Sunday, July 8, 2012

မိတ္ထီလာခရိုင် လေးမြို့နယ်တွင် ထွန်တုံးတိုက်ပွဲ နည်းဖြင့် ဆန္ဒဖော်ထုတ်မည်


The Voice Weekly 6 minutes ago

ရန်ကုန်၊ ဇူလိုင် ၈

မိတ္ထီလာ ခရိုင်တွင်း လေးမြို့နယ်တွင် လယ်ယာ အသိမ်းခံ ထားရသော တောင်သူ လယ်သမားများ စုပေါင်းကာ ဇူလိုင် ၁၁ ရက်နေ့တွင် ထွန်တုံးတိုက်ပွဲ ခေါင်းစဉ်ဖြင့် အသိမ်းခံထားရသော လယ်မြေများတွင် နွားများဖြင့် ဝင်ရောက် ထွန်ယက်ကာ ဆန္ဒထုတ်ဖော်မည် ဖြစ်ကြောင်း ယင်းလယ်သမားများနှင့် အဆိုပါကိစ္စကို ကူညီဆောင်ရွက် ပေးနေသူများထံမှ သိရသည်။

“ကျွန်တော်တို့ မတရား အသိမ်းခံရတဲ့ လယ်တွေကို ပြန်ရချင်တယ် ဆိုတာ သိစေချင်လို့ ကျွန်တော်တို့ ကိုယ်တိုင် အဲဒီလယ်တွေမှာ နွားနဲ့ လယ်ထွန်ကြမှာ” ဟု မိတ္ထီလာမြို့နယ် ကံကောင်းကျေးရွာမှ လယ်သမား တစ်ဦးက ဆိုသည်။

မိတ္ထီလာ ခရိုင်အတွင်း မလိုင်၊ ဝမ်းတွင်း၊ သာစည်နှင့် မိတ္ထီလာ မြို့နယ်များရှိ လယ်မြေများ အသိမ်းခံရသည့် ကျေးရွာများတွင် ပြုလုပ်သွားမည် ဖြစ်ကြောင်း ၎င်းတို့က ပြောကြားသည်။

ဝန်ကြီးဌာနနှင့် ကုမ္ပဏီများက သိမ်းယူထားသည့် လယ်မြေများမှာ မလိုင်မြို့နယ် ကန်စောင်းရွာတွင် ၁၀ ဧက၊ မလိုင်မြို့နယ် ကံကောင်း ကျေးရွာတွင် ၁၀ ဧက၊ ရေချိုကျေးရွာတွင် ၅၀ ဧက၊ ဝမ်းတွင်း မြို့နယ် အိုးပြွန်တန်းနှင့် အနီးဝန်းကျင် ကျေးရွာများတွင် ဧက ၁၀၀ ကျော်တို့ ဖြစ်ကြောင်း လယ်သမားများ အရေး ကူညီ ဆောင်ရွက်ပေးနေသူ ဦးဉာဏ်ထွန်းလင်းက ပြောကြားသည်။

အစိုးရသစ် လက်ထက်တွင် ဆန္ဒဖော်ထုတ်ကာ အသိမ်းခံလယ်များ ပြန်လည် ပေးအပ်ရန် တောင်းဆိုမှုများ တိုင်းဒေသကြီးနှင့် ပြည်နယ် အသီးသီးတွင် ဆက်တိုက် ဖြစ်ပေါ်လျက် ရှိသည်။

0 အကြံပြုခြင်း: