Thursday, January 19, 2012

ဆရာကြီး ဒဂုန်တာရာရဲ့ ၉၃ နှစ်မြောက် မွေးနေ့ အကြိုပွဲ

Burma VJ Media Network

စာရေးဆရာ ကဗျာဆရာကြီး ဒဂုန်တာရာရဲ့ (၉၃)နှစ်မြောက် မွေးနေ့ အကြိုပွဲကို ရန်ကုန်မြို့ တာမွေမြို့နယ်ရှိ မဟာသန္တိသုခ ကျောင်းတိုက်မှာ ဇန်နဝါရီလ (၁၈)ရက်နေ့က ကျင်းပပြုလုပ်ခဲ့ပါတယ်။ ဆရာကြီးဟာ ၁၉၃၄ ခုနှစ်၊ ဖေဖော်ဝါရီ လထုတ် တက္ကသိုလ် သိပ္ပံ မဂ္ဂဇင်းမှာ မြိုင်သဇင် ကလောင် အမည်နဲ့မှုံပြာရီ ဝတ္ထုကို စတင် ရေးသားခဲ့ ပြီး နောက်ပိုင်းမှာ ဒဂုန်တာရာ အမည်ကို ခံယူခဲ့ပါတယ်။ ဆရာကြီးဟာ ကလောင်အမည် အမျိုးမျိုးနဲ့ စာပေ၊ ရုပ်ရှင်၊ပန်းချီ၊ဂီတ၊အနုပညာ၊ နိုင်ငံရေး၊စတဲ့ ဝေဖန်ရေးဆိုင်ရာ
ဆောင်းပါးတွေကို ရေးသားခဲ့သူ လဲဖြစ်ပါတယ်။ လာမည့် မေလ(၁၀)ရက်နေ့ဟာဆရာကြီးဒဂုံတာရာရဲ့ အသက် (၉၃)နှစ်ပြည့်မွေးနေ့ဖြစ်ပါတယ်။


တော်ဝင်နှင်းဆီ၌ ကျင်းပသော Shoe Gallery အလှူငွေ သိန်း၁၀၀ လှူဒါန်းပွဲတွင် ဒေါ်အောင်ဆန်းစုကြည်တက်ရောက်

Burma VJ Media Network

ယနေ့ နံနက် ၉း၀၀ နာရီက တော်ဝင်နှင်းဆီတွင်ကျင်းပသော တတိယအကြိမ် SHOE GALLERY & CUSTOMER များ၏ စုပေါင်း အလှူငွေ ပေးအပ်ပွဲအခမ်းအနားသို့ ဒေါ်အောင်ဆန်းစုကြည် တက်ရောက်ခဲ့ပါတယ်.....



နိုင်ငံ့ကိစ္စများကို အမျိုးသမီး နှင့် လူငယ်များ ဦးဆောင်ပြီး လုပ်ဆောင်စေချင်ကြောင်း ဒေါ်အောင်ဆန်းစုကြည် ပြောဆိုခဲ့


ဝင့်သင်ဇာကျော်(ရွှေမြစ်မခ)
by Myit Makha Mediagroup on 19 Jan, 2012

၂၀၁၂ခုနှစ် ဇန်န၀ါရီလ ၁၉ရက်နေ့ နံနက် ၉နာရီဝန်းကျင် ရွှေဂုံတိုင်ရှိ တော်ဝင်နှင်းဆီ၌ ကျင်းပသော Shoe Gallery အလှူငွေ သိန်း၁၀၀ လှူဒါန်းပွဲတွင် ဒေါ်အောင်ဆန်းစုကြည်သည် နိုင်ငံ့ကိစ္စများကို အမျိုးသမီးများ ၊ လူငယ်များ ဦးဆောင် လုပ်စေချင်ကြောင်း ပြောကြားခဲ့သည်။

“ဒီလိုလုပ်ငန်းတွေကို ကျွန်မအားပေးချင်ပါတယ်။ အထူးသဖြင့် ကျွန်မ အင်မတန်မှ သဘောကျသွားတာက ဦးဆောင်ပြီးလုပ်တဲ့ဟာက လူငယ်လဲဖြစ်တယ် အမျိုးသမီးလဲဖြစ်တယ် ဒီလိုအမျိုးသမီးတွေ လူငယ်တွေကနေပြီးတော့ ကျွန်မတို့နိုင်ငံရဲ့ကိစ္စတွေကို ဦးဆောင်ပြီးလုပ်သွားတာ မြင်ချင်တယ် “ ဟု ဒေါ်အောင်ဆန်းစုကြည်က ပြောသည်။

Shoe Galleryမှ အလှူငွေ သိန်း ၁၀၀ ကျပ် လှူဒါန်းပွဲ ကျင်းပရသည့် ရည်ရွယ်ချက်မှာ နှစ်သစ်တွင် အလှူဒါနပြုလုပ်လိုခြင်းနှင့် လိုအပ်သော နေရာများကို ထောက်ပံ့လိုခြင်းကြောင့် ဖြစ်ကြောင်း သိရှိရသည်။

“လှူရတဲ့ရည်ရွယ်ချက်က လူတိုင်းလူတိုင်း လိုအပ်တဲ့နေရာတွေကို လှူစေချင်တဲ့ဆန္ဒနဲ့ပဲလုပ်တာပါ။ နှစ်သစ်ကို အလှူလေးနဲ့ကြိုဆိုမဲ့ အစီအစဉ်လေးလဲရှိတယ် ဒါပေမဲ့လဲ နှစ်စဉ်နှစ်တိုင်းလဲ လုပ်ဖို့အစီအစဉ်ရှိတယ် ဒါပေမဲ့ ကျွန်မတို့လုပ်တဲ့အလှူတိုင်းဟာ ခမ်းခမ်းနားနားဖြစ်ချင်မှ ဖြစ်မယ် ဒါပေမဲ့ လိုအပ်တဲ့နေရာတွေမှာ လှူသွားမှာပါ။” ဟု Shoe Gallery မှမန်နေဂျင်း ဒါရိုက်တာ မမေမျိုးသူက ပြောသည်။

Shoe Gallery ၀န်းထမ်းများနှင့် customer များစုပေါင်း၍ ပြုလုပ်သော အလှူငွေ သိန်း ၁၀၀ ကျပ်မှ အမျိုးသားဒီမိုကရေစီအဖွဲ့ချုပ်မှ ပညာရေးရံပုံငွေအတွက် သိန်း (၅၀) ကျပ် ၊ သင်္ဃန်းကျွန်းစံပြ ဆေးရုံကြီးအတွက် သိန်း ၃၀ ကျပ် ၊ လပြည့်ဝန်းဖောင်ဒေးရှင်း မိဘမဲ့ဂေဟာအတွက် ၁၀ သိန်း ကျပ် ၊ ဗန်းမော်ကက်သလစ် သာသနာအဖွဲ့(ကချင်ဒုက္ခသည်များ ကူညီထောက်ပံ့ပေးရေးအဖွဲ့)အတွက် ၁၀သိန်း လှူဒါန်းခဲ့ကြောင်း သိရှိရသည်။

ဦးကျော်စိုး ၊ ဒေါ်ယမင်းအေးမောင် မိသားစုမှ ငါးသိန်းကျပ် ၊ ဦးစိုးဝင်း ဒေါ်အေးအေးသင်းမိသားစုမှ တစ်သိန်းကျပ် ၊ မဂျွန်ဝင့်ခန့်မှ သုံးသောင်းကျပ် စုစုပေါင်း ခြောက်သိန်းသုံးသောင်းကျပ်ကို အန်အယ်လ်ဒီပါတီ ရံပုံငွေအဖြစ် ပေးအပ်ခဲ့ကြောင်း သိရှိရသည်။

၂၀၀၉ခုနှစ် ဒီဇင်ဘာလ ၃၀ ရက်နေ့တွင် စိတ်ကျန်းမာရေးဆေးရုံ နှင့် မဖြူဖြူသင်း၏ သုခရိပ်မြုံသို့ သိန်း ၂၀ ကျော် လှူဒါန်းခြင်းမှာ ပထမဆုံးအကြိမ် ဖြစ်ပြီး ၊ ၂၀၁၁ခုနှစ် ဇန်န၀ါရီလ ၁ရက်နေ့တွင် စိတ်ကျန်းမာရေး ဆေးရုံ ၊ ဂီရိလေဘေးဒဏ်သင့်ပြည်သူများ နှင့် အိတ်ခ်ျအိုင်ဗွီလူနာများအား ကာကွယ် စောင့်ရှောက်ရေးဂေဟာသို့ သိန်း ၅၀ခန့် လှူဒါန်းခြင်းသည် ဒုတိယအကြိမ် ဖြစ်ကြောင်း သိရှိရသည်။

ယနေ့ ကျင်းပပြုလုပ်သော Shoe Galleryမှ လှူဒါန်းငွေ သိန်း ၁၀၀ ကို အလှူငွေ လိုအပ်နေသော သက်ဆိုင်ရာ ဌာနများကို ပေးအပ်ခြင်းသည် တတိယအကြိမ်ဖြစ်ကြောင်း သိရှိရသည်။




'ဝေဖန်သုံးသပ်တာတွေက ဟိုဘက် ဒီဘက် ရှိမှာပဲ' ၊ ကိုကျော်ကိုကို(ဗကသ-ဥက္ကဋ္ဌ) နှင့် တွေ့ဆုံခြင်း



Tuesday, 17 January 2012 16:23

အသက် ၂၆နှစ် အရွယ်၊ စီးပွားရေးတက္ကသိုလ် (ရွာသာကြီး)၌ ပညာသင်ယူနေဆဲကာလ ၂၀၀၇ခုနှစ်အချိန်တွင် ခံယူချက်တူ လူငယ်များကို စုစည်းခဲ့ပြီး ဗကသ(ဗမာနိုင်ငံလုံး ဆိုင်ရာ ကျောင်းသားသမဂ္ဂ)ကို ဖွဲ့စည်း တည်ထောင်ခဲ့များအနက် တစ်ဦးဖြစ်ခဲ့သူ၊ ၂၀၀၇ခု စက်တင်ဘာလှုပ်ရှားမှု (ရွှေဝါရောင်တော်လှန်ရေးကာလ) ၌ ပါဝင်ခဲ့ပြီး ၂၀၀၈ခုနှစ်တွင် ထိမ်းသိန်းခံရကာ ထောင်ဒဏ် ရှစ်နှစ်ကျခံခဲ့ရသူ၊ ပြည်ပအခြေစိုက် မီဒီယာများက ဗကသဥက္ကဋ္ဌဟု အမည်ရင်းနှင့် တွဲလျက် ရေးသားခံခဲ့ရသူ၊ ဇန်န၀ါရီလ ၁၃ရက်နေ့က နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် တောင်ကြီးထောင်မှ ပြန်လည် လွတ်မြောက်လာခဲ့သူ၊  လူငယ်ကျောင်းသားမျိုးဆက် ကျောင်းသားခေါင်းဆောင် ကိုကျော်ကိုကိုနှင့် တွေ့ဆုံမေးမြန်းခဲ့သည် များကို ပြန်လည်တင်ပြအပ်ပါသည်။
kkk
မေး - ၂၀၀၇ခုနှစ် လှုပ်ရှားမှုမှာ ပါဝင်ခဲ့တယ်။ ပါဝင်တဲ့နေရာမှာ ဗကသ (ဗမာနိုင်ငံလုံးဆိုင်ရာ ကျောင်းသားသမဂ္ဂ)ဆိုတဲ့ ခေါင်းစဉ်အောက်ကနေ ပါခဲ့တယ်။ ဗကသဆိုတာ အစဉ်အလာ ကြီးခဲ့ပါတယ်။ ဒါပေမယ့် ၁၉၆၂ခုနှစ် နောက်ပိုင်းမှာ ပျောက်သွားခဲ့ရတယ်။ ၁၉၈၈ ခုနှစ်မှာ ကိုမင်းကိုနိုင်တို့နဲ့ အတူ ပေါ်ခဲ့ပေမယ့် ထပ်ပြီး ပျက်သွားခဲ့ရပြန်တယ်။ ၂၀၀၇ခုနှစ်မှာတော့ ကိုကျော်ကိုကိုတို့ ဦးဆောင်ပြီး ထပ်ပေါ်ခဲ့ပါတယ်။ (ကို) အောင်ဝေး ရေးသလိုဆိုရင်တော့ ကိုဗဟိန်းမှသည် ကျော်ကိုကို အထိ။  တူညီတဲ့ စိတ်ဓာတ်တွေ။ ကိုကျော်ကိုကို အနေနဲ့ ၂၀၀၇ခုနှစ်မှာ ဗကသကို ဘာကြောင့် ပြန်ပြီး ဖွဲ့ဖြစ်ခဲ့တာပါလဲ။

ဖြေ - ၂၀၀၇ခုနှစ်၊ ကျောင်းသားသမဂ္ဂ ဗကသများအဖွဲ့ချုပ်ကို စတဲ့ ကိစ္စမှာပေါ့ ကျွန်တော်တို့က ပထမပိုင်းမှာ ကျောင်းသားထု တစ်ရပ်လုံးရဲ့ ကြားထဲမှာ မခံမရပ်နိုင်အောင် ဖြစ်ပေါ်လာတဲ့ စိတ်ဓာတ်တွေပေါ့ နော်။ အနှိမ်ခံ၊ အချိုးခံရလို့ဆိုပြီး ကျောင်းသားတွေက ခံပြင်းတဲ့ ဒေါသတွေ ထွက်တယ်ပေါ့။ အဲဒီ ဒေါသတွေက နေရာအနှံ့မှာ စီးမျောတဲ့ အခါကျတော့ ပေါက်ကွဲမှုတွေ ဖြစ်လာနိုင်တယ်။ ဒါဟာ ပရမ်းပတာ ပေါက်ကွဲသွားလို့ရှိရင် ကျောင်းသားထုလည်း နာမည်ပျက်မယ်၊ သိက္ခာကျမယ်။ ကျောင်းသားထုအတွက် ဒီပေါက်ကွဲမှုအားလုံးကို Control လုပ်မယ်။ Lead လုပ်မယ်။ စုစည်းပေးပြီး မှန်ကန်တဲ့ လမ်းကြောင်းပေါ် တင်ပေးနိုင်တဲ့ အဖွဲ့အစည်းမျိုးက အဲဒီအချိန်ကာလမှာ မရှိသေးဘူး။ ဒီအဖွဲ့အစည်းမျိုးဖြစ်အောင် ကျွန်တော်တို့က ဖန်တီးရမယ်၊ ကြိုးစားရမယ်။ အဲဒီ အတွေးကို ရတယ်။ ရတဲ့အခါမှာ ကျွန်တော်က စီးပွားရေးတက္ကသိုလ် ရွာသာကြီးက။ အခြား သူငယ်ချင်းတွေကျတော့ ဒဂုံ တက္ကသိုလ်က ပါမယ်။ အနောက်ပိုင်း တက္ကသိုလ် ပါမယ်။ အရှေ့ပိုင်း တက္ကသိုလ်ပါမယ်။  ကွန်ပြူတာ တက္ကသိုလ်၊ GTC အစရှိသဖြင့်။ သူငယ်ချင်းတွေ အားလုံးက  အမေရိကန်စင်တာမှာ Book Club တစ်ခုဖွင့်တယ်။ အဓိက ကတော့ စာပေဆွေးနွေးပွဲလေး တစ်ခုပါပဲ။ အဲဒီမှာ ကျွန်တော်တို့ တိုင်ပင်ကြတယ်။ တိုင်ပင်ကြတဲ့ အခါမှာ ကျောင်းသားထုက ဘာတွေ မခံမရပ်နိုင် ဖြစ်နေလဲ၊ ဘာတွေ ဒေါသဖြစ်နေလဲ။ အစစ အရာရာပေ့ါဗျာ။ ကုန်ဈေးနှုန်းတွေ ကြီးမြင့်လာတယ်။ ကုန်းဈေးနှုန်း ကြီးမြင့်လာတဲ့ ဂယက်က မိဘတွေက တစ်ဆင့် ကျောင်းသားတွေကို ရိုက်ခတ်လာတယ်။ တစ်ချို့ ကျောင်းသားတွေဆိုရင် ကျောင်းတက်ဖို့၊ ကျောင်းကို လာဖို့အတွက်တောင် လမ်းစရိတ် မဖူလုံတာတွေ ရှိလာခဲ့တယ်။ လမ်းစရိတ်ပေးလိုက်ရတဲ့ အတွက် တစ်နေကုန်ဘာမှ မစားရတော့တဲ့ ကျောင်းသားတွေ ရှိလာတယ်။ စာပေ သင်ကြားရေးအတွက် စာအုပ် စာတမ်း အခက်အခဲတွေ၊ ကျောင်းမှာလည်း အခြား facility မလုံလောက်မှုတွေ ရှိလာခဲ့တယ်။ အဲဒီအတွက် ကျွန်တော်တို့ ဖြစ်နေတဲ့ အထွေထွေ ပြဿနာကို ဖြေရှင်းဖို့ အတွက်ဆိုရင် ကျောင်းသားထုကို ကိုယ်စားပြုပြီး တောင်းဆိုတဲ့ ကျောင်းသား သမဂ္ဂဆိုတာရှိရမယ် ဆိုပြီးတော့ ကျွန်တော်တို့ အကြံ ထုတ်ကြတယ်။

အရင်တုန်းက သမဂ္ဂကို ပြန်ပြီးကြည့်တဲ့အခါ သမိုင်းအစဉ်အလာက ကြီးခဲ့တယ်ဗျ။ ၁၉၃၆ခုနှစ် ဒုတိယ ကျောင်းသားသပိတ်မှာ ဗမာနိုင်ငံလုံးဆိုင်ရာ ကျောင်းသားသမဂ္ဂ(ဗကသ) ဆိုပြီး ပေါ်ပေါက်လာခဲ့တယ်။ အဲဒီကမှ တစ်ဆင့် တောက်လျောက်မှာ ကျောင်းသားတွေရဲ့ လိုအပ်ချက်ကို တောင်းဆိုရင်းနဲ့ ခေတ်အဆက်ဆက် အစိုးရတွေရဲ့ ဖိနှိပ်မှုကို တွန်းလှန်ရင်း ဗကသများ အဖွဲ့ချုပ်ဖြစ်ပေါ်လာခဲ့တယ်။ အဲတာတွေကို သွားတွေ့ရှိတယ်။ သွားတွေ့ရှိတော့ ကျွန်တော်တို့ လက်လှမ်းမီသလို စာအုပ်တွေ ဖတ်တယ်။ အရင် ဗကသဟောင်းမှာ ပါဖူးတဲ့သူတွေနဲ့ ချိတ်ဆက်တယ် အကြံဉာဏ်တွေယူတယ်။ လုပ်ပုံလုပ်နည်းတွေကို မေးတယ်။ မြန်းတယ်။ ဒါပေမဲ့ တကယ်တန်း ဖွဲ့တဲ့အခါကျတော့ ကျောင်းသားတွေပဲ၊ လက်ရှိကျောင်းတက်နေတဲ့ ကျောင်းသားတွေပဲ ဦးဆောင်ပြီးတော့ ဖွဲ့ကြတယ်။ အဲဒီထဲမှာ Founder ကတော့ လေးယောက်။ ဒီ လေးယောက်လုံးက အားလုံးလိုလို ထောင်ကျပြီးတဲ့အတွက် အခု အကုန်လုံး အသီးသီးပဲ ပြန်လွတ်လာကြ ပြီ။ ကျွန်တော် ပါတယ်။ ကိုစည်သူမောင်ကို အဓိက ခေါ်လိုက်တယ်။ ပြီးတော့ မဟန်နီဦးကို ခေါ်လိုက်တယ်။ ပြီးတော့ ကိုလင်းထက်နိုင် ဆိုတာ ခေါ်လိုက်တယ်။ ဒီလေးယောက် တိုင်ပင်လိုက်တဲ့ အခါကျတော့ နိုင်ငံခြား မီဒီယာကနေ မေးမယ်၊ မြန်းမယ်၊ ကြေညာချက်ထုတ်မယ် ဒါတွေ ရှိလာခဲ့တယ်။ ဗကသက ၂၀၀၇ခုနှစ် သြဂုတ်လ ၂၈ ရက်နေ့မှာ ပြန်လည် ပေါ်ပေါက်လာပါတယ်။ အဲဒီနေ့ကို ဘာကြောင့် ရွေးရလဲဆိုတော့ ၁၉၈၈ခုနှစ်က ကိုမင်းကိုနိုင်တို့ ဗကသ ဖွဲ့စည်းခဲ့တဲ့ နေ့ကို အထိမ်းအမှတ် ဂုဏ်ပြုတဲ့ အနေနဲ့ သမိုင်းတန်ဖိုးရှိတဲ့နေ့ကို ကျွန်တော်တို့ ရွေးလိုက်တယ်။ ရွေးပြီးတော့ ကိုဒီငြိမ်းလင်း၊ နောက်တစ်ခါ မဖြိုးဖြိုးအောင်၊ ကိုရဲမြတ်ဟိန်း အစရှိတဲ့ ကျောင်းသားတွေကို ခေါ်ပြီးတော့ အသိပေးတယ်။ အသိပေးတယ်ဆိုတာက ဗကသ ဖွဲ့ပြီးသွားပြီပေါ့။ အဲဒီတော့တို့ ဆက်လုပ်ဖို့ အစီအစဉ်တွေ တိုင်ပင်ပြီး ဆွဲကြမယ်။ အဲဒီတုန်းက သံဃာထုက ရှေ့ထွက် မလာသေးဘူး။ ကျွန်တော်တို့က ကြေညာချက် ထုတ်တယ်။ စာဝေရင်းနဲ့ စာကြဲရင်းနဲ့ အခြေခံကျောင်းသားတွေ အပါအ၀င် ကျောင်းသားအားလုံးကို စည်းရုံးထားတယ်။ လက်လှမ်းမီသလောက်ကို နီးစပ်ရာ တူရာ တူရာစုထားတယ်။ အဖွဲ့တွေကို ဖွဲ့ထားတယ်။ အဲဒီကမှတစ်ဆင့် လူကြီးတွေ အပြင်မှာ ဘာလုပ်သလဲ ဆိုတာကို ကြည့်တယ်။ ၈၈ကျောင်းသားအဖွဲ့က လောင်စာဆီ အခက်အခဲ ဖြစ်ပေါ်လာတဲ့အချိန်မှာ လမ်းလျောက် ဆန္ဒပြတာတွေ ရှိလာတယ်။ သူတို့ မကြာခင်မှာ ပါသွားတယ်။ ဖမ်းဆီး ခံရတယ်။ သြဂုတ်မှာ ပါသွားတယ်။ ပါသွားတဲ့ အခါကျတော့ သမဂ္ဂအလံကို လဲမသွားအောင် ဆက်ထိမ်းဖို့၊ ဆက်ကိုင်ဖို့၊ ကျွန်တော်တို့ အဲဒီ ရည်ရွယ်ချက်နဲ့၊ သမဂ္ဂအလံကို ဆက်လွှင့်ဖို့ဆိုတဲ့ ရည်ရွယ်ချက်နဲ့ ကျွန်တော်တို့ ထွက်မှ ဖြစ်တော့မယ် ဆိုပြီးတော့ အခြေအနေအရ လမ်းပေါ်ထွက်လာရတာ ဖြစ်ပါတယ်။ သံဃာတော်တွေကလည်း ပခုက္ကူက နေစပြီးတော့ သပိတ်မှောက် ကံဆောင်တဲ့အခါ ကျွန်တော်တို့ သံဃာတော်တွေ နောက်ကနေ ထပ်ချပ်မကွာ လိုက်ပါပြီးတော့ ချီတက်ခဲ့ကြပါတယ်။

မေး။ ဗကသကို ဖွဲ့တဲ့အချိန်မှာ ကိုကျော်ကိုကိုရဲ့ အသက်က ၂၆နှစ်ရှိပါပြီ။ စီးပွားရေးတက္ကသိုလ်မှာ မဟာတန်းတက်နေစဉ်လည်း ဖြစ်ပါတယ်။ ဒါက ပညာရေးပိုင်းပါ။ နောက် ဗကသဖွဲ့ဖို အတွက် အခုစိတ်ကူးရ၊ အခုထလုပ်လို့လည်း မဖြစ်နိုင်ပါဘူး။ ဗကသဖွဲ့ဖို့ ရည်မှန်းထားတဲ့စိတ်က ဘယ်လို ကိန်းအောင်းခဲ့တာပါလဲ။  

ဖြေ - ဒီလိုဗျ။ ကျွန်တော်ရဲ့ ဘ၀တစ်လျောက်လုံးကို ငယ်ငယ်တည်းက သူများတွေလို ပြေးလွှား ဆော့ကစားတဲ့ အပိုင်းမှာ အားနည်းခဲ့တယ်။ အားနည်းတဲ့ အပိုင်းကလည်း ကျွန်တော့်ကို စိတ်မချလို့၊ မိဘတွေက အပြင်ကို ပေးမလွှတ်တာတွေ ဘာတွေပေါ့။ ကျွန်တော့် ကျန်းမာရေးကလည်း သိပ်ကောင်းတာ မဟုတ်တော့။ အဲလို အချိန်မျိုးမှာ အိမ်ထဲနေရင်း စာဖတ်တာတွေကို တလျှောက်လုံး လုပ်ခဲ့တယ်။ အိမ်မှာ စာအုပ်စာတန်းလည်း စုံတဲ့အခါကျတော့ ဟိုတုန်းက စာအုပ်အဟောင်းတွေ ပြန်ဖတ်မိတယ်။ အဲဒီထဲမှာ လက်လှမ်းမီသလို အိုးဝေမဂ္ဂဇင်းဟောင်းတွေ၊ ဟိုးရှေးခေတ်က သမဂ္ဂသမိုင်းတွေ၊ အဲတာ ပြန်လေ့လာမိတာလေးတွေ ရှိတယ်။ အဲဒီမှာ ideal ဖြစ်ဖို့ person တွေပေါ့နော်။ ကိုအောင်ဆန်း၊ ကိုဗဟိန်း၊ ကိုလှရွှေ အစရှိသဖြင့် ရာဇ၀င်တွေကို လေ့လာတယ်။ လေ့လာရင်း ကျွန်တော် သူတို့ကို အားကျတယ်။ အားကျရတဲ့ အကြောင်းအရင်းက သူတို့ဟာ သမိုင်းပေးတာဝန်ကို၊ ပုခုံးပေါ်ကျလာတဲ့ သမိုင်းပေးတာဝန်ကို မငြီးမငြူ ထမ်းဆောင်ခဲ့ကြတယ်။ ဒါကြောင့်မို့ သူတို့ဟာ သမိုင်းမှာ တင်ကျန်ရစ်ခဲ့တဲ့ လူတွေ ဖြစ်ခဲ့တယ်။ ဒါပေမဲ့ သူတို့ရဲ့ လုပ်ရပ်ကို လူတွေက တသသနဲ့ ပြောကြတုန်းပဲ၊ ဆိုကြတုန်းပဲ။ ဒီလိုပြောကြ၊ ဆိုကြတာက သူတို့လုပ်ရပ်က အများပြည်သူအတွက် အကျိုးရှိလို့ပေါ့။ မှန်ကန်လို့ပေါ့။ ကျွန်တော်က အဲဒီလိုသွားပြီးတော့ ယုံကြည်လိုက်တယ်။ အဲဒီတော့ ကျွန်တော်လည်း လူငယ်ပီပီ၊ အဲဒီလို လူငယ်တွေကို အားကျချင်တဲ့ စိတ်ပေါ်ပေါက်လာတယ်။ ပြီးတော့ အခုခေတ်လူငယ်တွေရဲ့ သဘောတရားက လမ်းပျောက်နေတာ များတယ်ပေါ့နော်။ လမ်းပျောက်ရတဲ့ အကြောင်းတရားကလည်း အခြေအနေ အရပ်ရပ်ကြောင့်ပေါ့။ အထူးသဖြင့် လူမှုရေး၊ နိုင်ငံရေး၊ စီးပွားရေး စတဲ့ အခြေအနေ အရပ်ရပ်ကြောင့် ရှေ့ဆက်ရမယ့် အနာဂတ်ကို မမြင်ဘူး။ မှုန်ဝါးနေကြတယ်။ အဲတာက ကျွန်တော်တို့ နိုင်ငံအတွက် အလားအလာ မကောင်းဘူးဗျ။ သမိုင်းပေးတာဝန်က ဒီဟာကို အရင်ဆုံးဖယ်ခွာရမယ်။ အကြောက်တရားတွေ၊ ထိုင်းမှိုင်းမှုတွေ၊ လေးလံမှုတွေကို ဖယ်ခွာရမယ်လို့ ကျွန်တော်က ယုံကြည်လိုက်တယ်။ ဒါမှလည်း မျိုးဆက်တစ်ဆက်က တစ်ဆက် အဆင့်မြင့်လာမယ်ပေါ့နော်။ ကျွန်တော်က အဲလိုထင်တယ်။ ထင်တဲ့အတွက်ကြောင့် အဲဒီကိစ္စကို ကြိုးစားဆောင်ရွက်ဖို့ အစဉ်တစိုက် အတွေးထဲမှာရှိတယ်။ ကျောင်းမှာကတော့ တက္ကသိုလ်ကျောင်းသား ဘ၀မှာ လူမှုရေးအဖွဲ့လောက်ပဲ အဒီအချိန်မှာ ဖွဲ့လို့ရတာကိုး။ ကူညီမှုလေးတွေကို ကျွန်တော်တို့ စလုပ်တယ်။ သာရေးနာရေးတွေ စလုပ်တယ်။ တိုင်းရင်းသား ညီအစ်ကိုကျောင်းသားတွေရဲ့ ပွဲတွေကို လိုက်တတ်တယ်။ သူတို့လိုအပ်ချက်တွေ ဘာရှိလဲ၊ ကျွန်တော်တို့ လိုအပ်ချက်တွေ ဘာရှိလဲ။ အချင်းချင်း အပြန်အလှန် ပြောကြတယ်။ ကျွန်တော်တို့ စီးပွားရေး တက္ကသိုလ်ကျတော့ နယ်စုံတယ်ပေါ့လေ။ အဲတာတွေလုပ်ရင်း သူငယ်ချင်း မိတ်ဆွေတွေ ပေါများလာတယ်၊ သူတို့ခံစားချက်တွေနဲ့ ကျွန်တော်ခံစားချက်တွေ တစ်ထပ်တည်းကျတာ တွေရှိလာတယ်။ သူတို့က ဘယ်လိုလုပ်ရမလဲ ဆိုတာကိုသာ မသိကြ တာ။ ဒါနဲ့ အားလုံးညှိနှိုင်းပြီးတော့ သမဂ္ဂဆိုတာရှိရင် လမ်းစပေါ်ပြီ ဆိုပြီးတော့ အဲဒီအတွေးနဲ့ ရှေ့ဆက် လျှောက်ခဲ့ကြတာပါ။


မေး - ဗကသ ဥက္ကဋ္ဌနေရာတွက် တာဝန်ကို အာလုံးက ၀ိုင်းပေးခဲ့ တာလား။ ဒါမှမဟုတ် ကိုယ့်သဘောနဲ့ပဲ ယူခဲ့တာလား။

ဖြေ - ကျွန်တော့်ကိုယ် ကျွန်တော်တော့ ဥက္ကဋ္ဌဆိုပြီး မသတ်မှတ်ပါဘူး။ သဘောကတော့ ပြောရေးဆိုခွင့်ရတဲ့ လူတစ်ယောက်အနေနဲ့ပဲ အဖွဲ့က တာဝန်ပေးအပ်ထားတယ်။ ပြောရေး ဆိုခွင့်ရ ပုဂ္ဂိုလ်ဆိုပေမယ့်ပြောရင်း၊ ပြောရင်း ကနေ တဖြည်းဖြည်းနဲ့ ကျွန်တော်ပြောတဲ့ လိုင်းက  Policy Maker   ဖြစ်လာရ တယ်။ ကျွန်တော်လည်း ညှိနှိုင်းပြီး လုပ်တာပါ။ တစ်ယောက်တည်း မလုပ်ပါဘူး။ collective leadership အနေနဲ့သွားတာပါ။ သူတို့က ကျွန်တော့်ကို ဦးတည်ပြီးတော့ပဲ အစစ အရာရာပြော ခိုင်းတယ်ပေါ့နော်။ အဲဒီကစပြီးတော့ ပြည်ပ မီဒီယာတွေက ကျွန်တော့်ကို ရေးကြတယ်။ ဥက္ကဋ္ဌ၊ ဥက္ကဋ္ဌဆိုပြီးတော့၊ ပြည်ပ မီဒီယာတွေက ပေးလိုက်တဲ့သဘော ဖြစ်သွားပါ တယ်။ ဒါပေမဲ့ ကျောင်းသားတွေက လက်ခံတယ် ဆိုပြီး အခုချိန်ထိတော့ ယုံကြည်ထားကြတယ်ပေါ့နော်။ ကျွန်တော်တို့ ကျောင်းသားတွေ အားလုံးပြန်လွတ်လာတော့မှ ဥက္ကဋ္ဌက ဘယ်သူ၊ ဒုဥက္ကဋ္ဌက ဘယ်သူဆိုပြီးတော့ ဆုံးဖြတ်ကြမယ် ထင်ပါတယ်။

မေး - ဗကသဖွဲ့ပြီး ခုနှစ်လလောက် အကြာမှာ အဖမ်းခံလိုက်ရတယ်။ ကိုဉာဏ်လင်းအောင်နဲ့ အတူ တွဲလျက်ဖမ်းခံလိုက်ရတယ်။ ဒီနောက်မှာ ပထမ သုံးနှစ် ထောင်ကျတယ်။ မကြာဘူး။ နောက်ထပ် သုံးနှစ် ထပ်တိုးတယ်။ တစ်ခါ နှစ် နှစ်ထပ်ပေါင်းတယ်။ အဲတာက ဘယ်လိုဖြစ်သွားခဲ့တာလဲ။ နောက်ပြီး ကိုကျော်ကိုကို ရင်ဆိုင်ခဲ့ရတဲ့ တရားစီရင်မှု အတွေ့အကြုံကို ပြောပြပါဦး။

ဖြေ - ကျွန်တော့်ကို စဖမ်းတဲ့အခါမှာ ကိုဉာဏ်လင်းအောင်နဲ့ တွဲပြီးတော့ ပေါ့နော်။ ၃၂(ခ)ဆိုတဲ့ ဗီစီဒီပေါ့။ တရားမ၀င် လိုင်စင်မဲ့ ကိုင်ဆောင်မှု ဆိုပြီးတော့ ဖမ်းတယ်ဗျ။ တော်တော်တော့ ရယ်စရာကောင်းတယ်။ ဘာလို့လဲဆိုတော့ အဲဒီဗီစီဒီဘာလဲဆိုတာ ကျွန်တော် မမြင်ဖူးဘူး။ ကြည့်လည်း မကြည့်ရဘူး။ ဖြစ်တဲ့ ပြဿနာက ကိုဉာဏ်လင်းအောင်လက်ထဲမှာ စီဒီတစ်ချပ်တွေ့တယ်ပေါ့။ အဲဒီဟာက အားလုံးအတွက် ဒီမိုကရေစီဆိုတဲ့ ခေါင်းစဉ်နဲ့ သူတို့ အဲဒီအချိန် ကာလက လှုပ်ရှားမှုတွေအတွက် ၀ါဒဖြန့်ဖို့ လုပ်ထားတဲ့ ဗီစီဒီ အဲလိုမျိုး ပြောကြတယ်ဗျ။ ဒါက ရုံးတော်မှာ ကြားရတဲ့ သတင်း။ ကျွန်တော်က အဲဒီဗီစီဒီမှာ ဘာပါသလဲဆိုတာ ဒီနေ့အထိ မမြင်ဖူးဘူး။ ကြည့်လည်း မကြည့်ဖူးဘူး။ ဒါပေမယ့် ချိတ်ချင်တဲ့ အခါကျတော့ လှမ်းချိတ်လိုက် တာပဲ။ အဲဒီကိစ္စကြီးကလည်း ပြောရခက်တယ်။ အမှန်တကယ်တော့ လူကို ဖမ်းထာပါ။ ကိုမင်းကိုနိုင်ပြောသလိုဆိုရင် ဖမ်းတာကလည်း နိုင်ငံရေး၊ အခုလွှတ်တာကလည်း နိုင်ငံရေးပါပဲ။ အဲဒီသဘောပါပဲ။ အမှန်တကယ်က ၃၂(ခ)ဆိုတဲ့ ပုဒ်မကို ကျွန်တော်က လုံးဝ မကျူးလွန်ခဲ့ပါဘူး။ မကျူးလွန်ပေမယ့် ကျွန်တော့်ကို ဘာကြောင့် ဖမ်းဆီရသလဲဆိုရင် ဒီသမဂ္ဂနဲ့ ပတ်သက်တဲ့ လှုပ်ရှားမှုတွေ လုပ်ဆောင်ခဲ့တဲ့အတွက် လူကို လိုချင်တယ်။ လူကို ဖမ်းချင်တယ်။ လူကို ထိန်းထားချင်တယ် ဆိုတဲ့ ရည်ရွယ်ချက်ကြီး ပါနေတယ်လို့ ကျွန်တော်ထင်တယ်လေ။ အဲဒီလိုနဲ့ ပထမဦးဆုံးအကြိမ် အင်းစိန်ထောင်မှာ ကျွန်တော်ထောင်ကျခဲ့ပါတယ်။ အဲဒီကမှတစ်ဆင့် ကျွန်တော် တောင်ကြီးထောင်ကို ပြောင်းသွားပါတယ်။ ပြောင်းရွှေ့ ခံရပြီးနောက်ပိုင်းမှာ အဲဒီအချိန်ကာလရဲ့ ပြည်ထဲရေးဝန်ကြီး ဗိုလ်ချုပ်မောင်ဦးရဲ့ ညွှန်ကြားချက်အရ ဆိုပြီး ကျောက်တံတား ရဲစခန်းကနေ တောင်ကြီးထောင်ကို ရောက်လာပြီး ပြန်လည် ခေါ်ဆောင်သွားတယ်။ ထပ်ပြီး အင်းစိန်ထောင်မှာ တရားရင်ဆိုင်ရတယ်။ အကြောင်းရင်းက ၂၀၀၇ခုနှစ် စက်တင်ဘာမှာ ဆူးလေဘုရားလမ်းမှာ တရားဟောခဲ့တယ်တဲ့၊ အဲဒီအချက်ရယ်၊ နောက် သမဂ္ဂဖွဲ့စည်းမှုဟာ သင်း/ဖွဲ့ ဥပဒေ ပုဒ်မ ၆ နဲ့ ငြိစွန်းတယ်ဆိုပြီး ကျွန်တော့်ကို နောက်ထပ် သုံးနှစ်တစ်မှု၊ နှစ်နှစ်တစ်မှု ထောင်ချလိုက်တဲ့အခါ စုစုပေါင်းရှစ်နှစ်ဖြစ်သွားတယ်။  ကျွန်တော့်ကို မြို့နယ်တရားရုံးတွေ၊ အပြင်ပေါ့၊ ကျောက်တံတားမြို့နယ်၊ မရမ်းကုန်းမြို့နယ်၊ မင်္ဂလာတောင်ညွန့်မြို့နယ် အဲဒီလိုမျိုး ရုံးတွေကို တင်ပြီး စစ်ပါတယ်။ အဲဒီအနေအထားမှာ ဘယ်လိုရှိလဲဆိုတော့ လွတ်လပ်မှုက အတွင်းတရားရုံးခေါ်တဲ့ အင်းစိန်ထောင်တွင်းက အထူးတရားရုံးမှာ စစ်တာထက်တော့ မိသားစုတွေ ၀င်တွေ့ခွင့်ရတယ်ဆိုတဲ့ အချက်တစ်ချက်ပဲ ပိုတာရှိတယ်။ ကျန်တာကတော့ ဘာကိုမှ ခုခံချေပခွင့်ကိုလည်း ဆုပ်ဆုပ်ကိုင်ကိုင် မပြနိုင်တဲ့ သဘောဗျ။ ကိုယ့်ဖက်က ရှေ့နေ ပြောတာ မှန်သမျကိုလည်း ပယ်ချ တာများပြီး တရားလိုရှေ့နေဖြစ်တဲ့ အစိုးရရှေ့နေ ပြောတဲ့ဟာတွေကို မှန်၏ မမှန်၏ မစဉ်းစားဘဲနဲ့ တရားသူကြီးရဲ့ ဆုံးဖြတ်မှုတွေ တွေ့ရှိ ရတယ်ဗျ။ ဒါတွေကတော့ တရားစီရင်ရေးစနစ်ရဲ့ အားနည်းချက်တွေပဲ။ တရားစီရင်ရေးရဲ့ အထက်မှာ တစ်စုံတစ်ရာရှိနေတယ်လို့ ကျွန်တောတို့ ခံစားလိုက်ရတယ်။ အဲဒီတုန်းက အခြေအနေတွေပေါ့။

ကျွန်တော်နဲ့အတူ အမှုတွဲဖြစ်တဲ့  ကိုဉာဏ်လင်းအောင်ကတော့ ပထမအမှုဖြစ်ပြီးတဲ့ ဗီဒီယိုအက်ကို သုံးနှစ်ကျပြီးတော့ နောက်ပြီးတော့ ပြန်လွတ်သွားတယ်။ နောက်အမှု ထပ်မံကျရောက်ခြင်း မရှိတော့ဘူး။
ကိုလင်းထက်နိုင်၊ ဖြိုးဖြိုးအောင်၊  ကိုရှိန်းရာဇာထွန်း၊ ကိုဖုန်းပြည့်ကြွယ် သူတို့ကျတော့ နာဂစ်မုန်တိုင်းတိုက် ခတ်တဲ့ကာလမှာ လူမှုကူညီရေး သဘော၊ NGO သဘော ဧရာဝတီ တိုင်းမှာ
အလောင်းကောက်တဲ့ကိစ္စတွေမှာ သွားပြီးတော့ ငြိစွန်းတယ် ဆိုပြီးတော့၊ အမှန်တကယ်က အဲတာ မဟုတ်ဘူး၊ သမဂ္ဂ ဖွဲ့စည်းရေးမှာ ပါတဲ့အတွက် ဖမ်းချင်လို့ နိုင်ငံရေး အရဖမ်းတယ်၊ သူတို့ ထောင်ကျတယ်၊ လေးနှစ်လောက် သူတို့ ထောင်ကျပြီး သုံးနှစ်ကျော်ကျော်နေတဲ့အခါမှာ ပြန်လည် လွတ်မြောက်သွားတယ်။ ကိုစည်သူမောင်၊ ကိုဒီငြိမ်းလင်း၊ မဟန်နီဦး၊ ကိုရဲမြတ်ဟိန်း သူတို့ကျတော့ နှစ်ကြီးတယ်။  သူတို့က ၅၀၅(ခ)ဆိုတဲ့ လမ်းလျောက် ဆန္ဒပြမှုကို မြို့နယ် သုံးမြို့နယ်ဖြတ်ရင် သုံးမှုတပ်ခံရတယ်။ ကျောက်တံတား၊ ပန်ဘဲတန်း၊ လသာဆိုရင် ဒီလမ်းကြောင်းလျှောက်လိုက်တာ သုံးမြို့နယ်ကျော်သွားရင် သုံးမှုဆိုပြီးတော့ သူတို့တရားစွဲခံရတယ်။ အမှန်တကယ်ကတော့ ဖြစ်စဉ်က တစ်ခုထဲ။ ဖြစ်စဉ်တစ်ခုတည်းကို သုံးမှုခွဲ စွဲတဲ့အခါကျတော့ နှစ်က များသွားတယ်။ အဲဒီလိုနဲ့ ကျွန်တော့် ထက်ပိုပြီးနှစ်တွေ များခဲ့တယ်ပေါ့ဗျာ။ တစ်ချို့ဆိုရင် ၂၀နီးပါးကို ရောက်သွားတယ်။ ဝေးကွာတဲ့ ထောင်တွေမှာလည်း ရွှေ့ပြောင်းခံခဲ့ ရတယ်။ ဒါပေမယ့် အခုတော့ အားလုံး ပြန်လွတ်လာကြပါပြီ။

မေး - ထောင်ကျနေတုန်း ထောင်တွင်းနေခဲ့ရတဲ့ ဘ၀ကရော ဘယ်လိုရှိပါသလဲ။

ဖြေ - ကျွန်တော်တို့ထောင်မကျခင် အခြေအနေနဲ့ အခုနဲ့ကတော့ ကွားခြားသွားပြီလို့ ပြောလို့ ရနိုင်ပါတယ်။ ဟိုအရင်တုန်းက အခြေအနေက ICRC မ၀င်ခင်က တော်တော်လေးကို အခြေအနေဆိုးဝါးခဲ့တယ်။ အရင် ကျဖူးတဲ့လူတွေကလည်း ပြောတယ်။ အခုအခြေအနေက ဆေးဝါး၊ အစားအသောက်ဆိုလို့ရှိရင် ပေးသင့်သလောက်လည်း ပေးတယ်။ ကိုယ့်ဘက်ကနေ ၀ယ်ယူသုံးစွဲတာတွေလည်း ရှိတယ်။ အစားအသောက်ကတော့ ပြင်ပထောင်ဝင်စာက ပေးသွင်းတဲ့ အစားအသောက် လည်းပေးတယ်။ ထောင်ကလည်း ကျွေးတဲ့ဟာတွေက အရင်လိုပေါ့ နော်၊ မသန့်ရှင်းတဲ့ အစားအစာတွေ မဟုတ်တော့ဘူး။ သန့်သန့်ရှင်းရှင်း ကျန်းမာရေးနဲ့ ညီညွတ်တာတွေကို ကျွေးတာတော့ ရှိပါတယ်။ အဲတာ အဓိကအချက်ပေါ့နော်။ ဟိုတုန်းကတော့ ပဲတွေ အချဉ်ပေါက်တာ ရှိခဲ့ပါတယ်။ အခုတော့ အဲတာတွေ မဖြစ်အောင် ထိန်းတာတွေရှိတယ်။ အခြေအနေက အကောင်းကြီးတော့ မဟုတ်သေးဘူးပေါ့နော်။ အပြင်ထွက် လမ်းလျှောက်ခွင့်တွေလည်း ရခဲ့ပါတယ်။ အချိန်ကာလတစ်ခုအထိ လျှောက်။ ပြီးရင် အခန်းထဲပြန်ဝင်ပေါ့။ စာဖတ်ခွင့်၊ သတင်းစာဖတ်ခွင့်၊ ဗီဒီယို၊ ဗီစီဒီကြည့်ခွင့်တွေလည်း ရပါတယ်။ တီဗီကတော့ အခုပေးပါပြီ။ ကျွန်တော်တို့ စရောက်ပြီး နှစ်နှစ်အထိတော့ မပေးသေးဘူး။ တိုက်ထဲကို။ အခုနောက်ပိုင်းတော့ တိုက်တွေလည်း တီဗီကြည့် ခွင့်ရခဲ့ပါပြီ။ အစိုးရမီဒီယာကလာတဲ့ သတင်း၊ အဲတာတွေကို ကြည့်ရပါတယ်။

မေး - လွတ်လာခဲ့ပြီး နောက်ပိုင်း အခြေအနေနဲ့ပတ်သက်လို့ မေးချင်ပါတယ်။ တစ်ဖက်မှာက လူထုနဲ့ ယှဉ်တွဲလုပ်ဆောင်တဲ့ လူထုနိုင်ငံရေးကို အားသန်တယ်ဆိုတဲ့ကိုမင်းကိုနိုင်နဲ့ ၈၈ မျိုးဆက်ကျောင်းသား အုပ်စုရှိနေပါတယ်။ တစ်ဖက်မှာတော့ ကြားဖြတ် ရွေးကောက်ပွဲဝင်ပြီး လွှတ်တော် နိုင်ငံရေးမှာ ပါဝင်မယ့် ဒေါ်အောင်ဆန်းစုကြည်နဲ့ NLD ရှိနေပါတယ်။ ကြားထဲမှာ အသက်အငယ်ဆုံး မျိုးဆက်ဖြစ်နေတဲ့ ကိုကျော်ကိုကိုတို့ အုပ်စုက ဘယ်လိုဆက်သွားဖို့ စဉ်းစားထားလဲ။

ဖြေ - ကျွန်တော်ရဲ့ အမြင်ပေါ့။ ကျွန်တော်ရဲ့ အမြင်ကို အရင်ဆုံး ပြောချင်တယ်ပေါ့။ လွှတ်တော်တွင်း နိုင်ငံရေးကို ကျွန်တော်ကတော့ တစ်ဦးတည်းအားဖြင့် စိတ်မ၀င်စားဘူးဗျ။ လတ်တလောမှာ။ လွှတ်တော် ပြင်ပနိုင်ငံရေးမှာ ကိုမင်းကိုနိုင်ပြောတဲ့ လူထုအကျိုးပြုတဲ့ လုပ်ငန်း၊ လူထုနဲ့ တစ်သားတည်းကျတဲ့ နိုင်ငံရေး၊ လူထုလိုက်ပါ ဆောင်ရွက်နိုင်တဲ့ နိုင်ငံရေးမျိုးပဲ ကျွန်တော်က စိတ်ဝင်စားတယ်။ ကိုမင်းကိုနိုင်နဲ့ ကျွန်တော် သဘောထားချင်း တိုက်ဆိုင်မှုရှိပါတယ်။ ဒါဟာလည်း ဘာကြောင့်လဲ ဆိုတော့ သူဟာ ကျွန်တော်တို့ရဲ့ စံပြ ပုဂ္ဂိုလ်တစ်ဦးဖြစ်ခဲ့တယ်။ ပြီးတော့ သူ့ရဲ့ ရင်ခုန်သံကို ကျွန်တော်တို့ ၀တ်မှုန်ကူးခဲ့ကြတယ်။ ဒါကြောင့်မို့ ကျွန်တော်တို့ ရင်ခုန်သံချင်း ထပ်တူကျတယ်ပေါ့လေ။ အဲဒီပုံစံမျိုးရှိပါတယ်။ ဒါပေမဲ့ ကျွန်တော်တို့ မျိုးဆက်က ရှေ့မျိုးဆက်တွေနဲ့ ယှဉ်လိုက်ရင် အင်မတန်မှ ငယ်လွန်းတဲ့ အရွယ်တွေပါတယ်။ ငယ်ပေမဲ့ လက်ရှိ လူငယ်မျိုးဆက်ကို ကျွန်တော်တို့က ဦးဆောင်သွားနေရတဲ့ အခါကျတော့ ဒီမျိုးဆက်ဟာ လမ်းကြောင်း တစ်ခုပေါ်ကို မှန်မှန်ကန်ကန်ရောက်ရှိဖို့အတွက် ကျွန်တော်တို့ ပြင်ဆင် ရမယ်၊ ကြိုးစားရမယ်၊ အဓိက ဘယ်လမ်းကြောင်းပေါ် ရောက်ဖို့လည်းဆိုတော့ Civil Society တွေ ပေါ်ထွန်းရေး လမ်းကြောင်းပေါ့နော်။ Civil Society တွေပေါ်ထွန်းရမယ်ဆိုတာ အလကားပြောတာ မဟုတ်ဘူးဗျ။ ဒီမိုကရေစီနိုင်ငံတစ်နိုင်ငံမှာ Civil Society ရဲ့ အားပေါ့နော်၊ အဲဒီမဏ္ဍိုင်ပေါ့။ ပထမ၊ ဒုတိယ၊ တ တိယ၊ စတုထ္ထမဏ္ဍိုင်ကြီးတွေနဲ့အတူပေါ့နော်၊ အဲတာ မရှိလို့ရှိရင် ရရှိထားတဲ့ အခွင့်အရေးတွေ ဆုံးရှုံးသွားနိုင်တယ်။ အခြေအနေ အရပ်ရပ်ကြောင့် ပေါ့နော်။ မူလအကျပ်အတည်းကို ပြန်လည်ဆိုက်ရောက် သွားနိုင်တယ်။ အဓိကကတော့ လူထုလူ့အဖွဲ့အစည်းတွေ အားကောင်းဖို့ လိုတယ်။ လူထုလူ့အဖွဲ့အစည်းတွေ အားကောင်းရေးအတွက် သမဂ္ဂက သမိုင်းအစဉ်အလာကို ဆုပ်ကိုင်ပြီး ဦးဆောင်သွားမယ်လို့ ကျွန်တော်ရဲ့တစ်ဦးတည်း အမြင်အရ အဲလိုမြင်တယ်။ ကျွန်တော့်ရဲ့ ညီအစ်ကို သူငယ်ချင်းတွေရဲ့ အမြင်ကလည်း ဒီအမြင်နဲ့ သိပ်ကွာခြားလိမ့်မယ်လို့ မထင်ဘူး။ အဖွဲ့အစည်းအနေနဲ့ ပြောရင် ဗကသရဲ့ အမြင်က တဖြည်းဖြည်းနဲ့ နိုင်ငံရေးနဲ့ လူထုလုပ်ငန်းယှဉ်တွဲသွားတဲ့ အနေအထားကို ရောက်လာလိမ့်မယ်။ အထူးသဖြင့်ကတော့ အမျိုးသားအချင်းချင်း စည်းရုံးညီညွတ်ရေး၊ တိုင်းရင်းသား အချင်းချင်းစည်းရုံးညီညွတ်ရေး၊ ပြည်သူအချင်းချင်း စည်းရုံးညီညွတ်ရေးက တစ်ဆင့် ထာဝရငြိမ်းချမ်းရေးဆီကို သွားမယ်။

မေး- ထာဝရ ငြိမ်းချမ်းရေးလို့ ဆိုလာတဲ့အတွက် နိုင်ငံတော်သမ္မတ ဦးသိန်းစိန်အစိုးရရဲ့ လုပ်ဆောင်နေတဲ့ အခြေအနေတွေကို ဘယ်လို သုံးသပ်မိပါသလဲ။



ဖြေ- လက်ရှိအစိုးရ အနေနဲ့က မြန်မာ့နိုင်ငံရေး ရေစီးကြောင်းမှာ ပိတ်ဆို့နေတဲ့ အချိန်တစ်ခုဖြစ်တဲ့ နိုင်ငံရေး အကျဉ်းသား အမြန်ဆုံးလွတ်မြောက်ရေးဆိုတဲ့ အချက်ကို အရင်ဦးဆုံး စတင်ကိုင်တွယ်လိုက်ပြီ။ အဲမှာ ကျန် ရှိနေသေးတဲ့ နိုင်ငံရေးသမားတွေလည်း ကျန်နေသေးတယ်။ အများစုကတော့ ထောင်ပြင်ပကို ပြန်ရောက်လာပြီ။ ကျန်ရှိနေသေးတဲ့ နိုင်ငံရေး အကျဉ်းသားတွေအကုန်လုံးပြန်လည် လွတ်မြောက်ခွင့်ပေးမှသာ ဒီစီးကြောင်း ပိတ်ဆို့မှုက အထစ်အငေ့ါ မရှိဘဲနဲ့ ပွင့်လင်းသွားမယ်လို့ ထင်တယ်။ အကောင်းဆုံးကတော့ အထွေထွေလွတ်ငြိမ်းချမ်းသာခွင့်ဆိုတဲ့ အနေအထားမျိုးထိ ရောက်သွားရင် အကောင်းဆုံးပဲ။ ဒါဆိုမြေပေါ် မြေအောက်မှာရှိတဲ့၊ ပြည်ပကနေ ပြန်လာမယ့်သူတွေအတွက်လည်း လုံးဝအဆင်ပြေသွားမယ်။ အခုချိန်မှာဆိုရင် ပြန်လာရကောင်းနိုးနိုး၊ မလာရ ကောင်းနိုးနိုး အဲလိုမျိုး စိုးရိမ်ကြောင့်ကြမှုတွေ၊ ပူပန်မှုတွေ၊ မတင်မကျ စိတ်မချရတာတွေ ရှိနေတုန်းပဲ။ အစိုးရအနေနဲ့ တကယ်တမ်း ရိုးသားပွင့်လင်းမယ်ဆိုရင်တော့ အထွေထွေ လွတ်ငြိမ်းချမ်းသာခွင့်ကို ပေးသင့်တယ်။ ပေးကိုပေးရမယ်လို့ ကျွန်တော် မြင်တယ်။ ဒါပထမအချက်။ ဒုတိယအချက်အနေနဲ့ ကတော့ တိုင်းရင်းသားဒေသတွေမှာ ဖြစ်ပွားနေတဲ့ ထိုးစစ်ကို ချွင်းချက်မရှိရပ်နားဖို့ ကောင်းနေပြီ။ ထိုးစစ်ရှိနေရင် ဘယ်လောက်ပဲ ငြိမ်းချမ်းရေးဆွေးနွေးပွဲ အခုတစ်ရာ ကျင်းပပါစေ ကျည်ဆံတစ်တောင့် လေထုထဲကို ပစ်လွှတ်လိုက်တယ်ဆိုတဲ့ အသံက ငြိမ်းချမ်းရေးဆွေးနွေးပွဲတွေရဲ့ အသံကို ဖုံးလွှမ်းသွားတယ်။ ကျွန်တော်ကတော့ အဲဒီလိုပဲမြင်ပါတယ်။ အဲဒီ အနေအထားမှာ ဘယ်လိုနည်းနဲ့မှ စစ်မှန်တဲ့ငြိမ်းချမ်းရေးကို ရဖို့မမြင်ဘူး။ အဲဒီတော့ ဒါဟာရိုးသားမယ်။ ပွင့်လင်းရမယ်။ ရဲရဲလုပ်ရမယ်၊ အစိုးရကို အဲလိုပြောချင်တယ်။ အခုလုပ် နေတဲ့အစိုးရဲ့ ပြောင်းလဲမှု လုပ်ဆောင်ချက်လုပ်ငန်းတွေဟာ အရှိန်အဟုန် နှေးကွေးနေပါတယ်။ အရှိန်အဟုန် နှေးကွေးခြင်းဟာ တကယ်တမ်းကျတော့ အချိန်ကာလကလည်း အကျပ်အတည်း ဖြစ်လာလိမ့်မယ်။ နောက်ပိုင်းကျတော့ အချိန်ကာလအခက်အခဲ Time Crisis ဖြစ်လာလိမ့်မယ်။ အဲလိုဖြစ်လာလို့ ရှိရင် အဖက်ဖက်က ကျပ်တည်းလာပြီး တစ်ဖန်ပြန်ကွေ့သွားနိုင်တယ်။ အဲဒီအလားအလာရှိ တယ်။ တချို့လူတွေပြောနေကြတာ ရှိတယ်။ နောက်ပြန်လှည့်မယ်။ နောက်ကြောင်း ပြန်လှည့်သွားမယ်ဆိုတဲ့ အလားအလာ။ အဲဒီအလားအလာကို လုံးလုံးမရောက်ခဲ့သည့် တိုင်အောင် အဲဒီအတိုင်းအတာ နီးပါးကို ရောက်သွားနိုင်တယ်။ အဲဒါကြောင့် ရှေ့ကိုပဲ ထာဝရ ရှေ့ဆက်သွား မယ်။ မဆုတ်မနစ်စွာနဲ့ ဆက်သွားမယ်ဆိုရင် ရိုးသား၊ ရဲရင့် ရဲရင့်စွာပွင့်လင်းစွာနဲ့ရှေ့ဆက် လျောက်ရမယ်။ အစိုးရအနေနဲ့ အာဃာတထားလို့ မရဘူး။ အရင်တုန်းကဟာတွေကို သင်ပုန်းချေ ပစ်ရမယ်။ ဒေါ်အောင်ဆန်းစုကြည် ကိုယ်တိုင်က တူတာတွဲလုပ်မယ်။ မတူတာခွဲလုပ် မယ်လို့ ပြောနေတဲ့ အချိန်မှာ အစိုးရအနေနဲ့ တူတာကိုပဲ ရှာကြည့်ရမယ်။ မတူတာတွေကို ဘာလို့ ဆုပ်ကိုင်ထားနေတာလဲ။ ရင်ထဲမှာ ဘာလို့ သိမ်းဆည်းထားတာလဲလို့ ကျွန်တော်မေးချင်တယ်။

မေး- နိုင်ငံရေးပြဿနာအတွက် လမ်းစပေါ်ပြီ ဆိုပေမယ့် တစ်ဖက်မှာက ဆင်းရဲတွင်းနက်နေတဲ့ စီးပွားရေးပြဿနာ ရှိနေပါသေးတယ်။ အခြေခံလူတန်းစားတွေ၊ လူလတ်တန်းစားတွေရဲ့ ဘ၀ အဆင်ပြေနိုင်ဖို့ကိစ္စမှာ စီးပွားရေးတိုးတက်ဖို့က အဓိကကျနေတာကြောင့် ဒီအပိုင်းမှာရော ဘယ်လိုမြင်ပါသလဲ။

ဖြေ - စီးပွားရေးပြဿနာဆိုကတော့ တိုင်းပြည်ရဲ့ စီးပွားရေးက စီမံခန့်ခွဲမှု ညံ့ဖျင်းတာတွေကြောင့် ချွတ်ခြုံကျခဲ့ရတာပေါ့။ အကြောင်းအရင်းက ၁၉၆၂ အာဏာသိမ်းပြီးနောက်ပိုင်းမှာ ပြည်သူပိုင်သိမ်းတယ်။ စီးပွားရေးမူဝါဒကို သူတို့ ထင်သလိုရေးဆွဲတယ်။ ပညာရှင်တွေရဲ့ အကြံဉာဏ်ကို မယူဘဲနဲ့ ရေးဆွဲခဲ့တာတွေရှိတယ်။ အဲဒီကျတော့ တိုင်းပြည်ရဲ့စီးပွားရေးမှာ သယံဇာတ ယုတ်လျော့ပါးမှုတွေ ရှိလာတယ်။ ပြီးတော့ ထွက်ရှိသမျှ ထွက်ကုန်တွေကလည်း အရည်အသွေး မမီတာနဲ့ ဘယ်နိုင်ငံမှ မ၀ယ်တာ၊ ဈေးကွက်မရှိတာ။ အဲလိုအမျိုးမျိုး ပြဿနာတွေကြုံတွေ့ပြီးတော့ အကျပ်အတည်း ဆိုက်လာတာပေါ့။ အကျပ်အတည်းဆိုက်လာတော့ မြန်မာနိုင်ငံက အဆင်းရဲဆုံးနိုင်ငံစာရင်းတောင်မှ ၁၉၈၈က ၀င်သွားခဲ့တာကိုး။ အဲဒီနောက်ပိုင်းမှာ စီးပွားရေး လမ်းကြောင်းဖွင့်ပြီ ဆိုပေမယ့်လည်း အစိုးရနဲ့ ပတ်သက်ရင်းနှီးတဲ့ လက်ဝါးကြီးအုပ် စီးပွားရေးလုပ်ငန်းရှင်တွေပဲ ထွန်းကားခဲ့တာကိုး။ အများပြည်သူကတော့ ဆင်းရဲကျပ်တည်းပြီး သံသရာထဲမှာ နစ်နေတုန်းပဲ ရှိသေးတယ်။
အဲဒီ အခြေအနေမျိုးက တိုင်းပြည်မှာ ရေ ရှည်စွဲကပ်နေတဲ့ ဝေဒနာကြီးတစ်ရပ်လို ဖြစ်နေလို့ရှိရင် ဒီဝေဒနာ နလန်မထူနိုင်သေးတဲ့ ကာလပတ်လုံး နိုင်ငံရေးတိုးတက်မှု လမ်းစကလည်း မြင်မှာ မဟုတ်သေးဘူး။ အခြေခံပြည်သူတွေရဲ့ စားဝတ်နေရေးဘ၀၊ ရုပ်ပိုင်းဆိုင်ရာ မတိုးတက်ဘူးဆိုလို့ရှိရင် တိုင်းပြည် တစ်ပြည်က သူများနဲ့ ယှဉ်လိုက်တိုင်း ယှဉ်လိုက်တိုင်းမှာ အများကြီး နိမ့်ကျနေတယ်။ အဲဒီတော့ ဒီတိုင်းပြည်ရဲ့ အနာဂတ်ကလည်း မရေရာဘူး။ အဲဒီတော့ လူငယ်တွေအတွက် အလုပ်အကိုင်ဖန်တီပေးမယ့် Ground မျိုးရှိရမယ်။ အဲဒါဟာလည်း ပညာရေးနဲ့ နှီးနွယ်နေတယ်လို့ ကျွန်တော်ထင်တယ်။ အခု လက်ရှိပေးနေတဲ့ ပညာရေးအဆင့်အတန်း နိမ့်ကျမှုက ဘယ်တိုင်းပြည်ကိုမှ ယှဉ်လို့မရဘူး။ အဲဒီတော့ ဒီပညာရေးကို အဆင့်အတန်း မြင့်မားလာအောင်လို့ အစိုးရက မူဝါဒချမှတ်ပြီး ဆောင်ရွက်ပေးရမယ်။ အစိုးရကိုလည်း အချို့အပိုင်းတွေမှာ လုံးလုံး အားကိုးလို့မရခဲ့ဘူး။ အခု အချိန်အထိပေ့ါနော်။ အားကိုးလို့ မရခဲ့တဲ့အတွက် ကိုယ့်နည်းကိုယ့် ဟန်နဲ့ ကြိုးစားနေတဲ့ အလွှာတွေ၊ လူ့အဖွဲ့အစည်းတွေလည်း ရှိတယ်။ NGO တွေ၊ Civil Society တွေ နောက်ပိုင်းပေါ်လာရင် လူငယ်တွေကို ပညာရေးဘက် တွန်းအားပေးမယ်။ အထူးသဖြင့် လူငယ်တွေက ကိုယ့်နိုင်ငံကနေ ပြည်ပနိုင်ငံကိုထွက် သွားတယ်ဆိုတာ ကိုယ့်နိုင်ငံကပညာနဲ့ မဖူလုံလို့လည်း ပါတယ်။ ဒီမှာလည်း သင်လာရတဲ့ ပညာနဲ့ ထိုက်တန်တဲ့ လစာမပေးနိုင်တဲ့အခါကျတော့ တိုင်းတစ်ပါးမှာပဲ အလုပ်လုပ်ရင်းနဲ့ အဲဒီမှာပဲဘ၀ကို အသက်မွေးဝမ်းကြောင်းပြုသွားပြီး ဒီနိုင်ငံကို ပြန်လှည့် မလာတော့တာတွေ လည်းရှိတယ်။ အဓိကက ပြဿနာက အဲဒါပဲ။ ပညာရေး အဆင့်အတန်း မမြင့်မားမှုကြောင့် အလုပ်အကိုင် အခွင့်အလမ်း မဖန်တီး ပေးနိုင်မှုကြောင့် ထိုက်တန်တဲ့နေရာ မရမှုကြောင့် လူငယ်တွေ Brain Drain ဖြစ်သွားရတာပေါ့။ အဲဒါကြောင့် ပြန်ပြင်ရမယ့် မူဝါဒတွေမှာ ပညာရေးကို ထိပ်ဆုံးကထားပြီး ပြင်ဆင်သင့်တယ်။ ကျွန်တော်တို့ တောင်းဆိုတဲ့ ဗကသရဲ့မူ ငါးချက်မှာ ဒီမိုကရေစီ ပညာရေးဆိုတာ လည်းပါတယ်။ ကျောင်းသားထု အခွင့်အရေး ကာကွယ်ရေးဆိုတာ လည်းပါတယ်။ အဲဒီကျောင်းသားထု အခွင့်အရေးကာကွယ်ရေးနဲ့  ဒီမိုကရေစီပညာရေးဟာလည်း ဆက်စပ်နေတယ်။ အဲဒီအချက်ကို ကျွန်တော်တို့ လက်တွေ့လုပ်ဆောင်တဲ့အခါ ထည့်သွင်းလုပ်ဆောင်သွားမှာပါ။

မေး- နိုင်ငံရေးလုပ်ဖြစ်ခဲ့ခြင်းနဲ့ ပတ်သက်ပြီး တခြားသော လူငယ်တွေကို မျှဝေချင်တဲ့ ပုဂ္ဂလိက ခံယူချက်၊ ယုံကြည်မှုက ဘာဖြစ်မလဲ။


ဖြေ - နိုင်ငံရေးကို ကြောက်စရာလို့ မြင်နေတာက ယဉ်ကျေးမှုတစ်ခုလို ဖြစ်ခဲ့တယ်။ ဒါကလည်း မြန်မာနိုင်ငံက အာဏာရှင် အဆက်ဆက်ရဲ့ ခေတ်အဆက်ဆက်မှာ နေခဲ့ရတာ အတော်ကြာပြီကိုးဗျ။ ကိုလိုနီကလည်း တစ်နည်းအားဖြင့် အာဏာရှင်ပဲ၊ ဖက်ဆစ်ကလည်း အာဏာရှင်ပဲ၊ နောက်ပိုင်းလည်း အာဏာရှင်ပဲဆိုတော့ အာဏာရှင်အစိုးရက လူထုကို ခြိမ်းခြောက်မှုနဲ့ အကြောက်တရားနဲ့ လွှမ်းမိုးထားခဲ့တယ်။ အဲတာ ယဉ်ကျေးမှုလိုဖြစ်ခဲ့တယ်။ ဒါပေမယ့် မြန်မာပြည်သူလုထုရဲ့ စိတ်မှာ တကယ်တန်းကျတော့ အကြောက်တရားက လွတ်ကင်းအောင်လို့ ရှာဖွေချင်တဲ့ အမြင်တော့ရှိတယ်။ မီးခဲပြာဖုံး ဖြစ်နေတာပေါ့နော်။ ဒီအမြင်တွေက၊ အဲတာတွေကို ဖယ်ရှားပစ်နိုင်တာက ဒီနိုင်ငံရေးသမားတွေ၊ ကျောင်းသားတွေ၊ သံဃာတော်တွေပေါ့။  အကျပ်အတည်းကာလတွေ မှာတောင် သူတို့က လူထုကို ဦးဆောင်ပြီး အားပေးခဲ့တယ်၊ မြှင့်တင်ခဲ့တယ်။ ကျွန်တော်တို့ လူငယ်တွေ ကလည်း နိုင်ငံရေးက ကြောက်စရာ မဟုတ်ဘူး။ နိုင်ငံရေးဆိုတာ လူသားတိုင်းနဲ့ ဆိုင်တဲ့ကိစ္စ၊ နိုင်ငံသားတိုင်းနဲ့ ဆိုင်တဲ့ကိစ္စ၊ နိုင်ငံသားတိုင်းနဲ့ ဆိုင်တဲ့ အရေးကို ကိုယ့်အရေး ကိုယ့်အရာလို့ သဘောထားရမယ်လို့ အမြဲတန်းပြောတယ်၊ အမြဲတန်း တိုက်တွန်းတယ်။ အဲတာလေးကို ဆောင်ရွက်ဖို့လဲ ကျွန်တော်တို့က အားပေးတယ်ပေါ့။ ဒါက လုပ်သင့်လုပ်ထိုက်တဲ့ အလုပ်ဗျ။ ခုနကပြောခဲ့တဲ့ အခက်အခဲကြီး တစ်ခုလုံးကို ကျွန်တော်တို့က ပြောင်းလဲပစ်ရမှာဗျ။

ကျွန်တော့်ရဲ့ ခံယူချက်ကို ပြောမယ်ဆိုရင် ကျမ်းစာတွေမှာပါတဲ့ အတိုင်းပေါ့နော်။ အမှန်တရားသည်၊ သစ္စာတရားသည် သင့်အား လွတ်လပ်ခွင့်ကို ဆောင်ကြဉ်းပေးလိမ့်မည် ဆိုတာမျိုး၊ အဲသဘောမျိုးနဲ့ ကျွန်တော်က အမှန်တရားနဲ့ သစ္စာတရားကို ဆုပ်ကိုင်ထားရင် လွတ်မြောက်ခြင်းကို ရောက်လိမ့်မယ်ဆိုတဲ့ အမြင်မျိုး ခံယူချက်ရှိတယ်။ သစ္စာတရားဆိုတာ ဘာလဲဆိုရင် လူသားတိုင်း ဦးထိပ်ထားရမယ့် ကိစ္စ၊ လူသားတိုင်း အချင်းချင်းပေါ်မှာ ခွင့်လွှတ်ရမယ်၊ သည်းခံရမယ်ဆိုတဲ့ ကိစ္စတွေရှိတယ်  လူသားတိုင်း အများပြည်သူဘ၀ တိုးတက်ကောင်းစားရေးအတွက် အမှန်တရားကိုပဲ ဆုပ်ကိုင်ရမယ်၊ ပြောမယ်ဆိုလို့ ရှိရင် Right is Might ပေါ့ ဗျာ။ အမှန်တရား အင်အားပေါ့။ အမှန်တရား၊ သစ္စာတရားကို ဆုပ်ကိုင်ထားမှ လွတ်လပ်ခွင့်ကို ဆောင်ကြဉ်းနိုင်မယ်၊ လွပ်လပ်ခွင့် ရလာလိမ့်မယ်လို့ ကျွန်တော်ကမြင်တယ်။ လွတ်လပ်မှုကို သွားဖို့အတွက် အမှန်တရားနဲ့ သစ္စာတရားရှိမှရမယ်။

မေး- ထောင်ကပြန်လွတ်လာပြီး ပြင်ပမှာမြင်ရတဲ့ အခြေအနေနဲ့ ထောင်မကျခင်က အခြေအနေ ဘာများကွာခြားသွားတယ်လို့ ထင်ပါသလဲ။


ဖြေ - ကျွန်တော် ထောင်ထဲဝင်သွားတဲ့ ကာလမှာ လူတွေက နိုင်ငံရေးအကြောင်းကို လက်ဖက်ရည်ဆိုင်တွေ မှာတောင်မှ ကျယ်ကျယ် မပြောရဲသေးဘူး။ ပြောလို့ရှိရင် တိုးတိုးတိတ်တိတ် ပြောကြတယ်။ ပြောတာတောင်မှ တစ်ယောက်နဲ့ တစ်ယောက်စကြတယ်။ နိုင်ငံရေးတွေ မပါနဲ့ ဆိုတာမျိုး။ နိုင်ငံရေးအကြောင်းပြောရင် နောက်ကျောမလုံဘူးလို့ ခံစားရတယ်။ အဲအချိန်ကာလက အဓိကက ကြောက်နေရတာပေါ့။ ထောက်လှမ်းရေးတို့ သတင်းပေးတို့။ အခုကျတော့ နိုင်ငံရေး ခေတ်တစ်ခေတ်ကို ရောက်တော့မယ်၊ အစပျိုးနေပြီဆိုတော့၊ နိုင်ငံရေးခေတ်ဆိုတာ လွတ်လွတ်လပ်လပ် နိုင်ငံရေးအကြောင်း ဆွေးနွေးနိုင်တဲ့ခေတ်၊ ဆွေးနွေးတယ်ဆိုတာက ဆွေးနွေးခွင့်ပေးထားလို့ ဆိုတာထက် ကြိုးစားပမ်းစား ကိုယ့်ဟာကို အားထုတ်ပြီး လုပ်လာကြတာ၊ အစိုးရပေးတာထက် ပိုပြီးရအောင် အားထုတ်လာကြတာ၊ သူတို့က ဒီနေရာအထိ ပေးတယ်ဆိုရင် ကိုယ်က ရှေ့ကို ဆက်သွားချင်တဲ့၊ အမြဲတန်းအား ထုတ်နေတဲ့ စိတ်ရှိမယ်ဆိုရင် ကိုယ်လိုချင်တဲ့ နေရာ ရောက်မှာပဲ။ သူပေးတဲ့နေရာနဲ့ တင်းတိမ်ရောင့်ရဲနေလို့ မရဘူးပေါ့။ ကိုယ်လိုချင်တဲ့ နေရာအထိ ရောက်အောင်လို့ ကျွန်တော်တို့က ဆက်လျှောက်ရမှာ။ အခုခေတ် လူတွေက ပြောကြ၊ ဆိုကြတယ်။ ပွင့်ပွင့်လင်းလင်း ဝေဖန်သုံးသပ်ကြတယ်။ ဝေဖန်သုံးသပ်တာတွေက ဟိုဘက် ဒီဘက်ရှိမှာပဲ။ အစိုးရဘက်ကို ဝေဖန်တာလည်း ရှိမယ်။ အတိုက်အခံဘက်ကို ဝေဖန်တာတွေလည်း ရှိမယ်။ ဝေဖန်ကန့်ကွက်သံတွေ၊ ဆွေးနွေးသံတွေက ပိုပြီး ကျယ်ကျယ်လောင်လောင် ကြားရတယ်။ ဒါဟာ လူထုကြားထဲမှာ အဓိက ပြောင်းလဲမှုအရာတွေလို့ ကျွန်တော် မြင်ပါတယ်။
kkk-profile
Photo: kyawkoko.blogspot.com
Profile
ကိုကျော်ကိုကို
မွေးသက္ကရာဇ်- ဒီဇင်ဘာ ၉ရက်၊ ၁၉၈၁ခုနှစ်။
မိဘအမည်- ဦးကျော်အေး၊ ဒေါ်စိုးစိုးသော်
ပညာအရည်အချင်း- B.Com. (Hons.)၂၀၀၅ခုနှစ်၊ M.Com. ၂၀၀၆-၂၀၀၇ ခုနှစ်။ (M.Com အတွက် အောင်စာရင်းတွင် အမည်စာရင်း ပါဝင်ခဲ့သော်လည်း ဘွဲ့ယူရမည့် စာရင်းတွင် မပါဝင်ခဲ့။ )
ဇာတိ- ရန်ကုန်
လူမျိုး - ဗမာ
ကိုးကွယ်သည့်ဘာသာ- ဗုဒ္ဓ

http://www.weeklyeleven.com/index.php?option=com_content&view=article&id=11936:2012-01-17-09-55-08&catid=42:2009-11-10-07-36-59&Itemid=112

အန်အယ်လ်ဒီပါတီထုတ် ဒီလှိုင်းစာစောင်တွင် ပြည်တွင်း ၊ ပြည်ပ သတင်းများပေးပို့နိုင်

ဝင့်သင်ဇာကျော် (ရွှေမြစ်မခ)
by Myit Makha Mediagroup on 18 Jan, 2012

အန်အယ်လ်ဒီပါတီရုံးမှ ထုတ်ဝေသော ဒီလှိုင်းစာစောင်တွင် ပြည်တွင်း ၊ ပြည်ပမှ မည်သူမဆို သတင်းရေးသားကာ ရွှေဂုံတိုင်ရှိ အမျိုးသားဒီမိုကရေစီအဖွဲ့ချုပ်မှ ဒီလှိုင်းရုံးခန်း(သို့မဟုတ်) အန်အယ်လ်ဒီ အီးမေးလ်သို့ ပေးပို့နိုင်ကြောင်း သိရှိရသည်။
အဆိုပါ ဒီလှိုင်းစာစောင်အတွက် ပေးပို့ရာတွင် နိုင်ငံရေး ၊ စီးပွားရေး ၊ လူမှုရေး အစရှိသော မည်သို့သော သတင်းမျိုးမဆို ၊ ဆောင်းပါးမျိုးမဆို ပေးပို့နိုင်ပြီး အယ်ဒီတာများမှ စိစစ်ပြီးသော သတင်းများကိုသာ အသုံးပြုမည်ဖြစ်ကြောင်း နှင့် ဒီလှိုင်းစာစောင်အတွက် အသုံးမပြုသော သတင်းများကို သတင်းရေးပေးသူထံသို့ ပြန်လည်ပေးပို့ပေးမည် မဟုတ်ကြောင်း သိရှိရသည်။
“အမတို့က အပြင်က သတင်းထောက်တွေကိုတော့ မခေါ်နိုင်သေးဘူး ဒါပေမဲ့ စာမူပေးပို့ရင် အပြင်ဂျာနယ်တိုက်တွေက ပေးတဲ့ စာမူတစ်ပုဒ်ရဲ့ နှုန်းထားအတိုင်း ပေးဖို့တော့ အစီအစဉ်ရှိတယ်” ဟု မနီမိုလှိုင်က ပြောဆိုသည်။
အန်အယ်လ်ဒီအဖွဲ့ချုပ်ရုံးမှ ဒီလှိုင်းစာစောင်ကို တစ်သိန်းခန့်ထုတ်ဝေထားပြီး တစ်စောင်လျှင် ၂၀၀ (နှစ်ရာ)ကျပ်နှုန်းဖြင့် ရောင်းချပေးလျက်ရှိသည်။

ဒီလှိုင်းစာစောင်တွင် ပါဝင်ရေးသားချင်သူများအနေဖြင့် ဒီလှိုင်းစာစောင်တာဝန်ခံ ဦးအုန်းကြိုင် ဖုန်းနံပတ် -၀၉၄၃၀၂၇၃၇၆ သို့ ဆက်သွယ်နိုင်ပြီး ၊ အန်အယ်လ်ဒီပါတီ အီးမေးလ် contact@nldburma.org သို့ ဆက်သွယ် ပေးပို့နိုင်ကြောင်း သိရှိရသည်။
http://www.myitmakhamediagroup.com/detail.php?newid=578

ဒေါ်အောင်ဆန်းစုကြည်ခြံဝန်းအားကားဝင်တိုက်....

facebook မှရှိသည်။


မြန်မာပြည်ကပရိတ်သာတ်အတွက်(သယ်လေဒီ)ဇာတ်ကားဒေါင်းလုပ်ပါ။



copy right ကိုတော့လေးစားပါတယ်။ပြည်တွင်းမှာကြည့်ဖို့ မလွယ်တော့လည်း ဒီကနေပဲ မျှဝေရတာပေါ့။ The Lady ဇာတ်ကားပါ။မြန်မာပြည်ကပြည်သူတွေအတွက်ရည်ရွယ်ပါတယ်။
၆၉၁ မက်ရှိပါတယ်
http://www.mediafire.com/?ob9csf59af94xs3%2Cwfbbtn34kw89z4o%2C9a29vqs7zgu8y60%2Cq6p129g1ot1q913%2Cgxv9wki9jwd7wpd%2Cieyi287v8pg46go%2C0pe4a3fkc4fw84a
ဒီကနေ ဒေါင်းယူလိုက်ကြပါ။ RAR ခုနှစ်ဖိုင်ပါပါတယ်အကုန်ဒေါင်းပြီးရင်ဖိုင်တခုမှာစုထည့်ပြီးအပိုင်းတစ်ကိုနှိပ်လိုက်တာနဲ့ ကြည့်လို့
ရပါတယ်။ပြည်ပကသူတွေကတော့ရုံမှာအခကြေးငွေနဲ့ သွားအားပေးကြပါ။
Facebook မှာရှယ်နေတာတွေ့ လို့ ရှယ်လိုက်တာပါ။


http://www.thithtoolwin.com/2012/01/lady-movie.html

မှာလည်းတိုက်ရိုက်ကြည့်လို့ ရပါတယ်။သစ်ထူးလွင်မှာ realplayerနဲ့ ဒေါင်းရင်လည်းရပါတယ်.
၁၄၆မက်ပဲရှိပါတယ်။

သံဃမဟာနာယကကျောင်း ရှေ့ မြင်ကွင်း

ဓါတ်ပုံ-အဘယ








NLD ဗဟိုကော်မတီ အတွင်းရေးမှူးအဖွဲ့ရွေး

ကြာသပတေး, 19 ဇန်နဝါရီ 2012

By မသင်းသီရိ

ဒီနေ့ NLD အမျိုးသားဒီမိုကရေစီအဖွဲ့ချုပ်က ဗဟိုအလုပ်မှုဆောင်အဖွဲ့ရဲ့ အတွင်းရေးမှူးအဖွဲ့ ဖွဲ့လိုက်သလို ရွေးကောက်ပွဲ အောင်နိုင်ရေးကိစ္စတွေနဲ့ ပတ်သက်လို့လည်း ဆုံးဖြတ်ချက်တချို့လည်း ချတယ်ဆိုတော့ ဒီအခြေအနေတွေကို မသင်းသီရိက အပြည့်အစုံ တင်ပြပေးထားပါတယ်။

NLD အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင်အဖွဲ့ဝင်တွေအတွက် အတွင်းရေးမှူးအဖွဲ့ဝင် ၃ ဦးရဲ့ အမည်စာရင်းကို ဒီကနေ့ NLD ပါတီက ထုတ်ပြန်ပါတယ်။ ဗဟိုအလုပ်အမှုဆောင်အဖွဲ့ဝင် ၇ ဦးထဲမှာ ဒေါ်အောင်ဆန်းစုကြည်က ဥက္ကဋ္ဌအဖြစ်တာဝန်ယူထားပြီး အခု ဦးဉာဏ်ဝင်း၊ ဦးအုန်းကြိုင်နဲ့ ဦးဟံသာမြင့်တို့ ၃ ဦးက အတွင်းရေးမှူးအဖွဲ့ဝင်တွေအဖြစ် တာဝန်ယူကြမယ်လို့ ဗဟိုအလုပ်မှုဆောင်အဖွဲရဲ့ အတွင်းရေးမှူးတဦးဖြစ်တဲ့ ဦးဉာဏ်ဝင်းကပြောပါတယ်။

“ပထမကတော့ ဖွဲ့စည်းပုံအရ အတွင်းရေးမှူးအဖွဲ့ဆိုတာ ရှိတယ်။ ကျနော်တို့ မဖွဲ့ရသေးတော့ ဒီနှစ်ဖွဲ့တယ်။ အတွင်းရေးမှူးအဖွဲ့ရဲ့အလုပ်ကတော့ စီအီးစီတခုလုံးနဲ့ စီအီးစီဥက္ကဋ္ဌကို လုပ်ငန်းအားလုံးမှာ ပံ့ပိုးကူညီဖို့ပါပဲ”

NLD ပါတီထဲမှာ ဗဟိုအလုပ်မှုဆောင်အဖွဲ့နဲ့အတူ သဘာပတိအဖွဲ့အဖြစ် အဖွဲ့ဝင် ၅ ဦးနဲ့လည်း ပါတီကို အသစ်ပြန်လည် ဖွဲ့စည်းလိုက်တာ ဖြစ်ပါတယ်။ အခုဆိုရင် NLD ပါတီဟာ လာမယ့် ကြားဖြတ်ရွေးကောက်ပွဲတွေအတွက် ယှဉ်ပြိုင်ဖို့ ကိုယ်စားလှယ်လောင်း ၄၈ ဦးစလုံးရဲ့အမည်စာရင်းတွေကို မနေ့ ဇန်နဝါရီလ ၁၈ ရက်နေ့မှာ နောက်ဆုံးထုတ်ပြန်ခဲ့ပါတယ်။ ဒေါ်အောင်ဆန်းစုကြည်ကိုယ်တိုင်လည်း သူယှဉ်ပြိုင်မယ့် ကော့မှူးမဲဆန္ဒနယ်အတွက် မနေ့ကပဲ တောင်ပိုင်းခရိုင် ကော်မရှင်ရုံးမှာ အမည်စာရင်းတင်သွင်းတာတွေ လုပ်ခဲ့ပြီးပါပြီ။

အလားတူကျန်တဲ့ NLD ကိုယ်စားလှယ်လောင်းတွေလည်း စာရင်းတင်ဖို့ နောက်ဆုံး သတ်မှတ်ရက် ဇန်နဝါရီ ၃၁ ရက်မတိုင်ခင် သက်ဆိုင်ရာ မြို့နယ်ကော်မရှင်ရုံးတွေမှာ အမည်စာရင်းတွေ တင်ကြမှာ ဖြစ်ပါတယ်။ ကော်မရှင်က ကိုယ်စားလှယ်အမည်စာရင်း အတည်ပြုချက်ကျပြီဆိုရင်တော့ ကိုယ်စားလှယ်တွေဟာ ရွေးကောက်ပွဲစည်းရုံးရေးတွေ စမယ်လို့လည်း NLD ပါတီက ပြောပါတယ်။ ဒီအတွက် အောင်နိုင်ရေးအဖွဲ့တွေနဲ့ပတ်သက်ပြီးတော့လည်း ဆုံးဖြတ်ချက်တချို့ကို NLD က ဗဟိုအလုပ်မှုဆောင်ကော်မတီက ဒီကနေ့ ချလိုက်တာ ရှိပါတယ်။

“ကျနော်တို့အောင်နိုင်ရေးအဖွဲ့ဝင်တွေဟာ ကွင်းဆင်းတဲ့အခါမှာ အခြားအဖွဲ့အစည်းတွေနဲ့ ဆက်သွယ်ဆောင်ရွက်ဖို့ ရှိလို့ရှိရင် အောင်နိုင်ရေးအဖွဲ့ရဲ့ သဘောတူညီချက်ယူဖို့လိုတယ်။ အောင်နိုင်ရေးအဖွဲ့က Authority ပေါ့။ ကျနော်တို့က ဒီလိုပြောလိုက်တာပါ။ တခြားပါတီနဲ့ မိမိသဘောနဲ့မိမိ ဆက်သွယ်သွားလာဆောင်ရွက်တာဟာ အောင်နိုင်ရေး ကော်မတီရဲ့ သဘောတူညီချက်မရှိရင် မသင့်လျော်ဘူးလေ။ ဒါကြောင့် အောင်နိုင်ရေးကော်မတီရဲ့သဘောတူညီချက် ယူပါလို့ ကျနော်တို့ ညွှန်ကြားပါတယ်”

မဲဆွယ်စည်ရုံးရေးတွေမှာလည်း ပြည်ထောင်စု ရွေးကောက်ပွဲကော်မရှင်က ထုတ်ပြန်ထားတဲ့ ဥပဒေတွေနဲ့အညီ လုပ်ဆောင်ကြဖို့အတွက်လည်း ဆောင်ရွက်ကြဖိုိ့ကိုလည်း NLD ဗဟိုအလုပ်မှုဆောင်က သတိပေးထားသလို အဖွဲ့ချုပ်ရဲ့ ကိုယ်စားလှယ်လောင်း ကိုယ်ရေးမှတ်တမ်း အကျဉ်းချုပ်ကို ထုတ်ဝေခြင်းမပြုခင် ဗဟိုအောင်နိုင်ရေးအဖွဲ့ရဲ့ အတည်ပြုချက် ယူရမယ်လို့လည်း ပြောပါတယ်။ အဖွဲ့ဝင်သစ်လျှောက်တဲ့ကိစ္စကတော့ အရင်ပြောထားသလိုပဲ အဖွဲ့ဝင်သစ်တွေအတွက် စိစစ်ခြင်းမရှိပေမယ့် အဖွဲ့ဝင်ဟောင်းတွေအတွက်တော့ လိုအပ်ရင် စိစစ်မှုတချို့ရှိမယ်လို့ ဦးဉာဏ်ဝင်းကပြောပါတယ်။

“အဖွဲ့ဝင်သစ်လျှောက်တာနဲ့ပတ်သက်ပြီး ကျနော်တို့က ကန့်သတ်မှု၊ စိစစ်မှုမလုပ်ဘူး၊ လိုအပ်သင့်သလောက်တော့ လုပ်မှာပေါ့နော်- အားလုံးအပေါ်မှာ မလုပ်ဘူးဆိုတဲ့အဓိပ္ပာယ်ပါ။ လိုအပ်တာက အားလုံးကိုလက်ခံ၊ လက်ခံပြီးပို့ပေး၊ ကျနော်တို့ ဒီမှာ စိစစ်ဖို့မလိုတဲ့ဟာတွေ ဒီအတိုင်းပဲ လက်ခံမယ်၊ စိစစ်ဖို့လိုတဲ့ဟာတော့ စိစစ်ပြီး အဆုံးအဖြတ်ပြုမယ်၊ ဒီလို သဘောပါ”

NLD ဗဟိုအလုပ်အမှုဆောင်အဖွဲ့ရဲ့အတွင်းရေးမှူးအဖွဲ့ဝင် ဦးဉာဏ်ဝင်းပါရှင်။ ၂ဝ၁ဝ ရွေးကောက်ပွဲကို လက်မခံလို့ နိုင်ငံရေးပါတီအဖြစ်မှတ်ပုံတင်ဖို့ ငြင်းဆန်ခဲ့တဲ့ NLD အမျိုးသားဒီမိုကရေစီအဖွဲ့ချုပ်ဟာ ပြီးခဲ့တဲ့ ၂ဝ၁၁ ဒီဇင်ဘာ ၁၂ ရက်နေ့မှာ နိုင်ငံရေးပါတီအဖြစ် ထူထောင်ခွင့်ကျခဲ့ပြီးနောက် ဒီဇင်ဘာ ၂၃ ရက်နေ့က နေပြည်တော်မှာရှိတဲ့ ပြည်ထောင်စု ရွေးကောက်ပွဲကော်မရှင်မှာ ပါတီမှတ်ပုံတင်ခဲ့သလို နေပြည်တော်မှာရှိတဲ့ ဇန်နဝါရီ ၅ ရက် ကြာသာပတေးနေ့က တရားဝင် နိုင်ငံရေးပါတီမှတ်ပုံတင် ကျခဲ့တာဖြစ်ပါတယ်။
http://www.voanews.com/burmese/news/--01_19_12_my-news-burma----137671698.html

နိုင်ငံရေးဆွေးနွေးရန် ဝန်ကြီးဦးအောင်မင်းက လူဘောင်သစ် နဲ့ FDB ကို ကမ်းလှမ်း


ကိုဝိုင်း | ကြာသပတေးနေ့၊ ဇန်နဝါရီလ ၁၉ ရက် ၂၀၁၂ ခုနှစ် ၁၈ နာရီ ၂၆ မိနစ်

ချင်းမိုင် (မဇ္ဈိမ) ။       ။ သမ္မတ၏ ငြိမ်းချမ်းရေး အထူးကိုယ်စားလှယ် ဦးအောင်မင်းက ပြည်ပအခြေစိုက် ဒီမိုကရေစီ
နိုင်ငံရေးအင်အားစုများနှင့် ဖေဖော်ဝါရီ ပထမပါတ်အတွင်း နိုင်ငံရေးအရ ဆွေးနွေးလိုကြောင်း ကြာသာပတေးနေ့တွင် အကျိုးဆောင်များမှတဆင့် ကမ်းလှမ်းလာသည်ဟု သက်ဆိုင်ရာ ခေါင်းဆောင်များက ပြောသည်။

အဖွဲ့ဝင် ၇ ဖွဲ့နှင့် တသီးပုဂ္ဂလတချို့ပါဝင်သည့် မြန်မာနိုင်ငံဒီမိုကရက်တစ်အင်အားစု-FDB နှင့် တွေ့ဆုံရန် အတွင်းရေးမှူးချုပ် ဒေါက်တာနိုင်အောင်၊ လူ့ဘောင်သစ် ဒီမိုကရက်တစ်ပါတီ-DPNS နှင့် ဆွေးနွေးရန် ဥက္ကဋ္ဌ ဦးအောင်မိုးဇော် တို့ကို ငြိမ်းချမ်းရေးအကျိုးဆောင် ဦးလှမောင်ရွှေ၊ ဒေါက်တာ ကျော်ရင်လှိုင်တို့မှ တဆင့်
နှုတ်ဖြင့် သီးသန့်စီ ဖိတ်ကြားလာကြောင်း ဒေါက်တာနိုင်အောင် က ပြောသည်။

“FDB နဲ့ DPNS ကို အလွတ်သဘောဆွေးနွေးနိုင်ဖို့အတွက် တရားဝင်ကမ်းလှမ်းတယ်လို့ ပြောပါဆိုပြီး ကြားတယ်။
ဖေဖော်ဝါရီ ပထမပါတ် ပတ်ဝန်းကျင် ဖြစ်နိုင်တယ်။ ကိုကျော်ရင်လှိုင် ဖုံးခေါ် တယ်။ ကျနော် တယောက်ထဲ မဟုတ်ဘူးပေါ့ဗျာ၊ FDB က ခေါ်ချင်တဲ့လူ ခေါ်လာပေါ့” ဟု မဇ္ဈိမကို ပြောသည်။

drnaingaung
FDB တပ်ပေါင်းစု အတွင်းရေးမှူးချုပ် ဒေါက်တာနိုင်အောင် (ဓါတ်ပုံ FDB)

FDB တပ်ပေါင်းစု အဖွဲ့ဝင် ဒီမိုကရေစီနှင့် ဖွံဖြိုးတိုးတက်ရေးအင်အားစု-NDD ဒါရိုက်တာလည်း ဖြစ်သူ
ဒေါက်တာနိုင်အောင်က သက်ဆိုင်ရာ အဖွဲ့အစည်းဝင်များကို အကြောင်းကြားထားပြီး ဇန်နဝါရီ တတိယပါတ် အတွင်း ဆွေးနွေးပြီးမှ တရားဝင်ပြန်ကြားမည်ဟု ဆိုသည်။

FDB တပ်ပေါင်းစုကို ၂ဝဝ၄ ခု နှစ်ဆန်းပိုင်းတွင် “ကောင်းမွန်သော အစိုးရ အုပ်ချုပ်မှုစနစ်ရှိရေး၊ တရားဥပဒေ စိုးမိုးရေးနှင့် တရားမျှတမှုရရှိရေး တို့ကို အုတ်မြစ်ချနိုင်မည့် ဒီမိုကရေစီ အသွင်ကူးပြောင်းရေး ကာလတခု ပေါ်ထွန်း လာရေး” အတွက် ၁၉၈၈ ခု ဒီမိုကရေစီအုံကြွမှုအား စစ်တပ်က နှိမ်နင်းပြီးနောက် နယ်စပ်သို့ ထွက်လာသူများ ပါဝင်သည့် အဖွဲ့ ၇ ဖွဲ့ဖြင့် အဓိကထား ဖွဲ့စည်းခဲ့သည်။

ဒေါက်တာကျော်ရင်လှိုင်က လူ့ဘောင်သစ်ဒီမိုကရက်တစ်ပါတီ ဥက္ကဌ ဦးအောင်မိုးဇော် ကိုလည်း တနေ့ထဲတွင် ဖုံးဆက်ကြောင်းကြားခြင်းဖြစ်ပြီး ပါတီအစည်းအဝေး ခေါ်ရန် စီစဉ်နေသည်ဟု သိရ သည်။

ဦးအောင်မိုးဇော်က “ဝန်ကြီးဦးအောင်မင်းလာတဲ့အချိန်မှာ တွေ့ဖို့ပေါ့ဗျာ။ ရက်အတိအကျတော့ နောက်မှ အကြောင်းကြားမယ်ပြောတယ်။ တွေ့တာတော့ ကောင်းပါတယ်။ အသေးစိတ်တော့ ကျနော်တို့ ဒီရက်ပိုင်း အတွင်း ဗဟိုကော်မတီ အစည်းအဝေး ထိုင်ရမယ်” ဟု မဇ္ဈိမကို ပြောသည်။

အလားတူ အကျိုးဆောင် ဦးလှမောင်ရွှေက ငြိမ်းချမ်းရေးလုပ်ငန်းများတွင် ပံ့ပိုးပေးသူ ထိုင်းအခြေစိုက် ဦးညိုအုန်းမြင့်မှ တဆင့် ဖိတ်ကြားခဲ့သေးသည်။

“အကျိုးဆောင် ဦးလှမောင်ရွှေမှတဆင့် သူတို့နှစ်ဖွဲ့ကို ဝန်ကြီးက တရားဝင် တွေ့ချင်ပါတယ်။ နောက်လဆန်း မှာ ထိုင်း-မြန်မာနယ်စပ်တနေရာမှာ တွေ့ဖို့ အစီအစဉ်လုပ်ပေးပါဆိုပြီးတော့ ပြောတဲ့အတွက် ကျနော်က pass လုပ်ပေးတော့ ဦးအောင်မိုးဇော်တို့ဘာတို့ကလည်း လက်ခံပါတယ်” ဟု ဦးညိုအုန်းမြင့်က မဇ္ဈိမကိုပြောသည်။

Uaungmoezaw
လူ့ဘောင်သစ် ဒီမိုကရက်တစ်ပါတီ-DPNS ဥက္ကဋ္ဌ ဦးအောင်မိုးဇော် (ဓါတ်ပုံ FDB)

၁၉၈၈ ခု ဒီမိုကရေစီအုံကြွမှုကာလအတွင်း ပြည်တွင်း၌ ပေါက်ဖွားလာသည့် DPNS သည် ၁၉၉ဝ ခု ရွေးကောက်ပွဲ ကာလတွင် ပါတီဝင် တသိန်းခန့်ရှိပြီး ၁၉၉၁ ခု ဇန်နာဝါရီလတွင် ပါတီခေါင်းဆောင်တချို့ နယ်စပ်သို့ ထွက်ခွာ လာခဲ့ပြီးနောက် ဖျက်သိမ်းခံခဲ့ရသည်။

သမ္မတ ဦးသိန်းစိန်နှင့် အစိုးရအဖွဲ့ဝင်များက ပြည်ပရောက် မြန်မာနိုင်ငံသားများအား ပြန်လာကြရန် ဖိတ်ခေါ်
နေသော်လည်း နိုင်ငံရေးရည်မှန်းချက်ဖြင့် ရောက်နေသူများအတွက် တိကျသည့် ဥပဒေ စည်းမျဉ်း စည်းကမ်းများ ထုတ်ပြန်ရန် လိုအပ်နေသည်ဟု ထောက်ပြသည်။

“အခုဟာက ခေါ်တယ်သာပြောတာလေ။ လက်တွေ့ကျကျ ဘယ်လိုအချက်အလက်တွေ၊ တိတိကျကျ သဘောထား
ရော၊ နှစ်ခုလုံး ဆောင်ရွက်တာ ကောင်းတယ်လို့ထင်တယ်။ ကိုမင်းကိုနိုင် ပြောသလိုပါပဲဗျာ လမ်းကြုံလို့ ပြောတာမျိုး မဖြစ်သင့်ဘူးလေ” ဟု ဦးအောင်မိုးဇော်က ပြောသည်။

၂ဝ၁၁ ခုနှစ် ဒီဇင်္ဘာလ ၁၂ ရက်နေ့ကလည်း ဦးလှမောင်ရွှေ ဆက်သွယ်ပေး၍ ဦးအောင်မင်းနှင့် မဲဆောက်မြို့တွင်
တွေ့ဆုံခဲ့ဖူးကြောင်း ဒေါက်တာနိုင်အောင် က ပြောသည်။

ထိုစဉ်က ၎င်းအနေနှင့် ဦးအောင်မင်းအား အချက် လေးချက် ဆွေးနွေးခဲ့ရာ “မြန်မာပြည် နိုင်ငံရေး အင်အားစုအားလုံး ပါဝင်သည့် နိုင်ငံတော် ပြန်လည်တည်ဆောက်ရေး အစီအစဉ်ကို နိုင်ငံရေး ဆွေးနွေးပွဲဖြင့် အားလုံးသဘောတူ
ဖော်ထုတ်သင့်ကြောင်း” ထည့်သွင်းဆွေးနွေးခဲ့သည်ဟု ဆိုသည်။

မြန်မာအစိုးရက တိုင်းရင်းသားလက်နက်ကိုင် အင်အားစုများဖြစ်ကြသည့် ကရင် KNU၊ ရှမ်း SSA-S၊ ချင်း CNF၊ ဝ’ UWSA၊ မိုင်းလား စသည့် လက်နက်ကိုင် ၅ ဖွဲ့နှင့် အပစ်ရပ်စဲရေး သဘောတူပြီးနောက် ဒီမိုကရေစီ အင်အားစုများကို ပထမဆုံးအကြိမ် ကမ်းလှမ်းလာခြင်း ဖြစ်သည်။

ဖေဖော်ဝါရီလဆန်းတွင် တွေ့ဆုံရန် စီစဉ်နေမှုတွင် ကရင်နီအမျိုးသားတိုးတက်ရေးပါတီ-KNPP၊ မွန်ပြည်သစ် ပါတီ NMSP၊ ပအိုဝ်းအမျိုးသားလွတ်မြောက်ရေးအဖွဲ့ချုပ် PPLO၊ ဝ’ အမျိုးသားအဖွဲ့ တို့နှင့်လည်း အပစ်ရပ်ရေးကိစ္စများ
လည်း သီးသန့်ဆွေးနွေးရန် အစီအစဉ်ရှိကြောင်း ဦးညိုအုန်းမြင့် က ပြောသည်။

http://www.mizzimaburmese.com/news/inside-burma/8907-----fdb--.html

ကြာသပတေး, 19 ဇန်နဝါရီ 2012
ပြည်ပရောက် အတိုက်အခံတွေနဲ့ ဆွေးနွေးဖို့ မြန်မာအစိုးရကမ်းလှမ်း

By ကိုကျော်ထင်

၁၉၈၈ ခုနှစ်နောက်ပိုင်း ထွက်လာတဲ့ နယ်စပ်အခြေစိုက် ဒီမိုကရေစီ အင်အားစုတွေကို နိုင်ငံရေးအရ ဆွေးနွေးဖို့ အစိုးရဘက်က ပထမဆုံးအကြိမ် တရားဝင် ကမ်းလှမ်းလိုက်ပါတယ်။ ဒါဟာ လက်နက်ကိုင်တိုင်းရင်းသားတွေနဲ့ ငြိမ်းချမ်းရေးဆွေးနွေးမှုတွေ ဆက်လိုက်လုပ်လာတဲ့ အစိုးရရဲ့ ငြိမ်းချမ်းရေးဖော်ဆောင်မှုအဖွဲ့က နယ်စပ်အခြေစိုက် ဒီမိုကရေစီအင်အားစုတွေကို ကြိုတင် သတ်မှတ်ချက်တွေမထားဘဲ နိုင်ငံရေးအရဆွေးနွေးဖို့ ငြိမ်းချမ်းရေးအကျိုးဆောင်တွေကတဆင့် ကမ်းလှမ်းလာတာ ဖြစ်ပါတယ်။ အကြောင်းစုံကို စုံစမ်းထားတဲ့ VOA ထိုင်းအခြေစိုက်သတင်းထောက် ကိုကျော်ထင်က တင်ပြပေးထားပါတယ်။

တိုင်းရင်းသားအဖွဲ့စည်းတွေမပါဘဲ ဒီမိုကရက်တစ်အင်အားစုတွေနဲ့ပဲ စုဖွဲ့ထားတဲ့ FDB မြန်မာနိုင်ငံ ဒီမိုကရက်တစ်အင်အားစုနဲ့ လူ့ဘောင်သစ်ဒီမိုကရက်တစ်ပါတီတို့ကို ကန့်သတ်ချက် မထားဘဲ နိုင်ငံရေးဆွေးနွေးဖို့ အစိုးရငြိမ်းချမ်းရေးအကျိုးဆောင်တွေက ဒီကနေ့မှာ တရားဝင်ကမ်းလှမ်းလာတာပါ။ ငြိမ်းချမ်းရေးအကျိုးဆောင် ဦးညိုအုံးမြင့်က- အစိုးရအကျိုးဆောင်တွေက တရားဝင်ကမ်းလှမ်းတာဖြစ်တယ်လို့ ဆိုပါတယ်။

“ငြိမ်းချမ်းရေးဖော်ဆောင်ရေး ကော်မတီဥက္ကဋ္ဌဦးအောင်မင်းအတွက် ငြိမ်းချမ်းရေး အကျိုးဆောင်လုပ်ပေးနေတဲ့ ဦးလှမောင်ရွှေနဲ့ ဦးကျော်ရင်လှိုင်တို့ ခုနက ကျနော့ကိုပြောပါတယ်။ အဲဒါထူးခြားချက်က လူ့ဘောင်သစ်ပါတီနဲ့ ဒီမိုကရေစီအင်အားစု FDB ကိုပါ နိုင်ငံရေး အရဆွေးနွေးဖို့၊ အလွတ်သဘောဆွေးနွေးဖို့အတွက် တရားဝင်ကမ်းလှမ်းတဲ့အတွက် ကျနော် ဒီမှာရှိတဲ့ ခေါင်းဆောင်တွေကို တင်ပြထားပါတယ်”

FDB အထွေထွေအတွင်းရေးမှူးချုပ် ဒေါက်တာနိုင်အောင်ကတော့ ကမ်းလှမ်းချက်ကို ကြိုဆိုလိုက်ပေယ့် ဆွေးနွေးသင့်-မသင့်ဆိုတာက FDB အဖွဲ့ဝင် အဖွဲ့စည်းတွေရဲ့ ဆုံးဖြတ်ချက်အပြင် ပြည်တွင်းပြည်ပ မဟာမိတ်အဖွဲ့တွေရဲ့ သဘောထားအပေါ်လည်း မူတည်တယ်လို့ပြောပါတယ်။

“ကျနော်လည်း ခုပဲကြားရတာပါ။ ကြားရတဲ့အပ်ါမှာ ကျနော်တို့ FDB ကိုပြန်တင်ပြရမှာပေါ့။ နောက် FDB မှာရှိတဲ့ အဖွဲ့စည်းတွေနဲ့ တိုင်ပင်ရမှာပေါ့။ နောက်-တခြားမဟာမိတ်တွေရဲ့အမြင်တွေလည်း လေ့လာရမှာပေါ့။ အထူးသဖြင့် အထဲထဲမှာ ရှိတဲ့ ၈၈ မျိုးဆက်တွေပေါ့၊ သူတို့တွေရဲ့ အမြင် သဘောထားတွေလည်း တောင်းခံရမှာပေါ့။ ဆိုတော့- ဦးသိန်းစိန်အစိုးရက တကယ်ကိုပဲ စစ်မှန်တဲ့နိုင်ငံရေးတွေ့ဆုံဆွေး နွေးပွဲဖြစ်လာစေလိုလို့ ယူဆပြီးလုပ်လာရင်တော့ ကျနော်တို့ကြိုဆိုရမယ့်ကိစ္စ္စလို့ မြင်ပါတယ်”

Forum for Democracy in Burma မြန်မာနိုင်ငံဒီမိုကရက်တစ်အင်အားစု FDB ကို ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (နိုင်ငံခြားရေးရာကော်မတီ)၊ မြန်မာအမျိုးသမီးသမဂ္ဂ၊ လူ့ဘောင်သစ်ဒီမိုကရက်တစ်ပါတီ၊ ဒီမိုကရေစီနဲ့ ဖွံ့ဖြိုး တိုးတက်ရေး အင်အားစု၊ ရောင်ခြည်ဦးအလုပ်သမားသမဂ္ဂ၊ PDF ပြည်သူ့ကာကွယ်ရေးတပ်ဖွဲ့-စတဲ့ နယ်စပ်အခြေစိုက် ဒီမိုကရက်တစ်အဖွဲ့ ၆ ဖွဲ့အပြင် တသီးပုဂ္ဂလ အဖွဲ့ဝင်တွေနဲ့ ဖွဲ့စည်းထားတာပါ။ ဆွေးနွေးဖြစ်မယ်ဆိုရင်တောင်မှ လာမယ့်ဖေဖော်ဝါရီလဆန်းပိုင်းလောက်မှ ဖြစ်နိုင်တယ်လို့ ဒေါက်တာနိုင်အောင်က ဆိုပါတယ်။

“တွေ့ဆုံဆွေးနွေးပွဲတွေ၊ ဘောင်သတ်မှတ်မထားဘဲနဲ့ လက်နက်ကိုင်မဟုတ်ဘဲနဲ့ အရင်တခေါက်လည်းလုပ်လာတာမျိုးတွေက တောတော်ကို အားရစရာကောင်းတဲ့ဥစ္စာပါပဲ၊ ဒါပေမယ့် ကျနော်နည်းနည်းစိုးရိမ်နေတာက ဒီဟာတွေကို ဆွေးနွေးသွားပြီး လက်တွေ့အကောင်ထည်ဖော်တဲ့ အချိန်မှာ လိုက်နိုင်တဲ့ယန္တယားနဲ့ နိုင်ငံရေးဆန္ဒရှိနေလားဆိုတာ နည်းနည်းတော့ နားထောင်စောင့်ကြည့်ချင်သေးတယ်။ ပြောချင်တာတော့ ဗျာ- တွေ့ဆုံဆွေးနွေးတယ်ဆိုရင်လည်း ရန်သူ့ဆီဒူးမထောက်ရဘူး၊ ရန်သူနဲ့ လက်ဆွဲမနှုတ်ဆက်ရဘူးဆိုတဲ့ အမြင်တွေလည်း ရှိသလို ဗမာပြည်ကောင်းဖို့အတွက်ပဲ လုပ်နိုင်တာတွေတော့ လုပ်ရမယ်လို့ ပြောကြတာတွေလည်းရှိပါတယ်။ ကျနော်တုိ့ကတော့ ဒီအသံတွေ အားလုံးကို သေသေချာချာနားထောင်ပြီးမှ မှန်မှန်ကန်ကန် ဖြစ်သင့်ဖြစ်ထိုက်တဲ့ဟာကို လုပ်သွားမှာပါ”

ဆွေးနွေးဖြစ်ခဲ့ရင် ပါဝင်မယ့်အချက်တွေကို ဒေါက်တာနိုင်အောင်က ခုလိုပြောပါတယ်။

“ အခု ဦးသိန်းစိန်အစိုးရလုပ်နေတာတွေက ပြုပြင်နေတဲ့ကိစ္စတွေပဲထင်တယ်။ ကျနော်တို့က ပြောင်းလဲတဲ့ အဆင့်တွေရောက်ဖို့ ကျန်နေသးတယ်လို့ထင်တယ်။ ပြောင်းလဲတဲ့ကိစ္စ္စတွေ လုပ်နိုင်ဖို့လည်း တဦးကောင်းတယောက်ကောင်း လုပ်လို့ရတာမဟုတ်ဘဲ ယနေ့ ဗမာပြည်ထဲမှာရှိတဲ့ နိုင်ငံရေးအင်အားစုတွေ အားလုံး၊ ပါသင့်ပါထိုက်တဲ့လူတွေ အားလုံးပါတဲ့ ဗမာပြည်ကို အဆင့်လိုက်တည်ထောင်သွားမလဲ၊ ပြောင်းလဲသွားမလဲဆိုတဲ့ လုပ်ငန်းစဉ်ပေါ့၊ အဲဒါတွေတခုလုံးကို ဆွဲကြဖို့လိုတယ်၊ ဒါကို အာဃာတစွဲတွေမထားဘဲ တိုင်းပြည်အကျိုး၊ ပြည်သူ့ အကျိုးကို ရှေ့ရှုပြီးတော့မှ ဒါကိုပြင်နိုင်ဖို့၊ ဖော်ထုတ်ဖို့လိုတယ်လို့ ကျနော်က အဓိကထားဆွေးနွေးတင်ပြလိုတယ်။ နောက်ပြီး အဲလို ဆွေးနွေးဖို့ လုပ်တဲ့နေရာမှာ ရှိနေရမယ့် နိုင်ငံရေးရာသီဥတုနဲ့ ယုံကြည်မှုပေါ့၊ တည်ဆောက်ရမယ့်ကိစ္စ၊ နိုင်ငံရေးအကျဉ်းသားတွေ လွှတ်ပေးဖို့၊ အပစ်ခတ်ရပ်စဲရေးကိစ္စ၊ နောက် ရန်လိုတဲ့အပြုအမူတွေ ရပ်တန့်သွားဖို့ကိစ္စ၊ နောက် လတ်တလောလူထုအပေါ်မှာ ဖိနှိပ်ထားတဲ့ ဥပဒေတွေ ပယ်ဖျက်ပေးဖို့ကိစ္စမျိုးတွေ လိုအပ်တယ်ဆိုတဲ့အကြောင်းလည်း ပြောရမယ်ထင်တယ်”

လူ့ဘောင်သစ် ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်ကတော့ အစိုးရသစ်ကမ်းလှမ်းတာကို အတည်ပြုပေမယ့် ဒါနဲ့ပတ်သက်လို့ အသေးစိတ်ကို ဖြေဆိုဖို့ငြင်းဆန်ပါတယ်။

အစိုးရသစ်ဟာ လောလောဆယ်ထိ ကရင်၊ ရှမ်း၊ ချင်းစတဲ့ တိုင်းရင်းသား လက်နက်ကိုင် အဖွဲ့တွေနဲ့ အပစ်ခတ်ရပ်စဲဖို့ သဘောတူထားပြီးဖြစ်ပါတယ်ခင်ဗျ။
http://www.voanews.com/burmese/news/--01_19-12_my-news-burma-----137663893.html

ရခိုင် ဒီမိုကရေစီအဖွဲ့ချုပ် ပါတီ မှတ်ပုံတင်တော့မည်


2012-01-18
CRPP ပြည်သူ့လွှတ်တော် ကိုယ်စားပြု ကော်မတီဝင် ဦးအေးသာအောင်နဲ့ ကြေးမုံ ဦးသာဘန်းတို့ ဦးဆောင်တဲ့ ရခိုင် ဒီမိုကရေစီ အဖွဲ့ချုပ်ကို နောက်လထဲမှာ ပါတီ မှတ်ပုံပြန်တင်ဖို့ ဆုံးဖြတ်လိုက်ကြတယ်လို့ သတင်းရရှိပါတယ်။


(Image: RFA)
ရခိုင်ဒီမိုကရေစီအဖွဲ့ချုပ် (ALD) ခေါင်းဆောင်နှင့် ပြည်သူ့ လွှတ်တော် ကိုယ်စားပြု ကော်မတီ (CRPP) အတွင်းရေးမှူး ဦးအေးသာအောင်။ (Image: RFA)

ဒီကိစ္စနဲ့ ပတ်သက်လို့ ဦးအေးသာအောင်က RFA ကို အခုလို ပြောပါတယ်။ “နောက်လလောက်ကို ကျွန်တော်တို့ တင်မလို့ပါ။ အရင်တုန်းကတော့ အမျိုးသား ဒီမိုကရေစီ အဖွဲ့ချုပ်က ပြန်လည် မှတ်ပုံတင်ပေမယ့် ခွန်ထွန်းဦး တို့လို၊ စိုင်းညွန့်လွင်တို့လို၊ မင်းကိုနိုင်၊ ကိုကိုကြီးနဲ့ တကွ ရဟန်း သံဃာတော်တွေ၊ နိုင်ငံရေး အကျဉ်းသားတွေ မလွတ်မချင်း မှတ်ပုံ မတင်သေးဘူး ဆိုပြီး ကျွန်တော်တို့က ဆုံးဖြတ်ပြီး နေခဲ့တယ်။ အခုတော့ နိုင်ငံရေး အကျဉ်းသားတွေလည်း လွတ်လာပြီ ဆိုတော့ ကျွန်တော်တို့ပါတီ အနေနဲ့ မှတ်ပုံတင်ဖို့ ဆုံးဖြတ်ပါတယ်” ရခိုင် ဒီမိုက​ရေစီ အဖွဲ့ချုပ်ဟာ ၁၉၉၀ ​ရွေး​ကောက်ပွဲမှာ တတိယ မဲအများ​ဆုံး​ ရခဲ့​ပေမယ့်​ စစ်အစိုး​ရက ပါတီကို ဖျက်သိမ်း​ခဲ့​ပါတယ်။ နောက်လထဲမှာ ပါတီ မှတ်ပုံပြန်တင်မှာ ဖြစ်ပေမယ့် လာမယ့် ကြားဖြတ် ရွေးကောက်ပွဲ ဝင်ဖို့ ပြင်ဆင်ချိန် လုံလုံလောက်လောက် ရနိုင်မှာ မဟုတ်ဘူးလို့ တွက်ဆထားပါတယ်။ ရခိုင် ဒီမိုကရေစီ အဖွဲ့ချုပ် ခေါင်းဆောင်တွေထဲက ကွယ်လွန်သွားသူတွေနဲ့ ပြည်ပ ရောက်သွားသူတွေ နေရာမှာ အစားထိုးဖို့ ဆုံးဖြတ်ထားပြီးကြောင်း ကိုလည်း ဦးအေးသာအောင်က ပြောပါတယ်။
 http://www.rfa.org/burmese/news/rakhine-democracy-party-01182012212805.html

ရွှေည၀ါဆရာတော်ကို ကျောင်းတိုက်က ထွက်ခွာရန် အမိန့်ထုတ်


2012-01-19
ရန်ကုန် ကြည့်မြင်တိုင်မြို့နယ် သာဓုကျောင်းတိုက်မှာ သီတင်းသုံးနေတဲ့ ရွှေညဝါ ဆရာတော်ကို ကျောင်းသင်္ခမ်းက တစ်လအတွင်း ဖယ်ရှားဖို့ နိုင်ငံတော် သံဃာ့ မဟာနာယက အဖွဲ့က ဒီကနေ့ ညွှန်ကြားလိုက်ပါတယ်။


RFA
ရွှေညဝါ ဆရာတော် ဦးပညာသီဟ

ဗဟန်းမြို့နယ် ကြားတောရလမ်း ရန်ကုန်တိုင်း သံဃာ့ မဟာနာယက အဖွဲ့ရုံးမှာ ဒီကနေ့ ပြုလုပ်တဲ့ ကြားနာပွဲမှာ ဆုံးဖြတ်ချက်ကို ဖတ်ပြခဲ့တာ ဖြစ်တယ်လို့ ရွှေည၀ါ ဆရာတော်ကြီး ဦးပညာသီဟက အာအက်ဖ်အေကို မိန့်ကြားပါတယ်။ “ဒီကျောင်းတိုက်အတွင်းကနေ တစ်လအတွင်း ထွက်ပေးရမယ်လေ။ အဲဒါ ဆုံးဖြတ်ချက်ပဲ။ တိုင်းသံဃာ့နာယကအဖွဲ့က ဗဟိုက မဟာနာယကအဖွဲ့ရဲ့ဆုံးဖြတ်ချက်ကို ဖတ်ပြပြီးတော့ ဆရာ့တော့် သဘောကို မေးတာပါ။ ဘုန်းကြီးကလည်း အဲဒါကို သဘောတူ လက်ခံလိုက်ပါတယ်” သာဓုကျောင်းတိုက်က ထွက်ခွာပြီး ဘယ်ကျောင်းတိုက်မှာ ပြောင်းရွှေ့သီတင်းသုံးမလဲ ဆိုတာ လောလောဆယ် မဆုံးဖြတ်ရသေးဘူး လို့လည်း ရွှေည၀ါ ဆရာတော်ကြီးက မိန့်ကြားပါတယ်။ ဒီကနေ့မှာတော့ သာဓု ကျောင်းတိုက်မှာ စာနယ်ဇင်းသမား အပါအဝင် ပြည်သူ ၆၀၀ လောက် စုဝေးခဲ့ကြတယ်လို့ သိရပါတယ်။ တရားဟောခွင့် ပိတ်ပင်ခံထားရတဲ့ ရွှေညဝါ ဆရာတော်ဟာ ပြီးခဲ့တဲ့နှစ် အောက်တိုဘာလ အတွင်း မန္တလေးတိုင်း အန်အယ်လ်ဒီ ရုံးချုပ်ရဲ့ ဆွမ်းကပ်လှူပွဲမှာ “ပင်ဝါးရုံ”ဆိုတဲ့ သြဝါဒတရား ချီးမြှင့်ခဲ့တာကြောင့် သံဃာ့ မဟာနာယက အဖွဲ့က အခုလို အရေးယူ ဆောင်ရွက်ခဲ့တာပါ်။ ရွှေည၀ါ ဆရာတော်ကို အာအက်ဖ်အေ အဖွဲ့သား ကိုကျော်ကျော်အောင်က ဆက်သွယ် လျှောက်ကြား မေးမြန်းထားပါတယ်။

ဆက်သွယ်မေးမြန်းချက်။
အသံဖိုင်ယူရန်။

သံဃာ့မဟာ နာယကအဖွဲ့က ဆုံးဖြတ်ချက်နဲ့ ပတ်သက်ပြီး တခြား သံဃာတွေရဲ့အမြင်များကို မအင်ကြင်းနိုင်က စုစည်းတင်ပြပါတယ်။

ဆက်သွယ်မေးမြန်းချက်။
အသံဖိုင်ယူရန်။

http://www.rfa.org/burmese/news/shwe-nya-wah-abbot-evicted-01192012101323.html

RFA ရုပ်မြင်သံကြား အစီအစဉ် စတင်ထုတ်လွှင့်ပြီ

2012-01-19

ဇန်နဝါရီလ ၁၉ ရက်နေ့ ည ၈ နာရီခွဲမှာ RFA ရုပ်မြင်သံကြား အစီအစဉ်ကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နှုတ်ခွန်းဆက် စကားနဲ့ အတူ ပထမဆုံးတင်ဆက်လိုက်ပါပြီ။

အပတ်စဉ် တနင်္လာနေ့ ကနေ သောကြာနေ့၊ ညစဉ် မြန်မာစံတော်ချိန် ၈ နာရီခွဲမှ ၉ နာရီအထိ နာရီဝက်ကြာတင်ဆက်တဲ့ ဒီအစီအစဉ်ကနေ သတင်းတွေ၊ တွေ့ဆုံ မေးမြန်းခန်းတွေနဲ့ တခြား စိတ်ဝင်စားဘွယ်ရာ ကဏ္ဍ အဖြာဖြာကို သောတရှင်များ ကြည့်ရှု နားဆင်နိုင်ကြမှာ ဖြစ်ပါတယ်။

RFA ရုပ်မြင်သံကြား အစီအစဉ်တွေကို ApStar APR2R ဆက်သွယ်ရေး ဂြိုလ်တုကနေ ထုတ်လွှင့်နေတာ ဖြစ်ပါတယ်။

ဆက်သွယ်ရေး ဂြိ်ုလ်တု တည်ရှိရာ လမ်းညွန်ချက်က ၇၆.၅ ဒီဂရီ အရှေ့ (76.5 degrees East) နဲ့ Band က C band ဖြစ်ပြီး Transponder က 6 A, Downlink frequency က 3840 Horizontal, Symbol Rate SR က 27500 နဲ့ FEC Rate က 3/4 ဖြစ်ပါတယ်။

ဗကသများအဖွဲ့ချုပ် တရားဝင်ရပ်တည်နိုင်ရေးအတွက် ဗဟိုစည်းရုံးရေးကော်မတီ ဖွဲ့စည်းခြင်း




Interview with Min Ko Naing

Uploaded by DVBBurmese on Jan 14, 2012

သရက်မြို့အကျဉ်းထောင်ကနေ ၁၃၊၀၁၊၁၂မှာ ပြန်လည်လွတ်မြောက်လာတဲ့ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင် ဟာ ၁၄ရက်နေ့မှာ ရန်ကုန်မြို့ တောင်ဥက္ကလာမြို့နယ် နေအိမ်ကို ပြန်ရောက်ပါတယ်။ ကိုမင်းကိုနိုင်ဟာ သူအားသန်တာကတော့ လူထုနဲ့အတူနေပြီးတော့ လူထုနဲ့အတူ ခံစားပြီးတော့ သွားတဲ့ လူထုနိုင်ငံရေးပါလို့ ဒီဗွီဘီနဲ့ တွေ့ဆုံမေးမြန်းခန်းမှာ ပြောဆိုလိုက်ပါတယ်။