Thursday, April 19, 2012

သာဓုပါဗျာ..။

ကိုမေတ္တာ၊ ကိုကုသိုလ်၊ ကိုအရိုင်း၊ ကိုဗေလုဝတို့  ပါဝင်တဲ့ "သာဓုပါဗျာ" သံချပ်အဖွဲ့ ရဲ့  သံချပ် (၂၀၁၂ ခုနှစ်) နားသောတဆင်နိုင်ပါပြီ။

ဒဏ်ခတ်ပိတ်ဆို့မှုတွေ ရုတ်သိမ်းချိန်တန်ပြီလား

ဗုဒ္ဓဟူး, 18 ဧပြီ 2012

By ဦးကျော်ဇံသာ


ဒီတပတ် မြန်မာ့အရေး မျက်မှောက်ရေးရာဆွေးနွေးခန်းမှာ အမေရိကန်ပြည်ထောင်စုနဲ့ အနောက်နိုင်ငံတွေဟာ မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေ ရုတ်သိမ်းရေးအတွက် ဒေါ်အောင်ဆန်းစုကြည်ရဲ့  အချက်ပြမှုကို ကြည့်နေကြတယ်လို့ အမေရိကန်ပြည်ထောင်စု George Mason တက္ကသိုလ်က လူမှုရေးမနုဿဗေဒ ပညာရှင် ဒေါက်တာ ဂျွန်ဒေလ် (Dr. John Dale) က ဆိုပါတယ်။ အနောက်နိုင်ငံ ဒီမိုကရေစီနိုင်ငံကြီးတွေရဲ့  ဒဏ်ခတ်ပိတ်ဆို့မှု သဘောသဘာဝနဲ့ အလားအလာတွေကို ပါမောက္ခ ဂျွန်ဒေလ် နဲ့ ဦးကျော်ဇံသာ တို့ ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ ပါမောက္ခ ဂျွန်ဒေလ် ခင်များ … မြန်မာနိုင်ငံနဲ့ ပတ်သက်ပြီး ဆွေးနွေးစရာတွေကတော့ အများကြီးပါ။ ဒါပေမဲ့ ဒီနေ့ အင်တာဗျူးမှာ ကျနော်အဓိကထားပြီး မေးချင်တဲ့အကြောင်းကတော့ မြန်မာနိုင်ငံမှာ အခုအခါမှာ အမေရိကန်အပါအဝင် အနောက်နိုင်ငံတွေက အတင်းအလုအယက်ဝင်ဖို့ ကြိုးပမ်းနေကြတယ့်သဘောမျိုး တွေ့ရပါတယ်။ အမေရိကန်ကလည်း ထိုနည်းလည်းကောင်းပါပဲ။ ဥရောပသမဂ္ဂ၊ ဂျပန်၊ ဗြိတိန်နိုင်ငံတို့ကလည်း ထိုနည်းလည်းကောင်း အလုအယက်ဝင်ရောက်ဖို့ ကြိုးပမ်းနေကြတာကို တွေ့ရပါတယ်။ တချို့ ကလည်း ဒါဟာနည်းနည်းစောတယ်။ သိပ်ပြီးတက်ကြွလွန်တယ်လို့ သုံးသပ်နေကြပါတယ်။ ဒီကိစ္စအမြင်အပေါ် ပထမဦးဆုံးပြောပါ။

Prof. John Dale ။ ။ အမေရိကန် ရေနံကော်ပိုရေးရှင်းတွေက မြန်မာနိုင်ငံမှာ ရင်းနှီးမြုပ်နှံချင်တာကို ဟိုအစောပိုင်းကတည်းက တွေ့ရပါတယ်။ ဒါကို ကွန်ဂရက်လွှတ်တော်ကို အမြဲတမ်းဖိအားပေးနေပါတယ်။ ဒါပေမဲ့ ကွန်ဂရက်က မြန်မာနိုင်ငံအပေါ် sanction တွေ ပုံစံအမျိုးမျိုးနဲ့ ချမှတ်ခဲ့ပြီးတော့ အခုအခါမှာတော့ ပြုပြင်ပြောင်းလဲရေး လိုလားတဲ့သမ္မတ တက်လာတယ်။ ရွေးကောက်ပွဲမှာ အန်အယ်လ်ဒီ ပါဝင်လာနိုင်တယ် စတဲ့ အပြုသဘောဆောင် တိုးတက်မှုတွေ တွေ့လာရတဲ့အတွက် သမ္မတ အိုဘားမားအစိုးရကလည်း သံတမန်ရေးနည်းလမ်း၊ ဆက်ဆံရေးမူတွေအရ sanction တချို့ ကို လျှော့ပေါ့သင့်တယ်လို့ ယူဆလာတာကို တွေ့ရပါတယ်။ Sanction တွေက တခုနဲ့တခု မတူကြတဲ့အတွက် လျှော့ပေါ့ရုတ်သိမ်းတဲ့အခါမှာလည်း နည်းလမ်းတွေက ကွဲပြားပါလိမ့်မယ်။ ဝါရှင်တန်မြို့ တော်က sanction policy နဲ့ ပတ်သက်တဲ့ လူတွေကို ကျနော် စကားပြောကြည့်တော့ သူတို့အားလုံးက ဒီကိစ္စအားလုံးအတွက် ဒေါ်အောင်ဆန်းစုကြည် ကို အဓိကထားနေကြတာကို တွေ့ရပါတယ်။ ဒေါ်အောင်ဆန်းစုကြည် မီးစိမ်းပြမယ့် အချိန်ကို စောင့်နေကြပါတယ်။ သူတို့က ဒေါ်အောင်ဆန်းစုကြည်ကို ရွေးကောက်ပွဲ၊ ဒီမိုကရေစီအတွက်သာမက တိုင်းရင်းသားတွေနဲ့ ပြန်လည်သင့်မြတ်ရေး၊ ညီညွှတ်ရေးအတွက်လည်း ပြယုဂ်အဖြစ်နဲ့ ယူဆထားကြပါတယ်။ ဒါအပြင် အရေးကြီးတဲ့အချက်တချက်က တရားမျှတတဲ့ ပွင့်လင်းတဲ့ ဈေးကွက်စနစ် ဖြစ်လာရေးအတွက်လည်း အဓိကကျတယ်လို့ မြင်နေကြတာပါ။

ဦးကျော်ဇံသာ ။ ။ ဒီနေရာမှာ ကျနော် ကြားဖြတ်မေးချင်တာတခုကတော့ အခုန ပါမောက္ခ ဂျွန်ဒေလ် က ပြောတယ် - သံတမန်နည်းအရ ဆက်ဆံရေးမူ၊ အခု ကျင့်သုံးလာတဲ့ အမေရိကန်ဖက်က diplomatic engagement လို့ ဆိုပါတယ်။ ဆိုတော့ တချို့ ကလည်း sanction ကြောင့် အပြောင်းအလဲဖြစ်လာတယ်လို့ ပြောနေကြတာ။ ဒီတော့ ပါမောက္ခ ဂျွန်ဒေလ် ပြောတဲ့ diplomatic engagement နဲ့ sanction ဘယ်ဟာက အဓိကကျတယ် ထင်ပါတယ်။ အခုလို မြန်မာနိုင်ငံ ပြုပြင်ပြောင်းလဲရေး လမ်းစကို ရောက်လာရတာ။

Prof. John Dale ။ ။ နှစ်ခုစလုံး လိုအပ်တယ်လို့ ထင်ပါတယ်။ အတိတ်ကာလကလည်း constructive engagement အပြုသဘောဆောင် ဆက်ဆံရေးဆိုတာ ရှိခဲ့ပေမယ့် မအောင်မြင်ခဲ့ပါဘူး။ မျှော်လင့်သလို ဖြစ်မလာခဲ့ပါဘူး။ စီးပွားရေးလုပ်ငန်းတွေကြောင့် အတင်းအဓမ္မ ရွာတွေ ရွှေ့ ပြောင်းတာ၊ လူ့အခွင့်အရေး ချိုးဖောက်တာတွေပဲ ရှိလာခဲ့ပါတယ်။ အခုတော့ ကျနော်တို့ဖက်က diplomatic engagement ခေါ်တဲ့ သံတမန်ရေးနည်းအရ ထိတွေ့ဆက်ဆံရေးဆိုတာ လုပ်လာပါတယ်။ ဒီမိုကရေစီကို ဦးတည်တဲ့ အပြောင်းအလဲတွေ လုပ်လာရင် အပြုသဘောတုံ့ပြန်မှုတွေ လုပ်သွားမယ်ဆိုတဲ့ သဘောပါ။ ဒါက တချိန်တည်းမှာ တွန်းလည်းတွန်းတယ်၊ ဆွဲလည်းဆွဲတယ် - pushing and pulling the same time ဆိုတဲ့ သဘောတရားပါ။

ဦးကျော်ဇံသာ ။ ။ အမေရိကန်ပြည်ထောင်စုဟာ သမ္မတ အိုဘားမား တက်လာပြီးကတည်းက အာရှနဲ့ အရှေ့ တောင်အာရှဖက်ကို အလေးထားလာတယ်။ မဟာဗျူဟာအရ ပိုပြီးဦးစားပေးလာတယ်။ မြန်မာအိမ်နီးချင်းနိုင်ငံတွေမှာလည်း မဟာဗျူဟာအရ ပိုပြီးလွှမ်းမိုးဖို့ ပိုကြိုးစားလာတာကိုလည်း တွေ့ရပါတယ်။ ဆိုတော့ ဒါဟာ တရုတ်လွှမ်းမိုးမှုကို ထိန်းချုပ်ချင်တယ့်သဘောလည်း ရှိမယ်လို့ ထင်ပါတယ်။ တရုတ်ရဲ့  လွှမ်းမိုးမှုကို ထိန်းချုပ်ချင်တဲ့အချက်က အမေရိကန်ရဲ့  မြန်မာနိုင်ငံဆိုင်ရာ မူဝါဒအပြောင်းအလဲမှာ ဘယ်လောက်အရေးပါသလဲ ထင်ပါသလဲ။

Prof. John Dale ။ ။ သိပ်ကိုအရေးပါပါတယ်။ အခု အစိုးရထဲမှာ အရပ်သားအနေနဲ့ ပါနေကြတဲ့ စစ်ဗိုလ်ချုပ်တွေအတွက်လည်း သိပ်အရေးကြီးတယ်လို့ ထင်ပါတယ်။ ကျနော့်ရဲ့  အမြင် အမေရိကန် မူဝါဒ ချမှတ်သူတွေရဲ့  အမြင်မှာလည်း မြန်မာတွေဟာ တရုတ်ရဲ့  သြဇာအောက်ကို သက်ရောက်သွားမှာကို မလိုလားဘူးလို့ နားလည်းထားကြပါတယ်။ အစဉ်အလာအားဖြင့်လည်း မြန်မာနိုင်ငံဟာ တရုတ်၊ အိန္ဒိယနဲ့ အနောက်နိုင်ငံတွေရဲ့  သြဇာလွှမ်းမိုးမှုတွေကို ထိန်းညှိပြီးတော့ ကိုယ်ပိုင်လွတ်လပ်ခွင့်ကို ထိန်းသိမ်းလာခဲ့တာပါ။ အခုလည်းပဲ အမေရိကန်၊ အိန္ဒိယ စတဲ့နိုင်ငံတွေနဲ့ စီးပွားရေးဆက်ဆံမှုတွေ လုပ်လာလို့ရှိရင် ဘယ်နိုင်ငံတခုရဲ့  လွှမ်းမိုးမှုကို ခံရနိုင်စရာ မရှိပါဘူး။ အမေရိကန်ဖက်ကလည်း သယံဇာတတွေ ပေါကြွယ်ဝတဲ့ မြန်မာနိုင်ငံမှာ တရုတ်နဲ့အပြိုင် ရင်းနှီးမြုပ်နှံချင်နေပါတယ်။ အခုတော့ တရုတ်ကပဲ အထူးသဖြင့် လောင်စားစွမ်းအင်ကိစ္စတွေအတွက် မြန်မာသာမက အရှေ့ တောင်အာရှမှာ လွှမ်းမိုးနေတာပါ။

ဦးကျော်ဇံသာ ။ ။ တရုတ်ဖက်က ပြန်ကြည့်ရင်ကော မြန်မာနိုင်ငံဟာ ငါတို့နဲ့ လမ်းခွဲသွားပြီ။ တို့လက်အောက်က ထွက်သွားပြီ။ မြန်မာနိုင်ငံအပေါ် အမေရိကန်အပါအဝင် အနောက်အုပ်စုတွေက သြဇာလွှမ်းမိုးနေပြီ။ တဖက်စောင်းနင်း ဖြစ်နေပြီဆိုတဲ့ အမြင်မျိုး ဖြစ်မလာနိုင်ဘူးလား။

Prof. John Dale ။ ။ တရုတ်ကတော့ မြန်မာ့ဈေးကွက်မှာ အပေါ်စီးရထားတဲ့ အနေအထားမှာ ရရှိနေနိုင်တယ်လို့ ထင်ပါတယ်။ ပြန်ဘက်တွေထက်သာတဲ့ အနေအထားကို သူတို့ကဆက်ပြီး ထိန်းထားနိုင်မယ်လို့ ထင်ပါတယ်။ ဒီနေရာမှာ မြန်မာနိုင်ငံအတွက် အရေးကြီးတာက ဈေးကွက်ကို ဖန်တီးတဲ့နေရာမှာ စီးပွားရေးအတွက် ကြီးထွားလာရေးကိုသာ ဦးစားမပေးသင့်ပါဘူး။ ဒါဟာ အရေးတော့ကြီးပါတယ်။ ဒါပေမဲ့ ဒီလိုမျိုး စီးပွားရေးကြီးထွားလာမှုကို ဘယ်လိုဘယ်နည်း ကြီးထွားစေချင်သလဲ။ လူနည်းစုအတွက်သာ မဟုတ်ဘဲနဲ့ အများပြည်သူတွေ အကျိုးရှိအောင် ဖန်တီးကြရမှာဖြစ်ပါတယ်။ အခု တရုတ်က အသာစီးယူထားတဲ့ အခြေခံ အဆောက်အအုံတည်ဆောက်ရေး လုပ်ငန်းတွေဟာ ဒေသခံတွေကို အတင်းအဓမ္မ ရွှေ့ ခိုင်းတာ၊ လူ့အခွင့်အရေးချိုးဖောက်တာတွေ ရှိနေပါတယ်။ အများပြည်သူ အကျိုးရှိရမယ်ဆိုတဲ့အချက်နဲ့ ဆန့်ကျင်နေပါတယ်။ ဒီလုပ်ငန်းတွေအတွက် အဆုံးအဖြတ်ယူရမှာ ဒေသခံတွေရဲ့  သဘောထားကို ရယူသင့်ပါတယ်။ အန္တရာယ်တွေ ထိခိုက်နိုင်မှုတွေကို ရှင်းပြနိုင်ရပါမယ်။ ထိုက်တန်တဲ့ လျော်ကြေးပေးရပါမယ် စတဲ့ လုပ်ရမယ့်ကိစ္စတွေက အများကြီးပါ။

ဦးကျော်ဇံသာ ။ ။ ဆိုပါတော့ ဒါက တရုတ် ရင်းနှီးမြုပ်နှံတာထက် အနောက် ဒီမိုကရေစီနိုင်ငံတွေ ရင်းနှီးမြုပ်နှံတာ ပိုကောင်းမယ်ဆိုတဲ့ သဘောပေါ့။ ဒါပေမဲ့ အနောက်နိုင်ငံတွေအကြားမှာလည်း မြန်မာနိုင်ငံထဲကို သူ့ထက်ငါ အလုအယက် ဝင်ချင်တဲ့သဘော တွေ့နေရပါတယ်။ ဥပမာ အမေရိကန်ကဆို sanction တချို့ ကို ထိန်းထားချင်တယ်။ ဒါပေမဲ့ ဗြိတိန်ဝန်ကြီးချုပ် ဒေဗစ် ကမ်မရွန်း () က sanction တွေကို suspend လုပ်လာပါ။ ယာယီရပ်ဆိုင်းလိုက်ပါလို့ ဥရောပသမဂ္ဂကို အကြံပေးနေတဲ့သဘောတွေ တွေ့နေရပါတယ်။ တနည်းအားဖြင့် ပြောရရင် ဗြိတိန်နဲ့ ဥရောပသမဂ္ဂဟာ အမေရိကန်ကို ကျော်တက်ပြီး မြန်မာနိုင်ငံထဲကို အလုအယက်ဝင်မယ့်သဘောလို့ ထင်နေရပါတယ်။

Prof. John Dale ။ ။ အခုလက်ရှိမှာတော့ ဥရောပသမဂ္ဂဟာ အမေရိကန် sanction တွေ မြန်မာနိုင်ငံက ရုတ်သိမ်းဖို့ သိပ်ကိုလိုလားနေပါတယ်။ အမေရိကန်ကပါ သူတို့နဲ့ တပြိုင်နက်တည်း ရုတ်သိမ်းစေချင်ကြတာပါ။ သူတို့က အခုကို ရုတ်သိမ်းချင်ကြတာပါ။ အမေရိကန်ကတော့ ကျနော် အစောက ပြောခဲ့သလိုပါပဲ ဒေါ်အောင်ဆန်းစုကြည် မီးစိမ်းပြလာမယ့်အရေးကို စောင့်နေပါတယ်။ ဒါအပြင် အခုနေအခါမှာ sanction တွေ ရုတ်ပြစ်လိုက်လို့ရှိရင် မြန်မာနိုင်ငံအမျိုးသား ပြန်လည်သင့်မြတ်ရေးတွေကို ရှေ့ တိုးပါအုံးမလားဆိုတဲ့ စဉ်းစားစရာဖြစ်နေတဲ့အတွက် ချိန်ဆနေကြပါတယ်။ ဒါကို အမေရိကန် မီဒီယာတွေမှာ ခင်များ တွေ့ပါလိမ့်မယ်။ အမေရိကန်နိုင်ငံရေးမှာ ဒီသဘောမျိုး ရှိနေတာ ကျနော်လည်း စူးစမ်းမိပါတယ်။ ဥရောပသမဂ္ဂဖက်ကတော့ ရုတ်သိမ်းမှုကို ဖိအားပေးနေပါတယ်။ မြန်မာနိုင်ငံမှာ အနောက်နိုင်ငံတွေအချင်းချင်း ပြိုင်ဆိုင်ကြမယ့်အရေးကို ပြောရရင်တော့ ဒါဟာ healthy competition ပါ။ ကောင်းသောယှဉ်ပြိုင်မှုတွေသာ ဖြစ်မှာပါ။ ရေနံကုမ္မဏီတွေ အပြိုင်အဆိုင် ရေနံတူးကြမယ့်ကိစ္စကတော့ ကောင်းတယ်လို့ ကျနော် မဆိုလိုပါဘူး။ လူ့အခွင့်အရေး ချိုးဖောက်မှုတွေကိုလည်း ဒီကုမ္မဏီတွေက ကာကွယ်ကြမှာမဟုတ်ဘဲနဲ့ သက်ဆိုင်ရာအစိုးရတွေက ကန့်သတ်ထိန်းချုပ်ပေးရမှာ ဖြစ်ပါတယ်။

ဦးကျော်ဇံသာ ။ ။ နောက်တခုက အမေရိကန်ရဲ့  မြန်မာနိုင်ငံအပေါ်ထားရှိတဲ့ sanction ဒါတွေက သူတို့ ဥပဒေပြဌာန်းပြီး ချမှတ်ထားတာဖြစ်လေတော့ ဒီ ဥပဒေတွေကို ပြန်လည်ရုတ်သိမ်းဖို့ဆိုတာ လွယ်လွယ်ကူကူ ဖြစ်နိုင်ပါရဲ့ လား။ ဥပမာ ကျနော် မှတ်မိတာပြောရရင် Nelson Mandela သူကို အကြမ်းဖက်သမားလို့ သတ်မှတ်ပြီး ပြည်ဝင်ခွင့် မပေးတာ နှစ်ပေါင်းများစွာ။ နောက် သူ Nobel ငြိမ်းချမ်းရေးဆုတွေရ၊ သမ္မတ ဖြစ်လာတဲ့အခါတောင် သူကို ဖိတ်ကြားတာ ကသိကအောက်ဖြစ်ရတယ်ဆိုပြီး အဲဒီတုန်းက နိုင်ငံခြားရေးဝန်ကြီး Condoleezza Rice က ပြောတာကို ကျနော်မှတ်မိပါတယ်။ ဆိုတော့ မြန်မာနိုင်ငံအပေါ် sanction ချမှတ်တာတွေ ရုတ်သိမ်းဖို့ဆိုတာ အမေရိကန်စနစ်မှာ လွယ်လွယ်ကူကူ ဖြစ်နိုင်မလား။

Prof. John Dale ။ ။ ဟုတ်ပါတယ် အစောကပြောခဲ့သလိုပါပဲ sanction တွေဟာ အဆင့်အမျိုးမျိုး၊ ပုံစံအမျိုးမျိုးနဲ့ ချမှတ်ထားတာပါ။ အဲဒီထဲက တချို့ ကိုတော့ ကွန်ဂရက်လွှတ်တော် အဆုံးအဖြတ်နဲ့သာ ပြန်လည်ရုတ်သိမ်းနိုင်ပါတယ်။ တချို့ ကိုလည်း သမ္မတအမိန့်နဲ့ လွယ်လွယ်ကူကူ ရုတ်သိမ်းနိုင်ပါတယ်။ တချို့ ဆိုရင် အမေရိကန်နိုင်ငံ တနိုင်ငံတည်းမက ကျန်နိုင်ငံတွေနဲ့ ညှိနှိုင်းလုပ်ကြရမယ့်ဟာတွေ ဖြစ်ပါတယ်။ ကွန်ဂရက်ရဲ့  သဘောနဲ့ ရုတ်သိမ်းရမယ့်ကိစ္စတွေမှာတော့ နှစ်ပါတီစလုံးကသဘောတူကြရမှာ ဖြစ်ပါတယ်။ ဒါပေမဲ့ ကျနော်ပြောချင်တာက ကွန်ဂရက်အနေနဲ့ မြန်မာနဲ့ ပတ်သက်တဲ့ကိစ္စအရပ်ရပ်မှာ အံ့သြဘွယ်ကောင်းလှအောင်ပဲ နှစ်ပါတီ သဘောတူညီတဲ့ သာဓကတွေရှိခဲ့တယ်ဆိုတာပါပဲ။ ဆိုတော့ sanction လျော့ပေါ့ရေးကိစ္စမှာလည်း ကွန်ဂရက်လွှတ်တော်အနေနဲ့ သဘောတူညီမှု ရရှိကြမယ်ဆိုရင် ကျနော်ကတော့ အံ့သြမှာမဟုတ်ပါဘူး။

ဦးကျော်ဇံသာ ။ ။ ဆိုတော့ အဓိကတော့ တခုပဲပေါ့ခင်များ။ ဒေါ်အောင်ဆန်းစုကြည် မီးစိမ်းပြလာမယ့်အရေးကို စောင့်ကြည့်နေတယ့်သဘောပေ့ါ။

Prof. John Dale ။ ။ သူတို့ဟာ ဒေါ်အောင်ဆန်းစုကြည်ကို စောင့်နေတယ်လို့ပဲ ထင်ပါတယ်။ ဒေါ်အောင်ဆန်းစုကြည် က အသက်လည်းကြီးလာပြီးတော့ သိပ်ပြီး ခွန်အားဗလရှိတာ မဟုတ်ဘူး။ ရုပ်ပြခေါင်းဆောင်မျှသာလို့ ပြောတဲ့မြန်မာတွေအများကြီး တွေ့ဘူးပါတယ်။ ဒါပေမဲ့လည်း ရုပ်ပြခေါင်းဆောင်မှုကပဲ အနောက်နိုင်ငံတွေအတွက် သိပ်အရေးကြီးနေပါတယ်။ သိပ်ကို သြဇာလွှမ်းမိုးမှု ရှိနေပါတယ်။ ဒီအချက်ကို မြန်မာပြည်က ခေါင်းဆောင်ကြီးတွေလည်း သိပ်ကိုသဘောပေါက်နေပါတယ်။ Sanction တွေ ရုတ်သိမ်းအောင် သူပဲဆောင်ရွက်နိုင်တယ်ဆိုတာကို သိကြပါတယ်။ ဒေါ်အောင်ဆန်းစုကြည်ကိုယ်တိုင်လည်း ဒါကိုသိပါတယ်။ ဒါကြောင့်မို့ ဒီအချက်ကို ရွေးကောက်ပွဲကျင်းပဖို့သာ မဟုတ်ဘဲနဲ့ အရပ်သားလူ့အဖွဲ့အစည်းတွေအတွက် စစ်မှန်တဲ့ ဒီမိုကရေစီ ပေါ်ထွန်းရေး၊ စီးပွားရေး၊ နိုင်ငံရေးအားလုံးအတွက် အသုံးချနေတာပါ။
http://www.voanews.com/burmese/news/news-analysis/news_analysis_04-18-2012-148025725.html

မြန်မာ့ဆန်တင်ပို့မှု ၅၇% တိုးမြှင့်လာ



မဇ္ဈိမသတင်းဌာန | ကြာသပတေးနေ့၊ ဧပြီလ ၁၉ ရက် ၂၀၁၂ ခုနှစ် ၁၈ နာရီ ၅၆ မိနစ်


နယူးဒေလီ (မဇ္ဈိမ) ။        ။ မြန်မာ့ဆန် ပြည်ပတင်ပို့မှုမှာ ၂၀၁၁-၂၀၁၂ ဘဏ္ဍာနှစ်အတွင်း ၅၇ ရာခိုင်နှုန်း တိုးတက်လာကြောင်း ကမ္ဘာ့စားနပ်ရိက္ခာနှင့် စိုက်ပျိုးရေး အဖွဲ့ကြီး FAO က ထုတ်ပြန်သည်။

FAO ၏ အာရှ ပစိဖိတ်ဒေသ စားနပ်ရိက္ခာဆိုင်ရာ လေ့လာချက်များအရ ဧပြီလ ၁ ရက်နေ့မတိုင်မီ ဘဏ္ဍာနှစ်အတွင်း
ပြည်ပသို့ ဆန်တန်ချိန် ၈၄၄,၂၀၀ တင်ပို့မှုမှ အမေရိကန်ဒေါ်လာ ၃၂၄ သန်း ဝင်ငွေရရှိခဲ့သည်ဟု မြန်မာအစိုးရ ကိန်းဂဏန်းများအား ကိုးကား၍ ဖော်ပြထားသည်။

၂၀၁၀-၂၀၁၁ ဘဏ္ဍာနှစ်အတွင်းတွင်မူ ဆန်တန်ချိန် ၅၃၆,၈၀၀ တင်ပို့နိုင်ခဲ့သည်။

Rice
မြန်မာ့ဆန် ပြည်ပတင်ပို့မှုမှာ ၂၀၁၁-၂၀၁၂ ဘဏ္ဍာနှစ်အတွင်း ၅၇ ရာခိုင်နှုန်း တိုးတက်လာကြောင်း ကမ္ဘာ့စားနပ်ရိက္ခာနှင့် စိုက်ပျိုးရေး အဖွဲ့ကြီး FAO က ထုတ်ပြန် (ဓါတ်ပုံ မဇ္ဈိမ)

ယခုဘဏ္ဍာနှစ် ၂၀၁၂-၂၀၁၃ အတွင်းတွင် တန်ချိန် တသန်းအထိ တင်ပို့ကာ ၂၀ ရာခိုင်နှုန်း ထပ်မံတိုးမြှင့်မည်ဟု
မြန်မာအစိုးရက ရည်မှန်းထားသည်။

အင်ဒိုနီးရှားနိုင်ငံသို့ ဆန်တန်ချိန် နှစ်သိန်းကို တနှစ်အတွင်း ရောင်းချပေးရန် မြန်မာနိုင်ငံ ဆန်လုပ်ငန်းရှင်များ အသင်းနှင့် အင်ဒိုနီးရှားနိုင်ငံ အမျိုးသားကူညီထောက်ပံ့ရေး အေဂျင်စီ INLA တို့ ဇန်နဝါရီလ ၂၈ ရက်နေ့က ရန်ကုန်မြို့တွင် နားလည်မှုစာချွန်လွှာ လက်မှတ်ရေးထိုးခဲ့ကြသည်။

မြန်မာနိုင်ငံ ဆန်လုပ်ငန်းရှင်များအသင်းကမူ ပြည်တွင်းဆန်ဈေးနှုန်း တည်ငြိမ်ရေးနှင့် ဖူလုံလောက်ငှရေးကို ဦးစားပေးပြီးမှ ပြည်ပတင်ပို့မှုကို လုပ်ဆောင်သွားမည်ဟု ဆိုသည်။

“ကျနော်တို့နိုင်ငံအတွက် အရန်ဆန် မရှိဘဲနဲ့ နိုင်ငံခြားကိုပဲ အတင်းစာချုပ်တွေ ချုပ်ပြီး ပို့လိုက်လို့ ပြည်တွင်းဈေးတွေ ကမောက်ကမ ဖြစ်သွားရင် ပြည်တွင်းဈေးတွေ ထိန်းမနိုင် သိမ်းမရ ဖြစ်သွားမယ်လေ။ ပြည်တွင်း လိုအပ်ချက် ဖူလုံအောင် အရန်ဆန် ထိန်းသိမ်းထားပြီးမှ လုံလောက်တယ်ဆိုမှ ပြည်ပပို့ဖို့ ကျနော်တို့စဉ်းစားတာပါ” ဟု အသင်း ဒု-ဥက္ကဋ္ဌ ဦးစိန်ဝင်းလှိုင် က ပြောသည်။

မြန်မာနိုင်ငံမှ ထွက်သည့်ဆန်များကို အနောက် အာဖရိကနိုင်ငံများသို့ အများဆုံး တင်ပို့ပြီး ဘင်္ဂလားဒေရ်ှနှင့် ဖိလစ်ပိုင်
နိုင်ငံများသို့လည်း တင်ပို့သည်။

မြန်မာနိုင်ငံ တနိုင်ငံလုံး၏ စပါးစိုက်ပျိုးမှုနှုန်းမှာ ဧက ၂၀.၄၃ သန်းရှိပြီး မိုးစပါး စိုက်ပျိုးမှု ဧကမှာ ၁၇.၂၇ သန်း ဖြစ်ကာ
နွေစပါးစိုက်ပျိုးမှုမှာ ဧက ၃.၁၆ သန်းဖြစ်ကြောင်း မြန်မာနိုင်ငံ ဆန်စပါး စိုက်ပျိုးထုတ်လုပ်သူများ အသင်း၏ မှတ်တမ်းများ အရ သိရသည်။

ဒုတိယကမ္ဘာစစ် မတိုင်မီက မြန်မာနိုင်ငံသည် ကမ္ဘာ့ဆန်တင်ပို့မှု အများဆုံးနိုင်ငံ ဖြစ်ခဲ့ပြီး တနှစ်လျှင် တန်ချိန်ပေါင်း ၃,၅၀၀,၀၀၀ မျှ တင်ပို့နိုင်ခဲ့သည်။ ၁၉၄၇-၄၈ ခုနှစ်တွင်ကား လယ်ဧက ၉,၀၀၀,၀၀၀ သာ လုပ်ကိုင်နိုင်၍ နိုင်ငံခြားသို့ ဆန်တန်ချိန်ပေါင်း ၁,၅၀၀,၀၀၀ သာ တင်ပို့နိုင်မည်ဟု ခန့်မှန်းထားသည်။

pyitordar

http://www.mizzimaburmese.com/news/business/9244-2012-04-19-12-28-36.html



ဒေါ်အောင်ဆန်းစုကြည် မြန်မာနှစ်ဆန်းမှာ ၀ါရင့်နိုင်ငံရေးသမားကြီးတွေကို ဂါရ၀ပြု

Published on 19 Apr 2012 by BurmaVJMedia

ဒေါ်အောင်ဆန်းစုကြည် မြန်မာနှစ်ဆန်းမှာ ၀ါရင့်နိုင်ငံရေးသမားကြီးတွေကို ဂါရ၀ပြု
မြန်မာနှစ်ဆန်း ၂ ရက်နေ့ နေ့လည် ၁၁ နာရီက ရန်ကုန်မြို့ ဗဟန်းမြို့နယ်က အမျိုးသား ဒီမိုကရေစီ အဖွဲ့ချုပ်ရုံး၌ ပြုလုပ်သော သက်ကြီးပူဇော်ပွဲမှာ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ အဖွဲ့ချုပ်ဝင်တွေ က သခင်သိန်းမောင် ၊ သခင်သိန်းဖေ ၊ သခင်ချန်ထွန်း ၊ ဦးတင်ဦး ၊ ဦးဝင်းတင် တို့အပါအ၀င် ၀ါရင့်နိုင်ငံရေးသမားကြီး အယောက် ၃၀ ကို ဆေးဝါး ၊ အ၀တ်အစားတွေ နဲ့ ကန်တော့ခဲ့ကြပါတယ်။ တဆက်ထဲမှာလည်း အဖွဲ့ချုပ်အဖွဲ့ဝင်တွေ ကလည်း ဒေါ်အောင်ဆန်းစုကြည်ကို ကန်တော့ခဲ့ကြပါတယ်။

ဧပြီလ ၂၃ ရက်နေ့ လွှတ်တော် တက်ရေး မတက်ရေး NLD ပါတီ ဌာနချုပ်မှာ တံခါးပိတ် အစည်းအဝေး ကျင်းပ၊



RFA Burmese TV Channel
3 minutes ago
Apr 19, 2012 4:39pm
၂ဝ၁၂ ဧပြီလ ၁၉ ရက် RFA TV သတင်းများ

- ဧပြီလ ၂၃ ရက်နေ့ လွှတ်တော် တက်ရေး မတက်ရေး NLD ပါတီ ဌာနချုပ်မှာ တံခါးပိတ် အစည်းအဝေး ကျင်းပ၊
- အစိုးရ အဖွဲ့ဝင် ဝန်ကြီးနေရာ အပြောင်းအလဲ လုပ်ဖို့ သမ္မတ ဦးသိန်းစိန် စဉ်းစားနေကြောင်း Financial Times သတင်းစာ ဖော်ပြ၊
- မြန်မာအပေါ် ပိတ်ဆို့ အရေးယူမှုတွေ တနှစ် ယာယီ ရပ်ဆိုင်းဖို့ EU ဥရောပသမဂ္ဂ ပဏာမ သဘောတူ၊
- News #4 (KKE) မြန်မာအစိုးရ အဆက်ဆက် ချေးယူထားတဲ့ ကြွေးမြီ ယန်းငွေ ဘီလီယံ ၃ ရာ ဂျပန်အစိုးရ လျှော်ပစ်တော့မည်၊
- "ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ" UNFC ထိုင်းနိုင်ငံ ချင်းမိုင်မြို့မှာ သတင်းစာ ရှင်းလင်း၊
- ကချင်ပြည်နယ် ဒေါ့ဖုန်းယန် မြို့နယ်ခွဲ နမ့်ဆန်ယန်ဒေသမှာ KIA နဲ့ မြန်မာ အစိုးရတပ် တိုက်ပွဲ ဖြစ်ပွား၊
- အိမ်ဖော် မိန်းကလေး မအေးယုအောင် မီးပူနဲ့ကပ်ပြီး နှိပ်စက်ခံခဲ့ရတဲ့ ကိစ္စ ပဲခူး မြို့နယ် ဒုတိယတရားသူကြီးနဲ့ ဇနီးကို တရားစွဲဖို့ ဆောင်ရွက်နေ၊


The Voice Weekly








ကျမ်းသစ္စာ စကားရပ် ပြင်ဆင်နိုင်လိမ့်မယ်လို့ ဒေါ်အောင်ဆန်းစုကြည် မျှော်လင့်
2012-04-18

လာမယ့် ဧပြီလ ၂၃ ရက်နေ့ အမျိုးသားလွှတ်တော်မှာ ကျမ်းသစ္စာ ကျိန်ဆိုတဲ့အခါ ဖွဲ့စည်းပုံအခြေခံဥပဒေကို ကာကွယ်စောင့်ရှောက်ပါမည် ဆိုတဲ့ စကားရပ်အစား လေးစားလိုက်နာပါမည်လို့ မပြင်ဆင်သေးသရွေ့၊ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်တွေ လွှတ်တော်မတက်နိုင်သေးကြောင်း ပြည်တွင်း ပြည်ပ သတင်းမီဒီယာတွေမှာ ဖော်ပြခဲ့ကြပါတယ်။

ဒီကိစ္စနဲ့ ပတ်သက်ပြီး အာအက်ဖ်အေရဲ့ ဒီမိုကရေစီခရီးကြမ်း ကဏ္ဍမှာ ဒေါ်အောင်ဆန်းစုကြည် ပြောကြားခဲ့တာကတော့ -

"ဒီလိုပါ။ လွှတ်တော်မတက်ဘူးလို့ ကျွန်မတို့က ပြောတာမဟုတ်ပါဘူး။ ဒီကျမ်းသစ္စာဆိုပြီးမှ လွှတ်တော်တက်မယ်။ ဒီကျမ်းသစ္စာမှာ ဒီစကားပြောင်းဖို့ ဆိုတာလည်း ဖွဲ့စည်းပုံအခြေခံ ဥပဒေနဲ့ ကိုက်ညီပါတယ်။ ဖွဲ့စည်းပုံအခြေခံ ဥပဒေထဲက စာသားအတိုင်းပဲ ဖြစ်ပါတယ်။ အဲဒီတော့ အခက်အခဲ မရှိဘူးလို့တော့ မျှော်လင့်ပါတယ်။"

ဒီကိစ္စနဲ့ ပတ်သက်ပြီး အမျိုးသားဒီမိုကရေစီ အဖွဲ့ချုပ် ဗဟိုကော်မင်္တီဝင် ဦးဥာဏ်ဝင်းဟာ ဒီကနေ့ နေပြည်တော်ကို သွားရောက်မှာ ဖြစ်ပါတယ်။

ဒါ့အပြင် အစိုးရအဖွဲ့တွင်းနဲ့ လွှတ်တော်တွင်းမှာ အပြောင်းအလဲကို မလိုလားသူတွေ ရှိနေတယ်ဆိုတဲ့ အပြောအဆိုတွေ ပေါ်ပေါက်နေတာကြောင့် လွှတ်တော်တွင်း ၀င်ရောက်တဲ့အခါ ဘယ်လိုရင်ဆိုင်မလဲလို့ အာအက်ဖ်အေက မေးမြန်းရာမှာ -

"ပြုပြင်ပြောင်းလဲရေးကို ဘာဖြစ်လို့ မလိုလားလဲ ဆိုတဲ့ မေးခွန်းကို ကျွန်မတို့ ပထမ အဖြေရှာဖို့ လိုပါတယ်။ ဘာဖြစ်လို့လဲဆိုတော့ အကြောင်းတော့ ရှိရမှာပေါ့။ ဒီအကြောင်းကို မသိဘဲနဲ့ ဒီဟာကို ဘယ်လို ကိုင်တွယ်မလဲဆိုတာ ပြောဖို့ ခက်ပါတယ်။ ဒါကြောင့်မို့လို့ ကျွန်မတို့က လွှတ်တော်ထဲ ရောက်သွားတယ်ဆိုလို့ရှိရင် အမျိုးမျိုးသော အမြင်တွေနဲ့ ထိတွေ့နိုင်ခွင့်ရှိမယ်လို့ မျှော်လင့်ထားတယ်။ ဒါမှလည်း ဘယ်လို အဖြေတွေကို မှန်မှန်ကန်ကန် ရှာလို့ရမလဲဆိုတာ ဆုံးဖြတ်လို့ ရမှာပါ။"

ဒါ့အပြင် အမျိုးသားဒီမိုကရေစီ အဖွဲ့ချုပ်မှာ လူငယ်တွေရဲ့ အခန်းကဏ္ဍ ကြီးကြီးမားမား ရှိနေကြောင်း၊ ကြားဖြတ်ရွေးကောက်ပွဲမှာ ပြည်တွင်း သတင်းမီဒီယာတွေရဲ့ ကျေးဇူးကလည်း အတော်ကြီးကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။

NLD တင်ပြချက် အခြေခံဥပဒေခုံရုံးက ပြင်ဆင်ခြင်းမပြု

2012-04-19

လွှတ်တော်ကိုယ်စားလှယ်တွေ ကျမ်းသစ္စာ ကျိန်ဆိုတဲ့အခါ အခြေခံဥပဒေကို ထိန်းသိမ်းကာကွယ် စောင့်ရှောက်ပါမည် ဆိုတဲ့စကားရပ်နဲ့ ကျိန်ဆိုရမှာကို အခြေခံဥပဒေကို လေးစားလိုက်နာပါမည် ဆိုတဲ့ စကားရပ်နဲ့ ပြင်ဆင်ပေးဖို့ အမျိုးသားဒီမိုကရေစီ အဖွဲ့ချုပ်က အစိုးရကို တင်ပြထားတဲ့ ကိစ္စနဲ့ပတ်သက်လို့ နေပြည်တော် အခြေခံဥပဒေခုံရုံးက ဒီစကားရပ်ကို ပြန်လည်ပြင်ဆင်ရေးသားဖို့ မလိုတဲ့အကြောင်း NLD ကို ဒီနေ့ ခေါ်ယူပြောဆိုလိုက်ပါတယ်။

အခြေခံဥပဒေခုံရုံးက အမျိုးသားဒီမိုကရေစီ အဖွဲ့ချုပ်ကို ဖိတ်ခေါ်ပြီး ရှင်းပြခဲ့တဲ့အတွက် NLD ပါတီ အတွင်းရေးမှူး ဦးဥာဏ်ဝင်း သွားရောက်ခဲ့တဲ့နောက်မှာ NLD ရဲ့ တင်ပြချက် အဆင်မပြေသေးကြောင်း သိရတာပါ။ ဒါနဲ့ပတ်သက်လို့ ဦးဥာဏ်ဝင်းက RFA ကို အခုလိုပြောပါတယ်။

"ဆောင်ရွက်နေတာ အဆင်မပြေသေးဘူးပေါ့လေ။ Interpretation လိုင်းကိုတင်ပြတော့ ဒါကို မဆိုင်ဘူးဆိုတဲ့အကြောင်း သူကရှင်းပြတာ။ အဲဒါပါပဲ။ ပြင်ပေးရန် အကြုံးမ၀င်ဘူးပေါ့။ ပြင်ပေးလို့ မရဘူး မဟုတ်ဘူး။ ဒီရုံးအနေနဲ့ ပြောတာပေါ့နော်။ အခြေခံ ဥပဒေ ခုံရုံးပါ။"

အခုပြောဆိုချက်ဟာ အခြေခံဥပဒေခုံရုံးရဲ့ သဘောထားတစ်ခုပဲ ဖြစ်သေးတဲ့အတွက် သမ္မတအပါအဝင် အစိုးရတစ်ဖွဲ့လုံးရဲ့ သဘောထား မဟုတ်သေးဘူးလို့ ဦးဥာဏ်ဝင်းက ပြောပါတယ်။

အခုလို အခြေခံဥပဒေခုံရုံးက ပြောဆိုလိုက်တာကြောင့် လာမယ့် ၂၃ ရက်နေ့မှာ ပြန်လည်ကျင်းပမယ့် လွှတ်တော်အစည်းအဝေးတွေကို NLD ကိုယ်စားလှယ်တွေ တက်ရောက်နိုင်ဖို့ ဖြစ်နိုင်ခြေ မရှိသေးဘူးလို့လည်း ဦးဥာဏ်ဝင်းက ပြောပါတယ်။

နိုင်ငံရေးပါတီ တည်ထောင်လိုသူတွေ အနေနဲ့ အခြေခံဥပဒေကို ထိန်းသိမ်း ကာကွယ်စောင့်ရှောက် ပါမည်လို့ ကတိပြုရတာကို အခြေခံဥပဒေကို လေးစားလိုက်နာပါမည် ဆိုတဲ့ စကားရပ်နဲ့ ရွေးကောက်ပွဲကော်မရှင် ဥပဒေမှာ ပြင်ဆင်ပေးခဲ့တဲ့အတွက် NLD အနေနဲ့ ပါတီမှတ်ပုံပြန်တင်ပြီး ရွေးကောက်ပွဲ ဝင်နိုင်ခဲ့ပါတယ်။

ဒါပေမယ့် လွှတ်တော်ကိုယ်စားလှယ်တွေအဖြစ် ရွေးချယ်တင်မြှောက်ခံရတဲ့ အခါမှာလည်း ဒီစကားရပ်နဲ့ ကျမ်းကျိန်ရမှာ ဖြစ်တဲ့အတွက် အခြေခံဥပဒေ ပြင်ဆင်နိုင်ဖို့ ရည်ရွယ်ထားတဲ့ NLD အနေနဲ့ ကာကွယ် စောင်ရှောက်ပါမည် ဆိုတဲ့စကားရပ်ကို ပြင်ဆင်ခွင့် တင်ပြထားတာ ဖြစ်ပါတယ်။

http://www.rfa.org/burmese

ရွှေဝါရောင်တော်လှန်ရေး ဦးဆောင်သံဃာ အရှင်ဂမ္ဘီရ လူဝတ်လဲ

The Voice Weekly
ရန်ကုန်၊ ဧပြီ ၁၉

၂၀၀၇ ခုနှစ် ရွှေဝါရောင် တော်လှန်ရေးတွင် ဦးဆောင် သံဃာတစ်ပါး ဖြစ်သူ အရှင်ဂမ္ဘီရသည် ဧပြီလတတိယပတ်အတွင်း လူဝတ်လဲလိုက်ပြီဖြစ်ကြောာင်း အရှင်ဂမ္ဘီရ၏ မိခင်ဖြစ်သူဒေါ်ရေးက The Voice Weekly သို့ အတည်ပြုပြောကြားသည်။

လူဝတ်လဲရသည့်အကြောင်းအရင်းနှင့်ပတ်သက်ကာ ထုတ်ဖော်ပြောကြား ရန် ဆန္ဒမရှိသေးကြောင်း ၄င်းက ဆိုသည်။

အရှင်ဂမ္ဘီရသည် ရွှေဝါရောင် တော်လှန်ရေးတွင် ဦးဆောင်ပါဝင်မှုကြောင့် စစ်အစိုးရလက်ထက်တွင် နှစ်ရှည်ထိန်းသိမ်းခံခဲ့ရကာ အစိုးရသစ်၏ လွတ်ငြိမ်း ချမ်းသာခွင့်ဖြင့် ဇန်နဝါရီလ ၁၂ ရက်နေ့တွင် မြောင်းမြ အကျဉ်းထောင်မှ ပြန်လည် လွတ်မြောက်လာခဲ့သည်။

မလေးနယ်စပ်မှ မြန်မာ ၂ ဦး အချုပ်ကားအတွင်း သေဆုံး.........

Win Paphyu
12 hours ago


ထိုင်းနိုင်ငံမှာ တရားမ၀င်နေထိုင်မှုနဲ့ အဖမ်းခံထားရတဲ့ မြန်မာပြည်သား ၆၂ ဦးကို မနေ့က နေရပ်ရင်း ပြန်ပို့ရာမှာ သူတို့ထဲက ၂ ဦး ကားထဲမှာ သေဆုံးသွားပါတယ်။

သေဆုံးသူတွေကတော့ အသက် ၂၅ နဲ့ ၃၆ နှစ် အရွယ် အမျိုးသမီး တဦးနဲ့ အမျိုးသား တဦး ဖြစ်ပါတယ်။

သူတို့ကို ထိုင်း-မလေးရှား နယ်စပ်ကနေ ဖမ်းဆီး ခေါ်ဆောင်လာတာလို့ ဆိုပါတယ်။

အသက် ၄၃ နှစ်အရွယ် အချုပ်ကားမောင်းသူကို ရဲက စစ်ဆေးတော့ သူက “အဖမ်းခံရတဲ့ မြန်မာနိုင်ငံသားတွေကို ပြန်သွန်မလို့ စောင်ခလာ (Songkhla) မြို့နယ်ကနေ မဲဆောက်မြို့က လ၀က အချုပ်ကို မောင်းလာတယ်၊ ဒါနဲ့ မဲဆောက်ကို ရောက်တော့ လူတွေ အားလုံး ကားပေါ်က ဆင်းတော့ ကားထဲမှာ ၂ ယောက်သေနေတာ တွေ့တော့ အာဏာပိုင်တွေကို သတင်းပို့ခဲ့ပါတယ်” လို့ ပြောဆိုကြောင်း ထိုင်း မန်နေဂျာ အွန်လိုင်း သတင်းတပုဒ်မှာ ရေးထားပါတယ်။

၂ ယောက် သေဆုံးသွားတဲ့အကြောင်း ကားတစီးထဲ စီးလာတဲ့ လူတွေ သိ၊ မသိ ဆိုတာကိုတော့ သတင်းမှာ ရေးထားတာ မတွေရပါဘူး။

မဲဆောက်ဆေးရုံ တာဝန်ရှိသူတွေကတော့ ကားထဲမှာ တင်လာတဲ့ လူတွေကများတယ်၊ ကားစီးတဲ့ အချိန်က ကြာတယ် ဆိုတော့ အပူဒဏ်ကြောင့် ဖျားနာသေဆုံးတာဖြစ်တယ်လို့ ဆိုကြပါတယ်။

ရုပ်အလောင်း ၂ ခု မဲဆောက်ဆေးရုံမှာ ရှိနေတယ်၊ သက်ဆိုင်ရာ မိသားစု နယ်စပ်ရောက်လာရင် ဆေးရုံအာဏာပိုင်တွေကို ဆက်သွယ် ဆောင်ရွက်နိုင်ပါတယ် တဲ့။

ဒီဖြစ်ရပ်နဲ့ပတ်သက်ပြီး နယ်စပ်အခြေစိုက် KNU တပ်ဖွဲ့ဝင် တဦးက “ထိုင်းအာဏာပိုင်တွေက ပြန်ပို့မယ် ဆိုရင် ကောင်းကောင်း ပြန်ပို့ရမယ်၊ ဘာလို့လဲဆိုတော့ ပြန်ပို့ရမယ့် ခရီးက ဝေးတယ်၊ နေပူတယ်၊ ကောင်းကောင်း ကြည့်ရှုစောင့်ရှောက်မယ်ဆိုရင် ဒီလို ဖြစ်လာမှာ မဟုတ်ဘူး” ဆိုပြီးတော့ ပြောဆိုကြောင်း ဒီနေ့ dailyworldtoday အင်တာနက် စာမျက်နှာမှာရေးထားပါတယ်။

ဒီဓာတ်ပုံမှာ ဖော်ပြထားချက်အရဆိုရင် မြန်မာပြည်သား ၆၂ ဦး ကို ကုန်တင်ကားနဲ့ သယ်ဆောင်လာတာ ဖြစ်ပါတယ်။

ထိုင်း-မလေးရှားနယ်စပ်က စောင်ခလာ (Songkhla) မြို့ ဆိုတာ ရနောင်း-ကော့သောင်းနဲ့ နီးပါတယ်။ ဒီလောက် ရာသီဥတု ပူပြင်းလွန်းတဲ့ အချိန်မှာ ပိုနီးတဲ့ အဲဒီ နယ်စပ်မြို့ကို မရွေးဘဲ ပိုဝေးတဲ့ မြ၀တီ မဲဆောက်ဒေသကို ရွေးတာ ဘာကြောင့်လဲ ဆိုတာ သတင်းတွေထဲမှာ ရေးမထားပါဘူး။