Saturday, January 7, 2012

ဖဲကြိုးဝါ.........။





by Zay Latt on Saturday, January 7, 2012 at 9:06am
                    
      သူငယ်ချင်းရေ......
      လူဆိုတာကလဲ အခက်သား။
      မဖြစ်နိုင်မှန်းသိနေတာတောင် မျှော်လင့်နေမိတယ်
      အကောင်းမြင်တက်လွန်းတဲ့ ကိုယ့်စိတ်ကိုပဲ အပြစ်တင်ရမလို။
      အမှတ်မရှိသူနဲ့ အရှက်မရှိသူကြား
      ဘာကိုအပြစ်တင်ရမှန်းတောင် မသိတော့။
      သဒိသံ ပါကံ ဇနေတိ.. တဲ့
      ဒါပေမဲ့ ....မွန်းတည့်ချိန်တွေက ကြာလွန်းလှတယ်ကွာ။
      မိုးတွေရွာနေတဲ့ အမြဲစိမ်း မျက်လုံးတွေကရော
      ဘယ်လောက်တောင်ရှည်ကြာနေဦးမှာလဲ။
      တိမ်တွေအရောင်ပြောင်း မပြောင်းတော့မသိ
      လူတစ်ချို့တော့ အရောင်ပြောင်းစပြုနေပြီလေ။

      သူငယ်ချင်းရေ....
      စစ်တုရင်ပွဲမှာ အမေ့ခံရတာက
      အရင်ဆုံး အစားခံရတဲ့ နယ်ရုပ်တွေမဟုတ်လား။
      တို့တစ်တွေ မတတ်တတတ်နဲ့
      ကြိုးတန်း လမ်းလျှောက်ဖူးခဲ့ကြတယ်။
      ဆရာမောင်ချောနွယ် ပြောသလို
      အပင်ကိုချစ်လို့ အမြစ်ကို ရေစင်လောင်းရင်း
      အကြမ်းဆုံးမြစ်ကို ဆန်ခဲ့ကြတယ်။

      သူငယ်ချင်းရေ...
      ဘတ်စကားမှတ်တိုင်မှာ ၁၀မိနစ်လောက် စောင့်ရလို့
      သိပ်ကြာတာပဲ.. လို့ ညည်းသူတွေတွေ့ရင်
      မင်းကိုသတိရတယ်...။
      အမှတ်တမဲ့ ခလုတ်တိုက် မိလို့
      သိပ်နာတာပဲလို့ ညည်းသူတွေ တွေ့ရင်
      မင်းကိုသတိရတယ်...။
      စားသောက်ဆိုင်မှာ ပွဲတော်တည်ရင်း
      ဟင်းကညံ့လိုက်တာလို့ ညည်းသူတွေတွေ့ရင်
      မင်းကိုသတိရတယ်...။
      မိသားစုနဲ့ခွဲရတာ ကြာပြီပေါ့လို့
      ဘီယာသောက်ရင်း ပြောတက်တဲ့ မိတ်ဆွေကိုကြည့်ရင်း
      မင်းကိုသတိရတယ်...။
      ......................
      ....................................။
      မင်းကိုသတိရတယ်။

      သူငယ်ချင်းရေ....
      ငှက်ကုလားအုတ်လိုလူတွေ ပျော်တဲ့အရပ်မှာ  ငါနေထိုင်ရင်း
      အိမ်ရှေ့မှာ မင်းအတွက်
      ဖဲကြိုးဝါ
      ငါ.. ချည်ထားခဲ့တယ်။




      ဇေလတ်။
      ၅-၁-၁၂
     ( သာယာဝတီထောင်မှာ ယနေ့တိုင် နှစ်ရှည်ထောင်ဒါဏ် ကျခံနေရတဲ့ သူငယ်ချင်း လွင်မိုးမြင့် အတွက်...)




0 အကြံပြုခြင်း: