပ်သလဲ”ဟု ဒုက္ခသည်များ၏ လိုအပ်ချက်များကို ပြန်လည် မေးမြန်းခဲ့သည်။
ဒေါ်အောင်ဆန်းစုကြည်သည် ခြေထောက်နာနေလျက်နှင့် နာမကျန်းဖြစ်နေသော မီးဘေးသင့်ဒေသခံများကို ကျန်းမာရေးကို ဂရုစိုက်ရန်အတွက် နာမကျန်းဖြစ်သူ၏ လက်ကို ကိုင်ကာ ခွန်အားပေးခဲ့သည်။
ဆယ်နှစ်နာရီ ၁၅မိနစ်အချိန်မှာတော့ လူထုခေါင်းဆောင် ဒေါ်အောင်ဆန်းစုကြည်မှ ဒေသခံများကို အားပေးစကားပြောရင်း “ ဒေါက်တာမျိုးအောင် ကူညီပေးလိုက်ပါ ၊ သူတို့က အခု အစားအသောက်က သိပ်မပူရဘူး အ၀တ်အစားဘဲလိုတယ် ကြားတယ်” လို့ အန်အယ်လ်ဒီအဖွဲ့ချုပ်မှ အဖွဲ့ဝင် ဒေါက်တာ မျိုးအောင်သို့ မှာကြားခဲ့ကြောင်း ကြားသိရသည်။
“ အမေတို့ နောက်နှစ်ရက်လောက်နေရင် ထပ်လာခဲ့ပါမယ်၊ လိုအပ်တာတွေကိုလည်း ပြောနော် “ လို့ ဒေါ်အောင်ဆန်းစုကြည်မှ မီးဘေးသင့် ဒေသခံများကို ထပ်မံပြောကြားခဲ့သည်။
ဒေါ်အောင်ဆန်းစုကြည်သည် မီးဘေးသင့်ပြည်ခိုလှုံရာ စခန်းမှ မပြန်မီ အသက်(၅)နှစ်အရွယ် ကလေးငယ်များအား သကြားလုံးဝေငှခဲ့သည်။
အသက်အရွယ်စုံမီးလေးသင့် ပြည်သူများမှာ သူတို့ချစ်သော ဒီမိုကရေစီ ခေါင်းဆောင်နှင့် အနုပညာရှင်များ လာရောက် အားပေးလှူဒါန်းကြ သည်ကို ၀မ်းသာပီတိဖြစ်လျက် ဒုက္ခရောက်နေခြင်းကိုပင် ခတ္တခဏ မေ့သွားစေခဲ့သည်။
ဘုန်းကြီးကျောင်းတိုက်အပြင်ဘက်တွင် မီးဘေးသင့်ပြည်သူများအတွက် အစားအစာနှင့် အသုံးအဆောင်ပစ္စည်းများကို လာရောက်လှူဒါန်းသူများ တဖွဲဖွဲရောက်လာလျက်ရှိသည်။
ပုသိမ်ညွှန့်ရာကျော် ကျောင်းတိုက်ဝင်း အတွင်းတွင် အမျိုးသားဒီမိုကရေစီ အဖွဲ့ချုပ်မှ ဦးဆောင်သော နာမကျန်းကူညီမှုအဖွဲ့ဆေးခန်း ၊ စစ်တပ်မှ ဖွင့်လှစ်ထားသော ဆေးခန်း၊ ကြံ့ခိုင်ဖွံ့ ဖြိုးရေးအသင်းမှ ဖွင့်လှစ်ထားသော ဆေးခန်းနဲ့ အခြားလူမှုရေးအဖွဲ့အစည်းများကလည်း လာရောက်ပြီး ဆေးကုသပေးမှုများ ပြုလုပ်ပေးလျက်ရှိသည်ကို မြင်တွေ့နေရသည်။




http://www.myitmakhamediagroup.com/detail.php?newid=512

၂၁.၅.၉၂ ပါချောင်စခန်းမှ ၅၅ဦး အကြောင်းလုပ်သားသတင်းစာတွင်ပါရှိခဲ့စဉ်က










Get PDF file here
http://www.scribd.com/doc/76778357/1992-press-conference-about-ABSDF-NB-Case